བོད་ཡིག

e-texts based on the ACIP/ALL Input

/rdo rje mkha' 'gro la phyag 'tshal lo/ /rnal 'byor pa gang zhig las dang rjes su mthun pa'i dngos grub bsgrub pa ni/ 'bras bu sbyin sreg la rag las ba yin pas/ de'i phyir de'i rjes su spyad bar bya'o/ /de la re zhig sbyin sreg byed par 'dod pas/ /zhi ba 'ba' zhig las kyi dkyil 'khor gyis sbyang ba byas nas/ sa bzung ba dang/ spel ba dang ldan par sa byin gyis brlabs te/ dkyil 'khor brtsig pa'am bris pa gang rung ba byas te/ phyi rol khru brgyad pa'i mdza' skor byas pa la/ me thab kyi zabs su khru phyed rgyar khru gang pa byas nas/ kha khyer de bzhin dor ba dang/ sor bzhi gyen du brtsigS pa dang/ sor bzhi phyi rol tu bskor ba'i rim pa gsum byas la/ zhi ba la kun nas zlum po ste/ phyi rol tha ma ni gru bzhir byas pa la nyes pa med do/ /de la bri ba na tshon rtsi dkar bo'o/ /nang du ye shes kyi 'khor lo la pad ma 'dab ma brgyad pa gri gug ra ba dang bcas pa'o/ /rim pa gsum pa la thugs gsung sku'i 'khor lo gsum bri'o?/ /phyi rol gyi mtshams su zla ba rdo rje dang me 'od kyi phreng ba dang bcas pa bris la/ gri gug dang thod pa'i phyag mtshan dang/ mtshams su bum pa'i ? khrag gis bkang ba bri bar bya'o/ /phyogs su gri gug dang/ 'khor lo gsum la thod pa rkang gri gug nag po dang /dmar po dang/ dkar po dang/ zhi ba'i 'khor lo dkar po/ rdo rje dang pad ma dang 'khor lo'i phreng bas bskor ba mtshams dang sgo la gri gug 'bar pa'i nang du dgod par bya'o/ /de nas rdzas ? pa ni/ mchod pa rnam pa lnga dang/ bsang ba'i chu bdud rtsis bsres pa dang/ yon chab dang zhabs bsil dang/ sman dang 'bru dang ? bdud rtsi dang me tog dkar po dang bcas pa'o/ /til dang yungs kar dang yam shing dang mar dang zho dang 'o ma dang 'bras chan dang/ kunda dang durShA? dang/ nas dang gro dang/ nas so ba dang/ ma sha dang/ 'bras so ba dang/ ? dang star ka dang/ dzA nyi pha la dang/ 'bras bu gsum dang au dum ba ra'i shing dang/ nags kyi lcags ma la sogs pa/ rim pa bzhin du bzhag la/ shel gyi phreng ba dang/ gser dang rin po che lnga dang/ dar dkar po dang/ khyad par gyi rdzas bdud rtsi lnga dang dpa' bo dang/ chang gi bye brag rnams dang/ rig ma dang bcas pa'am/ yang na rdzas bsres shing sgom pa dang bcas pa'o/ /bsreg shing dang ku sha dgram pa dang/ dgang gzar dang/ blugs gzar mdun du bzhag la/ bsgoms pas rgyal ba rnams dmigs la mchod par bya'o/ /de la thog ma kho nar 'khor lo bde mchog gi sgrub pa pos lhor kha bltas la stan bde ba la 'dug ste/ bdud rtsi lnga'i ri lu bar? bcug la snyoms par 'jug pa'i phyag rgya dang bcas pas g.yas brkyang ba'i gnas pas byams pa'i sems dang ldan pas/ gos dkar po gon la/ rus pa'i phreng ba'i rgyan dang ldan pa/ thal ba ? ka ta bsres pa'i thig les gnas gsum du brgyan pa dang/ ku sha dang rus pa'i dag byed lag g.yon pa'i ming med la bcug la thog mar tshogs bsags pa dang/ byams pa la sogs pa bsgom pa dang/ gnas bsrung bas bgegs bsal ba dang/ bdag bsrung ba'i stong ba nyid dang bcas pa ni sgrub pa'i thabs las byung ba 'am/ rgyud las 'byung ba bzhin du byas la lha'i rnal 'byor bskyed/ go cha dang/ ye shes sems dpa' gzhug pa dang/ dbang bskur ba dang/ mchod pa'i bar du byas la/ snying ga'i zla ba'i dkyil 'khor du ye shes sems dpa' i sngags la sogs pa 'khor lo'i tshul du bkod la sngags kyis skur byas te/ rkang pa brgyad pa'i sngags kyis bstod la/ bzlas brjod kyi mes bdag dang sems can gyi sdig pa bsregs la/ rang nyid kyi dkyil 'khor bar snang du gnas nas/ hUM gis mkhas pas stong par byas nas/ ? paM la sogs pa'i rir pa la thug pa bskyed la/ rang gi mdun du yi ge bruM las me thab kyi 'khor lo bsgoms la de'i dbus su raM las me'i dkyil 'khor gru gsum de'i dbus su/ paM las chu'i dkyil 'khor zlum po de'i steng du raM las byung pa'i me gru gsum dbus su raM gyis mtshan pa bsams/ zur gsum la khams gsum gyi zhal gyi rtags bum pa aoM A:hUM bkod de/ hi 'od zer dang ldan pa bsam par bya'o/ /de'i nang du bud shing rdo rje mkha' 'gro ma'am yi ge bdun pas bsangs la brtsigs te ku shas bkab la ba dan dang bcas pa bskyed par bya'o/ /gong gi yi ge de rnams gyur pa las pad ma'i gdan zla ba'i steng na sku mdog dmar ser phyag bzhi pa/ g.yas kyi dang po na rdo rje rtse gsum pa gnyis pa dbyig pa/ g.yon gyi dang po na bgreng phreng/ gnyis pa na gaN+De bsnams pa/ khro bo'i rgyan thams cad dang ldan pa bsams la/ ye shes sems dpa' i 'od zer gyis thabs ki dang 'dra ba d zaya swAhA/ zhes pas spyan drangs mchod yin bul rkang pa brgyad pas bstod la/ gnod mdzes kyi bgegs bskrad la/ dam tshig sems dpa' dang bsres nas/ dam tshig gi phyag rgyas bltas la re ba lce la bkod pa dang/ phyag mtshan mang po'i las kyi phyag rgya gar dang bcas pa dang/ chos kyi phyag rgya gri gug lce la bsam pa dang/ phyag rgya chen po sngar bzhin bsams te/ me lha'i thugs ka nas rang byung la rang gi thug ka dang nam mkha' ? mkha' 'gro mas dbang bskur te/ spyi phor thim pas spyi bor rdo rjer gyur par bsams nas/ aoM A:hUM:gsum gyis byin gyis brlabs te/ mchod pa lnga dang zhabs bsil dang yon chab phul la/ 'thor 'thung gis gsang gtor byas la ku shas bkab pa'i me rlung yab kyis spar ba'i nang du me lnga bsam par bya'o/ /de nas ma lha mo dag dkar po rgyan dang bcas pa la thog mar me gso ba'i phyir/ aoM badzra a na lArka mahA b+hU ta dzwa la sarba b+hasmaM ku ru sarba duSh+TAM hUM phaT ces bya bas mar gyi dgang blugs gsum mam bdun dbul lo/ /dgang gzar blugs gzar gyi khar yi ge gsum dgod par bya'o/ /de nas bgegs yod med brtag par bya'o/ /bgegs yod na gnod mdzes kyis bsang gtor bya'o/ /de nas mchod pa lnga dang bsreg rdzas dbul bar bya'o/ /sdig pa spyod pa'i phyir til la aoM sarba pA paM da ha na badzra ya swA hA zhes pa dang/ aoM badzra yadz+nyA ya swAhA/ yam shing gi'o/ /aoM agna ye swAhA/ mar gyi'o 'o ma dang zho la sogs pa zhu ba'i rdzas la ni/ me nyid kyi sngags kyis/ /aoM sarba sa ba de swAhA 'bras chan gyi'o/ /aoM a pra ti hi ta badzra ya swAhA/ gu sha'i'o/ /aoM badzra A yuye swAhA nas kyi'o/ /aoM badzra b+hasma re swAhA/ gro'i'o/ /aoM badzra bi dza ye swAhA/ nas so ba'i'o/ /aoM mahA ba lA ya swAhA/ mi sha'i'o/ /aoM badzra puSh+Ta ye swAhA/ 'bras so ba'i 'o/ /aoM mahA sho pa le swAhA/ bil ba dang star ka dang dzi te pha la'i yang de nyid/ /sman dang rdzas lhag ma rnams la ni rang gi ming dang yi ge bdun pa dang yum gyi snying pos dbul bar bya'o/ /de la dbul pa'i gnas ni yam shing 'od la'o/ /mar khu zhal du'o/ / til dang zho dang nas ni phyag tu'o/ /ku sha dang du rwa ni dbu'i gtsug tor la'o/ /nas dang gro dang 'bras so ba dang sran ma ma sha la sogs pa ni zhal du'o/ /zhu ba'i rdzas thams cad ni zhal du'o/ /dri ni thugs kar ro/ /me tog dbu la'o/ /spos 'od la'o/ /mchod yon dang 'thor 'thung phyag tu'o/ /mar ni mdun du'o/ /bdud rtsi ni zhal du'o/ /rin po che ni dbu la'o/ /phreng ba phyag tu'o/ /sku la gos so/ /de nas tha mar yang bsangs la me 'od la zhu bar bya'o/ /de'i dkyil du rang gi dkyil 'khor A li dang kA li yi ge hUM las sprul/ ye shes sems dpa' spyan drang ba byas nas mchod pa dang/ bstod? pa dang/ go bskon pa dang/ dbang bskur ba dang/ sku gsung thugs byin gyis brlab pa'am yang na rang mkha' 'gro ma'i rgyab tu gnas la bskyed pa'i lha drug cu rtsa gnyis bkod la mchod pa bya'o/ /snga ma bzhin du dgang blugs bdun nam nyi shu rtsa gcig dang brgya rtsa brgyad kyis sreg blugs thams cad snga ma bzhin du dbul/ tha mar yang mchod pa lnga dang/ mchod yon dang zhabs bsil phul la 'thur 'thung dang nye reg byas la/ nges par brjod pa'i dkyil 'khor las byung ba'i mchod pa dang/ gzhan yang bdud rtsi lnga dang/ chang dang dpa' bo lnga dang/ cad he'u dang/ myang ba dang bldag pa rang bzhib pa dang/ bza' ba dang bca' ba dang tshogs kyi mchod pa dang/ 'khyud pa la sogs byas la/ /bdag dang bsgrub bya'i sdig pa'i gzugs ring ba dang gnag pa dang/ nyam thag pa dang bcas pas sdug bsngal bar dmigs te/ til dang bsres la bsreg par bya'o/ /mthe bo dang mdzub mo la hUM las rdo rje'i 'od zer dang bcas pa bsams la/ rang ngam gzhan gyi snying gnas sdig pa bskyed la drangs te/ lte ba la hUM rdo rje can ? me'i 'di lta bus sna'i rtse mor drangs pa dang/ mthe ba mdzub kyis gzung la til bsreg par bya'o/ /dkon mchog gsum la phyag 'tshal lo/ /sangs rgyas dang byang chub sems dpa' thams cad la phyag 'tshal lo/ /dpal rdo rje mkha' 'gro la phyag 'tshal/ /dgon po thugs rje'i rang bzhin can/ /'khor dang bcas pa dgongs su gsol/ /skyabs gsol bzlas brjod sbyin sreg mthus/ /'gro pa'i dngos grub myur du gsol/ /mthong ba dang ni thos pa dang/ /dran pa dang ni reg tsam gyis/ /bdag dang sems can thams cad kyis/ /nang rnams kun ni gsos gyur cig /ces brjod la rang gi sngags kyis mthar a na la b+ha smi ku ru dang bcas pas mchod yon phul/ 'od gsal pa'i rang bzhin gyi mer rtog pa'i rang bzhin rnams snang ba med bar byas la yang mi skye par 'gyur ba'i blos/ aoM sh+rI badzre he he ru ru kaM hUM hUM phaT/ DA ki ni dzA la pa ma ri swA hA/ che ge ma sarba pA paM na ha nA ya swAhA/ rkang pa brgyad pa'am yi ge bdun pa dpa' bo nyi shu rtsa bzhi'i sngags dang/ mkha' 'gro ma sum cu rtsa drug gi sngags kyis mchod pa dang/ sdig pa bsreg pa'i phyir til gyi sbyin bsreg brgya rtsa brgyad dam lnga bcu rtsa bzhi dbul bar bya'o/ /yang na stong ngam khri 'am ci nus par mchod par bya'o/ /de nas me lha bar snang du bsams la rang gi snying gnas ye shes kyi 'khor lo bsams la mchod pa lnga dang/ 'thor 'thung dang mchod yon phul la 'og nas 'byung pa'i bstod pas me lha la bstong la/ sreg blugs ci nus pas dbul bar bya'o/ /dgang gzar dang blugs gzar gyi kha dang dkyil dang mtshams su yig 'bru snga ma dang hUM baM bkod ? pus mo'i bar du thal mo gnyis mthe bo mthe'u chung sprad nas bzung la/ me'i zhal du dbul te/ de rnams kyi ma lus pa tshim par bsam pa ni/ thun mong gi cho ga'o/ /de nas yam shing dang mar dang til dang 'bras chan dang zho dang ku sha dang/ dung pa dang/ nas dang/ gro dang 'bras so ba dang sran ma dang sman la sogs pa ci 'byor pa dbul par bya'o/ /tha mar yang dgang blugs phul la/ 'thor 'thung dang nye reg byas te/ ye shes sems dpa' gshegs su gsol lo/ /aoM khyed kyis 'gro ba'i don kun mdzad/ /rjes su mthun pa'i dngos grub gsol/ /sangs rgyas yul du gshegs nas kyang/ /slar yang byon par mdzad du gsol/ /badzra mubsam mo/ /dam tshig sems dpa' rang gi lus la tha mar rang nyid kyi sngags dang/ 'thor 'thung dang gsang gtor sngon du 'gro bas rdzas lhag ma sres la/ de nas yon bdag g.yon du bzhag pa me lha'i zhabs drung gi thal bas ? bar thig ye byas pa bstod pa bya ste/ 'jig rten dbang phyug tshangs dbyang mchog gi sras/ /'jig rten me yi rgyal po dag gis dbyang bskur ba/ /shes rab mchog gis nyon mongs thams cad bsreg /'jigs byed ma lha nyid la rnam par 'dud/ ces brjod la gshegs par bsam ste/ aoM ag na ye e hye hi shwasShAM? tsa pa ri thaM/ sid+d+hi taM/ gats+tsha ma hi/ phya phyug zhes brjod do/ /dam tshig me gdan la thim pa dang/ gdan chu'i rgya mtsho la thim pa dang/ chu rang gi sa bon la thim pa dang/ sa bon me gru gsum la thim par bsams la/ me nyid bcos ma'i tha mal par bsam par bya'o/ /de nas dkyil 'khor bsdus pa'i yi ge brgya pa bzlas la/ rang gi lus la go cha bgos te tshams? ma sngags gyis bsrung bas bsrungs pa'o/ /lha'i nga rgyal gyis ldang bar bya'o/ /rgyas pa la puSh+TiM ku ru dang dbang la ba shing ku ru dang/ ho zhes pa dang/ drag po la mA ra ya phaT ces pa/ dgug pa la sogs pa la ci rigs par shes par bya'o/ bdag gis rgyud dang cho ga gzhan dag las/ btus nas rjes su sbyar gyi rang bzor byas pa min/ /slob mas gsol bdab ngor byas nga rgyal min/ /sbyin sreg byas pa'i dge rtsas 'gro kun khrag 'thung shog /bram ze chen po nyin mdzad rdo rjes rim ba ji lta ba bzhin du sbyar ba rdzogs so/ / //sgrub thabs kun gzigs bcugs/ /rgya gar skad du/ sh+rI badzra DA ki nA ma mahA tan tra rA dza aut te yaM bo d+hi tsi t+ta a ba lo ka mA la sA d+ha no pi ka nA ma/

CLOSE WINDOW