བོད་ཡིག

e-texts based on the ACIP/ALL Input

/ //rgya gar skad du/ sh+rI tsakra sam+b+ha ra tat+twa garb+ha saM gra ha/ bod skad du/ dpal 'khor lo sdom pa'i snying po'i de kho na nyid bsdus pa/ dpal 'khor lo sdom pa la phyag 'tshal lo/ /gdod nas dag cing gdod nas grol/ /gdod nas zhi ba'i bdag nyid can/ /dngos po kun gyi de bzhin nyid/ /gzung 'dzin bral la phyag 'tshal lo/ /blta bar dka' zhing rtogs par dka' / /brjod 'das tshig gis mtshon min par/ /rang giS rig pa'i ye shes ni/ /gnyis med gsal pa'i rang bzhin can/ /gang zhig dri mas bsgribs pa'i sems/ /yul du snang ba'i rjes 'jug pa/ /gzung dang 'dzin pa'i rtog pa ste/ /chags sdang rnam rmongs las la ni// rnam g.yeng sdug bsngal dang bcas pa'i/ /'khor ba mngon par 'grub pa'o/ /gang gis bla ma'i drin thob nas/ /sems kyis de nyid rig pa gang/ /ri dbang rtse nas lhung ba ltar/ /grol ba'i thabs ni bla na med/ /gzhan du dka' thub mi bzang sogs/ /lus nyon mongs par byed pa yis/ /thar pa'i 'bras bu mi rnyed par/ /slar zhing rnam par 'khor par 'gyur/ /gang gi sems kyi de nyid rig /de las gzhan du grol ba'i thabs/ /bzlas dang bsam gtan la sogs pa/ /pha rol sgrol ba'i bu bzhin 'dor/ /de bas bzlas med bsam gtan dang/ /dka' thub med cing sbyin sreg med/ /dkyil 'khor dkyil 'khor pa med pa/ /rang rig ye shes gcig pu nyid/ / rnam thar bzhi yi rang bzhin dang/ /dus gsum mkhyen pa'i bdag nyid can/ /rten 'brel bcu gnyis dag pa yis/ /zhal phyag rnam pa'i gzugs can nyid/ /thabs dang shes rab dbyer med sku/ /byang chub phyogs chos sum cu bdun/ gcig bu'i nyams ni du ma'i gar/ /dkyil 'khor 'khor lo'i rnam pa'o/ /gang gis de yongs shes pa yis/ /rang bzhin de ni rtogs 'gyur na/ /gzhan du spros pa sna tshogs kyang/ /grol ba'i rgyu nyid kho na'o/ /de phyir rang rig mtshon pa yi/ /thabs kyi spros pa sna tshogs pa/ /gaM gA rgya mtsho'i ro bzhin du/ /spros pa med pa'i rang bzhin byed/ /de bas gang gis thabs rig pas/ /bsam gtan la ni mngon par gzhol/ /gzings la lags par sbyor ba ltar/ /sems kyi de nyid mthong par 'gyur/ /'dir ni phung po khams rnams dang/ /skye mched drug las rnam grol ba/ /sgyu ma'i gzugs la legs gnas pa'i/ /aM paM rtsa yi 'khor lo la/ /bcu drug thog mar thig ler bcas/ /dro ba rnams kyi bzhi pa la/ /dbyangs kyi drug pa dang ldan pa/ /zla byed thig les rnam par mdzes/ /dbyangs yig bcu gsum thig les? rgyan/ ya tshogs brgyad pa'i mdza' gnas pa/ /gzhon med pa de ba ? ma rang bzhin// nA da thig le dang bcas pa'o/ /srog dang rtsol ba legs bsngams te/ /sprul par rlung lnga bcings pa yis/ /du ba la sogs rtags mthong nas/ /ye shes me ni rnam par 'bar/ /glog gi 'od dang mtshungs pa yi/ /gsal ba'i gzugs can gyen 'gro bas/ /steng nas byang chub sems blangs te/ /'o ma'i rgyun gyis rnam par 'bab/ /lte bar gsang ba'i snyoms 'jug las/ /ye shes skyes gang rang bzhin ni/ /'dod chags ma yin chags bral min/ /dbu mar yang ni mi dmigs shing/ /chags dang chags med 'dras gyur pa'i/ /lhan skyes yang dag byang chub nyid/ /zla ba nyi ma'i dbus gnas mig/ /nam mkha' sems gcig gyur pa las/ /rlung rnams ma lus der bcings te/ /yid ni ri dbang ltar gnas byed/ /nyin dang mtshan mo rnams spangs cing/ /'gro dang 'ong pa las grol pa/ /dus gsum mnyam par sbyor ba'o/ /bsam gyis mi khyab bde ba che/ /rang bzhin gnyug ma lhan cig skyes/ /dngos po kun gyi de kho na/ /sems kyi de nyid mthong ba ngo/ /rang bzhin gyis ni rnam dag pa/ /gzung 'dzin dri bral mngon sangs rgyas/ /dmigs med snying rje'i bdag nyid can/ /'khor ba ji srid gnas kyi bar/ /'gyur ba med pa'i ngo bos bzhuD/ rin chen sems las gzhan gyur pa/ /'khor med mya ngan 'das pa med/ /sems kyi de nyid rig pa la/ /'khor nyid mya ngan 'das par 'gyur/ /dpal ldan mgon po spyod 'chang pa'i/ /drin gyis rtogs pa de nyid gang/ /gzhung lugs rgya mtsho'i snying po yis/ /'gro ba'i sgrib shes sgrib sel shog /dpal 'khor lo sdom pa'i snying po de kho na nyid bsdus pa/ slob dpon ku su lu bas mdzad pa rdzogs so// // rdo rje slob dpon ngag gi dbang phyug dang/ A tsarya mar pa chos kyi dbang phyug gis bsgyur ba'o// //rgya gar skad du/ sa ta dza tat+twa A lo ka /bod skad du/ lhan cig skyes pa'i de kho na nyid snang ba/

CLOSE WINDOW