བོད་ཡིག

e-texts based on the ACIP/ALL Input

'gro kun sangs rgyas thob par shog/ /'jam dpal rdo rje'i sgrub thabs bzhugs/ /bcom ldan 'das dpal 'jam pa'i rdo rje la phyag 'tshal/ re zhig dang por lha mo rnams kyi cang te'u'i sgras bskul ba sngon du 'gro ba bsams nas langs te/ dpa' bo dang rnal 'byor ma thams cad kyi zhabs la lus dang ngag dang yid kyis gus pas phyag 'tshal lo zhes brjod de/ /nga? phyag? 'tshal? bar bya'o/ /de nas gdong la sogs pa bkrus te/ sgra la sogs dang bral ba'i bsam gtan gyi khang par zhugs te/ bde ba'i stan la 'dug nas/ gnas dang bdag dang rnal 'byor bsrung ba brtson par bya ste/ g.yon ? sdig mdzub bsgreng ba snying gar bzhag ste/ gnod mdzes kyi sngaD aoM sum+b+ha ni sum+b+ha huM huM phaT/ aoM grih+Na grigNa huM huM phaT/ aoM A na ya hopa'i phyogs su dgod par bya'o/ /de nas rlung dang me'i dkyil 'khor la gnas pa'i pad+ma dum bu gcig pa'i nang du bi mu shu ma ra/ go ku da ha na/ zhes bya ba stobs dang bcas pa'i bdud rtsi bltas la? hUM las byung ba'i rdo rje dkar pos sbyang bar bya'o/ /ye ge a las ni sad par byas la/ aoM gyis 'bar zhing gsal bar byas nas/ rang gi lce'i steng du hUM las byung ba'i rdo rje dkar po rnam par bsgoms te/ sarbba ta thA ga tA na bag+hI bi ya swAhA/ zhes bya bas btung bar bya zhing/ de nyid kyi lus la bsdus nas/ gnod sems dang rnam par 'tshe ba dang/ mi dga' ba dang/ 'dod pa la 'dod chags pa'i gnyen por gyur pa byams pa dang/ snying rje dang/ dga' ba dang/ btang snyoms bsgom par bya'o/ /de ltar gnas dang bdag dang rnal 'byor bsrung ba byas nas/ rang gi snying gar yi ge a las byung ba'i zla ba'i dkyil 'khor gyi steng du yi ge hUM mthing shun lta bu'i rnam par bsgoms la/ de'i 'od zer gyi tshogs kyis lus dang tshor ba dang/ sems dang chos dag stong pa nyid du bsams nas mdun du bcom ldan 'das dpal he ru ka 'khor dang bcas pa dang sangs rgyas thams cad dang bla ma blta bar bya'o/ /de nas phyi nang gsang ba'i mchod pa yid kyis byas la/ skyabs su 'gro ba la sogs pa brjod par bya'o/ /de'i 'og tu rgyu ba dang mi rgyu ba rang gi lus dang lhan cig stong par bsgom par bya'o/ /aoM shU n+ya tA dz+nyA na badzra swa b+hA ba A ta ma ko haM/ de nas sems gcig pu smon pa dang/ 'jug pa'i bdag nyid can bsod nams kyi tshogs bsags pa/ rnam pa sna tshogs su snang ba'i rang bzhin de nyid kyis so/ /bgegs 'byung bar dogs na/ yi ge aoM las byung ba'i nyi ma'i dkyil 'khor gyi steng du/ hUM las byung ba'i sna tshogs rdo rje bsgoms la de'i 'od zer gyi tshogs kyis bgegs thal par gyur par ba sems te/ rdo rje'i ra ba dang/ rdo rje'i bla bre dang/ rdo rje'i rang bzhin can gyis gzhir byin gyis brlab pa'i bar du'o/ /rdo rje'i ra ba der chos 'byung gi phyag rgya chen po bsgom zhing de'i nang du 'jug pa'i sems nA de tsam bltas la/ 'og tu yaM las byung ba'i rlung gi dkyil 'khor sngon po gzhu'i dbyibs lta bu rdo rje gnyis mtshan pa dang/ de'i steng du raM yongs su gyur pa la me'i dkyil 'khor gru gsum rdo rjes mtshan pa dang/ de'i steng du baM las gyur chu? dkyil 'khor dkar po zlum po rdo rjes mtshan pa dang/ de'i steng du laM las gyur pa'i dbang chen dkyil 'khor gru bzhi kha dog ser po rdo rjes mtshan pa bsam par bya'o/ /de'i steng du yi ge suM yongs su gyur pa'i ri rab rin po che sna bzhi'i rang bzhin gru bzhi pa lcog brgyad kyis nye bar mdzes pa dang/ de'i steng du hUM las gyur pa'i sna tshogs rdo rje ste/ ri rab dang 'byung ba'i yongs su gyur pa las rdo rjer gyur pa'i sa'i char dur khrod brgyad kyi dbus su rin po che thams cad kyi gzhal yas khang sgo bzhi la sogs par blta bar bya'o/ /de'i nang du 'khor lo gsum dang dbus su pad+ma 'dab ma brgyad pa kha dog sna tshogs pa blta bar bya'o/ /lte ba'i steng du dus mtshan ma dang/ 'jigs byed chen po blta'o/ /de'i steng du A li kA li las byung zla ba dang nyi ma dang/ de'i steng du yi ge hUM las byung ba'i rdo rje dmar po yi ge hUM gi mgon dang bcas pa 'od 'phro ba'i rang bzhin can de yongs su gyur pa las bcom ldan 'das rdo rje sems dpa' ston ka'i zla ba'i sprin lta bu/ phyag drug zhal gsum spyan gsum ste/ ral pa'i cod pan gyis spras pa/ zla ba phyed pas nye bar mdzes pa/ thod pa'i phreng ba dag gis brgyan/ /zhal dkar sngo dang dmar ba dang/ /zhal ni cung yang rnam bzhad pa/ /rdo rje dril bu snyoms par zhugs/ /sgeg pa'i ros ni 'phyo mdzad pa/ /sgeg pa'i skyil mo krung gis bzhugs/ /mchu mis btung ba'i dregs pa dgyes/ /phyag rgya mchod pa kha TwAM ga /mi mgo dang ni rtse gsum 'chang/ /lha mo de mdog phyag gnyis pa/ /gri gug dang ni lhung bzed bsnams/ /rdo rje sems dpa' yang dag 'khyud/ /bde ba chen po'i gnas na bzhugs/ /de nas smon pa byang chub kyi sems rdo rje sems dpa' i zhal du zhugs par rnam par bsams la/ byang chub kyi sems 'dod chags kyi mes zhu ba'i gzugs su blta bar bya'o/ /de nas phyogs bcu na bzhugs pa'i sangs rgyas kyis sprul pa'i lha mos yongs su bskul bas yi ge hUM las byung ba'i rdo rje yi ge hUM gis mgon dang bcas pa 'od zer gyi tshogs rab tu 'phro ba/ sangs rgyas kyi tshogs kyi rang bzhin du gyur pa la bdag nyid rdo rje mkha' 'gro'o gzugs can sku la rdo rje phag mos 'khyud pa/ dkyil 'khor gyi 'khor dang ldan pa khro bo sku mdog nam mkha' ltar sngo bsangs zhal bzhi pa/ phyag bcu gnyis ba g.yas brkyang ba'i bzhugs pas dus mtshan gnon pa rtsa ba'i zhal sngo bsangs/ g.yon ser po/ rgyab pad+ma rA ga ltar dmar ga ltar dmar pa/ g.yas ljang gu mche ba dang bcas pas 'jigs par mdzad pa/ smin ma ser ba/ dbu sgra gyen la brdzes la 'bar ba/ thod pa'i phreng ba'i cod pan can zla ba phyed pa'i thod can sna tshogs rdo rje dbu rgyan gyis gnon pa/ spyan bcu gnyis pa/ 'khor lo dang/ rna rgyan dang/ mgul rgyan dang/ gdu bu dang ske rags dang/ mchod phyir thogs dang thal bas nye bar spras pa/ stag gi sham thabs can/ mi mgo rlon pa'i phreng ba 'phyang ba rdo rje dang dril bu bsnams pa'i phyag gnyis kyis 'khyud pa/ phyag gzhan gnyis kyis glang po che'i pags pa'i gos 'dzin pa/ g.yas Da ma ru dang/ dgra sta dang/ gri gug dang/ rtse gsum pa bsnams pa/ g.yon na tshangs pa'i mgo bo dang/ zhags pa dang/ kha TwAM ga dang/ ka pA la bsnams par blta bar bya'o/ /phag mo zhal gcig pa phyag gnyis pa/ spyan gsum pa sku med ga? dmar mo/ dum bus brgyan pa'i ska rags can/ byin pa gnyis kyis yang dag par 'khril pa/ bde ba chen po'i gnas na gzhugs pa phyag gnyis kyis 'khyud pa/ bdud sdig to can la sogs pa'i khrag gis bkang pa'i ka pA la bsnams pa/ phyag gcig na gri gug bsnams pa/ yan lag phyag rgya drug gis brgyan pa bsgom par bya'o/ /de ltar na bcom ldan 'das ni yang dag pa'i ting 'dzin yin no/ /padmo'i phyogs kyi 'dab ma la mkha' 'gro ma dang yid 'od ma dang/ dum skyes ma dang/ gzugs can min go rim bzhin du sngon po dang/ ser po dang/ dmar po dang/ ljang gu dang/ zhal gcig pa/ phyag gnyis pa/ ro'i gdan la g.yon brkyang bas bzhugs pa/ thod pa dang/ kha TwAM pa dang/ gri gug bsnams pa/ thod pa'i phreng bas brgyan pa/ thod pa'i phreng ba'i cod pan can spyan gsum pa dbu skra grol ba/ gcer bu dum bus brgyan pa'i ska rags can/ phyag rgyal 'chang ba ste/ lus dran pa nye bar gzhag pa ni mkha' ? 'gro ma'o/ /tshor ba dran pa nye bar gzhag pa ni yid 'ong ma'o/ /sems dran pa nye bar gzhag pa ni dum skyes ma'o/ /chos dran pa nye bar gzhag pa ni gzugs can ma'o/ /mtshams su ni byang chub kyi sems la sogs pa'i snod bzhi'o/ /rnam par dag pa ni rnam par thar pa bzhi ste/ 'di ltar stong pa nyid dang/ mtshan ma med pa dang/ smon pa med pa dang/ mngon par 'dus ma byas pa'i mtshan nyid do/ /dang po thugs kyi 'khor lo rtsibs brgyad pa kha dog sngon po rdo rje dra bas brgyan pa/ shar dang lus kyi dkyil 'khor mgo bo pul+lI ra ma la ya la thod pa'i dum bu can dang/ rab ? gtum mo ste/ 'dun pa'i rdzu 'phrul gyi rkang pa'o/ /sen mo dang so ni thod pa'i rnam bu can no/ /byang dang spyi gtsug dza ? pa ni kang rus chen po dang gtum pa'i mig can ma ste/ brtson 'grus kyi rdzu 'phrul gyi rkang pa'o/ /skra dang spu ni keng rus chen po'o/ /nub dang rna ba g.yas pa auDDyA na la kang rus dang 'od ldan ma ste/ dpyod pa'i rdzu 'phrul gyi rkang pa'o/ /phags pa dang dri ma la ni keng rus so/ /lho dang mgo bo'i rgyab arbu da la ni mche ba gtsigs pa dang sna chen mo ste/ sems kyi rdzu 'phrul gyi rkang pa'o/ /shal ni mche ba gtsigs pa'o/ /gnas de bzhi sa rab tu dga' ba'o/ /me'i phyogs dang rna ba g.yon pa go dA? ril ni chang dgra dang brtan pa'i blo can ma ste ngad pa'i dbang po'o/ /rtsa rgyus ni chad dgra'o/ /bden bral gyi phyogs dang smin ma'i dbus su bA? me shwar la ni 'od dpag med dang mi'u thung ma ste/ brtson 'grus gyi dbang po'o/ /rus pa la ni 'od ? tu med pa'o/ /rlung gi phyogs dang mig de bi ko Ti la rdo rje'i 'od dang lang+ga'i dbang phyug ma ste/ dran pa'i dbang po'o/ /mkhal ma la ni rdo rje'i 'od do/ /dbang ldan gyi phyogs dang phrag pa gnyis mA la ba la rdo rje'i sku dang shing sgrib ma ste// ting nge 'dzin gyi dbang po'o/ /snying rje ni rdo rje'i sku'o/ /nye ba'i gnas te sa dri ma med pa'o/ /thugs kyi 'khor lo min mkha' la rgyu ba'o/ /gsung gi 'khor lo dmar po pad+ma'i phreng bas brgyan pa'i shar gyi rtsibs dang/ mchan khud kA ma rU pa la ni myu gu can dang sa srungs ma ste/ shes rab kyi dbang po'o/ /mig ni myu gu can no/ /byang dang nu ma ao dre la ni rdo rje ral pa can dang 'jigs byed chen mo ste dang pa'i stobs so/ /mkhris pa ni rdo rje'i ral pa can no/ /zhing ste sa 'od byed pa can no/ /nub dang lte ba tri sha ku ne la ni dpa' bo chen po dang/ rlung gi shugs can ma ste brtson 'grus kyi stobs so/ /glo ba ni dpa' bo chen po'o/ /lto dang sna'i dbang po ki sa la la ni rdo rje hUM mdzad dang chang 'thung ma ste dran pa'i stobs so/ /rgyu ma ni rdo rje hUM mdzad do/ /nye ba'i zhing ste ma 'od 'phro ba can no/ /me'i phyogs dang kha ka ling+ga la ni rab tu bzang po dang lha mo sngo bsangs ma ste ting nge 'dzin gyi stobs so/ /gnye ma ni rab tu bzang po'o/ /bden bral gyi phyogs dang mgrin pa lam pa ka la ni rdo rje bzang po dang shin tu bzang mo ste shes rab kyi stobs so/ /lto ba ni rdo rje bzang po'o/ /tshan do ha ste sa shin tu spyang dka' ba'o/ /rlung gi phyogs dang snying ga kany+tsa la ni 'jigs byed chen po dang/ rta rna ma'o/ /ting nge 'dzin yang dag byang chub kyi yan lag go /lgangs pa ni 'jigs byed chen mo'o/ /dbang ldan gyi phyogs dang 'doms hi ma lA yi ni mi bzang dang/ bya gdong ma ste brtson 'grus yang dag byang chub kyi yan lag go / 'doms par ni mig mi bzang ngo/ /nye ba'i tshan ngo ha ste sa mngon du gyur pa'o/ /sa la rgyu ba'o/ /sku'i 'khor lo dkar po'i khor lo'i phreng bas brgyan pa'i shar gyi rtsibs dang mtshan ma bre ta pu ri la stobs po che dang 'khor lo'i shugs can ma ste dga' ba yang dag byang chub kyi yan lag go / bad kan ni stobs po chen po'o/ /byang dang bshad lam gri ha de ba tAr rin chen rdo rje dang khaN+Da ro ha ste/ shin tu sbyangs pa yang dag byang chub kyi yan lag go / rnag la ni rdo rje rin chen no/ /'dus pa can te sa ring du song ba'o/ /nub dang brla gnyis so'u raSh+Ta la rta mgrin dang shoN+Di ni ste/ chos rnam par 'byed pa yang dag byang chub kyi yan lag go /khrab ni rta mgrin no/ /lha dang byin? pa gnyis su ? nam mkha' i snying po dang/ 'khor lo'i go cha mA ste/ dran pa yang dag byang chub kyi yan lag go/ rdul ni nam mkha' i snying po'o/ /nye ba'i 'dus pa can te sa mi g.yo pa'o/ /ma'i phyogs dang rkang pa'i sor mo la na ga ra la dpel he ru ka dang shin tu dpa' mo ste/ btang snyoms yang dag byang chub kyi yin lag go /tshil ni dpal he ru ka'o/ /bden bral gyi phyogs dang rkang pa'i bol sin d+hu la pad+ma gar gyi dbang phyug dang stobs chen ma ste/ yang dag pa'i lta ba'o/ /mchim ni pad+ma gar gyi dbang phyug go / dur khrod des legs pa'i blo gris/ /rlung gi phyogs dang mthe bor ma rol rnams par snang mdzad dang 'khor lo sgyur ma ste/ yang dag pa'i rtog pa'o/ /mchil ma ni rnam par snang mdzad do/ /dbang ldan gyi phyogs dang bus mo gnyis ku lu tar rdo rje sems dpa' dang brtson 'grus chen mo ste yang dag pa'i dag go / snabs ni rdo rje sems dpa' o/ /nye bar dur khrod de sa chos kyi sprin no/ /sa 'og tu 'gyur ro/ /thugs kyi 'khor lo sku mdog nag po gsung gi 'khor lo sku mdog dmar po/ sku'i 'khor lo sku mdog dkar po/ thod pa'i dum bu la sogs pa dpa' bo zhal gcig phyag gnyis pa/ rdo rje dril bus snyoms par zhugs pa g.yas brkyang pa'i bzhugs pa/ ral pa'i cod pan dang dar dbyangs can phyag rgya lnga 'chang ba'o/ /rab tu gtum mo la sogs pa ni phyag gnyis zhal gcig pa/ ka pA la dang gdug pa dang/ sdigS mdzub gri gug bsnams pas 'khyud/ /spyan gsum drag po'i gzugs can ma /skra grol bas ni rnam par spros/ / gnyis med spyod pas snyoms par zhugs/ /nam mkha' i gos mnabs pa la gzhol lha mo phyag rgya lnga 'chang ba/ /rgyan rnams kun gyis brgyan pa'o/ /shar dang byang dang nub dng lho'i sgo rnams la / khwa gdong ma dang 'ug pa'i gdong can ma dang khyi'i gdong can ma dang/ phag gi gdong can ma'o/ /me'i phyogs dang bde ba bral gyi phyogs dang rlung gi phyogs dang/ dbang ldan gyi phyogs rnams la gshin rje brtan ma dang/ gshin rje pho nya mo dang/ gshin rje 'jom ma'o/ /ji ltar mkha' 'gro sogs 'gro ba/ /khwa gdong la sogs la sogs dbye/ /de bzhin mtshaMs gnaS lha mo ni/ /gzugs gnyis yid ni 'phrog pa'o/ /yi dwags gdan ni 'jigs byed po/ /sems can don mdzad pa la brtson/ / dpa' bo dang rnal 'byor ma thams cad kyi dpral ba la rdo rje'i phreng ba'o/ /lus kyi dkyil 'khor la lag pa yon pa'i rtse mo la khwa gdong ma ste/ yang dag pa'i las kyi mdza' o/ /mkhrig ma la ni 'ug gdong ma ste yang dag pa'i 'tsho ba'o/ /? pa g.yas pa'i rtse mo la ni khyi gdong ma ste/ yang dag pa'i rtsol ba'o/ /'khrig ma la ni phag gdong ma ste yang dag pa'i dran pa'o/ /rkang pa g.yas pa'i rtse mo la ni gshin rje brtan ma ste/ dge ba'i chos ma skyes pa rnams bskyed pa? tshul can no/ /rkang pa g.yon pa'i rtse mo la ni gshin rje pho nya ma ste/ dge ba'i chos skyes pa rnams yang dag par bsrung ba'o/ /rkang pa g.yas pa'i long mo la ni gshin rje mche ba ste/ mi dge ba'i chos skyes pa rnams spong ba yang dag par Fsgrub ba 'byed pa'o/ /rkang pa g.yon pa'i long mo la ni gshin rje 'joms pa ste/ mi dge ba'i chos ma skyes pa rnams kun nas mi skye bar byed pa'o/ /snying ga'i pad+ma'i lte ba'i dbus su bcom ldan 'das thig le'i gzugs can no/ /phyoD? kyi pad+ma'i 'dab ma la mkha' 'gro ma la sogs pa bzhi'o/ /lte ba'i pad+ma la ni rdo rje phag mo phyag rgya chen po'i rang bzhin no/ /de ltar phyi dang gsang ba'i dkyil 'khor/ /da ni phung po la sogs pa'i rnam par dag pa ste/ gzugs kyi phung po rnam bar snang mdzad do/ /tshor ba'i phung po rdo rje nyi ma'o/ /'du shes kyi phung po pad+ma gar gyi dbang phyug gi dbang phyug go /'du byed gyi phung po ni rdo rje rgyal po'o/ /rnam par shes pa'i phung po ni rdo rje sems dpa' o/ /de bzhin gshegs pa thams cad kyi de kho na nyid ni dpal he ru ka'o/ /mig la gti mug rdo rje'o/ /rna ba la ni zhe sdang rdo rje'o/ /sna la ni phrag dog rdo rje'o/ /kha la ni 'dod chags rdo rje'o lus la ser sna rdo rje'o/ /skye mched thams cad la ni dpal he ru ka'i dbang phyug go /sa'i khams ni ltung byed ma'o/ /chu'i khams ni gsod byed ma'o/ /me'i khams ni 'gugs byed ma'o/ /rlung gis khams ni gar gyi dbang phyug ma'o/ /nam mkha' i khams la ni rnal 'byor ma'i dra ba ste/ de ltar phung po dang khams dang skye mched dag la lha nyid kyi brgyal bskyed par bya'o/ /de nas mgo bo la yi ge aoM gyis sku byin gyis brlab po/ /lkog ma la ni yi ge Adpa' byin gyi brlab po/ /de dag zla ba'i dkyil 'khor gyi dbus su bsam mo/ /aoM sarbba bI ra yo gi ni kA ya bAk+tsit+ta badzra swa b+hA ba At+ma ko haM dza'khor spyan drangs la / mdun du bzhag ste yang dag par mchod nas/ dam tshig gi dkyil 'khor la bcug cing myur du ro gcig par bya'o/ /aoM yo ga shud+d+hardo rje sems dpa' o/ /mgo bo la na ma hi rnam par snang mdzad do/ /spyi gtsug la swAhA hu pad+ma gar gyi dbang phyug go/ /phrag pa gnyis la bo'u Shan he he ru ka'o/ /mig la hUM hUM ho rdo rje nyi ma'o/ /yan lag thams cad la phaT ham rta mchog ste go cha'o/ /bcom ldan 'das dpa' bo'i tshogs dang bcas pa'i go cha'o/ /lte ba la aoM baM rdo rje phag mo'o/ /snying ga la haM aoM thun mtshams ma'o/ /kha la h+rIM aoM rmongs byed ma'o/ /mgo bo la h+reM h+rEM? skyod byed ma'o/ /spyi gtsug la hUM hUM skrag byed ma'o/ /yan lag thams cad la phaT phaT gtum mo ste go cha'o/ /rnal 'byor ma thams cad la nyid kyis dgod par bya'o/ /mdzub mo gnyis la mdung gung mor sbyar/ mthe bong rdo rje brtan por sbyar /de ni dpral ba'i dbus bzhag nas/ /bcu zhid bskor bas bskyod par bya/ /rkang pa mnan cing steng du blta/ /kha nas yi ge pheM sgrogs shing/ /phyogs bcu'i lo ka khams bzhugs pa'i/ /dpa' bo rnal 'byor ma rnams dgugs/ /de nas snying ga'i 'od zer gyis spyan drangs pa nam mkha' i dkyil khengs pa'i dpa' bo dang rnal 'byor ma phyag na ye shes kyi bum pa bsnams pa glu dang gar dang bcas pa'i mchod pas bdag nyid dbang bskur bar bsam par bya'o/ /aoM sarbA ta thA ga ta a b+hi She ka sa ma ya sh+ri ye hUM de nas rang gi rigs cod pan du gyur to/ /de nas dpa' bo dang rnal 'byor ma de dag thugs ka'i sa bon gyi 'od kyi lcags kyus zhal du zhugs nas lha mo'i pad ma'i dkyil du byang chub gyi sems kyi gzugs su rab tu spro bar bya'o/ /de las byung ba'i lha mo rnams kyis dam tshig gi 'khor lo mchod de lha'i bstong pa'i mchod pas bstong cing gong du bstan pa'i rim pas bdud rtsi myang bar bya'o/ /lus ngag yid kyi dam tshig gi / sems ni sems kyi legs mtshon pa/ /kun rtog thams cad spangs nas ni/ /bsgom dang ldan pa'i bzlas pa bya/ /dam tshig mchog gi bzlas pa yis/ /de nas gsang sngags brjod par bya'o/ /hAswA raM ba shaM la dzA ni ki DA Ta pha hUM hUM kaM ru ru he he dzra ba sh+rI aoM/ Ta pha hUM huM ha halha mo'i snying po dang/ nye ba'i snying po'o/ /dpa' bo rnal 'byor ma thams cad kyi ni rang gi ming gi yi ge aoM dang hUM gi bar du chud pa'i yi ge hUM dang phaT kyi mdza' can dag yin no/ /dpa' bo rnams kyi ni ka ra ka ra la sogs pa'i de kho na bzhin du bzlas so// bzlas pa yongs su rdzogs nas ni/ /zla ba'i btung mchog btung bar bya/ /chos rnams kun gyi dngos mnyam nyid/ /dam tshig mchog phyir mnyam nyid do/ /chos rnams bdag med lam du ni/ /dkyil 'khor mchog ni gzhug par bya/ /shes rab pha rol phyin rnal 'byor/ /rnal 'byor nga la bas sos bya/ /A li kA li mnyam byas nas/ /de la re khA nges par sbyar/ /gyen du spar ba'i tshul dag gis/ /'og tu 'bab pa'i rgyu yin phyir/ /khu ba'i gzugs kyi bdud rtsi ni/ /thig le'i gzugs can 'dzag par 'gyur/ /snang med go 'phangs la gnas nas/ /snang med mnyam pa nyid la brten/ thos rnams spyod pa med pa la/ /chos rnams chos nyid dag kyang med/ /rten 'byung chos rnams nam mkha' i 'dra/ /ngo bo nyid med mtshan nyid med/ /de ltar de nyid gnas gnas na/ /ye shes mig ni thob par 'gyur/ /langs pa'i dus kyi tshe na ni/ /cho ga bzhin du gtor ma sbyin/ /sh+rI ni gnyis med ye shes te/ /he ni rgyu sogs stong pa nyid/ /ru ni bkod pa dag dang bral/ /ka ni gang duAng mi gnas pa'o/ /rnal 'byor sems la ngal bso bya'i/ /mya ngan 'das nyid ma bstan te/ /'pho ba'i tshe na rnal 'byor pa/ /dpal ldan he ru ka la sogs/ /lha yi rnal 'byor ma dag gis/ /lag na me tog sna tshogs thogs/ /sna tshogs rgyal mtshan pa dan dang/ /ral mo'i sgra ni sna tshogs dang// klu'i mchod pa sna tshogs kyis/ /'chi ba zhes bya rnam rtog 'di/ /mkha' spyod gnas su 'khrid par byed/ /dpal bcom ldan 'das kyi sgrub thabs /rdo rje slob dpon chen po dpal nyin mo mdzad pas mdzad pa rdzogs so/ / //rgya gar gyi mkhan pho sh+rI su b+hU ti shan+ti dang/ zhu chen gyi lo tsa ba dge slong dge ba'i blo gros kyis bsgyur cing zhus te gtan la phab pa'o// // sbyin sreg gi cho ga bzhugs/

CLOSE WINDOW