བོད་ཡིག

e-texts based on the ACIP/ALL Input

/sa gsum ma lus stobs rang bzhin/ /mkha' 'gro rgya mtsho rig mar bcas/ /bla ma rnams la'ang phyag 'tshal nas/ /gtor ma'i de nyid brjod par bya/ /de la mtshan byed dam ji ltar khom pa'i dus su rang gi lha'i nga rgyal dang ldan pas/ gtor ma shin tu chen po nya dang sha la soga pa dang/ zan dang chang dang nye bar spyad pa lnga dang bdud rtsi dang bcas pa mdun du bzhag ste/ de yang ma dmigs pa las 'og tu yaM sngo skya de yongs su gyur pas las/ rlung gi dkyil 'khor gzhu'i dbyibs can mdza' gnyis na ba dan gyis mtshan pa/ de'i steng du raM dmar po yongs su gyur pa las/ me'i dkyil 'khor gru gsum pa 'bar bas mtshan pa'o/ /de'i steng gi gru gsum laS mdun nas g.yon bskor du dkar ba dang/ dmar pa dang/ gnag pa'i aoM A:hUM gsum yongs su gyur pa las keng rus kyi mgo gsum gyi sgyed pa dang/ de'i steng du a dkar po yongs su gyur pa las thod pa'i snod chen po bsams te/ de'i sha du bi dkar po dang/ byang du mu ljang gu dang/ nub du ma dmar po dang/ lhor ra ser po dang/ dbus su a dkar po yongs su gyur pa las dri chen dri chu dang/ sha chen po dang/ rang byung dang byang chub kyi sems rnams su gyur te rang rang gi yi ges mtshan pa'o/ /shar lho dang/ lho nub dang/ bden bral dang/ rlung dang dbang ldan dang dbus rnams rim pa bzhin du/ go ku da ha na dkar ba dang sngo ba dang dmar ba dang ljang ba dang/ sngo pa rnams yongs su gyur pa las ba lang khyi dang glang po che dang rta dang mi'i sha rnams la rang rang gi yi ges mtshan pa'o/ /de'i steng du hUM dkar po kha 'og tu bltas pa yongs su gyur pa las bdud rtsi'i rang bzhin gyi keng rus kyi kha NwE ga 'og tu bltas pa hUM gis mtshan pa bsams te/ de g.yon du 'khor bas rlung g.yos p as me sbar te thams cad zhu nas ser po bla ba'i dngos por gyur te rlangs pa nam mkha' la chags pa rnams g.yon bskor dang g.yas bskor du A li dang kA li'i phreng bar gyur te de rnams 'dres shing yongs su gyur pa las kha dog gsum dang ldan pa'i yi ge gsum du gyur te de dag las khams gsum gyi ngo bo'i dkyil 'khor 'khor lo bcu gnyis kyi lha'i tshogs spros te sems can thams cad kyang bde ba dang ldan par byas nas/ de bzhin gshegs pa thams cad kyi thugs gnas ye shes kyi bdud rtsi 'khor lo bcu gnyis kyi tshul du bkug pa snyoms par zhugs pas yi ge gsum la gzhug par bya'o/ /de dag kyang rim gyis 'og tu lhung bas gtor ma la thim ste/ kha TwAM ga ya zhu bas kha dog dkar po bsil ba phun sum tshogs par bltas te/ yi ge gsum ji tsam 'dod par bzlas so/ /de nas snying ga'i sa bon gyi 'od zer dang skye gnas kyi phyag rgya dpral bar bskor ba dang/ mig steng du blta ba dang/ phaT kyi sgra dang rkang pa mnan pa'i sbyor ba rnams kyis rnam pa thams cad kyis yongs su rdzogs pa'i dkyil 'khor mdun gyi nam mkhar chos 'byung chen po'i nang du spyan drangs te pad+ma'i lag pa bskor nas snying gar se gol brdab par bya'o/ /de nas zhabs bsil la sogs pa dang/ me tog la sogs pa lnga dang/ pi wang ma la sogs pa nyi shu rtsa bzis mchod par bya'o/ /lag pa g.yon par A li las zla ba dang/ g.yas par kA li las nyi ma dang kha sbyar ba'i dbus hUM kha dog sngon po bsams te/ aoM au n+yo n+tA nu ga ta:sarba d+harmA hUM aoM spa ra spa rA nu pra piSh+Ta sarba d+harmA hUM/ aoM a tyan+tA nu pra piSh+Ta:sarba d+harmA hUM zhes brjod pas/ lag pa rdo rje rtse lnga par bsgoms te thal mo kha phye la lag par gtor ma bzhag la rnam pa gsum dbyer med pa'i ngo bor lhag par dmigs te/ lha mo tshang ma'i dam tshig tshang ma de /nges gsung dag kyang mchog tu tshang ma'o/ /nges ni bden par gyur cig 'di ru ni/ /lha mos bdag la rjes 'dzin rgyur gyur cig ces brjod de lha rnams kyis ljags hUM dkar po las rdo rje bsams la/ aoM a ral+li homa gtogs pas rdo rje'i spu gus drangs nas gsol bar bsam mo/ /de nas yang zhal bsil la sogs pa thams cad dang/ so rtsi yang phul te rkang pa bzhi bcu rtsa brgyad pa rkang pa brgyad pa dang bcas pas bstod pa dang/ 'dod pa'i don la bslang ba dang/ bkra shis brjod pa dang/ yi ge brgya pa brjod par bya'o/ /de nas dur khrod pa rnams kyi lce phyin gyis brlabs te aoM kha kha khA hi khA hi sarba yak+Sha rAk+Sha sa b+hu ha pre ta pi shA tsa aunTa da/ a basmA ra DA ka DA ki n+ya da ya ai maM ba laiM? grih+Nan tu sarba sid+hi me pra yats+tshan tu ya thai baM ya thaiSh+TaM b+huny+dza tha pi wa tha mA tikra ma tha ma ma sarba ka ri ta ya/ satshu kha bi brid+dA ye ma ma sa hA yi ka b+ha wan+tu hUM hUM phaT swAhA zhes bya ba lan gsum brjod pas thams cad kyis 'thungs par bsam mo/ /de nas de rnams la yang mchod pa la sogs pa thams cad sngar bzhin byas la/ srid dang zhi ba mnyam pas zhon pa bcom zhing kun tu rtog pa bcom/ /dngos dang dngos po ma yin thams cad mkha' bzhin rnam par/ /zigs pa rnams/ /bla ma mchog gi thugs rje'i chu spro thugs ni chu'i mgon po rnams/ /mdzod cig mdzod cig lha mos bdag la rjes su thugs ni brtse bar mdzod/ /ces brjod la mig gi phyag rgya bstan la pad+ma'i lag pas bskor lte bar 'khyud pas se gol gtogs te/ aoM badzra maN+Dal mupas dkyil 'khor bdag nyid mdzod spu nas gzhug par bya ste/ rol mo dang mar me'i snang ba dang bcas pas bskyal bar bya'o/ /gtor ma'i chog byas pa las/ /byung ba'i dge bas 'gro ba kun/ /lus sems bde bas gnas gyur cig/ stobs bcu dang yang ldan par shog/ dpal mkha' 'gro rgya mtsho'i rgyud kyi gtor ma'i cho ga rin po che asma garb+ha mkhas pa dza ya se na'i gsung dpal ye shes rdo rjes bsgyur ba rdzogs so// //dpal mkha' 'gro rgya mtsho la phyag 'tshal lo/ /bla ma yongs su mnyes pa las/

CLOSE WINDOW