བོད་ཡིག

e-texts based on the Adarsha Input

/shes rab kyi pha rol tu phyin pa khri brgyad stong pa/ bam po bzhi bcu rtsa lnga pa/ gsol pa/ bcom ldan 'das byang chub sems dpa' sems dpa' chen pos ji ltar shes rab kyi pha rol tu phyin pa la spyad par bgyi/ ji ltar shes rab kyi pha rol tu phyin pa mngon par bsgrub par bgyi/ ji ltar shes rab kyi pha rol tu phyin pa bsgom par bgyi lags/ bcom ldan 'das kyis bka' stsal pa/ rab 'byor gzugs zhi ba dang / gzugs ya ma rla dang / gzugs gsog dang / gzugs snying po med pas shes rab kyi pha rol tu phyin pa la spyad par bya'o/ /tshor ba dang / 'du shes dang / 'du byed rnams dang / rnam par shes pa zhi ba dang / rnam par shes pa ya ma rla dang / rnam par shes pa gsog dang / rnam par shes pa snying po med pas shes rab kyi pha rol tu phyin pa la spyad par bya'o/ /gang yang 'di skad du ji ltar shes rab kyi pha rol tu phyin pa mngon par bsgrub par bgyi zhes zer ba ni/ nam mkha' ltar stong pa nyid mngon par sgrub pas shes rab kyi pha rol tu phyin pa mngon par bsgrub par bya'o/ /gang yang 'di skad du ji ltar shes rab kyi pha rol tu phyin pa mngon par bsgrub par bgyi zhes zer ba ni/ nam mkha' ltar stong pa nyid mngon par bsgrub pas shes rab kyi pha rol tu phyin pa mngon par bsgrub par bya'o/ /gang yang 'di skad du ji ltar sher rab kyi pha rol tu phyin pa bsgom par bgyi/ zhes zer ba ni nam mkha' ltar stong pa nyid sgom pas/ shes rab kyo pha rol tu phyin pa bsgom par bya'o/ gsol pa/ bcom ldan 'das byang chub sems dpa' sems dpa' chen pos shes rab kyi pha rol tu phyin pa la yun ring po ji srid gcig tu spyad na/ shes rab kyi pha rol tu phyin pa la spyad pa lags/ bcom ldan 'das kyis bka' stsal pa/ rab 'byor sems dang po bskyed pa nas bzung ste/ byang chub kyi snying po la 'dug gi bar du shes rab kyi pha rol tu phyin pa la spyad par bya'o/ /de ltar mngon par bsgrub par bya'o/ /de ltar bsgom par bya'o/ /gsol pa/ bcom ldan 'das ci sems kyi rgyun ma chad cing / ma bral bar rjes su 'brel bas spyad par bgyi lags sam/ bka' stsal pa/ rab 'byor yid la byed pa gzhan dag gi go skabs mi dbye bar shes rab kyi pha rol tu phyin pa la spyad par bya'o/ /rnam pa thams cad mkhyen pa nyid yid la byed pa mi dor bar shes rab kyi pha rol tu phyin pa la spyad par bya zhing / shes rab kyi pha rol tu phyin pa mngon par bsgrub par bya/ shes rab kyi pha rol tu phyin pa bsgom par bya ste/ ci nas kyang sems dang sems las byung ba'i chos rnams mi rgyu ba de ltar shes rab kyi pha rol tu phyin pa la spyad par bya'o/ / de ltar mngon par bsgrub par bya'o/ /de ltar bsgom par bya'o/ /gsol pa/ bcom ldan 'das ci byang chub sems dpa' sems dpa' chen po shes rab kyi pha rol tu phyin pa la spyad pa dang / shes rab kyi pha rol tu phyin pa mngon par bsgrub pa dang / shes rab kyi pha rol tu phyin pa bsgoms pas rnam pa thams cad mkhyen pa nyid thob par 'gyur lags sam/ bka' stsal pa/ rab 'byor de ni ma yin no/ /gsol pa/ bcom ldan 'das 'o na ma bsgoms pas lags sam/ bka' stsal pa/ rab 'byor de ni ma yin no/ /gsol pa/ bcom ldan 'das 'o na bsgoms kyang bsgoms la/ ma bsgoms kyang ma bsgoms pas lags sam/ bka' stsal pa/ rab 'byor de ni ma yin no/ /gsol pa/ bcom ldan 'das 'o na bsgoms pa yang ma lags/ ma bsgoms pa yang ma lags pas lags sam/ bka' stsal pa/ rab 'byor de ni ma yin no/ /gsol pa/ bcom ldan 'das 'o na ji ltar rnam pa thams cad mkhyen pa nyid thob par 'gyur lags/ bka' stsal pa/ rab 'byor de bzhin nyid ji lta ba bzhin du'o/ /gsol pa/ de bzhin nyid ji lta bu lags/ bka' stsal pa/ yang dag pa'i mtha' ji lta ba bzhin du'o/ /gsol pa/ yang dag pa'i mtha' ji lta bu lags/ bka' stsal pa/ chos kyi dbyings ji lta ba bzhin no/ /gsol pa/ chos kyi dbyings ji lta bu lags/ bka' stsal pa/ bdag gi khams ji lta ba dang / sems can gyi khams ji lta ba dang / srog gi khams ji lta ba dang / gang zag gi khams ji lta ba bzhin no/ /gsol pa/ bcom ldan 'das bdag gi khams dang / gang zag gi khams kyi bar dag ji lta bu lags/ bka' stsal pa/ rab 'byor 'di ji snyam du sems/ bdag gam/ sems can dag dmigs su yod snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor bdag gam/ sems can dmyigs su med na/ ji ltar sems can gyi khams gdags par bya ste/ rab 'byor de ltar sems can du 'dogs par mi byed/ shes rab kyi pha rol tu phyin par yang 'dogs par mi byed/ chos thams cad du yang 'dogs par mi byed/ rnam pa thams cad mkhyen pa nyid thob par 'gyur ro/ /gsol pa/ bcom ldan 'das kyi shes rab kyi pha rol tu phyin pa gdags su ma mchis pa lags sam/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa yang gdags su ma mchis pa lags sam/ sbyin pa'i pha rol tu phyin pa yang gdags su ma mchis pa lags sam/ bcom ldan 'das kyis bka' stsal pa/ rab 'byor shes rab kyi pha rol tu phyin pa ni gdags su med pa yin no/ /'dus byas sam/ 'dus ma byas sam/ nyan thos kyi chos sam/ rang sangs rgyas kyi chos sam/ chos thams cad kyi bar dag kyang gdags su med pa yin no/ /gsol pa/ bcom ldan 'das gal te chos thams cad gdags su ma mchis pa lags na/ bcom ldan 'das ci'i slad du sems can dmyal ba gdags su mchis par gyur/ dud 'gro'i skye gnas gdags su mchis par gyur/ gshin rje'i 'jig rten gdags su mchis par gyur/ mi dang lha gdags su mchis par gyur/ rgyun tu zhugs pa dang / dgra bcom pa nyid kyi bar dang / rang sangs rgyas dang / bla na med pa yang dag par rdzogs pa'i sangs rgyas gdags su mchis par gyur lags/ bcom ldan 'das kyis bka' stsal pa/ rab 'byor 'di ji snyam du sems/ sems can du gdags pa dmigs su yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor sems can dmigs su med na/ sems can dmyal ba dang / dud 'gro'i skye gnas dang / gshin rje'i 'jig rten dang / lha dang / mi dang / rgyun tu zhugs pa dang / dgra bcom pa'i bar dang / rang sangs rgyas dang / yang dag par rdzogs pa'i sangs rgyas kyi bar dag ji ltar gdags par bya ste/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ de ltar gdags su med pa'i chos rnams la bslab par bya'o/ / gsol pa/ bcom ldan 'das 'o na byang chub sems dpa' sems dpa' chen po shes rab kyi pha rol tu phyin pa la spyod pas/ gzugs la bslab par bgyi lags sam/ tshor ba dang / 'du shes dang / 'du byed rnams dang / rnam par shes pa la bslab par bgyi lags sam/ rnam pa thams cad mkhyen pa nyid kyi bar la bslab par bgyi lags sam/ bka' stsal pa/ rab 'byor gzugs la dor ba med pa dang / bsnan pa med par bslab par bya'o/ / rnam pa thams cad mkhyen pa nyid kyi bar la dor ba med pa dang / bsnan pa med par bslab par bya'o/ /gsol pa/ bcom ldan 'das ji ltar dor ba ma mchis pa dang / bsnan pa ma mchis par rnam pa thams cad mkhyen pa nyid kyi bar la bslab par bgyi lags/ bka' stsal pa/ rab 'byor skye ba med pa dang / 'gag pa med par bslab par bya'o/ /gsol pa/ bcom ldan 'das ji ltar gzugs la skye ba ma mchis pa dang / 'gag pa ma mchis par bslab par bgyi/ bcom ldan 'das ji ltar rnam pa thams cad mkhyen pa nyid kyi bar la skye ba ma mchis pa dang / 'gag pa ma mchis par bslab par bgyi lags/ bka' stsal pa/ mngon par 'du bya ba med par te/ 'du byed rnams bsgom par yang mi bya/ gzhig par yang mi bya bar ro/ /gsol pa/ bcom ldan 'das ji ltar mngon par 'du bgyi ba ma mchis par bslab par bgyi lags/ bka' stsal pa/ rab 'byor chos rnams rang gi mtshan nyid kyis stong par mthong bas mngon par 'du bya ba med pa la bslab par bya'o/ /gsol pa/ bcom ldan 'das chos thams cad rang gi mtshan nyid kyis stong par ji ltar bslab par bgyi lags/ bka' stsal pa/ gzugs ni gzugs kyis stong par blta'o/ /tshor ba ni tshor bas stong par blta'o/ /'du shes ni 'du shes kyis stong par blta'o/ /'du byed rnams ni 'du byed rnams kyis stong par blta'o/ /rnam par shes pa ni rnam par shes pas stong par blta'o/ /mig gi bar ni mig gis stong par blta'o/ / yid kyi bar ni yid kyis stong par blta'o/ /nang stong pa nyid ni nang stong pa nyid kyis stong par blta'o/ /rang gi mtshan nyid stong pa nyid kyi bar ni rang gi mtshan nyid stong pa nyid kyis stong par blta'o/ /bsam gtan rnams ni bsam gtan rnams kyis stong par blta'o/ /'gog pa'i snyoms par 'jug pa'i bar ni 'gog pa'i snyoms par 'jug pas stong par blta'o/ /dran pa nye bar gzhag pa rnams ni dran pa nye bar gzhag pa rnams kyis stong par blta'o/ /byang chub kyi bar ni byang chub kyis stong par blta ste/ rab 'byor byang chub sems dpa' sems dpa' chen pos de ltar rang gi mtshan nyid kyis stong pa'i chos thams cad la bslab par bya'o/ /gsol pa/ bcom ldan 'das gal te gzugs ni gzugs kyis stong / byang chub kyi bar yang byang chub kyis stong lags na/ bcom ldan 'das 'o na byang chub sems dpa' sems dpa' chen po shes rab kyi pha rol tu phyin pa la spyod par ji ltar 'gyur lags/ bka' stsal pa/ rab 'byor spyod pa med pa ni byang chub sems dpa' sems dpa' chen po'i shes rab kyi pha rol tu phyin pa la spyod pa yin no/ /gsol pa/ bcom ldan 'das ci'i slad du spyod pa ma mchis pa/ shes rab kyi pha rol tu phyin pa la spyod pa lags/ bka' stsal pa/ rab 'byor 'di ltar des shes rab kyi pha rol tu phyin pa mi dmigs/ byang chub sems dpa' yang mi dmigs/ spyod pa yang mi dmigs/ gang la spyod pa dang / gang gis spyod pa dang / gang du spyod pa de yang mi dmigs te/ rab 'byor de gang la spros pa de dag thams cad mi dmigs pa de ni byang chub sems dpa' sems dpa' chen po'i shes rab kyi pha rol tu phyin pa la spyod pa yin no/ /gsol pa/ bcom ldan 'das gal te spyod pa ma mchis pa/ shes rab kyi pha rol tu phyin pa la spyod pa lags na/ bcom ldan 'das 'o na las dang po pa'i byang chub sems dpa' sems dpa' chen pos shes rab kyi pha rol tu phyin pa la ji ltar spyad par bgyi/ bka' stsal pa/ rab 'byor 'di la las dang po pa'i byang chub sems dpa' sems dpa' chen pos sems dang po bskyed pa nas bzung ste/ de ltar mi dmigs pa'i chos thams cad la bslab par bya zhing / des sbyin pa sbyin pa na/ mi dmigs pa'i tshul gyis sbyin pa sbyin par bya'o/ /tshul khrims srung ba na/ mi dmigs pa'i tshul gyis tshul khrims srung bar bya'o/ /bzod pa bsgrub pa na/ mi dmigs pa'i tshul gyis bzod pa bsgrub par bya'o/ /brtson 'grus brtsom pa na mi dmigs pa'i tshul gyis brtson 'grus brtsam par bya'o/ /ting nge 'dzin la snyoms par 'jug pa na mi dmigs pa'i tshul gyis ting nge 'dzin la snyoms par 'jug par bya'o/ /shes rab sgom pa na mi dmigs pa'i tshul gyis shes rab sgom par bya ste/ rnam pa thams cad mkhyen pa nyid kyi bar du yang de bzhin no/ /gsol pa/ bcom ldan 'das ji tsam gyis na mi dmigs par 'gyur/ ji tsam gyis na dmigs par 'gyur lags/ bka' stsal pa/ ji tsam du gnyis yod pa de tsam du dmigs pa ste/ gnyis su med pa ni mi dmigs pa'o/ /gsol pa/ bcom ldan 'das gnyis shes bgyi ba gang lags/ bka' stsal pa/ mig dang gzugs kyi bar dang / yid dang chos kyi bar dang / byang chub dang / sangs rgyas kyi bar du ste/ rab 'byor de ni gnyis so/ /gsol pa/ bcom ldan 'das gnyis su ma mchis pa gang lags/ bka' stsal pa/ mig dang gzugs kyi bar du med pa dang / yid dang chos rnams kyi bar du med pa dang / byang chub dang sangs rgyas kyi bar du med pa ste/ rab 'byor de ni gnyis su med pa'o/ /gsol pa/ bcom ldan 'das ji dmigs su ma mchis pa mi dmigs lags sam/ 'on te gnyis su mchis pa mi dmigs lags/ bka' stsal pa/ rab 'byor dmigs su yod pas mi dmigs pa yang ma yin/ dmigs su med pas mi dmigs pa yang ma yin mod kyi/ rab 'byor 'on kyang dmigs su yod pa dang / dmigs su med pa mnyam pa nyid ni dmigs su med pa yin te/ rab 'byor byang chub sems dpa' sems dpa' chen pos de ltar dmigs pa dang / dmigs pa med pa mnyam pa nyid la bslab par bya'o/ /de ltar slob pa'i byang chub sems dpa' sems dpa' chen po ni shes rab kyi pha rol tu phyin pa la dmigs pa med par 'gyur ro/ /gsol pa/ bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa/ dmigs pa la mi chags shing / mi dmigs pa la yang mi chags pa lags na/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pas/ ji ltar sa nas sa yongs su rdzogs par bgyi/ sa nas sa yongs su rdzogs par bgyis nas kyang ji ltar rnam pa thams cad mkhyen pa nyid thob par bgyi lags/ bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa ni dmigs pa la gnas shing sa nas sa yongs su rdzogs par mi byed de/ byang chub sems dpa' sems dpa' chen po shes rab kyi pha rol tu phyin pa la spyod pas/ dmigs pa la gnas nas/ sa nas sa yongs su rdzogs par byed mi nus so/ /de ci'i phyir zhe na/ rab 'byor shes rab kyi pha rol tu phyin pa yang dmigs su med la/ byang chub kyang dmigs su med cing / gang shes rab kyi pha rol tu phyin pa la spyod pa de yang dmigs su med pa'i phyir te/ rab 'byor byang chub sems dpa' sems dpa' chen pos de ltar shes rab kyi pha rol tu phyin pa la bslab par bya'o/ /gsol pa/ bcom ldan 'das gal te shes rab kyi pha rol tu phyin pa yang dmigs su ma mchis/ byang chub kyang dmigs su ma mchis/ gang byang chub kyi slad du spyod pa de yang dmigs su ma mchis lags na/ 'o na byang chub sems dpa' sems dpa' chen po shes rab kyi pha rol tu phyin pa la spyod pas ngo bo nyid dang bral ba'i chos thams cad la 'di ni gzugs so/ /'di ni tshor ba'o/ /'di ni 'du shes so/ /'di ni 'du byed rnams so/ /'di ni rnam par shes pa'o/ /'di ni byang chub kyi bar ro zhes ji ltar rab tu rnam par dbye bar bgyi lags/ bka' stsal pa/ rab 'byor shes rab kyi pha rol tu phyin pa la spyod pa'i byang chub sems dpa' sems dpa' chen po ni ji ltar byas pas gzugs dmigs pa dang / rnam par shes pa'i bar du dmigs pa dang / byang chub kyi bar du dmigs par 'gyur ba de ltar chos rnams la rab tu rnam par 'byed par mi byed do/ /gsol pa/ bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa/ gzugs kyang mi dmigs rnam par shes pa'i bar du yang mi dmigs/ byang chub kyi bar du yang mi dmigs lags na/ 'o na ji ltar sbyin pa'i pha rol tu phyin pa yongs su rdzogs par bgyis shing / byang chub sems dpa'i skyon ma mchis par 'jug par 'gyur/ byang chub sems dpa'i skyon ma mchis par zhugs nas kyang sangs rgyas kyi zhing yongs su dag par bgyid par 'gyur lags/ sangs rgyas kyi zhing yongs su dag par bgyis nas kyang / sems can rnams yongs su smin par bgyid par 'gyur lags/ sems can rnams yongs su smin par bgyis nas kyang rnam pa thams cad mkhyen pa nyid thob par 'gyur lags/ rnam pa thams cad mkhyen pa nyid rjes su thob nas kyang / chos kyi 'khor lo bskor bar 'gyur lags/ chos kyi 'khor lo bskor nas kyang / sangs rgyas kyi mdzad pa bgyid par 'gyur lags/ sangs rgyas kyi mdzad pa bgyis nas kyang sems can rnams 'khor ba las yongs su thar bar bgyid par 'gyur lags/ bka' stsal pa/ rab 'byor byang chub sems dpa' sems dpa' chen po ni gzugs kyi ched du shes rab kyi pha rol tu phyin pa la mi spyod do/ /byang chub kyi bar gyi ched du shes rab kyi pha rol tu phyin pa la mi spyod do/ /gsol pa/ bcom ldan 'das 'o na gang gi ched du byang chub sems dpa' sems dpa' chen po shes rab kyi pha rol tu phyin pa la spyod pa lags/ bka' stsal pa/ byang chub sems dpa' sems dpa' chen po ni gang gi ched du yang shes rab kyi pha rol tu phyin pa la spyod par mi byed do/ /de ci'i phyir zhe na/ rab 'byor 'di ltar chos thams cad ni ma byas pa/ chos thams cad ni 'gyur ba med pa ste/ shes rab kyi pha rol tu phyin pa de yang ma byas pa dang 'gyur ba med pa yin la/ byang chub kyang ma byas pa dang / 'gyur ba med pa yin zhing / byang chub sems dpa' yang ma byas pa dang / 'gyur ba med pa yin pa'i phyir te/ rab 'byor de ltar byang chub sems dpa' chen pos ma byas pa dang / 'gyur ba med pa'i tshul gyis shes rab kyi pha rol tu phyin pa la spyad par bya'o/ /gsol pa/ bcom ldan 'das gal te chos thams cad ma bgyis pa dang / 'gyur ba ma mchis pa lags na/ bcom ldan 'das 'o na ji ltar theg pa gsum po nyan thos kyi theg pa dang / rang sangs rgyas kyi theg pa dang / sangs rgyas kyi theg pa 'di dag rnam par dgod par 'gyur lags/ bka' stsal pa/ rab 'byor ma byas pa dang / 'gyur ba med pa'i chos rnams la ni rnam par dgod pa gang yang dmigs su med de mngon par 'dus byas pa dang / mngon par bsags pa'i chos rnams la ni rnam par dgod pa dmigs su yod do/ /de ci'i phyir zhe na/ 'di ltar byis pa so so'i skye bo thos pa dang mi ldan pa ni phung po lnga la mngon par zhen te/ gzugs kyi phung po la mngon par zhen par byed/ rnam par shes pa'i phung po'i bar la mngon par zhen par byed/ rnam pa thams cad mkhyen pa nyid kyi bar la mngon par zhen par byed/ gzugs la rlom sems su byed/ gzugs la dmigs par byed/ byang chub kyi bar la rlom sems su byed/ byang chub kyi bar du dmigs par byed pa'i phyir te/ de 'di snyam du bdag mthong na bdag ni byang chub mngon par rdzogs par 'tshang rgya bar 'gyur ro/ /bdag gis sems can rnams 'khor ba las yongs su thar bar bya'o snyam du sems so/ /de ci'i phyir zhe na/ rab 'byor 'di ltar gzugs dang / byang chub kyi bar gang yin pa dag ni sangs rgyas rnams kyi spyan lngas kyang ma dmigs na skyes bu blun po sangs rgyas la skur ba 'debs pa de dag ni sems can rnams 'khor ba las yongs su thar bar bya bar 'dod pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te de bzhin gshegs pa dgra bcom pa yang dag par rdzogs pa'i sangs rgyas kyis spyan lngas kyang sems can gang dag 'khor ba las yongs su thar bar bgyi ba dag ma dmigs lags na/ 'o na da bcom ldan 'das bla na med pa yang dag par rdzogs pa'i byang chub mngon par rdzogs par sangs rgyas nas ji ltar sems can rnams yang dag pa nyid du nges pa dang / log pa nyid du nges pa dang / ma nges pa'i phung po gsum du lung bstan par mdzad lags/ bka' stsal pa/ rab 'byor ngas ni bla na med pa yang dag par rdzogs pa'i byang chub mngon par rdzogs par sangs rgyas nas yang dag pa nyid du nges pa 'am/ log pa nyid du nges pa 'am/ ma nges pa'i sems can 'ga' yang ma dmigs mod kyi/ rab 'byor 'on kyang sems can rdzas med pa la rdzas su 'du shes pa 'di dag ngas 'jig rten gyi tha snyad du yang dag pa ma yin pa la 'dzin pa de las bzlog gi don dam par ni ma yin no/ /gsol pa/ bcom ldan 'das de bzhin gshegs pas don dam pa la bzhugs te/ bla na med pa yang dag par rdzogs pa'i byang chub mngon par rdzogs par sangs rgyas lags sam/ bka' stsal pa/ rab 'byor de ni ma yin no/ /gsol pa/ 'o na rdzu 'phrul gyi rnam grangs la bzhugs te/ bla na med pa yang dag par rdzogs pa'i byang chub mngon par rdzogs par sangs rgyas lags sam/ bka' stsal pa/ de ni ma yin no/ /gsol pa/ bcom ldan 'das gal te don dam pa la bzhugs te/ bla na med pa yang dag par rdzogs pa'i byang chub mngon par rdzogs par sangs rgyas pa yang ma lags la/ rdzu 'phrul gyi rnam grangs la bzhugs te/ bla na med pa yang dag par rdzogs pa'i byang chub mngon par rdzogs par sangs rgyas pa yang ma lags na/ bcom ldan 'das 'o na de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs rgyas pa 'am/ gcig tu mi 'gyur lags grang / bka' stsal pa/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs ma rgyas pa ma yin te/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs rgyas mod kyi/ de ni 'dus byas kyi khams sam/ 'dus ma byas kyi khams gang la yang gnas pa ma yin no/ /rab 'byor 'di lta ste/ dper na/ de bzhin gshegs pa'i sprul pa ni 'dus byas kyi khams sam/ 'dus ma byas kyi khams gang la yang mi gnas mod kyi/ 'on kyang de bzhin gshegs pa'i sprul pa de 'gro ba dang / 'ong ba dang / sdod pa dang / 'dug pa yang yod la/ de sbyin pa'i pha rol tu phyin pa la spyod pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa dang / bsam gtan bzhi bsgrubs te gnas pa dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / dran pa nye bar gzhag pa bzhi dang / 'phags pa'i lam yan lag brgyad pa'i bar la bsgom pa dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / nang stong pa nyid dang / rang gi mtshan nyid stong pa nyid kyi bar dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po la sgom zhing / chos kyi 'khor lo bskor bar gyur la/ sprul pa des kyang sems can dpag tu med pa dag sprul nas/ phung po gsum du lung bstan par gyur na/ rab 'byor 'di ji snyam du sems/ sprul pa des sems can 'ga' yang phung po gsum du lung bstan pa yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor de bzhin du de bzhin gshegs pas chos thams cad sprul pa lta bur mkhyen te/ sprul pa de lta bur mkhyen nas sems can gang yang btul ba med do/ /rab 'byor de ltar byang chub sems dpa' sems dpa' chen pos de bzhin gshegs pa'i sprul pa ji lta ba bzhin du shes rab kyi pha rol tu phyin pa bsgom par bya'o/ / gsol pa/ bcom ldan 'das gal te chos thams cad sprul pa lta bu lags na/ bcom ldan 'das de bzhin gshegs pa dang / sprul pa la bye brag ni ci mchis/ tha dad du bgyi ba ni ci mchis/ dgongs pa ni gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de bzhin gshegs pa dang / de bzhin gshegs pa'i sprul pa ni bye brag ci yang med de/ tha dad du bya ba ci yang mi dmigs so/ /rab 'byor de bzhin gshegs pa dang / de bzhin gshegs pa'i sprul pa ni bye brag med do/ /de ci'i phyir zhe na/ 'di ltar de bzhin gshegs pa phrin las gang mdzad pa de ni sprul pa'ang byed pa'i phyir ro/ /gsol pa/ bcom ldan 'das kyi de bzhin gshegs pa mi bzhugs na/ de bzhin gshegs pa'i sprul pa sug las bgyid lags sam/ bka' stsal pa/ rab 'byor byed do/ /gsol pa/ bcom ldan 'das de bzhin gshegs pa mi bzhugs na/ de bzhin gshegs pa'i sprul pa sug las ci ltar bgyid lags/ bka' stsal pa/ rab 'byor 'di lta ste dper na/ de bzhin gshegs pa blo gros zhi bas byang chub sems dpa' ma dmigs nas/ sprul pa sprul nas yongs su mya ngan las 'das so/ /sprul pa des kyang phyi na bskal pa las lhag par sangs rgyas kyi bya ba byas te/ des phyis byang chub sems dpa' lung bstan nas yongs su mya ngan las 'da'o/ /zhes skye bo rnams kyis kun tu shes kyang sprul pa la ni skye ba med/ yongs su mya ngan las 'das pa yang med de/ rab 'byor de ltar byang chub sems dpa' sems dpa' chen pos 'di lta ste/ chos thams cad sprul pa lta bur mos par bya zhing / shes rab kyi pha rol tu phyin pa la spyad par bya'o/ /gsol pa/ bcom ldan 'das gal te sprul pa dang / de bzhin gshegs pa la bye brag ma mchis na/ sbyin pa yongs su sbyang bar yang ji ltar 'gyur lags/ bcom ldan 'das sems can gang dag gis de bzhin gshegs pa la yon phul ba de dag ni phung po'i lhag ma ma mchis pa'i mya ngan las 'das pa'i dbyings su yongs su mya ngan las 'das par gyur gyi bar du nam yang bas par mi 'gyur lags na/ bcom ldan 'das de bzhin du sems can gang dag gis sprul pa la yon phul ba de dag kyang phung po'i lhag ma ma mchis pa'i mya ngan las 'das pa'i dbyings su yongs su mya ngan las 'das par gyur gyi bar du nam yang bas par mi 'gyur ba lags sam/ bcom ldan 'das kyis bka' stsal pa/ rab 'byor chos nyid gang gis de bzhin gshegs pa lha dang bcas pa'i 'jig rten gyi sbyin pa'i gnas su gyur pa'i chos nyid de nyid kyis sprul pa yang lha dang bcas pa'i 'jig rten gyi sbyin pa'i gnas su gyur pa yin no/ /rab 'byor de bzhin gshegs pa la yon phul ba lta'ang zhog /de bzhin gshegs pa'i sprul pa la yon phul ba lta'ang zhog gi/ rab 'byor rigs kyi bu 'am/ rigs kyi bu mo gang la la zhig gis byams pa dang ldan pas de bzhin gshegs pa yid la byed na/ de dag thams cad ni dge ba'i rtsa ba de'i mthar ma phyin par sdug bsngal gyi mthar phyin par 'gyur ro/ /rab 'byor byams pa dang ldan pa'i yid la byed pa lta'ang zhog gi/ rigs kyi bu 'am/ rigs kyi bu mo gang la la zhig gis de bzhin gshegs pa yid la byas shing nam mkha' la me tog snyim pas gtor na/ de dag thams cad kyang dge ba'i rtsa ba de'i mthar ma phyin par sdug bsngal gyi mthar phyin par 'gyur ro/ /rab 'byor byams pa dang ldan pas yid la byed pa lta'ang zhog /nam mkha' la me tog snyim pas gtor ba lta'ang zhog gi/ rab 'byor rigs kyi bu 'am/ rigs kyi bu mo gang la la zhig sangs rgyas la phyag 'tshal bar byed na/ de dag thams cad kyang rim gyis sdug bsngal gyi mthar phyin par 'gyur te/ rab 'byor de ltar de bzhin gshegs pa la yon phul ba ni de ltar mthu che ba dang / de ltar phan yon che ba yin te/ rab 'byor rnam grangs des na 'di ltar chos rnams kyi chos kyi mtshan nyid tshad mar byas na de bzhin gshegs pa dang / de bzhin gshegs pa'i sprul pa la bye brag chung zad kyang med par rig par bya ste/ rab 'byor byang chub sems dpa' sems dpa' chen pos de ltar shes rab kyi pha rol tu phyin pa la spyad par bya'o/ /chos rnams kyi chos nyid la zhugs nas/ chos nyid de yang rnam par dkrug par mi bya ste/ 'di ni shes rab kyi pha rol tu phyin pa'o/ /'di ni shes rab kyi pha rol tu phyin pa'i chos nyid do zhes rnam par dkrug par mi bya'o/ / chos thams cad kyi bar dag la yang de bzhin du sbyar bar bya'o/ /gsol pa/ bcom ldan 'das gal te chos rnams kyi chos nyid rnam par dkrug par mi bgyi lags na/ bcom ldan 'das gang gi slad du de bzhin gshegs pas 'di ni gzugs so/ /'di ni rnam par shes pa'i bar ro zhes bgyi ba dang / de bzhin du nang dang phyi'i chos rnams kyang bka' stsal/ de bzhin du dge ba dang / mi dge ba dang / zag pa dang bcas pa dang / zag pa ma mchis pa dang / 'jig rten pa dang / 'jig rten las 'das pa dang / thun mong dang / thun mong ma lags pa dang / 'dus byas dang / 'dus ma byas kyi chos rnams kyang bka' stsal te/ rnam par dkrug par mdzad na/ de'i slad du/ bcom ldan 'das kyis chos rnams kyi chos nyid rnam par dkrugs par ma gyur lags sam/ bka' stsal pa/ rab 'byor de ni ma yin te/ ngas ni ji ltar gzhan dag gis khong du chud par 'gyur zhes ming dang mtshan mas chos rnams kyi chos nyid bstan te/ chos rnams brjod par zad kyi/ chos rnams kyi chos nyid rnam par dkrugs pa ni ma yin no/ /gsol pa/ bcom ldan 'das gal te gzhan dag gis khong du chud par bgyi ba'i slad du/ bcom ldan 'das kyis ming dang mtshan mas chos rnams kyi chos nyid bstan te/ chos rnams brjod pa mdzad na/ bcom ldan 'das ming ma mchis pa dang / mtshan ma ma mchis pa'i chos rnams ji ltar ming dang mtshan mas brjod pa mdzad lags/ bka' stsal pa/ rab 'byor brjod pa ni ming dang mtshan ma la mngon par zhen pa ma yin gyi/ rab 'byor gzhan du na sdug bsngal nyid brjod par zad de/ ming dang mtshan ma la mngon par zhen pa med do/ /rab 'byor de bzhin gshegs pa dang / de bzhin gshegs pa'i nyan thos ni ming dang mtshan ma la mngon par zhen pa med do/ /rab 'byor gal te ming la ming mngon par zhen par 'gyur ram/ mtshan ma la mtshan ma mngon par zhen par 'gyur na ni/ stong pa nyid kyang stong pa nyid la mngon par zhen par 'gyur la/ mtshan ma med pa yang mtshan ma med pa la mngon par zhen par 'gyur/ smon pa med pa yang smon pa med pa la mngon par zhen par 'gyur/ de bzhin nyid kyang de bzhin nyid la mngon par zhen par 'gyur/ yang dag pa'i mtha' yang yang dag pa'i mtha' la mngon par zhen par 'gyur/ chos kyi dbyings kyang chos kyi dbyings la mngon par zhen par 'gyur/ 'dus ma byas kyang 'dus ma byas la mngon par zhen par 'gyur ba zhig na/ rab 'byor 'di ltar chos thams cad ni ming tsam du zad pas/ de dag ming tsam la gnas par mi 'gyur te/ rab 'byor byang chub sems dpa' sems dpa' chen pos de ltar ming dang mtshan ma tsam lags te/ shes rab kyi pha rol tu phyin pa la spyad par bya zhing / de la yang mngon par zhen par mi bya'o/ / gsol pa/ bcom ldan 'das gal te chos thams cad ming dang mtshan ma tsam du bas pa lags na/ 'o na byang chub sems dpa' sems dpa' chen pos gang gi ched du byang chub tu sems bskyed par bgyid cing / byang chub tu sems bskyed nas kyang 'du byed sna tshogs rnam pa du ma nyams su myong bar 'gyur ba dang / byang chub sems dpa'i spyad pa spyod cing sbyin pa rtsol ba dang / tshul khrims srung ba dang / bzod pa sgrub pa dang / brtson 'grus rtsom pa dang / ting nge 'dzin la snyoms par 'jug pa dang / shes rab bsgom pa dang / stong pa nyid la bsgom pa dang / bsam gtan dang / tshad ma mchis pa dang / gzugs ma mchis pa'i snyoms par 'jug pa rnams la gnas pa dang / dran pa nye bar gzhag pa rnams la gnas pa dang / yang dag par spong ba rnams la gnas pa dang / rnam par thar pa'i sgo stong pa nyid dang / mtshan ma ma mchis pa dang / smon pa ma mchis pa la gnas pa dang / de bzhin gshegs pa'i stobs bcu la gnas pa dang / snying rje chen po'i bar dag yongs su rdzogs par bgyid pa lags/ bcom ldan 'das kyis bka' stsal pa/ rab 'byor khyod gang 'di skad du gal te chos thams cad ming dang mtshan ma tsam du bas na/ 'o na byang chub sems dpa' sems dpa' chen po gang gi ched du byang chub sems dpa'i spyad pa spyod par bgyid ces zer ba ni/ rab 'byor 'di ltar 'dus byas 'di dag thams cad ming dang mtshan ma tsam du zad la/ ming dang mtshan ma de dag kyang ming dang mtshan mas stong ste/ de'i phyir byang chub sems dpa' sems dpa' chen po byang chub sems dpa'i spyad pa spyod cing / rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas kyang / chos kyi 'khor lo bskor bar byed la/ chos kyi 'khor lo bskor nas kyang / sems can rnams theg pa gsum po dag gis yongs su mya ngan las 'da' bar byed kyang / ming dang mtshan ma de dag skye ba yang med/ 'jig pa yang med/ gnas pa yang med/ gnas pa las gzhan du 'gyur ba yang med cing mi dmigs so/ /gsol pa/ bcom ldan 'das rnam pa thams cad mkhyen pa nyid la rnam pa thams cad mkhyen pa nyid ces gsung lags sam/ bcom ldan 'das kyis bka' stsal pa/ rab 'byor rnam pa thams cad mkhyen pa nyid la rnam pa thams cad mkhyen pa nyid ces nga smra'o/ / gsol pa/ bcom ldan 'das de bzhin gshegs pas thams cad shes pa nyid kyang bka' stsal cing / de bzhin gshegs pas lam gyi rnam pa shes pa nyid ces mdor yang bka' stsal la/ de bzhin gshegs pas rnam pa thams cad mkhyen pa nyid kyang bka' stsal lags na/ bcom ldan 'das thams cad mkhyen pa nyid gsum po 'di dag la bye brag ni ci mchis tha dad du bgyi ba ni ci mchis lags/ bcom ldan 'das kyis bka' stsal pa/ rab 'byor thams cad shes pa nyid ni nyan thos dang / rang sangs rgyas thams cad kyi'o/ /rab 'byor lam gyi rnam pa shes pa nyid ni byang chub sems dpa' sems dpa' chen po rnams kyi'o/ /rab 'byor rnam pa thams cad mkhyen pa nyid ni de bzhin gshegs pa dgra bcom pa yang dag par rdzogs pa'i sangs rgyas rnams kyi'o/ /gsol pa/ bcom ldan 'das ci'i slad du rnam pa thams cad mkhyen pa nyid ni de bzhin gshegs pa rnams kyi lags/ ci'i slad du lam gyi rnam pa shes pa nyid ni byang chub sems dpa' sems dpa' chen po rnams kyi lags/ ci'i slad du thams cad shes pa nyid ni nyan thos dang / rang sangs rgyas rnams kyi lags/ bcom ldan 'das kyis bka' stsal pa/ rab 'byor phyi nang gi chos gang dag ji snyed pa de dag thams cad ni nyan thos dang / rang sangs rgyas rnams kyis kyang shes la/ lam thams cad dang / rnam pa thams cad ni ma yin pa'i phyir ro/ /rab 'byor gang yang khyod 'di skad du/ bcom ldan 'das ci'i slad du lam gyi rnam pa shes pa nyid byang chub sems dpa' sems dpa' chen po rnams kyi lags zhes zer ba ni/ rab 'byor byang chub sems dpa' sems dpa' chen pos ni lam thams cad bskyed par bya zhing / lam thams cad shes par bya dgos te/ nyan thos dang / rang sangs rgyas kyi lam gang yin pa dang / byang chub sems dpa'i lam gang yin pa'i lam de dag kyang yongs su rdzogs par bya dgos la/ lam de dag gis lam gyi bya ba byed kyang yang dag pa'i mtha' rtogs par ni mi byed do/ /gsol pa/ bcom ldan 'das ci byang chub sems dpa' sems dpa' chen po sangs rgyas kyi lam yongs su rdzogs par mi 'gyur zhing / des yang dag pa'i mtha' yang mngon sum du mi bgyid lags sam/ bka' stsal pa/ rab 'byor byang chub sems dpa' sems dpa' chen po des sangs rgyas kyi zhing yongs su dag par ma byas shing / sems can rnams yongs su smin par ma byas par yang dag pa'i mtha' mngon sum du mi bya'o/ /gsol pa/ bcom ldan 'das ji byang chub sems dpa' sems dpa' chen pos lam la gnas te/ yang dag pa'i mtha' mngon sum du bgyid lags sam/ bka' stsal pa/ de ni ma yin no/ /gsol pa/ bcom ldan 'das 'o na lam ma lags pa la gnas te lags sam/ bka' stsal pa/ de ni ma yin no/ /gsol pa/ bcom ldan 'das 'o na lam dang lam ma lags pa la gnas te lags sam/ bcom ldan 'das kyis bka' stsal pa/ de ni ma yin no/ /gsol pa/ bcom ldan 'das 'o na lam yang ma lags/ lam ma lags pa yang ma lags pa la gnas te lags sam/ bcom ldan 'das kyis bka' stsal pa/ de ni ma yin no/ /gsol pa/ bcom ldan 'das 'o na ji ltar byang chub sems dpa' sems dpa' chen pos yang dag pa'i mtha' mngon sum du bgyi lags/ bka' stsal pa/ rab 'byor 'di ji snyam du sems/ khyod lam la gnas te/ len pa med par zag pa rnams las sems rnam par grol snyam 'am/ rab 'byor gyis gsol pa/ bcom ldan 'das de ni ma lags so/ /bka' stsal pa/ 'o na lam ma yin pa la gnas te 'am/ rab 'byor gyis gsol pa/ de ni ma lags so/ /bka' stsal pa/ 'o na lam dang / lam ma yin pa la gnas te 'am/ rab 'byor gyis gsol pa/ bcom ldan 'das de ni ma lags so/ /bka' stsal pa/ 'o na khyod lam yang ma yin/ lam ma yin pa yang ma yin pa la gnas te/ len pa med par zag pa rnams las sems rnam par grol lam/ rab 'byor gyis gsol pa/ bcom ldan 'das de ni ma lags te/ bcom ldan 'das bdag ni gang la gnas te yang zag pa rnams las sems rnam par grol ba ma lags kyi/ bcom ldan 'das bdag gi sems ni ji ltar gang la yang mi gnas pas sems rnam par grol lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos kyang ci la yang mi gnas par yang dag pa'i mtha' mngon sum du bya'o/ /rab 'byor gang yang rnam pa thams cad mkhyen pa nyid rnam pa thams cad mkhyen pa nyid ces bya ba ni rnam pa gcig gis rnam pa thams cad mkhyen pa nyid ces bya ste 'di ltar zhi ba'i rnam pas so/ /rab 'byor yang rnam pa gang dag dang / rtags gang dag dang / mtshan ma gang dag gis chos rnams stong zhes bya bar brjod pa'i rnam pa de dag dang / rtags de dag dang / mtshan ma de dag thams cad de bzhin gshegs pas thugs su chud pas/ de'i phyir rnam pa thams cad mkhyen pa nyid ces bya'o/ /gsol pa/ bcom ldan 'das thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid gang lags pa'i thams cad mkhyen pa nyid gsum po 'di dag las 'di'i spong ba ni lhag ma dang bcas pa'o/ /'di'i spong ba ni lhag ma ma mchis pa'o zhes bgyi bar nyon mongs pa spang ba la tha dad du bgyi ba mchis lags sam/ bka' stsal pa/ rab 'byor nyon mongs pa spang ba la ni tha dad pa med mod kyi/ de bzhin gshegs pa ni bag chags kyi mtshams sbyor ba thams cad spangs pa yin no/ /nyan thos dang / rang sangs rgyas ni bag chags kyi mtshams sbyor ba thams cad spangs pa ma yin no/ /gsol pa/ bcom ldan 'das rnam pa thams cad mkhyen pa nyid ma thob par nyon mongs pa spangs pa 'dus ma bgyis lags sam/ bka' stsal pa/ rab 'byor de de bzhin no/ /gsol pa/ bcom ldan 'das 'dus ma bgyis la bye brag dmigs su mchis lags sam/ bcom ldan 'das kyis bka' stsal pa/ rab 'byor de ni ma yin te/ 'dus ma byas la ni bye brag dmigs su med do/ /gsol pa/ bcom ldan 'das gal te 'dus ma bgyis la bye brag dmigs su ma mchis na/ ci'i slad du bcom ldan 'das kyis 'di skad du 'di ni bag chags kyi mtshams sbyor ba spangs pa yin no/ /'di ni bag chags kyi mtshams sbyor ba spangs pa ma yin no zhes bka' stsal lags/ bka' stsal pa/ rab 'byor bag chags kyi mtshams sbyor ba ni nyon mongs pa ma yin te/ nyan thos dang / rang sangs rgyas de dag la 'dod chags dang / zhe sdang dang / gti mug dang bral ba yang yod mod kyi/ lus kyi 'gyur ba yang 'byung ste/ de dag ni byis pa so so'i skye bo rnams la yang gnod par mi 'gyur la/ nyan thos rnams la yang ma yin te/ de dag ni de bzhin gshegs pa la mi mnga'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te lam yang dngos po ma mchis la/ mya ngan las 'das pa yang dngos po ma mchis na/ ci'i slad du 'di ni rgyun tu zhugs pa'o/ /'di ni lan cig phyir 'ong ba'o/ /'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so zhes bshad lags/ bcom ldan 'das kyis bka' stsal pa/ rab 'byor rgyun tu zhugs pa gang yin pa dang / de bzhin gshegs pa dgra bcom pa yang dag par rdzogs pa'i sangs rgyas kyi bar gang yin pa de dag thams cad ni 'dus ma byas kyis rab tu phye ba yin no/ /gsol pa/ bcom ldan 'das ji 'dus ma bgyis de/ 'di ni rgyun tu zhugs pa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas kyis bar dag lags so zhes rab tu 'byed par bgyid lags sam/ bka' stsal pa/ rab 'byor 'dus ma byas ni rab tu 'byed par mi byed mod kyi 'on kyang 'jig rten gyi tha snyad tshad mar byas te brjod par zad kyi/ don dam par ni rab tu dbye bar mi nus so/ /de ci'i phyir zhe na/ 'di ltar de la tshig gi lam gyis gdags su med pa'i phyir ro/ /gsol pa/ bcom ldan 'das phyi ma'i mtha' ji ltar gdags lags/ bka' stsal pa/ rab 'byor 'jig rten gyi tha snyad tshad mar byas te/ gang dang gang dag gis mtha' chad pa de dang de dag la phyi ma'i mtha' gdags kyi/ don dam par ni ma yin no/ /gsol pa/ bcom ldan 'das chos thams cad rang gi mtshan nyid kyis stong pa la sngon gyi mtha' yang mi dmigs lags na/ phyi ma'i mtha' lta smos kyang ci 'tshal/ bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad rang gi mtshan nyid kyis stong pa la sngon gyi mtha' yang mi dmigs na/ phyi ma'i mtha' lta smos kyang ci dgos te/ de ni gnas med do/ /rab 'byor 'on kyang sems can gang dag gis chos thams cad rang gi mtshan nyid kyis stong par mi shes pa de dag la 'di ni sngon gyi mtha'o/ /'di ni phyi ma'i mtha'o/ /zhes bstan par zad kyi/ rab 'byor rang gi mtshan nyid kyis stong pa'i chos rnams la ni sngon gyi mtha' dang / phyi ma'i mtha' dmigs su med de/ rab 'byor byang chub sems dpa' sems dpa' chen pos de ltar rang gi mtshan nyid kyis stong pa'i chos rnams kyis shes rab kyi pha rol tu phyin pa la spyad par bya'o/ /rang gi mtshan nyid kyis stong pa'i chos rnams la spyod pa ni nang ngam/ phyi 'am 'dus byas sam/ 'dus ma byas sam/ nyan thos kyi chos rnams sam/ rang sangs rgyas kyi chos rnams sam/ gang la yang mngon par zhen par mi 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa shes rab kyi pha rol tu phyin pa zhes bgyi na/ bcom ldan 'das ci'i slad du shes rab kyi pha rol tu phyin pa zhes bgyi lags/ bka' stsal pa/ rab 'byor shes rab kyi pha rol tu phyin pa 'di ni chos thams cad kyi pha rol dam pa ste/ de'i phyir shes rab kyi pha rol tu phyin pa zhes bya'o/ /rab 'byor yang shes rab kyi pha rol tu phyin pa 'dis nyan thos dang / rang sangs rgyas thams cad dang / byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas thams cad chos thams cad kyi pha rol tu son pas na/ de'i phyir shes rab kyi pha rol tu phyin pa zhes bya'o/ / rab 'byor yang don dam par chos thams cad dbyer med pa'i don gang yin pa de shes rab kyi pha rol tu phyin pa 'dis de bzhin gshegs pa rnams kyis mngon par rdzogs par sangs rgyas te/ de'i phyir shes rab kyi pha rol tu phyin pa zhes bya'o/ /rab 'byor yang shes rab kyi pha rol tu phyin pa 'dir de bzhin nyid kyang chud/ yang dag pa'i mtha' yang chud/ chos kyi dbyings kyang chud pas/ de'i phyir shes rab kyi pha rol tu phyin pa zhes bya'o/ /rab 'byor yang shes rab kyi pha rol tu phyin pa 'di ni chos gang dang yang ldan pa yang ma yin/ mi ldan pa yang ma yin/ bstan du yod pa 'am/ bstan du med pa 'am/ thogs pa dang bcas pa 'am/ thogs pa med pa yang ma yin no/ /de ci'i phyir zhe na/ 'di ltar shes rab kyi pha rol tu phyin pa 'di ni gzugs med pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa'i phyir ro/ /rab 'byor yang shes rab kyi pha rol tu phyin pa 'di ni chos thams cad la spyod par byed cing / spobs pa thams cad dang / snang ba thams cad sbyin par byed pa ste/ rab 'byor byang chub sems dpa' sems dpa' chen po rnams kyi shes rab kyi pha rol tu phyin pa 'di ni bdud dam/ bdud kyi ris kyi lha rnams dang / nyan thos dang / rang sangs rgyas kyi theg pa pa'i gang zag rnams kyis mi chod de/ shes rab kyi pha rol tu phyin pa 'di ni gzhan mu stegs can phyir rgol ba'i bar dag gis kyang chod par mi nus so/ /de ci'i phyir zhe na/ rab 'byor 'di ltar gcod par byed pa gang yin pa dang / gang gi gcad pa dang / gcad pa gang yin pa de dag thams cad shes rab kyi pha rol tu phyin pa la mi dmigs pa'i phyir te/ rab 'byor byang chub sems dpa' sems dpa' chen po de ltar shes rab kyi pha rol tu phyin pa 'di la spyad par bya'o/ /rab 'byor gzhan yang byang chub sems dpa' sems dpa' chen pos shes rab kyi pha rol tu phyin pa'i don la 'di ltar spyad par bya ste/ 'di lta ste mi rtag pa'i don la spyad par bya'o/ /sdug bsngal gyi don la spyad par bya'o/ /bdag med pa'i don la spyad par bya'o/ /sdug bsngal shes pa'i don dang / kun 'byung ba shes pa'i don dang / 'gog pa shes pa'i don dang / lam shes pa'i don dang / zad pa shes pa'i don dang / mi skye ba shes pa'i don la spyad par bya'o/ /chos shes pa'i don dang / rjes su rtogs pa shes pa'i don dang / kun rdzob shes pa'i don dang / yongs su 'dris pa shes pa'i don dang / sgra ji bzhin shes pa'i don dang / yang dag pa ji lta ba bzhin shes pa'i don la spyad par bya ste/ rab 'byor byang chub sems dpa' sems dpa' chen pos de ltar shes rab kyi pha rol tu phyin pa'i don la don dang tshul gyis spyad par bya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te shes rab kyi pha rol tu phyin pa zab mo 'di la don dang / don ma lags pa dmigs su ma mchis pa lags na/ bcom ldan 'das byang chub sems dpa' sems dpa' chen pos ji ltar shes rab kyi pha rol tu phyin pa'i don la spyad par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa zab mo'i don la spyod pas 'di ltar spyad par bya ste/ 'dod chags bdag gi don ce 'am/ bdag la gnod pa zhes bya bar spyad par mi bya'o/ / zhe sdang bdag gi don ce 'am/ bdag la gnod pa zhes bya bar spyad par mi bya'o/ /gti mug bdag gi don ce 'am/ bdag la gnod pa zhes bya bar spyad par mi bya'o/ /'dod chags dang / zhe sdang dang / gti mug bdag gi don ce 'am/ bdag la gnod pa zhes bya bar spyad par mi bya'o/ /log par lta ba bdag gi don ce 'am/ bdag la gnod pa zhes bya bar spyad par mi bya'o/ /lta bar gyur pa thams cad kyi bar du bdag gi don ce 'am/ bdag la gnod pa zhes bya bar spyad par mi bya'o/ /de ci'i phyir zhe na/ 'dod chags dang / zhe sdang dang / gti mug gi de bzhin nyid ni gang la yang don kyang mi byed la/ gnod pa yang mi byed pa dang / lta ba'i rnam pa'i de bzhin nyid kyang gang la yang don kyang mi byed la/ gnod pa yang mi byed pa'i phyir ro/ /gzugs bdag gi don ces spyad par mi bya'o/ /gzugs bdag la gnod pa zhes spyad par mi bya'o/ /rnam par shes pa'i bar du bdag gi don ces spyad par mi bya'o/ /rnam par shes pa bdag la gnod pa zhes spyad par mi bya'o/ /de bzhin du sbyar te/ byang chub kyi bar du bdag gi don ces spyad par mi bya'o/ /byang chub bdag la gnod pa zhes spyad par mi bya'o/ /de ci'i phyir zhe na/ rab 'byor de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas nas gang don tam gnod pa 'ga' yang ma dmigs pa'i phyir ro/ /rab 'byor gzhan yang de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos nyid dang / chos gnas pa nyid dang / chos skyon med pa nyid dang / chos kyi dbyings gnas pa 'di ni gang la yang don tam/ gnod pa ci yang mi byed de/ rab 'byor byang chub sems dpa' sems dpa' chen pos de ltar don dang / gnod pa rnam par spangs te/ shes rab kyi pha rol tu phyin pa la spyad par bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci'i slad du shes rab kyi pha rol tu phyin pa don kyang mi bgyid/ gnod pa yang mi bgyid pa lags/ bcom ldan 'das kyis bka' stsal pa/ rab 'byor 'di ltar shes rab kyi pha rol tu phyin pa ni 'dus byas dang / 'dus ma byas kyi chos gang yang mi byed pas/ rab 'byor de'i phyir shes rab kyi pha rol tu phyin pa ni gang la yang don dang gnod pa mi byed do/ /gsol pa/ bcom ldan 'das 'dus ma bgyis ni sangs rgyas rnams dang / sangs rgyas kyi nyan thos 'phags pa thams cad kyi don ma lags sam/ bka' stsal pa/ rab 'byor 'dus ma byas ni sangs rgyas rnams dang / sangs rgyas kyi nyan thos 'phags pa rnams kyi don yin mod kyi/ gang la yang phan pa 'am/ gnod par nye bar gnas pa yang ma yin no/ /rab 'byor 'di lta ste/ dper na nam mkha'i de bzhin nyid ni gang la yang phan pa 'am gnod pa nye bar gnas pa ma yin no/ /rab 'byor de bzhin du byang chub sems dpa' sems dpa' chen po'i shes rab kyi pha rol tu phyin pa yang gang la yang phan pa 'am gnod par nye bar gnas pa ma yin no/ /gsol pa/ bcom ldan 'das byang chub sems dpa' sems dpa' chen pos 'dus ma byas kyi shes rab kyi pha rol tu phyin pa la bslabs nas/ rnam pa thams cad mkhyen pa nyid thob par mi 'gyur lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen pos 'dus ma byas kyi shes rab kyi pha rol tu phyin pa zab mo 'di la bslabs nas/ rnam pa thams cad mkhyen pa nyid thob par 'gyur te/ gnyis kyi tshul gyis ni ma yin no/ /gsol pa/ bcom ldan 'das kyi gnyis su mchis pa'i chos kyis gnyis su mchis pa'i chos 'thob lags sam/ bka' stsal pa/ rab 'byor de ni ma yin no/ /gsol pa/ bcom ldan 'das gnyis su ma mchis pa'i chos kyis gnyis su ma mchis pa'i chos 'thob lags sam/ bka' stsal pa/ rab 'byor de ni ma yin no/ /gsol pa/ bcom ldan 'das 'o na gnyis su ma mchis pa'i chos kyis gnyis su mchis pa'i chos thob lags sam/ bka' stsal pa/ rab 'byor de ni ma yin no/ /gsol pa/ bcom ldan 'das 'o na ji ltar 'thob par 'gyur lags/ bka' stsal pa/ rab 'byor gang gi phyir gnyis kyi chos sam/ gnyis su med pa'i chos kyang mi dmigs na/ de ltar dmigs su med pa'i tshul gyis rnam pa thams cad mkhyen pa nyid thob par 'gyur ro/ /shes rab kyi pha rol tu phyin pa khri brgyad stong pa las chos gnyis kyi zhu ba mang po'i le'u zhes bya ba ste drug bcu rtsa gsum pa'o/ / // 'phags pa shes rab kyi pha rol tu phyin pa khri brgyad stong pa/ bam po bzhi bcu drug pa/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pa ni zab lags so/ /bcom ldan 'das byang chub sems dpa' sems dpa' chen po gang dag bla na med pa yang dag par rdzogs pa'i byang chub la yang dag par zhugs pa de dag ni sems can yang mi dmigs la/ sems can du gdags pa yang mi dmigs par sems can rnams kyi ched du bla na med pa yang dag par rdzogs pa'i byang chub la yang dag par zhugs pas dka' ba bgyid pa lags so/ /bcom ldan 'das 'di lta ste/ dper bgyi na mi la la zhig gis nam mkha' rten ma mchis pa la yal ga 'gel ba bskyed par 'tshal ba de bzhin du byang chub sems dpa' sems dpa' chen po ni sems can rnams kyi ched du rnam pa thams cad mkhyen pa nyid thob par 'tshal ba lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' gang sems can rnams kyi ched du rnam pa thams cad mkhyen pa nyid la 'jug cing / rnam pa thams cad mkhyen pa nyid de rtogs nas kyang / sems can thams cad chags pa las yongs su grol bar byed pa de dag ni dka' ba byed pa yin no/ /rab 'byor dper na mi zhig yal ga 'gel ba bskyed par 'dod la/ mi des yal ga 'gel ba de'i rtsa ba yang mi shes/ yal ga'i mdo dang / lo ma dang / me tog kyang mi shes bzhin du/ des yal ga 'gel ba de'i sdong bu bskyed de/ bskyed nas kyang dus dus su srung zhing chus bran te/ rim gyis sdong bu de'i yal ga yang phun sum tshogs par gyur/ lo ma yang phun sum tshogs par gyur/ me tog kyang phun sum tshogs par gyur/ 'bras bu yang phun sum tshogs par gyur nas/ de sdong bu de'i lo ma rnams la spyod do/ /rab 'byor de bzhin du byang chub sems dpa' sems dpa' chen po sems can thams cad kyi ched du/ bla na med pa yang dag par rdzogs pa'i byang chub la zhugs pa de yang rim gyis pha rol tu phyin pa drug po dag la spyod cing / rnam pa thams cad mkhyen pa nyid thob par 'gyur te/ lo ma dang / me tog dang / 'bras bu lta bur sems can thams cad kyi 'tsho bar 'gyur ro/ /rab 'byor de la byang chub sems dpa'i lo ma lta bu la brten nas sems can rnams ngan song gsum po dag las yongs su grol bar 'gyur ro/ /byang chub sems dpa'i me tog lta bu la brten nas sems can rnams rgyal rigs shing sa la chen po lta bu dag dang / bram ze'i rigs shing sa la chen po lta bu dag dang / khyim bdag gi rigs shing sa la chen po lta bu dag dang / rgyal chen bzhi'i ris kyi lha rnams kyi nang du skye ba nas/ 'du shes med 'du shes med min skye mched kyi bar gyi lha rnams kyi nang du skye bar 'gyur ro/ /de bzhin du byang chub sems dpa' sems dpa' chen pos rnam pa thams cad mkhyen pa nyid thob nas/ sems can de dag rgyun tu zhugs pa'i 'bras bu la 'god par byed do/ / lan cig phyir 'ong ba'i 'bras bu la 'god par byed do/ /phyir mi 'ong ba'i 'bras bu la 'god par byed do/ /dgra bcom pa nyid la 'god par byed do/ /rang byang chub la 'god par byed do/ /byang chub sems dpa' sems dpa' chen po de la brten nas/ rnam pa thams cad mkhyen pa nyid thob par 'gyur ro/ /rnam pa thams cad mkhyen pa nyid thob nas kyang / lo ma dang / me tog dang / 'bras bu lta bur sems can thams cad kyi 'tsho bar 'gyur ro/ /gang dag de la yon 'bul ba de dag thams cad kyang theg pa gsum po 'di lta ste/ nyan thos kyi theg pa 'am/ rang sangs rgyas kyi theg pa 'am/ theg pa chen pos rim gyis yongs su mya ngan las 'da' bar 'gyur zhing / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de la sems can yang mi dmigs shing sems can du gdags pa yang med la/ sems can de dag kyang bdag tu 'dzin pa las yongs su grol bar byed de/ rab 'byor byang chub sems dpa' sems dpa' chen pos gang dag gi ched du bdag gis rnam pa thams cad mkhyen pa nyid thob par bya ba'i sems can nam/ sems can du gdags pa ci yang 'di na mi dmigs so zhes de ltar shes rab kyi pha rol tu phyin pa la bslab par bya'o/ / de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po ni de bzhin gshegs pa nyid lags par rig par bgyi'o/ /de ci'i slad du zhe na/ bcom ldan 'das 'di ltar byang chub sems dpa' sems dpa' chen po la brten nas sems can dmyal ba thams cad rgyun chad par 'gyur/ dud 'gro'i skye gnas thams cad rgyun chad par 'gyur/ gshin rje'i 'jig rten thams cad rgyun chad par 'gyur/ mi khom pa thams cad rgyun chad par 'gyur/ dbul po thams cad rgyun chad par 'gyur/ dman pa'i 'gro ba thams cad rgyun chad par 'gyur/ 'dod pa'i khams thams cad rgyun chad par 'gyur/ gzugs kyi khams thams cad rgyun chad par 'gyur/ gzugs med pa'i khams thams cad rgyun chad par 'gyur ba'i slad du'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po ni de bzhin gshegs pa nyid yin par rig par bya'o/ /de ci'i phyir zhe na/ rab 'byor gal te byang chub sems dpa' sems dpa' chen po bla na med pa yang dag par rdzogs pa'i byang chub la ma zhugs na/ 'das pa dang / ma byon pa dang / da ltar byung ba'i sangs rgyas bcom ldan 'das rnams bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur zhing / rang sangs rgyas rnams 'jig rten du 'byung bar mi 'gyur/ dgra bcom pa rnams 'jig rten du 'byung bar mi 'gyur/ rgyun tu zhugs pa'i bar dag 'jig rten du 'byung bar mi 'gyur/ sems can dmyal ba'i bar dag rgyun chad par mi 'gyur/ 'dod pa'i khams dang / gzugs kyi khams dang / gzugs med pa'i khams kyi bar dag rgyun chad par mi 'gyur ba'i phyir ro/ /rab 'byor yang byang chub sems dpa' sems dpa' chen po ni de bzhin gshegs pa nyid lags par rig par bgyi'o zhes gang smras pa ni/ rab 'byor de de bzhin no/ /de de bzhin te/ byang chub sems dpa' sems dpa' chen po ni de bzhin gshegs pa nyid yin par rig par bya'o/ /de ci'i phyir zhe na/ rab 'byor de bzhin nyid gang gis de bzhin gshegs par gdags pa'i de bzhin nyid de nyid kyis rang sangs rgyas su gdags pa dang / de bzhin nyid de nyid kyis 'phags pa thams cad gdags pa dang / de bzhin nyid de nyid kyis gzugs su gdags pa dang / de bzhin nyid de nyid kyis rnam par shes pa'i bar du gdags pa dang / de bzhin nyid de nyid kyis 'dus byas kyi khams dang / 'dus ma byas kyi khams kyi bar du gdags pa dang / de bzhin nyid de nyid kyis sems can thams cad kyi de bzhin nyid dang / de bzhin gshegs pa'i de bzhin nyid gdags pa'i phyir ro/ /rab 'byor ci'i phyir/ de bzhin nyid de bzhin nyid ces bya zhe na/ byang chub sems dpa' sems dpa' chen po de bzhin nyid 'di la gnas nas/ rnam pa thams cad mkhyen pa nyid thob par 'gyur te/ de bas na de bzhin nyid ces bya'o/ /rab 'byor rnam grangs des na de bzhin nyid tshad mar byas te/ byang chub sems dpa' sems dpa' chen po ni de bzhin gshegs pa nyid yin par rig par bya ste/ rab 'byor byang chub sems dpa' sems dpa' chen pos de bzhin nyid kyi shes rab kyi pha rol tu phyin pa la de ltar bslab par bya'o/ /rab 'byor byang chub sems dpa' sems dpa' chen pos de bzhin nyid kyi shes rab kyi pha rol tu phyin pa la bslabs na/ sems can thams cad kyi dbang po la mkhas par 'gyur zhing / dbang po yongs su rdzogs par bya ba la mkhas pa thob par 'gyur ro/ /sems can rnams kyi las bdag gir bya ba yang shes par 'gyur ro/ / sems can rnams kyi las bdag gir bya ba shes na/ smon nas shes pa yongs su rdzogs par 'gyur ro/ /smon nas shes pa yongs su rdzogs na dus gsum shes pa rnam par dag par byed par 'gyur ro/ /dus gsum shes pa rnam par sbyangs na byang chub sems dpa'i spyad pa spyod cing / sems can rnams kyi don byed par 'gyur ro/ /sems can rnams kyi don byed na/ sangs rgyas kyi zhing yongs su dag par byed par 'gyur ro/ /sangs rgyas kyi zhing yongs su sbyangs na rnam pa thams cad mkhyen pa nyid thob par 'gyur ro/ /rnam pa thams cad mkhyen pa nyid thob na chos kyi 'khor lo skor bar 'gyur ro/ /chos kyi 'khor lo bskor nas sems can rnams theg pa gsum po dag la 'god par 'gyur ro/ /sems can rnams theg pa gsum po dag la bkod nas/ phung po'i lhag ma med pa'i mya ngan las 'das pa'i dbyings su yongs su mya ngan las zlo bar 'gyur te/ rab 'byor de ltar byang chub sems dpa' sems dpa' chen pos yon tan dang / phan yon thams cad mthong bas bdag kyang bla na med pa yang dag par rdzogs pa'i byang chub tu sems bskyed par bya zhing / gzhan yang bla na med pa yang dag par rdzogs pa'i byang chub tu sems bskyed du gzhug par bya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang dag ji skad bstan pa'i shes rab kyi pha rol tu phyin pa zab mo 'di la spyod pa de dag ni lha dang mi dang lha ma yin du bcas pa'i 'jig rten gyis phyag bgyi ba'i gnas lags so/ /bka' stsal pa/ rab 'byor de de bzhin te/ de de bzhin no/ /ji skad smras pa bzhin te/ byang chub sems dpa' sems dpa' chen po gang dag ji skad bstan pa'i shes rab kyi pha rol tu phyin pa zab mo 'di la spyod pa de dag ni lha dang mi dang lha ma yin du bcas pa'i 'jig rten gyis phyag bya ba'i gnas yin no/ /gsol pa/ bcom ldan 'das sems dang po bskyed pa'i byang chub sems dpa' sems dpa' chen po gang sems can thams cad kyi ched du bla na med pa yang dag par rdzogs pa'i byang chub mngon par rdzogs par 'tshang rgya bar 'tshal ba de bsod nams ji tsam zhig bskyed par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor stong gi 'jig rten gyi khams na/ sems can ji snyed pa de dag thams cad nyan thos kyi sa la gnas par gyur tam/ rang sangs rgyas kyi sa la gnas par gyur na/ ci sems can de dag bsod nams mang du bskyed dam/ gsol pa/ bcom ldan 'das mang lags so/ / bde bar gshegs pa mang lags so/ /bcom ldan 'das dpag tu ma mchis lags so/ /bde bar gshegs pa tshad ma mchis lags so/ /bka' stsal pa/ rab 'byor stong gi 'jig rten gyi khams su gtogs pa'i sems can nyan thos kyi theg pa pa 'am/ rang sangs rgyas kyi theg pa pa rnams kyi bsod nams bya ba'i dngos po gang yin pa dang / sems dang po bskyed pa'i byang chub sems dpa' sems dpa' chen po'i bsod nams bya ba'i dngos po gang yin pa 'di gnyis la stong gi 'jig rten gyi khams kyi nyan thos kyi theg pa pa 'am/ rang sangs rgyas kyi theg pa pa rnams kyi bsod nams bya ba'i dngos po de ni sems dang po bskyed pa'i byang chub sems dpa' sems dpa' chen po'i bsod nams bya ba'i dngos po de'i brgya'i char yang nye bar mi 'gro ba nas bye ba phrag 'bum gyi bar gyi char yang nye bar mi 'gro'o/ /de ci'i phyir zhe na/ nyan thos dang / rang sangs rgyas kyi theg pa pa rnams ni byang chub sems dpa' las byung ba yin gyi byang chub sems dpa' sems dpa' chen po rnams ni nyan thos dang / rang sangs rgyas las byung ba ma yin pa'i phyir ro/ /de bzhin du sbyar te/ stong gsum gyi stong chen po'i 'jig rten gyi khams na sems can nyan thos dang / rang sangs rgyas kyi theg pa pa ji snyed pa de dag thams cad ni sems dang po bskyed pa'i byang chub sems dpa' sems dpa' chen po de dag gi bsod nams kyi cha'i bar du yang nye bar mi 'gro'o/ /rab 'byor stong gsum gyi stong chen po'i 'jig rten gyi khams kyi sems can nyan thos dang / rang sangs rgyas kyi theg pa pa rnams lta zhog gi/ rab 'byor gal te stong gsum gyi stong chen po'i 'jig rten gyi khams na/ sems can gang dag 'khod pa de dag thams cad dkar po rnam par mthong ba'i sa la gnas par gyur kyang de dag gi bsod nams gang yin pa de ni sems dang po bskyed pa'i byang chub sems dpa' sems dpa' chen po'i bsod nams kyi bye ba phrag 'bum gyi cha'i bar du yang nye bar mi 'gro'o/ /dkar po rnam par mthong ba'i sa la gnas pa rnams lta zhog gi/ gal te stong gsum gyi stong chen po'i 'jig rten gyi khams su gtogs pa'i sems can de dag thams cad rigs kyi sa la gnas par gyur kyang / de dag gi bsod nams gang yin pa de ni sems dang po bskyed pa'i byang chub sems dpa' sems dpa' chen po'i bsod nams kyi bye ba phrag 'bum gyi cha'i bar du yang nye bar mi 'gro'o/ /de bzhin du sbyar te/ brgyad pa'i sa dang mthong ba'i sa dang bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa'i bar du zhugs par gyur kyang / de dag gi bsod nams gang yin pa de ni sems dang po bskyed pa'i byang chub sems dpa' sems dpa' chen po'i bsod nams kyi bye ba phrag 'bum gyi cha'i bar du yang nye bar mi 'gro'o/ /rab 'byor gal te stong gsum gyi stong chen po'i 'jig rten gyi khams na sems can gang dag 'khod pa de dag thams cad byang chub sems dpa'i skyon med pa la zhugs par gyur kyang / de dag gi bsod nams gang yin pa de ni byang chub la zhugs pa'i byang chub sems dpa'i bsod nams kyi bye ba phrag 'bum gyi cha'i bar du yang nye bar mi 'gro'o/ /rab 'byor g al te stong gsum gyi stong chen po'i 'jig rten gyi khams na sems can gang dag 'khod pa de dag thams cad byang chub la zhugs par gyur kyang de dag gi bsod nams gang yin pa de ni de bzhin gshegs pa dgra bcom pa yang dag par rdzogs pa'i sangs rgyas kyi bsod nams kyi bye ba khrag khrig phrag 'bum gyi cha'i bar du yang nye bar mi 'gro zhing rgyu dang dpe'i bar du yang nye bar mi 'gro'o/ /gsol pa/ bcom ldan 'das sems dang po bskyed pa'i byang chub sems dpa' sems dpa' chen pos ci zhig yid la bgyi lags/ bka' stsal pa/ rab 'byor sems dang po bskyed pa'i byang chub sems dpa' sems dpa' chen pos rnam pa thams cad mkhyen pa nyid yid la bya'o/ /gsol pa/ bcom ldan 'das rnam pa thams cad mkhyen pa nyid kyi dngos po ni ci lta bu zhig lags/ dmigs pa ni ci zhig lags/ dbang bgyid pa ni gang lags/ rnam pa ni ci zhig lags/ mtshan nyid ni gang lags/ bka' stsal pa/ rab 'byor rnam pa thams cad mkhyen pa nyid ces bya ba ni dngos po med pa/ mtshan nyid med pa/ mtshan ma med pa/ lhun gyis grub pa/ skye ba med pa/ 'byung ba med pa'o/ /rab 'byor khyod kyis 'di skad du/ rnam pa thams cad mkhyen pa nyid kyi dmigs pa ni ci zhig lags/ dbang bgyid pa ni gang lags/ rnam pa ni ci zhig lags/ mtshan nyid ni gang lags shes zer ba la/ rab 'byor rnam pa thams cad mkhyen pa nyid kyi dmigs pa ni dngos po med pa'o/ /dbang byed pa ni dran pa'o/ /rnam pa ni zhi ba'o/ /mtshan nyid ni mtshan nyid med pa ste/ rab 'byor rnam pa thams cad mkhyen pa nyid kyi dmigs pa ni de yin no/ / dbang byed pa ni de yin no/ /rnam pa ni de yin no/ /mtshan nyid ni de yin no/ /gsol pa/ bcom ldan 'das ci rnam pa thams cad mkhyen pa nyid kho na dngos po ma mchis pa lags sam/ 'on te gzugs kyang dngos po ma mchis shing / tshor ba dang / 'du shes dang / 'du byed rnams dang / rnam par shes pa yang dngos po ma mchis pa lags sam/ de bzhin du nang dang phyi'i chos rnams kyang dngos po ma mchis pa lags sam/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad dang / byams pa chen po dang / snying rje chen po dang / dga' ba chen po dang / btang snyoms chen po dang / mngon par shes pa dang po dang / mngon par shes pa gnyis pa dang / gsum pa dang / bzhi pa dang / lnga pa dang / drug pa dang / 'dus byas kyi khams dang / 'dus ma byas kyi khams kyang dngos po ma mchis pa lags sam/ bcom ldan 'das kyis bka' stsal pa/ rab 'byor rnam pa thams cad mkhyen pa nyid kyang dngos po med do/ /gzugs dang / tshor ba dang / 'du shes dang / 'du byed rnams dang / rnam par shes pa yang dngos po med do/ /'dus byas kyi khams dang / 'dus ma byas kyi khams kyi bar du yang dngos po med do/ /de ci'i phyir zhe na/ rab 'byor rnam pa thams cad mkhyen pa nyid de la ni ngo bo nyid med do/ /rab 'byor gang la ngo bo nyid med pa de ni dngos po med pa'i phyir ro/ /gsol pa/ bcom ldan 'das ci'i slad du/ rnam pa thams cad mkhyen pa nyid ngo bo nyid ma mchis pa lags/ bka' stsal pa/ rab 'byor 'dus pa las byung ba'i ngo bo nyid med de/ gang la 'dus pa las byung ba'i ngo bo nyid med pa de dngos po med pa'o/ /rab 'byor rnam grangs des na/ chos thams cad dngos po med pa'i ngo bo nyid do/ /rab 'byor yang chos thams cad ni stong pa'i ngo bo nyid do/ /chos thams cad ni mtshan ma med pa dang / smon pa med pa'i ngo bo nyid do/ /rab 'byor yang chos thams cad ni de bzhin nyid kyi ngo bo nyid do/ /chos thams cad ni yang dag pa'i mtha'i ngo bo nyid do/ /chos thams cad ni chos kyi dbyings kyi ngo bo nyid do/ /rab 'byor rnam grangs des kyang chos thams cad ni dngos po med pa'i ngo bo nyid du de ltar rig par bya'o/ / de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags na/ sems dang po bskyed pa'i byang chub sems dpa' sems dpa' chen po thabs la mkhas pas gang dang ldan pas sbyin pa'i pha rol tu phyin pa la spyod cing / sangs rgyas kyi zhing yang yongs su dag par bgyid la/ sems can rnams kyang yongs su smin par bgyid/ ji ltar tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / bsam gtan dang po nas bsam gtan bzhi pa'i bar dang / byams pa nas btang snyoms kyi bar dang / nam mkha' mtha' yas skye mched nas 'du shes med 'du shes med min skye mched kyi bar gyi snyoms par 'jug pa dang / nang stong pa nyid nas rang gi mtshan nyid stong pa nyid kyi bar dang / dran pa nye bar gzhag pa rnams nas 'phags pa'i lam yan lag brgyad pa'i bar dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po dang / rnam pa thams cad mkhyen pa nyid la spyod cing / sangs rgyas kyi zhing yang yongs su dag par bgyid la/ sems can rnams kyang yongs su smin par bgyid pa lags/ bcom ldan 'das kyis bka' stsal pa/ rab 'byor dngos po med pa'i ngo bo nyid kyi chos rnams la yongs su 'dris par byed cing / sangs rgyas kyi zhing yang yongs su dag par byed la/ sems can rnams kyang yongs su smin par byed de/ sangs rgyas kyi zhing de dang / sems can de dag kyang dngos po med pa'i ngo bo nyid du shes pa gang yin pa de ni/ byang chub sems dpa' sems dpa' chen po'i thabs la mkhas pa yin par rig par bya ste/ byang chub sems dpa' sems dpa' chen po de ni sbyin pa'i pha rol tu phyin pa la spyod cing / byang chub kyi lam yongs su 'dris par byed do/ /tshul khrims kyi pha rol tu phyin pa la spyod cing / byang chub kyi lam yongs su 'dris par byed do/ /bzod pa'i pha rol tu phyin pa la spyod cing / byang chub kyi lam yongs su 'dris par byed do/ /brtson 'grus kyi pha rol tu phyin pa la spyod cing / byang chub kyi lam yongs su 'dris par byed do/ /bsam gtan gyi pha rol tu phyin pa la spyod cing / byang chub kyi lam yongs su 'dris par byed do/ / shes rab kyi pha rol tu phyin pa la spyod cing / byang chub kyi lam yongs su 'dris par byed do/ /de bzhin du sbyar te/ rnam pa thams cad mkhyen pa nyid kyi bar la spyod cing / byang chub kyi lam yongs su 'dris par byed la/ byang chub kyi lam de yang dngos po med pa'i ngo bo nyid du shes par bya'o/ /rab 'byor byang chub sems dpa' sems dpa' chen po pha rol tu phyin pa drug po dag la spyod pa de ji srid du de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad dang / byams pa chen po dang / snying rje chen po dang / rnam pa thams cad mkhyen pa nyid kyi ye shes dang ldan par ma gyur pa de srid du byang chub kyi lam yongs su 'dris par mi byed do/ /rab 'byor 'di dag ni byang chub kyi lam yin te/ de byang chub kyi lam 'di dag gis pha rol tu phyin pa rnams yongs su rdzogs par byed do/ /pha rol tu phyin pa rnams yongs su rdzogs par byas nas/ skad cig gcig dang ldan pa'i shes rab kyis rnam pa thams cad mkhyen pa nyid thob par 'gyur ro/ /de'i tshe de'i bag chags dang mtshams sbyor ba dang / nyon mongs pa thams cad ni mi skye ba'i spong bas spong bar 'gyur ro/ /des sangs rgyas kyi spyan gyis stong gsum gyi stong chen po'i 'jig rten gyi khams la rnam par bltas nas dngos po med par yang mi dmigs na/ dngos por lta ci smos/ rab 'byor byang chub sems dpa' sems dpa' chen pos de ltar dngos po med pa'i ngo bo nyid kyi chos thams cad la/ shes rab kyi pha rol tu phyin pa la spyad par bya'o/ /rab 'byor dngos po yang mi dmigs na/ dngos po med pa lta ci smos te/ de yang byang chub sems dpa' sems dpa' chen po'i thabs la mkhas pa yin no/ /rab 'byor byang chub sems dpa' sems dpa' chen po de ni shes rab kyi pha rol tu phyin pa la spyod cing sbyin pa sbyin par byed de/ de sbyin pa sbyin pa na/ rnam par mi rtog cing mtshan mar mi byed de/ dngos po dang dngos po med pa'i tshul du yid la mi byed do/ /len pa por yang rnam par mi rtog cing / mtshan mar mi byed de/ dngos po dang dngos po med pa'i tshul du yid la mi byed do/ /sbyin pa por yang rnam par mi rtog cing mtshan mar mi byed de/ dngos po dang dngos po med pa'i tshul du yid la mi byed do/ /byang chub kyi sems de yang mi dmigs shing mtshan mar mi byed la/ dmigs par mi byed de yang dag par rjes su mi mthong ngo / /shes rab kyi pha rol tu phyin pa'i bar du yang dngos po dang dngos po med pa'i tshul du rnam par mi rtog cing / mtshan mar mi byed do/ /rnam pa thams cad mkhyen pa nyid kyi bar du yang dngos po dang dngos po med pa'i tshul du yid la mi byed cing / rnam par mi rtog la yid la mi byed do/ /bla na med pa yang dag par rdzogs pa'i byang chub kyi bar du yang dmigs par mi byed cing mtshan mar mi byed do/ /gang mngon par rdzogs par 'tshang rgya ba 'am/ gang mngon par rdzogs par 'tshang rgya bar bya ba 'am/ gang gis mngon par rdzogs par 'tshang rgya ba de yang dngos po dang dngos po med pa'i tshul gyis yongs su rtog par mi byed do/ /de ci'i phyir zhe na/ 'di ltar chos thams cad ni dngos po med pa'i ngo bo nyid de/ dngos po med pa de yang sangs rgyas rnams dang / nyan thos rnams dang / rang sangs rgyas rnams kyis ma byas shing / chos thams cad ni 'gyur ba med pa ste/ byed pa po dang bral ba'i phyir ro/ /gsol pa/ bcom ldan 'das chos rnams chos rnams nyid dang bral ba lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ chos rnams ni chos rnams dang bral ba yin no/ /gsol pa/ bcom ldan 'das gal te chos rnams kho na chos rnams dang bral ba lags na/ bral ba'i chos kyis bral ba'i chos dngos po mchis pa 'am/ dngos po ma mchis par ji ltar 'tshal bar rung ste/ dngos po ma mchis pa'i chos kyis kyang / dngos po mchis pa'i chos 'tshal bar mi rung la/ dngos po mchis pa'i chos kyis kyang / dngos po ma mchis pa'i chos 'tshal bar mi rung / dngos po ma mchis pa'i chos kyis kyang / dngos po ma mchis pa'i chos 'tshal bar mi rung la/ dngos po mchis pa'i chos kyis kyang / dngos po mchis pa'i chos 'tshal bar mi rung lags na/ de ltar ma 'tshal ba'i chos thams cad la dngos po mchis zhes bgyi ba 'am/ dngos po ma mchis zhes bgyi bar byang chub sems dpa' sems dpa' chen po ston par lta ga la 'gyur/ bcom ldan 'das kyis bka' stsal pa/ byang chub sems dpa' sems dpa' chen po ni 'jig rten gyi kun rdzob bzung ste/ dngos po yod pa zhes bya ba 'am/ dngos po med pa zhes bya ba ston gyi/ don dam par ni ma yin no/ /gsol pa/ bcom ldan 'das ci 'jig rten gyi kun rdzob kyang gzhan zhig lags la/ don dam pa yang gzhan zhig lags sam/ bka' stsal pa/ rab 'byor 'jig rten gyi kun rdzob kyang gzhan ma yin la/ don dam pa yang gzhan ma yin te/ 'jig rten gyi kun rdzob kyi de bzhin nyid gang yin pa de nyid don dam pa'i de bzhin nyid yin la/ de bzhin nyid de sems can de dag gis mi shes shing ma mthong bas/ de dag gi phyir byang chub sems dpa'i 'jig rten gyi kun rdzob kyis dngos po yod pa 'am/ dngos po med pa zhes bya ba ston to/ /rab 'byor yang sems can 'di dag ni phung po lnga po 'di dag la dngos por 'du shes shing dngos po med par mi shes te/ ji ltar byas na dngos po med pa rtogs par 'gyur zhig gu snyam nas/ de dag gi don du chos rnams rab tu dbye ba'i phyir de ltar ston par byed de/ rab 'byor byang chub sems dpa' sems dpa' chen pos de ltar shes rab kyi pha rol tu phyin pa la spyad par bya'o/ /shes rab kyi pha rol tu phyin pa khri brgyad stong pa las yang dag par bstan pa'i le'u zhes bya ste/ drug bcu rtsa bzhi pa'o// // de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa'i spyod pa byang chub sems dpa'i spyod pa zhes bgyi na/ bcom ldan 'das byang chub sems dpa'i spyod pa zhes bgyi ba de gang gi tshig bla dgas lags/ bka' stsal pa/ rab 'byor byang chub sems dpa'i spyod pa zhes bya ba de ni/ byang chub kyi phyir spyod pa ste/ de'i phyir byang chub sems dpa'i spyod pa zhes bya'o/ /gsol pa/ bcom ldan 'das byang chub sems dpa' sems dpa' chen po'i byang chub kyi spyod pa de gang la spyod lags/ bcom ldan 'das kyis bka' stsal pa/ gzugs stong ngo zhes spyod pa dang / tshor ba dang / 'du shes dang / 'du byed rnams dang / rnam par shes pa stong ngo zhes spyod pa dang / de bzhin du khams rnams dang / skye mched rnams dang / nang dang phyi'i chos rnams stong ngo zhes spyod pa dang / sbyin pa'i pha rol tu phyin pa stong ngo zhes spyod pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa stong ngo zhes spyod pa dang / nang stong pa nyid stong ngo zhes spyod pa dang / phyi stong pa nyid stong ngo zhes spyod pa dang / phyi nang stong pa nyid stong ngo zhes spyod pa dang / de bzhin du sbyar te/ rang gi mtshan nyid stong pa nyid kyi bar du stong ngo zhes spyod pa dang / bsam gtan dang po dang / gnyis pa dang / gsum pa dang / bzhi pa stong ngo zhes spyod pa dang / byams pa dang / snying rje dang / dga' ba dang / btang snyoms stong ngo zhes spyod pa dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched stong ngo zhes spyod pa dang / dran pa nye bar gzhag pa bzhi stong ngo zhes spyod pa dang / yang dag par spong ba bzhi stong ngo zhes spyod pa dang / rdzu 'phrul gyi rkang pa bzhi stong ngo zhes spyod pa dang / dbang po lnga stong ngo zhes spyod pa dang / stobs lnga stong ngo zhes spyod pa dang / byang chub kyi yan lag bdun stong ngo zhes spyod pa dang / 'phags pa'i lam yan lag brgyad pa stong ngo zhes spyod pa dang / rnam par thar pa'i sgo stong pa nyid dang mtshan ma med pa dang / smon pa med pa dang snyoms par 'jug pa rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bco brgyad dang / sangs rgyas kyi zhing yongs su dag pa stong ngo zhes spyod pa dang / sems can yongs su smin par bya ba stong ngo zhes spyod pa dang / spobs pa rnams stong ngo zhes spyod pa dang / yi ge sgrub pa stong ngo zhes spyod pa dang yi ge rnams la 'jug pa stong ngo zhes spyod pa dang / yi ge rnams med pa la 'jug pa stong ngo zhes spyod pa dang / gzugs stong ngo zhes spyod pa dang / 'dus byas kyi khams stong ngo zhes spyod pa dang / 'dus ma byas kyi khams stong ngo zhes spyod pa ste/ ci nas byang chub la gnyis su mi 'byed pa de ltar rjes su spyod do/ /rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na/ byang chub kyi phyir spyod pa yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das sangs rgyas sangs rgyas shes bgyi na/ bcom ldan 'das sangs rgyas shes bgyi ba de gang gi tshig bla dgas lags/ bcom ldan 'das kyis bka' stsal pa/ rab 'byor yang dag pa'i don ni sangs rgyas shes bya'o/ /rab 'byor yang des yang dag pa'i chos/ mngon par rdzogs par sangs rgyas pas na de'i phyir sangs rgyas shes bya'o/ /rab 'byor yang des yang dag pa'i don rtogs pas na/ de'i phyir sangs rgyas shes bya'o/ /rab 'byor yang chos thams cad yang dag pa ji lta ba bzhin du mngon par rdzogs par sangs rgyas pas na de'i phyir sangs rgyas shes bya'o/ /gsol pa/ bcom ldan 'das byang chub byang chub ces bgyi na/ byang chub ces bgyi ba de gang gi tshig bla dgas lags/ bka' stsal pa/ rab 'byor byang chub ces bya ba de ni stong pa nyid kyi tshig bla dgas so/ /de ni de bzhin nyid kyi tshig bla dgas so/ /de ni yang dag pa'i tshig bla dgas so/ /de ni yang dag pa'i mtha'i tshig bla dgas so/ /de ni chos kyi dbyings kyi tshig bla dgas so/ /rab 'byor yang byang chub ces bya ba de ni ming tsam gyi tshig bla dgas so/ /rab 'byor yang byang chub kyi don ni yang dag pa'i don to/ /rab 'byor yang byang chub ni de bzhin nyid dang / ma nor ba de bzhin nyid dang / gzhan ma yin pa de bzhin nyid dang / gzhan ma yin pa'i rang bzhin te/ de'i phyir byang chub ces bya'o/ /rab 'byor yang byang chub de ni chos thams cad ming dang mtshan ma tsam du rtogs par byed pa ste/ de'i phyir byang chub ces bya'o/ /rab 'byor de ni sangs rgyas bcom ldan 'das rnams kyi byang chub ste/ de'i phyir byang chub ces bya'o/ /rab 'byor yang byang chub de ni sangs rgyas bcom ldan 'das rnams kyis mngon par rdzogs par sangs rgyas pas na de'i phyir byang chub ces bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang byang chub 'di la spyod pa de ni pha rol tu phyin pa drug la spyod pa dang / rnam pa thams cad mkhyen pa nyid kyi bar la spyod pa lags na/ de'i dge ba'i rtsa ba gang bsags pa 'am/ 'grib pa 'am/ nyams pa 'am/ 'phel ba 'am/ skye ba 'am/ 'gag pa 'am/ kun nas nyon mongs pa 'am/ rnam par byang bar 'gyur ba lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po gang byang chub 'di la spyod pa pha rol tu phyin pa drug la spyod pa dang / rnam pa thams cad mkhyen pa nyid kyi bar la spyod pa de ni chos gang yang bsags pa'i phyir ram/ 'grib par bya ba'i phyir ram/ nyams par bya ba'i phyir ram/ 'phel bar bya ba'i phyir ram/ bskyed par bya ba'i phyir ram/ dgag par bya ba'i phyir ram/ kun nas nyon mongs par bya ba'i phyir ram/ rnam par byang bar bya ba'i phyir mi spyod do/ /de ci'i phyir zhe na/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i byang chub ni bsags pa'i phyir ram/ 'grib par bya ba'i phyir ram/ nyams par bya ba'i phyir ram/ 'phel bar bya ba'i phyir ram/ bskyed par bya ba'i phyir ram/ dgag pa'i phyir ram/ kun nas nyon mongs par bya ba'i phyir ram/ rnam par byang bar bya ba'i phyir dmigs pa'i tshul gyis nye bar gnas pa ma yin pa'i phyir ro/ /gsol pa/ bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa'i byang chub ni chos gang la yang dmigs pa'i tshul gyis nye bar gnas pa ma lags na/ byang chub sems dpa' sems dpa' chen po shes rab kyi pha rol tu phyin pa la spyod pa de/ ji ltar sbyin pa'i pha rol tu phyin pa yongs su 'dzin pa dang / de bzhin du ji ltar shes rab kyi pha rol tu phyin pa'i bar du yongs su 'dzin pa lags/ ji ltar na nang stong pa nyid la spyod pa dang / dngos po med pa stong pa nyid kyi bar la spyod pa lags/ bsam gtan rnams dang / tshad med pa rnams dang / gzugs med pa'i snyoms par 'jug pa rnams la spyod pa lags/ dran pa nye bar gzhag pa rnams la spyod pa nas/ 'phags pa'i lam yan lag brgyad pa'i bar la spyod pa lags/ rnam par thar pa'i sgo stong pa nyid dang / mtshan ma med pa dang / smon pa med pa la spyod pa dang / de bzhin gshegs pa'i stobs bcu'i bar la spyod pa dang / snying rje chen po'i bar la spyod pa lags/ ji ltar na byang chub sems dpa'i sa bcu po dag la spyod pa dang / nyan thos dang / rang sangs rgyas kyi sa las shin tu 'da' ba dang / byang chub sems dpa'i skyon ma mchis pa la 'jug pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po byang chub sems dpa'i spyad pa spyod pa na/ gnyis kyi tshul gyis sbyin pa'i pha rol tu phyin pa la mi spyod do/ /de bzhin du sbyar te/ gnyis kyi tshul gyis shes rab kyi pha rol tu phyin pa'i bar la mi spyod do/ /gnyis kyi tshul gyis rnam pa thams cad mkhyen pa nyid kyi bar la mi spyod do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa na/ sbyin pa'i pha rol tu phyin pa yongs su 'dzin pa dang / shes rab kyi pha rol tu phyin pa'i bar du yongs su 'dzin pa yin no/ /rnam pa thams cad mkhyen pa nyid kyi bar du yang thob par 'gyur ro/ /gsol pa/ bcom ldan 'das gal te gnyis kyi tshul gyis sbyin pa'i pha rol tu phyin pa la mi spyod la/ de bzhin du gnyis kyi tshul gyis rnam pa thams cad mkhyen pa nyid kyi bar la mi spyod lags na/ ji ltar byang chub sems dpa' sems dpa' chen po sems dang po bskyed pa nas bzung ste/ dge ba'i rtsa ba rnams kyis rnam par 'phel bar 'gyur zhing / sems bskyed pa tha ma'i bar du ji ltar dge ba'i rtsa ba rnams kyis rnam par 'phel bar 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang dag gnyis la spyod pa de dag ni dge ba'i rtsa ba rnams kyis rnam par 'phel bar mi 'gyur ro/ /de ci'i phyir zhe na/ rab 'byor gnyis rten pa ni byis pa so so'i skye bo thams cad de/ de dag ni dge ba'i rtsa ba rnams kyis rnam par 'phel bar mi 'gyur ro/ /byang chub sems dpa' ni gnyis la mi spyod pas sems dang po bskyed pa nas bzung ste/ dge ba'i chos rnams kyis rnam par 'phel bar 'gyur zhing / sems bskyed pa tha ma'i bar du dge ba'i chos rnams kyis rnam par 'phel bar 'gyur te/ de'i dge ba'i rtsa ba de dag ni lha dang mi dang lha ma yin du bcas pa'i 'jig rten gyi zil gyis gnon par mi nus so/ / mi dge ba gang dag gis zil gyis non par gyur pa ni/ nyan thos kyi sa 'am/ rang sangs rgyas kyi sar ltung bar 'gyur zhing / mi dge ba'i rtsa ba gzhan dag gis kyang 'phrogs par 'gyur ro/ /de dag gis 'phrogs pas sbyin pa'i pha rol tu phyin pa la spyod pa na/ dge ba'i rtsa ba rnams kyis rnam par 'phel bar mi 'gyur ba nas/ rnam pa thams cad mkhyen pa nyid kyi bar la spyod pa na dge ba'i rtsa ba rnams kyis rnam par 'phel bar mi 'gyur te/ rab 'byor byang chub sems dpa' sems dpa' chen pos de ltar shes rab kyi pha rol tu phyin pa la spyad par bya'o/ /gsol pa/ bcom ldan 'das ci byang chub sems dpa' sems dpa' chen po dge ba'i rtsa ba rnams kyi slad du/ shes rab kyi pha rol tu phyin pa la spyod lags sam/ bka' stsal pa/ rab 'byor de ni ma yin te/ rab 'byor byang chub sems dpa' sems dpa' chen po ni dge ba'i rtsa ba rnams kyi phyir shes rab kyi pha rol tu phyin pa la spyod pa ma yin la/ mi dge ba'i rtsa ba rnams kyi phyir yang shes rab kyi pha rol tu phyin pa la spyod pa ma yin mod kyi/ 'on kyang sangs rgyas bcom ldan 'das rnams la bsnyen bkur ma byas sam/ dge ba'i rtsa ba rnams yongs su rdzogs par ma byas sam/ dge ba'i bshes gnyen dag gis yongs su ma zin par yang byang chub sems dpa' sems dpa' chen pos rnam pa thams cad mkhyen pa nyid thob par mi nus so/ /gsol pa/ bcom ldan 'das byang chub sems dpa' sems dpa' chen po sangs rgyas bcom ldan 'das rnams la bsnyen bkur bgyis pa dang / dge ba'i rtsa ba yongs su rdzogs par bgyis pa dang / dge ba'i bshes gnyen gyis yongs su zin pas ji ltar rnam pa thams cad mkhyen pa nyid thob par 'gyur lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas bzung ste/ de bzhin gshegs pa dgra bcom pa yang dag par rdzogs pa'i sangs rgyas rnams la bsnyen bkur byed cing sangs rgyas bcom ldan 'das de dag gis mdo'i sde dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa'i rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la dbab par bstan pa'i sde bstan pa gang yin pa de dag thams cad yongs su 'dzin te/ bzung nas kyang tshig gis yongs su 'dris par byas nas/ yid kyi rjes su rtog par byed la lta bas shin tu rtogs par byed cing gzungs thob par 'gyur ro/ /gzungs thob nas kyang so so yang dag par rig pa bskyed do/ /so so yang dag par rig pa bskyed nas de tshe rjes nas kyang rnam pa thams cad mkhyen pa nyid thob kyi bar du nams kyang chos de dag chud za bar mi 'gyur ro/ /der de bzhin gshegs pa dgra bcom pa yang dag par rdzogs pa'i sangs rgyas de dag la dge ba'i rtsa ba dag bskyed par byed de/ dge ba'i rtsa ba de dag gis yongs su zin pas gzhar yang ngan song rnams dang / mi khom pa rnams su mi skye zhing dge ba'i rtsa ba de dag gis kyang bsam pa gang gis sangs rgyas kyi zhing yongs su dag par byed pa dang / sems can rnams yongs su smin par byed pa'i bsam pa rnam par dag pa yongs su 'dzin par 'gyur ro/ /dge ba'i rtsa ba de dag yongs su bzung bas kyang dge ba'i bshes gnyen rnams dang / sangs rgyas bcom ldan 'das rnams dang / byang chub sems dpa' sems dpa' chen po rnams dang / nyan thos gang dag sangs rgyas kyi theg pa pa'i bsngags pa brjod pa rnams dang nam du yang 'bral bar mi 'gyur ro/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ de ltar sangs rgyas bcom ldan 'das rnams la bsnyen bkur bya zhing dge ba'i rtsa ba yang yongs su gzung bar bya ste/ dge ba'i bshes gnyen rnams la yang bsten par bya'o/ /shes rab kyi pha rol tu phyin pa khri brgyad stong pa las/ dge ba'i bshes gnyen la bsnyen pa dang / bsten pa dang bsnyen bkur bya ba'i thabs kyi le'u zhes bya ste/ drug bcu rtsa lnga pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang sangs rgyas bcom ldan 'das rnams la bsnyen bkur mi bgyid cing dge ba'i rtsa ba dag kyang mi bskyed la/ dge ba'i bshes gnyen gyis kyang yongs su ma zin pa'i byang chub sems dpa' sems dpa' chen po de rnam pa thams cad mkhyen pa nyid thob par mi 'gyur lags sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen po sangs rgyas bcom ldan 'das rnams la bsnyen bkur ma byas la/ dge ba'i rtsa ba rnams ma bskyed cing / dge ba'i bshes gnyen dag gis yongs su ma zin pa ni rnam pa thams cad mkhyen pa nyid thob par mi 'gyur ro/ /de ci'i phyir zhe na/ sangs rgyas bcom ldan 'das rnams la yang bsnyen bkur byas shing / dge ba'i rtsa ba rnams kyang bskyed la/ dge ba'i bshes gnyen yang bsten du zin kyang / da dung rnam pa thams cad mkhyen pa nyid thob par mi nus na/ sangs rgyas bcom ldan 'das rnams la bsnyen bkur ma byas shing / dge ba'i rtsa ba rnams yongs su rdzogs par ma byas la dge ba'i bshes gnyen dag la ma bsten par rnam pa thams cad mkhyen pa nyid thob pa lta ci smos te/ de ni gnas med do/ /rab 'byor de bas na byang chub sems dpa' sems dpa' chen pos sangs rgyas bcom ldan 'das rnams la bsnyen bkur bya/ dge ba'i rtsa ba rnams bskyed par bya/ dge ba'i bshes gnyen rnams la bsten par bya'o/ /gsol pa/ bcom ldan 'das ci'i slad du byang chub sems dpa' sems dpa' chen pos sangs rgyas bcom ldan 'das rnams la bsnyen bkur bgyis shing / dge ba'i rtsa ba rnams kyang bskyed la/ dge ba'i bshes gnyen rnams la bsten kyang rnam pa thams cad mkhyen pa nyid thob par mi 'gyur lags/ bka' stsal pa/ thabs la mkhas pa dang bral ba'i phyir te/ des sangs rgyas bcom ldan 'das de dag las thabs de ma thos la/ dge ba'i rtsa ba de dag kyang ma bskyed de/ dge ba'i bshes gnyen gang dag de la thabs ston pa'i dge ba'i bshes gnyen de dag la yang ma bsten pa'i phyir ro/ /gsol pa/ bcom ldan 'das thabs la mkhas pa gang dag dang ldan na byang chub sems dpa' sems dpa' chen pos rnam pa thams cad mkhyen pa nyid thob par 'gyur ba'i thabs la mkhas pa gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po ni sems dang po bskyed pa nas bzung ste/ sbyin pa'i pha rol tu phyin pa la spyod pa na/ rnam pa thams cad mkhyen pa nyid dang ldan pa'i yid la byed pa dag gis sangs rgyas bcom ldan 'das rnams dang / rang sangs rgyas rnams dang / nyan thos rnams dang / mir gyur pa rnams dang / mi ma yin par gyur pa rnams la sbyin pa sbyin par byed de/ rnam pa thams cad mkhyen pa nyid dang ldan pa'i yid la byed pa dag dang ldan pas de sbyin pa la yang sbyin pa'i 'du shes su mi 'gyur/ len pa po la yang len pa po'i 'du shes su mi 'gyur/ sbyin pa po la yang sbyin pa po'i 'du shes su mi 'gyur ro/ /de ci'i phyir zhe na/ 'di ltar de ni chos thams cad rang gi mtshan nyid kyis stong pa dang / yongs su ma grub pa dang / mngon par ma grub par mthong la/ chos rnams kyi chos kyi mtshan nyid la yang 'jug ste/ chos thams cad byed pa'i mthu med cing / mngon par 'du byed pa med pa'i mtshan nyid la 'jug pa'i phyir te/ thabs la mkhas pa de dang ldan pas dge ba'i rtsa ba rnams kyis 'phel bar 'gyur ro/ /de dge ba'i rtsa ba rnams kyis rnam par 'phel na/ sbyin pa'i pha rol tu phyin pa la spyod do/ /sbyin pa'i pha rol tu phyin pa la spyod na/ sems can rnams yongs su smin par byed cing / sangs rgyas kyi zhing yang yongs su dag par byed la/ 'khor ba na sbyin pa'i 'bras bu yongs su longs spyad pa gang yin pa'i sbyin pa'i 'bras bu la yang mi re ste/ gzhan du na sems can yongs su bskyab pa dang / sems can yongs su dgrol ba'i phyir/ sbyin pa'i pha rol tu phyin pa la spyod do/ /shes rab kyi pha rol tu phyin pa khri brgyad stong pa las/ thabs la mkhas pa bstan pa'i le'u zhes bya ste/ drug bcu rtsa drug pa'o// // rab 'byor gzhan yang byang chub sems dpa' sems dpa' chen po ni tshul khrims kyi pha rol tu phyin pa la spyod pa na/ sems dang po bskyed pa nas bzung ste rnam pa thams cad mkhyen pa nyid dang ldan pa'i yid la byed pa dag gis tshul khrims de srung ste de 'dod chags kyi sems dang / zhe sdang dang / gti mug dang / bag la nyal dang / kun nas ldang ba dang / byang chub la bgegs byed pa'i mi dge ba'i rtsa ba'i chos gang yang rung ba 'di lta ste/ ser sna dang / 'chal ba'i tshul khrims dang / 'khrug pa'i sems dang / le lo'i sems dang / dman pa'i sems dang / 'khrul pa'i sems dang / 'chal ba'i shes rab kyi sems dang / nga rgyal dang / brnyas pa dang / lhag pa'i nga rgyal lam/ nga'o snyam pa'i nga rgyal lam/ nyan thos dang / rang sangs rgyas kyi sems kyis bsgrib par mi 'gyur ro/ /de ci'i phyir zhe na/ 'di ltar des chos thams cad rang gi mtshan nyid kyis stong par shes shing / chos thams cad ma byung ba dang / yongs su ma grub pa dang / mngon par ma grub par mthong la/ chos rnams kyi chos kyi mtshan nyid la 'jug ste/ chos thams cad byed pa'i mthu med cing mngon par 'du byed pa med pa'i mtshan nyid la 'jug pa'i phyir te/ thabs la mkhas pa de dang ldan pa'i byang chub sems dpa' sems dpa' chen po ni dge ba'i rtsa ba dag gis rnam par 'phel bar 'gyur ro/ /de dge ba'i rtsa ba rnams kyis rnam par 'phel na tshul khrims kyi pha rol tu phyin pa la spyod do/ /tshul khrims kyi pha rol tu phyin pa la spyod na/ sems can rnams yongs su smin par byed cing / sangs rgyas kyi zhing yang yongs su dag par byed la/ 'khor ba na tshul khrims kyi 'bras bu yongs su longs spyad pa gang yin pa'i tshul khrims kyi 'bras bu la yang mi re ste/ gzhan du na sems can rjes su gzung ba dang sems can la mi gnod pa dang / sems can la phan par 'dod pa'i phyir tshul khrims kyi pha rol tu phyin pa la spyod do/ /shes rab kyi pha rol tu phyin pa khri brgyad stong pa las tshul khrims kyi le'u zhes bya ste/ drug bcu rtsa bdun pa'o// // de bzhin du bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa la spyod pa la yang sbyar bar bya'o/ /rab 'byor gzhan yang byang chub sems dpa' sems dpa' chen po ni shes rab kyi pha rol tu phyin pa la spyod pa na/ sems dang po bskyed pa nas bzung ste/ rnam pa thams cad mkhyen pa nyid dang ldan pa'i yid la byed pa dag gis shes rab sgom par byed de/ de la 'dod chags kyi sems nas/ nyan thos dang / rang sangs rgyas kyi bar gyi sems kyis bsgrib par mi 'gyur ro/ /de ci'i phyir zhe na/ rab 'byor 'di ltar des chos thams cad rang gi mtshan nyid kyis stong par shes shing chos thams cad ma byung ba dang / yongs su ma grub pa dang / mngon par ma grub par mthong la/ chos thams cad kyi chos kyi mtshan nyid la 'jug ste/ chos thams cad byed pa'i mthu med cing / mngon par 'du byed pa med pa'i mtshan nyid la 'jug pa'i phyir te/ thabs la mkhas pa de dang ldan pa de ni dge ba'i rtsa ba dag gis rnam par 'phel bar 'gyur ro/ /de dge ba'i rtsa ba rnams kyis rnam par 'phel na/ shes rab kyi pha rol tu phyin pa la spyod do/ /de shes rab kyi pha rol tu phyin pa la spyod na/ sems can rnams kyang yongs su smin par byed cing / sangs rgyas kyi zhing yang yongs su dag par byed la 'khor ba na shes rab kyi 'bras bu yongs su longs spyad pa gang yin pa'i shes rab kyi 'bras bu la yang mi re ste/ gzhan du na sems can yongs su bskyab pa dang / sems can yongs su dgrol ba'i phyir shes rab kyi pha rol tu phyin pa la spyod do/ /shes rab kyi pha rol tu phyin pa khri brgyad stong pa las rnam par 'phel ba'i le'u zhes bya ste/ drug bcu rtsa brgyad pa'o// // rab 'byor gzhan yang byang chub sems dpa' sems dpa' chen po ni bsam gtan dang po la snyoms par 'jug pa nas/ bsam gtan bzhi pa'i bar du snyoms par 'jug tshad med pa rnams la snyoms par 'jug /gzugs med pa'i snyoms par 'jug pa rnams la snyoms par 'jug la/ rnam par smin pa yang yongs su mi 'dzin to/ /de ci'i phyir zhe na/ 'di ltar de ni thabs la mkhas pa gang dang ldan na/ bsam gtan rnams dang / tshad med pa rnams dang / gzugs med pa'i snyoms par 'jug pa rnams rang gi mtshan nyid kyis stong par shes pa nas/ mngon par ma grub pa'i bar du shes pa'i thabs la mkhas pa dang ldan pa'i phyir ro/ /rab 'byor gzhan yang byang chub sems dpa' sems dpa' chen po ni shes rab kyi pha rol tu phyin pa la spyod pa na/ sems dang po bskyed pa nas bzung ste/ thabs la mkhas pa dang ldan pas mthong ba dang bsgom pas spong ba'i lam la spyod kyang / rgyun tu zhugs pa'i 'bras bu yang thob par mi byed do/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyang thob par mi byed do/ /de ci'i phyir zhe na/ 'di ltar des chos thams cad rang gi mtshan nyid kyis stong par shes la/ byang chub kyi phyogs kyi chos de dag la yang spyod cing / nyan thos dang / rang sangs rgyas kyi sa las kyang 'da' ba'i phyir te/ rab 'byor 'di ni byang chub sems dpa' sems dpa' chen po'i mi skye ba'i chos rnams la bzod pa yin no/ /rab 'byor gzhan yang byang chub sems dpa' sems dpa' chen po ni shes rab kyi pha rol tu phyin pa la spyod pa na/ rnam par thar pa brgyad la snyoms par 'jug cing / mthar gyis gnas pa'i snyoms par 'jug pa dgu la yang snyoms par 'jug la/ rgyun tu zhugs pa'i 'bras bu yang thob par mi 'gyur zhing / dgra bcom pa nyid kyi bar du yang thob par mi 'gyur ro/ /de ci'i phyir zhe na/ 'di ltar des chos thams cad rang gi mtshan nyid kyis stong par shes pa nas chos thams cad mngon par ma grub pa'i bar du shes pa'i phyir ro/ /rab 'byor gzhan yang byang chub sems dpa' sems dpa' chen po ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / snying rje chen po la yang 'dris par byed la/ sangs rgyas kyi zhing yang yongs su dag par ma byas shing / sems can rnams yongs su smin par ma byas kyi bar du yang rnam pa thams cad mkhyen pa nyid thob par mi byed de/ rab 'byor de ltar byang chub sems dpa' sems dpa' chen pos shes rab kyi pha rol tu phyin pa la spyad par bya'o/ /'phags pa shes rab kyi pha rol tu phyin pa khri brgyad stong pa/ bam po bzhi bcu rtsa bdun pa/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po gang de ltar chos zab mo rnams la spyod cing rnam par smin pa yang len par mi bgyid par ni/ blo'i mchog dang ldan pa lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po gang de ltar chos zab mo rnams la spyod cing / rnam par smin pa yang len par mi byed pa de ni/ blo'i mchog dang ldan pa yin no/ /de ci'i phyir zhe na/ rab 'byor 'di ltar byang chub sems dpa' sems dpa' chen po ni ngo bo nyid las mi g.yo ba'i phyir ro/ /gsol pa/ bcom ldan 'das ngo bo nyid gang las mi g.yo ba lags/ bka' stsal pa/ dngos po med pa las mi g.yo ba'o/ /rab 'byor khyod 'di skad du/ ngo bo nyid gang las mi g.yo ba lags shes zer ba ni gzugs kyi ngo bo nyid las mi g.yo'o/ /tshor ba dang / 'du shes dang / 'du byed rnams dang / rnam par shes pa'i ngo bo nyid las mi g.yo'o/ /sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i ngo bo nyid las mi g.yo'o/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams kyi ngo bo nyid las mi g.yo'o/ /dran pa nye bar gzhag pa rnams dang / 'phags pa'i lam yan lag brgyad pa'i bar gyi ngo bo nyid las mi g.yo'o/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / snying rje chen po'i bar gyi ngo bo nyid las mi g.yo'o/ /de ci'i phyir zhe na/ rab 'byor 'di ltar chos 'di dag gi ngo bo nyid gang yin pa de ni dngos po med pa'i phyir ro/ /rab 'byor dngos po med pas ni dngos po med pa mngon par rdzogs par 'tshang rgya bar mi nus so/ /gsol pa/ bcom ldan 'das ci dngos po ma mchis pas dngos po mngon par rdzogs par 'tshang rgya bar bgyi bar rngo thog lags sam/ bka' stsal pa/ rab 'byor de ni ma yin no/ /gsol pa/ bcom ldan 'das ci dngos po ma mchis pas dngos po ma mchis pa mngon par rdzogs par 'tshang rgya bar bgyi bar rngo thog lags sam/ bka' stsal pa/ rab 'byor de ni ma yin no/ /gsol pa/ bcom ldan 'das ci dngos po ma mchis pas dngos po ma mchis pa mngon par rdzogs par 'tshang rgya bar bgyi bar rngo thog lags sam/ bka' stsal pa/ rab 'byor de ni ma yin no/ /gsol pa/ ci bcom ldan 'das dngos pos dngos po mngon par rdzogs par 'tshang rgya bar bgyi bar rngo thog lags sam/ bka' stsal pa/ rab 'byor de ni ma yin no/ /gsol pa/ bcom ldan 'das gal te dngos po ma mchis pas kyang dngos po mngon par mi rtogs shing / dngos pos kyang dngos po ma mchis pa mngon par mi rtogs la/ dngos po ma mchis pas kyang dngos po ma mchis pa mngon par mi rtogs shing dngos pos kyang dngos po mngon par rtogs pa ma lags na/ 'o na ni thob pa yang ma mchis/ mngon par rtogs pa yang ma mchis par mi 'gyur lags sam/ bka' stsal pa/ rab 'byor mngon par rtogs pa ni yod mod kyi/ mngon par bsgrub pa 'di bzhis ni ma yin no/ /gsol pa/ bcom ldan 'das 'o na da mngon par rtogs pa ji lta bu zhig lags/ bka' stsal pa/ ji ltar dngos po yang ma yin zhing dngos po med pa yang ma yin pa de ltar mnyam pa nyid du mthong ba ni mngon par rtogs pa ste/ spros pa med cing spros pa dang bral ba'i phyir/ gang la spros pa de dag med pa de lta bu ni mngon par rtogs pa yin no/ /de skad ces bka' stsal dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po'i spros pa gang lags/ bka' stsal pa/ rab 'byor gzugs rtag ces bya ba dang / mi rtag ces bya ba ni byang chub sems dpa'i spros pa'o/ /tshor ba dang / 'du shes dang / 'du byed rnams dang / rnam par shes pa rtag ces bya ba dang / mi rtag ces bya ba ni byang chub sems dpa'i spros pa'o/ /gzugs bde zhes bya ba dang / sdug bsngal zhes bya ba ni byang chub sems dpa'i spros pa'o/ /tshor ba dang / 'du shes dang / 'du byed rnams dang / rnam par shes pa bde zhes bya ba dang / sdug bsngal zhes bya ba ni byang chub sems dpa'i spros pa'o/ /gzugs bdag yod ces bya ba dang / bdag med ces bya ba ni byang chub sems dpa'i spros pa'o/ /tshor ba dang / 'du shes dang / 'du byed rnams dang / rnam par shes pa bdag yod ces bya ba dang / bdag med ces bya ba ni byang chub sems dpa'i spros pa'o/ /gzugs zhi zhes bya ba dang / ma zhi zhes bya ba ni byang chub sems dpa'i spros pa'o/ /tshor ba dang / 'du shes dang / 'du byed rnams dang / rnam par shes pa zhi zhes bya ba dang / ma zhi zhes bya ba ni byang chub sems dpa'i spros pa'o/ /gzugs yongs su shes par bya ba yin zhes bya ba dang / yongs su shes par bya ba ma yin zhes bya ba ni byang chub sems dpa'i spros pa'o/ /tshor ba dang / 'du shes dang / 'du byed rnams dang / rnam par shes pa yongs su shes par bya ba yin zhes bya ba dang / yongs su shes par bya ba ma yin zhes bya ba ni byang chub sems dpa'i spros pa'o/ /sdug bsngal 'phags pa'i bden pa yongs su shes par bya ba yin zhes bya ba ni spros pa'o/ /kun 'byung ba spang bar bya ba yin zhes bya ba ni spros pa'o/ /'gog pa mngon sum du bya ba yin zhes bya ba ni spros pa'o/ /lam bsgom par bya ba yin zhes bya ba ni spros pa'o/ /bsam gtan bzhi bsgom par bya ba yin zhes bya ba ni spros pa'o/ /tshad med pa bzhi bsgom par bya ba yin zhes bya ba ni spros pa'o/ /gzugs med pa'i snyoms par 'jug pa bzhi bsgom par bya ba yin zhes bya ba ni spros pa'o/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa bsgom par bya ba yin zhes bya ba ni spros pa'o/ /rnam par thar pa'i sgo stong pa nyid dang / mtshan ma med pa dang / smon pa med pa bsgom par bya ba yin zhes bya ba ni spros pa'o/ /rnam par thar pa brgyad dang / mthar gyis gnas pa'i snyoms par 'jug pa dgu bsgom par bya ba yin zhes bya ba ni spros pa'o/ /rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub las 'da' bar bya'o zhes bya ba ni spros pa'o/ /byang chub sems dpa'i sa bcu yongs su rdzogs par bya'o zhes bya ba ni spros pa'o/ /byang chub sems dpa'i skyon med pa la 'jug par bya'o/ /zhes bya ba ni spros pa'o/ /sangs rgyas kyi zhing yongs su dag par bya'o zhes bya ba ni spros pa'o/ /sems can rnams yongs su smin par bya'o zhes bya ba ni spros pa'o/ /de bzhin gshegs pa'i stobs bcu bskyed par bya'o zhes bya ba ni spros pa'o/ /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par bya'o zhes bya ba ni spros pa'o/ /rnam pa thams cad mkhyen pa nyid thob par bya'o zhes bya ba ni spros pa'o/ /bag chags kyi mtshams sbyor ba thams cad spang bar bya'o zhes bya ba'i bar ni spros pa'o/ /de lta bas na byang chub sems dpa' sems dpa' chen po shes rab kyi pha rol tu phyin pa la spyod pa ni spros par bya ba ma yin par spros par mi byed de/ gzugs rtag pa 'am/ mi rtag pa zhes spros par bya ba ma yin pa spros par mi byed do/ /tshor ba dang / 'du shes dang / 'du byed rnams dang / rnam par shes pa rnams rtag pa 'am mi rtag pa zhes spros par bya ba ma yin pa spros par mi byed do/ /rnam pa thams cad mkhyen pa nyid thob par bya'o snyam pa'i bar du spros par bya ba ma yin pa spros par mi byed do/ /de ci'i phyir zhe na/ ngo bo nyid kyis ni ngo bo nyid spros par mi byed cing / dngos po med pas kyang dngos po spros par mi byed la/ ngo bo nyid dang / dngos po med pa ma gtogs par yang gang gis spros par byed pa dang / gang spros par bya ba dang / cis spros par bya ba dang / gang la spros par bya ba gzhan ci yang mi dmigs te/ rab 'byor de bas na gzugs nas rnam par shes pa'i bar du spros pa med cing / byang chub kyi bar du spros pa med pa ste/ rab 'byor byang chub sems dpa' sems dpa' chen pos spros pa med pa'i shes rab kyi pha rol tu phyin pa la de ltar spyad par bya'o/ /gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pas chos thams cad spros pa ma mchis par ji ltar lta bar bgyid lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ / rab 'byor gzugs nas rnam par shes pa'i bar gyi ngo bo nyid med do/ /rnam pa thams cad mkhyen pa nyid kyi bar gyi ngo bo nyid med do/ /gang la ngo bo nyid med pa de la spros pa med do/ /rab 'byor de'i phyir na gzugs nas rnam par shes pa'i bar du spros pa med do/ /de bzhin du sbyar te/ rnam pa thams cad mkhyen pa nyid kyi bar du spros pa med do/ /rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod pa ni byang chub sems dpa'i skyon med pa la 'jug go/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos gang la yang ngo bo nyid dmigs su ma mchis na/ ci byang chub sems dpa' sems dpa' chen pos nyan thos kyi lam 'am/ rang sangs rgyas kyi lam 'am/ sangs rgyas kyi lam 'am/ lam gang gis byang chub sems dpa'i skyon ma mchis pa la 'jug par 'gyur ba lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po ni nyan thos kyi lam dang / rang sangs rgyas kyi lam dang / sangs rgyas kyi lam gyis byang chub sems dpa'i skyon med pa la mi 'jug mod kyi/ 'on kyang rab 'byor byang chub sems dpa' sems dpa' chen po ni lam thams cad la bslabs nas byang chub sems dpa'i skyon med pa la 'jug go/ /rab 'byor 'di lta ste dper na dgra bcom pas lam thams cad la bslabs nas yang dag pa nyid skyon med pa la 'jug mod kyi/ ji srid du lam gyi 'bras bu ma bskyed pa de srid du lam gyi skad cig la dgra bcom pa'i 'bras bu thob par mi 'gyur ro/ / rab 'byor de bzhin du byang chub sems dpa' sems dpa' chen po yang lam thams cad bskyed nas byang chub sems dpa'i skyon med pa la 'jug mod kyi/ rdo rje lta bu'i ting nge 'dzin ma thob kyi bar du/ rnam pa thams cad mkhyen pa nyid thob par mi 'gyur te/ de skad cig gcig dang ldan pa'i shes rab kyis rnam pa thams cad mkhyen pa nyid thob par 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub sems dpa' sems dpa' chen po lam thams cad yongs su rdzogs par bgyis nas byang chub sems dpa'i skyon ma mchis pa la 'jug na/ bcom ldan 'das de lta lags na ni brgyad pa'i lam yang gzhan kho nar 'gyur la/ rgyun tu zhugs pa'i lam yang gzhan/ lan cig phyir 'ong ba la zhugs pa'i lam yang gzhan/ lan cig phyir 'ong ba'i lam yang gzhan/ phyir mi 'ong ba la zhugs pa'i lam yang gzhan/ phyir mi 'ong ba'i lam yang gzhan/ dgra bcom pa la zhugs pa'i lam yang gzhan/ dgra bcom pa'i lam yang gzhan/ rang sangs rgyas kyi lam yang gzhan/ de bzhin gshegs pa dgra bcom pa yang dag par rdzogs pa'i sangs rgyas kyi lam yang gzhan du mi 'gyur lags sam/ bcom ldan 'das gal te lam de dag phan tshun tha dad par gyur na byang chub sems dpa' sems dpa' chen pos ji ltar lam thams cad yongs su rdzogs par bgyis nas byang chub sems dpa'i skyon ma mchis pa la 'jug par 'gyur ba lags/ bcom ldan 'das gal te byang chub sems dpa' sems dpa' chen pos lam thams cad yongs su rdzogs par bgyi 'tshal bar gyur na/ bcom ldan 'das byang chub sems dpa' sems dpa' chen pos lam thams cad bskyed pas brgyad par mi 'gyur lags grang / mthong ba'i lam bskyed pas rgyun tu zhugs par mi 'gyur lags grang / bsgom pa'i lam bskyed pas lan cig phyir 'ong ba la zhugs pa dang / lan cig phyir 'ong bar mi 'gyur lags grang / dgra bcom pa'i bar du yang mi 'gyur lags grang / rang sangs rgyas kyi lam bskyed pas rang sangs rgyas su mi 'gyur lags grang / bcom ldan 'das byang chub sems dpa' sems dpa' chen pos brgyad pa'i lam bskyed pas brgyad par 'gyur ba 'am/ brgyad par gyur nas byang chub sems dpa'i skyon ma mchis pa la 'jug pa de ni gnas ma mchis shing skabs ma lags te/ de ni gnas ma mchis lags so/ /byang chub sems dpa'i skyon ma mchis pa la zhugs nas rnam pa thams cad mkhyen pa nyid thob par 'gyur zhes bgyi ba de ni gnas ma mchis lags so/ /de bzhin du rgyun tu zhugs pa'i 'bras bu thob pa dang / dgra bcom pa nyid thob pa 'am/ rang byang chub kyi bar du thob nas byang chub sems dpa'i skyon ma mchis pa la 'jug ces bgyi ba de ni gnas ma mchis lags so/ /byang chub sems dpa'i skyon ma mchis pa la zhugs nas rnam pa thams cad mkhyen pa nyid thob par 'gyur zhes bgyi ba de ni gnas ma mchis lags na/ bcom ldan 'das ji ltar bdag gis byang chub sems dpa' sems dpa' chen pos lam thams cad bskyed nas byang chub sems dpa'i skyon ma mchis pa la 'jug pa dang / byang chub sems dpa'i skyon ma mchis pa la zhugs nas rnam pa thams cad mkhyen pa nyid 'thob cing / bag chags kyi mtshams sbyor ba thams cad spang bar 'tshal bar bgyi lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po brgyad par gyur la/ rgyun tu zhugs pa'i 'bras bu thob nas lam thams cad bskyed de/ byang chub sems dpa'i skyon med pa la 'jug ces bya ba ni gnas med do/ /skabs ma yin zhing de ni gnas med do/ / byang chub sems dpa'i skyon med pa la zhugs nas rnam pa thams cad mkhyen pa nyid thob par 'gyur zhes bya ba de ni gnas med do/ /rab 'byor yang byang chub sems dpa' sems dpa' chen po ni sems dang po bskyed pa nas bzung ste pha rol tu phyin pa drug la spyod pa na/ shes pa dang mthong bas sa brgyad po dag la rnam par bltas nas 'da' bar byed de/ brgyad gang zhe na/ 'di lta ste/ dkar po rnam par mthong ba'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa ste/ 'di ni sar bstan pa yin no/ /des shes pa dang mthong bas sa brgyad po de dag las 'das par byas nas byang chub sems dpa'i skyon med pa la 'jug go/ /byang chub sems dpa'i skyon med pa la zhugs nas rnam pa thams cad mkhyen pa nyid kyi ye shes kyis nyon mongs pa dang / bag chags dang / mtshams sbyor ba thams cad spong ngo / / rab 'byor de la brgyad pa'i shes pa gang yin pa de ni byang chub sems dpa'i bzod pa'o/ /rgyun tu zhugs pa'i shes pa dang / spong ba gang yin pa de ni byang chub sems dpa'i bzod pa'o/ /lan cig phyir 'ong ba'i shes pa dang / spong ba gang yin pa de ni byang chub sems dpa'i bzod pa'o/ /phyir mi 'ong ba'i shes pa dang / spong ba gang yin pa de ni byang chub sems dpa'i bzod pa'o/ /dgra bcom pa'i shes pa dang / spong ba gang yin pa de ni byang chub sems dpa'i bzod pa'o/ /rang sangs rgyas kyi shes pa dang / spong ba gang yin pa de ni byang chub sems dpa'i bzod pa'o/ /byang chub sems dpas ni nyan thos dang / rang sangs rgyas thams cad kyi lam de dag thams cad yongs su rdzogs par byas nas lam gyi rnam pa shes pa nyid kyi shes pas byang chub sems dpa'i skyon med pa la 'jug go/ /byang chub sems dpa'i skyon med pa la zhugs nas rnam pa thams cad mkhyen pa nyid kyi ye shes kyis/ bag chags dang / mtshams sbyor ba dang / nyon mongs pa thams cad spong ste/ rab 'byor byang chub sems dpa' sems dpa' chen pos lam thams cad yongs su rdzogs par byas nas bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ /bla na med pa yang dag par rdzogs pa'i byang chub mngon par rdzogs par sangs rgyas nas 'bras bu ltar sems can thams cad kyi 'tsho bar 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das nyan thos kyi lam dang / sangs rgyas kyi lam dang / sangs rgyas kyi lam bcom ldan 'das kyis gsungs pa'i lam gang lags pa 'di dag las bcom ldan 'das lam gyi rnam pa shes pa nyid kyi lam gang lags/ bka' stsal pa/ rab 'byor 'di la byang chub sems dpa' sems dpa' chen pos lam gyi rnam pa shes pa nyid rnam par dag pa bskyed par bya'o/ / rab 'byor de la lam gyi rnam pa shes pa nyid rnam par dag pa ni 'di yin te/ rnam pa gang dang gang dag dang / mtshan ma gang dang gang dag dang / rtags gang dang gang dag gis lam gyi rnam pa shes pa nyid dag par 'gyur ba'i rnam pa de dang de dag dang / mtshan ma de dang de dag dang / rtags de dang de dag byang chub sems dpa' sems dpa' chen pos mngon par rdzogs par rtogs par bya'o/ /mngon par rdzogs par rtogs nas kyang gzhan gdul ba'i phyir ci nas pha rol gyis khong du chud par gzhan dag la brjod par bya/ bstan par bya/ bshad par bya/ gdags par bya/ dgod par bya'o/ /de la skad dang / brda dang / sgra gang gis stong gsum gyi stong chen po'i 'jig rten gyi khams dbyangs kyis go bar 'gyur ba'i skad dang / brda dang / sgra thams cad byang chub sems dpa' sems dpa' chen pos bsgrub par bya ste/ brag ca lta bur rtogs par bya ba'i phyir bsgrub par bya'o/ /rab 'byor de lta bas na rnam grangs des kyang byang chub sems dpa' sems dpa' chen pos lam gyi rnam pa shes pa nyid yongs su rdzogs par bya'o/ /lam gyi rnam pa shes pa nyid yongs su rdzogs par byas nas/ sems can rnams kyi bsam pa shes par bya'o/ /sems can dmyal ba pa'i sems can rnams kyi lam yang shes par bya/ rgyu yang shes par bya/ 'bras bu yang shes par bya ste/ sems can dmyal ba'i lam de las bzlog par bya/ rgyu las kyang bzlog par bya/ 'bras bu las kyang bzlog par bya'o/ /de bzhin du dud 'gro'i skye gnas kyi lam las kyang bzlog par bya/ rgyu las kyang bzlog par bya/ 'bras bu las kyang bzlog par bya'o/ /mi 'am ci rnams dang / lto 'phye chen po rnams dang / klu rnams dang / gnod sbyin rnams dang / mi rnams kyi lam yang shes par bya/ rgyu yang shes par bya/ 'bras bu yang shes par bya'o/ /lha rnams kyi lam yang shes par bya/ rgyu yang shes par bya/ 'bras bu yang shes par bya'o/ /tshangs pa'i lam yang shes par bya/ rgyu yang shes par bya/ 'bras bu yang shes par bya'o/ /'od gsal ba rnams dang / dge rgyas pa rnams dang / 'bras bu che ba rnams dang / 'du shes med pa rnams dang / mi che ba rnams dang / mi gdung ba rnams dang / 'og min gyi lha rnams kyi lam yang shes par bya/ rgyu yang shes par bya/ 'bras bu yang shes par bya'o/ /nam mkha' mtha' yas skye mched du nye bar 'gro ba'i lha rnams kyi lam yang shes par bya/ rgyu yang shes par bya/ 'bras bu yang shes par bya'o/ /'du shes med 'du shes med min skye mched du nye bar 'gro ba'i bar gyi lha rnams kyi lam yang shes par bya/ rgyu yang shes par bya/ 'bras bu yang shes par bya'o/ /dran pa nye bar gzhag pa bzhi shes par bya/ yang dag par spong ba bzhi shes par bya/ rdzu 'phrul gyi rkang pa bzhi shes par bya/ dbang po lnga shes par bya/ stobs lnga shes par bya/ byang chub kyi yan lag bdun shes par bya/ 'phags pa'i lam yan lag brgyad pa shes par bya/ rnam par thar pa'i sgo stong pa nyid shes par bya/ rnam par thar pa'i sgo mtshan ma med pa shes par bya/ rnam par thar pa'i sgo smon pa med pa shes par bya/ de bzhin gshegs pa'i stobs bcu shes par bya/ mi 'jigs pa bzhi shes par bya/ so so yang dag par rig pa bzhi shes par bya/ sangs rgyas kyi chos ma 'dres pa bcwa brgyad shes par bya/ snying rje chen po shes par bya'o/ /lam de dag gis kyang sems can rgyun tu zhugs pa'i 'bras bu la dgod par bya ba gang yin pa de dag ni rgyun tu zhugs pa'i 'bras bu la 'god do/ /dgra bcom pa nyid kyi bar la dgod par bya ba gang yin pa de dag ni dgra bcom pa nyid la 'god do/ /rang byang chub la dgod par bya ba gang yin pa de dag ni rang byang chub la 'god do/ /byang chub la dgod par bya ba gang yin pa de dag ni byang chub la 'god de/ rab 'byor 'di ni byang chub sems dpa' sems dpa' chen po'i lam gyi rnam pa shes pa nyid yin te/ byang chub sems dpa' sems dpa' chen pos de la bslabs nas sems can gyi bsam pa la 'jug go/ /sems can gyi bsam pa la zhugs nas ci nas de'i chos bstan pa chud mi za zhing don yod par 'gyur ba de lta bur chos ston to/ /de ci'i phyir zhe na/ 'di ltar de ni pha rol gyi dbang po mchog dang mchog ma yin pa shes pa shin tu bye brag phyed cing / shin tu rtogs pa yin pa'i phyir te/ des ni sems can rnams kyi 'gro ba dang / 'ong ba dang / 'chi 'pho dang / skye ba yang dag pa ji lta ba bzhin du shes so/ /rab 'byor byang chub kyi phyogs kyi chos gang dag la byang chub sems dpa' sems dpa' chen po rnams kyis bslab par bya ba dang / nyan thos rnams dang / rang sangs rgyas rnams kyis bslab par bya ba'i lam thams cad ni shes rab kyi pha rol tu phyin pa 'di'i nang du 'dus pas na byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub kyi phyogs kyi chos rnams gang lags pa dang / byang chub gang lags pa'i chos de dag ldan pa yang ma lags/ mi ldan pa yang ma lags la/ gzugs can yang ma lags/ bstan du yang ma mchis/ thogs par yang ma mchis te/ 'di ltar mtshan nyid ma mchis par mtshan nyid gcig pa lags na/ bcom ldan 'das byang chub kyi phyogs kyi chos rnams ji ltar byang chub sgrub par 'gyur/ bcom ldan 'das ldan pa yang ma lags/ mi ldan pa yang ma lags/ gzugs can yang ma lags/ bstan du yang ma mchis/ thogs pa yang ma mchis te/ 'di ltar mtshan nyid ma mchis par mtshan nyid gcig pa'i chos ni gang la yang sgrub pa 'am/ 'jig par bgyid pa ma lags so/ /bcom ldan 'das dper bgyi na/ nam mkha' ni chos gang la yang sgrub pa ma lags shing 'jig par bgyid pa ma lags so/ /bcom ldan 'das de bzhin du chos thams cad rang gi mtshan nyid kyis stong pa ni chos gang yang sgrub pa ma lags shing 'jig par bgyid pa ma lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor rang gi mtshan nyid kyis stong pa'i chos rnams ni chos gang yang sgrub pa 'am/ 'jig par byed pa ma yin no/ /rab 'byor sems can gang dag rang gi mtshan nyid kyis stong pa'i chos mi shes pa de dag gi phyir/ byang chub kyi phyogs kyi chos 'di dag ni byang chub bsgrub pa yin no zhes bstan to/ /rab 'byor gzhan yang gzugs gang yin pa dang / tshor ba gang yin pa dang / 'du shes gang yin pa dang / 'du byed rnams gang yin pa dang / rnam par shes pa gang yin pa dang / sbyin pa'i pha rol tu phyin pa gang yin pa dang / shes rab kyi pha rol tu phyin pa'i bar gang yin pa dang / nang stong pa nyid gang yin pa dang / phyi stong pa nyid gang yin pa dang / rang gi mtshan nyid stong pa nyid kyi bar gang yin pa dang / bsam gtan dang po gang yin pa dang / 'du shes med 'du shes med min skye mched kyi snyoms par 'jug pa'i bar gang yin pa dang / dran pa nye bar gzhag pa gang dag yin pa dang / 'phags pa'i lam yan lag brgyad pa'i bar gang yin pa dang / rnam par thar pa'i sgo gsum gang yin pa dang / rnam par thar pa brgyad gang yin pa dang / mthar gyis gnas pa'i snyoms par 'jug pa dgu gang yin pa dang / de bzhin gshegs pa'i stobs bcu'i bar du gang yin pa dang / mi 'jigs pa bzhi gang yin pa dang / so so yang dag par rig pa bzhi gang yin pa dang / sangs rgyas kyi chos ma 'dres pa bcwa brgyad gang yin pa dang / snying rje chen po gang yin pa dang / rnam pa thams cad mkhyen pa nyid kyi bar gang yin pa'i chos de dag thams cad ni 'phags pa'i chos 'dul ba 'di la ldan pa yang ma yin/ mi ldan pa yang ma yin zhing / gzugs can ma yin pa/ bstan du med pa/ thogs pa med pa/ 'di ltar mtshan nyid med par mtshan nyid gcig pa yin te/ de dag ni de bzhin gshegs pas sems can thams cad gzung ba'i phyir 'jig rten gyi tha snyad kyis tha snyad du 'dogs par mdzad kyi/ don dam par ni ma yin no/ /rab 'byor de la byang chub sems dpa' sems dpa' chen pos ni thams cad la yang shes pa dang / mthong bas bslab par bya'o/ / de la shes pa dang mthong bas ji lta ba bzhin du bslabs nas/ chos kha gcig ni rtogs par bya/ chos kha cig ni rtogs par mi bya'o/ /gsol pa/ bcom ldan 'das byang chub sems dpa' sems dpa' chen pos shes pa dang mthong bas bslabs nas rtogs par bgyi ba'i chos rnams ni gang lags/ rtogs par mi bgyi ba'i chos rnams ni gang lags/ bka' stsal pa/ rab 'byor nyan thos dang / rang sangs rgyas kyis ni shes pa dang mthong bas rtogs par bya ba ma yin pa'o/ /rnam pa thams cad mkhyen pa nyid kyi ye shes kyis ni chos thams cad rnam pa thams cad du rtogs par bya ste/ rab 'byor byang chub sems dpa' sems dpa' chen pos de ltar 'phags pa'i chos 'dul ba shes rab kyi pha rol tu phyin pa 'di la bslab par bya'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das 'phags pa'i chos 'dul ba 'phags pa'i chos 'dul ba zhes bgyi na/ bcom ldan 'das 'phags pa'i chos 'dul ba ni gang lags/ bcom ldan 'das ji tsam gyis na 'phags pa'i chos 'dul ba zhes bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la nyan thos dang / rang sangs rgyas dang / byang chub sems dpa' sems dpa' chen po rnams dang / de bzhin gshegs pa dgra bcom pa yang dag par rdzogs pa'i sangs rgyas rnams ni 'dod chags dang ldan pa yang ma yin/ mi ldan pa yang ma yin no/ /zhe sdang dang ldan pa yang ma yin mi ldan pa yang ma yin no/ /gti mug dang ldan pa yang ma yin mi ldan pa yang ma yin no/ /'jig tshogs la lta ba dang ldan pa yang ma yin mi ldan pa yang ma yin no/ /the tsom dang ldan pa yang ma yin mi ldan pa yang ma yin no/ /tshul khrims dang brtul zhugs mchog tu 'dzin pa dang ldan pa yang ma yin mi ldan pa yang ma yin no/ /'dod pa'i 'dod chags dang / gnod sems dang ldan pa yang ma yin mi ldan pa yang ma yin no/ /gzugs kyi 'dod chags dang / gzugs med pa'i 'dod chags dang ldan pa yang ma yin mi ldan pa yang ma yin no/ /ma rig pa dang ldan pa yang ma yin mi ldan pa yang ma yin no/ /rgod pa dang ldan pa yang ma yin mi ldan pa yang ma yin no/ /bsam gtan dang po dang ldan pa yang ma yin/ mi ldan pa yang ma yin no/ /bsam gtan bzhi pa'i bar dang ldan pa yang ma yin mi ldan pa yang ma yin no/ /byams pa dang ldan pa yang ma yin mi ldan pa yang ma yin no/ /snying rje dang ldan pa yang ma yin mi ldan pa yang ma yin no/ /dga' ba dang ldan pa yang ma yin mi ldan pa yang ma yin no/ /btang snyoms dang ldan pa yang ma yin mi ldan pa yang ma yin no/ /'du shes med 'du shes med min skye mched kyi bar dang ldan pa yang ma yin mi ldan pa yang ma yin no/ /dran pa nye bar gzhag pa bzhi dang / snying rje chen po'i bar dang ldan pa yang ma yin mi ldan pa yang ma yin no/ /'dus byas kyi khams dang / 'dus ma byas kyi khams dang ldan pa yang ma yin mi ldan pa yang ma yin no/ /de ci'i phyir zhe na/ 'di ltar chos de dag thams cad ni gzugs can ma yin zhing / bstan du med la/ thogs pa med cing / 'di ltar mtshan nyid med par mtshan nyid gcig pa'i phyir ro/ / gzugs can ma yin pa de dag ni gzugs can ma yin pa dang lhan cig ldan pa yang ma yin/ mi ldan pa yang ma yin no/ /bstan du med pa rnams ni bstan du med pa dang lhan cig tu ldan pa yang ma yin mi ldan pa yang ma yin no/ /thogs pa med pa rnams ni thogs pa med pa dang lhan cig tu ldan pa yang ma yin mi ldan pa yang ma yin no/ /mtshan nyid gcig pa rnams ni mtshan nyid gcig pa dang lhan cig tu ldan pa yang ma yin mi ldan pa yang ma yin no/ /mtshan nyid med pa rnams ni mtshan nyid med pa dang lhan cig tu ldan pa yang ma yin/ mi ldan pa yang ma yin no/ /rab 'byor gang la byang chub sems dpa' sems dpa' chen po rnams kyis bslab par bya ba'i byang chub sems dpa' sems dpa' chen po rnams kyi 'di ltar mtshan nyid med par mtshan nyid gcig pa'i pha rol tu phyin pa 'di ni gzugs med cing bstan du med la thogs pa med pa ste/ de la des bslabs na chos gang gis mtshan nyid kyang mi dmigs so/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gzugs kyi mtshan nyid la bslab par mi bgyi zhing / tshor ba dang / 'du shes dang / 'du byed rnams dang / rnam par shes pa'i mtshan nyid la bslab par mi bgyi/ mig dang / rna ba dang / sna dang / lce dang / lus dang / yid kyi mtshan nyid la bslab par mi bgyi/ gzugs dang / sgra dang / dri dang / ro dang / reg bya dang / chos kyi mtshan nyid la bslab par mi bgyi/ sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi mtshan nyid la bslab par mi bgyi/ sbyin pa'i pha rol tu phyin pa'i mtshan nyid la bslab par mi bgyi/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa'i mtshan nyid la bslab par mi bgyi/ nang stong pa nyid kyi mtshan nyid la bslab par mi bgyi/ de bzhin du dngos po med pa'i ngo bo nyid stong pa nyid kyi bar gyi mtshan nyid la bslab par mi bgyi/ bsam gtan dang po'i mtshan nyid la bslab par mi bgyi/ bsam gtan bzhi pa'i bar gyi mtshan nyid la bslab par mi bgyi/ byams pa'i mtshan nyid la bslab par mi bgyi/ snying rje dang / dga' ba dang / btang snyoms kyi mtshan nyid la bslab par mi bgyi/ nam mkha' mtha' yas skye mched kyi mtshan nyid la bslab par mi bgyi/ 'du shes med 'du shes med min skye mched kyi bar gyi mtshan nyid la bslab par mi bgyi/ dran pa nye bar gzhag pa bzhi'i mtshan nyid la bslab par mi bgyi/ 'phags pa'i lam yan lag brgyad pa'i bar gyi mtshan nyid la bslab par mi bgyi/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin gyi mtshan nyid la bslab par mi bgyi/ rnam par thar pa'i sgo rnams kyi snyoms par 'jug pa'i mtshan nyid la bslab par mi bgyi/ de bzhin gshegs pa'i stobs bcu'i mtshan nyid la bslab par mi bgyi/ mi 'jigs pa bzhi'i mtshan nyid la bslab par mi bgyi/ so so yang dag par rig pa bzhi'i mtshan nyid la bslab par mi bgyi/ sangs rgyas kyi chos ma 'dres pa bcwa brgyad kyi mtshan nyid la bslab par mi bgyi/ snying rje chen po'i mtshan nyid la bslab par mi bgyi/ sdug bsngal 'phags pa'i bden pa'i mtshan nyid la bslab par mi bgyi/ kun 'byung ba dang / 'gog pa dang / lam 'phags pa'i bden pa'i mtshan nyid la bslab par mi bgyi/ rten cing 'brel bar 'byung ba'i lugs su 'byung ba dang / lugs su mi 'byung ba'i mtshan nyid la bslab par mi bgyi/ 'dus byas kyi khams kyi mtshan nyid la bslab par mi bgyi/ 'dus ma byas kyi khams kyi mtshan nyid la bslab par mi bgyi lags sam/ bcom ldan 'das gal te chos de dag gi mtshan nyid la bslab par mi bgyi zhing / 'du byed kyi mtshan nyid la bslab par mi bgyi na/ bcom ldan 'das byang chub sems dpa' sems dpa' chen pos chos rnams kyi mtshan nyid dang / 'du byed kyi mtshan nyid la ma bslab par nyan thos dang / rang sangs rgyas kyi sa las 'da' bar ji ltar 'gyur lags/ nyan thos dang / rang sangs rgyas kyi sa las ma 'das par yang byang chub sems dpa'i skyon ma mchis pa la 'jug par ji ltar 'gyur lags/ byang chub sems dpa'i skyon ma mchis pa la ma zhugs par yang / rnam pa thams cad mkhyen pa nyid thob par yang ji ltar 'gyur lags/ rnam pa thams cad mkhyen pa nyid ma thob par yang chos kyi 'khor lo bskor bar ji ltar 'gyur lags/ chos kyi 'khor lo ma bskor bar yang nyan thos kyi theg pa 'am/ rang sangs rgyas kyi theg pa 'am/ theg pa chen po'i sems can rnams 'khor ba las yongs su grol bar ji ltar 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gal te chos 'ga' zhig gi mtshan nyid yod par gyur na ni mtshan nyid de la byang chub sems dpas bslab par bya ba zhig na/ rab 'byor 'di ltar chos thams cad ni mtshan nyid med pa/ gzugs can ma yin pa bstan du med pa/ thogs pa med pa ste/ 'di ltar mtshan nyid med par mtshan nyid gcig pas de'i phyir byang chub sems dpa' sems dpa' chen pos mtshan nyid de dag la yang bslab par mi bya/ mtshan nyid med pa rnams la yang bslab par mi bya'o/ /de ci'i phyir zhe na/ rab 'byor snga na mtshan nyid yod la phyis mtshan nyid med par gyur pa ma yin pa'i phyir ro/ /rab 'byor 'di ltar de dag ni snga nas kyang mtshan nyid med la/ da ltar yang mtshan nyid med pa ste/ de'i phyir byang chub sems dpa' sems dpa' chen pos mtshan nyid rnams la yang bslab par mi bya/ mtshan nyid med pa rnams la yang bslab par mi bya'o/ / de ci'i phyir zhe na/ rab 'byor de bzhin gshegs pa rnams byung yang rung / de bzhin gshegs pa rnams ma byung yang rung ste/ mtshan nyid kyi khams de ni gnas pa nyid yin pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad mtshan nyid ma mchis shing mtshan nyid tha dad pa yang ma lags la/ mtshan nyid gcig pa yang ma lags na/ bcom ldan 'das byang chub sems dpa' sems dpa' chen po ji ltar shes rab kyi pha rol tu phyin pa la bsgom par 'gyur/ bcom ldan 'das shes rab kyi pha rol tu phyin pa ma bsgoms par ni byang chub sems dpa' sems dpa' chen pos nyan thos dang / rang sangs rgyas kyi sa las 'da' bar rngo mi thog lags so/ /nyan thos dang / rang sangs rgyas kyi sa las ma 'das par yang byang chub sems dpa' sems dpa' chen pos byang chub sems dpa'i skyon ma mchis pa la 'jug par rngo mi thog la/ byang chub sems dpa'i skyon ma mchis pa la ma zhugs par yang mi skye ba'i chos la bzod pa bskyed par rngo mi thog lags so/ /mi skye ba'i chos la bzod pa ma bskyed par yang mngon par shes pa bskyed par rngo mi thog la/ byang chub sems dpa' sems dpa' chen pos mngon par shes pa ma bskyed par yang sangs rgyas kyi zhing yongs su dag par bgyi ba dang / sems can rnams yongs su smin par bgyid par rngo mi thog lags so/ /sangs rgyas kyi zhing yongs su dag par ma bgyis la sems can rnams yongs su smin par ma bgyis par yang rnam pa thams cad mkhyen pa nyid thob par rngo mi thog la/ rnam pa thams cad mkhyen pa nyid ma thob par yang chos kyi 'khor lo bskor bar rngo mi thog lags so/ /chos kyi 'khor lo ma bskor bar yang sems can rnams rgyun tu zhugs pa'i 'bras bu la dgod par rngo mi thog la/ lan cig phyir 'ong ba'i 'bras bu la yang dgod par rngo mi thog /phyir mi 'ong ba'i 'bras bu la yang dgod par rngo mi thog /dgra bcom pa nyid la yang dgod par yang rngo mi thog /rang byang chub la yang dgod par rngo mi thog / bla na med pa yang dag par rdzogs pa'i byang chub la yang dgod par rngo mi thog lags so/ /sbyin pa las byung ba'i bsod nams bgyi ba'i dngos po la yang sems can rnams dgod par rngo mi thog /tshul khrims las byung ba'i bsod nams bgyi ba'i dngos po la yang dgod par rngo mi thog / bsgom pa las byung ba'i bsod nams bgyi ba'i dngos po la yang dgod par rngo mi thog lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor chos thams cad ni mtshan nyid med de/ mtshan nyid tha dad pa ma yin la/ mtshan nyid gcig pa yang ma yin te/ rab 'byor mtshan nyid med pa la bsgom pa ni byang chub sems dpa' sems dpa' chen po'i shes rab kyi pha rol tu phyin pa la bsgom pa yin no/ /gsol pa/ bcom ldan 'das ji ltar na mtshan nyid ma mchis pa la bsgom pa/ shes rab kyi pha rol tu phyin pa la bsgom pa lags/ bka' stsal pa/ rab 'byor chos thams cad la bsgom pa rnam par 'jig pa de ni shes rab kyi pha rol tu phyin pa la bsgom pa'o/ /gsol pa/ bcom ldan 'das chos thams cad la bsgom pa rnam par 'jig pa ji ltar shes rab kyi pha rol tu phyin pa la bsgom pa lags/ bka' stsal pa/ gzugs la bsgom pa rnam par 'jig pa ni shes rab kyi pha rol tu phyin pa la bsgom pa'o/ /tshor ba dang / 'du shes dang / 'du byed rnams dang / rnam par shes pa la bsgom pa rnam par 'jig pa ni shes rab kyi pha rol tu phyin pa la bsgom pa'o/ /mig la bsgom pa rnam par 'jig pa ni shes rab kyi pha rol tu phyin pa la bsgom pa'o/ /rna ba dang / sna dang / lce dang / lus dang / yid la bsgom pa rnam par 'jig pa ni shes rab kyi pha rol tu phyin pa la bsgom pa'o/ /gzugs la bsgom pa rnam par 'jig pa ni shes rab kyi pha rol tu phyin pa la bsgom pa'o/ /sgra dang dri dang ro dang / reg bya dang / chos la bsgom pa rnam par 'jig pa ni shes rab kyi pha rol tu phyin pa la bsgom pa'o/ /blang ba la bsgom pa rnam par 'jig pa ni shes rab kyi pha rol tu phyin pa la bsgom pa'o/ /dor ba la bsgom pa rnam par 'jig pa ni shes rab kyi pha rol tu phyin pa la bsgom pa'o/ /bsam gtan dang po la bsgom pa rnam par 'jig pa ni shes rab kyi pha rol tu phyin pa la bsgom pa'o/ /bsam gtan gnyis pa dang gsum pa dang / bzhi pa la bsgom pa rnam par 'jig pa ni shes rab kyi pha rol tu phyin pa la bsgom pa'o/ /byams pa la bsgom pa rnam par 'jig pa ni shes rab kyi pha rol tu phyin pa la bsgom pa'o/ /snying rje dang dga' ba dang / btang snyoms la bsgom pa rnam par 'jig pa ni shes rab kyi pha rol tu phyin pa la bsgom pa'o/ /nam mkha' mtha' yas skye mched la bsgom pa rnam par 'jig pa ni shes rab kyi pha rol tu phyin pa la bsgom pa'o/ /rnam shes mtha' yas skye mched la bsgom pa rnam par 'jig pa ni shes rab kyi pha rol tu phyin pa la bsgom pa'o/ /ci yang med pa'i skye mched la bsgom pa rnam par 'jig pa ni shes rab kyi pha rol tu phyin pa la bsgom pa'o/ / 'du shes med 'du shes med min skye mched la bsgom pa rnam par 'jig pa ni shes rab kyi pha rol tu phyin pa la bsgom pa'o/ /sangs rgyas rjes su dran pa la bsgom pa rnam par 'jig pa ni shes rab kyi pha rol tu phyin pa la bsgom pa'o/ /chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skye ba rjes su dran pa dang / dbugs rngub pa dang / dbyung ba rjes su dran pa dang / 'chi ba rjes su dran pa dang / lus su gtogs pa rjes su dran pa la bsgom pa rnam par 'jig pa ni shes rab kyi pha rol tu phyin pa la bsgom pa'o/ /mi rtag pa'i 'du shes dang / sdug bsngal ba'i 'du shes dang / bdag med pa'i 'du shes la bsgom pa rnam par 'jig pa ni shes rab kyi pha rol tu phyin pa la sgom pa'o/ /rten cing 'brel par 'byung ba la sgom pa rnam par 'jig pa ni shes rab kyi pha rol tu phyin pa la sgom pa'o/ /bdag tu 'du shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /sems can du 'du shes pa dang / srog tu 'du shes pa dang / skye ba por 'du shes pa dang / shed las skyes par 'du shes pa dang / shed bur 'du shes pa dang / gso bar 'du shes pa dang / gang zag tu 'du shes pa dang / byed pa por 'du shes pa dang / byed du 'jug pa por 'du shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /rtag pa'i 'du shes dang / sdug pa'i 'du shes dang / bde ba'i 'du shes dang / bdag gi 'du shes la bsgom pa rnam par 'jig pa ni shes rab kyi pha rol tu phyin pa la sgom pa'o/ /dran pa nye bar gzhag pa la sgom pa rnam par 'jig pa ni shes rab kyi pha rol tu phyin pa la sgom pa'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la sgom pa rnam par 'jig pa ni shes rab kyi pha rol tu phyin pa la sgom pa'o/ /stong pa nyid kyi ting nge 'dzin la sgom pa rnam par 'jig pa ni shes rab kyi pha rol tu phyin pa la sgom pa'o/ /mtshan ma med pa'i ting nge 'dzin la sgom pa rnam par 'jig pa ni shes rab kyi pha rol tu phyin pa la sgom pa'o/ /smon pa med pa'i ting nge 'dzin la sgom pa rnam par 'jig pa ni shes rab kyi pha rol tu phyin pa la sgom pa'o/ /rnam par thar pa brgyad la sgom pa rnam par 'jig pa ni shes rab kyi pha rol tu phyin pa la sgom pa'o/ /mthar gyis gnas pa'i snyoms par 'jug pa dgu la sgom pa rnam par 'jig pa ni shes rab kyi pha rol tu phyin pa la sgom pa'o/ /rtog pa dang bcas pa dang / dpyod pa dang bcas pa'i ting nge 'dzin dang / rtog pa med pa dang / dpyod pa med pa'i ting nge 'dzin la sgom pa rnam par 'jig pa ni shes rab kyi pha rol tu phyin pa la sgom pa'o/ /sdug bsngal 'phags pa'i bden pa sgom pa rnam par 'jig pa ni shes rab kyi pha rol tu phyin pa la sgom pa'o/ /kun 'byung ba dang / 'gog pa dang / lam 'phags pa'i bden pa la sgom pa rnam par 'jig pa ni shes rab kyi pha rol tu phyin pa la sgom pa'o/ /sdug bsngal shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /kun 'byung ba shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ / 'gog pa shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /lam shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /zad pa shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /mi skye ba shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /chos shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /rjes su rtogs pa shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /kun rdzob shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /'dris pa shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /sgra ji bzhin shes pa la sgom pa rnam par 'jig pa ni shes rab kyi pha rol tu phyin pa la sgom pa'o/ /sbyin pa'i pha rol tu phyin pa la sgom pa rnam par 'jig pa ni shes rab kyi pha rol tu phyin pa la sgom pa'o/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la sgom pa rnam par 'jig pa ni shes rab kyi pha rol tu phyin pa la sgom pa'o/ /nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / de bzhin du sbyar te dngos po med pa'i ngo bo nyid stong pa nyid kyi bar la sgom pa rnam par 'jig pa ni shes rab kyi pha rol tu phyin pa la sgom pa'o/ /de bzhin gshegs pa'i stobs bcu la sgom pa rnam par 'jig pa ni shes rab kyi pha rol tu phyin pa la sgom pa'o/ /mi 'jigs pa bzhi la sgom pa rnam par 'jig pa ni shes rab kyi pha rol tu phyin pa la sgom pa'o/ /so so yang dag par rig pa bzhi la sgom pa rnam par 'jig pa ni shes rab kyi pha rol tu phyin pa la sgom pa'o/ /sangs rgyas kyi chos ma 'dres pa bcwa brgyad la sgom pa rnam par 'jig pa ni shes rab kyi pha rol tu phyin pa la sgom pa'o/ /snying rje chen po la sgom pa rnam par 'jig pa ni shes rab kyi pha rol tu phyin pa la sgom pa'o/ /rgyun tu zhugs pa'i 'bras bu la sgom pa rnam par 'jig pa ni shes rab kyi pha rol tu phyin pa la sgom pa'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la sgom pa rnam par 'jig pa ni shes rab kyi pha rol tu phyin pa la sgom pa'o/ / rang byang chub la sgom pa rnam par 'jig pa ni shes rab kyi pha rol tu phyin pa la sgom pa'o/ /rnam pa thams cad mkhyen pa nyid la sgom pa rnam par 'jig pa ni shes rab kyi pha rol tu phyin pa la sgom pa'o/ /bag chags kyi mtshams sbyor ba thams cad spong ba la sgom pa rnam par 'jig pa ni shes rab kyi pha rol tu phyin pa la sgom pa'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gzugs la rnam par 'jig pa ji ltar shes rab kyi pha rol tu phyin pa la sgom pa lags/ de bzhin du bag chags kyi mtshams sbyor ba thams cad spong ba'i bar la sgom pa rnam par 'jig pa ji ltar shes rab kyi pha rol tu phyin pa la sgom pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ gzugs dngos po yod ces bya bar mi sgom mo/ /tshor ba dang / 'du shes dang / 'du byed rnams dang / rnam par shes pa dngos po yod ces bya bar mi sgom mo/ /de ci'i phyir zhe na/ rab 'byor dngos por 'du shes pa la ni shes rab kyi pha rol tu phyin pa sgom pa med cing / de bzhin du sbyar te rnam pa thams cad mkhyen pa nyid kyi bar du dngos por 'du shes pa la ni shes rab kyi pha rol tu phyin pa sgom pa med pa'i phyir ro/ /'dod chags dang zhe sdang dang / gti mug dngos po yod ces bya bar mi sgom mo/ /bag la nyal dang / kun nas dkris pa dngos po yod ces bya bar mi sgom mo/ /de ci'i phyir zhe na/ rab 'byor dngos por 'du shes pa la ni/ sbyin pa'i pha rol tu phyin pa sgom pa med cing / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa sgom pa yang med pa'i phyir ro/ /de ci'i phyir zhe na/ rab 'byor 'di ltar de dngos po la chags kyi/ de sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la ni chags par mi byed pa'i phyir ro/ /gang dngos po la 'di ni nga'o zhes bya bar mtha' gnyis la chags pa de la ni thar pa med do/ /rab 'byor dngos por 'du shes pa la ni dran pa nye bar gzhag pa sgom pa dang / yang dag par spong ba sgom pa dang / rdzu 'phrul gyi rkang pa bsgom pa dang / dbang po sgom pa dang / stobs sgom pa dang / byang chub kyi yan lag sgom pa dang / lam sgom pa dang / stong pa nyid sgom pa dang / mtshan ma med pa dang / smon pa med pa sgom pa med do/ /de bzhin du sbyar te rnam pa thams cad mkhyen pa nyid kyi bar du sgom pa med do/ /de ci'i phyir zhe na/ rab 'byor 'di ltar de dngos po la chags pa'i phyir ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das dngos po ni gang lags/ dngos po ma mchis pa ni gang lags/ bcom ldan 'das kyis bka' stsal pa/ rab 'byor gnyis ni dngos po'o/ /gnyis med pa ni dngos po med pa'o/ /gsol pa/ bcom ldan 'das gnyis gang lags/ bka' stsal pa/ rab 'byor gzugs su 'du shes pa ni gnyis so/ /tshor bar 'du shes pa dang / 'du shes su 'du shes pa dang / 'du byed rnams su 'du shes pa dang / rnam par shes par 'du shes pa dang / mig tu 'du shes pa nas yid du 'du shes pa'i bar dang / gzugs su 'du shes pa nas chos su 'du shes pa'i bar dang / de bzhin du sbyar te/ sangs rgyas su 'du shes pa dang / byang chub tu 'du shes pa dang / 'dus byas kyi khams su 'du shes pa dang / 'dus ma byas kyi khams su 'du shes pa dang / rab 'byor 'du shes ji snyed pa thams cad dang / 'du shes med pa ji snyed pa de dag thams cad ni gnyis so/ /ji tsam du gnyis yod pa de tsam du dngos po yin no/ /ji tsam du dngos po yod pa de tsam du 'du byed do/ /ji tsam du 'du byed yod pa de tsam du sems can rnams skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su mi 'grol lo/ /rab 'byor rnam grangs des na/ khyod kyis gnyis kyi 'du shes can la ni sbyin pa med do/ /tshul khrims med do/ /bzod pa med do/ /brtson 'grus med do/ /bsam gtan med do/ /shes rab med do/ /lam med do/ /mngon par rtogs pa med do/ /tha na 'thun pa'i bzod pa yang med na/ gzugs yongs su shes pa nas rnam par shes pa'i bar du yongs su shes pa lta ga la yod ces de ltar rig par bya ste/ rnam pa thams cad mkhyen pa nyid shes pa'i bar du yang de bzhin du sbyar ro/ /gang la lam bsgom pa med pa de la ni rgyun tu zhugs pa'i 'bras bu nas/ dgra bcom pa nyid kyi bar dang / rang byang chub dang / bag chags kyi mtshams sbyor ba thams cad spong ba'i bar du yang ga la yod/ shes rab kyi pha rol tu phyin pa khri brgyad stong pa las/ lam bsgom pa bstan pa'i le'u zhes bya ste drug bcu rtsa dgu pa'o// // de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te dngos po'i 'du shes can la 'thun pa'i bzod pa yang ma mchis na/ thob pa lta ga la mchis/ mngon par rtogs pa lta ga la mchis te/ ma mchis na ci dngos po ma mchis pa'i 'du shes can la 'thun pa'i bzod pa mchis lags sam/ dkar po rnam par mthong ba'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa dang / byang chub sems dpa'i sa dang / lam bsgom pa mchis lags sam/ lam bsgom pa la brten nas nyan thos dang ldan pa 'am/ rang sangs rgyas dang ldan pa'i nyon mongs pa rnams kyang spong bar 'gyur lags sam/ nyon mongs pa de dag gis bsgribs na ni byang chub sems dpa'i skyon ma mchis pa la 'jug par yang mi 'gyur la/ byang chub sems dpa'i skyon ma mchis pa la ma zhugs par yang rnam pa thams cad mkhyen pa nyid thob par mi 'gyur/ rnam pa thams cad mkhyen pa nyid ma thob par yang bag chags kyi mtshams sbyor ba dang / nyon mongs pa thams cad spong bar mi 'gyur lags so/ /bcom ldan 'das gal te chos 'ga' tsam gyis gnas pa dang skye ba yang ma mchis na ni/ chos ma bskyed pa de dag gis rnam pa thams cad mkhyen pa nyid thob par yang rngo mi thog lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /rab 'byor de de bzhin te/ dngos po med pa'i 'du shes can la ni 'thun pa'i bzod pa yang med do/ /de bzhin du sbyar te/ bag chags kyi mtshams sbyor ba thams cad spong ba'i bar du med do/ / gsol pa/ bcom ldan 'das ci byang chub sems dpa' sems dpa' chen po shes rab kyi pha rol tu phyin pa la spyod pa la/ dngos po'i 'du shes sam/ dngos po ma mchis pa'i 'du shes sam/ gzugs kyi 'du shes nas rnam par shes pa'i 'du shes kyi bar 'am/ rnam pa thams cad mkhyen pa nyid kyi bar gyi 'du shes sam/ 'dod chags kyi 'du shes sam/ 'dod chags spong ba'i 'du shes sam/ zhe sdang gi 'du shes sam/ zhe sdang spong ba'i 'du shes sam/ gti mug gi 'du shes sam/ gti mug spong ba'i 'du shes sam/ ma rig pa'i 'du shes sam/ ma rig pa spong ba'i 'du shes sam/ 'du byed kyi 'du shes sam/ 'du byed spong ba'i 'du shes sam/ rnam par shes pa'i 'du shes sam/ rnam par shes pa spong ba'i 'du shes sam/ ming dang gzugs kyi 'du shes sam/ ming dang gzugs spong ba'i 'du shes sam/ skye mched drug gi 'du shes sam/ skye mched drug spong ba'i 'du shes sam/ reg pa'i 'du shes sam/ reg pa spong ba'i 'du shes sam/ tshor ba'i 'du shes sam/ tshor ba spong ba'i 'du shes sam/ sred pa'i 'du shes sam/ sred pa spong ba'i 'du shes sam/ len pa'i 'du shes sam/ len pa spong ba'i 'du shes sam/ srid pa'i 'du shes sam/ srid pa spong ba'i 'du shes sam/ skye ba'i 'du shes sam/ skye ba spong ba'i 'du shes sam/ rga shi'i 'du shes sam/ rga shi spong ba'i 'du shes sam/ mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa'i 'du shes sam/ mya ngan dang smre sngags 'don pa dang / sdug bsngal ba dang / yid mi bde ba dang 'khrug pa spong ba'i 'du shes sam/ sdug bsngal gyi 'du shes sam/ sdug bsngal spong ba'i 'du shes sam/ kun 'byung ba'i 'du shes sam/ kun 'byung ba spong ba'i 'du shes sam/ 'gog pa'i 'du shes sam/ 'gog pa mngon sum du bgyid pa'i 'du shes sam/ lam gyi 'du shes sam/ lam bsgom pa'i 'du shes sam/ de bzhin du rnam pa thams cad mkhyen pa nyid kyi bar gyi 'du shes sam/ bag chags kyi mtshams sbyor ba thams cad spong ba'i 'du shes mchis lags sam/ bcom ldan 'das kyis bka' stsal pa/ rab 'byor de ni ma yin te/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa la ni chos gang la yang dngos po'i 'du shes sam/ dngos po med pa'i 'du shes med do/ /rab 'byor gang la dngos po'i 'du shes med pa dang / dngos po med pa'i 'du shes kyang med pa de ni byang chub sems dpa' sems dpa' chen po'i 'thun pa'i bzod pa yin no/ /gang la dngos po'i 'du shes med pa dang / dngos po med pa'i 'du shes kyang med pa de ni de'i lam bsgom pa yin no/ /gang la dngos po'i 'du shes med pa dang / dngos po med pa'i 'du shes kyang med pa de ni de'i 'bras bu yin no/ /rab 'byor byang chub sems dpa' sems dpa' chen po'i lam ni dngos po med pa'o/ /mngon par rtogs pa ni dngos po med pa ste/ rab 'byor rnam grangs des kyang chos thams cad ni dngos po med pa'i ngo bo nyid du de ltar rig par bya'o/ / //shes rab kyi pha rol tu phyin pa khri brgyad stong pa/ bam po bzhi bcu rtsa brgyad pa/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags na/ bcom ldan 'das chos thams cad dngos po ma mchis pa'i ngo bo nyid du de bzhin gshegs pas ji ltar mngon par rdzogs par sangs rgyas la/ gang dag mngon par rdzogs par sangs rgyas pas chos thams cad kyi yul la mnga' brnyes par gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la nga sngon pha rol tu phyin pa drug po dag la byang chub sems dpa'i spyad pa spyod pa'i tshe 'dod pa dag las dben pa/ sdig pa mi dge ba'i chos rnams las dben pa nas/ bsam gtan bzhi pa'i bar du bsgrubs te/ gnas la ngas bsam gtan dang / bsam gtan gyi yan lag de dag gi mtshan ma bzung yang / bsam gtan dang / bsam gtan gyi yan lag de dag gis rlom sems su ma byas/ bsam gtan rnams kyi ro myang ba ma byas/ bsam gtan rnams la dmigs pa ma byas shing / nga bsam gtan de dag gi rnam pa yongs su dag pa la snyoms par zhugs nas/ rdzu 'phrul bya ba mngon sum du bya ba'i phyir te sems mngon par gzhol bar byas so/ /lha'i rna ba'i shes pa mngon sum du bya ba dang / sems kyi rnam grangs shes pa mngon sum du bya ba dang / sngon gyi gnas rjes su dran pa'i shes pa mngon sum du bya ba dang / lha'i mig gi shes pa mngon sum du bya ba'i phyir sems mngon par gzhol bar bya ste/ ngas mngon sum du bya ba de dag gi mtshan ma bzung yang mngon par shes pa de dag gis rlom sems su ma byas/ ro myang ba ma byas/ dmigs pa ma byas te/ nga mngon par shes pa de dag la nam mkha' lta bur mthong bas snyoms par zhugs so/ /rab 'byor ngas skad cig gcig dang ldan pa'i shes rab kyis 'di ni sdug bsngal yin no/ /'di ni sdug bsngal kun 'byung ba yin no/ /'di ni sdug bsngal 'gog pa yin no/ / 'di ni sdug bsngal 'gog par 'gro ba'i lam yin no zhes bla na med pa yang dag par rdzogs pa'i byang chub mngon par rdzogs par sangs rgyas nas de bzhin gshegs pa'i stobs bcu dang ldan zhing mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang ldan pas sems can rnams phung po gsum du lung ston to/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis dngos po ma mchis pa'i ngo bo nyid kyi bsam gtan bzhi ji ltar bskyed lags/ dngos po ma mchis pa'i ngo bo nyid kyi mngon par shes pa drug ji ltar bskyed lags/ sems can ma mchis par yang sems can rnams phung po gsum du ji ltar lung bstan lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gal te 'dod pa rnams sam/ sdig pa mi dge ba'i chos rnams kyi ngo bo nyid cig yod par gyur tam/ rang gi dngos po 'am/ gzhan gyi dngos po zhig yod par gyur na ni/ rab 'byor nga sngon byang chub sems dpa'i spyad pa spyod pa'i tshe 'dod pa rnams dngos po med pa'i ngo bo nyid dang / sdig pa mi dge ba'i chos rnams dngos po med pa'i ngo bo nyid du rtogs nas bsam gtan dang po bsgrubs te gnas par mi 'gyur ba zhig na/ rab 'byor 'di ltar 'dod pa rnams dang / sdig pa mi dge ba'i chos rnams dngos po 'am/ dngos po med pa 'am/ rang gi dngos po 'am/ gzhan gyi dngos po med de/ gzhan du na dngos po med pa'i ngo bo nyid kho na yin pas/ de'i phyir nga sngon byang chub sems dpa'i spyad pa spyod pa'i tshe 'dod pa dag las dben pa/ sdig pa mi dge ba'i chos rnams las dben pa rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po bsgrubs te gnas par gyur to/ /bsam gtan bzhi pa'i bar du yang de bzhin du sbyar bar bya'o/ /rab 'byor gal te mngon par shes pa rnams dngos po 'am/ rang gi dngos po 'am/ gzhan gyi dngos po zhig yin par gyur na ni/ rab 'byor ngas mngon par shes pa thams cad dngos po med pa'i ngo bo nyid du rtogs nas bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ba zhig na/ rab 'byor 'di ltar mngon par shes pa thams cad la dngos po med de/ rang gi dngos po dang / gzhan gyi dngos po med la/ gzhan du na dngos po med pa'i ngo bo nyid kho na yin pas de'i phyir de bzhin gshegs pa dgra bcom pa yang dag par rdzogs pa'i sangs rgyas kyis mngon par shes pa thams cad dngos po med pa'i ngo bo nyid du thugs su chud nas bla na med pa yang dag par rdzogs pa'i byang chub mngon par rdzogs par sangs rgyas so/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te byang chub sems dpa' sems dpa' chen po chos thams cad dngos po ma mchis pa'i ngo bo nyid la/ bsam gtan bzhi dang / mngon par shes pa lngas bla na med pa yang dag par rdzogs pa'i byang chub mngon par rdzogs par 'tshang rgya bar gyur nas bcom ldan 'das chos thams cad dngos po ma mchis pa'i ngo bo nyid la/ byang chub sems dpa' sems dpa' chen po'i mthar gyis bgyi ba dang / mthar gyis bslab pa dang / mthar gyis bsgrub pa gang gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i mthar gyis bgyi ba dang / mthar gyis bslab pa dang / mthar gyis bsgrub pa ji ltar mchis par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen pos thog ma nyid du sangs rgyas bcom ldan 'das rnams dang / byang chub sems dpa' sangs rgyas mang po la bsnyen bkur byed byed pa rnams dang / dgra bcom pa rnams dang / phyir mi 'ong ba rnams dang / lan cig phyir 'ong ba rnams dang / rgyun tu zhugs pa rnams las/ sangs rgyas bcom ldan 'das rnams kyi dngos po med pa'i ngo bo nyid dang / rang sangs rgyas rnams kyi dngos po med pa'i ngo bo nyid dang / dgra bcom pa rnams kyi dngos po med pa'i ngo bo nyid dang / phyir mi 'ong ba rnams kyi dngos po med pa'i ngo bo nyid dang / lan cig phyir 'ong ba rnams kyi dngos po med pa'i ngo bo nyid dang / rgyun tu zhugs pa rnams kyi dngos po med pa'i ngo bo nyid dang / 'phags pa thams cad kyi dngos po med pa'i ngo bo nyid dang / tha na 'du byed thams cad kyi ngo bo nyid skra'i rtse mo'i cha'i gnas tsam yang med do zhes thos par gyur la/ thos nas kyang byang chub sems dpa' sems dpa' chen po de 'di snyam du gal te sangs rgyas bcom ldan 'das rnams dang / rgyun tu zhugs pa'i bar du dngos po med pa'i ngo bo nyid yin la/ gal te bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur yang rung / gal te mngon par rdzogs par 'tshang rgya bar mi 'gyur yang rung ste/ chos thams cad ni dngos po med pa'i ngo bo nyid kho na'o/ /bdag bla na med pa yang dag par rdzogs pa'i byang chub mngon par rdzogs par 'tshang rgya na ni/ bla na med pa yang dag par rdzogs pa'i byang chub mngon par rdzogs par sangs rgyas nas/ sems can dngos po'i 'du shes la gnas pa/ thams cad dngos po med pa'i ngo bo nyid la dgod par bya'o/ /snyam du sems te/ rab 'byor byang chub sems dpa' sems dpa' chen po de sems can thams cad yongs su mya ngan las bzla ba'i phyir bla na med pa yang dag par rdzogs pa'i byang chub la yang dag par 'jug go/ /de sngon gyi byang chub sems dpa' sems dpa' chen po rnams kyis gang la bslabs nas bla na med pa yang dag par rdzogs pa'i byang chub mngon par rdzogs par sangs rgyas pa'i mthar gyis bya ba dang / mthar gyis bslab pa dang / mthar gyis sgrub pa rtsom par byed do/ /de thog ma nyid du pha rol tu phyin pa drug la slob ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la slob po/ /de sbyin pa'i pha rol tu phyin pa la slob pa na/ bdag nyid kyang sbyin pa sbyin par byed la/ gzhan dag kyang sbyin pa la 'god cing sbyin pa'i bsngags pa yang brjod la/ gzhan gang dag sbyin pa sbyin par byed pa de dag gi bsngags pa yang brjod cing rjes su dga' bar byed de/ de sbyin pa la goms pa des longs spyod kyi phung po chen po thob par 'gyur ro/ /de ser sna dang bral ba'i sems kyis sbyin pa sbyin par byed de/ zas 'dod pa la ni zas/ skom 'dod pa la ni skom/ bzhon pa 'dod pa la ni bzhon pa/ gos 'dod pa la ni gos/ spos 'dod pa la ni spos/ me tog phreng 'dod pa la ni me tog phreng / byug pa 'dod pa la ni byug pa/ mal 'dod pa la ni mal/ rgyab rten 'dod pa la ni rgyab rten/ gnas 'dod pa la ni gnas/ mar me 'dod pa la ni mar me 'am/ mi'i yo byad ci yang rung ba dag sbyin par byed de/ de sbyin pa de nyid kyis tshul khrims kyi phung po srung bar byed cing / sbyin pa de nyid dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas nyan thos kyi sa dang / rang sangs rgyas kyi sa las 'da' bar 'gyur ro/ /nyan thos kyi sa dang / rang sangs rgyas kyi sa las 'das nas kyang / byang chub sems dpa'i skyon med pa la 'jug go/ /byang chub sems dpa'i skyon med pa la zhugs nas kyang / sangs rgyas kyi zhing yongs su dag par byed cing / sems can rnams kyang yongs su smin par byed do/ /de nas rnam pa thams cad mkhyen pa nyid thob par 'gyur te/ chos kyi 'khor lo bskor bar 'gyur ro/ /chos kyi 'khor lo bskor nas sems can rnams theg pa gsum la 'god cing 'khor ba las yongs su grol bar byed do/ /rab 'byor de ltar na byang chub sems dpa' sems dpa' chen po'i sbyin pas mthar gyis bya ba yod de/ bya ba de dag thams cad kyang mi dmigs so/ /de ci'i phyir zhe na/ 'di ltar de'i ngo bo nyid med pa'i phyir ro/ /rab 'byor gzhan yang byang chub sems dpa' sems dpa' chen po ni sems dang po bskyed pa nas bzung ste/ bdag nyid kyang tshul khrims kyi pha rol tu phyin pa la spyod la/ gzhan dag kyang tshul khrims kyi pha rol tu phyin pa yang dag par 'dzin du 'jug go/ /de bzhin du rjes su dga' bar byed ces bya ba'i bar du sbyar ro/ /de tshul khrims des lha'i che ba nyid dang mi'i che ba nyid kyang thob par 'gyur te/ de sems can dbul po rnams la nor sbyin par byed do/ /byin nas kyang tshul khrims la 'god par byed/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la 'god par byed do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des nyan thos dang rang sangs rgyas kyi sa las 'da' bar 'gyur ro/ /'das nas kyang tshul khrims kyi phung po nas rnam par grol ba'i ye shes mthong ba'i phung po'i bar de nyid kyis byang chub sems dpa'i skyon med pa la 'jug ste/ de bzhin du sems can rnams 'khor ba las yongs su grol bar byed pa'i bar du sbyar ro/ /rab 'byor de ltar na byang chub sems dpa' sems dpa' chen po'i tshul khrims kyis mthar gyis bya ba yod de/ bya ba de dag kyang thams cad kyang mi dmigs so/ /de ci'i phyir zhe na/ 'di ltar de'i ngo bo nyid med pa'i phyir ro/ /rab 'byor gzhan yang byang chub sems dpa' sems dpa' chen po ni sems dang po bskyed pa nas bzung ste/ bdag nyid kyang bzod pa'i pha rol tu phyin pa la spyod cing / gzhan dag kyang bzod pa'i pha rol tu phyin pa yang dag par 'dzin du 'jug go/ /de bzhin du rjes su dga' bar byed pa'i bar du sbyar ro/ /de bzod pa'i pha rol tu phyin pa la spyod pa na/ sems can rnams sbyin pas tshim par byed/ tshul khrims la 'god par byed/ ting nge 'dzin la 'god par byed pa nas rnam par grol ba'i ye shes mthong ba'i bar la 'god par byed do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des nyan thos kyi sa dang rang sangs rgyas kyi sa las 'da' bar 'gyur ro/ /nyan thos dang rang sangs rgyas kyi sa las 'das nas byang chub thob par 'gyur ba'i bar du de bzhin du sbyar ro/ /rab 'byor gzhan yang byang chub sems dpa' sems dpa' chen po ni bdag nyid kyang dge ba'i chos rnams la brtson par byed la gzhan dag kyang brtson 'grus yang dag par 'dzin du 'jug ste/ de bzhin du rjes su dga' bar byed pa'i bar du sbyar ro/ /de'i ngo bo nyid med pa'i bar du yang de bzhin du sbyar ro/ /rab 'byor gzhan yang byang chub sems dpa' sems dpa' chen po ni bdag nyid kyang bsam gtan la snyoms par 'jug cing tshad med pa rnams dang / gzugs med pa'i snyoms par 'jug pa rnams la snyoms par 'jug la/ gzhan dag kyang gzugs med pa'i snyoms par 'jug pa'i bar dag la 'god par byed cing / bsam gtan dang tshad med pa dang / gzugs med pa'i snyoms par 'jug pa rnams kyi bsngags pa yang brjod par byed do/ /gzhan gang dag bsam gtan dang tshad med pa dang / gzugs med pa'i snyoms par 'jug pa rnams la snyoms par 'jug pa gang yin pa de dag gi bsngags pa yang brjod par byed pa nas rjes su dga' bar byed pa'i bar du de bzhin du sbyar ro/ /de bsam gtan de dag dang tshad med pa dang / gzugs med pa'i snyoms par 'jug pa de dag la gnas nas/ sems can rnams sbyin pas tshim par byed/ tshul khrims la 'god par byed/ bzod pa la 'god par byed/ brtson 'grus la 'god par byed/ ting nge 'dzin la 'god par byed/ shes rab la 'god par byed/ rnam par grol ba la 'god par byed/ rnam par grol ba'i ye shes mthong ba la 'god par byed do/ /de rnam par grol ba'i ye shes mthong ba dang ldan pa des nyan thos dang / rang sangs rgyas kyi sa las 'da' bar 'gyur ro/ /'das nas kyang rnam par grol ba'i ye shes mthong ba des byang chub sems dpa'i skyon med pa la 'jug pa dang / rnam pa thams cad mkhyen pa nyid thob pa nas/ de'i ngo bo nyid med pa'i bar du de bzhin du sbyar ro/ /rab 'byor gzhan yang byang chub sems dpa' sems dpa' chen po ni sems dang po bskyed pa nas bzung ste/ shes rab kyi pha rol tu phyin pa la spyod cing / sems can rnams sbyin pas tshim par byed/ tshul khrims la 'god par byed/ bzod pa la 'god par byed/ brtson 'grus la 'god par byed/ ting nge 'dzin la 'god par byed/ shes rab la 'god par byed/ rnam par grol ba la 'god par byed/ rnam par grol ba'i ye shes mthong ba la 'god par byed do/ /de shes rab kyi pha rol tu phyin pa la spyod pa na bdag nyid kyang sbyin pa sbyin par byed/ tshul khrims srung bar byed/ bzod pa sgrub par byed/ brtson 'grus rtsom par byed/ bsam gtan la snyoms par 'jug par byed/ shes rab sgom par byed/ gzhan dag kyang sbyin pa la 'god par byed/ tshul khrims la 'god par byed/ bzod pa la 'god par byed/ brtson 'grus la 'god par byed/ ting nge 'dzin la 'god par byed/ shes rab la 'god par byed pa nas rjes su dga' bar byed pa'i bar du sbyar ro/ /de sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa de dang thabs la mkhas pa dang ldan pas nyan thos dang / rang sangs rgyas kyi sa las 'das te/ byang chub sems dpa'i skyon med pa la 'jug pa dang / bla na med pa yang dag par rdzogs pa'i byang chub mngon par rdzogs par 'tshang rgya ba nas/ de'i ngo bo nyid med pa'i bar du sbyar ro/ /rab 'byor de ltar na byang chub sems dpa' sems dpa' chen po'i mthar gyis bya ba dang / mthar gyis bslab pa dang / mthar gyis sgrub pa yang yod do/ / rab 'byor gzhan yang byang chub sems dpa' sems dpa' chen po ni mthar gyis bya ba dang / mthar gyis bslab pa dang / mthar gyis sgrub pa la slob ste/ sems dang po bskyed pa nyid nas bzung ste rnam pa thams cad mkhyen pa nyid dang ldan pa'i yid la byed pa dag gis chos thams cad dngos po med pa'i ngo bo nyid du mos te/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa sgom mo/ /rab 'byor byang chub sems dpa' sems dpa' chen po sangs rgyas rjes su dran pa ji ltar bsgom zhe na/ rab 'byor 'di la byang chub sems dpa' sems dpa' chen po ni de bzhin gshegs pa dgra bcom pa yang dag par rdzogs pa'i sangs rgyas la gzugs su yid la mi byed do/ /tshor ba dang / 'du shes dang / 'du byed rnams dang / rnam par shes par yid la mi byed do/ /de ci'i phyir zhe na/ 'di ltar gzugs la ngo bo nyid med de/ gang la ngo bo nyid med pa de ni dngos po med la/ tshor ba dang / 'du shes dang / 'du byed rnams dang / rnam par shes pa'i ngo bo nyid med de/ gang la ngo bo nyid med pa de la dngos po med pa'i phyir ro/ /de bas na sangs rgyas rjes su dran pa ni dran par bya ba ma yin zhing yid la bya ba ma yin no/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni skyes bu chen po'i mtshan sum bcu rtsa gnyis su yid la mi bya'o/ / sku gser gyi kha dog can du yid la mi bya'o/ /'od 'dom gang bar yid la mi bya'o/ /dpe byad bzang po brgyad bcu'i tshul gyis yid la mi bya'o/ /de ci'i phyir zhe na/ 'di ltar sku de la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na sangs rgyas rjes su dran pa ni dran par bya ba ma yin zhing yid la bya ba ma yin no/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni tshul khrims kyi phung por yid la mi bya'o/ /ting nge 'dzin gyi phung por yid la mi bya'o/ /shes rab kyi phung por yid la mi bya'o/ /rnam par grol ba'i phung por yid la mi bya'o/ /rnam par grol ba'i ye shes mthong ba'i phung por yid la mi bya'o/ /de ci'i phyir zhe na/ 'di ltar de la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na sangs rgyas rjes su dran pa ni dran par bya ba ma yin zhing yid la bya ba ma yin no/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni de bzhin gshegs pa'i stobs bcur yid la mi bya'o/ /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad du yid la mi bya'o/ /de ci'i phyir zhe na/ 'di ltar de la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na sangs rgyas rjes su dran pa ni dran par bya ba ma yin zhing yid la bya ba ma yin no/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas ni rten cing 'brel par 'byung bar yid la mi bya'o/ /de ci'i phyir zhe na/ 'di ltar de la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na sangs rgyas rjes su dran pa ni dran par bya ba ma yin zhing yid la bya ba ma yin no/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pas de ltar sangs rgyas yid la bya'o/ /de ltar na byang chub sems dpa' sems dpa' chen po'i mthar gyis bya ba dang / mthar gyis bslab pa dang / mthar gyis 'jug pa yang yod de/ mthar gyis bslab pa 'di la slob cing / mthar gyis bslab pa dang / mthar gyis 'jug pa la slob pa na/ dngos po med pa'i ngo bo nyid kyi tshul gyis dran pa nye bar gzhag pa bzhi yongs su rdzogs par byed/ yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin yongs su rdzogs par byed/ rnam pa thams cad mkhyen pa nyid kyi ye shes kyi bar du yongs su rdzogs par byed do/ /des chos thams cad dngos po med pa'i ngo bo nyid kho nar mngon par rdzogs par 'tshang rgya ste/ de la ngo bo nyid kyi 'du shes sam/ dngos po med pa'i 'du shes med do/ /rab 'byor byang chub sems dpa' sems dpa' chen pos chos rjes su dran pa ji ltar bsgom zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pas/ dge ba'i chos rnams yid la mi bya'o/ /mi dge ba'i chos rnams yid la mi bya'o/ /lung bstan du yod pa dang / lung du ma bstan pa dang / 'jig rten pa rnams dang / 'jig rten las 'das pa rnams dang / 'phags pa rnams dang / 'phags pa ma yin pa rnams dang / zag pa dang bcas pa rnams dang / zag pa med pa rnams dang / 'dod pa'i khams su gtogs pa rnams dang / gzugs kyi khams su gtogs pa rnams dang / gzugs med pa'i khams su gtogs pa rnams dang / ma gtogs pa rnams dang / 'dus byas kyi chos rnams dang / 'dus ma byas kyi chos rnams yid la mi bya'o/ /de ci'i phyir zhe na/ 'di ltar chos de dag la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na chos rjes su dran pa ni dran par bya ba ma yin zhing yid la bya ba ma yin no/ /dngos po med pa'i ngo bo nyid kyi tshul gyis chos kyi dbyings 'di la bslabs na rnam pa thams cad mkhyen pa nyid kyi bar du thob par 'gyur ro/ /des chos rnams dngos po med pa kho nar mngon par rdzogs par 'tshang rgya bar 'gyur te/ de la dngos po'i 'du shes sam/ dngos po med pa'i 'du shes med do/ /rab 'byor byang chub sems dpa' sems dpa' chen pos chos rjes su dran pa de ltar bsgom par bya ste/ de la ni dran pa'i chos phra rab tsam yang med na/ dran pa dang bral ba lta ci smos/ rab 'byor byang chub sems dpa' sems dpa' chen pos dge 'dun rjes su dran pa ji ltar bsgom zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pas dge 'dun rjes su dran par bya ste/ bcom ldan 'das nyan thos kyi dge 'dun skyes bu zung bzhi dang / skyes bu gang zag brgyad gang yin pa de dag gi ngo bo nyid med de/ skyes bu zung bzhi dang / skyes bu gang zag brgyad po de dag ni ngo bo nyid med cing dngos po med pa'i ngo bo nyid kyis phye ba yin te/ de ni dngos po med pa nyid du yid la byas te/ rnam pa thams cad mkhyen pa nyid thob pa nas dge 'dun rjes su dran pa ni dran par bya ba ma yin zhing / yid la bya ba ma yin pa'i bar du sbyar ro/ / rab 'byor byang chub sems dpa' sems dpa' chen pos dge 'dun rjes su dran pa de ltar bsgom par bya ste/ de la ni dran pa'i chos phra rab tsam yang med do/ /rab 'byor byang chub sems dpa' sems dpa' chen pos tshul khrims rjes su dran pa ji ltar bsgom zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni sems dang po bskyed pa nas bzung ste/ skyon med pa dang ma nyams pa dang / ma 'dres pa dang nag nog med pa dang / dbang 'byor ba dang / mkhas pas bsngags pa dang / shin tu rdzogs pa dang / ting nge 'dzin du 'gyur ba'i tshul khrims la zhugs nas tshul khrims de dngos po med pa'i ngo bo nyid du yid la byed de/ de la dran pa'i las phra rab tsam yang med pa de lta bur yid la byed do/ /rnam pa thams cad mkhyen pa nyid thob par 'gyur ba'i bar du sbyar te/ de la dngos po'i 'du shes sam/ dngos po med pa'i 'du shes med do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pas gtong ba rjes su dran pa ji ltar yid la bya zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pas dngos po med pa'i ngo bo nyid kyi tshul gyis zang zing gtong ba 'am/ chos gtong ba rjes su dran par bya ste/ gtong ba des sbyin no snyam pa 'am/ mi sbyin no snyam pa 'am/ yongs su gtong ngo snyam pa 'am/ yongs su mi gtang ngo snyam du sems bskyed par mi bya'o/ / yan lag dang nying lag rnams yongs su gtong bar yang sems bskyed par mi bya'o/ /de ci'i phyir zhe na/ 'di ltar de la ngo bo nyid med pa'i phyir te/ de ltar de gtong ba rjes su dran pa la spyod pa yin no/ /de ltar slob na rnam pa thams cad mkhyen pa nyid kyi bar du rim gyis thob par 'gyur te/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ gtong ba rjes su dran pa de lta de ltar yid la bya'o/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pas lha rjes su dran pa ji ltar yid la bya zhe na/ rab 'byor 'di la byang chub sems dpa' sems dpa' chen pos rgyun du zhugs pa rgyal chen bzhi'i ris kyi lha rnams kyi nang du skyes pa dag dang / gzhan 'phrul dbang byed kyi bar gyi lha rnams kyi nang du skyes pa'i lha de dag dngos po med pa'i ngo bo nyid kyi tshul gyis yid la bya'o/ /de ci'i phyir zhe na/ de dag la ngo bo nyid med de/ gang la ngo bo nyid med pa de ni dngos po med pa'i phyir ro/ /de bas na dngos po med pa'i ngo bo nyid kyi tshul gyis lha de dag de ltar yid la bya'o/ /de la dran pa'i las phra rab tsam yang med de/ de ltar yid la byed cing rim gyis rnam pa thams cad mkhyen pa nyid kyi bar du yid la byed par 'gyur ro/ /rnam pa thams cad mkhyen pa nyid kyi bar du thob par 'gyur ro/ /rab 'byor gzhan yang gzugs na spyod pa dang / gzugs med pa na spyod pa'i lha phyir mi 'ong ba gang yin pa de dag dngos po med pa'i ngo bo nyid du yid la byed do/ /de ci'i phyir zhe na/ de la ngo bo nyid med de/ gang la ngo bo nyid med pa de ni dngos po med pa'i phyir te/ de bas na dngos po med pa'i ngo bo nyid kyi tshul gyis lha de dag rjes su dran par bya ste/ rnam pa thams cad mkhyen pa nyid thob par 'gyur ba'i bar du de bzhin du sbyar ro/ /rab 'byor byang chub sems dpa' sems dpa' chen pos rjes su dran pa drug po dag de ltar yid la bya'o/ /rab 'byor de ltar na byang chub sems dpa' sems dpa' chen po rjes su dran pa drug yid la byed pa mthar gyis bya ba yang yod/ mthar gyis bslab pa dang / mthar gyis 'jug pa yang yod do/ /rab 'byor gzhan yang byang chub sems dpa' sems dpa' chen po mthar gyis bya ba dang / mthar gyis bslab pa dang / mthar gyis bsgrub pa yongs su rdzogs par 'dod pas dngos po med pa'i ngo bo nyid kyi tshul gyis nang stong pa nyid la bslabs par bya'o/ /rang gi mtshan nyid stong pa nyid kyi bar la bslab par bya'o/ /dran pa nye bar gzhag pa bzhi la bslab par bya'o/ /de bzhin du sbyar te/ snying rje chen po'i bar la bslab par bya'o/ /de de ltar byang chub kyi lam la slob na dngos po med pa'i ngo bo nyid kyi chos rnams mngon par rdzogs par 'tshang rgya bar 'gyur te/ de la ni dran pa'i las phra rab tsam yang med na gzugs lta ci smos/ rnam pa thams cad mkhyen pa nyid kyi ye shes kyi bar du lta ga la yod de/ de ni gnas med do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i mthar gyis bya ba yang yod/ mthar gyis bslab pa dang / mthar gyis bsgrub pa yang yod la/ de la ni sems kyi spyod pa'i bya ba dang / sems kyi spyod pa'i bslab pa dang / sems kyi spyod pa'i lam yang med do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags na/ 'o na ni gzugs kyang ma mchis/ rnam par shes pa'i bar du yang ma mchis/ phung po rnams kyang ma mchis/ khams rnams kyang ma mchis/ skye mched rnams kyang ma mchis/ dran pa nye bar gzhag pa rnams kyang ma mchis/ de bzhin du rnam pa thams cad mkhyen pa nyid kyi ye shes kyi bar du yang ma mchis/ sangs rgyas kyang ma mchis/ chos kyang ma mchis/ dge 'dun yang ma mchis/ lam yang ma mchis/ 'bras bu yang ma mchis/ kun nas nyon mongs pa yang ma mchis/ rnam par byang ba yang ma mchis/ thob pa yang ma mchis/ mngon par rtogs pa yang ma mchis par 'gyur lags so/ /de bzhin du chos thams cad kyi bar du yang ma mchis par 'gyur lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor dngos po med pa'i ngo bo nyid kyis chos thams cad la yod pa 'am/ med par dmigs su yod snyam 'am/ gsol pa/ bcom ldan 'das de ni ma lags te/ dngos po ma mchis pa'i ngo bo nyid kyi chos thams cad la ni mchis pa 'am/ ma mchis pa mi dmigs lags so/ /bka' stsal pa/ rab 'byor gal te chos thams cad dngos po med pa'i ngo bo nyid yin na/ de'i phyir ji ltar gzugs med pa dang / rnam par shes pa'i bar du med pa dang / thob pa med pa dang / mngon par rtogs pa med pa'i bar du de bzhin du sbyar te/ de lta bur ji lta bur 'gyur/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das bdag ni chos 'di dag la yid gnyis mi 'tshal/ the tsom mi 'tshal lags mod kyi/ 'on kyang ma 'ongs pa'i dus na sems can khyim pa rnams dang / rab tu byung ba rnams dang / nyan thos kyi theg pa pa rnams dang / rang sangs rgyas kyi theg pa pa rnams dang / byang chub sems dpa'i theg pa pa rnams 'di skad du gal te chos thams cad dngos po med pa'i ngo bo nyid yin na/ dngos po med pa'i ngo bo nyid kyi chos thams cad la 'dir su zhig kun nas nyon mongs pa 'am/ rnam par byang bar 'gyur zhes mchi bar 'gyur te/ de dag kun nas nyon mongs pa dang / rnam par byang ba ma 'tshal nas tshul khrims nyams par 'gyur/ lta ba nyams par 'gyur/ spyod pa nyams par 'gyur te/ tshul khrims nyams pa dang / lta ba nyams pa dang / spyod pa nyams pa de dag ni sems can dmyal ba'i 'gro ba dang / dud 'gro'i 'gro ba dang / gshin rje'i 'jig rten gyi 'gro ba 'am/ 'gro ba gsum po dag las gang yang rung ba gcig tu mchi bar 'tshal bar bgyi lags so/ /bcom ldan 'das bdag gis ni ma 'ongs pa'i dogs pa 'di mthong bas de bzhin gshegs pa dgra bcom pa yang dag par rdzogs pa'i sangs rgyas la don 'di nyid zhus pa lags te/ bcom ldan 'das bdag ni chos de dag la yid gnyis mi 'tshal/ the tsom mi 'tshal lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ khyod kyis ji skad smras pa bzhin no/ /shes rab kyi pha rol tu phyin pa khri brgyad stong pa las/ mthar gyis bya ba dang / bslab pa dang / bsgrub pa bstan pa'i le'u zhes bya ste/ bdun bcu pa'o// // de nas yang bcom ldan 'das la tshe dang ldan pa rab 'byor gyis 'di skad ces gsol to/ / bcom ldan 'das gal te chos thams cad dngos po ma mchis pa'i ngo bo nyid lags na/ bcom ldan 'das don ci zhig mthong nas byang chub sems dpa' sems dpa' chen po sems can rnams kyi don gyi slad du/ bla na med pa yang dag par rdzogs pa'i byang chub la zhugs lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni chos thams cad dngos po med pa'i ngo bo nyid ji lta ba de kho na bzhin du bla na med pa yang dag par rdzogs pa'i byang chub la 'jug go/ /de ci'i phyir zhe na/ rab 'byor dmigs pa ni tha chad yin te/ dmigs pa'i 'du shes can la ni thob pa'ang med/ mngon par rtogs pa'ang med/ bla na med pa yang dag par rdzogs pa'i byang chub kyang med do/ /gsol pa/ bcom ldan 'das ci dmigs su ma mchis pa la 'thob pa 'am/ mngon par rtogs pa 'am/ bla na med pa yang dag par rdzogs pa'i byang chub mchis lags sam/ bka' stsal pa/ rab 'byor chos kyi dbyings rnam par mi 'khrug pa'i phyir mi dmigs pa nyid thob pa yin/ mi dmigs pa nyid thob pa mngon par rtogs pa yin/ mi dmigs pa nyid bla na med pa yang dag par rdzogs pa'i byang chub yin no/ /mi dmigs pa nyid 'thob pa 'am/ mngon par rtogs pa 'am/ bla na med pa yang dag par rdzogs pa'i byang chub par 'dod pa gang yin pa de ni chos kyi dbyings rnam par 'khrug par 'dod du zad do/ /gsol pa/ bcom ldan 'das gal te dmigs su ma mchis pa la thob pa ma mchis/ mngon par rtogs pa ma mchis bla na med pa yang dag par rdzogs pa'i byang chub ma mchis shing / dmigs su ma mchis pa nyid thob pa lags/ dmigs su ma mchis pa nyid mngon par rtogs pa lags/ dmigs su ma mchis pa nyid bla na med pa yang dag par rdzogs pa'i byang chub lags na/ bcom ldan 'das byang chub sems dpa' sems dpa' chen po'i sa dang po ga la mchis/ gnyis pa yang ga la mchis/ bcu pa'i bar du yang ga la mchis/ mi skye ba'i chos la bzod pa yang ga la mchis/ rnam par smin pa las byung ba'i chos gang dag la gnas nas sems can rnams yongs su smin par bgyid pa dang / sangs rgyas kyi zhing yongs su dag par bgyid pa dang / sangs rgyas bcom ldan 'das rnams la zhal zas dang / btung ba dang / na bza' dang / bcibs pa dang / spos dang / me tog phreng ba dang / gzims cha dang / gdan dang / mar me dang / mi'i phun sum tshogs pa dag gis bsnyen bkur bgyid la de'i de dag kyang rgyun chad par mi 'gyur te/ yongs su mya ngan las 'das pa'i sku gdung rnams kyi bar dang / nyan thos rnams la rnam par smin par bgyis kyang bas par mi 'gyur ba'i rnam par smin pa las byung ba'i mngon par shes pa yang ga la mchis/ rnam par smin pa las byung ba'i sbyin pa yang ga la mchis/ rnam par smin pa las byung ba'i tshul khrims kyang ga la mchis/ rnam par smin pa las byung ba'i bzod pa yang ga la mchis/ rnam par smin pa las byung ba'i brtson 'grus kyang ga la mchis/ rnam par smin pa las byung ba'i ting nge 'dzin kyang ga la mchis/ rnam par smin pa las byung ba'i shes rab kyang ga la mchis/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang gi phyir dmigs su med pa de nyid kyi phyir/ sa dang po nas sa bcu pa'i bar dag yod do/ /de nyid kyi phyir dge ba'i rtsa ba gang dag gis sems can rnams kyi don byed pa nas yongs su mya ngan las 'das pa'i bar du yang mchod pa 'byung ba'i rnam par smin pa las byung ba'i mngon par shes pa lnga yod do/ /de nyid kyi phyir rnam par smin pa las byung ba'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab yod do/ /de nyid kyi phyir rnam par smin pa las byung ba'i dge ba'i rtsa ba dag yod do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das dmigs su ma mchis pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / mngon par shes pa rnams la bye brag ni ci zhig mchis/ tha dad du bgyi ba ni ci zhig mchis/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor dmigs su med pa'i sbyin pa dang / mngon par shes pa rnams kyi bar la ni tha dad du bya ba ci yang med do/ /rab 'byor gos pa med pa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / mngon par shes pa de dag ni tha dad du bya bar bstan to/ /gsol pa/ bcom ldan 'das gos pa ma mchis pa'i sbyin pa nas mngon par shes pa'i bar du ji ltar tha dad du bgyi bar bstan/ bka' stsal pa/ rab 'byor 'di la byang chub sems dpa' sems dpa' chen po ni shes rab kyi pha rol tu phyin pa la spyod pa na sbyin par bya ba yang mi dmigs/ len pa po yang mi dmigs/ sbyin pa po yang mi dmigs/ sbyin pa yang mi dmigs par sbyin pa sbyin par byed do/ /tshul khrims mi dmigs par tshul khrims srung bar byed do/ /bzod pa mi dmigs par bzod pa bskyed par byed do/ /brtson 'grus mi dmigs par brtson 'grus rtsom par byed do/ / ting nge 'dzin mi dmigs par ting nge 'dzin la snyoms par 'jug par byed do/ shes rab mi dmigs par shes rab bsgom par byed do/ /mngon par shes pa rnams mi dmigs par mngon par shes pa rnams la spyod do/ /dran pa nye bar gzhag pa rnams mi dmigs par dran pa nye bar gzhag pa rnams bsgom par byed do/ /'phags pa'i lam yan lag brgyad pa'i bar du sgom par byed do/ /ting nge 'dzin gsum po stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin gyi bar du mi dmigs par sgom par byed do/ /sems can mi dmigs par sems can rnams yongs su smin par byed do/ /sangs rgyas kyi zhing mi dmigs par sangs rgyas kyi zhing yongs su dag par byed do/ /sangs rgyas kyi chos rnams mi dmigs par byang chub mngon par rdzogs par 'tshang rgya bar byed do/ /rab 'byor de ltar na byang chub sems dpa' sems dpa' chen po ni dmigs su med pa'i shes rab kyi pha rol tu phyin pa la spyod do/ /rab 'byor byang chub sems dpa' sems dpa' chen po shes rab kyi pha rol tu phyin pa la de ltar spyod na bdud dam bdud kyi ris kyi lha rnams kyis tshugs par dka'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa na/ ji ltar sems gcig gis pha rol tu phyin pa drug yongs su 'dzin par bgyid/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ji ltar yongs su 'dzin par bgyid/ rnam par thar pa'i sgo gsum dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad dang / skyes bu chen po'i mtshan sum bcu rtsa gnyis dang / dpe byad bzang po brgyad bcu ji ltar yongs su 'dzin par bgyid/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ sbyin pa gang sbyin yang rung ste/ sbyin pa de shes rab kyi pha rol tu phyin pas yongs su zin pa ste/ gzhan du ma yin no/ /tshul khrims gang srung ba dang / bzod pa gang sgom pa dang / brtson 'grus gang brtsom pa dang / ting nge 'dzin gang la snyoms par 'jug kyang rung ste/ de dag shes rab kyi pha rol tu phyin pas yongs su zin pa ste/ gzhan du ma yin no/ /bsam gtan gang dag la snyoms par 'jug pa de dag kyang shes rab kyi pha rol tu phyin pas yongs su zin pa ste/ gzhan du ma yin no/ /tshad med pa gang dag la snyoms par 'jug pa de dag kyang shes rab kyi pha rol tu phyin pas yongs su zin pa ste gzhan du ma yin no/ / gzugs med pa'i snyoms par 'jug pa gang dag la snyoms par 'jug pa de dag kyang shes rab kyi pha rol tu phyin pas yongs su zin pa ste/ gzhan du ma yin no/ /dran pa nye bar gzhag pa gang dag sgom pa nas/ de bzhin du sbyar te/ dpe byad bzang po brgyad bcu'i bar de dag kyang shes rab kyi pha rol tu phyin pas yongs su zin pa ste/ gzhan du ma yin no/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das shes rab kyi pha rol tu phyin pas yongs su zin pa'i byang chub sems dpa' sems dpa' chen pos sems gcig gis pha rol tu phyin pa drug ji ltar yongs su 'dzin pa lags/ de bzhin du dpe byad bzang po brgyad bcu'i bar du ji ltar yongs su 'dzin pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ sbyin pa gang sbyin pa de shes rab kyi pha rol tu phyin pas yongs su zin pa de ni gnyis kyi 'du shes can du mi 'gyur ro/ /tshul khrims gang srung ba de la gnyis kyi 'du shes can du mi 'gyur ro/ /bzod pa gang sgom pa de la gnyis kyi 'du shes can du mi 'gyur ro/ /brtson 'grus gang rtsom pa de la gnyis kyi 'du shes can du mi 'gyur ro/ /ting nge 'dzin gang la snyoms par 'jug pa de la gnyis kyi 'du shes can du mi 'gyur ro/ /de bzhin du sbyar te/ dpe byad bzang po brgyad bcu'i bar du mngon par sgrub pa de la gnyis kyi 'du shes can du mi 'gyur ro/ / gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa na/ ji ltar sbyin pa sbyin yang de la gnyis kyi 'du shes can du yang mi 'gyur ba lags/ de bzhin du dpe byad bzang po brgyad bcu'i bar du yang mngon par sgrub la/ de la gnyis kyi 'du shes can du'ang mi 'gyur ba lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ sbyin pa'i pha rol tu phyin pa yongs su rdzogs par byed cing / des sbyin pa'i pha rol tu phyin pa de'i nang du pha rol tu phyin pa drug po thams cad 'dus par byas nas/ sbyin pa sbyin par byed do/ /de bzhin du byang chub kyi phyogs kyi chos thams cad yongs su rdzogs par byed cing lam gyi bar gyi nang der/ pha rol tu phyin pa drug po thams cad 'dus par byas te lam sgom par byed do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa na/ de gang gi tshe sbyin pa sbyin pa na zag pa med pa'i sems la gnas nas sbyin pa sbyin par byed do/ /de zag pa med pa'i sems de la gnas te/ bdag gis su zhig la sbyin par bya/ ci zhig sbyin par bya/ su zhig sbyin par byed snyam pa'i mtshan ma yang yang dag par rjes su mi mthong ngo / /de mtshan ma dang bral ba'i sems dang / zag pa dang bral ba dang / sred pa dang bral ba dang / ma rig pa dang bral ba'i sems kyis sbyin pa sbyin par byed do/ /des sems de 'ang mi mthong la/ des sbyin pa de yang yang dag par rjes su mi mthong ngo / /chos thams cad kyi bar du yang yang dag par rjes su mi mthong ngo / /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa na/ mtshan ma dang bral ba'i sems kyis tshul khrims srung ste/ tshul khrims de yang yang dag par rjes su mi mthong / chos thams cad kyi bar du yang yang dag par rjes su mi mthong ngo / /mtshan ma dang bral ba'i sems kyis bzod pa bsgom ste/ bzod pa de yang yang dag par rjes su mi mthong ngo / /chos thams cad kyi bar du yang yang dag par rjes su mi mthong / sangs rgyas kyi chos de dag kyang yang dag par rjes su mi mthong ngo / /mtshan ma dang bral ba'i sems kyis brtson 'grus rtsom par byed de/ brtson 'grus de yang yang dag par rjes su mi mthong / chos thams cad kyi bar du yang yang dag par rjes su mi mthong ngo / /mtshan ma dang bral ba'i sems kyis ting nge 'dzin la snyoms par 'jug ste/ ting nge 'dzin de yang yang dag par rjes su mi mthong la/ sangs rgyas kyi chos thams cad kyi bar du yang yongs su rdzogs par byed de/ de dag kyang yang dag par rjes su mi mthong ngo / /mtshan ma dang bral ba'i sems kyis shes rab sgom par byed de/ sangs rgyas kyi chos thams cad kyi bar du yang de bzhin du sbyar ro/ /mtshan ma dang bral ba'i sems kyis dran pa nye bar gzhag pa bzhi sgom par byed pa nas/ dpe byad bzang po brgyad bcu'i bar du mngon par sgrub ste/ de bzhin du sbyar bar bya'o/ /gsol pa/ bcom ldan 'das mtshan ma ma mchis shing mngon par 'du bgyid pa ma mchis pa'i chos rnams la ji ltar sbyin pa'i pha rol tu phyin pa yongs su rdzogs par 'gyur lags/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ji ltar yongs su rdzogs par 'gyur lags/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ji ltar yongs su rdzogs par 'gyur lags/ stong pa nyid dang / mtshan ma med pa dang / smon pa med pa'i ting nge 'dzin ji ltar yongs su rdzogs par 'gyur lags/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ji ltar yongs su rdzogs par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ mtshan ma dang bral ba'i sems kyis sbyin pa sbyin par byed de/ zas 'dod pa rnams la ni zas nas mi'i yo byad gang ci yang rung ba'i bar du sbyin par byed do/ /nang gi yan lag dang nying lag rnams sam/ phyi rol gyi chung ma dang / bu dang bu mo dang / rgyal srid rnams brgyan cing slong ba rnams la sbyin par byed do/ /la la zhig der 'ongs nas de la 'di skad du khyod kyi sbyin pa 'di lta bu byin na/ 'di ltar phan pa med pa 'dis ci zhig bya zhes zer na/ byang chub sems dpa' sems dpa' chen po shes rab kyi pha rol tu phyin pa la spyod pa de 'di snyam du sems te/ sems can 'di dag 'di skad du khyod kyi sbyin pa mi brtan pa byin pa 'dis ci zhig bya zhes gshe mod kyi/ 'on kyang bdag gis ni sbyin pa sbyin par bya'i bdag gis sbyin pa mi sbyin par mi bya'o snyam mo/ / des sbyin pa de yang sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo bar byed de/ des yongs su bsngo ba na ci nas mtshan ma yang yang dag par rjes su mi mthong ba de lta bu'i tshul gyis yongs su bsngo bar byed de/ bdag gis ci zhig sbyin par bya/ gang la sbyin par bya/ su zhig sbyin par byed/ gang du yongs su bsngo bar bya/ ci zhig yongs su bsngo bar bya gang gis yongs su bsngo bar bya ba dang / gang tu byin nas bla na med pa yang dag par rdzogs pa'i byang chub tu yongs su bsngo ba'i dngos po de yang des yang dag par rjes su mi mthong ngo / /de ci'i phyir zhe na/ nang stong pa nyid kyis stong pa dang / phyi stong pa nyid kyis stong pa dang / phyi nang stong pa nyid kyis stong pa dang / stong pa nyid stong pa nyid kyis stong pa dang / de bzhin du sbyar te/ rang gi mtshan nyid stong pa nyid kyi bar gyis stong pa'i phyir ro/ /des gang du yongs su bsngo bar 'gyur/ ci zhig yongs su bsngo bar 'gyur/ gang gis yongs su bsngo bar 'gyur zhes de ltar mthong ste/ de ltar yongs su bsngos na/ legs par yongs su bsngos pa yin te/ de ni sems can rnams yongs su smin par byed pa dang / sangs rgyas kyi zhing yongs su 'dzin pa dang / sbyin pa'i pha rol tu phyin pa yongs su rdzogs par byed pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / /byang chub kyi phyogs kyi chos sum bcu rtsa bdun gyi bar dag dang / stong pa nyid dang mtshan ma med pa dang / smon pa med pa'i ting nge 'dzin dang / sangs rgyas kyi chos ma 'dres pa bcwa brgyad kyi bar dag yongs su rdzogs par byed de/ rnam par smin pa yang 'dzin par mi byed do/ / rab 'byor 'di lta ste dper na/ gzhan 'phrul dbang byed kyi lha rnams ni yo byad phun sum tshogs pa thams cad bsams pa tsam gyis grub par 'gyur ro/ /rab 'byor de bzhin du byang chub sems dpa' sems dpa' chen po'i yo byad thams cad kyang bsams pa tsam gyis yongs su rdzogs par 'gyur ro/ /des yo byad phun sum tshogs pa des sangs rgyas bcom ldan 'das rnams la yang bsnyen bkur byed la lha dang / mi dang / lha ma yin du bcas pa'i 'jig rten yang tshim par byed do/ / des sems can de dag sbyin pas bsdus nas thabs la mkhas pas theg pa gsum la 'god par byed do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa na/ de ltar sbyin pa'i pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen po ji ltar tshul khrims kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ tshul khrims kyi pha rol tu phyin pa yongs su rdzogs par byed de/ des 'phags pa zag pa med pa lam du gtogs pa chos nyid kyis thob pa'i tshul khrims thob par 'gyur ro/ /de'i tshul khrims de yang ma nyams shing skyon med la ma 'dres pa dang / ma 'chol ba dang / dbang 'byor ba dang / nag nog med pa dang / shin tu rdzogs pa dang / mkhas pas bsngags pa yin no/ /de tshul khrims des chos gang dag la'ang mchog tu 'dzin par mi byed de/ gzugs sam/ tshor ba 'am/ 'du shes sam/ 'du byed rnams sam/ rnam par shes pa 'am/ skyes bu chen po'i mtshan sum bcu rtsa gnyis sam/ rgyal rigs shing sa la chen po lta bu 'am/ bram ze'i rigs shing sa la chen po lta bu 'am/ khyim bdag gi rigs shing sa la chen po lta bu 'am/ rgyal chen bzhi'i ris kyi lha 'am/ sum bcu rtsa gsum pa 'am/ 'thab bral ba 'am/ dga' ldan nam/ 'phrul dga' 'am/ gzhan 'phrul dbang byed dam/ tshangs ris sam/ tshangs pa'i mdun na 'don pa 'am/ tshangs 'khor ram/ 'od chung ngam/ tshad med 'od dam/ 'od gsal lam/ dge chung ngam/ tshad med dge 'am/ dge rgyas sam/ 'bras bu che ba 'am/ 'du shes med pa'i sems can nam/ mi che ba 'am/ mi gdung ba 'am/ gya nom snang ngam/ shin tu mthong ngam/ 'og min nam/ nam mkha' mtha' yas skye mched dam/ rnam shes mtha' yas skye mched dam/ ci yang med pa'i skye mched dam/ 'du shes med 'du shes med min skye mched dam/ rgyun tu zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ 'khor los bsgyur ba'i rgyal srid dam/ rgyal srid la dbang byed pa la yang mchog tu 'dzin par mi byed de/ gzhan du na sems can thams cad dang mthun mong du byas nas/ mtshan ma med pa dang / dmigs su med pa dang / gnyis su med pas 'jig rten gyi tha snyad kyis rnam pa thams cad mkhyen pa nyid du yongs su bsngo bar byed kyis don dam par ni ma yin no/ /tshul khrims kyi pha rol tu phyin pa yongs su rdzogs pa de dang / thabs la mkhas pa des bsam gtan bzhi ro myang ba med pa'i tshul gyis bskyed par byed do/ /lha'i mig rnam par smin pa las byung ba gang gis/ shar phyogs na sangs rgyas bcom ldan 'das gang dag bzhugs te/ 'tsho zhing gzhes pa de dag mthong la/ de'i mthong ba de yang bla na med pa yang dag par rdzogs pa'i byang chub mngon par rdzogs par sangs rgyas kyi bar du chud za bar mi 'gyur ba dang / lho dang / nub dang / byang dang / phyogs mtshams kyi 'jig rten gyi khams dag na/ sangs rgyas bcom ldan 'das gang dag bzhugs te 'tsho zhing gzhes pa de dag kyang mthong la/ nam bla na med pa yang dag par rdzogs pa'i byang chub mngon par rdzogs par sangs ma rgyas kyi bar du de'i mthong ba de chud mi za bar 'gyur ba'i lha'i mig mngon par sgrub par byed do/ /lha'i rna ba rnam par dag pa mi'i las 'das pas sangs rgyas bcom ldan 'das de dag gsung ba'i sgra yang thos te/ thos pa des nam bdag dang gzhan gyi don ma byas kyi bar du thos pa de chud za bar mi 'gyur ro/ / sems kyi rnam grangs shes pas ni sangs rgyas bcom ldan 'das de dag gi dgongs pa sems kyis shes te/ sems kyi rnam grangs shes pa des sems can rnams kyi don byed do/ /sngon gyi gnas rjes su dran pa'i shes pas ni las gang byas pas las de chud za bar mi 'gyur ba'i sngon gyi las de ston par byed do/ /zag pa zad pa shes pas ni sems can rnams rgyun tu zhugs pa'i 'bras bu la 'god pa byed pa nas dgra bcom pa nyid kyi bar du 'god par byed/ rang byang chub la 'god par byed/ bla na med pa'i byang chub la 'god par byed de/ sems can rnams dge ba'i chos gang dang gang la 'jug nus pa de dang de la 'god par byed do/ /rab 'byor de ltar na byang chub sems dpa' sems dpa' chen po mtshan ma dang bral ba'i sems kyis tshul khrims kyi pha rol tu phyin pa yongs su rdzogs par byed do/ /shes rab kyi pha rol tu phyin pa khri brgyad stong pa/ bam po bzhi bcu rtsa dgu pa/ rab 'byor byang chub sems dpa' sems dpa' chen pos mtshan ma med pa dang / rtsol ba med pa dang / dmigs su med pa dang / mngon par 'du bya ba med pa'i chos rnams la ji ltar bzod pa'i pha rol tu phyin pa yongs su rdzogs par byed ce na/ de sems dang po bskyed pa nas bzung ste/ byang chub kyi snying po la 'dug gi bar du sems can thams cad lhags te/ bong ba dang / dbyug pa dang / mtshon chas bsnun kyang de la byang chub sems dpa' sems dpa' chen pos 'khrug pa'i sems bskyed pa gcig tsam 'byung ba'i skabs kyang dbye bar mi bya'o/ /de la byang chub sems dpa' sems dpa' chen pos bzod pa gnyis bsgom par bya ste/ gnyis gang zhe na sems can thams cad kyi gshe ba dang / spyo ba dang / bong ba dang / dbyug pa dang / mtshon chas bsnun pa gang yin pa bzod par bya ba dang / mi skye ba'i chos rnams la bzod pa bskyed pa gang yin pa'o/ /de la spyos shing brgyang ngam/ bong ba dang / dbyug pa dang / mtshon chas bsnun na/ byang chub sems dpa' sems dpa' chen pos 'di ltar brtag par bya ste/ bdag la su zhig gshe zhing rgya la/ bong ba dang / dbyug pa dang / mtshon chas bsnun par byed ces des chos rnams kyi ngo bo nyid la rtog pa na chos rnams nyid kyang mi dmigs na/ chos rnams kyi ngo bo nyid lta ga la yod/ de de ltar chos kyi ngo bo nyid la rtog pa na 'di snyam du sems te/ nga la gcod pa 'am/ 'bigs pa su yod snyam mo/ / de de ltar chos kyi ngo bo nyid la rtog pa na/ mi skye ba'i chos la bzod pa thob par 'gyur ro/ /de la mi skye ba'i chos la bzod pa thob pa gang zhe na/ nyon mongs pa mi skye ba nyid dang / shes pa gcad du med pa nyid do/ /bzod pa 'di gnyis la gnas nas bsam gtan bzhi yongs su rdzogs par byed do/ /tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / 'phags pa'i lam yan lag brgyad pa'i bar dang / rnam par thar pa'i sgo gsum dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par byed do/ /de 'phags pa zag pa med pa'i chos 'jig rten las 'das pa'i chos nyan thos dang / rang sangs rgyas rnams dang / thun mong ma yin pa de dag la gnas nas 'phags pa'i mngon par shes pa yongs su rdzogs par byed do/ /mngon par shes pa de dag yongs su rdzogs par byas nas mngon par shes pa de dag la gnas te/ lha'i mig rnam par dag pas shar phyogs kyi sangs rgyas bcom ldan 'das rnams mthong ngo / /mthong nas kyang sangs rgyas rjes su dran pa thob par 'gyur te/ bla na med pa yang dag par rdzogs pa'i byang chub mngon par rdzogs par sangs rgyas kyi bar du de'i sangs rgyas rjes su dran pa rgyun mi chad par 'byung bar 'gyur ro/ /phyogs mtshams kyi bar du yang de bzhin no/ /lha'i rna ba'i khams kyis sangs rgyas bcom ldan 'das de dag gis gang gsungs pa de dag thams cad 'dzin par byed do/ /bzung nas kyang de bzhin nyid du sgrub par byed de/ sems can rnams la yang de bzhin nyid du chos ston par byed do/ /sangs rgyas bcom ldan 'das de dag gi thugs kyang sems kyis shes so/ /des sems kyi rnam grangs shes pa des sems can thams cad kyi sems kyang sems kyis shes te/ sems can thams cad kyi sems shes nas kyang de bzhin nyid du chos ston to/ /sngon gyi gnas rjes su dran pa shes pas ni sems can de dag gi dge ba'i rtsa ba shes te/ sngon gyi dge ba'i rtsa ba des dga' bar byed cing yang dag par 'dzin du 'jug go/ /zag pa zad pa shes pas ni sems can de dag theg pa gsum po dag la 'dzud par byed 'god par byed do/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa de thabs la mkhas pas sems can rnams kyang yongs su smin par byas/ sangs rgyas kyi zhing yang yongs su dag par byas nas/ rnam pa thams cad mkhyen pa nyid la spyod cing rnam pa thams cad mkhyen pa nyid yongs su rdzogs par byas te/ bla na med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo bskor bar 'gyur ro/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i bzod pa'i pha rol tu phyin pa yongs su rdzogs par 'gyur ro/ /rab 'byor byang chub sems dpa' sems dpa' chen po mtshan ma med pa dang / rtsol ba med pa dang / dmigs su med pa dang / mngon par 'du byed pa med pa'i chos rnams la ji ltar brtson 'grus kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni/ lus kyi brtson 'grus dang yang ldan la sems kyi brtson 'grus dang yang ldan te/ de bsam gtan dang po la snyoms par zhugs nas gnas so/ /bsam gtan bzhi pa'i bar la snyoms par zhugs te gnas so/ /de bsam gtan bzhi pa la snyoms par zhugs nas rdzu 'phrul bya ba du ma dag nyams su myong ste/ nyi ma dang zla ba gnyis la yang lag pas nyug go/ /de lus kyi brtson 'grus de dang ldan pas shar phyogs kyi 'jig rten gyi khams 'bum phrag du ma dag na sangs rgyas bcom ldan 'das gang dag bzhugs pa de dag gis drung du rdzu 'phrul gyis song nas sangs rgyas bcom ldan 'das de dag la na bza' dang / zhal zas dang / gzims cha dang / gdan dang / snyun gyi gsos sman dang / yo byad rnams kyis bsnyen bkur byed do/ /de'i gos dang zhal zas de dag kyang / bla na med pa yang dag par rdzogs pa'i byang chub mngon par rdzogs par sangs rgyas kyi bar du zad par mi 'gyur ro/ /mngon par rdzogs par sangs rgyas nas kyang lha dang / mi dang / lha ma yin du bcas pa'i 'jig rten gos dang / zas kyi bde ba dang ldan par byed do/ /des na yongs su mya ngan las 'das pa'i sku gdung dag la yang mchod pa 'byung bar 'gyur ro/ /rdzu 'phrul mngon par 'du byed pa de nyid kyis song nas sangs rgyas bcom ldan 'das de dag las chos thos par 'gyur ro/ /ci thos pa rnams kyang bla na med pa yang dag par rdzogs pa'i byang chub mngon par rdzogs par sangs rgyas kyi bar du nams kyang chud za bar mi 'gyur te/ rnam pa thams cad mkhyen pa nyid la spyod cing sems can rnams kyang yongs su smin par byed/ sangs rgyas kyi zhing yang yongs su 'dzin par byed do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa lus kyi brtson 'grus dang ldan pas/ brtson 'grus kyi pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen po sems kyi brtson 'grus 'phags pa zag pa med pa lam dang lam gyi yan lag tu gtogs pa dang ldan pas ji ltar brtson 'grus kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ lus kyi brtson 'grus dang ldan pas lus kyi las mi dge ba'i skabs mi 'byed do/ /ngag gi las mi dge ba'i skabs mi 'byed do/ /rtag ces bya ba 'am/ mi rtag ces bya ba 'am/ bde zhes bya ba 'am/ sdug bsngal zhes bya ba 'am/ bdag yod ces bya ba 'am/ bdag med ces bya ba 'am/ 'dus byas shes bya ba 'am/ 'dus ma byas shes bya ba 'am/ 'dod pa'i khams shes bya ba 'am/ gzugs kyi khams shes bya ba 'am/ gzugs med pa'i khams shes bya ba 'am/ zag pa dang bcas pa'i khams shes bya ba 'am/ zag pa med pa'i khams shes bya ba 'am/ bsam gtan dang po shes bya ba 'am/ bsam gtan bzhi pa'i bar zhes bya ba 'am/ byams pa zhes bya ba 'am/ snying rje zhes bya ba 'am/ dga' ba zhes bya ba 'am/ btang snyoms zhes bya ba 'am/ nam mkha' mtha' yas skye mched ces bya ba 'am/ 'du shes med 'du shes med min skye mched kyi bar zhes bya ba 'am/ dran pa nye bar gzhag pa rnams shes bya ba 'am/ yang dag par spong ba rnams shes bya ba 'am/ rdzu 'phrul gyi rkang pa rnams shes bya ba 'am/ dbang po rnams shes bya ba 'am/ stobs rnams shes bya ba 'am/ byang chub kyi yan lag rnams shes bya ba 'am/ 'phags pa'i lam yan lag brgyad pa shes bya ba 'am/ stong pa nyid ces bya ba 'am/ mtshan ma med ces zhes bya ba 'am/ smon pa med pa zhes bya bar mchog tu 'dzin par mi byed do/ /sangs rgyas kyi chos rnams kyi bar du rtag ces bya ba 'am/ mi rtag ces bya ba 'am/ bde zhes bya ba 'am/ sdug bsngal zhes bya ba 'am/ bdag yod pa zhes bya ba 'am/ bdag med pa zhes bya bar mchog tu 'dzin par mi byed do/ /rgyun tu zhugs pa'i 'bras bu zhes bya ba 'am/ lan cig phyir 'ong ba'i 'bras bu zhes bya ba 'am/ phyir mi 'ong ba'i 'bras bu zhes bya ba 'am/ dgra bcom pa nyid ces bya ba 'am/ rang byang chub ces bya ba 'am/ de bzhin du sbyar te/ rgyun tu zhugs pa zhes bya ba nas/ rang sangs rgyas shes bya ba'i bar dang / byang chub sems dpa' zhes bya bar mchog tu 'dzin par mi byed do/ /sems can 'di dag ni mthong bas rab tu phye ba'o/ /sems can 'di dag ni bsrabs pas rab tu phye ba'o/ /sems can 'di dag ni tha ma'i cha dang 'thun pas rab tu phye ba'o/ /'di dag ni gong ma'i cha dang 'thun pas rab tu phye ba'o/ /'di dag ni rang sangs rgyas nyid kyis rab tu phye ba'o/ / 'di dag ni lam gyi rnam pa shes pa nyid kyis rab tu phye ba'o zhes de ltar yang mchog tu 'dzin par mi byed do/ /de ci'i phyir zhe na/ 'di ltar ngo bo nyid gang gis rab tu phye ba'i ngo bo nyid de dag la med pa'i phyir ro/ /de sems kyi brtson 'grus de dang ldan pas 'chi kar yang sems can rnams kyi don byed la sems can de dag kyang mi dmigs so/ /brtson 'grus kyi pha rol tu phyin pa yang yongs su rdzogs par byed la/ brtson 'grus kyi pha rol tu phyin pa de yang mi dmigs so/ /sangs rgyas kyi chos rnams kyi bar du yang yongs su rdzogs par byed la/ sangs rgyas kyi chos de dag kyang mi dmigs so/ /sangs rgyas kyi zhing yang yongs su dag par byed la sangs rgyas kyi zhing de yang mi dmigs so/ /de lus dang sems kyi brtson 'grus de dang ldan pas dge ba'i chos thams cad kyang yongs su 'dzin la de dag la yang chags par mi byed de/ de chags pa med pas sangs rgyas kyi zhing nas sangs rgyas kyi zhing du 'gro zhing 'jig rten gyi khams nas 'jig rten gyi khams su 'gro ste/ sems can rnams kyi don byed cing / rdzu 'phrul gyi cho 'phrul gang dang gang rnam par sprul par 'dod pa/ rdzu 'phrul gyi cho 'phrul de dang de rnam par sprul par byed do/ /yang na ni me tog gi char 'bebs so/ /yang na ni spos 'gyed par byed do/ /yang na ni 'brug sgra sgrogs par byed do/ /yang na ni glu dbyangs sgrogs par byed do/ /yang na ni sa g.yo bar byed do/ /yang na ni rin po che sna bdun gyi sa gzhi ston par byed do/ /yang na ni mun nag gi sems can rnams kyi ched du bdag nyid las 'od 'byin par byed do/ /yang na ni spos gtong bar byed do/ / yang na ni srog gcod pa med pa'i mchod sbyin byed do/ /yang na ni sems can mtha' yas pa lam la 'dzud par byed do/ /srog gcod pa las zlog par byed pa nas/ log par lta ba'i bar dag las zlog par byed do/ /kha cig la ni sbyin pas phan 'dogs par byed do/ /kha cig la ni tshul khrims kyis phan 'dogs par byed do/ /kha cig gi don du ni yan lag dang / nying lag yongs su gtong bar byed do/ /kha cig la ni bu dang chung ma yongs su gtong bar byed do/ /kha cig la ni rgyal srid/ kha cig gi don du ni bdag nyid yongs su gtong bar byed de/ thabs gang dang gang gis sems can rnams kyi don byar rung ba'i thabs de dang des sems can rnams kyi don byed do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa/ sems kyi brtson 'grus dang ldan pas ming med pa dang mtshan ma med pa'i chos rnams la gnas nas brtson 'grus kyi pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ ming med pa dang / mtshan ma med pa'i chos rnams la gnas nas ji ltar ting nge 'dzin gyi pha rol tu phyin pa yongs su rdzogs par byed ce na/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ de bzhin gshegs pa'i ting nge 'dzin ma gtogs par ting nge 'dzin thams cad yongs su rdzogs par byed de/ de la 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po bsgrubs te gnas so/ /bsam gtan bzhi pa'i bar du bsgrubs te gnas so/ /de byams pa dang ldan pa'i sems dang / btang snyoms dang ldan pa'i bar gyi sems kyis/ 'jig rten thams cad kyi bar du khyab par bsgrubs te gnas so/ /'du shes med 'du shes med min skye mched kyi bar du bsgrubs te gnas so/ /de ting nge 'dzin gyi pha rol tu phyin pa de las rnam par thar pa brgyad la lugs dang / lugs ma yin par snyoms par 'jug cing ldang bar yang byed do/ /mthar gyis gnas pa'i snyoms par 'jug pa dgu dang / stong pa nyid kyi ting nge 'dzin bsgrubs te gnas so/ /mtshan ma med pa'i ting nge 'dzin dang / smon pa med pa'i ting nge 'dzin bsgrubs te gnas so/ /bar chad med pa'i ting nge 'dzin bsgrubs te gnas so/ /mngon par 'phags pa'i ting nge 'dzin dang / yang dag pa'i ting nge 'dzin dang / rdo rje lta bu'i ting nge 'dzin bsgrubs te gnas so/ /de ting nge 'dzin gyi pha rol tu phyin pa 'di la gnas nas/ byang chub kyi phyogs kyi chos sum bcu rtsa bdun bsgrubs te gnas so/ /de ting nge 'dzin gyi pha rol tu phyin pa 'di la gnas nas lam gyi rnam pa shes pa nyid kyi ye shes kyis lam gyi rnam pa shes pa nyid kyi nang du ting nge 'dzin gyi tshogs rnams 'dus par byas nas/ dkar po rnam par mthong ba'i sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa can gyi sa dang / rang sangs rgyas kyi sa las 'das nas byang chub sems dpa'i skyon med pa la 'jug ste/ sangs rgyas kyi sa yongs su rdzogs par byed do/ /de de dag la spyod kyang bar ma dor 'bras bu thob par mi 'gyur ro/ /de ting nge 'dzin gyi pha rol tu phyin pa 'di la gnas nas sangs rgyas kyi zhing nas sangs rgyas kyi zhing du 'gro zhing / sangs rgyas bcom ldan 'das rnams la bsnyen bkur byed do/ /de sangs rgyas bcom ldan 'das de dag la bsnyen bkur byed pas sangs rgyas bcom ldan 'das de dag las dge ba'i rtsa ba bskyed de sangs rgyas kyi zhing yongs su dag par byed do/ /'jig rten gyi khams nas 'jig rten gyi khams su 'gro ste/ sems can rnams kyi don byed do/ /der sems can kha cig la ni sbyin pas phan 'dogs so/ /kha cig la ni tshul khrims kyis/ kha cig la ni ting nge 'dzin gyis/ kha cig la ni shes rab kyis/ kha cig la ni rnam par grol bas/ kha cig la ni rnam par grol ba'i ye shes mthong bas phan 'dogs so/ /kha cig ni rgyun tu zhugs pa'i 'bras bu la 'god do/ /de bzhin du sbyar te/ kha cig ni dgra bcom pa nyid kyi bar la 'god do/ /kha cig ni rang byang chub la 'god do/ /dge ba'i chos gang dang gang dag gis sems can rnams 'bogs par 'gyur ba de dang de la sbyor bar byed do/ /de ting nge 'dzin gyi pha rol tu phyin pa 'di la gnas nas gzungs kyi sgo thams cad sgrub par byed do/ /so so yang dag par rig pa bzhi thob par 'gyur ro/ /rnam par smin pa las byung ba'i mngon par shes pa rnams kyang thob par 'gyur ro/ /de nams kyang ma'i mngal du skye bar mi 'gyur/ nams kyang 'dod pa la sten par mi 'gyur/ de skye ba gang yang yongs su mi 'dzin pa med la/ skye ba'i skyon gyis kyang gos par mi 'gyur ro/ /de ci'i phyir zhe na/ 'di ltar des chos thams cad sgyu ma lta bur legs par mthong ba'i phyir ro/ /des 'du byed thams cad sgyu ma lta bur rtogs nas sems can thams cad kyi don byed kyang de la sems can dang / sems can du gdags pa 'ang mi dmigs so/ /des chos thams cad mi dmigs pas sems can thams cad kyang 'jig rten gyi tha snyad kyis mi dmigs pa nyid la 'god par byed de/ don dam par ni ma yin no/ /de ting nge 'dzin gyi pha rol tu phyin pa 'di la gnas nas/ bsam gtan dang / rnam par thar pa dang / snyoms par 'jug pa thams cad la spyod de/ bla na med pa yang dag par rdzogs pa'i byang chub yongs su rdzogs par ma gyur gyi bar du nams kyang ting nge 'dzin gyi pha rol tu phyin pa dang bral bar mi 'gyur ro/ /de ting nge 'dzin gyi pha rol tu phyin pa 'di la gnas nas rnam pa thams cad mkhyen pa nyid mngon par sgrub par byed de/ de la gnas nas bag chags dang mtshams sbyor ba thams cad spong bar byed do/ /bag chags dang mtshams sbyor ba thams cad spangs nas/ bdag dang gzhan gyi don byed do/ /bdag dang gzhan gyi don byas pas/ lha dang mi dang / lha ma yin du bcas pa'i 'jig rten gyi sbyin gnas su 'gyur ro/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa mtshan ma med pa'i ting nge 'dzin gyi pha rol tu phyin pa yongs su rdzogs par byed do/ / rab 'byor byang chub sems dpa' sems dpa' chen po mtshan ma med pa'i chos rnams la ji ltar shes rab kyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni chos gang yang yod pa nyid dam/ yongs su grub pa nyid du yang dag par rjes su ma mthong ste/ des gzugs la yod pa nyid dam/ yongs su grub pa nyid yang dag par rjes su mi mthong ngo / /rnam par shes pa'i bar la yod pa nyid dang / yongs su grub pa nyid yang dag par rjes su mi mthong ngo / /gzugs kyi skye ba yang dag par rjes su mi mthong ngo / /rnam par shes pa'i bar gyi skye ba yang dag par rjes su mi mthong ngo / /des gzugs kyi skye ba yang dag par rjes su ma mthong la/ rnam par shes pa'i bar gyi skye ba yang dag par rjes su ma mthong bas gzugs kyi skye ba'i sgo yang dag par rjes su mi mthong ngo / /rnam par shes pa'i bar gyi skye ba'i sgo yang dag par rjes su mi mthong ngo / /gzugs kyi bsags pa yang dag par rjes su mi mthong ngo / /rnam par shes pa'i bar gyi bsags pa yang dag par rjes su mi mthong ngo / /de bzhin du zag pa dang bcas pa dang / zag pa med pa thams cad kyi bar gyi skye ba'i sgo yang dag par rjes su mi mthong ste/ gsob nyid dang / gsog nyid dang / snying po med pa nyid du mthong ngo / /de de ltar rtog pa na gzugs kyi ngo bo nyid mi dmigs so/ /de bzhin du sbyar te/ zag pa dang bcas pa dang / zag pa med pa'i chos rnams kyi ngo bo nyid kyi bar du mi dmigs te/ de shes rab kyi pha rol tu phyin pa la spyod pa na/ chos thams cad la dngos po med pa'i ngo bo nyid du mos so/ /de de ltar mos la nang stong pa nyid la spyod cing / rang gi mtshan nyid stong pa nyid kyi bar la spyod na chos gang la yang zhen par mi 'gyur te/ gzugs sam/ tshor ba 'am/ 'du shes sam/ 'du byed rnams sam/ rnam par shes pa 'am/ de bzhin du sbyar te/ byang chub kyi bar gyi chos gang la yang mngon par zhen par mi 'gyur ro/ /de dngos po med pa'i ngo bo nyid kyi shes rab kyi pha rol tu phyin pa la spyod pa na/ byang chub kyi lam yongs su rdzogs par byed de/ 'di lta ste pha rol tu phyin pa drug dang / byang chub kyi phyogs kyi chos rnams kyi bar dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / dpe byad bzang po brgyad bcu yongs su rdzogs par byed do/ /de rnam par smin pa'i chos byang chub sems dpa'i lam la gnas nas pha rol tu phyin pa drug dang / byang chub kyi phyogs kyi chos sum bcu rtsa bdun yongs su rdzogs shing rnam par smin pa las byung ba'i mngon par shes pa rnams yongs su rdzogs par gyur na/ sems can gang dag sbyin pas bsdu bar bya ba de dag ni sbyin pas sdud par byed do/ /gang dag tshul khrims kyis bsdu bar bya ba dang / gang dag ting nge 'dzin gyis bsdu bar bya ba dang / gang dag shes rab kyis bsdu bar bya ba dang / gang dag rnam par grol bas bsdu bar bya ba dang / gang dag rnam par grol ba ye shes mthong bas bsdu bar bya ba de dag ni rnam par grol ba'i ye shes mthong bas sdud par byed do/ /gang dag rgyun du zhugs pa'i 'bras bu la dgod par bya ba de dag ni rgyun du zhugs pa'i 'bras bu la 'god par byed do/ /gang dag lan cig phyir 'ong ba'i 'bras bu la dgod par bya ba dang / gang dag phyir mi 'ong ba'i 'bras bu la dgod par bya ba dang / gang dag dgra bcom pa nyid la dgod par bya ba dang / gang dag rang byang chub la dgod par bya ba dang / gang dag byang chub la dgod par bya ba de dag ni byang chub la 'god par byed de/ thams cad la yang de bzhin du sbyar bar bya'o/ /de rdzu 'phrul bya ba rnam pa du ma dag byed cing / 'jig rten gyi khams gang gA'i klung gi bye ma snyed dag tu 'gro ste/ 'dod na 'jig rten gyi k hams de dag tu rin po che ji lta bu 'dod pa de lta bu'i rin po che dag mngon par sprul nas sems can rnams kyi bsam pa yongs su rdzogs par byed de sems can rnams kyi bsam pa yongs su rdzogs par byed cing 'jig rten gyi khams nas 'jig rten gyi khams su 'gro'o/ /des 'jig rten gyi khams de dag mthong nas sangs rgyas kyi zhing yongs su 'dzin par byed de/ gzhan 'phrul dbang byed kyi lha rnams kyi longs spyod dang yongs su spyod pa ci 'dra ba dag dang / sangs rgyas kyi zhing gzhan dag na yongs su tshol ba med pa gang yin pa de lta bu'i longs spyod dang / yongs su spyad pa dag kyang der 'byung bar 'gyur ro/ /de rnam par smin pa las byung ba'i sbyin pa'i pha rol tu phyin pa dang / tshul khrims kyi pha rol tu phyin pa dang / shes rab kyi pha rol tu phyin pa'i bar dag dang / rnam par smin pa las byung ba'i mngon par shes pa rnams dang / rnam par smin pa las byung ba'i byang chub kyi lam gang yin pa des lam gyi rnam pa shes pa nyid la spyod pa na/ thams cad kyi pha rol tu phyin nas/ rnam pa thams cad mkhyen pa nyid thob par 'gyur ro/ /gal te ji tsam du gzugs yongs su mi 'dzin cing / rnam par shes pa'i bar dang / chos thams cad kyi bar du yongs su mi 'dzin te/ dge ba 'am/ mi dge ba 'am/ 'jig rten pa 'am/ 'jig rten las 'das pa 'am/ zag pa dang bcas pa 'am/ zag pa med pa 'am/ 'dus byas sam/ 'dus ma byas yongs su mi 'dzin pa de ni bla na med pa yang dag par rdzogs pa'i byang chub mngon par rdzogs par sangs rgyas na yang de'i sangs rgyas kyi zhing na longs spyod dang / yongs su spyad pa thams cad yongs su 'dzin pa med par 'gyur ro/ /de ci'i phyir zhe na/ 'di ltar chos thams cad ni dmigs su med pa'i tshul yin pa'i phyir ro/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ mtshan ma med pa'i tshul gyis shes rab kyi pha rol tu phyin pa yongs su rdzogs par byed do/ / shes rab kyi pha rol tu phyin pa khri brgyad stong pa las mtshan ma med pa dang / dmigs su med pa'i chos nyid kyi le'u zhes bya ste/ bdun bcu rtsa gcig pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ji ltar na byang chub sems dpa' mtshan ma ma mchis pa dang / rtsol ba ma mchis pa dang / ma 'dres pa dang / rang gi mtshan nyid kyis stong pa'i chos rnams la pha rol tu phyin pa drug po sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa bsgom pa ji ltar yongs su rdzogs par 'gyur lags/ zag pa ma mchis pa'i chos 'di dag la ji ltar tha dad du bgyi ba gdags lags/ 'di dag la tha dad du dbye ba ji ltar mchis lags/ sbyin pa'i pha rol tu phyin pa ji ltar shes rab kyi pha rol tu phyin pa'i nang du 'dus pa lags/ tshul khrims dang / bzod pa dang / brtson 'grus dang / bsam gtan gyi pha rol tu phyin pa ji ltar shes rab kyi pha rol tu phyin pa'i nang du 'dus pa lags/ bcom ldan 'das mtshan nyid ma mchis pa'i chos 'di ltar mtshan nyid ma mchis par mtshan nyid gcig pa'i chos rnams la ji ltar tha dad du bgyi ba gdags par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni rmi lam lta bu'i phung po lnga po dag la gnas te/ sbyin pa sbyin par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan rnams la snyoms par 'jug par byed/ shes rab sgom par byed do/ /brag cha lta bu'i nye bar len pa'i phung po lnga po dag la gnas te/ sbyin pa sbyin par byed/ tshul khrims srung bar byed/ bzod pa bsgom par byed/ brtson 'grus rtsom par byed/ bsam gtan la snyoms par 'jug par byed/ shes rab sgom par byed do/ /mig yor lta bu dang / smig rgyu lta bu dang / sgyu ma lta bu dang / sprul pa lta bu'i nye bar len pa'i phung po dag la gnas te/ sbyin pa sbyin par byed/ tshul khrims srung bar byed/ bzod pa bsgom par byed/ brtson 'grus rtsom par byed/ ting nge 'dzin la snyoms par 'jug par byed/ shes rab sgom par byed do/ /phung po lnga po de dag ni rmi lam lta bu ste/ mtshan nyid med pa'o/ /phung po lnga po dag ni brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu ste/ mtshan nyid med pa'o/ /de ci'i phyir zhe na/ rmi lam la ni ngo bo nyid ci yang med la/ brag cha dang / mig yor dang / smig rgyu dang / sgyu ma dang / sprul pa la ni ngo bo nyid ci yang med pa'i phyir ro/ /gang la ngo bo nyid med pa de la ni mtshan nyid med do/ /gang la mtshan nyid med pa de la ni 'di ltar mtshan nyid med par mtshan nyid gcig go/ /rab 'byor de bas na rnam grangs des kyang khyod kyis sbyin pa'i mtshan nyid med pa dang / sbyin pa po'i mtshan nyid med pa dang / len pa po'i mtshan nyid med par de ltar rig par bya'o/ /gang gis de ltar shes nas sbyin pa sbyin par byed pa de ni sbyin pa'i pha rol tu phyin pa yongs su rdzogs par byed do/ /de sbyin pa'i pha rol tu phyin pa yongs su rdzogs par byed na/ tshul khrims kyi pha rol tu phyin pa las ldog par mi 'gyur ro/ /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa las ldog par mi 'gyur ro/ /de pha rol tu phyin pa drug po 'di dag la gnas nas bsam gtan bzhi yongs su rdzogs par byed do/ /tshad med pa bzhi yongs su rdzogs par byed do/ /gzugs med pa'i snyoms par 'jug pa bzhi yongs su rdzogs par byed do/ /dran pa nye bar gzhag pa bzhi yongs su rdzogs par byed do/ /yang dag par spong ba bzhi yongs su rdzogs par byed do/ /rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / nang stong pa nyid dang / de bzhin du sbyar te/ rang gi mtshan nyid stong pa nyid kyi bar du yongs su rdzogs par byed do/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin yongs su rdzogs par byed do/ /rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa lnga yongs su rdzogs par byed do/ /gzungs kyi sgo lnga brgya yongs su rdzogs par byed do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par byed do/ /de rnam par smin pa las byung ba'i 'phags pa zag pa med pa'i chos 'di dag la gnas te/ shar phyogs kyi 'jig rten gyi khams dag tu rdzu 'phrul gyis song nas sangs rgyas bcom ldan 'das rnams la bsnyen bkur byed de/ sangs rgyas bcom ldan 'das de dag la rim gro yang byed do/ /der longs spyod dag gis sems can rnams kyi don yang byed do/ /der sems can gang dag sbyin pas bsdu bar bya ba de dag ni sbyin pas bsdud par byed do/ / gang dag tshul khrims kyis bsdu bar bya ba de dag ni tshul khrims kyis sdud par byed do/ /gang dag bzod pas bsdu bar bya ba de dag ni bzod pas bsdud par byed do/ /gang dag brtson 'grus kyis bsdu bar bya ba de dag ni brtson 'grus kyis bsdud par byed do/ /gang dag ting nge 'dzin gyis bsdu bar bya ba de dag ni ting nge 'dzin gyis bsdud par byed do/ /gang dag shes rab kyis bsdu bar bya ba de dag ni shes rab kyis bsdud par byed do/ /dge ba'i chos thams cad kyis bsdu bar bya ba'i bar gang yin pa de dag ni dge ba'i chos thams cad kyis bsdud par byed de/ dge ba'i chos de dag dang ldan pas 'khor ba yang len par byed la/ 'khor ba na yod pa'i sdug bsngal rnams kyis kyang gos par mi 'gyur ro/ /sems can rnams kyi ched du lha dang mi'i phun sum tshogs pa dag kyang 'dzin par byed de/ phun sum tshogs pa de dag gis sems can de dag la phan 'dogs par byed do/ /des mtshan ma med pa'i chos rnams rtogs pas rgyun tu zhugs pa'i 'bras bu yang shes la/ de la gnas par yang mi byed do/ /lan cig phyir 'ong ba'i 'bras bu yang shes la de la gnas par yang mi byed do/ /phyir mi 'ong ba'i 'bras bu yang shes la de la gnas par yang mi byed do/ /dgra bcom pa nyid kyang shes la de la gnas par yang mi byed do/ /rang byang chub kyang shes la de la gnas par yang mi byed do/ /de ci'i phyir zhe na/ 'di ltar des thams cad rtogs nas nyan thos dang / rang sangs rgyas thams cad dang thun mong ma yin pa/ rnam pa thams cad mkhyen pa nyid thob par bya dgos pa'i phyir ro/ /rab 'byor de ltar na byang chub sems dpa' sems dpa' chen pos chos thams cad mtshan nyid med par rtogs nas pha rol tu phyin pa drug po dag mtshan nyid med par shes la/ sangs rgyas kyi chos thams cad kyi bar du yang mtshan nyid med par shes so/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni rmi lam lta bu'i nye bar len pa'i phung po lnga po dag la gnas nas tshul khrims kyi pha rol tu phyin pa yongs su rdzogs par byed do/ /brag cha lta bu dang mig yor lta bu dang / sgyu ma lta bu dang / smig rgyu lta bu dang / sprul pa lta bu'i nye bar len pa'i phung po lnga po dag la gnas te tshul khrims kyi pha rol tu phyin pa yongs su rdzogs par byed do/ /des rmi lam lta bu'i nye bar len pa'i phung po lnga po dag rtogs la/ brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu'i nye bar len pa'i phung po lnga po dag kyang rtogs nas mtshan nyid med pa'i tshul khrims kyi pha rol tu phyin pa ma nyams pa dang / skyon med pa dang / ma 'dres pa dang / ma 'chol ba dang / nag nog med pa dang / dbang 'byor pa dang / mkhas pas bsngags pa dang / shin tu rdzogs pa dang / 'phags pa zag pa med pa'i lam du gtogs pa yongs su rdzogs par byed de/ de la gnas nas yang dag par blang ba/ brda' can gyi tshul khrims dang / chos nyid kyis thob pa'i tshul khrims dang / sdom pa'i tshul khrims dang / rnam par rig byed kyi tshul khrims dang / yang dag par spyod pa'i tshul khrims srung ngo / /de tshul khrims de lta bu dag dang ldan yang 'dis bdag rgyal rigs shing sa la chen po lta bu dag dang / skal pa mnyam par skye bar gyur cig ce 'am/ bram ze'i rigs shing sa la chen po lta bu dag dang / khyim bdag gi rigs shing sa la chen po lta bu dag dang skal pa mnyam par skye bar gyur cig ce 'am/ 'khor los bsgyur ba'i rgyal po 'am/ khams kyi rgyal por gyur cig ce 'am/ rgyal chen bzhi'i ris kyi lha rnams dang skal pa mnyam par skye bar gyur cig ce 'am/ sum bcu rtsa gsum pa'i lha rnams sam/ 'thab bral ba rnams sam/ dga' ldan pa rnams sam/ 'phrul dga' ba rnams sam/ gzhan 'phrul dbang byed kyi lha rnams dang / skal pa mnyam par skye bar gyur cig ce 'am/ rgyun tu zhugs pa'i 'bras bu thob par gyur cig ce 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub thob par gyur cig ces mchog tu 'dzin par mi byed do/ / de ci'i phyir zhe na/ rab 'byor 'di ltar chos thams cad 'di lta ste/ dngos po med pa'i ngo bo nyid kyi mtshan nyid pas mtshan nyid med par mtshan nyid gcig pa'i phyir ro/ /mtshan nyid med pa'i chos kyis ni mtshan nyid med pa'i chos thob par mi 'gyur ro/ / mtshan nyid tha dad pa'i chos kyis kyang mtshan nyid tha dad pa'i chos thob par mi 'gyur ro/ /mtshan nyid tha dad pa 'am/ mtshan nyid med pa'i chos rnams kyis kyang mtshan nyid tha dad pa 'am/ mtshan nyid med pa'i chos rnams thob par mi 'gyur ro/ / rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ mtshan nyid med pa'i tshul khrims kyi pha rol tu phyin pa yongs su rdzogs par byed do/ /mtshan nyid med pa'i tshul khrims kyi pha rol tu phyin pa yongs su rdzogs par byas nas byang chub sems dpa'i skyon med pa la 'jug go/ /byang chub sems dpa'i skyon med pa la zhugs te mi skye ba'i chos la bzod pa thob nas/ lam gyi rnam pa shes pa nyid la spyod cing / rnam par smin pa las byung ba'i mngon par shes pa rnams thob la/ gzungs kyi sgo lnga brgya la gnas nas so so yang dag par rig pa bzhi thob ste sangs rgyas kyi zhing nas sangs rgyas kyi zhing du 'gro zhing sangs rgyas bcom ldan 'das la yang bsnyen bkur byed/ sems can rnams kyang yongs su smin par byed/ sangs rgyas kyi zhing yang yongs su 'dzin par byed do/ /de 'khor ba'i 'gro ba lngar yang 'khor la 'khor ba na spyod pa'i las rnams kyi rnam par smin pas kyang gos par mi 'gyur ro/ /'di lta ste dper na sprul pa ni 'gro ba dang / 'greng ba dang / 'dug pa dang / nyal bar yang byed la de la 'gro ba dang / 'ong ba dang / gnas pa dang / 'dug pa dang / nyal ba yang med de/ de ni sems can gyi don yang byed la/ sems can dang sems can du gdags pa yang mi dmigs so/ /'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas ni bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo bskor te/ sems can tshad med pa dag btul nas theg pa gnyis kyis yongs su mya ngan las 'das kyang byang chub sems dpa' gang bla na med pa yang dag par rdzogs pa'i byang chub du lung bstan pa 'ga' yang ma mthong nas/ des tshe'i 'du byed bor te/ sprul pa sprul nas phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /rab 'byor sprul pa des kyang bskal pa 'das kyi bar du byang chub sems dpa' bla na med pa yang dag par rdzogs pa'i byang chub tu lung bstan nas yongs su mya ngan las 'das te/ sprul pa de la yang gzugs sam/ tshor ba 'am/ 'du shes sam/ 'du byed rnams sam/ rnam par shes pa'i dngos po ci yang mi dmigs so/ /rab 'byor de bzhin du byang chub sems dpa' sems dpa' chen po yang sems can dang / sems can du gdags pa yang mi dmigs la/ sems can rnams kyi don kyang byed do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ tshul khrims kyi pha rol tu phyin pa gang yongs su rdzogs na chos thams cad nang du 'dus par 'gyur ba yongs su rdzogs par byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni rmi lam lta bu'i nye bar len pa'i phung po lnga po dag dang / brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu'i nye bar len pa'i phung po lnga po dag la gnas nas mtshan nyid med pa'i bzod pa'i pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen pos mtshan nyid med pa'i nye bar len pa'i phung po lnga po dag la gnas nas/ bzod pa'i pha rol tu phyin pa ji ltar yongs su rdzogs par byed ce na/ rab 'byor 'di la byang chub sems dpa' sems dpa' chen po bzod pa'i rnam pa gnyis kyis bzod pa'i pha rol tu phyin pa yongs su rdzogs par byed de/ gnyis gang zhe na/ byang chub sems dpa' sems dpa' chen po sems dang po bskyed pa nas bzung ste/ byang chub kyi snying po la 'dug gi bar du bar skabs der sems can thams cad lhags nas/ spyos sam/ brgyang ngam/ tshogs par mi 'byung ba 'am/ tshig rtsub po brjod kyang rung / bong ba dang / dbyug pa dang / mtshon gyis bsnun kyang rung ste/ de la byang chub sems dpa' sems dpa' chen po bzod pa'i pha rol tu phyin pa yongs su rdzogs par byed 'dod pas su zhig bdag la spyo bar byed ce 'am/ rgya bar byed ce 'am/ tshogs par mi dbyung ba 'am/ tshig rtsub po brjod par byed ce 'am/ bong ba dang / dbyug pa dang / mtshon chas bsnun par byed ces 'khrug pa dang ldan pa'i sems gcig tsam yang bskyed par mi bya'o/ /de ci'i phyir zhe na/ 'di ltar chos thams cad mtshan nyid med par bzod na/ de la su zhig bdag la spyo bar byed ce 'am/ rgya bar byed ce 'am/ tshogs par mi dbyung ba 'am/ tshig rtsub po brjod par byed ce 'am/ bong ba dang / dbyug pa dang / mtshon chas bsnun par byed ces bya bar 'byung bar ga la 'gyur te/ de de ltar rtog na bzod pa'i pha rol tu phyin pa yongs su rdzogs par byed pa yin no/ /de bzod pa'i pha rol tu phyin pa yongs su rdzogs par byas pa des na mi skye ba'i chos la bzod pa thob par 'gyur ro/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das mi skye ba'i chos la bzod pa ni ci zhig lags/ 'di'i tshad ni ji tsam lags/ shes pa ni gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor chos phra rab tsam yang skye ba med pa de ni mi skye ba'i chos can zhes bya'o/ /de la bzod pa gang yin pa de ni shes pa zhes bya ste/ shes pa des mi skye ba'i chos la bzod pa thob po/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das nyan thos rnams dang / rang sangs rgyas rnams kyi mi skye ba'i chos la bzod pa gang lags pa dang / byang chub sems dpa' sems dpa' chen po'i bzod pa gang lags pa'i bzod pa 'di gnyis la tha dad du bgyi ba ci zhig mchis lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor rgyun tu zhugs pa'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /lan cig phyir 'ong ba'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /phyir mi 'ong ba'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /dgra bcom pa'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /rang sangs rgyas kyi shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa ste/ rab 'byor nyan thos dang / rang sangs rgyas kyi bzod pa dang / byang chub sems dpa'i bzod pa tha dad du bya ba ni de yin no/ /rab 'byor byang chub sems dpa' sems dpa' chen po de ni bzod pa 'di lta bu dang ldan pas nyan thos dang / rang sangs rgyas thams cad zil gyis gnon to/ /de rnam par smin pa las byung ba'i mi skye ba'i chos la bzod pa la gnas nas byang chub sems dpa'i lam la spyod cing lam gyi rnam pa shes pa nyid yongs su rdzogs par byed do/ /de yongs su rdzogs na byang chub kyi phyogs kyi chos sum bcu rtsa bdun dang / stong pa nyid dang / mtshan ma med pa dang / smon pa med pa'i ting nge 'dzin dang bral bar mi 'gyur ro/ / de mngon par shes pa lnga dang yang bral bar mi 'gyur ro/ /de mngon par shes pa lnga po de dag dang ma bral bas sems can rnams kyang yongs su smin par byed/ sangs rgyas kyi zhing yang yongs su dag par byed do/ /des sems can rnams kyang yongs su smin par byas shing sangs rgyas kyi zhing yang yongs su dag par byas nas/ skad cig gcig dang ldan pa'i shes rab kyis rnam pa thams cad mkhyen pa nyid thob par 'gyur ro/ /rab 'byor de ltar na byang chub sems dpa' sems dpa' chen po mtshan nyid med pa'i bzod pa'i pha rol tu phyin pa yongs su rdzogs par byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/ rmi lam lta bu'i nye bar len pa'i phung po lnga po dag la gnas shing sprul pa lta bu'i bar gyi nye bar len pa'i phung po lnga po dag la gnas nas/ mtshan nyid med pa'i lus dang sems kyis brtson 'grus rtsom par byed de/ de lus kyi brtson 'grus kyis rdzu 'phrul mngon par sgrub cing phyogs bcu'i 'jig rten gyi khams dag tu song nas/ sangs rgyas bcom ldan 'das rnams la bsnyen bkur byed cing sems can rnams kyi don byed do/ /de lus kyi brtson 'grus des sems can rnams yongs su smin par byas nas/ theg pa gsum po dag la 'god par byed do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni/ mtshan nyid med pa'i brtson 'grus kyi pha rol tu phyin pa yongs su rdzogs par byed do/ /de sems kyi brtson 'grus zag pa med pa'i lam dang / lam du rtogs pas brtson 'grus kyi pha rol tu phyin pa yongs su rdzogs par byed de/ der ni 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / dge ba'i chos thams cad 'dus te/ byang chub sems dpa' sems dpa' chen po de la spyod pas rnam pa thams cad mkhyen pa nyid yongs su rdzogs par bya'o/ /de yongs su rdzogs na bag chags kyi mtshams sbyor ba thams cad spong bar 'gyur ro/ /des spangs shing mtshan nyid med pa yongs su grub pa/ yongs su rdzogs la snyoms par 'jug pa'i mthu bsgrubs nas chos kyi 'khor lo lan gsum du bzlas te/ rnam pa bcu gnyis su bskor ba bskor bar 'gyur te/ de bskor bas stong gsum gyi stong chen po'i 'jig rten gyi khams rnam pa drug tu g.yo bar 'gyur/ rab tu g.yo bar 'gyur/ kun tu rab tu g.yo bar 'gyur/ 'gul bar 'gyur/ rab tu 'gul bar 'gyur/ kun tu rab tu 'gul bar 'gyur/ ldeg par 'gyur/ rab tu ldeg par 'gyur/ kun tu rab tu ldeg par 'gyur zhing stong gsum gyi stong chen po'i 'jig rten gyi khams thams cad snang bas khyab par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas de las sgra skad 'byung bar 'gyur te/ des sgra thos par byed do/ /stong gsum gyi stong chen po'i 'jig rten gyi khams de na sems can gang dag 'khod pa de dag gis kyang sgra de thos par 'gyur te/ de dag thams cad theg pa gsum po dag la nges par 'byung bar 'gyur ro/ /rab 'byor byang chub sems dpa' sems dpa' chen po'i brtson 'grus kyi pha rol tu phyin pa ni de ltar gces spras byed pa yin te/ brtson 'grus kyi pha rol tu phyin pa 'di la gnas nas byang chub sems dpa' sems dpa' chen pos sangs rgyas kyi chos thams cad yongs su rdzogs te rnam pa thams cad mkhyen pa nyid thob bo/ /shes rab kyi pha rol tu phyin pa khri brgyad stong pa/ bam po lnga bcu pa/ rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/ rmi lam lta bu'i nye bar len pa'i phung po lnga po dag la gnas nas/ ting nge 'dzin gyi pha rol tu phyin pa yongs su rdzogs par byed do/ /sprul pa lta bu'i bar gyi nye bar len pa'i phung po lnga po dag la gnas nas/ ting nge 'dzin gyi pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen pos ji ltar rmi lam lta bu nas/ sprul pa lta bu'i bar gyi nye bar len pa'i phung po lnga po dag la gnas nas/ ting nge 'dzin gyi pha rol tu phyin pa yongs su rdzogs par byed ce na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni/ bsam gtan dang po bsgrubs te gnas nas bsam gtan bzhi pa'i bar du bsgrubs te gnas so/ /byams pa dang / snying rje dang / dga' ba dang / btang snyoms dang / nam mkha' mtha' yas skye mched nas/ 'du shes med 'du shes med min skye mched kyi bar du bsgrubs te gnas so/ /stong pa nyid dang / mtshan ma med pa dang / smon pa med pa'i ting nge 'dzin sgom par byed do/ /de bzhin gshegs pa'i ting nge 'dzin glog lta bu'i ting nge 'dzin dang / yang dag pa'i ting nge 'dzin dang / rdo rje lta bu'i ting nge 'dzin ma gtogs par ting nge 'dzin gang yang rung ba nyan thos kyi ting nge 'dzin tam/ rang sangs rgyas kyi ting nge 'dzin tam/ ting nge 'dzin gyi tshogs gzhan gang yang rung ba de dag thams cad lus kyis khyab par byas nas bsgrubs te gnas la/ ting nge 'dzin de dag dang / ting nge 'dzin gyi 'bras bu yang myong bar mi byed do/ /de ci'i phyir zhe na/ 'di ltar byang chub sems dpa' sems dpa' chen po des ting nge 'dzin gyi mtshan nyid dngos po med pa'i ngo bo nyid du 'du shes pa'i phyir te/ ji ltar mtshan nyid med pa'i chos kyis mtshan nyid med pa'i chos kyi ro myong bar mi byed cing / dngos po med pas dngos po med pa'i ro myong bar mi byed de/ de ro myong bar mi byed pas na/ ting nge 'dzin gang gi dbang gis kyang 'dod pa'i khams sam/ gzugs kyi khams sam/ gzugs med pa'i khams su skye bar mi 'gyur ro/ /de ci'i phyir zhe na/ 'di ltar des khams de dag mi dmigs la gang snyoms par 'jug pa dang / cis snyoms par 'jug pa de yang mi dmigs pa'i phyir ro/ /des mi dmigs pas mtshan nyid med pa'i ting nge 'dzin gyi pha rol tu phyin pa yongs su rdzogs par byed de/ ting nge 'dzin gyi pha rol tu phyin pa des nyan thos dang rang sangs rgyas kyi sa las 'da' bar 'gyur ro/ / de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po ji ltar mtshan nyid ma mchis pa'i ting nge 'dzin gyi pha rol tu phyin pa yongs su rdzogs par bgyis shing nyan thos dang / rang sangs rgyas kyi sa las 'da' bar 'gyur lags/ bka' stsal pa/ rab 'byor 'di ltar byang chub sems dpa' sems dpa' chen pos nang stong pa nyid la legs par bslabs shing / rang gi mtshan nyid stong pa nyid kyi bar dag la legs par bslabs pas na/ stong pa nyid 'di la rgyun tu zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub 'am/ rnam pa thams cad mkhyen pa nyid kyi bar gang la gnas par bya ba'i chos gang yang mi dmigs so/ /stong pa nyid de yang stong ste/ de stong pa nyid de dag gis nyan thos dang / rang sangs rgyas kyi sa las 'das nas/ byang chub sems dpa'i skyon med pa la 'jug go/ /gsol pa/ bcom ldan 'das byang chub sems dpa'i skyon ni gang lags/ skyon ma mchis pa ni gang lags/ bka' stsal pa/ rab 'byor dmigs pa thams cad ni byang chub sems dpa' sems dpa' chen po'i skyon yin no/ / dmigs pa med pa thams cad ni skyon med pa yin no/ /gsol pa/ bcom ldan 'das dmigs pa ni gang lags/ dmigs pa ma mchis pa ni gang lags/ bka' stsal pa/ rab 'byor gzugs ni byang chub sems dpa' sems dpa' chen po'i dmigs pa yin no/ /tshor ba dang / 'du shes dang / 'du byed rnams dang / rnam par shes pa ni byang chub sems dpa' sems dpa' chen po'i dmigs pa yin no/ /ming dang gzugs dang / rna ba dang / sgra dang / sna dang / dri dang / lce dang / ro dang / lus dang reg bya dang / yid dang chos rnams ni byang chub sems dpa' sems dpa' chen po'i dmigs pa yin no/ /de bzhin du sbyar te rnam pa thams cad mkhyen pa nyid kyi bar du dmigs pa ni skyon yin no/ /rab 'byor skyon med pa ni gang la gzugs nas rnam pa thams cad mkhyen pa nyid kyi bar gyi chos 'di dag gi brjod pa yang mi dmigs pa yin no/ /de ci'i phyir zhe na/ rab 'byor 'di ltar gzugs kyi ngo bo nyid ni dmigs su med do/ /gzugs kyi ngo bo nyid gang yin pa de ni dngos po med cing brjod du med do/ /rnam pa thams cad mkhyen pa nyid kyi bar gyi ngo bo nyid gang yin pa de ni dngos po med do/ /brjod du med do/ /rab 'byor 'di ni byang chub sems dpa' sems dpa' chen po'i skyon med pa yin te/ byang chub sems dpa' sems dpa' chen po de ni skyon med pa la zhugs nas/ ting nge 'dzin thams cad yongs su rdzogs par yang byed la/ snyoms par 'jug pa'i dbang gis kyang skye bar mi 'gyur na/ 'dod chags dang / zhe sdang dang / gti mug gis mi skye ba lta ci smos te/ de la gnas nas las gang mngon par 'dus byas pas bsam gtan bzhi las gang yang rung bar skye bar 'gyur ba'i las de mngon par 'du byed pa de ni gnas med do/ /gzhan du na sgyu ma lta bu'i chos rnams la gnas nas sems can rnams kyi don kyang byed la/ sems can yang mi dmigs/ sgyu ma yang mi dmigs so/ /des mi dmigs par sems can rnams yongs su smin par byed la/ sangs rgyas kyi zhing yang yongs su 'dzin par byed do/ /rab 'byor de ltar na byang chub sems dpa' sems dpa' chen po ting nge 'dzin gyi pha rol tu phyin pa yongs su rdzogs par byas nas/ 'di lta ste/ dmigs su med pa'i 'khor lo'i chos kyi 'khor lo'i bar du bskor bar byed do/ / rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni chos thams cad rmi lam lta bur yongs su shes shing / chos thams cad brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bur yongs su shes so/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pas ji ltar chos thams cad rmi lam lta bur yongs su 'tshal cing / chos thams cad sprul pa lta bu'i bar du yongs su 'tshal ba lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa ni/ rmi lam rmi ba ma yin/ rmi lam rmi ba po yang ma yin no/ /brag cha thos pa ma yin/ brag cha nyan pa po yang ma yin no/ /mig yor mthong ba ma yin/ mig yor mthong ba po yang ma yin no/ /smig rgyu mthong ba ma yin/ smig rgyu mthong ba po yang ma yin no/ /sgyu ma mthong ba ma yin/ sgyu ma mthong ba po yang ma yin no/ /sprul pa mthong ba ma yin/ sprul pa mthong ba po yang ma yin no/ /de ci'i phyir zhe na/ 'di ltar rmi lam dang brag cha dang / mig yor dang / smig rgyu dang / sgyu ma dang / sprul pa ni phyin ci log yin la/ byis pa so so'i skye bo rnams kyi phyin ci log yin te/ dgra bcom pa ni rmi lam rmi ba ma yin/ rmi lam rmi ba po yang ma yin zhing / sprul pa'i bar du mthong ba ma yin zhing / sprul pa mthong ba po yang ma yin la/ de bzhin du sbyar te/ rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs par sangs rgyas kyang rmi lam rmi ba ma yin/ rmi lam rmi ba po yang ma yin zhing / sprul pa'i bar du mthong ba ma yin/ sprul pa mthong ba po yang ma yin pa'i phyir ro/ /de ci'i phyir zhe na/ 'di ltar chos thams cad ni dngos po med pa'i ngo bo nyid de/ ma skyes pa dang / yod pa ma yin pa'i phyir ro/ /dngos po med pa'i ngo bo nyid dang / yongs su ma grub pa gang yin pa de dag la/ byang chub sems dpa' sems dpa' chen po shes rab kyi pha rol tu phyin pa la spyod pa/ dngos po'i 'du shes can nam/ yongs su grub pa'i 'du shes can du ji ltar 'gyur te/ de ni gnas med do/ /de ci'i phyir zhe na/ gal te chos 'ga' zhig la dngos po 'am/ yongs su grub pa 'am/ yod pa zhig tu gyur na/ de ni shes rab kyi pha rol tu phyin pa ma yin pa'i phyir ro/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa ni gzugs la chags pa med cing rnam par shes pa'i bar la chags pa med do/ /'dod pa'i khams la chags pa med do/ /gzugs kyi khams la chags pa med do/ /gzugs med pa'i khams la chags pa med do/ /bsam gtan dang / rnam par thar pa dang / snyoms par 'jug pa rnams la chags pa med do/ /dran pa nye bar gzhag pa bzhi la chags pa med pa nas/ byang chub kyi phyogs kyi chos sum bcu rtsa bdun gyi bar dag la chags pa med do/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin la chags pa med do/ /sbyin pa'i pha rol tu phyin pa la chags pa med do/ /de bzhin du sbyar te tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la chags pa med do/ /de shes rab kyi pha rol tu phyin pa la spyod pa na/ sa dang po yongs su rdzogs par byed de/ de la yang 'dun pa'i 'dod chags mi bskyed do/ /de ci'i phyir zhe na/ 'di ltar des sa de ma dmigs na/ 'dun pa'i 'dod chags bskyed par ji ltar 'gyur/ de bzhin du sa bcu pa'i bar du yongs su rdzogs par byed de/ de la yang 'dun pa'i 'dod chags mi bskyed do/ /de ci'i phyir zhe na/ 'di ltar des sa de ma dmigs na/ de la 'dun pa'i 'dod chags bskyed par ji ltar 'gyur/ de shes rab kyi pha rol tu phyin pa la spyod bzhin du/ shes rab kyi pha rol tu phyin pa de mi dmigs so/ /de mi dmigs pa'i shes rab kyi pha rol tu phyin pa la spyod pa na/ chos thams cad shes rab kyi pha rol tu phyin pa de'i nang du 'dus par mthong la/ chos de dag kyang mi dmigs so/ /de ci'i phyir zhe na/ 'di ltar chos de dag dang / shes rab kyi pha rol tu phyin pa de gnyis su med de gnyis su dbyer med pa'i phyir ro/ /de ci'i phyir zhe na/ 'di ltar chos de dag la tha dad pa ci yang med de/ chos kyi dbyings bstan pa dang / de bzhin nyid bstan pa dang / yang dag pa'i mtha' bstan pa'i tshul gyis chos thams cad tha dad pa ma yin pa'i phyir ro/ / gsol pa/ bcom ldan 'das gal te chos thams cad dbyer ma mchis pa lags na/ dge ba dang / mi dge ba'i chos rnams ji ltar bstan lags/ 'jig rten pa dang / 'jig rten las 'das pa'i chos rnams ji ltar bstan lags/ zag pa dang bcas pa dang / zag pa ma mchis pa'i chos rnams ji ltar bstan lags/ 'dus byas dang / 'dus ma byas kyi chos rnams ji ltar bstan lags/ bka' stsal pa/ rab 'byor 'di ji snyam du sems/ ci chos rnams kyi chos nyid de la/ 'dus byas sam/ 'dus ma byas sam/ rgyun tu zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub 'am/ sangs rgyas kyi byang chub kyi chos 'ga' tsam gyi brjod pa yod snyam 'am/ gsol pa/ bcom ldan 'das de ni ma mchis lags so/ /bka' stsal pa/ rab 'byor de bas na rnam grangs des kyang khyod kyis chos thams cad tha dad pa ma yin pa dang / chos thams cad mtshan nyid med pa dang / skye ba med pa dang / 'gag pa med par de ltar rig par bya'o/ /rab 'byor nga sngon byang chub sems dpa'i spyad pa spyod pa na gzugs shes bya ba 'am/ tshor ba zhes bya ba 'am/ 'du shes shes bya ba 'am/ 'du byed rnams shes bya ba 'am/ rnam par shes pa zhes bya ba 'am/ 'dus byas shes bya ba 'am/ 'dus ma byas shes bya ba'i bar ram/ rgyun tu zhugs pa'i 'bras bu zhes bya ba'i bar ram/ byang chub ces bya ba'i bar du chos 'ga' tsam gyi ngo bo nyid kyang ma dmigs so/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pas sems dang po bskyed pa nas bzung ste bla na med pa yang dag par rdzogs pa'i byang chub mngon par rdzogs par sangs rgyas kyi bar du mi dmigs pa'i tshul gyis chos thams cad kyi ngo bo nyid la mkhas par bya'o/ /chos thams cad kyi ngo bo nyid la mkhas pa'i byang chub sems dpa' sems dpa' chen po ni byang chub kyi lam yang yongs su rdzogs par byed/ sems can rnams kyang yongs su smin par byed/ sangs rgyas kyi zhing yang yongs su 'dzin par byed do/ /de la gnas nas bla na med pa yang dag par rdzogs pa'i byang chub mngon par rdzogs par sangs rgyas te/ ci nas sems can rnams btul nas srid pa gsum du kun nas nyon mongs par mi 'gyur ba de ltar 'dul bar byed do/ /rab 'byor de ltar byang chub sems dpa' sems dpa' chen pos mtshan nyid med pa'i tshul gyis shes rab kyi pha rol tu phyin pa la bslab par bya'o/ /shes rab kyi pha rol tu phyin pa khri brgyad stong pa las mtshan nyid med pa bstan pa'i le'u zhes bya ste/ bdun bcu rtsa gnyis pa'o// // de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das chos thams cad rmi lam lta bu dang / dngos po ma mchis pa dang / dngos po ma mchis pa'i ngo bo nyid dang / rang gi mtshan nyid kyis stong pa la 'di dag ni dge ba'o/ /'di dag ni mi dge ba'o/ /'di dag ni 'jig rten pa'o/ /'di dag ni 'jig rten las 'das pa'o/ /'di dag ni zag pa dang bcas pa'o/ /'di dag ni zag pa ma mchis pa'o/ /'di dag ni 'dus byas so/ /'di dag ni 'dus ma byas so/ /'di dag ni rgyun tu zhugs pa'i 'bras bu mngon sum du byed par 'gyur ba'o/ /'di dag ni lan cig phyir 'ong ba'i 'bras bu mngon sum du byed par 'gyur ba'o/ /'di dag ni phyir mi 'ong ba'i 'bras bu mngon sum du byed par 'gyur ba'o/ /'di dag ni dgra bcom pa nyid mngon sum du byed par 'gyur ba'o/ /'di dag ni rang byang chub mngon sum du byed par 'gyur ba'o/ /'di dag ni bla na med pa yang dag par rdzogs pa'i byang chub tu 'gyur ba'o zhes ji ltar gzhag par 'gyur lags/ de bzhin du brag cha lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu dang / dngos po ma mchis pa dang / dngos po ma mchis pa'i ngo bo nyid dang / rang gi mtshan nyid kyis stong pa'i chos rnams la bla na med pa yang dag par rdzogs pa'i byang chub kyi bar du 'gyur bar ji ltar rnam par gzhag par 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byis pa so so'i skye bo thos pa dang mi ldan pa ni rmi lam yang dmigs so/ /rmi lam rmi ba po yang dmigs so/ /sprul pa'i bar du yang dmigs so/ /sprul pa mthong ba po yang dmigs so/ /de rmi lam yang dmigs la rmi lam rmi ba po yang dmigs pa nas/ sprul pa'i bar du yang dmigs la/ sprul pa mthong ba po yang dmigs pas lus dang ngag dang / yid kyis mi dge ba'i 'du byed rnams kyang mngon par 'du byed do/ /lus dang ngag dang yid kyis dge ba'i 'du byed rnams kyang mngon par 'du byed do/ /lus dang ngag dang yid kyis bsod nams dang / bsod nams ma yin pa dang / mi g.yo ba'i 'du byed rnams kyang mngon par 'du byed do/ /de bas na byang chub sems dpa' sems dpa' chen po shes rab kyi pha rol tu phyin pa la spyod pa ni/ mtha' las 'das pa stong pa nyid dang / thog ma dang tha ma med pa stong pa nyid de/ stong pa nyid 'di gnyis la gnas nas/ sems can rnams la khams gsum pa 'di ni stong ngo zhes chos ston par byed do/ /'di la gzugs sam/ tshor ba 'am/ 'du shes sam/ 'du byed rnams sam/ rnam par shes pa 'am/ phung po rnams sam/ khams rnams sam/ skye mched rnams med do/ /'di dag ni rmi lam mo/ /'di dag ni brag cha'o/ /'di dag ni mig yor ro/ /'di dag ni smig rgyu'o/ /'di dag ni sgyu ma'o/ /'di dag ni sprul pa'o/ /'di la phung po dang / khams rnams dang / skye mched rnams med do/ /'di la ni rmi lam dang / rmi lam rmi ba po dang / brag cha dang / brag cha thos pa po dang / mig yor dang / mig yor mthong ba po dang / smig rgyu dang / smig rgyu mthong ba po dang / sgyu ma dang / sgyu ma mthong ba po dang / sprul pa dang / sprul pa mthong ba po med de/ chos 'di dag thams cad ni dngos po med pa dang / dngos po med pa'i ngo bo nyid kho na yin na khyed ni phung po rnams med pa la phung por 'du shes par gyur/ khams rnams med pa la khams su 'du shes par gyur/ skye mched rnams med pa la skye mched du 'du shes par gyur la/ chos 'di dag thams cad ni rten cing 'brel bar 'byung ba dang / phyin ci log las skyes pa dang / las kyi rnam par smin pas yongs su zin pa yin na/ khyed ci'i phyir dngos po med pa'i chos rnams la dngos po'i 'du shes bskyed ces ston par byed de/ de bas na byang chub sems dpa' sems dpa' chen po shes rab kyi pha rol tu phyin pa la spyod pa ni/ thabs la mkhas pas sems can ser sna can gang yin pa de dag ni ser sna las bzlog nas sbyin pa'i pha rol tu phyin pa la sbyor bar byed do/ /de dag gi sbyin pa yongs su gtong ba de yang longs spyod chen por 'gyur ro/ /des de dag de las bskyod nas tshul khrims las 'god par byed de/ de dag gi tshul khrims yang dag par blangs pa de yang mtho ris su skye bar 'gyur ro/ /de nas bskyod nas kyang ting nge 'dzin la sbyor bar byed de/ de dag gi ting nge 'dzin kyang tshangs pa'i 'jig rten du skye bar 'gyur ro/ /de bzhin du bsam gtan dang po las bsam gtan gnyis pa/ bsam gtan gnyis pa las bsam gtan gsum pa/ bsam gtan gsum pa las/ bsam gtan bzhi pa/ bsam gtan bzhi pa las/ nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / ci yang med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa la sbyor bar byed do/ /des sbyin pa dang / sbyin pa'i 'bras bu de las kyang rnam grangs du mas bskyod nas phung po'i lhag ma med pa'i mya ngan las 'das pa'i dbyings su 'dul bar byed/ 'dzud par byed/ 'god par byed do/ /des tshul khrims dang / tshul khrims kyi 'bras bu de las kyang rnam grangs du mas bskyod nas phung po'i lhag ma med pa'i mya ngan las 'das pa'i dbyings su 'dul bar byed/ 'dzud par byed/ 'god par byed do/ /des snyoms par 'jug pa dang / snyoms par 'jug pa'i 'bras bu de dag las kyang rnam grangs du mas bskyod nas phung po'i lhag ma med pa'i mya ngan las 'das pa'i dbyings su 'dul bar byed/ 'dzud par byed/ 'god par byed do/ /de bzhin du dran pa nye bar gzhag pa bzhi dang / yang dag pa'i spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dag la 'dul bar byed/ 'dzud par byed/ 'god par byed do/ /des zag pa med pa'i chos/ gzugs med pa/ bstan du med pa/ thogs pa med pa de dag gis rgyun tu zhugs pa'i 'bras bu don du gnyer ba gang yin pa de dag ni rgyun tu zhugs pa'i 'bras bu la 'god do/ /lan cig phyir 'ong ba'i 'bras bu don du gnyer ba gang yin pa de dag ni lan cig phyir 'ong ba'i 'bras bu la 'god do/ /phyir mi 'ong ba'i 'bras bu don du gnyer ba gang yin pa de dag ni phyir mi 'ong ba'i 'bras bu la 'god do/ /dgra bcom pa nyid don du gnyer ba gang yin pa de dag ni dgra bcom pa nyid la 'god do/ /rang byang chub don du gnyer ba gang yin pa de dag ni rang byang chub la 'god do/ /bla na med pa yang dag par rdzogs pa'i byang chub don du gnyer ba gang yin pa de dag la ni byang chub kyi lam brjod par byed de/ ston par byed/ yang dag par gzeng stod par byed/ yang dag par rab tu dga' bar byed/ 'god par byed do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa 'di ltar dngos po ma mchis pa'i ngo bo nyid kyi chos rnams dang / mtha' las 'das pa stong pa nyid dang / thog ma dang tha ma med pa stong pa nyid kyi chos rnams la 'di dag ni dge ba'i chos so/ /'di dag ni mi dge ba'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so zhes bya ba'i bar du rnam par 'jog par bgyid pa 'di ni ngo mtshar rmad du byung ba'i chos lags so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ rab 'byor shes rab kyi pha rol tu phyin pa zab mo 'di la spyod pa/ chos rnam par 'jog par byed pa 'di ni byang chub sems dpa' sems dpa' chen po'i ngo mtshar rmad du byung ba'i chos yin no/ /rab 'byor gal te khyod kyis byang chub sems dpa' sems dpa' chen po'i ngo mtshar rmad du byung ba'i chos shes na ni/ de'i phyir nyan thos dang / rang sangs rgyas thams cad kyis kyang byang chub sems dpa' sems dpa' chen po la lan du phan gdags par sla ba ma yin la/ khyed thams cad kyis kyang byang chub sems dpa' sems dpa' chen po la chos dang ldan pas zil gyis mnan par mi nus so/ / de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa' sems dpa' chen po'i ngo mtshar rmad du byung ba'i chos gang nyan thos dang / rang sangs rgyas rnams la ma mchis pa de gang lags/ bcom ldan 'das kyis bka' stsal pa/ rab 'byor de'i phyir legs par nyon la rab tu yid la zung shig dang bshad par bya'o/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ rnam par smin pa las byung ba'i pha rol tu phyin pa drug po dag la gnas shing mngon par shes pa lnga dang / byang chub kyi phyogs kyi chos sum bcu rtsa bdun dang / gzungs kyi sgo rnams dang / so so yang dag par rig pa bzhi la gnas nas phyogs bcu'i 'jig rten gyi khams dag tu song ste/ de dag tu sems can gang dag sbyin pas phan gdags par bya ba de dag la ni sbyin pas phan 'dogs so/ /gang dag tshul khrims kyis phan gdags par bya ba dang / gang dag bzod pas phan gdags par bya ba dang / gang dag brtson 'grus kyis phan gdags par bya ba dang / /gang dag bsam gtan gyis phan gdags par bya ba dang / gang dag shes rab kyis phan gdags par bya ba de dag la ni shes rab kyis phan 'dogs so/ /gang dag bsam gtan dang pos phan gdags par bya ba dang / gang dag bsam gtan gnyis pas phan gdags par bya ba dang / gang dag bsam gtan gsum pas phan gdags par bya ba dang / gang dag bsam gtan bzhi pas phan gdags par bya ba dang / gang dag nam mkha' mtha' yas skye mched kyi snyoms par 'jug pas phan gdags par bya ba dang / gang dag 'du shes med 'du shes med min skye mched kyi snyoms par 'jug pa'i bar gyis phan gdags par bya ba de dag la ni 'du shes med 'du shes med min skye mched kyi snyoms par 'jug pas phan 'dogs so/ /gang dag byams pas phan gdags par bya ba de dag la ni byams pas phan 'dogs so/ /gang dag snying rjes phan gdags par bya ba dang / gang dag dga' bas phan gdags par bya ba dang / gang dag btang snyoms kyis phan gdags par bya ba dang / gang dag dran pa nye bar gzhag pa bzhis phan gdags par bya ba dang / gang dag yang dag par spong ba bzhis phan gdags par bya ba dang / gang dag rdzu 'phrul gyi rkang pa bzhis phan gdags par bya ba dang / gang dag dbang po lngas phan gdags par bya ba dang / gang dag stobs lngas phan gdags par bya ba dang / gang dag byang chub kyi yan lag bdun gyis phan gdags par bya ba dang / gang dag 'phags pa'i lam yan lag brgyad pas phan gdags par bya ba dang / gang dag stong pa nyid kyi ting nge 'dzin gyis phan gdags par bya ba dang / gang dag mtshan ma med pa'i ting nge 'dzin gyis phan gdags par bya ba dang / gang dag smon pa med pa'i ting nge 'dzin gyis phan gdags par bya ba de dag la smon pa med pa'i ting nge 'dzin gyis phan 'dogs so/ /gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa ji ltar sbyin pas sems can rnams la phan 'dogs pa lags/ bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa/ sbyin pa sbyin par byed de/ zas 'dod pa rnams la ni zas/ skom 'dod pa rnams la ni skom/ bzhon pa dang me tog phreng dang / byug pa dang spos dang / gos dang / mal cha dang / stan dang / mi'i yo byad ci yang rung ba'i bar du sbyin par byed de/ de bzhin gshegs pa dgra bcom pa yang dag par rdzogs pa'i sangs rgyas la ji ltar 'bul ba de bzhin du/ rang sangs rgyas rnams dang / dgra bcom pa rnams dang / phyir mi 'ong ba rnams dang / lan cig phyir 'ong ba rnams dang / rgyun tu zhugs pa rnams dang / yang dag par spong ba rnams dang / yang dag par zhugs pa rnams la yang de bzhin no/ /mir gyur pa rnams la yang de bzhin no/ /dud 'gro'i skye gnas pa rnams la yang de bzhin te/ thams cad la yang tha dad du dbye ba med par sbyin pa sbyin par byed do/ /de ci'i phyir zhe na/ 'di ltar chos thams cad tha dad pa med par rtogs pa'i phyir tha dad pa med par sbyin pa sbyin par byed do/ /tha dad pa med par sbyin pa byin pas tha dad pa med pa'i chos 'di lta ste/ rnam pa thams cad mkhyen pa nyid thob par 'gyur ro/ /rab 'byor gal te byang chub sems dpa' sems dpa' chen pos dud 'gro'i skye gnas su skyes pa'i srog chags mthong na/ 'di snyam du bdag gi sbyin gnas ni yang dag par rdzogs pa'i sangs rgyas yin gyi dud 'gro'i skye gnas su skyes pa ni ma yin no snyam du sems na/ byang chub sems dpa'i chos ma yin no/ /de ci'i phyir zhe na/ byang chub sems dpa' sems dpa' chen po byang chub tu sems bskyed nas/ de ltar bla na med pa yang dag par rdzogs pa'i byang chub tu yang dag par zhugs pa la sems can 'di dag la ni bdag gis sbyin pas phan gdags par bya'o/ /'di dag la ni phan gdags par mi bya'o zhes bya ba med pa'i phyir ro/ /sbyin pas phan btags pa de dag kyang / rgyal rigs shing sa la chen po lta bu dag tu skye bar 'gyur/ bram ze'i rigs shing sa la chen po lta bu dag dang / khyim bdag gi rigs shing sa la chen po lta bu dag tu skye bar 'gyur te/ sbyin pas phan btags pa de nyid kyis de dag theg pa gsum po dag gis rim gyis phung po'i lhag ma med pa'i mya ngan las 'das pa'i dbyings su yongs su mya ngan las 'da' bar yang 'gyur ro/ /gal te byang chub sems dpa' sems dpa' chen po la skye bo mang pos gsad par gsol ba btab na/ des 'khrug pa med pa'i sems kyis skye bo mang po de dag la nges par sbyin par bya'i sbyin nam mi sbyin snyam pa'i sems gzhan bskyed par mi bya'o/ /de ci'i phyir zhe na/ 'di ltar skye bo mang po de dag gi don du bla na med pa yang dag par rdzogs pa'i byang chub la yang dag par zhugs pa'i phyir ro/ /gal te de ltar rtog par byed na ni/ sangs rgyas bcom ldan 'das rnams dang / byang chub sems dpa' rnams dang / rang sangs rgyas rnams dang / dgra bcom pa rnams dang / slob pa rnams dang / lha dang mi dang lha ma yin du bcas pa'i 'jig rten gyis kyang khyod sems can thams cad kyi skyabs dang / gnas dang / mgon dang / dpung gnyen bya bar sus ma longs shes smad par 'gyur ro/ /rab 'byor gzhan yang gal te byang chub sems dpa' sems dpa' chen po shes rab kyi pha rol tu phyin pa la spyod pa/ mir gyur pa rnams sam/ mi ma yin par gyur pa rnams kyis yan lag dang nying lag rnams bslangs na sbyin nam mi sbyin snyam pa'i sems gcig shos bskyed par mi bya'o/ /de ci'i phyir zhe na/ 'di ltar byang chub sems dpa' sems dpa' chen pos ngas lus 'dis sems can rnams kyi don bya'o snyam ste/ sems can rnams kyi don du bsams bzhin du lus yongs su bzung ba'i phyir te/ des 'di ltar gang dag gi phyir bdag gis lus blangs pa de dag gis ma bslangs bzhin du khyer te/ 'gro 'dod cig ces sems bskyed par bya ste/ rab 'byor byang chub sems dpa' sems dpa' chen pos shes rab kyi pha rol tu phyin pa la de ltar bslab par bya'o/ /rab 'byor gzhan yang byang chub sems dpa' sems dpa' chen pos slong ba mthong na/ chos thams cad kyi ngo bo nyid ni mi dmigs na su zhig sbyin par byed/ su la sbyin par byed/ ci zhig sbyin par byed ces de ltar sems bskyed par bya'o/ /de ci'i phyir zhe na/ 'di ltar chos de dag ni shin tu stong pa'i phyir te/ stong pa nyid ni su la yang sbyin par mi byed/ len par yang mi byed do/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ 'di lta ste/ nang stong pa nyid dang / phyi stong pa nyid dang / phyi nang stong pa nyid nas de bzhin du sbyar te/ rang gi mtshan nyid stong pa nyid kyi bar dag la de ltar bslab par bya'o/ /de stong pa nyid de dag la gnas nas sbyin pa sbyin par byed pas de'i sbyin pa'i pha rol tu phyin pa rtag tu rgyun mi 'chad par yongs su rdzogs par 'gyur ro/ /de sbyin pa'i pha rol tu phyin pa yongs su rdzogs pas nang dang phyi'i chos rnams bcad cing gtubs kyang / 'di snyam du su zhig nga la gcod cing gtub par byed snyam du mi sems so/ / rab 'byor 'di la ngas sangs rgyas kyi spyan gyis rnam par bltas na/ shar phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag bsams bzhin du sems can dmyal ba chen por song ste/ sems can dmyal ba'i sdug bsngal de dag zhi bar byas nas/ cho 'phrul rnam pa gsum po rdzu 'phrul gyi cho 'phrul dang / kun brjod pa'i cho 'phrul dang / rjes su bstan pa'i cho 'phrul gyis sems can dmyal ba pa'i sems can de dag la chos ston te/ de dag gis rdzu 'phrul gyi cho 'phrul gyis sems can dmyal ba'i sdug bsngal zhi bar byas nas kun brjod pa'i cho 'phrul dang / rjes su bstan pa'i cho 'phrul gyis chos ston par byed pa dang / byang chub sems dpa' de dag byams pa chen po dang / snying rje chen po dang / dga' ba chen po dang / btang snyoms chen pos kyang chos ston par byed pa dang / de nas sems can dmyal ba pa'i sems can de dag byang chub sems dpa' de dag la sems dad par gyur nas sems can dmyal ba de dag nas thar bar 'gyur ba dang / sems can dmyal ba de dag nas theg pa gsum po dag gi/ rim gyis sdug bsngal mthar byed pa dag mthong ngo / /lho dang / nub dang / byang dang / steng dang / 'og dang / phyogs mtshams kyi 'jig rten gyi khams gang gA'i klung gi bye ma snyed rnams su yang de bzhin du sbyar to/ /rab 'byor 'di la ngas sangs rgyas kyi spyan gyis 'jig rten rnam par bltas na shar phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag sangs rgyas bcom ldan 'das rnams la bsnyen bkur byed de/ sangs rgyas bcom ldan 'das la byang chub sems dpa' sems dpa' chen po de dag gis dad pa drag pos yid du mi 'ong bas ma yin gyi yid du 'ong ba dang / mi dga' bas ma yin gyi dga' ba dang ma gus pas ma yin gyi gus pas bsnyen bkur byed de/ sangs rgyas bcom ldan 'das de dag gis chos gang dag bstan pa de dag kyang byang chub sems dpa' sems dpa' chen po de dag gis 'dzin par byed do/ /bzung nas kyang 'chang bar byed do/ /bla na med pa yang dag par rdzogs pa'i byang chub mngon par rdzogs par sangs rgyas kyi bar du nams kyang chud gzon par mi byed pa dag mthong ngo / /lho dang / nub dang / byang dang / 'og dang / steng gi phyogs mtshams kyi 'jig rten gyi khams kyi bar du yang de bzhin no/ /rab 'byor 'di la ngas sangs rgyas kyi spyan gyis rnam par bltas na 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag sems can dud 'gro'i skye gnas su skyes pa de dag gi don du bdag nyid kyang yongs su gtong bar byed do/ /der byang chub sems dpa' sems dpa' chen po dag gis yan lag dang nying lag rnams gtubs nas/ phyogs dang phyogs mtshams dag tu gtor bar byed/ sems can dud 'gro'i skye gnas su skyes pa de dag gis kyang byang chub sems dpa' de dag gi sha rnams zos nas byang chub sems dpa' de dag la byams pa 'thob par 'gyur te/ de dag byams pa thob pa des dud 'gro'i skye gnas de nas thar bar 'gyur la/ thar nas kyang sangs rgyas bcom ldan 'das rnams mnyes par byed de/ de dag sangs rgyas bcom ldan 'das de dag la bsnyen bkur byed cing / sangs rgyas bcom ldan 'das de dag las chos kyang nyan la/ chos de dag mnyan nas de bzhin nyid du sgrub par byed do/ /de dag theg pa gsum po nyan thos kyi theg pa 'am/ rang sangs rgyas kyi theg pa 'am/ sangs rgyas kyi theg pas rim gyis phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ba dag mthong ngo / /rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub tu sems bskyed par byed cing / bskyed nas kyang de bzhin nyid du sgrub la de bzhin du phung po'i lhag ma med pa'i mya ngan las 'das pa'i dbyings su yang yongs su mya ngan las 'da' bar 'gyur ba de dag ni gces pras byed pa yin no/ /rab 'byor gzhan yang 'di la ngas sangs rgyas kyi spyan gyis rnam par bltas na 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag sems can yi dags kyi yul na 'khod pa rnams kyi yi dags kyi sdug bsngal rnams sel bar byed de/ ser sna spong ba'i phyir yang chos ston la/ de nas de dag byang chub sems dpa' sems dpa' chen po de dag la byams pa'i sems bskyed par byed de/ de dag dge ba'i rtsa ba des yi dag kyi skye gnas nas thar bar 'gyur zhing thar nas kyang phung po'i lhag ma med pa'i mya ngan las 'das pa'i dbyings su yongs su mya ngan las 'das kyi bar du nams kyang sangs rgyas bcom ldan 'das rnams dang bral bar mi 'gyur ba dag mthong ngo / /rab 'byor de ltar byang chub sems dpa' sems dpa' chen po snying rje chen po la gnas pa ni 'di lta ste/ yongs su mya ngan las 'da' ba'i phyir sems can thams cad kyi don du nye bar gnas pa yin no/ /rab 'byor gzhan yang 'di la ngas sangs rgyas kyi spyan gyis rnam par bltas na byang chub sems dpa' sems dpa' chen po dag rgyal chen bzhi'i ris kyi lha rnams la chos ston pa dang / sum bcu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi lha rnams la chos ston te/ lha'i bu de dag gis byang chub sems dpa' sems dpa' chen po de dag las chos thos nas theg pa gsum po dag gis rim gyis yongs su mya ngan las 'das pa dang / yongs su mya ngan las 'da' ba dang / yongs su mya ngan las 'da' bar 'gyur ba dang / rab 'byor de na lha'i bu gang dag 'dod pa'i yon tan lnga rgyas pa de dag gis lhag par mos pa de dag gi gzhal med khang 'bar bar byas nas grogs po dag 'du byed thams cad ni mi rtag pa yin na/ su zhig 'du byed rnams la yid ston cing 'dug ces chos ston pa dag mthong ngo / /rab 'byor gzhan yang 'di la ngas sangs rgyas kyi spyan gyis rnam par bltas na byang chub sems dpa' sems dpa' chen po dag 'jig rten gyi khams gang gA'i klung gi bye ma snyed dag na su dag bram ze'i lta ba la mngon par zhen pa de dag la/ kye grogs po dag chos thams cad stong pa la ji ltar lta ba bskyed/ chos thams cad gsob dang / gsog yin pa la ji ltar lta ba bskyed ces lta ba de dag las 'byed pa dag mthong ngo / /rab 'byor de ltar byang chub sems dpa' sems dpa' chen po snying rje chen po la gnas nas sems can rnams la chos ston te/ rab 'byor 'di ni byang chub sems dpa' sems dpa' chen po rnams kyi ngo mtshar rmad du byung ba'i chos yin no/ /rab 'byor 'di la ngas sangs rgyas kyi spyan gyis rnam par bltas na shar phyogs kyi 'jig rten gyi khams gang gA'i klung gi bye ma snyed dag na byang chub sems dpa' sems dpa' chen po dag gis mi rnams bsdu ba'i dngos po bzhis sdud par byed de/ bzhi gang zhe na/ sbyin pa dang / snyan par smra ba dang / don spyod pa dang / don 'thun pas bsdud par byed do/ /rab 'byor byang chub sems dpa' sems dpa' chen pos ji ltar sbyin pas sems can rnams bsdud par byed ce na/ rab 'byor 'di la byang chub sems dpa' sems dpa' chen pos ji ltar zang zing gi sbyin pa dang / chos kyi sbyin pa dang / sbyin pa rnam pa gnyis kyis sems can rnams bsdud par byed do/ /rab 'byor byang chub sems dpa' sems dpa' chen pos sbyin pas ji ltar sems can rnams bsdud ce na/ rab 'byor 'di la byang chub sems dpa' sems dpa' chen pos gser ram/ dngul lam/ nor bu 'am/ mu tig gam/ bai dUr+ya 'am/ dung ngam/ man shel lam/ byu ru 'am/ zas sam/ skom 'am/ gos sam/ bzhon pa 'am/ mal cha 'am/ stan nam/ spos sam/ me tog phreng ngam/ mar me 'am/ skyes pa 'am/ bud med dam/ rta 'am/ ba lang ngam/ glang po che 'am/ bdag gi sha sbyin par byed pa na/ 'di skad du kye mi dag tshur sheg /khyed ci 'dod pa bzhin du khyed nyid kyi dang 'dra bar bsam pa bzang pos dogs pa med par khyer te/ deng shig ces sgra sgrogs par byed do/ /des sbyin pa de byin nas sems can de dag sangs rgyas la skyabs su 'gro bar byed/ chos la skyabs su 'gro bar byed/ dge 'dun la skyabs su 'gro bar byed de/ la la dag ni bslab pa'i gzhi lnga 'dzin du 'jug go/ /la la dag ni gso sbyong gi yan lag brgyad yang dag par 'dzin du 'jug go/ /la la dag ni dge ba bcu'i las kyi lam la 'god par byed do/ / la la dag ni bsam gtan dang po nas 'du shes med 'du shes med min skye mched kyi snyoms par 'jug pa'i bar du 'dzin du 'jug go/ /la la dag ni byams pa dang snying rje dang / dga' ba dang / btang snyoms yang dag par 'dzin du 'jug go/ /la la dag ni sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / la la dag ni lus la so sor rtog pa mi sdug pa'i 'du shes la sogs pa la sbyor ro/ /la la dag ni rnam par dag pa la/ la la dag ni dran pa nye bar gzhag pa bzhi la/ la la dag ni yang dag par spong ba bzhi la/ la la dag ni rdzu 'phrul gyi rkang pa bzhi la/ la la dag ni dbang po lnga la/ la la dag ni stobs lnga la/ la la dag ni byang chub kyi yan lag bdun la/ la la dag ni 'phags pa'i lam yan lag brgyad pa la/ la la dag ni rnam par thar pa'i sgo stong pa nyid dang / mtshan ma med pa dang / smon pa med pa'i ting nge 'dzin la/ la la dag ni rnam par thar pa brgyad la/ la la dag ni mthar gyis gnas pa'i snyoms par 'jug pa dgu la/ la la dag ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi la/ la la dag ni byams pa chen po la/ la la dag ni snying rje chen po la/ la la dag ni sangs rgyas kyi chos ma 'dres pa bcwa brgyad la/ la la dag ni skyes bu chen po'i mtshan sum bcu rtsa gnyis la/ la la dag ni dpe byad bzang po brgyad bcu la/ la la dag ni rgyun tu zhugs pa'i 'bras bu la/ la la dag ni lan cig phyir 'ong ba'i 'bras bu la/ la la dag ni phyir mi 'ong ba'i 'bras bu la/ la la dag ni dgra bcom pa nyid la/ la la dag ni rang byang chub la/ la la dag ni bla na med pa yang dag par rdzogs pa'i byang chub la sbyor bar byed do/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa thabs la mkhas pa dang ldan pas zang zing gi sbyin pa byin nas grub pa dang / bde ba rgya chen po la 'god par byed de/ rab 'byor 'di ni byang chub sems dpa' sems dpa' chen po'i ngo mtshar rmad du byung ba'i chos yin no/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ sems can rnams la chos kyi sbyin pas ji ltar phan 'dogs she na/ rab 'byor chos kyi sbyin pa ni 'di gnyis te/ gnyis gang zhe na/ 'jig rten pa dang / 'jig rten las 'das pa'o/ /rab 'byor 'jig rten pa'i chos kyi sbyin pa gang zhe na/ 'jig rten pa'i chos rnams brjod pa dang / bstan pa dang / bshad pa gang yin pa ste/ 'di lta ste/ mi sdug pa bstan pa'i le'u las 'byung ba dang / bsam gtan bzhi dang / tshangs pa'i gnas pa bzhi dang / gzugs med pa'i snyoms par 'jug pa'i bar dag dang / so so'i skye bo dang thun mong ba'i 'jig rten gyi chos gang yang rung ba rnams te/ 'di ni 'jig rten pa'i chos kyi sbyin pa zhes bya'o/ /rab 'byor byang chub sems dpa' sems dpa' chen po de ni 'jig rten gyi chos kyi sbyin pa 'di byin nas/ rnam grangs du mas yang dag par blangs pa de las 'byed par byed do/ /des phyi nas thabs la mkhas pas 'phags pa'i chos rnams dang / 'phags pa'i chos rnams kyi 'bras bu la 'god par byed do/ /'phags pa'i chos rnams dang / 'phags pa'i chos rnams kyi 'bras bu gang zhe na/ rab 'byor 'phags pa'i chos rnams shes bya ba ni byang chub kyi phyogs kyi chos sum bcu rtsa bdun dang / rnam par thar pa'i sgo gsum yin no/ /'phags pa'i chos rnams kyi 'bras bu ni rgyun tu zhugs pa'i 'bras bu nas dgra bcom pa nyid kyi bar dag yin no/ /rab 'byor yang byang chub sems dpa' sems dpa' chen po'i 'phags pa'i chos rnams ni rgyun tu zhugs pa'i 'bras bu shes pa nas dgra bcom pa nyid shes pa'i bar dang / byang chub kyi phyogs kyi chos sum bcu rtsa bdun shes pa'i bar dang / de bzhin gshegs pa'i stobs bcu shes pa'i bar dang / byams pa chen po shes pa dang / snying rje chen po shes pa dang / dga' ba chen po shes pa dang / btang snyoms chen po shes pa'i bar dang / gzhan yang rnam pa thams cad mkhyen pa nyid kyi ye shes ma gtogs par gang dag 'jig rten pa dang 'jig rten las 'das pa'i chos rnams dang / zag pa dang bcas pa dang / zag pa med pa rnams dang / 'dus byas dang / 'dus ma byas kyi chos rnams te/ 'di dag ni byang chub sems dpa' sems dpa' chen po'i 'phags pa'i chos rnams shes bya'o/ /byang chub sems dpa' sems dpa' chen po'i 'phags pa'i chos rnams kyi 'bras bu gang zhe na/ bag chags kyi mtshams sbyor ba thams cad spong ba 'di ni byang chub sems dpa' sems dpa' chen po'i 'phags pa'i chos rnams kyi 'bras bu zhes bya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci byang chub sems dpa' sems dpa' chen pos rnam pa thams cad mkhyen pa nyid thob par 'gyur lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub sems dpa' sems dpa' chen pos rnam pa thams cad mkhyen pa nyid thob par 'gyur ro/ /gsol pa/ bcom ldan 'das 'o na byang chub sems dpa' sems dpa' chen po dang / de bzhin gshegs par tha dad du bgyi ba ci mchis/ bka' stsal pa/ tha dad du bya ba gang zhe na/ byang chub sems dpa' sems dpa' chen po ni rnam pa thams cad mkhyen pa nyid thob par 'gyur ba yin la/ de bzhin gshegs pa ni ye shes thob pa zhes bya'o/ /de ci'i phyir zhe na/ gang la gnas nas chos thams cad tha dad du dbyer med pa thob pa la byang chub sems dpa'i sems dang / de bzhin gshegs pa dgra bcom pa yang dag par rdzogs pa'i sangs rgyas tha dad par dmigs pa med pa'i phyir ro/ /rab 'byor 'di ni byang chub sems dpa' sems dpa' chen po'i 'jig rten pa'i chos kyi sbyin pa yin te/ de la brten nas 'jig rten las 'das pa'i chos kyi sbyin pa 'byung ngo / /rab 'byor de ltar byang chub sems dpa' sems dpa' chen pos sems can rnams 'jig rten pa'i chos kyi sbyin pa la btsud nas thabs mkhas pas rnam pa thams cad mkhyen pa nyid kyi bar la 'god par byed do/ /rab 'byor byang chub sems dpa' sems dpa' chen po rnams gyi 'jig rten las 'das pa'i chos kyi sbyin pa byis pa so so'i skye bo rnams dang / thun mong ma yin pa gang zhe na/ 'di lta ste/ dran pa nye bar gzhag pa bzhi dang / yang dag pa'i spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / zad par gyi skye mched bcu dang / zil gyis gnon pa'i skye mched brgyad dang / nyon mongs pa med pa dang / smon nas shes pa dang / mngon par shes pa drug dang / shin tu yongs su dag pa bzhi dang / dbang bcu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / bsrung ba med pa gsum dang / dran pa nye bar gzhag pa bzhi dang / bsnyel ba mi mnga' ba'i chos nyid dang / bag chags kyi sgrib pa spangs pa dang / thugs rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid dang / skyes bu chen po'i mtshan sum bcu rtsa gnyis dang / dpe byad bzang po brgyad bcu dang / gzungs kyi sgo lnga brgya dang / ting nge 'dzin gyi sgo rnams te/ de dag ni 'jig rten pa ma yin pa/ 'jig rten las 'das pa'i chos kyi sbyin pa zhes bya'o/ /rab 'byor de la dran pa nye bar gzhag pa bzhi gang zhe na/ 'di lta ste/ rtun pa shes bzhin can dran pa dang ldan pas 'jig rten gyi brnab sems dang / yid mi bde ba rnam par bsal nas/ nang gi lus la lus kyi rjes su lta zhing gnas pa dang / rtun pa shes bzhin can dran pa dang ldan pas 'jig rten gyi brnab sems dang / yid mi bde ba rnam par bsal nas/ phyi'i lus la lus kyi rjes su lta zhing gnas pa dang / rtun pa shes bzhin can dran pa dang ldan pas 'jig rten gyi brnab sems dang / yid mi bde ba rnam par bsal nas / nang dang phyi'i lus la lus kyi rjes su lta zhing gnas pa dang / lus la 'byung bar rjes su lta zhing gnas pa dang / lus la 'jig par rjes su lta zhing gnas pa dang / lus la kun 'byung ba dang 'jig par rjes su lta zhing gnas pa dang / lus la mi gnas par gnas shing 'jig rten du gang yang nye bar len pa med pa dang / tshor ba dang / sems dang / chos rnams la yang de bzhin du sbyar bar bya'o/ /rab 'byor yang dag pa'i spong ba rnams gang zhe na/ sdig pa mi dge ba'i chos ma skyes pa rnams mi bskyed pa'i phyir/ 'dun pa bskyed pa dang / sdig pa mi dge ba'i chos skyes pa rnams spang ba'i phyir/ 'dun pa bskyed pa dang / dge ba'i chos ma skyes pa rnams bskyed pa'i phyir 'dun pa bskyed pa dang / dge ba'i chos skyes pa rnams gnas pa dang / phyir zhing 'byung ba dang / nyams par mi 'gyur ba dang / yongs su rdzogs par bya ba'i phyir 'dun pa bskyed pa'o/ /rab 'byor rdzu 'phrul gyi rkang pa rnams gang zhe na/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang / sems dang / brtson 'grus dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /rab 'byor dbang po lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ de dag ni dbang po lnga zhes bya'o/ /rab 'byor stobs lnga gang zhe na/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs te/ de dag ni stobs lnga zhes bya'o/ /rab 'byor byang chub kyi yan lag bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ de dag ni byang chub kyi yan lag bdun zhes bya'o/ /rab 'byor 'phags pa'i lam yan lag brgyad pa gang zhe na/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ 'di ni 'phags pa'i lam yan lag brgyad pa zhes bya'o/ /rab 'byor de la ting nge 'dzin gsum gang zhe na/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin to/ /de la stong pa nyid kyi ting nge 'dzin gang zhe na/ stong pa'i rnam pa dang / dben pa'i rnam pas sems rtse gcig pa gang yin pa ste/ de ni stong pa nyid kyi ting nge 'dzin ces bya'o/ /mtshan ma med pa'i ting nge 'dzin gang zhe na/ zhi ba'i rnam pa dang / mtshan ma med pa'i rnam pas sems rtse gcig pa gang yin pa ste/ de ni mtshan ma med pa'i ting nge 'dzin ces bya'o/ /smon pa med pa'i ting nge 'dzin gang zhe na/ mi rtag pa'i rnam pa dang / sdug bsngal ba'i rnam pas sems rtse gcig pa gang yin pa ste/ de ni smon pa med pa'i ting nge 'dzin ces bya'o/ /rab 'byor rnam par thar pa brgyad gang zhe na/ gzugs can gzugs rnams la lta ba 'di ni rnam par thar pa dang po'o/ /nang gzugs med par 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /sdug pa'i rnam par thar pa lus kyis mngon sum du byas te bsgrubs nas gnas pa 'di ni rnam par thar pa gsum pa'o/ / de rnam pa thams cad du gzugs kyi 'du shes rnams las yang dag par 'das te thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched bsgrubs te gnas pa dang / 'du shes med 'du shes med min skye mched kyi bar dag bsgrubs te gnas pa dang / de rnam pa thams cad du 'du shes med 'du shes med min skye mched las yang dag par 'das te/ 'du shes dang / tshor ba 'gog pa lus kyis mngon sum du byas nas bsgrubs te gnas pa'i bar dag ste/ de dag ni rnam par thar pa brgyad ces bya'o/ /rab 'byor mthar gyis gnas pa'i snyoms par 'jug pa dgu gang zhe na/ 'di la kha gcig 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po bsgrubs te gnas pa dang / de bzhin du bsam gtan gnyis pa dang / gsum pa dang / bzhi pa'i bar dag bsgrubs te gnas pa dang / 'du shes med 'du shes med min skye mched kyi bar dag bsgrubs te gnas pa dang / rnam pa thams cad du 'du shes med 'du shes med min skye mched las yang dag par 'das te/ 'du shes dang / tshor ba 'gog pa bsgrubs nas gnas pa ste/ de dag ni mthar gyis gnas pa'i snyoms par 'jug pa dgu zhes bya'o/ /de la zad par gyi skye mched bcu gang zhe na/ zad par sa dang / zad par chu dang / zad par me dang / zad par rlung dang / zad par sngon po dang / zad par ser po dang / zad par dmar po dang / zad par dkar po dang / zad par rnam par shes pa dang / zad par nam mkha' ste/ de dag ni zad par gyi skye mched bcu zhes bya'o/ /de la zil gyis gnon pa'i skye mched brgyad gang zhe na/ nang gzugs su 'du shes pas phyi rol gyi gzugs chung ngu / kha dog bzang po dang / kha dog ngan pa rnams la lta zhing / gzugs de dag zil gyis mnan nas shes zil gyis mnan nas mthong ste/ de lta bu 'du shes par 'gyur ba 'di ni zil gyis gnon pa'i skye mched dang po'o/ /nang gzugs med par 'du shes pas phyi rol gyi gzugs chen por gyur pa kha dog bzang po dang / kha dog ngan pa rnams la lta zhing gzugs de dag zil gyis mnan nas shes zil gyis mnan nas mthong ste/ de lta bur 'du shes par 'gyur ba 'di ni zil gyis gnon pa'i skye mched gnyis pa'o/ /nang gzugs med par 'du shes pas phyi rol gyi gzugs sngon po kha dog sngon po/ sngon po lta bur ston pa/ 'od sngon po 'byung ba rnams la lta ste/ dper na zar ma'i me tog gam/ yul bA ra nA se'i ras phun sum tshogs pa sngon po/ kha dog sngon po/ sngon po lta bur ston pa/ 'od sngon po 'byung ba de bzhin du/ nang gzugs med par 'du shes pas/ phyi rol gyi gzugs sngon po/ kha dog sngon po/ sngon po lta bur ston pa/ 'od sngon po 'byung ba rnams la lta ba 'di ni zil gyis gnon pa'i skye mched gsum pa'o/ /nang gzugs med par 'du shes pas phyi rol gyi gzugs ser po/ kha dog ser po/ ser po lta bur ston pa/ 'od ser po 'byung ba rnams la lta ste/ dper na dong ka'i me tog gam/ yul bA ra nA se'i ras phun sum tshogs pa ser po/ kha dog ser po/ ser po lta bur ston pa/ 'od ser po 'byung ba de bzhin du/ nang gzugs med par 'du shes pas phyi rol gyi gzugs ser po/ kha dog ser po/ ser po lta bur ston pa/ 'od ser po 'byung ba rnams la lta ba 'di ni zil gyis gnon pa'i skye mched bzhi pa'o/ /nang gzugs med par 'du shes pas phyi rol gyi gzugs dmar po kha dog dmar po/ dmar po lta bur ston pa/ 'od dmar po 'byung ba rnams la lta ste/ dper na ban du dzi ba'i me tog dang / yul bA ra nA se'i ras phun sum tshogs pa dmar po/ kha dog dmar po/ dmar po lta bur ston pa/ 'od dmar po 'byung ba de bzhin du/ nang gzugs med par 'du shes pas/ phyi rol gyi gzugs dmar po/ kha dog dmar po/ dmar po lta bur ston pa/ 'od dmar po 'byung ba rnams la lta ba 'di ni zil gyis gnon pa'i skye mched lnga pa'o/ /nang gzugs med par 'du shes pas phyi rol gyi gzugs dkar po/ kha dog dkar po/ dkar po lta bur ston pa/ 'od dkar po 'byung ba rnams la lta ste/ dper na skar ma pa ba sangs kyi mdog ltar dkar po/ kha dog dkar po/ dkar po lta bur ston pa/ 'od dkar po 'byung ba de bzhin du/ nang gzugs med par 'du shes pas/ phyi rol gyi gzugs dkar po/ kha dog dkar po/ dkar po lta bur ston pa/ 'od dkar po 'byung ba rnams la lta ba 'di ni zil gyis gnon pa'i skye mched drug pa'o/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched bsgrubs te gnas pa 'di ni zil gyis gnon pa'i skye mched bdun pa'o/ /de rnam pa thams cad du nam mkha' mtha' yas skye mched las yang dag par 'das te/ rnam shes mtha' yas so snyam nas rnam shes mtha' yas skye mched bsgrubs te gnas pa 'di ni zil gyis gnon pa'i skye mched brgyad pa ste/ de dag ni zil gyis gnon pa'i skye mched brgyad ces bya'o/ /shes rab kyi pha rol tu phyin pa khri brgyad stong pa/ bam po lnga bcu rtsa gcig pa/ de la nyon mongs pa med pa gang zhe na/ bsam gtan la gnas nas byang chub sems dpa' sems dpa' chen po'i gnas pa/ sems can gzhan dag dang / gang zag gzhan dag gi nyon mongs pa mi skye bar ting nge 'dzin gang gis 'grub pa de ni nyon mongs pa med pa zhes bya'o/ /de la smon nas shes pa gang zhe na/ bsam gtan la gnas te 'di shes par bya'o snyam nas byang chub sems dpa' dus gsum gyi shes pa 'am/ shes bya gang dang gang shes par 'dod par gyur pa de la yid kyis smon par byed cing ting nge 'dzin de las langs nas de'i smon lam de 'grub cing / shes bya de yang shes pa de ni smon nas shes pa zhes bya'o/ /de la mngon par shes pa drug gang zhe na/ rdzu 'phrul gyi mngon par shes pa dang / lha'i mig gi mngon par shes pa dang / lha'i rna ba'i mngon par shes pa dang / pha rol gyi sems shes pa'i mngon par shes pa dang / sngon gyi gnas rjes su dran pa'i mngon par shes pa dang / zag pa zad pa'i mngon par shes pa ste drug po de dag go/ /de la yongs su dag pa bzhi gang zhe na/ gnas yongs su dag pa dang / dmigs pa yongs su dag pa dang / thugs yongs su dag pa dang / mkhyen pa yongs su dag pa ste/ bzhi po de dag go/ /de la dbang bcu gang zhe na/ tshe la dbang ba dang / sems la dbang ba dang / yo byad la dbang ba dang / las la dbang ba dang / skye ba la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / ye shes la dbang ba dang / chos la dbang ba ste bcu po de dag go/ /rab 'byor de bzhin gshegs pa'i stobs bcu gang zhe na/ gnas la yang gnas su yang dag pa ji lta ba bzhin du rab tu mkhyen cing / gnas ma yin pa la yang gnas ma yin par yang dag pa ji lta ba bzhin du rab tu mkhyen pa dang / 'das pa dang / ma 'ongs pa dang / da ltar byung ba'i las rnams dang / las yang dag par blangs pa rnams kyi rnam par smin pa gnas kyi rnam pa dang / rgyu'i rnam par yang dag pa ji lta ba bzhin du rab tu mkhyen pa dang / 'jig rten gnas pa khams du ma pa dang / khams sna tshogs pa yang dag pa ji lta ba bzhin du rab tu mkhyen pa dang / sems can gzhan dag dang / gang zag gzhan rnams kyi 'dun pa du ma dang / mos pa sna tshogs yang dag pa ji lta ba bzhin du rab tu mkhyen pa dang / sems can gzhan dag dang / gang zag gzhan rnams kyi dbang po mchog dang mchog ma yin pa'i shes pa yang dag pa ji lta ba bzhin du rab tu mkhyen pa dang / kun tu 'gro ba'i lam yang dag pa ji lta ba bzhin du rab tu mkhyen pa dang / bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba thams cad yang dag pa ji lta ba bzhin du rab tu mkhyen pa dang / sngon gyi gnas rnam pa du ma rjes su dran ste/ des tshe rabs gcig kyang rjes su dran pa nas/ sngon gyi gnas rnam pa du ma'i bar dag kyang rnam pa dang bcas yul phyogs dang bcas par rjes su dran pa dang / lha'i mig rnam par dag pa mi'i las shin tu 'das pas sems can 'chi 'pho ba dang / skye ba dag kyang gzigs te sems can gang dag gi lus dang / ngag dang / yid gyis nyes par spyod pa dang ldan pa/ log par lta ba/ 'phags pa rnams la skur pa 'debs pa dag rgyu de dang rkyen des lus zhig ste/ shi ba'i 'og tu ngan song ngan 'gro log par ltung ba dag tu skye ba dang / sems can gang dag lus dang ngag dang yid kyis legs par spyod pa dang ldan pa yang dag par lta ba/ 'phags pa rnams la skur pa mi 'debs pa dag rgyu des lus zhig nas bde 'gro mtho ris kyi lha'i nang du skye ba dag kyang gzigs la/ des lha'i mig rnam par dag pa/ mi'i las shin tu 'das pas/ sems can 'chi 'pho ba dang / skye ba dang / kha dog bzang ba dang / kha dog ngan pa dang / bde 'gro dang / ngan 'gro dag tu lus ji lta ba bzhin du nye bar 'gro ba dag kyang / yang dag pa ji lta ba bzhin du rab tu mkhyen pa dang / zag pa rnams zad pa dang / zag pa med cing sems rnam par grol ba dang / shes rab rnam par grol ba dag kyang yang dag pa ji lta ba bzhin du rab tu mkhyen pa ste/ de dag ni de bzhin gshegs pa'i stobs bcu zhes bya'o/ / rab 'byor de bzhin gshegs pa'i mi 'jigs pa bzhi gang zhe na/ nga yang dag par rdzogs pa'i sangs rgyas so zhes dam bcas na/ kye ma de la chos 'di rnams mngon par rdzogs par sangs ma rgyas so zhes lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i 'jig rten na chos dang 'thun par 'ga' zhig bdag la rgol lo snyam pa'i rgyu de yang dag par rjes su mi mthong ste/ rgyu de yang dag par rjes su ma mthong bas bde ba thob cing bag tsha ba med pa thob la/ mi 'jigs pa thob ste/ gnas kyis khyu mchog rlabs po che'i gnas su dam bca'o/ /'khor gyi nang du seng ge'i sgra yang dag par bsgrag go/ /tshangs pa'i 'khor lo dge sbyong ngam/ bram ze 'am/ lha 'am/ bdud dam/ tshangs pa 'am/ su yang rung bas chos dang 'thun par 'jig rten du bskor mi nus pa bdag gis bskor bar bya'o zhes bya ba dang / de bzhin du sbyar te/ nga zag pa zad do zhes dam bcas na/ de la khyod kyis zag pa 'di dag ma zad do zhes chos dang 'thun par bdag la rgol ba med pa dang / ngas gang dag bar du gcod pa'i chos su gsungs pa de dag bsten kyang bar du gcod par mi 'gyur ro zhes chos dang 'thun par bdag la rgol ba med pa dang / ngas gang sdug bsngal yang dag par zad par byed pa/ nges par 'byin pa'i lam du gsungs pa de bsten kyang sdug bsngal yang dag par zad par mi 'gyur ro zhes lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i 'jig rten na chos dang 'thun pa 'ga' zhig bdag la rgol lo snyam pa'i rgyu de yang dag par rjes su mi mthong ste/ rgyu de yang dag par rjes su ma mthong bas bde ba thob cing / bag tsha ba med pa thob la mi 'jigs pa thob ste/ gnas kyis khyu mchog rlabs po che'i gnas su dam bca'o/ /'khor gyi nang du seng ge'i sgra yang dag par sgrag go/ /tshangs pa'i 'khor lo dge sbyong ngam/ bram ze 'am/ lha 'am/ bdud dam/ tshangs pa 'am/ su yang rung bas chos dang 'thun par 'jig rten du bskor bar mi nus pa bdag gis bskor bar bya'o zhes bya ba ste/ de dag ni mi 'jigs pa bzhi zhes bya'o/ /rab 'byor de bzhin gshegs pa'i so so yang dag par rig pa bzhi gang zhe na/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o/ /de dag kyang gang zhe na/ don la dmigs pa dang / chos la dmigs pa dang / nges pa'i tshig la dmigs pa dang / spobs pa la dmigs pa dag go/ /rab 'byor de bzhin gshegs pa'i bsrung ba med pa gsum gang zhe na/ de bzhin gshegs pa sku'i spyod pa yongs su dag ste/ de bzhin gshegs pa la sku'i spyod pa yongs su ma dag pa mi mnga' bas gzhan dag gis ma shes na ci ma rung zhes gang bcab par dgongs pa de bzhin gshegs pa la mi mnga' ste/ 'di ni bsrung ba med pa dang po'o/ /de bzhin gshegs pa gsung gi spyod pa yongs su dag ste/ de bzhin gshegs pa la gsung gi spyod pa yongs su ma dag pa mi mnga' bas gzhan dag gis ma shes na ci ma rung zhes gang bcab par dgongs pa de bzhin gshegs pa la mi mnga' ste/ 'di ni bsrung ba med pa gnyis pa'o/ /de bzhin gshegs pa thugs kyi spyod pa yongs su dag ste/ de bzhin gshegs pa la thugs kyi spyod pa yongs su ma dag pa mi mnga' bas gzhan dag gis ma shes na ci ma rung zhes gang bcab par dgongs pa de bzhin gshegs pa la mi mnga' ste/ 'di ni bsrung ba med pa gsum pa'o/ / de la de bzhin gshegs pa'i dran pa nye bar gzhag pa gsum gang zhe na/ de bzhin gshegs pa chos ston pa'i tshe kha cig rna blags te gus par nyan cing bka' nyan par sems nye bar 'jog la/ chos kyi rjes su 'thun pa'i chos la nan tan byed na yang des de bzhin gshegs pa dgyes par mi 'gyur/ yid bde bar mi 'gyur/ thugs yed yed por mi 'gyur te/ 'di ni dran pa nye bar gzhag pa dang po'o/ /kha cig rna mi klog gus par mi nyan cing bka' nyan pa'i sems nye bar mi 'jog la/ chos kyi rjes su 'thun pa'i chos la nan tan mi byed na yang des de bzhin gshegs pa kun nas mnar sems su mi 'gyur/ mi bzod par mi 'gyur/ thugs mi ches par mi 'gyur te/ 'di ni dran pa nye bar gzhag pa gnyis pa'o/ /kha cig rna blags te gus par nyan cing bka' nyan pa'i sems nye bar 'jog la chos kyi rjes su 'thun pa'i chos la nan tan du byed/ kha cig ni rna mi klog /gus par mi nyan cing bka' nyan pa'i sems nye bar mi 'jog la/ chos kyi rjes su 'thun pa'i chos la nan tan mi byed na yang des de bzhin gshegs pa dgyes pa 'am/ kun nas mnar sems gnyis su mi 'gyur te/ thams cad du dran pa dang ldan zhing mkhyen bzhin du btang snyoms su gnas pa 'di ni dran pa nye bar gzhag pa gsum pa'o/ /de la de bzhin gshegs pa'i bsnyel ba mi mnga' ba'i chos nyid gang zhe na/ gang gis sangs rgyas bcom ldan 'das rnams don yod pa'i chos ston pa'i phyir sems can thams cad kyi don mdzad pa la dus las mi yol ba ste/ 'di ni bsnyel ba mi mnga' ba'i chos nyid ces bya'o/ /de la de bzhin gshegs pa'i bag chags kyi sgrib pa spangs pa gang zhe na/ nyan thos dang rang sangs rgyas thams cad ni nyon mongs pa rnams spangs kyang de dag la lus kyi 'gyur ba dag 'byung gi/ de bzhin gshegs pa la ni de dag mi mnga' ste/ de ni bag chags kyi sgrib pa spangs pa zhes bya'o/ /de la de bzhin gshegs pa'i thugs rje chen po gang zhe na/ de bzhin gshegs pa'i thugs rje chen po gang dang ldan pas 'jig rten gyi brda' nye bar bzung ste/ dge ba'i rtsa ba la gzigs pa'i phyir dus thams cad du nyin lan gsum mtshan lan gsum 'jig rten la rtog pa mdzad pa ste/ sangs rgyas bcom ldan 'das rnams kyi thugs rje chen po sems can mtha' yas pa yongs su smin par bya ba la gzigs pa/ rtag tu 'byung ba 'di ni thugs rje chen po zhes bya'o/ /rab 'byor de la sangs rgyas kyi chos ma 'dres pa bcwo brgyad gang zhe na/ bla na med pa yang dag par rdzogs pa'i byang chub mngon par rdzogs par sangs rgyas kyi bar du/ bar der de bzhin gshegs pa la 'khrul pa med pa dang / ca co med pa dang / bsnyel pa med pa dang / sems mnyam par ma bzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang / dran pa nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med pa dang / lus kyi las thams cad ye shes sngon du 'gro zhing ye shes kyi rjes su 'brang ba dang / ngag gi las thams cad ye shes sngon du 'gro zhing ye shes kyi rjes su 'brang ba dang / yid kyi las thams cad ye shes sngon du 'gro zhing ye shes kyi rjes su 'brang ba dang / 'das pa'i dus la ma chags ma thogs pa'i ye shes mthong ba 'jug pa dang / ma 'ongs pa'i dus la ma chags ma thogs pa'i ye shes mthong ba 'jug pa dang / da ltar byung ba'i dus la ma chags ma thogs pa'i ye shes mthong ba 'jug pa ste/ de dag ni sangs rgyas kyi chos ma 'dres pa bcwa brgyad ces bya'o/ /rab 'byor de bzhin gshegs pa'i rnam pa thams cad mkhyen pa nyid gang zhe na/ gang gi dmigs pa ni dngos po med pa dbang byed pa ni dran pa/ rnam pa ni zhi ba/ mtshan nyid ni mtshan nyid med pa ste/ 'di ni rnam pa thams cad mkhyen pa nyid ces bya'o/ / rab 'byor de la de bzhin gshegs pa'i skyes bu chen po'i mtshan sum bcu rtsa gnyis gang zhe na/ phyag dang zhabs kyi mthil 'khor lo'i mtshan dang ldan pa dang / zhabs shin tu gnas pa dang / phyag dang zhabs dra bas 'brel ba dang / phyag dang zhabs 'jam zhing gzhon sha chags pa dang / bdun mtho ba dang / sor mo ring ba dang / rting pa yangs pa dang / sku che zhing drang ba dang / zhabs la 'bar 'bur med pa dang / sku'i spu gyen du phyogs pa dang / byin pa ri dgas e ne ya'i lta bu dang / phyag sbom zhing ring ba dang / 'doms kyi lba ba sbubs su nub pa dang / mdog gser 'dra ba dang / pags pa bsrab pa dang / spu re re nas skye zhing g.yas su 'khyil ba dang / zhal la mdzod spu'i mtshan mnga' ba dang / ro stod seng ge 'dra ba dang / dpung mgo legs par grub pa dang / thal gong rgyas pa dang / ro bro ba mkhyen pa dang / shing n+ya gro d+ha ltar chu zheng gab pa dang / dbu gtsug tor dang ldan pa dang / ljags ring zhing srab pa dang / tshangs pa'i dbyangs dang / 'gram pa seng ge'i lta bu dang / tshems shin tu dkar ba dang / tshems mnyam pa dang / tshems thags bzang ba dang / tshems bzhi bcu mnga' ba dang / spyan mthon thing dang / ba'i rdzi ma lta bu rnams so/ /de la de bzhin gshegs pa'i phyag dang / zhabs kyi mthil dag la 'khor lo rtsibs stong dang ldan pa mu khyud can lte ba dang bcas pa/ rnam pa thams cad yongs su rdzogs pa/ 'di lta ste dper na rus pa 'am/ ba so la gzugs su brkos pa lta bu dag mnga' bas na phyag dang zhabs 'khor lo'i mtshan dang ldan pa yin no/ /zhabs kyi mthil gnyis mnyam par sa la 'jog cing zhabs zhum pa med pas na zhabs shin tu gnas pa yin no/ /ngang pa'i rgyal po ltar phyag dang zhabs kyi sor mo dra bas 'brel bas na phyag dang zhabs dra bas 'brel ba yin no/ /shing bal gyi 'da' ba ltar phyag dang zhabs 'jam zhing gzhon sha chags la snyi bas na phyag dang zhabs gzhon sha chags pa yin no/ /phyag dang zhabs kyi bol gnyis dang dpung mgo gnyis dang ltag pa'i phyogs mtho bas na bdun mtho ba yin no/ /phyag dang zhabs kyi sor mo ring bas na sor mo ring ba yin no/ /zhabs kyi rting pa che bas na rting pa yangs pa yin no/ /khru bdun du 'phags par mtho zhing sku mi yo bas na sku che zhing drang ba yin no/ /pus mo'i lha nga dang / long bu shin tu mi mngon pas na zhabs 'bar 'bur med pa yin no/ /spu g.yas phyogs su zlum por 'khyil zhing gyen du phyogs pas na sku'i spu gyen du phyogs pa yin no/ /byin pa ri dgas e ne ya'i byin pa dang / mda' rgyu'i snying po ltar byin gyis zlum pas na byin pa ri dgas e ne ya'i lta bu yin no/ /phyag sbom zhing ring ba'i phyir ma btud kyang phyag gis pus mo slebs pas na phyag sbom zhing ring ba yin no/ /glang po che dang rta cang shes ltar gsang ba'i mtshan shin tu mdzes par sbubs su nub pas na 'doms kyi sba ba sbubs su nub pa yin no/ /gser shin tu sbyangs pa'i mdog 'dra bas na mdog gser 'dra ba yin no/ /lpags pa gser dang dngul shin tu sbyangs pa ltar 'jam zhing sku la rdul gyis mi gos pas na lpags pa srab pa yin no/ /spu shin tu 'byes shing gcig tu gnyis ma yin pas na spu re re nas skye zhing g.yas su 'khyil ba yin no/ /me tog kun da dang / zla ba dang / ba'i 'o ma dang / ba mo'i mdog ltar dkar zhing / nyi ma dang zla ba brgya bas kyang shin tu 'phags par 'od gsal ba'i mdzod spus smin mtshams legs par brgyan pas na zhal la mdzod spu'i mtshan mnga' ba yin no/ /sku'i stod 'phel che bas na ro stod seng ge'i 'dra ba yin no/ / mgur zlum zhing phya ler 'dug pas na dpung mgo legs par grub pa yin no/ /gser gyi glegs ma shin tu rnam par phyis pa lta bus mthong ka shin tu rgyas pas na thal gong rgyas pa yin no/ /ljags rlung dang / mkhris pa dang / bad kan gyis nyams pa mi mnga' zhing / ro thams cad so sor rnam par rig pa dang / 'thun par rnam par shes pas na ro bro ba mkhyen pa yin no/ /sku'i khru dang / 'dom gyi tshad du mnyam pas na shing n+ya gro d+ha ltar chu zheng gab pa yin no/ /dbu'i gtsug tor zlum zhing lham la g.yas su 'khyil ba dang ldan zhing dbu legs par grub cing blta na sdug pas na dbu gtsug tor dang ldan pa yin no/ /ut+pa la dmar po'i mdab ma'i mdog 'dra zhing yangs pas na ljags ring zhing srab pa yin no/ / dbyig gi snying po dang / bya ka la ping ka lta bu'i gsung mnga' bas na tshangs pa'i dbyangs yin no/ /me long gi dkyil 'khor ltar shin tu legs par grub cing zlum la rgyas shing blta na sdug la mkhrang bas na 'gram pa seng ge lta bu yin no/ /me tog kun da dang / zla ba dang / dung gi bcag 'phro ltar shin tu dkar ba'i tshems mnga' bas na tshems shin tu dkar ba yin no/ /tshems mthon dman med pas na tshems mnyam pa yin no/ /tshems mtshams ma dod pas na tshems thags bzang ba yin no/ /tshems bla 'og lhag chad med cing mnyam pas na tshems bzhi bcu mnga' ba yin no/ /dkar gnag gi phyogs ma 'dres shing shin tu rnam par dag la/ dmar po'i rgyun dang ma 'brel bas na spyan mthon ting yin no/ /spyan gyi rdzi ma bla 'og legs par gzhol zhing ma 'dzings pas na de bzhin gshegs pa'i spyan gyi rdzi ma ni ba'i rdzi ma lta bu yin no/ /de la bla ma rnams la bsu bskyal dang / chos nyan pa dang / me tog phreng 'bul ba dang / gtsug lag khang dang / mchod rten la sogs pa'i gan du 'gro ba dang / g.yog 'khor gyi sbyin pa byas pas na phyag dang zhabs kyi mthil 'khor lo'i mtshan dang ldan par gyur te/ de ni g.yog 'khor shin tu mang ba'i snga ltas yin no/ /yi dam la brtan pas na zhabs shin tu gnas par gyur te/ de ni mi g.yo ba'i snga ltas yin no/ /bsdu ba'i dngos po bzhi po sbyin pa dang / snyan par smra ba dang / don spyod pa dang / don 'thun pa dag kun tu bsten pas na phyag dang zhabs dra bas 'brel bar gyur te/ de ni myur du 'du ba'i snga ltas yin no/ /bza' ba dang / btung ba dang / bldag pa dang / bca' ba gsod pa dag gi sbyin pa byas pas na phyag dang zhabs 'jam zhing gzhon sha chags pa dang / bdun mtho bar gyur te/ de gnyis ni bza' ba dang / btung ba dang / bldag pa dang bca' ba bsod pa dag 'thob pa'i snga ltas yin no/ /gsad pa las thar bar byas pa dang / bza' ba dang btung ba la sogs pa byin pas srog gi rim gro byas pa dang / srog gcod pa spangs pa kun tu bsten pas na sor mo ring ba dang / rting pa yangs pa dang / sku che zhing drang bar gyur te/ de dag ni sku tshe ring ba'i snga ltas yin no/ /dge ba'i chos yang dag par blangs pa dang / bzung ba rnams mngon par spel cing yongs su 'grib par ma byas pas na zhabs 'bar 'bur med pa dang / sku'i spu gyen du phyogs par gyur te/ de gnyis ni chos yongs su mi nyams pa'i snga ltas yin no/ /bzo'i las dang / rig pa'i gnas rnams gus par byas shing byin pa dang / blangs pas na byin pa ri dgas e na ya'i lta bur gyur te/ de ni myur du 'dzin pa'i snga ltas yin no/ /bdog cing yod pa'i nor bslangs na med ces mi zer zhing byin pas na phyag sbom zhing ring bar gyur te/ de ni dbang sbyin zhing 'dul bar byed pa'i snga ltas yin no/ /mdza' bshes dang / gnyen 'dab dang / gnyen pa phan tshun 'brel ba dag gi dbyen ma byas shing / bye bar gyur pa dag bsdums pa dang / tshangs par spyod pa yang dag par blangs pa dang / gsang ba'i tshig bsrungs pas na 'doms kyi sba ba sbubs su nub par gyur te/ de ni sras mang ba'i snga ltas yin no/ /stan dang / gos dang / bgo ba rnams dang / khang bzangs dang / gzhal med khang dang / gnas bzang po dag gi sbyin pa byas pas na mdog gser 'dra ba dang / lpags pa srab par gyur te/ de gnyis ni stan dang / gos dang / bgo ba rnams dang / khang bzangs dang / gzhal med khang dang / gnas bzang po dag 'thob pa'i snga ltas yin no/ / 'du 'dzi spangs pa dang / mkhan po dang / slob dpon dang / pha ma dang / phu nu la sogs pa bla ma rnams ji ltar rigs pa'i gnas su bkod cing rim gro byas pa dang / sbyin pa byin pa dang / mgu bar byas pas na spu re re nas skye zhing g.yas su 'khyil pa dang / zhal la mdzod spu'i mtshan mnga' bar gyur te/ de gnyis ni zla med pa'i snga ltas yin no/ /mu chor mi smra zhing gzhan la mi smod pa dang / snyan par smra ba dang / legs par smras pa la rjes su 'thun par byed pa dang / seng ge'i sgra dang 'thun par smra bas na ro stod seng ge'i 'dra ba dang / dpung mgo legs par grub par gyur te/ de gnyis ni mi choms pa'i snga ltas yin no/ /nad pa rnams la rtsi dang / g.yog 'khor dang / sman dang 'thun pa'i kha zas byin zhing rim gro byas pas na thal gong rgyas pa dang / ro bro ba mkhyen par gyur te/ de gnyis ni gnod pa mi mnga' ba'i snga ltas yin no/ /kun dga' ra ba dang / 'dun sa dang / bsil khang dang / khron pa dang / bgrod dka' bar zam pa gdags pa dang / kha zas dang / me tog phreng dang / gtsug lag khang dang / 'dug gnas la sogs pa bya ba la thog mar 'gro zhing gzhan dag kyang spro ba bskyed pa dang / gzhan dag la lhag par byin pas na shing n+ya gro d+ha ltar chu zheng gab pa dang / dbu gtsug tor dang ldan par gyur te/ de gnyis ni mnga' dbang chen po brnyes pa'i snga ltas yin no/ /yun ring po nas 'jam zhing snyan pa dang / mnyen pa'i tshig brjod pas na ljags ring zhing srab pa dang / tshangs pa'i dbyangs dang ldan par gyur te/ de gnyis ni gsung gi lam yan lag lnga dang ldan pa'i dbyangs brnyes pa'i snga ltas yin no/ /gsung gi lam yan lag lnga dang ldan pa'i dbyangs ni kun tu shes par bya zhing rnam par rig par bya ba dang / mnyan par 'os shing mi mthun pa med pa dang / zab cing dbyangs rjes su 'byung ba dang / mi tshugs shing rnar snyan pa dang / ma 'khrugs shing gsal ba'o/ /yun ring po nas tshig kyal pa spangs shing dus su smra bas na 'gram pa seng ge'i lta bur gyur te/ de ni tshig btsun pa'i snga ltas yin no/ /rim gro byed pa dang / brnyas pa med pa dang / 'tsho ba yongs su dag pas tshems shin tu dkar ba dang / tshems mnyam par gyur te/ de gnyis ni 'khor snga nas bsags pa'i snga ltas yin no/ /yun ring po nas bden zhing phra ma med par spyad pas na/ tshems thags bzang ba dang / tshems bzhi bcu mnga' bar gyur te/ de gnyis ni 'khor mi phyed pa'i snga ltas yin no/ /khyud pa dang smod par byed pa la yang chags pa dang / sdang ba med cing rmongs pa med pa'i mig gis nges par rtogs pas na spyan mthon ting dang / ba'i rdzi ma lta bur gyur te/ de gnyis ni kun nas mdzes pa'i snga ltas yin no/ /rab 'byor de dag ni de bzhin gshegs pa'i skyes bu chen po'i mtshan sum bcu rtsa gnyis yin te/ de dag gis rang bzhin gyi 'od kyis stong gsum gyi stong chen po'i 'jig rten gyi khams dang / bzhed na 'jig rten gyi khams grangs med pa dag kyang snang bas khyab par mdzad do/ /de bzhin gshegs pa sems can rnams la thugs brtse bas 'od 'dom gang tsam du byin gyis rlob par mdzad de/ gal te bcom ldan 'das kyis 'od 'dom gang bar byin gyis ma brlabs su zin na/ rang bzhin gyi 'od kyis zil gyis gnon par gyur pas nyi ma dang zla ba dag gi 'od kyang mngon par mi 'gyur la/ zla ba dang / zla ba phyed dang / dus tshigs dang / lo khyud khor dag kyang yod par mi 'gyur ro/ /rang bzhin gyi sgra dbyangs kyis kyang stong gsum gyi stong chen po'i 'jig rten gyi khams mngon par go bar mdzad do/ /bzhed na gnyis dang / gsum dang / bzhi dang ji snyed du snang bas khyab par 'gyur ba de snyed du dbyangs kyis mngon par go bar yang mdzad do/ /rab 'byor de la de bzhin gshegs pa'i dpe byad bzang po brgyad bcu gang zhe na 'di lta ste/ sangs rgyas bcom ldan 'das rnams ni mngon par 'du byed pa thams cad la ma chags pa'i thugs mnga' bas na sen mo zangs kyi mdog lta bu yin no/ / sangs rgyas bcom ldan 'das rnams ni gnyen mdab la byams pa bzhin du sems can la phan pa dang / bde bar dgongs pa'i thugs mnga' bas na sen mo mdog snum pa yin no/ /sangs rgyas bcom ldan 'das rnams ni rigs mtho ba'i rgyud du skyes pas na sen mo mtho ba yin no/ /sangs rgyas bcom ldan 'das rnams ni tshul la kha na ma tho ba med pas na sor mo rnams zlum pa yin no/ /sangs rgyas bcom ldan 'das rnams ni dge ba'i rtsa ba rgya chen por bsags pas na sor mo rnams rgyas pa yin no/ /sangs rgyas bcom ldan 'das rnams ni dge ba'i rtsa ba dag rim gyis yang dag par bsgrubs pas na sor mo rnams byin gyis phra ba yin no/ /sangs rgyas bcom ldan 'das rnams ni sku dang gsung dang thugs kyi phrin las kyi mtha' dang / 'tsho ba dag shin tu dben pas na rtsa mi mngon pa yin no/ /sangs rgyas bcom ldan 'das rnams ni nyon mongs pa'i mdud pa 'grol bar mdzad pas na rtsa mdud pa med pa yin no/ /sangs rgyas bcom ldan 'das rnams ni chos kyi dgongs pa shin tu dben pas na long bu mi mngon pa yin no/ /sangs rgyas bcom ldan 'das rnams ni mi mnyam pa thams cad las 'grol bar mdzad pas na zhabs mi mnyam pa med pa yin no/ / sangs rgyas bcom ldan 'das rnams ni mi'i seng ge yin pas na seng ge'i stabs su gshegs pa yin no/ /sangs rgyas bcom ldan 'das rnams ni mi'i glang po che yin pas na glang po che'i stabs su gshegs pa yin no/ /sangs rgyas bcom ldan 'das rnams ni ngang pa'i rgyal po ltar nam mkha' la bzhud pas na ngang pa'i stabs su gshegs pa yin no/ /sangs rgyas bcom ldan 'das rnams ni skyes bu'i khyu mchog yin pas na khyu mchog gi stabs su gshegs pa yin no/ /sangs rgyas bcom ldan 'das rnams ni 'thun pa'i lam mnga' bas na g.yas phyogs su ldog cing gshegs pa yin no/ /sangs rgyas bcom ldan 'das rnams ni lta na mdzes pas na mdzes par gshegs pa yin no/ / sangs rgyas bcom ldan 'das rnams ni rtag tu thugs yon po mi mnga' bas na ma yo bar gshegs pa yin no/ /sangs rgyas bcom ldan 'das rnams ni tshul rnam par dag pa'i yon tan ston pas na sku khril bag chags pa yin no/ /sangs rgyas bcom ldan 'das rnams ni sdig pa'i chos rnams shin tu sbyangs pas na sku byi dor byas pa lta bu yin no/ /sangs rgyas bcom ldan 'das rnams ni chos rim gyis ston pas na sku rim par 'tsham pa yin no/ / sangs rgyas bcom ldan 'das rnams ni sku dang gsung dang thugs shin tu gtsang bas na sku gtsang ba yin no/ /sangs rgyas bcom ldan 'das rnams ni rang bzhin gyis thugs 'jam pa dang ldan pas na sku 'jam pa yin no/ / sangs rgyas bcom ldan 'das rnams ni rang bzhin gyis thugs rnam par dag pas na sku rnam par dag pa yin no/ /sangs rgyas bcom ldan 'das rnams ni chos 'dul ba shin tu yongs su rdzogs pas na mtshan yongs su rdzogs pa yin no/ /sangs rgyas bcom ldan 'das rnams ni yangs shing mdzes pa'i yon tan gsung bas na sku kho lag yangs shing bzang ba yin no/ /sangs rgyas bcom ldan 'das rnams ni sems can thams cad la thugs mnyam pas na gom pa snyoms pa yin no/ /sangs rgyas bcom ldan 'das rnams ni shin tu 'jam pa'i chos ston pas na sku shin tu gzhon mdog can yin no/ /sangs rgyas bcom ldan 'das rnams ni rtag tu zhum pa med pa'i thugs mnga' bas na sku zhum pa med pa yin no/ /sangs rgyas bcom ldan 'das rnams ni mi dge ba'i rtsa ba rnams byang bas na sku rgyas pa yin no/ /sangs rgyas bcom ldan 'das rnams ni yang 'byung ba'i srid par mtshams sbyor ba zad pas na sku shin tu grims pa yin no/ / sangs rgyas bcom ldan 'das rnams ni rten cing 'brel bar 'byung ba'i yan lag dang nying lag rnams shin tu legs par ston pas na yan lag dang nying lag shin tu rnam par 'byes pa yin no/ /sangs rgyas bcom ldan 'das rnams ni gzigs pa shin tu rnam par dag pas na gzigs pa rab rib med cing rnam par dag pa yin no/ /sangs rgyas bcom ldan 'das rnams ni tshul dang ldan pa'i slob ma mnga' bas na sku zlum pa yin no/ /sangs rgyas bcom ldan 'das rnams ni 'khor ba'i skyon rnams rab tu sbyangs pas na sku skabs phyin pa yin no/ /sangs rgyas bcom ldan 'das rnams ni nga rgyal gyi rtse mo bcom pas na sku ma rnyongs pa yin no/ /sangs rgyas bcom ldan 'das rnams ni chos zad par byed pa rnam par zlog pas na phyal phyang nge ba yin no/ /sangs rgyas bcom ldan 'das rnams ni chos shin tu zab mo rnams thugs su chud pas na lte ba zab pa yin no/ /sangs rgyas bcom ldan 'das rnams ni 'thun par 'dzin par zhugs pa'i slob ma mnga' bas na lte ba g.yas phyogs su 'khyil ba yin no/ /sangs rgyas bcom ldan 'das rnams ni slob ma kun nas mdzes pa'i dge 'dun mnga' bas na kun nas mdzes pa yin no/ /sangs rgyas bcom ldan 'das rnams ni thugs shin tu gtsang bas na kun spyod pa gtsang ba yin no/ /sangs rgyas bcom ldan 'das rnams ni chos 'dul ba nag po ston pa dang bral bas na sku la sme ba dang gnag bag med pa yin no/ / sangs rgyas bcom ldan 'das rnams ni shing bal ltar yang ba'i lus thob par 'gyur ba'i chos ston pas na phyag shing bal ltar shin tu 'jam pa yin no/ /sangs rgyas bcom ldan 'das rnams ni gnyen mdab dang / skye bo phal po che la snyoms par byams pas dge sbyong chen po yin pas na phyag gi ri mo mdangs yod pa yin no/ /sangs rgyas bcom ldan 'das rnams ni shin tu zab cing brtan par gnas pas na phyag gi ri mo zab pa yin no/ /sangs rgyas bcom ldan 'das rnams ni bzod pa rgya chen po'i chos ston pas na phyag gi ri mo ring ba yin no/ /sangs rgyas bcom ldan 'das rnams ni ha cang phal che ba ma yin pa'i bslab pa'i gzhi 'cha' ba na zhal ha cang yang mi ring ba yin no/ / sangs rgyas bcom ldan 'das rnams ni 'jig rten thams cad gzugs brnyan lta bur ston pas na zhal la gzugs kyi gzugs brnyan snang ba yin no/ /sangs rgyas bcom ldan 'das rnams ni 'jam pa sngon du gtong zhing 'dul bas na ljags mnyen pa yin no/ /sangs rgyas bcom ldan 'das rnams ni yon tan cha phra ba'i tshogs dang ldan pas na ljags srab pa yin no/ /sangs rgyas bcom ldan 'das rnams ni byis pa'i skye bo chags pa rnams la gting dpag dka' ba'i chos kyis 'dul bar mdzad pas na ljags dmar ba yin no/ /sangs rgyas bcom ldan 'das rnams ni glang po che'i nga ro dang / 'brug gi sgra lta bus bsnyangs pa mi mnga' bas na glang po che'i nga ro dang / 'brug gi sgra dang ldan pa yin no/ /sangs rgyas bcom ldan 'das rnams ni snyan cing mnyen la 'jam par smra ba'i slob ma mnga' bas na gsung snyan cing mnyen la 'jam pa yin no/ /sangs rgyas bcom ldan 'das rnams ni srid pa'i kun tu sbyor ba las log pas na mche ba zlum pa yin no/ /sangs rgyas bcom ldan 'das rnams ni skye bo rnon po 'dul ba la mkhas pas na mche ba rno ba yin no/ /sangs rgyas bcom ldan 'das rnams ni chos 'dul ba mchog tu dkar bas na mche ba dkar ba yin no/ /sangs rgyas bcom ldan 'das rnams ni cha mnyam pa'i sa la bzhugs pas na mche ba mnyam pa yin no/ /sangs rgyas bcom ldan 'das rnams ni mngon par rtogs par rim gyis ston pas na mche ba byin gyis phra ba yin no/ /sangs rgyas bcom ldan 'das rnams ni shes rab kyi ri mthon po la bzhugs pas na shangs mtho ba yin no/ /sangs rgyas bcom ldan 'das rnams ni 'dul ba'i skye bo gtsang ma mnga' bas na shangs gtsang ba yin no/ /sangs rgyas bcom ldan 'das rnams ni gzigs pa rnam par dag pas na spyan rnam par dag pa yin no/ /sangs rgyas bcom ldan 'das rnams ni sangs rgyas kyi chos shin tu yangs pa dang ldan pas na spyan yangs pa yin no/ /sangs rgyas bcom ldan 'das rnams ni sems can gyi tshogs shin tu bsags pas na rdzi ma sdug pa yin no/ /sangs rgyas bcom ldan 'das rnams ni lha dang lha ma yin dang mi'i na chung mig dkar gnag 'byes shing pad ma'i 'dab ma rangs pa lta bu dang ldan pa'i mchog rnams kyis mngon par dga' bar byas shing bstod pas na spyan dkar gnag 'byes shing pad ma'i mdab ma rangs pa lta bu yin no/ /sangs rgyas bcom ldan 'das rnams ni rtag tu yangs pa ston pas na smin tshugs ring ba yin no/ /sangs rgyas bcom ldan 'das rnams ni 'jam pos 'dul ba la mkhas pas na smin ma 'jam pa yin no/ /sangs rgyas bcom ldan 'das rnams ni kun nas skyon mkhyen pas na smin ma'i spu mnyam pa yin no/ /sangs rgyas bcom ldan 'das rnams ni dge ba'i rtsa ba'i snum gyis skye bo rgyud snum pa rnams 'dul bar mdzad pas na smin ma snum pa yin no/ /sangs rgyas bcom ldan 'das rnams ni chos mchog tu yangs pa ston pas na snyan shal stug cing ring ba yin no/ /sangs rgyas bcom ldan 'das rnams ni nyon mongs pa'i g.yul las rgyal bas na snyan mnyam pa yin no/ /sangs rgyas bcom ldan 'das rnams ni sems kyi rgyud mnyam pa'i sems can 'dul bar mdzad pas na snyan gyi dbang po ma nyams pa yin no/ /sangs rgyas bcom ldan 'das rnams ni lta bar gyur pa thams cad rnam par spangs pas na dpral ba legs par 'byes pa yin no/ /sangs rgyas bcom ldan 'das rnams ni dge sbyong dang / bram ze dang / phas kyi rgol ba rnams rab tu bcom pas na dpral ba dbyes che ba yin no/ /sangs rgyas bcom ldan 'das rnams ni smon lam dam pa shin tu yongs su rdzogs pas na dbu shin tu rgyas pa yin no/ /sangs rgyas bcom ldan 'das rnams ni yul la bong ba ltar dga' ba rnam par bzlog pas na dbu skra bung ba ltar gnag pa yin no/ /sangs rgyas bcom ldan 'das rnams ni mthong ba dang bsgom pas spang bar bya ba'i bag la nyal rnams spangs pas na dbu skra stug pa yin no/ /sangs rgyas bcom ldan 'das rnams ni dgongs pa 'jam pas bstan pa'i snying po thugs su chud pas na dbu skra 'jam pa yin no/ /sangs rgyas bcom ldan 'das rnams ni rtag tu ma 'khrugs pa'i thugs mnga' bas na dbu skra mi 'dzing ba yin no/ /sangs rgyas bcom ldan 'das rnams ni rtag tu mi brlang ba gsung bas na dbu skra mi bshor ba yin no/ /sangs rgyas bcom ldan 'das rnams ni byang chub kyi yan lag gi spos kyi me tog gis skye bo rnams la 'thun par sgrub pas na dbu skra dri zhim pa yin no/ /sangs rgyas bcom ldan 'das rnams ni phyag dang zhabs kyi mthil dpal be'u dang / bkra shis dang / g.yung drung 'khyil pas brgyan pa ste/ rab 'byor de dag ni de bzhin gshegs pa'i sku la mnga' ba'i dpe byad bzang po brgyad bcu yin no/ /rab 'byor byang chub sems dpa' sems dpa' chen po ni de ltar sbyin pa gnyis po zang zing gi sbyin pa dang / chos kyi sbyin pa dag gis sems can rnams yang dag par bsdud par byed de/ rab 'byor de ni byang chub sems dpa' sems dpa' chen po'i ngo mtshar rmad du byung ba'i chos yin no/ /rab 'byor ji ltar byang chub sems dpa' sems dpa' chen pos snyan par smra bas sems can rnams yang dag par bsdud ce na/ rab 'byor 'di la byang chub sems dpa' sems dpa' chen pos pha rol tu phyin pa drug po dag gis sems can rnams yang dag par bsdud par byed de/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / pha rol tu phyin pa drug po de dag gis byang chub sems dpa' sems dpa' chen pos snyan par smra bas sems can rnams bsdud par byed do/ /de ci'i phyir zhe na/ pha rol tu phyin pa drug po de dag gis dge ba'i chos thams cad bsdus pa'i phyir ro/ /rab 'byor ji ltar na byang chub sems dpa' sems dpa' chen po don spyod pas sems can rnams bsdud ce na/ pha rol tu phyin pa drug po de dag nyid kyis 'di lta ste/ sbyin pa dang / snyan par smra ba dang / don dpyod pa dang / don 'thun pas sems can rnams yun ring po nas bsdus pa yin no/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa/ byang chub sems dpa' sems dpa' chen po rnams la 'di skad du 'doms shing rjes su ston te/ rigs kyi bu dag tshur shog /khyed cag yi ge mngon par bsgrub pa la mkhas par gyis shig /yi ge gcig la mkhas par gyis shig /yi ge gnyis la mkhas par gyis shig /yi ge bzhi bcu rtsa lnga'i bar dag la mkhas par gyis shig / yi ge gcig gis thams cad 'grib pa dang ldan par rjes su rtogs par gyis shig /yi ge gnyis kyis thams cad 'grib pa dang ldan par rjes su rtogs par gyis shig /yi ge gsum gyis thams cad 'grib pa dang ldan par rjes su rtogs par gyis shig / yi ge bzhi bcu rtsa lnga'i bar dag gis thams cad 'grib pa dang ldan par rjes su rtogs par gyis shig /yi ge gcig tu yi ge bzhi bcu rtsa lnga 'dus par bsgoms shig / yi ge bzhi bcu rtsa lnga rnams su gcig 'dus par sgoms shig ces 'doms par byed de/ rab 'byor byang chub sems dpa' sems dpa' chen po de ni yi ge gcig la mkhas pa yin no/ /yi ge bzhi bcu rtsa lnga'i bar dag la mkhas pa yin no/ /yi ge gcig tu yi ge bzhi bcu rtsa lnga 'dus par bsgom pa la mkhas pa yin no/ /yi ge bzhi bcu rtsa lnga rnams su yi ge gcig 'dus par sgom pa la mkhas pa yin te/ yi ge mngon par bsgrub pa la mkhas par byas nas/ yi ge med pa mngon par bsgrub pa la mkhas pa yin no/ /rab 'byor 'di lta ste dper na de bzhin gshegs pa dgra bcom pa yang dag par rdzogs pa'i sangs rgyas rnams ni chos la mkhas pa dang / yi ge la mkhas pa yin te/ de chos la mkhas pa dang / yi ge la mkhas pas chos ston te/ yi ge rnams kyis yi ge med pa'i chos ston pa bzhin no/ /rab 'byor chos de ni yi ge med pa'i rnam pas sprul pa'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ / bcom ldan 'das gal te mtha' las 'das pa dang / thog ma dang tha ma ma mchis pa stong pa nyid kyi slad du sems can yang gtan dmigs su ma mchis la/ chos kyang dmigs su ma mchis shing / chos kyi rang bzhin yang dmigs su ma mchis lags na/ bcom ldan 'das 'o na ji ltar byang chub sems dpa' sems dpa' chen po rnam par smin pa las byung ba'i shes rab kyi pha rol tu phyin pa la spyod pa dang / ting nge 'dzin gyi pha rol tu phyin pa la spyod pa dang / brtson 'grus kyi pha rol tu phyin pa la spyod pa dang / bzod pa'i pha rol tu phyin pa la spyod pa dang / tshul khrims kyi pha rol tu phyin pa la spyod pa dang / sbyin pa'i pha rol tu phyin pa la spyod pa dang / bsam gtan bzhi la spyod pa dang / tshad med pa bzhi la spyod pa dang / gzugs med pa'i snyoms par 'jug pa bzhi la spyod pa dang / byang chub kyi phyogs kyi chos sum bcu rtsa bdun la spyod pa dang / stong pa nyid bcu bzhi la spyod pa dang / mtshan ma med pa dang / smon pa med pa la spyod pa dang / ting nge 'dzin rnams la spyod pa dang / rnam par thar pa brgyad la spyod pa dang / mthar gyis gnas pa'i snyoms par 'jug pa dgu la spyod pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / skyes bu chen po'i mtshan sum bcu rtsa gnyis dang / dpe byad bzang po brgyad bcu dang / rnam par smin pa las byung ba'i mngon par shes pa drug la spyod pa ji ltar sems can rnams la chos ston par bgyid lags/ de la ni sems can dang / sems can du gdags pa yang dmigs su ma mchis lags te/ sems can dmigs su ma mchis pas/ gzugs kyang dmigs su ma mchis la/ rnam par shes pa'i bar du yang dmigs su ma mchis/ pha rol tu phyin pa drug kyang dmigs su ma mchis la/ de bzhin du dpe byad bzang po brgyad bcu dang / sangs rgyas kyi chos ma 'dres pa bcwa brgyad kyi bar dag kyang dmigs su ma mchis lags so/ / sems can dang sems can du gdags pa dmigs su ma mchis pa de la ni gzugs kyang ma mchis la/ de bzhin du dpe byad bzang po brgyad bcu'i bar dag kyang ma mchis lags so/ /dpe byad bzang po brgyad bcu'i bar dag kyang ma mchis lags na/ bcom ldan 'das 'o na byang chub sems dpa' sems dpa' chen po shes rab kyi pha rol tu phyin pa la spyod pa ji ltar sems can rnams la chos ston par 'gyur te/ bcom ldan 'das byang chub sems dpa' sems dpa' chen po de sems can rnams mchis pa ma lags pa'i chos rnams la yang dag par 'dzin du stsol cing / phyin ci log la sbyor bar bgyid pa 'am/ gcig tu mi 'gyur lags grang / de ci'i slad du zhe na/ bcom ldan 'das 'di ltar byang chub sems dpa' sems dpa' chen po shes rab kyi pha rol tu phyin pa la spyod pa/ byang chub sems dpa' nyid kyang mi dmigs na/ byang chub kyi phyogs kyi chos rnams lta smos kyang ci 'tshal lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin te/ de de bzhin no/ /ji skad smras pa de bzhin te/ rab 'byor sems can dmigs su med pas/ nang stong pa nyid du rig par bya'o/ /phyi stong pa nyid du rig par bya'o/ /phyi nang stong pa nyid du rig par bya'o/ /de bzhin du sbyar te dngos po med pa'i ngo bo nyid stong pa nyid kyi bar du rig par bya'o/ /phung po stong pa nyid du rig par bya'o/ /khams stong pa nyid du rig par bya'o/ / skye mched stong pa nyid du rig par bya'o/ /rten cing 'brel bar 'byung ba stong pa nyid du rig par bya'o/ /bdag stong pa nyid dang / sems can stong pa nyid dang / srog stong pa nyid dang / skye ba po stong pa nyid dang / shed las skyes pa stong pa nyid dang / gang zag stong pa nyid dang / gso ba stong pa nyid dang / byed pa po dang / byed du 'jug pa po dang / slong ba po dang / kun nas slong ba po dang / tshor ba po dang / tshor bar byed pa po dang / shes pa po dang / mthong ba po stong pa nyid du rig par bya'o/ /de bzhin du sbyar te bsam gtan stong pa nyid du rig par bya'o/ /tshad med pa stong pa nyid dang / gzugs med pa'i snyoms par 'jug pa stong pa nyid dang / dran pa nye bar gzhag pa stong pa nyid du rig par bya'o/ /byang chub kyi phyogs kyi chos sum bcu rtsa bdun gyi bar dag stong pa nyid du rig par bya'o/ /stong pa nyid stong pa nyid du rig par bya'o/ /mtshan ma med pa dang / smon pa med pa stong pa nyid du rig par bya'o/ /de bzhin du sbyar te rnam par thar pa brgyad stong pa nyid dang / mthar gyis gnas pa'i snyoms par 'jug pa dgu stong pa nyid dang / de bzhin gshegs pa'i stobs bcu stong pa nyid dang / mi 'jigs pa bzhi stong pa nyid dang / so so yang dag par rig pa bzhi stong pa nyid dang / sangs rgyas kyi chos ma 'dres pa bcwa brgyad stong pa nyid du rig par bya'o/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub stong pa nyid du rig par bya'o/ /byang chub sems dpa'i sa stong pa nyid du rig par bya'o/ /sangs rgyas kyi zhing stong pa nyid du rig par bya'o/ /byang chub stong pa nyid du rig par bya'o/ /rab 'byor de ltar byang chub sems dpa' sems dpa' chen pos chos de dag thams cad stong par mthong nas/ phyin ci log tu gyur pa'i sems can rnams la chos ston te/ ci nas kyang stong pa nyid de dag tu phyir mi ldog pa de ltar chos ston to/ /des chos thams cad sgrib pa med par yang dag par rjes su mthong ste/ chos gang yang 'khrug par mi byed cing / gnyis su mi 'byed par yang dag pa ji lta ba bzhin du chos ston par byed do/ /rab 'byor 'di lta ste dper na de bzhin gshegs pa'i sprul pa zhig gis sprul pa bye ba phrag du ma mngon par sprul nas kha cig ni sbyin pa la bkod/ kha cig ni tshul khrims la bkod cing / de bzhin du sbyar te kha cig ni bzod pa la/ kha cig ni brtson 'grus la/ kha cig ni ting nge 'dzin la/ kha cig ni shes rab la/ kha cig ni bsam gtan rnams la/ kha cig ni tshad med pa rnams la/ kha cig ni gzugs med pa'i snyoms par 'jug pa rnams la/ kha cig ni dran pa nye bar gzhag pa rnams la/ kha cig ni 'phags pa'i lam yan lag brgyad pa'i bar dag la/ kha cig ni rnam pa thams cad mkhyen pa nyid kyi bar dag la bkod/ kha cig ni rgyun tu zhugs pa'i 'bras bu la bkod/ kha cig ni byang chub kyi bar dag la bkod na/ rab 'byor 'di ji snyam du sems/ sprul pa des chos gang yang rnam par 'phel ba yod snyam 'am/ gsol pa/ bcom ldan 'das de ni ma lags so/ /bka' stsal pa/ rab 'byor rnam grangs des ji ltar byang chub sems dpa' sems dpa' chen po shes rab kyi pha rol tu phyin pa la spyod pa/ sems can rnams la chos ston te/ ma bcings ma grol ba'i tshul gyis de dag ni phyin ci log rnams las rnam par grol bar byed cing / de dag yang dag pa ji lta ba la 'god pa de ltar rig par bya'o/ /de ci'i phyir zhe na/ rab 'byor 'di ltar gzugs ni ma bcings ma grol ba yin la/ tshor ba dang / 'du shes dang / 'du byed rnams dang / rnam par shes pa yang ma bcings ma grol ba yin te/ gzugs kyi ma bcings ma grol ba nyid gang yin pa de gzugs ma yin la/ tshor ba dang / 'du shes dang / 'du byed rnams dang / rnam par shes pa'i ma bcings ma grol ba nyid gang yin pa de yang rnam par shes pa ma yin zhing / 'dus byas dang 'dus ma byas kyi chos rnams kyi bar gyi ma bcings ma grol ba nyid gang yin pa de yang 'dus byas dang / 'dus ma byas kyi chos rnams ma yin pa'i phyir ro/ /de ci'i phyir zhe na/ rab 'byor 'di ltar gzugs dang / rnam par shes pa'i bar dag dang / 'dus byas dang / 'dus ma byas kyi bar gyi chos rnams ni shin tu rnam par dag pa'i phyir ro/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa/ sems can rnams la chos ston kyang sems can du dmigs pa yang med do/ /byang chub sems dpa' sems dpa' chen po ni chos thams cad mi dmigs pa'i tshul gyis gnas te/ de yang gzugs stong zhes bya bar mi dmigs pa'i tshul dang / rnam par shes pa'i bar du stong zhes bya bar mi dmigs pa'i tshul dang / 'dus byas dang 'dus ma byas kyi chos rnams kyi bar dag stong zhes bya bar mi dmigs pa'i tshul gyis gnas te/ 'dus byas dang / 'dus ma byas kyi chos rnams ni gang du yang gnas pa yang med do/ /de ci'i phyir zhe na/ 'di ltar de dag la gang gnas par 'gyur ba'i ngo bo nyid med pas na dngos po med pa yang dngos po med pa la mi gnas la/ rang gi dngos po yang dngos po med pa la mi gnas shing / gzhan gyi dngos po yang dngos po med pa 'am/ rang gi dngos po la mi gnas pa'i phyir ro/ /de ci'i phyir zhe na/ rab 'byor 'di ltar de dag thams cad ni dmigs su med de/ gang dmigs su med pa de ni gang la yang gnas par mi 'gyur ba'i phyir te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa/ chos de dag thams cad stong pa nyid du sgom ste/ rab 'byor byang chub sems dpa' sems dpa' chen po de ltar shes rab kyi pha rol du phyin pa la spyod pa ni sangs rgyas bcom ldan 'das rnams dang / byang chub sems dpa' rnams dang / rang sangs rgyas rnams dang / nyan thos rnams dang / 'phags pa thams cad la nyes par byas pa ma yin no/ /de ci'i phyir zhe na/ rab 'byor 'di ltar sangs rgyas bcom ldan 'das de dag dang / byang chub sems dpa' rnams dang / rang sangs rgyas rnams dang / nyan thos rnams kyis kyang chos rnams kyi chos nyid 'di nyid rtog ste/ rtogs nas kyang sems can rnams la chos ston cing / chos rnams kyi chos nyid de las kyang mi 'da' ste/ chos kyi dbyings kyang 'da' ba med la/ de bzhin nyid dang / yang dag pa'i mtha' yang 'da' ba med pa'i phyir ro/ /de ci'i phyir zhe na/ rab 'byor 'di ltar de dag la gang 'da' bar 'gyur ba'i rang bzhin med pa'i phyir ro/ / shes rab kyi pha rol tu phyin pa khri brgyad stong pa/ bam po lnga bcu rtsa gnyis pa/ de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te chos kyi dbyings la 'da' ba ma mchis shing / de bzhin nyid dang / yang dag pa'i mtha' la yang 'da' ba ma mchis na/ bcom ldan 'das 'o na ci gzugs kyang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan zhig lags sam/ rnam par shes pa yang gzhan la/ 'dus byas dang / 'dus ma byas kyi chos rnams dang / 'jig rten pa dang / 'jig rten las 'das pa dang / zag pa dang bcas pa dang / zag pa ma mchis pa'i chos rnams kyang gzhan pa zhig lags sam/ bka' stsal pa/ rab 'byor de ni ma yin te/ gzugs kyang gzhan ma yin la/ chos kyi dbyings kyang gzhan ma yin no/ /de bzhin nyid kyang gzhan ma yin la/ yang dag pa'i mtha' yang gzhan ma yin no/ /rnam par shes pa yang gzhan ma yin la/ chos thams cad kyi bar yang gzhan ma yin no/ /chos kyi dbyings kyang gzhan ma yin la/ de bzhin nyid dang / yang dag pa'i mtha' yang gzhan ma yin no/ / de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te gzugs kyang gzhan ma lags shing / chos kyi dbyings kyang gzhan ma lags la/ rnam par shes pa'i bar yang gzhan ma lags/ 'dus byas dang 'dus ma byas kyi chos rnams kyi bar yang gzhan ma lags/ de bzhin du chos kyi dbyings kyi bar yang gzhan ma lags na/ bcom ldan 'das 'o na nag po'i chos rnams kyi rnam par smin pa nag po ni sems can dmyal ba dang / dud 'gro'i skye gnas dang / gshin rje'i 'jig rten lags so zhes bgyi ba dang / dkar po'i chos rnams kyi rnam par smin pa dkar po ni lha dang mi rnams lags so zhes bgyi ba dang / dkar gnag gi chos rnams kyi rnam par smin pa dkar gnag ni bde ba dang / sdug bsngal 'dren ma lags so zhes bgyi ba dang / mi gnag cing dkar ba'i chos rnams kyi rnam par smin pa mi gnag cing / dkar ba ni rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub lags so zhes bgyi bar rnam par dgod par ji ltar 'gyur lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor kun rdzob kyi bden pa nye bar bzung ste/ 'bras bu rnam par dgod pa bstan par zad kyi/ don dam pa'i bden par ni 'bras bu rnam par dgod pa bstan par mi nus so/ /de ci'i phyir zhe na/ 'di lta ste/ ming dang gzugs ni skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir/ chos de ni rnam par rtog pa med cing bsnyad du med pa ste/ de ni mtha' las 'das pa stong pa nyid dang / thog ma dang tha ma med pa stong pa nyid do/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das gal te kun rdzob kyi bden pa nye bar bzung ste/ 'bras bu rnam par dgod pa mchis kyi/ don dam par ma mchis pa lags na/ bcom ldan 'das 'o na byis pa so so'i skye bo thams cad kyang rgyun tu zhugs pa'i 'bras bur mi 'gyur lags sam/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub tu mi 'gyur lags sam/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor ci byis pa so so'i skye bo rnams kyis kun rdzob kyi bden pa 'am/ don dam pa'i bden pa shes sam/ 'o na ni de dag la yang rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub kyi 'bras bu rnam par dgod pa yod par yang 'gyur te/ gal te kun rdzob kyi bden pa 'am/ don dam pa'i bden pa zhes bya bar shes na ni/ byis pa so so'i skye bo zhes bya ba'i grangs su yang mi 'gro ba zhig na/ 'di ltar de dag la yongs su shes pa med de/ de'i phyir de dag la rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub kyi 'bras bu rnam par dgod pa dag kyang med do/ /rab 'byor 'di ltar byis pa so so'i skye bo rnams la ni lam yang med la/ lam rnam par gzhag pa yang med/ lam sgom pa yang med na/ byis pa so so'i skye bo rnams la 'bras bu rnam par dgod pa lta yod par 'gyur re skan/ 'phags pa'i gang zag rnams la ni/ lam yang yod la lam rnam par gzhag pa yang yod/ lam sgom pa yang yod pas na 'bras bu rnam par dgod pa yang yod do/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ci lam sgom pas 'bras bu 'byung zhing / 'bras bu thob par 'gyur lags sam/ bka' stsal pa/ rab 'byor de ni ma yin te/ lam bsgoms pas 'bras bu 'byung bar mi 'gyur zhing / 'bras bu thob par yang mi 'gyur ro/ /rab 'byor lam ma bsgoms par yang 'bras bu thob par mi 'gyur te/ lam gyis kyang 'bras bu mi 'thob la/ lam ma yin pas kyang ma yin zhing lam la mi gnas par yang ma yin te/ rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa/ sems can rnams la 'bras bu rnam par 'god par byed de/ chos kyi dbyings la tshar gcad pa'i tshul gyis 'bras bu rnam par 'god pa ni ma yin no/ /gsol pa/ bcom ldan 'das gal te 'dus byas kyi khams sam/ 'dus ma byas kyi khams la tshar gcad pas 'bras bu rnam par dgod pa ma mchis par gyur na/ bcom ldan 'das kyis 'di ni kun du sbyor ba gsum spangs pa'i phyir/ rgyun du zhugs pa'i 'bras bu yin no/ /'di ni 'dod pa'i 'dod chags dang / gnod sems bsrabs pa'i phyir lan cig phyir 'ong ba'i 'bras bu yin no/ /'di ni 'dod pa na spyod pa'i cha dang 'thun pa'i kun du sbyor ba rnams spangs pa'i phyir/ phyir mi 'ong ba'i 'bras bu'o/ /'di ni gong ma'i cha dang 'thun pa'i kun du sbyor ba lnga spangs pa'i phyir dgra bcom pa nyid yin no/ /kun 'byung ba'i chos gang ci yang rung ba de dag thams cad 'gog pa'i chos can no zhes bya ba ni rang byang chub yin no/ /bag chags kyi mtshams sbyor ba thams cad spangs pa ni/ /rgya gar skad du/ Ar+ya da sha sA ha sri kA pradz+nyA pA ra mi tA nA ma ma hA yA na sU tra/ bod skad du/ 'phags pa shes rab kyi pha rol tu phyin pa khri pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong stong phrag du ma'i dge slong gi dge 'dun chen po dang / thabs gcig tu bzhugs te/ thams cad kyang dgra bcom pa zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin du rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun du sbyor ba/ yongs su zad pa/ yang dag pa'i shes pas/ sems shin du rnam par grol ba/ sems kyi dbang thams cad kyi dam pa'i pha rol tu son pa sha stag ste/ gang zag gcig ma gtogs pa ni 'di lta ste/ slob pa rgyun du zhugs pa tshe dang ldan pa kun dga' bo'o/ /dge slong ma lnga brgya tsam dang / dge bsnyen ma dang / dge bsnyen ma thams cad kyang bden pa mthong ba sha stag dang / byang chub sems dpa' sems dpa' chen po stong phrag du ma thams cad kyang gzungs thob pa/ ting nge 'dzin thob pa/ stong pa nyid la gnas pa/ mtshan ma med pa'i spyod yul ba/ ma brtags pa'i smon lam dang ldan pa/ mnyam pa nyid kyi bzod pa thob pa/ spobs pa thogs pa med pa thob pa thams cad kyang mngon par shes pa lnga dang ldan pa/ gzungs pa'i tshig dang ldan pa/ tshul 'chos pa med pa/ shes kyi khe dang / brnyed pa dang / bkur sti'i sems dang bral ba/ zang zing med par chos ston pa/ chos zab mo la bzod pa'i pha rol du son pa/ mi 'jigs pa thob pa/ bdud kyi las las yang dag par 'das pa/ las kyi sgrib pa thams cad las rnam par grol ba/ bstan pa'i chos ston pas bsags pa/ bskal pa grangs med pa nas smon lam shin du brtsams pa/ bzhin 'dzum pa dang ldan pa/ gsong por smra ba/ bzhin khro gnyer med pa/ 'khor mtha' yas pa zil gyis gnon pa'i mi 'jigs pa dang ldan pa/ bskal pa bye ba phrag du mar bstan pas nges par 'byung ba la mkhas pa/ chos la sgyu ma dang / smig rgyu dang / rmi lam dang / chu zla dang / mig yor dang / nam mkha' dang / brag cha dang / dri za'i grong khyer dang / gzugs brnyan dang / sprul pa lta bur mos pa/ mi 'jigs pa tshad med pa dang ldan pa/ sems can thams cad kyi sems kyi spyod pa dang / mos pa dang / phra ba mkhyen pa/ khong du chud par bya ba la mkhas pa/ sems can thams cad la zhe 'gras pa med pa'i sems dang ldan pa/ bzod pa chen po dang ldan pa/ ji lta ba bzhin du 'jug pa la mkhas pa/ sangs rgyas kyi zhing mtha' yas par smon lam yongs su bzung ba/ 'jig rten gyi khams grangs med pa'i sangs rgyas rjes su dran pa'i ting nge 'dzin rtag tu rgyun mi 'chad par mngon du gyur pa/ sangs rgyas dpag tu med pa la gsol ba 'debs pa la mkhas pa/ lta ba sna tshogs kyis kun nas bslang ba'i nyon mongs pa spong ba la mkhas pa/ ting nge 'dzin gyis rnam par brtse ba 'bum mngon par bsgrub pa la mkhas pa'i byang chub sems dpa' sha stag la 'di lta ste/ byang chub sems dpa' sems dpa' chen po bzang skyong dang / dkon mchog 'byung gnas dang / ded dpon dang / nA las byin dang / gzas byin dang / chu lhas byin dang / dbang pos byin dang / blo gros rgya chen dang / blo gros khyad par can dang / blo gros 'phel dang / mthong ba don yod dang / shin du yang dag zhugs dang / rab kyi rtsal kyis rnam par gnon pa dang / rtag tu brtson dang / brtson pa mi gtong ba dang / nyi ma'i snying po dang / zla ba'i snying po dang / blo gros dpe med dang / spyan ras gzigs kyis dbang phyug dang / 'jam dpal dang / lag na phyag rgya rin po che dang / byang chub sems dpa' rtag tu lag rkyang dang / byang chub sems dpa' sems dpa' chen po byams pa dang / de dag la stsogs pa byang chub sems dpa' stong phrag du ma thams cad kyang gzhon nur gyur pa sha stag dang / thabs gcig go/ /de'i tshe bcom ldan 'das kyis brgya byin dang / tshangs pa dang / 'jig rten skyongs ba thams cad kyi gzi brjid zil gyis mnan nas/ 'khor bzhi po de dag gi mdun na lam me lhan ne lhange zhing rdzu 'phrul gyis rnam par 'phrul ba'i cho 'phrul rnam pa du ma dag yang dag par bstan to/ /spu'i khung bu rnams nas kyang 'od zer bye ba khrag khrig 'bum phrag du ma dag byung bar gyur to/ /yang de'i tshe tshe dang ldan pa shA ra dwa ti'i bu 'khor der 'dus par gyur te/ 'dug pa des de bzhin gshegs pa'i rdzu 'phrul gyi rnam par 'phrul ba'i cho 'phrul de lta bu mthong nas dga' zhing mgu la yi rangs te/ rab tu mgu zhing dga' ba dang / yid bde ba skyes nas/ stan las langs te bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du/ btsun pa bcom ldan 'das kyis bdag la skabs phye na/ btsun pa bcom ldan 'das la bdag phyogs 'ga' zhig zhu lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu khyod de bzhin gshegs pa la zhu ba'i phyir rtag tu skabs phye zin gyis khyod de bzhin gshegs pa la ci dang ci 'dod pa dris shig dang / dris pa de dang de'i lan btab pas khyod kyi sems rangs par bya'o/ /de skad ces bka' stsal pa dang / tshe dang ldan pa shA ra dwa ti'i bus/ bcom ldan 'das la 'di skad ces gsol to/ /btsun pa bcom ldan 'das shes rab kyi pha rol tu phyin pa/ shes rab kyi pha rol tu phyin pa zhes bgyi na/ btsun pa bcom ldan 'das byang chub sems dpa' rnams kyi shes rab kyi pha rol tu phyin pa de gang lags/ chos gang gi pha rol tu phyin pas byang chub sems dpa' rnams shes rab kyi pha rol tu phyin pa'i pha rol tu son pa lags shing / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar yang 'gyur lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la legs so zhes bya ba byin te/ shA ra dwa ti'i bu legs so legs so/ /'di ltar khyod de bzhin gshegs pa'i byin gyi rlabs kyis zhu ba zhus pa mdzes so/ /khyod kyis yongs su rtog pa bzang ngo / /de'i phyir khyod legs par rab tu nyon la yid la zung shig dang / shes rab kyi pha rol tu phyin pa bstan par bya'o/ /btsun pa de ltar 'tshal lo zhes gsol te/ tshe dang ldan pa shA ra dwa ti'i bu bcom ldan 'das kyis ltar nyan pa dang / bcom ldan 'das kyis de la 'di skad ces bka' stsal to/ /shA ra dwa ti'i bu shes rab kyi pha rol tu phyin pa/ shes rab kyi pha rol tu phyin pa zhes bya ba ni 'di lta ste/ chos thams cad la mngon par zhen pa med pa yin no/ /shA ra dwa ti'i bu byang chub sems dpa' mngon par zhen pa med pa rnams ni/ shes rab kyi pha rol tu phyin pa'i pha rol tu son pa yin zhing / myur du bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro/ /gsol pa/ btsun pa bcom ldan 'das byang chub sems dpa' sems dpa' chen po rnams kyis gang la mngon par zhen par mi bgyi ba'i chos de dag thams cad gang lags/ bcom ldan 'das kyis bka' stsal pa/ shA ra dwa ti'i bu chos thams cad ces bya ba ni 'di lta ste/ phung po lnga dang / skye mched bcu gnyis dang / khams bcwa brgyad dang / 'phags pa'i bden pa bzhi dang / rten cing 'brel bar 'byung ba yan lag bcu gnyis dang / dran pa nye bar gzhag pa bzhi dang / yang dag pa'i spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo stong pa nyid dang / rnam par thar pa'i sgo mtshan ma med pa dang / rnam par thar pa'i sgo smon pa med pa nyid dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / 'du shes dgu dang / rjes su dran pa bcu dang / 'du shes kyi rnam pa drug dang / chos shes pa dang / rjes su rtogs pa shes pa dang / pha rol gyi sems shes pa dang / kun rdzob shes pa dang / sdug bsngal shes pa dang / kun 'byung shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / ji lta ba bzhin du shes pa dang / de bzhin du rtog pa dang bcas/ dpyod pa dang bcas pa'i ting nge 'dzin dang / rtog pa med pa la dpyod pa tsam gyi ting nge 'dzin dang / mi rtog mi dpyod pa'i ting nge 'dzin dang / mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po dang / zil gyis gnon pa'i skye mched brgyad dang / zad par gyi skye mched bcu dang / stong pa nyid bcwa brgyad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / de bzhin du thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid dang / pha rol tu phyin pa drug dang / mngon par shes pa lnga dang / mig lnga dang / skyes bu chen po'i mtshan sum bcu rtsa gnyis dang / dpe byad bzang po brgyad bcu po dag ste/ gang la byang chub sems dpa' sems dpa' chen po rnams kyis mngon par zhen par mi bya ba'i chos thams cad ni de dag yin no/ /mngon par zhen pa med pa ni shes rab kyi pha rol tu phyin pa'i pha rol tu son pa yin zhing / myur du bla na med pa yang dag par rdzogs pa'i byang chub mngon par rdzogs par 'tshang rgya bar yang 'gyur ro/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das phung po lnga gang lags zhes bya ba nas rten cing 'brel bar 'byung ba'i yan lag bcu gnyis pa'i bar du de bzhin du sbyar ro/ /dran pa nye bar gzhag pa bzhi gang lags zhes bya ba nas/ 'phags pa'i lam yan lag brgyad pa'i bar du de bzhin du sbyar ro/ /rnam par thar pa'i sgo stong pa nyid gang lags zhes bya ba nas/ rnam pa thams cad mkhyen pa nyid kyi bar du de bzhin du sbyar ro/ /pha rol tu phyin pa drug gang lags zhes bya ba nas/ dpe byad bzang po brgyad bcu po dag ces bya ba'i bar du de bzhin du sbyar ro/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu phung po lnga zhes bya ba ni 'di lta ste/ gzugs dang / tshor ba dang / 'du shes dang / 'du byed rnams dang / rnam par shes pa'o/ /de la skye mched bcu gnyis gang zhe na/ nang gi drug dang / phyi'i drug ste/ de dag ni skye mched bcu gnyis zhes bya'o/ /de la nang gi skye mched drug gang zhe na/ 'di lta ste/ /mig gi skye mched dang / rna ba'i skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched de/ de dag ni nang gi skye mched drug ces bya'o/ /de la phyi'i skye mched drug gang zhe na/ 'di lta ste/ gzugs kyi skye mched dang / sgra'i skye mched dang / dri'i skye mched dang / ro'i skye mched dang / reg bya'i skye mched dang / chos kyi skye mched de/ de dag ni phyi'i skye mched drug ces bya'o/ /de la khams bcwa brgyad gang zhe na/ 'di lta ste/ mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams te/ de dag ni khams bcwa brgyad ces bya'o/ /de la 'phags pa'i bden pa bzhi gang zhe na/ 'di lta ste/ sdug bsngal 'phags pa'i bden pa dang / kun 'byung ba 'phags pa'i bden pa dang / 'gog pa 'phags pa'i bden pa dang / lam 'phags pa'i bden pa ste/ de dag ni 'phags pa'i bden pa bzhi zhes bya'o/ /de la brten cing 'brel bar 'byung ba'i yan lag bcu gnyis gang zhe na/ 'di lta ste/ ma rig pa'i rkyen kyis 'du byed rnams/ 'du byed kyi rkyen kyis rnam par shes pa/ rnam par shes pa'i rkyen kyis ming dang gzugs/ ming dang gzugs kyi rkyen kyis skye mched drug /skye mched drug gi rkyen kyis reg pa/ reg pa'i rkyen kyis tshor ba/ tshor ba'i rkyen kyis sred pa/ sred pa'i rkyen kyis len pa/ len pa'i rkyen kyis srid pa/ srid pa'i rkyen kyis skye ba/ skye ba'i rkyen kyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa rnams 'byung ste/ de ltar na sdug bsngal gyi phung po chen po 'ba' shig pa 'di dag 'byung bar 'gyur ro/ /ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas/ ming dang gzugs 'gag /ming dang gzugs 'gags pas skye mched drug 'gag / skye mched drug 'gags pas reg pa 'gag /reg pa 'gags pas/ tshor ba 'gag /tshor ba 'gags pas/ sred pa 'gag /sred pa 'gags pas len pa 'gag len pa 'gags pas/ srid pa 'gag /srid pa 'gags pas skye ba 'gag / skye ba 'gags pas rga shi dang / mya ngan dang smre sngags 'don pa dang / sdug bsngal ba dang / yid mi bde ba dang / 'khrugs pa rnams 'gag par 'gyur te/ de ltar na sdug bsngal gyi phung po 'ba' shig pa 'di 'gag par gyur te/ de ni rten cing 'brel bar 'byung ba'i yan lag bcu gnyis pa lugs dang mthun pa dang / lugs dang mi mthun pa zhes bya'o/ /de la dran pa nye bar gzhag pa bzhi gang zhe na/ 'di lta ste/ lus la lus kyi rjes su lta ba'i dran pa nye bar gzhag pa dang / tshor ba la tshor ba'i rjes su lta ba'i dran pa nye bar gzhag pa dang / sems la sems kyi rjes su lta ba'i dran pa nye bar gzhag pa dang / chos la chos kyi rjes su lta ba'i dran pa nye bar gzhag pa ste/ de dag ni dran pa nye bar gzhag pa bzhi zhes bya'o/ /de la yang dag pa'i spong ba bzhi gang zhe na/ 'di la byang chub sems dpa' sems dpa' chen po sdig pa mi dge ba'i chos ma skyes pa rnams mi bskyed pa'i phyir 'dun pa bskyed cing 'bad la brtson 'grus rtsom ste/ sems rab tu 'dzin cing yang dag par rab tu 'jog pa dang / sdig pa mi dge ba'i chos skyes pa rnams spang ba'i phyir 'dun pa bskyed cing 'bad la brtson 'grus rtsom ste/ sems rab tu 'dzin cing yang dag par rab tu 'jog pa dang / dge ba'i chos ma skyes pa rnams bskyed pa'i phyir 'dun pa skyed cing 'bad la brtson 'grus rtsom ste/ sems rab tu 'dzin cing yang dag par rab tu 'jog pa dang / dge ba'i chos skyes pa rnams gnas pa dang / mi brjed pa dang / shin du rgyas pa dang / phyir zhing bsgom pa yongs su rdzogs par bya ba'i phyir 'dun pa skyed cing 'bad la brtson 'grus rtsom ste/ sems rab tu 'dzin cing yang dag par rab tu 'jog pa ste/ de dag ni yang dag pa'i spong ba bzhi zhes bya'o/ /de la rdzu 'phrul gyi rkang pa bzhi gang zhe na/ 'di lta ste/ 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang / brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang / sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa ste/ de dag ni rdzu 'phrul gyi rkang pa bzhi zhes bya'o/ /de la dbang po lnga gang zhe na 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ de dag ni dbang po lnga zhes bya'o/ /de la stobs lnga gang zhe na 'di bzhin du dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs te/ de dag ni stobs lnga zhes bya'o/ /de la byang chub kyi yan lag bdun gang zhe na/ 'di lta ste/ dran pa yang dag byang chub kyi yan lag dang / chos rab tu rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin du sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ de dag ni byang chub kyi yan lag bdun ces bya'o/ /de la 'phags pa'i lam yan lag brgyad pa gang zhe na/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te de dag ni 'phags pa'i lam yan lag brgyad pa zhes bya'o/ /de la rnam par thar pa'i sgo stong pa nyid gang zhe na/ 'di lta ste/ chos thams cad rang gi mtshan nyid kyis stong par so sor rtog pa'i sems gnas pa/ rnam par thar pa'i sgo stong pa nyid de/ de ni rnam par thar pa'i sgo stong pa nyid ces bya'o/ /de la rnam par thar pa'i sgo mtshan ma med pa gang zhe na/ 'di lta ste/ chos thams cad rang gi mtshan nyid kyis mtshan ma med par so sor rtog pa'i sems gnas pa/ rnam par thar pa'i sgo mtshan ma med pa ste/ de ni rnam par thar pa'i sgo mtshan ma med pa zhes bya'o/ /de la rnam par thar pa'i sgo smon pa med pa gang zhe na/ 'di lta ste/ chos thams cad mngon par 'du byed pa med pa la/ mngon par 'du byed pa med par sems gnas pa/ smon pa med pa'i rnam par thar pa'i sgo ste/ de ni rnam par thar pa'i sgo smon pa med pa zhes bya'o/ /de la bsam gtan bzhi gang zhe na 'di lta ste/ 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po bsgrubs te gnas pa dang / de rtog pa dang / dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa dpyod pa med pa/ ting nge 'dzin las skyes pa'i dga' ba dang / bde ba can bsam gtan gnyis pa bsgrubs te/ gnas pa dang / de dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong la/ 'phags pa rnams kyis gang de la dran pa dang ldan pa/ bde ba dang ldan pa/ bde ba la gnas pa btang snyoms pa'o zhes brjod pa ste/ dga' ba med pa'i bsam gtan gsum pa bsgrubs te gnas pa dang / de bde ba yang spangs de snga nas sdug bsngal yang spangs shing yid bde ba dang / yid mi bde ba yang nub pas sdug bsngal yang ma yin/ bde ba yang ma yin pa/ btang snyoms dang dran pa yongs su dag pa/ bsam gtan bzhi pa bsgrubs nas gnas pa ste/ de dag ni bsam gtan bzhi zhes bya'o/ /de la tshad med pa bzhi gang zhe na/ 'di lta ste/ byams pa dang / snying rje dang / dga' ba dang / btang snyoms te/ de dag ni tshad med pa bzhi zhes bya'o/ /de la gzugs med pa'i snyoms par 'jug pa bzhi gang zhe na/ 'di lta ste/ nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched de/ de dag ni gzugs med pa'i snyoms par 'jug pa bzhi zhes bya'o/ /de la rnam par thar pa brgyad gang zhe na 'di lta ste/ gzugs can gzugs rnams la lta ba 'di ni rnam par thar pa dang po'o/ /nang gzugs med par 'du shes pas/ phyi rol gyi gzugs rnams la lta ba 'di ni rnam par thar pa gnyis pa'o/ /sdug pa nyid du mos pa 'di ni rnam par thar pa gsum pa'o/ /de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub cing / sna tshogs kyi 'du shes rnams yid la mi byed pas nam mkha' mtha' yas so snyam nas/ nam mkha' mtha' yas skye mched bsgrubs te gnas pa 'di ni rnam par thar pa bzhi pa'o/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas rnam shes mtha' yas skye mched bsgrubs te gnas pa 'di ni rnam par thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched bsgrubs te gnas pa 'di ni rnam par thar pa drug pa'o/ /de rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched bsgrubs te gnas pa 'di ni rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa bsgrubs te gnas pa 'di ni rnam par thar pa brgyad pa ste/ de dag ni rnam par thar pa brgyad ces bya'o/ /de la mthar gyis gnas pa'i snyoms par 'jug pa dgu gang zhe na/ 'di lta ste/ 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa dpyod pa dang bcas pa/ dben pa las skyes pa'i dga' ba dang / bde ba can bsam gtan dang po bsgrubs te gnas pa 'di ni snyoms par 'jug pa dang po'o/ / de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang / bde ba can bsam gtan gnyis pa bsgrubs te gnas pa 'di ni snyoms par 'jug pa gnyis pa'o/ /de dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong la/ 'phags pa rnams kyis gang dran pa dang ldan pa bde ba la gnas pa btang snyoms pa'o zhes brjod pa ste/ dga' ba med pa'i bsam gtan gsum pa bsgrubs te gnas pa 'di ni snyoms par 'jug pa gsum pa'o/ /de bde ba yang spangs te/ snga nas sdug bsngal yang spangs shing yid bde ba dang / yid mi bde ba nub pas sdug bsngal ba yang ma yin/ bde ba yang ma yin pa btang snyoms dang / dran pa yongs su dag pa bsam gtan bzhi pa bsgrubs te gnas pa 'di ni snyoms par 'jug pa bzhi pa'o/ /de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched bsgrubs te gnas pa 'di ni snyoms par 'jug pa lnga pa'o/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched bsgrubs te gnas pa 'di ni snyoms par 'jug pa drug pa'o/ /de rnam pa thams cad du rnam shes mtha' yas skye mched las yang dag par 'das te/ ci yang med do snyam nas/ ci yang med pa'i skye mched bsgrubs te gnas pa 'di ni snyoms par 'jug pa bdun pa'o/ /de rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched bsgrubs te gnas pa 'di ni snyoms par 'jug pa brgyad pa'o/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa bsgrubs te gnas pa 'di ni snyoms par 'jug pa dgu pa ste/ de dag ni mthar gyis gnas pa'i snyoms par 'jug pa dgu zhes bya'o/ /de la 'du shes dgu gang zhe na/ 'di lta ste/ rnam par bam pa'i 'du shes dang / rnam par 'bus gzhigs pa'i 'du shes dang / rnam par dmar ba'i 'du shes dang / rnam par rnags pa'i 'du shes dang / rnam par sngos pa'i 'du shes dang / rnam par zos pa'i 'du shes dang / rnam par 'thor ba'i 'du shes dang / rus gong gi 'du shes dang / rnam par tshig pa'i 'du shes te/ de dag ni 'du shes dgu zhes bya'o/ /de la rjes su dran pa bcu gang zhe na/ 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / nye bar zhi ba rjes su dran pa dang / dbugs 'byung ba dang rngub pa rjes su dran pa dang / lus su gtogs pa rjes su dran pa dang / 'chi ba rjes su dran pa ste/ de dag ni rjes su dran pa bcu zhes bya'o/ /de la 'du shes kyi rnam pa drug gang zhe na/ 'di lta ste/ mi rtag pa'i 'du shes dang / sdug bsngal ba'i 'du shes dang / bdag med pa'i 'du shes dang / mi sdug pa'i 'du shes dang / 'chi ba'i 'du shes dang / 'jig rten thams cad la mngon par mi dga' ba'i 'du shes te/ de dag ni 'du shes kyi rnam pa drug ces bya'o/ /de la chos shes pa gang zhe na/ phung po lnga po rnams yongs su sbyang ba bya ba la yongs su gcod pa'i shes pa gang yin pa ste/ de ni chos shes pa zhes bya'o/ /de la rjes su rtogs pa'i shes pa gang zhe na/ mig mi rtag go zhes shes pa gang yin pa dang / de bzhin du rna ba dang / sna dang lce dang / lus dang yid dang / gzugs dang sgra dang / dri dang / ro dang / reg bya dang / chos rnams mi rtag go zhes shes pa gang yin pa ste/ de ni rjes su rtogs pa shes pa zhes bya'o/ /de la pha rol gyi sems shes pa gang zhe na/ sems nyid kyis sems can gzhan rnams dang / gang zag gzhan rnams kyi sems dang / sems las byung ba'i chos rnams la the tshom med par shes pa ste/ de ni pha rol gyi sems shes pa zhes bya'o/ /de la kun rdzob shes pa gang zhe na/ lam shes pa gang yin pa ste/ de ni kun rdzob shes pa zhes bya'o/ /de la sdug bsngal shes pa gang zhe na/ sdug bsngal skye ba dang gnas pa shes pa ste/ de ni sdug bsngal shes pa zhes bya'o/ / de la kun 'byung ba shes pa gang zhe na/ kun 'byung ba spong ba shes pa gang yin pa ste/ de ni kun 'byung ba shes pa zhes bya'o/ /de la 'gog pa shes pa gang zhe na/ sdug bsngal 'gog pa shes pa gang yin pa ste/ de ni 'gog pa shes pa zhes bya'o/ /de la lam shes pa gang zhe na/ 'phags pa'i lam yan lag brgyad pa shes pa gang yin pa ste/ de ni lam shes pa zhes bya'o/ /de la zad pa shes pa gang zhe na/ 'dod chags dang / zhe sdang dang / gti mug rnams zad par shes pa gang yin pa ste/ de ni zad par shes pa zhes bya'o/ /de la mi skye ba shes pa gang zhe na/ srid pa'i 'gro ba rnams su mi skye ba shes pa ste/ de ni mi skye ba shes pa zhes bya'o/ /de la ji lta ba bzhin shes pa gang zhe na/ de bzhin gshegs pa'i thams cad mkhyen pa nyid kyi ye shes gang yin pa ste/ de ni ji lta ba bzhin shes pa zhes bya'o/ /de la mi shes pa kun shes par byed pa'i dbang po gang zhe na/ gang zag slob pa mngon par rtogs par ma gyur pa rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po gang yin pa ste/ de ni mi shes pa kun shes par byed pa'i dbang po zhes bya'o/ /de la kun shes pa'i dbang po gang zhe na/ gang zag slob pa mngon par rtogs par gyur pa rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po gang yin pa ste/ de ni kun shes pa'i dbang po zhes bya'o/ /de la kun shes pa dang ldan pa'i dbang po gang zhe na/ gang zag mi slob pa 'di lta ste/ dgra bcom pa rnams dang / rang sangs rgyas rnams dang / byang chub sems dpa' sa bcu la gnas pa rnams dang / de bzhin gshegs pa dgra bcom pa yang dag par rdzogs pa'i sangs rgyas rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ de ni kun shes pa dang ldan pa'i dbang po zhes bya'o/ /de la rtog pa dang bcas dpyod pa dang bcas pa'i ting nge 'dzin gang zhe na/ 'dod pa dag las dben pa/ sdig pa mi dge ba'i chos rnams las dben pa/ dga' ba dang bde ba can bsam gtan dang po bsgrubs te gnas pa ste/ de ni rtog pa dang bcas dpyod pa dang bcas pa'i ting nge 'dzin zhes bya'o/ /de la rtog pa med la dpyod pa tsam gyi ting nge 'dzin gang zhe na/ bsam gtan dang po dang / bsam gtan gnyis pa'i bar gang yin pa ste/ de ni rtog pa med la dpyod pa tsam gyi ting nge 'dzin ces bya'o/ /de la mi rtog mi dpyod pa'i ting nge 'dzin gang zhe na/ bsam gtan dang po nas bzung ste/ 'du shes med 'du shes med min gyi skye mched kyi bar du snyoms par 'jug pa ste/ de ni mi rtog mi dpyod pa'i ting nge 'dzin ces bya'o/ /de la zil gyis gnon pa'i skye mched brgyad gang zhe na/ 'di lta ste/ nang gzugs su 'du shes pas phyi rol gyi gzugs chung ngu kha dog bzang po dang / kha dog ngan pa rnams la lta zhing gzugs de dag zil gyis mnan nas shes zil gyis mnan nas mthong ste/ de lta bur 'du shes par 'gyur ba 'di ni zil gyis gnon pa'i skye mched dang po'o/ /nang gzugs med par 'du shes pas phyi rol gyi gzugs chen por gyur pa kha dog bzang po dang / kha dog ngan pa rnams la lta zhing gzugs de dag zil gyis mnan nas shes zil gyis mnan nas mthong ste/ de lta bur 'du shes par gyur pa 'di ni zil gyis gnon pa'i skye mched gnyis pa'o/ /nang gzugs med par 'du shes pas phyi rol gyi gzugs sngon po/ kha dog sngon po/ sngon po lta bur ston pa/ 'od sngon po 'byung ba rnams la 'di lta ste/ dper na zar ma'i me tog gam/ yul ba ra na se'i ras phun sum tshogs pa sngon po/ kha dog sngon po/ sngon po lta bur ston pa/ 'od sngon po 'byung ba de bzhin du nang gzugs med par 'du shes pas phyi rol gyi gzugs sngon po/ kha dog sngon po/ sngon po lta bur ston pa/ 'od sngon po 'byung ba rnams la lta ba 'di ni zil gyis gnon pa'i skye mched gsum pa'o/ /nang gzugs med par 'du shes pas phyi rol gyi gzugs ser po kha dog ser po/ ser po lta bur ston pa/ 'od ser po 'byung ba rnams la 'di lta ste/ dper na dong ka'i me tog gam/ yul ba ra na se'i ras phun sum tshogs pa ser po/ kha dog ser po/ ser po lta bur ston pa/ 'od ser po 'byung ba de bzhin du nang gzugs med par 'du shes pas/ phyi rol gyi gzugs ser po kha dog ser po/ ser po lta bur ston pa/ 'od ser po 'byung ba rnams la lta ba 'di ni zil gyis gnon pa'i skye mched bzhi pa'o/ /nang gzugs med par 'du shes pas/ phyi rol gyi gzugs dmar po kha dog dmar po/ dmar po lta bur ston pa/ 'od dmar po 'byung ba rnams la 'di lta ste/ dper na ban du dzi ba'i me tog gam/ yul ba ra na se'i ras phun sum tshogs pa dmar po kha dog dmar po/ dmar po lta bur ston pa/ 'od dmar po/ 'byung ba de bzhin du nang gzugs med par 'du shes pas/ phyi rol gyi gzugs dmar po kha dog dmar po/ dmar po lta bur ston pa/ 'od dmar po 'byung ba rnams la lta ba 'di ni zil gyis gnon pa'i skye mched lnga pa'o/ /nang gzugs med par 'du shes pas/ phyi rol gyi gzugs dkar po kha dog dkar po/ dkar po lta bur ston pa/ 'od dkar po 'byung ba rnams la 'di lta ste/ dper na skar ma pa ba sangs kyi mdog dkar po kha dog dkar po/ dkar po lta bur ston pa/ 'od dkar po 'byung ba de bzhin du nang gzugs med par 'du shes pas/ phyi rol gyi gzugs dkar po kha dog dkar po/ dkar po lta bur ston pa/ 'od dkar po 'byung ba rnams la lta ba 'di ni zil gyis gnon pa'i skye mched drug pa'o/ /de rnam pa thams cad du gzugs kyi 'du shes rnams las yang dag par 'das te thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so snyam nas/ nam mkha' mtha' yas skye mched bsgrubs te gnas pa 'di ni zil gyis gnon pa'i skye mched bdun pa'o/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas/ rnam shes mtha' yas skye mched bsgrubs te gnas pa 'di ni zil gyis gnon pa'i skye mched brgyad pa ste/ de dag ni zil gyis gnon pa'i skye mched brgyad zhes bya'o/ /de la zad par gyi skye mched bcu gang zhe na/ 'di lta ste/ zad par sa dang / zad par chu dang / zad par me dang / zad par rlung dang / zad par nam mkha' dang / zad par sngon po dang / zad par ser po dang / zad par dmar po dang / zad par dkar po dang / zad par rnam par shes pa ste/ de dag ni zad par gyi skye mched bcu zhes bya ste/ khams thams cad sa'i khams su mos par byed de/ thams cad kyang sa'i khams kho nar khams gcig tu 'gyur ro/ /khams thams cad chu'i khams su mos par byed de/ thams cad kyang chu'i khams kho nar khams gcig tu 'gyur ro/ /khams thams cad me'i khams su mos par byed de/ thams cad kyang me'i khams kho nar khams gcig tu 'gyur ro/ /khams thams cad rlung gi khams su mos par byed de/ thams cad kyang rlung gi khams kho nar khams gcig tu 'gyur ro/ /khams thams cad nam mkha'i khams su mos par byed de/ thams cad kyang nam mkha'i khams kho nar khams gcig tu 'gyur ro/ /khams thams cad sngon por mos par byed de/ thams cad kyang sngon po nyid du 'gyur ro/ /khams thams cad ser por mos par byed de/ de thams cad kyang ser po kho nar 'gyur ro/ /khams thams cad dmar por mos par byed de/ de thams cad kyang dmar po kho nar 'gyur ro/ /khams thams cad dkar por mos par byed de/ thams cad kyang dkar po kho nar 'gyur ro/ /khams thams cad rnam par shes par mos par byed de/ thams cad kyang rnam par shes pa kho nar khams gcig tu 'gyur ro/ /sa dang chu dang me dang / rlung dang / nam mkha' dang / sngon po dang / ser po dang / dmar po dang / dkar po dang / rnam par shes pa thams cad kyang gcig kho nar 'gyur te/ de ni zad par gyi skye mched rnams zhes bya'o/ /zad par du skye ba rgyas par byed pas de ni zad par gyi skye mched rnams zhes bya'o/ /re re yang skye mched thams cad du 'gyur te de'i phyir zad par gyi skye mched rnams zhes bya'o/ /de la stong pa nyid bcwa brgyad gang zhe na/ 'di lta ste/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid do/ /de la nang stong pa nyid gang zhe na/ nang gi chos rnams zhes bya ba ni 'di lta ste/ mig dang / rna ba dang / sna dang / lce dang / lus dang / yid de/ de la ther zug tu gnas pa med pa dang / 'jig pa med pa'i phyir mig ni mig gis stong ngo / /de ci'i phyir zhe na/ de'i rang bzhin de yin pa'i phyir ro/ /de bzhin du ther zug tu gnas pa med pa dang / 'jig pa med pa'i phyir rna ba dang / sna dang / lce dang lus dang / yid ni yid kyis stong ngo / /de ci'i phyir zhe na/ de'i rang bzhin de yin pa'i phyir te/ de ni nang stong pa nyid ces bya'o/ /de la phyi stong pa nyid gang zhe na/ phyi'i chos rnams zhes bya ba ni 'di lta ste/ gzugs dang sgra dang dri dang / ro dang reg bya dang / chos rnams te/ de la ther zug du gnas pa med pa dang / 'jig pa med pa'i phyir gzugs rnams ni gzugs rnams kyis stong ngo / /de ci'i phyir zhe na/ de'i rang bzhin de yin pa'i phyir ro/ /de bzhin du ther zug du gnas pa med pa dang / 'jig pa med pa'i phyir sgra dang / dri dang ro dang / reg bya dang / chos rnams ni chos rnams kyis stong ngo / /de ci'i phyir zhe na/ de'i rang bzhin de yin pa'i phyir te/ de ni phyi stong pa nyid ces bya'o/ /de la phyi nang stong pa nyid gang zhe na phyi dang nang gi chos rnams zhes bya ba ni nang gi skye mched drug dang / phyi'i skye mched drug ste/ de la ther zug tu gnas pa med pa dang / 'jig pa med pa'i phyir nang gi chos rnams ni nang gi chos rnams kyis stong ngo / /de ci'i phyir zhe na/ de'i rang bzhin de yin pa'i phyir ro/ /ther zug tu gnas pa med pa dang 'jig pa med pa'i phyir phyi'i chos rnams kyang phyi'i chos rnams kyis stong ngo / /de ci'i phyir zhe na/ de'i rang bzhin de yin pa'i phyir te/ de ni phyi nang stong pa nyid ces bya'o/ /de la stong pa nyid stong pa nyid gang zhe na/ ther zug du gnas pa med pa dang / 'jig pa med pa'i phyir chos thams cad kyi stong pa nyid gang yin pa'i stong pa nyid des kyang chos thams cad kyi stong pa nyid stong ngo / /de ci'i phyir zhe na/ de'i rang bzhin de yin pa'i phyir te/ de ni stong pa nyid stong pa nyid ces bya'o/ /de la chen po stong pa nyid gang zhe na/ ther zug tu gnas pa med pa dang / 'jig pa med pa'i phyir shar phyogs ni shar phyogs kyis stong ngo / /de ci'i phyir zhe na/ de'i rang bzhin de yin pa'i phyir ro/ /de bzhin du ther zug du gnas pa med pa dang / 'jig pa med pa'i phyir lho dang nub dang / byang dang / phyogs mtshams bzhi ste/ phyogs de brgyad kyang de bzhin no/ /steng gi phyogs ni steng gi phyogs kyis stong ngo / /'og gi phyogs kyang 'og gi phyogs kyis stong ngo / /de ci'i phyir zhe na/ de'i rang bzhin de yin pa'i phyir te/ de ni chen po stong pa nyid ces bya'o/ /de la don dam pa stong pa nyid gang zhe na/ don dam pa stong pa nyid ces bya ba la/ don dam pa zhes bya ba ni/ mya ngan las 'das pa zhes bya ba ste/ de la ther zug du gnas pa med pa dang / 'jig pa med pa'i phyir mya ngan las 'das pa ni mya ngan las 'das pas stong ngo / /de ci'i phyir zhe na/ de'i rang bzhin de yin pa'i phyir te/ de ni don dam pa stong pa nyid ces bya'o/ /de la 'dus byas stong pa nyid gang zhe na/ 'dus byas zhes bya ba ni 'dod pa'i khams dang / gzugs kyi khams dang / gzugs med pa'i khams te/ de la ther zug tu gnas pa med pa dang / 'jig pa med pa'i phyir 'dod pa'i khams ni 'dod pa'i khams kyis stong ngo / /de bzhin du gzugs kyi khams ni gzugs kyi khams kyis stong ngo / /gzugs med pa'i khams ni gzugs med pa'i khams kyis stong ngo / / de ci'i phyir zhe na/ de'i rang bzhin de yin pa'i phyir te/ de ni 'dus byas stong pa nyid ces bya'o/ /de la 'dus ma byas stong pa nyid gang zhe na/ 'dus ma byas zhes bya ba ni chos gang la skye ba med pa dang / gnas pa med pa dang / 'jig pa med pa dang / gzhan du 'gyur ba med pa ste/ de la ther zug tu gnas pa med pa dang / 'jig pa med pa'i phyir 'dus ma byas ni 'dus ma byas kyis stong ngo / /de ci'i phyir zhe na/ de'i rang bzhin de yin pa'i phyir te/ de ni 'dus ma byas stong pa nyid ces bya'o/ /de la mtha' las 'das pa stong pa nyid gang zhe na/ ther zug tu gnas pa med pa dang / rnam par 'jig pa med pa'i phyir/ chos gang la skye ba shin du mi dmigs pa'o/ /de ci'i phyir zhe na/ de'i rang bzhin de yin pa'i phyir te/ de ni mtha' las 'das pa stong pa nyid ces bya'o/ /de la thog ma dang tha ma med pa stong pa nyid gang zhe na/ ther zug tu gnas pa med pa dang / 'jig pa med pa'i phyir chos gang la 'ong ba mi dmigs pa'o/ /de ci'i phyir zhe na/ de'i rang bzhin de yin pa'i phyir te/ de ni thog ma dang tha ma med pa stong pa nyid ces bya'o/ /de la dor ba med pa stong pa nyid gang zhe na/ ther zug tu gnas pa med pa dang / 'jig pa med pa'i phyir gang la chos gang yang dor du med pa'o/ /de ci'i phyir zhe na/ de'i rang bzhin de yin pa'i phyir te/ de ni dor ba med pa stong pa nyid ces bya'o/ /de la rang bzhin gyis stong pa nyid gang zhe na/ ther zug tu gnas pa med pa dang / 'jig pa med pa'i phyir 'dus byas sam/ 'dus ma byas kyi chos thams cad kyi rang bzhin gang yin pa de ni nyan thos rnams kyis ma byas/ rang sangs rgyas rnams kyis ma byas/ byang chub sems dpa' rnams kyis ma byas/ sangs rgyas bcom ldan 'das rnams kyis ma mdzad pa'o/ /de ci'i phyir zhe na/ de'i rang bzhin de yin pa'i phyir te/ de ni rang bzhin gyis stong pa nyid ces bya'o/ /de la rang gi mtshan nyid stong pa nyid gang zhe na/ rang gi mtshan nyid ces bya la/ gzugs kyi mtshan nyid ni gzugs su rung ba/ tshor ba'i mtshan nyid ni myong ba/ 'du shes kyi mtshan nyid ni kun du shes par byed pa/ 'du byed rnams kyis mtshan nyid ni mngon par 'du byed pa/ rnam par shes pa'i mtshan nyid ni rnam par shes par byed pa ste/ 'dus byas kyi chos rnams kyi mtshan nyid gang yin pa dang / 'dus ma byas kyi chos rnams kyi mtshan nyid gang yin pa'i bar du de bzhin du sbyar te/ ther zug tu gnas pa med pa dang / 'jig pa med pa'i phyir mtshan nyid de dag thams cad ni rang gi mtshan nyid kyis stong ngo / /de ci'i phyir zhe na/ de'i rang bzhin de yin pa'i phyir te/ de ni rang gi mtshan nyid stong pa nyid ces bya'o/ /de la chos thams cad stong pa nyid gang zhe na/ chos thams cad ces bya ba ni phung po lnga dang / skye mched bcu gnyis dang / khams bcwa brgyad dang / chos gzugs can rnams dang / gzugs med pa'i chos rnams dang / 'dus byas kyi chos rnams dang / 'dus ma byas kyi chos rnams te/ de la ther zug tu gnas pa med pa dang / 'jig pa med pa'i phyir chos thams cad ni chos thams cad kyis stong ngo / /de ci'i phyir zhe na/ de'i rang bzhin de yin pa'i phyir te/ de ni chos thams cad stong pa nyid ces bya'o/ /de la mi dmigs pa stong pa nyid gang zhe na/ de yang ther zug tu gnas pa med pa dang / 'jig pa med pa'i phyir chos thams cad mi dmigs pa gang yin pa'o/ /de ci'i phyir zhe na/ de'i rang bzhin de yin pa'i phyir te/ de ni mi dmigs pa stong pa nyid ces bya'o/ /de la dngos po med pa stong pa nyid gang zhe na/ gang la dngos po 'ga' yang mi dmigs pa ste/ de ni dngos po med pa stong pa nyid ces bya'o/ /de la ngo bo nyid stong pa nyid gang zhe na/ 'dus pa las byung ba'i ngo bo nyid gang yang med pa ste/ de ni ngo bo nyid stong pa nyid ces bya'o/ /de la dngos po med pa'i ngo bo nyid stong pa nyid gang zhe na/ 'dus pa las byung ba'i ngo bo nyid 'ga' yang med pa ste/ de ni dngos po med pa'i ngo bo nyid stong pa nyid ces bya'o/ /shA ra dwa ti'i bu gzhan yang dngos po ni dngos pos stong ngo / /dngos po med pa ni dngos po med pas stong ngo / /ngo bo nyid ni ngo bo nyid kyis stong ngo / /gzhan gyi dngos po ni gzhan gyi dngos pos stong ngo / /de la dngos po gang zhe na/ dngos po zhes bya ba ni phung po lnga po rnams te/ 'di lta ste/ gzugs dang / tshor ba dang / 'du shes dang / 'du byed rnams dang / rnam par shes pa ste/ de la dngos po ni dngos pos stong ngo / /ji ltar na dngos po med pa dngos po med pas stong zhe na/ dngos po med pa zhes bya ba ni 'dus ma byas pa ste/ de la 'dus ma byas pa ni 'dus ma byas kyis stong ngo / /de bzhin du dngos po med pa ni dngos po med pas stong ngo / /ji ltar na ngo bo nyid ngo bo nyid kyis stong zhe na/ chos thams cad kyi stong pa nyid gang yin pa de ni shes pas kyang ma byas/ mthong bas kyang ma byas/ gang gis kyang ma byas pa ste/ de ni ngo bo nyid ngo bo nyid kyis stong pa zhes bya'o/ /ji ltar na gzhan gyi dngos po gzhan gyi dngos pos stong zhe na/ gang de bzhin gshegs pa rnams byung yang rung / de bzhin gshegs pa rnams ma byung yang rung / chos rnams kyi chos gnas pa nyid dang chos kyi dbyings dang / chos skyon med pa nyid dang / de bzhin nyid dang / phyin ci ma log pa de bzhin nyid dang / gzhan ma yin pa de bzhin nyid dang / yang dag pa'i mtha' ni gnas pa nyid de/ chos 'di dag gi gzhan gyi stong pa gang yin pa de ni gzhan gyi dngos po gzhan gyi dngos pos stong pa zhes bya ste/ shA ra dwa ti'i bu gang la byang chub sems dpa' sems dpa' chen pos mngon par zhen par mi bya ba'i chos thams cad ni de dag yin no/ /mngon par zhen pa med pa ni shes rab kyi pha rol tu phyin pa'i pha rol du son pa yin zhing myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /shes rab kyi pha rol tu phyin pa khri pa las gleng gzhi'i le'u zhes bya ste dang po'o// // shes rab kyi pha rol du phyin pa khri pa/ bam po gnyis pa/ de nas yang bcom ldan 'das kyis tshe dang ldan pa shA ra dwa ti'i bu la bka' stsal pa/ shA ra dwa ti'i bu de la de bzhin gshegs pa'i stobs bcu gang zhe na/ 'di lta ste/ de bzhin gshegs pas gnas la yang gnas su yang dag pa ji lta ba bzhin du rab tu shes/ gnas ma yin pa la yang gnas ma yin par yang dag pa ji lta ba bzhin du rab tu shes pa dang / 'das pa dang / ma 'ongs pa dang / da ltar byung ba'i las rnams dang / las yang dag par len pa rnams kyi rnam par smin pa gnas kyi sgo dang / rgyu'i sgo nas yang dag pa ji lta ba bzhin du rab tu shes pa dang 'jig rten gyi khams du ma pa/ khams sna tshogs pa/ yang dag pa ji lta ba bzhin du rab tu shes pa dang / des sems can gzhan dag dang / gang zag gzhan rnams kyi mos pa sna tshogs nyid dang / mos pa du ma nyid yang dag pa ji lta ba bzhin du rab tu shes pa dang / des sems can gzhan dag dang / gang zag gzhan rnams kyi dbang po mchog dang / mchog ma yin pa nyid yang dag pa ji lta ba bzhin du rab tu shes pa dang / thams cad du 'gro ba'i lam yang dag pa ji lta ba bzhin du rab tu shes pa dang / dbang po dang / stobs dang / byang chub kyi yan lag dang / rnam par thar pa dang / bsam gtan dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba shes pa yang dag pa ji lta ba bzhin du rab tu shes pa dang / sngon gyi gnas rnam pa du ma rjes su dran pa dang sems can rnams kyi 'chi 'pho dang / skye ba yang dag pa ji lta ba bzhin du rab tu shes pa dang / zag pa rnams zad pas zag pa med par sems rnam par grol ba dang / shes rab rnam par grol ba'i tshe 'di nyid la rang gi mngon par shes pas mngon sum du byas nas bsgrubs te gnas shing bdag gi skye ba ni zad do/ /tshangs par spyod pa ni spyad do/ /bdag gi bya ba ni byas so srid pa ni 'di las gzhan mi shes so zhes bya ba ste/ shA ra dwa ti'i bu de dag ni de bzhin gshegs pa'i stobs bcu yin no/ /shA ra dwa ti'i bu de la mi 'jigs pa bzhi gang zhe na/ nga yang dag par rdzogs pa'i sangs rgyas so zhes dam bcas na/ 'dir chos 'di dag mngon par rdzogs par sangs ma rgyas so zhes dge sbyong ngam/ bram ze 'am/ lha 'am/ bdud dam tshangs pa 'am su yang rung ba 'ga' zhig 'jig rten na chos dang mthun par bdag la rgol ba'i rgyu de yang dag par rjes su mi mthong ste/ ngas rgyu de yang dag par rjes su ma mthong bas bde ba thob ste/ gnas shing bag tsha ba med pa thob la mi 'jigs pa thob ste/ gnas kyis khyu mchog rlabs po che'i gnas su dam bca'o/ /'khor kyi nang du seng ge'i sgra yang dag par bsgrag go/ / tshangs pa'i 'khor lo sngon dge sbyong ngam/ bram ze 'am/ lha 'am bdud dam tshangs pa 'am/ sus kyang chos dang mthun par ma bskor ba rab tu bskor ro zhes bya ba dang / nga zag pa zad do zhes dam bcas na 'dir zag pa 'di dag ma zad do zhes dge sbyong ngam/ bram ze 'am/ lha 'am/ bdud dam/ tshangs pa 'am/ su yang rung ba 'ga' zhig 'jig rten na chos dang mthun par bdag la rgol ba'i rgyu de yang dag par rjes su mi mthong ste/ ngas rgyu de yang dag par rjes su ma mthong bas bde ba thob ste/ gnas shing bag tsha ba med pa thob la/ mi 'jigs pa thob ste/ gnas kyis khyu mchog rlabs po che'i gnas su dam bca'o/ /'khor kyi nang du seng ge'i sgra yang dag par bsgrag go/ /tshangs pa'i 'khor lo sngon dge sbyong ngam/ bram ze 'am/ lha 'am bdud dam tshangs pa 'am/ sus kyang 'jig rten na chos dang mthun par ma bskor bar bskor ro zhes bya ba dang / ngas bar du gcod pa'i chos gang dag bshad pa de dag bsten kyang bar du gcod par mi 'gyur te/ de ni gnas med do zhes 'dir dge sbyong ngam/ bram ze 'am/ lha 'am/ bdud dam/ tshangs pa 'am/ su yang rung ba 'ga' zhig 'jig rten na chos dang 'thun par bdag la rgol ba'i rgyu de yang dag par rjes su mi mthong ste/ ngas rgyu de yang dag par rjes su ma mthong bas bde ba thob ste/ gnas shing bag tsha ba med pa thob la mi 'jigs pa thob ste/ gnas kyis khyu mchog rlabs po che'i gnas su dam bca'o/ /'khor gyi nang du seng ge'i sgra yang dag par bsgrags go/ /tshangs pa'i 'khor lo sngon dge sbyong ngam/ bram ze 'am lha 'am bdud dam/ tshangs pa 'am/ sus kyang 'jig rten du chos dang 'thun par ma bskor ba bskor ro zhes bya ba dang / ngas nyan thos rnams la 'phags pa nges par 'byin pa nges par 'byed pa de byed pa sdug bsngal yang dag par zad par 'gyur ba'i lam gang bshad pa de bsgrubs na/ nges par 'byin pa ma yin zhing sdug bsngal yang dag par zad par mi 'gyur te/ de ni gnas med do zhes 'dir dge sbyong ngam/ bram ze 'am/ lha 'am bdud dam/ tshangs pa 'am/ su yang rung ba 'ga' zhig 'jig rten na chos dang 'thun par rgol ba'i rgyu de yang dag par rjes su mi mthong ste/ ngas rgyu de yang dag par rjes su ma mthong bas/ bde ba thob ste gnas shing bag tsha ba med pa thob la mi 'jigs pa 'thob ste/ gnas kyis khyu mchog rlabs po che'i gnas su dam bca'o/ /'khor gyi nang du seng ge'i sgra yang dag par bsgrag go/ /tshangs pa'i 'khor lo sngon dge sbyong ngam bram ze 'am/ lha 'am bdud dam/ tshangs pa 'am/ sus kyang 'jig rten du chos dang 'thun par ma bskor ba rab tu bskor ro zhes bya ba ste/ de dag ni mi 'jigs pa bzhi zhes bya'o/ /de la so so yang dag par rig pa bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa ste/ de dag ni so so yang dag par rig pa bzhi zhes bya'o/ /de la byams pa chen po gang zhe na/ de bzhin gshegs pa sems can thams cad la dgra bo dang / mdza' bshes la 'dra bar mdzad pa gang yin pa ste/ de ni byams pa chen po zhes bya'o/ /de la snying rje chen po gang zhe na/ sems can yod pa ma yin pa'i sems can rnams la byams pa mi gtong ba gang yin pa ste/ de ni snying rje chen po zhes bya'o/ /de la sangs rgyas kyi chos ma 'dres pa bcwa brgyad gang zhe na/ 'di lta ste/ de bzhin gshegs pa la 'khrul pa med pa dang / ca co med pa dang / bsnyel ba med pa dang / tha dad pa'i 'du shes med pa dang / sems mnyam par ma gzhag pa med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang / dran pa nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med pa dang / rnam par grol ba'i ye shes mthong ba nyams pa med pa dang / lus kyi las thams cad ye shes sngon du 'gro zhing ye shes kyi rjes su 'brang ba dang / ngag gi las thams cad ye shes sngon du 'gro zhing ye shes kyi rjes su 'brang ba dang / yid kyi las thams cad ye shes sngon du 'gro zhing ye shes kyi rjes su 'brang ba dang / 'das pa'i dus la ma chags ma thogs pa'i ye shes mthong ba 'jug pa dang / ma 'ongs pa'i dus la ma chags ma thogs pa'i ye shes mthong ba 'jug pa dang / da ltar byung ba'i dus la ma chags ma thogs pa'i ye shes mthong ba 'jug pa ste/ de dag ni sangs rgyas kyi chos ma 'dres pa bcwo brgyad ces bya'o/ /de la thams cad shes pa nyid gang zhe na/ nyan thos dang / rang sangs rgyas rnams skye mched bcu gnyis po dag la gang zag la bdag med par phyogs gcig shes pa gang yin pa ste/ de ni thams cad shes pa nyid ces bya'o/ /de la lam gyi rnam pa shes pa nyid gang zhe na/ byang chub sems dpa' theg pa gsum gyi lam shes kyang nyan thos dang / rang sangs rgyas kyi theg pas/ dga' bar mi sems kyi/ byang chub sems dpa'i lam gyis nges par 'byung ba gang yin pa ste/ de ni lam gyi rnam pa shes pa nyid ces bya'o/ /de la rnam pa thams cad mkhyen pa nyid gang zhe na/ de bzhin gshegs pas dus gsum po dag tu rnam pa thams cad du chos thams cad la the tshom med par mkhyen pa gang yin pa ste/ de ni rnam pa thams cad mkhyen pa nyid ces bya'o/ /de la pha rol tu phyin pa drug gang zhe na/ 'di lta ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ste/ de dag ni pha rol du phyin pa drug ces bya'o/ /de la mngon par shes pa drug gang zhe na/ 'di lta ste/ rdzu 'phrul bya ba shes pa mngon sum du bya ba shes pa'i mngon par shes pa dang / lha'i mig shes pa mngon sum du bya ba shes pa'i mngon par shes pa dang lha'i rna ba shes pa mngon sum du bya ba shes pa'i mngon par shes pa dang / pha rol gyi sems shes pa mngon sum du bya ba shes pa'i mngon par shes pa dang / sngon gyi gnas rjes su dran pa shes pa mngon sum du bya ba shes pa'i mngon par shes pa dang zag pa zad pa shes pa mngon sum du bya ba shes pa'i mngon par shes pa ste/ de dag ni mngon par shes pa drug ces bya'o/ /de la mig lnga gang zhe na/ 'di lta ste/ sha'i mig dang / lha'i mig dang / shes rab kyi mig dang / chos kyi mig dang / sangs rgyas kyi mig ste/ de dag ni mig lnga zhes bya'o/ /de la de bzhin gshegs pa'i skye bu chen po'i mtshan sum bcu rtsa gnyis gang zhe na/ 'di lta ste/ bcom ldan 'das ni zhabs shin du gnas pa dang ldan pa yin no/ /de la zhabs shin du gnas pa ni 'di yin te/ zhabs kyi 'og gi mthil gnyis thams cad kyis sa la kun du reg pa ste/ dper na za ma tog gi zhabs mnyam zhing zhabs phyang nge ba sa gzhi shin du mnyam pa la gzhag na/ 'og gi zhabs thams cad kyis sa la kun du reg par 'gyur ba de bzhin du/ bcom ldan 'das ni zhabs shin du gnas pa dang ldan pa yin no/ /bcom ldan 'das ni mu khyud khor yug dang ldan pa yin no/ /de la mu khyud khor yug dang ldan pa ni 'di yin te/ zhabs kyi 'og gi mthil gnyis la 'khor lo rtsibs stong dang ldan pa/ lte ba dang bcas pa mu khyud dang bcas pa/ rnam pa thams cad yongs su rdzogs pa mdzes par skyes pa gang dag yin pa'o/ /bcom ldan 'das ni phyag dang zhabs 'jam zhing gzhon sha chags pa yin no/ /de la phyag dang zhabs 'jam zhing gzhon sha chags pa nyid ni 'di yin te dper na shing bal gyi 'da' ba 'am/ ras bal gyi 'da' ba lta bu ste/ ji ltar mi gzhan dag la med pa lta bu yin no/ /bcom ldan 'das ni sor mo ring ba yin no/ /de la sor mo ring ba nyid ni 'di yin te/ de'i phyag dang zhabs kyi sor mo dag lhag par ring ba yin te/ ji ltar mi gzhan dag la med pa lta bu yin no/ /bcom ldan 'das ni phyag dang zhabs dra ba dang ldan pa yin te/ de'i phyag dang zhabs la dra ba lhag pa dag skyes te/ ji ltar mi gzhan dag la med pa lta bu yin no/ /bcom ldan 'das ni rting pa yangs pa dang ldan pa yin no/ /de la rting pa yangs pa ni 'di yin te/ de'i zhabs kyi rting pa gnyis kyi mthil ni yangs pa ste/ ji ltar mi gzhan dag la med pa lta bu yin no/ /bcom ldan 'das ni zhabs long mo'i tshigs mi mngon pa yin no/ /de la zhabs long mo'i tshigs mi mngon pa nyid ni 'di yin te/ rting pa yangs pa la yang dag par sbyor la/ rting pa yangs pa yang zhabs long mo'i tshigs mi mngon pa la sbyor ba ste/ ji ltar mi gzhan dag la med pa lta bu yin no/ /bcom ldan 'das ni byin pa ri dgas e n+ya ya'i lta bu dang ldan pa yin no/ /de la byin pa ri dgas e n+ya ya'i lta bu ni 'di yin te/ de'i byin pa byin gyis phra bar skyes shing / byin gyis phra bar yang dag par byung ba ste/ dper na ri dgas kyi rgyal po e n+ya ya'i lta bu yin no/ /bcom ldan 'das ni bzhengs bzhin du ma btud par phyag pus mor sleb pa yin no/ /de la bzhengs bzhin du ma btud par phyag pus mo la sleb pa ni 'di yin te/ bcom ldan 'das ni bzhengs na sku ma btud par phyag gi mthil gnyis kyis rang gi pus mo'i lha nga la yang dag par reg par mdzad cing kun du nyug par mdzad pa yin no/ /bcom ldan 'das ni 'doms kyi sba ba sbubasu nub pa yin no/ /de la 'doms kyi sba ba sbubasu nub pa nyid ni 'di yin te/ dper na rigs btsun pa'i glang po che cang shes sam/ rta cang shes kyi lta bu yin no/ /bcom ldan 'das ni spu re re nas mdzes par skyes shing g.yas su 'khyil pa yin no/ /de la spu re re nas mdzes par skye shing g.yas su 'khyil pa nyid ni 'di yin te/ de'i spu'i khang bu re re nas spu re re mthon ting la lcang lor 'khyil ba 'jam zhing snum la g.yas su 'khyil cing mdzes par skyes pa yin no/ /bcom ldan 'das ni sku'i spu gyen du phyogs pa dang ldan pa yin no/ /de la sku'i spu gyen du phyogs pa nyid ni 'di yin te/ de'i sku dang dbu las skyes pa'i dbu skra dang / spu rnams ni kha gyen du ltas shing mthon ting la kun nas lcangs lor 'khyil ba 'jam zhing snum la g.yas su 'khyil ba mdzes par skyes pa yin no/ /bcom ldan 'das ni lpags pa srab cing 'jam la snum pa yin no/ /de la lpags pa srab cing 'jam la snum pa ni 'di yin te de'i sku la chu 'am rdul kun du mi 'chags shing mi gnas pa yin no/ /bcom ldan 'das ni mdog gser lta bu dang ldan te/ dper na 'dzam bu chu bo'i gser gyi mchod sdong la rin po che sna tshogs kyis spras pa ltar gzugs bzang zhing mdzes la lta na sdug pa yin te/ des na gser gyi mdog lta bu zhes bya'o/ /bcom ldan 'das ni bdun mtho ba yin no/ /de la bdun mtho ba nyid ni 'di yin te/ de'i zhabs gnyis kyi gong mtho ba gnyis gzugs bzang zhing mdzes la lta na sdug pa sha dang khrag gis yongs su rgyas par gyur pa dang / de bzhin du phyag gnyis kyi mtho ba gnyis gzugs bzang zhing mdzes la lta na sdug pa sha dang khrag gis yongs su rgyas par gyur pa dang thal gong gnyis su gnyis mtho bar gyur pa dang / gnya' gong du mtho ba gcig gzugs bzung zhing mdzes la lta na sdug pa sha dang khrag gis yongs su rgyas par gyur pa yin no/ /bcom ldan 'das ni dpung mgo shin du zlum pa dang ldan pa yin no/ /bcom ldan 'das ni thal gong rgyas pa dang ldan pa yin no/ /bcom ldan 'das ni sku shin du drang por 'khrungs pa yin no/ /bcom ldan 'das ni sku n+yA gro ta ltar chu zheng gab pa yin no/ /de la n+yA gro da ltar chu zheng gab pa nyid ni 'di yin te/ chur ji srid pa zheng du yang de srid la/ zheng du ji srid pa chur yang de srid de/ de ni n+yA gro da ltar chu zheng gab pa zhes bya'o/ /bcom ldan 'das ni 'gram pa seng ge'i dang 'dra ba yin no/ /bcom ldan 'das ni tshems bzhi bcu mnga' ba yin no/ /bcom ldan 'das ni tshems thags bzang ba yin no/ /bcom ldan 'das ni tshems rtse mo mtho zhing rno la dkar ba yin no/ /bcom ldan 'das ni ro bro ba'i mchog dang ldan pa yin te de ni mgur drang por mid pa drang zhing ma yo la thogs pa med par mid du rung bar gyur pa yin no/ /bcom ldan 'das ni ljags ring zhing srab pa yin no/ /de la ljags ring zhing srab pa nyid ni 'di yin te/ de bzhin gshegs pa bzhed na zhal nas ljags phyung ste/ shangs kyi bu ga gnyis dang / spyan gyi khung bu gnyis dang / snyan gyi bu ga gnyis su reg par mdzad cing yongs su nyug par mdzad la/ dbu'i mtshams su thug pa'i zhal gyi dkyil 'khor thams cad kyang 'gebs par mdzad pa yin no/ / bcom ldan 'das ni tshangs pa'i dbyangs dang ldan pa yin no/ /bcom ldan 'das ni spyan yangs shing ba'i rdzi ma lta bu yin no/ /bcom ldan 'das ni spyan mthon thing lta bu dang ldan pa yin no/ /bcom ldan 'das ni spyan gyi tshogs yongs su rdzogs pa yin no/ /bcom ldan 'das ni 'od 'doms gang ba yin no/ /bcom ldan 'das ni zhal zla ba nya ba lta bu yin no/ /bcom ldan 'das ni mdzod spu smin 'tshams su 'khrungs la shing bal ltar 'jam zhing me tog kun da dang / zla ba dang / dung dang / pad ma'i rtsa lag dang / ba'i 'o ma dang / ba mo'i mdog lta bu dang ldan pa yin no/ /bcom ldan 'das ni dbu gtsug tor dang ldan pa yin te/ de dag ni skyes bu chen po'i mtshan sum bcu rtsa gnyis zhes bya'o/ /de la dpe byad bzang po brgyad bcu gang zhe na/ 'di lta ste/ sangs rgyas bcom ldan 'das rnams ni sen mo zangs kyi mdog lta bu dang ldan pa yin no/ /sred med kyi bu'i ltar sku grims pa yin no/ /pus mo'i lha nga dag mdzes par grub pa yin no/ /sku gtsang ba dag yin no/ /sku 'jam pa dag yin no/ /sku mnyen pa dag yin no/ /sku snum bag can dag yin no/ /sku ma btud pa dag yin no/ /sor mo rnams ring ba dang byin gyis phra ba dag yin no/ /sangs rgyas bcom ldan 'das rnams ni sor mo rnams zlum pa dag yin no/ /sor mo rnams byin gyis phra ba dag yin no/ /rtsa rnams mi mngon pa dag yin no/ /long bu rnams mi mngon pa dag yin no/ /sku dbyibs legs pa dag yin no/ /sku shin du legs par 'brel ba dag yin no/ /skye mched rnams shin du yongs su dag pa dag yin no/ /mkhyen pa yongs su dag pa dag yin no/ /spyod lam phun sum tshogs pa dag yin no/ /sangs rgyas bcom ldan 'das rnams ni dpal dang blo gros dang ldan pa dag yin no/ /lta bar 'os pa dag yin no/ /zhal ha cang yang mi ring ba dag yin no/ /zhal rkang rkong med pa dag yin no/ /sgros bim pa ltar dmar ba dag yin no/ /zhal yongs su rgyas pa dag yin no/ /dbyangs zab pa dag yin no/ /lte ba zab pa dag yin no/ /lte ba shin du zlum pa dag yin no/ /lte ba g.yas su 'khyil ba dag yin no/ /phyag dang zhabs yongs su rgyas pa dag yin no/ /sangs rgyas bcom ldan 'das rnams ni phyag dang zhabs ji ltar dgongs pa bzhin dang ldan pa dag yin no/ /phyag gi mthil mnyam pa dag yin no/ /phyag gi ri mo bar ma chad pa dag yin no/ /phyag gi ri mo mtho ba dag yin no/ /sku la dri ma med cing dri mi zhim pa med pa dag yin no/ /mdog gsal ba dag yin no/ /skye mched kyi sgo bzang ba dag yin no/ /zhal zla ba lta bu dag yin no/ /gsong por gsung ba dag yin no/ /zhal la khro gnyer gyi rim pa med pa dag yin no/ /spu'i khung bu thams cad nas dri yid du 'ong ba 'byung ba dag yin no/ /de dag gi zhal dri zhim pa dag yin no/ /seng ge'i stabs su gshegs pa dag yin no/ /glang po che'i dbang po'i stabs su gshegs pa dag yin no/ / ngang pa'i stabs su gshegs pa dag yin no/ /dbu gdugs 'dra ba dag yin no/ /gsung snyan cing rnam pa thams cad yongs su rdzogs pa dag yin no/ /tshems mche ba rno ba dang ldan pa dag yin no/ /shangs mtho ba dag yin no/ /ljags dmar ba dag yin no/ /sangs rgyas bcom ldan 'das rnams ni ljags srab cing che ba dag yin no/ /spu mthon ting can dag yin no/ /spu gtsang ba dag yin no/ /spyan yangs pa dag yin no/ /bu ga'i sgo rnams yongs su ma nyams pa dag yin no/ /phyag dang zhabs kyi mthil dmar ba dag yin no/ /lte ba ma bye ba dag yin no/ /sku ma rnyongs pa dag yin no/ /phyal phyang nge ba dag yin no/ /sangs rgyas bcom ldan 'das rnams ni sku la gnyer ma med pa dag yin no/ /tshigs mdzes pa dag yin no/ /tshigs ring ba dag yin no/ /phyag dang zhabs yongs su dag pa dag yin no/ /'od 'dom gang mnyam pa dag yin no/ /'od kyis gsal bar mdzad cing gshegs pa dag yin no/ /lha dang mi gang dag de dag gi sku mthong ba de dag tshim par 'gyur ro/ /srog chags thams cad kyis mthong yang brnyas par mi byed do/ /sems can rnams la rjes su ston par mdzad do/ /de dag gi gsung ni 'khor dang 'thun par khyab par mdzad kyi 'khor gyi phyi rol tu gsung mi 'gro'o/ /ro stod seng ge lta bu dag yin no/ /sku'i tshigs legs par 'brel ba dag yin no/ /spyi gtsug bltar mi mngon pa dag yin no/ /dbu skra mthon ting la 'jam zhing ring ba dag yin no/ /dbu skra ma 'khrugs pa dag yin no/ /dbu skra gyen du phyogs shing bzang la lcang lor 'khyil ba dag yin no/ /dbu skra ma 'dzings pa dag yin no/ /thugs khar dpal gyi be'us legs par brgyan pa dang ldan pa dag yin no/ /phyag dang zhabs kyi mtshan dpal gyis 'bar ba dang ldan pa dag yin no/ /sangs rgyas bcom ldan 'das rnams ni mtshal dang / ldong ros dang / tsi na biSh+Ta dang / mthing shun dang / zangs g.ya'i kha dog gis bris pa lta bu'i mtshan rnams dang ldan pa yin te/ de dag ni dpe byad bzang po brgyad bcu zhes bya'o/ / de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das gal te byang chub sems dpa' sems dpa' chen po rnams kyis chos thams cad la mngon par zhen par mi bgyi na/ des na byang chub sems dpa' rnams kyis chos thams cad tha dad par yang dag par rjes su mi mthong lags te/ 'di lta ste/ 'di dag ni dge ba'i chos rnams so/ /'di dag ni mi dge ba'i chos rnams so/ /'di dag ni lung tu bstan pa'i chos rnams so/ / 'di dag ni lung tu ma bstan pa'i chos rnams so/ /'di dag ni 'jig rten pa'i chos rnams so/ /'di dag ni 'jig rten las 'das pa'i chos rnams so/ /'di dag ni zag pa dang bcas pa'i chos rnams so/ /'di dag ni zag pa ma mchis pa'i chos rnams so/ /'di dag ni 'dus byas kyi chos rnams so/ /'di dag ni 'dus ma byas kyi chos rnams so/ /'di dag ni thun mong gi chos rnams so/ /'di dag ni thun mong ma lags pa'i chos rnams so zhes bgyi bar yang dag par rjes su mi mthong na/ byang chub kyi lam ji ltar bsgrub par bgyid lags/ ma bsgrubs na ji ltar rnam pa thams cad mkhyen pa nyid rjes su 'thob par 'gyur lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu byang chub sems dpa' rnams kyis chos thams cad tha dad par mthong mod kyi/ de ni kun rdzob tu yin gyi don dam par ni ma yin no/ /gsol pa/ bcom ldan 'das ji ltar na kun rdzob du lags kyi don dam par ni ma lags/ bcom ldan 'das kyis bka' stsal pa/ shA ra dwa ti'i bu gang gi tshe byang chub sems dpa' 'di snyam du de la 'jig rten pa'i chos dge ba rnams gang yin snyam du sems pa las de 'di snyam du 'di lta ste/ phar 'dzin pa dang / mar 'dzin pa dang / dge sbyong du 'dzin pa dang / bram zer 'dzin pa dang / rigs kyi gtso bo la rim gro byed pa dang / sbyin pa las byung ba'i bsod nams bya ba'i dngos po dang / tshul khrims las byung ba dang / bsgom pa las byung ba'i bsod nams bya ba'i dngos po dang / zhel ta byed pa dang ldan pa'i bsod nams dang / thabs la mkhas pa dang ldan pa'i bsod nams dang / dge ba bcu'i las kyi lam rnams dang / 'jig rten pa'i rnam par bam pa'i 'du shes dang / rnam par 'bus gzhigs pa'i 'du shes dang / rnam par dmar ba'i 'du shes dang / rnam par brnags pa'i 'du shes dang / rnam par bsngos pa'i 'du shes dang / rnam par zos pa'i 'du shes dang / rnam par 'thor ba'i 'du shes dang / rus gong gi 'du shes dang / rnam par tshig pa'i 'du shes dang / de bzhin du bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / nye bar zhi ba rjes su dran pa dang / dbugs rngub pa dang / 'byung ba rjes su dran pa dang / lus su gtogs pa rjes su dran pa dang / 'chi ba rjes su dran pa ste/ de dag ni 'jig rten pa'i dge ba'i chos rnams yin no snyam du sems so/ /de la mi dge ba'i chos rnams gang yin snyam pa las de 'di snyam du 'di lta ste/ srog gcod pa dang / ma byin par len pa dang / 'dod pas log par g.yem pa dang / brdzun du smra ba dang / phra ma dang / tshig rtsub po dang / tshig 'khyal pa dang / brnab sems dang / gnod sems dang / log par lta ba dang / khro ba dang / khon du 'dzin pa dang / 'chab pa dang / 'tshig pa dang / rnam par 'tshe ba dang / phrag dog dang / ser sna dang / nga rgyal te/ de dag ni mi dge ba'i chos rnams yin no snyam du sems so/ /de la lung du ma bstan pa'i chos rnams gang yin snyam pa las/ de 'di snyam du 'di lta ste/ lus kyi las lung du ma bstan pa dang / ngag gi las lung du ma bstan pa dang / yid kyi las lung du ma bstan pa rnams dang / 'byung ba chen po bzhi lung du ma bstan pa dang / dbang po lnga lung du ma bstan pa dang / phung po lnga lung du ma bstan pa dang / skye mched bcu gnyis dang / khams bcwa brgyad dang / rnam par smin pa ste/ de dag ni lung du ma bstan pa'i chos rnams yin no snyams du sems so/ /de la 'jig rten las 'das pa'i chos rnams gang yin snyam pa las/ de 'di snyam du 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po dang / rtog pa dang bcas/ dpyod pa dang bcas pa'i ting nge 'dzin dang / rtog pa med la dpyod pa tsam gyi ting nge 'dzin dang / mi rtog mi dpyod pa'i ting nge 'dzin dang / nang stong pa nyid nas dngos po med pa'i ngo bo nyid stong pa nyid kyi bar dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad de/ de dag ni 'jig rten las 'das pa'i chos rnams yin no snyam du sems so/ /de la zag pa dang bcas pa'i chos rnams gang zhe na/ khams gsum du gtogs pa/ phung po lnga dang / skye mched bcu gnyis dang / khams bcwa brgyad dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi ste/ de dag ni zag pa dang bcas pa'i chos rnams shes bya'o/ /de la zag pa med pa'i chos rnams gang zhe na/ dran pa nye bar gzhag pa bzhi dang / de bzhin du bsdus te/ sangs rgyas kyi chos ma 'dres pa bcwa brgyad kyi bar du ste/ de dag ni zag pa med pa'i chos rnams yin no/ /de la 'dus byas kyi chos rnams gang zhe na/ 'di lta ste/ 'dod pa'i khams dang / gzugs kyi khams dang / gzugs med pa'i khams dang / de bzhin du phung po lnga dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi nas/ sangs rgyas kyi chos ma 'dres pa bcwa brgyad kyi bar du de bzhin du sbyar bar bya ste/ de dag ni 'dus byas kyi chos rnams yin no/ /de la 'dus ma byas kyi chos rnams gang zhe na/ chos gang dag la skye ba med pa dang / gnas pa med pa dang / 'jig pa med pa dang / gzhan du 'gyur ba med pa dang / de bzhin du 'dod chags zad pa dang / zhe sdang zad pa dang / gti mug zad pa dang / de bzhin du chos gnas pa dang / chos nyid dang / chos kyi dbyings dang / chos skyon med pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / yang dag pa'i mtha' ste/ de dag ni 'dus ma byas kyi chos rnams zhes bya'o/ /de la mthun mong ba'i chos rnams gang zhe na/ 'di lta ste/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga ste/ de dag ni so so'i skye bo rnams dang / thun mong gi chos rnams yin no/ /de la so so'i skye bo rnams dang thun mong ma yin pa'i chos rnams gang zhe na/ byang chub kyi phyogs kyi chos sum bcu rtsa bdun dang / stobs bcu dang / mi 'jigs pa bzhi dang / so so yang dag par rig pa bzhi dang / rnam par thar pa'i sgo gsum dang / sangs rgyas kyi chos ma 'dres pa bcwa brgyad kyi bar dag ste/ de dag ni mthun mong ma yin pa'i chos rnams zhes bya ste/ shA ra dwa ti'i bu de ltar na kun rdzob du byang chub sems dpa' rnams chos thams cad tha dad par mthong mod kyi/ don dam par ni mngon par zhen par mi byed do/ / ji ltar mngon par zhen par mi byed ce na/ shA ra dwa ti'i bu 'di lta ste/ dper na/ mi la la zhig gis sgyu ma sprul pa'i dpung gi tshogs yan lag bzhi pa 'di lta ste/ glang po che'i tshogs dang / rta'i tshogs dang / shing rta'i tshogs dang / dpung bu chung gi tshogs shig mthong na/ de la dpung gi tshogs yin no snyam du mngon par zhen par mi byed do/ /shA ra dwa ti'i bu de bzhin du byang chub sems dpa' sems dpa' chen po rnams chos thams cad tha dad par mthong mod kyi/ mngon par zhen par ni mi byed do/ / shA ra dwa ti'i bu dper na/ mi la la tsha bas gdungs pa zhig gis smig rgyu rnam pa sna tshogs rba rlabs 'dra bar g.yo ba mthong na/ 'di ni chu yin no snyam du mngon par zhen par mi byed do/ /shA ra dwa ti'i bu de bzhin du byang chub sems dpa' sems dpa' chen po rnams chos thams cad tha dad par mthong mod kyi mngon par zhen par mi byed do/ /shA ra dwa ti'i bu dper na mi la la zhig gis rmi lam na gzugs rnam pa sna tshogs pa dag mthong yang sad nas de dag gi gzugs yin no snyam du mngon par zhen par mi byed do/ /shA ra dwa ti'i bu de bzhin du byang chub sems dpa' sems dpa' chen po rnams chos thams cad tha dad par mthong mod kyi mngon par zhen par mi byed do/ /shA ra dwa ti'i bu dper na mi la la zhig gis chu'i nang na zla ba mthong na de de la zla ba yin no snyam du mngon par zhen par mi byed do/ /shA ra dwa ti'i bu de bzhin du byang chub sems dpa' sems dpa' chen po rnams chos thams cad tha dad par mthong mod kyi/ mngon par zhen par mi byed do/ /shA ra dwa ti'i bu dper na mi la la zhig gis mig g.yor mthong na de de la dngos por mngon par zhen par mi byed do/ /shA ra dwa ti'i bu de bzhin du byang chub sems dpa' sems dpa' chen po rnams chos thams cad la tha dad par mthong mod kyi/ chos thams cad la dngos por mngon par zhen par mi byed do/ /shA ra dwa ti'i bu dper na mi la la zhig gis rdzu 'phrul gyis nam mkha' la 'gro yang de la nam mkha'o snyam du mngon par zhen par mi byed do/ /shA ra dwa ti'i bu de bzhin du byang chub sems dpa' sems dpa' chen po rnams chos thams cad la rnam par dpyad na/ chos de dag thams cad nyid la mngon par zhen par mi byed do/ /shA ra dwa ti'i bu dper na mi la la zhig gis brag cha'i sgra thos na sgra yin no snyam du mngon par zhen par mi byed do/ /shA ra dwa ti'i bu de bzhin du byang chub sems dpa' sems dpa' chen po rnams chos thams cad la tha dad par mthong mod kyi/ mngon par zhen par mi byed do/ /shA ra dwa ti'i bu dper na mi la la zhig gis dri za'i grong khyer mthong na/ de de la grong khyer yin no snyam du mngon par zhen par mi byed do/ /shA ra dwa ti'i bu de bzhin du byang chub sems dpa' sems dpa' chen po rnams chos thams cad la tha dad par mthong mod kyi/ mngon par zhen par mi byed do/ /shA ra dwa ti'i bu dper na mi la la zhig gis me long gi nang du bzhin gyi gzugs brnyan mthong na 'di bzhin yin no snyam du mngon par zhen par mi byed do/ /shA ra dwa ti'i bu de bzhin du byang chub sems dpa' sems dpa' chen po rnams chos thams cad tha dad par mthong mod kyi mngon par zhen par mi byed do/ /shA ra dwa ti'i bu de ltar na byang chub sems dpa' sems dpa' chen po rnams chos thams cad tha dad par mthong mod kyi/ chos de dag la mngon par zhen par mi byed do/ /chos rnams la mngon par ma zhen pa ni shes rab kyi pha rol du phyin pa'i pha rol tu son pa yin zhing myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /shes rab kyi pha rol tu phyin pa khri pa las/ chos thams cad kyi le'u zhes bya ste/ gnyis pa'o// // de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa'i mngon par zhen pa gang lags/ bcom ldan 'das kyis bka' stsal pa/ shA ra dwa ti'i bu byang chub sems dpa' chos thams cad la lta ba yongs su 'dzin pa dang / sems rnam par rmongs pa gang yin pa de ni mngon par zhen pa zhes bya'o/ /gsol pa/ bcom ldan 'das byang chub sems dpa' sems dpa' chen po'i chos thams cad la lta ba yongs su 'dzin pa gang lags/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po phung po dang / skye mched dang / khams dang / 'phags pa'i bden pa dang / rten cing 'brel bar 'byung bar lta ba gang yin pa dang / de bzhin du dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / rnam par thar par lta ba dang / bsam gtan dang / tshad med pa dang / gzugs med pa'i snyoms par 'jug par lta ba dang / de bzhin du 'du shes su lta ba dang / rjes su dran par lta ba dang / 'du shes kyi rnam par lta ba dang / shes par lta ba dang / ting nge 'dzin du lta ba dang / dbang por lta ba dang / zil gyis gnon pa'i skye mched du lta ba dang / zad par gyi skye mched du lta ba dang / stong pa nyid du lta ba dang / de bzhin du de bzhin gshegs pa'i stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / thams cad shes pa nyid dang / lam gyi rnam pa shes pa nyid du lta ba dang / de bzhin du pha rol du phyin par lta ba dang / mngon par shes par lta ba dang / ming du lta ba dang / mtshan du lta ba dang / dpe byad bzang por lta ba ste/ shA ra dwa ti'i bu de ni byang chub sems dpa' sems dpa' chen po'i chos thams cad la lta ba yongs su 'dzin pa yin no/ /gsol pa/ bcom ldan 'das byang chub sems dpa' sems dpa' chen po'i chos thams cad la sems rnam par rmongs pa gang lags/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po phung po lnga nas rga shi'i bar du de bzhin du sbyar ba dang / dran pa nye bar gzhag pa bzhi nas/ 'phags pa'i lam yan lag brgyad pa'i bar du de bzhin du sbyar ba dang / rnam par thar pa'i sgo gsum nas/ dngos po med pa'i ngo bo nyid stong pa nyid kyi bar du de bzhin du sbyar ba dang / de bzhin gshegs pa'i stobs bcu nas/ rnam pa thams cad mkhyen pa nyid kyi bar du de bzhin du sbyar ba dang / de bzhin du sbyar te/ pha rol du phyin pa drug dang / dpe byad bzang po brgyad bcu'i bar dag rtag pa 'am mi rtag pa 'am/ bde ba 'am sdug bsngal ba 'am/ bdag yod pa 'am bdag med pa 'am/ stong pa 'am mi stong pa 'am/ mtshan ma yod pa 'am/ mtshan ma med pa 'am/ smon pa yod pa yod pa 'am/ smon pa med pa 'am/ zhi ba 'am ma zhi ba 'am/ dben pa 'am mi dben pa 'am/ kun nas nyon mongs pa 'am/ rnam par byang ba 'am/ skye ba 'am mi skye ba 'am/ 'gag pa 'am mi 'gag pa 'am/ dngos po 'am dngos po med par lta zhing dmigs la 'dzin cing mtshan mar byed pa dang / rtog pa dang yongs su dpyod par byed pa ste/ de ni byang chub sems dpa' sems dpa' chen po'i chos thams cad la sems rnam par rmongs pa zhes bya'o/ /shA ra dwa ti'i bu gzhan yang gang gi tshe byang chub sems dpa' sems dpa' chen po 'di snyam du 'di dag ni dge ba'i chos rnams so/ /'di dag ni mi dge ba'i chos rnams so/ /'di dag ni lung du bstan pa'i chos rnams so/ /'di dag ni lung du ma bstan pa'i chos rnams so/ /'di dag ni 'jig rten pa'i chos rnams so/ /'di dag ni 'jig rten las 'das pa'i chos rnams so/ /'di dag ni zag pa dang bcas pa'i chos rnams so/ /'di dag ni zag pa med pa'i chos rnams so/ /'di dag ni 'dus byas kyi chos rnams so/ /'di dag ni 'dus ma byas kyi chos rnams so/ /'di dag ni thun mong gi chos rnams so/ /'di dag ni mthun mong ma yin pa'i chos rnams so zhes bya bar lta zhing dmigs la 'dzin cing mtshan mar byed pa dang / rtog pa dang yongs su dpyod par byed na/ shA ra dwa ti'i bu de ni byang chub sems dpa' sems dpa' chen po'i chos thams cad la sems rnams par rmongs pa zhes bya'o/ /de ci'i phyir zhe na/ sems can med pa'i phyir dang / sems can mi dmigs pa nyid kyi phyir dang / sems can skye ba med pa'i phyir dang / sems can 'gag pa med pa'i phyir dang / sems can stong pa nyid kyi phyir ro/ /de bzhin du srog dang / gso ba dang / skyes bu dang / gang zag dang / shed las skyes pa dang / shed bu dang / byed pa po dang / byed pa po nyid dang / slong ba po dang / kun nas slong ba po dang / tshor ba po dang / tshor bar byed pa po dang / shes pa po dang / mthong ba po med pa'i phyir dang mi dmigs pa'i phyir dang / skye ba med pa'i phyir dang / 'gag pa med pa'i phyir dang / stong pa nyid kyis phyir ro/ /chos rnams kyang skye ba med pa dang / 'gag pa med pa dang / stong pa dang / g.yo ba med pa dang / gso ba dang / ya ma brla dang / bdag po med pa dang / byung ba med pa dang / ma byas pa dang / mngon par 'dus ma byas pa dang / byed pa po dang bral ba'o/ /de ci'i phyir zhe na/ 'di ltar gzugs de ni 'di lta ste/ ming tsam mo/ /tshor ba dang / 'du shes dang / 'du byed rnams dang / rnam par shes pa yang de bzhin no/ /rga ba dang 'chi ba'i bar du yang de bzhin du sbyar ro/ /dran pa nye bar gzhag pa bzhi zhes bya ba 'di dag ni 'di lta ste/ ming tsam mo/ /'phags pa'i lam yan lag brgyad pa'i bar du yang de bzhin du sbyar ro/ /rnam par thar pa'i sgo gsum po 'di dag ni 'di lta ste/ ming tsam mo/ /dngos po med pa'i ngo bo nyid stong pa nyid kyi bar du yang de bzhin du sbyar ro/ /de bzhin gshegs pa'i stobs bcu po 'di dag ni 'di lta ste/ ming tsam mo/ /rnam pa thams cad mkhyen pa nyid kyi bar du yang de bzhin du sbyar ro/ /pha rol du phyin pa drug po 'di dag ni 'di lta ste/ ming tsam mo/ /dpe byad bzang po brgyad bcu'i bar du yang de bzhin du sbyar ro/ /shA ra dwa ti'i bu ming tsam po gang dag yin pa de de la yang dag par yongs su grub pa 'ga' zhig yod dam/ gsol pa/ btsun pa bcom ldan 'das ma mchis lags so/ /bcom ldan 'das kyis bka' stsal pa/ shA ra dwa ti'i bu 'di ji snyam du sems/ gal te yongs su grub par lta zhing dmigs la 'dzin cing mtshan mar byed/ rtog pa dang dpyod par byed na/ de lta ba yongs su 'dzin pa dang / sems rnam par rmongs pa yin nam gsol pa/ bcom ldan 'das de lta lags so/ /bcom ldan 'das kyis bka' stsal pa/ shA ra dwa ti'i bu rnam grangs des na/ 'di ltar lta ba yongs su 'dzin pa dang / sems rnam par rmongs pa gnyis ni 'di lta ste/ mngon par zhen pa zhes bya ba 'di'i tshig bla dgas yin par rig par bya'o/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ / bcom ldan 'das rnam grangs gang gis na phung po lnga nas de bzhin du sbyar te/ dpe byad bzang po brgyad bcu'i bar du ming tsam du bas pa lags/ bcom ldan 'das kyis bka' stsal pa/ shA ra dwa ti'i bu 'di lta ste/ phung po lnga zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med/ 'gag pa med de/ ming gi brdas tha snyad du 'dogs pa kho nar zad la/ phung po'i ming de dag kyang nang na yang med/ phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ nang gi skye mched drug ces bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med/ 'gag pa med de/ ming gi brdas tha snyad du 'dogs pa kho nar zad la nang gi skye mched drug gi ming de dag kyang nang na yang med/ phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ phyi'i skye mched drug ces bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med/ 'gag pa med de/ ming gi brdas tha snyad du 'dogs pa kho nar zad la/ phyi'i skye mched drug gi ming de dag kyang nang na yang med/ phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ khams bcwa brgyad ces bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med/ 'gag pa med de/ ming gi brdas tha snyad du 'dogs pa kho nar zad la/ khams kyi ming de dag kyang nang na yang med/ phyi rol na yang med/ gnyis ka'i bar na yang mi gnas so/ /shA ra dwa ti'i bu 'di lta ste/ 'phags pa'i bden pa bzhi zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ 'phags pa'i bden pa'i ming de dag kyang nang na yang med phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ rten cing 'brel bar 'byung ba yan lag bcu gnyis pa zhes bya ba gang yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ rten cing 'brel bar 'byung ba'i ming de yang nang na yang med phyi rol na yang med gnyi ga'i bar na yang mi gnas so/ /shA ra dwa ti'i bu 'di lta ste/ dran pa nye bar gzhag pa bzhi zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ dran pa nye bar gzhag pa'i ming de dag kyang nang na yang med/ phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ yang dag pa'i spong ba bzhi zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ yang dag pa'i spong ba'i ming de dag kyang nang na yang med phyi rol na yang med gnyi ga'i bar na yang mi gnas so/ /shA ra dwa ti'i bu 'di lta ste/ rdzu 'phrul gyi rkang pa bzhi zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ rdzu 'phrul gyi rkang pa'i ming de dag kyang nang na yang med/ phyi rol na yang med gnyi ga'i bar na yang mi gnas so/ /shA ra dwa ti'i bu 'di lta ste/ dbang po lnga zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ dbang po lnga'i ming de dag kyang nang na yang med phyi rol na yang med gnyi ga'i bar na yang mi gnas so/ /shA ra dwa ti'i bu 'di lta ste/ stobs lnga zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ stobs kyi ming de dag kyang nang na yang med/ phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ byang chub kyi yan lag bdun zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ byang chub kyi yan lag gi ming de dag kyang nang na yang med phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ 'phags pa'i lam yan lag brgyad pa zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ 'phags pa'i lam yan lag brgyad pa'i ming de yang nang na yang med/ phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ rnam par thar pa'i sgo gsum zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ rnam par thar pa'i ming de dag kyang nang na yang med/ phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ bsam gtan bzhi zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ bsam gtan gyi ming de dag kyang nang na yang med/ phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste tshad med pa bzhi zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ tshad med pa'i ming de dag kyang nang na yang med phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ gzugs med pa'i snyoms par 'jug pa bzhi zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad do/ /gzugs med pa'i snyoms par 'jug pa'i ming de dag kyang nang na yang med phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ rnam par thar pa brgyad ces bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ rnam par thar pa'i ming de dag kyang nang na yang med phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ mthar gyis gnas pa'i snyoms par 'jug pa dgu zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ mthar gyis gnas pa'i snyoms par 'jug pa'i ming de dag kyang nang na yang med/ phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ 'du shes dgu zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ 'du shes kyi ming de dag kyang nang na yang med/ phyi rol na yang med gnyi ga'i bar na yang mi gnas so/ /shA ra dwa ti'i bu 'di lta ste/ rjes su dran pa bcu zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ rjes su dran pa'i ming de dag kyang nang na yang med phyi rol na yang med gnyi ga'i bar na yang mi gnas so/ /shA ra dwa ti'i bu 'di lta ste/ 'du shes kyi rnam pa drug ces bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ 'du shes kyi rnam pa drug gi ming de dag kyang nang na yang med/ phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ shes pa bcu zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ shes pa'i ming de dag kyang nang na yang med phyi rol na yang med/ gnyi ga'i bar na yang mi gnas so/ / shA ra dwa ti'i bu 'di lta ste/ ting nge 'dzin gsum zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ ting nge 'dzin gyi ming de dag kyang nang na yang med/ phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ dbang po gsum zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ dbang po'i ming de dag kyang nang na yang med/ phyi rol na yang med gnyi ga'i bar na yang mi gnas so/ /shA ra dwa ti'i bu 'di lta ste/ zil gyis gnon pa'i skye mched brgyad ces bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ zil gyis gnon pa'i skye mched kyi ming de dag kyang nang na yang med phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ zad par gyi skye mched bcu zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ zad par gyi skye mched kyi ming de dag kyang nang na yang med/ phyi rol na yang med/ gnyi ga'i bar na yang mi gnas so/ / 'phags pa shes rab kyi pha rol tu phyin pa khri pa/ bam po gsum pa/ shA ra dwa ti'i bu 'di lta ste/ stong pa nyid bcwa brgyad ces bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ stong pa nyid kyi ming de dag kyang nang na yang med phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ de bzhin gshegs pa'i stobs bcu zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ de bzhin gshegs pa'i stobs bcu'i ming de dag kyang nang na yang med phyi rol na yang med/ gnyi ka'i bar na yang mi gnas so/ /shA ra dwa ti'i bu 'di lta ste/ mi 'jigs pa bzhi zhes bya ba gang dag yin pa de dag ni 'di lta ste/ chos su btags pa tsam du zad do/ chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ mi 'jigs pa'i ming de dag kyang nang na yang med phyi rol na yang med/ gnyi ga'i bar na yang mi gnas so/ /shA ra dwa ti'i bu 'di lta ste/ so so yang dag par rig pa bzhi zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ so so yang dag par rig pa'i ming de dag kyang nang na yang med phyi rol na yang med gnyi ka'i bar na yang mi gnas so/ /shA ra dwa ti'i bu 'di lta ste/ byams pa chen po zhes bya ba gang dag yin pa de dag ni 'di lta ste/ chos su btags pa tsam du zad do/ / chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ byams pa chen po'i ming de yang nang na yang med/ phyi rol na yang med gnyi ka'i bar na yang mi gnas so/ /shA ra dwa ti'i bu 'di lta ste/ snying rje chen po zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ snying rje chen po'i ming de yang nang na yang med/ phyi rol na yang med/ gnyi ka'i bar na yang mi gnas so/ /shA ra dwa ti'i bu 'di lta ste/ sangs rgyas kyi chos ma 'dres pa bcwa brgyad ces bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ sangs rgyas kyi chos ma 'dres pa'i ming de dag kyang nang na yang med phyi rol na yang med/ gnyi ka'i bar na yang mi gnas so/ /shA ra dwa ti'i bu 'di lta ste/ thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid ces bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid kyi ming de dag kyang nang na yang med phyi rol na yang med/ gnyi ka'i bar na yang mi gnas so/ /shA ra dwa ti'i bu 'di lta ste/ pha rol du phyin pa drug ces bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ pha rol tu phyin pa drug gi ming de dag kyang nang na yang med phyi rol na yang med gnyi ga'i bar na yang mi gnas so/ /shA ra dwa ti'i bu 'di lta ste/ mngon par shes pa drug ces bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ mngon par shes pa'i ming de dag kyang nang na yang med phyi rol na yang med/ gnyi ka'i bar na yang mi gnas so/ /shA ra dwa ti'i bu 'di lta ste/ mig lnga zhes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ mig gi ming de dag kyang nang na yang med/ phyi rol na yang med gnyi ka'i bar na yang mi gnas so/ /shA ra dwa ti'i bu 'di lta ste/ skyes bu chen po'i mtshan sum bcu rtsa gnyis shes bya ba gang dag yin pa de dag ni 'di lta ste/ chos su btags pa tsam du zad do/ /chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la/ skyes bu chen po'i mtshan sum bcu rtsa gnyis kyi ming de dag kyang nang na yang med phyi rol na yang med/ gnyi ka'i bar na yang mi gnas so/ /shA ra dwa ti'i bu 'di lta ste/ dpe byad bzang po brgyad bcu zhes bya ba gang dag yin pa de dag ni 'di lta ste/ chos su btags pa tsam du zad do/ / chos su btags pa de la ni skye ba med 'gag pa med de/ ming gi brdas tha snyad du 'dogs pa kho nar zad la dpe byad bzang po'i ming de dag kyang nang na yang med phyi rol na yang med/ gnyi ka'i bar na yang mi gnas so/ /shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pas ming gi brdar btags pa dang / chos su btags pa la de ltar bslabs par bya'o/ /byang chub sems dpa' sems dpa' chen pos ming gi brdar btags pa'i chos de ltar khong du chud par bya'o/ /des ming gi brdar btags pa'i chos khong du chud pas/ gzugs la mngon par zhen par mi byed do/ /tshor ba dang / 'du shes dang / 'du byed rnams dang / rnam par shes pa la mngon par zhen par mi byed do/ /de bzhin du sbyar te/ rga shi'i bar la mngon par zhen par mi byed do/ /de bzhin du dran pa nye bar gzhag pa bzhi la mngon par zhen par mi byed do/ /de bzhin du sbyar te/ 'phags pa'i lam yan lag brgyad pa'i bar la mngon par zhen par mi byed do/ /de bzhin du rnam par thar pa'i sgo gsum la mngon par zhen par mi byed do/ /de bzhin du sbyar te/ dngos po med pa'i ngo bo nyid stong pa nyid kyi bar la mngon par zhen par mi byed do/ /de bzhin du de bzhin gshegs pa'i stobs bcu la mngon par zhen par mi byed do/ /de bzhin du sbyar te/ rnam pa thams cad mkhyen pa nyid kyi bar la mngon par zhen par mi byed do/ /de bzhin du pha rol du phyin pa drug la mngon par zhen par mi byed do/ /de bzhin du sbyar te/ dpe byad bzang po brgyad bcu'i bar la mngon par zhen par mi byed do/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das gal te chos thams cad btags pa tsam dang / ming tsam du bas pa lags na/ 'o na btsun pa bcom ldan 'das chos thams cad dngos po ma mchis pa'i ngo bo nyid lags sam/ byang chub sems dpa'i chos rnams kyang dngos po ma mchis pa'i ngo bo nyid lags sam/ byang chub kyi bar yang dngos po ma mchis pa'i ngo bo nyid lags sam/ de lta lags na ni tshangs par spyod pa yang dngos po ma mchis par 'gyur zhing byang chub sems dpa'i lam yang dngos po ma mchis pha rol tu phyin pa drug kyang dngos po ma mchis/ byang chub sems dpa' sems dpa' chen po rnams kyi chos mngon par rtogs pa yang ma mchis par 'gyur la/ sdug bsngal las rnam par grol ba yang ma mchis par bdag smra lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu 'di ji snyam du sems/ gzugs dngos por mthong bas rnam par grol snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang 'du shes dang / 'du byed rnams dang / rnam par shes pa dngos por mthong bas rnam par grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ mig dngos por mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ rna ba dang sna dang / lce dang lus dang / yid dngos por mthong bas rnam par grol snyam 'am/ gsol pa/ bcom ldan 'das ma lags so/ / shA ra dwa ti'i bu 'di ji snyam du sems/ gzugs rnams dngos por mthong bas rnam par 'grol snyam 'am/ gsol pa bcom ldan 'das ma lags so/ /shA ra dwa ti'i bu 'di ji snyam du sems/ sgra dang dri dang / ro dang / reg pa dang / chos rnams dngos por mthong bas rnam par grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dngos por mthong bas rnam par 'grol snyam 'am/ gsol pa bcom ldan 'das ma lags so/ /shA ra dwa ti'i bu 'di ji snyam du sems/ rna ba'i khams dang / sgra'i khams dang / rna ba'i rnam par shes pa'i khams dngos por mthong bas rnam par 'grol snyam 'am gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ sna'i khams dang dri'i khams dang / sna'i rnam par shes pa'i khams dngos por mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ lce'i khams dang / ro'i khams dang / lce'i rnam par shes pa'i khams dngos por mthong bas rnam par 'grol snyam 'am/ gsol pa/ bcom ldan 'das ma lags so/ / shA ra dwa ti'i bu 'di ji snyam du sems/ lus kyi khams dang / reg bya'i khams dang / lus kyi rnam par shes pa'i khams dngos por mthong bas rnam par 'grol snyam 'am/ gsol pa bcom ldan 'das ma lags so/ /shA ra dwa ti'i bu 'di ji snyam du sems/ yid kyi khams dang / chos kyi khams dang / yid kyi rnam par shes pa'i khams dngos por mthong bas rnam par 'grol snyam 'am/ gsol pa bcom ldan 'das ma lags so/ /shA ra dwa ti'i bu 'di ji snyam du sems/ 'phags pa'i bden pa rnams dang / de bzhin du sbyar te/ rga shi'i bar du dngos por mthong bas rnam par 'grol snyam 'am gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ dran pa nye bar gzhag pa rnams dang / de bzhin du sbyar te/ 'phags pa'i lam yan lag brgyad pa'i bar du dngos por mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ rnam par thar pa'i sgo rnams dang / de bzhin du sbyar te/ stong pa nyid bcwa brgyad kyi bar du dngos por mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ de bzhin gshegs pa'i stobs bcu dang / de bzhin du sbyar te rnam pa thams cad mkhyen pa nyid kyi bar du dngos por mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ pha rol tu phyin pa drug dang de bzhin du sbyar te/ dpe byad bzang po brgyad bcu'i bar du dngos por mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ gzugs dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang / 'du shes dang / 'du byed rnams dang / rnam par shes pa dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ / shA ra dwa ti'i bu 'di ji snyam du sems/ mig dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ rna ba dang sna dang lce dang lus dang / yid dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ sgra dang dri dang / ro dang / reg bya dang / chos rnams dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ rna ba'i khams dang / sgra'i khams dang / rna ba'i rnam par shes pa'i khams dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ sna'i khams dang / dri'i khams dang / sna'i rnam par shes pa'i khams dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ lce'i khams dang / ro'i khams dang lce'i rnam par shes pa'i khams dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ lus kyi khams dang / reg bya'i khams dang / lus kyi rnam par shes pa'i khams dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ yid kyi khams dang / chos kyi khams dang / yid kyi rnam par shes pa'i khams dngos po med par mthong bas rnam par 'grol snyam 'am/ gsol pa bcom ldan 'das ma lags so/ /shA ra dwa ti'i bu 'di ji snyam du sems/ 'phags pa'i bden pa rnams dang / de bzhin du sbyar te/ rga shi'i bar du dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ dran pa nye bar gzhag pa rnams dang / de bzhin du sbyar te/ 'phags pa'i lam yan lag brgyad pa'i bar du dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ rnam par thar pa'i sgo rnams dang / de bzhin du sbyar te/ dngos po med pa'i ngo bo nyid stong pa nyid kyi bar du dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ de bzhin gshegs pa'i stobs bcu dang de bzhin du sbyar te/ rnam pa thams cad mkhyen pa nyid kyi bar du dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ pha rol tu phyin pa drug dang de bzhin du sbyar te/ dpe byad bzang po brgyad bcu'i bar du dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ gzugs dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang 'du shes dang / 'du byed rnams dang / rnam par shes pa dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ mig dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ rna ba dang sna dang lce dang / lus dang / yid dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ sgra dang / dri dang / ro dang / reg pa dang / chos rnams dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ rna ba'i khams dang / sgra'i khams dang / rna ba'i rnam par shes pa'i khams dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ sna'i khams dang / dri'i khams dang / sna'i rnam par shes pa'i khams dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ lce'i khams dang / ro'i khams dang / lce'i rnam par shes pa'i khams dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ lus kyi khams dang / reg bya'i khams dang / lus kyi rnam par shes pa'i khams dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ yid kyi khams dang / chos kyi khams dang / yid kyi rnam par shes pa'i khams dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ 'phags pa'i bden pa rnams dang / rga shi'i bar du dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ dran pa nye bar gzhag pa bzhi dang / de bzhin du sbyar te/ 'phags pa'i lam yan lag brgyad pa'i bar du dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ rnam par thar pa'i sgo rnams dang de bzhin du sbyar te/ dngos po med pa'i ngo bo nyid stong pa nyid kyi bar du dngos po dang dngos po med par mthong bas rnam par 'grol snyam 'am/ gsol pa/ bcom ldan 'das ma lags so/ /shA ra dwa ti'i bu 'di ji snyam du sems/ de bzhin gshegs pa'i stobs rnams dang / de bzhin du sbyar te/ rnam pa thams cad mkhyen pa nyid kyi bar du dngos po dang dngos po med par mthong bas rnam par 'grol snyam 'am/ gsol pa bcom ldan 'das ma lags so/ /shA ra dwa ti'i bu 'di ji snyam du sems/ pha rol du phyin pa drug dang / de bzhin du sbyar te/ dpe byad bzang po brgyad bcu'i bar du dngos po dang dngos po med par mthong bas rnam par 'grol snyam 'am/ /gsol pa/ bcom ldan 'das ma lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu khyod don gyi dbang gang mthong na 'di skad du gzugs dang rnam par shes pa'i bar du dngos por mthong bas kyang rnam par mi grol la/ dngos po med par mthong bas kyang ma yin zhing / dngos po dang dngos po med par mthong bas kyang ma yin no/ /de bzhin du mig dang de bzhin du sbyar te/ yid kyi bar dang / de bzhin du gzugs rnams dang / de bzhin du sbyar te/ chos rnams kyi bar dang / de bzhin du mig gi khams dang / de bzhin du sbyar te/ yid kyi rnam par shes pa'i khams kyi bar dang / de bzhin du 'phags pa'i bden pa rnams dang / de bzhin du sbyar te/ rga shi'i bar dang / de bzhin du dran pa nye bar gzhag pa rnams dang / de bzhin du sbyar te/ 'phags pa'i lam yan lag brgyad pa'i bar dang / de bzhin du rnam par thar pa'i sgo rnams dang / de bzhin du sbyar te dngos po med pa'i ngo bo nyid stong pa nyid kyi bar dag dang / de bzhin du de bzhin gshegs pa'i stobs rnams dang / de bzhin du sbyar te/ rnam pa thams cad mkhyen pa nyid kyi bar dang / de bzhin du pha rol du phyin pa drug dang / de bzhin du sbyar te/ dpe byad bzang po brgyad bcu'i bar dag dngos por mthong bas kyang rnam par mi grol la/ dngos po med par mthong bas kyang ma yin zhing / dngos po dang dngos po med par mthong bas kyang rnam par mi grol/ de bzhin du sbyar te/ ji ltar gzugs kyi phung por bstan pa bzhin du thams cad du rgyas par bya'o/ /zhes smra/ de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das 'di ltar gzugs ma mchis shing mi dmigs lags na/ gzugs dngos por mthong ba 'am/ dngos po ma mchis par mthong ba 'am/ dngos po dang dngos po ma mchis par mthong bas rnam par grol bar lta ga la 'gyur lags/ de bzhin du tshor ba dang 'du shes dang / 'du byed rnams dang / rnam par shes pa dang / de bzhin du mig dang / de bzhin du sbyar te/ yid kyi bar dang / de bzhin du gzugs rnams dang / de bzhin du sbyar te/ chos rnams kyi bar dang / de bzhin du mig gi khams dang / de bzhin du sbyar te/ yid kyi rnam par shes pa'i khams kyi bar dang / de bzhin du 'phags pa'i bden pa rnams dang / de bzhin du sbyar te/ rga shi'i bar dang / de bzhin du dran pa nye bar gzhag pa rnams dang / de bzhin du sbyar te/ 'phags pa'i lam yan lag brgyad pa'i bar dang / de bzhin du rnam par thar pa'i sgo rnams dang / de bzhin du sbyar te/ dngos po med pa'i ngo bo nyid stong pa nyid kyi bar dang / de bzhin du de bzhin gshegs pa'i stobs bcu dang / de bzhin du sbyar te/ rnam pa thams cad mkhyen pa nyid kyi bar dang / de bzhin du pha rol du phyin pa drug dang / de bzhin du sbyar te/ dpe byad bzang po brgyad bcu'i bar dag ma mchis shing mi dmigs lags na/ de dag dngos por mthong ba 'am/ dngos po ma mchis par mthong ba 'am/ dngos po dang dngos po ma mchis par mthong bas rnam par grol bar lta ga la 'gyur lags/ de ci'i slad du zhe na/ btsun pa bcom ldan 'das 'di ltar nyon mongs pa ni mtshan ma lags pa'i slad du'o/ /mtshan ma gang lags zhe na/ gzugs dang / sgra dang / dri dang / ro dang / reg bya dang / chos rnams ni mtshan ma lags te/ btsun pa bcom ldan 'das nyon mongs pa gang lags pa de ni rnam par mi grol lags so/ /bcom ldan 'das kyis bka' stsal pa/ shA ra dwa ti'i bu legs so legs so/ /khyod kyis tshig de ni legs par smras so/ /shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar bslab par bya'o/ / shes rab kyi pha rol tu phyin pa khri pa las mngon par zhen pa med pa'i le'u zhes bya ste/ gsum pa'o// // de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen pos ji ltar mngon par ma zhen par shes rab kyi pha rol du phyin pa la brtson par bgyi lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu 'di la byang chub sems dpa' sems dpa' chen po gzugs kyi stong pa nyid la brtson na shes rab kyi pha rol du phyin pa la brtson zhes bya'o/ /de bzhin du tshor ba'i stong pa nyid dang / 'du shes kyi stong pa nyid dang / 'du byed kyi stong pa nyid dang / rnam par shes pa'i stong pa nyid la brtson na shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po mig gi stong pa nyid la brtson na/ shes rab kyi pha rol tu phyin pa la brtson zhes bya'o/ /de bzhin du rna ba dang / sna dang lce dang / lus dang yid kyi stong pa nyid la brtson na shes rab kyi pha rol tu phyin pa la brtson zhes bya'o/ /de bzhin du gzugs kyi stong pa nyid la brtson na shes rab kyi pha rol du phyin pa la brtson zhes bya'o/ /de bzhin du sgra dang / dri dang ro dang / reg bya dang / chos kyi stong pa nyid la brtson na shes rab kyi pha rol du phyin pa la brtson zhes bya'o/ /de bzhin du mig gi khams kyi stong pa nyid la brtson na shes rab kyi pha rol du phyin pa la brtson zhes bya'o/ /de bzhin du gzugs kyi khams dang / mig gi rnam par shes pa'i khams kyi stong pa nyid dang / rna ba'i khams dang / sgra'i khams dang / rna ba'i rnam par shes pa'i khams kyi stong pa nyid dang / sna'i khams dang / dri'i khams dang / sna'i rnam par shes pa'i khams kyi stong pa nyid dang / lce'i khams dang / ro'i khams dang / lce'i rnam par shes pa'i khams kyi stong pa nyid dang / lus kyi khams dang / reg bya'i khams dang / lus kyi rnam par shes pa'i khams kyi stong pa nyid dang / yid kyi khams dang / chos kyi khams dang / yid kyi rnam par shes pa'i khams kyi stong pa nyid la brtson na shes rab kyi pha rol du phyin pa la brtson zhes bya'o/ /de bzhin du sdug bsngal gyi stong pa nyid la brtson na shes rab kyi pha rol du phyin pa la brtson zhes bya'o/ /de bzhin du kun 'byung ba'i stong pa nyid dang / 'gog pa'i stong pa nyid dang / lam gyi stong pa nyid la brtson na shes rab kyi pha rol du phyin pa la brtson zhes bya'o/ /de bzhin du ma rig pa'i stong pa nyid la brtson na shes rab kyi pha rol du phyin pa la brtson zhes bya'o/ /de bzhin du 'du byed kyi stong pa nyid dang / rnam par shes pa'i stong pa nyid dang / ming dang gzugs kyi stong pa nyid dang / skye mched drug gi stong pa nyid dang / reg pa'i stong pa nyid dang / tshor ba'i stong pa nyid dang / sred pa'i stong pa nyid dang / len pa'i stong pa nyid dang / srid pa'i stong pa nyid dang / skye ba'i stong pa nyid dang / rga shi'i stong pa nyid la brtson na shes rab kyi pha rol du phyin pa la brtson zhes bya'o/ /shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod cing stong pa nyid de dag la brtson pa ni shes rab kyi pha rol du phyin pa la brtson zhes bya'o/ /stong pa nyid de dag gis shes rab kyi pha rol du phyin pa la brtson pa de ni gzugs la brtson zhes bya ba 'am/ mi brtson zhes bya bar yang dag par rjes su mi mthong ngo / /de bzhin du tshor ba dang 'du shes dang / 'du byed rnams dang / rnam par shes pa la brtson zhes bya ba 'am/ mi brtson zhes bya bar yang dag par rjes su mi mthong ngo / /de bzhin du mig la brtson zhes bya ba 'am/ mi brtson zhes bya bar yang dag par rjes su mi mthong ngo / /de bzhin du rna ba dang sna dang lce dang lus dang / yid la brtson zhes bya ba 'am/ mi brtson zhes bya bar yang dag par rjes su mi mthong ngo / /de bzhin du gzugs rnams la brtson zhes bya ba 'am/ mi brtson zhes bya bar yang dag par rjes su mi mthong ngo / /de bzhin du sgra dang dri dang ro dang / reg bya dang / chos rnams la brtson zhes bya ba 'am/ mi brtson zhes bya bar yang dag par rjes su mi mthong ngo / /de bzhin du mig gi khams la brtson zhes bya ba 'am/ mi brtson zhes bya bar yang dag par rjes su mi mthong ngo / / de bzhin du ■gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams la brtson zhes bya ba 'am/ mi brtson zhes bya bar yang dag par rjes su mi mthong ngo / /de bzhin du sdug bsngal la brtson zhes bya ba 'am/ mi brtson zhes bya bar yang dag par rjes su mi mthong ngo de bzhin du kun 'byung ba dang / 'gog pa dang / lam la brtson zhes bya ba 'am/ mi brtson zhes bya bar yang dag par rjes su mi mthong ngo / /de bzhin du ma rig pa la brtson zhes bya ba 'am/ mi brtson zhes bya bar yang dag par rjes su mi mthong ngo / / de bzhin du 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la brtson zhes bya ba 'am/ mi brtson zhes bya bar yang dag par rjes su mi mthong ngo / /shA ra dwa ti'i bu byang chub sems dpa' sems dpa' chen po de ltar brtson na shes rab kyi pha rol tu phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la brtson pa ni gzugs rtag ces bya ba 'am/ mi rtag ces bya bar yang dag par rjes su mi mthong ngo / /de bzhin du tshor ba dang / 'du shes dang / 'du byed rnams dang / rnam par shes pa rtag ces bya ba 'am/ mi rtag ces bya bar yang dag par rjes su mi mthong ngo / /gzugs bde zhes bya ba 'am sdug bsngal zhes bya bar yang dag par rjes su mi mthong ngo / /de bzhin du tshor ba dang 'du shes dang / 'du byed rnams dang / rnam par shes pa bde zhes bya ba 'am/ sdug bsngal zhes bya bar yang dag par rjes su mi mthong ngo / /gzugs bdag ces bya ba 'am/ bdag med ces bya bar yang dag par rjes su mi mthong ngo / /de bzhin du tshor ba dang / 'du shes dang / 'du byed rnams dang / rnam par shes pa bdag ces bya ba 'am/ bdag med ces bya bar yang dag par rjes su mi mthong ngo / /gzugs stong zhes bya ba 'am/ mi stong zhes bya bar yang dag par rjes su mi mthong ngo / /de bzhin du tshor ba dang 'du shes dang / 'du byed rnams dang / rnam par shes pa stong zhes bya ba 'am mi stong zhes bya bar yang dag par rjes su mi mthong ngo / /gzugs mtshan ma yod ces bya ba 'am/ mtshan ma med ces bya bar yang dag par rjes su mi mthong ngo / /de bzhin du tshor ba dang 'du shes dang / 'du byed rnams dang / rnam par shes pa mtshan ma yod ces bya ba 'am/ mtshan ma med ces bya bar yang dag par rjes su mi mthong ngo / /gzugs smon pa yod ces bya ba 'am/ smon pa med ces bya bar yang dag par rjes su mi mthong ngo / /de bzhin du tshor ba dang / 'du shes dang / 'du byed rnams dang / rnam par shes pa smon pa yod ces bya ba 'am/ smon pa med ces bya bar yang dag par rjes su mi mthong ngo / /gzugs zhi zhes bya ba 'am/ ma zhi zhes bya bar yang dag par rjes su mi mthong ngo / /de bzhin du tshor ba dang 'du shes dang / 'du byed rnams dang rnam par shes pa zhi zhes bya ba 'am/ ma zhi zhes bya bar yang dag par rjes su mi mthong ngo / /gzugs dben zhes bya ba 'am/ mi dben zhes bya bar yang dag par rjes su mi mthong ngo / /de bzhin du tshor ba dang / 'du shes dang / 'du byed rnams dang / rnam par shes pa dben zhes bya ba 'am/ mi dben zhes bya bar yang dag par rjes su mi mthong ngo / /gzugs kun nas nyon mongs zhes bya ba 'am/ rnam par byang zhes bya bar yang dag par rjes su mi mthong ngo / / de bzhin du tshor ba dang / 'du shes dang / 'du byed rnams dang / rnam par shes pa kun nas nyon mongs zhes bya ba 'am/ rnam par byang zhes bya bar yang dag par rjes su mi mthong ngo / /gzugs skye ba'i chos can nam/ 'gag pa'i chos can zhes bya bar yang dag par rjes su mi mthong ngo / /de bzhin du tshor ba dang 'du shes dang / 'du byed rnams dang / rnam par shes pa skye ba'i chos can nam/ 'gag pa'i chos can zhes bya bar yang dag par rjes su mi mthong ngo / /gzugs dngos po yod ces bya ba 'am/ dngos po med ces bya bar yang dag par rjes su mi mthong ngo / /de bzhin du tshor ba dang 'du shes dang / 'du byed rnams dang / rnam par shes pa dngos po yod ces bya ba 'am/ dngos po med ces bya bar yang dag par rjes su mi mthong ngo / /mig rtag ces bya ba 'am/ mi rtag ces bya bar yang dag par rjes su mi mthong ngo / /de bzhin du rna ba dang sna dang lce dang lus dang / yid rtag ces bya ba 'am/ mi rtag ces bya bar yang dag par rjes su mi mthong ngo / / mig bde zhes bya ba 'am sdug bsngal zhes bya bar yang dag par rjes su mi mthong ngo / /de bzhin du rna ba dang sna dang lce dang lus dang yid bde zhes bya ba 'am/ sdug bsngal zhes bya bar yang dag par rjes su mi mthong ngo / /mig bdag ces bya ba 'am/ bdag med ces bya bar yang dag par rjes su mi mthong ngo / /de bzhin du rna ba dang sna dang lce dang lus dang / yid bdag ces bya ba 'am/ bdag med ces bya bar yang dag par rjes su mi mthong ngo / /mig stong zhes bya ba 'am/ mi stong zhes bya bar yang dag par rjes su mi mthong ngo / /de bzhin du rna ba dang / sna dang lce dang / lus dang yid stong zhes bya ba 'am/ mi stong zhes bya bar yang dag par rjes su mi mthong ngo / /mig mtshan ma yod ces bya ba 'am/ mtshan ma med ces bya bar yang dag par rjes su mi mthong ngo / /de bzhin du rna ba dang sna dang lce dang lus dang / yid mtshan ma yod ces bya ba 'am/ mtshan ma med ces bya bar yang dag par rjes su mi mthong ngo / /mig smon pa yod ces bya ba 'am/ smon pa med ces bya bar yang dag par rjes su mi mthong ngo / /de bzhin du rna ba dang / sna dang lce dang / lus dang / yid smon pa yod ces bya ba 'am/ smon pa med ces bya bar yang dag par rjes su mi mthong ngo / /mig zhi zhes bya ba 'am/ ma zhi zhes bya bar yang dag par rjes su mi mthong ngo / /de bzhin du rna ba dang / sna dang lce dang / lus dang yid zhi zhes bya ba 'am/ ma zhi zhes bya bar yang dag par rjes su mi mthong ngo / /mig dben zhes bya ba 'am/ mi dben zhes bya bar yang dag par rjes su mi mthong ngo / /de bzhin du rna ba dang sna dang lce dang lus dang / yid dben zhes bya ba 'am/ mi dben zhes bya bar yang dag par rjes su mi mthong ngo / /mig kun nas nyon mongs pa 'am/ rnam par byang ba zhes bya bar yang dag par rjes su mi mthong ngo / /de bzhin du rna ba dang sna dang lce dang lus dang / yid kun nas nyon mongs pa 'am rnam par byang ba zhes bya bar yang dag par rjes su mi mthong ngo / /mig skye zhes bya ba 'am/ 'gag ces bye bar yang dag par rjes su mi mthong ngo / /de bzhin du rna ba dang sna dang / lce dang lus dang yid skye zhes bya ba 'am/ 'gag ces bya bar yang dag par rjes su mi mthong ngo / /mig dngos po yod ces bya ba 'am/ dngos po med ces bya bar yang dag par rjes su mi mthong ngo / /de bzhin du rna ba dang / sna dang lce dang lus dang yid dngos po yod ces bya ba 'am/ dngos po med ces bya bar yang dag par rjes su mi mthong ngo / /gzugs rnams rtag ces bya ba 'am/ mi rtag ces bya bar yang dag par rjes su mi mthong ngo / /de bzhin du chos rnams kyi bar la yang sbyar bar bya'o/ /gzugs rnams bde zhes bya ba 'am sdug bsngal zhes bya bar yang dag par rjes su mi mthong ngo / /de bzhin du chos rnams kyi bar la yang sbyar ro/ /gzugs rnams bdag yod pa 'am/ bdag med pa zhes bya bar yang dag par rjes su mi mthong ngo / /de bzhin du chos rnams kyi bar la yang sbyar ro/ /gzugs rnams stong pa 'am/ mi stong pa zhes bya bar yang dag par rjes su mi mthong ngo / /de bzhin du chos rnams kyi bar la yang sbyar ro/ / gzugs rnams mtshan ma yod ces bya ba 'am/ mtshan ma med ces bya bar yang dag par rjes su mi mthong ngo / /de bzhin du chos rnams kyi bar la yang sbyar ro/ /gzugs rnams smon pa yod ces bya ba 'am/ smon pa med ces bya bar yang dag par rjes su mi mthong ngo / /de bzhin du chos rnams kyi bar la yang sbyar ro/ /gzugs rnams zhi zhes bya ba 'am/ ma zhi zhes bya bar yang dag par rjes su mi mthong ngo / /de bzhin du chos rnams kyi bar la yang sbyar ro/ /gzugs rnams dben zhes bya ba 'am mi dben zhes bya bar yang dag par rjes su mi mthong ngo / /de bzhin du chos rnams kyi bar la yang sbyar ro/ /gzugs rnams kun nas/ nyon mongs pa 'am/ rnam par byang ba zhes bya bar yang dag par rjes su mi mthong ngo / / de bzhin du chos rnams kyi bar la yang sbyar ro/ /gzugs rnams skye ba 'am/ 'gag ces bya bar yang dag par rjes su mi mthong ngo / /de bzhin du chos rnams kyi bar la yang sbyar ro/ /gzugs rnams dngos po yod ces bya ba 'am/ dngos po med ces bya bar yang dag par rjes su mi mthong ngo / /de bzhin du chos rnams kyi bar la yang sbyar ro/ /de bzhin du mig gi khams dang / gzugs kyi khams dang / mig gi rnam par shes pa'i khams dang / de bzhin du sbyar te/ yid kyi khams dang / chos kyi khams dang / yid kyi rnam par shes pa'i khams kyi bar du rtag ces bya ba 'am/ mi rtag ces bya ba 'am/ bde zhes bya ba 'am/ sdug bsngal zhes bya ba 'am/ bdag ces bya ba 'am/ bdag med ces bya ba 'am/ stong zhes bya ba 'am/ mi stong zhes bya ba 'am/ mtshan ma yod ces bya ba 'am/ mtshan ma med ces bya ba 'am/ smon pa yod ces bya ba 'am/ smon pa med ces bya ba 'am/ zhi zhes bya ba 'am/ ma zhi zhes bya ba 'am/ dben zhes bya ba 'am/ mi dben zhes bya ba 'am/ kun nas nyon mongs zhes bya ba 'am/ rnam par byang zhes bya ba 'am/ skye zhes bya ba 'am/ 'gag ces bya ba 'am/ dngos po yod ces bya ba 'am/ dngos po med ces bya bar yang dag par rjes su mi mthong ngo / /de bzhin du 'phags pa'i bden pa rnams rtag ces bya ba 'am/ mi rtag ces bya bar yang dag par rjes su mi mthong ste/ sngar ji skad bstan pa de bzhin du sbyar bar bya'o/ /de bzhin du ma rig pa rtag ces bya ba 'am/ mi rtag ces bya bar yang dag par rjes su mi mthong ngo / /de bzhin du sbyar te/ rga shi'i bar du snga ma ji lta bar thams cad du ji ltar phung po dag gi skabs su bstan pa bzhin du rgya cher sbyar ro/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni chos thams cad rang gi mtshan nyid kyis stong pa la 'jug cing zhugs nas kyang gzugs la mi sbyor mi 'byed do/ /de bzhin du tshor ba dang / 'du shes dang / 'du byed rnams dang / rnam par shes pa la mi sbyor mi 'byed do/ /gzugs dang sngon gyi mthar mi sbyor mi 'byed do/ /de ci'i phyir zhe na/ 'di ltar des sngon gyi mtha' nyid yang dag par rjes su mi mthong ba'i phyir ro/ /de bzhin du tshor ba dang 'du shes dang / 'du byed rnams dang / rnam par shes pa dang / sngon gyi mthar mi sbyor mi 'byed do/ /de ci'i phyir zhe na/ 'di ltar des sngon gyi mtha' nyid yang dag par rjes su mi mthong ba'i phyir ro/ /de bzhin du gzugs dang phyi ma'i mthar mi sbyor mi 'byed do/ /de ci'i phyir zhe na/ des phyi ma'i mtha' nyid yang dag par rjes su mi mthong ba'i phyir ro/ /de bzhin du tshor ba dang 'du shes dang / 'du byed rnams dang / rnam par shes pa dang / phyi ma'i mthar mi sbyor mi 'byed do/ /de ci'i phyir zhe na 'di ltar des phyi ma'i mtha' nyid yang dag par rjes su mi mthong ba'i phyir ro/ /gzugs dang da ltar byung bar mi sbyor mi 'byed do/ /de ci'i phyir zhe na/ 'di ltar des da ltar byung ba nyid yang dag par rjes su mi mthong ba'i phyir ro/ /de bzhin du tshor ba dang 'du shes dang / 'du byed rnams dang / rnam par shes pa dang / da ltar byung bar mi sbyor mi 'byed do/ /de ci'i phyir zhe na/ 'di ltar des da ltar byung ba nyid yang dag par rjes su mi mthong ba'i phyir ro/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni mig dang sngon gyi mthar mi sbyor mi 'byed do/ /de ci'i phyir zhe na/ 'di ltar des sngon gyi mtha' nyid yang dag par rjes su mi mthong ba'i phyir ro/ /de bzhin du rna ba dang sna dang lce dang lus dang / yid dang sngon gyi mthar mi sbyor mi 'byed do/ /de ci'i phyir zhe na/ 'di ltar des sngon gyi mtha' nyid yang dag par rjes su mi mthong ba'i phyir ro/ /de bzhin du mig dang phyi ma'i mthar mi sbyor mi 'byed do/ /de ci'i phyir zhe na/ 'di ltar des phyi ma'i mtha' nyid yang dag par rjes su mi mthong ba'i phyir ro/ /de bzhin du rna ba dang sna dang lce dang lus dang yid dang phyi ma'i mthar mi sbyor mi 'byed do/ /de ci'i phyir zhe na/ 'di ltar des phyi ma'i mtha' nyid yang dag par rjes su mi mthong ba'i phyir ro/ / mig dang da ltar byung bar mi sbyor mi 'byed do/ /de ci'i phyir zhe na/ 'di ltar des da ltar byung ba nyid yang dag par rjes su mi mthong ba'i phyir ro/ /de bzhin du rna ba dang sna dang lce dang lus dang yid dang da ltar byung bar mi sbyor mi 'byed do/ /de ci'i phyir zhe na/ 'di ltar des da ltar byung ba nyid yang dag par rjes su mi mthong ba'i phyir ro/ /ji ltar nang gi skye mched rnams la sbyar ba de bzhin du/ phyi'i skye mched rnams la yang sbyar bar bya'o/ /de bzhin du mig gi khams dang / sngon gyi mthar mi sbyor mi 'byed do/ /de bzhin du phyi ma'i mtha' la yang ma yin zhing da ltar byung ba la yang mi sbyor mi 'byed do/ /de ci'i phyir zhe na/ 'di ltar des sngon gyi mtha' dang / phyi ma'i mtha' dang da ltar byung ba nyid yang dag par rjes su mi mthong ba'i phyir ro/ / de bzhin du gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams dang / sngon gyi mtha' dang / phyi ma'i mtha' dang / da ltar byung bar mi sbyor mi 'byed do/ /de ci'i phyir zhe na/ 'di ltar des sngon gyi mtha' dang / phyi ma'i mtha' dang / da ltar byung ba nyid yang dag par rjes su mi mthong ba'i phyir ro/ /snga ma ji lta ba de bzhin du 'phags pa'i bden pa rnams la yang rgya cher sbyar ro/ /de bzhin du ma rig pa nas de bzhin du sbyar te/ rga shi'i bar dang / sngon gyi mtha' dang / phyi ma'i mtha' dang / da ltar byung bar mi sbyor mi 'byed do/ /de ci'i phyir zhe na/ 'di ltar des sngon gyi mtha' dang / phyi ma'i mtha' dang da ltar byung ba nyid yang dag par rjes su mi mthong ba'i phyir ro/ /shA ra dwa ti'i bu byang chub sems dpa' sems dpa' chen po de ltar brtson pa ni shes rab kyi pha rol du phyin pa la brtson zhes bya'o/ / 'phags pa shes rab kyi pha rol du phyin pa khri pa/ bam po bzhi pa/ shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la brtson pa ni gzugs dang thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des gzugs nyid yang dag par rjes su mi mthong ba'i phyir ro/ /de bzhin du tshor ba dang / 'du shes dang 'du byed rnams dang / rnam par shes pa dang / thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des rnam par shes pa nyid yang dag par rjes su mi mthong ba'i phyir ro/ /de bzhin du mig dang thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des mig nyid yang dag par rjes su mi mthong ba'i phyir ro/ /de bzhin du rna ba dang sna dang lce dang lus dang yid dang thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des yid nyid yang dag par rjes su mi mthong ba'i phyir ro/ /de bzhin du gzugs rnams dang / rnam pa thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des gzugs rnams nyid yang dag par rjes su mi mthong ba'i phyir ro/ /de bzhin du sgra dang dri dang / ro dang reg bya dang / chos rnams dang / thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des chos rnams nyid yang dag par rjes su mi mthong ba'i phyir ro/ /de bzhin du mig gi khams dang / gzugs kyi khams dang / mig gi rnam par shes pa'i khams dang / rnam pa thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des mig gi rnam par shes pa'i khams kyi bar du yang dag par rjes su mi mthong ba'i phyir ro/ /de bzhin du rna ba'i khams dang / sgra'i khams dang / rna ba'i rnam par shes pa'i khams dang / thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des rna ba'i rnam par shes pa'i khams kyi bar du yang dag par rjes su mi mthong ba'i phyir ro/ /de bzhin du sna'i khams dang / dri'i khams dang / sna'i rnam par shes pa'i khams dang / thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des sna'i rnam par shes pa'i khams kyi bar du yang dag par rjes su mi mthong ba'i phyir ro/ /de bzhin du lce'i khams dang / ro'i khams dang lce'i rnam par shes pa'i khams dang / thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des lce'i rnam par shes pa'i khams kyi bar du yang dag par rjes su mi mthong ba'i phyir ro/ /de bzhin du lus kyi khams dang / reg bya'i khams dang / lus kyi rnam par shes pa'i khams dang / thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des lus kyi rnam par shes pa'i khams kyi bar du yang dag par rjes su mi mthong ba'i phyir ro/ / de bzhin du yid kyi khams dang / chos kyi khams dang / yid kyi rnam par shes pa'i khams dang / thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des yid kyi rnam par shes pa'i khams kyi bar du yang dag par rjes su mi mthong ba'i phyir ro/ /de bzhin du sdug bsngal gyi bden pa dang / thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des sdug bsngal gyi bden pa nyid yang dag par rjes su mi mthong ba'i phyir ro/ /de bzhin du kun 'byung ba'i bden pa dang / thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des kun 'byung ba'i bden pa nyid yang dag par rjes su mi mthong ba'i phyir ro/ /de bzhin du 'gog pa'i bden pa dang / thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des 'gog pa'i bden pa nyid yang dag par rjes su mi mthong ba'i phyir ro/ /de bzhin du lam gyi bden pa nyid dang / thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des lam gyi bden pa nyid yang dag par rjes su mi mthong ba'i phyir ro/ /de bzhin du ma rig pa dang thams cad mkhyen pa nyid du mi sbyor mi 'byed do/ /de ci'i phyir zhe na/ 'di ltar des ma rig pa nyid yang dag par rjes su mi mthong ba'i phyir ro/ /de bzhin du rga shi'i bar dang / thams cad mkhyen pa nyid du mi sbyor mi 'byed do/ /zhes de bzhin du sbyar bar bya'o/ /de ci'i phyir zhe na/ 'di ltar des rga shi'i bar nyid yang dag par rjes su mi mthong ba'i phyir ro/ /shA ra dwa ti'i bu byang chub sems dpa' sems dpa' chen po de ltar brtson pa ni/ shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la brtson pa ni/ gzugs ni tshor ba dang lhan cig tu yang dag par 'du bar yang dag par rjes su mi mthong ngo / /tshor ba ni 'du shes dang lhan cig tu yang dag par 'du bar yang dag par rjes su mi mthong ngo / /'du shes ni 'du byed rnams dang lhan cig tu yang dag par 'du bar yang dag par rjes su mi mthong ngo / /'du byed rnams ni rnam par shes pa dang lhan cig tu yang dag par 'du bar yang dag par rjes su mi mthong ngo / /de ci'i phyir zhe na/ 'di ltar rang bzhin gyis stong pa nyid kyi phyir chos gang yang chos dang lhan cig tu yang dag par 'du ba med pa'i phyir ro/ /de bzhin du mig ni rna ba dang lhan cig tu yang dag par 'du bar yang dag par rjes su mi mthong ngo / /rna ba ni sna dang lhan gcig tu yang dag par 'du bar yang dag par rjes su mi mthong ngo / / sna ni lce dang lhan cig tu yang dag par 'du bar yang dag par rjes su mi mthong ngo / /lce ni lus dang lhan cig tu yang dag par 'du bar yang dag par rjes su mi mthong ngo / /lus ni yid dang lhan cig tu yang dag par 'du bar yang dag par rjes su mi mthong ngo / /de ci'i phyir zhe na/ 'di ltar rang bzhin gyis stong pa nyid kyi phyir chos dang lhan cig tu yang dag par 'du ba med pa'i phyir ro/ /de bzhin du gzugs rnams ni sgra dag dang lhan cig tu yang dag par 'du bar yang dag par rjes su mi mthong ngo / /de bzhin du sgra rnams ni dri dag dang lhan cig tu 'du bar yang dag par 'du bar yang dag par rjes su mi mthong ngo / /dri rnams ni ro dag dang lhan cig tu yang dag par 'du bar yang dag par rjes su mi mthong ngo / /ro rnams ni reg pa dag dang lhan cig tu yang dag par 'du bar yang dag par rjes su mi mthong ngo / /reg pa rnams ni chos rnams dang lhan cig tu yang dag par 'du bar yang dag par rjes su mi mthong ngo / /de ci'i phyir zhe na/ 'di ltar rang bzhin gyis stong pa nyid kyi phyir chos gang yang chos dang lhan cig tu yang dag par 'du ba med pa'i phyir ro/ /de bzhin du ji ltar phung po dag gi skabs su bstan pa de bzhin du khams rnams la yang rgya cher sbyar bar bya'o/ /de bzhin du sdug bsngal gyi bden pa ni/ kun 'byung ba'i bden pa dang lhan cig tu yang dag par 'du bar yang dag par rjes su mi mthong ngo / /kun 'byung ba'i bden pa ni/ 'gog pa'i bden pa dang / lhan cig tu yang dag par 'du bar yang dag par rjes su mi mthong ngo / / 'gog pa'i bden pa ni lam gyi bden pa dang lhan cig tu yang dag par 'du bar yang dag par rjes su mi mthong ngo / /de ci'i phyir zhe na/ 'di ltar rang bzhin gyis stong pa nyid kyi phyir/ chos gang yang chos dang lhan cig tu yang dag par 'du ba med pa'i phyir ro/ /de bzhin du ma rig pa ni 'du byed rnams dang lhan cig tu yang dag par 'du bar yang dag par rjes su mi mthong ngo / /de bzhin du rga shi'i bar du yang sbyar ro/ /de ci'i phyir zhe na/ 'di ltar rang bzhin gyis stong pa nyid kyi phyir chos gang yang chos dang lhan cig tu yang dag par 'du ba med pa'i phyir ro/ /shA ra dwa ti'i bu gzugs kyi stong pa nyid gang yin pa de ni gzugs ma yin no/ /de bzhin du tshor ba dang / 'du shes dang / 'du byed rnams dang / rnam par shes pa'i stong pa nyid gang yin pa de ni rnam par shes pa ma yin no/ /shA ra dwa ti'i bu gzugs kyi stong pa nyid gang yin pa de ni gzugs su mi byed do/ /de bzhin du tshor ba'i stong pa nyid gang yin pa de ni tshor bar mi byed do/ /'du shes kyi stong pa nyid gang yin pa de ni 'du shes par mi byed do/ /'du byed kyi stong pa nyid gang yin pa de ni mngon par 'du mi byed do/ /rnam par shes pa'i stong pa nyid gang yin pa de ni rnam par shes par mi byed do/ /de bzhin du mig gi stong pa nyid gang yin pa de ni mig ma yin no/ / de bzhin du rna ba dang / sna dang / lce dang / lus dang / yid kyi stong pa nyid gang yin pa de ni yid ma yin no/ /de bzhin du gzugs rnams kyi stong pa nyid gang yin pa de ni gzugs rnams ma yin no/ /de bzhin du sgra dang / dri dang / ro dang / reg bya dang / chos rnams kyi stong pa nyid gang yin pa de ni chos rnams ma yin no/ /de bzhin du mig gi khams dang / gzugs kyi khams dang / mig gi rnam par shes pa'i khams kyi stong pa nyid gang yin pa de ni mig gi rnam par shes pa'i khams ma yin no/ /de bzhin du rna ba'i khams dang / sgra'i khams dang / rna ba'i rnam par shes pa'i khams kyi stong pa nyid gang yin pa de ni rna ba'i rnam par shes pa'i khams ma yin no/ /de bzhin du sna'i khams dang / dri'i khams dang / sna'i rnam par shes pa'i khams kyi stong pa nyid gang yin pa de ni sna'i rnam par shes pa'i khams ma yin no/ /de bzhin du lce'i khams dang / ro'i khams dang / lce'i rnam par shes pa'i khams kyi stong pa nyid gang yin pa de ni lce'i rnam par shes pa'i khams ma yin no/ /de bzhin du lus kyi khams dang / reg bya'i khams dang / lus kyi rnam par shes pa'i khams kyi stong pa nyid gang yin pa de ni lus kyi rnam par shes pa'i khams kyi bar du ma yin no/ /de bzhin du yid kyi khams dang / chos kyi khams dang / yid kyi rnam par shes pa'i khams kyi stong pa nyid gang yin pa de ni yid kyi rnam par shes pa'i khams kyi bar du ma yin no/ /de bzhin du sdug bsngal gyi bden pa'i stong pa nyid gang yin pa de ni sdug bsngal ma yin no/ /de bzhin du kun 'byung ba'i bden pa'i stong pa nyid gang yin pa de ni kun 'byung ba ma yin no/ /de bzhin du 'gog pa'i bden pa'i stong pa nyid gang yin pa de ni 'gog pa ma yin no/ /de bzhin du lam gyi bden pa'i stong pa nyid gang yin pa de ni lam ma yin no/ /de bzhin du ma rig pa'i stong pa nyid gang yin pa de ni ma rig pa ma yin no/ /de bzhin du sbyar te/ rga shi'i bar gyi stong pa nyid gang yin pa de ni rga shi'i bar du ma yin no/ /de ci'i phyir zhe na/ shA ra dwa ti'i bu gzugs kyang gzhan la/ stong pa nyid kyang gzhan ma yin/ stong pa nyid kyang gzhan la/ gzugs kyang gzhan ma yin te/ gzugs nyid stong pa nyid do/ /stong pa nyid gzugs so/ /de bzhin du tshor ba dang / 'du shes dang / 'du byed rnams dang / rnam par shes pa yang gzhan la/ stong pa nyid kyang gzhan ma yin/ stong pa nyid kyang gzhan la/ rnam par shes pa yang gzhan ma yin te/ rnam par shes pa nyid stong pa nyid do/ /stong pa nyid kyang rnam par shes pa'o/ /de bzhin du mig kyang gzhan la/ stong pa nyid kyang gzhan ma yin/ stong pa nyid kyang gzhan la/ mig kyang gzhan ma yin te/ mig nyid stong pa nyid do/ /stong pa nyid mig go/ /de bzhin du rna ba dang / sna dang lce dang lus dang / yid kyang gzhan la stong pa nyid kyang gzhan ma yin/ stong pa nyid kyang gzhan la/ yid kyang gzhan ma yin te/ yid nyid stong pa nyid do/ /stong pa nyid yid do/ /de bzhin du gzugs rnams kyang gzhan la/ stong pa nyid kyang gzhan ma yin/ stong pa nyid kyang gzhan la/ gzugs rnams kyang gzhan ma yin te/ gzugs rnams nyid stong pa nyid do/ /stong pa nyid gzugs rnams so/ /de bzhin du sgra dang dri dang / ro dang / reg pa dang / chos rnams kyang gzhan la/ stong pa nyid kyang gzhan ma yin/ stong pa nyid kyang gzhan la/ chos rnams kyang gzhan ma yin te/ chos rnams nyid stong pa nyid do/ /stong pa nyid chos rnams so/ /de bzhin du mig gi khams kyang gzhan la/ stong pa nyid kyang gzhan ma yin/ stong pa nyid kyang gzhan la/ mig gi khams kyang gzhan ma yin te/ mig gi khams nyid stong pa nyid do/ /stong pa nyid mig gi khams so/ /de bzhin du mig gi rnam par shes pa'i khams kyi bar yang gzhan la/ stong pa nyid kyang gzhan ma yin/ stong pa nyid kyang gzhan la/ yid kyi rnam par shes pa'i khams kyi bar du yang gzhan ma yin te/ yid kyi rnam par shes pa'i khams nyid stong pa nyid do/ /stong pa nyid yid kyi rnam par shes pa'i khams so zhes bya ba'i bar du de bzhin du sbyar ro/ /de bzhin du 'phags pa'i bden pa rnams kyang gzhan la/ stong pa nyid kyang gzhan ma yin/ stong pa nyid kyang gzhan la/ 'phags pa'i bden pa rnams kyang gzhan ma yin te/ 'phags pa'i bden pa rnams nyid stong pa nyid do/ /stong pa nyid 'phags pa'i bden pa rnams so/ /de bzhin du ma rig pa yang gzhan la/ stong pa nyid kyang gzhan ma yin/ stong pa nyid kyang gzhan la/ ma rig pa yang gzhan ma yin te/ ma rig pa nyid stong pa nyid do/ /stong pa nyid ma rig pa'o/ /de bzhin du sbyar te/ rga shi'i bar yang gzhan la/ stong pa nyid kyang gzhan ma yin/ stong pa nyid kyang gzhan la/ rga shi'i bar yang gzhan ma yin te/ rga shi nyid stong pa nyid do/ /stong pa nyid rga shi'o/ /shA ra dwa ti'i bu stong pa nyid gang yin pa de ni mi skye mi 'gag cing / kun nas nyon mongs pa ma yin/ rnam par byang ba ma yin no/ /de la ni 'grib pa med do/ /'phel ba med do/ /'das pa ma yin/ ma 'ongs pa ma yin/ da ltar byung ba ma yin no/ /de la ni gzugs med do/ /tshor ba med do/ /'du shes med do/ /'du byed rnams med do/ / rnam par shes pa med do/ /de la ni mig med do/ /rna ba med do/ /sna med do/ /lce med do/ lus med do/ /yid med do/ /gzugs rnams med do/ /sgra rnams med do/ /dri rnams med do/ /ro rnams med do/ /reg rnams med do/ /chos rnams med do/ /de la ni mig gi khams med do/ /gzugs kyi khams med do/ /mig gi rnam par shes pa'i khams med do/ /rna ba'i khams med do/ /sgra'i khams med do/ /rna ba'i rnam par shes pa'i khams med do/ /sna'i khams med do/ /dri'i khams med do/ /sna'i rnam par shes pa'i khams med do/ /lce'i khams med do/ /ro'i khams med do/ /lce'i rnam par shes pa'i khams med do/ /lus kyi khams med do/ /reg pa'i khams med do/ /lus kyi rnam par shes pa'i khams med do/ / yid kyi khams med do/ /chos kyi khams med do/ /yid kyi rnam par shes pa'i khams med do/ /de la ni sdug bsngal med do/ /kun 'byung ba med do/ /'gog pa med do/ /lam med do/ /de la ni ma rig pa med do/ /ma rig pa 'gag pa med do/ / 'du byed rnams med do/ /'du byed 'gag pa med do/ /rnam par shes pa med do/ /rnam par shes pa 'gag pa med do/ /ming dang gzugs med do/ /ming dang gzugs 'gag pa med do/ /skye mched drug med do/ /skye mched drug 'gag pa med do/ /reg pa med do/ /reg pa 'gag pa med do/ /tshor ba med do/ /tshor ba 'gag pa med do/ /sred pa med do/ /sred pa 'gag pa med do/ /len pa med do/ /len pa 'gag pa med do/ /srid pa med do/ /srid pa 'gag pa med do/ /skye ba med do/ / skye ba 'gag pa med do/ /de la ni rga shi med do/ /rga shi 'gag pa med do/ /de la ni 'thob pa med do/ /mngon par rtogs pa med do/ /de la ni rgyun du zhugs pa med do/ /rgyun tu zhugs pa'i 'bras bu med do/ /lan cig phyir 'ong ba med do/ /lan cig phyir 'ong ba'i 'bras bu med do/ /phyir mi 'ong ba med do/ /phyir mi 'ong ba'i 'bras bu med do/ /dgra bcom pa med do/ /dgra bcom pa'i 'bras bu med do/ /rang byang chub med do/ /rang sangs rgyas med do/ /de la ni yang dag par rdzogs pa'i sangs rgyas med do/ / yang dag par rdzogs pa'i byang chub med do/ /shA ra dwa ti'i bu byang chub sems dpa' sems dpa' chen po shes rab kyi pha rol tu phyin pa la de ltar spyod pa ni brtson pa zhes bya'o/ /de shes rab kyi pha rol du phyin pa la spyod pa na/ shes rab kyi pha rol du phyin pa la brtson pa 'am/ mi brtson par yang dag par rjes su mi mthong ngo / /sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa la brtson pa 'am/ mi brtson par yang dag par rjes su mi mthong ngo / /de bzhin du dran pa nye bar gzhag pa rnams la brtson pa 'am/ mi brtson par yang dag par rjes su mi mthong ngo / /de bzhin du sbyar te/ 'phags pa'i lam yan lag brgyad pa dang / de bzhin gshegs pa'i stobs bcu'i bar la brtson pa 'am/ mi brtson par yang dag par rjes su mi mthong ngo / /de bzhin du sbyar te/ sangs rgyas kyi chos ma 'dres pa bcwa brgyad la brtson pa 'am/ mi brtson par yang dag par rjes su mi mthong ngo / /rnam pa thams cad mkhyen pa nyid kyi bar la brtson pa 'am mi brtson par yang dag par rjes su mi mthong ngo / /shA ra dwa ti'i bu rnam grangs des na/ byang chub sems dpa' sems dpa' chen po shes rab kyi pha rol tu phyin pa la brtson pa ni/ brtson zhes bya'o/ /shA ra dwa ti'i bu byang chub sems dpa' sems dpa' chen po de ltar shes rab kyi pha rol du phyin pa la brtson pa ni/ rnam pa thams cad mkhyen pa nyid dang nye ba yin no/ /de ji lta ji ltar rnam pa thams cad mkhyen pa nyid dang nye ba de lta de ltar lus yongs su dag pa dang / ngag yongs su dag pa dang / sems yongs su dag pa dang / mtshan yongs su dag pa thob par 'gyur ro/ /de ji lta ji ltar lus yongs su dag pa dang / ngag yongs su dag pa dang / sems yongs su dag pa dang / mtshan yongs su dag pa thob pa de lta de ltar 'dod chags dang ldan pa'i sems mi bskyed do/ /de bzhin du zhe sdang dang ldan pa dang / gti mug dang ldan pa'i sems mi bskyed do/ / nga rgyal dang ldan pa dang / g.yo dang / sgyu dang ldan pa dang / chags pa dang ldan pa dang / ser sna dang / phrag dog dang ldan pa dang / lta ba thams cad dang ldan pa'i sems mi bskyed do/ /des 'dod chags kyi sems ma bskyed cing / de bzhin du lta ba thams cad dang ldan pa'i bar gyi sems ma bskyed pas nam yang ma'i mngal du mi skye ste/ rtag tu brdzus te skye bar 'gyur ro/ /sems can rnams yongs su smin par bya ba'i phyir ma gtogs par nam yang ngan song rnams su mi skye'o/ /sangs rgyas kyi zhing nas sangs rgyas kyi zhing du 'gro'o/ /sems can rnams yongs su smin par byed la/ sangs rgyas kyi zhing yongs su dag par byed cing / bla na med pa yang dag par rdzogs pa'i byang chub mngon par rdzogs par sangs ma rgyas kyi bar du nam yang sangs rgyas bcom ldan 'das rnams dang 'brel bar mi 'gyur ro/ /shA ra dwa ti'i bu de lta bas na byang chub sems dpa' sems dpa' chen po yon tan dang phan yon de dag thob par 'dod pas shes rab kyi pha rol tu phyin pa 'di la brtson pa mi 'dor bar rtag tu de ltar brtson par bya'o/ /de ci'i phyir zhe na/ shA ra dwa ti'i bu byang chub sems dpa' sems dpa' chen po'i rnal 'byor 'di lta ste/ stong pa nyid kyi rnal 'byor 'di ni mchog yin pa'i phyir ro/ /shA ra dwa ti'i bu byang chub sems dpa' sems dpa' chen po shes rab kyi pha rol tu phyin pa la spyod pa'i rnal 'byor 'di ni de las gzhan pa'i rnal 'byor thams cad zil gyis mnan nas gnas so/ /shA ra dwa ti'i bu byang chub sems dpa' sems dpa' chen po rnal 'byor 'di la gnas pa ni de bzhin gshegs pa'i stobs bcu mngon par sgrub bo/ /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad mngon par sgrub bo/ /shA ra dwa ti'i bu byang chub sems dpa' sems dpa' chen po rnal 'byor 'di la gnas pa ni/ nam yang ser sna'i sems mi bskyed do/ /'chal ba'i tshul khrims kyi sems dang / 'khrug pa'i sems dang / le lo'i sems dang / rnam par g.yengs pa'i sems dang / shes rab 'chal ba'i sems mi bskyed do/ /de nas bcom ldan 'das la tshe dang ldan pa shA ra dwa ti'i bu dang / tshe dang ldan pa maud gal gyi bu chen po dang / tshe dang ldan pa rab 'byor dang / tshe dang ldan pa 'od srung chen po dang / tshe dang ldan pa byams ma'i bu gang po dang / de dag dang gzhan yang dge slong mngon par grags pa rab tu mang po dag dang / byang chub sems dpa' sems dpa' chen po dag dang / dge bsnyen dang dge bsnyen ma dag gis 'di skad ces gsol to/ / btsun pa bcom ldan 'das byang chub sems dpa' sems dpa' chen po rnams kyi pha rol du phyin pa 'di ni che ba lags so/ /btsun pa bcom ldan 'das byang chub sems dpa' sems dpa' chen po rnams kyi pha rol du phyin pa 'di ni rgya che ba pha rol du phyin pa'i mchog / pha rol du phyin pa khyad par du 'phags pa/ pha rol du phyin pa rab mchog /pha rol du phyin pa bla na ma mchis pa/ pha rol du phyin pa gong na ma mchis pa lags te/ btsun pa bcom ldan 'das 'di lta ste/ shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol du phyin pa mi mnyam pa dang mnyam pa/ pha rol du phyin pa zhi ba dul ba/ pha rol du phyin pa rang gi mtshan nyid kyis stong pa/ pha rol du phyin pa dngos po med pa'i ngo bo nyid stong pa nyid pha rol du phyin pa yon tan thams cad yongs su rgyas pa/ pha rol du phyin pa yon tan thams cad dang ldan pa/ pha rol du phyin pa mi rdzi ba nyid lags so/ /btsun pa bcom ldan 'das byang chub sems dpa' sems dpa' chen po mchog shes rab kyi pha rol du phyin pa la spyod pa/ mi mnyam pa dang mnyam pa'i sbyin pa stsal ba/ mi mnyam pa dang mnyam pa'i sbyin pa yongs su rdzogs pa/ mi mnyam pa dang mnyam pa'i sbyin pa'i pha rol tu phyin pa yongs su rdzogs pa/ mi mnyam pa dang mnyam pa'i lus thob pa/ mi mnyam pa dang mnyam pa'i chos thob pa rnams kyis ni 'di lta ste/ bla na med pa yang dag par rdzogs pa'i byang chub thob par bgyid lags so/ /de bzhin du sbyar te/ sbyin pa'i pha rol du phyin par ji skad bstan pa bzhin du shes rab kyi pha rol du phyin pa'i bar yang de bzhin du bgyi'o/ /btsun pa bcom ldan 'das bcom ldan 'das kyang shes rab kyi pha rol du phyin pa 'di nyid la spyad nas/ mi mnyam pa dang mnyam pa'i chos brnyes par gyur lags so/ /de bzhin du mi mnyam pa dang mnyam pa'i gzugs dang / tshor ba dang 'du shes dang / 'du byed rnams dang / mi mnyam pa dang mnyam pa'i rnam par shes pa brnyes par gyur lags so/ /de bzhin du mi mnyam pa dang mnyam pa'i chos kyi 'khor lo bskor ba lags so/ /'das pa'i sangs rgyas bcom ldan 'das rnams kyang shes rab kyi pha rol du phyin pa 'di nyid la spyad nas/ mi mnyam pa dang mnyam pa'i chos brnyes par gyur lags so/ /mi mnyam pa dang mnyam pa'i chos kyi 'khor lo bskor ba'i bar du gyur lags so/ /de bzhin du ma 'ongs pa'i sangs rgyas bcom ldan 'das rnams kyang shes rab kyi pha rol du phyin pa 'di nyid la spyad nas/ mi mnyam pa dang mnyam pa'i chos brnyes par gyur lags so/ /de bzhin du sbyar te/ mi mnyam pa dang mnyam pa'i chos kyi 'khor lo bskor bas bar du gyur lags so/ /btsun pa bcom ldan 'das de ltar lags pas na/ byang chub sems dpa' sems dpa' chen po chos thams cad kyi pha rol du mchi bar 'tshal bas shes rab kyi pha rol du phyin pa'i rnal 'byor gyis gnas par bgyi'o/ /de skad ces gsol pa dang / bcom ldan 'das kyis nyan thos chen po de dag dang / byang chub sems dpa' sems dpa' chen po de dag la 'di skad ces bka' stsal to/ /shes ldan dag rigs kyi bu dag de de bzhin te/ de de bzhin no/ /shes ldan dang rigs kyi bu dag ji skad smras pa de bzhin te/ shes ldan dang rigs kyi bu dag byang chub sems dpa' sems dpa' chen po gang dag shes rab kyi pha rol du phyin pa'i rnal 'byor 'dis gnas pa de dag ni lha dang mi dang lha ma yin du bcas pa'i 'jig rten gyis phyag bya bar 'os pa yin no/ /shes rab kyi pha rol du phyin pa khri pa las rnal 'byor gyis le'u zhes bya ste/ bzhi pa'o// // de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po gang dag shes rab kyi pha rol du phyin pa'i rnal 'byor 'dis gnas pa de dag ni phyag bya bar 'os pa yin no zhes de skad ces bka' stsal na/ btsun pa bcom ldan 'das gang shes rab kyi pha rol du phyin pa'i rnal 'byor de dag dang / rtag tu ma bral bar gnas pa 'di lta ste/ byang chub sems dpa' zhes bgyi ba'i chos de gang lags/ de ci'i slad du zhe na/ 'di lta ste/ byang chub sems dpa' zhes bgyi ba'i chos de bdag gis yang dag par rjes su ma mthong ba'i slad du'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu 'di ji snyam du sems/ gzugs byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang 'du shes dang / 'du byed rnams dang / rnam par shes pa byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig byang chub sems dpa' yin snyam 'am/ de bzhin du rna ba dang sna dang lce dang lus dang / yid byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams byang chub sems dpa' yin snyam 'am/ de bzhin du sgra dang / dri dang / ro dang / reg pa dang / chos rnams byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba'i khams dang / sgra'i khams dang / rna ba'i rnam par shes pa'i khams byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sna'i khams dang / dri'i khams dang / sna'i rnam par shes pa'i khams byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ lce'i khams dang / ro'i khams dang / lce'i rnam par shes pa'i khams byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ lus kyi khams dang / reg bya'i khams dang / lus kyi rnam par shes pa'i khams byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ yid kyi khams dang / chos kyi khams dang / yid kyi rnam par shes pa'i khams byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sa'i khams byang chub sems dpa' yin snyam 'am/ de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams byang chub sems dpa' yin snyam 'am/ gsol pa btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa byang chub sems dpa' yin snyam 'am/ de bzhin du sbyar te/ rga shi'i bar du byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs las gzhan zhig byang chub sems dpa' yin snyam 'am/ de bzhin du tshor ba dang / 'du shes dang / 'du byed rnams dang / rnam par shes pa las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /de bzhin du rna ba dang / sna dang / lce dang / lus dang / yid las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs dag las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /de bzhin du sgra dang / dri dang / ro dang / reg pa dang / chos rnams las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams las gzhan zhig byang chub sems dpa' yin snyam 'am/ de bzhin du sbyar te/ yid kyi khams kyi bar dag las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sa'i khams las gzhan zhig byang chub sems dpa' yin snyam 'am/ de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ de bzhin du sbyar te/ rga shi'i bar las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs kyi de bzhin nyid gang yin pa de byang chub sems dpa' yin snyam 'am/ de bzhin du tshor ba dang 'du shes dang / 'du byed rnams dang / rnam par shes pa'i de bzhin nyid gang yin pa de byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi de bzhin nyid gang yin pa de byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang / sna dang / lce dang lus dang / yid kyi de bzhin nyid gang yin pa de byang chub sems dpa' yin snyam 'am/ gsol pa btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams kyi de bzhin nyid gang yin pa de byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ de bzhin du sbyar te/ yid kyi rnam par shes pa'i khams kyi bar gyi de bzhin nyid gang yin pa de byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa'i de bzhin nyid gang yin pa de byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ de bzhin du sbyar te/ rga shi'i bar gyi de bzhin nyid gang yin pa de byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs kyi de bzhin nyid las gzhan zhig /byang chub sems dpa' yin snyam 'am de bzhin du tshor ba dang / 'du shes dang / 'du byed rnams dang / rnam par shes pa'i de bzhin nyid las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi de bzhin nyid las gzhan zhig byang chub sems dpa' yin snyam 'am/ gsol pa btsun pa bcom ldan 'das ma lags so/ /de bzhin du rna ba dang / sna dang / lce dang / lus dang / yid kyi de bzhin nyid las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams kyi de bzhin nyid las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ / shA ra dwa ti'i bu 'di ji snyam du sems/ de bzhin du sbyar te/ yid kyi rnam par shes pa'i khams kyi bar gyi de bzhin nyid las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa'i de bzhin nyid las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ de bzhin du sbyar te/ rga shi'i bar gyi de bzhin nyid las gzhan zhig byang chub sems dpa' yin snyam 'am/ gsol pa/ btsun pa bcom ldan 'das ma lags so/ /bcom ldan 'das kyis bka' stsal pa/ shA ra dwa ti'i bu khyod kyis don gyi dbang gang zhig mthong na/ 'di skad du gzugs byang chub sems dpa' ma yin zhing de bzhin du sbyar te/ rga shi'i bar du byang chub sems dpa' ma yin la/ gzugs las gzhan yang byang chub sems dpa' ma yin/ gzugs kyi de bzhin nyid kyang byang chub sems dpa' ma yin zhing / de bzhin du sbyar te/ rga shi'i bar gyi de bzhin nyid kyang byang chub sems dpa' ma yin la/ gzugs kyi de bzhin nyid las gzhan yang byang chub sems dpa' ma yin te/ de bzhin du sbyar te/ rga shi'i bar gyi de bzhin nyid las byang chub sems dpa' gzhan ma yin zhes zer/ de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das sems can gtan ma mchis pa mi dmigs na/ de byang chub sems dpar 'gyur ba lta ga la mchis/ gzugs byang chub sems dpar 'gyur ba lta ga la mchis/ gzugs las byang chub sems dpa' gzhan du 'gyur ba lta ga la mchis/ de bzhin du sbyar te/ rga shi'i bar du byang chub sems dpar 'gyur ba lta ga la mchis/ rga shi las byang chub sems dpa' gzhan du 'gyur ba lta ga la mchis/ gzugs kyi de bzhin nyid byang chub sems dpar 'gyur ba lta ga la mchis/ gzugs kyi de bzhin nyid las byang chub sems dpa' gzhan du 'gyur ba lta ga la mchis/ de bzhin du sbyar te/ rga shi'i bar gyi de bzhin nyid byang chub sems dpar 'gyur ba lta ga la mchis/ rga shi'i bar gyi de bzhin nyid las byang chub sems dpa' gzhan du 'gyur ba lta ga la mchis te/ de dag ni gnas ma mchis lags so/ /bcom ldan 'das kyis bka' stsal pa/ shA ra dwa ti'i bu legs so legs so/ /shA ra dwa ti'i bu byang chub sems dpa' sems dpa' chen pos sems can mi dmigs pa'i phyir/ mi dmigs pa'i shes rab kyi pha rol tu phyin pa la bslab par bya'o/ /shA ra dwa ti'i bu 'di ji snyam du sems/ gzugs kyi tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang 'du shes dang / 'du byed rnams dang / rnam par shes pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rtag pa 'am/ mi rtag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang 'du shes dang 'du byed rnams dang / rnam par shes pa rtag pa'i tshig bla dgas sam/ mi rtag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs bde ba'i tshig bla dgas sam/ sdug bsngal ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang / 'du shes dang / 'du byed rnams dang / rnam par shes pa'i bde ba'i tshig bla dgas sam sdug bsngal ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs bdag yod pa'i tshig bla dgas sam/ bdag med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang 'du shes dang / 'du byed rnams dang / rnam par shes pa bdag yod pa'i tshig bla dgas sam/ bdag med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs stong pa'i tshig bla dgas sam/ mi stong pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang / 'du shes dang / 'du byed rnams dang / rnam par shes pa stong pa'i tshig bla dgas sam/ mi stong pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs mtshan ma yod pa'i tshig bla dgas sam/ mtshan ma med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang / 'du shes dang / 'du byed rnams dang / rnam par shes pa mtshan ma yod pa'i tshig bla dgas sam/ mtshan ma med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs smon pa yod pa'i tshig bla dgas sam/ smon pa med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang / 'du shes dang / 'du byed rnams dang / rnam par shes pa smon pa yod pa'i tshig bla dgas sam/ smon pa med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs zhi ba'i tshig bla dgas sam/ ma zhi ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang 'du shes dang / 'du byed rnams dang / rnam par shes pa zhi ba'i tshig bla dgas sam/ ma zhi ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs dben pa'i tshig bla dgas sam/ mi dben pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang / 'du shes dang / 'du byed rnams dang / rnam par shes pa dben pa'i tshig bla dgas sam/ mi dben pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs kun nas nyon mongs pa'i tshig bla dgas sam/ rnam par byang ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang / 'du shes dang / 'du byed rnams dang / rnam par shes pa kun nas nyon mongs pa'i tshig bla dgas sam/ rnam par byang ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs skye ba'i tshig bla dgas sam/ 'gag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang / 'du shes dang / 'du byed rnams dang / rnam par shes pa skye ba'i tshig bla dgas sam/ 'gag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs dngos po yod pa'i tshig bla dgas sam/ dngos po med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ tshor ba dang / 'du shes dang / 'du byed rnams dang / rnam par shes pa dngos po yod pa'i tshig bla dgas sam/ dngos po med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang / sna dang / lce dang / lus dang / yid kyi tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig rtag pa'i tshig bla dgas sam/ mi rtag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang / sna dang / lce dang / lus dang / yid rtag pa'i tshig bla dgas sam/ mi rtag pa'i tshigs bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig bde ba'i tshig bla dgas sam/ sdug bsngal ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang / sna dang / lce dang / lus dang / yid bde ba'i tshig bla dgas sam/ sdug bsngal ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig bdag yod pa'i tshig bla dgas sam/ bdag med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang / sna dang / lce dang / lus dang / yid bdag yod pa'i tshig bla dgas sam/ bdag med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig stong pa'i tshig bla dgas sam/ mi stong pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang / sna dang / lce dang / lus dang / yid stong pa'i tshig bla dgas sam/ mi stong pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig mtshan ma yod pa'i tshig bla dgas sam/ mtshan ma med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang sna dang / lce dang lus dang / yid mtshan ma yod pa'i tshig bla dgas sam/ mtshan ma med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig smon pa yod pa'i tshig bla dgas sam/ smon pa med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang sna dang lce dang lus dang / yid smon pa yod pa'i tshig bla dgas sam/ smon pa med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig zhi ba'i tshig bla dgas sam/ ma zhi ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang sna dang lce dang lus dang / yid zhi ba'i tshig bla dgas sam/ ma zhi ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig dben pa'i tshig bla dgas sam/ mi dben pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang sna dang lce dang lus dang / yid dben pa'i tshig bla dgas sam/ mi dben pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig kun nas nyon mongs pa'i tshig bla dgas sam/ rnam par byang ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang / sna dang lce dang / lus dang / yid kun nas nyon mongs pa'i tshig bla dgas sam/ rnam par byang ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig skye ba'i tshig bla dgas sam/ 'gag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang sna dang lce dang lus dang / yid skye ba'i tshig bla dgas sam/ 'gag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig dngos po yod pa'i tshig bla dgas sam/ dngos po med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ rna ba dang / sna dang lce dang / lus dang yid dngos po yod pa'i tshig bla dgas sam/ dngos po med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams kyi tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sgra dang dri dang ro dang / reg pa dang / chos rnams kyi tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams rtag pa'i tshig bla dgas sam/ mi rtag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sgra dang dri dang ro dang / reg pa dang / chos rnams rtag pa'i tshig bla dgas sam/ mi rtag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams bde ba'i tshig bla dgas sam/ sdug bsngal ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sgra dang dri dang / ro dang reg pa dang / chos rnams kyi bde ba'i tshig bla dgas sam/ sdug bsngal ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams bdag yod pa'i tshig bla dgas sam/ bdag med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sgra dang dri dang ro dang reg pa dang / chos rnams bdag yod pa'i tshig bla dgas sam/ bdag med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams stong pa'i tshig bla dgas sam/ mi stong pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sgra dang dri dang ro dang / reg pa dang / chos rnams stong pa'i tshig bla dgas sam/ mi stong pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams mtshan ma yod pa'i tshig bla dgas sam/ mtshan ma med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sgra dang dri dang ro dang / reg pa dang / chos rnams mtshan ma yod pa'i tshig bla dgas sam/ mtshan ma med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams smon pa yod pa'i tshig bla dgas sam/ smon pa med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sgra dang / dri dang / ro dang / reg pa dang / chos rnams smon pa yod pa'i tshig bla dgas sam/ smon pa med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /'phags pa shes rab kyi pha rol tu phyin pa khri pa/ bam po lnga pa/ shA ra dwa ti'i bu 'di ji snyam du sems/ gzugs rnams zhi ba'i tshig bla dgas sam/ ma zhi ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ de bzhin du sgra dang / dri dang / ro dang / reg pa dang / chos rnams zhi ba'i tshig bla dgas sam/ ma zhi ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams dben pa'i tshig bla dgas sam/ mi dben pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ de bzhin du sgra dang dri dang ro dang reg pa dang / chos rnams dben pa'i tshig bla dgas sam mi dben pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams kun nas nyon mongs pa'i tshig bla dgas sam/ rnam par byang ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ de bzhin du sgra dang / dri dang / ro dang / reg pa dang / chos rnams kun nas nyon mongs pa'i tshig bla dgas sam/ rnam par byang ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams skye ba'i tshig bla dgas sam/ 'gag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sgra dang dri dang ro dang reg pa dang / chos rnams skye ba'i tshig bla dgas sam/ 'gag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gzugs rnams dngos po yod pa'i tshig bla dgas sam/ dngos po med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ sgra dang / dri dang / ro dang / reg pa dang / chos rnams dngos po yod pa'i tshig bla dgas sam/ dngos po med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams kyi tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams kyi tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /de bzhin du sbyar te/ yid kyi rnam par shes pa'i khams kyi tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams rtag pa'i tshig bla dgas sam/ mi rtag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /de bzhin du sbyar te/ yid kyi rnam par shes pa'i khams kyi bar rtag pa'i tshig bla dgas sam/ mi rtag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams nas/ de bzhin du sbyar te/ yid kyi rnam par shes pa'i khams kyi bar gyi bde ba'i tshig bla dgas sam/ sdug bsngal ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dang / de bzhin du sbyar te/ yid kyi rnam par shes pa'i khams kyi bar gyi bdag yod pa'i tshig bla dgas sam/ bdag med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dang / de bzhin du sbyar te/ yid kyi rnam par shes pa'i khams kyi bar gyi stong pa'i tshig bla dgas sam/ mi stong pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dang / de bzhin du sbyar te/ yid kyi rnam par shes pa'i khams kyi bar gyi mtshan ma yod pa'i tshig bla dgas sam/ mtshan ma med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dang / de bzhin du sbyar te/ yid kyi rnam par shes pa'i khams kyi bar gyi smon pa yod pa'i tshig bla dgas sam/ smon pa med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dang / de bzhin du sbyar te/ yid kyi rnam par shes pa'i khams kyi bar gyi zhi ba'i tshig bla dgas sam/ ma zhi ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dang / de bzhin du sbyar te/ yid kyi rnam par shes pa'i khams kyi bar gyi dben pa'i tshig bla dgas sam/ mi dben pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dang / de bzhin du sbyar te/ yid kyi rnam par shes pa'i khams kyi bar gyi kun nas nyon mongs pa'i tshig bla dgas sam/ rnam par byang ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dang / de bzhin du sbyar te/ yid kyi rnam par shes pa'i khams kyi bar gyi skye ba'i tshig bla dgas sam/ mi skye ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ mig gi khams dang / gzugs kyi khams dang / mig gi rnam par shes pa'i khams dang de bzhin du sbyar te/ yid kyi rnam par shes pa'i khams kyi bar gyi dngos po yod pa'i tshig bla dgas sam/ dngos po med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa dang / de bzhin du sbyar te/ rga shi'i bar gyi tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa dang / de bzhin du sbyar te/ rga shi'i bar gyi rtag pa'i tshig bla dgas sam/ mi rtag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa dang de bzhin du sbyar te/ rga shi'i bar gyi bde ba'i tshig bla dgas sam/ sdug bsngal ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa dang de bzhin du sbyar te/ rga shi'i bar gyi bdag yod pa'i tshig bla dgas sam/ bdag med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa dang de bzhin du sbyar te/ rga shi'i bar gyi stong pa'i tshig bla dgas sam/ mi stong pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems ma rig pa dang / de bzhin du sbyar te/ rga shi'i bar gyi mtshan ma yod pa'i tshig bla dgas sam/ mtshan ma med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa dang / de bzhin du sbyar te/ rga shi'i bar gyi smon pa yod pa'i tshig bla dgas sam/ smon pa med pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ / shA ra dwa ti'i bu 'di ji snyam du sems/ ma rig pa dang / de bzhin du sbyar te/ rga shi'i bar gyi zhi ba'i tshig bla dgas sam/ ma zhi ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa dang / de bzhin du sbyar te/ rga shi'i bar gyi dben pa'i tshig bla dgas sam/ mi dben pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa dang de bzhin du sbyar te/ rga shi'i bar gyi kun nas nyon mongs pa'i tshig bla dgas sam/ rnam par byang ba'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa dang de bzhin du sbyar te/ rga shi'i bar gyi skye ba'i tshig bla dgas sam/ 'gag pa'i tshig bla dgas byang chub sems dpa' yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ ma rig pa dang / de bzhin du sbyar te/ rga shi'i bar gyi dngos po yod pa'i tshig bla dgas sam/ dngos po med pa'i tshig bla dgas byang chub sems dpa' yin snyam 'am gsol pa/ btsun pa bcom ldan 'das ma lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu khyod don gyi dbang ci zhig mthong na/ 'di skad du gzugs kyi tshig bla dgas byang chub sems dpa' ma yin/ de bzhin du tshor ba dang / 'du shes dang / 'du byed rnams dang / rnam par shes pa'i tshig bla dgas byang chub sems dpa' ma yin/ gzugs rtag pa'i tshig bla dgas sam/ mi rtag pa'i tshig bla dgas byang chub sems dpa' ma yin/ de bzhin du tshor ba dang / 'du shes dang / 'du byed rnams dang / rnam par shes pa rtag pa'i tshig bla dgas dang / mi rtag pa'i tshig bla dgas byang chub sems dpa' ma yin/ de bzhin du gzugs bde ba'i tshig bla dgas ma yin/ sdug bsngal ba'i tshig bla dgas ma yin/ bdag yod pa'i tshig bla dgas ma yin/ bdag med pa'i tshig bla dgas ma yin/ stong pa'i tshig bla dgas ma yin/ mi stong pa'i tshig bla dgas ma yin/ mtshan ma yod pa'i tshig bla dgas ma yin/ mtshan ma med pa'i tshig bla dgas ma yin/ smon pa yod pa'i tshig bla dgas ma yin/ smon pa med pa'i tshig bla dgas ma yin/ zhi ba'i tshig bla dgas ma yin/ ma zhi ba'i tshig bla dgas ma yin/ dben pa'i tshig bla dgas ma yin/ mi dben pa'i tshig bla dgas ma yin/ kun nas nyon mongs pa'i tshig bla dgas ma yin/ rnam par byang ba'i tshig bla dgas ma yin/ skye ba'i tshig bla dgas ma yin/ 'gag pa'i tshig bla dgas ma yin/ dngos po yod pa'i tshig bla dgas ma yin/ dngos po med pa'i tshig bla dgas byang chub sems dpa' ma yin/ de bzhin du sbyar te/ tshor ba dang / 'du shes dang / 'du byed rnams dang / rnam par shes pa dngos po yod pa'i tshig bla dgas dang / dngos po med pa'i bar gyi tshig bla dgas byang chub sems dpa' ma yin/ de bzhin du mig gi tshig bla dgas byang chub sems dpa' ma yin/ de bzhin du rna ba dang / sna dang / lce dang / lus dang / yid kyi tshig bla dgas byang chub sems dpa' ma yin/ de bzhin du mig rtag pa'i tshig bla dgas dang / mi rtag pa'i tshig bla dgas byang chub sems dpa' ma yin/ de bzhin du rna ba dang / sna dang lce dang lus dang / yid rtag pa'i tshig bla dgas sam/ mi rtag pa'i tshig bla dgas byang chub sems dpa' ma yin/ de bzhin du sbyar te/ mig dngos po yod pa'i tshig bla dgas sam/ dngos po med pa'i bar gyi tshig bla dgas byang chub sems dpa' ma yin/ de bzhin du rna ba dang / sna dang / lce dang / lus dang / yid dngos po yod pa'i tshig bla dgas sam/ dngos po med pa'i tshig bla dgas byang chub sems dpa' ma yin/ gzugs rnams kyi tshig bla dgas byang chub sems dpa' ma yin/ de bzhin du sgra dang / dri dang / ro dang / reg pa dang / chos rnams kyi tshig bla dgas byang chub sems dpa' ma yin/ gzugs rnams rtag pa'i tshig bla dgas dang / mi rtag pa'i tshig bla dgas byang chub sems dpa' ma yin/ de bzhin du sgra dang / dri dang / ro dang / reg pa dang / chos rnams rtag pa'i tshig bla dgas dang / mi rtag pa'i tshig bla dgas byang chub sems dpa' ma yin/ de bzhin du sbyar te/ gzugs rnams dngos po yod pa'i tshig bla dgas dang / dngos po med pa'i bar gyi tshig bla dgas byang chub sems dpa' ma yin/ de bzhin du sgra dang / dri dang / ro dang / reg pa dang / chos rnams dngos po yod pa'i tshig bla dgas dang / dngos po med pa'i tshig bla dgas byang chub sems dpa' ma yin/ mig gi khams dang / gzugs kyi khams dang / mig gi rnam par shes pa'i khams kyi tshig bla dgas byang chub sems dpa' ma yin/ de bzhin du yid kyi rnam par shes pa'i khams kyi bar gyi tshig bla dgas byang chub sems dpa' ma yin/ mig gi khams dang / gzugs kyi khams dang / mig gi rnam par shes pa'i khams rtag pa'i tshig bla dgas dang / mi rtag pa'i tshig bla dgas byang chub sems dpa' ma yin/ de bzhin du sbyar te/ yid kyi rnam par shes pa'i khams kyi bar gyi tshig bla dgas byang chub sems dpa' ma yin de bzhin du sbyar te/ mig gi khams dang / gzugs kyi khams dang / mig gi rnam par shes pa'i khams dngos po yod pa'i tshig bla dgas dang / dngos po med pa'i bar gyi tshig bla dgas byang chub sems dpa' ma yin/ de bzhin du yid kyi rnam par shes pa'i khams dngos po yod pa'i tshig bla dgas dang / dngos po med pa'i bar gyi tshig bla dgas byang chub sems dpa' ma yin/ ma rig pa'i tshig bla dgas byang chub sems dpa' ma yin/ de bzhin du sbyar te/ rga shi'i bar gyi tshig bla dgas byang chub sems dpa' ma yin/ de bzhin du ma rig pa rtag pa'i tshig bla dgas byang chub sems dpa' ma yin/ ma rig pa mi rtag pa'i tshig bla dgas byang chub sems dpa' ma yin/ de bzhin du sbyar te/ rga shi'i bar gyi tshig bla dgas byang chub sems dpa' ma yin/ de bzhin du ma rig pa rtag pa'i tshig bla dgas sam/ mi rtag pa'i tshig bla dgas byang chub sems dpa' ma yin/ de bzhin du sbyar te/ rga shi'i bar du rtag pa'i tshig bla dgas sam/ mi rtag pa'i tshig bla dgas byang chub sems dpa' ma yin/ de bzhin du sbyar te/ ma rig pa dngos po yod pa'i tshig bla dgas dang / dngos po med pa'i tshig bla dgas kyi bar du byang chub sems dpa' ma yin/ de bzhin du sbyar te/ rga shi'i bar du dngos po yod pa'i tshig bla dgas dang / dngos po med pa'i tshig bla dgas byang chub sems dpa' ma yin zhes zer/ de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das gzugs gtan mi dmigs lags na gzugs kyi tshig bla dgas byang chub sems dpar 'gyur ba lta ga la mchis/ tshor ba dang / 'du shes dang / 'du byed rnams dang / rnam par shes pa yang de lta lags so/ /btsun pa bcom ldan 'das gzugs rtag pa 'am/ mi rtag pa gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis/ tshor ba dang 'du shes dang 'du byed rnams dang / rnam par shes pa yang de lta lags so/ /btsun pa bcom ldan 'das gzugs bde zhes bgyi ba 'am/ sdug bsngal zhes bgyi ba gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis/ tshor ba dang / 'du shes dang / 'du byed rnams dang / rnam par shes pa yang de lta lags so btsun pa bcom ldan 'das gzugs bdag ces bgyi ba 'am/ bdag ma mchis zhes bgyi ba gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis/ tshor ba dang 'du shes dang 'du byed rnams dang / rnam par shes pa yang de lta lags so/ /btsun pa bcom ldan 'das gzugs stong zhes bgyi ba 'am/ mi stong zhes bgyi ba gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis tshor ba dang / 'du shes dang / 'du byed rnams dang / rnam par shes pa yang de lta lags so/ /btsun pa bcom ldan 'das gzugs mtshan ma mchis zhes bgyi ba 'am/ mtshan ma ma mchis zhes bgyi ba gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis/ tshor ba dang 'du shes dang 'du byed rnams dang / rnam par shes pa yang de lta lags so/ /btsun pa bcom ldan 'das gzugs smon pa mchis zhes bgyi ba 'am/ smon pa ma mchis zhes bgyi ba gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis/ tshor ba dang / 'du shes dang / 'du byed rnams dang / rnam par shes pa yang de lta lags so/ /btsun pa bcom ldan 'das gzugs zhi zhes bgyi ba 'am/ ma zhi zhes bgyi ba gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis/ tshor ba dang 'du shes dang 'du byed rnams dang / rnam par shes pa yang de lta lags so/ /btsun pa bcom ldan 'das gzugs dben zhes bgyi ba 'am/ mi dben zhes bgyi ba gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis/ tshor ba dang / 'du shes dang 'du byed rnams dang / rnam par shes pa yang de lta lags so/ /btsun pa bcom ldan 'das gzugs kun nas nyon mongs zhes bgyi ba 'am/ rnam par byang zhes bgyi ba gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis/ tshor ba dang / 'du shes dang / 'du byed rnams dang / rnam par shes pa yang de lta lags so/ /btsun pa bcom ldan 'das gzugs skye zhes bgyi ba 'am/ 'gag ces bgyi ba gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis/ tshor ba dang / 'du shes dang / 'du byed rnams dang / rnam par shes pa yang de lta lags so/ /btsun pa bcom ldan 'das gzugs dngos po mchis zhes bgyi ba 'am/ dngos po ma mchis zhes bgyi ba gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis/ tshor ba dang 'du shes dang 'du byed rnams dang / rnam par shes pa yang de lta lags so/ /btsun pa bcom ldan 'das mig gtan mi dmigs lags na/ mig gi tshig bla dgas byang chub sems dpar 'gyur ba lta ga la mchis/ rna ba dang sna dang lce dang lus dang / yid kyang de lta lags so/ /btsun pa bcom ldan 'das mig rtag ces bgyi ba 'am/ mi rtag ces bgyi ba gtan mi dmigs lags na/ mig gi tshig bla dgas byang chub sems dpar 'gyur ba lta ga la mchis/ rna ba dang / sna dang lce dang lus dang / yid kyang de lta lags so/ /btsun pa bcom ldan 'das mig bde zhes bgyi ba gtan mi dmigs lags na/ mig sdug bsngal zhes bgyi ba'i tshig bla dgas byang chub sems dpar 'gyur ba lta ga la mchis/ rna ba dang sna dang lce dang lus dang / yid kyang de lta lags so/ /btsun pa bcom ldan 'das mig bdag mchis zhes bgyi ba gtan mi dmigs lags na/ mig bdag ma mchis zhes bgyi ba'i tshig bla dgas byang chub sems dpar 'gyur ba lta ga la mchis/ rna ba dang sna dang lce dang lus dang / yid kyang de lta lags so/ /btsun pa bcom ldan 'das mig stong zhes bgyi ba gtan mi dmigs lags na/ mig mi stong pa'i tshig bla dgas byang chub sems dpar 'gyur ba lta ga la mchis/ rna ba dang / sna dang lce dang lus dang / yid kyang de lta lags so/ /btsun pa bcom ldan 'das mig smon pa mchis zhes bgyi ba gtan mi dmigs lags na/ smon pa ma mchis pa'i tshig bla dgas byang chub sems dpar 'gyur ba lta ga la mchis/ rna ba dang sna dang lce dang lus dang / yid kyang de lta lags so/ / btsun pa bcom ldan 'das mig zhi zhes bgyi ba gtan mi dmigs lags na/ mig ma zhi ba'i tshig bla dgas byang chub sems dpar 'gyur ba lta ga la mchis/ rna ba dang sna dang lce dang lus dang / yid kyang de lta lags so/ /btsun pa bcom ldan 'das mig dben zhes bgyi ba gtan mi dmigs lags na/ mig mi dben pa'i tshig bla dgas byang chub sems dpar 'gyur ba lta ga la mchis/ rna ba dang sna dang lce dang lus dang / yid kyang de lta lags so/ /btsun pa bcom ldan 'das mig kun nas nyon mongs zhes bgyi ba gtan mi dmigs lags na/ mig rnam par byang ba'i tshig bla dgas byang chub sems dpar 'gyur ba lta ga la mchis/ rna ba dang sna dang lce dang lus dang / yid kyang de lta lags so/ /btsun pa bcom ldan 'das mig skye zhes bgyi ba gtan mi dmigs lags na/ mig 'gag pa'i tshig bla dgas byang chub sems dpar 'gyur ba lta ga la mchis/ rna ba dang sna dang lce dang lus dang / yid kyang de lta lags so/ /btsun pa bcom ldan 'das mig dngos po mchis zhes bgyi ba gtan mi dmigs lags na/ mig dngos po ma mchis pa'i tshig bla dgas byang chub sems dpar 'gyur ba lta ga la mchis/ rna ba dang sna dang lce dang lus dang / yid kyang de lta lags so/ /btsun pa bcom ldan 'das gzugs rnams gtan mi dmigs lags na/ gzugs kyi tshig bla dgas byang chub sems dpar 'gyur ba lta ga la mchis/ sgra dang dri dang ro dang reg pa dang / chos rnams kyang de lta lags so/ /btsun pa bcom ldan 'das gzugs rnams rtag ces bgyi ba gtan mi dmigs lags na/ gzugs rnams mi rtag pa'i tshig bla dgas byang chub sems dpar 'gyur ba lta ga la mchis/ sgra dang dri dang ro dang reg pa dang / chos rnams kyang de lta lags so/ /btsun pa bcom ldan 'das gzugs rnams bde zhes bgyi ba gtan mi dmigs lags na/ gzugs rnams sdug bsngal ba'i tshig bla dgas byang chub sems dpar 'gyur ba lta ga la mchis/ sgra dang dri dang ro dang reg pa dang / chos rnams kyang de lta lags so/ /btsun pa bcom ldan 'das gzugs rnams bdag ces bgyi ba gtan mi dmigs lags na gzugs rnams bdag ma mchis pa'i tshig bla dgas byang chub sems dpar 'gyur ba lta ga la mchis/ sgra dang dri dang ro dang reg pa dang / chos rnams kyang de lta lags so/ /btsun pa bcom ldan 'das gzugs rnams stong zhes bgyi ba gtan mi dmigs lags na/ gzugs rnams mi stong pa'i tshig bla dgas byang chub sems dpar 'gyur ba lta ga la mchis/ sgra dang dri dang ro dang reg pa dang / chos rnams kyang de lta lags so/ /btsun pa bcom ldan 'das gzugs rnams mtshan ma mchis zhes bgyi ba gtan mi dmigs lags na/ gzugs rnams mtshan ma ma mchis pa'i tshig bla dgas byang chub sems dpar 'gyur ba lta ga la mchis/ sgra dang dri dang ro dang reg pa dang / chos rnams kyang de lta lags so/ /btsun pa bcom ldan 'das gzugs rnams smon pa ma mchis zhes bgyi ba gtan mi dmigs lags na/ gzugs rnams smon pa ma mchis pa'i tshig bla dgas byang chub sems dpar 'gyur ba lta ga la mchis/ sgra dang dri dang ro dang reg pa dang chos rnams kyang de lta lags so/ /btsun pa bcom ldan 'das gzugs rnams zhi zhes bgyi ba gtan mi dmigs lags na/ gzugs rnams ma zhi ba'i tshig bla dgas byang chub sems dpar 'gyur ba lta ga la mchis/ sgra dang dri dang ro dang reg pa dang chos rnams kyang de lta lags so/ /btsun pa bcom ldan 'das gzugs rnams dben zhes bgyi ba gtan mi dmigs lags na/ gzugs rnams mi dben pa'i tshig bla dgas byang chub sems dpar 'gyur ba lta ga la mchis/ sgra dang dri dang ro dang reg pa dang chos rnams kyang de lta lags so/ /btsun pa bcom ldan 'das gzugs rnams kun nas nyon mongs zhes bgyi ba gtan mi dmigs lags na/ gzugs rnams rnam par byang ba'i tshig bla dgas byang chub sems dpar 'gyur ba lta ga la mchis/ sgra dang dri dang ro dang / reg pa dang chos rnams kyang de lta lags so/ /btsun pa bcom ldan 'das gzugs rnams skye ba'i tshig bla dgas gtan mi dmigs lags na/ gzugs rnams 'gag pa'i tshig bla dgas byang chub sems dpar 'gyur ba lta ga la mchis/ sgra dang dri dang ro dang reg pa dang / chos rnams kyang de lta lags so/ /btsun pa bcom ldan 'das gzugs rnams dngos po mchis zhes bgyi ba gtan mi dmigs lags na/ gzugs rnams dngos po ma mchis pa'i tshig bla dgas byang chub sems dpar 'gyur ba lta ga la mchis/ sgra dang dri dang ro dang reg pa dang chos rnams kyang de lta lags so/ /btsun pa bcom ldan 'das mig gi khams gtan mi dmigs lags na/ mig gi khams kyi tshig bla dgas byang chub sems dpar 'gyur ba lta ga la mchis/ gzugs kyi khams dang / mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ /btsun pa bcom ldan 'das mig gi khams rtag ces bgyi ba gtan mi dmigs lags na/ mig gi khams mi rtag pa'i tshig bla dgas byang chub sems dpar 'gyur ba lta ga la mchis/ gzugs kyi khams dang / mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ /btsun pa bcom ldan 'das mig gi khams bde zhes bgyi ba gtan mi dmigs lags na/ mig gi khams sdug bsngal ba'i tshig bla dgas byang chub sems dpar 'gyur ba lta ga la mchis/ gzugs kyi khams dang / mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ /btsun pa bcom ldan 'das mig gi khams bdag mchis zhes bgyi ba gtan mi dmigs lags na/ mig gi khams bdag ma mchis pa'i tshig bla dgas byang chub sems dpar 'gyur ba lta ga la mchis/ gzugs kyi khams dang / mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ /btsun pa bcom ldan 'das mig gi khams stong zhes bgyi ba gtan mi dmigs lags na/ mig gi khams mi stong pa'i tshig bla dgas byang chub sems dpar 'gyur ba lta ga la mchis/ gzugs kyi khams dang / mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ /btsun pa bcom ldan 'das mig gi khams mtshan ma mchis zhes bgyi ba gtan mi dmigs lags na/ mig gi khams mtshan ma ma mchis pa'i tshig bla dgas byang chub sems dpar 'gyur ba lta ga la mchis/ gzugs kyi khams dang / mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ / btsun pa bcom ldan 'das mig gi khams smon pa mchis zhes bgyi ba gtan mi dmigs lags na/ mig gi khams smon pa ma mchis pa'i tshig bla dgas byang chub sems dpar 'gyur ba lta ga la mchis/ gzugs kyi khams dang mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ /btsun pa bcom ldan 'das mig gi khams zhi zhes bgyi ba gtan mi dmigs lags na/ mig gi khams ma zhi ba'i tshig bla dgas byang chub sems dpar 'gyur ba lta ga la mchis/ gzugs kyi khams dang / mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ /btsun pa bcom ldan 'das mig gi khams dben zhes bgyi ba gtan mi dmigs lags na/ mig gi khams mi dben pa'i tshig bla dgas byang chub sems dpar 'gyur ba lta ga la mchis/ gzugs kyi khams dang / mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ /btsun pa bcom ldan 'das mig gi khams kun nas nyon mongs zhes bgyi ba gtan mi dmigs lags na/ mig gi khams rnam par byang ba'i tshig bla dgas byang chub sems dpar 'gyur ba lta ga la mchis/ gzugs kyi khams dang / mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ / tsun pa bcom ldan 'das mig gi khams skye zhes bgyi ba gtan mi dmigs lags na/ mig gi khams 'gag pa'i tshig bla dgas byang chub sems dpar 'gyur ba lta ga la mchis/ gzugs kyi khams dang / mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ /btsun pa bcom ldan 'das mig gi khams dngos po mchis zhes bgyi ba gtan mi dmigs lags na/ mig gi khams dngos po ma mchis pa'i tshig bla dgas byang chub sems dpar 'gyur ba lta ga la mchis/ gzugs kyi khams dang / mig gi rnam par shes pa'i khams nas/ yid kyi rnam par shes pa'i khams kyi bar du yang de bzhin du sbyar bar bgyi'o/ / btsun pa bcom ldan 'das ma rig pa gtan mi dmigs lags na/ ma rig pa'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi'o/ /btsun pa bcom ldan 'das ma rig pa rtag ces bgyi ba gtan mi dmigs lags na/ ma rig pa mi rtag pa'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi'o/ /btsun pa bcom ldan 'das ma rig pa bde zhes bgyi ba gtan mi dmigs lags na/ ma rig pa sdug bsngal ba'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi'o/ /btsun pa bcom ldan 'das ma rig pa bdag ces bgyi ba gtan mi dmigs lags na/ ma rig pa bdag ma mchis pa'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi'o/ /btsun pa bcom ldan 'das ma rig pa stong zhes bgyi ba gtan mi dmigs lags na/ ma rig pa mi stong pa'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi'o/ /btsun pa bcom ldan 'das ma rig pa mtshan ma mchis zhes bgyi ba gtan mi dmigs lags na/ ma rig pa mtshan ma ma mchis pa'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi'o/ /btsun pa bcom ldan 'das ma rig pa smon pa mchis shes bgyi ba gtan mi dmigs lags na/ ma rig pa smon pa ma mchis pa'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi'o/ /btsun pa bcom ldan 'das ma rig pa zhi zhes bgyi ba gtan mi dmigs lags na/ ma rig pa ma zhi ba'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi'o/ /btsun pa bcom ldan 'das ma rig pa dben zhes bgyi ba gtan mi dmigs lags na/ ma rig pa mi dben pa'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi'o/ /btsun pa bcom ldan 'das ma rig pa kun nas nyon mongs zhes bgyi ba gtan mi dmigs lags na/ ma rig pa rnam par byang ba'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi'o/ /btsun pa bcom ldan 'das ma rig pa skye zhes bgyi ba gtan mi dmigs lags na/ ma rig pa 'gag pa'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi'o/ /btsun pa bcom ldan 'das ma rig pa dngos po mchis zhes bgyi ba gtan mi dmigs lags na/ ma rig pa dngos po ma mchis pa'i tshig bla dgas byang chub sems dpar 'gyur ba lta ga la mchis/ rga shi'i bar du yang de bzhin du sbyar bar bgyi ste/ phung po'i skabs su ji skad bstan pa bzhin du thams cad rgya cher sbyar bar bgyi'o/ /bcom ldan 'das kyis bka' stsal pa/ shA ra dwa ti'i bu legs so legs so/ /byang chub sems dpa' sems dpa' chen po de ltar shes rab kyi pha rol du phyin pa la gnas pas/ gzugs kyi tshig bla dgas mi dmigs de bzhin du sbyar te/ gzugs dngos po med pa'i bar gyi tshig bla dgas mi dmigs/ de bzhin du tshor ba dang / 'du shes dang / 'du byed rnams dang / rnam par shes pa'i tshig bla dgas mi dmigs pa nas de bzhin du sbyar te/ rnam par shes pa'i dngos po med pa'i bar gyi tshig bla dgas mi dmigs/ de bzhin du sbyar te/ ma rig pa'i bar gyi tshig bla dgas mi dmigs shing / rga shi'i bar gyi tshig bla dgas mi dmigs pa nas/ dngos po med pa'i bar gyi tshig bla dgas mi dmigs par phung po'i skabs su ji skad bstan pa de bzhin du sbyar bar bya ste/ de ltar shes rab kyi pha rol du phyin pa la bslab par bya'o/ /shes rab kyi pha rol du phyin pa khri pa las/ byang chub sems dpa'i tshig bla dgas kyi le'u zhes bya ste/ lnga pa'o// // shA ra dwa ti'i bu 'di lta ste/ byang chub sems dpa' zhes bgyi ba'i chos de bdag gis yang dag par rjes su ma mthong ngo zhes de skad zer ba yang / shA ra dwa ti'i bu chos kyis chos yang dag par rjes su mi mthong ngo / /shA ra dwa ti'i bu chos kyis chos kyi dbyings yang dag par rjes su mi mthong ngo / /gzugs kyi khams kyis chos kyi dbyings yang dag par rjes su mi mthong ngo / /chos kyi dbyings kyis kyang gzugs kyi khams yang dag par rjes su mi mthong ngo / /de bzhin du chos kyi dbyings kyis kyang rnam par shes pa'i khams kyi bar du yang dag par rjes su mi mthong ngo / /rnam par shes pa'i khams kyi bar gyis kyang chos kyi dbyings yang dag par rjes su mi mthong ngo / /shA ra dwa ti'i bu mig gi khams kyis chos kyi dbyings yang dag par rjes su mi mthong ngo / /chos kyi dbyings kyis kyang mig gi khams yang dag par rjes su mi mthong ngo / /de bzhin du sbyar te/ yid kyi khams kyi bar gyis chos kyi dbyings yang dag par rjes su mi mthong ngo / /chos kyi dbyings kyis kyang yid kyi khams yang dag par rjes su mi mthong ngo / /mig gi rnam par shes pa'i khams kyis chos kyi dbyings yang dag par rjes su mi mthong ngo / /chos kyi dbyings kyis kyang mig gi rnam par shes pa'i khams yang dag par rjes su mi mthong ngo / /yid kyi rnam par shes pa'i khams kyi bar gyis chos kyi dbyings yang dag par rjes su mi mthong ngo / /chos kyi dbyings kyis kyang yid kyi rnam par shes pa'i khams kyi bar du yang dag par rjes su mi mthong ngo / /de ci'i phyir zhe na/ shA ra dwa ti'i bu 'dus byas kyi khams kyis 'dus ma byas kyi khams yang dag par rjes su mi mthong la/ 'dus ma byas kyi khams kyis kyang 'dus byas kyi khams yang dag par rjes su mi mthong ba'i phyir ro/ /shA ra dwa ti'i bu 'dus byas la ma gtogs par 'dus ma byas kyi khams gdags par mi nus la/ 'dus ma byas kyi khams la ma gtogs par yang 'dus byas kyi khams gdags par mi nus so/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das gal te chos kyis/ chos yang dag par rjes su mi mthong la/ de bzhin du sbyar te/ yid kyi rnam par shes pa'i khams kyi bar gyis chos kyi dbyings yang dag par rjes su mi mthong lags mod kyi/ 'on kyang btsun pa bcom ldan 'das byang chub sems dpa' byang chub sems dpa' zhes bgyi ba de'i gzhi'i don gang lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu byang chub sems dpa'i gzhi'i don ni gzhi med pa'i don to/ /de ci'i phyir zhe na/ shA ra dwa ti'i bu byang chub sems dpa'i gzhi'i don gyi bdag nyid med pa'i phyir te/ de lta bas na byang chub sems dpa'i gzhi'i don ni gzhi med pa'i don to/ /shA ra dwa ti'i bu dper na nam mkha' la bya rnams kyi rjes med do/ /de bzhin du byang chub sems dpa'i gzhi'i don med do/ /shA ra dwa ti'i bu dper na rmi lam la gzhi med do/ /shA ra dwa ti'i bu de bzhin du byang chub sems dpa'i gzhi'i don med do/ /shA ra dwa ti'i bu dper na/ sgyu ma la gzhi med do/ /shA ra dwa ti'i bu de bzhin du byang chub sems dpa'i gzhi'i don med do/ /shA ra dwa ti'i bu dper na smig rgyu la gzhi med do/ /shA ra dwa ti'i bu de bzhin du byang chub sems dpa'i gzhi'i don med do/ /de bzhin du brag cha dang / mig yor dang / chu zla dang / de bzhin gshegs pa'i sprul pa la gzhi'i don med do/ /shA ra dwa ti'i bu de bzhin du byang chub sems dpa'i gzhi'i don med do/ /shA ra dwa ti'i bu dper na/ de bzhin nyid la gzhi med do/ /de bzhin du ma nor ba de bzhin nyid dang / chos nyid dang / chos kyi dbyings dang / chos skyon med pa nyid la gzhi med do/ /shA ra dwa ti'i bu de bzhin du byang chub sems dpa'i gzhi'i don med do/ /shA ra dwa ti'i bu dper na yang dag pa'i mtha' la gzhi med do/ /shA ra dwa ti'i bu de bzhin du byang chub sems dpa'i gzhi'i don med do/ /shA ra dwa ti'i bu dper na sgyu ma'i skyes bu'i gzugs kyi phung po la gzhi med do/ /de bzhin du tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po la gzhi med do/ /shA ra dwa ti'i bu de bzhin du byang chub sems dpa'i gzhi'i don med do/ /shA ra dwa ti'i bu dper na sgyu ma'i skyes bu'i mig la gzhi med do/ /de bzhin du yid kyi bar la gzhi med do/ /de bzhin du sbyar te/ gzugs kyi skye mched la gzhi med pa nas/ chos kyi skye mched kyi bar la gzhi med do/ /shA ra dwa ti'i bu de bzhin du byang chub sems dpa'i gzhi'i don med do/ /shA ra dwa ti'i bu dper na sgyu ma'i skyes bu nang stong pa nyid la spyod pa la gzhi med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol tu phyin pa la gnas pa'i byang chub sems dpa'i gzhi'i don med do/ /de bzhin du sbyar te/ sgyu ma'i skyes bu dngos po med pa'i ngo bo nyid stong pa nyid kyi bar la spyod pa la gzhi med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol tu phyin pa la gnas pa'i byang chub sems dpa'i gzhi'i don med do/ /shA ra dwa ti'i bu dper na sgyu ma'i skyes bu de bzhin gshegs pa'i stobs bcu la spyod pa la gzhi med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i gzhi'i don med do/ /de bzhin du sbyar te/ sangs rgyas kyi chos ma 'dres pa bcwa brgyad kyi bar la spyod pa la gzhi med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol tu phyin pa la gnas pa'i byang chub sems dpa'i gzhi'i don med do/ /shA ra dwa ti'i bu dper na de bzhin gshegs pa dgra bcom pa yang dag par rdzogs pa'i sangs rgyas kyi gzugs la gzhi'i don med do/ /de bzhin du tshor ba dang / 'du shes dang / 'du byed rnams dang / rnam par shes pa la gzhi med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol du phyin pa la gnas pa'i byang chub sems dpa'i gzhi'i don med do/ /shA ra dwa ti'i bu dper na de bzhin gshegs pa dgra bcom pa yang dag par rdzogs pa'i sangs rgyas kyi mig la gzhi'i don med do/ /de bzhin du yid kyi bar la gzhi'i don med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol tu phyin pa la gnas pa'i byang chub sems dpa'i gzhi'i don med do/ /shA ra dwa ti'i bu dper na de bzhin gshegs pa dgra bcom pa yang dag par rdzogs pa'i sangs rgyas kyi nang stong pa nyid la spyod pa la gzhi'i don med do/ /de bzhin du sbyar te/ dngos po med pa'i ngo bo nyid stong pa nyid kyi bar la spyod pa la gzhi'i don med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol tu phyin pa la gnas pa'i byang chub sems dpa'i gzhi'i don med do/ /shA ra dwa ti'i bu dper na de bzhin gshegs pa dgra bcom pa yang dag par rdzogs pa'i sangs rgyas kyi dran pa nye bar gzhag pa rnams la gzhi med do/ /de bzhin du sbyar te/ sangs rgyas kyi chos ma 'dres pa bcwa brgyad kyi bar la yang gzhi med do/ / shA ra dwa ti'i bu de bzhin du byang chub sems dpa' sems dpa' chen po shes rab kyi pha rol du phyin pa la gnas pa'i byang chub sems dpa'i gzhi'i don med do/ /shA ra dwa ti'i bu dper na 'dus byas kyi khams la/ 'dus ma byas kyi khams kyi gzhi med do/ /'dus ma byas kyi khams la/ 'dus byas kyi khams kyi gzhi med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol du phyin pa la gnas pa'i byang chub sems dpa'i gzhi'i don med do/ /shA ra dwa ti'i bu dper na skye ba med pa la gzhi med do/ /de bzhin du 'gag pa med pa dang / mngon par 'du byed pa med pa dang / 'byung ba med pa dang / dmigs su med pa dang / kun nas nyon mongs pa med pa dang / rnam par byang ba med pa la gzhi med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol du phyin pa la gnas pa'i byang chub sems dpa'i gzhi'i don med do/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das gang gi skye ba ma mchis pa la gzhi ma mchis pa lags/ gang gi kun nas nyon mongs pa ma mchis pa'i bar la gzhi ma mchis pa lags/ gang gi rnam par byang ba ma mchis pa'i bar la gzhi ma mchis pa lags/ bcom ldan 'das kyis bka' stsal pa/ shA ra dwa ti'i bu gzugs kyi skye ba med pa la gzhi med do/ /de bzhin du tshor ba dang / 'du shes dang / 'du byed rnams dang / rnam par shes pa'i skye ba med pa la gzhi med do/ /de bzhin du sbyar te/ gzugs kyi kun nas nyon mongs pa med pa dang / rnam par byang ba med pa'i bar la gzhi med do/ /de bzhin du tshor ba dang / 'du shes dang / 'du byed rnams dang / rnam par shes pa'i kun nas nyon mongs pa med pa dang / rnam par byang ba med pa la gzhi med do/ /shA ra dwa ti'i bu mig gi skye ba med pa dang / kun nas nyon mongs pa med pa dang / rnam par byang ba med pa la gzhi med do/ /de bzhin du rna ba dang / sna dang lce dang lus kyi skye ba med pa dang / kun nas nyon mongs pa med pa dang / rnam par byang ba med pa la gzhi med do/ /de bzhin du sbyar te/ yid kyi bar gyi skye ba med pa dang / kun nas nyon mongs pa med pa dang / rnam par byang ba med pa la gzhi med do/ /de bzhin du mig gi khams kyi skye ba med pa dang / kun nas nyon mongs pa med pa dang / rnam par byang ba med pa la gzhi med do/ /de bzhin du sbyar te/ yid kyi rnam par shes pa'i khams kyi bar gyi skye ba med pa dang / kun nas nyon mongs pa med pa dang / rnam par byang ba med pa la gzhi med do/ /de bzhin du dran pa nye bar gzhag pa rnams kyi skye ba med pa dang / kun nas nyon mongs pa med pa dang / rnam par byang ba med pa la gzhi med do/ /de bzhin du sbyar te/ 'phags pa'i lam yan lag brgyad pa'i bar gyi skye ba med pa dang / kun nas nyon mongs pa med pa dang / rnam par byang ba med pa la gzhi med do/ /shA ra dwa ti'i bu dper na de bzhin gshegs pa'i stobs bcu'i skye ba med pa dang / kun nas nyon mongs pa med pa dang / rnam par byang ba med pa la gzhi med do/ /de bzhin du sbyar te/ sangs rgyas kyi chos ma 'dres pa bcwa brgyad kyi bar dag gi skye ba med pa dang / kun nas nyon mongs pa med pa dang / rnam par byang ba med pa la gzhi med do/ /shA ra dwa ti'i bu de ltar na byang chub sems dpa' sems dpa' chen po shes rab kyi pha rol tu phyin pa la gnas pa'i byang chub sems dpa'i gzhi'i don med pa yin no/ /shA ra dwa ti'i bu dper na dran pa nye bar gzhag pa rnams shin du rnam par dag pa la gzhi med do/ /de bzhin du sbyar te/ 'phags pa'i lam yan lag brgyad pa'i bar shin du rnam par dag pa la gzhi med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol tu phyin pa la gnas pa'i byang chub sems dpa'i gzhi'i don med do/ / 'phags pa shes rab kyi pha rol tu phyin pa khri pa/ bam po drug pa/ shA ra dwa ti'i bu dper na/ de bzhin gshegs pa'i stobs bcu shin du rnam par dag pa la gzhi med do/ /de bzhin du sbyar te/ sangs rgyas kyi chos ma 'dres pa bcwa brgyad shin du rnam par dag pa la gzhi med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol du phyin pa la gnas pa'i byang chub sems dpa'i gzhi'i don med do/ /shA ra dwa ti'i bu dper na bdag med pa nyid kyi phyir bdag shin du rnam par dag pa la gzhi med do/ /de bzhin du sbyar te/ shes pa po dang / mthong ba po'i bar du med pa'i phyir sems can dang / srog dang / gso ba dang / gang zag dang / shed las skyes dang / shed bu dang / byed du 'jug pa po dang / byed pa po dang / slong ba po dang / kun nas slong ba po dang / tshor ba po dang / tshor bar byed pa po dang / shes pa po dang / mthong ba po rnams shin du rnam par dag pa la gzhi med do/ / shA ra dwa ti'i bu de bzhin du byang chub sems dpa' sems dpa' chen po shes rab kyi pha rol du phyin pa la gnas pa'i byang chub sems dpa'i gzhi'i don med do/ /shA ra dwa ti'i bu dper na nyi ma'i dkyil 'khor 'char ba la mun pa'i gzhi med do/ / shA ra dwa ti'i bu de bzhin du byang chub sems dpa' sems dpa' chen po shes rab kyi pha rol du phyin pa la gnas pa'i byang chub sems dpa'i gzhi'i don med do/ /shA ra dwa ti'i bu de bzhin du bsreg pa'i bskal pa 'byung ba na 'du byed du gtogs pa thams cad kyi gzhi med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol tu phyin pa la gnas pa'i byang chub sems dpa'i gzhi'i don med do/ /shA ra dwa ti'i bu dper na de bzhin gshegs pa dgra bcom pa yang dag par rdzogs pa'i sangs rgyas kyi tshul khrims kyi phung po la 'chal ba'i tshul khrims kyi gzhi med do/ /de bzhin du ting nge 'dzin gyi phung po la sems rnam par g.yeng ba'i gzhi med do/ /de bzhin du shes rab kyi phung po la 'chal ba'i shes rab kyi gzhi med do/ /de bzhin du rnam par grol ba'i phung po la yang rnam par ma grol ba'i gzhi med do/ /de bzhin du rnam par grol ba'i ye shes mthong ba'i phung po la yang rnam par grol ba'i ye shes mthong ba ma yin pa'i gzhi med do/ / shA ra dwa ti'i bu de bzhin du byang chub sems dpa' sems dpa' chen po shes rab kyi pha rol du phyin pa la gnas pa'i byang chub sems dpa'i gzhi'i don med do/ /shA ra dwa ti'i bu dper na de bzhin gshegs pa'i 'od dang / zla ba dang nyi ma'i 'od la gzhi med do/ /de bzhin du sbyar te/ sum bcu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams dang / de bzhin du tshangs ris nas gnas gtsang ma'i bar gyi lha rnams kyi 'od la gzhi med do/ /shA ra dwa ti'i bu de bzhin du byang chub sems dpa' sems dpa' chen po shes rab kyi pha rol du phyin pa la gnas pa'i byang chub sems dpa'i gzhi'i don med do/ /de ci'i phyir zhe na/ shA ra dwa ti'i bu byang chub gang yin pa dang / byang chub sems dpa'i gzhi'i don gang yin pa'i chos de dag thams cad ni ldan pa yang ma yin/ mi ldan pa yang ma yin/ gzugs med pa/ bstan du med pa/ thogs pa med pas ste/ 'di lta ste/ mtshan nyid med par mtshan nyid gcig pa yin pas/ shA ra dwa ti'i bu byang chub sems dpa' sems dpa' chen pos chos thams cad la ma chags par bslab par bya'o/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ / btsun pa bcom ldan 'das gal te byang chub gang lags pa dang / byang chub sems dpa'i gzhi'i don gang lags pa'i chos de dag thams cad ni ldan pa yang ma lags/ mi ldan pa yang ma lags/ gzugs ma mchis pa/ bstan du ma mchis pa/ thogs pa ma mchis pa/ 'di lta ste/ mtshan nyid ma mchis par mtshan nyid gcig pa lags na/ 'o na la la zhig 'di skad du 'dri ste/ gal te chos thams cad ni ldan pa yang ma yin/ mi ldan pa yang ma yin/ gzugs med pa/ bstan du med pa/ thogs pa med pa ste/ 'di lta ste/ mtshan nyid med par mtshan nyid gcig pa yin na/ ci sgyu ma'i skyes bu 'di shes rab kyi pha rol du phyin pa la bslabs nas/ rnam pa thams cad mkhyen pa nyid du nges par 'byung bar 'gyur ram zhes de skad du dris na/ de la bdag gis lan ji skad du gdab par bgyi/ de bzhin du ci sgyu ma'i skyes bu 'di bsam gtan gyi pha rol du phyin pa la bslabs/ brtson 'grus kyi pha rol du phyin pa la bslabs/ bzod pa'i pha rol tu phyin pa la bslabs/ tshul khrims kyi pha rol du phyin pa la bslabs/ sbyin pa'i pha rol du phyin pa la bslabs nas/ rnam pa thams cad mkhyen pa nyid du nges par 'byung bar 'gyur ram/ de bzhin du ci sgyu ma'i skyes bu 'di dran pa nye bar gzhag pa rnams la bslabs nas/ rnam pa thams cad mkhyen pa nyid du nges par 'byung bar 'gyur ram/ de bzhin du sbyar te/ ci sgyu ma'i skyes bu 'di 'phags pa'i lam yan lag brgyad pa'i bar la bslabs nas/ rnam pa thams cad mkhyen pa nyid du nges par 'byung bar 'gyur ram/ de bzhin du ci sgyu ma'i skyes bu 'di de bzhin gshegs pa'i stobs bcu la bslabs nas/ rnam pa thams cad mkhyen pa nyid du nges par 'byung bar 'gyur ram/ de bzhin du sbyar te/ ci sgyu ma'i skyes bu 'di sangs rgyas kyi chos ma 'dres pa bcwa brgyad kyi bar la bslabs nas/ rnam pa thams cad mkhyen pa nyid du nges par 'byung bar 'gyur ram zhes bgyi ba nas/ ci sgyu ma'i skyes bu 'di thams cad mkhyen pa'i ye shes la bslabs nas/ rnam pa thams cad mkhyen pa nyid du nges par 'byung bar 'gyur ram zhes dris na/ btsun pa bcom ldan 'das de la bdag gis lan ji skad gdab par bgyi/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de'i phyir khyod nyid la dris/ khyod kyis ji ltar bzod pa de ltar lan thob shig /shA ra dwa ti'i bu 'di ji snyam du sems/ gzugs kyang gzhan la/ sgyu ma yang gzhan zhig yin snyam 'am/ de bzhin du tshor ba dang / 'du shes dang / 'du byed rnams dang / rnam par shes pa yang gzhan la sgyu ma yang gzhan zhig yin snyam 'am/ shA ra dwa ti'i bu 'di ji snyam du sems/ dran pa nye bar gzhag pa rnams kyang gzhan la/ sgyu ma yang gzhan zhig yin snyam 'am/ de bzhin du sbyar te/ 'phags pa'i lam yan lag brgyad pa'i bar yang gzhan la/ sgyu ma yang gzhan zhig yin snyam 'am/ shA ra dwa ti'i bu 'di ji snyam du sems/ de bzhin gshegs pa'i stobs bcu yang gzhan la/ sgyu ma yang gzhan zhig yin snyam 'am/ de bzhin du sbyar te/ sangs rgyas kyi chos ma 'dres pa bcwa brgyad kyi bar du yang gzhan la sgyu ma yang gzhan stong pa nyid kyang gzhan la/ sgyu ma yang gzhan/ mtshan ma med pa yang gzhan la/ sgyu ma yang gzhan/ smon pa med pa yang gzhan la/ sgyu ma yang gzhan zhig yin snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ byang chub kyang gzhan la/ sgyu ma yang gzhan zhig yin snyam 'am/ gsol pa/ btsun pa bcom ldan 'das ma lags so/ /de ltar na gzugs kyang gzhan la/ sgyu ma yang gzhan ma yin te/ sgyu ma nyid gzugs yin la/ gzugs nyid sgyu ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang gzhan la/ sgyu ma yang gzhan ma yin te/ rnam par shes pa nyid sgyu ma yin la/ sgyu ma nyid rnam par shes pa yin no/ /de bzhin du mig kyang gzhan la/ sgyu ma yang gzhan ma yin te/ mig nyid sgyu ma yin la/ sgyu ma nyid mig yin no/ /de bzhin du yid kyi bar dang / de bzhin du sbyar te/ mig gi 'dus te reg pa'i rkyen gyis tshor ba'i bar yang gzhan la/ sgyu ma yang gzhan ma yin te/ sgyu ma nyid mig gi 'dus te reg pa'i rkyen gyis tshor ba yin la/ mig gi 'dus te reg pa'i rkyen gyis tshor ba nyid sgyu ma yin no/ /yid kyi 'dus te reg pa'i rkyen gyis tshor ba'i bar yang gzhan la/ sgyu ma yang gzhan ma yin te/ sgyu ma nyid yid kyi 'dus te reg pa'i rkyen gyis tshor ba yin la/ yid kyi 'dus te reg pa'i rkyen gyis tshor ba nyid sgyu ma yin no/ /de bzhin du dran pa nye bar gzhag pa rnams kyang gzhan la/ sgyu ma yang gzhan ma yin te/ sgyu ma nyid dran pa nye bar gzhag pa rnams yin la/ dran pa nye bar gzhag pa rnams nyid sgyu ma yin no/ /de bzhin du sbyar te/ 'phags pa'i lam yan lag brgyad pa'i bar du yang gzhan la/ sgyu ma yang gzhan ma yin te/ sgyu ma nyid 'phags pa'i lam yan lag brgyad pa yin la/ 'phags pa'i lam yan lag brgyad pa nyid sgyu ma yin no/ /de bzhin du de bzhin gshegs pa'i stobs bcu yang gzhan la/ sgyu ma yang gzhan ma yin te/ sgyu ma nyid de bzhin gshegs pa'i stobs bcu yin la/ de bzhin gshegs pa'i stobs bcu nyid sgyu ma yin no/ /de bzhin du rnam par thar pa'i sgo rnams kyang gzhan la/ sgyu ma yang gzhan ma yin te/ sgyu ma nyid rnam par thar pa'i sgo rnams yin la/ rnam par thar pa'i sgo rnams nyid sgyu ma yin no/ /de bzhin du sbyar te/ sangs rgyas kyi chos ma 'dres pa bcwa brgyad kyi bar du yang gzhan la/ sgyu ma yang gzhan ma yin te/ sgyu ma nyid sangs rgyas kyi chos ma 'dres pa bcwa brgyad yin la/ sangs rgyas kyi chos ma 'dres pa bcwa brgyad nyid sgyu ma yin no/ /bcom ldan 'das kyis bka' stsal pa/ shA ra dwa ti'i bu 'di ji snyam du sems/ 'o na sgyu ma de la kun nas nyon mongs pa 'am/ rnam par byang ba dmigs snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ 'o na sgyu ma la skye ba 'am/ 'gag pa yod snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ gang la kun nas nyon mongs pa med pa dang rnam par byang ba med pa dang / skye ba med pa dang / 'gag pa mi snang ba de shes rab kyi pha rol du phyin pa la bslabs nas/ rnam pa thams cad mkhyen pa nyid du nges par 'byung bar 'gyur snyam 'am/ rnam pa thams cad mkhyen pa nyid kyi bar du rjes su 'thob par 'gyur snyam 'am/ gsol pa/ btsun pa bcom ldan 'das ma lags so/ /shA ra dwa ti'i bu 'di ji snyam du sems/ 'di lta ste/ byang chub sems dpa' zhes bya ba'i ming dang / brda dang / gdags pa dang tha snyad 'di nye bar len pa'i phung po lnga po rnams la 'dogs sam/ gsol pa/ btsun pa bcom ldan 'das de de lta lags so/ /shA ra dwa ti'i bu 'di ji snyam du sems/ gang la ming med pa dang / brda med pa dang / btags pa med pa dang / tha snyad med pa dang / ming du gdags pa med pa dang / lus med pa dang / lus kyi las med pa dang / ngag med pa dang / ngag gi las med pa dang / yid med pa dang / yid kyi las med pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa de shes rab kyi pha rol du phyin pa la bslabs nas/ rnam pa thams cad mkhyen pa nyid du nges par 'byung bar 'gyur snyam 'am/ gsol pa/ btsun pa bcom ldan 'das ma lags so/ /bka' stsal pa/ shA ra dwa ti'i bu byang chub sems dpa' sems dpa' chen po de ltar mi dmigs pa'i tshul gyis shes rab kyi pha rol du phyin pa la bslabs nas/ rnam pa thams cad mkhyen pa nyid du nges par 'byung bar 'gyur ro/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po shes rab kyi pha rol du phyin pa la de ltar spyod pa/ bla na med pa yang dag par rdzogs pa'i byang chub tu nges par 'byung bar 'tshal bas/ rtag tu sgyu ma'i skyes bu ltar bslabs par bgyi lags so/ /de ci'i slad du zhe na/ btsun pa bcom ldan 'das 'di ltar 'di lta ste/ nye bar len pa'i phung po lnga po dag /sgyu ma'i skyes bu lta bur rig par bgyi ba'i slad du'o/ /shA ra dwa ti'i bu 'di ji snyam du sems/ 'o na nye bar len pa'i phung po lnga po 'di dag shes rab kyi pha rol du phyin pa la bslabs nas/ rnam pa thams cad mkhyen pa nyid du nges par 'byung bar 'gyur snyam 'am/ gsol pa/ btsun pa bcom ldan 'das ma lags so/ /de ci'i slad du zhe na/ btsun pa bcom ldan 'das 'di ltar phung po lnga po dag ni dngos po ma mchis pa'i ngo bo nyid lags la/ dngos po ma mchis pa'i ngo bo nyid de yang dmigs su ma mchis pa'i slad du'o/ /bka' stsal pa/ shA ra dwa ti'i bu 'di ji snyam du sems/ rmi lam lta bu'i nye bar len pa'i phung po lnga po dag shes rab kyi pha rol du phyin pa la bslabs nas/ rnam pa thams cad mkhyen pa nyid du nges par 'byung bar 'gyur snyam 'am/ gsol pa/ btsun pa bcom ldan 'das ma lags so/ /de ci'i slad du zhe na/ btsun pa bcom ldan 'das 'di ltar rmi lam ni dngos po ma mchis pa'i ngo bo nyid lags la/ dngos po ma mchis pa'i ngo bo nyid de yang dmigs su ma mchis pa'i slad du'o/ / bka' stsal pa/ shA ra dwa ti'i bu 'di ji snyam du sems/ phung po lnga po dag brag cha lta bu yin snyam 'am/ de bzhin du mig yor lta bu dang / smig rgyu lta bu dang / sprul pa lta bu yin snyam 'am/ gsol pa/ btsun pa bcom ldan 'das de lta lags so/ /bka' stsal pa/ shA ra dwa ti'i bu 'di ji snyam du sems/ ci phung po lnga po 'di dag shes rab kyi pha rol du phyin pa la bslabs nas rnam pa thams cad mkhyen pa nyid du nges par 'byung bar 'gyur snyam 'am/ gsol pa/ btsun pa bcom ldan 'das ma lags so/ /de ci'i slad du zhe na/ btsun pa bcom ldan 'das 'di ltar gzugs ni sgyu ma lta bu lags shing / de bzhin du tshor ba dang / 'du shes dang 'du byed rnams dang / rnam par shes pa ni sgyu ma lta bu lags la/ rnam par shes pa gang lags pa de ni dbang po drug lags la/ dbang po drug gang lags pa de ni nye bar len pa'i phung po lnga po rnams lags pa'i slad du'o/ /btsun pa bcom ldan 'das gzugs ni rmi lam lta bu lags la/ de bzhin du tshor ba dang 'du shes dang / 'du byed rnams dang / rnam par shes pa ni rmi lam lta bu lags te/ rnam par shes pa gang lags pa de ni dbang po drug lags la/ dbang po drug gang lags pa de ni nye bar len pa'i phung po lnga po dag lags te/ de dag kyang nang stong pa nyid la mi dmigs/ dngos po med pa'i ngo bo nyid stong pa nyid kyi bar la yang mi dmigs lags so/ /btsun pa bcom ldan 'das 'o na byang chub sems dpa' theg pa la gsar du zhugs pas/ shes rab kyi pha rol du phyin pa bstan pa 'di thos na skrag cing dngang la/ dngang bar mi 'gyur lags sam/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu gal te byang chub sems dpa' sems dpa' chen po theg pa la gsar du yang dag par zhugs pas/ shes rab kyi pha rol du phyin pa la thabs la mkhas pa yang ma yin/ dge ba'i bshes gnyen gyi lag tu song ba yang ma yin na/ skrag cing dngang la dngang bar 'gyur ro/ /gsol pa/ btsun pa bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa/ gang la spyod na byang chub sems dpa' sems dpa' chen po shes rab kyi pha rol tu phyin pa bstan pa 'di thos nas/ mi skrag mi dngang zhing dngang bar mi 'gyur ba'i thabs la mkhas pa gang lags/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa na/ rnam pa thams cad mkhyen pa nyid dang ldan pa'i sems kyis gzugs mi rtag ces bya ba'i rnam par so sor rtog ste/ de yang mi dmigs la/ de bzhin du rnam pa thams cad mkhyen pa nyid dang ldan pa'i sems kyis tshor ba dang / 'du shes dang 'du byed rnams dang / rnam par shes pa mi rtag ces bya ba'i rnam par so sor rtog cing de yang mi dmigs te/ shA ra dwa ti'i bu 'di ni byang chub sems dpa' sems dpa' chen po shes rab kyi pha rol tu phyin pa la spyod pa'i thabs la mkhas pa yin no/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa na/ rnam pa thams cad mkhyen pa nyid dang ldan pa'i sems kyis gzugs sdug bsngal ba'i rnam par so sor rtog ste/ de yang mi dmigs de bzhin du tshor ba dang 'du shes dang / 'du byed rnams dang / rnam par shes pa sdug bsngal ba'i rnam par so sor rtog ste/ de yang mi dmigs de bzhin du sbyar te gzugs bdag med pa'i rnam par so sor rtog ste/ de yang mi dmigs/ de bzhin du tshor ba dang / 'du shes dang / 'du byed rnams dang / rnam par shes pa bdag med pa'i rnam par so sor rtog ste/ de yang mi dmigs/ gzugs stong pa'i rnam par so sor rtog ste/ de yang mi dmigs/ de bzhin du tshor ba dang / 'du shes dang / 'du byed rnams dang / rnam par shes pa stong pa'i rnam par so sor rtog ste/ de yang mi dmigs/ gzugs mtshan ma med pa'i rnam par so sor rtog ste/ de yang mi dmigs/ de bzhin du tshor ba dang / 'du shes dang / 'du byed rnams dang / rnam par shes pa mtshan ma med pa'i rnam par so sor rtog ste/ de yang mi dmigs/ gzugs smon pa med pa'i rnam par so sor rtog ste/ de yang mi dmigs/ de bzhin du tshor ba dang / 'du shes dang / 'du byed rnams dang / rnam par shes pa smon pa med pa'i rnam par so sor rtog ste/ de yang mi dmigs/ gzugs zhi ba'i rnam par so sor rtog ste/ de yang mi dmigs/ de bzhin du tshor ba dang / 'du shes dang / 'du byed rnams dang / rnam par shes pa zhi ba'i rnam par so sor rtog ste/ de yang mi dmigs/ gzugs dben pa'i rnam par so sor rtog ste/ de yang mi dmigs/ de bzhin du tshor ba dang / 'du shes dang / 'du byed rnams dang / rnam par shes pa dben pa'i rnam par so sor rtog ste/ de yang mi dmigs/ gzugs rnam par byang ba'i rnam par so sor rtog ste/ de yang mi dmigs/ de bzhin du tshor ba dang / 'du shes dang / 'du byed rnams dang / rnam par shes pa rnam par byang ba'i rnam par so sor rtog ste/ de yang mi dmigs/ gzugs skye ba med pa'i rnam par so sor rtog ste/ de yang mi dmigs/ de bzhin du tshor ba dang / 'du shes dang / 'du byed rnams dang / rnam par shes pa skye ba med pa'i rnam par so sor rtog ste/ de yang mi dmigs/ gzugs 'gag pa med pa'i rnam par so sor rtog ste/ de yang mi dmigs/ de bzhin du tshor ba dang / 'du shes dang / 'du byed rnams dang / rnam par shes pa 'gag pa med pa'i rnam par so sor rtog ste de yang mi dmigs/ gzugs dngos po med pa'i rnam par so sor rtog ste/ de yang mi dmigs/ de bzhin du tshor ba dang / 'du shes dang / 'du byed rnams dang / rnam par shes pa dngos po med pa'i rnam par so sor rtog ste/ de yang mi dmigs pa ste/ shA ra dwa ti'i bu de ni byang chub sems dpa' sems dpa' chen po shes rab kyi pha rol du phyin pa la spyod pa'i thabs la mkhas pa yin no/ /shA ra dwa ti'i bu byang chub sems dpa' sems dpa' chen po de de ltar so sor rtog cing / gang gi tshe sems can thams cad la gzugs dang / de bzhin du rnam par shes pa'i bar du mi rtag ces bya bar chos ston cing / de yang mi dmigs pa'i tshul gyis ston pa dang / gzugs dang de bzhin du rnam par shes pa'i bar du sdug bsngal zhes bya bar chos ston cing / de yang mi dmigs pa'i tshul gyis ston pa dang / gzugs dang de bzhin du rnam par shes pa'i bar du bdag med ces bya bar chos ston cing / de yang mi dmigs pa'i tshul gyis ston pa dang / gzugs dang / de bzhin du rnam par shes pa'i bar du stong zhes bya bar chos ston cing / de yang mi dmigs pa'i tshul gyis ston pa dang / gzugs dang / de bzhin du rnam par shes pa'i bar du mtshan ma med ces bya bar chos ston cing / de yang mi dmigs pa'i tshul gyis ston pa dang / gzugs dang / de bzhin du rnam par shes pa'i bar du smon pa med ces bya bar chos ston cing / de yang mi dmigs pa'i tshul gyis ston pa dang / gzugs dang / de bzhin du rnam par shes pa'i bar du zhi zhes bya bar chos ston cing / de yang mi dmigs pa'i tshul gyis ston pa dang / gzugs dang / de bzhin du rnam par shes pa'i bar du dben zhes bya bar chos ston cing / de yang mi dmigs pa'i tshul gyis ston pa dang / gzugs dang / de bzhin du rnam par shes pa'i bar du skye ba med ces bya bar chos ston cing / de yang mi dmigs pa'i tshul gyis ston pa dang / gzugs dang / de bzhin du rnam par shes pa'i bar du 'gag pa med ces bya bar chos ston cing de yang mi dmigs pa'i tshul gyis ston pa dang / gzugs dang / de bzhin du rnam par shes pa'i bar du dngos po med ces bya bar chos ston cing / de yang mi dmigs pa'i tshul gyis ston pa de ni/ shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i sbyin pa'i pha rol du phyin pa'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ nyan thos dang / rang sangs rgyas dang ldan pa'i yid la byed pa dag gis gzugs dang / de bzhin du rnam par shes pa'i bar du mi rtag ces bya bar yid la mi byed de/ de yang mi dmigs pa'i tshul gyis so/ /gzugs dang / de bzhin du rnam par shes pa'i bar du sdug bsngal zhes bya bar yid la mi byed de/ de yang mi dmigs pa'i tshul gyis so/ /de bzhin du sbyar te/ nyan thos dang / rang sangs rgyas dang ldan pa'i yid la byed pa dag gis gzugs bdag med ces bya ba dang / stong zhes bya ba dang / mtshan ma med ces bya ba dang / smon pa med ces bya ba dang / zhi zhes bya ba dang / dben zhes bya ba dang / rnam par byang zhes bya ba dang / skye ba med ces bya ba dang / 'gag pa med ces bya ba dang / dngos po med ces bya ba'i bar du yid la mi byed de/ de yang mi dmigs pa'i tshul gyis so/ /de bzhin du nyan thos dang / rang sangs rgyas kyi yid la byed pa dang ldan pa dag gis tshor ba dang / 'du shes dang / 'du byed rnams dang / rnam par shes pa bdag med ces bya ba dang / stong zhes bya ba dang / mtshan ma med ces bya ba dang / smon pa med ces bya ba dang / zhi zhes bya ba dang / dben zhes bya ba dang / rnam par byang zhes bya ba dang / skye ba med ces bya ba dang / 'gag pa med ces bya ba dang / dngos po med ces bya bar yid la mi byed cing / de yang mi dmigs pa'i tshul gyis te/ shA ra dwa ti'i bu de ni byang chub sems dpa' sems dpa' chen po shes rab kyi pha rol du phyin pa la spyod pa'i tshul khrims kyi pha rol du phyin pa la mchog tu 'dzin pa med pa yin no/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa/ gzugs dang / tshor ba dang / 'du shes dang / 'du byed rnams dang / rnam par shes pa mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam pa dang / zhi ba'i rnam pa dang / dben pa'i rnam pa dang / rnam par byang ba'i rnam pa dang / skye ba med pa'i rnam pa dang / 'gag pa med pa'i rnam pa dang / dngos po med pa'i rnam par so sor rtog cing bzod la 'dod pa gang yin pa de ni byang chub sems dpa' sems dpa' chen po shes rab kyi pha rol du phyin pa la spyod pa'i mi 'khrug pa'i bzod pa'i pha rol du phyin pa yin no/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ rnam pa thams cad mkhyen pa nyid dang ldan pa'i yid la byed pa dag gis gzugs la mi rtag pa'i rnam par so sor rtog ste/ de yang mi dmigs pa'i tshul gyis so/ /de bzhin du sdug bsngal ba'i rnam pa dang / bdag med pa'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam pa dang / zhi ba'i rnam pa dang / dben pa'i rnam pa dang / rnam par byang ba'i rnam pa dang / skye ba med pa'i rnam pa dang / 'gag pa med pa'i rnam pa dang / dngos po med pa'i rnam par so sor rtog ste/ de yang mi dmigs pa'i tshul gyis so/ /de bzhin du tshor ba dang / 'du shes dang / 'du byed rnams dang / rnam par shes pa la mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam pa dang / zhi ba'i rnam pa dang / dben pa'i rnam pa dang / rnam par byang ba'i rnam pa dang skye ba med pa'i rnam pa dang / 'gag pa med pa'i rnam pa dngos po med pa'i rnam par so sor rtog ste/ de yang mi dmigs pa'i tshul gyis rtog la/ rnam pa thams cad mkhyen pa nyid dang ldan pa'i yid la byed pa'i brtson pa mi 'dor ba gang yin pa de ni/ byang chub sems dpa' sems dpa' chen po shes rab kyi pha rol du phyin pa la spyod pa'i brtson 'grus kyi pha rol du phyin pa zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa gzugs la mi rtag pa'i rnam par so sor rtog ste/ de yang mi dmigs pa'i tshul gyis so/ /de bzhin du sdug bsngal ba'i rnam pa dang / bdag med pa'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam pa dang / zhi ba'i rnam pa dang / dben pa'i rnam pa dang / rnam par byang ba'i rnam pa dang / skye ba med pa'i rnam pa dang / 'gag pa med pa'i rnam pa dang / dngos po med pa'i rnam par so sor rtog ste/ de yang mi dmigs pa'i tshul gyis so/ /de bzhin du tshor ba dang / 'du shes dang 'du byed rnams dang / rnam par shes pa la mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam pa dang / zhi ba'i rnam pa dang / dben pa'i rnam pa dang / rnam par byang ba'i rnam pa dang skye ba med pa'i rnam pa dang / 'gag pa med pa'i rnam pa dang / dngos po med pa'i rnam par so sor rtog ste/ de yang mi dmigs pa'i tshul gyis rtog pa dang / nyan thos dang / rang sangs rgyas dang ldan pa'i yid la byed pa dag dang / mi dge ba'i rtsa ba gang dag bla na med pa yang dag par rdzogs pa'i byang chub kyi bar chad byed pa dag gi skabs mi 'byed pa de ni/ shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i bsam gtan gyi pha rol du phyin pa yin no/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ 'di ltar so sor rtog ste/ gzugs kyi stong pa nyid kyis gzugs stong ste/ gzugs nyid kyang stong pa nyid do/ /stong pa nyid kyang gzugs so/ /de bzhin du tshor ba dang / 'du shes dang / 'du byed rnams dang / rnam par shes pa'i stong pa nyid kyis rnam par shes pa stong ste/ rnam par shes pa nyid kyang stong pa nyid do/ /stong pa nyid kyang rnam par shes pa'o/ /de bzhin du mig gi stong pa nyid kyis mig stong ste/ mig nyid kyang stong pa nyid do/ /stong pa nyid kyang mig go/ /de bzhin du rna ba dang / sna dang lce dang lus dang / yid kyi stong pa nyid kyis yid stong ste/ yid nyid kyang stong pa nyid do/ /stong pa nyid kyang yid do/ /de bzhin du sbyar te mig gi 'dus te reg pa'i rkyen gyis tshor ba'i bar gyi stong pa nyid kyis/ mig gi 'dus te reg pa'i rkyen gyis tshor ba stong ste/ mig gi 'dus te reg pa'i rkyen gyis tshor ba nyid kyang stong pa nyid do/ /stong pa nyid kyang mig gi 'dus te reg pa'i rkyen gyis tshor ba'o/ /de bzhin du yid kyi 'dus te reg pa'i rkyen gyis tshor ba'i bar gyi stong pa nyid kyis yid kyi 'dus te reg pa'i rkyen gyis tshor ba stong ste/ yid kyi 'dus te reg pa'i rkyen gyis tshor ba nyid kyang stong pa nyid do/ /stong pa nyid kyang yid kyi 'dus te reg pa'i rkyen gyis tshor ba'o/ /de bzhin du dran pa nye bar gzhag pa'i stong pa nyid kyis dran pa nye bar gzhag pa rnams stong ste/ dran pa nye bar gzhag pa rnams nyid kyang stong pa nyid do/ /stong pa nyid kyang dran pa nye bar gzhag pa rnams so/ /'phags pa'i lam yan lag brgyad pa'i bar gyi stong pa nyid kyis/ 'phags pa'i lam yan lag brgyad pa stong ste/ 'phags pa'i lam yan lag brgyad pa nyid kyang stong pa nyid do/ /stong pa nyid kyang 'phags pa'i lam yan lag brgyad pa'o de bzhin du de bzhin gshegs pa'i stobs bcu'i stong pa nyid kyis de bzhin gshegs pa'i stobs bcu stong ste/ de bzhin gshegs pa'i stobs bcu nyid kyang stong pa nyid do/ /stong pa nyid kyang de bzhin gshegs pa'i stobs bcu'o/ /de bzhin du sbyar te/ sangs rgyas kyi chos ma 'dres pa bcwa brgyad kyi bar gyi stong pa nyid kyis sangs rgyas kyi chos rnams stong ste/ sangs rgyas kyi chos rnams nyid kyang stong pa nyid do/ /stong pa nyid kyang sangs rgyas kyi chos rnams so zhes so sor rtog go/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das shes rab kyi pha rol du phyin pa 'di ni zab pa lags te/ theg pa la gsar du yang dag par zhugs pa'i byang chub sems dpa' sems dpa' chen pos shes rab kyi pha rol du phyin pa bstan pa 'di thos nas skrag cing / dngang la dngang bar mi 'gyur lags grang / de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu gal te byang chub sems dpa' sems dpa' chen po dge ba'i rtsa ba dag bskyed pa yang ma yin/ sangs rgyas 'bum phrag mang po la bsnyen bkur byas pa yang ma yin/ dge ba'i rtsa ba mang po'i nye bar rton pas nye bar brtan pa yang ma yin/ dge ba'i bshes gnyen gyis yongs su zin pa yang ma yin/ rgya chen po la mos pa yang ma yin/ lus dang yid kyi gnas ngan len dang bral ba yang ma yin/ dge ba'i rtsa ba 'bar ba dang ldan pa yang ma yin/ de ni shes rab kyi pha rol du phyin pa bstan pa 'di thos na skrag cing dngang la/ dngang bar 'gyur ro/ /de ci'i phyir zhe na/ 'di ltar shes rab kyi pha rol tu phyin pa bstan pa 'di ni dge ba'i rtsa ba ma bskyed pa rnams dang / sangs rgyas 'bum phrag mang po la bsnyen bkur ma byas pa rnams dang / dge ba'i bshes gnyen gyis yongs su ma zin pa rnams dang / mos pa med pa rnams dang / nyan thos dang / rang sangs rgyas kyi theg par lhung ba'i bsam pa can rnams dang / brtson 'grus zhan pa rnams dang / le lo can rnams dang / srid pa'i bde ba mngon par 'dod pa rnams kyi rna lam du ni/ shes rab kyi pha rol du phyin pa bstan pa 'di grag par mi 'gyur ba'i phyir ro/ /shA ra dwa ti'i bu de lta bas na byang chub sems dpa' sems dpa' chen po sbyin pa'i pha rol du phyin pa yongs su rdzogs par byed 'dod pas shes rab kyi pha rol du phyin pa nyid la bslab par bya'o/ /de bzhin du gzugs yongs su shes par 'dod pa dang / de bzhin du tshor ba dang / 'du shes dang / 'du byed rnams dang / rnam par shes pa yongs su shes par 'dod pa dang / de bzhin du mig yongs su shes par 'dod pa dang / de bzhin du yid kyi bar du yongs su shes par 'dod pa dang / de bzhin du gzugs rnams yongs su shes par 'dod pa dang / de bzhin du chos kyi bar du yongs su shes par 'dod pa dang / de bzhin du mig gi khams yongs su shes par 'dod pa dang / de bzhin du sbyar te/ yid kyi rnam par shes pa'i khams kyi bar du yongs su shes par 'dod pa dang / de bzhin du mig gi 'dus te reg pa yongs su shes par 'dod pa dang / mig gi 'dus te reg pa'i rkyen gyis tshor ba yongs su shes par 'dod pa dang / de bzhin du sbyar te/ yid kyi 'dus te reg pa yongs su shes par 'dod pa dang / yid kyi 'dus te reg pa'i rkyen gyis tshor ba'i bar du yongs su shes par 'dod pa'i byang chub sems dpa' sems dpa' chen pos shes rab kyi pha rol du phyin pa kho na la bslabs par bya'o/ /de bzhin du 'dod chags dang / zhe sdang dang / gti mug spang bar 'dod pa dang / 'jig tshogs la lta ba spang bar 'dod pa dang / de bzhin du the tshom dang / tshul khrims dang / brtul zhugs mchog tu 'dzin pa dang / 'dod pa la 'dod chags dang / gnod sems spang bar 'dod pa dang / gzugs kyi 'dod chags dang / gzugs med pa'i 'dod chags dang / ma rig pa dang / nga rgyal dang / rgod pa spang bar 'dod pa dang / kun du sbyor ba dang / bag la nyal ba dang / kun nas ldang ba thams cad spang bar 'dod pas shes rab kyi pha rol du phyin pa kho na la bslab par bya'o/ /de bzhin du zas bzhi yongs su shes par 'dod pa dang / de bzhin du sbyor ba bzhi dang / chu bo bzhi dang / mdud pa bzhi dang / phyin ci log bzhi spang bar 'dod pas shes rab kyi pha rol du phyin pa la bslab par bya'o/ /de bzhin du mi dge ba bcu'i las kyi lam dag spang bar 'dod pa dang / dge ba bcu'i las kyi lam yang dag par bsgrub par 'dod pa dang / rdzogs par byed 'dod pa'i byang chub sems dpa' sems dpa' chen pos shes rab kyi pha rol du phyin pa kho na la bslab par bya'o/ /de bzhin du bsam gtan bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / 'phags pa'i lam yan lag brgyad pa'i bar la bsgom par 'dod pa dang / de bzhin gshegs pa'i stobs bcu dang / sangs rgyas kyi chos ma 'dres pa bcwa brgyad kyi bar dag bsgom par 'dod pa'i byang chub sems dpa' sems dpa' chen pos shes rab kyi pha rol du phyin pa kho na la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sems can thams cad kyi bsam pa yongs su rdzogs par byed par 'dod pa dang / dge ba'i rtsa ba gang dag yongs su rdzogs pas nam yang ngan song gsum po dag tu mi ltung ba dang / rigs dma' ba dag tu yang mi skye ba dang / nyan thos dang / rang sangs rgyas kyi sar yang ltung bar mi 'gyur ba'i dge ba'i rtsa ba de dag yongs su rdzogs par byed par 'dod pas shes rab kyi pha rol du phyin pa kho na la bslab par bya'o/ / shes rab kyi pha rol du phyin pa khri pa las/ bslab pa'i le'u zhes bya ste/ drug pa'o// // de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po de dge ba'i bshes gnyen gang gis yongs su zin na/ de shes rab kyi pha rol du phyin pa 'di bstan pa 'di thos nas/ mi skrag mi dngang zhing dngang bar mi 'gyur la/ nyan thos dang / rang sangs rgyas kyi sar yang mi ltung bar myur du rnam pa thams cad mkhyen pa nyid du nges par 'byung bar 'gyur ba'i dge ba'i bshes gnyen gang lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu 'di la byang chub sems dpa' sems dpa' chen po'i dge ba'i bshes gnyen ni gang gzugs mi rtag ces bya bar chos ston cing / de yang mi dmigs pa'i tshul gyis ston pa dang / de bzhin du tshor ba dang / 'du shes dang / 'du byed rnams dang / rnam par shes pa mi rtag ces bya bar chos ston cing / de yang mi dmigs pa'i tshul gyis ston la/ dge ba'i rtsa ba de dag kyang rnam pa thams cad mkhyen pa nyid ma gtogs par nyan thos dang / rang sangs rgyas kyi sar yongs su mi bsngo ba ste/ de ni byang chub sems dpa' sems dpa' chen po'i dge ba'i bshes gnyen yin no/ /shA ra dwa ti'i bu gzhan yang byang chub sems dpa' sems dpa' chen po'i dge ba'i bshes gnyen ni gang gzugs sdug bsngal zhes bya bar chos ston cing / de yang mi dmigs pa'i tshul gyis ston pa dang / de bzhin du tshor ba dang / 'du shes dang / 'du byed rnams dang / rnam par shes pa sdug bsngal zhes bya bar chos ston cing / de yang mi dmigs pa'i tshul gyis ston la/ dge ba'i rtsa ba de dag kyang rnam pa thams cad mkhyen pa nyid ma gtogs par nyan thos dang / rang sangs rgyas kyi sar yongs su mi bsngo ba de ni byang chub sems dpa' sems dpa' chen po'i dge ba'i bshes gnyen yin no/ /shA ra dwa ti'i bu gzhan yang byang chub sems dpa' sems dpa' chen po'i dge ba'i bshes gnyen ni/ gang gzugs bdag med ces bya ba dang / stong zhes bya ba dang / mtshan ma med ces bya ba dang / smon pa med ces bya ba dang / zhi zhes bya ba dang / dben zhes bya ba dang / rnam par byang zhes bya ba dang / skye ba med ces bya ba dang / 'gag pa med ces bya ba dang / dngos po med ces bya bar chos ston cing / de yang mi dmigs pa'i tshul gyis ston pa dang / de bzhin du tshor ba dang / 'du shes dang / 'du byed rnams dang / rnam par shes pa bdag med ces bya ba dang / stong zhes bya ba dang / mtshan ma med ces bya ba dang / smon pa med ces bya ba dang / zhi zhes bya ba dang / dben zhes bya ba dang / rnam par byang zhes bya ba dang / skye ba med ces bya ba dang / 'gag pa med ces bya ba dang / dngos po med ces bya bar chos ston cing / de yang mi dmigs pa'i tshul gyis ston la/ dge ba'i rtsa ba de dag kyang rnam pa thams cad mkhyen pa nyid ma gtogs par nyan thos dang / rang sangs rgyas kyi sar yongs su mi bsngo ba ste/ de ni byang chub sems dpa' sems dpa' chen po'i dge ba'i bshes gnyen yin no/ /shA ra dwa ti'i bu gzhan yang byang chub sems dpa' sems dpa' chen po'i dge ba'i bshes gnyen ni gang mig mi rtag ces bya bar chos ston cing / de yang mi dmigs pa'i tshul gyis ston pa dang / de bzhin du yid kyi bar du mi rtag ces bya bar chos ston cing / de yang mi dmigs pa'i tshul gyis ston la/ dge ba'i rtsa ba de dag kyang rnam pa thams cad mkhyen pa nyid ma gtogs par nyan thos dang rang sangs rgyas kyi sar yongs su mi bsngo ba ste/ de ni byang chub sems dpa' sems dpa' chen po'i dge ba'i bshes gnyen yin no/ /shA ra dwa ti'i bu gzhan yang byang chub sems dpa' sems dpa' chen po'i dge ba'i bshes gnyen ni gang mig sdug bsngal zhes bya ba dang / bdag med ces bya ba dang / stong zhes bya ba dang / mtshan ma med ces bya ba dang / smon pa med ces bya ba dang / zhi zhes bya ba dang / dben zhes bya ba dang / rnam par byang zhes bya ba dang / skye ba med ces bya ba dang / 'gag pa med ces bya ba dang / dngos po med ces bya bar chos ston cing / de yang mi dmigs pa'i tshul gyis ston pa dang / yid kyi bar du yang sdug bsngal zhes bya ba dang / bdag med ces bya ba dang / stong zhes bya ba dang / mtshan ma med ces bya ba dang / smon pa med ces bya ba dang / zhi zhes bya ba dang / dben zhes bya ba dang / rnam par byang zhes bya ba dang / skye ba med ces bya ba dang / 'gag pa med ces bya ba dang / dngos po med ces bya bar chos ston cing / de yang mi dmigs pa'i tshul gyis ston la/ dge ba'i rtsa ba de dag kyang rnam pa thams cad mkhyen pa nyid ma gtogs par nyan thos dang / rang sangs rgyas kyi sar yongs su mi bsngo ba ste/ de ni byang chub sems dpa' sems dpa' chen po'i dge ba'i bshes gnyen yin no/ /shA ra dwa ti'i bu gzhan yang byang chub sems dpa' sems dpa' chen po dge ba'i bshes gnyen ni gang mig gi 'dus te reg pa'i rkyen gyis tshor ba mi rtag ces bya bar chos ston pa dang / de bzhin du yid kyi 'dus te reg pa'i rkyen gyis tshor ba'i bar du mi rtag ces bya bar chos ston cing / de yang mi dmigs pa'i tshul gyis ston la dge ba'i rtsa ba de dag kyang rnam pa thams cad mkhyen pa nyid ma gtogs par nyan thos dang / rang sangs rgyas kyi sar yongs su mi bsngo ba ste/ shA ra dwa ti'i bu de ni byang chub sems dpa' sems dpa' chen po'i dge ba'i bshes gnyen yin no/ /de bzhin du sdug bsngal zhes bya ba dang / bdag med ces bya ba dang / stong zhes bya ba dang / mtshan ma med ces bya ba dang / smon pa med ces bya ba dang / zhi zhes bya ba dang / dben zhes bya ba dang / rnam par byang zhes bya ba dang / skye ba med ces bya ba dang / 'gag pa med ces bya ba dang / dngos po med ces bya bar chos ston cing / de yang mi dmigs pa'i tshul gyis ston la/ dge ba'i rtsa ba de dag kyang rnam pa thams cad mkhyen pa nyid ma gtogs par nyan thos dang / rang sangs rgyas kyi sar yongs su mi bsngo ba ste/ shA ra dwa ti'i bu de ni byang chub sems dpa' sems dpa' chen po'i dge ba'i bshes gnyen yin no/ /shA ra dwa ti'i bu gzhan yang byang chub sems dpa' sems dpa' chen po'i dge ba'i bshes gnyen ni/ gang dran pa nye bar gzhag pa bsgom pa'i phyir chos ston par byed pa nas/ dran pa nye bar gzhag pa dben pa nyid kyi phyir chos ston cing / de yang mi dmigs pa'i tshul gyis ston pa dang / de bzhin du yang dag pa'i spong ba bsgom pa'i phyir dang / rdzu 'phrul gyi rkang pa bsgom pa'i phyir dang / dbang po dang / stobs dang / byang chub kyi yan lag dang / lam bsgom pa'i phyir chos ston cing / de yang mi dmigs pa'i tshul gyis ston pa dang / de bzhin du stong pa nyid dang mtshan ma med pa dang / smon pa med pa bsgom pa'i phyir chos ston cing / de yang mi dmigs pa'i tshul gyis ston pa dang / de bzhin du de bzhin gshegs pa'i stobs bcu bsgom pa'i phyir/ chos ston pa nas/ de bzhin du sbyar te/ sangs rgyas kyi chos ma 'dres pa bcwa brgyad kyi bar dag bsgom pa'i phyir chos ston cing / de yang mi dmigs pa'i tshul gyis ston la/ dge ba'i rtsa ba de dag kyang rnam pa thams cad mkhyen pa nyid ma gtogs par nyan thos dang / rang sangs rgyas kyi sar yongs su mi bsngo ba ste/ shA ra dwa ti'i bu de ni byang chub sems dpa' sems dpa' chen po'i dge ba'i bshes gnyen yin no/ /shA ra dwa ti'i bu gzhan yang byang chub sems dpa' sems dpa' chen po'i dge ba'i bshes gnyen ni/ gang rnam pa thams cad mkhyen pa nyid bsgom pa'i phyir chos ston pa dang / gang byang chub bsgom pa'i phyir chos ston cing / de yang mi dmigs pa'i tshul gyis ston la/ dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba ste/ shA ra dwa ti'i bu de ni byang chub sems dpa' sems dpa' chen po'i dge ba'i bshes gnyen yin no/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ / btsun pa bcom ldan 'das ji ltar na byang chub sems dpa' sems dpa' chen po gang shes rab kyi pha rol du phyin pa bstan pa 'di thos nas skrag cing / dngang la dngang bar 'gyur te/ shes rab kyi pha rol du phyin pa la thabs la mi mkhas pa lags shing / sdig pa'i grogs po'i sug par mchis pa lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la byed pa dag dang bral bas shes rab kyi pha rol du phyin pa bsgom zhing / shes rab kyi pha rol du phyin pa de yang dmigs la/ des kyang rlom sems su byed pa dang / de bzhin du bsam gtan gyi pha rol du phyin pa sgom pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa bsgom zhing / sbyin pa'i pha rol du phyin pa'i bar de dag kyang dmigs la sbyin pa'i pha rol du phyin pa'i bar des kyang rlom sems su byed pa ste/ shA ra dwa ti'i bu de ltar na byang chub sems dpa' shes rab kyi pha rol du phyin pa la thabs la mi mkhas pa yin zhing / sdig pa'i grogs po'i lag tu song ba yin no/ / shA ra dwa ti'i bu gzhan yang byang chub sems dpa' rnam pa thams cad mkhyen pa nyid dang ldan pa'i yid la byed pa dag dang bral bas dmigs pa'i tshul gyis nang gzugs stong zhes bya bar yid la byed pa nas/ nang gi gzugs dngos po med pa'i ngo bo nyid stong pa nyid kyi bar yin zhes yid la byed pa dang / de bzhin du dmigs pa'i tshul gyis tshor ba dang / 'du shes dang / 'du byed rnams dang / rnam par shes pa nang stong zhes bya bar yid la byed pa dang / nang gi gzugs de yang nang stong pa nyid nas/ dngos po med pa'i ngo bo nyid stong pa nyid kyi bar du dmigs par byed pa dang / de bzhin du tshor ba dang / 'du shes dang / 'du byed rnams dang / rnam par shes pa de yang nang stong pa nyid nas/ dngos po med pa'i ngo bo nyid stong pa nyid kyi bar du dmigs par byed cing / de dag gis kyang rlom sems su byed pa dang / de bzhin du mig nang stong pa nyid ces bya bar yid la byed pa nas/ dngos po med pa'i ngo bo nyid stong pa nyid ces bya ba'i bar du yid la byed cing / stong pa de dag kyang dmigs la/ de dag gis kyang rlom sems su byed pa dang / de bzhin du rna ba dang / sna dang lce dang / lus dang / yid dmigs pa'i tshul gyis nang stong pa nyid ces bya bar yid la byed pa nas/ dngos po med pa'i ngo bo nyid stong pa nyid ces bya ba'i bar du yid la byed la/ stong pa de dag gis kyang rlom sems su byed pa ste/ shA ra dwa ti'i bu de ltar byang chub sems dpa' shes rab kyi pha rol du phyin pa la thabs la mi mkhas pa yin zhing / sdig pa'i grogs po'i lag tu song ba yin no/ /shA ra dwa ti'i bu gzhan yang byang chub sems dpa' thabs la mi mkhas pas shes rab kyi pha rol du phyin pa la spyod pa na/ dran pa nye bar gzhag pa rnams bsgom zhing / dran pa nye bar gzhag pa de dag kyang dmigs la/ de dag gis kyang rlom sems su byed pa dang / de bzhin du sbyar te/ sangs rgyas kyi chos ma 'dres pa bcwa brgyad kyi bar dag bsgom zhing / de dag kyang dmigs la/ de dag gis kyang rlom sems su byed pa ste/ shA ra dwa ti'i bu byang chub sems dpa' de ltar shes rab kyi pha rol du phyin pa la spyod pa ni/ thabs mi mkhas pas thabs la mi mkhas pa yin zhing / sdig pa'i grogs po'i lag tu song la/ shes rab kyi pha rol du phyin pa bstan pa 'di thos na yang skrag cing / dngang la dngang bar 'gyur ro/ / 'phags pa shes rab kyi pha rol du phyin pa khri pa/ bam po bdun pa/ de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das ji ltar na byang chub sems dpa' sdig pa'i grogs pos yongs su zin pa lags shing / sdig pa'i grogs po gang gis yongs su bzung bas/ shes rab kyi pha rol du phyin pa bstan pa 'di thos nas/ skrag cing dngang la dngang bar 'gyur lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu 'di la byang chub sems dpa' sems dpa' chen po'i sdig pa'i grogs po ni shes rab kyi pha rol du phyin pa dang 'bral bar byed/ 'dun pa zlog par byed cing / de bzhin du bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang 'bral bar byed/ 'dun pa zlog par byed de/ kye rigs kyi bu 'di la bslab par mi bya'o/ /de ci'i phyir zhe na/ kye pha rol du phyin pa 'di dag ni de bzhin gshegs pa dgra bcom pa yang dag par rdzogs pa'i sangs rgyas rnams kyis gsungs shing bshad pa ma yin gyis/ 'di dag ni snyan dngags mkhan gyis rang bzor byas pa yin te/ kye 'di dag ni mnyan par mi bya/ gzung bar mi bya/ kun chub par mi bya/ klag par mi bya/ yid la mi bya/ gzhan dag la yang bstan par mi bya'o zhes zer ba gang yin pa ste/ shA ra dwa ti'i bu de ni byang chub sems dpa' sems dpa' chen po'i sdig pa'i grogs por rig par bya'o/ /shA ra dwa ti'i bu gzhan yang byang chub sems dpa' sems dpa' chen po'i sdig pa'i grogs po ni 'di la bdud sdig can sangs rgyas kyi cha byad du bsgyur cing / byang chub sems dpa'i drung du 'ongs nas/ kye rigs kyi bu shes rab kyi pha rol du phyin pa 'dis khyod la ci zhig bya/ de bzhin du bsam gtan gyi pha rol du phyin pas ci zhig bya/ bzod pa'i pha rol du phyin pas ci zhig bya/ tshul khrims kyi pha rol du phyin pas ci zhig bya/ sbyin pa'i pha rol du phyin pas ci zhig bya zhes pha rol du phyin pa drug dang 'bral bar byed pa'i bdud kyi las dag mi ston cing / bdud kyi nyes pa dag mi rjod pa gang yin pa ste/ shA ra dwa ti'i bu de ni byang chub sems dpa' sems dpa' chen po'i sdig pa'i grogs por rig par bya'o/ /shA ra dwa ti'i bu gzhan yang bdud sdig can sangs rgyas kyi cha byad du bsgyur cing / byang chub sems dpa' sems dpa' chen po'i drung du 'ongs nas/ de la nyan thos dang / rang sangs rgyas dang ldan pa'i mdo'i sde dang / rtogs pa brjod pa'i sde dang / gtan la phab par bstan pa'i sde'i bar du ston par byed/ rab tu ston par byed/ rnam par 'byed par byed/ gsal bar byed/ yang dag par rab tu ston par byed pa'i bdud kyi las de lta bu de dag mi rjod mi ston cing / yang dag par rtogs par mi byed pa de ni byang chub sems dpa' sems dpa' chen po'i sdig pa'i grogs por rig par bya'o/ /shA ra dwa ti'i bu gzhan yang bdud sdig can sangs rgyas kyi cha byad du bsgyur cing / byang chub sems dpa' sems dpa' chen po'i drung du 'ongs nas/ 'di skad du kye rigs kyi bu khyod ni byang chub sems dpa' ma yin no/ /khyod la ni byang chub kyi sems kyang med do/ /khyod ni phyir mi ldog pa yang ma yin no/ /khyod kyis ni bla na med pa yang dag par rdzogs pa'i byang chub mngon par rdzogs par 'tshang rgya bar yang mi nus so zhes zer ba'i bdud kyi las de lta bu de dag mi rjod mi ston cing / yang dag par rtogs par mi byed pa de ni byang chub sems dpa' sems dpa' chen po'i sdig pa'i grogs por rig par bya'o/ /shA ra dwa ti'i bu gzhan yang bdud sdig can sangs rgyas kyi cha byad du bsgyur cing / byang chub sems dpa' sems dpa' chen po'i drung du 'ongs nas/ 'di skad du rigs kyi bu mig ni bdag dang / bdag gis stong ngo / /rigs kyi bu de bzhin du rna ba dang / sna dang / lce dang / lus dang / yid ni bdag dang bdag gis stong ngo / /rigs kyi bu de bzhin du sbyar te mig gi 'dus te reg pa'i rkyen gyis tshor ba'i bar ni bdag dang bdag gis stong pa nas/ yid kyi 'dus te reg pa'i rkyen gyis tshor ba'i bar ni bdag dang bdag gis stong ngo / /de bzhin du sbyin pa'i pha rol du phyin pa stong pa nas/ shes rab kyi pha rol du phyin pa'i bar ni bdag dang bdag gis stong ngo / /de bzhin du dran pa nye bar gzhag pa rnams stong pa nas/ 'phags pa'i lam yan lag brgyad pa'i bar dang / rnam par thar pa'i sgo gsum gyi bar ni bdag dang bdag gis stong ngo / /de bzhin du de bzhin gshegs pa'i stobs bcu nas/ sangs rgyas kyi chos ma 'dres pa bcwa brgyad kyi bar ni bdag dang bdag gis stong na/ bla na med pa yang dag par rdzogs pa'i byang chub mngon par rdzogs par sangs rgyas pas khyod la ci zhig bya zhes zer ba'i bdud kyi las de lta bu de dag de la mi brjod mi ston cing / yang dag par rtogs par mi byed pa de ni byang chub sems dpa' sems dpa' chen po'i sdig pa'i grogs por rig par bya'o/ / shA ra dwa ti'i bu gzhan yang bdud sdig can rang sangs rgyas kyi cha byad du bsgyur cing / byang chub sems dpa' sems dpa' chen po'i drung du 'ongs nas/ 'di skad du kye rigs kyi bu shar phyogs ni sangs rgyas bcom ldan 'das rnams dang / byang chub sems dpa' sems dpa' chen po rnams dang / nyan thos rnams kyis stong ste/ 'di la sangs rgyas bcom ldan 'das rnams dang / byang chub sems dpa' rnams med/ nyan thos rnams med de/ shar phyogs la ji lta ba bzhin du/ phyogs bcu'i 'jig rten gyi khams thams cad kyang de bzhin no zhes zer ba'i bdud kyi las de lta bu de dag de la mi rjod mi ston cing / yang dag par rtogs par mi byed pa gang yin pa de ni byang chub sems dpa' sems dpa' chen po'i sdig pa'i grogs por rig par bya'o/ /shA ra dwa ti'i bu gzhan yang bdud sdig can nyan thos kyi cha byad du bsgyur cing / byang chub sems dpa' sems dpa' chen po'i drung du 'ongs nas/ thams cad mkhyen pa nyid dang ldan pa'i yid la byed pa dag zlog cing / nyan thos dang / rang sangs rgyas dang ldan pa'i yid la byed pa dag ston te/ de dag rjes su ston par byed pa'i bdud kyi las de lta bu de dag de la mi rjod mi ston cing / yang dag par rtogs par mi byed pa gang yin pa de ni/ byang chub sems dpa' sems dpa' chen po'i sdig pa'i grogs por rig par bya'o/ /shA ra dwa ti'i bu gzhan yang bdud sdig can mkhan po dang / slob dpon gyi cha byad du bsgyur cing 'ongs nas/ byang chub sems dpa'i spyod pa dang 'bral bar byed/ rnam pa thams cad mkhyen pa nyid dang ldan pa'i yid la byed pa dag dang 'bral bar byed/ dran pa nye bar gzhag pa dag dang 'brel bar byed pa nas de bzhin du sbyar te/ 'phags pa'i lam yan lag brgyad pa'i bar dag dang 'bral bar byed la/ stong pa nyid dang / mtshan ma med pa dang / smon pa med pa dag dang sbyor bar byed/ yang dag par 'dzin du 'jug cing / 'di skad du kye rigs kyi bu khyod kyis chos 'di dag bsgoms la/ nyan thos kyi sa mngon du gyis shig /bla na med pa yang dag par rdzogs pa'i byang chub mngon par rdzogs par sangs rgyas pas khyod la ci zhig bya zhes zer ba'i bdud kyi las de lta bu de dag mi brjod mi ston cing / yang dag par rtogs par mi byed pa gang yin pa de ni byang chub sems dpa' sems dpa' chen po'i sdig pa'i grogs por rig par bya'o/ / shA ra dwa ti'i bu gzhan yang bdud sdig can mi snang ba'i cha byad du bsgyur cing / byang chub sems dpa' sems dpa' chen po'i drung du 'ongs nas 'di skad du rigs kyi bu tshur shog /gang gi don du bskal pa tshad med grangs med par 'khor ba na 'khor zhing lag pa bcad pa dang / rkang pa bcad pa dang / mgo bcad pa dpag tu med pa dag nyams su nyo myong bar 'gyur zhing / bla na med pa yang dag par rdzogs pa'i byang chub mngon par rdzogs par sangs rgyas pas khyod la ci zhig bya/ gang la rgyun du zhugs pa'i 'bras bu mngon sum du bya bar yod pa de la brtson par gyis shig / gang la dgra bcom pa nyid kyi 'bras bu mngon sum du bya bar yod pa de la brtson par gyis shig ces zer ba'i bdud kyi las de lta bu de dag de la mi brjod mi ston cing / yang dag par rtogs par mi byed pa de ni/ byang chub sems dpa' sems dpa' chen po'i sdig pa'i grogs por rig par bya'o/ /shA ra dwa ti'i bu gzhan yang bdud sdig can dge slong gi cha byad du bsgyur cing / byang chub sems dpa' sems dpa' chen po'i drung du 'ongs nas/ de la mig mi rtag ces bya bar dmigs pa'i tshul gyis chos ston/ de bzhin du sdug bsngal zhes bya ba dang / bdag med ces bya ba dang / stong zhes bya ba dang / mtshan ma med ces bya ba dang / smon pa med ces bya ba dang / zhi zhes bya ba dang / dben zhes bya ba dang / rnam par byang zhes bya ba dang / skye ba med ces bya ba dang / 'gag pa med ces bya ba dang / dngos po med ces bya bar dmigs pa'i tshul gyis chos ston/ de bzhin du ji ltar mig la sbyar ba de bzhin du yid kyi bar la yang rgya cher sbyar bar bya ste/ de bzhin du dran pa nye bar gzhag pa rnams mi rtag ces bya bar dmigs pa'i tshul gyis chos ston cing / de bzhin du sdug bsngal zhes bya ba dang / bdag med ces bya ba dang / stong zhes bya ba dang / mtshan ma med ces bya ba dang / smon pa med ces bya ba dang / zhi zhes bya ba dang / dben zhes bya ba dang / rnam par byang zhes bya ba dang / skye ba med ces bya ba dang / 'gag pa med ces bya ba dang / dngos po med ces bya bar dmigs pa'i tshul gyis chos ston pa dang / de bzhin du sbyar te/ sangs rgyas kyi chos ma 'dres pa bcwa brgyad kyi bar du dmigs pa'i tshul gyis chos ston pa dang / de bzhin du de bzhin gshegs pa'i stobs bcu mi rtag ces bya bar dmigs pa'i tshul gyis chos ston pa dang / de bzhin du sdug bsngal zhes bya ba dang / bdag med ces bya ba dang / stong zhes bya ba dang / mtshan ma med ces bya ba dang / smon pa med ces bya ba dang / zhi zhes bya ba dang / dben zhes bya ba dang / rnam par byang zhes bya ba dang / skye ba med ces bya ba dang / 'gag pa med ces bya ba dang / dngos po med ces bya bar dmigs pa'i tshul gyis chos ston pa'i bdud kyi las de lta bu de dag mi brjod mi ston cing / yang dag par rtogs par mi byed pa 'di ni/ byang chub sems dpa' sems dpa' chen po'i sdig pa'i grogs por rig par bya ste/ rig nas kyang yongs su spang bar bya'o/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po thabs la mkhas pa gang dang ldan na dge ba'i bshes gnyen gyis yongs su zin pa lags shing sdig pa'i grogs po rnam par spangs pa lags/ bcom ldan 'das kyis bka' stsal pa/ shA ra dwa ti'i bu gang gi tshe byang chub sems dpa' sems dpa' chen po bdag tu lta ba spong ba'i phyir sems can rnams la chos ston pa dang / de bzhin du sems can du lta ba spang ba'i phyir dang / skye ba por lta ba dang / srog tu lta ba dang / gso bar lta ba dang / gang zag du lta ba dang / shed las skyes dang / shed bu dang / byed du 'jug pa po dang / byed pa po dang / slong ba po dang / kun nas slong ba po dang / tshor ba po dang / tshor bar byed pa po dang / shes pa po dang / mthong ba por lta ba spang ba'i phyir sems can rnams la chos ston pa dang / de bzhin du chad pa dang / rtag par lta ba spang ba'i phyir sems can rnams la chos ston pa dang / de bzhin du yod par lta ba dang / med par lta ba dang / phung por lta ba dang / khams su lta ba dang / skye mched du lta ba dang / bden par lta ba dang / rten cing 'brel bar 'byung bar lta ba spang ba'i phyir/ sems can rnams la chos ston pa dang / de bzhin du dran pa nye bar gzhag pa rnams su lta ba nas/ de bzhin du sbyar te/ 'phags pa'i lam yan lag brgyad pa'i bar du lta ba spang ba'i phyir sems can rnams la chos ston pa dang / de bzhin du de bzhin gshegs pa'i stobs bcur lta ba spang ba'i phyir sems can rnams la chos ston pa dang / de bzhin du sbyar te/ sangs rgyas kyi chos ma 'dres pa bcwa brgyad kyi bar du lta ba spang ba'i phyir sems can rnams la chos ston pa dang / de bzhin du sems can yongs su smin par bya bar lta ba dang / sangs rgyas kyi zhing yongs su dag par bya bar lta ba dang / byang chub tu lta ba dang / sangs rgyas su lta ba dang / chos kyi 'khor lo bskor bar lta ba spang ba'i phyir sems can rnams la chos ston pa ste/ shA ra dwa ti'i bu de ltar na byang chub sems dpa' sems dpa' chen po dge ba'i bshes gnyen gyis yongs su zin pa dang / sdig pa'i grogs po rnam par spangs pa yin no/ /shA ra dwa ti'i bu gzhan yang byang chub sems dpa' sems dpa' chen po gang bdag tu lta ba spang ba'i phyir sems can rnams la chos ston pa nas de bzhin du sbyar te/ chos kyi 'khor lo bskor ba'i bar du lta ba spang ba'i phyir/ sems can rnams la chos ston pa de thams cad mi dmigs pa'i tshul gyis chos ston na/ shA ra dwa ti'i bu de ltar na byang chub sems dpa' sems dpa' chen po thabs la mkhas pas yongs su zin pa dang / sdig pa'i grogs po rnam par spangs pa'i bar du yin no/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das gal te byang chub sems dpa' sems dpa' chen po lta ba'i rnam pa thams cad spang ba'i slad du sems can rnams la chos ston lags na/ bcom ldan 'das de ci'i slad du byang chub sems dpa' sems dpa' chen po gzugs su lta bar 'gyur lags/ de bzhin du tshor bar lta ba dang / 'du shes su lta ba dang / 'du byed du lta ba dang / rnam par shes par lta ba lags/ de bzhin du mig tu lta ba lags shing / de bzhin du sbyar te/ yid kyi bar du lta ba lags/ de bzhin du gzugs su lta ba lags shing / de bzhin du sbyar te/ chos kyi bar du lta ba lags/ de bzhin du mig gi khams su lta bar 'gyur ba nas/ de bzhin du sbyar te/ yid kyi rnam par shes pa'i khams kyi bar du lta ba lags/ de bzhin du gzugs kyi khams su lta bar 'gyur ba nas/ de bzhin du sbyar te/ chos kyi khams kyi bar du lta ba lags/ de bzhin du dran pa nye bar gzhag par lta ba nas/ de bzhin du sbyar te/ 'phags pa'i lam yan lag brgyad pa'i bar du lta ba lags/ de bzhin du de bzhin gshegs pa'i stobs bcur lta ba lags shing / de bzhin du sbyar te/ sangs rgyas kyi chos ma 'dres pa bcwa brgyad kyi bar du lta ba lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa thabs la mi mkhas pas gzugs dmigs shing dmigs pa'i tshul gyis gzugs su lta ba bskyed do/ /de bzhin du tshor ba dang / 'du shes dang / 'du byed rnams dang / rnam par shes pa dmigs shing dmigs pa'i tshul gyis rnam par shes par lta ba bskyed do/ /de bzhin du mig du dmigs shing dmigs pa'i tshul gyis mig tu lta ba bskyed do/ /de bzhin du sbyar te/ yid kyi bar du dmigs shing dmigs pa'i tshul gyis yid du lta ba bskyed do/ /de bzhin du gzugs rnams su dmigs shing dmigs pa'i tshul gyis gzugs rnams su lta ba bskyed do/ /de bzhin du sbyar te/ chos kyi bar du dmigs shing dmigs pa'i tshul gyis chos rnams su lta ba bskyed do/ /de bzhin du mig gi khams dmigs shing dmigs pa'i tshul gyis mig gi khams su lta ba bskyed do/ /de bzhin du sbyar te/ yid kyi rnam par shes pa'i bar du dmigs shing dmigs pa'i tshul gyis yid kyi rnam par shes pa'i khams su lta ba bskyed do/ /de bzhin du gzugs kyi khams dmigs shing dmigs pa'i tshul gyis gzugs kyi khams su lta ba bskyed do/ /de bzhin du sbyar te/ chos kyi khams kyi bar du dmigs shing dmigs pa'i tshul gyis chos kyi khams su lta ba bskyed do/ /de bzhin du dran pa nye bar gzhag pa rnams dmigs shing dmigs pa'i tshul gyis dran pa nye bar gzhag par lta ba bskyed do/ /de bzhin du sbyar te/ 'phags pa'i lam yan lag brgyad pa'i bar du dmigs shing dmigs pa'i tshul gyis 'phags pa'i lam yan lag brgyad par lta ba bskyed do/ /de bzhin du de bzhin gshegs pa'i stobs bcu dmigs shing dmigs pa'i tshul gyis de dag la lta ba bskyed do/ /de bzhin du sbyar te/ sangs rgyas kyi chos ma 'dres pa bcwa brgyad kyi bar du dmigs shing dmigs pa'i tshul gyis de dag la lta ba bskyed do/ /tshe dang ldan pa shA ra dwa ti'i bu rgyu des na/ byang chub sems dpa' thabs la mi mkhas pa gzugs su lta bar 'gyur ro/ /de bzhin du tshor bar lta ba dang / 'du shes su lta ba dang / 'du byed du lta ba dang / rnam par shes par lta bar 'gyur ro/ /de bzhin du mig tu lta bar 'gyur ba nas/ de bzhin du sbyar te/ yid kyi bar du lta bar 'gyur ro/ /de bzhin du gzugs su lta bar 'gyur ba nas/ de bzhin du sbyar te/ chos kyi bar du lta bar 'gyur ro/ /de bzhin du mig gi khams su lta bar 'gyur ba nas/ de bzhin du sbyar te yid kyi rnam par shes pa'i khams kyi bar du lta bar 'gyur ro/ /de bzhin du gzugs kyi khams su lta bar 'gyur ba nas/ de bzhin du sbyar te/ chos kyi khams kyi bar du lta bar 'gyur ro/ /de bzhin du dran pa nye bar gzhag par lta bar 'gyur ba nas/ de bzhin du sbyar te 'phags pa'i lam yan lag brgyad pa'i bar du lta bar 'gyur ro/ /de bzhin du de bzhin gshegs pa'i stobs bcur lta bar 'gyur ba nas/ de bzhin du sbyar te/ sangs rgyas kyi chos ma 'dres pa bcwa brgyad kyi bar du lta bar 'gyur te/ de la byang chub sems dpa' sems dpa' chen po thabs la mkhas pa shes rab kyi pha rol du phyin pa la spyod pa thabs mkhas pas lta ba de dag spang ba'i phyir/ dmigs pa'i tshul gyis sems can rnams la chos ston to/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das don gang gis byang chub sems dpa' sems dpa' chen po zhes bgyi ba la bdag kyang spobs lags so/ /bcom ldan 'das kyis bka' stsal pa/ shA ra dwa ti'i bu khyod spobs sam/ btsun pa bcom ldan 'das spobs lags so/ /'o na ji lta bu yin/ gsol pa/ btsun pa bcom ldan 'das 'di la byang chub sems dpa'i byang chub kyi sems ni mi mnyam pa dang mnyam pa/ nyan thos dang / rang sangs rgyas thams cad dang thun mong ma lags pa ste/ don des na byang chub sems dpa' sems dpa' chen po zhes bgyi'o/ /de ci'i slad du zhe na/ btsun pa bcom ldan 'das 'di ltar rnam pa thams cad mkhyen pa nyid kyi sems zag pa ma mchis pa khams gsum du ma gtogs pa de ni/ de'i rnam pa thams cad mkhyen pa nyid kyi sems zag pa ma mchis pa khams gsum du ma gtogs pa gang lags pa de la yang de chags pa ma mchis pas/ de'i slad du byang chub sems dpa' sems dpa' chen po zhes bgyi'o/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu byang chub sems dpa' sems dpa' chen po'i mi mnyam pa dang mnyam pa'i sems nyan thos dang / rang sangs rgyas thams cad dang thun mong ma yin pa'i sems de gang yin/ de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das 'di la byang chub sems dpa' sems dpa' chen po sems dang po bskyed pa nas bzung ste/ chos gang yang skye ba 'am 'gag par yang dag par rjes su mi mthong ste/ chos gang yang 'grib pa 'am/ 'phel bar yang mi 'gyur/ chos gang yang kun nas nyon mongs pa 'am/ rnam par byang ba yang ma mchis lags so/ /btsun pa bcom ldan 'das gang la mi skye mi 'gag cing / 'grib pa ma mchis/ 'phel ba ma mchis/ kun nas nyon mongs pa ma mchis/ rnam par byang ba ma mchis/ nyan thos kyi sems dang / rang sangs rgyas kyi sems dang / yang dag par rdzogs pa'i sangs rgyas kyi sems ma mchis pa de ni byang chub sems dpa' sems dpa' chen po'i mi mnyam pa dang mnyam pa'i sems nyan thos dang rang sangs rgyas thams cad dang thun mong ma lags pa'i sems lags so/ /de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bus gang smras pa de bzhin te/ nyan thos dang / rang sangs rgyas kyi sa de la yang sems de chags pa med do/ /btsun pa bcom ldan 'das 'o na sems de gzugs la yang chags pa ma mchis lags sam/ de bzhin du tshor ba dang 'du shes dang 'du byed rnams dang / rnam par shes pa la yang sems de chags pa ma mchis lags sam/ de bzhin du mig la yang sems de chags pa ma mchis lags sam/ rna ba dang sna dang lce dang lus dang yid kyi bar la yang sems de chags pa ma mchis lags sam/ de bzhin du gzugs rnams la yang sems de chags pa ma mchis lags sam/ sgra dang dri dang ro dang reg bya dang / chos rnams la yang sems de chags pa ma mchis lags sam/ de bzhin du mig gi khams la yang sems de chags pa ma mchis lags sam/ de bzhin du sbyar te/ yid kyi rnam par shes pa'i khams kyi bar la yang sems de chags pa ma mchis lags sam/ de bzhin du gzugs kyi khams la yang sems de chags pa ma mchis lags sam/ de bzhin du sbyar te/ chos kyi khams kyi bar la yang sems de chags pa ma mchis lags sam/ de bzhin du dran pa nye bar gzhag pa rnams la yang sems de chags pa ma mchis lags sam/ de bzhin du sbyar te/ 'phags pa'i lam yan lag brgyad pa'i bar la yang sems de chags pa ma mchis lags sam/ de bzhin du de bzhin gshegs pa'i stobs bcu la yang sems de chags pa ma mchis lags sam/ sangs rgyas kyi chos ma 'dres pa bcwa brgyad kyi bar la yang sems de chags pa ma mchis lags sam/ tshe dang ldan pa shA ra dwa ti'i bu de de bzhin no/ /ji skad smras pa de bzhin te/ gzugs la yang sems de chags pa med do/ /de bzhin du tshor ba dang / 'du shes dang / 'du byed rnams dang / rnam par shes pa la yang sems de chags pa med do/ /de bzhin du mig la sems de chags pa med pa nas/ de bzhin du sbyar te/ yid kyi bar la sems de chags pa med do/ /de bzhin du gzugs rnams la sems de chags pa med pa nas/ de bzhin du sbyar te/ chos rnams kyi bar la sems de chags pa med do/ /de bzhin du mig gi khams la sems de chags pa med pa nas/ de bzhin du sbyar te/ yid kyi rnam par shes pa'i khams kyi bar la sems de chags pa med do/ /de bzhin du gzugs kyi khams la sems de chags pa med pa nas/ de bzhin du sbyar te/ chos kyi khams kyi bar la sems de chags pa med do/ /de bzhin du dran pa nye bar gzhag pa rnams la sems de chags pa med pa nas/ de bzhin du 'phags pa'i lam yan lag brgyad pa'i bar la sems de chags pa med pa yang de bzhin du sbyar ro/ /de bzhin du de bzhin gshegs pa'i stobs bcu la sems de chags pa med pa nas/ de bzhin du sbyar te/ sangs rgyas kyi chos ma 'dres pa bcwa brgyad kyi bar la sems de chags pa med pa yin no/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das kyis 'di skad ces rnam pa thams cad mkhyen pa nyid kyi sems gang yin pa de yang zag pa med cing khams gsum thams cad du gtogs pa ma yin no/ /zhes bka' stsal nas/ btsun pa bcom ldan 'das byis pa so so'i skye bo thams cad kyi sems kyang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ de bzhin du nyan thos dang / rang sangs rgyas thams cad dang / bcom ldan 'das de bzhin gshegs pa rnams kyis thugs de yang zag pa ma mchis shing khams gsum du ma gtogs pa lags sam/ bka' stsal pa/ shA ra dwa ti'i bu de de bzhin no/ /gsol pa/ btsun pa bcom ldan 'das gzugs kyang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ de bzhin du tshor ba dang / 'du shes dang / 'du byed rnams dang / rnam par shes pa yang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ bka' stsal pa/ shA ra dwa ti'i bu de de bzhin no/ /gsol pa/ btsun pa bcom ldan 'das mig kyang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ de bzhin du sbyar te/ yid kyi bar du yang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ bka' stsal pa/ shA ra dwa ti'i bu de de bzhin no/ /gsol pa/ btsun pa bcom ldan 'das gzugs rnams kyang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ bka' stsal pa/ shA ra dwa ti'i bu de de bzhin no/ /gsol pa/ btsun pa bcom ldan 'das chos rnams kyi bar yang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ bka' stsal pa/ shA ra dwa ti'i bu de de bzhin no/ /gsol pa/ btsun pa bcom ldan 'das mig gi khams kyi bar yang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ de bzhin du sbyar te/ yid kyi rnam par shes pa'i khams kyi bar yang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ bka' stsal pa/ shA ra dwa ti'i bu de de bzhin no/ / gsol pa/ btsun pa bcom ldan 'das gzugs kyang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ bka' stsal pa/ shA ra dwa ti'i bu de de bzhin no/ /de bzhin du sbyar te/ chos kyi khams kyi bar du yang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ bka' stsal pa/ shA ra dwa ti'i bu de de bzhin no/ /gsol pa/ btsun pa bcom ldan 'das dran pa nye bar gzhag pa rnams kyang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ de bzhin du sbyar te/ 'phags pa'i lam yan lag brgyad pa'i bar du yang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ bka' stsal pa/ shA ra dwa ti'i bu de de bzhin no/ /gsol pa/ btsun pa bcom ldan 'das de bzhin gshegs pa'i stobs bcu yang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ de bzhin du sbyar te/ sangs rgyas kyi chos ma 'dres pa bcwo brgyad kyi bar du yang rang bzhin gyis stong pa nyid kyi slad du zag pa ma mchis shing khams gsum du ma gtogs pa lags sam/ bka' stsal pa/ shA ra dwa ti'i bu de de bzhin no/ /ji skad smras pa de bzhin te/ byis pa so so'i skye bo thams cad kyi sems kyang rang bzhin gyis stong pa nyid kyi phyir zag pa med cing khams gsum du gtogs pa ma yin no/ /de bzhin du nyan thos dang / rang sangs rgyas thams cad kyi sems kyang rang bzhin gyis stong pa nyid kyi phyir zag pa med cing khams gsum du gtogs pa ma yin no/ / de bzhin du gzugs kyang rang bzhin gyis stong pa nyid kyi phyir zag pa med cing khams gsum du gtogs pa ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang rang bzhin gyis stong pa nyid kyi phyir zag pa med cing khams gsum du gtogs pa ma yin no/ /de bzhin du mig kyang rang bzhin gyis stong pa nyid kyi phyir zag pa med cing khams gsum du gtogs pa ma yin pa nas/ yid kyi bar du yang de bzhin du sbyar ro/ / de bzhin du mig gi khams kyang zag pa med cing khams gsum du gtogs pa ma yin pa nas/ yid kyi rnam par shes pa'i khams kyi bar du yang de bzhin du sbyar ro/ /de bzhin du gzugs kyi khams kyang zag pa med cing khams gsum du gtogs pa ma yin pa nas/ chos kyi khams kyi bar du de bzhin du sbyar ro/ /de bzhin du dran pa nye bar gzhag pa rnams kyang zag pa med cing khams gsum du gtogs pa ma yin pa nas/ 'phags pa'i lam yan lag brgyad pa'i bar du yang de bzhin du sbyar ro/ /de bzhin du de bzhin gshegs pa'i stobs bcu yang zag pa med cing khams gsum du gtogs pa ma yin pa nas de bzhin du sbyar te/ sangs rgyas kyi chos ma 'dres pa bcwa brgyad kyi bar du yang rang bzhin gyis stong pa nyid kyi phyir zag pa med cing khams gsum du gtogs pa ma yin no/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das kyis 'di skad ces sems ma yin pa'i phyir/ byang chub sems dpa' sems dpa' chen po de sems de la chags pa med do/ /zhes bka' stsal na/ btsun pa bcom ldan 'das gzugs ma mchis pa yang gzugs ma mchis pa la chags pa ma mchis lags sam/ de bzhin du sbyar te/ rnam par shes pa'i bar du ma mchis pa yang rnam par shes pa'i bar du ma mchis pa la chags pa ma mchis lags sam/ btsun pa bcom ldan 'das mig ma mchis pa yang mig ma mchis pa la chags pa ma mchis lags sam/ de bzhin du sbyar te/ yid kyi bar du ma mchis pa yang yid ma mchis pa la chags pa ma mchis lags sam/ btsun pa bcom ldan 'das gzugs rnams ma mchis pa yang gzugs rnams ma mchis pa la chags pa ma mchis lags sam/ de bzhin du chos rnams/ ma mchis pa'i bar dag chos rnams ma mchis pa la chags pa ma mchis lags sam/ btsun pa bcom ldan 'das mig gi khams ma mchis pa mig gi khams ma mchis pa la chags pa ma mchis lags sam/ de bzhin du sbyar te/ yid kyi rnam par shes pa'i khams kyi bar du ma mchis pa yid kyi rnam par shes pa'i khams ma mchis pa la chags pa ma mchis lags sam/ de bzhin du dran pa nye bar gzhag pa rnams ma mchis pa yang dran pa nye bar gzhag pa rnams ma mchis pa la chags pa ma mchis lags sam/ de bzhin du sbyar te/ 'phags pa'i lam yan lag brgyad pa'i bar du ma mchis pa yang 'phags pa'i lam yan lag brgyad pa ma mchis pa la chags pa ma mchis lags sam/ btsun pa bcom ldan 'das de bzhin gshegs pa'i stobs bcu ma mchis pa/ de bzhin gshegs pa'i stobs bcu ma mchis pa la chags pa ma mchis lags sam/ de bzhin du sbyar te/ sangs rgyas kyi chos ma 'dres pa bcwa brgyad kyi bar du ma mchis pa/ sangs rgyas kyi chos ma 'dres pa ma mchis pa rnams la chags pa ma mchis lags sam/ bka' stsal pa/ shA ra dwa ti'i bu de de bzhin no/ /ji skad smras pa de bzhin te/ gzugs med pa yang gzugs med pa la chags pa med do/ /rnam par shes pa'i bar du yang de bzhin du sbyar ba nas/ de bzhin du mig nas yid kyi bar du yang de bzhin du sbyar ro/ /de bzhin du gzugs rnams nas chos rnams kyi bar du yang de bzhin du sbyar ro/ /de bzhin du mig gi khams nas yid kyi rnam par shes pa'i khams med pa'i bar du yang de bzhin du sbyar ro/ /de bzhin du gzugs kyi khams nas chos kyi khams kyi bar du yang de bzhin du sbyar ro/ /de bzhin du dran pa nye bar gzhag pa rnams med pa yang dran pa nye bar gzhag pa rnams med pa la chags pa med do/ /'phags pa'i lam yan lag brgyad pa'i bar du yang de bzhin du sbyar ro/ /de bzhin du de bzhin gshegs pa'i stobs bcu med pa yang / de bzhin gshegs pa'i stobs bcu med pa la chags pa med do/ /de bzhin du sbyar te/ sangs rgyas kyi chos ma 'dres pa bcwa brgyad kyi bar la yang chags pa med do/ /shA ra dwa ti'i bu de ltar na byang chub sems dpa' sems dpa' chen po shes rab kyi pha rol du phyin pa la spyad pa ni/ mi mnyam pa dang mnyam pa'i sems nyan thos dang / rang sangs rgyas thams cad dang thun mong ma yin pa'i sems des kyang mi dmigs pa'i tshul gyis rlom sems su mi byed/ mngon par zhen par mi byed do/ /shes rab kyi pha rol tu phyin pa khri pa las mi dmigs pa'i le'u zhes bya ste/ bdun pa'o// // de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das ji ltar na byang chub sems dpa' sems dpa' chen po thabs la mi mkhas pas nyan thos kyi sa 'am/ rang sangs rgyas kyi sar rab tu ltung zhing byang chub sems dpa'i skyon ma mchis pa la mi 'jug pa lags/ byang chub sems dpa'i skyon ni gang lags skyon ma mchis pa ni gang lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu gang gi tshe/ byang chub sems dpa' sems dpa' chen po sngar nges par ltung bar gyur la nyan thos kyi sa 'am/ rang sangs rgyas kyi sar rab tu ltung zhing byang chub sems dpa'i skyon med par mi 'jug pa ste/ de ni byang chub sems dpa'i skyon yin no/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po'i sngar nges par ltung ba'i skyon gang lags/ bcom ldan 'das kyis bka' stsal pa/ shA ra dwa ti'i bu gang gi tshe/ byang chub sems dpa' sems dpa' chen po thabs la mi mkhas pas pha rol du phyin pa drug la spyod pa na/ thabs la mi mkhas pa nyid kyi stong pa nyid dang / mtshan ma med pa dang / smon pa med pa'i rnam par thar pa'i sgo la brten nas/ nyan thos kyi sa 'am rang sangs rgyas kyi sa mngon sum du byed cing / byang chub sems dpa'i skyon med pa la mi 'jug pa ste/ shA ra dwa ti'i bu de ni byang chub sems dpa' sems dpa' chen po'i sngar nges par ltung ba'i skyon yin no/ /btsun pa bcom ldan 'das ci'i slad du byang chub sems dpa' sems dpa' chen po'i skyon gang lags/ bcom ldan 'das kyis bka' stsal pa/ shA ra dwa ti'i bu skyon zhes bya ba ni 'di lta ste/ chos la sred pa ste skyon yin no/ /gsol pa/ btsun pa bcom ldan 'das chos la sred pa'i skyon gang lags/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa ni/ gzugs la mi rtag ces bya bar gnas par byed cing kun du shes la mngon par zhen pa dang / de bzhin du tshor ba dang / 'du shes dang / 'du byed rnams dang / rnam par shes pa la mi rtag ces bya bar gnas par byed cing kun du shes la mngon par zhen pa ste/ de ni byang chub sems dpa' sems dpa' chen po'i rjes su 'thun pa'i chos la sred pa ste/ skyon yin no/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ gzugs nas rnam par shes pa'i bar la sdug bsngal zhes bya bar gnas par byed cing / kun du shes la mngon par zhen pa dang / gzugs nas rnam par shes pa'i bar la bdag med ces bya bar gnas par byed cing kun du shes la mngon par zhen pa dang / de bzhin du gzugs nas rnam par shes pa'i bar la stong zhes bya bar gnas par byed cing kun shes la mngon par zhen pa dang / de bzhin du gzugs nas rnam par shes pa'i bar la mtshan ma med ces bya bar gnas par byed cing kun du shes la mngon par zhen pa dang / de bzhin du gzugs nas rnam par shes pa'i bar la smon pa med ces bya bar gnas par byed cing kun du shes la mngon par zhen pa dang / de bzhin du gzugs nas rnam par shes pa'i bar la zhi zhes bya bar gnas par byed cing / kun du shes la mngon par zhen pa dang / de bzhin du gzugs nas rnam par shes pa'i bar la dben zhes bya bar gnas par byed cing kun du shes la mngon par zhen pa dang / de bzhin du gzugs nas rnam par shes pa'i bar la rnam par byang zhes bya bar gnas par byed cing kun du shes la mngon par zhen pa dang / de bzhin du gzugs nas rnam par shes pa'i bar la skye ba med ces bya bar gnas par byed cing kun du shes la mngon par zhen pa dang / de bzhin du gzugs nas rnam par shes pa'i bar la 'gag pa med ces bya bar gnas par byed cing kun du shes la mngon par zhen pa dang / de bzhin du gzugs la dngos po med ces bya bar gnas par byed cing kun du shes la mngon par zhen pa dang / rnam par shes pa'i bar la dngos po med ces bya bar gnas par byed cing kun du shes la mngon par zhen pa ste/ shA ra dwa ti'i bu de ni byang chub sems dpa' sems dpa' chen po'i rjes su 'thun pa'i chos la sred pa ste skyon yin no/ /shA ra dwa ti'i bu de ltar na byang chub sems dpa' sems dpa' chen po thabs la mi mkhas pas sngar nges par ltung ba yin zhing / nyan thos dang rang sangs rgyas kyi sar ltung la/ byang chub sems dpa'i skyon med pa la yang mi 'jug pa yin no/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni thabs la mkhas pas mig nas chos rnams kyi bar la mi rtag ces bya bar gnas par byed cing kun du shes la mngon par zhen pa dang de bzhin du mig nas chos rnams kyi bar la sdug bsngal zhes bya bar gnas par byed cing kun du shes la mngon par zhen pa dang / de bzhin du mig nas chos rnams kyi bar la bdag med ces bya bar gnas par byed cing kun du shes la mngon par zhen pa dang / de bzhin du mig nas chos rnams kyi bar la stong zhes bya bar gnas par byed cing kun du shes la mngon par zhen pa dang / de bzhin du mig nas chos rnams kyi bar la mtshan ma med ces bya bar gnas par byed cing kun du shes la mngon par zhen pa dang / de bzhin du mig nas chos rnams kyi bar la smon pa med ces bya bar gnas par byed cing kun du shes la mngon par zhen pa dang / de bzhin du mig nas chos rnams kyi bar la zhi zhes bya bar gnas par byed cing kun du shes la mngon par zhen pa dang / de bzhin du mig nas chos rnams kyi bar la dben zhes bya bar gnas par byed cing kun du shes la mngon par zhen pa dang / de bzhin du mig nas chos rnams kyi bar la rnam par byang zhes bya bar gnas par byed cing kun du shes la mngon par zhen pa dang / de bzhin du mig nas chos rnams kyi bar la skye ba med ces bya bar gnas par byed cing kun du shes la mngon par zhen pa dang / de bzhin du mig nas chos rnams kyi bar la 'gag pa med ces bya bar gnas par byed cing kun du shes la mngon par zhen pa dang / de bzhin du mig la dngos po med ces bya bar gnas par byed cing kun du shes la mngon par zhen pa dang / chos rnams kyi bar la dngos po med ces bya bar gnas par byed cing kun du shes la mngon par zhen pa ste/ shA ra dwa ti'i bu de ni byang chub sems dpa' sems dpa' chen po'i rjes su 'thun pa'i chos la sred pa ste skyon zhes bya'o/ /shA ra dwa ti'i bu de ltar na byang chub sems dpa' sems dpa' chen po thabs la mi mkhas pas sngar nges par ltung ba yin zhing nyan thos dang / rang sangs rgyas kyi sar rab tu ltung ba dang / byang chub sems dpa'i skyon med pa la mi 'jug pa yin no/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa/ thabs la mi mkhas pas khams rnams dang / dran pa nye bar gzhag pa dag nas/ 'phags pa'i lam yan lag brgyad pa'i bar dang / de bzhin du de bzhin gshegs pa'i stobs bcu nas sangs rgyas kyi chos ma 'dres pa bcwa brgyad kyi bar dang / de bzhin du sbyar te/ ji ltar phung po dag gi skabs su sbyar ba bzhin thams cad du rgya cher sbyar bar bya ste/ shA ra dwa ti'i bu de ltar na byang chub sems dpa' sems dpa' chen po thabs la mi mkhas pas sngar nges par ltung ba yin zhing nyan thos dang / rang sangs rgyas kyi sar rab tu ltung ba la byang chub sems dpa'i skyon med pa la yang mi 'jug pa yin no/ /shA ra dwa ti'i bu 'di skad ces byang chub sems dpa' sems dpa' chen po'i skyon ma mchis pa gang lags shes gang smras pa yang / shA ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pas 'di ltar bslab par bya ste/ ci nas gzugs kyis rlom sems su mi bya'o/ /tshor ba dang 'du shes dang 'du byed rnams dang / rnam par shes pas rlom sems su mi bya/ mig gis rlom sems su mi bya/ de bzhin du rna ba dang / sna dang lce dang / lus dang yid kyis rlom sems su mi bya/ gzugs rnams kyis rlom sems su mi bya/ de bzhin du sgra dang / dri dang ro dang reg bya dang / chos rnams kyis rlom sems su mi bya/ mig gi khams kyis rlom sems su mi bya/ gzugs kyi khams kyis rlom sems su mi bya/ mig gi rnam par shes pa'i khams kyis rlom sems su mi bya/ de bzhin du sbyar te/ yid kyi khams kyi bar gyis rlom sems su mi bya/ yid kyi rnam par shes pa'i khams kyis rlom sems su mi bya/ sbyin pa'i pha rol du phyin pas rlom sems su mi bya/ de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pas rlom sems su mi bya/ de bzhin du bsam gtan dang tshad med pa dang / gzugs med pa'i snyoms par 'jug pa rnams kyis rlom sems su mi bya/ dran pa nye bar gzhag pa rnams kyis rlom sems su mi bya/ de bzhin du sbyar te/ 'phags pa'i lam yan lag brgyad pa'i bar gyis rlom sems su mi bya/ de bzhin du de bzhin gshegs pa'i stobs bcus rlom sems su mi bya/ de bzhin du sbyar te/ sangs rgyas kyi chos ma 'dres pa bcwa brgyad kyi bar gyis rlom sems su mi bya'o/ /shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pas/ byang chub kyi sems mi mnyam pa dang mnyam pa'i sems thun mong pa ma yin pa'i sems/ rgya chen po'i sems de nyid kyis kyang rlom sems su mi bya'o/ /de ci'i phyir zhe na/ 'di ltar sems kyi rang bzhin 'od gsal ba nyid kyi phyir ro/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das sems kyi rang bzhin 'od gsal ba nyid gang lags/ de skad ces gsol ba dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu sems gang 'dod chags dang ldan pa yang ma yin/ mi ldan pa yang ma yin/ zhe sdang dang ldan pa yang ma yin/ mi ldan pa yang ma yin/ gti mug dang ldan pa yang ma yin/ mi ldan pa yang ma yin zhing / de bzhin du kun nas ldang ba rnams dang / kun du sbyor ba rnams dang / bag la nyal rnams dang ldan pa yang ma yin/ mi ldan pa yang ma yin pa dang / de bzhin du lta ba'i kun du sbyor ba thams cad dang ldan pa yang ma yin/ mi ldan pa yang ma yin pa dang / nyan thos dang / rang sangs rgyas kyi sems dag dang ldan pa yang ma yin/ mi ldan pa yang ma yin pa 'di ni shA ra dwa ti'i bu byang chub sems dpa' sems dpa' chen po'i sems rang bzhin gyis 'od gsal ba nyid yin no/ /de skad ces bka' stsal pa dang / tshe dang ldan pa shA ra dwa ti'i bus 'di skad ces gsol to/ /bcom ldan 'das ci sems ma lags pa'i sems gang lags pa de mchis lags sam/ bcom ldan 'das kyis bka' stsal pa/ shA ra dwa ti'i bu sems kyi sems nyid gang yin pa de la ci yod pa nyid dam/ med pa nyid dam/ bdog pa 'am/ mi bdog pa 'am/ dmigs pa nyid dmigs su yod dam/ gsol pa/ btsun pa bcom ldan 'das ma mchis lags so/ /bka' stsal pa/ shA ra dwa ti'i bu gal te sems kyi sems nyid gang la yod pa nyid dam/ med pa nyid med cing mi dmigs na/ shA ra dwa ti'i bus gang 'di skad ces smras te/ sems ma lags pa'i sems de mchis lags sam/ zhes brgal zhing brtag pa 'di ji ga rigs sam/ de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das sems kyi sems nyid de gang lags/ bka' stsal pa/ shA ra dwa ti'i bu chos thams cad la 'gyur ba med cing rnam par rtog pa med pa gang yin pa de ni sems kyi sems nyid ces bya'o/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das sems de kho na 'gyur ba ma mchis shing rnam par rtog pa ma mchis la/ gzugs dang / tshor ba dang 'du shes dang 'du byed rnams dang / rnam par shes pa de kho na 'gyur ba ma mchis shing rnam par rtog pa ma mchis pa lags sam/ de bzhin du sbyar te/ 'du byed thams cad kyi bar dag kyang 'gyur ba ma mchis shing rnam par rtog pa ma mchis pa lags sam/ de ltar gyur na ni byang chub kyi bar du yang 'gyur ba ma mchis shing rnam par rtog pa ma mchis par 'gyur lags so/ /bcom ldan 'das kyis bka' stsal pa/ shA ra dwa ti'i bu de de bzhin te/ gang gi sems de ltar 'gyur ba med cing rnam par rtog pa med pa nas/ 'du byed thams cad kyi bar dag dang / de bzhin du byang chub kyi bar du yang de la 'gyur ba med cing rnam par rtog pa med pa yin te/ shA ra dwa ti'i bu chos thams cad la 'gyur ba med cing rnam par rtog pa med pa gang yin pa de ni byang chub sems dpa' sems dpa' chen po shes rab kyi pha rol du phyin pa la spyod pa'i skyon med pa zhes bya'o/ /shA ra dwa ti'i bu gzhan yang byang chub sems dpa' sems dpa' chen po'i skyon med pa ni 'di lta ste/ thabs kyis yang dag par zin pa'i dran pa nye bar gzhag pa bzhi yin no/ /bzhi gang zhe na/ 'di la byang chub sems dpa' sems dpa' chen po rtun pa shes bzhin can dran pa dang ldan pas mi dmigs pa'i tshul gyis 'jig rten la brnab sems dang / yid mi bde ba rnam par bsal nas/ nang gi lus la lus kyi rjes su lta zhing gnas la/ lus la rten pa'i rnam par rig pa yang mi skyed pa dang / de bzhin du rtun pa shes bzhin can dran pa dang ldan pas/ mi dmigs pa'i tshul gyis 'jig rten la brnab sems dang / yid mi bde ba rnam par bsal nas/ phyi'i lus la lus kyi rjes su lta zhing gnas la/ lus la brten pa'i rnam par rig pa yang mi skyed pa dang / de bzhin du rtun pa shes bzhin can dran pa dang ldan pas mi dmigs pa'i tshul gyis 'jig rten la brnab sems dang / yid mi bde ba rnam par bsal nas/ nang dang phyi'i lus la lus kyi rjes su lta zhing gnas la/ lus la brten pa'i rnam par rig pa yang mi bskyed pa dang / de bzhin du rtun pa shes bzhin can dran pa dang ldan pas/ mi dmigs pa'i tshul gyis 'jig rten la brnab sems dang / yid mi bde ba rnam par bsal nas/ nang gi tshor ba rnams dang / phyi'i tshor ba rnams dang / phyi nang gi tshor ba rnams la tshor ba'i rjes su lta zhing gnas la/ tshor ba la brten pa'i rnam par rig pa yang mi skyed pa dang / de bzhin du rtun pa shes bzhin can dran pa dang ldan pas mi dmigs pa'i tshul gyis 'jig rten la brnab sems dang / yid mi bde ba rnam par bsal nas/ nang gi sems rnams dang / phyi'i sems rnams dang / phyi nang gi sems rnams la sems kyi rjes su lta zhing gnas la/ sems la brten pa'i rnam par rig pa yang mi bskyed pa dang / de bzhin du rtun pa shes bzhin can dran pa dang ldan pas mi dmigs pa'i tshul gyis 'jig rten la brnab sems dang / yid mi bde ba rnam par bsal nas/ nang gi chos rnams dang / phyi'i chos rnams dang / phyi nang gi chos rnams la chos kyi rjes su lta zhing gnas la/ chos la brten pa'i rnam par rig pa yang mi bskyed pa'o/ /'phags pa shes rab kyi pha rol du phyin pa khri pa/ bam po brgyad pa/ shA ra dwa ti'i bu byang chub sems dpa' sems dpa' chen po ji ltar na nang gi lus la lus kyi rjes su lta zhing gnas she na/ 'di la byang chub sems dpa' sems dpa' chen po spyod na yang spyod par rab tu shes so/ /'greng na yang 'greng bar rab tu shes so/ /'dug na yang bdag 'dug par rab tu shes so/ /nyal na yang bdag nyal bar rab tu shes so/ /de'i lus ji lta ji lta bur gnas par gyur pa de lta de lta bur rab tu shes te/ shA ra dwa ti'i bu de ltar na byang chub sems dpa' sems dpa' chen po rtun pa shes bzhin can dran pa dang ldan pas 'jig rten la brnab sems dang / yid mi bde ba rnam par bsal nas/ nang gi lus la lus kyi rjes su lta zhing gnas so/ /shA ra dwa ti'i bu gzhan yang byang chub sems dpa' sems dpa' chen po ni 'gro 'am ldog kyang shes bzhin du spyod pa yin/ kun du lta 'am/ rnam par lta yang shes bzhin du spyod pa yin/ bskum pa dang brkyang pa dang snam sbyar dang / ras yug chen dang / lhung bzed thogs pa dang / za ba dang / 'thung ba dang / 'cha' ba dang / myang ba dang / gnyid bsad pa dang / ngal bso ba dang / 'ong ba dang / 'gro ba 'am/ 'dug pa dang / nyal ba dang / mi nyal ba dang / smra ba dang / mi smra ba na yang shes bzhin du spyod pa yin/ nang du yang dag 'jog dang / ldang na yang shes bzhin du spyod pa yin te/ shA ra dwa ti'i bu de ltar na byang chub sems dpa' sems dpa' chen po shes rab kyi pha rol du phyin pa la spyod pa na/ nang gi lus la lus kyi rjes su lta zhing gnas te/ de yang mi dmigs pa'i tshul gyis gnas so/ /shA ra dwa ti'i bu gzhan yang byang chub sems dpa' sems dpa' chen po ni dran bzhin du dbugs rngub cing / dran bzhin du dbugs 'byin te/ des dbugs ring du brngubs na yang dbugs ring du brngubs pa dang / dbugs ring du phyung na yang dbugs ring du phyung bar rab tu shes so/ /dbugs thung ngu brngubs na yang dbugs thung ngu brngubs par rab tu shes so/ /dbugs thung ngu phyung na yang dbugs thung ngu phyung bar rab tu shes so/ /shA ra dwa ti'i bu dper na rdza mkhan nam/ rdza mkhan gyi slob ma mkhas pas 'phang lo skor ba ni/ ring du srub na yang ring du srub par rab tu shes so/ /shA ra dwa ti'i bu de bzhin du byang chub sems dpa' sems dpa' chen po yang dran bzhin du dbugs brngubs cing / dran bzhin du dbugs 'byin te/ des dbugs ring du brngubs na yang dbugs ring du brngubs par rab tu shes so/ /dbugs ring du phyung na yang dbugs ring du phyung bar rab tu shes so/ /dbugs thung ngu brngubs na yang dbugs thung ngu brngubs par rab tu shes so/ /dbugs thung ngu phyung na yang dbugs thung ngu phyung bar rab tu shes so/ /shA ra dwa ti'i bu de ltar na byang chub sems dpa' sems dpa' chen po rtun pa shes bzhin can dran pa dang ldan pas mi dmigs pa'i tshul gyis 'jig rten la brnab sems dang / yid mi bde ba rnam par bsal nas nang gi lus la lus kyi rjes su lta zhing gnas so/ /shA ra dwa ti'i bu gzhan yang byang chub sems dpa' sems dpa' chen po ni lus 'di nyid la khams kyis so sor rtog par byed de/ lus 'di la ni sa'i khams dang / chu'i khams dang / me'i khams dang / rlung gi khams yod do snyam du rtog go/ /shA ra dwa ti'i bu dper na ba lang gsod pa la mkhas pa 'am/ ba lang gsod pa'i slob ma mkhas pas mtshon rnon pos ba lang bsad nas/ bag bzhir gshegs te gzugs bzhir phye nas 'greng ngam 'dug ste/ so sor rtog pa de bzhin du/ shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa yang lus 'di nyid la khams kyis so sor rtog par byed de/ lus 'di la ni sa'i khams dang / chu'i khams dang me'i khams dang rlung gi khams yod do snyam du rtog ste/ shA ra dwa ti'i bu de ltar na byang chub sems dpa' sems dpa' chen po shes rab kyi pha rol du phyin pa la spyod pa/ nang gi lus la lus kyi rjes su lta zhing gnas pa yin te/ de yang mi dmigs pa'i tshul gyis gnas so/ /shA ra dwa ti'i bu gzhan yang byang chub sems dpa' sems dpa' chen po ni lus 'di nyid rkang pa'i mthil yan chad skra dang mgo bo man chad mi gtsang ba rnam pa sna tshogs kyis gang ste/ lus 'di la ni skra dang spu dang / sen mo dang / lpags pa dang / lpags shun dang / sha dang rgyus pa dang / rus pa dang rkang dang / mkhal ma dang / snying dang / mtsher pa dang / glo ba dang / mchin pa dang / sul mangs dang / rgyu ma dang / gnye ma dang / gzhang dang / lgang pa dang / phyi sa dang / mchi ma dang / rngul dang / tshil dang / mchil ma dang / snabs dang / rnag dang / khrag dang / mkhris pa dang / bad kan dang / zhag dang / chu ser dang / dri ma dang / gcin dang / glad pa dang / glad rgyas dag yod do snyam du so sor rtog ste/ shA ra dwa ti'i bu dper na khyim bdag zhing pa'i spyang 'bru'i rnam pa sna tshogs 'di lta ste/ til dang / 'bras thug po che dang / mon sran sde'u dang / mon sran na gu dang / nas dang / gro dang / sran chung dang / 'bras sa lu dang / 'bru dang yungs 'bru dag gis gang ba sgo drung gnyis su bzhag pa la skyes bu mig dang ldan pas mthong na/ 'di dag ni til yin no/ /'di dag 'bras thug po che yin no/ /'di dag ni mon sran sde'u yin no/ /'di dag ni mon sran na gu yin no/ /'di dag ni nas yin no/ /'di dag ni gro yin no/ /'di dag ni sran chung yin no/ /'di dag ni 'bras sa lu yin no/ /'di dag ni 'bru yin no/ /'di dag ni yungs dkar yin no snyam du shes so/ /shA ra dwa ti'i bu de bzhin du byang chub sems dpa' sems dpa' chen po yang lus 'di nyid la rkang pa'i mthil yan chad skra dang mgo man chad mi gtsang ba rnam pa sna tshogs kyis gang ste/ lus 'di la ni skra dang / spu dang / de bzhin du sbyar te/ glad pa dang / glad rgyas kyi bar dag yod do snyam du so sor rtog go/ /shA ra dwa ti'i bu de ltar na byang chub sems dpa' sems dpa' chen po rtun pa shes bzhin can dran pa dang ldan pas 'jig rten la brnab sems dang / yid mi bde ba rnam par bstsal nas/ nang gi lus la lus kyi rjes su lta zhing gnas te/ de yang mi dmigs pa'i tshul du ste/ shA ra dwa ti'i bu de ni byang chub sems dpa' sems dpa' chen po shes rab kyi pha rol tu phyin pa la spyod pa'i skyon med pa yin no/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i skyon med pa ni 'di lta ste/ yang dag par spong ba bzhi'o/ /bzhi gang zhe na/ shA ra dwa ti'i bu 'di la byang chub sems dpa' sems dpa' chen po sdig pa mi dge ba'i chos ma skyes pa rnams mi bskyed pa'i phyir 'dun pa skyed cing rtsol la/ brtson 'grus rtsom ste/ sems rab tu 'dzin cing yang dag par rab tu 'jog pa dang / sdig pa mi dge ba'i chos skyes pa rnams spang ba'i phyir 'dun pa bskyed cing rtsol la brtson 'grus rtsom ste/ sems rab tu 'dzin cing yang dag par rab tu 'jog pa dang / dge ba'i chos ma skyes pa rnams bskyed pa'i phyir 'dun pa bskyed cing 'bad la brtson 'grus rtsom ste/ sems rab tu 'dzin cing yang dag par rab tu 'jog pa dang / dge ba'i chos skyes pa rnams gnas pa dang / mi brjed pa dang / rgyas pa dang / phyir zhing bsgom pa yongs su rdzogs par bya ba'i phyir 'dun pa bskyed cing 'bad la brtson 'grus rtsom ste/ sems rab tu 'dzin cing yang dag par rab tu 'jog la/ de yang mi dmigs pa'i tshul du ste/ shA ra dwa ti'i bu de ni byang chub sems dpa' sems dpa' chen po'i skyon med pa yin no/ /shA ra dwa ti'i bu gzhan yang byang chub sems dpa' sems dpa' chen po'i skyon med pa ni 'di lta ste/ rdzu 'phrul gyi rkang pa bzhi'o/ / bzhi gang zhe na/ shA ra dwa ti'i bu 'di la byang chub sems dpa' sems dpa' chen po 'dun pa'i ting nge 'dzin spang ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su bsgyur ba bsgom pa dang / de bzhin du sems kyi ting nge 'dzin spang ba'i 'du byed dang ldan pa'i rdzu 'phrul gyi rkang pa bsgom pa dang / brtson 'grus kyi ting nge 'dzin spang ba'i 'du byed dang ldan pa'i rdzu 'phrul gyi rkang pa bsgom pa dang / dpyod pa'i ting nge 'dzin spangaba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su bsgyur ba bsgom ste de yang mi dmigs pa'i tshul du ste/ shA ra dwa ti'i bu de ni byang chub sems dpa' sems dpa' chen po'i skyon med pa zhes bya'o/ /shA ra dwa ti'i bu gzhan yang byang chub sems dpa' sems dpa' chen po'i skyon med pa ni 'di lta ste/ dbang po lnga'o/ /lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ de yang mi dmigs pa'i tshul du ste/ shA ra dwa ti'i bu de ni byang chub sems dpa' sems dpa' chen po'i skyon med pa zhes bya'o/ /shA ra dwa ti'i bu gzhan yang byang chub sems dpa' sems dpa' chen po'i skyon med pa ni 'di lta ste/ stobs lnga'o/ /lnga gang zhe na 'di lta ste/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs so/ /de yang mi dmigs pa'i tshul du ste/ shA ra dwa ti'i bu de ni byang chub sems dpa' sems dpa' chen po'i skyon med pa zhes bya'o/ /shA ra dwa ti'i bu gzhan yang byang chub sems dpa' sems dpa' chen po'i skyon med pa ni 'di lta ste/ byang chub kyi yan lag bdun no/ /bdun gang zhe na 'di lta ste/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin du sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ dran pa yang dag byang chub kyi yan lag de yang dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba bsgom pa dang / de bzhin du chos rnam par 'byed pa yang dag byang chub kyi yan lag dang / brtson 'grus dang dga' ba dang shin du sbyangs pa dang / ting nge 'dzin dang / btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su bsgyur ba bsgom ste/ de yang mi dmigs pa'i tshul gyis bsgom ste/ shA ra dwa ti'i bu de ni byang chub sems dpa' sems dpa' chen po'i skyon med pa zhes bya'o/ /shA ra dwa ti'i bu gzhan yang byang chub sems dpa' sems dpa' chen po'i skyon med pa ni 'di lta ste/ 'phags pa'i lam yan lag brgyad pa ste/ brgyad gang zhe na/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin nyid ni brgyad pa yin te/ de yang mi dmigs pa'i tshul du ste/ shA ra dwa ti'i bu de ni byang chub sems dpa' sems dpa' chen po'i skyon med pa zhes bya'o/ /shA ra dwa ti'i bu gzhan yang byang chub sems dpa' sems dpa' chen po'i skyon med pa ni 'di lta ste/ chos thams cad gnyis su med par shes pa la 'jug pas rnam par thar pa'i sgo gsum la snyoms par 'jug pa dang / chos thams cad la rnam par mi rtog cing bsam gtan gyi bde ba la ro myang ba med par bsam gtan bzhi la snyoms par 'jug pa dang / chos thams cad mi skye bar bzod pa la 'jug pas tshad med pa bzhi la snyoms par 'jug pa dang / khams gsum dmigs su med par shes pas gzugs med pa'i snyoms par 'jug pa bzhi la snyoms par 'jug pa dang / sems dang yid dang yid kyi rnam par shes pa dang bral bas rnam par thar pa brgyad la snyoms par 'jug pa dang / 'khor ba dang mya ngan las 'das pa la gnyis su med par mthong bas/ mthar gyis gnas pa'i snyoms par 'jug pa dgu la snyoms par 'jug pa dang / chos thams cad smig rgyu lta bu la 'jug pas 'du shes dgu la snyoms par 'jug pa dang / dran pa med cing yid la byed pa med par rjes su dran pa bcu la snyoms par 'jug pa dang / chos thams cad sgyu ma lta bu la 'jug pas 'du shes drug la snyoms par 'jug pa dang / shes pa dang mi shes pa'i chos mnyam pas shes pa bcu la 'jug pa dang / chos thams cad rang bzhin gyis mnyam par bzhag par rtogs nas gsum la snyoms par 'jug pa dang / dus gsum dang bral ba'i shes pas dbang po gsum bsgom pa dang / tshul gcig cing tha dad par mi byed pa'i shes pa la 'jug pas zil gyis gnon pa'i skye mched rnams bsgom pa dang / chos zab mo la bzod pa la 'jug pas zad par gyi skye mched rnams la snyoms par 'jug ste/ de yang mi dmigs pa'i tshul gyis snyoms par 'jug pa ste/ shA ra dwa ti'i bu de ni byang chub sems dpa' sems dpa' chen po'i skyon med pa zhes bya'o/ /shA ra dwa ti'i bu gzhan yang byang chub sems dpa' sems dpa' chen po'i skyon med pa ni gang gi tshe/ shes rab kyi pha rol tu phyin pa la spyod pa ni/ nang stong pa nyid la phyi stong pa nyid mi mthong / phyi stong pa nyid la nang stong pa nyid mi mthong / nang stong pa nyid dang phyi stong pa nyid la stong pa nyid stong pa nyid mi mthong / stong pa nyid stong pa nyid la nang dang phyi stong pa nyid mi mthong / stong pa nyid stong pa nyid la chen po stong pa nyid mi mthong / chen po stong pa nyid la don dam pa stong pa nyid mi mthong / don dam pa stong pa nyid la 'dus byas stong pa nyid mi mthong / 'dus byas stong pa nyid la 'dus ma byas stong pa nyid mi mthong / 'dus ma byas stong pa nyid la thog ma dang tha ma med pa stong pa nyid mi mthong / thog ma dang tha ma med pa stong pa nyid la dor ba med pa stong pa nyid mi mthong / dor ba med pa stong pa nyid la rang bzhin gyis stong pa nyid mi mthong / rang bzhin gyis stong pa nyid la rang gi mtshan nyid stong pa nyid mi mthong / rang gi mtshan nyid stong pa nyid la chos thams cad stong pa nyid mi mthong / chos thams cad stong pa nyid la dngos po med pa stong pa nyid mi mthong / dngos po med pa stong pa nyid la ngo bo nyid stong pa nyid mi mthong / ngo bo nyid stong pa nyid la dngos po med pa'i ngo bo nyid stong pa nyid mi mthong / dngos po med pa'i ngo bo nyid stong pa nyid la ngo bo nyid stong pa nyid mi mthong ba ste/ shA ra dwa ti'i bu byang chub sems dpa' sems dpa' chen po shes rab kyi pha rol tu phyin pa la de ltar spyod pa ni byang chub sems dpa'i skyon med pa la 'jug par 'gyur ro/ /shA ra dwa ti'i bu gzhan yang byang chub sems dpa' sems dpa' chen po'i skyon med pa ni 'di lta ste/ gzhan gyi dring la mi 'jog cing gzhan la bstan pa shes pa la 'jug pas de bzhin gshegs pa'i stobs bcu yongs su rdzogs par byed de/ de yang mi dmigs pa'i tshul gyis byed pa'o/ /bdag dang gzhan la rlom sems med pa la lhag par 'jug pas mi 'jigs pa bzhi yongs su rdzogs par byed de/ de yang mi dmigs pa'i tshul gyis byed pa'o/ /nyan thos dang rang sangs rgyas kyi theg pa yongs su spangs pa'i shes pas de la yang rlom sems su mi byed pas so so yang dag par rig pa bzhi yongs su rdzogs par byed de/ de yang mi dmigs pa'i tshul gyis byed pa'o/ /sems can dang sems can med pas byams pa chen po yongs su rdzogs par byed de/ de yang mi dmigs pa'i tshul gyis byed pa'o/ /bdag bdag med pas snying rje chen po yongs su rdzogs par byed de/ de yang mi dmigs pa'i tshul gyis byed pa'o/ /rig pa gnyis kyi bsam pa dang bral bas sangs rgyas kyi chos ma 'dres pa bcwa brgyad yongs su rdzogs par byed de/ de yang mi dmigs pa'i tshul gyis byed pa'o/ /rnam pa thams cad kyi mchog dang ldan pa'i stong pa nyid la 'jug pas thams cad shes pa nyid dang lam gyi rnam pa shes pa nyid dang / rnam pa thams cad mkhyen pa nyid yongs su rdzogs par byed de/ de yang mi dmigs pa'i tshul gyis byed pa'o/ /ser sna dang / 'chal pa'i tshul khrims dang / khro ba dang / le lo dang / rnam par g.yeng ba'i sems dang / 'chal ba'i shes rab kyi sems rnams dngos po med par mthong bas pha rol tu phyin pa drug yongs su rdzogs par byed de/ de yang mi dmigs pa'i tshul gyis byed pa'o/ /chos thams cad 'ong ba dang 'gro ba med ces bya bar mos nas mngon par shes pa drug yongs su rdzogs par byed de/ de yang mi dmigs pa'i tshul gyis byed pa'o/ /chos thams cad stong pa nyid dang / mtshan ma med pa dang / smon pa med pa dang / skye ba med pa dang / 'gag pa med pa dang / mngon par 'du bya ba med pa dang / 'byung ba med ces bya bar mthong nas/ mig lnga yongs su rdzogs par byed de/ de yang mi dmigs pa'i tshul gyis byed pa'o/ /chos thams cad mi gnas pa'o zhes bya bar mos nas mtshan dang dpe byad bzang po rnams yongs su rdzogs par byed de/ de yang mi dmigs pa'i tshul gyis byed pa'o/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa ji ltar na byang chub kyi lam du mchi zhing byang chub sems dpa'i skyon ma mchis pa la yang 'jug la/ sus kyang thul bar rngo mi thog pa lags/ bcom ldan 'das kyis bka' stsal pa/ shA ra dwa ti'i bu gang gi tshe/ byang chub sems dpa' sems dpa' chen po shes rab kyi pha rol tu phyin pa la spyod pa/ gzugs kyi phung por rlom sems su mi byed cing / de bzhin du rnam par shes pa'i phung po'i bar du rlom sems su mi byed/ mig gi skye mched du rlom sems su mi byed cing / de bzhin du yid kyi skye mched kyi bar du rlom sems su mi byed/ gzugs kyi skye mched du rlom sems su mi byed pa nas/ chos kyi skye mched kyi bar du rlom sems su mi byed/ de bzhin du mig gi khams su rlom sems su mi byed/ gzugs kyi khams su rlom sems su mi byed/ mig gi rnam par shes pa'i khams su rlom sems su mi byed pa nas/ de bzhin du sbyar te yid kyi khams su rlom sems su mi byed/ chos kyi khams kyi bar du rlom sems su mi byed/ dran pa nye bar gzhag pa rnams su rlom sems su mi byed pa nas/ 'phags pa'i lam yan lag brgyad pa'i bar du rlom sems su mi byed/ sbyin pa'i pha rol tu phyin par rlom sems su mi byed pa nas/ shes rab kyi pha rol tu phyin pa'i bar du rlom sems su mi byed/ de bzhin gshegs pa'i stobs bcur rlom sems su mi byed/ de bzhin du mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad du rlom sems su mi byed/ de bzhin du rgyun tu zhugs pa'i 'bras bu'i bar du rlom sems su mi byed pa nas dgra bcom pa'i bar du rlom sems su mi byed/ de bzhin du rang byang chub tu rlom sems su mi byed/ bla na med pa yang dag par rdzogs pa'i byang chub tu rlom sems su mi byed pa ste/ shA ra dwa ti'i bu de ltar na byang chub sems dpa' sems dpa' chen po shes rab kyi pha rol tu phyin pas rnam par 'phel ba na/ byang chub kyi lam du 'gro zhing byang chub sems dpa'i skyon med pa la yang 'jug la/ sus kyang thul bar mi nus pa yin no/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la gnas nas/ thams cad mkhyen pa'i ye shes yongs su rdzogs par byed de/ shes pa gang dang ldan na nam yang ngan song rnams su rab tu mi ltung zhing mi rnams kyi nang du nyams par mi 'gyur la/ dbul por ma yin pa dang / lus gang dang ldan na lha dang mi dang lha ma yin gyi 'jig rten gyis smad par 'gyur ba'i lus de lta bu yongs su 'dzin to/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po shes pa gang dang ldan na/ nam yang ngan song rnams su mi ltung ba dang / lha dang mi dang lha ma yin gyi 'jig rten gyis smad par mi 'gyur bar shes pa gang lags/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po shes pa gang dang ldan na/ shar phyogs kyi 'jig rten gyi khams gang gA'i klung gi bye ma snyed dag na/ de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed dag mthong zhing de dag las chos kyang nyan la/ sangs rgyas bcom ldan 'das de dag gi nyan thos kyi dge 'dun dang / byang chub sems dpa'i dge 'dun yang mthong / sangs rgyas kyi zhing gi yon tan bkod pa dag kyang mthong ba dang / byang chub sems dpa' sems dpa' chen po shes pa gang dang ldan na/ sangs rgyas su 'du shes mi 'jug /byang chub sems dpar 'du shes mi 'jug / nyan thos su 'du shes mi 'jug /rang sangs rgyas su 'du shes pa ma yin/ bdag tu 'du shes pa ma yin/ bdag med par 'du shes pa ma yin/ sangs rgyas kyi zhing du 'du shes pa ma yin pa dang / byang chub sems dpa' sems dpa' chen po shes pa gang dang ldan na/ sbyin pa'i pha rol tu phyin pa la yang spyod la/ sbyin pa de yang mi dmigs pa nas/ shes rab kyi pha rol tu phyin pa la yang spyod la/ shes rab kyi pha rol tu phyin pa de yang mi dmigs pa dang / shes pa gang dang ldan na/ dran pa nye bar gzhag pa rnams mi dmigs par dran pa nye bar gzhag pa rnams la spyod pa dang / de bzhin du sbyar te/ sangs rgyas kyi chos ma 'dres pa rnams mi dmigs par sangs rgyas kyi chos ma 'dres pa bcwa brgyad la spyod pa ste/ shA ra dwa ti'i bu 'di ni byang chub sems dpa' sems dpa' chen po'i shes pa gang dang ldan na/ chos thams cad kyang yongs su rdzogs par byed la/ chos de dag tu yang rlom sems su mi byed pa'i shes pa yin te/ shA ra dwa ti'i bu de lta bas na byang chub sems dpa' sems dpa' chen po shes rab kyi pha rol tu phyin pa la spyod pa byang chub kyi lam rnam par spyod par 'dod pa/ byang chub sems dpa'i skyon med pa la 'jug par 'dod pas lus kyi las dang / ngag gi las dang / yid kyi las kha na ma tho ba dang bcas pa dag gi skabs dbye bar mi bya'o/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das byang chub sems dpa' sems dpa' chen po'i lus kyi las kha na ma tho ba dang bcas pa gang lags/ ngag gi las gang lags/ yid kyi las gang lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu byang chub sems dpa' sems dpa' chen po gang 'di snyam du sems te/ lus gang gis bdag lus la dmigs par bya'o snyam pa'i lus de 'di yin no snyam pa dang / yid gang gis bdag yid la dmigs par bya'o snyam pa'i yid de 'di yin no snyam pa ste/ shA ra dwa ti'i bu de ni lus kyi las dang / ngag gi las dang / yid kyi las kha na ma tho ba dang bcas pa yin no/ /shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa ni/ lus kyang mi dmigs pa yin no/ /shA ra dwa ti'i bu gal te byang chub sems dpa' sems dpa' chen po shes rab kyi pha rol du phyin pa la spyod pa/ lus dmigs la/ lus sam/ ngag gam/ yid gang gis ser sna'i sems bskyed par byed cing / 'chal ba'i tshul khrims kyi sems sam/ 'khrug pa'i sems sam/ le lo'i sems sam/ rnam par g.yengs pa'i sems sam/ 'chal ba'i shes rab kyi sems bskyed na/ shA ra dwa ti'i bu de ni byang chub sems dpa' sems dpa' chen po ma yin par rig par bya'o/ / shA ra dwa ti'i bu gal te byang chub sems dpa' sems dpa' chen po shes rab kyi pha rol du phyin pa la spyod pa na/ lus kyi gnas ngan len sbyong bar byed/ ngag gi gnas ngan len sbyong bar byed/ yid kyi gnas ngan len sbyong bar byed na/ de ltar na byang chub sems dpa' sems dpa' chen po shes rab kyi pha rol du phyin pa la spyod pa/ byang chub kyi lam rnam par sbyong zhing / byang chub sems dpa'i skyon med pa la yang dag par 'jug pa yin no/ /de skad ces bka' stsal pa dang / bcom ldan 'das la tshe dang ldan pa shA ra dwa ti'i bus 'di skad ces gsol to/ /btsun pa bcom ldan 'das ji ltar na byang chub sems dpa' sems dpa' chen po lus kyi gnas ngan len sbyong ba lags/ de bzhin du ji ltar na ngag dang yid kyi gnas ngan len sbyong ba lags/ bcom ldan 'das kyis bka' stsal pa/ shA ra dwa ti'i bu gang gi tshe byang chub sems dpa' sems dpa' chen po lus mi dmigs/ ngag dang yid mi dmigs shing / shA ra dwa ti'i bu de bzhin du byang chub sems dpa' sems dpa' chen po sems dang po bskyed pa nas bzung ste/ dge ba bcu'i las kyi lam rnams yang dag par blangs nas gnas la/ nam yang nyan thos kyi sems sam/ rang sangs rgyas kyi sems mi skyed cing / sems can thams cad la yang rtag pa kho nar snying rje chen po bskyed par byed pa ste/ shA ra dwa ti'i bu de ltar na byang chub sems dpa' sems dpa' chen po'i lus kyi gnas ngan len yongs su dag par nga smra'o/ /de bzhin du ngag dang yid kyi gnas ngan len yongs su dag par nga smra'o/ /shA ra dwa ti'i bu de ltar na byang chub sems dpa' sems dpa' chen po shes rab kyi pha rol du phyin pa la spyod pa/ byang chub kyi lam sbyong bar byed cing / byang chub sems dpa'i skyon med pa la yang 'jug pa yin no/ /shes rab kyi pha rol du phyin pa khri pa las skyon med pa'i le'u zhes bya ste/ brgyad pa'o// // de nas bcom ldan 'das la tshe dang ldan pa shA ra dwa ti'i bus 'di skad ces gsol to/ / bcom ldan 'das byang chub sems dpa' sems dpa' chen po gang la gnas na byang chub sems dpa'i skyon ma mchis pa la 'jug cing / nyi tshe ba'i theg pas nges par 'byung bar mi 'gyur ba'i byang chub sems dpa' sems dpa' chen po'i theg pa de gang lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ shA ra dwa ti'i bu gang gi tshe byang chub sems dpa' sems dpa' chen po sbyin pa'i pha rol du phyin pa la spyod pa ni/ nyi tshe ba'i sems can rnams kyi ched du sbyin pa sbyin par mi byed/ tshul khrims kyi pha rol du phyin pa la spyod pa na/ nyi tshe ba'i sems can rnams kyi ched du tshul khrims mi srung / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa la yang de bzhin la/ shes rab kyi pha rol du phyin pa la spyod pa na/ nyi tshe ba'i sems can rnams kyi ched du shes rab mi bsgom gyi/ sbyin pa'i pha rol du phyin pa la spyod pa na/ sems can thams cad kyi ched du sbyin pa sbyin par byed pa nas/ de bzhin du shes rab kyi pha rol du phyin pa'i bar la spyod pa na/ sems can thams cad kyi ched du shes rab sgom par byed de/ byang chub sems dpa' sems dpa' chen po ni sems can 'di snyed cig ni phung po'i lhag ma med pa'i mya ngan las 'das pa'i dbyings su yongs su mya ngan las bzla bar bya'o/ /sems can 'di snyed cig ni yongs su mya ngan las bzla bar mi bya'o/ /sems can 'di snyed cig ni sangs rgyas kyi byang chub la dgod par bya'o/ /sems can 'di snyed cig ni dgod par mi bya'o/ /snyam du sems can ris su chad pa rnams kyi don gyi phyir/ go cha chen po gyon par mi byed kyi/ sems can thams cad kyi ched du go cha chen po gyon par byed cing / de 'di snyam du yang sems te/ bdag nyid kyis kyang sbyin pa'i pha rol du phyin pa yongs su rdzogs par bya'o/ /sems can thams cad kyang sbyin pa'i pha rol du phyin pa la sbyar bar bya'o/ /de bzhin du sbyar te/ bdag nyid kyis kyang tshul khrims kyi pha rol du phyin pa yongs su rdzogs par bya'o/ /de bzhin du bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / bdag nyid kyis kyang shes rab kyi pha rol du phyin pa yongs su rdzogs par bya'o/ /sems can thams cad kyang shes rab kyi pha rol du phyin pa'i bar la sbyar bar bya'o snyam pa ste/ shA ra dwa ti'i bu byang chub sems dpa' sems dpa' chen po de tsam gyis na go cha chen po bgos pa zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ sbyin pa gang sbyin pa de thams cad thams cad mkhyen pa nyid dang ldan pa'i sems kyis sbyin zhing / de yang sems can thams cad dang lhan cig thun mong du byas nas/ mi dmigs pa'i tshul gyis bla na med pa yang dag par rdzogs pa'i byang chub tu yongs su bsngo ba 'di ni/ shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i sbyin pa'i pha rol du phyin pa'i go cha'o/ /shA ra dwa ti'i bu gzhan yang byang chub sems dpa' sems dpa' chen po sbyin pa sbyin pa na/ thams cad mkhyen pa nyid dang ldan pa'i sems kyis sbyin pa sbyin zhing / de dag nyan thos dang / rang sangs rgyas kyi sa yid la mi byed par sems can thams cad dang thun mong du byas te/ yongs su bsngo ba 'di ni byang chub sems dpa' sems dpa' chen po shes rab kyi pha rol du phyin pa la spyod pa'i sbyin pa sbyin pa'i tshul khrims kyi pha rol du phyin pa'i go cha zhes bya'o/ /shA ra dwa ti'i bu gzhan yang byang chub sems dpa' sems dpa' chen po sbyin pa sbyin pa na/ thams cad mkhyen pa nyid dang ldan pa'i yid la bya ba dag gis sbyin zhing / sems can thams cad dang thun mong du byed la/ chos de dag la bzod pa dang / 'dod pa dang / yid ches pa 'di dag ni bzod pa'i pha rol du phyin pa'i go cha zhes bya'o/ /zhes bya ba'i bar du de bzhin du sbyar ro/ /de bzhin du sbyin pa sbyin pa'i bar gyi brtson 'grus kyi brtson pa mi gtong zhing mi 'dor la/ rab tu 'dzin pa 'di ni brtson 'grus kyi pha rol du phyin pa'i go cha'o/ /de bzhin du sbyin pa sbyin pa na/ sems can thams cad yid la byas nas/ nyan thos dang / rang sangs rgyas kyi sems kyi go skabs mi 'byed par 'di lta ste/ thams cad mkhyen pa nyid du sems rtse gcig pa nyid 'di ni/ bsam gtan gyi pha rol du phyin pa'i go cha'o/ /shA ra dwa ti'i bu gzhan yang byang chub sems dpa' sems dpa' chen po sbyin pa sbyin pa na/ sgyu ma'i rnam pa'i 'du shes nye bar gnas shing / des sbyin par byed pa yang mi dmigs/ sbyin pa yang ma yin/ len par byed pa yang ma yin la/ sbyin pa yang sbyin par byed pa 'di ni/ byang chub sems dpa' sems dpa' chen po shes rab kyi pha rol du phyin pa la spyod pa sbyin pa sbyin pa'i shes rab kyi pha rol du phyin pa'i go cha'o/ /shA ra dwa ti'i bu byang chub sems dpa' sems dpa' chen po gang gi tshe thams cad mkhyen pa nyid dang ldan pa'i sems kyis pha rol du phyin pa drug po de dag la mtshan mar mi byed cing dmigs par yang mi byed pa de'i tshe/ byang chub sems dpa' sems dpa' chen po go cha chen po bgos pa zhes bya'o/ /shA ra dwa ti'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa na/ thams cad mkhyen pa nyid dang ldan pa'i sems kyis sbyin pa sbyin par byed cing / de yang sems can thams cad dang thun mong du byas nas bla na med pa yang dag par rdzogs pa'i byang chub tu yongs su bsngo bar byed pa 'di ni byang chub sems dpa' sems dpa' chen po tshul khrims kyi pha rol du phyin pa la spyod pa'i sbyin pa'i pha rol du phyin pa'o/ /shA ra dwa ti'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa na/ nyan thos dang / rang sangs rgyas kyi sa la yang 'dod pa med pa nyid yin na so so'i skye bo'i sa la lta smos kyang ci dgos pa 'di ni byang chub sems dpa' sems dpa' chen po'i tshul khrims kyi pha rol du phyin pa'o/ /shA ra dwa ti'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa chos de dag la bzod pa dang / 'dod pa dang / mngon par yid ches pa gang yin pa 'di n i byang chub sems dpa' sems dpa' chen po tshul khrims kyi pha rol du phyin pa la spyod pa'i bzod pa'i pha rol du phyin pa'o shA ra dwa ti'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa chos de dag la brtson pa mi gtong zhing mi 'dor ba dang / rab tu 'dzin pa gang yin pa 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i brtson 'grus kyi pha rol du phyin pa'o/ /shA ra dwa ti'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa/ thams cad mkhyen pa nyid dang ldan pa'i yid la bya ba dag gis snying rje chen po sngon du 'gro ba'i sems dang ma bral bar nyan thos dang / rang sangs rgyas thams cad kyi sems kyi go skabs kyang mi 'byed na/ so so'i skye bo'i sems dag gis lta smos kyang ci dgos pa 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i bsam gtan gyi pha rol du phyin pa'o/ /shA ra dwa ti'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa gang chos thams cad la sgyu ma'i rnam pa'i 'du shes nye bar gnas shing / rang bzhin gyis stong pa nyid kyi phyir/ tshul khrims de la yang rlom sems su mi byed cing mi dmigs pa 'di ni/ shA ra dwa ti'i bu byang chub sems dpa' sems dpa' chen po tshul khrims kyi pha rol du phyin pa la spyod pa'i shes rab kyi pha rol du phyin pa'o/ /shA ra dwa ti'i bu de ltar na byang chub sems dpa' sems dpa' chen po tshul khrims kyi pha rol du phyin pa la spyod pa na/ pha rol du phyin pa drug gis yongs su zin pa'i go cha chen po bgos pa zhes bya'o/ /shA ra dwa ti'i bu gzhan yang byang chub sems dpa' sems dpa' chen po bzod pa'i pha rol du phyin pa la spyod pa na/ thams cad mkhyen pa nyid dang ldan pa'i sems kyis sbyin pa sbyin zhing / de yang sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su bsngo ba ste/ snga ma ji lta ba de bzhin du sbyar ro/ /sbyin pa'i pha rol du phyin par ji ltar bstan pa bzhin du/ brtson 'grus kyi pha rol du phyin pa la yang de bzhin du sbyar ro/ /shA ra dwa ti'i bu gzhan yang byang chub sems dpa' sems dpa' chen po bsam gtan gyi pha rol du phyin pa la spyod pa na/ bsam gtan dang / tshad med pa dang / gzugs med pa'i snyoms par 'jug pa la yang snyoms par 'jug la/ de dag gi dbang gis kyang mi skye zhing mi 'phrogs pa 'di ni/ byang chub sems dpa' sems dpa' chen po bsam gtan gyi pha rol du phyin pa la spyod pa'i thabs la mkhas pa dang ldan pa'i shes rab kyi pha rol du phyin pa'o/ / shA ra dwa ti'i bu gzhan yang byang chub sems dpa' sems dpa' chen po bsam gtan gyi pha rol du phyin pa la spyod pa na/ bsam gtan rnams dang / tshad med pa rnams dang / gzugs med pa'i snyoms par 'jug pa rnams la yang snyoms par 'jug cing dben par mthong ba dang / stong pa dang / mtshan ma med pa dang / smon pa med par mthong bas nyan thos kyi sa 'am/ rang sangs rgyas kyi sar yang 'jug la/ nyan thos dang rang sangs rgyas thams cad kyang zil gyis gnon pa 'di yang / shA ra dwa ti'i bu byang chub sems dpa' bsam gtan gyi pha rol du phyin pa la spyod pa'i thabs la mkhas pa dang ldan pa'i shes rab kyi pha rol du phyin pa'o/ /shA ra dwa ti'i bu de ltar na byang chub sems dpa' sems dpa' chen po go cha chen po bgos pa zhes bya'o/ /shA ra dwa ti'i bu byang chub sems dpa' sems dpa' chen po de ltar go cha chen po bgos pa la ni/ shar phyogs nas phyogs mtshams kyi bar gyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang su dag bzhugs pa de dag thams cad 'jig rten gyi khams ga ge mo zhig na/ byang chub sems dpa' sems dpa' chen po 'di go cha chen po bgos te/ sems can rnams yongs su smin par byed/ sangs rgyas kyi zhing yang yongs su dag par byed/ rdzu 'phrul gyis kyang rnam par 'phrul lo zhes ched du brjod pa ched du brjod par mdzad cing / snyan pa sgrogs la dbyangs brjod par mdzad do/ /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das byang chub sems dpa' sems dpa' chen po'i theg pa chen po gang gis de theg pa chen po la yang dag par zhon pa zhes bgyi ba de gang lags/ de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu 'di la byang chub sems dpa' sems dpa' chen po pha rol du phyin pa drug la spyod pa na/ 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po bsgrubs te gnas pa dang / de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa ting nge 'dzin las skyes pa'i dga' ba dang / bde ba can bsam gtan gnyis pa bsgrubs te gnas pa dang / de dga' ba'i 'dod chags dang bral bas 'phags pa rnams kyis gang de btang snyoms pa dran pa yongs su dag pa'o zhes brjod pa dag ste/ dga' ba med pa bde ba la gnas pa bsam gtan gsum pa bsgrubs te gnas pa dang / bde ba yang spangs te/ snga nas yid bde ba dang / yid mi bde ba yang nub pas sdug bsngal yang ma yin/ bde ba yang ma yin pa btang snyoms dang dran pa yongs su dag pa/ bsam gtan bzhi pa bsgrubs te gnas pa dang / de bzhin du byams pa dang ldan pa'i sems yangs pa rgya chen por gyur pa/ mi gnyis pa/ tshad med pa/ khon med pa/ gnod pa med pa/ 'gran zla med pa/ yongs su rdzogs pa/ shin du bsgoms pas phyogs gcig khyab par byas te/ mos nas bsgrubs te gnas pa dang / de bzhin du gnyis pa dang / de bzhin du gsum pa dang / de bzhin du phyogs bzhi pa dang / de bzhin du 'og dang / steng dang / thad kar thams cad kyi thams cad du thams cad dang ldan pa'i 'jig rten la byams pa dang ldan pa'i sems kyis khyab par byas te/ mos nas bsgrubs te gnas pa dang / de bzhin du snying rje dang ldan pa dang / dga' ba dang ldan pa dang / btang snyoms dang ldan pa'i sems kyis thams cad kyi thams cad du thams cad dang ldan pa'i 'jig rten la khyab par byas te/ mos pa'i bar du bsgrubs nas gnas pa ste/ tshad med pa bzhi bsam gtan dang ldan pa 'di dag ni byang chub sems dpa' sems dpa' chen po'i theg pa chen po rab mchog yin no/ /gang gi tshe byang chub sems dpa' sems dpa' chen po bsam gtan de dag nyid tshad med pa'i rnam pa dang / rtags dang mtshan ma dag gis snyoms par 'jug cing ldang ba de dag snyoms par 'jug cing ldang ba na/ sems can thams cad dang thun mong du byas nas/ rnam pa thams cad mkhyen pa nyid yongs su rdzogs par byed pa 'di yang / shA ra dwa ti'i bu byang chub sems dpa' sems dpa' chen po'i theg pa chen po yin no/ /gang gi tshe byang chub sems dpa' sems dpa' chen po rnam pa thams cad mkhyen pa nyid dang ldan pa'i sems snying rje chen po sngon du 'gro bas nyon mongs pa spang ba'i phyir bsam gtan dang / tshad med pa dang / gzugs med pa'i snyoms par 'jug pa de dag gzhan dag la tshul bzhin du brjod cing ston te/ rab tu 'chad la rnam par 'byed de/ gsal bar byed cing de dag gi ro myong ba'i nyes dmigs dang nges par 'byung ba yang ston pa 'di ni/ byang chub sems dpa' sems dpa' chen po'i sbyin pa'i pha rol du phyin pa'o/ /gang yang rnam pa thams cad mkhyen pa nyid dang ldan pa'i sems bskyed pa de dag gis bsam gtan dang po de dang / bsam gtan bzhi pa'i bar du gnon cing bsgom ste/ bsam gtan de dag la gnas shing sems bskyed pa gzhan 'di lta ste/ nyan thos dang / rang sangs rgyas kyi sems dag gi skabs mi 'byed pa 'di ni/ shA ra dwa ti'i bu byang chub sems dpa' sems dpa' chen po'i tshul khrims kyi pha rol du phyin pa nag nog med pa'o/ /yang byang chub sems dpa' sems dpa' chen po gang rnam pa thams cad mkhyen pa nyid dang ldan pa'i yid la byed pa de dag dang ma bral bar 'di snyam du sems te/ bdag gis sems can thams cad kyi nyon mongs pa thams cad spang ba'i phyir/ sems can thams cad la chos bstan par bya'o snyam nas/ de yid la byed pa de dag la bzod pa dang / 'dod pa dang / nye bar rtog pa dang / nges par sems pa gang yin pa de ni/ shA ra dwa ti'i bu byang chub sems dpa' sems dpa' chen po'i bzod pa'i pha rol du phyin pa'o/ /yang byang chub sems dpa' sems dpa' chen po gang rnam pa thams cad mkhyen pa nyid dang ldan pa'i yid la byed pa dag gis rang gis byas pa'i dge ba'i rtsa ba thams cad sems can thams cad dang thun mong du byas nas rtag tu bla na med pa yang dag par rdzogs pa'i byang chub tu yongs su bsngo la/ de brtson pa mi gtong zhing mi 'dor ba gang yin pa de ni/ shA ra dwa ti'i bu byang chub sems dpa' sems dpa' chen po'i brtson 'grus kyi pha rol du phyin pa'o/ /yang byang chub sems dpa' sems dpa' chen po gang rnam pa thams cad mkhyen pa nyid dang ldan pa'i yid la byed pa dag gis bsam gtan dang / ting nge 'dzin dang / snyoms par 'jug pa dang / rnam par thar pa dag la snyoms par 'jug cing ldang yang nyan thos kyi sa 'am/ rang sangs rgyas kyi sar yang mi ltung ba 'di ni/ byang chub sems dpa' sems dpa' chen po'i bsam gtan gyi pha rol du phyin pa'o/ /yang byang chub sems dpa' sems dpa' chen po gang rnam pa thams cad mkhyen pa nyid dang ldan pa'i yid la byed pa dag gis bsam gtan dang / tshad med pa dang / gzugs med pa'i snyoms par zhugs pa na/ bsam gtan gyi yan lag thams cad mi rtag pa'i rnam pa dang / sdug bsngal ba'i rnam pa dang / stong pa nyid dang / mtshan ma med pa dang / smon pa med pa'i rnam par yang dag par ji lta ba bzhin du so sor rtog kyang snying rje chen pos yongs su zin pas nyan thos kyi skyon med pa 'am/ rang sangs rgyas kyi skyon med pa la yang mi 'jug pa 'di ni byang chub sems dpa' sems dpa' chen po'i shes rab kyi pha rol du phyin pa ste/ shA ra dwa ti'i bu de dag ni byang chub sems dpa' sems dpa' chen po'i theg pa chen po yin no/ / shA ra dwa ti'i bu gzhan yang byang chub sems dpa' sems dpa' chen po rnam pa thams cad du dran pa nye bar gzhag bzhi yang dag pa ji lta ba bzhin du bsgom ste/ 'phags pa'i lam yan lag brgyad pa'i bar du yang de bzhin no/ /rnam pa thams cad du stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin bsgom pa dang / rnam pa thams cad du de bzhin gshegs pa'i stobs bcu nas/ sangs rgyas kyi chos ma 'dres pa bcwa brgyad kyi bar du bsgom ste/ shA ra dwa ti'i bu de ni byang chub sems dpa' sems dpa' chen po'i theg pa chen po yin no/ /shA ra dwa ti'i bu gzhan yang byang chub sems dpa' sems dpa' chen po byams pa la snyoms par 'jug cing / bdag gis sems can thams cad yongs su skyabs par bya'o zhes de dag la phan pa'i sems nyid du gtod par byed do/ /snying rje la yang snyoms par 'jug cing de dag la snying brtse ba'i sems nyid du gtod par byed do/ /dga' ba la yang snyoms par 'jug cing bdag gis sems can thams cad yongs su 'grol bar bya'o zhes de yang sems can thams cad la gtod par byed do/ /btang snyoms la yang snyoms par 'jug cing / sems can thams cad zag pa zad par gyur cig ces bsgom zhing de yang de dag la gtod par byed pa 'di ni/ shA ra dwa ti'i bu byang chub sems dpa' sems dpa' chen po tshad med pa rnams la spyod pa'i sbyin pa'i pha rol du phyin pa'o/ /yang byang chub sems dpa' sems dpa' chen po gang bsam gtan dang / tshad med pa dang / gzugs med pa de dag nyid kyi rnam pa dang / rtags dang / mtshan ma dag gis snyoms par 'jug cing ldang yang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su mi bsngo ba 'di ni/ byang chub sems dpa' sems dpa' chen po bsam gtan dang / tshad med pa dang / gzugs med pa dag la spyod pa'i tshul khrims kyi pha rol du phyin pa'o/ /gang gi tshe byang chub sems dpa' sems dpa' chen po thams cad mkhyen pa nyid dang ldan pa'i yid la bya ba dag gis bsam gtan dang / tshad med pa dang / gzugs med pa'i snyoms par 'jug pa de dag dang ma 'dres par gnas te/ sa gnyis po de dag dang / nyan thos kyi sa 'am/ rang sangs rgyas kyi sa la 'dod pa mi skyed kyi/ de thams cad mkhyen pa nyid la bzod pa dang / 'dod pa 'di ni byang chub sems dpa' sems dpa' chen po bsam gtan dang / tshad med pa dang / gzugs med pa dag la spyod pa'i bzod pa'i pha rol du phyin pa'o/ /yang byang chub sems dpa' sems dpa' chen po gang thams cad mkhyen pa nyid dang ldan pa'i yid la bya ba dag gis mi dge ba'i chos spang ba dang / dge ba'i chos bsgrub pa'i phyir brtson pa mi gtong bar gnas pa de ni byang chub sems dpa' sems dpa' chen po bsam gtan dang / tshad med pa dang / gzugs med pa dag la gnas pa'i brtson 'grus kyi pha rol du phyin pa'o/ /yang byang chub sems dpa' sems dpa' chen po gang bsam gtan de dag nyid dang / tshad med pa dang / gzugs med pa'i snyoms par 'jug pa de dag nyid la snyoms par 'jug cing ldang yang bsam gtan dang / tshad med pa dang / gzugs med pa'i snyoms par 'jug pa de dag gis mi 'phrogs la/ de dag gi dbang gis kyang mi skye ba 'di ni/ byang chub sems dpa' sems dpa' chen po bsam gtan dang / tshad med pa dang / gzugs med pa'i snyoms par 'jug pa dag la gnas pa'i thabs la mkhas pa las byung ba'i bsam gtan gyi pha rol du phyin pa'o/ /yang byang chub sems dpa' sems dpa' chen po gang thams cad mkhyen pa nyid dang ldan pa'i yid la bya ba dag gis bsam gtan dang / tshad med pa dang / gzugs med pa'i ting nge 'dzin gyi snyoms par 'jug pa de dag la snyoms par yang 'jug cing ldang yang de dag kyang mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / stong pa nyid dang / mtshan ma med pa dang / smon pa med pa'i rnam par yang dag pa ji lta ba bzhin du so sor rtog kyang de dag gis nyan thos kyi skyon med pa 'am/ rang sangs rgyas kyi skyon med par yang mi 'jug pa 'di ni/ shA ra dwa ti'i bu byang chub sems dpa' sems dpa' chen po bsam gtan dang / tshad med pa dang / gzugs med pa'i snyoms par 'jug pa dag la spyod pa'i thabs la mkhas pa las byung ba'i shes rab kyi pha rol du phyin pa ste/ shA ra dwa ti'i bu de dag ni byang chub sems dpa' sems dpa' chen po'i pha rol du phyin pa drug bsam gtan dang / tshad med pa dang / gzugs med pa'i snyoms par 'jug pa las byung ba'i thabs la mkhas pas yongs su zin pa'i theg pa chen po yin no/ / shA ra dwa ti'i bu gzhan yang byang chub sems dpa' sems dpa' chen po'i theg pa chen po ni/ mi dmigs pa'i tshul gyis nang stong pa nyid shes pa'o/ /de bzhin du sbyar te/ mi dmigs pa'i tshul gyis dngos po med pa'i ngo bo nyid stong pa nyid kyi bar du shes pa yang de bzhin no/ /shA ra dwa ti'i bu gzhan yang byang chub sems dpa' sems dpa' chen po'i theg pa chen po ni chos thams cad la rnam par g.yengs so snyam pa dang mnyam par gzhag pa'o snyam du shes pa mi 'jug pa gang yin pa'o/ /shA ra dwa ti'i bu gzhan yang byang chub sems dpa' sems dpa' chen po'i theg pa chen po ni rtag go snyam pa dang / mi rtag go snyam du shes pa mi 'jug pa gang yin pa dang / de bzhin du sbyar te/ bde'o snyam pa dang / sdug bsngal lo snyam pa dang / bdag yod do snyam pa dang / bdag med do snyam du shes pa mi 'jug pa ste/ de yang mi dmigs pa'i tshul gyis so// //ye d+harmA he du pra b+ha bA he dun te Shan ta thA ga to h+ya ba data/ te ShAny+tsa yo ni ro d+ha e ba~M bA dI ma hA shra ma NaH bkra shis par gyur cig / sangs rgyas thob par shog / //

CLOSE WINDOW