བོད་ཡིག

e-texts based on the Adarsha Input

'phags pa dkon mchog brtsegs pa chen po'i chos kyi rnam grangs le'u stong phrag brgya pa las le'u bcwa lnga pa ste/ 'jam dpa' gyi sangs rgyas kyi zhing gi yon tan bkod pa bstan pa/ bam po dang po/ rgya gar skad du/ Ar+ya many+dz+yu shrI bud d+ha k+She tra gu Na byu ha nA ma ma hA yA na sU tra/ bod skad du/ 'phags pa 'jam dpal gyi sangs rgyas kyi zhing gi yon tan bkod pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la/ dge slong stong nyis brgya lnga bcu'i dge slong gi dge 'dun chen po dang / byams pa dang / 'jam dpal dang / ngan song sel dang / spyan ras gzigs dbang phyug dang / mthu chen thob la sogs pa byang chub sems dpa' brgyad khri bzhi stong la 'di lta ste/ thams cad kyang bla na med pa yang dag par rdzogs pa'i byang chub las phyir mi ldog pa sha stag dang thabs gcig tu bzhugs te/ lha bye ba phrag bdun bcu rtsa gnyis thams cad kyang byang chub sems dpa'i theg pa la yang dag par zhugs pa rnams dang / lha rnams kyi dbang po brgya byin dang / mi mjed kyi bdag po tshangs pa dang / byang chub sems dpa'i theg pa la yang dag par zhugs pa'i tshangs pa bzhi khri nyis stong dang yang thabs gcig go/ /'di lta ste/ lha ma yin gyi dbang po thag zangs ris dang / lha ma yin gyi dbang po stobs can dang / lha ma yin gyi dbang po phrag rtsub dang / lha ma yin gyi dbang po rab dga' dang / lha ma yin gyi dbang po bzhi thams cad kyang g.yog lha ma yin brgya stong phrag du ma yod pa dang thabs gcig go/ /klu'i rgyal po dga' bo dang / nye dga' bo dang / klu'i rgyal po chu lha dang / klu'i rgyal po rgya mtsho dang / klu'i rgyal po gzi can dang / klu'i rgyal po gzhan gyis mi thub pa dang / klu'i rgyal po sa 'dzin dang / klu'i rgyal po ma dros pa dang / klu'i rgyal po ri bo dang / klu'i rgyal po bdud las rgyal ba dang / klu'i rgyal po zla ba'i bla ma la sogs pa/ klu'i rgyal po stong phrag drug bcu rtsa gnyis dang / 'di lta ste/ rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang dang / rgyal po chen po rnam thos kyi bu dang / rgyal po chen po bzhi thams cad kyang g.yog brgya stong du ma dang bcas pa dag dang / gnod sbyin kum b+hi ra dang / 'brog gnas dang / khab spu dang / yid bzangs dang / blo gros bzang po dang / dbyibs bzangs dang / kun nas kha dang / gnod sbyin mi 'khrugs pa dang / de dag dang gnod sbyin gzhan brgya stong dang yang thabs gcig go/ /yang de'i tshe bcom ldan 'das rgyal po'i khab kyi grong khyer chen por nye bar gnas shing bzhugs te/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dag dang / 'khor bzhi rnams kyis sti stang du byas/ bla mar byas/ rim gror byas nas mchod cing gsol te/ bcom ldan 'das bza' ba dang / bca' ba dang / myang ba dang / na bza' dang / zhal zas dang / gzims cha dang / snyun gyi gsos sman dang / yo byad bzang po mang po brnyes so/ /yang de'i tshe bcom ldan 'das snga dro'i dus kyi tshe sham thabs dang chos gos gsol/ lhung bzed bsnams te/ dge slong gi dge 'dun chen po dang thabs gcig tu lha bye ba khrag khrig brgya stong gis yongs su bskor cing mdun du bdar te/ sangs rgyas kyi mthu chen po dang / sangs rgyas kyi rnam par rol pa chen po dang / sangs rgyas kyi cho 'phrul chen po dang / sangs rgyas kyi rdzu 'phrul chen pos me tog ud pa la dang / ku mu da dang / pad ma dkar po'-i char chen po ni mngon par 'bebs/ sil snyan brgya stong ni dkrol nas rgyal po'i khab kyi grong khyer chen por rgyal po ma skyes dgra'i khyim du bsod snyoms kyi phyir gshegs te/ 'od zer bye ba khrag khrig brgya stong yang rab tu phyung ngo / /de nas de'i tshe bcom ldan 'das kyis ji lta bu'i rdzu 'phrul mngon par 'du mdzad pa mngon par 'du mdzad pas zhabs gang dang gang du bzhag pa'i zhabs bzhag pa de dang der pad ma shing rta'i 'phang lo tsam 'dab ma ni gser/ chu ba ni dngul/ ze ba ni bai dUr+ya/ snying po ni nor bu bzang po dang ldan pa rnams byung ste/ pad ma de dag gi dbus kyi snying po la byang chub sems dpa'i gzugs kyi skyil mo dkrung bcas te 'dug pa dag 'byung ba de lta bu'i rdzu 'phrul mngon par 'du mdzad pa mngon par mdzad do/ /de nas byang chub sems dpa'i gzugs de dag pad ma de dag dang bcas te rgyal po'i khab kyi grong khyer chen po la lan bdun skor ba byed cing tshigs su bcad pa 'di dag smras so/ /skye bo rnams la phan mdzad ded dpon gang / /yon gyi gnas gang dge ba rnams mdzad pa/ /shAkya khyu mchog blo zhi bdag nyid che/ /'jig rten mgon po de ni grong du gshegs/ /lha yi gnas su gang rnams rtsen pa dang / de bzhin dga' dang 'chi las thar 'dod dang / bdud kyi sde rnams pham par gang 'dod pa/ /des ni shAkya seng ge mchod par gyis/ /'gro ba rnams la phan zhing thugs brtse'i phyir/ /bskal pa bye ba spyad pa rnam spyod pa/ /thub pa rnams kyi sgra yang rnyed par dka'/ /thub pa de deng rgyal po'i khab gshegs bzhed/ /zas skom de bzhin gos dang bzhon pa dang / /bu dang bu mo chung ma rnams dang ni/ / sbyin pa dpag med bsam yas gang btang ba/ /kun mkhyen de ni rgyal po'i khab tu gshegs/ /lag pa rkang pa mig dang rna ba dang / /sna dang yan lag dam pa mgo btang ste/ kun btang yon tan ldan pa gtong phod pa/ /des ni kun mkhyen ye shes mchog brnyes so/ /sbyin dang dul dang sdom la gang bslabs shing / /skyes bu dam pa tshul khrims ma nyams pa/ /bzod pa'i bdag nyid yon tan mchog ldan pa/ / zhi ba'i thugs de grong du deng gshegs so/ /sdug bsngal bying ba'i 'jig rten rab gzigs nas/ /brtson mchog bskal pa bye bar gang spyod cing / /bsam gtan mtha' yas mnyam pa med dang ldan/ /tshangs dbyangs de ni de ring grong khyer gshegs/ /drang srong chen po de yi shes rab ni/ /mtshungs med nam mkha'i mtha' ltar dpag tu med/ /bde gshegs de yi yon tan gzhan dag kyang / /spyod pa dang ni rnam par smin pas sbyangs/ /blo ldan gang gis bdud kyi sde bcom zhing / /mi g.yo go 'phang mya ngan med pa brnyes/ /chos kyi 'khor lo tshul bzhin rab bskor te/ /chos kyi dbang phyug de ni grong khyer gshegs/ /mtshan rab sum bcu rtsa gnyis brgyan pa'i sku/ /bde gshegs 'gyur bar su dag 'dod pa ni/ /snying la rdzogs pa'i byang chub sems zhog ste/ /mchod pa'i phyir ni de yi thad du song / /'dod chags zhe sdang gti mug spang ba dang / /de bzhin nyon mongs gzhan las rgyal 'dod pa/ /de ni ston pa'i thad du nyer song la/ /mchod pa rnams mang mtha' yas myur du gyis/ /tshangs pa dang ni lha yi dbang phyug dang / /brgya byin nyid ni thob par su 'dod cing / /lha yi bde bas rtag tu rtsen dga' ba/ /de ni thub pa mchod phyir nye bar song / /gling bzhi'i bdag po rgyal por 'gyur bya zhing / /rin chen mchog bdun rang gis 'thob pa dang / /bu mchog stong rnams kyang ni gang 'dod pa/ /sems can mchog la des myur mchod pa gyis/ khyim bdag tshong dpon khams kyi rgyal po dang / /mdzes pa'i gzugs dang g.yog 'khor dam pa dang / /longs spyod 'phel ba'i mchog rnams gang 'dod pa/ /de ni deng song thub la mchod pa gyis/ /gang su rnam par grol dang grol ba kun/ / thub pa rnams kyi chos mchog thos nas te/ /'dren pa rnams kyi sgra yang 'dir dkon gyis/ /de phyir chos nyid du ni der myur deng / /de nas rgyal po'i khab kyi grong khyer chen po'i srog chags bye ba khrag khrig brgya stong mang po dag tshigs su bcad pa de dag gis bskul nas skyes pa dang / bud med dang / khye'u dang / bu mo rnams me tog dang / bdug spos dang / phreng ba dang / byug pa dang / phye ma'i phur ma thogs/ gser dang / dngul gyi me tog gi phur ma thogs/ /gdugs dang / rgyal mtshan dang / ba dan thogs/ rnga bo che dang / dung dang / rdza rnga dang / khar rnga dang / pi bang rgyud gcig pa dang / sgra snyan pa dang / gling bu dang / 'khar dkrol dang / kim pa la dang / na gu la dang / pi bang thogs te/ de bzhin gshegs pa yid la byed cing de bzhin gshegs pa la sems te/ sangs rgyas dang ldan pa'i yid la byed pas dga' ba dang / mchog tu dga' ba thob cing 'khod par gyur to/ /de nas bcom ldan 'das rgyal po'i khab kyi grong khyer chen por gshegs te/ bcom ldan 'das kyi zhabs g.yas pa sgo'i them pa la bzhag ma thag tu de nas grong khyer thams cad rnam pa drug tu rab tu g.yos/ lha dang mi'i sil snyan brgya stong yang ma dkrol bar sgra 'byung / lha'i me tog gi char yang rab tu bab ste/ sems can long ba rnams ni mig gis gzugs rnams mthong / sems can 'on pa rnams ni rna bas sgra thos/ sems can smyon pa rnams ni dran pa thob/ sems can yid brel ba rnams ni rtse gcig pa thob/ sems can gcer bu rnams ni gos rnyed/ sems can bkres pa rnams ni zas rnyed/ sems can dbul po rnams ni nor rnyed do/ /de'i tshe na sems can gang yang 'dod chags kyis gzir ba med de/ zhe sdang gis ma yin/ gti mug gis ma yin/ phrag dog gis ma yin ser snas ma yin/ khro bas ma yin/ nga rgyal gyis ma yin no/ /de'i tshe na sems can thams cad kyang byams pa'i sems dang / phan pa'i sems dang ldan zhing phan tshun du pha mar 'du shes par gyur to/ /de la 'di skad ces bya ste/ sangs rgyas skyes bu'i seng ge che/ /stobs bcu grong khyer nam gshegs tshe/ /de yi mod la skye bo rnams/ /bde ba rgya chen dri med thob/ /long ba'i mig rnams mthong bar gyur/ /'on pa thos pa'i mthu yang skyes/ /smyos pa dag ni dran pa rnyed/ /yid brel rtse gcig de bzhin no/ /gcer bu dag ni gos rnyed de/ /bkres pa bdag gis zas thob bo/ /skyes bu gang su dbul po yang / /dga' bar nor rnams rnyed par gyur/ /lha rnams bye ba mang po yang / /mkha' la gnas shing stobs rab mchod/ /smra ba'i seng ge mchod pa'i phyir/ /me tog char yang rab tu 'bebs/ / rnga dang rdza rnga sil snyan dung / /nyams dga' 'byed pa dpag med pa/ /sangs rgyas kyi ni bsod nams kyis/ /grong khyer 'jug tshe sgra yang 'byung / /grong khyer kun du rab g.yos te/ /de tshe nyams dga' mnyam par gnas/ /skye bos ngo mtshar 'di mthong nas/ /dga' ba shin du rgya chen thob/ /'dod chags kyi ni mig zer zhing / /de tshe khro blun ser sna med/ /nga rgyal la sogs nyes pas kyang / gzir ba de tshe ma lus med/ /dga' bas khyab cing dang ba ste/ /mi rnams pha mar 'du shes gyur/ /gang tshe sangs rgyas stobs bcu po/ /skye bo bde phyir grong gshegs tshe/ /mi yi ma yin sil snyan rnams/ / ma dkrol bar ni sgra yang 'byung / /'jig rten lha min lha mir bcas/ /bde gshegs 'od kyis rgyas par gang / /de ltar gang tshe sangs rgyas ni/ /'gro la phan phyir grong gshegs pa/ /de tshe ngo mtshar rmad 'byung ba/ /rnam pa mang po rab tu gda'/ /de nas bcom ldan 'das rgyal po'i khab kyi grong khyer chen por gshegs pa dang / tshong dpon shing sa la chen po lta bu'i bu sdig bcom zhes bya ba byang chub sems dpa' khyim par gyur pa grong bar zhig na 'dug ste/ byang chub sems dpa' sdig bcom/ bcom ldan 'das mdzes pa/ dga' bar 'gyur ba/ dbang po zhi ba/ thugs zhi ba/ dul ba dang zhi gnas mchog gi pha rol du byon pa/ bsdams pa/ glang po ltar dbang po thul ba/ mtsho ltar dang ste rnyog pa med cig gsal pa/ skyes bu chen po'i mtshan sum bcu rtsa gnyis dang ldan pa/ dpe byad bzang po brgyad bcus sku legs par brgyan pa/ kha dog bzang po rgyas pa mchog dang ldan brgyad ring po nas gshegs pa mthong ngo / /mthong nas kyang de bcom ldan 'das la sems shin du dad par gyur to/ /de sems shin du dad nas bcom ldan 'das ga la ba der song ste/ phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'dug go/ / phyogs gcig tu 'dug nas byang chub sems dpa' sdig bcom gyis bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po chos du dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya zhing sangs rgyas kyi zhing yang yongs su spyod/ sangs rgyas kyi zhing gi yon tan bkod pa ji lta ba 'tshal ba de lta bu yang yongs su 'dzin par 'gyur/ de nas bcom ldan 'das kyis byang chub sems dpa' sdig bcom la thugs brtse ba dang / skye bo'i tshogs chen po 'dul ba'i dbang gi phyir grong khyer gyi phyogs gcig tu bzhugs so/ /phyogs gcig tu bzhugs pa dang / bcom ldan 'das mthong nas srog chags brgya stong mang po dag kyang lhags par gyur to/ /bar snang las kyang lha bye ba khrag khrig brgya stong du ma dag gus pa dang bcas/ zhe sa dang bcas par thal mo sbyar te/ bcom ldan 'das la phyag 'tshal nas 'khod do/ /de nas bcom ldan 'das kyis byang chub sems dpa' sems/ dpa' chen po sdig bcom la bka' stsal pa/ rigs kyi bu byang chub sems dpa' sems dpa' chen po chos gcig dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya zhing sangs rgyas kyi zhing yang yongs su sbyong la/ sangs rgyas kyi zhing gi yon tan bkod pa ji lta bu 'dod pa de lta bu yang yongs su 'dzin to/ /chos gcig po gang zhe na/ rigs kyi bu 'di la byang chub sems dpa' sems dpa' chen po sems can thams cad la snying rje zhing lhag pa'i bsam pas bla na med pa yang dag par rdzogs pa'i byang chub tu sems bskyed pa'o/ /de la lhag pa'i bsam pa khong du chud par bya ba gang zhe na/ rigs kyi bu lhag pa'i bsam pa zhes bya ba ni gang byang chub kyi phyir sems bskyed nas mi dge ba'i las gang yang mi spyod pa'o/ /ci mi spyod ce na/ 'dod chags mi spyod/ zhe sdang mi spyod/ gti mug mi spyod/ khyim pa'i rtags la sred pa mi spyod de/ rab tu byung nas kyang rnyed pa dang / bkur sti dang / tshigs su bcad pa mi 'dod cing gang rab tu byung ba'i bsgrub pa de la gnas pa yin no/ /de la rab tu byung ba'i bsgrub pa gang zhe na/ 'di lta ste/ chos thams cad yang dag pa ji lta ba bzhin du rab tu rtogs pa'o/ /chos thams cad yang dag pa ji lta ba bzhin du rab tu rtogs pa gang zhe na/ rigs kyi bu chos thams cad ces bya ba'i phung po dang / khams dang / skye mched dang / 'dus byas dang / 'dus ma byas kyi chos rnams so/ /phung po lnga rab tu rtogs pa ji ltar rab tu rtogs she na phung po lnga rnams sgyu ma lta bu dang / dben pa dang / stong pa dang / dmigs pa med pa dang / ma skyes pa dang / ma 'gags par rab tu rtogs pa ste/ ji ltar rab tu rtogs pa yang dag par rjes su mi mthong ba de ltar rab tu rtogs pa'o/ /gang gi tshe yang dag par rjes su mi mthong mi shes blom sems su mi byed mi rtog rnam par rtog pa de'i tshe rtog pa thams cad nye bar zhi ba ni phung po rab tu rtogs pa zhes bya'o/ /gang phung po rab tu rtogs pa de chos thams cad rab tu rtogs pa ste/ rigs kyi bu 'di ni rab tu byung ba'i bsgrub pa zhes bya'o/ / de ltar zhugs pa'i byang chub sems dpa' sems dpa' chen po ni sems can rnams yongs su mi gtong ngo / /de ci'i phyir zhe na/ des ji ltar bdag gis chos de dag yongs su shes par gyur pa de ltar sems can thams cad la ston kyang sems can dang / chos kyang mi dmigs te/ rigs kyi bu byang chub sems dpa' sems dpa' chen po chos gcig po 'di dang ldan na myur du bla na med pa la yang dag par rdzogs pa'i byang chub mngon par 'tshang rgya zhing sangs rgyas kyi zhing yongs su sbyong la sangs rgyas kyi zhing gi yon tan bkod pa ji lta bu 'dod pa de lta bu yang yongs su 'dzin to/ /bcom ldan 'das kyis sangs rgyas kyi zhing gi yon tan bkod pa y ongs su bsgrub pa'i chos kyi sgo 'di bshad pa na byang chub sems dpa' sdig bcom mi skye ba'i chos la bzod pa thob par gyur te de dga' ba dang mchog tu dga' ba des shing ta la bdun srid tsam du bar snang la mngon par 'phags so/ /'khor de'i nang na srog chags nyis stong gis bla na med pa yang dag par rdzogs pa'i byang chub tu sems bskyed do/ /lha dang mir bcas pa'i skye dgu'i srog chags khri bzhi stong ni chos rnams la chos kyi mig rdul med cing dri ma dang bral ba rnam par dag go/ /de nas bcom ldan 'das kyis de'i tshe 'dzum pa mdzad do/ /'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe bcom ldan 'das kyi zhal kyi sgo nas kha dog du ma kha dog sna tshogs kyi 'od 'phro ba 'di lta ste/ sngon po dang / ser po dang / dmar po dang / dkar po dang / leb rgan dang / shel dang / dngul gyi kha dog lta bu rnams byung ste/ de dag gis 'jig rten gyi khams mtha' yas mu med pa dag snang bas khyab par byas nas slar log ste/ bcom ldan 'das la lan gsum bskor ba byas nas bcom ldan 'das kyi dbu'i gtsug tu nub bo/ /de nas tshe dang ldan pa kun dga' bo stan las langs nas bla gros phrag pa gcig tu gzar te/ bus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de/ bcom ldan 'das la tshigs su bcad pa 'di dag gsol to/ /chos rnams kun la mnga' dbang pha rol phyin/ /'dren pa khyod ni rgyal po'i stobs la mnga'/ /khyod ni thams cad mkhyen par 'jig rten grags/ /ci yi slad du 'dzum pa 'di bstan gsungs/ /thub pa chen po 'das pa ma lus mkhyen/ /de bzhin ma 'ongs ma lus rnams kyang mkhyen/ /da ltar dag kyang mkhyen pa ma smad pa/ /ci slad khyod kyis 'dzum pa 'di mdzad gsungs/ /rab 'bring tha ma'i sems dang ldan pa yi/ /sems can thams cad kyi ni spyod pa mkhyen/ /chags grol srid pa'i 'du shes pha rol phyin/ /mi 'dul kha lo sgyur ba lung bstan gsol/ /lha rnams bye ba khrag khrig kun lhags te/ /skyon ma mchis la thal sbyar phyag 'tshal zhing / /skye bo chos spyod 'di dag kun sdod kyis/ /thub pa chen po mtshungs med gsung dbyung gsol/ / khyod ni ye shes pha rol phyin/ /khyod la 'khrul pa yong mi mnga'/ /spyod pa'i bye brag kun mkhyen pa/ /ci zhig slad du 'dzum pa bstan/ /bye ba khrag khrig phrag stong lha 'di dag /chos rnams 'tshal ba'i slad du 'dir lhags te/ / de bzhin dge slong tshogs kyang mang po dag /dam pa'i chos rnams nyan par 'tshal ba mchis/ /khyod la mchod pa'i phyir ni sil snyan rnams/ /rab tu bzang zhing mang ba brdung bar bgyid/ /skye bo mang po the tsom 'tshal ba kun/ /thub pa deng 'dir the tshom myur bcad gsol/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo byang chub sems dpa' sems dpa' chen po sdig bcom 'di shing ta la bdun srid tsam du steng gi bar snang la 'dug pa mthong ngam/ /kun dga' bos gsol pa/ bcom ldan 'das mthong lags so/ /bde bar gshegs pa mthong lags so/ /bcom ldan 'das kyis bka' stsal pa/ kun dga' bo byang chub sems dpa' sems dpa' chen po sdig bcom 'di bskal pa grangs med pa brgya stong phrag drug bcu rtsa gnyis na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bskal pa rims nad med pa la stong gsum gyi stong chen po'i 'jig rten gyi khams 'di nyid du de bzhin gshegs pa dgra bcom pa yang dag par rdzogs pa'i sangs rgyas rab tu zhi zhing dul ba'i dbang phyug ces bya bar 'jig rten du 'byung ste/ kun dga' bo dper na da ltar de bzhin gshegs pa mi 'khrugs pa'i 'jig rten gyi khams mngon par dga' ba nas sangs rgyas kyi zhing gi yon tan bkod pa dang / nyan thos phun sum tshogs pa dang / byang chub sems dpa' phun sum tshogs pa de 'dra bar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rab tu zhi zhing dul ba'i dbang phyug de'i sangs rgyas kyi zhing na yang de las mi lhag mi thub bar 'gyur ro/ /de skad ces bka' stsal nas/ bcom ldan 'das phyogs de nas gshegs te/ mthar gyis rgyal po ma skyes dgra'i khyim ga la ba der gshegs nas byon pa dang / bcom ldan 'das gdan bshams pa la bzhugs so/ /dge slong gi dge 'dun rnams kyang stan ci 'os pa dag la 'khod do/ /de nas rgyal po ma skyes dgras bcom ldan 'das dang / dge slong gi dge 'dun bzhugs par rig nas bdag nyid lag bdar te/ bza' ba dang / bca' ba dang / myang ba bzang pos de bzhin gshegs pa dang / dge slong gi dge 'dun la bstabs te tshim par byas so/ /bstabs te tshim par byas nas de bzhin gshegs pa gshos gsol ba dang / lhung bzed bzhag cing phyag bcabs par rig nas bcom ldan 'das la ras bcos bu'i zung rin thang med pa sku la gsol to/ /sku la gsol nas kyang bcom ldan 'das dang / dge slong gi dge 'dun la phyag 'tshal te/ stan ran pa zhig blangs te phyogs gcig tu 'dug go/ phyogs gcig tu 'dug nas rgyal po ma skyes dgras bcom ldan 'das la 'di skad ces gsol to/ /bcom ldan 'das gnod sems dang / tha ba dang / zhe sdang dang / 'chab pa gang nas 'byung ba lags/ /mi shes pa ci las skye ba lags/ mi shes pa ji ltar 'gag pa lags/ de skad ces gsol pa dang / bcom ldan 'das kyis rgyal po ma skyes dgra la 'di skad ces bka' stsal to/ / rgyal po chen po ngar 'dzin pa dang / /nga yir 'dzin pa yod pa las gnod sems dang / tha ba dang / zhe sdang dang / 'chab par 'byung bar 'gyur ro/ /ngar 'dzin pa dang / nga yir 'dzin pa la gnas pas yon tan dang / nyes pa mi shes te/ de bas na mi shes pa zhes bya'o/ /gang ngar 'dzin pa dang / nga yir 'dzin pa de yang dag pa ji lta ba bzhin du yongs su shes pa de la ni shes pa 'am mi shes pa zhes gnas par mi nus so/ /de bas na rgyal po chen po khyod kyis 'du byed thams cad la gar yang 'gro ba dang / gang nas 'ong bar mi gdags pa de ltar bslab par bya'o/ /rgyal po chen po gang gar yang mi 'gro/ gang nas kyang mi 'ong ba de la chos gang yang 'gro ba 'am 'ong ba med do/ /gang la 'ong ba dang / 'gro ba med pa de la skye ba med/ 'gag pa med do/ /gang mi skye mi 'gags pa de shes pa med do/ /shes pa de ji lta bar mi shes pa yang de bzhin no/ /de ci'i phyir zhe na/ nges par 'byung ba 'am/ nges par mi 'byung ba'i chos de gang yang mi shes pa'i phyir ro/ /gang gi tshe nges par 'byung ba 'am/ nges par mi 'byung ba'i chos gang yang mi shes pa de'i tshe ye shes can zhes bya'o/ /de nas bcom ldan 'das la rgyal po ma skyes dgras 'di skad ces gsol to/ /bcom ldan 'das ji tsam du de bzhin gshegs pa dgra bcom pa yang dag par rdzogs pa'i sangs rgyas kyis legs par gsungs pa ngo mtshar to/ /bcom ldan 'das gal te bdag bar skabs 'di kho nar 'gum pa'i dus bgyis par gyur na ni bdag nyid mtshams sbyor bar mi 'gyur ro/ /de nas bcom ldan 'das kyis rgyal po ma skyes dgra la chos kyi gtam yang dag par bstan/ yang dag par 'dzin du bcug /yang dag par gzeng stod/ yang dag par rab tu dga' bar mdzad nas gdan las bzhengs te gshegs nas phyi dro'i dus kyi tshe yang chos kyi sbyin pa la 'du bar 'gyur ba mdzad do/ /de nas bcom ldan 'das zas phyis len pa spangs te/ lhung bzed dang / chos gos bzhag nas zhabs bkrus te/ nang du yang dag 'jog pa'i phyir gnas khang du gshegs so/ /de nas bcom ldan 'das phyi dro'i dus kyi tshe nang du yang dag 'jog las bzhengs nas ri'i rgyal po bya rgod kyi phung po ga la ba der gshegs te byon nas/ 'di lta ste/ chos yang dag par rab tu bstan pa'i phyir bcom ldan 'das gdan bshams pa la bzhugs so/ /tshe dang ldan pa shA ri'i bu dang / nyan thos chen po gzhan dag kyang de bzhin du nang du yang dag 'jog las langs nas ri'i rgyal po bya rgod kyi phung po ga la ba dang / bcom ldan 'das ga la ba der dong ste phyin nas bcom ldan 'das kyi zhabs la mgo bos phyag 'tshal te lan gsum bskor ba byas nas phyogs gcig tu 'khod do/ /'jam dpal gzhon nur gyur pa yang nang du yang dag 'jog las langs te/ lha'i bu bzhi khri nyis stong thams cad kyang theg pa chen po la yang dag par zhugs pa sha stag gis yongs su bskor cing mdun du bdar nas lhan cig tu bcom ldan 'das ga la ba der dong ste phyin nas bcom ldan 'das kyi zhabs la mgo bos phyag 'tshal te/ phyogs gcig tu 'khod do/ /byang chub sems dpa' sems dpa' chen po byams pa yang byang c hub sems dpa' stong tsam gyis yongs su bskor cing mdun du bdar nas lhan cig tu bcom ldan 'das ga la ba der dong ste phyin nas bcom ldan 'das kyi zhabs la mgo bos phyag 'tshal te phyogs gcig tu 'khod do/ /byang chub sems dpa' sems dpa' chen po seng ge'i rtsal gyis mngon par bsgrags pa'i sgra yang byang chub sems dpa' lnga brgya tsam gyis yongs su bskor cing mdun du bdar nas lhan cig tu bcom ldan 'das ga la ba der dong ste phyin nas bcom ldan 'das kyi zhabs la mgo bos phyag 'tshal te/ phyogs gcig tu 'khod do/ /rgyal po ma skyes dgra yang dpung gi tshogs yan lag bzhis yongs su bskor cing mdun du bdar nas lhan cig tu ri'i rgyal po bya rgod kyi phung po ga la ba dang / bcom ldan 'das ga la ba der dong ste/ phyin nas bcom ldan 'das kyi zhabs la mgo bos phyag 'tshal te phyogs gcig tu 'khod do// rgyal po'i khab kyi grong khyer chen po nas kyang srog chags bye ba khrag khrig brgya stong du ma ri'i rgyal po bya rgod kyi phung po ga la ba dang / bcom ldan 'das ga la ba der dong ste lhag nas bcom ldan 'das kyi zhabs la mgo bos phyag 'tshal te phyogs gcig tu 'khod do/ /de nas sangs rgyas kyi mthus tshe dang ldan pa shA ri'i bu stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das rgyal po'i khab kyi grong khyer chen po'i grong bar du byang chub sems dpa' sems dpa' chen po sdig bcom gyis gang 'di byang chub sems dpa' sems dpa' chen po rnams kyi sangs rgyas kyi zhing gi yon tan bkod pa la brtsams te/ yongs su zhus pa de'i lan bcom ldan 'das kyis mdo tsam zhig bka' stsal na/ bcom ldan 'das nga yang byang chub sems dpa' sems dpa' chen po rnams kyi sangs rgyas kyi zhing gi yon tan bkod pa yongs su 'grub pa de las brtsams te/ ji ltar spyod pa'i byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa dang / thams cad mkhyen pa khong du chud par 'gyur ba dang / bdud kyi sde rnams pham par bgyid pa dang / gzhan mu stegs can rnams tshar gcod par 'gyur ba dang / nyon mongs pas zil gyis non par mi 'gyur ba dang / sangs rgyas kyi zhing gi yon tan bkod pa yongs su sbyong bar 'gyur ba dang / smon lam yongs su rdzogs par 'gyur ba dang / shes rab yongs su nyams par mi 'gyur ba dang / sangs rgyas kyi sa la 'jug par 'gyur ba dang / nyan thos dang / rang sangs rgyas kyi sa yongs su spong bar 'gyur ba dang / pha rol du phyin pa drug spyod par 'gyur ba dang / thams cad mkhyen pa nyid thob ste/ byang chub sems dpar gyur bzhin du chos kyi 'khor lo rab tu skor bar 'gyur ba dang / sems can dpag tu ma mchis/ grangs ma mchis pa'i don bgyid par 'gyur ba de ltar chos legs par rab tu bstan du gsol/ bcom ldan 'das 'khor 'di na rigs kyi bu dang / rigs kyi bu mo byang chub don du gnyer ba 'dus shing mchis pa rnams bcom ldan 'das las chos mngon sum du thos nas dga' ba dang / mchog tu dga' ba rgya chen po thob par 'gyur te/ de dag dga' ba dang / mchog tu dga' ba thob nas ji ltar thos pa bzhin du nan tan gyis sgrub par 'gyur ba dag mchis so/ /de nas bcom ldan 'das 'di snyam du dgongs te/ 'di lta bu'i chos bstan par bya na 'khor 'di lta bu ni mi mdzes kyis ngas ji lta bu'i rdzu 'phrul mngon par 'du bya ba mngon par 'du byas pas phyogs bcu kun du phyogs re rer yang 'od zer bye ba khrag khrig brgya stong mang po bkye la/ 'od zer re res kyang sangs rgyas kyi zhing bye ba khrag khrig brgya stong mang po snang bas khyab par byas te/ sangs rgyas kyi zhing de dag tu nyi ma dang / zla ba'i 'od kyang mi snang zhing de dag 'od zer de dag gis zil gyis mnan nas phyir mig gis dbang po la snang bar mi 'gyur ba dang / lha rnams kyi 'od kyang mi mngon/ klu dang / gnod sbyin dang / nor bu dang / glog dang / me dang / skar ma'i gzugs dang / sems can gzhan gang gi 'od kyang mi mngon par 'gyur ba dang / gang phyogs bcu'i 'jig rten gyi khams mtha' yas mu med pa'i khor yug dang / khor yug chen po dang / btang zung dang / btang zung chen po dang / ri'i rgyal po ri rab dang / de ma yin pa gzhan ri'i rgyal po nag po dag dang / de ma yin pa gzhan ri nag po dag dang / rtsig pa dang / shing dang / nags tshal de dag thams cad 'od zer de dag gis thal byung du snang bar 'gyur ba de lta bu'i rdzu 'phrul mngon par 'du bya ba mngon par 'du bya'o snyam du dgongs so// de nas bcom ldan 'das kyis 'od zer bkye nas gsung bsal ba'i sgra mdzad pa dang / gsung bsal ba'i sgra des phyogs bcu kun tu 'jig rten gyi khams mtha' yas mu med pa dag sgras go bar gyur to/ / yang de'i tshe na shar phyogs su sangs rgyas kyi zhing 'di nas sangs rgyas kyi zhing gang gA'i klung brgyad bcu rtsa bzhi'i bye ma snyed 'das pa na 'jig rten gyi khams kun nas 'od ces bya ba de na de bzhin gshegs pa dgra bcom pa yang dag par rdzogs pa'i sangs rgyas dpal brtsegs rgyal po zhes bya ba da lta yang bzhugs te 'tsho zhing gzhes la chos kyang ston to/ /sangs rgyas kyi zhing de na nyan thos dang / rang sangs rgyas rnams kyi ming yang mi grag ste/ sangs rgyas kyi zhing de byang chub sems dpa' sems dpa' chen po 'ba' shig gis yongs su gang ngo / /sangs rgyas kyi zhing de na byang chub sems dpa'i tshogs re re la yang byang chub sems dpa' sems dpa' chen po phyir mi ldog pa bye ba phrag brgya brgya yod do/ /sangs rgyas kyi zhing de na byang chub sems dpa' sems dpa' chen po chos 'phags shes bya ba zhig gnas te/ ci'i phyir byang chub sems dpa' de chos 'phags zhes bya zhe na/ byang chub sems dpa' de bcom ldan 'das dpal brtsegs rgyal po de bzhin gshegs pa de byang chub sems dpa'i dge 'dun gyis bskor cing chos ston pa'i spyan snga na shing ta la bdun srid tsam du bar snang la 'phags te/ lus mi snang bar gang 'di byang chub sems dpa'i sde snod ces bya ba'i chos kyi rnam grangs rdo rje'i tshig gi gzungs kyi chos ston to/ /de nas byang chub sems dpa' de dag 'di snyam du sems te/ chos 'di dag thams cad ni sgra tsam mo/ /de ci'i phyir zhe na/ 'di ltar rigs kyi bu 'di'i lus mi snang mod kyi/ bshad pa yang grag la sgra yang 'byin te/ gzugs yongs su grub pa yang mi snang ngo / /sgra ji lta bar gzugs kyang de bzhin no/ /gzugs ji lta bar chos thams cad kyang de bzhin no snyam mo/ /de ltar rab tu shes pas byang chub sems dpa' dpag tu med pa rnams bzod pa thob ste/ de'i phyir byang chub sems dpa' de chos 'phags shes bya'o// byang chub sems dpa' chos 'phags des snang ba chen po de yang mthong / gsung bsal ba'i sgra yang thos te/ mthong zhing thos nas bcom ldan 'das dpal brtsegs rgyal po de bzhin gshegs pa de ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas kyang byang chub sems dpa' sems dpa' chen po chos 'phags kyis bcom ldan 'das de la 'di skad ces gsol to/ /bcom ldan 'das snang ba chen po 'di 'jig rten du byung zhing gsung bsal ba'i sgra chen po yang gda' ba 'di'i rgyu gang lags rkyen gang lags/ bcom ldan 'das snang ba 'di lta bu ni sngon chad ma mthong ngo / /de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dpal brtsegs rgyal pos byang chub sems dpa' sems dpa' chen po chos 'phags la 'di skad ces bka' stsal to/ /rigs kyi bu sangs rgyas kyi zhing 'di nas nub phyogs su sangs rgyas kyi zhing gang gA'i klung brgyad bcu rtsa bzhi'i bye ma snyed 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar bzhugs te 'tsho'o gzhes so/ /de bzhin gshegs pa des gang 'di phyogs bcu'i 'jig rten gyi khams bye ba khrag khrig brgya stong tshad med pa grangs med pa dag nas byang chub sems dpa' bsdu ba dang / 'di lta ste/ chos bsgrag par bya ba'i phyir ba spu'i khung bu thams cad nas 'od zer 'di dag btang ste gsung bsal ba'i sgra phyung ngo / /de nas bcom ldan 'das de bzhin gshegs pa dpal brtsegs rgyal po de la byang chub sems dpa' sems dpa' chen po chos 'phags kyis 'di skad ces gsol to/ /bcom ldan 'das bdag 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa'i dge 'dun de dag la yang blta ba dang / chos de yang nyan du mchi'o/ /bcom ldan 'das des bka' stsal pa/ rigs kyi bu khyod de'i dus la dbab par shes na song shig /de nas byang chub sems dpa' sems dpa' chen po chos 'phags byang chub sems dpa' stong phrag drug khri sum stong gis yongs su bskor cing mdun du bdar nas 'di lta ste/ dper na skyes bu stobs po ches lag pa bskum pa las brkyang ba dang / brkyang ba las bskum pa tsam gyis skad cig thang cig yud tsam de nyid la sangs rgyas kyi zhing de nas mi snang bar gyur nas 'jig rten gyi khams mi mjed 'dir gnas so/ /de nas byang chub sems dpa' chos 'phags de'i tshe byang chub sems dpa'i ting nge 'dzin rgyan thams cad kyis brgyan pa zhes bya ba la snyoms par zhugs so/ /byang chub sems dpa' sems dpa' chen po chos 'phags ting nge 'dzin de la snyoms par zhugs ma thag tu de nas skad cig de nyid la stong gsum gyi stong chen po'i 'jig rten gyi khams 'di me tog gi tshogs chen po pus nub tsam du gang bar gyur ro/ sil snyan brgya stong gi sgra yang byung ngo / / 'jig rten gyi khams 'di gdugs dang / rgyal mtshan dang / ba dan bsgreng bas kyang legs par brgyan to/ /spos mchog gis kyang yang dag par bdugs te/ gzhan 'phrul dbang byed kyi lha'i longs spyod dang khyad par med par gyur te/ de nas byang chub sems dpa' sems dpa' chen po chos 'phags kyis rdzu 'phrul gyi cho 'phrul rnam pa de lta bu bstan nas byang chub sems dpa' sems dpa' chen po de dag dang lhan cig tu/ bcom ldan 'das shAkya thub pa ga la ba der dong ste lhag nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas s mon lam ji lta ba bzhin du byung ba'i pad ma dag la 'khor dang bcas te phyogs gcig tu 'khod do yang de'i tshe lho phyogs su sangs rgyas kyi zhing 'di nas sangs rgyas kyi zhing bye ba khrag khrig gang gA'i klung dgu bcu r tsa drug gi bye ma snyed 'das pa na 'jig rten gyi khams rdul med pa zhes bya ba de na de bzhin gshegs pa dgra bcom pa yang dag par rdzogs pa'i sangs rgyas seng ge'i rtsal gyis bsgyings pa zhes bya ba da lta yang bzhugs te 'tsho zhing gzhes la byang chub sems dpa'i dge 'dun dpag tu med pas yongs su bskor cing chos ston to/ /sangs rgyas kyi zhing de na nyan thos dang / rang sangs rgyas rnams med do/ /yang sangs rgyas kyi zhing de na byang chub sems dpa' sems dpa' chen po lag na rin po che zhes bya ba zhig gnas te/ byang chub sems dpa' de ci'i phyir lag na rin po che zhes bya zhe na/ yang rigs kyi bu de nam sangs rgyas kyi zhing gzhan du s ems can rnams la chos ston par 'dod pa de'i tshe lag pa g.yas pa brkyang nas sangs rgyas kyi zhing ji snyed tu 'dod pa sangs rgyas kyi zhing de snyed lag gis byugs nas lag pa de las sangs rgyas rin po che'i sgra 'byung ngo / /chos rin po che'i sgra dang / dge 'dun rin po che'i sgra 'byung ngo / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab rin po che'i sgra 'byung ngo / /byams pa dang snying rje dang / dga' ba dang / btang snyoms rin po che'i sgra 'byung ngo / /de dag dang gzhan yang chos rin po che'i sgra sna tshogs bye ba khrag khrig brgya stong 'byung ste/ de'i phyir rigs kyi bu de lag na rin po che zhes bya'o/ /byang chub sems dpa' lag na rin po ches snang ba chen po de yang mthong / gsung bsal ba'i sgra de yang thos te/ mthong zhing thos nas kyang bcom ldan 'das de bzhin gshegs pa seng ge'i rtsal gyis bsgyings pa ga la ba der song ste phyin nas bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas byang chub sems dpa' sems dpa' chen po lag na rin po ches bcom ldan de bzhin gshegs pa seng ge rtsal gyis bsgyings pa de la 'di skad ces gsol to/ /bcom ldan 'das snang ba chen po 'di 'jig rten du byung zhing gsung bsal ba'i sgra chen po yang gda' ba 'di'i rgyu gang lags/ rkyen gang lags/ bcom ldan 'das des bka' stsal pa/ rigs kyi bu byang phyogs su sangs rgyas kyi zhing 'di nas sangs rgyas kyi zhing bye ba khrag khrig gang gA'i klung dgu bcu rtsa drug gi bye ma snyed 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar yang bzhugs te/ 'tsho zhing gzhis la chos kyang ston to/ /de bzhin gshegs pa des gang 'di phyogs bcu'i 'jig rten gyi khams tshad med pa dag nas byang chub sems dpa' bsdu ba dang / 'di lta ste/ dam pa'i chos bsgrags pa'i phyir ba spu'i khung bu thams cad nas 'od 'di dag rab tu bkye zhing gsung gsal ba'i sgra phyung ngo / /yang rigs kyi bu de bzhin gshegs pa shAkya thub pa de sangs rgyas kyi zhing gi yon tan bkod pa zhes bya ba'i chos kyi rnam grangs bshad par bzhed de/ der byang chub sems dpa' dpag tu med pa rnams sangs rgyas kyi zhing gi yon tan bkod pa yongs su 'dzin par 'gyur ro/ /de nas bcom ldan 'das seng ge'i rtsal gyis bsgyings pa de la byang chub sems dpa' sems dpa' chen po lag na rin po ches 'di skad ces gsol to/ /bcom ldan 'das bdag 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' 'dus pa de la yang blta ba dang / chos stan pa de yang nyan du mchi 'o/ /bcom ldan 'das des bka' stsal pa/ rigs kyi bu khyod der song ste ci rung / de ci'i phyir zhe na/ 'dod chags dang / zhe sdang dang / gti mug gis khebs pa'i sems can rnams dang phrad pas 'jig rten gyi khams de ni sdug bsngal ba'o/ /de skad ces bka' stsal pa dang / byang chub sems dpa' sems dpa' chen po lag na rin po ches bcom ldan 'das de bzhin gshegs pa seng ge'i rtsal gyis bsgyings pa de la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des don gyi dbang ci zhig gzigs na/ bcom ldan 'das sangs rgyas kyi zhing yongs su dag pa gzhan dag kyang mchis bzhin du de tsam du sangs rgyas kyi zhing ngan pa yongs su 'dzin/ bcom ldan 'das des bka' stsal pa/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas des nga ci nas kyang sems can ngan pa rnams kyi nang du bla na med pa yang dag par rdzogs pa'i byang chub mngon par sangs rgyas te/ chos bstan par bya'o zhes yun ring po nas smon lam btab par gyur te/ rigs kyi bu de bzhin gshegs pa shAkya thub pa ni de ltar thugs rje chen po dang ldan no/ /de nas bcom ldan 'das de bzhin gshegs pa seng ge'i rtsal gyis bsgyings pa de la byang chub sems dpa' sems dpa' chen po lag na rin po ches 'di skad ces gsol to// bcom ldan 'das 'jig rten gyi khams mi mjed der bcom ldan 'das de bzhin gshegs pa shAkya thub pa de la lta ba dang / phyag bgyi ba dang / bsnyen bkur bgyi ba'i slad du mchi'o/ / de ci'i slad du zhe na/ 'di ltar thugs rje chen po bskyed de de tsam du sangs rgyas kyi zhing ngan pa yongs su bzung ba ni bcom ldan 'das de bzhin gshegs pa shAkya thub pa de dka' ba mdzad pa ste/ de bzhin gshegs pa dgra bcom pa yang dag par rdzogs pa'i sangs rgyas 'di lta bu ni 'byung bar dka'o/ /de mthong ba yang rnyed par dka'o/ / bcom ldan 'das des bka' stsal pa/ rigs kyi bu khyod de'i dus la bab par shes na song la rigs kyi bu khyod sangs rgyas kyi zhing der rab tu bsgrim par gyis shig /smras par gyur ta re/ de ci'i phyir zhe na/ gang sangs rgyas kyi zhing der skye ba'i byang chub sems dpa' de dag ni bsnyen par dka'o/ /de na sems can gzhan de dag kyang gtum zhing khro ba dag go/ de skad ces bka' stsal pa dang byang chub sems dpa' sems dpa' chen po lag na rin po ches bcom ldan 'das de bzhin gshegs pa seng ge'i rtsal gyis bsgyings pa de la 'di skad ces gsol to/ /bcom ldan 'das gang rjes su chags pa dang / khong khro bar 'gyur pa de ni sangs rgyas kyi zhing der smras par 'gyur gyi/ bcom ldan 'das bdag la ni rjes su chags pa yang ma mchis/ khong khro ba yang ma mchis na bdag ci'i slad du smras par 'gyur/ bcom ldan 'das bdag la sems can thams cad kyis phyi ma'i mtha'i bskal bar gshe zhing spyos te/ bsdigs shing btsogs nas bong ba dang / mtshon gyis btab kyang bzod par spro ste/ sems can gang la yang gnod par bgyi ba'i sems mi skyed do/ /de nas bcom ldan 'das de bzhin gshegs pa seng ge'i rtsal gyis bsgyings pa des rang gi byang chub sems dpa'i 'khor la bka' stsal pa/ rigs kyi bu dag khyed las gang byang chub sems dpa' lag na rin po che ltar bzod pa 'di lta bu yang dag par 'dzin pa spro ba de rigs kyi bu 'di dang lhan cig tu 'jig rten gyi khams mi mjed der deng shig / bcom ldan 'das des tshig de skad gsungs ma thag tu de nas byang chub sems dpa'i 'khor de'i nang nas byang chub sems dpa' dgu khri nyi stong gis dbyangs gcig tu bcom ldan 'das bdag cag kyang byang chub sems dpa' lag na rin po che bltar bzod pa 'di lta bu yang dag par 'dzin par spro ste/ 'jig rten gyi khams mi mjed der mchi'o zhes gsol to/ /de nas byang chub sems dpa' sems dpa' chen po lag na rin po che byang chub sems dpa' dgu khri nyis stong gis yongs su bskor cing mdun du bdar ste/ lhan cig sems bskyed pa gcig gis sangs rgyas kyi zhing de nas mi snang bar gyur nas sangs rgyas kyi zhing 'dir gnas so/ /de nas byang chub sems dpa' sems dpa' chen po lag na rin po che 'di snyam du sems te/ bdag rdzu 'phrul gyi cho 'phrul ji lta bus bcom ldan 'das shAkya thub pa de'i thad du 'gro zhing sems can tshad med pa la ji ltar bde bar bya snyam mo/ /de nas byang chub sems dpa' sems dpa' chen po lag na rin po ches de'i tshe ji ltar stong gsum gyi stong chen po 'jig rten gyi khams 'di lag pa g.yas pas bkab nas lag pa de las bza' ba 'dod pa rnams la bza' ba byung ba dang / btung ba 'dod pa rnams la btung ba dang / de bzhin du bzhon pa dang / gos dang / gser dang / dngul dang / bai dUr+ya dang / mu tig dang / dung dang / man shel dang / byi ru dang / su dag ci 'dod par gyur pa thams cad de las byung bar gyur pa dang / sems can gang chos don du gnyer zhing chos 'dod pa de dag gis kyang lags pa de las chos thos par gyur pa dang / de nas sems can dpag tu med pa dag gis kyang chos mngon par rtogs par gyur pa dang / sems can gang nad rnam pa sna tshogs kyis btab cing sdug bsngal bar gyur pa de dag thams cad kyang mchog tu bde ba dang ldan par gyur pa de lta bu'i rdzu 'phrul mngon par 'du bya ba mngon par byas so/ /de nas byang chub sems dpa' sems dpa' c hen po lag na rin po ches rdzu 'phrul gyi cho 'phrul rnam pa de lta bu 'di bstan nas byang chub sems dpa' de dag dang lhan cig tu bcom ldan 'das de bzhin gshegs pa shAkya thub pa ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas smon lam ji lta ba bzhin du byung ba'i pad ma de dag la 'khor dang bcas te phyogs gcig tu 'khod do/ /yang de'i tshe nub phyogs su sangs rgyas kyi zhing 'di nas sangs rgyas kyi zhing bye ba khrag khrig brgya stong gang gA'i klung dgu bcu rtsa gnyis kyi bye ma snyed 'das pa na 'jig rten gyi khams nor bu'i snying po zhes bya ba de na de bzhin gshegs pa nor bu brtsegs rgyal po zhes bya ba da ltar yang bzhugs te/ 'tsho zhing gzhes la chos kyang ston to/ /de bzhin gshegs pa de'i sangs rgyas kyi zhing de ni bai dUr+ya bzang po 'ba' shig las mngon par grub pa'o/ /sangs rgyas kyi zhing de na nyan thos dang / rang sangs rgyas kyi theg pa rnam par gzhag pa med de/ sangs rgyas kyi zhing de byang chub sems dpa' 'ba' shig gis yongs su gang ngo / /yang sangs rgyas kyi zhing de na byang chub sems dpa' gang rnams 'gro yang rung / 'ong yang rung / 'greng yang rung / 'dug kyang rung / ldang yang rung / 'chag kyang rung ste/ de dag gis bai dUr+ya'i sa chen po de las bcom ldan 'das de bzhin gshegs pa nor bu brtsegs rgyal po de mthong ngo / /'di lta ste/ dper na shin tu phyis pa'i me long gi dkyil 'khor la bzhin gyi dkyil 'khor snang ba de bzhin du byang chub sems dpa' de dag gis bai dUr+ya'i sa chen po de las de bzhin gshegs pa de mthong ngo / /mthong nas chos kun 'dri ste/ de bzhin gshegs pa de yang de dag la lung ston to/ / de dag kyang chos thos nas bzod pa thob bo/ /'di lta ste/ bcom ldan 'das de'i sngon gyi smon lam gyis bcom ldan 'das de'i smin mtshams kyi spu'i dbus su yang nor bu rin po che chen po mngon par grub ste/ nor bu rin po che de'i 'od kyi sangs rgyas kyi zhing de thams cad snang bar byas nas/ sangs rgyas kyi zhing de na me tog kha zum pa dang / me tog kha bye ba las nyin mtshan bgrang ba ma gtogs par nyi ma dang zla bar mngon pa yang med/ nyin mtshan du mngon pa yang med do/ /yang de bzhin gshegs pa nor bu brtsegs rgyal po de'i sangs rgyas kyi zhing na byang chub sems dpa' sems dpa' chen po smon lam khyad par blo gros zhes bya ba zhig gnas te/ byang chub sems dpa' sems dpa' chen po smon lam khyad par blo gros kyis snang ba chen po de yang mthong / gsung bsal ba'i sgra de yang thos te/ mthong zhing thos nas bcom ldan 'das de bzhin gshegs pa nor bu brtsegs rgyal po de ga ba la der song ste phyin nas bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas byang chub sems dpa' sems dpa' chen po smon lam khyad par blo gros kyis bcom ldan 'das de bzhin gshegs pa nor bu brtsegs rgyal po de la 'di skad ces gsol to/ /bcom ldan 'das snang ba chen po 'di 'jig rten du byung zhing gsung bsal ba'i sgra chen po yang gda' ba 'di'i rgyu gang lags/ rkyen gang lags/ bcom ldan 'das des bka' stsal pa/ rigs kyi bu shar phyogs su sangs rgyas kyi zhing 'di nas sangs rgyas kyi zhing bye ba khrag khrig brgya stong gang gA'i klung dgu bcu rtsa gnyis kyi bye ma snyed 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar yang bzhugs te/ 'tsho zhing gzhes la chos kyang ston to/ /de bzhin gshegs pa des gang 'di phyogs bcu'i 'jig rten gyi khams bye ba khrag khrig tshad med grangs med pa dag nas/ byang chub sems dpa' bsdu ba dang / 'di lta ste chos bsgrag pa'i phyir spu'i khung bu thams cad nas 'od 'di dag rab tu bkye zhing gsung bsal ba'i sgra phyung ngo / /de skad ces bka' stsal pa dang / byang chub sems dpa' smon lam khyad par blo gros kyis bcom ldan 'das de la 'di skad ces gsol to/ /bcom ldan 'das bdag 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' 'dus pa de yang blta ba dang / chos bstan pa de yang nyan du mchi'o/ /bcom ldan 'das des bka' stsal pa/ rigs kyi bu khyod de'i dus la bab par shes na song shig /de nas byang chub sems dpa' smon lam khyad par blo gros byang chub sems dpa' bye ba khrag khrig brgya stong phrag bzhi bcu rtsa gnyis kyis yongs su bskor cing mdun du bdar te/ lhan cig tu sems bskyed pa gcig gis sangs rgyas kyi zhing de nas mi snang bar gyur nas 'jig rten gyi khams mi mjed der gnas so/ /de nas byang chub sems dpa' smon lam khyad par blo gros 'di snyam du sems te/ bdag gis rdzu 'phrul gyi cho 'phrul ji lta bus bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa de'i thad du 'gro bar bya snyam mo/ /de nas byang chub sems dpa' smon lam khyad par blo gros kyis de'i tshe ji ltar stong gsum gyi stong chen po'i 'jig rten gyi khams 'dir gang dag sems can dmyal ba dang / dud 'gro'i skye gnas dang / gshin rje'i 'jig rten du skyes par gyur ba'i sems can de dag thams cad mchog tu bde ba dang ldan par gyur pa dang / sems can dmyal ba'i sems can rnams kyi sems can dmyal ba'i me yang rab tu zhi bar gyur pa dang / sems can gang dag bkres pa dang / skom pas nyen pa yi dags dang / dud 'gro'i skye gnas su song ba'i sems can de dag dang / gshin rje'i 'jig rten pa de dag thams cad bkres pa dang / skom pa dang bral zhing bde ba mchog dang ldan par gyur pa 'di lta ste/ dper na dge slong bsam gtan la snyoms par zhugs pa'i bde ba bzhin te/ skad cig de nyid la sems can de dag bde ba rnam pa 'di lta bu skyes nas skad cig de nyid la sems can gang yang 'dod chags sam/ zhe sdang ngam/ gti mug gam/ khro ba 'am/ nga rgyal lam/ 'chab pa 'am/ 'tshig pa 'am/ phrag dog gam/ / ser sna 'am/ g.yo ba 'am/ tha ba 'am/ gnod sems kyis gzer ba med pa dang / 'gro ba thams cad du skyes pa'i sems can thams cad kyang skad cig de nyid la byams pa'i sems dang / phan pa'i sems dang ldan zhing phan tshun pha mar 'du shes par gyur pa de lta bu'i/ rdzu 'phrul mngon par 'du bya ba mngon par byas te/ de lta bu'i ting nge 'dzin la snyoms par zhugs so/ / de nas byang chub sems dpa' smon lam khyad par blo gros kyis rdzu 'phrul gyi cho 'phrul rnam pa 'di lta bu 'di bstan nas/ byang chub sems dpa' sems dpa' chen po de dag dang lhan cig tu/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas smon lam ji lta ba bzhin du byung ba'i pad ma de dag la 'khor dang bcas te phyogs gcig tu 'khod do// // bam po gnyis pa/ yang de'i tshe byang phyogs su sangs rgyas kyi zhing 'di nas sangs rgyas kyi zhing gang gA'i klung drug bcu rtsa gsum gyi bye ma snyed 'das pa na ' jig rten gyi khams rtag tu brgyan pa zhes bya ba'i sangs rgyas kyi zhing de na de bzhin gshegs pa dgra bcom pa yang dag par rdzogs pa'i sangs rgyas sA la'i dbang po'i rgyal po 'byung ba zhes bya ba da ltar yang bzhugs te/ 'tsho zhing gzhes la chos kyang ston to/ /sangs rgyas kyi zhing de na khyim pa gos dkar po gyon pa med de/ byang chub sems dpa' de dag thams cad kyang gos ngur smig 'chang ba sha stag go/ /sangs rgyas kyi zhing de na bud med kyi ming yang med cing mngal gyi gnas kyang mi shes so/ /byang chub sems dpa' de dag thams cad kyang gos ngur smig gyon cing skyil mo dkrung bcas par rdzus te 'byung ngo / /bcom ldan 'das de yang byang chub sems dpa' de dag la sangs rgyas kyi rigs kyi phyag rgya zhes bya ba'i chos kyi rnam grangs yang dag par rab tu ston to/ /de la sangs rgyas kyi rigs kyi phyag rgya zhes bya ba gang zhe na/ gang 'di byang chub tu sems dang po bskyed de/ de ltar byang chub tu sems bskyed nas byang chub sems dpa'i bslab pa yongs su rdzogs pa/ byang chub sems dpa'i sde snod la 'jug pa/ gzungs kyi rtsa ba'i gnas/ sems mi g.yeng ba/ gtong ba/ rjes su gtong ba/ stong pa nyid kyi rjes su 'jug pa/ mtshan ma med pa la yang dag par sgrub pa/ smon pa med pa tshol pa/ rang bzhin gyis 'dod chags dang bral ba phung po dang / khams dang / skye mched rab tu rtogs pa/ 'dun pa'i bya ba rgyun chags pa/ sangs rgyas kyi ye shes 'dod pa/ de la mngon par dad pa/ chos thams cad rab tu rtogs pa/ de dag la yongs su rtogs pa med pa/ rtog pa yang dag par chad pa de yang mi mthong ba 'di ni sangs rgyas kyi rigs kyi phyag rgya zhes bya'o/ /yang sangs rgyas kyi zhing de na byang chub sems dpa' sems dpa' chen po mtshan gyis brgyan pa skar ma brtsegs pa'i rgyal po zhes bya ba zhig gnas te/ rigs kyi bu de'i smon lam gyi khyad par ni 'di lta bu ste/ sems can ji snyed kyis byang chub sems dpa' sems dpa' chen po de mthong ba de dag thams cad skyes bu chen po'i mtshan sum bcu rtsa gnyis kyis legs par brgyan par 'gyur ba'o/ /byang chub sems dpa' mtshan gyis brgyan pa skar ma brtsegs pa'i rgyal pos snang ba chen po de yang mthong / gsung bsal ba'i sgra de yang thos te/ mthong zhing thos nas bcom ldan 'das sA la'i dbang po'i rgyal po 'byung ba de bzhin gshegs pa ga la ba der song ste phyin nas bcom ldan 'das de'i zhabs la mgo bos phyag 'tshal te/ de bzhin gshegs pa de la lan gsum bskor ba byas nas phyogs gcig tu 'dug go/ /phyogs gcig tu 'dug nas byang chub sems dpa' sems dpa' chen po mtshan gyis brgyan pa skar ma brtsegs pa'i rgyal pos bcom ldan 'das de bzhin gshegs pa sA la'i dbang po'i rgyal po 'byung ba de la 'di skad ces gsol to/ /bcom ldan 'das snang ba chen po 'di dang / gsung bsal ba'i sgra chen po 'di 'jig rten du byung ba'i rgyu gang lags/ rkyen gang lags/ de skad ces gsol pa dang / bcom ldan 'das de bzhin gshegs pa sA la'i dbang po'i rgyal po 'byung ba des rigs kyi bu de la 'di skad ces bka' stsal to/ /rigs kyi bu lho phyogs su sangs rgyas kyi zhing 'di nas sangs rgyas kyi zhing gang gA'i klung drug khri sum stong gi bye ma snyed 'das pa na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar yang bzhugs te/ 'tsho zhing gzhes la chos kyang ston to/ /rigs kyi bu de bzhin gshegs pa dgra bcom pa yang dag par rdzogs pa'i sangs rgyas shAkya thub pa des gang 'di phyogs bcu'i 'jig rten gyi khams tshad med grangs med pa dag nas byang chub sems dpa' bsdu ba dang / 'di lta ste/ chos bsgrag pa'i phyir spu'i khung bu thams cad nas 'od zer 'di dag rab tu bkye zhing gsung gsal ba'i sgra phyung ngo / /gsol pa/ bcom ldan 'das ci'i slad du 'jig rten gyi khams de mi mjed ces bgyi/ bcom ldan 'das des bka' stsal pa/ rigs kyi bu 'di ltar 'jig rten gyi khams de na sems can 'dod chags la mi mjed/ zhe sdang la mi mjed/ gti mug la mi mjed/ sdug bsngal la mi mjed de/ de'i phyir 'jig rten gyi khams de mi mjed ces bya'o/ /gsol pa/ bcom ldan 'das sems can de dag las la la spyos pa dang / mi snyan par brjod pa dang / bsdigs pa dang / brdegs pa bzod cing dang du len par bgyid pa mchis sam/ 'dod chags kyi sems skyes pa sel tam/ de bzhin du zhe sdang gi sems dang / gti mug gi sems sel pa mchis sam/ bka' stsal pa/ rigs kyi bu 'jig rten gyi khams de na sems can de dag las gang yon tan 'di dag dang ldan pa ni nyung ngo / rigs kyi bu sems can de dag las phal cher ni gnod sems dang / tha ba dang / zhe sdang mang ste 'dod chags dang / zhe sdang dang / gti mug gis kun du dkris so/ /gsol pa/ bcom ldan 'das mi mjed ces bgyi ba'i mi 'di thog du ma bab bo/ /gal te sems can de dag bzod par gyur na ni de yang rung na/ bcom ldan 'das 'di ltar mi bzod pas na de'i slad du bcom ldan 'das mi mjed bgyi ba'i mi 'di thog tu ma bab po/ /bka' stsal pa/ rigs kyi bu sangs rgyas kyi zhing de na rigs kyi bu dang / rigs kyi bu mo byang chub sems dpa'i theg pa pa/ sngon gyi rgyal ba la lhag par bya ba byas pa/ dge ba'i rtsa ba rnams bskyed pa/ sangs rgyas brgya stong mang po la bsnyen bkur byas pa/ bzod pa dang / dul ba dang / des pa dang / ldan pa dag yod de/ de dag ni sems can thams cad kyis spyos/ bsdigs/ mtshon gyis btab kyang ji snyam mi mjed de/ 'dod chags dang / zhe sdang dang / gti mug rnams kyis mi 'phrogs so/ /rigs kyi bu skyes bu dam pa de dag gi ming gi 'jig rten gyi khams mi mjed ces brjod do/ /bcom ldan 'das de bzhin gshegs pa shAkya thub pa de yang de na sems can kha cig sdig pa'i chos dang ldan pa mu cor smra ba/ khro ba/ gtum pa/ sems can dmyal ba dang / dud 'gro'i skye gnas su gzhol ba/ ngan 'gro'i spyod yul ba/ sangs rgyas dang / chos dang / dge 'dun la mi gus pa/ phrag dog la mngon par dga' ba'i sems can ngan pa de dag gis de tsam du spyos shing smad de/ gnod par byas shing skur kyang bcom ldan 'das de snying rje bas bzod cing dang du len te/ sa dang mnyam ba'i sems rjes su chags pa dang / khong khro ba med pas de sti stang du byas kyang khengs par mi byed/ ste stang du ma byas kyang 'dud par mi byed de/ de spyos shing brgyad kyang mi rtog /rnam par mi rtog /gnod par mi 'gyur/ mi 'phrogs/ mi chags/ mi skyo ste/ de'i phyir 'jig rten gyi khams de mi mjed ces bya'o/ /de nas bcom ldan 'das de bzhin gshegs pa sA la'i dbang po'i rgyal po 'byung ba de la/ byang chub sems dpa' sems dpa' chen po mtshan gyis brgyan pa skar ma brtsegs pa'i rgyal pos 'di skad ces gsol to/ /bcom ldan 'das 'di ltar bdag 'jig rten gyi khams der de tsam du dmad pa'i sems can rnams kyi nang du ma skyes pa ni bdag gis rnyed pa legs par rnyed do/ /bcom ldan 'das des bka' stsal pa/ rigs kyi bu khyod de skad ma zer cig /de ci'i phyir zhe na rigs kyi bu byang dang shar gyi mtshams na 'jig rten gyi khams stong gis brgyan pa zhes bya ba yod de/ sangs rgyas kyi zhing de na de bzhin gshegs pa dgra bcom pa yang dag par rdzogs pa'i sangs rgyas dbang phyug chen po'i rgyal po zhes bya ba da ltar yang bzhugs te 'tsho zhing gzhes so/ /rigs kyi bu sangs rgyas kyi zhing de na sems can rnams rab tu bde ba dang ldan no/ /'di lta ste dper na 'gog pa la snyoms par zhugs pa'i dge slong gi bde ba bzhin te/ sems can rnams kyang bde ba de lta bu dang ldan no/ /yang rigs kyi bu 'jig rten gyi khams stong gis brgyan pa der lo bye ba brgya stong du tshangs par spyod pa spyad pa bas ni gang 'jig rten gyi khams mi mjed du tha na se gol gtogs pa srid tsam du sems can thams cad la byams pa'i sems bskyed na de bas 'di bsod nams ches mang du skyed na/ gang nyin mtshan du yongs su dag par gnas pa lta smos kyang ci dgos/ de nas bcom ldan 'das de bzhin gshegs pa sA la'i dbang po'i rgyal po 'byung ba de la byang chub sems dpa' sems dpa' chen po mtshan gyis brgyan pa skar ma brtsegs pa'i rgyal pos 'di skad ces gsol to/ /bcom ldan 'das bdag 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang byang chub sems dpa' 'dus pa de yang blta ba dang chos bstan pa de yang nyan du mchi'o/ /bcom ldan 'das des bka' stsal pa/ rigs kyi bu khyod de'i dus la dbab par shes na song shig /de nas byang c hub sems dpa' mtshan gyis brgyan pa skar ba brtsegs pa'i rgyal po byang chub sems dpa' bye ba phrag bcus yongs su bskor cing lhan cig tu sems bskyed pa gcig gis sangs rgyas kyi zhing de nas mi snang bar gyur nas 'jig rten gyi khams mi mjed 'dir gnas so/ /de nas byang chub sems dpa' mtshan gyis brgyan pa skar ma brtsegs pa'i rgyal po 'di snyam du sems te/ bdag gis rdzu 'phrul gyi cho 'phrul ji lta bus bcom ldan 'das de bzhin gshegs pa shAkya thub pa de'i thad du 'gro snyam nas/ de de'i tshe ji lta bu'i rdzu 'phrul mngon par 'du bya ba mngon par byas pas stong gsum gyi stong chen po'i 'jig rten gyi khams 'di rin po che'i gdugs gcig gis khebs par gyur ba dang / rin po che'i gdugs de las kyang me tog rnam pa sna tshogs kyi char rab tu 'bab sil snyan brgya stong yang 'khrol/ /mu tig gi rgyan phreng brgya stong yang mngon par 'phyang / gdugs dang / rgyal mtshan dang / ba dan brgya stong yang mngon par 'phyang pa dang / bcom ldan 'das shAkya thub pa'i 'khor gyi dkyil 'khor du 'dus pa dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa ji snyed pa de dag thams cad kyis rang rang gi lus skyes bu chen po'i mtshan sum bcu rtsa gnyis kyis brgyan par shes pa de lta bu'i rdzu 'phrul mngon par 'du bya ba mngon par byas so/ /de nas byang chub sems dpa' sems dpa' chen po mtshan gyis brgyan pa skar ma brtsegs pa'i rgyal pos rdzu 'phrul gyi cho 'phrul rnam pa de lta bu 'di bstan nas byang chub sems dpa' sems dpa' chen po de dag dang lhan cig tu/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas smon lam ji lta ba bzhin du byung ba'i pad ma dag la 'khor dang bcas te phyogs gcig tu 'khod do/ /de bzhin du sbyar te/ phyogs bcu kun gyi bar gyi 'jig rten gyi khams bye ba khrag khrig brgya stong tshad med grangs med pa dag tu yang byang chub sems dpa' sems dpa' chen po tshad med grangs med pa rnams kyis snang ba chen po de yang mthong / /gsung bsal ba'i sgra de yang thos nas rang rang gi de bzhin gshegs pa la yongs su zhus te 'jig rten gyi khams mi mjed 'dir lhags nas de dag thams cad kyis kyang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do/ /gang dag stong gsum gyi stong chen po'i 'jig rten gyi khams 'di'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang / rgyal po chen po 'jig rten skyong ba dang / de ma yin pa'i lha'i bu gzi brjid che ba/ gzi brjid che ba de dag thams cad kyis 'od zer gyi snang ba chen po de yang mthong gsung bsal ba'i sgra de yang thos nas bcom ldan 'das de bzhin gshegs pa shAkya thub pa ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do/ /de nas bcom ldan 'das kyis de'i tshe ji lta bu'i rdzu 'phrul mngon par 'du mdzad pa mngon par mdzad pas phyogs bcu'i 'jig rten gyi khams bye ba khrag khrig brgya stong tshad med grangs m ed pa ji snyed pa de dag nas byang chub sems dpa' tshad med grangs med pa 'dus pa de dag thams cad kyis kyang 'jig rten gyi khams mi mjed 'di rang rang gi sangs rgyas kyi zhing gi yon tan bkod pa de dang ci 'dra ba de 'dra bar lhag chad med cing khyad ma zhugs par mthong ba dang / sangs rgyas kyi zhing de dag gi sangs rgyas bcom ldan 'das kyi sku'i kha dog dang / chu zheng ci 'dra bar bcom ldan 'das shAkya thub pa'i sku'i yongs su grub pa de 'dra bar byang chub sems dpa' de dag gis so so nas mthong ba dang / sangs rgyas kyi zhing de dag gi byang chub sems dpa' phun sum tshogs pa ci 'dra ba dang / nyan thos chen po phun sum tshogs pa ci 'dra ba dang / longs spyod dang / kun spyod pa ci 'dra ba de 'dra bar 'dir yang byang chub sems dpa' dag gis so so nas shes pa dang / bdag nyid kyang rang rang gi sangs rgyas kyi zhing na 'dug pa snyam du sems pa de lta bu'i rdzu 'phrul mngon par 'du mdzad pa mngon par mdzad do/ /de nas byang chub sems dpa' sems dpa' chen po byams pas byang chub sems dpa'i 'khor rgya chen po de mthong nas stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la tshigs su bcad pa 'di dag gsol to/ /phyogs bcu rnams su grags pa mtha' yas blo/ /'jig rten lhar bcas 'dir ni lam me ste/ /thub pa'i thugs ni sems can thams cad kyis/ /tshad gzung mi nus de phyir khyod bsam yas/ /phyogs bcu dag nas rgyal sras dpag med pa/ chos tshol slad du de ring 'dir lhags nas/ /bcom ldan 'das la kun kyang gus bcas gnas/ /smra ba'i mchog gis chos rnams rab tu gsungs/ /phyogs rnams ma lus par ni brjod grags pa/ /tshul khrims brtson 'grus ting 'dzin blo rnams kyis/ /seng ge ltar ni 'jigs med khyod mdzes pa/ /nam mkha' dag la nyi ma bzhin du gsal/ lha dang klu dang lha min gsang ba pa/ /dge bsnyen pho mo dge slong dge slong ma/ /thams cad gus bcas thal mo sbyar gnas kyis/ /bcom ldan phan bzhed chos ni bshad du gsol/ khyod ni 'das mkhyen de bzhin ma 'ongs dang / da ltar yang ni shin du nges par mkhyen/ /lus can mos pa ji bzhin khyod gzigs la/ /the tshom chen po sel ba'i chos bshad gsol/ /thub pa rgyal sras ji ltar spyad pas na/ /zhing rnams dag pa rdul med thob par 'gyur/ /ji ltar smon lam 'grub pa 'thob 'gyur pa/ /de ni 'dren pas bdag la myur bshad gsol/ /ji ltar ser sna'i dri mas mi gos shing / /ji ltar tshul khrims ma nyams 'gyur ba dang / /bsdigs pa dang ni de bzhin skur pa dang / /brnyas pa dag kyang thub pa ji ltar bzod/ /sdug bsngal du mas rab tu gzir ba yi/ /'jig rten dag gi sdug bsngal bzlog slad du/ /bskal pa bye ba mang por rgyal sras rnams/ /ji ltar brtson 'grus rtsom zhing spyod par 'gyur/ /rtag tu sems ni rtse gcig mnyam bzhag cing / /bsam gtan gnas pa spyod yul rnam dag ste/ /pad ma chu yi dri mas mi gos ltar/ /ji ltar 'dod pa dag gis gos mi 'gyur/ /thub pa ji ltar zab mo'i chos smra zhing / /mkhas pa 'jig rten 'das pa'i blo ldan 'gyur/ / brtan pa ji ltar bdud sde bcas bcom nas/ /byang chub rdul bral bla med reg par 'gyur/ /de nas bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ /byams pa khyod kyis de bzhin gshegs pa'i gdan shoms shig dang / de bzhin gshegs pa gdan de la bzhugs nas sangs rgyas kyi zhing gi yon tan bkod pa'i spyod pa la yang dag par 'jug pa'i tshul la mkhas pa bsgrub pa dang por bsam zhing nan tan bya ba zhes bya'i chos kyi rnam grangs bshad do/ /de nas byang chub sems dpa' sems dpa' chen po byams pa 'di snyam du sems te/ de bzhin gshegs pa don gyi dbang ci zhig gzigs na bdag gdan 'ding du bcug ste/ gnas brtan kun dga' bo dang / maud gal gyi bu chen po la bka' ma stsal/ de bzhin gshegs pas byang chub sems dpa' rnams gdan 'ding du bcug pa las na gtam 'di ni byang chub sems dpa' 'ba' shig gi phyir brtsams nas nyan thos dang rang sangs rgyas gyi theg pa yongs su spangs pa'i gtam zhig 'byung ba ste/ nyan thos dang / rang sangs rgyas rnams ni chos bstan pa 'di'i snod ma yin pa lta zhig snyam mo/ /de nas byang chub sems dpa' sems dpa' chen po byams pas de'i tshe 'di lta bu'i rdzu 'phrul mngon par 'du bya ba mngon par byas pas de bzhin gshegs pa'i seng ge'i khri 'phang du dpag tshad bzhi 'bum pa rin po che du mas spras pa/ /lha'i ras bcos bu brgya stong du ma bting ba/ shing bal ltar 'jam zhing reg na bde ba bshams nas khri de'i 'od kyis stong gsum gyi stong chen po'i 'jig rten gyi khams 'di snang bar byas so/ /de nas bcom ldan 'das khri snga ma las bzhengs te seng ge'i khri de la bzhugs so/ /bcom ldan 'das seng ge'i khri de la bzhugs ma thag tu stong gsum gyi stong chen po'i 'jig rten gyi khams 'di rnam pa drug tu rab tu g.yos so/ /de nas bcom ldan 'das kyis tshe dang ldan pa shA ra dwa ti'i bu la bka' stsal pa/ shA ri'i bu chos bzhi dang ldan na byang chub sems dpa' sems dpa' chen po smon lam yongs su rdzogs par 'gyur ro/ /bzhi gang zhe na/ 'di lta ste byang chub kyi bsam pas yang dag par zhugs pa dang / sems can la snying rje ba dang / brtson 'grus rtsom pa dang / dge ba'i bshes gnyen la bsten pa ste/ shA ri'i bu chos bzhi po de dag dang ldan na byang chub sems dpa' sems dpa' chen po smon lam yongs su rdzogs par 'gyur ro/ /shA ri'i bu gzhan yang chos gcig dang ldan na byang chub sems dpa' sems dpa' chen po smon lam las mi nyams shing sangs rgyas kyi zhing phun sum tshogs pa yang yongs su spyod par 'gyur ro/ /chos gcig po gang zhe na/ shA ri'i bu 'di ltar byang chub sems dpas de bzhin gshegs pa mi 'khrugs pa'i byang chub sems dpa'i spyod pa la slob cing 'dod pa dang 'dun pa bskyed pa ste/ ji ltar de bzhin gshegs pa mi 'khrugs pa sngon byang chub sems dpar gyur ba na tshig 'di skad ces/ gal te bdag skye ba thams cad tu rab tu ma byung na sangs rgyas thams cad bslus par gyur cig ces smras te/ shA ri'i bu de bzhin du byang chub sems dpa' de bzhin gshegs pa mi 'khrugs pa'i byang chub sems dpa'i spyod pa'i rjes su bslab par bya'o/ /shA ri'i bu byang chub sems dpa' de ltar slob pa ni skye ba thams cad tu rab tu 'byung ste/ de bzhin gshegs pa rnams byung yang rung / ma byung yang rung / gdon mi za bar khyim gyi gnas nas 'byung ngo / /de ci'i phyir zhe na/ shA ri'i bu 'di lta ste/ khyim gyi gnas nas mngon par 'byung ba 'di ni byang chub sems dpa'i rnyed pa'i mchog yin pa'i phyir/ shA ri'i bu rab tu 'byung ba la mngon par dga' ba'i byang chub sems dpa' yon tan bcu yongs su 'dzin to/ /bcu gang zhe na/ 'di lta ste/ 'dod pa la chags par mi 'gyur ba dang / dgon pa'i gnas la dga' ba rnyed pa dang / sangs rgyas kyi spyod yul yang 'thob pa dang / de chung ma dang / bu pho dang / bu mo la sred par mi 'gyur ba dang / ngan 'gror 'gro ba'i chos rnam par spong ba dang / bde 'gror 'gro ba'i chos la sten pa dang / sngon gyi dge ba'i rtsa ba las yongs su mi nyams pa dang / dge ba'i rtsa ba phun sum tshogs pa 'thob pa dang / de la lha rnams dga' ba dang / de la mi ma yin pa rnams kyis bsrung bar 'gyur ba ste/ shA ri'i bu rab tu 'byung ba la mngon par dga' ba'i byang chub sems dpa' yon tan bcu po de dag yongs su 'dzin par 'gyur ro/ /shA ri'i bu de lta bas na byang chub sems dpa' byang chub mngon par 'tshang rgya bar 'dod pa dang / sems can thams cad dgrol bar 'dod pas rgyun du rab tu 'byung ba dang / mngon par 'byung ba la shin du dga' bar bya'o/ /shA ri'i bu chos gcig po de dang ldan na byang chub sems dpa' smon lam las mi nyams shing sangs rgyas kyi zhing phun sum tshogs pa yang yongs su spyod par 'gyur ro/ /shA ri'i bu gzhan yang chos gnyis dang ldan na byang chub sems dpa' smon lam las mi nyams shing sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin par 'gyur te/ gnyis gang zhe na/ shA ri'i bu 'di la byang chub sems dpa' nyan thos kyi theg pa mi 'dod/ /nyan thos kyi theg pa'i gtam la mi dga'/ nyan thos kyi theg pa pa dang mi sten/ nyan thos kyi bslab pa la mi slob/ nyan thos kyi theg pa dang ldan pa'i chos mi ston/ /gzhan yang nyan thos kyi theg pa yang dag par 'dzin du mi 'jug cing rang sangs rgyas kyi theg pa yang de bzhin pa dang / gang 'di sangs rgyas kyi chos yongs su bsgrub pa'i phyir bla na med pa yang dag par rdzogs pa'i byang chub yang dag par 'dzin du 'jug pa'o/ /shA ri'i bu de la gzhan dag sangs rgyas kyi theg pa yang dag par 'dzin du 'jug pa'i byang chub sems dpa' ni gnas bcu yongs su 'dzin to/ /bcu gang zhe na/ nyan thos dang / rang sangs rgyas med pa'i sangs rgyas kyi zhing yongs su 'dzin pa dang / byang chub sems dpa' 'ba' shig gi dge 'dun rab tu rnyed pa dang / de la sangs rgyas bcom ldan 'das rnams dgongs pa dang / sangs rgyas bcom ldan 'das rnams de'i tshul yongs su sgrogs shing chos ston pa dang / 'di lta ste/ de brgya byin nyid dam/ tshangs pa nyid kyi phyir sems dang sems las byung ba rgya chen po skyed pa dang / mir gyur na yang 'khor los sgyur ba'i rgyal por 'gyur ba dang / sangs rgyas mthong ba dang 'bral bar mi 'gyur ba dang / lha dang mi rnams dga' bar 'gyur ba dang / g.yog 'khor mi phyed par 'gyur ba dang / gsod nams kyi phung po tshad med grangs med pa yongs su 'dzin pa'o/ /shA ri'i bu de ci'i phyir zhe na/ gang stong gsum gyi stong chen po'i 'jig rten gyi khams kyi sems can ji snyed pa de dag thams cad dgra bcom pa'i 'bras bu mngon sum du bya ba la bkod pa dang / rang sangs rgyas kyi 'bras bu mngon sum du bya ba la bkod pa bas gang rigs kyi bu 'am/ rigs kyi bu mo gcig yang dag par rdzogs pa'i byang chub kyi sems la bzhag na de ni de bas bsod nams ches mang du skyed do/ /shA ri'i bu de ci'i phyir zhe na/ nyan thos dang rang sangs rgyas skyes pas ni sangs rgyas kyi rigs mi 'chad par mi 'gyur te/ sangs rgyas 'byung ba med na nyan thos dang / rang sangs rgyas 'byung bar mi 'gyur gyi/ shA ri'i bu sangs rgyas 'byung ba yod na sangs rgyas kyi rigs mi 'chad cing nyan thos dang / rang sangs rgyas su gdags pa yang yod par 'gyur ro/ /shA ri'i bu gzhan dag byang chub kyi sems la rab tu 'god pa'i byang chub sems dpa' ni gnas bcu po de dag yongs su 'dzin to/ /shA ri'i bu chos gnyis po de dag dang ldan na byang chub sems dpa' smon lam las mi nyams shing sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin to/ /shA ri'i bu gzhan yang chos gsum dang ldan na byang chub sems dpa' smon lam las mi nyams shing sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin te/ gsum gang zhe na/ shA ri'i bu 'di la byang chub sems dpa' dgon pa la gnas pa lhur len pa dang / zang zin med par chos kyi sbyin pa sbyin pa dang / tshul khrims kyi sdom pa la gnas par 'gyur ba'o/ /shA ri'i bu tshul khrims kyi sdom pa la gnas pa'i byang chub sems dpa' mi 'jigs pa bcu 'thob ste/ bcu gang zhe na/ gang 'di mi 'jigs par grong du 'jug pa dang / mi 'jigs par 'khor la chos ston pa dang / mi 'jigs par kha zas za ba dang / mi 'jigs par gtsug lag khang du 'jug pa dang / mi 'jigs par dge 'dun gyi nang du 'jug pa dang / mi 'jigs par lung 'bog pa dang / mi 'jigs par slob dpon dang mkhan po'i drung du 'gro ba dang / mi 'jigs par byams pa dang ldan pas 'khor la rjes su ston pa dang / mi 'jigs par gos dang / zas dang / mal cha dang / na ba'i gsos sman dang / yo byad la spyod pa dang / des smras pa gzung bar 'gyur ste/ shA ri'i bu tshul khrims kyi sdom pa la gnas pa'i byang chub sems dpa' mi 'jigs pa bcu po de dag 'thob bo/ /shA ri'i bu zang zing med pa'i sems kyis chos kyi sbyin pa sbyin pa'i byang chub sems dpa' ni yon tan gyi chos bcu yongs su 'dzin te/ bcu gang zhe na/ gang 'di de sdig pa mi 'dod pa yin/ de shes kyi khe mi 'dod pa yin de grags pa mi 'dod pa yin/ de khyim yongs su mi 'dzin pa yin/ /de khyim la ser sna med pa yin/ de gos dang / zas dang / mal cha dang / na ba'i gsos sman dang / yo byad ngan ngon tsam gyis chog shes pa yin/ des smras pa gzung bar 'os pa yin/ lha dag kyang de'i drung du 'gro ba yin/ de tshul bzhin ma yin pa rnam par rtog pa yid la byed pa mi skyed pa yin/ de sangs rgyas kyi sems la sems bskyed pa yin te/ shA ri'i bu zang zing med pa'i sems kyis chos kyi sbyin pa sbyin pa'i byang chub sems dpa' ni yon tan gyi chos bcu po de dag yongs su 'dzin to/ /shA ri'i bu dgon pa la gnas pa lhur len pa'i byang chub sems dpa' yon tan gyi phan yon bcu yongs su 'dzin to/ /bcu gang zhe na/ gang 'di 'du 'dzi rnam par spong ba dang / rab tu dben pa la sten pa dang / de bsam gtan la sems dmigs par 'gyur ba dang / bya ba mang por mi 'gyur ba dang / sangs rgyas rnams 'dod pa dang / de'i lus bde ba dang / mi 'bral ba dang / de'i tshangs par spyod pa bar chad du mi 'gyur ba dang / tshegs chung ngus ting nge 'dzin thob pa dang / des tshig dang yi ger bstan pa rnams chud mi za ba dang / ji ltar thos pa'i chos rnams kyi don rab tu shes pa ste/ shA ri'i bu dgon pa la gnas pa lhur len pa'i byang chub sems dpa' ni yon tan gyi phan yon bcu po de dag yongs su 'dzin to/ /shA ri'i bu chos gsum po de dag dang ldan na byang chub sems dpa' smon lam las mi nyams shing sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin to/ /shA ri'i bu gzhan yang chos bzhi dang ldan na byang chub sems dpa' smon lam las mi nyams shing sangs rgyas kyi zhing ji lta bu 'dod pa de lta bu yongs su 'dzin to/ /bzhi gang zhe na/ shA ri'i bu 'di la byang chub sems dpa' bden par smra ba yin/ ji skad smras pa de bzhin byed cing nga rgyal bcom pa yin/ nga rgyal tshar bcad pa'i phyir zhugs shing phrag dog dang ser sna yongs su spangs pa yin/ pha rol 'byor ba la yang yid dga' ba yin no/ /shA ri'i bu bzhi po 'di dag ni bden par smra ba'i byang chub sems dpa'i phan yon te/ bzhi gang zhe na/ 'di lta ste/ de'i kha nas ud pa la'i dri'i ngad 'byung ba dang / lus dang / ngag dang / yid kyi las kyi mtha' yongs su dag par 'gyur ba dang / lhar bcas pa'i 'jig rten gyi tshad mar gyur cing / tshig 'khrul pa med pa 'gyur ba dang / sangs rgyas kyi gsung phun sum tshogs pa yongs su 'dzin pa ste/ shA ri'i bu bzhi po de dag ni byang chub sems dpa' bden par smra ba'i phan yon no/ /shA ri'i bu bzhi po 'di dag ni nga rgyal bcom pa'i byang chub sems dpa'i phan yon te/ bzhi gang zhe na/ gang 'di ngan 'gror skye ba rnam par spong ba ste/ 'di lta ste/ rnga mo dang / ba lang dang / bong bu dang / rta'i skye gnas dang / de bzhin du gzhan smad par skye ba rnam par spong ba dang / mi smad par 'gyur ba dang / gzhan gyi phyir rgol ba dang / mi 'dza' ba rnams kyis mi tshugs par 'gyur ba dang / lha dang bcas pa'i 'jig rten gyis phyag bya bar 'gyur ba ste/ shA ri'i bu bzhi po de dag ni nga rgyal bcom pa'i byang chub sems dpa'i phan yon no/ /shA ri'i bu bzhi po 'di dag ni phrag dog dang / ser sna yongs su spangs pa'i byang chub sems dpa'i phan yon no/ /bzhi gang zhe na/ 'di lta ste/ de gtong ba'i sems la mi rmongs pa dang / mu ge byung ba'i dus na sbyin bdag tu 'gyur ba dang / de tshul khrims dang ldan pa 'ongs na khyim gyi sgo gcod par mi 'gyur ba dang / de'i gtong ba dang / len pa la su yang phrag dog mi byed pa ste/ shA ri'i bu bzhi po de dag ni phrag dog dang ser sna yongs su spangs pa'i byang chub sems dpa'i phan yon no/ /shA ri'i bu bzhi po 'di dag ni pha rol 'byor pa la dga' ba'i byang chub sems dpa'i phan yon te/ bzhi gang zhe na/ 'di lta ste/ bdag gis sems can 'di dag bzung ste/ bdag 'di dag gi ched du go cha bgos nas 'di dag la bde ba sbyar bar bya ba yin na sems can 'di dag rang gi mthus bsgrubs pa'i longs spyod kyis bde bar 'tsho 'o zhes dga' ba rnyed pa dang / de'i longs spyod rgyal po dang / rkun po dang / me dang chu la sogs pa dang / bgo skal la spyod pa mi 'dza' ba rnams kyis mi phrogs par 'gyur ba dang / gang gi tshe phun sum tshogs pa dang / g.yog 'khor phun sum tshogs pa dang / longs spyod phun sum tshogs pa rnyed pa de'i tshe de la rgyal po yang dga' bar 'gyur na sems can gzhan lta smos kyang ci dgos/ de longs spyod dang / kun du spyod pa rgya chen po la sems 'jug pa ste/ shA ri'i bu bzhi po de dag ni pha rol 'byor pa la dga' ba'i byang chub sems dpa'i phan yon no/ /shA ri'i bu chos bzhi po de dag dang ldan na byang chub sems dpa' smon lam las mi nyams shing sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin to/ /shA r-i'i bu gzhan yang chos lnga dang ldan na byang chub sems dpa' smon lam las mi nyams shing sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin cing yongs su sbyong ste/ lnga gang zhe na/ shA ri'i bu 'di la byang chub sems dpa' sangs rgyas kyi zhing gi yon tan bkod pa rnams la phun sum tshogs pa yongs su rdzogs par bya ba'i phyir tshol kun du 'tshol zhing de gang la chos nyan pa de la byang chub sems dpas ji ltar yon tan 'di dag yongs su bsgrubs pa de kun 'dri zhing des chos de thos nas de bzhin du nan tan byed pa'o/ /shA r-i'i bu gzhan yang 'di la byang chub sems dpa' sangs rgyas kyi zhing yongs su dag par skye bar smon cing de tshul khrims yongs su dag par 'gyur ba ste/ de tshul khrims yongs su dag pas gang dang gang du smon pa de dang der skyes ste/ de der skyes nas de sangs rgyas kyi zhing yongs su dag pa la sems shing rtog ste/ nyan thos kyi phun sum tshogs pa 'am/ byang chub sems dpa'i phun sum tshogs pa 'am/ longs spyod dang kun du spyod pa phun sum tshogs pa mtshan mar 'dzin te/ des de dag mtshan mar bzung nas gus pa dang bcas/ rje sa dang bcas shing thal mo sbyar te/ de bzhin gshegs pa'i thad du song nas bcom ldan 'das byang chub sems dpas ji ltar spyad na sangs rgyas kyi zhing gi yon tan bkod pa rgya chen po yongs su 'dzin ces kun du zhus nas de bzhin gshegs pa des kyang de'i lhag pa'i bsam pa mkhyen te/ gang rnams kyis sangs rgyas kyi zhing gi yon tan/ bkod pa rgya chen po yongs su 'grub par 'gyur ba'i gnas de dag ston cing / yang dag par rab tu 'chad de/ des de thos nas de bzhin du nan tan byed pa'o/ /shA ri'i bu gzhan yang 'di la byang chub sems dpa' ye shes dang ldan zhing bya ba dang ldan pa yin te/ de mi shes pa yongs su spong zhing bya ba ma yin pa yongs su spong ngo / /de la ye shes ni gang / bya ba ni gang zhe na/ ye shes zhes byang ba ni gang dmigs pa la dmigs pa ni ye shes te/ nyan thos dang / rang sangs rgyas kyi ye shes dang bral ba'o/ /bya ba zhes bya ba ni ji ltar thos pa'i chos rnams la nan tan byed pa'o/ /shA r-i'i bu gzhan yang 'di byang chub sems dpa' rgyu dang 'byung ba la mkhas pa yin te/ de la rgyu ni gang / 'byung ba ni gang zhe na/ rgyu zhes bya ba ni gang / 'di tshul bzhin ma yin pa yid la byed pa'i rnam par rtog pa ste/ gang las phyin ci log bzhi la sems can rnams gnas par 'gyur ba'o/ /de ni tshul bzhin la brtson pa yin te/ de la tshul bzhin sbyor ba gang zhe na/ gang 'di chos thams cad yid la mi byed pa ste/ 'byung ba yang de nyid yin no/ /shA ri'i bu gzhan yang 'di la byang chub sems dpa' sangs rgyas kyi ngo bo nyid kyang rab tu shes/ zhing gi ngo bo nyid kyang rab tu shes so/ /de la sangs rgyas kyi ngo bo nyid ni gang / zhing gi ngo bo nyid ni gang zhe na/ sangs rgyas kyi ngo bo nyid ces bya ba de ni ming tsam mo/ /zhing gi ngo bo nyid ces bya ba de yang ming tsam mo/ /gang ming tsam de dben par shes shing ji ltar chos gang yang mi dmigs pa de ltar shes pa ste/ shA ri'i bu chos lnga po de dag dang ldan na byang chub sems dpa' smon lam las mi g.yo zhing sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin cing yongs su spyod do/ /shA ri'i bu gzhan yang chos drug dang ldan na byang chub sems dpa' myur du bla na med pa yang dag par rdzogs pa'i byang chub mngon par 'tshang rgya zhing 'jig rten thams cad las mngon par 'phags pa'i sangs rgyas kyi zhing yongs su 'dzin te drug gang zhe na shA r-i'i bu 'di la byang chub sems dpa' ni sbyin pa po sbyin bdag tu 'gyur ba ste/ de dngos po gang phangs pa yid du 'ong ba/ mngon par 'dod par 'gyur ba de dag yongs su gtong yang zhum par mi 'gyur zhing yid dga' ba dang / mgu ba dang / rangs pa dang / yid bde ba skyes nas 'di ltar gang 'di bla na med pa yang dag par rdzogs pa'i byang chub la mngon par smon pas bdag gis sbyin pa chen po dang / theg pa chen po dang / bya ba chen po yongs su rdzogs par bya'o/ /kun du 'dzin pa'i sems kyis ni bla na med pa yang dag par rdzogs pa'i byang chub bsgrub par mi nus so snyam du rtog go/ /des de ltar brtags nas bdog pa thams cad yongs su gtong ba 'gyur te/ des rang gi lus dang srog yongs su btang yang yid mi bde bar mi 'gyur na gzhan nor gyi rnam pa dang / chung ma dang / bu pho dang / bu mo lta smos kyang ci dgos/ shA r-i'i bu 'di la ji snyam du sems gang thams cad mkhyen pa zhes bya ba'i tshig 'd-i'i bstan pa ji lta bu zhe na/ shA r-i'i bu gang byang chub sems dpa' sems dpa' chen po byang chub sems dpa'i spyad pa spyod cing bdog pa thams cad yongs su gtong ba yin te/ de'i phyir de byang chub thob pas na thams cad mkhyen pa zhes bya'o/ /shA ri'i bu gzhan yang 'di la byang chub sems dpa' khyim par gyur ba yang rung / rab tu byung ba yang rung ste/ tshul khrims kyi sdom pa yang dag par 'dzin pa la rab tu gnas pa yin te/ de srog gi phyir yang bslab pa las mi 'da'o/ /gang tshul khrims kyi sdom pa yang dag par bzung ba de yang sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo ste/ bdag ni tshul khrims dang ldan pa'o/ /zhes dga' ba rnyed cing mchog tu dga' ba skyes te/ mngon par dga' bas tshangs par spyad pa spyod de de tshangs par spyod cing bde bar nyin mtshan 'da' bar byed do/ /de bde bar chos mngon sum du 'gyur ro/ /chos kyi tshul dang ldan par yang dag par so sor rtog par 'gyur ro/ /yang dag par so sor rtog pa la gnas pa ni zab mo la bzod pa skye'o/ /zab mo la bzod pa skyes pa ni lta ba drang por 'gyur ro/ /lta ba drang ba ni yang dag par nan tan byed par 'gyur ro/ /yang dag pa'i nan tan la gnas pa ni khams gsum la mngon par mi dga' bar 'gyur ro/ /de khams gsum la mngon par mi dga' bas skrag par 'gyur ro/ /skrag pas 'byung ba chol lo/ /'byung ba mthong nas de 'di snyam du sems te/ ji ltar bdag sdug bsngal ba ltar sems can thams cad kyang de bzhin te/ bdag gis sems can 'di dag thams cad kyi khur khyer la nye bar zhi ba ma gtogs par 'di dag gi bde ba'i rgyu gzhan med do snyam mo/ /de de ltar so sor rtog pa ni snying rje chen po 'thob po/ /de cher snying rje bas thams cad mkhyen pa ma thob kyi bar du mgo dang gos la me 'bar ba bzhin du brtson 'grus mi 'dor ro/ /shA r-i'i bu gzhan yang 'di la byang chub sems dpa' de bzod pa'i go cha gyon cing bzod pa'i stobs dang ldan pa yin gyi/ nga rgyal gyi stobs dang ldan pa ma yin no/ /de spyos brgyad brdegs bsdigs kyang bzod pa sgrub ste/ pha rol la mi 'khrug gnod par mi sems so/ /de 'di ltar sems bskyed de/ gal te bdag la sems can de dag gis ri rab tsam gyi tho bas brdegs shing bskal pa bye ba'i bar du rgyun mi 'chad par gshe yang bdag gis gnod sems dang tha ba dang / zhe sdang gi sems bskyed par mi bya'o/ /de ci'i phyir zhe na/ sems cad de dag ni ma bslabs pa bdag ni sangs rgyas bcom ldan 'das rnams la slob par 'dod pa'o snyam nas de ji lta ji lta bur sems can rnams kyis spyos pa dang / brgyad pa dang / brdegs pa de lta de lta bur snying rje chen po rnyed de/ bdag gis sems can 'di dag bskyab par bya'o/ /bdag sems can 'di dag gi don du go cha bgos nas bdag gis sems can 'di dag gzung ba yin te/ bdag gis 'di dag 'khor ba las yongs su thar par bya'o/ /bdag gis 'di dag la gnod sems dang tha ba dang / zhe sdang gi sems bskyed par mi bya'o snyam mo/ /de de ltar bzod pa'i go cha bgos pas phun sum tshogs pa bcu 'thob ste bcu gang zhe na/ gang 'di rigs phun sum tshogs pa dang / longs spyod phun sum tshogs pa dang / gzugs phun sum tshogs pa dang / g.yog 'khor phun sum tshogs pa dang / gtong ba phun sum tshogs pa dang / dge ba'i bshes gnyen phun sum tshogs pa dang / chos nyan pa phun sum tshogs pa dang / chos la nan tan byed pa phun sum tshogs pa dang / shi 'phos nas kyang sangs rgyas mthong ba phun sum tshogs pa rnyed pa dang / mthong nas kyang dad pa thob pa ste/ shA ri'i bu bzod pa'i go cha bgos pa'i byang chub sems dpa' ni phun sum tshogs pa bcu po de dag 'thob bo/ /shA ri'i bu gzhan yang 'di la byang chub sems dpa'i dge ba'i chos yongs su bsgrub pa'i phyir brtson 'grus brtsams shing yid dam la brtan pa yin no/ /de 'di ltar brtson 'grus rtsom ste/ gal te bdag gis sems can re re'i don gyi phyir yang phyi ma'i mtha'i bskal pa bye bar yang 'khor bar bya'o zhes tshul 'di dang / brtson 'grus rtsom pa 'di dang / spyod pa 'di dang / sems zhi ba dang / yid dam 'di dang / dge ba'i bsam pa 'di dang / snying rje'i sems 'dis sems can thams cad kyi ched du bskal pa de snyed du 'khor bar bya ste/ de ltar bdag gis sems can 'di dag yongs su mi gtang ngo snyam nas brtson 'grus rtsom mo/ /yang shA r-i'i bu byang chub sems dpa' gang gis gang gA'i klung gi bye ma snyed kyi phyogs bcu'i sangs rgyas kyi zhing rin po che sna bdun gyis yongs su gang bar byas te/ sems bskyed pa/ sems bskyed pa tsam la de bzhin gshegs pa dgra bcom pa yang dag par rdzogs pa'i sangs rgyas rnams la sbyin pa byin te/ tshul 'di dang / stobs bskyed pa 'dis phyi ma'i mtha'i bskal pa bye bar sbyin pa byin pas byang chub sems dpa'i gang lhag pa'i bsam pa phun sum tshogs pa snying rje chen po la gnas pas 'di lta bu'i brtson 'grus kyi go cha'i sems bskyed na de bas bsod nams ches mang du skyed do/ /shA r-i'i bu brtson 'grus brtsams pa'i byang chub sems dpa'i yon tan gyi chos bcu 'thob ste/ bcu gang zhe na/ 'di lta ste/ des byis pa'i spyod pa spangs pa yin/ des sangs rgyas kyi spyod pa yongs su bzung ba yin/ des 'khor ba la nyes par 'du shes bskyed pa yin/ des snying rje chen po yongs su bzung ba yin/ sngon dam bcas pa las mi 'gyur ba yin/ nad nyung ba yin/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi bka' bzhin byas pa yin/ 'dod chags dang / zhe sdang dang / gti mug chung ba yin/ ji ltar bstan pa'i tshig dang / yi ge rnams kyi don rab tu shes pa yin/ nan tan gyis yang dag par sgrub pa yin te/ shA r-i'i bu brtson 'grus brtsams pa'i byang chub sems dpa' ni yon tan gyi chos bcu po de dag 'thob bo/ /shA ri'i bu gzhan yang 'di la byang chub sems dpa' sangs rgyas bcom ldan 'das rnams rjes su dran zhing de 'di snyam du sems te/ de bzhin gshegs pa de dag ni thugs rtse gcig pa/ rtag tu mnyam par bzhag pa/ bsnyel ba mi mnga' ba dang ldan ba'o/ snyam nas de yang 'di snyam du sems te/ bdag de bzhin gshegs pa bzhud pa'i rjes su 'gro bar bya na sems g.yengs pa dang / brjed ngas pas ni gang 'di sangs rgyas kyi gnas te/ gnas 'di thob par mi nus so snyam nas de chags pa thams cad dang / yongs su 'dzin pa thams cad dang / 'thob pa dang / bkur sti thams cad dang / grong dang / grong khyer dang / grong rdal la chags pa thams cad dang / grogs po dang / gla mi dang / khyim la sred pa thams cad yongs su btang ste/ sems can thams cad kyi don gyi phyir sems can thams cad ni bdag gis yongs su mi btang ngo / /snyam nas dgon pa rab tu dgon pa la mngon par dga' ba yin te/ bse ru ltar gcig pu spyod cing de dgon pa rab tu dgon pa dag tu gnas nas phyog gcig tu sems can rnams la byams pas khyab par byed do/ /de bzhin du sbyar te/ phyogs bcu kun gyi bar du tshad med pa dang ldan pa'i sems kyis sems can thams cad la byams pas khyab par byed do/ /byams pa la gnas nas bsam gtan la bsam gtan par 'gyur ro/ /yang shA r-i'i bu byang chub sems dpa' khyim pa gang gis gang gA'i klung gi bye ma snyed kyi de bzhin gshegs pa dge slong gi dge ' dun gyi 'khor dang bcas pa rnams la gang gA'i klung gi bye ma snyed kyi bskal par bde ba thams cad kyis sti stang du byas pa bas byang chub sems dpa' rab tu byung ba na rab tu dben par 'dod cing dgon pa logs su phyogs te/ gom pa bdun bor na 'di ni de bas bsod nams ches mang du skyed do/ /ches myur du byang chub 'thob par 'gyur ro/ /shA r-i'i bu bcu po 'di dag ni dben pa na gnas shing bsam gtan la bsam gtan pa'i byang chub sems dpa'i phan yon te/ bcu gang zhe na/ 'di lta ste/ dran pa dang ldan pa yin/ blo gros dang ldan pa yin/ rtogs pa dang ldan pa yin/ mos pa dang ldan pa yin/ myur du spobs pa rab tu thob pa yin/ gzungs sgrub pa yin/ skye ba dang / 'jig pa la mkhas pa thob pa yin/ tshul khrims kyi phung po las mi nyams pa yin/ lha rnams kyang de la rim gror byed pa yin/ gzhan gyi 'byor pa la mi 'dod pa yin te/ shA ri'i bu bcu po de dag ni dben pa la gnas shing bsam gtan la bsam gtan pa'i byang chub sems dpa'i phan yon no/ /shA r-i'i bu gzhan yang 'di la byang chub sems dpa' shes rab kyi rgyu mthun pa la mkhas pa yin te/ de 'di ltar shes rab gang nas byung snyam du nye bar rtog cing 'di snyam du sems te/ shes rab ni tshul khrims kyi sdom pa'i gnas las byung ste/ shes rab byung ba las chos dkar po thams cad rnam par 'phel lo snyam nas de shes rab la slob ste/ gang 'jig rten gyi bzo'i gnas dang / las kyi gnas dang / sngags kyi gnas dang / sman gyi gnas dang / gang bya dka' ba dang / bsgrub pa dka' ba'i las de dag thams cad la slob bo/ /bslabs nas kyang de 'di ltar sems bskyed de/ gang 'jig rten pa'i shes rab 'di ni yid 'byung bar ma yin/ 'dod chags dang bral bar ma yin/ /'gog par ma yin/ zhi bar ma yin/ mngon par shes par ma yin/ mngon par rdzogs par byang chub par ma yin/ dge sbyong du ma yin/ mya ngan las 'da' bar 'gyur ba ma yin gyis/ 'di ltar bdag gis shes rab gang gis shin du zhi bar 'gyur ba'i bzo rnam pa de lta bu dang / sngags rnam pa de lta bu dang / sman rnam pa de lta bu dang / shes rab rnam pa de lta bu yongs su btsal lo snyam nas de chos thams cad kyi thog ma yongs su tshol lo/ /de chos thams cad kyi thog ma yongs su tshol ba na chos gang yang chos gang la yang nye bar 'jog pa'i chos de gang yang yang dag par rjes su mi mthong ngo / /yang dag par rjes su mi mthong bas rab tu zhi ba la gnas par 'gyur ro/ /rab tu zhi bar spyod pa la gnas nas yongs su yi mi 'chad do/ /yongs su yi mi 'chad pas de sems can rnams kyi don du 'di lta ste/ sems can thams cad kyi sdug bsngal rab tu zhi bar bya ba'i phyir bsams bzhin du srid pa 'dzin te/ shA r-i'i bu chos drug po de dag dang ldan na byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya zhing smon lam las mi nyams la/ 'jig rten thams cad las mngon par 'phags pa'i sangs rgyas kyi zhing gi yon tan bkod pa phun sum tshogs pa yang yongs su rdzogs par 'gyur ro/ /shA ri'i bu gzhan yang chos bdun dang ldan na byang chub sems dpa' smon lam las mi nyams shing rgyan thams cad kyis brgyan pa'i sangs rgyas kyi zhing yongs su spyod do/ /bdun gang zhe na/ 'di lta ste/ bdog pa thams cad yongs su gtong zhing sbyin pa de yang mi dmigs pa dang / tshul khrims kyang skyon med la/ tshul khrims de la rlom sems kyang med pa dang / bzod cing des la/ sems can de yang mi dmigs pa dang / brtson 'grus kyang rtsom la/ lus dang / ngag dang / sems de yang mi dmigs pa dang / bsam gtan yang yongs su sgrub la/ de yang mi gnas pa'i bsam gtan la bsam gtan pa dang / shes rab kyang yongs su rdzogs par byed la/ de rtog pa yang med pa dang / sangs rgyas kyang rjes su dran la de mtshan ma yang sel ba ste/ shA r-i'i bu chos bdun po de dag dang ldan na byang chub sems dpa' smon lam las mi nyams shing sangs rgyas kyi zhing rgyan thams cad kyis brgyan pa yang yongs su 'dzin to/ /shA ri'i bu chos brgyad dang ldan na byang chub sems dpa' smon lam las mi nyams shing sangs rgyas kyi zhing yang yongs su sbyong ste/ brgyad gang zhe na/ phrag dog med pa dang / rgyan sbyin pa dang / sems rgya che ba dang / chos smra ba la sti stang byed pa dang gus pa dang bcas pa dang / 'tsho ba rnam par dag pa dang / kun bged pa'i ngang tshul can dang / bdag la mi stod cing gzhan la mi smod pa ste/ shA ri'i bu chos brgyad po de dang ldan na byang chub sems dpa' smon lam las mi nyams shing sangs rgyas kyi zhing yang yongs su spyod do/ / // bam po gsum pa/ shA ri'i bu chos dgu dang ldan na byang chub sems dpa' smon lam las mi nyams shing sangs rgyas kyi zhing yang yongs su dag par byed de/ dgu gang zhe na/ 'di lta ste/ lus sdom pa dang / ngag sdom pa dang / yid sdom pa dang / 'dod chags bsal ba dang / zhe sdang bsal ba dang / gti mug bsal ba dang / slu ba med pa dang / mdza' ba brtan pa dang / dge ba'i bshes gnyen la brnyas pa med pa ste/ shA ri'i bu chos dgu po de dag dang ldan na byang chub sems dpa' smon lam las mi nyams shing sangs rgyas kyi zhing yang yongs su dag par byed do/ /shA ri'i bu chos bcu dang ldan na byang chub sems dpa' smon lam las mi nyams shing sangs rgyas kyi zhing yang yongs su dag par byed do/ /bcu gang zhe na/ 'di lta ste// sems can dmyal ba'i sdug bsngal thos na mi 'jigs shing snying rje ba dang / dud 'gro'i skye gnas kyi sdug bsngal thos na mi 'jigs shing snying rje ba dang / gshen rje'i 'jig rten gyi sdug bsngal thos na mi 'jigs shing snying rje ba dang / lha rgud pa thos na mi 'jigs shing snying rje ba dang / mi rgud pa thos na mi 'jigs shing snying rje ba dang / dbul ba dang / mu ge dang / rkun po dang rang rta dang dmag gis gnod pa thos na mi 'jigs shing snying rje ba ste/ de 'di snyam du ci nas kyang bdag gi sangs rgyas kyi zhing na sems can dmyal ba dang / dud 'gro'i skye gnas dang / yi dags kyi yul med cing bsams pa tsam gyis bza' ba dang / btung ba dang / bgo ba phun sum tshogs pa dang / sems can rnams kyang tshe dpag tu med par gyur te/ nga'i ba med cing yongs su 'dzin pa med pa bla na med pa yang dag par rdzogs pa'i byang chub tu nges pa de lta bu'i sangs rgyas kyi zhing du yongs su dag par ma byas kyi bar du brtson 'grus mi btang ngo snyam du sems skyed pa ste/ shA r-i'i bu chos bcu po de dag dang ldan na byang chub sems dpa' smon lam las kyang mi nyams shing sangs rgyas kyi zhing yang yongs su dag par byed do/ /shA ri'i bu gzhan yang byang chub sems dpa' me tog khyer zhing de bzhin gshegs pa 'am/ de bzhin gshegs pa'i mchod rten gyi drung du song nas 'di snyam du sems skyed de/ me tog 'di ltar dri zhim la kha dog bzang zhing blta na sdug ste/ yid du 'ong ba dang / mdzes pa de bzhin du bdag byang chub thob pa'i sangs rgyas kyi zhing de yang me tog sna tshogs kyis yongs su gang ba dang / rin po che sna tshogs kyi shing ljon pas rab tu brgyan par gyur cig ces bya bar sems bskyed do/ /de bzhin du sbyar te/ phye ma dang / bdug spos dang / phreng ba dang / byug pa dang / bzhon pa dang / gos dang / bza' ba dang / btung ba dang / gdugs dang / rgyal mtshan dang / ba dan dang / gser dang / dngul dang / bai dUr+ya dang / mu tig dang / dung dang / man shel dang / byi ru'i bar du gang ci 'bul yang rung ste/ de dag thams cad sangs rgyas kyi zhing gi yon tan bkod pa bsgrub pa'i don du yongs su bsngo zhing tshul khrims kyi sdom pa la gnas pas byang chub sems dpa' tshul khrims kyi sdom pa la gnas pa de'i sems kyi smon pa 'grub par 'gyur ro/ /shA ri'i bu gzhan yang 'di la byang chub sems dpa' ni su la yang yid du mi 'ong ba'i tshig mi brjod cing yid du 'ong ba'i tshig sha stag brjod de/ de byang chub thob pa'i sangs rgyas kyi zhing de na sems can gang gis kyang yid du mi 'ong ba'i sgra mi thos te/ yid du 'ong ba'i sgra sha stag thos par 'gyur ro/ /shA ri'i bu gzhan yang 'di la byang chub sems dpa' bdag gi bde ba yongs su mi tshol zhing gzhan bde bas dga' bar 'dzin te/ de la byang chub thob pa'i tshe sangs rgyas kyi zhing de'i sems can bde ba'i dam pas tshim par 'gyur ro/ /shA ri'i bu gzhan yang 'di la byang chub sems dpa'i dge ba bcu'i las kyi lam rtag tu rgyun mi 'chad par yang dag par blangs shing sgrub ste/ dge ba'i rtsa ba de yang sangs rgyas kyi zhing gi yon tan bkod pa yongs su rdzogs par bya ba'i phyir thams cad mkhyen pa nyid du bsngo ste/ de byang chub thob pa'i tshe sangs rgyas kyi zhing de'i sems can thams cad dge ba bcu'i las kyi lam dang ldan zhing 'byung ba'i shes rab can du 'gyur ro/ /shA r-i'i bu gzhan yang 'di la byang chub sems dpa' yul gang na 'dug kyang rung ste/ yul der skyes pa 'am/ bud med dam/ /khye'u 'am/ bu mo 'am/ sems can gang ji snyed cig des mthong ba de thams cad byang chub yang dag par 'dzin du 'jug cing su la yang nyan thos dang / rang sangs rgyas kyi theg pa'i gtam mi rjod cing / gzhan du na sangs rgyas kyi theg pa'i gtam sha stag brjod de/ de byang chub thob pa'i tshe sangs rgyas kyi zhing der sems can gang ji snyed cig skyes pa de dag thams cad bla na med pa yang dag par rdzogs pa'i byang chub tu nges par gyur te/ nyan thos dang / rang sangs rgyas med cing byang chub sems dpa'i tshogs kyis yongs su gang ba'i sangs rgyas kyi zhing de thob par 'gyur ro/ /shA r-i'i bu gzhan yang 'di la byang chub sems dpa' gzhan gyi rnyed pa mi 'phrog cing gzhan gyis thob na dga' bar 'dzin te/ de byang chub thob pa'i tshe sangs rgyas kyi zhing der sems can gang ji snyed cig skyes pa de thams cad mi 'phrogs pa'i phun sum tshogs pa dang / chos kyi 'thob pa chen po dang ldan par 'gyur ro/ /shA ri'i bu gzhan yang 'di la byang chub sems dpa' dge slong ngam/ dge slong ma 'am su yang rung ste/ nyes pa byung bas m-i rgol la bdag nyid kyang dam pa'i chos la sbyor te/ de byang chub thob pa'i tshe sangs rgyas kyi zhing de na nyes pa'i ming yang ye med par 'gyur te/ de ci'i phyir zhe na/ sems can de dag ni nyes pa med pa'i chos can yongs su dag par 'gyur ba'i phyir ro/ /shA ri'i bu gzhan yang 'di la byang chub sems dpa' chos 'dod cing chos don du gnyer la yongs su yi 'chad pa med pa'i rang bzhin can yin te/ ji skad du thos pa'i chos la nan tan byed pas de byang chub thos pa'i tshe sangs rgyas kyi zhing der sems can gang dag skyes pa de dag thams cad chos 'dod cing chos don du gnyer ba dang / yongs su yi 'chad pa med pa'i rang bzhin can yin te/ ji skad du thos pa'i chos rnams la nan tan byed par 'gyur ro/ /shA ri'i bu gzhan yang 'di la byang chub sems dpa' rnga bo che dang / dung dang / rdza rnga dang / khar rnga dang / pi bang rgyud gcig pa dang / sgra snyan dang / 'khar dkrol dang / gling bu dang / pi bang dang / ba la la ki dang / kim pa la la sogs pa rol mo sil snyan gyi yo byad yid du 'ong ba sna tshogs kyis de bzhin gshegs pa'i mchod rten la mchod pa byed cing dge ba'i rtsa ba de yang sangs rgyas kyi zhing gi yon tan bkod pa bsgrub pa'i don du yongs su bsngo ste/ de byang chub thob pa'i tshe sangs rgyas kyi zhing de na sil snyan brgya stong ma dkrol ma brdungs par sgra 'byin par 'gyur ro/ /shA ri'i bu gzhan yang 'di la byang chub sems dpa' brjed ngas pa'i sems can rnams la dran par 'gyur ba'i gdams ngag gis 'dems te/ de byang chub thob pa'i tshe sangs rgyas kyi zhing de'i sems can rnams bsam gtan gyi zas can du 'gyur ro/ /shA ri'i bu sangs rgyas kyi zhing gi yon tan bkod pa phun sum tshogs pa las brtsams te bskal pa 'am/ bskal pa las lhag par chos bstan kyang de bzhin gshegs pa'i spobs pa la mtha' thug pa med mod kyi/ mos pa dang / lhag pa'i bsam pa phun sum tshogs pa byang chub sems dpa'i theg pa pa'i rigs kyi bu dang / rigs kyi bu mo gang dag gis gang thos na de yongs su rdzogs par byed par 'gyur ba mdor bstan to/ /shA ri'i bu chos gsum dang ldan na byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya zhing ji ltar bsams pa'i sangs rgyas kyi zhing mngon par 'grub par 'gyur te/ gsum gang zhe na/ 'di lta ste/ bag yod par gnas pa dang / ji skad du thos pa'i chos la nan tan byed pa dang / smon lam gyi khyad par te/ shA ri'i bu chos gsum po de dag dang ldan na byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya zhing ji ltar bsams pa'i sangs rgyas kyi zhing mngon par 'grub par 'gyur ro/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das ji tsam du de bzhin gshegs pas legs par gsungs pa ni ngo mtshar te/ bcom ldan 'das byang chub kyi phyogs kyi chos thams cad ni bag mchis pa la gnas pa'o/ /byang chub ni nan tan la gnas so/ /sangs rgyas kyi zhing gi yon tan bkod pa phun sum tshogs pa ni smon lam gyi khyad par gyis 'grub bo/ /bcom ldan 'das kyis bka' stsal pa/ shA ri'i bu de de bzhin te/ byang chub kyi phyogs kyi chos thams cad ni bag yod pa la gnas so/ /byang chub ni nan tan la gnas so/ / sangs rgyas kyi zhing gi yon tan bkod pa phun sum tshogs pa ni smon lam gyi khyad par gyis 'grub bo/ /shA ri'i bu ngas sngon ji ltar smon lam btab pa de bzhin du sangs rgyas kyi zhing yongs su grub bo/ /shA ri'i bu nga bag yod pa la gnas pas smon lam yongs su rdzogs so/ /shA ri'i bu ngas nan tan byas pas byang chub thob bo/ /shA ri'i bu bag med par gnas shing tshig gi las lhur len pa'i na nan tan med pa ni nyan thos kyi sa yang sgrub par mi nus na bla na med pa yang dag par rdzogs pa'i byang chub lta ci smos te/ shA ri'i bu de lta bas na byang chub sems dpa' yang dag pa'i ming du gdags par dam bca' bar 'dod pa'i byang chub sems dpas byang chub sems dpa'i bslab pa ji ltar bcas pa 'di la bslab par bya'o/ /de nas 'khor de'i nang nas byang chub sems dpa' brgyad khri bzhi stong so so'i stan las langs te/ thal mo sbyar nas kun gyis kyang mgrin gcig tu bcom ldan 'das la 'di skad ces gsol to/ /bcom ldan 'das bdag cag gis byang chub sems dpa'i bslab pa ji ltar bcas pa 'di la bslab par bgyi'o/ /nan tan gyis yongs su bsgrub par bgyi'o/ /bag mchis par gnas par bgyi'o/ /smon lam rnams yongs su rdzogs par bgyi'o/ sangs rgyas kyi zhing phun sum tshogs pa yongs su rdzogs par bgyi'o/ /ji ltar bsams pa'i smon lam yongs su rdzogs par ma gyur gyi bar du byang chub sems dpa'i spyod pa spyad par bgyi'o/ /de nas bcom ldan 'das kyis de'i tshe 'dzum pa mdzad do/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ shA ri'i bu khyod kyis 'di skad du seng ge'i sgra sgrogs pa'i rigs kyi bu 'di dag mthong ngam/ gsol pa/ bcom ldan 'das mthong lags so/ /bcom ldan 'das kyis bka' stsal pa/ shA ri'i bu rigs kyi bu 'di dag thams cad bskal pa brgya phrag stong 'das nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ shA ri'i bu dper na seng ge zhes bya ba'i de bzhin gshegs pa sha stag sangs rgyas kyi zhing gzhan dang gzhan du 'byung ba ngas gzigs pa de bzhin du de bzhin gshegs pa de dag kyang ming smon lam bkod pa zhes bya ba sha stag tu sangs rgyas kyi zhing gzhan dang gzhan du 'byung bar 'gyur te/ shA ri'i bu de bzhin gshegs pa de dag gis sangs rgyas kyi zhing yang de bzhin gshegs pa dgra bcom pa yang dag par rdzogs pa'i sangs rgyas 'od dpag med kyi sangs rgyas kyi zhing na sangs rgyas kyi zhing gi yon tan bkod pa ci 'dra bar lhag chad med par 'gyur te/ tshe'i tshad ni ma gtogs so/ /gsol pa/ bcom ldan 'das 'di dag gi tshe'i tshad ji tsam zhig tu 'gyur/ bcom ldan 'das kyis bka' stsal pa/ shA ri'i bu de bzhin gshegs pa de dag re re zhing tshe'i tshad ni bskal pa bcu bcur 'gyur ro/ /de nas byang chub sems dpa' sems dpa' chen po seng ge'i rtsal gyis mngon par bsgrags pa'i sgra zhes bya ba 'khor de nyid du 'dus par gyur te/ 'dug pa stan las langs te/ bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das 'jam dpal gzhon nur gyur ba 'di sangs rgyas bcom ldan 'das rnams kyis bstod cing bsngags na/ bcom ldan 'das 'jam dpal gzhon nur gyur pa 'di yun ji srid cig na bla na med pa yang dag par rdzogs pa'i byang chub mngon par rdzogs par 'tshang rgya/ de'i sangs rgyas kyi zhing ni ji lta bu zhig tu 'gyur/ de skad ces gsol pa dang / bcom ldan 'das kyis byang chub sems dpa' sems dpa' chen po seng ge'i rtsal gyis mngon par bsgrags pa'i sgra la 'di skad ces bka' stsal to/ /rigs kyi bu 'jam dpal gzhon nur gyur pa 'di nyid la dris shig /de nas byang chub sems dpa' sems dpa' chen po seng ge'i rtsal gyis mngon par bsgrags pa'i sgras 'jam dpal gzhon nur gyur pa la 'di skad ces smras so/ /'jam dpa' khyod ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'jam dpal gyis smras pa/ rigs kyi bu khyod kyis kho bo la ci khyod bla na med pa yang dag par rdzogs pa'i byang chub tu yang dag par zhugs sam/ /'on te ma zhugs zhes je dris shig /de ci'i phyir zhe na/ rigs kyi bu gal te kho bo byang chub tu yang dag par zhugs na ni de'i phyir mngon par rdzogs par 'tshang yang rgya na/ kho bo yang dag par zhugs pa med pas mngon par rdzogs par 'tshang rgya bar ji ltar 'gyur/ smras pa/ 'jam dpal khyod sems can rnams kyi don du bla na med pa yang dag par rdzogs pa'i byang chub tu yang dag par ma zhugs sam/ smras pa/ rigs kyi bu de ni ma yin no/ /de ci'i phyir zhe na/ sems can dmigs su med pa'i phyir te/ rigs kyi bu gal te kho bos sems can zhig dmigs na ni de'i phyir kho bo yang de dag gi don du byang chub tu yang dag par 'jug na/ rigs kyi bu gang gi phyir sems can yang med/ srog kyang med/ gang zag kyang med pa de'i phyir kho bo 'jug pa med do/ /ldog pa med do/ /smras pa/ /'jam dpal khyod sangs rgyas kyi chos la ma zhugs sam/ smras pa/ rigs kyi bu de ni ma yin no/ /de ci'i phyir zhe na/ rigs kyi bu chos thams cad ni sangs rgyas kyi chos la zhugs pa ste/ chos gang zag pa med cing khongs su gtogs pa med la mtshan ma med cing mtshan nyid med pa de ni sangs rgyas su zhugs pa yin te/ chos thams cad kyang sangs rgyas su zhugs pa de dang 'dra bas sangs rgyas su zhugs pa de dang mi 'dra ba med do/ /rigs kyi bu gang yang khyod kyis 'di skad du khyod sangs rgyas kyi chos kyi don du ma zhugs sam zhes smras pa de khyod nyid la dris/ khyod kyi ji ltar bzod pa bzhin du lung ston cig /rigs kyi bu 'di ji snyam du sems/ gzugs byang chub tu smon tam/ 'on te gzugs kyi rang bzhin nam/ gzugs kyi de bzhin nyid dam/ gzugs kyi ngo bo nyid dam/ gzugs kyi stong pa nyid dam/ gzugs kyi dben pa nyid dam/ gzugs kyi chos nyid byang chub tu smon/ rigs kyi bu 'di ji snyam du sems/ gzugs byang chub mngon par rdzogs par 'tshang rgya 'am/ 'on te gzugs kyi rang bzhin nam/ gzugs kyi de bzhin nyid dam/ gzugs kyi ngo bo nyid dam/ gzugs kyi stong pa nyid dam/ gzugs kyi dben pa nyid dam/ gzugs kyi chos nyid byang chub mngon par rdzogs par 'tshang rgya/ smras pa/ 'jam dpal de ni ma yin te/ gzugs byang chub tu smon pa med do/ /gzugs kyi rang bzhin dang / gzugs kyi de bzhin nyid dang / gzugs kyi ngo bo nyid dang / gzugs kyi stong pa nyid dang / gzugs kyi dben pa nyid dang / gzugs kyi chos nyid ni byang chub tu smon pa med do/ /gzugs ni byang chub mngon par rdzogs par 'tshang mi rgya ste/ gzugs kyi chos nyid kyi bar du yang byang chub mngon par rdzogs par 'tshang mi rgya'o/ /smras pa/ rigs kyi bu 'di ji snyam du sems/ /tshor ba dang / 'du shes dang / 'du byed rnams dang / rnam par shes pa byang chub tu smon tam/ rnam par shes pa chos nyid kyi bar du yang byang chub tu smon tam/ rigs kyi bu 'di ji snyam du sems/ rnam par shes pa byang chub mngon par rdzogs par 'tshang rgya 'am/ rnam par shes pa'i chos nyid kyi bar du yang mngon par rdzogs par 'tshang rgya 'am/ smras pa 'jam dpal de ni ma yin te/ tshor ba dang / 'du shes dang / 'du byed rnams dang / rnam par shes pa ni byang chub tu smon pa med do/ /rnam par shes pa'i chos nyid kyi bar du yang byang chub tu smon pa med do/ /rnam par shes pa ni byang chub mngon par rdzogs par 'tshang mi rgya'o/ /rnam par shes pa'i chos nyid kyi bar du yang byang chub mngon par rdzogs par 'tshang mi rgya'o/ /smras pa rigs kyi bu 'di ji snyam du sems/ phung po lnga po dag las phyi rol du bdag gam bdag gis zhes bya bar gdags par nus sam/ smras pa/ 'jam dpal de ni ma yin no/ /smras pa/ rigs kyi bu de lta yin na byang chub tu smon pa'i chos de gang zhig yod/ byang chub mngon par rdzogs par 'tshang rgya ba yang gang zhig yod/ smras pa/ 'jam dpal khyod lta bu byang chub sems dpa' sems dpa' chen po gzhan dag gi dpang du gyur pa/ tshad mar gyur pas kho bo byang chub tu smon pa med do/ /kho bo mngon par rdzogs par 'tshang mi rgya'o zhes bshad na/ bstan pa de thos pas byang chub sems dpa' las dang po pa rnams skrag par 'gyur ro/ /'jam dpal gyis smras pa/ rigs kyi bu chos thams cad ni skrag pa med pa ste/ yang dag pa'i mtha' ni skrag pa med pa'o/ /skrag pa med par bya ba'i phyir de bzhin gshegs pa yang chos ston te/ gang skrag pa de ni skyo bar 'gyur ro/ /gang skyo bar gyur pa de ni 'dod chags dang bral bar 'gyur ro/ /gang 'dod chags dang bral ba de ni rnam par grol lo/ /gang rnam par grol ba de ni bcings pa med par 'gyur ro/ /gang bcings pa med pa de ni chags par mi 'gyur ro/ /gang chags pa med pa de ni 'gro ba med do/ / gang 'gro ba med pa de ni 'ong ba med do/ /gang 'ong ba med pa de ni smon pa med do/ /gang smon pa med pa de ni smon lam 'debs pa med do/ /gang smon lam 'debs pa med pa de ni ldog pa med do/ /gang ldog pa med pa de ni phyir ldog pa ste/ ci las phyir ldog ce na/ bdag tu 'dzin pa las phyir ldog go/ /sems can du 'dzin pa dang / srog tu 'dzin pa dang / gang zag tu 'dzin pa dang / chad par 'dzin pa dang / rtag par 'dzin pa dang / mtshan mar 'dzin pa las phyir ldog go rnam par rtog pa las phyir ldog go/ nam phyir ldog pa de'i tshe 'gyur ba med pas phyir mi ldog ste/ gang las phyir mi ldog ce na/ stong pa nyid las phyir mi ldog go/ /mtshan ma med pa dang / smon pa med pa dang / yang dag pa'i mtha' dang / sangs rgyas kyi chos rnams las phyir mi ldog go/ /de la gang las phyir mi ldog pa'i sangs rgyas kyi chos rnams gang zhe na/ bral ba med pa ni sangs rgyas kyi chos rnams so/ /khongs su gtogs pa med pa ni sangs rgyas kyi chos rnams so/ /dmigs pa med pa ni sangs rgyas kyi chos rnams so/ /len pa med pa ni sangs rgyas kyi chos rnams so/ /dor ba med pa ni sangs rgyas kyi chos rnams so/ /rgyu ba med pa dang / rnam par rig pa med pa dang / ming tsam du zad pa dang / stong pa dang / ma skyes pa dang / ma 'gags pa dang / 'ong ba med pa dang / 'gro ba med pa dang / rnam par byang ba med pa dang / kun nas nyon mongs pa dang bral ba dang / rdul med pa dang / rdul dang bral ba dang / bdag gi ba med pa dang / yid la bya ba med pa dang / mi ldan pa med pa dang / zag pa med pa dang / blangs pa med pa dang / mnyam pa dang mi mnyam pa med pa ni sangs rgyas kyi chos rnams so/ /rigs kyi bu sangs rgyas kyi chos gang yin pa de dag ni chos kyang ma yin/ chos ma yin pa yang ma yin te/ de ci'i phyir zhe na/ de dag la gang las 'di dag ni sangs rgyas kyi chos rnams so zhes bya bar brjod pa'i gnas mi dmigs so/ /rigs kyi bu byang chub sems dpa' las dang po pa gang gis bstan pa 'di thos nas 'jigs par gyur pa de dag ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /gang 'jigs par ma gyur pa de dag ni ci yang mngon par rdzogs par 'tshang rgya bar mi 'gyur ro/ /smras pa/ 'jam dpal ci las bsams shing de skad du ston/ smras pa/ rigs kyi bu gang 'jigs par gyur pa de dag ni rnam par rtog par 'gyur te/ gang rnam par rtog pa de dag ni 'di snyam du bdag cag gis byang chub mngon par rdzogs par 'tshang rgya bar bya'o snyam nas de dag mngon par rdzogs par 'tshang rgya ba dang ldan pa'i sems bskyed pa ji snyed du bskyed par gyur ba de snyed du mngon par rdzogs par 'tshang rgya'o/ /gang dag de lta bu'i sems mi skyed pa de dag ni byang chub tu dmigs pa med cing sems kyis rlom sems su mi byed de byang chub kyi sems su dmigs pa med pas rnam par rtog pa med do/ /gang gi tshe rnam par mi rtog pa de'i tshe/ ci yang mngon par rdzogs par 'tshang rgya ba med do/ /ci'i phyir ci yang mngon par rdzogs par 'tshang rgya ba med ce na/ byang chub de mi dmigs pas de'i phyir mngon par rdzogs par 'tshang rgya ba med do/ /rigs kyi bu 'di ji snyam du sems/ nam mkha'i khams byang chub mngon par rdzogs par 'tshang rgya 'am/ smras pa/ 'jam dpal de ni ma yin no/ /'jam dpal gyis smras pa/ rigs kyi bu ci bcom ldan 'das kyis chos thams cad nam mkha' dang mnyam par bstan mod/ smras pa/ 'jam dpal de de bzhin no/ /'jam dpal gyis smras pa/ rigs kyi bu de lta bas na nam mkha' ji lta bar byang chub kyang de bzhin/ byang chub ji lta bar nam mkha' yang de bzhin te/ nam mkha' dang byang chub de ni gnyis su med de gnyis su dbyer med do/ / gang gis de lta bu'i mnyam pa nyid shes pa de ni cung zad kyang shes pa med la des ma shes pa yang gang yang med do/ /bstan pa 'di bshad pa'i tshe dge slong khri nyis stong nye bar len pa med par zag pa rnams las sems rnam par grol lo/ /lha dang mi khri bzhi stong chos la chos kyi mig rdul dang bral zhing dri ma med par rnam par dag go/ /srog chags dgu khri drug stong gis sngon ma bskyed pa las bla na med pa yang dag par rdzogs pa'i byang chub tu sems bskyed par gyur to/ /byang chub sems dpa' lnga khri nyis stong gis mi skye ba'i chos la bzod pa thob par gyur to/ /de nas byang chub sems dpa' sems dpa' chen pos seng ge'i rtsal gyis mngon par bsgrags pa'i sgras 'jam dpal gzhon nur gyur pa la 'di skad ces smras so/ /'jam dpal khyod kyis yun ring po ji srid cig na bla na med pa yang dag par rdzogs pa'i byang chub tu sems bskyed/ 'jam dpal gyis smras pa/ rigs kyi bu kha rog chos rnams ma skyes pa la bdag rnam par rtog tu ma gzhug / rigs kyi bu gang la la zhig 'di skad du bdag gis byang chub tu sems bskyed do/ /bdag gis byang chub kyi phyir spyad par bya'o/ /zhes zer na de nyid de'i log par lta ba chen po 'gyur te/ rigs kyi bu bdag gis ni sems gang byang chub tu bskyed par bya ba de lta bu yang dag par rjes su ma mthong ste/ de ltar bdag gis sems de yang dag par rjes su ma mthong bas byang chub tu yang sems ma bskyed do/ /smras pa/ 'jam dpal rjes su mthong zhes bya ba'i tshig de'i don gang yin/ 'jam dpal gyis smras pa/ rigs kyi bu yang dag par rjes su mthong zhes bya ba ni mnyam pa nyid bstan pa'o/ /smras pa/ 'jam dpal ci'i phyir mnyam pa nyid ces bya/ smras pa/ rigs kyi bu mnyam pa nyid ces bya ba ni gang la tha dad pa med pa ste/ mnyam pa nyid des chos thams cad 'di lta ste/ dben pa'i tshul du tshul gcig du bstan pas ro gcig tu brjod cing kun nas nyon mongs pa med pa dang / rnam par byang ba med pa dang / chad pa med pa dang / rtag pa med pa dang / mi skye ba dang / mi 'gag pa dang / nga'i ba med pa dang / yongs su 'dzin pa med pa dang / dor ba med pa'i phyir chos ston cing mi rtog rnam par mi rtog pa ste/ rigs kyi bu chos de lta bu mnyam pa nyid du rtogs pa'i ye shes ni mnyam pa nyid ces bya'o/ /rigs kyi bu gzhan yang byang chub sems dpa' gang gis chos nyid khong du chud pa de ni khams las tha dad par yang yang dag par rjes su mi mthong / gcig tu yang yang dag par rjes su mi mthong ba 'di ni mnyam pa nyid do/ /mnyam pa nyid gang yin pa de ni mi mnyam pa med pa'o/ /mi mnyam pa med pa gang yin pa de ni gzod ma nas dag pa'o/ /de nas bcom ldan 'das la byang chub sems dpa' sems dpa' chen po seng ge'i rtsal gyis mngon par bsgrags pa'i sgras 'di skad ces gsol to/ /bcom ldan 'das 'jam dpal gzhon nur gyur pa 'di ni 'di srid cig nas ngas bla na med pa yang dag par rdzogs pa'i byang chub tu sems bskyed do zhes bgyi bar mi ston te/ 'khor 'di dag ni nyan par 'tshal lo/ /bcom ldan 'das kyis bka' stsal pa/ rigs kyi bu 'jam dpal gzhon nur gyur pa 'di ni zab mo'i bzod pa dang ldan ste/ de yang ji tsam du byang chub kyang mi dmigs/ sems kyang mi dmigs pa de rtsam du zab mo'i bzod pa dang ldan te/ des byang chub kyi sems mi dmigs pas ngas 'di srid cig nas byang chub tu sems bskyed do zhes bya bar mi ston na/ rigs kyi bu 'jam dpal gzhon nur gyur pas yun ring po ji srid cig nas bla na med pa yang dag par rdzogs pa'i byang chub tu sems bskyed pa bstan par bya'o/ /rigs kyi bu sngon byung ba 'das pa'i dus bskal pa grangs med med pa brgya stong gang gA'i klung gi bye ma snyed phrag bdun 'das pa de pha rol gyi yang ches pha rol de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas 'brug sgra'i dbyangs kyi rgyal po zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'das 'jig rten du byung ste/ sangs rgyas kyi zhing 'di nas shar phyogs logs su sangs rgyas kyi zhing gang gA'i klung bye ba phrag dgu bcu rtsa gnyis kyi bye ma snyed 'das pa na 'jig rten gyi khams 'byung ba bzang po zhes bya bar gyur te/ de na bcom ldan 'das de bzhin gshegs pa 'brug sgra'i dbyangs kyi rgyal po zhes bya ba de chos ston to/ /de'i tshe bcom ldan 'das de'i nyan thos 'dus pa ni bye ba khrag khrig brgya stong phrag brgyad bcu rtsa bzhir gyur/ byang chub sems dpa'i 'dus pa ni de'i nyis 'gyur du gyur te/ de'i tshe rgyal po nam mkha' zhes bya ba chos dang ldan pa/ chos kyi rgyal po 'khor los sgyur ba'i rin po che bdun dang ldan pa byung ste/ rigs kyi bu rgyal po nam mkha' zhes bya ba de bu dang chung ma dang / gnyen mang ba dang / 'khor du bcas pas las gzhan med cing skyo ba med pa'i sems kyis de bzhin gshegs pa 'brug sgra'i dbyangs kyi rgyal po nyan thos kyi dge 'dun dang / byang chub sems dpa'i dge 'dun du bcas pa de la lo brgyad khri bzhi stong du zhal zas kyi rnam pa kha na ma tho ba med pa gzhan dang gzhan dag dang / na bza' sar pa sar pa gzhan dang gzhan dag dang / pho brang khang pa brtsegs pa sar pa sar pa gzhan dang gzhan dag dang / rim gro pa kha na ma tho ba med pa gzhan dang gzhan dag dang / bde bar sbyar ba thams cad kyis rim gror byas par gyur to/ /de ltar lo brgyad khri bzhi stong 'das pa'i 'og tu de gcig pu dben pa na gnyis su med par 'dug 'dug pa'i yid la rnam pa 'di lta bu'i sems skyes par gyur te/ bdag gis dge ba'i rtsa ba mang po mngon par 'dus byas kyang de dag nges pa med pa'i sems kyis 'dus byas na da ni dge ba'i rtsa ba de dag kyang yongs su bsngo bar bya'o/ /snyam nas de 'di snyam du sems te dge ba'i rtsa ba 'di brgya byin du bsngo 'am/ 'khor los sgyur bar bsngo 'am/ nyan thos su bsngo 'am/ rang sangs rgyas su bsngo 'am/ gang du bsngo snyam pa dang / rigs kyi bu rgyal po de'i sems de ltar bskyed ma thag tu steng gi bar snang las lha mang pos sgra bsgrags pa/ rgyal po chen po de ltar dma' ba'i sems ma skyed cig /de ci'i phyir zhe na/ khyod kyis bsod nams kyi phung po yangs pa byas kyis rgyal po chen po bla na med pa yang dag par rdzogs pa'i byang chub tu sems skyed cig ces byas pa dang / rigs kyi bu de'i tshe rgyal po chen po nam mkha' de dga' ba dang / mchog tu dga' ba chen po skyes par gyur te/ des 'di snyam du bsams so/ /bdag ni byang chub las phyir mi ldog go/ /de ci'i phyir zhe na/ lha rnams kyis bdag gi sems yongs su shes te sgra bsgrags so snyam mo/ /rigs kyi bu de nas rgyal po nam mkha' de srog chags bye ba khrag khrig brgya stong phrag brgyad bcus yongs su bskor cing mdun du bdar te/ bcom ldan 'das de bzhin gshegs pa 'brug sgra'i dbyangs kyi rgyal po ga la ba der dong ste lhags nas bcom ldan 'das kyi zhabs gnyis la mgo bos phyag 'tshal te/ bcom ldan 'das de la lan gsum bskor ba byas nas phyogs gcig tu 'khod do/ /rigs kyi bu de nas rgyal po nam mkha' zhes bya ba des bcom ldan 'das de bzhin gshegs pa 'brug sgra'i dbyangs kyi rgyal po ga la ba de logs su thal mo sbyar ba btud nas bcom ldan 'das la tshigs su bcad de gsol pa/ khyod kyi spyan sngar dam chos zhu/ skyes bu dam pa mchog skye bar/ rnam pa gang gis 'gyur ba de/ rnam par 'dren pas bdag la gsungs/ rnam 'dren khyod la mngon sum du/ mchod pa yangs pa bgyid bgyid kyang / ma nges sems kyis bgyis gyur gyis/ /gar yang yongs su bsngo ma bgyis/ bdag ni gcig pu dben gnas tshe/ 'di 'dra'i sems shig skyes par gyur/ bdag gis bsod nams che bas gsan/ ji ltar yongs su de bsngo snyam/ tshangs par bsngo 'am brgya byin nam/ /gling gzhi'i dbang phyug thob par ram/ 'on te nyan thos dngos por ram/ /rang rgyal 'thob pa'i phyir bsngo snyam/ de ltar sems bskyed de ma thag / lha rnams sgra 'byin brjod pa ni/ dman pa'i sems kyis bsod nams 'di/ rnam par chud gzon ma byed cig /sems can kun la phan pa'i phyir/ smon lam rlabs chen gdab par gyis/ byang chub sems rab bskyed byas shing / /'jig rten rnams kyi don kyang gyis/ /de bas chos kyi dbang phyug gtso/ rdzogs sangs rgyas la bdag zhu ste/ thub pa ji ltar sems bskyed na/ rdzogs pa'i byang chub skye bar 'gyur/ ye shes de ni gang gis 'thob/ de don bdag la bstan du gsol/ /byang chub sems ni bskyed bgyis shing / /thub pa khyod 'drar bdag kyang smon/ /de yi tshig de gsan gyur nas/ /de bzhin gshegs pas bka' stsal pa/ / rgyal po chen po shes par gyis/ /rim gyis khyod la bstan par bya/ /chos rnams thams cad rkyen bzhin te/ /'dun pa'i rtsa la rab tu gnas/ /gang gis smon lam ci btab pa/ /de 'dra'i 'bras bu thob par 'gyur/ /rgyal po ngas kyang sngon chad ni/ /rdzogs pa'i byang chub sems bskyed gyur/ /sems can kun la phan don du/ /ngas ni smon lam dam pa btab/ /smon lam ji ltar btab tshul du/ /ngas ni 'bras bu thob par gyur/ /byang chub dam pa ngas thob pas/ /nga yi bsam pa rdzogs par gyur/ /rgyal po chen po brtan gyis la/ mi 'gyur sems ni bskyed par gyis/ /gal te spyod pa spyad byas nas/ / khyod kyang yang dag sangs rgyas 'gyur/ /thub pa'i gsung de thos gyur nas/ /rgyal po de ni dga' bar gyur/ /'jig rten kun gyi mngon sum du/ /seng ge'i nga ror tshig 'di brjod/ /'khor ba'i tha ma med pa yi/ /sngon gyi tha ma ji srid pa/ /de srid sems can phan don du/ /spyod pa dpag yas spyad par bya/ / 'jig rten mgon po'i spyan snga 'dir/ /byang chub mchog tu sems bskyed do/ /'gro ba thams cad 'gron gnyer te/ /dbul zhing phongs las dgrol bar bya/ / de ring phan chad gal te yang / /bdag gis 'dod chags sems bskyed na/ /phyogs bcu dag na gang bzhugs pa'i/ /sangs rgyas thams cad bslus par gyur/ / byang chub nam zhig thob bar du/ /tha ba'i sems dang gnod sems dang / /phrag dog dang ni ser sna yang / /de ring phan chad mi bya'o/ /tshangs pa'i spyod pa bdag gis spyad/ / sdis pa'i 'dod pa yongs su gtang / /tshul khrims sdom dang nges pa la/ /sangs rgyas rjes su bslab par bya/ /bdag ni byang chub rings tshul du/ /'tshang rgyar mos shing spro ba med/ /phyi mthar thug gi bar du yang / /sems can gcig phyir spyad par bya/ /tshad med bsam gyis mi khyab pa'i/ /sangs rgyas zhing ni spyad par bya/ /phyogs rnams bcu po thams cad du/ /bdag gi ming ni thos par bya/ /bdag gis bdag la lung bstan te/ /sangs rgyas 'gyur bar dogs pa med/ bdag gi lhag bsam rnam par dag / /bdag dbang 'di na 'dren pa rnams/ /lus dang ngag gi las rnams kyang / rnam pa kun du bdag gis spyad/ yid kyi las kyang spyad par bya/ /mi dge'i las ni spyad mi bya/ /ma 'ongs dus na sangs rgyas te/ /'jig rten mgon du 'gyur zhe na/ /bden pa des ni sa 'di yang / rnam pa drug tu g.yos gyur cig /bdag gis bden tshig gang brjod pa/ /ma nor yang dag smras shes na/ /bden pa des ni mkha' dbyings la/ /sil snyan dag gi sgra grag shog /bdag la gal te g.yo med cing / /de bzhin tha ba med ces na/ /man dA ra ba'i me tog bzang / /bden pa des ni char du phob/ /yang dag don du nges pa yi/ /tshig bden de skad brjod pa dang / phyogs bcu mtha' yas thams cad kyi/ /bye ba'i zhing rnams rab tu g.yos/ /de yi mdo las mkha' dbyings nas/ /sil snyan bye ba'i sgra yang byung / /me tog man dA ra ba dag / /mi 'greng bdun srid bab par gyur/ /rgyal po de yi rjes bslabs te/ /srog chags bye ba nyi shu yi/ /'dren par bdag cag 'gyur smon ces/ /yid du 'ong ba'i sgra yang bsgrags/ /de ltar srog chags bye ba phrag / /nyi shu po rnams thams cad kyang / /rgyal po mchog gi rjes slob cing / /byang chub mchog tu zhugs par gyur/ /rigs kyi bu de'i tshe de'i dus na 'khor los sgyur ba'i rgyal po nam mkha' zhes bya ba byung ba de gzhan zhig yin pa snyam du khyod sems na/ khyod kyis de ltar mi blta'o/ /de ci'i phyir zhe na/ 'jam dpal gzhon nur gyur pa 'di nyid de'i tshe de'i dus na/ 'khor los sgyur ba'i rgyal po nam mkha' zhes bya bar gyur pa ste/ 'jam dpal gzhon nur gyur pa 'dis/ byang chub tu sems bskyed phyin chad bskal pa gang gA'i klung grangs med pa brgya stong phrag bdun gyi bye ma snyed 'das par gyur to/ /mi skye ba'i chos la bzod pa thob nas kyang / bskal pa gang gA'i klung drug bcu rtsa bzhi'i bye ma snyed 'das par gyur te/ de nas nye bar bzung nas 'di de bzhin gshegs pa'i stobs bcu yongs su rdzogs so/ /'di byang chub sems dpa'i sa bcu thams cad yongs su rdzogs so/ /'di sangs rgyas kyi sa yongs su rdzogs so/ /'di sangs rgyas kyi chos thams cad kyang yongs su rdzogs te/ bar 'ga' yang des bdag byang chub mngon par rdzogs par 'tshang rgya bar 'gyur ram/ mi 'gyur snyam pa'i sems gcig kyang bskyed par ma gyur to/ /rigs kyi bu bcom ldan 'das de bzhin gshegs pa 'brug sgra'i dbyangs kyi rgyal po'i spyan sngar rgyal po de dag lhan cig tu/ /byang chub tu sems bskyed pa'i srog chags bye ba phrag nyi shu po de dag thams cad kyang / bla na med pa yang dag par rdzogs pa'i byang chub mngon par rdzogs par sangs rgyas nas/ /chos kyi 'khor lo bskor te/ / sems can tshad med grangs med pa'i don du sangs rgyas kyi bya ba byas nas/ sangs rgyas kyi mya ngan las 'das pas yongs su mya ngan las 'das so/ /de dag thams cad kyang 'jam dpal gzhon nur gyur ba 'dis sbyin pa la/ yang dag par btsud do/ /de bzhin du tshul khrims dang / bzod pa dang / brtson 'grus dang / bsam gtan dang / shes rab la yang dag par btsud de/ thams cad la yang bsnyen bkur dang / yongs su spyad par byas so/ /thams cad kyis dam pa'i chos bzungs do/ /de bzhin gshegs pa gcig ma gtogs pa ni sangs rgyas kyi zhing 'di nas 'og gi phyogs logs su sangs rgyas kyi zhing gang gA'i klung bzhi khri bzhi stong gi bye ma snyed 'das pa na/ 'jig rten gyi khams sa'i dbyangs shes bya ba yod de/ de na de bzhin gshegs pa sa'i lha zhes bya ba/ byang chub sems dpa'i dge 'dun tshad med pa dang / sku tshe'i tshad dpag tu med par bzhugs pa ste/ de da ltar yang bzhugs shing 'tsho'o gzhes so/ /sngon byung ba'i le'u 'di bstan pa'i tshe/ srog chags brgya stong phrag bdun bla na med pa yang dag par rdzogs pa'i byang chub tu sems skyes par gyur to/ /de nas byang chub sems dpa' seng ge'i rtsal gyis mngon par bsgrags pa'i sgras/ /'jam dpal gzhon nur gyur pa la/ 'di skad ces smras so/ /'jam dpal gal te de ltar khyod kyis de bzhin gshegs pa'i stobs bcu yang yongs su rdzogs/ /byang chub sems dpa'i sa bcu yang yongs su rdzogs/ sangs rgyas kyi sa yang yongs su rdzogs/ /sangs rgyas kyi chos thams cad kyang yongs su rdzogs na/ ci'i phyir bla na med pa yang dag par rdzogs pa'i byang chub mngon par rdzogs par 'tshang mi rgya/ /de skad ces smras pa dang / /'jam dpal gzhon nur gyur pas/ /byang chub sems dpa' seng ge'i rtsal gyis mngon par bsgrags pa'i sgra la 'di skad ces smras so/ /rigs kyis bu sangs rgyas kyis chos yongs su rdzogs na yang dang yang du byang chub mngon par rdzogs par 'tshang rgyar med do/ / de ci'i phyir zhe na/ /des byang chub thob par gyur pas thob zin pa ni gzod thob par mi bya'o/ /smras pa/ /'jam dpal sangs rgyas kyi chos yongs su rdzogs shes bya ba ji lta bu/ smras pa/ /rigs kyi bu de bzhin nyid yongs su rdzogs pa gang yin pa de ni sangs rgyas kyis chos rnams yongs su rdzogs pa'o/ /nam mkha' yongs su rdzogs pa gang yin pa de ni sangs rgyas kyi chos rnams yongs su rdzogs pa'o/ /de ltar na nam mkha' dang / /sangs rgyas kyi chos rnams dang / / de bzhin nyid ces bya ba 'di ni gnyis su med de gnyis su dbyer med do/ /rigs kyi bu sangs rgyas kyis chos rnams yongs su rdzogs pa gang yin zhe na/ de skad zer ba la gang gzugs yongs su rdzogs pa dang / /gang tshor ba dang / 'du shes dang / 'du byed rnams dang / gang rnam par shes pa yongs su rdzogs pa de ni sangs rgyas kyi chos rnams yongs su rdzogs pa'o/ /smras pa/ /'jam dpal gzugs yongs su rdzogs pa ni ji lta bu/ tshor ba dang / 'du shes dang / 'du byed rnams dang / rnam par shes pa yongs su rdzogs pa ni ji lta bu/ smras pa/ rigs kyi bu khyod kyis gzugs kyi rtag pa 'am/ mi rtag pa yang dag par rjes su mthong ngam/ smras pa/ 'jam dpal de ni ma mthong ngo / /'jam dpal gyis smras pa/ rigs kyi bu chos gang rtag pa yang ma yin/ mi rtag pa yang ma yin pa de la yongs su rdzogs pa 'am 'grib par 'gyur ba yod dam/ smras pa/ /'jam dpal de ni med do/ /'jam dpal gyis smras pa/ rigs kyi bu de ltar chos gang yongs su rdzogs pa yang med/ /'grib pa med pa de ni yongs su rdzogs pa zhes bya'o/ /smras pa/ /des chos cis yongs su rdzogs shes bya/ smras pa/ des chos ji ltar shes pa de ltar ye shes 'jug par 'gyur te/ gang gi tshe ye shes 'jug par 'gyur ba de'i tshe mi rtog / rnam par mi rtog go/ /gang gi tshe mi rtog /rnam par mi rtog pa de'i tshe yongs su rdzogs pa 'am 'grib par byed pa med de/ /gang yongs su rdzogs pa 'am/ /'grib pa med pa de ni mnyam pa nyid do/ /rigs kyi bu de lta bas na gzugs kyi mnyam pa nyid mthong ba gang yin pa de ni gzugs yongs su rdzogs pa'o/ /tshor ba dang / 'du shes dang / 'du byed rnams dang / rnam par shes pa'i mnyam pa nyid mthong ba gang yin pa de ni rnam par shes pa yongs su rdzogs pa'o/ /de nas byang chub sems dpa' sems dpa' chen po seng ge'i rtsal gyis/ mngon par bsgrags pa'i sgras 'jam dpal gzhon nur gyur pa la 'di skad ces smras so/ /'jam dpal de ltar khyod yun ring po nas bzod pa thob kyang bdag gis byang chub thob par bya'o/ /zhes bya ba'i sems bskyed pa gcig kyang skye ba med na/ 'jam dpal khyod kyis da ji ltar sems can gzhan dag byang chub la yang dag par gzud par bya/ smras pa/ rigs kyi bu kho bo ni sems can gang yang byang chub la yang dag par mi 'dzud do// de ci'i phyir zhe na/ sems can med pa dang / sems can dben pa'i phyir te/ rigs kyi bu gang gis sems can dmigs pa des ni byang chub kyang dmigs/ gang gis byang chub dmigs pa de ni byang chub la/ sems can rnams yang dag par 'dzud par byed kyis/ rigs kyi bu bdag gis ni byang chub kyang ma dmigs/ sems can yang ma dmigs pas/ de ltar byang chub la sems can rnams 'dzud par mi byed do/ /mnyam pa nyid ni byang chub tu smon par byed pa yang med de/ de las ldog pa yang med do/ /de ci'i phyir zhe na/ mnyam pa nyid la rnam par rtog pa med pas de ltar mnyam pa nyid la smon pa med do/ /ldog pa med do/ /de'i phyir na 'du byed rnams la gang nas kyang 'ong ba dang / gang du yang 'gro ba med de/ de ni mnyam pa nyid do/ /rigs kyi bu mnyam pa nyid ces bya ba ni stong pa nyid kyi tshig ste stong pa nyid la smon pa gang yang med do/ /rigs kyi bu gang yang khyod kyis 'di skad du de ltar yun ring po nas bzod pa thob na/ ci'i phyir bdag gis byang chub mngon par rdzogs par 'tshang rgya bar bya'o zhes bya bar sems mi skyed ces zer ba ni/ /rigs kyi bu khyod kyis sems gang gis byang chub thob par bya ba de lta bu yang dag par rjes su mthong ngam / smras pa/ 'jam dpal de ni ma mthong ste/ de ci'i phyir zhe na/ /sems la gzugs med cing bstan du med pas byang chub kyang ming tsam ste/ /yid las byung ba ma yin pas byang chub ces bya ba 'am/ sems shes bya ba ni ming tsam ste/ /ming tsam gang yin pa de ni dben zhing byed pa med pa'o/ /smras pa/ /rigs kyi bu de las bsams nas bdag gis byang chub ji ltar thob par bya snyam du sems bskyed pa med do zhes smras pa yin no/ /de ci'i phyir zhe na/ sems de ni ma skyes pa ste/ ma skyes pa la skye ba med do/ /gang la skye ba med pa de la thob pa dang / mngon par rtogs par bya ba yang gang zhig yod smras pa/ /'jam dpal mngon par rtogs pa zhes bya ba ji lta bu/ smras pa/ /rigs kyi bu gang chos thams cad la rlom sems med cing mnyam pa nyid du khong du chud pa 'di ni mngon par rtogs pa zhes bya'o/ /ji ltar rdul tsam gyi 'du shes kyang mi skye mi 'gog pa/ de ltar rtogs pa de ni mngon par rtogs pa zhes bya'o/ /de bzhin nyid dang ma nor ba de bzhin nyid ni rnam par mi rtog ste/ /de ni mngon par rtogs pa zhes bya'o/ /yang dag pa'i lta bas zhugs te/ /mnyam pa nyid la/ chos gang yang mi dmigs shing ma dmigs pas gcig pa 'am tha dad par mi byed cing rlom sems su mi byed pa 'di ni mngon par rtogs pa zhes bya'o/ /chos thams cad gang 'di mtshan nyid med par mtshan nyid gcig tu lus kyis mngon sum du byas shing shes kyang lus la yang mngon par zhen pa med/ sems la yang mngon par zhen pa med pa 'di ni mngon par rtogs pa thob pa zhes bya'o/ /smras pa/ 'jam dpal thob pa zhes bya ba de ji lta bu/ smras pa/ rigs kyi bu de ni rgyu ba med pa'i tshig ste/ de'i phyir thob pa zhes bya'o/ /de'i rgyu ba khams gsum na tha snyad du 'di yin no zhes bstan du med do/ /'phags pa rnams kyi thob pa gang yin pa de ni brjod par mi nus so/ /de ci'i phyir zhe na/ chos de ni gnas med cing rgyu ba med pas de'i phyir brjod par mi nus so/ /rigs kyi bu gzhan yang de ni thob pa med pa las thob pa'i sgrar brjod pa ste/ de ni chos gang yang thob pa yang ma yin/ ma thob pa yang ma yin pas de'i phyir thob pa zhes bya'o/ / // bam po bzhi pa ste tha ma/ de nas bcom ldan 'das la byang chub sems dpa' sems dpa' chen po seng ge'i rtsal gyis mngon par bsgrags pa'i sgras 'di skad ces gsol to/ / bcom ldan 'das 'jam dpal gzhon nur gyur ba 'di'i sangs rgyas kyi zhing gi yon tan bkod pa ji lta bu zhig tu 'gyur ba de bzhin gshegs pas legs par bstan du gsol/ /bcom ldan 'das kyis bka' stsal pa/ rigs kyi bu 'jam dpal gzhon nur gyur ba 'di nyid la dris shig /de nas byang chub sems dpa' sems dpa' chen po seng ge'i rtsal gyis mngon par bsgrags pa'i sgras/ 'jam dpal gzhon nur gyur ba la 'di skad ces smras so/ /'jam dpal khyod kyi sangs rgyas kyi zhing gi yon tan bkod pa ji lta bu zhig du 'gyur/ smras pa/ rigs kyi bu gang byang chub la mngon par dga' ba de la dris shig /smras pa/ 'jam dpal khyod byang chub la mngon par dga' ba ma yin nam/ smras pa/ rigs kyi bu de ni ma yin no/ /de ci'i phyir zhe na/ gang mngon par dga' ba de ni 'dod chags dang ma bral ba'o/ /gang 'dod chags dang ma bral ba de ni sred pa'o/ /sred pa gang la yod pa de ni skye bar 'gyur ro/ /skye ba gang la yod par de la tshor ba yod do/ /gang la tshor ba yod pa de la 'byung ba med de/ rigs kyi bu de lta bas na kho bo byang chub la mngon par dga' ba med de/ byang chub tu dmigs pa med pas de'i phyir mngon par dga' ba med do/ /rigs kyi bu de lta mod kyi 'on kyang gang khyod kyis 'di skad du khyod kyi sangs rgyas kyi zhing gi yon tan bkod pa ji lta bu zhig tu 'gyur zhes smras pa ni de la bdag gis bdag bstod par mi nus te/ de ci'i phyir zhe na/ de bzhin gshegs pa chos thams cad thugs su chud pa mngon sum du bzhugs bzhin du bdag gi sangs rgyas kyi zhing gi yon tan bkod pa bdag nyid kyis brjod na/ de ni byang chub sems dpa' sems dpa' chen po'i bdag bstod tu 'gyur ro/ /bcom ldan 'das kyis bka' stsal pa/ 'jam dpal khyod kyis khyod nyid kyi sangs rgyas kyi zhing gi yon tan bkod pa'i smon lam ston cig /de bzhin gshegs pas gnang ngo / /de ci'i phyir zhe na/ khyod las smon lam de dag thos na byang chub sems dpa' sems dpa' chen po gzhan dag kyang spyod pa de lta bu yongs su rdzogs par byed do/ /'jam dpal gyi gsol pa/ bcom ldan 'das bdag ni de bzhin gshegs pa'i bka' la slar la mi zlog ste/ sangs rgyas kyi mthus bstan par bgyi'o/ /de nas 'jam dpal gzhon nur gyur ba stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das de bzhin gshegs pa shAkya thub pa ga la ba der logs su thal mo sbyar ba btud de bcom ldan 'das la 'di skad ces gsol to/ /bcom ldan 'das de'i slad du rigs kyi bu dang / rigs kyi bu mo byang chub don du gnyer ba dag bdag la nyan cing smon lam de dag thos nas kyang yongs su rdzogs par bgyid la/ de bzhin nyid du nan tan bgyid na bdag gis bstan par bgyi'o/ /de ltar 'jam dpal gzhon nur gyur bas pus mo g.yas pa'i lha nga sa la btsugs ma thag tu/ de nas skad cig de la phyogs bcur 'jig rten gyi khams gang gA'i klung gi bye ma snyed rnam pa drug tu g.yos par gyur to/ /de nas bcom ldan 'das la 'jam dpal gzhon nur gyur bas 'di skad ces gsol to/ /bcom ldan 'das bskal pa bye ba khrag khrig phrag 'bum phrag grangs ma mchis pa nas nye bar bzung ste bdag gis smon lam btab pa ni/ nam bdag gis phyogs bcu mtha' yas mu med pa'i 'jig rten gyi khams su sangs rgyas kyi spyan sgrib pa med pas bltas na/ sangs rgyas bcom ldan 'das gang ji snyed pa de dag thams cad bdag gis byang chub la yang dag par btsud pa dang / bdag gis byang chub kyi sems la bkod pa dang / bdag gis sbyin pa la yang dag par btsud pa dang / de bzhin du bdag gis tshul khrims dang / bzod pa dang / brtson 'grus dang / bsam gtan dang / shes rab la yang dag par btsud pa dang / bdag gis bskul ba dang / bdag gis rjes su bstan par gyur bar ma mthong ba de srid du bdag bla na med pa yang dag par rdzogs pa'i byang chub mngon par rdzogs par 'tshang rgya bar mi bya'i/ nam bdag gis sangs rgyas kyi spyan sgrib pa med pas phyogs bcur rnam par bltas kyang bdag gis sangs rgyas nyid la ma bkod pa'i de bzhin gshegs pa de lta bu gang yang mthong bar ma gyur ba de'i tshe bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /zhes bgyi bar smon lam btab bo/ / de nas 'khor de'i nang nas byang chub sems dpa' la la 'di snyam du sems par 'gyur te/ 'jam dpa' gzhon nur gyur ba 'dis sangs rgyas bcom ldan 'das ji snyed cig mthong bar 'gyur snyam pa dang / de nas bcom ldan 'das kyis byang chub sems dpa' de dag gis sems kyi rtog pa thugs kyis thugs su chud nas/ byang chub sems dpa' sems dpa' chen po seng ge'i rtsal gyis mngon par bsgrags pa'i sgra la 'di skad ces bka' stsal to/ / rigs kyi bu 'di lta ste/ dper na skyes bu gang la la zhig skyes par gyur te/ des stong gsum gyi stong chen po'i 'jig rten gyi khams 'di rdul phra rab tu brlags shing bshig ste thal bar byas na rigs kyi bu de ji snyam du sems/ rdul phra rab kyi rdul de dag rtsi shes pa 'am/ rtsis la shin du mkhas pa dag gis brgya phrag 'di snyed cig yod do zhes 'am/ stong phrag 'di snyed cig yod do zhes 'am/ 'bum phrag 'di snyed cig yod do zhes 'am/ bye ba phrag 'di snyed cig yod do zhes 'am/ bye ba brgya phrag 'di snyed cig yod do zhes 'am/ bye ba stong phrag 'di snyed cig yod do zhes 'am/ bye ba 'bum phrag 'di snyed cig yod do zhes shes pa 'am/ bgrang ba 'am/ gzhal ba 'am/ tshad bzung bar nus sam gsol pa bcom ldan 'das de ni ma lags so/ /bde bar gshegs pa de ni ma lags so/ /bcom ldan 'das kyis bka' stsal pa/ 'jam dpal gzhon nur gyur bas sangs rgyas kyi spyan sgrib pa med pas rnam par bltas na/ phyogs bcu'i phyogs re re yang de snyed kyi sangs rgyas bcom ldan 'das dag mthong bar 'gyur ro/ /de nas bcom ldan 'das la 'jam dpal gzhon nur gyur bas 'di skad ces gsol to/ /bcom ldan 'das bdag gis ni bdag gi sangs rgyas kyi zhing gcig la gang gA'i klung du ma'i bye ma snyed kyi sangs rgyas kyi zhing tsam gyi thag gru yangs pa yongs su ma grub cing sangs rgyas kyi zhing de rin po che brgya stong du ma las grub pa dang / rin po che brgya stong du mas spras pa/ srid pa'i rtse mo'i tshad tsam du ma gyur gyi bar du bla na med pa yang dag par rdzogs pa'i byang chub mngon par rdzogs par 'tshang rgya bar mi bgyi bar smon lam btab bo/ /bcom ldan 'das gzhan yang bdag gis sangs rgyas kyi zhing der stong gsum gyi stong chen po'i 'jig rten gyi khams bcu'i tshad tsam gyi byang chub kyi shing skyes te/ byang chub kyi shing de'i 'od kyis sangs rgyas kyi zhing de thams cad rgyas shing khyab par gyur cig ces bgyi bar smon lam de skad btab bo/ /bcom ldan 'das gzhan yang bdag gis byang chub kyi shing de'i drung du bdag 'dug pa'i tshe/ bla na med pa yang dag par rdzogs pa'i byang chub mngon par rdzogs par sangs rgyas pa nas yongs su mya ngan las 'das pa'i bar du byang chub kyi shing drung de nas ma langs kyang / bdag gi sprul pa phyogs bcu'i phyogs re re zhing sangs rgyas kyi zhing bye ba khrag khrig phrag 'bum phrag grangs med pa dag tu dong zhing sems can rnams la chos ston par gyur cig ces bgyi bar smon lam de skad btab bo/ /bcom ldan 'das gzhan yang bdag gis bdag gi sangs rgyas kyi zhing der nyan thos dang / rang sangs rgyas kyi ming tsam yang ye med par gyur te/ /byang chub sems dpa' zhe sdang dang / tha ba dang / 'chab pa med pa/ tshangs pa'i spyod pa yongs su dag par spyod pa sha stag gis sangs rgyas kyi zhing de gang la sangs rgyas kyi zhing de na bud med kyi ming yang mi grag cing mngal du skye ba med pa dang / byang chub sems dpa' de dag thams cad kyang gos ngur smig gyon cing skyil mo dkrung bcas par rdzus te byung ba dang / sangs rgyas kyi zhing de shin du dag par gyur te/ de bzhin gshegs pa'i sprul pa phyogs bcu'i 'jig rten gyi khams bye ba khrag khrig phrag 'bum phrag grangs med par gshegs shing / sems can rnams la chos ston pa de dag theg pa gsum las brtsams te mos pas tshul bzhin du sems can rnams la chos ston pa ma gtogs par sangs rgyas kyi zhing de na nyan thos dang / rang sangs rgyas med cing byang chub sems dpas yongs su gang bar gyur cig ces bgyi bar smon lam de skad btab bo/ /de nas bcom ldan 'das la byang chub sems dpa' sems dpa' chen po seng ge'i rtsal gyis mngon par bsgrags pa'i sgras 'di skad ces gsol to/ /bcom ldan 'das 'jam dpa' gzhon nur gyur ba byang chub mngon par rdzogs par sangs rgyas pa na ming ji skad ces bgyi bar 'gyur/ bcom ldan 'das kyis bka' stsal pa/ rigs kyi bu de bzhin gshegs pa kun du gzigs pa zhes bya bar 'gyur ro/ /rigs kyi bu 'di ci snyam du sems/ de bzhin gshegs pa de ci'i phyir kun du gzigs pa zhes bya zhe na/ rigs kyi bu de bzhin gshegs pa kun du gzigs pa des phyogs bcu'i 'jig rten gyi khams bye ba khrag khrig brgya stong tshad med grangs med pa kun gyi sangs rgyas bcom ldan 'das rnams mthong bar 'gyur ba dang / sems can gang gis de bzhin gshegs pa de mthong bar 'gyur ba de dag thams cad kyang bla na med pa yang dag par rdzogs pa'i byang chub tu nges par 'gyur ba dang / rigs kyi bu da ltar byung ba'i dus sam/ nga mya ngan las 'das pa'i dus kyang rung ste/ de bzhin gshegs pa dgra bcom pa yang dag par rdzogs pa'i sangs rgyas kun du gzigs pa de'i mtshan gang gis thos pa de dag ni mi 'gyur ba la zhugs pa dang / mos pa chung ba'i gang zag rnams ma rtogs par thams cad kyang bla na med pa yang dag par rdzogs pa'i byang chub mngon par rdzogs par 'tshang rgya bas/ de'i phyir de bzhin gshegs pa de kun du gzigs pa zhes bya'o/ /de nas yang bcom ldan 'das la 'jam dpal gzhon nur gyur bas 'di skad ces gsol to/ /bcom ldan 'das bdag gis smon lam ni de bzhin gshegs pa 'od dpag med kyis dga' ba'i zas dang ldan par 'gyur ba smon lam mdzad pa lta bu yang ma lags te/ bcom ldan 'das bdag gis ni bdag gis sangs rgyas kyis zhing der byang chub sems dpa' gang dag skyes par gyur ba de dag kha zas kyi 'du shes skyes par gyur ba na/ de ma thag tu skad cig de la de dag gis lag pa g.yas par ro bro ba brgya phrag du ma dang ldan par kha zas kyis gang ba'i snod mngon du byung bar gyur la/ snod de dag byung ma thag tu de dag 'di snyam du 'di ltar bdag cag gis phyogs bcu'i sangs rgyas bcom ldan 'das rnams la ma phul/ sems can dbul zhing phongs pas sdug bsngal ba dang mgon med par gyur ba dag dang / yi dags kyi 'jig rten du skyes pa gang dag lo stong phrag du mar yang mchil ma'i thal ba 'ga' yang mi rnyed pa de lta bur dag yongs su tshim par ma byas par bdag nyid kyis bza' ba ni tshul dang mi 'dra'o zhes bgyi ba dran pa thob par gyur cing de'i mod la de dag mngon par shes pa lnga yongs su grub par 'gyur te/ rdzu 'phrul dang ldan zhing nam mkha' las mchi ba dang / rlung ltar chags pa ma mchis pa'i shugs kyis phyogs bcu'i 'jig rten gyi khams grangs dang tshad ma mchis pa dag tu phyin nas kha zas de las de bzhin gshegs pa nyan thos kyi dge 'dun dang bcas pa la yang phul/ sems can phongs shing ltogs pa dang / mgon ma mchis pa rnams dang / yi dags kyi 'jig rten du skyes pa rnams kyang yongs su tshim par bgyis nas de dag la chos bstan te/ skad cig gcig gis sangs rgyas kyi zhing der slar mchi bar gyur cig ces bgyi bar smon lam de skad btab bo/ /bcom ldan 'das gzhan yang bdag byang chub thob pa'i tshe bdag gis sangs rgyas zhing der byang chub sems dpa' gang ji snyed cig skyes pa de dag gos rin po che rnam pa sna tshogs kyi longs spyod dang ldan par gyur te/ bsam pa tsam gyis ci la dga' ba'i gos rin po che dge sbyong gi tshul dang mthun pa rung ba dag 'byung bar gyur la gos rin po che de dag byung ma thag tu 'di snyam du 'di ltar bdag cag gis gos 'di lta bu phyogs bcu'i sangs rgyas bcom ldan 'das rnams la ma phul bar bdag cag nyid kyis yongs su spyad pa ni tshul dang mi 'dra'o snyam pa'i dran pa thob par gyur nas/ de dag gi sems de ltar skyes ma thag tu 'jig rten gyi khams tshad ma mchis grangs ma mchis pa dag tu mchis shing gos de dag thams cad sangs rgyas bcom ldan 'das rnams la mngon par bkab ste/ slar sangs rgyas kyi zhing der mchis na/ ci dga' ba'i gos rin po che la spyod par gyur cig ces bgyi bar smon lam de skad btab bo/ / bcom ldan 'das de bzhin du sangs rgyas kyi zhing de na byang chub sems dpa' sems dpa' chen po de dag gi longs spyod dang / yongs su spyad pa gang ji snyed cig mchis pa de dag thams cad kyang sangs rgyas bcom ldan 'das nyan thos kyi dge 'dun dang bcas pa dag la phul nas slad kyis bdag cag yongs su spyod par 'gyur ba dang / sangs rgyas kyi zhing de na mi khom pa brgyad ma mchis pa dang / sangs rgyas kyi zhing de na mi dge ba'i sgra ma mchis pa dang / sangs rgyas kyi zhing de na sdug bsngal gyi sgra ma mchis pa dang / sangs rgyas kyi zhing de na skyon du 'gyur ba'i sgra ma mchis pa dang / sangs rgyas kyi zhing de na gzugs dang / sgra dang / dri dang / ro dang / reg bya yid du mi 'ong ba ma mchis par gyur cig ces bgyi bar smon lam btab bo/ /de nas bcom ldan 'das la byang chub sems dpa' sems dpa' chen po seng ge'i rtsal gyis mngon par bsgrags pa'i sgras 'di skad ces gsol to/ /bcom ldan 'das gang du bcom ldan 'das de bzhin gshegs pa kun tu gzigs pa de 'byung bar 'gyur ba'i 'jig rten gyi khams de'i ming ci zhes bgyi bar 'gyur/ bcom ldan 'das kyis bka' stsal pa/ smon lam ji lta ba bzhin du yongs su rdzogs shing dag la rdul med pa bsags pa zhes bya ba'i 'jig rten gyi khams su 'gyur ro/ /gsol pa/ bcom ldan 'das 'jig rten gyi khams de phyogs gang logs shig tu 'byung bar 'gyur/ bcom ldan 'das kyis bka' stsal pa/ rigs kyi bu 'jig rten gyi khams de ni lho phyogs logs su 'byung ste 'jig rten gyi khams mi mjed 'di nyid kyang de'i nang du 'dus shing khongs su chud par 'gyur ro/ /de nas bcom ldan 'das la 'jam dpal gzhon nur gyur bas gzhan yang 'di skad ces gsol to/ /bcom ldan 'das bdag gis ni smon lam 'di ltar btab ste/ bdag gi sangs rgyas kyi zhing der rin po che bye ba khrag khrig 'bum phrag du mas gang zhing nor bu rin po che kun du bstan pa dang 'dra la rin po che de dag kyang phyogs bcu'i 'jig rten na dkon la sngan chad ma mthong zhing mi srid pa sha stag ste/ de dag gi ming brjod na yang lo bye ba brgya stong thogs par 'gyur ba de lta bu'i nor bu rin po che dag gis sangs rgyas kyi zhing de yongs su gang bar 'gyur te/ sangs rgyas kyi zhing de la byang chub sems dpa' la la zhig sangs rgyas kyi zhing 'di gser las grub par mthong bar dga'o snyam na yang des gser las grub par mthong ba dang / dngul las grub par mthong bar dga'o snyam na yang dngul las grub par mthong la/ gzhan gyis gser las grub par mthong ba ma mchis par mi 'gyur ba dang / de bzhin du bai dUr+ya las grub pa dang / shel las grub pa dang / mu tig dmar po las grub pa dang / rdo'i snying po las grub pa dang / sbu ga las grub pa 'am/ de bzhin du rin po che sna tshogs kyi rgyu las grub pa 'am/ tsan dan las grub pa 'am/ a ka ru las grub pa 'am/ ta ka ra las grub pa 'am/ ta ma la'i lo ma las grub pa 'am/ tsan dan sbrul gyi snying po las grub pa 'am/ tsan dan dmar po las grub pa 'am/ su rnam pa ji lta bur 'dod pa de dag gis de bzhin du mthong ste/ phan tshun nas sangs rgyas kyi zhing tha dad par mthong ba yang ma mchis par 'gyur ba dang / sangs rgyas kyi zhing de na byang chub kyi shing de las 'od byung ba dang / byang chub sems dpa' rang rang las 'od byung bas snang zhing gsal ba ma gtogs par nyi ma dang zla ba'i 'od kyang mi mngon/ skar ma dang / rin po che dang / zhugs dang / glog gam/ sems can gzhan gang gi 'od kyang mi mngon pa dang / gang dag ji tsam du 'od kyis khyab par dga' ba tha na sangs rgyas kyi zhing bye ba khrag khrig phrag 'bum de snyed du de dag gi 'od kyis gsal bar 'gyur te/ sangs rgyas kyi zhing de na byang chub sems dpa' rnams kyi bsam pa'i khyad par gyis me tog kha bye ba dang / kha zum par 'gyur ba dang / gang dus dang / tshod rnam pa ji lta bur yongs su spyad par 'tshal ba de bzhin du de'i grub pa ma gtogs par nyin mtshan gyi ming yang ma mchis pa dang / sangs rgyas kyi zhing de na grang ba dang tsha ba yang ma mchis/ rga ba dang / na ba dang / 'chi ba yang ma mchis te/ byang chub sems dpa' gang byang chub mngon par rdzogs par 'tshang rgya bar 'tshal ba de 'jig rten gyi khams gzhan du mchis shing dga' ldan gyi gnas su tshe bas par bgyis nas byang chub mngon par rdzogs par 'tshang rgya bar 'gyur ba dang / sangs rgyas kyi zhing de'i steng gi bar snang las sil snyan bltar mi gda' ba bye ba khrag khrig phrag 'bum rtag tu rgyun mi 'chad par sgra 'byin pa dang / sil snyan de dag las kyang 'dod pa dang ldan pa'i sgra mi 'byung gi gzhan du na pha rol tu phyin pa'i sgra dang / sangs rgyas kyi sgra dang / chos kyi sgra dang / dge 'dun gyi sgra dang / byang chub sems dpa'i sde snod kyi chos kyi rnam grangs kyi sgra 'byin par 'gyur te/ byang chub sems dpa' de dag ji lta bur mos pa'i sgra de lta bu thos par 'gyur ba dang / byang chub sems dpa' gang dag de bzhin gshegs pa de blta bar 'tshal lam/ 'chag gam/ 'gro 'am/ 'ong ngam/ sdod dam/ mchis kyang rung ste/ gang dag der sangs rgyas blta ba'i yid la bgyi ba skyes ma thag tu de dag gis de bzhin gshegs pa dgra bcom pa yang dag par rdzogs pa'i sangs rgyas kun tu gzigs pa byang chub kyi shing drung na bzhugs pa de de nyid na bzhugs par mthong bar gyur cing mthong nas kyang bcom ldan 'das de mthong ma thag tu de dag gi the tshom 'am/ nem nur ram/ yid gnyis sam/ chos kyi som nyid gang ci mchis pa yongs su chad par gyur te/ bstan mi 'tshal bar chos kyi tshig de'i don yongs su 'tshal bar gyur cig ces bgyi bar smon lam btab bo/ /de nas 'khor de'i byang chub sems dpa' bye ba khrag khrig phrag 'bum phrag du mas mgrin gcig tu smras pa/ gang 'di kun du gzigs pa zhes bya ba mtshan de ni tshul dang 'dra ba ste/ sems can gang dag gis bcom ldan 'das de bzhin gshegs pa kun tu gzigs pa de'i mtshan thos pa de dag kyang rnyed pa legs par rnyed pa yin na sangs rgyas kyi zhing der skyes par gyur ba lta ci smos te/ gang dag gis lung bstan pa'i chos kyi rnam grangs 'di thos pa dang / gang dag gis 'jam dpal gzhon nur gyur ba'i ming thos pa de dag gis ni sangs rgyas mngon sum du mthong bar blta'o/ /de skad ces smras pa dang / /bcom ldan 'das kyis byang chub sems dpa' de dag la 'di skad ces bka' stsal to/ /rigs kyi bu dag de de bzhin no/ /ji skad smras pa de bzhin te/ /rigs kyi bu dag gang gis sangs rgyas bye ba khrag khrig phrag 'bum gyis mtshan brjod pa bas ni gang gis 'jam dpal gzhon nur gyur ba'i ming brjod na 'di nyid de bas bsod nams ches mang du skyed na/ /bcom ldan 'das de bzhin gshegs pa kun du gzigs pa de'i mtshan brjod pa lta smos kyang ci dgos/ de ci'i phyir zhe na/ 'jam dpal gzhon nur gyur bas bskal pa re re zhing sems can gyi don ji snyed du byas pa'i sems can gyi don de ni sangs rgyas bye ba khrag khrig phrag 'bum gyis kyang ma mdzad do/ /de nas 'khor de'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa bye ba khrag khrig 'bum phrag du mas mgrin gcig tu 'di skad ces smras so/ /'jam dpa' gzhon nur gyur ba la phyag 'tshal lo/ / de bzhin gshegs pa kun du gzigs pa la phyag 'tshal lo/ /de skad ces brjod pa dang / /de'i mod la srog chags bye ba khrag khrig 'bum phrag brgyad bcu rtsa bzhi bla na med pa yang dag par rdzogs pa'i byang chub tu sems skyes par gyur to/ /sems can tshad med pa dag kyang dge ba'i rtsa ba yongs su smin par gyur te/ /bla na med pa yang dag par rdzogs pa'i byang chub las phyir mi ldog par gyur to/ /bcom ldan 'das la 'jam dpal gzhon nur gyur bas gzhan yang 'di skad ces gsol to/ /bcom ldan 'das bdag gis ni 'di ltar phyogs bcu'i 'jig rten gyi khams bye ba khrag khrig phrag 'bum phrag tshad med grangs med pa dag na sangs rgyas bcom ldan 'das bzhugs pa rnams kyi sangs kyi zhing gi yon tan bkod pa'i rgyan dang / smon lam gyi rgyan dang / /mtshan nyid dang / mtshan ma dang / spyod pa dang / gnas kyi rnam pa'i rgyan gang ji snyed cig mthong ba las nyan thos kyi bkod pa dang / /snyigs ma lnga'i sangs rgyas rnams ma gtogs par de dag thams cad bdag gis sangs rgyas kyi zhing gcig gi nang du 'dus pa dang / /khongs su chud par bya'o zhes bgyi bar smon lam btab ste/ /bcom ldan 'das bdag 'tshal na bskal pa g ang gA'i klung gi bye ma snyed du bdag gi sangs rgyas kyi zhing gi yon tan bkod pa las brtsams te rnam pa gzhan dang gzhan du thogs pa ma mchis pa'i tshul gyis sug las gzhan ma mchis par bshad dam de bas kyang ring du bshad kyang sangs rgyas kyi zhing gi yon tan bkod pa de dag mthar thug par mi 'gyur ro/ /bcom ldan 'das bdag gi smon lam gyi rnam pa gang ci 'dra ba de la de bzhin gshegs pa dgra bcom pa yang dag par rdzogs pa'i sangs rgyas ma gtogs par dpang du gyur ba gzhan gang yang ma mchis so/ /bcom ldan 'das kyi bka' stsal pa/ 'jam dpal de de bzhin te/ /de bzhin gshegs pas thugs su chud do/ /de bzhin gshegs pa dgra bcom pa yang dag par rdzogs pa'i sangs rgyas kyi ye shes la ni thogs pa med de dus gsum kun du 'jug go/ /de nas 'khor de'i nang nas byang chub sems dpa' kha cig 'di snyam du sems par gyur te/ /'jam dpal gzhon nur gyur bas rang gi sangs rgyas kyi zhing gi yon tan bkod pa de brjod pa dang / /bcom ldan 'das de bzhin gshegs pa 'od dpag med kyi sangs rgyas kyi zhing gi 'jig rten gyi khams bde ba can na sangs rgyas kyi zhing gi yon tan bkod pa yod pa de gnyis 'dra 'am/ 'on te mi 'dra snyam pa dang / de nas bcom ldan 'das kyis byang chub sems dpa' de dag gis sems kyi rtog pa thugs kyis thugs su chud nas byang chub sems dpa' seng ge'i rtsal gyis mngon par bsgrags pa'i sgra la bka' stsal pa/ rigs kyi bu 'di lta ste/ /dper na mi la la zhig gis skra'i rtse mo brgyar gshags pa'i chas rgya mtsho chen po las chu'i thigs pa gcig blangs na/ rigs kyi bu 'di ji snyam du sems/ chu blangs pa de dang / phyi na lus pa de gnyis gang mang bar 'gyur/ gsol pa/ bcom ldan 'das blangs pa ni nyung slad na las pa ni tshad ma mchis so/ /bcom ldan 'das kyis bka' stsal pa/ rigs kyi bu mi des skra'i rtse mo brgyar gshegs pa'i chas rgya mtsho chen po las chu'i thigs pa gcig blangs pa de tsam du ni 'jig rten gyi khams bde ba can de bzhin gshegs pa 'od dpag med kyi sangs rgyas kyi zhing gi yon tan bkod par blta'o/ /rgya mtsho chen po na chu'i lhag ma ji snyed cig yod pa de tsam du ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kun du gzigs pa'i sangs rgyas kyi zhing gi yon tan bkod par blta'o/ /de nas bcom ldan 'das la byang chub sems dpa' seng ge'i rtsal gyis mngon par bsgrags pa'i sgras 'di skad ces gsol to/ /bcom ldan 'das de bzhin gshegs pa kun du gzigs pa'i sangs rgyas kyi zhing gi yon tan bkod pa rnam pa de lta bu de bzhin gshegs pa gzhan la la la mnga' bar gyur tam/ mnga' bar 'gyur ram/ da ltar la la na de lta bu mnga' ba lta yang bzhugs sam/ bcom ldan 'das kyis bka' stsal pa/ rigs kyi bu yod de/ sangs rgyas kyi zhing 'di nas shar phyogs logs su sangs rgyas kyi zhing gang gA'i klung bye ba phrag brgya'i bye ma snyed 'das pa na 'jig rten gyi khams smon lam la rab tu gnas pas mngon par 'phags pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas kun nas 'od zer yon tan rtag tu mang ba rgya mtsho'i rgyal po zhes bya ba sku tshe'i tshad dpag tu med pa da ltar bzhugs te/ 'tsho zhing gzhes la byang chub sems dpa'i tshogs tshad med pas yongs su bskor cing mdun gyis bltas te chos ston to/ /rigs kyi bu de bzhin gshegs pa kun du gzigs pa'i sangs rgyas kyi zhing gi yon tan bkod pa phun sum tshogs par 'gyur ba gang yin pa dang / da ltar bcom ldan 'das d e bzhin gshegs pa dgra bcom pa yang dag par rdzogs pa'i sangs rgyas kun nas 'od zer yon tan rtag tu mang ba rgya mtsho'i rgyal po'i sangs rgyas kyi zhing gi yon tan bkod pa gang yin pa de gnyis mtshungs te lhag chad med do/ /rigs kyi bu byang chub sems dpa' bsam gyis mi khyab pa'i go bgos pa/ 'jug pa chen po zhugs pa gang 'di 'jam dpal gzhon nur gyur ba'i spyod pa 'di nyid la gnas pa bzhi yod do/ /byang chub sems dpa' de dag gi sangs rgyas kyi zhing gi yon tan bkod pa yang 'di dang 'dra bar 'gyur ro/ /gsol pa/ bcom ldan 'das byang chub sems dpa' de dag gi ming bstan du gsol/ byang chub sems dpa' de dag gang na mchis pa dang / bcom ldan 'das de bzhin gshegs pa kun nas 'od zer yon tan rtag tu mang ba rgya mtsho'i rgyal po'i sangs rgyas kyi zhing yang bstan du gsol/ de bzhin gshegs pa de dang byang chub sems dpa' de dag kyang bstan du gsol/ de ci'i slad du zhe na/ byang chub sems dpa' gzhan dag kyang sangs rgyas kyi zhing gi yon tan bkod pa de lta bu yongs su 'dzin par 'gyur ba'i slad du'o/ /bcom ldan 'das kyis bka' stsal pa/ rigs kyi bu de'i phyir nyon cig dang bstan par bya'o/ /rigs kyi bu byang chub sems dpa' gcig ni 'od kyi tog ces bya ste/ shar phyogs logs na bcom ldan 'das de bzhin gshegs pa mya ngan med pa'i dpal gyi sangs rgyas kyi zhing na 'dug go/ /gnyis pa ni ye shes bla ma zhes bya ste/ lho phyogs logs na/ bcom ldan 'das de bzhin gshegs pa ye shes rgyal ba'i sangs rgyas kyi zhing na 'dug go/ / gsum pa ni zhi ba'i dbang po zhes bya ste/ nub phyogs logs na bcom ldan 'das de bzhin gshegs pa shes rab brtsegs pa'i sangs rgyas kyi zhing na 'dug go/ /bzhi pa ni smon lam blo gros zhes bya ste/ byang phyogs logs na bcom ldan 'das de bzhin gshegs pa mthu bo che'i sangs rgyas kyi zhing na 'dug go/ de nas bcom ldan 'das kyis de'i tshe rdzu 'phrul mngon par 'du 'dzad pa 'di lta bu mngon par mdzad de/ rdzu 'phrul mngon par 'du mdzad pa de mngon par mdzad pas bcom ldan 'das de bzhin gshegs pa kun nas 'od zer yon tan rtag tu mang ba rgya mtsho'i rgyal po'i sangs rgyas kyi zhing yang kun du snang bar gyur/ bcom ldan 'das de yang byang chub sems dpa'i 'khor gyis kun nas bskor cing mdun gyis byas pa dang / sangs rgyas kyi zhing gi yon tan bkod pa sngan chad ma mthong ma thos shing bsam gyis mi khyab la rnam pa'i mchog thams cad dang ldan pa de dag kyang 'di lta ste/ dper na skyes bu mig dang ldan pa'i lag na skyu ru ra'i 'bru 'dug pa mthong ba de bzhin du sangs rgyas kyi zhing de sangs rgyas kyi zhing 'di nas kun du snang bar gyur to/ /bcom ldan 'das de bzhin gshegs pa kun nas 'od zer yon tan rtag tu mang ba rgya mtsho'i rgyal po de yang sku tha mal pa dpag tshad brgyad khri bzhi stong mnga' ba ste/ 'dzam bu'i chu bo'i gser gyi ri bo ltar mdzes shing lam me lhan ne lhang nger bzhugs pa/ byang chub sems dpa' sems dpa' chen po lus dpag tshad bzhi khri nyis stong tsam du gyur ba sha stag gis bskor cing mdun gyis byas te/ byang chub gyi shing yon tan bkod pa du mas rab tu brgyan pa'i drung na seng ge'i khri la bzhugs shing sprul pa bye ba khrag khrig brgya stong mngon par sprul pa mdzad de/ sprul pa de dag kyang phyogs bcu'i 'jig rten gyi khams bye ba khrag khrig brgya stong mang por dong zhing sems can rnams la chos ston pa mthong ngo / /de nas bcom ldan 'das kyis byang chub sems dpa'i tshogs la bka' stsal pa/ rigs kyi bu dag khyod kyis sangs rgyas kyi zhing 'dir sangs rgyas kyi zhing gi yon tan bkod pa dang / byang chub sems dpa'i tshogs phun sum tshogs pa mthong ngam/ de nas 'khor de'i nang nas byang chub sems dpa' brgyad khri bzhi stong stan las langs te/ thal mor sbyar nas kun gyis kyang mgrin gcig tu 'di skad ces gsol to/ / bcom ldan 'das bdag cag gis kyang 'jam dpal gzhon nur gyur ba spyod pa ci 'dra ba'i spyod pa de la bslab par bgyi'o/ /bdag cag gis kyang sangs rgyas kyi zhing gi yon tan bkod pa de lta bu bsgrub par bgyi'o/ /de nas de'i tshe bcom ldan 'das kyis zhal 'dzum pa mdzad do/ /de nas bcom ldan 'das kyi zhal gyi sgo nas 'od zer kha dog sna tshogs pa/ kha dog du ma dang ldan pa 'di lta ste/ sngon po dang / ser po dang / dmar po dang / dkar po dang / leb rgan dang / shel dang / dngul gyi kha dog lta bu mang po mthon par gyur te/ de dag gis 'jig rten gyi khams mtha' yas mu med pa dag snang bar byed nas slar log ste/ bcom ldan 'das la lan gsum bskor ba byas nas bcom ldan 'das kyi dbu'i gtsug tu nub par gyur to/ /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das 'dzum pa mdzad pa'i rgyu gang lags/ rkyen gang lags bcom ldan 'das kyis bka' stsal pa/ byams pa sangs rgyas kyi zhing gi yon tan bkod pa 'di bstan pa'i tshe byang chub sems dpa' brgyad khri bzhi stong 'jam dpal gzhon nur gyur ba'i sangs rgyas kyi zhing gi yon tan bkod pa rnam pa de lta bu'i sangs rgyas kyi zhing gi yon tan bkod pa yongs su bsgrub pa'i phyir sems bskyed de/ byams pa byang chub sems dpa' brgyad khri bzhi stong po de dag las skyes bu dam pa bcu drug gis ni lhag pa'i bsam pa dang ldan par bsam pa thag pas tshig brjod de/ de dag gis sangs rgyas kyi zhing gi yon tan bkod pa yang 'jam dpal gzhon nur gyur ba'i sangs rgyas kyi zhing gi yon tan bkod pa ci 'dra ba de bzhin du 'gyur te/ lhag ma rnams kyi sangs rgyas kyi zhing gi yon tan bkod pa ni de ltar mi 'gyur yang bla na med pa yang dag par rdzogs pa'i byang chub tu mngon par rdzogs par 'tshang rgya ste/ de dag gi sangs rgyas kyi zhing gi yon tan bkod pa ni de bzhin gshegs pa 'od dpag med kyi sangs rgyas kyi zhing 'jig rten gyi khams bde ba can na sangs rgyas kyi zhing gi yon tan bkod pa ci 'dra ba de 'dra bar lhag chad med par 'gyur ro/ /byams pa byang chub sems dpa' sems dpa' chen po rnams kyi lhag pa'i bsam pa gces spras byed pa la ltos/ tshig tu brjod par 'dra yang gang gis lhag pa'i bsam pas bsam pa thag pa nas tshig tu brjod pa de dag gi sangs rgyas kyi zhing gi yon tan bkod pa dag gi ni 'jam dpal gzhon nur gyur pa'i sangs rgyas kyi zhing gi yon tan bkod pa bzhin du gyur to/ /gang gi dman pa'i sems dang / dad pa tsam gyi tshig tu brjod pa de dag kyang las dma' ba des bskal pa bye ba khrag khrig brgya stong phrag drug bcur 'khor ba phyir bsnyil te/ pha rol du phyin pa lnga yongs su rdzogs par gyur to/ /de nas byang chub sems dpa' bzhi po 'od kyi tog dang / ye shes bla ma dang / zhi ba'i dbang po dang / smon lam blo gros dag kyang / phyogs bzhi nas khang pa brtsegs pa bai dUr+ya'i mdog tu 'dug pa mtshungs pa med par bzang ba dag gi nang du zhugs te/ lha bye ba khrag khrig phrag brgya stong du mas yongs su bskor cing mdun du bdar te/ sangs rgyas kyi zhing ni rnam pa drug tu g.yo bar byed/ me tog gi char chen po ni rab tu 'bebs/ sil snyan bye ba khrag khrig phrag 'bum ni sgra 'byin cing rdzu 'phrul gyi cho 'phrul sna tshogs kyis 'ong bar snang bar gyur to/ /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ bcom ldan 'das ci'i slad du 'jig rten du dog sa cher g.yos par gyur ba dang / phyogs bzhi nas khang pa brtsegs pa bzhi mchi bar gda' bar gyur/ bcom ldan 'das kyis bka' stsal pa/ byams pa byang chub sems dpa' bzhi po de dag de bzhin gshegs pas bskul nas de bzhin gshegs pa la blta ba'i phyir nye bar 'ong bar gyur to/ /de skad ces bka' stsal nas ring po ma lon par de'i mod la byang chub sems dpa' bzhi po de dag lhags te/ lhags nas kyang khang pa brtsegs pa de dag nas babs nas de bzhin gshegs pa shAkya thub pa ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ bcom ldan 'das la lan bdun bskor ba byas nas phyogs gcig tu 'khod do/ / byang chub sems dpa' de dag 'khod ma thag tu thams cad dang ldan pa'i 'khor phyogs bzhi nas snang ba chen pos snang bar gyur to/ /de nas bcom ldan 'das kyis byang chub sems dpa'i tshogs la bka' stsal pa/ rigs kyi bu dag skyes bu dam pa 'ongs pa bzhi po 'di dag ni bsam gyis mi khyab pa'i go gyon pa/ 'jug pa chen pos yang dag par zhugs pa yin gyis/ rigs kyi bu dag khyod kyis skyes bu dam pa 'di dag la rim gro skyed la chos dris shig /rigs kyi bu dag skyes bu dam pa 'di dag gi smon lam nyon cig rigs kyi bu dag skyes bu dam pa 'di dag gi smon lam ni rnam pa 'di lta bu ste/ rigs kyi bu dang / rigs kyi bu mo byang chub sems dpa'i theg pa pa gang su dag gis bdag cag mthong bar gyur ba de dag thams cad bla na med pa yang dag par rdzogs pa'i byang chub las phyir mi ldog par gyur te/ bskal pa bye ba phrag nyi shur 'khor ba phyir bsnyil bar gyur cig /pha rol du phyin pa lnga yongs su rdzogs par gyur cig / bud med gang gis bdag cag gi ming thos na yang myur du bud med kyi lus las 'gyur bar shog shig ces bya ba de lta bu'i smon lam dang ldan pa dag go/ de nas bcom ldan 'das kyis sangs rgyas kyi zhing de bstan te/ rdzu 'phrul de dag phyir brtul ba mdzad pa dang / sangs rgyas kyi zhing de yang mi snang bar gyur to/ /de nas bcom ldan 'das la 'jam dpal gzhon nur gyur bas 'di skad ces gsol to/ /bcom ldan 'das chos thams cad ni sgyu ma lta bu ste/ bcom ldan 'das 'di lta ste/ dper na sgyu ma mkhan ni sgyu ma sprul pa yang bgyid/ sgyu ma mchis par yang bgyid de/ bcom ldan 'das de bzhin du chos thams cad kyang skye ba yang skye/ 'gag kyang 'gag ste/ gang la skye ba dang / 'gag pa ma mchis pa de ni mnyam pa nyid do/ /bcom ldan 'das mnyam pa nyid la slob pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /de nas byang chub sems dpa' ye shes bla mas 'jam dpal gzhon nur gyur ba la 'di skad ces smras so/ /'jam dpal byang chub ji lta bu zhig mngon par rdzogs par 'tshang rgya bar bya/ 'jam dpal gyis smras pa/ gang sus kyang ma thob ma bshig cing gang la yod pa 'am med par chags pa dmigs su med pa'o/ /byang chub sems dpa' ye shes bla mas smras pa/ 'jam dpal byang chub de ji tsam du yod pas kyang mi 'thob/ med pas kyang mi 'thob bam/ smras pa/ rigs kyi bu de de bzhin no/ /de ci'i phyir zhe na/ chos thams cad ni gzod ma nas ma skyes pa ste/ yod par ma gyur mi 'gyur bas de'i phyir 'thob par 'gyur ba med do/ /smras pa/ 'jam dpal tshul gcig pa'i chos bstan pas de skad du ston tam/ 'jam dpal gyis smras pa/ rigs kyi bu tshul gcig pa'i chos bstan pa zhes bya ba gang yin/ smras pa/ 'jam dpal gang phung po rnams kyang mi mthong / khams dang skye mched rnams kyang mi mthong la dmus long yang ma yin/ sha'i mig can yang ma yin zhing chos gang la yang mi rtog /rnam par mi rtog pa dang / chos gang la yang 'phel ba dang / 'grib par mi mthong ba 'di ni chos kyi tshul gcig tu bstan pa zhes bya'o/ /de nas byang chub sems dpa' seng ge'i rtsal gyis mngon par bsgrags pa'i sgras smras pa/ gang de bzhin nyid dang mi 'gal zhing chos nyid dang 'gal bar mi byed de 'di dag ni so so'i skye bo'i chos so/ /'di dag ni nyan thos kyi chos so/ /'di dag ni rang sangs rgyas kyi chos so/ /'di dag ni sangs rgyas kyi chos so zhes bya bar tha dad du mi 'byed cing gang 'di dben pa'i tshul du tshul gcig pa la 'jug pa 'di ni chos kyi tshul gcig tu bstan pa'o/ /byang chub sems dpa' mthong dgas smras pa/ gang de bzhin nyid la yang zhugs la de bzhin nyid kyis kyang rlom sems su mi byed cing 'di ni zab bo zhes bya bar mi rtog rnam par mi rtog pa de ltar bstan pa gang yin pa de ni chos kyi tshul gcig tu bstan pa'o/ /byang chub sems dpa' spobs pa mi zad pas smras pa/ chos thams cad mi zad pa gang yin pa de ni shin tu zad pa ste/ gang chos thams cad mi zad par chos bstan pa de ni chos nyid las 'gal bar mi byed pa ste/ de ltar bstan pa gang yin pa de ni chos kyi tshul gcig tu bstan pa'o/ /byang chub sems dpa' bsam pa legs par sems pas smras pa/ gang bsam pas bsam du med pa la yang 'jug la bsam du med pa des kyang rlom sems su mi byed cing mi dmigs pa de ltar bstan pa gang yin pa de ni chos kyi tshul gcig tu bstan pa'o/ /byang chub sems dpa' rdul dang bral bas smras pa/ gang 'dod chags dang shin du bral ba de ni mtshan ma thams cad la 'dod chags pa yang med/ 'dod chags dang bral ba yang med/ rjes su chags pa yang med/ khong khro ba yang med/ rmongs pa yang med/ gcig tu byed pa yang med/ gnyis su byed pa yang med/ byed pa yang med/ mi byed pa yang med/ len pa yang med/ 'dor ba yang med de de ltar bstan pa gang yin pa de ni chos kyi tshul gcig tu bstan pa'o/ /byang chub sems dpa' rgya mtshos smras pa/ gang rgya mtsho lta bur zab cing gting dpag dka' ba'i chos la zhugs pa de chos la yang mi rtog rnam par mi rtog la ji ltar gnas pa de bzhin du chos ston cing / bdag dang gzhan du rlom sems su mi byed pa de ltar bstan pa gang yin pa de ni chos kyi tshul gcig tu bstan pa'o/ /zla ba'i bla ma gzhon nur gyur bas smras pa/ gang sems can thams cad la mnyam pa'i sems kyis zla ba lta bur gyur kyang sems can de dag la yang rlom sems med pa de ltar bstan pa gang yin pa de ni chos kyi tshul gcig tu bstan pa'o/ /byang chub sems dpa' mya ngan gyi mun pa thams cad rnam par sel bas smras pa/ gang mya ngan thams cad rgyun chad pa de ni mya ngan med cing zhum par 'gyur ba med do/ / sems can rnams ni mya ngan gyi zug rngu dang ldan pa'o/ /de la mya ngan gyi rtsa ba gang zhe na/ gang 'di ngar 'dzin pa dang / nga yir 'dzin pa ste/ gang ngar 'dzin pa dang / nga yir 'dzin pa mnyam pa nyid la gnas shing chos ston pa de ni chos kyi tshul gcig tu bstan pa'o/ /byang chub sems dpa' dmigs pa med pas smras pa/ gang 'dod pa pa'i khams la yang mi dmigs/ gzugs kyi khams dang / gzugs med pa'i khams dang / nyan thos kyi chos dang / rang sangs rgyas kyi chos la'ang mi dmigs pa de ltar bstan pa gang yin pa de ni chos kyi tshul gcig tu bstan pa'o/ /byang chub sems dpa' kun du lta bas smras pa/ gang chos ston na gang 'di stong pa nyid kyis mnyam pa nyid kyis mnyam pa nyid ston la/ stong pa nyid kyis kyang rlom sems su mi byed/ mnyam pa nyid kyis kyang mi dmigs pa de ltar bstan pa gang yin pa de ni chos kyi tshul gcig tu bstan pa'o/ /byang chub sems dpa' 'khor gsum yongs su dag pas smras pa/ gang chos ston pa'i tshe 'khor gsum dang 'gal bar mi byed de/ 'khor gsum gang zhe na/ bdag mi dmigs pa dang / chos nyan pa mi dmigs pa dang / chos la yang mngon par zhen pa med pa'o/ /'di ni 'khor gsum yongs su dag pa'i chos bstan pa zhes bya ste/ de ltar bstan pa gang yin pa de ni chos kyi tshul gcig tu bstan pa'o/ /byang chub sems dpa' 'gro ba grub pas smras pa/ gang chos thams cad 'du ba med par yang shes shing ji ltar shes pa de bzhin du yang ston pa 'di lta ste/ chos thams cad brjod du med pa'i phyir yi ge gcig kyang mi brjod pa de ltar bstan pa gang yin pa de ni chos kyi tshul gcig tu bstan to/ /byang chub sems dpa' zab mor spyod pas smras pa/ gang chos thams cad kyi zab pa nyid kyang shes la chos de yang yang dag par rjes su mi mthong / gang ston pa dang / gang la ston pa dang / gang bstan pa de yang yang dag par rjes su mi mthong ba de ltar bstan pa gang yin pa de ni/ chos kyi tshul gcig tu bstan pa'o/ /de bzhin du sbyar ste/ byang chub sems dpa' sems dpa' chen po bzi brjid chen po bzi brjid chen po dag gis so so nas rang rang gi spobs pa ston par gyur to/ /tshul gcig tu bstan pa'i chos kyi sgo 'di bstan pa'i tshe byang chub sems dpa' bye ba phrag bdun bcus mi skye ba'i chos la bzod pa thob par gyur to/ /srog chags bye ba khrag khrig 'bum phrag brgyad bcu rtsa bzhi ni bla na med pa yang dag par rdzogs pa'i byang chub tu sems bskyed par gyur to/ /dge slong bdun stong ni nye bar len pa med par zag pa rnams las rnam par grol lo/ /lha dang mi'i skye dgu las khrag khrig dgu bcu rtsa drug ni chos la chos kyi mig rdul dang bral zhing dri ma med pa rnam par dag par gyur to/ /de nas bcom ldan 'das la byang chub sems dpa' sems dpa' chen po seng ge'i rtsal gyis mngon par bsgrags pa'i sgras 'di skad ces gsol to/ /bcom ldan 'das de bzhin gshegs pa kun du gzigs pa de'i byang chub sems dpa'i dge 'dun ni ji snyed cig tu 'gyur/ de'i sku tshe'i tshad ni ji tsam zhig tu 'gyur/ 'jam dpal gzhon nur gyur ba ni ji srid cig bla na med pa yang dag par rdzogs pa'i byang chub mngon par rdzogs par 'tshang rgya/ bcom ldan 'das kyis bka' stsal pa/ rigs kyi bu khyod 'jam dpal gzhon nur gyur ba 'di nyid la dris shig /de nas byang chub sems dpa' sems dpa' chen po seng ge'i rtsal gyis mngon par bsgrags pa'i sgras 'jam dpal gzhon nur gyur ba la 'di skad ces smras so/ /'jam dpal khyod ji srid cig na bla na med pa yang dag par rdzogs pa'i byang chub mngon par rdzogs par 'tshang rgya/ 'jam dpal gyis smras pa/ rigs kyi bu gang gi tshe nam mkha'i khams gzugs can du gyur ba de'i tshe bdag kyang byang chub mngon par rdzogs par 'tshang rgya'o/ /gang gi tshe sgyu ma'i skyes bu byang chub mngon par rdzogs par 'tshang rgya ba de'i tshe bdag kyang byang chub mngon par rdzogs par 'tshang rgya'o/ /gang gi tshe dgra bcom pa zag pa zad pa byang chub mngon par rdzogs par 'tshang rgya ba de'i tshe bdag kyang byang chub mngon par rdzogs par 'tshang rgya'o/ /gang gi tshe rmi lam gyi skyes bu dang / /brag cha dang / /mig yor dang / /chu zla dang / /de bzhin gshegs pa'i sprul pa byang chub mngon par rdzogs par 'tshang rgya ba de'i tshe bdag kyang byang chub mngon par rdzogs par 'tshang rgya'o/ / gang gi tshe nyi ma'i 'od kyis mtshan mor gyur la zla ba'i 'od kyis nyin mor gyur ba de'i tshe bdag kyang byang chub mngon par rdzogs par 'tshang rgya'o/ /rigs kyis bu de lta yin gyis/ /su byang chub du smon pa de la dris shig / smras pa/ /'jam dpal khyod byang chub tu mi smon tam/ /smras pa/ /rigs kyis bu de ni ma yin te/ /de ci'i phyir zhe na/ /'jam dpal nyid kyang byang chub la byang chub nyid kyang 'jam dpal lo/ /de ci'i phyir zhe na/ /rigs kyi bu gang 'di byang chub ces bya ba 'am/ /'jam dpal zhes bya ba de ni ming tsam mo/ /ming gang yin pa de ni dben zhing byed pa med pa ste stong ba'o/ /stong pa nyid gang yin pa de ni byang chub bo/ /de nas bcom ldan 'das kyis byang chub sems dpa' sems dpa' chen po seng ge'i rtsal gyis mngon par bsgrags pa'i sgra la 'di skad ces bka' stsal to/ /rigs kyi bu khyod kyis bcom ldan 'das de bzhin gshegs pa 'od dpag med kyi byang chub sems dpa' 'dus pa dang / / nyan thos 'dus pa mthong ngam/ /thos sam/ /gsol pa/ /bcom ldan 'das bdag gis mthong ngo / /thos so/ /bka' stsal pa/ /rigs kyi bu 'di ji snyam du sems/ gsol pa/ /bcom ldan 'das de ni bsam gyis mi khyab bo/ /bde bar gshegs pa de ni bgrang du ma mchis so/ /bcom ldan 'das kyis bka' stsal pa/ rigs kyis bu 'di lta ste/ /dper na yul ma gang+gA'i til gyi dong nas til gyis 'bru gcig cig blangs na rigs kyi bu til gyi 'bru gcig po de ji lta ba de bzhin du ni de bzhin gshegs pa 'od dpag med kyi byang chub sems dpa' 'dus pa dang / nyan thos 'dus par blta'o/ /phyi na til gyi ltag ma lus pa ltar ni 'jam dpal gzhon nur gyur ba mngon par rdzogs par sangs rgyas pa'i byang chub sems dpa'i tshogs 'dus par blta'o/ /rigs kyi bu 'di lta ste/ /dper na stong gsum gyi stong chen po'i 'jig rten gyi khams 'di thal bar brlags te/ /rdul phra rab tsam du byas pa la rigs kyi bu rdul phra rab ji snyed cig yod pa de snyed kyi bskal par de bzhin gshegs pa kun du gzigs pa de bzhugs par byas kyang brgya'i char yang smos par mi 'gyur ro/ /stong gi cha dang / bye ba brgya phrag stong gi cha dang / /bye ba khrag khrig phrag 'bum gyi cha dang / /grangs dang cha dang / /bgrang ba dang / /rgyur yang smos par mi 'gyur ro/ /rigs kyi bu rnam grangs des kyang 'di ltar/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i tshe'i tshad ni tshad med grangs med par 'gyur bar rig par bya'o/ /rigs kyi bu 'di lta ste/ /dper na stong gsum gyi stong chen po'i 'jig rten gyi khams 'di skyes bu la la zhig gis rdul phra rab tu brlags te/ /thal bar byas pa de las skyes bu la la zhig gis rdul phra rab kyi rdul gcig khyer te/ /rdul phra rab kyi rdul ji snyed pa de snyed kyi stong gsum gyi stong chen po'i 'jig rten gyi khams 'das nas der rdul phra rab kyi rdul gcig bzhag ste/ /skyes bu des tshul de bzhin du shar phyogs logs su rdul phra rab kyi rdul de dag thams cad zad zad tu bkod par gyur la// // de bzhin du skyes bu gnyis pa zhig skyes te/ /des kyang lho phyogs logs su de snyed kyi rdul phra rab kyi rdul re re nas/ /tshul de bzhin du bor te/ /de bzhin du phyogs bcur skyes bu de lta bu re res tshul de dang 'dra bar de snyed kyi rdul phra rab kyi rdul zad zad du re re nas bor na rig kyi bu ji snyam du sems/ /stong gsum gyi stong chen po'i 'jig rten gyi khams de dag brgya phrag ni 'di snyed cig yod do/ /stong phrag ni 'di snyed cig yod do/ /'bum phrag ni 'di snyed cig yod do/ /bye ba phrag ni 'di snyed cig yod do/ /bye ba brgya phrag ni 'di snyed cig yod do/ /bye ba stong phrag ni 'di snyed cig yod do/ /bye ba 'bum phrag ni 'di snyed cig yod do/ /bye ba khrag khrig 'bum phrag ni 'di snyed cig yod do/ /gtams phrag ni 'di snyed cig yod do/ /dkrigs phrag ni 'di snyed cig yod do/ /mi 'khrugs pa phrag ni 'di snyed cig yod do/ /zhes bya bar tshad gzung bar nus sam/ /gsol pa/ /bcom ldan 'das de ni mi nus so/ / bde bar gshegs pa de ni mi nus so/ /bcom ldan 'das kyis bka' stsal pa/ /rigs kyi bu skyes bu bcu po de dag gis stong gsum gyi stong chen po'i 'jig rten gyi khams ji snyed cig 'das pa dang gang dag tu phyin te rdul phra rab kyi rdul de dag bor ba dang / /gang dag las 'das te/ rdul phra rab ma bor ba'i 'jig rten gyi khams de dag / thams cad btags te rdul phra rab tu brlags na/ rigs kyi bu de ji snyams du sems/ rdul phra rab de dag rtsis shes pa 'am/ rtsis la mkhas pas brgya phrag ni 'di snyed cig yod do/ /stong phrag ni 'di snyed cig yod do/ /'bum phrag ni 'di snyed cig yod do/ /bye ba phrag ni 'di snyed cig yod do/ /bye ba brgya phrag ni 'di snyed cig yod do/ /bye ba stong phrag ni 'di snyed cig yod do/ /bye ba 'bum phrag ni 'di snyed cig yod do/ /bye ba khrag khrig 'bum phrag ni 'di snyed cig yod do/ /gtams phrag ni 'di snyed cig yod do/ /dkrigs phrag ni 'di snyed cig yod do/ / mi 'khrugs pa phrag ni 'di snyed cig yod do zhes bya bar shes pa 'am/ bgrang ba 'am/ gzhal ba 'am/ tshad gzung bar nus sam/ gsol pa/ bcom ldan 'das dpe de la ni sems can rnams mos par 'gyur gyi/ don 'tshal pa 'am/ gzhal ba 'am/ bgrang ba 'am/ tshad gzung bar mi nus so/ /bcom ldan 'das kyis bka' stsal pa/ rigs kyi bu de bzhin gshegs pas ni rdul phra rab de dag bgrang ba'i tshul gyis brgya phrag ni 'di snyed cig yod do/ /stong phrag ni 'di snyed cig yod do/ /'bum phrag ni 'di snyed cig yod do/ /bye ba phrag ni 'di snyed cig yod do/ /bye ba brgya phrag ni 'di snyed cig yod do/ /bye ba stong phrag ni 'di snyed cig yod do/ /bye ba 'bum phrag ni 'di snyed cig yod do/ /bye ba khrag khrig 'bum phrag ni 'di snyed cig yod do/ /gtams phrag ni 'di snyed cig yod do/ /dkrigs phrag ni 'di snyed cig yod do/ /mi 'khrugs pa phrag ni 'di snyed cig yod do/ /zhes bya ba de bas kyang lhag par gong du de bzhin gshegs pas rnam pa thams cad du thugs su chud do/ /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das gal te ye shes chen po de lta bu'i slad du byang chub sems dpa' sems dpa' chen po phyi ma'i mtha'i mur thug par sems can dmyal ba chen por bsregs kyang bcom ldan 'das de ni byang chub sems dpa' sems dpa' chen po des bzod par bgyi'o/ /de lta bu'i ye shes chen po ni yongs su gtang bar mi bgyi'o/ / bcom ldan 'das kyis bka' stsal pa/ byams pa de de bzhin no/ /ji skad smras pa de bzhin te/ sems can mos pa chung ngu dang / le lo che ba dang / brtson 'grus chung ba ma gtogs par su zhig de lta bu'i ye shes chen po la 'dod pa mi bskyed/ sangs rgyas kyi ye shes 'di bstan pa'i tshe srog chags khri byang chub tu sems bskyed par gyur to/ /de nas bcom ldan 'das kyis byang chub sems dpa' seng ge'i rtsal gyis mngon par bsgrags pa'i sgra la 'di skad ces bka' stsal to/ /rigs kyi bu de ltar phyogs bcur skyes bu bcu po de dag gis stong gsum gyi stong chen po'i 'jig rten gyi khams ji snyed cig 'das pa dang / 'jig rten gyi khams gang dag du phyin te rdul phra rab kyi rdul bor ba dang / gang dag las 'das te ma bor ba de thams cad rdul phra rab tu brlags pa de dag pas kyang mang ba'i bskal par da dung 'jam dpal gzhon nur gyur ba byang chub kyi spyad pa spyod par 'gyur ro/ /de ci'i phyir zhe na/ rigs kyi bu/ 'jam dpal gzhon nur gyur ba'i smon lam ni bsam gyis mi khyab/ yang dag par 'jug pa ni bsam gyis mi khyab pas de byang chub thob pa'i tshe tshad kyang bsam gyis mi khyab/ byang chub sems dpa'i dge 'dun yang bsam gyis mi khyab par 'gyur ro/ /de nas bcom ldan 'das la byang chub sems dpa' seng ge'i rtsal gyis mngon par bsgrags pa'i sgras 'di skad ces gsol to/ / bcom ldan 'das 'di lta ste/ 'jam dpal gzhon nur gyur ba 'di ltar bskal pa 'di snyed du yang skyo ba mi skyed pa'i 'jug pa chen po de ngo mtshar lags so/ /bcom ldan 'das spyod pa chen po ngo mtshar lags so/ /'jam dpal gyis smras pa/ rigs kyi bu 'di ji snyam du sems nam mkha'i khams 'di snyam du zhag dang / nyi ma dang zla ba phyed dang / dus dang / lo dang / bskal pa dang / bskal pa brgya dang / bskal pa stong dang / bskal pa bye ba dang / bskal pa khrag khrig dang / bskal pa bye ba khrag khrig 'bum phrag dang / gtams dang / dkrigs dang / mi 'khrugs pa zhig 'das so snyam du sems sam/ smras pa/ 'jam dpal de ni ma yin te/ de ci'i phyir zhe na/ nam mkha'i khams la rnam par rtog pa med pa'i phyir ro/ /smras pa rigs kyi bu de de bzhin te/ byang chub sems dpa' gang gis chos thams cad nam mkha' lta bur khong du chud de ci nas kyang mi rtog rnam par mi rtog pa de ltar khong du chud pa de ni 'di snyam du zhag gcig 'das par gyur to/ / nyi ma gcig 'das par gyur to zhes bya ba nas snga ma bzhin du lo 'di snyed cig 'das par gyur to zhes rnam par mi rtog go/ de ci'i phyir zhe na/ chos gang la yang de'i 'du shes gang yang 'jug pa med do/ /rigs kyi bu 'di lta ste/ dper na nam mkha'i khams ni bskal pa gang gA'i klung gi bye ma snyed pas lhag pa zhig 'das par gyur kyang skyo zhing yongs su yi 'chad pa med de/ nam mkha'i khams la skye ba 'am/ 'jig pa 'am/ 'tshig pa 'am/ 'gyes par 'gyur ba med do/ /de ci'i phyir zhe na/ nam mkha'i khams la dngos po med pa'i phyir ro/ /rigs kyi bu de bzhin du byang chub sems dpa' gang gis chos thams cad dngos po med par shes pa de ni skyo ba dang yongs su yid 'chad pa'i sems mi bskyed do/ /rigs kyi bu gang la nam mkha'i khams shes bya ba de ni 'tshig pa med/ skyo ba med/ yi 'chad pa med/ g.yo ba med/ skye ba med/ rga ba med/ 'chi ba med/ 'pho ba med/ 'byung ba med/ 'ong ba med/ 'gro ba med do/ /rigs kyi bu de bzhin du gang la 'jam dpal zhes bya ba'i ming 'di la yang 'tshig pa med/ skyo ba med/ yi 'chad pa med/ g.yo ba med/ skye ba med/ rga ba med/ 'chi ba med/ 'pho ba med/ 'byung ba med/ 'ong ba med/ 'gro ba med do/ /de ci'i phyir zhe na/ ming de ni shin du dben pa'i phyir ro/ /chos kyi rnam grangs 'di bstan pa'i tshe rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / lha'i bu gzhan yang dbang che ba/ dbang che bar grags pa dag gis mgrin gcig tu 'di skad ces smas sos/ bcom ldan 'das sems can gang gis chos kyi rnam grangs 'di thos pa de dag kyang rnyed pa legs par rnyed lags na/ gang gis thos nas 'dzin cing 'chang ba dang / klog cing kun chub par bgyid pa dang gzhan la yang rgya cher bstan pa lta smos kyang ci 'tshal te/ bcom ldan 'das sems can gang dag 'di skad du bdag cag gis gang 'di sangs rgyas kyi chos yongs su gzung ba'i phyir chos kyi rnam grangs 'di gzung bar bya'o/ / bcang bar bya'o/ /bklag par bya'o/ /kun chub par bya'o/ /gzhan dag la yang rgya cher yang dag par bstan par bya'o zhes tshig tu brjod pa de dag ni dge ba'i rtsa ba ngan ngon dang ldan pa ma lags so/ /de nas bcom ldan 'das la byang chub sems dpa' sems dpa' chen po seng ge'i rtsal gyis mngon par bsgrags pa'i sgras 'di skad ces gsol to/ /bcom ldan 'das rigs kyi bu 'am/ rigs kyi bu mo gang gis chos kyi rnam grangs 'di thos nas 'dzin tam 'chang ngam/ klog gam/ kun chub par bgyid dam/ 'jug par bgyid dam/ gzhan la yang rgya cher bstan pa dang / gang 'jam dpa' gzhon nur gyur ba'i rjes su bslab po zhes sems bskyed pa de bsod nams ji tsam zhig skyed par 'gyur/ bcom ldan 'das kyis bka' stsal p a dang rigs kyi bu byang chub sems dpa' gang la las phyogs bcur de bzhin gshegs pas sangs rgyas kyi spyan sgrib pa med pas sangs rgyas kyi zhing ji snyed cig gzigs pa de dag thams cad rin po che sna bdun gyis yongs su bkang ste/ de bzhin gshegs pa re re la phul pa dang / rnam grangs de bzhin du sems can thams cad la snyoms pa'i sems kyis tshul khrims kyi sdom pa thams cad yang dag par blangs pa la gnas te/ phyi ma'i mtha'i mur thug gi bar du sbyin pa byin pa bas/ byang chub sems dpa' gzhan zhig gis chos kyi rnam grangs 'di thos nas 'dzin tam/ 'chang ngam/ klog gam/ kun chub par byed dam/ 'jug par byed dam/ gzhan la yang rgya cher ston par byed dam/ 'jam dpal gzhon nur gyur ba'i rjes su bslab par bya'o zhes bya ba'i bar du sems skyed cing gom pa bdun 'dor na/ bsod nams kyi phung po de la bsod nams kyi phung po snga mas brgya'i char yang nye bar mi 'gro'o/ /stong gi char yang nye bar mi 'gro'o/ /brgya stong gi char yang nye bar mi 'gro'o/ /bye ba brgya'i char yang nye bar mi 'gro'o/ /bye ba stong gi char yang nye bar 'gro'o/ /bye ba brgya stong gi char yang nye bar mi 'gro'o/ /bye ba khrag khrig phrag 'bum gyi char yang nye bar mi 'gro ste/ grangs dang / cha dang / bgrang ba dang / dpe dang rgyur yang mi bzod do/ /de nas 'jam dpal gzhon nur gyur bas de'i tshe byang chub sems dpa'i ting nge 'dzin kun nas snang ba sgyu ma lta bur 'byung ba zhes bya ba la snyoms par zhugs so/ /de ltar 'jam dpal gzhon nur gyur bas ting nge 'dzin de la snyoms par zhugs ma thag tu 'khor der byang chub sems dpa' ji snyed cig 'dus par gyur ba de dag gi phyogs bcu'i 'jig rten gyi khams mtha' yas mu med pa dag gi sangs rgyas bcom ldan 'das rnams mthong bar gyur te/ de bzhin gshegs pa de dag thams cad kyi spyan snga na 'jam dpa' gzhon nur gyur ba 'dug cing rang gi sangs rgyas kyi zhing gi yon tan bkod pa ston par mthong nas/ de dag 'di snyam du sems te 'jam dpa' gzhon nur gyur ba 'di de ltar 'jig rten gyi khams bye ba khrag khrig 'bum phrag mang por gcig car du snang bar gyur ba ni smon lam dang / ting nge 'dzin dang / ye shes kyi khyad par ngo mtshar che'o snyam du ngo mtshar gyi 'du shes skyes par gyur to/ /de nas bcom ldan 'das la byang chub sems dpa' sems dpa' chen po byams pas 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ byams pa de'i phyir chos kyi rnam grangs 'd-i'i ming sangs rgyas rnam par rol pa zhes bya bar zung shig / smon lam bsam gyi mi khyab pa zhes bya bar yang zung shig /'jam dpal gyi sangs rgyas kyi zhing gi yon tan bkod pa bstan pa zhes bya bar yang zung shig / byang chub kyi sems yang dag par dga' bar byed pa zhes bya bar yang zung shig /de nas de'i tshe 'khor der phyogs bcu dag nas byang chub sems dpa' tshad med grangs med pa 'dus pa de dag thams cad kyis de bzhin gshegs pa dang / chos kyi rnam grangs 'di la mchod pa bya ba'i phyir me tog gi char chen po phab nas bcom ldan 'das kyi zhabs gnyis la phyag 'tshal te/ rang rang gi sangs rgyas kyi zhing du 'dong zhing 'di skad du kye ma sangs rgyas kye ma sangs rgyas de da ni bdag cag gis 'jam dpal gzhon nur gyur ba'i seng ge'i sgra dang / bkod pa bsam gyis mi khyab pa thos so zhes ched du rjod pa ched du brjod do/ /chos kyi rnam grangs 'di bstan pa'i tshe na byang chub sems dpa' gang gA'i klung gi bye ma snyed bla na med pa yang dag par rdzogs pa'i byang chub las phyir mi ldog par gyur to/ /sems can tshad med pa yang dge ba'i rtsa ba yongs su grub par gyur to/ /bcom ldan 'das kyis de skad ces bka' stsal nas/ 'jam dpal gzhon nur gyur ba dang / byang chub sems dpa' byams pa dang / byang chub sems dpa' seng ge'i rtsal gyis mngon par bsgrags pa'i sgra dang / phyogs bcu nas 'dus pa'i byang chub sems dpa' sems dpa' chen po de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// // 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ 'jam dpal gyi sangs rgyas kyi zhing gi yon tan bkod pa bstan pa'i le'u zhes bya ste/ le'u bcwa lnga pa rdzogs so// // rgya gar gyi mkhan po shI len dra bo d+hi dang / dzi na mi tra dang / zhu chen gyi lo ts+tsha ba ban de ye shes sdes bsgyur cing zhus te skad gsar chad kyis kyang bcos nas gtan la phab pa// //

CLOSE WINDOW