བོད་ཡིག

e-texts based on the Adarsha Input

de nas gnyis kyis myur du phyin nas/ de bzhin du bgyis pas gzod dga' nas longs spyod cing lus bag glan no/ /de nas chos ston la bab nas gnyis po re mos byas te/ shA ri'i bus bshos gsol nas gcig gsol du stsal te/ chab byin pas yang gong bzhin brjod de bros so/ /yang gnyis kyis yid ma ches nas bcom ldan 'das la zhu ru mchis so/ /bcom ldan 'das lags/ bdag cag gis gsungs pa bzhin bgyis lags pas gso ru btub par gda' ba la chos ston yol du dogs nas 'tshal nas yang sngar bzhin brjod cing bros nas yang zhu ru mchis so/ /bka' stsal pa/ de ni khyod kyi sen bar du tsam pa las pas lan pa yin gyis/ lag pa khrus la gzod byin cig / de'i drung du 'gro mi dgos te 'di nyid kyis btub po zhes gsungs so/ /de gnyis kyis khrus bgyis te/ chu sbyin stsal bas yi dags mo de nyid du 'ongs nas cung zad na mdangs dang ldan par gyur to/ /de nas yang bcom ldan 'das kyis bka' stsal pa/ 'di lta bu'i chu sbyin 'di ni 'dir ma zad de dus thams cad du yang yi dam du gyis la thong cig /gzhan la yang rgya cher spel cig /de ci'i phyir zhe na/ 'di'i phan yon ni dpag tu med de tshad las 'das so/ /mdo tsam brjod na 'di lta ste/ 'jig rten gyi khams kyi mi phyug po rnams la sbyin pa byas pa bas dbul po 'ga' zhig la sbyin pa byas na de'i bsod nams brgya'i char yang mi nye ste/ de ci ste zhe na/ phyug po rnams ni nga rgyal te dregs pa dang rgyags pas gnas ngan len spro bar byed do/ /'jig rten gyi khams kyi dbul po rnams la sbyin pa byas pa bas yi dags 'ga' zhig la sbyin pa byas na de'i bsod nams brgya'i char yang mi nye'o/ /de ci ste zhe na/ dbul po rnams la ni 'bad du yod/ btsal du yod/ bslang du yod do/ /yi dags las kyis de lta bu dag ma yin gyi/ ma bsngos na kha ru chud kyang dug chen por 'gyur ro/ /'jig rten gyi khams kyi yi dags la sbyin pa byas pa bas 'jur 'gegs kyi yi dags gcig la chu byin na de'i bsod nams brgya'i char yang mi nye'o/ /de ci ste zhe na/ yi dags de dag la ni dmigs pas tshim pa dang / bshams pas tshim pa dang / bsngos pas tshim pa dang / reg pas tshim pa dang / rjes kyis tshim pa dang / bshal bas tshim pa yod de/ las kyi rim pa bzhin no/ /'jur 'gegs ni gzhan bkag pa'i las kyis sngags dang / phyag rgya dang dmigs pa gzhan gyis mi thob/ rdzas thams cad la 'thams te bkag pas rdzas gzhan mi myong / gzhan gyi chu gcig bu ma bkag pas chu gtsang tsam pas ma reg pa las dbang med/ rang gi rgyud zhi bar byed pa'i sngags dang / phyag rgya se gol gcig min pa gzhan gang gis kyang thob par mi nus so/ /se gol gcig tu gzhag pa ci zhe na gnyis su gyur na gzhan gyi sgrar gyur nas mi thob/ des na rang gi go ba bskyed pa sgra gcig tu nges pa'o/ /'dis ni bar chad kyis mi tshugs pa dang / nad nyung ba dang / tshe ring ba dang / longs spyod dang / ldan pa dang / yi ga 'chus pa rnams 'byed par byed pa dang / mdangs nyams pa rnams gsal bar byed pa dang / 'di gzhan la spel na rgyud grol nas yi dags kyi rgyud chad de mthar mngon par rdzogs par 'tshang rgya'o/ /de skad ces bka' stsal nas/ rigs kyi bu de dag gis bcom ldan 'das kyis gsungs pa la mngon par bstod do/ /'jur 'gegs zhes bya ba'i gzungs rdzogs s+ho// //zhu chen gyi lo ts+tsha ba ban de ye shes sdes bsgyur te gtan la phab pa'o// // dkon mchog gsum la phyag 'tshal lo/ /lus kyi zag pa sbyin par btang ba'i gzungs/ mchil ma la/ o~M` AH sla rma a ha re b+h+yaHswA hA/ lud pa la/ oM a khre ra a ha re b+h+yaHswA hA/ snabs la/ oM a si g+ha na a ha re b+h+yaHswA hA/ lus kyi dri ma la/ dkon mchog gsum la phyag 'tshal lo/ /lus kyi zag pa sbyin par btang ba'i gzungs/ mchil ma la/ o~M` AH sla rma a ha re b+h+yaHswA hA/ lud pa la/ oM a khre ra a ha re b+h+yaHswA hA/ snabs la/ oM a si g+ha na a ha re b+h+yaHswA hA/ lus kyi dri ma la/ oM a ma la a ha re b+h+yaHswA hA/ dri chen la/ oM a b+hi s+tha a ha re b+h+yaHswA hA/ dri chu la/ oM a nud tra a ha re b+h+yaHswA hA/ de rnams so so la de dag za ba rnams kyis thob par gyur ces brjod par bya'o/ /se gol brdab po/ /de rnams de ltar byin pa'i bsod nams ci bsags pa thams cad sems can thams cad kyi don du byang chub tu bsngo bar bya'o/ oM a ma la a ha re b+h+yaHswA hA/ dri chen la/ oM a b+hi s+tha a ha re b+h+yaHswA hA/ dri chu la/ oM a nud tra a ha re b+h+yaHswA hA/ de rnams so so la de dag za ba rnams kyis thob par gyur ces brjod par bya'o/ /se gol brdab po/ /de rnams de ltar byin pa'i bsod nams ci bsags pa thams cad sems can thams cad kyi don du byang chub tu bsngo bar bya'o/ /'di dag ni bla ma rdo rje gdan pas mdo rgyud nas phyung ste/ ba ri lo ts+tsha bas bsgyur ba'o// // /'di dag ni bla ma rdo rje gdan pas mdo rgyud nas phyung ste/ ba ri lo ts+tsha bas bsgyur ba'o// //

CLOSE WINDOW