བོད་ཡིག | e-texts based on the ACIP/ALL ![]() ![]() |
@##/ /rgya gar skad du/ Ar+ya bud+d+ha a ba tang sa ka nA ma ma hA bai pu l+yaM sU tra/ bod skad du/ 'phags pa sangs rgyas phal po che zhes bya ba shin tu rgyas pa chen po'i mdo/ bam po dang po/ 'di skad bdag gis thos pa dus gcig na/ bcom ldan 'das thog ma mngon par sangs rgyas pa/ sangs rgyas kyi @##/ /chos thams cad shin tu rnam par sangs rgyas pa'i dgongs pa mnga' ba/ dus gsum mnyam pa nyid du thugs su chud pa'i ye shes kyi sku mnga' ba/ 'jig rten gyi khams thams cad du skus shin tu khyab pa/ sangs rgyas kyi zhing thams cad du dbyangs kyi yan lag dang / gsung gi nga ro shin tu bsgrags pa/ nam mkha' dang / nam mkha' lta bu'i mtshan nyid mnyam pa nyid du rab tu snang ba'i spyod yul can/ nam mkha' ltar 'gro ba thams cad kun khyab pa'i snying po byang chub thams cad la bzhugs pa'i sku/ byang chub sems dpa' rgya mtsho thams cad kyi nang na rnam par snang ba/ 'jig rten gyi khams thams cad du nyi ma'i dkyil 'khor ltar shar ba/ sangs rgyas kyi zhing thams cad du yongs su skye ba bstan pa rab tu spros pa/ dus gsum gyi bsod nams rgya chen po rgya mtsho lta bus spyod yul yongs su dag pa/ 'od kyi dkyil 'khor dang / 'od zer kha dog mtha' yas pa mnga' ba/ chos kyi dbyings thams cad rgyas par 'gengs pa'i chos kyi sprin thams cad kyis rnam par 'phrul pa/ 'jig rten gyi khams thams cad du bsgribs pa med pa/ skra'i rtse mo thams cad du mtha' dang dbus med par rnam par 'phrul ba byin gyis rlob pa'i mthu mnga' ba/ 'gro ba thams cad yongs su smin par bya ba dang / gdul ba la mngon du gyur par yongs su ston pa/ 'khor gyi dkyil 'khor thams cad du 'phos pa med par gshegs pa| yongs su ston pas khyab par mdzad pa/ dngos po med pa'i dbyings kyi mtshan nyid thams cad thugs su chud pa| 'od zer gyi sgo thams cad du dus gsum rnam par sprul pa'i byin gyi rlabs yongs su ston pa/ sangs rgyas kyi zhing thams cad du bskal pa rgya mtsho bsam gyis mi khyab par byin gyi rlabs shin tu bsgrubs pa/ yul ma ga d+ha'i chos kyi dgon pa snying po byang c hub rdo rje rin po che thams cad ltar gzhom du mi choms par sra ba'i sa phyogs nor bu rin po che thams cad kyi me tog gis sa gzhi brgyan pa/ nor bu'i rgyal po dri ma med par 'bar bas rab tu bsgrubs pa/ rin po che mang po thams cad kyis rnam pa sna tshogs su brgyan pa| yon tan rgya mtsho mtha' yas pa'i rgyan rnam pa sna tshogs yang dag par bstan pa/ nor bu'i rgyal po 'od zer dang / sgra dbyangs kyi rgyal mtshan thams cad kyis rab tu bsgrubs pa/ spos dang / me tog dang / rin po che'i phreng ba dang / dra ba mang po thams cad rnam par bres pa/ rin po che'i kha dog zad mi shes pa'i char rab tu 'bab pa'i rnam par 'phrul pa yang dag par ston pa'i nor bu'i rgyal pos shin tu bsgrubs pa/ me tog sna tshogs chu bo'i klong lta bu yongs su bstan pas brgyan pa/ rin po che'i shing 'od zer gyi kha dog stug po dang ldan pa'i yal gas brgyan pa/ rgyan thams cad du snang ba shin tu 'bar ba'i byin gyi rlabs kyis rnam par sprul pa/ yang dag par b stan pa'i sa'i snying po rin po che'i 'bru thams cad 'byung bas phyogs kun tu dpyangs shing brgyan pa'i snying po byang chub la byang chub chen po'i shing nor bu rin po che rdo rje'i rgyan sna tshogs kyi 'brus bsgrubs pa'i sdong po dang ldan pa/ bai DUR+Ya dang nor bu thams cad kyi rigs 'byung ba'i snying po dang ldan pa'i lhun can/ yongs su yon tan mang po mtha' yas pa'i nor bu rin po che mang po'i 'brus shin tu brgyan cing rab tu 'phel ba'i yal ga can/ rin po che thams cad kyi lo ma shin tu 'od gsal bas phyogs kyi sprin du gyur pa/ yal ga thams cad kyi rtse mo las me tog dang 'bras bu'i dra ba yon tan rnam pa sna tshogs can rab tu dpyangs pa/ rin po che'i 'bras bu sna tshogs shin tu 'bar ba'i snying pos shing gi rgyan me tog thams cad shin tu rgyas shing rnam par gsal ba/ phyogs bcur 'od kyi dkyil 'khor rin po che rgya che zhing mang ba'i 'od zer lta bur rnam par snang ba/ nor bu'i yon tan zad mi shes pa'i char chen po rnam par sprul pa'i 'od yongs su bstan pa/ nor bu'i sgo thams cad nas byang chub sems dpa'i sprin 'byung ba shin tu bstan pa/ sangs rgyas kyi rnam par 'phrul pa dang / byin gyi rlabs kyis zad mi shes pa'i dbyangs 'byung ba'i drung na de bzhin gshegs pa'i gzhal med khang phyogs thams cad du mngon par snang ba rab tu 'phel ba/ rin po che'i rgyal po sna tshogs yon tan mtha' yas pa'i ka ba bkye ba/ lhun rin po che'i me tog rnam pa sna tshogs thams cad kyi rgyan gyis brgyan pa| rgyan mtha' yas pas shin tu klubs pa'i 'od zer snang bas sprin ltar khebs pa/ pho brang gi mtshams thams cad nas 'od kyi rgyal mtshan rab tu bkye ba/ byang chub sems dpa'i 'khor gyi dkyil 'khor rgya mtsho mtha' yas pa rjes su 'dod pa'i snying po can/ bsam gyis mi khyab pa'i gsung rgya chen po'i dbyangs dang / sangs rgyas kyi 'od nor bu'i rgyal po lta bu'i dra bas thams cad yog pa/ sangs rgyas kyi byin gyi rlabs kyis rnam par sprul pa'i 'phrul pa dmigs pa thams cad du byung ba/ sems can thams cad kyi khyim gyi gzugs brnyan rab tu ston pa/ sems skad cig gis sangs rgyas kyi byin gyi rlabs thams cad chos kyi dbyings 'byams klas par khyab par 'phro ba'i snying po can/ seng+ge'i khri chen po sangs rgyas kyi gdan du gyur pa/ rin po che thams cad dang / yid du 'ong ba'i spos sna tshogs kyi snying po can/ pad+mo'i dra ba 'od zer mtha' yas pa 'byung bas brtan pa/ rin po che dri ma med pa'i 'khor lo'i 'od kun tu bdal ba/ me tog gi phreng ba bzang zhing yid du 'ong ba/ kha dog mtha' yas pas kun nas klubs pa/ nor bu'i 'bru sna tshogs kyi shing gi yal ga las 'od shin tu bkye ba/ rta babs dang / khri 'phang dang / skar khung dang / khang pa brtsegs pa rnam pa sna tshogs mtha' yas pas legs par brgyan pa/ nor bu'i rgyal po 'od zer 'bar ba'i snying po'i sprin thams cad du 'phros pa'i rgyan can/ byang chub sems dpa' rgya mtsho rgya chen po'i gtsug gi rin po ches bzung zhing 'od zer rnam par snang ba/ phyogs bcu'i mtshams thams cad du sangs rgyas kyi sprul pa'i 'od kyi snying po'i nor bu'i rgyal pos shin tu brgyan pa/ sangs rgyas kyi yul gyi sgra dbyangs rgya chen pos chos kyi dbyings khyab pa'i byin gyi rlabs dang ldan pa la bzhugs shing / byang chub sems dpa' sems dpa' chen po sngon bcom ldan 'das de bzhin gshegs pa rnam par snang mdzad dang / byang chub sems dpa'i spyod pa thabs cig tu spyod spyod pa'i dge ba'i rtsa ba can/ sangs rgyas kyi zhing bcu'i rdul shin tu phra ba snyed dang thabs cig ste/ 'di ltar byang chub sems dpa' sems dpa' chen po kun tu bzang po dang / byang chub sems dpa' sems dpa' chen po dge ba dri ma med pa'i gzi brjid kyi 'od yid du 'ong ba dang / byang chub sems dpa' sems dpa' chen po yon tan 'od mchog kun tu sgron ma dang / byang chub sems dpa' sems dpa' chen po kun tu 'bar ba seng+ge'i rgyal mtshan dang / byang chub sems dpa' sems dpa' chen po dpal gyi 'od zer kun tu 'od 'phro ba dang / byang chub sems dpa' sems dpa' chen po yon tan rgya mtsho kun tu sgra dbyangs rgyal mtshan dang / byang chub sems dpa' sems dpa' chen po de bzhin gshegs pa'i spyod yul ye shes kun tu snang ba'i 'od dang / byang chub sems dpa' sems dpa' chen po gtsug na rin chen kun tu rgyal mtshan dang / byang chub sems dpa' sems dpa' chen po rgyal ba'i gsung kun tu 'jam dbyangs dang / byang chub sems dpa' sems dpa' chen po bsod nams mi zad dri med kun tu gzi brjid dang / byang chub sems dpa' sems dpa' chen po mtshan gyi 'od zer kun tu snang ba dang / byang chub sems dpa' sems dpa' chen po 'od zer rgya mtsho 'od chen dpal gyi zla ba dang / byang chub sems dpa' sems dpa' chen po sprin gyi nga ro rgya mtsho dri med 'od kyi snying po dang / byang chub sems dpa' sems dpa' chen po yon tan rin chen 'byung ba ye shes dpal gyi gtsug phud dang / byang chub sems dpa' sems dpa' chen po rgya chen 'od 'bar blo gros dbang phyug dang / byang chub sems dpa' sems dpa' chen po pad+mo rnam par gnon pa 'od zer gtsug phud dang / byang chub sems dpa' sems dpa' chen po kun tu ye shes sprin gyi nyi ma'i rgyal mtshan snang ba dang / byang chub sems dpa' sems dpa' chen po mthu stobs brtson 'grus rdo rje yangs pa'i snying po dang / byang chub sems dpa' sems dpa' chen po spos kyi 'od 'phro shin tu 'bar ba'i 'od kyi rgyal mtshan dang / byang chub sems dpa' sems dpa' chen po rnam par snang mdzad yon tan yangs pa'i rgyal mtshan dang / byang chub sems dpa' sems dpa' chen po bsod nams yangs pa shin tu 'phags pa'i 'od mchog yon tan 'byung ba'i blo gros dang / de dag la sogs pa sangs rgyas kyi zhing bcu'i rdul shin tu phra ba snyed kyi byang chub sems dpa' sems dpa' chen po kun kyang de bzhin gshegs pa rnam par snang mdzad dang dge ba'i rtsa ba rgya mtsho gcig gis byung ba/ pha rol tu phyin pa thams cad kyi 'khor yongs su rgyas pas snang ba gyur pa| ye shes kyi mig yongs su dag pa/ dus gsum gyi dbyings thams cad du snang bas gsal bar gyur pa/ ting nge 'dzin gyi dkyil 'khor thams cad yongs su dag pas snang bar gyur pa/ so so yang dag par rig pa rgya mtsho yangs shing zad mi shes pa dang / sangs rgyas kyi yon tan dang mthus snang bar byas pa/ 'gro ba thams cad yongs su smin par bya ba dang / gdul bar brtsam pa'i ye shes mnyam pa nyid kyis snang bar byas pa/ chos kyi dbyings kyi snying po gcig tu tha mi dad pa'i ye shes kyis snang bar gyur pa| sangs rgyas kyi rnam par thar pa zab mo'i yul yangs pa la ye shes kyi spyod yul gyis snang bar byas pa/ sa gcig las byung ba yongs su gnon pa'i rjes su 'brang bas shin tu snang bar byas pa/ smon lam gyi rgya mtsho la 'jug pa phyi ma'i mtha'i byin gyi rlabs kyi ye shes thams cad kyi gnas pas snang bar gyur pa/ de bzhin gshegs pa'i gsang ba rmad du byung ba'i dkyil 'khor yangs pa yongs su shes pas snang bar gyur pa/ sangs rgyas kyi chos thams cad mnyam pa nyid la rjes su brtags pa'i ye shes kyis shin tu snang bar gyur pa/ de bzhin gshegs pa'i sa kun tu 'od kyi dbyings dang gnas su rnam par spyod du dbang ba/ ting nge 'dzin rgya mtsho mtha' yas pa'i sgo thams cad du rnam par rgyu bas snang bar gyur pa/ ye shes snang ba thams cad kyi rjes su song zhing 'gro ba thams cad kyi spyod pa rgya mtsho la shin tu gnas pa/ chos rgya mtsho thams cad kyi gzungs dang so so yang dag par rig pa bstan pa dang / yongs su bstan pa la mkhas pa/ sangs rgyas kyi yon tan rgya mtshor gtogs pa thams cad kyis khyab par byed pa'i lus can/ smon lam rgya mtsho mngon par bsgrubs pas sangs rgyas kyi zhing 'byams klas pa thams cad rgyas par 'gengs pa/ sangs rgyas thams cad mchod pa'i sbyor ba la phyi ma'i mur thug pa'i bskal par dpa' ba'i shugs kyi snang ba rab tu thob pa/ de bzhin gshegs pa thams cad kyi zhabs kyi drung du phyin cing snying po byang chub tu nye bar 'dong ba yang dag par ston pa/ kun tu bzang po'i smon lam rgya mtshos sems can ma lus pa thams cad kyi shes pa yongs su rgyas par 'grengs pa'i lus can rnams dang thabs cig go/ sangs rgyas kyi zhing gi rdul shin tu phra ba snyed kyi lag na rdo rje dag dang yang thabs cig ste/ 'di ltar lag na rdo rje mthu chen kha dog bzang po'i 'od dang / lag na rdo rje nyi ma'i shugs kyi rgyal mtshan dang / lag na rdo rje ri rab me tog 'od dang / lag na rdo rje rnam dag sprin gyi dbyangs dang / lag na rdo rje dbang po shin tu mang ba dang / lag na rdo rje rdo rje'i 'od yid du 'ong ba dang / lag na rdo rje shing gi sgra dbyangs dang / lag na rdo rje seng+ge'i 'od kyi rgyal po dang / lag na rdo rje 'od 'phro stug po'i dpal gyi mig dang / lag na rdo rje rin chen gtsug phud pad+mo 'od dang / de dag la sogs pa lag na rdo rje sangs rgyas kyi zhing gi rdul shin tu phra ba snyed kun kyang sngon bskal pa mtha' yas par de bzhin gshegs pa mchod par smon pas zham 'bring na 'brang bar gyur pa/ sangs rgyas bsnyen bkur ba'i smon lam gyi pha rol tu phyin pa yongs su rdzogs pa/ dge ba dang bsod nams kyi dkyil 'khor mtha' yas pa yongs su dag pa/ ting nge 'dzin gyi spyod yul yangs pa la rnam par spyod pa/ rdzu 'phrul dang / stobs dang / de bzhin gshegs pa'i spyod yul mtha' yas pa khong du chud pa/ bsam gyis mi khyab pa'i rnam par thar pa'i yul la zhugs pa/ 'khor gyi dkyil 'khor thams cad kyis zil gyis mi non pa'i lus can/ sems can rnams ji ltar 'dul ba bzhin du lus shin tu ston pa/ sangs rgyas kyi sprul pa'i sku thams cad kyi 'phrul ba rjes su rtogs pa/ sangs rgyas thams cad kyi rnam par spyod pa dang / gnas srung pa la shin tu brtson pa rnams dang thabs cig go/ lus kyi ris su gtogs pa'i lha sangs rgyas kyi zhing gi rdul shin tu phra ba snyed dag dang yang thabs cig ste/ 'di ltar lha khrel dang dge bas rgyas pa'i 'od dang / 'od zer phyogs su snang ba dang sgras 'dul ba rgya mtsho'i dpal dang / rgyan bzang po me tog gtsug phud dang / spyod yul mtha' yas dpal dang / snang ba'i phreng ba 'dzin pa'i dpal dang / spos dri ma med pa'i sprin las char 'bab pa'i 'od dang / srung 'dzin yongs su sdud pa dang / sgo kun nas yongs su gnon pa la mngon du gyur pa'i mig dang / khrel dang dpal mi g.yo ba'i 'od dang / lus kyi ris su gtogs pa'i lha de dag la sogs pa kun kyang de bzhin gshegs pa bsnyen bkur bar smon lam btab pa dang ldan pa/ sangs rgyas kyi zhing gi rdul shin tu phra ba snyed dang thabs cig go /rkang gis 'gro ba'i lha sangs rgyas kyi zhing gi rdul shin tu phra ba snyed dag dang yang thabs cig ste/ 'di ltar rkang gis 'gro rin chen dpal gyi phyag rgya dang / rkang gis 'gro pad+mo snang ba'i 'od zer gyi 'od dang / rkang gis 'gro me tog gtsug phud kyi dpal dri ma med pa dang / rkang gis 'gro shin tu mdzes par gnon pa dang / rkang gis 'gro rin chen dpal gyi rgyal mtshan dang / rkang gis 'gro dga' ba'i dbyangs snyan pa dang / rkang gis 'gro shing tsan+dan gyi 'od dang / rkang gis 'gro pad+mo yid du 'ong ba'i 'od dang / rkang gis 'gro rdul gyi shugs kyi 'od dang / rkang gis 'gro me tog mang po'i dkyil 'khor dang / de dag la sogs pa rkang gis 'gro ba'i lha sangs rgyas kyi zhing gi rdul shin tu phra ba snyed kun kyang sngon bskal pa mtha' yas par de bzhin gshegs pa'i rjes su 'brang ba sha stag dang thabs cig go/ snying po byang chub kyi lha sangs rgyas kyi zhing gi rdul shin tu phra ba snyed dag dang yang thabs cig ste| 'di ltar snying po byang chub kyi lha dge ba dri ma med pa'i rgyan gyis brgyan pa'i rgyal mtshan dang / snying po byang chub kyi lha ri rab spo'i rin po che'i 'od dang / snying po byang chub kyi lha dbyangs kyi 'brug sgra sgrog pa'i rgyal mtshan dang / me tog gi char sna tshogs 'bab pa'i mig dang / 'od 'phro mang po shin tu dri ma med pa dang / me tog gi phreng ba 'od kyi gtsug phud dang / rin po che'i rgyan gyi char rab tu 'bebs pa dang / mthu dam pa spos kyi mig dang / rdo rje sna tshogs kyi sprin dang / pad+mo shing snang ba'i 'od dang / snying po byang chub kyi lha dge ba'i lta ba sna tshogs rnam par ston pa'i 'od dang / de dag la sogs pa snying po byang chub kyi lha sangs rgyas kyi zhing gi rdul shin tu phra ba snyed kun kyang sngon sangs rgyas rgya cher mchod pa'i smon lam gyis yang dag par byung ba sha stag dang thabs cig go / nam mkha'i lha sangs rgyas kyi zhing gi rdul shin tu phra ba snyed dag dang yang thabs cig ste/ 'di ltar grong khyer gyi lha rin chen rtse mo'i 'od dang / rgyan rnam pa sna tshogs 'byung ba dang / rin chen dri med shin tu dga' ba dang / slos pa'i mya ngan thams cad spong bas rnam par snang ba dang / sgron ma shin tu rgyas pa'i mig dang / 'od 'phro ba'i dpal mngon par 'bar ba dang / bsod nams kyi shugs snang ba'i 'od dang / lus dri ma med pas mnyam pa'i 'od dang / spos kyi rgyal mtshan gtsug phud kyi rgyan dang / grong khyer gyi lha rin chen dpal gyi 'od dang / de dag la sogs pa nam mkha'i lha sangs rgyas kyi zhing gi rdul shin tu phra ba snyed kun kyang bskal pa bsam gyis mi khyab par de bzhin gshegs pa'i gzhal med khang rab tu brgyan pa la brtson pa sha stag dang thabs cig go / sa'i lha sangs rgyas kyi zhing gi rdul shin tu phra ba snyed dag dang yang thabs cig ste/ 'di ltar sa'i lha dpal gyi me tog kun nas shin tu rgyas pa'i dri ma med pa dang / bsod nams brtan pa shin tu bsags pa'i 'od dang / shing gi yal ga sna tshogs kyi rgyan dang / sems rin po che rgyas pa dang / dus dus su dge ba'i mig rab tu ston pa dang / gser gyi mig gi dpal dang / spu las spos kyi 'od rnam par 'gyed pa dang / sgra dbyangs yid du 'ong ba sgrog pa dang / me tog gi glang po sna tshogs kyi gtsug phud dang / kun nas rdo rje'i rdul gyi rgyun dang / sa'i lha khyim dri ma med pa'i 'od dang / de dag la s ogs pa sa'i lha sangs rgyas kyi zhing gi rdul shin tu phra ba snyed kun kyang bsod nams kyi dbyings gcig tu de bzhin gshegs pa'i sngon gyi smon lam dang rab tu 'brel ba sha stag dang thabs cig go / ri'i lha tshad med pa dag dang yang thabs cig ste/ 'di ltar ri'i lha rin po che'i rtse mo me tog shin tu rgyas par gnas pa dang / nags tshal sna tshogs me tog shin tu rgyas pa'i gtsug phud dang / kun nas shin tu 'phags pas rnam par snang ba'i rgyal mtshan dang / rdul thams cad dang mi gnas pas dri ma med pa'i gtsug phud dang / snang bas phyogs su gsal ba'i 'od dang / stobs la thub pa med pas snang ba'i 'od dang / kun nas gzi brjid dpal gyi dkyil 'khor dang / snang ba'i rdul chu bo'i dkyil 'khor dang / kun tu mngon par lta ba'i mig dang / ri'i lha kun nas sra ba rdo rje'i mtshams kyi mig dang / de dag la sogs pa ri'i lha tshad med pa kun kyang tshul dri ma med pa'i mig gi sgo rab tu thob pa sha stag dang thabs cig go / nags tshal gyi lha bsam gyis mi khyab pa dag dang yang thabs cig ste/ 'di ltar nags tshal gyi lha yal ga sna tshogs kyi sprin dang / nags tshal gyi lha 'od kyi phung po sna tshogs kyi mig yid du 'ong ba'i 'od dang / lo ma dri ma med pa'i phreng ba'i dpal dang / yan lag rab tu 'phyang ba'i gzi brjid dang / dge ba'i 'od sna tshogs dang / sgra skad yid du 'ong ba'i dbyangs dang / kun nas spos mang po ldang ba'i 'od dang / kun nas dpal gyi 'od rab tu 'byung ba'i dkyil 'khor dang / nags tshal gyi lha me tog dang 'bras bu dang ro'i 'od dang / de dag la sogs pa nags tshal gyi lha bsam gyis mi khyab pa kun kyang dga' ba'i shugs mtha' yas pas gsal bar gyur pa sha stag dang thabs cig go / sman gyi lha mtha' yas pa dag dang yang thabs cig ste/ 'di ltar sman gyi lha phun sum tshogs pa dang / tsan+dan gyi nags tshal gyi shugs 'chang ba dang / 'od rdul med pa dang / ming kun tu grags pa glang po'i rgyal mtshan dang / spu'i klong kun nas 'od 'byung ba dang / mun pa rnam par sel cing rnam par sbyong ba dang / sgra dbyangs kun tu 'byung ba dang / nyi ma'i 'od 'gro ba'i mchog gi rgyal mtshan dang / phyogs bcur rmongs pa med par lta ba dang / sman gyi lha mdangs bzang po kun tu 'gyed pa'i mig dang / de dag la sogs pa sman gyi lha mtha' yas pa kun kyang snying rje dri ma med pa'i dkyil 'khor gyis rab tu snang bar gyur pa sha stag dang thabs cig go /lo tog gi lha mtha' yas pa dag dang yang thabs cig ste/ 'di ltar lo tog gi lha 'jam pa'i dpal dang / dus kyi me tog rnam par mdzes pa'i 'od dang / rtsal dam pa'i stobs dang / mdangs kyi ngad mtha' yas pa rab tu 'gyed pa dang / sa kun gyi rtsa ba 'bras bu dang / gtsug phud kha dog sna tshogs dang / yal ga dri ma med par grub pa dang / spos sna tshogs shin tu grub pa dang / bzang zhing yid du 'ong bar snang ba dang / lo tog gi lha kha dog rnam par dag cing 'od dri ma med pa dang / de dag la sogs pa lo tog gi lha mtha' yas pa kun kyang dga' ba dang / mgu ba dang / rangs pa shin tu thob pa sha stag dang thabs cig go /chu klung gi lha mu med pa dag dang yang thabs cig ste/ 'di ltar chu klung gi lha chu bo kun dang ldan pa dang / ri dang chu kun la brten pa dang / rdul thams cad dri ma med par rnam par dag pa'i mig dang / nga ros khyab par byed pa dang / srog chags kyi rgyud mtha' yas pa skyob pa dang / gdung ba med pa rgya mtsho gdung ba med pa'i 'od dri ma med pa dang / dga' bde kun nas 'byung ba dang / yon tan gyi shugs yangs pa'i rgyal mtshan dang / 'jig rten thams cad kyi dpal rnam par snang ba dang / chu klung gi lha tshogs chen po rgya mtsho'i dpal gyi 'od dang / de dag la sogs pa chu klung gi lha mu med pa kun kyang 'gro ba thams cad la phan pa'i don du yid la byed pa la brtson pa sha stag dang thabs cig go / rgya mtsho'i lha bsam gyis mi khyab pa dag dang yang thabs cig ste/ 'di ltar rgya mtsho'i lha rin po che'i 'od 'byung ba'i dpal dang / rdo rje kun nas sra zhing mi choms pa'i rgyal mtshan dang ldan pa dang / rdul dang dri ma med pa'i gnas dang ldan pa dang / kun nas chu dang / ri bo dang / khyim gyi dkyil 'khor dang / skyabs rin po che'i mig gi zla ba'i dpal dang / klu'i dpal pad+mo sna tshogs kyi gtsug phud dang / chu lta bur ro mthun pa 'dzin pa'i 'od dang / rin po che'i 'od 'phro ba'i me tog gi tshon gyi 'od dang / ri rab sra ba'i rdo rje sna tshogs dang / rgya mtsho'i lha 'brug sgra sgrog pa'i rgya mtsho'i shugs kyi dbyangs dang / de dag la sogs pa rgya mtsho'i lha bsam gyis mi khyab pa kun kyang sangs rgyas kyi yon tan rgya mtsho'i mthar phyin par rgyas par byed pa sha stag dang thabs cig go / me'i lha grangs med pa dag dag yang thabs cig ste/ 'di ltar me'i lha gzi brjid 'bar zhing 'phro ba'i 'od dang / kun tu 'bar zhing 'phro ba'i rgyal mtshan gyi dkyil 'khor dang / 'od rgya chen pos phyogs rgyas par byed pa dang / rgyal mtshan gyi rdul gyi sgos rgyas par byed pa dang / gzi brjid mi zad pa'i gtsug phud dang / dka' thub sna tshogs kyi mig gi dpal dang / phyogs khyim du gyur pa'i ri rab kyi spo dang / 'od drag shul can gyi dbang phyug dang / mun pa dang rab rib sel cing phyogs rnam par snang bar byed pa dang / me'i lha 'od 'phro ba'i sprin gyi dbang phyug dang / de dag la sogs pa me'i lha grangs med pa kun kyang sems can thams cad kyi gdung ba sel ba'i snang ba ston pa sha stag dang thabs cig go / chu'i phung po'i lha tshad med pa dag dang lang thabs cig ste/ 'di ltar chu'i phung po'i lha sprin dang na bun kun tu grub pa'i rgyal mtshan dang / sprin sgra'i shugs rgya mtsho'i sprin dang chu sna tshogs kyi gtsug phud dang / bzang por 'khyil ba grub pa'i dpal dang / kun nas spos dri ma med pa'i myu gu'i dpal dang / dba' rlabs kyi sgra bsod nams stegs kyi 'od dang / tshim par bya ba la dbang byed pa yongs su sgrub pa dang / sa'i rdul snyed kyi sgo nas dbyangs 'byung ba dang / 'od kun tu 'gro zhing rgyas par byed pa dang / chu'i phung po'i lha rgya mtsho'i dbyangs kyi nga ro'i 'od dang / de dag la sogs pa chu'i phung po'i lha tshad med pa kun kyang 'gro ba thams cad la phan pa dang / bde ba'i skyabs su brtson pa sha stag dang thabs cig go /rlung gi phung po'i lha tshad med pa dag dang yang thabs cig ste/ 'di ltar rlung gi phung po'i lha chags pa med par 'gro ba'i 'od dang / kun tu rgyas par 'byung ba'i mthu'i dpal dang / kun tu reg par byed pa'i sprin gyi rgyal mtshan dang / rgyan yid du 'ong zhing bzang po'i 'od dang / chu drag po'i snying po skem pa dang / sgra chen pos 'gro ba'i dbyangs dang / shing gi rtse mo'i me tog rab tu 'phyang ba'i gtsug phud dang / thogs pa med par phyogs kun tu rgyas par 'gro ba dang / rlung gi phung po rnam pa sna tshogs 'byung ba'i sprin gyi dkyil 'khor dang / rlung gi phung po'i lha 'jig rten gyi khams thams cad kyi mun pa kun nas snang bar byed pa dang / de dag la sogs pa rlung gi phung po'i lha tshad med pa kun kyang sems can thams cad kyi sngon gyi mtha'i nga rgyal rnam par gtor ba la brtson pa sha stag dang thabs cig go / nam mkha'i lha mu med pa dag dang yang thabs cig ste/ 'di ltar nam mkha'i lha kun nas snang ba dri ma med pa'i 'od dang / mtha' yas shing zab pa kun tu rgyas par byed pa dang / rlung kun nas 'byung ba'i dpal dang / bsgribs pa thams cad dang mi gnas pa'i dkyil 'khor dang / rgya chen po kun tu gnon pa sna tshogs kyi gtsug phud dang / 'od zer snang ba'i 'od thogs pa med pa dang / stobs kyi rgyun thogs pa med pa'i dpal dang / phyogs dri ma med par snang ba'i 'od dang / dbyangs shin tu 'phags shing zab pa dang / nam mkha'i lha phyogs bcur mngon du ston pa'i 'od dang / de dag la sogs pa nam mkha'i lha mu med pa thams cad kyang sems rgya mtsho dri ma med cing yongs su dag pa sha stag dang thabs cig go / phyogs kyi lha mu med pa dag dang yang thabs cig ste| 'di ltar phyogs kyi lha phyogs kyi dbyings na rab tu gnas shing kun tu rgyas par 'gengs pa dang / mnyas pa nyid la mngon du lta ba dang / snang ba spyod pa'i rgyan dang / kun tu rgyu zhing rjes su 'brang ba dang / rmongs pa med pa'i gtsug yongs su 'grub pa dang / nam mkha'i rgyud kun tu spyod pa dang / rnam par spyod pa'i sprin rgya chen po'i rgyal mtshan dang / mig tha dad pa med pa'i gtsug phud dang / 'jig rten gyi bya ba kun nas spyod pa dang / phyogs kyi lha phyogs su rnam par lta ba phreng ba'i 'od dang / de dag la sogs pa phyogs kyi lha mu med pa kun kyang sems can gyi rgyud kyi phyogs snang bar bya ba la brtson pa sha stag dang thabs cig go / mtshan mo'i lha tshad med pa dag dang yang thabs cig ste| 'di ltar mtshan mo'i lha dpal dri ma med cing kun nas zab pa'i 'od dang / kun nas skyob pa'i mdangs kyi dpal dang / rab tu dga' ba'i mig gis 'gro ba la rnam par lta ba dang / sgras zhi ba rgya mtsho dang ldan pa dang / mtshan mo thams cad 'byung ba'i dpal dang / shing thams cad rab tu rgyas par byed pa'i 'od dang / kun nas skyong zhing srung ba'i dpal dang / dge ba thams cad kyi dga' ba la dbang sgyur ba dang / mdud par 'dzin pa thams cad zhi bar bya bas dbang po rab tu dga' ba dang / mtshan mo'i lha dge ba'i bsod nams 'byung ba'i dpal ston pa dang / de dag la sogs pa mtshan mo'i lha tshad med pa kun kyang chos kyi dga' ba 'byung ba la mos par gnas pa la brtson pa sha stag dang thabs cig go / nyin mo'i lha gzhal du med pa dag dang yang thabs cig ste/ 'di ltar nyin mo'i lha khyim dang gzhal med khang gi gzugs shin tu ston pa dang / brtsams pa'i blo gros mtshams sbyor ba'i dkyil 'khor dang / kun nas dga' ba'i dpal gyi rgyan dang / me tog dang spos yid du 'ong ba'i 'od dang / kun nas yid du 'ong ba'i sman sten pa sgrub pa'i dpal dang / dga' ba'i mig bzang pos tshim par byed pa dang / tshul rgya chen po'i phyogs kun nas byung ba'i dpal dang / snying rje rgya chen po'i gzi brjid kyi 'od dang / snang ba rgya chen po'i dge ba'i rtsa ba dang mi 'bral ba'i 'od dang / nyin mo'i lha me tog gi phreng ba kun nas 'phyang ba'i dpal dang / de dag la sogs pa nyin mo'i lha gzhal du med pa kun kyang mos pa'i chos gzhal du med pa'i rgyan la rab tu brtson pa sha stag dang thabs cig go / lha ma yin gyi dbang po mtha' yas pa dag dang yang thabs cig ste/ 'di ltar lha ma yin gyi dbang po sgra gcan dang / lha ma yin gyi dbang po thag bzang ris dang / lha ma yin gyi dbang po bde ba'i mchog dang / lha ma yin gyi dbang po mtshon cha chen po dang / lha ma yin gyi dbang po stobs can dang / lha ma yin gyi dbang po rnam par snang ba dang / lha ma yin gyi dbang po rdo rje sra ba sna tshogs kyi yan lag dang / lha ma yin gyi dbang po stobs rgya chen po'i rgyu'i blo gros dang / lha ma yin gyi dbang po dpal gyi be'u rab tu 'byung ba dang / lha ma yin gyi dbang po brtul zhugs bzang po'i dbyangs dang / de dag la sogs pa lha ma yin gyi dbang po kun kyang sgyu dang / nga rgyal dang / kun nas nyon mongs pa rab tu zhi bar bya ba la brtson pa sha stag dang thabs cig go /nam mkha' lding gi dbang po bsam gyis mi khyab pa dag dang yang thabs cig ste/ 'di ltar nam mkha' lding gi dbang po mthu stobs chen po'i shugs dang / nam mkha' lding gi dbang po mi shigs pa'i sems rin chen gtsug phud dang / nam mkha' lding gi dbang po shugs dri ma med pa'i dpal dang / nam mkha' lding gi dbang po phyir mi ldog pa'i sems kyi rgyan dang / nam mkha' lding gi dbang po rgya mtsho chen po'i 'od kyi tshul 'chang ba dang / nam mkha' lding gi dbang po chos brtan pa dri ma med pa'i 'od dang / nam mkha' lding gi dbang po cod pan sna tshogs dpal gyi gtsug phud dang / nam mkha' lding gi dbang po bzhin kun tu khyab par ston pa'i shugs dang / nam mkha' lding gi dbang po dge ba'i rgya mtsho kun nas lta ba dang / nam mkha' lding gi dbang po klu'i sgra yangs pa kun tu lta ba'i dkyil 'khor dang / de dag la sogs pa nam mkha' lding gi dbang po mtha' yas pa kun kyang sems can thams cad yongs su bsdu ba'i thabs yangs pa rab tu thob pa sha stag dang thabs cig go / mi'am ci'i dbang po du ma dag dang yang thabs cig ste/ 'di ltar mi'am ci'i dbang po lha'i blo gros 'od dang / mi'am ci'i dbang po me tog dpal gyi dkyil 'khor dang / mi'am ci'i dbang po rgyan rnam pa sna tshogs dang / mi 'am ci'i dbang po nga ro yid du 'ong ba'i dbyangs dang / mi 'am ci'i dbang po shing rin po che'i yal ga'i 'od dang / mi 'am ci'i dbang po mthong na dga' zhing spro bar byed pa dang / mi 'am ci'i dbang po rgyan gyi dpal gyi 'od dang / mi 'am ci'i dbang po me tog tshon bzang po'i rgyal mtshan dang / mi 'am ci'i dbang po sa'i gzhi'i dpal dang / mi 'am ci'i dbang po drag shul gyi bdag po dang / de dag la sogs pa mi 'am ci'i dbang po du ma kun kyang chos thams cad la dge ba'i rtsa ba yang dag par skyed pa la rab tu brtson pa sha stag dang thabs cig go / lto 'phye chen po'i dbang po 'phrul po che sa mtshams med pa dag dang yang thabs cig ste/ 'di ltar lto 'phye chen po'i dbang po blo gros bzang po'i gzi brjid dang / lto 'phye chen po'i dbang po gzi brjid kyi dbyangs la rdul med pa dang / lto 'phye chen po'i dbang po blo gros sna tshogs mchog gi gtsug phud dang / lto 'phye chen po'i dbang po mig bzang po'i bdag po dang / lto 'phye chen po'i dbang po sgron ma'i skyabs kyi rgyal po dang / lto 'phye chen po'i dbang po snang ba shugs bzang po'i rgyal mtshan dang / lto 'phye chen po'i dbang po seng+ge'i phru gu dang / lto 'phye chen po'i dbang po rgyan sna tshogs kyi dbyangs dang / lto 'phye chen po'i dbang po ri rab kyi bu dang / lto 'phye chen po'i dbang po yid du 'ong ba 'byung ba dang / de dag la sogs pa lto 'phye chen po'i dbang po sa mtshams med pa kun kyang sems can gyi gti mug gi dra ba chen po bsal ba la rab tu brtson pa sha stag dang thabs cig go / dri za'i bdag po tshad med pa dag dang yang thabs cig ste/ 'di ltar dri za'i rgyal po gnas srung po dang / dri za'i rgyal po shing mi 'am ci'i 'od dang / dri za'i rgyal po mig gtsang ma dga' ba rab tu skye ba dang / dri za'i rgyal po me tog dang / dri za'i rgyal po shing shin tu rgyas pa'i cod pan dang / dri za'i rgyal po dga' bas spyod pa kun tu sgrog pa dang / dri za'i rgyal po rab tu dga' ba rgyun du gnas pa'i mig bzang po dang / dri za'i rgyal po yid du 'ong ba'i dbyangs seng+ge'i rgyal mtshan dang / dri za'i rgyal po 'od zer kun tu 'gyed pa'i 'od dang / dri za'i rgyal po rdo rje shing gi yal ga'i rgyal mtshan dang / dri za'i rgyal po rgyan thams cad la dga' ba'i rang bzhin gyi tshul ston pa dang / de dag la sogs pa dri za'i bdag po tshad med pa kun kyang mos pa dang / dga' ba rgya chen po la rab tu brtson pa sha stag dang thabs cig go / grul bum gyi bdag po tshad med pa dag dang yang thabs cig ste/ 'di ltar grul bum gyi bdag po 'phags skyes po dang / grul bum gyi bdag po klu bdag dang / grul bum gyi dbang po legs par spyad pa'i rgyal mtshan dang / grul bum gyi dbang po phan par spyod par 'phar ba dang / grul bum gyi dbang po 'jigs pa las sgrol ba dang / grul bum gyi dbang po sA la sna tshogs bzang po dang / grul bum gyi dbang po ri rab legs par byung ba dang / grul bum gyi dbang po sde dpa' ba dang / grul bum gyi dbang po dge ba'i mig gi 'od zer mtha' yas pa dang / grul bum gyi dbang po lha dang lha ma yin gyi sgo mtha' yas pa'i mig dang / de dag la sogs pa grul bum gyi bdag po tshad med pa kun kyang chags pa med pa'i chos snang ba mngon par sgrub pa la rab tu brtson pa sha stag dang thabs cig go / klu'i bdag po mtha' yas pa dag dang yang thabs cig ste/ 'di ltar klu'i dbang po mig mi bzang dang / klu'i dbang po rgya mtsho dang / klu'i dbang po sprin sgra sna tshogs kyi rgyal mtshan dang / klu'i dbang po 'od 'phro ba'i sgo rgya mtsho rab tu snang ba dang / klu'i dbang po kun nas ri'i sprin gyi rgyal mtshan dang / klu'i dbang po 'jog po dang / klu'i dbang po mtha' yas par 'gro ba dang / klu'i dbang po mdzod spu'i gzi brjid dri ma med pa'i shugs dang / klu'i dbang po kun tu spyod pa rgya chen po'i dbyangs dang / klu'i dbang po ma dros pa dang / de dag la sogs pa klu'i dbang po mtha' yas pa kun kyang sems can gyi nyon mongs pas gdung ba'i tsha ba chen po char pa'i sprin gyis shin tu zhi bar bya ba la rab tu brtson pa sha stag dang thabs cig go / gnod sbyin gyi bdag po kun tu mtha' yas pa dag dang yang thabs cig ste/ 'di ltar gnod sbyin gyi dbang po ngal bso po dang / gnod sbyin gyi dbang po dbyangs chen dbang phyug dang / gnod sbyin gyi dbang po sa la shin tu gtum pa'i mtshon cha dang / gnod sbyin gyi dbang po blo gros chen po dang / gnod sbyin gyi dbang po mig 'od 'phro ba'i bdag po dang / gnod sbyin gyi dbang po mig rdo rje ltar brtan pa dang / gnod sbyin gyi dbang po sde mchog tu dpa' ba dang / gnod sbyin gyi dbang po sde'i rgyan chen pos rab tu gnon pa dang / gnod sbyin gyi dbang po dge ba'i tshogs dang / gnod sbyin gyi dbang po ri bo'i stobs rab tu 'joms pa dang / de dag la sogs pa gnod sbyin gyi dbang po kun tu mtha' yas pa kun kyang sems can thams cad la phan pa dang / yongs su srung bar rab tu brtson pa sha stag dang thabs cig go /zla ba'i ris su gtogs pa'i lha du ma dag dang yang thabs cig ste/ 'di ltar lha'i bu zla ba dang / lha'i bu 'od kyi me tog rgyal po'i gtsug phud dang / lha'i bu dpal gyi tshogs sna tshogs kyi 'od dang / lha'i bu 'jig rten dga' ba'i bde ba sna tshogs dang / lha'i bu shing gi dbang po'i mig gi 'od dang / lha'i bu 'od bzang po ston pa dang / lha'i bu kun nas spyod pa mi sgul ba'i 'od dang / lha'i bu skar ma'i rgyal po'i bdag po dang / lha'i bu blo dri ma med pa'i zla ba dang / lha'i bu gzi brjid chen po'i 'od zer mdzes pa dang / de dag la sogs pa lha'i bu zla ba'i ris su gtogs pa du ma kun kyang sems can thams cad kyi sems rin po che snang bar bya ba la rab tu brtson pa sha stag dang thabs cig go / nyi ma'i ris su gtogs pa'i lha'i bu med pa dag dang yang thabs cig ste/ 'di ltar lha'i bu nyi ma dang / lha'i bu gzi brjid kyi 'od zer 'bar ba'i mig dang / ri bo'i rgyal mtshan gyi 'od dang / rin chen dri med rmad du byung ba dang / phyir mi ldog pa rab tu gnon pa dang / me tog gi phreng ba'i 'od kyi dpal dang / 'od kyi dpal snang ba'i rgyal mtshan dang / rin chen gtsug phud rnam par snang ba dang / mig kun tu snang ba dang / sa'i dpal gyi be'u 'dzin pa dang / lha'i bu sgo thams cad skyob pa'i dpal gyi 'od dang / de dag la sogs pa lha'i bu nyi ma'i ris su gtogs pa mu med pa kun kyang dge ba'i rtsa ba shin tu sbyangs pa/ 'gro ba thams cad la phan par rab tu brtson pa sha stag dang thabs cig go /sum cu rtsa gsum gyi ris su gtogs pa brgya byin lha'i dbang po la sogs pa tshad med pa dag dang yang thabs cig ste/ 'di ltar lha'i dbang po brgya byin dang / lha'i bu sgra kun tu grags pa'i dbang phyug dkyil 'khor dang / byams par lta ba'i gtsug phud dang / rin po che'i 'od kun tu grags pa'i rgyal mtshan dang / dga' bde 'byung ba'i gtsug phud dang / dran pa yid du 'ong ba dang / ri bo'i sgra'i dpal dang / dran pa dang ldan pa dang / me tog dri ma med cing yid du 'ong ba'i 'od dang / ye shes nyi ma'i mig dang / lha'i bu yang dag par skul ba'i 'od kyi dbang phyug dang / de dag la sogs pa sum cu rtsa gsum gyi ris su gtogs pa'i lha'i bu tshad med pa kun kyang chos rgya chen po'i rang bzhin dang / 'gro ba thams cad du skyes shing yang dag par bskul ba la rab tu brtson pa sha stag dang thabs cig go / rab mtshe ma la sogs pa mtshe ma'i lha'i rgyal po grangs med pa dag dang yang thabs cig ste| 'di ltar lha'i rgyal po rab mtshe ma dang / dga' ba bde ba'i 'od dang / blo gros mi zad pa'i yon tan dpal dang / 'phrul ba bzang zhing dge ba dang / sa dang ri bo'i 'od dang / bsam gyis mi khyab pa'i blo gros dang / 'khor lo'i gtsug dang / gzi brjid 'od 'phro ba dang / 'od rnam par snang ba dang / lha'i rgyal po grags pa'i phyogs su rnam par lta ba dang / de dag la sogs pa mtshe ma'i lha'i rgyal po grangs med pa kun kyang dga' ba dang / spro ba rgya chen po mngon par sgrub pa la rab tu brtson pa sha stag dang thabs cig go /lha'i bu rgyal po rab dga' ldan la sogs pa bsam gyis mi khyab pa dag dang yang thabs cig ste/ 'di ltar lha'i rgyal po rab dga' ldan dang / dga' ba rgya mtsho'i gtsug phud dang / yon tan mchog gi rgyal mtshan dang / 'od zer zhi ba'i 'od dang / rab tu dga' ba'i mig dang / rin chen 'od zer zla ba dang / rnam par gnon pas rab tu brtson pa dang / rdo rje'i mdog gi 'od bzang po dang / skar mas brgyan pa'i dpal dang / lha'i bu dga' ba bzang po sna tshogs dang / de dag la sogs pa dga' ldan gyi lha'i rgyal po bsam gyis mi khyab pa kun kyang sangs rgyas gcig nas gcig tu byung ba thams cad rjes su dran par yid la bya ba la rab tu brtson pa sha stag dang thabs cig go / 'phrul dga'i lha'i rgyal po mu med pa dag dang yang thabs cig ste| 'di ltar lha'i rgyal po rab 'phrul dga' dang / sgras zhi ba'i 'od dang / stobs kyi 'phrul ba'i sgra'i 'od dang / dbang chen sna tshogs dang / sprin sgra shin tu 'phags pa dang / snang ba spyod pa'i dpal dang / gtsug phud yid du 'ong ba'i 'od dang / dga' ba'i blo gros dang / me tog 'od kyi gtsug phud dang / lha'i rgyal po phyogs shin tu snang ba dang / de dag la sogs pa 'phrul dga'i lha'i rgyal po mu med pa kun kyang rnam par thar pa rab tu zhi bas sems can thams cad gdul ba la rab tu brtson pa sha stag dang thabs gcig go / lha'i rgyal po dbang sgyur la sogs pa bgrang du med pa dag dang yang thabs cig ste/ 'di ltar lha'i rgyal po dbang sgyur dang / lha'i rgyal po mig bzang po'i blo gros dang / cod pan sna tshogs kyi rgyal mtshan dang / brtson pa'i blo gros dang / go 'phang rnam par gnon pa'i sgra dbyangs sna tshogs dang / 'od yid du 'ong ba'i rgyal mtshan dang / spyod yul zhi ba'i sgo dang / 'khor lo ri mo bzang po'i rgyal mtshan dang / me tog blo gros seng+ge'i dbang phyug dang / lha'i rgyal po dbang po'i stobs ri mo bzang po'i 'od dang / de dag la sogs pa dbang sgyur gyi lha'i rgyal po bgrang du med pa kun kyang chos kyi dbang rgya chen po la rab tu brtson pa sha stag dang thabs cig go / bsam gyis mi khyab pa'i tshangs pa chen po dag dang yang thabs cig ste/ 'di ltar tshangs pa chen po rab tu snang ba dang / blo gros kyi 'od dang / blo gros bzang po'i sems snang ba dang / kun tu dbyangs kyi sprin dang / 'jig rten dbang po'i sgra dang / mig rab tu zhi zhing 'od shin tu zab pa dang / phyogs su snang ba 'gyed pa dang / sprul pa'i sgra dbyangs dang / mig gi 'od zer mngon par snang ba dang / tshangs pa chen po'i dbyangs rgya mtsho yid du 'ong ba dang / de dag la sogs pa tshangs pa chen po bsam gyis mi khyab pa kun kyang sems can thams cad kyi sems snang bar bya ba dang / sim par bya bar byams pa chen po la gnas pa sha stag dang thabs cig go / lha'i bu gya nom snang ba'i ris su gtogs pa tshad med pa dag dang yang thabs cig ste/ 'di ltar lha'i bu snang bas dga' ba dang / dge ba sna tshogs kyi 'od dang / dbang po'i dbyangs dang / dran pa'i blo dam pa dang / dga' ba sna tshogs rnam par dag pa'i dbyangs dang / legs par bsam pa'i dbyangs dang / 'od 'gyed pa'i dbyangs rnam par snang ba dang / dbyangs zab mo'i 'od dang / grags pa dri ma med pa'i 'od dang / lha'i bu 'od dri ma med pas shin tu 'phags pa dang / de dag la sogs pa gya nom snang ba'i ris su gtogs pa'i lha'i bu tshad med pa kun kyang zhi ba dang / dga' ba rgya chen po'i rnam par thar pa la gnas pa sha stag dang thabs cig go /dge rgyas kyi lha'i bu grangs med pa dag dang yang thabs cig ste/ 'di ltar lha'i bu dge bar grags pa'i blo gros dang mchog tu snang ba dang / rab tu zhi ba'i dpal dang / dbyangs kyi ri bo dang / dran pa dge ba'i mig dang / dga' ba dam pa rnam par snang ba dang / 'jig rten dbyangs kyi blo gros dang / gzi brjid 'bar ba'i bdag po dang / chos kyi dga' bas 'phrul ba'i sems dang / 'phrul bas shin tu 'phags pa dang / de dag la sogs pa dge rgyas kyi ris su gtogs pa'i lha'i bu grangs med pa kun kyang sgo yangs pa la gnas pas 'gro bar 'gyur zhing rnam par 'dul ba la rab tu brtson pa sha stag dang thabs cig go / lha'i bu 'bras bu chen po'i ris su gtogs pa tshad med pa dag dang yang thabs cig ste/ 'di ltar lha'i bu chos kyi dpal gzi brjid dga' ba dang / dri med sna tshogs rgya mtsho dang / shes rab mchog gi 'od dang / ye shes dbang po'i dpal dang / dga' ba zhi ba dang / sgo kun nas shes pa'i mig dang / dga' ba'i gtsug gi blo gros dang / yon tan blo gros bzang po'i 'od dang / 'od zhi zhing dri ma med pa dang / lha'i bu snang ba chen po dri ma med pa dang / de dag la sogs pa 'bras bu chen po'i ris su gtogs pa'i lha'i bu tshad med pa kun kyang zhi ba'i chos kyi gzhal med khang la kun nas rab tu gnas pa sha stag dang thabs cig go / lha'i bu dbang phyug chen po'i ris su gtogs pa grangs med pa dag dang yang thabs cig ste/ 'di ltar lha'i bu shin tu 'od 'phro rgya mtsho dang / lha'i bu dbang phyug grags pa rab tu snang ba dang / lha'i bu dge ba'i mig dri ma med pa dang / lha'i bu shes rab chen pos dga' zhing spro ba dang / lha'i bu 'od mi sgul ba'i dbang phyug dang / lha'i bu mig shin tu mnyam par bzhag pa dang / lha'i bu snang ba shin tu sems pa dang / lha'i bu ye shes chen pos dga' ba dang / lha'i bu sna tshogs kun tu dbyangs kyi rgyal mtshan dang / lha'i bu grags pa rnam par snang ba'i brtul zhugs bzang po dang / de dag la sogs pa dbang phyug chen po'i ris su gtogs pa'i lha'i bu grangs med pa kun kyang spyod yul mtshan ma med pa'i mnyam pa nyid la rab tu brtson pa sha stag dang thabs cig ste/ de bzhin gshegs pa'i 'khor gyi dkyil 'khor rgya mtsho de ni/ sems can gyi ris thams cad yang dag par gzhol ba'o/ /sems can yon tan mtha' yas pa 'dus pa las yongs su byung ba'o/ /phyogs kyi dbyings kun na shin tu gnas pa'o/ /'khor gyi dkyil 'khor sna tshogs kyi dbyings su rnam par gnas pa'o/ /phan tshun 'dres pa med cing ji ltar 'ongs pa'i phyogs kyi dbyings la rab tu gnas pa'o/ /de bzhin gshegs pa blta ba la mngon par phyogs pa'o/ /nyon mongs pa'i bag chags dang sems kyi dri ma thams cad dang bral ba'o/ / sgrib pa thams cad kyi ri rnam par 'thor ba'o/ /sangs rgyas lta ba la sgrib pa med pas snang bar gyur pa ste/ de ni/ 'di ltar bcom ldan 'das de bzhin gshegs pa rnam par snang mdzad kyis sngon bskal pa rgya mtsho nas byang chub sems dpa'i spyad pa spyod pa'i tshe bsdu ba'i dngos po bzhis yongs su bsdus te/ de bzhin gshegs pa de dang de dag gi drung du bzhud pa'i tshe dge ba'i rtsa ba yongs su bzung zhing thabs kyi sgo de dag gis yongs su smin par byas te/ thams cad mkhyen pa nyid kyi lam la rab tu bkod cing dge ba'i rtsa ba tshad med pa rab tu bskyed pas/ bsod nams chen po'i stobs dang / shugs rab tu thob pa dag go /smon lam gyi tshul rgya mtsho gzhan dang gzhan la rab tu zhugs shing spyod pa'i dkyil ' khor gzhan dang gzhan yongs su dag pas yang dag par byung ba 'byung ba'i lam gzhan dang gzhan gyis shin tu 'byung ba'i de bzhin gshegs pa gzhan dang gzhan mthong bas snang bar gyur pa dag ste/ de dag ni/ mos pa'i stobs gzhan dang gzhan gyis de bzhin gshegs pa'i yon tan rgya mtsho la 'jug go /sangs rgyas lta ba'i rnam par thar pa'i sgo gzhan dang gzhan gyis rnam par 'phrul lo/ /de ni/ 'di lta ste/ lha'i bu dbang phyug chen po'i ris su gtogs pa shin tu 'od 'phro rgya mtsho'i rnam par thar pa ni/ chos kyi dbyings nam mkha' ltar zhi ba'i tshul gyi mthu zhes bya'o/ /lha'i bu dbang phyug grags pa rab tu snang ba'i rnam par thar pa ni/ chos thams cad la dbang ba'i stobs la yang dag par gzhol zhing kun nas rjes su 'gro ba'i rnam par spyod pa zhes bya'o/ /lha'i bu dge ba'i mig dri ma med pa'i rnam par thar pa ni/ chos thams cad 'byung ba med pa dang / 'gro ba med pa dang / brjod du med cing sbyar ba med pa zhes bya'o/ /lha'i bu shes rab chen po dga' zhing spro ba'i rnam par thar pa ni/ chos kyi tshul thams cad la mngon sum du gyur pa'i shes rab rgya mtshos rnam par dpyod pa la rab tu snang ba zhes bya'o/ /lha'i bu 'od mi sgul ba'i dbang phyug gi rnam par thar pa ni/ sems can la bsam gtan gyi dga' ba dang / bde ba mtha' yas pa la mos pa bstan pa rgya chen po'i tshul yang dag par 'byung ba zhes bya'o/ /lha'i bu mig shin tu mnyam par bzhag pa'i rnam par thar pa ni/ mi shes pa'i mun nag dang / 'jigs pa rnam par zlog pa'i spyod pa rab tu zhi ba zhes bya'o/ /lha'i bu snang ba shin tu sems pa'i rnam par thar pa ni/ bsam pa'i yul mtha' yas pa'i las srid pa thams cad du mi 'byung ba la 'jug pa zhes bya'o/ /lha'i bu ye shes chen pos dga' ba'i rnam par thar pa ni/ chos thams cad kyi phyogs su 'gro zhing yongs su non pa dang / rten pa'i phyogs kyi mthu zhes bya'o| |lha'i bu sna tshogs kun tu dbyangs kyi rgyal mtshan gyi rnam par thar pa ni/ sangs rgyas kyi yul rab tu zhi ba la 'jug pa kun nas khong du chud pa'i gtsug rab tu snang ba zhes bya'o// lha'i bu grags pa rnam par snang ba'i brtul zhugs bzang po'i rnam par thar pa ni/ rang gi gzhal med khang dang / blo'i yul nas dmigs pa tshad med pa'i sangs rgyas kyi yul rgya chen po 'byung ba zhes bya'o/ /de nas dbang phyug chen po'i ris su gtogs pa'i lha shin tu 'od 'phro rgya mtshos sangs rgyas kyi mthus lha'i 'khor gyi dkyil 'khor yod pa thams cad la rnam par bltas te de'i tshe tshigs su bcad pa 'di dag smras so/ /mi zad chos kyi dbyings ni mtha' yas te/ /kun kyang sangs rgyas sku la rab tu gsal| |de ni gzung med dngos med rab tu zhi/ /'gro ba'i skyabs su rang byung skyes shing byung / /chos kyi sgron ma sangs rgyas shin tu ston/ /chos la mnga' rab mdzad pa 'jig rten byung / /de yi spyod yul mtha' yas mi zad de/ /dbang phyug grags pa 'di 'dra'i mos la 'jug /bsam gyis mi khyab sangs rgyas snang ba byed/ /de yi mtshan nyid phyogs na med pa ste| |rnam dag lam ni skye bo dag la ston/ /shin tu dri med mig gis 'di 'dra mthong / /'gro ba kun gyis bsam du mi nus te/ /rgyal ba'i shes rab mtha' yas gang mnga' ba// gti mug sgrib pa'i sems can rnam par sbyong / /de la shes rab chen po rnam par gnas/ /skye rgu kun gyis sangs rgyas bsam mi khyab/ /mthong ba tsam gyis nyon mongs zhi bar 'gyur| |'gro ba'i dga' ba rgya chen rab tu bskyed/ /mi sgul dbang phyug lha yis de mthong ngo / /sems can rgya mtsho gti mug mun bsgribs la/ /sangs rgyas chos nyid rab tu zhi ba ston| |shes rab sgron ma 'gro ba 'di brjod de/ /dge ba'i mig ni 'di yi tshul la 'jug /sangs rgyas rnams kyi rnam dag sku ston cing / /thams cad phyogs su shin tu 'phags pa'i sku| |de yang dngos med 'jig rten mi gnas te/ /kun tu snang ba sems pa 'di ltar lta/ /mtha' yas chags med rgyal ba rnams kyi gsung / /snod du gyur pa'i sems can de dag nyan/ sangs rgyas rnams las 'pho bar mi snang ste/ /'di ni shes pas dga' ba'i rnam thar to/ /thams cad phyogs sgo kun nas sangs rgyas te/ /mi yi dbang po rnam thar zhi la bzhugs/ /sangs rgyas 'jig rten snang zhing rnam par mdzes/ /'di ni sna tshogs rgyal mtshan rnam thar to/ /rgyal ba bskal pa rgya mtsho mtha' yas su/ /'gro ba kun don rnam par byang chub cing / /sna tshogs rnam par 'phrul bas sems can 'dul/ /rnam par snang bas rnam thar 'di mthong ngo / /de la lha'i rgyal po chos kyi dpal gzi brjid dga' ba'i rnam par thar pa ni/ sems can thams cad kyi dbang po dang / the tshom rnam par lta ba'i sems kyi sprin la rab tu gzhol ba zhes bya'o/ /lha'i rgyal po dri med sna tshogs rgya mtsho'i rnam par thar pa ni/ sangs rgyas rjes su dran pa'i rnam pa thams cad yid la byed pa ston pa sbyor ba zhes bya'o/ /lha'i rgyal po shes rab mchog gi 'od kyi rnam par thar pa ni/ chos kyi rang bzhin mnyam pa nyid la gnas pa'i lus kyi rgyan ces bya'o/ /lha'i rgyal po ye shes dbang po'i dpal gyi rnam par thar pa ni/ 'jig rten gyi chos thams cad rnam par sgom pa'i sems skad cig tu bsam gyis mi khyab pa'i rgyan rgya mtsho la rab tu gnas pa zhes bya'o/ /lha'i rgyal po dga' ba zhi ba'i rnam par thar pa ni/ skra'i sbubs gcig tu sangs rgyas kyi zhing bsam gyis mi khyab pa yod rgu 'dzud pa zhes bya'o/ /lha'i rgyal po sgo kun nas shes pa'i mig gi rnam par thar pa ni/ chos kyi dbyings la sgo kun nas rnam par lta bas 'jug pa zhes bya'o/ /lha'i rgyal po dga' ba'i gtsug gi blo gros kyi rnam par thar pa ni/ sems can thams cad kyi skye ba dang / byed pa bskal pa mtha' yas par mngon par 'byin pa zhes bya'o/ /lha'i rgyal po yon tan blo gros bzang po'i 'od kyi rnam par thar pa ni/ dmigs pa thams cad dang / 'jig rten gyi dgos pa thams cad chos gzhal du med cing / bsam gyis mi khyab pas rnam par dpyod pa zhes bya'o/ /lha'i bu 'od zhi zhing dri ma med pa'i rnam par thar pa ni/ sems can dang / chos dang / 'byung ba thams cad kyi sgo la mngon sum du yang dag par spyod pa 'byung ba zhes bya'o/ /lha'i rgyal po snang ba chen po dri ma med pa'i rnam par thar pa ni/ sems can snod du gyur pa thams cad la rnam par lta zhing / sangs rgyas skye ba'i chos nyid la 'jug pa zhes bya'o/ /de nas lha'i rgyal po chos kyi dpal rab tu snang ba la mos pas sangs rgyas kyi mthus che ba dang / cung zad che ba dang / tshad med che ba dang / 'bras bu che ba'i lha'i 'khor gyi dkyil 'khor yod pa thams cad la rnam par bltas te de'i tshe tshigs su bcad pa 'di dag smras so/ /sangs rgyas yul rnams kun kyang bsam mi khyab// sems can kun gyis bsam par nus pa min/ /sems can mos dang bsam pa yangs pa ni/ /mi zad pa dag sangs rgyas bskyed pa mdzad/ /sangs rgyas blta bar sems can snod gyur la| |rgyal ba rnams ni byin gyis brlabs mdzad de/ /de dag rtag tu sangs rgyas mngon sum mthong / /'di ltar sna tshogs rgya mtsho mthong ba yin/ /sangs rgyas chos nyid gnas pa med pa dag / 'gro ba bkang zhing sangs rgyas ston pa mdzad/ /rgyal ba 'byung med gnas pa yod pa min/ /shes rab mchog gi 'od ni 'di sgom mo/ /sems can snyed kyi tshul dang bsam pa yang / /bsam gyis mi khyab gzhan dang gzhan gyi sgor/ /sangs rgyas rnam par 'phrul pas tshul ston te/ /dbang po dpal gyi rnam thar rgya mtsho 'o/ /de bzhin gshegs pa'i rdzu 'phrul yul rnams dang / /mi zad 'das pa'i zhing rnams thams cad kyang / /de dag spu yi dkyil 'khor gcig tu ston/ /chos kyi dkyil 'khor sgo mo gcig la yang / /chos kyi sgo mo mi zad rgya mtsho dag / sangs rgyas chos nyid rab tu des sgrog ste/ /shes pa'i mig ni 'di yi tshul la 'jug /phyogs bcu dag na zhing dbyings ji snyed pa/ /de dag kun tu sangs rgyas chos ston kyang / /rgyal ba de ni gar yang 'pho mi mdzad/ /dga' ba'i gtsug gi blo gros spyod yul lo/ /de bzhin gshegs pa'i gzugs brnyan 'dra ba ste/ /mgon po chos kyi gzhal med khang snang ba/ /chos nyid rab tu zhi ba yang dag ston/ /yon tan blo gros bzang pos 'di mthong ngo / /rang byung rnams kyi spyod yul rnams la ltos/ /sems can kun gyi dbang po'i tshul bzhin du/ /bsam yas 'byung ba'i sgo mos chos char 'bebs/ /'di ni zhi ba'i 'od kyi lha ston to/ /thugs rje rgya chen rab tu bskyed byas shing / /sems can phan phyir mgon po rnams 'byung ste/ /snod kyi tshul bzhin chos kyi char yang 'bebs/ /snang ba chen po'i blo gros 'di ston to/ /bam po gnyis pa/ de la lha'i rgyal po dge bar grags pa'i blo gros kyi rnam par thar pa ni/ sems can thams cad rnam par thar pa'i tshogs kyi tshul la rnam par bltar 'dzud pa zhes bya'o/ /lha'i rgyal po mchog tu snang ba'i rnam par thar pa ni/ rang bzhin rnam par rig pa'i 'od ces bya'o/ /lha'i bu rab tu zhi ba'i dpal gyi rnam par thar pa ni/ thabs kyi tshul dang / sgo thams cad kyis sangs rgyas kyi yul yongs su sbyong ba zhes bya'o/ /lha'i bu dbyangs kyi ri bo'i rnam par thar pa ni/ 'khor ba'i rgya mtsho'i phyi ma'i mtha' thams cad du 'gro ba yongs su sgyur ba zhes bya'o/ / lha'i bu dran pa dge ba'i mig gi rnam par thar pa ni/ de bzhin gshegs pa'i tshul rjes su dran zhing sems can 'dul ba'i byin gyi rlabs zhes bya'o/ /lha'i bu dga' ba dam pas rnam par snang ba'i rnam par thar pa ni/ gzungs rgya mtsho la sgo kun nas rab tu brtan pa rgya mtsho'i rjes su 'gro ba zhes bya'o/ /lha'i bu 'jig rten dbyangs kyi blo gros kyi rnam par thar pa ni/ sangs rgyas skye ba shin tu dkon pa'i bsam pa skyed pas mos pa sbyong ba'i snying po zhes bya'o/ /lha'i bu gzi brjid 'bar ba'i bdag po'i rnam par thar pa ni/ sems can thams cad la chos kyi shugs kyis dga' ba skyed cing sgrol ba zhes bya'o/ /lha'i bu chos kyi dga' bas 'phrul ba'i sems kyi rnam par thar pa ni/ byang chub sems dpa'i 'dul ba mtha' yas pa thams cad nam mkha' ltar zad mi shes pa'i sgor rab tu 'jug pa zhes bya'o/ /lha'i bu 'phrul bas shin tu 'phags pa'i rnam par thar pa ni/ sems can gyi nyon mongs pa mtha' yas pa'i snying rje dang / ye shes kyi rgyas par 'gengs pa zhes bya'o/ /de nas lha'i rgyal po dge bar grags pa'i blo gros kyis sangs rgyas kyi mthus dge chung dang / tshad med dge ba dang / dge rgyas kyi lha'i 'khor gyi dkyil 'khor yod pa thams cad la rnam par bltas te de'i tshe tshigs su bcad pa 'di dag smras so/ /chags med spyod pa'i chos nyid 'di la ltos/ /mi zad phyogs rnams rab tu rgyas bkang ste/ /bsam gyis mi khyab sangs rgyas yul yang ston/ /rnam thar tshul gyi rgya mtsho zad mi shes/ /bde gshegs 'jig rten kun la mi gnas te/ /chos dbyings dam pa kun nas 'byung ba med/ /mig yor spyod yul zhing rnams thams cad de/ /tshul 'di mchog tu snang ba'i lha yi 'o/ /bskal pa rgya mtshor thabs la gnas pas na/ /sangs rgyas 'jig rten kun na rnam par mdzes/ /chos dbyings de bzhin nyid la rab tu gnas/ /de la rab zhi dpal gyi lha 'jug go /sems can gti mug rab rib sgrib pas bsgribs/ /'khor ba'i spyod yul mdongs gyur de dag la/ /rgyal ba dge ba'i lam rnams rab ston te/ /rnam thar de la dbyangs kyi ri bo 'jug/ de bzhin gshegs pa'i bla na med pa'i tshul/ /sems can kun gyis bsam par mi nus te/ /rnam pa thams cad rgyal ba rab tu ston/ /de ni dran pa dge ba'i mig gis mthong / /zhing rnams rgya mtsho rdul dang mnyam pa yi/ /gzungs kyi sgo rnams mi mgon rtag tu gsung / /sems can thams cad 'dul ba rnam par ston/ /dga' ba rnam par snang bas de mthong ngo / /sangs rgyas skye ba shin tu dkon pa ste/ /bskal pa rgya mtsho dag na bar 'ga' snang / /de la mos pa'i dkyil 'khor rab tu skyed/ /'jig rten dbyangs kyi blo gros de la 'jug /rgyal ba chos mthu rgya che bsam yas dag / sems can kun la rnam par sbyong ba mdzad/ /dngos med chos nyid rgyal ba ston par mdzad/ /gzi brjid 'bar ba'i lhas ni de mthong ngo / /dus gsum bde gshegs phun sum tshogs pa dag / de dag sems can yul du bsam mi khyab/ /dran nas bdag gi dga' ba rab skyes te/ /de dag chos dga' sems pa rab tu ston/ /'gro ba rnams ni nyon mongs rgya mtsho la/ /gti mug ltas brnyogs 'jigs pa chen por bying / /snying rje bskyed cing 'gro ba 'grel ba ni/ /'phrul bas 'phags pa spyod yul de la lta/ /'od zer dra ba rgyal ba rtag tu 'gyed/ /'od zer sgo kun rgyal ba mi zad pa/ /sems can dbyings rnams 'dul bar rab tu 'jug /sna tshogs dbyangs kyi lhas ni de mthong ngo / /de la gya nom snang ba'i lha'i rgyal po snang bas dga' ba'i rnam par thar pa ni/ dga' ba dang bde ba rab tu zhi ba myong bar byed cing 'gro ba'i sdug bsngal rab tu gzhil ba la gzhol ba zhes bya'o/ / lha'i bu dge ba sna tshogs kyi 'od kyi rnam par thar pa ni/ sems shin tu yangs pa dang / 'gro ba thams cad kyi rnal 'byor yangs pa rgya mtsho snying rje dang / dga' ba'i snying po zhes bya'o/ / lha'i bu dbang po'i dbyangs kyi rnam par thar pa ni/ bskal pa mtha' yas pa'i spyod pa dang / sems can thams cad kyi bsod nams kyi mthu sems kyi skad cig gcig gis mngon par sgrub pa zhes bya'o/ /lha'i bu dran pa'i blo dam pa'i rnam par thar pa ni/ 'jig rten 'byung ba dang / 'jig pa dang / gnas pa dang / bsod nams sna tshogs nam mkha' lta bu yongs su sbyong ba zhes bya'o/ /lha'i bu dga' ba sna tshogs rnam par dag pa'i dbyangs kyi rnam par thar pa ni/ 'phags pa'i chos thams cad la dga' ba mtshungs pa med pa'i shugs rnam par spel bas rab tu tshim par byed pa zhes bya'o/ /lha'i bu legs par bsam pa'i dbyangs kyi rnam par thar pa ni/ tshul gyis thams cad rnam par dgod cing shin tu bstan pa'i don du yang dag par gnas pa zhes bya'o/ /lha'i bu 'od 'gyed pa'i dbyangs kyi rnam par thar pa ni/ dga' ldan gyi pho brang nas 'pho ba'i mchod pa shin tu rgyas pa mngon par sgrub pa zhes bya'o/ /lha'i bu dbyangs zab mo'i 'od kyi rnam par thar pa ni/ rdzu 'phrul la rmongs pa med pa'i shes rab rgya mtsho la rnam par spyod pa zhes bya'o/ /lha'i bu grags pa dri ma med pa'i 'od kyi rnam par thar pa ni/ sangs rgyas kyi yon tan rgya mtsho yongs su thob cing 'gro ba la ston pa'i sbyor ba zhes bya'o/ /lha'i bu 'od dri ma med pas shin tu 'phags pa'i rnam par thar pa ni/ sngon gyi smon lam gyi byin gyi rlabs kyis dga' ba 'byung ba'i shugs kyi snying po zhes bya'o/ /de nas gya nom snang ba'i lha'i rgyal po snang bas dga' bas sangs rgyas kyi mthus dga' ba dang / snang ba dang / 'od chung dang / 'od gsal dang / gya nom snang ba'i lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /sngon gyi rgyal ba'i spyod pa bdag gis dran/ /rgyal ba mtha' yas grags pa cis mchod dang / /ji ltar sngon chad dga' shugs yongs dag pa/ /de ni rgyal ba'i mthu yis bdag gis mthong / /rgyal ba dri med mtshan nyid med pa'i sku/ /'gro ba'i mya ngan mang po rnam par bzlog/ byams dang thugs brtse thugs rje'i sa la bzhugs/ /rnam thar 'di tshul sna tshogs 'od 'jug go / sangs rgyas chos nyid 'di ni rgya che ste/ /zhing rnams rgya mtsho mang po ji lta bur/ /ji ltar 'byung dang ji ltar 'jig pa ston/ /rnam thar 'di ni dbang po'i dbyangs kyi yin/ /rgyal ba'i rdzu 'phrul mnyam med phyogs kun gyi/ /zhing gi dbyings su yangs pa shin tu bstan/ /da ltar byung ba'i rgyal ba'i dge ba dag /dran pa dam pa'i rnam thar tshul 'di 'o/ /zhing rnams rgya mtsho mang po'i rdul snyed kyi/ /bde gshegs de dag dga' ba'i yid kyis mchod/ /de phyir mnyan pa rdul med don kyang yod/ /sna tshogs dbyangs kyi rnam thar 'di yin no/ /bskal pa rgya mtsho mang po yangs par yang / /tshul gyi sa ni rgyal ba rgya chen gsung / /rgyal ba kun la zad med mtha' yang yas/ /legs bsam dbyangs kyi rnam thar 'di yin no/ /sangs rgyas rnam 'phrul mtha' yas dbyings kyi rnams/ /'pho dang rnam par 'tshang rgya tshul yang dag /sems kyi skad cig kun la rab tu ston// 'od 'gyed dbyangs kyi rnam thar sgo 'di yin/ /sangs rgyas byin rlabs rgya chen bshad pa yi/ /rdzu 'phrul yul ni bde bar gshegs pa ston/ /dbang po bsam pa kun kyang rnam par sbyong | |dbyangs zab 'od ni 'di la rab tu 'jug / rgyal ba rnams kyi ye shes mtha' yas te/ /mnyam med chags med sangs rgyas 'jig rten spyod/ /sems can kun la mchog sbyin mngon par gzigs/ /grags pa dri med tshul 'dir rab tu 'jug /rgyal ba sngon chad byang chub spyod mdzad tshe/ /sangs rgyas rgya mtsho yang dag mchod pa rnams/ /de dag kun gyi smon lam rab sgrub pa/ /de ni 'od 'phags dga' bar rab tu nyan/ /de la tshangs pa chen po rab tu snang ba'i rnam par thar pa ni/ chos dri ma med pa'i spyod yul la gnas shing phyogs bcur thogs pa med pa'i dbyangs kyi dkyil 'khor gyis rgyas par 'gengs pa dri ma med pa zhes bya'o/ /tshangs pa chen po blo gros 'od kyi rnam par thar pa ni/ sems can thams cad bsam gtan dang / snyoms par 'jug pa la rab tu gnas pa zhes bya'o/ /tshangs pa chen po blo gros bzang po'i sems snang ba'i rnam par thar pa ni/ chos kyi snang ba bsam gyis mi khyab pa thams cad la yang dag par gzhol ba'i 'od ces bya'o/ /tshangs pa chen po kun tu dbyangs kyi sprin gyi rnam par thar pa ni/ sangs rgyas thams cad kyi gsung gi yan lag rgya mtsho'i dkyil 'khor la 'jug cing rtogs par byed pa zhes bya'o/ /tshangs pa chen po 'jig rten dbang po'i sgra'i rnam par thar pa ni/ byang chub sems dpa'i spyod pa yang dag par 'byung zhing sems can thams cad bsdu ba dang / gdul ba rjes su dran pa'i sbyor ba zhes bya'o/ /tshangs pa chen po mig rab tu zhi zhing 'od shin tu zab pa'i rnam par thar pa ni/ las kyis rnam par phye ba'i 'jig rten gyi khams 'byung ba'i dbyings shin tu ston pa zhes bya'o/ /tshangs pa chen po phyogs su snang ba 'gyed pa'i rnam par thar pa ni/ rnam pa thams cad du sems can 'dul ba la mngon par phyogs pa zhes bya'o/ /tshangs pa chen po sprul pa'i sgra dbyangs kyi rnam par thar pa ni/ chos thams cad dge ba'i mtshan nyid kyi sgo dang / rab tu zhi ba'i chos la dpyod pa'i dkyil 'khor la shin tu gnas pa zhes bya'o/ /tshangs pa chen po mig gi 'od zer mngon par snang ba'i rnam par thar pa ni/ dngos po thams cad la chags pa med cing mtha' yas pa'i brtsam pa la brtson pa zhes bya'o/ /tshangs pa chen po dbyangs rgya mtsho yid du 'ong ba'i rnam par thar pa ni/ mi zad pa'i chos gzhal du med pa la rjes su spyad par rtag tu phyogs shing rnam par blta ba dang / rnam par shes pa zhes bya'o/ /de nas tshangs pa'i dbang po chen po yid du 'ong bas sangs rgyas kyi mthus tshangs ris dang / tshangs lha nye phan dang / tshangs pa kun 'khor dang / tshangs chen gyi 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /rgyal ba'i sku ni zhi la rab tu zhi/ /'jig rten kun tu dri med snang zhing mdzes/ /mtshan nyid med cing gzugs brnyan med pa'i yul/ /sprin dang mnyam par de bzhin gshegs pa snang / /'gro ba kun gyis bsam du mi nus te| |sangs rgyas sku dang de bzhin bsam gtan yul/ /thams cad tshul gyi sgo yis bsam du med/ /tshangs pa blo gros 'od kyis 'di mthong ngo / /rgya mtsho'i chos rnams zhing gi rdul snyed kyang / /sangs rgyas gsung gcig yang dag bka' stsal te/ /bskal pa rgya mtshor gsungs kyang zad pa med/ /snang ba sems pa'i rnam thar 'di yin no/ /sngon gyi rgyal ba'i gsung gi yan lag kyang / /'gro ba snyed de rgyud kun sems can shes/ /rgyal ba de la rtog dang dbyangs mi mnga'/ /tshangs pa kun tu sgra dbyangs 'di la 'jug /de bzhin gshegs pa dus gsum gshegs pa dag / byang chub spyod pa'i tshul la gang bzhugs pa/ /de dag rgyal ba'i sku la thams cad snang / /rnam thar 'di la 'jig rten dbang po 'jug /sems can kun gyi las dbang gang yin dang / /sna tshogs rgyu yi sgo yis rnam grol ba/ /'gro ba bkang zhing sangs rgyas yang dag ston/ /zhi ba zab mo'i mig ni 'di la 'jug /rnam pa mtha' yas sgo yis rang byung rnams/ /phyogs rnams ma las kun tu sems can 'dul/ /sangs rgyas rtog dang rnam rtog mi mnga' ste/ /snang ba 'gyed pa'i spyod yul 'di yin no/ /rgyal ba'i sku ni mi zad nam mkha' bzhin/ /mtshan nyid mi mnga' phyogs la chags pa med/ /sgyu mar gtogs pa'i chos nyid rab tu stan/ /kun tu 'phrul dga'i spyod yul 'di yin no/ /bde gshegs sku dang ye shes rnam pa dang / /de bzhin dbyangs kyi dkyil 'khor mtha' med de/ /chags med sems can sangs rgyas mngon du lta/ /'od zer yid 'ong rnam thar 'di la 'jug /chos rje chos kyi gzhal med khang bzhugs shing / /chos kyi sku yi sangs rgyas rab tu snang / /chos kyi rang bzhin gzhal yas mtshan nyid med/ /rnam thar 'di la rgya mtsho'i 'od 'jug go /de la lha'i rgyal po dbang sgyur gyi rnam par thar pa ni/ mtha' yas pa'i sems can yongs su smin par bya ba'i sgo'i dbang dang / spyod pa'i snying po zhes bya'o/ /lha'i bu mig bzang po'i blo gros kyi rnam par thar pa ni/ sems can thams cad kyi dga' ba dang bde ba la rnam par lta ba 'phags pa'i spyod yul gyi rjes su 'jug pa zhes bya'o/ /lha'i bu cod pan sna tshogs kyi rgyal mtshan gyi rnam par thar pa ni/ sems can thams cad kyi 'byung ba sna tshogs don tha dad pa'i dbyings su yang dag par gzhol ba zhes bya'o/ /lha'i bu go 'phang rnam par gnon pa'i sgra dbyangs sna tshogs kyi rnam par thar pa ni/ sems can thams cad la byams pa'i sgo rjes su dran zhing / rang gi yul la rnam par bya ba zhes bya'o/ /lha'i bu 'od yid du 'ong ba'i rgyal mtshan gyi rnam par thar pa ni/ nga rgyal gyi rgyal mtshan rab tu bsnyal ba dang / snying rje chen po'i sgo nas rab tu zhi ba 'byung ba zhes bya'o/ /lha'i bu spyod yul zhi ba'i sgo'i rnam par thar pa ni/ 'gro ba thams cad kyi khong khro ba yang dag par 'dul ba rab tu brjod pa zhes bya'o/ /lha'i bu 'khor lo ri mo bzang po'i rgyal mtshan gyi rnam par thar pa ni/ phyogs bcu mtha' yas pa'i sangs rgyas yid la bya ba mu med par khebs par 'gengs pa zhes bya'o/ /lha'i bu me tog blo gros seng+ge'i dbang phyug gi rnam par thar pa ni/ de bzhin gshegs pa'i rnam par 'phrul ba rnam pa thams cad rjes su dran pa mngon par 'tshang rgya bas rgyas par byed pa zhes bya'o/ /lha'i bu dbang po'i stobs ri mo bzang po'i 'od sna tshogs kyi rnam par thar pa ni| 'jig rten gyi dbang po thams cad kyi chos nyid la yang dag par gzhol ba'i byin rlabs kyi khyad par zhes bya'o/ /de nas lha'i rgyal po dbang byed kyis sangs rgyas kyi mthus lha'i bu dbang byed kyi ris su gtogs pa'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /chos dbyings mthar thugs bde bar gshegs pa'i sku/ /'gro ba kun na mngon par rab tu snang / /'byams klas thams cad chos kyis sems can 'dul/ /chos kyi mnga' bdag rgyal ba 'gro la ston/ /'jig rten bde ba sna tshogs ma lus pa/ /ji snyed de na 'phags bde zhi mchog yin/ /chos nyid yangs pa rgyal ba'i gnas yin te/ /mig bzang bdag po 'di la rnam par lta/ /'jig rten phyogs rnams bkang zhing sangs rgyas kyis/ /bsam pa'i dbyings kyi tshul bzhin chos ston pas/ /sems can kun gyi nem nur dogs pa gcod/ /cod pan sna tshogs rgyal mtshan rnam thar to/ /rgyal ba'i gsung gcig ma lus gsung ba ni/ /bskal pa rgya mtshor yangs pa'i chos sgrog ste/ /'gro ba bkang zhing sangs rgyas gsung brjod pa/ /'di ni brtson pa'i blo gros rnam thar to/ /'jig rten byams pa 'byams klas rgya chen kun/ /bde gshegs pa spu gcig gi dper mi rung / /rgyal ba'i byams pa mkha' bzhin zad mi shes/ /bshad pa sna tshogs blo gros rnam thar to// nga rgyal ri dang mun sprin sgo 'joms shing / stobs bcus 'gro ba kun tu khyab byas nas/ /rgyal ba'i thugs rje'i 'od zer rab tu 'gyed/ /rnam thar 'di ni 'od bzang rgyal mtshan gyi'o/ /bde gshegs mthong bas gti mug rab tu 'joms/ /'gro la shes rab dkyil 'khor dge ba ston/ /de dag ngan 'gro'i tshul rnams rnam 'dul te/ /zhi ba spyod yul sgo yi rnam thar to/ /sangs rgyas spu yi khung nas 'od brjod pa/ /sems can kun dang mthun par bde gshegs mtshan/ /de dag bsam pa ji bzhin mtshan kyang thos/ / 'khor lo sna tshogs rgyal mtshan rnam thar yin/ /rgyal ba'i rnam par 'phrul pa tshad med pa/ /de dag thams cad 'khor 'dir phyir snang zhing / /chos dbyings nam mkha' rgyal bas rab rgyas pa/ /me tog seng+ge dpal gyi rnam thar to/ /bskal pa rgya mtsho mang po tshad med par/ /zhing rnams kun tu rgyal ba'i yul brjod kyang / /sangs rgyas gshegs dang bzhud par gyur pa med/ /dbang po dpal stobs rnam thar 'di yin no/ /de la lha'i rgyal po rab 'phrul dga'i rnam par thar pa ni/ chos kyi rang bzhin sprul par rnam par sgom pa'i sbyor ba zhes bya'o/ /lha'i bu sgras zhi ba'i 'od kyi rnam par thar pa ni/ 'jigs pa thams cad rnam par sgom pa'i rang bzhin gyi sbyor ba zhes bya'o/ /lha'i bu stobs kyis 'phrul pa'i sgra'i 'od kyi rnam par thar pa ni/ sems can thams cad kyi gti mug gis yongs su mi zad cing rmongs pa med pa'i dkyil 'khor ces bya'o/ /lha'i bu dbang chen sna tshogs kyi rnam par thar pa ni/ sangs rgyas thams cad kyi gsung la yang dag par 'jug cing dga' ba tshad med pas rnam par snang ba zhes bya'o/ /lha'i bu dran pa'i 'od kyi rnam par thar pa ni/ sangs rgyas thams cad kyi mtshan nyid dang / bsod nams kyi tshogs la 'jug pa zad mi shes pa shin tu bstan pa zhes bya'o/ /lha'i bu sprin sgra shin tu 'phags pa'i rnam par thar pa ni/ 'das pa'i bskal pa gcig nas gcig tu brgyud pa rjes su dran zhing spyod pa'i blo gros zhes bya'o/ /lha'i bu snang ba spyod pa'i dpal gyi rnam par thar pa ni/ sems can thams cad kyi shes rab chad dang bral ba rtogs par byed pa'i ye shes la yang dag par 'jug pa zhes bya'o/ /lha'i bu gtsug phud yid du 'ong ba'i 'od kyi rnam par thar pa ni/ nam mkha'i dbyings kyi mthar nyi ma'i shugs kyis rgyu bas kun tu 'gro ba zhes bya'o/ /lha'i bu dga' ba'i blo gros kyi rnam par thar pa ni/ brtsams pa thams cad zad mi shes pa la brtson 'grus kyi stobs yang dag par 'byung ba zhes bya'o/ /lha'i bu me tog 'od kyi gtsug phud kyi rnam par thar pa ni/ sems can thams cad kyi las la lta zhing bde ba dang sdug bsngal bas kun tu rnam par lta ba zhes bya'o| |lha'i bu phyogs shin tu snang ba'i rnam par thar pa ni/ sems can gyi tshogs bsam gyis mi khyab pa'i rnam par sgrub pa sna tshogs kyi dran pas mngon du sgrub pa zhes bya'o/ /de nas l ha'i rgyal po rab 'phrul dgas sangs rgyas kyi mthus 'phrul dga'i 'khor gyi dkyil 'khor thams cad la rnam par bltas te de'i tshe tshigs su bcad pa 'di dag smras so/ /'jig rten las kyi rang bzhin bsam mi khyab/ /thams cad 'gro ba 'dir yang shin tu bstan/ /rgyu dang rang bzhin rgyal ba sems can tshul/ /'jig rten 'di kun las kyi rnam par bris/ /thams cad tshul du rang byung dngos po med/ /phyogs rnams kun na'ang gzung ba yod pa min/ /chos kyi sku la dngos med de yang bstan/ /sgra zhi 'od kyis rnam thar 'di mthong ngo / /rgyal bas bskal pa rgya mtshor spyad pa'i tshe/ /'jig rten gti mug mun pa rnam par bzlog /de bas sangs rgyas shin tu dri med snang / /rnam thar 'di ni stobs kyi 'od kyis shes/ /ji snyed 'jig rten sgra dbyangs zhi ba'i rnams/ /kun kyang sangs rgyas sgra las nye bar 'byung / /phyogs rnams zhing dbyings sna tshogs rnam par sgrog /'di ni sna tshogs dbang gi rnam thar to/ /'gro ba'i bsod nams mthu rnams kun bsags kyang / /rgyal ba'i mtshan rab gcig tu mi 'gyur te/ /rgyal ba'i bsod nams nam mkha'i dpe lta bu/ /dran pa'i 'od kyis rnam thar 'di mthong ngo / /dus gsum bskal pa mtha' dang mu med pa/ /spu gcig rtse la rang byung rnams ston te/ /de dag 'byung 'jig ji lta ba yang ston/ /'di ni 'phags pa'i dbyangs kyis rab tu shes/ /phyogs rnams nam mkha'i mtha' ni rnyed par rung / /rgyal ba'i spu gcig mtha' ni thug pa med/ /de ltar sangs rgyas chags med bsam mi khyab/ /yid 'ong 'od kyi gtsug gis de mthong ngo / /sngon gyi rgyal bas bskal pa bsam yas par/ /mi skyo'i thugs kyis brtson 'grus rab bskyed de/ /pha rol phyin pa rgya chen rab tu bskangs/ /de ni dga' dang ldan pa'i rnam thar to/ /'gro ba rnams kyi las kyi rang bzhin rgyu/ /bsam gyis mi khyab sangs rgyas ma lus gsung / /dri med rnam dag chos nyid de yang ston/ /de la me tog 'od kyi gtsug phud 'jug / rgyal ba'i spu gcig rtse la 'gro ba rnams/ /thams cad snyed kyi gzugs kyi sku la ltos/ /'on kyang 'gro zhing 'ong ba de la med/ /rnam thar de ni phyogs su snang bas mthong / / de la lha'i rgyal po rab dga' ldan gyi rnam par thar pa ni/ sangs rgyas thams cad kyi mtshan gyi 'khor lo phun sum tshogs pa mngon par sgrub pa la 'jug pa zhes bya'o/ /lha'i bu dga' ba rgya mtsho'i gtsug phud kyi rnam par thar pa ni/ nam mkha'i dbyings dri ma med pa'i 'od ces bya'o/ /lha'i bu yon tan mchog gi rgyal mtshan gyi rnam par thar pa ni/ smon lam rgya mtsho'i dri ma med pas 'gro ba rab tu zhi bar byed pa la 'jug pa zhes bya'o/ /lha'i bu 'od zer zhi ba'i 'od kyi rnam par thar pa ni/ chos rjes su srung ba'i sgo kun tu bstan pas rnam par snang ba zhes bya'o/ /lha'i bu rab tu dga' ba'i mig gi rnam par thar pa ni/ kun nas nyon mongs pa'i khams nam mkha'i dbyings ltar dri ma med par yongs su sbyong ba zhes bya'o/ /lha'i bu rin chen 'od zer zla ba'i rnam par thar pa ni/ 'gro ba rnam par gdul ba zad mi shes pa mngon par sgrub pa'i snying po zhes bya'o/ /lha'i bu rnam par gnon pas rab tu brtson pa'i rnam par thar pa ni/ sangs rgyas thams cad kyi yul la brtson zhing yang dag par byang chub mngon par sgrub pa zhes bya'o/ /lha'i bu rdo rje mdog gi 'od bzang po'i rnam par thar pa ni/ byang chub kyi sems bskyed pa mi shigs par brtan pa'i rgyun thams cad dga' bas yang dag par sdud pa zhes bya'o/ /lha'i bu skar mas brgyan pa'i dpal gyi rnam par thar pa ni/ sangs rgyas 'byung ba thams cad kyi drung du nye bar 'gro zhing / phyogs bcu'i sems can rtsal gyis rnam par gnon pa'i 'dul ba zhes bya'o/ /lha'i bu dga' ba bzang po sna tshogs kyi rnam par thar pa ni/ bsam pa rgya mtsho mtha' dang dbus med pa/ sems skad cig gis yongs su bstan pa la mngon par phyogs pa'i snod yang dag par ston pa zhes bya'o/ /de nas lha'i rgyal po rab dga' ldan gyis sangs rgyas kyi mthus dga' ldan gyi ris su gtogs pa'i lha'i bu'i 'khor thams cad la rnam par bltas te/ de'i tshe tshigs su bcad pa 'di dag smras so/ /chos dbyings dam pa de bzhin gshegs pa ste/ /sems can kun dang mnyam nyid mnyam par 'gyur/ /bsam pa sna tshogs rgyal ba'i chos nyid de/ /dri med bsam gyis mi khyab rab tu 'jug / sangs rgyas sku ni phyogs la thogs pa med/ /gzung ba med cing chags pa gang yang med/ /'gro ba'i gzugs kyi sgo rnams kun la snang / /rnam thar de la dga' ba'i gtsug phud 'jug / smon lam rgya mtshos ji ltar rnam sbyangs pa'i/ /sngon gyi rgyal ba'i spyod pa rnams la ltos/ /thams cad chos kyi dkyil 'khor yongs su rgyas/ /de yi tshul la yon tan rgya mtsho 'jug / bde gshegs chos sku bsam gyis mi khyab ste/ /chos kyi dbyings ni mig yor mtshan nyid do/ /thams cad chos kyi 'od zer snang ba gtong / /zhi ba'i 'od zer snang bas 'di ltar mthong / /'gro ba nyon mongs las kyi mun pas bsgribs/ /'jigs dogs bag med dregs pa'i yul can la/ /rgyal ba zhi ba'i chos nyid rab tu ston/ /dga' ba bzang po'i mig gis dga' bar mthong / /mgon po 'jig rten thams cad skyabs gyur cing / /gnas dang mgon du gyur pa rang 'byung ste/ /rgyal ba sems can kun la bde ba ston// de yi tshul la rtse mo'i zla ba 'jug /sangs rgyas thams cad spyod yul bsam mi khyab/ /chos dbyings dam pa de bzhin gshegs pa ste/ /thams cad chos dbyings pha rol phyin pa brnyes/ /de ni brtson pa'i blo gros dga' ba 'o/ /phyogs bcu dag na sems can snod gyur cing / /bsod nams rgya mtshos rnam dag spyod yul can/ /sangs rgyas yon tan thos shing byang chub 'jug / rdo rje rdul gyi 'od ni 'di ltar sems/ /zhing rnams rgya mtsho'i rdul dang mnyam pa yi/ /phyogs bcu'i rgyal sras rtag tu kun 'du zhing / /rgyal ba mchod cing chos nyid nyan par byed/ /brgyan pa'i dpal ni rnam thar 'di la 'jug /'gro ba rgya mtsho'i sems ni bsam mi khyab/ /gnas med g.yo ba med cing rten pa med/ /thams cad skad cig gcig la rgyal bas mkhyen/ /dga' ba sna tshogs dga' bas 'di mthong ngo / /de la lha'i rgyal po rab mtshe ma'i rnam par thar pa ni/ sems can thams cad kyi mya ngan bsal ba dge ba'i sgo yang dag par 'byung ba zhes bya'o/ /lha'i bu dga' ba bde ba'i 'od kyi rnam par thar pa ni/ dmigs pa thams cad khyab par byed pa'i yul zhes bya'o/ /lha'i bu blo gros mi zad pa'i yon tan dpal gyi rnam par thar pa ni/ nad thams cad rnam par sel cing phan par snying rje ba'i dkyil 'khor zhes bya'o/ /lha'i bu 'phrul ba bzang zhing dge ba'i rnam par thar pa ni| bud med thams cad 'dul ba'i bsam pa rjes su rtogs pa'i tshul la 'jug pa zhes bya'o/ /lha'i bu sa dang ri bo'i 'od kyi rnam par thar pa ni/ chos thams cad gzung ba la rmongs pa med pa'i gzungs kyi sgo bde bar snang ba zhes bya'o/ /lha'i bu bsam gyis mi khyab pa'i blo gros kyi rnam par thar pa ni/ dmigs pa'i yul thams cad las kyi rang bzhin bsam gyis mi khyab pa'i tshul la 'jug pa zhes bya'o/ /lha'i bu 'khor lo'i gtsug gi rnam par thar pa ni/ chos kyi 'khor lo'i shugs kyis sems can yongs su smin par bya ba bgrang ba'i tshul la 'jug pa zhes bya'o/ /lha'i bu gzi brjid 'od 'phro'i rnam par thar pa ni/ khams thams cad kyi mthar 'gro bas mig shin tu yangs pa'i dkyil 'khor gyis kun tu blta ba zhes bya'o/ / lha'i bu 'od rnam par snang ba'i rnam par thar pa ni/ las kyi dmigs pa dang 'grogs pa'i bdud kyi las thams cad zlog pa zhes bya'o/ /lha'i bu grags pa'i phyogs su rnam par lta ba'i rnam par thar pa ni/ lha'i gnas thams cad kyi 'khor du dgos pa myong bar bya ba la sems rab tu dang ba zhes bya'o/ /de nas lha'i rgyal po rab mtshe mas sangs rgyas kyi mthus rab mtshe ma'i lha'i bu'i dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /bskal pa rgya mtsho yangs pa rgya chen du/ /'gro ba'i nyon mongs rgya mtsho yongs sbyangs pa'i| |dri med lam ni ye shes dkyil 'khor rnams/ /yang dag brnyes pa'i sgron mas rab tu bstan/ /rgyal ba'i sku ni mtha' yas rgya che ste/ /phyogs bcur mu mtha' rnyed par yong mi rung / tshul rnams kun gyis sangs rgyas tshad med de/ /de la dga' ba bde ba'i 'od 'jug go /nad dag rga ba 'chi ba mya ngan gyis/ /'jig rten gtses shing rab tu gdungs pa rnams/ /de dag kun la thugs rje'i dkyil 'khor can/ /sangs rgyas blo gros zad pa med pas mthong / /ye shes sgyu ma sangs rgyas thugs su chud/ /dus gsum kun la chags pa mi mnga' ste/ /'gro ba thams cad spyod pa rab tu mkhyen/ /'di ni 'phrul pa dge ba'i spyod yul lo/ /sangs rgyas dbus dang mtha' med gzugs rnams dang / /tha dad yang dag shes pa rgya mtsho gsung / /chos kyi 'khor lo yang dag rab tu bskor/ /'di ni sa yi ri 'od rnam thar to/ /sangs rgyas chos kyi rang bzhin rgya chen ston/ /chos rnams thugs su chud pas rnam par dag / thams cad chos kyi yul ni bsam yas te/ /blo gros bsam yas tshul las 'di yin no/ /sems can thams cad sdug bsngal zhi byed pa'i/ /bsam gyis mi khyab tshul gyi 'khor lo bskor/ /byang chub spyod pa rgya chen rnams kyang ston/ /'khor lo lta ba 'di yi sa la 'jug /rgyal ba'i sku 'di sems can grangs bzhin du/ /sprul pas 'jig rten yongs su khyab mdzad de/ /'gro ba kun la mngon par kun na gnas/ /gzi brjid 'od 'phro'i spyod yul 'di yin no/ /sangs rgyas mthong ba tsam gyis 'gro ba yi/ /las kyi sgrib pa thams cad bzlog par 'gyur/ /bdud kyi las rnams kun kyang de bzhin spong / /rnam snang 'od kyi spyod yul 'di yin no/ /rgya mtsho'i 'khor rnams thams cad kun tu yang / /rgyal ba bzhugs pas mngon par rab tu mdzes/ /chos kyi sprin chen char yang rab 'bebs te/ /grags pa kun tu grags pa'i rnam thar to/ /de la lha'i dbang po brgya byin gyi rnam par thar pa ni/ dus gsum du gshegs pa'i de bzhin gshegs pa skye ba 'byung ba dang / rnam par 'jig pa rgya chen po rjes su dran pa yid la bya ba la dga' ba chen po'i shugs zhes bya'o/ /lha'i bu sgra kun tu grags pa'i dbang phyug dkyil 'khor gyi rnam par thar pa ni/ sems can thams cad kyi gzugs de bzhin gshegs pa'i gzugs kyi sku'i yon tan yongs su spyod pa'i shugs kyi snying po zhes bya'o/ /lha'i bu byams par lta ba'i gtsug phud kyi rnam par thar pa ni/ byams pa'i sprin gyis kun tu khebs par byed pa'i byin gyi rlabs kyis khyab par byed pa zhes bya'o/ / lha'i bu rin po che'i 'od kun tu grags pa'i rgyal mtshan gyi rnam par thar pa ni/ 'jig rten thams cad kyi yon tan dang / mthu dang / sems can gyi rnam pa sangs rgyas rjes su dran pa'i sgo kun nas 'jug pa zhes bya'o/ /lha'i bu dga' bde 'byung ba'i gtsug phud kyi rnam par thar pa ni/ sems can thams cad kyi gzhal med khang rnam par lta ba'i bsod nams yang dag par 'byung ba'i byin gyi rlabs zhes bya'o/ /lha'i bu dran pa yid du 'ong ba'i rnam par thar pa ni/ sangs rgyas skye ba 'byung ba dang / sems can yongs su smin par bya ba rjes su dran pa rnam par sgom pa zhes bya'o/ /lha'i bu ri bo sgra'i dpal gyi rnam par thar pa ni/ 'jig rten 'jig pa dang / 'du ba dang / bskal pa'i me yongs su 'pho ba'i ye shes kyi rgyan ces bya'o/ /lha'i bu dran pa dang ldan pa'i rnam par thar pa ni/ ma 'ongs pa'i byang chub sems dpa'i spyod pa 'byung ba sems can gdul ba'i rgyu dran pa'i rim pa zhes bya'o/ /lha'i bu me tog dri ma med cing yid du 'ong ba'i 'od kyi rnam par thar pa ni/ lha'i bu dga' ba thams cad la brtse ba rjes su dran pa'i rim pa zhes bya'o/ /lha'i bu ye shes nyi ma'i mig gi rnam par thar pa ni/ lha'i bu thams cad skye bar rab tu brjod pa'i dge ba la rmongs pa med pa zhes bya'o/ /lha'i bu yang dag par skul ba'i 'od kyi dbang phyug gi rnam par thar pa ni/ lha'i 'khor thams cad yang dag par skul zhing phan tshun dgos pa'i the tshom rnam par gdon mi za bar gcod pa zhes bya'o/ /de nas lha'i dbang po brgya byin gyis sangs rgyas kyi mthus sum cu rtsa gsum ris kyi lha'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /dus gsum bde bar gshegs pa thams cad dang / /de dag spyod yul rgya chen de dag dang / /de dag zhing 'byung 'jig pa ji bzhin dran/ /rgyal ba'i mthu yis de dag dri med snang / /sangs rgyas sku mang phyogs su rgyas byas shing / /mnyam med gzugs kun 'gro la phan pa'i phyir/ /rgyal ba kun nas lham me lhang nge ste/ /grags pa'i dkyil 'khor 'od kyis 'di mthong ngo / /byams pa rgya mtsho'i tshul ni rgya che zhing / /shin tu yangs pas 'gro ba kun bkang nas/ /sngon bsgoms sems can mtha' yas khams kyang btul/ /dri med mig gi gtsug phud 'di mthong ngo / /bder gshegs yon tan rgya mtsho de dran nas/ /bdag gi dga' ba yang dag 'byung skyes te/ /sangs rgyas 'jig rten kun na mnyam med mchog /'di ni grags rgyal dri med rnam thar to/ /las dge rgya mtshos 'gro ba kun bkang zhing / /dri med ma lus rgyal bas bstan pa mdzad/ /de las bsod nams yangs pa kun byung ste/ /dga' bde gtsug phud tshul ni 'di yin to/ /sangs rgyas skye ba yangs pas phyogs bkang zhing / /bder gshegs 'gro ba rgyas par mngon du 'gyur/ /de dag rgya chen sems can 'dul la ltos/ /de yi tshul la dran pa'i rgyan 'jug go /bder gshegs ye shes sku mnga' spyan yangs pa/ /'byams klas zhing rnams thams cad kun bzhugs pa/ /'byams klas zhing gi rdul la kun kyang bstan/ /rnam thar 'di la sprin gyi dbyangs 'jug go / rgyal ba'i sras kyi byang chub spyod pa dag /ji bzhin yangs pa sbu yi rtse mo la/ /rgyal bas de dag tshad med phun sum bstan/ /dran pa'i blo gros 'di yi tshul mthong ngo / /'gro ba 'di ni rtse dga' gang bde ba/ /de dag thams cad rgyal ba'i mthu yis byung / /bsod nams mnyam med rgyal ba byung la ltos/ /'di ni me tog sna tshogs dri med kyi'o// sems gcig rgyud la rgyal ba'i yon tan gyis/ /bder gshegs shin tu rgya chen sus dran pa/ /de la ngan song kun gyi 'jigs pa med/ /ye shes nyi me'i mig gi rnam thar to/ /rgyal ba'i rdzu 'phrul chos nyid rgya che zhing / /bsam pa'i lam rnams thams cad kun nas gnas/ /de dag the tshom nem nur thams cad sel/ /rnam thar 'di ni brjod dbang blo gros kyi'o/ /de la lha'i bu zla ba'i rnam par thar pa ni/ 'gro ba thams cad bsdu zhing rnam par gdul ba'i snang bas chos kyi dbyings kun nas dri ma med pa'i dkyil 'khor zhes bya'o/ /lha'i bu 'od kyi me tog rgyal po'i gtsug phud kyi rnam par thar pa ni/ sems can thams cad kyi yul rnam par lta ba dang / mtha' yas pa'i chos 'byams klas pa la yang dag par 'jug pa zhes bya'o// lha'i bu dpal gyi tshogs sna tshogs kyi rgyan gyi 'od kyi rnam par thar pa ni/ 'gro ba thams cad kyi sems rgya mtsho yongs su bzlog cing phan tshun gyi yul dang / dmigs pa la yang dag par spyod pa zhes bya'o/ /lha'i bu 'jig rten dga' ba'i bde ba sna tshogs kyi rnam par thar pa ni/ sems can thams cad kyi bde ba bsam gyis mi khyab pa dang / dga' ba dang / rangs pa rgya chen po bskyed pa zhes bya'o/ /lha'i bu shing gi dbang po'i mig gi 'od kyi rnam par thar pa ni/ lo tog thams cad kyi myu gu dang / sa bon srung ba dang / dus yongs su bsgyur ba yang dag par ston pa zhes bya'o/ /lha'i bu 'od bzang po ston pa'i rnam par thar pa ni/ 'gro ba thams cad bde ba dang / sdug bsngal gyi tshor ba myong ba la byams pa dang snying rje'i sgos yongs su skyob pa zhes bya'o/ /lha'i bu kun nas spyod pa mi sgul ba'i 'od kyi rnam par thar pa ni/ zla ba dri ma med pa 'dzin cing spyod pas phyogs yongs su 'dus pa zhes bya'o/ /lha'i bu skar ma'i rgyal po'i bdag po'i rnam par thar pa ni/ chos thams cad sgyu ma lta bu nam mkha'i rang bzhin ltar dngos po med pa/ mtshan nyid med pa zhes bya'o/ /lha'i bu blo dri ma med pa'i zla ba'i rnam par thar pa ni/ sems can thams cad kyi skye ba kun kyang las kyi rang bzhin du yang dag par 'jug pa zhes bya'o/ /lha'i bu gzi brjid chen po'i 'od zer mdzes pa'i rnam par thar pa ni| lha'i dgos pa thams cad la the tshom yang dag par gcod pa brjod pa la 'jug pa zhes bya'o/ /de nas lha'i bu zla bas sangs rgyas kyi mthus zla ba'i gzhal med khang du gtogs pa'i lha'i bu'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /'gro ba thams cad kun tu 'od bkye zhing / /phyogs bcu'i zhing rnams kun tu sangs rgyas snang / /mun pa chen pos rmongs pa'i 'jig rten du/ /bsam yas rgya chen chos kyi snang ba 'gyod/ /sangs rgyas yul ni mi zad mtha' yas te/ /'gro ba thams cad mtshungs med bskal par 'jug / rang byung de dag sems can kun la mngon/ /rgyal ba de ltar snang ba'i gtsug gis mthong / /rgyal ba'i ye shes rgya chen de la ltos/ /sems kyi rgya mtsho tshad med skad cig la/ /chos kyi 'khor los thams cad tshim par mdzad/ /chu bo dpal gyi rnam thar 'di yin no/ /'phags pa'i bde ba med pa'i 'jig rten rnams/ /mtha' yas sdug bsngal nyam ngas rmongs pa la/ /rgyal ba'i chos nyid rnam par dag pa ston/ /dga' bde sems pas rnam thar 'di mthong ngo / /rgyal ba'i thugs rje rnam dag ngo mtshar che/ /srid pa'i rgyud du 'gro la phan phyir 'khor/ /dge ba rnam par mi 'jigs ston mdzad de/ /shing gi mig gi 'od kyis 'di mthong ngo / /rgyal ba'i chos kyi 'od rnams rab bkye ba/ /'jig rten las kyi rang bzhin rnam par 'byed/ /dge dang mi dge'i lam rnams 'jig pa med/ /'od bzang mthong ba rnam thar 'di la 'jug /'jig rten kun tu rang byung sa lta bu/ /sems can thams cad bsod nams gzhis bzung zhing / /chos kyi phyogs rnams mya ngan med pa ston/ /spyod pa mi sgul tshul ni 'di yin no/ /chos dbyings thug pa med par rgyal bas khyab/ /'gro dang mnyam par bsam yas sku bkye ste/ /chos kyi tshul ni sems can kun la ston/ /'di yi tshul la gzi brjid bdag po 'jug /nam mkha'i dngos ltar dngos med 'gro ba na/ /gzugs brnyan mnyam pa'i sangs rgyas rnams snang ba/ /'gro ba kun la phan pa'i don du byung / /dge ba'i dpal gyis rnam thar 'di mthong ngo / /sangs rgyas sku yi spu rtse kun nas kyang / /'gro ba kun la chos sprin ma lus gsung / /thos nas dga' ba rgya chen rab tu skyed/ /rnam thar 'di la dag pa'i sems 'jug go /de la lha'i bu nyi ma'i rnam par thar pa ni/ sems can gyi dgos pa thams cad la phyi ma'i mthar thug pa'i bskal par dri ma med pa'i snang bas phyogs bcu rgyas par byed pa'i rgyan ces bya'o/ /lha'i bu gzi brjid kyi 'od zer 'bar ba'i mig gi rnam par thar pa ni/ sems can kun la dbang sgyur ba rjes su bsnyegs pa'i yon tan yongs su sbyangs pas shin tu 'phags pa zhes bya'o/ /lha'i bu ri bo'i rgyal mtshan gyi 'od kyi rnam par thar pa ni/ sems can thams cad la dbang sgyur pa'i yon tan mtha' yas pa yongs su sbyangs pas shin tu 'phags pa zhes bya'o/ /lha'i bu rin chen dri med rmad du byung ba'i rnam par thar pa ni/ brtul zhugs dang dka' thub thams cad la bde bar 'jug pa zhes bya'o/ /lha'i bu phyir mi ldog pa rab tu gnon pa'i rnam par thar pa ni/ nyi ma'i 'od chags pa med pas kun tu rgyas par byed cing 'gro ba thams cad kyi mdangs yang dag par 'byung ba zhes bya'o/ /lha'i bu me tog gi phreng ba'i 'od kyi dpal gyi rnam par thar pa ni/ nyi ma'i 'od dri ma med pas sems can gyi dgos pa la snang ba rgya chen po dang / dga' ba'i shugs dang / mos pa rgya mtsho yang dag par 'byung ba zhes bya'o/ /lha'i bu 'od kyi dpal snang ba'i rgyal mtshan gyi rnam par thar pa ni| 'jig rten thams cad kyi 'od rnam pa sna tshogs bsod nams kyi tshogs rnam pa tha dad pas yang dag par 'grub pa zhes bya'o/ /lha'i bu rin chen gtsug phud rnam par snang ba'i rnam par thar pa ni/ rgya mtsho'i dbyings su rin po che sna tshogs thams cad 'gro ma zhing yul du ma'i gzugs yang dag par ston pa zhes bya'o/ /lha'i bu mig kun tu snang ba'i rnam par thar pa ni/ 'gro ba thams cad kyi mig gi dbang po yongs su sbyong zhing rnam par lta ba'i chos kyi dbyings kyi snying po zhes bya'o/ /lha'i bu dpal gyi be'u 'dzin pa'i rnam par thar pa ni| chu'i rgyud thams cad yongs su sbyong zhing rnam par 'jig pa med pa 'byung ba zhes bya'o/ /lha'i bu sgo thams cad du skyob pa'i dpal gyi 'od kyi rnam par thar pa ni/ nyi ma'i gzhal med khang gis phyogs su 'jug pa dang / sems can thams cad kyi dgos pa la snang bas yongs su skyob pa zhes bya'o/ /de nas lha'i bu nyi mas sangs rgyas kyi mthus nyi ma'i ris su gtogs pa'i lha'i bu'i 'khor du gtogs pa'i dkyil 'khor thams cad la rnam par bltas nas de'i tshe tshigs su bcad pa 'di dag smras so/ /bder gshegs ye shes shin tu yangs pa'i 'od/ /phyogs rnams kun tu thams cad zhing bkang zhing / /'gro ba thams cad sangs rgyas mngon bstan te/ /thabs kyi sgo nas sems can rnam par 'dul/ /rgyal ba'i yon tan rgya mtsho rnam yangs pa/ /bsam pa thams cad yongs su bkang bstan cing / /'gro ba 'dir ni shes rab mnyam med brjod/ /gzi brjid 'od kyis rnam thar 'di mthong ngo / /rgyal ba sangs rgyas kun tu rab 'phags pa/ /phyogs rnams rgyas par kun nas mdzes shing snang / /rgyal ba'i sku ni mi mnyam dpag tu med/ /ri rab 'od mchog rnam thar 'di yin no/ /mtha' yas srid par bskal pa rgya mtshor yang / /rgyal bas 'gro don brtul zhugs spyad pas na/ /de phyir sangs rgyas 'od ni nam mkha' bzhin/ /zla ba'i dpal gyis rgyal ba'i sku mthong ngo / / rgyal ba'i gsung mchog chags med rnam grol bas/ /phyogs dang zhing rnams thams cad ma lus brgyan/ /'gro bar chos kyi ro rnams bsags pa yi/ /rgyu 'di brtson 'grus bzang pos rab tu shes/ /'od kyi dra ba bsam yas btang bas na/ /phyogs rnams kun tu sems can rnam par sbyong / /mos pa rgya chen yangs pa rab tu bskyed/ /phreng ba snang ba'i dpal gyi rnam thar to/ /'gro ba dag na ji snyed 'od yod pa/ /de dag rgyal ba'i spu gcig dper mi rung / /sangs rgyas 'od rnams de ltar bsam mi khyab/ /'di ni snang ba'i 'od kyi rnam thar to/ /rgyal ba kun gyi chos nyid 'di 'dra ste/ /thams cad phyogs su byang chub shing dbang drung / /lam ngan song la lam rnams mngon du ston/ /gtsug phud sna tshogs rnam par snang bas mthong / /'gro ba gti mug mun par nub gyur pas/ /sdug bsngal can la rgyal ba mig skyes shing / /de dag ye shes sgron mas rab tu bstan/ /rnam thar 'di ni mig bzang snang bas mthong / /thams cad tshul gyis rnam thar rang byung bas/ /gang du gang tshe mchod pa gzigs pa na/ /thar pa'i 'bras bu rim gyis rab tu ston/ /'di ni snang ba'i dpal gyi tshul dang sa/ /chos rnams gcig gi sgo nas mtha' yas pa'i/ /bskal pa stong du mi mgon rab tu snang / /chos kyi don yangs phyogs rnams kun tu ston/ /'di ni kun tu dpal gyi rnam thar to/ /de la dri za'i rgyal po gnas srung po'i rnam par thar pa ni/ kun tu rtse ba'i thabs thams cad kyis sems can sdud pa'i sbyor ba zhes bya'o/ /dri za'i dbang po shing mi 'am ci'i 'od kyi rnam par thar pa ni/ chags pa thams cad kyi yon tan rnam par brgyan pas kun tu snang ba zhes bya'o/ /dri za'i dbang po mig gtsang ma dga' ba rab tu skye ba'i rnam par thar pa ni/ 'gro ba thams cad kyi mya ngan rnam par bzlog pas dga' ba'i snying po zhes bya'o/ /dri za'i dbang po me tog dang shing shin tu rgyas pa'i cod pan gyi rnam par thar pa ni/ 'gro ba'i lta ba dang / nyon mongs pa thams cad rnam par 'jil ba zhes bya'o/ /dri za'i dbang po dga' bas spyod pa kun tu sgrog pa'i rnam par thar pa ni/ sems can thams cad dbugs dbyung ba la kha na ma tho ba med pa'i sprin gyi 'od ces bya'o/ /dri za'i dbang po rab tu dga' ba rgyun du gnas pa'i mig bzang po'i rnam par thar pa ni/ dga' ba thams cad rab tu gnas pa yangs pa la mos pa'i snying po zhes bya'o/ /dri za'i dbang po yid du 'ong ba'i dbyangs seng+ge'i rgyal mtshan gyi rnam par thar pa ni/ rin po che dgram pas phyogs thams cad du khyab pa zhes bya'o/ /dri za'i dbang po 'od zer kun tu 'gyed pa'i 'od kyi rnam par thar pa ni/ dge ba'i lus thams cad yang dag par bstan pas dga' ba shin tu rgyas pa'i 'od ces bya'o| |dri za'i dbang po rdo rje'i shing gi yal ga'i rgyal mtshan gyi rnam par thar pa ni/ shing thams cad kyi mdangs 'byung bas rab tu dga' ba'i mig kun tu snang ba zhes bya'o/ /dri za'i dbang po rgyan thams cad la dga' ba'i rang bzhin gyi tshul ston pa'i rnam par thar pa ni/ sangs rgyas kyi yul thams cad rnam par dpyod cing / sems can gyi sgo rab tu brjod pa zhes bya'o/ /de nas dri za'i dbang po gnas srung pos sangs rgyas kyi mthus dri za'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /sangs rgyas spyod yul mtha' yas sgo can yang / /'gro ba kun gyis 'jug par nus pa min/ /bder gshegs nam mkha'i rang bzhin dri ma med/ / rgyal ba 'gro ba kun tu lam yang ston/ /rgyal ba'i yon tan rgya mtsho tshad med de/ /ba spu'i khung bu kun na'ang shin tu yangs/ /'gro ba kun la phan dang bde don mdzad/ /yid 'ong shing gi 'od ni 'di ston to/ /'gro ba'i don ni rgya mtsho yangs mang dang / /sdug bsngal ma lus rgyal bas zlog par mdzad/ /thabs dang thugs rje rnam pa sna tshogs mnga'/ /dge ba'i mig ni rnam thar 'di ston to/ /phyogs rnams rgya mtsho mtha' yas zhing gi rnams/ /kun tu rgyal ba'i 'od rab snang bar 'char/ /sems can lta ba'i dri ma rnam par sbyong / /me tog shing gi gtsug phud cod pan tshul/ /sngon chad bskal pa rgya mtsho rab mang bar/ /byams pa'i tshul yangs yongs su bsgoms pas na/ /rgyal ba 'gro ba kun gyi dbugs kyang 'byin/ /kun tu sgra dbyangs 'di yi tshul la 'jug / rgyal ba mthong bas dga' ba kun dge dang / /'gro ba 'dir ni mi zad bde ba 'byung / /thar pa'i 'bras bu rgyu rnams rim gyis ston/ /mu tig cod pan rnam thar 'di ston to/ /sgrib dang rab rib gti mug stug por ni/ /sems can 'khor tshe rtag tu shin tu rmongs/ /de la rgyal ba chos nyid yangs pa ston/ /seng+ge'i rgyal mtshan 'di la rab tu 'jug / 'gro ba kun dang mnyam pa mtha' yas kyang / /bder gshegs gzugs rnams rab tu yangs pa ston/ /'gro bar thabs rnams sna tshogs sgo nas snang / /de ltar sgra dbyangs snyan pas bder gshegs mthong / /thams cad mkhyen pa'i tshul gyi phyogs mtha' yas/ /sems can dag la rgyas par rgyal bas bstan/ /byang chub spyod mchog 'jug pa'i tshul yin te/ /rdo rje shing gi rgyal mtshan rnam par sems/ /skad cig gcig gis bskal pa brgya mang ba/ /sangs rgyas ston kyang 'pho ba yod med de/ /sems can rnams kyi bde ba thams cad bskyed/ /dga' ba mthong ba'i rnam thar tshul 'di yin/ /de la grul bum gyi dbang po 'phags skyes po'i rnam par thar pa ni/ mdud par 'dzin pa byung ba thams cad rab tu zhi bar byed pa'i 'od ces bya'o/ / grul bum gyi dbang po klu bdag gi rnam par thar pa ni/ sgo mtha' yas par spyod pa rgya mtsho la spyod pa zhes bya'o/ /grul bum gyi dbang po legs par spyad pa'i rgyal mtshan gyi rnam par thar pa ni/ rgyud thams cad du 'jig rten gyi bsam pa rgya mtsho snyed kyi sgo zhes bya'o/ /grul bum gyi dbang po phan par spyod par 'phar ba'i rnam par thar pa ni/ snang ba dri ma med pa'i bya ba la kun nas spyod par gnas pa zhes bya'o/ /grul bum gyi dbang po 'jigs pa las sgrol ba'i rnam par thar pa ni/ 'gro ba thams cad gdon pa'i lam 'jigs pa med pa'i rgyan ces bya'o/ /grul bum gyi dbang po rtsal sna tshogs bzang po'i rnam par thar pa ni/ 'gro ba mtha' yas pa'i sred pa rgya mtshos yongs su gdung ba zhi bar byed pa zhes bya'o/ /grul bum gyi dbang po ri rab legs par byung ba'i rnam par thar pa ni/ 'gro ba rgyud thams cad du snang ba'i sprin yang dag par 'byung ba zhes bya'o/ /grul bum gyi dbang po sde dpa' ba'i rnam par thar pa ni/ kun tu snang bas sgrib pa'i ri yang dag par 'joms pa zhes bya'o/ /grul bum gyi dbang po dge ba'i mig gi 'od zer mtha' yas pa'i rnam par thar pa ni/ snying rje chen po phyir mi ldog pa'i snying po 'byung ba zhes bya'o/ /grul bum gyi dbang po lha dang lha ma yin sgo mtha' yas pa'i mig gi rnam par thar pa ni| rgyud kun tu lus yang dag par ston par 'gro ba'i yul zhes bya'o/ /de nas grul bum gyi dbang po 'phags skyes pos sangs rgyas kyi mthus grul bum gyi 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /'jig rten mgon po bzod pa'i stobs dang ldan/ /'gro la phan don bskal pa bsam yas spyod| |nga rgyal dregs myos spangs pas 'jig rten khams/ /kun na rgyal ba'i sku gsal rab tu mdzes/ /sngon chad rgyal bas spyod pa rgya mtsho dag /spyad de thabs mang tshogs pas phan bskyed nas/ /phyogs bcur mtha' yas sems can smin par mdzad/ /rnam thar mtha' yas 'di ni klu bdag gi'o/ /sangs rgyas ye shes yangs pa 'gro ba'i mgon/ /des ni sems can bsam pa kun kyang gsal/ /sna tshogs 'phrul sgos sems can rnam par 'dul/ /rgyal ba mthong bas sna tshogs rgyal mtshan dga'/ /sangs rgyas rdzu 'phrul yul bdag gzugs brnyan 'dra| |'jig rten kun na phyi mtha'i bskal par gnas/ /chos kyi 'khor lo mkha' 'dra yang dag dngos/ /de ni phyin spyod rgyu bas mthong ba yin/ /mi bzad rab rib bsgribs pa'i 'jig rten du| |rgyal ba'i 'od ston rnam thar lam dge ston/ /mgon dang skyabs gyur sdug bsngal thams cad spong / /'jigs las sgrol bas rnam thar 'di mthong ngo / /sred pa rgya mtshos gdungs 'gro sdug bsngal ba/ /rgyal ba'i ye shes 'od kyis ma lus zhi/ /sbyangs shing rgyal ba sangs rgyas chos nyid ston/ /sna tshogs khyim ni rnam thar 'di la 'jug /'gro ba 'byams klas kun na sangs rgyas sku/ /thabs sgo tshogs pas sems can 'dul ba snang / /chos sprin char 'bebs gsung gi 'brug sgra sgrog /rnam thar 'di ni ri rab blo gros kyi'o| |sangs rgyas 'od ni dri med 'gro kun tu/ /don yod 'gro ba'i sgrib kun kun nas sel/ /sangs rgyas yon tan snang mdzad sgra yang 'byin/ /rnam thar mtha' yas tshul 'di dpa' sdes mthong / /bskal pa snga tshe thugs rje'i sgo mang ba/ /'gro kun phan bde'i don du rgyal bas bsgoms/ /'byams klas sna tshogs thabs kyis sdug bsngal bsal/ /de ni mtha' yas dge ba'i zer gyis mthong / /rgyal ba'i sku ni mtha' yas kun tu rgyu/ /'jig rten kun tu'ang byon dang bzhud mi mnga'/ /kun na'ang rang byung rnam par 'phrul ba snang / /de ni lha dbang mtha' yas sgo yis mthong / /de la klu'i dbang po mig mi bzang gi rnam par thar pa ni/ klu'i 'gro ba'i rgyur thams cad kyi 'bar ba zhi bar bya bas yongs su skyob pa zhes bya'o/ klu'i rgyal po rgya mtsho'i rnam par thar pa ni/ sems skad cig gis bsam gyis mi khyab pa'i sems can dang klu rab tu zhi bar bya ba'i lus dang kha dog rab tu ston pa zhes bya'o/ klu'i rgyal po sprin sgra sna tshogs kyi rgyal mtshan gyi rnam par thar pa ni/ srid pa'i rgyud thams cad du ming gi 'khor lo rgya mtsho mtha' yas pa dge ba'i nga ror sgrog pa zhes bya'o/ / klu'i rgyal po 'od 'phro ba'i sgo rgya mtsho rab tu snang ba'i rnam par thar pa ni/ 'jig rten gyi khams rab tu dgod cing rnam par dbye ba dang / sangs rgyas kyi zhing mtha' yas pa la dmigs pa yang dag par ston pa'i sbyor ba zhes bya'o/ /klu'i rgyal po kun nas ri'i sprin gyi rgyal mtshan gyi rnam par thar pa ni/ 'gro ba thams cad la bsod nams rgya mtsho yang dag par bstan pa'i dga' ba'i shugs shin tu yangs pa zhes bya'o/ /klu'i rgyal po 'jog po'i rnam par thar pa ni/ 'jigs pa'i sgra skad thams cad yongs su skem pa'i skyabs dri ma med pa zhes bya'o| |klu'i rgyal po mtha' yas par 'gro ba'i rnam par thar pa ni/ gzugs kyi sprin rgya chen po shin tu ston cing bskal par byin gyis rlob pa'i brtson 'grus zhes bya'o/ /klu'i rgyal po mdzod spu'i gzi brjid dri ma med pa'i shugs kyi rnam par thar pa ni/ sems can thams cad la dga' ba'i shugs yangs pa dang yang dag par mos pa rgya mtsho shin tu 'byung ba zhes bya'o/ /klu'i rgyal po kun tu spyod pa rgya chen po'i dbyangs kyi rnam par thar pa ni/ sgra thams cad 'byung ba la yang dag par gzhol zhing yid du 'ong bas thogs pa med par kun tu rgyas par byed pa zhes bya'o/ /klu'i rgyal po ma dros pa'i rnam par thar pa ni/ 'gro ba thams cad kyi sdug bsngal rgya mtsho la snying rje'i sgo kun nas sprin gyis 'gengs shing rab tu zhi ba dang yongs su dag par byed pa zhes bya'o/ /de nas klu'i rgyal po chen po mig mi bzang gis sangs rgyas kyi mthus klu'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /rgyal ba kun gyi chos nyid de dag ltos/ /drang srong chen po 'gro ba kun gyi skyabs/ /mi bzad klu yi rgyud du lhung ba rnams/ /byams pa'i stobs kyis rim gyis 'don pa mdzad/ /'gro ba kun snyed gzugs kyi sgo rnams kyang / /rgyal bas spu gcig rtse la mngon par bstan/ /thams cad rdul la 'phrul gyis mngon par 'phrul/ /rgyal ba'i rnam thar rgya mtsho'i klu yis mthong / /rgyal ba de yi rdzu 'phrul mtha' yas te/ /sangs rgyas mtshan kyang 'gro snyed rgya mtsho 'o| |de dag sems can bsam pa ji bzhin nyan/ /sprin sgra'i rgyal mtshan de 'dra'i rnam thar ldan/ /khro ba rgya mtshor 'gro ba 'di dag kun/ /bsgribs shing g.yogs pa'ang khro ba'i rgya mtshor te/ /de la rang byung byams dang thugs rjes 'dzin/ /'di ni 'od 'phro sgo yi klu yis mthong / /'gro ba kun gyi bsod nams mthu yi rnams/ /sangs rgyas spu gcig rtse la mngon par ston/ /bsod nams 'jug pa rgya mtsho kun kyang bstan/ /'di ni ri sprin rgyal mtshan klu yis mthong / /'jigs pa ches mnar sems can sdug bsngal ba/ /rgyal ba'i 'od chen shin tu yangs pas bskyabs/ /ba spu'i sgo nas yid 'ong sgra yang 'byung / /rnam thar 'di ni 'jog po klu yis mthong / /dus gsum gshegs pa rgyal ba thams cad kyi/ /sku ni sangs rgyas nyid kyi sku la bstan/ /de bzhin bskal pa brgyud pa'i zhing mang yang / /mtha' yas goms pa'i klu yis de mthong ngo / /rgyal ba'i spu gcig rdzu 'phrul mtha' yas bkang / /zhing mang mtha' yas kun kyang der zhugs te/ /de na bzhugs par rgyal ba 'khor gyis mthong / /rnam thar de ni 'od 'bar klu yi 'o/ /ji snyed rgyal ba rgya mtsho mchod byas pa'i/ /sngon gyi rgyal ba'i chos nyid rab mthong zhing / /de la dga' ba rgya mtsho rnam par bskyed/ /shugs lam klu ni 'di la rab tu 'jug/ rang byung gsung gi yan lag thams cad kyis/ /'gro ba thams cad chos kyis ngoms par mdzad/ /rgyal ba'i gsung ni zhi zhing dga' 'gyur ba/ /de ni kun tu spyod pa'i klus thos so/ /srid pa kun tu sdug bsngal gzir mthong nas/ /nyon mongs las kyis 'khor zhing mgon med pa/ /sangs rgyas thugs rje chen pos rab tu 'grel/ /rnam thar 'di ni ma dros klus mthong ngo / / bam po gsum pa/ de la rgyal po chen po ngal bso po'i rnam par thar pa ni/ dga' ba'i sgo rnam par lta ba'i yul gyi rgyud kyis phan par sbyor ba zhes bya'o/ /gnod sbyin gyi dbang po dbyangs chen dbang phyug gi rnam par thar pa ni/ sgo thams cad la dbang byed pas rnam par lta zhing / sems can phan par sbyor bas yongs su skyob pa zhes bya'o/ /gnod sbyin gyi dbang po rtsal shin tu gtum pa'i mtshon cha'i rnam par thar pa ni/ gtum pa dang drag shul gyi rgyud las srung ba kun nas mang po 'byung ba zhes bya'o| |gnod sbyin gyi dbang po blo gros chen po'i rnam par thar pa ni/ 'phags pa'i yon tan gyi dkyil 'khor thams cad kyi rjes su song ba la rnam par blta bas dga' ba dang / mos par sbyor ba zhes bya'o/ /gnod sbyin gyi dbang po mig 'od 'phro ba'i bdag po'i rnam par thar pa ni/ sems can thams cad la shes rab dang ye shes dang snying rjes rnam par lta ba zhes bya'o/ /gnod sbyin gyi dbang po mig rdo rje lta brtan pa'i rnam par thar pa ni/ 'gro ba thams cad la phan pa dang bde ba sna tshogs su sbyor ba dang srung ba mngon par sgrub pa zhes bya'o/ /gnod sbyin gyi dbang po sde mchog dpa' ba'i rnam par thar pa ni/ chos thams cad kyi don gyi dbyings la yang dag par 'jug pa'i mthu zhes bya'o/ /gnod sbyin gyi dbang po sde'i rgyan chen pos rab tu gnon pa'i rnam par thar pa ni/ 'gro ba thams cad lam la dgod par gti mug med pas bsrung ba phun sum tshogs pa zhes bya'o/ /gnod sbyin gyi dbang po dge ba'i tshogs kyi rnam par thar pa ni/ sems can thams cad kyi bsod nams kyi dkyil 'khor rnam par spel bas kun tu dga' ba myong ba zhes bya'o/ /gnod sbyin gyi dbang po ri bo'i stobs rab tu 'joms pa'i rnam par thar pa ni/ sangs rgyas kyi stobs yang dag par 'byung ba'i rjes ye shes kyi 'od ces bya'o/ /de nas rgyal po chen po ngal bso pos sangs rgyas kyi mthus gnod sbyin gyi 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /lha dbang sems can ma rungs gang dag gis/ /bskal pa brgya mang sangs rgyas mi mthong zhing / /srid pa dag na 'khor zhing sdug bsngal ba/ /de dag yongs su dgrol bar sangs rgyas byung / /sangs rgyas sems can phan dang bskyab pa'i phyir/ /'gro ba kun la mngon par kun na bzhugs/ /nyam nga 'gro ba'i 'khor lo dag nas 'don/ /'di la dbyangs kyi dbang phyug gnod sbyin 'jug / mi bzad las kyis bsgribs pa'i sems can la/ /rgyal bas zhi ba'i tshul rnams shin tu bstan/ /'gro ba rnams la chos kyi sgron ma 'dzin| |rnam thar 'di ni gtum pa'i mtshon chas mthong / /rang byung bskal pa rgya mtshor spyod pa'i tshe/ /rgyal ba'i yon tan phyogs bcu kun tu bsgrags/ /de bas rgyal ba'i grags pa kun tu grags/ /'di ni blo chen gnod sbyin bdag pos mthong / /rgyal ba'i shes rab mkha' 'dra mtha' yas te/ /sangs rgyas chos sku bsam gyis mi khyab bo/ /de bas thams cad phyogs su rnam par mdzes/ /'od 'phro mig gi bdag po'i rnam thar to/ /mi yi dbang po 'gro ba thams cad du/ /yid 'ong dbyangs sgrog sdug bsngal zhi bar mdzad/ /phan don skyabs mdzad chos rnams shin tu bstan/ /tshul 'di rdo rje'i mig legs rab tu 'jug /don dbyings rgya chen ji snyed de dag kun/ /rgya mtsho'i mdo tshul 'gro ba'i grangs snyed rnams/ /mi yi dbang pos dbyangs gcig sgo nas bstan/ /'di ni blo gros dpa' bo'i rnam thar to/ /'gro ba lam ngan gnas pa thams cad la| |sangs rgyas bsam gyis mi khyab las ston te/ /snod du gyur pa'i 'gro ba kun na bzhugs/ /'di la slob pa sde yi rgyan yin no/ /'gro ba'i bsod nams rgyu ba ji snyed pa/ / rgyal ba'i 'od la thams cad rab tu snang / /sangs rgyas ye shes rgya mtsho bsam mi khyab/ /rnam thar 'di ni gnod sbyin nor bdag mthong / /rgyal ba'i stobs rnams gang du yongs dag ste/ /bder gshegs stobs rnams yongs su rdzogs gyur pa'i/ /sngon gyi bskal pa bsam gyis mi khyab dran/ /'di ni ri bo'i stobs 'joms rnam thar to/ /de la mi 'am ci'i dbang po lha'i blo gros 'od kyi rnam par thar pa ni/ bya ba thams cad la yang dag par rdzogs par 'jug pas dga' ba 'byung ba zhes bya'o/ /mi 'am ci'i dbang po me tog dpal gyi dkyil 'khor gyi rnam par thar pa ni/ dga' ba thams cad kyi bde ba myong ba las bla na med pa'i chos kyi dga' ba 'byung ba zhes bya'o/ /mi 'am ci'i dbang po rgyan rnam pa sna tshogs kyi rnam par thar pa ni/ yon tan thams cad kyis yang dag par ngoms pas mos pa rgya chen po sbyong ba'i snying po zhes bya'o/ /mi 'am ci'i dbang po nga ro yid du 'ong ba'i dbyangs kyi rnam par thar pa ni/ sgra snyan cing yid du 'ong ba la thogs pa med pas kun tu bsgrub pa zhes bya'o/ /mi 'am ci'i dbang po shing rin po che'i yal ga'i 'od kyi rnam par thar pa ni/ snying rje'i rgyud la 'gro ba 'god cing sems can thams cad yang dag par bskul ba la dmigs pa zhes bya'o/ /mi 'am ci'i dbang po mthong na dga' zhing spro bar byed pa'i rnam par thar pa ni/ gzugs kyi lus dge ba thams cad mngon par sgrub pa zhes bya'o/ /mi'am ci'i dbang po rgyan gyi dpal gyi 'od kyi rnam par thar pa ni/ khyu mchog gi mthu phyung ba'i rgyan thams cad kyis mdangs rab tu bskyed pa'i rang bzhin gyis dga' ba'i 'od ces bya'o/ /mi 'am ci'i dbang po me tog tshon bzang po'i rgyal mtshan gyi rnam par thar pa ni/ 'gro ba thams cad kyi las kyi rigs la rnam par lta zhing yang dag par sgrub pa'i 'od ces bya'o/ /mi 'am ci'i dbang pos gzhi'i dpal gyi rnam par thar pa ni/ 'gro ba thams cad rtsal gyis mngon par bsgrub pa la rab tu brtson pa zhes bya'o/ /mi 'am ci'i dbang po drag shul gyi bdag po'i rnam par thar pa ni/ mi 'am ci'i 'khor thams cad kyi sems la rnam par lta zhing 'dren pa'i 'od ces bya'o/ /de nas mi 'am ci'i dbang po lha'i blo gros 'od kyis sangs rgyas kyi mthus mi 'am ci'i 'khor thams cad la rnam par bltas te/ de'i tshe tshigs su bcad pa 'di dag smras so/ /ji snyed 'gro ba dag na bde 'byung ba/ /de dag thams cad rgyal ba mthong bas 'byung / / mgon po de ni skyabs dang mgon yin te/ /sems can thams cad gnas yin phan mdzad pa'o/ /sems can kun gyi mi zad bde ba'i rnams/ /ji snyed 'byung ba rab tu yod pa kun| |de dag kun la 'dren pa don yod do/ /de ni dpal gyi dkyil 'khor mi cis thong / /sangs rgyas yon tan rgya mtsho mi zad pa/ /de yi mtha' ni 'gro bas mi rnyed do/ /phyogs rnams kun tu rnam par mdzes shing 'bar/ /sna tshogs rgyan gyi rnam thar 'di 'dra'o/ /sems can kun gyi yid du 'ong ba yi/ /sgra dbyangs sangs rgyas yang dag rnam sgrog cing / / mya ngan med pa'i chos nyid ston pa ni/ /sgra snyan yid du 'ong ba'i mi cis thos/ /sngon chad de bzhin gshegs pas spyad pa yi/ /rgyal ba'i rnam par 'phrul pa bdag gis mthong / /rgya chen thugs rjes rnam par shin tu sbyangs/ /shing gi 'od kyi mi 'am ci yis mthong / /de bzhin gshegs pa mthong zhing thos pa ni/ /'gro ba rnams la bskal pa bye bar dkon/ /sangs rgyas mtshan gyis kun nas shin tu brgyan/ /dga' bde mos par byed pas 'di mthong ngo / /bde bar gshegs pa'i ye shes 'byung ba ni/ /sems can kun gyi bsam pa zhal mdzad de/ / thams cad mkhyen pa nyid kyi lam yang ston/ /'di ni rgyan dbang mi 'am ci yis mthong / /'byams klas las ni bsam gyis mi khyab ste/ /de phyir sems can bde dang sdug bsngal kun/ / bde bar gshegs pas thams cad rab tu bstan/ /me tog rgyal mtshan mi 'am ci yis mthong / /sangs rgyas gshegs thabs rnam par 'phrul pa yang / /sems can kun gyis shes par mi nus te/ /sa rnams thams cad gcig tu 'dus par 'gyur/ /de ltar sa yi 'od kyi mi cis mthong / /'khor du rgyal ba rnam par 'phrul mdzad cing / /rgyal ba'i spyod yul thams cad ston mdzad de/ /'od zer 'khor gyis bskul ba'ang de bzhin mdzad/ /'di ni drag shul bdag po'i spyod yul lo/ /de la lto 'phye chen po'i dbang po blo gros bzang po'i gzi brjid kyi rnam par thar pa ni/ rdzu 'phrul gyi dbyings thams cad rab tu gnon pa'i yon tan gyi rgyan ces bya'o/ /lto 'phye chen po'i dbang po gzi brjid kyi dbyangs la rdul med pa'i rnam par thar pa ni/ sems can thams cad kyi nyon mongs pa rnam par byang bas sim par byed cing yongs su sbyong ba 'byung ba'i rgyan ces bya'o/ /lto 'phye chen po'i dbang po blo gros sna tshogs mchog gi gtsug phud kyi rnam par thar pa ni/ sems can thams cad kyi rnam par dpyod pa dge ba la kun nas yang dag par gzhol bas mos par byed pa zhes bya'o| |lto 'phye chen po'i dbang po mig bzang po'i bdag po'i rnam par thar pa ni/ chags pa'i bsod nams phun sum tshogs pa thams cad mnyam pa nyid kyi mtshan nyid du rnam par sgom pa zhes bya'o/ /lto 'phye chen po'i dbang po sgron ma'i skyabs kyi rgyal po'i rnam par thar pa ni/ sems can thams cad kyi mun pa rnam par ldog cing lam gyi phyogs yang dag par ston pa zhes bya'o/ /lto 'phye chen po'i dbang po snang ba shugs bzang po'i rgyal mtshan gyi rnam par thar pa ni/ de bzhin gshegs pa thams cad kyi bstan pa dang / 'phags pa'i yon tan la 'jug pas dga' ba 'byung ba zhes bya'o/ /lto 'phye chen po'i dbang po seng+ge'i phru gu'i rnam par thar pa ni/ stobs dang brtson pa kha na ma tho ba med pas sems can skyob pa'i bdag po zhes bya'o/ /lto 'phye chen po'i dbang po rgyan sna tshogs kyi dbyangs kyi rnam par thar pa ni/ 'gro ba thams cad kyi bde ba dang dga' ba mtha' yas pa rjes su dran pa zhes bya'o/ /lto 'phye chen po'i dbang po ri rab kyi bu'i rnam par thar pa ni/ sgrib pa thams cad rab tu rtogs pa mi sgul ba'i pha rol tu 'gro zhing dga' ba kun nas 'byung ba zhes bya'o| |lto 'phye chen po'i dbang po 'od yid du 'ong ba 'byung ba'i rnam par thar pa ni/ sems can gyi rgyud mnyam pa dang mi mnyam pa la mnyam pa nyid kyi lam gyi phyogs ston pa zhes bya'o/ /de nas lto 'phye chen po'i dbang po blo gros bzang po'i gzi brjid kyis sangs rgyas kyi mthus lto 'phye chen po'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /sangs rgyas chos nyid rgya chen yangs la ltos/ /sems can kun gyi mdangs dang bde ba 'byung / /nad med 'chi med lam yang shin tu ston/ /sdug bsngal thams cad rab zhi gnas kyang med/ /rgyal ba'i rdzu 'phrul chos nyid de yang ltos/ /phyogs rnams kun tu mngon par rab tu 'phags/ /'jig rten kun tu thub pa mngon par mdzes/ /lto 'phye chen po 'od mdzes 'di la 'jug /nyon mongs las kyi sgrib pas stug bsgribs shing / /srid pa'i rgya mtsho gting ring nub pa yi/ /sems can rnams la zhi ba'i spyod yul ston/ /gzi brjid rdul med dbyangs kyis 'di mthong ngo / /sangs rgyas ye shes mnyam med bsam mi khyab/ /'gro ba'i bsam pa ma lus thugs su chud/ /de dag kun la rnam dag chos nyid ston/ /lto 'phye chen po sna tshogs gtsug phud 'jug /bsam gyis mi khyab bsod nams rgya mtsho'i dbyings/ mtha' yas yang dag 'byung ba rgyal bas gzigs/ /de bzhin gshegs pa 'jig rten bsod nams zhing / /mig bzang bdag po lto 'phye chen pos mthong / /sems can kun gyi sdug bsngal 'jigs pa rnams/ /ji snyed de dag rgyal bas kun nas bskyabs/ /rgyal ba chos dbyings nam mkha' lta bu ste/ /de ni sgron ma skyabs kyi spyod yul lo/ /sangs rgyas ba spu re re'i yon tan yang / /'jig rten kun gyis shes par mi nus te/ /mgon po rnams ni mi zad nam mkha' bzhin/ /'di ni shugs kyi rgyal mtshan rnam par mthong / /thams cad chos dang stobs kyi mthar phyin pas/ /sangs rgyas ri bo lta bur bskyod mi nus/ /de yi chos nyid rgyal ba rab tu mdzes/ /seng+ge'i phrug pa dpal ni 'di la 'jug /rgyal ba rnams kyi rnam thar la dga' ba/ /bskal pa snga tshe rgya cher spel bas na/ /de phyir 'gro ba kun bltas yid du 'ong / /sna tshogs sgra dbyangs rnam thar 'di la 'jug /rgyal bas pha rol phyin pa rgya mtsho rnams/ /yongs bskangs chos dbyings sku dang spyod yul med/ /'jig rten thams cad skyabs gyur sgron ma ste/ /ri rab bu ni tshul bzang 'di la 'jug /de la nam mkha' lding gi dbang po mthu stobs chen po'i shugs kyi rnam par thar pa ni/ thogs pa med pa'i mig la sgrib pa med pas sems can gyi khams rnam par lta ba zhes bya'o/ /nam mkha' lding gi dbang po mi shigs pa'i sems rin chen gtsug phud kyi rnam par thar pa ni/ phyogs bcu'i sems can yongs su smin par bya bas chos kyi dbyings la rab tu gnas pa zhes bya'o// nam mkha' lding gi dbang po shugs dri ma med pa'i dpal gyi rnam par thar pa ni/ sgo kun nas brtson 'grus kyi pha rol tu phyin pa rab tu 'byung ba zhes bya'o/ /nam mkha' lding gi dbang po phyir mi ldog pa'i sems kyi rgyan gyi rnam par thar pa ni/ de bzhin gshegs pa'i shugs kyi mthus 'jug pa'i 'od ces bya'o/ /nam mkha' lding gi dbang po chos bstan pa dri ma med pa'i 'od kyi rnam par thar pa ni/ sems can mtha' yas pa yongs su smin par bya ba'i ye shes rab tu phye ba zhes bya'o/ /nam mkha' lding gi dbang po cod pan sna tshogs dpal gyi gtsug phud kyi rnam par thar pa ni/ sangs rgyas kyi chos kyi grong khyer rab tu brgyan pa yang dag par ston pa zhes bya'o/ /nam mkha' lding gi dbang po gzhi kun tu khyab bar ston pa'i shugs kyi rnam par thar pa ni/ stobs kun nas yang dag par sgrub pas thub pa med pa'i rgyan ces bya'o/ /nam mkha' lding gi dbang po dge ba rgya mtsho kun nas lta ba'i rnam par thar pa ni/ sems can gyi ris thams cad rnam par sgom pa'i tshul mngon par sgrub pa zhes bya'o/ /nam mkha' lding gi dbang po klu'i sgra yangs pa kun tu lta ba'i dkyil 'khor gyi rnam par thar pa ni/ sems can mtha' yas pa skye ba dang / 'chi 'pho ba shes pa'i ye shes la yang dag par 'jug pa zhes bya'o// de nas nam mkha' lding gi dbang po mthu stobs chen po'i shugs kyis sangs rgyas kyi mthus 'dab ma bzang po'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /phyogs bcu'i zhing rnams ma lus dbyings bkang zhing / /'jig rten mgon po rgya chen spyan gyis gzigs/ /sems can 'dul ba de la tshad kyang med/ /rang byung rnam thar rgya chen shin tu yangs/ /'jig rten mgon gyi 'phrul stobs chags pa med/ /phyogs bcu'i snying po byang chub kun na bzhugs/ /rgyal ba'i mdo sde sprin rnams thams cad kyang / /rin chen sna tshogs gtsug phud mkha' lding nyan/ /sngon gyi bde bar gshegs pa'i spyod pa rnams/ /pha rol phyin pa rgya chen byang ba mthong / /sangs rgyas kun la mchod pa yang dag byed/ /'dab ma bzang po shugs bzang de brjod do/ /skad cig sems la byang chub spyod mtha' yas/ /thams cad rgyal ba'i spu rtse kun na snang / /rgyal ba'i spyod yul tshad med ci 'dra ba/ /de ni rgyan bzang nam mkha' lding gis mthong / /rgyal ba'i spyod yul yangs pa bsam mi khyab/ /'gro ba kun gyis bsam par sla ba min| |ye shes yon tan rgya mtsho 'jig rten mgon/ /rnam thar 'di ni mkha' lding 'gro 'dzin gyi'o/ /de bzhin gshegs pa'i ye shes mtha' yas 'od/ /'gro ba'i gti mug dra ba ma lus sel/ /rgyal ba 'jig rten thams cad kun gyi mgon/ /de 'dra chos brtan 'dzin pa'i 'dab bzang ston/ /chos kyi grong khyer mi zad thams cad nas/ /sangs rgyas rgya chen 'jig rten kun tu ston/ /mtha' yas chos kyi sgo mo du ma nas/ /'dab bzang sna tshogs gtsug phud 'di la 'jug /thams cad stobs la rang byung rab tu bzhugs/ /rgyal ba kun dang sku gcig chos kyi sku/ /de bzhin nyid dngos rnam par rtog mi mnga'/ /kun tu rgyu ba'i 'dab bzang 'di brjod do/ /rgyal ba'i 'od zer 'jig rten kun bkye ba/ /sna tshogs thabs kyis sems can khams kyang 'dul/ /srid pa snga tshe bsdus pa rnam par spyod/ /rnam thar 'di ni mig bzang dam pa'i'o/ /dri med rgya mtsho'i las la gnas pa yi/ /zhing gi dbyings rnams ma lus sangs rgyas gzigs/ /de dag kun tu rgyal bas chos char 'bebs/ /rgya mtsho rgyu ba'i mkha' lding 'di ltar lta/ /de la lha ma yin gyi dbang po sgra gcan gyi rnam par thar pa ni/ dbang chen pos shin tu 'phags shing zil gyis mi non pa zhes bya'o/ /lha ma yin gyi dbang po thag bzang ris kyi rnam par thar pa ni/ sgo kun nas byin gyis rlob pa rnam par gzhog pa rab tu 'byung ba zhes bya'o/ /lha ma yin dbang po bde ba'i mchog gi rnam par thar pa ni/ 'gro ba thams cad kyi sdug bsngal zhi bar byed pa rdul med pa zhes bya'o/ /lha ma yin gyi dbang po mtshon cha chen po'i rnam par thar pa ni/ brtul zhugs dang dka' thub thams cad la gnas pa'i rgyan ces bya'o/ / lha ma yin gyi dbang po stobs can gyi rnam par thar pa ni/ phyogs bcu rab tu bsgul ba'i yul mtha' yas pa zhes bya'o/ /lha ma yin gyi dbang po rnam par snang ba'i rnam par thar pa ni/ 'jig rten thams cad rab tu dgod pa'i sbyor ba rnam pa sna tshogs zhes bya'o/ /lha ma yin gyi dbang po rdo rje sra ba sna tshogs kyi yan lag gi rnam par thar pa ni/ dge ba'i rtsa ba chags pa thams cad kyis mi shigs pa'i dkyil 'khor yongs su sbyong ba la yang dag par 'jug pa zhes bya'o/ /lha ma yin gyi dbang po stobs rgya chen po'i rgyu'i blo gros kyi rnam par thar pa ni/ snying rje chen po mngon du bya ba'i stobs la gti mug med pa zhes bya'o/ /lha ma yin gyi dbang po dpal gyi be'u rab tu 'byung ba'i rnam par thar pa ni/ dge ba'i rtsa ba thams cad kyi dkyil 'khor rnam par sbyong zhing sangs rgyas mnyes par byed pa zhes bya'o/ /lha ma yin gyi dbang po brtul zhugs bzang po'i dbyangs kyi rnam par thar pa ni/ 'gro ba thams cad kyi 'khor lo la yang dag par 'jug cing gti mug med pa la yang dag par spyod pa zhes bya'o/ /de nas lha ma yin gyi dbang po sgra gcan gyis sangs rgyas kyi mthus lha ma yin gyi 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /phyogs rnams rgya che de dag thams cad du/ /rgyal ba'i zil gyis 'byams klas 'khor kyang gnon/ /nam mkha'i mtshan nyid kun tu 'od 'phro ste/ /thams cad sgo nas 'gro bar mngon par mdzes/ /skad cig sems kyis bskal pa brgya mang gi /sangs rgyas yul rnams ma lus thams cad ston/ /'dul ba kun la 'od rnams rab tu 'gyed/ /rnam thar de ni thag bzang ris kyis mthong / /sangs rgyas spyod yul gzhal med bdag gis mthong / /sna tshogs sgo nas sems can don kyang mdzad/ /sdug bsngal thams cad bder gshegs zhir mdzad de/ /rnam thar 'di la bde ba'i mchog 'jug go /'gro ba'i don du brtul zhugs dka' thub rnams/ /dge ba rgyal bas bskal pa brgyar spyad de/ /de phyir rgyal ba'i ye shes kun tu sgo/ /dra ba bzang pos sangs rgyas 'di ltar brjod/ /zhing dbyings thams cad rgyal ba g.yo bar mdzad/ /'jigs pa mi ston skrag pa yod ma yin/ /bde gshegs rdzu 'phrul chags med gzhal du med/ /lha min dbang po stobs can de ltar ston/ /sangs rgyas skye ba bde bar 'byung ba rnams/ /'gro ba kun gyi sdug bsngal zhi bar mdzad/ /thams cad mkhyen gyi ye shes phyogs kyang ston/ / rnam par snang ba 'di ni rab tu brjod/ /'gro ba'i bsod nams rgya chen dang / /ba dag /rgyal ba'i mthu yis de dag byung ba ste/ /thar pa'i phyogs kyi lam yang rgyal ba ston/ /chos dpal 'di mthong 'di la rab tu 'jug / bder gshegs thugs rje'i sku ni mnyam pa med/ /chags med spyod pa thams cad kun tu snang / /'gro ba thams cad mig yor mtshan nyid de| |rgyu yi blo gros sangs rgyas yon tan brjod/ /sangs rgyas yul na ngo mtshar mnyam pa med/ /sangs rgyas rdzu 'phrul chos kyi dbyings kyi klong / /byang chub shing drung kun na rab tu bzhugs/ /dpal gyi be'u lha min bdag pos mthong / /'gro ba kun gyi 'khor lo dbyings dag tu/ /sngon chad bder gshegs spyod pa spyod pa'i tshe/ /'gro ba'i sdug bsngal ma lus rab tu bkrol/ /de ltar lha min dbyangs snyan rab tu brjod/ /de la nyin mo'i lha khyim dang gzhal med khang gi gzugs shin tu ston pa'i rnam par thar ba ni/ 'gro ba thams cad kyi rgyud la yang dag par 'jug pa zhes bya'o/ /nyin mo'i lha brtsam pa'i blo gros mtshams sbyor ba'i dkyil 'khor gyi rnam par thar pa ni/ sems can gyi don thams cad yongs su rgyas par bya bas shin tu tshim par bya ba la rnam par dpyod pa zhes bya'o/ /nyin mo'i lha kun nas dga' ba'i dpal gyi rgyan gyi rnam par thar pa ni/ dga' ba dang mgu ba mtha' yas pa'i chos kyi snang ba zhes bya'o/ /nyin mo'i lha me tog dang spos yid du 'ong ba'i 'od kyi rnam par thar pa ni/ sems can mtha' yas pa'i mos pa yang dag par rgyas pa la rnam par lta ba zhes bya'o/ /nyin mo'i lha kun nas yid du 'ong ba'i sman ston pa sgrub pa'i dpal gyi rnam par thar pa ni/ kun tu 'od kyi stobs yang dag par sgrub pa rnam par ston pa'i rgyan ces bya'o/ /nyin mo'i lha lhag pa'i mig bzang pos tshim par byed pa'i rnam par thar pa ni/ 'gro ba thams cad kyi bde ba dang sdug bsngal chos kyi dga' bas snang bar byed pa zhes bya'o/ /nyin mo'i lha tshul rgya chen po'i phyogs kun nas byung ba'i dpal gyi rnam par thar pa ni/ chos kyi dbyings kyi phyogs tha mi dad pa'i snying po zhes bya'o/ /nyin mo'i lha snying rje rgya chen po'i gzi brjid kyi 'od kyi rnam par thar pa ni/ sems can thams cad la bde ba yang dag par ston cing skyob pa'i stobs la shin tu brtson pa zhes bya'o/ /nyin mo'i lha snang ba rgya chen po'i dge ba'i rtsa ba dang mi 'bral ba'i 'od kyi rnam par thar pa ni/ mnyam pa nyid kyis dga' ba'i yon tan kun nas rab tu 'byung ba zhes bya'o/ /nyin mo'i lha me tog gi phreng ba kun nas 'phyang ba'i dpal gyi rnam par thar pa ni/ 'gro bas mthong na don yod pa'i grags pa'i dkyil 'khor ces b ya'o| |de nas nyin mo'i lha khyim dang gzhal med khang gi gzugs shin tu ston pas sangs rgyas kyi mthus nyin mo'i lha'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /sems can kun gyi spyod pa rgyal bas mkhyen/ /rgyal ba dus gsum mnyam pa nyid la bzhugs/ /rgyal ba'i ye shes mi zad nam mkha' bzhin/ /rgyal ba'i 'od kyis phyogs rgyas shin tu snang / /'gro ba kun gyi bsam pa thugs chud nas/ /don gyi tshig rnams gzhan dang gzhan dag kyang | |rnam phye rgya chen tshig gis rgyal ba gsung / /phun sum tshogs pa'i blo gros lha yis mthong / /rgyal ba'i 'od kyis sems can kun dga' ste/ /rgyal ba mthong thos don du 'gyur ba yin/ /go 'phang dam pa rgya chen zhi ba ston/ /dpal gyi 'od ni de yis rab tu dga'/ /sangs rgyas mthong bas 'gro ba rgya chen gyi/ /dga' ba tshad med dge chos kun kyang 'byung / /chos sprin gzhal med rgyal ba char 'bebs te/ /de la me tog brgyan pa'i lha dga' 'o/ /chos kyi dkyil 'khor stobs la 'jug pa rnams/ /sems can bsdu ba'i sgo la rnam dpyod cing / /rab yangs spyad pa spyod tshe rgyal bas sbyangs/ /'di ni yid 'ong 'byung ba'i lhas mthong ngo / /rgyal ba mthong zhing thos pa don med min/ /dga' dang bde ba spro ba yangs pa skyed| |'byams klas thabs rnams kun gyis sems can 'dul/ /des ni mig bzang de yi dga' skyed byed/ /chos dbyings 'byams klas phyogs su rab 'jug pa/ /'gro bar stobs bcus ma lus bstan mdzad de/ /bder gshegs dngos yod ma yin dngos med min/ /'phags pa'i dpal gyi nyin mo'i lha yis mthong / /sems can mi bde thibs por nub pa rnams| |gzigs nas rgyal ba 'jig rten mchod pa mdzad/ /sdug bsngal rgyu rnams thams cad rgyal bas bsal/ /'di la snying rje'i gzi brjid lha 'jug go /'gro ba 'di dag nyon mongs las bsgribs par/ /dga' ba 'byung ba'i bde ba rgyal ba gsung / /chos kyi dga' ba rab kyis sdug bsngal 'jil/ /bsod nams shugs ni rnam thar 'di la 'jug /mkha' 'dra rgyal ba'i bsod nams dkyil 'khor rnams/ /'jig rten dge bas gtso bo mchog byung ste/ /chos rnams kun la bder gshegs 'khrul mi mnga'/ /me tog phreng gi rnam thar 'di yin no/ /de la mtshan mo'i lha dpal dri ma med cing kun nas zab pa'i 'od kyi rnam par thar pa ni/ bsam gtan rab tu zhi ba'i bde ba kun nas rnam par gnon pa zhes bya'o/ /mtshan mo'i lha kun nas skyob pa'i mdangs kyi dpal gyi rnam par thar pa ni/ snang ba 'jig rten thams cad la mngon du lta zhing 'gro ba 'dul ba ston pa zhes bya'o/ /mtshan mo'i lha rab tu dga' ba'i mig gis 'gro ba la rnam par lta ba'i rnam par thar pa ni/ kun nas dga' ba rgya chen po dri ma med pa'i mtshan nyid ces bya'o/ /mtshan mo'i lha sgras zhi ba rgya mtsho dang ldan pa'i rnam par thar pa ni/ dga' ba yangs pa 'byung ba'i sems kyi mtshan nyid kyi rgyan ces bya'o/ /mtshan mo'i lha mtshan mo thams cad 'byung ba'i dpal gyi rnam par thar pa ni/ yid du 'ong ba'i sgra zab mos rnam par 'phrul pa la 'jug pa zhes bya'o/ /mtshan mo'i lha shing thams cad rab tu rgyas par byed pa'i 'od kyi rnam par thar pa ni/ dga' ba dang smon lam dang mos pa rgya chen po'i 'od ces bya'o/ /mtshan mo'i lha kun nas skyong zhing srung ba'i dpal gyi rnam par thar pa ni/ sems can thams cad yongs su smin par bya ba'i dge ba'i rtsa ba yang dag par brjod pa zhes bya'o/ /mtshan mo'i lha dge ba thams cad kyis dga' bar rtse ba la dbang bsgyur ba'i rnam par thar pa ni/ byams pa mtha' yas pas 'gro ba yongs su skyob pa zhes bya'o/ /mtshan mo'i lha mdud par 'dzin pa thams cad zhi bar bya bas dbang po rab tu dga' ba'i rnam par thar pa ni/ snying rje'i sgo nas char 'bebs pa'i rgyan ces bya'o/ /mtshan mo'i lha dge ba'i bsod nams 'byung ba'i dpal ston pa'i rnam par thar pa ni/ 'gro ba thams cad kyi bsam pa yongs su tshim par bya bas kun tu rgyas par 'gengs pa zhes bya'o/ /de nas mtshan mo'i lha dpal dri ma med cing kun nas zab pa'i 'od kyis sangs rgyas kyi byin gyi rlabs kyis mtshan mo'i lha'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /sangs rgyas spyod yul shin tu yangs la ltos| |stong pa zhi ba nam mkha'i mtshan nyid de/ /dga' ba rgya mtsho rnam par sbyangs byas shing / /rgyal ba dri med phyogs su rnam par mdzes/ /thub pa 'jig rten kun blta dka' ba ste| |bskal pa rgya mtsho dag na bar 'ga' snang / /thugs rjes kun tu rgyas byas mgon po byung / /'gro ba lta ba'i lha yis 'di mthong ngo / /'dren pa 'gro ba'i skyabs su gyur pa ste// 'gro ba dag ni mngon du kun na snang / /lam gyi rgyud ni thams cad rnam par sbyong / /skyob pa'i mdangs kyi dpal ni 'di la sems/ /dga' ba rgya mtsho bsam gyis mi khyab pa/ /rab tu yangs pa sngon chad bsgoms pas na/ /de phyir rgyal ba 'jig rten blta na mdzes/ /zhi dbyangs mtshan mo'i lhas ni 'di mthong ngo / /sangs rgyas spyod yul bsam gyis mi khyab ste/ /phyogs rnams bkang zhing zhi ba'i 'brug sgra sgrog/ sems can bsam pa rgya chen rnam par spyod/ /mtshan mo 'byung ba'i dpal ni 'di la dga'/ /de bzhin gshegs pa 'gro ba'i bsod nams skyed/ /bsod nams dkyil 'khor rnam par yangs pa ston/ /dri med zhi ba'i sa yang ston mdzad de/ /'di la rgyas pa'i 'od ni rab tu 'jug / sangs rgyas 'phrul gyis phyogs rnams rab bkang ste/ /sems can thams cad rnam par 'dul ba ston/ /thams cad gzugs su sangs rgyas 'jig rten snang / /mtshan mo'i lha ni dpal gyis 'di mthong ngo / /'dren pas sems kyi skad cig kun la snang / /byams pa rgya mtsho'i tshul rnams rnam sbyangs te/ /'jig rten thams cad ma lus rgyas par mdzad/ /bsod nams brtse ba mtshan mo'i lhas mthong ngo / /sems can gti mug things pos 'khrugs pa dang / /gtum sems 'khon 'dzin dam pos bsgrigs gzigs shing / /thugs rje bskyed nas rgyal ba byung bar gyur/ /'khon 'dzin zhi ba mtshan mo'i lha dga' 'o/ /sems can kun gyi bsam pa rdzogs byas shing / /mgon po sngon chad spyod pa spyad pas na/ /de phyir rgyal ba yon tan mtshan rgyas so/ /bsod nams lta ba'i bdag po'i spyod yul yin/ /de la phyogs kyi lha phyogs kyi dbyings na rab tu gnas shing kun tu rgyas par 'gengs pa'i rnam par thar pa ni/ kun tu skyob pas 'gro ba'i rgyan byed pa zhes bya'o/ /phyogs kyi lha mnyam pa nyid la mngon du lta ba'i rnam par thar pa ni/ dgos pa thams cad dang rdzu 'phrul gyi tshogs kyi 'od ces bya'o/ /phyogs kyi lha snang ba spyod pa'i rgyan gyi rnam par thar pa ni/ chags pa'i mun pa thams cad rnam par sel ba'i snang bas dga' ba dang bde ba 'byung ba zhes bya'o/ /phyogs kyi lha kun tu rgyu zhing rjes su 'brang ba'i rnam par thar pa ni/ thams cad kyi rjes su song ba'i sangs rgyas kyi yon tan rjes su dran pa don yod pa ston pa zhes bya'o/ /phyogs kyi lha rmongs pa byed pa'i gtsug yongs su grub pa'i rnam par thar pa ni/ 'gro ba thams cad kyi ming gi phyogs kyi 'khor lo la rnam par lta ba'i 'od ces bya'o/ /phyogs kyi lha nam mkha'i rgyud kun tu spyod pa'i rnam par thar pa ni/ sgra dbyangs yid du 'ong ba thams cad myong bar byed pas dga' ba rnam par sgom pa zhes bya'o/ /phyogs kyi lha rnam par dpyod pa'i sprin rgya chen po'i rgyal mtshan gyi rnam par thar pa ni/ klu'i sprin 'byung ba dka' ba sbyor ba zhes bya'o/ /phyogs kyi lha mig tha dad pa med pa'i gtsug phud kyi rnam par thar pa ni/ 'gro ba thams cad kyi las tha dad pa med pa la yang dag par lta ba'i bdag po'i rgyan ces bya'o/ /phyogs kyi lha 'jig rten gyi bya ba kun nas spyod pa'i rnam par thar pa ni/ skye ba sna tshogs dang / las rnam pa tha dad pa la rnam par lta ba zhes bya'o/ /phyogs kyi lha phyogs su rnam par lta ba'i phreng ba'i 'od kyi rnam par thar pa ni/ sems can thams cad kyi dgos pa'i pha rol tu phyin par bya bas rab tu dga' ba rtsom pa 'byung ba zhes bya'o/ /de nas phyogs kyi lha phyogs kyi dbyings na rab tu gnas shing kun tu rgyas par 'gengs pas sangs rgyas kyi mthus phyogs kyi lha'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /'gro ba thams cad yongs su smin bya'i phyir/ /sangs rgyas rang byung 'jig rten spyod pa byung / /thams cad mkhyen par yongs su smin bya'i phyir/ /chos kyi phyogs la rab tu 'jug pa ston/ /rdzu 'phrul stobs ni 'gro ba kun dang mnyam/ /rnam pa du ma sems can bsam pa ston/ /rgyal ba mthong bas 'gro ba'i sdug bsngal 'grol/ /kun tu mngon par lta ba'i spyod yul lo/ /sems can rgya mtsho mun pas bsgribs pa la/ /sangs rgyas chos kyi sgron ma snang ba ston/ /rnam par snang ba'i sangs rgyas 'od kyang mthong / /snang ba spyod pa rnam thar 'di la dga'/ /chos kyi 'khor lo thams cad kun tu bskor/ /sems can nyon mongs zhi mdzad thogs pa med/ /dbyangs kyi yan lag thams cad yongs su rgyas/ /kun nas 'khyil ba'i dpal gyis rab tu 'thob/ /'gro ba'i ming gi 'khor lo ji snyed pa| |sangs rgyas mtshan gyis de dag thams cad 'thon/ /sems can rnams kyi gti mug rnam par zlog /'di ni gti mug rnam dag spyod yul lo/ /sangs rgyas mngon sum sems can gang 'gro ba/ /de dag thams cad sangs rgyas gsung snyan nyan/ /dga' ba rgya chen shin tu yangs pa 'thob/ /'di ni nam mkha'i rgyud kyi rnam thar to/ /skad cig sems rgyud kun la tshad med pa'i/ /chos kyi sprin char rgyal ba 'bebs pa mdzad/ /'gro ba'i nyon mongs thams cad rab tu 'jil/ /'di la sprin gyi rgyal mtshan lha 'jug go /sems can kun gyi rgya mtsho'i las rnams kun/ /sangs rgyas rnam pa gzhan min yang dag ston/ /sems can nyon mongs las las rab tu bkrol/ /'jig rten bya ba spyod bdag spyod yul lo/ /sangs rgyas sngon chad spyad pa spyod pa'i tshe/ /sems can don du thugs rje rab bskyed de/ /pha rol phyin pa thams cad rgyas par bkang / /sna tshogs phreng ba'i 'od ni 'di la dga'/ /phyogs rnams sems can rgyal bas snang mdzad pas/ /bsam pa rgya mtsho rnam pa sna tshogs kyis/ /de dag mtha' yas phyogs kyi chos 'jug go/ mig bzang gtsug phud tshul 'dir rab tu 'jug / de la nam mkha'i lha kun nas snang ba dri ma med pa'i 'od kyi rnam par thar pa ni/ 'gro ba rgya mtsho mtha' yas pa'i bsam pa la rnam par lta ba zhes bya'o/ /nam mkha'i lha mtha' yas shing zab pa kun tu rgyas par byed pa'i rnam par thar pa ni/ chos kyi dbyings rgya chen po dang / sangs rgyas kyi ye shes zab mo la yang dag par 'jug pa zhes bya'o/ /nam mkha'i lha rlung kun nas 'byung ba'i dpal gyi rnam par thar pa ni/ yul mtha' yas pa rnam par sgom pa'i mtshan nyid kyi lus zhes bya'o/ /nam mkha'i lha sgrib pa thams cad dang mi gnas pa'i dkyil 'khor gyi rnam par thar pa ni/ sems can thams cad kyi las dang nyon mongs pa'i sgrib pa yongs su sbyangs pa'i rgyan ces bya'o/ /nam mkha'i lha rgya chen po kun tu gnon pa sna tshogs kyi gtsug bud kyi rnam par thar pa ni/ 'gro ba rgya mtsho rgya chen po la rnam par lta zhing rnam par spyod pa zhes bya'o/ /nam mkha'i lha 'od zer snang ba'i 'od thogs pa med pa'i rnam par thar pa ni/ 'gro ba log par lhung ba thams cad snying rje'i 'od kyis skyob pa zhes bya'o/ /nam mkha'i lha stobs kyi rgyun thogs pa med pa'i dpal gyi rnam par thar pa ni/ bsod nams thams cad kyi stobs dang dga' ba bsdu ba la yang dag par gzhol ba zhes bya'o| |nam mkha'i lha phyogs dri ma med par snang ba'i 'od kyi rnam par thar pa ni/ sems can thams cad dri ma med pa'i sems kyis sgrib pa rnam par zlog par gnas pa'i dbang po zhes bya'o/ /nam mkha'i lha dbyangs shin tu 'phags shing zab pa'i rnam par thar pa ni/ ye shes kyi dkyil 'khor gyi 'od rab tu 'phags pas phyogs kun tu rnam par lta ba zhes bya'o/ /nam mkha'i lha phyogs bcur mngon du ston pa'i 'od kyi rnam par thar pa ni/ sgo thams cad nas phyogs thams cad du 'pho ba med pa'i dkyil 'khor ces bya'o/ / de nas nam mkha'i lha kun nas snang ba dri ma med pa'i 'od kyis sangs rgyas kyi mthus nam mkha'i lha'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /rgyal ba'i spyan ni rgya chen yangs pa yis/ /sems can rgya mtsho ma lus kun gzigs te/ /'gro ba kun la mngon par rab tu bzhugs// sangs rgyas dri med nam mkha' rab tu 'dra/ /sangs rgyas sku yi rgya chen 'od kyi rnams/ /phyogs bcu'i 'gro kun khyab cing rnam par mdzes/ /thams cad phyogs su mngon par rab tu gnas/ /kun tu rgyas pa'i 'od kyis 'di mthong ngo / /rgyal ba nam mkha'i mtshan nyid 'byung ba med/ /'di la gzung ba snang ba gang yang med| |thogs pa med cing rang bzhin med pa ste/ /rlung gi 'od kyis rnam thar 'di mthong ngo / /bskal pa rgya mtsho brgya phrag mang por yang / /sangs rgyas sems can sgrib pa sel bar mdzad/ /lam yangs rnam par thar pa rab tu ston/ /'di ni dpa' bo dkyil 'khor 'od kyi 'o/ /sngon chad sangs rgyas byang chub spyod pa'i rnams/ /'gro ba kun la phan dang bde don du/ /ji ltar byung ba de dag bdag gis mthong / /'di ni sna tshogs gtsug phud spyod yul lo/ /'khor ba rgya mtsho kun tu rgyu ba yi/ /sems can log par lhung zhing 'khor ba la/ /sangs rgyas 'od ni sdug bsngal zhi ba'i rgyu/ /snang ba'i 'od kyis rnam thar 'di mthong ngo / /bsod nams dge ba thams cad snying po ste/ / chags med stobs dang ye shes rgya chen mkhyen/ /'gro ba thams cad bsod nams zhing gyur pa/ /sangs rgyas de ltar chags med stobs sems so/ /mun pa stug po'i spyod yul rnam rgyu ba'i/ /sems can sgrib pas rab tu blong ba la/ /de bzhin gshegs pa snang ba rab 'gyed de/ /dri med phyogs snang lhas ni de mthong ngo / /sangs rgyas ye shes shin tu 'phags pa yi/ /mtha' dang dbus yang dmigs par mi rung ste/ /zhing kun 'gro la mngon par 'od kyang snang / /zab mo'i 'od kyis de ltar sangs rgyas mthong / / phyogs rnams rgya mtsho kun na spyod pa yi/ /sems can thams cad yongs su dgrol ba'i phyir/ /sangs rgyas smon lam rgya chen shin tu yangs/ /mngon par lta bas rnam thar 'di mthong ngo / /de la rlung gi phung po'i lha chags pa med par 'gro ba'i 'od kyi rnam par thar pa ni/ 'jig rten gyi bya ba thams cad sangs rgyas kyi chos su yang dag par 'jug pa zhes bya'o/ /rlung gi lha kun tu rgyas par 'byung ba'i mthu'i dpal gyi rnam par thar pa ni/ sangs rgyas mchod pa'i yul mtha' yas pa rgya chen po mngon par sgrub pa ston pa zhes bya'o/ /rlung gi lha kun tu reg par byed pa'i sprin gyi rgyal mtshan gyi rnam par thar pa ni/ sems can thams cad kyi nad rab tu zhi bar byed pa zhes bya'o/ /rlung gi lha rgyan yid du 'ong zhing bzang ba'i 'od kyi rnam par thar pa ni/ 'gro ba thams cad kyi sgrib pa'i ri 'joms pa'i dge ba'i rtsa ba rab tu 'byung ba zhes bya'o/ /rlung gi lha chu drag po'i snying po skem pa'i rnam par thar pa ni/ bdud kyi 'khor lo sgo kun nas 'joms pa zhes bya'o/ /rlung gi lha sgra chen pos 'gro ba'i dbyangs kyi rnam par thar pa ni/ sems can mtha' yas pa'i 'jigs pa rnam par zlog cing zhi bar byed pa zhes bya'o/ /rlung gi lha shing gi rtse mo'i me tog rab tu 'phyang ba'i gtsug phud kyi rnam par thar pa ni/ chos thams cad kyi tshul tha dad pa med par yang dag par shes pa rgya mtsho la 'jug pa zhes bya'o/ /rlung gi lha thogs pa med par phyogs kun tu rgyas par 'gro ba'i rnam par thar pa ni/ 'gro ba thams cad mnyam par dgod pa'i tshul gyis 'dul ba'i snying po zhes bya'o/ /rlung gi lha rlung gi phung po rnam pa sna tshogs 'byung ba'i sprin gyi dkyil 'khor gyi rnam par thar pa ni/ bsam gtan gyi sgo rab tu zhi ba'i shugs kyis gti mug rab tu zhi bar byed pa zhes bya'o/ /rlung gi lha 'jig rten thams cad kyi mun pa kun nas snang bar byed pa'i rnam par thar pa ni/ sems can thams cad kyi spyod pa'i rjes su bsnyegs pas thogs pa med pa'i rgyan ces bya'o/ /de nas rlung gi lha chags pa med par 'gro ba'i 'od kyis sangs rgyas kyi mthus rlung gi lha'i 'khor gyi dkyil 'khor thams cad la rnam par bltas te/ de'i tshe tshigs su bcad pa 'di dag smras so/ /rgyal ba kun gyi chos nyid zab mo 'dzin pa ste/ /chags med thams cad tshul gyis de la 'jug /'gro ba kun la sangs rgyas mngon du bzhugs/ /de ni mtshan med gzugs brnyan yod pa min| |sangs rgyas thams cad mthu la rnam par ltos/ /byang chub spyad pa mtha' yas spyod pa'i tshe/ /skad cig gcig gis sangs rgyas mchod cing bstod/ /de la rgyas byed 'od kyi lha 'jug go / sangs rgyas bsam gyis mi khyab 'gro ba'i mgon/ /tshul rnams kun gyis sbyor ba chud za med/ /sdug bsngal kun las sems can ma lus skyob/ /rgyal mtshan reg pas rnam thar 'di mthong ngo / /'gebs dang sgrib pa shin tu stug po yi/ /mi bdes bsgribs shing bsod nams med pa yi/ /sems can sdug bsngal kun las ma lus bkrol// rgyan gyis brgyan pa'i lhas ni 'di mthong ngo / /rgyal ba'i rdzu 'phrul rnam par 'phrul la ltos/ /rnam pa kun gyis bdud rnams shin tu 'joms/ /tshul gyis 'dul ba de la rab tu sgrog / gzi brjid drag po'i mthus ni 'di mthong ngo / /rgyal ba'i ba spu'i sgo rnams thams cad nas/ /'gro ba kun 'gengs sgra yi dbyangs 'byung ba/ /de dag sdug bsngal 'jigs pa thams cad med/ /'di ni sgra sgrog lha yis rab tu shes/ /'gro ba kun mnyam rgya mtsho'i zhing rnams su/ /so so yang dag rig pas bder gshegs so/ /mtha' yas bskal par rang byung yang dag ston/ /shing gi gtsug phud 'phyang ba de la 'jug /rgyal ba'i ye shes thabs rnams kun sgo nas/ /kun tu chags shing thogs pa med pa ste/ /spyod yul gzhal yas kun tu mtha' yang med/ /'di ni chags med 'gro ba'i rnam thar to/ /rgyal ba'i spyod yul mtha' yas dag la ltos/ /rab zhi sku mnga' mtshan med sangs rgyas te/ /thabs sgo kun nas 'on kyang rab tu snang / /phung po sna tshogs bdag po'i rnam thar to/ /mi mgon bskal pa mtha' yas spyod pa'i tshe/ /de 'dra'i chos kyis 'gro kun tshim mdzad pas/ /thams cad stobs la sangs rgyas rab tu bzhugs/ /'jig rten stobs 'dzin lha yis 'di mthong ngo / /de la me'i lha gzi brjid 'bar zhing 'phro ba'i 'od kyi rnam par thar pa ni/ sems can thams cad kyi nyon mongs pa'i dba' rlabs thams cad dang / mun pa thams cad dang mi gnas pa zhes bya'o/ /me'i lha kun tu 'bar zhing 'phro ba'i rgyal mtshan gyi dkyil 'khor gyi rnam par thar pa ni/ sems can thams cad kyi nyon mongs pa'i dba' rlabs dang / rab tu gdung ba rnam par zlog pa zhes bya'o/ /me'i lha 'od rgya chen pos phyogs rgyas par byed pa'i rnam par thar pa ni/ bsod nams kyi stobs mi sgul ba dang / snying rje ba dang byams pa'i snying po zhes bya'o/ /me'i lha rgyal mtshan gya rdul gyi sgos rgyas par byed pa'i rnam par thar pa ni/ nyon mongs pa'i rdul gyis g.yog pa rnam par sel ba zhes bya'o/ /me'i lha gzi brjid mi zad pa'i gtsug phud kyi rnam par thar pa ni/ nam mkha' mtha' yas pa snang bas gsal bar byed pa'i 'od ces bya'o/ /me'i lha dka' thub sna tshogs kyi mig gi dpal gyi rnam par thar pa ni/ dge ba dang bsod nams sna tshogs rnam par snang ba'i 'od rab tu zhi ba zhes bya'o/ /me'i lha phyogs khyim du gyur pa'i ri rab kyi spo'i rnam par thar pa ni/ 'jig rten gyi rgyud thams cad me ltar 'bar ba'i sems can gyi sdug bsngal rab tu zhi bar byed pa zhes bya'o/ /me'i lha 'od drag shul can gyi dbang phyug gi rnam par thar pa ni/ 'jig rten thams cad la dbang sgyur ba'i rtsom pas rab tu gnon pa zhes bya'o/ /me'i lha mun pa dang rab rib sel cing phyogs rnam par snang bar byed pa'i rnam par thar pa ni/ chags par lta ba'i gti mug thams cad rnam par spong ba'i 'od snang ba zhes bya'o/ /me'i lha 'od 'phro ba'i sprin gyi dbang phyug gi rnam par thar pa ni/ chags pa thams cad la mi gnas pa'i stobs 'byung ba yang dag par sgrub pa'i nga ro zhes bya'o/ /de nas me'i lha gzi brjid 'bar zhing 'phro ba'i 'od kyis sangs rgyas kyi mthus me'i lha'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /rgyal ba'i brtson 'grus stobs la rnam par ltos/ /bskal pa bye ba rgya chen bsam yas par/ /'gro ba'i don du phan pa rab brtsams te/ /sems can kun gyi mun pa rnam par bsal/ /nyon mongs dba' rlabs ldan pa'i 'gro ba rnams/ /lta la gnas shing gti mug bsgribs pa yi/ /nyon mongs me ni mgon pos zhi bar mdzad/ /de la rgyal mtshan dkyil 'khor rab tu dga'/ /rgyal ba'i spyod yul rgya chen bdag gis mthong / /phyi ma'i mtha' yi bskal pa rgya mtshor yang / /rgyal ba'i byin gyis brlabs rnams rab tu 'jug /mthong nas snang ba'i 'od ni rab tu dga'/ /rgyal ba'i bsod nam mi zad nam mkha' bzhin/ /de yi mtha' ni kun tu mi rnyed de/ /rgyal ba'i thugs rje bskyed du yong mi nus/ /'di la dpal gyi sprin sgra rab tu 'jug /bskal pa bye bar spyad pa spyod pa'i tshe/ /chos tshul gang rnams bstan pa de dag gi /mtha' ni nam yang rnyed par sla ba min/ /rnam thar 'di ni gzi brjid gtsug phud kyi'o/ /phyogs bcu'i 'khor rnams shin tu yangs pa dag / sangs rgyas mgon po thams cad mngon du lta/ /'gro ba kun la thub pa rnam par mdzes/ /'di la dka' thub 'od 'phro dpal 'jug go / 'gro ba kun na thub pa rab tu 'phags/ /khang khyim thams cad dag na bzhugs par snang / /rnam par yangs pa'i chos kyi char yang 'bebs/ /'di ni phyogs snang byed pa'i spyod yul lo/ /rgyal ba nyid kyi chos rnams zab pa ste/ /thams cad chos kyi 'gro bar rang byung zhing / /ngo bo nyid kyi chos nyid ston pa mdzad/ /de la drag shul 'od ni rab tu dga'/ / lta ba'i mun nag gti mug bsgribs pa yi/ /'jig rten bag med 'khrugs pa thams cad la/ /rgyal bas chos ni rab tu bstan mdzad de/ /de la rnam par snang ba'i lha dga' 'o| |rgyal ba'i smon lam sngon chad byung ba'i rnams/ /ci 'dra bsam gyis khyab par mi rung ste/ /stobs dang pha rol phyin pas rnam par sbyangs/ /'od 'phro'i sprin ni 'di la 'di ltar 'jug / de la chu'i lha sprin dang na bun kun tu grub pa'i rgyal mtshan gyi rnam par thar pa ni/ sems can thams cad la byams pa'i tshul la yang dag par 'jug pa zhes bya'o/ / chu'i lha sprin sgra'i shugs rgya mtsho'i sprin gyi rnam par thar pa ni/ chos kyi sprin mtha' yas pa 'byung ba'i rgyan ces bya'o/ /chu'i lha chu sna tshogs kyi gtsug phud kyi rnam par thar pa ni/ 'gro ba snod du gyur pa thams cad la rnam par lta zhing sdud pa'i sbyor ba zhes bya'o/ /chu'i lha bzang por 'khyil ba grub pa'i dpal gyi rnam par thar pa ni/ sangs rgyas kyi yul zab mo'i 'od kyi char pa'i byin gyis brlabs zhes bya'o/ /chu'i lha kun nas spos dri ma med pa'i myu gu'i dpal gyi rnam par thar pa ni/ sangs rgyas kyi 'od dri ma med pa rnam par lta ba la yang dag par 'jug pa'i byin gyis brlabs zhes bya'o/ /chu'i lha dpa' rlabs kyi sgra bsod nams stegs kyi 'od kyi rnam par thar pa ni/ chos kyi dbyings mtshan nyid med cing dri ma med pa zhes bya'o/ /chu'i lha tshim par bya ba la dbang byed pa yongs su sgrub pa'i rnam par thar pa ni/ snying rje rgya mtsho mi zad pa'i sgor 'jug pa zhes bya'o/ |chu'i lha sa'i rdul snyed kyi sgo nas dbyangs 'byung ba'i rnam par thar pa ni/ sangs rgyas dang / byang chub sems dpa'i 'khor gyi dkyil 'khor du dga' ba'i shugs 'byung ba'i snying po zhes bya'o/ /chu'i lha 'od kun tu 'gro zhing rgyas par byed pa'i rnam par thar pa ni/ bsod nams chags pa med pa shin tu rgyas pas kun tu snang bar byed pa'i dkyil 'khor ces bya'o/ /chu'i lha rgya mtsho'i dbyings kyi nga ro'i 'od kyi rnam par thar pa ni/ 'gro ba thams cad 'dul ba'i sbyor ba nam mkha' lta bus 'dul bar spyod pa zhes b ya'o| |de nas chu'i lha sprin dang na bun kun tu grub pa'i rgyal mtshan gyis sangs rgyas kyi mthus chu'i lha'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /rgyal ba'i mtshan rnams re re thams cad kyang / /sangs rgyas zhing gi rdul dang mnyam pa yi/ /byams pa mngon du gyur pas byung ba bzang / / sems can kun gyis blta zhing mi ngoms so/ /'gro ba kun tu rgyal ba rnams drung du/ /skyo ba med par spyad cing rnam sbyangs te/ /rnam pa sna tshogs chos kyi sgo yang ston/ /rgya mtsho'i shugs ni 'di yi tshul la 'jug / rgyal ba rnams ni 'pho bar mi snang ste/ /phyogs rnams bcu nas byon par snang ba med/ /snod kyi tshul bzhin sems can rnams kyang lta/ /chu yi gtsug phud dkyil 'khor de la lta/ /de bzhin gshegs pa'i yul ni gzhal du med/ /sems can kun gyis bsam par mi nus te/ /phyogs rnams kun tu khyab par sgra sgrog go /'di ni snyan pa'i gtsug phud yul yin no/ /sangs rgyas 'od ni mi zad gnas pa ste/ /bsam gyis mi khyab chos kyi dbyings kyis klas/ /sems can thams cad 'dul ba rab tu ston/ /spos kyi phung po sna tshogs lha yis mthong / /de bzhin gshegs pa nam mkha' mnyam pa ste/ /phyogs rnams kun tu dri med mtshan nyid med/ /phyogs rnams kun na'ang bzhugs par rab tu snang / /dba' rlabs sgra yi bsod nams 'od kyis mthong / /snying rje'i sgo ni rgya mtsho lta bu ste/ /sems can kun dang mnyam par sngon bshad do/ /sprin dang 'dra bar 'gro ba mngon sum mo| |de ltar de ni dga' ba 'byung bas mthong / /phyogs rnams bcu na zhing rnams gang yod pa/ /de dag kun na sangs rgyas gdan bzhugs snang / /shin tu rgyas pa'i byang chub mngon sangs rgyas/ /dga' ba rdul med dbyangs kyis de mthong ngo / /sangs rgyas spyod yul chags pa med pa ste/ /shin tu rgya che phyogs rnams kun tu gnas/ /rnam par 'phrul pa rgyal ba ston mdzad de/ /de la 'phro ba'i 'od kyi lha 'jug go /sbyor ba'i spyod pa rnams la mtha' med de/ /'gro ba kun dbyangs thub pa med par 'jug /rgyal ba'i byin gyi rlabs ni 'di 'dra ste/ /nga ros 'gengs pa rnam thar 'di la 'jug /bam po bzhi pa/ de la rgya mtsho'i lha rin po che'i 'od 'byung ba'i dpal gyi rnam par thar pa ni| 'gro ba thams cad dang mnyam pa'i bsod nams rgya mtsho rin po che 'byung ba'i rgyan ces bya'o/ /rgya mtsho'i lha rdo rje kun nas sra zhing mi choms pa'i rgyal mtshan dang ldan pa'i rnam par thar pa ni/ dge ba'i rtsa ba thams cad srung ba'i sbyor ba zhes bya'o/ /rgya mtsho'i lha rdul dang dri ma med pa'i gnas dang ldan pa'i rnam par thar pa ni/ sems can thams cad kyi nyon mongs pa rgya mtsho mang po rnam par sel ba zhes bya'o/ /rgya mtsho'i lha kun nas chu dang / ri bo dang / khyim gyi dkyil 'khor gyi rnam par thar pa ni/ 'gro ba thams cad kyi ngan song dang / ngan 'gro'i lam rnam par zlog pa zhes bya'o/ /rgya mtsho'i lha skyabs rin po che mig gi zla ba'i dpal gyi rnam par thar pa ni/ shugs chen pos gti mug rnam par sel ba zhes bya'o/ /rgya mtsho'i lha klu'i dpal pad+mo sna tshogs kyi gtsug phud kyi rnam par thar pa ni/ rgyud thams cad kyi sdug bsngal rab tu zhi bar byed cing / bde ba 'byung bar byed pa zhes bya'o/ /rgya mtsho'i lha chu lta bur ro mthun pa 'dzin pa'i 'od kyi rnam par thar pa ni/ sems can thams cad kyi lta ba dang / rmongs pa'i rang bzhin dri ma med pa zhes bya'o/ /rgya mtsho'i lha rin po che'i 'od 'phro ba'i me tog gi tshon gyi 'od kyi rnam par thar pa ni/ rin po che'i rigs thams cad 'byung zhing byang chub kyi sems rab tu skye ba zhes bya'o/ /rgya mtsho'i lha ri rab sra ba'i rdo rje sna tshogs kyi rnam par thar pa ni/ sems rgya mtsho mi sgul ba'i bsod nams la rnam par lta ba zhes bya'o/ /rgya mtsho'i lha 'brug sgra sgrog pa rgya mtsho'i shugs kyi dbyangs kyi rnam par thar pa ni/ ting nge 'dzin gyi dkyil 'khor thams cad chos kyi dbyings su yang dag par 'jug pa'i rgyal mtshan zhes bya'o/ /de nas rgya mtsho'i lha rin po che'i 'od 'byung ba'i dpal gyis sangs rgyas kyi mthus rgya mtsho'i lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ / bskal pa rgya mtsho bsam gyis mi khyab par/ /sangs rgyas rgya mtsho rgya chen mang mchod cing / /'gro ba dag la bsod nams mtshos spel bas/ /de phyir rgyal ba lham me lhang nge 'o/ /'gro ba kun tu rgyal ba mngon par mdzes/ /sems can kun gyi dbang po bsam rgyud du/ /chos kyi rgya mtsho rgya chen ston pa mdzad/ /rdo rje sems dpa' sra ba'i dpal dga' 'o/ /'gro ba kun tu 'jig rten mgon po ni/ /chos kyi sprin las char chen yangs pa 'bebs/ /sdug bsngal rgya mtsho zhi mdzad zad mi shes/ /rdul dang dri med 'di yi mtshan la 'jug / sems can thams cad mnyam med nyon mongs bsgribs/ /lam rgyud rgya mtsho'i sdug bsngal nang na 'khor/ /de dag la ni rgyal ba'i yul ston te| |dpal bcu'i lha ni 'di la rab tu dga'/ /bskal pa rgya mtsho mang po bsam yas su/ /rgyal bas spyod pa mi zad rnams spyad de/ /'gro ba'i gti mug dkyil 'khor rnam par bzlog / rin chen zla ba'i dpal ni 'di la 'jug /'khor ba'i rgya mtsho sdug bsngal chen po na/ /sems can 'khor zhing mi bde kun gzigs nas/ /rgyal bas bla na med pa'i lam yang bstan/ /klu dpal pad+mo gtsug phud 'di la dga'/ /sangs rgyas spyod yul bsam gyis mi khyab ltos/ /chos kyi dbyings dang nam mkha'i mtshan nyid de/ / 'gro ba'i gti mug dra ba rnam par sbyong / /de skad chu 'dzin shugs ni smra zhing brjod/ /sangs rgyas dra med bsam gyis mi khyab can/ /'jig rten kun gyi yul du rnam par mdzes/ / spyod pa'i dkyil 'khor 'gro ba kun la ston/ /sna tshogs dpal gyi me tog spyod yul lo/ /bdud kyi dkyil 'khor mi zad rgya che ba'ang / /'byams klas thugs kyi skad cig gcig gis btul/ /rgyal ba bsam gyis mi khyab mi g.yo ste/ /rdo rje rdul 'dzin tshul ni 'di yin no/ /chos kyi dbyings ni 'byams klas kun bkang zhang / /phyogs bcu rnams su rgyal ba'i gsung yang grag / sangs rgyas spyod yul ting nge 'dzin las skyes/ /'di ltar 'di la sprin 'byung rab tu 'jug /de la chu klung gi lha chu bo kun dang ldan pa'i rnam par thar pa ni/ chos kyi chu bo mtha' med pa rgyas par 'gengs pa zhes bya'o/ /chu klung gi lha ri dang chu kun la brten pa'i rnam par thar pa ni/ nyon mongs pa thams cad spang ba la yang dag par 'jug pa zhes bya'o/ /chu klung gi lha rdul thams cad dri ma med par rnam par dag pa'i mig gi rnam par thar pa ni/ sems can thams cad kyi nyon mongs pa'i rdul dang 'grogs pa'i snying rje'i tshul gyis kun tu rgyas par 'gengs pa zhes bya'o/ /chu klung gi lha nga ros khyab par byed pa'i rnam par thar pa ni/ sems can thams cad kyi sgra yid du mi 'ong ba zlog cing phan pa skyed pa zhes bya'o/ /chu klung gi lha srog chags kyi rgyud mtha' yas pa skyob pa'i rnam par thar pa ni/ sems can thams cad la 'tshe ba med pa'i byams pa 'byung ba zhes bya'o/ /chu klung gi lha gdung ba med pa rgya mtsho gdung ba med pa'i 'od dri ma med pa'i rnam par thar pa ni/ dge ba'i rtsa ba thams cad gdung bar mi nus pa'i sgo kun nas ston pa zhes bya'o/ /chu klung gi lha dga' bde kun nas 'byung ba'i rnam par thar pa ni/ sems can thams cad kyi 'jungs pa sel cing gtong ba phun sum tshogs pa yongs su sbyong ba zhes bya'o/ /chu klung gi lha yon tan gyi shugs yangs pa'i rgyal mtshan gyi rnam par thar pa ni/ thams cad tshim par byed pa'i bsod nams kyi zhing rab tu 'byung ba zhes bya'o/ /chu klung gi lha 'jig rten thams cad kyi dpal rnam par snang ba'i rnam par thar pa ni/ sems can thams cad kyi nyon mongs pa rnam par byang bar byed cing 'khon du 'dzin pa dam po dang / khro ba'i shugs dang bar byed pa zhes bya'o/ /chu klung gi lha tshogs chen po rgya mtsho'i dpal gyi 'od kyi rnam par thar pa ni/ 'gro ba thams cad bde ba phun sum tshogs pa myong bar byed cing thar pa rgya mtsho la 'dzud pa zhes bya'o/ /de nas chu klung gi lha chu bo kun dang ldan pas / sangs rgyas kyi mthus chu klung gi lha'i 'khor gyi dkyil 'khor yod pa thams cad la rnam par bltas te/ de'i tshe tshigs su bcad pa 'di dag smras so/ /chos rnams rgya mtsho mtha' yas spyod pa dag / sngon chad rgyal bas sems can don du sbyangs/ /'jig rten bkang zhing nyon mongs gdungs pa rnams/ /sprin chen char bzhin rab tu zhi bar mdzad/ / bskal pa brjod du med par rgyal bas sngon/ /smon lam 'od kyis sems can dbyings sbyangs shing / /'gro ba yongs smin dbang po chos kyang mkhyen/ /'khyil ba zhes bya chu klung lha dga' 'o/ /'gro dang mnyam pa'i snying rje'i tshul bsgoms shing / /mgon po sems can nyon mongs dri ma sbyong / /yongs smin sems can rgyal ba mngon du blta/ /de la dri med mig gi lha yang mos/ /de bzhin gshegs pa'i dbyangs snyan rgya chen ni/ /kun tu bsgrags pas 'gro ba'i sdug bsngal zhi/ /sangs rgyas dbyangs snyan thos nas dga' mgu'i yid/ / rnam thar 'di ni sgro dbyangs sgrog pas thos/ /bskal pa rgya mtsho 'gro la phan don du/ /sngon chad byang chub spyod pa spyad pa mthong / /de phyir de ni phyogs bkang 'jig rten mdzes/ / lam rgyud skyob pa rjes su dran zhing dga'/ /rgyal ba sngon chad spyad pa spyod pa'i tshe/ /sna tshogs sgo nas sems can smin par mdzad/ /de dag bsod nams rgya mtsho sdug bsngal 'jil/ /zhi byed chu klung lha ni des dga' 'o/ /sbyin pa'i sgo mo tshad med mi zad mang / /'gro ba 'dod pa kun la yongs btang zhing / /rgyal bas 'gro ba'i 'jungs pa yongs su bsal/ /kun nas dga' dpal rnam thar de mthong ngo / /thabs tshul rgya mtsho thams cad bsgoms pas na/ /yon tan mang po brgya phrag mang pos byung / /rgyal bas 'gro ba thams cad tshim mdzad de/ /rgya chen sgra dbyangs shugs ldan lha yang dga'/ /sgrib pa'i klong dang 'gro ba'i nyon mongs dri/ /'gro ba rnams la byams pa bskyed sbyangs pas| |mkha' mnyam 'od kyis sangs rgyas rnam par mdzes/ /rnam par mdzes pa'i chu klung lha dga' 'o/ /sangs rgyas rang byung yon tan rgya mtsho ste/ /bsod nams zhing ni 'dus byas sdug bsngal 'dor/ /byang chub lam la rim gyis yongs smin mdzad/ /rgya mtsho'i tshogs dpal rnam thar 'di yin no/ /de la lo tog gi lha ngad 'jam pa'i dpal gyi rnam par thar pa ni/ ro dang mdangs thams cad skyed cing / sems can thams cad sangs rgyas kyi gzugs kyi sku rab tu 'thob pa ston pa zhes bya'o/ /lo tog gi lha dus kyi me tog rnam par mdzes pa'i 'od kyi rnam par thar pa ni/ 'gro ba thams cad nye bar 'tsho bas dga' ba chen po'i shugs kyi tshim pa skyed pa zhes bya'o/ /lo tog gi lha rtsal dam pa'i stobs kyi rnam par thar ba ni/ chos thams cad kyi dbyings yongs su rgyas pas shin tu dag pa'i spyod yul zhes bya'o/ /lo tog gi lha mdangs kyi ngad mtha' yas pa rab tu 'gyed pa'i rnam par thar pa ni/ snying rje mtha' yas pa'i sgo nas sangs rgyas kyi rnam par 'phrul ba rab tu 'gyed cing rjes su dran pa zhes bya'o/ /lo tog gi lha kun gyi rtsa ba 'bras bu'i rnam par thar pa ni/ sangs rgyas thams cad mngon du lta zhing / sangs rgyas rnams la yon tan yang dag par skyed pa ston pa zhes bya'o/ /lo tog gi lha gtsug phud kha dog sna tshogs kyi rnam par thar pa ni/ 'gro ba thams cad kyi mos pa'i me tog yongs su sbyong ba zhes bya'o/ /lo tog gi lha yal ga dri ma med par grub pa'i rnam par thar pa ni/ sems can la phan pa'i byams pa dang / bsod nams rgya mtsho rgya chen po rnam par 'phel bar byed pa zhes bya'o/ /lo tog gi lha spos sna tshogs shin tu grub pa'i rnam par thar pa ni/ chos thams cad la spyod pa kun tu gnon pas rtsom pa zhes bya'o/ /lo tog gi lha bzang zhing yid du 'ong bar snang ba'i rnam par thar pa ni/ 'gro ba thams cad kyi zhum pa dang / yid du mi 'ong ba rnam par zlog cing / chos kyi dbyings thams cad yongs su dag par byed pa zhes bya'o/ /lo tog gi lha kha dog rnam par dag cing 'od dri ma med pa'i rnam par thar pa ni/ 'gro ba thams cad kyi dge ba'i rtsa ba la rnam par lta zhing chos kyis 'khor gyi dbang po tshim par byed pa zhes bya'o| |de nas lo tog gi lha dang 'jam pa'i dpal gyis sangs rgyas kyi mthus lo tog gi lha'i 'khor gyi dkyil 'khor thams cad la rnam par bltas te / de'i tshe tshigs su bcad pa 'di dag smras so/ /rang byung ye shes sgron ma skyes pa ni/ /'gro ba kun gyi skyabs dang mgon gyur te/ /ma lus 'gro ba'i bde ba yang dag skyed/ /bsod nams rgya mtsho sangs rgyas bla na med/ /sangs rgyas mnyan na don yod yon tan sprin/ /'gro ba kun gyi sdug bsngal zhi bar mdzad/ /chos rgya chen po mi zad rab tu skyed/ /dus kyi dkyil 'khor lha ni 'di la 'jug / bder gshegs stobs ni ma lus yongs su rgyas/ /'gro ba dag ni chos kyi legs pas mdzes/ /'gro ba kun 'dul kun tu rnam par snang / /stobs dang gzugs kyi mthu yis de mthong ngo / /sems kyi skad cig kun la 'gro mnyam pa'i/ /thugs rje rgya mtsho sngon chad rnam sbyangs pas/ /de phyir rdzu 'phrul rnams ni mtha' yas so/ /de ni mdangs mthong lha yis rab tu mthong / /thabs rnams kun gyi sgo rnams don yod par/ /sangs rgyas 'jig rten kun tu khyab gyur cing / /'gro ba kun gyi nyon mongs dag par mdzad/ /'di ni thams cad sgo mo'i rnam thar to/ /'gro ba 'di na mos yangs gang yod pa/ /de dag thams cad rgyal ba'i mthus byung ste| |de bzhin gshegs pa'i ye shes rgya mtsho 'o/ /nags tshal rgyan gyi gtsug phud de la 'jug /'jig rten rnams la byams pa che bskyed de/ /sems can rnams la phan phyir rang byung skyes/ /lam rab dge ba zhi la rab tu ston/ /zhi ba sna tshogs dpal gyi rnam thar to/ /phyogs su sems can yongs smin byed pa'i tshe/ /bder gshegs spyod pa ji ltar rnam dag pa/ /byang chub shing las de dag sgra yang 'byung / /spos zhim dpal gyi lha yis de thos so/ /rgyal bas 'jig rten yid du 'ong ba spong / /dge ba ma lus rnams kyang rab tu skyed/ /'gro ba kun gyi dbang po rnam par sbyong / /dge bar snang ba'i lha yis de mthong ngo / /'gro ba kun na sangs rgyas shin tu 'phags/ /skye bo kun gyi bsam pa des mkhyen te/ /sna tshogs sgo nas 'gro ba yongs smin mdzad/ /rnam dag kha dog 'od kyi rnam thar to/ /de la sman gyi lha phun sum tshogs pa'i rnam par thar pa ni/ bsam pa kun nas rnam par lta ba'i gnon pas 'gro ba rab tu gnon pa zhes bya'o/ /sman gyi lha tsan+dan gyi nags tshal gyi shugs 'chang ba'i rnam par thar pa ni/ blta ba don yod pas sems can 'dren pa'i 'od ces bya'o/ /sman gyi lha 'od rdul med pa'i rnam par thar pa ni/ sems can thams cad kyi nyon mongs pa rab tu zhi bas rdul dang bral pa'i sbyor ba zhes bya'o/ /sman gyi lha ming kun tu grags pa glang po'i rgyal mtshan gyi rnam par thar pa ni/ ming bsgrags pas dge ba'i rtsa ba rgya mtsho yang dag par 'phel ba zhes bya'o/ /sman gyi lha spu'i klong kun nas 'od 'byung ba'i rnam par thar pa ni/ nad thams cad la snying rje'i dkyil 'khor gyi shugs kyi rgyal mtshan zhes bya'o// sman gyi lha mun pa rnam par sel cing rnam par sbyong ba'i rnam par thar pa ni/ 'gro ba ldongs pa lta bu thams cad kyi ye shes kyi mig rnam par dag par byed pa zhes bya'o/ / sman gyi lha sgra dbyangs kun tu 'byung ba'i rnam par thar pa ni/ sangs rgyas kyi chos rab tu bsgrags pas don gyi dbyings 'byung ba zhes bya'o/ /sman gyi lha nyi ma'i 'od 'phro ba'i mchog gi rgyal mtshan gyi rnam par thar pa ni/ 'gro ba thams cad la dge ba'i bshes su ston cing dge ba'i rtsa bas yang dag par bskul ba zhes bya'o/ /sman gyi lha phyogs bcur rmongs pa med par lta ba'i rnam par thar pa ni/ mos pa'i tshul gyis rnam par dag pa'i snying rje'i snying po zhes bya'o/ /sman gyi lha mdangs dang 'od kun tu 'gyed pa'i mig gi rnam par thar pa ni/ sems can thams cad kyi nad rab tu zhi bar byed cing sangs rgyas rjes su dran par sbyor ba zhes bya'o/ /de nas sman gyi lha phun sum tshogs pas sangs rgyas kyi mthus sman gyi lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /sangs rgyas ye shes bsam gyis mi khyab ltos/ /'gro ba kun gyi bsam pa rab tu mkhyen/ /thabs kyi rnam pa sna tshogs sgo dag nas/ /sdug bsngal kun las sems can rab tu 'grol/ /sangs rgyas chos nyid de ltar bsam mi khyab/ /de yi mthu ni thams cad don kyang yod/ /skye rgu rnams ni sdug bsngal zhi bar mdzad/ /tsan+dan shugs dang ldan pa'i rnam thar to/ /sngon chad rgyal ba'i chos nyid dag la ltos| |bskal pa rgya mtsho mtha' med spyod pa na'ang / /srid pa kun la chags pa gang yang med/ /de la rdul med 'od kyi lha 'jug go /rgyal ba bskal pa stong phrag brgya dag tu/ /mthong zhing mtshan thos de bzhin shin tu dkon/ /tshul rnams kun tu rang byung don yod de/ /de la rgyal mtshan mchog ni de ltar 'jug /rgyal ba'i spu yi sgo rnams kun nas kyang / /nad las rab tu 'grel ba'i 'od bkye bas/ /'jig rten nyon mongs ma lus zhi bar mdzad/ /sbu mdangs rgyun gyi rnam thar 'di yin no/ /sdug bsngal las dang nyon mongs sna tshogs pas/ / 'gro ba rtag tu ldongs shing rmongs gyur rnams/ /sangs rgyas ye shes 'od kyis rnam par sbyong / /de ni mun dang bral ba'i lhas mthong ngo / /rgyal ba'i gsung dbyangs gcig las mtha' yas pa'i/ /chos kyi sgo mo thams cad kun kyang 'byung / /de ni sems can ma lus kun kyang shes/ /'di ni sgra dang ldan pa'i rnam thar to/ /rgyal ba'i ye shes bsam gyis mi khyab ltos/ /srid par sems can yongs su smin byas pa/ /de la 'gro kun mi mgon mngon du snang / /nyi 'od zhi ba'i lha yis de mthong ngo / /sangs rgyas thugs rje'i tshul ni rgya mtsho ste/ /'gro ba kun phan don du de skyes so/ /'gro ba kun la lam rnams shin tu ston/ /de ni phyogs su snang ba'i lhas shes so/ /sangs rgyas 'gro dbang rnams kyi 'od yangs pa/ /phyogs rnams thams cad ma lus kun tu gang / /sangs rgyas rjes su dran pa'i gzi brjid skyed/ /mdangs dang 'od du ldan pa'i rnam thar to| |de la nags tshal gyi lha yal ga sna tshogs kyi sprin gyi rnam par thar pa ni/ ye shes kyi rgya mtsho yangs shing mtha' yas pa'i snying po zhes bya'o/ /nags tshal gyi lha 'od kyi phung po sna tshogs kyi mig yid du 'ong ba'i 'od kyi rnam par thar pa ni/ dge ba rgya chen po kun nas spungs pa'i shugs zhes bya'o/ /nags tshal gyi lha myu gu yid du 'ong ba'i 'od kyi rnam par thar pa ni/ mos pa sna tshogs kyi myu gu rnam par 'phel ba dang yongs su dag par byed pa zhes bya'o/ /nags tshal gyi lha lo ma dri ma med pa'i phreng ba'i dpal gyi rnam par thar pa ni/ yon tan gyi dkyil 'khor thams cad kyi rgyan yongs su sbyong zhing rnam par sgom pa zhes bya'o/ /nags tshal gyi lha yan lag rab tu 'phyang ba'i gzi brjid kyi rnam par thar pa ni/ shes rab dri ma med pa'i sgo kun nas chos kyi dbyings la dmigs shing kun nas rnam par dmigs pas rgyas par 'gengs pa zhes bya'o/ /nags tshal gyi lha sgra skad yid du 'ong ba'i dbyangs kyi rnam par thar pa ni/ sems can thams cad kyi spyod pa rgya mtsho la yang dag par 'jug pa'i chos kyi sprin mngon par sgrub pa zhes bya'o/ /nags tshal gyi lha sgra skad yid du 'ong ba'i dbyangs kyi rnam par thar pa ni/ sems can thams cad kyi yid du mi 'ong ba'i sgra la bzod pa rab tu thob pas chos kyi snang ba dri ma med pa zhes bya'o| |nags tshal gyi lha kun nas spos mang po'i ngad ldang ba'i 'od kyi rnam par thar pa ni/ spyod pa rgya chen po'i dkyil 'khor spyod pas yongs su dag par byed cing phyogs kun tu rnam par snang ba zhes bya'o/ /nags tshal gyi lha kun nas dpal gyi 'od rab tu 'byung ba'i dkyil 'khor gyi rnam par thar pa ni/ 'gro ba la phan pa'i don chos thams cad kyi yon tan gyis rgyas par yang dag par sbyor ba zhes bya'o/ /nags tshal gyi lha me tog dang / 'bras bu dang / ro'i 'od kyi rnam par thar pa ni/ sangs rgyas skye ba thams cad la dga' bar lta zhing rjes su dran pa'i yon tan gyi rgyan gyi snying po zhes bya'o/ /de nas nags tshal gyi lha yal ga sna tshogs kyi sprin gyis sangs rgyas kyi mthus nags tshal gyi lha'i 'khor gyi dkyil 'khor thams cad la rnam par bltas nas de'i tshe tshigs su bcad pa 'di dag smras so/ /bsod nams stobs dang ye shes stobs rnams dang / /sngon tshe byang chub spyod pas sangs rgyas byung / /stobs rnams kun gyis rang byung pha rol phyin/ /'gro ba kun na 'phags shing rnam par mdzes/ /'gro ba thams cad snyed kyi thugs rje'i sgo/ /de bzhin gshegs pas sngon tshe rab tu sbyangs/ /rang byung de bas 'gro ba'i don mdzad do/ /sna tshogs spungs 'od rnam thar 'di la 'jug/ sems can kun gyis bde gshegs mthong ma thag /mos pa rgya mtsho rnam par dag par 'gyur/ /rgyal ba kun gyi lam yang yang dag ston/ /myu gu yid 'ong 'od kyi rnam thar yin| |rgyal ba kun gyi ba spu'i yon tan 'khor/ /bskal pa rgya mtshor zad par mi nus te/ /'gro ba kun gyis sangs rgyas bsam mi khyab/ /rnam thar 'di ni phreng ba'i dpal gyis mthong / /sngon chad rgyal bas sangs rgyas gang gi rnams/ /zhing mang rdul snyed mchod pa de dag dran/ /kun tu shes rab dkyil 'khor rnam par sbyangs/ /yal ga 'od kyi brjid kyis 'di mthong ngo / /'gro ba kun gyi spyod pa rgya mtsho dag /skad cig gcig gis sangs rgyas thugs su chud/ /rgyal ba'i ye shes chags med shin tu yangs/ /sna tshogs rgyan gyi 'od kyis 'di mthong ngo / /bder gshegs gsung ni zhi ba rab zhir gsung / /dga' ba yangs pa chen po rnam par skyed/ /sems can mos pa ji bzhin de dag shes/ /'di ni sgra rnams sgrog pa'i dbyangs kyis thos/ /phyogs bcu'i zhing gi dbyings rnams rgyas byas shing / /sangs rgyas byin rlabs rgya chen rab tu 'byung / /rgyal ba'i sngon gyi spyod pa dag kyang ston/ / kun tu dri zhim 'od dpal 'di la 'jug /ma rungs sems can yon tan med pa'i rnams/ /myos shing 'khor ba kun tu 'khor ba dag /de dag la ni thams cad mkhyen lam ston/ / 'phags pa'i 'od kyi 'khor gyis 'di mthong ngo / /sems can ma rungs sbyor ba spyod pa rnams/ /bskal pa bye bas sangs rgyas mthong bar 'gyur/ /gzhan ni bder gshegs skad cig gcig gis lta/ /ro yi 'od kyi lha yis 'di mthong ngo / /de la ri'i lha rin po che'i rtse mo me tog shin tu rgyas par gnas pa'i rnam par thar pa ni/ bsam gtan zhi zhing yangs la dben pa'i snang ba la rab tu 'jug pa zhes bya'o/ /ri'i lha nags tshal sna tshogs me tog shin tu rgyas pa'i gtsug phud kyi rnam par thar pa ni| 'gro ba bsam gyis mi khyab pa'i dge ba'i rtsa ba yongs su smin par byed pa'i byams pa sgom pa'i rgyan ces bya'o/ /ri'i lha kun nas shin tu 'phags pas rnam par snang ba'i rgyal mtshan gyi rnam par thar pa ni/ sems can thams cad kyi bsam pa rnam par lta ba'i dbang po la 'jug pas mngon par snang ba zhes bya'o/ /ri'i lha rdul thams cad dang mi gnas pas dri ma med pa'i gtsug phud kyi rnam par thar pa ni/ bskal pa rgya mtsho mtha' yas par mi skyo ba'i brtson 'grus kyis rab tu sbyor ba zhes bya'o| |ri'i lha snang bas phyogs su gsal ba'i 'od kyi rnam par thar pa ni/ sangs rgyas kyi yon tan mtha' yas pa'i snang ba rnam par bstan pa ston pa zhes bya'o/ /ri'i lha stobs la thub pa med pa'i snang ba'i 'od kyi rnam par thar pa ni/ sems can yongs su smin par bya ba'i phyir gti mug yongs su sel ba'i 'od ces bya'o/ /ri'i lha kun nas gzi brjid dpal gyi dkyil 'khor gyi rnam par thar pa ni/ chags pa thams cad dang mnyam pa'i rgyan gyis sdug bsngal yang dag par 'joms pa zhes bya'o/ /ri'i lha snang ba'i rdul chu bo'i dkyil 'khor gyi rnam par thar pa ni/ de bzhin gshegs pa thams cad kyi bstan pa'i yon tan snang ba yang dag par ston pa zhes bya'o/ /ri'i lha kun tu mngon par lta ba'i mig gi rnam par thar pa ni/ sems can thams cad kyi rmi lam gyi mthar yang dge ba'i rtsa ba rnam par 'phel bar byed pa zhes bya'o/ /ri'i lha kun nas sra ba'i rdo rje'i mtshams kyi mig gi rnam par thar pa ni/ don rgya mtsho rgya chen po mtha' yas pa dang 'grogs pa zhes bya'o/ /de nas ri'i lha rin po che rtse mo me tog shin tu rgyas par gnas bas sangs rgyas kyi mthus ri'i lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /rgyal ba'i rnam 'phrul mi zad tshad med ltos/ /sngon tshe spyod rab mtha' yas rgyal bas spyod/ /rnam thar zhing gi rdul snyed bsgoms mdzad pas/ /'gro ba ma lus dga' ba'i shugs kyang bskyed/ /sangs rgyas spu nas dri med dpal bkye ba/ /yan lag mtshan rgyan 'gro ba kun bkang zhing / /byams tshul mtha' yas 'jig rten kun la ston/ /nags tshal rgyas pa'i gtsug gi rnam thar to| |sangs rgyas sku ni mtha' yas 'gro bar mngon/ /'jig rten kun tu phyogs bcu bkang zhing 'phags/ /dbang po dang ba'i sems can rangs shing dga'/ /rnam thar 'di la 'phags pa'i rgyal mtshan 'jug / rang byung mkha' mnyam 'jig rten chos ma chags/ /bskal pa kun spyod brtson 'grus stobs mi skyo/ /sna tshogs khams 'gro sbyor ba ma lus 'dul/ /dga' ba dri med gtsug phud rnam thar to/ /'jig rten kun ni ldongs gyur mun stug zhugs/ /thugs rje der bskyed sangs rgyas 'od bkye zhing / /'gro khams yun ring nyal ba sad par mdzad/ /rig nas dga' 'od lha yi rnam thar to/ /srid pa'i rgya mtshor spyad pa sngon spyod tshe/ /zhing rdul mnyam pa'i sems can gtso mchod pas/ /de dag dgyes bzhin sems can byang chub bkod/ /zhi ba'i sa 'di stobs 'chang lha 'jug go /las kyi sprin sgrib g.yogs shing bsgribs pa rnams/ /srid par sems can sdug bsngal 'khor gzigs nas/ /de dag mun pa ye shes 'od kyis bsal/ /gzi brjid dpal 'od rnam thar 'di sems so| |rgyal ba'i spu las sangs rgyas yon tan kun/ /phyogs dbyings sems can bsam pa bzhin du grag /rdzu 'phrul rnam pa bskal pa kun tu gnas/ /'od mang rdul gyi chu bo'i lha 'jug go / sems can kun spyod dge ba rgya mtsho kun/ /de la phyogs bkang sangs rgyas mngon par snang / /sna tshogs thabs kyis 'jig rten chos kyang ston/ / tshul mngon mig gi lha yis de thos so/ /chos sgo rgya mtsho mi zad tshad med pa/ /sangs rgyas gsung gcig sems can kun la gsung / /bskal pa kun brjod 'jig rten mang la ston/ /rdo rje tshul mig 'di yi gnas la 'jug /de la sa'i lha dpal gyi me tog kun nas shin tu rgyas pa dri ma med pa'i rnam par thar pa ni/ skad cig skad cig cing sems can thams cad la byams pa dang snying rje'i dkyil 'khor gyis rnam par lta ba zhes bya'o/ /sa'i lha bsod nams brtan pa shin tu bsags pa'i 'od kyi rnam par thar pa ni/ sems can thams cad kyi bsod nams kyi stobs dang shugs kyi rgyan ces bya'o/ /sa'i lha sems rin po ches rgyas pa'i rnam par thar pa ni/ ting nge 'dzin sna tshogs sgom pa rnam par 'byed pa dri ma med pa zhes bya'o/ /sa'i lha dus dus su dge ba'i mig rab tu ston pa'i rnam par thar pa ni/ sems can thams cad dga' zhing bde ba dang rtse ba'i sbyor ba zhes bya'o/ / sa'i lha gser gyi mig gi dpal gyi rnam par thar pa ni/ lus thams cad yongs su dag par byed pa'i tshul ston pa zhes bya'o/ /sa'i lha spu las spos kyi 'od rnam par 'gyed pa'i rnam par thar pa ni/ sangs rgyas thams cad kyi yon tan rgya mtsho thams cad rnam par sgom pa brjod pa zhes bya'o/ /sa'i lha sgra dbyangs yid du 'ong ba sgrog pa'i rnam par thar pa ni/ 'gro ba thams cad smra ba'i sgra rgya mtsho'i byin gyis rlob pa zhes bya'o/ /sa'i lha me tog gi glang po sna tshogs kyi gtsug phud kyi rnam par thar pa ni/ sangs rgyas kyi zhing phun sum tshogs pa'i rang bzhin dri ma med pa zhes bya'o/ /sa'i lha kun nas rdo rje'i rdul gyi rgyan gyi rnam par thar pa ni /sangs rgyas kyi chos thams cad kyi 'khor lo'i byin gyi rlabs kun nas rgyu zhing 'byung ba zhes bya'o/ /sa'i lha khyim dri ma med pa'i 'od kyi rnam par thar pa ni/ sangs rgyas kyi zhing thams cad kyi tshul la yang dag par 'jug pa'i chos kyi rgyun sgom pa 'byung ba zhes bya'o/ /de nas sa'i lha dpal gyi me tog kun nas shin tu rgyas pa dri ma med pas sangs rgyas kyi mthus sa'i lha'i dpal gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /sngon chad skad cig skad cig bder gshegs kyis| |brjod du med pa'i snying rje'i sgo rnams dang / /byams pa'i sgo yang mi zad bsgoms pas na/ /de phyir sangs rgyas sku ni mi shigs sra/ /dus gsum gtogs pa'i sems can bsod nams dang / /ji snyed byang chub sems dpa'i bsod nams dag /rgyal ba'i spu gcig de snyed bsod nams 'od/ /bsod nams de mthong rab tu dga' bar 'gyur/ /'byung ba med cing byon pa gang yang med/ /ting 'dzin zhi ba rgya mtshor rab tu zhugs/ /sems can rgyan gyi sa 'di rab tu ston/ /'di ni sna tshogs shing gi ze ba'i sa yin no/ /sngon chad thub pas spyod pa spyad pa dang / /'gro ba'i sgrib pa rnam par zlog pa ni/ /rin chen bkram pa'i 'od kyi sa yin te/ /rnam thar de la dga' bar lha lta'o/ /de bzhin gshegs pa'i sa ni mtha' yas te/ /'jig rten kun tu skad cig skad cig ston/ /dus tshod yang dag ston pa'i sa yi lha/ /dga' bar sangs rgyas yul la rnam par lta/ /sangs rgyas gsung ni mtha' yas bsam mi khyab/ /sems can kun bsgrags nyon mongs zhi bar mdzad/ /gser 'od mig gi dpal ni rab dga' bar/ /sangs rgyas yon tan mtha' yas mnga' ba ste/ /sangs rgyas sprul pas rnam pa kun gzugs su/ /phyogs kun chos kyi dbyings su rgyas par mdzad/ /spu las dri zhim 'od kyi sa yi lha/ /sangs rgyas sems can 'dul ba de la lta/ /phyogs rnams yid 'ong dbyangs kyis gang byas shing / /'gro ba 'di ni phyi mtha'i bskal par brjod/ /yid du 'ong ba'i sgra dbyangs sa yi lha/ / rab tu dga' bar sangs rgyas dbyangs la nyan/ /rgyal ba'i spu las sems can mnyam pa yi/ /spos kyi 'od bkye 'jig rten kun bkang zhing / /sems can ma lus yongs su smin mdzad pa/ /me tog gtsug phud 'phyang bas yang dag mthong / /de bzhin gshegs sku rdo rje lta bu ste/ /mtshams su mi phyed sra ba'i ri bo 'dra/ / 'gro ba kun gyis sangs rgyas bskyod mi nus/ /rdo rje rdul gyi lha ni des dga' 'o/ /de la grong khyer gyi lha rin chen rtse mo'i 'od kyi rnam par thar pa ni/ sems can la phan pa yang dag sbyar ba 'byung ba zhes bya'o/ /grong khyer gyi lha rgyan rnam pa sna tshogs 'byung ba'i rnam par thar pa ni/ 'gro ba'i dbang po yongs su smin par byed pa'i 'dul ba 'byung ba zhes bya'o/ /grong khyer gyi lha rin chen dri med shin tu dga' ba'i rnam par thar pa ni/ sems can thams cad bsod nams dang dga' ba myong bar byed pa zhes bya'o/ / grong khyer gyi lha slos pa'i mya ngan thams cad spong ba'i rnam par thar pa ni/ skyob pa dang / mi 'jigs pa dang / snying rje chen po zhes bya'o/ /grong khyer gyi lha sgron ma shin tu rgyas pa'i mig gi rnam par thar pa ni/ shes rab kyis kun tu rnam par 'byed pa zhes bya'o/ /grong khyer gyi lha 'od 'phro ba'i dpal mngon par 'bar ba'i rnam par thar pa ni| thabs kyi sgo kun nas ston pa'i mthu zhes bya'o/ /grong khyer gyi lha bsod nams kyi shugs snang ba'i 'od kyi rnam par thar pa ni/ 'gro ba kun gyi bsod nams 'byung bas snang ba zhes bya'o/ /grong khyer gyi lha lus dri ma med pas mnyam pa'i 'od kyi rnam par thar pa ni/ sems can rmongs pa thams cad la rmi lam rnam par ston pa'i 'od ces bya'o/ /grong khyer gyi lha spos kyi rgyal mtshan gtsug phud kyi rgyan gyi rnam par thar pa ni/ nyon mongs pa dang mi dge ba'i dri ma rnam par sel cing thams cad mkhyen pa nyid kyi dri yang dag par skyed pa zhes bya'o/ /grong khyer gyi lha rin chen dpal gyi 'od kyi rnam par thar pa ni/ 'gro ba thams cad kyi sgrib pa'i ri rnam par 'joms pa'i 'od ces bya'o/ /de n as grong khyer gyi lha rin po che'i rtse mo'i 'od kyis sangs rgyas kyi mthus grong khyer gyi lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /mgon po'i chos nyid bsam gyis mi khyab ste/ /snang ba brnyes shing phyogs su rnam par mdzes/ /sems can mtha' yas yongs su smin mdzad pa'i// sangs rgyas 'gro ba kun la mngon du snang / /sems can thams cad dbang po sna tshogs te/ /de dag ma lus rgyal bas 'gro bar mkhyen/ /rnam thar 'di ni rab tu thob pa'i phyir/ /sna tshogs 'od 'byung lha yang rab tu dga'/ /rgyal bas bskal pa mtha' yas yang dag spyad/ /sngon chad rgyal bas chos kyang yang dag bzung / /dga' ba'i yid kyis rtag tu de dag blangs| |rnam thar 'di ni dga' ba'i 'od kyis thob/ /'gro ba 'dir ni thugs rje byams bskyed cing / /de bzhin gshegs pas sngon chad sems can rnams| |kun gyi mya ngan mtha' yas rnam par bzlog / nyon mongs yongs su sbyong ba 'di la dga'/ /rgyal ba'i shes rab rgya che mtha' yas te/ /tshad med nam mkha' 'dra zhing mtshungs pa yin/ /de bzhin gshegs pa'i shes rab rnam spyod pas/ /mar me me tog 'od kyi lha dga' 'o/ /de bzhin gshegs pas 'gro mnyam sku gzugs rnams/ /'gro ba kun gyi bsam pa rnams la bstan/ /de 'dra'i tshul la rab tu sgom pa yis/ /mngon du 'od 'phro'i lha de rab tu dga'/ /bsod nams rgya mtsho rgya chen mtha' yas pa/ /sngon chad de bzhin gshegs pas yongs su sbyangs/ /de 'dra'i rnam par thar la rnam lta bas/ /bsod nams dpal gyi 'od de rab tu dga'/ /srid par rab tu rmongs pa'i sems can rnams| |'khor gyur rab rib ldongs pa gzigs pas na/ /de dag phan phyir sangs rgyas mngon du byung / /dri med 'od kyis rnam thar 'di thob bo/ /de bzhin gshegs pa'i rdzu 'phrul stobs la ltos/ /'gro la sprin 'dra mtha' dang dbus kyang med/ /de dag bstan cing 'gro ba rnam par 'dul/ /spos kyi rgyal mtshan 'od kyis 'di mthong ngo / /sems can rmongs pa mun pas ldongs gyur cing / /rnam pa sna tshogs sgrib pas bsgribs gyur pa/ /sangs rgyas 'od kyis rnam par kun shes 'gyur/ /rtse mo'i 'od kyi lha ni 'di la 'jug / de la snying po byang chub kyi lha dge ba dri ma med pa'i rgyan gyis brgyan pa'i rgyal mtshan gyi rnam par thar pa ni/ sangs rgyas mang po mchod pa yang dag par 'byung zhing sngon gyi smon lam gyi rgyan ston pa zhes bya'o/ /snying po byang chub kyi lha ri rab spo'i rin po che'i 'od kyi rnam par thar pa ni/ 'gro ba thams cad dang mngon sum du byang chub kyi spyod pa yang dag par sgrub cing 'byung ba zhes bya'o/ /snying po byang chub kyi lha dbyangs kyi 'brug sgra sgrog pa'i rgyal mtshan gyi rnam par thar pa ni/ sems can thams cad kyi bsam pa la sangs rgyas ston cing / rmi lam gyi mthar sangs rgyas kyi chos kyi 'brug sgra sgrog pa zhes bya'o/ /snying po byang chub kyi lha me tog gi char sna tshogs 'bab pa'i mig gi rnam par thar pa ni/ dka' ba thams cad yongs su gtong zhing / rin po che'i char 'bebs pa'i rgyan ces bya'o/ /snying po byang chub kyi lha 'od 'phro mang po shin tu dri ma med pa'i rnam par thar pa ni/ 'dul ba'i sems can yongs su smin par byed cing / snying po byang chub phun sum tshogs pa rnam pa sna tshogs ston pa zhes bya'o/ /snying po byang chub kyi lha me tog gi phreng ba 'od kyi gtsug phud kyi rnam par thar pa ni/ sems can thams cad kyi dbang po bzhin du chos tshul zab mo dran pa ston pa 'byung ba zhes bya'o/ /snying po byang chub kyi lha rin po che'i rgyan gyi char rab tu 'bebs pa'i rnam par thar pa ni/ dga' ba yang dag par myong ba mtha' yas pa la yang dag par 'jug pa zhes bya'o/ /snying po byang chub kyi lha mthu dam pa spos kyi mig gi rnam par thar pa ni/ sangs rgyas kyi yon tan dang legs pa rab tu brjod pa'i byin gyi rlabs zhes bya'o/ /snying po byang chub kyi lha rdo rje sna tshogs kyi sprin gyi rnam par thar pa ni/ snying po byang chub kyi lha rnam pa mtha' yas pa yang dag par ston pa'i rgyan ces bya'o/ /snying po byang chub kyi lha pad+mo'i shing snang ba'i 'od kyi rnam par thar pa ni/ byang chub kyi shing yongs su zhi bas phyogs rgyas par byed pa zhes bya'o/ /snying po byang chub kyi lha dge ba'i lta ba sna tshogs rnam par ston pa'i 'od kyi rnam par thar pa ni/ de bzhin gshegs pa'i stobs sna tshogs yang dag par rgyu ba zhes bya'o/ /de nas snying po byang chub kyi lha dge ba dri ma med pa'i rgyan gyis brgyan pa'i rgyal mtshan gyis sangs rgyas kyi mthus snying po byang chub kyi lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /bskal pa mang po mtha' dang dbus med par/ /de bzhin gshegs pas ji ltar sngon spyad dran/ /sangs rgyas thams cad mchod cing bsgrubs pas na/ /de phyir de yi bsod nams nam mkha'i tshad| |zhing rnams mtha' yas tshad med 'dra med par/ /mi zad gtong ba'i sgo nas sngon btang bas/ /ri bo'i spo yi 'od kyi lha de ni/ /bder gshegs dran zhing rab tu dga' bar 'gyur| |bder gshegs sprul pa rnam pa mtha' yas pa/ /de dag zhing rnams kun tu rab tu rgyu/ /'gro bar sangs rgyas rmi lam bzhin ston cing / /sprin gyi sgra dbyangs lha de rab tu dga'/ /mtha' yas bskal par dka' ba rab spyad de/ /dang ba'i spyan gyis 'gro la phan pa'i phyir/ /rgya mtsho'i spyan yang yongs su sngon btang ste/ /de la me tog mig gi lha dga' 'o/ /yon tan rin chen 'od 'phro mtha' yas sprin/ /'gro ba kun tu snying po byang chub nas/ /rab tu bkye ba'i sangs rgyas rdzu 'phrul gyis/ /'od 'phro 'gyed pa'i lus kyi lha yang dga'/ /sems can rnams kyi spyod pa rgya mtsho ste/ /de la rgyal ba chos kyi char yang 'bebs/ /ji ltar mos par nem nur rnam par sel/ /de yis gtsug phud 'phyang ba dga' ba thob| |rgyan gyi char 'bebs mig bzang lha de ni/ /sems kyi skad cig gcig gis tshad med pa'o/ /chos don dbyings kyi bye brag mtha' yas pa/ /rgya mtshor tha dad yang dag shes pas 'jug / zhing rnams brjod du med pa thams cad du/ /'gro ba kun la sangs rgyas legs brjod pas/ /de phyir yon tan sangs rgyas zhing kun grags/ /de ni rjes su spos mig lha yang dran/ /mtha' yas shing gi rnam pa sna tshogs gzugs/ /byang chub shing la kun kyang ma lus bstan/ /rdo rje sna tshogs sprin gyi lha de ni| |byang chub shing la dga' bar rnam par lta/ /sangs rgyas ye shes snying po byang chub la/ /phyogs rnams kun tu mtha' dang mu med de/ /pad+mo snang zhing gsal ba'i lha de ni| |rnam thar rnam yangs 'di la rab dga' 'o/ /sangs rgyas stobs rnams yongs dag bsam mi khyab/ /snying po byang chub 'dir ni kun kyang grag /yang dag bsgrubs pas byung ba de dag ni/ /thams cad sna tshogs snang ba'i 'od nyan to/ /de la rkang gis 'gro rin chen dpal gyi phyag rgya'i rnam par thar pa ni/ dga' ba yangs pa rin po che'i char gyis kun tu khyab pa zhes bya'o/ /rkang gis 'gro pad+mo snang ba'i 'od zer gyi 'od kyi rnam par thar pa ni/ sangs rgyas kyi sku 'od zer gyi kha dog pad+mo'i dra ba thams cad du ston pas dga' bar byed pa zhes bya'o/ /rkang gis 'gro me tog gtsug phud kyi dpal dri ma med pa'i rnam par thar pa ni/ sems kyi skad cig thams cad la de bzhin gshegs pa'i 'khor gyi dkyil 'khor gyi dbyibs dang / rgyan 'byung ba zhes bya'o/ /rkang gis 'gro shin tu mdzes par gnon pa'i rnam par thar pa ni/ gom pa 'dor ba thams cad du sems can mtha' yas pa 'dul ba'i rgyan ces bya'o/ /rkang gis 'gro rin chen dpal gyi rgyal mtshan gyi rnam par thar pa ni/ skad cig gcig gis pad+mo'i dra ba sna tshogs sprul pa byed cing rin po che'i char pa dang / dbyangs dang / snang ba kun tu 'gyed pa zhes bya'o/ /rkang gis 'gro dga' ba'i dbyangs snyan pa'i rnam par thar pa ni/ dga' ba'i shugs dang nyams bde ba rgya mtsho mtha' yas pa 'byung ba zhes bya'o/ /rkang gis 'gro shing tsan+dan gyi 'od kyi rnam par thar pa ni/ 'khor gyi dkyil 'khor thams cad du spos kyi ngad sprin du ldang ba zhes bya'o/ /rkang gis 'gro pad+mo yid du 'ong ba'i 'od kyi rnam par thar pa ni/ pad+mo'i gseb thams cad nas yid du 'ong ba'i chos kyi dbyangs 'byung bas snang ba skyed pa zhes bya'o/ /rkang gis 'gro rdul gyi shugs kyi 'od kyi rnam par thar pa ni/ lus kyi 'od zer rnam pa sna tshogs thams cad kyi dra bas snang ba 'byed pa zhes bya'o/ /rkang gis 'gro me tog mang po'i dkyil 'khor gyi rnam par thar pa ni/ sems can thams cad la dge ba'i rtsa ba rgya mtshos yang dag par bskul ba 'byung ba zhes bya'o/ /de nas rkang gis ' gro rin chen dpal gyi phyag rgyas sangs rgyas kyi mthus rkang gis 'gro'i lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /dga' ba rgya mtsho'i tshul gyi shugs bskyed cing / /bskal pa mtha' yas sngon chad spyod pa mdzad/ /zhing rnams kun rdul shin tu phra mnyam pa'i/ /sangs rgyas rnams kyang dgyes pa'i thugs kyis mchod/ /skad cig sems la pad+mo brjod yongs pa/ /dri zhim sna tshogs mngon par sbrul mdzad nas| |zhing rnams kun tu rgyal ba gshegs mdzad pa/ /snang ba'i 'od zer lha des rab tu mthong / /'dren pa rnams kyi chos nyid bsam mi khyab/ /'khor rnams kun tu 'byams klas mtha' yas pa'i/ /rnam par 'phrul pa mi zad rab tu ston/ /me tog gtsug phud lha des de mthong ngo / /phyogs bcu'i zhing gi dbyings rnams ma lus pa/ / thams cad kun tu gshegs shing bzhud pa yis/ /sems can mtha' yas yongs su smin par mdzad/ /shin tu mdzes pas dga' bar de mthong ngo / /sems can snyed kyi sprul pa kun 'phros pa/ /re re'i sku yis chos kyi dbyings kyang 'gengs/ /rin chen dri med 'od kyang rab tu gtong / /rkang 'gro dpal gyi mtshan gyis 'di mthong ngo / / de bzhin gshegs pa'i spyod yul mtha' yas te/ /'khor du rgyal ba chos kyi char yang 'bebs/ /bder gshegs de yi 'khor na dgar gnas shing / /dga' sgra dbyangs kyis rnam thar de mthong ngo / /sangs rgyas dbyangs ni mkha' dang mnyam pa ste/ /dbyangs kyi yan lag yon tan kun dang ldan/ /'jig rten kun bkang sems can rnam par 'dul/ /tsan+dan shing gi 'od ni de la nyan/ /spu rtse kun nas rgyal ba rnam 'phrul dang / /dus gsum gshegs pa'i rgyal ba'i mtshan gyi rnams/ /sgra bsgrags thos shing dga' ba skyer 'gyur te/ / de ni rdo rje 'od kyi lhas mthong ngo / /de bzhin gshegs sku bsam gyis mi khyab ste/ /gom pa gom par yon tan rgya mtsho ston/ /de dag sems can ji ltar mos pas mthong / /rdul gyi 'od kyi lhas ni de mthong ngo / /'jig rten mgon po rnam 'phrul rnam mang gis/ /phyogs bcur sems can yang dag skul bar mdzad/ /me tog 'khor mang rkang pas 'gro ba'i lha| |mthong zhing dga' ba yangs pa rab tu thob/ /de la lus kyi ris su gtogs pa'i lha khrel dang dge bas rgyas pa'i 'od kyi rnam par thar pa ni/ de bzhin gshegs pa rnams kyi sngon gyi smon lam rjes su dran pas rnam par dpyod pa zhes bya'o/ /lus kyi ris su gtogs pa'i lha 'od zer phyogs su snang ba'i rnam par thar pa ni/ 'jig rten gyi khams mu med par sangs rgyas kyi 'od rnam par ston pa'i rgyan ces bya'o/ /lus kyi ris su gtogs pa'i lha sgras 'dul ba rgya mtsho'i dpal gyi rnam par thar pa ni/ sangs rgyas kyi gsung 'dul ba'i sems can thams cad la brjod cing yang dag par bskul bas dga' ba 'byung ba zhes bya'o/ /lus kyi ris su gtogs pa'i lha rgyan bzang po'i me tog gtsug phud kyi rnam par thar pa ni/ de bzhin gshegs pa'i sku nam mkha'i mtshan nyid kyi byin gyi rlabs kun nas rab tu gnas pa 'byung ba zhes bya'o| |lus kyi ris su gtogs pa'i lha spyod yul mtha' yas dpal gyi rnam par thar pa ni/ sangs rgyas thams cad kyi yul 'gro ba rnams la yang dag par ston pa'i mthu zhes bya'o/ /lus kyi ris su gtogs pa'i lha snang ba'i phreng ba 'dzin pa'i dpal gyi rnam par thar pa ni/ sems can thams cad gso ba dang 'dres pa'i mdangs kyis dga' ba zhes bya'o/ /lus kyi ris su gtogs pa'i lha spos dri ma med pa'i sprin las char 'bebs pa'i 'od kyi rnam par thar pa ni/ sems can thams cad kyi nyon mongs pa'i dri ma mngon par sel ba'i sbyor ba zhes bya'o/ /lus kyi ris su gtogs pa'i lha srung 'dzin yongs su sdud pa'i rnam par thar pa ni/ sems can thams cad kyi bdud kyi las dang rmongs pa rnam par zlog pa zhes bya'o/ /lus kyi ris su gtogs pa'i lha sgo kun nas yongs su gnon pa la mngon du gyur pa'i mig gi rnam par thar pa ni/ 'jig rten gyi dbang po thams cad kyi gnas su rgyal ba rnam par dmigs par mngon du ston pa'i rgyan ces bya'o/ /lus kyi ris su gtogs pa'i lha khrel dang dpal mi g.yo ba'i 'od kyi rnam par thar pa ni| sems can thams cad kyi dge ba'i rtsa ba'i shugs thams cad yang dag par 'dzin cing yang dag par sbyong ba zhes bya'o/ /de nas lus kyi ris su gtogs pa'i lha khrel d ang dge bas rgyas pa'i 'od kyis sangs rgyas kyi mthus lus kyi ris su gtogs pa'i lha'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /ri rab rdul phran shin tu phra snyed kyi/ /bskal pa de dag pha snga'i bskal pa ni/ /rdul ces bya bar 'od mdzes 'od zer rgyal/ /mchod de smon lam btab pa bdag gis dran/ /sangs rgyas sku las 'od 'phro rab bkye ba/ /de yi 'od zer chos kyi dbyings su rgyu/ /rgyal ba'i 'od zer dra ba sems can 'dul/ /'od 'phro 'od zer lha yis de mthong ngo / /dbyangs kyi yan lag yon tan kun rgyas pa'i/ /sangs rgyas gsung ni zhing rnams kun tu sgrog/ /'gro ba ma lus thams cad yang dag skul/ /dbyangs kyis 'dul ba de la dga' bar nyan/ /rgyal ba'i sku ni rab tu zhi la ltos/ /sku gzugs du ma'ang mtshan nyid mi mnga' ste/ /'gro ba kun na'ang bzhugs par rab tu snang / /me tog gtsug gis ji bzhin nyid du mthong / /'dren pa'i chos nyid bsam gyis mi khyab ste/ /sems can de dag dad pa ji bzhin du/ /la la bzhugs dang bzhengs dang gshegs par mthong / /de yang spyod lam 'byung ba'i lhas mthong ngo / /rgyal ba'i tshems kyi mtshams rnams thams cad nas/ /dri zhim 'od 'phro sgron ma'i sprin bkye bas| |'gro ba kun gyi nyon mongs zhi bar 'gyur/ /dri med spos kyi sprin gyis de mthong ngo / /sangs rgyas mgon po 'gro ba'i skyabs su byung / /nyon mongs rmongs shing sdug bsngal gzir ba rnams/ /mgu bar mdzad cing nyon mongs thams cad bcil/ /snang ba'i phreng ba 'chang bas 'di mthong ngo / /'dren pa bskal pa brgyar yang shin tu dkon// rang byung 'jig rten don mdzad skyes pa ni/ /'jig rten kun gyi dbul ba rnam par sel/ /khrel yod dpal gyi 'od snang de skad smra/ /sems can nyon mongs sgrib pas nyon mongs shing / /bdud kyi las kyis dkrugs te 'phyan pa'i rnams/ /de dag rgyal ba rnam thar lam ston te/ /srung zhing skyong ba'i dpal gyis de mthong ngo / /de bzhin gshegs pa'i rnam par 'phrul ba ltos/ /sangs rgyas sprin gyis chos kyi dbyings mnan cing / /'jig rten dbang po gnas su sems can 'dul/ /kun sgo'i mig gi dpal gyi spyod yul lo| |de la lag na rdo rje mthu chen kha dog bzang po'i 'od kyi rnam par thar pa ni/ yon tan mtha' yas pa dang gzugs kyi sku rnam par dpyod pa yang dag par ston pa zhes bya'o/ /lag na rdo rje nyi ma'i shugs kyi rgyal mtshan gyi rnam par thar pa ni/ sangs rgyas thams cad kyi ba spu las nyi ma'i dkyil 'khor gyi sprin sna tshogs kyi rgyan 'byung ba zhes bya'o/ /lag na rdo rje ri rab me tog 'od kyi rnam par thar pa ni/ rnam par 'phrul ba rgya chen po bstan pas yon tan mtha' yas pa'i lus su 'phrul ba zhes bya'o/ /lag na rdo rje rnam dag sprin gyi dbyangs kyi rnam par thar pa ni/ de bzhin gshegs pa'i dbyangs mtha' yas tshad med pa'i rjes su song ba zhes bya'o/ /lag na rdo rje dbang po shin tu mang ba'i rnam par thar pa ni/ 'jig rten gyi dbang po thams cad kyi rnam par 'phrul pa ston cing / sangs rgyas kyi byin gyi rlabs kyis yang dag par bskul ba zhes bya'o/ /lag na rdo rje rdo rje'i 'od yid du 'ong ba'i rnam par thar pa ni/ sangs rgyas kyi chos kyi dbyings rab tu phye ba thams cad ma lus pa la yang dag par spyod pa zhes bya'o/ /lag na rdo rje shing gi sgra dbyangs kyi rnam par thar pa ni/ shing gi lha thams cad 'dren pa'i rgyan yid du 'ong bas brgyan pa zhes bya'o/ /lag na rdo rje seng+ge'i 'od kyi rgyal po'i rnam par thar pa ni/ de bzhin gshegs pa'i bsod nams kyi dkyil 'khor yangs pa'i tshogs kyi rjes su 'brang ba'i 'od ces bya'o/ /lag na rdo rje 'od 'phro stug po dpal gyi mig gi rnam par thar pa ni/ sems can mi rungs pa'i rgyud la lus 'jigs 'jigs ltar rab tu ston cing kun tu rnam par lta ba zhes bya'o/ /lag na rdo rje rin chen gtsug phud pad+mo 'od kyi rnam par thar pa ni/ byang chub sems dpa'i rgyan thams cad kyis brgyan pa'i gtsug gi nor bu rin po che thams cad kyi char mngon par 'bebs pa zhes bya'o/ /de nas lag na rdo rje mthu chen kha dog bzang po'i 'od kyis sangs rgyas kyi mthus lag na rdo rje'i 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /chos rgyal chos kyis mdzes pa yi/ /chos nyid de la rnam par ltos/ /yon tan mtha' yas sku gzugs kyis/ /'jig rten kun tu rnam par mdzes/ /sangs rgyas ba spu thams cad nas| |'od zer dra ba bsam mi khyab/ /nyi ma'i dkyil 'khor 'dra ba ste/ /phyogs bcu kun tu rnam par mdzes/ /sangs rgyas rnam 'phrul de dag gis/ /chos kyi dbyings su khyab byas shing / /'gro ba kun gyi mngon sum du/ /mi zad sku ni shin tu ston/ /sangs rgyas gsung gi dkyil 'khor ni/ /zhing rnams kun tu rab tu sgrog /gsung gi sems can thams cad kyi| |bsam pa thams cad rab tu 'gengs/ /'jig rten dbang po kun gnas na/ /thub pa rab tu bzhugs par snang / /de dag thams cad 'khor rnams la/ /'dren pa dag ni chos ston mdzad| |rgya mtsho chos kyi sgo bskul bas/ /gzhan dang gzhan gyi tshul dag gis/ /thams cad chos kyi bye brag don/ /rgyal ba zad med rab tu ston/ /rgya chen mtha' med tshul dag la/ /rgya mtsho 'khor rnams rab tu 'jug/ sangs rgyas 'od zer rab 'dres pas/ /kun gyis 'dren pa mthong bar 'gyur/ /zhing rnams bye ba'i rdul snyed du/ /rdzogs pa'i sangs rgyas kun mchod pas/ /bsod nams rgya chen nam mkha' bzhin/ /kun gyis 'dren pa rab tu mthong / /sangs rgyas rdzu 'phrul ma 'dres pa/ /thams cad zhing du ston pa mdzad/ /'gro la sangs rgyas mngon sum du/ /byang chub snying por rnam par mdzes/ /'od zer sna tshogs dkyil 'khor gyi/ /'od 'phro sprin ni kun tu snang / /chos dbyings kun tu khyab byas shing / /sangs rgyas spyod yul rab tu ston/ / bam po lnga pa/ de la byang chub sems dpa' kun tu bzang po'i rnam par thar pa ni/ tshul gyi rgya mtsho bsam gyis mi khyab pas de bzhin gshegs pa'i yon tan rgya mtsho la 'jug ste| 'di ltar sangs rgyas kyi zhing thams cad yongs su dag par bya ba dang / 'gro ba 'dul ba la mthar thug par mngon par sgrub pa zhes bya ba'i rnam par thar pa dang / de bzhin gshegs pa thams cad kyi zhabs kyi drung du phyin pas yon tan gyi tshogs thams cad kyi yul zhes bya ba'i rnam par thar pa dang / byang chub sems dpa' thams cad kyi sa nas sar smon lam rgya mtshos rab tu gnas pa 'byung ba zhes bya ba'i rnam par thar pa dang / sgo thams cad nas chos kyi dbyings su bdag gi lus kyi sprin rdul snyed mtha' yas pas rgyas par 'gengs pa zhes bya ba'i rnam par thar pa dang / zhing thams cad du rang gi ming bsam gyis mi khyab pa'i 'khor lo sgrog pa'i byin gyi rlabs zhes bya ba'i rnam par thar pa dang / rdul shin tu phra ba thams cad kyi sbubs su byang chub sems dpa'i yul dang / rnam par 'phrul pa mtha' dang dbus med pa yang dag par ston pa zhes bya ba'i rnam par thar pa dang / dus gsum gyi bskal pa skad cig gcig tu ston pas 'byung ba dang 'jig pa rab tu 'byung ba zhes bya ba'i rnam par thar pa dang / byang chub sems dpa' thams cad kyi dbang po rgya mtsho'i yul phan tshun du 'jug pa yang dag par ston pa zhes bya ba'i rnam par thar pa dang / gang 'di chos kyi dbyings mtha' dang dbus med par rang gi lus kyi sprul pas rgyas par rnam par 'phrul pa'i byin gyi rlabs zhes bya ba'i rnam par thar pa dang / gang 'di byang chub sems dpa'i chos thams cad kyi tshul phan tshun du ston pa rgya chen pos thams cad mkhyen pa nyid kyi tshul la 'jug pa zhes bya ba'i rnam par thar pa bdag go / de nas byang chub sems dpa' kun tu bzang po rnam par thar pa'i tshul rgya mtsho bsam gyis mi khyab pa dag gis de bzhin gshegs pa'i yon tan rgya mtsho la 'jug cing / sangs rgyas kyi mthus 'khor rgya mtsho yod pa thams cad la rnam par bltas nas de'i tshe tshigs su bcad pa 'di dag smras so/ /zhing rnams rgyal bas dri med rnam par sbyangs/ /mkha' yangs rdul bzhin yon tan tshad kyang med/ /sngon gyi rgyal ba'i sras po dri med pa/ /de la bsam yas chos sprin char yang phab/ /ji ltar rgyal ba gdan la bzhugs snang ba/ /de bzhin rdul sbubs ma lus kun na'ang ste/ /'on kyang bder gshegs gshegs dang 'pho ba med/ /zhing rnams kun tu yul med rab tu ston/ /sa yi tshul la 'jug pa tshad med de/ / spyod pa thub pas byang chub sems dpa' bstan/ /bsam gyis mi khyab tshul ni kun gsungs pas/ /rgyal sras rnams ni chos kyi dbyings la 'jug/ /chos dbyings 'jug tshul rnam pa rgya che ste/ /mtha' yas phyogs su mtha' dang dbus med sgo/ /rdul phran sbubs su rgyal ba 'phrul ba spros/ /'gro ba'i bsam pa kun kyang rab tu mkhyen/ / phyogs rnams thams cad zhing rnams kun tu yang / /'jig rten gtso mtshan 'gro dang mnyam par byung / /thams cad tshul sgor sangs rgyas don yod de/ /'dul bas sems can thams cad rnam par sbyong / /rdul sbubs kun tu mtha' dang dbus med pa'i/ /rnam 'phrul yangs pa rang byung shin tu ston/ /sngon chang thub pa'i byang chub spyod pa rnams/ / ji bzhin kun kyang snying po byang chub brjod/ /yangs dus bskal pa ji snyed yod pa'i rnams/ /skad cig skad cig sangs rgyas ma lus ston/ /der ni sems can 'byung zhing 'jig pa'ang bstan/ /'jig rten gtso bo'i ye shes bsam yas ltos/ /'byams klas mi zad mtha' yas lo grangs pas/ /rgyal sras thams cad sangs rgyas sa lta ste| |thams cad sgor yang sangs rgyas mtha' dbus med/ /rgyal sras kun gyis shes par smra ba min/ /sangs rgyas mkhan 'dra rnam par mi rtog ste/ /chos nyid mi gnas chos kyi sprin dag gis/ /sprul pas spyod tshe kun tu rgyas mdzad cing / /shing mchog kun drung byang chub 'tshang rgya bstan/ /sangs rgyas gsung de rab tu brjod pas na/ /chos gnas thams cad ma lus brjod pa yin/ /'gro ba thams cad re re'i sgo dag nas/ /sangs rgyas chos rnams kun la rab tu 'jug /de la byang chub sems dpa' dge ba dri ma med pa'i gzi brjid kyi 'od yid du 'ong ba'i rnam par thar pa ni/ chos kyi dbyings thams cad du mngon par byang chub sems dpa'i 'khor gyi dkyil 'khor du 'gro ba'i rgyan byed pa zhes bya'o/ / byang chub sems dpa' yon tan 'ong mchog kun tu sgron ma'i rnam par thar pa ni/ sems skad cig gis mngon par rdzogs par byang chub pa'i sgo zad mi shes pa ston cing chos kyi dbyings bsam gyis mi khyab pas yongs su smin pa dang / rnam par 'dul bar byed pa'i 'od ces bya'o/ /byang chub sems dpa' kun tu 'bar ba seng+ge'i rgyal mtshan gyi rnam par thar pa ni/ byang chub sems dpa' thams cad kyi bsod nams kyi tshogs dang / zhing yang dag par 'byung ba la rnam par lta ba zhes bya'o/ /byang chub sems dpa' dpal gyi 'od zer kun tu 'od 'phro ba'i rnam par thar pa ni/ rdzu 'phrul gyi yul gyis rnam par spyod pa don yod pa zhes bya'o/ /byang chub sems dpa' yon tan rgya mtsho kun tu sgra dbyangs rgyal mtshan gyi rnam par thar pa ni/ sangs rgyas kyi zhing gi rgyan thams cad 'khor gyi dkyil 'khor du yang dag par ston pa zhes bya'o/ /byang chub sems dpa' de bzhin gshegs pa'i spyod yul ye shes kun tu snang ba'i 'od kyi rnam par thar pa ni/ de bzhin gshegs pa'i rjes su kun nas song zhing chos kyi dbyings la rnam par spyod pa'i sprin chen po'i snying po zhes bya'o/ /byang chub sems dpa' gtsug na rin chen kun tu rgyal mtshan gyi rnam par thar pa ni/ 'gro ba thams cad kyi spyod pa la rab tu zhugs shing byang chub sems dpa'i spyod pa mtha' yas pa shin tu 'byung ba zhes bya'o/ /byang chub sems dpa' rgyal ba'i gsung kun tu 'jam dbyangs kyi rnam par thar pa ni/ sangs rgyas thams cad bsnyen bkur zhing mchod par nye bar 'gro ba'i snying po zhes bya'o/ /byang chub sems dpa' bsod nams mi zad dri med kun tu gzi brjid kyi rnam par thar pa ni/ rdzu 'phrul dang rnam par 'phrul pa thams cad kyi byin gyi rlabs rgya chen po 'byung ba zhes bya'o/ /byang chub sems dpa' mtshan gyi 'od zer kun tu snang ba'i rnam par thar pa ni/ de bzhin gshegs pa sku med pa las sangs rgyas kyi yul thams cad 'byung ba zhes bya'o/ /de nas byang chub sems dpa' sems dpa' chen po dge ba dri ma med p a'i gzi brjid kyi 'od yid du 'ong bas sangs rgyas kyi mthus byang chub sems dpa'i rnam par thar pa rgya mtsho'i phyogs thams cad la rnam par bltas nas de'i tshe tshigs su bcad pa 'di dag smras so/ /ji snyed gang dag phyogs rnams kun gyi zhing / /rgyal bas de kun skad cig dgongs pas sbyangs/ /'gro bar kun tu zhi ba med pa'i gsung / /sangs rgyas chos kyi 'khor lo rgya chen bskor/ /skad cig dgongs pas chos dbyings kun bkang ste/ /mtha' yas spyod yul dbyangs rnams rgyal ba ston/ /'gro ba kun lam snying po byang chub tu/ / byang chub 'tshang rgya rnam par 'phrul ba mdzad/ /bskal pa brgya phrag stong rnams tshad med du/ /de bzhin gshegs pas sngon chad spyod spyad de/ /nam mkha' 'dra bar byas nas rab bkye zhing / /sangs rgyas zhing 'di sngon tshe rab tu sbyangs/ /mtha' dang dbus med bskal par la la yis/ /skyo ba med par rgyal ba'i yul bsam yang / /sangs rgyas rdzu 'phrul stobs la mtha' dbus med/ /phyi ma'i mtha' yi bskal pa kun tu 'gengs/ /rgyal ba'i rdzu 'phrul yul la rnam par ltos/ /phyogs bcu'i zhing rgyan de dag rnam dag pa/ /rgyal bas 'dir ni kun kyang rab tu bstan/ /skad cig skad cig sna tshogs gzugs kyang snang / /bskal pa brgya stong tshad med pa dag tu/ /rgyal ba'i ba spu gcig mtha' shes par dka'| |tshul rnams kun sgor sangs rgyas chags pa med/ /'gro ba 'di na rgya chen bsam yas mdzes/ /sngon tshe'i bskal par rgyal bas 'gro kun tu/ /sangs rgyas rgya mtsho rgya chen bsnyen bkur bas/ /de bas 'jig rten gtso la chos dbyings rnams/ /kun nas mchod pa mang po rgya chen 'byung / /phyogs rnams bkang ste sangs rgyas byung ba dag / rdul gyi sbubs su tshad med zhing yang ston/ /de dag yul du mi zad mtha' yas pa'i/ /bskal pa rgya mtshor byin gyis rlob pa mdzad/ /sngon tshe'i bskal par rgyal bas 'gro don spyad/ /thugs rje'i rgya mtsho tshad med rab bskyed cing / /'gro ba rgya mtsho kun nas 'khor ba yi/ /'khor rnams rgya mtsho mtha' yas kun kyang sbyangs/ / sangs rgyas mtshan med sku med rdul dang bral/ /de bzhin nyid gnas chos dbyings snying po ste/ /'gro ba kun na mtha' yas gzugs su snang / /'gro ba kun gyi sdug bsngal kun zhi mdzad/ /de la byang chub sems dpa' 'od zer rgya mtsho 'od chen dpal gyi zla ba'i rnam par thar pa ni/ pha rol tu phyin pa dang sa'i shugs kyis sems can gyi khams kyi tshul dang / sangs rgyas kyi zhing rnam par dag par 'byung ba zhes bya'o/ /byang chub sems dpa' sprin gyi nga ro rgya mtsho dri med 'od kyi snying po'i rnam par thar pa ni /byang chub sems dpa' thams cad kyi sems skad cig la chos kyi dbyings kyi tshul gyis khyim sna tshogs la rnam par lta ba zhes bya'o/ /byang chub sems dpa' yon tan rin chen 'byung ba ye shes dpal gyi gtsug phud kyi rnam par thar pa ni/ bskal pa bsam gyis mi khyab par 'gro ba rnams la mngon sum du yon tan dri ma med pas yongs su dag pa sgrub pa zhes bya'o/ /byang chub sems dpa' rgya chen 'od 'bar blo gros dbang phyug gi rnam par thar pa ni/ byang chub sems dpa' thams cad kyi snying po byang chub tu thog ma 'gro ba'i ye shes kyi phyogs yang dag par 'byung ba'i rgyan ces bya'o/ /byang chub sems dpa' pad+mo rnam par gnon pa 'od zer gtsug phud kyi rnam par thar pa ni/ sangs rgyas kyi chos thams cad dang tha mi dad par 'gro ba thams cad kyi dbang po dang mos pa rgya mtsho'i 'od ces bya'o/ /byang chub sems dpa' kun tu ye shes sprin gyi nyi ma'i rgyal mtshan snang ba'i rnam par thar pa ni/ sangs rgyas kyi ye shes sgrub par bskal pa mtha' yas pa dag tu byin gyis rlob cing rnam par spyod pa zhes bya'o/ /byang chub sems dpa' mthu stobs brtson 'grus rdo rje yangs pa'i snying po'i rnam par thar pa ni/ chos thams cad kyi phyag rgya mtha' dang dbus med pa la yang dag par 'jug pa zhes bya'o/ /byang chub sems dpa' spos kyi 'od 'phro shin tu 'bar ba'i 'od kyi rgyal mtshan gyi rnam par thar pa ni/ sangs rgyas da ltar byung ba thams cad kyi thog ma'i byang chub sems dpa'i spyod pa shes pa'i dkyil 'khor yang dag par sgrub pa zhes bya'o/ /byang chub sems dpa' rnam par snang mdzad yon tan yangs pa'i rgyal mtshan gyi rnam par thar pa ni/ rnam par snang mdzad kyi smon lam rgya mtsho thams cad kyi dbyings la rab tu gnas pa zhes bya'o/ /byang chub sems dpa' bsod nams yangs pa shin tu 'phags pa'i 'od mchog yon tan 'byung ba'i blo gros kyi rnam par thar pa ni/ sangs rgyas kyi yul zab mo chos kyi dbyings thams cad la kun nas rab tu gnas par rnam par spyod pa zhes bya'o/ /de n as byang chub sems dpa' 'od zer rgya mtsho 'od chen dpal gyi zla bas sangs rgyas kyi mthus byang chub sems dpa' rnam par phye ba rgya mtsho mtha' yas pa la rnam par bltas nas de'i tshe tshigs su bcad pa 'di dag smras so/ /pha rol phyin pa rgya mtsho bsam yas dang / /sa yi dkyil 'khor rgya chen kun kyang yongs su rgyas/ /tshad med sems can rnam par 'dul ba'i tshe/ /sangs rgyas zhing yangs rnams kyang rnam par sbyangs/ /phyogs bcu'i sangs rgyas zhing kun rgyas byas te/ /sangs rgyas sems can khams sbyin 'dul mdzad pa/ /skad cig dgongs pas chos kyi 'khor lo dag /mtha' yas 'gro mnyam bsam pa tshim par gsungs/ /bskal pa rgya che mi zad mu med par/ /rgyal ba 'gro la mngon sum kun nas bzhugs/ /mgon pos sngon chad ji ltar sbyangs tshul du/ /rgyal bas spyod yul rnam dag rab tu bstan/ /chos rgyal de dag ji ltar rnam 'phrul ba/ /phyogs rnams rgya mtsho ma lus kun na snang / /snying po byang chub kun na'ang rgyal ba dag/ 'khor gyis bskor cing chos rnams gsung ba snang / /'gro ba'i bsam pa thams cad tshim mdzad cing / /'jig rten dag na sangs rgyas tshul kun mdzes/ /dbang po ji bzhin chos kyi char pa 'bebs/ /sangs rgyas chos sku yangs pa rnam par mdzes/ /de bzhin nyid ltar mtshan nyid lus med de/ /rgyal ba dri med 'od gsal chos kyi sku/ /ye shes zhi ba'i sku ni tshad med de/ /phyogs dbyings kun bkang chos kyi char yang 'bebs/ /chos rje thams cad stobs kyis rnam par dag /bder gshegs ye shes mkha' 'dra mtha' yas te/ /rgya chen 'gro ba mtha' dbus med bkang zhing / /rgyal ba stobs la 'jug pa rab tu ston/ /sangs rgyas 'od kyis chos dbyings kun bkang zhing / /sangs rgyas spyod pa thams cad rdzogs par bstan/ /rgyal bas sngon tshe ji ltar rnam sbyangs pa/ /de bzhin ye shes sa rnams rgyal bas bstan/ /phyogs rnams kun tu rang byung rnam par mdzes/ /smon lam rnam par 'phrul pa ma lus ston/ /ji ltar sngon tshe rgyal bas yongs sbyangs pa/ /rgyal ba'i 'od zer dra ba kun nas sgrog /sangs rgyas yul ni phyogs su zad pa med/ /dbus dang mtha' med gzhal med mtha' yas dbyings/ /chos dbyings kun tu chags med brnyas pa ni/ /sangs rgyas zhing rnams kun na shin tu mdzes/ /de'i tshe bcom ldan 'das kyi seng+ge'i khri dang / pad+mo'i ze ba'i dri thams cad dang / nor bu'i rgyal po thams cad kyi ngos dang / 'khor lo'i lte ba thams cad dang / me tog gi ze ba'i dri thams cad dang / stegs bu'i ngos thams cad dang / rta babs kyi sgo thams cad dang / nor bu'i gzugs kyi ngos thams cad dang / rin po che 'od 'phro ba'i sgo thams cad dang / 'od zer sgron ma'i sgo thams cad dang / seng+ge'i khri'i rgyan gyi sgo thams cad nas sangs rgyas kyi zhing gi rdul shin tu phra ba snyed kyi byang chub sems dpa' mang po thon par gyur te/ 'di ltar byang chub sems dpa' rgya mtsho'i blo gros rnam par rol pa'i ye shes mngon par shes pa'i rgyal po zhes bya ba dang / byang chub sems dpa' sgra dbyangs kun tu sgrog pa dang / byang chub sems dpa' nor bu rin po che sna tshogs kyi 'od kyi dkyil 'khor gyi gtsug phud dang / byang chub sems dpa' ye shes chen po'i nyi mas rab tu gnon pa'i blo gros dang / byang chub sems dpa' yon tan rin po che bsam gyis mi khyab pa ye shes rgya mtsho'i dpal dang / byang chub sems dpa' mig brgya pad+mo sna tshogs kyi gtsug phud dang / byang chub sems dpa' nam mkha'i tshul pad+mo sna tshogs kyi gtsug phud dang / byang chub sems dpa' gser gyi 'od 'phro gzi brjid dkyil 'khor gyi 'od dang / byang chub sems dpa' kun tu sgra chos kyi dbyings kyi dbyangs dang / byang chub sems dpa' sprin yid du 'ong ba dri ma med pa'i zla ba dang / de dag la sogs pa byang chub sems dpa' sangs rgyas kyi zhing gi rdul shin tu phra ba snyed mchod pa'i sprin rnam pa sna tshogs rab tu 'gyed cing 'di ltar nor bu rin po che'i me tog gi sprin thams cad ni/ rab tu 'byin/ spos kyi sprin thams cad ni/ shin tu 'gyed/ rin po che'i 'od kyi dkyil 'khor gyi sprin thams cad ni/ mngon par 'byin/ yul mtha' yas pa'i spos kun tu 'phro ba'i bdug pa'i sprin ni| rnam par 'gyed cing / nor bu nyi ma'i snying po'i 'khor lo'i 'od kyi dkyil 'khor gyi sprin ni/ rab tu gtong / sil snyan gyi sgra dbyangs yid du 'ong ba'i sprin ni/ rab tu sgrog/ rin po che'i 'od 'phro ba kha dog mtha' yas pa'i sgron ma'i sprin gyis ni/ rab tu snang bar byed/ nor bu sna tshogs kyi shing gi yal ga las me tog gi dog pa ni/ rnam par spyod/ rin po che'i 'od dri ma med pa zad mi shes pa'i nor bu'i rgyal po'i char ni/ rab tu 'bebs /rgyan mdzes pa thams cad yang dag par ston pa'i nor bu'i rgyal po'i sprin gyi char ni/ rab tu 'bebs shing / de lta bu dag la sogs pa byang chub sems dpa' re re zhing yang sangs rgyas kyi zhing gi rdul shin tu phra ba snyed kyi mchod pa'i sprin gyi char rab tu 'bebs par byed cing lhags par gyur te/ bcom ldan 'das la lan brgya stong du mar g.yas phyogs su bskor ba byas te 'khor gyi dkyil 'khor rgya mtsho yod pa thams cad du mchod pa'i sprin rgyun mi 'chad pa'i char mngon par phab nas gang nas 'ongs pa'i phyogs su brten te/ de bzhin gshegs pa la mngon du bltas nas seng+ge'i khri rin po che sna tshogs du ma'i pad+mo'i snying po can dag mngon par sprul te skyil mo krung bcas nas 'khod par gyur to/ /byang chub sems dpa' de dag thams cad kyang spyod yul rgya mtsho rgya chen po yongs su dag pa rnams so/ /sgo kun nas chos kyi snang ba rab tu thob pa rnams so/ /de bzhin gshegs pa'i spyod yul chags pa med pa'i rjes su 'brang ba rnams so/ /so so yang dag par rig pa thams cad kyis chos rgya mtsho la zhugs pa rnams so/ /rnam par thar pa bsam gyis mi khyab pa'i snang ba rab tu thob pa rnams so| |sgo kun nas de bzhin gshegs pa'i sa'i dbyings rab tu thob pa rnams so/ /gzungs kyi sgo rgya mtsho thams cad kyis chos rgya mtsho rab tu 'dzin pa rnams so/ /dus gsum mnyam pa nyid kyi ye shes kyi sa la rab tu gnas pa rnams so/ /dga' ba'i shugs rgya chen po'i rab tu thob pa rnams so/ /bsod nams kyi dkyil 'khor mu med pa yongs su dag pa rnams te/ chos kyi dbyings dang nam mkha' la rnam par rgyu zhing / sangs rgyas thams cad mchod pa mngon par sgrub pa la rab tu brtson pa sha stag go /de nas byang chub sems dpa' r gya mtsho'i blo gros rnam par rol ba'i ye shes mngon par shes pa'i rgyal pos sangs rgyas kyi mthus 'khor gyi dkyil 'khor rgya mtsho thams cad la rnam par bltas nas de'i tshe tshigs su bcad pa 'di dag smras so/ /sangs rgyas rnam par sangs rgyas mnyam nyid mkhyen/ /chags med brnyes pas nam mkha' lta bu ste/ /phyogs rnams zhing kun rab tu snang byas nas/ /'byams klas 'khor na bzhugs pa rnam par mdzes/ /bder gshegs rang byung mtha' dang dbus med de/ /thams cad phyogs kyi chos dbyings kun rgyas par/ / dbang phyug chen po kun gyis mchod bskor cing / /shing gi rgyal po kun gyi drung na bzhugs/ /de bzhin gshegs pa'i rdzu 'phrul stobs dag gis/ /skad cig sems la mi zad yon tan gzugs/ /rnam thar gzhan dang gzhan dag thob pas mthong / /de bzhin gshegs pa'i yul ni mtha' yas so/ /bskal pa rgya mtshor sngon chad spyod pa'i tshe/ /de bzhin gshegs pas srid pa rgya mtsho 'dir/ /sna tshogs thabs kyis sems can smin byas pa/ /de dag rgyal ba de yi chos 'dzin to/ /yongs dag dri med 'khor rnams 'khod pa dag / thams cad sangs rgyas lta zhing rnam par gnas/ /pad+mo'i snying po pad+mo'i gdan bzhugs pa/ /tshogs kyi nang na rgyal ba mngon par mdzes/ / sangs rgyas gang la bzhugs pa'i seng+ge'i khri/ /rin chen nor bu'i rgyal po'i 'od 'phro zhing / /spos 'phro'i sprin rnams mtha' yas rab tu 'byung / /snying po du ma'i me tog phreng dpyangs pa'o/ /rin chen 'od 'phro'i sprin ni rtag tu 'gyed/ /'od zer sgron ma rgya chen rab tu 'bar/ /rta babs rnam pa sna tshogs rnams kyis brgyan/ /thub pa de bzhugs mngon par rab tu mdzes/ /sgra dbyangs yid du 'ong ba rab tu 'gyed/ /rin chen tshon du sna tshogs pad+mo 'phyang / /nor bu'i rgyal pos skar khung kun nas brgyan/ /sangs rgyas de bzhugs rnam par rab tu mdzes/ /zla gam rin chen mang pos yongs su bzung / /rdo rje 'od 'phro snang ba'i snying pos brgyan/ /gtsug na nor bu'i byang chub sems dpas bzung / /sangs rgyas de bzhugs rnam par shin tu mdzes/ /phyogs bcur sprul pa'i dra ba rab bkye zhing / /de bzhin gshegs pa'i smon lam sgra yang sgrog /gzugs brnyan bzhin du zhing rnams kun na snang / /thub pa de 'dra'i seng+ge'i gdan la bzhugs/ /de nas byang chub sems dpa' sgra dbyangs kun tu sgrog pas sangs rgyas kyi mthus 'khor gyi dkyil 'khor yod pa thams cad la rnam par bltas te/ de'i tshe tshigs su bcad pa 'di dag smras so/ /'di ni bder gshegs sangs rgyas byin rlabs te/ /byang chub spyod pa sngon chad spyad pa dang / /sangs rgyas mchod pa'i mchod pa du ma dag / rgyal ba'i gdan las de dag thams cad snang / /spos 'od snang ba nor bu'i rgyal po can/ /me tog snying po seng+ge'i gdan gyi 'khor/ /rgyan rnams thams cad gzugs brnyan gyur pa dang / /'khor rnams de dag thams cad kun bkang ste/ /skad cig skad cig rgyan gyi kha dog kun/ /rnam pa du mar sangs rgyas gdan las snang / /sems can ji ltar mos pa de dag kyang / /'khod cing sangs rgyas tshad med gdon la lta/ /rin chen lda ldi pad+mo mang btags pa/ /phye zhing byang chub sems dpa' mang po rnams| |sgra dbyangs yid du 'ong ba rab 'byin cing / /sangs rgyas gdan la bzhugs la bstod pa byed/ /sangs rgyas bsod nams tshad med nam mkha' bzhin/ /'di dag rgyan kun de las rab tu byung / /sa rnams re re'i rgyan rnams gang yod pa/ /'gro ba kun gyis de dag bsam mi nus/ /mi phyed mtshams kyi rdo rje sna tshogs pa/ /'khor yangs rnam dag shin tu mnyam pa ste/ /nor bu'i dra ba sna tshogs kun tu bkram/ /byang chub shing gi sa yi 'khor kun to/ /sa phyogs gang na rgyal ba'i gdan yod pa/ /kha dog mtha' yas rgya chen sna tshogs te/ /me tog mngon gtor rin chen rnam par bkram/ /gser tshon mdzes pas de ni rab tu brgyan/ /sa yi lha mo de dag rab dga' zhing / / skad cig sems kyis mi zad sa yang ston/ /kun kyang rgyal ba'i zhal du mngon lta zhing / /kha dog thams cad rgyan gyi sprin gtong ngo / /rin chen sgron ma mang po gsal bar 'bar/ /spos mang dri zhim mang po rtag tu 'byung / /dus dang tshod kyi rnam pa mang ston cing / /lha rnams kun kyang sangs rgyas mchod pa byed/ /phyogs rnams bcu na zhing rnams ji snyed pa/ /de dag sa rgyan phun sum tshogs yod pa/ /de dag kun kyang sa dkyil 'di na snang / /sangs rgyas byin rlabs mnyam pa med pas byung / /de nas byang chub sems dpa' nor bu rin po che sna tshogs kyi 'od kyi dkyil 'khor gtsug phud kyis sangs rgyas kyi mthus 'khor gyi dkyil 'khor yod pa thams cad la rnam par bltas te/ de'i tshe tshigs su bcad pa 'di dag smras so/ /sngon chad spyad pa spyod pa'i tshe dag tu/ /zhing kun phun sum tshogs pa mthong ba rnams/ /snying po byang chub 'khor gyi sa 'di la/ /mi zad sa dang de dag rab tu snang / /rnam thar yangs pa gang na snang ba yi/ /sa la rin chen mdzes kun rnam par bkra ma/ /rin chen mang pos dkyil 'khor kun tu gtor/ /sangs rgyas 'od kyis sprin kyang rab tu snang / /sa rnams kun brgyan shing gi dam pa'i drung / /kun nas nor bu'i rgyal pos brgyan byas las/ /bsod nams 'od kyi dbyangs kyi 'brug sgra 'byung / / sangs rgyas rdzu 'phrul tshul yang rab tu brjod/ /rin chen mang po sgron ma'i char phab cing / /rin chen mdzes par bkod pa rnam par mdzes/ /sgra dbyangs kun gyi 'brug sgra shin tu sgrog / sa yi lha rnams sa yang yang dag ston/ /rin chen 'od 'phro sgron ma rnam par snang / /'od zer sprin ni sa las rab tu 'byung / /nor bu dra ba sil ma kun nas bkram/ /rin chen sna tshogs rigs kyis yan lag brgyan/ /sa rnams kun nas mdzes pa 'di dag ltos/ /rin chen mang po tshon bzang rgyan du bkye/ /'gro pa dag la chos kyi rgya mtsho sgrog /de dag chos nyid rnam par dag pa mthong / /ma lus phyogs na sangs rgyas thams cad kyi/ /byang chub shing gi phun sum tshogs pa dag /sa yi dkyil 'khor 'di na kun snang ste/ /de dag chos nyid rnam par dag pa brjod/ /sangs rgyas gdan las chos rnams rgya mtsho yi/ /chos sgo bde bar gshegs pas gang gsungs pa/ /sems can kun gyi bsam pa ji bzhin du| |sa 'khor rnams kyang kun nas rab tu 'byung / /dri zhim 'od rnams rtag tu 'byung bas na/ /de dag ji bzhin snod kyi 'gro ba 'gengs/ /srog chags rnams kyi nyon mongs zhi bar byed/ /sa 'khor de nas de 'dra rab tu sgrog /sangs rgyas rdzu 'phrul phun sum gang dag dang / /dri med sa ni gang gis mdzes gyur pa'i/ /phun sum tshogs pa'i rgyan rnams re re zhing / /bskal pa bye ba dag tu'ang brjod mi nus/ /de nas byang chub sems dpa' ye shes chen po'i nyi mas rab tu gnon pa'i blo gros kyis sangs rgyas kyi mthus 'khor gyi dkyil 'khor yod pa thams cad la rnam par bltas te/ de'i tshe tshigs su bcad pa 'di dag smras so/ /'jig rten kun gyi bsam pa tshim mdzad cing / /sangs rgyas chos kyi gzhal med khang na mdzes/ /'byams klas phyogs rnams kun tu mngon sum du/ /sangs rgyas 'gro gtso gzhal med khang na snang / /rin chen kun gyis snying po rab tu brgyan/ /rgyan rnams kun gyis de bzhin mdzes shing 'bar/ /sangs rgyas pho brang 'od ni bsam mi khyab/ /de na bzhugs shing sangs rgyas rab tu mdzes| |ka ba'i rgyan ni nor bu sna tshogs te/ /phyogs rnams kun sgor rta babs sprin kyang bres/ /stegs bu'i phreng ba kun nas rgyan du bkod/ /gser gyi dril bu'i sprin kyang rnam par brgyus/ /me tog bla re rnam pa sna tshogs ltos/ /rin chen shing sdong dar gyi bla re bres/ /nor bu thams cad sgo nas phreng ba 'bul/ /de na ye shes rgya mtsho rab tu mdzes/ /spos dri rgyal mtshan rin chen dra ba ste/ /'od zer sgron ma'i sprin gyis kun tu g.yog/ rgyan rnams sna tshogs kun nas shin tu bres/ /de na sangs rgyas rab tu 'phags pa bzhugs/ /phyogs rnams kun sgo sprul pa'i sprin gyi rnams/ /dbyangs kyis 'jig rten khyab par grags byed cing / /'byams klas phyogs kyi sems can rnams 'dul ba/ /sangs rgyas pho brang 'di na de dag grag / me tog shing dang rin chen spungs spel ba/ /'phags par phyogs rnams kun tu mngon par mdzes/ /de la dus gsum zhing rnams thams cad kyang / /gzugs brnyan gyur par de dag rab tu snang / /phyogs rnams kun tu rin chen mang bkye ba/ /de dag sna tshogs mdzes par rnam par 'bar/ /phyogs rnams kun tu skar khung mdzes par brgyan/ /rta babs mda' yab sna tshogs mang pos brgyan/ /de la dri med 'od zer kun nas snang ba yi/ /sangs rgyas pho brang rnam pa bsam yas te/ /gzhal med khang mang thams cad de la snang / /de dag kun na'ang rgyal ba bzhugs shing mdzes/ /phyogs rnams kun na 'khor rnams ji snyed pa/ /rgyal ba'i pho brang 'dir ni kun zhugs kyang / / mtha' dang dbus med mu yang de bzhin med/ /rang byung sangs rgyas pho brang de na bzhugs/ /de nas byang chub sems dpa' yon tan rin po che bsam gyis mi khyab pa ye shes rgya mtsho'i dpal gyis sangs rgyas kyi mthus 'khor gyi dkyil 'khor rgya mtsho yod pa de dag thams cad la rnam par bltas te/ de'i tshe tshigs su bcad pa 'di dag smras so/ /sangs rgyas zhing rdul shin tu phra snyed kyi/ /bsod nams rgya mtsho rnam par rab sbyangs te/ /sangs rgyas rdzu 'phrul smon lam yang dag byung / /snying po byang chub dri med rnam par mdzes/ /spos zhim thams cad rtsa nas yang dag rgyu/ /yid bzhin nor mchog rgyal pos kun nas brgyan/ /rdo rje phye ma'i nor bu rgyal pos bris// shing sdong rtsa ba rin chen kun las byas/ /rdo rje phye ma'i nor bu 'khor lo 'byung / /lhun rnams thams cad rin chen rgyan gyis brgyan/ /yal ga stug po sprin ltar kun nas 'khyil| |snying po byang chub de na rgyal ba mdzes/ /yal ga dog pa kun nas mngon pa ste/ /'khor rnams snum 'jam phyogs rnams kun tu 'phags/ /me tog 'bras bu rgyun rnams kun kyang 'gyed/ /snying po byang chub rgya che bsam mi khyab/ /'od rnams bkye ba phyogs su rnam par mdzes/ /dri ma med pa'i 'od 'bar zad mi shes/ /yal ga'i sgo nas sprin kun char yang 'bebs/ /snying po byang chub smon lam yangs pas byung / /me tog nor dang rin chen mi zad nor/ /mu tig nor bu phyogs rnams kun nas brgyus/ /phye ma nor gyi gnas kyi sprin 'gyed de/ /snying po byang chub phyogs rnams kun tu 'byin/ /bde gshegs snying po byang chub 'di la ltos/ /pad+mo'i dra ba nor bu dri med mang / /rin chen 'od zer dkyil 'khor kun nas 'phro/ /dril bu'i dra ba'i sprin gyi sgra dbyangs 'byin/ /phyogs bcu'i shing bzang gzugs rnams gang yod pa/ /'byams klas zhing gi ma lus thams cad dag / byang chub shing la de dag kun nas snang / /de drung sangs rgyas dri med rnam par mdzes/ /yal ga kun nas rin chen mi zad nor/ /byang chub sems dpa' dag kyang rtag 'byung zhing / /bsod nams rgya chen dkyil 'khor char phab ste/ /phyogs bcur rgyal ba mchod phyir de dag 'dong / /de bzhin gshegs pa sngon chad cir gyur dang / /byang chub spyod las byung ba 'di dag ltos/ /yal ga kun las rin chen nor mi zad/ /sangs rgyas yul kun bsam gyis mi khyab bo/ /de nas byang chub sems dpa' mig brgya ba pad+mo sna tshogs kyi gtsug phud kyis sangs rgyas kyi mthus 'khor rgya mtsho yod pa thams cad la rnam par bltas nas de'i tshe tshigs su bcad pa 'di dag smras so/ /dus gsum gshegs pa'i rgyal ba'i rnam 'phrul ba/ /de dag rin chen sgo nas kun kyang grag /de ni mtha' dang dbus kyang med pa ste/ /snying po byang chub 'di la kun snang ngo / /me tog mang po'i phreng ba dbyangs bkye zhing / /'od zer sprin gyis phyogs rnams kun bkang ste/ /byang chub shing la gnas pa'i lha tshogs rnams/ /sangs rgyas lta zhing rtag tu mchod pa byed/ /spos kyi rgyal mtshan nor bu sna tshogs 'bar/ /spos kyi 'od 'phro bdug spos rtag tu 'byung / /'khor gyi rgya mtsho kun la khyab par zhim/ /shing gi rgyal po de phyir phyogs su mdzes/ /pad+mo 'phrul ba stug cing gser mdog 'dra/ /rgyal ba'i sprin sgra rtag par rab tu 'gyed/ /phyogs bcu'i zhing rnams ma lus khyab byas shing / /sems can rnams kyi nyon mongs gdung ba sel/ /rgyal ba'i 'khor ni tshad med rgya che ste/ /phyogs rnams kun nas snying po byang chub la/ /gzugs brnyan snang zhing dri med 'od mchog 'gyed/ /byang chub shing gi rnam 'phrul 'di dag ltos/ /smon lam sgra dang dbyangs kyi mar me rnams/ /rin chen sna tshogs yal ga kun las 'bar/ /srid pa rgya mtsho kun na sngon chad du/ /rgyal ba'i spyod pa ji ltar byung ba ston/ /byang chub lha rnams zhing gi rdul snyed do/ /de dag thams cad snying po byang chub gnas/ /thub pa'i byang chub shing la skad cig cing / /rnam thar gzhan dang gzhan mang de dag ston/ /rang byung spyad pa thams cad spyod pa'i tshe/ /sngon chad de bzhin gshegs pa gang mchod pa/ /de dag mtshan bcas sngon gyi sbyor bcas pa/ /thams cad rin chen sgo nas rab tu snang / /phyogs bcu'i sems can ji snyed snod gyur pa/ /de dag thams cad 'di las sgra 'byung ste/ /de dag cis 'dul rnam dag ci 'dra ba'ang / /snying po byang chub 'di las kun brjod do/ /byang chub shing rnams mtha' yas phyogs kun na/ /bsam gyis mi khyab rgyan gyi sprin can dag /mtha' yas sna tshogs rgyan can thams cad kyang / /sngon chad de bzhin gshegs pas yongs sbyangs pa'o/ /de nas byang chub sems dpa' gser gyi 'od 'phro gzi brjid dkyil 'khor gyi 'od kyis sangs rgyas kyi mthus 'khor gyi dkyil 'khor yod pa thams cad la rnam par bltas nas de'i tshe tshigs su bcad pa 'di dag smras so/ /srid pa'i rgya mtshor byang chub spyod mdzad tshe/ /mos pa'i dkyil 'khor yongs su smon dag cing / /gnas dang gnas min stobs rnams thugs chud pa'i/ /bder gshegs sa stobs rnam par dag pa mthong / /bskal pa kun tu rgya mtsho las sbyangs te/ /mnyam nyid chos bsgoms ji ltar bsgrubs pa'i rnams/ /sangs rgyas 'od las de bzhin phyogs bkang zhing / /las rnams rgya mtsho de bzhin rab tu brjod/ /sna tshogs thabs kyis 'byams klas stobs spyod tshe/ /bskal pa snga mar 'gro ba'i dbang po bzhin/ /yongs su smin byas de bas 'khor kun kyang / /sems dag sangs rgyas dbang po'i stobs la 'jug /'jig rten kun gyi mos pa sna tshogs dang / /bsam pa ji bzhin sbyor ba rnam spyod pa| |de dag ji bzhin rgyal pa chos ston te/ /rang byung mos pa mkhyen pa'i stobs ston to/ /phyogs rnams ma lus zhing rnams rgya mtsho dang / /'byams klas sems can khams dang chos kyi khams/ /nam mkha'i khams rnams mnyam nyid mkhyen mi rtog /rang byung spu rtser khams mkhyen stobs kyang ston/ /bder gshegs ye shes rgya chen kun tu 'gro/ skad cig gcig gis dus gsum ma lus 'gengs/ /phyogs dang zhing dang bskal pa 'gro bkang zhing / /sems can kun la stobs 'jug mngon par bstan/ /bsam gtan rnam thar stobs mtha' dbus med pa/ /ting 'dzin rgya mtsho'i tshul ni 'gro kun snyed/ /thams cad rgyal ba'i sku la bstan pas na| |sems can bsam pa'i gnas kyi nyon mongs sel/ /sangs rgyas ye shes dus gsum bsgribs pa med/ /skad cig kun la dus gsum spu rtser ston/ /zhing dang sems can sangs rgyas de bzhin chos/ /de ltar rgyal bas rjes su dran stobs bstan/ /thub pa'i spyan ni nam mkha' mnyam pa ste/ /des ni chos dbyings ma lus gsal bar gzigs/ thams cad tshul gyis chags med gzhal yas sa/ /brnyes pas ye shes spyan ni rnam mang bstan/ /'jig rten kun gyi sbyor mang ji snyed dang / /'gro ba'i bag chags bag nyal ma lus par/ /thabs sgo kun nas nyon mongs zhi mdzad cing / /rgyal ba 'jig rten gang bar kun nas byung / /de nas byang chub sems dpa' chos kyi dbyings kun nas sgrog pas sangs rgyas kyi mthus 'khor rgya mtsho yod pa thams cad la rnam par bltas nas de'i tshe tshigs su bcad pa 'di dag smras so/ /rgya chen sangs rgyas byin rlabs phyogs kun tu/ /sangs rgyas ston kyang rtog pa mi mnga' ste/ /pha rol phyin pa rgya chen yongs bkang ba/ /byang chub spyod pa rgya chen de dag snang / /'gro ba rnams la thugs rje che bskyed cing / /sbyin pa'i mthar phyin sngon chad spyad pas na/ /de phyir thub pa'i sku ni mtshan gyis brgyan/ /'gro ba kun gyis blta zhing dga' ba skye/ /bskal pa rgya mtsho mang po mtha' yas sngon/ /tshul khrims pha rol phyin pa yongs sbyangs pas/ /de phyir bskal pa phyogs su dri med cing / /shin tu 'phags par 'jig rten sdug bsngal sel/ /ma log mnyam pa nyid la dad bskyed de/ /sngon chad bzod pa'i dkyil 'khor rnam sbyangs pas/ /'gro dang mtshungs mnyam yon tan kun ston te/ /de bas phyogs su 'od rnams shin tu 'phro/ /bskal pa rgya mtsho mang por sngon spyod tshe/ /'gro ba rnams kyi bsgribs pa thibs po bsal/ /de phyir phyogs bcu'i 'gro ba kun bkang ste/ /zhing rab drung na rgyal ba mngon par mdzes// bsam gtan yan lag rgya mtsho sbyong ba'i tshe/ /bskal pa yangs par rgyal bas rab tu sbyangs/ /de bas 'gro ba'i gzhal med dga' ba skyed/ /nyon mongs dri ma 'grib pa kun kyang sel/ /sangs rgyas rgya mtsho'i drung du sngon spyod cing / /shes rab mthar phyin rgyal bas sngon bkang ste/ /'gro ba'i gti mug mun pa yongs su bsal/ /de bas rgyal ba kun tu rnam par mdzes/ /'gro ba kun mnyam thabs sgo thams cad kyis/ /yang dag byung zhing 'gro ba rnam sbyangs pas/ /phyogs rnams kun na kun la mngon par bzhugs/ /phyi ma'i bskal bar 'gro ba mngon du lta/ /smon lam pha rol phyin pa rab sbyong tshe/ /bskal pa rgya mtsho shin tu rgya che zhing / /phyi mtha'i bskal par 'gro ba'i sprin mnyam par/ /spyad pas de phyir 'gro ba kun na mdzes/ /rgyal bas chos kun stobs kyi mthar phyin pa/ /bskal pa gzhal yas mang por yongs su sbyangs/ /de phyir rang byung stobs kyi pha rol phyin/ /phyogs kyi zhing rnams kun na de phyir 'phags/ /thams cad mkhyen nyid nam mkha' mtshungs mnyam pa'i/ /ye shes kun gyi sgo nas sngon sbyangs pas| |de phyir chags med ye shes pha rol phyin/ /phyogs bcu kun na rgyal ba mngon par mdzes/ /de nas byang chub sems dpa' sprin yid du 'ong ba dri ma med pa'i zla bas sangs rgyas kyi mthus 'khor rgya mtsho yod pa thams cad la rnam par bltas nas de'i tshe tshigs su bcad pa 'di dag smras so/ /sangs rgyas rdzu 'phrul yul ni phyogs rnams kyi/ /'gro ba'i rgyud dbyings nam mkha' mnyam par snang / /sa rnams yangs pa ji ltar sngon bskyed pa/ /de bzhin kun kyang rin chen sgo nas brjod/ /dang po'i sa ni dga' ba'i shugs kyi yul/ /phyogs dbyings kun gyi bder gshegs rnams mthong zhing / /gzhal med bskal par dri med yongs sbyangs pas/ /chos dbyings yangs la ye shes rab tu byung / /thams cad chos la dri med sa gnyis te/ /bskal pa rgya mtsho mang por rnam spyad cing / /rgyal ba tshad med rgya mtsho mchod byas nas/ /'gro ba tshad med dri med sbyangs pas byung / /bsod nams dkyil 'khor 'od ni sa gsum ste| |snying po bzod pa'i dkyil 'khor lhag mthong brtan/ /gang du de skyes rin chen sgo dag nas/ /chos kyi sprin ni rgya chen rab tu thos/ /'od 'phro rgya mtsho ldan pa gzhal med sa/ /mthu yi 'khor 'od snying po snying rje ste/ /zhing rnams kun tu sgrib dang mnyam pa'i lus/ /'gro ba'i nyon mongs kun nas rnam sbyangs pa'o/ /dka' rgyal snying po mnyam dbyings mnyam nyid de/ /zhing rnams kun tu 'gro zhing zhi la gzhol/ /sa rnams chos yul kun nas rab tu skyes/ /de yang rnam dag ji bzhin rgyal bas bstan/ /shes rab rgya mtsho yangs pa'i sprin la spyod/ /'byams klas chos kyi mthar thug rnam pa kun/ /zhing rnams kun la mngon sum nam mkha' 'dra/ /de 'byung byang chub shing chen 'di las grag / chos dbyings mkha' dang 'dra ba'i lus can te/ /'gro ba kun 'gengs 'gro ba kun snang byed/ /'byams klas thabs kyi sgo nas rnam par dag /ring du song mchog de ni rgyal bas bstan| |thams cad chos dang smon lam spyod mang dang / /zhing rnams rgya mtsho'i dbyings kyang mnyam rtogs pas/ /bskal ba kun tu 'gro mchog mi g.yo ste/ /gzhal med sa de'i sprin kyang rab tu sgrog / tshad med yul can stobs kyis rab tu snang / /rdzu 'phrul stobs kyis 'gro zhing stobs la 'jug /'di ni rdul med dge ba'i blo gros sa/ /bskal pa rgya mtshor byang chub shing las brjod/ /chos kyi sprin ni rgya chen sa bcu ste/ /dus rnams kun 'gengs nam mkha'i rang bzhin 'dra/ /sangs rgyas yul gyi sgra dang dbyangs kun tu/ /rgyal ba'i byin gyis 'di las rab tu grag / de nas byang chub sems dpa' rnam par gnon pa gti mug med pa'i 'od zer gyi rgyal mtshan gyis sangs rgyas kyi mthus phyogs bcur rnam par bltas nas de'i tshe tshigs su bcad pa 'di dag smras so/ /rnam pa du mar 'khor rnams gnas pa ni/ /dad pa sna tshogs yongs su dag pa'i sems/ /rgyan dang yul rnams kun la rab tu zhugs/ /de dag sangs rgyas ye shes 'jug par 'gyur/ /phan tshun smon lam rnam dag spyod yul te/ /dag pa mtha' yas bya ba rab tu byas/ /de bzhin gshegs pa'i rnam 'phrul thams cad kyang / /gzhan dang gzhan gyi sgo nas rab tu mthong / /bder gshegs chos kyi sku la zhugs pa dag /la las rgyal ba'i chos sku de nyid la/ /kun tu sprin 'dra gzhal med chags med pa'i/ /mtha' yas chos kyi rang bzhin chos nyid mthong / /la las rgyal ba'i gzugs sku de nyid la/ /phyogs bcu kun tu rnam par 'phrul mdzad cing / /yon tan mtha' yas 'od sprin rab 'bar ba/ /'gro ba dang tshul sprin du gyur par mthong / /la la rgyal ba'i ye shes chags med 'jug /dus gsum mnyam nyid mkha' dang 'dra ba'i sku/ /'gro ba kun gyi bsam pa'i tshul 'byung ba'i/ /sangs rgyas stobs la rab tu 'jug par mthong / /sangs rgyas gsung ni thogs pa med 'byung ste/ /phyogs kun zhing rnams ma lus rgyas 'gyur zhing / /'gro ba snod yin skul bar byed pa yi/ /de bzhin gshegs pa'i gsung la la la 'jug /la la sangs rgyas snang ba sna tshogs 'jug /sna tshogs snang bas 'gro ba kun bkang zhing / /rgyal ba'i rdzu 'phrul kun tu snang mdzad pa'i/ /sangs rgyas 'od ni la las der yang mthong / /ba spu'i sgo nas 'od zer rab bkye ba'i/ /'od zer rgya mtsho'i sprin la la la 'jug / sngon chad rgyal ba'i spyod pa bstan pa la/ /la la dga' zhing rgyal ba shes par byed/ /la las bsod nams sna tshogs mtshan gyi rnams/ /bder gshegs bsod nams 'byung ba ji bzhin mthong / /pha rol phyin pa rgya mtsho sbyong ba'i tshe/ /ji ltar dag gyur mtshan kyang la las mthong / /sgo rnams kun nas rgyal ba tshad med de| |mtha' dang dbus med chos kyi dbyings bkang zhing / /sangs rgyas byin rlabs rab tu brjod pa kun/ /rnam 'phrul sangs rgyas yul ni la las mthong / /de nas sangs rgyas kyi byin gyi rlabs kyis 'jig rten gyi khams me tog gi rgyan gyis brgyan pa'i gzhi dang snying po rgya mtsho thams cad rnam pa drug tu g.yos so/ /rab tu g.yos so/ /kun tu g.yos so| |'gul to/ /rab tu 'gul to/ /kun tu 'gul to/ /ldeg go /rab tu ldeg go /kun tu ldeg go /chem chem/ rab tu chem chem/ kun tu chem chem mo/ /'ur 'ur/ rab tu 'ur 'ur/ kun tu 'ur 'ur ro/ /shig shig /rab tu shig shig /kun tu shig shig go /'jig rten gyi dbang po de dag thams cad re res kyang mchod pa mngon par sgrub pa'i sprin bsam gyis mi khyab pa'i char de bzhin gshegs pa'i 'khor gyi dkyil 'khor du mngon par rab tu phab bo/ /'di ltar spos kyi me tog sna tshogs kyi sprin gyi char thams cad rab tu phab bo/ /rin po che sna tshogs thams cad kyi sprin dang rin po che'i 'od 'phro ba'i pad+mo'i dra ba thams cad kyi sprin dang / nor bu rin po che'i 'od kyi dkyil 'khor kha dog mtha' yas pa'i sprin dang / rin po che kha dog sna tshogs dang / mu tig thams cad kyi sprin dang / spos dang / tsan+dan rin po che thams cad kyi sprin dang / rin po che'i gdugs thams cad kyi sprin dang / nor bu'i rgyal po sgra dbyangs bzang po yid du 'ong ba'i sprin dang / nor bu nyi ma'i 'od zer gyi phreng ba mang po'i sprin dang / rin po che'i 'od zer gyi mdzod thams cad kyi sprin dang / rang rang gi lus las rgyan thams cad 'phyang ba'i sprin dang / de lta bu dag la sogs pa 'jig rten gyi dbang po re res kyang mchod pa mngon par sgrub pa'i sprin bsam gyis mi khyab pa'i char de bzhin gshegs pa'i 'khor gyi dkyil 'khor rgya mtsho thams cad du mngon par phab bo/ /ji ltar 'jig rten gyi khams 'dir 'jig rten gyi dbang po rnams r ab tu dga' bar gyur pa de bzhin du gzhi dang snying po me tog gi rgyan gyis brgyan pa'i 'jig rten gyi khams rgya mtsho'i 'jig rten gyi dbang po re res kyang mchod pa mngon par sgrub pa'i sprin gyi char de bzhin gshegs pa'i 'khor gyi dkyil 'khor rgya mtsho dag tu rab tu phab par gyur to/ /'jig rten gyi khams thams cad na yang 'jig rten gyi dbang po rnams mos pa gzhan dang gzhan dang / dmigs pa gzhan dang gzhan dang / ting nge 'dzin gyi tshul gyi sgo rgya mtsho gzhan dang gzhan dang / tshogs gzhan dang gzhan dang / yang dag par sgrub pa gzhan dang gzhan dang / dga' ba'i shugs kyis spyod pa gzhan dang gzhan dang / phyogs kyi tshul gzhan dang gzhan dang / chos kyi tshul la 'jug pa gzhan dang gzhan dang / de bzhin gshegs pa'i yul dang byin gyi rlabs la 'jug pa gzhan dang gzhan dang / yul dang stobs la 'jug pa gzhan dang gzhan dang / rnam par thar pa'i tshul rgya mtsho'i sgo gzhan dang gzhan gyis de bzhin gshegs pa'i snying po byang chub la bzhugs pa khong du chud par byed do/ /'di na ji lta ba bzhin phyogs bcu'i chos kyi dbyings rgya mtsho'i nam mkha'i dbyings kyi mthas klas pa'i 'jig rten gyi khams rgya mtsho thams cad na yang de bzhin no/ /shin tu rgyas pa chen po'i mdo/ sangs rgyas phal po che zhes bya ba las/ 'jig rten gyi dbang po thams cad kyi rgyan gyi tshul rab tu byung ba zhes bya ba ste/ le'u dang po'o|| / /bam po drug pa/ de nas byang chub sems dpa' de dag dang / 'jig rten gyi dbang po de dag 'di snyam du sems par gyur te/ sangs rgyas bcom ldan 'das rnams la sangs rgyas kyi sa ni/ ji lta bu zhig mnga'/ sangs rgyas bcom ldan 'das rnams la sangs rgyas kyi yul ni/ ji lta bu zhig mnga'/ sangs rgyas bcom ldan 'das rnams la byin gyi rlabs ni/ ji lta bu zhig mnga'/ sangs rgyas bcom ldan 'das rnams la sangs rgyas kyi spyod yul ni/ ji lta bu zhig mnga'/ sangs rgyas bcom ldan 'das rnams la sangs rgyas kyi stobs ni/ ji lta bu zhig mnga'/ sangs rgyas bcom ldan 'das rnams la sangs rgyas kyi mi bsnyengs pa ni/ ji lta bu zhig mnga'/ sangs rgyas bcom ldan 'das rnams la sangs rgyas kyi ting nge 'dzin ni/ ji lta bu zhig mnga'/ sangs rgyas bcom ldan 'das rnams la sangs rgyas kyi rnam par 'phrul pa ni/ ji lta bu zhig mnga'/ sangs rgyas bcom ldan 'das rnams la sangs rgyas kyi mnga' chen po ni/ ji lta bu zhig mnga'/ sangs rgyas bcom ldan 'das rnams la sangs rgyas kyi mi 'phrog pa ni/ ji lta bu zhig mnga'/ sangs rgyas bcom ldan 'das rnams la sangs rgyas kyi spyan ni/ ji lta bu zhig mnga'/ sangs rgyas bcom ldan 'das rnams la sangs rgyas kyi snyan ni/ ji lta bu zhig mnga'/ sangs rgyas bcom ldan 'das rnams la sangs rgyas kyi shangs ni/ ji lta bu zhig mnga'/ sangs rgyas bcom ldan 'das rnams la sangs rgyas kyi ljags ni/ ji lta bu zhig mnga'/ sangs rgyas bcom ldan 'das rnams la sangs rgyas kyi sku ni/ ji lta bu zhig mnga'/ sangs rgyas bcom ldan 'das rnams la sangs rgyas kyi dgongs pa ni/ ji lta bu zhig mnga'/ sangs rgyas bcom ldan 'das rnams la sangs rgyas kyi 'od ni/ ji lta bu zhig mnga'/ sangs rgyas bcom ldan 'das rnams la sangs rgyas kyi 'od zer ni/ ji lta bu zhig mnga'/ sangs rgyas bcom ldan 'das rnams la sangs rgyas kyi gsung ni/ ji lta bu zhig mnga'/ sangs rgyas bcom ldan 'das rnams la sangs rgyas kyi ye shes ni/ ji lta bu zhig mnga'/ phyogs bcu'i 'jig rten gyi khams rgya mtsho dag tu sangs rgyas bcom ldan 'das thams cad byang chub sems dpa' thams cad la smon lam rgya mtsho thams cad ni/ ji lta bu zhig tu yongs su ston/ byang chub sems dpa' thams cad la rab tu 'jug pa rgya mtsho thams cad ni/ ji lta bu zhig tu yongs su ston/ byang chub sems dpa' thams cad la tshogs rgya mtsho thams cad ni/ ji lta bu zhig tu yongs su ston/ byang chub sems dpa' thams cad la theg pa rgya mtsho rnams ni/ ji lta bu zhig tu yongs su ston/ byang chub sems dpa' thams cad la rab tu gnas pa rgya mtsho thams cad ni/ ji lta bu zhig tu yongs su ston/ byang chub sems dpa' thams cad la spyod pa rgya mtsho rnams ni/ ji lta bu zhig tu yongs su ston/ byang chub sems dpa' thams cad la 'byung ba rgya mtsho rnams ni/ ji lta bu zhig tu yongs su ston/ byang chub sems dpa' thams cad la mngon par shes pa rgya mtsho rnams ni/ ji lta bu zhig tu yongs su ston/ byang chub sems dpa' thams cad la pha rol tu phyin pa rgya mtsho rnams ni/ ji lta bu zhig tu yongs su ston/ byang chub sems dpa' thams cad la sa rgya mtsho rnams ni/ ji lta bu zhig tu yongs su ston| byang chub sems dpa' thams cad la smon lam rgya mtsho rnams ni/ ji lta bu zhig tu yongs su ston/ byang chub sems dpa' rnams la ye shes rgya mtsho rnams ni/ ji lta bu zhig tu yongs su ston/ bcom ldan 'das kyis bdag cag la yang thugs brtse ba nye bar bzung ste byang chub sems dpa' rnams kyi bsam pa ji lta ba bzhin du 'jig rten gyi khams rgya mtsho rnams kyang bstan pa mdzad grang / sems can rgya mtsho rnams kyang bstan pa mdzad grang / sangs rgyas rgya mtsho rnams kyang bstan pa mdzad grang / sangs rgyas kyi pha rol tu phyin pa rgya mtsho rnams kyang bstan pa mdzad grang / sangs rgyas kyi rnam par thar pa rgya mtsho rnams kyang bstan pa mdzad grang / sangs rgyas kyi rnam par 'phrul ba rgya mtsho rnams kyang bstan pa mdzad grang / sangs rgyas kyi sprul pa rgya mtsho rnams kyang bstan pa mdzad grang / sangs rgyas kyi shin tu bstan pa rgya mtsho rnams kyang bstan par mdzad grang / sangs rgyas kyi mtshan rgya mtsho rnams kyang bstan pa mdzad grang / sangs rgyas kyi sku tshe'i tshad rgya mtsho rnams kyang bstan pa mdzad grang snyam pa dang / de nas byang chub sems dpa' de dag gi byin gyi rlabs kyis mchod pa'i dkyil 'khor gyi sprin de dag las tshigs su bcad pa 'di dag byung ngo / /mtha' yas rgya chen bskal par rab spyad de/ /byang chub shing drung rang byung yang dag skyes/ /phyi mtha'i bskal par 'gro ba'i sprin gyur pa/ /de bzhin gshegs pas sku ni byin gyis brlabs/ /'gro ba ma lus kun gyi the tshom gcod/ /mos pa'i stobs ni yangs pa rab tu skyed/ /sems can sdug bsngal mtha' yas zhi bar mdzad/ /sangs rgyas bde la 'gro ba thams cad 'god/ /byang chub sems dpa' mtha' yas zhing rdul snyed/ /de bzhin gshegs la lta zhing kun nas gnas/ /de dag bsam pa spyod yul ji bzhin du/ /the tshom bsal bar chos rnams rab bstan gsol/ /rgyal ba kun gyi sa ni ji lta bu/ /de bzhin gshegs pa'i yul gyi rgyud rnams dang / /sangs rgyas byin rlabs mtha' dang dbus med pa/ /de dag tshul ni rnam dag bstan du gsol/ /de bzhin gshegs pa'i spyod yul ci yis 'jug /rgyal ba'i mkhyen la ji ltar 'jug pa dang / /rgya chen mtha' yas stobs rnams rnam sbyang ba/ /rgyal sras kun la yang dag bstan du gsol/ /sangs rgyas ting 'dzin ji ltar mtha' yas dang / /mi bsnyengs chos nyid ji ltar rnam sbyangs dang / /rdzu 'phrul mthu yang mtha' dang dbus med pa/ /'gro ba'i bsam pa rnams la bsgrag tu gsol/ /ji ltar chos rgyal pho brang mnga' mdzad cing / /rgyal ba'i spyod yul ji ltar mi 'phrog dang / /sangs rgyas chos gzhan rgya chen de dag kyang / /thugs brtse'i slad du yang dag bstan du gsol/ /rgyal ba'i spyan ni ji ltar tshad med cing / /snyan dang shangs dang de bzhin ljags dang sku/ /sangs rgyas thugs kyang ji ltar mtha' yas pa/ /'di dag tshul la 'jug pa bstan du gsol/ /zhing rnams rgya mtsho ji ltar sems can khams/ /chos dbyings tshul rnams rgya mtsho de dag dang / /sangs rgyas rgya mtsho mtha' dang dbus med pa/ /'di dag rgyal ba'i sras la bstan du gsol| |pha rol phyin pa rgya mtsho bsam yas dang / /rnam par thar la 'jug tshul rgya mtsho dang / /chos rnams kun gyi tshul rnams rgya mtsho dag /byang chub snying por thams cad bstan du gsol/ /de nas bcom ldan 'das kyis de'i tshe byang chub sems dpa' de dag gi sems kyi yongs su rnam par rtog pa thugs kyis thugs su chud nas zhal gyi sgo tshams kyi mtshams kyi gseb nas 'od zer sangs rgyas kyi zhing gi rdul shin tu phra ba snyed rab tu bkye ba 'di lta ste/ rin po che'i ze ba rnam par snang ba zhes bya ba'i 'od zer dang / 'di lta ste/ chos kyi dbyings su dbyangs sna tshogs kyis rgyan byed pa zhes bya ba'i 'od zer dang / 'di lta ste/ 'od shin tu phra ba'i sprin kun nas lding ba zhes bya ba'i 'od zer dang / 'di lta ste/ phyogs bcu'i sangs rgyas kyi rdzu 'phrul dang / snying po byang chub kyi 'od ces bya ba'i 'od zer dang / 'di lta ste/ rin po che thams cad 'od 'phro ba'i gdugs kyi sprin ces bya ba'i 'od zer dang / 'di lta ste/ rnam par snang bas chos kyi dbyings rab tu snang ba'i 'od ces bya ba'i 'od zer dang / 'di lta ste/ sangs rgyas kyi zhing thams cad du 'byung zhing 'khyil ba'i rgyan ces bya ba'i 'od zer dang / 'di lta ste/ rin po che'i rdo rje dri ma med pa mang po'i rgyal mtshan zhes bya ba'i 'od zer dang / 'di lta ste/ byang chub sems dpa'i 'khor gyi dkyil 'khor du nye bar 'gro ba'i rgyan ces bya ba'i 'od zer dang / 'di lta ste/ sangs rgyas thams cad kyi mtshan gyi 'khor lo'i sgra rab tu sgrog pa zhes bya ba'i 'od zer dang / de dag la sogs pa sangs rgyas kyi zhing gi rdul shin tu phra ba snyed kyi 'od zer rab tu bkye ste/ 'od zer de dag re re zhing yang 'khor gyi 'od zer sangs rgyas kyi zhing gi rdul shin tu phra ba snyed do/ /'od zer de dag re re zhing yang rin po che thams cad kyi kha dog shin tu ston pa dag ste/ de dag rab tu 'phros nas phyogs bcur sangs rgyas kyi zhing gi rdul shin tu phra ba snyed kyi 'jig rten gyi khams rgya mtsho rab tu snang bar byas te/ byang chub sems dpa' de dag gis kyang sangs rgyas kyi zhing bcu'i rdul shin tu phra ba snyed kyi 'jig rten gyi khams rgya mtsho nas 'od zer gyi sgo de dag thams cad kyi mthus gzhi dang snying po me tog gi rgyan gyis brgyan pa'i 'jig rten gyi khams rgya mtsho dang / byang chub sems dpa'i 'khor gyi dkyil 'khor thams cad mthong bar gyur to/ /'od zer de dag thams cad kyi sgo nas kyang sangs rgyas kyi byin gyi rlabs kyis tshigs su bcad pa 'di dag byung bar gyur to/ /bskal pa rgya mtsho mtha' yas spyod spyad de/ /phyogs rnams rgya mtshor sangs rgyas kun kyang mchod/ /sems can rgya mtsho rnam par dag byas nas/ /rnam par snang mdzad byang chub mngon sangs rgyas/ /phyogs rnams kun tu snang zhing mngon par mdzes/ /spu rnams kun nas sprul pa'i sprin rnams 'gyed/ /des ni sems can snod bzhin bskul byas nas/ /byang chub sbyor ba chags med rnam par dag /srid pa'i rgyud na sngon chad 'khor ba'i tshe| |rgyal bas sems can yongs su smin mdzad pa/ /de dag skad cig gcig gis rab tu bkrol/ /sangs rgyas rnam 'phrul 'di dag mtha' yas so/ /rgyan rnams sna tshogs kun tu 'od kyang snang / /byang chub shing ni yal ga rin chen 'phyang / /'od rnams bkye ba kun tu rnam par brgyan/ /byang chub bsam gyis mi khyab der sangs rgyas| |phyogs rnams kun tu sgra ni rab tu sgrog / sems can kun gyi sems bzhin tshim byas te/ /sna tshogs thabs kyi sgo nas rnam par 'dul/ /de las chos nyid zhi sgra rab tu 'byung / /zhing rnams stong gi rdul snyed sngon chad du/ /spyod tshe pha rol phyin kun rgyas par mdzad/ /stobs rnams kun la sangs rgyas rab bzhugs kyi/ /rgyal ba de yi zhal bltar kun kyang deng / /zhing gi rdul snyed phyogs rnams thams cad nas/ /rgyal sras mang po rab tu dga' ste lhags/ /mchod pa sna tshogs char pa rab 'bebs shing / / thams cad 'khod de rgyal ba mngon sum lta/ /gsung dbyangs gcig las mtha' yas mdo yi rnams/ /rgya mtsho dag kyang sangs rgyas shin tu ston/ /'gro kun yid bzhin chos kyi char 'bebs kyi/ /rkang gnyis gtso bo de la bltar yang deng / /dus gsum rgyal ba'i smon lam gang yod pa/ /skad cig thugs la de dag mngon sum ste/ /rgyal ba byang chub shing drung ston mdzad kyi/ /rgyal ba'i drung du smyur te 'dod bar gyis/ /sangs rgyas rnam par snang mdzad ye shes mtsho/ /'od zer kun gyi sgo nas rab tu snang / /de yi chos nyid ji ltar ji 'dra de dag ltos/ /sangs rgyas 'gro kun mngon sum chos ston to/ /de'i tshe 'jig rten gyi khams rgya mtsho de dag nas de bzhin gshegs pa'i 'od zer gyis yang dag par bskul ba'i rnams byang chub sems dpa' rang rang gi 'khor gyi dkyil 'khor rgya mtsho dang lhan cig tu 'phags te/ bcom ldan 'das de bzhin gshegs pa rnam par snang mdzad gang na ba der 'ongs par gyur te/ 'di ltar 'jig rten gyi khams rgya mtsho gzhi dang snying po me tog gi rgyan gyis brgyan pa 'di dang 'dabs chags su shar phyogs logs na 'jig rten gyi khams rgya mtsho pad+mo'i dpal dri ma med par snang ba'i rgyan ces bya ba yod de/ 'jig rten gyi khams bar ma'i rgyud de dag las 'jig rten gyi khams rin po che'i phreng ba rdo rje'i snying po zhes bya ba na de bzhin gshegs pa'i chos kyi chu bo rnam par sangs rgyas pa/ nam m kha' mtha' yas pa'i rgyal po bzhugs pa'i 'khor gyi dkyil 'khor rgya mtsho nas byang chub sems dpa' chos kyi dpal pad+mo rnam par lta ba'i rgyal mtshan zhes bya b a byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'khor gyi dkyil 'khor rgya mtsho de nas 'phags te bcom ldan 'das gang na ba der 'ong bar gyur te/ byang chub sems dpa'i lus kyi sprin bcus nam mkha' kun nas yog par byin gyis rlob cing rin po che'i char gyi 'od zer pad+mo'i sprin bcus nam mkha' kun nas yog par byin gyis brlabs pa dang / rin po che'i ri bo'i zom gyi sprin bcus nam mkha' kun nas yog par byin gyis brlabs pa dang / nyi ma'i 'khor lo'i lus kyi dkyil 'khor gyi sprin bcus nam mkha' kun nas yog par byin gyis brlabs pa dang / rin po che'i me tog gi phreng ba'i sprin bcus nam mkha' kun nas yog par byin gyis brlabs pa dang / sil snyan sgra thams cad 'byin pa'i sprin bcus nam mkha' kun nas yog par byin gyis brlabs pa dang / phye ma'i shing gi mdzod kyi sprin bcus nam mkha' kun nas yog par byin gyis brlabs pa dang / spos dang / bdug spos gzugs thams cad yongs su ston pa'i sprin bcus nam mkha' kun nas yog par byin gyis brlabs pa dang / spos thams cad kyi shing gi sprin bcus nam mkha' kun nas yog par byin gyis brlabs pa dang / de dag la sogs pa mchod pa'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas shar phyogs su brten te me tog snang ba sna tshogs kyi snying po can gyi seng+ge'i khri mngon par sprul nas skyil mo krung bcas te 'khod par gyur to/ /de nas yang 'jig rten gyi khams rgya mtsho 'di dang 'dabs chags su lho phyogs logs na 'jig rten gyi khams rgya mtsho rin po che thams cad snang bas rnam par brgyan pa'i snying po zhes bya ba yod de/ 'jig rten gyi khams bar ma'i rgyud de dag las 'jig rten g yi khams 'od mtha' yas pa'i dkyil 'khor gyi rgyan na de bzhin gshegs pa kun nas mkhyen pa'i 'od dpal gyi ri'i rgyal po bzhugs pa'i 'khor gyi dkyil 'khor rgya mtsho nas byang chub sems dpa' chos rgya mtsho rnam par snang ba'i blo gros zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'khor gyi dkyil 'khor de nas 'phags te/ bcom ldan 'das gang na ba der 'ong bar 'gyur te/ nor bu'i rgyal po rgyan gyi yul thams cad kyis rnam par gsal bar byas pa'i snying po'i sprin bcus nam mkha' kun nas yog par byin gyis rlob cing / nor bu'i rgyal po kun nas snang ba rin po che'i rgyan gyi sprin bcus nam mkha' kun nas yog par byin gyis brlabs pa dang / nor bu'i rgyal po rin po che 'od 'phro ba rab tu 'bar zhing / sangs rgyas kyi mtshan shin tu sgrog pa'i sprin bcus nam mkha' kun nas yog par byin gyis brlabs pa dang / nor bu'i rgyal po kun nas sgra 'byin cing sangs rgyas kyi chos thams cad sgrog pa'i sprin bcus nam mkha' kun nas yog par byin gyis brlabs pa dang / nor bu'i rgyal po shing gi yal ga sna tshogs kyis snying po byang chub kyi rgyan byed pa'i sprin bcus nam mkha' kun nas yog par byin gyis brlabs pa dang / nor bu'i rgyal po sgo kun nas rin po che'i 'od zer dang / sangs rgyas kyi sprul pas snang bar byed pa'i sprin bcus nam mkha' kun nas yog par byin gyis brlabs pa dang / nor bu'i rgyal po rgyan thams cad dang ma 'dres par 'khor gyi dkyil 'khor du gzugs brnyan ston pa'i sprin bcus nam mkha' kun nas yog par byin gyis brlabs pa dang / nor bu'i rgyal po 'od 'phro shin tu sdug pa'i sgron mas sangs rgyas thams cad kyi yul rjes su sgrog pa'i sprin bcus nam mkha' kun nas yog par byin gyis brlabs pa dang / nor bu'i rgyal po sangs rgyas kyi zhing bsam gyis mi khyab pa dang / de bzhin gshegs pa'i gzhal med khang gi gzugs brnyan yang dag par ston pa'i sprin bcus nam mkha' kun nas yog par byin gyis brlabs pa dang / nor bu'i rgyal po rin po che sna tshogs kyi tshon gyi dus gsum gyi sangs rgyas kyi sku'i gzugs brnyan rnam par snang ba'i sprin bcus nam mkha' kun nas yog par byin gyis brlabs pa dang / de dag la sogs pa nor bu'i rgyal po'i sprin 'jig rten gyi khams rgya mtsho'i rdul phra mo snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas lho phyogs su brten te in+d+ra nI la dang / 'dzam bu nA da dang / pad+ma rA ga sna tshogs kyi snying po can gyi seng+ge'i khri mngon par sprul nas skyil mo krung bcas te 'khod par gyur to/ /de nas yang 'jig rten gyi khams rgya mtsho 'di dang 'dabs chags su nub phyogs na 'jig rten gyi khams rgya mtsho rin po che'i 'od yid du 'ong bar snang ba zhes bya ba yod de/ 'jig rten gyi khams de dag las 'jig rten g yi khams gos kyi stan yongs su 'byung ba na de bzhin gshegs pa spos mngon du snang ba'i yon tan rin po ches brgyan pa'i 'khor gyi dkyil 'khor rgya mtsho nas b yang chub sems dpa' spos 'od 'phro ba'i rgyan zla ba'i 'od ces bya ba byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu bcom ldan 'das gang na ba der 'ongs par gyur te/ rin po che dang / spos dang / me tog sna tshogs thams cad kyi khang pa brtsegs pa'i sprin gyis nam mkha' kun nas yog par byin gyis rlob cing / nor bu'i rgyal po kha dog mtha' yas pas brgyan par khang pa brtsegs pa'i sprin bcus nam mkha' kun nas yog par byin gyis brlabs pa dang / rin po che'i sgron ma dang / spos 'od 'phro ba'i khang pa brtsegs pa'i sprin bcus nam mkha' kun nas yog par byin gyis brlabs pa dang / mu tig thams cad kyi khang ba brtsegs pa'i sprin bcus nam mkha' kun nas yog par byin gyis brlabs pa dang / rin po che thams cad kyi me tog gi ze ba'i khang pa brtsegs pa'i sprin bcus nam mkha' kun nas yog par byin gyis brlabs pa dang / rin po che'i phreng bas yongs su brgyan pa'i khang pa brtsegs pa'i sprin bcus nam mkha' kun nas yog par byin gyis brlabs pa dang / 'od zer gyi snang ba phyogs kun tu 'phro ba'i snying po dang ldan pa'i khang pa brtsegs pa rgyan thams cad 'byung ba'i sprin bcus nam mkha' kun nas yog par byin gyis brlabs pa dang / rin po che'i tshon thams cad kyis rab tu brgyan cing rgyan du ma yang dag par ston pa'i khang pa brtsegs pa'i sprin bcus nam mkha' kun nas yog par byin gyis brlabs pa dang / phyogs thams cad rgyan gyis rab tu brgyan par kun tu rgyas par 'gengs pa'i khang pa brtsegs pa'i sprin bcus nam mkha' kun nas yog par byin gyis brlabs pa dang / sgo kun tu me tog gi rta babs dang / dril bu'i dra ba bres pa'i khang pa brtsegs pa'i sprin bcus nam mkha' kun nas yog par byin gyis brlabs pa dang / de dag la sogs pa khang pa brtsegs pa'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na p a der phyin te bcom ldan 'das la phyag 'tshal nas nub phyogs su brten te seng+ge'i khri rin po che'i pad+mo chen po lo ma sna tshogs gser las byas pa'i snying po can mngon par sprul nas skyil mo krung bcas te 'khod par gyur to/ /de nas yang 'jig rten gyi khams rgya mtsho 'di dang 'dabs chags su byang phyogs na 'jig rten gyi khams rgya mtsho bai DUR+Ya pad+mo'i 'od kyi dkyil 'khor gyi snying po zhes bya ba yod de/ 'jig rten g yi khams kyi rgyud de dag las 'jig rten gyi khams me tog ut+pa la'i rgyan na de bzhin gshegs pa ye shes kyi dpal kun tu dbyangs kyi rgyal po bzhugs pa'i 'khor gyi dkyil 'khor rgya mtsho nas byang c hub sems dpa' seng+ge'i 'od zer snang bas mthu 'byin pa'i blo gros zhes bya ba byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags nas bcom ldan 'das gang na ba der 'ongs par gyur te/ spos dang nor bu sna tshogs thams cad kyi shing gi sprin bcus nam mkha' kun nas yog par byin gyis rlob cing / sgo thams cad nas lo ma'i dog pa'i sprin 'byung ba'i spos kyi shing gi sprin bcus nam mkha' kun nas yog par byin gyis brlabs pa dang / shing gi gzugs thams cad las rgyan mtha' yas pa yongs su ston pa'i shing gi sprin bcus nam mkha' kun nas yog par byin gyis brlabs pa dang / me tog thams cad kyi sprin rab tu nar pa'i me tog gi shing gi sprin bcus nam mkha' kun nas yog par byin gyis brlabs pa dang / rin po che'i 'od 'phro ba'i dkyil 'khor thams cad kyis rnam par snang bar byas pa'i shing gi sprin bcus nam mkha' kun nas yog par byin gyis brlabs pa dang / tsan+dan gyi phye ma thams cad dang / byang chub sems dpa'i lus phyed yang dag par ston pa'i shing gi sprin bcus nam mkha' kun nas yog par byin gyis brlabs pa dang / sngon gyi snying po byang chub kyi rgyan bsam gyis mi khyab pa rab tu ston pa'i shing gi sprin bcus nam mkha' kun nas yog par byin gyis brlabs pa dang / kha dog mtha' yas pa'i gos kyi mdzod kyi nyi mas rnam par snang bar byas pa'i shing gi sprin bcus nam mkha' kun nas yog par byin gyis brlabs pa dang / sgra dbyangs thams cad rab tu sgrog cing yid du 'ong ba'i sgra kun tu gtong ba'i shing gi sprin bcus nam mkha' kun nas yog par byin gyis brlabs pa dang / de dag la sogs pa shing gi sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas byang phyogs su brten te seng+ge'i khri nor bu sgron ma'i pad+mo'i snying po can mngon par sprul nas skyil mo krung bcas te 'khod par gyur to/ /de nas 'jig rten gyi khams rgya mtsho 'di dang 'dabs chags su byang dang / shar gyi phyogs mtshams na 'jig rten gyi khams rgya mtsho 'dzam bu chu klung dang / shel gyi kha dog tshon gyi rgyal mtshan zhes bya ba yod de/ 'jig rten gyi khams bar ma'i rgyud de dag las 'jig rten gyi khams rin po che'i rgyan sna tshogs kyi snying p o na de bzhin gshegs pa chos thams cad la mi 'jigs pa'i sgron ma bzhugs pa'i 'khor gyi dkyil 'khor rgya mtsho nas byang chub sems dpa' chos kyi yon tan gyi mdzod mi zad pa'i dpal gyi gzi brjid mar me zhes bya ba byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags nas bcom ldan 'das gang na ba der 'ongs par gyur te/ seng+ge'i khri rin po che kha dog mtha' yas pa'i pad+mo'i snying po can gyi sprin bcus nam mkha' kun nas yog par byin gyis rlob cing / seng+ge'i khri nor bu'i rgyal po kun tu mngon pas rnam par snang bar byas pa'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri rgyan mang po thams cad kyis rab tu brgyan pa'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri rin po che 'od 'phro ba'i sgro na ma sna tshogs kyi phreng ba'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri phyogs kun nas phreng ba rin po che'i char 'bebs pa'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri spos kyi me tog pad+mo'i phreng ba rin po che thams cad kyi snying po can gyi sprin bcus nam mkha' kun nas yog par byin gyis brlabs pa dang / seng+ge'i khri sangs rgyas kyi gdan thams cad kyi rgyan yang dag par ston pa'i nor bu'i rgyal po'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri rgyan dang phreng ba thams cad 'phyang zhing rta babs dang stegs bus rab tu brgyan pa'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri shing thams cad kyi yal ga las nor bu rin po che dang phye ma 'byung ba'i snying po can gyi sprin bcus nam mkha' kun nas yog par byin gyis brlabs pa dang / seng+ge'i khri spos dang rin po che'i tshogs sna tshogs kyis kun nas brgyan pa'i nyi mas rnam par snang bar byas pa'i snying po can gyi sprin bcus nam mkha' kun nas yog par byin gyis brlabs pa dang / de dag la sogs pa seng+ge'i khri'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas byang dang / shar gyi phyogs mtshams su brten te seng+ge'i khri nor bu rin po che snang ba'i rgyal mtshan gyi pad+mo sna tshogs kyi snying po can mngon par sprul nas skyil mo krung bcas te 'khod par gyur to/ /de nas yang 'jig rten gyi khams rgya mtsho 'di dang 'dabs chags su shar dang / lho'i phyogs mtshams na 'jig rten gyi khams rgya mtsho baiDUR+Ya'i 'od zer kun tu snang ba gser gyi rgyan ces bya ba yod de/ 'jig rten gyi khams kyi rgyud de dag las 'jig rten gyi khams spos kyi dpal dri ma med p ar snang ba na de bzhin gshegs pa kun tu dga' ba'i shugs dpal gyi rgyal po bzhugs pa'i 'khor gyi dkyil 'khor rgya mtsho nas byang chub sems dpa' ye shes kyi 'od zer shes rab kun nas sgron ma'i blo gros zhes bya ba/ byang chub sems dpa' 'jig rten gyi khams kyi rdul shin tu phra ba snyed dang lhan cig tu 'phags te bcom ldan 'das gang na ba der 'ongs par gyur te/ nor bu yid bzhin gyi rgyal po thams cad kyi bla re'i sprin bcus nam mkha' kun nas yog par byin gyis brlabs pa dang / rin po che in+d+ra nI la'i ze ba can gyi me tog thams cad kyi rgyan gyi bla re'i sprin bcus nam mkha' kun nas yog par byin gyis brlabs pa dang / spos rin po che'i bla re thams cad kyi sprin bcus nam mkha' kun nas yog par byin gyis brlabs pa dang / rin po che 'od 'phro ba sgron ma'i gzugs kyi bla re'i sprin bcus nam mkha' kun nas yog par byin gyis brlabs pa dang / nor bu'i rgyal po sangs rgyas kyi rdzu 'phrul dang / 'od dang / sgra dbyangs rab tu ston pa'i bla re'i sprin bcus nam mkha' kun nas yog par byin gyis brlabs pa dang / nor bu dang / gos dang / rgyan thams cad kyi gzugs brnyan yang dag par ston pa'i bla re'i sprin bcus nam mkha' kun nas yog par byin gyis brlabs pa dang / me tog thams cad kyi dog pa lta bu rin po che'i bla re'i sprin bcus nam mkha' kun nas yog par byin gyis brlabs pa dang / dril bu sna tshogs kun tu sgras khyab par byed pa'i dra ba'i bla re'i sprin bcus nam mkha' kun nas yog par byin gyis brlabs pa dang / pad+mo'i dra ba mtha' yas pa sna tshogs rin po che'i snying po can gyi bla re'i sprin bcus nam mkha' kun nas yog par byin gyis brlabs pa dang / gser gyi ze ba 'od 'phro zhing snang ba'i rgyal mtshan gyi bla re'i sprin bcus nam mkha' kun nas yog par byin gyis brlabs pa dang / rgyan bsam gyis mi khyab pa'i gzugs brnyan rab tu ston pa'i rgyan thams cad kyis brgyan pa'i bla re'i sprin bcus nam mkha' kun nas yog par byin gyis brlabs pa dang / de dag la sogs pa bla re'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin nas bcom ldan 'das la phyag 'tshal te/ shar dang / lho'i phyogs mtshams su brten te seng+ge'i khri pad+mo sna tshogs rin po ches rab tu brgyan pa'i snying po can mngon par sprul nas skyil mo krung bcas te 'khod do/ /de nas yang 'jig rten gyi khams rgya mtsho 'di dang 'dabs chags su lho dang / nub kyi phyogs mtshams na 'jig rten gyi khams rgya mtsho nyi ma'i 'od zer rab tu 'bar bas kun tu snang ba'i snying po zhes bya ba yod de/ 'jig rten gyi khams bar ma'i rgyud de dag las 'jig rten gyi khams nyi ma dang seng+ge ltar snang ba na de bzhin gshegs pa sgo kun nas ye shes rnam par snang ba'i dbyangs bzhugs pa'i 'khor gyi dkyil 'khor rgya mtsho nas byang chub sems dpa' me tog kun nas 'od 'phro gtsug phud rab tu 'phyang ba zhes bya ba/ byang chub sems dpa' 'jig rten gyi khams rgya mtsho'i rdul s hin tu phra ba snyed dang lhan cig tu 'phags te bcom ldan 'das gang na ba der 'ongs par gyur te sna tshogs thams cad kyis brgyan pa'i rin po che'i gdugs kyi sprin bcus nam mkha' kun nas yog par byin gyis rlob cing / 'od zer snang ba'i rgyan gyis brgyan pa'i me tog gi gdugs kyi sprin bcus nam mkha' kun nas yog par byin gyis brlabs pa dang / mu tig mang po kha dog mtha' yas pa thams cad kyi gdugs kyi sprin bcus nam mkha' kun nas yog par byin gyis brlabs pa dang / nor bu'i rgyal po byang chub sems dpa' thams cad kyi snying rje'i sgo nas rab tu sgrog pa'i gdugs kyi sprin bcus nam mkha' kun nas yog par byin gyis brlabs pa dang / rin po che'i 'od 'phro ba sna tshogs kyi phreng ba'i gdugs kyi sprin bcus nam mkha' kun nas yog par byin gyis brlabs pa dang / rin po che'i tshon rnams pa sna tshogs kyi 'od kyis rab tu brgyan cing dril bu'i dra ba bres pa'i gdugs kyi sprin bcus nam mkha' kun nas yog par byin gyis brlabs pa dang / rin po che'i shing gi yal ga thams cad kyis brgyan pa'i gzugs kyi sprin bcus nam mkha' kun nas yog par byin gyis brlabs pa dang / nor bu'i rgyal po nyi ma rnam par snang ba'i lte ba'i gdugs kyi sprin bcus nam mkha' kun nas yog par byin gyis brlabs pa dang / spos dang bdug pa thams cad kyi gdugs kyi sprin bcus nam mkha' kun nas yog par byin gyis brlabs pa dang / tsan+dan gyi phye ma mang pos kun tu rgyas par 'gengs pa'i gdugs kyi sprin bcus nam mkha' kun nas yog par byin gyis brlabs pa dang / sangs rgyas kyi yul rgya chen po rnam par bstan pas kun tu rgyan gyis khyab par byed pa'i gdugs kyi sprin bcus nam mkha' kun nas yog par byin gyis brlabs pa dang / de dag la sogs pa gdugs kyi sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas lho dang / nub kyi phyogs mtshams su brten te seng+ge'i khri in+d+ra nI la yid du 'ong bar 'bar ba'i 'od zer gyi snying po can dag mngon par sprul nas skyil mo krung bcas te 'khod do/ /de nas yang 'jig rten gyi khams rgya mtsho 'di dang 'dabs chags su nub dang / byang gi phyogs mtshams na 'jig rten gyi khams rgya mtsho rin po che'i 'od zer 'bar ba'i skar mda' 'od kyi snying po zhes bya ba yod de/ 'jig rten gyi khams par ma'i rgyud de dag las 'jig rten gyi khams spos kyi rgyan yid du 'ong ba'i snying po na de bzhin gshegs pa yon tan rgya mtsho tshad med pa'i 'od bzhugs pa'i 'khor gyi dkyil 'khor rgya mtsho nas byang chub sems dpa' 'od zer dang / gzi brjid mi zad pa'i rgyal po'i blo gros zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags te bcom ldan 'das gang na ba der 'ongs par gyur te/ rin po che thams cad du snang ba'i 'od kyi dkyil 'khor gyi sprin bcus nam mkha' kun nas yog par byin gyis rlob cing / rin po che 'od 'phro ba'i gzugs kyi 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / me tog gi sprin gyis rnam par snang bar byas pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / 'od zer gyi sgo nas sangs rgyas kyi sprul pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / phyogs bcu'i sangs rgyas kyi zhing gzugs brnyan gyi khongs su chud pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / rin po che'i yal ga'i sgo kun nas sangs rgyas kyi yul rab tu sgrog pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / nor bu'i rgyal po rin po che baiDUR+Ya'i rigs kyi 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / sems skad cig gis sems can mtha' yas pa'i gzugs yongs su ston pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / sems skad cig gcig gis sems can mtha' yas pa'i gzugs yongs su ston pa'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / sangs rgyas thams cad kyi smon lam 'byung ba'i sgra yid du 'ong ba rab tu gtong ba'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / 'khor gyi dkyil 'khor thams cad du sems can 'dul ba'i sgra sgrog pa nor bu'i 'od kyi dkyil 'khor gyi sprin bcus nam mkha' kun nas yog par byin gyis brlabs pa dang / de dag la sogs pa 'od kyi dkyil 'khor gyi sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin te bcom ldan 'das la phyag 'tshal nas nub dang / byang gi phyogs mtshams su brten te seng+ge'i khri 'od zer 'bar ba mi zad pa'i gzi brjid kyi snying po can dag mngon par sprul nas skyil mo krung bcas te 'khod do/ /de nas yang 'jig rten gyi khams rgya mtsho 'di dang 'dabs chags su 'og gi phyogs na 'jig rten gyi khams rgya mtsho pad+mo dri zhim dpal gyi snying po zhes bya ba yod de/ 'jig rten gyi khams bar ma'i rgyud de las 'jig rten gyi khams rin po che'i seng+ge snang zhing 'bar ba na de bzhin gshegs p a chos kyi dbyings snang bar mdzad pa'i 'od zer bzhugs pa'i 'khor gyi dkyil 'khor rgya mtsho nas byang chub sems dpa' chos kyi dbyings su 'od 'phro ba rnam par snang ba 'byung ba'i blo gros zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags nas bcom ldan 'das gang na ba der 'ongs par gyur te/ rin po che thams cad kyi 'od zer gyi sprin bcus nam mkha' kun nas yog par byin gyis rlob cing / spos thams cad kyi 'od zer gyi sprin bcus nam mkha' kun nas yog par byin gyis brlabs pa dang / rin po che'i 'od 'phro ba thams cad kyi 'od zer gyi sprin bcus nam mkha' kun nas yog par byin gyis brlabs pa dang / sangs rgyas kyi chos thams cad brjed pas khyab par byed pa'i 'od zer gyi sprin bcus nam mkha' kun nas yog par byin gyis brlabs pa dang / sangs rgyas kyi zhing thams cad kyi rgyan gyis rnam par snang bar byas pa'i 'od zer gyi sprin bcus nam mkha' kun nas yog par byin gyis brlabs pa dang / me tog gi khang pa brtsegs pa thams cad kyi 'od zer gyi sprin bcus nam mkha' kun nas yog par byin gyis brlabs pa dang / bskal pa thams cad gcig nas gcig tu brgyud par sangs rgyas yang dag par 'byung zhing sems can yongs su smin par bya bar brjod pa'i 'od zer gyi sprin bcus nam mkha' kun nas yog par byin gyis brlabs pa dang / rin po che zad mi shes pa thams cad dang / me tog thams cad kyi ze ba'i 'od zer gyi sprin bcus nam mkha' kun nas yog par byin gyis brlabs pa dang / de dag la sogs pa 'od zer gyi sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na ba der phyin nas bcom ldan 'das la phyag 'tshal te 'og gi phyogs su brten nas seng+ge'i khri rin po che'i sgron ma rab tu 'bar ba 'byung ba'i snying po can dag mngon par sprul nas skyil mo krung bcas te 'khod do/ /de nas yang 'jig rten gyi khams rgya mtsho gzhi dang snying po me tog gi rgyan gyis brgyan pa 'di dang 'dabs chags su steng gi phyogs na 'jig rten gyi khams rgya mtsho nor bu rin po che sna tshogs kyi 'od rgya mtsho'i rgyan ces bya ba yod de/ 'jig rten gyi khams bar ma'i rgyud de dag las 'jig rten gyi khams mtshan yid du 'ong ba rnam par snang ba zhes bya ba na de bzhin gshegs pa yon tan dang grags pa thogs pa med pa'i rnam par thar pa rab tu snang ba'i rgyal po bzhugs pa'i 'khor gyi dkyil 'khor rgya mtsho nas byang chub sems dpa' stobs dang / brtson 'grus chags pa med pa'i blo gros zhes bya ba/ byang chub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu 'phags nas bcom ldan 'das gang na ba der 'ongs par gyur te/ rin po che kha dog mtha' yas par 'od 'phro ba'i sprin bcus nam mkha' kun nas yog par byin gyis brlob cing / nor bu rin po che kun nas 'od kyi dra ba 'od 'phro ba'i sprin bcus nam mkha' kun nas yog par byin gyis brlabs pa dang / sangs rgyas kyi zhing gi rgyan rgya chen pos rnam par snang bar 'od 'phro ba'i sprin bcus nam mkha' kun nas yog par byin gyis brlabs pa dang / spos thams cad 'phro ba'i sprin bcus nam mkha' kun nas yog par byin gyis brlabs pa dang / rgyan thams cad 'od 'phro ba'i sprin bcus nam mkha' kun nas yog par byin gyis brlabs pa dang / sangs rgyas thams cad kyi rdzu 'phrul 'od 'phro ba'i sprin bcus nam mkha' kun nas yog par byin gyis brlabs pa dang / shing dang za ba rnam pa sna tshogs su 'od 'phro ba'i sprin bcus nam mkha' kun nas yog par byin gyis brlabs pa dang / rdo rje sna tshogs 'od 'phro ba'i sprin bcus mkha' kun nas yog par byin gyis brlabs pa dang / nor bu'i rgyal po byang chub sems dpa'i spyod pa mtha' yas pa brjod cing 'od 'phro ba'i sprin bcus nam mkha' kun nas yog par byin gyis brlabs pa dang / mu tig gi sgron ma 'od 'phro ba'i sprin bcus nam mkha' kun nas yog par byin gyis brlabs pa dang / de dag la sogs pa 'od 'phro ba'i sprin 'jig rten gyi khams rgya mtsho'i rdul shin tu phra ba snyed kyis nam mkha' kun nas yog par byin gyis brlabs par byed cing / bcom ldan 'das gang na pa der phyin te bcom ldan 'das la phyag 'tshal nas steng gi phyogs su brten te seng+ge'i khri sangs rgyas kyi gsung sgrog pa'i 'od zer 'byung ba'i pad+mo'i snying po can dag mngon par sprul nas skyil mo krung bcas te 'khod do/ /de dag la sogs pa 'jig rten gyi khams rgya mtsho'i sangs rgyas kyi zhing bye ba phrag bcu'i rdul s hin tu phra ba snyed nas kyang byang chub sems dpa' sangs rgyas kyi zhing bye ba phrag bcu'i rdul shin tu phra ba snyed byang chub sems dpa' re re zhing yang byang chub sems dpa' 'jig rten gyi khams rgya m tsho'i rdul shin tu phra ba snyed kyis bskor cing mdun du byas te byang chub sems dpa' re re zhing yang rgyan rnam pa sna tshogs kyi mchod pa'i sprin 'jig rten gyi khams rgya mtsho'i rdul shin tu phra ba snyed kyis n am mkha' kun nas yog par byin gyis rlob cing 'ongs par gyur te gang nas 'ongs pa'i phyogs su brten te seng+ge'i khri rin po che sna tshogs kyi rgyan gyi snying po can dag mngon par sprul cing skyil mo krung bcas te 'khod par gyur to/ /'khod pa'i rjes la byang chub sems dpa' de dag gi ba spu'i khung bu thams cad re re nas 'od zer gyi sprin rin po che thams cad ltar kha dog sna tshogs pa 'jig rten gyi khams rgya mtsho bcu'i rdul shin tu phra ba snyed rab tu byung bar gyur to/ /rin po che re re'i sgo nas kyang byang chub sems dpa' seng+ge'i khri pad+mo'i snying po can la 'khod pa 'jig rten gyi khams rgya mtsho bcu'i rdul shin tu phra ba snyed rab tu byung bar gyur to/ /byang chub sems dpa' re res kyang chos kyi dbyings kyi tshul rgya mtsho'i khams kyi rdul shin tu phra ba snyed thams cad kyi sbubs gang bar byas nas rdul shin tu phra ba re re la yang zhing 'byams klas pa sangs rgyas kyi zhing bcu'i rdul shin tu phra ba snyed du rab tu 'jug par gyur to/ /zhing re rer yang dus gsum du gshegs pa'i sangs rgyas bcom ldan 'das thams cad mthong zhing shes par gyur to/ /sems kyi skad cig re re la yang rmi lam lta bu'i rnam par 'phrul pa yang dag par bstan pa'i sgo dag nas yang dag par bskul ba byed par gyur to/ /sems kyi skad cig re re la yang 'jig rten gyi khams rgya mtsho'i rdul shin tu phra ba snyed re re'i lha'i gnas thams cad du skye ba dang / 'chi 'pho ba yang dag par bstan pa'i sgo dag nas yang dag par bskul ba byed par gyur to/ /sems kyi skad cig re re la yang 'jig rten gyi rdul shin tu phra ba snyed kyi byang chub sems dpa'i 'khor gyi dkyil 'khor thams cad shin tu bstan pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi zhing 'byams klas pa thams cad rab tu bskyod pa dang / sangs rgyas kyi yon tan rab tu brjod cing rnam par 'phrul ba'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi sangs rgyas kyi zhing thams cad yongs su dag par bya ba dang / smon lam rgya mtsho thams cad rab tu bsgrags pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi 'gro ba thams cad kyi nges pa'i tshig dang / sangs rgyas kyi gsung gi yan lag rnam par bstan cing brjod pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi sangs rgyas kyi chos kyi sprin thams cad kyi char dbab pa'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi phyogs bcu'i 'jig rten gyi khams su chos kyi dbyings snang bas rgyas par rnam par 'phrul pa'i mthu'i sgo dag nas yang dag par bskul ba byed par gyur to/ /sems kyi skad cig re re la 'jig rten gyi khams rgya mtsho'i rdul shin tu phra ba snyed kyi sangs rgyas kyi skus chos kyi dbyings gang bar bya ba dang / sangs rgyas kyi rnam par thar pa dang / 'od thams cad kyi sgo dag nas yang dag par bskul ba byed par gyur to/ /sems kyi skad cig re re la 'jig rten g yi khams rgya mtsho'i rdul shin tu phra ba snyed kyi 'khor gyi dkyil 'khor rgya mtsho thams cad na byang chub sems dpa' kun tu bzang po rab tu gnas pa'i sgo dag nas yang dag par bskul ba byed par gyur to/ /de lta bu'i chos kyi dbyings rgyas par bkang ste sems can rnams kyi bsam pa ji lta ba bzhin du yang dag par bskul ba byed cing / 'jig rten gyi khams 'byams klas pa dag tu rab tu bdal te zhing re re yang sems kyi skad cig re re la sems can ri rab kyi rdul shin tu phra ba snyed kyi ngan song gi rgyud du gtogs pa'i sdug bsngal thams cad ni/ rab tu zhi bar byed do/ / sems can phyin ci log la nges pa ri rab kyi rdul shin tu phra ba snyed ni/ yang dag par nges pa'i phung po rab tu 'god do/ /sems can ri rab kyi rdul shin tu phra ba snyed ni/ dge ba dang / yid du 'ong ba dang / mtho ris su skye ba la rab tu 'god de/ /sems can ri rab kyi rdul shin tu phra ba snyed ni/ nyan thos dang / rang sangs rgyas kyi sa la rab tu 'god do/ /sems can ri rab kyi rdul shin tu phra ba snyed ni/ dge ba'i bshes bsnyen bkur ba'i bsod nams kyi tshigs la rab tu 'god do/ /zhing de dag re rer yang sems can ri rab kyi rdul shin tu phra ba snyed ni/ sngon chad ma bskyed pa'i byang chub kyi sems skye bar byed do/ /zhing de dag re rer yang sems can ri rab kyi rdul shin tu phra ba snyed ni/ byang chub sems dpa'i sa phyir mi ldog pa yang dag par thob pa la yang dag par skul lo/ /zhing de dag re rer yang sems can ri rab kyi rdul shin tu phra ba snyed de bzhin gshegs pa'i ye shes kyi spyan chos thams cad kun nas snang zhing gzigs pa la yongs su sbyangs te rab tu 'god do/ /zhing de dag re rer yang sems can ri rab kyi rdul shin tu phra ba snyed stobs thams cad kyis rab tu gnas pa dang / ye shes kyi tshogs zad mi shes pa dang / sangs rgyas kyi zhing yongs su dag par bya ba'i smon lam rgya mtsho la rab tu 'god do/ /zhing de dag re rer yang sems can ri rab kyi rdul shin tu phra ba snyed de bzhin gshegs pa rnam par snang mdzad kyi gdung dang rgyud yang dag par 'byung ba'i gnas rgya mtsho rnam par spyod pa la rab tu 'god do/ /byang chub sems dpa' de dag gi 'od zer gyi sgo thams cad nas kyang tshigs su bcad pa 'di lta bu dag byung bar gyur to/ /'od zer thams cad sgo nas sgra 'byung ste/ /ji snyed byang chub spyod par 'jug pa dang / /rgyal sras yon tan phun sum gang yod pa'i/ / dbyangs kyis phyogs rnams kun tu bkang zhing sgrog /bskal pa rgya mtshor skye med spyad pa spyod/ /sdug bsngal kun las 'gro ba kun 'grol kyang / /yid la skye med zhum pa gang yang med/ /'di yi tshul la rgyal sra rab tu zhugs/ /chos kyi sgo rnams kun la rab spyod cing / /tshul 'dir bskal pa rgya mtsho zad par byed/ /mtha' med dbus med lhag ma gang yang med/ /de dag chos nyid zhi ba rab tu sgrog / dus gsum rgyal ba'i smon lam gang yod pa/ /rgyal sras de dag 'gro la phan dog tu/ /de dag thams cad ma lus yongs su spyod/ /de dag spyod pa'i rgyan ni 'di 'dra 'o/ /rgyal ba kun gyi 'khor du nyer phyin te/ /phyogs rnams kun na gzugs brnyan lus 'chang zhing / /rgyal sras ye shes rgya mtsho'i blo gros can/ /de dag chos nyid zhir 'jug 'di 'dra'o/ /'od zer sgo rnams re rer mtha' pa'i/ /bsam yas zhing rnams de dag rab tu 'jug /spyod pas mig ni kun nas yongs dag ste/ /rgyal sras de dag spyod yul 'di yin no/ /skra rtse gcig tu de dag rab gnas shing / /zhing rnams dbyings kun kun nas bskyod byas kyang / /sems can rnams la 'jigs pa mi byed do/ /sa 'di rnam dag tshul 'chang dag gi 'o// tshul rnams kun la bsam gyis mi khyab lus/ /de dag kun tu zhing rnams sna tshogs sprul/ /skad cig sems la 'chi 'pho skye ba snang / /rgyan 'di sems la chags med rnams kyi 'o// dus gsum bskal pa gang yong ma lus par/ /skad cig gcig gis thams cad rab tu ston/ /sgyu ma lta bu lus med dngos kyang med/ /de 'dra'i chos nyid chags med blos rtogs so| |bzang po'i spyod pa mchog la zhugs pa rnams/ /'gro ba kun la yid du 'ong ba'i lus/ /rgyal sras de dag chos nyid 'di yin te/ /'od zer kun gyi sgo nas dbyangs kyang sgrog/ de n as bcom ldan 'das kyis byang chub sems dpa' mtha' dang dbus med pa de dag de bzhin gshegs pa'i yul la rnam par spyod pas rnam par 'phrul ba thob par bya ba'i phyir smin mtshams kyi mdzod spu nas 'od zer chen po byang chub sems dpa' thams cad ye shes kyi snang ba phyogs rnam par ston pa'i snying po zhes bya ba rab tu bkye'o/ /'od zer rin po che thams cad kyi kha dog sgron ma'i sprin du brdal ba/ sangs rgyas kyi zhing thams cad du rab tu snang ba de byung nas tshul thams cad kyi phyogs 'byams klas pa rab tu snang bar byas te phyogs thams cad kyi dbyings rgya mtsho rnams rab tu snang bar byas nas sems can rgya mtsho rnams rab tu snang bar byas te/ 'jig rten gyi khams rgya mtsho thams cad rab tu bstan nas sangs rgyas kyi zhing mang po thams c ad rab tu bskyod pa'i rgyan gyi tshul thams cad kyis rab tu bskyod nas sangs rgyas kyi sprin 'jig rten gyi khams thams cad kyi rdul shin tu phra ba snyed rdul shin tu phra ba thams cad dang mnyam p a dag tu rab tu spros nas sems can thams cad kyi bsam pa dang mos pa ji lta ba rgya mtsho dag tu de bzhin gshegs pa thams cad kyi chos kyi 'khor lo'i sprin gyi char dus gsum gyi rdul shin tu phra ba dang mnyam pa phab ste/ dus gsum gyi sangs rgyas thams cad kyi pha rol tu phyin pa rgya mtsho rab tu bstan nas sems can thams cad ma lus par 'khor ba thams cad las rab tu gdon par bya ba'i phyir mos pa ji bzhin du 'byung ba dang mthun pa'i sprin gyi char rab tu dbab pa dang / de bzhin gshegs pa thams cad kyi smon lam ma lus pa'i sprin gyi char rab tu dbab pa dang / 'jig rten gyi khams thams cad du byang chub sems dpa' kun tu bzang po'i 'khor dag tu dga' bar phrad par byas nas bcom ldan 'das la g.yas phyogs su bskor ba byas te bcom ldan 'das kyi spyan sngar pad+mo chen po chu ba rin po che thams cad las bsgrubs pa/ nang rim nor bu'i rgyal po'i mdzod sna tshogs las byas pa/ lo ma rin po che thams cad kyi rigs kyi char 'bebs pa/ ze ba'i phreng ba'i rgyan spos rin po che thams cad las byas pa/ snying po 'dzam bu chu klung gi gser gyi tshon gyis rab tu mdzes par bris pa/ 'od kyi 'khor rnam par dag cing 'od zer gyi dra bas rnam par snang bas byas pa'i sprin dang ldan pa/ rgyan thams cad rab tu 'byung ba/ sems kyi skad cig la sangs rgyas kyi rnam par 'phrul ba mtha' yas pa ston pa'i sgra rab tu 'byung ba/ nor bu'i rgyal po mtha' yas pa dang / sangs rgyas kyi sku'i gzugs brnyan gyi sprin gyis thams cad du gang bar byed pa/ byang chub sems dpa'i spyod pa dang / smon lam thams cad rab tu ston pa'i dbyangs 'byin par gyur te byung ngo / /pad+mo chen po de byung ba'i rjes la byang chub sems dpa' chos thams cad la pham pa med pa'i dbyangs zhes bya ba/ byang c hub sems dpa' 'jig rten gyi khams rgya mtsho'i rdul shin tu phra ba snyed dang lhan cig tu bcom ldan 'das kyis mdzod spu de nyid nas byung ba ste bcom ldan 'das la lan du mar g.yas phyogs su bskor ba byas nas bcom ldan 'das la phyag 'tshal te pad+mo chen po de'i snying po la 'dug go / byang chub sems dpa' 'jig rten gyi khams rgya mtsho'i rdul shin tu phra ba snyed po de dag kyang ze ba'i phreng ba de dag la 'khod do/ /de nas byang chub sems dpa' chos thams cad la pham pa med pa'i dbyangs chos kyi dbyings rgya che zhing tshad med pas rab tu dga' ba'i shugs shin tu skyes pa de bzhin gshegs pa thams cad kyi spyod yul gyi rjes su song ba'i ye shes can/ sangs rgyas kyi chos kyi sku rgya mtsho bsam gyis mi khyab pa la rab tu zhugs pa'i mthu dang ldan pa/ zhing 'byams klas pa thams cad kyi de bzhin gshegs pa rnams kyi zhabs kyi drung du phyin pa dang ba spu thams cad las sprul pa'i sprin zad mi shes pas kun tu khebs par byed pa/ sems kyi skad cig thams cad la dmigs pa thams cad chos kyi dbyings kun tu sgyur ba/ chos kyi dbyings thams cad la dus gsum khyab par byed pa'i spyod yul gyis rnam par spyod pa/ phyogs thams cad kyi de bzhin gshegs pa'i byin gyis rlabs 'chang ba/ ting nge 'dzin thams cad la rab tu 'jog cing phyi ma'i mtha'i bskal pa'i mur thug par ting nge 'dzin dang / rnam par thar pa la rnam par spyod pa/ sangs rgyas kyi yon tan rgya mtsho mtha' yas pa thams cad dang / chos kyi dbyings kyi lus dang ldan pas de bzhin gshegs pa'i rdzu 'phrul dang / rnam par 'phrul pa mtha' dang dbus med pa la rnam par bltas te de'i tshe tshigs su bcad pa 'di dag smras so/ /sangs rgyas sku ni chos kyi dbyings kyis gsal/ /'gro ba kun la rgyal ba mngon sum ste/ /ji ltar mos pa'i sems can rgyas bkang nas/ /snying po byang chub de la rgyal ba bzhugs/ /zhing rnams kun gyi rdul phran mchog snyed kyi/ /rgyal ba spu rtse kun la rab bzhugs te/ /byang chub sems dpa'i 'khor gyis kun nas bskor/ /kun kyang bzang po'i spyod pa mchog ston to/ / spu gcig rtse la zhing mang rgya mtsho ste/ /byang chub snying por pad+mo'i gdan la bzhugs/ /chos dbyings rgya chen thams cad kun bkang ste/ /spu rnams kun la rnam par 'phrul pa ston/ /zhing rnams re re dag na rab bzhugs shing / /zhing rnams 'byams klas kun tu rgyas mdzad pas/ /phyogs bcu'i byang chub sems dpa'i sprin gyi rnams/ kun kyang snying po byang chub drung du 'dod/ /zhing rnams kun gyi rdul phran mchog snyed kyi/ /byang chub sems dpa'i yon tan rgya mtsho'i 'od/ /sangs rgyas kun gyi 'khor du nye bar 'dod/ /chos dbyings 'byams klas rtag tu rgyas par 'gengs/ /zhing rnams thams cad gzugs brnyan rab tu ston/ /chos dbyings rdul rnams ye shes spyod yul can/ /kun kyang bzang po'i spyod la rab tu gnas/ /sangs rgyas kun gyi 'khor du yang dag byung / /byang chub sems dpa' ye shes mchog yul can/ /sangs rgyas chos sprin nyan cing rab tu mkhas/ /sangs rgyas kun gyi 'khor rnams kun na gnas/ /zhing rnams kun tu bskal pa rgya mtshor spyod/ /rgya mtsho'i chos la rnam par snang bar spyod/ /de dag rgyal ba'i sa rnams rgya mtsho zhugs/ /sangs rgyas chos rnams gzhan dang gzhan 'byung ba/ /de dag smon lam rgya mtshor rab tu 'jug/ /sangs rgyas yon tan legs pa rgya mtsho dang / /kun tu bzang po'i spyod pa de dag shes/ /sangs rgyas chos kyi dbyings rnams kun bkang zhing / /de dag rnam 'phrul rgya chen kun la zhugs/ /zhing rnams kun gyi rdul phran mang snyed kyi/ /lus kyi sprin ni rtag par rab tu ston/ /sems can kun bkang 'od kyis kun la skyob/ /bsam pa yid bzhin chos kyi char yang 'bebs/ /de nas byang chub sems dpa' chos kyi dpal pad+mo rnam par lta ba'i rgyal mtshan gyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas ye shes shin tu zab/ /dus rnams kun tu de 'byung ste/ /chos dbyings thugs su chud pas na/ /'jig rten mgon zhes rab tu brjod/ /yang dag sangs rgyas chos kyi sku/ / 'dres pa med cing gnas pa med/ /sems can thams cad yid bzhin du/ /gzugs kyi skur yang rab tu mthong / /chos rnams thams cad mngon sangs rgyas/ /chos rnams kun la rab tu zhugs/ / thams cad mkhyen pa thams cad gzigs/ /zhing rnams kun na rnam par mdzes/ /kha dog bsam gyis mi khyab par/ /sems can thams cad yid bzhin du/ /sems can mchog gi 'od rnams dang / /de bzhin sku yi sprin kyang mthong / /de bzhin gshegs pa'i sku dag las/ /mi zad sangs rgyas sprul ba rnams/ /zhing rnams kun tu rab sgrog cing / /chos kyi rgya mtsho shin tu ston/ /spu rnams re re kun nas kyang / /phyogs bcur 'od zer dra ba dag/ sangs rgyas gsung ni rab 'byin cing / /gdul dka' thams cad rnam par 'dul/ /sangs rgyas 'od zer sgo rnams nas/ /sgra dbyangs zab mo rtag tu 'byung / /sangs rgyas yon tan rgya mtsho ni/ /byang chub sems dpa'i spyod yul lo/ /sangs rgyas chos kyi 'khor lo dag /mtha' dang dbus med rab tu bskor/ / ye shes zab mo zhes bya ba/ /rgya chen phyogs su rab tu ston/ /'jig rten khams rnams thams cad du/ /rnam par 'phrul pa gzhan dang gzhan/ /chos kyi dbyings rnams kun bkang zhing / /yang dag sangs rgyas ston pa mdzad/ /sku rnams re re kun las kyang / /zhing rnams kun gyi rdul mnyam pa/ /sangs rgyas sems can mnyam phyung zhing / /rnam par 'phrul ba rab tu ston| |de nas byang chub sems dpa' chos rgya mtsho rnam par snang ba'i blo gros kyis sangs rgyas kyi mthus phyogs bcur rnam par bltas te/ de'i tshe tshigs su bcad pa 'di dag smras so/ / chos kyi dbyings rnams kun khyab par/ /sangs rgyas sku ni rnam par mdzes/ /rgya chen gsung ni rang byung ba/ /zhing rnams rgya mtshor shin tu sgrog /'jig rten thams cad kun 'jug par/ / 'jig rten mgon po shin tu mdzes/ /'gro ba kun gyi bsam mkhyen cing / /byin gyi rlabs ni rab tu ston/ /sangs rgyas 'jig rten kun la mngon/ /sems can thams cad bsam pa bzhin// thams cad gzigs pas sangs rgyas kyi/ /rnam par 'phrul pa thams cad mthong / /mtha' yas 'od mnga' sangs rgyas sprin/ /chos rnams rgya mtsho'i 'brug kyang sgrog /ye shes rnam rgyu'i tshul bzhin du/ /rgyal ba'i sras rnams de la 'jug /'jug pa rnams la 'byung ba med/ /'byung ba yod par rnam par bstan/ /gang la sangs rgyas bzhugs pa yi/ /chos rnams 'byung ba nam mkha' bzhin/ /'pho dang gnas pa mi mnga' ste/ /'on kyang rgyal ba kun na snang / /sangs rgyas chos kyi dbyings las byung / /de phyir sangs rgyas rab tu brjod/ /yul na bzhugs med rang bzhin med| |de la 'byung ba mi mnga' ste/ /sku dang mtshan kyang de bzhin med/ /rgyal ba gzugs brnyan 'dra ba'o/ /'gro ba kun tu chos kyi sprin/ /bsam pa kun la rab tu byung / /yang dag sangs rgyas rnam kun tu/ /sems can rgya mtsho 'dul ba mdzad/ /'jig rten khams rnams thams cad kyi/ /snying po byang chub kun na snang / /'khor gyi rgya mtsho thams cad na/ /zhing rnams kun gyis rnam par mdzes/ / sangs rgyas kun gyi sku dag la/ /yon tan rgya mtsho zad mi shes/ /sangs rgyas yon tan mtha' yas te/ /de dag yon tan zad pa med/ /de nas byang chub sems dpa' spos 'od 'phro ba'i rgyan zla ba'i 'od kyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /bsam gyis mi khyab sangs rgyas sar/ /byang chub sems dpa' gang bzhugs pa// de dang de dag sangs rgyas kyi/ /sangs rgyas rnam 'phrul thams cad mthong / /ye shes lus kyis zhugs pa rnams/ /zhing kun rdul gyi sbubs su yang / /de bzhin gshegs pa thams cad dang / /bdag nyid lus kyang der mthong ngo / /gzugs brnyan zhing rnams thams cad dang / /sangs rgyas kun gyi spyan sngar 'byung / /kun tu byin gyi rlabs rnams dang / /rnam par 'phrul pa rab tu ston/ /kun tu bzang po'i smon lam dang / /spyod pa gang gis rnam sbyangs pa/ /de dag zhing rnams thams cad du/ /sangs rgyas kun gyi rnam 'phrul mthong / /kun tu mnyam pa nyid gyur cing / /kun tu lus kyis rab gnas te/ /ye shes kun gyi rjes song nas/ /sangs rgyas spyod yul zhugs pa'o/ /sangs rgyas ye shes zhugs pa'i rnams/ /chos kyi dbyings la rnam par mdzes/ /sangs rgyas kun gyi spu dag tu/ /rgya mtsho'i zhing la rab tu 'jug /sangs rgyas kun gyi zhing dag tu/ /byin gyi rlabs rnams rab bstan pas/ /gzhan dang gzhan gyi lus dag dang / /ming gis kun ni rab tu gnas/ /byang chub snying por rnam 'phrul dang / /byang chub mngon par 'tshang rgya zhing / /chos kyi 'khor lo bskor ba dag /skad cig sems kyis ston pa byed// zhing rnams 'byams klas thams cad dang / /bskal pa bye ba bsam yas dag /byang chub sems dpa' mnyam gzhag rnams/ /skad cig sems kyis rnam par ston/ /sangs rgyas zhing rnams thams cad na/ /byang chub sems dpa'i sprul pa rnams/ /sangs rgyas sku la rnam spyod kyang / /mtha' ma rnyed par mi rung ngo / /de nas byang chub sems dpa' seng+ge'i 'od zer snang ba'i mthu 'byin pa'i blo gros kyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas rnam par snang mdzad kyis/ /chos kyi 'khor lo rab tu 'khor/ /chos dbyings tshul rnams thams cad kyang / /sangs rgyas sprin gyis mngon du yog /'jig rten khams rnams rgya mtsho dang / /phyogs bcu kun na gang yod pa/ / thams cad kun tu 'khor lo 'khor/ /de ni smon lam rnam 'phrul ba'o/ /'khor rnams rgya mtsho rgya che ba/ /gzhan dang gzhan gyi ming dag gis/ /zhing rnams gnas pa kun tu yang / /chos kyi 'khor lo kun tu 'khor/ /rnam par snang mdzad byin rlabs kyis/ /zhing rnams rgya mtsho kun tu yang / /kun tu bzang po'i smon lam dag /rjod cing zhing rnams kun tu 'byung / /zhing kun rdul la sku yi rnams/ /thams cad chos char rab tu 'bebs/ /'dres pa med cing 'byung ba med/ /'jig rten dag na rnam par mdzes/ /bskal pa bye ba grangs med par/ /zhing kun rdul phran sbubs dag tu| |rnam par snang ba mdzad pa'i gsung / /sngon gyi spyod pa rab tu sgrog /zhing rnams thams cad rdul snyed kyi/ /'od zer dra ba phyogs bcu na/ /sangs rgyas 'od zer kun sgo nas/ /byang chub mchog phyir sems can 'dul/ /kun tu ma 'dres sku dag gis/ /chos dbyings yongs su rab gsal te/ /'gro rnams 'dul ba ji bzhin du/ /gzugs kyi skur yang rab tu mthong / /dus gsum zhing rnams thams cad kyi/ /mgon po ji snyed bzhugs pa rnams/ /de dag kun gyi mtshan kyang sgrog /sangs rgyas rnam par 'phrul la ltos/ /da ltar byung dang 'das pa dang / /sangs rgyas gang rnams ma byon pa/ /de dag kun gyi bsam yas pa/ /chos kyi 'khor lo rab tu grag /de nas byang chub sems dpa' chos kyi yon tan gyi mdzod mi zad pa'i dpal gyi gzi brjid mar mes sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /gang gis byang chub sems dpa' yi| |ye shes tshogs 'di kun non cing / /ye shes rtogs pa rnyed pa rnams/ /de dag 'di yi tshul la zhugs/ /chos kyi dbyings dang mnyam pa'i dbyangs/ /zhing rnams kun tu rab tu 'byung / / sangs rgyas kun gyi spyod yul te/ /byang chub sems dpa'i ched du brjod/ /skad cig re re'i sems kun la| /chos kyi dbyings su rnam par rgyu/ /de bzhin nyid la gnas shing brten/ /chos rnams rgya mtsho kun la zhugs/ /rgyan gyi pha rol phyin pa rnams/ /bskal pa bye ba bsam yas su/ /sangs rgyas thams cad sku dag tu/ /zhing rnams kun na gnas shing spyod/ /rdul rnams re re'i steng nas kyang / /chos rnams kun ni rab tu 'byung / /zhing rnams kun kyang khyab par byed/ /ye shes chags med spyod yul lo/ /sangs rgyas thams cad spyod yul du/ /lus pa med par kun bkang zhing / /rnam par 'phrul ba'i rnam spyod pas/ /sangs rgyas spyod yul rnams la zhugs/ /sangs rgyas kun gyi rjes snyegs dbyangs/ /chos kyi dbyings ni rab sgrog pa| |chos dbyings rjes su shes pa rnams/ /dbyangs kyi rgya mtsho rnams la spyod/ /bskal pa rgya mtshor ma 'dres par/ /sgra dang dbyangs rnams shin tu sgrog /dus rnams thams cad shes pas gsal/ /dbyangs kyis de dag sa la zhugs/ /sgra yi shes la rmongs pa med/ /sems can sgra yang spyod yul te/ /thams cad mkhyen pa kun gyi yang / /rnam par 'phrul ba'i dbyangs shes so/ /sa nas sar yang phyin gyur cing / /stobs kyi sa la rab gnas te/ /bskal pa bye bar spyad pas na/ /chos nyid 'di la rab tu 'jug /de nas byang chub sems dpa' ye shes kyi 'od zer shes rab kun nas sgron ma'i blo gros kyis sangs rgyas kyi byin gyis brlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /gang la sangs rgyas bzhugs pa yi/ /chos rnams de dag mtshan nyid med/ /ye shes sa ni thob pa rnams/ /'jig rten gtso bo rab tu mthong / /shes rab snang ba'i kun 'od can/ /byang chub sems dpa' mnyam bzhag rnams/ /sangs rgyas thams cad kun gyi yang / /sku yi rnam par 'phrul la zhugs/ /chos kyi dbyings la rnam spyad cing / /lus kyi dngos la rab 'jug ste/ /zab mo'i chos rnams rtogs gyur nas/ /smon lam dag gis yang dag byung / /bsod nams rgya mtshos byung gyur cing / /ye shes sa la rnam par gnas/ /chos la rnam spyod khong du chud/ /spyod pa'i mchog la rab tu spyod/ /sangs rgyas zhing rnams thams cad kyi/ /sangs rgyas kun gyi drung dag tu/ /chos kyi dbyings la spyad pas na/ /rang bzhin lus ni rab tu mthong / /zhing rnams 'byams klas thams cad du/ /bskal pa bye ba bsam yas su/ /thams cad gzigs pa'i chos kyi rnams/ /rgya mtsho kun la rab tu spyod/ /bdag mthong bas ni lus dang rdul/ /gcig tu 'dres par mngon par byas/ /ma skyes mtshan nyid med pa ste/ /zhing rnams kun tu'ang rnam par mdzes/ /'jig rten kun gyi bsam mthun par/ / sems can kun la mngon sum du/ /lus kyi sprin ni bstan byas shing / /byang chub don du sems can 'dul/ /sangs rgyas thams cad mthu yis ni/ /byang chub sems dpar brjod pa ste| |gang gis mgon po mthong ba yi/ /rgyal ba'i byin rlabs shin tu zab/ /mgon po ji snyed gang bzhugs pa'i/ /byin rlabs mtha' dang dbus med de/ /chos dbyings rab tu gang byas nas/ /byang chub sems dpa' rnam 'tshang rgya/ /de nas byang chub sems dpa' me tog kun nas 'od 'phro gtsug phud rab tu 'phyang bas sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams kun tu sangs rgyas kyi/ /gsung gi dkyil 'khor sgra 'byin te/ /chos kyi dbyings rnams gang byas nas/ / yon tan sprin ni rab tu brjod/ /yang dag sangs rgyas chos kyi sku/ /rnam dag nam mkha' 'dra ba ste/ /gzugs kyi sku yang rab ston cing / /chos nyid 'di la shin tu 'jug /dga' dang mos pa'i shugs rnams dang / /sangs rgyas stobs rnams thams cad la/ /rab tu gnas shing de dag ni/ /de bzhin gshegs pa'i ye shes 'jug /shes rab chung ngus chos 'di dag /kun nas shes par mi nus te/ /ye shes mig ni rab sbyangs shing / /'di yi tshul la 'jug par 'gyur/ /rab tu gnas dang byin rlabs dang / /chos kun rnam par spyad pa dang / /rab tu 'jug dang ldan pa yi/ /mnyam pa nyid la rab tu zhugs/ /chos rnams mtha' yas klong gi rnams/ /chos kun mtshan nyid rnams la ste/ /kun mkhyen nyid la rab zhugs shing / /chos kyi rgya mtsho kun la spyod/ /sangs rgyas zhing na kun 'khod cing / /thams cad kun na rnam par mdzes/ /'ong ba med cing 'phos pa med/ /sangs rgyas chos nyid de 'dra'o/ /gzugs brnyan 'dra ba'i sku rnams ni/ /sems can rgya mtsho'i nang na snang / /mos pa ci 'dra yod pa'i rnams/ /de bzhin mgon po kun gyis mthong / /kun tu bzang po'i smon lam dang / /spyod pa mang po sus sbyangs pa/ /de dag thams cad ba spu la'ang / /rnam 'phrul gzhan dang gzhan dag mthong / /lus kyi rnams ni re res kyang / /chos kyi dbyings rnams kun tu khyab// 'khor lo kun na 'khor ba ste/ /chos kyi 'khor lo bsam mi khyab/ /de nas byang chub sems dpa' 'od zer dang / /gzi brjid mi zad pa'i rgyal po blo gros kyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sangs rgyas sku ni thams cad nas/ /'od zer sprin mang phyogs rnams bcur/ /kha dog mtha' yas 'bar ba'i 'od/ /sems can bsam pa kun la 'phro/ /sangs rgyas zhing rnams thams cad kyi/ /snying po byang chub kun na bzhugs/ /bdud rnams thams cad rab btul te// 'khor gyi nang na rnam par mdzes/ /thams cad rdul na'ang ma 'dres par/ /'od zer dkyil 'khor rgyas par 'gengs/ /phyogs rnams gzhan dang gzhan lam du/ /zhing gi rgyud rnams rab tu ston/ /zhing gi rnams ni rgya mtsho'i klong / /phyogs kyi rnams kyang kun tu gnon/ /zhing rnams thang chen mnyam zhing dag/ in+d+ra nI lar kun nas gnas/ /spyi'i tshugs dag dang snrel zhi dang / /pad+mo'i dbyibs dang khyad khyud dang / /dkyil 'khor 'khor lo'i khyad par du/ /gzugs rnams kun gyis rab tu gnas/ /chos kyi dbyings rnams gar phyin par/ /thug pa med par gram brdal ba/ /de dag kun gyi 'khor rnams su/ /shin tu bstan pa'i chos 'byung ngo / /de bzhin gshegs pa'i sku dbyings na/ /'khod pa'i zhing rnams bsam mi khyab/ /de dag kun tu chos nyid 'di/ /'jig rten mgon po rnams kyang ston/ /tha dad med pa'i chos kyi dbyings/ /chos kyi 'khor lo rab tu 'khor/ /gcig gi tshul gyi rnam pa yis/ /chos bstan pa ni kun tu 'byung / /sangs rgyas gsung gi dkyil 'khor ni/ /tshul rnams thams cad rab tu brjod/ /dad pa rgya mtsho'i tshul dag gis/ /mi zad tshul rnams rab tu bstan/ /sangs rgyas zhing rnams kun na yang / /rgyal ba rnams ni mig yor 'dra/ /snying po byang chub rnams na snang / /'byung ba dag kyang yod pa min/ /de nas byang chub sems dpa' chos kyi dbyings su 'od 'phro ba'i rnam par snang ba 'byung ba'i blo gros kyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /blta zhing blta zhing sangs rgyas rnams/ /sku gzugs bsam gyis mi khyab ste/ /dga' ba rgya mtsho kun kyang 'byung / /chos kyi shugs ni rab tu 'phel/ /mtshan rab kun nas sangs rgyas rnams/ /phyogs bcu kun tu rab tu 'byung / /rdul rnams kun tu 'jug pa yis/ /sangs rgyas sprin kyang de bzhin bstan/ /skad cig skad cig sems kun la/ /sangs rgyas 'od ni dpal gyis 'bar/ /rnam 'phrul gzhan dang gzhan dag gis/ /zhing rnams rgya mtsho kun na snang / /byang chub sems dpa' shes rab che/ /rgya mtsho chos las byung ba rnams/ /sangs rgyas kun gyis byin rlabs pa/ /'di yi yul la rnam par spyod/ /kun tu bzang po'i smon lam la/ /gang rnams shin tu gnas gyur pa/ /de dang de rnams zhing dag tu/ /sangs rgyas rnam 'phrul kun la lta/ /ye shes zab mo rnam gnon cing // chos kyi dbyings la gzhol ba ni/ /mos pa rgya mtsho shes pa ste/ /smon lam kun gyis byung ba'o/ /sangs rgyas kun gyi sku dang gsung / /chags pa med la rab tu zhugs/ /spyod pa gzhan dang gzhan dag gis/ /spyod yul kun kyang khong du chud/ /sangs rgyas kun gyi sku gnas shing / /ye shes spyod yul gyur pa rnams/ /chos kyi dbyings la rab brtson pa/ /rgyal ba rnams kyi sa gnon to/ /skad cig sems kyis zhing gi rnams/ /sangs rgyas zhing gi rdul mnyam pa/ /de dag chos nyid ji bzhin du/ /rdul gcig steng du rnam par spyod/ /zhing rnams ji snyed thams cad na| |zhing gi rnam 'phrul gang yod pa/ /chos nyid 'di la zhugs pa rnams/ /zhing gcig tu ni sdud pa byed/ /de nas byang chub sems dpa' stobs dang / brtson 'grus chags pa med pa'i blo gros kyis sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho thams cad du/ /de dag gsung ni zab mo 'byung / / dbyangs kyi yan lag kun rgyas pa/ /chos kyi sprin gyi char 'bebs so/ /brjod pa rgya mtsho thams cad kyis/ /sems can kun gyi skad dag tu/ /sangs rgyas zhing rnams kun tu yang / /chos rnams bstan pa rab tu 'byung / /zhing rnams kun tu ma lus par/ /sangs rgyas rnams par 'phrul mthong zhing / /sangs rgyas gsung rnams thos pa dang / /byang chub mchog phyir kun kyang 'jug/ rdul rnams re re'i steng nas kyang / /chos kyi dbyings kyi phyogs tshul gyis/ /sangs rgyas zhing rnams kun bkang zhing / /sangs rgyas rnam 'phrul ston pa byed/ /chos kyi sku ni tha dad min/ /nam mkha' bzhin te chags pa med| |gzugs kyi skur ni rnam dmigs pa/ /mig yor snang ba'i mtshan nyid do/ /mig yor yul la mi gnas te/ /nam mkha' bzhin du dngos po med/ /mnyam pa nyid 'di rtogs gyur nas/ /ye shes rgya mtsho mthong bar 'gyur/ /sangs rgyas sku ni ma skyes te/ /gzung ba med cing 'byung ba med/ /nam mkha' mnyam pa nyid dang mtshungs/ /gzung du med las 'di bstan to/ /zhing rnams kun gyi sangs rgyas rnams/ /de dag spu gcig rtse la tshogs/ /ye shes mig dang ldan pa yis/ /spu rnams kun tu rnam 'phrul mthong / /rnam par snang mdzad smon lam ste/ /chos kyi dbyings ni kun bkang zhing // bla med chos kyi 'khor lo dag /zhing rnams kun na rtag tu 'khor/ /ji ste bskal pa bsam yas par/ /spu rtse gcig tu rnam sprul pa/ /sangs rgyas kun gyis bshad mdzad kyang / /de yi mtha' ni rnyed par d ka'| |ji ltar gling bzhi pa 'dir de bzhin gshegs pas rnam par sprul pa'i snying po byang chub tu phyogs bcu nas byang chub sems dpa' rnams 'dus par gyur pa d e bzhin du 'jig rten gyi khams rgya mtsho'i gling bzhi pa thams cad kyi gling bzhi pa re rer yang de bzhin gshegs pas rnam par sprul pa'i snying po byang chub dag tu byang chub sems dpa' phyogs bcu'i 'jig rten gyi khams rgya mtsho byed pa'i rdul shin tu phra ba snyed kun nas 'dus par gyur to/ /'di na ji lta ba de bzhin du 'jig rten gyi khams thams cad kyi snying po byang chub de bzhin gshegs pas rnam par sprul pa dag tu kun nas 'dus pa'i byang chub sems dpa' de dag kyang chos nyid 'di kho na rab tu ston to/ / //shin tu rgyas pa chen po'i mdo| sangs rgyas phal po che zhes bya ba las/ de bzhin gshegs pa'i le'u ste/ gnyis pa'o// //bam po bdun pa/ de nas bcom ldan 'das kyi spyan sngar byang chub sems dpa' sems dpa' chen po kun tu bzang po seng+ge'i khri pad+mo'i snying po can de nyid la 'dug ste/ de'i tshe sangs rgyas kyi mthus ting nge 'dzin sangs rgyas thams cad de bzhin gshegs pa rnam par snang mdzad kyi sku'i snying po zhes bya ba de bzhin gshegs pa thams cad mnyam pa nyid kyi rjes su song ba'i rang bzhin/ chos kyi dbyings kyi gzugs brnyan rnam par btags pa'i tshogs/ nam mkha'i dbyings chags pa med cing rgya che ba khyab par byed pa'i rang bzhin/ chos kyi dbyings rgya mtsho'i klong mnyam pa nyid kyi rjes su song zhing shin tu brdal ba'i tshogs chos thams cad kyi sgo'i ting nge 'dzin gyi dkyil 'khor yang dag par 'byung bas rgyas par 'gengs pa/ phyogs thams cad du yang dag par zhugs pa'i chos kyi dbyings kyi lus kyis kun nas yog par byas pa'i rang bzhin gyi snying po can/ dus gsum gyi sangs rgyas 'byung ba'i ye shes snang ba rgya mtsho'i klong / phyogs thams cad du sgo kun nas tshul rgya mtsho rnam par rig par bya bas mngon du yang dag par ston pa/ sangs rgyas thams cad kyi stobs dang rnam par thar bas byang chub sems dpa'i ye shes kyi lus rgyas par 'gengs pa'i snying po can/ zhing 'byams klas pa thams cad ma lus par chos kyi dbyings su 'jug pas rgyas par 'gengs pa'i ye shes dang ldan pa/ sangs rgyas kyi yon tan rgya mtsho thams cad yongs su grub par byed pa/ bskal pa thams cad du smon lam rgya mtshos rnam par snang bar byed pa'i 'od can/ de bzhin gshegs pa thams cad kyi chos kyi 'khor lo ston cing rjod pa'i byin gyi rlabs la mnyam par bzhag par gyur to/ /ji l tar byang chub sems dpa' kun tu bzang pos bcom ldan 'das kyi zhabs kyi drung du byang chub sems dpa'i ting nge 'dzin sangs rgyas thams cad de bzhin gshegs pa rnam par snang mdzad kyi sku'i snying po zhes bya ba 'di la mnyam par bzhag pa de bzhin du/ 'jig rten gyi khams 'byams klas pa chos kyi dbyings kyis klas pa/ nam mkha'i dbyings kyi mthas gtugs pa| phyogs rgya mtsho thams cad kyi khongs su gtogs pa/ dus gsum thams cad na yod pa'i sangs rgyas kyi zhing 'byung ba'i khams chos kyi dbyings rgya chen pos non pa'i rigs su gtogs pa| shin tu phra zhing bsgribs pa med pa dang / phyogs rgya chen po rgya mtsho thams cad snang ba 'jig rten gyi khams rgya mtsho'i ris su gtogs pas rnam par non pa/ de bzhin gshegs pa'i spyan gyis rnam par gzigs pa/ sangs rgyas kyi stobs thogs pa med pas chud pa/ chos kyi dbyings dang sangs rgyas kyi sku thams cad kyi gzugs brnyan rab tu snang bas chos kyi dbyings kyi rdul ma lus pa kun tu gtogs pa/ chos kyi dbyings ma lus pa thams cad du rgyas par gang ba'i 'jig rten gyi khams thams cad kyi rdul shin tu phra ba dang mnyam pa dag t u rdul phra mo re re la'ang zhing 'jig rten gyi khams rgya mtsho rdul shin tu phra ba snyed la rab tu zhugs nas zhing re re zhing yang de bzhin gshegs pa 'jig rten gyi khams kyi rdul shin tu phra ba snyed la rab tu zhugs te/ de bzhin gshegs pa re re'i zhabs kyi drung du yang lus 'jig rten gyi khams rgya mtsho'i rdul shin tu phra ba snyed kyis ting nge 'dzin sangs rgyas thams cad de bzhin gshegs pa rnam par snang mdzad kyi sku'i snying po zhes bya ba 'di la mnyam par bzhag go / byang chub sems dpa' kun tu bzang pos byang chub sems dpa'i ting nge 'dzin sangs rgyas thams cad de b zhin gshegs pa rnam par snang mdzad kyi sku'i snying po zhes bya ba de la mnyam par bzhag pa'i rjes la de'i tshe phyogs bcu'i sangs rgyas kyi zhing 'byams klas pa thams cad nas de bzhin gshegs pa thams cad kyis zhal bstan to/ /yang dag par rdzogs pa'i sangs rgyas bcom ldan 'das de dag gis 'di skad ces kyang bka' stsal to/ /rigs kyi bu/ khyod de ltar byang chub sems dpa'i ting nge 'dzin sangs rgyas thams cad de bzhin gshegs pa rnam par snang mdzad kyi sku'i snying po 'di la mnyam par gzhag pa legs so/ /legs so/ /kye rgyal ba'i sras/ khyod la phyogs bcu'i de bzhin gshegs pa 'di dag thams cad kyang bcom ldan 'das de bzhin gshegs pa rnam par snang mdzad 'di'i sngon gyi smon lam gyi byin gyi rlabs dang / khyod kyi sangs rgyas thams cad kyi smon lam dang / spyod pa yongs su dag pa'i yang mthus 'di lta ste/ sangs rgyas thams cad kyi chos kyi 'khor lo rab tu bskor ba dang / de bzhin gshegs pa'i ye shes rgya mtsho thams cad kyi rnam par dbye ba dang / chos thams cad kyi tshul gyis phyogs rgya mtsho ma lus par snang bar bya ba dang / sems can gyi khams thams cad kyi kun nas nyon mongs pa dang / rnam par byang ba dang / chags pa med par 'jig rten gyi khams 'byams klas pa thams cad yongs su gnon pa dang / sangs rgyas kyi yul thams cad la chags pa med par 'jug par bya ba dang / sangs rgyas kyi 'khor thams cad sgo kun nas rab tu brjod pa dang / chos kyi tshul gyi dkyil 'khor thams cad la zhugs pas thams cad mkhyen pa nyid yongs su gzung ba dang / chos kyi snang ba thams cad kyi tshul rnam par blta ba dang / sems can gyi dbang po rgya mtsho thams cad yongs su shes par bya ba dang / de bzhin gshegs pa thams cad kyi gsung gi yan lag rgya mtsho'i dbyangs yongs su gzung ba'i phyir byin gyis rlob pa mdzad do/ /de nas sangs rgyas bcom ldan 'das de dag gis byang chub sems dpa' sems dpa' chen po kun tu bzang po la thams cad mkhyen pa nyid kyi stobs la rab tu 'jug pa'i ye shes kyang nye bar bsgrubs so/ /chos kyi dbyings mtha' dang dbus med pa la rab tu 'jug pa'i ye shes kyang nye bar bsgrubs so/ / dus gsum gyi sangs rgyas kyi dkyil 'khor thams cad yang dag par 'byung ba'i ye shes kyang nye bar bsgrubs so/ /'jig rten gyi khams rgya mtsho thams cad 'jig pa dang 'du ba'i ye shes kyang nye bar bsgrubs so/ /chos kyi dbyings 'byams klas pa mtha' dang dbus med pa'i ye shes kyang nye bar bsgrubs so/ /sangs rgyas kyi rnam par thar pa zab mo tha mi dad pa dang / ting nge 'dzin thams cad la rnam par gnas pa'i ye shes kyang nye bar bsgrubs so/ /byang chub sems dpa' thams cad kyi dbang po rgya mtsho la rab tu 'jug pa'i ye shes kyang nye bar bsgrubs so/ /sems can thams cad kyi skad rgya mtsho dang / chos kyi 'khor lo'i nges pa'i tshig gi ye shes kyang nye bar bsgrubs so/ /'jig rten gyi khams mang po thams cad kyi rjes su song zhing chos kyi dbyings thams cad du lus yang dag par gzhol ba'i ye shes kyang nye bar bsgrubs so/ /sangs rgyas kyi gsung gi yan lag dang sgra dbyangs kyang nye bar bsgrubs so/ /ji ltar 'jig rten gyi khams 'di'i bcom ldan 'das kyi zhabs kyi drung na 'dug pa la nye bar bsgrubs pa de bzhin du 'jig rten gyi khams thams cad rgyas par bkang ste/ 'jig rten gyi khams rgya mtsho dag dang rdul shin tu phra ba'i khongs na lus 'khod pa thams cad la yang nye bar bsgrubs so/ /de ci'i phyir zhe na/ de ni/ 'di ltar ting nge 'dzin de nyid kyi chos nyid thob pa'i phyir ro/ /de nas bcom ldan 'das rnam par snang mdzad kyis sprul pa'i sangs rgyas bcom ldan 'das de dag gis phyag g.yas pa mtshan dang dpe byad bzang pos rnam par mdzes par brgyan pa/ 'od zer gyi dra ba'i me tog sna tshogs shin tu rgyas pa/ 'od kyi dkyil 'khor rnam par dag pa'i sprin 'gyed pa/ rin po che 'od 'phro ba thams cad kyi sprin gyis rnam par gsal bar gyur pa/ phyogs thams cad du spos 'od 'phro ba'i sprin gyi 'od kyis rnam par snang pa| sangs rgyas thams cad kyi gsung gi yan lag gi dkyil 'khor gyi rjes su sgra 'byin pa/ sangs rgyas thams cad kyi rnam par 'phrul pa dang / khyu mchog gi mthu phyung ba yang dag par ston pa/ byang chub sems dpa' 'das pa dang / ma 'ongs pa dang / da ltar byung ba rnams kyi kun tu bzang po'i smon lam gyi dkyil 'khor rab tu snang ba rnam par ston pa/ de bzhin gshegs pa thams cad kyi chos kyi 'khor lo'i snang ba yang dag par ston pa/ dus gsum gyi de bzhin gshegs pa thams cad kyi gzugs brnyan 'byung ba rnams brkyangs te/ byang chub sems dpa' kun tu bzang po'i spyi bor bzhag go / 'dir ji lta ba de bzhin du 'jig rten gyi khams rgya mtsho thams cad dang rdul shin tu phra ba'i khongs na yod pa thams cad du yang de bzhin gshegs pa'i zhabs kyi drung dag tu byang chub sems dpa' kun tu bzang po'i spyi bo la phyag rgya mtsho'i sprin rnams rab tu bzhag go/ byang chub sems dpa' kun tu bzang po la sangs r gyas bcom ldan 'das de dag gis reg ma thag tu de nas de'i mod la ting nge 'dzin de las ldang ba'i sgo rgya mtsho 'jig rten gyi khams rgya mtsho'i rdul shin tu phra ba snyed dus gsum thams cad du sems kyi skad cig re re la ting nge 'dzin las ldang ba'i ye shes ma 'dres pa la mkhas pa dang / ting nge 'dzin las ldang ba'i byin gyi rlabs kyi sgo chos kyi dbyings dang / dus gsum du mnyam pa'i rdul thams cad kyi sgo dang / sangs rgyas kyi zhing 'das pa dang / ma 'ongs pa dang / da ltar byung ba thams cad kyi sgo dang / sems can ma lus pa'i gnas thams cad dang mnyam zhing sems can thams cad kyi sems rgya mtsho la 'jug pa'i sgo dang / sems can thams cad kyi lus dang ming gi 'khor lo las ldang ba'i sgo dang / phyogs mtshams thams cad du chos kyi dbyings rnam par 'byed pa'i sgo dang / rdul shin tu phra ba thams cad du sangs rgyas kyi sku'i sprin mtha' dang dbus med par 'byams klas pa'i sgo dang / chos kyi tshul rgya mtsho thams cad rab tu bstan pa'i sgo dag nas langs par gyur te/ byang chub sems dpa' kun tu bzang po ting nge 'dzin las langs ma thag tu de'i tshe byang chub sems dpa' de dag kyang so sor re zhing ting nge 'dzin rgya mtsho'i sprin 'jig rten gyi khams rgya mtsho'i rdul shin tu phra ba snyed la rab tu zhugs par gyur to/ /gzungs rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ / chos kyi tshul rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /so so yang dag par rig pa'i tshul rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /spyod pa rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /chos kyi dbyings kyi p hyogs su rnam par snang zhing de bzhin gshegs pa thams cad kyi ye shes snang ba'i yon tan gyi snying po can rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /de bzhin gshegs pa'i stobs dang / ye shes ma 'dres pa'i tshul rgya mtsho'i sprin 'jig rten gyi khams rgya mtsho'i rdul shin tu phra ba snyed la yang rab tu zhugs par gyur to/ /de bzhin gshegs pa thams cad kyi ba spu'i rtse mo thams cad la zhing gzhan dang gzhan rgya mtsho'i sprin 'jig rten khams rgya mtsho'i rdul shin tu phra ba snyed la yang rab tu zhugs par gyur to/ /byang chub sems dpa' re re zhing dga' ldan gyi gnas nas 'pho ba dang / 'byung ba dang / byang chub tu rnam par 'tshang rgya ba dang / mya ngan las 'das pa bstan pa rgya mtsho'i sprin 'jig rten gyi khams rgya mtsho'i rdul shin tu phra ba snyed la'ang rab tu zhugs par gyur to/ /'dir ji lta ba de bzhin du 'jig r ten gyi khams rgya mtsho thams cad na yang de bzhin gshegs pa thams cad kyi 'khor rgya mtsho rnams dang rdul shin tu phra ba thams cad kyi khongs na yod pa kun tu yang byang chub sems dpa' rgya mtsho rnams rab tu zhugs par gyur te/ sangs rgyas kyi mthu dang / byang chub sems dpa' kun tu bzang po'i ting nge 'dzin gyi chos nyid rab tu thob pas phyogs bcu'i 'jig rten gyi khams rgya mtsho thams cad ma lus par bag langs pa tsam du g.yos te/ rin po che thams cad kyis rab tu brgyan par gnas shing / chos rgya mtsho thams cad kyi sgra yang shin tu grag par gyur te| de bzhin gshegs pa'i 'khor gyi dkyil 'khor rgya mtsho thams cad du yang nor bu'i rgyal po chen po bcu'i sprin gyi char mngon par bab par gyur te/ bcu gang zhe na/ 'di lta ste/ nor bu'i rgyal po mtshan dang ldan pa'i gser dpal gyi rgyal mtshan gyi dpal gyi sprin char mngon par bab bo/ /'di lta ste/ nor bu'i rgyal po 'od kyis rnam par gsal bar byed pa'i sprin gyi char mngon par bab bo/ /'di lta ste/ nor bu'i rgyal po phyogs bcur rin po che'i 'khor lo rab tu 'grem pa'i sprin gyi char mngon par bab bo/ /'di lta ste/ nor bu'i rgyal po byang chub sems dpa'i gzugs brnyan rin po che'i snying po'i sprin gyi char mngon par bab bo/ /'di lta ste/ nor bu'i rgyal po sangs rgya thams cad kyi mtshan gyi 'khor lo rab tu sgrog pa'i sprin gyi char mngon par bab bo| |'di lta ste/ nor bu'i rgyal po zhing rnam par snang bar byed cing snying po byang chub tu dpal rab tu 'bar ba'i sprin gyi char mngon par bab bo/ /'di lta ste/ nor bu'i rgyal po phyogs bcur snang ba'i sprul pa 'gyed pa'i sprin gyi char mngon par bab bo/ /'di lta ste/ nor bu'i rgyal pa byang chub sems dpa' thams cad kyi yon tan gyi 'khor lo dang mthu rab tu grag par byed pa'i sprin gyi char mngon par bab bo/ /'di lta ste/ nor bu'i rgyal po nyi ma'i dpal gyi gzi brjid kyi sprin gyi char mngon par bab bo/ /'di lta ste/ nor bu'i rgyal po rol mo'i sgra yid du 'ong bas phyogs thams cad khyab par byed pa'i sprin gyi char mngon par bab ste/ nor bu'i rgyal po'i sprin gyi char bcu po 'di dag mngon par bab par gyur to/ /de bzhin gshegs pa thams cad kyi ba spu'i sgo thams cad dang / 'od zer gyi sgo thams cad nas kyang tshigs su bcad pa 'di dag byung bar gyur to/ /zhing rnams 'byams klas kun na kun tu bzang po de/ /pad+mo yid du 'ong la rab tu 'dug pa mthong / /kun tu rnam 'phrul rnam pa 'di 'dra ston byed pa/ /ting 'dzin yul la 'jug pa mtha' dang dbus med do/ /lus rnams thams cad nas kyang kun tu bzang po de/ / sprul pa rab tu 'gyed cing chos dbyings rtag par 'gengs/ /ting 'dzin kun gyi tshul dang ming dang rnam 'phrul ba/ /thams cad dbyangs kyis chags pa byed par rgya che sgrog/ ting 'dzin thams cad gzhan dang gzhan gyi rnam 'phrul gyis/ /de bzhin gshegs pa thams cad zhabs kyi drung dag tu/ /rgyal ba kun gyi spyod yul yangs pa gang byas te/ /zhing rnams kun tu rnam par 'phrul ba mang po ston/ /zhing kun rgyal ba kun gyi zhabs drung ji bzhin du/ /de ltar zhing kun shin tu phra ba'i rdul phran la/ /ting 'dzin rnam par 'phrul pa thams cad ma lus ston/ /rnam par snang mdzad smon lam dbyings la rab tu zhugs/ /kun tu bzang po'i lus ni nam mkha'i mtshan nyid do/ /thams cad zhing la mi gnas de bzhin nyid la gnas/ /lus kyi sprin ni 'gro ba kun dang mnyam par kun bkye zhing / /sems can kun la bsam pa bzhin du de dag ston/ /sangs rgyas sku rnams kun la zhing rnams gang yod pa/ /mtha' dang dbus med kun la rab tu zhugs pa rnams/ /kun tu bzang po'i smon lam gnas pa dag la bstan/ /rnam par 'phrul pa 'di 'dra dam pa tshad kyang med/ /'khor rnams rgya mtsho rdul bral mtha' dang dbus med pa/ /tshad med thams cad lus kyi nang du kun chub cing / /dbyangs la zhing mang dra bar rnam 'tshang rgya bstod/ /skad cig sems la bskal pa mang po de bzhin ston/ /zhing rnams thams cad 'byams klas pa na rnam grags shing / / rnam par 'phrul pa dam pa bstan par rab tu snang / /phyogs rnams kun gyi zhing gi dbyings rnams ma lus spyod/ /kun tu bzang po de la rnam lta kun kyang mthong / /rgyal ba kun gyi yon tan ye shes stobs la zhugs/ /ting 'dzin sa ni tshul rnams kun gyis rab tu mnan/ /chos rnams 'byams klas gzhan dang gzhan la rab tu zhugs/ /rang gi byang chub spyod pa sngon chad spyad pa ston/ /de ltar zhing rnams kun tu bsam yas rnam 'phrul ba/ /phyogs rnams rgya che kun tu bkang ste rab tu bstan/ /ting nge 'dzin rnams 'jug pa rab tu bstan pa'i phyir/ /rgyal ba'i 'od zer sprin las yon tan legs sgra 'byung / /de nas byang chub sems dpa'i 'khor yod pa thams cad sangs rgyas kyi mthus thal mo sbyar te byang chub sems dpa' kun tu bzang po la lta zhing dbyangs kyi nga rog cig tu de'i tshe tshigs su bcad pa 'di dag smras so/ /rgyal ba thams cad chos las skyes pa ste/ /smon lam kun gyis sangs rgyas rab tu 'byung / /de bzhin nyid mnyam nam mkha'i snying po ste/ /chos kyi sku yis rnam par rab tu mdzes/ /zhing rnams 'byams klas kun la bzhugs med kyang / /kun tu bzang po'i 'khor rnams kun na snang / /phyogs bcu kun tu yon tan grags pas khyab/ /ye shes rgya mtsho rab tu snang ba mnga'/ /rgyal ba thams cad sku thob phyir spyod pa/ /phyogs bcu'i yon tan rgya mtsho yod pa rnams/ /rdul sbubs kun tu de dag chud byas shing / /zhing rnams kun tu rnam par rab tu mdzes/ /zhing rnams kun gyi rgyal ba'i zhabs drung na/ /rgyal sras ting nge 'dzin dang spyad pa dang / /chos rnams kun la spyod cing gnas pa rnams/ /rdul dang mnyam pa'i bskal par kun kyang snang / /chos kyi dbyings rnams lus kyis khyab byas shing / /zhing rnams 'byams klas kun la shin tu bzhugs/ / sems can rgya mtsho'i don du de spyod cing / /rdul phran kun la chos kyi dbyings su zhugs/ /chos kyi dbyings la de ltar zhugs nas kyang / /rdul phran kun la mi zad tha mi dad/ /nam mkha'i dbyings ni lus kyis gang byas shing / /rgyal ba'i chos rnams yangs pa rab tu ston/ /yon tan rgya mtsho 'od kun gzhal du med/ /rnam yangs stobs chen 'od zer yon tan sprin/ /'gro ba rgya mtsho'i don du spyod byed cing / /rgyal ba'i spyod lam gzhal du med pa ston/ /gang gi don du bskal pa rgya mtsho dag /mtha' yas par ni bzang po'i spyod spyad pa/ /de dag chos kyi dbyings rnams gang byas nas/ /thams cad chos kyi sprin las rab tu brjod/ /zhing rnams ji ltar 'byung bar 'gyur ba dang / /stobs bcu rnams kyang ji ltar 'byung 'gyur dang / /sems can rgya mtsho ji ltar 'byung 'gyur ba/ /sems can rnams la sgra dbyangs gtong zhing ston/ /'khor rnams yangs pa 'di dag thams cad kyang / /kun tu gzang po khyod la mngon sum gnas/ /sangs rgyas kun gyis gnang bar gyur pa yi/ /chos kyi 'khor lo de ring khyod kyis bskor/ /shin tu rgyas pa chen po'i mdo/ sangs rgyas phal po che zhes bya ba las/ kun tu bzang po'i ting nge 'dzin dang / rnam par 'phrul pa rab tu 'byung ba zhes bya ste/ le'u gsum pa'o// //de nas byang chub sems dpa' kun tu bzang pos sangs rgyas kyi byin gyi rlabs kyis 'jig rten gyi khams thams cad la rnam par bltas/ sems can gyi khams rgya mtsho la rnam par ltas/ chos kyi dbyings rgya mtsho la rnam par bltas/ sems can gyi khams rgya mtsho la rnam par bltas/ sems can thams cad kyi bsam pa dang dbang po rgya mtsho la rnam par bltas/ sangs rgyas thams cad kyi chos kyi rgya mtsho la rnam par bltas/ dus rgya mtsho la rnam par bltas/ sangs rgyas thams cad kyi yang dag par 'byung ba'i smon lam rgya mtsho la rnam par bltas/ sangs rgyas thams cad kyi rnam par 'phrul pa rgya mtsho la rnam par bltas nas byang chub sems dpa'i 'khor gyi dkyil 'khor yod pa thams cad la smras pa/ kye rgyal ba'i sras dag /sangs rgyas bcom ldan 'das rnams kyi 'jig rten gyi khams thams cad 'du zhing 'jig pa yongs su dag pa 'byung ba'i ye shes ni/ bsam gyis mi khyab bo/ /sangs rgyas bcom ldan 'das rnams kyi sems can thams cad kyi las 'byung ba rgya mtsho mkhyen pa ni| bsam gyis mi khyab bo/ /sangs rgyas bcom ldan 'das rnams kyi chos kyi dbyings kyi tshul rgya mtsho thams cad la rnam par gnas pa'i ye shes ni/ bsam gyis mi khyab bo/ /sangs rgyas bcom ldan 'das rnams kyi de bzhin gshegs pa rgya mtsho thams cad mtha' dang dbus med par bstan pa'i ye shes ni/ bsam gyis mi khyab bo/ /sangs rgyas bcom ldan 'das rnams kyi sems can thams cad kyi las rgya mtsho rnam par dgod pa'i ye shes ni/ bsam gyis mi khyab bo/ /sangs rgyas bcom ldan 'das rnams kyi bsam pa dang / dad pa dang / dbang po rgya mtsho la 'jug pa'i ye shes ni/ bsam gyis mi khyab bo/ /sangs rgyas bcom ldan 'das rnams kyi thugs kyi skad cig gcig la dus thams cad kyi mnyam pa nyid thugs su chud pa'i ye shes ni| bsam gyis mi khyab bo/ /sangs rgyas bcom ldan 'das rnams kyi de bzhin gshegs pa thams cad kyi rnam par 'phrul pa rgya mtsho yang dag par bstan pa'i ye shes ni/ bsam gyis mi khyab bo/ /sangs rgyas bcom ldan 'das rnams kyi chos kyi 'khor lo rab tu bskor ba'i ye shes ni/ bsam gyis mi khyab bo/ /sangs rgyas bcom ldan 'das rnams kyi rnam par dgod pa rab tu bstan pa rgya mtsho ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi sku rab tu bstan pa yongs su dag pa ni/ bsam gyis mi khyab bo/ /sangs rgyas bcom ldan 'das rnams kyi yon tan rgya mtsho mtha' dang dbus med pas rnam par snang ba ni/ bsam gyis mi khyab bo/ /sangs rgyas bcom ldan 'das rnams kyi mtshan dang dpe byad bzang po yongs su dag pa ni/ bsam gyis mi khyab bo/ /sangs rgyas bcom ldan 'das rnams kyi 'od kyi dkyil 'khor yongs su dag pa mtha' yas pa ni/ bsam gyis mi khyab bo/ /sangs rgyas bcom ldan 'das rnams kyi 'od zer rgya mtsho kha dog sna tshogs kyi sprin rab tu 'gyed pa mdzad pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi dpal rin po che'i 'od 'phro ba rgya mtsho rnam par rgyu ba ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi gsung dang dbyangs rgya mtsho rab tu 'grub pa ni| bsam gyis mi khyab bo/ /sangs rgyas bcom ldan 'das rnams kyi cho 'phrul rnam pa gsum yongs su bstan pas sems can rgya mtsho yongs su smin par mdzad pa dang / 'dul ba mdzad pa ni/ bsam gyis mi khyab bo/ /sangs rgyas bcom ldan 'das rnams kyi 'dul ba rgya mtsho thams cad la brtson pa don yod pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi sa la rab tu bzhugs pa ni/ bsam gyis mi khyab bo/ /sangs rgyas bcom ldan 'das rnams kyi de bzhin gshegs pa'i yul la 'jug pa ni/ bsam gyis mi khyab bo| |sangs rgyas bcom ldan 'das rnams kyi byin gyi rlabs kyi mthu ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi ye shes kyi spyod yul rnam par rgyu ba ni/ bsam gyis mi khyab bo/ /sangs rgyas bcom ldan 'das rnams kyi stobs la thub pa med pa ni/ bsam gyis mi khyab bo/ /sangs rgyas bcom ldan 'das rnams kyi mi bsnyengs pa zil gyis mi non pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi ting nge 'dzin la tha mi dad par spyod pa ni/ bsam gyis mi khyab bo/ /sangs rgyas bcom ldan 'das rnams kyi de bzhin gshegs pa'i rdzu 'phrul dang rnam par 'phrul pa ni/ bsam gyis mi khyab bo/ /sangs rgyas bcom ldan 'das rnams kyi mnga' ba chen po'i ye shes rnam par dag pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi chos mi 'phrog pa ni/ bsam gyis mi khyab ste/ de dag thams cad sangs rgyas kyi mthu dang / de bzhin gshegs pa'i byin gyi rlabs kyis byin du brlabs pas sems can thams cad sangs rgyas kyi ye shes rgya mtsho la gzud pa dang / byang chub sems dpa' thams cad de bzhin gshegs pa'i yon tan rgya mtsho la rab tu 'god pa dang / 'jig rten gyi khams rgya mtsho thams cad sangs rgyas kyi rnam par 'phrul pa thams cad kyis rnam par brgyan pa dang / bskal pa rgya mtsho thams cad du de bzhin gshegs pa'i gdung rjes su bsab pa dang / 'jig rten gyi khams rgya mtsho thams cad du chos kyi rang bzhin gyi dkyil 'khor rab tu brjod pa dang / sems can thams cad kyi dad pa rgya mtsho tha dad pa ji lta ba bzhin du rab tu bstan pa dang / sems can thams cad kyi dbang po rgya mtsho la sangs rgyas kyi chos kyi tshul kun tu snang ba yang dag par bskyed pa dang / sems can thams cad kyi bsam pa rgya mtsho'i sgrib pa'i ri thams cad rnam par gzhom pa dang / sems can thams cad kyi sems dang spyod pa rgya mtsho la 'byung ba'i lam rnam par sbyang ba dang / byang chub sems dpa' rgya mtsho thams cad byang chub sems dpa'i smon lam rgya mtsho la rab tu dgod pa'i phyir yang dag par bstan par bya'o/ /de nas byang chub sems dpa' kun tu bzang pos 'khor gyi dkyil 'khor rgya mtsho rnams de bas kyang shin tu dga' bar bya ba dang / chos la dga' ba'i shugs thams cad rnam par 'phel bar bya ba dang / mos pa'i tshul yangs pa rgya mtsho yang dag par 'byung bar bya ba dang / chos kyi dbyings kyi rang bzhin dang / snying po sgo kun dang ldan pa rnam par dag par bya ba dang / kun tu bzang po'i smon lam rgya mtsho la rab tu dgod par bya ba dang / ye shes kyi mig dus gsum gyi rjes su song ba yongs su sbyang ba dang / 'jig rten thams cad kun nas snang bar byed pa'i snying po shes rab chen po'i rgya mtsho rnam par 'phel bar bya ba dang / chos kyi 'khor lo thams cad yongs su gzung ba'i gzungs kyi stobs yang dag par bskyed pa dang / snying po byang chub thams cad du sangs rgyas kyi yul thams cad rab tu brjod pa dang / de bzhin gshegs pa'i chos kyi tshul snang ba'i 'od chos kyi dbyings rgya chen po dang / thams cad mkhyen pa nyid la dga' ba'i shugs rgya mtsho rnam par 'phel bar bya ba'i phyir de'i tshe tshigs su bcad pa 'di dag smras so/ /yon tan rgya mtsho rnams kyi ye shes zab/ /mtha' dang dbus med des ni zhing rnams khyab/ /sems can bsam la sbyor ba ji bzhin snang / / rnam par snang mdzad chos kyi 'khor lo'o/ /bsam gyis mi khyab rgya mtsho'i zhing yod pa/ /bskal pa rgya mtshor rgyal bas rnam sbyangs pas/ /sems can rgya mtsho yongs su smin bya'i phyir/ /sems can nang na rgyal ba rnam par mdzes/ /sems can rgya mtsho 'byung ba bsam mi khyab/ /sangs rgyas yul la 'jug pa shin tu zab/ /srid pa'i gnas cad dad pa chung ba yis/ /sangs rgyas byang chub shes par mi nus so/ /gzhan du gang rnams shin tu sems brtan cing / /dge ba'i bshes kyis yongs su bzung ba dang / /sangs rgyas kun gyis byin gyis brlabs pa dag /sangs rgyas ye shes 'di la rab tu 'jug / gang rnams sems dag g.yo med sgyu med cing / /snying rje'i bsam can khong nas byams dga' dang / dad pa che zhing rlabs chen de dag ni/ /'di dag thos shing dga' ba thob par 'gyur/ /kun tu bzang po'i smon lam sa dag dang / /chos dbyings nam mkha'i dbyings su khyab pa la/ /gnas shing spyod pa rab tu sus spyod pa/ /de dag rgyal ba'i spyod yul 'di shes so/ /gang gis rgyal ba'i rnam 'phrul 'di mthong ba'i/ /byang chub sems dpas thob bya legs par thob/ /gzhan gyi yul gyis shes par mi nus te/ /'di ni kun tu bzang pos rtogs pa'o/ /de bzhin gshegs pa kun gyis byin brlabs shing / /'gro ba mtha' dang dbus med 'di dag na/ /kun tu chos kyi 'khor lo rab 'khor ba/ /rnam par snang mdzad yul dang mthu yin no/ /bdag gi lus su zhing rnams thams cad kyang / /rab tu zhugs shing de zhugs shing rnams kun/ /de dag spu rtse kun tu blta bar gyis/ /rgyal ba'i spyod yul shin tu bshad par bya/ /kun tu bzang po'i smon lam spyod pa rnams/ /mtha' dang dbus med mngon par sgrub pa dang / /kun tu mig gi yul dang lus ldan pa/ /de dag mgon po'i spyod yul 'di nyan to/ /kye rgyal ba'i sras dag /bcu po 'di dag ni/ 'jig rten gyi khams rgya mtsho shin tu bstan pa ste/ sangs rgyas bcom ldan 'das/ 'das pa dang / ma byon pa dang / da ltar byung ba rnams kyis gsungs so/ /gsung ngo / /gsung bar 'gyur ro/ /bcu gang zhe na/ 'di lta ste/ 'jig rten gyi khams yongs su 'byung ba'i tshogs kyi rgyu rkyen shin tu bstan pa dang / 'di lta ste/ 'jig rten gyi khams rgya mtsho gnas pa shin tu bstan pa dang / 'di lta ste/ 'jig rten gyi khams rgya mtsho'i dbyibs dang rnam pa shin tu bstan pa dang / 'di lta ste/ 'jig rten gyi khams rgya mtsho'i lhun shin tu bstan pa dang / 'di lta ste/ 'jig rten gyi khams rgya mtsho'i rgyan shin tu bstan pa dang / 'di lta ste/ 'jig rten gyi khams rgya mtsho yongs su dag par bya ba'i tshul shin tu bstan pa dang / 'di lta ste/ 'jig rten gyi khams rgya mtsho dag tu sangs rgyas 'byung ba shin tu bstan pa dang / 'di lta ste/ 'jig rten gyi khams rgya mtsho'i bskal ba'i byin gyi rlabs shin tu bstan pa dang / 'di lta ste/ bskal pa mtha' yas pa'i rgyud rgya mtsho shin tu bstan pa dang / 'di lta ste/ 'jig rten gyi khams rgya mtsho tha mi dad pa shin tu bstan pa'o/ /kye rgyal ba'i sras dag / 'jig rten gyi khams rgya mtsho bcu po 'di dag la sogs pa 'jig rten gyi khams rgya mtsho shin tu bstan pa/ 'jig rten gyi khams rgya mtsho'i rdul shin tu phra ba snyed sangs rgyas bcom ldan 'das/ 'das pa dang / ma byon pa dang / da ltar byung ba rnams kyis gsungs so/ /gsung ngo / /gsung bar 'gyur ro/ /kye rgyal ba'i sras dag /de la 'jig rten gyi khams rgya mtsho thams cad ni/ rgyu dang rkyen la dmigs pa'i sgo 'jig rten gyi khams rgya mtsho'i rdul shin tu phra ba snyed phrag bcus byung ngo / /byung ngo / /'byung bar 'gyur ro/ /bcu gang zhe na/ 'di lta ste/ de bzhin gshegs pa'i byin gyi rlabs dang chos nyid rab tu thob pa dang / sems can rnams kyi las kyi tshogs dang / byang chub sems dpa' thams cad mkhyen pa nyid du yang dag par sgrub pa'i chos nyid dang / sems can rnams kyis kyang byang chub sems dpa' dag dang / bsod nams kyi rtsa ba skal ba mthun pa bsags pa dang / byang chub sems dpa' rnams kyi zhing yongs su dag pa'i smon lam gyi khyad par dang / byang chub sems dpa' rnams kyi spyod pas rnam par bsgrubs pa'i smon lam gyis mngon par bsgrubs pa dang / byang chub sems dpa' rnams kyi mos pa'i dbang rnam par dag pa dang / de bzhin gshegs pa rnams kyi dge ba'i rtsa ba 'jig rten las 'das pa dang rgyu mthun pas mngon par 'tshang rgya zhing sangs rgyas kyi rnam par 'phrul ba khyu mchog gi mthu dbyung ba dang / byang chub sems dpa' kun tu bzang po rnams kyi smon lam gyis rnam par 'phrul ba'i sgo'o/ / kye rgyal ba'i sras dag/ de ltar rgyu dang rkyen la dmigs pa'i sgo bcu po 'di dag la sogs pa rgyu dang rkyen la dmigs pa/ 'jig rten gyi khams rgya mtsho'i rdul shin tu phra ba snyed kyis 'jig rten gyi khams rgya mtsho thams cad byung ngo / /byung ngo / /'byung bar 'gyur ro/ /de nas byang chub sems dpa' kun tu bzang pos 'jig rten gyi khams rgya mtsho'i 'byung ba shin tu bstan pa 'di nyid gsal bar brjod pa'i phyir sangs rgyas kyi byin gyi rlabs kyis de'i tshe tshigs su bcad pa 'di dag smras so/ /sangs rgyas ye shes yul ni bsam yas pas/ /byin rlabs rnam 'phrul de dag 'di lta bu/ zhing rnams rgya mtsho bstan pa mtha' dbus med/ /rnam par snang mdzad chos kyis yongs su sbyangs/ /byang chub sems dpa' kun gyis bsam pa bzhin/ / smon lam rgya mtsho bsam yas rnam sbyangs shing / /sems can las rnams rgya mtsho bsam yas pas/ /phyogs kun shing rnams rgya mtsho thams cad 'byung / /byang chub sems dpa' kun gyi rnam 'phrul dang / /thams cad mkhyen pa nyid la 'jug pa'i sgos/ /smon lam rgya mtsho thams cad mngon bsgrubs shing / /nam mkha'i dbyings la 'byams klas zhing 'byung ngo / /spyod pa rgya mtsho mtha' dang dbus med rnams/ /spyod cing tshad med bde gshegs yul la 'jug/ phyogs kyi zhing rnams rgya mtsho kun spyod zhing / /bskal pa mtha' yas zhing rnams re rer spyod/ /sems can bsam dbyings bsam gyis mi khyab pa'i/ /las kyi zhing rnams rgya mtsho thams cad byung / /nyon mongs las kyis de dag nyon mongs bcas/ /mos dang bsam pas rnam pa sna tshogs gzugs/ /zhing rnams rgya mtsho rnam dag rgyan can rnams/ /rin chen rgyus byung sna tshogs dri med pa/ /dad pa rgya mtsho rnam par spel ba'i phyir/ /rgyal sras rnams ni phyogs bcu'i zhing rnams sbyong / /chos dbyings rdul gyi khongs su rgyal sras rnams/ /kun tu bzang po'i spyad pa spyod pa dag /rdul gyi khongs su mtha' yas zhing ston te/ /rnam dag mkha' bzhin mtha' dang dbus kyang med/ /nam mkha'i dbyings 'dra'i rnam 'phrul 'di 'dra ste/ /snying po byang chub rgyal ba'i zhabs drung na/ /pad+mo'i stan 'khod kha dog mtha' yas kun/ /de dag zhing bcas lus kyi nang na 'khod/ /skad cig sems kyis dus gsum byung ba yi/ /zhing 'byung tshul dang 'jug pa kun kyang ston/ /sangs rgyas rnams kyi dus gsum zhing bstan pa/ /rnam par snang mdzad rgya mtsho'i zhing mi zad/ /tshul gyi khyad par mtha' yas sna tshogs pas/ /rdul rnams kun la mtha' yas rgyan gyis rnams/ /sangs rgyas skad cig gcig la byin gyis rlob/ /rgyan gyi rnam pa tshul kun rab tu mkhyen/ /kye rgyal ba'i sras dag /de la gnas pa shin tu bstan pa ni/ 'jig rten gyi khams rgya mtsho re re zhing yang 'jig rten gyi khams rgya mtsho'i rdul shin tu phra ba snyed de/ 'di ltar 'jig rten gyi khams rgya mtsho la la ni/ rgyan thams cad kyi rgya mtsho kun la rab tu gnas so/ /'jig rten gyi khams rgya mtsho la la ni/ nam mkha'i dbyings kyi gnas la rab tu gnas so| |'jig rten gyi khams rgya mtsho la la ni/ rin po che thams cad kyi 'od zer gyi rgya mtsho la rab tu gnas so/ /'jig rten gyi khams rgya mtsho la la ni/ sangs rgyas thams cad kyi 'od kyi dkyil 'khor rgya mtsho la rab tu gnas so/ /'jig rten gyi khams rgya mtsho la la ni/ rin po che thams cad kyi kha dog gi mdog la rab tu gnas so/ /'jig rten gyi khams rgya mtsho la la ni/ sangs rgyas thams cad kyi dbyangs kyi dkyil 'khor la rab tu gnas so/ /'jig rten gyi khams rgya mtsho la la ni/ sgyu ma lta bu'i las kyis byung pa lha ma yin dang mthu bo che lta bu'i lag na rdo rje rgya mtsho la rab tu gnas so/ /'jig rten gyi khams rgya mtsho la la ni/ 'jig rten gyi dbang po thams cad kyi lus kyi gzugs brnyan rgya mtsho la rab tu gnas so/ /'jig rten gyi khams rgya mtsho la la ni/ byang chub sems dpa' thams cad kyi lus rgya mtsho la rab tu gnas so/ /'jig rten gyi khams rgya mtsho la la ni/ byang chub sems dpa' kun tu bzang po'i smon lam gyis byung ba'i rgyan rnam pa thams cad dang ldan pa'i rgya mtsho la rab tu gnas te/ de dag la sogs pa 'jig rten gyi khams rab tu gnas ba shin tu bstan pa ni/ 'jig rten gyi khams rgya mtsho re re zhing yang 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang 'jig rten gyi khams rgya mtsho rab tu gnas pa shin tu bstan pa'i don 'di nyid yongs su bstan pa'i phyi sangs rgyas kyi mthus de'i tshe tshigs su bcad pa 'di dag smras so/ /kun kyang zhing rnams rgya mtsho 'di dag rin chen rang bzhin dri med pa/ /rnam dag sna tshogs nor bu kun 'bar 'od zer rgya mtsho'i 'od ldan ltos/ /'di dag rgyal ba'i byin rlabs rgyu yis dbyibs legs 'khor bar rnam pa snang / /de dag gis ni phyogs bcu'i nam mkha'i dbyings rnams gzhi kun rab tu khyab/ /zhing rnams rgya mtsho la la dri med 'od can nam mkha'i dbyings la gnas/ /snang ba'i snying po 'od can nor bu'i rgya mtsho dag la legs par gnas/ /'gro ba de dbus rgyal ba 'khor la chos kyi 'khor lo bzang po bskor/ /'di ni sangs rgyas yul yin sems can rgya chen shin tu mgu byed pa'o/ /la la me tog sgron ma kun tu rgyas pa'i mu tig nor bus brgyan/ /'od zer dra ba'i kun nas sprin 'bar spos 'phro sprin gyi 'od can te/ /zhing mang mtha' dang dbus med rgya chen pad+mo'i rgya mtsho dag la gnas/ /sangs rgyas rnams kyis rab brgyan zhing rnams 'byams klas kun kyang rab tu mdzes/ /zhing rnams rgya mtsho dkyil 'khor dbyings rnams la la sangs rgyas byin la gnas/ /yangs shing rin chen mang ldan rgya che de dag byang chub sems dpas gang / /lag na rdo rje rgya mtsho mang tshogs lha dbang lus la de bzhin gnas/ /de nas bcom ldan rnam par snang ba mdzad kyi 'khor lo rtag tu 'khor/ / nor bu'i shing dang spos kyi 'od 'phro'i sprin rnams mnyam pa'i dbyings la gnas/ /chu yi phung po dag dang rdo rje rgya mtsho brtan la'ang de bzhin gnas/ /la la gos dang brag dang rgyal mtshan me tog sna tshogs rgya mtsho dag la gnas/ /kun na'ang rnam 'phrul 'di dag rgya chen rnam par snang mdzad ston pa mdzad/ /zhing rnams ring dang thung dang glang gi gzugs dang rnam pa sna tshogs te| |sna tshogs rgyan can snying po dri ma bral ba yongs dag dri med snang / /rnam pa sna tshogs de dag smon lam rgya mtsho'i dbyings la rab tu gnas/ /sangs rgyas sprin gyis kun nas yog par rtag tu nam mkha'i dbyings la gnas/ /zhing rnams rgya mtsho 'byams klas la la spyi'u tshugs yod dang med la gnas/ /byang chub sems dpa'i cod pa na rin chen 'khor los bzung bas dag par gnas/ /de nas sangs rgyas rnam 'phrul rgya chen thams cad kun nas rab tu snang / /rin chen sangs rgyas gsung rnams kun tu gtong ldan las kyis de dag sprul/ /chos kyi dbyings mnyam zhing rnams 'byams klas mig yor sgyu ma dang yang 'dra/ /mig 'phrul rnam phye rnams dag dri med sems kyis shin tu bskyed pa ste/ /nam mkha'i dbyings rnams sna tshogs rgyan gyi snying po gnas 'gyur 'di la snang / /las kyi yul ni bsam gyis mi khyab 'di dag bde bar gshegs pas bstan/ /skad cig sems kyis zhing rnams 'byams klas 'gro ba kun dang mnyam pa'i rnams/ /zhing rdul kun la kun tu bzang po rtag par rab tu sgrub byed cing / /de na bskal pa rgya mtshor 'gro ba smin par bya phyir spyad pa spyod/ /chos dbyings rgyas par bkang ste de dag kun tu rnam 'phrul rgya che ston/ / rdul rnams kun na chos dbyings yangs pa'i zhing rnams rgya mtsho kun kyang gnas/ /sangs rgyas sprin gyis byin gyis brlabs pas kun kyang yog cing yongs su rgyas/ /ji ltar rdul phran gcig la rnam sprul de bzhin 'gro ba kun na'o/ /rnam par snang ba'i sangs rgyas rnam 'phrul rgya chen rab tu ston pa mdzad/ /zhing rnams 'byams klas thams cad mig yor lta bu sgyu ma smig rgyu 'dra/ /snang ba med cing 'byung med phyogs bcu dag ni 'gro dang 'ong ba med/ /mkha' la gnas pa de dag rtag par 'byung zhing 'jig par de bzhin 'gyur/ /shin tu yangs pa de dag smon lam rnam sbyangs las kyis yongs su bzung / /kye rgyal ba'i sras dag /de la 'jig rten gyi khams rgya mtsho rnams kyi dbyibs ni/ rnam pa sna tshogs te/ /'jig rten gyi khams rgya mtsho 'byams klas pa la la ni/ kun nas zlum po'o/ /'jig rten gyi khams rgya mtsho 'byams klas pa la la ni/ kun nas gru bzhi'o/ /'jig rten gyi khams rgya mtsho 'byams klas pa la la ni| nam mkha'i rnam pa du mar rnam par phye ba'o/ /'jig rten gyi khams rgya mtsho 'byams klas pa la la ni/ kun nas 'khyil pa'i dbyibs su 'dug go/ 'jig rten gyi khams rgya mtsho 'byams klas pa la la ni/ 'od 'phro ba'i ri'i dbyibs su 'dug go /'jig rten gyi khams rgya mtsho 'byams klas pa la la ni/ shing sna tshogs kyi lhun gyi dbyibs su 'dug go / 'jig rten gyi khams rgya mtsho 'byams klas pa la la ni/ me tog sna tshogs kyi dbyibs su 'dug go /'jig rten gyi khams rgya mtsho 'byams klas pa la la ni/ khyim sna tshogs kyi dbyibs su 'dug go / 'jig rten gyi khams rgya mtsho 'byams klas pa la la ni/ sems can sna tshogs kyi lus kyi dbyibs su 'dug go /'jig rten gyi khams rgya mtsho 'byams klas pa la la ni| mtshan sna tshogs kyi dbyibs su 'dug ste/ de dag la sogs pa 'jig rten gyi khams kyi dbyibs shin tu bstan pa ni/ 'jig rten gyi khams rgya mtsho'i rdul shin tu phra ba snyed d o| |de nas byang chub sems dpa' kun tu bzang pos 'jig rten gyi khams rgya mtsho'i dbyibs kyi tshul rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /rnam pa sna tshogs rgya mtsho'i zhing la ltos/ /rnam phye sna tshogs mtha' yas dbyibs su gnas/ /dbyibs kyis rnam par phye ba sna tshogs te/ /phyogs rnams kun na zhing rnams rgya mtsho snang / /la la zlum po la la zur gsum ste/ /de dag la la phyogs na gru bzhir gnas/ /nor bu pad+mo 'khor lo yan lag brgyad/ /kun kyang las rnams rgya mtshos rnam par bris/ /rdul med 'od kyi dbyibs dang tshul 'dzin cing / /gser las grub pa rnam phye sna tshogs te/ /sgo mang mtha' yas pa nas rgyu zhing 'jug/ las rnams rgya mtsho bsam pa dag pas gnas/ /zhing rnams rgya mtsho sna tshogs snying po can/ /nam mkha' 'di la ji ltar sprin gnas bzhin/ /de dag rin chen mang gzhi rnam par phye/ /de dag kun na sangs rgyas rnam par mdzes/ /zhing rnams 'di kun sems kyis rnam par brtags/ /sna tshogs rgyan dang snang bas kun na gnas/ / rnam par 'phrul pa gzhan dang gzhan dag gis/ /zhing rnams rgya mtsho sangs rgyas ston pa mdzad/ /bde dang sdug bsngal myong bar gyur pa ni/ /rnam par dag dang nyon mongs tshul bzhin te| |chos nyid 'di ni rtag tu yod pa yin/ /de ltar las rnams rgya mtsho bsam mi khyab/ /skra gcig rtse la bsam gyis mi khyab zhing / /thams cad rdul snyed sna tshogs dbyibs su gnas/ /kun na sangs rgyas rnam par snang mdzad bzhugs/ /'khor rnams rgya mtsho chos rnams rab tu ston/ /rdul gcig rtse la phra dang yangs pa'i rnams| |thams cad rdul snyed kha dog kun dang ldan/ /kha dog dbyibs rnams kun kyang rnam par brtags/ /de dag kun na rgyal ba'i 'khor lo 'khor/ /rdul rnams kun la rab tu zhing bstan pa// de dag smon lam rnam par sprul pa yin/ /nam mkha'i dbyings su las kyi sprul pa ni/ /sna tshogs sems dang bsam pas rnam par brtags/ /sems can kun mnyam rdul rnams thams cad la| |sangs rgyas rnam par 'phrul pa sprul pa dag / rnam par snang mdzad chos nyid de yin te/ /rdul phran kun la zhing rnams shin tu gnas/ /kye rgyal ba'i sras dag/ de la 'jig rten gyi khams rgya mtsho'i lhun dag ni/ gzhan dang gzhan du shes par bya ste/ 'di ltar 'jig rten gyi khams rgya mtsho la la ni/ rin po che'i rgyan thams cad kyi lhun can no/ /'jig rten gyi khams rgya mtsho la la ni/ rin po che gcig las rnam pa sna tshogs su bkod pa'i rgyan gyi lhun can no/ /'jig rten gyi khams rgya mtsho la la ni/ rin po che thams cad kyi 'od zer gyi lhun can no/ /'jig rten gyi khams rgya mtsho la la ni/ 'od kha dog sna tshogs kyi lhun can no/ /'jig rten gyi khams rgya mtsho la la ni/ rgyan thams cad kyi mdog gi lhun can no/ /'jig rten gyi khams rgya mtsho la la ni| rdo rje'i gzhi mi shigs pa'i lhun can no/ /'jig rten gyi khams rgya mtsho la la ni/ sangs rgyas kyi rdzu 'phrul dang byin gyi rlabs kyi lhun can no/ /'jig rten gyi khams rgya mtsho la la ni| rin po che'i mtshan nyid kyi lhun can no/ /'jig rten gyi khams rgya mtsho la la ni/ sangs rgyas kyi sprul pa'i lhun can no/ /'jig rten gyi khams rgya mtsho la la ni/ nyi ma'i nor bu'i dkyil 'khor gyi lhun can no/ /'jig rten gyi khams rgya mtsho la la ni/ rin po che shin tu phra ba 'dzin pa'i lhun can no/ /'jig rten gyi khams rgya mtsho la la ni/ snang ba'i lhun can no/ /'jig rten gyi khams rgya mtsho la la ni/ /rin po che thams cad kyi kha dog 'od 'phro ba'i rnam pa'i lhun can no/ /'jig rten gyi khams rgya mtsho la la ni/ /dri dang kha dog sna tshogs kyi spos kyi lhun can no// 'jig rten gyi khams rgya mtsho la la ni/ rin po che thams cad kyi me tog gi cod pan gyi lhun can no/ /'jig rten gyi khams rgya mtsho la la ni/ rin po che thams cad kyi 'od kyi lhun can no/ /'jig rten gyi khams rgya mtsho la la ni/ rgyan thams cad shin tu bstan pa'i lhun can no/ /'jig rten gyi khams rgya mtsho la la ni/ sems kyi rnam par rtog pa skad cig gis dmigs pa thams cad yongs su bstan pa'i lhun can no/ /'jig rten gyi khams rgya mtsho la la ni/ byang chub sems dpa'i lus kyi rin po che'i dbyings kyi lhun can no/ /'jig rten gyi khams rgya mtsho la la ni/ rin po che thams cad kyi me tog gi ze ba'i lhun can no/ /'jig rten gyi khams rgya mtsho la la ni/ sangs rgyas thams cad kyi gsung dpyangs rnam par dmigs pa'i lhun can no/ /de nas byang chub sems dpa' kun tu bzang pos yang 'jig rten gyi khams rgya mtsho'i lhun shin tu bstan pa rgya mtsho 'di nyid la rab tu gzud par bya ba'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho la la ni/ /rin chen rang bzhin kun nas gnas/ /rdo rje bzhin du mi shigs sra/ /rin chen pad+mo rnams la gnas/ /la la 'od zer rang bzhin te/ /dag cing gzung med 'od zer 'byung / /rgyan rnams kun gyi 'od zer gyis/ /sna tshogs mkha' bzhin dri ma med/ /la la 'od kyi rang bzhin te/ /dag cing 'od gsal zer la gnas/ /'od kyi sprin can sna tshogs 'od/ /byang chub sems dpa' rnams kyi gnas/ /zhing rnams rgya mtsho la la ni/ /mig yor lta bur gnas pa ste/ /brjod du med cing gzung du med/ /smon lam dbang gis rab tu byung / /la la nor bu mu tig rgyu| |snying po thams cad rnam par 'bar/ /mu tig 'khor lo'i gzhi dag la/ /byang chub sems dpas yongs su gang / /rin chen 'od 'phro byung ba'i zhing / /'od 'phro'i sprin gyis mngon khebs shing / /rin chen thams cad sna tshogs ldan/ /thams cad las kyis sprul pa yin/ /la la mtshan las byung ba ste/ /gzhi kun mtshan gyis kun tu bris/ /cod pan rnam pa sna tshogs bkod/ / sangs rgyas kun gyis mngon par sprul/ /rgya mtsho'i sems las byung ba yi/ /zhing rnams mos pa nyid la gnas/ /yul na mi gnas sgyu ma bzhin/ /yongs su rtog pas yang dag bskyed/ / sangs rgyas sku yi 'od zer gyi/ /nor bu sna tshogs kun tu gnas/ /sangs rgyas sprin rnams rnam par snang / /sangs rgyas kun gyis rab tu sprul/ /la la kun tu bzang po yis/ /zhing rnams rgya mtsho shin tu sprul/ /nam mkha'i rgyan rnams thams cad dang / /smon lam rnams kyis rnam par bris/ /kye rgyal ba'i sras dag/ de la 'jig rten gyi khams rgya mtsho'i rgyan shin tu bstan pa ni/ 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar dmigs pa rnam pa sna tshogs thams cad kyi sprin rab tu 'phros pa'i rgyan dang / 'di lta ste/ byang chub sems dpa' thams cad kyi yon tan gyi 'khor lo rjes su brjod cing rab tu 'byung ba'i rgyan dang / 'di lta ste/ 'jig rten gyi khams thams cad du gtogs pa'i sems can rnams kyi las rnam par smin pa rgya mtsho las rab tu byung ba'i rgyan dang / 'di lta ste/ byang chub sems dpa' thams cad kyi smon lam rgya mtsho'i klong yongs su ston pa'i rgyan dang / 'di lta ste| dus gsum gyi sangs rgyas thams cad kyi gzugs brnyan sna tshogs rnam par dmigs pa'i rgyan dang / 'di lta ste/ sems kyi skad cig la bskal pa mtha' yas par rnam par 'phrul ba'i yul yongs su ston pa'i rgyan dang / 'di lta ste/ rgyan gyi dmigs pa thams cad la sangs rgyas kyi sku rab tu 'byung ba'i rgyan dang / 'di lta ste/ rin po che dang / spos thams cad kyi sprin rab tu 'byung ba'i rgyan dang / 'di lta ste/ snying po byang chub kyi rgyan dang / 'od kyi dkyil 'khor gyis rnam par ston pa'i rgyan dang / 'di lta ste/ byang chub sems dpa' kun tu bzang po'i smon lam dang / spyod pa yongs su ston pa'i rgyan dag ste/ kye rgyal ba'i sras dag/ de dag la sogs pa 'jig rten gyi khams rgya mtsho'i rgyan shin tu bstan pa ni/ 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang 'jig rten gyi khams rgya mtsho'i rgyan shin tu bstan pa 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho rgya che mtha' yas te/ /rnam dag las kyi rnam pa sna tshogs gnas/ /phyogs bcu'i zhing rnams rgya mtsho rnams kun kyang / /sna tshogs rgyan can yangs par kun nas gnas/ /kha dog sna tshogs yangs pa'i zhing gi rnams/ /rgya mtsho rtag par phyogs rnams kun tu 'byung / /rgyan dang rin chen 'od 'phro sna tshogs sprin/ /sgra 'byin zhing gi dbyings rnams khebs par byed/ /byang chub sems dpa'i yon tan rgya mtsho rnams/ /de dag kun kyang rgya mtsho'i zhing na grag / sna tshogs rgyan dang smon lam sprin gyi rnams/ /de dag zhing mang rgya mtshor sgra yang 'byin/ /'gro ba'i las rnams rgya mtsho yangs pa dag /rgyan gyi sprin rnams kun nas sgrar 'byin te/ / sems can de dag rnam smin ji 'dra ba/ /sangs rgyas byin gyis kun nas sgra yang sgrog /dus gsum 'byung ba'i de bzhin gshegs pa yi/ /rnam 'phrul zhing rnams rgya mtsho kun na snang / /dmigs pa re re la yang sangs rgyas kun/ /de 'dra'i zhing mang rgya mtsho'i rgyan la ltos/ /'das pa'i bskal pa de bzhin ma 'ongs dang / /phyogs bcu'i da ltar byung ba ji snyed pa'i/ /bskal pa de dag rgyan mang yangs pa yang / /zhing rnams rgya mtsho re re dag na snang / /dmigs pa kun la sangs rgyas sprin gyi rnams/ /'gro dang mnyam pas 'jig rten kun tu 'gengs/ /rnam par 'phrul zhing sems can rnam par 'dul/ /'di ni zhing rnams rgya mtsho'i rnam thar to/ /spos 'od sprin dang de bzhin me tog klong / /rgyan rnams sna tshogs thams cad kun nas kyang / /rtag par kun tu khyab par rab tu 'byung // 'di ni zhing rnams rgya mtsho'i rnam thar to/ /phyogs bcu kun gyi snying po byang chub rnams/ /sna tshogs rgyan can kun kyang ma lus par/ /thams cad rgya mtsho'i zhing 'di dbyings dag na/ /nam mkha'i sprin bzhin rnam par ston pa snang / /rgyal sras kun tu bzang po thams cad kyi/ /zhing rnams mtha' yas 'byams klas rgyan gyi rnams/ /'gro ba'i grangs snyed bskal pa rgya mtshor rnam sbyangs pa/ /zhing rnams rgya mtsho kun na rab tu snang / /kye rgyal ba'i sras dag/ 'jig rten gyi khams rgya mtsho yongs su dag par bya ba'i tshul rgya mtsho ni/ 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar byang chub sems dpa' rnams kyi dge ba'i bshes gnyen thams cad la brten pa'i dge ba'i rtsa bas skal ba mnyam pa dang / byang chub sems dpa' rnams kyi chos kyi dbyings kyi bsod nams rgya chen po'i sprin rnam par 'phel bar bya ba dang / byang chub sems dpa' rnams kyi mos pa'i dkyil 'khor rgya chen po rnam par dag pa dang / byang chub sems dpa' rnams kyi byang chub sems dpa' thams cad rab tu brtan pa'i yul la rnam par spyod pa dang / byang chub sems dpa' rnams kyi pha rol tu phyin pa rgya mtsho thams cad yongs su rdzogs par bya ba dang / yongs su sbyang ba dang byang chub sems dpa' rnams kyi byang chub sems dpa'i sa thams cad kyi dbyings la rab tu dgod cing gzud pa'i rnam par spyod pa dang / byang chub sems dpa' rnams kyi spyod pa dang / 'byung ba rgya mtsho la rnam par spyod pa dang / byang chub sems dpa' rnams kyi smon lam rgya mtsho thams cad mngon par sgrub pa rnam par dag pa dang / byang chub sems dpa' rnams kyi rgya mtsho thams cad mngon par sgrub pa rnam par dag pa la rab tu 'jug pa dang / 'di lta ste| byang chub sems dpa' rnams kyi stobs kyi tshul yang dag par sgrub pa rnam par dag pa dang / de dag la sogs pa 'jig rten gyi khams rgya mtsho yongs su dag par bya ba'i tshul rgya mtsho 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten gyi khams rgya mtsho yongs su dag par bya ba'i tshul rgya mtsho 'di nyid rnam par bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho thams cad sna tshogs rgyan/ /smon lam tshul rnams rgya mtsho kun gyis byung / /kha dog mtha' yas las kyi rgya mtsho dag /zhing rnams rgya mtsho rtag tu 'od mang 'gyed/ /sngon chad dge ba'i bshes gnyen bsnyen bkur cing / /skal ba mnyam pa'i las dge yongs sbyangs te/ /snying rje byams pas 'gro yangs kun bzang zhing / /zhing rnams rgya mtsho yangs pa 'di kun sbyangs/ /chos sgo kun tu ting 'dzin sa kun gyis/ /sangs rgyas yon tan rgya mtsho yongs sbyangs te/ /bsam gtan tshul dang rnam thar sa sbyangs shing / /zhing rnams rgya mtsho sna tshogs yangs pa byung // mos pa'i dkyil 'khor mtha' yas stobs bskyed cing / /rgyal ba'i mnyam nyid ma nor rtogs byas nas/ /bzod pa rgya mtsho'i tshul rnams yongs sbyangs shing / /rnam dag kha dog mtha' yas zhing rnams byung / /bsod nams sprin ni nam mkha' mnyam bskyed cing / /'gro ba kun phan bde don spyod spyad de/ /bsod nams rgya mtsho sems can kun bstan pas/ /'jig rten khams rnams rgya mtsho kun kyang 'byung / /zhing rnams rgya mtsho'i rdul snyed tshad med pa'i/ /pha rol phyin pa ma lus kun sbyangs te/ /smon lam mthar phyin mi zad goms byams pas// dri med rgya mtsho'i zhing rnams yangs pa 'byung / /'byung ba'i spyod pa gang yod tshad med dang / /chos rnams thams cad yangs pa yongs sbyangs te/ /sna tshogs thabs sgos sems can sbyangs pas na/ /'di 'dra'i yid 'ong rgya mtsho'i zhing rnams 'byung / /rgyan rnams kun gyi tshul dang sa sbyangs shing / /rgyal ba'i yon tan rgya mtsho kun zhugs nas/ /'gro ba kun gyi sdug bsngal mtsho bskams pas/ /zhing gi mtsho yangs 'di kun dag par 'gyur/ /stobs rnams rgya mtsho gzhal med yongs sbyangs shing / /'gro ba 'di 'dra tshad med rnam sbyangs te/ /sangs rgyas rgya mtsho yangs kun bsnyen bkur bas/ /zhing rnams rgya mtsho rnam mang rnam par dag /kye rgyal ba'i sras dag /de la 'jig rten gyi khams rgya mtsho re rer sangs rgyas 'byung ba'i tshul rgya mtsho ni/ 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar sangs rgyas 'byung ba la la ni/ sku chung ngur kun tu ston to/ /'di lta ste/ sangs rgyas 'byung ba la la ni/ chos kyi dbyings thams cad gzugs kyi skus gang bar ston to/ /sangs rgyas 'byung ba la la ni/ sku tshe'i tshad mi ring ngo / /sangs rgyas 'byung ba la la ni/ sku tshe'i tshad ring ngo / /sangs rgyas 'byung ba la la ni| sangs rgyas kyi zhing gcig yongs su dag par byin gyis rlob bo/ /sangs rgyas 'byung ba la la ni/ 'jig rten gyi khams rgya mtsho thams cad yongs su dag par byin gyis rlob bo/ /sangs rgyas 'byung ba la la ni/ tshul gcig gis bstan pa'i chos kyi 'khor lo byin gyis rlob bo/ /sangs rgyas 'byung ba la la ni/ tshul bsam gyis mi khyab par bstan pa'i chos kyi 'khor lo byin gyis rlob bo/ /sangs rgyas 'byung ba la la ni/ sems can gyi khams nyung ngu rnam par gdul ba byin gyis rlob bo/ /sangs rgyas 'byung ba la la ni/ sems can rgya mtsho mtha' yas pa rnam par gdul ba byin gyis rlob ste/ de dag la sogs pa 'jig rten gyi khams rgya mtsho re rer sangs rgyas 'byung ba'i tshul rgya mtsho 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang sangs rgyas 'byung ba'i tshul rgya mtsho'i phyogs 'di nyid yongs su bstan pa'i phyir sangs rgyas byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /rgyal ba 'byung ba thabs rnams sna tshogs kyi/ /sgo nas zhing rnams rgya mtshor rab tu 'byung / /de dag sems can bsam pa ji bzhin mkhyen/ /sangs rgyas thabs kyi sgo mang rgya mtsho 'o/ /sangs rgyas chos sku bsam gyis mi khyab ste/ /mig yor ma yin mtshan nyid med pa'i gzugs/ /gzugs kyi khyad par 'gro ba 'di dag tu/ /sems can bsam pa'i phyogs bzhin ston la ltos/ /sku tshe thung bar la la rnam par ston/ /la la bskal pa bsam yas byin gyis rlob| |chos kyi sku ni phyogs rnams kun gyi sgo/ /rab tu mdzes par 'gro nang 'di na bzhugs/ /la la zhing rnams rgya mtsho bsam yas dag /sbyong zhing 'byams klas phyogs bcu kun na yang / / la la zhing gcig rnam par sbyong bar mdzad/ /smon lam ma lus kun kyang tshul gcig go /la la bsam gyis mi khyab theg pa'i rgyan/ /sems can yid bzhin sangs rgyas ston pa mdzad/ / la la theg pa gcig kyang rab ston te/ /rgyal ba'i thabs ni gcig kyang mtha' yas so/ /rang byung la la byang chub sangs rgyas nas/ /sems can mi mang lam la gzhog pa mdzad/ /la la skad cig gcig gis sems can rnams/ /rgya mtsho bsam yas byang chub don du 'dul/ /la la spu yi sgo nas bsam yas pa'i/ /sangs rgyas sprul ba'i sprin rnams rab tu 'gyed/ /'gro ba kun tu de dag mngon bkang zhing / /thabs kyi sgo nas sems can 'dul ba mdzad/ /la la sangs rgyas gsung gis kun bkang zhing / /zhing du sems can yid bzhin rab tu sgrog /bsam yas bskal par de dag gsung sgrog cing / /sems can rgya mtsho mtha' yas rnam par 'dul/ /la la zhing rgyan bsam gyis mi khyab ste/ /'khor rnams yongs dag kun nas 'khod bcas pas/ /zhing mang rgya mtsho phyogs su gang byas shing / /sangs rgyas mkha' la sprin ltar khyab par bzhugs/ /de ltar sangs rgyas thabs ni bsam mi khyab/ /zhing rnams rgya mtsho kun tu rgyas bkang zhing / /'gro ba kun la sangs rgyas mngon sum ste| |sna tshogs rgyan mang du ma'i tshul dang ldan/ /kye rgyal ba'i sras dag /de la 'jig rten gyi khams rgya mtsho'i bskal pa'i byin gyi rlabs kyi tshul shin tu bstan pa ni/ 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar zhing rgya mtsho la la ni/ bskal pa grangs med par byin gyis brlabs pa'o/ /zhing rgya mtsho la la ni/ bskal pa tshad med par byin gyis brlabs pa'o/ /zhing rgya mtsho la la ni/ bskal pa dpag tu med par byin gyis brlabs pa'o/ /zhing rgya mtsho la la ni/ bskal pa bsam gyis mi khyab par byin gyis brlabs pa'o/ /zhing rgya mtsho la la ni| bskal pa mtshungs pa med par byin gyis brlabs pa'o/ /zhing rgya mtsho la la ni/ bskal pa kun nas mtha' yas par byin gyis brlabs pa'o/ /zhing rgya mtsho la la ni/ bskal pa kun nas mu med par byin gyis brlabs pa'o/ /zhing rgya mtsho la la ni/ bskal pa gzhal du med par byin gyis brlabs pa'o/ /zhing rgya mtsho la la ni/ bskal pa brjod du med par byin gyis brlabs pa ste/ de dag la sogs pa 'jig rten gyi khams rgya mtsho'i bskal pa byin gyi rlabs kyi tshul shin tu bstan pa rgya mtsho ni/ 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos 'jig rten gyi khams rgya mtsho'i bskal pa'i byin gyi rlabs kyi tshul shin tu bstan pa 'di nyid yongs su bstan pa'i phyir sangs rgyas kyi byin gyis rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /'jig rten rgya mtsho bskal pa tha dad de/ /sna tshogs tshul 'jug rgyan rnams gzhan dang gzhan/ /phyogs bcu'i zhing rnams rgya mtsho kun na snang / /bskal pa'i tshul ni rgya mtsho grangs kyang med/ /bskal pa mi mthun 'gro ba kun dang mnyam/ /phyogs dbyings 'jig rten rgya mtsho'i khams na snang / /bskal pa mtha' yas la la ring dang thung / /bskal pa sna tshogs rgyal ba'i sgras kyang bsgrags/ /rgya mtsho'i zhing rnams 'di dag phyogs dbyings snang / /byin rlabs bskal pa zhing rdul snyed dang ldan/ /la la gzhan rnams bskal pa gcig gis 'jug /la la bskal grangs smon lam du mas byung / /bskal pa la la dri med la la nyon mongs can/ /la la rnam dag la la nyon mongs rnam par gnas/ /bskal pa'i ming ni smon lam rgya mtsho'i tshul gyis byung / /sems can 'du shes rnam pas tha dad tshul la 'jug /bskal pa zhing gi rdul snyed sngon chad spyod spyad pas/ /'jig rten khams rnams rgya mtsho shin tu yangs shing dag/ de dag kun nas sangs rgyas yul rgyan tshad kyang med/ /'di dag rgya chen bskal pa'i 'jig rten rgya mtsho'i khams/ /bskal pa'i 'od dang 'od zer rin chen ming sna tshogs/ /bcom ldan 'das dang 'od mnyam 'od 'phro'i mig snang ba/ /snang dang dri med bzang po bskal pa'i mig la 'jug / bskal pa 'di dag rnam dag bskal pa kun las byung / /dri med bskal pa la lar sangs rgyas gcig skye'o/ /bskal pa la lar mi yi gtso bo mtha' yas 'byung / /bskal pa'i tshul rnams thams cad sa tshul zad mi shes/ /smon lam stobs mthus bskal pa sna tshogs 'jug par 'gyur/ /bskal pa la la mtha' yas rnams kyang bskal pa gcig tu 'dus/ /bskal pa la la gcig kyang bskal pa bye ba'i mthu/ /bskal pa rgya mtsho kun kyang sna tshogs sgo nas 'jug /phyogs bcu'i 'jig rten khams kyi nang nas sgra yang 'byin/ /bskal pa la lar bskal pa kun gyi rkyen kyang 'byung / /ming gi rgyan rnams rnam par dag pa'ang de la yin/ /bskal pa la la sangs rgyas rdzu 'phrul mthu yis byung / /bskal pa'i tshul rnams kun gyi 'di ni rgyan yangs yin/ /zhing dang bskal pa rgya mtsho tshul ni gcig gis dag /zhing gi rdul rnams kun kyang tshad med gzhal du med/ /skad cig yud tsam nyi ma'i grangs kyi bskal par 'gyur/ / 'di dag thams cad sems can 'du shes rnam par 'byung / /kye rgyal ba'i sras dag/ de la 'jig rten gyi khams rgya mtsho bskal pa mtha' yas pa'i rgyud kyi tshul rgya mtsho ni/ 'jig rten gyi khams rgya mtsho'i rdul shin tu phra ba snyed du shes par bya ste/ 'di ltar chos nyid rab tu thob pas 'jig rten gyi khams rgya mtsho dag bskal pas 'jig cing 'du ba la rab tu 'jug par gnas pa dang / 'jig rten gyi khams rgya mtshor gtogs pa'i sems can rnams kyi nyon mongs pas bskal pa mtha' yas pa kun nas gnas pa dang / 'di lta ste/ 'jig rten gyi khams rgya mtshor gtogs pa'i sems can rnams kyi bsod nams rgya mtsho rgya chen po gsog pa/ rnam par dag pas 'jig rten gyi khams rgya mtsho kun nas nyon mongs la rnam par dag par gnas pa dang / 'di lta ste/ byang chub sems dpa' mos pa sna tshogs kyis spyod pa rnams skye bas 'jig rten gyi khams rgya mtsho rnam par dag la kun nas nyon mongs par gnas pa dang / 'di lta ste/ sems can rgya mtsho rgya chen po byang chub kyi sems la gnas pas 'jig rten gyi khams rgya mtsho shin tu dag par gnas pa dang / 'di lta ste/ byang chub sems dpa' rnams 'jig rten gyi khams gzhan dang gzhan du 'dong bas bskal pa rgyan tha dad pa'i tshul du gnas pa dang / 'di lta ste/ phyogs bcu'i byang chub sems dpa' rnams 'jig rten gyi khams rgya mtshor 'dus pas bskal pa mtha' yas pa rgyan shin tu mang por kun nas gnas pa dang / 'di lta ste/ de bzhin gshegs pa yongs su mya ngan las 'da' bas 'jig rten gyi khams rgya mtsho dag gi rgyan nub par 'gyur ba dang / 'di lta ste/ sangs rgyas 'byung ba'i tshe 'jig rten gyi khams rgya mtsho rnams rgyan gyis brgyan par kun nas gnas pa dang / 'di lta ste/ de bzhin gshegs pa rnam par 'phrul bas 'jig rten gyi khams rgya mtsho'i bskal pa mtha' yas pa yongs su dag par gnas pa dang / de dag la sogs pa 'jig rten gyi khams rgya mtsho'i bskal pa rgya mtsho mtha' yas pa'i rgyud kyi tshul rgya mtsho kun nas gnas pa'i tshul ni/ 'jig rten gyi khams rgya mtsho rdul shin tu phra ba snyed du shes par bya'o/ /de nas byang chub sems d pa' kun tu bzang pos yang 'jig rten gyi khams rgya mtsho'i bskal pa mtha' yas pa'i tshul rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing rnams rgya mtsho'i chos nyid 'di dag ltos/ /chos kyis byung ste ji ltar gnas pa ltar| |de dag 'byung zhing 'jig par 'gyur bar yang / /zhing rnams rgya mtsho thams cad rab tu snang / /sems can nyon mongs mi bzad ldan pa dang / las dang nyon mongs ngan pas bsgribs pa'i rnams/ /de dag bsam la zhing gi rgya mtsho rnams/ /kun nas nyon mongs ldan par gyur pa yin/ /sems can rnam dag bsam pa ldan pa dang / /bsod nams brtan dang rnam dag spyod yul can/ /rnam dag yul la nyon mongs ldan gyur rnams/ /de dag mos pa sna tshogs spyod yul gyi/ /byang chub sems dpa' skye ba'i dus dag na/ bskal pa de ni rnam par dag par snang / /sems can nyon mongs ldan par gyur pa yang / /de yi chos nyid bsam yas yangs pa yi/ /byang chub bsam pa ji ltar bskyed pa dang / / de dag bsam pa ji ltar rnam 'phel bas/ /de bzhin bskal pa rgya mtsho mang po dag /bsam gyis mi khyab zhing rgyan yongs su sbyong / /bye ba mang po mtha' yas mi zad pa'i/ /byang chub sems dpa' phyogs bcu kun rgyu yang / /rgyan la rnam pa tha dad yod pa min/ /bskal pa tha dad tshul gyi bye phrag snang / /rdul rnams re re sbubs su dus kun tu/ /sangs rgyas zhing gi rdul dang mnyam pa yi/ /rgyal sras ji tshul 'dod pa de bzhin du/ /zhing rnams rgya mtsho de tshul dag par gyur/ /gal te rgyal ba rnams ni skye 'gyur na/ /zhing rnams rgyan gyis shin tu brgyan par 'gyur| |bsam pa yongs dag de bzhin rgyas 'gyur te/ /'di ni zhing rgyan phun sum tshogs pa'o/ /gal te rgyal ba mya ngan 'das gyur na/ /de tshe de zhing rgyan rnams 'grib par 'gyur/ / sems can rnams kyang snod du rung ba min/ /zhing gi rgya mtsho de yang nyon mongs ldan/ /sangs rgyas rdzu 'phrul rnam 'phrul yangs pa dag /bsam gyis mi khyab gang tshe ston pa na/ /de tshe zhing rnams rgya mtsho mang po dag / kun kyang rgyan gyis rnam par brgyan par 'gyur/ /kye rgyal ba'i sras dag/ de la 'jig rten gyi khams rgya mtsho tha mi dad pa'i tshul ni/ 'jig rten gyi khams rgya mtsho'i rdul shin tu phra ba snyed du shes par bya ste/ de dag ni/ sangs rgyas bcom ldan 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs so/ /gsung ngo / /gsung bar 'gyur ro/ /de ni/ 'di lta ste/ 'jig rten gyi khams rgya mtsho gcig tu 'jig rten gyi khams rgya mtsho'i rdul shin tu phra ba snyed kyi 'jig rten gyi khams tha mi dad pa dang / 'di lta ste/ 'jig rten gyi khams rgya mtsho dag tu sangs rgyas skye zhing 'byung ba tha mi dad pa dang / 'di lta ste/ 'jig rten gyi khams rgya mtsho dag gi snying po byang chub thams cad nas chos kyis dbyings kyis phyogs rgyas par 'gengs pa tha mi dad pa dang / 'di lta ste/ 'jig rten gyi khams rgya mtsho dag gi de bzhin gshegs pa thams cad kyi 'khor gyi dkyil 'khor tha mi dad pa dang / 'di lta ste/ 'jig rten gyi khams rgya mtsho dag gi sangs rgyas thams cad kyi 'od kyi dkyil 'khor chos kyi dbyings rgyas par 'gengs pa tha mi dad pa dang / 'di lta ste/ 'jig rten gyi khams rgya mtsho dag tu sangs rgyas thams cad kyi sprul pa'i sprin dang / mtshan gyi 'khor lo tha mi dad pa dang / 'di lta ste/ 'jig rten gyi khams rgya mtsho dag tu sangs rgyas thams cad kyi dbyangs kyi dkyil 'khor bskal pa mtha' yas par brjod cing rgyas par bya ba'i byin gyi rlabs tha mi dad pa dang / 'di lta ste/ 'jig rten gyi khams rgya mtsho dag tu chos kyi 'khor lo'i tshul tha mi dad pa dang / 'di lta ste/ 'jig rten gyi khams rgya mtsho dag tu rdul shin tu phra ba gcig la 'jig rten gyi khams rgya mtsho thams cad yongs su 'du ba tha mi dad pa dang / 'di lta ste/ 'jig rten gyi khams rgya mtsho dag tu rdul 'byams klas pa thams cad la dus gsum gyi sangs rgyas kyi yul rgya chen po ston cing rjod pa tha mi dad pa dag ste/ kye rgyal ba'i sras dag/ de dag la sogs pa 'jig rten gyi khams rgya mtsho tha mi dad pa'i tshul 'jig rten gyi khams rgya mtsho'i rdul shin tu phra ba snyed du shes par b ya'o| |de nas byang chub sems dpa' kun tu bzang pos yang 'jig rten gyi khams rgya mtsho tha dad pa'i tshul rgya mtsho shin tu bstan pa 'di nyid gsal bar bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /rdul gcig steng na zhing mang rgya mtsho ste/ /kun na rgyan mang rnam dag kun yod kyang / / gnod pa med cing 'dra ba gang yang med/ /'jug pa bsam gyis mi khyab 'di la ltos/ /rdul rnams kun la bsam yas sangs rgyas bzhugs/ /sems can kun gyi bsam pa yid bzhin du| |zhing rnams rgya mtsho thams cad khyab byas kyang / /de dag thabs la tha dad gang yang med/ /rdul rnams kun la shing dbang mtha' yas pa/ /sna tshogs rgyan phyung kun nas bres sbyangs te| |phyogs rnams kun gyi zhing du mngon bkang yang / /de dag tha dad 'gyur ba nam yang med/ /rdul phran rgya mtsho rdul phran re re la/ /mi yi gtso bo 'khor rnams kun bskor cing / /'jig rten kun tu bkang ste 'phags bzhugs kyang / /gnod pa dag dang 'dra ba'i nyes pa med/ /rdul gcig la ni mtha' yas 'od kyi sprin/ /phyogs bcu'i zhing rnams rgya mtsho kun bkang zhing / / bde gshegs rnams kyi byang chub spyod bstan kyang / /rgya mtsho'i zhing rnams tha dad gang yang med/ /rdul rnams kun la kha dog bsam mi khyab/ /sprul pa'i sprin gyis kun tu gang byas te/ / sangs rgyas sprul pas sems can rnams 'dul yang / /'byams klas phyogs na tha dad gang yang med/ /rdul rnams kun la rgya mtsho'i chos brjod do/ /de dag 'khor lo'i tshul bzhin 'khor mdzad cing / /thabs dang mthu yi sgo mo sna tshogs kyis/ /thams cad brjod kyang de la tha dad med/ /rdul gcig la ni rgyal ba kun gyis gsung / /'gro ba snod du gyur la de dag brjod byas te/ /rgya mtsho'i zhing du bskal par byin brlabs kyang / /de dag gsung gi yan lag tha mi dad/ /zhing rnams rgya mtsho mtha' yas rgyan gyi rnams/ /thams cad rdul sbubs gcig tu rab tu 'dzud/ /rgyal ba rnams kyi rdzu 'phrul mthu la ltos/ /las kyi dngos las de dag skyes pa min/ /rdul gcig la ni dus gsum rgyal ba dag /ji ltar byung ba de dag thams cad snang / /de dag gshegs dang byon pa gang yang med/ /'gro ba kun na sangs rgyas rnam par 'phrul/ /shin tu rgyas pa chen po'i mdo/ sangs rgyas phal po che zhes bya ba las/ 'jig rten gyi khams rgya mtsho shin tu bstan pa'i phyogs gsal bar bya ba yang dag par bsgrubs pa zhes bya ba ste/ le'u bzhi pa'o// //bam po brgyad pa/ kye rgyal ba'i sras dag/ de la 'jig rten gyi khams rgya mtsho gzhi dang snying po me tog gis brgyan gyis brgyan pa 'di bcom ldan 'das de bzhin gshegs pa rnam par snang mdzad sngon byang chub sems dpa'i spyad pa spyod pa'i tshe bskal pa rgya mtsho'i 'jig rten gyi khams rgya mtsho'i rdul shin tu phra ba snyed kyis yongs su dag par byas te/ bskal pa re re zhing yang d e bzhin gshegs pa 'jig rten gyi khams rgya mtsho'i rdul shin tu phra ba snyed kyi zhabs kyi drung du smon lam rgya mtsho 'jig rten gyi khams rgya mtsho'i rdul shin tu phra ba snyed kyis yongs su dag par byas so/ /kye rgyal ba'i sras dag/ 'jig rten gyi khams rgya mtsho gzhi dang snying po me tog gi rgyan gyis brgyan pa de ni/ rlung gi dkyil 'khor ri rab kyi rdul shin tu phra ba snyed kyis shin tu bzung ba ste/ de la rlung gi dkyil 'khor thams cad kyi 'og ma ni/ gzhi kun nas rton pa zhes bya ste/ rin po che thams cad kyi 'od 'phro ba 'bar bas brgyan pa'i gzhis rten to| |de'i steng na rlung gi dkyil 'khor rin po che sna tshogs kyi rgyan 'byung ba zhes bya ba yod de/ nor bu'i rgyal po 'od rnam par dag pa'i rgyal mtshan gyi gzhis rton to/ /de'i steng na rlung gyi dkyil 'khor rin po che'i mthu zhes bya ba yod de/ rin po che thams cad kyi dril bu'i gzhis rton to/ /de'i steng na rlung gi dkyil 'khor 'od 'phro ba mnyam par rton pa zhes bya ba yod de/ nor bu'i rgyal po nyi ma snang ba'i rgyal mtshan gyi 'khor lo'i gzhis rton to/ /de'i steng na rlung gi dkyil 'khor rgyan kun nas rnam par bres pa zhes bya ba yod de/ 'od zer gyi 'od kyi dkyil 'khor gyi me tog gi gzhis rton to/ /de'i steng na rlung gi dkyil 'khor gzhi kun nas dri ma med cing yongs su dag pa zhes bya ba yod de/ me tog thams cad 'od 'phro ba'i seng+ge'i khri'i gzhis rton to/ /de'i steng na rlung gi dkyil 'khor phyogs su sgra sgrog cing kun tu rgyu ba zhes bya ba yod de/ mu tig dang man shel gyi rgyal mtshan sna tshogs kyi gzhis rton to| |de'i steng na rlung gi dkyil 'khor rin po che thams cad 'dzin pa zhes bya ba yod de/ nor bu'i rgyal po'i shing dang me tog sna tshogs kyi glang gi gzhis rton to/ /de'i steng na rlung gi dkyil 'khor kun nas 'dzin pa'i shugs zhes bya ba yod de/ spos kyi nor bu thams cad kyi ri rab kyi sprin gyi gzhis rton to/ /de'i steng na rlung gi dkyil 'khor khyim kun tu rgyu pa zhes bya ba yod de/ rin po che thams cad kyi kha dog dang / spos kyi khang pa brtsegs pa'i sprin gyi gzhis rton to/ /kye rgyal ba'i sras dag/ rlung gi dkyil 'khor ri rab kyi rdul shin tu phra ba snyed de dag thams cad kyi steng ma ni/ rlung gi dkyil 'khor gzi brjid bzang po dpal gyi snying po zhes bya ste/ nor bu kun nas snang ba'i rgyan dang ldan pa'i spos kyi chu rgya mtsho'i gzhis rton to/ /spos kyi chu rgya mtsho nor bu kun nas snang ba'i gzhis brgyan pa'i snying po zhes bya ba de las pad+mo chen po spos kyi rgyal mtshan khyer ba'i 'od zer dang / ze ba sna tshogs zhes bya ba mngon par 'byung ste/ pad+mo chen po de la 'jig rten gyi khams rgya mtsho gzhi dang snying po me tog gi rgyan gyis brgyan pa/ kun nas gru bzhir 'dug pa/ rnam par dag pa/ shin tu brtan pa| rdo rje dang nor bu thams cad kyi khor yug gis bskor ba/ rim gyis gzhol bar gnas pa/ shing gi rgyud rgya mtsho sa la rab tu gnas pa 'di 'dug go /de nas byang chub sems d pa' kun tu bzang pos yang 'jig rten gyi khams rgya mtsho gzhi dang snying po me tog gi rgyan gyis brgyan pa 'di nyid kyi yon tan rgya mtsho yongs su dag pa'i phyogs 'di nyid brjod pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /gzhi rgyan me tog 'jig rten khams kyi rgya mtsho de/ /rin chen kun gyi snying po kha dog sna tshogs te/ /rdul rnams kun dang mnyam pa'i sngon chad sangs rgyas kyi/ /drung du sngon tshe rgya mtshor sbyangs pas dri ma med/ /rgya chen snying rje'i sprin gyis khams rnams kun bkang zhing / /zhing gi rdul dang mnyam pa'i lus kyang kun btang nas/ /sngon gyi bskal pa rgya mtshor spyod pa spyad pas na/ /'jig rten rgya mtsho'i khams de yangs shing rnam par dag / sangs rgyas rnam par snang bas smon lam che mdzad de/ /'od snang btang ba mkha' yi dkyil na gnas pa ni/ /rlung gi phung pos btab kyang mi bskyod mi g.yo ste/ /nor bu kun brgyan sangs rgyas gzugs brnyan snying po'o/ /me tog mdzod bkye gtor ba rin chen yid 'ong bzhin/ /sngon gyi smon lam dbang gis mkha' yi dbyings la gnas/ /rgya mtsho'i rgyan rnams thams cad sna tshogs brtan par gnas/ /phyogs dang phyogs mtshams kun tu 'od kyi sprin kyang gtong / /nor bu thams cad sgo nas byang chub sems dpa'i rnams| |byung zhing 'od zer sprin 'bar phyogs rnams kun tu 'dong / /'od zer me tog tshon dang 'od zer 'khor lo'i tshogs/ /phyogs rnams ma lus kun gyi chos dbyings khyab par byed/ /rin chen kun gyis 'od zer sprin rnams bkye ba ni/ /phyogs dang phyogs mtshams kun gyi zhing rnams khyab par byed/ /sdug bsngal thams cad bcil zhing byang chub mchog la bgrod/ /'jig rten rgya mtsho thams cad 'od 'phro rab tu 'bar/ /'gro ba kun dang mnyam pa'i sprul pa sna tshogs rnams/ /rin chen kun dang spu rnams kun nas rgyal ba 'gyed| |brgya byin dag dang tshangs pa 'ang 'khor lo sgyur 'dra dang / /'gro ba kun gyi lus su lus rnams kun kyang gnas/ /sprul pas 'od bkye chos kyi dbyings kyi tshad mnyam pa/ / 'od zer sgo nas sangs rgyas thams cad mtshan kyang sgrog /'gro ba ma lus kun gyi bsam pa tshim byas nas/ /tshul rnams sna tshogs sgo nas sems can rnam par 'dul/ /'jig rten rgya mtsho me tog snying po de nang na/ /rdul phran kun gyi khongs na chos dbyings thams cad kyi/ /rin chen 'od bkye sangs rgyas sprin rnams 'bar bar snang / /rnam par snang mdzad rnam par 'phrul ba'i zhing la ltos/ /bskal pa rgya mtshor 'gro ba'i sdug bsngal sangs byas te/ /smon lam yangs pa'i sprin ni chos kyi dbyings mnyam dang / /bzang po'i spyod pa brnyes shing ye shes sa ldan pa'i| |dgongs pa las ni rgyan mdzes de dag byung ba yin/ /shin tu rgyas pa chen po'i mdo/ sangs rgyas phal po che zhes bya ba las/ 'jig rten gyi khams rgya mtsho gzhi dang snying po me tog gi rgyan gyis brgyan pa'i yon tan rgya mtsho yongs su dag pas snang ba zhes bya ba ste/ le'u lnga pa'o// //kye rgyal ba'i sras dag /de la 'jig rten gyi khams rgya mtsho gzhi dang snying po me tog gi rgyan gyis brgyan pa'i khor yug chen po ni/ nor bu rgyal po pad+mo nyi ma'i gzhi la brten pa ste/ nor bu'i rigs rgya mtsho spos kyi tsan+dan thams cad las grub pa/ nor bu'i rgyal po rgyan gyi yul thams cad kyis lhun shin tu 'phags shing zil gyis gnon pa/ nor bu'i spos zhim po gzi brjid kyi 'khor lo rnam par snang ba'i snying po can/ nor bu'i rgyal po rdo rje sra zhing mi shigs pa ltar shin tu mkhregs shing sra ba/ rin po che'i chu thams cad kun nas 'byung ba/ rin po che'i shing gi nags tshal gyi rgyan thams cad me tog shin tu rgyas pa/ spos kyi rtsi mchog bzang po thams cad kyi rgyan gyis brgyan pa/ spos kyi me tog dpal can shin tu bzang bas rnam par brgyan pa/ nor bu'i rgyal po 'jig rten gyi khams thams cad kyi dbyings lta bu'i dra bas kun nas bres pa ste/ de dag la sogs pa rgyan bzang po'i rnam pa 'jig rten gyi khams rgya mtsho'i rdul shin tu phra ba snyed kyis rab tu brgyan pa'o/ /de nas byang chub sems dpa' kun tu bzang pos yang 'khor yug gi rgyan dang / yon tan yongs su dag pa 'di nyid bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /'jig rten gyi khams rnams rgya mtsho gang yod pa/ /mtha' dang dbus med sna tshogs rnam pa can/ /nor bu mang pos rnam dag mtha' yas mdog/ /de dag sangs rgyas rnam par 'phrul pas byung / /dri med khor yug rgyan gyis brgyan pa ni/ /nor bu mang po de bzhin spos mang dang / /mu tig gsal ba'i tshogs la rab tu gnas/ /kha dog mtha' yas rin chen rnams kyis brtan/ /snying po nor bu'i sprin can sna tshogs sra/ /'dzam bu chu klung 'od 'phro snying po'i tshogs/ /'od 'phro dam pa phyogs su snang zhing 'tsher/ /khor yug dri ma med pa rnams par mdzes/ /nor bu rdo rjes shing tu sra shing brtan/ /mtshams rnams mi phyed nor bu sna tshogs 'brul/ /mtshan ldan nor bu rin chen rnam bkod pa/ /rgyan rnams kun gyis yongs su dag par snang / /spos chu'i sprin gyis kha dog mtha' yas te/ /rin chen tsan+dan me tog kun tu bkram/ /pad+mo sna tshogs gos kyis kun nas yog / rin chen rtsi mchog dri zhim rnams dang ldan/ /sna tshogs shing gi sprin gyis kun nas brgyan/ /nor bzang kun gyis kun nas gzi brjid 'bar/ /'od zer sprin gyi 'od kyi dkyil 'khor can/ /gos kyi mdzod kyis shin tu 'bar bar gnas/ /spos kyi 'od 'phro bdug pa'i gdugs 'chang ba'i/ /byang chub sems dpa' mang pos chos dbyings gang / / sgra dbyangs mang po rgya mtsho thams cad 'byin/ /'di ni rnam par snang mdzad chos 'khor lo/ /rin chen mdzes pa de dag thams cad dang / /nor bu dag dang kun nas 'od 'phro'i shing / /kun la rnam par snang mdzad sku gsal ba/ /gzugs brnyan tshul du nang na yod pa snang / /thams cad gzugs su sku rnams mtha' yas te/ /sangs rgyas sprul mang kha dog mu med pa/ / thams cad phyogs dang chos kyi dbyings bkang zhing / /sems can mang po tshad med rnam par 'dul/ /thams cad rgyan las sgra dbyangs kun 'byung ste/ /rnam par snang mdzad smon lam 'khor lo yis/ /zhing rnams rgya mtsho yongs su dag byas pa/ /de kun de las rnam par 'phrul zhing grag /shin tu rgyas pa chen po'i mdo/ sangs rgyas phal po che zhes bya ba las| 'jig rten gyi khams rgya mtsho'i khor yug gi rgyan rgya mtsho shin tu bstan pa zhes bya ba ste/ le'u drug pa'o// //kye rgyal ba'i sras dag / de la khor yug chen po de'i nang ni 'jig rten gyi khams rgya mtsho'i sa chen po'i gzhi ni/ nor bu mang po'i brgyan thams cad kyis brgyan pa/ rdo rje ltar shin tu mkhregs shing sra la brtan pa/ rin po che'i rigs thams cad las grub pa/ rgya mtshos rnam par phye ba mi shigs pa'i snying po can/ mi mtho ba mi dma' ba'i thang mnyam zhing rnam par dag pa/ nor bu rin po che thams cad kyi kha dog dang 'od thams cad kyis rab tu brgyan pa/ sems can thams cad kyi lus kyi dbyibs lta bu'i nor bu'i gzugs sna tshogs kyis rab tu bsgrubs pa/ rin po che'i tshon thams cad kyi brgyan gyis brgyan pa/ rin po che yid du 'ong ba'i pad+mo thams cad kyis gzhi byas pa/ dmigs pa thams cad du sna tshogs su gyur pa'i sprin gyis kun nas yog pa/ nor bu'i rgyal po spos kyi mdzod thams cad kyis sa gzhi mnyam par bdal ba/ nor bu'i rgyal po dus gsum gyi de bzhin gshegs pa'i zhing gi rgyan gyis sprin gyi dra ba rnam par bres pa/ de bzhin gshegs pa thams cad kyi spyod yul gyi 'od dang / nor bu'i dra ba mig 'phrul lta bu rnam par phye ba ste/ kye rgyal ba'i sras dag /de dag la sogs pa sa'i dkyil 'khor de'i rgyan shin tu bstan pa ni/ 'jig rten gyi khams rgya mtsho'i rdul shin tu dra ba snyed do/ /de n as byang chub sems dpa' kun tu bzang pos yang 'jig rten gyi khams rgya mtsho'i gzhi'i rgyan rgya mtsho 'di nyid yongs su brjod pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sa yi dkyil 'khor gzhi ni rnam par dag mnyam/ /'khor lo'i dra bas bsgrubs pa mi shigs sra/ /rin chen sna tshogs mnyam pa'i gzhir gnas shing / /rin chen sna tshogs kun gyis kun tu gang / /yid 'ong sa ni rdo rje gser gyi gzhi/ /rin chen chu bo ri bo'i 'khor los bsgrubs/ / pad+mo'i dkyil 'khor gzhi yin me tog sa/ /tsan+dan phye ma rin chen kun tu bkram/ /'od zer sna tshogs rin chen me tog rnams/ /'od 'phro 'gyed pas phyogs su sprin kyang 'bar/ /sangs rgyas 'od snang nor bu rnam par bkram/ /sa kun me tog yid du 'ong bas yog /thams cad sprin ni phyogs na stug lding bas/ /mi zad yangs pa kun nas khebs par 'dug /zhing rnams thams cad phyogs rnams kun bkang zhing / /sangs rgyas chos ni snyan par rab tu sgrog /rin chen nang snang sangs rgyas smon lam kun/ /shin tu dus ring rtag tu kun tu ston/ /sngon chad spyod pa ji 'dra spyod pa dag / kun kyang nor bu'i 'bru las gsal bar snang / /de yi rgya mtsho nor bu sna tshogs gting / /de yi nang na sangs rgyas spyod yul snang / / sangs rgyas spyod yul de dag zhing gi rnams/ /rgya mtsho kun gyi rdul phran re rer snang / /me tog snying po tshon gyi 'khor los bsgrubs/ /der ni byang chub sems dpa' rtag 'dong zhing / / byang chub sems dpa'i smon lam kun kyang sgrog/ snying po byang chub 'khor du rnam 'phrul lo/ /rin chen 'od zer 'od dang ldan pa dag /sa yi nor bu rgyan las rab tu 'byung / /sangs rgyas chos nyid 'di yang rtag tu ston/ /chos dbyings nam mkha' lta bu kun tu 'gengs/ /sangs rgyas kun yul ye shes rgya chen dang / /kun tu bzang po'i smon lam sus shes pa/ /de dag phyogs rnams rgya mtsho kun tu yang / /zhing rnams rgya mtsho dbyings kyi 'phrul la 'jug/ shin tu rgyas pa chen po'i mdo/ sangs rgyas phal po che zhes bya ba las/ 'jig rten gyi khams rgya mtsho'i sa gzhi'i rgyan shin tu bstan pa zhes bya ba ste/ le'u bdun pa'o// //kye rgyal ba'i sras dag /de la 'jig rten gyi khams rgya mtsho'i gzhi sa'i dkyil 'khor de la spos chu'i rgya mtsho sangs rgyas kyi zhing brjod du med pa'i rdul shin tu phra ba snyed yod de/ de dag kun kyang gzhi rin po che thams cad kyi rgyan gyis brgyan pa'o/ /nor bu'i rgyal po dang spos thams cad kyis klung rab tu bsgrubs pa'o/ /nor bu'i rgyal po bzang zhing yid du 'ong ba'i 'od rnam par snang ba'i dra bas kun nas bres pa'o/ /rin po che thams cad kyi kha dog dang mchog tu snang ba'i spos kyi chus yongs su rgyas pa'o/ /rin po che thams cad kyi me tog sna tshogs klong du 'khyil pa'o/ /tsan+dan gyi phye ma dang 'dres pa'o/ /sangs rgyas thams cad kyi gsung gi dkyil 'khor dang / smon lam rgya mtsho'i sgra 'byin pa'o/ /rin po che thams cad kyi 'od zer gyi dkyil 'khor gyi sprin rnam par snang ba'o/ /byang chub sems dpa'i lus kyi sprin me tog sna tshogs kyi kha dog lta bur rab tu 'gyed pa'o/ /kha dog dang dbyibs mtha' yas pa'i gdugs kyis khebs par rnam par 'phrul pas brgyan pa'o/ /dmigs pa thams cad la 'jig rten gyi khams mang po rgya chen po thams cad snang ba'o/ /phyogs kun nas rin po che'i them skas kyi phreng ba bcur rab tu bkye ba'o/ /mu tig rin po che thams cad kyi kha dog lta bu'i mu khyud kyis kun nas bskor ba'o| |rin po che shel gyi rgyal mtshan bye ba khrag khrig brgya stong brjod du med pa bcus kun nas brgyan pa'o/ /'di lta ste/ nor bu dang / me tog gi khang pa brtsegs pa chu klung gang+gA'i klung gi bye ma snyed kha dog mtha' yas pa bcus kun nas bskor ba'o/ /'di lta ste/ nor bu thams cad kyi pad+mo yid du 'ong ba'i grong khyer bye ba khrag khrig brgya stong phrag bcus kun nas bskor ba'o/ /'di lta ste/ nor bu rdo rje shin tu sra ba'i gling bzhi'i 'jig rten gyi khams kyi rdul shin tu phra ba snyed kyis rab tu bsgrubs pa'o/ /rin po che thams cad kyi me tog puN+Da rI ka dang / spos kyi chu yongs su rgyas pas kun nas bskor ba'o/ /'di lta ste/ rin po che'i shing gi phreng ba rin po che 'bar zhing kun nas 'phyang ba'i nor bu'i dra ba can gling bzhi'i 'jig rten gyi khams kyi rdul shin tu phra ba snyed kyis kun nas bskor ba'o/ /tsan+dan dang / spos dang / nor bu mang po sgra thams cad dang / sangs rgyas kyi 'od kyi dkyil 'khor gyi phyag gis rnam par snang bar byas pa/ chu klung gang+gA'i klung gi bye ma snyed kyis 'gram shin tu brgyan pa'o/ /'di lta ste/ rin po che dang / gos dang / rgyal mtshan dang / dril bu mang po thams cad kyi sgra 'byung bas rgyan shin tu rgyas pa'o/ /rin po che yid du 'ong ba'i nor bu thams cad kyi ra ba bye ba khrag khrig brgya stong brjod du med pas kun nas bskor ba'o/ /de nas byang chub sems dpa' kun tu bzang pos yang spos chu rgya mtsho'i rgyan 'di nyid yongs su bstan pa'i phyir sangs rgyas kyis byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /sa steng de na spos kyi chu bo yis/ /rgya mtsho nor bus brgyan pa rnam brjod de/ /gzhi rnams rin chen gos kyis kun bting ba/ /mi shigs rdo rje lta bu sra zhing mdzes/ /spos dang nor bu'i rgyal po mang po dang / /nyi ma'i nor bu 'od 'phro stug sprin dang / /pad+mo rin chen phreng ba'ang kun nas bres/ /gzhi rnams dri med yid du 'ong ba'o| / spos kyi chu yis yongs su rgyas pa ste/ /rin chen 'od zer sna tshogs me tog klong / /sgra dbyangs rab tu gtong ba'i dbyangs kyis kyang / /sangs rgyas rnam par 'phrul ba rab tu sgrog / them skas phreng ba yid du 'ong dang ldan/ /gzhi ni rin chen nor bu mang pos brgyan/ /stegs bu kun bkod rin chen pad+mo yi/ /sprin stug dra ba rnam par bres pa ste/ /rin chen nor bu'i shing gi phreng ba dag/ rin chen gser gyi kha dog yid 'ong 'bar/ /'od kyi tshogs dang rol mo'i sgra dag kyang / /rnam par 'phrul mang dbyangs su rab tu sgrog /spos chus yongs gang rin chen bsgrubs pa ste/ /me tog puN+Da rI kas kun nas bskor/ /spos dang 'od dang bdug spos 'od zer 'gyed/ /de dag 'od kyi dkyil 'khor rnam par yangs/ / rin chen rgyal mtshan mu tig 'bar ba can/ /gos dang nor bu sna tshogs kun 'phyang zhing / /rin chen nor bu'i dril bu dra ba dag / thams cad mkhyen par 'jug pa'i sgra yang sgrog /pad+mo'i grong khyer rnams kyis kun nas bskor/ /kha dog mtha' yas nor bus rnam par brgyan/ /phyogs rnams kun nas mu tig sprin bkye zhing / /grong khyer rgya mtshos de dag rab tu brgyan/ / dra ba bzang pos kun nas bskor ba ste/ /rin chen byas pa'i gzugs bzang khyab kyi bar/ /rnam pa du mar 'bar zhing yid 'ong ba'i/ /rgya mtshos bzang zhing mdzes par rab tu brgyan/ /sngon chad sangs rgyas rnam par snang mdzad kyis/ /sna tshogs rgya mtsho'i zhing rnams yongs sbyangs pa/ /shin tu rgya che mtha' dang dbus med pa'ang / /de dag kun na rnam par 'phrul pa byed/ /spos chu rgya mtsho de dag re re zhing yang spos chu'i chu klung g.yas phyogs su 'khor zhing 'bab pa/ gling bzhi'i 'jig rten gyi khams kyi rdul shin tu phra ba snyed kyis 'khor bar byas pa ste/ spos chu'i chu klung de dag thams cad kyang 'khor kun nas rdo rje'i pad+mo kha dog dang dri mtha' yas pas bsgrubs pa'o/ /nor bu'i 'khor lo dang | nor bu'i 'od rnam par dag pa sna tshogs kyis mtha' kun nas dkris pa'o/ /sangs rgyas kyi 'od kyi dkyil 'khor rin po che thams cad kyi kha dog lta bus rnam par snang bar byas pa'i 'od zer gyi sprin dang ldan pa'o/ /sems can thams cad kyi sgra dbyangs sgrog pa'i dril bu'i dra ba rin po che thams cad kyi kha dog tu 'dug pas kun nas khebs pa'o| |spyod pa'i 'od kyi klong sangs rgyas thams cad kyi mtshan gyi dbyibs lta bu rab tu 'byung ba'o/ /nor bu'i rgyal po rgyan thams cad nang na snang zhing 'od shin tu 'bar ba/ 'jig rten gyi khams rgya mtsho lta bur snang ba thams cad kyis shin tu yog par byas pa'o/ /nor bu'i rgyal po phyogs bcu'i sangs rgyas kyi sprul pa rnam par snang pa dang / sangs rgyas thams cad kyi rnam par 'phrul ba'i snying po'i me tog shin tu rgyas pas kun nas khebs pa'o/ /dus gsum du gshegs pa'i sangs rgyas dang byang chub sems dpa'i mtshan gyi 'khor lo dbyangs su sgrog pa'o/ /spos kyi chu dang rin po che 'od 'phro ba thams cad kyi 'od dang / 'od zer gyi sprin rab tu 'byung ba ste/ chu klung de dag re re zhing yang rgyan shin tu bstan pa/ 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang spos chu'i chu klung gi rgyan dang / yon tan rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /chu klung dri ma med pa'i chus rgyas shing // gzhi ni nor bu'i rdo rje pad+mos byas/ /rin chen mang po sil bus gzhi bkram zhing / /kun nas brgyan pa sna tshogs yid du 'ong / /them skas phreng bas de dag kun nas bskor/ /pad+mo'i phyang ba'i mu khyud 'khor can te/ /me tog brgyan pa'i mu tig phreng ba dang / /me tog lda ldis sna tshogs kun nas bres/ /nor bu'i chu bo spos chu 'byung ba ni/ /rin chen kun gyi kha dog mdog ltar 'bab/ /rin chen nor bu me tog mdzes par bkod/ /sil snyan sgra ni sangs rgyas gsung skad brjod/ /de dag rnyog pa nor bu zla ba ste/ /rin chen sna tshogs thams cad dba' klong ngo / /phyogs rnams bcu po kun tu rtag par yang / /spos dang bdug pa 'od 'phro'i rgyan 'byung ngo / /chu bo rnams las rin chen thams cad kyi/ /'od zer 'phro ba kun tu rab tu 'byung / /me tog nor bu'i phung po gdugs rnams kyang / /rin chen kun gyi gzer du rab tu 'bar/ /phyogs bcu'i zhing gi gzugs brnyan mang po dang / /sangs rgyas gzugs brnyan rin chen rnams las snang / /rin chen 'khor lo'i gzhi rten yid 'ong las/ /spos chus rgyas pa'i chu klung rnams kyang 'bab/ /rin chen gser gyi dril bu'i dra ba yis/ /yog cing sangs rgyas gsung du sgra sgrog 'bab/ /rgyal ba kun gyi byang chub spyod pa dang / /kun tu bzang po'i spyod mchog rab tu 'dzud/ /sangs rgyas smon lam sgra dbyangs rnam pa dang / /sangs rgyas thams cad sngon gyi sbyor ba dag / rnam dag nor bu'i ngos dang ngogs kun nas/ /sgra rnams sgrog pa kun na rab tu snang / /chu bo thams cad dba' klong dag las kyang / /byang chub sems dpa'i sprin chen 'bar bdag / chos kyi dbyings rnams rab tu rgyas byed pa/ /'byams klas phyogs rnams kun na rab tu snang / /chu klung de dag thams cad dri med cing / /nor bu'i rgyal po sprin gyis kun khyab pa// mdzod spu'i dpal dang sangs rgyas gzi brjid 'bar/ /nor bu'i rgyal po sangs rgyas gzugs brnyan snang / /spos chu'i chu klung de dag gi bar dag kyang sa sna tshogs la rin po che thams cad kyis rab tu brgyan pa ste/ chu klung gi bar de dag re re zhing yang rin po che'i me tog puN+Da rI ka'i phreng ba gling bzhi'i 'jig rten gyi khams kyi rdul shin tu phra ba snyed kyis kun nas bskor ba'o/ /chu klung gi bar de dag re re zhing yang rin po che'i shing gi phreng ba gling bzhi'i 'jig rten gyi khams kyi rdul shin tu phra ba snyed kyis rnam par phye ba'o/ /shing gi gseb thams cad nas kyang rgyan thams cad kyi sprin rtag par rab tu 'byung ste/ nor bu'i rgyal po byang chub sems dpa'i dpal 'byung ba'i sprin dang / 'od rnams kyang rab tu 'byung ngo / /shing gi bar de dag thams cad kyang 'od shin tu 'bar ba ste/ spos dang / me tog sna tshogs kyis rab tu gang ba'o/ /nor bu'i rgyal po sangs rgyas thams cad kyis smon lam bskal pa thams cad du byin gyis rlob pa'i sgra sgrog pa'i sprin gyis yongs su gang ba'o/ /spos 'od 'phro ba'i sprin gyi 'od zer gyis rnam par snang bar byed pa'i sprin gyis mngon par khyab pa'o/ /spos kyi rgyal po yid du 'ong ba sna tshogs kyis rnam par rgyas pa'o| |nor bu'i rgyal po rgyan bsam gyis mi khyab pa'i kha dog yang dag par ston pas mnyam pa nyid du mngon par gang ba'o/ /gos kyi tshogs sna tshogs sprin lta bus mngon par yog pa'o/ / nor bu'i rgyal po phyogs bcur 'od zer gyi dra ba'i sprin gyis yog par byed pas rnam par rgyas pa'o/ /nor bu'i rgyal po sangs rgyas thams cad kyi rnam par 'phrul pa'i 'od kyis mngon par gang ba'o/ /nor bu'i rgyal po sems can thams cad kyi las rnam par smin pa rgya mtsho'i gzugs brnyan shin tu ston pas rgyas pa ste/ de dag la sogs pa chu klung gi bar de dag re re zhing yang rgyan shin tu bstan pa ni/ 'jig rten gyi khams rgya mtsho'i rdul shin tu phra ba snyed do/ /de nas byang chub sems dpa' kun tu bzang pos yang spos chu'i chu klung gi bar gyi rgyan yongs su dag pa rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so| |chu klung bar rnams shin tu rnam par dag / rin chen rgyan can gser gyis rnam par bres/ /yal ga me tog sprin rnams 'phyang lding ba'i/ /shing gi phreng bas kun nas mngon par khyab/ /shing gi yal ga'i dkyil 'khor sgo dag nas/ /rin chen mang po'i sprin rnams kun kyang 'byung / /me tog 'od mang rin chen snying po can/ /phyogs rnams kun sgor 'gro ba khyab par byed/ /gzhi rnams nor bu mngon par bkram pa ste/ /me tog rnam bres rin chen 'bru dang ldan/ /kun nas rin chen sprin gyis khyab pa ste/ /rgyan dang sems can thams cad gzugs brnyan snang / /sangs rgyas 'od kyi nor bu'i rgyal po yis/ /sa rnams thams cad kun nas rnam par gang / /phyogs rnams thams cad 'bar zhing snang ba'i sprin/ /rdul phran kun la gzugs brnyan gyur bar snang / /nor bu'i rgyan gyis shin tu rnam par rgyas/ /mu tig gsal ba'i dra bas rnam par phye/ /nor bu'i 'khor lo kun nas rab tu bkod/ /kun na rgyal ba rnam par 'phrul ba snang / /'byams klas 'od zer ldan pa'i rin chen gyis/ /sangs rgyas sprul pa bkye ba kun na snang / /sangs rgyas mang pos phyogs rnams kun khyab cing / /stobs bcu mnga' ba'i chos nyid rab tu sgrog / rin chen sna tshogs puN+Da rI ka yis/ /chu rnams kun rgyas sny-ing po nor bu spos/ /de las mi zad 'od zer rgya mtsho'i rnams/ /rab tu 'byung ba'i pad+mo sna tshogs 'byung / /dus rnams gsum po'i rgyan rnams thams cad kyang / /nor bu de dag 'bru yi nang na ste/ /'byung ba med cing gzung du'ang yod pa min/ /de ni sangs rgyas rnam par 'phrul ba'i mthu/ /rgyal ba rnam par snang mdzad thams cad du/ /rgyan dang sprul pa thams cad rab tu 'gyed/ /sngon chad sangs rgyas smon lam mthu dag gis/ /de dag 'gro zhing 'ong bar snang ba med| |rdul rnams rgya mtsho thams cad dag la yang / /rgyal sras thams cad spyad pa rab spyod de/ /rang gi zhing dang lung bstan sa yi rnams/ /bsam pa rnam dag tshul bzhin de dag mthong // kye rgyal ba'i sras dag /sangs rgyas bcom ldan 'das rnams kyi 'jig rten gyi khams rgya mtsho'i rgyan shin tu bstan pa ni/ bsam gyis mi khyab ste/ kye rgyal ba'i sras dag / de ci'i phyir zhe na/ 'jig rten gyi khams rgya mtsho gzhi dang snying po me tog gi rgyan gyis brgyan pa'i dmigs pa dag la'ang dmigs pa re re zhing yongs su dag pa'i yon tan dang / rgyan shin tu bstan pa rgya mtsho ni/ 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten gyi khams rgya mtsho yongs su dag cing / yon tan mtha' dang dbus med pas yon tan rnam par dag pa'i rgyan shin tu bstan pa rgya mtsho 'di nyid yongs su bstan pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /zhing gi rgya mtsho 'di rnams thams cad kyang / /rin chen rgyan can 'od zer gnas pa ste/ /stug cing gsal ba'i sprin gyis kun nas yog /rin chen thams cad 'od kyang rnam par 'bar/ /mu tig nor bu'i sprin mang zad mi shes/ /sangs rgyas gzugs brnyan phyogs su rnam par snang / /zhing na yod pa'i rnam par 'phrul pa rnams/ /byang chub sems dpa' rnams la rtag tu ston pa byed/ /sangs rgyas gsung gi sprin ni bsam gyis mi khyab ste/ / nor bu'i rgyal po thams cad snyan par sgrog /rnam par snang mdzad sngon gyi spyod pa rnams/ /rin chen rnams la rtag par snang zhing grags/ /sangs rgyas rnam par snang mdzad dri med 'od/ /rgyan rnams thams cad nang na rnam par snang / /'khor rnams gzugs brnyan mtshan nyid 'chang ba dang / /sprul pa rnams kyi zhing gi rgya mtsho gang / /sangs rgyas sprul pa rnams ni sgyu ma 'dra/ de dag la ni byon pa gang yang med/ /sangs rgyas yul rnams byin gyis brlabs pa yi/ /zhing rnams kun nas sangs rgyas rnam par 'phrul/ /zhing rnams 'byams klas par ni rnam 'phrul zhing / / ji snyed zhing du de dag kun rgyu ba/ /de dag nor bu kun la rab tu snang / /de ltar zhing rnams rgya mtsho rnam par sbyangs/ /sprul pa rnams ni mig yor 'dra ba ste/ /thams cad dag na chos nyid 'di yang snang / /'di ni rnam par snang mdzad spyod yul te/ /smon lam rnam par 'phrul las byung ba'o/ /bzang po'i spyod pas gang rnams byung gyur pa'i/ /byang chub sems dpa' shes mchog rgya mtsho can/ /de dag rdul phran kun la rang rang gis/ /rang gi zhing rnams rgya mtsho dag par byed/ /de bzhin gshegs pa kun gyi zham ring du/ /bskal pa bye ba rgya chen bsam yas su/ /de dag spyod yul thams cad mthong bas na/ /skad cig sems la de dag thams cad ston/ /zhing rnams mnyam med 'byung ba med pa ste/ /de dag mtha' 'dra mnyam zhing mtshan nyid med/ /smon lam stobs kyis kun tu gnas pa ste/ /sems can rnams la phan phyir rab tu sbyangs/ /kye rgyal ba'i sras dag/ de la 'jig rten gyi khams rnam par dgod pa shin tu bstan pa gang zhe na/ kye rgyal ba'i sras dag/ 'jig rten gyi khams spos chu'i rgya mtsho sangs rgyas kyi zhing brjod du med pa bcu'i rdul shin tu phra ba snyed po de dag la 'jig rten gyi khams kyi rgyud sangs rgyas kyi zhing brjod du med pa'i rdul shin tu phra ba snyed rab tu gnas te/ 'jig rten gyi khams kyi rgyud de dag re re zhing yang 'jig rten gyi khams 'byams klas pa sangs rgyas kyi zhing brjod du med pa'i rdul shin tu phra ba snyed kyi 'khor gyis bskor ba'o/ /'jig rten gyi khams rgya mtsho 'byams klas pa de dag thams cad kyang gzhan dang gzhan la gnas pa/ dbyibs gzhan dang gzhan du 'dug pa/ phyogs gzhan dang gzhan la lta ba/ rnam pa gzhan dang gzhan gyis 'jug pa/ rgyan gzhan dang gzhan yod pa/ gzhan dang gzhan gyis rgyas par 'gengs pa/ gzhan dang gzhan du 'du ba rnam pa gzhan dang gzhan du ma 'dres pa/ rnam par 'phrul pa dang / byin gyi rlabs gzhan dang gzhan yod pa dag ste| kye rgyal ba'i sras dag / de la 'jig rten gyi khams rgya mtsho 'byams klas pa la la ni/ pad+mo'i rgya mtsho la rab tu gnas so/ /'jig rten gyi khams rgya mtsho 'byams klas pa la la ni| rin po che kha dog mtha' yas pa'i me tog rgya mtsho la rab tu gnas so/ /'jig rten gyi khams rgya mtsho 'byams klas pa la la ni/ rin po che'i phreng ba mu tig gi 'bru'i snying po can gyi rgya mtsho la rab tu gnas so/ /'jig rten gyi khams rgya mtsho 'byams klas pa la la ni/ spos chu'i rgya mtsho la rab tu gnas so/ /'jig rten gyi khams rgya mtsho 'byams klas pa la la ni| me tog thams cad kyi rgya mtsho la rab tu gnas so/ /'jig rten gyi khams rgya mtsho 'byams klas pa la la ni/ nor bu rin po che'i dra ba'i rgya mtsho la rab tu gnas so/ /'jig rten gyi khams rgya mtsho 'byams klas pa la la ni/ 'od zer gyi rgya mtsho klong du gyur pa'i chu bo la rab tu gnas so/ /'jig rten gyi khams rgya mtsho 'byams klas pa la la ni/ byang chub sems dpa'i nor bu'i cod pan sna tshogs kyi rgyan la rab tu gnas so/ /'jig rten gyi khams rgya mtsho 'byams klas pa la la ni/ sems can gyi lus sna tshogs rgya mtsho la rab tu gnas so| |'jig rten gyi khams rgya mtsho 'byams klas pa la la ni/ sangs rgyas thams cad kyi gsung nor bu'i rgyal po la rab tu gnas so/ /de dag la sogs pa 'jig rten gyi khams rgya mtsho 'byams klas pa'i gnas shin tu bstan pa ni/ 'jig rten gyi khams rgya mtsho'i rdul shin tu phra ba snyed do/ /'jig rten gyi khams rgya mtsho thams cad kyang dbyibs gzhan dang gzhan du 'dug pa sha stag ste/ 'jig rten gyi khams rgya mtsho 'byams klas pa la la ni/ ri rab kyi dbyings lta bu'o/ /'jig rten gyi khams 'byams klas pa la la ni/ chu klung gi dbyibs lta bu'o/ /'jig rten gyi khams 'byams klas pa la la ni/ kun tu 'khor ba'i dbyibs lta bu'o/ /'jig rten gyi khams 'byams klas pa la la ni/ kun nas 'khyil ba'i dbyibs lta bu'o/ /'jig rten gyi khams 'byams klas pa la la ni/ 'khor ba'i dbyibs lta bu'o/ /'jig rten gyi khams 'byams klas pa la la ni/ mig mang ris kyi dbyibs lta bu'o/ /'jig rten gyi khams 'byams klas pa la la ni/ shing gi dbyibs lta bu'o/ /'jig rten gyi khams 'byams klas pa la la ni/ khang pa brtsegs pa'i dbyibs lta bu'o/ /'jig rten gyi khams 'byams klas pa la la ni/ rdo'i rgyal mtshan gyi dbyibs lta bu'o/ /'jig rten gyi khams 'byams klas pa la la ni/ phyogs 'byams klas pa'i dbyibs lta bu'o/ /'jig rten gyi khams 'byams klas pa la la ni/ khang pa'i dbyibs lta bu'o/ /'jig rten gyi khams 'byams klas pa la la ni/ pad+mo'i dbyibs lta bu'o/ / 'jig rten gyi khams 'byams klas pa la la ni/ rta babs kyi dbyibs lta bu'o/ /'jig rten gyi khams 'byams klas pa la la ni/ sems can gyi lus kyi dbyibs lta bu'o/ /'jig rten gyi khams 'byams klas pa la la ni/ sprin gyi dbyibs lta bu'o/ /'jig rten gyi khams 'byams klas pa la la ni/ sangs rgyas kyi mtshan gyi dbyibs lta bu'o/ /'jig rten gyi khams 'byams klas pa la la ni/ 'od kyi dkyil 'khor gyi dbyibs lta bu'o/ /'jig rten gyi khams 'byams klas pa la la ni/ dra ba sna tshogs bkye ba'i dbyibs lta bu'o/ /'jig rten gyi khams 'byams klas pa la la ni/ sgo kun nas yog pa'i dbyibs lta bu'o/ /'jig rten gyi khams 'byams klas pa la la ni/ dmigs pa thams cad kyi dbyibs lta bu ste/ kye rgyal ba'i sras dag / de dag la sogs pa 'jig rten gyi khams 'byams klas pa'i dbyibs rnam par phye ba shin tu bstan pa ni/ 'jig rten gyi khams rgya mtsho'i rdul shin tu phra ba snyed do/ / kye rgyal ba'i sras dag /'jig rten gyi khams rgya mtsho'i tshul de dag ni/ lhun gzhan dang gzhan du bstan pa ste/ 'jig rten gyi khams kyi tshul la la ni/ phyogs thams cad kyi nor bu'i sprin gyi lhun can no/ /'jig rten gyi khams kyi tshul la la ni/ 'od kyi lhun can no/ /'jig rten gyi khams kyi tshul la la ni/ rin po che dang spos 'od 'phro ba thams cad kyi lhun can no| |'jig rten gyi khams kyi tshul la la ni/ rin po che thams cad kyi me tog kha sprod las bsgrubs pa'i lhun can no/ /'jig rten gyi khams kyi tshul la la ni/ byang chub sems dpa'i lus kyi gzugs brnyan gyi lhun can no/ /'jig rten gyi khams kyi tshul la la ni/ sangs rgyas kyi 'od kyi lhun can no/ /'jig rten gyi khams kyi tshul la la ni| rin po che'i 'od kyi lhun can no/ /'jig rten gyi khams kyi tshul la la ni/ sangs rgyas kyi kha dog gi lhun can no/ /'jig rten gyi khams kyi tshul la la ni/ rin po che thams cad kyi kha dog gi 'od kyi lhun can no/ /'jig rten gyi khams kyi tshul la la ni/ sems can thams cad kyi bsod nams rgya mtsho yang dag par 'byung ba'i sgra'i lhun can no/ /'jig rten gyi khams kyi tshul la la ni/ sems can thams cad kyi las rgya mtsho yang dag par 'byung ba'i sgra'i lhun can no/ /'jig rten gyi khams kyi tshul la la ni/ sangs rgyas thams cad kyi spyod pa'i dkyil 'khor yongs su dag pa'i sgra'i lhun can no/ /'jig rten gyi khams kyi tshul la la ni/ byang chub sems dpa' thams cad kyi smon lam gyi rgya mtsho'i sgra'i lhun can no| |'jig rten gyi khams kyi tshul la la ni/ sangs rgyas kyi tshul thams cad mngon par sgrub pa'i sgra'i lhun can no/ /'jig rten gyi khams kyi tshul la la ni/ zhing gi rgyan thams cad 'byung ba dang 'jig pa'i sgra'i lhun can no/ /'jig rten gyi khams kyi tshul la la ni/ sangs rgyas kyi gsung dang dbyangs mtha' dang dbus med pa'i lhun can no/ /'jig rten gyi khams kyi tshul la la ni/ sangs rgyas thams cad kyi sprul pa'i 'khor lo'i sgra'i lhun can no/ /'jig rten gyi khams kyi tshul la la ni/ sems can thams cad kyi dge ba 'byung ba'i sgra'i lhun can no/ / 'jig rten gyi khams kyi tshul la la ni/ sangs rgyas thams cad kyi yon tan rgya mtsho yongs su dag pa'i sgra'i lhun can no/ /kye rgyal ba'i sras dag/ de dag la sogs pa 'jig rten gyi khams kyi rgyud 'byams klas pa'i tshul gyis lus ni/ 'jig rten gyi khams rgya mtsho'i rdul shin tu phra ba snyed du shes par bya'o/ /de nas byang chub sems dpa' kun tu bzang pos yang 'jig rten g yi khams kyi rgyud 'byams klas pa'i tshul gyis lus rnam par dgod pa shin tu bstan pa 'di nyid gsal bar brjod pa'i phyir sangs rgyas kyi byin gyi rlabs kyis phyogs bcur rnam par bltas te| de'i tshe tshigs su bcad pa 'di dag smras so/ /zhing gi rgyud rgyan shin tu brtan par grub/ /dri med dri bral 'od 'gyed snying po can/ /nor bu pad+mo rgya mtsho kun la gnas/ /la la gang+gA'i rgya mtsho dag la gnas| |rnam pa sna tshogs tshul gyi gzhi gnas shing / /dbyibs kyang sna tshogs kha dog gzugs kyang mang / /ri rab grong khyer shing gi dkyil 'khor dang / /zhing rgyud thams cad la la phyogs kun lta| |la la 'od lus me tog snying po can/ /nor bus byas pa kun nas sprin dang chu/ /la la'i rgyud gsal mu tig 'od zer lus/ /nor bu'i gzhi gnas kun kyang mi shigs sra/ /'byams klas la la kha dog sna tshogs gsal/ /'od 'dra 'od 'phro me mar sprin gyi mdog /la la'i rgyud ni sgra dang skad kyi lus/ /de las sangs rgyas gsung dbyangs mtha' yas 'byung / /la la'i rgyud ni smon lam sgra yi lus/ /spyod pa rnam 'phrul sprin gyi sgra yi lus/ /la la bsod nams yangs dang las kyi sgra/ /la la'i lus ni rgyal ba'i yon tan sgra| |zhing gi rgyud rnams rgya mtsho bsam yas pa/ /kun nas mi zad du ma'i sgo nas 'jug/ rnam 'phrul yangs pa mi zad rgyan gyi rnams/ /tshad med kun gyis phyogs kun rgyas par 'gengs/ /phyogs rnams kun tu zhing rnams 'du 'gyur te/ /yangs pa'i tshul gyis zhing gi rgyud zhugs par/ /phyogs bcu kun tu 'du bar snang ba yang / /'gro ba med cing 'jug pa yod pa min/ /tshul gcig gis ni rgyud rnams kun kyang 'gengs/ /thams cad ma lus re rer rab tu 'dug/ de la tha dad gang yang mi dmigs te/ /gzhi med kun 'gengs mtha' dang dbus kyang med/ /zhing rnams tshul gyi rgyud la rnam 'phrul ba/ /sangs rgyas rnam snang mdzad pa kun nas snang / /smon lam sgra ni rgya mtshor rab brjod cing / /zhing gi dbyings na sems can kun kyang 'dul/ /zhing rnams sangs rgyas sku yis kun khyab snang / /bsam gyis mi khyab byang chub sems dpas gang / /sangs rgyas rnam 'phrul mi mnyam stobs ston cing / /sems can mang po tshad med rnam par 'dul/ /shin tu rgyas pa chen po'i mdo/ sangs rgyas phal po che zhes bya ba las/ zhing gi rgyud kyi gnas shin tu bstan pa zhes bya ba ste/ le'u brgyad pa'o// //bam po dgu pa/ kye rgyal ba'i sras dag/ de la 'jig rten gyi khams rgya mtsho gang chen mtsho'i dbyings de na spos chu'i rgya mtsho mig 'phrul gyi rnam pas rnam par phye ba gzhi kun la rab tu gnas pa ni/ sangs rgyas kyi zhing brjod du med pa'i rdul shin tu phra ba snyed de/ kye rgyal ba'i sras dag /de la gang chen mtsho'i dbyings kyi spos chu'i rgya mtsho'i sangs rgyas kyi zhing brjod du med pa'i rdul shin tu phra ba snyed kyi nang na spos chu'i rgya mtsho dbus ma ni/ ze ba yid du 'ong zhing 'od zer mtha' yas pa zhes bya ste/ de'i nang nas nor bu'i rgyal po byang chub sems dpa' thams cad kyi lus rnam par dmigs pa'i gzugs brnyan gyi rgyal mtshan gyi pad+mo chen po gzhi spos dang / nor bu'i rgyal po thams cad kyis brgyan pa'i rgyan can zhes bya ba mngon par byung ste/ de la 'jig rten gyi khams kyi rgyud phyogs kun nas rin po che 'bar ba'i 'od rnam par snang ba zhes bya ba 'jig rten gyi khams sangs rgyas kyi zhing brjod du med pa'i rdul shin tu phra ba snyed kyi 'khor gyis bskor ba/ dmigs pa thams cad kyi rgyan gyis brgyan pa'i lhun can rab tu gnas te/ de dag las thams cad kyi 'og ma ni/ dpal 'byung ba'i 'od zer rnam par snang ba zhes bya ba'i 'jig rten gyi khams te/ de ni/ rdo rje thams cad kyi rgyun dang / 'od kyi 'khor lo'i sa mtshams nor bu rin po che'i ze ba mang po la rab tu gnas pa/ nor bu'i 'khor thams cad dang / rin po che'i me tog gi rgyan thams cad kyis rab tu yog par gyur pa ste/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ 'jig rten gyi khams de dag kyang gzhan dang gzhan la gnas pa/ rgyan gzhan dang gzhan can dag ste/ de na de bzhin gshegs pa tshul rnam par dag cing dri ma med pa'i mar me zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams spos sna tshogs kyi pad+mo dpal gyi rgyan ces bya ba rgyan thams cad kyi sa mtshams can/ rin po che'i pad+mo shin tu mang ba la rab tu gnas pa/ seng+ge'i khri'i dbyibs ltar 'dug pa/ mu tig gi 'bru rin po che thams cad kyi kha dog lta bu'i bla re'i sprin gyis kun nas yog pa/ kun nas nyon mongs shing rnam par dag pa/ 'jig rten gyi khams sangs rgyas kyi zhing gnyis kyi rdul shin tu phra ba snyed kyi 'khor gyis bskor ba yod de/ de na de bzhin gshegs pa seng+ge'i 'od zer mchog gi 'od ces bya ba bzhugs so/ /de'i steng sangs rgyas kyi zhing gi rdul shin tu phra ba snyed kyi 'jig rten gyi khams 'das pa na 'jig rten gyi khams rin po che thams cad kyi rgyan kun tu snang ba zhes bya ba spos kyi rlung gi dkyil 'khor gyi sa mtshams can/ rin po che'i me tog gi phreng ba sna tshogs la rab tu gnas pa nor bu'i 'khor lo gzi brjid bzang po'i nyi ma'i sprin gyis kun nas yog pa/ yan lag brgyad du dma' ba'i dbyibs can/ 'jig rten gyi khams sangs rgyas kyi zhing gsum gyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa yod de/ de na de bzhin gshegs pa 'od dri ma med pa'i ye shes kyi dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams 'od zer sna tshogs kyi yid du 'ong ba zhes bya ba rin po che'i rgyal po thams cad kyi sa mtshams can/ kha dog sna tshogs dang ldan pa'i rdo rje brag gi rgya mtsho la rab tu gnas pa/ rin po che pad+mo'i dbyibs ltar 'dug pa/ rdo rje'i 'od zer dang / rin po che 'bar ba mtha' yas par snang ba'i 'od kyi nor bu'i rgya mtsho'i sprin gyis kun nas yog pa/ gcig tu dag pa/ 'jig rten gyi khams sangs rgyas kyi zhing bzhi'i rdul shin tu phra ba snyed kyi 'khor gyis bskor ba yod de/ de na de bzhin gshegs pa rdo rje'i 'od zer stobs dang brtson 'grus mtha' yas pa yang dag par 'byung ba zhes bya ba bzhugs so/ /de'i s teng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams 'od shin tu bkye ba'i me tog sil ma'i 'khor lo zhes bya ba rin po che thams cad kyi dril bu'i dra ba'i rgyan gyi sa mtshams can/ shing dang nags tshal gyi rgyan thams cad 'byung ba'i rin po che'i 'khor lo mang po'i rgya mtsho la rab tu gnas pa/ phyogs thams cad nas gra du ma'i dbyibs su 'dug pa/ nor bu'i rgyal po tshangs pa'i dbyangs su sgrog pas kun nas yog pa/ kun nas nyon mongs shing rnam par dag pa| 'jig rten gyi khams sangs rgyas kyi zhing lnga'i rdul shin tu phra ba snyed kyi 'khor gyis bskor ba yod de/ de na de bzhin gshegs pa spos kyi 'od zer dga' ba'i stobs rgya mtsho zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams dge ba sna tshogs kyi rnam pa zhes bya ba/ 'jig rten gyi khams sangs rgyas kyi zhing drug gi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa rin po che shi la'i rgyal mtshan gyi sa mtshams can/ rdo rje'i khyim gzhal med khang rgya mtsho la rab tu gnas pa/ kun nas gru bzhi'i dbyibs su 'dug pa/ 'khor lo nor bu gtsug gi bla re'i sprin gyis kun nas yog pa yod de/ de na de bzhin gshegs pa kun tu snang ba'i 'od kyi dbang po'i dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed ' das pa na 'jig rten gyi khams rgyan gyi 'od zer me tog shin tu rgyas pa'i dkyil 'khor ces bya ba 'jig rten gyi khams sangs rgyas kyi zhing bdun gyi rdul shin tu phra ba snyed kyi 'khor gyis bskor ba/ gcig tu dag pa/ khang pa brtsegs pa'i dbyibs su 'dug pa/ me tog pad+mo sna tshogs kyi rgyan gyi sa mtshams can/ rin po che thams cad kyi 'od zer dang / rin po che'i kha dog rgya mtsho la rab tu gnas pa/ kha dog thams cad kyi gos dang / mu tig dang / stegs bus kun nas yog pa yod de/ de na de bzhin gshegs pa dga' ba rgya mtsho'i shugs dang / yon tan grags pa'i dbang phyug 'od zer ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams yang dag par 'byung ba'i gzi brjid ces bya ba 'jig rten gyi khams sangs rgyas kyi zhing brgyad kyi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa nor bu'i rgyal po sgra thams cad gtong ba'i rgyan gyi sa mtshams can/ rin po che sna tshogs kyi kha dog lta bu'i pad+mo la 'dug cing / nam mkha'i rgya mtsho la rab tu gnas pa/ mig 'phrul gyi dbyibs lta bur 'dug pa/ 'od kyi me tog gi dra ba'i sprin kha dog mtha' yas pas kun nas yog pa yod de/ de na de bzhin gshegs pa grags pa chen po'i ye shes rgya mtsho'i rgyal mtshan zhes bya ba bzhugs so/ /de'i steng 'jig rten gyi khams sangs rgyas kyi zhing rdul shin tu phra ba snyed 'das pa na 'jig rten gyi khams sgra dbyangs rab tu sgrog pa zhes bya ba 'jig rten gyi khams sangs rgyas kyi zhing dgu'i rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ rin po che yid bzhin gyi rgyal po'i 'khor lo'i shing gi rgyan gyi sa mtshams can/ nor bu'i rgyal po rgyan thams cad kyi sprin 'bar ba'i sgra'i rgya mtsho'i gzhi la rab tu gnas pa/ tshangs pa'i lus kyi dbyibs ltar 'dug pa/ seng+ge'i khri'i sprin rin po che yid du 'ong ba mtha' yas pa'i rgyan can gyis kun nas yog pa yod de/ de na de bzhin gshegs pa mtshan gyi gzi brjid thub pa med pa'i zla ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rdo rje'i rgyal mtshan zhes bya ba 'jig rten gyi khams sangs rgyas kyi zhing bcu'i rdul shin tu phra ba snyed kyi 'khor gyis bskor ba/ gcig tu dag pa/ rgyan mtha' yas pa dang / mu tig gi 'bru rab tu 'phyang ba dang / rin po che'i phreng ba'i rgyan gyi sa mtshams can/ rin po che seng+ge'i khri'i rgyan dang / mu tig gi phreng ba dang / rgyan thams cad kyis brgyan pa'i nor bu'i rgya mtsho la rab tu gnas pa/ kun nas zlum pa'i dbyibs su 'dug pa/ spos dang / nor bu dang / me tog sna tshogs kyi ri rab kyi sprin ri rab bcu'i rdul shin tu phra ba snyed kyis kun nas yog pa yod de/ de na de bzhin gshegs pa chos rgya mtsho thams cad kyis shin tu 'phags pa'i rgyal po zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mdog rnam par snang ba zhes bya ba 'jig rten gyi khams sangs rgyas kyi zhing bcu gcig gi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ rdo rje ltar mi shigs shing sra ba'i rgyan gyi sa mtshams can/ me tog sna tshogs rnam pa mang po'i rgya mtsho la rab tu gnas pa/ zla ba kham pa'i dbyibs ltar 'dug pa/ lha rdzas rin po che'i bla res kun nas yog ba yod de/ de na de bzhin gshegs pa rgyal ba'i yon tan chos nyid tshad med pa zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams snang ba'i mdog ces bya ba 'jig rten gyi khams sangs rgyas kyi zhing bcu gnyis kyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ 'od zer gyi rgyan kun nas snang ba'i sa mtshams can/ spos kyi chu'i rgya mtsho me tog gi klong can gyi gang chen mtsho la rab tu gnas pa/ me tog 'khyil pa'i dbyibs ltar 'dug pa/ gos sna tshogs kyi sprin gyis kun nas yog pa yod de/ de na de bzhin gshegs pa tshangs pa'i dbang po'i dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mi mjed ces bya ba 'jig rten gyi khams sangs rgyas kyi zhing bcu gsum gyi rdul shin tu phra ba snyed kyi 'khor gyis bskor ba/ kun nas nyon mongs la rnam par dag pa/ rdo rje'i gzhi'i sa mtshams can/ rlung gi dkyil 'khor kha dog sna tshogs can gyi shin tu gzung ba/ pad+mo'i dra ba la rab tu gnas pa kun nas zlum pa'i dbyibs su gnas pa/ nam mkha' lha'i khang pa can gyis brgyan pa 'di yod de/ de na bcom ldan 'das de bzhin gshegs pa rnam par snang mdzad 'di bzhugs so/ /sangs rgyas kyi zhing 'di'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mnyam la rdul med pa'i 'od ces bya ba 'jig rten gyi khams sangs rgyas kyi zhing bcu bzhi'i rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ rin po che thams cad kyi rgyan gyi sa mtshams can/ rin po che'i gos sna tshogs rgya mtsho la rab tu gnas pa/ rdo rje'i dbyibs ltar 'dug pa/ rdo rje'i sprin kha dog mtha' yas pas kun nas yog pa yod de/ de na de bzhin gshegs pa chos kyi dbyings shin tu 'phags pa'i dpal zhes bya ba bzhugs so/ /de'i steng 'jig rten gyi khams sangs rgyas kyi z hing gi rdul shin tu phra ba snyed 'das pa na 'jig rten gyi khams 'od sna tshogs yid du 'ong ba'i mar me zhes bya ba 'jig rten gyi khams sangs rgyas kyi zhing bco lnga'i rdul shin tu phra ba snyed kyi 'khor gyis bskor ba/ gcig tu dag pa/ rgyan mang po thams cad kyi bla re'i sa mtshams can/ me tog gi dra ba rgya mtsho rnam par dag pa la rab tu gnas pa/ dbyibs dpal gyi be'u ltar 'dug pa/ nor bu'i shing dang spos chu'i sprin rgya mtshos kun nas yog pa yod de/ de na de bzhin gshegs pa stobs la thub pa med pas kun tu snang ba'i dpal zhes bya ba bzhugs so| |de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams 'od 'phro snang ba dri ma med pa zhes bya ba 'jig rten gyi khams sangs rgyas kyi zhing bcu drug gi rdul shin tu phra ba snyed kyi 'khor gyis bskor ba/ nyon mongs shing rnam par dag pa/ nor bu'i rgyal po rin po che mi zad pa 'gyed pa'i sa mtshams can/ spos dang 'od 'phro ba sna tshogs can gyi pad+mo'i rgya mtsho la rab tu gnas pa/ dbyibs rus sbal gyi mgo ltar 'dug pa/ nor bu 'od kyi dkyil 'khor rnam par snang ba'i 'khor lo'i tsan+dan gyi sprin gyis kun nas yog pa yod de/ de na de bzhin gshegs pa yon tan gyi nyi ma dri ma med pa'i spyan zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che'i 'byung gnas kyis rab tu brgyan pa'i snying po zhes bya ba/ 'jig rten gyi khams sangs rgyas kyi zhing bcu bdun gyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ dbyibs sems can thams cad kyi lus ltar 'dug pa/ nor bu'i rgyal po'i rgyan gyi sa mtshams can/ nor bu'i rgyal po 'od kyi snying po 'byung ba'i rgya mtsho la rab tu gnas pa/ dbyibs yan lag brgyad du 'dug pa/ khor yug thams cad kyi rin po che'i rgyan dang / me tog dang shing gi dra bas kun nas yog pa yod de/ de na de bzhin gshegs pa chags pa med pa'i ye shes phyogs kun tu rnam par snang ba'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na/ 'jig rten gyi khams rdul dang bral ba zhes bya ba/ 'jig rten gyi khams sangs rgyas kyi zhing bco brgyad kyi rdul shin tu phra ba snyed kyi 'khor gyis bskor ba/ gcig tu dag pa/ rgyan gyi rnam pa thams cad kyi sa mtshams can/ me tog gi seng+ge'i khri rgya mtsho la rab tu gnas pa/ dbyibs mu tig gi phreng ba bskyil ba lta bur 'dug pa/ nor bu'i rgyal po rin po che thams cad kyi spos kyi 'od kyi dkyil 'khor gyis kun nas yog pa yod de/ de na de bzhin gshegs pa dpal tshad med pa'i tshul dpal gyi rgyal mtshan zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams phyogs yongs su dag cing snang ba zhes bya ba/ 'jig rten gyi khams sangs rgyas kyi zhing bcu dgu'i rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ nor bu'i rgyal po rin po che'i sprin mi zad pa rab tu 'gyed pa'i sa mtshams can/ spos dang 'od 'phro ba kha dog mtha' yas pa'i ri rab kyi rgya mtsho la rab tu gnas pa/ dbyibs nor bu'i ze ba 'khyil ba ltar 'dug pa/ nor bu'i rgyal po'i dbang po'i 'od kyi dkyil 'khor 'bar ba kha dog mtha' yas pa rab tu 'bar ba'i sprin gyis kun nas yog pa yod de/ de na de bzhin gshegs pa chos kyi dbyings dang nam mkha' kun tu snang ba'i 'od ces bya ba bzhugs so/ /de'i stong 'jig rten gyi khams sangs rgyas kyi zhing gi rdul shin t u phra ba snyed 'das pa na 'jig rten gyi khams rin po che'i 'od 'phro 'khyil ba'i dpal yang dag par 'byung ba zhes bya ba 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu rnam par dag pa/ rin po che'i nyi zla rnam par snang ba'i sa mtshams can/ dbyibs lha'i dbang po thams cad ltar 'dug pa/ nor bu'i rgyal po'i rgya mtsho la rab tu gnas pa/ rgyan gyi rnam pa du ma dang / rin po che sna tshogs thams cad dang / rdo rje'i rgyal mtshan gyi sprin gyis kun nas yog pa/ nor bu sgron ma'i 'bru'i dra bas kun nas yog pa yod de/ de na de bzhin gshegs pa mtshan bsod nams kyi sprin gyis shin tu 'phags pa'i gzi brjid ces bya ba bzhugs so/ /'jig rten gyi khams kyi rgyud phyogs kun nas rin po che 'bar ba'i 'od rnam par snang ba zhes bya ba de ni/ 'jig rten gyi khams 'byams klas pa gzhan dang gzhan la rab tu gnas pa/ dbyibs gzhan dang gzhan du 'dug pa/ lhun gzhan dang gzhan can/ phyogs 'byams klas pa/ gzhan dang gzhan la lta ba/ rnam pa gzhan dang gzhan gyis 'jug pa/ rgyan gzhan dang gzhan can/ gzhan dang gzhan gyis rgyas par 'gengs pa/ gzhan dang gzhan du yongs su 'du ba/ gzhan dang gzhan gyi rnam par ma 'dres pa/ rnam par 'phrul pa dang / byin gyi rlabs gzhan can/ sangs rgyas kyi zhing brjod du med pa'i rdul shin tu phra ba snyed kyi kun nas yongs su bskor ba ste/ 'di ltar 'jig rten gyi khams kun nas bskor ba sangs rgyas kyi zhing bcu'i rdul shin tu phra ba snyed kyis kun nas yongs su bskor ba'o/ /'jig rten gyi khams kyi chu klung sangs rgyas kyi zhing bcu'i rdul shin tu phra ba snyed kyis kun nas yongs su bskor ba'o/ /'jig rten gyi khams kun nas bskor ba sangs rgyas kyi zhing bcu'i rdul shin tu phra ba snyed dang / 'jig rten gyi khams kun nas 'khyil ba sangs rgyas kyi zhing bcu'i rdul shin tu phra ba snyed dang / 'jig rten gyi khams kyi 'khor lo sangs rgyas kyi zhing bcu'i rdul shin tu phra ba snyed dang / 'jig rten gyi khams kyi dkyil 'khor sangs rgyas kyi zhing bcu'i rdul shin tu phra ba snyed dang / 'jig rten gyi khams kyi shing sangs rgyas kyi zhing bcu'i rdul shin tu phra ba snyed dang / 'jig rten gyi khams kyi phung po sangs rgyas kyi zhing bcu'i rdul shin tu phra ba snyed dang / 'jig rten gyi khams kyi rdo rje'i rgyal mtshan sangs rgyas kyi zhing bcu'i rdul shin tu phra ba snyed dang / 'jig rten gyi khams phyogs 'byams klas pas sangs rgyas kyi zhing bcu'i rdul shin tu phra ba snyed dang / 'jig rten gyi khams khang pa sangs rgyas kyi zhing bcu'i rdul shin tu phra ba snyed dang / 'jig rten gyi khams pad+mo sangs rgyas kyi zhing bcu'i rdul shin tu phra ba snyed dang / 'jig rten gyi khams khyad khyud sangs rgyas kyi zhing bcu'i rdul shin tu phra ba snyed dang / 'jig rten gyi khams 'byams klas pa sems can sna tshogs kyi gzugs dang lus kyi dbyibs ltar 'dug pa sangs rgyas kyi zhing bcu'i rdul shin tu phra ba snyed dang / 'jig rten gyi khams 'byams klas pa sangs rgyas kyi mtshan gyi dbyibs ltar 'dug pa sangs rgyas kyi zhing bcu'i rdul shin tu phra ba snyed dang / 'jig rten gyi khams 'od kyi dkyil 'khor sangs rgyas kyi zhing bcu'i rdul shin tu phra ba snyed dang / 'jig rten gyi khams kyi sprin sangs rgyas kyi zhing bcu'i rdul shin tu phra ba snyed dang / 'jig rten gyi khams kyi dra ba sangs rgyas kyi zhing bcu'i rdul shin tu phra ba snyed dang / 'jig rten gyi khams 'byams klas pa sa la mngon par lta ba'i dbyibs ltar 'dug pa sangs rgyas kyi zhing bcu'i rdul shin tu phra ba snyed dang / 'jig rten gyi khams 'byams klas pa dmigs pa thams cad kyi dbyibs ltar 'dug pa sangs rgyas kyi zhing bcu'i rdul shin tu phra ba snyed kyis kun nas yongs su bskor ba ste| de dag la sogs pa 'jig rten gyi khams 'byams klas pa sangs rgyas kyi zhing brjod du med pa'i rdul shin tu phra ba snyed kyis kun nas yongs su bskor ba'o/ /'jig rten gyi k hams 'byams klas pa de dag re re zhing yang 'jig rten gyi khams 'byams klas pa rnam par gdags pa sangs rgyas kyi zhing bcu'i rdul shin tu phra ba snyed kyis kun nas yongs su bskor b a'o| |'jig rten gyi khams 'byams klas pa sangs rgyas kyi zhing brjod du med pa bcu'i rdul shin tu phra ba snyed po de dag re re zhing yang 'jig rten gyi khams 'byams klas pa'i rnam par gdags pa shin tu bstan pa ni/ sangs rgyas kyi zhing bcu'i rdul shin tu phra ba snyed de/ spos chu'i rgya mtsho ze ba mtha' yas pa'i 'od zer yid du 'ong ba zhes bya ba chu klung gi 'khor dang bcas pa/ chu klung gi glong dang bcas pa'i khongs na 'dug go /spos chu'i rgya mtsho ze ba mtha' yas pa'i 'od zer yid du 'ong ba de dang 'dabs chags su shar phyogs logs na spos chu'i rgya mtsho gang chen mtsho dri ma med pa'i 'od zer gyi snying po zhes bya ba yod de/ de na 'jig rten gyi khams kyi rgyud zhing kun nas 'khyil ba rnam par snang ba zhes bya ba spos dang / rin po che'i rgyal po thams cad la rab tu gnas pa'i rgyan dang ldan pa'i pad+mo chen po la rab tu gnas pa/ byang chub sems dpa'i spyod pa'i sgra rgya mtsho mngon par sgrub pa'i nga ro'i lhun can yod do| |de dag thams cad kyi 'og na 'jig rten gyi khams khyim gyi rgyan gyis brgyan pa'i rgyal mtshan zhes bya ba/ sangs rgyas kyi zhing gi rdul shin tu phra ba snyed kyi 'jig rten gyi khams kyi 'khor gyis bskor ba/ gcig tu dag pa/ rin po che thams cad kyi rgyan gyi gang chen mtsho la rab tu gnas pa/ 'khor kun nas gru bzhir 'dug pa/ pad+mo 'od zer gyi dra ba'i sprin gyis kun nas yog pa yod de/ de na de bzhin gshegs pa dpal rnam par snang ba'i mdzod spu'i 'od ces bya ba bzhugs so/ /de'i steng 'jig r ten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams ze ba'i dpal gyi snying po zhes bya ba 'jig rten gyi khams sangs rgyas kyi zhing gnyis kyi rdul shin tu phra ba snyed kyi 'khor gyis bskor ba/ rin po che thams cad kyi me tog gi ze ba rgya mtsho la rab tu gnas pa/ dbyibs kun nas dkyil 'khor du 'dug pa mu tig grong khyer dpal gyi dpal gyi seng+ge'i khri'i sprin gyis kun nas yog pa yod de/ de na de bzhin gshegs pa chos thams cad rgya mtsho mtha' yas pa'i blo gros zhes bya ba bzhugs so// de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams sprul pa'i spos zhim po dpal gyi dkyil 'khor ces bya ba/ 'jig rten gyi khams sangs rgyas kyi zhing gsum gyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ rin po che thams cad kyi rgyan dang dril bu'i dra ba rgya mtsho la rab tu gnas pa/ rdo rje'i dbyibs ltar 'dug pa/ rgyan sna tshogs kyi 'od kyi dkyil 'khor gyi sprin gyis kun nas yog pa yod de/ de na de bzhin gshegs pa chos kyi mtshan nyid sprul pa med par kun nas snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams sa gzhi'i kha dog dang 'od yid du 'ong ba zhes bya ba/ 'jig rten gyi khams sangs rgyas kyi zhing gzhi'i rdul shin tu phra ba snyed kyi 'khor gyis bskor ba/ gcig tu dag pa/ spos chu kha dog mtha' yas pa rin po che'i tshon dang ldan pa'i rgya mtsho la rab tu gnas pa/ dbyibs nor bu'i 'khor lo ltar 'dug pa/ mu tig nyi ma'i tshul kun tu snang ba'i 'od kyi khang pa brtsegs pa'i sprin gyis kun nas yog pa yod de/ de na de bzhin gshegs pa 'khor legs par byung ba rnam par snang mdzad bzhugs so/ /de'i steng 'jig rten gyi khams sangs r gyas kyi zhing gi rdul shin tu phra ba snyed 'das pa na 'jig rten gyi khams dge ba'i las kyis khyab pa zhes bya ba 'jig rten gyi khams sangs rgyas kyi zhing lnga'i rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ spos dang rdo rje rgya mtsho la rab tu gnas pa/ pad+mo'i dbyibs ltar 'dug pa/ 'od zer rdul dang bral ba/ dang / spos chu'i sprin gyis kun nas yog pa yod de/ de na de bzhin gshegs pa chos kyi shugs kyis dgyes pa mi zad pa'i blo gros zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams me tog dpal gyi gzi brjid kyi dkyil 'khor ces bya ba/ 'jig rten gyi khams sangs rgyas kyi zhing drug gi rdul shin tu phra ba snyed kyi 'khor gyis bskor ba dag cing kun nas nyon mongs pa/ nor bu rin po che thams cad kyis brtan par bsgrubs pa'i rgya mtsho la rab tu gnas pa/ zur gsum gyi dbyibs su 'dug pa/ byang chub sems dpa'i nor bu'i cod pan gyi 'od dang 'od zer gyis kun nas yog pa yod de/ de na de bzhin gshegs pa dge ba dri ma med pa kun tu snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che'i pad+mos brgyan pa zhes bya ba/ 'jig rten gyi khams sangs rgyas kyi zhing bdun gyi rdul shin tu phra ba snyed kyi 'khor gyis bskor ba/ gcig tu dag pa/ pad+mo'i rgyan thams cad kyi rgya mtsho la rab tu gnas pa/ zla ba kham pa'i dbyibs ltar 'dug pa/ rin po che thams cad kyi me tog gi dkyil 'khor gyi sprin gyis kun nas yog pa yod de/ de na de bzhin gshegs pa spyan rnam par dag pa me tog gi dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams 'od 'phro ba'i dbyings dri ma med pas yang dag par bsags pa zhes bya ba/ 'jig rten gyi khams sangs rgyas kyi zhing brgyad kyi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ rin po che'i 'od mang po'i rgya mtsho la rab tu gnas pa/ rin po che rim gyis gzhol ba'i 'od 'phro ba snang ba'i dbyibs ltar 'dug pa/ rtag tu spos kyi char 'bebs pa'i lus sna tshogs kyi sprin gyis kun nas yog pa yod de/ de na de bzhin gshegs pa stobs la thub pa med pa'i blo gros shin tu 'byung ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams tshangs pa'i 'od bzang po zhes bya ba 'jig rten gyi khams sangs rgyas kyi zhing dgu'i rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa rin po che'i gos kyi rgyal mtshan gyi rgya mtsho la rab tu gnas pa/ dga' ba 'khyil ba'i dbyibs ltar 'dug pa/ me tog thams cad kyi rgyan gyi bla re'i sprin gyis kun nas yog pa yod de/ de na de bzhin gshegs pa nam mkha' yangs pa'i spyan zla ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams dbyangs rdul dang mnyam pa zhes bya ba/ 'jig rten gyi khams sangs rgyas kyi zhing bcu'i rdul shin tu phra ba snyed kyi 'khor gyis bskor ba/ gcig tu dag pa/ rin po che sna tshogs kyi chu'i rgya mtsho la rab tu gnas pa/ mig 'phrul gyi dbyibs ltar 'dug pa/ sil snyan thams cad kyi sgra dang / nor bu'i rgyal po'i gdugs kyi sprin gyis kun nas yog pa yod de/ de na de bzhin gshegs pa gser shin tu 'bar ba'i ri rab mar me zhes bya ba bzhugs so| |de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che'i kha dog gis brgyan pa zhes bya ba/ 'jig rten gyi khams sangs rgyas kyi zhing bcu gcig gi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ brgya byin gyi lus kyi dbyibs ltar 'dug pa/ nor bu'i rgyal po'i rgya mtsho la rab tu gnas pa/ nyi ma'i sprul pa'i me tog gi rgyal mtshan gyi sprin gyis kun nas yog pa yod de/ de na de bzhin gshegs pa ye shes kyi dpal shin tu 'phags pas chos kyi dbyibs su rab tu snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams 'od bzang po gser gyi kha dog ces bya ba/ 'jig rten gyi khams sangs rgyas kyi zhing bcu gnyis kyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ rin po che'i rgyan thams cad kyi rgya mtsho la rab tu gnas pa/ mkhar gyi dbyibs ltar 'dug pa/ snying po byang chub kyi me tog rin po che shin tu rgyas pa'i sprin gyis kun nas yog pa yod de/ de na de bzhin gshegs pa rin po che'i sgron ma kun tu snang ba'i dpal zhes bya ba bzhugs so/ /de'i steng 'jig rten gyi khams s angs rgyas kyi zhing gi rdul shin tu phra ba snyed 'das pa na 'jig rten gyi khams rnam par snang ba'i 'od zer 'khor lo zhes bya ba 'jig rten gyi khams sangs rgyas kyi zhing bcu gsum gyi rdul shin tu phra ba snyed kyi 'khor gyis bskor ba/ gcig tu dag pa/ rin po che'i gos kyi glong gi rgya mtsho la rab tu gnas pa/ me tog gi ze ba'i dbyibs ltar 'dug pa/ nor bu'i rgyal po sangs rgyas kyi gsung dang dbyangs sgrog pa'i sprin gyis kun nas yog pa yod de/ de na de bzhin gshegs pa dpal 'bar ba'i pad+mo la rnam par rol pas shin tu rnam par snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che'i snying pos bsgrubs pa'i dam pa zhes bya ba/ 'jig rten gyi khams sangs rgyas kyi zhing bcu bzhi'i rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa/ rin po che'i phreng ba'i rgya mtsho la rab tu gnas pa/ gling bzhi'i dbyibs ltar 'dug pa/ rin po che'i 'od 'phro ba rab tu stug po 'byung ba'i nor bu'i rgyal po'i sprin gyis kun nas yog pa yod de/ de na de bzhin gshegs pa bsod nams mi zad pa'i me tog shin tu rgyas pa'i gzi brjid ces bya ba bzhugs so/ / de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams me long gi mdog ltar rnam par snang ba zhes bya ba/ 'jig rten gyi khams sangs rgyas kyi zhing bco lnga'i rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ rdo rje'i pad+mo rgya mtsho la rab tu gnas pa/ lha ma yin gyi lus kyi dbyibs ltar 'dug pa/ byang chub sems dpa'i lus mig yor gyi sprin rin po che'i cod pan rab tu 'bar ba'i lus can gyis kun nas yog pa yod de/ de na de bzhin gshegs pa spyod pa'i stobs bdud rtsi'i sgra dbyangs zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams tsan+dan mchog ltar yid du 'ong ba'i zla bas brgyan pa zhes bya ba/ 'jig rten gyi khams sangs rgyas kyi zhing bcu drug gi rdul shin tu phra ba snyed kyi 'khor gyis bskor ba/ gcig tu dag pa/ rdo rje ltar mkhregs pa'i tsan+dan rin po che'i rgya mtsho la rab tu gnas pa/ yan lag brgyad du rnam par bkod pa'i dbyibs ltar 'dug pa/ mu tig gi me tog mang po shin tu rgyas pa'i nor bu'i rgyal po'i sprin gyis kun nas yog pa yod de/ de na de bzhin gshegs pa chos dam pa thugs su chud pas shin tu 'phags pa'i dpal gyi gzi brjid yang dag par 'byung ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams gzhi dri ma med cing kun tu snang ba zhes bya ba 'jig rten gyi khams sangs rgyas kyi zhing bcu bdun gyi rdul shin tu phra ba snyed kyi 'khor gyis bskor ba/ kun nas nyon mongs shing rnam par dag pa| rin po che'i 'od kha dog mtha' yas pa'i rgya mtsho la rab tu gnas pa/ spos chu'i klong gi dbyibs ltar 'dug pa/ dri zhim po'i 'od kyi dkyil 'khor gyi sprin gyis kun nas yog pa yod de/ de na de bzhin gshegs pa 'od kun tu gsal ba'i dbyangs nam mkha' rnam par snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams me tog gi mdog bzang pos rab tu brgyan pa zhes bya ba/ 'jig rten gyi khams sangs rgyas kyi zhing bco brgyad kyi rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ me tog sna tshogs kyi rgya mtsho la rab tu gnas pa sangs rgyas dran pa'i klong gi dbyibs su 'dug pa/ sil snyan gyi sgra dbyangs thams cad 'byung ba'i nor bu'i rgyal po'i sprin gyis kun nas yog pa yod de/ de na de bzhin gshegs pa kun tu zhal ston pas shin tu 'phags pa'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rtul shin tu phra ba snyed 'das pa na 'jig rten gyi khams mtshan gyis rab tu brgyan pa'i dpal gyi dbyangs zhes bya ba 'jig rten gyi khams sangs rgyas kyi zhing bcu dgu'i rdul shin tu phra ba snyed kyi 'khor gyis bskor ba/ rnam par dag cing kun nas nyon mongs pa/ gser gyi seng+ge'i khri rgya mtsho la rab tu gnas pa/ seng+ge'i khri'i dbyibs ltar 'dug pa/ seng+ge'i khri pad+mo kha dog sna tshogs kyi snying po can gyi sprin gyis kun nas yog pa yod de/ de na de bzhin gshegs pa yon tan mu med par rnam par snang bas grags pa'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams ri rab dpal gyi sgron ma zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ rin po che'i gos dang spos kyi rgyal mtshan rgya mtsho la rab tu gnas pa/ sangs rgyas kyi phyag gi dkyil 'khor gyi dbyibs su 'dug pa/ nor bu'i rgyal po nyi ma'i 'khor lo bsam gyis mi khyab pa rnam par snang ba'i khang pa brtsegs pa'i sprin gyis kun nas yog pa yod de/ de na de bzhin gshegs pa 'od zer gyi sgron ma nam mkha' kun tu snang ba zhes bya ba bzhugs so/ /de dang 'dabs chags su lho phyogs logs na spos chu'i rgya mtsho 'od kyi dkyil 'khor mi zad pa 'byung ba zhes bya ba yod de/ de la 'jig rten gyi khams kyi rgyud sangs rgyas kyi rgyal mtshan gyi gtsug rnam par bres pa zhes bya ba/ sangs rgyas thams cad kyi yon tan rgya mtsho'i sgra'i lhun can rab tu gnas so/ /de thams cad kyi 'og na 'jig rten gyi khams me tog yid du 'ong ba snang ba zhes bya ba/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ nor bu'i rgyal po shing gi snying po'i rgya mtsho la rab tu gnas pa/ nor bu'i dkyil 'khor rin po che dam pa thams cad las byang chub sems dpa'i lus su sprul pa'i sprin gyis kun nas yog pa yod de/ de na de bzhin gshegs pa zhal mthong na dga' ba pad+mo snang ba zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rgyan mthun par bres pas brgyan pa zhes bya ba yod de/ de na de bzhin gshegs pa rin chen ri rab sgron ma zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rgyan gyi 'od rin po che thams cad kyi kha dog tu snang ba zhes bya ba yod de/ de na de bzhin gshegs pa chos kyi dbyings shin tu sprul pa'i dbyangs kyi dpal zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams spos kyi snying po rdo rje'i rgyan ces bya ba yod de/ de na de bzhin gshegs pa 'od zer rdo rje rnam par snang ba'i dbyangs kyi yan lag sgra dbyangs zhes bya ba bzhugs so/ / gzhung de bzhin du de'i steng na 'jig rten gyi khams rnyog pa med pa'i dbyangs zhes bya ba yod de/ de na de bzhin gshegs pa brtson 'grus kyi stobs la thub pa med pa'i zla ba zhes bya ba bzhugs so/ /de'i steng na 'jig rten gyi khams rin po che'i pad+mos rab tu brgyan pas shin tu dri ma med pa zhes bya ba yod de/ de na de bzhin gshegs pa chos kyi grong khyer gyi blo gros rab tu sgrog pa'i sgra dbyangs zhes bya ba bzhugs so/ /de'i steng na 'jig rten gyi khams bde ba skyed pa zhes bya ba yod de/ de na de bzhin gshegs pa phyogs bcur snyan pa rnam par grags pa'i ye shes sgron ma zhes bya ba bzhugs so/ /de'i steng na 'jig rten gyi khams gzhi dri ma med cing dri ma dang bral ba'i dra ba zhes bya ba yod de/ de na de bzhin gshegs pa seng+ge'i 'od zer yon tan rgya mtsho yongs su rgyas pa zhes bya ba bzhugs so/ /de'i steng na 'jig rten gyi khams nags tshal gyi rgyal mtshan rnam par snang ba zhes bya ba yod de/ de na de bzhin gshegs pa ye shes kyi me tog pad+mo kun tu rgyas pa'i 'od ces bya ba bzhugs so/ /de'i steng na 'jig rten gyi khams rgyan du mas rab tu brgyan pa zhes bya ba yod de/ de na de bzhin gshegs pa spyan gyis kun tu khyab pa chos kyi dbyings kyi dpal gyi rgyal mtshan zhes bya ba bzhugs so/ /de'i steng na 'jig rten gyi khams rin po che las bsgrubs pa'i rgyan kun tu snang ba zhes bya ba yod de/ de na de bzhin gshegs pa blo gros dam pa bzang po'i ded dpon zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams ze ba'i rgyal po zhes bya ba yod de/ de na de bzhin gshegs pa 'od mdzad pa zla ba'i dpal zhes bya ba bzhugs so/ / de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mdzod dri ma med pa'i rgyan ces bya ba yod de/ de na de bzhin gshegs pa tshangs pa rnam par sangs rgyas pa'i gzi brjid ces bya ba bzhugs so/ /gzhung de bzhin du de'i steng na 'jig rten gyi khams rin po che'i 'od kyi lhun can zhes bya ba yod de/ de na de bzhin gshegs pa thams cad mkhyen pa nyid kyi stobs nam mkha'i sgron ma zhes bya ba bzhugs so/ /de'i steng na 'jig rten gyi khams rin po che'i glog gi phreng ba rab tu 'byung ba zhes bya ba yod de/ de na de bzhin gshegs pa pha rol tu phyin pa thams cad kyi bsod nams rgya mtsho'i mtshan nyid gzi brjid ces bya ba bzhugs so/ /de'i steng na 'jig rten gyi khams 'khor lo'i tshon gyis kun tu khyab pa zhes bya ba yod de/ de na de bzhin gshegs pa chags pa thams cad rnam par 'dul bas dga' ba mdzad pa zhes bya ba bzhugs so/ /de'i steng na 'jig rten gyi khams rin po che'i ze ba yid du 'ong ba'i rgyal mtshan ces bya ba yod de/ de na de bzhin gshegs pa grags pa chen po dang yon tan yangs pa'i dbyangs rnam par snang ba zhes bya ba bzhugs so/ /de'i steng na 'jig rten gyi khams bsam gyis mi khyab pa'i rgyan gyis kun tu brgyan pas mdzes pa zhes bya ba yod de/ de na de bzhin gshegs pa ye shes ma 'dres pa'i 'od zer yon tan rgya mtsho zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams 'od mi zad pa'i rgyal mtshan zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ rin po che thams cad kyi chu'i rgya mtsho la rab tu gnas pa/ pad+mo'i rgyan gyi dbyibs ltar 'dug pa/ nor bu'i rgyal po pad+mo snang ba'i bla re'i dra bas kun nas yog pa yod de/ de na de bzhin gshegs pa chos kyi dbyings tshad med pa dri ma med pa'i 'od ces bya ba bzhugs so/ /de'i lho phyogs logs na spos chu'i rgya mtsho rdo rje'i dpal rin po che 'od 'phro ba rab tu snang ba zhes bya ba yod de/ de la ' jig rten gyi khams kyi rgyud sangs rgyas kyi 'od kyis rab tu brgyan pa'i snying po zhes bya ba de na de bzhin gshegs pa thams cad kyi mtshan gyi 'khor lo rjes su sgrog pa'i lus can rab tu gnas te/ de thams cad kyi 'od na 'jig rten gyi khams rin po che'i 'od 'phro ba pad+mo rab tu 'gyed pa zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ rin po che thams cad kyi kha dog lta bu'i chu'i klong rgya mtsho la rab tu gnas pa/ rin po che'i go cha dang mdzod spu'i dbyibs ltar 'dug pa/ dmigs pa dang / khang pa brtsegs pa thams cad kyi sprin gyis kun nas yog pa yod de/ de na de bzhin gshegs pa rin po che rnam par dag pa'i 'od ces bya ba bzhugs so| |de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams gzi brjid 'od 'phro ba'i snying po zhes bya ba yod de/ de na de bzhin gshegs pa rnam par 'phrul pa la chags pa med pa'i 'od kyi blo gros zhes bya ba bzhugs so/ /gzhung de bzhin du de'i steng na 'jig rten gyi khams rin po che'i 'khor lo gzhi mnyam pa'i rgyan ces bya ba yod de/ de na de bzhin gshegs pa rin po che'i 'od zer kun tu 'byung ba zhes bya ba bzhugs so/ /de'i steng na 'jig rten gyi khams tsan+dan gyi shing gi ze ba'i rgyal mtshan ces bya ba yod de/ de na de bzhin gshegs pa dmigs pa thams cad rnam par dag pas gti mug med pa'i 'od zer ces bya ba bzhugs so/ /de'i steng na 'jig rten gyi khams sangs rgyas kyi zhing gi yon tan gyi dkyil 'khor rnam par phye ba'i rgyan ces bya ba yod de/ de na de bzhin gshegs pa zhal mthong na dga' ba yangs pa skye ba tshangs pa'i dbyangs thugs su chud pa zhes bya ba bzhugs so/ /de'i steng na 'jig rten gyi khams 'od srab pa'i rgyan rab tu snang ba zhes bya ba yod de/ de na de bzhin gshegs pa chos kyi dbyings la rnam par rol pa'i ye shes shin tu yangs pa'i dpal zhes bya ba bzhugs so/ /de'i steng na 'jig rten gyi khams kha dog dang dbyibs mu med pa zhes bya ba yod de/ de na de bzhin gshegs pa ye shes thogs pa med pa yang dag par 'byung ba'i blo gros zhes bya ba bzhugs so/ /de'i steng na 'jig rten gyi khams 'od 'phro ba'i sprin stug po'i rgyal mtshan zhes bya ba yod de/ de na de bzhin gshegs pa phyir mi ldog pa'i chos kyi 'khor lo rab tu sgrog pa zhes bya ba bzhugs so/ /de'i steng na 'jig rten gyi khams rin po che'i rgyan sna tshogs yongs su dag pa'i dkyil 'khor ces bya ba yod de/ de na de bzhin gshegs pa gzugs yongs su sbyangs pa'i mtshan gyi me tog shin tu rgyas pa'i gzi brjid ces bya ba bzhugs so/ /de'i steng na 'jig rten gyi khams 'byung ba shin tu 'byams klas pa zhes bya ba yod de/ de na de bzhin gshegs pa nyi ma'i spyan chags pa med pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rdo rje'i gdan brtan pa bsgrubs pas dpal rab tu 'byung ba zhes bya ba yod de/ de na de bzhin gshegs pa chos kyi dbyings la ye shes kyi sku shin tu 'phags pa'i 'od ces bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams phyogs shin tu rgyas pa rmongs pa med pa zhes bya ba yod de/ de na de bzhin gshegs pa skyes bu mkhas pa'i sgron ma rab tu snang ba zhes bya ba bzhugs so/ /de'i steng na 'jig rten gyi khams pad+mo'i nags tshal zab mo'i sgra zhes bya ba yod de/ de na de bzhin gshegs pa yon tan thams cad kyis thams cad mkhyen pa'i spyod pa zab mo rnam par snang mdzad ces bya ba bzhugs so/ /de'i steng na 'jig rten gyi khams kha dog dang 'od tha dad pa zhes bya ba yod de/ de na de bzhin gshegs pa kun tu snang ba'i me tog gi sprin gyi rgyal mtshan zhes bya ba bzhugs so/ /de'i steng na 'jig rten gyi khams rin po che'i sgo sna tshogs kyi rgyal mtshan zhes bya ba yod de/ de na de bzhin gshegs pa yon tan kun nas mchog tu snang ba zhes bya ba bzhugs so/ /de'i steng na 'jig rten gyi khams nor bu'i mdzod spus bsgrubs pa'i ze ba'i 'od ces bya ba yod de/ de na de bzhin gshegs pa dbyangs kun tu rab tu sgrog pa'i gsung zhes bya ba bzhugs so/ /de'i steng na 'jig rten gyi khams shugs zab mo'i gang chen mtsho zhes bya ba yod de/ de na de bzhin gshegs pa 'od zer phyogs su gsal bas sems can gyi rgyan gyi rgyal po rab tu snang ba zhes bya ba bzhugs so/ /de'i steng na 'jig rten gyi khams ri rab kyi rtse mo 'bar ba'i 'od ces bya ba yod de/ de na de bzhin gshegs pa mnyam pa'i ye shes mchog gis chos kyi dbyings la mngon par 'phags pa'i dbyangs zhes bya ba bzhugs so/ /de'i steng na 'jig rten gyi khams gser gyi pad+mo dri ma med pa zhes bya ba yod de/ de na de bzhin gshegs pa bsod nams dri ma med pa'i mdzod kun nas snang ba'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams nor bus bsgrubs pa'i snying po zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ rgyan dang / spos dang | nor bu dang / shing thams cad kyi rgya mtsho la rab tu gnas pa/ dbyibs dpal gyi be'u ltar 'dug pa/ 'od kyi dkyil 'khor rnam par dag pa'i sprin gyis kun nas yog pa yod de/ de na de bzhin gshegs pa 'od kun tu 'byung bas dpal chen po'i dra ba rnam par snang ba'i dpal zhes bya ba bzhugs so/ /de nas lho phyogs logs na spos chu'i rgya mtsho rin po che in+d+ra nI las rab tu brgyan pa'i rgyan can zhes bya ba yod de/ de na 'jig rten gyi khams kyi rgyud snang bas phyogs rnam par 'byed pa zhes bya ba spos thams cad kyis rab tu brgyan pa'i rgyan gyi pad+mo'i sprin la rab tu gnas pa/ sangs rgyas kyi spyod pa dang / gsung mtha' dang dbus med pa'i lhun can mngon par 'byung ba yod de/ de thams cad kyi 'og na 'jig rten gyi khams yon tan gyi mdzod phyogs su mi zad pa'i dkyil 'khor ces bya ba/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ rin po che sna tshogs kyi mdzod kha dog mtha' yas pa'i rgya mtsho la rab tu gnas pa/ zur du ma'i dbyibs su 'dug pa/ rgyan mig 'phrul lta bu thams cad kyis kun nas yog pa yod de/ de na de bzhin gshegs pa rnam par snang mdzad pad+mo'i spyan rnam par snang ba'i 'od ces bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams dge ba'i tshogs kyis rab tu grol ba'i snying po zhes bya ba yod de/ de na de bzhin gshegs pa bla na med pa'i seng+ge'i blo gros chen po zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams pad+mo'i gdan yongs su 'byung ba zhes bya ba yod de/ de na de bzhin gshegs pa chos kyi dbyings su dpal gyi 'od zer 'byams klas pas rnam par snang ba'i rgyal po zhes bya ba bzhugs so/ /gzhung de bzhin du de'i steng na 'jig rten gyi khams rin po che'i rgyal mtshan sgra mnyam par sgrog pa zhes bya ba yod de/ de na de bzhin gshegs pa yon tan shin tu rgya che ba'i grags pas kun tu khyab pa zhes bya ba bzhugs so/ /de'i steng na 'jig rten gyi khams nor bu rdo rje ltar brtan pa'i rgyan gyi snying po zhes bya ba yod de/ de na de bzhin gshegs pa'i nyi ma ltar shin tu 'phags pa'i gzi brjid ces bya ba bzhugs so/ /de'i steng na 'jig rten gyi khams zla ba dbang phyug gi me tog gi ze ba zhes bya ba yod de/ de na de bzhin gshegs pa chos kyi dbang phyug ye shes kyi dpal zhes bya ba bzhugs so/ /de'i steng na 'jig rten gyi khams tshon gyi 'khor lo'i gzhi dang snying po zhes bya ba yod de/ de na de bzhin gshegs pa dga' ba yangs pa dri ma med pa'i 'od tshangs pa'i dbyangs zhes bya ba bzhugs so/ /de'i steng na 'jig rten gyi khams sgra sna tshogs kyi snying po zhes bya ba yod de/ de na de bzhin gshegs pa stobs chen po'i dpal bzang po'i ded dpon zhes bya ba bzhugs so/ /de'i steng na 'jig rten gyi khams blta na don yod pa'i zla ba zhes bya ba yod de/ de na de bzhin gshegs pa ye shes kyi stobs ri rab kyi gzi brjid ces bya ba bzhugs so/ /de'i steng na 'jig rten gyi khams tshad med pa'i rgyan dang dbyibs zhes bya ba yod de/ de na de bzhin gshegs pa dge ba'i zla ba smon lam gyi tshul gyi 'od zer ces bya ba bzhugs so/ /bam po bcu pa/ gzhung de bzhin du de'i steng na 'jig rten gyi khams me tog sna tshogs rab tu bkye ba'i dbyangs zhes bya ba yod de/ de na de bzhin gshegs pa chos rgya mtsho'i smon lam rab tu sgrog pa'i dbyangs zhes bya ba bzhugs so/ /de'i steng na 'jig rten gyi khams rin po che thams cad kyi klong gis rab tu brgyan pa zhes bya ba yod de/ de na de bzhin gshegs pa yon tan rin po che'i mtshan gyis yang dag par brgyan pa'i 'od ces bya ba bzhugs so/ /de'i steng na 'jig rten gyi khams sra zhing mi shigs pa'i gzhi yongs su 'byung ba zhes bya ba yod de/ de na de bzhin gshegs pa sgra dbyangs kyi gsung snyan dam pa'i lha zhes bya ba bzhugs so/ /de'i steng na 'jig rten gyi khams gzhi thams cad nas 'od kyi sprul pa bzang po zhes bya ba yod de/ de na de bzhin gshegs pa brtson 'grus zhi ba mchog gi blo gros zhes bya ba bzhugs so/ /de'i steng na 'jig rten gyi khams rgyan shin tu bsrungs pas spyod pa zhes bya ba yod de/ de na de bzhin gshegs pa 'gro ba mngon sum du dga' bar lta ba zhes bya ba bzhugs so/ /de'i steng na 'jig rten gyi khams in+d+ra nI la dang / tsan+dan gyi snying po zhes bya ba yod de/ de na de bzhin gshegs pa mi sgul ba zab pa 'od zer rnam par snang ba bsam gyis mi khyab pa'i blo gros zhes bya ba bzhugs so/ /de'i steng na 'jig rten gyi khams kha dog rgya mtsho sna tshogs ston pa zhes bya ba yod de/ de na de bzhin gshegs pa kun tu 'od rab tu 'gyed pa bsam gyis mi khyab pa'i don mngon par mdzes pa zhes bya ba bzhugs so/ /de'i steng na 'jig rten gyi khams phyogs bcu'i sprul pa shin tu 'bar ba'i 'od ces bya ba yod de/ de na de bzhin gshegs pa yon tan gyi gzi brjid dam pa mnyam pa med pa zhes bya ba bzhugs so/ /de'i steng na 'jig rten gyi khams ri rab kyi sprin gyi rgyal mtshan zhes bya ba yod de/ de na de bzhin gshegs pa shugs kyi 'od tshangs pa'i spyan zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams pad+mo rnam par snang ba zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ spos dang / nor bu'i char kha dog mtha' yas pa 'bebs pa'i rgya mtsho la rab tu gnas pa/ kun nas zlum pa/ rgyan dang theg pa mang pos kun nas yog pa yod de/ de na de bzhin gshegs pa rnam par grol ba brtson 'grus nyi ma'i 'od zer zhes bya ba bzhugs so/ /de nas lho phyogs logs na spos chu'i rgya mtsho rdo rje brtan pas bsgrubs pa gzhi'i 'khor lo zhes bya ba yod de/ de'i 'jig rten gyi khams kyi rgyud mig 'phrul rnam par phye ba'i dra ba'i bye brag ces bya ba byang chub sems dpa' kun tu bzang po'i ye shes thams cad yang dag par 'byung ba'i dbyangs kyi lhun can yod de/ de thams cad kyi 'og na 'jig rten gyi khams pad+mo'i dra ba 'khor lo'i sprin ces bya ba/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ man shel gyi me tog sna tshogs kyi rgyal mtshan gyi rgya mtshos brtan pa/ ri rab kyi dbyibs ltar 'dug pa/ nor bu'i rgyal po sangs rgyas thams cad kyi yul mig 'phrul lta bu'i sprin gyis kun nas yog pa yod de/ de na de bzhin gshegs pa chos kyi sku kun nas rnam par sangs rgyas pa'i blo gros zhes bya ba bzhugs so/ /gzhung de bzhin du de'i steng na 'jig rten gyi khams 'od zer phra mo mi zad pa'i 'od ces bya ba yod de/ de na de bzhin gshegs pa dgongs pa dam pa'i mchog shin tu yangs pa'i blo gros zhes bya ba bzhugs so/ /de'i steng na 'jig rten gyi khams dpal gyi chu bo kun nas snang ba rab tu 'gyed pa zhes bya ba yod de/ de na de bzhin gshegs pa bsod nams chen po bla na med pa'i sprin mi zad pa'i gzi brjid ces bya ba bzhugs so/ /de'i steng na 'jig rten gyi khams shing dang me tog nye bar gyur pa'i rgyal mtshan zhes bya ba yod de/ de na de bzhin gshegs pa ye shes dang chos kyi dbyings mu med pa'i gsung zhes bya ba bzhugs so/ /de'i steng na 'jig rten gyi khams mu tig gis yog pa'i 'od ces bya ba yod de/ de na de bzhin gshegs pa seng+ge'i pha rol tu phyin pas rnam par bsgyings pa zhes bya ba bzhugs so/ /de'i steng na 'jig rten gyi khams mtha' yas pa'i 'khor lor dbyangs rab tu gtong ba zhes bya ba yod de/ de na de bzhin gshegs pa thams cad mkhyen pa'i stobs dang / brtson 'grus shin tu thugs su chud pa'i blo gros zhes bya ba bzhugs so/ /de'i steng na 'jig rten gyi khams shing mdzes pa'i phung po zhes bya ba yod de/ de na de bzhin gshegs pa sgo kun nas rnam par dmigs par 'gro ba mngon du ston pa zhes bya ba bzhugs so/ /de'i steng na 'jig rten gyi khams seng+ge'i dpal gyi 'od dra ba zhes bya ba yod de/ de na de bzhin gshegs pa gser gyi 'od dri ma med pa nyi ma'i 'od 'phro ba'i sprin ces bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che mang po rnam par bkod pa zhes bya ba yod de/ de na de bzhin gshegs pa dbang po dam pa'i blo gros kyi dpal zhes bya ba bzhugs so/ /de'i steng na 'jig rten gyi khams gzhi snang zhing dri ma med pa zhes bya ba yod de/ de na de bzhin gshegs pa mthu stobs dang dri ma med pa'i zla ba zhes bya ba bzhugs so/ /de'i steng na 'jig rten gyi khams sangs rgyas kyi yon tan dang / bsngags pa rab tu 'gyed pa'i dbyangs zhes bya ba yod de/ de na de bzhin gshegs pa nam mkha' lta bur mtshan nyid kun tu rnam par sangs rgyas pa'i blo gros zhes bya ba bzhugs so/ /de'i steng na 'jig rten gyi khams 'od 'phro mthon po'i snying po zhes bya ba yod de/ de na de bzhin gshegs pa phyogs bcu'i sprul pa rgya chen po'i sprin gyi rgyal mtshan zhes bya ba bzhugs so/ /de'i steng na 'jig rten gyi khams snying pos brgyan pa'i 'od ces bya ba yod de/ de na de bzhin gshegs pa mnyam pa med par mkhas pas spyod pa rnam par snang ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che thams cad kyi rgyan gyi klong rab tu 'byung ba zhes bya ba yod de/ de na de bzhin gshegs pa 'gro ba bsam gyis mi khyab pa la thugs brtse ba'i rnam par thar pa mngon par mkhyen pa'i rgyal po zhes bya ba bzhugs so/ /de'i steng na 'jig rten gyi khams khyim dga' bas rab tu brgyan pa'i 'od ces bya ba yod de/ de na de bzhin gshegs pa don thams cad grub pa'i ri rab ces bya ba bzhugs so/ /de'i steng na 'jig rten gyi khams rdul dang bral ba zhes bya ba yod de/ de na de bzhin gshegs pa mnyan pa dang / rnam par rig pa dang / mthong ba don yod pa zhes bya ba bzhugs so/ /de'i steng na 'jig rten gyi khams me tog dang / nor bu mang po'i rgyal mtshan zhes bya ba yod de/ de na de bzhin gshegs pa yid du 'ong ba'i dbyangs kyi dpal zhes bya ba bzhugs s o| |de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams sgo kun tu lta ba'i sprin gyi snying po zhes bya ba 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ lus dang khyim sna tshogs kyi spos kyi chu po la rab tu gnas pa/ rnam par rgyal ba rab tu phye ba'i khang pa brtsegs pa'i dbyibs ltar 'dug pa/ rin po che thams cad kyi sgron ma'i sprin gyis kun nas yog pa yod de/ de na de bzhin gshegs pa rang byung dam pa'i sa dang / mngon par shes pa'i rgyal po zhes bya ba bzhugs so/ /de'i lho phyogs logs na spos chu'i rgya mtsho pad+mo'i dra ba'i dbang po shin tu rgyas pa zhes bya ba yod de/ de na 'jig rten gyi khams kyi rgyud phyogs su yongs su gzhol ba'i 'od ces bya ba spos dang / rin po che thams cad kyis rab tu brgyan pa/ pad+mo la rab tu gnas pa/ sangs rgyas thams cad kyi ye shes kyi spyod yul gyi 'od dang dbyangs kyi lhun can mngon par byung ste/ de thams cad kyi 'og na 'jig rten gyi khams rin po che'i rgya mtsho sems can gang chen mtsho'i 'od ces bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ mu tig gi sbubs kyi dbyibs ltar 'dug pa/ nor bu thams cad kyi phreng ba bskyil ba'i rgya mtsho la rab tu gnas pa/ nor bu'i rgyal po phyogs kyi sprin rab tu snang ba'i dkyil 'khor gyi sprin gyis kun nas yog pa yod de/ de na de bzhin gshegs pa yon tan bsam gyis mi khyab pa rnam par snang ba dam pa'i zla ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams spos kyi dkyil 'khor ces bya ba yod de/ de na de bzhin gshegs pa stobs tshad med pa'i dpal zhes bya ba bzhugs so/ /gzhung de bzhin du de'i steng na 'jig rten gyi khams mdzes par snang ba'i tshon gyi 'khor lo zhes bya ba yod de/ de na de bzhin gshegs pa chos kyi dbyings rab tu snang ba'i dbyangs kyi blo gros zhes bya ba bzhugs so/ /de'i steng na 'jig rten gyi khams dbyangs kyi rgyal mtshan zhes bya ba yod de/ de na de bzhin gshegs pa pad+mo'i 'od phyag bzang po rab tu brkyang ba zhes bya ba bzhugs so/ /de'i steng na 'jig rten gyi khams shugs brtan pa'i dkyil 'khor ces bya ba yod de/ de na de bzhin gshegs pa phyir mi ldog pa'i yon tan rgya mtsho'i 'od ces bya ba bzhugs so/ /de'i steng na 'jig rten gyi khams 'od kyi rgyan gyis spyod pa zhes bya ba yod de/ de na de bzhin gshegs pa kun tu rgyal ba thams cad mkhyen pa'i shugs dam pa zhes bya ba bzhugs so/ /de'i steng na 'jig rten gyi khams seng+ge'i khri'i tshul rnam par snang ba zhes bya ba yod de/ de na de bzhin gshegs pa seng+ge'i 'od zer tshad med pa'i stobs kyi blo gros zhes bya ba bzhugs so/ /de'i steng na 'jig rten gyi khams rin po che'i 'od zer gyi mtshan nyid kyis brgyan pa zhes bya ba yod de/ de na de bzhin gshegs pa chos thams cad yongs su dag par ston pa'i rig byed mchog ces bya ba bzhugs so/ /de'i steng na 'jig rten gyi khams mar me du ma zhes bya ba yod de/ de na de bzhin gshegs pa mya ngan dang rnam par bral ba'i gzi brjid ces bya ba bzhugs so/ /de'i steng na 'jig rten gyi khams sangs rgyas kyi dbyangs la mngon sum zhes bya ba yod de| de na de bzhin gshegs pa rang byung dam pa'i gzi brjid ces bya ba bzhugs so/ /de'i steng na 'jig rten gyi khams yongs su dag cing dri ma med par sprul pa zhes bya ba yod de| de na de bzhin gshegs pa gser gyi pad+mo snang ba'i 'od ces bya ba bzhugs so/ /de'i steng na 'jig rten gyi khams phyogs kun gyi dbyings su rab tu 'jug pa zhes bya ba yod de/ de na de bzhin gshegs pa chos kyi dbyings rab tu gzigs pas bsgyings pa zhes bya ba bzhugs so/ /de'i steng na 'jig rten gyi khams 'od 'gro ba'i dpal shin tu 'bar ba zhes bya ba yod de/ de na de bzhin gshegs pa shing mi'am ci'i rgyal po rab tu 'bar ba zhes bya ba bzhugs so/ /de'i steng na 'jig rten gyi khams spos kyi 'od zer phyogs kun tu rnam par snang ba zhes bya ba yod de/ de na de bzhin gshegs pa spos kyi mar me shin tu sprul pa'i rgyal po zhes bya ba bzhugs so/ /de'i steng na 'jig rten gyi khams me tog gi chu bo tshad med pa'i dkyil 'khor ces bya ba yod de/ de na de bzhin gshegs pa rgyal ba'i yon tan sgo kun nas ston pa zhes bya ba bzhugs so/ /de'i steng na 'jig rten gyi khams kun nas dge ba sna tshogs zhes bya ba yod de/ de na de bzhin gshegs pa chos thams cad mnyam pa nyid kyis rnam par 'phrul ba'i rgyal po zhes bya ba bzhugs so/ /de'i steng na 'jig rten gyi khams gser gyi 'od rgya mtsho zhes bya ba yod de/ de na de bzhin gshegs pa phyogs su sprul pa yangs pa'i dbang phyug ces bya ba bzhugs so/ /de'i steng na 'jig rten gyi khams me tog gi ze ba'i snying po zhes bya ba yod de/ de na de bzhin gshegs pa chos kyi dbyings grol ba'i 'od bsam gyis mi khyab pa'i blo gros zhes bya ba bzhugs so/ /de'i steng na 'jig rten gyi khams dbang po'i seng+ge'i khri ri bo zhes bya ba yod de/ de na de bzhin gshegs pa rgyal ba'i stobs rab tu snang ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams kha dog mtha' yas par rin po che rnam par snang ba zhes bya ba yod de/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ kun nas gru bzhir 'dug pa/ shing dang / me tog dang / nags tshal gyi gzhi rgya mtshal rab tu gnas pa/ nor bu'i rgyal po kha dog mtha' yas pa'i char 'debs pa'i mig 'phrul gyis kun nas yog pa yod de/ de na de bzhin gshegs pa rnam par snang ba 'gro ba'i dkyil 'khor dam pa'i dbyangs zhes bya ba bzhugs so/ /de nas lho phyogs logs na spos chu'i rgya mtsho rin po che dang / spos kyi mdzod rab tu bsags pa zhes bya ba yod de/ de na 'jig rten gyi khams kyi rgyud rgyan dang 'od thams cad 'byung ba zhes bya ba sangs rgyas kyi chos kyi 'khor lo thams cad rab tu sgrog pa'i lhun can mngon par byung ste/ de thams cad kyi 'og na 'jig rten gyi khams sna tshogs 'byung ba zhes bya ba/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ rdo rje'i dbyibs ltar 'dug pa/ rdo rje'i rgyal mtshan sna tshogs la rab tu gnas pa/ rdo rje dang rin po che'i 'od kyi dkyil 'khor gyi sprin gyis kun nas yog pa yod de/ de na de bzhin gshegs pa pad+mo'i ze ba 'phags pa'i spyan zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams blta na dga' ba'i sgra zhes bya ba yod de/ de na de bzhin gshegs pa dga' ba dang spro ba yang dag par 'byung ba zhes bya ba bzhugs so/ /gzhung de bzhin du de'i steng na 'jig rten gyi khams rin po che'i mtshan gyis yang dag par brgyan pa'i rgyal mtshan zhes bya ba yod de/ de na de bzhin gshegs pa thams cad mkhyen pa nyid kyi spyod yul dang / spyod pa'i blo gros zhes bya ba bzhugs so/ /de'i steng na 'jig rten gyi khams rnam par snang ba'i ze ba sna tshogs kyi gzhi zhes bya ba yod de/ de na de bzhin gshegs pa dri ma med cing zhi ba'i dbyangs yid du 'ong ba zhes bya ba bzhugs so/ /de'i steng na 'jig rten gyi khams sprul pa 'od bzang po zhes bya ba yod de/ de na de bzhin gshegs pa nam mkha'i dbyings dri ma med pa'i ye shes zla ba zhes bya ba bzhugs so/ /de'i steng na 'jig rten gyi khams rnam par phye ba rnam pa sna tshogs zhes bya ba yod de/ de na de bzhin gshegs pa bsod nams rgya mtsho'i sprin stug po'i mtshan gyi me tog shin tu rgyas pa zhes bya ba bzhugs so/ /de'i steng na 'jig rten gyi khams rgyan thams cad kyis brgyan pa'i sgra snyan pa zhes bya ba yod de/ de na de bzhin gshegs pa dga' bar mdzad pa'i gtso bo sprin gyi dbyangs zhes bya ba bzhugs so/ /de'i steng 'jig rten gyi khams pad+mo'i tshal gyi snying po zhes bya ba yod de/ de na de bzhin gshegs pa nga ro rnam par grags pa'i rgyal mtshan zhes bya ba bzhugs so/ /de'i steng na 'jig rten gyi khams rin po che thams cad kyi 'od rab tu 'gyed pa'i rgyan ces bya ba yod de/ de na de bzhin gshegs pa spyan ras gzigs pa'i spyan gyis mthu rnam par phyung ba zhes bya ba bzhugs so/ /de'i steng na 'jig rten gyi khams shugs bzang po'i ze ba dri ma med pa zhes bya ba yod de/ de na de bzhin gshegs pa mi zad pa'i ye shes rdo rje'i dpal zhes bya ba bzhugs so/ /de'i steng na 'jig rten gyi khams pad+mo'i grong khyer gyi rgyan ces bya ba yod de/ de na de bzhin gshegs pa kun tu spyan nyi ma'i snying po snang ba zhes bya ba bzhugs so/ /de'i steng na 'jig rten gyi khams shing gi phung po tshad med pa zhes bya ba yod de/ de na de bzhin gshegs pa chos thams cad kyi 'brug sgra'i gsung zhes bya ba bzhugs so/ /de'i steng na 'jig rten gyi khams rnam par rol pa brjod pa zhes bya ba yod de/ de na de bzhin gshegs pa ye shes tshad med pa'i me tog shin tu rgyas pa'i gzi brjid ces bya ba bzhugs so/ /de'i steng na 'jig rten gyi khams ut+pa la'i 'dab ma la brten pa zhes bya ba yod de/ de na de bzhin gshegs pa bsod nams thams cad kyi ri bo shin tu 'phags pa zhes bya ba bzhugs so/ /de'i steng na 'jig rten gyi khams rlung mnyam par 'dzin pa zhes bya ba yod de/ de na de bzhin gshegs pa dbang po nyi ma'i gzi brjid ces bya ba bzhugs so/ /de'i steng na 'jig rten gyi khams snang ba yongs su ston pa'i 'od ces bya ba yod de/ de na de bzhin gshegs pa 'od zer gsal ba sku'i 'od ces bya ba bzhugs so/ /de'i steng na 'jig rten gyi khams spos kyi sgra rdo rje rnam par snang ba zhes bya ba yod de/ de na de bzhin gshegs pa sa dam pa'i mtshan nyid kyi me tog shin tu rgyas pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams mig 'phrul gyi rgyan la rab tu gnas pa zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa/ stegs bu rgya mtsho'i dbyibs ltar 'dug pa/ rgyan thams cad kyi rgya mtsho la rab tu gnas pa/ 'od zer gyi khang pa brtsegs pa'i sprin gyis kun nas yog pa yod de/ de na de bzhin gshegs pa sprin bzang pos mi bzhengs pa ston pa zhes bya ba bzhugs so/ /de nas lho phyogs logs na spos chu'i rgya mtsho rin po che dang ldan pa'i rgyan ces bya ba yod de/ de las 'jig rten gyi khams kyi rgyud dri ma med cing yongs su gsal ba zhes bya ba rdul thams cad las sangs rgyas kyi zhing gi rnam par 'phrul pa shin tu sgrog pa'i lhun can mngon par byung ste/ de thams cad kyi 'og na 'jig rten gyi khams gzhi mnyam pa dri ma med pa rnam pa sna tshogs zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ rin po che'i 'byung gnas kyi dbyibs ltar 'dug pa/ gcig tu dag pa/ rin po che thams cad kyi 'od kyi dkyil 'khor gyi rgya mtsho la rab tu gnas pa/ tsan+dan dang / nor bu dang / mu tig gi gdugs sna tshogs kyis kun nas yog pa yod de/ de na de bzhin gshegs pa thug pa med cing mnyam pa med pa'i dpal zhes bya ba bzhugs s o| |de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rab tu 'bar ba sna tshogs kyis rnam par brgyan pa zhes bya ba yod de/ de na de bzhin gshegs pa dge ba'i blo gros pad+mo mngon par mkhyen pa'i rgyal po zhes bya ba bzhugs so/ /gzhung de bzhin du de'i steng na 'jig rten gyi khams tshon gyi mtshan nyid 'khor lo'i rgyal mtshan zhes bya ba yod de/ de na de bzhin gshegs pa phyogs bcur yon tan rgya chen po rnam par grags pa'i 'od zer mi zad pa zhes bya ba bzhugs so/ /de'i steng na 'jig rten gyi khams 'od 'phro ba rab tu brtan pa rin po che'i snying po'i rgyan ces bya ba yod de/ de na de bzhin gshegs pa ye shes chen po blta na dga' ba mnyan na don yod pa zhes bya ba bzhugs so/ /de'i steng na 'jig rten gyi khams dpal gyi me tog legs par bsags pa zhes bya ba yod de/ de na de bzhin gshegs pa stobs dang ye shes tshad med pa'i gtso bo zhes bya ba bzhugs so/ /de'i steng na 'jig rten gyi khams dge ba sna tshogs kyi tshon 'byung ba zhes bya ba yod de/ de na de bzhin gshegs pa tshangs pa'i dpal yang dag par 'byung ba zhes bya ba bzhugs so/ /de'i steng na 'jig rten gyi khams spos kyi sprul pa kun tu 'od ces bya ba yod de/ de na de bzhin gshegs pa spos kyi glang po phyag na rdo rje zhes bya ba bzhugs so/ /de'i steng na 'jig rten gyi khams snang ba'i gtsug phud ces bya ba yod de/ de na de bzhin gshegs pa don grub pa shin tu grags pa zhes bya ba bzhugs so/ /de'i steng na 'jig rten gyi khams rin po che'i phreng ba rgya mtsho zhes bya ba yod de/ de na de bzhin gshegs pa rnam par snang mdzad 'phrul pa las mngon par byung ba'i gzi brjid ces bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams me tog dpal gyi mar me'i rgyal mtshan zhes bya ba yod de/ de na de bzhin gshegs pa yon tan gyi sgron ma shin tu chags pa med pa'i blo gros zhes bya ba bzhugs so/ /de'i steng na 'jig rten gyi khams tshul bzang po'i sgo sna tshogs zhes bya ba yod de/ de na de bzhin gshegs pa pha rol tu phyin pa dri ma med pa'i zla ba zhes bya ba bzhugs so/ /de'i steng na 'jig rten gyi khams tsan+dan gyi ze ba'i 'od ces bya ba yod de/ de na de bzhin gshegs pa chos kyi dbyings kyi gsung tshad med pa'i blo gros zhes bya ba bzhugs so| |de'i steng na 'jig rten gyi khams mig 'phrul gyi dra pa shin tu mdzes pa'i rgyal mtshan zhes bya ba yod de/ de na de bzhin gshegs pa sgron ma shin tu 'phags pa'i 'od ces bya ba bzhugs so/ /de'i steng na 'jig rten gyi khams me tog yongs su dag pa'i glong gi dkyil 'khor zhes bya ba yod de/ de na de bzhin gshegs pa chos kyi dbyings nyi ma'i 'od zer ces bya ba bzhugs so/ /de'i steng na 'jig rten gyi khams shin tu mdzes pa'i dpal zhes bya ba yod de/ de na de bzhin gshegs pa yon tan rgya mtsho mtha' dang dbus med pa'i chos kyi 'khor lo rab tu sgrog pa zhes bya ba bzhugs so/ /de'i steng na 'jig rten gyi khams rin po che pad+mo'i nags tshal yang dag par gnas pa zhes bya ba yod de/ de na de bzhin gshegs pa ye shes bsam gyis mi khyab pa la 'jug pa yang dag par ston pa zhes bya ba bzhugs so/ /de'i steng na 'jig rten gyi khams rdo rje rin po che ltar gzhi mnyam pa zhes bya ba yod de/ de na de bzhin gshegs pa rin po che'i dpal gyi 'od gzi brjid kyi rgyal bo zhes bya ba bzhugs so/ /de'i steng na 'jig rten gyi khams spos dang / nor bu shin tu mang ba zhes bya ba yod de/ de na de bzhin gshegs pa bsod nams rgya mtsho mi zad pa'i rgyan dam pa zhes bya ba bzhugs so/ /de'i steng na 'jig rten gyi khams 'od shin tu phra ba 'gyed pa zhes bya ba yod de/ de na de bzhin gshegs pa stobs gzhal du med pa'i dbyangs kun tu brjod pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams brtan par bsgrubs pa phyogs thams cad du rab tu snang ba zhes bya ba/ 'jig rten gyi khams sangs rgyas kyi zhing gi rdul shin tu phra ba snyed kyi rdul nyi shu'i 'khor gyis bskor ba/ gcig tu dag pa/ rin po che yid bzhin gyi rgyal po yan lag brgyad du rnam par phye ba'i 'khor lo rgya mtsho la rab tu gnas pa| rin po che'i rgyan thams cad dang / bla re'i sprin gyis kun nas yog pa yod de/ de na de bzhin gshegs pa kun tu spyan yongs su gsal ba'i sgrol ma zhes bya ba bzhugs so/ / de nas lho phyogs logs na spos chu'i rgya mtsho rin po che'i rdo rje ltar brtan pa zhes bya ba yod de/ de la 'jig rten gyi khams kyi rgyud chos kyi dbyings kyis spyod pa zhes bya ba/ byang chub sems dpa' thams cad kyi chos kyi tshul dang / sa shin tu sgrog pa'i lhun can rab tu gnas te/ de thams cad kyi 'og na 'jig rten gyi khams gzi brjid shin tu dag pa zhes bya ba| 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ mu tig bskyil ba'i dbyibs su 'dug pa/ rin po che thams cad kyi kha dog lta bu'i mu tig gi phreng ba'i rgya mtsho la rab tu gnas pa/ nor bu'i rgyal po byang chub sems dpa'i gtsug phud rab tu snang ba'i sprin gyis kun nas yog pa yod de/ de na de bzhin gshegs pa yon tan shin tu 'phags pas rab tu snang ba zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams yid du 'ong bas khyab pa zhes bya ba yod de/ de na de bzhin gshegs pa chos kyi dbang phyug spyod pa'i blo gros zhes bya ba bzhugs so/ /gzhung de bzhin du de'i steng na 'jig rten gyi khams rin po che'i seng+ge'i khris brgyan pa zhes bya ba yod de/ de na de bzhin gshegs pa klu 'brug chen pos gsal ba zhes bya ba bzhugs so/ /de'i steng na 'jig rten gyi khams rdo rje'i gdan brtan pa yang dag par 'byung ba zhes bya ba yod de/ de na de bzhin gshegs pa seng+ge'i khri pad+mo gnon pa'i lte ba zhes bya ba bzhugs so/ /de'i steng na 'jig rten gyi khams dpal gyi dbyangs pad+mo can zhes bya ba yod de/ de na de bzhin gshegs pa ye shes kyi phung po rnam par sangs rgyas pa'i 'od zer ces bya ba bzhugs so/ /de'i steng na 'jig rten gyi khams rab tu rnam par phye ba zhes bya pa yod de/ de na de bzhin gshegs pa sa 'dzin gzi brjid bzang po'i rgyan ces bya ba bzhugs so/ /de'i steng na 'jig rten gyi khams dga' ba dang bde ba'i sgra zhes bya ba yod de/ de na de bzhin gshegs pa shin tu yang dag par gnas pa'i chos kyi sgron ma'i rgyal po zhes bya ba bzhugs so/ /de'i steng na 'jig rten gyi khams mig 'phrul gyi nor bu'i mdzod kyi snying po zhes bya ba yod de/ de na de bzhin gshegs pa blta na don yod cing dga' bar mdzad pa zhes bya ba bzhugs so/ /de'i steng na 'jig rten gyi khams sa sna tshogs kyi snying po zhes bya ba yod de/ de na de bzhin gshegs pa 'od 'phro ba'i tshogs kyi rgyal mtshan zhes bya ba bzhugs so/ /de'i steng na 'jig rten gyi khams gser gyi 'od kyi 'khor lo zhes bya ba yod de/ de na de bzhin gshegs pa sems can gyi spyod pa dag par mdzad pa zhes bya ba bzhugs so/ /de'i steng na 'jig rten gyi khams ri rab rnam par bres pa zhes bya ba yod de/ de na de bzhin gshegs pa yon tan thams cad kyi sprin kun tu snang ba zhes bya ba bzhugs so/ /de'i steng na 'jig rten gyi khams shing gi tshogs zhes bya ba yod de/ de na de bzhin gshegs pa mtshan rin po che'i me tog shin tu rgyas pa'i zla ba'i blo zhes bya ba bzhugs so/ /de'i steng na 'jig rten gyi khams 'jigs pa med pa zhes bya ba yod de/ de na de bzhin gshegs pa 'od dam pa'i gser gyi sgron ma zhes bya ba bzhugs so/ /de'i steng na 'jig rten gyi khams klu'i grags pa dpal gyi rgyal mtshan zhes bya ba yod de/ de na de bzhin gshegs pa chos rgya mtsho thams cad rnam par gzigs pa tha dad pa med pa'i 'od zer ces bya ba bzhugs so/ /de'i steng na 'jig rten gyi khams nor bu'i go cha yongs su 'byung ba zhes bya ba yod de/ de na de bzhin gshegs pa sprul pa'i nyi ma zhes bya ba bzhugs so/ /de'i steng na 'jig rten gyi khams 'od 'phro bas rab tu brgyan pa'i sgron ma zhes bya ba yod de/ de na de bzhin gshegs pa rin po che'i gdugs kyi dpal rnam par snang ba zhes bya ba bzhugs so/ /de'i steng na 'jig rten gyi khams spos kyi na bun gyi 'od zer ces bya ba yod de/ de na de bzhin gshegs pa blo gros dam pas dgongs pa zhes bya ba bzhugs so/ /de'i steng na 'jig rten gyi khams 'khon med pa'i sgo zhes bya ba yod de/ de na de bzhin gshegs pa brtson 'grus kyi dpal blo gros rgya mtsho zhes bya ba bzhugs so/ /de'i steng na 'jig rten gyi khams rgyan thams cad kyi rgyal mtshan gyis brgyan pa'i 'od ces bya ba yod de/ de na de bzhin gshegs pa dgongs pa pad+mos kun tu rnam par 'phrul ba zhes bya ba bzhugs so/ /de'i steng na 'jig rten gyi khams s angs rgyas kyi zhing gi rdul shin tu phra ba snyed 'das pa na 'jig rten gyi khams mdzod spus bsgrubs pa'i mtshan zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ zla ba kham pa'i dbyibs ltar 'dug pa/ rin po che'i me tog gi ri rab la rab tu gnas pa/ nor bu'i rgyal po rgyan thams cad 'bar ba'i 'od kyi sprin gyis kun nas yog pa yod de/ de na de bzhin gshegs pa spyan rnam par dag pa zhes bya ba bzhugs so/ /de nas lho phyogs logs na spos chu'i rgya mtsho lha'i grong khyer rin po che'i shing thags kyis brgyan pa zhes bya ba yod de/ de la 'jig rten gyi khams kyi rgyud mar me'i 'od zer snang ba zhes bya ba/ rnam par snang mdzad gzhan dang gzhan thams cad kyi chos kyi 'khor lo tha ma dad pa'i dbyangs kyi lhun can rab tu gnas te/ de thams cad kyi 'og na 'jig rten gyi khams rin po che'i zla ba 'od 'phro ba zhes bya ba/ 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ rgyan thams cad kyi dbyibs ltar 'jug pa/ rin po che'i rgyan rgya mtsho thams cad la rab tu gnas pa/ baiDUR+Ya dang / dngul gyi seng+ge'i khri sprin gyis kun nas yog pa yod de| de na de bzhin gshegs pa zla ba'i 'od ltar bdag po med pa zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rin po che'i 'od kyi ri bo 'byung ba zhes bya ba yod de/ de na de bzhin gshegs pa chos mi zad pa'i rgya mtsho rin po che'i rgyal mtshan zhes bya ba bzhugs so/ /gzhung de bzhin du de'i steng na 'jig rten gyi khams rgyal mtshan gyi sgo sna tshogs kyi 'od ces bya ba yod de/ de na de bzhin gshegs pa me tog gi 'byung gnas rgya chen po zhes bya ba bzhugs so/ /de'i steng na 'jig rten gyi khams me tog shin tu rgyas pa'i nor bu rab tu snang ba zhes bya ba yod de/ de na de bzhin gshegs pa skyes bu dam pa'i dbang po'i dpal zhes bya ba bzhugs so/ /de'i steng na 'jig rten gyi khams sgra skad sna tshogs zhes bya ba yod de/ de na de bzhin gshegs pa thams cad mkhyen pa nyid kyi 'khor lo rnam par snang ba zhes bya ba bzhugs so/ /de'i steng na 'jig rten gyi khams shing mi'am ci'i dbyangs zhes bya ba yod de/ de na de bzhin gshegs pa klu'i grags pa bsod nams tshad med pa'i gzi brjid ces bya ba bzhugs so/ /de'i steng na 'jig rten gyi khams snang ba dag pas 'od mtha' yas pa zhes bya ba yod de/ de na de bzhin gshegs pa yon tan rin po che'i ze ba'i 'od zer ces bya ba bzhugs so/ /de'i steng na 'jig rten gyi khams dbyangs dam pa'i dpal zhes bya ba yod de/ de na de bzhin gshegs pa stobs kyi rgyan thams cad kyi blo gros zhes bya ba bzhugs so/ /de'i steng na 'jig rten gyi khams rin po che rnam par phye ba rab tu mang ba zhes bya ba yod de/ de na de bzhin gshegs pa rin po che'i ri'i ri rab ces bya ba bzhugs so/ /de'i steng na 'jig rten gyi khams yongs su snang ba'i gtsug gi ri rab kyi dbyangs zhes bya ba yod de/ de na de bzhin gshegs pa spyod pa thams cad kyi 'od shin tu 'phags pa zhes bya ba bzhugs so/ /de'i steng na 'jig rten gyi khams spos kyi char pa phra mo'i gdugs zhes bya ba yod de/ de na de bzhin gshegs pa pha rol tu phyin pa thams cad la chags pa med pa'i rgya mtsho zhes bya ba bzhugs so/ /de'i steng na 'jig rten gyi khams me tog gi dra ba seng+ges rgyal ba zhes bya ba yod de/ de na de bzhin gshegs pa rin po che 'od 'phro ba'i sgo'i rgyal mtshan zhes bya ba bzhugs so/ /de'i steng na 'jig rten gyi khams rdo rje'i me tog shin tu snang ba zhes bya ba yod de/ de na de bzhin gshegs pa smon lam thams cad kyis yang dag par 'phags pa'i 'od ces bya ba bzhugs so/ /de'i steng na 'jig rten gyi khams chos thams cad kyi sa'i 'od ces bya ba yod de/ de na de bzhin gshegs pa chos thams cad kyi don shin tu yangs pa'i gtsug ces bya ba bzhugs so/ /de'i steng na 'jig rten gyi khams mu tig gi bye mas gzhi mnyam pa'i rgyan ces bya ba yod de/ de na de bzhin gshegs pa 'od zer gyi dra ba mchog gi blo gros zhes bya ba bzhugs so/ /de'i steng na 'jig rten gyi khams baiDUR+Ya'i ze ba shin tu 'byung ba bsam gyis mi khyab pa zhes bya ba yod de/ de na de bzhin gshegs pa rin po che brtsegs pa'i rgyal mtshan zhes bya ba bzhugs so/ /de'i steng na 'jig rten khams 'od tshad med pa'i 'khor lo bzang po zhes bya ba yod de/ de na de bzhin gshegs pa ye shes la thub pa med pa rgya mtsho'i snying po zhes bya ba bzhugs so/ /de'i steng na 'jig rten gyi khams phyogs rmongs pa med par lta ba zhes bya ba yod de/ de na de bzhin gshegs pa don thams cad yongs su sbyangs pa'i yon tan dpal zhes bya ba bzhugs so/ /de'i steng na 'jig rten gyi khams dga' ba tshangs pa'i dbyangs zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ sangs rgyas kyi phyag gi dbyibs ltar 'dug pa/ rin po che'i 'od zer gyi dra ba'i glong gi rgya mtsho la rab tu gnas pa/ rgyan thams cad dang byang chub sems dpa'i lus kyis kun nas yog pa yod de/ de na de bzhin gshegs pa 'od la thogs pa med pas chos kyi dbyings rnam par snang mdzad ces bya ba bzhugs so/ /spos chu'i rgya mtsho gang chen mtsho dri ma med pa'i 'od 'phro ba'i snying po zhes bya ba de dang 'dabs chags su shar phyogs logs na spos chu'i rgya mtsho sprul pa'i lus bzang po zhes bya ba yod de/ de las 'jig rten gyi khams kyi rgyud phyogs tha dad par rab tu gnas pa zhes bya ba mngon par byung ste/ de dang 'dabs chags su spos chu'i rgya mtsho rdo rje'i mig gi rgyal mtshan zhes bya ba yod de/ de las 'jig rten gyi khams kyi rgyud chos dbyings la yang dag par 'jug pa'i rgyan ces bya ba mngon par byung ngo / /de dang 'dabs chags su spos chu'i rgya mtsho pad+mo'i tshul rnam par bkod pa zhes bya ba yod de/ de las 'jig rten gyi khams kyi rgyud phyogs bcur sprul pa rab tu 'byung ba zhes bya ba mngon par byung ngo / /de dang 'dabs chags su spos chu'i rgya mtsho rin po che'i rgyal po'i dkyil 'khor ces bya ba yod de/ de las 'jig rten gyi khams kyi rgyud pad+mo'i lo ma sprin stug po zhes bya ba mngon par byung ngo / /de dang 'dabs chags su spos chu'i rgya mtsho sprul pa'i spos kyi 'od 'phro bas kun tu brgyan pa zhes bya ba yod de/ de las 'jig rten gyi khams kyi rgyud rnam par snang mdzad kyi sprul pa rgyu ba zhes bya ba mngon par byung ngo / /de dang 'dabs chags su spos chu'i rgya mtsho rin po che'i gram bu 'dzam bu'i rgyal mtshan zhes bya ba yod de| de las 'jig rten gyi khams kyi rgyud sangs rgyas kyi byin gyi rlabs kyi yul zhes bya ba mngon par byung ngo / /de dang 'dabs chags su spos chu'i rgya mtsho kha dog kun tu 'bar ba'i gzi brjid ces bya ba yod de/ de las 'jig rten gyi khams kyi rgyud rnam par snang mdzad kyi 'od dam pa zhes bya ba mngon par byung ngo / /de dang 'dab chags su shar phyogs logs na spos chu'i rgya mtsho rgyan thams cad kyis yul brgyan pa zhes bya ba yod de/ de las 'jig rten gyi khams kyi rgyud rin po che 'od 'phro ba'i lce rab tu snang ba shin tu 'phro ba zhes bya ba mngon par byung ste/ de dag la sogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi phyi rol shar phyogs logs kyi khor yug gi mtshams na spos chu'i rgya mtsho gzhi dang snying po shel zhes bya ba yod de/ de las 'jig rten gyi khams kyi rgyud grol ba'i 'od ces bya ba 'jig rten gyi khams rgya mtsho yongs su dag pa'i bskal pa rgya mtsho'i dbyangs kyi lhun can mngon par byung ste/ de thams cad kyi 'og na 'jig rten gyi khams dri ma med cing yid du 'ong ba'i rgyal mtshan zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa mngon par 'phags pa'i ting nge 'dzin dang / brtson 'grus kyi blo gros zhes bya ba bzhugs so/ /de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams kyi rgyud kyi dbus na ' jig rten gyi khams rdo rje'i rgyal mtshan zhes bya ba gzhi mnyam pa yod pa de na 'jig rten gyi khams spos kyi rgyal mtshan gyi rgyan ces bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa chos kyi dbyings bsgribs pa med pa'i sgron ma zhes bya ba bzhugs so/ /de'i steng n a 'jig rten gyi khams sangs rgyas kyi zhing gsum gyi rdul shin tu phra ba snyed 'das pa na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams 'od zer gyi mdzod rab tu 'gyed pa zhes bya ba yod de/ de na de bzhin gshegs pa chos kyi dbyings bsgribs pa med pa'i ri rab ces bya ba bzhugs so/ /de'i steng na 'jig rten gyi khams sangs rgyas kyi zhing thams cad kyi rdul shin tu phra ba snyed 'das pa'i 'jig rten gyi khams kyi rgyud kyi dang po la 'jig rten gyi khams lus dam pa'i spos gya nom pa zhes bya ba/ 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa byang chub kyi yan lag me tog 'byung gnas zhes bya ba bzhugs so/ /spos chu'i rgya mtsho'i 'od kyi dkyil 'khor dri zhim po mi zad pa 'byung ba zhes bya ba de dang 'dabs chags su lho phyogs logs na spos chu'i rgya mtsho gzi brjid bzang po dpal dang ldan pa zhes bya ba yod de/ de la 'jig rten gyi khams kyi rgyud gzhi gsal zhing dri ma med pa zhes bya ba rab tu gnas so/ /de dang 'dabs chags su spos chu'i rgya mtsho snang ba dang gzi brjid kyis khebs pa zhes bya ba yod de/ de la 'jig rten gyi khams kyi rgyud rgyan mtha' yas pa la gzhol ba zhes bya ba rab tu gnas so/ /de dang 'dabs chags su spos chu'i rgya mtsho rin po che shin tu rnam par phye ba zhes bya ba yod de/ de la 'jig rten gyi khams kyi rgyud spos dang rin po che'i chos yang dag par gnas pa zhes bya ba rab tu gnas so/ /de dang 'dabs chags su spos chu'i rgya mtsho sangs rgyas kyi gsung zhi ba'i dbyangs zhes bya ba yod de/ de la 'jig rten gyi khams kyi rgyud rab tu rnam par phye ba'i gnas yongs su 'byung ba zhes bya ba rab tu gnas so/ /de dang 'dabs chags su lho phyogs logs na spos chu'i rgya mtsho spos kyi rgyal mtshan ri rab kyi snying po zhes bya ba yod de/ de la 'jig rten gyi khams kyi rgyud zhing yongs su gsal bar snang ba zhes bya ba rab tu gnas so/ /de dang 'dabs chags su spos chu'i rgya mtsho tsan+dan shin tu yid du 'ong ba'i 'od zer ces bya ba yod de/ de la 'jig rten gyi khams kyi rgyud me tog gi klong gi 'od zer gyi dkyil 'khor ces bya ba rab tu gnas so/ /de dang 'dabs chags su spos chu'i rgya mtsho byin gyi rlabs kyi rlung zhes bya ba yod de/ de la 'jig rten gyi khams kyi rgyud rin po che'i 'od zer gyi sprin 'dal ba'i rgyal mtshan zhes bya ba rab tu gnas so/ /de dang 'dabs chags su spos chu'i rgya mtsho brgya byin gyi gdong dang lus shin tu bsgrubs pa zhes bya ba yod de/ de la 'jig rten gyi khams kyi rgyud mu tig gi rgya mtsho'i snying po zhes bya ba rab tu gnas so/ /de dang 'dabs chags su lho phyogs logs na spos chu'i rgya mtsho gnas shin tu mnyam par yang dag par bsgrubs pa zhes bya ba yod de/ de la 'jig rten gyi khams kyi rgyud bai DUR+Ya'i gram bu sna tshogs bkram pa zhes bya ba rab tu gnas te/ de dag la sogs pa spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi rol lho phyogs logs kyi mtshams na spos chu'i rgya mtsho shing gi ze ba zhes bya ba yod de/ de la 'jig rten gyi khams kyi rgyud phyogs yangs ba'i zhing yang dag par 'byung ba zhes bya ba sangs rgyas thams cad bdud kyi 'khor yongs su 'dul ba'i gsung gi lhun can zhes bya ba rab tu gnas so/ /de thams cad kyi 'og na 'jig rten gyi khams kyi rgyud skar mda' 'od 'phro ba zhes bya ba gcig tu dag pa yod de/ de na de bzhin gshegs pa 'jig rten gyis mchod pa yon tan rgya mtsho zhes bya ba bzhugs s o| |de'i steng na 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams kyi rgyud kyi dbus na 'jig rten gyi khams rdo rje'i rgyal mtshan zhes bya ba gzhi mnyam pa yod pa de na 'jig rten gyi khams rin po che 'byung ba zhes bya ba yod de/ de na de bzhin gshegs pa rin po che'i sprin seng+ge'i stobs zhes bya ba bzhugs so/ /de'i steng na 'jig r ten gyi khams sangs rgyas kyi zhing gsum gyi rdul shin tu phra ba snyed 'das pa'i 'jig rten gyi khams mi mjed ces bya ba gzhi mnyam pa yod pa de na 'jig rten gyi khams gos kyi rgyal mtshan zhes bya ba yod de/ de na de bzhin gshegs pa ye shes rgya mtsho'i rgyal po zhes bya ba bzhugs so/ /de'i steng na 'jig rten gyi khams sangs rgyas kyi zhing bdun gyi rdul shin tu phra ba snyed 'das pa'i 'jig rten gyi khams kyi rgyud kyi dang po la 'jig rten gyi khams rin po che'i phreng ba seng+ge'i rnam par snang ba zhes bya ba yod de/ de na de bzhin gshegs pa pad+mo shin tu sprul pa'i rgyal mtshan zhes bya ba bzhugs so/ /spos chu'i rgya mtsho rdo rje'i 'od zer 'bar ba 'od 'phro ba'i sgron ma zhes bya ba de dang 'dabs chags su spos chu'i rgya mtsho rgyan rnam par bres pa thams cad kyis rnam par klubs pa'i rgyal mtshan ces bya ba yod de/ de la 'jig rten gyi khams kyi rgyud rgyan dam par rnam par dag pa zhes bya ba rab tu gnas so/ /de dang 'dabs chags su spos chu'i rgya mtsho rin po che thams cad kyi me tog gis rnam par snang ba'i rgya mtsho zhes bya ba yod de/ de la 'jig rten gyi khams kyi rgyud mtshan gyi rgyan dang dpal rab tu 'byung ba zhes bya ba rab tu gnas so/ /de dang 'dabs chags su spos chu'i rgya mtsho pad+mo'i ze ba me tog shin tu rgyas pa'i rgyan ces bya ba yod de/ de la 'jig rten gyi khams kyi rgyud byang chub sems dpa'i rgyan rin po che'i cod pan shin tu 'bar ba zhes bya ba rab tu gnas so/ /de dang 'dabs chags su spos chu'i rgya mtsho rin po che'i gos kyis yun ring po nas bkab pa zhes bya ba yod de/ de la 'jig rten gyi khams kyi rgyud mu tig rnam par dag pa rin po che'i dkyil 'khor ces bya ba rab tu gnas so/ /de dang 'dabs chags su spos chu'i rgya mtsho me tog bzang po yid du 'ong ba rnam par snang ba zhes bya ba yod de de la 'jig rten gyi khams kyi rgyud snang ba'i sprin 'od zer rnam par brgyan pa zhes bya ba rab tu gnas so/ /de dang 'dabs chags su spos chu'i rgya mtsho nam mkha'i phyogs dang mnyam par rnam par snang ba zhes bya ba yod de/ de la 'jig rten gyi khams kyi rgyud rin po che kun tu snang ba rnam par dmigs pa shin tu zab pa zhes bya ba rab tu gnas so/ /de dang 'dabs chags su spos chu'i rgya mtsho me tog bzang pos rab tu brgyan pa'i rgyal mtshan zhes bya ba yod de/ de la 'jig rten gyi khams kyi rgyud gser gyi me tog zla ba'i rgyan ces bya ba rab tu gnas so/ /de dang 'dabs chags su spos chu'i rgya mtsho spos dang / mu tig dam pa'i snying po zhes bya ba yod de/ de la 'jig rten gyi khams kyi rgyud sangs rgyas kyi dpal gyis kun tu snang ba zhes bya ba yod de/ de dang 'dabs chags su spos chu'i rgya mtsho rin po che'i 'khor los bsgrubs pa'i 'od ces bya ba yod de/ de la 'jig rten gyi khams kyi rgyud sprul pa bzang po 'byung ba sangs rgyas kyi yul rab tu snang ba zhes bya ba rab tu gnas te/ de dag la sogs pa spos chu'i rgya mtsho sangs rgyas kyi zhing brjod du med pa'i y ang brjod du med pa'i rdul shin tu phra ba snyed kyi phyi rol lho phyogs logs kyi 'khor yug gi mtshams na spos chu'i rgya mtsho gzhi 'khor lo tshad med pas brgyan pa zhes bya ba yod de/ de la 'jig rten gyi khams kyi rgyud phyogs tshad med pa snrel zhi zhes bya ba zhing gi rgyud yon tan sna tshogs thams cad shin tu ston pa'i sgra'i lhun can rab tu gnas te/ de thams cad kyi 'og na 'jig rten gyi khams rdo rje me tog gis khyab pa zhes bya ba yod de/ de na de bzhin gshegs pa mtshan mi zad pa'i 'od zer sgo kun nas sgrog pa zhes bya ba bzhugs s o| |de'i steng na 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams kyi rgyud na 'jig rten gyi khams rdo rje'i rgyal mtshan gzhi mnyam pa yod pa de na 'jig rten gyi khams rin po che'i gos kyi rgyal mtshan 'byung ba zhes bya ba yod de/ de na de bzhin gshegs pa bsod nams kyi sprin kun tu dpal gyi gzi brjid ces bya ba bzhugs so| |de'i steng na 'jig rten gyi khams gzhi mnyam pa mi mjed ces bya ba yod pa de na 'jig rten gyi khams rin po che'i rgyan sna tshogs kyis brgyan pa zhes bya ba yod de/ de na de bzhin gshegs pa khyad par gyi blo gros rgya mtsho zhes bya ba bzhugs so/ /de'i steng na 'jig rten gyi khams kyi rgyud kyi dang po la 'jig rten gyi khams nyi ma'i mig gi rgyal mtshan zhes bya ba yod de/ de na de bzhin gshegs pa ye shes kyi nyi ma pad+mo'i sprin ces bya ba bzhugs so/ /spos chu'i rgya mtsho rin po che in+d+ra nI las rab tu brgyan pa'i rgyan can de dang 'dabs chags su spos chu'i rgya mtsho gzhung las lha ma yin gyi gnas shin tu 'byung ba zhes bya ba yod de/ de la 'jig rten gyi khams spos kyi 'od zer chu'i shugs 'dzin pa zhes bya ba rab tu gnas so/ /de dang 'dabs chags su spos chu'i rgya mtsho seng+ge'i rin po ches bsgrubs pa rnam pa sna tshogs zhes bya ba yod de/ de la 'jig rten gyi khams kyi rgyud rin po che thams cad kyi phyogs khyab par byed pa rnam par dmigs pa zhes bya ba rab tu gnas te/ de dang 'dabs chags su spos chu'i rgya mtsho kha dog gi sprin gyi gnas 'byung ba zhes bya ba yod de/ de la 'jig rten gyi khams kyi rgyud rin po che'i ri bo'i spo la dkyil 'khor rnam par bres pa zhes bya ba rab tu gnas so/ /de dang 'dabs chags su spos chu'i rgya mtsho gzhi dang / sgo pad+mo rnam par bkram pa zhes bya ba yod de/ de na 'jig rten gyi khams kyi rgyud rnam par snang ba'i chos kyi dbyings bde ba'i rgyan ces bya ba rab tu gnas so/ /de dang 'dabs chags su spos chu'i rgya mtsho mar me tshul bzang po'i 'od rab tu 'phro ba zhes bya ba yod de/ de la 'jig rten gyi khams kyi rgyud sprul pa'i phyogs rnam par lta zhing kun tu khyab pa zhes bya ba rab tu gnas so/ /de dang 'dabs chags su spos chu'i rgya mtsho bsam gyis mi khyab pa'i rgyan shin tu bstan pa zhes bya ba yod de/ de la 'jig rten gyi khams kyi rgyud phyogs thams cad du snang bas legs pa rnam par grags pa zhes bya ba rab tu gnas so/ /de dang 'dabs chags su spos chu'i rgya mtsho rin po che'i phung pos shin tu brgyan pa zhes bya ba yod de/ de la 'jig rten gyi khams kyi rgyud skar mda'i 'od zer rab tu snang ba zhes bya ba rab tu gnas so/ /de dang 'dabs chags su spos chu'i rgya mtsho rin po che rnam par dag pa'i 'od rab tu 'gyed pa'i shugs zhes bya ba yod de/ de la 'jig rten gyi khams kyi rgyud rlung chags pa med pa'i ri rab ces bya ba rab tu gnas so/ /de dag 'dabs chags su spos chu'i rgya mtsho rin po che'i gos dang / stegs bu'i rgyud ces bya ba yod de/ de la 'jig rten gyi khams kyi rgyud de bzhin gshegs pa'i sku shin tu snang ba ston pa zhes bya ba rab tu gnas te/ de dag la sogs pa spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi rol khor yug gi mtshams na spos chu'i rgya mtsho shing sna tshogs kyi rgyal mtshan zhes bya ba yod de/ de las 'jig rten gyi khams kyi rgyud mig 'phrul lta bur shin tu gnas pa zhes bya ba byang chub sems dpa' thams cad kyi ye shes kyi sa rab tu gnon pa'i sgra'i lhun can mngon par byung ste/ de thams cad kyi 'og na 'jig rten gyi khams gser gyi kha dog ces bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa spos chu'i 'od zer dpal gyi gzi brjid ces bya ba bzhugs so/ /bam po bcu gcig pa/ de'i steng na 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams kyi rgyud kyi dbus na 'jig rten gyi khams rdo rje'i rgyal mtshan zhes bya ba gzhi mnyam pa yod pa de na 'jig rten gyi khams rin po che'i shing gi ze ba zhes bya ba yod de/ de na de bzhin gshegs pa zhal kun tu ston cing bsgribs pa med par rnam par dag pa zhes bya ba bzhugs so/ /de'i steng na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams bai DUR+Ya'i rgyan sna tshogs zhes bya ba yod de/ de na de bzhin gshegs pa chos kyi dbang phyug zil gyis mi non pa'i blo gros zhes bya ba bzhugs so/ /de'i steng na 'jig rten gyi khams kyi rgyud kyi dang po la 'jig rten gyi khams tshangs pa'i dbyangs kyis legs par spel ba zhes bya ba yod de/ de na de bzhin gshegs pa pad+mo'i 'od kyi me tog shin tu rgyas pa'i rgyal po zhes bya ba bzhugs so/ /spos chu'i rgya mtsho 'khor lo brtan par bsgrubs pa zhes bya ba de dang 'dabs chags su spos chu'i rgya mtsho gzhi sprul pa'i pad+mos brgyan pa zhes bya ba yod de/ de la 'jig rten gyi khams kyi rgyud zhing la yongs su 'du ba rab tu ston pa zhes bya ba rab tu gnas so/ /de dang 'dabs chags su spos chu'i rgya mtsho rin po che'i gzi brjid 'bar ba'i 'od ces bya ba yod de/ de la 'jig rten gyi khams kyi rgyud chos kyi dbyings rgyas par 'gengs pa la rmongs pa med pa zhes bya ba rab tu gnas so/ /de dang 'dabs chags su spos chu'i rgya mtsho spos dang nor bu'i nyi ma sna tshogs zhes bya ba yod de/ de la 'jig rten gyi khams kyi rgyud phyogs yongs su gzhol bar rnam par dmigs pa la 'jug pa zhes bya ba rab tu gnas so/ /de dang 'dabs chags su spos chu'i rgya mtsho rin po che gzi brjid 'bar ba'i 'od ces bya ba yod de/ de la 'jig rten gyi khams kyi rgyud spyod pa kun nas rgyal ba'i gsung sgrog pa zhes bya ba rab tu gnas so/ /de dang 'dabs chags su spos chu'i rgya mtsho dbyangs zab mo mu med pa zhes bya ba yod de/ de la 'jig rten gyi khams kyi rgyud phyogs tha dad pa mtha' dang dbus med pa zhes bya ba rab tu gnas so/ /de dang 'dabs chags su spos chu'i rgya mtsho snying po dang ldan zhing shin tu grub pa zhes bya ba yod de/ de la 'jig rten gyi khams kyi rgyud phyogs tha mi dad pa mtha' dang dbus med pa zhes bya ba rab tu gnas so/ /de dang 'dabs chags su spos chu'i rgya mtsho tshangs pa'i dbyangs yongs su dag pa'i sgra zhes bya ba yod de/ de la 'jig rten gyi khams kyi rgyud rgyan thams cad yongs su dag pa zhes bya ba rab tu gnas so/ /de dang 'dabs chags su spos chu'i rgya mtsho tsan+dan gyi dbyangs shin tu rnam par phye ba'i stegs bu'i snying po zhes bya ba yod de/ de la 'jig rten gyi khams kyi rgyud rgyal mtshan shin tu bsgreng ba zhes bya ba rab tu gnas so/ /de dang 'dabs chags su spos chu'i rgya mtsho spos kyi rgyal po'i 'od zer gyis shin tu bsgrubs pa zhes bya ba yod de/ de la 'jig rten gyi khams kyi rgyud zhing gi stobs kun tu snang ba yongs su ston pa zhes bya ba rab tu gnas so/ /spos chu'i rgya mtsho pad+mo'i dbang po mang po me tog shin tu rgyas pa de dang 'dabs chags su spos chu'i rgya mtsho dngul gyi pad+mo sna tshogs kyis bsgrubs pa'i rgyan ces bya ba yod de/ de la 'jig rten gyi khams kyi rgyud yongs su gsal bar kun tu rgyu ba zhes bya ba rab tu gnas so/ /de dang 'dabs chags su spos chu'i rgya mtsho bai DAR+Ya'i spos 'od 'phro ba'i sprin stug po zhes bya ba yod de/ de la 'jig rten gyi khams kyi rgyud phyogs su dbyangs sgrog pa zhes bya ba rab tu gnas so/ /de dang 'dabs chags su spos chu'i rgya mtsho phyogs kun tu gzi brjid kyis rgyal ba'i phung po 'od 'phro ba zhes bya ba yod de| de la 'jig rten gyi khams kyi rgyud phyogs rnam par phye bar 'phrul ba zhes bya ba rab tu gnas so/ /de dang 'dabs chags su spos chu'i rgya mtsho gser gyi rgyal mtshan nor bu'i rgyal po'i dpal rab tu 'byung ba zhes bya ba yod de/ de la 'jig rten gyi khams kyi rgyud rdo rje'i rtse mo zhing gi rgyal mtshan zhes bya ba rab tu gnas so/ /de dang 'dabs chags su spos chu'i rgya mtsho tha dad pa med pa'i sprin 'bar ba zhes bya ba yod de/ de na 'jig rten gyi khams kyi rgyud chos kyi dbyings kyis rnam par gnon pa'i gtsug ces bya ba rab tu gnas so/ /de dang 'dabs chags su spos chu'i rgya mtsho rin po che'i me tog zad mi shes pa shin tu rgyas pa'i dpal gyis gzi brjid ces bya ba yod de/ de la 'jig rten gyi khams kyi rgyud 'od mtha' yas pa rdul dang bral ba zhes bya ba rab tu gnas so/ /de dang 'dabs chags su spos chu'i rgya mtsho rgya che zhing gser ltar yongs su dag pa/ grags pa'i dpal gyi rgyal mtshan zhes bya ba yod de/ de la 'jig rten gyi khams kyi rgyud gzhi tshon du bstan pa'i gnas zhes bya ba rab tu gnas so/ /de dang 'dabs chags su spos chu'i rgya mtsho mig yor rnam par snang ba zhes bya ba yod de/ de la 'jig rten gyi khams kyi rgyud las kyis kun tu brgyan cing rnam par phye ba zhes bya ba rab tu gnas so/ /de dang 'dabs chags su spos chu'i rgya mtsho sgra dbyangs zhi ba zhes bya ba yod de/ de la 'jig rten gyi khams kyi rgyud rab tu brgyus pa la mngon du lta ba zhes bya ba rab tu gnas te/ de dag la sogs pa spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi rol khor yug gi mtshams na spos chu'i rgya mtsho 'od 'phro ba stug po'i sprin gyi rgyal mtshan zhes bya ba yod de/ de la 'jig rten gyi khams kyi rgyud rgyan gyi dmigs pa thams cad kyi 'od ces bya ba/ snying po byang chub thams cad kyi de bzhin gshegs pa'i 'khor gyi dkyil 'khor gyi sgra'i lhun can rab tu gnas so/ /de thams cad kyi 'og na 'jig rten gyi khams dge ba'i mig sna tshogs zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa phyogs thams cad rnam par snang ba rdo rje'i zla ba zhes bya ba bzhugs so// de'i steng na 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i 'jig rten gyi khams kyi rgyud kyi dbus na 'jig rten gyi khams rdo rje'i rgyal mtshan zhes bya ba gzhi mnyam pa yod de/ de na 'jig rten gyi khams kha dog ut+pal dang dpal gyi be'u zhes bya ba yod de/ de na de bzhin gshegs pa brtson 'grus chen po blo gros bzang po zhes bya ba bzhugs so/ /de'i steng na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams mtshams rdo rje ltar sra ba sna tshogs zhes bya ba yod de/ de na de bzhin gshegs pa sA la'i rgyal po rgyal mtshan zhes bya ba bzhugs so/ /de'i steng na 'jig rten gyi khams sangs rgyas kyi zhing bdun gyi rdul shin tu phra ba snyed 'das pa'i 'jig rten gyi khams kyi rgyud kyi thog ma la 'jig rten gyi khams rgya mtsho dag pa sna tshogs zhes bya ba yod de/ de na de bzhin gshegs pa zil gyis mi non par mngon par 'phags pa'i gzi brjid ces bya ba bzhugs so/ /spos chu'i rgya mtsho rin po che'i 'byung gnas kyi mdzod shin tu bsags pa zhes bya ba de dang 'dabs chags su spos chu'i rgya mtsho rin po che'i 'od snang bas rnam par mdzes pa zhes bya ba yod de/ de la 'jig rten gyi khams kyi rgyud grags pa dri ma med pa'i rgyan ces bya ba rab tu gnas so/ /de dang 'dabs chags su spos chu'i rgya mtsho rin po che tshad med pa'i med pa'i me tog shin tu rgyas pa zhes bya ba yod de/ de la 'jig rten gyi khams kyi rgyud mtshan nyid nam mkha' lta bu rnam par dpyod pa zhes bya ba rab tu gnas so/ /de dang 'dabs chags su spos chu'i rgya mtsho rnam par snang mdzad kyi dpal rnam par yangs pa zhes bya ba yod de/ de la 'jig rten gyi khams kyi rgyud thogs pa med par kun tu snang ba'i rgyan ces bya ba rab tu gnas so/ /de dang 'dabs chags su spos chu'i rgya mtsho shing tsan+dan gyi ze ba zhes bya ba yod de/ de la 'jig rten gyi khams rgya mtsho mtha' yas par 'khyil ba'i phyogs su rab tu 'jug pa zhes bya rab tu gnas so/ /de dang 'dabs chags su spos chu'i rgya mtsho gser rin po che'i rgyal po'i gram bu rab tu 'byung ba zhes bya ba yod de/ de la 'jig rten gyi khams kyi rgyud rgyal mtshan gyi rtse mo la zhing gi 'khor rgyu ba zhes bya ba rab tu gnas te/ de dang 'dabs chags su spos chu'i rgya mtsho 'khor kun na rdo rje me tog gi 'byung gnas yod pa zhes bya ba yod de/ de la 'jig rten gyi khams kyi rgyud rnam par phye ba bsam gyis mi khyab par ston pa zhes bya ba rab tu gnas so/ /de dang 'dabs chags su spos chu'i rgya mtsho nor bu'i yid bzhin gyi rgyal po'i 'khor lo sna tshogs kyi gzhi zhes bya ba yod de/ de la 'jig rten gyi khams kyi rgyud rnam par rig pa chags pa med pas sangs rgyas lta ba zhes bya ba rab tu gnas so/ /de dang 'dabs chags su spos chu'i rgya mtsho gzhi rin po che'i phreng bas bsags pa zhes bya ba yod de/ de la 'jig rten gyi khams kyi rgyud blo gros dge ba mtha' yas pa'i gzi brjid ces bya ba rab tu gnas so| |de dang 'dabs chags su spos chu'i rgya mtsho mu tig sna tshogs kyi dkyil 'khor gyis brgyan pa zhes bya ba yod de/ de la 'jig rten gyi khams kyi rgyud sangs rgyas kyi yul dang / smon lam gyi rgyu mthun pa las byung ba zhes bya ba rab tu gnas so/ /de dag la sogs pa spos chu'i rgya mtsho sangs rgyas kyi zhing brjod du med pa'i yang brjod du med pa shin tu phra ba snyed kyi phyi rol khor yug gi mtshams na spos chu'i rgya mtsho 'dzam bu chu klung gi mdzod kyi dkyil 'khor ces bya ba yod de/ de las 'jig rten gyi khams kyi rgyud kun tu sgra sgrog pa'i rgyal mtshan zhes bya ba thams cad mkhyen pa nyid gzhan dang gzhan gyi sgor rab tu 'jug pa'i dbyangs kyi lhun can mngon par byung ngo / /de thams cad kyi 'og na 'jig rten gyi khams me tog 'od 'phro ba zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa dpa' bas gsol ba zhes bya ba bzhugs s o| |de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa na 'jig rten gyi khams rdo rje'i rgyal mtshan zhes bya ba gzhi mnyam pa yod pa de na 'jig rten gyi khams pad+mo rnam par snang ba'i rgyal mtshan zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa yon tan thams cad kyis rnam par 'phags pa'i sems kyi rgyal po zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed ' das pa na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams stobs bcu'i rgyan ces bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa/ kun nas nyon mongs shing rnam par dag pa yod de/ de na de bzhin gshegs pa legs par byung ba'i yon tan tshad med pa'i rgyal po zhes bya ba bzhugs so/ /de'i steng na 'jig rten gyi khams kyi rgyud kyi dang po la 'jig rten gyi khams spos dang nor bu brtsegs pa'i rgyal mtshan zhes bya ba yod de/ de na de bzhin gshegs pa blo gros rnam par yangs pa'i spyan zhes bya ba bzhugs so/ /spos chu'i rgya mtsho rin po ches mthun par rnam par brgyan pa de dang 'dabs chags su spos chu'i rgya mtsho 'od zer gyi mdzod kyi ri bo 'dzin pa zhes bya ba yod de/ de la 'jig rten gyi khams kyi rgyud nam mkha'i spyin yangs pa 'byung ba zhes bya ba rab tu gnas so/ /de dang 'dabs chags su spos chu'i rgya mtsho rgyan sna tshogs kyi byin gyi rlabs kyi spyod yul zhes bya ba yod de/ de la 'jig rten gyi khams kyi rgyud dri ma med cing bsgribs pa med par rnam par phye ba zhes bya ba rab tu gnas so/ /de dang 'dabs chags su spos chu'i rgya mtsho rin po che'i pad+mo 'dab ma stug po rab tu 'phyang ba zhes bya ba yod de/ de la 'jig rten gyi khams kyi rgyud lus kyi rgyan dam pa'i mar me zhes bya ba rab tu gnas so/ /de dang 'dabs chags su spos chu'i rgya mtsho rin po che thams cad kyi rgyan shin tu gnas pa zhes bya ba yod de/ de la 'jig rten gyi khams kyi rgyud nyi ma'i 'od zer gyi dra ba 'byung gnas zhes bya ba rab tu gnas so/ /de dang 'dabs chags su spos chu'i rgya mtsho yang dag par bsgrubs pa shin tu mang ba zhes bya ba yod de/ de la 'jig rten gyi khams kyi rgyud rin po che'i ze ba byin gyi rlabs kyi gnas zhes bya ba rab tu gnas so/ /de dang 'dabs chags su spos chu'i rgya mtsho shin tu gtsang ba'i spyod pa zhes bya ba yod de/ de la 'jig rten gyi khams kyi rgyud lus dam pa rgya mtsho'i rgyan ces bya ba rab tu gnas so/ /de dang 'dabs chags su spos chu'i rgya mtsho nor bu sna tshogs kyi phung po 'dzin pa zhes bya ba yod de/ de la 'jig rten gyi khams kyi rgyud nam mkha' rnam par dag pa'i snying po zhes bya ba rab tu gnas so/ /de dang 'dabs chags su spos chu'i rgya mtsho gzi brjid dag cing yangs pas rnam par snang ba zhes bya ba yod de/ de la 'jig rten gyi khams kyi rgyud in+d+ra nI la'i dbyibs ltar 'dug pa/ skar mda' ltar snang ba zhes bya ba rab tu gnas so/ /de dang 'dabs chags su spos chu'i rgya mtsho yid du 'ong bar gram bu'i nor bu mu tig rnam par snang ba zhes bya ba yod de/ de la 'jig rten gyi khams kyi rgyud dbyangs kyis kun tu sgrog pa'i nga ro la dga' ba zhes bya ba rab tu gnas te/ de dag la sogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi phyi rol khor yug gi mtshams na spos chu'i rgya mtsho in+d+ra nI la rab tu 'gyed pa zhes bya ba yod de/ de la 'jig rten gyi khams kyi rgyud phyogs kun tu snang zhing tha mi dad pa zhes bya ba/ byang chub sems dpa' thams cad kyi chos yang dag par 'byung bar nga ro sgrog pa'i lhun can rab tu gnas te/ de thams cad kyi 'og na 'jig rten gyi khams dge ba dam pa'i snying po zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa yon tan mchog gi blo gros dam pa zhes bya ba bzhugs so/ /de'i steng na 'jig rten gyi khams s angs rgyas kyi zhing bcu'i rdul shin tu phra ba snyed 'das pa'i 'jig rten gyi khams kyi rgyud kyi dbus gzhi mnyam pa yod pa de na 'jig rten gyi khams yang dag par gnas pa'i rgyan ces bya ba yod de| de na de bzhin gshegs pa 'od lhag par 'phags pas rab tu snang ba zhes bya ba bzhugs so/ /de'i steng na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams baiDUR+Yas bsgrubs pa kun nas 'khor lo zhes bya ba yod de/ de na de bzhin gshegs pa ri rab mar me zhes bya ba bzhugs so/ /de'i steng na ' jig rten gyi khams kyi rgyud kyi thog ma la 'jig rten gyi khams me tog gi rgya mtsho rgyal mtshan zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa sprul pa mi zad pa'i sprin gyi mnga' bdag ces bya ba bzhugs so/ /spos chu'i rgya mtsho sgra rdo rje ltar shin tu brtan pa'i dbyangs zhes bya ba de dang 'dabs chags su spos chu'i rgya mtsho rin po che'i shing thags kyis bskor ba/ shin tu 'phags pa zhes bya ba yod de/ de la 'jig rten gyi khams kyi rgyud rin po che'i rgyal mtshan shin tu 'greng ba zhes bya ba rab tu gnas so/ /de dang 'dabs chags su spos chu'i rgya mtsho me tog gi rgyal mtshan gyis rab tu brgyan pa zhes bya ba yod de/ de la 'jig rten gyi khams kyi rgyud snang ba thams cad shin tu ston pa zhes bya ba rab tu gnas so/ /de dang 'dabs chags su spos chu'i rgya mtsho rin po che'i sprin dam pa dang ldan pa zhes bya ba yod do| de la 'jig rten gyi khams kyi rgyud gzhi rin po che thams cad kyis brgyan pa/ 'od rnam par snang ba zhes bya ba rab tu gnas so/ /de dang 'dabs chags su spos chu'i rgya mtsho rin po che'i shing gi ze ba'i kha dog gi rgyan ces bya ba yod de/ de na 'jig rten gyi khams kyi rgyud dge ba'i tshogs kyi gzi brjid phal po che zhes bya ba rab tu gnas so/ /de dang 'dabs chags su spos chu'i rgya mtsho rin po che'i gos dam pas shin tu brgyan pa zhes bya ba yod de/ de la 'jig rten gyi khams kyi rgyud rgya mtsho'i 'od ces bya ba rab tu gnas so/ /de dang 'dabs chags su spos chu'i rgya mtsho rin po che'i shing gi yal ga brtsegs pa zhes bya ba yod de/ de la 'jig rten gyi khams kyi rgyud rin po che'i 'od 'phro ba'i sprin la shin tu brten pa zhes bya ba rab tu gnas so/ / de dang 'dabs chags su spos chu'i rgya mtsho gzhi yid du 'ong bar snang ba zhes bya ba yod de/ de na 'jig rten gyi khams kyi rgyud chags pa med pa'i rdo rje kun tu rgyu ba zhes bya ba rab tu gnas so/ / de dang 'dabs chags su spos chu'i rgya mtsho kun nas pad+mos brgyan pa zhes bya ba yod de/ de na 'jig rten gyi khams kyi rgyud rgya mtsho'i ngogs mtha' yas pa'i klong zhes bya ba rab tu gnas so| |de dang 'dabs chags su spos chu'i rgya mtsho rin po che'i yan lag dam pas rnam par brgyan pa zhes bya ba yod de/ de la 'jig rten gyi khams kyi rgyud zhing gi gzhi rnam par dmigs pa zhes bya ba rab tu gnas so/ /de dag la sogs pa spos chu'i rgya mtsho sangs rgyas kyi zhing brjod du med pa'i rdul shin tu phra ba snyed kyi phyi rol khor yug gi mtshams na spos chu'i rgya mtsho mi phyed par brtan pa dang ldan pa zhes bya ba yod de/ /de na 'jig rten gyi khams kyi rgyud pad+mo'i dkyil 'khor shin tu rnam par phye ba'i 'khor lo zhes bya ba sangs rgyas thams cad kyi stobs la 'jug pa shin tu sgrog pa'i lhun can rab tu gnas te/ de thams cad kyi 'og na 'jig rten gyi khams spos shin tu zhim pa'i rgya mtsho zhes bya ba yod de/ de na de bzhin gshegs pa 'od dang sprul pa tshad med pa'i rgyal po zhes bya ba bzhugs so/ /'jig rten gyi khams kyi rgyud de'i dbus na 'jig rten gyi khams rdo rje'i rgyal mtshan zhes bya ba gzhi mnyam pa yod pa de na 'jig rten gyi khams rgyan dang tshul gyi sgo bsam gyis mi khyab pa zhes bya ba yod de/ de na de bzhin gshegs pa ye shes tshad med pa'i tshangs pa zhes bya ba bzhugs so/ /de'i steng na 'jig rten gyi khams mi mjed ces bya ba gzhi mnyam pa yod pa de na 'jig rten gyi khams snang ba'i phyogs me tog gi snying po zhes bya ba yod de/ de na de bzhin gshegs pa seng+ge'i spyan 'od 'phro ba'i sprin ces bya ba bzhugs so/ /de'i steng na 'jig rten gyi khams kyi rgyud kyi thog ma la 'jig rten gyi khams rgya mtsho'i dbyangs zhes bya ba yod de/ de na de bzhin gshegs pa chu'i lha 'od 'phro ba'i sgo zhes bya ba bzhugs so/ /spos chu'i rgya mtsho lha'i grong khyer dang / nor bu'i shing thags kyis brgyan pa zhes bya ba de dang 'dabs chags su spos chu'i rgya mtsho snang ba'i 'khor los rnam par gsal ba zhes bya ba yod de/ de la 'jig rten gyi khams kyi rgyud brjod du med pa'i phyogs kyis gnas kyis brgyan pa zhes bya ba rab tu gnas so/ /de dang 'dabs chags su spos chu'i rgya mtsho rin po che'i tshon gyi srang rnam pa sna tshogs zhes bya ba yod de/ de na 'jig rten gyi khams kyi rgyud brgyud pa du mas 'jug pa zhes bya ba rab tu gnas so/ /de dang 'dabs chags su spos chu'i rgya mtsho rgyan thams cad kyis kun tu gang ba zhes bya ba yod de/ de la 'jig rten gyi khams kyi rgyud rin po che rnam par snang ba zhes bya ba rab tu gnas so/ /de dang 'dabs chags su spos chu'i rgya mtsho rin po che'i dra ba rnam par phye ba kun tu 'byung ba zhes bya ba yod de/ de la 'jig rten gyi khams kyi rgyud tshul gyi mtshams sbyor ba 'byung ba zhes bya ba rab tu gnas so/ /de dang 'dabs chags su spos chu'i rgya mtsho rgyal mtshan dam pa'i rgyan ces bya ba yod de/ de la 'jig rten gyi khams kyi rgyud 'jig rten gyi khams rnam par dmigs pa rgya mtsho'i sgra zhes bya ba rab tu gnas so/ /de dang 'dabs chags su spos chu'i rgya mtsho nyi ma'i gnas yongs su sbyong ba'i 'od ces bya ba yod de| de la 'jig rten gyi khams kyi rgyud mig 'phrul gyis rgyas par 'jug pa zhes bya ba rab tu gnas so/ /de dang 'dabs chags su spos chu'i rgya mtsho sil snyan thams cad kyi sgra dbyangs yid du 'ong ba brjod pa zhes bya ba yod de/ de na 'jig rten gyi khams kyi rgyud klong thams cad kyi gting du rab tu 'jug pa zhes bya ba rab tu gnas so/ /de dang 'dabs chags su spos chu'i rgya mtsho rgyan dam pas bsgrubs pa rnam pa sna tshogs zhes bya ba yod de/ de la 'jig rten gyi khams kyi rgyud 'od dri ma med pa'i sprin stug po 'bar ba zhes bya ba rab tu gnas so/ / de dang 'dabs chags su spos chu'i rgya mtsho mar me 'od 'phro bas kun tu rgyas pa zhes bya ba yod de/ de la 'jig rten gyi khams kyi rgyud sangs rgyas kyi smon lam gyi dbyibs tha dad par byin gyis brlabs pa zhes bya ba rab tu gnas so/ /de dag la sogs pa spos chu'i rgya mtsho sangs rgyas kyi zhing brjod du med pa'i yang brjod du med pa'i rdul shin tu phra ba snyed kyi phyi rol khor yug gi mtshams na spos chu'i rgya mtsho phreng ba dang gos kyis shin tu bsgrubs pa zhes bya ba yod de/ de las 'jig rten gyi khams kyi rgyud kun nas snang ba'i gos bzang po shin tu sprul pa zhes bya ba| sangs rgyas 'das pa dang / ma byon pa dang / da ltar byung ba thams cad kyi mtshan nyid shin tu sgrog pa'i lhun can mngon par byung ngo / /de thams cad kyi 'og na spos chu'i rgya mtsho dbang po'i me tog ze ba 'khyil ba'i snying po zhes bya ba yod de/ de na 'jig rten gyi khams rab tu grol bas dga' ba byed pa zhes bya ba 'jig rten gyi khams sangs rgyas kyi zhing gi rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa rnam par sangs rgyas pa'i ye shes kyis pham pa med pa zhes bya ba bzhugs so/ /de'i s teng na 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams kyi rgyud kyi dbus na 'jig rten gyi khams rdo rje'i rgyal mtshan zhes bya ba g zhi mnyam pa yod pa de na 'jig rten gyi khams rin po che'i 'bru'i dra bas brgyan pa zhes bya ba 'jig rten gyi khams sangs rgyas kyi zhing bcu'i rdul shin tu phra ba snyed kyi 'khor gyis bskor ba/ gcig tu dag pa yod de/ de na de bzhin gshegs pa snang ba tshad med pas dgyes pa zhes bya ba bzhugs so/ /de'i steng 'jig rten gyi khams sangs rgyas kyi zhing gi rdul shin tu phra ba snyed 'das pa'i 'jig rten gyi khams mi mjed ces bya ba gzhi mnyam pa yod pa de na 'jig rten gyi khams rin po che'i gdan pad+mo dang / seng+ge zhes bya ba 'jig rten gyi khams sangs rgyas kyi zhing bcu'i rdul shin tu phra ba snyed kyi 'khor gyis bskor ba kun nas nyon mongs shing rnam par dag pa yod de/ de na de bzhin gshegs pa shugs dri ma med cing mnyan na don yod pa zhes bya ba bzhugs so/ /de'i steng 'jig rten gyi khams sangs rgyas kyi zhing bdun gyi rdul shin tu phra ba snyed 'das pa'i 'jig rten gyi khams k yi rgyud kyi steng na 'jig rten gyi khams kyi rgyud klu'i rin po che'i kha dog gi 'od ces bya ba 'jig rten gyi khams sangs rgyas kyi zhing nyi shu'i rdul shin tu phra ba snyed kyi 'khor gyis bskor ba| gcig tu dag pa yod de/ de na de bzhin gshegs pa chos kyi dbyings yongs su gsal bar rnam par snang ba zhes bya ba bzhugs te/ kye de ltar rgyal ba'i sras dag /spos chu'i r gya mtsho sangs rgyas kyi zhing brjod du med pa phrag bcu'i rdul shin tu phra ba snyed la 'jig rten gyi khams kyi rgyud sangs rgyas kyi zhing brjod du med pa phrag bcu'i rdul shin tu phra ba snyed rab tu gnas te/ 'jig rten gyi khams kyi rgyud de dag thams cad kyang spos chu'i rgya mtsho de dag la nor bu'i rgyal po byang chub sems dpa'i lus rnam par dmigs pa'i mig yor gyi rgyal mtshan gyis rab tu brgyan pa dang ldan pa'i pad+mo la rab tu gnas pa sha stag go / 'jig rten gyi khams kyi rgyud rgyan gzhan dang gzhan can mang po dang mtshams 'dabs chags su gnas pa sha stag go / 'od rin po che gzhan dang gzhan gyi kha dog tu 'gyed pa sha stag go/ 'od kyi dkyil 'khor gyi sprin gzhan dang gzhan gyis kun nas yog pa sha stag go /rgyan rnam par bres pa'i 'od gzhan dang gzhan can sha stag go / bskal pa'i grangs gzhan dang gzhan du bstan pa sha stag go /sangs rgyas gzhan dang gzhan skye zhing gshegs pa sha stag go /chos rgya mtsho'i sgra gzhan dang gzhan rab tu bsgrags pa sha stag go / sems can gyi lus gzhan dang gzhan gyis kun tu yog pa sha stag go /phyogs gzhan dang gzhan la 'jug pa ma 'dres pa sha stag go / sangs rgyas kyi rnam par 'phrul pa dang / de bzhin gshegs pa'i byin gyi rlabs gzhan dang gzhan can sha stag go /'jig rten gyi khams kyi rgyud de dag re re'i ' jig rten gyi khams kyi mtshams nas rab tu byung ba'i 'jig rten gyi khams kyi dra ba rgyan sna tshogs la rab tu gnas pa thams cad kyis 'jig rten gyi khams rnam pa sna tshogs kyi tshul du 'jig rten gyi khams rgya mtsho gzhi dang / snying po me tog gi rgyan gyis brgyan pa zhes bya ba 'di thams cad yongs su gang ngo / /ji ltar 'jig rten gyi khams gcig gi rgyud nas byung ba de bzhin du 'jig rten gyi khams kyi rgyud rnams dang / 'jig rten gyi khams kyi sa mtshams dang / sgo rnam pa sna tshogs kyi rgyan la gnas pa'i 'jig rten gyi khams kyi dra ba sna tshogs thams cad las byung ba kun gyis kyang 'jig rten gyi khams rgya mtsho gzhi dang / snying po me tog gi rgyan gyis brgyan pa 'di thams cad yongs su gang ngo / /de nas byang chub sems dpa' kun tu bzang pos yang 'jig rten gyi khams kyi rgyud mtha' dang / dbus med pa dang / 'jig rten gyi khams 'byams klas pa'i tshul shin tu bstan pa 'di nyid gsal bar brjod pa'i phyir sangs rgyas kyi byin gyi rlabs kyis phyogs bcur rnam par bltas te/ de'i tshe tshigs su bcad pa 'di dag smras so/ /'jig rten khams ni rgya mtsho rnams// yangs dang mi yangs sna tshogs pa/ /nam mkha' dag gi dbyings la gnas/ /chos kyi dbyings ni tha mi dad/ /'jig rten khams 'di rgya mtsho na/ /zhing gi rgyud ni bsam mi khyab/ /tha dad min par rnam par gnas/ /rnam 'phrul gzhan dang gzhan dag go /rnam phye sna tshogs shin tu gnas/ /kha dog tha dad rab tu 'dug /zhing gi rgyud dag rnam phye ba/ /'jig rten khams kyi gang chen mtsho/ /lhun dang dbyangs rnams tha dad de/ /sangs rgyas kun gyi rnam 'phrul ba/ /zhing gi rgyud rnams rab tu snang / /las kyis de dag shin tu bris/ /ri rab rgya mtsho'i dra ba dang / /'khor lo klong gi dkyil 'khor dang / /pad+mo'i dbyibs 'dra 'byams klas pa/ /de dag de yis kun nas bskor/ /rdo rje'i rgyal mtshan brtsegs pa dang / /rdo rje kun nas 'khor gnas pa/ /'byams klas bsam gyis mi khyab pas/ /de dag rgyud ni kun nas bskor/ /'od kyi dra ba bsam mi khyab/ /mu tig mdog kyang rgya mtsho ste/ /zhing gi rgyu rnams kun kyang 'bar/ /pad+mo la yang kun gnas so/ /re re dag gi rgyud las kyang / /'od zer dra ba bsam mi khyab/ /'od zer dag gi zhing gyur cing / /rgya mtsho phyogs rnams kun tu 'gengs/ /zhing gi rgyud rnams thams cad kyis/ /dmigs pa kun gyi sgo nas kyang / /thams cad tshul la 'jug pa yis/ /mi zad tshul rnams rab tu snang / /zhing gi rnams ni bsam mi khyab/ /rgyud rnams mi zad shin tu 'byung / /rgyan rnams bstan pa tha dad de/ /drang srong chen po'i byin rlabs so/ /zhing gi rgyud rnams de dag na/ /'jig rten bsam gyis mi khyab khams/ /kun nas 'du zhing rnam par 'jig /'byung zhing 'jig par de bzhin 'gyur/ /ji ltar shing la lo ma rnams/ /'byung zhing ltung bar 'gyur ba ltar/ /de bzhin zhing gi rgyud rnams na/ /'jig rten khams rnams 'byung ba yin/ /ji ltar shing gi skye gnas nas/ /shing tog sna tshogs 'byung ba ltar/ / de bzhin zhing gi rgyud rnams na/ /sems can sna tshogs 'byung ba yin/ /ji ltar sa bon khyad par gyis/ /'bras bu sna tshogs snang ba ltar/ /de bzhin las kyi khyad par gyis/ /sems can rnams dang zhing byung ngo / /yid bzhin rin chen rgyal po rnams/ /kha dog kun tu snang ba ltar/ /sems can bsam pa rnam dag pas/ /de bzhin zhing rnams rab tu snang / /klu yi rgyal po'i sprin gyi rnams/ /nam mkha'i dbyings la ston pa ltar/ /de bzhin sangs rgyas smon lam gyis/ /zhing gi rnams ni 'byung ba yin/ /sgyu ma'i mkhan po sngags dag gis/ /sgo rnams sna tshogs ston pa ltar/ /de bzhin sems can las rnams kyis/ /bsam gyis mi khyab zhing 'byung ngo / /ji ltar ri mo'i gzugs kyi rnams/ /ri mo'i las kyis bris pa ltar/ /de bzhin zhing rnams 'di dag kun/ /sems kyis ri mor bris pa yin/ /sems can lus kyis rnam par dag /ji ltar sems kyis brtags pa ltar/ /de bzhin du ni zhing gi mtshams/ /thams cad las kyis rnam par bris/ /ji ltar gzhan dang gzhan gzugs su/ /sems can rnams kyi bsam pa bzhin/ /mgon po rnams ni snang ba ltar/ /de bzhin zhing rnams snang ba'o/ /pad+mo'i dra ba'i phyi rol gyis/ / sems can zhing gi mtshams dag na/ /dbyibs dang kha dog gzhan dang gzhan/ /dri ma med pa sna tshogs snang / /pad+mo'i dra ba de dag la/ /zhing gi dra ba rab tu gnas/ /rgyan dang bstan pa sna tshogs te/ /sems can sna tshogs mang po'i gnas/ /zhing gi dbyings rnams la la ni/ /kun nas nyon mongs rnam par gnas/ /sems can rnams kyi nyon mongs las/ /chos nyid de dag nang na snang / /kun nas nyon mongs rnam dag tu/ /zhing gi rgyud ni bsam mi khyab/ /sems can bsam pas rab tu byung / /byang chub sems dpa' rnams kyang 'khod/ /la la rnam dag nyon mongs can/ /zhing gi dbyings ni rnam par mang / /byang chub sems dpas rnam par sprul/ /rgya mtsho'i las las byung ba yin/ /zhing rnams la la'i 'od btang ba/ /rin chen rang bzhin dri ma med/ /rnam pa sna tshogs dri med dag /sangs rgyas rnams kyis yongs su sbyangs/ /zhing gi rgyud rnams la la na/ /bskal pa'i me ni bsam mi khyab/ /kun nas nyon mongs rnams la ston| |zhing gi dkyil 'khor shin tu sra/ /klung gi phung po smon lam dang / /chu yi phung la rab tu gnas/ /zhing gi rnam pa shin tu mang / /sems can las kyis bsags pa yin/ /zhing na gzhan dang gzhan dag gi / zhing gi chos nyid snang la ltos/ /de dag 'byung ba gang yang med/ /de dag la ni 'jig pa'ang med/ /skad cig skad cig sems kun la/ /sangs rgyas rnams kyi byin rlabs kyis/ /zhing rnams rab tu 'byung ba rnams/ /shin tu dri med dag la ltos/ /zhing rnams la la sa yi dngos/ /sra bar de dag byung gyur cing / /snang ba med cing 'od kyang med/ /sdig pa'i las kyi gnas yin no/ /zhing rnams la la rdo rje'i dngos/ /kun nas nyon mongs 'jigs pa che/ /bde ba chung zhing sdug bsngal mang / /bsod nams chung ba'i gnas kyang yin/ /zhing rnams la la lcags kyi dngos/ /la la zangs kyi dngos su gnas/ /sdig pa'i las kyis kun na gang / /ri dang brag gis mnyam pa med/ /'jig rten de na dmyal ba yi/ /sems can sdug bsngal skyabs med pa/ /mun pa rjes su rnyed gyur cing / /me lce rgya mtsho'i nang na 'bar/ /'on kyang byol song skye gnas su/ /lus ni mngon par 'byung 'gyur te/ /bdag gi las kyi nyes pa yis/ /sdug bsngal tshor ba rab tu myong / / gshin rje'i 'jig rten rnams na'ang snang / /skom dang bkres pas rab tu mnar/ /me yi ri yis gdungs pa yis/ /sdug bsngal tshor ba'ang myong bar 'gyur/ /la la rin chen bdun las byung / /la la sna tshogs gzugs su gnas/ /dge ba'i las kyis byung ba ste/ /sna tshogs khyim gyis rab tu brgyan/ /mi dang lha rnams la la ni/ /mtho ris dag gi 'jig rten na/ /dge ba'i bsod nams 'bras bur ldan/ /dga' bde myong ba de dag ltos/ /spu yi rtse mo gcig la yang / /zhing rnams bye ba bsam mi khyab/ /sna tshogs dbyibs kyang tha dad de| |de dag 'dres pa gang yang med/ /rang rang so so'i las kyis na/ /sems can khams rnams bsam mi khyab/ /'du shes sna tshogs 'dzin pa rnams/ /bde dang sdug bsngal nyams su myong / /zhing rnams la la mtha' yas 'od/ /sems can mang don kun nas gnas/ /yongs byung rdo rje ut+pal/ /sna tshogs rnam dag dri ma med/ /zhing rnams la la 'od zer dngos/ /'od kyi 'khor la kun nas gnas/ /tsan+dan gser las yongs su byung / /'od 'phro sprin gyi mdog dang mnyam/ /zhing rnams la la nyi zla'i dngos/ /spos kyi gos kyis kun nas g.yogs/ /la la pad+mo gcig la ste/ /byang chub sems dpa' yongs su rgyas/ /la la mtshan gyi mdog dang 'od/ /zhing rnams rin chen dri ma med/ /mig 'phrul 'od kyang rab tu 'gyed/ /'od zer dra bas snang bar byas/ /zhing rnams la la rdo rje dang / /pad+mo'i dngos su spos la gnas/ /la la nor bu'i 'od kyang yin/ /zhing rnams yongs su dag la ltos/ /me tog klong las la la byung / /bsam gyis mi khyab zhing la ltos/ /sangs rgyas sprul pas kun tu khyab/ /byang chub sems dpa'i 'od dang mnyam/ /la la me tog shing rnams dang / /lo ma'i dkyil 'khor sna tshogs te/ /nor bu'i sprin gyis kun tu khyab/ /zhing gi dkyil 'khor rnam par dag /zhing rnams la la pad+mo'i dngos/ /snang ba bzang pos rnam par mdzes/ /sangs rgyas sprul pa'i gsung yang yin/ /zhing gi dra ba bsam mi khyab/ /rin chen cod pan sna tshogs dang / /byang chub sems dpa'i rgyan rnams dang / /gdan las de bzhin la la byung / /'od dang sprul pa'ang rab tu 'gyed/ /tsan+dan phye ma sna tshogs dang / /mdzod spu rnam par snang ba'i 'od/ /sangs rgyas sprin gyi 'od zer rnams/ /zhing rnams 'byung ba rab tu brjod/ /la la rgyan dang 'od gcig par/ /zhing rnams dri ma med par snang / /la la rkyen rnams thams cad kyis/ /rnam pa sna tshogs rab tu brgyan/ /la la zhing rnams bcu dag gi /rgyan gyis mngon par rab tu brgyan| |la la zhing rnams stong dag kyang / /rnam par brgyan cing rab tu gnas/ /zhing gi rgyan mang bye ba yis/ /zhing rnams la la rnam par bris/ /rgyan dang tshul rnams tha dad par/ /sna tshogs mig yor lta bur snang / /brjod du med pa'i zhing gi rnams/ /rgyan gcig la yang rab tu snang / /'od ni gzhan dang gzhan bkye ba/ /sangs rgyas smon lam mthu las byung / /smon lam rgya mtsho rnam mang bas/ /zhing rnams la la rnam par sbyangs/ /de dag rgyan mang thams cad du/ /zhing gi rgya mtsho shin tu snang / /kun tu bzang po'i smon lam gyis// zhing rnams yongs su gang sbyangs pa/ /de dag kun la dus gsum gyi/ /zhing gi rgyan rnams kun kyang snang / /zhing gi rgyud kyi rnam sprul pa/ /kye ma rgyal sras khyed ni ltos/ /ma 'ongs pa yi zhing rnams kyang / /rmi lam bzhin du de dag snang / /ji snyed phyogs bcu'i 'jig rten gyi/ /'das pa'i zhing rnams rgya mtsho yang / /zhing gcig nang na thams cad snang / /mig yor bzhin du sprul pa yin/ /dus gsum sangs rgyas thams cad kyi/ /rnam sprul zhing rnams gang yod pa/ /zhing gi rgyud ni 'di la snang / /kun kyang nang na yod par gnas/ /zhing gi rdul gyi rtsa mo la| |sangs rgyas thams cad rnam 'phrul pa/ /shong bar de dag kun na snang / /mig yor mtshan nyid med pa'o/ /la la rgya mtsho'i dbyings su 'dug /zhing brgya mang po de dag ltos// ri rab ri yi dbyibs 'dra dang / /'jig rten khams ni bsam mi khyab/ /zhing rnams la la rnam par bris/ /mig yor dbyibs su gnas pa ste/ /sna tshogs shing gi dbyibs su gnas/ /sangs rgyas kyis kyang kun tu khyab/ /zhing rnams nor bu'i 'khor lo'i dbyibs/ /la la pad+mo'i dbyibs su gnas/ /yan lag brgyad pa sna tshogs mang / /sna tshogs kha dog dri ma med| |la la khri yi dbyibs lta bu/ /gra yi dbyibs dang khyad khyud de/ /la la grong khyer dbyibs su 'dug/ tshangs pa'i lus su rab tu gnas/ /lha yi dbang po'i gtsug phud dbyibs/ /zla ba kham ltar la la gnas/ /nor bu'i ri yi dbyibs su 'khod/ /nyi ma'i dkyil 'khor dbyibs kyang 'dra/ /spos chu'i rgya mtsho'i klong lta bur/ /'jig rten khams rnams rab tu gnas// 'od kyi dkyil 'khor dbyibs 'dra ba/ /sngon gyi sangs rgyas rnams kyis sbyangs/ /'khor lo bkra shis dbyibs lta bu/ /'jig rten la la dkyil 'khor te/ /mdzod spu'i spyi gtsug dbyibs lta bu| |la la mig gi tshul yang 'dra/ /sangs rgyas phyag gi dbyibs lta bu/ /la la rdo rje'i dbyibs su 'dug /'od 'phro ri yi dbyibs kyang 'dra/ /byang chub sems dpas kun tu gang / /zhing rnams la la seng+ge'i dbyibs/ /nor bu'i go char mngon bsgrubs pa/ /gzugs dang dbyibs ni du ma ste/ /gzugs rnams kun gyis rab tu gnas/ /zhing gi rgyud ni gcig la yang / /zhing gi dbyibs rnams mi zad pa/ /rab tu gnas pa byin rlabs dang / /sangs rgyas smon lam rnams kyis byung / /zhing rnams la la bskal pa tsam/ /la la bskal pa bcu pa ste/ /zhing rnams la la rdul mnyam pa'i/ /bskal pa bye bar brjod pa yin/ /la la bskal pa gcig la yang / /zhing rnams mang po 'byung bar snang / /tshad med grangs kyang med pa yi/ /'jig pa de bzhin bsam mi khyab/ /zhing rnams la la sangs rgyas med/ /zhing rnams la la sangs rgyas bcas/ /la la'i zhing na sangs rgyas gcig /la la sangs rgyas mang po'o/ /sangs rgyas med pa'i zhing rnams dang / /'jig rten gzhan gyi khams su yang / /sangs rgyas sprul pa gshegs mdzad cing / /rnam par 'phrul pa rab tu ston/ /'pho dang 'byung dang sku tshe dang / /byang chub mngon par 'tshang rgya dang / /bdud kyi sde dag 'dul ba dang / /chos kyi 'khor lo bskor ba ston/ /sems can bsam pa ji bzhin du/ /gzugs rnams sna tshogs kun kyang ston/ /chos kyi 'khor lo rab bskor ba/ /'jig rten kun na tha mi dad/ /sangs rgyas zhing rnams re re yang / /rgyal ba gcig ni skyed 'gyur te/ /lo grangs bye ba phrag stong du/ /chos kyi dam pa rab tu ston// sems can snod du ma gyur la/ /sangs rgyas ston pa mi mdzad do/ /sangs rgyas bsam dang ldan pas ni/ /de nyid gcig kyang kun tu mthong / /sangs rgyas mang po'i zhing gi rnams/ /zhing rnams re re dag tu yang / /sangs rgyas bye ba bsam mi khyab/ /rgyal ba rnams ni rab tu skye/ /rgyal ba so so de dag na/ /sprul pa mang po rab 'gyed cing / /chos kyi dbyings ni khyab mdzad nas/ /sems can rgya mtsho 'dul ba mdzad/ /zhing rnams la la 'od med de/ /mun pa 'jigs pa shin tu che/ /reg na sdug bsngal spu gri 'dra/ /blta na mi bzad skyi yang g.ya'/ /zhing rnams la la lha 'od can// la la khyim gyi 'od can te/ /la la nyi zla'i 'od dang ldan/ /zhing gi dra ba bsam mi khyab/ /zhing rnams la la rang gi 'od/ /shing gi 'od can dri ma med/ /gang du sdug bsngal mi mthong ba/ /de dag sems can dag las byung / /la la ri yi 'od can te/ /zhing rnams la la nor bu'i 'od/ /la la mar me'i 'od can te/ /sems can rnams kyi las kyis byung / /zhing rnams la la sangs rgyas 'od/ / byang chub sems dpas kun tu gang / /zhing rnams la la pad+mo'i 'od/ /'od 'phro 'od can rab tu mdzes/ /zhing rnams la la me tog 'od/ /spos chu'i 'od dang ldan pa'ang yod/ /spos dang gdug pa'i 'od 'phro can/ /smon lam dbang gis rnam par sbyangs/ /zhing rnams la la sprin 'od can/ /nor bu'i go cha'i 'od kyis gsal/ /sangs rgyas byin gyis brlabs kyis snang / / yid du 'ong ba'i sgra dbyangs ldan/ /rin chen cod pan 'od dang ldan/ /rdo rje gser gyi 'od kyis snang / /yongs su dag pa'i sgra dbyangs can/ /de dag na ni sdug bsngal med/ /thams cad rgyan gyi 'od can dang / /zhing rnams la la nor bu'i 'od/ /la la snying po byang chub 'od/ /'khor rnams kun tu rab tu snang / /sangs rgyas sprul pa'i snang ba can/ /sangs rgyas sprin gyis mngon par yog / kun tu 'od kyis rab tu snang / /chos kyi dbyings dang mnyam pa'i 'od/ /zhing rnams la la 'jigs sgra can/ /mi bzad 'jigs pa'i nga ro can| |rtsub cing brlang ba'i sgra rnams dang / /yid myong 'jigs pa chen po sgrog /dmyal ba byol song skye gnas dang / /gshin rje'i 'jig rten sdug bsngal rnams/ /mya ngan rgya mtsho'i zhing gi rnams/ /nyon mongs ldan pa'i sgra yang 'byung / /la la dag na yid 'ong sgra/ /dga' bar byed cing ston 'doms pa/ /dge ba'i las dang 'bras bu'i dbyangs/ /zhing gi 'khor na rab tu sgrog / la la brgya byin lha dbang dbyangs/ /gzhan dag tshangs pa'i sgra dbyangs te/ /'jig rten kun gyi dbyangs su yang / /la la'i zhing na rab tu grags/ /zhing rnams la la sprin gyi sgra/ /rin chen rgya mtsho'i 'od zer dang / /nor bu'i shing gi gzugs sgra dang / /rol mo'i sgra yis kun tu khyab/ /'od zer glong gi sgra rnams dang / /sangs rgyas sprul pa mi zad dang / /byang chub sems dpa'i sgra dag dang / /'od zer sgra ni snyan pa 'byung / /chos kyi 'khor lo'i sgra rnams dang / /kha cig zhing na bsam yas pa'i/ /smon lam rgya mtsho'i nga ro dang / /spyod pa'i sgra yang snyan pa 'byung / /dus gsum gshegs pa'i sangs rgyas kyi/ /mtshan gyi dkyil 'khor mang po dang / /de dag zhing rnams 'byung ba'i sgra| |zad pa med pa'i dbyangs su sgrog / sangs rgyas rnams kyi stobs sgra dang / /tshad med sa dang pha rol phyin/ /chos kyi rang bzhin sgra dag kyang / /kha cig zhing na rab tu grag /kun tu bzang po smon lam gyi/ /sgra ni zhing rnams bye ba 'byin/ /bskal bar gnas shing rab tu sgrog /sgra dbyangs 'byin pa zad mi shes/ /zhing gi dbyings rnams la la na/ /sangs rgyas rnam par sprul pa yi/ /sgra yis chos kyi dbyings bkang ba/ /de dag kun na rab tu grags/ /shin tu rgyas pa chen po'i mdo/ /sangs rgyas phal po che zhes bya ba las/ 'jig rten gyi khams kyi rgyud rnam par dgod pa shin tu bstan pa zhes bya ba ste/ le'u dgu pa'o// //bam po bcu gnyis pa/ rigs kyi bu dag /sngon 'das pa'i bskal pa 'jig rten gyi khams k yi rdul shin tu phra ba snyed kyi pha rol de bas kyang pha snga'i dus de'i tshe de'i dus na 'jig rten gyi khams rgya mtsho tshul dri ma med par phyogs kun tu snang ba zhes bya ba'i dbus su 'jig rten gyi khams dpal gyi sgra zhes bya ba byung ste/ 'jig rten gyi khams dpal gyi sgra zhes bya ba de ni/ rin po che'i pad+mo mang po'i rgya mtsho la rab tu gnas pa/ rnam par dag cing kun nas nyon mongs pa/ 'jig rten gyi khams ri rab kyi rdul shin tu phra ba snyed kyi 'khor gyis bskor ba/ kun nas zlum pa'i dbyibs su 'dug pa/ gzhi rgyan mtha' yas pas brgyan pa| rin po che sna tshogs kyi shing gi khor yug brgya phrag gsum gyis kun nas bskor ba/ rin po che'i rgyan thams cad kyi sprin gyis kun nas yog pa/ ri rab dang / grong khyer dang / khang khyim dri ma med cing 'od rnam par snang bas brgyan pa/ zas dang / skom dang / gos kyi longs spyod yid kyis bsam pas 'byung ba/ rgyan gyi rnam pa brjod pa sna tshogs dang ldan pa zhig ste/ 'jig rten gyi khams dpal gyi sgra zhes bya ba de'i dbus na spos chu'i rgya mtsho 'od rnam par dag pa zhes bya ba yod de/ de las me tog gi ri rab me tog 'od 'phro ba'i rgyal mtshan zhes bya ba rin po che'i khri 'phang bcu'i 'khor gyis bskor cing brgyan pa zhig byung ste/ ri rab de'i steng na nags tshal chen po yal ga'i dkyil 'khor rin po che'i me tog rgyas pa zhes bya ba spos kyi rgyal mtshan stong phrag dpag tu med pa shin tu bsgreng ba'i rgyan can me tog gi khang pa brtsegs pa/ dpag tu med pa'i phreng ba rnam par bres pa/ nor bu'i khang pa brtsegs pa rnam par bkod pa/ rin po che'i rdo rje'i rgyan mtshan dpag tu med pas kun nas brgyan pa/ rin po che'i me tog puN+Da rI ka dpag tu med pa'i phreng gis kun nas bskor ba/ spos dang rin po che'i pad+mo mang po dpag tu med pa thams cad kyis rab tu brgyan pa/ rol mo sna tshogs kyi sgra yid du 'ong ba'i sprin dpag tu med pas kun nas rgyas pa/ spos dang bdug pa'i 'od 'phro ba'i sprin dpag tu med pas kun nas snang bar byas pa/ grong khyer bye ba khrag khrig brgya stong phrag bcu sems can sna tshogs snang bas kun nas bskor ba ste/ 'di ltar nags tshal chen po'i yal ga'i dkyil 'khor rin po che'i me tog rgyas pa zhes bya ba de'i shar phyogs logs na grong khyer chen po 'od 'phro snang ba zhes bya ba/ mi'i rgyal po'i gnas grong khyer bye ba khrag khrig brgya stong phrag bcu'i 'khor gyis bskor ba/ rin po che'i 'ba' zhig las byas pa/ mchu dang zheng du dpag tshad stong phrag bdun yod pa/ rin po che sna tshogs kyi shing thags dang phru ma'i ra ba bdun gyis brgyan cing kun nas bskor ba/ rin po che'i 'obs spos chus gang ba/ rin po che'i me tog ut+pa la dang / pad+mo dang / ku mu da dang / me tog puN+Da rI kas rnam par brgyan pa bdun gyis kun nas bskor ba/ shing ta la'i 'phreng ba rgyan sna tshogs kyi tshogs mang po 'byin pa bdun gyis kun nas bskor ba/ rin po che'i rgyan dang / khang pa brtsegs pas rab tu brgyan pa/ steng nas gser gyi dra ba dang / dril bu'i dra ba dang / me tog gi phreng ba'i dra ba dang / in+d+ra nI la'i dra ba dang / rdo rje'i pad+mo'i dra bas kun nas yog pa/ rin po che'i shing drung me tog gi dra ba dang / rol mo'i sgra mang po thams cad kyi sprin yid du 'ong bas kun tu khyab pa/ spos dang phreng ba rgyan sna tshogs kyis brgyan pa yod de/ de'i 'khor kun na sgo bye ba khrag khrig brgya stong phrag bcu yod de/ sgo de dag thams cad kyang rin po che sna tshogs thams cad kyis byas pa ste/ sgo de dag re re'i mdun yang rin po che'i rdo'i rgyal mtshan rgyan thams cad kyis brgyan pa bdun bdun gyis brgyan pa'o/ /bza' shing gi ra ba bye ba khrag khrig brgya stong phrag bcus kyang kun nas bskor ba ste/ bza' shing gi ra ba de dag thams cad kyang spos dang rin po che'i shing sna tshogs kun nas spos kyi dri kun tu 'byung ba/ bya sna tshogs thams cad yid du 'ong ba'i sgra 'byin pa'o/ /grong khyer chen po 'od 'phro ba'i sprin ces bya ba der mir skyes pa thams cad kyang las kyi rnam par smin pas rdzu 'phrul thob pa dag ste| nam mkha' las rgyu ba/ mi dang lha mnyam du spyod pa/ yid bzhin gyi yul la longs spyod pa sha stag go /de nas lho phyogs logs na lha'i grong khyer shing gi me tog sna tshogs zhes bya ba yod do/ /de nas lho phyogs logs na klu'i grong khyer kun tu rdzogs pa zhes bya ba yod do/ /de nas lho phyogs logs na gnod sbyin gyi grong khyer rdo rje'i dpal sna tshogs kyi rgyal mtshan zhes bya ba yod do/ /de nas lho phyogs logs na dri za'i grong khyer gzhal med khang bzang po zhes bya ba yod do/ /de dang 'dabs chags su lha ma yin gyi grong khyer 'khor lo'i tshon ces bya ba yod do/ /de dang 'dabs chags su 'dab ma bzang po'i grong khyer rin po che sna tshogs bzang po'i lte ba zhes bya ba yod do/ /de dang 'dabs chags su bram ze'i grong khyer rgyan bzang po sna tshogs zhes bya ba yod de/ de dag la sogs pa grong khyer bye ba khrag khrig brgya stong phrag bcu'i 'khor gyis bskor ba'o| |grong khyer de dag re re zhing yang rgyan mang po du mas brgyan pa nas grong khyer bye ba khrag khrig brgya stong gi 'khor gyis bskor ba'i bar du ste/ nags tshal chen po yal ga'i d kyil 'khor rin po che'i me tog rgyas pa zhes bya ba de'i dbus na snying po byang chub rin po che'i me tog rnam par snang ba zhes bya ba rin po che thams cad kyi shing yal ga stug cing rgya che ba'i dkyil 'khor rab tu rgyas pas kun nas bskor ba/ rin po che'i me tog gzugs dang dbyibs rnam pa tha dad pa mang po shin tu rgyas pa/ spos dang / me mar rin po che thams cad kyi kha dog ltar 'dug pa'i phreng ba mang po rgya chen po'i sprin kun tu bkres pa/ rin po che'i 'od thur tu 'phro bas zhing kun tu khyab pa/ 'od kyi dkyil 'khor rnam par dag pa'i sprin gyis brgyan pa/ phyogs bcu 'od zer mang pos rnam par snang bar byas pa/ rgyan thams cad rin po che sna tshogs mang pos spras pa/ rol mo thams cad kyi sgra dbyangs shin tu 'byung ba/ nor bu'i rgyal po thams cad las byang chub sems dpa'i lus 'byung ba/ phyogs bcur me tog sna tshogs mang po rab tu 'byung ba yod de| de'i mdun du pad+mo chen po me tog gi ze ba 'od 'phro ba'i dkyil 'khor ces bya ba/ rgyar dpag tshad bye ba phrag brgya yod pa/ rtsa ba spos dang / rin po che dang / rdo rje'i rgya mtsho la zug pa/ chu ba rin po che sna tshogs kyi tshon gyis rnam pa sna tshogs su gyur pa/ rin po che rnam pa tha dad pa tshad med pa'i 'dab ma can/ rin po che'i 'od 'phro ba dang / spos kyi ze ba'i dkyil 'khor gyis brgyan pa/ snying po la rin po che kha dog mtha' yas pa'i tshon bkye ba/ pad+mo'i dkyil 'khor brjod du med pa bye ba khrag khrig brgya stong phrag bcu'i 'khor gyis bskor ba/ phyogs bcur 'od kyi dkyil 'khor rgya chen po rab tu 'gyed pa/ ze ba thams cad las yid du 'ong ba'i sgra 'byung ba mngon par byung ngo / /'jig rten gyi khams dpal gyi sgra zhes bya ba der de bzhin gshegs pa ri rab bcu'i rdul shin tu phra ba snyed byung ste/ de bzhin gshegs pa ri rab bcu'i rdul shin tu phra ba snyed de dag las bskal pa'i thog ma pa thams cad kyi thog mar bla na med pa yang dag par rdzogs pa'i byang chub tu mngon par sangs rgyas pa'i de bzhin gshegs pa ni/ yon tan thams cad kyi ri bo ri rab kyi dbyangs zhes bya ste/ des 'jig rten gyi khams rgya mtsho'i tshul dri ma med par phyogs kun tu snang ba zhes bya ba 'di yongs su sbyangs so/ /kye rgyal ba'i sras dag / 'jig rten gyi khams dpal gyi sgra zhes bya ba der lo brgyan de bzhin gshegs pa 'byung ngo / /zhes bya ba'i tshe nags tshal chen po yal ga'i dkyil 'khor rin po che'i me tog rgyas pa zhes bya ba de yang rgyan thams cad kyis brgyan par gyur te/ 'di ltar rin po che'i 'od 'phro'i sprin bsam gyis mi khyab pa rab tu gtong ba'i snying po can du gyur nas sangs rgyas kyi yon tan gyi dkyil 'khor gyi sgra yang rab tu 'byin/ phyogs bcu dag kyang 'od zer gyi dra bas rnam par snang bar byed/ gzhal med khang dang / khang khyim gyi rdul thams cad kyang rab tu snang bar byed/ rin po che'i me tog dang / 'od kyi dkyil 'khor gyi sprin yang rab tu 'gyed/ sems can thams cad kyi sngon gyi dge ba'i rtsa ba yangs pa'i sgra dang / dus gsum gyi de bzhin gshegs pa thams cad kyi mtshan gyi 'khor lo rab tu gtong ba'i sgra dang / byang chub sems dpa' thams cad kyi smon lam dang / spyod pa dang / 'byung ba mngon par sgrub pa'i sgra dang / sangs rgyas thams cad kyi chos kyi 'khor lo'i nges pa'i tshig sna tshogs rab tu bsgrags pa'i sgra dag kyang rab tu 'byin to/ /de dag ni/ de bzhin gshegs pa skye ba'i ltas te/ rgyan de dag byung bas 'jig rten gyi khams der de bzhin gshegs pa 'byung bar 'jig rten gyi dbang po rnams kyis khong du chud do/ /de bzhin gshegs pa las mnyam pa'i dge ba'i rtsa ba yongs su smin pa dang / sangs rgyas blta bar mos pa dang / snying po byang chub tu mngon par gzhol ba de dag thams cad kyang ltas sngon du byung bas yang dag par bskul to/ /bcom ldan 'das de bzhin gshegs pa yon tan thams cad kyi ri bo ri rab kyi dpal zhes bya ba mnyam pa nyid kyis chos kyi dbyings kun tu khyab pa'i sku can/ sangs rgyas kyi zhing thams cad du yongs su skye ba rab tu 'phros pa/ sku snying po byang chub thams cad la bzhugs pa/ gzugs kyi sku mtha' dang dbus med pa/ rnam par dag pa/ 'jig rten gyi khams thams cad du mngon par 'phags shing zil gyis gnon pa/ mtshan rin po che'i me tog thams cad shin tu rgyas pa/ sems can thams cad kyi gnas su gzugs brnyan rab tu 'byung ba/ 'gro ba thams cad la mngon du ston pa/ sangs rgyas kyi sprul pa kha dog mtha' yas pa'i sprin gyi dra ba rab tu 'gyed pa/ 'jig rten gyi khams thams cad kyi 'od kyi dkyil 'khor gyi sprin gyis khyab par mdzad pa/ 'od zer gyi dra ba kha dog mtha' yas pa rab tu gtong ba de/ pad+mo chen po de la mngon par byung bar gyur to/ /ji ltar spos chu'i rgya mtsho rnam par dag pa'i 'od la rab t u gnas pa'i ri rab me tog gi 'od 'phro bas brgyan pa'i rgyal mtshan gser shin tu 'bar ba'i rgyan ces bya ba'i rtse mo la nags tshal chen po yal ga'i dkyil 'khor rin po che'i me t og rgyas par sangs rgyas kyi gdan la bzhugs pa de bzhin du 'jig rten gyi khams dpal gyi sgra kun tu yang ri rab bye ba stong phrag drug cu rtsa brgyad kyi rtse mo la bzhugs par kun nas snang ngo / /'jig rten gyi khams rgya mtsho kun tu tshul rgya che ba kun gyi 'jig rten gyi khams kyi rgyud sangs rgyas kyi zhing gi rdul shin tu phra ba snyed kyi 'jig rten gyi khams 'byams klas pa dag gi gling bzhi pa thams cad na'ang snying po byang chub la bzhugs par snang ngo / /de nas bcom ldan 'das de bzhin gshegs pa yon tan thams cad kyi ri bo ri rab dpal gyi s prin gyi smin mtshams kyi mdzod spu nas 'od zer dge ba'i rtsa ba thams cad yongs su skyed pa zhes bya ba 'od zer sangs rgyas kyi zhing gi rdul shin tu phra ba snyed kyi 'khor gyis bskor ba rab tu bkye ste/ 'jig rten gyi khams thams cad khyab par mdzad nas 'dul ba thams cad yang dag par bskul to/ /bcom ldan 'das de bzhin g shegs pa yon tan thams cad kyi ri bo ri rab dpal gyi sprin gyis 'od zer de dag bkye ma thag tu de'i mod la sems can thams cad kyi nyon mongs pa thams cad kyang rab tu zhi bar gyur/ sgrib pa'i dra ba thams cad kyang shin tu bsal/ sangs rgyas blta ba'i sgrib pa'i ri thams cad kyang rnam par bcom/ sems can thams cad kyi rnyog pa yang rnam par dag / dge ba'i rgya mtsho thams cad kyang rab tu byung / mos pa yangs pa'i dkyil 'khor yang yongs su dag /mi khom pa dang / ngan song dang / ngan 'gro'i g.yang sa dang / 'jigs pa thams cad kyang rnam par bsal/ lus dang sems kyi gnod pa thams cad kyang rab tu zhi/ sangs rgyas mthong bas dga' ba'i shugs kyang rnam par dag / thams cad mkhyen pa nyid la rab tu gzhol ba yang shin tu thob par gyur te/ de dag 'od zer des yang dag par bskul ba dang / 'jig rten gyi dbang po thams cad 'khor brgya stong du ma dag gis bskor cing bcom ldan 'das gang na ba der 'dong bar gyur to/ /kye rgyal ba'i sras dag /de la grong khyer chen po 'od 'phro ba'i 'od ces bya ba der rgyal po blta na dga' ba shin tu gtsang ba'i blo gros zhes bya ba/ grong khyer bye ba khrag khrig brgya stong phrag bcu'i bdag po byung ste/ de la bud med bsod nams kyi dpal la sogs pa stong phrag sum cu rtsa bdun yod do/ /de la bu gzi brjid chen po la sogs pa lnga brgya yod do/ /rgyal po'i bu gzi brjid chen po la yang bud med blta na bzang ba la sogs pa stong phrag bcu yod do/ /de nas rgyal bu gzhon nu gzi brjid chen pos sangs rgyas kyi rnam par 'phrul pa mthong nas sngon gyi dge ba'i rgyus chos bcu khong du chud par gyur to| |bcu gang zhe na/ 'di lta ste/ sangs rgyas thams cad kyi yon tan gyi dkyil 'khor ces bya ba'i ting nge 'dzin khong du chud do/ /'di lta ste/ sangs rgyas kyi chos kyi dbyings la sgo kun nas rab tu 'jug pa zhes bya ba'i ting nge 'dzin khong du chud do/ /'di lta ste/ tshul yangs pa'i sprin gyi snying po zhes bya ba shes rab kyi pha rol tu phyin pa khong du chud do/ / 'di lta ste/ 'gro ba thams cad 'dul ba'i rgyan chen po zhes bya ba'i byams pa chen po khong du chud do/ /'di lta ste/ sgra'i sprin gyis kun nas rgyas par byed pa zhes bya ba'i snying rje chen po khong du chud do/ /'di lta ste/ yon tan mtha' dang dbus med pas yang dag par 'phags pa zhes bya ba'i dga' ba chen po khong du chud do/ /'di lta ste/ chos thams cad ji lta ba bzhin du rtogs pa zhes bya ba'i btang snyoms chen po khong du chud do/ /'di lta ste/ tshul gyi gzhi rgya chen po rgya mtsho'i snying po zhes bya ba'i mngon par shes pa chen po khong du chud do/ /'di lta ste/ mos pa rgya mtsho'i stobs dang shugs rnam par 'phel bar byed pa zhes bya ba'i smon lam gyi tshul gyi sgo chen po khong du chud do/ / 'di lta ste/ thams cad mkhyen pa nyid kyi ye shes kyi 'od la yang dag par gzhol ba'i shugs zhes bya ba'i so so yang dag par rig pa'i ye shes chen po'i sgo khong du chud do/ / de nas rgyal po gzhon nu gzi brjid chen po zhes bya ba de/ chos kyi snang ba chen po thob nas sangs rgyas kyi byin gyi rlabs kyis 'khor gyi tshogs thams cad la tshigs su bcad de smras pa/ nyi ma mang po stong gi rnams/ /mkha' la mngon par 'phags pa bzhin/ /snying po byang chub dri med la/ /sangs rgyas 'od ni shin tu snang / /bskal pa bye ba stong dag gis/ /mgon po 'jig rten byung ba ni/ /sangs rgyas yang dag skyes pa rnams/ /rgyal ba kun ni rab tu snang / /ltos shig sangs rgyas 'od zer la/ /sangs rgyas sprin ni bsam mi khyab/ /gnas rnams kun na kun kyang snang / /de bzhin gshegs pa mnyam par bzhag /'od 'phro'i sprin rnams rab bkye ba/ /'od zer sprin la zad mi shes/ /'jig rten 'di dag snang bar byed/ /sangs rgyas rnam par 'phrul la ltos/ /sangs rgyas rnams kyi sku dag las/ /'od zer rnams ni dri med pa/ /sems can kun dang mnyam pa'i lus// phyogs dang phyogs mtshams rgyas 'gengs ltos/ /sangs rgyas gsung ni yid 'ong ba/ /'gro ba kun tu rab tu bsgrags/ /'gro kun dbyangs kyi yan lag tu/ /sangs rgyas yon tan rnam par brjod/ /sangs rgyas 'od kyis phog pa yis/ /sems can kun kyang bde bar gyur/ /sdug bsngal thams cad rab tu zhi/ /'gro ba kun kyang dga' ba skyes/ /byang chub sems dpa'i sprin gyi rnams/ /rin chen sprin rnams rab 'gyed cing / /bstod pa'i sprin gyis rgyal ba'i drung / /phyogs bcu kun nas mngon par 'ongs/ /snying po byang chub 'di la yang / /sgra yi rgya mtsho zab mo grags/ /sems can thams cad sdug bsngal zhi/ /sangs rgyas rnam par 'phrul la ltos/ /kun kyang sri zhu ldan gyur te/ /dga' zhing shin tu mos byas shing / /chos kyi rgyal po blta ba'i phyir/ /'jig rten mgon gyi drung du 'dong / /kye rgyal ba'i sras dag /rgyal bu gzhon nu gzi brjid chen pos tshigs su bcad pa 'di brjod pa'i tshe sangs rgyas kyi byin gyi rlabs kyis 'jig rten gyi khams dpal gyi sgra thams cad kyi sems can gyi gnas kun tu shin tu grags par gyur to/ /de nas rgyal po blta na dga' ba shin tu gtsang ba'i blo gros kyis tshigs su bcad pa 'di dag thos nas dga' ba chen po skyes te/ rang gi 'khor de dag la tshigs su bcad de smras pa| zhang blon rnams dang gzhon nu dang / /rgyal po'i mi dang blon po dang / /tshong pa rnams dang de bzhin du/ /yul mi rnams kyang kun 'dus shig /grong khyer rnams ni kun tu yang / /rnga sgra dag gis myur du sgrogs/ /kun kyang mthun par lhan cig tu/ /rgyal ba blta ba'i phyir dengs shig /srang rnams thams cad kun tu yang / /dge ba'i dril gyi sgra sgrogs shig / bu dang chung ma 'khor bcas pa/ /rgyal ba blta ba'i phyir yang 'deng / /grong khyer rnams kyang brgyan par gyis/ /rgyan rnams kun dang bla re bres/ / rgyal mtshan dam pa bzang po'i rnams/ /nor bu sna tshogs brgyan pa sgreng / /rin chen dra ba'i bla re rnams/ /nam mkha'i dkyil du bres par gyis/ /nam mkha' 'di las thams cad du/ /sil snyan sprin gyi sgra dag phyung / /lam gyi srang yang brgyan par gyis/ /rin chen char yang kun tu phob/ /bzhon pa rin chen bstad par gyis/ /rgyal ba blta ba'i phyir 'dong ngo / /rang rang so so'i 'khor rnams kyis/ /sna tshogs sprin gyi char phob cig /rgyan gyi sprin rnams thams cad kyis/ /nam mkha'i dbyings kyang dgab par gyis/ /spos dang pad+mo'i 'od kyi sprin/ /me tog gdugs rnams bsam yas dang / /se mo do dang phreng sprin rnams/ /gos kyi sprin gyi char phob cig /ri rab rnams dang spos kyi ri| |nor bu'i 'khor los brgyan par gyis/ /dri med tsan+dan phye ma rnams/ /nam mkha'i dkyil la rab tu ston/ /nor bu'i phreng dang me tog phreng / /rin chen phreng ba dri med dang / / rin chen sgron ma'i phreng ba rnams/ /nam mkha'i dbyings la sgrub par gyis/ /thams cad sangs rgyas mngon gyis la/ /dga' zhing spro ba'i sems bskyed de/ /bu dang 'khor du bcas pa rnams/ /rgyal ba blta phyir kun 'dong ngo / /de nas rgyal bu blta na dga' ba shin tu gtsang ba'i bdag po bsod nams dpal la sogs pa bud med stong phrag sum cu rtsa bdun dang / gzi brjid chen po la sogs pa gzhon nu lnga brgya dang / blo gros kyi stobs la sogs pa blon po stong phrag drug cu dang / de dag la sogs pa 'khor bye ba khrag k hrig brgya stong bdun cu rtsa bdun gyis bskor cing mdun du bdar te grong khyer chen po 'od 'phro snang ba nas byung nas sde'i 'khor dang bcas pa nam mkha'i dbyings su mngon par 'phags te/ rgyal po'i rdzu 'phrul chen po dang / rgyal po'i mthu chen pos nam mkha' thams cad rgyan gyi sprin thams cad kyis rnam par brgyan te bcom ldan 'das gang na ba der dong nas bcom ldan 'das kyi zhabs la spyi bos phyag 'tshal te phyogs gcig tu 'khod do/ /lha'i grong khyer shing gi me tog sna tshogs zhes bya ba n as kyang lha'i dbang po rab mtshe ma'i rgyal mtshan zhes bya ba lha bye ba khrag khrig brgya stong dang lhan cig tu bcom ldan 'das gang na ba der dong ste bcom ldan 'das kyi zhabs la spyi bos phyag 'tshal nas phyogs gcig tu 'khod do/ /klu'i grong khyer kun tu rdzogs pa nas kyang klu'i rgyal po bcu dri ma med pa'i 'od ces bya ba klu bye ba nyi shu rtsa lnga dang lhan cig / gnod sbyin gyi grong khyer rdo rje'i dpal rgyal mtshan zhes bya ba nas kyang gnod sbyin gyi bdag po dpa' bas rgyal ba zhes bya ba gnod sbyin bye ba bdun cu rtsa bdun dang lhan cig / dri za'i grong khyer gzhal med khang bzang po nas kyang dri za'i rgyal po blta na dga' ba zhes bya ba dri za bye ba dgu bcu rtsa bdun dang lhan cig /lha ma yin gyi grong khyer 'khor lo'i tshon nas kyang lha ma yin gyi dbang po gzugs rnam par dag pa las sems dpa' zhes bya ba lha ma yin bye ba stong phrag lnga brgya'i 'khor gyis bskor ba / n am mkha' lding gi grong khyer rin po che sna tshogs bzang po'i lte ba nas kyang nam mkha' lding gi bdag po stobs bcu spyod pa zhes bya ba nam mkha' lding gi 'khor dgu bcu rtsa dgu dang lhan cig / mi 'am ci'i grong khyer rtse ba'i dga' ba dang ldan pa nas kyang mi 'am ci'i dbang po rdo rje dpal zhes bya ba mi 'am ci bye ba phrag bco brgyad dang lhan cig /lto ' phye chen po'i grong khyer rin po che rdo rje sra ba'i rgyal mtshan nas kyang lto 'phye chen po'i dbang po rin po che grags pa'i rgyal mtshan zhes bya ba lto 'phye chen po bye ba khrag khrig brgya stong phrag gsum dang lhan cig / tshangs pa'i grong khyer rgyan bzang po sna tshogs nas kyang tshangs pa'i dbang po gzhan gyis pham pa med pa zhes bya ba tshangs pa bye ba phrag bco b rgyad kyi 'khor gyis bskor cing mdun du byas te bcom ldan 'das yon tan thams cad kyi ri bo ri rab kyi dpal de bzhin gshegs pa gang na ba der dong nas bcom ldan 'das kyi zhabs la spyi bos phyag 'tshal nas phyogs cig tu 'khod do/ /de dag la sogs pa grong khyer bye ba khrag khrig brgya stong grong khyer gyi 'khor dang bcas pa dag nas s ems can gyi ris tha dad pa na gnas pa'i rgyal po mang po 'khor dang bcas te bcom ldan 'das gang na ba der dong ste bcom ldan 'das la phyag 'tshal nas phyogs cig tu 'khod do/ /de nas bcom ldan 'das de bzhin gshegs pa yon tan thams cad kyi ri bo ri rab kyi dpal gyis sems can de dag 'dul ba'i dbang nye bar bzung ste 'khor gyi d kyil 'khor gyi rgya mtsho der dus gsum gyi sangs rgyas thams cad yang dag par 'byung ba'i chos rnam par 'phrul ba zhes bya ba'i mdo'i 'khor 'jig rten gyi khams rdul shin tu phra ba snyed dang bcas ba bsam pa ji lta ba bzhin du sems can rnams la yongs su bstan to/ /de nas byang chub sems dpa' gzi brjid c hen pos chos kyi gzhung 'di bstan pa thos nas bcom ldan 'das de bzhin gshegs pa yon tan thams cad kyi ri bo ri rab kyi dpal gyis sngon yang dag par bsgrubs pa'i chos rgya mtsho la chos kyi snang ba rab tu thob bo/ /'di lta ste/ chos thams cad kyi dkyil 'khor mnyam pa nyid kyi ting nge 'dzin gyi sgo la ye shes kyi snang ba rab tu thob bo/ / 'di lta ste/ thog ma chos thams cad la yang dag par gzhol ba'i byang chub kyi sems la gnas pa'i ye shes snang ba rab tu thob bo/ /'di lta ste/ chos kyi dbyings kyi phyogs rnam par snang ba'i snying po'i mig rnam par dag pa la ye shes snang ba rab tu thob bo/ /'di lta ste/ sangs rgyas kyi chos thams cad kyi ye shes rgya mtsho rab tu snang zhing rnam par dbye ba'i smon lam rgya mtsho la ye shes snang ba rab tu thob bo/ /'di lta ste/ yon tan chen po rgya mtsho mtha' dang dbus med pa rnam par dag pa la rab tu 'jug pa'i spyod pa'i dkyil 'khor la ye shes snang ba rab tu thob bo/ /'di lta ste/ sgo yangs pa nas snang ba zab mo yang dag par 'byung ba rgya mtsho la ye shes snang ba rab tu thob bo/ / 'di lta ste/ phyir mi ldog pa'i stobs chen po'i shugs kyi snying po dang / mthu chen po'i rgya mtsho la ye shes snang ba rab tu thob bo/ /'di lta ste/ chos kyi dbyings mtha' dang dbus med par sprul pas brgyan cing 'byung ba'i dkyil 'khor la ye shes snang ba rab tu thob bo/ /'di lta ste/ yon tan gyi dkyil 'khor rgya mtsho tshad med par rab tu 'jug pa la mngon par sgrub pa rgya mtsho'i ye shes snang ba rab tu thob bo/ /'di lta ste/ sangs rgyas thams cad rnam par dmigs shing mos pa rgya mtsho'i sprin gyi rgyan yang dag par sgrub pa rgya mtsho la ye shes snang ba rab tu thob bo/ /'di lta ste/ chos kyi dbyings mtha' dang dbus med pa dang mnyam par de bzhin gshegs pa rnam par dmigs par bya ba dang / 'gro ba thams cad mngon du bstan pa dang / sangs rgyas kyi rnam par 'phrul ba rgya mtsho la ye shes kyi snang ba rab tu thob bo/ /'di lta ste/ sangs rgyas kyi chos stobs dang mi 'jigs pa thams cad la ye shes kyi snang ba rab tu thob bo/ /de nas byang chub sems dpa' gzi brjid chen pos de bzhin gshegs pa yon tan thams cad kyi ri bo ri rab kyi dpal gyi sngon gyi sbyor ba rgya mtsho la ye shes kyi snang ba rab tu thob nas sangs rgyas kyi byin gyi rlabs kyis de'i tshe tshigs su bcad pa 'di dag smras so/ /rgyal ba'i chos nyid 'di thos nas/ /bdag gi ye shes snang ba skyes/ /des ni sangs rgyas sngon spyod pa/ /rgya mtsho rnams kyang rab tu mthong / /sku tshe kun tu ji lta bur/ /phun sum tshogs gyur kun kyang mthong / /mtshan gyi rnam pa rnam dmigs dang / /gang gis sangs rgyas mchod pa'ang shes/ /sngon chad sangs rgyas drung dag tu/ /bskal pa rgya mtshor spyod spyad de/ /sangs rgyas rgya mtsho mang mchod nas/ /zhing gi rgya mtsho yongs su sbyangs/ /sku yi rgya mtsho mang po dag /rgyal chen yongs su kun btang zhing / /spyod pa'i dam pa rab spyad de/ /rgya mtsho'i zhing yang shin tu sbyangs/ /snyan dang shangs mang rgya mtsho dang / /phyag zhabs dbu yang de bzhin te/ /rgyal srid btsun mo'i 'khor btang zhing / /zhing gi rgya mtsho yongs su sbyangs/ / zhing rnams so so re re la/ /bskal pa bye ba bsam yas su/ /byang chub spyod pa rab spyad de/ /zhing gi rgya mtsho rab tu sbyangs/ /kun tu bzang po'i smon lam gyi/ /spyod pa rgya mtsho kun spyad nas/ /sangs rgyas rgya mtsho kun drung du/ /zhing gi rgya mtsho rab tu sbyangs/ /ji ltar nyi ma'i 'od snang bas/ /nyi ma'i dkyil 'khor mthong ba bzhin/ /sangs rgyas ye shes 'od snang pas/ /sngon gyi spyod pa rnams kyang mthong / /byang chub 'tshang rgya zhi ba yi/ /chos kyi dbyings ni kun gang ba'i/ /zhing gi rgya mtsho dag pa'i rnams/ /dri med 'od can kun kyang mthong / /sangs rgyas kun gyi byin rlabs kyis/ /byang chub spyad pa spyod pa'i tshe/ /zhing gi rgya mtsho yangs pa'i rnams/ /de ltar bdag gis spyad par bya/ /kye rgyal ba'i sras dag / de'i tshe byang chub sems dpa' gzi brjid chen pos bcom ldan 'das de bzhin gshegs pa yon tan thams cad kyi ri bo ri rab kyi dpal gyi sprin de mthong ba dang / bsnyen bkur ba dang / mchod pas de bzhin gshegs pa las mngon par khong du chud de/ 'jig rten thams cad ni/ snang bar byed/ sngon gyi sbyor ba rgya mtsho ni/ rab tu rjod| byang chub sems dpa'i spyod pa rgya mtsho'i tshul ni/ rab tu sgrog /sangs rgyas thams cad kyi yon tan rgya mtsho'i tshul ni/ shin tu rjod/ chos kyi dbyings thams cad la yang dag par gzhol ba'i ye shes kyi sgo yongs su sbyang ba ni/ shin tu ston/ snying po byang chub thams cad la mngon par 'tshang rgya ba'i rnam par 'phrul pa ni/ rab tu rjod/ sangs rgyas kyi stobs dang / mi bsnyengs pa dang / ye shes tha mi dad pa ni/ shin tu rjod/ de bzhin gshegs pa'i sku sgo kun nas rnam par dmigs shing mthong ba ni/ rab tu rjod| sangs rgyas kyi rnam par 'phrul pa bsam gyis mi khyab pa ni/ shin tu ston/ sangs rgyas kyi rnam par spyod pa mtha' dang dbus med pa'i rgyan ni| rab tu ston/ byang chub sems dpa' kun tu bzang po'i spyod pa dang / smon lam ni/ mngon par sgrub pa byed cing / sems can ri rab kyi rdul shin tu phra ba snyed byang chub tu sems bskyed de sangs rgyas kyi zhing gi rdul shin tu phra ba snyed kyi sangs rgyas kyi zhing rnam par dag pa'ang yongs su 'dzin du btsud do/ /de nas de bzhin gshegs pa yon tan thams cad kyi ri bo ri rab dpal gyi sprin gyis byang chub sems dpa' gzi brjid chen po la tshigs su bcad de gsungs pa/ sems can kun la phan pa'i phyir/ /byang chub don du khyod zhugs pa/ /gzi brjid chen po legs so legs/ /bsod nams snying po grags pa che/ /snang ba khyod kyis rab tu non/ /chos kyi dbyings ni khyab byas shing / /bsod nams chen po sprin ldan pa'i/ /sangs rgyas ye shes rgya mtshor 'gyur/ /bskal pa zhing gi rdul snyed du/ /zhing gcig na yang spyod spyad cing / / nga yi ye shes ji lta bur/ /khyod kyis mthong ba de ltar 'gyur/ /tshul 'di kun nas shes par ni/ /brtson 'grus chung ngus mi nus te/ /brtson 'grus stobs chen ldan pa'i rnams| |rgya mtsho'i zhing rnams dag par byed/ /thams cad rdul la 'jug tshul du/ /bskal pa rgya mtshor su spyod pa/ /rgya mtsho'i zhing gi rgyan gyi rnams/ /de la 'di 'drar rab tu 'gyur| |sems can rnams ni re re'i phyir/ /bskal pa rgya mtshor spyad spyod cing / /'khor kyang skyo ba med pa'i rnams/ /de dag 'jig rten mgon por 'gyur/ /bskal pa phyi ma'i mthar thug pas/ /rgyal ba re rer mchod byed kyang / /gang gi sems la skyo med pa/ /de dag de bzhin gshegs par 'gyur/ /dus gsum gshegs pa'i mgon po kun/ /khyod kyi smon lam dbang gis gsal/ /sangs rgyas kun gyi 'khor rnams na/ /khyod kyi lus kyang rab tu gnas/ /sangs rgyas kun gyi smon lam dag /mtha' dang dbus med rgya mtsho la/ /blo chen gang rnams 'jug pa ni/ /de dag tshul 'dir gnas par 'gyur/ /nga la mchod pa byas pas kyang / /gzi brjid chen po'i stobs chen gyis/ /sems can ri rab rdul mnyam pa| |byang chub yongs su smin par byas/ /byang chub sems dpa' grags chen dag /kun tu bzang po dpa' ba'i rnams/ /chos kyi dbyings ni kun bkang zhing / /zhing gi rgya mtsho dag par byed/ /kye rgyal ba'i sras dag /de la bskal pa rgya chen po rig pa zhes bya ba de la bskal pa bar ma chu klung gang+gA'i bye ma snyed cig byung ste/ de'i dus na mi rnams kyi tshe yang bskal pa bar ma gnyis thub par gyur te/ rgyal ba'i sras dag /de bzhin gshegs pa yon tan thams cad kyi ri bo ri rab dpal gyi sprin de'i sku tshe'i tshad ni/ lo bye ba phrag lnga bcur gyur to/ /de yongs su mya ngan las 'das nas de bzhin gshegs pa pha rol tu phyin pa'i spyan bzang po rgyan gyi rgyal po zhes bya ba 'jig rten du nags tshal chen po yal ga'i dkyil 'khor rin po che'i me tog rgyas pa de nyid la byung ste/ de bzhin gshegs pa pha rol tu phyin pa'i spyan bzang po rgyan gyi rgyal po de mngon par sangs rgyas pa'i rnam par 'phrul pa rgyal bu gzhon nu gzi brjid chen pos mthong ngo / /mthong nas kyang sgo rgya mtsho mtha' yas pa'i snying po zhes bya ba rab tu thob bo/ /ye shes rgya chen po'i byin gyi rlabs dang / chos kyi klong gi gzungs kyang rab tu thob bo/ /kun gyi rjes su song bar 'gro ba 'dul ba'i rnam par thar pa zhes bya ba'i byams pa chen po yang rab tu thob bo/ /dmigs pa'i sgo'i sprin thams cad kyis rgyas par byed pa zhes bya ba'i snying po yang rab tu thob bo/ /sangs rgyas thams cad kyi yon tan rgya mtsho dang / byin gyi rlabs kyi mdzod ces bya ba'i dga' ba chen po yang rab tu thob bo/ /chos kyi rang bzhin nam mkha'i dbyings rnam par dag pa zhes bya ba'i btang snyoms chen po yang rab tu thob bo/ /rang bzhin dri ma med pa'i chos kyi dbyings yongs su dag pa'i lus zhes bya ba'i shes rab kyi pha rol tu phyin pa yang rab tu thob bo// chags pa med pa'i dbyings rnam par snang ba'i rjes su song ba zhes bya ba'i mngon par shes pa yang rab tu thob bo/ /rab tu khong du chud pas dri ma med pa'i klong la yang dag par 'jug pa zhes bya ba'i so so yang dag par rig pa yang rab tu thob bo/ /sangs rgyas thams cad kyi chos kyi dkyil 'khor yongs su dag par byed pa zhes bya ba'i ye shes kyi snang ba yang rab tu thob bo| |de dag la sogs pa chos kyi sgo stong phrag bcu kun nas non par gyur te/ de nas rgyal bu gzhon nu gzi brjid chen pos sangs rgyas kyi byin gyi rlabs kyis 'khor gyi tshogs thams cad la tshigs su bcad de smras pa/ bskal pa bye ba bsam gyis mi khyab tu/ /'jig rten gtso bo'i dam pa shin tu dkon/ /sangs rgyas zhing 'di sems can thob rab thob/ /de dag sangs rgyas gnyis pa 'di yang mthong / /sangs rgyas sku las 'od rnams rab bkye ba/ /kha dog mtha' yas rgya chen rnam par dag /'od zer sprin gyis 'jig rten kun tu khyab/ / kun tu rgyal ba'i yon tan grags par byed/ /'od kyis reg pa rmad kyi dga' ba skye/ /'gro ba de dag kun gyi sdug bsngal zhi/ /phan tshun sri zhu byams pa'i sems gyur cing / /sangs rgyas rnam 'phrul 'di dag kun kyang mthong / /sprul pa'i dra ba'i sprin rnams bsam mi khyab/ /rnam pa du ma'i 'od kyi dra ba 'gyed/ /phyogs bcu'i zhing rnams kun kyang gang byas shing / /sangs rgyas rnam par 'phrul pa rab tu ston/ /rgyal ba rnams kyi spu rtse re re nas/ /dbyangs sprin bkye bas nam mkha' kun bkang zhing / /mun nag chen po kun nas snang bar byed/ /dmyal ba'i sdug bsngal kun kyang rnam par sel/ /sangs rgyas dbyangs ni phyogs rnams bcu po na/ /sems can rnams kyi sngon dge rgya mtsho rnams/ /thams cad dbyangs kyis kun tu sgra yang sgrog /sangs rgyas rnam par 'phrul pa de dag ltos/ /sangs rgyas 'khor rnams rgya mtsho rgya che ba/ /mtha' dang dbus med yang dag rab tu byung / /de na rgyal ba chos kyi 'khor lo bskor/ /sems can rgya mtsho mi zad rnams kyang 'dul/ /tshad med rnam par 'phrul ba dag la ltos/ / zhing rnams kun na rgyal ba mngon par bzhugs/ /de ltar bde gshegs ye shes chags pa med/ /sems can don du rnam pa mngon sangs rgyas/ /dga' zhing mos par kun kyang 'dong bar gyis/ /bde ba'i yid dang sri zhu spro ba yis/ /bde gshegs de ni blta ba'i phyir 'dong ngo / /de mthong sdug bsngal thams cad zhi bar 'gyur/ /byang chub sems ni yang dag bskyed byas shing / /'gro ba kun la byams pa'i sems 'gyur te/ /kun tu bzang po'i smon lam kun btab cing / /chos rgyal ji bzhin bdag cag 'gyur bar bya/ /sangs rgyas kyi byin gyi rlabs kyis de'i sgra la thogs pa med pas 'jig rten gyi khams thams cad du khyab par gyur te/ de thos pa'i sems can tshad med pa rnams kyang byang chub tu smon lam btab par gyur to/ /de yang pha dang ma dang lhan cig tu 'khor thams cad dang / sems can bye ba phrag khrag khrig brgya stong de dag gis bskor cing mdun du byas te/ rin po che'i gdugs kyi sprin lngas nam mkha' thams cad du kun nas yog par byas te bcom ldan 'das gang na ba der dong ngo / /'ongs pa de dag la bcom ldan 'das pha rol tu phyin pa'i spyan bzang po rgyan gyi rgyal po de bzhin gshegs pas chos kyi dbyings rang bzhin dri ma med pa'i rgyan ces bya ba'i mdo/ 'jig rten khams kyi rdul shin tu phra ba snyed kyi mdo'i 'khor can yang dag par bstan to/ /des de thos nas tshul thams cad rnam pa dag pa la 'jug pa 'byung bar rab tu skyes so/ /ye shes kyi rim pa rnam par dag cing dri ma med pa'i snang ba zhes bya ba yang non par gyur to/ /pha rol tu phyin pa'i dkyil 'khor 'gro ba thams cad dga' bar lta ba'i rgyan ces bya ba la yang zhugs par gyur to/ /zhing thams cad du yang dag par 'jug pa dang / snang ba mtha' yas pa mthong bas rnam par dag pa'i spyod pa'i dkyil 'khor la yang rab tu zhugs so/ /spyod pa'i dkyil 'khor bsod nams kyi sprin dri ma med pa'i 'od kyi rgyal mtshan zhes bya ba la yang rab tu zhugs par gyur to/ /rjes su rtogs pa'i dkyil 'khor chos rgya mtsho 'byams klas pa thams cad snang ba zhes bya ba yang rjes su rtogs par gyur to/ /'jug pa'i dkyil 'khor ye shes chen po'i shugs kyi rgyan ces bya ba la yang rab tu zhugs so/ /rang byung du 'gyur ba shin tu mthong ba'i shugs kyis dbang bskur ba'i ye shes rgya mtsho la yang zhugs par gyur to/ /de bzhin gshegs pa'i yon tan rgya mtsho'i mtshan nyid kyi 'od rnam par snang ba'i snang ba chen pos kyang shin tu snang bar gyur to/ /smon lam gyi stobs tshad med pa la mos pa rgya mtsho'i snying po'i smon lam mngon par sgrub pa'i ye shes kyi stobs la yang rnam pa dag par gyur to/ /de nas de bzhin gshegs pa pha rol tu phyin pa'i spyan bzang po rgyan gyi rgyal pos byang chub sems dpa' gzi brjid chen po la tshigs su bcad de gsungs pa/ legs so yon tan ye shes rgya mtsho can/ /sangs rgyas byang chub smon lam yang dag gnas/ /sems can kun gyi mgon dang gnas gyur pa'i/ /rgyal ba dam pa bsam gyi mi khyab 'gyur/ /ye shes rgya mtsho chen por mngon par byung / /chos kyi dbyings su thams cad rgyas byas te/ /sangs rgyas spyod yul rgya chen mi zad pa'i/ /bsam gyis mi khyab tshul la 'jug par 'gyur/ /sangs rgyas thams cad yon tan sprin mthong pa'i| |ye shes sa yang mi zad non par gyur/ /pha rol phyin pa rgya mtsho kun gyi tshul/ /grags pa chen po yongs su rgyas par byed/ /gzungs kyi tshul rnams rgya mtsho mang po dang / /so so yang dag rig tshul mi zad dang / /spyod pa smon lam khyod kyis mngon bsgrubs pas/ /gzhal med ye shes ldan par khyod 'gyur ro/ /ting nge 'dzin gyi rgya mtshor 'jug par 'gyur// smon lam rgya mtsho'i nang du khyod skyes te/ /rnam 'phrul 'di la'ang shin tu 'byung bar 'gyur/ /'di ni sangs rgyas chos nyid bsam mi khyab/ /chos dbyings dam pa bsam gyis mi khyab pa'i/ /bsam pa rgya chen rnam par sbyangs byas te/ /sangs rgyas sprin la rnam pa blta bar gyis/ /rgya mtsho'i zhing rnams dri med rnam par sbyongs/ /nga yi byang chub spyod la 'jug par gyis/ /sngon gyi sbyor tshul rgya mtsho mang po yi/ /spyod pa ngas ni ji ltar rnam sbyangs su/ /de 'dra'i tshul yang khyod kyis shes par gyis/ /zhing rnams re re sangs rgyas mang po ngas// rgya mtsho brgya mang shin tu mchod pa byas/ /sngon spyod de yi 'bras bu 'di yin te/ /'di 'dra dri ma med pa'i rgyan la ltos/ /las kyi rgya mtsho mi zad rgya chen dang / /zhing rnams rgya mtsho dag bya'i spyod pa dang / /smon lam bsam yas go cha bgos pas na/ /'di rnams 'di 'dra'i rnam par 'phrul bar 'gyur/ /sangs rgyas rgya mtsho ma lus mchod byas shing / /zhing rnams rgya chen rgya mtsho sbyangs byas nas/ /bskal pa 'byams klas kun tu sbyangs byas shing / /rgyal pa'i yon tan 'od chen mnga' bar 'gyur| |kye rgyal ba'i sras dag / de bzhin gshegs pa pha rol tu phyin pa'i spyan bzang po rgyan gyi rgyal po de yongs su mya ngan las 'das nas blta na dga' ba shin tu gtsang ba'i bdag po de yang dus byas par gyur te/ rgyal bu gzhon nu gzi brjid chen pos 'khor los bsgyur ba'i rgyal srid thob par gyur to/ /nags tshal chen po yal g a'i dkyil 'khor rin po che'i me tog rgyas pa zhes bya ba der yang de bzhin gshegs pa bsod nams rgya mtsho shin tu 'phags shing zil gyis mi non pa zhes bya ba gsum pa byung bar gyur te/ des de bzhin gshegs pa de mngon par 'tshang rgya ba'i rnam par 'phrul pa mthong nas 'khor thams cad dang / dpung gi yan lag bzhi'i tshogs dang / rin po che bdun dang / grong gi mi dang / yul mir bcas te bcom ldan 'das de bzhin gshegs pa bsod nams rgya mtsho shin tu 'phags shing zil gyis mi non pa gang na bzhugs pa der dong nas des bcom ldan 'das de la rin po che'i khang pa brtsegs pa spos dang nor bu thams cad kyi rgyan gyi snying po zhes bya ba phul lo/ /der de bzhin gshegs pa des kun tu lta ba'i spyod pa byang chub sems dpa'i spyod pa snang ba zhes bya ba'i mdo/ 'jig rten gyi khams rgya mtsho'i rdul shin tu phra ba snyed kyi mdo'i 'khor dang bcas pa'ang yang dag par bshad par gyur to/ /de thos nas byang chub sems dpa' gzi brjid chen pos bsod nams chen po rnam par snang ba zhes bya ba'i ting nge 'dzin rab thob bo/ /ting nge 'dzin de thob pas kyang dus gsum gyi byang chub sems dpa' thams cad kyi bsod nams rgya mtsho mngon du gyur to/ /de nas bcom ldan 'das de bzhin g shegs pa bsod nams rgya mtsho shin tu 'phags shing zil gyis mi non pas 'khor gyi dkyil 'khor thams cad la rnam par gzigs te byang chub sems dpa' gzi brjid chen po la tshigs su bcad de gsungs pa/ yon tan bsod nams kun gyi gzi brjid can/ /byang chub mchog tu smon lam yid ldan pa/ /'gro ba kun la snying rje rgya mtsho yis/ /nga yi drung du khyod 'ongs legs so legs/ /snying rje'i snying po khyod ni sems can rnams/ /sdug bsngal gyur pa kun grol don zhugs pas| |'gro ba kun gyi mgon dang skyabs su 'gyur/ /byang chub spyod pa'i tshul yang de yin no/ /byang chub sems dpa' shin tu brtan pa rnams/ /skyo med yid kyis spyod pa spyad pa dag / mchog tu gyur cing dam pa chags med pa'i/ /ye shes 'di 'dra shin tu thob par 'gyur/ /de ltar khyod ni kun tu bzang po yi/ /mthu chen smon lam spyod par zhugs bas na| |bsod nams 'od dang bsod nams dpal yin te/ /bsod nams 'byung gnas bsod nams mchog kyang yin/ /bsam gyis mi khyab rgyal pa rgya mtsho dag /mtha' dang dbus med mang po khyod kyis shes/ /mtha' dang dbus med de dag mthong gyur nas/ /de dag bsod nams rgya mtsho rtogs par 'gyur/ /khyod kyi phyogs bcu'i zhing rnams thams cad kyi/ /rgyal ba'i sprin rnams kun kyang shin tu mthong / /de dag spyod pa rgya mtsho thams cad kyang / /sngon chad ji ltar spyad pa bzhin du mthong / /'di tshul rgya mtsho 'di la su zhugs shing / /ye shes sa la su dag gnas gyur pa/ /de dag sangs rgyas kun gyi rjes slob cing / /thams cad gzigs par gdon mi za bar 'gyur/ /khyod ni zhing kun rgya mtsho'i rdul snyed kyi/ /bskal pa rgya mtsho'i spyod pa spyad byas nas/ /rgyal ba kun gyi sngon spyad rgya mtsho rnams/ /bslab nas rang byung nyid du 'gyur bar 'ong / /zhing rnams rgya mtsho yongs su dag pa rnams/ /phyogs bcu dag tu ji ltar mthong ba bzhin/ /khyod kyi zhing yang rnam par dag 'gyur te/ /smon lam kun kyang shin tu sgrog par 'gyur/ /'khor gyi rgya mtsho 'di dag thams cad kyang / /khyod kyi smon lam thos gyur rab tu dga'/ /kun tu bzang po'i spyod pa'i lam dag gis/ /byang chub mchog la rab tu 'jug par 'gyur/ / mtha' dang dbus med zhing rnams 'byams klas bar/ /bskal pa rgya mtsho dag tu spyad pa spyod/ /kun tu bzang po'i spyod pa thams cad dang / /smon lam rnams kyang yongs su rdzogs par gyis/ /nags tshal chen po yal ga'i dkyil 'khor rin po che'i me tog rgyas pa de nyid du de bzhin gshegs pa rnam par grags pa'i spyan pad+mo'i dpal zhes bya ba byung bar gyur to| |rgyal po gzi brjid chen po de yang de nas shi 'phos nas rgya mtsho'i steng na lha'i grong khyer rin po che zhi ba'i gnas zhes bya bar phyin te/ der bsod nams dri ma med pa'i dpal zhes bya ba'i lha'i rgyal po chen por gyur to/ /de nas de lha'i 'khor gyi tshogs chen po dang bcas te rin po che'i me tog gi sprin gyi char 'bebs shing / bcom ldan 'das de bzhin gshegs pa grags pa rnam par grags pa'i spyan pad+mo'i dpal gang na bzhugs pa der dong ngo / /der bcom ldan 'das de bzhin gshegs pa grags pa rnam par grags pa'i spyan pad+mo'i dpal gyis tshul yangs pa'i sgo kun tu rnam par snang ba zhes bya ba'i mdo/ 'jig rten gyi khams rgya mtsho'i rdul shin tu phra ba snyed kyi mdo'i 'khor dang bcas pa yang dag par bstan to/ /des de dag thos nas dga' ba'i snying po kun nas sgo zhes bya ba'i ting nge 'dzin rab tu thob bo/ /chos thams cad kyi tshul rgya mtsho'i dbyings su yang zhugs par gyur to/ /shin tu rgyas pa chen po'i mdo/ sangs rgyas phal po che zhes bya ba las/ rnam par snang mdzad kyi le'u zhes bya ste| bcu pa'o/ / //bam po bcu gsum pa/ bcom ldan 'das/ 'jig rten gyi khams rgya mtsho ni/ de bzhin gshegs pa ye shes gang chen mtsho rnam par snang mdzad kyi phyag gi mthil gyi snying po la rab tu gnas pa/ sangs rgyas kyi sku'i dbyibs ltar 'dug pa/ 'jig rten gyi khams ri rab ni/ kun tu bzang po tshangs pa'i lha'i lus kyi dbyibs ltar 'dug pa/ stong gsum gyi stong chen po'i 'jig rten gyi khams ni/ yongs su 'dzin pa/ gzhan 'phrul dbang byed kyi lha'i lus kyi dbyibs ltar 'dug pa/ stong gnyis kyi 'jig rten gyi khams ni/ lhan cig spyod pa/ 'phrul dga'i lha'i lus kyi dbyibs ltar 'dug pa/ stong gi 'jig rten gyi khams kun tu spyod pa/ dga' ldan gyi lha'i lus kyi dbyibs ltar 'dug pa/ gling bzhi pa'i 'jig rten gyi khams ni/ gnas kyi dam pa mtshe ma'i lha'i lus kyi dbyibs ltar 'dug pa/ gling ni/ byang chub kyi rgyal mtshan sum cu rtsa gsum gyi lha'i lus kyi dbyibs ltar 'dug pa/ grong rdal gyi mdzod mtha' yas pa khang pa brtsegs pa'i dbyibs ltar 'dug pa/ bza' shing gi ra ba ni/ mya ngan dang bral ba/ snying po byang chub mya ngan med pa'i dbyibs su 'dug pa/ khang pa brtsegs pa ni/ kun nas smad du med pa/ 'jig rten gyi khams rang bzhin chos nyid kyis gnas pa'i dbyibs su 'dug pa na bzhugs te/ 'jig rten gyi khams rgya mtsho de ni/ 'jig rten gyi khams rgya mtsho tshad med pas kun nas bskor ba ste/ 'di ltar de bzhin gshegs pa'i phyag gi mthil gyi snying po la gnas par ming mthun pa/ 'jig rten gyi khams rgya mtsho bcu'i rdul shin tu phra ba snyed kun kyang de bzhin gshegs pa'i sku'i dbyibs su 'dug pa sha stag dang / gzhung de bzhin du byang chub sems dpa' dang / rang sangs rgyas dang / nyan thos kyi lag gi mthil gyi snying po la rab tu gnas par ming mthun pa thams cad nyan thos kyi lus kyi lus kyi dbyibs su 'dug pa sha stag dang / gzhung de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i lag gi mthil gyi snying po la rab tu gnas par ming mthun pa thams cad kyang mi ma yin pa'i lus kyi dbyibs su 'dug pa sha stag gis yongs su bskor ba ste/ 'jig rten gyi khams rgya mtsho de ni/ sangs rgyas kyi sa rgya mtsho 'jig rten gyi khams rgya mtsho bcu'i rdul shin tu phra bar snyed kyi mgo dang ldan pa'o/ /sangs rgyas kyi gnas 'phos pa rgya mtsho 'jig rten gyi khams rgya mtsho bcu'i rdul shin tu phra ba snyed kyi mgul dang ldan pa'o/ /sangs rgyas kyi tshogs kyi rgya mtsho 'jig rten gyi khams rgya mtsho bcu'i rdul shin tu phra ba snyed kyi phrag pa'i lhun dang ldan pa'o/ /byang chub sems dpa'i sa rgya mtsho 'jig rten gyi khams rgya mtsho bcu'i rdul shin tu phra ba snyed kyi lag pa dang ldan pa'o/ /snying rje chen po rgya mtsho 'jig rten gyi khams rgya mtsho bcu'i rdul shin tu phra ba snyed kyi snying dang ldan pa'o/ /de bzhin gshegs pa'i rnam par grol ba chen po rgya mtsho 'jig rten gyi khams rgya mtsho bcu'i rdul shin tu phra ba snyed kyi lto dang ldan pa'o/ /nyan thos dang / rang sangs rgyas kyi rnam par grol ba rgya mtsho 'jig rten gyi khams rgya mtsho bcu'i rdul shin tu phra ba snyed kyi ba spu'i bu ga dang ldan pa'o/ /rang sangs rgyas kyi sa rgya mtsho 'jig rten gyi khams rgya mtsho bcu'i rdul shin tu phra ba snyed kyi sta zur dang ldan pa'o| |nyan thos kyis 'jig rten gyi khams rgya mtsho bcu'i rdul shin tu phra ba snyed kyi bral dang ldan pa'o/ /'jig rten pa'i rnam par thar pa rgya mtsho 'jig rten gyi khams rgya mtsho bcu'i rdul shin tu phra ba snyed kyi byin pa dang ldan pa'o/ /sems can gyi khams kyi smon lam rgya mtsho 'jig rten gyi khams rgya mtsho bcu'i rdul shin tu phra ba snyed kyi rkang pa dang ldan pa ste| 'jig rten gyi khams rgya mtsho de ni/ de bzhin gshegs pa ye shes gang chen mtsho rnam par snang mdzad kyi sngon gyi smon lam rgya mtsho 'jig rten gyi khams rgya mtsho bcu'i rdul shin tu phra ba snyed kyi spyi gtsug dang ldan pa'o/ /chos kyi dbyings nam mkha' 'jig rten gyi khams rgya mtsho bcu'i rdul shin tu phra ba snyed kyi 'phral ba dang ldan pa'o/ /de bzhin gshegs pa'i thugs rang bzhin gyis 'od gsal ba rgya mtsho 'jig rten gyi khams rgya mtsho bcu'i rdul shin tu phra ba snyed kyi mdzod spu dang ldan pa'o/ /byang chub kyi lam rgya mtsho 'jig rten gyi khams rgya mtsho bcu'i rdul shin tu phra ba snyed kyi smin tshugs dang ldan pa'o/ /de bzhin gshegs pa spyan gyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi mig dang ldan pa'o/ /de bzhin gshegs pa snyan gyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi rna ba dang ldan pa'o/ /de bzhin gshegs pa shangs kyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi sna dang ldan pa'o/ /de bzhin gshegs pa ljags kyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi lce dang ldan pa'o/ /de bzhin gshegs pa sku'i khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi lus dang ldan pa'o/ /de bzhin gshegs pa thugs kyi khams gang chen mtsho rnam par snang mdzad kyi dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi yid dang ldan pa'o/ /de bzhin gshegs pa zhi ba rgya mtsho rnam par snang mdzad kyi sangs rgyas kyi sku sprul pa rgya mtsho 'jig rten gyi khams rgya mtsho bcu'i rdul shin tu phra ba snyed kyi sgra dang ldan pa'o/ /de bzhin gshegs pa bdud 'dul ba dang / nyan thos dang rang sangs rgyas kyi skur sprul pa rgya mtsho sangs rgyas kyi zhing rgya mtsho bcu'i rdul shin tu phra ba snyed kyi ba spu dang ldan pa'o/ /byang chub sems dpa'i dad pa'i dbang po rgya mtsho 'jig rten gyi khams rgya mtsho bcu'i rdul shin tu phra ba snyed kyi mdog dang ldan pa'o/ /rnam par thar pa'i sgo 'jig rten gyi khams rgya mtsho bcu'i rdul shin tu phra ba snyed kyi kha dang ldan pa'o/ /chos kyi rgya mtsho 'jig rten gyi khams rgya mtsho bcu'i rdul shin tu phra ba snyed kyi skom dang ldan pa'o/ /sems can yongs su smin pa rgya mtsho 'jig rten gyi khams rgya mtsho bcu'i rdul shin tu phra ba snyed kyi zas dang ldan pa'o/ /'jig rten gyi khams rgya mtsho de ni/ 'jig rten gyi khams rgya mtsho tshad med pa'i rgyan dang ldan pa ste/ 'di ltar 'jig rten gyi khams rgya mtsho'i sprin 'jig rten gyi khams rgya mtsho bcu'i rdul shin tu phra ba snyed kyis kun nas yog par khebs pa'o/ / 'jig rten gyi khams me tog gi sprin rgya mtsho 'jig rten gyi khams rgya mtsho bcu'i rdul shin tu phra ba snyed kyi char mngon par 'bab pa'o/ /'jig rten gyi khams rgya mtsho'i dril bu'i dra ba 'jig rten gyi khams rgya mtsho bcu'i rdul shin tu phra ba snyed kun tu bres pa'o/ /'jig rten gyi khams rgya mtsho'i bla re 'jig rten gyi khams rgya mtsho bcu'i rdul shin tu phra ba snyed rnam par bkram pa'o/ /'jig rten gyi khams rgya mtsho'i gdugs dang / rgyal mtshan dang / ba dan 'jig rten gyi khams rgya mtsho bcu'i rdul shin tu phra ba snyed kyis kun tu khebs par bkang ba'o/ /'jig rten gyi khams rgya mtsho de ni/ kha dog gi chu rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o/ /de bzhin du gzugs dang / sgra dang / dri dang / ro dang / reg bya dang / chos kyi chu rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o/ /mig sna tshogs kyi chu rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o/ /de bzhin du rna ba dang / sna dang / lce dang / lus dang / yid kyi chu rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o// kha dog gi chu rgya mtsho re re nas yid kyi chu rgya mtsho'i bar re re las kyang me tog ut+pa la dang / pad+mo dang / ku mu da dang / puN+Da rI ka 'jig rten gyi khams rgya mtsho bcu'i rdul shin tu phra ba snyed mngon par thon te me tog ut+pa la de dag re re dang / me tog puN+Da rI ka de dag re re la yang me tog ut+pa la'i 'khor dang / me tog puN+Da rI ka'i 'khor kyi bar du 'jig rten gyi khams rgya mtsho bcu'i rdul shin tu phra ba snyed dang ldan pa ste/ me tog ut+pa la dang / me tog puN+Da rI ka'i bar de dag re re las kyang 'jig rten gyi khams ri rab rnam par phye ba 'jig rten gyi khams rgya mtsho bcu'i rdul shin tu phra ba snyed mngon par byung ba dag ste/ 'jig rten gyi khams kyi ri'i rgyan dang / 'jig rten gyi khams kyi pad+mo'i tshal dang / 'jig rten gyi khams kyi smig ma'i tshal mang po dag kyang mngon par thon pa sha stag go /ci'i phyir kha dog gi chu rgya mtsho rnams la kha dog gi chu rgya mtsho zhes bya zhe na/ de dag tu sems can gang yang rung ste/ chu 'thung ngam/ khrus byed pa de dag thams cad kyis 'jig rten gyi khams rgya mtsho 'di'i gzugs su snang ba 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am/ che ba'am/ chung ba'am/ bzang ba'am/ ngan pa'am/ rgyang ring ba'am/ thag nye ba yang rung ste/ gang ji snyed yod pa de dag thams cad khongs na snang bar so so'i mig gis mngon par mthong bas de'i phyir kha dog gi chu rgya mtsho rnams la kha dog gi chu rgya mtsho zhes bya ste/ de bzhin du gzugs dang / sgra dang / dri dang / ro dang / reg bya dang / chos kyi chu rgya mtsho dag kyang shes par bya'o/ /ci'i phyir mig gi chu rgya mtsho la mig gi chu rgya mtsho zhes bya ba zhe na/ de dag tu sems can gang yang rung ste/ chu 'thung ba dang / khrus byed pa de dag thams cad kyis 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed dag na gzugs su snang ba 'das pa'am/ ma 'ongs pa'am/ da ltar byung ba'am/ nang gi'am/ phyi'i 'am/ che ba'am| chung ba'am/ bzang ba'am/ ngan pa'am/ rgyang ring pa'am/ thag nye ba'ang rung ste/ gang ji snyed yod pa de dag thams cad nang na snang bar rang rang gi mig dang / gzhan gyi mig gis mngon par mthong bas de'i phyir mig gi chu rgya mtsho rnams la mig gi chu rgya mtsho zhes bya ste/ de bzhin du rna ba dang / sna dang / lce dang / lus dang / yid kyi chu rgya mtsho dag kyang shes par bya'o/ /'jig rten gyi khams de ni/ 'jig rten gyi khams rgya mtsho'i gzugs brnyan 'jig rten gyi khams rgya mtsho bcu'i rdul shin tu phra ba snyed kyis lhun shin tu brgyan pa ste/ sems can gyi khams rgya mtsho rab tu snang ba'i dpe byad bzang po 'jig rten gyi khams rgya mtsho bcu'i rdul shin tu phra ba snyed kyis rnam par gsal bar byas pa'i lus can no/ /chos kyi dbyings rgya mtsho zab mo 'jig rten gyi khams rgya mtsho bcu'i rdul shin tu phra ba snyed kyi mtshan dang ldan pa'o| |'jig rten gyi khams rgya mtsho de ni/ 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed du rdul shin tu phra ba re re la yang gzugs brnyan rab tu snang bar 'byung ba'o/ /ci'i phyir na/ 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa de la de bzhin gshegs pa'i phyag gi mthil gyi snying po la rab tu gnas pa'i 'jig rten gyi khams rgya mtsho zhes bya zhe na/ bcom ldan 'das de bzhin gshegs pa ye shes gang chen mtsho rnam par snang mdzad de'i phyag gi mthil na rdul shin tu phra ba'i snying po zhes bya ba yod de/ de'i nang na rnam par shes pa'i khams rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /de dag gi steng na chos kyi dbyings rgya mtsho mtha' yas pa zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so| |de dag gi steng na nam mkha'i dbyings rgya mtsho sa mtshams yongs su chad pa med pa zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so/ / de dag gi steng na me'i khams rgya mtsho drag shul can zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so/ /de dag gi steng na chu'i khams kyi rgya mtsho sbrang rtsi can zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so/ /de dag gi steng na sa'i khams rgya mtsho rin po che'i snying po can zhes bya ba 'jig rten gyi khams rgya mtsho bcu'i rdul shin tu phra ba snyed rab tu gnas so/ /de dag gi steng na me tog mtshan ma med pa las skyes pa zhes bya ba 'jig rten gyi khams rgya mtsho bcu'i rdul shin tu phra ba snyed mngon par thon te/ me tog de dag kyang so so nas 'jig rten gyi khams rgya mtsho bcu'i rdul shin tu phra ba snyed kyi 'jig rten gyi khams rgya mtsho tsam gyi tha gru dang ldan pa dag ste/ de dag gi steng na 'jig rten gyi khams rgya mtsho 'di gnas pas de'i phyir 'jig rten gyi khams rgya mtsho de bzhin g shegs pa'i phyag gi mthil gyi snying po la rab tu gnas pa de la de bzhin gshegs pa'i phyag gi mthil gyi snying po la rab tu gnas pa'i 'jig rten gyi khams rgya mtsho zhes bya'o| |de ltar de dag la sogs pa 'jig rten gyi khams rgya mtsho de na/ yon tan tshad med pa dang ldan pa ste/ mdor na 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed dag na yon tan ji snyed yod pa'i yon tan de snyed ni/ 'jig rten gyi khams rgya mtsho de na yod do/ /'jig rten gyi khams rgya mtsho de na 'jig rten gyi khams ri rab kun tu bzang po zhes bya ba/ tshangs pa'i lha'i lus kyi dbyibs su 'dug pa/ 'jig rten gyi khams ri rab 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ 'jig rten gyi khams ri rab kun tu bzang po de ni/ 'jig rten gyi khams rgya mtsho'i spo mngon par 'phags pa 'jig rten gyi khams rgya mtsho bcu'i rdul shin tu phra ba snyed dang ldan pa'o/ /'jig rten gyi khams rgya mtsho'i bang rim chen po'i khri 'phang du 'dug pa 'jig rten gyi khams rgya mtsho bcu'i rdul shin tu phra ba snyed dang ldan pa'o/ /'jig rten gyi khams rgya mtsho'i ngos 'jig rten gyi khams rgya mtsho bcu'i rdul shin tu phra ba snyed dang ldan pa'o/ /ci'i phyir na/ 'jig rten gyi khams ri rab kun tu bzang po de la kun tu bzang po zhes bya zhe na/ 'jig rten gyi khams ri rab kun tu bzang po de na yongs su ma dag pa'i 'jig rten gyi khams gang yang m ed de| der sems can gang ji snyed skyes pa de dag thams cad chos gang dang gang la yongs su dmigs par byed pa'i dmigs pa de dang des kun tu bzang po'i spyod pa yongs su rdzogs par 'gyur bas/ de'i phyir 'jig rten gyi khams ri rab kun tu bzang po de la kun tu bzang po zhes bya'o/ /'jig rten gyi khams ri rab de ni/ de ltar de dag la sogs pa yon tan tshad med pa dag dang ldan pa ste/ mdor na 'jig rten gyi khams rgya mtsho de ni yon tan ji snyed cig yod pa de snyed kyi yon tan ni| 'jig rten gyi khams ri rab kun tu bzang po de na yod do/ /'jig rten gyi khams ri rab kun tu bzang po de na stong gsum gyi stong chen po'i 'jig rten gyi khams yongs su 'dzin pa zhes bya ba gzhan 'phrul dbang byed kyi lha'i lus kyi dbyibs su 'dug pa/ stong gsum gyi stong chen po'i 'jig rten gyi khams mang po 'jig rten gyi khams rgya mtsho bcu'i rdul shin tu phra ba snyed kyi 'khor gyis bskor ba yod de/ stong gsum gyi stong chen po'i 'jig rten gyi khams yongs su 'dzin pa de ni/ lha'i rnam par dgod pa 'jig rten gyi khams rgya mtsho bcu'i rdul shin tu phra ba snyed la rab tu gnas so/ /de bzhin du klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa'i rnam par dgod pa 'jig rten gyi khams rgya mtsho bcu'i rdul shin tu phra ba snyed la rab tu gnas so/ /sangs rgyas kyi rnam par dgod pa 'jig rten gyi khams rgya mtsho bcu'i rdul shin tu phra ba snyed la rab tu gnas pa'o/ /de bzhin du byang chub sems dpa' dang / rang sangs rgyas dang / nyan thos kyi rnam par dgod pa 'jig rten gyi khams rgya mtsho bcu'i rdul shin tu phra ba snyed la rab tu gnas pa'o/ /stong gsum gyi stong chen po'i 'jig rten gyi khams yongs su 'dzin pa zhes bya ba der sems can gang ji snyed cig skyes pa de dag kyang 'du shes tha dad pa ma gtogs par lam gyi rgyud tha dad pa med do/ /skye gnas tha dad pa med do/ /theg pa tha dad pa med do/ /stong gsum gyi stong chen po'i 'jig rten gyi khams yongs su 'dzin pa zhes bya ba de la ci'i phyir yongs su 'dzin pa zhes bya zhe na| stong gsum gyi stong chen po'i 'jig rten gyi khams yongs su 'dzin pa der sems can gang ji snyed skyes pa de dag thams cad la ngan song gi 'jigs pa med/ theg pa dman par ltung ba'i 'jigs pa'ang med/ ser snar ltung ba'i 'jigs pa'ang med/ tshul khrims ngan par ltung ba'i 'jigs pa'ang med/ mi bzod par ltung ba'i 'jigs pa'ang med/ le lor ltung ba'i 'jigs pa'ang med/ rnam par 'khrug par ltung ba'i 'jigs pa'ang med/ shes rab 'chal bar ltung ba'i 'jigs pa'ang med pas de'i phyir yongs su 'dzin pa'i stong gsum gyi stong chen po'i 'jig rten gyi khams la yongs su 'dzin pa zhes bya'o/ /de ltar de dag la sogs pa stong gsum gyi stong chen po'i 'jig rten gyi khams yongs su 'dzin pa de ni/ yon tan tshad med pa mang po dang ldan pa ste/ mdor na 'jig rten gyi khams ri rab kun tu bzang po na yon tan ji snyed cig yod pa de snyed kyi yon tan ni/ stong gsum gyi stong chen po'i 'jig rten gyi khams yongs su 'dzin pa na yod do/ /stong g sum gyi stong chen po'i 'jig rten gyi khams yongs su 'dzin pa de na stong gnyis kyi 'jig rten gyi khams lhan cig spyod pa zhes bya ba 'phrul dga'i lha'i dbyibs su 'dug pa/ stong gnyis kyi 'jig rten gyi khams mang po 'jig rten gyi khams rgya mtsho bcu'i rdul shin tu phra ba snyed kyi 'khor gyis bskor ba yod de/ stong gnyis kyi 'jig rten gyi khams lhan cig spyod pa zhes bya ba de na rtag tu de bzhin gshegs pa'i 'od rgya mtsho mang po dang mi 'bral lo/ /rtag tu de bzhin gshegs pa'i ye shes kyi 'od zer gyi dra ba rgya mtsho dang mi 'bral lo/ /rtag tu de bzhin gshegs pa'i sku rgya mtsho dang mi 'bral lo/ /rtag tu de bzhin gshegs pa'i gsung rgya mtsho dang mi 'bral lo/ /rtag tu de bzhin gshegs pa mngon par rdzogs par 'tshang rgya ba rgya mtsho dang mi 'bral lo/ /rtag tu de bzhin gshegs pa'i chos kyi 'khor lo 'khor ba rgya mtsho dang mi 'bral lo/ /rtag tu de bzhin gshegs pa'i yongs su mya ngan las 'das pa chen po rgya mtsho dang mi 'bral lo/ /rtag tu mu stegs kyi gnas thams cad phud dud du bya ba rgya mtsho dang mi 'bral lo/ /rtag tu bdud kyi las thams cad yongs su gcod pa rgya mtsho dang mi 'bral lo/ /stong gnyis kyi 'jig rten gyi khams lhan cig spyod pa z hes bya ba de na sems can gang ji snyed cig skyes pa de dag thams cad kyang ting nge 'dzin gyi sgo rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ gzungs kyi sgo rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ sa rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa sha stag go / stong gnyis kyi 'jig rten gyi khams lhan cig spyod pa zhes bya ba de la ci'i phyir na lhan cig spyod pa zhes bya zhe na/ stong g sum gyi stong chen po'i 'jig rten gyi khams dang lhan cig 'grogs shing 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed kyi chos kyi dbyings rgya mtsho ji snyed pa de dag thams cad du rnam par spyod pas lhan cig spyod pa de la lhan cig spyod pa zhes bya'o/ /de ltar de dag la sogs pa stong gnyis kyi 'jig rten gyi khams lhan cig spyod pa de ni/ yon tan dpag tu med pa dang ldan pa ste/ mdor na stong gsum gyi stong chen po'i 'jig rten gyi khams yongs su 'dzin pa de na yon tan gang ji snyed yod pa de snyed kyi yon tan ni/ stong gnyis kyi 'jig rten gyi khams lhan cig spyod pa de na yod do/ / stong gnyis kyi 'jig rten gyi khams lhan cig spyod pa zhes bya ba de na stong gi 'jig rten gyi khams kun tu spyod pa zhes bya ba dga' ldan gyi lha'i lus kyi dbyibs su 'dug pa| stong gi 'jig rten gyi khams mang po 'jig rten gyi khams rgya mtsho bcu'i rdul shin tu phra ba snyed kyi 'khor gyis bskor ba yod de/ stong gi 'jig rten gyi khams kun tu spyod pa zhes bya ba de na bde ba yod pa'i 'jig rten gyi khams kyi rgyan rgya mtsho 'jig rten gyi khams rgya mtsho bcu'i rdul shin tu phra ba snyed kyis rab tu brgyan pa/ de bzhin gshegs pa 'di kun tu mtha' yas kyi chos kyi sku 'jig rten gyi khams rgya mtsho bcu'i rdul shin tu phra ba snyed kyis rgyas par gang ba/ chos kyi dbyings rgya mtsho 'jig rten gyi khams rgya mtsho bcu'i rdul shin tu phra ba snyed kyis mngon par brlan pa ste/ stong gi 'jig rten gyi khams kun tu spyod pa zhes bya ba der sems can gang ji snyed skyes pa de dag thams cad kyang sbyin pa'i pha rol tu phyin pa rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa sha stag ste/ de bzhin du tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa nas ye shes kyi pha rol tu phyin pa rgya mtsho 'jig rten gyi khams rgya mtsho bcu'i rdul shin tu phra ba snyed kyi bar la rab tu gnas pa/ mngon par shes pa rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ sems can yongs su smin par bya ba rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ byang chub kyi phyogs kyi chos rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa sha stag go /ci'i phyir na stong gi 'jig rten gyi khams kun tu spyod pa de la kun tu spyod pa zhes bya zhe na/ 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed dag na chos kyi khams rgya mtsho dang / 'jig rten gyi khams rgya mtsho dang / sangs rgyas kyi khams rgya mtsho dang / byang chub sems dpa'i khams rgya mtsho dang / sems can gyi khams rgya mtsho gang ji snyed pa de dag thams cad kun nas rnam par spyod pas kun tu spyod pa de la kun tu spyod pa zhes bya'o/ /de ltar de dag la sogs pa stong gi 'jig rten gyi khams kun tu spyod pa de ni/ yon tan tshad med pa dang ldan pa ste/ mdor na stong gnyis kyi 'jig rten gyi khams lhan cig spyod pa de na yon tan gang ji snyed yod pa'i yon tan de dag ni/ stong gi 'jig rten gyi khams kun tu spyod pa na yod do/ /stong gi 'jig rten gyi khams kun tu spyod pa zhes bya ba de na gling bzhi pa gnas kyi dam pa zhes bya ba mtshe ma'i lha'i lus kyi dbyibs su 'dug pa/ gling bzhi pa'i 'jig rten gyi khams mang po 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ gling bzhi pa'i 'jig rten gyi khams gnas kyi dam pa zhes bya ba de ni/ snying po byang chub rgya mtsho'i rgyan 'jig rten gyi khams rgya mtsho bcu'i rdul shin tu phra ba snyed kyis rnam par brgyan pa ste/ snying po byang chub kyi rgyan de dag re re la yang seng+ge'i khri rgya mtsho'i rgyan 'jig rten gyi khams rgya mtsho bcu'i rdul shin tu phra ba snyed rab tu gnas pa/ seng+ge'i khri'i rgyan de dag re re la yang byang chub sems dpa' rgya mtsho 'jig rten gyi khams rgya mtsho bcu'i rdul shin tu phra ba snyed mang po 'khod pa ste/ gling bzhi pa'i 'jig rten gyi khams gnas kyi dam pa der sems can gang ji snyed skyes pa de dag thams cad kyang byang chub sems dpa' kun tu bzang po'i lus dang spyod lam rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa sgo mtha' yas pa nas mngon par sgrub pa'i mdo/ 'jig r ten gyi khams rgya mtsho bcu'i rdul shin tu phra ba snyed yongs su 'dzin pa byang chub sems dpa' thams cad kyis 'jig rten gyi khams rgya mtsho bcu'i rdul shin tu phra ba snyed la rab tu gnas pa sha stag go / ci'i phyir na gling bzhi ba'i 'jig rten gyi khams gnas kyi dam pa de la gnas kyi dam pa zhes bya zhe na/ stong gsum gyi stong chen po'i ' jig rten gyi khams yongs su 'dzin pa na sems can rnams kyi 'byung gnas dang gnas su bya ba'i gling bzhi pa'i 'jig rten gyi khams gang ji snyed yod pa de dag gi nang na 'di mchog tu bya bas na/ de'i phyir gling bzhi ba'i 'jig rten gyi khams gnas kyi dam pa zhes bya ba de la gnas kyi dam pa zhes bya'o/ /de ltar de dag la sogs pa gling bzhi pa'i 'jig rten gyi khams gnas kyi dam pa zhes bya ba de ni/ yon tan gzhal du med pa dang ldan pa ste/ mdor na stong gi 'jig rten gyi khams kun tu spyod pa na yon tan gang ji snyed yod pa'i yon tan de dag ni/ gling bzhi pa'i 'jig rten gyi khams gnas kyi dam pa de na yod do/ /gling bzhi pa'i 'jig rten gyi khams gnas kyi dam pa zhes bya ba de na gling byang chub kyi rgyal mtshan zhes bya ba sum cu rtsa gsum gyi lha'i lus kyi dbyibs su 'dug pa/ gling bzhi pa'i 'jig rten gyi khams rgya mtsho bcu'i rdul shin tu phra ba snyed kyi 'khor gyis bskor ba yod de/ gling byang chub kyi rgyal mtshan zhes bya ba de ni/ rin po che'i ri khang pa brtsegs pa ltar 'dug pa/ rgya mtsho mang po 'jig rten gyi khams rgya mtsho bcu'i rdul shin tu phra ba snyed kyis kun nas bskor ba/ de bzhin gshegs pa'i ye shes kyi 'od zer gyi dra ba rgya mtsho 'jig rten gyi khams rgya mtsho bcu'i rdul shin tu phra ba snyed kyis kun tu khyab pa/ chos kyi dbyings rgya mtsho 'jig rten gyi khams rgya mtsho bcu'i rdul shin tu phra ba snyed kyis mngon par brlan pa ste/ gling byang c hub kyi rgyal mtshan zhes bya ba der sems can gang ji snyed skyes par gyur pa de dag thams cad kyang ting nge 'dzin gyi rgya mtsho snying po byang chub kyi rgyan gyi dam par gyur pa 'jig rten gyi khams rgya mtsho bcu'i rdul shin tu phra ba snyed la rab tu gnas pa/ theg pa tha dad pas 'byung ba rgya mtsho 'jig rten gyi khams rgya mtsho bcu'i rdul shin tu phra ba snyed la mkhas pa/ chos kyi dbyings rgya mtsho tha mi dad pa 'jig rten gyi khams rgya mtsho bcu'i rdul shin tu phra ba snyed la rnam par spyod pa sha stag go /ci'i phyir na gling byang chub kyi rgyal mtshan de la byang chub kyi rgyal mtshan zhes bya zhe na/ gling byang chub kyi rgyal mtshan zhes bya ba de na byang chub kyi shing nam mkha'i rten ces bya ba/ byang chub kyi shing 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ der skad cig skad cig tu de bzhin gshegs pa 'jig rten gyi khams rgya mtsho bcu'i rdul shin tu phra ba snyed mngon par rdzogs par 'tshang rgya bas/ de'i phyir gling byang chub kyi rgyal mtshan de la byang chub kyi rgyal mtshan zhes bya'o/ /de ltar de dag la sogs pa gling byang chub kyi rgyal mtshan de ni/ yon tan tshad med pa dang ldan pa ste/ mdor na gling bzhi pa'i 'jig rten gyi khams gnas kyi dam pa de na yon tan gang ji snyed yod pa'i yon tan de dag ni/ gling byang chub kyi rgyal mtshan de na yod do| |gling byang chub kyi rgyal mtshan de na grong rdal mdzod mtha' yas pa zhes bya ba khang pa brtsegs pa'i dbyibs su 'dug pa/ grong rdal 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ grong rdal mdzod mtha' yas pa zhes bya ba de ni/ de bzhin gshegs pa'i dgongs pa'i phyir rgya mtsho 'jig rten gyi khams rgya mtsho bcu'i rdul shin tu phra ba snyed phun sum tshogs pa dang ldan pa'o/ /de bzhin gshegs pa'i dgongs pa'i phyir rgya mtsho re re zhing yang ting nge 'dzin gyi 'obs rgya mtsho 'jig rten gyi khams rgya mtsho bcu'i rdul shin tu phra ba snyed kyis yongs su bskor ba'o/ /ting nge 'dzin gyi 'obs rgya mtsho de dag re re zhing yang de bzhin gshegs pa'i zhi gnas kyi chu rgya mtsho 'jig rten gyi khams rgya mtsho bcu'i rdul shin tu phra ba snyed kyis yongs su gang ba'o/ /de bzhin gshegs pa'i zhi gnas kyi chu rgya mtsho de dag re re zhing yang de bzhin gshegs pa'i ye shes dang yon tan gyi me tog ut+pa la dang / pad+mo dang / ku mu da dang / puN+Da rI ka 'jig rten gyi khams rgya mtsho bcu'i rdul shin tu phra ba snyed kyis kun nas khyab par gang ba'o/ /grong rdal mdzod mtha' yas pa de ni/ byang chub kyi sems rin po che shin tu rnam par dag pa'i pha gu rgya mtsho 'jig rten gyi khams rgya mtsho bcu'i rdul shin tu phra ba snyed las brtsigs pa sa bcu'i khang pa brtsegs pa dang / gzhal med khang gi phreng ba rgya mtsho 'jig rten gyi khams rgya mtsho bcu'i rdul shin tu phra ba snyed kyis rnam par phye ba ste/ grong rdal mdzod mtha' yas pa der sems can gang ji snyed skyes pa de dag thams cad kyang de bzhin gshegs pa rnam par snang mdzad kyi chos kyi sku dang ngang tshul rgya mtsho la rab tu zhugs pa/ skad cig skad cig cing sems can gyi khams sna tshogs 'jig rten gyi khams rgya mtsho bcu'i rdul shin tu phra ba snyed yongs su mya ngan las zlo ba/ 'jig rten g yi khams sna tshogs 'jig rten gyi khams rgya mtsho bcu'i rdul shin tu phra ba snyed kyi sdug bsngal gyi phung po rgya mtsho'i khur 'jig rten gyi khams rgya mtsho bcu'i rdul shin tu phra ba snyed bkur ba la yongs su skyo ba med pa sha stag go / ci'i phyir na grong rdal mdzod mtha' yas pa de la mdzod mtha' yas pa zhes bya zhe na/ grong rdal mdzod mtha' yas pa de'i sa'i khams kyi rdul shin tu phra ba'am/ chu'i khams kyi rdul shin tu phra ba'am/ me'i khams kyi rdul shin tu phra ba'am/ rlung gi khams kyi rdul shin tu phra ba'am/ nam mkha'i khams kyi rdul shin tu phra ba yang rung ste/ de bzhin gshegs pa rnams kyis de dag la chos kyi mdzod rgya mtsho 'jig rten gyi khams rgya mtsho bcu'i rdul shin tu phra ba snyed ma bzhag pa de lta bu gang yang med pas/ de'i phyir grong rdal mdzod mtha' yas pa de la mdzod mtha' yas pa zhes bya'o/ /de ltar de dag la sogs pa grong rdal mdzod mtha' yas pa de ni/ yon tan tshad med pa dang ldan pa ste/ mdor na gang byang chub kyi rgyal mtshan na yon tan gang ji snyed yod pa'i yon tan de snyed ni/ grong rdal mdzod mtha' yas pa de na yod do| |grong rdal mdzod mtha' yas pa de na bza' shing gi ra ba mya ngan dang bral ba zhes bya ba snying po byang chub mya ngan med pa'i dbyibs su 'dug pa/ bza' shing gi ra ba 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod de/ bza' shing gi ra ba mya ngan dang bral ba de na nags tshal rgya mtsho 'jig rten gyi khams rgya mtsho bcu'i rdul shin tu phra ba snyed yod de/ nags tshal de dag kyang so so nas stong pa nyid kyi gser rgya mtsho 'jig rten gyi khams rgya mtsho bcu'i rdul shin tu phra ba snyed kyi rgyu las grub pa'o/ /chos kyi dbyings kyi 'od rgya mtsho 'jig rten gyi khams rgya mtsho bcu'i rdul shin tu phra ba snyed kyi me tog dang ldan pa'o/ /rnam par rtog pa'i gnyen po rgya mtsho 'jig rten gyi khams rgya mtsho bcu'i rdul shin tu phra ba snyed kyi 'bras bu dang ldan pa'o/ sems can gyi khams thams cad sdig pa las yongs su skyob pa rgya mtsho 'jig rten gyi khams rgya mtsho bcu'i rdul shin tu phra ba snyed kyi lo ma dang ldan pa'o/ /sems can gyi khams yongs su mya ngan las zlo ba rgya mtsho 'jig rten gyi khams rgya mtsho bcu'i rdul shin tu phra ba snyed kyi grib ma bsil ba dang ldan pa'o/ /sems can gyi khams thams cad kyi bsam pa'i sa rgya mtsho 'jig rten gyi khams rgya mtsho bcu'i rdul shin tu phra ba snyed la snying rje chen po'i rtsa ba rab tu gnas pa'o/ /de bzhin gshegs pa rnam par snang mdzad ye shes gang chen mtsho'i sngon gyi smon lam rgya mtsho 'jig rten gyi khams rgya mtsho bcu'i rdul shin tu phra ba snyed kyi yal ga dang ldan pa'o/ /rang bzhin yongs su dag pa'i dar gyi lda ldi dang chun po rgya mtsho 'jig rten gyi khams rgya mtsho bcu'i rdul shin tu phra ba snyed kun tu bres pa'o/ /dri ma med cing yongs su dag pa'i gdugs dang / rgyal mtshan dang / ba dan rgya mtsho 'jig rten gyi khams rgya mtsho bcu'i rdul shin tu phra ba snyed mngon par bsgrengs pa'o/ /bza' shing gi ra ba mya ngan dang bral ba de ni/ rdzing rgya mtsho 'jig rten gyi khams rgya mtsho bcu'i rdul shin tu phra ba snyed kyis yongs su brgyan pa ste/ rdzing de dag re re zhing yang de bzhin gshegs pa'i zhi gnas rgya mtsho'i chu 'jig rten gyi khams rgya mtsho bcu'i rdul shin tu phra ba snyed kyis yongs su gang ba'o/ /rdzing de dag re re zhing yang de bzhin gshegs pa'i ye shes dang yon tan gyi me tog ut+pa la dang / pad+mo dang / puN+Da rI ka 'jig rten gyi khams rgya mtsho bcu'i rdul shin tu phra ba snyed kyis kun nas khyab par gang ba'o/ / bza' shing gi ra ba mya ngan dang bral ba der sems can ji snyed cig 'dong ba de dag thams cad kyang bcom ldan 'das de bzhin gshegs pa rnam par snang mdzad ye shes gang chen mtsho'i sku dang / thugs dang / 'phrin las mnyam pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob par 'gyur ba sha stag ste/ dus gsum thams cad du thogs pa med pa'i ye shes la rnam par spyod pa rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa sha stag go /ci'i phyir na bza' shing gi ra ba mya ngan dang bral ba de la mya ngan dang bral ba zhes bya zhe na/ shar phyogs kyi 'jig rten gyi khams mya ngan dang bral ba zhes bya ba na de bzhin gshegs pa mya ngan dang bral ba zhes bya ba bzhugs te/ de dang mthun pa'i rgyus grub pas de'i phyir na/ bza' shing gi ra ba mya ngan dang bral ba de la mya ngan dang bral ba zhes bya'o/ /de dag la sogs pa bza' shing gi ra ba mya ngan dang bral ba de ni/ yon tan tshad med pa dang ldan pa ste/ mdor na grong rdal mdzod mtha' yas pa na yon tan gang ji snyed yod pa de snyed kyi yon tan ni/ bza' shing gi ra ba mya ngan dang bral ba de na yod do/ /bza' shing gi ra ba mya ngan dang bral ba de'i nang na khang pa brtsegs pa kun nas smad du med pa zhes bya ba 'jig rten gyi khams rang bzhin chos nyid kyis gnas pa'i dbyibs su 'dug pa/ khang pa brtsegs pa 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa yod do/ /khang pa brtsegs pa kun nas smad du med pa de ni/ de bzhin gshegs pa thams cad kyi yon tan rin po che sna tshogs kyi rang bzhin rgya mtsho bcu'i rdul shin tu phra ba snyed las byung ba'o/ / sems can gyi khams thams cad kyi bsam pa sna tshogs rgya mtsho 'jig rten gyi khams rgya mtsho bcu'i rdul shin tu phra ba snyed kyi snying po dang ldan pa'o/ /sangs rgyas kyi zhing sna tshogs dam pa'i rgya mtsho 'jig rten gyi khams rgya mtsho bcu'i rdul shin tu phra ba snyed rjes su 'dong ba'o/ /khang pa brtsegs pa kun nas smad du med pa der sems can gang ji snyed skyes pa d e dag thams cad kyang bcom ldan 'das de bzhin gshegs pa ye shes gang chen mtsho rnam par snang mdzad kyi ye shes sgyu ma rgya mtsho 'jig rten gyi khams rgya mtsho bcu'i rdul shin tu phra ba snyed kyis sprul pa/ ye shes sgyu ma rgya mtsho 'jig rten gyi khams rgya mtsho bcu'i rdul shin tu phra ba snyed kyis rnam par bsgrubs pa/ ye shes sgyu ma rgya mtsho 'jig rten gyi khams rgya mtsho bcu'i rdul shin tu phra ba snyed kyi pha rol tu phyin pa dam pa thob pa/ de bzhin gshegs pa 'jig rten gyi khams rgya mtsho bcu'i rdul shin tu phra ba snyed kyi b sod nams dang ye shes kyi tshogs yongs su bsgrubs pa gang ji snyed pa de dag thams cad kyis sems can de dag gi ba spu'i bu ga re re nas mngon par grub pa sha stag go / ci'i phyir na khang pa brtsegs pa kun nas smad du med pa de la kun nas smad du med pa zhes bya zhe na/ chos kyi dbyings 'jig rten gyi khams rgya mtsho bcu'i rdul shin tu phra ba snyed kyi rang bzhin yin pa'i phyir te/ de'i phyir khang pa brtsegs pa kun nas smad du med pa de la kun nas smad du med pa zhes bya'o/ /de ltar de dag la sogs pa khang pa brtsegs pa kun nas smad du med pa de ni/ yon tan tshad med pa dang ldan pa ste/ mdor na bza' shing gi ra ba mya ngan dang bral ba na yon tan gang ji snyed yod pa de snyed kyi yon tan ni/ khang pa brtsegs pa kun nas smad du med pa de na yod do/ /de lta bu'i pho brang brtsegs pa kun nas smad du med pa de na byang chub sems d pa'i ye shes kyi rdo rje'i lhun dang ldan pa'i seng+ge'i khri rgya mtsho 'jig rten gyi khams rgya mtsho bcu'i rdul shin tu phra ba snyed la bcom ldan 'das de bzhin gshegs pa ye shes gang chen mtsho rnam par snang mdzad 'das pa dang / ma 'ongs pa dang / da ltar byung ba'i byang chub sems dpa'i 'khor gyi rnam pa rgya mtsho 'jig rten gyi khams rgya mtsho bcu'i rdul shin tu phra ba snyed kyis kun nas bskor cing / 'das pa dang / ma 'ongs pa dang / da ltar byung ba'i rang sangs rgyas kyi 'khor gyi rnam pa rgya mtsho 'jig rten gyi khams rgya mtsho bcu'i rdul shin tu phra ba snyed kyis kun nas bskor te/ 'das pa dang / ma 'ongs pa dang / da ltar byung ba'i nyan thos kyi 'khor gyi rnam pa rgya mtsho 'jig rten gyi khams rgya mtsho bcu'i rdul shin tu phra ba snyed kyis bskor cing / de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa 'das pa dang / ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyis kun nas bskor cing bzhugs so/ /rnam par spyod do/ /byang chub sems dpa'i 'khor rnam pa tha dad pa rgya mtsho nas mi dang mi ma yin pa'i 'khor rnam pa tha dad pa rgya mtsho'i bar 'das pa dang / ma 'ongs pa dang / da ltar byung ba de dag las byang chub sems dpa' de dag re re zhing yang byang chub sems dpa' 'das pa dang / ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa/ rang sangs rgyas 'das pa dang / ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa/ nyan thos 'das pa dang / ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyi 'khor dang ldan pa de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa 'das pa dang / ma 'ongs pa dang / da ltar byung ba'i 'khor rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed kyi 'khor dang / de ltar 'khor dang / 'khor gyi 'khor gcig nas gcig tu brgyud pa yang 'jig rten gyi khams rgya mtsho bcu'i rdul shin tu phra ba snyed du shes par bya'o/ /byang chub sems dpa' rgya mtsho de dag nas mi dang mi ma yin pa'i bar rgya mtsho 'jig rten gyi khams rgya mtsho bcu'i rdul shin tu phra ba snyed po de dag las byang chub sems dpa' re re dang / mi dang mi ma yin pa'i bar re re dag kyang lus rnam pa tha dad pa 'jig rten gyi khams rgya mtsho bcu'i rdul shin tu phra ba snyed dang ldan pa sha stag ste/ lus r nam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed po de dag las lus re re la yang mgo rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /mgo rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed po de dag las mgo ra re la yang mig gi dbang po rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /de bzhin du rna ba dang / sna dang / lce dang / lus dang / yid kyi dbang po rnam pa tha dad pa rgya mtsho'i bar du yang 'jig rten gyi khams rgya mtsho bcu'i rdul shin tu phra ba snyed yod de/ mig gi dbang po rnam pa tha dad pa rgya mtsho 'jig rten gyi khams rgya mtsho bcu'i rdul shin tu p hra ba snyed nas yid kyi dbang po rnam pa tha dad pa rgya mtsho'i bar 'jig rten gyi khams rgya mtsho bcu'i rdul shin tu phra ba snyed po de dag la dbang po ji snyed cig yod pa de dag re re la yang mig gi rnam par shes pa'i rnam par rtog pa rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /de bzhin du rna ba dang / sna dang / lce dang / lus dang / yid kyi rnam par shes pa'i rnam par rtog pa rgya mtsho'i bar du 'jig rten gyi khams rgya mtsho bcu'i rdul shin tu phra ba snyed yod do/ /mig gi rnam par shes pa'i rnam par rtog p a rgya mtsho nas yid kyi rnam par shes pa rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed po de dag la rnam par shes pa ji snyed cig yod pa de dag las rnam par shes pa re re la yang ye shes rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed yod do/ /ye s hes rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed po de dag la ye shes ji snyed cig yod pa de dag las ye shes re res kyang 'jig rten gyi k hams rgya mtsho mang po'i sangs rgyas tha dad pa rgya mtsho'i ye shes rnam pa tha dad pa rgya mtsho'i tshul du chos kyi 'khor lo rnam pa tha dad pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu bskor bar byed do/ /byang chub sems dpa' rnams la ji lta ba de bzhin du rang sangs rgyas dang / de bzhin du nyan thos dang / de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa rnams la yang shes par bya ste/ ye shes la ji lta ba de bzhin du chos thams cad la yang shes par bya'o/ /byang chub sems dpa' de dag dang / mi dang mi ma yin pa'i bar de dag gi gnas kyi yon tan rnam par phye pa rgya mtsho ji snyed cig yod pa dang / stan gyi yon tan rnam par phye ba ji snyed cig yod pa dang / mtshan dang dpe byad bzang po'i yon tan rnam par phye ba ji snyed cig yod pa dang / rgyan gyi yon tan rnam par phye ba rgya mtsho ji snyed cig yod pa dang / gos kyi yon tan rnam par phye ba rgya mtsho ji snyed cig yod pa de dag dang / byang chub sems dpa' nas mi dang mi ma yin pa'i bar de dag gi mig gi rdul shin tu phra ba re re nas lus kyi rdul shin tu phra ba snyed re re zhing 'jig rten gyi khams thams cad du rgyas par 'gengs pa de dag ni/ sangs rgyas r gya mtsho 'jig rten gyi khams rgya mtsho bcu'i rdul shin tu phra ba snyed kyis bskal pa rgya mtsho 'jig rten gyi khams rgya mtsho bcu'i rdul shin tu phra ba snyed du bstan cing brjod kyang zad par mi rung ngo| / bam po bcu bzhi pa/ de nas bcom ldan 'das ye shes gang chen mtsho rnam par snang mdzad kyis sku'i ba spu'i bu ga re re nas kyang 'od zer rgya mtsho 'jig rten gyi khams rgya mtsho bcu'i rdul shin tu phra ba snyed bkye'o/ /'od zer rgya mtsho de dag re re las kyang sangs rgyas rgya mtsho pad+mo rgya mtsho la bzhugs pa 'jig rten gyi khams rgya mtsho bcu'i rdul shin tu phra ba snyed mngon par byung ste/ sangs rgyas re re'i sku'i ba spu'i sgo re re nas kyang yang dag par skul ba'i tshigs su bcad pa rgya mtsho 'jig rten gyi khams rgya mtsho bcu'i rdul shin tu phra ba snyed mngon par thon to/ /de dag las yang dag par skul pa'i tshigs su bcad pa rgya mtsho re re zhing shar phyogs kyi 'jig rten gyi khams ji snyed pa dang / rdul shin tu phra ba ji snyed pa'i 'jig rten gyi khams re re dang / rdul shin tu phra ba re re la'ang byang chub sems dpa' rgya mtsho ji snyad cig yod pa dang / rang sangs rgyas rgya mtsho dang / nyan thos rgya mtsho ji snyed cig yod pa dang / lha dang / klu dang / gnod spyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa rgya mtsho ji snyed cig yod pa de dag thams cad la yongs su skul ba byed do/ /shar phyogs dang 'dra bar phyogs rgya mtsho thams cad du'ang de bzhin te/ de nas byang chub sems dpa' rgya mtsho de dag dang / mi dang mi ma yin pa rgya mtsho ji snyed pa de dag bcom ldan 'das de bzhin gshegs pa ye shes gang c hen mtsho rnam par snang mdzad kyi 'od zer gyis yang dag par bskul nas rang rang gi sangs rgyas kyi zhing rgya mtsho dag na sangs rgyas rgya mtsho gang bzhugs pa de dag la zhus te gnang nas byang chub sems dpa' rgya mtsho re re dang / mi dang mi ma yin pa rgya mtsho'i bar de dag re re zhing byang chub sems dpa'i 'khor rgya mtsho nas mi dang mi ma yin pa'i 'khor rgya mtsho'i bar dang ldan par 'jig rten gyi khams rgya mtsho bcom ldan 'das kyi phyag gi mthil gyi snying po la rab tu gnas pa gang na ba der 'dong bar gyur te/ byang chub sems dpa' rgya mtsho de dag dang / mi dang mi ma yin pa rgya mtsho'i bar de dag la byang chub sems dpa' ji snyed cig yod pa de dang / mi dang mi ma yin pa ji snyed cig yod pa de dag las byang chub sems dpa' re re dang / mi dang mi ma yin pa'i bar de dag re re zhing yang lus rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa sha stag ste/ lus re re la yang lag pa rgya mtsho 'jig rten gyi khams rgya mtsho bcu'i rdul shin tu phra ba snyed yod pa/ lus re re la yang mgo rgya mtsho 'jig rten gyi khams rgya mtsho bcu'i rdul shin tu phra ba snyed yod pa/ mgo re re la yang kha'i sgo rgya mtsho 'jig rten gyi khams rgya mtsho bcu'i rdul shin tu phra ba snyed yod pa/ kha'i sgo re re la yang lce rgya mtsho 'jig rten gyi khams rgya mtsho bcu'i rdul shin tu phra ba snyed yod pa sha stag go / de nas byang chub sems dpa' rgya mtsho de dag dang / mi dang mi ma yin pa'i bar rgya mtsho de dag gis bcom ldan 'das de bzhin gshegs p a'i ye shes gang chen mtsho rnam par snang mdzad la lus re res kyang g.yas phyogs su bskor ba rgya mtsho 'jig rten gyi khams rgya mtsho bcu'i rdul shin tu phra ba snyed kyis bskor ba byas te| lag pa re re nas kyang me tog rgya mtsho 'jig rten gyi khams rgya mtsho bcu'i rdul shin tu phra ba snyed kyis mchod nas de bzhin du mar me dang / spos dang / bdug spos dang byug pa dang / phye ma dang / gdugs dang / rgyal mtshan dang / ba dan rgya mtsho 'jig rten gyi khams rgya mtsho bcu'i rdul shin tu phra ba snyed kyis mchod de| lce re re zhing yang bstod pa rgya mtsho 'jig rten gyi khams rgya mtsho bcu'i rdul shin tu phra ba snyed kyis mngon par bstod nas rang rang gi stobs dang / rdzu 'phrul gyis sprul pa'i stan rgya mtsho dag la 'khod par gyur to/ /'khod nas kyang lce re re zhing zhu ba rgya mtsho 'jig rten gyi khams rgya mtsho bcu'i rdul shin tu phra ba snyed yongs su zhu pa byed do/ / bcom ldan 'das de bzhin gshegs pa ye shes gang chen mtsho rnam par snang mdzad des zhus pa de dag re re la shin tu bstan pa rgya mtsho 'jig rten gyi khams rgya mtsho bcu'i rdul shin tu phra ba snyed kyis shin tu bstan pa mdzad de/ byang chub sems dpa' rgya mtsho dang / mi dang mi ma yin pa rgya mtsho'i bar rnam pa de ltar 'dus pa de dag thams cad la chos rgya mtsho mang po rnam grangs du mar rnam par phye'o/ /rnam par bkrol lo/ /gsal par mdzad do/ /yang dag par bstan to/ /de nas shar phyogs su 'jig rten gyi k hams rgya mtsho 'jig rten khams rgya mtsho bcu'i rdul shin tu phra ba snyed 'das pa na 'jig rten gyi khams rgya mtsho 'jig rten gyi khams rgya mtsho thams cad kyi gnas kyi snying po zhes bya ba yod de/ de na de bzhin gshegs pa sems can thams cad kyi don rgya mtsho rnam par snang mdzad ces bya ba bzhugs shing 'tsho gzhes te/ thog mar yang dge /bar du yang dge / tha mar yang dge ba'i chos/ don bzang po/ yi ge bzang po/ dag pa/ yongs su gsal ba/ yongs su byang ba/ tshangs pa'i spyod pa yang dag par ston cing / byang chub sems dpa' 'jig rten gyi khams rgya mtsho bcu'i rdul shin tu phra ba snyed la rab tu ston pa mdzad de/ de bzhin gshegs pa sems can thams cad kyi don gang chen mtsho rnam par snang mdzad de'i gnas kyi yon tan rnam par phye ba rgya mtsho ji snyed cig mnga' ba dang / sangs rgyas kyi zhing gi yon tan rnam par phye ba rgya mtsho ji snyed cig mnga' ba dang / sku tshe'i yon tan rnam par phye ba rgya mtsho ji snyed cig mnga' ba dang / sems can yongs su smin par mdzad pa'i yon tan rgya mtsho ji snyed cig mnga' ba dang / sku yongs su bstan pa'i yon tan rnam par phye ba rgya mtsho ji snyed cig mnga' ba dang / chos bstan pa'i yon tan rnam par phye ba rgya mtsho ji snyed cig mnga' ba de dag ni/ sangs rgyas rgya mtsho 'jig rten gyi khams rgya mtsho bcu'i rdul shin tu phra ba snyed kyis dus gsum rgya mtsho 'jig rten gyi khams rgya mtsho bcu'i rdul shin tu phra ba snyed du gsungs te bstan kyang zad par mi rung ngo / /'jig rten gyi khams rgya mtsho ' jig rten gyi khams rgya mtsho thams cad kyi gnas kyi snying po zhes bya ba de ni 'khor los bsgyur ba'i rgyal po rin chen mang po zhes bya ba 'jig rten gyi khams rgya mtsho bcu'i rdul shin tu phra ba snyed kyi 'jig rten gyi khams rgya mtsho'i bdag po lha dang mi'i dbang po yod de/ 'jig rten gyi khams rgya mtsho de dag re re zhing yang 'jig rten gyi khams rgya mtsho bcu'i rdul shin tu phra ba snyed kyi 'jig rten gyi khams rgya mtsho'i 'khor dang ldan pa sha stag go/ 'khor los bsgyur ba'i rgyal po rin po che mang po de'i 'jig rten gyi khams rgya mtsho re re na yang rin po che rgya mtsho 'jig rten gyi khams rgya mtsho bcu'i rdul shin tu phra ba snyed yod de/ 'di ltar sangs rgyas kyi spyan rin po che rgya mtsho dang / de bzhin du sangs rgyas kyi snyan dang / shangs dang / ljags dang / sku dang / thugs rin po che rgya mtsho dang / sangs rgyas kyi gzugs dang / sgra dang / dri dang / ro dang / reg bya dang / sangs rgyas kyi chos rin po che rgya mtsho dang / thams cad kyis blta na yid du 'ong ba'i bud med rin po che rgya mtsho dang / don thams cad sgrub pa'i khyim bdag rin po che rgya mtsho dang / kun tu rnam par phye ba'i blon po rin po che rgya mtsho dang / nam mkha'i mtha' klas pa'i rta rin po che rgya mtsho dang / yid bzhin du 'gro ba'i glang po rin po che rgya mtsho dang / chos kyi dbyings rdo rje'i lte ba can gyi 'khor lo rin po che rgya mtsho dang / kun tu snang bar byed pa'i yid bzhin gyi nor bu rin po che rgya mtsho dang / nam mkha' rgyan gyis 'gengs pa'i gdugs rin po che rgya mtsho dang / rang bzhin gyis dri ma med pa'i gos rin po che rgya mtsho dang / zla ba'i 'od zer lta bu'i rdul yab rin po che rgya mtsho dang / shes rab kyi lam gyi rin po che rgya mtsho dang / 'jig rten thams cad kyis bltar mi mthong ba'i spyi gtsug bsgribs pa med pa rin po che rgya mtsho dang / thams cad du 'gro ba'i lha ma rin po che rgya mtsho dang / ting nge 'dzin dang mnyam par bzhag pa thams cad kyi mdzod du gyur pa'i ting nge 'dzin rin po che rgya mtsho dang / chos gang chen mtsho thams cad kyi klong dang ldan pa'i gzungs rin po che rgya mtsho dang / de ltar de dag la sogs pa 'jig rten gyi khams rgya mtsho re re na yang rin po che rgya mtsho 'jig rten gyi khams rgya mtsho bcu'i rdul shin tu phra ba snyed yod de/ rin po che rgya mtsho de dag la rin po che ji snyed cig yod pa de dag las rin po che re re zhing yang las 'jig rten gyi khams rgya mtsho bcu'i rdul shin tu phra ba snyed byed pa sha stag go/ 'khor los bsgyur ba'i rgyal po rin chen mang po de la bu rgya mtsho kun kyang mi chen po'i mtshan rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ 'od chen po'i rgyan rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ lus dpe byad bzang po rgya mtsho 'jig rten gyi khams rgya mtsho bcu'i rdul shin tu phra ba snyed kyis rab tu gsal bar brgyan pa/ phas kyi rgol ba'i sde 'jig rten gyi khams rgya mtsho bcu'i rdul shin tu phra ba snyed rab tu 'joms pa/ sa bcu rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pa/ dpa' bar 'gro ba'i ting nge 'dzin rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob pa| snying po byang chub kyi rgyan rnam par phye ba'i ting nge 'dzin rgya mtsho 'jig rten gyi khams rgya mtsho bcu'i rdul shin tu phra ba snyed yongs su gnon pa la mkhas pa/ 'jig rten gyi khams rgya mtsho bcu'i rdul shin tu phra ba snyed yod do/ /'khor los bsgyur ba'i rgyal po rin chen mang po de la bu mo rgya mtsho kun kyang byang chub sems dpa' kun tu b zang po 'jig rten gyi khams rgya mtsho bcu'i rdul shin tu phra ba snyed kyis sprul pa'i bud med rin po che dang 'dra bar yid kyi lus 'jig rten gyi khams rgya mtsho bcu'i rdul shin tu phra ba snyed dang ldan pa/ srid pa'i lam gyi rgyud kyi 'khor lo sna tshogs rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ byang chub kyi sems bla na med pa rgya mtsho 'jig rten gyi khams rgya mtsho bcu'i rdul shin tu phra ba snyed kyi mgo dang ldan pa/ chos kyi dbyings nam mkha' rgya mtsho 'jig rten gyi khams rgya mtsho bcu'i rdul shin tu phra ba snyed kyi 'phral ba dang ldan pa/ bsam pa dang lhag pa'i bsam pa 'jig rten gyi khams rgya mtsho bcu'i rdul shin tu phra ba snyed kyi smin tshugs can/ shes rab dang ye shes yangs pa rgya mtsho 'jig rten gyi khams rgya mtsho bcu'i rdul shin tu phra ba snyed kyi mig dang ldan pa/ de bzhin gshegs pa thams cad las thos pa 'dzin pa 'jig rten gyi khams rgya mtsho bcu'i rdul shin tu phra ba snyed kyi rna ba yid du 'ong ba dang ldan pa/ sdom pa chen po yang dag par blangs pa rgya mtsho 'jig rten gyi khams rgya mtsho bcu'i rdul shin tu phra ba snyed kyi sna legs pa dang ldan pa/ chos rgya mtsho rab tu sgrog pa rgya mtsho 'jig rten gyi khams rgya mtsho bcu'i rdul shin tu phra ba snyed kyi lce dang ldan pa/ chos kyi dbyings mtha' gnyis yongs su spangs pas 'dzum par dgod pa rgya mtsho 'jig rten gyi khams rgya mtsho bcu'i rdul shin tu phra ba snyed dang ldan pa/ byams pa chen po dang / snying rje chen po 'jig rten gyi khams rgya mtsho bcu'i rdul shin tu phra ba snyed kyi lag pa dang ldan pa/ sems can thams cad kyi don yongs su sgrub pas mi ngoms pa rgya mtsho 'jig rten gyi khams rgya mtsho bcu'i rdul shin tu phra ba snyed kyi snying dang ldan pa/ bsod nams dang ye shes kyi tshogs rgya mtsho 'jig rten gyi khams rgya mtsho bcu'i rdul shin tu phra ba snyed kyi nu ma legs pa dang ldan pa/ chos zab mo sna tshogs rgya mtsho 'jig rten gyi khams rgya mtsho bcu'i rdul shin tu phra ba snyed kyi lte ba dang ldan pa/ dmigs pa thams cad yongs su gsal ba'i mthar thug pa rgya mtsho 'jig rten gyi khams rgya mtsho bcu'i rdul shin tu phra ba snyed rjes su rtogs pa dang ldan pa/ rdo rje lta bu'i ting nge 'dzin yangs shing mi shigs la brtan pa/ 'jig rten gyi khams rgya mtsho bcu'i rdul shin tu phra ba snyed kyi sta zur dang ldan pa/ 'jig rten pa dang 'jig rten las 'das pa thams cad rim gyis legs par 'brel ba rgya mtsho 'jig rten gyi khams rgya mtsho bcu'i rdul shin tu phra ba snyed kyi rkang pa dang ldan pa/ byang chub kyi yan lag gi me tog sna tshogs kyi dra ba dang / phreng ba rgya mtsho 'jig rten gyi khams rgya mtsho bcu'i rdul shin tu phra ba snyed mdzes par thogs pa/ sangs rgyas dang / byang chub sems dpa' dang / nyan thos dang / rang sangs rgyas kyi rnam par thar pa'i gos rgya mtsho 'jig rten gyi khams rgya mtsho bcu'i rdul shin tu phra ba snyed shin tu bzang par gyon pa/ sangs rgyas thams cad kyi chos kyi rgyan rgya mtsho 'jig rten gyi khams rgya mtsho bcu'i rdul shin tu phra ba snyed kyis legs par brgyan pa/ de bzhin gshegs pa'i tshul khrims dri zhim pa rgya mtsho 'jig rten gyi khams rgya mtsho bcu'i rdul shin tu phra ba snyed kyi spos kyis lus shin tu byugs pa/ dga' ba'i rgyan dang / thabs mkhas pa rgya mtsho 'jig rten gyi khams rgya mtsho bcu'i rdul shin tu phra ba snyed kyi pha rol tu phyin pa'i mchog thob pa 'jig rten gyi khams rgya mtsho bcu'i rdul shin tu phra ba snyed yod de/ de dag gi kha nas ye shes kyi rjes su 'brang ba'i chos rgya mtsho bcu'i rdul shin tu phra ba snyed 'byung ngo / /de dag gi lus kyi ba spu'i bu ga thams cad nas kyang snying rje'i rjes su 'brang ba'i tsan+dan gyi spos rgya mtsho 'jig rten gyi khams rgya mtsho bcu'i rdul shin tu phra ba snyed 'byung ngo / /spos rgya mtsho de dag gi dri zhim pos kyang 'jig rten gyi khams rgya mtsho bcu'i rdul shin tu phra ba snyed kyis 'jig rten gyi khams rgya mtsho mang po yongs su rgyas par 'gengs te/ de dag gi dga' ba'i rgyan dang thabs mkhas pa rgya mtshos ' dul ba'i sems can rgya mtsho gang ji snyed cig yod pas dri zhim po rgya mtsho de dag tshor bar gyur pa de dag thams cad kyang de bzhin gshegs pa'i tshul khrims dri zhim po rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /sems can gang dga' ba'i rgyan dang / thabs mkhas pa rgya mtshos 'dul ba de dag gis gzugs kyi yon tan rnam par phye ba rgya mtsho de dag mthong ba de thams cad kyang de bzhin gshegs pa'i shes rab dang / ye shes kyi sku rnam par dag pa yongs su ston pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang gis dbyangs rgya mtsho thos par gyur pa de dag thams cad kyang de bzhin gshegs pa thams cad las thos pa yongs su 'dzin pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang gis lag nas bzung ba de dag thams cad kyang byams pa chen po dang / snying rje chen po rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang gis mthong la reg pa de dag thams cad kyang bsod nams dang ye shes sna tshogs kyi tshogs kyi tshogs kyi tshogs rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang dang stan gcig la lhan cig tu 'khod pa de dag thams cad kyang snying po byang chub kyi seng+ge'i khri rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas par 'gyur ro/ / gang gi kha dang khar phrad par byas pa de dag thams cad kyang rnam par thar pa'i sgo rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang gis bang du 'khyud pa de dag thams cad kyang de bzhin gshegs pa'i chos kyi sku mnyam pa nyid rgya mtsho 'jig rten gyi khams rgya mtsho bcu'i rdul shin tu phra ba snyed rab tu 'thob bo/ /gang dang chos k yi dbyings su brtan par gyur pa de dag thams cad kyang 'jig rten gyi khams rgya mtsho mang po 'jig rten gyi khams rgya mtsho bcu'i rdul shin tu phra ba snyed na sems can gyi khams rgya m tsho gang ji snyed yod pa de dag thams cad kyi bsam pa yongs su dag pa rgya mtsho la de bzhin gshegs pa'i byin gyi rlabs 'jig rten gyi khams rgya mtsho bcu'i rdul shin tu phra ba snyed rab tu 'thob pa dang / yongs su dag pa dang / yongs su rdzogs par 'gyur bar sa bon rgya mtsho rab tu 'debs so/ /de nas 'khor los bsgyur ba'i rgyal po rin chen mang po des yang dag p ar bskul ba'i tshigs su bcad pa rgya mtsho 'jig rten gyi khams rgya mtsho bcu'i rdul shin tu phra ba snyed thams cad du khyab pa'i rna ba rgya mtshos thos nas rdzu 'phrul gyi stobs rgya mtsho chags pa med cing bsgribs pa med pas/ de bzhin gshegs pa sems can thams cad kyi don gang chen mtsho rnam par snang mdzad gang na ba der song ste phyin nas bcom ldan 'das de'i zhabs gnyis la mgo rgya mtsho'i spyi bos btud de phyag 'tshal nas chos kyi dbyings rab tu sgrog pa'i lce'i dbang po rgya mtshos zhu ba yongs su zhus pa/ bcom ldan 'das de ltar yang dag par skul ba'i tshigs su bcad pa rgya mtsho 'jig rten gyi khams rgya mtsho bcu'i rdul shin tu phra ba snyed byung ba de su'i mthu las byung ba lags / de skad ces gsol ba dang / de bzhin gshegs pa sems can thams cad kyi don gang chen mtsho rnam par snang mdzad kyis rgyal po rin chen mang po la 'di skad ces bka' stsal to// rgyal po chen po/ 'di nas nub phyogs logs su 'jig rten gyi khams rgya mtsho bcu'i rdul shin tu phra ba snyed 'das pa na 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa zhes bya ba yod de/ de na de bzhin gshegs pa ye shes gang chen mtsho rnam par snang mdzad ces bya ba da ltar bzhugs shing 'tsho skyong ngo / /chos ston to/ /yang dag par skul ba'i tshigs su bcad pa rgya mtsho 'jig rten gyi khams rgya mtsho bcu'i rdul shin tu phra ba snyed byung ba 'di yang de'i mthus byung ngo / /de nas rgyal po rin chen mang pos de bzhin gshegs pa sems can thams cad kyi don gang chen mtsho rnam par snang mdzad la 'di skad ces gsol to/ /bcom ldan ' das| bdag kyang 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der de bzhin gshegs pa ye shes gang chen mtsho rnam par snang mdzad kyi zhal blta ba dang / de la phyag bgyi ba dang / mchod pa dang / bsnyen bkur ba dang / chos mnyan pa'i slad du mchi'o/ /de skad ces gsol pa dang / bcom ldan 'das de bzhin gshegs pa sems can thams cad kyi don gang chen mtsho rnam par snang mdzad kyis rgyal po rin chen mang po la 'di skad ces bka' stsal to/ /rgyal po chen po/ de'i dus la dbab par shes na 'gro la rag ste/ rgyal po chen po/ 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der ni/ 'gro bar dka' ste/ der 'gro ba dang / de bzhin gshegs pa de'i zhal blta ba dang / de la phyag bya ba dang / bsnyen bkur ba dang / chos mnyan par ni/ de bzhin gshegs pa'i byin gyi r labs ma gtogs par byang chub sems dpa' ting nge 'dzin snying po byang chub kyi rgyan rnam par phye ba'i snying po rgya mtsho 'jig rten gyi khams rgya mtsho bcu'i rdul shin tu phra ba snyed la rab tu gnas pas kyang bde blag tu bya bar sla ba ma yin gyi/ rgyal po chen po/ de lta ma yin pa'i 'jig rten gyi khams rgya mtsho sa mtshams bzang po'i dbyangs zhes bya ba zhig yod de| de khyod kyis sngon chad mthong ngam/ 'jig rten gyi khams rgya mtsho de phyogs ni/ gang na 'dug/ 'jig rten gyi khams rgya mtsho de 'di nas ni/ nye 'am ring / de na da ltar de bzhin gshegs pa ni/ gang zhig bzhugs shing 'tsho gzhes pa dang / chos ston pa mdzad pa shes sam/ rgyal po rin chen mang pos gsol pa/ bcom ldan 'das| bdag gis 'jig rten gyi khams rgya mtsho de mthong ba'am/ 'jig rten gyi khams rgya mtsho de phyogs gang na mchis pa dang / 'jig rten gyi khams rgya mtsho de 'di nas ni/ nye ba'am ring zhig na mchis pa dang / da ltar de na de bzhin gshegs pa gang bzhugs pa dang / 'tsho gzhes shing chos ston pa ni/ smos su yang ma mchis te/ 'jig rten gyi khams rgya mtsho de ni/ sngon chad bdag gis ma thos so/ /de nas de bzhin gshegs pa sems can gyi don gang chen mtsho rnam par snang mdzad kyis rgyal po rin chen mang po la 'di skad ces bka' stsal to/ /rgyal po chen po/ 'jig rten gyi khams rgya mtsho de phyogs gang na yod pa dang / 'jig rten gyi khams rgya mtsho de 'di nas ji srid pa dang / de na da ltar de bzhin gshegs pa gang bzhugs shing 'tsho gzhes pa dang / chos ston pa legs par soms shig /de nas rgyal po rin chen mang pos 'jig rten gyi khams rgya mtsho thams c ad du yongs su gzhol ba'i ting nge 'dzin rgya mtsho la sogs pa ting nge 'dzin rgya mtsho 'jig rten gyi khams rgya mtsho bcu'i rdul shin tu phra ba snyed la mnyam par bzhag kyang 'jig rten gyi khams rgya mtsho de phyogs gang na yod pa dang / 'jig rten gyi khams rgya mtsho de 'di nas nye'am ring ba dang / de na da ltar de bzhin gshegs pa gang bzhugs shing 'tsho gzhes pa dang / chos ston pa yang ma shes te/ 'jig rten gyi khams rgya mtsho de'i mtshan ma tsam yang ma mthong ngo / /de nas rgyal po rin chen mang po ting nge 'dzin rgya mtsho de dag las langs te| de bzhin gshegs pa sems can thams cad kyi don gang chen mtsho rnam par snang mdzad de la 'di skad ces gsol to/ /bcom ldan 'das/ bdag gis 'jig rten gyi khams rgya mtsho de mthong ba'am/ 'jig rten gyi khams rgya mtsho de phyogs gang na mchis pa dang / 'jig rten gyi khams rgya mtsho de 'di nas ring ba'am nye ba dang / de bzhin gshegs pa gang zhig da ltar de na bzhugs shing 'tsho gzhes pa dang / chos ston pa lta smos kyang ci 'tshal te/ bdag gis 'jig rten gyi khams rgya mtsho de'i mtshan ma tsam yang ma mthong ngo / / de nas de bzhin gshegs pa sems can thams cad kyi don gang chen mtsho rnam par snang mdzad kyis rgyal po rin chen mang po la 'di skad ces bka' stsal to/ /de lta bas na/ rgyal po chen po/ rnam grangs des kyang 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der ni/ de bzhin gshegs pa'i byin g yi rlabs ma gtogs par ting nge 'dzin snying po byang chub kyi rgyan rnam par phye ba'i snying po rgya mtsho 'jig rten gyi khams rgya mtsho bcu'i rdul shin tu phra ba snyed la gnas pa'i byang chub sems dpa' rgya mtshos kyang 'gro bar bya ba'am/ de bzhin gshegs pa blta ba'am/ de la phyag bya ba'am/ bsnyen bkur ba'am/ de las chos mnyan pa bde blag ma yin par shes par gyis shig/ de nas rgyal po rin chen mang pos de bzhin gshegs pa sems can thams cad kyi don gang chen mtsho rnam par snang mdzad la 'di skad ces gsol to/ /bcom ldan 'das/ bstan du gsol/ 'jig rten gyi khams rgya mtsho de ni/ phyogs gang na mchis/ 'jig rten gyi khams rgya mtsho de 'di nas ni/ thag ji srid cig na mchis/ de bzhin gshegs pa ni/ gang zhig da ltar de na bzhugs shing 'tsho gzhes pa dang / chos ston pa bstan du gsol/ /de nas de bzhin gshegs pa sems can thams cad kyi don gang chen mtsho rnam par snang mdzad kyis rgyal po rin chen mang po la 'di skad ces bka' stsal to/ /rgyal po chen po/ 'jig rten gyi khams 'di'i n ub phyogs logs kyi sa mtshams kyi mtha' 'di nas 'jig rten gyi khams rgya mtsho 'jig rten gyi khams klong gi rdul shin tu phra ba snyed 'das pa na 'jig rten gyi khams rgya mtsho sa mtshams bzang po'i dbyangs zhes bya ba yod de/ de na de bzhin gshegs pa spyod pa thams cad dang mi mthun pa'i phyogs yang dag par sgrub pa'i gang chen mtsho rnam par snang mdzad ces bya ba da ltar bzhugs shing 'tsho gzhes so/ /chos kyang ston to/ /de nas de skad ces bka' stsal kyang rgyal po rin chen mang pos 'jig rten gyi khams rgya mtsho de ma shes ma mthong nas 'di snyam du bsam mo/ /ji ga 'jig rten gyi khams rgya mtsho de de ltar nye na 'ang bdag la mthu'i khyad par med na/ de bas ring ba lta ci smos snyam nas de ltar rjes su bsam ste/ de'i tshe de bzhin gshegs pa'i byin gyi rlabs legs par len pa'i ting nge 'dzin kun tu bsgribs pa med pa la sogs pa ting nge 'dzin rgya mtsho 'jig rten gyi khams rgya mtsho bcu'i rdul shin tu phra ba snyed la mnyam par bzhag go/ de ltar mnyam par bzhag pa'i mod la rgyal po rin chen mang po la de'i tshe 'jig rten gyi khams rgya mtsho mang po ' jig rten gyi khams rgya mtsho bcu'i rdul shin tu phra ba snyed na sangs rgyas rgya mtsho gang ji snyed bzhugs pa de dag thams cad kyis de bzhin gshegs pa'i byin gyi rlabs rgya mtsho 'jig rten gyi khams rgya mtsho bcu'i rdul shin tu phra ba snyed kyis byin gyis brlabs pa mdzad do/ /sangs rgyas bcom ldan 'das de dag gis de ltar rgyal po rin chen mang po la byin gyis brlabs pa mdzad ma thag tu de'i mod la 'jig rten gyi khams rgya mtsho sa mtshams bzang po'i dbyangs dang / de bzhin gshegs pa spyod pa thams cad dang mi mthun pa'i phyogs yang dag par sgrub pa'i gang chen mtsho rnam par snang mdzad dang / 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa dang / de bzhin gshegs pa ye shes gang chen mtsho rnam par snang mdzad dang / de ma yin pa'i 'jig rten gyi khams rgya mtsho mang po 'jig rten g yi khams rgya mtsho bcu'i rdul shin tu phra ba snyed dag na sangs rgyas rgya mtsho gang ji snyed bzhugs pa de dag thams cad de bzhin gshegs pa thams cad kyi ye shes kyi stobs dam pa rgya mtsho la sogs pa ye shes rgya mtsho 'jig rten gyi khams rgya mtsho bcu'i rdul shin tu phra ba snyed kyis rab tu shes so/ /dus gsum kun tu lta ba rnam par rgyu ba rgya mtsho la sogs pa mig rgya mtsho 'jig rten gyi khams rgya mtsho bcu'i rdul shin tu phra ba snyed kyis rab tu mthong ste/ 'di ltar dper na/ lag mthil du skyu ru ra'i 'bras bu bzhag pa'am/ me long shin tu gsal ba'i dkyil 'khor la ngo snang ba bzhin no/ /de nas rgyal po rin chen mang pos ting nge 'dzin rgya mtsho de dag las langs te de bzhin gshegs pa sems can thams cad kyi don gang chen mtsho rnam par snang mdzad la yang gsol pa/ bcom ldan 'das/ bdag 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der de bzhin gshegs pa ye shes gang chen mtsho rnam par snang mdzad kyi zhal blta ba dang / de la phyag bgyi ba dang / mchod pa dang / bsnyen bkur ba dang / chos mnyan pa'i slad du mchi'o/ /de nas de bzhin gshegs pa sems can thams cad kyi don gang chen mtsho rnam par snang mdzad kyis rgyal po rin chen mang po de la 'di skad ces bka' stsal to/ /rgyal po chen po/ de'i dus la dbab par shes na song la byang chub sems dpa' 'dul ba'i skyes bu rgya mtsho 'jig rten gyi khams rgya mtsho bcu'i rdul shin tu phra ba snyed 'di dag kyang bcom ldan 'das ye shes gang chen mtsho rnam par snang mdzad de la phul cig / de nas rgyal po rin chen mang po byang chub sems dpa' rgya mtsho 'jig rten gyi khams rgya mtsho bcu'i rdul shin tu phra ba snyed po de dag dang / bu rgya mtsho 'jig rten gyi khams rgya mtsho bcu'i rdul shin tu phra ba snyed po de dag dang lhan cig ste/ bu re re zhing ni| 'jig rten gyi khams rgya mtsho'i 'khor los bsgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig/ 'jig rten gyi khams rgya mtsho'i 'khor los bsgyur ba rgya mtsho re re zhing ni/ 'jig rten gyi khams ri rab kyi 'khor los bsgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig / 'jig rten gyi khams ri rab kyi 'khor los bsgyur ba rgya mtsho re re zhing ni/ stong gsum gyi stong chen po'i 'jig rten gyi khams kyi 'khor los bsgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig/ stong gsum gyi stong chen po'i 'jig rten gyi khams kyi 'khor los bsgyur ba rgya mtsho re re zhing ni/ stong gnyis kyi 'jig rten gyi khams kyi 'khor los bsgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig /stong gi 'jig rten gyi khams kyi 'khor los bsgyur ba rgya mtsho re re zhing ni/ gling bzhi pa'i 'jig rten gyi 'khor los bsgyur ba rgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig/ gling bzhi pa'i 'jig rten gyi khams kyi 'khor los bsgyur ba rgya mtsho re re zhing ni/ gling gcig gi 'khor los bsgyur brgya mtsho 'jig rten gyi khams rgya mtsho bcu'i rdul shin tu phra ba snyed dang lhan cig / gling gcig gi 'khor los bsgyur ba rgya mtsho re re zhing ni/ khams kyi rgyal po 'jig rten gyi khams rgya mtsho bcu'i rdul shin tu phra ba snyed dang lhan cig/ khams kyi rgyal po rgya mtsho re re zhing ni/ mi'i 'jig rten gyi khams rgya mtsho bcu'i rdul shin tu phra ba snyed dang lhan cig tu 'dong bar chas pa dang / 'khor los bsgyur ba'i rgyal po rin chen mang po de'i chung ma'i 'khor rgya mtsho dang / bu mo rgya mtsho 'jig rten gyi khams rgya mtsho bcu'i rdul shin tu phra ba snyed po de dag gis 'di skad ces smras te/ lha'i zhal snga nas gsan du gsol/ bdag cag kyang 'jig rten gyi khams rgya mtsho de bzhin gshegs pa'i phyag gi mthil gyi snying po la rab tu gnas pa der de bzhin gshegs pa ye shes gang chen mtsho rnam par snang mdzad de'i zhal blta ba dang / de la phyag bgyi ba dang / mchod pa dang / bsnyen bkur ba dang / chos mnyan pa'i slad du mchi bar gsol lo/ /de skad ces smras pa dang / rgyal po rin chen mang pos chung ma'i 'khor rgya mtsho de dag dang / bu mo rgya mtsho de dag la 'di skad ces smras so/ /ci ste khyed sangs rgyas rgya mtsho'i zhal blta ba ni/ don du mi gnyer/ chos rgya mtsho mnyan pa ni/ tshol bar mi byed/ dge 'dun rgya mtsho bsnyen bkur ba ni/ don du mi gnyer/ sangs rgyas kyi byang chub rgya mtsho mngon par rdzogs par 'tshang rgya ba ni/ tshol bar mi byed/ rang sangs rgyas kyi byang chub rgya mtsho mngon par rdzogs par 'tshang rgya ba ni/ don du mi gnyer/ nyan thos kyi byang chub rgya mtsho mngon par rdzogs par 'tshang rgya ba ni/ don du mi gnyer/ yul rgya mtsho 'di nas ni/ 'gro bar 'dod pa med/ yul rgya mtsho gzhan du ni/ 'gro bar 'dod pa med la/ gal te khyed sangs rgyas dang / byang chub sems dpa' dang / nyan thos dang / rang sangs rgyas thams cad dang / chos kyi dbyings la gnas par gyur te/ 'dod chags dang bcas pa'am/ 'dod chags dang bral ba la yang mi gnas/ sems can thams cad gsod phod kyang zhe sdang ngam/ byams pa la mi gnas/ mu stegs can thams cad kyi lta ba rgya mtsho la 'jug cing spyod kyang log pa'i ye shes sam/ yang dag pa'i ye shes la mi gnas/ chos thams cad kyi tshig rab tu dbye ba bstan pa yang ston la/ chos kyi dbyings las kyang mi g.yo zhe na/ deng la rag go/ 'khor los bsgyur ba'i rgyal po rin chen mang po des bstan pa 'di shin tu bstan pa'i tshe chung ma'i 'khor rgya mtsho de dag dang / bu mo rgya mtsho de dag las chung ma re re dang / bu mo re res kyang mig gi khams re res chos kyi dbyings thams cad la dbang bsgyur ba'i sangs rgyas kyi sa rgya mtsho la sogs pa sangs rgyas kyi sa rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob par gyur to/ /rna ba'i khams re res kyang nam mkha' khong du chud pa'i sa rgya mtsho la sogs pa byang chub sems dpa'i sa 'jig rten gyi khams rgya mtsho bcu'i rdul shin tu phra ba snyed rab tu thob par gyur to/ /sna'i khams re res kyang gcig la brten pa'i sa rgya mtsho la sogs pa rang sangs rgyas kyi sa 'jig rten gyi khams rgya mtsho bcu'i rdul shin tu phra ba snyed rab tu thob par gyur to/ /lce'i khams re res kyang sgra'i rjes su 'gro ba'i sa rgya mtsho la sogs pa nyan thos kyi sa 'jig rten gyi khams rgya mtsho bcu'i rdul shin tu phra ba snyed rab tu thob bo/ /lus kyi khams re res kyang pha rol tu phyin pa dri ma med pa rgya mtsho la sogs pa pha rol tu phyin pa rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob bo/ /yid kyi khams re res kyang sa'i dbang po'i stobs rgya mtsho la sogs pa stobs rgya mtsho 'jig rten gyi khams rgya mtsho bcu'i rdul shin tu phra ba snyed rab tu thob bo/ /de nas rgyal po rin chen mang po'i chung ma rgya mtsho de dag dang / bu mo rgya mtsho de dag gis theg pa chen po'i tshul rgya mtsho 'jig rten gyi khams rgya mtsho bcu'i rdul shin tu phra ba snyed kyi gting rnyed nas spyod pa rgya mtsho 'jig rten gyi khams rgya mtsho bcu'i rdul shin tu phra ba snyed la gzhan gyi dring mi 'jog par byas te/ rgyal po rin chen mang po la tshigs su bcad de smras pa/ bdag cag kun gyis sangs rgyas rgya mtsho mthong / /yongs su mchod de bsnyen bkur zhu ba bgyis/ /'on kyang 'di 'dra rgya mtsho'i chos ma thos| |sa mang rgya mtsho 'di dag thob ma gyur/ /da ni sangs rgyas 'phrin las sgrub pa yi/ /sa mang rgya mtsho'i mig kyang thob par gyur/ /byang chub don du phyogs rnams kun dbyings su/ /rna bas spyod pa dam pa spyad par bgyi/ /sna yi khams kyis rang rgyal sa thob ste/ /rten 'brel 'byung ba'i chos rnams rtogs par gyur// lces kyang nyan thos sa mang rgya mtsho thob/ /des ni zhi ba'i bde ba tshor bar gyur/ /lus kyis sa mang rgya mtsho thob pas na/ /sgrub pa sna tshogs rab tu bsgrub par bgyi/ /yid kyis dus gsum chos mang rgya mtsho rnams/ /'tshal bar gyur pas gzhan la bstan par bgyi/ /shin tu rgyas pa chen po'i mdo/ sangs rgyas phal po che zhes bya ba las/ de bzhin gshegs pa phal po che'i le'u ste/ bcu gcig go/ //bam po bco lnga pa/ bcom ldan 'das thog ma mngon par sangs rgyas pa ma ga d+ha'i chos kyi dgon pa'i snying po byang chub na bzhugs te/ blo shin tu rnam par dag pa mi gnyis pas yang dag par spyod pa/ chos mtshan nyid med pa la shin tu gzhol ba/ sangs rgyas kyi rnam par spyod pas sangs rgyas thams cad dang mnyam pa nyid brnyes pa/ bsgribs pa med pas rtogs par thugs su chud pa/ phyir mi ldog pa'i chos can spyod yul 'phrog pa med pa| rnam par dgod pa bsam gyis mi khyab pa dus gsum mnyam pa nyid la shin tu byung ba/ pho brang kun tu 'od na seng+ge'i khri pad+mo'i snying po can la bzhugs te/ byang chub sems dpa' sangs rgyas kyi zhing bcu'i rdul shin tu phra ba snyed kun kyang skye ba gcig gis thogs pa/ 'jig rten gyi khams gzhan nas 'dus pa/ sems can gyi khams la dpyod pa/ chos kyi dbyings la dpyod pa/ 'jig rten gyi khams la dpyod pa/ mya ngan las 'das pa'i dbyings la dpyod pa/ las kyi rnam par smin pa la dpyod pa/ bsam pa'i rgyud la dpyod pa/ don dang yi ge la dpyod pa/ 'jig rten pa dang 'jig rten las 'das pa la dpyod pa/ 'dus byas dang 'dus ma byas pa la dpyod pa/ 'das pa dang / ma 'ongs pa dang / da ltar byung ba la dpyod pa sha stag dang thabs cig go / de nas byang chub sems dpa' de dag 'di snyam du sems te/ bcom ldan 'das kyis bdag cag la thugs brtse bar dgongs te byang chub sems dpa' rnams kyi bsam pa ji lta ba bzhin du sangs rgyas kyi zhing yongs su bstan kyang rung / sangs rgyas kyi spyod pa yongs su bstan kyang rung / sangs rgyas kyi zhing gi rgyan yongs su bstan kyang rung / sangs rgyas kyi chos nyid yongs su bstan kyang rung / sangs rgyas kyi zhing yongs su dag pa bstan kyang rung / sangs rgyas kyi chos bshad pa yongs su bstan kyang rung / sangs rgyas kyi zhing gi rang bzhin yongs su bstan kyang rung / sangs rgyas kyi mthu yongs su bstan kyang rung / sangs rgyas kyi zhing gi rgyan yongs su bstan kyang rung / sangs rgyas kyi byang chub yongs su bstan kyang rung / phyogs bcu'i 'jig rten gyi khams su sangs rgyas bcom ldan 'das rnams kyis byang chub sems dpa'i rnam par bkod pa bcu ji ltar rnam par bkod pa de dag yongs su bstan kyang rung / byang chub sems dpa'i spyod pa bcu yongs su bstan kyang rung / byang chub sems dpa'i tshad med pa bcu yongs su bstan kyang rung / byang chub sems dpa'i gter rnams yongs su bstan kyang rung / byang chub sems dpa'i sa rnams yongs su bstan kyang rung / byang chub sems dpa'i smon lam rnams yongs su bstan kyang rung / byang chub sems dpa'i ting nge 'dzin bcu rnams yongs su bstan kyang rung / byang chub sems dpa'i rnam par 'phrul pa bcu yongs su bstan kyang rung / byang chub sems dpa'i mgo bcu yongs su bstan kyang rung / byang chub sems dpa' thams cad yang dag par 'byung ba'i phyir de bzhin gshegs pa'i gdung mi gcad pa dang / sems can thams cad yongs su bskyab pa dang / 'jig rten gyi khams thams cad nye bar nyon mongs pa med par bya ba dang / 'du byed thams cad yongs su shes par bya ba dang / chos thams cad yang dag par bstan par bya ba dang / kun nas nyon mongs pa thams cad rnam par dag par bya ba dang / the tshom thams cad yongs su gcad pa dang / nem nur thams cad shin tu gsal ba dang / gnas thams cad rab tu gzhom par bya ba'i phyir gong du de bzhin gshegs pa'i sa bstan kyang rung / gong du de bzhin gshegs pa'i yul bstan kyang rung / gong du de bzhin gshegs pa'i byin gyi rlabs bstan kyang rung / gong du de bzhin gshegs pa'i spyod yul bstan kyang rung / gong du de bzhin gshegs pa'i stobs bstan kyang rung / gong du de bzhin gshegs pa'i mi bsnyengs pa bstan kyang rung / gong du de bzhin gshegs pa'i ting nge 'dzin bstan kyang rung / gong du de bzhin gshegs pa'i rdzu 'phrul bstan kyang rung / gong du de bzhin gshegs pa'i mnga' chen po bstan kyang rung / gong du de bzhin gshegs pa'i mi 'phrog pa bstan kyang rung / gong du de bzhin gshegs pa'i spyan bstan kyang rung / gong du de bzhin gshegs pa'i snyan bstan kyang rung / gong du de bzhin gshegs pa'i shangs bstan kyang rung / gong du de bzhin gshegs pa'i ljags bstan kyang rung / gong du de bzhin gshegs pa'i sku bstan kyang rung / gong du de bzhin gshegs pa'i thugs bstan kyang rung / gong du de bzhin gshegs pa'i spobs pa bstan kyang rung / gong du de bzhin gshegs pa'i ye shes bstan kyang rung / gong du de bzhin gshegs pa'i khyu mchog gi mthu bstan kyang rung snyam pa dang / de nas bcom ldan 'das kyis byang chub sems dpa' de dag gi sems kyi yongs su rnam par rtog pa thugs kyis thugs su chud nas de bzhin gshegs pa'i rdzu 'phrul mngon par 'du bya ba mngon par 'du mdzad do/ /rdzu 'phrul gyi rnam pa de dag mngon par 'du mdzad pas shar phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams gser gyi mdog ces bya ba/ de bzhin gshegs pa rig byed mi g.yo pa'i sangs rgyas k yi zhing nas byang chub sems dpa' 'jam dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ shar phyogs su brten nas seng+ge'i khri pad+mo'i snying po can dag mngon par sprul te skyel mo krung bcas nas 'khod do/ /lho phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams kha dog yid du 'ong ba zhes bya ba/ de bzhin gshegs p a rig byed mi bskyod pa'i sangs rgyas kyi zhing nas byang chub sems dpa' sangs rgyas dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ lho phyogs su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /nub phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams pad+mo'i mdog ces bya ba/ de b zhin gshegs pa rig byed bcings med kyi sangs rgyas kyi zhing nas byang chub sems dpa' nor dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ nub phyogs su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /byang phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams tsam pa ka'i mdog ces bya ba/ de bzhin gshegs pa rig byed kun spyod kyi sangs rgyas kyi zhing nas byang chub sems dpa' rin chen dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ byang phyogs su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /byang shar gyi phyogs mtshams su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams ut+pa la'i mdog ces bya ba/ de bzhin gshegs pa rig byed nyi ma'i sangs r gyas kyi zhing nas byang chub sems dpa' yon tan dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ byang shar gyi phyogs mtshams su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /shar lho'i phyogs mtshams su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams gser gyi mdog ces bya ba/ de bzhin gshegs pa rig byed mtha' rgal gyi sangs rgyas kyi zhing nas byang chub sems dpa' mig gi dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ shar lho'i phyogs mtshams su brten nas seng+ge'i khri pad+mo'i snying po can dag mngon par sprul te/ skyil mo krung bcas nas 'khod do/ /lho nub kyi phyogs mtshams logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams rin po che'i mdog ces bya ba/ de bzhin gshegs pa rig byed dam pa'i sangs rgyas kyi zhing nas byang c hub sems dpa' brtson 'grus dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ lho nub kyi phyogs mtshams su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ / nub byang gi phyogs mtshams su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams rdo rje'i mdog ces bya ba/ de bzhin gshegs pa rig byed dbang phyug gi sangs rgyas kyi zhing nas byang chub sems dpa' chos kyi dpal zhes bya ba byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der song ste phyin nas bcom ldan 'das la phyag 'tshal te/ nub byang gi phyogs mtshams su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /'og gi phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams shel gyi mdog ces bya ba/ de bzhin gshegs pa rig byed tshangs pa'i dbang po'i sangs rgyas k yi zhing nas byang chub sems dpa' ye shes dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ 'og gi phyogs su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod d o| |steng gi phyogs logs su 'jig rten gyi khams sangs rgyas kyi zhing bcu'i rdul shin tu phra ba snyed 'das pa'i pha rol gyi 'jig rten gyi khams 'dra ba'i mdog ces b ya ba| de bzhin gshegs pa rig byed sna tshogs kyi sangs rgyas kyi zhing nas byang chub sems dpa' bzang po'i dpal byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu bcom ldan 'das gang na ba der dong ste phyin nas bcom ldan 'das la phyag 'tshal te/ steng gi phyogs su brten nas seng+ge'i khri pad+mo'i snying po can dag mngon par sprul te skyil mo krung bcas nas 'khod do/ /de nas byang chub sems dpa' 'jam dpal gyis sangs rgyas kyi byin gyi rlabs kyis byang chub sems dpa'i dge 'dun thams cad la bltas te 'di skad ces smras so/ /byang chub sems dpa' 'dus pa 'di dag ni/ ngo mtshar thob pa sha stag ste/ sangs rgyas bcom ldan 'das rnams kyi sangs rgyas kyi zhing ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi rnam par spyod pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi zhing gi rgyan ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi chos nyid ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi zhing yongs su dag pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi chos bstan pa ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi 'byung ba ni/ bsam gyis mi khyab bo/ /sangs rgyas bcom ldan 'das rnams kyi sangs rgyas kyi zhing kun tu rgyu ba ni/ bsam gyis mi khyab bo/ /sangs rgyas bcom ldan 'das rnams kyi bla na med pa yang dag par rdzogs pa'i byang chub ni/ bsam gyis mi khyab ste/ de ci'i phyir zhe na/ 'di ltar sangs rgyas bcom ldan 'das rnams ni/ phyogs bcu'i 'jig rten gyi khams dag tu sems can 'dul ba rnams kyi bsam pa thugs su chud cing / nam mkha'i dbyings kyi mthas gtugs pa chos kyi dbyings kyis klas pa dag tu chos ston te/ de ci'i phyir zhe na/ kye rgyal ba'i sras dag/ 'jig rten gyi khams mi mjed 'di nyid dang / de ma yin pa'i gling bzhi pa gzhan dag na'ang sku gzhan dang gzhan/ mtshan gzhan dang gzhan/ kha dog dang dbyibs gzhan dang gzhan/ chu zheng gzhan dang gzhan| sku tshe'i tshad gzhan dang gzhan/ skye mched brnyes pa gzhan dang gzhan/ dbang po brnyes pa gzhan dang gzhan/ 'byung ba'i skye mched gzhan dang gzhan/ sku gzugs gzhan dang gzhan du de bzhin gshegs pa sems can rnams kyis rab tu shes so/ /de ci'i phyir zhe na/ kye rgyal ba'i sras dag/ 'jig rten gyi khams gling bzhi pa bcom pa dang ldan pa zhes bya ba 'di nyid na'ang de bzhin gshegs pa la don thams cad grub pa zhes bya bar rab tu shes so/ /zla ba'i dkyil 'khor zhes bya bar rab tu shes so/ /seng+ge'i nga ro can zhes bya bar rab tu shes so/ /shAkya thub pa zhes bya bar rab tu shes so/ /drang srong dam pa'i mchog ces bya bar rab tu shes so/ /rnam par snang mdzad ces bya bar rab tu shes so/ /go'u ta ma'i rigs zhes bya bar rab tu shes so/ /dge sbyong chen po zhes bya bar rab tu shes so/ /rgyal ba dam pa zhes bya bar rab tu shes so/ / mu stegs byed ces bya bar rab tu shes te/ kye rgyal ba'i sras dag/ de dag la sogs pa 'jig rten gyi khams gling bzhi pa bcom pa dang ldan pa na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su shar phyogs logs na gling bzhi pa shin tu bsrungs pa zhes bya ba yod de/ de na de bzhin gshegs pa la rdo rje zhes bya bar rab tu shes so/ /dbang phyug ces bya bar rab tu shes so/ /blo gros mnga' ba zhes bya bar rab tu shes so/ / thub par dka' ba zhes bya bar rab tu shes so/ /sprin gyi rgyal po zhes bya bar rab tu shes so/ /nyon mongs pa med pa zhes bya bar rab tu shes so/ /skyabs mdzad pa zhes bya bar rab tu shes so/ /thugs dgyes pa zhes bya bar rab tu shes so/ /mtshungs pa med pa zhes bya bar rab tu shes so/ /tshig gcod pa zhes bya bar rab tu shes te/ kye rgyal ba'i sras dag/ de dag la sogs pa gling bzhi pa shin tu bsrungs pa zhes bya ba na de bzhin gshegs pa la mtshan stong phrag bcur sems can rnams kyis rab tu shes so| |kye rgyal ba'i sras dag/ gling bzhi pa 'di dang 'dabs chags su lho phyogs logs na gling bzhi pa bzod par dka' ba zhes bya ba yod de/ de na de bzhin gshegs pa la dbang po zhes bya bar rab tu shes so/ /nor grags zhes bya bar rab tu shes so/ /dri ma med pa zhes bya bar rab tu shes so/ /yang dag par gsung ba zhes bya bar rab tu shes so/ / 'dul ba zhes bya bar rab tu shes so/ /dgyes pa mnga' ba zhes bya bar rab tu shes so/ /rnam par grags pa zhes bya bar rab tu shes so/ /don mdzad pa zhes bya bar rab tu shes so| |mtha' yas pa zhes bya bar rab tu shes so/ /dpal dang ldan pa zhes bya bar rab tu shes te/ kye rgyal ba'i sras dag/ de dag la sogs pa gling bzhi pa bzod par dka' ba na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su nub phyogs logs na gling bzhi pa gnyen dang ldan pa zhes bya ba yod de/ de na de bzhin gshegs pa la chu'i lha zhes bya bar rab tu shes so/ /blta na dga' ba zhes bya bar rab tu shes so| |rgyal po dam pa zhes bya bar rab tu shes so/ /seng+ge 'dul ba zhes bya bar rab tu shes so/ /bden pa'i blo gros zhes bya bar rab tu shes so/ /mtha' las 'das par gshegs pa zhes bya bar rab tu shes so/ /dgyes pa zhes bya bar rab tu shes so/ /chos kyi blo gros zhes bya bar rab tu shes so/ /'phrin las grub pa zhes bya bar rab tu shes so/ /mkhas pa zhes bya bar rab tu shes te/ kye rgyal ba'i sras dag/ de dag la sogs pa gling bzhi pa gnyen dang ldan pa zhes bya ba de na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag /gling bzhi pa 'di dang 'dabs chags su byang phyogs logs na gling bzhi pa seng+ge yod pa zhes bya ba yod de/ de na de bzhin gshegs pa la thub pa chen po zhes bya bar rab tu shes so/ /dka' thub kyis bsgrubs pa zhes bya bar rab tu shes so/ /zhing la dpa' ba zhes bya bar rab tu shes so/ /thams cad thugs su chud pa zhes bya bar rab tu shes so/ /yid bzang po zhes bya bar rab tu shes so/ /yongs su dag pa zhes bya bar rab tu shes so/ /shugs 'dzin zhes bya bar rab tu shes so| |lda ldi bzang po zhes bya bar rab tu shes so/ /brtul zhugs brnyes pa zhes bya bar rab tu shes te/ kye rgyal ba'i sras dag/ de dag la sogs pa gling bzhi pa seng+ge yod pa na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su byang shar gyi phyogs mtshams na gling bzhi pa rnam par brtsegs pa zhes bya ba yod de/ de na de bzhin gshegs pa la bdud rnam par 'joms pa zhes bya bar rab tu shes so/ /yang dag par 'byung ba zhes bya bar rab tu shes so/ /zhi ba zhes bya bar rab tu shes so/ /bzang po lha zhes bya bar rab tu shes so/ /'dod chags dang bral pa zhes bya bar rab tu shes so/ /blo gros mchog ces bya bar rab tu shes so/ /thugs mnyam pa zhes bya bar rab tu shes so/ /gzhan gyis mi thub pa zhes bya bar rab tu shes so| |blo gros kyi dbyangs zhes bya bar rab tu shes so/ /ring du bzhud pa zhes bya bar rab tu shes te/ kye rgyal ba'i sras dag /de dag la sogs pa gling bzhi pa rnam par brtsegs pa zhes bya ba na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag /gling bzhi pa 'di dang 'dabs chags su shar lho'i phyogs mtshams na gling bzhi pa dga' ba zhes bya ba yod de/ de na de bzhin gshegs pa la 'jigs pa zhes bya bar rab tu shes so/ /me'i phung po zhes bya bar rab tu shes so/ /thugs su chud pa zhes bya bar rab tu shes so/ /khyab pa dang ldan pa zhes bya bar rab tu shes so/ /mi ldan pa zhes bya bar rab tu shes so/ / rang bzhin 'dzin pa zhes bya bar rab tu shes so/ /rigs par spyod pa zhes bya bar rab tu shes so/ /mig gi rgyal po zhes bya bar rab tu shes so/ /shin tu 'phags pa zhes bya bar rab tu shes so/ /stobs kyi brtson 'grus zhes bya bar rab tu shes te/ kye rgyal ba'i sras dag/ de dag la sogs pa gling bzhi pa dga' ba na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su lho nub kyi phyogs mtshams na gling bzhi pa snying po dam pa zhes bya ba yod de/ de na de bzhin gshegs pa la mi g.yo ba zhes bya bar rab tu shes so/ /mkhas pa'i rgyal po zhes bya bar rab tu shes so/ /yongs su rgyas pa zhes bya bar rab tu shes so/ /mi bskyod pa zhes bya bar rab tu shes so/ /mdzes pa'i spyan can zhes bya bar rab tu shes so/ /rgyal po'i mchog ces bya bar rab tu shes so/ /dbyangs kyi dbang phyug ces bya bar rab tu shes so/ /thams cad gtong ba zhes bya bar rab tu shes so/ /drang srong 'dzin pa zhes bya bar rab tu shes so/ /ri rab dpal zhes bya bar rab tu shes te/ kye rgyal ba'i sras dag/ gling bzhi pa snying po dam pa na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su nub byang gi phyogs mtshams na gling bzhi pa sa bzang po zhes bya ba yod de/ de na de bzhin gshegs pa la yang dag pa'i mtha' zhes bya bar rab tu shes so/ /'od 'phro ba dang ldan pa zhes bya bar rab tu shes so/ /rin po che'i gtsug phud ces bya bar rab tu shes so/ /dran par bya ba zhes bya bar rab tu shes so/ /don gyi mchog ces bya bar rab tu shes so/ /shin tu bzhad pa zhes bya bar rab tu shes so/ /rigs gtsang ma zhes bya bar rab tu shes so/ /'od kyi dkyil 'khor ces bya bar rab tu shes so/ /phyag shin tu 'phyang ba zhes bya bar rab tu shes so/ /thog mar rab tu gnas pa zhes bya bar rab tu shes te/ kye rgyal ba'i sras dag/ de dag la sogs pa gling bzhi pa sa bzang po na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su 'og logs na gling bzhi pa 'od 'phro ba dang ldan pa zhes bya ba yod de/ de na de bzhin gshegs pa la shin tu grub pa zhes bya bar rab tu shes so/ /seng+ge'i kha dog ces bya bar rab tu shes so/ /rno ba zhes bya bar rab tu shes so/ /gser gyi 'od 'phro ba zhes bya bar rab tu shes so/ /thams cad kyi bshes gnyen zhes bya bar rab tu shes so/ /gsung mthar thug pa zhes bya bar rab tu shes so/ /phan pa mdzad pa zhes bya bar rab tu shes so/ /mthar thug pa zhes bya bar rab tu shes so/ /lha ma nor ba zhes bya bar rab tu shes so/ /sbyin pa snyoms pa zhes bya bar rab tu shes te/ kye rgyal ba'i sras dag/ de dag la sogs pa gling bzhi pa 'od 'phro ba dang ldan pa na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ gling bzhi pa 'di dang 'dabs chags su steng logs na gling bzhi pa nor 'dzin ces bya ba yod de/ de na de bzhin gshegs pa la blo gros dang ldan pa zhes bya bar rab tu shes so/ /zhal dag pa zhes bya bar rab tu shes so/ /bshes gnyen dang ldan pa zhes bya bar rab tu shes so/ /thog mar gshegs pa zhes bya bar rab tu shes so/ /byin rnam par bkod pa zhes bya bar rab tu shes so/ /dga' bar mdzad pa zhes bya bar rab tu shes so/ / dgongs pa grub pa zhes bya bar rab tu shes so/ /me zhes bya bar rab tu shes so/ /tshul khrims dang ldan pa zhes bya bar rab tu shes so/ /gcig la brten pa zhes bya bar rab tu s hes te| kye rgyal ba'i sras dag de dag la sogs pa gling bzhi pa nor 'dzin na mtshan stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ de ltar de dag la sogs pa 'jig rten gyi khams mi mjed 'di na gling bzhi pa'i 'jig rten gyi khams bye ba phrag brgya yod de/ de dag kun na yang de bzhin gshegs pa la mtshan gzhan dang gzhan gyis brjod de/ mtshan bye ba brgya stong phrag bcur de bzhin gshegs pa sems can rnams kyis rab tu shes so| |kye rgyal ba'i sras dag/ 'jig rten gyi khams mi mjed 'di dang 'dabs chags su shar phyogs logs na 'jig rten gyi khams khebs pa dang ldan pa zhes bya ba yod de/ de na de bzhin gshegs pa la mnyam pa zhes bya bar rab tu shes so/ /'phags pa lhag pa zhes bya bar rab tu shes so/ /dbugs phyin pa zhes bya bar rab tu shes so/ /bsam pa grol ba zhes bya bar rab tu shes so/ /nyan pa'i bdag po zhes bya bar rab tu shes so/ /khyab par bzhugs pa zhes bya bar rab tu shes so/ /dbang du gyur pa zhes bya bar rab tu shes so/ /sA la'i lhun zhes bya bar rab tu shes so/ /rtsal chen po zhes bya bar rab tu shes so/ /blo 'dra ba med pa zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams khebs pa dang ldan pa na mtshan bye ba brgya stong phrag bcur de bzhin gshegs pa sems can rnams kyi rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su lho phyogs logs na 'jig rten gyi khams lhag pa zhes bya ba yod de/ de na de bzhin gshegs pa la rang bzhin thugs su chud ces bya bar rab tu shes so/ /bsam pa grol ba zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams lhag pa na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su nub phyogs logs na 'jig rten gyi khams rdul bsal ba zhes bya ba yod de/ de na de bzhin gshegs pa la dgongs pa dang ldan pa zhes bya bar rab tu shes so/ /lam rnam par bsgoms pa zhes bya bar rab tu shes so/ /brtan pa'i gzhi zhes bya bar rab tu shes so/ /khyab cing grol ba zhes bya bar rab tu shes so/ /don mkhyen pa zhes bya bar rab tu shes so/ /bye brag la dgyes pa zhes bya bar rab tu shes so/ /gzigs pa dam pa zhes bya bar rab tu shes so/ /'dul ba thugs su chud pa zhes bya bar rab tu shes so/ /kun tu snyoms pa zhes bya bar rab tu shes so/ /dgyes pa dang ldan pa zhes bya bar rab tu shes te/ kye rgyal ba'i sras dag /de dag la sogs pa 'jig rten gyi khams rdul bsal ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su byang phyogs logs na 'jig rten gyi khams rnam par byung ba zhes bya ba yod de/ de na de bzhin gshegs pa la tsam pa ka'i kha dog ces bya bar rab tu shes so| |nyi ma'i snying po zhes bya bar rab tu shes so/ /mthu shin tu gnas pa zhes bya bar rab tu shes so/ /byin gyi rlabs yang dag par 'byung ba zhes bya bar rab tu shes so/ / rang bzhin dam pa zhes bya bar rab tu shes so/ /blo gros kyi nyi ma zhes bya bar rab tu shes so/ /thogs pa med pa zhes bya bar rab tu shes so/ /zla ba shar ba zhes bya bar rab tu shes so| |rlung gi shugs zhes bya bar rab tu shes so/ /sgra shin tu gsal ba zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams rnam par byung ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su byang shar gyi phyogs mtshams logs na 'jig rten gyi khams 'pho bar byed pa zhes bya ba yod de/ de na de bzhin gshegs pa la sdug bsngal dang bral ba zhes bya bar rab tu shes so/ /thams cad las grol ba zhes bya bar rab tu shes so/ /rgyu dang ldan pa zhes bya bar rab tu shes so/ /grol zhing mkhas pa zhes bya bar rab tu shes so| |'das pa'i gter zhes bya bar rab tu shes so/ /rin po che'i 'od ces bya bar rab tu shes so/ /'jig rten ston pa zhes bya bar rab tu shes so/ /gnas med pa'i sa thugs su chud pa zhes bya bar rab tu shes so/ /dad pa'i snying po zhes bya bar rab tu shes so/ /thugs mi sgul ba zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams 'pho bar byed pa na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su shar lho'i phyogs mtshams na 'jig rten gyi khams phan pa zhes bya ba yod de/ de na de bzhin gshegs pa la rab tu 'joms pa zhes bya bar rab tu shes so/ /byang ba thugs su chud pa zhes bya bar rab tu shes so/ /gsung snyan pa zhes bya bar rab tu shes so/ /rtsa ba khyad du 'phags pa zhes bya bar rab tu shes so/ /rgyun gyi gdugs zhes bya bar rab tu shes so/ /rgyu shin tu sbyangs pa zhes bya bar rab tu shes so/ /rnam par phye ba'i pha rol tu phyin pa zhes bya bar rab tu shes so/ /dam pa'i bsam gtan mnga' ba zhes bya bar rab tu shes so/ /ran par gsung ba zhes bya bar rab tu shes so/ /blo rgya mtsho zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams phan pa na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su lho nub kyi phyogs mtshams na 'jig rten gyi khams kun tu song ba zhes bya ba yod de/ de na de bzhin gshegs pa la thub pa'i dbang po zhes bya bar rab tu shes so/ /mngon par sel ba zhes bya bar rab tu shes so/ /dus las shin tu grol ba zhes bya bar rab tu shes so/ /ngo bo nyid yongs su mkhyen pa zhes bya bar rab tu shes so/ /bka' nyams pa med pa zhes bya bar rab tu shes so/ /skal pa mnyam pa med par gzigs pa zhes bya bar rab tu shes so/ / dbang phyug gi dam pa zhes bya bar rab tu shes so/ /drang srong ston pa zhes bya bar rab tu shes so/ /'phrin las brtsams pa zhes bya bar rab tu shes so/ /rdo rje'i seng+ge zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams kun tu song ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su nub byang gi phyogs mtshams na 'jig rten gyi khams yongs su dga' ba zhes bya ba yod de/ de na de bzhin gshegs pa la me tog yang dag par brtsegs pa zhes bya bar rab tu shes so/ /tsan+dan gyi gdugs zhes bya bar rab tu shes so/ /pad+mo'i snying po zhes bya bar rab tu shes so/ /shin tu 'das pa'i chos zhes bya bar rab tu shes so/ /chos kyi ldum bu zhes bya bar rab tu shes so/ /shin tu 'phags pa zhes bya bar rab tu shes so/ /shin tu sbyangs pa'i gdugs zhes bya bar rab tu shes so/ /spyan shin tu yangs pa zhes bya bar rab tu shes so/ /tshul bzang po dang ldan pa zhes bya bar rab tu shes so/ /chos rtse gcig ces bya bar rab tu shes so/ /dra ba'i snying po zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams yongs su dga' ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su 'og gi phyogs na 'jig rten gyi khams mi che ba zhes bya ba yod de| de na de bzhin gshegs pa la 'od 'phro 'gyed pa zhes bya bar rab tu shes so/ /shin tu 'dul ba zhes bya bar rab tu shes so/ /dbang po'i mtshon cha zhes bya bar rab tu shes so/ /mi rtag pa zhes bya bar rab tu shes so/ /rtsa ba thugs su chud pa zhes bya bar rab tu shes so/ /'phro ba med pa zhes bya bar rab tu shes so/ /rlung dang mnyam pa zhes bya bar rab tu shes so/ /gtong ba la mos pa zhes bya bar rab tu shes so/ /lam shin tu brtags pa zhes bya bar rab tu shes so/ /'joms pa'i rgyal mtshan zhes bya bar rab tu shes te/ kye rgyal ba'i sras dag/ de dag la sogs pa 'jig rten gyi khams mi che ba na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ 'jig rten gyi khams mi mjed 'di dang 'dabs chags su steng gi phyogs na 'jig rten gyi khams dbyangs sgrog pa zhes bya ba yod de/ de na de bzhin gshegs pa la dpa' ba'i rgyal mtshan zhes bya bar rab tu shes so/ /rin po che tshad med pa zhes bya bar rab tu shes so/ /mchod sbyin la brtson pa zhes bya bar rab tu shes so/ /lha'i 'od ces bya bar rab tu shes so/ /dpal 'byung pa zhes bya bar rab tu shes so/ /'khor las 'phags pa zhes bya bar rab tu shes so/ /thams cad kyi bdag po zhes bya bar rab tu shes so/ /'khor lo mi ldog pa zhes bya bar rab tu shes so/ /bya ba dang bzhud pa med pa zhes bya bar rab tu shes so/ / thams cad mkhyen pas shin tu grol ba zhes bya bar rab tu shes te/ kye rgyal ba'i sras dag /de dag la sogs pa 'jig rten gyi khams dbyangs sgrog pa na mtshan bye ba brgya stong phrag bcur de bzhin gshegs pa sems can rnams kyis rab tu shes so/ /kye rgyal ba'i sras dag/ ji ltar 'jig rten gyi khams mi mjed 'di na de bzhin gshegs pa sems can rnams kyis rab tu shes pa de bzhin du shar phyogs kyi 'jig rten gyi khams bye ba brgya stong tshad med pa/ grangs med pa/ dpag tu med pa/ bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ brjod du med pa/ chos kyi dbyings kyis klas pa/ nam mkha'i dbyings kyi mthas gtugs pa'i 'jig rten gyi khams thams cad na yang de bzhin gshegs pa sems can rnams kyis rab tu shes so/ /gzhung de ltar lho phyogs dang / de bzhin du nub phyogs dang / de bzhin du byang phyogs dang / de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi phyogs kyi 'jig rten gyi khams bye ba brgya stong tshad med pa/ grangs med pa/ dpag tu med pa| bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ brjod du med pa/ chos kyi dbyings kyis klas pa/ nam mkha'i dbyings kyi mthas gtugs pa'i 'jig rten gyi khams thams cad na yang de bzhin gshegs pa sems can rnams kyis rab tu shes te/ sngon bcom ldan 'das kyis byang chub sems dpar gyur pa'i tshe yongs su smin par mdzad pa de dag gis ni/ spyod pa rnam pa tha dad pa dang / gsung gi rnam pa tha dad pa dang / nga ro rnam pa tha dad pa dang / 'phrin las rnam pa tha dad pa dang / rnam par smin pa rnam pa tha dad pa dang / skye mched rnam pa tha dad pa dang / sbyor ba rnam pa tha dad pa dang / dbang po rnam pa tha dad pa dang / mos pa rnam pa tha dad pa dang / skye mched rab tu thob pa gzhan dang gzhan gyis sems can rnams la chos yongs su bstan pa'ang rab tu shes so/ /shin tu rgyas pa chen po'i mdo/ sangs rgyas phal po che zhes bya ba las/ sangs rgyas kyi mtshan shin tu bstan pa zhes bya ba'i le'u ste/ bcu gnyis pa'o// // bam po bcu drug pa/ de nas byang chub sems dpa' sems dpa' chen po 'jam dpal gyis byang chub sems dpa' de dag la 'di skad ces smras so/ /kye rgyal ba'i sras dag/ 'di na sdug bsngal 'phags pa'i bden pa zhes bya ba de la 'jig rten gyi khams mi mjed 'di nyid na yang byung ba zhes bya'o/ /gnod pa zhes bya'o/ /skal pa mi mnyam pa zhes bya'o/ /dmigs pa zhes bya'o/ /kun tu 'byung ba zhes bya'o/ /gsal shing gi rang bzhin zhes bya'o/ /gnas kyi rtsa ba zhes bya'o/ /gdon mi za ba zhes bya'o/ /shu ba'i gzeb zhes bya'o/ /byis pa'i spyod pa zhes bya'o/ /kye rgyal ba'i sras dag /gang 'di na kun 'byung ba 'phags pa'i bden pa zhes bya ba de yang 'jig rten gyi khams mi mjed 'di nyid na yang yongs su 'brel ba zhes bya'o/ /chud za ba zhes bya'o/ /tshor bar gcen pa zhes bya'o/ /myong bar byed pa zhes bya'o/ /sbyor ba las byung ba zhes bya'o/ /nges pa zhes bya'o/ /dran pa can zhes bya'o/ / brjod pa zhes bya'o/ /sems can gyi phyi bzhin snyegs pa zhes bya'o/ /phyin ci log gi rtsa ba zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams mi mjed 'di nyid na yang 'dzud pa zhes bya'o/ /rdul dang bral ba zhes bya'o/ /zhi ba zhes bya'o/ /mtshan nyid med pa zhes bya'o// ma nyams pa zhes bya'o/ /rang bzhin med pa zhes bya'o/ /so sor ldan pa zhes bya'o/ /nub par 'gro ba zhes bya'o/ /rang bzhin du gyur pa zhes bya'o/ /rang bzhin la gnas pa zhes bya'o/ /kye rgyal ba'i sras dag/ gang yang sdug bsngal 'gog par 'gro ba'i lam 'phags pa'i bden pa zhes bya ba de yang 'jig rten gyi khams mi mjed 'di nyid na theg pa gcig ces bya'o/ /zhi bar 'gro ba zhes bya'o/ /dgra dang bral ba zhes bya'o/ /yongs su rtog pa zad pa zhes bya'o/ /shin tu mnyam par bzhag pa zhes bya'o/ /khur 'dor ba zhes bya'o/ /'gro ba med par 'gro ba zhes bya'o/ /'phags pa'i rjes su 'brang ba zhes bya'o/ /drang srong gi spyod pa zhes bya'o/ /gter bcu zhes bya ste| kye rgyal ba'i sras dag/ de ltar de dag la sogs pa 'jig rten gyi khams mi mjed 'di nyid na'ang 'phags pa'i bden pa rnams la ming bye ba brgya phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di nyid na sdug bsngal 'phags pa'i bden pa zhes bya ba de la 'jig rten gyi khams khebs pa yod pa na tshol ba'i rtsa ba zhes bya'o/ /mi 'byung ba zhes bya'o/ /rtsa ba mi brtan pa zhes bya'o/ /bya ba ma byas pa zhes bya'o/ /rtsod pa thams cad ces bya'o/ /rnam par phye ba nyam chung ba zhes bya'o/ /kun gzhi dang ldan pa zhes bya'o/ /gsod pa'i mchog ces bya'o/ /'gul zhing g.yo ba zhes bya'o| |dngos po'i gzugs brnyan zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de yang 'jig rten gyi khams khebs pa yod pa na las su rung ba zhes bya'o/ /ldan pa zhes bya'o/ /sreg pa zhes bya'o/ /'jigs pa zhes bya'o/ /'jigs pa'i rtsa ba zhes bya'o/ /mtshams dang ldan pa zhes bya'o/ /sdig pa la spyod pa zhes bya'o/ /'dod pa zhes bya'o/ /klad pa na ba zhes bya'o/ /sgal pa zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams khebs pa yod pa na don ces bya'o/ /'jigs pa sel ba zhes bya'o/ /yon tan thob par byed pa zhes bya'o/ /dbugs 'byin pa zhes bya'o/ / tshul bzang po zhes bya'o/ /'dul ba zhes bya'o/ /yan lag gcig pu zhes bya'o/ /sdig pa med pa zhes bya'o/ /'dod chags dang bral ba zhes bya'o/ /rtogs pa zhes bya'o/ / kye rgyal ba'i sras dag/ gang sdug bsngal 'gog par 'gro ba'i lam 'phags pa'i bden pa zhes bya ba de la'ang 'jig rten gyi khams khebs pa dang ldan pa na sde'i dbang po zhes bya'o/ /gyen du 'gro ba zhes bya'o/ /'byung ba zhes bya'o/ /sbyor ba dang ldan pa zhes bya'o/ /lta ba mnyam pa zhes bya'o/ /mtha' las grol ba zhes bya'o/ /rtogs par byed pa zhes bya'o/ /rjes su brtul ba zhes bya'o/ /mig dam pa zhes bya'o/ /phyogs su snang ba zhes bya'o/ /kye rgyal ba'i sras dag/ de ltar de dag la sogs pa 'jig rten gyi khams khebs pa dang ldan pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam ba ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de yang 'jig rten gyi khams lhag pa na 'jig pa zhes bya'o/ /skal pa gcod pa zhes bya'o/ /smad pa'i gnas zhes bya'o/ /nye bar bsrabs pa zhes bya'o/ /rnam par sreg pa zhes bya'o/ /'khon du 'gyur ba zhes bya'o/ /nad dang ma bral ba zhes bya'o/ /rgyud 'khrugs pa zhes bya'o/ /dka' ba bsgrubs pa zhes bya'o/ /rab tu brtags pa zhes bya'o/ /mos pa dang ldan pa zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de yang 'jig rten gyi khams lhag pa na rab tu 'jig pa zhes bya'o| |gti mug gi rtsa ba zhes bya'o/ /dgra dam pa zhes bya'o/ /bkres pa'i yan lag ces bya'o/ /ro med pa zhes bya'o/ /kun skyed pa zhes bya'o/ /rang bzhin ma yin pa zhes bya'o// bkur bar bya ba zhes bya'o/ /mun pa khyer ba zhes bya'o/ /blo gros bcom pa zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams lhag pa na don chen po zhes bya'o/ /phan pa'i yan lag ces bya'o/ /don gyi don ces bya'o/ /tshad med pa zhes bya'o/ /mthong ba zhes bya'o/ /rtog pa med pa zhes bya'o/ /mchog tu dul ba zhes bya'o/ /rtag tu mnyam pa zhes bya'o/ /gnas par byed pa zhes bya'o/ /yan lag byas pa med pa zhes bya'o/ /kye rgyal ba'i sras dag /gang sdug bsngal 'gog par 'gro ba'i lam 'phags pa'i bden pa zhes bya ba de yang 'jig rten gyi khams lhag pa na me'i tsha ba zhes bya'o/ /yan lag dang po zhes bya'o/ /rnam par gdon mi za ba zhes bya'o/ /mi 'phrog pa zhes bya'o/ /tshul zab mo zhes bya'o/ /'byung ba zhes bya'o/ /mi dma' ba zhes bya'o/ /rtogs par khong du chud pa zhes bya'o/ /grol ba'i rang bzhin zhes bya'o/ /rab tu 'grel ba zhes bya'o/ /kye rgyal ba'i sras dag/ de ltar de dag la sogs pa 'jig rten gyi khams lhag pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de la 'jig rten gyi khams rdul bsal ba na 'gyod pa zhes bya'o/ /kun spyod pa zhes bya'o/ / gcig la gcig ces bya'o/ /kun tu 'gro ba zhes bya'o/ /ro gcig pa zhes bya'o/ /chos ma yin pa zhes bya'o/ /kun gzhi dang mngon sum zhes bya'o/ /log pa la gzhol ba zhes bya'o/ /log par lta ba zhes bya'o/ /grangs med pa zhes bya'o/ /dgra'i dpung zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de la'ang 'jig rten gyi khams rdul bsal ba na 'dod chags pa zhes bya'o/ /smra ba zhes bya'o/ /mi dkar ba zhes bya'o/ /gzhi las skyes pa zhes bya'o/ / bzung ba zhes bya'o/ /sdig pa'i kha ba zhes bya'o/ /lhag pa zhes bya'o/ /khur zhes bya'o/ /skyed pa zhes bya'o/ /sra ba zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams rdul med pa na mi mnyam pa zhes bya'o/ /bral ba zhes bya'o/ /dri ma med pa zhes bya'o/ /rtsa ba dang bral ba zhes bya'o/ /ldan pa zhes bya'o/ /sgrim pa med pa zhes bya'o/ /bag la nyal ba med pa zhes bya'o/ /'phags pa zhes bya'o/ /phyi ma zhes bya'o/ /dgra bcom pa zhes bya'o/ /kye rgyal ba'i sras dag / gang sdug bsngal 'gog par 'gro ba'i lam 'phags pa'i bden pa zhes bya ba de la'ang 'jig rten gyi khams rdul bsal ba na dngos po'i snying po zhes bya'o/ /skal pa sbyor ba zhes bya'o/ /grol ba'i don gyi rtsa ba zhes bya'o/ /rang bzhin du gyur pa zhes bya'o/ /mi smad pa zhes bya'o/ /mchog tu rnam par dag pa zhes bya'o/ /srid pa'i mtha' ma zhes bya'o/ /spa ba'i snying po zhes bya'o/ /mthar thug par byed pa zhes bya'o/ /yongs su rtog pa dag pa zhes bya ste/ kye rgyal ba'i sras dag/ de ltar de dag la sogs pa 'jig rten gyi khams rdul bsal ba na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo| |kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de la 'jig rten gyi khams rnam par byung ba na 'dod chags kyis rgyas pa zhes bya'o/ /gtum pa'i rtsa ba zhes bya'o/ /rgya mtsho'i yan lag ces bya'o/ /yang dag pa las 'das pa'i sbyor ba zhes bya'o/ /skal pa med pa'i rtsa ba zhes bya'o/ /'phro ba zhes bya'o/ /skye zhing 'jig pa zhes bya'o/ /sgrib pa zhes bya'o/ /ral gri'i dngo zhes bya'o/ /tshal stug po zhes bya'o/ /kye rgyal pa'i sras dag/ gang sdug bsngal kun 'byung ba 'phags pa'i bden pa zhes bya ba de yang 'jig rten gyi khams rnam par byung ba na nor bu sbyin pa zhes bya'o/ /'dud par byed pa zhes bya'o/ /mi zad pa zhes bya'o/ /skal pa zhes bya'o/ /chags pa med pa zhes bya'o/ /seng+ge zhes bya'o/ /dngos po len pa zhes bya'o/ /'brel ba zhes bya'o/ /snod ces bya'o/ /g.yo ba zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams rnam par byung ba na mtshams bral ba zhes bya'o/ /phye ba zhes bya'o/ /yi ge med pa zhes bya'o/ /sbyor ba med pa zhes bya'o/ /mthong ba med pa zhes bya'o/ /bya ba med pa zhes bya'o/ /nye bar bsgrubs pa zhes bya'o/ /sred pa zhes bya'o/ /gzhol ba zhes bya'o/ /skyed pa zhes bya'o/ /kye rgyal ba'i sras dag/ gang sdug bsngal 'gog par 'gro ba'i lam 'phags pa'i bden pa zhes bya ba de la 'jig rten gyi khams rnam par byung ba na zhi bar byed pa rjod pa zhes bya'o/ /khyab par 'gro ba zhes bya'o/ /mngon du bya ba la sbyor ba zhes bya'o/ /bde bar 'gro ba zhes bya'o/ /tshe tshad med pa zhes bya'o/ /shin tu bsgoms pas mthar phyin pa zhes bya'o/ /lam gyi dam pa zhes bya'o/ /thob par dka' ba'i yan lag ces bya'o/ /pha rol gyi mtshams zhes bya'o/ /brgal dka' ba zhes bya ste/ kye rgyal ba'i sras dag/ de dag la sogs pa 'jig rten gyi khams rnam par byung ba na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de yang 'jig rten gyi khams 'pho bar byed pa na 'phrog par byed pa zhes bya'o/ /smon pa'i bshes gnyen zhes bya'o/ /mi brtan zhing 'jig pa zhes bya'o/ /brjod pa sna tshogs zhes bya'o/ /nyam nga bas 'tsho ba zhes bya'o/ /don 'dul ba zhes bya'o/ /khur 'dor ba zhes bya'o/ /rtsa ba zab pa zhes bya'o/ /de bzhin sems pa zhes bya'o/ /nam mkha'i rtsa ba zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de yang 'jig rten gyi khams 'pho bar byed pa na sred par byed pa zhes bya'o/ /shin tu sbyor ba zhes bya'o/ /nyes pas skyon can du gyur pa zhes bya'o/ /rlabs zhes bya'o/ /'dzin pa zhes bya'o/ /'du shes can zhes bya'o| |'bras bu la gnas pa zhes bya'o/ /brjod du mi rung ba zhes bya'o/ /tha dad pa med pa zhes bya'o/ /rab tu 'jug pa zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de yang 'jig rten gyi khams 'pho bar byed pa na bzlog pa zhes bya'o/ /smra ba dang bral ba zhes bya'o/ /sgrub pa zhes bya'o/ /dga' ba zhes bya'o/ /'jigs pa bsal ba zhes bya'o/ /shin tu byung ba zhes bya'o/ /gti mug med pa zhes bya'o/ /nub pa med pa zhes bya'o/ /'phags pa zhes bya'o| |kye rgyal ba'i sras dag/ gang sdug bsngal 'gog par 'gro ba'i lam 'phags pa'i bden pa zhes bya ba de yang 'jig rten gyi khams 'pho bar byed pa na brjod du med pa zhes bya'o/ /tshul nyams pa med pa zhes bya'o/ /rnam par rig pa'i lam zhes bya'o/ /bsngo ba dge ba zhes bya'o/ /rgya chen po la mkhas pa zhes bya'o/ /rnam par phye ba'i tshul zhes bya'o/ /nam mkha'i rang bzhin zhes bya'o/ /zil par gyur ba zhes bya'o/ /ye shes kyi bdag po zhes bya'o/ /don yongs su shes pa zhes bya ste/ kye rgyal ba'i sras dag/ de ltar de dag la sogs pa 'jig rten gyi khams 'pho bar byed pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di nyid na sdug bsngal 'phags pa'i bden pa zhes bya ba de la'ang 'jig rten gyi khams phan pa na khur tsa ba'i khur zhes bya'o/ /snying po med pa zhes bya'o/ /rkun po lta bu zhes bya'o/ /rga shi zhes bya'o/ /chags pa'i rang bzhin zhes bya'o/ / shin tu mched pa zhes bya'o/ /ngal bar byed pa zhes bya'o/ /ngom zum gnag pa zhes bya'o/ /kun tu 'phel ba zhes bya'o/ /ral gri dang 'dra ba zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de la yang 'jig rten gyi khams phan pa na 'jig pa zhes bya'o/ /'khrugs pa zhes bya'o/ /bskyod pa zhes bya'o/ / nyam chung ba zhes bya'o/ /'phrog pa zhes bya'o/ /bral ba zhes bya'o/ /mi ldan pa zhes bya'o/ /'thab mor gyur pa zhes bya'o/ /rtsod par gyur pa zhes bya'o/ /gnas su gyur pa zhes bya'o| |kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de la'ang 'jig rten gyi khams phan pa na kun spyod pa zhes bya'o/ /yang dag pa zhes bya'o| |zhum pa med pa zhes bya'o/ /yan lag g.yogs pa zhes bya'o/ /smad pa spangs pa zhes bya'o/ /rjes su mthun pa zhes bya'o/ /gzhir 'gro ba zhes bya'o/ /yan lag spangs pa zhes bya'o/ /tha dad pa med pa zhes bya'o/ /glags med pa zhes bya'o/ /kye rgyal ba'i sras dag/ gang sdug bsngal 'gog par 'gro ba'i lam 'phags pa'i bden pa zhes bya ba de la yang 'jig rten gyi khams phan pa na snang ba rjod pa zhes bya'o/ /thams cad kyi rgya zhes bya'o/ /bsam gtan gyi gter zhes bya'o/ / snang ba yod pa zhes bya'o/ /phyir mi ldog pa'i chos can zhes bya'o/ /dngos po zad pa zhes bya'o/ /lam yangs pa zhes bya'o/ /dul ba'i rang bzhin zhes bya'o/ /dge ba yod pa zhes bya'o/ /rtsa ba rgyu ba med pa zhes bya ba ste/ kye rgyal ba'i sras dag/ de ltar de dag la sogs pa 'jig rten gyi khams phan pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de la yang 'jig rten gyi khams kun tu 'gro ba na bsam pa thibs po zhes bya'o/ /gnas sna tshogs su bkram pa zhes bya'o/ /skye gnas su skyed pa zhes bya'o/ /rim pas 'dug pa zhes bya'o/ /ngo tsha med pa zhes bya'o/ /shes par bya ba'i rtsa ba zhes bya'o/ /'ga' 'ga'i ro zhes bya'o| |rtsig pa zhes bya'o/ /rtag tu 'jig pa zhes bya'o/ /mgal me'i rang bzhin zhes bya'o/ /rtsa ba'i sgo zhes bya'o/ /kye rgyal ba'i sras dag/ gang sdug bsngal kun 'byung 'phags pa'i bden pa zhes bya ba de la'ang 'jig rten gyi khams kun tu 'gro ba na shin tu g.yo ba zhes bya'o/ /rig pa med pa zhes bya'o/ /blo gros dang ring ba zhes bya'o/ /phongs par 'gyur ba zhes bya'o/ /'jig pa zhes bya'o/ /kun tu 'dren pa zhes bya'o/ /nye bar sgrub pa zhes bya'o/ /rten du gyur pa zhes bya'o/ /dngos po'i bdag po zhes bya'o/ /mtshams sbyor ba zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de la'ang 'jig rten gyi khams kun tu 'gro ba na ngoms pa zhes bya'o/ / bdud rtsi zhes bya'o/ /rgyu ba med pa zhes bya'o/ /rang gi med pa zhes bya'o/ /rtog pa byang ba zhes bya'o/ /yang dag par gzhol ba zhes bya'o/ /rgyu ba dang bral ba zhes bya'o/ /mched pa med pa zhes bya'o/ /lam med pa zhes bya'o/ /mi gnyis pa zhes bya'o/ /kye rgyal ba'i sras dag /gang sdug bsngal 'gog par 'gro ba'i lam 'phags pa'i bden pa zhes bya ba de la yang 'jig rten gyi khams kun tu 'gro ba na snang bar byed pa zhes bya'o/ /bstan pa rgya mtsho zhes bya'o/ /don rnam par gdon mi za ba zhes bya'o/ /chos dang phrad pa zhes bya'o/ /'khor ba med pa zhes bya'o/ /'brel ba med pa zhes bya'o/ /lam rgya chen po zhes bya'o/ /yang dag par phyin par 'gro ba zhes bya'o/ / sbyor ba dag pa zhes bya'o/ /mthong ba'i bdag po zhes bya ste/ kye rgyal ba'i sras dag/ de ltar de dag la sogs pa 'jig rten gyi khams kun tu 'gro ba na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag /'jig rten gyi khams mi mjed 'di na sdug bsngal 'phags pa'i bden pa zhes bya ba de la'ang 'jig rten gyi khams yongs su dga' ba na skye bar byed pa zhes bya'o/ /rnam par sgrub pa zhes bya'o/ /chags shing zhen pa zhes bya'o/ /khur khyer ba zhes bya'o/ /mi sdug pa'i rnam pa zhes bya'o/ /nad thibs po zhes bya'o/ /sdig pa byed pa zhes bya'o// sdug bsngal bar byed pa'i rang bzhin ces bya'o/ /kye rgyal ba'i sras dag /gang sdug bsngal kun 'byung ba 'phags pa'i bden pa zhes bya ba de la'ang 'jig rten gyi khams yongs su dga' ba na gzhir gyur pa zhes bya'o/ /sbyor ba dang ldan pa zhes bya'o/ /tshod las 'das pa zhes bya'o/ /chos 'phel ba zhes bya'o/ / rtog pa med pa zhes bya'o/ /sdud pa med pa zhes bya'o/ /sdud par byed pa zhes bya'o/ /lang du red pa zhes bya'o/ /chos kyi gzhi zhes bya'o/ /lta ba chung ba zhes bya'o/ /mthong ba chung ba zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de la yang 'jig rten gyi khams yongs su dga' ba na gnas zhig pa zhes bya'o/ /rmongs pa med pa zhes bya'o/ /yang dag pa zhes bya'o/ /des shin tu rtog pa zhes bya'o/ /dge bar byed pa zhes bya'o/ /skyon med pa zhes bya'o/ /'khor ba med pa zhes bya'o/ /mtshan nyid med pa zhes bya'o/ /bdag nyid rtogs pa zhes bya'o/ /ma skyes pa zhes bya'o/ /kye rgyal ba'i sras dag /sdug bsngal 'gog par 'gro ba'i lam 'phags pa'i bden pa zhes bya ba de la yang 'jig rten gyi khams yongs su dga' ba na sa mtshams nye bar gyur pa zhes bya'o/ /sel ba dang 'grogs pa zhes bya'o/ /skal pa mi mnyam pa'i don can ces bya'o/ /rang bzhin yangs pa zhes bya'o/ /yongs su rtog pa zad pa zhes bya'o/ /byin gyi rlabs kyi lam zhes bya'o/ /tshogs kyi tshul zhes bya'o/ / dran pa dang bral zhes bya'o/ /rtag pa'i lam zhes bya'o/ /grol ba sgrub pa zhes bya ste/ kye rgyal ba'i sras dag /de ltar de dag la sogs pa 'jig rten gyi khams yongs su dga' ba na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de la'ang 'jig rten gyi khams mi che ba na 'tshogs pa zhes bya'o/ /rdza ma lta bu zhes bya'o/ /nad dang mnyam pa zhes bya'o/ /lus la yod pa zhes bya'o/ /rab tu 'phel ba zhes bya'o/ /gsog pa'i sgo zhes bya'o// sdug bsngal gyi skyon can zhes bya'o/ /brtag par bya ba zhes bya'o/ /rang la gzhog pa med pa zhes bya'o/ /'gro zhing 'ong ba zhes bya'o| /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de la yang 'jig rten gyi khams mi che ba na 'tshe ba zhes bya'o/ /mdud par 'dzin pa zhes bya'o/ /rab tu sbyor ba zhes bya'o/ /tshor ba'i yan lag ces bya'o/ /a na sems pa zhes bya'o/ /rab rab byed pa zhes bya'o/ /'dud par byed pa zhes bya'o/ /rnam par bral ba zhes bya'o/ / shin tu gdung ba zhes bya'o/ /kyi hud na zhes bya'o/ /kye rgyal ba'i sras dag/ gang sdug bsngal 'gog pa 'phags pa'i bden pa zhes bya ba de la'ang 'jig rten gyi khams mi che ba na gsog pa med pa zhes bya'o/ /g.yo ba med pa zhes bya'o/ /skyon med pa zhes bya'o/ /ma nyams pa zhes bya'o/ /'grogs ba med pa zhes bya'o/ /tshad med pa zhes bya'o/ / yangs pa zhes bya'o/ /sangs rgyas kyi yan lag ces bya'o/ /'dod chags dang bral ba zhes bya'o/ /ma chags pa zhes bya'o/ /kye rgya ba'i sras dag/ gang sdug bsngal 'gog par 'gro ba'i lam 'phags pa'i bden pa zhes bya ba de la yang 'jig rten gyi khams mi che ba na bstan pa'i spyod yul zhes bya'o/ /'dod chags dang bral ba'i sa mtshams zhes bya'o/ / bden pa la thug pa zhes bya'o/ /don rab tu chud pa zhes bya'o/ /rang bzhin la gtugs pa zhes bya'o/ /lta ba yongs su dag pa zhes bya'o/ /dran pas sgrub pa zhes bya'o/ /'gro bas sdud pa zhes bya'o/ /skyob pa'i sa mtshams zhes bya'o/ /'khrug pa med par 'gro ba zhes bya ste/ kye rgyal ba'i sras dag/ de ltar de dag la sogs pa 'jig rten gyi khams mi che ba na 'phags pa'i bden pa rnams la ming bye ba brgya phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ gang 'jig rten gyi khams mi mjed 'di na sdug bsngal 'phags pa'i bden pa zhes bya ba de la'ang 'jig rten gyi khams dbyangs sgrog pa na bsam pa nub pa zhes bya'o/ /shin tu 'gro ba zhes bya'o/ /yan lag gnas pa zhes bya'o/ /g.yo sgyu che ba zhes bya'o/ /'brel pa zhes bya'o/ /'dod pa 'byung ba zhes bya'o/ /myang du mi rung ba zhes bya'o/ /skye gnas ma rung ba zhes bya'o/ /nye bar 'gro ba zhes bya'o/ /dngo skam pa zhes bya'o/ /kye rgyal ba'i sras dag/ gang sdug bsngal kun 'byung ba 'phags pa'i bden pa zhes bya ba de la'ang 'jig rten gyi khams dbyangs sgrog pa na gdul ba'i gzhi zhes bya'o/ /sems kyi tshul zhes bya'o/ /bcings pa dang ldan pa zhes bya'o/ /rjes su dran pa zhes bya'o/ /nges par rtog pa ma yin pa zhes bya'o/ /rnal 'byor dang mi mthun pa zhes bya'o/ /brtag par bya ba zhes bya'o/ /sgo zhes bya'o/ /rtogs par bya ba zhes bya'o/ / bsgribs pa zhes bya'o/ /kye rgyal pa'i sras dag/ gang sdug bsngal 'gog pa 'phags pa'i bden pa zhes bya ba de la'ang 'jig rten gyi khams dbyangs sgrog pa na gnas med pa zhes bya'o/ /sbyin sreg gi dam pa zhes bya'o/ /phyir log pa zhes bya'o/ /mya ngan dang bral ba zhes bya'o/ /kun tu song ba zhes bya'o/ /chen po zhes bya'o/ /du ba med pa zhes bya'o/ /mi zad pa zhes bya'o/ /yangs pa zhes bya'o/ /shin tu mchod pa zhes bya'o/ /kye rgyal ba'i sras dag/ gang sdug bsngal 'gog par 'gro ba'i lam 'phags pa'i bden pa zhes bya ba de la'ang 'jig rten gyi khams dbyangs sgrog pa na mthong bas mthong ba zhes bya'o/ /spang ba'i don ces bya'o/ /rnam par sgom pa'i rgya zhes bya'o/ /mtshan nyid la 'jug pa zhes bya'o/ /rnyed par dka' ba zhes bya'o/ /de ma thag pa'i don ces bya'o/ /mkhas pas brtag pa zhes bya'o/ /'grogs pa'i don ces bya'o/ /mi g.yo ba la mngon du gyur ba zhes bya'o/ /khyad par gyi don ces bya ste/ kye rgyal ba'i sras dag /de ltar de dag la sogs pa 'jig rten gyi khams dbyangs sgrog pa na 'phags pa'i bden pa rnams kyi ming bye ba brgya stong phrag bzhi bcu yod de/ de dag gis sems can rnams bsam pa ji lta ba bzhin du 'dul lo/ /kye rgyal ba'i sras dag/ 'jig rten gyi khams mi mjed 'di na ji ltar 'phags pa'i bden pa rnams yongs su bstan pa yod pa de bzhin du shar phyogs kyi 'jig rten gyi khams bye ba brgya stong tshad med pa/ dpag tu med pa/ grangs med pa| bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ brjod du med pa/ chos kyi dbyings kyis klas pa/ nam mkha'i dbyings kyi mthas gtugs pa dag na yang 'phags pa'i bden pa rnams yongs su bstan pa yod do/ /'jig rten gyi khams re re na yang 'phags pa'i bden pa rnams kyi ming bye ba brgya stong phrag bzhi bcu bzhi bcu yod de/ de dag gis sems can rnams bsam pa ji lta ba bzhin du 'dul lo/ /shar phyogs kyi 'jig rten gyi khams na ji lta ba de bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du byang shar gyi phyogs mtshams dang | de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs dang / de bzhin du steng gi phyogs kyi 'jig rten gyi khams bye ba khrag khrig brgya stong tshad med pa/ grangs med pa/ bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ gzhal du med pa/ brjod du med pa/ chos kyi dbyings kyis klas pa/ nam mkha'i dbyings kyi mthas gtugs pa dag na yang 'phags pa'i bden pa yongs su bstan pa yod do/ /'jig rten gyi khams re re na yang 'phags pa'i bden pa rnams kyi ming bye ba brgya stong phrag bzhi bcu bzhi bcu yod de/ de dag gis sems can rnams bsam pa ji lta ba bzhin du 'dul lo/ /'jig rten gyi khams gcig na ji lta ba de bzhin du 'jig rten gyi k hams thams cad shar phyogs nas steng gi phyogs zhes bya ba nas phyogs bcu ma lus pa'i 'jig rten gyi khams kyi bar dag na yang 'phags pa'i bden pa rnams yongs su bstan pa yod do/ /'jig rten gyi khams re re na yang sdug bsngal gyi ming bye ba brgya stong phrag bzhi bcu bzhi bcu yod de/ de dag gis sems can rnams bsam pa ji lta ba bzhin du 'dul lo/ /kun 'byung ba'i bden pa'i ming dang / 'gog pa'i bden pa'i ming dang / lam gyi bden pa'i ming dag kyang de bzhin no/ /shin tu rgyas pa chen po'i mdo/ sangs rgyas phal po che zhes bya ba las/ 'phags pa'i bden pa'i le'u zhes bya ba ste/ bcu gsum pa'o// //de nas bcom ldan 'das kyi zhabs kyi mthil gnyis nas 'od zer bye ba phrag brgya bkye ste/ stong gsum gyi stong chen po'i 'jig rten gyi khams 'di snang bar byas nas 'dzam bu'i gling bye ba phrag brgya bstan to/ /shar gyi lus 'phags gling bye ba phrag brgya dang / nub kyi ba lang spyod bye ba phrag brgya dang / byang gi sgra mi snyan bye ba phrag brgya dang / rgya mtsho chen po bye ba phrag brgya bstan to/ /'khor yug rdo rje'i ri bye ba phrag brgya bstan to/ /byang chub sems dpa' skye ba bye ba phrag brgya bstan to/ /mngon par 'byung ba bye ba phrag brgya bstan to/ /de bzhin gshegs pa rnam par 'tshang rgya ba bye ba phrag brgya bstan to/ /chos kyi 'khor lo bskor ba bye ba phrag brgya bstan to/ /de bzhin gshegs pa yongs su mya ngan las 'da' pa bye ba phrag brgya bstan to/ /ri rab ri'i rgyal po bye ba phrag brgya bstan to/ /rgyal po chen po bzhi'i khams kyi lha'i ris bye ba phrag brgya bstan to/ /sum cu rtsa gsum gyi lha'i ris bye ba phrag brgya bstan to/ /mtshe ma'i lha'i ris bye ba phrag brgya bstan to/ /dga' ldan gyi lha'i ris bye ba phrag brgya bstan to/ /'phrul dga'i lha'i ris bye ba phrag brgya bstan to/ /gzhan 'phrul dbang byed kyi lha'i ris bye ba phrag brgya bstan to/ /tshangs pa'i 'jig rten bye ba phrag brgya bstan to/ /gya nom snang ba bye ba phrag brgya bstan to/ /dge rgyas bye ba phrag brgya bstan to/ /'bras bu chen po bye ba phrag brgya bstan to/ /'og min bye ba phrag brgya bstan te/ 'jig rten gyi khams 'di'i khongs su gang ci yang rung ste gtogs par gyur pa de dag thams cad ril gyis bstan to/ /ji ltar 'di ni bcom ldan 'das sangs rgyas kyi gdan la bzhugs shing byang chub s ems dpa' sangs rgyas kyi zhing bcu'i rdul shin tu phra ba snyed dang thabs cig tu bzhugs te bskor cing mdun du byas par snang ba de bzhin du 'dzam bu'i gling bye ba phrag brgya kun na yang de bzhin gshegs pa bye ba phrag brgya bzhugs par snang ngo / /de dag thams cad du'ang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur te/ byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal dang / sangs rgyas dpal dang / nor dpal dang / rin chen dpal dang / yon tan dpal dang / mig gi dpal dang / brtson 'grus dpal dang / chos kyi dpal dang / ye shes dpal dang / bzang po'i dpal zhes bya ba dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog dang / yid du 'ong ba'i mdog dang / pad+mo'i mdog dang / tsam pa ka'i mdog dang / ut+pa la'i mdog dang / sa le sbram gyi mdog dang / rin po che'i mdog dang / rdo rje'i mdog dang | shel gyi mdog dang / 'dra ba'i mdog ces bya ba dag nas 'ongs pa'o/ /byang chub sems dpa' de dag thams cad kyang de bzhin gshegs pa mtshan 'di zhes bya ba de dag gi zham ring na tshangs pa'i spyad pa spyod de/ 'di ltar rig byed mi g.yo ba dang / rig byed mi bskyod pa dang / rig byed bcings pa med pa dang / rig byed kun spyod pa dang / rig byed sgrib pa med pa dang / rig byed mtha' rgal dang / rig byed dam pa dang / rig byed dbang phyug dang / rig byed tshangs pa dang / rig byed sna tshogs zhes bya ba dag go / byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin te/ gcig ji lta ba de bzhin du thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang ste/ de'i tshe tshigs su bcad pa 'di dag kyang so so nas smra bar gyur to/ /'jig rten kun dang mi ldan zhing / /bral bar gyur te dngos med pa'i/ /yang dag sangs rgyas su shes pa/ /de dag mig gi lam mi gnas/ /shes rab chen po sus mthong zhing / /dngos po'i 'du shes mi 'jug la/ rnam par bsgoms shing shes gyur pa/ /de dag de bzhin gshegs par 'gyur/ /'jig rten khams 'di mthong gyur te/ /sangs rgyas che ba nyid dag la/ /gang gi sems ni mi g.yo ba/ /de dag mi yi mchog tu 'gyur/ /sangs rgyas chos la gang gi rnams/ /mnyam pa'i sems su rab 'jug cing / /mi gnyis mngon gyur brtan pa rnams/ de dag bsam gyis mi khyab 'gyur/ /gang rnams bdag dang sangs rgyas dag/ rang bzhin mnyam par rab gnas shing / /mi gnas len pa med pa rnams/ /de dag bde bar gshegs par 'gyur/ /gzugs dang tshor ba 'du shes dang / /rnam par shes dang sems dpa' dag /grangs med de bzhin gshegs pa rnams/ /de dag thub pa chen por 'gyur| |blta bar bya las 'das pa dang / /rnam par blta las de bzhin te/ /chos la gang dag rmongs med pa/ /de dag rab tu 'od byed 'gyur/ /gang gis shes rab chen po rnams| |sems bskyed kun la rab gnas shing / /thams cad mthong yang skye med pa/ /de dag grags pa chen por 'gyur/ /sems can rnams la skye ba med/ /'jig pa'ang yod pa ma yin te/ /de ltar gang gis shes pa ni/ /de dag bla na med par 'gyur/ /gang gis gcig la mang shes shing / /mang po'ang gcig tu rab rtogs te/ /gnas kyi rnams su 'ang 'byung 'gyur pa/ /de dag 'jigs pa med par 'gyur/ /de nas 'od zer de dag 'jig rten gyi khams 'di nas 'das te shar phyogs su 'jig rten gyi khams bcu bcu snang bar byas so/ /de bzhin du lho phyogs dang / nub phyogs dang / byang phyogs su 'jig rten gyi khams bcu bcu snang bar byas so/ /byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og gi phyogs dang / steng gi phyogs dag tu yang 'jig rten gyi khams bcu bcu snang bar byas so/ /'jig rten gyi khams re re zhing yang 'dzam bu'i gling bye ba phrag brgya bstan pa nas 'og min bye ba phrag brgya'i bar du yang bstan te/ 'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs cig pa de bzhin du 'jig rten gyi khams re re dag gi gling bzhi pa bye ba phrag brgya kun na'ang de bzhin gshegs pa bye ba phrag brgya bzhugs par snang ste/ thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag gi thams cad kyang ming 'di zhes bya ba dag ste/ 'di ltar 'jam dpal dang / sangs rgyas dpal dang / nor dpal dang / rin chen dpal dang / yon tan dpal dang / mig gi dpal dang / brtson 'grus dpal dang / chos kyi dpal dang / ye shes dpal dang / bzang po'i dpal zhes bya ba dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog dang / yid du 'ong ba'i mdog dang / pad+ma'i mdog dang / tsam pa ka'i mdog dang / ut+pa la'i mdog dang / sa le sbram gyi mdog dang / rin po che'i mdog dang / rdo rje'i mdog dang | shel gyi mdog dang / 'dra ba'i mdog ces bya ba dag nas 'ongs pa'o/ /byang chub sems dpa' de dag thams cad kyang de bzhin gshegs pa'i mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba dang / rig byed mi bskyod pa dang / rig byed bcings pa med pa dang / rig byed kun spyod pa dang / rig byed bsgribs pa med pa dang / rig byed mtha' rgal dang / rig byed dam pa dang / rig byed dbang phyug dang / rig byed tshangs pa dang / rig byed sna tshogs zhes bya ba dag go/ byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na brjod de/ de'i tshe tshigs su bcad pa 'di dag kyang so so nas smra bar gyur to/ /gang gis 'gro ba shin tu gtses gyur cing / /srid pa'i gsal shing ldan par kun shes nas/ /rang 'byung kun mkhyen yon tan tshol ba rnams/ /de dag chos nyid 'di 'dra 'di bzhin no/ /chos kyi rang bzhin gnas pa mthong gyur nas/ /mtha' gnyis gang gis rab tu spangs gyur cing / /ldog pa med cing dgos pa kun shes pa/ /de dag de yi 'khor lo mtshungs med bskor/ /gang rnams chos dang ldan pa'i bsam pa yis/ /'khor ba'i skye rgu kun gyi don gyi phyir/ /bskal pa bsam yas rgya chen go gyon pa'i/ /drang srong chen po'i longs spyod 'di 'dra'o/ /gzhan gyis mi pham dpa' ba'i rgyal mtshan can/ /bdud rnams thams cad mthar 'byin mgon po rnams/ /byams pas gang dag mi 'jigs sgra 'byin pa/ /de dag chos nyid 'di 'dra 'di yin no/ /'di dag nang nas byung ngo zhes bya bar/ /nyon mongs sel ba'i sems ni skad cig tu/ /thams cad shes pa su yi rgyud skyes pa/ /de dag rnam par 'phrul pa 'di dag ston/ /gang rnams chos kyi rnga ni rdung byed cing / /byang chub sems kyang srog chags thams cad la/ /phyogs bcu'i zhing rnams kun tu shes byed pa/ /rang byung de dag tshul ni 'di 'dra'o/ /gdul bar dka' ba mtha' yas spyod yul can/ /zhing rnams bye ba gang dag spyod gyur cing / /nam yang dngos po dag la mos med pa/ /de dag de bzhin gshegs bzhin rnam par 'phrul/ /gang rnams dga' zhing mos pa mtha' yas pa/ /rgyal ba rnams ni shin tu rnam dag cing / /de bzhin gshegs pa mkha' 'dra rjes 'dra ba/ /de dag la ni smon lam 'di yang btab/ /sems can don la gang rnams mos gyur cing / /re re dag gi mnar med sdug bsngal ba/ /bskal pa dpag med smin par bya dad pa/ /de dag skyon med pham med shin tu gsung / /gang rnams lus dang srog la mi lta zhing / /sangs rgyas chos la rtag tu brtul zhugs te/ /mkhas pa bdag med rnam par su spyod pa/ /de dag sangs rgyas chos nyid 'di 'thob bo/ /de nas 'od zer de dag 'jig rten gyi khams de dag 'das nas shar phyogs logs su 'jig rten gyi khams brgya snang bar byas pa nas gzhung de bzhin du steng gi phyogs su 'jig rten gyi khams brgya snang bar byas so/ /'jig rten gyi khams re rer 'dzam bu'i gling bye ba phrag brgya bstan ba nas 'og min bye ba phrag brgya'i bar du bstan te/ 'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to// ji ltar bcom ldan 'das sangs rgyas kyi gdan la bzhugs shing byang chub sems dpa' sangs rgyas kyi zhing bcu'i rdul shin tu phra ba snyed dang thabs cig pa de bzhin du 'jig rten gyi khams re re'i gling bzhi pa bye ba phrag brgya kun na'ang de bzhin gshegs pa rnams bzhugs par snang ste/ thams cad du'ang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal dang / sangs rgyas dpal dang / nor dpal dang / rin chen dpal dang / yon tan dpal dang / mig gi dpal dang / brtson 'grus dpal dang / chos kyi dpal dang / ye shes dpal dang / bzang po'i dpal zhes bya ba dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog dang / yid du 'ong ba'i mdog dang / pad+mo'i mdog dang / tsam pa ka'i mdog dang / ut+pa la'i mdog dang / sa le sbram gyi mdog dang / rin po che'i mdog dang / rdo rje'i mdog dang / shel gyi mdog dang / 'dra ba'i mdog ces bya ba dag nas 'ongs pa'o/ /byang chub sems dpa' de dag thams cad kyang de bzhin gshegs pa'i mtshan 'di zhes bya ba dag gi zham ring na tshangs pa'i spyad pa spyod de/ 'di ltar rig byed mi g.yo ba dang / rig byed mi bskyod pa dang / rig byed bcings pa med pa dang / rig byed kun spyod pa dang / rig byed bsgribs pa med pa dang / rig byed mtha' rgal dang / rig byed dam pa dang / rig byed dbang phyug dang / rig byed tshangs pa dang / rig byed sna tshogs zhes bya ba dag go /byang c hub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod de/ de'i tshe tshigs su bcad pa 'di dag kyang so so nas smra bar gyur to/ /bcom ldan 'das kyis sgyu ma'i rang bzhin du/ /thugs su chud nas bsgrib pas med gzigs te/ /zil gyis ma non chags pa mi mnga' bar/ /skye rgu rab tu 'dul bar shin tu snang / /la las gser gyi ri bo 'dra ba de/ /sku tsher skye bar gyur pa rab tu mthong / /skyes bu'i zla ba rnam par mdzes pa de/ /tha ma'i sku yang 'dzin par la las mthong / /yon tan tshad las 'das pa kun mnga' zhing / /dgongs pa mkhyen bzhin shin tu mkhas gyur pa/ /skye rgu'i seng+ge don yod gshegs pa de/ /la las 'chag cing gshegs par shin tu mthong / /phyogs bcu kun tu rnam par snang ba de/ /la las mthon mthing spyan du de bzhin mthong / /'dod pa'i yon tan ldan pa'i skye rgu rnams/ /gzigs nas bzhad par de bzhin la las mthong / /gzi brjid mtshungs med mnga' la la la yis/ /seng+ge'i nga ror gsung ba de bzhin mthong / /zil gyis mi non ma log gsung mnga' ba/ /sku yi tha mar ston pa la las mthong / / bcings pa kun las rnam par grol ba de/ /la las khab nas 'byung bar rab tu mthong / /sngon gyi rgyal ba'i sangs rgyas spyod pa rnams/ /gzigs shing zhi bder gzhol ba la las mthong / /la las byang chub snying po dam pa la/ /chos rnams thams cad mngon par sangs rgyas shing | /yon tan thams cad pha rol phyin pa dang / /mun pa rdul bsal nyon mongs sbyangs pa mthong / /la las chos kyi 'khor lo bskor ba yang / /thugs rje chen po brnyes pa de mthong ngo / /la las skye rgu tshad med rnam 'dul bar| |skyes bu'i dam pa de ni de bzhin mthong / /la las gzi brjid mtshungs pa med pa de/ /'jig rten thams cad zil gyis mnan mdzad de/ /rdzu 'phrul chags med bla med stobs mnga' ba/ /seng+ge'i nga ro sgrog par de bzhin mthong / /la las rab tu zhi ba'i thugs mnga' ba/ /'jig rten sgron ma mya ngan 'das par mthong / /rnam par 'phrul pa de dag mthong nas kyang / /stobs bcu'i stobs mnga' de dag rab tu shes/ /de nas 'od zer de dag 'jig rten gyi khams de dag nas 'das te shar phyogs logs su 'jig rten g yi khams stong snang bar byas pa nas gzhung de bzhin du steng gi phyogs kyi 'jig rten gyi khams stong gi bar du snang bar byas te 'jig rten gyi khams re rer yang 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs par snang ba de bzhin du 'jig rten gyi khams re re'i gling bzhi pa bye ba phrag brgya kun na yang de bzhin gshegs pa sangs rgyas kyi gdan la bzhugs par snang ngo / /thams cad du'ang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar du'o/ /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go/ byang chub sems dpa' de dag thams cad kyang de bzhin gshegs pa mtshan 'di zhes bya ba'i zham ring na tshangs pa'i spyad pa spyod pa dag ste| 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go/ byang chub sems dpa' de dag thams cad kyang re re zhing byang chub sems dpa' sangs rgyas kyi zhing bcu'i rdul shin tu phra pa snyed dang lhan cig phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra par gyur to/ /gang gis bde gshegs rnams kyi chos zab pa/ /zil gyis non pa brjod pa med pa rnams/ /gang la 'jig rten rtag tu mos 'gyur ba/ /de dag thams cad rim gyis rab tu ston/ /gal te bdag cag med du zin na ni/ /de yi spyod yul stong pa zhi ba'ang med/ /rang byung rdul rnams shin tu bsal ba yi/ / bde gshegs rnams kyi sku yang ji ltar 'byung / /mkhyen dang rnam grol zhabs dang ldan pa rnams/ /mtshungs pa med la grangs kyang nam yang med/ /de ni 'jig rten 'di na la la dag / rgyu la thogs pa med par 'dod phyir ro/ /gang la phung po med cing khams med de/ /skye mched dag dang skye zhing 'chi med pa/ /de yi grangs ni 'jig rten 'di brnyes pas/ /skyes bu seng+ge rnams su rab tu brjod/ /nang dang phyi zhes bya bar gdags pa rnams/ /de dag rang bzhin dngos nyid song ba ste/ /rtog pa med cing rnam rtog de bzhin med/ /gzhal du med pa'i chos nyid 'di 'dra'o/ /de dag la ni g.yo pa nam yang med/ /snyems shing ldeg dang sgrib pa gang yang med/ /'jig rten thams cad rjes su rab tu mkhyen/ /mtha' yas 'dul ba'i tshul ni 'di 'dra'o/ /zhi ba'i ting 'dzin spyod yul dgyes pa rnams/ /rtse gcig gnyis la spyod pa'ang ma yin te/ /yid kyis gsog pa'ang de la gang yang med/ /'dir ni sangs rgyas rnam 'phrul mtha' yas pa'o/ /rgyu dang rkyen dang bya ba rnams dag dang / /las kyi rnam smin sems can spyod pa yis/ /rgyal ba rnams kyi ye shes mi ldog ste/ /bde gshegs chos ni de ltar bsam mi khyab/ /phyogs rnams bcu na ji ltar 'khod pa yi/ /'jig rten rnam pa sna tshogs kun gzigs shing / /sems can tshad med yongs su 'brel mdzad kyang / /skyes bu'i dbang po de dag rtog mi mnga'/ /thams cad mkhyen pa nyid ni gser gyi mchog/ de yang kun na rnam par kun na gnas/ /de dag bsam pa ci 'dra ji bzhin du/ /thub pa rnams ni de ltar chos kyang ston/ /bam po bcu bdun pa/ de nas 'od zer de dag 'jig rten gyi khams de dag nas 'das te shar phyogs logs su 'jig rten gyi khams stong phrag bcu snang bar byas so/ /gzhung de bzhin du steng gi phyogs su 'jig rten gyi khams stong phrag bcu snang bar byas so/ / 'jig rten gyi khams re rer 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan te/ 'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi z hing bcu'i rdul shin tu phra ba snyed dang thabs cig par snang ba de bzhin du 'jig rten gyi khams re re dag gi gling bzhi pa bye ba phrag brgya kun na'ang de bzhin gshegs pa bye ba phrag brgya bzhugs par snang ste/ thams cad du'ang sangs rgyas kyi byin gyi rlabs kyis phyogs nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal nas bzang po'i dpal zhes bya ba'i bar dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog nas 'dra ba'i mdog gi bar dag go/ byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba nas rig byed sna tshogs zhes bya ba dag go/ byang chub sems dpa' de dag thams cad re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod de| de'i tshe tshigs su bcad pa 'di dag kyang so so nas smra bar gyur to/ /lha dang 'jig rten bcas pa zil mnan te/ /snying rje la ni gang zhig sems gtong zhing / /'gro ba thams cad bskyab par zhugs pa rnams/ /de dag las ni 'di 'drar 'gyur bar 'ong / /bde gshegs rnams la snying nas dad bskyed cing / /gang gi sems ni nam yang mi ldog par/ / sangs rgyas spyod pa yongs su mi gtong ba/ /de dag las ni 'di 'drar 'gyur bar 'ong / /gang rnams gang du'ang 'jug pa yod med cing / /sangs rgyas yon tan rnams las mi ldog pa/ /shin tu brtan pa blo gdung med pa rnams/ /de dag las ni 'di 'drar 'gyur par 'ong / /gang rnams 'gro zhing 'dug dang 'chag pa'i tshe/ / nyin mtshan rgyan du rjes su sems byed cing / /sangs rgyas bdag nyid che ba sems spel ba/ /de dag las ni 'di 'drar 'gyur bar 'ong / /dus gsum thams cad rab tu gzhal byas kyang / /gang gi sems ni zhum par mi 'gyur zhing / /sangs rgyas yon tan rjes su slob mos pa/ /de dag las ni 'di 'drar 'gyur bar 'ong / /bdag gi rang bzhin yongs su gzhal byas shing / /thams cad ma lus zhi bar byed pa dang / /bdag dang bdag med 'dod chags bral ba'i sems/ /de dag las ni 'di 'drar 'gyur bar 'ong / /gzhan gyis bsam pa yongs su gzhal byas shing / /rtog dang rnam rtog thams cad rab spangs te/ /spyod pa 'di 'dra dag dang ldan gyur pa/ /de dag las ni 'di 'drar 'gyur bar 'ong / /gang rnams bsam gyis mi khyab zhing 'jal zhing / /sems can rgya mtsho yid kyis 'thung byed de/ /blo chen rdzu 'phrul stobs dang ldan gyur pa| |de dag las ni 'di 'drar 'gyur bar 'ong / /gang gis zhing rnams rnam par bsam pa na/ /gzugs dang gzugs med 'du shes yongs med pa/ /thams cad grangs su nye bar 'gro ba ni/ /de dag las ni 'di 'drar 'gyur bar 'ong / /gang rnams zhing ni rdul tu gzhig byas shing / /thams cad phyogs su bkang zhing bgrang byas te/ /de dag nang du rgyal ba 'dzud byed pa/ /de dag las ni 'di 'drar 'gyur bar 'ong / /de nas 'od zer de dag 'jig rten gyi khams de dag 'das nas shar phyogs su 'jig rten gyi khams stong phrag brgya snang bar byas pa nas steng gi phyogs kyi 'jig rten gyi khams re rer yang 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan te/ 'jig rten gyi khams de dag gi khongs su gang ci yang rung ste gtogs par gyur pa de thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs cig par snang ba de bzhin du 'jig rten gyi khams re re'i gling bzhi pa bye ba phrag brgya dag na yang de bzhin gshegs pa bye ba phrag brgya dag sangs rgyas kyi gdan la bzhugs par snang ste/ thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go/ byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go/ byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /mi 'dul kha lo sgyur ba mthu chen la/ /gang dag kha dog rigs kyis lta 'dod pa/ /mig nyams log par lta bar gyur pa ste/ /de dag rgyal ba'i chos nyid mi shes so/ /de bzhin gshegs pa'i kha dog dbyibs dag ni/ /'jig rten kun na'ang shes par nus pa med/ /gang gis bskal pa bye bar bsam byas kyang / /mthu chen rnams kyi kha dog mtha' med do/ /de bzhin gshegs pa mtshan nyid mi mnga' ste/ /chos rnams thams cad mtshan nyid med cing dben/ /yan lag kun ldan blta na nyams med pa/ /bsam pa ji bzhin kun na rab tu snang / /sangs rgyas chos rnams gzhal du yod pa min/ /gang rnams ci yang 'di yi tshul bshad de/ /ldan pa ma yin mi ldan ma yin pas/ /sangs rgyas chos rnams rang bzhin rab tu dben/ /de bzhin gshegs pa phung po 'jig pa med/ / 'byung dang 'jig par spro ba mi mdzad de/ /mnga' brnyes mnga' sgyur rnam par gdon mi za/ /brjod du med pa rten pa rnam par spyod/ /lus dang sems kyang mnyam par rab gyur cing // nang dang phyi yis rnam par dben pas na/ /gnyis po bgrang du mi rung shes pa rnams/ /chags med bcings med bde bar gshegs par 'gyur/ /gya nom snang zhing thugs gsal 'od mdzad pa/ /spyod yul yongs dag kun tu snang gyur te/ /thams cad mkhyen pa kun gzigs kun na bzhugs/ /skye rgu'i don kyang rgya chen yangs pa mdzad/ / gcig tu gyur cing mang por rab tu 'gyur/ /mang por gyur cing gcig tu de bzhin 'gyur/ /'gro ba'i khams ni du mar thugs chud cing / /thams cad tshul dang 'dra bar rab tu 'gyur/ /sku med de la chags pa gang yang med/ /byon pa med cing bsags pa yod min yang / /kha dog mtha' yas rnam par dgod byas shing / /'gro ba sna tshogs lus su de dag snang / /'jig rten thams cad sems kyis brtags pa yin/ /sems ni rtogs pa nam yang ma yin te/ /bde gshegs ye shes de 'dra'i rang bzhin no/ /de phyir rgyal ba'i sku ni 'di 'drar snang / /de nas 'od zer de dag 'jig rten gyi khams de dag nas 'das te shar phyogs logs s u 'jig rten gyi khams brgya stong phrag bcu snang bar byas nas gzhung de bzhin du steng gi phyogs kyi 'jig rten gyi khams brgya stong phrag bcu'i bar du snang bar byas te| 'jig rten gyi khams re rer yang 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs cig par snang ba de bzhin du 'jig rten gyi khams re re'i gling bzhi pa bye ba phrag brgya dag na yang de bzhin gshegs pa bye ba phrag brgya dag sangs rgyas kyi gdan la bzhugs par snang ste/ thams cad du'ang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go/ byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go/ byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go/ byang chub sems dpa' thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /'jig rten rang byung de las mchog med pa/ /mi gnas dam pa phul dang mchog gi rnams| |drang srong chen po srid pa'i rgyud 'grel pa/ /yon tan kun ldan rnam dag 'di yin no/ /'du 'dzi med cing chags pa mi mnga' la/ /'du shes dngos med gnas pa med pa rnams/ /phun sum dge ldan smad pa mi mnga' ba/ /mgon po rnams kyi chos nyid thub par dka'/ /shin tu 'od snang dag par gyur pa rnams/ /brgal du glags med rnyog pa med pa'i rnams/ /g.yo med mtha' ma rnam par spangs pa yi/ /bde gshegs rnams kyi ye shes tshul 'di yin/ /lus dang sems la rnam par rtog med cing / /bde gshegs chos la gang zhig 'jug 'gyur ba/ /de dag chos rnams kun gyi rang bzhin la/ /nam yang nem nur dbang du mi 'gro'o/ /'jig rten dag na dmigs pa gang yod pa/ /de dag kun la bstan pa'i chos 'jug ste/ /gang dag phyir rgol med pas bstan mdzad kyang / /rang bzhin ldog par 'gyur ba gang yang med| |dngos po rab shes las rnams yod min par/ /the tshom thams cad rnam par spangs byas te/ /sangs rgyas byang chub rab tu rtogs pa'i tshe/ /sems la rnam par 'byed pa nam yang med/ /mi shes chos rnams rnam par phye ba dag/ byung med tshig gi lam gyis rab brjod pa/ /sangs rgyas gsung gi rjes su 'brangs byas na/ /gcig kyang ma yin mang po'ang ma yin no/ /mang dang gcig pa nam yang yod min te/ /mang po rnams la gcig pa yod med do/ /mang dang gcig pa rnam par bsgoms byas na/ /sangs rgyas yon tan mtha' yas shes par 'gyur/ /'jig rten kun tu sems can zhing rnams dang / /shin tu zhi ba'i chos rnams rnam bltas te/ /mi gnas sems la rtog pa med pa yi/ / dran ldan sangs rgyas byang chub thob par 'gyur/ /sems can chos dang de bzhin zhing gi rnams/ /de dag rang bzhin ji bzhin brtags byas na/ /gcig dang tha dad gyur pa ma yin te/ /de ltar sangs rgyas tshul 'di shes pa yin/ /de nas 'od zer de dag 'jig rten gyi khams de dag nas 'das te shar phyogs logs su 'jig rten gyi khams bye ba snang bar byas nas steng gi phyogs kyi 'jig rten gyi khams bye ba'i bar du snang bar byas te/ 'jig rten gyi khams re rer yang 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed d ang thabs cig par snang ba de bzhin du 'jig rten gyi khams re re'i gling bzhi pa bye ba phrag brgya kun na yang de bzhin gshegs pa bye ba phrag brgya dag sangs rgyas kyi gdan la bzhugs par snang ngo / /thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go / byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod de/ gcig na ji lta ba bde bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to| |shes rab dpag med chos rnams mtha' yas pa/ /srid pa rgya mtsho'i pha rol phyin pa dag /tshe ring nad med mnyam med mtshungs med 'od/ /yon tan che mnga' 'di dag sbyor 'di'o/ /gang gis sangs rgyas chos rnams dngos rtogs shing / /dus gsum kun tu brtags kyang mi ngoms te/ /dmigs pa shes byed rnam par mi rtog pa/ /bsam yas mos pa de dag sbyor 'di'o/ /sems can yul mos sems can 'du shes med/ /'jig tshogs chos shes lam gyi rgyud dang bral/ /bsam gtan nang dad sems la bcings pa med| |chags med yid ldan de dag sbyor 'di yin/ /rtogs mkhas rab tu rtogs pa'i chos can rnams/ /mya ngan 'das spyod rigs la brtson pa dag /thar pa'i lam brtson mnyam pa nyid ldan pa/ /zhi ba thob pa de dag sbyor 'di'o/ /ded dpon rjes song sangs rgyas byang chub mchog /thams cad mkhyen pa chos dbyings bzhin rtogs shing / /bden 'jug mkhas pas sems can rnam 'dul ba/ /bde gshegs bsam gtan de dag sbyor 'di 'o/ /sangs rgyas don tshig rjes su shes bya zhing / /chags med blo yangs rtogs shing bsam gtan byed/ /kun tu 'gro bar song bas rtsol spyod pa/ /rang byung spyod pa de dag sbyor 'di 'o/ /nam mkha'i dbyings dang sprul pa yid ldan rnams/ /gnas dang rang bzhin mtshan nyid shes pa dag /mya ngan 'das rigs spyod pa mkha' 'dra rnams/ /thob dka' thob pa rnams kyi sbyor 'di 'o/ /zla ba zla phyed nyin dang nub bgrang zhing / /lo dang bskal pa'i rang bzhin su sems pa/ /'jig rten 'du zhing 'jig par 'gyur ba dang / /grangs tshul sus rtogs de dag sbyor 'di 'o/ /zhing gi sems can ji snyed skye 'chi ba/ /gzugs dang gzugs med 'du shes 'du shes med/ /de dag ming dang gnas pa rtogs shes pa/ /bsam gyis mi khyab rtogs pa'i sbyor 'di 'o/ /'das pa'i dus dang ma 'ongs da ltar la/ /ngag gi lam gyis gang na rtog byed cing / /dus gsum rang bzhin ji ltar rtogs gyur pa| |mnyam med de dag sbyor ba 'di yin no/ /de nas 'od zer de dag 'jig rten gyi khams de dag nas 'das te shar phyogs logs su 'jig rten gyi khams bye ba phrag bcu snang bar byas nas steng gi phyogs su 'jig rten gyi khams bye ba phrag bcu'i bar du snang bar byas te/ 'jig rten gyi khams re rer yang 'dzam bu'i gling bye ba phrag brgya bstan pa nas 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste gtogs par gyur pa de dag thams cad ril gyis bstan to/ /ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs cig par snang ba de bzhin du 'jig rten gyi khams re re'i gling bzhi pa bye ba phrag brgya dag kun na yang de bzhin gshegs pa bye ba phrag brgya dag sangs rgyas kyi gdan la bzhugs par snang ngo / /thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ongs par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyad pa spyod pa dag ste/ 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go / byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod do/ /gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /'das dus gang gis sgrub dka'i brtul zhugs che brtsams shing / /nam yang zhum pa'i sems su gtong bar mi byed de/ /brgal dka' rgal te bdag gis sems can kun 'dul zhes/ /seng+ge'i sgra sgrog de dag spyod yul 'di yin no/ /gang zhig 'dod dang sred pa 'byung zhing 'jug pa dang / /ma rig gzhol ba gti mug mang bsgribs 'jigs chen rnams/ /sems can rang bzhin bdag med brtan pa bzod par 'jug / bdag kyang 'jig rten mgon 'gyur zhes pa de yul 'di/ /'jig rten sems can mang po 'dod dregs 'dam bying ba/ / med pa'i chos la rtog pas sdug bsngal mthong gyur nas/ /sangs rgyas spyod yul chos la bag yod gang spyod cing / /bdag gis sems can kun bsgral de dag spyod yul 'di| |mngon mtha' shes dka' tshad med brtan pas mthong gyur cing / /bdag rten sems can pha rol mtha' yas 'khor gyur pa/ /de dag rgyal bas theg pa zhi ba mchog la bkod/ /bdag gis de 'dra'i chos bstan de yi spyod yul lo/ /sems can khams rnams mgon med nad kyis gzir gyur cing / /ngan song gzhol pa 'dod chags zhe sdang gti mug gdungs/ /me lce 'bar phung 'jigs gzugs mi bzad bsregs gyur pa/ /mthong nas dgrol phyir zhugs pa de dag spyod yul 'di 'o/ /lam gol lam ma yin pa'i rkyen la spyod gyur cing / /mun pa chen po rtol bar dka' rnyed 'gro mthong nas/ /snang ba chen po bskyed de sangs rgyas chos bstan ces/ /'di skad tshig brjod de dag spyod yul 'di yin no/ /srid pa'i mtshos g.yengs sems can rab tu mang ba dag /mtha' ma mi mthong skyabs med do zhes mi dga' ba/ /mthong nas brtson 'grus stobs bskyed chos kyi gru sbyar cing / /pha rol su 'gro zhes brjod de dag spyod yul 'di 'o/ /sems can rtsa ba med la gnas pa mi mkhas kun/ /g.yang sa chen por lhung zhing sems nyams rmongs mthong nas/ /snying rjes chos kyi zam la mkhas pa su dgod cing / /dran par gyis shes su smra de dag spyod yul 'di 'o/ /shin tu dog pa'i brtson rar sdug bsngal sems can rnams/ /na dang rga bas gzir cing tsham gyis mnar ba dag /mthong nas bdag gis thabs kyi chos rnams kun brtsams te/ /sems can kun 'grol sems dpa' de dag spyod yul 'di 'o/ /sangs rgyas chos rnams thams cad thos gyur the tshom ma med/ /chos dbyings spyod yul phyogs bcu kun tu rgyas bkang ste/ /'di dag thams cad brtags na gsog kyang mi gzigs shing / /sems can kun la snyoms byed de yi spyod yul lo/ /de nas 'od zer de dag 'jig rten gyi khams de dag nas 'das te shar phyogs logs su 'jig rten gyi khams bye ba phrag brgya snang bar byas so/ /'jig rten gyi khams bye ba stong snang bar byas so/ / /'jig rten gyi khams bye ba brgya phrag stong snang bar byas so/ /'jig rten gyi khams bye ba khrag khrig snang bar byas so/ /'jig rten gyi khams bye ba khrag khrig brgya snang bar byas so/ /'jig rten gyi khams bye ba khrag khrig stong snang bar byas so/ /'jig rten gyi khams bye ba khrag khrig brgya phrag stong snang bar byas so/ /'jig rten gyi khams tshad med pa snang bar byas so/ /'jig rten gyi khams gzhal du med pa snang bar byas so/ /'jig rten gyi khams grangs med pa snang bar bya so/ /de bzhin du 'jig rten gyi khams bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ dpag tu med pa/ brjod du med pa dag kyang snang bar byas so/ /'jig rten gyi khams chos kyi dbyings kyis klas pa/ nam mkha'i mthas gtugs pa thams cad kyang snang bar bya so/ /gzhung de bzhin du lho phyogs dang / de bzhin du nub phyogs dang de bzhin du byang phyogs dang / de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang / de bzhin du 'og gi phyogs nas steng gi phyogs kyi bar du 'jig rten gyi khams bye ba snang bar byas so/ /'jig rten gyi khams bye ba stong snang bar byas nas nam mkha'i mthas gtugs pa'i bar gyi 'jig rten gyi khams thams cad kyang snang bar byas so/ /de ltar phyogs bcu shin tu rgyas par byas nas chos kyi dbyings ma lus pa thams cad kyang snang bar byas so/ /'jig rten gyi khams re rer yang 'dzam bu'i gling bye ba phrag brgya bstan pa nas gzhung de bzhin du 'og min bye ba phrag brgya'i bar du bstan to/ /'jig rten gyi khams de dag gi khongs su gang ci yang rung ste gtogs par gyur pa de dag thams cad kyang ril gyis bstan to| |ji ltar bcom ldan 'das sangs rgyas kyi gdan la bzhugs shing / byang chub sems dpa' sangs rgyas kyi zhing bcu'i rdul shin tu phra ba snyed dang thabs cig par s nang ba de bzhin du 'jig rten gyi khams re re'i gling bzhi pa bye ba phrag brgya kun na yang de bzhin gshegs pa bye ba phrag brgya dag sangs rgyas kyi gdan la bzhugs par snang ngo / /thams cad du yang sangs rgyas kyi byin gyi rlabs kyis phyogs bcu nas byang chub sems dpa' bcu bcu 'ong par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar 'jam dpal zhes bya ba nas bzang po'i dpal gyi bar dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar gser gyi mdog ces bya ba nas 'dra ba'i mdog ces bya ba'i bar dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs pa'i spyod pa spyad pa dag ste/ 'di ltar rig byed mi g.yo ba zhes bya ba nas rig byed sna tshogs zhes bya ba'i bar dag go / byang chub sems dpa' de dag thams cad kyang byang chub sems dpa' re re zhing byang chub sems dpa' sangs rgyas kyi zhing bcu'i rdul shin tu phra ba snyed dang lhan cig tu phyin pa dag ste/ gcig ji lta ba de bzhin thams cad do/ /thams cad na yang byang chub sems dpa' 'jam dpal zhes bya ba sha stag don 'di nyid brjod do/ /gcig na ji lta ba de bzhin thams cad na yang brjod do/ /de'i tshe tshigs su bcad pa 'di dag kyang so so nas smra bar gyur to/ /bskal pa gzhal yas bsam gyis mi khyab sems kyi skad cig la/ /gang gis mthong yang bsags med 'gro dang dngos po'i tshul med pa'i/ /lam du rab tu 'jug pa de na thams cad shes 'gyur te| |stobs bcus tshul 'di ji ltar mkhyen bzhin 'jigs med sangs rgyas 'gyur/ /grags pa snyan par phyogs rnams kun tu mtshungs med grags gyur cing / /bgegs rnams kun las 'das te chos nyid 'di la dgar spyad de/ /tshad med thams cad so sor zhi zhing don rnams kun rtogs pas/ /de phyir phyogs rnams kun bkang bde gshegs chos nyid 'di ston to/ /dgongs pa ji bzhin de ni spyod pa'i 'bras bu mthun pa ste/ /'jig rten don 'gyur de bzhin gshegs la mchod pa yang byas shing / /de dag thams cad so sor mthun par ye shes rnams bsgoms pas/ /sems can dam pa sangs rgyas rnam 'phrul 'di 'dra phyogs bcur ston/ /thog mar nyan 'dod bla ma bsnyen bkur bzod pa des byas shing / /rang bzhin med pa'i chos la rab rtog bsam gtan bsnyen byed pa/ /bde gshegs nyid ni rtogs 'gyur 'gro ba rnam sgom sems tshim byed/ /chos nyid de 'dra spyod pa myur du bde gshegs thob par 'gyur/ /snying nas 'dri zhing phyogs rnams rgyal byed rtse gcig thub byed cing / /rgyal ba'i yon tan mos las mi ldog spyod pas tshim byed pa/ /dngos dang dngos med thams cad shes byas spangs shing dngos zad pa'i/ /sangs rgyas bdag med dpe med mthong ba de dag lus 'di yin/ /bzang po'i spyod yul can gyi sems kyis phyogs rnams kun bkang zhing / /zhing rnams thams cad chos kyi gter gyis khyab byas tshim byed pa// ji bzhin chos gnas chos nyid mtha' la the tshom med pa rnams/ /stobs bcu ci 'dra de bzhin gyur pa'i lus ni 'di dag go /bcom ldan 'das kyis chos gang sgra brjod de la 'jug byed cing / /chos kyi 'khor lo ji bzhin blta dka' gzhal yas rtag bskor ba/ /de bzhin gshegs pas gsungs pa'i gsung kun byang chub yan lag rtogs/ /de ltar 'jug pas rtag tu sangs rgyas sku rab 'di dag mthong / /mthong yang mig gi rnam shes tshul du rdul med mthong ba med/ /rnam shes sgyu ma bzhin pas mig stong stobs bcu mi mthong ngo / /'du shes thams cad rnam rtog yin gyi sangs rgyas mthong ba min/ /shin tu chags med yul med de ni rgyal ba mthong ba yin/ /sems can las mang bsags pa de dag shin tu blta dka' ste/ /nang dang phyi dang dbyibs dang mdog tu phyogs bcu kun na med/ /de bzhin rang byung sku ni gzhal yas phyogs rnams kun 'gengs pa/ /shes par dka' ba 'dren pa chen po bsgribs pa med pas brnyes/ /nam mkha' dag la zhing rnams bye ba dngos por gnas par snang / /de nas 'ong ba med cing phyogs bcu kun tu 'gro ba med/ /gcig cing gnas par 'gyur yang de dag ci la'ang gnas pa med/ /de bzhin rang byung rnams kyi sku ni mkha' dbyings rtag tu 'gengs/ /shin tu rgyas pa chen po'i mdo/ sangs rgyas phal po che zhes bya ba las/ de bzhin gshegs pa'i 'od zer las rnam par sangs rgyas pa'i le'u ste/ bcu bzhi pa'o// //de nas byang chub sems dpa' 'jam dpal gyis byang chub sems dpa' sangs rgyas dpal la 'di skad ces smras so/ /kye rgyal ba'i sras/ rang bzhin gcig pa'i sems la bye brag tha dad pa'i rnam pa 'di lta bu dag 'di lta ste/ bde 'gror 'gro ba dang / ngan song du 'gro ba dang / dbang po tshang ba dang / dbang po ma tshang ba dang / skye ba mthun pa dang / skye ba mi mthun pa dang / sdug pa dang / mi sdug pa dang / bde ba myong ba dang / sdug bsngal myong ba snang ba dag la ltos/ las kyis ni/ sems mi shes so/ /sems kyis ni/ las mi shes so| |tshor bas ni/ rnam par smin pa mi shes so/ /rnam par smin pas ni/ tshor ba mi shes so/ /sems kyis ni/ tshor ba mi shes so/ /tshor bas ni/ sems mi shes so| |rgyus ni/ rkyen mi shes so/ /rkyen gyis ni/ rgyu mi shes so/ /dngos pos ni/ dmigs pa mi shes so/ /dmigs pas ni/ dngos po mi shes so/ /de nas byang chub sems dpa' sangs rgyas dpal gyis byang chub sems dpa' 'jam dpal la tshigs su bcad de smras pa/ sems can bstan par bya ba'i phyir/ /gang 'di yongs su dris pa dag/ chos rnams chos nyid ci 'dra ba/ /'jam dpal bdag las mnyan par gyis/ /chos rnams 'di dag g.yo ba med/ /shin tu dngos po med pa ste/ /de phyir gzhan gyis gzhan dag gi / ngo bo nyid kyang mi shes so/ /ji ltar chu klung rgyud kyi rnams/ /gzhan dang gzhan du 'grogs rgyu yang / /gcig gis gcig ni mi shes te/ /chos kyi chos nyid de bzhin no| |ji ltar 'bar ba'i mtshan ma can/ /'od 'phro gzhan dang gzhan 'grogs kyang / /gcig gis gcig ni mi shes te/ /chos kyi chos nyid de bzhin no/ /ji ltar rlung ni bsten tshul gyis| |gzhan dang gzhan du rab tu rgyu/ /gcig gis gcig ni mi shes te/ /chos kyi chos nyid de bzhin no/ /ji ltar sa yi khams kyi rnams/ /gcig la gcig ni gnas gyur kyang // gcig gis gcig ni mi shes te/ /chos kyi chos nyid de bzhin no/ /mig dang rna ba sna dag dang / /lce dang lus dang yid kyi rnams/ /'di dag las ni rgyu 'khod kyang / /byed pa po ni gang yang med/ /'byung ba'i rang bzhin med pa yis/ /'byung ba nye bar bstan byas kyang / /bstan par byas pa gang yang med/ /bstan pa la ni dngos med de/ /mig ni rang bzhin nyid kyis stong / /rna ba sna yang rang bzhin gyis/ /lce dang lus dang yid rnams kyang / /med de yongs su brtags pa yin/ /gang zhig rang bzhin dngos med par/ / tshul bzhin rab tu rtog byed pa/ /de yi mig la 'khrul pa med/ /chos mig bsam gyis mi khyab pa'o/ /yang dag pa dang yang dag min/ /bden nam 'on te rdzun yang rung / /'jig rten 'das dang 'jig rten kun/ /tshig gi lam gyis brjod pa'o/ /de nas byang chub sems dpa' 'jam dpal gyis byang chub sems dpa' nor dpal la 'di skad ces smras so/ /kye rgyal ba'i sras/ sems can thams cad sems can med mod kyi/ 'on kyang de bzhin gshegs pa ni/ sems can 'dul ba'i dus la ji ltar 'bab pa dang / sems can gyi tshe ji lta ba dang / lus ji lta ba dang / spyod pa ji lta ba dang / mos pa ji lta ba dang / mtshan ma ji lta ba dang / bsam pa ji lta ba dang / sbyor ba ji lta ba dang | sems ji lta ba dang / spyod pa ji lta ba de bzhin du sems can rnams kyi sems can 'dul ba'i phyir mthong ngo / /de nas byang chub sems dpa' nor dpal gyis byang chub sems dpa' 'jam dpal la tshigs su bcad de smras pa/ gang rnams rab tu zhi spyod cing / /thos dang ldan pa'i sa 'di yin/ /'di don ci 'dra de bzhin du/ /'jam dpal bdag las mnyan par gyis/ /bdag gi lus la su gnas shes/ /gang gis nad ni rab shes pa/ /yang dag yod dam med pa'i don/ /des ni rab tu shes pa yin/ /lus kyi rnam par dgod pa ni/ /phyogs na mi gnas brjod pa yin/ /de bas shes pa de gnas la/ /nam yang chags par mi byed do/ /lus ni rnam par spyod pa yis/ /dngos po kun kyang rnam par bsgoms/ /sems ni phyir ldog mi 'gyur te/ /dngos po kun ni brtags pa'o/ /gang gi tshe ni rjes su 'brang / /gang gi tshe ni phyir ldog 'gyur/ /ji ltar mgal me 'khor lo yi/ /thog ma tha ma 'khor ba bzhin/ /dngos po thams cad mi rtag par/ /skye bo gang rnams rtog pa yang / /lus la bdag kyang med pa'i phyir/ /'du shes phyir yang ldog par 'gyur/ /bdag med rmi lam lta bu yi/ /las ni kun tu rab tu 'byung / /rnam par smin pas rab tu 'byung / /phyi ma ji bzhin sngon de bzhin/ /sems ni dbang byed yin par bshad| |dad pa'i tshul ni ji bzhin du/ /tshul bzhin ma yin phyin ci log/ 'jig rten thams cad ston par byed/ /ji snyed 'jig rten brda yod pa/ /de dag thams cad brtags pa ste| |chos nyid de ni nam du yang / /chos gcig la yang mi gnas so/ /rkyen rnams la ni rten bcas te/ /chos rnams so sor rab tu 'byung / /de dag ldog par de bzhin 'gyur| |phyi ma ji bzhin sngon de bzhin/ /de nas byang chub sems dpa' 'jam dpal gyis byang chub sems dpa' rin chen dpal la 'di skad ces smras so/ /kye rgyal ba'i sras dag/ sems can thams cad kyi 'byung ba chen po bzhi rnams yongs su 'dzin pa med cing bdag gi med la mnyam pa yin yang 'on kyang bde ba'i tshor ba dag kyang snang / sdug bsngal gyi tshor ba dag kyang snang / yid du 'ong bar byed pa dang / yid du mi 'ong bar byed pa dang / nang du byed pa dang / phyi rol tu byed pa dang / tshor ba chung ba dang / tshor ba che ba dang / tshe 'di la myong ba dang / tshe gzhan la myong ba dag kyang snang la/ chos kyi dbyings la ni/ yid du 'ong ba'am/ yid du mi 'ong ba yang med pa 'di ci zhig |de nas byang chub sems dpa' rin chen dpal gyis byang chub sems dpa' 'jam dpal la tshigs su bcad de smras pa/ ji ltar las rnams byas gyur pa/ /tshor ba de bzhin 'byung 'gyur gyi/ /'di la byed pa gang yang med/ /'di ni sangs rgyas bstan pa'o/ /shin tu phyis pa'i me long la/ /de ni ji ltar 'dug pa bzhin/ /de la de ni de bzhin snang / /chos kyi rang bzhin de bzhin no/ /ji ltar zhing dang sa bon dag /gcig gis gcig ni mi shes kyang / /rang bzhin nye bar ston par byed/ /las kyi rang bzhin de bzhin no/ /sgyu ma byed pa mkhas pa zhig /lam po cher ni song 'dug ste/ /gzugs rnams ston par byed pa bzhin/ /las kyi rang bzhin de bzhin no/ /ji ltar shing gi 'khrul 'khor rnams/ /sna tshogs sgra mang rjod byed kyang / /de ni bdag dang bdag med min/ /las kyi rang bzhin de bzhin no/ /ji ltar bya rnams mang po yi/ / sgo nga'i sbubs ni phye ba las/ /sgra skad gzhan dang gzhan 'gyur ba/ /las kyi rang bzhin de bzhin no/ /ji ltar ma yi mngal du yang / /bu ni 'pho bar mi 'gyur te/ /'on kyang dbang po sna tshogs 'gyur/ /las kyi rang bzhin de bzhin no/ /ji ltar sems dmyal 'jigs pa na/ /gshin rje'i ris gtogs sdug bsngal ba/ /de dag la ni 'ong ba med/ /las kyi rang bzhin de bzhin no/ /ji ltar rin chen mchog rnams dang / /lha yi bu rnams kun ldan yang / /'pho bar snang ba gang yang med/ /de bzhin las kyi rang bzhin no/ /ji ltar 'jig rten la la dag / bsam gyis mi khyab 'bar gyur kyang / /de dag 'ong ba gang yang med/ /las kyi rang bzhin de bzhin no/ /de nas byang chub sems dpa' 'jam dpal gyis byang chub sems dpa' yon tan dpal la 'di skad ces smras so/ /kye rgyal ba'i sras dag/ de bzhin gshegs pas chos gcig mngon par sangs rgyas na/ 'on kyang chos tshad med pa yang yang dag par ston zhing tshad med pa yang rnam par ston/ sems can tshad med pa yang rab tu ston/ gsung tshad med pa yang shin tu sgrog /sku tshad med pa yang shin tu ston/ bsam pa tshad med pa yang thugs su chud/ rdzu 'phrul tshad med pa yang yang dag par ston/ 'jig rten gyi khams tshad med pa yang shin tu skyong / rgyan tshad med pa yang byin gyis rlob| spyod yul tshad med pa yang shin tu ston la/ chos kyi dbyings kyang rnam pa tha dad du mi snang ba 'di ci zhig/ de nas byang chub sems dpa' yon tan dpal gyis byang chub sems dpa' 'jam dpal la tshigs su bcad de smras pa/ gnas 'di shes par dka' ba ste/ /rgyal ba'i sras kyis bdag la dris/ /de ni mkhas pas rnam par shes/ /yon tan mos pa dpyod par byed/ /ji ltar sa ni gcig pu yang / /sems can mang po rab tu rgyu/ /de la gcig dang tha dad med/ /sangs rgyas chos nyid de bzhin no/ / ji ltar me ni gcig pu yang / /'jig rten kun na kun kyang 'bud/ /de la me lce tha dad med/ /sangs rgyas chos nyid de bzhin no/ /ji ltar rgya mtsho gcig pu las/ /chu klung tshad med 'bab gyur kyang / /de la chu yi bye brag med/ /sangs rgyas chos nyid de bzhin no/ /ji ltar rlung ni gcig pu yang / /'jig rten kun tu rgyu zhing ldang / /de la gcig dang tha dad med/ /sangs rgyas chos nyid de bzhin no/ /sprin chen rnams ni 'brug bsgrags shing / /sa rnams kun kyang ngoms par byed/ /de yi char la bye brag med/ /sangs rgyas chos nyid de bzhin no/ /ji ltar sa ni gcig pu yang / /myu gu sna tshogs 'byin cing ston/ /sa la bye brag 'byed pa med/ /sangs rgyas chos nyid de bzhin no/ /ji ltar sgrib med nyi ma ni| |phyogs bcu kun na snang bar byed/ /de la 'od zer tha dad med/ /sangs rgyas chos nyid de bzhin no/ /ji ltar nam mkha'i zla ba ni/ /'jig rten kun la rab tu snang / /gnas nas 'gyur ba gang yang med/ /sangs rgyas chos nyid de bzhin no/ /ji ltar tshangs pa mi mjed bdag /stong gsum na ni 'dug mod kyi/ /de la lus ni bye brag med/ /sangs rgyas chos nyid de bzhin no/ /de nas byang chub sems dpa' 'jam dpal gyis byang chub sems dpa' mig gi dpal la 'di skad ces smras so/ /kye rgyal ba'i sras/ de bzhin gshegs pa la dge ba bskyed par gcig kyang de bzhin gshegs pa la dge ba'i rtsa ba bskyed pa'i sems can rnams gzugs sna tshogs dang / kha dog sna tshogs dang / rigs sna tshogs dang / dbang po sna tshogs dang / longs spyod sna tshogs dang / dbang sna tshogs dang / 'khor sna tshogs dang / phyug dbul sna tshogs dang / yon tan sna tshogs dang / shes rab sna tshogs su'ang snang la/ de bzhin gshegs pa ni/ gang la'ang mi mnyam pa'am/ tha dad du dgongs pa gang yang med na 'di ci zhig/ de nas byang chub sems dpa' mig gi dpal gyis byang chub sems dpa' 'jam dpal la tshigs su bcad de smras pa/ ji ltar sa ni ro gcig kyang / /sa bon tshul bzhin myu gu ston/ /byams dang sdang bar sems pa med/ / sangs rgyas yon phul de bzhin no/ /ji ltar chu ni ro gcig kyang / /snod kyi dbang gis rnam par 'gyur/ /de bzhin sangs rgyas yon phul ba/ /rgyud kyi rnams la rnam par 'gyur/ /ji ltar sgyu mkhan mkhas pa ni/ /rtag tu 'khor kyang mgu bar byed/ /de bzhin sangs rgyas yon phul ba/ /shin tu sbyangs pa dga' bar byed/ /ji ltar mkhas pa'i rgyal po dag/ 'gro ba mang po shes par byed/ /de bzhin sangs rgyas yon phul ba/ /ji ltar bskyed bzhin shes par byed/ /ji ltar dri med me long la/ /ci 'dra'i gzugs rnams de bzhin snang / /de bzhin sems can bsam tshul du/ /sangs rgyas yon phul rnam dag 'gyur/ /ji ltar dug phan sman gyi rnams/ /dug nad thams cad sos par byed/ /de bzhin sangs rgyas yon phul ba/ /nyon mongs dug ni chen po sel/ /ji ltar nyi ma shar ba ni/ /'gro ba 'di dag snang bar byed/ /mun pa dag kyang rnam par sel/ /sangs rgyas yon phul de bzhin no/ /ji ltar zla ba dri med pa/ /kun tu mnyam pa nyid byas te/ /sa ni rab tu snang bar byed/ /sangs rgyas yon phul de bzhin no/ / ji ltar chu yi stobs shugs kyis/ /sa ri thams cad g.yo 'gyur ba/ /sangs rgyas yon phul de bzhin du/ /srid gsum 'khor ba rnams kyang skyong / /'bar dang 'od 'phro bcas pa'i me/ /thams cad dag tu sreg pa'i dngos/ /de bzhin sangs rgyas yon phul ba/ /'du byed thams cad sreg par byed/ /de nas byang chub sems dpa' 'jam dpal gyis byang chub sems dpa' brtson 'grus dpal la 'di skad ces smras so/ /kye rgyal ba'i sras/ de bzhin gshegs pa'i bstan pa gcig na/ thams cad lta ba mthun pas nyon mongs pa thams cad spong bar ci'i phyir mi 'gyur/ de dag kun la yang gzugs ni/ gzugs nyid du zad/ tshor ba yang tshor ba nyid du zad/ 'du shes kyang 'du shes nyid du zad/ 'du byed rnams kyang 'du byed rnams nyid du zad/ rnam par shes pa yang rnam par shes pa nyid du zad/ 'dod pa'i khams kyang 'dod pa'i khams nyid du zad/ gzugs kyi khams kyang gzugs kyi khams nyid du zad/ gzugs med pa'i khams kyang gzugs med pa'i khams nyid du zad/ ma rig pa yang ma rig pa nyid du zad/ sred pa yang sred pa nyid du zad la/ de bzhin gshegs pa'i bstan pa yang phan par byed pa'am/ gnod par byed pa ma yin na/ de ci'i phyir/ de nas byang chub sems dpa' brtson 'grus dpal gyis byang chub sems dpa' 'jam dpal la tshigs su bcad de smras pa/ de ltar khyod kyis gang dris pa/ /la la myur du rnam grol zhing / /la la dka' bar 'grol 'gyur ba/ /sangs rgyas sras po bdag la nyon/ /'di ni dpag tu med pa yi/ /sangs rgyas bstan gyi nyes ma yin/ /dad dang brtson 'grus nan tan gyis/ /rtag tu khyad par 'gyur ba yin/ / ji ltar rtsa dang shing gsher ba/ /mer bcug shin tu nyam chung zhing / /ring por mi thogs 'chi bar 'gyur/ /de bzhin le lo bstan pa la/ /ji ltar gtsubs nas gtsubs pa'i tshe| |ma byung ba ni myur bteg na/ /myur du 'chi bar 'gyur ba bzhin/ /de ltar le lo bstan pa la/ /nyi ma'i nor bu lci ba la/ /yang dang yang bzhag bteg pa ni/ /de la me 'byung mi 'gyur te/ /de bzhin le lo bstan pa la/ /ji ltar nyi ma shar ba'i tshe/ /byis pa rnams ni mig btsums shing / /mi mthong ci phyir zhes smra ba/ /de bzhin le lo bstan pa la| |rkang lag med par skyes pa'i mi/ /ji ltar smyig mnga' kha bug gis/ /sa ni dbug par 'dod pa bzhin/ /de ltar le lo bstan pa la/ /ji ltar byis pas rgya mtsho las// yang dang yang du bcus byas shing / /skam par la la 'dod pa ltar/ /de bzhin le lo bstan pa la/ /ji ltar bum pa chus bkang bzhin/ /bskal pa'i me ni byung ba'i tshe/ /la la gsad par 'dod pa ltar/ /de bzhin le lo bstan pa la/ /ji ltar la la phyogs bcu yi/ /nam mkha' ji snyed tha mal pa'i/ /gzugs kyis rgyas par dgang smra ba/ /de bzhin le lo bstan pa la/ /de nas byang chub sems dpa' 'jam dpal gyis byang chub sems dpa' chos dpal la 'di skad ces smras so/ /kye rgyal ba'i sras/ chos kyi tshul nyon mongs pa thams cad skem pa 'di nyid blangs kyang sems can la la 'dod chags kyi dbang du 'gro/ la la zhe sdang gi dbang du 'gro/ la la gti mug gi dbang du 'gro/ nga rgyal gyi dbang du 'gro/ 'chab pa'i dbang du 'gro/ 'khon du 'dzin pa'i dbang du 'gro/ phrag dog gi dbang du 'gro /ser sna'i dbang du 'gro /sgyu'i dbang du 'gro zhing / g.yo'i dbang du 'gro la/ chos de dag kyang sems med par gzung du yang mi nus te/ nyon mongs par gdags pa kun gyi rnam pa kun tu sems kyi rgyud du zad na/ de ji lta bu/ de nas byang chub sems dpa' chos dpal gyis byang chub sems dpa' 'jam dpal la tshigs su bcad de smras pa/ gang gi don du dris pa rnams/ /sangs rgyas sras po nga las nyon/ /yang dag sangs rgyas bstan pa 'di/ /thos pa tsam gyis mi 'grub bo/ /la la stobs med chu klung gis/ /nad kyis khyer bar gyur pa dag /skom zhing shi bar gyur pa bzhin/ /ma bsgoms chos kyang de bzhin no/ /ji ltar 'gro ba mang po la/ /zas dang skom dag sbyin byas kyang / /bdag nyid bkres pas shi ba ltar/ /de bzhin chos la ma bsgoms pa'o/ /ji ltar sman pa la la zhig /sman rnams thams cad bdog bzhin du/ / lto yi nad kyis shi ba bzhin/ /chos la ma bsgoms de bzhin no/ /ji ltar dbyig gi mdzod dag tu/ /rin chen mang po bgrang byed kyang / /nam phyed tsam yang mi 'thob pa/ /chos la ma bsgoms de bzhin no/ /ji ltar bde ba kun ldan pa'i/ /rgyal po'i pho brang 'khor skyes kyang / /zas dang skom dag mi bdog pa/ /de bzhin chos la ma bsgoms pa'o/ /ji ltar 'on pa rol mo yi/ /sil snyan glu la mkhas pa zhig /gzhan dag de yis dga' byed pa/ /chos la ma bsgoms de bzhin no/ /ji ltar dmus long ri mo mkhan/ /tshong dus dbus su 'brir 'jug kyang / /bdag nyid kyis ni mi mthong ba/ /chos la ma bsgoms de bzhin no/ /ji ltar mtsho chen mnyan pa zhig /skye bo mang po sgrol byed kyang / /bdag nyid de nang 'chi 'gyur ba/ /chos la ma bsgoms de bzhin no/ /ji ltar lam gyi bzhi mdor yang / /phun sum tshogs pa kun brjod cing / /bdag gis thob par mi 'gyur ba/ /chos la ma bsgoms de bzhin no/ /de nas byang chub sems dpa' 'jam dpal gyis byang chub sems dpa' ye shes dpal la 'di skad ces smras so| |kye rgyal ba'i sras/ de ste de bzhin gshegs pa'i bstan pa ni/ ye shes sngon du 'gro ba yin na/ de ci'i phyir de bzhin gshegs pa sems can la la la ni/ sbyin pa brjod pa mdzad/ la la la ni/ tshul khrims/ la la la ni/ bzod pa/ la la la ni/ brtson 'grus/ la la la ni/ bsam gtan/ la la la ni/ shes rab brjod pa mdzad/ la la la ni/ byams pa/ la la la ni/ snying rje/ la la la ni/ dga' ba/ la la la ni/ btang snyoms brjod pa mdzad kyang bla na med pa yang dag par rdzogs pa'i byang chub tu ni/ chos gcig 'gas 'byung bar mi nus so/ /de nas byang chub sems dpa' ye shes dpal gyis byang chub sems dpa' 'jam dpal la tshigs su bcad de smras pa/ sems can gzhan gyi bsam shes pa// ngo mtshar rmad du byung ba ste/ /de ltar gang gi don dris pa/ /sangs rgyas sras po bdag las nyon/ /smra ba'i mchog ni gang yang rung / /chos gcig gis ni byung ba med/ /gang yang 'byung ba yod pa min/ /'byung bar 'gyur ba de bzhin med/ /skal pa gang la gnas pa yi/ /bsam pa mkhyen nas don mdzad cing / /gang la ci dag tshul mthun pa/ /de bzhin chos kyang bstan pa mdzad/ /ser sna can la sbyin pa brjod/ /tshul khrims ngan la tshul khrims rnams/ /mi bzod la ni bzod dang des/ /brtson 'grus 'byor pa le lo la'o/ / rnam par 'khrugs la bsam gtan brjod/ /shes rab 'byor ba shes med la'o/ /gdug pa'i sems la byams pa bshad/ /'tshe ba rnams la snying rje ste/ /zhum pa la ni dga' ba bshad/ /'khor ba'i sems la btang snyoms te/ /sangs rgyas chos rnams thams cad kyang / /rim pas de ltar 'byung ba yin/ /ji ltar sa la las bya ba/ /khyim gyi dngos la rim pa yin/ /de bzhin sbyin pa tshul khrims dag /byang chub sems dpa'i thog mar 'gro /rgyal ba'i gnas dang grong rdal rnams/ /rub pa'i phyir ni ra ba ste/ /de bzhin bzod pa brtson 'grus dag /byang chub sems dpa' rub phyir ro/ /ji ltar gdugs gcig rgyal po ni/ /sa rnams thams cad skyong bar byed/ / de bzhin bsam gtan shes rab dag /byang chub sems dpa'i skyabs bzhin no/ /'khor los bsgyur ba'i rgyal po ni/ /bde ba thams cad ster ba ltar/ /de bzhin tshangs pa'i gnas rnams kyang / /byang chub sems dpa'i bde ba 'byin/ /de nas byang chub sems dpa' 'jam dpal gyis byang chub sems dpa' bzang po'i dpal la 'di skad ces smras so/ /kye rgyal ba'i sras/ de ste sangs rgyas bcom ldan 'das rnams kyi 'byung ba gcig na/ sangs rgyas kyi zhing rnams na sbyor ba rnam pa tha dad pa dag 'di ltar 'jig rten gyi khams rnam pa tha dad pa dang / chos bstan pa rnam pa tha dad pa dang / sems can 'dul ba rnam pa tha dad pa dang / tshe'i tshad rnam pa tha dad pa dang / 'od kyi dkyil 'khor rnam pa tha dad pa dang / rdzu 'phrul dang rnam par 'phrul pa rnam pa tha dad pa dang / 'khor tshogs pa rnam pa tha dad pa dang / bstan pa'i tshul rnam pa tha dad pa dang / chos kyi byin gyi rlabs rnam pa tha dad pa dag ci'i phyir snang bar gyur/ sangs rgyas kyi chos thams cad yongs su ma rdzogs par ni/ bla na med pa yang dag par rdzogs pa'i byang chub mngon par 'tshang rgya bar mi nus so/ /de nas byang chub sems dpa' bzang po'i dpal gyis byang chub sems dpa' 'jam dpal la tshigs su bcad de smras pa/ chos kyi rgyal po'i chos nyid ni| |'jam dpal rtag tu gcig pa ste/ /bsgribs pa med pa gzigs pa yi/ /'byung ba de yang gcig pu 'o/ /sangs rgyas thams cad sku gcig ste/ /de bzhin gshegs pa chos kyi sku| |shes rab thugs kyang gcig pa ste/ /mi 'jigs stobs kyang de bzhin no/ /sngon chad byang chub zhugs pa'i tshe/ /ji ltar yongs su bsngo mdzad pa/ /'khor du chos rnams bstan pa dang / /de dag zhing yang de bzhin 'gyur/ /zhing gi phun sum gang yod pa/ /sangs rgyas rnams la thams cad 'grub/ /sems can ji ltar sbyangs pa rnams/ /de yi rnam pa de ltar mthong / /ji ltar sangs rgyas chos nyid du/ /kun gyis sangs rgyas mi mthong ste/ /sangs rgyas zhing dang sku dag dang / /'khor du chos bstan de bzhin no/ /gang rnam smon lam mthun ldan zhing / /sngon chad bsam pa yongs sbyangs pas/ /thams cad gzigs pa'i tshul gyi rnams/ /ji lta ba bzhin thams cad mthong / /sems can bsam pa ji bzhin dang / /las dang stobs kyang ji bzhin pa/ /de lta de ltar mthong 'gyur te/ /sangs rgyas rnams kyi rnam 'phrul lo/ /sangs rgyas zhing la rtog mi mnga'/ / de dag byams sdang yod pa min/ /bsam pa'i tshul ni ji bzhin du/ /srog chags rnams kyis de bzhin mthong / /rnam pa tha dad 'jig rten khams/ /de ltar snang bar gyur pa de| |drang srong chen po kun gzigs pa'i/ /nyes pa'i skyon las gyur pa med/ /gang na 'dul ba yod pa yi/ /'jig rten khams rnams thams cad du/ /skyes bu drang srong rnams kyang snang / /de ni sangs rgyas chos nyid do/ /de nas byang chub sems dpa' de dag thams cad kyis byang chub sems dpa' 'jam dpal la 'di skad ces smras so/ / kye rgyal ba'i sras/ bdag cag gis rang rang gi spobs pa bstan pa rnams smras pa yin na/ da khyod kyis sangs rgyas bcom ldan 'das rnams kyi yul las brtsams te spobs par gyis shig / sangs rgyas kyi yul gyi yul ni/ gang / sangs rgyas kyi yul gyi tshogs ni/ gang / sangs rgyas kyi yul du 'gro ba ni/ gang / sangs rgyas kyi yul la 'jug pa ni/ ji lta bu/ sangs rgyas kyi yul khong du chud pa'i shes pa ni/ gang / sangs rgyas kyi yul gyi rjes su 'gro ba ni/ gang / sangs rgyas kyi yul shin tu bstan pa ni/ gang / sangs rgyas kyi yul shes par byed pa ni/ gang / sangs rgyas kyi yul rtogs pa ni/ gang / sangs rgyas kyi yul gyi tshul ni/ ji lta bu/ sangs rgyas kyi yul ni/ ji tsam du yangs/ de nas byang chub sems dpa' 'jam dpal gyis byang chub sems dpa' de dag thams cad la tshigs su bcad de smras pa/ nam mkha'i yul dang 'dra ba ste/ /kun tu 'od la 'dra ba med/ /sems can thams cad 'jug pa ste/ /chos nyid la ni 'jug pa med/ /tshogs rnams thams cad bstan par ni/ /bskal pa bye bar mi nus te/ /ji snyed rgyal ba'i tshogs mnga' ba/ /de ni sangs rgyas yul yin no/ /blo gros sems kyang de bzhin du/ /sems can thams cad rab tu 'jug/ de la bstan pa thogs pa med/ /de ni sangs rgyas yul yin no/ /'jig rten thams cad 'jug pa dang / /'jig rten rgyu ba gang yod pa/ /de dag kun la ye shes gnas/ /gzugs su snang ba ma yin no/ /sangs rgyas ye shes chags med de/ /dus gsum kun la chags pa med/ /nam mkha' 'byung dang mtshungs pa yin/ /de ni ye shes yul yin no/ /chos kyi dbyings ni tha mi dad/ /sems can khams rnams rtogs par mkhyen/ /dbyings rnams thams cad rab tu brnyes/ /de ni sangs rgyas yul yin no/ /sgrar gdags ji snyed yod pa dang / /sems can kun gyi sgra skad du| |sgra la mkhyen pa thugs chud kyang / /rnam par rtog pa gang yang med/ /rnam shes rnam par shes bya med/ /sems kyis brjod pa'ang ma yin te/ /ye shes rang bzhin shin tu dag/ sems can rnams la'ang rab tu bshad/ /nyon mongs med cing las med de/ /dngos po med cing gnas pa med/ /snang ba med cing rgyu ba med/ / 'jig rten dag tu'ang mnyam par spyod/ /sems can kun gyi sems kyi rnams/ /dus gsum kun tu rab yangs pa/ /sems gcig la ni rab 'jug pas/ /sangs rgyas rnams kyi ye shes 'jug/ de nas de'i tshe 'jig rten gyi khams de dag na sems can gyi rgyud ji snyed pa dang / chos kyi rgyud ji snyed pa dang / las kyi rgyud ji snyed pa dang / 'jig rten gyi rgyud ji snyed pa dang / lus kyi rgyud ji snyed pa dang / dbang po'i rgyud ji snyed pa dang / skye ba'i rgyud ji snyed pa dang / tshul khrims kyi 'bras bu'i rgyud ji snyed pa dang | tshul khrims log pa'i 'bras bu'i rgyud ji snyed pa dang / yul gyi 'bras bu'i rgyud ji snyed pa de dag thams cad sangs rgyas kyi mthus rab tu snang bar gyur te/ ji ltar 'jig rten gyi khams de dag tu rab tu snang bar gyur pa de bzhin du shar phyogs kyi 'jig rten gyi khams bye ba khrag khrig brgya stong tshad med pa/ dpag tu med pa/ grangs med pa| bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ gzhal du med pa/ brjod du med pa/ chos kyi dbyings kyis k las pa| nam mkha'i dbyings kyi mthas gtugs pa thams cad na yang sems can gyi rgyud ji snyed pa zhes bya ba nas gzhung de bzhin du yul gyi 'bras bu'i rgyud ji snyed pa'i bar du de dag thams cad sangs rgyas kyi mthus rab tu snang bar gyur to/ /de bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du byang shar gyi phyogs mtshams dang / de bzhin du shar lho'i phyogs mtshams dang / de bzhin du lho nub kyi phyogs mtshams dang / de bzhin du nub byang gi phyogs mtshams dang | de bzhin du 'og gi phyogs dang / de bzhin du steng gi phyogs kyi 'jig rten gyi khams bye ba khrag khrig brgya stong tshad med/ dpag tu med pa/ grangs med pa/ bsam gyis mi khyab pa/ mtshungs pa med pa/ kun tu mtha' yas pa/ mu med pa/ sa mtshams med pa/ gzhal du med pa/ brjod du med pa/ chos kyi dbyings kyis klas pa/ nam mkha'i d byings kyi mthas gtugs pa dag na sems can gyi rgyud ji snyed pa zhes bya ba nas gzhung de bzhin du yul gyi 'bras bu'i rgyud ji snyed pa'i bar du de dag thams cad sangs rgyas kyi byin gyi rlabs kyis rab tu snang bar gyur to/ /shin tu rgyas pa chen po'i mdo/ sangs rgyas phal po che zhes bya ba las/ byang chub sems dpa' dris pa snang ba zhes bya ba'i le'u ste/ bco lnga pa'o// //bam po bco brgyad pa/ de nas byang chub sems dpa' ye shes dpal gyis byang chub sems dpa' 'jam dpal la 'di skad ces smras so/ /kye rgyal ba'i sras/ byang chub sems dpa' rnams ji ltar na kha na ma tho ba med pa'i lus kyi las dang ldan pa yi/ kha na ma tho ba med pa'i ngag gi las dang ldan pa yin/ kha na ma tho ba med pa'i yid kyi las dang ldan pa yin/ lus kyi las rnam par ma nyams pa yin/ ngag gi las rnam par ma nyams pa yin| yid kyi las rnam par ma nyams pa yin/ lus kyi las ma smad pa yin/ ngag gi las ma smad pa yin/ yid kyi las ma smad pa yin/ lus kyi las mi 'phrog pa yin| ngag gi las mi 'phrog pa yin/ yid kyi las mi 'phrog pa yin/ lus kyi las mi zlog pa yin/ ngag gi las mi zlog pa yin/ yid kyi las mi zlog pa yin/ lus kyi las mi 'khrugs pa yin/ ngag gi las mi 'khrugs pa yin/ yid kyi las mi 'khrugs pa yin/ lus kyi las bsngags pa yin/ ngag gi las bsngags pa yin/ yid kyi las bsngags pa yin/ lus kyi las rnam par dag pa yin/ ngag gi las rnam par dag pa yin/ yid kyi las rnam par dag pa yin/ lus kyi las nye bar nyon mongs pa med pa yin| ngag gi las nye bar nyon mongs pa med pa yin/ yid kyi las nye bar nyon mongs pa med pa yin/ lus kyi las ye shes sngon du 'gro ba yin/ ngag gi las ye shes sngon du 'gro ba yin/ yid kyi las ye shes sngon du 'gro ba yin/ rigs phun sum tshogs pa yin/ rus phun sum tshogs pa yin/ rgyud phun sum tshogs pa yin/ gzugs phun sum tshogs pa yin/ mtshan phun sum tshogs pa yin/ dran pa phun sum tshogs pa yin/ blo gros phun sum tshogs pa yin/ rtogs pa phun sum tshogs pa yin/ dga' ba phun sum tshogs pa yin/ blo phun sum tshogs pa yin/ blo gros mchog tu gyur pa yin/ blo gros dam par gyur pa yin/ blo gros rab tu gyur pa yin/ blo gros tshad med pa yin/ blo gros grangs med pa yin/ blo gros bsam gyis mi khyab pa yin/ blo gros mtshungs pa med pa yin/ blo gros gzhal du med pa yin/ blo gros brjod du med pa yin/ rgyu'i stobs can yin/ bsam pa'i stobs can yin/ sbyor ba'i stobs can yin/ rkyen gyi stobs can yin/ dmigs pa'i stobs can yin/ dbang po'i stobs can yin/ rnam par lta ba'i stobs can yin/ zhi gnas kyi stobs can yin/ lhag mthong gi stobs can yin/ nges par rtogs pa'i stobs can yin/ phung po la mkhas pa yin/ khams la mkhas pa yin/ skye mched la mkhas pa yin/ rten cing 'brel bar 'byung ba la mkhas pa yin/ 'dod pa'i khams la mkhas pa yin/ gzugs kyi khams la mkhas pa yin/ gzugs med pa'i khams la mkhas pa yin/ 'das pa la mkhas pa yin/ ma 'ongs pa la mkhas pa yin| da ltar byung ba la mkhas pa yin/ dran pa yang dag byang chub kyi yan lag la mkhas pa yin/ chos rnam par 'byed pa yang dag byang chub kyi yan lag la mkhas pa yin/ brtson 'grus yang dag byang chub kyi yan lag la mkhas pa yin/ dga' ba yang dag byang chub kyi yan lag la mkhas pa yin/ rab tu byang ba yang dag byang chub kyi yan lag la mkhas pa yin/ ting nge 'dzin yang dag byang chub kyi yan lag la mkhas pa yin/ btang snyoms yang dag byang chub kyi yan lag la mkhas pa yin/ stong pa nyid yongs su bsgoms pa yin/ mtshan ma med pa yongs su bsgoms pa yin/ smon pa med pa yongs su bsgoms pa yin/ sbyin pa'i pha rol tu phyin pa yin/ tshul khrims kyi pha rol tu phyin pa yin/ bzod pa'i pha rol tu phyin pa yin/ brtson 'grus kyi pha rol tu phyin pa yin/ bsam gtan gyi pha rol tu phyin pa yin| shes rab kyi pha rol tu phyin pa yin/ byams pa'i pha rol tu phyin pa yin/ snying rje'i pha rol tu phyin pa yin/ dga' ba'i pha rol tu phyin pa yin/ btang snyoms kyi pha rol tu phyin pa yin/ gnas dang gnas ma yin pa shes par bya ba khong du chud pa yin/ 'das pa dang / ma 'ongs pa dang / da ltar byung ba'i las kyi rnam par smin pa shes par bya ba khong du chud pa yin/ dbang po dang / brtson 'grus tha dad pa yongs su rdzogs par bya ba gcig nas gcig tu brgyud pa khong du chud pa yin/ khams sna tshogs dang / khams du ma'i shes par bya ba khong du chud pa yin/ mos pa sna tshogs dang / mos pa du ma shes par bya ba khong du chud pa yin/ kun tu 'gro ba'i lam shes par bya ba khong du chud pa yin/ bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba dang / ldang ba shes par bya ba khong du chud pa yin| bsgribs pa med pa'i rjes su dran pa shes par bya ba khong du chud pa yin/ lha'i mig chags pa med pa shes par bya ba khong du chud pa yin/ bag chags kyi mtshams sbyor ba yang dag par bcad pa shes par bya ba khong du chud pa yin/ lha'i dbang pos yongs su bzung ba yin/ klu'i dbang pos yongs su bzung ba yin| gnod sbyin gyi dbang pos yongs su bzung ba yin/ dri za'i dbang pos yongs su bzung ba yin/ lha ma yin gyi dbang pos yongs su bzung ba yin/ nam mkha' lding gi dbang pos yongs su bzung ba yin/ mi'am ci'i dbang pos yongs su bzung ba yin/ lto 'phye chen po'i dbang pos yongs su bzung ba yin/ mi'i dbang pos yongs su bzung ba yin/ tshangs pa'i dbang pos yongs su bzung ba yin/ lha'i dbang pos bkur ba yin/ klu'i dbang pos bkur ba yin/ gnod sbyin gyi dbang pos bkur ba yin| dri za'i dbang pos bkur ba yin/ lha ma yin gyi dbang pos bkur ba yin/ nam mkha'i lding gi dbang pos bkur ba yin/ mi'am ci'i dbang pos bkur ba yin| lto 'phye chen pos dbang pos bkur ba yin/ mi'i dbang pos bkur ba yin/ tshangs pa'i dbang pos bkur ba yin/ sems can thams cad kyi gnas su gyur pa yin| skyabs su gyur pa yin/ dpung gnyen du gyur pa yin/ mgon du gyur pa yin/ sgron mar gyur pa yin/ snang bar gyur pa yin/ 'od du gyur pa yin/ 'dren par gyur pa yin| rnam par 'dren par gyur pa yin/ yongs su 'dren par gyur pa yin/ sems can thams cad kyi mchog tu gyur pa yin/ gtso bor gyur pa yin/ thu bor gyur pa yin/ rab tu gyur pa yin/ dam par gyur pa yin/ phul du gyur pa yin/ bla na med pa yin/ kye rgyal ba'i sras/ ji ltar na/ byang chub sems dpa' rnams mnyam pa med pa yin/ de skad ces smras pa dang / byang chub sems dpa' 'jam dpal gyis byang chub sems dpa' ye shes dpal la 'di skad ces smras so/ /kye rgyal ba'i sras/ khyod de ltar skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba dang / bde bar rnam par gzud pa'i phyir zhugs shing / de ltar khyod rnam pa 'di lta bu'i gnas dag yongs su dri bar sems pa ni/ kye rgyal ba'i sras/ legs so/ /legs so/ /kye rgyal ba'i sras/ byang chub sems dpa' dag gi sems kyi las yid la byed pa'i sbyor ba gang dang ldan pas/ byang chub sems dpa' rnams yon tan gyi khyad par 'di dag thams cad 'thob par 'gyur pa dang / sangs rgyas kyi chos thams cad la thogs pa med pa'i lus su 'gyur ba dang / sangs rgyas bcom ldan 'das 'das pa dang / ma byon pa dang / da ltar byung ba rnams kyi lam du 'jug pa dang / sems can thams cad yongs su mi gtong ba'i sems kyang de dag la nye bar gnas pa dang / chos thams cad ji lta ba bzhin du rnam par lta ba yang de dag la nye bar gnas pa dang / mi dge ba'i chos thams cad spangs par 'gyur ba dang / dge ba'i chos thams cad dang ldan par 'gyur ba dang / kun tu bzang zhing kun tu mdzes pa dang / rnam pa'i mchog thams cad dang ldan pa dang / chos thams cad la dbang sgyur zhing srog chags thams cad la ston pa gnyis par 'gyur ba'i sems kyi las yid la byed pa'i sbyor ba yod de/ kye rgyal ba'i sras dag /byang chub sems dpa' sems kyi las yid la byed pa'i sbyor ba gang dang ldan pas/ yon tan gyi khyad par 'di dag thams cad 'thob par 'gyur ba'i byang chub sems dpa'i sems kyi las yid la byed pa'i sbyor ba de dag gang zhe na/ kye rgyal ba'i sras| 'di la byang chub sems dpa' khyim gyi nang na 'dug pa'i tshe sems can thams cad rang bzhin shes pa dang ldan pas/ khyim gyi thibs pos zil gyis mi non par gyur cig / ces sems bskyed do/ /pha ma dang 'grogs pa'i tshe byang chub sems dpas sems can thams cad/ skye bo thams cad yongs su bskyab pa'i phyir sangs rgyas dang 'grogs par gyur cig / ces sems bskyed do/ /bu dang bu mo dang 'grogs pa'i tshe byang chub sems dpas sems can thams cad sred pa dang shin tu bral bas dga' ba dang / mi dga' ba dang / rnam par bral bar gyur cig /ces sems bskyed do/ /'dod pa'i yon tan dang 'grogs pa'i tshe byang chub sems dpas sems can thams cad yon tan gyi pha rol tu phyin pas 'dod pa'i gsal shing rnam par sel bar gyur cig / ces sems bskyed do/ /glu dang / gar dang / rol mo dang / sil snyan dang 'grogs pa'i tshe byang chub sems dpas sems can thams cad gar mkhan gyi tshon lta bur mthong ba dang ldan zhing chos yang dag par 'gro ba'i brjod pa rab tu thob par gyur cig / ces sems bskyed do/ /chung ma'i 'khor gyi nang na 'dug pa'i tshe byang chub sems dpas sems can thams cad 'dod pa'i gsal shing dang bral zhing / 'phags pa'i sar tshud par gyur cig /ces sems bskyed do/ /rgyan gyis brgyan pa'i tshe byang chub sems dpas sems can thams cad srid par 'byung ba 'jig pa'i pha rol tu phyin pas khur bor bar gyur cig / ces sems bskyed do/ /khang thog tu phyin pa'i tshe byang chub sems dpas sems can thams cad chos thams cad kyi khyad par khong du chud cing / chos kyi khang steng du phyin par gyur cig/ ces sems bskyed do/ /sbyin pa gtong ba'i tshe byang chub sems dpas sems can thams cad bdag gir bya ba med de/ yongs su 'dzin pa'i sems med cing bdag gi thams cad yongs su gtong bar gyur cig / ces sems bskyed do/ /ma bral zhing 'grogs pa'i tshe byang chub sems dpas sems can thams cad thams cad mkhyen pa nyid kyi mthar phyin te| 'du ba dang shin tu bral bar gyur cig / ces sems bskyed do/ /btson ra la kha na ma tho bar mthong ba'i tshe byang chub sems dpas sems can thams cad gnas med pa la spyod cing gang du dga' bar 'dong bar gyur cig / ces sems bskyed do/ /khyim nas khyim med par 'byung ba'i tshe byang chub sems dpas sems can thams cad sems bcings pa dang grol ba med cing / chags pa med de/ mi dgos pa dang bral bar gyur cig /ces sems bskyed do/ /dge 'dun gyi ra ba'i mtshams 'da' ba'i tshe byang chub sems dpas sems can thams cad 'gal ba med pa'i chos dang ldan zhing mthun par 'gro ba mang po dang ldan par gyur cig / ces sems bskyed do/ /mkhan po dang slob dpon gyi drung du 'gro ba'i tshe byang chub sems dpas sems can thams cad chos la rtsom zhing cho ga la mkhas par gyur cig / ces sems bskyed do/ /rab tu 'byung bar gsol ba'i tshe byang chub sems dpas sems can thams cad bar chad med cing phyir mi ldog pa'i chos can du gyur cig / ces sems bskyed do/ /gos dkar po 'dor ba'i tshe byang chub sems dpas sems can thams cad sdig pa la brtson pa spangs te dge ba'i rtsa ba shin tu sbyangs par gyur cig / ces sems bskyed do/ /skra dang kha spu 'breg pa'i tshe byang chub sems dpas sems can thams cad shin tu mnyam par bzhag cing nyon mongs pa med par gyur cig / ces sems bskyed do/ /gos ngur smrig gon pa'i tshe byang chub sems dpas sems can thams cad drang srong chen po'i sems dang ldan zhing rnyog pa med par gyur cig / ces sems bskyed do/ /rab tu 'byung ba'i tshe byang chub sems dpas sems can rnams skye bo thams cad yongs su bskyang ba'i phyir de bzhin gshegs pa'i rab tu 'byung bar gyur cig / ces sems bskyed do/ /sangs rgyas la skyabs su 'gro ba'i tshe byang chub sems dpas sems can thams cad dge ba la mos pa mngon par bskyed pas sangs rgyas kyi gdung mi 'chad pa'i don du brtson par gyur cig / ces sems bskyed do/ /chos la skyabs su 'gro ba'i tshe byang chub sems dpas sems can thams cad chos kyi gter rab tu thob par gyur cig /ces sems bskyed do| |dge 'dun la skyabs su 'gro ba'i tshe byang chub sems dpas sems can thams cad chags pa'i gnas dang bral zhing dge 'dun yongs su sdud par gyur cig / ces sems bskyed do/ /bslab pa'i tshig yang dag par len pa'i tshe byang chub sems dpas sems can thams cad tshul bzang po la yang dag par spyod cing / bslab pa thams cad shin tu bslab par gyur cig / ces sems bskyed do/ /slob dpon gyis bstan pa'i tshe byang chub sems dpas sems can thams cad log pa ma yin pa'i las la spyod cing tshul dang spyod yul phun sum tshogs par gyur cig / ces sems bskyed do/ /mkhan pos bstan pa'i tshe byang chub sems dpas sems can thams cad gnas med pa la yang dag par gzhol zhing mi skye ba'i ye shes kyi pha rol tu phyin par gyur cig/ ces sems bskyed do/ /bsnyen par rdzogs pa'i tshe byang chub sems dpas sems can thams cad chos thams cad kyi khyad par gyi pha rol tu phyin te thabs mkhas pa'i pha rol tu phyin par gyur cig / ces sems bskyed do/ /gtsug lag khang du 'gro ba'i tshe byang chub sems dpas sems can thams cad mi 'phrog pa'i chos can du gyur te bla na med pa'i gnas la rnam par spyod par gyur cig / ces sems bskyed do// stan 'ding ba'i tshe byang chub sems dpas sems can thams cad chos ji lta ba bzhin du mthong zhing legs par bkod pa'i chos can du gyur cig /ces sems bskyed do/ /'dug pa'i tshe byang chub sems dpas sems can thams cad mi gnas pa'i sems kyis snying po byang chub la 'dug par gyur cig / ces sems bskyed do/ /skyil mo krung 'cha' ba'i tshe byang chub sems dpas sems can thams cad mi g.yo ba'i sa la dge ba'i rtsa ba shin tu brtan par gyur cig / ces sems bskyed do/ /zhi gnas yongs su sbyor bar byed pa'i tshe byang chub sems dpas sems can thams cad ma lus pa'i mthar thug pa la brtson zhing zhi ba dang / dul ba la rab tu gzhol bar gyur cig /ces sems bskyed do/ / lhag mthong yongs su sbyong bar byed pa'i tshe byang chub sems dpas sems can thams cad shin tu nyon mongs pa med pa'i chos can du gyur te/ chos yang dag pa ji lta ba bzhin du mthong bar gyur cig / ces sems bskyed do/ /skyil mo krung 'jig pa'i tshe byang chub sems dpas sems can thams cad shin tu mnyam par gzhag cing 'du byed thams cad rang bzhin gyis 'jig pa rnam par mthong bar gyur cig / ces sems bskyed do/ /rkang mthil gzhog pa'i tshe byang chub sems dpas sems can thams cad sems rnam par grol ba mi 'khrugs pa la rab tu gnas par gyur cig / ces sems bskyed do/ /rkang mthil 'degs pa'i tshe byang chub sems dpas sems can thams cad kha na ma tho ba med pa dang ldan pa thob ste 'khor ba'i rgya mtshor bying ba las 'thon par gyur cig / ces sems bskyed do/ /smad g.yogs gyon pa'i tshe byang chub sems dpas sems can thams cad ngo tsha shes shing khrel yod pa bla na med pa dang ldan zhing dge ba'i rtsa ba shin tu brtan par gyur cig / ces sems bskyed do| |ska rags 'ching ba'i tshe byang chub sems dpas sems can thams cad mi 'khrugs pa'i chos can du gyur te dge ba'i rtsa ba shin tu 'brel bar gyur cig / ces sems bskyed do/ /bla gos gyon pa'i tshe byang chub sems dpas sems can thams cad chos thams cad kyi khyad par gyi pha rol tu phyin pa thob ste gong nas gong du dge ba'i rtsa ba thob par gyur cig / ces sems bskyed do/ /sbyar ma gyon pa'i tshe byang chub sems dpas sems can thams cad mi 'khrugs pa'i chos can du gyur te thabs dam pas mngon par bkab par gyur cig / ces sems bskyed do/ /so shing len pa'i tshe byang chub sems dpas sems can thams cad yongs su dag pa'i dngos po thob pa'i phyir dam pa'i chos rnam par dag pa thob par gyur cig / ces sems bskyed do/ /so shing za ba'i tshe byang chub sems dpas sems can thams cad nyon mongs pa shin tu bcom ste sems dul zhing sems dag par gyur cig / ces sems bskyed do/ /dben par 'gro ba'i tshe byang chub sems dpas sems can thams cad 'dod chags dang / zhe sdang dang / gti mug spangs te sdig pa'i chos thams cad spangs par gyur cig /ces sems bskyed do/ /chu ngogs su 'gro ba'i tshe byang chub sems dpas sems can thams cad 'jig rten las 'das pa'i chos thams cad la shin tu byang bar gyur cig / ces sems bskyed do/ /gtsang sbra'i las byed pa'i tshe byang chub sems dpas sems can thams cad shin tu dag pa'i dngos pos gtsang zhing nges pa dang ldan par gyur cig / ces sems bskyed do/ /lag pa 'khru ba'i tshe byang chub sems dpas sems can thams cad sangs rgyas kyi chos thams cad gzung zhing bcang ba'i phyir bkra shis kyi lag pa dang ldan par gyur cig / ces sems bskyed do/ /ngo 'khru ba'i tshe byang chub sems dpas sems can thams cad shin tu nyon mongs pa dang bral zhing / chos thams cad kyi sgo rnam par dag pa thob par gyur cig /ces sems bskyed do/ /'khar ba len pa'i tshe byang chub sems dpas sems can thams cad mchod sbyin byas shing lam ston par gyur cig / ces sems bskyed de/ /lhung bzed len pa'i tshe byang chub sems dpas sems can thams cad 'gro ba thams cad kyis mchod par 'os shing snod du gyur cig / ces sems bskyed do/ /spyod yul du mngon par zhugs pa'i tshe byang chub sems dpas sems can thams cad gnas med pa la yang dag par gzhol zhing sangs rgyas kyi spyod yul la mngon du phyogs par gyur cig / ces sems bskyed do/ /lam du zhugs pa'i tshe byang chub sems dpas sems can thams cad phyi na ma lus par 'gro zhing sangs rgyas kyi lam du zhugs par gyur cig /ces sems bskyed do/ /'gro ba'i tshe byang chub sems dpas sems can thams cad shin tu rnam par dag pa'i chos bsgribs pa med pa grub par gyur pas chos kyi dbyings mtha' dang dbus med pa khong du chud par gyur cig / ces sems bskyed do/ /lam mtho ba mthong ba'i tshe byang chub sems dpas sems can thams cad shin tu zhum pa med de khams gsum las gyen du 'phags par gyur cig / ces sems bskyed do/ /lam dma' ba mthong ba'i tshe byang chub sems dpas sems can thams cad dge ba'i rtsa bas shin tu brtan cing sangs rgyas thams cad la shin tu 'dud par gyur cig / ces sems bskyed do/ /lam nyam nga ba mthong ba'i tshe byang chub sems dpas sems can thams cad lta ba yo zhing mi drang ba dang bral te nyam nga ba yongs su spangs par gyur cig / ces sems bskyed do/ /lam drang po mthong ba'i tshe byang chub sems dpas sems can thams cad g.yo med cing sgyu med de sems drang po dang ldan par gyur cig / ces sems bskyed do/ /lam rdul chen po mthong ba'i tshe byang chub sems dpas sems can thams cad shin tu rdul med pa'i chos yang dag par thob ste 'dod chags par gyur pa'i chos las rnam par grol bar gyur cig / ces sems bskyed do/ /rdul med pa'i lam mthong ba'i tshe byang chub sems dpas sems can thams cad snying rje chen po yongs su bsgoms pa dang ldan zhing sems 'jam par gyur cig / ces sems bskyed d o| |g.yang sa mthong ba'i tshe byang chub sems dpas sems can thams cad bsgribs pa med pa rtogs par khong du chud cing sdig pa'i chos thams cad bsal te dge ba'i chos la rab tu gzhol bar gyur cig/ ces sems bskyed do/ /'khor mthong ba'i tshe byang chub sems dpas sems can thams cad dus gsum du gtogs pa'i chos zab mo bstan pa dang mthun par gyur cig / ces sems bskyed do/ /ka ba mthong ba'i tshe byang chub sems dpas sems can thams cad khro zhing 'khon du 'dzin pa dang bral te khengs pa dang / 'khrug pa dang rnam par bral bar gyur cig/ ces sems bskyed do/ /nags tshal mthong ba'i tshe byang chub sems dpas sems can thams cad lha dang 'jig rten du bcas pas phyag bya ba'i gnas su gyur cig/ ces sems bskyed do/ /ri mthong ba'i tshe byang chub sems dpas sems can thams cad thob par dka' ba dang / thibs po med pa rab tu thob cing / dge ba'i rtsa ba thams cad kyis mngon par 'phags par gyur cig/ ces sems bskyed do/ /shing tsher ma can mthong ba'i tshe byang chub sems dpas sems can thams cad 'dod chags dang / zhe sdang dang / gti mug med cing tsher ma dang bral bar gyur cig/ ces sems bskyed do/ /shing lo ma can mthong ba'i tshe byang chub sems dpas sems can thams cad bsam gtan dang / rnam par thar pa dang / ting nge 'dzin dang / snyoms par 'jug pa dag gis rab tu g.yogs par gyur cig/ ces sems bskyed do/ /me tog mthong ba'i tshe byang chub sems dpas sems can thams cad chos thams cad mngon par shes pa'i me tog rgyas pas me tog lta bur gyur cig/ ces sems bskyed do/ /me tog gi shing mthong ba'i tshe byang chub sems dpas sems can thams cad skyes bu chen po'i mtshan sum cu rtsa gnyis kyi me tog shin tu rgyas par gyur cig / ces sems bskyed do/ /shing tog mthong ba'i tshe byang chub sems dpas sems can thams cad snying po byang chub tu gzhol zhing / sangs rgyas kyi chos btsal ba thams cad 'bras bu yod de/ 'bras bu'i dam pa rab tu thob par gyur cig /ces sems bskyed do/ /chu klung mthong ba'i tshe byang chub sems dpas sems can thams cad sangs rgyas kyi ye shes nyams su myong ste chos kyi rgyun la mnyam par gzhag par gyur cig/ ces sems bskyed do/ /lu ma mthong ba'i tshe byang chub sems dpas sems can thams cad sangs rgyas kyi chos thams cad ro gcig pa'i phyir se gol gtogs pa tsam gyis khong du chud par gyur cig/ ces sems bskyed do/ /rdzing bu mthong ba'i tshe byang chub sems dpas sems can thams cad chos thams cad kyi tshig shin tu bstan pa la mkhas shing chos thams cad kyis rgyas pa'i tshig gi las dang ldan par gyur cig / ces sems bskyed do/ /khron pa mthong ba'i tshe byang chub sems dpas sems can thams cad chos thams cad 'byor pa dang ldan zhing spobs pa mang bar gyur cig / ces sems bskyed do/ /mtsho mthong ba'i tshe byang chub sems dpas sems can thams cad gong nas gong du dmigs pa la rab tu brtson zhing / dge ba'i rtsa ba mi zad par gyur cig/ ces sems bskyed do/ /zam pa mthong ba'i tshe byang chub sems dpas sems can thams cad skye pa thams cad yongs su bsgral ba la zam par red par gyur cig/ ces sems bskyed do/ /yur ba mthong ba'i tshe byang chub sems dpas sems can thams cad 'gro ba kun gyi sems dang bsam pa la mkhas shing / bag la nyal ba dang / kun nas 'khor ba med par gyur cig/ ces sems bskyed do/ /ra ba mthong ba'i tshe byang chub sems dpas sems can thams cad gzugs dang / sgra dang / dri dang / ro dang / reg bya la sred pa rab tu byang bar gyur cig/ ces sems bskyed do/ /mya ngan med pa'i nags tshal mthong ba'i tshe byang chub sems dpas sems can thams cad sred pa shin tu med cing mya ngan med pa rab tu thob par gyur cig/ ces sems bskyed do/ /bza' shing gi ra ba mthong pa'i tshe byang chub sems dpas sems can thams cad sangs rgyas kyi byang chub yongs su mi gtang ba la shin tu brtson par gyur cig/ ces sems bskyed do/ /sems can rgyan gyis brgyan pa mthong ba'i tshe byang chub sems dpas sems can thams cad skyes bu chen po'i mtshan sum cu rtsa gnyis kyis brgyan par gyur cig/ ces sems bskyed do/ /rgyan med pa'i sems can mthong ba'i tshe byang chub sems dpas sems can thams cad sbyangs pa'i pha rol tu phyin pa thob pas rgyan med par gyur cig/ ces sems bskyed do/ /dga' ba mang ba'i sems can mthong ba'i tshe byang chub sems dpas sems can thams cad chos la dga' zhing mos pa dang / spro bas dga' ba mang bar gyur cig/ ces sems bskyed do/ /mi dga' ba mang ba'i sems can mthong ba'i tshe byang chub sems dpas sems can thams cad 'dus byas kyi dngos po thams cad la mi dga' ba mang bar gyur cig/ ces sems bskyed do/ /sems can bde ba mthong ba'i tshe byang chub sems dpas sems can thams cad sangs rgyas kyi bde ba'i yo byed thams cad rab tu thob pas shin tu bde bar gyur cig / ces sems bskyed do/ /sems can sdug bsngal ba mthong ba'i tshe byang chub sems dpas sems can thams cad ye shes kyi rtsa ba rab tu thob ste sdug bsngal zhi bar byed par gyur cig/ ces sems bskyed do/ /nad med pa ma yin pa'i sems can mthong ba'i tshe byang chub sems dpas sems can thams cad shin tu mya ngan med pa'i chos can du gyur te tha dad pa med pa khong du chud par gyur cig / ces sems bskyed do/ /sems can sdug gu mthong ba'i tshe byang chub sems dpas sems can thams cad sangs rgyas dang / byang chub sems dpa' thams cad la mos pa mang bar gyur cig/ ces sems bskyed do/ /mi sdug pa'i sems can mthong ba'i tshe byang chub sems dpas sems can thams cad mi dge ba'i bshes gnyen gyi bya ba la mos pa chung bar gyur cig/ ces sems bskyed do/ /drin gzo ba'i sems can mthong ba'i tshe byang chub sems dpas sems can thams cad sangs rgyas dang / byang chub sems dpa' thams cad kyis mdzad pa shes par gyur cig/ ces sems bskyed do/ /drin gzo ba med pa'i sems can mthong ba'i tshe byang chub sems dpas sems can thams cad mi dge ba'i lta ba la drin du gzo ba med par gyur cig/ ces sems bskyed do/ /dge sbyong mthong ba'i tshe byang chub sems dpas sems can thams cad ma lus pa'i mthar thug par bya ba la brtson zhing zhi ba dang / dul ba la gzhol bar gyur cig/ ces sems bskyed do/ /bram ze mthong ba'i tshe byang chub sems dpas sems can thams cad tshangs pa'i dam par gyur te sdig pa spangs par gyur cig/ ces sems bskyed do/ /dka' thub can mthong ba'i tshe byang chub sems dpas sems can thams cad ma lus pa'i mthar thug par bya ba la brtson zhing dka' thub la shin tu gzhol bar gyur cig / ces sems bskyed do/ /brtul zhugs la zhugs pa mthong ba'i tshe byang chub sems dpas sems can thams cad sangs rgyas kyi byang chub yongs su mi gtong ba'i phyir brtul zhugs dam por gyur cig/ ces sems bskyed do/ /go gyon pa'i sems can mthong ba'i tshe byang chub sems dpas sems can thams cad rang byung gi chos yongs su btsal ba la go cha bzang po shin tu bgos par gyur cig/ ces sems bskyed do/ /go ma gyon pa'i sems can mthong ba'i tshe byang chub sems dpas sems can thams cad mi dge ba'i las bya ba thams cad la go gyon pa med par gyur cig/ ces sems bskyed do/ /rgol ba'i sems can mthong ba'i tshe byang chub sems dpas sems can thams cad phas kyi rgol ba thams cad shin tu tshar gcod par gyur cig/ ces sems bskyed do/ /'tsho ba'i sems can mthong ba'i tshe byang chub sems dpas sems can thams cad spyod lam bcos pa med cing 'tsho ba dag par gyur cig / ces sems bskyed do/ /rgyal po mthong ba'i tshe byang chub sems dpas sems can thams cad thogs pa med pa'i chos kyi 'khor lo bskor ba'i chos kyi rgyal por gyur cig/ ces sems bskyed do/ /rgyal po'i bu mthong ba'i tshe byang chub sems dpas sems can thams cad sangs rgyas kyi sras chos las skyes pa'i chos kyi sprul par gyur cig/ ces sems bskyed do/ /khyim bdag mthong ba'i tshe byang chub sems dpas sems can thams cad rnam par gdon mi za ba'i blo can du gyur te grong gi chos spangs par gyur cig/ ces sems bskyed do/ /blon po mthong ba'i tshe byang chub sems dpas sems can thams cad mi dge ba'i chos kyi spyod pa thams cad la bzang po yid la byed par gyur cig/ ces sems bskyed do/ /grong khyer mthong ba'i tshe byang chub sems dpas sems can thams cad gdul dka' ba'i sems dang ldan par gyur te/ mthu bo che'i lus dang 'dra bar gyur cig /ces sems bskyed do/ /rgyal po'i gnas mthong ba'i tshe byang chub sems dpas sems can thams cad yon tan gyi rjes su 'brang bar mthun pa la mos pa'i sems dang ldan par gyur cig/ ces sems bskyed do/ /nags tshal gyi 'dabs mthong ba'i tshe byang chub sems dpas sems can thams cad lha dang bcas pa'i 'jig rten gyi bsngags par 'os par gyur cig/ ces sems bskyed do/ /slong du 'gro ba'i tshe byang chub sems dpas sems can thams cad bsgribs pa med pa'i tshul gyis chos kyi dbyings su chud par gyur cig/ ces sems bskyed do/ /sgor phyin pa'i tshe byang chub sems dpas sems can thams cad sangs rgyas kyi chos thams cad kyi sgor phyin par gyur cig / ces sems bskyed do/ /nang du phyin pa'i tshe byang chub sems dpas sems can thams cad sangs rgyas kyi theg pa dus gsum du mnyam pa nyid kyi nang du phyin par gyur cig/ ces sems bskyed do/ /mi sbyin no/ /zhes ma byas pa'i tshe byang chub sems dpas sems can thams cad bsod nams kyi pha rol tu phyin pa thob cing spangs pa med par gyur cig/ ces sems bskyed do/ /mi sbyin no/ /zhes byas pa'i tshe byang chub sems dpas sems can thams cad sems can dmyal ba dang / byol song gi skye gnas dang / gshin rje'i 'jig rten las phyir spangs par gyur cig/ ces sems bskyed do/ /lhung bzed stong pa mthong ba'i tshe byang chub sems dpas sems can thams cad nyon mongs pa thams cad kyis stong par gyur cig/ ces sems bskyed do/ /lhung bzed gang ba mthong ba'i tshe byang chub sems dpas sems can thams cad chos dkar po thams cad kyis yongs su rgyas par gyur cig/ ces sems bskyed do/ /rim gror byas pa'i tshe byang chub sems dpas sems can thams cad sangs rgyas kyi chos kyi spyod pa thams cad la rim gro byed par gyur cig/ ces sems bskyed do/ /rim gror ma byas pa'i tshe byang chub sems dpas sems can thams cad mi dge ba'i chos mchod pa thams cad la rag ma lus par gyur cig/ ces sems bskyed do/ /khrel yod pa'i sems can mthong ba'i tshe byang chub sems dpas sems can thams cad dbang po dben pa'i spyod pa dang ldan zhing khrel yod par gyur cig/ ces sems bskyed do/ /ngo tsha med pa'i sems can mthong ba'i tshe byang chub sems dpas sems can thams cad byams pa la gnas shing ngo tsha med pa yongs su spangs par gyur cig / ces sems bskyed do/ /kha zas bsod pa mthong ba'i tshe byang chub sems dpas sems can thams cad zang zing med pa'i sems dang ldan zhing smon lam thams cad phun sum tshogs par gyur cig/ ces sems bskyed do/ /kha zas mi bsod pa thob pa'i tshe byang chub sems dpas sems can thams cad ting nge 'dzin nyams su bde ba thams cad thob par gyur cig/ ces sems bskyed do/ /kha zas snum bag thob pa'i tshe byang chub sems dpas sems can thams cad snying rje chen po yongs su bsgoms pa'i sems dang ldan zhing sems 'jam par gyur cig/ ces sems bskyed do/ /snum bag med pa'i kha zas thob pa'i tshe byang chub sems dpas sems can thams cad 'jig rten gyi sred pa dang bral te snum bag med pa'i sems su gyur cig/ ces sems bskyed do/ /kha zas za ba'i tshe byang chub sems dpas sems can thams cad chos la dga' ba dang / rab tu dga' bas yongs su rgyas shing bsam gtan gyi zas za bar gyur cig/ ces sems bskyed do/ /ro myang ba'i tshe byang chub sems dpas sems can thams cad bdud rtsi'i ros ngoms par gyur cing skyes bu chen po'i mtshan ro bro ba'i mchog thob par gyur cig/ ces sems bskyed do/ /zan zos pa'i tshe byang chub sems dpas sems can thams cad sangs rgyas kyi chos kyi pha rol tu phyin cing bya ba byas par gyur cig/ ces sems bskyed do/ /chos ston pa'i tshe byang chub sems dpas sems can thams cad sangs rgyas kyi chos thams cad la yang dag par gzhol zhing spobs pa mi zad pa dang ldan par gyur cig/ ces sems bskyed do/ /phyir 'byung ba'i tshe byang chub sems dpas sems can thams cad sangs rgyas kyi ye shes nyams su myong ste khams gsum thams cad nas 'byung bar gyur cig / ces sems bskyed do/ /chu 'bog pa'i tshe byang chub sems dpas sems can thams cad dus gsum mnyam pa nyid kyi thams cad mkhyen pa'i ye shes la 'bog par gyur cig / ces sems bskyed do/ /khrus byed pa'i tshe byang chub sems dpas sems can thams cad 'od mtha' yas pa dang ldan zhing lus dang / sems dri ma med par gyur cig /ces sems bskyed do/ /dro ba la spyod pa'i tshe byang chub sems dpas sems can thams cad mu med par phyin te yongs su gdung ba sel bar gyur cig / ces sems bskyed do/ /bsil ba la spyod pa'i tshe byang chub sems dpas sems can thams cad shin tu bsil bar gyur te bla na med pa'i bsil ba'i dngos po kho 'du chud par gyur cig/ ces sems bskyed do/ /chos thob par byed pa'i tshe byang chub sems dpas sems can thams cad sangs rgyas kyi chos kyi gtam gyi rjes su 'gro zhing chos kyi dbyings dang 'dris par gyur cig/ ces sems bskyed do/ /sangs rgyas mthong ba'i tshe byang chub sems dpas sems can thams cad sangs rgyas thams cad dang 'grogs pa rab tu thob ste bsgribs pa med pa'i mig dang ldan par gyur cig/ ces sems bskyed do/ /mig mi 'gebs par blta ba'i tshe byang chub sems dpas sems can thams cad kun tu mdzes pas kun tu bzang por gyur cig/ ces sems bskyed do/ /mchod rten mthong ba'i tshe byang chub sems dpas sems can thams cad 'gro ba kun gyis mchod par 'os shing mchod rten lta bur gyur cig/ ces sems bskyed do/ /blta ba'i tshe byang chub sems dpas sems can thams cad lha dang bcas pa'i 'jig rten gyis blta bar gyur cig/ ces sems bskyed do/ /spyi bos thug pa'i tshe byang chub sems dpas sems can thams cad lha dang bcas pa'i 'jig rten gyis spyi gtsug bltar mi snang bar gyur cig/ ces sems bskyed do/ /g.yas phyogs su bskor ba byed pa'i tshe byang chub sems dpas sems can thams cad thams cad mkhyen pa nyid du don dang mthun par gyur cig/ ces sems bskyed do/ /lan gsum du bskor ba'i tshe byang chub sems dpas sems can thams cad sangs rgyas kyi byang chub tu mos pa'i rab dang ldan par gyur cig/ ces sems bskyed do/ /sangs rgyas kyi yon tan brjod pa'i tshe byang chub sems dpas sems can thams cad yon tan gyi pha rol tu phyin pas yon tan mi zad par gyur cig/ ces sems bskyed do/ /mtshan rnams brjod pa'i tshe byang chub sems dpas sems can thams cad mtshan nyid med pa'i chos la gzhol zhing yan lag dam pa phun sum tshogs par gyur cing / /ces sems bskyed do/ /rkang pa 'khru ba'i tshe byang chub sems dpas sems can thams cad dri ma med pa'i mthar phyin cing rdzu 'phrul gyi rkang pas pha rol tu phyin par gyur cig / ces sems bskyed do/ /lus smyong ba'i tshe byang chub sems dpas sems can thams cad bsam pa la rnyog pa med cing lus kyi 'du byed shin tu bde bar gyur cig / ces sems bskyed do/ /gnyid sad pa'i tshe byang chub sems dpas sems can thams cad phyogs bcu thams cad du mthu chen po thob par gyur te/ thams cad mkhyen pa'i ye shes la shin tu rnam par sangs rgyas pa'i sangs rgyas su gyur cig / ces sems bskyed do/ /kye rgyal ba'i sras/ 'di dag ni/ byang chub sems dpa' rnams kyi sems kyi las yid la byed pa'i sbyor ba gang dang ldan pas yon tan gyi khyad par 'di dag dang / gzhan thams cad kyang thob par 'gyur zhing / lha dang 'jig rten du bcas pa dang / bdud du bcas pa dang / tshangs par bcas pa dang / dge sbyong dang / bram ze dang / skye rgur bcas pa dang / lha dang / dri za dang / mi dang / lha ma yin du bcas pa'i 'jig rten dang / nyan thos dang / rang sangs rgyas su bcas pa thams cad kyis mi 'phrog par 'gyur ba'i byang chub sems dpa'i sems kyi las yid la byed pa'i sbyor ba rnams so/ /shin tu rgyas pa chen po'i mdo sangs rgyas phal po che zhes bya ba las/ spyod yul yongs su dag pa'i le'u ste/ bcu drug pa'o// //bam po bcu dgu pa/ yon tan yangs pa'i spyod yul yongs dag pa/ /de skad smras nas sems can dri med pa/ /'jam pa'i dbyangs kyis byang chub yon tan rnams/ /sems can dam pa bzang po'i dpal la dris/ /spyod yul yongs dag rgyal ba'i spyod pa rnams/ / bdag gis rgyal sras rnams la 'dir bshad do/ /yon tan spyod pa ji snyed gang yod pa/ /rgyal sras rnams la nga ni khyod kyis shod/ /bzang po'i dpal gyis smras pa rgyal sras nyon/ / yon tan mtha' yas de dag yon tan las/ /mtsho las thigs pa ji bzhin nyung shes shig /mgo smos tsam du chung zad brjod par bya/ /byang chub don du rang byung 'gyur bya zhes/ /thog mar byang chub sems skyes gyur pa yi/ /yon tan brjod pa'ang mtha' yas dpag tu med/ /dpe zla med pas brjod kyang zad ma gyur/ /pha rol phyin dang sa yi yon tan la/ /bskal pa mang por spyad pa ci zhig smos/ /de dag yon tan chu bo thams cad ni/ /phyogs bcu'i rgyal bas bstan kyang zad mi 'gyur/ /yon tan mtha' yas rnams kyi yon tan las/ /dpe tsam cha shas chung tsam brjod par bya/ /mkha' las 'dab chags lam ltar shin tu chung / /sa chen lhun las rdul phran gcig kyang 'dra/ /byang chub yon tan bsam pa'i sems skye ba/ /rgyu med ma yin rkyen las 'byung ba yin/ /rgyal pa rnams dang bde gshegs chos rnams dang / /dge 'dun rnams la dad pa bskyed pas skye/ /de yang 'dod pa'i sred pa rgyal srid dang / /bdag bde'i don dang grags dang snyan phyir min/ /'gro ba'i sdug bsngal ma lus gzhil ba'i phyir/ /'jig rten phan skyed sems ni yongs su skye| |de ni sems can rtag tu bde don dang / /zhing sbyangs sangs rgyas mang po mchod pa'i rgyur/ /yongs su chos 'dzin byang chub 'tshang rgya zhing / /ye shes rnam par sbyong ba'i sems skye 'o| |rgyal ba kun dang chos dang dge 'dun dang / /de bzhin bla mar gyur pa thams cad la/ /dad dang mos pa dga' ba bskyed byas te/ /sri zhur mchod byas byang chub sems kyang skye| |rgyal ba bde gshegs chos la yid ches nas/ /rgyal sras spyod pa rnams la yid ches te/ /byang chub bla na med la yid ches shing / /skyes bu dam pa rnams kyi sems skye 'o/ / dad pa sngon 'gro ma ltar bskyed pa ste/ /yon tan thams cad yongs su skyong zhing 'dren/ /nem nur rnam sel nad las rab tu sgrol/ /dad pa bde ba'i grong du phyin par byed/ /dad pa sems gsal rnyog pa med pa ste/ /nga rgyal rnam spangs sri zhu'i rtsa ba yin/ /dad pa spyod mchog nor dang gter yin te/ /lag pa lta bur dge sdud rtsa ba yin/ /yongs su gtong la dad pa dga' bar byed/ /rgyal pa'i chos la dad pa spro ba skyed/ /yon tan ye shes khyad par dad pa byed/ /sangs rgyas lam la ston pa'ang rnyed par byed/ /dbang po rno zhing rab tu gsal ba dang / /gzhan gyis mi thub dngos la dad pa stobs/ /nyon mongs thub pa med la gnas yin te/ /dad pa rang byung yon tan tshol ba yin/ /dad pa chags pa'i sgo dang mi 'grogs te/ / mi khom spo zhing 'du 'dzin med par byed/ /dad pa bdud kyi lam las zlog pa ste/ /thar lam dam pa yongs su ston pa yin/ /yon tan rgyu yin sa bon ma rul bzhin/ /dad pa byang chub shing rab rnam par skyed/ /ye shes khyad par sgo rnams 'phel bar byed/ /dad pa rgyal ba rnams kyi ston pa yin/ /de bas dad mos khyad par dga' ba la/ /spyod pa rim gyis rnam par brjod par bya/ /chos tshul 'di 'dra 'jig rten rnams na dkon/ /rin chen seng+ge'i rgyal po ji bzhin no/ /dad pas sangs rgyas sri zhu gang byed pa/ /de dag tshul khrims slob pa mi gtong ngo / /tshul khrims slob pa gang rnams mi gtong ba/ /de dag yon tan gnas pas yon tan ldan/ /tshul khrims byang chub shes rab ston pa ste/ /bslab pas sa yi yon tan legs la brtson/ /tshul khrims bslab pa yongs su ma btang na/ /rgyal ba rnams kyis bstod cing bsngags par 'os/ /dad pas sangs rgyas sri zhu gang byed pa| |de dag rgyal ba'i mchod pa yangs pa byed/ /rgyal ba rnams la mchod pa su byed pa/ /de dag sangs rgyas mos pa bsam mi khyab/ /dad pas chos la phu dud gang byed pa/ / de dag rgyal ba'i chos kyis mi ngoms nyan/ /rgyal ba'i chos kyis mi ngoms su nyan pa/ /de dag bsam gyis mi khyab chos la mos/ /dad pas dge 'dun phu dud su byed pa/ /de dag mi ldog dge 'dun rnams la mos/ /mi ldog dge 'dun rnams la su mos pa/ /de dag dad pa'i stobs kyis phyir mi ldog /dad pa'i stobs kyis gang rnams mi ldog pa/ / de dag dbang po rab tu gsal zhing rno/ /gang rnams dbang po rab tu gsal rno ba/ /des ni sdig pa'i grogs po rnam par spangs/ /gang gis sdig pa'i grogs po rnams spangs pa/ / de dag chos kyi bshes gnyen yongs su 'dzin/ /chos kyi bshes gnyen gang gis yongs bzung ba/ /de dag dge ba rgya chen yongs su gsog /dge ba rgya chen yongs su gang gsog pa| |bdag nyid che ba de dag rgyu mthu ldan/ /bdag nyid che ba rgyu mthu gang ldan pa/ /de dag mos pa'i khyad par yangs pa 'thob/ /mos pa yangs pa'i khyad par sus thob pa/ /de dag rtag tu rgyal bas byin gyis brlab/ /rgyal ba'i byin gyis gang rnams brlabs gyur pa/ /de dag byang chub don du sems kyang skye/ /byang chub don du gang gis sems skyes pa// de dag drang srong chen po'i yon tan brtson/ /drang srong chen po'i yon tan su brtson pa/ /de dag sangs rgyas rigs su rigs ldan skyes/ /sangs rgyas rigs su rigs ldan gang skyes pa| |de dag 'du dang 'bral ba rnam par spangs/ /'du dang 'bral ba gang gis rnam spangs pa/ /de dag bsam pa dang zhing rnam par dag /gang gi bsam pa dang zhing rnam dag pa/ /de dag lhag pa'i bsam pa dam pa'i mchog / lhag bsam dam pa mchog dang su ldan pa/ /de dag rtag tu pha rol phyin la spyod/ /pha rol phyin la rtag tu su spyod pa/ /de dag theg pa chen po 'di la spyod/ /theg pa chen po 'di la su spyod pa/ /de dag nan tan dam pas sangs rgyas mchod/ /nan tan dam pas sangs rgyas su mchod pa/ /de dag sangs rgyas rjes dran phyed pa med| |sangs rgyas rjes dran gang la mi phyed pa/ /de dag rtag tu sangs rgyas bsam yas mthong / /rtag tu sangs rgyas bsam yas sus mthong ba/ /de dag rtag tu sangs rgyas mi 'grogs min/ /rtag tu sangs rgyas mi 'grogs su ma yin/ /de la chos nub 'gyur ba nam yang med/ /gang la chos nub 'gyur ba med gyur pa/ /de dag spobs pa sgrib pa med dang ldan| |spobs pa sgrib pa med dang su ldan pa/ /de dag chos rab ston pa mtha' yang yas/ /gang gis chos rab bstan pa mtha' yas pa/ /de dag 'gro la byams pas phan pa tshol/ /'gro la byams pas phan pa su tshol ba/ /de dag snying rje chen po'i rtsa ba brtan/ /snying rje chen po'i rtsa ba sus brtan pa/ /de dag chos kyi dga' bas dbang po dga'/ /chos kyi dga' bas dbang po gang dga' ba/ /de dag 'du byed nyes la btang snyoms so/ /'du byad nyes pa gang gis btang snyoms pa/ /de dag nga rgyal rlom sems bag med spangs/ /nga rgyal rlom sems bag med sus spangs pa/ /de dag rtag tu bdag dang gzhan don brtson/ /bdag dang gzhan don rtag tu sus brtson pa/ /de dag 'khor bas yongs su skyo ba med/ /gang la 'khor bas yongs su skyo med pa/ /de dag brtson 'grus dam pa mchog dang ldan/ /brtson 'grus dam pa mchog dang su ldan pa/ /de dag mngon shes rnam dag mngon par skye/ /gang gis mngon shes rnam dag mngon skyes pa/ /de dag spyod pa mchog gi dra bar zhugs/ /spyod mchog dra bar gang rnams bzhugs gyur pa| |de dag 'gro ba yongs su smin par mkhas/ /'gro ba yongs su smin par gang mkhas pa/ /de dag 'gro sdud ye shes tshul la mkhas/ /'gro sdud ye shes tshul la su mkhas pa/ /de dag bsdu ba'i dngos po bzhi la brtson/ /bsdu dngos bzhi la gang rnams brtson gyur pa/ /de dag 'gro ba'i don mang mtha' yas byed/ /'gro ba'i don mang mtha' yas su byed pa| |de dag shes rab thabs kyi stobs mchog ldan/ /shes rab thabs kyi stobs mchog su ldan pa/ /dpa' bo de dag bla med lam la gnas/ /bla med lam la dpa' bo gang gnas pa/ /de dag bdud kyi dpung gis thub pa min/ /gang rnams bdud kyi dpung gis thub min pa/ /de dag bdud lam bzhi las yongs su 'das/ /bdud lam bzhi las yongs su su 'das pa/ /de dag phyir mi ldog gi sar yang phyin/ /mi ldog sar ni gang gis phyin gyur pa/ /de dag mi skye'i bzod pa thob pa yin/ /mi skye'i bzod pa gang gis thob gyur pa/ /'jig rten sgron de rgyal bas lung yang bstan/ /'jig rten sgron ma rgyal bas lung bstan pa/ /de dag rgyal ba kun dang mngon du gnas/ /rgyal ba kun dang mngon du su gnas pa/ /de dag rgyal ba'i 'phrul pa gsang la mkhas/ /rgyal ba'i 'phrul ba gsang la su mkhas pa/ /de dag rgyal ba kun gyis dgongs pa yin/ /gang rnams rgyal ba kun gyis dgongs gyur pa/ /de dag sangs rgyas yon tan yongs kyis brgyan/ /sangs rgyas yon tan yongs kyis su brgyan pa/ /de dag bsod nams dam pas lus kyang sbyangs/ /bsod nams dam pas gang gi lus sbyangs pa/ /de dag gser gyi ri bo 'dra bar 'bar/ /gser gyi ri bo 'dra bar su 'bar ba/ /de dag mtshan rab sum cu gnyis dang ldan/ /mtshan rab sum cu gnyis dang su ldan pa/ /de dag dpe byad bzang pos lus kyang bris/ /dpe byad bzang pos gang gi lus bris pa/ /de dag lus 'od kun tu mtha' yas so/ /gang gi lus 'od kun tu mtha' yas pa/ /de dag 'od zer rgyan kyang bsam mi khyab/ /gang la 'od zer bsam yas rgyan yod pa/ /de dag 'od las pad+mo mang po 'byung / /gang gi 'od las pad+mo mang 'byung ba/ /de dag rgyal ba pad+mo'i gdan bzhugs pa/ /ston cing phyogs bcu'i 'jig rten kun tu yang / /don yod rnam par spyod cing sems can 'dul/ /gang rnams rgyal pa pad+mo'i gdan bzhugs pa/ /ston cing phyogs bcu'i 'jig rten kun tu yang / /don yod rnams spyod sems can 'dul byed pa/ /de dag mngon shes rnam 'phrul mtha' yang yas/ /gang gi mngon shes rnam 'phrul mtha' yas pa/ /de dag bsam gyis mi khyab chos ston cing / /sems can bsam gyis mi khyab dgar byed pas/ /bsam gyis mi khyab zhi bo'i rnam par spyod/ /gang rnams bsam gyis mi khyab zos ston cing / /bsam yas sems can dga' bar su byed pa/ /de dag bsam pa ji bzhin 'jig rten na/ / tha dad yang dag shes mthus sems can 'dul/ /tha dad yang dag shes pa'i ye shes mthus/ /bsam pa ji bzhin sems can su 'dul ba/ /de dag lus dang ngag yid rtag dus su/ ye shes sngon du 'gro bar shin tu 'byung / /gang gi lus dang ngag yid rtag dus su/ /ye shes sngon du 'gro bar rab 'byung ba/ /de dag smon lam stobs kyis ci dga' bar/ /sems can rgyud du gzugs mang yongs su ston/ /smon lam stobs gyis gang rnams ci dga' bar/ /sems can rgyud du gzugs mang ston byed pa/ /de dag tshig du brjod cing ci smra yang / /sgra la dbyangs kyi yan lag bsam mi khyab/ /tshig tu brjod cing ci dang ci smra yang / /gang gi sgra dbyangs yan lag bsam yas pa/ /de dag 'gro ba ma lus thams cad kyi/ /bsam pa'i sems rnams yud kyis rnam par shes/ /gang gi ma lus 'gro ba thams cad kyi/ /bsam pa'i sems rnams yud kyis rnam shes pa/ /de dag skye dang 'chi 'pho nam yang med/ /nyon mongs rgyu ba'ang de bzhin skye ba med/ /skye dang 'chi 'pho gang la med gyur cing / /nyon mongs rgyud kyang de bzhin skye med pa/ /de dag yon tan chos nyid ye shes lus/ /chos kyis smos par 'jig rten kun tu spyod/ /yon tan chos nyid ye shes lus ldan zhing / /chos kyis smos par 'jig rten su spyod pa/ /de dag sa bcu rnams dang dbang bcu yi/ /pha rol phyin mchog rnam par thar la spyod/ /gang rnams bcu dbang rnams bcu po yi/ /pha rol phyin mchog rnam par thar spyod pa/ /de dag mngon shes rgyan gyis rnam par 'phrul/ / ting 'dzin dam pas rnam par spyod pa thob/ /mngon par shes pa'i rgyan gyis rnam 'phrul zhing / /ting 'dzin mchog gis rnam spyod sus thob pa/ /de dag phyogs bcu'i rgyal ba thams cad las/ /dbang bskur rgyan rnams thams cad yongs su nod/ /gang rnams phyogs bcu'i rgyal ba thams cad las/ /dbang bskur rgyan rnams thams cad mod byed pa/ /de dag spyi bor phyogs bcu'i sangs rgyas kyis/ /phyag mthil bdud rtsis mngon par dbang yang bskur/ /gang gi spyi bor phyogs bcu'i sangs rgyas kyis/ /phyag mthil bdud rtsis mngon par dbang bskur ba/ /de dag ma lus nam mkha' rgyas byas shing / /phyogs rnams kun tu mthu brtan gnas pa byed/ /gang rnams nam mkha' ma lus rgyas bkang zhing / /phyogs rnams kun tu mthu brtan gnas byed pa/ /dpe med de dag spyod yul shes par ni/ /'jig rten lha dang bcas pas mi nus so/ /dpe med gang gi spyod yul shes bya bar/ /'jig rten lha dang bcas pas mi nus pa/ /de dag brtson 'grus thams cad don kyang yod/ /mthong dang ming thos spobs pa'ang don yod do/ /gang rnams brtson 'grus thams cad don yod cing // mthong dang mi thos spobs pa don yod pa/ /skyes chen de dag sbyin bdag gtong ba yi/ /sbyin pa'i gnas te thams cad don kyang yod/ /skyes su dam pa de dag byin mthu yis/ /dam chos tshul ni mi 'jig brten par gnas/ /dge ba'i las lam dam pa mchog rnams kyang / /rin chen 'dra mthus kun na rgyu zhing gnas/ /rdo rje stug po'i rin chen tshogs yod pas/ /de yi mthu yis rgya mtsho'i rin chen rnams/ /mi zad 'phel zhing 'grib pa gang yang med/ /de bzhin yon tan mtha' yas yon tan mtsho/ /sangs rgyas mi bzhugs zhing rnams gang yod pa/ /de dag kun tu byang chub sangs rgyas ston/ /phyogs rnams gang na dam chos med gyur pa/ /de dag kun tu'ang chos kyi gter ston to/ /de dag mi rtog rnam par mi rtog ste/ /lhun gyis grub par phyogs rnams thams cad du/ /zla ba lta bur gzugs brnyan ston byed cing / /thabs mang stong gis sems can 'dul ba byed/ /de dag skad cig re rer byang chub tu/ /rnam par sangs rgyas phyogs bcu kun tu ston/ /'khor lo bskor dang mya ngan las 'das zhi dang / /sku gdung rgya chen de bzhin dpa' bo ston/ /mkhas pa de dag nyan thos rang sangs rgyas/ /sangs rgyas rnam 'phrul rgyan rnams mtha' yas pa/ /yongs su ston cing bskal pa bsam yas su/ /theg pa gsum gyi sgo nas sems can 'dul/ /khye'u dang bu mo de bzhin bud med lus/ /skyes pa lha dang lha min klu rnams dang / /gnod sbyin grul bum lto 'phye chen po'i gzugs/ /mos pa thams cad tshul mkhas yongs su ston/ /ting 'dzin rgya mtsho'i rgya yi sgo dag nas/ / 'gro ba'i gzugs mang rgyud ni ji snyed dang / /cha byad spyod pa sgra dbyangs tshul gyi rnams/ /thams cad ma lus dpa' bo ston pa byed/ /de dag zhing rgyan bsam gyis mi khyab ste/ phyogs bcu'i rgyal ba thams cad mchod pa byed/ /de dag 'od zer mang po bsam mi khyab/ /sems can 'grel ba'i ye shes mtha' yang yas/ /tshig gi rnam 'phrul ye shes rnam 'phrul dang / /lus kyi rnam 'phrul bsam gyis mi khyab ste/ /sbyin pa tshul khrims rnam par 'phrul ba dang / /bzod pa brtson 'grus rnam 'phrul bsam mi khyab/ /de dag bsam gtan shes rab rnam 'phrul dang / /thabs dang mngon shes rnam 'phrul bsam mi khyab/ /sangs rgyas tshogs kyi ting 'dzin sgo dag nas/ /yon tan kun gyi rnam 'phrul mtha' yang yas/ / de dag rdul phran kun la mngon par sgrub byed cing / /rdul phran rtse gcig bsam yas zhing rnams la/ /ston pa byed kyang rdul la 'phel ba med/ /rdul gcig rtse la'ang sangs rgyas bzhugs zhing dang / /sangs rgyas mi bzhugs zhing yang de bzhin ston/ /la la nyon mongs rnam dag dog pa dang / /yangs shing phra dang che ba'i zhing yang ston/ /zhing rnams la la 'jig cing 'du ba dang / /la la spyi'u tshugs rim gyis gnas par ston/ /la la snel zhi smig rgyu lta bu ste/ /de bzhin gzhan rnams mig 'phrul lta bur ston/ /de dag rdul gcig rtser ston ji bzhin du/ /ma lus rdul rnams kun la de bzhin te/ /drang srong ting 'dzin rnam 'phrul de 'dra'o/ /mtha' yas grags pa'i rnam thar de 'dra'o/ /rgyal ba mchod pa'i rnam 'phrul ting nge 'dzin/ /rgyal ba kun la mngon par sgrub byed kyang / /lag pa'i mthil gyis stong gsum rgyas bkang zhing / /skyes bu chen po rnams la mchod pa byed/ /phyogs bcu kun na me tog phreng ba dang / /spos dang byug pa rin chen rin che ba/ /de dag byang chub shing drung bzhugs pa yi/ /rgyal ba mchod phyir lag pa'i mthil nas 'gyed/ /na bza' phye ma rin chen ji snyed dang / /rgyal mtshan ba dan gdugs dam sna tshogs dang / /gser gyi rgyan dang rin chen bla re dag /lag mthil de nas char du mngon par 'bebs/ /phyogs rnams mtha' yas kun gyi yo byad rnams/ /drang srong che la mchod par gang 'os pa/ /de dag lag mthil de nas char du 'bebs/ /byang chub shing drung rgyal ba mchod pa byed/ /rol mo'i rnam pa phyogs na ji snyed pa/ /rnga chen rnga dang pi wang sgra snyan dang / /rol mo brdung dkrol gling bu sgra rab rnams/ /de dag lag mthil de nas sgra yang sgrog /phyogs bcu'i dpe med ji snyed bzhugs pa yi/ /bde gshegs yon tan legs pa sna tshogs dang / /bstod pa'i tshigs bcad sgrub pa sna tshogs kyang / /lag mthil de nas sgra rab snyan par 'byung / /de dag 'od zer las dges yongs bsags pa| |lag pa g.yas nas yongs su 'gyed byed cing / /rgyal ba'i zhing rnams spos chus ma lus par/ /kun tu btab cing 'jig rten sgron ma mchod/ /'od zer yid 'ong snang zhing rgyan ldan pa| |lag pa'i mthil bkye pad+mo bsam mi khyab/ /pad+mo rgyan 'phyang mtshan sdug du ma'i gzugs/ /mang po bkye zhing rgyal ba mchod pa byed/ /'od zer me tog rgyan rnams rab bkye zhing / /me tog rgyan dang me tog bla re dang / /me tog sna tshogs kun tu yongs bkang zhing / /bdag nyid che ba de dag rgyal ba mchod/ /'od zer spos kyi rgyan rnams rab bkye zhing / / spos kyi rgyan dang spos kyi bla re dang / /sna tshogs spos kyis kun tu yongs bkang zhing / /bdag nyid che ba de dag rgyal ba mchod/ /'od zer phye ma'i rgyan rnams rab bkye zhing / /phye ma'i rgyan dang phye ma'i bla re dang / /phye ma sna tshogs kun tu yongs su bkang zhing / /bdag nyid che ba de dag rgyal ba mchod/ /'od zer na bza'i rgyan rnams rab bkye zhing / /na bza'i rgyan dang na bza'i bla re dang / /na bza' sna tshogs kun tu yongs bkang zhing / /bdag nyid che ba de dag rgyal ba mchod/ /'od zer rin chen rgyan rnams rab bkye zhing / /rin chen rgyan dang rin chen bla re dang / /rin chen sna tshogs kun tu yongs bkang zhing / /bdag nyid che ba de dag rgyal ba mchod/ /'od zer pad+mo'i rgyan rnams rab bkye zhing / /pad+mo'i rgyan dang pad+mo'i bla re dang / /pad+mo sna tshogs kun tu yongs bkang zhing / /bdag nyid che ba de dag rgyal ba mchod/ /'od zer phreng ba'i rgyan rnams rab bkye zhing / /phreng ba'i rgyan dang phreng ba'i bla re dang / /phreng ba sna tshogs kun tu yongs bkang zhing / /bdag nyid che ba de dag rgyal ba mchod/ /'od zer rgyal mtshan mchog rgyan rab bkye zhing / /de dag rgyan mtshan dkar dmar ser po dang / /sngo dang sna tshogs rnam mang rgyan can gyis/ / rgyal ba'i zhing rnams kun nas brgyan pa byed/ /de dag de gshegs dbu la gdugs kyi mchog /rin chen dra ba sna tshogs rgyan ldan pa/ /dar gyi lda ldi ba dan yongs dpyangs shing / /dril phreng rgyal ba'i gsung sgrog 'dzin pa byed/ /lag pa'i mthil nas bsam gyis mi khyab pa'i/ /mchod pa rgyal ba gcig la byed pa ltar/ /ma lus rgyal ba rnams la'ang de bzhin te/ /drang srong ting 'dzin rnam 'phrul de 'dra'o/ /de dag 'gro ba yongs sdud ye shes kyis/ /rnam par 'phrul ba'i ting 'dzin mngon bsgrubs shing / /bya ba'i tshul dang yon tan thams cad du/ /thams mang stong gis sems can 'dul ba byed/ /la la de bzhin gshegs pa mchod sgo dang / /sbyin pa bsam gyis mi khyab gtong ba'i sgo/ /sbyangs pa'i yon tan kun gyi tshul khrims sgo/ /bzod pa mi zad mi sgul sgo dag dang / /la la brtul zhugs dka' thub brtson 'grus sgo/ /bsam gtan rab tu zhi gnas sgo dag dang / /don dam rnam par 'byed pa'i shes rab sgo/ /tshul rnams kun ldan thabs kyi sgo dag dang / /tshangs pa'i spyod pa dag dang mngon shes sgo/ /bsdu ba'i dngos pos phan tshol sgo dag dang / /bsod nams yongs su bsags dang ye shes sgo/ / bden pa rten pa'i rnam thar sgo dag dang / /la la stobs dang dbang po lam gyi sgo/ /nyan thos theg pa rnam grol sgo dag dang / /rang rgyal theg pa rnam par dag pa'i sgo/ /theg pa dam pa rnam 'phrul sgo dag dang / /la la mi rtag pa dang sdug bsngal sgo/ /la la bdag med srog med sgo dag dang / /mi sdug 'du shes 'dod chags 'bral ba'i sgo/ /la la zhi 'gog ting 'dzin sgo dag tu/ /'gro ba'i spyod sgo ji snyed yod rgyu ba/ /de snyed chos kyi sgo la rab tu zhugs te/ /de dag kun gyi chos nyid sgo dag nas/ /bsam pa ji bzhin 'jig rten sems can 'dul| |gang rnams kun gyi sgo yi sgo dag nas/ /bsam pa ji bzhin sems can 'dul byed pa/ /de dag mtshan ma gzung bar mi nus te/ /ting 'dzin rnam 'phrul tshul ni de 'dra'o/ /de dag dga' ba'i rgyan gyi ting 'dzin mchog / 'gro ba thams cad yongs smin byed mthun pa/ /dga' ba de spro ba rab dga' kun ldan pas/ /bsam gyis mi khyab yongs ston sems can 'dul/ /gang tshe lo nyes thams cad dkon gyur pa/ /de tshe 'jig rten bde ba'i yo byad rnams/ /thams cad bsam pa rdzogs par bya ba'i phyir/ /sbyin pa yongs su gtong zhing 'gro don byed| |de dag zas mchog skom dang ro mchog dang / /gos dang dgab pa rin chen sna tshogs dang / /rgyal srid nor dang bdag sdug yongs btang bas/ /sbyin la mos pa'i 'gro ba 'dul ba byed| |de dag mtshan rab kun gyis lus brgyan cing / /gos dang rgyan mchog yongs su bgos btags te/ /phreng bas rnam brgyan spos kyis bskus byas pa'i/ /gzugs rnams yongs su bstan pas sems can 'dul/ /mthong bas dga' bde rab tu mos pa la/ /de dag gzugs mchog gzugs bzang cha byad mdzes/ /gzugs kyi dam pa yongs su ston byed cing / /gzugs la mos pa'i sems can 'dul ba byed/ /de dag ka la ping+ka'i sgra snyan dang / /ko kil kun la ngang pa'i sgra dbyangs dang / /rnga dang tshangs pa mi 'am ci yi sgras/ /mos pa thams cad tshul bzhin chos kyang ston/ /de dag stong phrag brgyad cu rtsa bzhi po/ /gang gis rgyal ba 'gro ba'i don mdzad pa'i/ /chos kyi bye brag sgo mo de dag gis/ /bsam pa ji bzhin 'jig rten sems can 'dul/ / de dag bde dang sdug bsngal grogs kyang byang / /don dang don med grogs kyang de bzhin te/ /sems can dgos la grogs su 'gyur byas shing / /grogs kyi sgo nas sems can rnam par 'dul/ sdug bsngal rgya mtsho 'dus byas skyon gyi rnams/ /grogs kyi don du de dag bzod par byed/ /'gro ba kun la phan don bde don du/ /de dag grogs don mi bde nyams su len/ /gang na 'byung ba med cing chos med de/ /dgon pa'i yon tan thar pa mi dmigs pa/ /de dag kun tu rgyal srid che spangs shing / /zhi ba'i yid kyis gnas med mngon par 'byung / /de dag khyim gyi btson ra srid gnas pa'i/ /'gro ba thams cad yongs su dgrol ba'i rgyur/ /'dod pa'i dga' ba kun la mi gnas par/ /mngon par byung zhing thar pa yongs su brjod/ /de dag spyod pa bcu rnams spyod byed cing / /skyes chen rnams kyi chos la de dag spyod/ /drang srong spyod pa thams cad ma lus par/ /yongs su sgom zhing 'gro ba'i don kyang byed/ /gang na sems can tshad med tshe ldan pa/ /bde ba phun ldan nyon mongs chung yod pa/ /de dag kun tu nad gzer na bu can/ /bdag la dbang med tsam gyi dbang sgyur ston/ /'dod chags 'bar zhing zhe sdang 'bar gyur te/ /gti mug rgyu las 'jig rten mer 'bar zhing / /rga shi nad kyis rab tu 'bar gyur pa'i/ /'jig rten bstan cing sems can 'dul ba byed| |de dag sangs rgyas stobs bcu mi 'jigs bzhi/ /chos kyi khyad par bco brgyad rnams kyis kyang / /sangs rgyas bdag nyid che brjod byed cing / /sangs rgyas yon tan rnams kyis 'gro don byed/ /de dag yongs ston rdzu 'phrul rjes ston gyi/ /gzugs rnams byin rlob mthu yis mthu che ba/ /de bzhin gshegs pa'i rdzu 'phrul ston byed cing / /rdzu 'phrul rnam par 'phrul bas sems can 'dul/ /de dag thabs kyi tshul mang sna tshogs kyi/ /'gro ba'i don du 'jig rten rim gror byed/ /'jig rten mi chags chu la pad+mo bzhin/ /dga' ba mos pa skye bar rnam par spyod/ /de dag rjod byed brjod pa'i rgyal ba byed/ /gar mkhan rnga mkhan gyad dang rol mo mkhan/ /mdzes shing sdug par bzhad gad byed pa dang / /sgyu mkhan gzugs med kun tu ston par byed/ /grong ba grong dpon kha lo sgyur ba dang / /ded dpon tshong dpon khyim bdag de bzhin te/ /rgyal po blon po mnga' rab pho nya dang / /sman pa mi 'jigs gtsug lag mkhas pa byed| |de dag nags tshal sdong po chen por 'gyur/ /sman dang rin chen mi zad gter dag dang / /yid bzhin nor bu 'dod pa 'byin shing dang / /lam gol 'khyams la de bzhin lam ston 'gyur| |'jig rten byung nas mi ring shes gyur cing / /sems can las kyi tshul la mi shes pa/ /de dag kun la rmos thabs tshong thabs dang / /sna tshogs bzo rnams kun kyang rjod par byed// 'tshe med gnod pa med pa'i sbyor ba rnams/ /sems can bde skyed mkhas pas rab bsngags pa/ /rig mthu sman dang gtsug lag sna tshogs rnams/ /kun kyang drang srong de dag rnam par brjod| |drang srong rnams kyi spyod pa dam pa'i mchog / gang la lhar bcas 'jig rten dad gyur dang / /brtul zhugs dka' spyod dka' thub mchog gi rnams/ / kun kyang mkhas pa de dag ston par byed/ /de dag rgyu dang kun rgyu mu stegs can/ /dka' thub spyod yul mi smrar spyod pa dang / /sgren mo gos med ri yi dge sbyong la/ /mu stegs can gyi mkhan po mkhas pa byed/ /de dag yongs 'tsho chos la spyod pa dang / /bla na yod dang bla na med pa'i rnams/ /ral pa ring dang byis pa'i brtul zhugs can/ /de dag tu yang de dag mkhan por 'gyur/ /nyi ma'i rjes spyad dka' thub lnga ldan dang / /khyi dang ba lang brtul zhugs ri dwags spyod/ /gle'u can mu stegs bcu gsum spyod pa'i rnams/ /de dag kun na'ang de dag slob dpon 'gyur/ /lha rnams ye shes tshul la dga' ba dang / /mu stegs khrus byed yul du rgyu ba dang / /rtsa ba 'bras bu chu la spyod pa'i rnams/ /chos sems nang na de dag dam par 'gyur| |gnas btegs gnas dang gcig tu spyod pa dang / /tsher ma rtswa dang thal ba'i mal can dang / /dbyig pa'i mal can gcig pu spyod pa'i rnams/ /de dag kun tu'ang de dag slob dpon 'gyur/ /phyi rol mu stegs can rnams ji snyed pa/ /de dag bsam pa mos pa rtogs byas nas/ /sgrub dka' mi bzad drag shul dka' thub kyi/ /mu stegs can gyi sdug bsngal spangs pas 'dul/ /'jig rten lta bas 'khrugs pa shes byas nas/ /lta ba ngan la zhen pa'i mu stegs can/ /kun la phra ba'i tshig dang thabs tshul gyis/ /bden pa ston pa de dag kun tu byed/ /la lar dra byi la yi sngags tshig tu/ /shin tu gsang ba'i tshig gis bden pa ston/ /la la dag la gsal zhing drang tshig gis/ /la la dag la lha yi gsang tshig gis| |la la dag la yi ge dbye tshig dang / /don nges rtogs pa rdo rje'i tshig rnams dang / /rgol ba 'dul ba'i ye shes tshig rnams dang / /brtan pa thub med thar pa'i tshig rnams kyis/ / la la dag la mi skad tshig rnams dang / /kun la 'jug pa'i tshig nges tshig rnams dang / /la la dag la lha'i tshig nges tshig dang / /klu yi tshig nges gnod sbyin tshig rnams kyis/ /la la dag la srin po 'byung po dang / /dri za grul bum lto 'phye chen po'i tshig /mi ci lha min nam mkha' lding tshig gis/ /bden pa bstan cing thar par 'dren par byed/ /de dag bden pa'i nges tshig tshul shes bzhin/ /de ltar rgyal ba'i chos rnams ma lus pa'i/ /chos nyid bsam yas tshig lam shes pas ston/ /de dag ting 'dzin rnam 'phrul de 'dra 'o/ /de dag 'gro bde mchog gi ting nge 'dzin/ /'gro ba kun la mngon par sgrub byed cing / /'od zer bsam gyis mi khyab rab bkye ste/ /'od zer bkye nas sems can de dag 'dul/ /'od zer mthong na legs pa rab bkye zhing / /sems can ji snyed 'od zer de shes pa/ /de dag mthong legs don med ma yin te/ /bla na med pa'i ye shes mchog gi rgyu/ /sangs rgyas bstan te chos rnams yongs bstan nas/ /dge 'dun bstan nas mi rnams lam bstan te/ /rgyal ba'i sku gzugs mchod rten bstan pas na/ /des ni mthong na legs pa'i 'od zer grub/ /lha yi 'od zer zil gyis gnon pa yi/ /'od zer 'od byed rab tu bkye byas shing / /mun pa kun dang rdul rnams kun bsal te/ /'jig rten phan pa'i 'od de rab tu snang / /'od des sems can ji snyed yongs bskul ba/ /de dag rgyal ba mchod phyir me mar 'dzin/ /rgyal ba mchod phyir me mar bzung byas pas/ /'jig rten sgron ma mdzad pa'i rgyal bar 'gyur/ / 'bru mar me mar mar gyi me mar dang / /shing dang rtswa dang smig ma spa yi sgron/ /spos dang ro mchog rin chen sgron ma dag /rgyal ba rnams gsol 'od byed de thob bo/ /'od zer sgrol zhes bya ba rab bkye zhing / /sems can ji snyed 'od zer nges bskul ba/ /de dag sred pa rnam yangs srid pa'i mtshor/ /sems can bsgral don go cha brtan pa gyon/ /gang rnams sred pa rnam yangs srid pa'i mtshor/ /sems can bsgral phyir go cha brtan gyon pa/ /de dag chu bo bzhi las sgrol bar byed/ /mya ngan med pa bde ba'i grong yang ston/ /stegs dang zam pa gcig min byas pa dang / /chu klung lam la sgrol ba'i gru byin te/ /'dus byas sun phyung zhi ba bsngags pas na/ /des ni sgrol ba'i 'od zer de grub bo/ /'od zer skom pa sel ba rab bkye zhing // sems can ji snyed 'od zer des bskul ba/ /'dod pa'i yon tan sgom pa rab spangs shing / /chos kyi rnam grol ro la don du gnyer/ /'dod pa'i yon tan skom pa rab spangs te/ /chos kyis grol ba'i ro la don gnyer bas/ /sangs rgyas bdud rtsi char pa 'bebs par 'gyur/ /'jig rten sred pa'i skom pa rnam par sel/ /rdzing dang chu klung khron pa lo ma dang / /mtsho rnams byang chub don du byed btsud de/ /'dod pa rnam smad bsam gtan bsngags pas na/ /skom pa rnam sel de ni des sgrub pa/ /'od zer dga' bar byed pa rab bkye zhing / /sems can ji snyed 'od zer des bskul ba/ /dga' bas rgyas shing byang chub mchog don du/ /rang byung 'gyur bar bya zhes sems bskyed do/ /thugs rje mnga' rnams sku gzugs mtshan brgyan pa/ /pad+mo'i gdan la bzhugs pa byas bsgrubs shing / /rtag tu sangs rgyas yon tan brjod pas na/ /dga' ba byed pa'i 'od ni des sgrub bo/ /'od zer mos par byed pa rab bkye zhing / /sems can ji snyed 'od zer des bskul ba/ /de dag thams cad sangs rgyas mos pas dga'/ /chos la mos dga' dge 'dun mos pas dga'/ /de dag rtag tu sangs rgyas mos dga' ste/ /chos la mos dga' dag 'dun mos dga' bas/ /sangs rgyas chos dang de bzhin dge 'dun dang / /rtag tu 'grogs 'thob bzod pa bla med 'thob/ /sangs rgyas rjes dran chos dang tshogs mchog la/ /sems can mang po bskul cing dran byas te/ /byang chub sems kyi yon tan bstan pas na/ /des ni 'od zer mos par byed pa grub/ /'od zer bsod nams bsags pa rab bkye zhing / /sems can ji snyed 'od zer des bskul ba/ /bla na med pa'i byang chub don gnyer cing / /sbyin pa sna tshogs du ma yongs su gtong / /de dag mchod sbyin lhug pa byed pa'i tshe/ /slong mo ba yi bsam pa rdzogs byas te/ /bsam pa kun tshul sbyin pa byin pas na/ /des na 'od zer bsod nams bsags grub bo/ /'od zer ye shes ldan pa rab bkye zhing / /sems can ji snyed 'od zer des bskul ba/ /chos gcig sgo nas chos gcig min pa yi/ /chos kyi sgo rnams yud kyis rjes dran nas/ /chos kyi bye brag sems can 'dzin btsud de/ /nges rtogs don gyi ye shes rnam phye zhing / /chos kyi tshig don brjod pa byas pas na/ /des ni ye shes ldan pa'i 'od zer grub/ /'od zer shes rab sgron ma rab bkye zhing / /sems can ji snyed 'od zer des bskul ba/ /stong pa bdag med ma skyes ma byung ba'i/ /rang bzhin med pa'i chos la rab tu 'jug /bdag po med chos stong pa byed med pa| |sprin dang smig rgyu chu zla 'dra ba'i dngos/ /rmi lam lta bu gzugs brnyan rang bzhin rnams/ /bstan pas shes rab sgron ma de grub bo/ /'od zer chos kyis rnam 'phrul rab bkye zhing / /sems can ji snyed 'od zer des bskul ba/ /mi zad gzungs kyi mdzod rnams rab thob cing / /de bzhin gshegs pa kun gyi mdzod kyang 'dzin/ /chos 'chad rnams la yongs su phan btags te/ /drang srong rnams la chos kyis bsrungs byas shing / /'gro pa kun la chos bzhin phan btags pas/ /'od zer chos kyis rnam 'phrul de grub bo/ /'od zer gtong dang ldan pa rab bkye zhing / /sems can 'jungs pa ji snyed des bskul ba/ /skyed pa mi brtan mi rtag shes gyur nas/ /de dag rtag tu sbyin mos dga' bar 'gyur/ /'jungs pa gdul dka'i sems can ma dul dang / /nor rnams rmi lam sprin tshul shes gyur nas/ /dga' ba'i yid kyis sbyin pa rnam spel bas/ /gtong dang ldan pa'i 'od zer des grub bo/ /'od zer yongs su gdung med rab bkye zhing / /tshul ngan sems can ji snyed des bskul ba/ /tshul khrims rnam dag rab tu gnas gyur te/ /rang byung 'gyur bar bya zhes sems skyed do/ /dge ba'i las lam yongs su dag pa dang / /tshul khrims bzang la sems can mang bskul cing / /byang chub sems la yang dag bskul byas pas/ /yongs su gdung med 'od zer des grub bo/ /bzod pas rnam brgyan 'od zer rab bkye zhing / /mi bzod sems can ji snyed des bskul ba/ /khro ba'i tha ba nga rgyal yongs spangs shing / /de dag bzod mos rtag tu dga' bar 'gyur/ /sdig sems ldan la nyes pa bzod byas te/ /byang chub don du 'khrug pa ma byas shing / /bzod pa'i yon tan rtag tu brjod byas pas/ /des ni bzod pas rnam brgyan de grub bo| |'od zer brtson dang ldan pa rab bkye zhing / /le lo'i sems can ji snyed des bskul ba/ /rigs par brtson zhing dkon mchog gsum rnams la/ /sbyor ba skyo med mchod pa 'byed par 'gyur/ /rigs par brtson pas dkon mchog gsum rnams la/ /sbyor ba skyo ba med pas mchod byas nas/ /de dag bdud bzhi'i lam las yongs 'das te/ /myur du byang chub bla med rab tu thob/ /sems can mang po brtson 'grus bskul byas te/ /dkon mchog gsum la mchod pa rab byas nas/ /tha ma'i dus su dam chos yongs bzung bas/ /des ni brtson ldan 'od zer de grub bo/ /'od zer zhi bar byed pa rab bkye zhing / /rnam 'khrugs sems can ji snyed des bskul ba/ /de dag 'dod chags zhe sdang gti mug rnams/ /nyams su mi gnod mnyam gzhag sems su 'gyur/ /sdig to'i grogs po nyes ldan spyod can dang / /'du 'dzi yongs su rnam par spangs byas te/ /bsam gtan zhi ba'i dgon pa rang bsngags pas/ /des ni zhi byed 'od zer de grub bo/ /'od zer shes rab rnam brgyan rab bkye zhing / /shes rab 'chal ba ji snyed des bskul ba/ /bden dang brtan dang rnam thar tshul rnams dang / /dbang po'i rgyus la rtogs par shes gyur cing / /nyi ma sgron ma'i ting 'dzin thob gyur nas/ /shes rab 'od gsal mdzad pa'i rgyal bar 'gyur/ /rgyal srid nor dang bdag phangs yongs btang ste/ /byang chub don du chos rnams gang btsal ba/ /de dag rim gror rab tu brjod byas pas/ /shes rab rnam brgyan 'od zer des grub bo/ /'od zer sangs rgyas ldan pa rab bkye zhing / /sems can ji snyed 'od zer des bskul ba/ /sangs rgyas bsam gyis mi khyab shin tu mang / /pad+mo mchog la bzhugs par rab tu mthong / /sangs rgyas bdag nyid che dang rnam thar dang / /sangs rgyas rnam 'phrul mtha' yas yongs bstan te/ /sangs rgyas stobs dang rdzu 'phrul brjod byas pas/ /sangs rgyas ldan pa'i 'od zer des grub bo/ /'od zer mi 'jigs sbyin pa rab bkye zhing / /'jigs mnar sems can ji snyed des phog pa/ /'byung po bza' dang bsad cing brdeg pa dang / /nad kyi 'jigs pa kun las rab tu 'grol/ /mi 'jigs sbyin pas sems can bskyabs pa dang / /srog gcod las las sems rgyud phyir bzlog cing / /'jigs pas skyabs tshol rnams la bskyabs byas pas/ /'od zer mi 'jigs sbyin pa des grub bo| |'od zer thams cad bde ba rab bkye zhing / /nad pa na ba ji snyed des reg pa/ /thams cad nad kyi sdug bsngal rnam par 'grol/ /bsam gtan ting 'dzin bde ba rnams kyang thob/ /nad gsos 'bras bu sman dang rtsa ba dang / /rin chen ro mchog spos dang byug pa dang / /bu ram sbrang rtsi 'o ma mar dag dang / /'bru mar zas skom byin pas de grub bo/ /'od zer sangs rgyas ston pa rab bkye zhing / /tshe zad mthar ni ji snyed des bskul ba/ /sangs rgyas rjes dran sangs rgyas mthong bar 'gyur/ /de dag shi 'phos sangs rgyas bzhugs zhing 'gro / 'chi ba'i dus su sangs rgyas dran byas te/ /dgar 'gyur rgyal ba'i sku gzugs bstan byas shing / /'chi khar sangs rgyas skyabs su btang byas pas/ /sangs rgyas ston pa'i 'od zer des thob bo/ /'od zer chos rab brjod pa rab bkye zhing / /sems can ji snyed 'od zer des bskul ba/ /chos nyan rjod cing de bzhin 'dri ba byed/ /chos la mos pas rtag tu dga' bar 'gyur/ /chos kyi mu ge'i dus su chos brjod de/ /chos tshol rnams kyi bsam pa rdzogs byas shing / /mos pa bskyed de chos la brtson gyis zhes/ /brjod pa chos rab rjod pa des thob bo/ /sangs rgyas sras rnams yongs su bskul ba'i phyir/ /'od zer dbyangs dang ldan pa rab bkye zhing / /khams gsum sgra rgyud ji snyed yod pa dag / kun kyang de bzhin gshegs pa'i gsung du thos/ /gsal ba'i dbyangs sgrar drang srong cher brjod de/ /rol mo sgra chen dril gyi sbyin pa rnams/ /'gro ba kun la rgyal ba'i gsung don du/ /yongs su btang bas 'od zer dbyangs ldan thob/ /'od zer 'chi med sbyin pa rab bkye zhing / /sems can ji snyed 'od zer des bskul ba/ /bag med spyod pa thams cad rnam spangs te/ /yon tan kun la rnal 'byor nyams su len/ /'dus byas rtag tu bde ba med pa ste/ /sdug bsngal 'tshe ba mang pos yongs su gang / /'gog pa rtag tu bde zhing zhi dga' zhes/ /brjod pas 'chi med sbyin pa de thob bo/ /'od zer khyad par ldan pa rab bkye zhing / /sems can ji snyed 'od zer des bskul ba/ /tshul khrims khyad par ting 'dzin khyad par dang / /shes rab khyad par rgyal ba rnams la nyan/ /tshul khrims 'phags pa ting 'dzin 'phags pa ste/ /shes rab 'phags pa thub pa'i rgyal chen zhes/ /byang chub don du bsngags shing bstod byas pas/ /des ni 'od zer khyad par ldan pa thob|/'od zer rin chen rnam brgyan rab bkye zhing / /sems can ji snyed 'od zer des bskul ba/ /rin chen gter mang mi zad thob gyur te/ /drang srong che la rin chen dam pas mchod/ /rgyal ba rnams dang rgyal ba'i mchod rten la/ /rin chen phul zhing 'gro ba nyon mongs la/ /rin chen bsdud de rin chen sbyin btang bas/ /rin chen rnam par brgyan pa'i 'od zer grub/ /'od zer spos mchog snang ba rab bkye zhing / /sems can ji snyed 'od zer des bskul ba/ /mi la med pa'i spos dri tshor gyur nas/ /sangs rgyas yon tan rnams la nges par 'gyur/ /mi dang lha yi spos dang byug pa yis/ /mi yi gtso la mchod pa rab byas te/ /spos kyis rgyal ba'i sku gzugs mchod rten dag / byas pas 'od zer spos mchog snang ba grub/ /'od zer sna tshogs rnam brgyan rab bkye zhing / /gdugs dang rgyal mtshan ba dan sna tshogs mchog /rol mo sgra snyan spos dang bdug spos kyis/ /pho brang dam pa yongs brgyan me tog 'gengs/ /sngon chad rgyal ba rol mos bsu byas te/ /me tog byug pa bdug spos phye ma dang / /gdugs dang rgyal mtshan ba dan mchog dag gis/ /mchod pa byas pas sna tshogs rgyan grub bo/ /'od zer shin tu dar byed rab bkye zhing / /sa rnams lag mthil bzhin du gnas par byed/ /mchod rten drang srong gnas rnams sbyangs byas pas/ /des ni 'od zer shin tu dang byed grub/ /'od zer chen po'i sprin ldan rab bkye zhing / /spos kyi char 'bebs sprin rnams kun nas gnas/ / mchod rten gam yo spos chus yongs btab pas/ /'od zer sprin dang ldan pa rab tu thob/ /'od zer lhab lhub rnam brgyan rab bkye zhing / /gos med gos yod rgyan dang ldan par 'gyur| |gos dang bgo ba phreng ba sna tshogs dag / yongs su btang bas lhab lhub rnam brgyan grub/ /'od zer bro mchog ldan pa rab bkye zhing / /bkres pa kha zas bro mchog thob par 'gyur// zas dang skom dang bro mchog sna tshogs rnams/ /byin pas bro mchog ldan pa'i 'od kyang thob/ /'od zer nor ston rab tu gyes byas shing / /phongs pa rin chen gter rnams thob par 'gyur/ / gnas dang gter rnams mi zad dkon mchog gsum/ /gsol pas nor ston 'od zer de thob bo/ /'od zer mig sbyong rab tu gyes byas shing / /long ba de tshe sna tshogs gzugs mthong 'gyur/ / rgyal ba dag dang rgyal ba'i mchod rten la/ /mar me gsol bas mig sbyong 'od zer grub/ /rna ba rnam sbyong 'od zer rab bkye zhing / /rna ba nyams pa sgra mang thos par 'gyur/ /rgyal ba rnams dang rgyal ba'i mchod rten la/ /sil snyan phul bas rna ba rnam spyod thob/ /'od zer sna sbyong rab tu gyes byas shing / /sngon chad ma tshor dri zhim tshor bar 'gyur/ /rgyal ba rnams dang rgyal ba'i mchod rten la/ /spos zhim gsol bas sna sbyong 'od zer grub/ /'od zer lce sbyong rab tu gyes byas shing / /sgra snyan yid du 'ong bas sangs rgyas bstod/ /mi snyan brlang bar smra ba rnams spangs te/ /'jam par smra bas lce sbyong 'od zer grub/ /'od zer lus sbyong rab tu gyes byas shing / /dbang po nyams pa dbang po ldan par 'gyur/ /rgyal ba rnams dang rgyal ba'i mchod rten la| |lus kyis rab btud lus sbyong 'od zer thob/ /'od zer sems sbyong rab tu gyes byas shing / /smyos pa thams cad rang bzhin sems su 'gyur/ / ting 'dzin rjes su sems 'gro rab byas pas/ /des ni sems sbyong 'od zer de grub bo/ /'od zer gzugs sbyong rab tu gyes byas shing / /bsam yas sku mnga' mi yi dbang po mthong / /sku gzugs ri mo sna tshogs mang po dang / /mchod rten rgyan byas gzugs sbyong thob par 'gyur/ /'od zer sgra sbyong rab tu gyes byas shing / /sgra ni sgra min stong par rab tu shes| |rkyen las byung bas sgra brnyan 'dra 'o zhes/ /sgra rnams bstan pas 'od zer de grub bo/ /'od zer dri sbyong rab tu gyes byas shing / /dri nga thams cad dri zhim mchog tu 'gyur| |spos mchog rab chus rgyal ba'i mchod rten dag / khrus byas byang chub shing gi 'od de yin/ /'od zer bro sbyong rab tu gyes byas shing / /dug can dug med ro yi mchog tu 'gyur| |sangs rgyas nyan thos bcas dang pha ma la/ /bro mchog thams cad phul ba'i 'od de yin/ /'od zer reg sbyong rab tu gyes byas shing / /reg na mi bde thams cad 'jam bder 'gyur/ /tri shul mdung dang ral gri mda' yi char/ /phreng ba yid 'ong ut+pal pad+mor 'gyur/ /gos mang 'jam pa reg na bde ba'i rnams/ /rgyal ba gshegs pa'i lam du bting bkram ste/ /me tog byug pa na bza' 'jam pa dang / /phreng ba bla re gsol ba'i 'od de yin/ /'od zer chos sbyong rab tu gyes byas shing / /ba spu kun nas 'jig rten phan mdzad pa'i/ / bsam yas chos mang 'byung ba thos par 'gyur/ /mos pa'i lam tshul bzhin du dga' bar byed/ /rkyen las byung bas ma skyes rang bzhin yin/ /rgyal ba'i sku ni chos kyi sku yin te/ /chos nyid nam mkha' bzhin du rtag gnas zhes/ /brjod pas chos sbyong 'od zer de thob bo/ /'od zer sgo mo de dag la sogs pa/ /drang srong rnams kyi ba spu'i sgo gcig nas/ /gang+gA'i bye ma snyed kyi 'od zer byung / /kun kyang tha dad las kyi tshul can no/ /ji ltar ba spu gcig gi sgo gcig nas/ /'od zer gang+gA'i bye snyed yongs 'byung ba/ /de bzhin ma lus spu rnams thams cad nas/ / drang srong ting 'dzin rnam 'phrul de 'dra 'o/ /yon tan gang gis 'od zer grub 'gyur ba'i/ /yon tan de la bstad grogs sus byas pa/ /de dag 'od zer de dag nyid kyang 'byung / /drang srong ting 'dzin rnam 'phrul de 'dra 'o/ /de dag bsod nams bstad grogs byas pa la/ /rjes su yi rang smon lam sus btab dang / /gang gis mthong ste dge ba bsags gyur pa/ /de dag kun kyang 'od zer de dag shes/ /gang gis bsod nams byas shing dge bsags te/ /sangs rgyas yang dang yang du mchod byas shing / /sangs rgyas yon tan 'dod cing don gnyer ba/ /de dag kun la 'od zer de dag skul/ /dmus long rnams kyis nyi ma mi mthong yang / /de med ma yin 'jig rten kun tu 'char/ /mig dang ldan pas shar bar shes gyur nas/ /kun kyang rang rang so so'i las la 'jug /de bzhin skyes chen 'od zer de dag kyang / /med pa ma yin kun tu 'phro ba ste/ /de dag mos med log pas mnar ba yin/ /phal gyis mi mthong blo gros yangs la mos/ /rgyan dang nor bu gzhon pa gzhal med khang / /rin chen ro mchog spos dang byug pa'i rnams/ /de dag che bar gyur la yod mod kyi/ /nyon mongs phongs pa rnams la yod pa min/ /gang gis 'od zer bye brag 'di thos te/ /dad pa yid ches mos pa skyes gyur na/ /bdag ni yon tan chen po'i rgyal mtshan du/ /mi 'gyur snyam du nem nur des mi bskyed/ /de dag 'khor gyi rgyan du rnam 'phrul bar/ /ting 'dzin dam pa mngon par sgrub byed kyi/ /phyogs bcu kun tu dpe zla med pa yi/ /rgyal sras 'khor rnams yongs su ston pa byed/ /de dag pad+mo mdzes pa stong gsum tsam/ /'od kyis rnam brgyan byin gyis brlabs byas shing / /lus gcig skyil mo krung gi pad+mo de/ /yongs su rgyas ston ting 'dzin rnam par 'phrul/ /de dag zhing bcu'i rdul snyed pad+mo gzhan/ /'khor dang bcas pa byin gyis brlabs byas shing / /rgyal sras kun gyis kun nas yongs bskor ba/ /de dag ting 'dzin ting 'dzin med par spyod/ /drang srong des ni yongs su smin byas te/ /rgyal ba'i legs la yongs su gang bsgrubs pa/ /de dag pad+mo chen po'i 'khor byed cing / /kun kyang thal mo sbyar te ngor yang lta/ /skyes bu chen po'i chos nyid de 'dra ste/ /gang rnams ting 'dzin rnams spyod zhugs gyur pa/ /kun kyang rang rang slob mas bskor 'gyur te/ / zla ba skar ma'i tshogs kyis bskor ba bzhin/ /de dag ji ltar phyogs gcig 'jug byed cing / /sangs rgyas sras kyi 'khor rnams ston byed pa/ /de bzhin ma lus phyogs rnams thams cad du| |ston te ting 'dzin rnam 'phrul de 'dra'o/ /de dag ting 'dzin rab rnams mngon sgrub cing / /phyogs kyi dra bar snrel zhir spyod pa byed/ /la la mnyam bzhag la la rnam langs par| |rang rang lus kyang phyogs rnams kun tu ston/ /de dag shar gyi phyogs su mnyam bzhag cing / /dpa' bo de dag nub kyi phyogs nas ldang / /nub kyi phyogs su de bzhin mnyam bzhag cing / /shar gyi phyogs nas bdag nyid che ba ldang / /de bzhin phyogs bcu kun tu 'jug byed de/ /phyogs rnams gzhan du mnyam par bzhag byas shing / /ye shes yon tan mang po gzhan las ldang / /drang srong ting 'dzin rnam 'phrul de 'dra'o/ /shar phyogs zhing grangs ji snyed yod pa rnams/ /ma lus de dag kun gyi rang byung gi /spyan snga zhabs kyi drung na ting 'dzin la/ /zhi bar rnam par spyod par de dag snang / /der ni mnyam bzhag sems can bstan byas nas/ /nub kyi zhing rnams kun nas dpa' bo rnams| |langs shing rgyal ba kun gyi spyan snga na/ /mchod pa rnam mang du ma byed par snang / /nub kyi zhing grangs ji snyed yod pa rnams/ /ma lus de dag kun gyi sangs rgyas kyi/ / spyan snga zhabs kyi drung na ting 'dzin la/ /zhi bar rnam par spyod par de dag snang / /der ni mnyam bzhag sems can bstan byas nas/ /shar gyi zhing rnams kun nas dpa' bo rnams/ / langs shing rgyal ba kun gyi spyan snga na/ /mchod pa rnam mang du ma byed par snang / /phyogs bcu'i zhing du 'jug pa de 'dra ste/ /phyogs rnams kun tu ma lus dpa' bo rnams/ /la la mnyam bzhag la la rnam par langs/ /'jig rten sgron ma kun la mchod byed snang / /de dag mig gi lam la mnyam bzhag cing / /bdag nyid che ba gzugs kyi lam las ldang / /'jig rten lhar bcas myos par 'gyur ba yi/ /bsam gyis mi khyab gzugs kyang kun tu ston/ /gzugs kyi lam la mnyam par bzhag byas shing / /dran dang ldan pa mig gi lam las ldang / /mig ni ma skyes ma byung rang bzhin te/ /stong pa byed pa med par ston par byed/ /de dag rna ba'i lam la mnyam bzhag cing / /bdag nyid che ba sgra yi lam las ldang / /sgra dbyangs thams cad sgra brnyan bzhin du shes/ /'jig rten lhar bcas de la mos par 'gyur/ /sgra yi lam la mnyam par bzhag byas shing / /dran dang ldan pa rna ba'i lam las ldang / /rna ba ma skyes ma byung rang bzhin te/ /stong pa byed pa med par ston par byed/ /de dag sna yi lam la mnyam bzhag cing / /bdag nyid che ba dri yi lam las ldang / /dri rab mchog la 'jug par rab tu zhugs/ /'jig rten lhar bcas de la mos par 'gyur/ /dri yi lam la mnyam par bzhag byas shing / /dran dang ldan pa sna yi lam las ldang / /sna ni ma skyes ma byung rang bzhin te| /stong pa byed pa med par ston par byed/ /de dag lce yi lam la mnyam bzhag cing / /bro mchog kun gyi lam las ldang bar byed/ /bdag nyid che ba de dag bro mchog shes/ /'jig rten lhar bcas de la mos par 'gyur/ /bro ba'i mchog la mnyam par bzhag byas shing / /dran dang ldan pa lce yi lam las ldang / /lce ni ma skyes ma byung rang bzhin te/ /stong pa byed pa med par ston par byed/ /de dag lus kyi lam la mnyam bzhag cing / /bdag nyid che ba reg gi lam las ldang / /'jig rten bde ba skyed pa'i reg la zhugs/ / 'jig rten lhar bcas de la mos par 'gyur/ /reg gi lam la mnyam par bzhag byas cing / /dran dang ldan pa lus kyi lam las ldang / /lus ni ma skyes ma byung rang bzhin te/ /stong pa byed pa med par ston par byed/ /de dag sems kyi lam la mnyam bzhag cing / /bdag nyid che ba chos kyi lam las ldang / /chos sgrub 'jug par bya la rab tu zhugs/ / 'jig rten lhar bcas de la mos par 'gyur/ /chos kyi lam la mnyam par bzhag byas shing / /dran dang ldan pa sems kyi lam las ldang / /sems ni ma skyes ma byung rang bzhin te| |stong pa byed pa med par ston par byed/ /byis pa'i lus su de dag mnyam bzhag cing / /gzhon nu dar la bab pa'i lus su ldang / /gzhon nu dar la bab par mnyam bzhag cing / / rgan zhing 'khogs pa'i lus su rnam par ldang / /rgan zhing 'khogs pa'i lus su mnyam bzhag cing / /dge bsnyen dad ma'i lus su rnam par ldang / /dge bsnyen dad ma'i lus su mnyam bzhag cing / /dge bsnyen dad pa'i lus su rnam par ldang / /dge bsnyen dad pa'i lus su mnyam bzhag cing / /dge slong ma yi lus su rnam par ldang / /dge slong ma yi lus su mnyam bzhag cing / /dge slong mang du thos pa'i lus su ldang / /dge slong mang thos lus su mnyam bzhag cing / /slob dang mi slob lus su rnam par ldang / /slob dang mi slob lus su mnyam bzhag cing / /rang rgyal lus las de dag rnam par ldang / /rang rgyal lus la de dag mnyam bzhag cing / /sangs rgyas sku mchog phul du rnam par ldang / /sangs rgyas sku mchog phul la mnyam bzhag cing / /lha yi lus su de dag rnam par ldang / /lha yi lus su de dag mnyam bzhag cing / /'phrul chen klu yi lus su rnam par ldang / /'phrul chen klu yi lus su mnyam bzhag cing / /'phrul chen gnod sbyin lus su rnam par ldang / /'phrul chen gnod sbyin lus su mnyam bzhag cing / /'byung po kun gyi lus su rnam par ldang / /'byung po kun gyi lus su mnyam bzhag cing / /spu rtse gcig gi sgo nas rnam par ldang / /spu rtse gcig gi sgo la mnyam bzhag cing / /spu rtse kun gyi sgo nas rnam par ldang / /spu rtse kun gyi sgo nas mnyam bzhag cing / /skra rtse gcig gi sgo nas rnam par ldang / /skra rtse gcig gi sgor ni mnyam bzhag cing / /skra rtse kun gyi sgo nas rnam par ldang / /skra rtse kun gyi sgor ni mnyam bzhag cing / /rdul phran gcig las de dag rnam par ldang / /rdul phran gcig la de dag mnyam bzhag cing / /rdul phran ma lus kun las rnam par ldang / /rdul phran kun la de dag mnyam bzhag cing / / rgya mtsho rdo rje gzhi las rnam par ldang / /rgya mtsho rdo rje gzhi la mnyam bzhag cing / /rin chen shing gi 'bras las rnam par ldang / /rin chen shing gi 'bras la mnyam bzhag cing / /rgyal ba'i 'od zer rnams las rnam par ldang / /rgyal ba'i 'od zer sgor ni mnyam bzhag cing / /rgya mtsho'i chu dang chu klung kun nas ldang / /rgya mtsho chu klung kun la mnyam bzhag cing / /bdag nyid che ba me yi lam las ldang / /me yi lam la de dag mnyam bzhag cing / /dran dang ldan pa rlung gi lam las ldang / /rlung gi lam la de dag mnyam bzhag cing / /bdag nyid che ba sa yi gzhi las ldang / /sa yi gzhi la mnyam par bzhag byas shing / /lha yi gzhal med khang nas rnam par ldang / /lha yi gzhal med khang du mnyam bzhag cing / /dran dang ldan pa klu yi gnas nas ldang / /yon tan mtha' yas bsags pa de dag gi /ting 'dzin rnam thar de dag bsam mi khyab/ /rgyal ba kun gyis bskal pa bsam yas su/ /bsten par mdzad kyang zad par mi rung ngo / /rgyal ba kun gyis de skad ma gsungs min/ /'gro ba'i las kyi rnam smin bsam mi khyab/ /klu yi rnam 'phrul sangs rgyas rnam 'phrul dang / /bsam gtan pa yi rnam 'phrul bsam mi khyab/ /de dag la yang dpe bstan brjod par bya/ /de la 'dra ba'i dpe lta yod min te/ /mkhas shing gsal ba'i skye bo dpe rnams kyis/ /bsten na myur du rnam par don shes 'gyur/ /sems kyi lam la rnam thar brgyad gnas pa'i/ /nyan thos gcig tu gyur cing mang por 'gyur/ /mang por gyur cing de bzhin gcig gyur te/ /nam mkha' 'di la bsam gtan 'cha' zhing 'bar/ /'og nas me 'bar steng nas chu yi rgyun/ /steng nas me 'bar 'og nas chu yi rgyun/ /'gro 'dug nyal zhing 'greng ba de bzhin te/ /skad cig gcig la lus 'phrul bsam mi khyab/ /de ni snying rje chen po ldan ma yin/ /byang chub mi tshol 'jig rten yal bar gzhog |'on kyang lus 'phrul bsam gyis mi khyab ston/ /'jig rten phan tshol ci phyir de mi ston/ /nyi zla mkha' las rnam par rgyu 'dong zhing / /phyogs rnams kun gyi mtsho dang lu ma dang / /lteng ka khron pa rin chen rgya mtsho'i snod/ /chu klung kun tu gzugs brnyan ston par byed/ /de bzhin bsam gyis mi khyab gzugs kun kyang / /skyes bu dpa' bo de dag phyogs bcur ston/ /ting 'dzin rnam thar kun gyi tshul la mkhas/ /de la de bzhin gshegs pa rang byung dpal/ /mtsho gsal dang bar yan lag bzhi yi dpung / /so sor rang rang gzugs brnyan tshul bzhin mthong / /ral gri shang lang sog ka mde'u thung mda'/ /bzhon pa theg pa go cha bcas pa mthong / /gang gi gzugs dang cha byad ci 'dra ba/ /chu gsal de la de bzhin ma nor mthong / /chu la zhe sdang byams pa rtog pa med/ /drang srong ting 'dzin rnam 'phrul de 'dra 'o/ /rgya mtsho'i lha mo sgra dang ldan yod pa/ /sems can rgya mtshor ji snyed skyes pa rnams/ /de dag sgra yi yan lag dbyings tshul shes/ /sgra skad kun tu rang rang skad du brjod/ /dbyangs ldan de ni 'dod chags zhe sdang can/ /'on kyang sgra kun dbyangs kyi tshul la mkhas/ /gzugs dang chos kyi stobs la dbang thob rnams/ /'jig rten lhar bcas ci phyir mgur mi byed/ /dga' byed chung ma sgra snyan ldan pa mo/ /tshangs pa'i bu mo sems las byung ba ste/ /dam tshig bden sgrub mi tshe dga' ba yin/ /sems yid ngag rnams byin gyis rlob pa byed/ /sgra snyan ldan pa 'dod chags zhe sdang can/ /brtul zhugs grub la dbyangs kyi rjes su 'brang / /'jig rten yid 'ong sgras kyang tshim par byed/ / ye shes yon tan mang ba cir mi ston/ /sngags kyi tshul mkhas sgyu ma'i mkhan po yang / /sna tshogs mtha' yas gzugs mang ston pa byed/ /nyin mtshan yud dang zla ba lo brgya dang / /khyim bzang rgyas pa shin tu mdzes pa ston/ /'dod chags sdang ldan sgyu ma'i mkhan po yang / /sgyu ma'i 'phrul gyis 'jig rten dga' bar byed/ /bsam gtan mngon shes rnam 'phrul rab byang ba| |spyod pa'i tshul mkhas ci phyir dga' mi byed/ /lha dang lha min dbang po 'thab pa'i tshe/ /lha min lha yang rung ste gang pham pa/ /de dag bzhon pa theg pa gdugs bcas par/ / go cha gyon bzhin 'jigs pas kun tu byer/ /lha dbang de dag 'dod chags sdang ldan yang / /lus kyi rnam 'phrul bsam gyis mi khyab ston/ /dbang phyug rdzu 'phrul dbang gnas dbang po rnams/ /lus kyi rnam 'phrul ci phyir ston mi byed/ /rdo rje 'dzin pa'i glang po shugs ldan pa/ /'phrul chen glang chen dbang po'i 'khor gyur pas/ /mgo mang sum cu rtsa gnyis sprul pa byed| |mgo rnams kun la'ang mche ba drug drug ste/ /so rnams re re kun la'ang rdzing gi rnams/ /bdun bdun chus rgyas yongs su sprul pa byed/ /rdzing rnams re re kun tu pad+mo rnams/ /bdun bdun rgyan gyis rnam brgyan sprul pa byed/ /pad+mo re re lha yi bu mo dag /sgyu rtsal kun mkhas bdun bdun sprul pa byed/ /de dag rtsed mo glu gar tshul la mkhas/ /sum cu rtsa gsum dbang po de dang rtse| |glang po de yang klu yi lus btang zhing / /lha rnams kun dang mnyam zhing 'dra bar rdzu/ /spyod pa'i tshul dang ldongs spyod kun dang mthun/ /glang po mchog gi rnam 'phrul ci 'dra ltos/ /de ni 'dod chags zhe sdang gti mug can/ /'on kyang de 'dra'i rdzu 'phrul ston byed na/ /shes rab thabs kyi stobs la byang 'gyur rnams/ /ting 'dzin brgyas kyang ci rab 'phrul mi byed/ /sgra gcan ci dga'i tshul du lus rdzu na/ /rdo rje'i gzhi la rkang pa'i mthil bor zhing / /rgya mtsho'i zab ring lte bar phyin tsam byed/ /ri rab rtse dang nyid kyi mgo yang snyoms/ /de ni 'dod chags zhe sdang gti mug can/ /'on kyang de 'dra'i rdzu 'phrul ston byed na/ /'jig rten sgron ma bdun rnams yongs 'dul ba/ /rdzu 'phrul mtha' yas ci rob ston mi byed/ /bsam yas brgya byin 'phrul yang ltos shig dang / /lha dang lha dbang 'thab par gyur pa'i tshe/ /lha min bye ba 'byed pa ji snyed pa/ /de snyed brgya byin rang gi lus 'phrul byed/ /lha min dbang po lha min phal kun gyis/ /brgya byin rang rang mdun na 'dug par shes/ /de ni rdo rje 'chang bas bzung gyur ces/ /lha min dbang po kun kyang mgo myos so/ /'jigs pa'i gzugs kyis mig stong rab bstan te/ /rdo rje me lce 'bar bar rab gzas shing / /lus la go bgos gzi brjid thub dka' ba'i/ /brgya byin mthong nas lha min dbang po 'byor/ /de ni bsod nams phal gyi stobs dang mthus/ /lha rgyal don du rnam par 'phrul byed na/ /'gro ba ma lus kun gyi mgon gyur ba'i/ /bsod nams mi bzad rnams ko cir mi 'phrul/ /lha rnams bskul ba'i lha rdzas lnga yod pa/ /lha yi las rnams rnam par smin pas byung / /lha rnams bag med spyod par shes gyur nas/ /mkha' las rnga yi dbyangs kyang rab tu sgrog /'dod pa thams cad mi rtag mi brtan te/ /'jig cing mi gnas dbu ba'i rang bzhin 'dra/ /sgyu ma smig rgyu chu yi zla ba bzhin/ /srid pa kun kyang rmi lam sprin gyi dngos/ /bag med thams cad gcugs can mya ngan ldan/ /chems kyi lam yin 'chi med lam ma yin/ /ji snyed bag med rnam par spyod pa rnams/ /bdud kyi chu srin chen pos zos pa yin/ /yongs su 'dzin pa thams cad sdug bsngal rtsa/ /skye ba thams cad 'phags pa kun gyis smad/ /'dod pa'i yon tan mthar zad rang bzhin gyis/ /chos la mos pas rtag tu dga' bar gyis/ /brgya byin lhar bcas rnga yis bskul byas nas/ /kun kyang chos bzang mdun sar dong phyung te/ /lha mang kun la chos gtam zhi ba'i rnams/ /'dod chags bral dang rjes su mthun pa brjod/ /rnga rab de ni gzugs med mi mthong yang / /don chen rnga yi sgra ni sgrog byed na/ /bsam pa'i tshul bzhin gzugs mang ston byed pa/ /'gro ba kun gyi don chen cir mi byed/ /lha dang lha min 'thab par gyur pa'i tshe/ /lha yi bsod nams khyad par mthu stobs kyis/ /lha rnams bskul ba'i lha rdzas rnga yi mchog /lha rnams 'jigs sa re zhes sgra yang sgrog /rngas bskul lha rnams yongs su dga' ba skyed/ /'jigs med stobs dang shin tu ldan par 'gyur/ /lha min dbang po 'jigs shing dngang gyur nas/ /de ma thag tu 'jigs shing kun tu 'byin/ /de bzhin rnga 'dra 'jigs med stobs pa'i rnams/ /'gro ba kun gyi mgon dang dpung 'gyur te/ /bdud dang nyon mongs bcom pa'i snying rje can/ /zhi ba'i sgra sgrogs nyon mongs rab tu sel/ /dbang ba'i lha mo dgu bcu rtsa gnyis te/ /dbang po sprul pas kun kyang dga' bar 'gyur/ /gcig kyang bdag dang brgya byin brtse bar shes/ /gcig ltar lha mo kun kyang de bzhin no/ /lha mo kun kyang dga' bar gnas snang yang / chos bzang mdun sa kun na'ang de bzhin 'dug / lha rnams kun la chos rab ston par yang / /brgya byin skad cig gcig gis rnam par 'phrul/ /brgya byin 'dod chags zhe sdang gti mug can| |sprul pas rang gi 'khor rnams dga' byed na/ /'gro don mi skyo spyod pa ci yi phyir/ /rdzu 'phrul stobs kyis 'jig rten dgar mi byed/ /bdud kyi dkrugs ma 'gro ba'i dbang sgyur ba/ /de yi dbang du sems can 'di kun 'dod/ /las dang nyon mongs kun tu 'khri zhags kyis/ /so so'i skye bo bdud 'khrug des kyang bcings/ / de ni 'dod chags zhe sdang gti mug can/ /'gro ba mang po bdud kyi dbang byed na/ /dbang bcu'i dbang thob gyur pa ci rab ste/ /'gro ba thams cad rang gi phyogs mi gzhog /stong gsum bdag po tshangs pa chen po yang / /stong gsum kun gyi tshangs pa'i gnas rnams na/ /ma lus kun tu 'dug par rab tu snang / /tshangs pa'i sgra dbyangs yid 'ong rnams kyang sgrog /de ni 'jig rten pa yi lam gyis ni/ /bsam gtan mngon par shes pas rnam par 'phrul/ /'jig rten yongs 'das bla na med pa yi/ /bsam gtan rnam thar gnas pa cir mi 'phrul// dbang phyug chen po'i ye shes rnam 'phrul ltos/ /rgya mtsho'i sprin gyis char rnams rab bkye ba/ /skad cig gcig gis thams cad 'grang ba byed/ /thigs 'ga'i zer kyang ma lus des shes na/ /bskal pa bsam gyis mi khyab tshul bslab ste/ /sangs rgyas ye shes bla na med thob rnams/ /ci rob 'gro ba ma lus thams cad kyi/ /skad cig gcig la sems bsam shes mi 'gyur/ /sems can las smin bsam gyis mi khyab pas/ /rlung las 'jig rten thams cad yongs su byung / /rgya mtsho ri dang lha yi gzhal med dang / /sa bon rnam mang kun kyang de las byung / /rlung las sprin 'byung char pa kun tu 'bab/ /sprin mang zhi bar 'gyur ba'ang rlung gis 'gyur/ /lo rtog rnam par 'phel ba'ang rlung gis te/ /'jig rten kun la rlung ni bde ba skyed| |de ni pha rol phyin la ma bslab ste/ /sangs rgyas yon tan rlung gis bslab min na'ang / /'jig rten rnam grub bsam yas ston byed na/ /rang nyams thob pa ci ro ba ston mi byed/ /rgya mtsho'i 'brug sgra'i sprin gyi chu tshogs ni/ /bya skad rnams dang ji snyed ri dwags skad/ /khye'u dang bu mo bud med skyes pa'i skad/ /thams cad skad bzhin 'gro la rnam par sgrog /de bzhin sgra snyan rang bzhin sgra shes nas/ /sgrib pa med pa'i spobs pa rab ldan pas/ /'gro ba kun tu sgra snyan brjod byas shing / /'jig rten thams cad yid 'ong sgras tshim byed/ /rgya mtsho 'di la ngo mtshar rmad kyi chos/ /'gro ba thams cad rgya dang mnyam snang zhing / /chu dang 'byung po rin chen yongs mi zad/ /chu rnams bzung bas yongs su ngoms pa med/ /de bzhin de dag 'gro kun rgyar stsal te/ /bsod nams bsam gtan rnam thar zad mi shes/ /shes rab ye shes yon tan de bzhin kun/ /bsod nams yon tan tshogs kyis ngoms pa med/ /rgya mtsho'i klu ni rnam par rtse byed na/ /sa yi gzhi nas dbang sgyur gnas kyi bar/ /gling bzhi bcas par sprin chen rgyas par 'gengs/ /de dag kun kyang rgyan mang sna tshogs ldan| |de ni dbang sgyur gnas su 'dzam bu chu klung gi / gser gyi mdog tu sprin mang rnam par sgrub/ /'phrul dga' mu tig dmar po'i mdog lta bu/ /dga' ldan gnas su kha ba ba mo'i mdog / mtsher mar mthon mthing bai DUR+Ya yi mdog /sum cu gsum du asma gar+b+ha 'dra/ /rgyal chen gnas su shel gyi mdog lta bu/ /rdo rje mi phyed sra mdog rgya mtshor ro/ /mi ci gnas su spos mchog 'dres par te/ /klu yi gnas su pad+mo'i mdog lta bu/ /gnod sbyin gnas su ngang pa chu skyar mdog /ri yi mdog tu lha min gnas su 'o/ /byang du gser gyi kha dog 'od ston te/ /gling rnams gzhan du'ang sna tshogs rgyan du ston/ /'dzam bu'i gling du ri gnag 'dra bar te/ /sprin rnams gang rnams ji ltar grub pa bzhin/ /dbang sgyur gnas su gser gyi sprin bstan nas/ /nyi ma'i mdog 'dra klog kyang rab tu 'gyed/ /dbang sgyur gnas su zla 'od bzang 'dra dang / /dga' ldan gnas su 'dzam bu'i gser mdog ston// kha ba ba mo'i mdog tu mtshe mar te/ /sum cu rtsa gsum gnas su gser mdog tu/ /rgyal chen gnas su dpal gyi snying po'i mdog /mu tig dmar po'i mdog tu rgya mtshor ro/ / mi ci gnas su mthon mthing bai DUr+ya/ /klu yi gnas su dpal gyi snying po'i mdog /gnod sbyin gnas su shel gyi kha dog ste/ /asma'i mdog tu lha min gnas su 'o/ /byang du ngang gis snang ba'i rin chen mdog / gling rnams gzhan du'ang rnam phye gzhan dang gzhan/ /'dzam bu'i gling du 'od 'phro an+d+ha rnyil/ /sprin gyi mtshan nyid tshul 'thun glog kyang 'gyed/ /de ni tshangs pa'i dbang sgyur gnas su tshangs dbyangs su/ /'brug sgra sgrog byed 'phrul dga' rnga yi dbyangs/ /rol mo'i sgrar yang dga' ldan gnas su ste/ /lha mo'i dbyangs su mtshe ma dag tu 'o/ /sum cu gsum du mi'am ci'i skad du ste/ /rgyal chen gnas su dri za'i skad du 'o/ /ri 'thab dbyangs su rgya mtsho kun tu ste/ /mi'am ci yi gnas su gling bu'i sgra/ /klu yi gnas su thal mo brdabs pa'i sgra| |gnod sbyin gnas su klu yi bu mo'i sgra/ /lha min gnas su lha rdzas rnga yi sgra/ /rgya mtsho'i shugs sgrar mi yi gnas su 'o/ /dbang sgyur gnas su lha rdzas gsung zhim pa'i/ /me tog sna tshogs rgyan mang char yang 'bebs/ /zla ba bzang po'i 'od 'dra 'phrul dgar te/ /me tog man+dA ra ba'i phreng char 'bebs/ /dga' ldan gnas su rin chen chen po'i char/ /rgyan gyi dam pa rin chen sna tshogs dang / /gtsug gi rin chen zla ba 'dra ba dang / /gser 'od zer bzang po'i char pa rab tu 'bebs/ /rgyal mtshan gdugs dang ba dan bzang po dang / /phreng ba byug pa rgyan gyi dam pa dang / /mu tig dmar po la ltar btags mdog tu/ /rol mo yid 'ong char pa mtshe mar 'bebs/ /sum cu gsum du rin chen sna tshogs te| |tsan+dan dam pa'i spos dang a ga ru/ /gur gum ge sar lha rdzas ta ma la/ /spos chu'i rgyun dang me tog 'dres par 'bebs/ /nyams su 'gyur ba'i kha zas skom gyi rnams/ /kha dog dri zhim ro dang ldan pa dang / /de min rin chen char 'bab bsam yas kyang / /rgyal chen bzhi yi gnas su klu dbang 'bebs/ /de ni rgya mtsho chen por rgyun du yang / /char rgyud rgyun mi 'chad pa gnya' shing tsam/ /mi zad rin chen shin tu rnam rgyal ba'i/ /rin chen char ni mtha' yas rgyun du 'babs/ /mi ci gnas su phreng ba sna tshogs dang / /pad+mo ut+pal dngos dang rin chen dang / /me tog par shi ma li phye ma spos/ /pi wang rnga dang gling bu snyan par ro/ /klu yi gnas su mu tig dmar po ste/ /gnod sbyin gnas su rin chen dwangs snang ba| |lha min gnas su ral gri mde'u thung mdung / /dgra 'dul gzhu dang ste'u ka'i char 'bebs so/ /byang du de ni phreng ba rin chen dang / /me tog par shi ma li tsam pa ka'i/ / phreng ba bzang po ku ran muk+ta ka /gling rnams gzhan du'ang char pa sna tshogs so/ /'dzam bu'i gling du chu 'dang rab gsal gyi/ /char rnams sna tshogs shin tu phra bar 'bebs/ / me tog 'bras bu sman dang spos dang shing / /lo las de bzhin 'jig rten bde 'phel byed/ /de ltar sprin rnams bsam gyis mi khyab dang / /glog dang 'brug dang char pa rnam phyed kyang / / khyim nas mi g.yo rnam par rtog pa med/ /klu yi 'phrul yang de ltar bsam mi khyab/ /de ltar chu yi rgya mtshor gnas pa yang / /klu yi rnam 'phrul bsam yas ston byed na/ /chos kyi rgya mtshor zhugs pa'i yon tan bdag / mtha' yas rnam 'phrul mang po cir mi ston/ /dper bya de dag kun gyis mgo smos tsam/ /skyes bu de dag brjod byas yangs pa ste/ /dpa' bo de dag dpe dang rnam par bral/ /de dag de 'dra'i rnam thar dbang bsgyur ro/ /mtha' yas blo gros yangs pa'i blo gros can/ /ma nor blo gros mtha' yas blo gros can/ /ye shes mchog dang khyad par blo ldan pa'i/ /rnam thar dam pa de 'dra'i tshul du bshad/ /gang gis rnam thar 'di dag thos gyur nas/ /yid ches 'dzin cing 'jig rten sgrog pa ni/ /ngo mtshar rmad kyi chos dang de ldan te/ /mi yul kun na de ni dka' ba byed/ /'di 'dra'i chos la yid ches dad byed pa/ /so so skye bo'i tshogs na'ang shin tu dkon/ /dge bsags bsod nams byas pa de dag ni/ /rgyu yi stobs kyis 'di la yid ches 'gyur/ /gang rnams nyan thos theg la'ang yid ches pa'i/ /mi rnams 'jig rten kun na dkon pa ste/ /de bas rang rgyal theg pa dad pa dkon/ /theg chen dad byed de bas shin tu dkon/ /theg chen 'di la zhugs pa dkon pa ste/ /'di 'dra'i chos la dad pa shin tu dkon/ /'dzin cing spel byed smos kyang ci dgos te/ /yang dag ma nor 'jug pa smos ci dgos/ /la la stong gsum ri dang rgya mtshor bcas/ /bskal par 'dzin cing mgo la khyer byed na'ang / / 'di 'dra'i chos la dad par byed pa las/ /de 'dra dka' bar brtsi ba ma yin no/ /la las stong gsum rdul snyed sems can rnams/ /bde ba kun gyis bskal par bsnyen bkur na'ang / /'di 'dra'i chos la yid ches dad byed pa'i/ /bsod nams ci 'dra thob pa de la min/ /la la zhing bcu ri dang mtshor bcas pa/ /lag pa'i mthil gyis nam mkha'i dbyings 'dzin kyang / /'di 'dra'i chos la yid ches dad byed pa'i/ /dka' ba de 'dra de la yod pa min/ /la la zhing bcu'i rdul snyed sems can rnams/ /bde ba kun gyis bskal par bsnyen bkur kyang / /'di 'dra'i chos la yid ches dad byed pa'i/ /bsod nams ci 'dra de 'dra de la min/ /la las zhing bcu'i rdul snyed sangs rgyas rnams/ /bskal par bde ba kun gyis bsnyen bkur te/ /la las le'u 'di yongs su bzung byas na/ /bsod nams 'di ni de las khyad par 'phags/ /rnam thar de dag yongs su bstan pa'i tshe/ /phyogs bcu'i zhing rnams thams cad g.yos par gyur/ /lha dang bdud kyi gnas rnams zil gyis mnan/ /'od mang bkye bas ngan song rab tu zhi/ /phyogs bcu kun gyi mi yi seng+ge rnams/ /thams cad kun gyis mngon par zhal bstan te/ /phyag brkyang mtha' yas yon tan mang bdog pa/ /bzang po'i dpal gyi mgo la bzhag par gyur/ /phyag gi mthil gyis mgo la byug mdzad de/ /sangs rgyas de dag kun gyis gsung brjod pa/ /rnam thar 'di dag khyod kyis legs bshad kyi/ /legs par bstan la rjes su nged dgyes so/ /shin tu rgyas pa chen po'i mdo/ sangs rgyas phal po che zhes bya ba las/ bzang po'i dpal gyi le'u zhes bya ba ste/ bcu bdun pa'o// //bam po nyi shu pa/ de nas sangs rgyas kyi mthus shar phyogs kyi 'jig rten gyi khams thams cad dang / de bzhin du lho phyogs dang / nub phyogs dang / byang phyogs dang / byang shar gyi phyogs mtshams dang / shar lho'i phyogs mtshams dang / lho nub kyi phyogs mtshams dang / nub byang gi phyogs mtshams dang / 'og gi phyogs dang / steng gi phyogs kyi 'jig rten gyi khams thams cad du gling bzhi pa 'di la sogs pa gling bzhi pa re re na yang de bzhin gshegs pa de dag de bzhin du bzhugs par snang ngo / /byang chub sems dpa' de dag kyang de bzhin gshegs pa'i byin gyi rlabs kyis chos ston cing / de bzhin gshegs pa'i zhabs kyi drung na 'khod par yang so so nas shes te/ bcom ldan 'das kyis kyang rdzu 'phrul mngon par 'du mdzad pa de ma btul bar byang chub kyi shing drung nas ri rab kyi rtse mo'i lha'i dbang po brgya byin gyi khang pa rnam par rgyal ba ga la ba der gshegs par snang ngo / /ji ltar bcom ldan 'das gling bzhi pa 'di'i ri rab kyi rtse mar gshegs par snang ba de bzhin du 'jig rten gyi khams thams cad kyi gling bzhi pa dag gi ri rab kyi rtse mor gshegs par snang ste/ byin gyi rlabs snga ma dag kyang ma nyams par snang ngo / /de nas lha'i dbang po brgya byin gyis bcom ldan 'das rnam par rgyal ba'i khang pa logs su mngon par gshegs pa rgyang ring po nas mthong nas rnam par rgyal ba'i khang pa'i nang du rings pa'i gzugs su rdzu 'phrul gyi rang bzhin seng+ge'i gdan phyogs rnam par snang ba'i snying po can/ bog re stong phrag bcus brgyan pa/ gser gyi dra ba stong phrag bcu kun tu bres pa/ gnam yol stong phrag bcus bla rer bres pa/ gdugs stong phrag bcu shin tu bzung ba/ dar gyi lda ldi stong phrag bcu rab tu dbyangs pa/ mu tig gi se mo do stong phrag bcus dga' dga' ltar byas pa/ gos stong phrag bcus mngon par bkab pa/ lha'i bu stong phrag bcus mdun du byas pa/ tshangs pa stong phrag bcus kun nas bskor ba/ 'od zer stong phrag bcus shin tu snang bar gyur pa bcom ldan 'das kyi gdan du bshams so/ /ji ltar gling bzhi pa 'di'i ri rab kyi rtse mor lha'i dbang po'i k hang pa rnam par rgyal bar lha'i dbang po brgya byin gyis de bzhin gshegs pa'i gdan bshams pa de bzhin du 'jig rten gyi khams thams cad kyi ri rab kyi rtse mo dag tu yang lha'i dbang po brgya byin dag gis de bzhin gshegs pa'i gdan dag tshul de 'dra ba dang / rgyan de 'dra bar bshams par gyur to/ /de nas lha'i dbang po brgya byin gyis bcom ldan 'das kyi gdan seng+ge'i khri bcas nas rje sa dang rim gro chen pos bcom ldan 'das gang na ba der thal mo sbyar te phyag 'tshal nas bcom ldan 'das la 'di skad ces gsol to/ /bcom ldan 'das/ gshegs su gsol/ bde bar gshegs pa/ gshegs su gsol/ de bzhin gshegs pa dgra bcom pa yang dag par rdzogs pa'i sangs rgyas bde bar gshegs sam zhes gsol to/ /de nas bcom ldan 'das lha'i dbang po brgya byin gyis spyan drangs nas rnam par rgyal ba'i khang par gshegs so/ /de ltar bcom ldan 'das gshegs pa de bzhin du 'jig rten gyi khams thams cad kyi lha'i khang pa dag tu'ang gshegs par snang ngo / /de nas lha'i dbang po brgya byin gyis sangs rgyas kyi mthus sum cu rtsa gsum gyi khang pa thams cad du glu dang / rol mo dang / sil snyan brgya phrag mang po dag btang ste zhi bar byas nas yang dag par rdzogs pa'i sangs rgyas snga ma dag las dge ba'i rtsa ba skyed pa de dag rjes su dran nas de'i tshe tshigs su bcad pa 'di dag smras so/ /bkra shis dam pa gang zhig gis/ /thugs rje chen po mnga' ba 'od srung rigs skyes pa/ /rnam par rgyal bar gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /gser thub bsgribs pa med par rab tu gzigs pa de/ /rin chen sna tshogs gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /bsod skyabs gser gyi ri bo 'bar ba 'dra ba de/ /rtse mo mchog tu gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /thams cad mnga' ba dgra bcom dri ma gsum sel ba/ /mdzod spu'i rtse mor gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /sangs rgyas gtsug tor dgongs pa zil gyis mi non pa/ /rin chen sna tshogs gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /rnam par gzigs pa skyes bu'i zla ba mi yi mgon/ /rin chen rgyan du gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /shin tu rgyas pa don dam mkhas shing bstan pa de/ /ma la ya yi rtse mor gshegs gyur pa/ /des ni 'dir yang bkra shis legs gyur cig /bkra shis dam pa gang zhig gis/ /sangs rgyas ston mchog thogs pa mi mnga' ba/ /dri med zla bar gshegs gyur pa/ / des ni 'dir yang bkra shis legs gyur cig /bkra shis dam pa gang zhig gis/ /grags pa dri ma med pa mgon po pad+mo'i bla/ /dri ma med par gshegs gyur pa/ /des ni 'dir yang bkra shis legs gyur cig / bkra shis dam pa gang zhig gis/ /mgon po mar me mdzad pa 'od snang mnga' ba de/ /'od zer dra bar gshegs gyur pa/ /des ni 'dir yang bkra shis legs gyur cig / ji ltar lha'i dbang po brgya byin gyis sangs rgyas kyi mthus yang dag par rdzogs pa'i sangs rgyas bcu'i rgyal ba gshegs pa glur blangs te tshigs su bcad pa de b zhin du 'jig rten gyi khams thams cad na yang sangs rgyas kyi mthus lha'i dbang po rnams de bzhin gshegs pa'i mtshan gzhan dang gzhan gyis yang dag pa'i rdzogs pa'i sangs rgyas bcu'i rgyal ba gshegs pa dag glur len cing tshigs su bcad par gyur to/ /de nas bcom ldan 'das rnam par rgyal ba'i khang par gshegs nas skyil mo krung bcas te bzhugs s o| |bcom ldan 'das ji ltar bzhugs pa de bzhin du 'jig rten gyi khams thams cad na yang de bzhin gshegs pa dag gdan de dag la bzhugs par snang ngo / /bcom ldan 'das de ltar bzhugs ma thag tu de'i tshe sangs rgyas kyi mthus rnam par rgyal ba'i khang pa de yang sum cu rtsa gsum thams cad kyi khang pa dang / lha'i ris tsam du che bar snang bar gyur te/ 'di na ji lta ba ltar 'jig rten gyi khams thams cad na yang de bzhin no/ /shin tu rgyas pa chen po'i mdo/ sangs rgyas phal po che zhes bya ba las| de bzhin gshegs pa ri rab kyi rtse mor gshegs pa'i le'u ste/ bco brgyad pa'o// //de nas sangs rgyas kyi mthus phyogs bcu nas byang chub sems dpa' bcu bcu 'ongs par gyur te/ byang chub sems dpa' de dag so so nas 'jig rten gyi khams sangs rgyas kyi zhing gi rdul shin tu phra ba snyed kyi pha rol nas 'ongs pa sha stag ste| byang chub sems dpa' re re zhing yang byang chub sems dpa' sangs rgyas kyi zhing rdul shin tu phra ba snyed dang lhan cig tu phyin par gyur to/ /byang chub sems dpa' de dag thams cad kyang ming 'di zhes bya ba dag ste/ 'di ltar chos kyi blo gros dang / thams cad blo gros dang / dpal gyi blo gros dang / yon tan blo gros dang / brtson 'grus blo gros dang / dge ba'i blo gros dang / ye shes blo gros dang / bden pa'i blo gros dang / mchog gi blo gros dang / dam pa'i blo gros dag go /byang chub sems dpa' de dag thams cad kyang 'jig rten gyi khams ming 'di zhes bya ba dag nas 'ongs pa dag ste/ 'di ltar dbang po'i me tog dang / pad+mo'i me tog dang / rin po che'i me tog dang / ut+pa la'i me tog dang / rdo rje'i me tog dang / spos kyi me tog dang / yid du 'ong ba'i me tog dang / 'od zer gyi me tog dang / ldum bu'i me tog dang / nam mkha'i me tog dag go /byang chub sems dpa' de dag thams cad kyang de bzhin gshegs pa mtshan 'di zhes bya ba dag gi zham ring na tshangs par spyod pa dag ste/ 'di ltar zla ba gzhan ma yin pa dang / zla ba ma mnyam pa dang / zla ba mi g.yo ba dang / zla ba mi sgul ba dang / zla ba chu'i lha dang / zla ba thogs pa med pa dang / zla ba'i 'od zer dang / zla ba rdul med pa dang / zla ba rnams par grub pa dag go/ de nas byang chub sems dpa' de dag thams cad kyis bcom ldan 'das la phyag 'tshal te sangs rgyas kyi mthus phyogs bcur rgyas par bkang nas gang nas 'ongs pa'i phyogs su brten te/ seng+ge'i khri rnam par snang ba'i snying po can dag mngon par sprul nas skyil mo krung bcas te 'khod do/ /ji ltar 'jig rten gyi khams 'di'i ri rab kyi rtse mo la byang chub sems dpa' rnams lhags pa de bzhin du 'jig rten gyi khams thams cad kyi gling bzhi pa thams cad dang / lha'i dbang po'i khang pa kun na yang de bzhin te/ byang chub sems dpa' ming de skad ces bya ba sha stag go /'jig rten gyi khams kyang de skad ces bya ba nas 'ongs pa sha stag go /de bzhin gshegs pa yang mtshan de skad ces bya ba'i zham ring na tshangs par spyod par sha stag go / de nas bcom ldan 'das kyis zhabs kyi mtho bong gnyis nas 'od zer bye ba phrag stong pa kye ste/ phyogs bcu thams cad snang bar byas nas 'jig rten gyi khams thams cad kyang bstan to/ /byang chub sems dpa' de dag thams cad kyis kyang 'jig rten gyi khams de dag thams cad kyi gling bzhi pa thams cad dang / ri rab kyi rtse mo thams cad de bzhin gshegs pa'i rnam par 'phrul pa yod pa thams cad kyang mthong bar gyur to/ /de nas byang chub sems dpa' chos kyi blo gros kyis sangs rgyas kyi mthus phyogs bcur rnam par bltas te de'i tshe tshigs su bcad pa 'di skad smras so/ /snang ba dri ma med la ltos/ /ri rab rtse mo thams cad la/ /mgon po dag ni rab tu snang / /rnam par rgyal ba kun na bzhugs/ /lha'i rgyal po thams cad kyis/ /spyan drangs shing ni gshegs par gyur/ /kun kyang sangs rgyas bcu dag gis/ /rab tu gshegs pas mngon par bstod/ /kun gyi 'khor kyang gcig pa ste/ /byang chub sems dpa' mang po lhags/ /phyogs bcu dag nas 'ongs gyur cing / /yid du 'ong ba'i stan la 'khod/ / kun gyi ming yang 'di nyid de/ /ji ltar nged la btags pa bzhin/ /'jig rten khams kyi ming dag kyang / /de skad dag nas kun kyang 'ongs/ /'jig rten khams rnams thams cad na/ /drang srong chen po'i mtshan kyang de/ /de na tshangs spyod bla med la/ /the tshom med par de dag spyod/ /kye ma rgyal sras khyed ltos shig /drang srong chen po'i byin rlabs kyis/ /'dzam bu'i gling rnams thams cad na| |rgyal ba 'di na bzhugs snyam byed/ /bdag cag rnams ni 'di snyam du/ /ri rab rtse la bde gshegs snyam/ /'jig rten khams rnams kun na yang / /sangs rgyas ngo mtshar rmad re che| |'jig rten khams rnams thams cad na/ /byang chub mchog tu sems btang zhing / /de dag smon lam 'di btab ste/ /byang chub spyod pa rab tu spyod/ /kha dog mdog ni tshad med pas/ /gang zag mchog ni spyod byed kyang / /chos kyi dbyings la mi chags te/ /de dag sus kyang mi shes so/ /gang gis 'jig rten mun bsal cing / /thams cad dus su rnam snang ba/ /de la 'dra ba gang yang med/ /de ni shes par ji ltar rung / /de nas byang chub sems dpa' thams cad blo gros kyis phyogs bcur rnam par bltas te de'i tshe tshigs su bcad de smras so/ /'dren pa rnams ni mthong nas kyang / /bskal pa mang po 'das gyur te/ /'jig rten mgon skyob de dag gi /chos nyid de ni shes pa min/ /mtshan ma dag la spyod pa rnams/ /gti mug dra ba 'phel bar gyur/ /sangs rgyas gang gis ma mthong ba/ /'khor ba'i btson rar ldongs pa yin/ /chos rnams 'di dag brtags byas na/ /rang bzhin shes par mi rung ste/ /skye dang shi 'phor gyur pa rnams/ /ming tsam du ni bstan pa yin/ /chos rnams gang yang 'pho ba med/ /gang yang de bzhin skye ba med/ /chos nyid 'di ni shes gyur na/ /sangs rgyas kun na rab tu snang / /gzung du med cing bltar med cing / /chos kyi rnams ni rang bzhin med/ /dngos med pa yi mtha' shes na/ /sangs rgyas rnams la tshang kyang med/ /tshad med pa yi chos rnams kyi/ /rang bzhin gang gis yongs shes pa/ /des ni ci zhig yod ces par/ /mthong bar 'gyur ba gang yang med/ /gang rnams mtshan ma'i rjes 'brang ba/ /de dag byis pa'i chos nyid de/ /de phyir mtshan nyid kun med pa'i/ /sangs rgyas rnams kyang mi mthong ngo / /dus gsum byung ba'i thub pa rnams/ /mtshan rab kun dang ldan pa ste/ /mi gnas tshul du bzhugs pa yin| |chos kyi dbyings la g.yo ba med/ /la la dag gi chos nyid shes/ /la la dag ni chos kyang brjod/ /gang la the tshom mi mnga' ba'i/ /yang dag sangs rgyas de ring mthong / / sangs rgyas rnams kyis chos nyid 'di/ /chos kyi blo gros 'dis brjod do/ /de thos nas kyang bdag gis ni/ /sangs rgyas byang chub bsam yas shes/ /de nas byang chub sems dpa' dpal gyi blo gros kyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad pa 'di dag smras so/ /kye ma sangs rgyas dpal mnga' ba'i/ /ye shes shes rab shin tu che/ /de la 'jig rten shin tu rmongs/ /sangs rgyas chos ni bsam mi khyab/ /tshul bzhin ma yin 'du shes kyis/ /byis pa rnams ni sems byed pas/ /de phyir 'du shes kun sbyangs pa'i/ /sangs rgyas rnams ni mi mthong ngo / /shes rab chung ba thams cad ni/ /phung po'i 'du shes rnams la gnas/ /phung po rnam par ma bsgoms pas/ /de bzhin gshegs pa mi mthong ngo / /dngos med dngos su bshad pa ni/ /bdag gi dngos zhes bya ba yin/ /chos rnams thams cad shes bgyis shing / /rgyal ba rnam par snang mdzad ltos/ /sngon chad phung po'i tshul bzhin du/ /ma 'ongs rnams kyang sus mthong ba/ /ma 'ongs pa yi tshul shes pas/ /sangs rgyas bsam gyis mi khyab ltos/ /ji ltar snang ba med pa yi/ /mun pa'i nang na gzugs mi snang / /de bzhin chos rnams bshad pa ni/ /mkhas kyang shes par mi rung ngo / /ji ltar dri ma ldan mig gis/ /gsal ba'i gzugs kyang mi mthong ngo / /de bzhin sems ni ma sbyangs pas/ /sangs rgyas chos ni mi mthong ngo / /ji ltar nyi ma bsgribs med pa/ /rab rib can gyis mi mthong ba/ /de bzhin phug na gnas sems kyis| |sangs rgyas dag ni mi mthong ngo / /de bas mig ni rnam par sbyongs/ /gzugs kyi 'du shes rnam par sgoms/ /chos rnams mthong ba med pa yis/ /'od mdzad rab tu mthong ma yin/ /ji ltar sngon blos kun bshad cing / /bdag gis ji ltar thos pa bzhin/ /sangs rgyas byang chub mi rnyings pa/ /rnam par snang mdzad rab tu mthong / /de nas byang chub sems dpa' yon tan blo gros kyis sangs rgyas kyis mthus phyogs bcur rnam par bltas te de'i tshe tshigs su bcad pa 'di dag smras so/ /gnas med pa yi chos rnams la/ / gnas ni yongs su brtags pas na/ /de phyir srid pa'i brtson ra na/ /byis pa rnams ni rab tu 'khor/ /brjod pas brjod du mi rung chos/ /zlo zhan rnams kyis rnam par brtags/ /des ni yongs su bsgribs byas pas/ /bdag gi sems kyang rab rmongs byed/ /shes rab chung la lam nor cing / /bdag gi sems la mi mkhas pa/ /phyin ci log gi blo dag gis/ /mi bzad lus ni 'phel bar byed/ /gang gis stong pa ma mthong ba/ /de dag 'khor zhing nyam yang nga / /chos mig bsam gyis mi khyab pa'i/ /mig kyang de la yod pa min/ /de bas mig ni sbyang bar gyis/ /bsam pa rnams kyang rnam par sems/ /gang phyir bdag cag sngon chad du/ /bde gshegs ma mthong chud kyang zos/ /yang dag sangs rgyas mthong ba na'ang / /gang gi sems la chags med pa/ /des ni sangs rgyas cis byung ba'i/ /chos rnams de dag rab tu mthong / /gang gis shes rab che mnga' ba/ /chos su bde gshegs mthong ba rnams/ /de dag 'jig rten mig can te/ /gang gis mthong ba mthong zhes bya/ /lhag mthong med par mthong ba ni/ /chos rnams ngan par mthong ba ste/ /lhag mthong gis ni mthong gyur na/ /thams cad mthong ba med pa yin/ /kye ma chos kyi chos nyid ni/ /yang dag sangs rgyas rnams kyis bshad/ /de ni rang bzhin thams cad du/ /shi ba med cing 'tsho ba med/ /sangs rgyas byang chub ji 'dra ba| |dpal gyi blos ni sngon bstan te/ /de las bdag gis thos nas kyang / /sangs rgyas chos nyid shes ma gyur/ /de nas byang chub sems dpa' brtson 'grus blo gros kyis phyogs bcur rnam par bltas te de'i tshe tshigs su bcad pa 'di dag smras so/ /rnam par rtog pa spyod pa yi/ /mig ni shin tu 'khrul pa yin/ /'khrul par mthong ba log pa ste/ /sangs rgyas la ni log mi mnga'/ /gang gis log par shes gyur te/ /yang dag ji bzhin ma nor la/ /yang dag ma yin bden shes na/ /sangs rgyas dri med mthong ba yin/ /mthong ba dag gis dri mar 'gyur/ /rnam par mthong na de med de/ /sangs rgyas rnams ni mthong dang bral/ /de bas rnam par gzigs zhes bya/ /de ni 'jig rten spyod pa ste/ /'jig rten de yang rnam par brtags/ /'jig rten 'jig pa shes gyur na/ /snang ba dag ni skye bar 'gyur/ /'jig rten rnams kyi snang pa ni/ /'jig rten mtshan nyid snang ba ste/ /yang dag ji bzhin bsam byas shing / /de ltar mthong na mthong ba'o/ /de ltar mthong na nyon mongs med/ /dbang du gyur cing zag pa med/ /gang gis tha dad med mthong ba/ /dngos por brtags pa ma yin no/ /rtog dang rnam par rtog pa ni/ /sangs rgyas chos rnams brjod pa ste/ /de dag yod pa ma yin pas/ /rang bzhin de phyir sbyangs pa yin/ /de dag rang bzhin rnam par dag/ nam mkha' bzhin du mtshan nyid med/ /de dag la ni ston pa med/ /mkhas pa rnams kyis de ltar ltos/ /chos rnams la ni mos med de/ /chos kyi 'du shes rnams bsgoms shing // shes pa de yang ma bsgoms pa/ /des ni thub chen mthong ba yin/ /ji ltar yon tan blos brjod pa/ /de ltar yang dag sangs rgyas mthong / /de mthong bas na 'du byed kun/ /rang bzhin gyis ni rnam par zhi/ /de nas byang chub sems dpa' dge ba'i blo gros kyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad pa 'di dag smras so/ /kye ma sangs rgyas dpa' chen rnams/ /de bzhin gshegs pa tshad med do/ /rnam grol thugs ni sdig mi mnga'/ /'jig rten mthar phyin rgal ba'o/ /yang dag ji bzhin ma nor bar/ /bskal pa rnams ni tshad med pas/ /ji ltar mkhas pas mthong ba bzhin/ /'jig rten sgron mas rab tu gzigs/ /'du byed thams cad skad cig ma/ /so so'i skye bo de dag 'gengs/ /nam mkha'i khams ni bzung byas shing / /de dag de phyir khom pa med/ /khom pa med ces bya ba ni/ /ci yang brjod du med pa ste/ /khom pa med pa'i rang bzhin gyis/ / khom pa bsam gyis mi khyab thob/ /gang la dngos po med pa yi/ /mi zad khom pa med par bshad/ /yod pa'i rang bzhin shes gyur na/ /des ni grags chen mthong ba yin/ /mthong ba med pa mthong zhes bya/ /yod pa med pa'ang yod ces bya/ /mthong ba dag gam yod pa min/ /ma bsgoms pa ni rnam par bsgoms/ /ji ltar blta ba sus mthong ba/ /de dag gis ni lta ba bshig / gang la sangs rgyas smos pa yi/ /de dag chos rnams zhig pa med/ /ji ltar thub pas bstan pa bzhin/ /sangs rgyas yongs su sus mthong ba/ /de ni 'jig rten snang bar byed/ /rgyal ba rnam par snang mdzad bzhin/ /chos rnams kyi ni snang ba gcig /de bzhin gshegs pas rab tu bstan/ /des ni brtson blo brtan pa de/ /chos mang bye ba rab tu ston/ /yod dang med pa shes byas te| |gang gi 'du shes rnam bsgoms pa/ /des ni sangs rgyas mthong ba ste/ /yang dag mtha' la rab tu gnas/ /de na byang chub sems dpa' ye shes blo gros kyis sangs rgyas kyi mthus phyogs bcur rnam par bltas te de'i tshe tshigs su bcad pa 'di dag smras so/ /rgyal ba'i bstan pa 'di thos pas/ /snang ba bdag cag shes par gyur| |phyogs bcu kun tu snang ba yi/ /yang dag sangs rgyas des kyang mthong / /sems can rang bzhin yod gyur pa/ /de ni sems can g.yang sa ste/ /'di la ci yang yod pa min/ / tshig gi lam rnams bsdus pa 'o/ /byis pa 'dzin dang bcas pa rnams/ /bdag lus yang dag 'dzin pa la/ /sangs rgyas snang bar mi 'gyur te/ /de bzhin gshegs pa gzung ba med/ / yang dag sangs rgyas ma mthong zhing / /gang rnams mig yod ma yin pa/ /de skad bskal pa grangs med du/ /srid pa'i gang chen mtsho na 'khor/ /nyon mongs can ni 'khor bar bshad// nyon mongs med pa mya ngan 'das/ /mya ngan 'das dang 'khor ba yang / /rang bzhin rnyed par mi rung ngo / /'khor zhes bya ba brda yin te/ /mya ngan 'das pa brjod pa yin/ /'phags pa'i chos rnams ma skyes pa/ /bla ma dag ni mi shes so/ /'di ni sangs rgyas rgyal ba 'di/ /'di yin 'di 'dra'i 'du shes can/ /de dag sangs rgyas mi mthong ste/ /tshul bzhin ma yin phyin ci log / zhi ba'i rang bzhin ji lta bar/ /gang gis zhi ba shes gyur pa/ /des ni tshig gi lam 'das pa'i/ /yang dag sangs rgyas rab tu mthong / /chos rnams kun gyi spyod pa ni/ /rab tu brjod kyang bstan pa med/ /'on kyang mnyam pa nyid du blta/ /rgyal ba chos rnams kun dang mnyam/ /yang dag sangs rgyas mtha' dbus med/ /thog ma dag dang tha mar yang / /'gal med rtsa ba med pas na/ /de ni sangs rgyas de phyir brjod/ /de nas byang chub sems dpa' bden pa'i blo gros kyis sangs rgyas kyi byin gyi rlabs kyis phyogs bcur rnam par bltas te de'i tshi tshigs su bcad pa 'di dag smras so/ /sangs rgyas rnams ni mnyam pa'i phyir/ /bskal pa bsam gyis mi khyab par/ /sems can dmyal bar gnas kyang bla/ /de ni bde ba bsam mi khyab| |ci phyir zhe na bskal pa rnams/ /grangs med sdug bsngal sngon chad byung / /'on kyang bde gshegs ma thos pas/ /bdag cag 'khor las ma grol lo/ /de bzhin ma nor chos kyi rnams/ /yang dag nyid du rtogs gyur te/ /gang la 'grogs pa med pa rnams/ /de dag byang chub bla na med/ /sangs rgyas rnams dang mngon sum pa/ /sngon chad ma byung 'byung mi 'gyur| |gang phyir sangs rgyas brjod pa'i chos/ /de dag mtshan nyid med pa 'o/ /chos rnams blta dka' ji bzhin du/ /gang zhig de ltar rtog pa ni/ /de dag sangs rgyas kun gzigs pa| |yang dag lta bas shin tu mthong / /yang dag la ni yang dag gzigs/ /yang dag min par yang dag min/ /'di yi mtha' ni ston pas na/ /sangs rgyas sangs rgyas zhes kyang bya/ /khor du ma chud chos bstan te/ /sangs rgyas chos rnams rab tu brjod/ /'di ni sangs rgyas sgom pa ste/ /gcig tu dmigs pa ma yin no/ /de ltar mang dang gcig gnas pa/ /mang po dag tu rnam par shes/ /gnas pa med pa'i chos rnams kyis/ /bsags pa dag kyang rab tu byas/ /byas pa med cing byed pa med/ /las kyi 'du shes rnam bsgoms shing / /las 'di ji bzhin shes byas nas/ /rnam pa dag kyang mi dmigs so/ /gang la sangs rgyas bzhugs pa yi/ /nges pa'i gnas ni dmigs med pas/ / gnas pa med pa'i chos rnams kyis/ /sangs rgyas g.yo ba gang yang med/ /de nas byang chub sems dpa' mchog gi blo gros kyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad pa 'di dag smras so/ /sems can chen po bla na med/ /sems can 'du shes rnam par bsgoms/ /'jug par bya ba gang yang med/ /de bas bla na med ces bya/ /gang la phra ba yod min pa/ /de la sbom pa'ang yod pa min/ /de ni sangs rgyas rnams kyis brnyes/ /rnam par mi rtog 'dus ma byas/ /gang zhig sangs rgyas spyod yul ba/ /de la phra ba yod pa min/ /yang dag sangs rgyas bgrang dang bral/ /de ni sangs rgyas chos nyid do/ /mun pa rnams ni rnam gsal cing / /de bzhin gshegs pa rnam par snang / /de la snang ba gang yang med/ /mi snang ba yang ci yang med/ /thams cad chos la kun nas dga'/ /skyes pa med cing gnas pa med/ /'dod chags med cing rten pa med/ /chos nyid de yang sbed pa med/ /gang la gnyis su bgrang med cing / /gcig kyang yod pa ma yin pas/ /ji bzhin rab tu gnas pa yi/ /shes rab chen po legs par mthong / /mi gnyis pa la gnyis pa med/ /gnyis pa med pa stong pa ste/ /stong pa de yang khams gsum kun/ /de ni sangs rgyas mthong ba'o/ /byis pas byang chub mi shes kyang / /de dag de la rab tu gnas/ /gnas pa med pa'i chos rnams kyis/ /rang gi lus ni rjes su blta/ /lus med pa ni lus su bshad/ /'byung ba med cing bstan du med/ /'jig tshogs mang po bltar med pa/ /sangs rgyas sku ni bla na med/ /sangs rgyas chos kyi rang bzhin nyid/ /de skad bden pa'i blos smras te/ /de thos pas ni mig kyang sbyangs/ /shin tu 'od kyang dang zhing snang / /de nas byang chub sems dpa' dam pa'i blo gros kyis sangs rgyas kyi byin gyi rlabs kyis phyogs bcur rnam par bltas te de'i tshe tshigs su bcad de smras pa/ drin gzo med pa'i sems can phyir/ /skyes bu drang srong mchog gi rnams/ /dpa' chen sems can gtso bo dag /'od mdzad pa ni rab tu byung / /thugs rje chen po bskyed mdzad de/ /sems can khams la rnam gzigs kyang / /srid pa'i bcings pas sdug bsngal ba'i/ /sems can rnams ni de nas gzigs/ /'jig rten lha dang bcas pa na/ /yang dag sangs rgyas dpal mnga' ba/ /sems can gtso bo ma gtogs par/ /skyob pa gzhan ni gang yang med/ /gal te sangs rgyas ma skyes la/ /byang chub sems dpa' 'di 'dra dag /med na 'jig rten khams kun na/ /sems can bde ba gcig mi 'byung / /sems can gtso bo 'dren mdzad pa/ /de bzhin gshegs pa skyes pa dang / /byang chub sems dpa' 'di 'dra dag /'byung ba 'jig rten bde ba'i rgyu/ /gang gis de bzhin gshegs mthor ba/ /de dag 'thob pa legs par thob/ /gang gis thos shing dad 'gyur ba/ /de yang 'jig rten mchod rten no/ /gang gis sangs rgyas mthong gyur pa/ / bdag cag rnams kyis thob legs thob/ /'di dang 'dra ba'i tshul thos pas/ /kun kyang yang dag sangs rgyas 'gyur/ /'das pa'i dus na'ang dpal 'di yod/ /byang chub sems dpa' thams cad kyi/ /shes rab mig ni rnam sbyangs bas/ /spyod yul 'di dag mthong bar 'gyur/ /rnam par snang mdzad thub mthong nas/ /da dung phyir zhing dad pa skye/ /de yi ye shes mtha' yas pas/ /da dung brjod du yod pa min/ /gang zhig mchog gi blos smras dang / /rgyal sras gzhan gyis bshad pa rnams/ /de dag da dung bdag gis kyang / /bskal pa bsam yas bshad par bya/ /shin tu rgyas pa chen po'i mdo/ sangs rgyas phal po che zhes bya ba las/ ri rab kyi rtse mor de bzhin gshegs pa'i rnam par 'phrul pa dang / byang chub sems dpa'i tshogs kyi tshigs su bcad pa'i le'u ste/ bcu dgu pa'o// //shin tu rgyas pa chen po'i mdo/ sangs rgyas phal po che zhes bya ba theg pa chen po'i mdo/ bam po nyi shu gcig pa/ de nas byang chub sems dpa' chos kyi blo gros kyis de'i tshe sangs rgyas kyi byin gyi rlabs kyis sbyor ba mtha' yas pa zhes bya ba'i ting nge 'dzin la mnyam par bzhag go / de ltar byang chub sems dpa' chos kyi blo gros kyis byang chub sems dpa'i ting nge 'dzin sbyor ba mtha' yas pa zhes bya ba de la mnyam par bzhag ma thag tu de'i mod la phyogs bcu'i p hyogs re re'i 'jig rten gyi khams sangs rgyas kyi zhing gi rdul shin tu phra ba snyed kyi pha rol nas sangs rgyas bcom ldan 'das sangs rgyas kyi zhing bcu'i rdul shin tu phra ba snyed kun kyang chos kyi blo gros zhes bya bar mthun pa sha stag gis zhal mngon par bstan pa mthong bar gyur te/ sangs rgyas bcom ldan 'das de dag gis 'di skad ces kyang bka' stsal te| chos kyi blo gros/ khyod de ltar byang chub sems dpa'i ting nge 'dzin sbyor ba mtha' yas pa la mnyam par gzhog pa legs so/ /legs so/ /de bas na rigs kyi bu/ khyod la phyogs bcu nas de bzhin gshegs pa sangs rgyas kyi zhing bcu'i rdul shin tu phra ba snyed kun kyang mtshan mthun pa sha stag gis bcom ldan 'das de bzhin gshegs pa rnam par snang mdzad kyi sngon gyi smon lam dang / khyod bdag gi dge ba'i rtsa bas nye bar bstan pas 'di lta ste/ chos thams cad bstan par bya ba dang / sangs rgyas kyi ye shes rnam par 'phel bar bya ba dang / chos kyi dbyings su chud par bya ba dang / sems can gyi khams rnam par bsgom pa dang / chags pa med pa nyid du chud par bya ba dang / bsgribs pa med pa'i spyod yul thob par bya ba dang / kun nas sbyor ba thob par bya ba dang / thams cad mkhyen pa nyid yongs su gzung bar bya ba dang / chos thams cad khong du chud par bya ba dang / dbang po thams cad yongs su shes par bya ba dang / chos bstan pa thams cad yongs su gzung ba dang / 'di lta ste/ byang chub sems dpa'i rnam par dgod pa bcu la rtsom par bya ba'i phyir byin gyis brlabs pa mdzad kyi/ rigs kyi bu/ khyod kyis sangs rgyas kyi mthu dang / sangs rgyas kyi byin gyi rlabs kyis chos bstan pa 'di la spobs pa skyed cig / de nas sangs rgyas bcom ldan 'das de dag gis byang chub sems dpa' chos kyi blo gros la chags pa med pa nye bar sgrub pa mdzad do/ /thogs pa med pa nye bar sgrub pa mdzad do/ /mchod pa med pa nye bar sgrub pa mdzad do/ /rmongs pa med pa nye bar sgrub pa mdzad do/ /tha dad pa med pa nye bar sgrub pa mdzad do/ /kha na ma tho ba med pa nye bar sgrub pa mdzad do/ / dpag tu med pa nye bar sgrub pa mdzad do/ /zhum pa med pa nye bar sgrub pa mdzad do/ /'phrog pa med pa nye bar sgrub pa mdzad do/ /de ci'i phyir zhe na/ ting nge 'dzin 'di nyid kyi chos nyid thob pa'i phyir ro| |de nas sangs rgyas bcom ldan 'das de dag gis byang chub sems dpa' chos kyi blo gros kyi spyi bo la phyag g.yas pas byug pa mdzad de/ de ltar sangs rgyas bcom ldan 'das de dag gi phyag gis reg ma thag tu byang chub sems dpa' chos kyi blo gros ting nge 'dzin de las langs te byang chub sems dpa' de dag la smras pa/ kye rgyal ba'i sras dag /byang chub sems dpa'i rigs zhes bya ba 'di ni/ chos kyi dbyings kyis klas pa/ nam mkha'i mthas gtugs pas shin tu yangs pa ste/ de la gnas pa'i byang chub sems dpa' rnams ni| 'das pa'i sangs rgyas bcom ldan 'das rnams kyi rigs su skye ba yin/ ma byon pa'i sangs rgyas bcom ldan 'das rnams kyi rigs su skye ba yin/ da ltar byung ba'i sangs rgyas bcom ldan 'das rnams kyi rigs su skye ba yin/ kye rgyal ba'i sras dag /byang chub sems dpa' brtson par byed pa gang las bsam ste de skad du smras pa de dag gang zhe na/ kye rgyal ba'i sras dag /bcu po 'di dag ni/ byang chub sems dpa' rnam par dgod pa ste/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs pa dang / gsung ba dang / gsung bar 'gyur ba dag go /bcu gang zhe na/ 'di lta ste/ sems dang po bskyed pa'i byang chub sems dpa' rnam par dgod pa dang / las dang po pa'i byang chub sems dpa' rnam par dgod pa dang / rnal 'byor la spyod pa'i byang chub sems dpa' rnam par dgod pa dang / cher skyes pa'i byang chub sems dpa' rnam par dgod pa dang / sbyor ba phun sum tshogs pa'i byang chub sems dpa' rnam par dgod pa dang / bsam pa phun sum tshogs pa'i byang chub sems dpa' rnam par dgod pa dang / phyir mi ldog pa'i byang chub sems dpa' rnam par dgod pa dang / gzhon nur gyur pa'i byang chub sems dpa' rnam par dgod pa dang / rgyal tshab kyi byang chub sems dpa' rnam par dgod pa dang / dbang bskur ba'i byang chub sems dpa' rnam par dgod pa'o/ /kye rgyal ba'i sras/ bcu po de dag ni/ byang chub sems dpa' rnam par dgod pa ste/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyis gsungs pa dang / gsung ba dang / gsung bar 'gyur ba dag go /kye rgyal ba'i sras dag /de la sems dang po bskyed pa'i byang chub sems dpa' gang zhe na/ kye rgyal ba'i sras dag /'di la byang chub sems dpa' sangs rgyas bcom ldan 'das rnams mthong nas mdzes pa dang / bzang ba dang / mig tu thong ba dang / kha dog rgyas pa dang / thub par dka' ba dang / mthu che bar mthong ba'o/ /rdzu 'phrul gyi rnam par 'phrul ba dang / yongs su bstan pa'i rnam par 'phrul ba dang / rjes su bstan pa'i rnam par 'phrul pa mthong ba'am/ sems can sdug bsngal ba mthong ba'am/ de bzhin gshegs pa dgra bcom pa yang dag par rdzogs pa'i sangs rgyas kyi de bzhin gshegs pa'i chos rgya chen po thos par gyur nas thams cad mkhyen pa nyid du smon cing / snga phyi med par byang chub tu sems bskyed de/ sems bskyed pa dang po des ni/ thub par dka' ba'i gnas bcu yongs su bzung bar 'gyur te/ bcu gang zhe na/ 'di ltar gnas dang gnas ma yin pa shes pa dang / las kyi rnam par smin pa shes pa dang / kun nas nyon mongs pa dang rnam par byang ba shes pa dang / dbang po dang / brtson 'grus rnam pa tha dad pa yongs su rdzogs pa mchog dang tha ma shes pa dang / mos pa tha dad pa dang mos pa du ma shes pa dang / khams tha dad pa dang khams du ma shes pa dang / thams cad du 'gro ba'i lam shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba shes pa dang / rjes su dran pa bsgribs pa med pa shes pa dang / chags pa med pa'i lha'i mig shes pa dang / dus gsum mnyam pa nyid du zag pa med pa shes pa'o/ /thub par dka' ba'i gnas bcu po de dag yongs su zin par 'gyur te/ de ni/ sems dang po bskyed pa'i byang chub sems dpa'o// kye rgyal ba'i sras dag /de ltar byang chub sems dpa' sems dang po bskyed pa de ni/ sangs rgyas mchod pa la sbyar bar bya ba ste/ byang chub sems dpa' bsten par bde ba yang de la brjod par bya'o/ /'jig rten gyi nang na gtso bor gyur pa yang de la brjod par bya'o/ /phul du phyin pa yang de la brjod par bya'o/ /zil gyis mi non pa'i gnas kyang de la brjod par bya'o// sangs rgyas kyi bdag nyid che ba yang de la bstan par bya'o/ /sangs rgyas tshad med pa dang 'phrad par 'gyur ba yang de la bstan par bya'o/ /rab tu zhi ba'i ting nge 'dzin gyi sbyor ba yang de la brjod par bya'o/ /'khor ba'i 'khor lo las ldog par 'gyur ba yang de la brjod par bya'o/ /sems can sdug bsngal ba yongs su bskyab pa yang de la brjod par bya'o/ /de ci'i phyir zhe na| sangs rgyas kyi chos thams cad la de bas kyang shas cher sems skye bar bya ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring 'jog par mi 'gyur bar bya ba'i phyir te/ kye rgyal ba'i sras dag /'di ni/ sems dang po bskyed pa'i byang chub sems dpa' rnam par dgod pa'o/ /kye rgyal ba'i sras dag /de la las dang po pa'i byang chub sems dpa' rnam par dgod pa gang zhe na/ kye rgyal ba'i sras dag /'di la byang chub sems dpa' thog ma nyid du sems can thams cad la rnam pa bcur sems nye bar gzhog ste/ bcu gang zhe na/ 'di lta ste/ phan pa'i sems nye bar gzhog go /snying brtse ba'i sems dang / bde ba'i sems dang / gnas pa'i sems dang / byams pa'i sems dang / phan 'dogs pa'i sems dang / yongs su srung ba'i sems dang / mnyam pa'i sems dang / slob dpon gyi sems dang / ston pa'i sems nye bar gzhog go /rnam pa bcu po de dag gis sems can thams cad la sems nye bar gzhog ste/ kye rgyal ba'i sras dag /'di ni/ las dang po pa'i byang chub sems dpa'o/ /kye rgyal ba'i sras dag /de la byang chub sems dpa' las dang po pa de ni/ thog ma nyid du kha ton la yongs su bskul bar bya'o/ /mang du thos nas dben par gnas pa la yongs su bskul bar bya'o/ /rab tu dben par gyur nas dge ba'i bshes su 'gyur bar yongs su bskul bar bya'o/ /dge ba'i bshes su gyur nas nga lo bde ba la yongs su bskul bar bya'o/ /nga lo bde bar gyur nas dus shes pa la yongs su bskul bar bya'o/ /dus shes nas mi 'jigs pa la yongs su bskul bar bya'o/ /mi 'jigs par gyur nas don shes pa la yongs su bskul bar bya'o/ /don shes nas chos kyi rjes su 'brang ba la yongs su bskul bar bya'o/ /chos kyi rjes su 'gro bar gyur nas rmongs pa med pa la yongs su bskul bar bya'o/ /rmongs pa med par gyur nas rnam par dgod pa la yongs su bskul bar bya'o/ /de ci'i phyir zhe na/ sems can thams cad de la de bas kyang shes cher snying rje chen po mngon du gzhog par bya ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring 'jog par mi 'gyur bar bya ba'i phyir te/ kye rgyal ba'i sras dag /'di ni/ las dang po pa'i byang chub sems dpa' rnam par dgod pa'o/ /kye rgyal ba'i sras dag /de la rnal 'byor la spyod pa'i byang chub sems dpa' rnam par dgod pa gang zhe na/ kye rgyal ba'i sras dag / 'di la byang chub sems dpa' dmigs pa'i rnam pa bcus chos thams cad la brtson par byed de/ bcu gang zhe na/ 'di ltar chos thams cad mi rtag pa dang / chos thams cad sdug bsngal ba dang / chos thams cad stong pa nyid dang / chos thams cad bdag med pa dang / chos thams cad byed pa med pa dang / chos thams cad myong ba med pa dang / chos thams cad brda med pa dang / chos thams cad gnas med pa dang / chos thams cad rnam par rtog pa med pa dang / chos thams cad ched du byed pa med pa ste/ dmigs pa'i rnam pa bcu po de dag gis chos kyi rjes su 'brang ba'i tshul du brtson par byed de/ kye rgyal ba'i sras dag /'di ni/ rnal 'byor la spyod pa'i byang chub sems dpa'o/ /kye rgyal ba'i sras ngag /de ltar rnal 'byor la spyod pa'i byang chub sems dpa' de ni/ sems can gyi khams brtag pa la yongs su bskul bar bya'o/ /chos kyi khams brtag pa la yongs su bskul bar bya'o/ /'jig rten gyi khams brtag pa la yongs su bskul bar bya'o/ /sa'i khams brtag pa la yongs su bskul bar bya'o/ /chu'i khams brtag pa la yongs su bskul bar bya'o/ /me'i khams brtag pa la yongs su bskul bar bya'o/ /rlung gi khams brtag pa la yongs su bskul bar bya'o/ /'dod pa'i khams brtag pa la yongs su bskul bar bya'o/ /gzugs kyi khams brtag pa la yongs su bskul bar bya'o/ /gzugs med pa'i khams brtag pa la yongs su bskul bar bya'o/ /de ci'i phyir zhe na/ de bas kyang chos la snang ba 'byung ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring 'jog par mi 'gyur ba'i phyir te/ kye rgyal ba'i sras dag /'di ni/ rnal 'byor la spyod pa'i byang chub sems dpa' rnam par dgod pa'o/ /kye rgyal ba'i sras dag /de la cher skyes pa'i byang chub sems dpa' gang zhe na/ kye rgyal ba'i sras dag /'di la byang chub sems dpa' 'phags pa'i gsung rab la yongs su smin pa bcus skyes pa yin te/ bcu gang zhe na/ 'di ltar phyir mi ldog pa dang / sangs rgyas la shes pas mos pa'i mthar phyin pa dang / chos nges par rtogs pa dang / sems can rnam par bsgoms pa dang / zhing rnam par bsgoms pa dang / 'jig rten gyi khams rnam par bsgoms pa dang / las rnam par bsgoms pa dang / rnam par smin pa rnam par bsgoms pa dang / 'khor ba rnam par bsgoms pa dang / mya ngan las 'das pa rnam par bsgoms pa ste/ yongs su smin pa bcu po 'di dag gis 'phags pa'i gsung rab las skyes pa yin te/ kye rgyal ba'i sras dag /'di ni/ cher skyes pa'i byang chub sems dpa'o/ /de ltar cher skyes pa'i byang chub sems dpa' de ni/ 'das pa'i sangs rgyas rnams kyi chos rnam par sgom pa la yongs su bskul bar bya'o/ /ma byon pa'i sangs rgyas kyi chos rnam par sgom pa la yongs su bskul bar bya'o/ /da ltar byung ba'i sangs rgyas kyi chos rnam par sgom pa la yongs su bskul bar bya'o/ /'das pa'i sangs rgyas kyi chos yang dag par sgrub pa rnam par sgom pa la yongs su bskul bar bya'o/ /ma byon pa'i sangs rgyas kyi chos yang dag par sgrub par bya ba rnam par sgom pa la yongs su bskul bar bya'o/ /da ltar byung ba'i sangs rgyas kyi chos yang dag par sgrub pa rnam par sgom pa la yongs su bskul bar bya'o/ /'das pa'i sangs rgyas kyi chos yongs su sgrub pa rnam par sgom pa la yongs su bskul bar bya'o/ /ma byon pa'i sangs rgyas kyi chos yongs su bsgrub par bya ba rnam par sgom pa la yongs su bskul bar bya'o/ /da ltar byung ba'i sangs rgyas kyi chos yongs su sgrub pa rnam par sgom pa la yongs su bskul bar bya'o/ /sangs rgyas mnyam pa nyid rnam par sgom pa la yongs su bskul bar bya'o| |de ci'i phyir zhe na/ de dus gsum mnyam pa nyid la de bas kyang sems 'jug par bya ba dang / gnas gang thos kyang de la bdag nyid sbyor ba dang / bdag nyid gzhan gyi dring la 'jog par mi bya ba'i phyir te/ kye rgyal ba'i sras dag /'di ni/ cher skyes pa'i byang chub sems dpa' rnam par dgod pa'o/ /kye rgyal ba'i sras dag /de la sbyor ba phun sum tshogs pa'i byang chub sems dpa' gang zhe na/ kye rgyal ba'i sras dag /'di la byang chub sems dpa' dge ba'i rtsa ba gang ci rtsom yang rung ste/ de thams cad sems can thams cad yongs su bskyab pa'i phyir rtsom mo/ /sems can thams cad la phan par bya ba'i phyir rtsom mo/ /sems can thams cad yongs su dgrol bar bya ba'i phyir rtsom mo/ /sems can thams cad la snying brtse ba'i phyir rtsom mo/ /sems can thams cad yongs su smin par bya ba'i phyir rtsom mo/ /sems can thams cad yongs su dgrol bar bya ba'i phyir rtsom mo/ /sems can thams cad la gnod pa med par bya ba'i phyir rtsom mo/ /sems can thams cad drang ba'i phyir rtsom mo/ /sems can thams cad dang bar bya ba'i phyir rtsom mo/ /sems can thams cad gdul ba'i phyir rtsom mo/ /sems can thams cad yongs su mya ngan las bzla ba'i phyir rtsom mo/ /kye rgyal ba'i sras dag /'di ni/ sbyor ba phun sum tshogs pa'i byang chub sems dpa' ste/ sbyor ba phun sum tshogs pa'i byang chub sems dpa' de la ni/ sems can mtha' yas pa brjod par bya'o/ /sems can tshad med pa brjod par bya'o/ /sems can grangs med pa brjod par bya'o/ /sems can bsam gyis mi khyab pa brjod par bya'o/ /sems can gzugs med pa brjod par bya'o/ /sems can dpag tu med pa brjod par bya'o/ /sems can stong pa brjod par bya'o/ /sems can byed pa med pa brjod par bya'o/ /sems can dngos po med pa brjod par bya'o/ /sems can rang bzhin med pa brjod par bya'o/ /de ci'i phyir zhe na| de'i sems de bas kyang shas cher mngon par zhen pa la mi gnas par bya ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring mi 'jog par bya ba'i phyir te/ kye rgyal ba'i sras dag /'di ni/ sbyor ba phun sum tshogs pa'i byang chub sems dpa' rnam par dgod pa'o/ /kye rgyal ba'i sras dag /de la bsam pa phun sum tshogs pa'i byang chub sems dpa' gang zhe na/ kye rgyal ba'i sras dag /'di la byang chub sems dpa' chos bcu nyan na/ bsam pa nges pa rab tu 'thob pa yin te/ bcu gang zhe na/ 'di ltar sangs rgyas la snyan pa'am/ mi snyan par brjod kyang sangs rgyas kyi chos la bsam pa nges pa yin/ chos la snyan pa dang / mi snyan par brjod kyang sangs rgyas kyi chos la bsam pa nges pa yin/ byang chub sems dpa' la snyan pa'am/ mi snyan par brjod kyang sangs rgyas kyi chos la bsam pa nges pa yin/ byang chub sems dpa'i spyod pa la snyan ba'am mi snyan par brjod kyang sangs rgyas kyi chos la bsam pa nges pa yin/ sems can gyi khams chung ba dang / sems can gyi khams che ba brjod kyang sangs rgyas kyi chos la bsam pa nges pa yin/ sems can gyi khams kun nas nyon mongs pa dang / sems can gyi khams kun nas nyon mongs pa med par brjod kyang sangs rgyas kyi chos la bsam pa nges pa yin/ sems can gyi khams skyo bar sla ba dang / sems can gyi khams skyo bar dka' ba brjod kyang sangs rgyas kyi chos la bsam pa nges pa yin| chos kyi dbyings chung ba'am/ chos kyi dbyings che bar brjod kyang sangs rgyas kyi chos la bsam pa nges pa yin/ chos kyi dbyings 'grub pa'am/ chos kyi dbyings 'jig par brjod kyang sangs rgyas kyi chos la bsam pa nges pa yin/ chos kyi dbyings yod pa'am/ chos kyi dbyings med par brjod kyang sangs rgyas kyi chos la bsam pa nges pa yin/ kye rgyal ba'i sras dag /de ni/ byang chub sems dpa' bsam pa phun sum tshogs pa ste/ de ltar bsam pa phun sum tshogs pa'i byang chub sems dpa' de la chos la 'jug pa bcu brjod par bya ste/ bcu gang zhe na/ 'di ltar chos thams cad mtshan ma med pa dang / chos thams cad mtshan nyid med pa dang / chos thams cad dngos po med pa dang / chos thams cad yod pa ma yin pa dang / chos thams cad rdzun pa dang / chos thams cad dben pa dang / chos thams cad rang bzhin med pa dang / chos thams cad sgyu ma lta bu dang / chos thams cad rmi lam lta bu dang / chos thams cad rtog pa med pa brjod par bya'o/ /de ci'i phyir zhe na/ de'i bsam pa de bas kyang shas cher mi 'phrog pa la rnam par bsgrub par bya ba dang / gnas gang thos kyang bdag nyid de la sbyor bar bya ba dang / bdag nyid gzhan gyi dring 'jog par mi 'gyur bar bya ba'i phyir te/ kye rgyal ba'i sras dag /'di ni/ bsam pa phun sum tshogs pa'i byang chub sems dpa' rnam par dgod pa'o/ /kye rgyal ba'i sras dag /de la phyir mi ldog pa'i byang chub sems dpa' gang zhe na/ kye rgyal ba'i sras dag / 'di la byang chub sems dpa' dmigs pa bcu nyan pa'i tshe brtan pa rab tu 'thob ste/ bcu gang zhe na/ 'di ltar sangs rgyas yod ce'am/ sangs rgyas med ce na'ang sangs rgyas kyi chos las phyir mi ldog go / chos yod ce'am/ chos med ce na'ang sangs rgyas kyi chos las phyir mi ldog go /byang chub sems dpa'i spyod pa yod ce'am/ byang chub sems dpa'i spyod pa med ce na yang sangs rgyas kyi chos las phyir mi ldog go / byang chub sems dpa' byang chub sems dpa'i spyod pa la 'byung zhe'am/ byang chub sems dpa' byang chub sems dpa'i spyod pa la mi 'byung zhe na yang sangs rgyas kyi chos las phyir mi ldog go / de bzhin gshegs pa 'das she'am/ de bzhin gshegs pa ma 'das shen yang sangs rgyas kyi chos las phyir mi ldog go / de bzhin gshegs pa byon ce'am/ de bzhin gshegs pa byon pa ma yin zhe na yang sangs rgyas kyi chos las phyir mi ldog go /sangs rgyas da ltar byung ba zhe'am/ sangs rgyas da ltar byung ba ma yin zhe na yang sangs rgyas kyi chos las phyir mi ldog go /sangs rgyas kyi ye shes zad mi shes so| |zhe'am/ sangs rgyas kyi ye shes zad shes so/ /zhe na yang sangs rgyas kyi chos las phyir mi ldog go /dus gsum mtshan nyid gcig ce'am/ dus gsum mtshan nyid tha dad ce na yang sangs rgyas kyi chos las phyir mi ldog go / kye rgyal ba'i sras dag /'di ni/ phyir mi ldog pa'i byang chub sems dpa' ste/ de ltar phyir mi ldog pa'i byang chub sems dpa' de la ni/ chos 'byams klas pa bcu brjod par bya ste/ bcu gang zhe na/ 'di lta ste/ gcig las rnam pa tha dad par 'gyur ba brjod par bya'o/ /mang po las tha mi dad par brjod par bya'o/ /don dang mthun pa'i yi ge brjod par bya'o/ /yi ge dang mthun pa'i don brjod par bya'o/ /dngos po med pa yod pa dang mnyam pa nyid du brjod par bya'o/ /dngos po yod pa med pa dang mnyam pa nyid du brjod par bya'o/ /mtshan ma med pa mtshan ma dang mnyam pa nyid du brjod par bya'o/ /mtshan ma mtshan ma med pa dang mnyam pa nyid du brjod par bya'o/ /mtshan nyid med pa mtshan nyid dang mnyam pa nyid du brjod par bya'o/ /mtshan nyid mtshan nyid med pa dang mnyam pa nyid du brjod par bya'o/ / de ci'i phyir zhe na/ de ci nas kyang de bas kyang shas cher mkhas pa thams cad la yongs su byang bar 'byung ba dang / gnas gang thos kyang bdag nyid de la sbyor bar bya dang / bdag nyid gzhan gyi dring mi 'jog par 'gyur bar bya ba'i phyir te/ kye rgyal ba'i sras dag /'di ni/ phyir mi ldog pa'i byang chub sems dpa' rnam par dgod pa'o/ /kye rgyal ba'i sras dag / de la gzhon nur gyur pa'i byang chub sems dpa' gang zhe na/ kye rgyal ba'i sras dag /byang chub sems dpa' las bcu la gnas pa yin te/ bcu gang zhe na/ 'di ltar lus kyi spyod pa kha na ma tho ba med pa yin/ ngag gi spyod pa kha na ma tho ba med pa yin/ yid kyi spyod kha na ma tho ba med pa yin/ sems bskyed pa tsam gyis skye ba sgrub pa yin/ sems can gzhan gyi bsam pa shes pa yin/ gang zag gzhan gyi mos pa rtogs pa yin/ sems can gyi khams tha dad pa rab tu shes pa yin/ las kyi byin gyis rlabs tha dad pa rab tu rtogs pa yin| 'jig rten gyi khams 'grub pa dang 'jig pa yongs su 'jal ba yin/ gang dga' bar 'gro ba la myur ba yin/ kye rgyal ba'i sras dag /'di ni/ gzhon nur gyur pa'i byang chub sems dpa' ste/ kye rgyal ba'i sras dag /de ltar gzhon nur gyur pa'i byang chub sems dpa' de la ni/ chos mngon par sgrub pa bcu brjod par bya'o/ /bcu gang zhe na/ 'di lta ste| sangs rgyas kyi zhing yongs su shes pa brjod par bya'o/ /sangs rgyas kyi zhing rab tu bskyed pa brjod par bya'o/ /sangs rgyas kyi zhing gi byin gyis brlabs brjod par bya'o/ /sangs rgyas kyi zhing du rnam par rgyu ba brjod par bya'o/ /sangs rgyas kyi zhing yongs su mnan pa brjod par bya'o/ /'jig rten gyi khams grangs med par 'gro ba brjod par bya'o/ /chos grangs med pa yongs su dri ba brjod par bya'o/ /yid kyi rang bzhin gyi lus mngon par sgrub pa brjod par bya'o/ /dbyangs kyi sbyor ba rab tu dgye ba brjod par bya'o/ /sems bskyed pa gcig las sangs rgyas grangs med pa bsnyen bkur bar bya ba brjod par bya'o/ /de ci'i phyir zhe na/ de bas kyang shas cher chos thams cad la mngon par sgrub pa'i mkhas pa 'byung bar bya ba dang / gnas gang thos kyang de la bdag nyid sbyor bar bya ba dang / bdag nyid gzhan gyi dring 'jog par mi 'gyur bar bya ba'i phyir te/ kye rgyal ba'i sras dag /'di ni/ gzhon nur gyur pa'i byang chub sems dpa' rnam par dgod pa'o/ /kye rgyal ba'i sras dag /rgyal tshab kyi byang chub sems dpa' gang zhe na/ kye rgyal ba'i sras dag /'di la byang chub sems dpa' chos bcu rtogs par bya ba la mkhas pa yin te/ bcu gang zhe na/ 'di ltar sems can gyi skye ba rtogs par bya ba la mkhas pa yin/ nyon mongs pa'i rgyud rtogs par bya ba la mkhas pa yin/ bag chags kyi mtshams 'brel pa rtogs par bya ba la mkhas pa yin/ spyod yul rtogs par bya ba la mkhas pa yin/ chos sna tshogs rtogs par bya ba la mkhas pa yin/ spyad pa rtogs par bya ba la mkhas pa yin/ 'jig rten gyi khams rnam par phye ba rtogs par bya ba la mkhas pa yin/ sngon gyi mtha' dang phyi ma'i mtha' shes par rtogs par bya ba la mkhas pa yin/ 'jig rten gyi kun rdzob kyi bden pa brtag pa rtogs par bya ba la mkhas pa yin/ don dam pa'i bden pa brtag pa rtogs par bya ba la mkhas pa yin/ kye rgyal ba'i sras dag /'di ni/ rgyal tshab kyi byang chub sems dpa' ste/ byang chub sems dpa' rgyal tshab de la ni/ gnas bcu brjod par bya'o/ /bcu gang zhe na/ 'di lta ste/ rgyal po'i gnas la mkhas pa brjod par bya'o/ /rgyal po'i gnas kyi tshul brjod par bya'o/ /rgyal po'i gnas su gnas pa brjod par bya'o/ /rgyal po'i gnas su 'gro ba brjod par bya'o/ /rgyal po'i gnas su spyod pa brjod par bya'o/ /chos kyi rgyal por dbang bskur ba brjod par bya'o/ /chos kyi rgyal po'i byin brjod par bya'o/ /chos kyi rgyal po'i mthu brjod par bya'o/ /chos kyi rgyal srid la gnas pa brjod par bya'o/ /chos kyi rgyal po'i bsngags pa brjod par bya'o/ /de ci'i phyir zhe na/ ci nas kyang de'i sems bsgribs pa med pa mngon par bsgrubs pa la de bas kyang shas cher gnas par bya ba dang / gnas gang thos kyang bdag nyid de la sbyor bar bya ba dang / bdag nyid gzhan gyi dring 'jog par mi bya ba'i phyir te/ kye rgyal ba'i sras dag / 'di ni/ rgyal tshab kyi byang chub sems dpa' rnam par dgod pa'o/ /kye rgyal ba'i sras dag /de la dbang bskur ba'i byang chub sems dpa' gang zhe na/ kye rgyal ba'i sras dag / 'di la byang chub sems dpa'i ye shes la rnam par spyod pa bcu dang ldan pa yin te/ bcu gang zhe na/ 'di ltar 'jig rten gyi khams grangs med pa yongs su bskyed pa'i sems mang ba yin/ 'jig rten gyi khams grangs med pa snang bar bya ba'i sems mang ba yin/ 'jig rten gyi khams grangs med pa byin gyis brlab pa'i sems mang ba yin| 'jig rten gyi khams grangs med pa 'da' bar bya ba'i sems mang ba yin/ 'jig rten gyi khams grangs med pa yongs su sbyang ba'i sems mang ba yin/ sems can grangs med pa rnam par dmigs par bya ba'i sems mang ba yin/ sems can grangs med pa rnam par brtag pa'i sems mang ba yin/ sems can grangs med pa'i dbang po rtogs par bya ba'i sems mang ba yin/ sems can grangs med pa yongs su gzung ba'i sems mang ba yin/ sems can grangs med pa gdul ba'i sems mang ba yin te/ de'i lus ni / byang chub sems dpa' rgyal tshab la gnas pa'i bar gyis kyang shes par mi nus te/ lus kyi las shes par mi nus so/ /rdzu 'phrul shes par mi nus so/ /rdzu 'phrul gyi rnam par 'phrul pa shes par mi nus so/ /'das par blta ba'am shes par mi nus so/ /ma 'ongs pa blta ba'am shes par mi nus so/ /da ltar byung ba blta ba'am shes par mi nus so/ / zhing mngon par 'du byed pa shes par mi nus so/ /sems kyi yul shes par mi nus so/ /ye shes kyi spyod yul yang byang chub sems dpa' rgyal tshab la gnas pa'i bar gyis shes par mi nus te/ kye rgyal ba'i sras dag /'di ni/ dbang bskur ba'i byang chub sems dpa'o/ /kye rgyal ba'i sras dag /byang chub sems dpa' dbang bskur ba de la ni/ sangs rgyas bcom ldan 'das rnams kyis ye shes la 'jug pa bcu bka' stsal te/ bcu gang zhe na/ 'di ltar dus gsum gyi ye shes brjod pa mdzad do/ /sangs rgyas kyi chos kyi ye shes brjod pa mdzad do/ /chos kyi dbyings chags pa med pa brjod pa mdzad do/ /chos kyi dbyings mtha' dang dbus med pa brjod pa mdzad do/ /'jig rten gyi khams thams cad rgyas par dgang ba brjod pa mdzad do/ /'jig rten gyi khams thams cad snang bar bya ba brjod pa mdzad do/ /'jig rten gyi khams thams cad byin gyis brlabs pa brjod pa mdzad do/ /sems can thams cad yongs su shes pa'i ye shes brjod pa mdzad do/ /chos thams cad yongs su shes pa'i ye shes brjod pa mdzad do/ /sangs rgyas mtha' yas pa brjod pa mdzad do/ /de ci'i phyir zhe na/ de ci nas kyang de'i sems rnam pa thams cad mkhyen pa nyid du de bas kyang shas cher gnas par bya ba dang / gnas gang thos kyang bdag nyid de la sbyor bar bya ba dang / sangs rgyas kyi chos thams cad la gzhan gyi dring mi 'jog par bya ba'i phyir te/ kye rgyal ba'i sras dag / 'di ni/ dbang bskur ba'i byang chub sems dpa'i rnam par dgod pa'o/ /de nas de'i tshe sangs rgyas kyi mthus phyogs bcur 'jig rten gyi khams sangs rgyas kyi zhing bcu'i rdul shin tu phra ba snyed rnam pa drug tu g.yos so/ /rab tu g.yos so/ /kun tu g.yos so/ /'gul to/ /rab tu 'gul to/ /kun tu 'gul to/ /ldeg go /rab tu ldeg go / kun tu ldeg go /chem chem/ rab tu chem chem/ kun tu chem chem mo/ /'ur 'ur/ rab tu 'ur 'ur/ kun tu 'ur 'ur ro/ /shig shig /rab tu shig shig / kun tu shig shig go /sangs rgyas kyi mthu dang chos nyid thob pas lha rdzas kyi me tog gi sprin gyi char mngon par bab bo/ /lha rdzas kyi phye ma'i sprin gyi char mngon par bab bo/ /lha rdzas kyi phreng ba'i sprin gyi char mngon par bab bo/ /lha rdzas kyi spos kyi sprin gyi char mngon par bab bo/ /lha rdzas kyi gos kyi sprin gyi char mngon par bab bo/ /lha rdzas kyi rin po che'i sprin gyi char mngon par bab bo/ /lha rdzas kyi lhab lhub kyi sprin gyi char mngon par bab bo/ /lha rdzas kyi rol mo'i sgra mngon par byung bar gyur to/ /lha rdzas kyi snang ba rab tu byung bar gyur to/ / lha rdzas kyi nga ro shin tu grags par gyur to/ /gling bzhi pa 'di'i ri rab kyi rtse mor lha'i dbang po'i khang pa ji lta ba de bzhin du 'jig rten gyi khams thams cad du yang phyogs bcu rgyas par byung ste/ chos bstan pa 'di yang thams cad du byung ngo / /sangs rgyas kyi byin gyi rlabs kyis phyogs bcu'i 'jig rten gyi khams sangs rgyas kyi zhing bcu'i rdul shin tu phra ba snyed kyi byang chub sems dpa' mang po lhags te phyogs bcu rgyas par bkang nas 'di skad ces 'dzer to/ /kye rgyal ba'i sras dag /de ltar khyod byang chub sems dpa' rnams kyi chos nyid de lta bu ston pa legs so/ /legs so/ /kye rgyal ba'i sras dag /bdag cag kun kyang ming chos kyi blo gros zhes bya ba sha stag ste/ de bzhin gshegs pa'i mtshan chos kyi blo gros zhes bya ba sha stag gi zham ring / 'jig rten gyi khams chos kyi sprin ces bya ba sha stag nas 'dir phyin te/ thams cad na yang sangs rgyas kyi byin gyi rlabs kyis chos bstan pa 'di nyid 'khor gyi rnam pa 'di lta bu dag tu tshig 'di dag dang / yi ge 'di dag dang / khong du chud par bya ba 'di dag gis don 'di nyid mngon par smos shing / lhag chad med par ston te/ kye rgyal ba'i sras dag /de ltar bdag cag dbang du gyur pa sha stag sangs rgyas kyi byin gyi rlabs kyis 'dir phyin to/ /ji ltar bdag cag 'jig rten gyi khams 'dir phyin pa de bzhin du/ phyogs bcu'i 'jig rten gyi khams thams cad kyi 'jig rten gyi khams re re'i gling bzhi pa dag gi ri rab kyi rtse mo'i lha'i dbang po'i khang pa dag tu yang byang chub sems dpa' sangs rgyas kyi zhing bcu'i rdul shin tu phra ba snyed mang po phyin par gyur to/ /de nas byang chub sems dpa' chos kyi blo gros kyis phyogs bcur rnam par bltas te/ chos kyi dbyings la rnam par bltas nas sangs rgyas kyi byin gyi rlabs kyis de'i tshe tshigs su bcad pa 'di dag smras so/ /rang byung sangs rgyas thugs mchog rab mnga' ba/ /sku gzugs sku mdog shin tu mdzes ldan zhing / /mtshan bzang thub pa med pa mthong gyur nas// byang chub don du brtan pa sems bsgyur ro/ /dpe zla med pa'i rdzu 'phrul stobs chen dang / /yongs su bstan dang rjes su bstan mthong ste/ /srid lam kun tu sdug bsngal gyur mthong zhing / /byang chub don du brtan pa sems bsgyur ro/ /de bzhin gshegs pa yon tan kun mnga' ba/ /kun tu bzang po'i yon tan thos gyur cing / /nam mkha' dbyings mnyam rtog pa med pa yi/ /brtan pa byang chub don du sems bskyed do/ /khams gsum kun na gnas ni 'di dag yin/ /gnas min rang bzhin dag kyang 'di yin zhes/ /ma nor dngos po khong du chud bya'i phyir/ /brtan pa byang chub don du sems bskyed do/ /'das dang ma 'ongs da ltar byung ba dang / /dkar nag las rnams ji snyed yod pa dag /de kun mnyam nyid rjes su rtogs bya'i phyir/ /brtan pa byang chub don du sems bskyed do/ /bsam gtan ting 'dzin rnam par thar pa dang / /mnyam gzhag de bzhin kun nas nyon mongs dang / /rnam byang rnam par khong du chud bya'i phyir/ /brtan pa byang chub don du sems bskyed do/ /sems can kun gyi dbang po ci 'dra dang / /brtson 'grus stobs kyang de bzhin ci 'dra ba/ /rnam pa sna tshogs de dag rtogs bya'i phyir/ /byang chub don du brtan pa sems bsgyur ro/ /sems can kun gyi mos pa ji 'dra dang / /'jig rten kun gyi bsam pa sna tshogs rnams/ /rnam pa kun tu thams cad rtogs bya'i phyir/ /byang chub don du brtan pa sems bsgyur ro/ /'gro ba rnams kyi sna tshogs khams rnams dang / /'jig rten kun gyi khams mang du ma dang / /khams kyi rang bzhin rtogs par bya ba'i phyir/ /brtan pa byang chub don du sems bsgyur ro/ /kun tu 'gro ba'i sems rnams ci 'dra dang / /lam rnams ci 'dra 'dus byas 'di dag gi /ma nor rang bzhin rtogs par bya ba'i phyir/ /byang chub don du brtan pa sems bsgyur ro/ /zhing rnams thams cad mthong bar bya ba dang / /sems can 'di dag ji ltar 'khor gyur ces/ /chags med mig ni rnam par dag bya'i phyir/ /brtan pa byang chub don du sems bsgyur ro/ /'das pa'i dus su gang rnams ci byung yang / /mtshan nyid gang yin ji 'dra ci dgongs pa/ /sngon gyi gnas rnams rjes su rtogs bya'i phyir/ /brtan pa byang chub don du sems bsgyur ro| |'jig rten kun na kun sbyor ji snyed dang / /don gyi mtshams 'brel bag chags de bzhin te/ /nyon mongs zad bya mthar thug shes bya'i phyir/ /byang chub don du brtan pa sems bsgyur ro/ /'gro ba rnams kyi tha snyad gdags pa dang / /tshig lam skad du brjod pa ji snyed pa/ /brda yi bden pa rjes su rtogs bya'i phyir/ /brtan pa byang chub don du sems bsgyur ro/ /chos rnams ji ltar brjod du med pa dang / /stong pa byed med rang bzhin dben pa'i rnams/ /de dag dngos nyid khong du chud bya'i phyir/ /brtan pa byang chub don du sems bsgyur ro/ /zhing rnams thams cad rab tu bskyod pa dang / /rgya mtsho thams cad yongs su bskam bya bar/ /de bzhin gshegs pa'i rdzu 'phrul rtogs bya'i phyir/ /brtan pa byang chub don du sems bsgyur ro/ /spu rtse re re'i sgo nas 'od zer rnams/ /phyogs bcu kun tu ji ltar dgye bya ba/ /de 'dra'i rang bzhin khong du chud bya'i phyir/ /brtan pa byang chub don du sems bsgyur ro/ /zhing rnams brjod med bsam gyis mi khyab pa/ /bdag gi lag pa'i mthil du gzhag bya bar/ /sgyu ma'i rnam pa thams cad rtogs bya'i phyir/ /brtan pa byang chub don du sems bsgyur ro/ /ji ltar zhing gi sems can yangs pa kun/ /gnod pa med par skra rtser gzhog byed par/ /srog med chos rnams khong du chud bya'i phyir/ /brtan pa byang chub don du sems bsgyur ro/ /rgya mtsho thams cad chu chen gang rgyas pa/ /skra rtses blangs shing kun tu dor bya bar/ /mthar thug ma lus khong du chud bya'i phyir/ /brtan pa byang chub don du sems bsgyur ro/ /ji ltar bsam gyis mi khyab zhing gi rnams/ /phra rab rdul glags ma lus bgrang bya bar/ /rdul phran grangs rnams khong du chud bya'i phyir/ /brtan pa byang chub don du sems bsgyur ro/ /'das pa'i bskal pa de bzhin ma 'ongs dang / /'jig rten tshig cing 'grub pa de bzhin te/ /bskal pa zad cing gnas pa shes bya'i phyir/ /brtan pa byang chub don du sems bsgyur ro/ /dus gsum byung ba'i de bzhin gshegs pa dang / /rgyal sras rang rgyal nyan thos thams cad kyi/ /chos kyi rang bzhin khong du chud bya'i phyir/ /brtan pa byang chub don du sems bsgyur ro/ /brjod du med pa'i 'jig rten khams kyi rnams/ /skra yi nyag mas bcings shing tshad gdab bar/ / dngos po'i rang bzhin khong du chud bya'i phyir/ /brtan pa byang chub don du sems bsgyur ro/ /brjod med khor yug shin tu yangs pa dag /ba spu'i khung bu ji ltar gzung bya bar/ / phra dang yangs pa khong du chud bya'i phyir/ /brtan pa byang chub don du sems bsgyur ro/ /phyogs bcu 'jig rten khams rnams thams cad du/ /ji ltar dbyangs gcig kun tu grags 'gyur bar/ /dbyangs kyi yan lag rnam dag shes bya'i phyir/ /brtan pa byang chub don du sems bsgyur ro/ /sems can kun gyi sgra skad ji snyed pa/ /dbyangs gcig brjod pas ji ltar brjod bya bar/ /sgra yi rang bzhin khong du chud bya'i phyir/ /brtan pa byang chub don du sems bsgyur ro/ /'jig rten thams cad ma lus shes byed cing / /ji ltar 'gro kun zhi zhes ston 'gyur bar/ /lce yangs khong du chud par bya ba'i phyir/ /brtan pa byang chub don du sems bsgyur ro/ /zhing rnams thams cad rab tu tshig pa dang / /kun nas gnas pa ma lus mthong 'gyur bar/ /rnam rtogs chos ni khong du chud bya'i phyir/ /brtan pa byang chub don du sems bsgyur ro/ /zhing rnams thams cad sangs rgyas gcig bzhin du/ /de bzhin gshegs pas ji ltar rgyas bya bar/ /rang byung chos ni rjes su rtogs bya'i phyir/ /brtan pa byang chub don du sems bsgyur ro/ /zhing rnams thams cad rdul mchog phrar glags pa/ /de snyed lus su ji ltar sprul bya bar/ /thams cad yid kyi dngos su shes bya'i phyir/ /brtan pa byang chub don du sems bsgyur ro/ /kun gzigs 'das pa ji snyed byung ba dang / /ma byon sangs rgyas de bzhin bzhugs pa rnams/ /skad cig sems kyis thams cad rtogs bya'i phyir/ /brtan pa byang chub don du sems bsgyur ro/ /tshig gcig brtsams te brjod cing bshad byas kyang / /bskal pa brjod med thams cad zad 'gyur bar/ /chos kyi rnam grangs khong du chud bya'i phyir/ /brtan pa byang chub don du sems bsgyur ro/ /phyogs bcu kun gyi 'jig rten ma lus rnams/ /'byung zhing ji ltar rjes su 'brang ba dag /sems kyi rang bzhin khong du chud bya'i phyir/ /brtan pa byang chub don du sems bsgyur ro/ /lus dang ngag dang de bzhin yid kyis kyang / /phyogs kun spyod tshe chags par mi 'gyur bar/ /dus gsum stong pa khong du chud bya'i phyir/ /brtan pa byang chub don du sems bsgyur ro/ /de ltar byang chub don du sems bskyed pa/ /phyogs bcu'i sangs rgyas brjod du med pa kun/ /mchod par bya la yongs su bskul bar bya/ / 'di ni phyir mi ldog gi gdams ngag go /'khor ba dag na byang chub don spyod tshe/ /byang chub sems dpa'i bde ba ji snyed pa/ /de dag de la yongs su brjod par bya/ /'di ni phyir mi ldog gi gdams ngag go / 'jig rten gtso bo 'jig rten ji snyed pa/ /phyogs bcu'i tha dad tshad med yod pa rnams/ /de dag byang chub sems dpa' de la brjod/ /'di ni phyir mi ldog gi gdams ngag go / mchog gi chos dang ji snyed dam pa'i chos/ /'phrul gyi chos dang bla na med pa'i chos/ /de dag byang chub sems dpa' de la bstan/ /'di ni skyon med rnams kyi gdams ngag go / gzhan gyis mi thub ji snyed gnas yod pa/ /'jig rten kun gyis zil gyis mi non rnams/ /de la gnas par rgyal sras de brjod de/ / 'di ni phyir mi ldog gi gdams ngag go /de bzhin gshegs pa'i yon tan kun ldan pa/ /'jig rten mgon po'i bdag nyid che ba kun/ /de la byang chub sems dpa' de bzhag ste| |'di ni skyes bu khyu mchog gdams ngag go / sangs rgyas grangs med brjod du med pa dang / /ji ltar 'grogs par 'gyur ba thams cad kyang / /byang chub sems dpa' de la brjod par bya/ /'di ni phyir mi ldog gi gdams ngag go /ting 'dzin zhi ba ji snyed gang yod pa/ /de dag gdams ngag ji snyed ma lus par/ /byang chub sems dpa' de la bstan par bya| |'di ni phyir mi ldog gi gdams ngag go / 'khor ba'i 'khor lo ldog par 'gyur ba dang / /chos kyi 'khor lo 'khor bar 'gyur ba dang / /'jig rten kun gyi chags par mi 'gyur ba/ /byang chub sems dpa' de la bstan par bya/ /sems can sdug bsngal gzir ba ji snyed dang / /ji snyed ngan song gtses par gyur pa yi/ /skyabs dang mgon dang rten du 'gyur bar yang / /byang chub sems dpa' de la brjod par bya/ /rnam pa 'di 'dras rgyal sras dang po de/ /byang chub don du sems rab skyer 'gyur te/ /de ltar gdams ngag rjes su bstan par bya/ /'di ni rgyal ba rnams kyi rnam bkod pa 'o/ /de nas gnyis pa las kyi dang po pa/ /thog ma nyid du sems can thams cad la/ /sems bcu nye bar gzhog cing smon byed pa| |'di ni skyon dang bral ba'i gdams ngag go / phan pa'i sems dang de bzhin bde ba'i sems/ /snying rje'i sems dang de bzhin byams pa'i sems/ /srung ba'i sems dang de bzhin mnyam pa'i sems/ /slob dpon sems dang de bzhin ston pa'i sems/ /de 'dra'i sems rnams nye bar gzhag pa dang / /kha ton lung la yongs su bskul bar bya/ /mang du thos pa dgon par gnas par bskul/ /dben par gyur pas dge bshes bsnyen bkur bya/ /dge bshes gyur nas ngang bder 'gyur bar bya| |ngang tshul bde bas dus tshul shes par bya/ /dus rnams shes nas mi 'jigs 'gyur bar bya/ /mi 'jigs gyur nas don la brtson par bya/ /don shes gyur nas chos rjes shes par bya/ /chos shes gyur nas rmongs pa med par bya/ /rmongs med gyur nas legs par bshad chos la/ /rgyal sras des ni rnam par gnas par bya/ /de tsam gyis ni las kyi dang po pa/ /byang chub don zhugs byang chub sems dpa' 'o/ /gdams ngag rjes su bstan pa'ang de yin te/ /sangs rgyas sras po de ltar slob par byed/ / gang yang byang chub sems dpa' gsum brjod pa/ /chos kyi rgyal po'i gsung la shin tu brtson/ /mi rtag sdug bsngal de bzhin stong pa nyid/ /bdag med de bzhin byed pa med pa dang / /chos rnams thams cad de bzhin ro med dang / /'du byed ma yin de bzhin gnas med dang / /ched du spyod med de bzhin rtog med par/ /kun la byang chub sems dpa' dpyod pa byed/ /de ni 'gro khams yongs su brtag pa dang / /de bzhin chos dbyings brtag par bskul bar bya/ /'jig rten khams yongs ma lus mthar thug pa/ /brtag par bya la yongs su bskul bar bya/ /sa dang me dang de bzhin chu khams dang / /de bzhin rlung dang phyogs bcu'i nam mkha' dang / /'dod pa gzugs dang de bzhin gzugs med pa/ / brtag par bya la yongs su bskul bar bya/ /khams rnams yangs pa de bzhin kun rtog cing / /khams kyi rang bzhin ma lus mthar phyin pas/ /byang chub sems dpa' rab tu brtson byed pa| |des na der 'gyur gdams ngag de yin no/ /cher skyes pa yi byang chub sems dpa' ni/ /'phags pa'i gsung rab 'di las skyes pa ste/ /dngos po rang bzhin med rtogs dran pa can/ /chos kyi rjes byung rigs ldan legs par skyes/ /de yi gnas las phyir ldog mi 'gyur te/ /sangs rgyas rnams la shin tu mos pa yin/ /chos rnams de bzhin nges par rtogs pa ste/ /sems can rang bzhin med par rnam par bsgoms/ /chos dang 'jig rten de bzhin zhing rnams dang / /rnam smin 'khor ba de bzhin mya ngan 'das/ /rnam bsgoms rgyal sras de ltar cher skyes pa/ /thugs las byung ba'i sangs rgyas sras zhes bya/ /'das dang ma byon da ltar byung ba yi/ /sangs rgyas chos rnams rnam par bsgoms pa'i phyir| |yongs su bsdu ba ci 'dra mthar thug pa/ /de ltar de dag 'grub par 'gyur ba dang / /sangs rgyas thams cad mnyam pa nyid rtogs shing / / dus gsum mnyam pa nyid kyi rjes song bas/ /mnyam pa nyid la sna tshogs mi dmigs shing / /dus gsum kun la tha dad med par 'jug /de tsam gyis ni rgyal sras bzhi pa ste| |de yi bsngags pa rnam pa de 'dra 'o/ /de ltar 'di la nan tan bsgrubs byas shing / /byang chub sems dpa' byang chub mchog tu 'byung / /de las gzhan yang rgyal sras lnga pa ni| |sbyor ba phun sum tshogs zhes brjod pa ste/ /thabs mkhas tshul la rjes su zhugs gyur cing / /bsod nams las rnams brtsams pa'i mthar phyin byed/ /'jig rten dag na bsod nams gang byed kyang / /sems can kun gyi skyabs su 'gyur ba dang / /phan tshol de bzhin bde ba skyed pa dang / /snying brtse skye rgu 'grol bar 'gyur ba dang / /'jig rten rnams kyi gtse ba bsal ba dang / /dran zhing de bzhin dang bar bya ba dang / /sems can mang po thams cad gdul mos shing / /mya ngan 'das pa'i sems kyi mthu yang che/ / sems can thams cad kun tu mtha' yas dang / /de bzhin tshad med grangs las 'das pa dang / /bsam gyis mi khyab gzhal med dpag med pa/ /de 'dra'i chos rnams de la brjod par bya/ /de tsam gyis na rgyal sras lnga pa ste/ /sbyor ba phun sum tshogs pa snying rje can/ /de yi gdams ngag tshul ni de 'dra ste/ /yon tan thams cad mnga' bas bstan pa yin| |gang yang bsam pa phun sum tshogs bya'i phyir/ /chos kyi ngo bo nyid kyis rmongs med cing / /rnam rtog rtog bral dran dang ldan pa de/ /lhar bcas 'jig rten kun gyis bslu mi nus| |sangs rgyas chos dang de bzhin rgyal sras dang / /spyod pas bsngags sam rnam par smad kyang rung / /sems can nyung zhe'am 'on tam mang ngo zhes/ /thos par gyur kyang bsam pa zhum mi 'gyur/ /sems can nyon mongs nyon mongs med ce'am/ /gdul sla 'on tam shin tu gdul dka' dang / /chos kyi dbyings de chung ngam rgya che dang / /kun nas 'grub 'gyur rnam par 'jig ce 'am/ /chos dbyings de ni yod dam med ce yang / /byang chub sems dpa' thos gyur dus gsum tshul/ /nges par rtogs byed thams cad rnam rtog cing / /sangs rgyas chos la bsam pa shin tu nges/ /mtshan ma med dang mtshan nyid med pa dang / /dngos nyid yod min rdzun dang bden pa dang / /sgyu ma rmi lam mi rtog rang bzhin med/ /'di 'dra'i chos tshol de dag nyan pa byed/ /phyir mi ldog pa'i byang chub sems dpa' ni/ /sangs rgyas chos dang de bzhin rgyal sras dang / /spyod pa yod med rtag tu rnam par bsgoms/ /'byung ngam mi 'byung zhe na'ang phyir mi ldog /de bzhin gshegs pa 'das she'am ma 'das dang / /ma byon to zhe'am ma byon ma yin dang / /skyes so ma skyes zad 'gyur zad mi 'gyur/ /de bzhin mtshan gcig tha dad mtshan de bzhin/ /gcig pa rnam pa tha dad mang po dang / /don dang de bzhin yi ge'i dngos rnams dang / /thams cad phan tshun yongs su 'dzud byad pa/ /mi ldog byang chub sems dpa' bstan par bya/ /mtshan ma med la mtshan ma yod pa dang / /mtshan nyid med la mtshan gyis dmigs pa dang / /rnam phye phan tshun yongs su sbyar ba rnams/ /thos nas 'di la mthar thug 'jug pa byed/ /gzhan yang byang chub sems dpa' gzhon gyur pa/ /lus dang ngag dang de bzhin yid kun gyis/ /kha na ma thor 'gyur pa nam yang med/ /ci 'dod tshul bzhin de ni skye bar byed/ /gzhan gyi bsam pa ji bzhin rab tu shes/ /de dag mos pa yongs su rtogs par byed/ /phyogs rnams gang du yid kyis smon byed pa/ /kun tu mngon shes myur ba yid bzhin 'thob/ /bde bar gshegs pas bsngags pa'i chos thos shing / /de la zhum pa skyed pa gang yang med/ /zhing rnams yongs su bskyod pa shes pa dang / /de bzhin byin rlabs rnam par rgyu ba dang / /sangs rgyas zhing rnams yongs su mnan pa dang / /grangs med kun tu 'gro ba brjod par bya/ /grangs med chos rnams yongs su 'dri ba dang / /ci nas yid kyi rang bzhin lus 'gyur zhing / /dbyangs kyi rnam pa shin tu yangs 'gyur dang / /sems gcig sangs rgyas grangs med bsnyen bkur brjod/ /byang chub sems dpa' rgyal tshab brjod pa ni/ /sems can rnams kyi skye ba rab tu shes| |nyon mongs rgyud dang rnam par rgyu ba shes/ /de 'dra'i spyod yul de 'dra'i sbyor ba can/ /chos kyi rgyud mang rnam pa tha dad dang / /sngon mtha' phyi mtha' 'jig rten rnam phye dang / /brda yi bden pa don dam bden pa dang / /ma lus rtogs par bya ba la mkhas pa yin/ /de yi rgyal po'i gnas la mkhas par bskul/ /der yang ji ltar yongs su spyad bya dang / /'gro bar bya dang gnas par bya ba dang / /rgyal po'i gnas su ji ltar rnam spyad brjod/ /de la chos kyi rgyal po'i dbang bskur dang / /byin gyis brlabs dang de bzhin mthu chen dang / /chos su gnas dang 'gro bar bya ba dag /brjod par bya ste rgyal tshab de 'dra yin/ /de tsam gyis na de yi mthar thug ste/ /gdams ngag des kyang rlom sems byed pa med/ /khong du chud byed dran ldan rgyal tshab de/ /rgyal ba kun gyi drung na slob par byed/ /bde gshegs sras po gtso bor dbang bskur ba/ /thu bo mchog dang dam par gyur pa ni/ /'jig rten khams mang grangs med bskyod pa dang / /yongs su snang bar bya ba'i sems kyang mang / /byin gyis brlabs dang yongs su 'da' bya dang / /yongs su sbyangs pa'i sems kyang rab tu mang / /grangs med 'jig rten shes par bya ba dang / /dbang po phun ldan rnam par dpyad la mkhas/ /de dag gzud cing rnam par gdul ba dang / /thams cad mkhyen gyi sems kyang shin tu mang / /zhing mang brjod du med par 'gro byas shing / /dam chos khams rnams ma lus rnam par dpyod/ /de yi lus dang lus kyi las rnams dang / /rdzu 'phrul bstan pa'ang shes par mi nus te/ /dus gsum shin tu rgyal ba'i sems dag kyang / /rgyal tshab gyur pa'i bar gyis shes mi nus/ /de la thams cad gzigs pas dus gsum dang / /sangs rgyas chos shes chags med de bzhin brjod/ /chos dbyings mtha' yas mtha' dang dbus med pa/ /rgyas par 'gengs par bde gshegs brjod pa mdzad/ /ci nas 'jig rten khams kun ma lus par/ /yongs su snang byed byin gyis rlob pa dang / /sems can chos rnams de bzhin ma lus dang / /sangs rgyas mtha' yas de bzhin brjod pa'i mdzad/ /rgyal sras brtan pa rnam pa bcur bgrangs pa/ /rnam par dgod la gnas pa de dag kun/ /rang rang spyod yul rab tu brtson byed pa/ /'jig rten lhar bcas kun gyis shes par dka'/ /'on kyang dang por sems bskyed mtha' yas pa/ /phyogs bcu ma lus thams cad rgyas par bya/ /dus gsum kun tu gang tshe sems gtong ba/ /de tshe thams cad mkhyen pa kun gzigs 'gyur/ /zhing rnams kun la mu mtha' yod ba min// sems can chos dang 'jig rten kun de bzhin/ /las dang nyon mongs gnas kyang mtha' yas te/ /byang chub sems rab de la gnas pa yin/ /skad cig sems la byang chub gzhol ba'i sems/ /gang skyes 'jig rten kun gyis shes mi nus/ /rang rgyal rnams dang nyan thos kun gyis min/ /de nas gong du spyod pa ji skad brjod/ /gang zhig phyogs bcu'i 'jig rten khams kyi rnams/ /spu gcig srang la tshad du 'jal byed pa/ /des ni byang chub sems dpa'i spyod pa shes/ /'on kyang sangs rgyas ye shes yongs su tshol/ /phyogs bcu'i rgya mtsho ji snyed yod pa kun/ /spu rtse'i thigs kyis yongs 'jal shes byed pa/ /de ni rgyal sras spyod pa 'di 'dra dag /sems kyi skad cig gcig la sgrub par byed/ /ji ltar zhing rnams rdul rab phrar glags shing / /sems can la la ma lus bgrang byed de/ /'di snyed yod ces grangs su gcod byed pa/ /de 'drar rgyal sras spyod pa brjod pa'o/ /'das pa'i sangs rgyas de bzhin ma byon dang / /gang rnams phyogs bcur byung bar gyur pa dang / /rang rgyal de bzhin nyan thos rab mang bar/ /rnam par dmigs shing byang chub sems skye'o/ /sems can khams rnams ma lus rgyas bkang zhing / /byang chub don du thog mar sems bskyed pa/ /de yang bgrang bar nus pa ma yin na/ /de las gong du ci zhig smos kyang dgos/ /shin tu rgyas pa chen po'i mdo/ sangs rgyas phal po che zhes bya ba las/ byang chub sems dpa'i rnam par dgod pa bcu bstan pa'i le'u ste| nyi shu pa'o/ / //
CLOSE WINDOW