བོད་ཡིག

e-texts based on the ACIP/ALL Input

/ // rgya gar gyi mkhan po bud+d+ha A ka ra warma dang / lo ts+tsha ba dge slong chos kyi shes rab kyis bsgyur cing zhus te gtan la phab pa/ rgya gar skad du/ AR+ya a go g+ha pA sha kalpa rA dza/ bod skad du/ 'phags pa don yod pa'i zhags pa'i cho gzhib mo'i rgyal po/ bam po dang po/ sangs rgyas dang / byang chub sems dpa' thams cad la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /'di skad bdag gis thos pa dus gcig na/ bcom ldan 'das ri bo po Ta la na spyan ras gzigs dbang phyug gi pho brang shing sA la dang / ta ma la dang / tsam pa ka dang / mya ngan 'tshang dang / a ti mug+ta ka sna tshogs mang pos legs par brgyan pa na dge slong gi dge 'dun chen po brgya stong dang / byang chub sems dpa' sa ya bye ba brgya stong phrag dgu bcu rtsa dgu dang thabs cig tu bzhugs te/ gnas gtsang ma'i ris kyi lha'i bu brgya stong phrag du mas yongs su bskor cing mdun gyis bltas pa na dbang phyug dang / dbang phyug chen po dang / tshangs pa dang / lha'i bu rnams kyi dbang du mdzad nas chos ston par mdzad do/ /de nas byang chub sems dpa' sems dpa' chen po 'phags pa spyan ras gzigs dbang phyug stan las langs te bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar ba btud nas bcom ldan 'das ga la ba de logs su 'dzum pa'i bzhin gyis bcom ldan 'das la 'di skad ces gsol to/ /bcom ldan 'das gang 'di don yod pa'i zhags pa'i rgyal po'i snying po zhes bgyi pa mchis te/ bdag gis bskal pa dgu bcu rtsa gcig gi sngon logs su 'jig rten gyi khams rnam par blta bar de bzhin gshegs pa 'jig rten dbang phyug rgyal po la mnos nas 'di ltar bdag gis dbang phyug dang / dbang phyug chen po la sogs pa'i lha'i bu rnams dang / gnas gtsang ma'i @#/ /lha'i bu brgya stong phrag mang po bla na med pa yang dag par rdzogs pa'i byang chub 'dzin du stsal nas bdag gis rmongs pa ma mchis pa'i ye shes bkod pa la sogs te ting nge 'dzin brgya stong phrag bcu thob par bgyis lags so/ /bcom ldan 'das/ 'di ltar yang sa phyogs gang du snying po 'di spyod pa'i sa phyogs der dbang phyug dang / dbang phyug chen po dang / tshangs pa la sogs pa lha'i bu khri nyis stong bsrung ba dang / bskyab pa dang / sba pa'i slad du gnas par rig par bgyi lags so/ /bcom ldan 'das/ gang na don yod pa'i phun sum tshogs pa'i snying po 'di spyod pa'i sa phyogs de mchod rten du yang bkur bar 'gyur lags so/ /bcom ldan 'das/ sems can de dag ni/ sangs rgyas bye ba khrag khrig brgya stong phrag du ma la dge ba'i rtsa ba bskyed par 'gyur lags so/ /gang zhig don yod pa'i zhags pa'i snying po 'di mnyan par bgyid na/ bcom ldan 'das sdig pa spyod pa'am/ sdig pa'i chos kun tu spyod pa'am/ 'phags pa la skur ba 'debs pa'am/ dam pa'i chos spong ba'am/ mnar med par gzhol ba'am/ sangs rgyas dang / byang chub sems dpa' dang / nyan thos dang / rang sangs rgyas thams cad spong ba de 'gyod par gyur cing / ma 'ongs pa na sdom pa thob par 'gyur lags so/ bcom ldan 'das/ re zhig de nyid kyis zhag gcig smyung ba bgyis te/ bzlas brjod bgyis na/ tshe 'di nyid la las de rnam par dag pa dang / gtugs pa dang / bsal bar 'gyur ro/ /rims nyin gcig pa'am/ nyin gnyis pa'am/ nyin gsum pa'am/ nyin bzhi pa'am/ de bzhin du rims nyin bdun pa'am/ mig nad dam/ rna ba'i nad dam/ sna'i nad dam/ so'i nad dam/ mchu'i nad dam/ lce'i nad dam/ rkan gyi nad dam/ snying nad dam/ lte nad dam/ ngo rgyab dang rked pa'i nad dam/ yan lag dang nying lag gi nad dam/ gzhang 'brum mam/ pho ba'i nad dam/ tshad pa'am/ lag pa dang rkang pa'i nad dam/ sna nad dam/ klad pa'i nad dam/ sha bkra chen po 'am/ sha gzig gu'am/ mdze'am/ rkang shu'am/ 'brum phu phra mo'am/ lhog pa'am/ mtshan par rdol ba'am 'brum bu'am/ brjed byed dam/ byad dam/ gzhan gyis bgyis pa'i gsod pa'am/ 'ching ba'am/ rdeg pa'am/ spyod pa'am/ bden pa ma lags pas skur pa 'debs pa'am/ bcom ldan 'das/ mdor na lus kyi gdung ba'am/ sems kyi gdung ba'am/ rmi lam ngan pa'i las de yongs su gtugs par 'gyur na/ sems can dag pa lhag par dad pa rnams kyi yongs su byang bar gyur ba lta smos kyang ci 'tshal/ bcom ldan 'das/ gal te 'khor bzhi'am/ rigs bzhi las gang dag sgyu dang / g.yo dag gis don yod pa'i zhags pa'i snying po 'di nyan @#/ /par bgyid/ 'dzin par bgyid/ /'chang bar bgyid/ /klog par bgyid/ /'bri bar bgyid/ 'brir 'jug par bgyid/ kun chub par bgyid/ sems can gzhan la yang sgrog par bgyid cing / tha na dud 'gro'i skye gnas su gtogs pa rnams kyi rna khung du gtad de rna bar bzlas brjod bgyid la rdo rje'i tshig 'di rnams sems par bgyid de/ skur ba ma mchis pa dang / gzugs ma mchis pa dang / rnam par mi rtog pa dang / kun tu 'byung ba ma mchis pa dang / ring du 'gro ba ma mchis pa dang / bgyid pa ma mchis pa dang / gos pa ma mchis pa dang / sems mnyam pa nyid dang ma bral ba dang / phung po lnga dang bral ba ste/ rnal 'byor 'dis sangs rgyas rjes su dran pa sgom par bgyid na/ de la phyogs bcu nas sangs rgyas stong zhal ston par mdzad par 'gyur zhing / nongs pa 'chags par 'gyur ba la sogs pa rgyas par sbyar ro/ /glegs bam du bgyis te khyim du 'chang bar bgyid dam/ rje dpon gyis skrag pas bgyis sam/ gzhan gyi ngor ram/ bzhad gad tsam gyi rgyus mnyan par bgyid na/ bcom ldan 'das/ mkhas pas 'phags pa spyan ras gzigs dbang phyug gi mthus de dag gi rna khung khu du sgra de grags pa lags par 'tshal bar bgyi'o/ /bcom ldan 'das/ dper na/ skyes bu 'ga' zhig gis tsan+dan nam/ ga pur ram/ gla rtsi zhig la khros sam/ yongs su smad de rdo la btags nas bdag nyid la byugs na/ tsan+dan nam/ ga pur ram/ gla rtsi de 'di snyam du 'dis bdag la khros sam/ yongs su smad pas dri mnam par mi bgyi'o snyam du mi sems kyi/ gzhan du na de nyid la dri bda' bar bgyid lags so/ /bcom ldan 'das/ de bzhin du bdag gi don yod pa'i zhags pa'i snying po 'di yang gang su yang rung bas bzhad gad tsam gyi zhes bya ba rgyas par sbyar ro/ /bcom ldan 'das/ g.yo dang / sgyus mchod par bgyid na yang de nyid sems can dmu rgod de dag gi dge ba'i rgyur 'gyur lags so/ /gang dang gang du skye bar 'gyur bar tshul khrims dang / ting nge 'dzin dang / shes rab dang / bsod nams kyi tshogs kyi dri dang bral bar mi 'gyur te/ tshul khrims kyi dri bda' bar bgyid pa lags so/ /bcom ldan 'das/ gang yang rigs kyi bu pho'am/ rigs kyi bu mo'am/ dge slong pha'am/ dge slong ma'am/ dge bsnyen pha'am/ dge bsnyen ma'am/ de las gzhan pa'i s ems can su yang rung bas don yod pa'i zhags pa'i snying po'i ched du yar gyi ngo'i tshes brgyad la smyung ba bgyis te gzhan mi smra bar don yod pa'i zhags pa'i snying po lan bdun bzlas brjod bgyid na bcom ldan 'das/ des cha 'di nyid la phan yon nyi shu rtsa gcig thob par 'gyur te/ nyi shu rtsa gcig gang zhe na/ 'di lta ste/ de'i lus la nad rnams 'byung bar mi 'gyur ro/ /de'i lus @#/ /la las kyi dbang gis nad rnams byung na yang myur du zhi bar 'gyur zhing lus mdangs dang ldan pa dang / yid du mchi bar 'gyur ro/ /skye bo mang po'i snying du sdug pa dang / dbang po sbas par 'gyur ro/ /de'i don rnams 'grub par 'gyur ro/ /de'i don grub pa yang chom rkun gyis mi 'phrogs te/ zhugs kyis mi tshig /chab kyis mi 'tshal/ rgyal po'i mthus dbrog par rngo mi thogs par 'gyur ro/ /de'i las kyi mtha' rnams rgyas par 'gyur te/ ser bas ma lags so/ /chab kyi 'jigs par 'byung bar mi 'gyur te/ rlung dang char gyi 'jigs pa ma lags so/ /don yod pa'i zhags pa'i snying po thal ba dang / chu la lan bdun bzlas brjod bgyis nas zhing gi phyogs mtshams dang steng 'og tu bcing ba bgyis na/ gnod pa thams cad nye bar zhi bar 'gyur ro/ /gzi brjid dang mdangs dbrog par rngo mi thogs par 'gyur zhing sems can thams cad kyi snying du sdug pa dang / yid du 'thad par 'gyur ro/ /de la dgra'i 'jigs pa 'byung bar mi 'gyur ro/ /de la dgra'i 'jigs pa byung yang myur du zhi bar 'gyur ro/ /de la mi ma lags pa'i 'jigs pa 'byung bar mi 'gyur ro/ /byad kyi 'jigs pa ma lags/ mkha' 'gro ma'i 'jigs pa ma lags te/ de la nyon mongs pa dang / nye ba'i nyon mongs pa drag po 'byung bar mi 'gyur ro/ /me dang / mtshon dang / dug gis 'gum par mi 'gyur ro/ /de la yang lha rnams kyis rtag tu rgyun mi 'chad par srung ba dang / skyob pa dang / sbed pa'i phyir gnas par 'gyur ro/ /gang dang gang du skye bar 'gyur bar byams pa dang / snying rje dang dga' ba dang / btang snyoms dang 'bral bar mi 'gyur te/ de la phan yon nyi shu rtsa gcig po 'di dag 'thob par 'gyur lags so/ /gzhan yang chos brgyad 'thob par 'gyur te/ brgyad gang zhe na/ 'gum pa'i dus su 'phags pa spyan ras gzigs dbang phyug dge slong gi gzugs su mngon sum du zhal ston par 'gyur ro/ /bde bar 'chi ba'i dus bgyid par 'gyur ro/ / lta ba 'khrul par mi 'gyur ro/ /lag pa mi g.yob pa dang / rkang pa mi g.yob pa dang / bshang gci ma mchis pa dang / khri'i steng du 'chi ba'i dus bgyid par 'gyur ro/ /dran pa shin tu nye bar gnas par 'gyur ro/ /kha bub tu 'chi ba'i dus bgyid par mi 'gyur ro/ /'gum pa'i dus na yang spobs pa mi bas par 'gyur ro/ /de yang sangs rgyas kyi zhing gang du smon pa der skye bar 'gyur zhing dge ba'i bshes gnyen dang yang 'bral bar mi 'gyur ro/ /nyin gcig bzhin du dus gsum lan gsum bzlas brjod bgyi'o/ /chang dang / sha dang / kun dong dang / ke'u dang / sgog skya dang 'dres pa dang / lhag rol dang / 'di rnams khyad par du don du gnyer bas sbang bar bgyi'o/ /don yod pa'i zhags pa'i snying po'i chos kyi rnam grangs 'di yang sems can rnams la @#/ /mthu mchis pa dang / mthu ma mchis par 'tshal bar bgyis nas bsgrag par bgyi'o/ /slob dpon gyi dpe mkhyud mi bgyi'o/ /'di ltar dri ma dang bral zhing phrag dog dang ser sna spangs pa ni/ byang chub sems dpa' rnams lags te/ sems can rnams kyi don bgyi ba'i slad du sangs rgyas kyi byang chub 'thob par 'gyur bas byang chub sems dpa' rnams kyi tshogs kyi nang du gtogs so/ /byang chub ces bgyi ba ni/ shes rab lags/ sems dpa' zhes bgyi ba ni/ thabs lags te/ chos 'di gnyis sems can rnams kyi don gyi slad kho nas thob pa lags so/ /gal te bcom ldan 'das kyis bdag la rjes su gnang na/ 'di ltar bdag gis snying po 'di de bzhin gshegs pa'i spyan sngar 'khor bzhi rnams dang / gzhan sdig pa spyod pa rnams kyi don dang / sman pa dang / bde slad du bsgrag par bgyi'o/ /de nas bcom ldan 'das kyis byang chub sems dpa' 'phags pa spyan ras gzigs dbang phyug la 'di skad ces bka' stsal to/ /sems can dag pa/ de'i dus la bab par shes na smros shig /de bzhin gshegs pas rjes su yi rang bar mdzad zin te/ phyi ma'i tshe phyi ma'i dus na byang chub sems dpa' theg pa can rnams la pha'i bya ba byed par 'gyur ro/ /de nas byang chub sems dpa' 'phags pa spyan ras gzigs dbang phyug mig mi 'dzum par bcom ldan 'das la 'di skad ces gsol to/ /bcom ldan 'das/ byang chub sems dpa' thams cad kyis phyag bgyis pa/ rnam par grol ba'i dkyil 'khor skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo'i tshogs chen po'i don du bdag la gsan du gsol/ dus gsum du gshegs shing bzhugs pa'i sangs rgyas dang / byang chub sems dpa' thams cad la phyag 'tshal lo/ /rang sangs rgyas dang / 'phags pa nyan thos kyi dge 'dun 'das pa dang / ma byon pa dang / da ltar byung ba thams cad la phyag 'tshal lo/ /yang dag par song ba rnams dang / yang dag par zhugs pa rnams la phyag 'tshal lo/ /shA ra dwa ti'i bu la phyag 'tshal lo/ /byams pa la sogs te byang chub sems dpa' sems dpa' chen po thams cad la phyag 'tshal lo/ /'phags pa de bzhin gshegs pa dgra bcom pa yang dag par rdzogs pa'i sangs rgyas 'od dpag med la phyag 'tshal lo/ /dkon mchog gsum la phyag 'tshal lo/ /byang chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug la phyag 'tshal lo/ / tad+ya thA/ oM tsa ra tse ra/ tsi ri tsi ri/ tsu ru tsu ru/ e h+ye hi ma hA ka ru Ni ka/ tsi ri tsi ri/ mi ri mi ri/ tsu ru tsu ru/ ma hA kA ru Ni kA ya/ si ri si ri/ tsi ri tsi ri/ pi ri pi ri/ bi ri bi ri/ ma hA pad+ma ha ste/ @#/ /ka la ka la/ ki li ki li/ ku lu ku lu/ ma hA shud+hi satwa/ bud+h+ya bud+h+ya/ d+hA ba d+hA ba/ ka Na ka Na/ ki Ni ki Ni/ ku Nu ku Nu/ pa ra ma shud+d+ha satwa/ ka ra ka ra/ ki ri ki ri/ ku ru ku ru/ ma hA s+thA ma prap+ta/ tsa la tsa la/ sany+tsa la sany+tsa la/ bi tsa la bi tsa la/ e Ta Ta e Ta Ta/ b+ha ra b+ha ra/ b+hi ri b+hi ri/ b+hu ru b+hu ru/ e h+ye hi ma hA kA ru Ni ka /ma hA pa shu pa ti be sha d+ha ra/ d+ha ra d+ha ra/ sa ra sa ra/ tsa ra tsa ra/ ha ra ha ra/ ha hA ha hA/ hi hI hi hI/ hu hU hu hU/ oM kA ra brah+ma be sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta ra/ sa ra sa ra/ pa ra pa ra/ tsa ra tsa ra/ rasmi sha ha sa ha sra pra ti maN+Di ta/ sha rI rA ya/ dz+wa la dz+wa la/ ta ba ta pa/ b+ha ga wa na/ so ma A dih+ya/ ya ma/ ba ru Na/ ku be ra/ brah+me n+d+ra ri Shi de ba ga Na/ e b+h+ya rtsi ta tsa ra Na/ su ru su ru/ tsu ru tsu ru/ mu ru mu ru/ pu ru pu ru/ sa nad ku mA ra/ ru dra/ bA sa ba/ biSh+Nu d+ha na de/ de ba ri Shi nA ya ka/ ba hu bi bi d+ha/ be sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ tha ra tha ra/ g+ha ra g+ha ra/ ya ra ya ra/ la ra la ra/ ha ra ha ra/ ma ra ma ra/ pa ra pa ra/ ba ra ba ra/ ba ra dA ya ka/ sa man+ta a wa lo ki ta/ bi lo ki ta/ lo ke shwa ra/ ma hA shwa ra/ mu hu mu hu/ mu ru mu ru/ mu ya mu ya/ muny+tsa muny+tsa/ bcom ldan 'das/ 'phags pa spyan ras gzigs dbang phyug gi dpal sa gsum gyi lha rnams bdag dang / sems can thams cad 'jigs pa thams cad dang / gnod pa thams cad dang / 'tshe ba thams cad dang / gdon thams cad las srungs shig /srungs shig /bsad pa dang / bcing ba dang / brdeg pa dang / bsdigs pa dang / rgyal po dang / chom po dang / rkun po dang / me dang / chu dang / dug dang / mtshon las yongs su thar par mdzad pa/ ka Na ka Na/ ki Ni ki Ni/ ku Nu ku Nu/ tsa ra tsa ra| in+d+ri ya/ ba la bo d+h+yaM ga /tsa dur AR+ya sat+ya saM pra kA sha ka /ta pa ta pa/ da ma da ma/ sa ma sa ma/ ma sa ma sa/ ma hA ta mo/ oM d+ha kA ra/ bi d+ha ma na Sha Ta pA ra mi tA pa ri pU ra ka /mi li mi li/ Ta Ta Ta Ta/ Tha Tha T+ha Tha/ Ti Ti Ti Ti/ Tu Tu Tu Tu/ e ne ya tsarma kra ti pa ri ka Na/ e h+ye ti/ i shwa ra/ ma he shwa ra/ ma hA b+hu ta ga Na saM b+hany+dza ka /ku ru ku ru/ pa ra pa ra/ ka ra ka ra/ ka Ta ka Ta/ ma Ta ma Ta/ bi shud+d+ha/ bi Sha ya/ bA si na ma hA ka ru Ni ka/ shwe ta ya dz+nyo pa bI ta/ rat+na mu ku Ta/ mA lA d+ha ra/ sar+b+ba dz+nyA shi ra/ sri kr-i ta mu ku Ta/ mA lA d+ha ra/ ma haM b+hu ta/ ka ma la a laM kr-i ta ka ra d+ha rA ya/ d+h+ya na sa mA d+hi/ bi mo k+Sha/ A pra kaM bya/ ba hu satwa san+da hi pa ri pA tsa ka /ma hA kA ru N-i ka/ sarba karma A wa ra Na bi sho d+ha ka sar+b+ba byA d+hi pa ro mo tsa ka/ sar+b+ba A shA pa ri pU ra ka/ sar+b+ba satwa sa mA shA sa na ka ra/ na mo stu te swA hA/ bklags pas las thams cad 'grub par 'gyur ro/ /dus gsum du bzlas brjod bgyis na/ mtshams med pa lnga 'byang @#/ /bar 'gyur zhing las kyi sgrib pa thams cad kyang yongs su dag par 'gyur ro/ /mtshams gcad pa la ni/ a ga ru'i bdug pa'am/ thal ba'am/ chab bam| yungs kar dang / seng ldeng gi phur bu la sogs pas so/ /rims thams cad la ni/ skud pas so/ /nad thams cad la ni/ mar ram/ 'bru mar ram/ chab la bzlas brjod bgyis te gtor bar bgyi'o/ /byad dgrol ba la ni mtshon gyis so/ /lto na ba la ni/ srung ba'i skud pas so/ /dug gsad pa la ni/ sa'am chab kyis so/ /mig nad la ni/ skud pa dkar pos rna ba la gdags par bgyi'o/ /so na ba la ni/ shing kA ra bI ra'i so shing gis so/ /mtshams gcad pa ni/ tshon sna lnga'i skud pa la lan nyi shu rtsa gcig bzlas brjod bgyis te seng ldeng gi phur bu bzhi la bcings nas phyogs bzhir gzugs par bgyis na/ mtshams chen po bcings par 'gyur ro/ /thams cad srung ba la ni/ skud pa'am/ chab bam/ thal bas so/ /gdon thams cad la ni/ tshon sna lnga'i skud pas so/ /rims thams cad la ni/ skud pa dkar pos so/ /g.yan pa dang / khyi rngo dang / lhog pa dang / mgrin pa 'gags pa thams cad la ni/ sbrang rtsi dang / pi pi ling bsres pas so/ /mig nad la ni/ dri chu dang / shing pa la sha'i chu'am/ shing mngar gyi chus so/ / rna ba'i nad la ni/ 'bru mar gyis so/ /'thab pa dang / 'thab mo dang / rtsod pa 'gyed pa dang / skur pa 'debs pa thams cad la ni/ chab la bzlas brjod bgyis te kha ba shal bar bgyi'o/ / dpung dang / yul dang / rgyal srid dang / yul 'khor rnams srung ba la ni/ bum ba gang ba bzhag la gos gtsang ma bgos pas mchod pa rgya chen po bgyis nas bklags par bgyis na zhi ba chen por 'gyur ro/ /des yang chab kyis gtor bar bgyis te/ sems can thams cad la srung ba bgyis par 'gyur ro/ /yams kyi nad dang / gnod pa dang / 'tshe ba thams cad zhi bar bgyid pa dang / glags lta ba rnams la ni/ tsan+dan la lan nyi shu rtsa gcig bzlas brjod bgyis te snying gar byug par bgyi'o/ /mtshams ma mchis pa'i las thams cad pas par bgyi ba ni/ rtag tu bzlas brjod kyis so/ /khyim srung ba la ni/ pad+ma'i sbyin sreg gis so/ /sems can thams cad bskyang ba dang / 'byung po'i 'jigs pa dang / gdon thams cad las srung ba la ni/ tsan+dan gyi sbyin sreg gis so/ /dza ya dang / bi dza ya dang / na ku li dang / gan+d+ha na gu li dang / ba ru ni dang / tse dra ba ru Ni dang / a b+ha ya ba ni dang / in+d+ra ba ni dang / gan+d+ha pi yang ku dang / rgya spos dang / tsa kra dang / ma hA tsa kra dang / biSh+Nu krAn+ta dang / so mar dzi dang / su na nad rnams la lan brgya rtsa brgyad bzlas brjod bgyis te nor bur bgyis nas spyi @#/ /bo'am/ dpung pa la btags pas bsrel bar bgyi'o/ /khye'u rnams la ni/ mgul bar ro/ /bu mo rnams la ni/ sta zur nas te/ dpal dang ldan par bgyid pa dang / bkra mi shis pa rab tu zhi bar bgyid pa'i nor bu 'di bsrel na/ thams cad las srung ba bgyis par 'gyur ro/ /dug dang mes mi tshugs lags so/ /dug gis gnod pa skye bar mi 'gyur ro/ /skyes na yang gnod pa skyed par mi bgyid cing myur du zhi bar 'gyur ro/ /gdon rnams zhi bar 'gyur ro/ /rlung dang / 'brug dang / ser ba gcad pa dang / chab kyi rgyun dang / ser ba zlog pa la ni/ shing kA ra bI ra'i lcug mas te/ las thams cad bgyid pa/ 'phags pa spyan ras gzigs dbang phyug gi snying po/ grub pa dam pa ma bsgrubs par las 'di rnams bgyid par 'gyur lags so/ /de nas sgrub par 'tshal na/ thang sku'i cho ga ni/ ras la lhag ma ma yin pa'i tshon rtsis sangs rgyas dang / 'phags pa spyan ras gzigs dbang phyug gi gzugs brnyan ral pa'i thor tshugs dang / e na ya'i pags pa dang / phyugs bdag gi cha lugs 'chang ba/ rgyan thams cad kyis brgyan pa bri bar bgyi ste/ ri mo mkhan gso sbyong can 'brir stsal bar bgyi'o/ /de nas sgrub pa po sku gzugs de'i spyan sngar ba'i lci ba'i dkyil 'khor bgyis te me tog dkar po'i sil ma bkram la spos kyis bkang ba'i snod brgyad zhag par bgyi'o/ /sna brgyad pa'am/ drug cu rtsa bzhi pa'am/ gzhan yang lha bshos sha dang khrag dang ma 'dres pa bshams shing drangs la a ga ru'i bdugs pas bdugs te lan stong rtsa brgyad bzlas brjod bgyi'o/ /nyin zhag gcig gam/ nyin zhag gsum du smyung ba bgyis nas zas dkar gsum 'tshal te dus gsum du khrus bgyis nas gos gtsang ma bgos na/ 'phags pa spyan ras gzigs dbang phyug bdag nyid mchis nas bsam pa thams cad yongs su rdzogs par bgyid do/ /ldong ros sam/ mig sman la bzlas brjod bgyis te mig la bskus na/ de nas mi gda' bar gyur nas nam mkha' la mchi bar 'gyur zhing don yod pa'i ye shes bkod pa zhes bgyi ba'i ting nge 'dzin 'thob par 'gyur te/ ci 'tshal bde bgyid par 'gyur ro/ /de nas 'grub pa'o/ /bcom ldan 'das kyis de skad ces bka' stsal nas byang chub sems dpa' 'phags pa spyan ras gzigs dbang phyug dang / gnas gtsang ma'i ris kyi lha'i bu de dag dang / mi mdzed kyi bdag po tshangs pa dang / dbang phyug dang / dbang phyug chen po'i lha'i bu rnams yi rang ste bcom ldan 'das kyis gsungs pa la mngon par bstod do/ /don yod pa'i zhags pa rdzogs so// //de bzhin gshegs pa rgya mtsho rab 'byams thams cad la phyag 'tshal lo/ /de nas byang chub sems dpa' @#/ /sems dpa' chen po 'phags pa spyan ras gzigs dbang phyug stan las langs te bla gos phrag pa gcig tu gzar nas pus mo g.yas pa'i lha nga sa l a btsugs te nyi ma'i 'od ltar 'od zer stong 'phro zhing 'od zer sna tshogs pa 'gyed pa'i lus kyis bcom ldan 'das gang na ba de logs su thal mo sbyar ba btud de zhal gyi dkyil 'khor rgyas shing rdzogs la zhi ba/ bzhin 'dzum pa'i bzhin gyis byams pa dang / snying rje chen po'i mthu yid la byed pas rigs bzhi'i 'jig rten la phan pa dang / snying brtse bas don thams cad grub par rig sngags 'chang rnams kyis bla na med pa'i de kho na nyid grub pa/ mchog sbyin pa thob par bya ba'i phyir bcom ldan 'das la 'di skad ces gsol to/ / bcom ldan 'das/ bdag la don yod pa'i rgyal po'i cho ga zhib mo'i rgyal po chen po'i snying po 'di mchis te/ 'di pad+ma rgya chen po'i dkyil 'khor de kho na nyid chen po'i snying por 'phags pa/ snying por gyur pa/ de kho na nyid sgrub pa/ pad+ma dam pa/ dkyil 'khor chen po 'di phyag rgya dang / gsang sngags dang / snying po rim par phye ba/ gsang ba dam pa rnam par grol ba'i dkyil 'khor/ dam tshig dang sgrub pa gsang ba 'di bcom ldan 'das kyi spyan sngar bsgrag par bgyi'o/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi mang po'i 'khor chen po'i mdun dang / rig sngags grub pa'i lha'i dkyil 'khor gyi mdun 'dir yang bsgrag par bgyi'o// gang yang dbang phyug dang / dbang phyug chen po dang / tshangs pa dang / lha dang / gshin rje dang / chu dang / lus ngan dang / drang srong gi tshogs dang / zla ba dang / nyi ma dang / skar ma'i tshogs dang / rgyu skar dang / rig sngags 'chang grub pa'i lha mo rnams kyi mdun du de kho na nyid kyi snying po yang dag pa/ 'jig rten las 'das pa/ dngos grub sgrub pa/ bklags pas grub pa dang / bsgoms pas grub pa bcom ldan 'das kyi spyan sngar rig sngags chen po 'chang ba'i tshogs kyis yongs su bskor ba'i mdun du de kho na nyid kyi snying po gsang ba dam pa bsgrag cing brjod par bgyi'o/ /de nas bcom ldan 'das de bzhin gshegs pa shAkya thub pa'i bsod nams stong gis brgyan pa/ mtshan dang dpe byad rnams kyis rnam par spras pa/ phyag dpung pa'i mdog gser gyi kha dog lta bu 'od zer 'phro ba du ma'i phreng ba dang / spos kyi glang po che'i sna lta bu'i phyag brkyangs te byang chub sems dpa' sems dpa' chen po 'phags pa spyan ras gzigs dbang phyug gi spyi bor bzhag nas klad pa la byugs te 'di skad ces bka' stsal to/ /sems can dag pa dam pa snying rje chen po dang ldan pa khyod smros @#/ /shig /de bzhin gshegs pa rnams kyis byin gyis brlabs te/ ngas kyang da ltar byin gyis rlob kyi/ khyod gsang ba dam pa'i dam tshig smros shig / phyogs bcu'i de bzhin gshegs pa thams cad kyis rjes su yi rang zhing byin gyis brlabs pa/ gang+gA'i klung 'bum phrag bye ba brgya stong gi bye ma'i rdul phra rab snyed kyi de bzhin gshegs pa rnams kyis kyang byin gyis brlabs shing rjes su yi rang bar mdzad do/ /de nas byang chub s ems dpa' sems dpa' chen po 'phags pa spyan ras gzigs dbang phyug gis phyogs bcur bltas te bcom ldan 'das kyi spyan sngar rang gi snying po de kho na nyid gsang ba'i gsang sngags 'di dag gsol to/ /oM pad+ma hasta/ ma hA a mo g+ha pA shA sA d+ha ya sa ma ya hri da ya tsa ra tsa ra hUM/ don yod pa'i zhags pa'i rang bzhin gyi gzungs kyi snying po yin no/ /byang chub sems dpa' sems dpa' chen po 'phags pa spyan ras gzigs dbang phyug gis gsang ba'i snying po 'di brjod ma thag tu ri'i rgyal po po Ta la 'di brag dang / nags tshal dang / rtswa shing du bcas pa dang / ri rab khor yug dang / khor yug chen po dang bcas pa rnam pa drug tu rab tu g.yos shing lha'i gnas rnams kyang ldeg par gyur te/ thams cad 'dar bar gyur to/ /klu'i gnas dang / gnod sbyin dang / srin po'i gnas rnams kyang 'khrug par gyur to/ /rgya mtsho chen po'i rlabs kyang 'khrug par gyur to/ /chu gter rnams kyang 'khrug par gyur to/ /de ma thag tu phyogs bcu na sangs rgyas kyi sku gzugs brnyan bzhugs pa rnams kyis legs so zhes bya ba byin te/ 'di skad ces kyang bka' stsal to/ /rgyal ba'i bdag nyid du skyes pa/ don yod pa'i zhags pa'i gsang ba'i snying po bklags pas 'grub pa bla na med pa smras pa legs so legs so/ /bcom ldan 'das de bzhin gshegs pa shAkya thub pas 'di skad ces bka' stsal to/ /sems dpa' dag pa/ khyod kyis gsang ba bklag pa'i cho ga de kho na nyid sgrub pa rgyas pa dang bcas par smros shig /spyan ras gzigs dbang phyug gis gsol pa/ bcom ldan 'das/ gsang ba'i s nying po'i gzungs 'di lan gcig brjod pa tsam gyis de'i mod la phyogs bcu tha dad pa nas gang+gA'i klung sa ya bye ba brgya stong gi bye ma snyed kyi de bzhin gshegs pa'i phyag brkyang ste spyi bo la bzhag nas legs so zhes bgyi ba'i sgra gsungs te/ gsungs pa tsam gyi mod la sngon bskal pa brgya stong du bsags pa'i sgrib pa rnams nyams par bgyid/ zhig par bgyid do/ / @#/ /sdig pa thams cad dang / nad thams cad dang / de bzhin du gnod pa zhi bar bgyid do/ /sdig pa dang / sems can gdug pa rnams dang / phas kyi rgol ba rnams dang / mi mdza' ba rnams 'jigs par bgyid de/ 'di la the tshom mi bgyi'o/ /rtag tu 'phags pa spyan ras gzigs dbang phyug mchog sbyin blta 'tshal bar 'gyur lags so/ /rig sngags 'di'i cho ga sgrub pa ni/ 'di yin te/ rig sngags 'chang gtsang mar gyur pas shin tu gos gtsang ma bgo bar bgyi'o/ /byams pa dang / snying rje yid la bgyis pas 'byung po thams cad la mchog tu snying brtse bar bgyi'o/ /'phags pa spyan ras gzigs dbang phyug gi ri mo'i gzugs la mchod par bgyi'o| |me tog dang / bdug pa dang / dri dang / pheng ba dang / byug pa dang / mar me dbul bar bgyi'o/ /tshes brgyad dam/ tshes bco lnga la sgrub pa'i bzlas brjod kyi cho ga bgyi'o| |ri mo'i gzugs kyi mdun du thog mar skyil mo krung bcas nas don yod pa'i zhags pa'i snying po lan brgya rtsa brgyad bzlas brjod bgyi'o/ /tshig gzhan mi smra bar khro bo'i rgyal po brgya rtsa brgyad bzlas brjod bgyis te chab dang / yungs kar gyis dbang bskur bar bgyi'o/ /phyag rgya bcing bar bgyi ste/ lan nyi shu rtsa gcig tu gdon par bgyi'o/ /gsang sngags kyis ni/ dbang bskur bar bgyi'o/ /phyag rgyas kyang dbang bskur bar bgyi'o/ /de'i 'og tu don yod pa'i zhags pa'i gsang ba'i dam tshig gi snying po stong rtsa brgyad bzlas brjod bgyi'o/ /bzlas brjod bton pa tsam gyis de'i mod la don yod pa'i zhags pa'i snying po khro bo'i rgyal po dang bcas pa 'bum 'gyur du bzlas brjod bgyis par 'gyur ro/ /bzlas brjod rdzogs nas ri mo'i gzugs 'bar zhing sa yang g.yo bar 'gyur ro/ /'phags pa spyan ras gzigs dbang phyug gi lus las 'od zer sna tshogs 'byung bar 'gyur ro/ /don yod pa'i zhags pa lag na thogs pa'i zhags pa 'bar bar 'gyur zhing rig sngags 'chang snying dga' ba dang / spyi bo'i gtsug 'bar bar 'gyur ro/ /'di ni/ grub pa'i rtags yin no/ /zhes grub pa'i rtags dang / legs so zhes bya ba'i sgra 'byin te/ don yod pa'i zhags pa'i snying po'i cho ga zhib mo'i phyag rgya 'grub par 'gyur ro/ /de nas dgos pa thams cad dang / las thams cad brjod pa tsam gyis de'i mod la 'grub par 'gyur lags so/ /de bzhin gshegs pa sa ya bye ba brgya stong gangA'i klung gi bye ma snyed dang mnyam pa'i phyag gser gyi kha dog 'dra ba'i spyi gtsug tu 'jog par rmi lam du mthong bar 'gyur ro/ /'phags pa spyan ras gzigs dbang @#/ /phyug gi rang bzhin gyi lus shin tu dri ma dang bral zhing yongs su dag pas dri ma med pa'i bdag nyid kyi lus rang bzhin gyi mdun na mchis par 'gyur ro| |mchog thams cad stsol bar 'gyur ro/ /rnam pa thams cad du grub pa stsol bar 'gyur ro/ /don yod pa'i zhags pa'i snying po cho ga zhib mo'i phyag rgya grub pa stsol bar 'gyur ro/ /ji ltar snying las skyes pa'i bu bzhin du sangs rgyas kyi byang chub thob kyi bar du yongs su skyong bar bgyid do/ /de lta bas na/ 'jig rten gyi khams bde ba c an gyi dkyil 'khor mtha' dag yongs su rdzogs pa sangs rgyas kyi zhing legs par brgyan pa byang chub sems dpa'i tshogs kyis yongs su bskor ba dang bcas pa na khang pa b rtsegs pa legs par brgyan pa'i seng+ge'i khri'i mchog la 'phags pa rgyal ba 'od dpag med 'od zer brgya stong phrag 'bum 'phro ba'i skus bzhugs shing chos ston pa blta bar 'tshal na/ rig sngags 'chang des legs par bkrus te gtsang mar gyur pas gos gtsang ma bgos te/ cho 'phrul gyi zla ba yar gyi ngo la byams pa'i sems dang / snying rje'i lhag pa'i bsam pas gus pa dang / dang ba dang / zhes dang / bla mar bgyi'o/ /'phags pa spyan ras gzigs dbang phyug gi ri mo'i gzugs la ci 'byor ba me tog dang / bdug pa dang / dri dang / phreng ba dang / byug pa dang / phye ma dang / gos dang / lhab lhub dang / ba dan gyis mchod par bgyi'o/ /tshes brgyad nas tshes bcu gsum gyi bar du zas dkar gsum 'tshal bar bgyi'o/ /ri mo'i gzugs kyi mdun du nyin gcig bzhin dus gsum du don yod pa'i zhags pa'i snying po lan nyi shu rtsa gcig dang / tshig gzhan mi smra bar khro bo'i rgyal po'i snying po dang / nye ba'i snying po brgya rtsa brgyad bzlas brjod bgyis nas ri mo'i gzugs de nyid kyi mdun du mchis nas nyal bar bgyi'o// mchod yon dang / yon chab dus gsum du dbul bar bgyi'o/ /a ka ru dang / tsan+dan dang / du ru ka dang / gu gul gyi me tog khu ba dang bcas pa gla rtsi dang lhan cig bsres nas blang bar bgyi'o/ /dgug pa'i sngags lan stong rtsa brgyad bzlas brjod bgyi ste/ don yod khams gsum rnam par grags/ /bdug pa'i rgyal po bla na med/ /gang phyir bdug pa tsam gyis ni/ /stong gsum gyi stong chen po'i 'jig rten gyi khams kyi phyogs bcu'i sangs rgyas kyi zhing rnams su bdug pa'i sprin chen po 'khrigs pas rgyas par 'gyur ro/ /dri 'khrigs pa de dag gis sangs rgyas dang byang chub sems dpa' thams cad dang / lha dang / klu dang / gnod sbyin dang / dri za dang / lha ma yin dang / nam @#/ /mkha' lding dang / mi 'am ci dang / lto 'phye chen po dang / mi dang / mi ma yin pa rnams la dri chen po'i mchod pa dang / bdug pa chen po'i mchod pa bgyis par 'gyur zhing / de dag thams cad dga' bar 'gyur ro/ /gang yang dud 'gro'i skye gnas su gtogs pa'i sems can gang dag gis bdug pa'i dri tshor na| de dag thams cad ngan song du skye bar 'gyur ba'i las kyi sgrib pa rnams yongs su gtugs par 'gyur ro/ /'thab pa dang / 'thab mo dang / mu ge dang / rtsod pa dang / 'gyed pa dang / nang 'khrug pa dang / 'khrug pa dang / rmi lam ngan pa dang / yams kyi nad dang / gnod pa dang / 'tshe ba dang / gdung ba dang / mi bde ba thams cad dang / nad thams cad zhi bar 'gyur ro/ /rlung dang / ser ba dang / grang ba dang / tsha ba'i sprin thams cad zhi bar 'gyur ro/ /sdig pa thams cad 'jig par 'gyur ro| |byad dang / g.yeng byed dang / sngags kyi sbyor ba thams cad dang / dug dang / dbyig dug dang / dug sbyar ma thams cad zhi bar 'gyur ro/ /gdon thams cad dang / brjed byed thams cad dang / rims dang / bza' nyes dang / bsgoms nyes dang / gnod sgrib dang / gnod ltas thams cad bdug pa'i dris 'bros par 'gyur ro| |'jigs par 'gyur/ 'gyes par 'gyur te/ byang chub kyi snying po la thug gi bar du lan 'ga' yang tshugs par mi 'gyur ro/ /bdug pa'i rgyal po 'di rtag tu sbyar bar bgyi'o| |'di ltar tshes bcu bzhi'i nub mo mchis la don yod pa'i zhags pa'i snying po brgya rtsa brgyad dang / khro bo'i rgyal po brgya rtsa brgyad bzlas brjod bgyi'o/ /zas dkar gsum gyi gtor ma ci 'byor ba dbul bar bgyi'o/ /snying po dang / nye ba'i snying po stong rtsa brgyad bzlas brjod bgyis la dri dang 'bru mar gyi mar me dbul bar bgyi'o/ /ri mo'i gzugs de nyid kyi mdun du nam langs kyi bar du mchis nas nyal bar bgyis te rmi lam du dbyig gi mdzod mthong ngam/ bde ba can gyi 'jig rten gyi khams gzhal med khang dang bcas/ rin po che'i shing dang bcas/ rin po che'i ri dang bcas/ rdzing dang bcas/ gnas dang / khang pa brtsegs pa dang bcas/ rdzu 'phrul dang / cho 'phrul dang / rnam par 'phrul pa dang bcas pa mthong ngam/ de bzhin gshegs pa tshe dpag med byang chub sems dpa'i tshogs kyis yongs su bskor cing khang pa brtsegs pa na bzhugs la| lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po 'khor dang bcas pa mthong ngam/ bcom ldan @#/ /'das de bzhin gshegs pa dgra bcom pa yang dag par rdzogs pa'i sangs rgyas bcom ldan 'das tshe dpag med de yang rig sngags 'chang de la dbugs 'byin par mdzad cing / legs so zhes bgyi ba yang stsol bar mdzad de/ kye skyes bu dam pa/ khyod kyis rig sngags 'chang gi skyes bu'i byed pa mang du byas pa dang / khyod kyis dge ba'i rtsa ba mang du bskrun pa dang / khyod kyis lhag par mang du byas pa dang / khyod kyis bya ba gang yin pa byas pa dang / khyod kyis don yod pa'i zhags ba'i snying po rnam par grol ba'i dkyil 'khor phyag rgya chen po dang / gsang sngags rnam par bya ba'i snying po sgrub pa ni/ grub zin te/ legs so legs so/ /khyod rig sngags 'chang gi sangs rgyas nyid du gyur cig / khyod 'di nas ma 'ongs pa'i mngal gyi skye ba blangs te tshe brjes nas nga'i sangs rgyas kyi zhing du skye bar 'gyur ro/ /byang chub kyi snying po la thug gi bar du sangs rgyas kyi zhing du 'gro bar 'gyur ro/ /zhes phyag g.yas pa spyi bor 'jog par 'gyur/ 'jig rten pa'i dngos grub thams cad stsol cing / 'jig rten las 'das pa'i dngos grub sgrub pa ste/ 'di ni/ dam pa sgrub pa yin no/ /zhes bdag nyid sad nas dga' bar mthong ste/ sgrib pa thams cad dang bral zhing yongs su dag par 'gyur ro/ /'phags pa spyan ras gzigs dbang phyug bram ze'i gzugs kyis mdun na mchis par 'gyur zhing / 'dod pa thams cad kyi mchog stsol bar 'gyur ro/ /gzugs kyi ri mo de yang 'bar zhing 'od zer 'byung bar 'gyur ro/ /yon tan brgya stong mang po gzhan yang 'thob par 'gyur ro/ /'jig rten pa'i phun sum tshogs pa yang 'thob par 'gyur ro| |skye bo dang / rgyal po dang / blon po dang / bram ze dang / khyim bdag thams cad dbang du 'gyur zhing cher mchod par 'gyur ro/ /dge sbyong dang / bram ze rnams la don yod pa'i grub pa chen po 'thob par 'gyur ro/ /grub pa chen po bla na med pa yang 'thob par 'gyur ro/ /nyin gcig bzhin dus gsum du phyag rgya bcing bar bgyi'o/ /de nas tshes bcu bzhi la thog mar dge sbyong dang / bram ze rnams la ci 'byor ba'i yon dang bcas pa'i mchod ston stsal bar bgyi'o/ /de nas bdag nyid longs spyad par bgyi'o/ /gang gi tshe yang sangs rgyas la blta ba dang / byang chub sems dpa' la blta ba dang / lha rnams la blta bar 'tshal ba na/ de'i tshe bdug pa'i rgyal po la dgug pa'i gsang sngags lan nyi shu rtsa gcig bzlas brjod bgyi ste/ sangs rgyas bcom ldan 'das la bdug par bgyi'o/ /bdug pas bdugs pa tsam gyi mod la zhal ston par 'gyur zhing / dge ba'am mi @#/ /dge ba thams cad dam/ nyams pa'am bri ba de dag thams cad gsung bar 'gyur ro/ /ji tsam tshe'i mthar thug gi bar du gsung ba'am/ 'gro ba'am/ 'ong ba gsung bar 'gyur/ de nas gsang sngags kyi cho ga dang / sgrub pa'i don dang / las kyi cho ga yang ji lta ba bzhin du bshad par bgyi'o/ /oM pad+ma d+ha ra a mo g+ha dza ya de tsu ru tsu ru swAhA/ don yod pa'i rgyal po'i nye ba'i snying po'i gsang sngags so/ /oM pad+ma pA sha d+ha rA ya/ a mo g+ha ba ra sany+tso da ya hUM/ de bzhin gshegs pa dang byang chub sems dpa' thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa la sogs pa skul ba'i gsang sngags te/ bdug pa'i rgyal pos bdugs nas chab dang / yungs kar bsres pa la lan nyi shu rtsa gcig bzlas brjod bgyis nas phyogs bcur gtor na/ thams cad bskul bar bgyis par 'gyur ro/ /oM trai lokya a b+h+ya hA na a mo g+ha pA sha /pad+ma bi lo ki ta A yan+tu/ b+hu ba na su ra su ru su ru/ bi ma la hUM/ dgug pa'i gsang sngags te/ gu gul gyi bdug pa la lan brgya rtsa brgyad pa zlas brjod bgyis nas chu dang me tog bsres pas phyogs bcur gtor bar bgyi ste/ thams cad nas dgug pa dam pa grub pa lags so/ /oM pad+ma b+hu dza mahA bA sha d+ha ra Ni man+t+ra ya mi/ a mo g+ha pA sha yan+tu b+hu ba swAhA/ mu ru mu ru hUM/ de bzhin gshegs pa dang byang chub sems dpa' thams cad dang / nyan thos dang rang sangs rgyas thams cad dang / dkyil 'khor thams cad na gnas pa'i lha tshogs la sogs pa spyan drangs pa'i gsang sngags te/ ril ba spyi blugs dang / chab dang / me tog dang / tshems shing la bdug pa'i rgyal pos bdugs te thams cad la lan brgya rtsa brgyad bzlas brjod bgyi ste/ thams cad spyan drang ba'i rig sngags so/ /oM pad+ma a mo g+ha badzra a d+hiSh+Tha na ku ru ku ru swAhA/ sa'i dkyil 'khor bcing ba ste/ chab dang yungs kar la lan brgya rtsa brgyad bzlas brjod bgyis nas sa la gtor na/ dpag tshad sum brgyas kun nas 'khor ba'i sa'i dkyil 'khor rdo rjer byin gyis brlabs par 'gyur ro/ / de thams cad bsrungs pas ni/ rdo rje sra ba'i sems su 'gyur ro/ /dgra rnams kyis mi mthong ba dang / bgegs dang / log 'dren dang / gnod sbyin dang / srin po dang / 'byung po dang / sha za dang / brjed byed dang / ro langs dang / mkha' 'gro ma dang / 'dod rgur sgyur ba'i gzugs can thams cad kyis mi mthong ste/ rnam pa thams cad du mi mthong @#/ /bas rdo rje ltar sra bar 'gyur ro/ /oM a mo g+ha pA sha pad+mot+ta ra siMhA/ san+tu Ti si ri si ri hUM/ gdan gyi gsang sngags te/ yungs kar la stong rtsa brgyad bzlas brjod bgyis te sa la gtor na/ pad+ma chen po'i gzhal yas khang gi gdan du byin gyis brlabs nas legs par phul bar 'gyur ro/ /de bzhin gshegs pa thams cad la rin po che sna bdun las byas pa'i seng+ge'i gdan du byin gyis brlabs nas legs par phul bar 'gyur ro/ /rig sngags 'chang gis rang gi stan la chab dang / yungs kar la lan nyi shu rtsa gcig bzlas brjod bgyis nas gtor te/ rig sngags 'grub pa'i pad+ma'i stan gsang ba'i gsang sngags so/ /oM mahA kA ru Ni ka pad+ma a mo g+ha pA sha dri D+ha badzra a d+hi Sh+Thi te b+hu ru b+hu ru ban+d+ha re swAhA/ dkyil 'khor mtha' dag na khyim dang / nags tshal dang / kun dga' ra ba dang / gtsug lag khang dang / bsti gnas dang / 'chag sa dang / phug dang / dgon pa dang / gnas gsang ba'i phyir dri chab dang / yungs kar la lan brgya rtsa brgyad bzlas brjod bgyis nas gtor bar bgyis te gnas su gtogs pa thams cad gsang ba chen po bgyis par 'gyur ro/ /nyes par bgyid pa dang / bgegs dang / log 'dren dang / gnod sbyin dang / srin po dang / 'byung po thams cad 'bros par 'gyur te/ gnas gsang ba'i gsang sngags so/ /oM pad+ma a mo g+ha pA she na sa man+ta da sha su di k+Shu si mA b+han+d+ha ya/ tu ru tu ru hUM/ lcags kyi bur bu sor brgyad pa'i tshad lnga la tshon sna lnga'i skud pas dkris te lan stong rtsa brgyad bzlas brjod bgyis nas phyogs bzhir gzugs par bgyi'o/ /lnga pa ni/ dbus kyi bzhir gzugs par bgyi ste/ rgyang grags bdun 'khor bar mtshams bcing ba bgyis par 'gyur ro/ /ji srid du phur bu ma byung ba de srid du mtshams chen po bcing pa bgyis par 'gyur ro/ /oM a mo g+ha maN+Da la ban+d+ha ya sa man+ta na/ pad+ma ma hA pad+ma d+hu ru d+hu ru swAhA/ dkyil 'khor bcing ba ste/ dri chab dang / yungs kar la lan brgya rtsa brgyad bzlas brjod bgyis nas dkyil 'khor mtha' dag dang / de bzhin du 'og dang / steng du yang gtor te/ dkyil 'khor chen po bcing bar bgyis par 'gyur te/ bgegs dang / log 'dren dang / gnod sbyin dang / srin po dang / sha za mchi bar 'os pa thams cad kyis mchi bar mi 'gyur ro/ /sems can gdug pa dang / lha'am/ klu gdug pa gang su yang rung ba de dag thams cad zil gyis mnan par 'gyur ro/ /'jig rten pa'i bgyi ba ngan pa dang / sngags ngan pa dang / sems can ngan pa dang / bgyis pa ngan pa thams @#/ /cad yongs su spong bar 'gyur ro/ /oM a mo g+ha ba ri shud+d+he sho d+ha ya sa man+te na/ d+hi ri d+hi ri shud+d+ha satwa ma hA pad+me hUM/ 'dis pa'i rnam lnga la lan stong rtsa brgyad bzlas brjod bgyis te dkyil 'khor gyi sa'i cha mtha' dag na gtsug lag khang ngam/ dgon pa'am/ bya skyibs sam/ tshang tshing ngam/ 'chag sa'am/ gnas sam/ tshal lam/ nags tshal lam/ skyed mos tshal lam/ kun dga' ra ba'am/ grang sa'am/ skyabs sam/ khang pa la gtor na/ stong pa'am/ mi stong pa'am/ 'dam rdzab dang / mi gtsang ba dang / phyag dar gyis gang ba dang / 'byung po dang / sha za dang / yi dwags la sogs te/ rigs ngan pa thams cad yongs su spangs par 'gyur ro/ /gtsang ma dag par 'gyur ro/ /gnas gtsang mar 'gyur ro/ /bdag nyid la dbang bskur na/ bza' nyes dang / bsgoms nyes dang / gnod ltas dang / gnod sgrib kyi gnas ngan pa thams cad yongs su dag par 'gyur ro/ /gtsang ma dag par 'gyur ro/ /mi gtsang ba gtsang bar 'gyur ro/ /tshangs par spyod pa ma lags pa tshangs par spyod par 'gyur ro/ /bsnyen gnas ma bgyis pa ni/ bsnyen gnas bgyis par 'gyur ro/ /de la lha thams cad srung ba dang / bskyab pa dang / sba ba bgyid par 'gyur ro/ /dbang phyug dang / dbang phyug chen po dang / tshangs pa dang / khyab 'jug dang / khyab 'jug chen po dang / gshin rje dang / chu lha dang / lus ngan la sogs pa bsrung ba dang / bskyab pa dang / sba ba'i slad du rtag tu rjes su 'brang bar 'gyur ro/ /'jig rten thams cad kyi snying du sdug pa dang / mchod par 'os par 'gyur ro/ /tshig btsan par 'gyur ro/ /nad thams cad dang bral bar 'gyur ro/ /sdig pa dang / sgrib pa dang / gnod pa la sogs pa thams cad las yongs su thar par 'gyur ro/ /phyogs bzhir kun tu gtor na/ 'thab pa dang / 'thab mo dang / rtsod pa dang / 'gyed pa dang / mu ge dang / mi ngas dang / yams dang / gnod pa dang / 'tshe ba dang / 'khrug pa thams cad zhi bar 'gyur ro/ /nyin gcig bzhin du bdag nyid la dbang bskur ram/ reg par bgyis na/ rig sngags dang / phyag rgya dang / dkyil 'khor gyi rim par dbye ba dang / las chen po 'grub par 'gyur ro/ /don yod pa'i grub pa chen po 'grub par 'gyur ro/ /gang dang gang du mchis pa de dang der mchod par 'gyur ro/ /thams cad kyis mi ldog par 'gyur ro/ /nyin gcig bzhin gzhal med khang rgya chen po bkra zhing rnam par dkra ba chen po rmi lam du mthong ba dang / @#/ /rnam pa thams cad du mchog rgya chen po 'thob par 'gyur ro/ /dge sbyong dang / bram ze dang / rgyal rigs dang / khyim bdag dang / rgyal po dang / blon po dang / btsun mo'i 'khor dang bcas pa thams cad dbang du 'gyur zhing mchod par 'os par 'gyur ro/ /rtag tu gtsang mar spyod par gtsang zhing dag par 'gyur ro| |rtag par dus kun tu 'phags pa spyan ras gzigs dbang phyug blta 'tshal bar 'gyur ro/ /'dod pa thams cad kyi mchog stsol bar 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas 'od dpag med rmi lam du rtag tu mthong zhing / /shi 'phos nas kyang 'jig rten gyi khams bde ba can du skye bar 'gyur ro/ /oM pad+me sa ra sa ra tiSh+Tha tiSh+Tha ma hA a mo g+ha sa ma ya swAhA/ gsang sngags so/ /oM pi bu la pad+ma a mo g+ha pra sa ra pra bi sha tu ku ru ku ru swAhA/ 'jug pa'i gsang sngags so/ /oM a mo g+ha a nu sha ya ma hA pad+ma ban+d+hu re hUM/ slob ma'i gsang sngags so/ /oM a mo g+ha pad+ma shi ge tu ru tu ru tiSh+Th-i badzra ban+d+he swAhA/ spyi gtsug bcing ba'i gsang sngags te/ lan nyis shu rtsa gcig bzlas so/ /oM a mo g+ha pad+ma dza lod k+She pa b+hi ri b+hi ri hUM/ chab bteg pa'i gsang sngags te/ lan nyi shu rtsa gcig bzlas so/ /oM a mo g+ha bi ka Ta saM b+ha ra pad+ma a sa ne dza la ba ti ku ru ku ru hUM/ bum pa'i gsang sngags te/ lan brgya rtsa brgyad bzlas so/ /oM pad+mo pra sa ra a mo g+ha bi ma le b+ha ra b+ha ra swAhA/ chab kyi rgyun gyi gsang sngags te/ lan nyi shu rtsa gcig bzlas so/ /oM a mo g+ha pad+me su pad+me pUr+Na ka re d+hi ri d+hi ri bi ma le swAhA/ lag pa'i gsang sngags te/ lag pa gnyis la lan stong rtsa brgyad bzlas brjod bgyis nas dkyil 'khor dang / gsang sngags dang / phyag rgya dang / cho ga zhib mo dang / sgrub pa'i dgos pa thams cad bgyi ste/ sgrub pa thams cad la bsgrub par bgyi zhing las thams cad la dus thams cad du bgyi'o/ /oM a mo g+ha bi ma le dzi hwA gra saM sho d+ha ni pad+ma ka ma la dzi hwA swAhA/ lce spyang ba'i gsang sngags te/ dri chab la lan stong rtsa brgyad bzlas brjod bgyis te kha bshal la lce'i dri ma yongs su dag par 'gyur ro/ /pad+ma dang ku mu da'i 'dab ma dang 'dra bar lce mnyen par 'gyur ro/ /so dang / rkan dang / mgul pa yongs su dag par 'gyur ro/ /oM a mo g+ha gan+d+ha ba ti su ru su ru pra b+hu ru di bya gan+d+he pad+ma pra b+he swAhA/ gsang sngags 'dis khar stsal ba'i ril bu/ tsan+dan dang / na la da dang / spri ka dang / ut+pa la dang / gur gum dang / @#/ /gla rtsi lhan cig blang ba bgyis la phye ma zhib mor btags nas ril bu zho gnyis tsam pa'i tshad du sbrang rtsi dang lhan cig sbyar la gsang sngags stong rtsa brgyad bzlas brjod bgyis te zangs kyi snod du stsal nas bzlas brjod bgyid pa'i tshe khar stsal nas skad cig tsam zhig bsdad pa bgyis na/ rtag tu kha nas ut+pa la'i dri 'byung bar 'gyur te/ rgyang grags tsam du the tshom med/ /de bzhin gshegs pa thams cad dang / /de bzhin byang chub sems dpa'ang dgyes/ /'phags pa spyan ras gzigs dbang phyug mchog sbyin mgon po mchog tu dga' bar 'gyur ro/ /'phags pa don yod pa'i zhags pa'i cho ga zhib mo'i rgyal po/ bam po gnyis pa/ bzlas pas bde bar 'grub 'gyur pas/ /don yod rig sngags bla na med/ /rig sngags 'chang dang gtam bgyid pas/ /dus kun rul dri spang bar bgyi/ /mkhris pa bad kan snabs dag dang / /de bzhin du 'jig myur du ni/ /kha nas lha yi dri dag 'byung / /su la tshig dag smras pa ni/ /de ni myur du dbang du 'gyur/ /lha rnams dbang du mchis pa dang / /bde sogs bdag po dbang po dang / /gshin rje chu lha lus ngan dang / /tshangs pa khyab 'jug dbang phyug che/ /'jig rten skyong ba bzhi dag dang / /zla ba nyi ma nyid dag dang / /thams cad dbang du gyur nas mchis/ /'di ni kha na mur bgyid na/ /tshig ldan lce yi rtse mo la/ /mchis pas tshig ni gsal bar 'gyur/ /rtag tu mi min dbyangs 'gyur te/ /dri ma'i skyon ni rnam par spangs/ /tshigs bcad stong ni klog pa dang / /sngon bklags pa ni nyams mi 'gyur/ /hUM zhes bgyis pas lha kun dang / /lha gang dkyil 'khor gnas pa'ang mchis/ /phaT ces bgyis pas gdug pa dang / /bgegs dang log 'dren rnam par 'jig /gnod sbyin srin po sha za dang / /brjed byed 'byung po gsang ba pa/ / thams cad mod la 'byer 'gyur zhing / /khas bub tu yang 'gyel bar 'gyur/ /ril bu kha na thogs na ni/ /dus kun tu ni mkhas pas 'gyur/ /grub pa myur du thob 'gyur te/ / thams cad du yang tshe ring 'gyur/ /tshig mnyen 'jam zhing snyan par 'gyur/ /ril bu 'di ni bcang bgyis na/ /don yod pad+ma dri ma med/ /ril bu zhes bgyi 'grub par 'gyur/ / oM ma la bi ga te/ pad+ma bi ba re/ sany+tsa ra ba tsa re swAhA/ a mo g+ha sid+he sho d+ha ya hUM/ nA ga pus pa'i shun pa dang / u shi ra dang / tsan+dan dang / pad+ma ge sar dang / li shi dang / ka ko la dang / spang spos dang / rgya spos dang / gur gum dang / pra pu na da ri ka dang / e la dang / sa ma ka dang / u gra dang / su gan+d+hi ka 'di rnams cha mnyam par bgyis te zhib @#/ /tu btags nas gsang sngags lan stong rtsa brgyad bzlas nas char pa'i chab dang bsres pas khrus bgyis shing 'tshal ba'am/ chab dron pos khrus bgyi ba'am 'tshal pas shin tu khrus bgyis pa gtsang ma shin tu dag pas bag tsha ba ma mchis pa bton pa tsam gyis/ sngon gyi drag po'i las rnams dang / /gdon kun 'joms pa 'grub pa dang / /nad kun rnam par nyams pa dang / /'dod chags zhe sdang gti mug gi /mun pa mi zad spong bar gsungs/ /bkrus 'tshal tsam gyi mod la ni/ |dri ma kun zhi som nyi med/ /dpal gyis lha yi bzhin du 'bar/ /bsod nams phung po rnam par 'phel/ /gzi brjid phung po rtag tu 'bar/ /zla ba nyi ma bzhin du mdzes/ /gtsang ma'i lus su gyur pa ni/ /lus ni lha yi bzhin du 'gyur/ /mi gtsang ba ni gtsang bar 'gyur/ /ma dag pa ni dag par 'gyur/ /tshangs par spyod min tshangs spyod 'gyur/ /thub min thub pa kho nar 'gyur/ /tshangs par mi spyod tshangs spyod 'gyur/ /mgo skya gnyer ma spangs pa dang / /rtag tu bro nad ma mchis 'gyur/ /lus la lha yi dri rnams 'byung / /pad+ma ku mud mnyen pa'i lus/ /sngon gyi dri ni rab spangs te/ /lha yi tsan+dan dri dag ni/ /mda' rgyang gang du som nyi med/ /rtag tu bde bar nyal ba dang / /bde bar yang ni sad par 'gyur/ /gnod sbyin srin po 'byung po dang / /lha min gdug pa log 'dren dang / /gdug pa'i bgegs kun mthong mi 'gyur/ /mi bzad dgra rnams kyis kyang min/ /lus nyid sbyangs pa bgyis nas su/ /bzlas brjod brtson pa'i sgrub pa bgyi/ /legs pa'i sgrub pa'i las bgyis na/ /de nyid bde bar 'grub par 'gyur/ / rgyal ba byang chub sems dpa' kun/ /de bzhin mod la gzigs par 'gyur/ /lha rnams kun dang gang dag gzhan/ /dkyil 'khor gnas pa myur du mchi/ /ci 'dod yid la bzlas pa yis/ /rtag tu don yod grub par 'gyur/ /thog mar lus sbyang cho ga bgyi/ /de nas gsang sngags legs par spyod/ /oM a mo g+ha pad+ma lo tsa ni di bya/ driSh+Ta pa ri shud+d+ha/ su ru su ru pad+ma/ ak+Shi sha d+hu ru b+hu ru sa man+ta bya ba lo ki ni swAhA/ ldong ros gi wang rgya mtsho dbu ba sa ha dza/ /ut+pal sbrang rtsi lhan cig reng bu 'di bgyis la/ /gsang sngags sum stong rtsa brgyad bzlas pa'i mig sman 'di/ /de bzhin gshegs pa rnams kyis mchog tu bzang zhes gsungs/ /'di ni 'jig rten dbang phyug mchog sbyin gyis/ /kun pas bkra shis shis 'di mig nad kun/ /'joms par bgyid de g.yar lam bzang po rmi/ /yid du mi mchi ba nyid mthong mi 'gyur/ /ngan par snang dang ngan par @#/ /blta| |nam yang mthong bar mi 'gyur ro/ /gtum po 'joms pa gtum po dang / /lhag ma spags pa bsgoms nyes dang / /bza' nyes gnod bsgribs gnod sbyin dang / /srin po dang ni sdig sbrul dag /thams cad nyin dang mtshan dag tu/ /mi snang bar ni the tshom med/ /mig gis bzang po mthong ba dang / /rmi lam bzang po mthong bar 'gyur/ /zla ba srid du rab sbyar bas/ /lha rdzas dag ni mthong bar 'gyur/ /mig yongs su sbyong ba'o/ /oM bud+d+ha bud+d+ha/ bi bud+d+ha pad+ma a me g+ha mu khi ba ra ba ra ba ra de swA hA/ rig sngags 'dis gi wang la lan stong rtsa brgyad bzlas brjod bgyi'o/ /don yod pa'i rgyal po lan nyi shu rtsa gcig bzlas brjod bgyi'o/ /khro bo'i rgyal po lan bdun bzlas brjod bgyi'o/ /snying po dang nye ba'i snying po lan brgya rtsa brgyad bzlas brjod bgyi'o/ /bzlas brjod bgyid pa'i tshe yang 'di blangs te dbral ba'i dbus su thig le bgyis te thig le lan gcig bgyis pas dpral ba'i steng na skar ma'i dbyibs lta bur gnas par 'gyur ro/ /gdug pa thams cad dbang 'gyur mchis/ / gnod sbyin 'byung po gang dag dang / /srin po bgegs dang log 'dren nyid/ /thams cad 'jig 'gyur the tshom med/ /sems can gdug pas gdug bsams kyang / /phyir zhing bzod par mi nus pas/ /de dag thams cad 'jig 'gyur te/ /me la phye ma leb bzhin no/ /rtag tu rgyal po skye bor bcas/ /'khor bcas blon por bcas pa dang / /blon po che dang mdun na 'don/ /btsun mo tshogs bcas dbang du 'gyur/ /dge sbyong dang ni bram ze dag /thams cad dbang du mchis par 'gyur/ /rgyal rigs dmangs rigs nyid dag ste/ / thams cad dbang du mchis par 'gyur/ /mchod pa chen po'i 'os su 'gyur/ /rig sngags la ni thams cad dang / /gang dag dkyil 'khor gnas pa ste/ /de dag thams cad dam tshig gi / rjes su sgrub cing skyong bar 'gyur/ /phyogs bcur srung ba bgyid 'gyur zhing / /rtag tu grub pa bla med stsol/ /thig le 'di bgyi grogs med rgyu ba dag /chom rkun dang ni chom po g.yon can dang / /g.yul 'gyed nyid kyi 'jigs pa gang yin pa/ /kun nas bsgral bar 'gyur te som nyi med/ /seng+ge stag dang dom dag dang / /glang chen khro bo mi bzad dang / /wa dang gdug bcas srog chags dang / /so gdug sprul kun mgo nas za/ /gang dag srog chags gdug par bcas/ /de dag thams cad nub 'gyur te/ /nam yang 'byung bar mi 'gyur ro/ / ser ba me dang tshig pa dang / /char pa mi bzad mtshon cha byad/ /mkhas pas thig le 'chad pa'i lus/ /khyim rdib pas kyang non mi 'gyur/ /mkhas pa rig sngags 'chang ba'i don/ / @#/ /thams cad 'di yis bgyid par 'gyur/ /shin tu ma grub gsal bar yang / /'grub par 'gyur te the tshom med/ /bcom ldan 'das/ rig sngags 'chang gis bdag dran par bgyid cing don yod pa'i zhags pa'i snying po dran par bgyid na/ bcom ldan 'das/ /de ma thag tu rig sngags 'chang de'i mdun na bdag mchis nas yid la bsam pa yongs su rdzogs par bgyi'o/ /thams cad kyi mchog thams cad ji skad gsungs pa bzhin stsal bar bgyi'o/ /dgos pa thams cad bsgrub par bgyi'o/ /don yod grub pa rjes su stsal bar bgyi'o/ /bden par dam bcas pas dam tshig rjes su bskyang bar bgyi'o/ /bcom ldan 'das/ /gal te rig sngags 'chang gis ji skad gsungs pa'i cho ga zhib mo sgrub par bgyid na/ /de bzhin gshegs pa'i byin gyi rlabs dang / de bzhin gshegs pa'i bkas rjes su gnang ba de dag thams cad bdag gis stsal bar bgyi'o/ /bcom ldan 'das/ gal te rig sngags 'chang sgrub pa dang bral bar gyur na/ bcom ldan 'das/ de ni/ bdag gis ma nongs so/ /de lta bas na/ rig sngags 'chang gis ji skad gsungs pa'i cho ga dang / cho ga zhib mo sgrub pas gsang sngags dang / phyag rgya bsgrub par bgyi ste/ dgos pa de dag thams cad the tshom ma mchis par 'grub par 'gyur ro/ /de nas gsang sngags bzla ste/ oM a mo g+ha bA sha d+ha ra pra sa ra hUM/ mchod phyir thogs pa'i skud pa'i gsang sngags te/ gzhon nu mas bkal ba'i skud pa la lan brgya rtsa brgyad bzlas brjod bgyis nas mdud pa gsum dor bar bgyi'o/ /oM a mo g+ha pra ba ra Na mu ru mu ri di bya ka shi kaM/ saM b+ha ba tu ta ra ta ra swA hA/ gos kyi gsang sngags te/ lan nyi shu rtsa gcig bzla'o/ /oM a mo g+ha bsta N+yod k+Shi pA mi bo d+hi ni pad+me swA hA/ gos brtag pa'i gsang sngags te/ lan nyi shu rtsa gcig bzla'o/ /oM da byo da ka saM b+hu ta a mo g+ha ba ru Na tsa re b+hi k+Shi na ts+ya hUM/ khrus kyi sngags te/ lan nyi shu rtsa gcig bzla'o/ /oM a mr-i ta a mo g+ha pad+ma a sa ne/ baR+Sha ni tsu ru tsu ru swA hA/ nye reg gi sngags te/ lan nyi shu rtsa gcig bzla'o/ /oM a mo g+ha rak+Sha Ni ku ru ku ru swAhA/ bdag srung ba ste/ yungs kar dang / chab la lan nyi shu rtsa gcig bzlas nas rang gi lus la dbang bskur ro/ /oM a mo g+ha sa ma ya/ ma hA pad+me tiSh+Tha tiSh+Thi hUM/ dam tshig gi gsang sngags te/ lan bdun bzla'o/ /oM sarbA tra a mo g+ha ba ba ti tiSh+Tha rak+Sha tu hUM/ slob ma dang grogs bgyid pa bsrung ba ste/ thal ba la lan bdun bzlas nas dpral bar thig le bgyi'o/ /oM trai lokya pad+ma a mo g+ha kra ma ne mi li mi li swA hA/ gom pa 'dor ba'i sngags te/ lan nyi shu rtsa gcig bzla'o// @#/ /oM pad+me ma hA pad+me sa ra sa ra/ sa man+te na pa ri baSh+DA ya/ a mo g+ha pA she na su ru su ru swAhA/ tshon skud sna lnga la lan bdun bzlas te dkri bar bgyi'o/ /oM bi tsi tra a mo g+ha bstA na raM ga bi shud+d+ha ya/ ki Ni ki Ni swAhA/ ba dan gyi gsang sngags te/ lan bdun bzla'o/ /oM a mo g+ha sha ra badzra tun+Da tha ra tha ra swA hA/ mda'i gsang sngags te/ lan bdun bzla'o/ /oM bi pu la a mo g+ha ma hA d+ha ra bi shud+he si ri si ri swA hA/ rta babs kyi gsang sngags te/ lan nyi shu rtsa gcig bzla'o/ /su dag der zhugs nas mtho ris kyi sgor zhugs par 'gyur ro/ /sdig pa dang sgrib pa thams cad yongs su byang bar 'gyur ro/ /oM nA nA bi tsi Ta/ a mo g+ha puSh+pa/ pha la tA kI r+Na pU ra ya pa ra pa ra hUM/ bum pa gang ba'i gsang sngags te/ lan bdun bzla'o/ /oM a mo g+ha rat+na bi ma Na/ ka Ta da tsa/ a driSh+Ta bi bya gan+d+ho dz+wa la s+pha ra Na/ sa man+te na dz+wa la dz+wa la swA hA/ pog phor gyi gsang sngags te/ lan bdun bzla'o/ /oM dz+wa la ba ti/ rat+na g+ha ta/ si ri Ni tu Ti tu Ti swA hA/ gtor ma'i snod kyi gsang sngags te/ lan bdun bzla'o/ /oM di bya b+haM dza na a mo g+ha pad+ma ba re pU ra ya hUM/ kham phor gyi gsang sngags te/ lan bdun bzla'o/ /oM a mo g+ha saM pu ra Ni dro Na gan+d+ha pa ti swA hA/ thig le'i gsang sngags te/ lan bdun bzla'o/ /oM sa ra ni sA ra ya/ a mo g+ha b+ha dza ne mA da ne hUM/ ril ba mgrin ring gi gsang sngags te/ lan bdun bzla'o/ /oM rat+na di bya/ rat+na kum+b+ha ba ti sA ga ra/ saM pU ra Ni swAhA/ bum pa'i gsang sngags te/ lan bdun bzla'o/ /oM bi tsi tro dz+wa la nA na raM ga b+hi b+hak+ta ya saM sho d+ha ya tu Ti swA hA/ tshon rtsi'i gsang sngags te/ lan bdun bzla'o/ /oM di bya a wa lo ki ni bi b+ha dza yaM tu sa man+te na sa ma ra Na swA hA/ lan nyi shu rtsa gcig bzlas brjod bgyis te so sor dbye bar bgyi'o/ /oM na nA pra hA ra Na a mo g+ha mu drA dz+wa la dz+wa la swA hA/ phyag mtshan bri ba ste/ lan bdun bzla'o/ /oM a mo g+ha rat+na su tra d+ha re ki Ni ki Ni swA hA/ thig skud kyi gsang sngags te/ lan brgya rtsa brgyad bzlas brjod bgyis te dkyil 'khor ram/ ri mo bri ba'i ras sam/ gzhan gzhi ci yang rung ba la yang gdab par bgyi'o/ / oM bi pu la ba re bra be sha ya/ oM mo g+ha pad+me hUM/ sgo'i cha bye ba'i gsang sngags te/ sgo re rer yang lan nyi shu rtsa gcig bzla'o/ /oM su b+hi b+hak+ti su maM ga la dra ra bA ban+ti/ oM di bya b+ha dza na/ a mo g+ha pA sha na ba re/ gi ri gi ri hUM/ oM saM bU rna ru phyid bya ba dza ni/ oM mo g+ha pad+me swA hA/ lan bdun bzla bar bgyi'o/ /oM bi bi d+ha rU pa hA ro ba k+Sha ra Na/ tsa la tsa la/ a mo g+ha ba ti swAhA/ lan nyi shu rtsa gcig bzla'o/ /oM di bya gan+d+ha nu sa ra Ni a mo g+ha ba le d+ha ra d+ha ra swAhA/ mchod yon gyi gsang sngags te/ lan bdun bzla'o/ /oM gan+d+ha s+pha ra Ni sa man+ta/ @#/ /a mo g+ha pra s+phu ra hUM/ dri'i gsang sngags te/ lan bdun bzla'o/ /oM ni rma la kA ya sho d+ha ni di bya gan+d+ha pra bu ra Ni pU ra ya hUM/ byug pa'i gsang sngags te/ lan bdun bzla'o/ /oM g+han+d+ha tsU r+Na pra pU ra Ni/ tsu ru tsu ru swA hA/ dri'i phye ma'i gsang sngags te/ lan bdun bzla'o/ /oM sa man+te na/ bi ma le gan+b+ho t+ta re swA hA/ skul ba'i gsang sngags te/ lan bdun bzla'o/ /oM di bya gan+d+ha pra pU ra Ni sA ga ra dza la di bya a d+hi Sh+Thi te ka la sho d+ha ra pU r+Na pU ra ya dza ya sid+d+he swA hA/ bum pa'i dri chab kyi gsang sngags te/ lan brgya rtsa brgyad bzla'o/ /oM ra sa sA gra pa ti/ sar+b+ba bi d+ha a d+hiSh+Tha na a d+hi Sh+Thi te saM pU ra ya hUM/ gtor ma ro sna tshogs can gyi gsang sngags te/ lan nyi shu rtsa gcig bzla'o/ /oM di bya b+ho dza na/ saM pU ra ya/ bi pu la pra b+he swA hA/ kha zas kyi gsang sngags te/ lan nyi shu rtsa gcig bzla'o/ /oM tri shu kla b+ho dza na ba li bi pU la ra sA gra ba ti su ra pra su ra hUM/ zas dkar gsum gyi gtor ma'am/ gtor ma gzhan la yang lan nyi shu rtsa gcig bzla'o/ /oM pha la ba ti swA ra ba ti di bya ba na spa ti/ ta ra ta ra tu ni swA hA/ 'bras bu'i gsang sngags te/ lan bdun bzla'o/ /oM di bya ku su mot+pa la nA nA puSh+pa pra baR+Sha ni b+ha ba swA hA/ me tog gi gsang sngags te/ lan bdun bzla'o/ /oM bi bi d+ha la ta puSh+pA pa kuN+Thi ta ba na spa ti a ha ra saM pU r+Na kuM b+he swAhA/ me tog gtor ba'i gsang sngags te/ lan bdun bzla'o/ /oM ma hA d+hu pa me g+ha pa Ta la sany+tsa dA ya/ sa man+te na hUM swAhA/ dug pa'i gsang sngags te/ lan nyi shu rtsa gcig bzla'o/ /oM a tha ra pa Ni dz+wa la dz+wa la de ba mu khe swA hA/ me'i gsang sngags te/ lan bdun bzla'o/ /oM b+hi bi d+ha ma Ni kan ka rat+no dz+wa la puSh+mi ma Ni a mo g+ha ma Ni swA hA/ cha zhing rgyan pa'i gsang sngags te/ lan bdun bzla'o/ /oM pad+ma ka re bi ma lan kha/ ang+gu li/ sa ma sa ma sar+b+ba ta thA ga ta a d+hiSh+Thi te swA hA/ thal mo sbyar ba'i gsang sngags te/ lan nyi shu rtsa gcig bzla'o/ /oM sarba gu Na pra Na ta/ shi ro ban+d+ha nA ya na maska ro mi/ mi li mi li tu ri Ni swA hA/ phyag bgyi ba'i gsang sngags te/ lan bdun bzla'o/ /oM da sha di sha a b+hi ban+d+ha na pra sa ra hu hUM/ bskor ba'i gsang sngags te/ lan nyi shu rtsa gcig bzla'o/ /oM bi bi d+ha yu d+ha dz+wa li ta pa ni/ pra dz+wa la pra s+phu ra hUM/ thal mo'i gsang sngags te/ lan nyi shu rtsa gcig bzla'o/ /oM di bya a mo g+ha bi pu la swa re ma d+hu ra ni ra g+ho Sha ru te na ra Na ra Na hUM/ dril bu'i gsang sngags te/ nyi shu rtsa gcig bzla'o/ /yang na brgya rtsa brgyad do/ /oM rash+mi dz+wa la sa man+te na/ a ba b+h+wa sa ya ma hA ma Ni rat+na shi khe swA hA/ mar me'i gsang sngags te/ lan brgya rtsa brgyad bzla'o/ /oM d+hu ru d+hu ru a pa ha ya shI g+ha dza be hUM dgug pa'i @#/ /gsang sngags te/ gu gul gyi bdug pa la lan brgya rtsa brgyad bzla'o/ /oM duSh+Tha sa do bi bo d+ha ni/ sa ma sa ma ya ba re swAhA/ dam tshig gi gsang sngags te/ lan nyi shu rtsa gcig bzla'o/ /oM bi tsi tra ma Ni bi bu la brta ni hUM/ /bgrang phreng gi gsang sngags te/ lan brgya rtsa brgyad bzla'o/ /oM bi tsi tra ra dz+wa lo di bya/ /ku su ma ba re puSh+pa ra ti swAhA/ me tog phreng ba'i gsang sngags te/ lan bdun bzla'o/ /oM di bya lo tsa ne a mo g+ha pra ba re/ sarba di bya a d+hi Sh+Thi ta/ sid+d+hi sho d+he bi lo ki te swAhA/ dgug pa'i gsang sngags te/ lan nyi shu rtsa gcig bzla'o/ /oM a mo g+ha pad+me sa man+ta/ shu b+ha ne ta ra ta ra gats+tsha swa b+ha ba na ma swAhA/ slar gshegs su gsol ba'i gsang sngags te/ lan nyi shu rtsa gcig bzla'o/ /oM di bya saM pU ra Ni nA gabi lo ki na hUM/ mkhar gsil gyi gsang sngags te/ lan nyi shu rtsa gcig bzla'o/ /oM baD+Ta spu ra Ni spu ra ya/ a mo g+ha bi ta sa man+ta pra b+he swAhA/ lhung bzed kyi gsang sngags te/ lan nyi shu rtsa gcig bzla'o/ /oM dur b+ha saM s+tha ra bid+d+h+ya a tiSh+Thi ta pra sa ra su ra su ra/ ri Shi pU dzi te swA hA/ rtsa gding ba'i gsang sngags te/ lan nyi shu rtsa gcig bzla'o/ /oM dz+wa la du ma dz+wa la shi khi rash+mi gar+b+he swAhA/ sbyin sreg gi gsang sngags te/ lan brgya rtsa rtsa brgyad bzla'o/ /oM pad+me ni pad+ma sa ne ba re nA ga b+hu ba ne swA hA/ 'bab chu dang / mtsho'i gsang sngags te/ lan bdun bzla'o/ /oM kha ga tsa ri Ni/ ga ma ga ma ya pa da pra tsa ri Ni hUM/ len pa'i gsang sngags te/ lan brgya rtsa brgyad bzla'o/ /oM sarba tra a mo g+ha b+hi Shi ka ma hA tsU Da bi ma le a b+hi Shiny+tsi tu ma/ pra ba ra pA Ni b+hu dze pad+me d+ha dze swA hA/ dbang bskur ba'i gsang sngags te/ lan nyi shu rtsa gcig bzla'o/ /rig sngags 'chang gis gsang sngags 'di dag thams cad so sor cho ga zhib mo'i sgrub pa ji lta ba bzhin du thams cad so sor sbyar nas cho ga bsgrubs na/ dgos pa rgya chen po'i 'byor pa'i mthu 'di dag dang / me tog dang / bdug pa dang / dri dang / phreng ba dang / byug pa dang / rin po che'i snod sna tshogs dang / nor bu sna tshogs kyi gzhal med khang rgya chen po 'byung bar 'gyur ro/ /lha'i me tog dang / gdugs dang / ba dan sna tshogs 'byung bar 'gyur ro/ /ro brgya dang ldan pa'i kha zas kyi mchog dang / ro sna tshogs kyi mchog rnams 'byung bar 'gyur ro/ /gtor ma bzang po rnams pa sna tshogs 'byung bar 'gyur ro/ /ji tsam de bzhin gshegs pa la 'os pa'i gzhal med khang dag 'byung bar 'gyur ro/ /byang chub sems dpa'i gzhal med khang ji lta ba de lta bu dag 'byung bar 'gyur ro/ /lha rnams kyi gzhal med khang ji lta ba de lta bu dag 'byung bar 'gyur ro/ /klu @#/ /rnams dang / gnod sbyin rnams dang / lha ma yin rnams dang / nam mkha' lding rnams dang / mi'am ci rnams dang / lto 'phye chen po rnams la so so'i gzhal med khang ji lta ba de lta bu dag 'byung bar 'gyur ro/ /mi rnams kyi khang pa ji lta ba dang / kha zas kyi mchog ji lta bu dag 'byung bar 'gyur ro/ /de lta bas na/ dgos pa'i rnam pa thams cad bgyi ba dang / de kho na nyid sgrub pa'i ji skad gsungs pa'i cho ga zhib mo dang / cho ga dang / gsang sngags sgrub pa rnams bgyi'o/ /de nas rig sngags 'chang gis grub pa bla na med pa thams cad 'thob par 'gyur ro/ /gal te rig sngags 'chang gis las yongs su rdzogs par bgyi ste/ don yod pa'i zhags pa'i snying po 'di brjod pa tsam gyis rig sngags 'chang gi mdun du bdag rang gi gzugs kyis nye bar mchis nas bsam pa dang / re ba thams cad yongs su rdzogs par bgyi'o/ / sdig pa dang / sgrib pa dang / gnod pa thams cad 'jig par 'gyur/ /yongs su dag pa'i lha chen po ltar lus dag par bgyi'o/ /cho ga zhib mo dang / phyag rgya dang / gsang sngags dang / snying po dang / dkyil 'khor dang / don yod pa'i zhags pa'i rgyal po'i rnam par thar pa'i dkyil 'khor grub pa'i mchog thams cad stsal bar bgyi'o/ /rig sngags 'chang 'khor los bsgyur ba chen po'i dbang bskur bas dbang bskur 'gyur ro/ /de kho na nyid yang dag par sgrub pa'i grub pa stsol bar bgyi'o/ /don yod pa'i zhags pa'i 'jig rten pa dang / 'jig rten las 'das pa sgrub pa'i grub pa chen po stsal bar bgyi'o/ /shin tu rgya che zhing bag tshad ba ma mchis pa dang / mchod pa dang / bkur sti chen po 'jig rten thams cad kyi mchog khyad par du 'phags shing nor 'du ba'i bkra shis dang / dpal stsal bar bgyi'o/ /'di la yid gnyis dang / som nyi bskyed par mi bgyi zhing dngos po gzhan du yang yid la mi bgyi'o/ /sems can thams cad la byams pa dang / snying rje dang dga' ba dang / btang snyoms kyis brtse ba la mchog tu brtson par bgyi'o/ /bu gcig pa bzhin du sems can du gyur pa thams cad la mchog tu brtse bar bgyi'o/ /bden par smra ba dang / bden par dga' ba dang / snyan par smra ba dang / snying rje'i lhag par bsam pas dmigs nas don yod pa'i zhags pa'i snying po bzla bar bgyi'o/ /bzlas brjod kyi cho ga bgyi zhing phyag rgya dang gsang sngags kyang bzla bar bgyi'o/ /phyogs bcu'i sangs rgyas kyi zhing thams cad du gtogs pa'i de bzhin gshegs pa rnams yid la bgyis nas sangs rgyas rjes su dran pa bsgom par bgyi'o/ /sangs @#/ /rgyas dang / byang chub sems dpa' thams cad la phyag bgyi'o/ /'phags pa mgon po spyan ras gzigs dbang phyug la phyag bgyis nas mngon sum du bsgom par bgyi'o/ /bcom ldan 'das 'phags pa spyan ras gzigs dbang phyug gi rim mo'i gzugs la phyag rgya bgyis te mdun du rtswa'i gding ba gting na skyil mo krung bcas te mchis nas gzhan mi smra bar bzlas pa bgyi ste/ 'di ni/ gsang ba'i de kho na nyid sgrub pa'o/ /de nas phyag rgya dang gsang sngags brjod par bgyi'o/ /dbang la don yod pa'i zhags pa'i snying po'i de kho na nyid grub par gyur cig / 'jig rten dbang phyug mgon po thugs rje can sems can la byams pa dang / sems can dag pa lag na pad+ma can/ sems can thams cad la byams pa'i bdag nyid can gyi byin gyi rlabs kyis byin gyis brlabs pas/ /phyogs bcu'i de bzhin gshegs kun dang / lha dang klu dang gnod sbyin dang / srin po lha min gsang ba pa/ 'jig rten skyong dang tshangs pa dang / drag po khyab 'jug gzhon nu sogs/ /gshin rje chu lha lus ngan dang / drang srong tshogs dang de bzhin du/ /zla nyi kun 'gyed gzhon nu dang / /de bzhin dbang phyug dbang chen dang / /phyag rgya bcings pa tsam gyis ni/ /de dag myur du 'du bar 'gyur/ /sgrol ma bdun ni 'du bar 'gyur/ /de bzhin pha rol phyin bcu dang / /mgrin sngon de bzhin gos dkar can/ /de bzhin pad+ma gar gyi dbang / /rgyal dang rnam rgyal nyid dang ni/ /lcags sgrog rdo rje lcags sgrog dang / /lha mo khro gnyer mA ma kI/ /dpe med pho nya mo dang ni/ /'jigs med dpal dang dbyangs can dang / /pad+ma ko ti ut+pa la/ /pad+ma'i so can de bzhin du/ /ti se yi ni rtse mo na/ /'phrog ma 'byung po'i ma dag dang / /de bzhin lag na rdo rje bcu /mthu chen ji bzhin rig 'dzin dbang / /rdo rje 'chang chen de bzhin du/ /bcu gsum lha dbang lhan cig dang / /sum cu gnyis nas lha dag ni/ /gsang sngags phyag rgya bcings tsam gyis/ /de dag thams cad 'du bar 'gyur/ /phyogs bcu'i de bzhin gshegs pa thams cad kyis rnam par gzigs shing ston par mdzad do/ /de'i mod la byang chub sems dpa' rnams kyis rnam par gzigs shing rtag tu mchog stsol bar 'gyur ro/ /rtag tu mgon po 'phags pa spyan ras gzigs dbang phyug phyag stong spyan stong pa dang / phyag rgya sna tshogs 'dzin pa la blta 'tshal bar 'gyur ro/ /phyag rgya bcings pa tsam gyis ni/ /bram ze'i cha lugs don yod zhags/ /mthong bar 'gyur te som nyi med/ /mgrin sngon dang ni rta mgrin dang / /de bzhin rgya mtsho'i klong dang ni/ /mgon po'i zhal ni bcu gcig dag/ /de bzhin @#/ /zhal ni bzhi dag dang / /mgon po 'jigs pa brgyad 'phrog dang / /de bzhin gzigs pa bsam mi khyab/ /rnam pa sna tshogs gzugs dang ni/ /rgyun lta bu'i ting nge 'dzin/ /phyag rgya bcings pa tsam gyis ni/ /mgon po thams cad ston par mdzad/ /bde ba can gyi 'jig rten khams/ /rgyal ba 'dren pa 'od dpag med/ /byang chub sems dpa'i tshogs bskor ba/ /mgon po mod la mthong bar 'gyur/ /gzhan yang sangs rgyas zhing ni stong dag gi /chu bo gang+ga'i bye ma dang mnyam pa'i/ /de bzhin gshegs 'bum bye ba brgya phrag stong / /byang chub sems dpa'i tshogs bcas yongs bskor mgon/ /phyag rgya bcing pa tsam gyis mthong bar 'gyur/ /mthong ba chen po'i rnam par gzhan mthong ste/ nyin gcig bzhin du byang chub snying po dang / chos kyi 'khro lo de bzhin rdo rje'i gdan/ /de dag rmi lam snang ba mthong 'gyur bas/ /de la yid gnyis som nyi the tshom med/ /sangs rgyas rnams kyis gshung ba'am mtshams med lnga/ /mgon po che la gdug sems nyid dang ni/ /byang chub sems dpa' bar chad 'phags pa la/ /kha zer nyid dang dam chos bslu ba dang / rgyal ba'i gsung spong mnar med gzhol ba dang / mi bzad dmyal ba bcu drug gnas pa dang / bskal pa 'bum mo thams cad skad cig grol/ /phyag rgyal gsang sngags bzlas pa tsam gyis sam/ /thos sam mthong ngam ming ni bzung bas kyang / /sdig pa de kun 'jig 'gyur som nyi med/ /don yod zhags snying phyag rgya mthong ba yang / /'jig rten mgon dang mtshungs te khyad par 'phags/ /sangs rgyas 'bum phrag stong dang gang+ga yi/ bye ma brgya stong dag ni mthong bar 'gyur/ /byang chub snying por gtogs pa thams cad dang / /chos kyi 'khor lo rab tu bskor bar mtshungs/ /don yod rgyal po'i snying po phyag rgya dang / /gsang sngags mthong nas bsod nams phung chen gyis/ /bsod nams phung po 'di dag 'phel bar 'gyur/ /de yi tshe yang rnam par 'phel bar 'gyur/ /de ni dpag tu med par som nyi med/ /de nas rig sngags 'chang ba gtsang gyur nas/ /gtsang ma'i gos bgos nas ni thog mar yang / /yo byad sgrub pa gtsang zhing spyod pa gtsang / /rtag tu yan lag spos ni sna tshogs dang / /sna tshogs bdug pas rab tu bdugs bgyis shing / /dpung pa lag pa lha yi spos kyis byug/ gtsang ma'i sa phyogs gtsang ma'i stan bshams par/ skyil mo krung bcas nas ni byams sems dang / snying rje'i lhag bsam de nyid mnyam bzhag nas/ /phyogs bcu'i dus gsum gshegs pa'i sangs rgyas dang / rtag tu 'jig rten dbang la phyag bgyi @#/ /zhing / rtag tu bla ma mchod nas chos la brtson/ /shin tu rig pa tshig gzhan mi smra bar/ /shin ti rig pas srung ba'i cho ga bgyi/ /shin tu bkra shis bla ma de nyid gus/ /bden par smra zhing snyan par smra ba dang / /sems can kun la snying rje'i bdag nyid can/ /lhan cig rjes mthun gyur nas de nas ni/ /phyag rgya 'di bcing bar bgyi ste/ lag pa pad+ma'i tshul du bzhag la sor mo rnams mnyam par bcings te mthe'u chung zla ba'i tshul du snying gar gzhag go /phyag rgya 'di ni/ don yod pa'i rgyal po'i snying po'i rtsa ba'i phyag rgya ste/ byang chub kyi snying po'i bar du stsol bar bgyid do/ /mgon po 'jig rten dbang phyug dgug pa'i gsang sngags 'di brjod do/ /oM a mo g+ha bi ku ra bi ta sa man+ta a wa lo ka ya na mas+t+rai ya d+h+wA/ a d+hi Sh+Thi ta a mo g+h+ra pa pad+me/ tsa ra bi tsa ra sany+tsa hUM hUM/ de ma thag tu dus gsum la rnam par blta ba don yod pa'i r gyal po pad+ma 'bar ba gsal ba'i cho 'phrul dang bcas pa'i phyag rgya'i rgyal pos shin tu phra ba'i rdul dang mnyam pa'i dus gsum du gshegs pa'i sangs rgyas kyi zhing mang po mtha' dag cher g.yos par 'gyur ro/ /dus gsum du gshegs shing bzhugs pa'i sangs rgyas bcom ldan 'das de dag gi sku las 'od zer sna tshogs 'bum p hrag brgya stong du ma dag byung nas de bzhin gshegs pa de dag thams cad rab tu dgyes shing sangs rgyas kyi zhing la mdzad pa'i thugs rje chen pos phyag gsar gyi kha dog lta bu brkyangs nas rig sngags 'chang gi spyi bor 'jog par 'gyur ro/ /grub pa dam pa don yod pa'i rnam par 'phrul ba'i byin gyis rlabs kyis byin gyis brlabs pa stsol bar 'gyur ro/ dbang phyug dang / dbang phyug chen po dang / tshangs pa dang / lha'i bu dang / gshin rje dang / chu lha dang / lus ngan dang / khyab bdag dang / kun 'gyed gzhon nu la sogs pa lha rnams srung ba dang / skyob pa dang / sbed pa bgyid par 'gyur ro/ /phyag rgya bcings pa tsam gyi mod la sdig pa dang / sgrib pa thams cad dang / 'jigs pa brgyad rnams dang / chad pa thams cad las yongs su thar par 'gyur ro/ /de'i grub pa yid du mchi bar 'gyur ro/ /las thams cad bgyid pa'i phyag rgya thams cad du mchog lags par grags pa lags so/ /don yod dam tshig mchog grags pa/ /pad+ma rgyas pa'i phyag rgya bcing / /mdzub mo gung mo rnams pad+ma lcags kyu'i tshul du bgyid la sen mo mnyam par bzhag pa'i phyag rgya 'di bstan te rnam par grol ba'i dkyil 'khor rtse ba'i phyag rgya 'dzin pa'i gsang sngags 'di brjod do/ /oM a mo g+ha pad+maM ku sha sa man yA na/ gr-i h+na gri h+na/ d+ha ra d+ha ra/ ma hA satwa hUM/ phyag rgya @#/ /bcing ste/ bcings ma thag tu'am bzlas pa tsam gyis dus gsum du gshegs pa'i sangs rgyas bcom ldan 'das thams cad kyis legs so/ /zhes bgyi ba stsol bar 'gyur ro/ /de bzhin gshegs pa de dag thams cad dgyes pa dang / mnyes pa dang / rab tu dgyes pa dang / tshim pa dang / thugs dgyes pa skye bar 'gyur zhing / rig sngags 'chang la thugs rje chen po rgyas pa'i snying po grub pa dam pa stsol bar 'gyur zhing / /yang nas yang du mthong ba stsol bar 'gyur ro/ /mchog thams cad stsol bar 'gyur ro/ /don yod pa'i dam tshig grub pa stsol bar 'gyur ro/ /de bzhin gshegs pa thams cad kyi gsang ba'i dkyil 'khor gyi cho ga zhib mo phyag rgya dang / gsang sngags 'dzin pa rnam par grol ba'i dkyil 'khor bzung ba tsam gyis dam tshig gi rjes su 'jug par 'gyur ro/ /thams cad du 'phags pa spyan ras gzigs dbang phyug gi gsang ba'i dkyil 'khor gyi cho ga zhib mo phyag rgya dang / dam tshig 'tshal bar 'gyur ro/ /thams cad du dgos pa'i gsang sngags grub par 'gyur ro/ /'phags pa spyan ras gzigs dbang phyug mchog sbyin pa rtag tu blta 'tshal bar 'gyur ro/ /lag mthil pad+ma ltar bgyis la mdzub mo gung mo rdo rje ltar bgyi zhing mthe'u chung brkyang pa'i phyag rgya ni/ pad+ma 'chang la bdug pa dang / /me tog la sogs dri rnams dang / /phreng ba byug pa phye ma dang / /ba dan gos dang rgyan dang ni/ /gtor ma mchod yon rab tu dbul/ /bum pa gang ba'i dri sogs dang / /tshon skud sna lnga tshon phye 'o/ /gzhan yang zas ni sna tshogs la/ /phyag rgya 'di ni kun la mchog /'di ni dngul ba'i phyag rgyar gsungs/ /thams cad du ni don yod mchog /go bar bgyid pa'i phyag rgya ni/ /pad+ma'i phyag gis byin gyis brlabs/ /gung mor nor bu dkris pa lta bu'i phyag rgya 'di ni| bag tsha ba med pa'i pad+ma rin po che'i phyag rgya lags te/ 'di ni/ grub pa dam pa lags so/ /spyan drang ba'i gsang sngags ni/ oM a mo g+ha pad+ma ma hA satwa a ya tu mi ha maN+Da le/ bi ri bi ri pad+ma b+hu dze swA hA/ dus gsum gshegs pa'i sangs rgyas rnams/ /gsol ba gdab pa'i gsang sngags te/ /byang chub sems dpa' thams cad dang / /phyag na pad+ma gsol gdab dgug / lha rnams kun dang de bzhin du/ /dkyil 'khor gyi ni lha rnams dgug /phyag rgya 'di ni bcings pa yis/ /phyogs bcu kun gyi sangs rgyas dang / /de bzhin byang chub sems dpa'ang 'du/ /lha dang klu dang gnod sbyin dang / /dri za lha min de bzhin du/ /nam mkha' lding dang mi'am ci/ /lto 'phye chen po nyid dag ste/ /de kun skad cig @#/ /'du 'gyur zhing / /bsrung ba'i phyir ni som nyi med/ /lag pa rdo rje'i tshul du bzhag la lag pa'i mthe'u chung rnams pad+ma'i mtshams su bya ste/ gung mo rnams yid tsam bskums pa'i phyag rgya bcings pa ni/ grub ldan 'di ni phyogs bcings dang / /dkyil 'khor bcing bar bgyi ba yi/ /srung ba'i las la bag tsha med/ /phyag rgya 'di ni bcings tsam dang / /gsang sngags stong ni bzlas tsam gyis/ /dpag tshad bdun ni khor yug tu/ /mtshams bcings dkyil 'khor bcings pa dang / /srung ba'i las ni bgyis par 'gyur ro/ /oM a mo g+ha badzra dr-i D+ha pad+ma ban+d+ha sa man+te na ma hA sa man+ta rak+Sha n+tu maM/ tsu ru tsu ru hUM phaT/ de nas don yod phyag rgya ste/ grub ldan sems can kun smra na/ /don yod pa yi phyag rgya ni/ khyad par 'phags pa gzhan yang bstan/ /rdo rje thal mo sbyar nas sor mo rnams mnyam par bzhag ste srin lag kha gdengs la sor mo rnams yid tsam bskums pa ni/ don yod sna tshogs rgyal po yi/ /pad+ma'i phyag rgya chen por bsgrags/ /phyag rgya 'di ni las kun dang / /'jug pa'i las kun sbyar ba dang / /dkyil 'khor phyag rgya mchog kun gsungs/ /phyag rgya 'di ni bzung tsam dang / gsang sngags dam pa bsrungs bgyis na/ /rig sngags 'chang ba 'jug par 'gyur/ / dus gsum gshegs pa rnam thar pa'i/ /dkyil 'khor dam pa grub par 'gyur/ /oM badzre badzre/ a d+hi Sh+Thi te pad+mo bi shwa rU pa d+ha re/ d+ha ra d+ha ra hUM/ pra be sha tu s+t+rai ya d+ho nu ga ta na d+ha ri tu Ti swA hA/ phyag rgya 'di ni bcings tsam gyis/ /de nyid grub pas phyogs bcu yi/ /sangs rgyas zhing ni rnam drug tu/ /g.yo bar 'gyur bar so ma nyi med/ /phyag na pad+ma'i lus 'bar nas/ mgu ba chen po 'byung bar 'gyur/ /rig sngags 'chang la 'dzum bzhin gyis/ /rtag tu blta shing mdun na mchis/ /sangs rgyas kyi ni zhing kun dang / mtho ris sgo rnams 'byed par 'gyur/ /sum cu rtsa gnyis gnas rnams na/ /gnas pa'i lha rnams sgo 'byed cing / /sum cu rtsa gsum gnas sgo na/ gnas pa thams cad sgo 'byed do/ /bde chen 'jig rten khams dag ni/ /sgo na gnas pa sgo 'byed do/ /phyag rgya 'di ni bcings tsam gyis/ /gnas kun tu ni 'jug par 'gyur/ /phyag rgya sdig pa thams cad 'phrog /nye ba'i nyon mongs thams cad 'joms/ /sdug bsngal kun las rnam par gro/ /gnod pa thams cad 'jigs par bgyid/ /dmyal ba bcu drug rnams las thar/ /phyag rgya bcings pa tsam gyis ni/ mi bzad 'jigs pa brgyad rnams dang / nyes byas thams cad 'jig par bgyid/ /dmyal ba'i sgo ni bcad par 'gyur/ /mi bzad 'jigs las bsgral bar @#/ /'gyur| |phyag rgya 'di ni mthong tsam gyis/ /mtshams med lnga ni bgyis pa dang / sdig pa kun las rnam par thar/ /sems can kun la rtag tu sdug /de bzhin gshegs kun byin gyis rlob/ /phyag rgya 'di nyid mthe bo'i rtse mo cung zad bkug la bzung ste gung mo pad+ma'i ral ba'i tshul du bgyis te spyi bo'i ral ba sa la bzhag pa ni| pad+ma'i ral ba'i phyag rgya lags te/ 'di ni/ don yod pa'i zhags pa zhes bsgrags te/ sems can thams cad la sman pa'i slad du gsang sngags 'di brjod par bgyi'o// oM a mo g+ha pad+mo dza le bi sho d+ha ya hUM bi ri bi ri bi ma le swA hA/ phyag rgya spyi bor bzhag nas chab dag gis/ bkrus nas gtsang mas gsang sngags 'di/ /brgya rtsa brgyad du bzlas nas su/ /phyag rgya gsang sngags dogs med pas/ rtag tu bkrus pa'i mod tsam gyis/ /mi gtsang ba ni gtsang bar 'gyur/ /mi gtsang spyod pa gzang ba dang / tshangs spyod ma yin tshangs spyod 'gyur/ / mi thub pa ni thub par 'gyur/ /bsod nams phung po lha bzhin 'bar/ /zla ba nyi ma bzhin du mdzes/ /'jig rten kun snying rtag tu sdug / gsang sngags bla na med pa 'grub/ /grub pa don yod zhags pa yi/ /don yod de nyid 'grub par 'gyur/ /lha rnams kun ni 'du 'gyur te/ bsrung ba'i phyir ni so ma nyi med| |mgon po 'phags pa spyan ras gzigs/ /sems dpa' mchog sbyin dag pa po/ /mchog sbyin rgyun du thams cad du/ /nyi ma re re mthong 'gyur zhing / /tshe 'phel rtag tu nad med 'gyur/ /de bzhin mgu dang rgyas par 'gyur/ /thams cad du ni las 'grub ste/ /gnod pa kun las rnam par grol/ /sdig pa kun las rnam par thar/ /thams cad du ni bkra shis mchog / khrus kyi rnam pa 'di dag no/ /don yod khrus kyi mchog yin no/ /lag gnyis bsdams la 'og tu bstan/ /srin lag gnyis yid tsam bskums pa ni/ pad+ma'i nor bu phyag rgya lags te/ kun nas kyang ni mnyam par bzhag /phyag rgya ting 'dzin lta bu 'di/ /skyil mo krung bcas mchis nas su/ /phyag rgya 'di dag bcings bgyis shing / / mnyam par bzhag nas gsang sngags bzlas/ /bcings pa tsam gyi mod nas ni/ /skyil krung rdo rje lhun mnyam 'gyur/ /kun nas go char gyur nas ni/ /bgegs dang log 'dren thams cad dang / /gnod sbyin srin po 'byung por bcas/ /lha min mkha' lding gis mi mthong / /phyogs dang phyogs mtshams rnams dag tu/ /de dag thams cad rgyang ring 'bros/ / bgegs med par ni las 'grub pas/ /bzlas pa'i las la som nyi med/ /oM a mo g+ha badzra dr-i D+ha pad+me shwa ra hUM/ thal mo mnyam par sbyar la mdzub mo dang gung mo bkug nas mthe @#/ /bong pad+ma kha phye ba ltar bgyi ste/ don yod pa'i dbang phyug rgyal po'i phyag rgya'o/ /'phags pa spyan ras gzigs dbang phyug gi mdun du gsang sngags dang / phyag rgya bcing bar bgyi'o/ /oM pad+me shwa ra a mo g+ha ba ra da/ b+hi ri b+hi ri swA hA/ 'dis thog mar bzlas brjod nyi shu rtsa gcig bgyi'o/ /de'i 'og tu phyag rgya bcings nas don yod pa'i zhags pa'i snying po de kho na nyid sems pa'i bsam ba rtse gcig pas bzlas brjod bgyi'o/ /lan cig bzlas pa tsam gyi mod la dus gsum du rgyun du gshegs pa'i sangs rgyas 'bum phrag brgya stong gang+gA'i klung gi bye ma dang mnyam pa g.yo bar 'gyur zhing / /de bzhin gshegs pa dgra bcom pa yang dag par rdzogs pa'i sangs rgyas rnams kyis rig sngags 'chang de la legs so/ /zhes bgyi ba stsol bar 'gyur ro/ /dbugs 'byin par mdzad do/ /rig sngags 'chang de la 'od zer sna tshogs gtong bar mdzad do/ /mgon po 'phags pa spyan ras gzigs dbang phyug dran par bgyis pa tsam gyi mod la mdun du mchis par 'gyur ro/ /'di ltar bcings pa tsam gyis pha rol tu phyin pa drug yongs su rdzogs par 'gyur ro/ /pha rol tu phyin pa bcu dang ldan par 'gyur ro/ /sangs rgyas kyi chos ma 'dres pa bco brgyad dang ldan par 'gyur ro/ /de bzhin gshegs pa'i stobs bcu dang ldan par 'gyur ro/ /mi 'jigs pa bzhi 'thob par 'gyur ro/ /'phags pa'i lam yan lag brgyad yongs su dag par 'gyur ro/ /phyag rgya 'di bcings la don yod pa'i rgyal po'i snying po dran par bgyis pa tsam gyi mod la yon tan dang phan yon rnams 'thob par 'gyur ro/ /bzlas brjod brgya rtsa brgyad bgyis la phyag rgya brgya rtsa brgyad bcings nas zhag gcig smyung ba bgyis te bzlas brjod bgyis na/ 'phags pa spyan ras gzigs dbang phyug bdag nyid kyi rang bzhin du mdun du mchis nas rig sngags 'chang la legs so zhes bgyi ba stsol te/ rig sngags 'chang / /legs so legs so/ /'di ni/ bzlas brjod kyi dam pa yin no/ /zhes dpung pa g.yas pa brkyang ba'i lag pas rig sngags 'chang gi spyi bor bzhag nas dbugs 'byin par 'gyur te/ tshur shog bu/ gang 'dod pa'i mchog slongs shig dang sbyin no/ /khyod rjes su bzung zhing byin gyis brlabs pas nga'i bu rig sngags 'chang gi thu bor gyur cig / rig sngags 'chang / khyod kyis don yod pa'i zhags pa'i snying po grub pas rnam par grol ba'i dkyil 'khor gyi phyag rgya rim par dbye ba dang / cho ga zhib mo'i rgyal po la brtan par gyis shig /snying rje chen po'i sems kyis sems can thams cad la goms par gyis shig /khyod 'di @#/ /nas ma 'ongs pa'i mngal du gnas nas shi 'phos te 'jig rten gyi khams bde ba can du 'gro bar 'gyur zhing / khyod pad+ma'i nang du brdzus te skyes nas rgyan thams cad kyis brgyan cing mtshan dang dpe byad kyis rab tu brgyan pa byang chub kyi snying po'i mthar thug gi bar du tshe dpag tu med par 'gyur ro/ /'di ltar tshig gzhan mi smra bar lan stong rtsa brgyad bzlas brjod bgyis te/ phyag rgya brgya rtsa brgyad bzlas brjod bgyis te phyag rgya brgya rtsa brgyad bcings pas/ lan stong rtsa brgyad tshang nas nam mkha' la mchi bar 'gyur ro/ /don yod pa'i rnam par 'phrul pa rnam par dag pa'i dkyil 'khor gyi 'khor los bsgyur bar 'gyur ro/ /rig sngags 'chang 'bum phrag bye ba brgya stong phrag bco brgyad kyis yongs su bskor bar 'gyur ro/ /tshe dpag tu ma mchis par 'gyur ro/ /don yod rgya cher snang ba zhes bgyi ba'i rdzu 'phrul 'thob par 'gyur ro/ /rdzu 'phrul gang gi mthus stong gsum gyi stong chen po'i 'jig rten gyi khams su dpung pa bskum pa las brkyang ba tsam gyis mchi zhing slar ldog par 'gyur ro/ / bzlas brjod brgya stong bgyis la phyag rgya brgya stong bcings na/ tshe 'di nyid la 'phags pa spyan ras gzigs dbang phyug dang 'dra bar 'gyur ro/ /sgyu ma lta bu'i ting nge 'dzin gyis rnam par rol ba'i don yod pa'i mig yongs su dag pa 'thob par 'gyur ro/ /dbang phyug dang / dbang phyug chen po dang / tshangs pa dang / lha'i bu dang / drag po dang / dbang po dang / nyi ma dang / zla ba dang / gzhon nu dang / gshin rje dang / chu lha dang / lus ngan la sogs pa'i gzugs sna tshogs mthong bar 'gyur ro/ /klu'i rgyal po'i gzugs rnam pa sna tshogs kyi bar du mthong bar 'gyur ro/ /ji lta ji ltar sems can rnams 'dul bar 'gyur ba de lta de lta bu'i gzugs mthong bar 'gyur te/ 'di ni/ 'jig rten pa'i bzlas brjod sgrub pa 'bum lags so/ /'bum bzlas pas 'jig rten las bzlas pa phyogs bcu'i sangs rgyas kyi zhing thams cad na de bzhin gshegs pa thams cad mngon sum du snang ba'ang mthong bar 'gyur ro/ /de bzhin gshegs pa thams cad la lung bstan pa 'thob par 'gyur ro/ /byang chub kyi snying po la thug gi bar du phyir mi ldog par byin gyis brlabs bar 'gyur ro/ /phyag rgya bcings te skyil mo krung bcas nas sems can thams cad la brtse ba dang / 'byung po thams cad la byams pa dang snying rje ba'i sems kyi rang bzhin gyis don yod pa'i zhags pa'i snying po lan gcig bzlas brjod bgyi'o/ /bzlas brjod bgyis ma thag kho nar lan drug brgya bzhi bcur bzlas brjod par bgyis par 'gyur ro/ /de bzhin @#/ /gshegs pa thams cad dbugs 'byin par mdzad cing dran pa dang / blo gros dang / gzi brjid lus la 'jug par bgyid do/ /bzlas brjod bgyis pa tsam gyi mod la pha rol tu phyin pa drug yongs su rdzogs par 'gyur ro/ /ri mo'i sku gzugs de la yang 'od zer 'byung bar 'gyur ro/ /'phags pa spyan ras gzigs dbang phyug yongs su dag pa'i bdag nyid rmi lam du mthong bar 'gyur ro/ /mchog thams cad stsol bar 'gyur ro/ /de'i las gyi sgrib pa thams cad yongs su dag par 'gyur ro/ /sdig pa dang sgrib pa thams cad yongs su bsal ba dang gtugs par 'gyur ro/ /nad thams cad spangs par 'gyur ro/ /'jig rten pa'i dgos pa sgrub pa rnams kyi dam pa thams cad 'grub par 'gyur bas sangs rgyas rjes su dran pa bsgom par bgyi'o/ /'phags pa don yod pa'i zhags pa'i cho ga zhib mo'i rgyal po/ bam po gsum pa/ thal mo lhan cig bsdams te sbyar la rtse mo yid tsam bkug ste khar gtad la/ srin lag gnyis phyir 'gyed cing gung mo pad+ma lta bur bgyis te sngags 'di brjod do/ /oM tu ru tu ru pad+me a mo g+ha sid+d+hi hUM/ phyag rgya 'di ni don yod grub/ /las rnams grub dang ldan pa yi/ /'di ni bcing ba bgyis pa yis/ /kun rig myur du 'grub par 'gyur/ /myur du ston pa stsol 'gyur te/ /rnyed dka' don yod grub pa mchog /mchog kun rab tu stob par 'gyur/ /'jig rten 'das pa de bzhin 'jig rten pa/ /sgrib pa thams cad las ni rnam par grol/ /bsod nams phung po dag ni rtag tu 'phel/ /bkra shis sgra ni 'byung bar 'gyur ba'o/ /lha rnams rtag tu srung bar 'gyur/ /rdo rje bcing ba shin tu bcing / /rtag tu sems ni brtan por bgyi/ /mdzub mo dag ni yid bskums nas/ /snying ga dag tu rab tu brkyang / /don yod pa'i pad+ma'i dkyil 'khor phyag rgya dang / snying po gsungs pa dang / pad+ma'i dbang phyug gi phyag rgya las dang don thams cad 'grub pa'i gsang sngags de dag gsungs nas de nas don yod pa'i rgyal po gsungs pa/ oM a mo g+ha hr-i da ya/ pad+me d+ha ra d+ha ra pad+ma d+ha ra ma hA maN+Da la hr-i da ya hUM/ snying po phyag rgya 'di ni bcings pa yis/ /pad+ma 'chang ba'i don yod snying po yi/ /grub pa de nyid yang dag som nyi med/ / thams cad du ni las rnams thams cad dang / de ni grub par 'gyur te som nyi med/ /shin tu gsang ba'i phyag rgya gsung / /shin tu gsang ba'i gsang sngags bzlas/ /shin tu bkrus pas gos gtsang bgo / gtsang ma'i sems kyis 'chang bgyid cing / /sems can kun la brtser gyur nas/ /rtag tu bla ma gus par bsgom/ /rtag tu shin tu dang bgyi zhing / / @#/ /pad+ma'i phyag la dga' bar bgyi/ /myur du las 'grub myur du ni/ /pad+ma 'chang dang sangs rgyas 'thob/ /myur du 'jig rten dbang phyug 'thob/ /myur du sems can kun phan ldan/ /lag pa g.yon pa brkyang pa tsam gyis khar pad+ma'i tshul du bzhag la lag pa bsgyur nas mdzub mo gyen du bsgreng / mthe bong yid tsam bkug la lag pa g.yas pa brkyang ste sor mo rnams pad+ma'i tshul du bzhag la mthe bong yid tsam bkug ste gung mo don yod pa'i zhags pa bgyi ba ni/ don yod pa'i zhi ba'i cho ga chen po'i mig sems can thams cad la byams pa'i sems dang / snying rje'i bdag nyid can lags te/ gsang sngags 'di brjod do/ /oM pa shu pa ti pA shrA d+ha ra sa ha sra ra sh+mi pra ti ma Na Di ta kA ya/ a ka ri Sha ni sany+tso da ni/ b+hu ru b+hu ru/ a mo g+ha pA sha sid+d+hi hUM/ phyag rgya 'dis gsang sngags lan nyi shu rtsa gcig bzla'o/ /de nas don yod pa'i zhags pa'i snying po bzlas nas lag pa g.yas pa zhags pa'i phyag rgya'i tshul du gdeg cing / slar yang rang gi gnas su bzung zhing gsang sngags lan bdun bzlas te/ lan bdun du yang gdeg go /don yod rgyal po bzlas pa ni/ /bsam pa mchog tu dag pas bgyi/ /bzlas pa tsam gyi mod la ni/ /don yod zhags pa'i phyag rgya yis/ /byang chub thams cad dgug pa dang / /mod la sangs rgyas nyid du 'gyur/ /gzhan yang dgos pa sna tshogs dag /ji ltar yid la bsam pa bzhin/ /mod la grub pa bla med dang / /med la thams cad dgug par 'gyur/ /lha dang klu dang gnod sbyin dang / /dri za lha min nam mkha' lding / /mi'am ci dang lto 'phye che/ /rig sngags 'chang la blta ba'i phyir/ /thams cad de yi mod la 'du/ /phyogs bcu'i sangs rgyas thams cad dag /de nyid gzigs pas gzigs par 'gyur/ /rig sngags 'chang la phyag bgyi'i phyir/ /byang chub sems dpa' 'du bar 'gyur/ /mgon po 'phags pa spyan ras gzigs/ /mchog sbyin spyi bor phyag 'jog 'gyur/ /yongs su dag pa'i bdag nyid kyi/ /rang bzhin mod la ston par mdzad/ / gang dag mnar med song ba dang / /sems can mtshams med lnga bgyid dang / /gang dag 'phags la skur 'debs dang / /gang dag dam chos spong ba dang / /phyag rgya 'di mthong 'dzin bcug dang / /bcings pas mod la sdig pa kun/ /'jig 'gyur mod la 'dren pa mthong / /phyag rgya bcings pa tsam gyis ni/ /dgos pa thams cad 'grub par 'gyur/ / phyag rgya 'di ni mthong tsam dang / /gsang sngags zlog par bgyid pa dang / /rig sngags 'chang ba mthong ba de/ /'phags pa spyan ras gzigs dbang ni/ /mngon du mthong bar @#/ /blta bar bya/ /tshe rabs brgyud par bskal pa ni/ /brgya dang stong du bsags pa yi/ /sdig pa las kyi sgrib pa rnams/ /phyag rgya bcings sam mthong tsam gyis// de kun 'byang 'gyur som nyi med/ /thal mo lhan cig dam du sbyar te mkhas pad+ma'i tshul du bgyis la mdzub mo nor bu bgyis te gung mo yid tsam zhig bkug pa ni/ yid bzhin gyi nor bu chen po'i rgyal mtshan gyi rtse mo ste/ lag pa spyi bor brkyang nas spyi bor dbang bskur ba stsol ba'i gsang sngags 'di brjod do/ /oM s+t+rai ya d+h+wa nu ga ta/ a b+hi Sh-iny+tsa tu/ sarba s+t+rai ya d+h+wa/ a b+hi She kai pad+ma ma Ni su pad+me/ a mo g+he sarba ta thA ga ta/ a d+hi Sh+Thi te hUM/ 'dis dbang bskur ba tsam gyis rig sngags 'chang la de bzhin gshegs pa thams cad kyis dbang bskur bar 'gyur ro/ /'phags pa spyan ras gzigs dbang phyug gis phyag gis dbang bskur bar 'gyur ro/ /rig sngags 'chang gi rgyal po chen por 'gyur ro/ /rig sngags 'chang thams cad 'grub par 'gyur ro/ /nyon mongs pa'i sgrib pa thams cad rnam par dag par 'gyur ro/ /'jig rten thams cad kyi gtso bo gcig pa'i gnas su 'gyur ro/ /spyi gtsug rdo rje pad+ma bcing / /rtag tu sor mo'i rtse mo brkyang / /mdzub mo lcags kyu'i tshul du bgyi/ /rang gi gdong gi khro gnyer bzhin/ /khro bo'i rgyal po'i phyag rgya che/ /las kun sgrub par bgyid pa yi/ /thams cad sgrub bgyid phyag rgya ste/ /kun sgrub dam pas gsang sngags pas/ /'di dran grub pa kun gyi mchog / oM kro d+ha rA dza d+ha ma ma hA a mo g+ha ha na ha na/ sarba du Sh+TaM hUM/ phyag rgya 'di dran tsam gyis kyang / /mthu chen po yi gsang sngags kyis/ /gdug pa kun ni rnam 'jig ste/ /ri rab kyang ni snyil ba bgyid/ /phyag rgya bcings par bgyis pa yis/ /sdig pa thams cad 'jig par bgyid/ /sems can gdug dang gdug pa'i klu /bgegs dang log 'dren gdug pa ste/ /de dag thams cad zhi bar 'gyur/ /phyag rgya bcings pa tsam gyis ni/ /thams cad dbang du gyur nas mchis/ /lha dang mi dang dge sbyong dang / /bram ze rgyal rigs gang lags pa/ /thams cad dbang du gyur nas ni/ /mchis par 'gyur bar som nyi med/ /rgyud ni rtag tu mnyam bzhag la/ /mthe bong mnyam du bteg nas ni// gung mo yid ni gung mo nyid/ /yid tsam bkug nas bsgreng bar bgyi/ /'di ni pad+ma chen po yi/ /lha mo sgrol ma'i phyag rgya ste/ /grub pa bla na med pa yi/ /thams cad kyi ni dam pa lags| |thal mo pad+ma'i tshul du sbyar/ /mthe bong nyid ni brkyang bgyis la/ /mthe'u chung yid tsam bkug pa ni/ /dkar sham chen mo'i phyag rgya ste/ /'di ni kun grub bla na med/ / @#/ /rdo rje'i tshul du thal sbyar dam bcings shing / /shes rab can gyis g.yas pa'i lag bsgyur la/ /khro gnyer bzhin ni de bzhin khro ba dang / /phyag rgya chen po kun 'dod rab tu sbyin/ /lag pa gnyis kyis thal sbyar brkyang nas ni/ /gsang ba de brkyangs gung mo bskums nas su/ /mthe chung brkyangs nas lcags sgrog pad+ma yi/ / tshul du snying ga'i gnas su gzhag par bgyi/ /phyag rgya 'di ni phyag rgya che/ /phyag rgya 'di ni bcings pa yis/ /dkyil 'khor kun nas lha dag dang / /dkyil 'khor lha kun dga' bar 'gyur/ /thams cad tshogs shing 'du ba dang / /kun gyis srung bgyid som nyi med/ /phyag rgya 'di nyid bshig nas lag pa ni/ /thal sbyar pad+ma'i tshul bzhin legs byas te/ /snying gar bzhag pa gnod sbyin pho nya mo/ /'di ni phyag rgya lags par legs par bsgrags/ /dang po rdo rje khu tshur legs bcings la/ /gung mo lhag ma bskums zhing mthe bong bzhag / pad+ma'i tshul gyi bzhin dran sgrol bdun gyi/ /grub pa kun gyi bla med phyag rgya 'di/ /sdig pa thams cad 'jig cing nyon mongs kun/ /nad kun nye bar zhi bar som nyi med/ /don yod pa yi grub pa bla med kyi/ /cho ga zhib mo thams cad rab tu 'grub/ /lag pa gnyis ni mnyam bzhag ste/ /rdo rje'i tshul du pad+ma bcing / /mdzub mo bskums pa bgyis nas ni/ /mthe bong yang ni dgug par bgyi/ /'di ni rta mgrin phyag rgya ste/ /cho ga zhib mo'i pad+ma lags/ /pad+ma'i tshul du thal mo sbyar/ / mdzub mos mkhyud la gung mo ni/ /lcags kyu'i tshul du bsgreng bar bgyi/ /don yod zhags pa'i phyag rgya 'di/ /rgya mtsho'i klong gi kha lta bur/ /rdo rje za ba nyid kyis gsungs/ /'di ni las kun bgyid pa'o/ /grub pa kun gyi bla na med/ /phyag rgya 'di ni mdzub mo'i mthe bong gnyis/ /lcags sgrog lhag ma bskums nas pad+ma'i tshul/ /snying ga'i gnas su bzhag pa mgrin sngon gyi/ /'di ni dogs med las kun phyag rgya lags/ /lag gnyis pad+ma'i khu tshur te/ /g.yas g.yon du ni bzhag nas su/ /kun nas zhi ba'i bzhin du gzhag / byams pa'i mig gnyis bgyi ba ni/ /zhal ni bcu gcig phyag rgya ste/ /de bzhin du kun gyis mi thub pa'o/ /mthe bong mnyam par mnyam bgyis la/ /sor mo'i rtse mo bskums pa dang / /mdzub mo gnyis ni pad+ma'i tshul/ /rig pa'i dbang phyug phyag rgya lags/ /phyag rgya 'di nyid dbus su ni/ /'khor lo'i tshul du mdzub mo bskum/ /g.yon pa brkyang ba dbang chen gyi/ /phyag rgya 'byung po thams cad 'joms/ /lcags sgrog dam du bgyis nas ni/ /lag pa gnyis po brkyangs nas kyang / /snying gar bzhag pa'i phyag rgya ste/ /'di @#/ /ni rgyun du gshin rje lags/ /lag pa g.yon pa brkyangs nas su/ /sor mo bsgreng ba'i thor to dgug /g.yas pa snying gar bzhag nas su/ /mthe bong dang ni mthe chung dgug / lhag ma rnams ni brkyangs bgyis te/ /'di ni chu lha'i phyag rgya ste/ /klu kun dgug pa'i mchog lags so/ /lag pa gnyis ni bsdams bgyis la| |sor mo phying ga log tu sbrel/ g.yas pa dang ni g.yon pa dag /snying ga'i gnas su gzhag bgyi ste/ /phyag rgya 'di ni lus ngan gyi/ /gnod sbyin thams cad skrag par bgyid/ /lag pa g.yas pa spyi bor yang / /mthe bong mdzub mo bkug bgyis la/ /lag pa g.yon pa brkyangs nas su/ /mdzub mo gyen du bsgrengs ba ni/ /'di ni tshangs pa'i phyag rgya ste/ /thams cad du ni las sgrub pa'o/ /phyag rgya 'di nyid g.yas pa yi/ /mthe chung sor mo bkug bgyis te/ /drang srong tshogs kyi phyag rgya 'di/ /lha rnams kun gyis phyag bgyis pa'o/ /lag pa gnyis ni dam bcings la/ /blta sdug 'khor lo'i phyag rgya ste/ /lha min thams cad 'gugs pa yi/ /khyab 'jug phyag rgya 'di zhes gsungs/ /g.yas pa bI dza pU rar bgyi/ /g.yon pa rtse gsum tshul du bgyi/ /mthe bong mthe chung bskums pa ni/ /'byung po thams cad skrag bgyid pa/ /'di ni drag po'i phyag rgyar gsungs/ /g.yas pa khu tshur bcings nas su/ /mdzub mo brkyangs nas g.yon pa ni/ /dkur brten khu tshur bcings nas gzhag /sor mo rnams ni brkyang bar bgyi/ /drag po rgyun du lta bgyid pa/ /de bzhin lha yi sde dpon gyi/ /gzhon nu phyag rgya 'di zhes gsungs/ /gyen du lag pa gnyis bsgrengs nas/ /sor mo gsum ni brkyangs bgyis te/ /mthe bong mdzub mo bkug pa ni/ /'od zer stong dag 'phro bgyid pa/ /'di ni nyi ma'i phyag rgya lags/ /phyag rgya 'di nyid sor mo gsum/ /bkug nas sor mo gnyis gnyis brkyang / /skar ma'i tshogs kyis mdzes gyur pa/ /'di ni zla ba'i phyag rgyar gsungs/ /gsang sngags chen po phyag rgya 'di dag ni/ /las dang don kun grub pa sgrub par bgyid/ /sdig pa thams cad spong zhing nyon mongs kun/ /nyams par bgyid cing sgrib pa thams cad 'byang / /las kun zad par bgyid cing don yod pa'i/ /las sgrub don yod grub pa 'grub par 'gyur/ /oM pad+ma tA re tA ra ya pad+ma b+hu dze hUM/ oM ma hA pad+me shwa raM ge hu ru hu ru swA hA/ oM b+h+ri ku Ti pad+me ta ra ta ra hUM/ oM pad+me pAN+Da ra bA si ni kuN+Da kuN+Da swA hA/ oM a mo g+ha pad+ma ba ra de sid+d+hi sid+d+h+ya n+tu hUM/ oM sarba tra ga mi ni a b+ha ya ro dri Ni hUM/ oM a mo g+ha na tA re tA re ya pad+me b+hu dze hUM/ oM dA ru la ru la pad+me a mo g+ha hUM/ oM @#/ /ba Da ba mu khe ni krin+ta ya duSh+Ta hUM/ oM pad+me nI la kraN+The shwa ra/ b+hu ru b+hu ru hUM/ oM so mya ba da ne pra si ta shU sa ya hUM/ oM pad+me shwa ra si d+ha ya hUM/ oM a mo g+he shwa re hUM/ oM sa ma ri ta re ta re hUM/ oM nA ga pad+ma ni hUM/ oM yak+Sha d+hi pa ti mu ru mu ru hUM/ oM a mo g+he brah+ma ra te hUM/ oM shi ri bar de a mo g+ha b+hu dze hUM/ oM a mo g+ha rA dza pad+ma nA b+he/ sa ra sa ra sa man+ta b+hu dze swA hA/ oM ra dra ru Ti mi li mi li swA hA/ oM shak+ti d+ha re a mo g+ha pa ti swA hA/ oM sa ha sra ki ra Ne hUM ru hi swA hA/ oM so ma pra b+he hUM| de bzhin phyag rgya gsang ba yang / /phyag rgya tha dad gsang sngags s+tha dad sgrub/ /gsang sngags 'chang gis ji skad gsungs pa'i las/ /rtag tu kun gyis mdor na thams cad bgyid/ /gtsang ma spyod pa gtsang ma dag /legs bkrus gtsang ma'i gos bgos nas/ /dri zhim dri yis dpung pa dang / /lag pa yan lag byugs nas su/ / phyag rgya lan re bcings pa na/ /gsang sngags lan re bzla bar bgyi/ /phyag rgya dag ni bcings pa dang / /gsang sngags bzlas pa'i mod la ni/ /brgya stong phrag ni 'bum phrag 'bum/ /phyag rgya dag ni bcings par 'gyur/ /phyag rgya bcings pa bgyis pa na bsod nams kyi phung po chen po dang ldan par 'gyur ro/ /sangs rgyas dang byang chub sems dpa' thams cad kyis lung bstan pa dang / byin gyis brlabs par 'gyur ro/ /lha thams cad kyis legs par bsrungs par 'gyur ro/ /'jig rten thams cad kyi mchod gnas gcig pur 'gyur ro/ /'jig rten thams cad kyi bla ma gcig pur 'gyur ro/ /dkyil 'khor gyi phyag rgya'i cho ga'i rim par phye ba dang / dam tshig thams cad la zhugs par 'gyur ro/ /tshe dpag tu ma mchis par 'gyur ro/ /don yod pa'i rig sngags 'grub par 'gyur ro/ /tshig btsun par 'gyur ro/ /dran pa dang blo gros bag tsha ba ma mchis par 'gyur ro/ /blo gros thogs pa ma mchis par 'gyur ro/ /'phags pa spyan ras gzigs dbang phyug mchog sbyin par mdzad pa rtag tu blta 'tshal bar 'gyur ro/ / rtag tu dam pa stsol bar 'gyur ro/ /rtag tu dgra dang / phas kyi rgol ba dang / mi mdza' ba dang / gdug pa dang / rab tu gdug pa thams cad pham par bgyis par 'gyur ro/ / rtag tu thams cad du rgyal bar 'gyur ro/ /gnod sbyin dang / srin po dang / 'byung po dang / sha za dang / bgegs dang / log 'dren dang / lha ma yin dang / klu thams cad mthong bar 'gyur ro/ /'phags pa chen po thams cad la bag tsha ba ma mchis par 'gyur ro/ /rgyal po dang / blon po dang / btsun mo'i 'khor dang bcas pa thams cad dbang du gyur @#/ /nas mchis par 'gyur ro/ /thams cad gtso bo gcig pur 'gyur ro/ /thams cad du bla ma'i gnas gcig pur 'gyur ro/ /tshe ring bar 'gyur ro/ / nad thams cad las thar par 'gyur ro/ /skyon gyi dri ma dang / ser sna dang / phrag dog thams cad dang bral bar 'gyur ro/ /legs par dran zhing lus shin tu yongs su dag par 'gyur ro/ /'chi ba'i dus kyi mod la de bzhin gshegs pa mthong bar 'gyur ro/ /'phags pa spyan ras gzigs dbang phyug mthong bar 'gyur zhing / de dag thams cad kyis dbugs 'byin par 'gyur te/ rigs kyi bu/ khyod 'jig rten gyi khams bde ba can du song zhig ces shin tu dran pa nye bar bzhag nas dus bgyid par 'gyur ro/ /dmyal ba'i sgo thams cad bcad par 'gyur ro/ /ngan song gi 'gro ba thams cad las yongs su grol bar 'gyur ro/ /'di nas ma 'ongs pa'i mngal du skye bar mi 'gyur ro/ /skye ba na rtag tu skye ba dran par 'gyur ro/ /thams cad du pad+ma la brdzus te skye bar 'gyur ro/ /byang chub kyi snying po la thug gi bar du sangs rgyas kyi zhing du mchi bar 'gyur ro/ /de na/ 'jig rten dbang phyug sprul pa yi/ /phyag rgya'i rtags ni brjod par bgyid/ /khru gang kho na'i tshad dag gi /dkyil 'khor lham pa bri bar bgyi| |gang zhig mthong ba'i mod tsam gyis/ /dga' ba dang ni mgu bar 'gyur/ /sdig pa kun las grol ba dang / /de nyid dag ni 'grub 'gyur ro/ /rgyun du gang gis go cha yis// rtag tu cho ga bgos par 'gyur/ /cho ga'i ni 'bar ba dang / /mdzes pa rtag tu stsol par 'gyur/ /cho ga zhib mo legs grub ste/ /gsang sngags bla med thams cad 'grub/ / phyag rgya'i dkyil 'khor bris tsam gyis/ /gnod sbyin srin po 'byer bar 'gyur/ /mthong ba tsam gyis gdon kun kyang / /'jig par 'gyur te som nyi med/ /gnod pa kun las grol 'gyur te/ /nad kun las kyang de bzhin no/ /pha rol dpung ngam rang dpung ngam/ /mi thub pa yi dgra kun las/ /rtag tu legs par rgyal bar 'gyur/ /rtag tu gdon las srung ba dang / /dus kun tu yang 'grub par 'gyur/ /rig sngags 'chang rnams bde bgyi'i phyir/ /de nyid dam pa 'grub 'gyur zhing / /'phags pa spyan ras gzigs dbang gis/ / phyag rgya'i mtshan ma mtshon cha dag /dgos pa kun gyi rjes mthun par/ /gang dang gang du bkod pa dag /de dang der ni phyag rgyar 'gyur/ /pad+ma kha bye zhes bgyi ba/ /pad+ma 'dab mas mdzes pa dang / /kun nas 'khor bar 'bar ba'i phreng / /rnam par rtog pa med par bgyi/ /phyag rgya 'di kun srog las byung / /'di dag thams cad 'bras bu stsol/ /rdo rje rtse gsum @#/ /rdo rje'i mda'/ /dkyil 'khor pad+ma rdo rje dang / /pad+ma'i phreng ba rdo rje'i mtshan/ /pad+ma rab gnas pad+ma gnyis/ /rtag tu pad+ma legs par bgyid/ /pad+ma'i khu tshur de bzhin du/ /pad+ma'i mdzub mo pad+ma bsgyings/ /pad+ma'i lcags kyu thal mo sbyar/ /pad+ma'i lcags sgrog pad+ma'i gzeb /rtag tu pad+ma sems dpa' dang / /nor bu pad+ma rdo rjer gsungs/ /don yod pad+ma de bzhin du/ /pad+ma'i ral gri pad+ma'i dril/ /rtse gsum zhes bgyi gtun shing 'chang / /nor bu dbyug pa me tog dbyug /de bzhin zhags pa gtun shing dang / /chu srin 'dzin dung 'khor lo byed/ /bI dza pU ra se'u 'bru/ /zla 'dzin nyi ma 'dzin pa dang / /thob 'dzin dang tshems shing dang / /me tog phur ma bgrang phreng dang / /rdo rje rtse lnga don yod zhags/ /don yod grub pa de dag ste/ /thams cad pad+ma'i steng du dgod/ /lag pa'i phyag rgya 'di bri ba/ /gang dang gang du dgod pa ni/ /lag pa'i phyag rgya bzhi bcu tham/ /'di dag kyang ni bri bar bgyi/ /kun nas kyang ni 'bar bar bgyi/ /nor bu'i rgyan gyis klubs par bgyi/ /dkyil 'khor ldan pa'i ras sam ni/ /ra ba'am rtsig par bgyis pa'am/ /ci yang rung ba de dag ste/ /de dag mthong ba tsam gyis sam/ /mthong ba tsam gyi mod la ni/ /rtag tu sdig pa thams cad spong / /mnar med gnas su gtogs pa dang / /mtshams med pa ni lnga nyid de/ /thams cad skad cig tsam gyis 'byang / /sems can dag pa dran bgyid na/ /phyir mi ldog pa nyid du 'gyur/ /sems dpa' sa bcur rab tu gnas/ /'di ni phyir mi ldog pa'i gnas/ /gang lags dkyil 'khor mthong ba ni/ /spyan ras gzigs dbang mchog sbyin ni/ /rgyun du spyi bo lag na thogs// gang gis phyag rgya 'di mthong ba/ /rgyun du mchog sbyin 'jig rten dbang / /rtag tu mngon sum mthong ba yis/ /de dang mtshungs te khyad par 'phags/ /gsang sngags sum cu rtsa lnga'i tshig / rtag tu dran bgyid thams cad 'grub/ /de ni dus rnams kun tu yang / /ngan 'gror mchi bar mi 'gyur ro /rnam grol dkyil 'khor rab myur bar/ /myur du sangs rgyas nyid 'thob 'gyur/ /'od dpag med kyi sras po yi/ /thu bor 'gyur bar som nyid med/ /'jig rten mgon gyi thugs zhal nas/ /skyes sras rtag tu thu bor 'gyur/ /'dren pas 'di ni chos nyid dang / /chos las skyes par lung ston 'gyur/ /gang+gA'i klung sa ya bye ba brgya stong dang mnyam pa'i bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba bskyed par 'gyur ro/ /tshad med grangs med dpag tu med pa'i bsod nams kyi phung po 'thob par 'gyur ro/ /gang gi sug par @#/ /phyag rgya dang gsang sngags kyi tshig 'di mchis par gyur na/ phyag rgya 'di las 'di lta bu'i phan yon mang zhing che ba mchis par bsgrags so/ /de la gsang sngags ni/ oM a mo g+ha maM dza li mi li mi li tsi li hUM/ oM a shwA sa yak+Sha Na bi ga te hUM/ oM a b+ha ya ba re de Di hUM/ oM sarba ta thA ga ta/ a d+hiSh+Thi te d+hi ri d+hi ri hUM/ oM pad+ma hr-i da ya muSh+Ti hUM/ oM bi sa ra bi sa ra sarba mA lAn+ta rA dza ya hUM/ oM badzrim+b+ha hu ru hu ru hUM/ oM a ku sha a mo g+ha A kaR+Sha ya hUM/ oM ka pa tsa ma tu ru tu ru hUM/ oM a mo g+ha shaM ka li mi li hUM/ oM a mo g+ha tsi na tA ma Ni tu ti tu ri hUM/ oM a mo g+ha ma Ni tsi li tsi li hUM/ oM badzra tu Ti tsi li hUM/ oM a mo g+ha hr-i da ya tsa ra tsa ra shud+d+ha satwa hUM/ oM g+ho Sha ba ti tsi Ti tsi Ti hUM/ oM bid+ya khad ga tsin+tA ya sha trUM hUM/ oM tri ma la pa ri shud+d+he b+hi Ti b+hi Ti hUM/ oM su ru su ru hUM/ oM ma Ni ma Ni hUM/ oM puSh+pa ba ti dza ye hUM/ oM bo d+hi tsiT+Ta pA sha d+ha ra d+ha ra hUM/ oM pad+ma pA sha bi shud+d+he hUM/ oM badzre ba she b+ha ba tu mu ru mu ru hUM/ oM tsin+ta ma Ni ba sha ba ra de hUM/ oM tsakra pA sha swa ni ra g+ha ta ka d+hu ru d+hu ru hUM/ oM tri shu lI pA sha bi lo ka tA ra ya hUM/ oM nA ga pA sha ban+d+ha ya kaD+D+ha ya duSh+Tan ga na bA sha pA ta ya hUM/ oM dza lot+b+ha ba d+ha rA ya hUM/ oM tsan+d+ra bi ma le bi sho d+ha ya an+d+ha kA ra rash+mi ba re hUM/ oM shrI bo d+ha ya hUM/ oM bi dza ya pur+Na ba re hUM/ oM pha lod b+he be tu re hUM/ oM pUr+Na maN+Da le dza ya hUM/ oM sa ha sra rash+mi ki ra Ne hUM/ oM sarba duSh+Tan pra ha ra shA sA ya hUM/ oM ma na bi sho d+ha ya mA lA bi ma le hUM/ oM puSh+pa ba ti su gan+d+ha ba re hUM/ oM pA sha sa ha sra gu Ni te k+Sha Na k+Sha Na hUM/ oM badzrod k+She pa su tsi mu kha tsi Ti tsi Ti hUM/ oM a mo g+ha a pra ti ha ta pA sha ha ste hUM/ oM sarba tra a mo g+ha sid+d+ha sid+d+h+ya sA d+ha ya hUM/ lag pa'i phyag rgya 'di dag dag/ /de bzhin gsang sngags phyag rgya dang /lhan cig bzlas pa tsam dang ni/ /phyag rgya mthong ba kho nas kyang / /sdig pa thams cad mod la 'joms/ /myur du sangs rgyas nyid 'thob 'gyur/ /cho ga zhib mo myur du 'grub/ /don yod zhags pa rnam grol ba'i/ /dkyil 'khor dam pa 'grub par 'gyur/ /de la mtshon cha'i phyag rgya ni/ nor bu rin po che dang / me tog dang / pad+ma dang / ril ba spyi blugs dang / nor bu'i phreng ba dang / bgrang phreng ba dang / dung dang / 'khor lo dang / dbyug tho dang / mdung thung dang / rdo rje dang / rtse gsum dang / rtse gsum kha gdengs dang / mtshon shak+ti dang / rdo rje dang / dgra sta dang / rtse gsum pa dang / rtse gnyis dang / nor bu dang / rdo rje dang / mtshon shu li dang / las kyi rdo rje dang / yid bzhin nor bu dang / mtshon cha dang / be con dang / dbyug pa dang / dbang phyug chen po'i rtse @#/ /gsum dang / ral gri dang / zhags pa dang / lcags kyu dang / sbrul dang / ljon shing dang / byi ru dang / dgra sta dang / 'khor lo dang / dgra sta yu ba sbom po pan dang / lag pa dang / gtsug phud dang / nor bu sgron ma dang / 'od dang / 'od zer dang / gtun shing dang / 'phyang mo nyug ma dang / dgra sta dang / snod zlum po dang / bum pa dang / brag dang / ri dang / lhun po dang / sbrul 'khyil pa dang / gdugs dang / rgyal mtshan dang / chu srun dang / nya dang / rus sbal dang / g.yung drung 'khyil ba dang / rig sngags kyi dkyil 'khor dang / rig sngags dang / phyag rgya dang / rtse gsum dang / dkyil 'khor dang / ral gri dang / gri dang / pad+ma'i phreng ba dang / rtse gsum dang / mu sun di dang / mtshon rtse gcig pa dang / phyag rgya bzhi dang / mche ba bzhi dang / zlum po dang / dung dang / 'khor lo dang / rdo rje dang / rtse gsum dang / dung dang / nor bu'i dung dang / pad+ma'i dung dang / urda dang / gos dang / seng+ge'i gdong dang / shang shang te'u dang / ka la ping+ka dang / ngang pa dang / bzhad dang / khrung khrung dang / rma bya dang / gshin rje'i dbyug pa dang / gdong bzhi pa dang / dkyil 'khor bzhi dang / rtse gsum dang / bum pa gang ba dang / zla ba phyed dang / nyi ma'i dkyil 'khor dang / zla ba'i 'od dang / pad+ma bzhin dang / pad+ma gsum dang / rgya mtsho dang / me tog dang / phur ma dang / glegs bam dang / ri dwags kyi g.yang gzhi dang / rdo rje lcags sgrog dang / rta babs dang / lhung bzed dang / chos gos dang / mkhar gsil dang / so mang dang / kha khyer dang / ska rags dang / gtsug phud dang / mchod phyir thogs dang / phreng ba chen po dang / gru gsum dang / kun nas rdo rje sde dang / phyag rgya mtshon cha 'di dag ni/ /'jig rten 'dren pas gsungs pa bzhin/ /rnam grol dkyil 'khor gsang ba 'di/ /don yod zhags pa'i cho gar dran/ /ras sam gos sam rtsig pa'am// ci yang rung ba 'dri bgyid pas/ /dogs med legs gsal legs 'byor pas/ /tshon gsal kun tu pad+mar gzhag /phyag rgyu kun nas 'bar bar bgyi/ /thams cad srog las byung bas ni/ don dang las rnams kun stsol cing / /phyag rgya mod la sdig pa 'phrog /de ni mod la 'bras bu ste/ /'dren pa 'jig rten dbang phyug kun/ /phyag rgya 'di ni byin gyis brlabs/ /sangs rgyas kun dang shAkya yi/ /rgyal po de bzhin gshegs pas brlabs/ /de lta bas na mkhas pas su/ /rtag tu kun nas mtshon bcangs na/ /sangs rgyas rnams ni dgyes 'gyur te/ /sras kyi thu bor som nyi med/ /phyag rgya rim byed dam pa 'chang ba gang / /'jig rten mgon po'i sras kyi thu bor 'gyur/ /don yod zhags pa'i snying po gsang @#/ /ba yi| |rnam par grol ba'i snying po bla na med/ /phyag rgya dang ni gsang sngags dam pa dag /'di 'chang ba la myur du grub par 'gyur/ /de nas don yod pa las thams cad pa dang / rjes su mthun pa'i zhags pa bdun bshad par bgyi ste/ de nyid grub pas ji lta bu'i/ /cho ga'i cho ga sgrub pa bzhin/ /so so so sor 'tsham pa yi/ /de dag kun ni rtogs par bgyi/ /de nyid grub pa'i ji lta bu'i/ /mtshan nyid gzugs ni ji bzhin pa/ /de nyid bsgrubs pa zhags pa ni/ /skud pa lnga las 'grub 'gyur te/ /gsang sngags 'dzin pas mod la ni/ /'grub par 'gyur te som nyi med/ /ras skud pad+ma'i skud pa dang / /arga kha che dar dag gi /skud pa shun pa'i skud pa ste/ /skud pa 'di dag bkal nas de kho na nyid kyi chog dang / cho ga zhib mo sgrub pas zhags pa ras skud kyi rgyu las blangs te tshad bzhin bkal nas rtag tu smyung ba bgyis la legs par bkrus pa gos g tsang ma can tshangs par spyod pas zas dkar gsum 'tshal nas gnas gtsang ma'i phyogs su don yod pa'i zhags pa'i snying po mdor na byams pa'i sems dang ldan pas dran par bgyi'o/ /de nas shin tu mnyam par bzhag pas brgyad sgril du bkal te don yod rgyal po thal mo sbyar pas pad+ma kha phye ba thogs pa/ /ral pa'i thor tshugs kyis bzhugs pa/ rgyan thams cad kyis klubs pa'i lus phyed pa sor bzhi ba'i tshad du bgyi'o/ /bgyis nas gzugs rnam pa gsum du bgyis te/ des pa'i gzugs dang / khro gnyer gyi bzhin dang / khro bo'i rgyal po'i gzugs te/ dngul lam gser las bgyi'o/ /de nas zhags pa srid kyi tshad khru bcu drug pa zhags pa'i thor to gcig rdo rje rtse gsum pa dang / skyu ru ra lhan cig sbrel ba gdags par bgyi'o/ /de nas rig sngags 'chang gis yar gyi ngo'i tshes bco lnga'am/ chos brgyad la legs par bkrus te gos gtsang ma b gos nas zhag gcig mchis te skyil mo krung bcas nas sangs rgyas la mchod pa rnam pa sna tshogs bgyis te tshig gzhan mi smra bar zhags pa la lan stong rtsa brgyad bzlas brjod bgyi'o/ /de nas stong rtsa brgyad tshang ba dang / stan bzang po bshams nas de'i steng du zhags pa gzhag par bgyi'o/ /don yod pa'i zhags pa'i phyag rgyas dbang bskur bar bgyi'o/ /me tog dang / bdug pa dang / dri dang / phreng ba dang / byug pa dang / phye ma dang / ba dan bzang po la sogs pas mchod par bgyi'o/ /a ga ru dang / tsan+dan dang / du ru ka'i bdug pa dbul bar bgyi'o/ /mar me yang dbul bar bgyi'o/ /de nas rig sngags 'chang gis yungs kar la lan nyi shu rtsa gcig bzlas brjod bgyis te zhags pa'i @#/ /steng du gtor bar bgyi'o/ /'phags pa spyan ras gzigs dbang phyug gi ri mo'i gzugs la yang ci 'byor bas mchod par bgyi'o/ /de nas rig sngags 'chang gis zhags pa de'i mdun du skyil mo krung bcas te ma 'khrugs pas gdugs rtse'i bar du mchod pa bgyis nas bzlas brjod bgyi'o/ /yungs kar re re la bzlas brjod re re bgyis te zhags pa'i steng du gtor zhing stong rtsa brgyad tshang gi bar du gdugs re re mchis par bgyi ste rngo ci thogs pas gdugs rtse'i bar du bzlas brjod bgyi'o/ / mchod bar bgyi'o/ /kha zas ngan pa spang bar bgyi'o/ /lhag ma dang sbags pa spang bar bgyi'o/ /gos gtsang ma bgo bar bgyi'o/ /stong rtsa brgyad tshang nas zhags pa 'bar bar 'gyur te/ gal te 'jig rten pa'i grub na ni/ me'i kha dog tu 'bar bar 'gyur ro/ /gal te 'jig rten las 'das pa'i grub na ni/ kha dog sna tshogs 'bar bar 'gyur ro| |don yod pa'i lus de yang 'bar bar 'gyur ro/ /sgra 'byung bar 'gyur te/ rig sngags 'chang / legs so legs so/ /khyod kyis 'jig rten las 'das pa'i byang chub kyi sems kyi zhags pa 'di grub kyi/ /khyod kyi byang chub kyi sems bla na med pa khug cig /pha rol tu phyin pa drug dang / pha rol tu phyin pa bcu'i khongs su gtogs pa yongs su rdzogs par gyis shig / 'on te 'jig rten pa'i grub na ni/ /yid bzhin gyi nor bus bsam pa ji lta ba bzhin du yongs su rdzogs par 'gyur ro/ /ji ltar yid la bsam zhing smon pa bzhin lag pas 'phangs na/ gsang sngags kyis thams cad sgrub par bgyid de/ thams cad bkug par 'gyur ro/ /phyogs gang dang gang du 'phangs pa de logs su don yod pa'i zhags pa'i snying po lan bdun bzlas par bgyis te mod la bsam pa thams cad 'grub par 'gyur ro/ /gal te mtshams med pa lnga bgyis pa'am/ /mnar med par mchi ba'i zhig na yang de'i legs par 'grub par 'gyur te/ de la yid gnyis dang / som nyi bskyed par mi bgyi'o/ /khro gnyer gyi bzhin gyis gang du 'phangs na/ /lha dang / klu dang / gnod sbyin dang / dri za dang / lha ma yin dang / nam mkha' lding dang / /mi'am ci dang / lto 'phye chen po dang / mi dang / mi ma yin pa rnams bkug nas rig sngags 'chang gi mdun du mchi bar 'gyur zhing / ji srid 'cho'i bar du bran bzhin du mchis par 'gyur ro/ /rgyal po dang / blon po dang / btsun mo'i 'khor thams cad mchis par 'gyur ro/ /'jig rten thams cad kyis cher mchod par 'gyur ro/ /gang gi don du zhags pa 'phangs pa'i don de 'grub par 'gyur ro/ /khro bo'i rgyal po'i zhags pa la khro bo'i rgyal po lan nyi shu rtsa gcig bzlas brjod bgyis nas @#/ /'phang bar bgyi'o/ /'phangs pa tsam gyi mod la bgegs dang / log 'dren dang / gdug pa'i sems can thams cad zhags pas bcings par 'gyur ro/ /gal te 'tshal na/ lo'am/ lo brgya'am/ stong ngam/ bskal pa brgya stong gi bar du zhags pas bcings par 'gyur ro/ /nam byams pa dang / snying rje bskyed nas de'i tshe don yod pa'i zhags pa'i snying po lan gsum bzlas na/ phyir bkrol bar 'gyur ro/ /dpung gi nang du 'phangs na/ dpung rnams zhags pas bcings par 'gyur ro/ / g.yul 'gyed pa'i dbus su 'phangs na/ mtshon cha dang / go mtshon dang / gzhu dang / mda' dang / mdung dang / ral gri dang / gtun shing dang / mu si ni da dang / 'khor lo dang / thag mdung dang / mtshon cha thams cad dang / go cha dang / ya lad thams cad zhags pas bcings par 'gyur ro/ /chab dang / yungs kar la lan bdun bzlas brjod bgyis te gtor na grol bar 'gyur ro/ /zhags pa la gdugs gcig bzhin ci 'byor bas mchod par bgyi'o/ /gang gi don du bsam pa de thams cad 'grub par 'gyur ro/ / don yod pa'i zhags pa sgrub pa'i cho ga'o/ /'on te mi snang ba sgrub par 'tshal na/ /don yod pa'i zhags pa'i phyag rgya lag pas bcings te g.yas pa dang g.yon pas gong du ji skad gsungs pa bzhin zhags pa bzung nas don yod pa'i zhags pa'i snying po lan brgya rtsa brgyad bzlas brjod bgyis na mi gda' bar 'gyur ro/ /brgya rtsa brgyad lan gnyis bzlas brjod bgyis na/ nam mkha' la mchi bar 'gyur ro/ /don yod pa'i rig sngags 'chang gi 'khor los bsgyur bar 'gyur ro/ /rig sngags 'chang brgya stong phrag 'bum gyis yongs su bskor bar 'gyur ro/ /lo bye ba bcur 'tsho bar 'gyur ro/ /skra cung zad 'khyil bar 'gyur ro/ /stobs dang / brtson 'grus pha rol gyi zil gyis mi non pa thogs pa med par 'gyur ro/ /char pa 'tshal bas mchod pa bgyis na/ ji tsam gsol ba btab pa bzhin 'bab par 'gyur ro/ /ha cang char chas pa dgag pa'i slad du mchod pa bgyis na/ char pa bkag par 'gyur ro/ /yams kyi nad dang / gnod pa dang / 'tshe ba dang / 'khrug pa thams cad dang / mi ngas thams cad rab tu zhi bar 'tshal bas rig sngags 'chang legs par khrus bgyis pa gtsang mas gos gtsang ma bgos la lag pas zhags pa blangs te gnas mthon por 'dzegs nas don yod pa'i zhags pa'i phyag rgya dang / zhags pa bcings te don yod pa'i zhags pa'i snying po phyogs bzhir lan bdun bzlas nas zhags pa 'phangs na/ de dag thams cad dran pa tsam gyis 'thab pa dang / rtsod pa @#/ /dang / 'gyed pa dang / rang gi dpung dang / gzhan gyi dpung thams cad dang / phas kyi rgol ba dang / mi mdza' ba thams cad rab tu zhi bar 'gyur ro/ /'jigs pa dang / yams kyi nad dang / gnod pa thams cad dang / mi ngas chen po dang / mu ge'i dgon pa'i 'jigs pa thams cad rab tu zhi bar 'gyur ro/ /ha cang char che ba dang / dus ma lags pa'i char dang / grang ba dang / rlung dang / tsha ba mi bzad pa'i 'jigs pa thams cad rab tu zhi bar 'gyur ro/ /dpag chad brgya stong khor yug tu mtshams chen po bcings pa bgyis par 'gyur ro/ /ji lta ji ltar yid la bsam pa de lta de ltar thams cad 'grub par 'gyur pas don yod rgyal po mchod par bgyi zhing bzlas brjod bgyi/ gsol bar yang bgyi'o/ /mchod pa dang / gsol ba bgyis pa tsam gyi mod la thams cad phun sum tshogs par 'gyur te/ de la yid gnyis dang / so ma nyi bskyed par mi bgyi'o/ /cho ga zhib mo las ji skad gsum pa bzhin las bgyid pa rnams kyis cho ga de bzhin du bsgrub par bgyi'o/ /de nas skad cig de'i mod la thams cad 'grub par 'gyur ro/ /byams pa dang / snying rje dang / dga' ba dang / btang snyoms bsgom par bgyi'o/ /sems can thams cad la mchog tu brtse bar bgyi'o/ /'phags pa spyan ras gzigs dbang phyug la mchod par bgyi'o/ /dkon mchog gsum la gus par bgyi'o/ /de bzhin gshegs pa thams cad la gus pa dang / bla mar yid la bsgom par bgyi'o/ / mi gtsang ba spyod pa gtsang bar bgyi zhing yongs su dag pa'i ngang tshul can du bsgom par bgyi'o/ /don yod pa'i zhags pa de kho na nyid kyi cho ga sgrub pa yid bzhin gyi nor bu byang chub dgug par bgyi'o/ /de nas zhags pa'i 'khor lo'i cho ga sgrub pa bshad par bgyi ste/ rig sngags 'chang de kho na nyid sgrub pas phug tu 'jug pa'i sgrub pa thams cad kyi mchog phug tu 'jug pa dang / lha ma yin gyi gnas su 'jug pa dang / mi 'am ci'i gnas su 'jug pa dang / dri za'i gnas su 'jug pa dang / lha'i gnas su 'jug pa dang / nam mkha' la rgyu ba dang / sum cu rtsa gsum pa'i gnas su 'jug pa dang / 'og min gyi gnas kyi bar du 'jug pa dang / klu'i rgyal po'i gnas su 'jug pa dang / thang la rgyu ba dang / nyi ma'i gnas su 'jug pa dang / zla ba'i gnas su 'jug pa dang / skar ma'i gnas su 'jug pa dang / rgyu skar gyi gnas su 'jug pa dang / nags su 'jug pa dang / ri la rgyu ba dang / 'bab chu chen por 'jug pa ste/ ji lta ji ltar yid la bsam pa de lta de ltar 'jig rten pa dang / 'jig rten las 'das pa'i zhags pa'i cho ga sgrub pa tshegs @#/ /chung ngu dang / rtsol ba chung ngus 'grub par 'gyur te/ de la yid gnyis dang / som nyi bskyed par mi bya'o/ /rig sngags 'chang gtsang mar gyur pas legs par khrus bgyis te gos gtsang ma bgos nas zas dkar gsum 'tshal la/ gtsang ma de kho na nyid la gus pas sangs rgyas rjes su dran pa bsgom par bgyi'o/ / byams pa'i sems la mnyam par bzhag nas snying rje'i bsam pa dag pa'i yid kyis tshes bcu gsum nas brtsams te zla ba nya ba'i bar du gsal ba shin tu bkra shis pa la dus gsum du ci 'byor ba'i rnam pa rnams kyis mchod par bgyis la/ rtag tu brgya rtsa brgyad pa yi/ /dus gsum rgyun du bzlas brjod bgyi/ /nyin par dus gsum lan gsum ste/ /mtshan mo'i dus su lan gsum bgyi/ /'khor lo zhags pa bla med 'di/ /skud pa gsum las bsgrub bgyi ste/ /ras skud pad+ma'i skud pa dang / /arga'i skud pa gsum 'gyur du/ /de ni legs par tshad bzhin du/ /khru ni sum cu rtsa drug bgyi/ /'khor lo rnam pa gsum las bgyi/ /rgyar ni sor bzhi'i chad lags te/ snying por bcas shing mu khyud bcas/ /kun nas rtsibs dang ldan pa dag /gser dang dngul dang zangs las bgyi/ /chos bstan legs par brgyan pa yi/ /bzang po'i stan la gzhag par bgyi| |spos kyi dkyil 'khor me tog gi / sil ma bkram nas bum pa dgod/ /de bzhin mchod yon snod kyang bsham/ /ri mo'i gzugs kyi mdun du chos kyi stan bshams par bgyis pa'i steng du 'khor lo'i zhags pa bzhag ste mchod pa bgyis la bsam pa ji lta ba bzhin du dus gsum du lan brgya rtsa brgyad bzlas brjod bgyi'o/ /de nas tshes bco l nga'i zla ba nya ba la nyin zhag gcig mchis par 'gyur pas tshig gzhan mi smra bar 'phags pa spyan ras gzigs dbang phyug gi ri mo'i gzugs la mchod pa bgyi zhing bdug pa rnam pa gsum po a ga ru dang / tsan+dan dang / gu gul rnams dbul bar bgyi'o/ /ri mo'i gzugs kyi mdun du chos kyi stan mchis pa la mngon du phyogs te mchis nas don yod pa'i zhags pa'i snying po stong rtsa brgyad bzlas brjod bgyis te yungs kar re re la bzlas brjod bgyis pas zhags pa'i steng du gtor bar bgyi'o/ /stong rtsa brgyad tshang nas zhags pa 'bar zhing 'khor lo nam mkha' la mchis nas 'bar zhing lding bar 'gyur ro/ /rig sngags 'chang gi lus kyi stod dang / spyi bo nas 'od zer 'byung bar 'gyur ro/ /ri mo'i gzugs las legs so zhes bya ba'i sgra 'byin par 'gyur ro/ /de nas rig sngags 'chang gis don yod pa'i zhags pa'i snying po'i 'khor la zhags @#/ /pa'i cho ga rgya chen po 'di grub par 'tshal bar bgyi'o/ /de nas rig sngags 'chang gis mchod pa chen po bgyis la don yod khro bo'i rgyal po lan stong rtsa brgyad bzlas brjod bgyi ste/ de'i 'og tu rig sngags 'chang gis zhags pa blang bar bgyi'o/ /lag pa g.yon pa 'khor lo'i phyag rgya'i tshul du bcing bar bgyi zhing / g.yas pa zhags pa'i phyag rgya dang 'khor lo'i tshul la brten nas blangs te don yod pa'i zhags pa'i snying po brjod nas phyogs bzhir 'phang bar bgyi'o/ /de nas phyogs bcur khro bo'i rgyal po lan nyi shu rtsa gcig bzlas brjod bgyi'o/ /de nas bdag nyid kyi lus la dbang bskur ba'i tshul du lan bdun du bskor bar bgyi'o/ /de nas phyag rgya'i tshul du bskor ba tsam gyi mod la rig sngags 'chang 'khor los bsgyur ba'i dbang bskur bar 'gyur ro/ /dam pa chen po 'grub par 'gyur ro/ /'khor los bsgyur ba'i rgyal po chen po legs mthong rang gi gzugs kyi mdun na mchis nas rig sngags 'chang gi rkang pa spyi bos blangs nas 'di skad ces kyang smra bar 'gyur te/ rig sngags 'chang gis ci bka' stsal pa de bgyi'o zhes ci bsgo ba'i don de dang de thams cad bgyid par 'gyur ro/ /bran gyi rang bzhin gyis thams cad du las bgyid par 'gyur ro/ /de nas rig sngags 'chang gi gnas su 'jug par 'tshal bas 'di ltar nub gsum du mchis par gyur pas zhags pa'i phyag rgya lag pas blang bar bgyi'o/ /phug gi sgo gang lags pa der zhags pa lan gsum du bskor bar bgyi'o/ /don yod pa'i rgyal po bzlas brjod bgyis te zhags pa gdab par bgyi'o/ /zhags pa btab pa tsam gyi mod la gnas kyi phug gi sgo thams cad phye bar 'gyur ro/ /'khrul 'khor dang / gtan pa dang / phug dang / 'bab chu chen po dang / gseg ma dang / 'bab chu dang / gnod sbyin dang / srin po dang / lam mi bde ba thams cad bsal ba dang / bcom pa dang / bshig par 'gyur ro/ /gtan pa dang / sgo glegs dang / 'khrul 'khor dang / lcags sgrog rnams dum bu dum bur chad cing gyes par 'gyur/ nyams par 'gyur/ /'jig par 'gyur ro/ /shin tu dag pa dang / shin tu dri ma med pa dang / shin tu rgya che ba'i gzhal med khang 'byor ba rnam par 'phrul pa dag mthong bar 'gyur ro/ /rin po che sna tshogs kyis bkra ba/ rin po che sna bdun gyis brgyan pa'i gnas/ /rin po che sna tshogs kyi ljon shing gis brgyan pa'i gzhal med khang mthong bar 'gyur ro| |me tog sna tshogs kyi ra ba shin tu dri zhim pa'i gzhal med khang mthong bar 'gyur ro/ /de nas rig sngags 'chang gis lag pa'i zhags pa dang / 'khor lo'i phyag rgya'i @#/ /tshul mngon sum du bgyis nas don yod pa'i zhags pa'i snying po bzlas te 'jug par bgyi'o/ /rig sngags 'chang gnas su zhugs pa tsam kho nas gnas mchog de yang rnam pa drug tu 'gul ba dang / g.yo ba dang / ldeg pa dang / 'ur 'ur chem chem ste/ lha'i 'od zer gyi snang ba chen pos snang bar 'gyur ro/ /de nas rig sngags 'chang 'jug par bgyi'o/ /de nas don yod pa rnam par dag pa dri ma med pa zhes bgyi ba'i sman bud med kyi gzugs lha'i rgyan gyis brgyan pa/ lha'i gos kyi rgyan gyis klubs pa/ kha dog bzang po rgyas pa mchog dang ldan pa/ lha'i gzugs chen po 'chang ba/ bI dza pU ra thogs pa mchi bar 'gyur ro/ /sman bud med kyi gzugs 'chang ba de mthong ba tsam kho nas dpag tshad gang tsam nas gzi brjid thams cad dang / stobs thams cad nye bar sgrub par bgyid do/ /de nas rig sngags 'chang gis don yod pa'i 'khor lo'i zhags pa mdun du bcing bar bgyi ste/ mthong ba tsam gyi mod la de'i stobs dang / brtson 'grus dang / gzi brjid nyams par 'gyur ro/ /mthu chung bar 'gyur ro/ /de nas bud med de dgod pa dang / oM zhes bgyi bas mnan par bgyi'o/ /khro bo'i rgyal po bzla bar bgyi ste/ kha bub tu 'gyel nas chab 'byung bar 'gyur te/ chab de la reg par mi bgyi'o/ /don yod rgyal po bzla bar bgyi ste/ de nas mig tshugs kyis blta bar bgyid na/ rig sngags 'chang gis zhags pas bzhu bar bgyi'o/ /de'i 'og tu bdud rtsi'i chab 'byung ste/ blang bar bgyi/ /byug par bgyi'o/ /kun tu byugs pa tsam gyis nam mkha' la mchi bar 'gyur te/ thog mar rlung gi phung po nas 'dzeg par 'gyur ro/ /mig la byug na/ phyogs bcu thams cad du gtogs pa'i de bzhin gshegs pa byang chub sems dpa'i tshogs kyi 'khor dang bcas pa thams cad dang / sangs rgyas kyi zhing de'i gzhal med khang dang / gnas kyi rnam par 'phrul pa dang / gang dag bzhugs shing bzhes la 'tsho ba dag ji ltar lag mthil na mchis pa de bzhin du mthong bar 'gyur ro/ /gang dag yongs su mya ngan las 'das pa dang / gang dag 'das pa dang / gang dag ma byon pa dang / gang dag da ltar byung ba dang / sangs rgyas rnams dang / gang dag ring bsrel snying po'i mchod rten chen po'i srog shing gi tshogs can dag dang / de bzhin du ji ltar 'khor gyi dkyil 'khor gyi khang pa de dag thams cad mthong bar 'gyur ro/ /bdag nyid la kun nas byugs te/ des byugs pa tsam gyis pags pa'i mdog lha'i gser dang 'dra bar 'gyur ro/ /skra sngo la cung zad 'khyil bar 'gyur ro/ /mig lha'i ut+pa la sngon po mchog 'dra bar 'gyur @#/ /ro| |tshe lha'i bskal pa brgya stong du 'gyur ro/ /rig sngags 'chang gi 'khor los bsgyur ba 'bum phrag brgya stong phrag bco brgyad kyis yongs su bskor bar 'gyur ro/ /lha'i bu mo brgya bzhi bcu dang / mi 'am ci'i bu mo dang / rig sngags 'chang gi bu mo gang+gA'i klung gi bye ma brgya stong phrag 'bum snyed kyis yongs su bskor bar 'gyur ro/ /ji ltar yid la bsam pa dang / yid la brnag pa tsam gyis lha'i zas kyi mchog ro brgya dang ldan pa dag mdun du 'byung bar 'gyur ro/ /lha'i btung ba chen po bdud rtsi'i ro bro ba dag 'byung bar 'gyur ro/ /byang chub kyi snying po la thug gi bar du 'khor los bsgyur ba'i rgyal po chen po legs mthong mdun nas rgyug par bgyid do/ / dgra thams cad dang / bgegs dang / log 'dren thams cad bcom pa dang / nyams pa dang / gtubs pa dang / gsheg pa dang / brtsal ba dang / gyes pa dang / phye mar bgyis par 'gyur ro/ /yang na sman gyi bud med de'i skra kun bton te ska rags su bgyis nas bcing bar bgyi'o/ /gang du bcing pa de yang rin po che sna bdun du 'gyur ro/ / gang du zhugs pa thams cad mi snang bar 'gyur ro/ /de la lha thams cad gnas 'cha' bar 'gyur ro/ /klu thams cad dang / lha ma yin thams cad dang / mi'am ci thams cad dang / rig sngags 'chang thams cad de'i dbang du mchis par 'gyur ro/ /'khor de thams cad byang chub kyi snying po la thug gi bar du de'i phyi bzhin rjes su 'brang bar 'gyur ro/ /de nas rig sngags 'chang gnas su 'jug par 'tshal zhing slar yang ldog par 'tshal na/ sman gyi bud med de dang gtam mi bgyi/ /reg par mi bgyi bar lag pa'i phyag rgya gnas mchog tu 'jug par bgyi'o/ /de nas gnas thams cad na gnas pa'i bud med dang / skyes pa dang / khye'u dang / bu mo thams cad phyir byung nas mdun na sdod par 'gyur te/ kha cig gi lag na ni/ bum pa gang ba'o/ /kha cig ni/ lag na gdugs so/ /kha cig gi lag na ni/ lha'i gos thogs so/ /kha cig ni /lha'i nor bu rin po che thogs so/ /kha cig ni/ dri dag go/ /kha cig ni/ me tog dag go /kha cig ni/ phreng ba dag go /kha cig ni/ rgyan dang lhab lhub sna tshogs thogs so/ /kha cig ni/ byug pa dag go/ /kha cig ni/ dri'i phye ma dag go /kha cig ni/ spos chu'i rin po che sna bdun gyi snod bkang ba dag go/ /kha cig ni/ lha'i 'bras bu sna tshogs pa dag go /kha cig ni/ lha'i me tog sna tshogs thogs te/ pad+ma dang / ku mu da dang / pad+ma dkar po dang / man+dA ra ba dang / man+dA ra ba chen po dang / many+dzu sha ga dang / many+dzu sha ka chen po dang / mdog @#/ /mdzes dang / mdog mdzes chen po dang / a ti muk+ta ka dang / tsam pa ka dang / bar shi ka dang / mthon ka dang / mthon ka chen po dang / ka dam pa dang / sna ma dang / yu ti ka dang / klu'i me tog dang / kon+ta dang / gan+d+ha bar shi ka'i me tog dag thogs so/ /kha cig ni/ lha'i tsan+dan go shiR+Sha dang / sbrul gyi snying po'i bdug pa dang / a ga ru dang / du ru ka dang / ta ma la'i lo ma'i bdug pa thogs so/ /kha cig gi lag na ni/ rma bya'i bsil yab thogs so/ /kha cig gi lag pa na ni/ ral gro'i| |kha cig gi lag pa na ni/ mdung thung ngo / /kha cig gi lag pa na ni/ rdo rje dang / dgra sta dang / mnga' bo che dang / mdung dang / gtun shing dang / mdung rtse gsum pa dang / gzod kha gnyis pa dag go/ /kha cig ni/ go cha dang / ya lad bgos nas bsrung ba'i phyir kun nas 'du zhing mchi bar 'gyur ro/ /kha cig ni/ rin po che sna tshogs kyi snod dang / gser gyi snod dang / dngul gyi snod dag thogs pa rin po che sna tshogs kyi me tog dang / gser gyi me tog dang / dngul gyi me tog dag gis bkang nas thogs so/ /de dag thams cad rig sngags 'chang la dbul bar bgyid do/ /rig sngags 'chang gis byams pa dang / snying rje chen po yid la bgyid pa dang / sangs rgyas yid la bgyis pas 'phags pa spyan ras gzigs dbang phyug don yod pa'i zhags pa'i cha lugs 'chang ba yid la bgyi'o/ /mchog tu brtse ba yid la bgyid pas tshig gzhan mi smra bar dbugs dbyung bar bgyi zhing lam drang po nas 'jug par bgyi ste/ seng+ge'i khri la mngon du mchis nas don yod pa'i 'khor lo'i zhags pa thog mar seng+ge'i khri'i steng du gzhag par bgyi'o/ /'phags pa don yod pa'i zhags pa'i cho ga zhib mo'i rgyal bo/ /bam po bzhi pa/ de'i 'og tu rig sngags 'chang rang nyid mchis nas steng du gtogs pa'i de bzhin gshegs pa thams cad la phyag bgyi zhing 'phags pa spyan ras gzigs dbang phyug mchog sbyin pa la yang phyag bgyi'o/ /des dgra thams cad pham bar bgyis par 'gyur ro/ /gal te 'og tu phyogs nas phyag bgyis na/ de nas 'khor los rig sngags 'chang gi phyir rgol ba rnams mgo bcad par 'gyur ro/ /rig sngags 'chang mchis ma thag tu gnas rnam pa drug tu g.yos nas sgra chen po 'byung bar 'gyur ro/ /ca co'i sgra chen po 'byung bar 'gyur ro/ /lha'i rol mo'i cha byad yan lag lnga dang ldan pa dag 'dun par 'gyur ro/ /nam mkha'i lha rnams kyis kyang gzhal med khang chen po nas dbu rgyan dang cod pan gyis rig sngags 'chang gi mgo bo la dbang bskur bar bgyid do/ / @#/ /dbang bskur ba tsam gyi mod la rin po che sna bdun gyi char 'bab par 'gyur ro/ /gser gyi char dang / gos kyi char 'bab par 'gyur ro/ /gser gyi me tog dang / dngul gyi me tog dang / lha'i me tog bkra ba sna tshogs kyi char dang / lha'i rgyan gyi char 'bab par 'gyur ro/ /de nas lha'i bu mos rin po che sna bdun gyi snod du bdud rtsi'i bcud 'tshal te mchis nas 'bul bar bgyid do/ /rig sngags 'chang gis blangs nas don yod pa'i zhags pa'i snying po bzla bar bgyi'o/ de nas rig sngags 'chang gis reg par bgyi'o/ /rig sngags 'chang gis reg pa tsam gyi mod la lha'i lus rnam par dag pa thob nas bags pa'i mdog gser 'dra bar 'gyur ro/ /skra lhag par sngo ba dang / mig ut+pa la sngon po ltar lha'i mig yongs su dag par 'gyur ro/ /tshe'i tshad lha'i bskal ba 'bum phrag brgya stong du 'gyur ro/ /gal te phyir mi ldog par 'tshal na/ de'i bcud kyis len mchog las ji tsam 'tshal ba blangs te lha'i chab tsan+dan gyi dri dang ldan pa'i nang du zhugs nas khrus bgyi'o/ /khrus bgyis pa tsam gyi mod la phug gi sgo rang 'bye bar 'gyur zhing / /ji ltar dbang phyug chen po'i gzugs 'dra bar mthong na ni/ 'jig rten thams cad kyi mchod gnas kyi gtso bo gcig pur 'gyur ro/ /ji ltar 'phags pa spyan ras gzigs dbang phyug bzhin du rig sngags 'chang 'di yang mchod pa dang / bkur sti dang / bla mas bla mar bgyi ba de lta bur 'gyur ro/ /gang du bcud kyis len mchog 'dis reg na/ 'dzam bu chu bo gser yongs su dag par 'gyur ro/ /rtsig pa'am/ /ri 'am/ ka ba'am/ ljon shing ngam/ snod dam/ bum pa'am/ /rdza bo'am gos sam/ bong ba la reg na/ de dag thams cad 'dzam bu'i gser yongs su dag par 'gyur ba nas dgos pa'i bar du 'gyur ro/ de nas rig sngags 'chang klu mo'am/ lha mo'am/ mi'am ci mo 'tshal na/ rig sngags 'chang de gos gtsang ma bgos nas legs par khrus bgyi'o/ /tshe brgyad dam/ /bcu bzhi'am/ /bco lnga la 'phags pa spyan ras gzigs dbang phyug gi ri mo'i gzugs la mchod pa bgyis nas nyin zhag gcig gnas par bgyi'o/ /'khor lo'i zhags pa chen po 'di chos kyi stan legs par brgyan pa'i stan bzang po'i steng du gzhag par bgyi zhing mchod pa chen po bgyi ste/ de nyid kyi mdun du tshig gzhan mi smra bar lan stong rtsa brgyad bzlas te yungs kar re re nas bzlas brjod bgyis pa zhags pa'i steng du gtor bar bgyi'o/ /lan stong rtsa brgyad tshang ba dang / zhags pa de yang sbrul bzhin du yongs su 'khyil la 'khor t+lo'i gdengs ka'i tshul du @#/ /mchis par 'gyur ro/ /de nas rig sngags 'chang gis zhags pa blangs te klu gnas pa'i mtsho'am/ mi 'am ci gnas pa'i mtsho'am/ lha mo gnas pa'i mtsho 'gram du mchis nas don yod pa'i zhags pa'i snying po bzlas te gnas kyi nang du zhags pa 'phang par bgyi'o/ /'phangs ma thag kho nar slar yang dran par bgyi ste| ji lta bu'i don yid la bsam pa'i don de zhags pas bcings nas ji ltar bsam pa de bzhin du bgyi bar 'gyur ro/ /gzhan yang ji ltar yid la bsam pa'i nor ram/ dbyig gam/ gser ram/ nor bu'am/ mu tig gam/ bai DUR+ya'am/ shang+ka shi la'am/ byi ru'am/ sa le sbram mam/ dngul lam/ gos sam/ chas sam/ rgyan nam/ gzhan yang gzhal med khang ji lta bur 'byor ba can dag don du gnyer na/ zhags pa 'phang bar bgyi ste/ de thams cad 'dren par bgyid do/ /gang dang gang du 'phangs pa de dang der ji ltar yid la bsam pa de nyid shin tu gsal bar yongs su rdzogs par 'gyur ro/ /dngos po gzhan du mi 'gyur ro/ /rgyal po'i rigs sam/ bram ze'i rigs sam/ khyim bdag gi rigs sam/ rje'u rigs kyis ci dang ci bsam pa 'grub par bgyid do/ /skyes pa'am/ bud med dam/ khye'u'am/ bu mo'i ming nas brjod de zhags pa 'phangs pa tsam gyi mod la zhags pas bcings nas 'dren par 'gyur ro/ /tha na ri dwags dang / bya dang / seng+ge dang / stag dang / glang po che dang / ma he yang 'dren par bgyid do/ /gang gi mid nas brjod de g.yul 'gyed pa'i nang du 'phangs na/ de yang zhags pas bcings nas mdun du mchis te ji ltar yid la bsam pa de bzhin du thams cad 'grub par bgyid do/ /zla ba dang nyi ma dbab par 'tshal na/ zla ba dang nyi ma'i mdun du mchis nas don yod pa'i zhags pa'i snying po lan bdun bzlas te zla ba dang nyi ma'i mngon sum du zhags pa 'phangs nas slar yang drang bar bgyi ste/ zla ba dang nyi ma zhags pas bcings nas drangs par 'gyur ro/ /nam mkha' las babs nas rig sngags 'chang gi mdun du mchis te ji ltar yid la bsam pa bzhin dgos pa thams cad sgrub par bgyid do/ /'on te zla ba dang nyi ma'i gnas su mchi bar 'tshal na/ zhags pa'i phyag rgya bcings pa lag pas blangs te don yod pa'i rgyal po'i snying po bzlas pa dang / rig sngags 'chang nam mkha' la 'phur nas nyi ma dang zla ba'i stan la ji srid du 'tshal bar longs spyod par 'gyur zhing slar bde ba dang / ma snad pa dang / ma smas pa dang / legs par 'bab par 'gyur ro/ /nags khung du 'jug par 'tshal na/ gtsang ma legs par khrus bgyis pas gos gtsang @#/ /bgo bar bgyi zhing nags khung gi sgor lan nyi shu rtsa gcig bzlas brjod bgyis te zhags pa 'phang bar bgyi'o/ /lag pas zhags pa 'phangs pa tsam gyis nags khung gi gnas kyi gzhal med khang gi klu thams cad bcings nas thams cad rig sngags 'chang gi mdun na mchis par 'gyur zhing / rig sngags 'chang la phyag bgyis nas rig sngags 'chang / khyod gnas chen po mchog tu zhugs shig ces smra bar 'gyur ro/ /de nas rig sngags 'chang gis don yod pa'i rgyal po'i snying po bzlas te lag pa zhags pa'i phyag rgyas nags khung du 'jug par bgyi'o/ /zhugs pa tsam kho nas nags kyi gnas rnam par drug tu g.yo bar 'gyur zhing dbus kyi nags kyi mtha' na rin po che sna bdun gyi rdzing lha'i chab dwangs shing rnyog pa ma mchis pa/ shin tu gsal ba/ lha'i tsan+dan gyi dri dang ldan pa/ ha cang mi grang ba/ ha cang mi dro ba/ reg na bde ba/ ro dang ldan pa/ bdud rtsi'i bcud can mchis te 'di ltar don yod pa'i rgyal po'i snying po yungs kar la lan nyi shu rtsa gcig bzlas brjod bgyis nas rdzing gi dbus su zhags pa 'phang bar bgyi'o/ /'phangs pa tsam gyi mod la bud med rin po che'i gzugs 'dra ba'i lha'i bu mo'i lus phyed byung nas lha'i me tog rnam pa sna tshogs kyis legs par brgyan cing / rin po che sna bdun gyi bum pa gang ba thogs to rig sngags 'chang la dbul zhing spyi bo smad de 'dzum pa dang bcas pas rig sngags 'chang la smras pa/ rje btsun rig sngags 'chang / khyod ma bzhengs par gnas su zhugs shig /rig sngags 'chang gis grub pa'i tshig gsum brjod par bgyi ste| 'jig rten pha rol gyi don dang / rig sngags 'chang nyid dang / 'jig rten pa'i dngos grub grub ste/ bdag nyid kyi ma dang / sring mo dang / mngag gzhug ma zhes gar bde bar brjod la de'i 'og tu rig sngags 'chang gis smra bar bgyi ste/ sring mo/ kho bo la 'jig rten pha rol gyi don byin cig ces 'jug par bgyi'o/ /de yang rig sngags 'chang / /khyod rang gi gnas su snoms te zhugs shig ces smra bar 'gyur ro/ /de nas rig sngags 'chang gis lag pa zhags pa'i phyag rgyas 'jug par bgyi zhing / don yod pa'i rgyal po'i snying po bzlas so/ /de nas gnas chen po mchog rin po che sna bdun gyi gzhal med khang lha'i dril bu g.yer ka'i dra ba dang / gser dang / gos dbyangs pa dar gyi chun 'phyang rab tu dpyangs par gda' ba nas bu mo de yang nor bu rin po che chen po thogs te/ rig sngags 'chang / 'jig rten pha rol gyi don du rin po che chen po bzhes shig ces dbul bar @#/ /bgyid do/ /de nas rig sngags 'chang gis stan bshams pa'i steng du zhags pa legs par yongs su bskyil te stan du bting la nor bu rin po che chen po de zhags pa'i steng du bzhag cing me tog dang bdug pa dbul bar bgyi'o/ /don yod rgyal po'i snying po bzla bar bgyi'o/ /bzlas pa tsam gyi mod la zhags pa nor bu rin po che dang bcas te 'bar bar 'gyur ro/ /nor bu rin po che chen po de las kyang 'o ma'i chab 'byung bar 'gyur ro/ /rig sngags 'chang gis 'o ma'i chab de las blangs la skyor chu lan bdun du reg par bgyi'o/ /'o ma'i chab kyis reg pa tsam gyi mod la lus thams cad dri ma dang bral zhing yongs su dag par 'gyur ro/ /don yod snang ba nor bu gzhal med khang gi dkyil 'khor gyi 'od zer gyi dra ba 'od zer zhes bgyi ba thob nas sa bcu la gnas te phyir mi ldog par 'gyur ro/ /bla na med pa'i byang chub kyi lam thob par 'gyur ro/ /'phags pa spyan ras gzigs dbang phyug gi ting nge 'dzin sgyu ma lta bur rnam par 'phrul pa thob par 'gyur shing / shin tu yongs su dag pa'i b dag nyid kyi rang bzhin gyis don yod pa'i zhags pa'i cha lugs 'chang ba rig sngags 'chang gi mdun du mchis nas lag pa g.yas pa spyi bor bzhag ste nga'i rig sngags 'chang gi bu thu bo khyod kyis grol ba chen po'i dkyil 'khor sangs rgyas kyi sku yongs su dag pa 'thob bo/ /zhes dbugs 'byin par 'gyur ro/ /phyogs bcu'i de bzhin gshegs pa rnams mthong nas thams cad kyis legs so zhes bya ba'i sgra 'byin par 'gyur te/ sems dpa' chen po legs so legs/ /khyod ni byang chub lam du zhugs/ / khyod kyis sangs rgyas nyid 'thob ste/ /sgrol ba'i lam zhes bya ba bsgrubs/ /'on te rig sngags 'chang nyid don du gnyer na/ de'i tshe gser gyi me tog stsol bar 'gyur te/ blangs la bu mo de nyid kyi spyi bor bzhag nas oM zhes bgyi bas mnan par bgyi'o/ /oM zhes bgyi ba'i sgra brjod nas spyi bor bzhag pa tsam gyi mod la bu mo de'i mig mchog gnyis nas mchi ma 'dzag par 'gyur ro/ /de nas rig sngags 'chang gis blangs te nye reg bgyis pa tsam gyi mod la rig sngags 'chang gi 'khor los bsgyur bar 'gyur ro/ /sgra cung zad 'khyil cing lag pa na 'khor lo'i zhags pa thogs te nam mkha' la mchi bar 'gyur ro/ /rig sngags 'chang bye ba 'bum phrag bco brgyad kyis yongs su bskor bar 'gyur ro| |tshe lo drug khri nyis stong du 'gyur zhing skye ba bdun stong rjes su dran par 'gyur ro/ /'on te gsang sngags 'chang 'jig rten pa'i dngos grub kyi cho ga slong na/ de'i tshe 'di lta @#/ /bur 'gyur te/ rig sngags 'chang gis bdag gi skra 'di sdoms shig ces de'i tshe bud med des skra'i ral pa bton nas rig sngags 'chang la 'bul pa na skra thams cad blangs te dum bu gsum du bkug nas srad bu la nyi shu rtsa gcig bkal te mgo la btags pas ni/ ji ltar yid la bsam pa de bzhin du mig 'phrul ston par 'gyur ro/ /'bras bu dang me tog 'tshal ba thams cad ston par 'gyur ro/ /bden pa ji ltar 'tshal ba bzhin ston par 'gyur ro/ /mgul du btags pas ni/ mi gda' bar gyur nas gnod sbyin dang / srin po dang / 'byung po dang / sha za dang / grul bum dang / lto 'phye chen po dang / mi ma yin pa rnams dbang du gyur nas mchis par 'gyur ro| |dpral ba la btags pas ni/ lha dang klu thams cad dbang du gyur nas mchis par 'gyur ro/ /dpung pa g.yas pa la btags pas ni/ glang po che bcu'i stobs dang ldan par 'gyur te/ phas kyi dgra bo dang / mi mdza' ba dang / gdug pa thams cad kyis mi tshugs pas stobs kyis 'khor los bsgyur bar 'gyur ro/ /dpung pa g.yon pa la btags pas ni/ rigs bzhi'i 'jig rten dbang du gyur nas mchis par 'gyur ro/ /lag pa g.yon pa la btags pas ni/ gang la reg pa de dbang du 'gyur zhing bdag gi nor du 'gyur ro/ /lag pa g.yas pa la btags pas ni/ grong khyer gyi shar phyogs kyi sgo nas rgyal po'i sgo la thal mo lan gsum brdabs na/ rgyal po'i btsun mo 'khor dang bcas pa dang / grong khyer dang / yul 'khor dang / rgyal po'i pho brang dang / bud med dang / skyes pa dang / khye'u dang / bu mo dang bcas pa bdag nyid dam/ nor dbang du gyur nas mchis par 'gyur ro/ /tha na dud 'gro'i skye gnas su gtogs pa bya dang / gcan gzan dang / ri dwags dang / gdug pa dang / gzhan yang gdug pa dang bcas pa'i srog chags rnams dbang du gyur nas mchis par 'gyur ro/ /bral g.yas pa la btags pas ni/ tshal lam/ /ser ka'am/ ri 'or ram/ phug ga ma/ dgon pa'am/ /bsti gnas gang du zhugs te zhugs pa tsam gyi mod la nor thams cad dang / sman thams cad dang / lha thams cad rang gi gzugs su mngon nas mchis par 'gyur ro/ /byin pa g.yas pa dang / rkang pa g.yas pa la btags pas ni/ rgya mtsho chen po'i pha mthar yang rgal bar 'gyur na/ chu klung chen po'i chab kyis byin pa nub tsam du 'gyur ba lta smos kyang ci 'tshal/ byin pa g.yon pa la btags bas ni/ nyi ma re re zhing dpag tshad brgyar phyin nas dub pa ma mchis par slar yang ldog par 'gyur ro/ /brla g.yon pa la btags nas dur khrod @#/ /chen por zhugs na/ dur khrod thams cad na gnas pa'i gcer bu pa thams cad dbang du gyur nas mchis par 'gyur ro/ /de nas rig sngags 'chang g nas de nyid na spyod na rig sngags 'chang des lag pa g.yon pas bum pa gang ba bzung zhing lag pa g.yas pas bud med de bzung nas gnas chen po'i mchog tu 'jug par bgyi'o/ /gnas mchog de'i dbus na rdzing me tog gis chal bar bkram pa bgyi ste/ rdzing der gnyis ka khrus bgyi zhing chab kyis nye reg bgyi'o/ /bkrus shing lag pa tsam kho nas 'khor lo rig sngags 'chang zhags pa dang / 'khor los bsgyur ba'i rig sngags 'chang du 'gyur ro/ /rig sngags 'chang 'bum phrag bdun stong gis yongs su bskor cing tshe bskal pa khrir 'gyur ro/ /skra cung zad 'khyil bar yang 'gyur ro/ /nags kyi gnas kyi gzhal med khang bdun cu rtsa gnyis kyi dpon po rgyal por 'gyur ro/ /gal te ma zhes bgyi bas don du gnyer ba ni/ bu gcig pa bzhin du yongs su skyong bar 'gyur ro/ /'bras dang / 'bras dang / gos dang / chos dang / nor bu dang / mu tig dang / byi ru dang / gser dang / dngul yongs su grub par bgyid do/ /srong mo zhes bgyi bas ni/ dgos pa'i yo byad thams cad tshang bar stobs par 'gyur zhing yan lag spong bar bgyid do/ /nyi ma re re zhing rgyan thams cad kyis klubs pa'i lha'i bu mo khrid de mchi bar 'gyur/ /lha'i gzhal med khang 'byor pa stobs par bgyid/ /lha'i khyim dang / gzhal med khang stob par bgyid do/ /mngag gzhug ma zhes bgyi bas ni/ gang dang gang du mngags pa de dang der mchi bar 'gyur te/ lha'i gnas sam/ klu'i gnas sam/ gnod sbyin gyi gnas sam/ srin po'i gnas sam/ 'byung po'i gnas sam/ gzhan yang mngag gzhug pa'i sgrub pa rnam pa sna tshogs yid la bsam pa bzhin du bgyid do/ /nags sgrub pa'i cho ga'o/ /de nas rig sngags 'chang thang la rgyu bar 'tshal na/ gtsang ma khrus bgyis pas gos gtsang ma bgo bar bgyi/ gnas dben pa gtsang ma'i sa phyogs su dkyil 'khor gru bzhir bgyis la dri sna tshogs kyis byug / ro sna tshogs dang ldan pa'i gtor ma bshams la a ga ru'i bdug pa bsregs te nub gsum du mchis nas 'khor lo zhags pa'i lag pa'i phyag rgyas don yod rgyal po'i snying po'i bzlas brjod stong rtsa brgyad bgyis te lan stong rtsa brgyad tshang ba dang / dkyil 'khor gyi dbus nas du ba 'byung bar 'gyur| khro bo'i rgyal po lan bdun bzla bar bgyi'o/ /de nas dkyil 'khor gyi dbus nas skyes pa nag po chen po'i tshul mi sdug pa/ mche ba gtsigs pa/ skra gyen du 'greng ba/ @#/ /mgo 'bar ba/ mig dmar ba dang / mchu dang lce dmar ba/ sen mo dmar ba/ skra sngo ba/ dpung pa mkhrang zhing brtan pa/ gsus pa 'phyangs po mchod phyir thogs pa dang ldan pa/ mgo lnga pa/ sprul ltar lce sgyur ba/ stag gi sham thabs bgos pa/ lag na dgra sta dang / dril bu thogs pa zhig lus phyed tsam byung nas phyogs bcur lta bar bgyid do/ /de nas rig sngags 'chang gis skrag par mi bgyi ste/ brtan par bgyi la khro bo'i rgyal po bzlas nas 'khor lo'i zhags pa 'phangs te mgo bcad la khrag mang du byung ba dang / rig sngags 'chang gis khrag des lus thams cad byug par bgyi'o/ /byugs pa tsam gyi mod la bdag nyid lus mi chod pa dang / mi shigs pas rdo rjer byin gyis brlabs par 'gyur ro/ /mig gnyis phyung la rang gi mig phyis nas mig la bskus na/ lha'i mig tu 'gyur ro/ /rkang brus te byugs na/ tshe bskal pa bcur 'gyur zhing thos pa bsags pa'i rgya mtshor 'gyur ro/ /bskal pa brgya stong gi skye ba'i skye ba dang / tshe rabs dran par 'gyur ro/ /snying phyung ste 'tshal na/ nam mkha' la mchi'o/ /khrag gis snying gar thig le bgyis na mi gda' bar 'gyur ro/ /lce bcad na/ ral grir gyur nas dgra thams cad bklag par bgyid do/ /gal te thang la rgyu bar 'tshal na/ de'i tshe khro bo'i rgyal po lan brgya rtsa brgyad zhags pa dang 'khor lo la bzlas brjod bgyi'o/ /'khor los zhags pa gsang ba'i phyag rgya'i tshul gyis thal mo sa la brdab par bgyi ste/ lan gsum du thal mo brdabs pa dang / de'i 'og tu thang gi sgo dbye bar 'gyur ro/ /ji ltar rang gi khyim bzhin du 'jug par 'gyur te/ zhugs nas slar yang mchi zhing dgos pa gzhan thams cad bgyid pa dang / thang thams cad la gnas pa thams cad dbang du gyur nas gnas par 'gyur ro/ /'on te nam mkha' la mchi 'tshal na/ gyen du bltas nas don yod rgyal po'i snying po yungs mar la stong rtsa brgyad bzlas te/ lan stong rtsa brgyad bzlas nas bdag nyid la byugs te lag pa'i zhags pa'i phyag rgyas nam mkha' la mchi bar 'gyur zhing nam mkha' go 'byed par 'gyur ro/ /lha'i gnas su mchi bar 'tshal na/ lha'i khyim du mchis nas zhags pas lha'i mgul nas bcing bar bgyi zhing don yod rgyal po'i snying po lan stong rtsa brgyad bzlas nas lha bcings pa gang lags pa de'i ming nas brjod na/ lha de babs nas rig sngags 'chang gi mdun na mchis par 'gyur ro/ /tshangs pa dang / khyab 'jug dang / dbang phyug chen po rig sngags 'chang la rig sngags 'chang / ci zhig don du gnyer ba de snoms shig ces smra bar 'gyur ro/ /rig sngags 'chang gis lha'i gnas su 'gro'o/ /zhes brjod @#/ /par bgyi'o/ /gal te gzhan bsam pa zhig mchis na/ mchog thams cad stsol bar bgyid do/ /de nas lha'i gnas nas mchi ba na lha'i gnas lha'i rdzu 'phrul gyis lag pa na thogs te nam mkha' la mchi bar 'gyur ro/ /ji srid 'tshal bar lha'i gzhal med khang chen por longs spyod par 'gyur zhing / 'on te mi 'tshal na/ lha'i gnas nas slar yang 'bebs par 'gyur ro/ /gzhan ji ltar rang gi blo gros dang / yid la bsam pa'i dgos pa thams cad bgyid par 'gyur zhing thams cad grub par 'gyur te/ de la som nyi dang / yid gnyis bskyed par mi bgyi'o/ /'khor lo'i zhags pa sgrub pa'i cho ga'o// //de nas rig sngags 'chang pad+ma'i zhags pa sgrub par 'tshal pas rig sngags 'chang de gtsang ma legs par bkrus te gos gtsang ma bgo bar bgyi'o/ /nub gsum mchis sam/ nub lnga mchis sam/ nub gcig mchis nas rig sngags 'chang gis zhags pa'i skud pa bsgrub par bgyi ste/ ras kyi skud pa'am pad+ma'i skud pa bai DUR+ya'i kha dog lta bur tshon gyis kha bsgyur bar bgyi zhing khru nyi shu rtsa gcig bkal te/ de la yang pad+ma bgyis te rin po che sna bdun gyi 'dab ma kha phye ba sor bzhi pa'i tshad kyis pad+ma gser gyi 'dab ma dang / dngul gyi 'dab ma dang / bai DUR+ya dang / in+d+ra nI la dang / rin po che ka ti ka las bgyi zhing mu tig gis bskor ba bgyi ste/ de nas zhags pa la gdags par bgyi'o/ /zhags pa'i thor to gcig la ni/ pad+ma'i phyag rgya gdags par bgyi'o/ /de nas legs par brgyan pa'i chos kyi stan bzang po bsham par bgyi'o/ /ba'i lci bas dkyil 'khor bgyis la dkyil 'khor gyi steng du dri'i pad+ma bsam par bgyi zhing dkyil 'khor gyi steng du chos kyi gdan bshams la bum pa gad bas brgyan par bgyi'o/ /me tog gi sil ma bkram zhing a ga ru dang / tsan+dan dang / du ru ka'i bdug pa dbul bar bgyi'o/ /mchod yon dang zhabs bsil gyi snod kyang gzhag par bgyi'o/ /pad+ma'i zhags pa de yang chos kyi stan gyi steng du gzhag par bgyi'o/ / 'phags pa spyan ras gzigs dbang phyug gi mdun du rig sngags 'chang gis skyil mo krung bcas nas don yod zhags pa'i snying po lan khri bzlas te bzlas pa'i yungs kar re re nas de'i steng du gtor bar bgyi'o/ /lan khri rdzogs nas de nas tshes bco lnga'i zla ba nya'i nub mo mchis nas 'phags pa spyan ras gzigs dbang phyug la mchod par bgyi'o/ /zhags pa de la yang mchod par bgyi'o/ /don yod pa'i zhags pa'i phyag rgya bcings nas don yod pa'i rgyal po'i snying po lan brgya rtsa brgyad bzla'o/ /de nas khro bo'i rgyal po lan brgya rtsa brgyad bzlas @#/ /te nyin mtshan dus gsum du bzlas brjod dang / mchod pa bgyi'o/ /de nas pad+ma'i zhags pa 'bar zhing kha dog sna tshogs kyi 'od zer 'byung bar 'gyur ro/ / legs so legs so zhes bgyi ba'i tshig 'byin par 'gyur ro/ /'phags pa spyan ras gzigs dbang phyug gi lus la kha dog sna tshogs kyi 'od zer 'byung bar 'gyur ro/ /de nas rig sngags 'chang phyag rgya'i skyil mo krung gis mchis nas mig mi 'dzum zhing bzhin 'dzum pas snying rje chen po yid la bsgom par bgyi'o/ /'phags pa spyan ras gzigs dbang phyug gi gdong du bltas te don yod pa'i zhags pa'i snying po lan sum stong bzla bar bgyi'o/ /de'i 'og tu 'phags pa spyan ras gzigs dbang phyug bdag nyid kyi lha'i rang bzhin mdun du mchis nas lag pa g.yas pa brkyang ste rig sngags 'chang gi spyi bor bzhag nas legs so zhes bgyi ba stsol bar 'gyur zhing / 'di skad ces kyang dbugs 'byin par bgyid do/ /rig sngags 'chang / nga'i bu snying las skyes pa'i thu bo bzlas brjod kyi cho ga chen po dang / mchod pa'i cho ga chen po 'dis nga la mchod pa'i mchog byas pa dang / bzlas brjod kyi mchog dang / grub pa'i mchog ste/ khyod kyis don yod rgyal po'i snying po grub cing / khyod kyis pad+ma'i zhags pa chen po grub kyi/ ji ltar yid la bsam pa bzhin du mchog khyer cig / khyod yid kyi brnag pa thams cad ni/ yongs su rdzogs par bya'i/ khyod 'khor ba'i 'jigs pa rgyu ba las ni/ grol/ khyod skye ba dang / rga ba dang / na ba dang / 'chi ba'i mya ngan mi bzad pa'i 'jigs pa las thar na/ khyod dmyal ba chen po mi bzad pa bcu drug las ni/ yongs su grol/ 'jigs pa chen po mi bzad pa'i sdug bsngal gyi tshor ba brgyad las ni/ yongs su thar/ 'di nas phyi ma'i skye ba'i mngal du gnas nas sdug bsngal mi bzad pa las shi 'phos te/ rig sngags 'chang / khyod byang chub kyi snying po la thug gi bar du 'jig rten gyi khams bde ba can du pad+ma las brdzus te skye bar 'gyur ro/ /khyod kyis gang+gA'i klung 'bum phrag stong brgyad cu rtsa bzhi'i snyed kyi bye ma dang mnyam pa'i de bzhin gshegs pa rnams la dge ba'i rtsa ba cher bskyed pa'i bsod nams kyi tshogs chen po dang ni/ ldan/ rig sngags 'chang / khyod kyis lhag par bya ba mang po ni/ byas| khyod rig sngags 'chang chen por ni/ lung bstan/ dmyal ba dang sngon gyi las kyi sgrib pa mi bzad pa thams cad las ni/ grol gyi/ ji ltar yid la bsam pa bzhin mchog khyer cig / de nas rig sngags 'chang gis ji ltar yid la bsam pa bzhin de'i tshe mchog thob par 'gyur ro/ /de nas rig sngags 'chang gis pad+ma'i zhags pa de blangs te gnas @#/ /gtsang mar gus pas mchod pa rgya cher bgyi'o/ /nam dgos pa de'i zhags pa blang par bgyid de/ las thams cad bgyid par 'gyur ro/ /pad+ma ni/ 'phags p a spyan ras gzigs dbang phyug gi lag pa g.yon par bzhag la lag pa g.yas pas zhags pa bzung ste don yod rgyal po'i snying po lan brgya rtsa brgyad bzlas nas sems can nam lha gang gi ming nas brjod de bzlas brjod brgya rtsa brgyad tshang ba dang / byang chub sems dpa' mdun du mchis nas 'dod pa'i mchog thams cad stsol par 'gyur ro| |de nas rig sngags 'chang byang chub tu lung bstan pa don du gnyer bar 'tshal na/ rig sngags 'chang gtsang mas legs par khrus bgyis te gos gtsang ma bgos p as nyin zhag gcig mchis par gyur pas sangs rgyas bcom ldan 'das shAkya thub pa la mchod pa rgya chen po bgyis nas pad+ma'i zhags pa de yang sangs rgyas bcom ldan 'das kyi phyag tu dbul bar bgyi'o/ /zhags pa'i thor to ya gcig gis ni/ rang gi mgul du btags la/ don yod rgyal po'i snying po lan stong rtsa brgyad tshang bar bzlas brjod bgyi'o/ /stong rtsa brgyad tshang ba dang / sangs rgyas bcom ldan 'das sku gser gyi mdog can rig sngags 'chang gi mdun du bzhugs nas rig sngags 'chang gi spyi bor phyag bzhag ste dbugs 'byin par mdzad/ lung ston par mdzad/ yid kyi brnag pa thams cad yongs su rdzogs par mdzad par 'gyur ro/ /sgrib pa dang / sdig pa che rabs stong du bsags pa thams cad gtugs par 'gyur/ lhag ma ma lus par gtugs par gyur nas lus yongs su dag par 'gyur ro/ /dri ma dang bral zhing phrag dog dang / ser sna spangs par 'gyur ro/ /de nas ma 'ongs pa'i skye ba'i mngal du gnas nas lha dang mi'i dpal nyams su myong bar bgyis nas sems can thams cad kyi bla ma gcig pur 'gyur ro| |mchod par 'os pa dang / bla ma'i gnas su yang 'gyur ro/ /nad rnams dang bral bar 'gyur ro/ /skye bo thams cad dga' bar 'gyur ro/ /'gum pa'i dus su phyogs bcu'i de bzhin gshegs pa thams cad kyis dgongs par 'gyur ro/ /dbugs 'byin par mdzad/ legs pa'i lam ston par mdzad par yang 'gyur ro/ /'phags pa spyan ras gzigs dbang phyug mdun na mchis nas dbugs 'byin par bgyid cing lag pa g.yas pa spyi bor 'jog par bgyid do/ /de bde bas shin tu dran pa nye bar bzhag nas lus 'dor bar 'gyur ro/ /bor ba tsam gyi mod la skal pa mnyam pa bde ba can gyi 'jig rten gyi khams su skye bar 'gyur te/ rgyan thams cad kyis brgyan pa/ mtshan dang dpe byad kyis spras @#/ /pa'i lus pad+ma las brdzus te skye bar 'gyur ro/ /tshe rabs dran par 'gyur te/ bskal pa brgya stong gi skye ba'i tshe rabs dran par 'gyur ro/ /don yod p a'i zhags pa'i snying po rnam par grol ba'i dkyil 'khor gyi phyag rgya rim par phye ba'i cho ga zhib mo 'di mtha' dag rdzogs par g.yar ton du bgyis nas sa bcu la gnas shing phyin ci log tu ma gyur pas phyir mi ldog par 'gyur ro/ /rdzu 'phrul gyi rnam par 'phrul pa chen po dang / cho 'phrul chen po la lha'i khang pa brtsegs pa dang / gzhal med khang dang / gnas mchog dang / phyogs bcu'i sangs rgyas kyi zhing thams cad nas sangs rgyas kyi zhing du byang chub kyi snying po la thug gi bar du mchi bar 'gyur ro/ /de nas rig sngags 'chang bde ba can gyi 'jig rten gyi khams mthong ba'i chos kho na la lta bar 'tshal na/ rig sngags 'chang gis gnas gtsang ma'i phyogs sam| gnas sam/ khang pa'am/ dgon pa'i gnas sam/ 'khor gyi khyams sam/ 'chag sa'am/ khang pa brtsegs ma'am/ spyil po gtsang ma phyi bdar legs par bgyis pa'i phyogs su dkyil 'khor gru bzhi 'byes pa khru gang ba'am/ khru do ba'i dkyil 'khor bgyi ste/ gru bzhi lham pa/ grwa kun nas cha mdzes pa/ sa dang sbyar ba'i lci bas shin tu legs par phyi bdar bgyis la rtswa sngon po mnyen po lta bu la mkhas pas dkyil 'khor mtha' dag gi cha dbye ba'i thig gdab par bgyi'o/ /dkyil 'khor gyi dbus kyi snying po la pad+ma rgya chen pos 'byes pa/ 'dab ma brgya pa/ tshon sna brgyad kyi tshon rtsis bkra bar bgyi zhing 'byes par bgyis la/ snying po ni/ rin po che ka ti ka las bgyi'o| |pad+ma'i mtha' nor bu rin po che sna tshogs kyis bskor la gra bzhi nas kha khyer sor bzhi pa'i tshad du bgyi'o/ /pad+ma'i bar gyi zur zur du ut+pa la sngon po legs par bris la| kha khyer gyi phyi rol du nor bus 'khor ba'i mtha' de mtshos bskor bar bgyi'o/ /lha'i chab rin po che sna tshogs kyi gzhal med khang gis mdzes par bgyis la chab la me tog sna tshogs kyi sil ma bkod pa/ bya sna tshogs gnas 'cha' ba/ ngang pa dang / bzhad dang / khrung khrung dang / ngur pa dang / shang shang te'u dang / ka la ping+ka dang / bya'i tshogs kyis mdzes par bgyis la/ nya dang / chu srin dang / chu srin byis pa gsod kun nas rten 'cha' bar bgyid do/ /mtsho'i 'gram na rin po che'i ljon shing dang / me tog gi ljon shing dang / 'bras bu'i ljon shing sna tshogs kha khyer dang bcas par bgyi'o/ /dkyil 'khor gyi kha khyer gyi phyi rol na lag pa dang / thal mo'i phyag rgya bris la sgo bzhi @#/ /rnams su rgyal po chen po bzhi bgyi'o/ /de nas dbus kyi dkyil 'khor du pad+ma'i gdan bzang po bshams te de'i steng du bcom ldan 'das 'od dpag med dang / 'phags pa spyan ras gzigs dbang phyug dang / mthu chen thob gzhag par bgyi'o/ /dkyil 'khor bum pa gang bas brgyan par bgyi'o/ /me tog sil ma dang / dri dang / byug pa yang dbul bar bgyi'o/ /ba dan bzang po sna tshogs kyis brgyan par bgyi'o/ /gtor ma dkar po dbul bar bgyi'o/ /yon chab dang zhabs bsil gyi snod dang / mar me'i phreng ba dbul bar bgyi'o/ /pad+ma'i zhags pa 'od dpag med kyi phyag tu dbul bar bgyi'o/ /rig sngags 'chang gtsang mas gos gtsang ma bgo bar bgyi'o/ /legs par khrus bgyis nas ba'i rnam lngas nye reg bgyis la zla ba nya la nyin zhag gcig mchis par gyur pas kha shar phyogs su bltas la skyil mo krung bcas te mchis nas lag pas zhags pa'i phyag rgya bcings te bzlas brjod bgyi'o/ /byams pa dang brtse ba'i sems kyis lhag par brtson par bgyi'o/ /snying rje mchog tu brtse bar gyur pas sems can thams cad la brtse bar bgyis na/ don yod pa'i zhags pa'i snying po bzlas brjod bgyi ste/ ji tsam na thun tha ma la 'od dpag med 'bar bar gyur nas dkyil 'khor chen po de la yang 'od zer 'byung bar 'gyur ro/ /rig sngags 'chang g.yo bar gyur nas lus 'bar bar 'gyur ro/ /de nas rig sngags ' chang gis skya rengs shar tsam na de bzhin gshegs pa dgra bcom pa yang dag par rdzogs pa'i sangs rgyas 'phags pa 'od dpag med gser spungs pa lta bu de bzhin gshegs p a'i sku gser gyi kha dog gis rig sngags 'chang gi mdun du bzhugs nas phyag g.yas pa rig sngags 'chang gi spyi bor bzhag ste dbugs 'byin par mdzad cing yid kyi brnag pa thams cad yongs su rdzogs par mdzad nas mi gda' bar gyur pa dang / shin tu rnam par dag pa dri ma med pa'i snang ba zhes bya ba'i gnyid thob nas ji ltar nyal ba tsam mam mig btsum pa tsam gyis 'jig rten gyi khams bde ba can gzhal med khang dang / gnas dang / 'jig rten dang / yul ljongs dang / byang chub sems dpa'i 'khor mtha' dag dang bcas pa'i dkyil 'khor yongs su rdzogs par mthong bar 'gyur lags so/ /de bzhin gshegs pa de chos ston par mdzad pa yang mthong bar 'gyur lags so/ / 'khor gyi dkyil 'khor de dag thams cad dbugs 'byin par bgyid pa dang / rnam par 'phrul pa dang / rdzu 'phrul dang / cho 'phrul thams cad mthong bar 'gyur lags so/ / @#/ /'di nas ma 'ongs pa'i skye ba nas shi 'phos te 'jig rten gyi khams bde ba can du skal pa mnyam par skye bar 'gyur ro/ /skye ba'i skye ba dran par 'gyur te| skye ba bdun stong rjes su dran par 'gyur ro/ /de sad nas zhags pa la lan stong rtsa brgyad bzlas brjod bgyis nas lag pa g.yas pas bzung na/ nam mkha' la 'phur bar 'gyur ro/ /lo khrir 'tsho bar 'gyur ro/ /zhags pa grub pa rnams dang / rig sngags 'chang thams cad kyi 'khor los bsgyur bar 'gyur ro/ /'khor khri brgyad stong dang ldan par 'gyur ro/ /pad+ma'i zhags pa sgrub pa'i cho ga'o// //de nas rig sngags 'chang rdo rje'i zhags pa sgrub par 'tshal na/ shing shun dang / ras skud dang / kha che dar gyi skud pa mnyam du lhan cig bkal te khru nyi shu rtsa gcig gi tshad tsam du bgyis la/ tsan+dan dkar po las rdo rje sor bzhi pa'i tshad du bgyis te/ rtse lnga pa 'byung po la sogs pa'i mgo dang / sbrul gyi ska rags bcings la klu'i rgyal po dga' bo dang / nye dga' bo'i dra ba'i phreng bas dkri ba bgyis nas zhags pa la gdags par bgyi'o// de nas rig sngags 'chang gtsang mas gos gtsang ma bgo bar bgyi'o/ /legs par khrus bgyi'o/ /ba'i rnam lngas nye reg bgyi'o/ /rtswa'i stan bting nas ri mo'i gzugs gyi mdun du lag pa g.yas pa zhags pas mnan nas don yod pa'i snying po khri bzla'o/ /khro bo'i rgyal po'i snying po stong bzla'o/ /de nas zhags pa de 'bar bar 'gyur te/ de bzung nas nam mkha' la 'gyur par 'gyur ro/ /rdo rje'i rigs dang / de bzhin gshegs pa'i rigs dang / nor bu'i rigs dang / pad+ma'i rigs gang dag lags pa de dag thams cad mdun na bzhugs par 'gyur ro/ /lag na rdo rje dang 'dra bar gzugs dang / mthu dang / brtson 'grus pha rol gyi zil gyis mi non par 'gyur ro/ /lag na rdo rje dang 'dra bar rig sngags 'chang gi dbang por 'gyur ro/ /lha'i lo khri nyis stong du 'tsho bar 'gyur ro/ /las thams cad bgyid pa rdo rje'i zhags pa dgra thams cad 'joms par bgyid pa'i zhags pa steng ngam/ 'og gar 'phangs par yid la bsam pa bzhin thams cad bcings nas 'gugs par bgyid do/ /phyogs bcur 'phangs te khro bo'i rgyal po bzlas nas skyes pa'am/ bud med dam/ gzhan gang ci yang rung ba thams cad zhags pas bcings nas myur du 'gugs par bgyi ste/ som nyi mi bgyi'o/ /gal te lha'am/ klu'am/ gnod sbyin nam/ srin po'am/ dri za'am/ lha ma yin nam/ nam mkha' lding ngam/ mi'am ci'am/ 'byung po'am/ lto 'phye chen po thams cad @#/ /zhags pas bcings nas myur du 'gugs par bgyid de/ som nyi mi bgyi'o/ /zhags pa la khro bo'i rgyal po lan nyi shu rtsa gcig bzlas brjod bgyis te mar gyi ngo'i tshes bcu bzhi'i mtshan mo nam phyed na zhags pa phyogs bzhir 'phangs par bgyi'o/ /'phangs pa tsam gyi mod la bgegs dang / log 'dren dang / gnod sbyin dang / srin po dang / gdug pa thams cad zhags pas bcings nas rig sngags 'chang gi mdun na mchis shing ji srid 'tsho'i bar du dbang du gyur nas mchis te bran bzhin du las thams cad bgyid par 'gyur/ bltas pa tsam gyis gdon thams cad las thar par 'gyur ro/ /zhags pa la khro bo'i rgyal po lan brgya rtsa brgyad bzlas brjod bgyis te lag pas zhags pa blangs te dur khrod du zhugs na/ mi snang bar 'gyur zhing / gnas thams cad kyi sgo phye bar 'gyur ro/ /phug gi sgor mchis nas rdo rje'i zhags pas brdabs na/ phug thams cad kyi sgo 'byed par 'gyur zhing / 'khrul 'khor dang gtan pa thams cad dum bur chag par 'gyur ro/ /lam ngan pa dang / mi ngan pa dang / mi ma yin pa dang / 'bab chu ngan pa dang / sbrul dang / dbugs gdug pa dang / srog chags go na sa dang / gdug pa dang bcas pa'i srog chags su gtogs pa thams cad mi gda' bar 'gyur ro/ /mi drang po dang / lam drang por ji ltar rang gi gnas sam/ gtsug lag khang ngam/ khang pa bzhin du zhugs nas dgos pa thams cad bsgrubs te slar yang gnas nas phyir ldog par 'gyur ro/ /rdo rje zhags pa las thams cad bgyid pa sgrub pa'i cho ga'o// //de nas rig sngags 'chang nor bu'i zhags pa sgrub par 'tshal na/ rig sngags 'chang des nor bu btsal bar bgyi ste/ rdo rje'am/ bai DUR+ya 'am/ shel rang byung ngam/ margad dam/ in+d+ra nI la sor mo'i tshigs lhag tsam shin tu phyis la shin tu yongs su dag par bgyis pa/ gser gyi me tog gi tshul du bgyis pa/ mu tig gis dkris pa/ ge sar kha bye ba/ tsam pa ka'i me tog ji lta ba de bzhin du bgyis la ras bzang po'i skud pa tshon rtsi mdzes pas kha bsgyur ba/ shin tu tshang la bab par bkal pa/ khru nyi shu rtsa gcig pa/ sor mo gung mo'i tshad tsam gyi nor bus brgyan la thor to gcig shos su ni/ nor bu'am gser las bgyis pa'i lcags kyu gdags par bgyi'o/ /de nas rig sngags 'chang gtsang mas gos gtsang ma bgo bar bgyi'o/ /legs par bkrus nas ba'i rnam lngas nye reg bgyi'o/ /de'i 'og tu ri mo'i gzugs kyi mdun du spos thams cad kyi dkyil 'khor tshad dang @#/ /ldan pa bgyis la grwa bzhir bum pa gang ba bzhag cing / bog phor gyi snod bshams nas a ga ru'i bdug pa dang / tsan+dan dang / du ru ka'i bdug pa dbul bar bgyi'o/ /dkyil 'khor gyi dbus su chos kyi stan bzang po tshad dang ldan pa bshams la/ ba dan sna tshogs kyi dkyil 'khor bskor bar bgyi'o// me tog sil ma dang / dri dang / rol mo'i cha byad dag dgod par bgyi'o/ /rig sngags 'chang gis zas dkar gsum 'tshal bar bgyi'o/ /btung ba ngan pa dang / kha zas ngan pa dang / gnas ngan pa dang / lhag ma dang / spags pa rnams yongs su spang bar bgyi'o/ /don yod pa'i rgyal po'i snying po nyi khri tshig stong bzlas nas lag pa g.yas pas chos kyi stan gyi steng du bzhag pa'i zhags pa la mnan no/ /lan nyi khri chig stong tshang ba dang / de nas rig sngags 'chang gis khro bo'i rgyal po lan stong rtsa brgyad tshang bar bzlas te yungs kar re nas dbang bskur bar bgyi'o/ /lan stong rtsa brgyad tshang ba dang / rig sngags 'chang gis 'phags pa spyan ras gzigs dbang phyug gi ri mo'i gzugs la mchod pa rgya cher bgyi'o/ /bcom ldan 'das 'od dpag med dang / de bzhin gshegs pa shAkya thub pa la yang mchod pa rgya cher bgyi'o/ /de nas rig sngags 'chang gis tshes bco lnga'i nya la nyin zhag gcig smyung ba bgyis nas mchod pa cher bgyi ste/ mchod pa'i yo byad gang ci yang rung ba de dag thams cad la re re nas don yod pa'i zhags pa'i snying po las nyi shu rtsa re re bzlas brjod bgyis nas dbul bar bgyi'o/ /de nas skyil mo krung bcas te mchis nas nyin mtshan kun tu don yod pa'i zhags pa'i snying po lan stong rtsa brgyad bzlas te yungs kar re re nas gdeg par bgyi'o/ /lan stong rtsa brgyad tshang ba dang sa cher g.yo bar 'gyur ro/ /'phags pa spyan ras gzigs dbang phyug gi ri mo'i gzugs las kyang 'od zer sna tshogs 'byung bar 'gyur ro/ /nor bu'i zhags pa de yang 'bar bar 'gyur ro/ /rig sngags 'chang gi mgo bo yang 'bar bar 'gyur ro/ /'bar ba tsam gyi mod la rig sngags 'chang gi lag pa g.yas las nor bu'i zhags pa blangs pa na sgra chen po 'byung bar 'gyur ro/ /de nas 'phags pa spyan ras gzigs dbang phyug lha'i bdag nyid kyi rang bzhin gyis rig sngags 'chang gi mdun na mchis par 'gyur ro/ /de bzhin gshegs pa 'od dpag med dang / de bzhin gshegs pa shAkya thub pa dang / de bzhin gshegs pa 'phags pa spyan ras gzigs 'od @#/ /kyi rgyal po'i sku gser gyi kha dog gis nam mkha' la rdzu 'phrul gyis bzhugs nas rig sngags 'chang la legs so/ /zhes bgyi ba stsol bar 'gyur ro/ /phyag dpung pa gser gyi kha dog 'dra ba brkyang ba'i phyag gis rig sngags 'chang gi mgo bor bzhag nas rig sngags 'chang la dbugs 'byin par mdzad de/ rig sngags 'chang / legs so legs so/ /khyod kyis yid bzhin gyi nor bu chen po don yod pa'i zhags pa rnam par dag pa grub bo/ /khyod kyis 'jig rten pa dang / 'jig rten las 'das pa'i las sgrub pa'i cho ga bla na med pa grub ste/ rig sngags 'chang gis 'dod rgur sgyur ba thams cad de/ 'phags pa spyan ras gzigs d bang phyug gi don yod grub pa yid bzhin gyi nor bu chen po'i zhags pa thogs nas rig sngags 'chang gis 'bad mi dgos par yid bzhin gyi nor bu chen po don yod pa'i zhags pa'i grub pa'i rang bzhin 'dis 'jig rten dang / 'jig rten las 'das pa'i dgos pa rnam pa sna tshogs sgrub par byed pa la ltos shig /yid la ji ltar bsam pa bzhin rdzu 'phrul dang / cho 'phrul rnam pa sna tshogs la ltos shig /rig sngags 'chang / khyod shi 'phos nas 'jig rten gyi khams bde ba can du song zhig / 'on te bde ba can lta bur 'tshal lam/ ji ltar de bzhin gshegs pa la 'os pa'i lha rdzas kyis mchod par 'tshal lam/ de bzhin gshegs pa la mchod pa'i sprin gyis mchod par 'tshal lam/ lha'i me tog dang / lha'i dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / dril bu dang / ba dan dang / lhab lhub dang / rgyan dang / gos kyis de bzhin gshegs pa la mchod par bgyi bar 'tshal na/ rig sngags 'chang des spyi bo'i gtsug tu dri'i dkyil 'khor bgyis la me tog dang / bdug pa yang dbul bar bya/ yid bzhin gyi nor bu chen po don yod zhags pa'i mchog 'di lag pa g.yon pas mnan la/ lag pa g.yas pas don y od yid bzhin nor bu'i mchog bzung nas pus mo g.yas pa'i lha nga sa la btsugs te 'di lta bu'i yid la bgyid pa chen po 'di lta bu'i bsam pa yid la bgyid pa de lta bu yang bsam nas don yod rgyal po'i snying po lan bdun bzlas te phyag bgyi'o/ /yid bzhin gyi nor bu chen po rgya chen don yod pa 'di bzlas nas 'phags pa spyan ras gzigs dbang phyug gi snying po 'di lan brgya rtsa brgyad bzlas brjod bgyi'o/ /byams pa chen po dang / snying rje chen pos yongs su gdungs pa'i snying gis sems can thams cad la mchog tu @#/ /brtse bar bgyis nas gsang sngags bzlas brjod bgyi'o/ /'phags pa don yod pa'i zhags pa'i cho ga zhib mo'i rgyal po/ bam po lnga pa/ dus gsum du gshegs shing bzhugs pa'i sangs rgyas dang / byang chub sems dpa' rgya mtsho mtha' yas pa thams cad la phyag 'tshal lo/ /rang sangs rgyas dang / 'phags pa nyan thos kyi dge 'dun 'das pa dang / ma byon pa dang / da ltar byung ba thams cad la phyag 'tshal lo/ /yang dag par song ba dang / yang dag par zhugs pa thams cad la phyag 'tshal lo/ /blo gros chen po shA radwa ti'i bu la phyag 'tshal lo/ /gnas kyi mchog dga' ldan na 'phags pa byams pa la sogs pa tshogs dang bcas pa'i mchog la phyag 'tshal lo/ /bde ba can gyi dkyil 'khor na bzhugs pa de bzhin gshegs pa 'phags pa 'od dpag tu med la phyag 'tshal lo/ /dkon mchog gsum la phyag 'tshal lo/ /byang chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug la phyag 'tshal lo| |tshangs pa dang / khyab 'jug dang / dbang phyug dang / dbang phyug chen po la sogs pa'i lha'i bu gzugs sna tshogs mnga' ba spyan ras gzigs la phyag 'tshal lo/ /tad+ya thA/ oM ma hA pad+ma tsan+d+ra ma Ni ma N-i/ /a mo g+ha ma Ni su ma N-i/ ma hA ma N-i/ sarba ta thA ga ta a laM kA ra/ ma hA a mo g+ha ma Ni/ tsa ra tsa ra sany+tsa ra/ ni sha tsa tsa ra shwa ra ma hA/ pad+ma b+hu dza ba ra da/ ma hA kA ru Ni ka ma hA bi shwa rU pa d+ha ra/ phra ba ra ma hA bo d+hi satwa pad+ma d+ha ra pad+ma sa na pad+ma ku Ta/ mA lA d+ha ra/ pad+ma gau ra/ pad+ma a laM kri ta ta nu/ sa ha sra b+hu dza sa ha sra ne tre nA nAd b+hu ta/ pra ba rA+e NA/ mu dra bi b+hu Shi tA sa ha sra b+hu dza/ dza ya dza ya/ sha ta sa ha sra rash+mi pra ti maN+Di ta shA rA ri/ b+ha ra b+ha ra/ bi tsi tra/ A b+ha ra Na d+ha ra/ ma N-i ka na ka / badzra bai DUR+ya/ ma ra ki ta/ in+d+ra nI la pad+ma rA ga b+hu Shi tA shA rI ra/ tsi ri tsi ri/ bi tsi tra/ tsa ra NA/ ma hA bo d+hi satwa ba ra da pra h+ma/ biSh+tu ma he shwa ra rU pa d+ha ra/ pad+me shwa ra/ lo ke shwa ra| ya man+te shwa ra/ ba ru Na/ ku be ra/ ri Shi ga Na/ ku mA ra/ se nA pa ti bo shA d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ma hA b+hu ta ba shA d+ha ra/ sarba ta thA ga tA b+hi She k+ta sa ma ya ma nu sma ra b+ha ga wan/ pU ra ya ma A tA shAn+ta ta ra ya pU ra shA ya ya satwa na/ ta ra dza ya duSh+Ta/ bA ta ya big+h+nan/ mA ra ya tri dwa sha mA laM/ sa ra sa ra pA paM/ hUM hUM hUM/ phaT phaT phaT/ sid+h+ya sid+h+ya/ ma hA tsi n+tA ma Ni/ a mo g+ha pA sha d+ha ra/ sA d+ha ya sA d+ha ya/ bi pU la sid+d+hi/ ma ma tri b+hu ba ni de byA pra yats+tsha/ ma hA kA ru Ni ka /bud+h+ya bud+h+ya/ bo d+ha ya bo d+ha ya/ saM @#/ /bo d+ha ya saM bo d+ha ya/ ma hA pa shu pa ti pA sha d+ha ra/ a na n+ta bi kurbA na/ rid+d+hi san+d+ha R+Sha ya/ tu ru tu ru/ ta ra ta ra/ ga ga ne bi pu la bi mA na/ san+d+ha ri Shi ka / na mo stu te bi bu la pu N+ya/ ko Sha d+ha ra/ ma hA a mo g+ha sid+d+hi hUM hUM/ a b+hi Shi ny+tsa tu mAM/ pi pu la kI rti ka re swAhA/ b+hu ba swAhA/ b+hu r+b+hu ba swAhA/ a mo g+ha bi pu le swAhA/ ma hA tsin+ta ma Ni sid+d+he swAhA/ ma hA tsin+tA ma Ni sid+d+he ba ra de swAhA/ sarba sid+d+he ba ra de swAhA/ oM bi pu le shwa ra/ lo ke shwa ra/ ma hA tsin+tA ma Ni/ ma hA a mo g+ha sid+d+he hUM phaT swAhA/ don yod nor bu'i zhags pa chen po 'di lan brgya rtsa brgyad bzlas ma thag tu rig sngags 'chang gi lus thams cad 'bar bar 'gyur ro/ /don yod pa'i zhags pa lag pas mnan na/ nam mkha'i ngos la rdzu 'phrul gyis mchi bar 'gyur ro/ /sgyu ma lta bu'i ting 'dzin dang 'dra ba'i rdzu 'phrul gyi cho 'phrul chen po ston par 'gyur ro/ /'jig rten gyi khams bde ba can mthong bar 'gyur ro/ /de bzhin gshegs pa 'od dpag med kyang tshogs dang bcas/ 'khor dang bcas/ byang chub sems dpa' chen po'i dkyil 'khor dang / gzhal med khang mchog dang bcas pa rdzu 'phrul gyi rnam par 'phrul pa mthong bar 'gyur ro/ /bde ba can gyi gnas mtha' dag tu mchod pa'i char gyi sprin chen po 'byung bar 'gyur zhing / de bzhin gshegs pa tshe dpag med kyi mthus mchod pa'i sprin chen por gnas par 'gyur ro/ /bde ba can na gnas pa de dag thams cad de bzhin gshegs pa tshe dpag med des rig sngags 'chang la legs so zhes bgyi ba stsol bar 'gyur ro/ /rig sngags 'chang des kyang sgra de dag thams cad thos par 'gyur zhing mchod pa'i char chen po yang mthong bar 'gyur ro/ /gal te rig sngags 'chang nam mkha' las chu 'bebs par 'tshal na/ de'i tshe bsam pa tsam gyis 'bebs par 'gyur ro| |'on te mi 'tshal na/ nam mkha' de nyid na nam mkha' la grub pa dang / rig sngags 'chang thams cad kyi mchog don rgya chen grub pa yid bzhin nor bu lag pa zhes bya ba'i 'khor los bsgyur bar 'gyur ro/ /dpag tu ma mchis pa'i 'khor los bsgyur ba'i rig sngags 'chang gis yongs su bskor bar 'gyur ro/ /tshe pa skal pa chen po brgya stong phrag brgyad cu rtsa gnyis su 'gyur ro/ /'on te babs na/ lo khrir 'tsho bar 'gyur ro/ /'jig rten dbang phyug dang 'dra bar mchod pa dang / gus pa cher bgyid par 'gyur ro/ / 'jig rten thams cad kyi gtso bo gcig pur 'gyur ro/ /lha rnams kyang babs nas rig sngags 'chang de la mchod pa'i mchog rgya chen po dag bgyid par 'gyur ro/ /sems @#/ /can thams cad la bu gcig pa bzhin du mngon par dga' bar 'gyur ro/ /mchod pa'i 'os su yang 'gyur ro/ /lha thams cad kyis kyang kun tu srung zhing phyag bgyi ba'i 'os su 'gyur ro/ /thos pa bsags pa'i rgya mtsho chen por 'gyur ro/ /gal te rig sngags 'chang phyogs bcu dus gsum thams cad kyi de bzhin gshegs pa byang chub sems dpa'i tshogs kyis yongs su bskor ba dang bcas pa/ rang sangs rgyas dang / 'phags pa nyan thos kyi dge 'dun thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po sangs rgyas kyi bstan pa la mngon par dad pa dang bcas pa la mchod pa bgyid par 'tshal ba'am/ phyogs bcu dus gsum du gtogs pa thams cad kyi de bzhin gshegs pa rnams la bsod nams kyi phung po chen po yongs su rdzogs par 'tshal ba'am/ dge ba'i rtsa ba chen po bskyed par 'tshal ba'am/ lha'i zas kyi mchog ro bro ba'i mchog dang ldan pa'i bza' ba dang / lha'i bcud kyis len gyi mchog gis de bzhin gshegs pa dang / byang chub sems dpa' dang / rang sangs rgyas dang / 'phags pa nyan thos kyi dge 'dun thams cad la bstabs par 'tshal ba'am/ sbyin pa mang po dang / chen po gtong bar 'tshal ba'am/ nyin re zhing mchod pa'i sprin bgyid par 'tshal na/ rig sngags 'chang des legs par bkrus te gtsang mas gos gtsang ma bgos nas ci 'byor bas dkyil 'khor gru bzhi pa bgyis la/ bcom ldan 'das 'phags pa spyan ras gzigs dbang phyug gi mdun du me tog dang / bdug pa yang dbul bar bgyi'o/ /pus mo btsugs te thal mo sbyar nas zhags pa bzung ste de bzhin gshegs pa thams cad yid la bgyi'o/ /yid bzhin nor bu chen po rgya chen don yod 'di yang mchod par bgyi'o/ /'phags pa spyan ras gzigs dbang phyug gyi snying po lan bdun bzla bar bgyi'o/ /yid la bgyid pa yangs pa rgya chen po mchod pa'i sprin chen po dang / sbyin gtong chen po dang / kha zas dang / btung ba dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / gos dang / rgyan dang / lhab lhub dang / rgyan 'phyang dang / rol mo dang / sil snyan dang / pheg rdob dang / rin po che'i ljon shing dang / 'bras bu'i ljon shing dang / me tog gi ljon shing dang / mar me'i ljon shing dang / dpag bsam gyi ljon shing yid la bgyi ste/ gsang sngags kyi gzungs @#/ /bzlas nas ji ltar yid la bsam zhing don du gnyer ba bzhin phyogs bcur 'phangs na/ de'i tshe phyogs bcu dus gsum du gshegs pa dkyil ' khor mtha' dag tu gtogs pa'i 'khor gyi dkyil 'khor du mkho ba'i yo byad thams cad ma tshang ba ma mchis par ci bsam pa de bzhin gshegs pa thams cad kyi 'khor gyi dkyil 'khor gyi spyan sngar mchod pa'i char gyi sprin chen po 'byung bar 'gyur ro/ /de bzhin du mkho ba'i yo byad thams cad kyi mchod pa chen po ma tshang ba ma mchis pa 'byung bar 'gyur ro/ /de bzhin du mthu chen po'i nor bu rgya chen don yod la mchod pa'i gzungs bzlas shing 'phags pa spyan ras gzigs dbang phyug gi snying po'i gzungs 'di yang nyin gcig bzhin du thun gsum du lan gsum du bzla bar bgyi'o/ /des na rig sngags 'chang gis dus gsum du gshegs pa 'khor gyi dkyil 'khor dang bcas pa de dag mnyes par bgyis pa dang / mchod pa bgyis pa dang / rim gro bgyis par 'gyur ro/ /bsod nams kyi phung po'i tshogs chen po dang / dge ba'i rtsa ba chen po bskyed par 'gyur ro/ /dus gsum du gtogs pa'i de bzhin gshegs pa 'khor gyi dkyil 'khor dang bcas pa de dag thams cad kyi rig sngags 'chang la dran pa dang / blo gros dang / stobs dang / brtson 'grus dang / gzi brjid stsol bar mdzad do/ /nyin gcig bzhin du de bzhin gshegs pa thams cad mthong bar 'gyur ro/ /rtag tu de bzhin gshegs pa rnams kyis dgongs par 'gyur ro/ /'phags pa spyan ras gzigs dbang phyug rtag tu rjes su 'brang bar 'gyur ro/ /rtag tu mchog sbyin pa mthong bar 'gyur ro/ /mthong ba'i chos la 'khor ba'i sdug bsngal 'jigs pa 'jigs su rung ba dang / skrag pa dang / sdang ba rnams rnam par zhi bar 'gyur ro/ / nad kyis kyang gnod par mi 'gyur ro/ /rims kyis ma lags/ dug gis ma lags/ dug sbyar mas ma lags/ sbyor bas ma lags/ mtshon gyis ma lags/ mes ma lags/ chus ma lags te/ lus la ser ba 'bab par mi 'gyur ro/ /dgras 'jigs par mi 'gyur te/ pha rol gyi dpung gi 'jigs pas ma lags/ pha rol gyi sde'i 'jigs pas ma lags/ phas kyi rgol ba dang mi mdza' ba'i 'jigs pas ma lags/ lha'i 'jigs pas ma lags/ klu'i 'jigs pas ma lags te/ gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / srin po dang / mkha' 'gro ma dang / 'dod rgur sgyur ba dang / sbyor ba mo'i 'jigs pa 'byung bar mi 'gyur @#/ /ro| |dpag tshad gcig gi nang tshun chad gzung bar mi nus shing rgyang ring por 'bros par 'gyur te/ de la bgegs bgyid par mi 'gyur ro/ /gang dag mnar med par gnas par 'gyur ba'i sems can nam/ mtshams med pa lnga bgyid pa'am/ 'phags pa la skur pa 'debs pa'am/ dam pa'i chos spong ba'am/ bskal pa bye bar bsags pa'i las kyi sgrib pas lus yongs su dkris pa gang lags pa de yang mthong ba'i chos la thams cad lhag ma ma lus par yongs su gdugs par 'gyur ro/ /yongs su grol bar 'gyur ro/ /gal te tshig gzhan mi smra bar lan stong rtsa brgyad bzlas brjod bgyid cing smyung ba lan gcig bgyis te bzlas brjod byas na/ de bskal pa bye ba brgya stong du 'khor bar skye ba las phyir ldog par 'gyur ro/ /gzungs kyi bzlas brjod kyis las kyi sgrib pa snga ma rnams kyang 'byang bar 'gyur zhing / bskal pa stong du bsags pa'i sdig pa rnams nyams par 'gyur ro/ /'khor ba'i nyes pas phyir yang gos par mi 'gyur te/ sdig pa dang sgrib pa thams cad kyis pad+ma bzhin du gos par mi 'gyur ro/ /mthong ba'i chos la sa lnga pa thob par 'gyur ro/ /bsten pa tsam mam/ cho ga'i bzlas brjod la nges par gnas na/ phyir mi ldog pa'i gnas 'thob par 'gyur ro/ /dran pa tsam gyis pha rol tu phyin pa drug yongs su rdzogs par 'gyur ro/ /pha rol tu phyin pa bcu'i rjes su mchi bar 'gyur ro/ /nyin gcig bzhin du lan brgya rtsa brgyad bzlas brjod bgyis na/ mthong ba'i chos la kun tu bzang po nyid 'thob par 'gyur ro/ /gsang sngags dang / cho ga zhib mo dang / dkyil 'khor dang / phyag rgya thams cad kyi rjes su zhugs pa dang / dam tshig thams cad la zhugs par 'gyur ro/ /yang dag par bskyed pa thams cad kyi rjes su 'brang bar 'gyur ro/ / rig sngags 'chang mthong ba tsam gyis mnar med par gnas pa rnams kyi sdig pa rnam par 'jig par 'gyur ro/ /chung ngu na rig sngags 'chang dur khrod du zhugs nas gum pa'i rus pa'am/ gum pa'i sha'am/ gum pa'i ro rul ba'am/ chung ngu na gum pa'i gos bor ba'am/ rtsig pa'i ri mo la rig sngags 'chang de'i grib mas phog par gyur na/ sems can gang gang gang gis dmyal bar gzhol bar gyur pa de dang de nas mod la thar nas 'jig rten gyi khams bde ba can du skye bar 'gyur te/ de la yid gnyis sam som nyi bskyed par mi bgyi na/ gang dag ches mang du lhag par bgyid par 'gyur ba lta smos kyang ci 'tshal/ gang rigs kyi bu pho'am/ rigs kyi bu mo'am/ dge slong pha'am/ @#/ /dge slong ma'am/ dge bsnyen pha'am/ dge bsnyen ma dad pa'i rjes su 'brang ba 'ga' zhig gzungs 'di 'chad bar bgyid/ brjod par bgyid/ klog par bgyid/ 'don par bgyid/ sems par bgyid/ sgom par bgyid/ mchod par bgyid/ 'bri bar bgyid/ 'brir 'jug par bgyid na/ de nges par bla na med pa yang dag par rdzogs pa'i byang chub las phyir mi ldog par 'gyur ro/ /mthong ba'i chos la yon tan chen po brgya stong mang po 'thob par 'gyur ro/ /'di nyid bcangs na/ mthong ba'i chos la dge ba'i rtsa ba'i tshogs thams cad dang / pha rol tu phyin pa drug dang rjes su mthun pa'i dge ba'i rtsa ba yongs su rdzogs par 'gyur ro/ /gzungs 'di nyid re zhig kun chub par bgyis nas mkho ba'i yo byad thams cad yongs su rdzogs par 'gyur na/ dgos pa mang pos grim par bgyid pa lta smos kyang ci 'tshal/ de nas rig sngags 'chang don yod yid bzhin nor bu'i zhags pa bsgrubs nas yid la bsam ste bsam pa'i las thams cad bgyis na/ thams cad 'grub par 'gyur ro/ /dgos pa dang / bgyi ba thams cad 'grub par 'gyur ro/ /ji ltar 'phags pa spyan ras gzigs dbang phyug mchog sbyin mngon sum du mthong nas lung bstan pa bzhin du don yod pa'i yid bzhin nor bu'i zhags pa 'di de bzhin du blta bar bgyi ste/ 'di la yid gnyis mi bgyi'o/ /de nas rig sngags 'chang gis zhags pa mgrin par btags la lag pa g.yas pas nor bu blangs te lag pa g.yon pas lcags kyu blangs na/ mi gda' bar gyur nas gar dga' ba der 'jug par 'gyur te/ mtshan mo yang nor bu'i 'od kyi snang bas nyin par ji lta ba bzhin mthong bar 'gyur ro/ / thams cad du lha'i gnas su 'jug pa dang / klu dang / gnod sbyin dang / srin po dang / lha ma yin dang / nam mkha' lding dang / mi'am ci'i gnas dang / lto 'phye chen po'i gnas dang / ri sul gyi phug dang / ri dang / nags tshal dang / thang gi sgo rnams 'bye bar 'gyur zhing / thams cad du mi mngon par zhugs nas slar ldog par 'gyur zhing ci 'tshal ba de bgyid par 'gyur ro/ /mi rnams kyi nang du lha'i tshe lo brgyar 'tsho bar 'gyur ro/ /nyon mongs pa dang / nye ba'i skyon thams cad spangs par 'gyur ro/ /'on te rig sngags 'chang gis grub pa'i don la brtag par 'tshal na/ zla ba yar gyi ngo'i tshes brgyad dam bcu bzhi la legs par khrus bgyi'o/ /gtsang mas gos gtsang ma bgo bar bgyi'o/ /gtsang ma'i gnas sam phyogs su ba'i lci ba ste/ ba'i rnam lngas yongs su sbyar bar bgyi'o/ /gnas de'i nang logs kyi dbus su dri'i dkyil 'khor bgyi'o/ /me tog sil ma bkram zhing bum pa gang @#/ /bas brgyan cing spos sna tshogs kyis bsgos pa'i bdug pa gzhag par bgyi'o/ /de nas 'phags pa spyan ras gzigs dbang phyug gi mdun du stan bzang po bshams te shin tu mnyam par bzhag pas zhags pa sbrul 'khyil ba'i tshul du zlum po bskyil nas gzhag par bgyi'o/ /dbus su nor bu gzhag par bgyi'o/ /de nas rig sngags 'chang gis mchod par bgyi'o/ /don yod rgyal po'i snying po lan nyi shu rtsa gcig bzlas brjod bgyis nas khro bo'i rgyal po lan nyi shu rtsa gcig bzlas brjod bgyi'o/ / de nas don yod yid bzhin nor bu'i snying po lan brgya rtsa brgyad bzlas nas de'i 'og tu tsan+dan dang / a ga ru dang / du ru ka'i bdug pa dbul zhing nor bu la brtag par bgyi ste/ zhags pa dang / de thams cad nor bu'i nang nas gda' bar 'gyur ro/ /de bzhin gshegs pa gda' ba'am/ byang chub sems dpa' gda' ba'am/ lha gda' ba'am/ klu gda' ba'am/ gnod sbyin dang / srin po dang / dri za dang / lha ma yin dang / nam mkha' lding dang / mi 'am ci gda' ba'am/ 'byung po dang / lto 'phye chen po gda' ba'am/ g.yul 'gyed pa gda' ba'am/ tshe ring ba gda' ba'am/ tshe nyams pa gda' ba'am/ tshes 'phos pa gda' ba'am/ rgyal srid gda' ba'am/ grong thob pa'am/ yul thob ba'am/ grong khyer thob pa'am/ dbyig dang / gser dang / nor bu dang / mu tig dang / bai DUR+ya dang / shang+ka shi la dang / byi ru dang / sa le sbram dang / dngul dang / gos dang / lhab lhub dang / rgyan gda' ba'am/ nor bsgyur ba smra ba dang / mig 'phrul smra ba'am/ zhing smra ba'am/ gter smra ba'am/ 'bru smra ba'am/ bud med 'phrog pa'am/ las sgrub pa'am/ gsang sngags sgrub pa'am/ dbang du bgyi ba'am/ ngo mtshar ba de dag thams cad nor bu'i nang na gda' bar 'gyur zhing / dge ba'am mi dge ba de dag thams cad kyang gda' bar 'gyur ro/ /lo'am/ lo phyed dam/ gnod pa'am/ 'tshe ba'am/ yams sam/ mi ngas sam/ mi ngas chen po'am/ phyugs ngas sam/ gor ram/ rta nad dam/ glang po che'i nad dam/ rang gi dpung dam/ gzhan gyi dpung gi 'jigs pa dang / skrag pa chen po de dag thams cad me long gi dkyil 'khor la ji ltar ba de bzhin du gda' bar 'gyur lags so/ /gang bsam zhing gang gnyer ba 'grub pa'am/ mi 'grub pa'am/ dge ba'am/ mi dge ba thams cad gda' bar 'gyur te/ de la the tshom dang / yid gnyis dang / som nyi mi bgyi ste/ dngos po don yod gzhan du mi 'gyur ro/ /char mi 'bab pa'i dus su klu'i gnas su nor bu bzhag na/ ji tsam 'tshal bar char gyi rgyun 'bab par 'gyur ro/ /ha cang char ches na/ nam @#/ /mkha' la nor bu bstan na char chen po 'chad par 'gyur ro/ /nyi ma 'char kar nyi ma la bstan na/ nyi ma babs nas mchog thams cad stsol bar 'gyur ro/ /zla ba tshes pa la bstan na/ zla ba babs nas 'dod rgu thams cad kyi mchog stsol bar bgyid do/ /chu klung chen por bstan na/ rin po che rnams 'byung bar 'gyur ro/ /nags khung du bstan na/ sman gyi rdzas thams cad rang gi gzugs kyis mdun na mchis nas gang gnyer ba de len par 'gyur ro/ /ri phug tu bstan na/ sman thams cad 'bab par 'gyur te/ ci 'tshal ba de blang bar bgyi'o/ /'bru'i phung po la bstan na/ 'bru thams cad 'du bar 'gyur te/ gang du 'tshal ba der 'byung bar 'gyur ro| |ma mo'i gnas sam nag po chen po la bstan te spyi bo'i gtsug tu bzhag na/ nag po chen po ma mo'i tshogs kyi 'khor dang bcas pa rang gi gzugs kyis mdun na mchis nas dbang du 'gyur zhing dgos pa dang / las thams cad bgyid par 'gyur ro/ /rgyal po'i mngon sum du bstan na/ yan lag bzhi'i dpung dang bcas pa/ blon po'i tshogs dang bcas pa/ btsun mo'i 'khor dang bcas pa/ dbyig dang / gser dang / nor bu dang / mu tig dang / bai DUR+ya dang / shang+ka shi la dang / byi ru dang / sa le sbram dang / dngul dang / gos dang / rgyan dang / lhab lhub dang / rgyan 'phyang dang / khang pa dang / ngo mtshar du bcas pa dbang du gyur nas ji srid 'tsho'i bar du bsnyen bkur bgyid par 'gyur ro/ /skye bo'i tshogs chen po'i nang du zhags pa 'phangs te don yod pa'i yid bzhin gyi nor bu'i gzungs bzlas na/ ji ltar 'tshal ba yid la bsam pa bzhin me tog dang / 'bras bu dang / gzhal med khang gi char 'bab par 'gyur ro/ /rgyal mtshan bsgrengs pa'i rtse mor bzhag ste rgyal rigs spyi bor dbang bskur ba khyim gyi stang ngam khyams su bzhag la| 'phags pa'i lam yan lag brgyad kyi bsnyen gnas kyis sems can thams cad la mchog tu brtse bar bgyi'o/ /don yod rgyal po'i snying po lan nyi shu rtsa gcig bzlas brjod bgyis nas khro bo'i rgyal po lan nyi shu rtsa gcig bzla bar bgyi'o/ /de nas don yod yid bzhin nor bu'i gzungs lan brgya rtsa brgyad gsang bstod de bzlas brjod bgyi'o/ /lan brgya rtsa brgyad tshang nas ji ltar yid la bsam pa bzhin du char 'bab par 'gyur ro/ /nor bu dang / 'bru dang / gos dang / lhab lhub la sogs pa me tog dang / 'bras bu'i char 'bab par 'gyur ro/ /'thab pa dang / 'thab mo dang / rtsod pa dang / 'gyed pa dang / mu ge'i dgon pa'i 'jigs pa dang / yams dang / gnod pa de dag thams cad 'phags pa spyan @#/ /ras gzigs dbang phyug gi mthus bas par 'gyur ro/ /thams cad rab tu zhi bar 'gyur ro/ /sems can thams cad la mi 'jigs pa stsol bar 'gyur ro| |'jigs pa dang sha 'khon thams cad las thar par 'gyur ro/ /gdug pa nas gcan gzan khro bo thams cad kyi bar du yang byams pa la gnas par 'gyur ro/ /sems can thams cad mthun par bgyid par 'gyur ro/ /yid kyi brnag pa thams cad yongs su rdzogs par 'gyur ro/ /don yod yid bzhin kyi nor bu'i zhags pa chen po sgrub pa'i cho ga'o/ / //de nas rig sngags 'chang ral gri dang zhags pa sgrub par 'tshal na/ rig sngags 'chang gis lcags chen po las ral gri sor bcu drug gi tshad du bgyis la/ lag zungs kyi ngos dngul las bgyis te gser gyis 'bar bar bri'o/ /shing shun gyi skud pa dang / a rga'i skud pa dang / kha che dar gyi skud pa lhan cig tu khru bcu drug byung ba shin tu tshad la bab par ba kum pa/ sgrub pa'i dgos pa yongs su rdzogs pa la sum sgril du bkal bar bgyi'o/ /de nas rig sngags 'chang gis legs par khrus bgyis te gtsang mas gos gtsang ma bgos te zhags pa dang / ral gri mnan la lag pa g.yas pas dkyil 'khor la bzhag ste gzung bar bgyi'o/ /khros pa'i gnyer gyi bzhin gyis skyil mo krung bcas te mchis nas 'phags pa spyan ras gzigs dbang phyug gi ri mo'i gzugs kyi mdun du khro bo'i rgyal po lan stong rtsa brgyad pa bzla bar bgyi'o/ /bzlas brjod lan stong rtsa brgyad tshar nas ral gri 'bar bar gyur nas rig sngags 'chang nam mkha' la 'phur bar 'gyur zhing / ral gri grub pa'i rig sngags 'chang thams cad kyi gtso bo 'khor los bsgyur bar 'gyur ro/ /gzhan gyi mthus zil gyis non par mi 'gyur ro/ /lo khri brgya stong du 'tsho bar 'gyur ro/ /'on te lag pa g.yon pas zhags pa bzung la g.yas pas ral gri bzung ste khros pas hUM zhes bgyi bas mnan na/ mi gda' bar gyur nas mi gda' ba dang / zhags pa dang / ral gri grub pa'i rig sngags 'chang thams cad kyi gtso bo rgyal po 'khor los bsgyur bar 'gyur ro/ /tshe lo khri thub par 'gyur ro/ /'on te rig sngags 'chang khros pas ral gri bskor na/ bgegs dang / log 'dren dang / gnod sbyin dang / srin po gdug pa thams ca dang / 'byung po thams cad kyi rig sngags bcad par 'gyur ro/ /g.yul gyi dbus su lan gcig bskor na/ g.yul 'gyed pa'i mtshon cha thams cad gtubs par 'gyur/ /rengs par bgyis par 'gyur te/ thams cad phyogs bcur 'byer bar 'gyur ro/ /dur khrod kyi nang du bskor na/ dur khrod na gnas pa'i gdug pa rgyu ba thams cad kyi rig sngags gtubs par 'gyur zhing / @#/ /gnas thams cad stongs par 'gyur ro/ /phug gi sgor bskor na/ 'khrul 'khor dang / sgo glegs thams cad gtubs par 'gyur ro/ /sgo dang / gtan pa thams cad gtubs par 'gyur ro/ /gdug pa'i mi ma yin pa bar chad bgyid pa thams cad bcom par 'gyur ro/ /thal bar brlag par 'gyur ro/ /gzhan yang dgos pa thams cad ji ltar 'tshal ba bzhin du bgyid par 'gyur ro/ /ral gri sgrub pa'i cho ga'o// //de nas rig sngags 'chang sbrul gyi zhags pa sgrub par 'tshal na/ rig sngags 'chang des skud pa lnga las bsgrubs te tshon rtsis kha bsgyur ba'i skud pa tshad bzhin du gtubs la bsgrub par shin tu 'os pa las bsgrub par bgyi'o/ /de nas zas bzang po'i phye ma dang / ma d+hu'i me tog dang / ra sa'i me tog dang / ldong ros dang / pad+ma ge sar dang / nA ga pus pa dang / shing arga'i 'o ma lhan cig tu sbyar ba der btsag bsal te dus gcig tu lhan cig mnyam du btags shing / spyi bor legs par sbrus te/ de la don yod rgyal po lan stong rtsa brgyad bzlas brjod bgyis nas sbrul 'khyil ba mgo gsum gyi gdengs ka nas yongs su 'khyil ba gser gyis g.yogs pa legs par sbrel ba ni/ zhags pa'i mchog lags so/ /rig sngags 'chang gi legs par khrus bgyis la/ gtsang mas gos gtsang ma 'gos nas pa'i lci ba'i dkyil 'khor gru bzhi tshad bzhin bgyis te dris mchod par bgyi'o/ /me tog gi sil ma dang / bum pa gang bas brgyan par bgyi'o/ /ba dan gyis kun nas brgyan par bgyi'o/ /dkyil 'khor gyi dbus kyi gnas su stan bzang po bshams te de'i steng du klu'i zhags pa bskyil nas zhags par bgyi'o/ /sbrul gyi mgo'i gdengs ka dbus ma ni/ kha shar phyogs su ston no/ /dkar gsum gyis gtor ma gzhag par bgyi'o/ /mchod yon zhags bsil dkar po'i snod dang / bdug pa rnam pa gsum po tsan+dan dang / a ga ru dang / du ru ka rnams bsreg go / 'bras yos dang / yungs kar bkram pa'i dkyil 'khor bgyis la 'phags pa spyan ras gzigs dbang phyug mngon sum du bzhag la mchod pa rgya chen po bgyis te rig sngags 'chang gis skyil mo krung bcas te mchis nas bzlas brjod mang du bgyi'o/ /thog mar don yod zhags pa'i snying po lan stong rtsa brgyad bzlas brjod bgyis nas tshang ba dang / khro bo'i rgyal po lan stong rtsa brgyad bzlas pa'i yungs kar re re nas sbrul gyi mgo la gtor bar bgyi'o/ /sgrub pa thams cad tshang nas ni/ /rgyun du sbrul ni 'bar bar 'gyur/ / stan las zhags pa g.yo ba ni/ /sor bzhi tsam gyi tshad tsam du/ /stan las gyen du 'phar bar 'gyur/ /de nas rig sngags 'chang gis bzung nas mi gda' bar gyur nas @#/ /klu'i gnas su mchis te/ klu'i mtshor mchis na klu'i gnas kyi sgo rnams 'bye bar 'gyur ro/ /rig sngags 'chang gis zhugs te don yod rgyal po bzlas nas sbrul gyi zhags pa lan gsum du bskor bar bgyi'o/ /de nas klu'i rgyal po btsun mo'i 'khor dang bcas pa mchis nas rig sngags 'chang la mngon sum du smra bas rig sngags 'chang zhugs shig ces smra bar 'gyur ro/ /de nas rig sngags 'chang gis sbrul gyi zhags pa bzung ste bskor nas 'jug par bgyi'o/ /des na rig sngags 'chang gis klu'i skyon de mi mthong zhing nub par 'gyur ro/ /'khrul 'khor dang / sgo glegs dang / gtan pa thams cad gtubs shing bcad par 'gyur ro/ /zhugs pa tsam gyi mod la klu'i bu mo gzugs bzang mo/ mdzes ma/ rgyan thams cad kyis brgyan cing klubs ma mdzes ma mchis nas rin po che'i phreng ba thogs te rig sngags 'chang la dbul bar bgyid do/ /rig sngags 'chang gis blangs nas spyi bo la bzhag ste bzhag pa tsam gyi mod la klu'i bu mo nam mkha' la 'phur nas nu ma gnyis nas 'o ma zags pa dang / rig sngags 'chang gis zed nas btung bar bgyi ste/ tshe nyi khri thub par 'gyur ro/ /skra cung zad 'khyil bar yang 'gyur ro/ /klu'i rgyal po zhes bgyi ba thams cad kyi bdag po 'khor los bsgyur bar 'gyur ro/ /mthu dang / brtson 'grus chen pos pha rol gnon par 'gyur ro/ /de nas rig sngags 'chang gis sbrul gyi zhags pa bzhag la don yod rgyal po'i snying po shing kA ra bI ra'i lcug ma la bzlas nas bya ba par bgyi ste/ gang dang gang gi ming nas drangs shing yid la bsam pas mod la thams cad 'grub par 'gyur ro/ /char mi 'bab pa'i dus su sbrul gyi zhags pa gnas mthon por bskor bar bgyi ste/ lan gcig bskor ba tsam gyis char gyi rgyun chen po 'bab par 'gyur ro/ /char ha cang che ba'i dus su sbrul gyi zhags pa gnas mthon por bzhag na/ char ha cang che ba las 'chad par 'gyur ro/ /grang ba'i rlung ngam ser ba 'bab pa'i dus su nang bar sngar klu'i zhags pa phyogs bzhir bskor na/ dpag tshad brgya khor khor yug tu ser ba 'bab par mi 'gyur ro/ /grang ba'i rlung dang / ser drag thams cad bcings par 'gyur ro/ /lo khyud 'khor tshang bar mtshams chen po bcings par 'gyur ro/ /nyin gcig bzhin don yong rgyal po'i snying po lan nyi shu rtsa gcig bzlas brjod bgyis nas zhags pa lag pa g.yas pas bsdogs la/ lag pa g.yon pas bskrad pa bgyid na/ nyin gcig bzhin lha'i zhal zas dang / btung ba 'dod rgu thams cad klu'i gnas nas byung nas skye bo stong stong 'tshal ma stsol bar 'gyur @#/ /ro| |de'i dug thams cad mthong ba tsam gyis dug ma lags par 'gyur ro/ /sbrul gyi zhags pa lag pa g.yas pas bzung la lag pa g.yon pas klu bzung nas dpyid dam/ ston ka'am/ sprin chags pa'i dus su zhags pa bskor la khro bo'i rgyal po bzlas brjod bgyis te nam mkha' la 'phangs na/ me tog dang / 'bras bu dang / lo tog gang yang rung ba bzang po shin tu smin pa dang / kha zas shin tu bzang po thams cad nam mkha'i ngos las sa la 'bab par 'gyur ro/ /gal te lan nyi shu rtsa gcig bskor la khro bo'i rgyal po bzlas brjod bgyis na/ klu'i gzhal med khang dang / gos dang / lhab lhu ba dang / rgyan 'phyang dang / rgyan thams cad sa la 'bab par 'gyur ro/ /gal te rig sngags 'chang gis lan nyi shu rtsa gcig las lhag par bskor cing khro bo'i rgyal po bzlas brjod bgyis na/ de'i tshe klu 'khor dang bcas pa gzhal med khang dang bcas par sa'i steng du ltung bar 'gyur ro/ /gal te rig sngags 'chang gis rgyal po btsun mo'i 'khor dang bcas pa dbang du bgyi bar 'tshal na/ zhags pa bzhag la yungs kar la don yod rgyal po stong rtsa brgyad bzlas brjod bgyis nas bsnun la/ de nas sbrul gyi zhags pa blangs te rgyal po'i khyim gyi phyogs gang lags pa der lhag par zhags pa bskor na| rgyal po'i btsun mo'i 'khor dang bcas pa dbang du gyur nas ji srid 'tsho'i bar du mchis par 'gyur ro/ /g.yul 'gyed pa na khro bo'i rgyal po bzlas brjod bgyis nas zhags pa g.yul gyi dbus su 'phangs na/ sbrul gdug pa mig bgrad pa/ lce bsgyur ba/ mig me mdag ltar dmar pa 'byung bar 'gyur te/ mthong ba tsam gyi mod la dpung gi tshogs yan lag bzhi pa phyogs bcur 'byer bar 'gyur ro/ /gzhan yang ji lta ji ltar yid la bsam pa'i don de lta de lta bur thams cad sgrub par byed par 'gyur ro/ /sbrul gyi zhags pa'i sgrub pa'i cho ga'o/ /de nas 'byung po'i dbang phyug gi zhags pa sgrub par 'tshal na/ 'bri'i rtsid pa dang / rtsid pa chen po lhan cig tu bkal ba dang / lcags las mdung rtse gsum pa sor bzhi'i tshad tsam du bgyis la/ de nas don yod rgyal po'i snying po lan stong rtsa brgyad bzlas brjod bgyis nas khro bo'i rgyal po lan stong rtsa brgyad bzlas te nyin zhag gcig mchis la legs par khrus bgyis te gtsang mas gos gtsang ma bgo bar bgyi'o/ /zla ba mar gyi ngo'i tshes bcu bzhi'i nyin zhag gcig gis bsgrub par bgyi'o/ /de nas mdung rtse gsum pa'i zhags pa blangs nas 'byung po'i dbang phyug gi gzugs 'dra bar 'gyur ro/ /'byung po thams cad kyi bdag po lo brgya stong du 'tsho bar 'gyur ro/ /'byung po'i gnas kyi gzhal med khang thams cad kyi @#/ /bdag por 'gyur ro/ /zhags pa lag par thogs nas dur khrod du zhugs na/ dur khrod na gnas pa thams cad mdun du mchis te gnas kyi sgo thams cad 'bye bar 'gyur zhing / /khyod ci dgar zhugs shig ces ci 'tshal ba bgyid par 'gyur ro/ /ro'i mgul du btags nas khro bo'i rgyal po bzlas na/ de nas ro langs nas ci dris pa de smra bar 'gyur zhing ci bsgo ba de bgyid par 'gyur ro/ /bkrol na mchi bar 'gyur ro/ /gnod sbyin gyi mgul du btags te khro bo'i rgyal po bzlas la khros pas drangs nas gnod sbyin de yang mdun du mchis nas rig sngags 'chang la rje btsun bka' stsol cig dang / thams cad bgyi'o zhes smra bar 'gyur ro/ /rig sngags 'chang gis khyod ji srid 'tsho'i bar du khro bo'i rgyal po mngag gzhug pa'i las gyis shig ces smra bar bgyi ste/ bka' bzhin 'tshal zhes de nas nyin gcig bzhin bsgo ba bgyis na/ las thams cad bgyid par 'gyur ro/ /gnod sbyin mo'i mgul du btags te khro bo'i rgyal po bzlas na/ gnod sbyin mo mchis nas rig sngags 'chang gi mdun du mchis te/ rig sngags 'chang la mig mi 'dzum par lta zhing rig sngags 'chang ci zhig don du gnyer zhes smra bar 'gyur ro/ /rig sngags 'chang gis kho bo la ma dang / chung ma dang / sring mos bsgrub par bya ba'i dgos pa gsum byos shig ces bsgo bar bgyi'o/ /gal te ma zhig tu bgyid na/ bu gcig pa bzhin du bza' ba dang / btung ba dang / mal cha dang / gos dang / nor dang / 'brus yongs su skyong bar bgyid do/ /chung ma zhig tu bgyid na/ mkho ba'i yo byad thams cad kyi dbang phyug dang bdag por bgyid cing / de dang lhag par dga' bar rtse bas phyi bzhin 'brang bar 'gyur ro/ /gal te sring mo zhig tu bgyid na/ yid la brnag pa'i 'dod pa thams cad yongs su rdzogs par bgyid do/ /dgos pa thams cad bgyid par 'gyur ro/ /thams cad du rgyug cing slar yang ldog par 'gyur ro/ /nyin gcig bzhin lhab lhub dang / gos dang / rgyan rnams stsol bar bgyid do/ /nyin gcig bzhin gzhan yang lha'i bu mo dag rtsed mo'i don du dgug par bgyid do/ /rnam thos kyi mgul du btags te khros pas drangs nas khro bo'i rgyal po'i bzlas brjod bgyis na/ de nas rnam thos mchis nas nyin gcig bzhin dong tse stong stong stsol bar 'gyur/ /gser stong stsol bar 'gyur te/ des nyin gcig bzhin sbyin pa yang stsol/ /bsod nams kyang bgyi'o/ /nag po chen po'i mgul du btags la khro bo'i rgyal po lan bdun bzlas brjod bgyis te khros pas lag pa g.yas pa'i thal lcag gis gdeg par bgyi'o/ /nag po chen pos sgra phyung ba na rig sngags 'chang skrag par mi @#/ /bgyid par slar yang khros pas gdag par bgyi'o/ /de nas mchi ma zags pa dang / rig sngags 'chang gis mchi ma zed de thig le bgyis na/ mi gda' bar gyur nas gter thams cad mthong bar 'gyur ro/ /de nas rig sngags 'chang gis yang thal mos gdeg bar bgyi ste/ de nas nag po chen po khrag tu skyug pa rig sngags 'chang gis byugs na/ nam mkha' la mchis nas gnod sbyin gyi sde dpon chen por 'gyur ro/ /gu gul gyi bdug pas bdugs nas khro bo'i rgyal po bzlas na/ nag po chen po rang gi gzugs kyis mdun na mchis nas ci 'tshal ba'i mchog thams cad stsol bar bgyid cing / ma mo'i tshogs dang bcas pa thams cad dbang du mchis par 'gyur ro/ /gzhan yang ci 'tshal ba bgyid pas dgos pa thams cad bgyid par 'gyur ro/ /mdung rtse gsum pa'i zhags pa sgrub pa'i cho ga'o// //de nas zhags pa dang rjes su mthun pa'i ri mo'i cho ga de kho na nyid sgrub pa'i cho ga bla na med pa brjod par bgyi ste/ 'jig rten mgon pos sna tshogs pa'i/ /rnam pa'i kha dog gzugs bstan pa/ sgyu ma lta bu'i ting 'dzin gyi/ /cho 'phrul sna tshogs gzugs bstan te/ /lag pa stong dang mig stong dang / /mtha' yas pa yi phyag rgya bstan/ /rnam pa sna tshogs pa yi gzugs/ /khams gsum dag tu bstan pa ni/ /gdul bya gdul phyir gzugs bstan to/ /gsang ba 'di yis gzugs bstan pa/ /sems can kun la phan pa'i phyir/ /rig sngags grub pa bla med pa/ /de nyid zhags pa sgrub phyir ro/ /de bas rig 'dzin shes rab can/ /'jig rten pha rol rjes mthun pa/ /sangs rgyas nyid don gnyer ba dang / de bzhin gshegs kun lta ba dang / /bde can lta bar 'tshal ba dang / /de nyid 'jig rten 'das pa yis/ /'jig dbang mgon po mthong 'tshal la/ /mchog tu gus par bgyi ba yi/ /cho ga'i rgyal po 'di brjod kyi/ /de nyid gus par dad pa dang / /shin tu dang ba nyid du bgyi| |grol ba sna tshogs 'tshal ba la/ /sna tshogs pa yi gzugs bsten te/ /sna tshogs thabs kyis grol bar 'gyur/ /don yod rgyal po cho ga'i mchog /don yod grub pa'i 'jig rten 'das/ /don yod 'bras bu dam pa po/ /don yod kun tu grub pa 'thob/ /sangs rgyas kun gyis byin gyis brlabs/ /don yod 'jig rten 'jig rten mgon/ /'jig rten dbang phyug mchog sbyin pa/ /don yod 'jig rten ci 'tshal ba/ /mchog 'tshal ba ni grub par 'gyur/ /don yod rgya chen rdzu 'phrul gyi/ /cho 'phrul rnam 'phrul rgyun mi 'chad/ /de lta bas na kun bsgrims te| |bdag nyid yongs su dag bgyis nas/ /ji ltar cho ga bkod pa bzhin/ /rjes su mthun par ri mo'i gzugs/ /rtag tu ri mo'i gzugs blta zhing / /zhags pa'i gzugs ni sna tshogs @#/ /dang / /de bzhin khro bo'i rgyal po dang / /rig sngags rgyal po de bzhin du/ /dkyil 'khor lha dang me lha dang / sbyin sreg rlung lha chu lha dang / /khro bo'i gzugs dang zhi ba dang / /lha dang klu yang ston pa dang / /gnod sbyin srin po'i gzugs dang ni/ /'byung po lha min dri za dang / /nam mkha' lding dang mi 'am ci/ /lto 'phye chen po'i gzugs kun tu/ / 'jig rten mgon pos mchog sbyin bstan/ /gshin rje dang ni lus ngan dang / /tshangs pa khyab 'jug dbang phyug che/ /gzhon nu dbang phyug lha dang ni/ /dbang phyug chen po nyi ma dang / /zla gzugs rgyu skar ches grangs dang / /'di dag rnam pa sna tshogs pa'i/ /gzugs su 'jig rten mgon pos bstan/ /sems can rnams la phan 'tshal bas/ /gdul ba'i don du 'gro ba'i lam/ /sems can rnams la bstan pas na/ /de bas som nyi nyid mi bgyi/ /mchog tu dad par bgyi ba lags/ /ji ltar mthun pa'i dgos pa rnams/ /ji ltar mthun pa bzhin du sgrub/ /ji ltar mthun pa'i ri mo'i gzugs/ /ji ltar mthun pa'i zhags pa sgrub/ /gnas ni gang du 'os pa dang / /gang du sems ni dga' 'gyur ba/ /gom pa gang gis phyag rgya dang / /gang gi dkyil 'khor char 'bye ba/ /'phags pa spyan ras gzigs dbang mgon/ /kun tu sgrol ba 'dren pa'i gtso/ /don yod 'bras bu stsol ba po/ /don yod pa yi grub pa 'thob/ /don yod dgos pa thams cad dang / /grub pa'i chos kyi 'khor lo ni/ /mchog nyid la yang reg par 'gyur/ /zhags pa dang ri mo sgrub pa'i cho ga'o// //de nas don yod pa'i las dang dgos pa thams cad kyi sbyin sreg gi chog bshad par bgyi ste/ sdig pa thams cad mod la 'phrog pa/ sgrib pa thams cad 'jig par bgyid pa/ dgra thams cad 'joms pa/ bgegs thams cad rnam par 'joms pa/ gdug pa thams cad zlog pa'i mchog /sdig pa thams cad 'jig par bgyid pa/ dmyal ba'i sdug bsngal bcu drug las grol bar bgyid pa/ 'jigs pa ma bzad pa brgyad rtag tu 'phrog pa/ mi mdza' ba rnams rab tu 'joms pa/ pha rol gyi dpung zlog pa'i mchog /nad thams cad 'joms pa/ mod la 'thab pa dang / 'thab mo dang / rtsod pa dang / 'gyed pa zhi bar bgyid pa/ mu ge'i dgon pa 'jig par bgyid pa/ yams kyi nad dang gnod pa 'joms pa/ lha'i bde ba 'dren par bgyid pa'i mchog / de kho na nyid kyi sangs rgyas sgrub pa/ sangs rgyas kyi byang chub bla na med pa'i mchog thams cad sgrub par bgyid pa/ sems can thams cad kyi thun mong mchog sbyin shin tu rnyed par dka' ba/ lha rnams rtag tu mgu bar 'gyur ba/ klu thams cad dga' ba 'thob par 'gyur ba/ de bzhin gshegs pa rnams rtag tu nyin mtshan du gzigs par som nyi ma @#/ /mchis pa/ byang chub sems dpa' rnams dga' bar 'gyur ba/ dus kun tu shin tu mnyam par bzhag pas 'jig rten dbang phyug mchog sbyin rtag tu mchis par som nyi ma mchis pa/ rgyal po chen po bzhi 'khor dang bcas pa/ blon po dang bcas pa bsrung ba'i don du thams cad du rtag tu rjes su 'brang bar 'gyur lags so| |de nas rig sngags 'chang shes rab dang ldan pas gtsang ma'i gnas su mchis nas sbyin sreg bgyis te/ gtsang ma yi ni sa phyogs sam/ /ca co ma mchis dben par ni/ /zhi ba dang ni rgyas pa dang / /drag shul spyod pa rnams bgyi 'o/ /zhi ba sems can thams cad kyi/ don du sdig pa thams cad 'joms/ /rgyas pa rgyas pa 'thob 'gyur te/ /thams cad phun sum tshogs par 'gyur/ /dgra dang log 'dren gdug pa dang / /gnod sbyin srin po gsang ba po/ /gdug sems can rnams dred ba dang / /skrag par bsdigs pa drag shul spyod| |gsang sngags sgrub pa'i sbyin sreg ste/ /gsang sngags sgrub pa bla na med/ /'jig rten 'jig rten pha rol gyi/ /sbyin sreg gi ni las bgyi'o/ /me lha'i lha dang klu dag dang / de bzhin rig pa 'dzin pa 'ang dgug /khung brkos de la pad+ma'i tshul/ /pad+ma rtag tu bri bar bgyi/ /cho ga ji bzhin khung nang gi/ pad+ma la ni ge sar bgyi/ /gru bzhi 'am ni zlum po ste| |de lta bur ni brko bar bgyi/ /legs par byugs shing shin tu nag /shin tu sbas shing tshad la dbab/ /tshes grangs rgyu skar nyid dag dang / /shin tu bkra shis dag la bgyi/ /bkra shis phyag rgya chen po ste/ /bzang pos gtor ma'i las bgyi 'o/ /gdug pa me tog la sogs pa/ /bzang po dag ni 'khor bar dgod/ /thog mar me lha bkug nas ni/ /de nas sbyin sreg las rnams bgyi/ /rig sngags 'chang ba gtsang gyur pa/ /legs bkrus gtsang ma'i gos bgos nas/ /gsang sngags bzlas pa'i cho ga bgyi/ /de la mtshams kyang bcing bar bgyi/ /bdag srung gtsug tor bcing ba dang / /gzhan srung dkyil 'khor bcing ba dang / /de bzhin grogs bgyid srung ba dang / rgyun du a ka'i shing sbyar te/ /dri yi shing rnams nyid dag dang / /mar dang yungs kar 'bras yos dag /nyi shu gcig dbul me ston bgyi/ /de nas me yi lha dgug go /oM na mo ag+ni dz+wA la/ ma hA dz+wA la/ dz+yod snra pra b+ha maN+Da la/ sar+b+ba bde A hu ti rak+ti ni rata tuSh+Na dz+wA la/ d+hu ma shwa sa/ a tsi ShA mu kha triSh+Na/ ra sh+mid pa ag+ni sh+tsa bi tu taSh+tsa hU ta sha na mu khan te/ sar+b+ba de bA nAM/ sar+b+ba yak+Sha ma hA biR+ya ma hA dza ya/ ma hA bA la/ nir ma ri shan/ sar+b+ba da ha na pra pu la A ka sha sa mu gad ka sh+tsa a pa pra sad kA shan/ maN+Da la pU dzi to/ ma ni ta sar+b+ba tra di pa bya rU pa bi ShA ra da A bA hA na sar+b+ba ta tra gA na/ de ba hu ta/ sha na @#/ /hu tra shan+ta ma si bi d+ha ma kan/ an+d+ha kA rAn/ muk+ta ra sh+mi ma pri yaM ku gan+d+ha pha lA ha ra/ sa ra sa ra/ a gra dza/ sUk+Sh+ma su tI k+Sh+Na sh+tsa mr-i ti sa na dzi bi na/ pri yo ba sh+ma puSh+pa b+hasma pa s+t+ra tsa b+ha smra ba s+t+ra ni/ se ba kaM /b+hasma sany+tsa d+ha ni t+yan+d+hu ma mA ku la/ dza ya se/ ba ka sid+d+ha ra sa d+ha ra sa grA tsa ra sarba tra pra d+ha ba ri shA/ sarba tri ni ra ma ri sha No/ /ni t+ya spriSh+Ta d+haSh+Ta na mun tsa si/ dwA tring sha b+ha ban de pa ag+ni mu kha de bA ta/ e ru tsi ru dzA ba la ba da ka ma hA na ta/ a tha pa ra Na/ /de ba de ba na/ bi shA ra da/ a yAn+tu sA d+ha shi g+h+raM ka ra ma sA d+ha ya tad twa ta/ a dz+wa la dz+wa la/ tiSh+Tha sa ma yan/ hu ru hu ru hUM phaT swAhA/ gsang sngags 'dis ni lan bdun du/ /bzlas nas me ni dgug par bgyi/ /gu gul yungs kar mar sbyar la| |spar bdun spar bas me la dbul/ /mchod yon snod rnams dbul pa yang / /de bzhin sbar ba'i sbar bas so/ /dri rnams dang ni byug pa dang / /bdug pa rgya chen dbul bar bgyi/ /de bzhin 'bras bu sbar bar dbul/ /de nas chab kyis gsang ba bgyi/ /ji ltar lha rnams rim bzhin du/ /nye reg dag kyang dbul bar bgyi/ /de nas rig sngags 'chang gis su/ /sbyin sreg las ni yang dag brtsam/ /dri zhim shin tu dag pa dang / /blag sha u dum ba ra dang / /sna ma'i me tog tsam pa dang / /kar ni ka ra nyid dag dang / pad+ma ut+pal thang shing dang / /de bzhin dri bda'i tsan+dan dang / /byang chub ljon shing shing dag dang / /de bzhin gzhan yang dri bda'i shing / /'on te 'bras bu'i shing mang dang / /sha mi shi ba'i las lags pas/ /mchod yon de bzhin rtsa dag ste/ /de dag gis ni me spar nas/ /sbyin sreg gi ni las bgyi'o/ /'bras yos tsan+dan phye ma dang / /a ga ru dang du ru ska/ /kun tu ru la sogs pa dang / /du ru skar bcas spr-i ka dang / /spang spos pri yang ku blangs te/ /de dag lhan cig sbyar bsres shing / /mar ram mar gsar lan cig brdzi/ /don yod rgyal po'i gsang sngags ni/ brgya rtsa brgyad bzlas me la dbul/ /'phags pa spyan ras gzigs dbang phyug gi mdun du lan stong rtsa brgyad kyi sbyin sreg bgyi'o/ /lan stong rtsa brgyad tshang ba dang / nam phyed na me lha rang gi gzugs 'bar bar shin tu gnas pa langs nas phyogs bcur lta zhing kun tu brtags nas rig sngags 'chang la legs so zhes bgyi ba stsol bar 'gyur te/ rig sngags 'chang / legs so legs so/ /bdag tshim par byas pas rig sngags 'chang / khyod kyis sbyin sreg gi cho ga grub kyi/ mchog slongs shig dang thams cad sbyin no/ /de nas rig sngags 'chang gis ji lta bu'i 'dod pa'i mchog rnams bslang bar bgyi ste/ ji ltar bslangs pa bzhin thams cad stsol bar bgyid do/ /de nas rig sngags 'chang @#/ /gis mchod yon gyi snod dag 'bul zhing gtor ma dbul ba'i las bgyi'o/ /de nas rig sngags 'chang gis mar dang bsres pa'i gong bu chen po dag gis sbyin sreg bgyi zhing 'bras bu'i shing sbar nas don yod zhags pa'i snying po lan stong rtsa brgyad bzlas brjod bgyi'o/ /stong rtsa brgyad tshang ba dang / thab kyi dbus nas skyes pa zhig lus phyed tsam phyung nas dngul gyi gzhong pa kha zas kyis bkang ste pus mo nub tsam du dbul bar bgyid do/ /rig sngags 'chang gis blang bar bgyi ste/ blangs pa tsam gyis nam mkha' la 'phur bar 'gyur zhing rig sngags 'chang gi lus la me 'bar ba'i 'od zer 'byung bar 'gyur ro/ /de 'tshal na tshe lo khrir 'gyur ro/ /nam mkha'i rig sngags kyi 'khor los bsgyur bar 'gyur ro/ /bskal pa bcu tshun chad kyi sngon gyi skye ba dran par 'gyur ro/ /don yod rgyal po'i cho ga zhib mo rnam par grol ba'i dkyil 'khor kha ton du gnas par 'gyur ro/ / gal te snod mi len na de'i tshe yang lan nyi shu rtsa gcig sbyin sreg bgyis na/ cher g.yo bar 'gyur ro/ /'phags pa spyan ras gzigs dbang phyug gi gzugs kyi mdun du mchis na/ rig sngags 'chang la dbugs 'byin par bgyid de/ rig sngags 'chang / legs so legs so/ /rig sngags 'chang / khyod kyi sbyin sreg gi cho ga de bsgrubs zin gyi/ mchog slongs shig dang sbyin no/ /zhes de'i tshe rig sngags 'chang gis/ ci bsam pa'i mchog smras pa de'i tshe thams cad stsol bar bgyid do/ /'phags pa spyan ras gzigs dbang phyug gis skyes pa de las snod blangs te rang gi lag nas rig sngags 'chang la stsol bar bgyid do/ /rig sngags 'chang gis blangs nas zas kyi gong bu de bza' bgyi'o/ /'tshal pa tsam gyi mod la nam mkha' la rdzu 'phrul gyis mchi bar 'gyur ro/ /lus las me'i snying po 'bar ba'i kha dog sna tshogs 'byung bar 'gyur ro/ /don yod rgyal po'i rig sngags 'dzin 'khor los bsgyur bar 'gyur ro/ /'phags pa don yod pa'i zhags pa'i cho ga zhib mo'i rgyal po/ bam po drug pa/ gang+gA'i klung bye ba khrag khrig brgya stong dgu bcu rtsa gnyis kyi bye ma dang mnyam pa'i rig sngags 'chang ba'i 'khor los bsgyur ba rnams kyi rig sngags 'chang gis yongs su bskor bar 'gyur ro/ /gang+gA'i klung bye ba khri phrag brgya stong dgu bcu rtsa gnyis kyi bye ma dang mnyam pa'i gnas kyi gzhal med khang don yod pa'i rab tu gnas pa rnams 'byung bar 'gyur ro/ /rin po che sna bdun gyi gzhal med khang ri dang / tshal dang / nags tshal dang bcas pa me tog dang / 'bras bu'i shing rnam pa sna tshogs yal ga dang / sbal mig dang / lo ma dang / rtsa ba dang / myu gur bcas pa kha cig ni/ gser gyi me @#/ /tog/ kha cig ni/ dngul gyi me tog /kha cig ni/ rin po che sna bdun las byung ba'i me tog dag go /gzhan yang lha'i me tog rnam pa sna tshogs dag dang / ta ma la dang tsam ba ka dang / lcug ma'i me tog dang / ta la dang / gan+d+ha bar shi ka dang / sna ma dang / yu thi ka dang / ta ra na dang / kub pya ka'i me tog dag dang / tshal dang / nags tshal dang / skyed mos tshal dga' bar 'gyur ba'i gnas kyi gzhal med khang gis mdzes par bgyis pa'i gzhal med khang thams cad 'byung bar 'gyur zhing / dga' ba dang / yid du mchis par 'gyur ro| |lha'i chu klung dang / 'bab chu dang / lteng ka dang / rdzing lha'i tsan+dan gyi dri chab kyis yongs su gang ba de la rin po che sna bdun las byung ba'i gzhal med khang dang / lha'i pad+ma dang / ut+pa la dang / ku mu da dang / pad+ma dkar pos legs par brgyan pa'i char gser gyi bye ma legs par bdal ba'i gzhal med khang dag 'byung bar 'gyur ro/ /lha'i bu mo dang / mi 'am ci'i tshogs dang / dri za'i tshogs kyis dga' bar bgyis pa/ lha dang / lha ma yin dang / dri za dang / klu dang / rig 'dzin dang / mi 'am ci'i tshogs kyis yongs su bskor cing lha'i 'byor pa gzhal med khang legs par bstabs pa'i gnas na thams cad du rtse bar bgyid/ dga' bar bgyid/ dga' mgur spyod par 'gyur ro/ /byang chub kyi snying po la thug pa nas byang chub la mchis kyi bar du/ chos kyi 'khor los bskor ba nas yongs su mya ngan 'das pa'i bar du tshe'i tshad gcig tsam du skyong bar bgyid do/ /de bzhin du grub pa bla na med pa chen po 'phags pa spyan ras gzigs dbang phyug nyid byang chub kyi snying po la thug gi bar du rtag tu rjes su 'brang bar 'gyur te/ de ltar zas kyi gong bu sgrub pa'i cho ga shin tu rnyed par dka' lags so/ /phogs bcu mtha' dag gi sangs rgyas kyi zhing thams cad kyi de bzhin gshegs pa thams cad dang lhan cig 'grogs nas mchi bar 'gyur ro/ /de bzhin gshegs pa thams cad las mngon sum du chos nyan pa thos par 'gyur ro/ /de'i 'od zer 'bar ba'i snying pos stong gsum gyi stong chen po'i 'jig rten gyi khams snang bar 'gyur ro| |don yod pa'i zhags pa 'phags pa spyan ras gzigs dbang phyug gi snying po byang chub sems dpa' thams cad kyis phyag bgyis pa/ rnam par grol ba'i dkyil 'khor gyi gsang sngags dang phyag rgya rim par phye ba'i cho ga zhib mo mtha' dag rdzogs par sgrub pa'i cho ga thams cad dang / chog zhib mo'i rgya chen po mtha' dag gi dkyil 'khor 'di kho na nyid du gnas par 'gyur lags so/ /klu'i rgyal po bye ba phrag brgya stong rnams de'i dbang du gyur nas rtag par rgyun du mchi bar 'gyur ro/ /lha dang / klu dang / gnod sbyin dang / dri za dang / @#/ /lha ma yin dang / nam mkha' lding dang / mi 'am ci dang / lto 'phye chen po thams cad dbang du gyur nas mchi bar 'gyur ro/ /'og min gyi gnas kyi lha rnams kyi rig sngags 'chang de'i phyi bzhin rtag tu 'brang zhing rtag par rgyun du yongs su bskor bar 'gyur ro/ /lha'i ro bro ba'i mchog dang ldan ba'i bza' ba dang / btung ba dang / gzhal med khang rnam pa sna tshogs dag lhun gyis grub par 'byung bar 'gyur ro/ /de bzhin du gos dang / lhab lhub dang / rgyan sna tshogs dang ldan pa'i gzhal med khang dag 'byung bar 'gyur te/ de la sogs pa sbyin sreg gi cho ga don yod pa sgrub pa dag par 'byung bar 'gyur ba'i grub pa 'thob par 'gyur ro/ /'on te skal pa chung ba sangs rgyas dang byang chub sems dpa'i sa bon ma mchis pa zhig mchis la des snod de blangs pa tsam gyi mod la rgyal srid kyi dbang phyug 'thob par 'gyur te/ lha dang mi'i dpal nyams su myong bar 'gyur ro/ /reg pa tsam gyi mod la tshe lha'i lo brgya khri bzhi stong thub par 'gyur ro/ /de la phyis kyang nad 'byung bar mi 'gyur te/ sdig pa dang / sgrib pa thams cad kyis nyon mongs par mi 'gyur ro/ /phas kyi rgol ba dang / mi mdza' ba dang / gdug pa dang / rab tu gdug pa thams cad nub par 'gyur ro/ /sems can dmyal ba dang / dud 'gro'i skye gnas dang / gshin rje'i 'jig rten dang / yi dwags kyi yul thams cad las yongs su grol par 'gyur ro/ /sems can thams cad kyi mchod gnas gcig bur 'gyur ro/ /bud med dang / skyes pa dang / khye'u dang / bu mo dang / sems can thams cad lta 'tshal bar 'gyur ro/ /thams cad du rgyal bar 'gyur ro/ /tshig btsan zhing don yod pa thob par 'gyur ro/ /'gum pa'i dus su de bzhin gshegs pa thams cad gzigs pa bzhed par 'gyur ro/ /'phags pa spyan ras gzigs dbang phyug mngon sum du mthong bar 'gyur ro/ /dran pa shin tu nye bar bzhag nas dus bgyid par 'gyur ro/ /dus bgyis nas skal pa mnyam pa 'jig rten gyi khams bde ba can du skye bar 'gyur te/ pad+ma las brdzus te skye bar 'gyur zhing skye ba dran par 'gyur ro/ /lan 'ga' yang phyir ngan song du mchi bar mi 'gyur te/ phyis ma'i mngal du skye bar mi 'gyur ro/ /de bzhin gshegs pa thams cad blta ba dang / byang chub sems dpa' thams cad blta ba'i phyir sangs rgyas kyi zhing nas sangs rgyas kyi zhing du rtag tu mchis par 'gyur ro/ /dpral bar thig le bgyis na/ thams cad du mi gda' bar 'gyur ro/ /me lha rtag par rgyun du dran par bgyis pa tsam gyis rang gi gzugs kyis mdun na mchis nas mchog thams cad stsol bar bgyid do/ /dgos pa @#/ /thams cad bgyid par 'gyur ro/ /de nas don yod bsgongs pa sgrub par 'tshal na/ rig sngags 'chang des 'bras dang sran ma ma shar bsres te bsgril la bsgongs nas mar dang / bu ram dang / sha kha ra dang / sbrang rtsi lhan cig brdzis nas bil ba'i tshad tsam du bgyis te/ des 'og tu shing kA ra bI ra'i me sbar nas bsgongs pa re re la lan bdun bzlas brjod bgyis nas me'i nang na sbyin sreg bgyi ste/ nyin lan gsum mtshan lan gsum du brgya rtsa brgyad sbyin sreg bgyi'o/ /de nas rig sngags 'chang yungs kar dang / me tog ci snyed pa dang bsres te lan nyi shu rtsa gcig bzlas brjod bgyis nas me'i dbus su stsal bar bgyi'o/ /'bras yos dang / yungs kar dang / khro bo'i rgyal po lan brgya rtsa brgyad bzlas nas gtor bar bgyi'o/ /de nas me'i dbus nas me lha lus phyed tsam phyung nas rin po che sna bdun las bgyis pa'i snod zas bsgongs pas bkang nas rig sngags 'chang la rig sngags 'chang / khyod kyis zas bsgongs pa sgrub pa'i cho ga grub zin gyi/ lha'i zas bsgongs pa chen po longs shig ces stob par bgyid do/ / de nas rig sngags 'chang gis zas bsgongs pa'i snod de blang bar bgyi'o/ /blangs pa tsam kho nas bcud kyis len du gyur nas nam mkha' la 'phur bar 'gyur ro/ /skra cung zad 'khyil bar yang 'gyur ro/ /pags pa yongs su dag par 'gyur ro/ /rig sngags 'chang 'khor los bsgyur bar 'gyur ro/ /rig sngags 'chang gi 'khor los bsgyur ba drug khri brgya stong gis yongs su bskor bar 'gyur ro/ /me lha gnas dang gzhal med khang dang bcas/ 'khor dang bcas pa dbang du mchis nas las thams cad bgyid par 'gyur ro/ /gang dang gang gis zas bsgongs pa la reg pa de yang thos pa bsags pa'i rgya mtsho chen por 'gyur ro/ /don yod zhags pa'i snying po byang chub sems dpa' thams cad kyis phyag bgyis pa/ rnam par grol ba'i dkyil 'khor phyag rgya dang / gsang sngags rim par phye ba dang bcas pa cho ga zhib mo mtha' dag rdzogs par kha ton du gnas pa 'di nyin gcig bzhin sh+lau ka stong klog gam 'chang bar bgyid na/ tshe brjes nas 'jig rten gyi khams bde ba can du skye bar 'gyur te/ pad+ma las brdzus te skyes nas skye ba dran par 'gyur ro/ /lan 'ga' yang phyis dran pa brjed par mi 'gyur ro/ /tshig btsun par 'gyur te/ sems can thams cad kyi snying du sdug par 'gyur ro/ /mchod pa chen po'i 'os su 'gyur ro/ /dpral ba la thig le bgyis na/ mi gda' bar gyur nas 'byung po dang / gnod sbyin dang / srin po thams cad dbang du gyur nas gnas kyi sgo thams cad 'byed par 'gyur ro/ /bud med gang zhig bu'i ched du zas bsgongs @#/ /pa de 'tshal na/ bu gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa rnyed nas yun ring du 'tsho zhing yid gzhungs pa dang / mkhas pa dang / bstan bcos thams cad la bag tsha ba ma mchis par 'gyur ro/ /de nas skye bo 'bum zas stsal bar 'tshal na/ 'o ma'i thug pa bsgrub par bgyi ste/ gnas gtsang ma gcom bskyungs par shing kA ra bI ra'i lcug mas dkrug cing don yod zhags pa'i snying po'i gsang sngags bzlas brjod bgyis te/ de nas khro bo'i rgyal po chab dang yungs kar la bzlas brjod bgyis nas gtor bar bgyi'o/ /de nas zas bsgongs pa gcig snod kyi nang nas phyung nas 'o thug nang du stsal lo/ /de nas char bgos te thog mar dkon mchog gsum la bsod snyoms dbul bar bgyi'o/ /de'i 'og tu byang chub sems dpa' 'phags pa spyan ras gzigs dbang phyug la dbul bar bgyi'o/ /de'i 'og tu 'phags pa 'jam dpal la dbul bar bgyi'o/ /de'i 'og tu dge sbyong dang / bram ze dang / rgyal rigs dang / rje'u rigs dang / dmangs rigs dang / skyes pa dang / bud med dang / khye'u dang / bu mo rnams dang / bkren pa dang / sdug phongs pa dang / lam gyis dub pa dang / slong mo ba rnams la rab tu stsal bar bgyi'o/ /ji tsam du skye bo 'bum ci 'tshal par kha zas 'tshal du stsal kyang snod de gang ba'am bri bar mi mngon zhing de bas par mi 'gyur ro/ /gang dag zas de 'tshal ba de dag sngon gyi sdig pa dang / sgrib pa dang / bar du gcod pa thams cad dang bral bar 'gyur ro/ /nad thams cad dang bral bar 'gyur ro/ /dag thams cad dang / phas kyi rgol ba dang / mi mdza' ba'i 'jigs pa thams cad kyis tshugs par mi 'gyur ro/ /'byung po dang / gnod sbyin dang / srin po'i 'jigs pa thams cad kyis mi tshugs par 'gyur ro/ /lus mnyen cing 'jam par 'gyur ro/ /nga ro lha ltar mnyen zhing snyan la dga' bar bgyid pa'i dbyangs su 'gyur ro/ /rtag tu dub pa'i sdug bsngal thams cad yongs su spangs par 'gyur ro/ /rtag tu ji srid 'tsho'i bar du bde ba yang dag par stob par 'gyur ro/ /tshe brdzes nas bde 'gro thams cad du 'gro bar 'gyur ro/ /'o ma'i thug pas lhung bzed bkang nas de gnas mthon po bla gab med par dkyil 'khor bgyis te dkyil 'khor gyi steng du bzhag nas phyogs bcu'i de bzhin gshegs pa thams cad la lhung bzed de dbul bar bgyi'o/ /phul ba tsam gyi mod la chu bo gang+gA'i bye ma 'bum phrag brgya stong gi bye ma s nyed kyi phyogs bcu'i sangs rgyas gyi zhing gi de bzhin gshegs pa thams cad kyis de bzhin gshegs pa re re'i spyan sngar lha'i zhal zas ro brgya dang ldan pa'i lha'i zas bsgongs pa dang @#/ /lha'i 'o thug gis lhung bzed bkang ba dang / lha'i tsan+dan gyi dkyil 'khor lha'i me tog sil ma bkram pa yang 'byung bar 'gyur ro/ /phyogs bcu'i sangs rgyas kyi zhing du gtogs pa'i de bzhin gshegs pa'i 'khor gyi dkyil 'khor dang bcas pa/ byang chub sems dpa'i tshogs dang nyan thos kyi dge 'dun dang bcas pa la lha'i zhal zas ro brgya dang ldan pa'i mchog gis bstabs par 'gyur ro/ /de bzhin gshegs pa'i 'khor gyi dkyil 'khor dang bcas pa/ byang chub sems dpa'i tshogs dang / nyan thos kyi dge 'dun dang bcas pa de dag thams cad kyis rig sngags 'chang yon bdag de'i yon sbyong bar mdzad do/ /gang gi phyir yon sbyang nas skal pa dang mthun pa'i tshe 'di nyid dang / gzhan du dbang phyug chen po 'thob par 'gyur ro/ /grub pa chen po'i gser gyis 'byor bar 'gyur ro/ /mdzod dang bang mdzod mang pos rgyas par 'gyur ro/ /de bzhin gshegs pa thams cad kyis dgongs par 'gyur ro/ /byang chub sems dpa' thams cad blta 'tshal bar 'gyur ro/ /lha thams cad kyis de la srung ba dang / bskyab pa dang / sba ba bgyid par 'gyur ro/ /de nas rgyal po btsun mo'i 'khor dang dpung gi tshogs yan lag bzhi dang bcas pa dbang du bgyi bar 'tshal na/ rig sngags 'chang des legs par khrus bgyis te gtsang mas gos gtsang ma bgos nas 'o thug mar dang bsres pa 'dis lan brgya rtsa brgyad sbyin sreg bgyi'o/ /sgron shing dang arka'i shing gi yam sreg shing gis me sbar bar bgyi'o/ / spyin sreg lan stong rtsa brgyad tshang ba dang / rgyal po btsun mo'i 'khor dang dpung gi tshogs yan lag bzhi dang bcas pa bdag nyid dam nor dbang du gyur nas mchis par 'gyur ro/ / nub gsum du bgyis na/ klu'i rgyal po thams cad gnas dang 'khor du bcas pa dbang du gyur nas mchis par 'gyur ro/ /nub lngar bgyid na/ 'byung po dang / gnod sbyin dang / srin po dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi ma lags pa thams cad dang / mi thams cad 'khor dang bcas par dbang du gyur nas mchis par 'gyur ro/ /nub bdun du bgyis na/ rig 'dzin thams cad dbang du gyur nas mchis par 'gyur ro/ /nub thams cad du bgyis na/ brgya byin la sogs pa sum cu rtsa gsum ris gyi lha rnams dang / lha'i bu mo'i tshogs thams cad dang / gtsang ma'i lha'i bu mo rnams babs nas dbang du 'gyur te/ ji srid 'tsho ba'i bar du bsnyen bkur bgyid cing ma mchis par 'gyur ro/ /zla ba nya nas brtsams te mar gyi ngo'i tshes nyi shu gsum mam gnam stong gi bar du dus gsum du lan nyi shu rtsa gcig sbyin sreg bgyis la/ /arka'i shing @#/ /gi yam sreg shing gis me sbar nas gnam stong gis rdzogs pa dang / 'phags pa spyan ras gzigs dbang phyug rang gi gzugs kyis mdun du mchis nas rig sngags 'chang / legs so zhes bgyi ba stsol bar 'gyur te/ rig sngags 'chang / legs so legs so/ /nga mnyes par byas kyi/ rig sngags 'chang / smros shig dang / mchog sbyin te/ gang gnyer ba de thams cad sbyin no/ /gter smra bra'am/ nor bsgyur ba smra ba'am/ zhing smra ba'am/ nam mkha' la 'gro ba'am/ mi snang bar bya ba'am/ gsang sngags smra ba'am/ cho ga zhib mo 'grub pa de dag thams cad sbyin no/ /rgyal po nyid dam/ blon po nyid dam/ yul bdag nyid dam/ phyug pa nyid dam/ grong rdal 'thob pa'am/ gos 'thob pa'am| ba lang dang / rta dang / ma he dang / rnga mo dang / lug 'thob pa'am/ nor 'thob pa'am/ 'bru 'thob pa de dag thams cad sbyin no/ /nam mkha' la 'gro ba 'am/ mi snang bar bya ba'am/ rdzu 'phrul 'thob ba'am/ ting nge 'dzin 'thob ba'am/ gzungs 'thob pa'am/ phyag rgya dang / dkyil 'khor gyi cho ga zhib mo sgrub pa'am/ ro langs bslangs pa'am/ rig 'dzin grub pa nyid dam/ ral gri'i rig 'dzin nyid dam/ nam mkha'i rig 'dzin nyid dam/ phug tu 'jug pa'am/ dur khrod du 'jug pa'am/ nags su 'jug pa'am/ ri la rgyu ba de dag thams cad sbyin no/ /de nas rig sngags 'chang gi ji ltar yid la bsam zhing smras pa de dag thams cad stsol bar bgyid do/ /rig sngags 'chang la bstan pa tsam gyi mod la dri med don yod lta ba zhes bgyi ba lus yongs su dag pa 'thob par 'gyur ro/ /tshe brjes nas 'jig rten gyi khams bde ba can du skye bar 'gyur te/ pad+ma'i ze ba'i dbus nas brdzus te skyes nas skye ba'i skye ba dran par 'gyur ro/ /don yod zhags pa'i snying po byang chub sems dpa' thams cad kyis phyag bgyis pa/ rnam par grol ba'i dkyil 'khor phyag rgya dang / dkyil 'khor rim par phye ba dang bcas pa/ chog zhi ba mo mtha' dang bcas pa 'di rdzogs te byang chub kyi snying pa la thug gi bar du kha don du gnas par bgyi'o/ /de nas la du'i spyin sreg gi cho ga sgrub par 'tshal na/ rig sngags 'chang des kha zas la la du stong rtsa brgyad bgyis la/ de nas rig sngags 'chang gis don yod pa'i zhags pa'i snying po lan stong rtsa brgyad bzlas brjod bgyi'o/ /de nas legs par khrus bgyis te gtsang mas gos gtsang ma bgo par bgyi'o/ /de nas la du mar dang bsres te sbyin sreg bgyi'o/ /shin tu dri zhim po'i shing gi yam sreg shing gis me sbar bar bgyi'o/ /stong rtsa brgyad tshang ba dang me'i dbus nas khye'u zhig byung nas snod lha'i la dus bkang nas dbul bar bgyid do/ /de @#/ /nas rig sngags 'chang gis yungs kar la lan bdun bzlas te khye'u de'i lag tu gtor ro/ /khye'u des rig sngags 'chang la smras pa/ rig sngags 'chang / ci zhig don du gnyer/ rig sngags 'chang gis 'dod pa thams cad byin cig ces brjod par bgyi'o/ /des smras pa/ rig sngags 'chang snod kyi la du khyer cig dang / 'dis khyod kyi dgos pa dpag tu med pa 'grub par 'gyur ro/ /'di ni/ khyod kyi bcud kyi mchog yin no/ /rig sngags 'chang / longs shig /'di ni/ khyod kyi grub pa'i mchog yin no| |de nas rig sngags 'chang gis snod gang ba da blangs te khye'u la yang khyed kyis kho bo'i grogs shig gyis ces brjod par bgyi'o/ /khye'us smras pa/ dgos pa thams cad 'grub pa'i grogs bgyi'o/ /rig sngags 'chang / /gang gi tshe dgos pa byang ba de'i tshe gu gul dang tsan+dan lhan cig bsres la mar dang yungs kar sbyar nas don yod lcags kyu lan bdun bzlas te sbyin sreg bgyi'o/ /arka'i shing gi me sbar ro/ /sbyin sreg bgyis pa tsam gyi mod la bdag bkug pas mod la mchis nas dgos pa thams cad bsgrub par bgyi'o/ /las thams cad bgyi'o/ /ji srid 'tsho'i bar du bsnyen bkur bgyis mchis shing bkur stir spyad par bgyi'o/ /bgegs dang / log 'dren dang / 'byung po dang / gnod sbyin dang / srin po thams cad bzlog par bgyi'o/ /de nas rig sngags 'chang gis la du de la reg par bgyis na/ nam mkha' la 'phur nas rig sngags 'chang gi rigs thams cad zil gyis gnon par 'gyur ro/ /rig sngags 'chang thams cad kyi 'khor los bsgyur bar 'gyur ro/ /rig sngags 'chang gi 'khor los bsgyur ba sa ya phrag gnyis dang / bye ba phrag bdun gyis yongs su bskor bar 'gyur ro/ /tshe'i tshang lha'i bskal ba drug khrir 'gyur ro/ /skra cung zad 'khyil bar yang 'gyur ro/ /la du lhung bzed kyi nang du stsal te 'phags pa spyan ras gzigs dbang phyug gi mdun du bzhag nas don yod rgyal po'i khro bos dbang bskur te/ de nas dge sbyong dang / bram ze dang rgyal rigs dang / rje'u rigs dang / skyes pa dang / bud med dang / khye'u dang / bu mo thams cad la stsal bar bgyi ste/ longs spyod du stsal kyang bas par mi 'gyur gyi/ slar zhing 'phel bar 'gyur te/ ji srid du lhung bzed na la du mchis pa de srid du 'phel bar 'gyur te/ ji srid du skye bo 'bum 'bum mang zhing phal che bar stsal kyang gtugs par mi 'gyur ro/ /la du la don yod zhags pa'i snying po lan bdun bzlas brjod bgyis na/ de'i 'og tu gang du reg pa de yang gser bzang por 'gyur ro/ /la du la lan bdun bzlas brjod bgyis te klu'i gnas su 'phangs na/ de'i tshe rgya @#/ /mtsho chen po mthar gtugs pa'i klu'i rgyal po 'khor dang bcas pa thams cad dbang du gyur nas mchis par 'gyur te/ bsgo na char mi 'bab pa bsgo ba bzhin char 'bebs par bgyid do/ /ci bsgo ba bzhin bgyid par 'gyur ro/ /ha cang char ches na/ bsgo ba bzhin ha cang char chen po 'gums par bgyid do/ /rlung dang / grang ba dang / tsha ba dang / ser ba thams cad bsgo ba tsam gyis gcod par bgyid do/ /phug gi sgor la du la lan bdun bzlas brjod bgyis nas phug gi sgor bsnun na/ phug gi sgo thams cad 'bye bar 'gyur ro/ /'khrul 'khor dang / gtan pa dang / sgo glegs thams cad dum bur bcag par 'gyur ro/ /gnas na gnas pa thams cad phyir byung nas rig sngags 'chang gi mdun du mchis te bsgo ba bzhin bgyid par 'gyur ro/ /nags tshang tshing gi dbus su 'phangs na/ nags tshang tshing gi gnas kyi sgo thams cad phye nas sman gyi rdzas thams cad rang gi gzugs kyis mdun na mchis par 'gyur ro/ /la du la lan bdun bzlas brjod bgyis te dur khrod chen po'i dbus su 'phangs na/ 'byung po dang / gnod sbyin dang / srin po dang bcas pa'i gnas kyi sgo thams cad 'bye bar 'gyur ro/ /gnod sbyin dang / srin po dang / 'byung po thams cad sgren mor gyur nas thams cad dbang du mchis par 'gyur zhing ji srid 'tsho'i bar du bsgo ba bzhin mchis par 'gyur ro/ /rma ma byung ba'i mi ro la dri chab kyis khrus bgyis la la du la lan nyi shu rtsa gcig bzlas brjod bgyis te lag pa gnyis su la du stsal la/ gos dkar pos ro g.yogs nas khro bo'i rgyal po yungs kar dang chab la lan bdun bzlas nas dbang bskur na/ ci dris pa de dag thams cad smra bar 'gyur te/ bde ba dang / lo legs pa dang / lo nongs pa dang / nad dang / gnod pa dang / 'tshe ba dang / pha rol gyi dpung dang / phas kyi dgra bo dang / mi mdza' ba'i 'jigs pa dang / mi ngas dang / yams kyi nad de dag thams cad smra bar 'gyur ro/ /lha'i 'jig rten du skye ba'am/ sangs rgyas kyi zhing du skye ba smra bar 'gyur zhing / dmyal bar skye ba smra bar 'gyur ro/ /tshe ring ba'am/ tshe thung ba smra bar 'gyur ro/ /dus ma lags pa'i 'chi ba smra bar 'gyur ro/ /gter gyi gtam smra bar 'gyur te/ nor bsgyur ba'i gtam mam/ zhing gi gtam mam/ mig 'phrul gyi gtam smra bar 'gyur ro/ /cho ga zhib mo 'grub pa dang / gsang sngags 'grub pa dang / phyag rgya'i dkyil 'khor 'grub pa smra bar 'gyur ro/ / mig sman 'grub pa dang / ril bu 'grub pa smra bar 'gyur ro/ /nam mkha' la mchi ba dang / mi gda' bar bgyi ba dang / ro langs bslang ba dang / rigs ma dag pa dang / dgra chad pas @#/ /gcad cing dbang du bgyi ba de dag thams cad smra bar 'gyur ro/ /sgyu thabs smra bar 'gyur ro/ /nyams pa smra bar 'gyur ro/ /'phel ba smra bar 'gyur ba nas bskal ba las 'das pa'i 'das pa dang / ma 'ongs pa dang / da ltar byung ba'i bar du smra bar 'gyur ro/ /de nas rig sngags 'chang gis chab kyi khar stsal la la du blangs na/ ro 'gyel bar 'gyur ro/ /la du la lan nyi shu rtsa gcig bzlas brjod bgyis nas rgyal po'i sgor bsnun na/ rgyal po'i btsun mo'i 'khor dang bcas pa bdag nyid dam/ nor dbang du gyur nas mchis par 'gyur ro/ /grong khyer gyi sgor bsnun na/ grong khyer na gnas pa'i skyes pa dang / bud med dang / khye'u dang / bu mo thams cad dbang du gyur nas mchis par 'gyur zhing nor chen po 'du ba 'grub pa 'thob par 'gyur ro/ /mchod pa'i gnas chen por 'gyur ro/ /la du la lan bdun bzlas brjod bgyis te dpal lha mo chen me'i lag par stsal na/ dpal lha mo chen mo dbang du gyur nas nor chen po stsol cing ji srid 'tsho'i bar du mchis par 'gyur ro/ /la du la lan brgya rtsa brgyad bzlas brjod bgyis nas khug ma'i nang du stsal te mchan khung du bsrel bar bgyi ste/ ji tsam du bsal ba de srid du mi gda' bar gyur nas gang du stsal ba der 'jug par 'gyur ro/ /gang na shing gcig pa'am/ 'bab chu gcig par la du la khro bo'i rgyal po lan brgya rtsa brgyad bzlas brjod bgyi ste dbang bskur nas shing gi drung du brdeg na/ 'dod rgyur bsgyur ba dbang du gyur nas mchis par 'gyur ro/ /ji ltar bsam pa'i 'dod pa thams cad nye bar mchis nas yongs su spyod pa dang / ji srid 'tsho'i bar du mchis par 'gyur ro/ /la du la lan nyi shu rtsa gcig bzlas brjod bgyis te/ ma mo'i gnas su nag po chen po'i spyi gtsug tu bzhag la khro bo'i rgyal po lan bdun bzlas te chab dang yungs kar gyis dbang bskur bar bgyis na/ de nas sbyor ba mo thams cad dang / mkha' 'gro ma thams cad dbang du gyur nas mngag gzhug pa las thams cad bgyid par 'gyur ro/ /la du la lan nyi shu rtsa gcig bzlas te nag po chen po'i lte ba'i phyogs su bzhag na/ ma mo'i tshogs thams cad rang gi gzugs kyis mdun du mchis nas mchog thams cad stsol bar 'gyur ro/ /las thams cad bgyid par 'gyur ro/ /la du la lan brgya rtsa brgyad bzlas brjod bgyis nas 'phags pa 'jam dpal gyi lhung bzed kyi nang du stsal te khro bo'i rgyal pos dbang bskur bgyis na/ ji srid du lhung bzed na la du mchis pa de srid du phyogs bcu'i de bzhin gshegs pa thams cad kyi spyan sngar lha'i zhal zas ro sna tshogs kyi ro'i mchog dang ldan @#/ /pa dag 'byung bar 'gyur zhing / nyan thos dang byang chub sems dpa'i tshogs kyi 'khor gyi dkyil 'khor chen po dang bcas pa tshim par bgyis par 'gyur ro/ /de bzhin gshegs pa de dag thams cad dang / byang chub sems dpa'i tshogs dang / nyan thos kyi dge 'dun dang bcas pa de dag gi rig sngags 'chang de'i yon sbyong ba mdzad par 'gyur ro/ /la du la lan brgya rtsa brgyad bzlas brjod bgyis te khro bo'i rgyal po'i dbang bskur la lcags kyu'i rgyal pos chab la bzlas brjod bgyis na/ me thab kyi mtshams bcing bar bgyi'o/ /de nas arka'i yam sreg shing gis me sbar la la du de med thab kyi dbus su bzhag ste mar dang / yungs kar dang / zho dang / sbrang rtsi bsres pas lan brgya rtsa brgyad sbyin sreg bgyi'o/ /lan brgya rtsa brgyad tshang ba dang / me lha me'i rang bzhin gyi gzugs kyis byung nas rig sngags 'chang la smras pa/ rig sngags 'chang / legs so legs so/ /bdag tshim par byas so/ /bdag dga' bar 'gyur ro/ /rig sngags 'chang / bdag gis mchog tu dga' ba thob kyi/ rig sngags 'chang ji ltar yid la bsam zhing 'dod pa smros shig dang mchog sbyin no/ /rig sngags 'chang gis ji ltar yid la bsam pa bzhin mchog brjod par bgyi'o/ /me lha des kyang thams cad stsol cing dbang du gyur nas mchis par 'gyur ro/ /las thams cad grub par stsol bar 'gyur ro/ /me'i phung po'i dbus su zhugs na/ 'od zer stong 'phro ba rnams gangs bzhin du bsil bar 'gyur te chab nas byung ba bzhin no/ /lag pas me rnams tshugs par bgyid do/ /'bar ba bzhin du klad pa'i spyi bor bzhag na/ skra nyag ma gcig kyang 'tshig par mi bgyid do/ /me'i dbang du mchi bar mi 'gyur ro/ /'bar bzhin du g.yar gyi nang du bsrel na/ cung zad dro ba tsam du yang mi 'gyur ro/ /lus la bab na/ ji ltar tsan+dan bzhin du bsil zhing bde bar 'gyur ro/ /gzhan yang dgos pa sna tshogs bgyid par 'gyur ro/ /gos kyi mtha' mar thum po bgyis na/ tshig par mi 'gyur ro/ /chab kyi nang du stsal na/ 'gum par mi 'gyur ro/ /sbyin sreg thams cad kyi cho ga so so'i gzugs su mchis par 'gyur ro/ /thams cad du dgos pa grub pa stsol bar 'gyur ro/ /dgos pa gang dang gang du bskos pa de dang der dgos pa thams cad grub pa stsol bar 'gyur ro/ /thams cad du gsang sngags dang / dkyil 'khor dang / cho ga sgrub pa thams cad lung 'bogs par 'gyur ro/ /du ba dang / rlung dang / me 'bar ba'i shugs kyis dpag tshad stong du mchis shing slar yang ldog par 'gyur ro/ /dgos pa thams cad nye bar ston par 'gyur ro/ /dgos pa thams @#/ /cad bgyid par 'gyur ro/ /thams cad du grub pa stsol bar 'gyur ro/ /de nas don yod me 'bar ba/ /bla med 'bar bzang sgrub 'tshal na/ /yid bzhin nor bu lta bu dang / /gzi brjid nyi ma dang mnyam pas/ /phyogs bcu'i kho ra khor yug gi /kun nas su ni gsal bar bgyid/ /sgrub pa rnam pa sna tshogs dang / /'tshed pa bla na med pa 'grub/ /bcud kyi mchog ste dam pa lags/ /nor sgyur smra ba bla na med/ /gzhan yang 'tshed pa sna tshogs pa/ /sgrub pa bla na med pa lags/ /ji ltar nyin mtshan gda' bas na/ / nyin par gyi ni gdugs dang mtshungs/ /lan gcig dgos pa sgrub pa na/ /legs par las bgyis nor bu dang / /rdzas bsres legs par bgyis pa la/ /gtsang mas bzlas pa'i las rnams dang / /gtsang mas spyad pas sgrub pa dang / /don yod chu dang me dang ni/ /me yi shing rnams brjod par bgyi/ /me 'bar 'od dang mtshungs pa ste/ /de dag thams cad gcig spungs pa'i/ /yam sreg cho ga bla na med/ /tsan+dan dang ni seng ldeng dang / /pa tang kA ra bI ra dang / /arka sha mi smyug ma dang / /shir sha kA nA ka ri ka/ 'o ma'i shing dang byang chub shing / / blag sha dang ni sna ma dang / gan+d+ha bar shi pad+ma yi/ /rtsa ba dang ni lo mar bcas/ /pad+ma dkar po ku mu da/ /ut+pal me tog lo ma rtsa/ /bi dza pU ra bil ba shing / /sin du ba ra tsam pa ka / dre ka bi tsu marde tsa/ /sa ha ba la tsi dra ka /shing de kun ka bsdus pa yi/ /yam sreg shing gis las bgyis te/ /yungs kar mar dang zho dang ni/ /sbrang rtsi 'bras yos sbyin sreg bgyi/ /bzang po'i zangs las srang gsum dang / /mtshal las gnyis 'gyur gang bskus kyang / /srang gcig tsan+dan dkar po nyid/ /srang bcu ldong ros srang gcig ste/ /de dag bsres pa'i rdzas rnams dang / /de bzhin yung ni nyis 'gyur dag /zhig ga dag ni bkang nas su/ /me thab dbus su gzhug par bgyi/ /sbyin sreg stong ni rtsa brgyad du/ /shin tu mnyam bzhag legs gsal ba/ /gtsang ma gtsang mar spyod pa yi/ /gos gtsang legs par khrus bgyis pa/ /dri zhim dri yis bsgo bar bgyi/ /ro sna tshogs pa'i gtor ma dang / /me tog 'bras bu nyid kyang dgod/ /bzlas brjod kyi ni sbyin sreg nyid/ /stong rtsa brgyad ni tshangs ba dang / de nas lha bshos gtor ma dang / /me tog bdug pa mchod yon snod/ /dbul ta 'o mas ma dag ma dgum/ /'o mas zhi gzhi bar bgyi/ /de nas rig sngags 'chang gis bzlas brjod stong rtsa brgyad bgyis nas yungs kar gyis snun par bgyi'o/ /khro bo'i rgyal po lan nyi shu rtsa gcig tu dbang bskur bar bgyi'o/ /de nas zhig 'bar bar 'gyur ro/ /de nas rig sngags 'chang gis zhi ga de la mchod par bgyi'o/ /de nas zangs kyi sgrom bu'am/ /dngul gyi @#/ /sgrom bur zhi ga nas nor bu blangs te sgrom bu der gzhag par bgyi ste/ yid bzhin gyi nor bu ji lta ba bzhin du 'di yang don yod pa 'bar ba mthu chen po'i mthu dang ldan par 'gyur ro/ /mtshan mo ni/ zla ba'i 'od bzhin du gda' bar 'gyur ro/ /nyin mo ni/ nyi ma'i 'od bzhin du gda' bar 'gyur ro/ /nam 'tshed pa'i dus kyi tshe nor bu de bzhag na/ 'tsho ba dang sred pa dang 'tshed pa thams cad grub par 'gyur ro/ /nam hom bgyid pa de'i tshe thab kyi dbus su bzhag ste sreg blugs kyi sbyin sreg bgyis na/ me chen po 'bar bar 'gyur ro/ /thams cad kyi thams cad du dgos pa rnams sgron mas gsal bar bgyis pa bzhin du 'gyur ro/ /g.yul ngo chen por g.yul 'gyed pa'i dbus su skyes pa dpa' bo legs par khrus bgyis pa/ gos gtsang ma bgos pa/ ya lad dang / go char bsdams pas yid bzhin gyi nor bu chen po de'i spyi bo'i gtsug tu bzhag nas gcig pu g.yul gyi dbus su zhugs na/ de nas skyes pa de me 'bar ba gcig pur 'gyur ro/ /de nas g.yul 'gyed pa'i pha rol gyi dpung rnams bam par gyur nas phyogs bcur 'khrugs nas 'byer bar 'gyur ro/ /phyi nas lan 'ga' yang pa rol gyi dpung dang / d+r+ga'i 'jigs pa 'byung bar mi 'gyur ro/ /pha rol gyi dgra dang mi mdza' ba'i 'jigs pa 'byung bar mi 'gyur ro/ /lag pas nor bu bzung nas phug gi gnas su zhugs na/ gnas kyi sgo thams cad 'bye bar 'gyur ro/ /gnas na gnas pa thams cad mdun du mchis par 'gyur ro/ /klu'i gnas thams cad du mchis nas lag pas nor bu bzung ste gnas kyi nang du zhugs na/ chab thams cad kyis phyir mi tshugs bar 'gyur ro/ /de nas klu thams cad mdun du mchis nas bden par dam bca' bar 'gyur ro/ /dbang du gyur nas ji srid 'tsho'i bar du las bgyid par 'gyur ro/ /bsgo ba bzhin bgyid par 'gyur ro/ /lo tog dang / rtswa dang / shing gel ba dang / nags tshal thams cad bde bar 'phel bar 'gyur ro/ /snyan cing mdangs dang ldan pa dang mnyen par 'gyur ro/ /gzi brjid dang ldan pa dang / dran pa dang ldan pa dang / mi bde ba chung bar yang 'gyur ro/ /sems can gang dag gis kyang lo tog dang / me tog dang / 'bras bu la longs spyod par 'gyur ba de dag thams cad dang / gzhan ches mang po dag gis dgos pa mang po bgyid par 'gyur ba ni/ nor bu chen po don yod 'bar ba'i nor bu me 'bar ba chen po lags so/ /de nas don yod snang ba rnam par lta bas 'phags pa spyan ras gzigs dbang phyug bkug ste rang gi gzugs su blta bar 'tshal na/ de nas rig @#/ /sngags 'chang gtsang mas gos gtsang ma bgo bar bgyi'o/ /lus legs par bkrus te spos chab kyis byug par bgyi'o/ /shing arka'i yam sreg shing gis me sbar bar bgyi'o/ /yungs kar dang / a ga ru dang / tsan+dan dang / zho dang / sbrang rtsi dang / mar sbyar bas stong rtsa brgyad sbyin sreg bgyi'o/ /de nas don yod lcags kyu gu gul la lan nyi shu rtsa gcig gi sreg blugs kyi sbyin sreg bgyis na/ 'phags pa spyan ras gzigs dbang phyug rang gi gzugs kyis mdun na mchis nas mchog thams cad bsam pa bzhin yongs su rdzogs par bgyid do/ /ji ltar yid la bgyid cing bsam pa'i mchog stsol bar bgyid do/ /de nas rig sngags 'chang gis ji ltar yid la bgyis shing bsam pa'i mchog smras pa dang / de'i 'og tu 'phags pa spyan ras gzigs dbang phyug gis thams cad stsol bar bgyid do/ /de nas mig sman sgrub par 'tshal na/ rig sngags 'chang legs par bkrus te gtsang mas gos gtsang ma bgo bar bgyi'o/ /nub gcig smyung ba bgyis te/ des zangs kyi za ma gtog bgyis la de nas mig sman so bi ra dang yung ba nyis 'gyur du bsres pas dgang bar bgyi'o/ /de nas stong rtsa brgyad bzlas brjod bgyid nas thab kyi dbus su gzhag par bgyi'o/ / de'i steng du u shi ra dang / yungs kar dang / tsan+dan dang / zho dang / sbrang rtsi dang / mar bsres pas lan stong rtsa brgyad sbyin sreg bgyi'o/ /shing arka'i me spar bar bgyi'o/ /lan stong rtsa brgyad tshang ba dang / de nas mig sman blangs la gtun gyi steng du legs par zhib tu btags la/ ldong ros dang / ga pur dang / gla rtsi bsres nas slar yang don yod pa'i zhags pa'i snying po lan brgya rtsa brgyad bzlas brjod bgyis la don yod lcags kyu'i rig sngags rgyal po lan nyi shu rtsa gcig bzlas brjod bgyis pa ni/ thams cad du mgul la legs par sbyar te/ de nas don yod rgyal pos dbang bskur bar bgyi'o/ /don yod zhags pa'i phyag rgyas lan bdun phyag rgya bcing ngo / /de nas mig sman gyis byugs na/ nam mkha' la 'phur nas rig sngags 'chang thams cad kyi dpon por 'gyur ro/ /skra cung zad 'khyil bar yang 'gyur ro/ /bskal ba khrir 'tsho bar 'gyur ro/ /dpral bar thig le bgyis na mi gda' bar 'gyur ro/ /mig la bskus te tshig gzhan mi smra bar rgyal po'i pho brang du zhugs na/ rgyal po'i btsun mo'i 'khor dang bcas pa dang dbang du gyur nas mchis par 'gyur ro/ /mchod pa phal po ches cher mchod par 'gyur ro/ /nor 'du ba grub pa chen po 'thob par 'gyur ro/ /sgrub pa'i dus sam bzlas brjod kyi dus su mig la bskus na/ @#/ /bgegs dang / log 'dren dang / bdud kyi ris kyi lha thams cad kyis mi mthong bar 'gyur ro/ /phyis kyang bgegs byed par mi nus te/ bar chad bgyid par mi 'gyur ro/ /bde ba sgrub pa'i mchog dang / bzlas brjod kyi cho ga 'grub par 'gyur ro/ /mig la byugs te skye bo mang po'i nang du zhugs na/ de dag thams cad dbang du 'gyur te/ nor dang / 'bru dang / gos dang / lhab lhub rgyan phal po che 'grub par 'gyur ro/ /bud med kyang mig mi 'dzum par blta bzhin du bdag nyid dam/ nor dbang du 'gyur ro/ /mig la byugs te dgon pa chen por zhugs na/ chom po dang / g.yon can dang / rkun po dang / gcan gzan gdug pa dang / sbrul dang / dbyig dug dang / sprul gyi dug gi 'jigs pa thams cad 'byung bar mi 'gyur te/ bde legs su slar yang mchi bar 'gyur ro/ /'thab mo dang / rtsod pa dang // 'gyed pa thams cad la mig sman/ bskus na/ smra ba rnams kyi bla na med par 'gyur te/ thams cad du rgyal bar 'gyur ro/ /g.yul der g.yul 'gyed pa'i nang du mchis nas mig la byugs na/ thams cad las rgyal bar 'gyur zhing / 'jigs pa thams cad las bsgral bar 'gyur ro/ /gdug pas zin pa thams cad la mig la bskus na/ gdug pa ma mchis par 'gyur ro/ / rims zhag gcig pa dang / zhag gnyis pa dang / zhag gsum pa dang / rims zhag bzhi pa thams cad la mig la bskus na/ rims nad thams cad las grol bar 'gyur ro/ /dug mi zad pa 'tshal ba la mig la bskus na/ dug ma mchis par 'gyur ro/ /gdon thams cad kyis zin pa la mig la bskus na/ gdon brgyad khri bzhi stod las thar par 'gyur ro/ /mig bro 'tshal ba la bskus pa tsam gyi mod la byang bar 'gyur ro/ /klad pa cher bro 'tshal ba la yang mig la bskus pa tsam gyis byang bar 'gyur ro/ /tshangs pa'i srin po'i gdon dang / brjed byed kyi zin pa la mig la bskus pa tsam gyis thar bar 'gyur ro/ /rgyal po khros pas gsad par 'os pa gang su yang rung ba khrid pa la mig la bskus pa tsam gyis 'jigs pa thams cad spangs pa'i thar par 'gyur ro/ /nag po chen po'i mig la bskus na/ rang gi gzugs kyis dus su mdun na mchis nas mchog thams cad stsol cing dgos pa thams cad bgyid par 'gyur ro/ /ma mo'i tshogs thams cad dbang du gyur nas mchis par 'gyur ro/ /dpal lha mo'i mig la bskus te mig mi 'dzum par don yod rgyal po'i snying po lan bdun bzlas na/ dpal lha mo chen mo mchis nas dgos pa thams cad dang / 'bru rab tu mang po stsol bar 'gyur ro/ /nyal ba'i tshe mig la bskus te nyal na/ rmi lam bzang @#/ /po mang zhing phal che ba mthong bar 'gyur ro/ /'phags pa spyan ras gzigs dbang phyug rang gi gzugs mthong ba stsol bar 'gyur ro/ /mchog thams cad stsol bar 'gyur ro/ /dran pa dang blo gros rgya chen por 'gyur ro/ /mig la bskus te tshogs kyi dbus su zhugs na/ mchod pa chen po 'thob par 'gyur ro/ /'phags pa spyan ras gzigs dbang phyug gi gzugs brnyan gyi mig la bskus na/ rtag tu mchog stsol par 'gyur ro/ /rtag tu blta 'tshal bar 'gyur ro/ /gi'u wang dang lhan cig sbyar te mig la bskus nas rgyal po'i pho brang du zhugs na/ dbang phyug chen po 'thob par 'gyur ro/ /longs spyod chen po phun sum tshogs par yang 'gyur ro/ /don chen po 'grub par yang 'gyur ro/ /rgyal po'i btsun mo dang / blon po'i tshogs dang / 'khor thams cad dga' bar gyur nas thams cad dbang du gyur te mchis par 'gyur ro/ /dpal lha mo chen mo'i gzugs brnyan gyi mig la bskus na/ 'byung po thams cad kyi bdag por 'gyur zhing las bgyi ba ci mchis zhes thams cad dbang du gyur nas mchis par 'gyur ro/ /nag po chen po'i gzugs brnyan gyi dpral ba dang mig la bskus na/ gnod sbyin thams cad dbang du 'gyur ro/ /mi ro'i mig la bskus na ldang bar 'gyur ro/ /gsang sngags dang / dug sbyar ma dang / byad kyis zin pa thams cad kyi mig la bskus na/ dug sbyar ma dang / byad dang / gsang sngags thams cad bshig par 'gyur zhing / lan 'ga' yang slar zil gyis gnon par mi 'gyur ro/ /bkres pa'i mig la bskus te grong du zhugs na/ bza' ba dang / btung ba'i ston mo lhun gyis 'grub cing 'thob par 'gyur ro/ /bsod snyoms pa'i mig la bskus te bsod snyoms la mchis na/ kha zas sna tshogs mang po dang / yon phal po che 'thob par 'gyur ro/ /sme ba dang / ling tog dang / rab rib dang / chu bur dang / mtshan mo 'thob pa dang / g.ya' ba dang / tshag po dang / mig gi rdzi ma rdung ba dang / mig sle bo de dag thams cad zhi bar 'gyur ro/ /mig nad thams cad las sos par 'gyur ro/ /lha'i mig dag pa 'dab bzang dang mtshungs pa/ 'dab bzang gi mthong ba thob nas thams cad kyi snying du sdug pa dang / dbang du gyur nas nor rnyed pa dang / don grub pa yang thob nas dbang phyug bla na med par 'gyur ro/ /de nas nor dang / 'bru dang / gos dang / lhab lhub dang / rgyan dang / rgyan 'phyang thams cad dgug pa dang / 'phel bar bgyid pa dang / don yod me lha dgug pa'i sbyin sreg rgya chen po brjod par bgyi'o/ /grub pa kun gyi bla na med/ /don kun grub pas mod la ni/ /mkhas rnams mchog tu dga' bar bgyid/ /dbang phyug skal pa @#/ /phun sum tshogs/ /mod nyid kho nar 'thob 'gyur bar/ /the tshom du yang mi bgyi zhing / /yid gnyis nyid kyang ma lags so/ /gtsang mas gtsang ma'i gos dag dang / /legs par bkrus pas las sgrub bo/ /sbyin sreg bla na med 'phel ba/ /'di ni rgya chen bsam mi khyab/ ka ran rtsa ba sdong bur bcas/ /'dab ma me tog 'bras bur bcas| |arka'i shing dang blag sha'i shing / /yam sreg ngag gis me sbar la/ /sa bon bdun po 'bras dang bcas/ /'bras yos til dang yungs kar dang / /zho dang sbrang rtsi mar dang ni/ /yungs mar dag dang bskyes pa yi/ /sbyin sreg stong rtsa brgyad tshang bgyi/ /khro bo'i rgyal po lan stong rtsa brgyad kyis dbang bskur ba tshang ba dang / de nas don yod lcags kyu'i rig sngags kyi rgyal po 'di brgya rtsa brgyad bzlas nas gu gul dang / ske tshe'i 'bras bu dang / mar du sbyar bas sbyin sreg bgyi'o/ /dgos pa thams cad rdzogs pa dang / de'i tshe bza' ba dang / btung ba dang / gnas mal dang / stan dang / nad kyi rkyen sman dang / yo byad dang / nor dang / 'bru dang / mdzod dang / bang ba 'phel bar yang 'gyur ro/ /gos sna tshogs dang / lhab lhub dang / rgyan dang / rgyan 'phyang dang / me tog dang / dri dang / phreng ba dang / byug pa rnams lhun gyis grub par 'byung bar 'gyur ro/ /dbang phyug gi 'byor pa chen po 'thob par 'gyur zhing ji srid 'tsho'i bar du mchis par 'gyur ro/ /de nas zla ba yar gyi ngo'i tshes brgyad la nyin zhag gcig mchis nas mig la bskus te don yod zhags pa'i snying po lan dgu bcu bzlas brjod bgyis la khro bo'i rgyal pos dbang bskur nas don yod zhags pa'i phyag rgya bcings te/ de nas mig la mig sman gyis bskus na/ nam mkha' la rdzu 'phrul gyis mchis par 'gyur ro/ /mig sman grub pa'i rig sngags 'chang thams cad kyi gtso bo rgyal po 'khor los bsgyur bar 'gyur ro/ /sgra cung zad 'khyil bar yang 'gyur ro/ /bskal pa khrir 'tsho bar 'gyur ro/ /mig sman 'dis mig la byugs na/ nyin par ji lta ba bzhin du mtshan mo mthong bar 'gyur zhing mi gda' bar yang 'gyur ro/ /'byung po dang / gnod sbyin dang / srin po'i gnas thams cad du zhugs na/ thams cad kyi dpon por 'gyur ro/ /'phags pa don yod pa'i zhags pa'i cho ga zhib mo'i rgyal po/ / bam po bdun pa/ mig sman 'dis mig la byugs nas ma mo'i gnas su zhugs na/ lha gtso bo de dag mig 'dzum par lta bar bgyid pa la khro bo'i rgyal po lan gcig bzla bar bgyi'o/ /de nas ma mo dang lha'i gtso bo thams cad mdun du mchis nas mchog thams cad stsol bar 'gyur ro/ /ji srid 'tsho'i bar du las thams cad sgrub par bgyid pas @#/ /mchis par 'gyur ro/ /ma mo'i tshogs thams cad kyis yongs su bkur cing snying du sdug par 'gyur ro/ /rtag par rgyun du bsrung ba dang / bskyab pa dang / sba ba'i phyir gnas shing rjes su 'brang bar 'gyur ro/ /de nas gi'u wang sgrub pa'i sbyin sreg gi chog brjod par bgyi ste/ don yod rgyal po grub pa yis/ /rig sngags 'chang ba bde myong zhing / /lha dang lha min mchod pa dang / /sgrub pa'i don kun 'grub pa dang / /dbang du gyur pa dam pa dang / /mkha' la mchi ba'i dam pa dang / mi snang shin tu rnyed dka' dang / /mod la phug tu 'jug pa dang / /nags kyi nang du 'jug pa dang / /ri sul dag tu 'jug pa dang / /thang dag la ni rgyu ba dang / /klu gnas mtshor ni 'jug pa dang / /de bzhin chu klung che bsgral dang / /rdzu 'phrul grub dang skyes pa dang / /de bzhin 'jigs dang sgrib kun dang / /nad kun zhi bar bgyid pa nyid/ /sdig pa thams cad nyams par bgyid/ / g.yul dor g.yul las rgyal bgyid de/ /rtag tu dgra kun brlag par bgyid/ /gdon rigs kun kyang tshar gcod cing / /rims rnams thams cad zlog par bgyid/ /sngon gyi sgrib pa 'jig bgyid cing / /sdig pa thams cad nyams par bgyid/ /dbang phyug stsol cing skal pa stsol/ /nor dang 'bru rnams 'phel bar bgyid/ /'thab pa 'thab mo rtsod pa dang / /'gyed pa rab tu zhi bar bgyid/ /bcing pa dang ni shing sgrog dang / /khong sgril lcags sgrog phye mar rlog /rgyal po gdug pa khros pa yis/ /gsad par 'os pa sel bar bgyid/ /da lta 'di la brten pa na/ /mi bdag bu sdug bzhin smra zhing / /mi bde kun las grol bar 'gyur/ /'di ni kun tu sdug pa dang / /gnas kun mchis par mchod par 'os/ / lus can snying du rtag tu sdug /rgyal po btsun mo 'khor bcas pa'i/ /rtag tu gnang chen dag tu 'gyur/ /dge sbyong bram ze nyid dang ni/ /rgyal rigs rje'u rigs dmangs rigs dang / / bud med kun dang de bzhin du/ /skyes pa khye'u bu mo yi/ /rtag tu gnang chen dag tu 'gyur/ /gi'u wang bla na med pa po/ /'di la gang dag rtag brten na/ /'phags pa 'jig rten dbang phyug ste| |mchog sbyin rtag tu mchod pa bgyid/ /tshangs pa khyab 'jug dbang phyug che/ /nyin dang mtshan du srung ba dang / /rtag tu mchog stsol phyir mchis so/ /gzhan yang lha ni mang po dang / /klu yi rgyal po mthu chen dang / /'byung po gnod sbyin srin po dang / /grul bum mi min lto 'phye che/ /dri za lha min nyid dag dang / /nam mkha' lding dbang mthu chen te/ /de dag thams cad srung ba yi/ /ched du nyin dang mtshan dag tu/ /rang dbang nyid kyis gnas par 'gyur/ /gi wang grub pa dam pa po/ /de ltar stobs dang ldan pa lags/ /de nas rig sngags 'chang @#/ /ba yis| |gtsang gyur legs par khrus bgyis nas/ /gtsang ma yi ni gos bgo ste/ /gi wang legs par bsgrubs nas su/ /dmar po chen po nyid dag dang // gur gum dag dang mnyam sbyar la/ /zangs kyi snod du bkang nas su/ /don yod zhags pa'i gzugs mdun du/ /stong rtsa brgyad ni tshang bzlas nas/ /rgya dar gyis ni kha dgum mo/ /de nas seng ldeng gi shing dang / /arka'i shing gi yam sreg shing gi me sbar la/ 'bras yos dang / yungs kar dang / gu gul dang / 'bras dang / til dang bsres la/ zho dang sbrang rtsi mar du bsres te lan stong rtsa brgyad sbyin sreg bgyi'o/ /lan stong rtsa brgyad tshang ba dang / de nas me zhi zhing me mdag phra mo yang zhi ba dang thal ba blangs te snod kyi nang du stsal nas de nas slar yang lan brgya rtsa brgyad bzlas la/ khro bo'i rgyal pos dbang bskur te phyag rgya'i phyag rgyas kyang dbang bskur ro/ /de nas dpral ba'i dbus su thig le bgyis nas nam mkha' la 'phur nas rig sngags 'chang chen po'i rgyal po 'khor los bsgyur bar 'gyur ro/ /rig sngags 'chang thams cad kyi dpon por 'gyur zhing skra cung zad 'khyil bar yang 'gyur ro/ /lo dgu khri dgu stong du 'tsho bar 'gyur zhing gnas kyi sgo thams cad rtag tu 'byed par 'gyur ro/ /dpral ba la thig le bgyis na/ mi gda' bar gyur nas gnas thams cad du zhugs na gnas thams cad kyi bdag por 'gyur zhing / 'byung po dang / gnod sbyin dang / srin po'i gnas kyi sgo thams cad 'byed par 'gyur ro/ /'byung po dang / gnod sbyin dang / srin po mthu dang ldan pa thams cad kyis yongs su bskor nas mchis par 'gyur ro/ /ji srid 'tsho'i bar du bsgo ba bzhin bgyid par 'gyur ro/ /mig la bskus na/ ji ltar nyin bar bzhin du mtshan mo snang zhing thams cad du gter mthong bar 'gyur ro| |sa'i phug dang / thang gi sgo phye ba mthong bar 'gyur ro/ /thang gi gnas su zhugs nas thang gi dgos pa thams cad bgyi ste/ slar yang mchi bar 'gyur ro/ /chu klung chen po'i nang du zhugs na/ khyim dang gzhal med khang ji lta ba bzhin du mthong bar 'gyur ro/ /rin po che thams cad kyis brgyan pa'i gzhal med khang mthong bar 'gyur ro/ /chab la gnas pa gang lags pa de dag thams cad du dbang du gyur nas mchis par 'gyur ro/ /klu'i mtsho dang gnas su ji ltar rang gi khyim bzhin du 'jug cing 'byung bar 'gyur ro/ /lus mtha' dag byugs te g.yul ngor g.yul 'gyed pa'i nang du zhugs na/ ya lad dang go cha bgos pa bzhin du mthong nas thams cad las rgyal bar 'gyur ro/ /khar bsrel te rgyal po'i pho brang du zhugs na/ btsun mo 'khor dang bcas pa dbang phyug du gyur nas mchis par 'gyur ro/ /gang la tshig smras pa de dag thams cad bgyid par 'gyur ro/ /gang la blangs pa de dag thams @#/ /cad ster bar 'gyur ro/ /gang la bsgo ba de thams cad bsgo ba bzhin bgyid par 'gyur ro/ /khar 'chos nas gang dang gang du mchis pa de dang der skyes pa dang / bud med dang / khye'u dang / bu mo thams cad bdag nyid dam/ nor dbang du gyur nas mchis par 'gyur ro/ /lag pa g.yas pa la byugs na/ su reg pa de dbang du 'gyur ro/ /nor dang / 'bru dang / dbyig dang / bran pho dang / bran mo dang / las bgyis pa dang / zho shas 'tsho ba dang / mngag gzhug pa rnams dbang du gyur nas bsgo ba bzhin mchis par 'gyur ro/ / mdzub mo g.yas pa la bskus nas ser ba dang / sprin dang / 'brug gi dus su sprin la mngon sum du bstan te bsdigs na/ grang ba dang / rlung dang / ser ba thams cad zhi bar 'gyur ro/ /dpag tshad gcig khor khor yug tu zil gyis mnan par 'gyur ro/ /char ha cang ches na/ lag pa g.yas pa sprin la mngon sum du bstan pas ha chang char che ba gcod par 'gyur ro/ /char mi 'bab pa'i dus su lag pa g.yas pa'i lag mthil la byugs nas klu gnas pa'i mtsho'i chu la thal mo lan gsum pa brdabs na/ de'i mod la klu'i rgyal pos char gyi rgyun chen po gtong bar 'gyur ro/ /gal te mod la char pa mi 'bebs na/ de'i tshe lan lnga brdeg pa dang / /klu de dag thams cad kyis char gyi rgyun gtong bar 'gyur ro/ /gang gi tshe char pa mi 'bebs pa de'i tshe klu thams cad la klad pa'i nad 'byung bar 'gyur ro/ /gal te lan bdun bsnun na/ klu'i rgyal po thams cad la tshul ma yin pa'i sdug bsngal 'byung bar 'gyur ro/ /klu'i rgyal po thams cad kyi rig sngags phung bar bgyis par 'gyur ro/ /gdon gyis zin pa thams cad kyi mig la bskus na/ bskus pa tsam gyi mod la gdon brgyad khri bzhi stong rab tu zhi bar 'gyur ro/ /rims kyis thebs pa rnams kyi dpral ba la thig le bgyis na/ rims zhags gcig pa'am/ nyin gnyis pa'am/ nyin gsum pa'am/ nyin bzhi pa'i rims thams cad zhi bar 'gyur ro/ /nad kyis zin pa rnams la khrus bgyis na/ mod la nad thams cad las thar par 'gyur ro/ /sha bkra dang / mdze dang / rkang shu dang / g.yan pa dang / shu ba dang / 'brum bu rnams las thar par 'gyur ro/ /g.ya' ba dang / lhog pa dang / mtshan bar rdol ba dang / shu ba mched pa dang / 'brum bu phra mo mched pa la byugs pa tsam gyis thar par 'gyur ro/ /gdug pas zin pa thams cad la byugs pa tsam gyis mi gdug par 'gyur ro/ /dug gis myos par bgyis pa thams cad la 'tshal ba tsam gyi mod la thar par 'gyur ro/ /lto na ba dang / skran dang / dmu chu dang / mchin pa na ba dang / rtsib logs na ba dang / snying na ba dang / chu so na ba dang / gzhang @#/ /nad dang / tshad pa dang / gcin sri ba dang / gsung pa dang / ma zhu ba dang / rtug skam la bsros nas 'tshal ba tsam gyi mod la zhi bar 'gyur zhing / phyis lan 'ga' yang gnod pa bgyid par mi 'gyur ro/ /mtshogs mar gi wang gi ril bu bgyis te lug gi sgo dang nye bar mchis nas lag pa g.yas pa yang byugs te mgo la thal mo brdabs na/ phug gi sgo rnams 'bye bar 'gyur ro/ /bag tsha ba ma mchis par 'jug ste/ slar cung zad kyang bgegs bgyid par mi 'gyur ro/ /gnas de na gnas pa gang lags pa de dag thams cad dbang du gyur nas mdun na mchis par 'gyur ro/ /dgos pa sgrub pa chen po thams cad 'grub par 'gyur ro/ /rkang pa gnyis la byugs te me 'bar ba'i nang du zhugs na/ me lha rang gi gzugs kyis mdun du mchis nas lag pa nas bzung ste rig sngags 'chang la rig sngags 'chang / bdag gi gzhal med khang gi gnas su zhugs shig / rig sngags 'chang gis bsgo ba thams cad bsgrub par bgyi'o/ /zhes smra ba na/ de'i tshe rig sngags 'chang gis bgyi ba ci mchis pa de bsgo bar bgyi ste/ thams cad bgyid par 'gyur ro/ /dpung pa gnyis la byugs na/ glang po che bdun gyi stobs dang ldan par 'gyur ro/ /brla gnyis la byugs na/ tshugs pa ma mchis pa'i gyang du 'gyur ro/ /byin pa gnyis la byugs na/ 'bab chu chen po pha rol tu rgal bar 'gyur ro/ /mgrin pa la byugs nas nags khung du zhugs na/ nags khung gi gnas kyi sgo thams cad bye nas sman gyi rdzas thams cad rang gi gzugs kyis mdun na mchis par 'gyur te/ ci 'tshal ba de blang bar bgyi'o/ /gi wang gi ril bu bgyis te khar bsrel nas ri sul dang / sman gshong du zhugs na/ skad drag po lan gsum gdon par bgyi ste/ ri sul dang / sman gshong gi gnas gsang ba'i sgo gang dag lags pa 'bye bar 'gyur zhing / de na gnas pa gang lags pa de dag thams cad rang rang gi gzugs kyis mdun na mchis par 'gyur zhing las thams cad bgyid par 'gyur ro/ /de nas rtswa dang / shing gel pa dang / nags tshang tshing gi sman gyi rdzas gang lags pa dag rang gi gzugs kyis mdun na mchis par 'gyur zhing / gang dag gi bcud kyi mchog de dag 'dzag la/ bcud srung ba de dag kyang rang gi gzugs kyis mdun na mchis nas thams cad dbang du 'gyur ro/ /ji ltar 'tshal ba bag tsha ba ma mchis par dgos pa thams cad bgyid par 'gyur ro/ /snying gar thig le bgyis nas snying la cung zad ci bsam pa dang / yid la bsam zhing brnag pa'i dgos pa de dag thams cad mod la 'grub par 'gyur ro/ /lto la thig le bgyis na/ kha zas dang btung ba'i ston @#/ /mo 'dod rgu thams cad thob par 'gyur te/ phun sum tshogs pa thams cad lhun gyis 'grub par 'gyur ro/ /rtsib logs gnyis la byugs na/ ji ltar bsam zhing don du gnyer ba'i gos rnams 'thob par 'gyur ro/ /sgral tshigs la byugs na/ ji ltar yid la bsam pa'i mal dang / stan 'thob par 'gyur ro/ /rna ba la byugs sam/ gnad dang / gnad thams cad kyi gnas su byugs na/ ji ltar bsam pa'i rgyan dang / lhab lhub thob par 'gyur ro/ /mjug do la byugs na/ rta'i bzhon pa thob par 'gyur ro/ /nyin bzhin nang par tshig gzhan mi smra bar gi wang gi ril bu re re la don yod rgyal po'i snying po bzlas nas 'tshal te/ nyi ma dang po la tshigs su bcad pa stong bklags na 'dzin par 'gyur ro/ /nyin gcig bzhin nyis 'gyur du bgyis nas bklags pa na 'dzin par 'gyur ro/ /zhag bdun gyis thos pa mang por 'gyur ro/ /zhag bcu bzhir bgyis na/ mi'am ci mo lta bu'i sgra dbyangs su 'gyur ro/ /zhag nyi shu rtsa gcig tu bgyis na/ thos pa bsags pa'i rgya mtsho chen por 'gyur ro/ /ka la ping+ka'i dbyangs ltar mnyen zhing snyan la rna ba'i sgra dbyangs su 'gyur ro/ /bu'i ched du mar dang lhan cig stsal na/ bya rog lta bu dang / mo gsham rnams kyis kyang bu rnyed par 'gyur ro/ /btson rar stsal ba dang / shing sgrog dang / lcags sgrog dang / gtan pa dang / khong sgril la byugs na/ byugs pa tsam gyi mod la dum bu dum bur 'chag par 'gyur ro/ /'thor bar 'gyur ro/ /tshes brgyad dam/ bcu bzhi'am/ tshes bco lnga la don yod rgyal po'i snying po lan bdun bzlas la khro bo'i rgyal pos rang la dbang bskur nas gi'u wang gi ril bu dang spos chab bsres pas khrus bgyi'o/ /khrus bgyis pa tsam gyi mod la sdig pa thams cad dang / sngon gyi sgrib pa thams cad rnam par 'jig par 'gyur ro/ /nub gsum du khrus bgyis na/ gsangs sngags dang / phyag rgya dang / sgrub pa dang / grub pa'i mchog thams cad thob par 'gyur ro/ /phas kyi rgol ba dang / mi mdza' ba dang / gdug pa dang / sdig pa thams cad kyis mi tshugs par 'gyur ro/ /lan 'ga' yang thams cad kyi thams cad du 'jigs pa mi 'byung zhing yongs su thar par 'gyur ro/ /phyis lan 'ga' yang sdig pa'i dri mas gos par mi 'gyur ro/ /gi'u wang gi ril bu til mar dang bsres te kha gdong la byugs nas rgyal po'i mdun du mchis na/ bu bzhin du phang du 'khyud nas dga' ba chen po 'thob pa dang / rgyal po khro bo'i 'jigs pa thams cad zhi bar 'gyur ro/ /lus thog thag tu byugs na/ gsad par 'os pa'i lus la yang mtshon gyis phog par mi 'gyur te/ dum bu dum @#/ /bur 'chag par 'gyur ro/ /mda' 'phangs na/ lus la 'bab par mi 'gyur zhing gzhu 'chag par 'gyur ro/ /gi'u wang gi ril bu mgul du btags nas 'brog dgon pa dang / ri dang / nags tshang tshing bgrod dka' bar zhugs na/ chom po dang / g.yon can dang / rkun po dang / gnod sbyin dang / srin po dang / mi dang / mi ma lags pa dang / gcan gzan gdug pa dang / sbrul gdug pa dang / dug gi 'jigs pa thams cad 'byung bar mi 'gyur te/ mi gda' bar 'gyur ro/ /dpung pa g.yas pa la btags na| thams cad du pha rol las rgyal bar 'gyur ro/ /thams cad du mchod gnas chen por yang 'gyur ro/ /thams cad du mthu dang brtson 'grus chen po rdzi ba med pas pha rol zil gyis gnon par 'gyur ro/ /dpung pa g.yon pa la btags na/ skyes pa dang / bud med dang / khye'u dang / bu mo thams cad kyi gnang chen du 'gyur te/ thams cad lta 'tshal bar 'gyur ro/ /mchod pa'i 'os chen por 'gyur ro/ /dgos pa mang po 'grub par 'gyur ro/ /byin pa g.yas pa la btags na/ dub pa ma mchis par dpag tshad stong du mchis par 'gyur ro/ /gi'u wang gi ril bu khar bsres la lag pa g.yas pas yungs kar gyis don yod lcags kyu bzlas nas drangs te tshig gzhan mi smra bar gnas mthon por 'dzegs te phyogs gang du bsam pa'i skye ba dang / bud med dang / khye'u dang / bu mo mchis pa'i phyogs der yungs kar gyis gtor na/ mod la bkug par 'gyur te| mchis par 'gyur ro/ /gal te dpag tshad brgya tsam na gnas pa zhig na yang gang gdon mi 'tshal bar de zhag gsum gyis mchi bar 'gyur te/ yid gnyis mi bgyi'o/ /lag pa g.yas pa 'am/ lag pa g.yon pa la gi'u wang gi ril bu btags na/ gang du reg par nor dang / 'bru dang / dbyig dang / nor dang / mu tig dang / shang+ka shi la dang / byu ru dang / sa le sbram dang / dngul dang / gos dang / lhab lhub de dag thams cad bkug nas mchi bar 'gyur te/ ci 'tshal ba de mchi bar 'gyur ro/ /bya tshang du zhugs nas tshang mang gi sgor thal mo brdabs na/ 'tshed pa dang / 'tshed pa'i kha zas de dag thams cad bkug nas mchis par 'gyur te/ gang du 'tshal ba der mchi bar 'gyur ro/ /spos 'tshong gi tshong khang du mchis na/ tshong khang gi yo byad thams cad mchi bar 'gyur ro/ /chang tshong gi sgor thal mo brdabs na/ chang gi bum pa thams cad mchi bar 'gyur ro/ /bang ba'i sgor thal mo brdabs na/ 'bru thams cad bkug par 'gyur ro/ /bcud 'byin pa'i khyim du zhugs nas 'khrul 'khor la reg par bgyid na/ bu ram gyi khu ba dang / sha kha ra'i glegs bu @#/ /thams cad mchi bar 'gyur ro/ /gang du 'tshal ba der mngags par 'gyur ro/ /grong khyer gyi sgor mun tshab tshub na thal mo brdabs na/ grong khyer na gnas pa thams cad gnyid dkrogs par 'gyur ro/ /dgra bo'i sgor btab na/ bskrad par 'gyur ro/ /mtshon cha mkhan gyi khyim du 'phangs na/ mtshon cha dang / go cha rnams rengs pa dang / rmugs par bgyis par 'gyur ro/ /rgyal po'i sgor btab na/ phas kyi rgol ba dang / mi mdza' ba dang / sems can gdug pa thams cad bcings pa dang / rengs pa dang / rmugs par bgyis par 'gyur ro/ /dung la byugs nas mthon por bus na/ sgra gang du grags pa de dag tu 'thab pa dang / 'thab mo dang / rtsod pa dang / 'gyed pa dang / byad dang / dug sbyar ma dang / dug dang / nad las yongs su thar par 'gyur ro/ /grong khyer gyi sgor bus na/ yams kyi nad dang / gnod pa dang / mi ngas thams cad rab tu zhi bar 'gyur ro/ /phyugs lhas su bus na/ 'o ma thams cad 'phrog bar 'gyur ro/ /gang du 'tshal ba der mchi bar 'gyur ro/ /ra lug gi lhas su bus na/ ra lug gi 'o ma 'phrog bar 'gyur te/ gar 'tshal ba der mchi bar 'gyur ro/ /skye bo'i tshogs chen po'i dbus su bus na/ thams cad sgren mor gyur nas gos thams cad bkug par 'gyur ro/ /rdza rnga la byugs te khyams mthon po'i steng du brdungs na/ grang ba dang / rlung dang / ser ba thams cad bcings pa dang bshig par 'gyur te/ tshugs par mi 'gyur ro/ /dpag tshad brgya khor khor yug tu ser ba bkag par 'gyur ro/ /grong khyer ram yul 'khor mtha' dag tu bus na/ nad dang / yams kyi nad dang / gnod pa dang / 'tshe ba thams cad zhi bar 'gyur ro/ /'thab pa dang / 'thab mo dang / rtsod pa dang / 'gyed pa thams cad rab tu zhi bar 'gyur ro/ /mi ngas dang / mu ge'i 'jigs pa thams cad rab tu zhi bar 'gyur ro/ /gzhan yang dgos pa rnam pa sna tshogs brgya stong dag bgyid par 'gyur te/ thams cad la sbyar bar bgyi'o/ /de nas sems can thams cad dang thun mong ba zhi ba dang / rgyas pa nad thams cad zhi bar bgyid cing sdig pa thams cad 'jig par bgyid pa/ yams kyi nad dang / gnod pa thams cad rab tu zhi bar bgyid pa/ mu ge'i dgon pa thams cad rab tu zhi bar bgyid pa/ 'byung po dang / gnod sbyin dang / srin po dang / gdon dang / brjed byed thams cad brlag par bgyid pa brjod par bgyi'o/ /rig sngags 'chang gtsang mar gyur pas legs par khrus bgyis te spos dri zhim pos lus byugs la/ gos gtsang ma bgos la spos dri zhim pos bsgos nas byams pa'i sems la mnyam par bzhag cing / sems can thams @#/ /cad la lhag par brtse ba dang / snying rje chen pos snying gdungs pas sbyin sreg gi las 'di bgyi ste/ arka'i shing dang / sha ma'i shing dang / shing 'o ma can nam ji ltar yang byang chub kyi shing ste/ de dag gi yam sreg shing gis me sbar la 'bras yos dang / yungs kar dang / pad+ma dang / pad+ma'i ldum bu dang / 'dab ma dang / zho dang / sbrang rtsi dang / mar dang bsres pas sbyin sreg bgyi'o/ /don yod zhags pa'i snying po stong rtsa brgyad bzlas nas de nas don yod zhags pa khro bo'i rgyal pos dbang bskur te/ don yod zhags pa'i phyag rgyas phyag rgya lan brgya rtsa brgyad bcing ngo / /de nas sbyin sreg gi dgos pa rnams mthar phyin pa'i mod kho nar dpag tshad gcig khor yug tu yams kyi nad dang / gnod pa dang / 'tshe ba dang / nad dang / mu ge'i dgon pa mi bzad pa dang / rang gi dpung dang / gzhan gyi dpung gi 'jigs pa dang / phas kyi rgol ba dang / mi mdza' ba'i 'jigs pa thams cad dang / chom po dang / g.yon can dang / rkun mo dang / gcan gzan gdug pa can dang / sprul dang / dug mi bzad pa dang / gdug pa dang bcas pa'i srog chags kyi 'jigs pa thams cad rab tu zhi bar 'gyur ro/ /mi tshugs par 'gyur ro/ /dpag tshad brgyar khor yug tu rims mi 'byung ste/ gnod pas ma lags/ nad kyis ma lags te/ gnod sbyin dang / srin po dang / 'byung po dang / gdon rnams kyis mi tshugs te/ rab tu zhi bar 'gyur ro/ /'thab pa dang / 'thab mo dang / rtsod pa dang / 'gyed pa dang / nang 'khrug dang / 'khrug pa dang / skrod pa dang / mdangs gcod pa dang / 'ching ba dang / sdigs pa rnams kyis mi tshugs te/ rab tu zhi bar 'gyur ro/ /sems can thams cad bde bar 'gyur ro/ /shin tu lo legs shing mdangs dga' la skye bo dang / mi mang pos rab tu gang zhing me tog dang / 'bras bu phun sum tshogs par 'gyur ro/ / nor dang / 'bru dang / lo tog rab tu mang po 'grub par 'gyur ro/ /shin tu ro dang ldan pa dang / shin tu smin pa dang / yongs su rdzogs par 'gyur ro/ /rtswa dang / shing gel ba dang / sman dang / nags tshang tshing dang / myu gu dang / rtsa ba dang / 'bras bu bzang po yongs su rdzogs par 'gyur ro/ /phyir zhing ji srid 'tsho'i bar du yul de na yid du mi mchi ba'i reg pa myong bar mi 'gyur ro/ /yul de na dge sbyong dang / bram ze dang / rgyal rigs dang / rje'u rigs dang / dmangs rigs dang / skyes pa dang / bud med dang / khye'u dang / bu mo rnams rtag tu nad ma mchis par 'gyur ro/ /bde bar tshor ba dang / yid la dga' zhing mgu bar 'gyur ro/ /byams pa dang / snying rje'i sems kyis gnas par 'gyur ro/ /lha dang / klu dang / @#/ /gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po de dag thams cad kyang legs par bsrung ba'i phyir rtag tu srung ba dang / bskyab pa dang / sba ba'i phyir dpag tshad brgya kho ra khor yug tu srung ba dang / yongs su bskyang ba dang / zhi ba dang / bde legs su bgyid par 'gyur ro/ /rgyal po bzhi yang dpung dang bcas te yongs su skyong ba dang / srung ba dang / skyob pa dang / sped pa bgyid bar 'gyur ro/ /gdug pa thams cad zlog pa dang / srung ba dang / yongs su skyong bar 'gyur ro/ /dbang phyug dang / dbang phyug chen po'i lha'i bu rnams rtag par rgyun du srung ba dang / skyob pa dang / sbed pa bgyid par 'gyur ro/ /lha'i dbang po brgya byin sum cu rtsa gsum pa'i lha'i bu 'khor dang / tshangs pa dang / khyab 'jug dang / dbang phyug chen po dang / lha'i tshogs kyi 'khor thams cad kyis yul de legs par srung bar 'gyur ro/ /gzi byin stsol bar 'gyur ro/ /dpag tshad gcig kho ra khor yug tu sems can thams cad yongs su srung ba dang / yongs su skyong bar 'gyur ro/ /dge sbyong dang / bram ze dang / rgyal rigs dang / rje'u rigs dang / dmangs rigs dang / skyes pa dang / bud med dang / khye'u dang / bu mo thams cad la srung ba dang / bskyab pa dang / sbed pa bgyis par 'gyur ro/ /zhi ba'i las 'di'i mthus sems can thams cad sdig pa dang / sgrib pa thams cad las rnam par grol bar 'gyur ro/ /de bzhin gshegs pa thams cad kyis yul de la dgongs par 'gyur ro/ /phyogs bcu'i byang chub sems dpa' sems dpa' thams cad dang / byang chub sems dpa'i tshogs thams cad yang dag par dgongs par 'gyur ro/ /sems can thams cad la dbugs 'byin par ston par 'tshal bar 'gyur ro/ /sems can thams cad yongs su bsrung ba'i don du nyi ma dang / zla ba rgyu skar gyi tshogs dang bcas pa legs par 'byor bar 'gyur ro/ /'phags pa spyan ras gzigs dbang phyug rtag par rgyun du skyes pa dang / bud med dang / khye'u dang / bu mo thams cad la bu gcig pa bzhin du dbugs 'byin par 'gyur ro/ /yongs su srung ba dang / yid kyi brnag pa thams cad yongs su rdzogs par bgyid par 'gyur te/ yang nas yang du blta bar 'gyur ro/ /de nas des sbyin sreg gi thal pa dang / dri chu skyo ma bgyis te phyogs bzhi kun tu dbang bskur na/ mtshams chen po bcad pa bgyis par 'gyur ro/ /nad gyis zin pa thams cad kyi nad thams cad nye bar zhi bar 'gyur ro/ /rims thams cad la thig le bgyis na/ rims thams cad las thar bar 'gyur ro/ /dri chab dang thal bas @#/ /khrus bgyis na/ thams cad kyi sgrib pa dang / sdig pa thams cad rnam par dag par 'gyur ro/ /btson ra na mchis pa'am/ phyag sbal na mchis pa'i gos la bskus na ral bar 'gyur ro/ /gdug pas zin pa dang / dug gis myos pa thams cad la bskus na gdug par mi 'gyur ro/ /me dgug pa'i sbyin sreg gi cho ga rdzogs so// de nas pad+ma rgya chen po'i dkyil 'khor 'dir pad+ma'i rigs 'phags pa spyan ras gzigs dbang phyug gi don yod pa'i zhags pa'i snying po rnam par grol ba'i dkyil 'khor cho ga zhib mo'i rgyal po chen po brjod par bgyi ste/ 'di ni/ ma bsgrubs par las brgya stong bgyid par 'gyur ro/ /tshes grangs rgyu skar bzang po dang / /shin tu bkra shis mchog dge la/ /legs bar khrus bgyis gos gtsang bgo/ /byams pa'i sems la mnyam par bzhag /sems can kun las brtse ba dang / /snying rje dam bas brgyan pa dang / /don yod zhags pa'i rig sngags tshe/ /grub pa bla med cho ga'i rgyal/ /bklags pas las rnams thams cad dag /'grub par bgyid de som nyi med/ /'jig rten bla ma'i snying po dag de bzhin gang dag rtag brjod na/ /lus can rtag tu mchog sbyin gyi/ /phyag na pad+ma rtag tu 'gyur/ /ji ltar gang+gA'i bye snyed kyi/ /sangs rgyas bye ba phrag stong la/ /bsod nams phung po khri phrag skyed/ /dge ba'i rtsa ba gsog pa dang / /sangs rgyas bya ba bgyid par 'gyur/ /smyung ba bgyis nas bzlas brjod gcig /mkhas pa'i mis ni brjod bgyis pa/ / dge slong pha dang dge slong ma/ /dge bsnyen pha mas de bzhin du/ /bde ba can du myur du mchi/ /sdug bsngal mi bzang myong 'gyur ba'i/ /nyon mongs pa las thar par 'gyur/ / rtag tu sangs rgyas byang sems dag /mthong bar 'gyur te som nyi med/ /de nas don yod zhags pa'i snying po'i cho ga ji lta ba bzhin du bzlas brjod kyi cho ga brjod par bgyi ste/ bzlas brjod kyi ni las bgyis na/ /rig sngags 'chang ba de nyid 'grub/ /don yod zhags pa'i gzugs brnyan gyi/ /mdun du ba lci'i dkyil 'khor bgyi/ /gru bzhi kho ra khor yug tu/ /tshon rtsi dkar po zhib mo yis/ /gru bzhi lhag par thig gdab bo/ /ngos bzhi rnams su sgo bzhi dag /dbus nas ngos bzhir gshis su dbab/ /tsan+dan dkar pos bri ba ni/ / dkyil 'khor mchog la pad+ma dang / /'dab brgya gur gum gyis gtor cing / /pad+ma'i ze ba'i dkyil dag tu/ /ma zhom pa yi bum pa ni/ /spos chab kyis ni bkang ba yis/ /yungs kar ldan pa gzhag par bgyi/ /a ga ru yi bdug pa dbul/ /bum pa gang ba dgod par bgyi/ /me tog sna tshogs brgyan par bgyi/ /mchod yon snod kyang bzhi gzhag go/ /rig @#/ /sngags 'chang ba gtsang gyur par/ /gtsang ma'i gos ni bgo bar bgyi/ /legs bkrus rnam par dag pa dang / /gso sbyong dag ni blangs pa dang / /dkar gsum zas ni 'tshal nas su/ /dus gsum du ni khrus bgyi'o/ /dus gsum bzlas brjod bgyi ba ni/ /don yod zhags pa'i snying po dag /dus gsum du yang brgya rtsa brgyad// 'phags pa 'jig rten dbang phyug gi/ mngon sum skyil mo krung bcas te/ /bzlas brjod phyag rgya bcings nas su/ /bgrang phreng dag ni blang bar bgyi/ /mdzub mo dag ni mthe bo dag/ brkyang nas zhi zhing dul ba yi/ /yid kyis byams sems mnyam par gzhag /ting 'dzin brtan pas lus snyoms par/ /legs par bzhag ste zhi bar lta/ /tshig gzhan mi smra bzlas brjod bgyi/ /bzlas brjod bgyis pa tsam gyi mod la sa chen po g.yo bar 'gyur ro/ /don yod pa'i zhags pa'i phyag rgya bcings te phyag bgyis na/ sa chen po yang g.yo bar 'gyur ro/ /brtan pa'i sems kyis skrag par mi bgyi'o/ /sems can thams cad la mchog tu brtse bas 'phags pa spyan ras gzigs dbang phyug don yod zhags pa zhabs mthong ba tsam du bris la/ ji tsam na khro bo'i rgyal po lan bdun bla'o/ /lan bdun bzlas pa tsam gyi mod la sa chen po g.yo zhing sgra 'byung bar 'gyur ro/ / 'phags pa spyan ras gzigs dbang phyug gi dpral ba nas 'od zer byung nas kun tu snang bar 'gyur ro/ /rig sngags 'chang de yang cher snying dga' ba dang / bzhin 'dzum pa dang / shin tu rab tu dga' bas spu zing zhes bgyid par 'gyur ro/ /de nas bcom ldan 'das kyi gdong du blta bar bgyi ste/ gdong du bltas pa tsam gyi mod la bcom ldan 'das 'phags pa spyan ras gzigs dbang phyug gi ngo g.yas pa nas legs so zhes bgyi ba'i sgra 'byung bar 'gyur ro/ /mig sgyur bar bgyid cing kun tu legs so/ /zhes bgyi ba'i sgra byung na/ rig sngags 'chang gis sgrib pa thams cad rnam par dag pa thob nas lus yongs su dag pa chen po dang ldan par 'gyur ro/ /de bzhin gshegs pa bye ba sa ya phrag brgya stong la dge ba'i rtsa ba bskyed par 'gyur ro/ /byang chub sems dpa' thams cad kyis lta ba'i 'os su 'gyur ro/ /lus 'jam pa dang / shin tu gzhon sha chags pa dang / mnyen par 'gyur ro/ /skra cung zad 'khyil ba dang / mnyen pa dang / snyan pa'i tshig smra bar 'gyur ro/ /mig yongs su dag pa 'thob par 'gyur ro/ /lus yongs su dag pa dang / yid yongs su dag pa dang / gnyer ma dang / skra skya bo spangs par 'gyur ro/ /sems can thams cad la lta ba dag pa zhes bgyi ba'i ting nge 'dzin thob par 'gyur ro/ /ji tsam du 'dug ce na/ 'phags pa spyan ras @#/ /gzigs dbang phyug rang gi gzugs ston cing dbugs 'byin par bgyid de/ lag pa g.yas pa spyi bor bzhag nas mchog thams cad stsol bar 'gyur ro/ /nam mkha' la mchi ba'am/ mi gda' bar bgyi ba'am/ lha'i mig 'thob pa'am/ sangs rgyas kyi zhing la blta ba'am/ ting nge 'dzin rab tu 'thob pa'am/ gzungs rab tu 'thob pa'am/ don yod pa'i zhags pa'i snying po'i cho ga zhib mo 'grub pa'am/ gtsug lag smra ba'am/ gsang sngags smra ba'am/ thos pa 'dzin pa nyid dam/ gter smra ba'am/ nor sgyur ba smra ba'am/ mig 'phrul smra ba'am/ 'jig rten du 'gro ba'am/ phug tu 'jug pa'am/ klu'i gnas su 'jug pa'am/ zhing smra ba'am/ gnod sbyin dgug pa'am| srin po dgug pa'am/ ro langs bslang ba'am/ nags khrod du 'jug pa'am/ ri la rgyu ba'am/ grong khyer du 'jug pa'am/ sman blta ba'i phyir 'jug pa'am/ ral gri'i rig sngags 'chang nyid dam/ grub pa'i rig sngags 'chang nyid dam/ 'khor los bsgyur ba nyid dam/ rgyal po 'thob pa'am/ yul 'thob pa'am/ yul gyi bdag po nyid dam/ dpung chen po rab tu gzhom pa'am/ bskrad pa'am/ rgya mtshor 'jug pa de dag thams cad stsol bar 'gyur ro/ /dgos pa grub pa thams cad stsol bar 'gyur ro/ /ji ltar gang du 'tshal bar yongs su skyong bar 'gyur ro/ /mtshams ma mchis pa lnga rnams 'byang bar 'gyur ro/ /rtag tu bzlas brjod bgyis na/ sems can thams cad la lta ba sgrib pa dang bral pa dag pa zhes bgyi ba'i ting nge 'dzin 'thob par 'gyur ro/ /mig sman sgrub par 'tshal bas des zla ba yar gyi ngo'i tshes brgyad la ldong ros kyi mig sman zangs kyi snod kyi nang du stsal te tsan+dan gyi dkyil 'khor bgyis la/ 'phags pa spyan ras gzigs dbang phyug gi mdun du bzhag nas legs par khrus bgyis te gos gtsang ma bsgos nas 'phags pa spyan ras gzigs dbang phyug gi mdun du skyil mo krung bcas te mchis nas bzlas brjod bgyi'o/ /don yod zhags pa'i phyag rgya'i mtshams bcing bas mtshams bcing bar bgyi'o| |khro bo'i rgyal po lan bdun bzlas par bgyi'o/ /zas dkar gsum 'tshal bar bgyi'o/ /rigs kyi bu pho'am/ rigs kyi bu mo gang yang rung bas 'phags pa'i lam yan lag brgyad kyi bsnyen gnas la goms par bgyis nas bzlas brjod bgyi'o/ /bzlas brjod bgyis pa tsam gyi mod la zangs kyi snod 'bar ba dang / rlangs pa dang / dbu ba 'byung bar 'gyur te/ de blangs nas mig la byugs na/ nam mkha' la rdzu 'phrul gyis mchis nas sangs rgyas kyi zhing thams cad kyi de bzhin gshegs pa thams cad mthong bar @#/ /'gyur ro/ /phyogs bcu'i sangs rgyas rnams mthong ba dang / rig sngags 'chang gi 'khor los bsgyur ba chen por 'gyur ro/ /phug gi gnas phye ba thams cad mthong bar 'gyur ro/ /gter byung ba thams cad mthong bar 'gyur ro/ /lha'i gnas thams cad kyi sgo phye ba mthong bar 'gyur ro/ /gang du 'tshal ba der mchi bar 'gyur ro/ / gnod sbyin dang / srin po dang / 'byung po dang / sha za dang / gdon dang / mi dang / mi ma yin pa dang / phas kyi rgol ba dang / mi mdza' ba thams cad mi gda' bar 'gyur ro/ /tshes brgyad dam/ bcu bzhi'am/ bco lnga la tshig gzhan mi smra bar 'phags pa spyan ras gzigs dbang phyug gi mdun du skyil mo krung bcas te mchis nas lan stong rtsa brgyad bzlas brjod bgyi'o/ /bzlas brjod bgyis pa tsam gyi mod la 'phags pa spyan ras gzigs dbang phyug lha'i bdag nyid kyi rang bzhin gyi gzugs kyis mdun na mchis nas lag pa g.yas pa spyi bor bzhag pa dang / dri med 'phags kyi lta ba'i cho 'phrul zhes bgyi ba'i ting nge 'dzin 'thob cing / de bzhin gshegs pa thams cad kyis gzigs pa'i byin gyis brlabs bkod pa yang dag par lta ba snang ba zhes bya ba'i rdzu 'phrul thob nas tshe'i tshad lha'i bskal pa stong du 'gyur ro/ /bdag nyid lha'i rang bzhin thob pa dang / de bzhin gshegs pa thams cad dang / de bzhin gshegs pa dgra bcom pa yang dag par rdzogs pa'i sangs rgyas 'od dpag med kyis dam pa'i chos kyi gtam gleng bar mdzad pa thos par 'gyur ro/ /bde ba can na gnas pa'i byang chub sems dpa' sems dpa' chen po thams cad bsu ba'i slad du lha'i gzugs kyis mdun na mchis par 'gyur ro/ /skra cung zad 'khyil bar yang 'gyur ro/ /pad+ma snang ba'i gzhal med khang zhes bgyi ba'i khang pa brtsegs ma'i gzhal med khang mthong bar 'gyur ro/ /de nas rang gi lus rdo rje sra ba bdag nyid kyi snying po'i rang bzhin thob par 'tshal na/ rig sngags 'chang des spos chab des bum pa bkang nas lan drug khri nyis stong bzlas brjod bgyis te byang chub sems dpa' 'phags pa spyan ras gzigs dbang phyug gi mdun du nyin zhag gcig mchis par 'gyur pas khrus bgyi'o/ /khrus bgyis pa tsam gyi mod la lus rdo rje las byung ba'i rang bzhin du 'gyur ro/ /de bzhin gshegs pa thams cad de la gzigs par 'gyur ro/ /tshe lha'i lo khrir 'gyur ro/ /gnod sbyin dang / srin po dang / gdon thams cad dbang du 'gyur ro/ /lha dang / klu thams cad kyi dpon por 'gyur ro/ /'jig rten pa'i dgos pa sgrub pa thams cad bgyid par 'gyur ro/ /dran pa tsam mam sems bskyed pa tsam gyi mod la gdon thams cad dang / brjed byed thams @#/ /cad babs nas thams cad smra bar 'gyur te/ bden pa'am/ mi bden pa'am/ yang dag pa'am/ yang dag pa ma lags pa'am/ skal pa dang ldan pa'am| skal ba dang mi ldan pa'am/ byung ba'am/ ma byung ba'am/ 'byor pa dang / rgyas pa dang / bde ba dang / lo legs pa de dag thams cad smra bar 'gyur ro/ /de la sogs te las bgyi ba thams cad bgyid par 'gyur ro/ /bran bzhin du las thams cad rtag tu bgyid par 'gyur ro/ /yang na 'jig rten so sor bsgral bar 'tshal ba'am/ thams cad dbang du gyur nas bzhag par 'tshal lam/ thams cad sems can dmyal ba'am/ dud 'gro'i skye gnas sam/ gshin rje'i 'jig rten las thar par 'tshal lam/ don yod ye shes bkod pa zhes bgyi ba'i ting nge 'dzin thob par 'tshal lam/ rnam par grol ba'i dkyil 'khor sgrub par 'tshal lam/ don yod pa'i zhags pa'i snying po'i cho ga zhib mo sgrub par 'tshal na/ rig sngags 'chang des gzugs brnyan so so ba bzhin du 'phags pa spyan ras gzigs dbang phyug don yod pa'i gzugs su bgyis te ral pa'i thor tshugs dang / ri dwags e na ya'i pags pas brgyan pa/ phyugs bdag gi cha lugs 'chang ba/ rgyan thams cad kyis brgyan pa/ skyil mo krung ngam 'greng ba/ drung na nor bzang pus mo g.yas pa pheb pa/ g.yon na khro bo'i rgyal po gdong gyen du lta ba khro bo'i gzugs lag pa drug pa/ 'od dpag med kyi dbu rgyan thogs pa/ rgyan thams cad kyis klubs pa/ thams cad ring bsrel dang bcas par bgyi ste/ ri'i steng gi pad+ma'i stan la mchis par bgyi'o/ /gtsang mas gos gtsang ma bgos te dus gsum du khrus bgyis nas nyin zhag gcig mchis te rig sngags 'chang gis ba'i rnam lngas nye reg bgyi'o/ /chab dang yungs kar gyi dbang bskur bas dbang bskur bar bgyi'o/ /snying rje chen pos gdungs pa'i snying gis blta bar bgyi'o/ /gal te 'di lta bu'i tshogs mi bgyid na/ bklags pa tsam gyi mod la yang 'grub par 'gyur na/ bzlas brjod kyi las kyi cho gas lta smos kyang ci 'tshal/ yang rig sngags 'chang gang zhig gang+gA'i klung bye ba phrag brgyad cu rtsa brgyad kyi bye ma dang mnyam pa'i de bzhin gshegs pa dgra bcom pa yang dag par rdzogs pa'i sangs rgyas la mchod par 'tshal lam/ lta bar 'tshal lam/ dge ba'i rtsa ba rgya chen po skyed par 'tshal lam/ sems can thams cad dge ba'i rtsa ba la rab tu bzhag par 'tshal ba'am/ thams cad kyi sgrib pa rnam par dag par bgyi bar 'tshal na/ rig sngags 'chang des dge slong pha'am/ dge slong ma'am/ dge bsnyen pha'am/ dge bsnyen ma'am/ rgyal @#/ /po'am/ btsun mo'am/ gzhan su yang rung bas thams cad cho ga 'di bzhin bgyis te/ des ci 'byor ba'i gser las don yod pa'i zhags pa'i gzugs brnyan bgyi'o/ /de nas kha shar phyogs su bstan te bzhag la gur gum gyi dkyil 'khor bgyis te/ gru bzhi cha 'byes par li khris thig gdab par bgyi'o/ /dkyil 'khor dbus su pad+ma'i phreng ba bgyi'o/ /pad+ma'i phreng ba'i dbus su ril ba spyi blugs dang / bgrang phreng gzhag par bgyi'o/ /me tog sna tshogs kyis mdzes par bgyi'o/ /spos chab kyis bkang ba'i bum pa me tog ci 'byor pas legs par brgyan pa bzhi gzhag par bgyi'o/ /mchod yon gyi snod lnga gzhag par bgyi'o/ /pog phor lnga las a ga ru'i bdug pas bdug par bgyi'o/ /dris bsgos pa'i mar me bcu drug sbar bar bgyi'o/ /'phags pa spyan ras gzigs dbang phyug la mchod par bgyi'o/ /me tog dang / bdug pa dang / dri dang / phreng ba yang dbul bar bgyi'o/ /'jig rten dbang phyug gi mdun du skyil mo krung bcas te mchis nas don yod zhags pa'i phyag rgya bcings te bdag nyid la dbang bskur bar bgyi'o/ /khro bo'i rgyal po lan gcig bzla bar bgyi'o/ /de bzhin gshegs pa thams cad la dmigs pa yid la bgyis nas phyogs bcur yid kyis mchod cing phyag bgyi'o| |bzlas brjod kyi phyag rgya bcings te bzlas brjod bgyi'o/ /bzlas brjod brgya rtsa brgyad bgyis pa dang / sa chen po g.yo bar 'gyur ro/ /bdag nyid dga' bar gyur nas 'bar bar mthong ngo / /de bzhin gshegs pa de dag thams cad kyang zhal mngon sum du ston pa nye bar ston par 'gyur ro/ /'phags pa spyan ras gzigs dbang phyug gi ral pa'i gseb 'bar bar gyur nas legs so/ /zhes bgyi ba'i sgra 'byung bar 'gyur ro/ /lan brgya rtsa brgyad lan gnyis bzlas brjod bgyis na/ grub pa chen po'i rtags ston par 'gyur ro/ / 'phags pa spyan ras gzigs dbang phyug gi phyag brkyang nas rig sngags 'chang gi spyi bor 'jog par 'gyur ro/ /de bzhin gshegs pa thams cad gzigs pa zhes bgyi ba'i ting nge 'dzin thob par 'gyur ro/ /don yod zhags pa grub pa'i rig sngags 'chang bar 'gyur ro/ /nyi ma'i rtse na de bzhin gshegs pa de dag kyang mthong bar gyur nas sangs rgyas kyi zhing thams cad ston par 'gyur ro/ /de bzhin gshegs pa thams cad kyi dge ba'i rtsa ba dang ldan par 'gyur ro/ /brgya rtsa brgyad pa lan gsum bzlas na/ 'phags pa spyan ras gzigs dbang phyug gi gzugs skya rengs 'char ka'i dus su mdun du mchis nas pad+ma dri ma med pa zhes bgyi bgyi ba'i zhags pa stsol bar 'gyur ro/ /grub pa thams cad stsol @#/ /bar 'gyur ro/ /rgyal ba 'od dpag med kyang legs so/ /zhes bgyi ba stsol bar 'gyur ro/ /gang su yang rung bas 'phags pa spyan ras gzigs dbang phyug gi gzugs mthong na/ de ni/ de bzhin gshegs pa drug khri la dge ba'i rtsa ba bskyed par 'gyur ro/ /de la lha thams cad dang / tshangs pa la sogs te dbang phyug dang / dbang phyug chen po'i lha'i bu rnams rtag tu lta 'tshal bar 'gyur ro/ /nad thams cad dang bral bar 'gyur ro/ /mchog thams cad yongs su rdzogs nas rtag tu rjes su 'brang zhing srung ba dang / skyob pa dang / sbed pa bgyid par 'gyur ro/ /sdig pa thams cad dang bral bar 'gyur ro/ /'phags pa don yod pa'i zhags pa'i cho ga zhib mo'i rgyal po/ bam po brgyad pa/ des ci 'byor ba'i gser la 'phags pa spyan ras gzigs dbang phyug don yod pa'i zhags pa byas la de nas zhal shar phyogs su bstan te bzhag la gur gum gyi dkyil 'khor gru bzhi pa legs par 'byes pa byas te li khris thig btab la dkyil 'khor gyi dbus su pad+ma bri/ pad+ma'i dbus su ril pa b+h+ring ka ra dang / bgrang phreng bri| me tog sna tshogs bkam la bum pa spos chus bkang la me tog ci 'byor pas legs par brgyan pa bzhi gzhag mchod yon gyi snod lnga gzhag par bya zhing / pog phor lnga nas a ga ru'i bdug pas bdug par bya'o/ /spos sna bcu drug dang ldan pa'i til mar gyi mar me bltams te 'phags pa spyan ras gzigs dbang phyug la mchod pa bya zhing / me tog dang / bdug pa dang / dri dang / phreng ba dag kyang dbul bar bya'o/ /'jig rten dbang phyug la mngon du phyogs te skyil mo krung bcas la don yod pa'i zhags pa'i phyag rgya bcings la bdag nyid la dbang bskur ro/ /khro bo'i rgyal po lan gcig bzlas la phyogs bcu'i de bzhin gshegs pa thams cad yid la byas te yid kyis phyag byas la/ lus kyis kyang phyag byas te bzlas brjod kyi phyag rgya bcings la bzlas brjod bya'o/ /brgya rtsa brgyad bzlas pas sa chen po g.yo bar 'gyur zhing bdag nyid snying dga' la 'bar bar snang ngo / /de bzhin gshegs pa de dag thams cad zhal nye bar ston par mdzad do/ /'phags pa spyan ras gzigs dbang phyug gi dbu ral pa'i gseb 'bar zhing legs so zhes bya ba'i sgra 'byung ngo / /brgya rtsa brgyad bzlas pa gnyis pas ni/ dngos grub chen po'i mtshan ma ston to/ /'phags pa spyan ras gzigs dbang phyug gi phyag brkyang ste rig sngags 'chang gi mgo'i spyi bor 'jog par 'gyur ro/ /de bzhin gshegs pa thams cad la rnam par lta ba zhes bya ba'i ting nge 'dzin thob par 'gyur ro/ /rig sngags 'chang la don yod pa'i zhags @#/ /pa grub par 'gyur ro/ /tho rangs de bzhin gshegs pa de dag zhal ston par 'gyur ro/ /sangs rgyas kyi zhing thams cad ston par 'gyur ro/ /de bzhin gshegs pa thams cad kyi dge ba'i rtsa ba dang ldan par 'gyur ro/ /bzlas brjod brgya rtsa brgyad gsum pas ni/ skya rengs shar ba'i dus kyi tshe 'phags pa spyan ras gzigs dbang phyug rang gi gzugs kyis mdun na bzhugs te/ pad+ma'i dri ma med pa zhes bya ba'i zhags pa sbyin par mdzad cing / dngos grub thams cad sbyin par mdzad do/ /rgyal ba 'od dpag med legs so| |zhes bya ba sbyin par mdzad do/ /gang la 'phags pa spyan ras gzigs dbang phyug gi skur bstan pa ste/ de bzhin gshegs pa stong phrag drug cu rtsa bzhi la dge ba'i rtsa ba bskrun par 'gyur ro/ /lha thams cad dang / tshangs pa la sogs pa dbang phyug dang / dbang phyug chen po dang / lha'i bu rnams rtag tu lus ston 'dod par 'gyur ro/ /nad thams cad dang bral bar 'gyur pa dang / mchog thams cad yongs su rdzogs pa dang / rtag tu phyi bzhin 'brang zhing srung ba dang / bskyab pa dang / sba bar byed par 'gyur ro/ /sdig pa thams cad dang bral bar 'gyur ro/ /de nas dngul las 'phags pa spyan ras gzigs dbang phyug don yod pa'i zhags pa'i gzugs snga ma bzhin du byas pa la tsan+dan dkar po'i dkyil 'khor du tsan+dan dkar po'i dri chab kyis bkang ba gzhag par bya zhing mchod yon gyi snod lnga gzhag par bgyi'o/ /me tog sna tshogs bkram zhing tsan+dan dkar po'i bdug spos kyis bdugs te 'phags pa spyan ras gzigs dbang phyug la mchod par bgyi'o/ /dri sna bzhi bcu rtsa gnyis dang ldan pa'i til mar gyi mar me bltam par bya zhing / bdug spos kyi snod bzhi bcu gzhag par bgyi'o/ /khro bo'i rgyal po lan nyi shu rtsa gcig bzlas brjod byas la rig sngags 'chang gtsang mas gos gtsang ma bgos te don yod pa'i zhags pa'i phyag rgya lan bdun bcing ngo / /bzlas brjod kyi phyag rgya byas te skyil mo krung du 'dug la lag pa g.yon pa'i mdzub mo brkyang pa pad+ma'i tshul du byas la bzlas brjod lan brgya rtsa brgyad bya'o/ /lan brgya rtsa brgyad tshang ba dang / shar phyogs nas legs so zhes bya ba'i sgra grag par 'gyur zhing bdag nyid dga' bar snang ngo / /rgyal po blon po dang btsun mo'i 'khor dang bcas pa dbang du gyur te ming brjod pas dpag tshad stong nas 'ong bar 'gyur ro/ /thams cad kyis bgyi ba ci mchis zhes bran bzhin du 'gyur ro/ /gang bsgo ba de byed bar 'gyur ro/ /de nyid bla mar 'gyur zhing cher mchod par 'gyur ro/ /brgya rtsa brgyad lan gnyis bzlas pas brgya byin dang / tshangs pa dang / khyab 'jug dang / dbang phyug chen @#/ /po dang / gshin rje dang / chu lha dang / rlung lha la sogs pa dbang du 'gyur zhing bsgo ba bzhin byed par 'gyur ro/ /gang bsgo ba byed par 'gyur ro/ /rgyal po bzhi 'khor gnod sbyin gyi tshogs dang bcas pa rnams dbang du 'gyur ro/ /brgya rtsa brgyad lan gsum bzlas pas nyi ma dang zla ba nam mkha' las 'bab cing mdun na 'dug par 'gyur ro/ /mtshan mo'i lha dang nam mkha'i lha 'ongs nas mdun na 'dug par 'gyur zhing dbang du 'gyur ro/ /thams cad ci bgyi zhes pa'i bya ba byed cing 'dug par 'gyur ro/ /brgya rtsa brgyad lan bzhi bzlas pas klu thams cad dbang du byas par 'gyur te/ rgya mtsho'i klu'i rgyal po dga' bo dang / nye dga' bo la sogs pa'i bar thams cad dbang du byas par 'gyur ro/ /zangs las byas pa'i 'phags pa spyan ras gzigs dbang phyug don yod pa'i zhags pa la tsan+dan dkar po'i dkyil 'khor byas te/ me tog dmar po bkram la bdug spos kyi snod bzhi nas bdug par bya zhing mar gyi mar me lnga bcu rtsa gnyis bltam par bya'o/ /mchod yon gyi snod bzhi bzhag la 'phags pa spyan ras gzigs dbang phyug la mchod par bya'o/ /khro bo'i rgyal po lan nyi shu rtsa gcig rjes su dran par bya'o/ /don yod pa'i zhags pa'i phyag rgya bcing bar bgyi'o/ /ras la bris pa'i sku gzugs kyi spyan sngar skyil mo krung du 'dug ste sems can thams cad la dmigs pas de bzhin gshegs pa thams cad yid la bya'o/ /phyogs bzhir byams pa'i lta bas blta bar bya'o/ /sems can dmyal ba dang / gshin rje'i 'jig rten dang / lha ma yin dang / yi dwags kyi yul thams cad yid la bya'o/ /sems can dmyal ba chen po brgyad yid la bya zhing snying rje'i sems kyis blta bar bya'o/ /bzlas brjod kyi phyag rgya pad+ma'i tshul du bcings te bzlas brjod bya'o/ /brgya rtsa brgyad tshang ba dang / phyogs bzhi g.yo zhing sgra grags par 'gyur la dmyal ba ba'i sems can de dag thams cad yongs su grol bar 'gyur ro/ /dmyal ba'i sgo thams cad bcad par 'gyur zhing bcom pa dang / thal bar brlag par 'gyur ro/ /dmyal ba'i sems can de dag bde 'gror 'gro bar 'gyur ro/ /bdag nyid kyang byang chub kyi mthar thug gi bar du dmyal ba'i sdug bsngal gyi tshor ba thams cad las yongs su grol bar 'gyur ro/ /lus kyang mtshan bzang pos brgyan par 'gyur zhing / sems can gang dag gis mthong ba de dag thams cad phyir mi ldog par 'gyur ro/ /brgya rtsa brgyad lan gnyis bzlas brjod byas pas ni/ sa'i 'og gi sems can mun nag pa snang ba dang bral ba de dag don yod pa'i zhags pa'i snying po'i mthus mun @#/ /nag dang bral bar 'gyur zhing 'od zer 'byung bar 'gyur ro/ /yongs su grol ba'i sems can de dag 'phags pa spyan ras gzigs dbang phyug gi gnas su brdzus te skye bar 'gyur zhing / dga' ba dang 'chi ba spangs par 'gyur ro/ /byang chub kyi mthar thug gi bar du kun nas mthu 'phags pa dri ma med pa zhes bya ba'i ting nge 'dzin 'thob par 'gyur zhing tshe bskal ba thub par 'gyur ro/ /shi nas bde ba can gyi 'jig rten gyi khams su skye bar 'gyur ro/ /byang chub kyi mthar thug gi bar du de nyid kyi zhabs kyi drung na gnas par 'gyur zhing mya ngan thams cad dang bral bar 'gyur ro/ /tsan+dan dkar po dang / gla rtsi dang / ga pur dang / spos kyi rigs sna tshogs gzhan dag phye ma zhib mor byas te/ yang legs par btags la/ kun du ru dang / sra rtsi pog dang / gan+d+ha ra sa dang / chu dang lhan cig sbyar te sha kha ra btab la legs par btags pa las 'phags pa spyan ras gzigs dbang phyug don yod pa'i zhags pa sor bzhi pa'i tshad du byas te rgyan thams cad kyis brgyan pa/ ral ba'i thor tshugs dang / e na ya'i pags pa bsnams pa/ phyugs bdag gi cha lugs 'dzin pa/ phyag bzhi gcig na pad+ma thogs/ gnyis pa zhags pa thogs/ gsum pa gsal shing thogs/ bzhi pa dbugs 'byin pa/ gdan pad+ma 'od kyi dkyil 'khor 'dom gang gis brgyan par bya ste/ g.yas su 'phags ma sgrol ma/ g.yon du dri med 'gro bya'o/ /'jig rten dbang phyug gi 'og tu ni/ khro bo'i rgyal po'o/ /gong du ni/ 'od dpag med do/ /de nas rig sngags 'chang gtsang mas gos gtsang ma bgos te dus gsum du khrus bya zhing gos sum phrugs su bsgos la chos brgyad nas tshes bcu lnga'i bar du dus gsum du bzlas brjod brgya rtsa brgyad bya'o/ /spos sna tshogs kyis dkyil 'khor byug par bya zhing tshon sna lngas bri bar bya ste/ dkyil 'khor gyi dbus su don yod pa'i zhags pa dang / rig sngags kyi lha pus mo btsugs te gyen du lta ba bri bar bya'o/ /gra bzhir dbang phyug dang / dbang phyug chen po dang / gshin rje dang / chu lha bri bar bya'o/ /sgo bzhi'i cha 'byes par bya'o/ /dkyil 'khor khor yug tu pad+ma bri bar bya'o/ /gra bzhir spos kyis bkang ba gzhag go /sgo bzhi ra dri dang / gtor ma dang bum pa gang ba gzhag go / dkar gsum gyi gtor ma dang / mchod yon gyi snod gzhag go /me tog sna tshogs dgram par bya zhing a ga ru dang / tsan+dan gyi bdug pa dbul bar bya'o/ spos sna brgya nyi shu rtsa brgyad dang ldan pa'i til mar gyi mar me bltam par bya/ 'phan gdugs bzang po sna tshogs kyis legs par brgyan par bya ste/ byang chub sems dpa' @#/ /'phags pa spyan ras gzigs dbang phyug dkyil 'khor du zhal shar phyogs su bstan la mchod par bya'o/ /ras kyi tshon skud sna lnga pa/ srid du khru bcu drug pa/ thor to gcig tu gser gyi yang mig /thor to gcig tu mu tig gi chun kor btags te sbrul 'khyil ba bzhin du bskyil la dkyil 'khor gyi dbus su bzhag ste gtsang mas gos gtsang mas g.yogs par bya'o/ /rig sngags 'chang dkyil 'khor la mngon du phyogs te skyil mo krung du 'dug la don yod pa'i zhags pa'i phyag rgya lan sum cu rtsa gnyis bcing pa byas la bdag bsrung ngo / /khro bo'i rgyal po lan brgya rtsa brgyad bzlas par byas la dkyil 'khor bcing pa dang / phyogs bcing ba yang bya'o/ /de n as rig sngags 'chang gis bzhin 'dzum gyis rgyas par byas la bzlas brjod kyi phyag rgya bcings te mi smra bar yungs kar 'bru re re nas bzlas brjod stong rtsa brgyad brjod nas ras kyi srang bu'i steng du gtor bar bya ste/ stong rtsa brgyad tshang ba dang ras kyi srad bu de 'bar bar 'gyur zhing / 'od zer sna tshogs 'byung bar 'gyur ro/ /legs so zhes bya ba'i sgra 'byung bar 'gyur te/ rig sngags 'chang / legs so legs so/ /khyod kyis don yod pa'i zhags pa grub kyi/ longs la dgos pa thams cad byos shig /khyod kyis yid bzhin gyi nor bu chen po gnyis don yod pa'i zhags pa pad+ma grub pas 'jig rten pa dang / 'jig rten las 'das pa'i dgos pa thams cad sgrub par 'gyur ro/ /'phags pa spyan ras gzigs dbang phyug de yang 'bar bar 'gyur ro/ /'jig rten dbang phyug gi sku las spos kyi sprin chen po 'byung bar 'gyur te/ spos des dpag tshad drug tsam du khyab par byed do/ /gang la dri mnam pa tsam gyis nad thams cad dang bral bar 'gyur ro/ /sdig pa thams cad dang bral bar 'gyur ro/ /sdug bsngal gyi sgrib pa thams cad dang / byad dang / dug dang / dbyig gi dug dang / phye ma'i sbyor ba rnams 'jug par 'gyur ro/ lus thams cad dri ma med par 'gyur ro/ /sems can thams cad kyang rjes su 'brang bar 'gyur r o| |de nas rig sngags 'chang gis yid bzhin gyi nor bu'i zhags pa de blangs la zangs kyi gab tshe bzang po'i nang du bcug ste 'phags pa spyan ras gzigs dbang phyug gi zhabs drung du gzhag par bya'o/ /nam dgos pa byung ba'i tshe gtsang mas khrus legs par byas te blang bar bya zhing dgos pa bya'o/ /nyin re zhing dus gsum du mchod par bya'o/ /rig sngags 'chang de yang nam mkha' la 'gro bar 'gyur zhing lus yongs su dag par sngon gyi rig sngags 'chang rnams dang lhan cig rtse zhing thams cad dbang du 'gyur ro/ /tshe lo @#/ /stong thub par 'gyur te/ shi nas bde ba can gyi 'jig rten gyi khams su skal ba mnyam pa rnams kyi nang du pad+ma'i snying po la brdzus te skye bar 'gyur ro/ / rig sngags 'chang thams cad kyi 'khor los bsgyur bar 'gyur ro/ /byang chub kyi snying po la mthar thug gi bar du tshe bskal ba brgya phrag stong thub par 'gyur ro/ /'phags pa spyan ras gzigs dbang phyug de yang gang gis mthong ba tsam gyis mtshams med pa lnga la sogs pa zad par 'gyur ro/ /sna ma'i me tog la lan brgya rtsa brgyad bzlas la/ 'phags pa spyan ras gzigs dbang phyug la re re nas dbul bar bya ste/ brgya rtsa brgyad tshang ba dang / rgyal po dang / blon po dang / btsun mo'i 'khor dang bcas pa dbang du 'gyur ro/ /rang nyid nor dang bcas/ dbyig dang bcas/ /'bru dang bcas/ bran pho dang bcas/ bran mo dang bcas te las byed par 'gyur ro/ /sna ma'i me tog rnying pa de bsdus la/ gla rtsi dang / bri yang ku dang / rgya spos dang / ru rta dang / gur gum dang / spang spos dang / swa ma ka dang / spr-i ka dang / na la da dang / bo la dang / yungs kar rnams zhib tu btags pa'i phye ma char pa'i chu dang sbyar ba'i ril bu ni/ dug med par byed pa'i mchog pad+ma zhes bya ste/ thog mar grags pa dang dpal du byed/ nad thams cad sel ba dang / rims nad thams cad nye bar sel bar byed do/ /btsog shu dang / 'bras dang / me dbal dang / rkang shu dang / phol mig dang / lhog pa dang / de thams cad la ni/ bskus na bde bar zhi bar 'gyur ro zhes gsung ngo / nad de dag thams cad la khrus byas na/ sdig pa sel to zhes thub pas gsung ngo / /tshe sbyin par byed/ rgyal po dag yul sbyin par byed do/ /thig le byas te g.yul ngor song na/ thams cad las rtag tu rgyal ba dang / bud med rnams dga' ba dang / dbang du 'gyur bar byed pa'i mchog yin no/ /byad 'joms shing / dug dang / dbyig dang / phye ma'i dug dang / gsang sngags kyi sbyor ba byas pa dag kyang de bzhin no/ /zas za ba dang khrus byed pa na thig le'i byug pa rtag tu byas na/ de thams cad las 'gro ba rnams bde bar thar par 'gyur ro/ /zhes 'jig rten dbang phyug gsung ngo / /klad pa'i nad mi bzad pa la ni/ byug par bya'o/ /mig na ba la ni/ mig sman gyi thur mas so/ /so na ba la ni/ khar mur ro/ /lto ba na ba la ni/ chu dron dang ngo / /rtsib logs na ba la ni/ mar dang byug go/ /yan lag dang nyin lag na ba la ni/ bsku bar bya'o/ /dbang du bya ba la ni/ lag mthil la bsku bas so/ /nad tshabs po cho la ni/ sku mnye dang khrus bya'o/ /gnod sbyin gyi gdon bsal ba la ni/ sna nas gtang ba'i las bya'o/ /bdug pas ni/ gdon thams cad las @#/ /rnam par grol bar 'gyur ro/ /rgyas thebs pa rnams la ni/ mtshogs mar thig le bya'o/ /snying na ba la ni/ chu dron dang lan tshwa bsres pa'o/ /khyim zhi bar bya ba la ni/ 'bras yos dang gsum sbyar bas zhi ba chen por 'gyur ro/ /thams cad du lan nyi shu rtsa gcig bzlas nas so/ /'thab pa dang / rtsod pa rnams la ni/ /ba lang gi lci bas dkyil 'khor byas la me tog bkram ste dri chus bkang ba bzhi bzhag cing 'o mas bkang ba bzhi dang / mchod yon gyi snod bzhi dang / pog phor bzhi bzhag ste/ a ga ru dang / du ru kas bdug go /gu gul la lan nyi shu rtsa gcig bzlas te bdug par bya'o/ /'phags pa spyan ras gzigs dbang phyug la dri chab kyis mchod par bya'o/ / khro bo'i rgyal po yungs kar la lan brgya rtsa brgyad bzlas te phyogs bzhir gtor bar bya'o/ /don yod pa'i zhags pa'i snying po lan dgu bcu rtsa gcig bzlas na/ 'thab pa dang / rtsod pa rnams la smra ba'i mchog tu 'gyur ro/ /g.yul 'gyed pa las rgyal bar 'gyur ro/ /rang gi dpung dang / gzhan gyi dpung yan lag bzhi pa thams cad las rgyal bar 'gyur ro/ /gal te brgya byin rang dang lha ma yin lhan cig pas kyang ma yin na/ mi rnams kyis lta ci smos/ brgya byin dgug par 'dod na/ pad+ma la lan brgya rtsa brgyad bzlas te brgya byin gyi ming nas brjod la 'phags pa spyan ras gzigs dbang phyug la re re nas dbul bar bya zhing dri chab kyang dbul lo/ /gu gul dang / mar dang / yungs kar la lan brgya rtsa brgyad bzlas te shing arka'i me sbar la tshes bcu bzhi la sbyin sreg bya'o/ /bzlas brjod kyi cho ga rdzogs pa dang / brgya byin lha'i dbang po dpung dang bzhon par bcas pa 'ongs nas mdun du 'dug ste bsgo ba bzhin byed cing thams cad dbang du 'gyur ro/ /brgya byin gyi go 'phang ma gtogs pa gang bslangs pa de sbyin par byed de/ de ni/ sems mi bzod do/ /tshangs pa rdog pas mnan te lan brgya rtsa brgyad bzlas na/ brgya rtsa brgyad tshang ba dang / tshangs pa rang gi gzugs kyis mdun du 'dug ste mchog thams cad sbyin par byed do/ /yid la ci 'dod pa sgrub par byed do/ /gu gul la lan dgu bcu bzlas te khyab 'jug la 'dug cing / chu dang yungs kar la lan nyi shu rtsa gcig bzlas te spyi bor gtor na/ khyab 'jug rang gi gzugs kyis mdun na 'dug cing las thams cad byed par 'gyur ro/ /gzugs sna tshogs kyi bar du ston to/ /hi ran n+ya ka shi bu la yang sbyin par byed cing khyab 'jug chen po'i stobs kyi shugs dang ldan par 'gyur ro/ /dbang phyug chen po'i zhal mthong bar 'dod na/ rna ba g.yas par lan brgya rtsa brgyad bzlas te yungs @#/ /kar la lan nyi shu rtsa gcig bzlas nas spyi bor gtor ro/ /gu gul gyi bdug pas bdug cing arka'i chu la lan bdun bzlas te dbul bar bya'o/ /de nas dbang phyug chen po'i gzugs 'gul bar 'gyur zhing legs so zhes bya ba'i sgra 'byung ngo / /de nas dbang phyug chen po rang gi gzugs kyis mdun na 'dug par 'gyur zhing rang gi tshogs kyi 'khor dang bcas pa thams cad dbang du 'gyur ro/ /'dod pa'i mchog thams cad sbyin par byed do/ /mchog gang 'dod pa thams cad sbyin par byed do/ /nag po chen po dgug par 'dod pas gu gul la lan brgya rtsa brgyad bzlas te khrag dang chang dbul bar bya zhing / yungs kar la lan nyi shu rtsa gcig bzlas nas nag po chen po'i steng du gtor na khugs par 'gyur te/ bran bzhin du las thams cad byed par 'gyur zhing / gar mngags pa der 'gro bar 'gyur ro/ /'khor gyi tshogs dang bcas pa dbang du 'gyur ro/ /gnod sbyin gyi gnas thams cad kyi sgo 'byed par 'gyur zhing gang 'dod pa byed do/ /thams cad byams par 'gyur zhing las thams cad byed par 'gyur ro/ / mi smra bar mtshan mo'i dus mtshams gsum du lan nyi shu rtsa re re bzlas na/ mtshan mo'i lha 'khor dang bcas pa dang / mtshan mo rgyu ba dang / nyin par rgyu ba dang / nyin par rgyu ba'i lha dang / klu dang / gnod sbyin dang / dri za dang / lha yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa thams cad dbang du 'gyur te/ las thams cad byed par 'gyur ro/ /thams cad rang gi gzugs kyis rtag tu mdun na nye bar gnas so/ /mtshan mo longs spyod par gzhal med khang thams cad sbyin par byed do/ /gtsang mas gos gtsang ma bgos te khrus legs par byas nas bden par smra zhing byams pa'i sems nye bar bzhag nas sems can thams cad la rtag tu brtse ba dang / snying rje chen pos lhag par dmigs te bzlas brjod rtag tu bya'o/ /bzlas brjod kyi cho ga rim par phye ba'o/ /de nas rtag tu las thams cad byed pa/ dge ba/ zhi ba/ rgyas pa/ drag shul spyod pa/ srung ba/ nad thams cad sel ba/ byad 'jig pa/ dbang du byed pa/ sbyin sreg gi cho ga bshad par bya'o/ /khyim srung bar 'dod pas arga'i yam sreg shing dang / pad+ma dang / yungs mar bsres pa las sbyin sreg brgya rtsa brgyad byas te don yod pa'i zhags pa'i snying po lan brgya rtsa brgyad bzlas brjod byas la khro bo'i rgyal po lan bdun bzlas brjod byas na/ khyim chen po srung bar 'gyur ro/ /'thab pa dang / rtsod pa dang / khrag khrug thams cad dang / phyir rgol ba dang / mi mdza' ba thams cad dang / rims thams cad dang / yams kyi nad @#/ /dang / nad 'go ba thams cad dang / gdon thams cad dang / mu ge'i dgon pa dang / mi ngas dang / skyes pa dang / bud med dang / khye'u dang / bu mo'i mi ngas thams cad zhi bar 'gyur ro/ /lha thams cad kyang srung ba dang / bskyab pa dang / spa ba byed par 'gyur ro/ /dbang phyug dang / dbang phyug chen po yang rtag tu phyi bzhin 'brang bar 'gyur ro/ /'phags pa spyan ras gzigs dbang phyug kyang rtag tu rgyun mi 'chad par sku ston par bzhed par 'gyur ro/ /sbyin sreg gi mar dang / yungs kar dang / gu gul gyi sbyin sreg stong rtsa brgyad byas na/ yul dang / yul 'khor dang / grong khyer dang / yul gru dang / ri khrod dang / ljongs rnams zhi ba chen por 'gyur ro/ /'phags pa spyan ras gzigs dbang phyug gi spyan sngar zla ba nya la me tog dkar po dang / gan+d+ha pri yang ku dang / rgya spos rnams yungs mar dang bsres te sbyin sreg stong rtsa brgyad byas na/ rgyal po blon po dang btsun mo'i 'khor dang bcas pa dang / yul gru dang / grong khyer dang / grong rdal dang / ljongs dang / rta dang / glang po che dang / ba lang dang / ma he rnams dbang du 'gyur ro/ /shing a pa marga'i yaM sreg shing zho dang / sbrang rtsi dang / mar bsres pa dang / me tog dkar po rnams las lan brgya rtsa brgyad sbyin sreg byas na/ yul gru stong thob par 'gyur ro| |'phags pa spyan ras gzigs dbang phyug gi spyan sngar zho dang / sbrang rtsi dang mar bsres pa dang / pad+ma'i sdong po'i yam sreg shing rnams las brgya rtsa brgyad sbyin sreg byas na/ mtshan mo zad pa dang di na ra brgyad brgya 'thob par 'gyur ro/ /me tog ku mud dang / pad+ma sdong bu dang / rtsa ba dang / 'dab mar bcas pa dang / yungs kar bsres te shing seng ldeng gi me sbar la sbyin sreg brgya rtsa brgyad byas na/ log 'dren thams cad las yongs su grol bar 'gyur ro/ /zla ba yar gyi ngo'i tshes brgyad la smyung ba byas te gtsang mas khrus legs par byas la gos dkar po bgos te tsan+dan dang / pri yang ku'i shing dang / 'bras yos dang / mar dang / yungs kar bsres pa'i sbyin sreg stong rtsa brgyad byas na/ nam phyed kyi dus su gnod sbyin mo 'ongs nas zong lnga stong sbyin par 'gyur ro/ /zla ba mar gyi ngo'i tshes bcu bzhi la nyin zhag gcig smyung ba byas te rgya mtshor 'gro ba'i chu klung gi 'gram du song la shing bil ba'i me sbar te bil ba'i me tog dang / mar dang / sbrang rtsi bsres pa stong rtsa brgyad sbyin sreg byas na/ de'i 'og tu gnod sbyin mo rgyan thams cad kyis brgyan pa 'ong bar 'gyur ro/ / nam phyed na rin po che'i za ma tog thogs nas 'ong bar 'gyur te/ rig sngags 'chang des blang bar bya'o/ /gdong du mig blta bar mi bya'o/ /yang brgya rtsa brgyad bzlas brjod byas @#/ /pa dang / rkang pa'i drung du snod por nas btud de rig sngags 'chang 'gum mo zhes zer ro/ /de nas rig sngags 'chang gis khro bo'i rgyal po la lan nyi shu rtsa gcig bzlas brjod bya'o/ /de nas gang gi tshe dgos pa byung ba de'i tshe nam phyed na lan brgya rtsa brgyad bzlas brjod byas na/ gnod sbyin mo 'ong bar 'gyur te/ dgos pa thams cad byed cing bran bzhin du las thams cad byed par 'gyur ro/ /zla ba mar gyi ngo'i tshes bcu bzhi la gang na gter yod pa der song ste stong rtsa brgyad bzlas brjod byas la gtor ma'i cho ga yang gzhag par bya zhing 'phags pa don yod pa'i zhags pa la mchod pa byas la sna ma'i me tog dang / pad+ma'i 'dab ma dang / yungs kar dang / mar bsres pa rnams las sbyin sreg stong rtsa brgyad byas te chu dang / yungs kar la lan nyi shu rtsa gcig bzlas brjod byas nas sa la brdabs na/ de'i 'og tu gter thams cad 'byung bar 'gyur te blangs la dkon mchog gsum gyi sku skal dbul bar bya zhing lhag ma rang gis blang bar bya'o/ /ba ru ra'i shing gi me sbar la til dang / 'bras so pa dang / mar bsres pa las sbyin sreg stong rtsa brgyad byas na/ rgyal po btsun mo'i 'khor dang bcas pa dang / dpung gi tshogs yan lag bzhi dang bcas pa dang / nor dang 'bru dang bcas pa dang / dbyig dang gser dang bcas pa dbang du 'gyur te/ ji srid 'tsho'i bar du gnas par 'gyur ro/ /yungs kar dkar po dang / tsam pa ka'i me tog dang / pad+ma'i yam sreg shing dang / sbrang rtsi dang / mar bsres pa'i sbyin sreg stong rtsa brgyad byas na yul thams cad dbang du 'gyur zhing bud med dang / skyes pa dang / khye'u dang / bu mo dbang du 'gyur ro| |'bras phub lan tshwa dang ldan pa las lan dgu bcu rtsa gcig sbyin sreg byas na/ rigs bzhi'i 'jig rten dbang du 'gyur ro/ /a ga ti'i shing gis me sbar la sbrang rtsi dang / mar bsres pa dang / arga'i me tog las sbyin sreg brgya rtsa brgyad byas la 'phags pa spyan ras gzigs dbang phyug la mchod pa byas na/ nyin re zhing 'di na ra brgya 'thob par 'gyur ro| |pa la sha'i yam sreg shing dang 'bras yos las sbyin sreg stong rtsa brgyad byas na/ gser brgya phrag stong 'thob par 'gyur te/ dkon mchog gsum la mchod pa bya zhing bgo bsha' byas na yang 'byung bar 'gyur ro/ /tshes bco lnga zla ba nya la smyung ba byas te/ rgya mtshor 'bab pa'i chu klung ngam/ chu klung chen po'i nang rked pa nub tsam du zhugs te lan brgya rtsa brgyad bzlas brjod byas la/ yungs kar la lan nyi shu rtsa gcig bzlas nas khros pas chu klung de la brdab par bya'o/ /de nas chu'i nang nas bu mo zhig byung nas rin po che mang po @#/ /dag sbyin par byed blangs la/ phyed kyis dkon mchog gsum mchod par bya zhing 'phags pa spyan ras gzigs dbang phyug la yang mchod pa bya'o/ /tshes bco lnga zla ba nya la smyung ba byas te nam phyed na bcom ldan 'das 'phags pa spyan ras gzigs dbang phyug la mchod pa byas nas a pa marga'i yam sreg shing dang / sbrang rtsi dang / mar dang / sra rtsi bog bsres pa la lan brgya rtsa brgyad bzlas brjod byas la rang gi ming gis sbyin sreg stong byas na/ sdig pa thams cad las grol bar 'gyur zhing nad thams cad dang / gnod pa thams cad las grol bar 'gyur/ phyir rgol ba thams cad dang / mi mdza' ba thams cad 'jigs par 'gyur ro/ /shing arga dang / til dang / yungs kar dang / gu gul dang / mar bsres pa las sbyin sreg byas na/ zhi ba chen por 'gyur ro/ /'bras yos dang / 'o ma dang / mar dang / yungs kar dang / tsan+dan dkar po bsres pa las sbyin sreg brgya rtsa brgyad byas na/ rgyas pa dang / mchog tu dge bar 'gyur ro/ /tshes bcu bzhi la kA ra bI ra'i me tog dang / lan tshwa sna bdun bsres pa dang / shing tsher ma can gyi yam sreg shing yungs kar la bsres pas drag shul spyod par bya'o/ /char mi 'bab pa'i tshe pad+ma dang / tsan+dan dang / yungs kar dang / mar bsres pa la lan nyi shu rtsa gcig bzlas te sbyin sreg brgya rtsa brgyad byas nas khro bo'i gsang sngags lan bdun bzlas na/ ji srid 'dod pa de srid du char gyi rgyun chen po 'bab par 'gyur ro/ /thal ba de blangs la lan nyi shu rtsa gcig bzlas te nam mkha' la gtor na/ ha cang char che ba zhi bar 'gyur ro/ /phyogs bzhir gtor na/ mtshams chen po bcad par 'gyur ro/ /sprin la mngon du phyogs te gtor na/ rlung dang / sprin dang / ser ba rnams 'byung bar mi 'gyur ro/ /gzhan gyi sde mnan pa ni/ til dang / 'bras so ba'i sbyin sreg gis so/ /pha rol gyi dpung zlog pa ni/ sa bon bdun gyi sbyin sreg gis so/ /phug sgrub pa ni/ shing arga'i sbyin sreg gis so/ /arga'i lo ma dang mar bsres pa'i sbyin sreg byas na/ phug gi sgo thams cad 'byed par 'gyur ro/ / nags su 'gro ba'i tshe ku mu da dang / rgya spos dang / yungs kar dang / mar bsres pas nags kyi phug gi sgo thams cad 'byed par 'gyur zhing sman gyi dngos po thams cad rang bzhin du gnas par 'gyur ro/ /shing pa la sha'i me sbar te na le sham brgya stong sbyin sreg byas na/ brgya byin dang / tshangs pa dang / khyab 'jug dang / dbang phyug chen po dang / nyi ma 'ongs nas mdun na 'dug par 'gyur ro/ /sna ma'i me tog dang / kA ra ni kA ra'i me tog dang / ut+pa la rnams mar dang bsres pa las sbyin sreg brgya stong byas na/ zla ba dang / nyi ma 'ongs @#/ /nas mchog sbyin zhing lus la 'od zer btang nas nam mkha' la 'gro bar 'gyur ro/ /a shwat+thas yam sreg shing byas la shu ti dang / nye'u shing dang / arga dang / tsan+dan dang / yungs kar dang / nas dang / mar bsres pa las nyi ma bdun gyi dus mtshams gsum du sbyin sreg nyi shu rtsa gcig byas na/ rgyal po btsun mo'i 'khor dang bcas pa dbang du 'gyur ro/ /gdon dang / gnod sbyin dang / srin po thams cad chad pas bcad na/ 'bras so ba dang / yungs kar dang / lan tshwa'i sbyin sreg bgyis te thams cad la don yod pa'i zhags pa bcing bar bya zhing / khro bo'i phyag rgya dang / gsang sngags lhan cig rjes su dran par bya'o/ /sbyin sreg gi cho ga'o/ /de nas don yod pa'i snying po'i cho ga'i rgyal po chen po ras kyi gzugs mthong ba tsam gyi mod la mnar med pa'i mthar thug pa dang / mtshams med pa lnga byang bar 'gyur bar bshad par bya ste/ ras khru do gru bzhi lham pa/ kha tshar ma chad pa/ skra med pa/ thags ran bzang ba/ shin tu dkar ba/ shin tu sbyangs pa la ri mo mkhan mi smra ba'i dka' thub can/ bsnyen gnas la gnas pa gtsang mas gos gtsang ma bgos pa/ zas dkar gsum za ba dus gsum du khrus byas pa/ lhag ma ma yin pa'i tshon rtsi'i snod gsar pa bzhag ste/ pir gsar pas 'phags pa spyan ras gzigs dbang phyug bzhengs pa'am/ bzhugs pa'am/ skyil mo krung du bzhugs pa bri bar bya ste/ ral pa'i thor tshugs kyis brgyan pa/ e na ya'i pags pa bsnams pa/ phyugs bdag gi cha lugs 'chang ba/ rgyan thams cad kyis brgyan pa/ phyag bcu drug pa/ zhal zhi ba/ spyan phye ba/ dbu rgyan la rgyal ba 'od dpag med bzhugs pa/ zhal g.yas pa'i thor tshugs la zla tshes kyis brgyan pa/ phyag gnyis rdo rje'i thal mo sbyar ba las gyen du pad+ma'i tshul du bya'o/ /phyag gnyis thur du kun tu zhal gyi phyag rgya bya'o/ /phyag gnyis bzlas brjod kyi phyag rgya byas la mdzub mo g.yas pa brkyang ste pad+ma'i tshul du byas la bar na bgrang phreng 'dzin par bya'o/ /phyag gnyis don yod pa'i zhags pa'i phyag rgya bya'o/ /phyag gcig na rtse gsum/ gnyis pa na pad+ma/ gsum pa na don yod pa'i zhags pa'i glegs bam/ bzhi pa na don yod pa'i zhags pa zhags pa tha mal pa 'dra ba/ lnga pa dbugs 'byin pa/ drug pa na ril ba spyi blugs/ bdun pa na rin po che sna tshogs kyis bkang pa'i snod/ brgyad pa na me tog sna tshogs kyis snod thogs par bya zhing / 'od 'dom gang gis brgyan pa/ sku me tog sna tshogs kyi bkra bas mdzes par bya'o/ /ri po Ta la'i khang pa brtsegs pa shin tu mdzes pa/ gru bzhi lham pa/ ka ba bzhi @#/ /zug pa| khri 'phang stegs bu mdzes pa dang ldan pa/ rin po che sna tshogs kyis mdzes par brgyan pa/ pad+ma'i phreng bas mdzes par byas pa/ rdo rje'i phreng bas brgyan pa/ me tog sna tshogs dang / chu shing gi yal gas mdzes par byas pa/ g.yas logs kyi steng na nyi ma/ g.yon logs na zla ba/ gnas gtsang ma'i ris kyi lha'i bu dag lag na me tog sna tshogs mang po thogs te bcom ldan 'das la mchod pa byed par bya'o/ /ri pad+ma 'dra ba zhig snying pos mdzes par byas shing / /sdong po dang ldan pa/ mtshos mdzes par byas pa/ mtsho nyas gang zhing chu srin ma ka ra dang / bzhad dang / shang shang te'u dang / ngur pas brgyan pa/ nor bu rin po che sna tshogs kyis legs par brgyan pa'i ri de'i steng du pad+ma'i gdan dang / seng+ge'i khri bya'o/ /g.yas phyogs kyi phyi rol khang pa'i gnas su dbang phyug bya'o/ /g.yon du dbang phyug chen po rgyan thams cad kyis brgyan par bya'o/ /nang gi gnas su 'phags pa spyan ras gzigs dbang phyug go /g.yas su 'phags ma sgrol ma lus btud de 'dzem bag dang bcas pa bya'o/ /g.yon du dri med 'gro lag pa dbugs 'byin pa dang / nor bzang pus mo btsugs pa bya'o/ /pad+ma'i snying po'i dbus su gnas su khro bo'i rgyal po khros pa'i gzugs can/ lag pa bzhi pa lag na mtshon cha thogs pa ste/ zhags pa dang / dbyug to dang / rtse gsum dang / pad+ma'o/ /pad+ma'i stan la skyil mo krung phyed bcas la lus cung zad btud pa mgo'i steng g.yas g.yon du drang srong bstod rabs byed pa bya'o/ /de nas 'og gi g.yas g.yon du rdo rje'i zom chen po lag na rdo rje'i tshogs mang po 'dug pa dang / gshin rje dang / chu lha dang / rlung lha dang / dbang po dang / lha'i tshogs dag bya'o/ /g.yas phyogs kyi mtsho dang ri'i bar du brgya byin dang / tshangs pa bya'o/ /g.yon phyogs su rgyal po chen po bzhi go cha bgos pa bya'o/ /de'i 'og tu pho nya mo pad+ma'i rigs mdzes ma lag pa 'brel par bya'o/ /lha mo chen mo dpal dang / dbyangs ldan ma dang / 'jigs byed ma dang / mtshan mo'i lha mo dang / sa'i lha mo dang / lo tog gi lha mo bya'o| |dbang phyug gi drung du khro gnyer can bya'o/ /dbang phyug chen po'i drung du gos dkar mo'o/ /ri dang pho nya mo'i bar du srin mo ral pa gcig ma'o/ /ri'i khor yug gru bzhi rin po che sna bdun gyis spros pa bya zhing ljon shing dang / lcug ma sna tshogs dang / me tog gis brgyan cing / mtshe'u mdzes pa me tog sna tshogs kyis brgyan pa dang / seng+ge dang / stag gis gang ba dang / klu'i phrug gu dang / grul bum dag bya'o/ /g.yon du gsar ba chen po lnga bya'o/ /'og tu klu'i rgyal po lnga bya'o/ /thams cad brag gi stan dang / lag na rin po che'i me tog gi @#/ /phor ba thogs te bcom ldan 'das la blta bar bya'o/ /'phags pa spyan ras gzigs dbang phyug gi zhabs drung du rig sngags 'chang pus mo btsugs te lag na me tog dang / pog phor thogs pa bcom ldan 'das la blta bar bya'o/ /steng gi bang rim du thub pa chen po rgyal ba 'od dpag med dang / shAkya'i rgyal po dang / 'jig rten dbang po'i rgyal po bya'o/ /ras kyi sku gzugs 'di mthong ba tsam gyi mod la tshe rabs brgya stong du mnar med pa bsags pa dang / mtshams med pa lnga'i las byed pa de dag thams cad 'jig par 'gyur/ /rnam par 'jig par 'gyur zhing / sems can de dag thams cad kyang yongs su grol bar 'gyur na/ sems can dag pa rnams lta ci smos/ dad pas mos pa rnams dang / dkon mchog gsum mchod pa don du gnyer ba de dag ni/ tshe 'di nyid la 'bras bu che ba dang / phan yon mang po dag tu shes par bya'o/ /de bzhin gshegs pa gang+gA'i klung gi bye ma bye ba khrag khrig brgya stong phrag drug cu rtsa bzhi'i drung du dge ba'i rtsa ba bskyed par 'gyur zhing de dag gi dge ba'i rtsa ba dang ldan par 'gyur ro/ /ras kyi sku gzugs 'di mthong ba ni/ 'phags pa spyan ras gzigs dbang phyug don yod pa'i zhags pa'i snying po dngos su mthong ba yin no// ras kyi sku gzugs 'di mthong ba tsam gyis 'phags pa spyan ras gzigs dbang phyug dgongs par 'gyur zhing sku yang ston par 'gyur ro/ /nyam thag pa tsam gyi mod la sku ston par 'gyur zhing mchog thams cad sbyin par 'gyur ro/ /don yod pa'i zhags pa'i gzungs kyi snying po 'grub par 'gyur ro/ /nad kyis thebs pa dang / nad tshabs chen pos gzir ba dang / nad sna tshogs dang / sdug bsngal brgya stong gis dkrugs pa de dag thams cad mthong ba tsam gyi mod la nad thams cad dang / sdug bsngal thams cad dang / gnod pa thams cad las yongs su grol bar 'gyur zhing sgrib pa dang / nad dang bral bar 'gyur ro/ /tha na dud 'gro'i skye gnas su gtogs pa dag kyang mthong ba tsam gyi mod la yongs su grol bar 'gyur ro/ /ras kyi sku gzugs 'di 'khor mang po mchod pa dang / bkur sti chen po dang / sil snyan dkrol pa mang po dang / gdugs dang / rgyal mtshan dang / ba dan gyis legs par brgyan par byas te grong khyer chen po'am/ rgyal po'i pho brang ngam/ gtsug lag khang ngam/ ljongs sam/ khyim mam/ grong du zhugs na/ ras kyi sku gzugs bzhugs pa tsam gyi mod la 'thab pa dang / rtsod pa dang / 'thab mo dang / khrag khrug dang / mu ge'i dgon pa dang / ming ngas dang / rang gi dpung dang / gzhan gyi dpung gis 'jigs pa zhi @#/ /bar 'gyur ro/ /gnod sbyin dang / srin po dang / 'byung po dang / sha za dang / srul po dang / lus srul po dang / skem byed dang / brjed byed dang / grib gnod zhi bar 'gyur zhing / bde ba dang / lo legs pa dang / dga' ba dang / mi mang po bde ba mang bar 'gyur ro/ /dga' ba dang / yid bde ba mang bar 'gyur ro/ /pha rol tu phyin pa drug gi rjes su 'gro bar 'gyur ro/ /'di mthong ba tsam gyis shi 'phos nas thams cad bde ba can gyi 'jig rten gyi khams su skye bar 'gyur ro/ /bskal pa stong phrag bdun du tshe rabs su tshe rabs dran par 'gyur ro/ /pad+ma'i 'od dri ma med cing rnam par dag pa'i rgyal po zhes bya ba'i ting nge 'dzin byang chub sems dpa' sems dpa' chen pos ma thob pa thob par 'gyur ro/ /pad+ma rab tu gnas pa zhes bya ba'i rig sngags 'chang gi 'khor los bsgyur ba nyid 'thob par 'gyur ro/ /ri mo'i sku gzugs sgrub pa'i cho ga dang / cho ga zhib mo'o/ /de nas don yod pa'i zhags pa'i snying po'i cho ga zhib mo chen po'i dkyil 'khor bshad par bya ste/ chu klung gi 'gram mam/ pad+ma'i mtshe'u 'am| ut+pa la'i mtshe'u 'am/ me tog gi skyed mos tshal lam/ 'bras bu'i kun dga' ra ba'am/ khang bzangs gzhi dag cing sa gzhi yongs su sbyangs pa/ rtswa dang / shing bal dang / skra dang / phub ma dang / sol ba dang / phyag dar gyi phung po dang / gyo mo dang / shing dang / bong ba dang / gseg ma dang / thod pa'i rus pas gang ba dang / shi ba'i ro rnams spangs pa'i sa gzhi'i phyogs na mtshe'u dang / 'bab chu dang / 'bab chu byang phyogs nas 'bab pa dang / nye ba na chu yod cing shin tu mdzes pa/ lho phyogs dang / byang phyogs dang / nub phyogs dang / shar phyogs gang na ljon shing gis mdzes par byas pa/ gang nyams dga' ba/ kha dog dang / gzi byin du ldan pa'i gnas de lta bu rnyed nas chu dang / yungs kar la bzlas te kun tu gtor ro/ /sa gzhi de lta bu sbyang ba ni/ mchog yin no/ /khro bo'i rgyal pos yungs kar la lan nyi shu rtsa gcig bzlas te phyogs bzhir gtor nas kun nas dpag tshad brgya tshun chad phyogs bcing ba dang / dkyil 'khor bcing ba dang / mtshams bcing ba byas par 'gyur ro/ /sdang ba thams cad dang / bgegs dang / log 'dren thams cad kyi skad cig kyang mi gnas par phyogs bzhir byer te dong ngo / /srog chags sdang ba dang / sdang ba'i sems dang / sdang ba'i gcan gzan khro bo gang yin pa de dag thams cad rab tu zhi bar 'gyur zhing lha thams cad srung bar 'gyur ro/ /gnas kyi phyogs der mkhas pas dkyil 'khor bya ste/ gru bzhi lham pa ngos re re zhing khru sum cu rtsa gnyis gzhal bar bya ste/ cha 'byes @#/ /pa gru bzhi cha mnyam zhing mdzes la sgo bzhi dang / rta babs bzhir ldan pa/ 'bras kyi phye ma'i tshon sna bzhir sbyar la de nas dkyil 'khor bri bar bya ste/ tshon sna lnga'i thig skud kyis thig btab nas tsan+dan dkar po'i phur bu btab ste zla ba yar gyi ngo'i tshes brgyad dam/ tshes bco lnga'i tshes grangs dang / rgyu skar bzang po gdams te dkyil 'khor gyi mchog bri par bya'o/ /dang po ni/ dkar pos bri'o/ /gnyis pa ni/ dmar pos so/ /gsum pa ni/ ser pos so/ /bzhi pa ni/ nam mkha'i kha dog gis so/ /lnga pa ni/ mig sman gyi kha dog gis te/ dkyil 'khor gyi dbus kyi snying po 'jigs pa med par cha rnam par mdzes shing gsal bar pir gsar pa dang / tshon dang / snod gsar pas bri bar bya ste| dkyil 'khor gyi snying por pad+ma 'dab ma stong pa khor khor yug stegs bu dang bcas pa bri zhing / pad+ma'i phreng ba tshon gyis mdzes pa bris la/ de'i dbus su sangs rgyas bcom ldan thub pa chen po shAkya'i rgyal po dang / 'od dpag med dang / 'jig rten dbang po'i rgyal po gzhag go /g.yas su mgon po 'jig rten dbang phyug don yod pa'i zhags pa'i cha byad 'chang ba gsang sngags kyi rjes su 'brang ba bya'o/ /g.yon du phyag na rdo rje rnga yab dang rdo rje thogs pa bzhin khro gnyer can/ 'od 'bar bas bskor ba'o/ / 'phags pa spyan ras gzigs dbang phyug gi drung du lha mo sgrol ma dang / dri med 'od 'phro bya'o/ /'phags pa spyan ras gzigs dbang phyug gi 'og tu dkar sham chen po dang / gos dkar mo dang / dkar mo chen mo lag na dbyug pa dang / ril ba spyi blugs thogs pa'o/ /de'i 'og tu srin mo ral pa gcig pa mche ba gtsigs pa/ thod pa'i phreng ba thogs pa/ sbrul gyi mchod phyir thogs pa/ lag pa bzhi pa/ lag pa g.yas pa g.yon gnyis na rdo rje dang / dgra sta dang / g.yas pa'i gung mo lha dang log 'dren la bsdigs par bya'o/ / g.yon du 'phags pa spyan ras gzigs dbang phyug bram ze'i cha lugs 'chang ba ral pa'i tho tshugs kyis bzhugs pa/ 'od dpag med kyi thor tshugs kyis brgyan pa bya'o/ / g.yas g.yon du dbang phyug dang dbang phyug chen po bya'o/ /de'i 'og tu dpal lha mo dang / lha mo dbyangs can ma dang / mtshan mo'i lha mo dang / sa'i lha mo dang / lo tog gi lha mo dang / 'bras bu dang me tog gi lha mo bya'o/ /de'i 'og tu khor yug tu gshin rje dang / chu lha dang / rlung lha la sogs pa bya'o/ /ral pa'i thor tshugs kyis brgyan pa'i drang srong gzhag par bya'o/ /grar rgyal po bzhi go cha bgos pa gzhag par bya'o/ /dkyil 'khor gyi snying po'i dbus dang bar bar du lcags kyu dang / dgra sta dang / rdo rje dang / dbyug pa dang / @#/ /zhags pa dang / lcags sgrog bya'o/ /phyi rol tu tshangs pa dang / drag po dang / lha mo u ma dang / tshangs pa'i drung du lha dbyangs ldan ma khros pa'i gzugs can no| |de dag gnyis kyi bar du dbyug pa dang / ril ba spyi blugs bri bar bya'o/ /grwa gcig tu don yod pa'i zhags pa'i snying po rnam par grol ba'i dkyil 'khor gyi chos kyi rnam grangs gzhag go / grwa gcig tu shi bA ba ha gzhag go /de nas shar phyogs kyi sgor khro bo rta mgrin 'jigs su rung ba'i mig can gzhag go/ /lho phyogs kyi sgor rdo rje chen po ki li ki li zhes bya ba rdo rje rnam par 'dren pa/ lag na rdo rje dang / dgra sta dang / zhags pa thogs par bya'o/ /nub phyogs kyi sgor pho nya mo pad+ma rigs mdzes ma lag pa pad+ma'i rtse mo nas 'dzin par bya'o/ /byang phyogs kyi sgor rdo rje chen po zom zhes bya ba'i tshogs lag na rdo rje dang / zhags pa thogs par bya'o/ /de nas 'jug pa'i sgo nas gser gyi bum pa spos chus bkang ste dar las bcings la rnam pa thams cad dang / me tog gi phreng bas brgyan nas bsam pa ji lta ba bzhin du dkyil 'khor gyi dbus su bzhag ste steng du sna ma'i me tog gi gdu bu gzhag par bya'o/ /tsan+dan dang / gur gum dang / gla rtsi dang / ga pur gyi chu dang / pog phor bzhi bzhag cing a ga ru'i bdug pas bdug go /tshon sna lnga'i ras kyi srad bu mchod phyir gyi srad bu tshad du byas la gser gyi yang mig rtse gsum can gdags par bya zhing / thor to gcig tu me tog pad+ma'i gdub 'khor dang / mu tig dang / rin po ches spras pa zlum por bskyil ba bum pa'i steng du bzhag la mchod pa dang / bsnyen bkur byas te yungs dkar la don yod pa'i zhags pa'i snying po lan stong rtsa brgyad bzlas te de la gdab par bya'o| |tsan+dan dang / ga bur dang / gla rtsi'i phye mas bgos la bgo bar bya'o/ /sgo bzhi'i gnas su dri chab kyis bkang ba'i bum pa dang / zas dkar gsum gyi gtor ma gzhag par bya zhing / gser dngul gyi mchod yon gyi snod sum cu rtsa gnyis dang / spos chus bkang ba brgyad dang / spos chu dkar pos bkang ba brgyad gzhag par bya'o/ /ro dang / dri sna tshogs kyis bkang ba brgyad dang / zho dang / 'o ma dang / spos chus bkang ba brgyad dang / gtor ma la sogs pa dbul ba sna brgyad dang / dbul ba sna drug cu rtsa bzhi ba rnams sha dang / khrag dang / kun dong dang / ke'u dang / kha zas ngan pa dang / btung ba ngan pa spangs te gtsang mas gtsang ma sbyar bar bya'o/ /me tog sna tshogs kyi gcal dgram par bya zhing / gdugs dang / rgyal mtshan dang / lda ldi dang / ba dan gyis brgyan par bya/ pog por sum cu rtsa gnyis gzhag par bya zhing bdug spos sna tshogs mang pos bdug par bya/ spos sna brgyad dang ldan pa'i til mar @#/ /gyi mar me bltam par bya/ dkyil 'khor gyi khor yug tu pad+ma'i phreng ba bri bar bya'o/ /rig sngags 'chang gtsang mas gos gtsang ma bgo bar bya zhing / dus gsum du khrus byas la gos gsum bgo bar bya/ grogs gtsang ma bsgrub par bya'o/ /'jug pa'i cho ga byas pa nas don yod pa'i zhags pa'i snying pos dbang bskur ba'i bar tsam gyis sangs rgyas thams cad kyis yongs su bzung zhing 'jig rten mgon pos byin gyis brlabs pa dang / pad+ma'i rigs pad+ma 'chang ba'i dkyil 'khor chen po don yod pa'i zhags pa'i snying po'i dngos grub la mngon du phyogs par 'gyur ro/ /gang bsam pa thams cad de kho na bzhin byed par 'gyur ro/ /dam tshig thams cad la don yod par 'jug go/ /chos nyid thams cad kyi rnam par grol ba'i dkyil 'khor gyi chos la dam tshig grub par 'gyur ro/ /las kyi sgrib pa thams cad las rnam par grol ba dang / bde ba thams cad kyi rjes su 'gro zhing / lha dang / mi'i dpal thams cad myong bar 'gyur ro/ /lha dang / lha ma yin dang / gnod sbyin dang / srin po'i tshogs kyi bgo skal la dbang bar 'gyur ro/ /rnal 'byor gyi dkyil 'khor dang / gsang sngags la brten par 'gyur ro/ /brdeg pa dang / spyo ba dang / phur bus gdab pa dang / sreg pa dang / bsdigs pa dang / g.yeng ba dang / gsad pa dang / dbang du bya bas mi tshugs so/ /gang dag de lta bu byed pa de nyid kyi lus sam mgo la brgya phrag stong 'gyur du 'bab par 'gyur zhing gzhan gyis phyir bzlas cing dgrol bar mi nus te/ rig sngags 'chang des dgrol bar bya'o/ /de nas rig sngags 'chang des ri mo'i gzugs de dkyil 'khor la mngon du phyogs par bzhag nas don yod pa'i snying po stong rtsa brgyad bzlas la don yod pa'i zhags pa'i phyag rgya lan brgya rtsa brgyad bcing bar bya zhing / khro bo'i rgyal po lan nyi shu rtsa gcig bzla bar bya'o/ /de'i 'og tu dkyil 'khor gyi lha rnams las 'od zer kha dog sna tshogs 'byung bar 'gyur ro/ /bum pa de yang 'bar la ras kyi sku gzugs de yang kha dog sna bdun du 'bar zhing shas cher 'gul bar 'gyur te/ khro bo'i rig sngags 'chang snying dga' bar 'gyur zhing ras kyi sku gzugs las legs so zhes bya ba'i sgra 'byung bar 'gyur te/ rig sngags 'chang / legs so legs so/ /khyod kyis 'phags pa spyan ras gzigs dbang phyug don yod pa'i zhags pa'i snying po grub cing khyod kyis zhags pa 'di yang grub/ khyod kyis yid bzhin gyi nor bu zhags pa'i mchog 'di yang grub kyi/ las thams cad byos shig /de dkyil 'khor gyi cho ga rgyas pa chog grub nas bum pa spos chus bkang ba de @#/ /blangs la lan brgya rtsa brgyad bzlas te rgyu skar rgyal la khrus byas pa'am zla ba yar gyi ngo'i tshes grangs shis pa la khrus byas pa tsam gyi mod la lus thams cad dri ma med cing yongs su dag pa 'thob par 'gyur zhing / dngos po lnga'i bdag nyid yongs su dag par 'gyur te rna ba lnga yongs su dag pa dang / mig lnga yongs su dag pa dang / sna lnga yongs su dag pa dang / lce lnga yongs su dag pa dang / rnam par shes pa lnga yongs su dag pa dang / dbang po lnga yongs su dag pa 'thob par 'gyur ro/ / 'phags pa spyan ras gzigs dbang phyug rtag tu mchog sbyin par 'gyur zhing rtag tu sku ston bzhed par yang 'gyur ro/ /de bzhin gshegs pa thams cad zhal ston par 'gyur ro/ /rtag tu byang chub sems dpa' thams cad dgongs par 'gyur ro/ /lha thams cad kyang de la srung ba dang / bskyab pa dang / sba bar byed par 'gyur ro/ /brgya byin dang / tshangs pa la sogs pa dag kyang 'ong bar 'gyur ro/ /rgyal po bzhi dpung gi 'khor dang bcas te sa'i phyogs der 'ong bar 'gyur zhing / rtag tu rgyun mi 'chad par srung ba dang / bskyab pa dang / sba ba byed par 'gyur ro/ /sred med kyi bu dang / dbang phyug chen po dang / nor bu bzang po dang / gsang ba ba brgya stong phrag du ma srung ba dang / bskyab pa pa dang / sba ba byed par 'gyur zhing / zhi ba dang / bde legs su 'gyur ro/ /shes pa don yod pa dang / shes rab don yod pa dang / thos pa dang / tshul khrims dang / brtson 'grus thob par 'gyur zhing sbyin pa don yod pa'i sbyin par 'gyur ro/ /bsod nams kyi phung po don yod pa dang ldan par 'gyur zhing / 'di lta ste/ pha rol tu phyin pa drug yongs su rdzogs par 'gyur ro/ /rdzu 'phrul dpag tu med pa la mkhas par yang 'gyur ro/ /rig sngags 'chang gi cho ga zhib mo yang 'grub par 'gyur ro/ /stobs dang / brtson 'grus dang / pha rol gnon pa don yod par 'gyur ro/ /sangs rgyas kyi zhing gi yon tan bkod pa phun sum tshogs pa 'thob par 'gyur ro/ /de bzhin gshegs pa gang+gA'i klung gi bye ma sa ya snyed sa ya brgya phrag brgya stong drug cu rtsa bzhi'i dge ba'i rtsa ba yongs su rdzogs pa yang dag par bzung bar 'gyur ro/ /sems can thams cad kyis kyang mchod pa dang / bkur sti bya bar 'gyur zhing thams cad dbang du 'gyur ro/ /mchod rten gyi snying po dang 'dra bar phyag bya ba'i 'os su 'gyur ro/ /dkyil 'khor gyi cho ga zhib mo'o/ /'phags pa don yod pa'i zhags pa'i cho ga zhib mo'i rgyal po/ bam po dgu pa/ de nas byang chub sems dpa' sems dpa' chen po 'phags pa spyan ras gzigs dbang phyug stan las langs nas @#/ /bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar te btud nas bcom ldan 'das la lan gsum bskor ba byas te bcom ldan 'das kyi zhabs la mgo bos phyag byas nas bcom ldan 'das la 'di skad ces gsol to/ /bcom ldan 'das| bdag la pad+ma'i rigs la rnam par grol ba'i dkyil 'khor gyi cho ga / rig sngags chen po'i rim par phye ba cho ga zhib mo don yod pa'i zhags pa'i snying po rig sngags kyi rgyal po chen po mchis te/ bcom ldan 'das kyi spyan sngar de bdag gis yongs su bsgrag par bgyi'o/ /de nas byang chub sems dpa' 'phags pa spyan ras gzigs dbang phyug bzhin 'dzum pas bcom ldan 'das la blta bzhin du don yod pa'i zhags pa'i snying po 'di smras so/ /na ma s+t+rai ya da d+hA nu ga ta pra ti Sh+Thi te b+h+yaH/ sarba bud+d+ha po d+hi satwa b+h+yaH/ na ma pra t+ye ka bud+d+haR+ya shra ba ka saM g+he b+h+yaH/ a tI tA nu ga tA pra t+yud pan ne b+h+yaH/ na maHsamya k+saM ga tA nA ma/ na maHsaM myakasaM pra ti pan nA nAM/ na maHshA ra dwa ti bu tra ya ma hA ma ta ye/ na maHAR+ya mai tre ya bra mu khe b+ha/ ma hA bo d+hi satwa AR+ya ga Na ba re b+h+yaH/ na maHAR+ya a mi tA b+hA ya ta thA ga tA ya ar+ha te samyak+saM bud+d+hA ya/ na mo rat+na tra yA ya/ na maHAr+yA pa lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ ma hA r-i Sh-i A R+ya gaN pa re b+h+yAHna ma skr-i twA AR+ya ba lo ki te shwa ra mu khong+gI r+N+NaM/ a mo g+ha rA dzan nA ma hr-i da yan/ ta thA ga tA saM mu khaM b+ha Shi ti ma hA twA pa raM d+h+ye/ a hi mi dA nI mA bar+t+ti ya Sh+ya mi sid+d+h+yaM tu me man+t+ra pa dAHsarba kAR+ya Ni/ sar+b+ba b+ha ye b+h+yo ma ma sar+b+ba satwA nA ny+tsa rak+Sha b+ha wa tu/ tad+ya thA/ oM tsa ra tsa ra/ tsi ri tsi ri/ tsu ru tsu ru/ ma hA kA ru Ni ka/ bi ri bi ri/ pi ri pi ri/ tsi ri tsi ri/ pa ra ma hA kA ru Ni kA/ si ri si ri/ pi ri pi ri/ tsi ri tsi ri/ ma hA pad+ma ha ste/ ka la ka la/ ki li ki li/ ku lu ku lu/ mahA shud+d+ha sa twa/ e h+ye hi/ bud+d+ha bud+d+ha/ d+hA pa d+hA pa/ ka Na ka Na/ ki Ni ki Ni/ ku Nu ku Nu/ pa ra ma shud+d+ha satwa/ ka ra ka ra/ ki ri ki ri/ ku ru ku ru/ ma hA s+tha ma prAp+ta/ tsa la tsa la/ sany+tsa la ny+tsa la/ bi tsa la bi tsa la/ e Ta Ta e Ta Ta/ b+ha ra b+ha ra/ b+hi ri b+hi ri/ b+hu ru b+hu ru/ e h+ye hi/ mahA kA ru Ni ka/ ma hA pa shu pa ti be Sha d+ha ra/ d+ha ra d+ha ra/ sa ra sa ra/ tsa ra tsa ra/ ha ra ha ra/ ha hA ha hA/ hi hI hi hI/ hu hU hu hU/ oM kA ra ma hA pra h+ma be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta ra/ sa ra sa ra/ ba ra ba ra/ tsa ra tsa ra/ ba ra ba ra/ ba ra da/ ra sh+mi sha ta sa ha sra pra ti maN+Di ta shA rI ra/ dz+wa la dz+wa la/ tA pa tA pa b+ha ga wA na/ so ma A di t+ya/ ya ma/ ba ru Na/ ku be ra/ bra h+men+d+ra/ ri Shi ga na/ a b+h+ya rtsi ta tsa ra Na/ su ru su ru/ tsu ru tsu ru/ pu ru pu ru/ mu ru mu ru/ @#/ /sa nad ku mA rA/ ru dra/ bA sa ba/ biSh+Nu/ d+ha na da/ de ba ri Shi nA ya ka ma hu bi bi d+ha be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta ra/ tha ra tha ra/ g+ha ra g+ha ra/ ya ra ya ra/ la ra la ra/ ha ra ha ra/ ma ra ma ra/ ba ra ba ra/ ba ra ba ra/ ba ra dA ya ka sa man+ta a ba lo ki te/ li ke shwa ra/ ma he shwa ra/ mu hu mu hu/ mu ru mu ru/ mu ya mu ya/ muny+tsa muny+tsa/ b+ha ga wA na/ AR+ya a ba lo ki te shwa ra/ rak+Sha rak+Sha maM sar+b+ba satwa sh+tsa/ sar+b+ba b+ha ye b+h+yaH/ sar+b+bo pa sar+g+ha b+h+yaH/ sar+b+ba gra he b+h+yaH/ sar+b+ba dz+wa re b+h+yaH/ e waM ba d+ha/ ban+d+ha na/ tADa na/ ta rdza na/ rA dza tsau ra ta ska ra/ a g+ni/ u da ka/ biSha shas+t+ra/ pa ri mo tsa ka/ ka Na ka Na/ ki Ni ki Ni/ ku Nu ku Nu/ tsa ra tsa ra/ in+d+ri ya/ ba la bo d+h+yaM ga tsa tu ra AR+Ya sa da t+ya saM pra kA sha ka/ ta ma ta ma/ da ma da ma/ sa ma sa ma/ sa ma sa ma/ ma hA ta mo na d+ha kA ra/ bi d+ha ma na bi d+ha ma na/ Sha Ta pa ra mi tA pa ri pU ra ka/ mi li mi li/ Ta Ta Ta Ta/ Tha Tha Tha Tha/ Ti Ti Ti Ti/ Tu Tu Tu Tu/ e Ne ya tsar+m+ma kri pa ri ka ra/ e h+ye hi I shwa ra/ ma he shwa ra ma hA b+hu ta ga Na b+hany+dza ka/ ku ru ku ru/ pa ra pa ra/ ka Ta ka Ta/ ma Ta ma Ta/ bi shud+d+ha/ bi Sha ya ni bA si na/ ma hA kA ru Ni ka shwe ta ya dz+nye pa bI ta rat+na mu ku Ta/ mA lA d+ha ra/ sar+b+ba dz+nyA shi ra si kri ta ma ku Ta/ ma had b+hu ta ka ma lA laM kri ta ka ra ta la/ d+h+ya na sa mA d+hi bi mok+Sha a pra kam+b+ya| ba hu satwa san+ta ti pa ri pA tsa ka/ ma hA kA ru Ni ka/ sar+b+ba kar+m+ma sA ba ra Ni bi sho d+ha ka/ sar+b+ba bya d+hi pra mo tsa ka/ sar+b+ba A shA pa ri pU ra ka/ sar+b+ba satwa sa mA shwA sa ka/ na mo stu te swAhA/ de nas byang chub sems dpa' sems dpa' chen po 'phags pa spyan ras gzigs dbang phyug gis don yod pa'i zhags pa'i snying po 'di bshad pa tsam gyis 'khor mang po ri dang nags tshal du bcas pa 'di rnam pa drug tu g.yos so/ /'jig rten du snang ba chen po byung bar gyur ro/ /lha'i me tog ut+pa la dang / pad+ma dang / ku mu da dang / puN+Da rI ka dang / man+dA ra ba'i me tog gi char chen pos pus mo nub pa tsam bab par gyur to/ /sil snyan dang / pheg rdob pa'i sgra dag kyang byung bar gyur to/ /mtho ris kyi lha dag gis kyang nam mkha' las bcom ldan 'das la rgyan dang / lhab lhub dag gi char phab bo/ /'khor gyi dkyil 'khor na gnas pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po / gtsang ma de dag thams cad kyis legs so zhes bya ba byin te/ sems can dag pa chen po lags so legs so/ /yid bzhin gi nor bu chen po don yod pa'i zhags pa'i snying po mchog tu rnyed par dka' ba 'di bshad cing / dngos grub mchog gi cho ga zhib mo'i rgyal po 'di @#/ /bshad pas rin po che'i char chen po 'bab bo zhes zer ro/ /de nas de'i phyir dus gsum du bzlas brjod bya zhing gtsang mas gos gtsang ma bgos nas dus gsum du khrus bya zhing zas dkar gsum za bas/ 'phags pa spyan ras gzigs dbang phyug gi spyan sngar dpal lha mo bzhag ste mchod pa byas la yungs kar 'bru re re la brgya rtsa brgyad bzlas nas dpal lha mo la bsnun pa byas na/ tshes bcu bzhi nas bco lnga'i bar du dpal lha mo 'ong bar 'gyur ro/ /mtshams med pa lnga 'byang bar 'gyur ro/ /'phags pa spyan ras gzigs dbang phyug sku ston par 'gyur ro/ /sdig pa thams cad byang bar 'gyur ro/ /mtshams gcad pa dang / zhi bar bya ba la a ga ru dang / tsan+dan gyi bdug spos bsregs la thal ba dang / yungs kar dang / seng ldeng gi phur bu gdab par bya'o/ /rims thams cad la bu mo gtsang mas bkal pa'i srad bu la mdud pa nyi shu rtsa gcig bor la lan nyi shu rtsa gcig bzlas te btags na/ rims thams cad las thar par 'gyur ro/ /nad thams cad la mar dang til mar la bzlas te zangs kyi snod du sangs rgyas la phul ba'i sna ma'i me tog snying po dang / pad+ma ze ba dang bcas pa btab ste bcos pa 'di ni/ grub pa yin te/ zas dang / skom dang / bsku ba dang / sna nas gtang ba'i las bya ste/ nyi shu rtsa gcig bzlas pas nad thams cad las thar bar 'gyur ro/ /byad gcad na/ mar dang sbrang rtsi la lan nyi shu rtsa gcig b zlas te lus la bsku zhing tshigs mas dril la lus kyi dri ma byin par byas te gong bu las gzugs brnyan byas la lan bdun bzlas te mtshon gyis btab nas dug sbyar ma dang / byad dang / gsang sngags thams cad bcad par 'gyur zhing nad thams cad las thar bar 'gyur ro/ /byad chen mo 'jig par 'gyur ro/ /srung ba'i skud pa la lan nyi shu rtsa gcig bzlas te de bzhin du mdud pa por ba byas na/ srung ba chen po byas par 'gyur ro/ /'jigs pa dang / skrag pa dang / dngang pa thams cad dang / 'byung po'i 'jigs pa thams cad kyis mi tshugs so/ /lto na ba la tshwa chu 'jam tsam la lan bdun bzlas te byin na/ lto ba'i nad 'jig par 'gyur ro/ /dug gsad na/ chu la lan bdun bzlas te byin na dug thams cad 'jig par 'gyur zhing mi gdug par 'gyur ro/ /mig na ba la srad bu dkar po rna ba la btags na/ mi nad thams cad 'jig par 'gyur ro/ /sdang ba'i dug mi bzad pa la 'jim pa la bzlas te byug pa byas na/ dug med par 'gyur ro/ /so na ba la ka ra bI ra'i so shing ngam/ sna ma'i so shing ngam/ shing ba gu'i so shing la bzlas te @#/ /zos na so nad zhi bar 'gyur ro/ /mtshams bcad pa thams cad ni/ tshon sna lnga'i srad bu byas la lan nyi shu rtsa gcig bzlas te seng ldeng gi phur bu bzhi la btags te phyogs bzhir btsugs na/ mtshams chen po bcad par 'gyur ro/ /gdon thams cad la tshon sna lnga'i srad bu la lan nyi shu rtsa gcig bzlas na/ gdon thams cad las thar par 'gyur ro/ /srog chags kI Ta dang / lhog pa dang / mgul pa 'gags pa la sbrang rtsi dang pi pi ling ldan par byas te byug go/ mgul 'gags pa la bldag pa byas na| mgul 'gags pa thams cad las thar par 'gyur ro/ /mig nad la spos chu dang / shing pa la sha'i chu dang / pa la sha'i me tog gis bkru bar bya ba'am/ shing mngar gyi chu la lan bdun bzlas te bkrus na/ mig nad thams cad las thar par 'gyur ro/ /rna ba na ba la til mar dang shu ti zangs kyi snod du btsos pas rna ba bkang na/ rna nad las thar par 'gyur ro/ /'thab pa dang / rtsod pa dang / khrag khrug dang / mi snyan pa thams cad la chu la lan bdun bzlas te gdong bkru ba byas na/ thams cad las rgyal bar 'gyur ro/ /dpung dang / stobs dang / yul dang / yul 'khor dang / phyir rgol ba dang / mi mdza' ba thams cad dang / g.yul ngo thams cad du ba lang gi lci bas dkyil 'khor byas la bum pa gang ba bzhi bzhag ste gtsang mas gos gtsang ma bgos la a ga ru'i bdug pa dbul bar bya zhing / 'phags pa spyan ras gzigs dbang phyug la mchod pa byas nas don yod pa'i zhags pa'i snying po'i mdo 'di mchod de bklags pa byas na/ zhi ba chen por 'gyur te/ thams cad byams pa'i sems dang / byams pa'i yid du 'gyur zhing thams cad du rgyal ba thob par 'gyur ro/ /zhi ba chen por 'gyur ro/ /chu des bdag nyid la kun tu gtor te tsan+dan la lan nyi shu rtsa gcig bzlas te snying gar thig le byas te rtag tu dran par byas na/ mtshams med pa thams cad zad par 'gyur ro/ /khyim thams cad srung na/ pad+ma dang / na gu li dang / shing arga'i me tog mar dang bsres pa las sbyin sreg byas na/ khyim srung ba chen po byas par 'gyur ro/ /'byung po'i gdon thams cad las srung ba byas par 'gyur ro/ /yang las thams cad la nor bu sgrub pa'i rdzas 'di dag bsags la cha mnyam par byas te gtsang mas gos gtsang ma bgos la snying po brgya rtsa brgyad bzlas pas las thams cad bya'o/ /dza ya dang / bi dza ya dang / mA gu li dang / gan+d+ha nA dang / ba ru Ni dang / in+d+ra ba ru Ni dang / gan+d+ha pri yaM ku dang / ta ga ra dang / tsa kra dang / ma hA tsa kra dang / so ma rA dzi dang / su man da rnams phye ma zhib mor byas te char pa'i chus @#/ /sbrus la tsan+dan dang / gur gum sbyar ba'i chus brlan te brgya rtsa brgyad bzlas la 'phags pa spyan ras gzigs dbang phyug gi spyan sngar n or bur byas te yang lan nyi shu rtsa gcig bzlas nas a ga ru'i bdug pas bdugs la de nyid bcom ldan 'das kyi zhabs drung du bzhag ste ras kyis g.yogs la grib mar bskams te blangs la/ yang don yod pa'i zhags pa'i snying po lan bdun bzla bar bya zhing / khro bo'i rgyal po lan gsum bzlas brjod byas te mgo blos bzung na/ rgyal po btsun mo'i 'khor dang bcas pas mchod par 'gyur zhing thams cad dbang du 'gyur ro/ /rigs bzhi'i 'jig rten thams cad dbang du 'gyur ro/ /bla ma gcig pur 'gyur ro/ /lha thams cad kyang gzi byin 'jug par 'gyur ro/ /'phags pa spyan ras gzigs dbang phyug kyang rtag tu gzigs par 'gyur ro/ /tshangs pa dang khyab 'jug dbang phyug chen po yang rtag tu phyi bzhin 'brang bar 'gyur zhing dus thams cad du mchog sbyin par 'gyur ro/ /phyir rgol ba dang mi mdza' ba thams cad kyang rtag tu mthun par byed cing dbang du 'gyur ro/ /byad mi bzad pa dang / dug sbyar ma dang / phye ma'i dug dang / gsang sngags dang / g.yeng byed kyis mi tshugs shing thams cad 'jigs par 'gyur ro/ /rtag tu dpal dang / gzi byin dang / bsod nams dang / bkra shis dang / dge ba'i tshogs dang ldan par 'gyur ro/ /de bzhin gshegs pa thams cad de la gzigs par 'gyur ro/ /rtag tu ston pa bzhed par 'gyur/ thams cad du dus thams cad na rgyal ba thob par 'gyur ro/ /skal pa bzang po thogs pa med pa yang 'phel bar 'gyur ro/ /dbung pa la btags na/ glang po che chen po'i stobs dang ldan par 'gyur ro/ /'gyed pa dang / dmag thams cad las rgyal ba chen por 'gyur ro/ /stobs dang / brtson 'grus dang / pha rol gnon pa chen por 'gyur ro/ /rig sngags 'chang gi cho ga zhib mo chen po grub par 'gyur ro/ /gnod sbyin dang / srin po dang / 'byung po dang / sha za'i gdon dang / brjed byed kyi mi tshugs par 'gyur ro/ /nam yang de la rmi lam ngan pa dang / ltas ngan pa 'byung bar mi 'gyur ro/ /byis pa rnams la mgul du btags na/ gdon thams cad dang / rims nad thams cad dang / nad thams cad dang / bcos pa 'phrog pa thams cad kyis mi tshugs so/ /nag po chen po ma mo'i tshogs kyi 'khor dang bcas pa rtag tu rgyun mi 'chad par phyi bzhin 'brang zhing / srung ba dang / bskyab pa dang / sba ba byed par 'gyur/ yun ring du 'tsho bar 'gyur/ tshe ring bar 'gyur ro/ /bud med rnams la @#/ /ska rags gsar pa btags te khrus byas nas gos gtsang ma gsar pa bgos te 'phags pa spyan ras gzigs dbang phyug la mchod pa byas na/ skal pa bzang po mchog dang ldan par byed cing bkra mi shis pa rab tu zhi bar byed/ khyim thab dang rtag tu rjes su mthun par 'gyur/ khye'u dang bu mo yod par 'gyur/ shes rab mchog tu 'gyur/ thams cad dga' bas lta bar 'gyur/ de la bud med kyi skyon yang 'byung bar mi 'gyur/ phyi ma la de lta bu'i bud med kyi lus mi thob par shes par bya ste| shi nas bde ba can gyi 'jig rten gyi khams su skye bar 'gyur ro/ /nor bu 'di btags na/ thams cad du srung ba byas par 'gyur zhing / dug dang / mtshon dang / mes mi tshugs so/ /dug byas pa yang skye bar mi 'gyur ro/ /nor bu 'di btags pas dug med par 'gyur zhing myur du zhi bar 'gyur ro/ /tshor ba skye bar mi 'gyur zhing bde bar zhi bar 'gyur ro/ /rlung dang sprin dang ser ba gnon na/ chu la lan bdun bzlas te nam mkha' la gtor na rlung dang / sprin dang / ser pa thams cad mnan par 'gyur ro/ /bzlog par bya na/ bal po se'u'i lcug mas bzlog par bya'o/ /dran pa bskyed na/ 'phags pa spyan ras gzigs dbang phyug gi spyan sngar mi smra bar don yod pa'i zhags pa'i snying po lan bdun bzlas te nor bu chu dron las btang ba byas na/ 'di bklags pa tsam gyis tshigs su bcad pa stong 'dzin par 'gyur zhing thos pa mang po rgya mtsho bsags par 'gyur ro/ /rgyal srid dang / yul 'khor dang / btsun mo 'khor dang bcas pa dbang du byar 'dod na/ lus bsku ba byas na gang du zhugs pa de thams cad dbang du 'gyur ro/ /pus mo gnyis la byugs na/ chu klung chen po pus mo nub tsam gyis pha rol tu rgol bar 'gyur ro/ /rgyal mtshan gyi rtse mo la btags te dmag gam/ g.yul ngo'am/ tshogs pa'i nang ngam/ ri khrod dang / tshad tshing dang / ri sul dang / dgon par phyin pa na sgreng ba byas na/ bde ba dang / bde legs su rgal bar 'gyur zhing / chom po dang / g.yon can dang / rkun po dang / gcan gzan gtum po'i 'jigs pas mi tshugs par 'gyur zhing bltar med par 'gyur ro/ /btson ra thams cad du song ba na byug pa byas na| shing sgrog dang / khong sgril dang / lcags sgrog gis bcing pa thams cad chag grugs su 'gyur ro/ /bdag nyid la bskus na/ mtshon cha mi snang bar 'gyur ro/ /mig gnyis la bskus na/ gnyid log pa'i tshe rmi lam chen po rmi bar 'gyur zhing ji ltar bsam zhing smon pa snang bar 'gyur ro/ /'phags pa spyan ras gzigs dbang phyug sku ston par mdzad @#/ /cing thams cad bka' stsol bar 'gyur ro/ /de la mig nad thams cad kyis mi tshugs so/ /kha'i nang du bzhag na/ gang bslangs pa sbyin par byed cing dbang du 'gyur ro/ /gdon gyis zin pa la dpral bar byug pa byas na/ byugs pa tsam gyis 'bab par 'gyur te/ thams cad smra bar 'gyur ro/ /lag mthil du bskus nas glang po che la reg na dbang du 'gyur zhing gar btang ba der 'gro bar 'gyur ro/ /dpral ba'i dbus su thig le byas na/ 'jig rten thams cad kyis cher mchod par 'gyur ro/ /mid pa la byugs na/ mgrin sngon bzhin du bram ze thams cad dbang du 'gyur zhing bgyi ba ci mchis zhes bran bzhin du 'gyur ro/ /'o ma dang sbyar te mig la bskus na/ mtshan mo yang nyin mo bzhin du snang bar 'gyur ro/ /gnod sbyin dang srin po'i gnas thams cad kyi sgo phye bar 'gyur zhing gter thams cad 'byung bar 'gyur ro| |thams cad bran bzhin byed par 'gyur ro/ /klu'i gnas kyi mtshor por na klu chen pos char gyi rgyun gtong bar 'gyur ro/ /char ha cang che ba'i tshe chu dang bsres te nam mkha' la gtor na zhi bar 'gyur ro/ /sprin la bltas te sar ba'i rgyun la gtor na/ ser ba 'bab par mi 'gyur ro/ /lag pa la btags na/ gang la reg pa de zad mi shes par 'gyur ro/ /rkang pa'i rje ngar la btags te me'i nang du zhugs na/ mes mi tshugs shing tsan+dan bzhin du bsil bar 'gyur ro/ ral gri la byugs te g.yul ngor song na/ lus thams cad gcig tu 'bar bar gyur nas pha rol gyi dpung thams cad 'byer bar 'gyur zhing thams cad du rgyal bar 'gyur ro/ /nad chen pos thebs pa'i nad pa tshabs po che la phye ma byin na| nad tshabs chen po las thar par 'gyur ro/ /tshad pa dang pho ba na ba la chu dron las btang na/ mod la yongs su thar par 'gyur ro/ /rtsib logs na ba la dar ba las btang na zhi bar 'gyur ro/ /nad thams cad la ni/ zhun mar dang / til mar las sbyar te sku mnye dang / bza' ba dang / btung ba'i nad dang / snar blugs pa dang / byug pa byas na/ nad thams cad 'jig par 'gyur zhing nam yang 'byung bar mi 'gyur ro/ /phug gi sgor khor yug tu byugs la snying po lan bdun bzlas te don yod pa'i zhags pa'i phyag rgya byas la/ khro bo'i rgyal po gsang sngags lan gcig bzlas brjod byas nas zhugs na/ phug gi sgo chag ste rang gi khyim du 'gyur zhing sdang ba thams cad zlog par 'gyur ro/ /bgegs dang log 'dren thams cad mi snang bar 'gyur ro/ /khar bcug ste mi smra bar snying po'i mdo brjod par byas na/ lan brgya phrag stong bzlas par 'gyur ro/ /de bzhin gshegs pa thams cad @#/ /kyi dge ba'i rtsa ba dang ldan par 'gyur ro/ /shing rta'i srog shing la byugs na/ g.yul ngo thams cad du rgyal ba thob par 'gyur ro/ /zong la gtor na/ rin chen pos nyo bar 'gyur ro/ /bu mo'i gdong bkrus na/ mgo yang bar 'gyur ro/ /snying gar thig le byas na/ thams cad du bltar med par 'gyur ro/ /thams cad du 'dod pa thams cad sbyin pa/ las thams cad byed pa/ bdag srung ba/ gzhan srung ba'i nor bu gang dang gang la sbyar zhing bzlas pas thams cad du bltar med par 'gyur ro/ /bgegs dang log 'dren rnams la til dang chu la lan bdun bzlas te byin na/ bgegs dang log 'dren thams cad zhi bar 'gyur ro/ /byur ngan pa med par bya na/ ras la dkyil 'khor z lum po bris la 'phags pa spyan ras gzigs dbang phyug gi spyan sngar mi smra bar bzlas brjod stong rtsa brgyad bzlas la mchod pa rgya chen po byas te gtsang mas gos gtsang ma bgos te a ga ru'i bdug pas bdug par bya zhing spos dang ldan pa'i til mar gyi mar me bltam pa byas na/ bzlas brjod byas pa tsam gyi mod la byur ngan pa thams cad med par 'gyur ro/ /dbul ba nyams pa'i don dang / ma grub pa dang / sdig pa dang / rmi lam ngan pa dang / ltas ngan pa dang / sgrib pa bsal na/ gser ram dngul gyi bum pa spos chus bkang ba lan brgya rtsa brgyad bzlas te blugs na/ de dag thams cad 'jig par 'gyur zhing 'jig rten pa'i dpal chen po nyams su myong bar 'gyur ro/ /gdon thams cad tshar gcad na/ til dang 'bras so ba'i sbyin sreg gis so/ /nad dang gnod pa thams cad bsal na chu la bzla'o/ /dus ma yin par 'chi ba zhi bar bya na/ dus gsum du lan gsum gsum du rtag tu bzlas pas dus ma yin par 'chi ba zhi bar 'gyur ro/ /bcing ba dang lcags sgrog dang khong sgril gzhom na/ nyin re zhing brgya rtsa brgyad bzlas pas so/ /rgyal po dbang du bya na/ lam po cher brgya rtsa brgyad bzlas na/ rgyal po 'khor dang bcas pa dbang du 'gyur ro/ /chom po dang rkun po rengs par bya na/ rA dza ko shA ka'i sa bon gyi sbyin sreg gis so| |me rangs par bya na/ seng ldeng gi shing la bzlas te mer bcug nas bzlas na me rengs par byed par 'gyur ro/ /chu rengs par bya na/ ka la ka'i sa bon chu'i nang du btab na chu rengs par byas par 'gyur ro/ /dug gzhom na/ rma bya'i sgros so/ /mtshon rengs par bya na/ shing gnam lcags kyis tshig pa'i thal ba la bzlas te gtor na mtshon cha thams cad rengs par 'gyur ro/ /ting nge 'dzin sgrub na/ ting nge 'dzin gyi phyag rgya bcings te bzlas na ting nge 'dzin stong thob par 'gyur ro/ /pha rol tu phyin pa drug rdzogs par 'dod pa'i rig @#/ /sngags 'chang dge slong ngam/ dge slong ma'am/ dge bsnyen nam/ dge bsnyen ma des ba lang gi lci bas dkyil 'khor gru bzhi pa cha shin tu mdzes pa byas te tsan+dan gyis mchod par bya zhing gur gum dang / gla rtsi dang / ga pur gyis mchod nas me tog sna tshogs bkram ste 'phags pa spyan ras gzigs dbang phyug mngon du phyogs par bzhag nas bum pa spos chus bkang ba bzhi bzhag la mchod yon gyi snod bzhi dang / pog phor bzhi spos chu'i bum pa'i dbus su gzhag par bya zhing / a ga ru'i bdug pa dbul bar bya'o/ /bum pa'i steng du bcom ldan 'das ma shes rab kyi pha rol tu phyin pa gzhag par bya/ rgyan thams cad kyis brgyan par bya zhing spos kyi mar me bzhi bltam par bya/ mchod pa rgya chen po bya/ ba dan gyis brgyan par bya zhing dkyil 'khor byas la dkyil 'khor gyi dbus su skyil mo krung du 'dug ste bzlas brjod stong rtsa brgyad bya/ khro bo'i rgyal po lan brgya rtsa brgyad bzlas brjod byas na/ pha rol tu phyin pa drug yongs su rdzogs par 'gyur zhing / 'phags pa shes rab kyi pha rol tu phyin pa sku ston par 'gyur ro/ /dge ba'i rtsa ba'i tshogs thams cad yongs su rdzogs par 'gyur ro/ /sems can brgya stong mang po gdul na/ ri'i rtse mor stong rtsa brgyad bzlas pas so| |sdang ba thams cad gzhom par 'dod pas rdo rje'am/ mdung rtse gsum la lan stong rtsa brgyad bzlas te don yod pa'i zhags pa'i phyag rgyas tsham ngam bya zhing khro bo'i rgyal po'i bsdigs pa'i phyag rgya bcings te khros pas lan brgya rtsa brgyad bzlas nas gsor te nam mkha' la 'phangs na/ bdud la sogs pa sdang ba thams cad bcom par 'gyur ro/ / las thams cad grub pa dang / gsang sngags thams cad 'grub pa dang / bsam pa thams cad 'grub cing yongs su rdzogs par 'dod pas don yod pa'i zhags pa'i phyag rgya bcings te stong nyi shu bzlas na/ grub pa chen por 'gyur ro/ /de bzhin gshegs pa thams cad kyis dbang bskur bar 'dod pas stong sum cu rtsa gnyis bzlas na/ de bzhin gshegs pa thams cad dbang bskur bar 'gyur te/ de bzhin du spos chu'i bum pas dbang bskur bar bya'o/ /de bzhin gshegs pa'i gzugs brnyan sku gdung dang bcas pa la mig gtad de khri bzlas na/ de bzhin gshegs pa nyid 'thob par 'gyur ro/ /'phags pa spyan ras gzigs dbang phyug gi zhabs mnan te khri bzlas na/ spyan ras gzigs dbang phyug dang 'dra bar 'gyur ro/ /phyag na rdo rje spyan drang bar 'dod pas/ phyag na rdo rje'i zhabs mnan te bzlas brjod lan stong byas nas gu gul gyi bdug pa dbul ba byas na/ 'phags @#/ /pa phyag na rdo rje rang gi sku gzugs kyis mdun na 'dug par 'gyur ro/ /thams cad du khro bo'i rgyal po dran par bya zhing thams cad du don yod pa'i zhags pa'i phyag rgya bcing ba byas na/ ma bsgrubs ma bklags par 'grub cing cho ga zhib mo mtha' yas pa 'grub par 'gyur ro/ /snying rje dang / dga' ba dang / btang snyoms dang / ngo tsha shes pa dang / brtse ba dang / byams pa dang / shes rab dang ldan pas 'di 'grub par bstan to/ /go cha bgos pa grub pa mchog thams cad grub pa thob cing bsod nams kyi phung pos 'bar bar 'gyur ro/ /thog mar khro bo'i rgyal po bzlas pas rtag tu mtshams bcad pa dang / phyogs bcing ba dang / yul bcing bar bya ste/ srung ba mchog tu dkon pa'o/ /de bzhin gshegs pa dang / rgyal ba'i bdag nyid skyes pa thams cad kyis dbang bskur bar 'gyur zhing go cha bgos par 'gyur ro/ / gal te dbang bskur bar 'dod na yang rgyal ba thams cad kyis dbang bskur bar 'gyur ro/ /de bzhin gshegs pas bden pa ston par 'gyur ro/ /don yod pa'i rgyal po'i cho ga zhib mo mchog las khro bo'i rgyal po bshad par bya ste/ gtsang mas gos gtsang ma bgos la shes rab dang byang chub kyi thabs dang ldan pas 'di 'grub par de bzhin gshegs pa thams cad kyis lung bstan to/ /na maHsar+b+ba ta thA ga ta/ AR+ya ba lo ki te shwa ra badzra d+ha re b+h+yaH/ oM tsa ra tsa ra/ tsu ru tsu ru/ ma hA kA ru Ni ka/ tsi ri tsi ri/ baM ri bi ri/ ma hA pad+ma ha sta/ ka la ka la/ ku ru ku ru/ ma hA s+thA ma prAp+ta/ tsa ra tsa ra/ tsa tsa ri ta/ tsa re shwa ra/ e h+ye hi/ sid+d+h+ya sid+d+h+ya/ bud+d+h+ya bud+d+h+ya/ d+hA ba d+hA ba/ ki Ni ki Ni/ ba ra ma shud+d+ha satwa/ ka ra ka ra/ ki ri ki ri/ ku ru ku ru/ ma hA pa shu pa taM pe Sha d+ha ra/ ha hA hi hI hu hU/ oM kA ra ma hA brah+ma be Sha d+ha ra/ tsa ra tsa ra/ ba ra ba ra/ rash+mi sha ta sa ha sra pra ti maN+Di ta sha rI ra/ dz+wa la dz+wa la/ ta pa ta pa/ b+ha ga wA na/ so mA di t+ya/ ya ma/ ba ru Na/ ku be ra/ brah+men+d+ra/ ri Shi ga Na/ de ba ga NA b+h+yartsi ta tsa ra Na/ su ru su ru/ mu ru mu ru/ sa nad ku mA ra/ ru da/ biSh+Nu bA sa b+ha/ d+ha na da/ de ba ri Shi nA ya ka/ ba hu bi bi d+ha be Sha d+ha ra/ d+ha ra d+ha ra/ sa man+tA ba lo ka/ bi lo ki te/ lo ke shwa ra/ mu ya mu ya/ mun tsa mun tsa/ ban+d+ha ban+d+ha na/ tA Da na/ tardza na/ rA dza taska ra ag+ni/ u da ka/ bi Sha shas+t+ra pa ri mo tsa ka/ ka Na ka Na/ ba la bo d+h+yaM ga tsa tu rAR+ya sad t+ya sam pra kA sha ka/ ta ma ta ma/ sa ma sa ma/ ma hA tsi t+ya na d+h+ya kA ra pra sha ma na mi li mi li/ e Ne ya tsarma kri ta pa ri ka ra/ e h+ye hi/ ma Ta ma Ta/ bi shud+d+ha bi Sha ya ni bA si na ma hA kA ru Ni ka/ shwe @#/ /ta ya dz+nyo pa bI ta/ rat+na ma ku Ta mA lA d+ha ra/ sar+b+ba dz+nyA shi ra si kri ta/ ka ra bu Ta d+ha na/ sa mA d+hi/ bi mo k+Sha a pra kam+p+ya/ Sha Ta pA ra mi tA pa ri pU ra ka/ ba hu satwA san+ta ti pa ri pA tsa ka/ sar+b+ba mA rA di pra duSh+Ta pra marda ka /sar+b+ba sid+d+h+ya shA pa ri pU ra ka /a b+hi Shiny+tsa sar+b+ba ta thA ga ta/ a b+hi She kai ra/ b+ha ban+ta/ a mo g+ha rA dza hUM phaT| na mo stu te swAhA/ gsang sngags kyi cho ga snga ma de lta bus las thams cad pa don yod pa'i zhags pa khro bo zhes bya ba grub pa mchog las thams cad pa'o// na mo rat+na tra yA ya/ na ma AR+ya a mi tA b+hA ya/ ta thA ga tA ya/ na ma AR+ya a ba lo ki te shwa rA ya/ bo d+hi satwA ya/ ma hA satwA ya/ mahA ka ru Ni kA ya/ a mo g+hA pa ra da pa sha hastA ya| mA hA/ shud+d+ha satwA ya/ A gats+tsha/ b+ha ga wA na/ pad+ma ha sta/ ba ra da ka rAM gu le/ pad+ma b+hu dze/ ma hA pa shu pa ti/ be Sha d+ha ri/ pri sA da/ shI g+h+raM A gats+tsha/ ma hA be ga/ bi b+ha shI ta ra sh+mi/ ha sa ha sa/ a mo g+ha shud+d+he/ sa ha sa ha/ tsa la tsa la/ A gats+tsha A gats+tsha/ b+ha ga wA na/ a ba lo ki te shwa ra/ ma ma g+han+d+ha pu Sh+pa sa ma mardza ni yaM pra tIts+tsha/ tri rat+na sad t+ye na/ a mo g+ha sid+d+he swAhA/ 'phags pa spyan ras gzigs dbang phyug gi dkyil 'khor na gnas pa thams cad dgug pa a ga ru'i bdug pa la lan nyi shu rtsa gcig bzlas pas so/ /na mo rat+na tra yA ya/ na mo AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ sar+b+ba gan+d+ha ba ti si ta/ a mo g+ha b+hu dza/ ba ra dA ya/ sar+b+ba gan+d+ha mA l+ya/ bi b+hu Shi ta pri ye/ tsan+d+rar+d+ha shri ra si pri ye/ gan+d+ha gan+d+ha nu le pA na sA ma ma pri tits+tsha/ ba ra ba ra ba ra d+ta ya swAhA/ lan bdun bzlas te dbul bar bya'o/ /na mo rat+na tra yA ya/ na mo AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA ka ru Ni kA ya/ tad+ya thA/ hi li hi li/ mi li mi li/ ma hA pra b+ha su bi ma le/ brah+ma be sha d+ha re/ su ma ti ba ra de/ tu ru tu ru/ bi tsi tra puSh+pa mA l+ya bi b+hu Shi te/ ha ra ha ra/ ma ra ma ra/ tu ru tu ru/ a mo g+ha hr-i da ya pra mo da na ku ru pra tIts+tsha ma ma puSh+pa ba re swAhA/ me tog la lan bdun bzlas te dbul bar bya'o/ /na mo rat+na tra yA ya/ na mo AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ ma hA bo d+hi satwA ba ra de/ sma ra sma ra/ b+ha ga wA na/ sa ma ya/ sarba ta thA ga ta shI sid+d+he/ b+ha ga wA na/ a ba lo kA ya/ sar+b+ba satwa a wa lo ka ni/ a mo g+ha pa ti pA sha haste/ sid+d+he sid+d+he/ sid+d+ha ba ra de/ sid+d+h+yan+tu te/ bud+d+ha d+harma saM g+ha sata t+ye na/ tu ru tu ru sad t+ya sa ma ya pA lA ya swA hA/ 'phags pa spyan ras gzigs @#/ /dbang phyug dran par bya ba'i rig sngags so/ /na mo rat+na tra yA ya/ na ma AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA ka ru Ni kA ya/ tad+ya thA/ d+hu re d+hu re/ badzra d+ha ra/ pad+ma dza be/ bi ga tA ba ra de/ be ga be ga/ b+hu Tu b+hu Tu/ sar+b+ba bi dza pri ye/ bu d+d+ha d+ha rma saM g+ha sad t+ye na/ mi li mi li swAhA/ gtor ma'i sngags te/ lan bdun bzlas te sbyin no/ /na mo rat+na tra yA ya/ na mo AR+ya a ba lo ki te shwa rA ya/ bo d+hi satwa ya/ ma hA satwA ya/ mahA kA ru Ni kA ya/ a pra ti ha ta/ ta thA ga tA dz+nyA na kA ya/ b+ha ga wA na/ A ha ra A ha ra/ pad+mA sa na pad+mA b+hu dze/ shwe taM ge/ shwe ta su dze shwe ta ma l+ya bi b+hu Shi te/ d+hu ma d+hu ma/ dz+wa la bud+d+ha d+harma saM g+ha sad t+ye na swAhA/ mar me'i sngags te/ lan bdun bzla'o/ /na mo rat+na tra yA ya/ na mo AR+ya a ba lo ki te shwa ra ya/ bo d+hi satwA ya/ ma hA satwa ya/ ma hA kA ru Ni kA ya/ tad+ya thA/ oM bi ri bi ri/ pad+ma pA Ni a ga mA ga ma a mo g+ha tad twa sid+d+hi sar+b+ba ta thA ga ta ga ga na rash+mi sany+tso di ta/ sar+b+ba bid+ya d+ha ra bi sho d+ha ne/ a mo g+ha sid+d+he swAhA/ spos chu'i dri zhim po'i bum pa la lan bdun bzlas te khrus bya'o/ /khrus kyi rig sngags so/ /na mo rat+na tra yA ya/ na mo AR+ya a ba lo ki te shwa ra ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ d+hu me d+hu me/ d+hu d+hu me/ pad+me pad+ma ni ra b+hA se/ shud+d+ha shud+d+ha ka pa tsa na pra b+ha sa bi ma le/ shud+d+ha rA shI/ shud tsi shud tsi| shu tsi go tsa ra sid+d+he/ pad+maM ga ba ti/ pra ba ra Ni swAhA/ gos kyi rig sngags te/ lan bdun bzlas pas so/ /na mo rat+na tra yA ya/ na ma AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ shA me sha ma ya/ shAn+te me/ ma ma swAs+t+yaM naM ku ru/ shAn+to si mi sar+b+ba pA pa shAn+ta shu d+d+ha ka l+yan be ra dze/ shAn+ti bi dza ya/ dza ya sid+d+he b+ha ga wAn AR+ya a ba lo ki te shwa rA ya sa ra sa ra swAhA/ mal cha la bsngags te nyal na/ rmi lam ngan pa dang / ltas ngan pa thams cad mi mthong ngo / /na mo rat+na tra yA ya/ na ma AR+ya a ba lo ki te shwa ra ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ nA ga prA kaR+Sha Ne/ di ba bya dza la/ dza lA ba he/ dza la saM k+Sho b+ha yaM nA ga dza la saM sho d+ha ni pad+ma sa re/ pad+ma bi shud+d+he/ pA Ni dza la saM sho d+ha ya/ A da man d+ha ra d+ha ra sa le le swAhA/ chu'i sngags te/ khrus dang dbang bskur ba'i chu blangs la lan bdun bzlas te spyad do/ /na mo rat+na tra yA ya/ na ma AR+ya a ba lo ki te shwa rA ya/ bo d+hi satwA ya/ ma hA satwa ya/ ma hA kA ru Ni kA ya/ sar+b+ba satwAM hi ti ka rA ya/ @#/ /a mo g+ha ba ra pra dA ya/ sarba satwaM man na pA na pra dA ya/ de ba nA gA da yA b+ho dz+ya bi d+hi d+ha ra ma nu pra dA ya/ sa ka la b+hu ba ne/ b+hu ba na bi sho d+ha ni/ san+ta rbA yaM pra b+ha ra bi shud+d+he swAhA/ dbul ba'i sngags so/ /na mo rat+na tra yA ya/ na ma AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA k+'a tu Ni kA ya/ sar+b+ba de bA su ra na ma skri te/ sa ma sa man+ta pra pU ra ne/ sa ma gan+d+ha ba b+ha si te/ ga ga na bi shud+d+he/ muk+ti pra b+he/ dza ye/ bi dza ya/ dza ya ni ra mA l+yo pa na ya te/ puSh+pa mA l+ya gan+d+ha bi sho d+ha na/ bi sho d+ha ya/ sar+b+ba ta thA ga ta bi shud+d+he pad+ma bi sho d+ha ni swAhA/ me tog nyid dor ba'i rig sngags so/ /na mo rat+na tra yA/ /na ma A R+ya a ba lo ki te shwa re ya/ bo d+hi satwa ya/ ma hI sa twA ya/ ma hA kA ru Ni kA ya/ tad+ya thA/ d+ha ra Ni na d+ha re b+har Ni ban+d+he/ ban+d+ha ban+d+ha/ shukra bi sho d+ha ni/ shu kra mA la ling+gi ti/ shu kra bi sho d+ha ni/ shud+d+ha bi ma le swAhA/ rtswa ku shAm/ ras kyi srad bu'am/ bu mo gtsang mas bkal ba'i srad bu la lan nyi shu rtsa gcig bzlas te mdud pa nyi shu rta gcig bor ba byas na/ khu chu 'gags par 'gyur ro/ /na mo rat+na tra yA ya/ na mo AR+ya a ba lo ki te shwa rA ya/ bo d+hi satwA ya/ mahA satwA ya/ ma hA kA ru Ni kA ya/ tad+ya thA/ dz+wa le dz+wa le/ bi ma le dz+wa le/ pra b+ha si bi ra dza/ sUR+ya ba ti dza ya pad+ma mA la d+ha re swAhA/ me'i sbyin sreg gi thal ba la lan bdun bzlas te kun tu gtor na/ bgegs dang log 'dren thams cad kyis nam yang mi tshugs so/ /na mo rat+na tra yA ya/ na mo AR+ya a ba lo ki te shwa rA ya/ bo d+hi sa twA ya/ ma hA satwA ya/ ma hA kA ru Ni kA ya/ tad+ya thA/ dza le dza le/ dza la ba ti/ dza la pra b+ha wa ni/ nA ga sra ba Ni/ dib bya bI ri Ni/ mi li mi li swAhA/ nye reg gi rig sngags so/ /na mo rat+na tra yA ya/ na ma AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA k+'a ru Ni kA ya/ tad+ya thA/ ri Ni ha ri Ni/ ping+ga li ping+ga li/ hi ri hi ri/ b+ha ga wAn/ ni tsa la pra tsa la/ pri tI tiSh+Tha mAM rak+Sha rak+Sha ma ma bud+d+ha d+harma saM g+ha sad t+ye na swAhA/ stegs bu'am/ rtswa ku sha bting ba la lan bdun bsngags so/ /stan gyi rig sngags so/ /na mo rat+na tra yA ya/ na maHsar+b+ba maN+Dal ni ba si na de ba tA nAM/ na mo bid+yA de ba tA nAM/ sar+b+ba ka la pa sid+d+ha nAM/ na ma AR+ya a pa la ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ e h+ye hi/ b+ha ga ba te pad+ma sun+da ri/ ma hA bid+yA de ba ti/ tsa la tsa la/ pad+ma sun+da ri/ be ga ba ti/ su ru su ru swAhA/ nyin re zhing me tog dang / bdug pa dang / gtor ma dang spos chus @#/ /pho nya mo pad+ma'i rigs mdzes pa dang / gnod sbyin mo ral pa gcig ma mchod nas bzlas brjod lan bdun byas na/ nam yang bgegs thams cad kyis mi tshugs so/ /na mo rat+na tra yA ya/ na maHkro d+ha rA dza ya/ na mo AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ na maH sar+b+ba sid+ya ku la baM sha s+ya/ tad+ya thA/ oM a mo g+ha hr-i da ya pra b+ha bi ni/ sar+b+ba big+h+nan pra sha ma ni/ A ha rA/ saM ha ra/ pad+ma bi Tho ba biSh+Te/ ma Ni ka Na ka bi b+hu She ta/ ka ma la b+hu dze/ ta ra ta ra ta ra/ tA rA ya ba ra ma/ a mo g+ha hr-i da ya/ dza ya tre ne tre/ ba ra da b+hu dze/ sma ra sma ra/ b+ha ga wA na/ sar+b+ba ta thA ga ta sa ma ya/ b+ha ra b+ha ra/ b+hu ru b+hu ru/ brah+ma be Sha d+ha ra/ bi b+hu Shi ta ta nu/ ma hA b+ha ya ha re/ A lo ka ya/ bi lo kA ya/ sar+b+ba satwA ba lo ki ni/ ba ra ba ra de swAhA/ las thams cad pa'i rig sngags te/ khyad par du ni rig sngags 'dis dkyil 'khor gyi gnas na 'khod pa'i las mi rnams bsrung bar bya'o/ /na mo rat+na tra yA ya/ na ma AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ pa ra pa ra/ ma ra ma ra/ sa ra sa ra/ ban+d+ha ban+d+ha/ sa man+te na/ a mo g+ha pa sha ha ste/ tiSh+Tha tiSh+Tha/ bud+d+ha d+harma saM g+ha sad t+ye na swAhA/ thal ba la lan nyi shu rtsa gcig bzlas te don yod zhags pa'i phyag rgyas yul bcing ngo / /na mo rat+na tra yA ya/ na ma AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ di shA ban+d+ha ni/ a mo g+he/ a pra ti ha te/ mu ru mu ru/ su ru su ru/ tu ru tu ru/ sar+b+ba big+h+Nan bi nA sha ni/ pad+ma sa ra pi phu Shi te/ bud+d+ha d+harma saM g+ha sad t+ye na ban+d+ha/ a dzi ta ba de swAhA/ spyan drangs te phyogs bcing bar bya'o/ /na mo rat+na tra yA ya/ na ma AR+ya a be lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ hi li hi li/ mi li mi li/ si ri si ri/ pi ri pi ri/ ba ra ba ra/ pra b+ha ra bi mA na d+ha ra/ da ra da ra/ gats+tsha gats+tsha b+ha ga wA na/ A r+yA ba lo ki shwa ra sh+tsa/ b+ha ga wA na/ tu ru tu ru/ a mo g+ha pad+me swAhA/ me tog ji snyed pa la lan nyi shu rtsa gcig bzlas te snyim pa nas phul na/ slar gshegs su gsol bar 'gyur ro/ /rig sngags kyi cho ga zhib mo rim par phye ba'i cho ga'o/ /de nas don yod pa'i zhags pa'i rgyal po khro bo chen po'i snying po'i mchog sgrub na sgrub sla ba'i ras kyi sku gzugs kyi cho ga bshad par bya'o/ /cho ga zhib grub grub pa che/ /khro bo'i rgyal grub grub pa mchog /don yod pa @#/ /ni grub pa'i mchog /rig sngags 'di ni bshad par bya'o/ /don yod rgyal po khro chen gyi/ /snying po dam pa sgrub pa na/ cho ga zhib grub grub pa che| |khro bo'i rgyal po grub pa mchog / grub pa'i mchog ste don yod pa/ /rig sngags 'di ni bshad par bya/ /gang brjod pa tsam gyis cho ga zhib mo'i mchog 'grub pa/ sangs rgyas bye ba brgya phrag stong gis gzigs par 'gyur ba/ rdzogs pa'i sangs rgyas gang+gA'i klung gi bye ma snyed brgya stong mthong bar 'gyur ba/ de bzhin gshegs pa 'bum la dge ba'i rtsa ba bskyed par 'gyur ba/ bsod nams kyi phung po bla na med pa/ sdig pa thams cad rab tu zhi bar 'gyur ba/ stobs dang brtson 'grus skyed pa/ cho ga zhib mo thams cad don yod pa/ de kho na nyid sgrub pa 'grub pa/ dran pa tsam gyi mod la ni/ /sa gzhi yang ni g.yo 'gyur la/ /sum cu'i lha rnams g.yo 'gyur zhing / /lhar bcas rgya mtsho lhun por bcas/ /klu rnams 'dir ni yed yed cing / /gnod sbyin srin po 'bros 'gyur ba/ /lha dang lha min g.yul 'gyed tshe/ /rig sngags rgyal po bla med kyis| |phyag na rdo rje gnod sbyin bcas/ /dpung dang bcas shing bzhon bcas pa'i/ /lus skyes 'bar ba'i phreng can kun/ /'dar zhing kun tu 'dar yed yed/ /rgyal po chen po bzhi po yi/ /gnas mchog dag ni g.yo 'gyur zhing / /de dag thams cad 'dus gyur nas/ /'jig rten dbang la skyabs dong zhing / /bcom ldan mgon po bskyab tu gsol/ / thugs rje'i bdag nyid bskyab tu gsol/ /de nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das gang na ba der song ste phyin nas bcom ldan 'das la 'di skad ces gsol to/ /bcom ldan 'das/ bdag la grub pa don yod pa'i snying po rig sngags rgyal po'i snying po 'di gang gis bklags pa tsam gyis don yod pa'i zhags pa'i snying po myur du rab tu 'grub cing / dran pa tsam gyis 'phags pa spyan ras gzigs dbang phyug lha'i lus kyis lus ston par 'gyur ba/ dngos grub dang mchog thams cad sbyin par 'gyur ba mchis te/ bcom ldan 'das/ de bdag gis bcom ldan 'das kyi spyan sngar 'khor gyi dkyil 'khor 'di'i nang du bsgrag par bgyi'o/ /na mo rat+na tra yA ya| na ma a mi tA b+hA ya/ ta thA ga tA ya/ na ma AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM pad+me pad+me/ pad+me d+ha ra bi b+hu Shi ta/ b+hu dze/ tsa ra tsa ra/ brah+ma be Sha d+ha ra/ ba ra ba ra/ bi tsi tra mau la d+ha ra/ ma Ni ka na ka badzra bai DUR+ya laM kri da shA rI ra/ ra ra ta ra/ ta tA ya ta rA ya/ b+ha ga ba ti bA ra Na/ d+hu ru d+hu ru/ a mo g+ha pa sha haste/ @#/ /ba ra ba ra/ ba ra d+ha ya ka /sa man+ta a ba lo ki te/ ma hA bo d+hi satwA ba ra da pad+ma sa na pad+ma gau ra/ dz+wa la dz+wa la/ sar+b+ba ta thA ga ta a b+hi She ka /a b+hi She ka te ma hA kA ru Ni kA ya/ ba la ba la/ ma hA be ga d+ha ra/ bi kri tA na ya na/ daMSh+Ta ka rA la ma hA te dza/ d+ha ra d+ha ra/ pi lu la dza na ba ra da ma hA kA ru Ni kA ya/ ma hA pa shu pa ti bi Sha d+ha ra/ sa ra sa ra/ pra ba ra pu N+ya saM b+ha ra/ su ga ta d+ha na sa mA d+ha/ sa man+ta a ba lo ki ta/ I shwa ra ma he shwa ra/ duSh+Ta da ma ka /rau dra pra la da ma ka /kro d+ha rA dza ma hA be ga d+ha ra/ sa ma sa ma ma hA s+tha ma prap+ta/ tsan+d+ra sUR+ya a ti re ka pra b+ha sa la ma la sarba ma la bi sho d+ha ka /sar+b+ba ri Shi ga Na sa n+ta ti ma hA ma he shwa ra rU pa d+ha ra/ a mi tA b+ha dzi na laM kr-i ta dza Ta/ dak+Shi Na tsan+d+ra laM kr-i ta shir/ ma tha ma tha/ sar+b+ba yak+Sha rak+Sha sa b+hu ta ga na b+ha na dza ka /ta ra ta ra/ ta ra ga Na sa mA laM kr-i ta/ na k+Sha tra mA la sar+b+ba big+hAn bi nA shA na ka ra/ pa ra mai tri ci t+ta ma hA kA ra Ni k+Sha / pa ra pa ra/ pa ri pUr+Na maN+Da la sau mya mu kha/ Sha Ta pa ra mi tA/ pa ri pU ra ka /mi li mi li/ e Ni ya tsarma ni ba san/ bya g+h+ra tsa rmod ta ri ya/ d+ha ra d+ha ra/ sar+b+ba thA ga ta a ba lo ki ta/ tri ne tra tri shU la d+ha ra/ badzra dz+wa la d+ha ra/ a mo g+ha pA sha haste/ ya ma wa ru Na ku be ra rU pa d+ha ra/ nA gen+d+ra rU baM d+ha ra/ bi ma la bi shud+d+ha de ha sar+b+ba pA pa sha ma ka sar+b+ba bar Na bi sho d+ha ka / sar+b+ba ka li bi Sha na ka/ stai lo kya ba shaM ka ra/ sar+b+ba satwa bi sho d+ha ka /bo d+hi satwa ba ra da/ sar+b+ba ta thA ga ta a d+hiSh+Thi te/ oM pad+ma bi b+hu Shi ta shud+d+he/ d+hi ri d+hi ri/ a ba lo ki ya mAn/ sa ma sa ma/ sar+b+ba karma me sA d+hA ya/ a mo g+ha pA sha hri da ya sid+d+he/ guh+ya ni pa si ni ba ra da hUM phaT/ na mo stu te swAhA/ grub pa don yod pa rig sngags kyi rgyal po 'di bshad ma thag tu 'byung po'i tshogs dang / gnod sbyin dang / srin po dang / bgegs dang / log 'dren de dag thams cad kha bub tu 'gyel te gcig tu 'bar bar gyur cing / gnas kyang 'bar bar gyur pa dang / de nas gnod sbyin gyi sde dpon chen po phyag na rdo rje dga' bas ba spu langs te skrag par gyur pa'i lha'i tshogs thams cad dang / brgya byin dang / tshangs pa dang / khyab 'jug dang / dbang phyug chen po dang / rgyal po chen po bzhi dang / skrag par gyur pa'i lha dang / lha ma yin dang / drang srongs pa gong ba thams cad dang / rgya mtsho na gnas pa'i klu'i rgyal po thams cad dang / chu bran thams cad dang / lha dang / klu gang dag chu na gnas pa thams cad dang / rgya mtsho chen po'i lha dang / lha gang dag lang+ka'i grong khyer na gnas pa thams cad dang / rig sngags 'chang 'khor los bsgyur ba thams cad dang / gang dag gnas gtsang ma'i ris kyi lha rnams dang / nam @#/ /mkha'i lha thams cad dang 'khrugs par gyur nas nam mkha' las babs te bcom ldan 'das la mchod pa'i las dang / byang chub sems dpa' 'phags pa spyan ras gzigs dbang phyug de la yang mchod pa'i phyir lha'i me tog rnam pa sna tshogs pad+ma dang / ku mu da dang / ut+pal dang / pu N+Da rI ka dang / man+dA ra ba dang / man+dA ra ba chen po'i char dang / lha'i rgyan dang / lhab lhub kyi char pus mo nub tsam ri bo po Ta lar phab ste lha'i sil snyan dang / glu dbyangs len cing / ha ha zhes ca co dang ga zhi'i sgra bton nas bcom ldan 'das 'phags pa spyan ras gzigs dbang phyug gis sems can thams cad kyi don du rig sngags chen po 'di bshad do/ /zhes ched du brjod pa chen po ched du brjod do/ /de nas gnod sbyin gyi sde dpon chen po phyag na rdo rje byang chub sems dpa' sems dpa' chen po 'phags pa spyan ras gzigs dbang p hyug gang na ba der song ste lan gsum bskor ba byas nas mchod pa'i phyir mu tig gi do shal brgya stong ri ba phul te bcom ldan 'das kyis rig sngags chen po'i cho ga zhib mo thams cad kyi mchog bshad do/ /don yod pa'i zhags pa'i rgyal po rig sngags chen po'i snying po 'jig rten mgon po thub pa chen pos bshad du gsol/ bcom ldan 'das/ cho ga zhib mo mtha' dag don yod pa'i zhags pa'i rgyal po grub pa'i mchog las thams cad grub pa bshad du gsol/ /de nas de'i don du 'phags pa spyan r as gzigs dbang phyug gis don yod pa'i zhags pa'i snying po cho ga zhib mo grub pa don yod pa'i rig sngags kyi rgyal po ras kyi sku gzugs sgrub pa'i mchog cho ga dang yo byad du bcas pa bshad pa/ sras gru bzhi pa/ kun nas cha legs par phye ba/ kha tshar ma bcad pa/ skra med pa/ ri mo mkhan gtsang ma khrus byas pas gos gtsang ma bgos la gso sbyong dang ldan par byas pas tshon lhag ma ma yin pa snod gsar bar bzhag la bri bar bya ste/ dbus su 'phags pa spyan ras gzigs dbang phyug ral ba'i thor tshugs kyis bzhugs shing rgyal ba 'od dpag med kyis brgyan pa/ thor tshugs kyi g.yas su zla tshes kyis brgyan pa/ ri dwags e na ya'i phags pa gyon pa/ phyugs bdag gi cha lugs 'chang ba/ rgyan thams cad kyis brgyan pa/ dbu gsum spyan gsum phyag bzhi pa/ ri'i steng na pad+ma'i gdan la bzhugs pa/ zhal dbus ma zhi ba'i zhal bzhin 'dzum pa/ zhal g.yas pa 'jigs su rung ba khro gnyer can/ thor tshugs 'od dpag med kyis brgyan pa/ dbu zla tshes kyis brgyan pa/ zhal g.yon pa 'jigs su rung ba/ bzhin sgyur @#/ /cing mche ba gtsigs pa/ rgyal ba 'od dpag med dbu la bzhugs pa/ phyag gcig na pad+ma thogs pa/ gnyis pa rtse gsum thogs pa/ gsum pa don yod zhags pa sku'i phyed na 'dzin pa la bcom ldan 'das zhal khro gnyer can don yod zhags pa'i phyag rgya bcings pa'i phyag la spyan gtod par bya zhing / bzhi pa dbugs 'byin pa'i phyag tu bya zhing / 'od 'dom gang ba khor yug 'bar ba dang ldan par bya'o/ /g.yas phyogs na lha mo sgrol ma 'gying bag dang bcas shing lus btung par mchog sbyin pa'i phyag la mig gtod par bya'o/ /g.yon du pad+ma'i rigs mdzes ma 'dzem bag dang bcas pa gsang sngags kyi tshul dang rjes su mthun zhing don yod pa'i zhags pa la mig gtod pa bya'o/ /lha mo sgrol ma'i bar du gnod sbyin mo ral pa gcig ma bya'o/ /pad+ma'i rigs mdzes ma'i bar du khro gnyer can bya'o/ / phyogs gnyis par lha mo dkar mo lag na pad+ma thogs pa bya'o/ /pad+ma'i rigs mdzes ma'i 'og tu pho nya mo gsang sngags kyi rjes su 'brang ba bya'o/ /ral pa gcig ma'i 'og tu lha mo chen mo 'jigs byed ma bya'o/ /gong du gnas gtsang ma'i ris kyi lha'i bu dang / brgya byin dang / tshangs pa dang / khyab 'jug dang / dbang phyug chen po me tog sna tshogs thogs te bcom ldan 'das la mchod pa byed pa bya'o/ /'og tu rgyal po chen po bzhi bya'o/ /'phags pa spyan ras gzigs dbang phyug gi 'og tu 'phags pa phyag na rdo rje 'jigs su rung ba gad rgyangs can khro bo don yod pa'i rgyal po dang smra ba bya'o/ /ras kyi sku gzugs 'di mthong ba tsam gyis 'phags pa spyan ras gzigs dbang phyug ri bo po Ta la na gzhal med khang dang bcas pa mngon sum du mthong bar rig par bya'o/ /'phags pa don yod pa'i zhags pa'i cho ga zhib mo'i rgyal po/ bam po bcu pa/ mthong ba tsam gyis sems can dmyal ba chen po brgyad las thar par 'gyur/ 'jigs pa chen po brgyad las yongs su grol bar 'gyur/ mtshams med pa lnga byed pa yongs su thar par 'gyur/ dam pa'i chos spong ba dang / sangs rgyas dang byang chub sems dpa' thams cad spong bas mthong ba tsam gyi mod la rnam par dag par 'gyur/ mnar med pa la gzhol ba'i mthar thug pa yang yongs su grol bar 'gyur ro/ /tshangs pa chen po'i bsod nams brgya stong gi dge ba'i rtsa ba bskyed par 'gyur/ 'jig rten pa thams cad kyi dge ba'i rtsa ba mchog thob par 'gyur/ 'chi ba'i dus na 'phags pa spyan ras gzigs dbang phyug mngon sum du ston par 'gyur zhing dbugs 'byin par 'gyur/ shi @#/ /nas bde ba can gyi 'jig rten gyi khams su skye bar 'gyur/ sgrib pa thams cad dang bral nas tshe rabs brgya stong phrag lnga bcu rjes su dran par 'gyur ro/ / byang chub kyi snying po'i mthar thug gi bar du skye ba 'di tha ma yin te/ 'di mthong ba tsam gyis bsod nams kyi phung po dang ldan par 'gyur na/ lhag par mang du byed pa lta ci smos te/ de ni/ phyir mi ldog par 'gyur/ bla na med pa'i byang chub tu mngon par rdzogs par 'tshang rgya bar 'gyur ro/ /gal te rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ rgyal po dang / blon po dang / btsun mo'i 'khor dang bcas pa'am/ btsun mo dam pa gang la la zhig gis ras kyi sku gzugs bsgrub par bya ba de'i spyan sngar don yod pa'i zhags pa'i snying po dran par byed cing / 'phags pa spyan ras gzigs dbang phyug de la yang mchod na| des na khyod kyis 'di ltar rig par bya ste/ don yod pa'i zhags pa'i snying po stong phrag brgya 'gyur du bzlas brjod kyi cho ga chen po byas pa yin no/ /gang zhig khro bo don yod pa'i zhags pa bcom ldan 'das kyi spyan sngar mi smra bar lan gsum bzlas brjod byas te chus dbang bskur na/ des na khyod kyis de bzhin gshegs pa thams cad dang / byang chub sems dpa' thams cad kyis bdag byang chub kyi snying po la thug gi bar du dbang bskur bar 'gyur ro snyam du de ltar shas par bya'o/ /gang gis don yod p ar grub pa'i cho ga zhib mo chen po'i gzungs 'phags pa spyan ras gzigs dbang phyug ras kyi sku gzugs kyi spyan sngar mngon sum du thal mo sbyar te 'dug nas lan gsum bzlas te bskor ba lan bdun byas la/ chu'i mchod yon dang / lha bshos dang / bdug spos dang / me tog phul nas phyag 'tshal lo/ /zhes smras na/ des khyod kyis 'di ltar shes par bya ste/ gzungs thams cad so sor lan stong phrag brgya bzlas par 'gyur zhing / don yod pa'i zhags pa'i snying po rnam par grol ba'i dkyil 'khor gyi chos kyi rnam grangs chen po 'di lan stong phrag brgya bzlas par 'gyur ro/ /don yod pa'i zhags pa'i phyag rgya byas la 'phags pa spyan ras gzigs dbang phyug gi zhal la mig gtad de lag pa g.yas g.yon gnyis sbyar la snying gar bzhag cing / tshul 'dis phyag rgya re re nas lan stong phrag brgya byas par 'gyur ro/ /bcom ldan 'das/ rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ rgyal po dang / rgyal po'i btsun mo dam pa gang la la zhig 'phags pa spyan @#/ /ras gzigs dbang phyug don yod pa'i zhags pa'i snying po 'di brgya stong phrag khri bzlas brjod bya bar 'dod pa dang / de bzhin gshegs pa brgya stong phrag khris dbang bskur bar 'dod pa dang / rnam par grol ba'i dkyil 'khor mtha' dag gi cho ga zhib mo 'di rdzogs par lan brgya stong khri bzlas par 'dod pa dang / don yod pa'i zhags pa'i phyag rgya 'di lan brgya stong phrag khri bya bar 'dod pa des ras kyi sku gzugs la brtson par bya ste/ ras kyi sku gzugs mngon du bzhag nas gnas gtsang zhing dben pa/ dben par gnas sam/ 'chag sa'am/ dgon pa'i gnas sam/ phug gam/ ri'i rtse mo'am/ gtsug lag khang ngam/ khang par gtsang sbra dang byi dor byas te ba ser mo'i lci ba legs par mnyes la/ ba las byung ba lnga dang bsres te bskus la spos sna tshogs kyi byug pas byugs nas ras kyi sku gzugs kyi spyan sngar tsan+dan dkar po'i dkyil 'khor byas te gur gum gyis khru do'i tshad tsam bris la gla rtsi dang / ga pur gyis mchod par bya'o/ /dri chab kyi bum pa dri rnam pa sna tshogs kyis bkang ste ras kyi mgul chings kyis bcings la dkyil 'khor gyi dbus su gzhag par bya/ me tog dang / bdug spos dri zhim po dang / gtor ma dang / me tog gi phreng ba nyid shu rtsa gcig gzhag par bya/ dri chab kyis bkang ba brgyad phyogs bzhir gzhag par bya/ 'o mas bkang ba'i snod brgyad gzhag par bya/ stegs bu'i drung du 'o mas bkang ba'i snod gzhag par bya/ 'o thug dang / sbyar thug dang / khaN+Da kha d+ya dang / 'bras chan dang / lag pan dang / bu ram dang / sha kha ra dang / zhun mar gyis bkang ba'i snod gzhag par bya| a ga ru nag po dang / tsan+dan dkar po dang / ga pur dang / kun tu ru dang / shi ri pA sa ka dang / cung peng rnams snod du bzhag nas a ga ru'i yam sreg shing gis sbyin sreg bya/ me tog sna tshogs kyis brgyan par mar gyi mar me sum cu rtsa gnyis kyis bltam par bya'o/ /de nas rig sngags 'chang gtsang mas gos gtsang ma bgos shing khrus legs par byas pas tshes bcu bzhi nas bco lnga'i bar du 'phags pa spyan ras gzigs kyi dbang phyug gi ras kyi sku gzugs la mchod par bya'o/ /de'i 'og tu rig sngags 'chang gis khro bo'i rgyal po lan bdun bzlas te dri chab kyis dbang bskur bar bya/ don yod pa'i zhags pa'i snying po lan nyi shu rtsa gcig bya/ de nas mi smra bar skyil mo krung du 'dug ste bzlas brjod kyi phyag rgya bcings la/ don yod pa'i zhags pa'i snying po lan brgya rtsa brgyad bzla bar bya/ de'i 'og tu don yod par grub pa'i rig sngags kyi rgyal @#/ /bo stong rtsa brgyad bzlas par byas na/ de nas ras kyi sku gzugs las 'od zer bdun byung nas kun tu snang bar byas te lan gsum bskor ba byas nas 'phags pa spyan ras gzigs dbang phyug gi dpral pa'i spyan du zhugs par 'gyur ro/ /zhugs pa tsam gyi mod la sa chen po g.yo bar 'gyur zhing rig sngags 'chang yang snying dga' zhing ba spu ldang bar 'gyur/ mdog mdangs yongs su dag par 'gyur/ 'phags pa spyan ras gzigs dbang phyug gi mchog sbyin pa'i phyag gi sor mo las lha'i chu 'dzag par 'gyur/ zhabs gnyis las 'o ma 'dzag par 'gyur/ don yod pa'i zhags pa'i phyag 'bar bar 'gyur/ phyag na pad+ma'i pad+ma lo ma g.yo bar 'gyur ro/ /rtse gsum g.yo bar 'gyur zhing legs so/ /zhes bya ba'i sgra 'gyur bar 'gyur te| rigs kyi bu/ legs so legs so/ /khyod kyis don yod pa'i zhags pa'i snying po grub kyi/ las thams cad byos shig /khyod kyis don yod grub pa'i cho ga zhib mo'i rgyal po chen po dam pa grub bo zhes nas de nas 'phags pa spyan ras gzigs dbang phyug rang gi gzugs ston par 'gyur ro/ /'dod pa thams cad kyi mchog sbyin par mdzad do/ /'di ni/ grub pa'i mchog bla na med pa ste| ma bsgrubs par las byed pa'o/ /de nas dbang du bya bar 'dod pas me tog pad+ma la lan brgya rtsa brgyad bzlas la/ 'phags pa spyan ras gzigs dbang phyug la phul te gang gi ming nas brjod pa de dbang du 'gyur ro/ /sna ma'i me tog la lan brgya rtsa brgyad bzlas te 'phags pa spyan ras gzigs dbang phyug la phul la/ yang lan bdun bzlas nas me tog snying po blangs te gang la byin pa dbang du 'gyur ro/ /gdon gyis zin pa la byin na/ gnod thams cad las yongs su grol bar 'gyur ro/ /nad kyis thebs pa la byin na| nad thams cad las yongs su grol bar 'gyur ro/ /rgyal po'i sgor gtor na/ rgyal po btsun mo'i 'khor dang bcas pa dbang du 'gyur ro/ /mi ro bsregs pa'i sa'i steng du gtor na/ sems can de sems can dmyal ba las yongs su grol bar 'gyur ro/ /mnar med pa na gnas pa'i sems can la gtor na/ skad cig de la yongs su grol bar 'gyur ro/ /nyal ba'i sngas su bzhag na/ rmi lam chen po mthong bar 'gyur ro/ /'phags pa spyan ras gzigs dbang phyug sku ston par mdzad cing yid du 'ong ba thams cad gsung bar 'gyur ro/ /skyes pa 'am bud med gang gi steng du gtor ba de dbang du 'gyur zhing grib ma bzhin 'brang bar 'gyur ro/ /rgyal po'i steng du @#/ /gtor na/ de bzhin du 'gyur ro/ /lha'i gzugs brnyan gyi steng du bzhag na/ 'gugs par 'gyur zhing las thams cad byed par 'gyur ro/ /mig sman sgrub par 'dod pas ras kyi sku gzugs kyi spyan sngar mig sman ldong ros la stong rtsa brgyad bzlas na/ grub pa'i rtags gsum ston par 'gyur te/ 'bar ba dang / dbu ba 'byung ba dang / dud pa 'byung bar 'gyur te/ des mig la bskus na/ mi snang bar 'gyur ro/ /gter thams cad mthong bar 'gyur ro/ /gnod sbyin gyi gnas thams cad mthong bar 'gyur ro/ /dpral bar thig le byas na/ phug thams cad du 'jug par 'gyur/ sgo thams cad dang 'khrul 'khor thams cad 'bye bar 'gyur ro| |yan lag dang nying lag la bskus na/ nam mkha' la 'gro bar 'gyur/ spyi bor thig le byas na/ 'phags pa spyan ras gzigs dbang phyug rtag tu mchog sbyin par 'gyur ro/ /mig la byugs na/ khyab 'jug dang dbang phyug chen po la sogs pa lha rnams rtag tu phyi bzhin 'brang bar 'gyur zhing dgos pa thams cad 'grub par byed do/ /mtshan mo mig la bskus na/ nyin mo bzhin du mthong bar 'gyur zhing gter thams cad 'byung bar 'gyur te/ kha phug nas dor bar bya'o/ / rang gi lus la byugs na/ ji srid 'tsho'i bar du go cha bgos pa'i lus su 'gyur/ gnod sbyin dang / srin po la sogs pas mi mthong bar 'gyur zhing las thams cad byed par 'gyur te/ tshe bskal pa stong thub par 'gyur ro/ /yang na bza' ba dang snying gar bsku ba byas na/ nag po chen po'i gzugs su 'gyur zhing lha thams cad kyi gzugs ston par 'gyur ba nas tshangs pa dang / khyab 'jug dang / dbang phyug chen po'i gzugs dang / gzugs sna tshogs mang po ston par 'gyur/ zla ba dang / nyi ma ston par 'gyur/ ldong ros dang / gi'u wang dang / sau bi rA ka dang / gur gum dang / kra ku d+ha la don yod par grub pa khri bzlas/ don yod pa'i zhags pa'i snying po stong rtsa brgyad bzlas/ khro bo'i rgyal po brgya rtsa brgyad bzlas pa byas te thams cad du mi smra bar bya zhing / 'phags pa spyan ras gzigs dbang phyug gi spyan sngar btags la ras kyi sku gzugs la mngon du phyogs te gtsang mas gos gtsang ma bgos la tshes bco lnga nya la nyin zhag gcig smyung ba byas te phye ma zhib tu btags te/ yang don yod pa'i zhags pa'i snying po dang / khro bo'i rgyal po dang / don yod pa grub pa'i rig sngags kyi rgyal po brgya rtsa brgyad bzlas brjod byas la /'phags pa spyan ras gzigs dbang phyug gi phyag tu bzhag ste/ @#/ /mchod pa chen po byas nas ras kyi sku gzugs la mchod pa byas la nyin zhag gcig myung ba byas te/ ras kyi sku gzugs kyi spyan sngar skyil mo krung du 'dug la don yod pa'i zhags pa'i phyag rgya lan nyi shu rtsa gcig bya/ don yod pa'i zhag pa'i snying po lan nyi shu rtsa gcig bzlas pa byas te bzlas brjod kyi phyag rgya byas la| khro bo'i gsang sngags lan bdun bzlas te/ de'i 'og tu mig la bskus nas don yod par grub pa'i gzungs bzlas par byas na/ bskus pa tsam gyis 'phags pa spyan ras gzigs dbang phyug ri bo po Ta la dang bcas/ /gzhal med khang dang bcas/ /byang chub sems dpa'i tshogs dang bcas pa'i ri bo po Ta la na gnas pa mthong bar 'gyur ro/ /bde ba can gyi 'jig rten gyi khams mthong bar 'gyur zhing de bzhin gshegs pa 'od dpag med chos 'chad pa mthong par 'gyur/ chos bshad pa de yang thos par 'gyur/ phyogs bcu'i de bzhin gshegs pa byang chub sems dpa'i tshogs dang bcas/ nyan thos kyi dge 'dun dang bcas/ sangs rgyas kyi zhing gzhal med khang dang bcas pa mthong bar 'gyur zhing chos 'chad pa'i gsung gi sgra de yang thos par 'gyur ro/ /'di ltar rigs ngan gyi rigs su skyes pa dang / mnar med pa la gzhol ba dang / mtshams med pa lnga byed pa gang yin pa thams cad kyang de bzhin gshegs pa thams cad kyi byin gyi rlabs dang / 'phags pa spyan ras gzigs dbang phyug gi thugs rjes dgongs par 'gyur zhing rmi lam du ston par mdzad do/ /sdig pa dang sgrib pa thams cad rnam par sbyong par 'gyur/ mchog thams cad sbyin par 'gyur/ don yod pa'i zhags pa'i snying po'i dngos grub sbyin par 'gyur/ lha'i lo stong du 'tsho bar 'gyur zhing lha'i bde ba nyams su myong bar 'gyur/ nad kyis thebs pa thams cad la mig sman 'dis bskus na/ nad thams cad zhi bar 'gyur zhing rims thams cad sel bar 'gyur ro/ /dug thams cad la bskus pa tsam gyis dug med par 'gyur ro/ /'jigs pa thams cad la mig la bskus na/ mi mthong bar 'gyur/ phyir rgol ba dang / dgra bo dang / g.yo can dang / chom po dang / rkun po thams cad kyis mi mthong bar 'gyur/ mtshon gdab pa'i 'jigs pa 'byung bar mi 'gyur/ 'thab pa dang / rtsod pa dang / khrag khrug la mig la bskus na/ thams cad las rgyal zhing lan thebs par 'gyur ro/ /g.yul do thams cad du mig la bskus na/ g.yul 'gyed pa las rgyal bar 'gyur zhing dpung gi mchog rgyal bar 'gyur ro/ /rgyal po'i pho brang du 'gro ba'i @#/ /tshe mig la bskus na/ rgyal po bcun mo'i 'khor dang bcas pa dbang du 'gyur ro/ /mi smra bar grong khyer du song na/ skyes pa dang bud med dang / khye'u dang / bu mo grong khyer na gnas so chog thams cad dbang du 'gyur ro/ /mig g.yas pa la bskus na/ rigs bzhi'i 'jig rten gang mig gis mthong pa de thams cad dbang du 'gyur ro/ /mig g.yon pa la bskus na/ rigs ngan thams cad dbang du 'gyur ro/ /'phags pa spyan ras gzigs dbang phyug gi phyag g.yas pa nas bzung ste don yod pa grub pa'i rig sngags kyi rgyal po lan stong rtsa brgyad bzlas brjod byas te 'phags pa spyan ras gzigs dbang phyug la mchod pa byas na/ de nas don yod pa'i zhags pa'i snying po dang / khro bo'i rgyal po dang / gzungs thams cad so sor lan stong phrag brgya brgya bzlas par 'gyur/ de bzhin gshegs pa dgra bcom pa yang dag par rdzogs pa'i sangs rgyas bye ba stong phrag drug cu'i drung du dge ba'i rtsa ba bskyed par 'gyur/ thams cad kyis bzung ba byas par 'gyur/ de bzhin gshegs pa stong mnyes par byas par 'gyur/ de bzhin gshegs pa stong phrag drug cu rtsa bzhi mngon du mthong ba thob par 'gyur/ 'jig rten pa'i don thams cad 'grub par 'gyur| sngon gyi sgrib pas mnar med pa'i gnas su 'gro ba yongs su dag par 'gyur/ nam yang ngan song du 'gro bar mi 'gyur/ tshe rabs tshe rabs su skye ba dran par 'gyur| lha thams cad kyang mchog sbyin par 'gyur zhing rtag tu srung ba dang / bskyab pa dang / sba ba byed par 'gyur ro/ /phyag g.yon pa mnan te lan stong rtsa brgyad bzlas brjod byas na/ bzlas pa tsam gyi mod la lha dang / klu dang / gnod sbyin dang / srin po la sogs pa bkug par 'gyur zhing thams cad dbang du 'gyur te gnas so/ /gang gi tshe dgos pa byung ba de'i tshe don yod par grub pa'i rig sngags kyi rgyal po lan bdun bzlas pa byas na/ lha dang / klu la sogs pa thams cad kyang las thams cad byed cing rtag tu rgyun mi 'chad bar phyi bzhin 'brang bar 'gyur ro/ /lte ba'i gnas su mnan te klu la sogs pa thams cad char gyi rgyun 'bebs par 'gyur te/ 'dzam bu'i gling mtha' dag tshim par byed par 'gyur ro snyam du lan brgya rtsa brgyad bzlas na/ gang dang gang du song ba der skyes pa'am/ /bud med dam/ /rgyal po 'am/ rgyal mo'am dge sbyong ngam/ /bram ze'am/ dge bsnyen nam/ dge bsnyen ma la gang bsam pa dang / gang bcol ba dang / gang smras pa'i las de thams cad sgrub par 'gyur ro/ / @#/ /dbu nas bzung ste bzlas na/ tshangs pa'i 'jig rten gyi bar du dbang du byas par 'gyur te/ thams cad la dbang bsgyur cing bsgo ba bzhin byed par 'gyur ro/ /thog mar bzlas brjod stong rtsa brgyad byas nas bzlas pa bya'o/ /zhabs gnyis mnan te stong phrag bcu bzlas pa byas na/ sa 'og yan chad dbang du byas par 'gyur zhing las thams cad byed par 'gyur te/ mngag gzhug pa thams cad byed par 'gyur ro/ /pad+ma la stong rtsa brgyad bzlas nas pad+ma'i mtshe 'ur bor na/ pad+ma zad mi shes pa 'byung zhing pad+ma dus thams cad par 'gyur ro/ /ut+pa la la lan stong rtsa brgyad bzlas nas ut+pa la'i mtshe 'ur bor na/ ut+pa la sngon po zad mi shes pa 'byung bar 'gyur zhing nam yang nyams par mi 'gyur te/ dus thams cad du me tog 'byung bar 'gyur ro/ /de bzhin du sna ma'i me tog dang / gan+d+ha bAr+Shi ka dang / yU thi ka dang / na ba mA'i me tog rnams kyang dus thams cad du me tog 'byung bar 'gyur zhing zad mi shes par 'gyur ro/ /'bras bu dang me tog la lan brgya rtsa brgyad bzlas te skyed mos tshal lam/ nags tshal gyi nang du gtor na/ me tog dang / 'bras bu zad mi shes shing dus thams cad par 'gyur ro/ /dpal chen mo dgug par 'dod pas spra tshil las lha mo dpal chen mo skyil mo krung phyed du 'dug pa/ rgyan thams cad kyis brgyan pa/ lus btud pa/ lag pa na pad+ma thogs pa/ brang rgyas pa byas la/ 'bras bu dang / me tog dgram par bya zhing ga bur dang / gla rtsi dang / tsan+dan dkar pos mchod pa byas la ras kyi sku gzugs kyi spyan sngar gzhag par bya zhing sngar tsan+dan dkar po las byas pa'i dkyil 'khor gyi cho ga bzhin byas la/ 'phags pa spyan ras gzigs dbang phyug ras kyi sku gzugs la a ga ru'i bdug pa dbul bar bya/ dpal lha mo chen mo la tsan+dan dkar po'i bdug pa dbul bar bya zhing gnyis ka la mchod pa dang bsnyen bkur bya/ gtor ma dkar po dang / dri chab dbul bar bgyi/ /mchod yon stong dbul bar bya ste/ rig sngags 'chang tsan ma dus gsum du khrus bya shing gos gtsang ma bgos pas mngon du phyogs te skyil mo krung du 'dug nas don yod pa'i zhags pa'i phyag rgya lan bdun byas la ci rnyed pa'i dri dang / pheng ba dang / me tog la don yod pa'i zhags pa'i snying po lan brgya rtsa brgyad bzlas te dpal lha mo chen po'i mgo la gdags par bya/ me tog gzhan gyis mchod pa bya zhing tsan+dan dkar po la lan brgya rtsa brgyad bzlas pa'i bdug spos dbul bar bya'o/ /de nas rig sngags @#/ /'chang gis don yod pa'i zhags pa'i snying po lan stong rtsa brgyad bzla bar bya zhing / yungs kar re re zhing bzlas la dpal lha mo chen mol bsnun par bya ste| stong rtsa brgyad tshang ba dang / dpal lha mo chen mo 'bar bar 'gyur zhing 'phags pa spyan ras gzigs dbang phyug gi dpral ba nas 'od zer 'byung bar 'gyur ro| |dkyil 'khor gyi yo byad gang yin pa thams cad gser du snang bar 'gyur ro/ /dpal lha mo bkug par 'gyur zhing ji srid 'tsho'i bar du 'da' bar mi 'gyur ro/ / lha'i dpal rjes su spyod par 'dod na/ nyin re zhing 'phags pa spyan ras gzigs dbang phyug dang / dpal lha mo chen po la dus gsum du mchod pa bya zhing mchod yon gyi snod kyang gzhag par bya/ dkon mchog gsum mchod par bya/ sbyin par bya/ longs spyod par bya/ bsod nams kyang bya zhing / dpal lha mo chen mo la dus gsum du mchod par bya'o/ /dpal lha po chen mo rang gi gzugs kyis gnas par 'dod pas don yod pa'i rgyal po khro bo'i snying po stong rtsa brgyad bzla bar bya zhing / tsan+dan gyi rim bu stong rtsa brgyad kyis bdug par bya/ yungs kar stong rtsa ba rgyad kyis bsnun par bya ste/ yungs kar stong rtsa brgyad tshad pa dang / dpal lha mo chen mo rgyan thams cad kyis brgyan pa/ lha'i nor bu dang / gser dang / mu tig gi rgyan gyis brgyan pa'i lus snang la zhal pad+ma kha phye ba lta bu/ spyan ut+pa la sngon po ltar gsal ba/ pad+ma bsnams pa/ gdan pad+ma nor bu dang / rin po che dang / gser mang po'i pad+ma'i char 'bebs pa/ rin po che 'bar ba'i bum pa stong phrag brgya thogs pa lha'i bu mo dang / gnod sbyin gyi bu mo brgya stong mang po thams cad lha'i rgyan gyis brgyan pas lus gsal zhing 'bar la mdzes pa mang pos yongs su bskor ba mdun na 'khod par 'gyur te/ rig sngags 'chang gis 'jigs par mi bya zhing sems dga' bar byas la gsang sngags 'di lan bdun bzla bar bya'o/ /na mo rat+na tra yA ya/ na ma AR+ya a ba lo ki te shwa ra ya/ bo d+hi satwA ya/ ma hA satwA ya/ ma hA ka ru Ni kA ya/ ma hA a mi g+ha ba ra dA ya/ tad+ya thA oM pad+mi Ni pad+ma te tra pad+mAM ge/ pad+ma d+ha re/ pad+ma pa ti/ pad+ma pri ye/ pad+ma gau rI/ pad+ma pra b+he/ pad+ma sa na pra tiSh+Thi te/ a ba li ki ta pri ye ba ra de ba rA dA yi ni pra si ta pra sA d+ha ya ku ru ku ru/ AR+ya a ba lo ki te ba ra de hu ru hu ru pa raM gi ni tsa la tsa la/ pad+ma bi b+hu Shi te pad+ma bri ye pad+ma gau rI bi tsi tra bi mA na d+ha re b+ha ra b+ha ra sam+b+ha ra sma ra sa ma ya/ a ba lo ki te shwa ra sa me/ sat+ya a d+hi Sh+Thi te de bi a mi b+ha pA @#/ /sha ba ra de hUM/ na mo stu te swA hA/ lan bdun bzlas pa tsam gyis lha mo dpal chen mo phyag brkyang ste rig sngags 'chang gi spyi bor 'jog par 'gyur zhing / 'di skad ces kyang gsung bar 'gyur ro/ /rigs kyi bu/ tshur shog /thugs las skyes pa/ gsungs las skyes pa khyod kyis don yod pa'i zhags pa'i snying po khro bo dang bcas pa grub kyi/ /don yod pa'i zhags pa pad+ma dri ma med pa'i dpal zhes bya ba'i gzungs la zhugs shing / /nga'i gnas la rang gi khyim bzhin du las su bya ba thams cad byos shig / de nas rig sngags 'chang gis yang rig sngags dang / gsang sngags dang / gzung sngags 'di lan gsum bzlas brjod bya'o/ /na mo rat+na tra yA ya/ na ma AR+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM b+ha ga ba ti mA tri dza ne tri ba ra ba ra a ba lo ki ta ba ra de k+Shi ri na sra ba tu| a ma ba a ma ba bi pu la kI rti ka re pra ba ra b+hu dze a mo g+ha pA sha ti ste swA hA/ de'i 'og tu lha mo dpal chen mo'i nu ma gnyis las 'o ma'i rgyun 'byung bar 'gyur te/ 'o ma'i rgyun de khas bzed de 'thungs pa tsam gyi mod la lha'i me tog pad+ma dang / ku mu da ltar 'jam pa'i lha'i lus su 'gyur/ /skra cung zad 'khyil cing 'khyil la mig ut+pa la sngon po lta bu dang / tshig gsal zhing mi'am ci'i sgra dbyangs dang ldan par 'gyur/ /don yod pa'i rgya mtsho'i nor bu chen po pad+ma la rnam par lta ba'i dpal dri ma med pa zhes bya ba'i cho ga zhi ba mo'i rgyal po mngon sum du 'gyur/ /cho ga zhib mo mang po 'grub par 'gyur/ tshe lo stong phrag bcu thub par 'gyur/ rgyal ba 'od dpag med byang chub sems dpa'i tshogs dang thabs cig tu gzhal med khang mchog na chos bgro ba mthong bar 'gyur/ /rdzu 'phrul gyis nam mkha' la 'gro bar 'gyur/ /nor bu chen po pad+ma la lta ba zhes bya ba don yod pa'i zhags pa chen po'i 'khor los bsgyur bar 'gyur/ rig sngags 'chang thams cad kyi 'khor los bsgyur ba'i gtso bo gcig pur 'gyur/ 'phags pa spyan ras gzigs dbang phyug gi sras su 'gyur/ de bzhin gshegs pa thams cad kyi sras gcig pur 'gyur/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am/ ci dang / lto 'phye chen po rnams kyi bu'i gtso bo gcig pur 'gyur/ /rgyal po chen po bzhi'i bu gcig pur 'gyur thams cad du stobs dang / pha rol gnon pa dang / brtson 'grus thogs pa med pa dang ldan par 'gyur/ /de bzhin gshegs pa thams cad kyi phyag rgya dang / dkyil 'khor @#/ /rim par phye ba rig sngags kyi rgyal po gsang ba'i gzungs kyi rgyal po cho ga zhib mo zab pa dag mngon sum du 'gyur/ lha thams cad kyi gnas dang / klu thams cad kyi gnas dang / mi 'am ci thams cad kyi gnas dang / phug dang / khung gi gnas thams cad sgo 'byed par 'gyur/ /gnod sbyin dang / srin po'i gnas thams cad sgo 'byed par 'gyur/ thams cad dbang du 'gyur zhing bgyi ba ci mchis zhes bya ba byed cing 'dug par 'gyur/ 'jig rten thams cad kyi ston pa bla ma gcig pu 'jig rten mgon po dang 'dra bar mchod pa'i gnas su 'gyur/ 'jig rten dang / 'jig rten las 'das pa'i gsang sngags dang / dkyil 'khor thams cad grub pa chen por 'gyur/ dpal lha mo chen mo 'khor dang bcas pa la sbyin sreg byas na/ rig sngags 'chang de la bu bzhin du byams pas rang nyid bsnyen bkur yongs su spyod do/ /'dod pa thams cad dang / yid du 'ong ba thams cad kyi dgos pa byed par 'gyur ro/ /nor dang / 'bru dang / dbyig dang / gser dang / nor bu dang / mu tig dang / baiDUR+ya dang / shaM kha shi la dang / byi ru dang / sa le sbram dang / dngul dang / lha'i nor bu rin po che'i bar thams cad sbyin par byed do/ /yul ka shi ka'i gos bzang po mang po sbyin par byed cing lha'i bza' ba dang btung ba'i bar dang / bdud rtsi'i bar du sbyin par byed do/ /gnas thams cad du song ba na yang rtag tu rgyun mi 'chad par bu la byams pa'i tshul gyis rtag tu phyi bzhin 'brang zhing 'gro bar 'gyur ro/ /rig sngags 'chang gi rang gi khyim yang rgyal po'i pho brang lcang lo can ji lta ba de bzhin du rig sngags 'chang gi gzhal med khang mchog tu 'gyur ro/ /rnam thos kyi bu'i gnas na 'byor ba ji lta ba bzhin rgyas par 'gyur ro/ /tshangs pa dang / khyab 'jug dang / dbang phyug chen pos dus kun tu 'ong bar 'gyur ro/ /gnod sbyin gyi sde dpon chen po rdo rje 'chang yang rig sngags 'chang gi tshogs thams cad dang / gnod sbyin chen po gsang pa pa'i 'khor rnams dang / rtag tu rgyun mi 'chad par srung ba dang / bskyab pa dang / sba ba byed par 'gyur ro/ /de bzhin du dpal lha mo chen mo 'khor dang bcas pa dang / rnam thos kyi bu gnod sbyin bye bas yongs su bskor bas nyin mtshan du srung ba dang / bskyab pa dang / sba pa byed par 'gyur ro/ /de nas don yod pa'i rgya mtsho nor bu chen po pad+ma la lha'i dpal dri ma med pa zhes bya ba don yod pa'i zhags pa'i snying po'i cho ga zhib mo'i rgyal po bklags pas 'grub par 'gyur zhing / de bzhin gshegs pa dgra @#/ /bcom pa yang dag par rdzogs pa'i sangs rgyas gang+gA'i klung gi bye ma bye ba khrag khrig brgya stong drug cu rtsa bzhi'i rdul phra mo snyed las dge ba'i rtsa ba bskyed par 'gyur/ bsod nams kyi phung po chen po dang ldan par 'gyur ro/ /rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma gang la la zhig gis lha'i nor bu rin po che chen po dang / nor bu rin po che chen po sna bdun dang / lha'i gser dang / gser gyi me tog dang / dngul gyi me tog mang po dang / lha'i gos dang / lha'i rgyan dang / lha'i dri dang / me tog dang / me tog phreng dang / byug pa rnams re re zhing 'phang du ri'i rgyal po ri rab tsam gyi phung po byas nas de dag de bzhin g shegs pa gang+gA'i klung gi bye ma snyed bye ba khrag khrig brgya stong phrag drug cu rtsa bzhi'i rdul phra mo snyed kyi de bzhin gshegs pa dgra bcom pa yang dag par rdzogs pa'i sangs rgyas rnams la de bzhin gshegs pa re re la tshul de lta bus so sor de bzhin gshegs pa thams cad la nyin re zhing lo gcig gi bar du dbul bar byed/ mchod pa dang / bsnyen bkur byed cing de bzhin gshegs pa re re'i spyan sngar dri zhim po dang ldan pa'i til mar rgya mtsho tsam gyis bkang ba'i mar me bltam par byed pa'i bsod nams kyi phung po dang ldan par 'gyur/ dge ba'i rtsa ba chen po yongs su bzung bar 'gyur ro/ /gal te don yod pa'i rgya mtsho'i nor bu chen po pad+ma la rnam par lta ba'i dpal dri ma med pa don yod pa'i zhags pa'i snying po 'di klog pa dang / bzlas brjod brgya rtsa brgyad byed pa 'di ni/ bsod nams kyi phung po de dang ldan par 'gyur zhing / dge ba'i rtsa ba chen po dang ldan par 'gyur/ de bzhin gshegs pa thams cad kyis byin gyis brlabs par 'gyur/ de bzhin gshegs pa thams cad kyis yongs su bzung bar 'gyur/ de bzhin gshegs pa thams cad sku ston par 'gyur/ de bzhin gshegs pa thams cad kyis lung ston par 'gyur/ dpal lha mo chen mo de yang mchog thams cad sbyin par 'gyur/ dus kun tu de'i khyim du dpal gnas par 'gyur te/ gang na dpal lha mo chen mo gnas pa der de bzhin gshegs pa gang+gA'i klung gi bye ma bye ba khrag khrig brgya stong phrag drug cu rtsa bzhi'i rdul phra mo dang mnyam pas phyogs de nyid du gnas par 'gyur te/ dpal lha mo de bzhin gshegs pa thams cad kyi yum yin pa'i phyir ro/ /lha dang / klu dang / tshangs pa dang / khyab 'jug dang / dbang phyug chen po'i gsang sngags dang / cho ga zhib mo dang / phyag rgya dang / dkyil 'khor dang / zhi ba @#/ /dang / rgyas pa dang / drag shul la spyod pa dang / las sna tshogs gzhan dag pas dpal lha mo chen mo las mchog tu bstan to/ /dpal lha mo chen mo ni/ byang chub sems dpa' thams cad kyi yum yin no/ /dpal lha mo chen mo ni/ don yod pa'i mchog sbyin pa'o/ /don yod pa'i zhags pa sbyin pa'o/ /don yod pa'i grags pa rgya chen po sbyin pa'o/ /don yod pa'i nam mkha' gzhal med khang 'chang ba'o/ /don yod pa'i yon tan bsgrags pa'i mchog sbyin pa'o/ /dpal lha mo chen mo ni/ don yod pa zla ba dang nyi ma'i 'od byed pa gnas su ma cu rtsa gnyis kyi nang na dpal lha mo chen mo mchog tu bstan to/ /de nas rig sngags 'chang gtsang ma khrus legs par byas la| dri chus bsangs shing ba las byung ba lngas byugs pa/ gos gtsang ma bgos pas kha zas gtsang ma bza' bar bya zhing / chang dang / sha dang / beg cong dang / sgog skya dang / ke'u rnams dang 'dres pa dang / 'bags pa rnams yongs su spang bar bya/ kha zas ngan pa dang / btung ba ngan pa dang / gos ngan pa dang / dri ma can yongs su spang bya| sems can ngan pa dang / rten pa dang / ngan g.yo can dang / gsod skyen can dang / skye bo ngan pa can dang / khrel med pa dang / snying rje med pa dang / byams pa dang bral ba dang / thub tshod can gyi skye bo ngan pa yongs su spang bar bya'o/ /gnas ngan pa dang / gnas brtan ngan pa dang / sgom nyes dang / bza' nyes dang / grib ma ngan pa yongs su spang bar bya/ gcig gis gcig 'bags pa'i kha zas ngan pa yongs su spang bar bya zhing dri dang bdug spos kyis bsangs te mi smra bar bzlas brjod byams pa dang / snying rje dang / dga' ba'i sems dang / yid bde bar bya/ bkra shis tshang bar bya zhing / snying dga' ba dang / mgu ba dang / rab tu dga' ba'i sems su byas nas bzlas brjod bya'o/ / 'phags pa spyan ras gzigs dbang phyug la a ga ru'i bdug pa dbul bar bya/ de bzhin gshegs pa thams cad la du ru ka'i bdug pa dbul bar bya/ dpal lha mo chen mo la tsan+dan gyi bdug spos dbul bar bya zhing / dus ji lta ba'i me tog dbul bar bya ste/ gsang sngags 'di lan nyi shu rtsa gcig bzlas te thams cad la dbul bar bya'o/ / na mo rat+na tra yA ya/ na maHAR+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM puSh+pa bi lo ki te gan+d+ha sa re/ a mo g+ha dza la saM wa ra Ni pad+me saM b+hu ri ta ra ta ra mu di te b+huM swA hA/ lan nyi shu rtsa gcig bzlas te me tog dang / bdug spos dang / dri dang / mchod yon dbul lo/ /'phags pa spyan ras gzigs @#/ /dbang phyug gi zhabs drung du stong rtsa brgyad bzlas/ don yod pa'i zhags pa'i snying po lan bdun bzlas/ khro bo'i rgyal po lan gsum bzlas la a ga ru'i bdug spos dbul bar bya zhing ji snyed pa'i me tog dbul bar bya/ spos dang ldan pa'i til mar gyi mar me bltam par bya zhing de nyid kyi zhabs drung du skyil mo krung du 'dug la 'phags pa spyan ras gzigs dbang phyug la bltas la/ snying po'i gzungs lan brgya rtsa brgyad bzlas la bzlas brjod kyi phyag rgya byas te don yod pa'i zhags pa'i phyag rgya lan bdun bcing ba byas na/ bcings pa tsam gyi mod la sku gzugs g.yo bar 'gyur zhing sku thams cad 'bar bar 'gyur/ rang gi lus spu zing zhes byed par 'gyur/ tho rangs 'phags pa spyan ras gzigs dbang phyug sku ston par 'gyur te/ yid la bsam pa thams cad bka' stsol bar 'gyur/ mchog thams cad sbyin par 'gyur/ 'dod pa'i mchog thams cad sbyin par 'gyur/ dbugs kyang 'byin par 'gyur/ yid du 'ong ba thams cad yongs su rdzogs par byed/ tshe 'di nyid la nad thams cad dang bral bar 'gyur/ dge ba'i rtsa ba'i tshogs thams cad dang ldan par 'gyur/ sgrib pa dang sdig pa thams cad zad cing mthar thug par 'gyur| nyon mongs pa thams cad las yongs su grol bar 'gyur/ phas kyi rgol ba dang / dgra bo thams cad 'jig par 'gyur zhing mi tshugs par 'gyur/ g.yul ngor 'jug pa'i tshe rig sngags kyi rgyal po 'di yungs kar la lan nyi shu rtsa gcig bzlas nas dmag gi nang du gtor ba byas na/ thams cad rengs par byas pa dang / rmugs par byas par 'gyur ro/ /'di'i snying po dang / gsang sngags ni/ /'di yin no/ /na mo rat+na tra yA ya/ na maHAR+ya a ba lo ki te shwA rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM a mo g+ha pA sha hr-i da ya pad+me ni ba ra de dz+wA la dzA la pra sa ri ta pad+ma b+hu dze swA hA/ snying po'i rig sngags so/ /oM a ba lo ki te pad+mi ni ba raM gi ni tu ru tu ru hUM swA hA/ nye ba'i snying po'i gzungs so/ /don yod pa'i rgya mtsho'i nor bu pad+ma rnam par lta ba'i dpal dri ma med pa/ don yod pa'i zhags pa'i snying po'i cho ga zhib mo'i gzungs 'di rtag tu bzlas brjod byas na/ mtshams med pa lnga zad par 'gyur/ lha mo dpal chen mo rtag tu rgyun mi 'chad par mchog sbyin par 'gyur/ 'phags pa spyan ras gzigs dbang phyug dus kun tu ston par bzhed par 'gyur/ de'i lus la dug thams cad kyis mi tshugs par 'gyur/ 'jigs pa chen po mi bzad pa brgyad las yongs su grol @#/ /bar 'gyur/ rims thams cad dang / nad thams cad kyis mi tshugs par 'gyur ro/ /gdon thams cad la tshon sna lnga'i srad bu la lan nyi shu rtsa gcig bzlas te mdud pa nyi shu rtsa gcig por la gu gul gyis bdugs te mgul du btags na/ gdon thams cad las yongs su grol bar 'gyur ro/ /gal te nag po chen po dang / ma mo 'ongs te rgyas btab pa gang yin pa yang gdon thams cad las yongs su thar par 'gyur ro/ /skud pa nag pos rims nyin gcig pa las yongs su grol bar 'gyur ro/ /gzhan dag la ni/ thams cad du srad bu dkar pos bsal bar bya'o/ /'thab pa dang / rtsod pa dang / khrag khrug thams cad la gi'u wang la lan nyi shu rtsa gcig bzlas te thig le byas na/ thams cad du thogs pa med par 'gyur ro/ /snying gar thig le byas na/ gnod sbyin dang / srin po dang / 'byung po dang / sha za la sogs pa thams cad kyis mi mthong bar 'gyur ro/ /lag mthil la thig le byas na/ skyes pa dang / bud med dang / khye'u dang / bu mo gang la reg pa dbang du 'gyur ro/ /smin mtshams su thig le byas na/ rgyal po btsun mo'i 'khor dang bcas pa dbang du 'gyur ro/ /mgul bar byugs na/ rje rigs thams cad dbang du 'gyur ro/ /dpung pa gnyis la byugs na/ rgyal rigs thams cad dbang du 'gyur ro/ /dpral ba'i skra mtshams su thig le byas na/ bram ze thams cad dbang du 'gyur ro/ /lte ba'i gnas su thig le byas na/ dmangs rigs thams cad dbang du 'gyur ro/ /rkang pa'i rje ngar la byugs na/ dpag tshad brgyar ngal ba med par 'gro zhing slar yang 'ong bar 'gyur ro/ /rkang mthil la bskus na| chu klung chen po'i pha rol phyin par 'gyur zhing rgya mtsho'i bar du rgal bar 'gyur ro/ /dpung ba gnyis la byugs na/ gyad kyis mi thub par 'gyur/ pus mo gnyis la byugs na| me'i phung po chen po 'bar zhing rab tu 'bar bar zhugs na tsan+dan dang spu shel tse ji bzhin du bsil bar 'gyur ro/ /ba ser skya'i 'o ma dang sbyar te mig la bskus na/ mtshan mo yang nyin mo bzhin du snang bar 'gyur ro/ /gter thams cad 'bar bar 'gyur zhing gal te de bskal pa stong du bzhag pa zhig na yang 'byung bar 'gyur ro/ /de bzhin du lto la bskus na/ ji srid du lto chus ma bkrus pa de srid du kha zas dang / btung ba mi 'dod par 'gyur ro/ /pho mtshan la bskus na/ khu ba 'gags pa byas par 'gyur ro/ /ba las byung ba lnga dang bsres te 'thung na/ lus dag cing dri ma med la gtsang zhing spyod pa gtsang ba dang ldan par 'gyur ro/ /sgom nyes dang / bza' nyes dang / grib ma ngan pa @#/ /dang / blta nyes su mi 'gyur/ 'jigs pa thams cad las yongs su grol bar 'gyur/ sdig pa dang sgrib pa thams cad las yongs su grol bar 'gyur/ rmi lam ngan pa dang / ltas ngan pa dang / bkra mi shis pa'i dngos po thams cad 'jig par 'gyur/ dug dang / dbyig dug dang / byad thams cad 'jig par 'gyur/ gsang sngags dang / sbyor ba dang / gtor ma rnams 'jig par 'gyur/ 'thab pa dang / rtsod pa dang / khrag khrug rnams kyi lan 'debs par 'gyur zhing thams cad rgyal bar 'gyur| phas kyi rgol ba dang / mi mdza' ba dang / pha rol gyi dpung gi 'jigs pa thams cad 'byung bar mi 'gyur ro/ /zhun mar dang / sbrang rtsi dang lhan cig sbyar te tho rangs kyi dus su mi smra bar byas nas zos na/ bklags pas tshigs su bcad pa stong 'dzin par 'gyur ro/ /sbyor ba zhag bdun byas na/ bstan bcos thams cad la mngon sum du 'gyur ro/ /zhag nyi shu rtsa gcig tu sbyor ba byas na/ gsang sngags kyi cho ga zhib mo dang / dkyil 'khor dang / gsang sngags dang / phyag rgya rim par phye ba thams cad la mngon sum du 'gyur ro/ /zhag nyi shu rtsa gcig zla ba gcig tu sbyor ba byas na/ thos pa mang po rgya mtsho bsags par 'gyur ro/ /sbyor da lo gcig gi bar du byas na/ tshe lo stong thub par 'gyur ro/ /'jig rten thams cad na bla ma gcig pur 'gyur zhing dga' ba dang / tshig btsun par yang 'gyur ro/ /til mar dang lhan cig bskol te mgo la bskus na/ skra cung zad 'khyil cing lcang lo can du 'gyur ro/ /bzhin gyi dkyil 'khor la bskus na/ ston ka'i zla ba nya dang mtshungs par 'gyur zhing me tog pad+ma dang / ku mu da ltar 'jam par 'gyur/ lus thams cad la byugs na/ mar dang 'dra bar 'jam por 'byung zhing rkang lag shin tu gzhon sha can du 'gyur/ rna ba la byugs na/ rna ba ji tsam 'dod pa skye bar 'gyur/ sna nas btang na/ klad pa'i nad do cog 'jig par 'gyur zhing snabs dang mchil ma 'byung bar mi 'gyur/ lha'i spos kyi dri mnam par 'gyur zhing nam yang yid du mi 'ong ba'i dri mnam par mi 'gyur/ gnyer ma dang / skra dkar spangs par 'gyur/ so rgal ba yang gsar du skye bar 'gyur| lce pad+ma'i lo ma ltar 'jam par 'gyur/ mid pa'i nad dang ske 'gags pa thams cad las yongs su grol bar 'gyur/ 'jam tsam du byas te sna ba bkang na/ sim par byed cing lha'i rna ba dang ldan par 'gyur/ sgra yid du 'ong ba dang / bkra shis pa'i sgra thos par 'gyur ro/ /de lta bas na gi'u wang gi cho ga chen po bsgrub par @#/ /bya'o| |de nas legs par grub pa/ mchog tu dge ba/ dge bar 'gro ba mig rkang zhes bya ba bshad par bya ste/ don yod pa'i zhags pa'i snying po 'di l an nyi shu rtsa gcig bzlas te khro bo'i rgyal po lan bdun bzlas nas don yod pa'i rgya mtsho'i nor bu pad+ma la rnam par lta ba'i dpal dri ma med pa don yod pa'i zhags p a'i snying po 'di lan stong rtsa brgyad bzlas te gtsang mas gos gtsang ma bgos shing khrus legs par byas pas kha zas dkar po zos la mig rkang gi ril bu khar bcug na/ ji snyed bshad pa dang / bklags pa 'dzin par 'gyur/ lce pad+ma dang ku mu da'i lo ma ltar 'jam par 'gyur/ mi'am ci'i sgra dbyangs dang ldan par 'gyur/ de las lha'i sgra yang 'byung bar 'gyur/ gang la smras pa de dag bran pho dang / bran mo bzhin du gnas par 'gyur/ gang la dri mnam pa de yang dbang du 'gyur/ tha na dud 'gro'i skye gnas su gyur pa yang dbang du byed do/ /'byung po dang / gnod sbyin dang / srin po dang / gnod sbyin mo dang / yi dwags dang / sha za la sogs pa thams cad dang / brjed byed dang / sdang ba dang / rab tu sdang ba dang / mi ma yin pa thams cad dri des 'byer bar 'gyur zhing phyogs bzhir dpag tshad brgyar byer nas thag ring po na 'khod par 'gyur ro/ /phyir rgol ba dang / sdang ba dang / rab tu sdang ba'i sems dang ldan pa thams cad dri des 'byer bar 'gyur zhing byams pa'i sems kyi dbang du 'gyur ro/ /dpung pa g.yas pa la btags na/ lag pas glang po che gnon par 'gyur ro/ /stobs dang / brtson 'grus dang / pha rol gnon pa chen por 'gyur ro/ /gyad kyis mi thub par 'gyur ro/ /rdo rje 'chang dang 'dra ba'i mthu stobs ston par 'gyur ro/ /mgul du btags te g.yul ngor song na/ gcig pus dpung gi tshogs yan lag bzhi las rgyal bar 'gyur zhing slar yang 'ong bar 'gyur ro/ /spyi bor bzhag ste rgyal po'i pho brang du song na/ rgyal po'i btsun mo'i 'khor dang bcas pa dang / blon po dang / blon po chen po dang / bram ze mdun na 'don dang bcas pa dbang du 'gyur zhing spyi bo la dbang bskur bar 'gyur/ thams cad du thogs pa med pa dang ldan par 'gyur| lag pa la btags na/ gang la reg pa de thams cad dbang du 'gyur/ nor dang / 'bru dang / dbyig dang / nor bu dang / mu tig dang / gser la reg pa tsam gyis zad mi shes par 'gyur/ sa bon gdab pa dang / brda ba byas na/ zad mi shes par 'phel bar 'gyur/ rin po che'i lag pa dang 'dra bar 'gyur/ 'bru'i phung po 'phel bar @#/ /'gyur| nyi ma re re zos na/ dran pa dang blo chen po 'phel bar 'gyur/ sdig pa thams cad dang bral bar 'gyur/ nad thams cad dang bral bar 'gyur/ rims thams cad sel bar 'gyur/ 'bras dang / mdze dang / lhog pa dang / lu'u ta dang / shu ba dang / g.yan pa dang / g.ya' ba dang / phol mig la byugs pa tsam gyis 'jig par 'gyur zhing nam yang tshugs par mi 'gyur ro/ /sbyor ba zla ba gcig tsam du byas na/ cho ga zhib mo dang / gsang sngags rim par phye ba dang / phyag rgya dang / dkyil 'khor gyi mchog 'grub par 'gyur ro/ /dus kun tu lus la thogs na/ mtshon gzas pas lus la mi tshugs so/ /chom rkun dang / g.yon can thams cad kyis glags rnyed par mi 'gyur ro/ /thams cad du thogs pa med par 'gyur/ til mar dang lhan cig bskol te klad pa na ba dang / rna ba na ba dang / so na ba dang / mig na ba dang / klad pa phyed na ba la 'jam tsam blugs pa tsam gyis sdug bsngal thams cad rab tu zhi bar 'gyur zhing phyin chad nad gang yang 'byung bar mi 'gyur ro/ /gdon stong phrag drug cu rtsa brgyad la zhun mar dang yungs kar bsres te bdugs na/ 'dus nas phyogs bcur 'byer zhing nam yang gnas kyi sa phyogs der 'ong bar mi 'gyur ro/ /rang gi yid la 'dod pa'i dgos pa gzhan thams cad kyang byed par 'gyur ro/ /de nas lha thams cad 'gugs pa dang / byang chub sems dpa' thams cad spyan 'dren pa/ de bzhin gshegs pa thams cad la skul ba/ rig sngags 'chang thams cad kyi grub pa'i mtha'/ gnod sbyin dang / srin po rnams dang / 'byung po'i gdon rnams dang / brjed byed dang / gnod sbyin mo rnams dang / yi dwags dang / sha za dang / skem byed thams cad 'byer bar byed pa/ sdang ba'i bdud rnams gsod pa/ nad thams cad zlog pa/ gdug pa'i dug rnams zlog pa/ mche ba'i dug dang / gnas pa'i dug dang / 'gro ba'i dug thams cad la thogs pa med pa grub pa/ rims thams cad 'joms pa/ khyad par du rims nyin bzhi pa 'joms pa/ bzhin dang bar byed pa'i gtso bo/ /gos bdug pa'i mchog /gsang sngags dang / byad thams cad dbang du byed pa'i mchog /gang la rgyal po khros nas gshed mas mtshon gzas pa yang bdug pa 'dis bdugs na/ de thams cad zhi bar 'gyur ro/ /dug dang / dug sbyar ma dang / srog chags lu'u ta dang / sbrul gyis zin pa dang / srog chags go na se dang / gzhan yang srog chags sna tshogs dug dang bcas pa mchog tu mi zad pa rnams dang / gal te klu 'jog pos zin na yang bdugs pa tsam gyis @#/ /dug thams cad med par 'gyur ro/ /nad kun 'phrog pa grub pa ste/ /sdig pa thams cad 'jig byed pa/ /bsod nams phung po che dang mnyam/ /grub pa lha rnams kun gyis mchod/ /brgya byin sum cu'i lha dang ni/ /lha min lhan cig g.yul 'gyed tshe/ /bdug pa 'di yis bdugs pa dang / lha min de bzhin pham par 'gyur/ / drag po yis ni sum brtsegs bsregs/ /khyab 'jug gis ni pa li bcings/ /mi'u thung gis ni sa gzhi mnan/ /lha min dbang pos nyi zla dang / /gza' rnams pham byas 'khrugs par gyur/ /bdug pa'i rgyal pos khyad par gyis/ /mi'u thung ni kun las rgyal/ /sgyu ma byed pa stong phrag brgya/ /rtag tu rnam par rgyal bar byed/ /bdug pa'i rgyal pos skya bsengs rnams/ /rnam par pham par the tshom med/ /bdud ni bye ba stong phrag brgya/ /'dren pas byams pa'i stobs kyis btul/ /bdud ni bye ba stong phrag brgya// bdug pa'i rgyal po'i mthu stobs kyis/ /sdang ba'i bdud ni yang dag zad/ /rgya mtsho rnam par dkrugs byas pas/ /rgya mtshor gnas kun gcer pur 'gyur/ /snod gcig gi ni sum cha bskams/ /yid bzhin nor bu chud zos pas/ /don kun grub pa bdag nyid ches/ /bdug spos 'di yis bdugs byas nas/ /slar yang rang gi khyim 'ongs te/ /rtag tu rgyal mtshan rtser btags nas/ /bdug pa 'di yis bdugs byas shing / /nyin mtshan bdun gyi bar du ni/ /rin chen bdun gyi char pa phab/ /de ltar bdug pa stobs ldan yin/ /las kyis don kun sgrub par byed/ /g.yul chen po lhung ba'i klu'i mtshor dga' bo dang / nye dga' bos rgya mtsho chen po la lhun po'i ri rab kyis bsrubs pas/ dug 'dzags pa mgrin sngon gyis dug 'thungs pas bdug pa'i rgyal pos bskor bas dug med par byas so/ /bdug pa'i rgyal po 'di'i mthus bdud rtsir yongs su byas so/ /de ltar bdug pa'i rgyal pos dug thams cad 'joms par the tshom med do/ /gling bzhi pa yi drang srong gis/ /des ni maN+Dal pham par byas/ /stan phyed la ni longs spyod pa'i/ /skra can dbang pos ltung bar byas/ /bdug pa'i rgyal po bsam pa yis/ /rdzun du smra ba de rnams nyams/ /de phyir bden par smra ba'i phyir/ /bdug pa 'di ni bden pa ldan/ /bden pa'i rgyal pos rab tu bsgrags/ /bden pa'i chos dang bden par smra/ /mtha' dag bsdus las byams pa'i sems/ /'jig rten kun la rtag tu byams/ /snying rje dang ni dga' ba nyid/ /bdug pa gzhan gyis bdugs pa 'di/ /mtshon cha thams cad 'joms par byed/ /bden pas byin gyis brlabs pa'i bdug pa @#/ /'di de bzhin gshegs pa thams cad kyis gsungs pa/ 'jig rten dbang phyug mgon po 'jig rten pa'i rtag tu bla mar gyur pa'o/ /sems can thams cad la phan pa'i don du rig sngags 'chang rnams kyi khyad par du dmyal ba bcu drug gi 'jigs pa mi bzad pa dang / 'jigs pa chen pos sdug bsngal gyi tshor ba myong bar 'gyur ba dang / yi dwags kyi sdug bsngal gyi 'jigs pa chen po cher mi zad pa/ rtag tu bkres pa dang skom pas nyen pa/ kyi hud ces sgra sgrog par byed pa'i skrag pa de la skyabs med do/ /sems can thams cad rjes su brtse bas brtan par kun tu blta bar bya'o/ /'jig rten thams cad kyi skyabs su gsungs pa ni/ bdug pa'i rgyal po bla na med pa'o/ /bdug pa 'dis bdugs te gang gi don du ming nas smos pa yang ma rungs pa'am/ yang na byams pa yang rung ste/ yid la bsam pa rnams sgrub par byed do/ /'dis bdugs te brjod pa tsam gyi mod la 'di rnams thams cad rtag tu 'grub par byed de/ spyan ras gzigs dbang phyug gi gsung dge pa'o| |gza' zla ba'am/ gza' nyi ma rgyu skar nyam bab la gnas pa/ sgra gcan gyis zos pa rnams dang / mi gang yin pa skye ba'i gnod pa dang / rgyal po'am/ yang na bud med dam/ blon po chen po dang / blon po dang / bkrabs pa dang / mdun na 'don dang / rgyal rigs dang / bram ze dang / dmangs rigs dang / rje rigs dang / skye bo gzhan dang / 'grogs pas gnod pa dang / 'thab pa nyid dang / sdug bsngal mi bzad pas nye bar 'tshe ba la bdug spos rgyal pos bdugs pas de'i skad cig la de dag thams cad mi 'byung ngo / /bza' ba dang btung ba shin tu zhim po thob ste gos med pa'i skye bos gos dang / rgyan dang / lha rdzas kyi dri dang / phreng ba dang / byug pa dang / gos dang / bzhon pa dang / khri dang / nye bar bsten pa dang / lhab lhub thams cad skad cig gis 'byung ste/ gal te yang dag par sbyar ba yin na'o/ /bsam pa dang / re ba dang / yid kyi shing rta thams cad mngon par smras pas 'grub par byed do/ /'jig rten dbang phyug gi gsung ste/ rtag tu 'di dag thams cad 'grub bo/ /yi dwags rnams kyis zas rnyed cing / lha rdzas kyi gos dang / rgyan mchog rab tu 'gyur ro/ /bdag gi sdig pa thams cad rtag tu grol bas dmyal ba las grol te dmyal ba mi bzad pa thams cad las grol lo/ /sdug bsngal thams cad las grol te/ skye bo bde ba la rtse bar byed do/ /bde zhing bde 'gror 'gro la bde ba thams cad du thob par byed do/ /bdug spos 'dis bdugs pas mchog gi @#/ /dri snom par byed de/ rdul dang mun pa can thams cad bdug pa bsnams pas sangs par byed de/ dper na/ nyi ma shar bas 'jig rten gyi mun pa rnam par sangs par byed pa bzhin no/ /bdug pa'i rgyal po 'dis sdug bsngal thams cad rnam par nyams par byed cing dmyal ba thams cad dang / sdig pa dang / 'jigs pa thams cad las grol te sa bcu po thob cing / bde 'gro'i lam bzang po bstan pa de'i phyir 'bad pa thams cad kyis bdug pa'i rgyal po 'di sbyar bar bya'o/ /de nas b yang chub sems dpa' sems dpa' chen po 'phags pa spyan ras gzigs dbang phyug gis bdug pa chen po'i rgyal po chen po cho ga zhib mo dang rjes su mthun pa 'di gsungs so/ /'jig rten mgon po'i spyan sngar mchod rten la sa'i phyogs gang du bdug pa 'dis bdug par bya ste/ de bzhin gshegs pa'i gnas rtag tu byin gyis brlabs pa dang / thams cad du rgyal ba dang / de bzhin du lung bstan pa'i sa'i phyogs der gang+gA'i bye ma bye ba khrag khrig stong phrag snyed kyi sangs rgyas rnams bzhugs pa der rig sngags 'chang gis gang du bdug spos kyi bdugs pas rdo rje 'chang bye ba brgya stong phrag rnams dang / rgyal po chen po bzhi dpung dang bcas/ bzhon pa dang bcas pa dang / rtag tu ri gangs ldan dang / de bzhin du nor bu bzang po dang / lnga rtse na dang / gang ba bzang po dang / ke lI kI la dang / gnod sbyin chen po yang dag shes dang / mi la zhon pa dang / sangs rgyas stobs dang / stobs po che dang / sgra sgo skyong dang / na da ku be ra dang / rab 'joms dang / dz+ya Ta ba ka dang / stobs kyi lha dang / rdzu 'phrul chen po ste/ 'di rnams sde dang bcas/ dpung dang bcas/ bzhon pa dang bcas pas nyin mtshan rtag tu gnas nas de bzhin nyid du srung bar byed do/ /bdag gi dpal sa gsum gyi lha mo rtag tu mchod par byed do/ /rtag tu sa gzhi gang du bdug pa rab tu bdug par bya ste/ rdo rje 'dzin pa dang / de bzhin nyid du gsang ba pa dang bcas pa dang / chos 'dzin pa la mkhas pa rnams rtag tu srung bar byed cing / de bzhin nyid du tshangs pa dang / drag po lha'i bu rnams dang bcas pa dang / de bzhin nyid du khyab 'jug dang / lha'i ris sum cu rtsa gnyis po thams cad du dus rtag tu yang srung bar byed do/ /zla ba dang / nyi ma dang / de bzhin du sgra gcan dang / rgyu skar dang / skar ma'i tshogs dang / mtshan mo'i lha rnams kyis dus rtag tu srung bar byed do/ /'jigs ma dang / dpal mo dang / dung can ma'i lha rnams dang / dbyangs can ma dang / sa 'dzin gyi lha rnams dang / chu lha dang / ljon pa dang / @#/ /nags kyi rtse mo'i lha dang / ri'i lha dang / chu klung dang / lteng ka'i lha dang / gshin rje dang / chu'i lha dang / lus ngan gyi lha dang / gzhon nu'i lha dang / lha'i drang srong bdag nyid che ba dang / lteng ka'i lha dang / chu klung dang / lteng ka dang / lha ma yin dang bcas pa'i lha rnams dang / zla ba dang / nyi ma dang / de bzhin du lha rnams kyis rtag tu srung bar byed do/ /rtag tu rjes su 'brang zhing / nyin mtshan rtag tu rgyun mi 'chad par rjes su 'brang ste sa'i phyogs gang du bdug spos 'dis bdugs pa'i sa phyogs su rtag tu lha'i gnas su byin gyis brlabs so/ /'jig rten dbang phyug dang / mgon po dang / bla ma dang / rnam par 'dren pa dang / 'jig rten gyi skyabs dang / mchog sbyin par de bzhin nyid du rtag tu rgyun mi 'chad par gnas so/ /gnas der bdug spos gang yin pa de dag gis mchog tu bdug par bya'o/ /dri mnams pa tsam gyis myur du sangs rgyas nyid thob bo zhes so/ /sems can kun la phan don phyir/ /sdug bsngal thams cad ldog byed pa'i/ /rdzas kyi ming rnams bshad bya yi/ /lha dang mi rnams mnyan par gyis/ /a ga ru dang rgya spos nyid/ /de bzhin tsan+dan ser por bcas/ /pr-ik+ka nyid dang gi haM dang / /kun tu ru bcas ma he'i mig /ro dang sra rtsi pog nyid dang / de bzhin gur gum na lan+da/ a ru ra bcas dpal bskor ba/ /sA ma kaM dang spang spos bcas/ /pri yaM gu bcas tu ruska/ /ka yas+tha dang ba yas+tha/ /na me ru dang gla sgang bcas| |ru ta a ga ru nag nyid/ /ga pur dang ni gla rtsi nyid/ /laM ka gser shing 'bras bu dang / /arga'i 'o ma gser 'o ma/ /snu ha'i 'o ma nyid dang ni/ /thod pa skal pa ldan nyid dang / /so ma rA dza khyab 'jug mnon/ /shing dga' rgyal dang rnam rgyal nyid/ /nA ku lI dri nA ku yI/ /tshangs pa'i bu dang ku mu dang / /pad+ma'i chu ba sbrang rtsi dang / /bu ram dkar po'i khu ba dang / /'di rnams lhan cig sbyar ba yi/ /bdug pa'i mchog 'di bsgrub par bya/ /mkhas pas legs par khrus byas te/ /gtsang mas gtsang ma'i gos bgos shing / /zla ba nya'am bcu bzhi la/ /bcu gsum pa'am tshes brgyad la/ /rtag tu sbyar bya nyin mtshan gzung / /sngags la mkhas pas bdug spos 'di/ /so so so sor kun sbyar nas/ /phyog rgya dkyil 'khor gsang sngags dang / /me tog bdug spos dri rgya chen/ /mchod pa'i cho ga 'di yis dang / /gtor ma'i las la mkhas pa dang / /mchod yon snod ni gang ba dang / /mgo la'ang dri dang til mar gyi/ /mar me legs gru gnas su ni/ /legs sbas gtsang mar gnas de sgrub/ /legs sbas gtsang mar gnas pa yis/ /slong ma @#/ /mchog gi grogs kyis ni/ /don yod zhags pa'i spyan snga ru/ /'dug nas yongs su dag pa'i lus/ /sdom dang byams pa'i sems bzhag nas/ /sems can kun la snying rje'i bdag / sangs rgyas rjes su dran sgom zhing / /gsang sngags bzlas pa mchog gyis shig /de bzhin gshegs pa thams cad la dmigs te 'jig rten dbang phyug gi zhal nas byung ba don yod pa'i zhags pa'i snying po stong rtsa brgyad/ khro bo'i rgyal po stong rtsa brgyad/ don yod grub pa brgya rtsa brgyad tshig dang yi ge shin tu gsal bar bzlas nas don yod pa'i rgya mtsho'i nor bu pad+ma la rnam par lta ba'i dpal dri ma med pa don yod pa'i zhags pa'i snying po stong phrag bcu bzlas te/ de nas gsang sngags 'di stong phrag brgya bzla'o/ /oM sarba ta thA ga ta a ba lo ki te a mo g+ha hr-i da yan/ tsa ra tsa ra tsa ra/ ma hA ku ru Ni kA ya/ sA d+he ya hUM/ a b+hi Shiny+tsa ya a mo g+ha pA sha ha ste swA hA/ de nas gsang sngags bzlas brjod byas te mnyam par bzhag la las thams cad la mkhas pas bdug spos kyi mchog la bzlas pa tsam gyi mod la bdug spos kyi rgyal po la de bzhin gshegs pa thams cad kyi byin gyi rlabs kyis byin gyis brlabs par 'gyur ro/ /don yod pa'i zhags pa snang ba rgya che ba/ nor bu chen po'i sprin dri ma med pa zhes bya ba/ de bzhin gshegs pa thams cad kyis rnam par gzigs pa/ 'phags pa spyan ras gzigs dbang phyug gi mchog sbyin pa'i 'khor los bsgyur ba zhes bya ba'i bdug pa'i rgyal po yin te/ thog mar de bzhin gshegs pa thams cad la sngags 'di lan bdun bzlas te bdug pa dbul bar bya'o// oM sarba ta thA ga ta a ba lo ki te ma hA a mo g+ha dza ya dza ya swA hA/ de'i 'og tu bdag rang la bdugs na/ de bzhin gshegs pa thams cad kyi byin gyis rlob par 'gyur ro/ / byang chub sems dpa' chen po 'phags pa spyan ras gzigs dbang phyug mchog sbyin pa bdugs pa tsam gyi mod la 'phags pa spyan ras gzigs dbang phyug gi sku ston par 'gyur ro/ /dge sbyong dang bram ze'i gzugs kyis de dang lhan cig smra bar byed de/ gang la smras pa dang / gang la gtam byas pa de thams cad tshe 'di la 'grub par 'gyur ro| |de'i 'og tu mtshan mo rang gi gzugs ston par 'gyur zhing mchog sbyin par mdzad do/ /don yod pa'i zhags pa'i ye shes thob par 'gyur/ 'jigs pa chen po brgyad las yongs su grol bar 'gyur/ sngon gyi sgrib pa dang sdig pa dmyal ba'i tshor ba myong bar 'gyur ba zad cing mthar thug par 'gyur ro/ /gang dag gi lus la @#/ /bdugs pa tsam dang / mthong ba tsam gyi mod la thams cad dbang du 'gyur ro/ /yul 'khor dang / grong khyer dang / grong rdal dang / ljongs dang / rgyal po btsun mo'i 'khor dang bcas pa dang / blon po dang / blon po chen po dang / bkrabs pa dang / bram ze mdun na 'don dang bcas pa dbang du 'gyur zhing thams cad bgyi ba ci mchis zhes bya ba byed par 'gyur ro/ /rigs bzhi'i 'jig rten dbang du 'gyur ro/ /tshes bcu bzhi dang / bco lnga dang / tshes brgyad la khrus legs par byas te gos gtsang ma bgos la| ba las byung ba lngas byugs pas khyim gyi phugs su dkyil 'khor byas la me tog dang mchod yon gyi snod gzhag par bya/ gtor ma dkar po nye bar gzhag par bya/ de bzhin gshegs pa thams cad la dmigs la byang chub sems dpa' thams cad la dmigs te phyogs bzhir phyag byas la bdug pa'i rgyal po 'dis bdugs pa byas na| bdugs pa tsam gyi mod la phyogs bcu mtha' yas mu med pa'i sangs rgyas kyi zhing rnams kyi rdul phra mo snyed kyi de bzhin gshegs pas yongs su gang ba la 'di lta ste/ sangs rgyas kyi zhing re rer de bzhin gshegs pa gang+gA'i klung gi bye ma snyed bye ba khrag khrig stong phrag brgya la bdug pa'i sprin 'khrigs pa/ lha'i spos kyis bsgos pa/ mi mnyam pa dang mnyam pa'i bdug spos chen po tsan+dan sbrul gyi snying po dang / go shiR+Sha dang / ta ma la'i lo ma dang / bdug spos mang po nam mkha'i ngos khebs pas mchod par 'gyur ro/ /byang chub sems dpa'i 'khor rnams dang / sum cu rtsa gsum na gnas pa'i lha brgya byin dang / tshangs pa dang / khyab 'jug dang / dbang phyug chen po la sogs pa 'og min gyi gnas na gnas pa'i lha'i bar thams cad bdug pa'i dris rab tu dga' bar 'gyur ro/ /rgyu skar dang / skar ma'i tshogs dang / nyi ma dang / zla ba thams cad dga' bar 'gyur te/ 'di la the tshom mi bya zhing yid gnyis bskyed par mi bya'o/ /skad chen pos don yod pa'i zhags pa'i snying po bzlas pa byas na/ des na sangs rgyas kyi zhing thams cad na bzhugs pa'i de bzhin gshegs pas legs so zhes bya ba'i sgra 'byin par 'gyur zhing / rig sngags 'chang de la yang de bzhin gshegs pas byin gyis rlob par 'gyur/ dus kun tu dgongs par 'gyur/ yang dang yang du gzigs pa'i phyir byon par 'gyur ro/ /bde ba can na bzhugs pa de bzhin gshegs pa tshe dpag med dang / byang chub sems dpa' 'phags pa spyan ras gzigs dbang phyug dang / mthu chen thob la sogs pa byang chub sems dpa' thams cad thugs rab tu dgyes par 'gyur/ rig sngags @#/ /'chang la don yod pa chen po'i dngos grub stsol bar mdzad gzigs bzhed par 'gyur ro/ /klu thams cad la bdugs pa tsam gyis dbang du 'gyur zhing ha cang char ches na gcod par byed cing / char mi 'beb na 'bebs par byed do/ /rlung dang / ser ba dang / sprin thams cad gcod par byed/ bdugs pa tsam gyis gdon thams cad 'jig par 'gyur/ bgegs dang log 'dren thams cad phyogs bcur dpag tshad stong du 'bros par 'gyur/ ma mo'i gnas su bdugs na rlung dang / ser ba dang / sprin thams cad gcod par byed/ ma mo'i tshogs dang / nag po chen po la sogs pa 'gugs par 'gyur zhing dbang du gyur nas 'dug par 'gyur/ bya ba thams cad byed par 'gyur ro/ /g.yul 'gyed pa'i tshe bdugs na dpung gi tshogs yan lag bzhi pa'i dpung las rgyal bar 'gyur/ thams cad du bdugs pa tsam gyis rgyal bar 'gyur/ thams cad du sbyar bar byas na kun tu grub pa chen por 'gyur ro/ /bdug pa'i cho ga'o/ /'phags pa don yod pa'i zhags pa'i cho ga zhib mo'i rgyal po/ bam po bcu gcig pa/ de nas rig sngags 'chang rnams la phan pa dang / bde ba'i phyir thig le bya ba dang / gdong bkru ba dang / lus bsku ba byas na ya lad dang go cha bgos pa dang 'dra bar 'gyur ba bshad par bgyi yi/ bcom ldan 'das gsan du gsol/ don yod pa'i nor bu rgya chen po rdo rje'i zhags pa zhes bya ba'i nor bu gang sbyor bar byas pa tsam gyis thams cad 'grub pa/ bla na med pa/ mkhas pas mdzod spu rnams su thig le byas na/ tshogs kyi nang dang / skye bo mang po'i nang dang / dge 'dun gyi nang dang / de bzhin du rigs byed kyi tshogs bzhi'i nang du skar ma'i tshogs kyi nang na zla ba tshes pa bzhin du mdzes shing 'jigs pa med do/ /lha rnams thams cad ya mtshan skye/ /drag po yi ni cod pan 'chang / /'jig rten mgon po'i g.yas kyi dbu'i/ /dbu rgyan rtse phran zla tshes bzhin/ /gdong bkru ba ni mchog yin no/ /zla ba nya ba'i 'od dang mtshungs/ /smin ma rna ba dpral ba dang / /pad+ma dkar sham shin tu 'jam/ /mig gnyis ut+pal sngon po 'dra/ /sems can thams cad dga' bas blta/ /dga' zhing rtag tu tshig btsan 'gyur/ / de yi mig gis gang mthong ba/ /thams cad dbang du gyur par 'gyur/ /skyes pa la ni bsku byas na/ /rtag tu rigs smra blo che zhing / /rtag tu ya lad go bgos pa'i/ /'jigs pa med pa'i lus su 'gyur/ /'byung po rnams ni mi bzod cing / /gnod sbyin 'byung po gsang ba pas/ /rtag tu thub par mi 'gyur ro/ /stobs chen pha rol gnon pa dang / /rtag @#/ /tu sred med stobs ldan zhing / /glang chen stobs kyi stobs ldan 'gyur/ /lha rnams 'dar ni yed yed cing / /klu rnams mtsho na skrag par byed/ /gal te rig sngags smra ba yis/ /reg na ri rab lhun po yang / /g.yo bar 'gyur ba the tshom med/ /rtag tu sred med stobs ldan zhing / /stobs dang gzugs dang rtsal ldan 'gyur| |nor bu rgyal po bla na med/ /'di ni thos pa tsam gyis su/ /sdig pa kun las nges grol zhing / /dug rnams thams cad 'joms par byed/ /dpal dang skal bzang rtag thob 'gyur/ /gang gi lag tu thogs 'gyur ba/ /sgrib pa kun las nges grol zhing / /de bzhin 'jig rten dga' bar 'gyur/ /de na de bzhin gshegs kun gyi| |thugs skyes gsung skyes sras su 'gyur/ /'phags pa spyan ras gzigs dbang phyug /bla ma rtag tu rjes 'brang zhing / /rig sngags smra ba dbugs dbyung phyir/ / de bzhin du ni srung ba dang / /rtag tu mchog ni sbyin par 'gyur/ /'jig rten mgon po thub chen gyis/ /bsod nams phung po chen po thob/ /gang zhig nor bu 'di 'chang ba de de bzhin gshegs pa gang+gA'i klung gi bye ma bye ba khrag khrig brgya stong phrag drug cu rtsa bzhi snyed las dge ba'i rtsa ba bskyed par 'gyur/ de bzhin gshegs pa de dag thams cad mthong zhing dbugs 'byin pa dang / phyi bzhin 'brang bar 'gyur ro/ /dpal dang skal pa bzang po thams cad dang ldan par 'gyur/ rtag tu lus dang ngag dang yid yongs su dag par 'gyur/ sems can thams cad kyi mchod pa gcig pur 'gyur/ dgra thams cad kyis mi sod par 'gyur/ phyag na rdo rjes de la rtag tu bsrung ba dang / bskyab pa dang / sba ba'i phyir gnas par 'gyur/ phyag na pad+ma yang rtag tu mchog sbyin par 'gyur ro/ /rig sngags 'chang 'di ni/ de bzhin gshegs pa thams cad kyis lung bstan pa de/ 'dir de bzhin gshegs pa thams cad kyi nor bu chen po bzung bas sdang ba bdud la sogs pa thams cad dang / bgegs dang / log 'dren thams cad las rgyal te/ pha rol tu pham par mdzad nas chos kyi 'khor lo bskor ro/ /'dis rnga bo che la bskus te brdungs na/ chos kyi rnga bo che brdungs par 'gyur ro/ /gang dag sgra thos pa tsam gyis sems can thams cad kyi mtshams med pa lnga'i sdig pa rab tu zhi bar 'gyur ro/ /tha na dud 'gro'i skye gnas su gtogs pa'i ri dwags dang / bya gang yin pa de dag thams cad kyang yongs su grol bar 'gyur ro/ /'phags pa la skur pa 'debs pa dang / dam pa'i chos spong pa dang / mnar med pa la gzhol zhing gnas @#/ /pa dag las yongs su grol bar 'gyur/ dmyal ba chen po bcu drug las yongs su grol bar 'gyur/ 'jigs pa chen po brgyad las yongs su grol bar 'gyur/ de la dug gi 'jigs pa 'byung bar mi 'gyur/ me'i 'jigs pa 'byung bar mi 'gyur/ mtshon gyi 'jigs pa 'byung bar mi 'gyur/ dus ma yin par 'chi ba'i 'jigs pa 'byung bar mi 'gyur/ rims thams cad kyi 'jigs pa 'byung bar mi 'gyur/ 'di dung la bskus te bus na/ chos kyi dung chen po bus par 'gyur/ tha na dung gi sgra thos pa'i bar de dag thams cad kyang slar ldog par mi 'gyur/ skyes pa dang / bud med dang / khye'u dang / bu mo dag kyang skye ba dang / rga ba dang / nad dang / 'chi ba dang / mya ngan dang / smre sngags 'don pa'i sdug bsngal las yongs su grol bar 'gyur/ 'di ni/ skye ba phyi ma yin te/ shi nas thams cad ris mthun par bde ba can gyi 'jig rten gyi khams su pad+ma las brdzus te skye bar 'gyur ro/ /lus skyes bu chen po'i mtshan dang / dpe byad kyis brgyan pa/ rgyan thams cad kyis klubs pa| pad+ma las skyil mo krung bcas te skye bar 'gyur ro/ /byang chub kyi snying po la thug gi bar du 'od dpag med las mngon sum du chos kyi gtam thos par 'gyur ro| |zla ba yar gyi ngo la cod pan dkar po bcings te nor bu chen po 'di rgyal mtshan gyi rtse mo la btags na/ bsgrengs pa tsam gyi mod la chos kyi rgyal mtshan bsgrengs par 'gyur ro/ /'di rgyal mtshan gyi rtse mo la btags pa mthong ba tsam gyis de bzhin gshegs pa byang chub kyi snying por chos kyi 'khor lo bskor ba dang / bdud 'dul ba'i rgyal mtshan bsgreng bar rig par bya'o/ /'di bsgrengs pa tsam gyis 'thab pa dang / rtsod pa dang / khrag khrug thams cad zhi bar 'gyur/ gnod pa thams cad dang / mi ngas dang / mu ge'i dgon pa rab tu zhi bar 'gyur/ chom po dang / g.yon can dang / rkun ma dang / phyir rgol ba dang / mi mdza' ba 'jig par 'gyur/ rang gi dpung dang / gzhan gyi dpung dang / sdang ba'i sems can rab tu zhi bar 'gyur/ dug mi bzad pa dang / gcan gzan gtum po dang / bya dang / sbrang bu dang / sha sbrang dang / byi ba dang / sdig sbrul dang / 'bras dang / lu'u ta dang / dug dang / shu ba dang / lhog pa dang / mtshan bar rdol ba dang / ske bgegs pa thams cad 'jigs par 'gyur/ sdang ba'i klu dang / ser ba dang / grang pa dang / rlung gis mi tshugs shing nad thams cad rab tu zhi bar 'gyur ro/ /bde ba dang / dga' ba dang / lo legs pa dang / skye bo mang po dang / mi mang pos yongs su gang @#/ /zhing 'byor par 'gyur/ chos 'dod cing chos kyi kun dga' la dga' ba dang / mgu bar 'gyur/ me tog dang / 'bras bu dang / lo tog dang / zas dang / skom ro zhim pa dang / shin tu 'jam pa phun sum tshogs par 'gyur/ thams cad du lha'i reg pa dang bcas pa'i bza' ba dang btung ba 'byung bar 'gyur ro/ / sdang ba'i gnod sbyin dang / srin po dang / 'byung po dang / sha za dang / phra men ma dang / yi dwags dang / brjed byed dang / srul po dang / lus srul po dang / skem byed dang / grib ma dang / bza' nyes dang / 'gom nyes dang / blta nyes dang / grib ma ngan pa zhi bar 'gyur zhing mi tshugs par 'gyur/ sems can de dag thams cad phan tshun byams pa'i sems su 'gyur/ mchog tu yid bde ba'i gnas pas gnas pas gnas par 'gyur ro/ /yon tan dang phan yon chen po de dag ni/ nor bu'i rgyal po chen po'i byin gyis brlabs pa yin no/ /de nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das kyi spyan snga na bzhin 'dzum zhing mig mi 'dzum pas bcom ldan 'das la 'di skad ces gsol to/ /bcom ldan 'das/ grub pa'i rdzas kyi mchog nor bu gdags pa/ de bzhin gshegs pa thams cad kyi byin gyis brlabs shing lung bstan pa/ bdag gi snying po yid bzhin gyi nor bu chen po sems can thams cad la phan pa dang / bde ba'i phyir zhugs pa rjes su bsgrag par bgyi'o/ /gser dang / na la da dang / gi wang dang / ba bla dang / ldong ros dang / pad+ma dang / ut+pa la dang / gur gum dang / nA ga pus pa dang / twa tsa dang / ta ra ga dang / tsan+dan rnam gnyis dang / spr-ig ka dang / kA la ka dang / ru rta dang / shu ti dang / pri yang ku dang / ha re Nu ke dang / sug smel dang / lo d+ha dang / dzA ta pa tri ka su ma na dang / sa ma ka dang / sra rtsi phog dang / shing arga'i 'o ma rnams bsags te cha mnyam par byas la gser nyis 'gyur du byas te rgyu skar bzang po dang / tshes grangs shis shing dge ba la khrus l egs par byas te gos gtsang ma bgos nas nyin zhag gcig byams pa'i sems la mnyam par bzhag ste phye ma zhib mor byas te don yod pa'i zhags pa'i rgyal po'i snying po'i gzungs stong rtsa brgyad bzlas/ khro bo'i rgyal po brgya rtsa brgyad bzlas te gtor la dri chab bzang pos sbangs te sbyar la gser dang bsres la ga pur dang / gla rtsi'i bdug pas bdugs te nor bu zho gnyis pa'i tshad du byas nas phug la ras skud kyis btags te gser gyis g.yogs la/ yang don yod pa'i zhags pa'i snying po stong rtsa brgyad bzlas/ @#/ /khro bo'i rgyal po brgya rtsa brgyad bzlas te 'phags pa spyan ras gzigs dbang phyug gi spyan sngar mi smra bar bsgrubs par byas la de nyid kyi zhabs drung du grib ma la bskam par bya ste/ phyed dam bzhi cha gser gyis g.yogs par bya zhing phyed g.yogs par mi bya'o/ /gang la gser gyis g.yogs pa 'di ni/ gang la don yod pa'i zhags pa yid bzhin gyi nor bu chen po dang 'dra ste/ sangs rgyas kyi byang chub dang / 'jig rten pa dang / 'jig rten las 'das pa las chen po sgrub par byed do/ /gser gyis ma g.yogs pas ni/ 'jig rten pa'i dgos pa thams cad sgrub par byed do/ /nad thams cad dang / gdon thams cad dang / lu'u ta dang / 'bras dang / 'go ba'i nad dang / shu ba dang / lhog pa dang / mtshan bar rdol ba dang / phol mig dang / sha bkra dang / mig nad dang / klad nad dang / gzhogs phyed na ba dang / mgul pa 'gags pa dang / kha nad dang / sna nad dang / rna ba'i nad dang / so nad dang / rkan na ba dang / lce na ba dang / mchu na pa dang / snying na pa dang / rtsibs logs na ba dang / lto ba na ba dang / mchin pa na ba dang / rgyab na ba dang / gcin snyi ba dang / zug gzer dang / 'khru ba dang / pho ba'i nad dang / gzhang 'brum thams cad rab tu zhi bar 'gyur zhing / rims thams cad rab tu zhi bar 'gyur te/ rims nyin bzhi pa dang / rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa rnams rab tu zhi bar 'gyur ro/ /lus kyi nang gi nad thams cad la chu dron dang lhan cig sbyin no/ /pha rol gyi nad thams cad dang / gnod pa thams cad la byugs pa tsam gyis yongs su grol bar 'gyur ro/ /thams cad du dgos pa thams cad la sbyar ba tsam gyis thams cad 'grub par 'gyur te/ the tshom mi bya'o/ /gser gyis g.yogs pa dpung pa la btags na/ thams cad du thogs pa med par 'gyur te/ stobs dang / brtson 'grus dang / pha rol gnon pa phyag na rdo rje dang / pad+ma 'chang dang 'dra bar 'gyur ro/ /dgos pa thams cad 'grub pa bla na med pa rnam pa gsum po 'di la sbyar bar bya ste/ thig le dang / gdong pa bkru ba dang / lus bsku ba'o/ /yid la ji ltar bsam pa'i dgos pa sgrub pa'i de kho ni nyid 'grub pa ste/ the tshom mi bya'o/ /rgyal po btsun mo'i tshogs dang bcas pa dang / skye bo dang / blon por bcas pa rtag tu bgyi ba ci mchis zhes bran bzhin du dbang du 'gyur ro/ /nor bu spyi gtsug tu bzhag nas rig sngags bzlas na/ bgegs med par thams cad 'grub par 'gyur ro/ /lag pa g.yas pa la btags te rig @#/ /sngags bzlas na/ bzlas brjod kyi cho ga stong phrag brgya 'gyur du byas par 'gyur te/ lan gcig bzlas pas stong phrag brgyar rab tu 'phel bar 'gyur ro/ / mgul par btags te bcangs na/ khrus ma byas pa khrus byas par 'gyur/ mi gtsang ba gtsang bar 'gyur/ tshangs par mi spyod pa tshangs par spyod par 'gyur/ thub par ma byas pa thub par byas par 'gyur/ smyung bar ma byas pa smyung ba byas par 'gyur/ tshig mi btsan pa tshig btsan par 'gyur/ ma grub pa grub par 'gyur/ dam tshig ma shes pa dam tshig shes par 'gyur/ byams pa'i sems dang ldan par 'gyur/ sbyin pa gang chung zad ci sbyin pa chung ngu yang stong phrag brgya 'gyur du sbyin pa chen po 'phel bar 'gyur| pha rol tu phyin pa drug rdzogs par 'gyur/ nor bu 'di lag mthil g.yas pa la btags na/ gang la reg pa de zad mi shes par 'gyur ro/ /su la yang brjod par mi bya ste| de'i 'og tu de dag thams cad 'phel bar 'gyur ro/ /rked pa la btags te chu'i nang du zhugs na/ chu klung chen po'i gting du sleb par 'gyur ro/ /de nas nor bu s grub par 'dod pas dngul shin tu yongs su dag pa las pad+ma 'dab ma sum cu rtsa gnyis pa kha phye ba dbus kyi snying po dang ze ba za ma tog 'dra ba sor bcu drug pa'i tshad du byas la/ de'i dbus su gser gyi nor bu gzhag par bya'o/ /ba lang gi lci ba ba lang gi gcin dang ldan pas dkyil 'khor gru bzhi pa byas la tshon sna tshogs kyis bri bar bya ste/ kho ra khor yug tu pad+ma bris la/ pad+ma'i dbus kyi ze bar dngul las byas pa'i pad+ma bzhag ste bum pa gang ba bzhi dang / gtor ma'i bum pa bzhi gzhag par bya zhing / me tog dgram par bya| tshon rnam pa sna tshogs kyi bri bar bya/ a ga ru dang / tsan+dan dang / du ru ka'i bdug pas bdug cing gtor ma dkar po gzhag par bya/ 'phan gdugs rnam pa sna tshogs kyis brgyan par bya/ mar gyi mar me sum cu rtsa gnyis bltam par bya/ 'bras bu dang me tog phreng sna tshogs gzhag par bya/ 'phags pa spyan ras gzigs dbang phyug m ngon du phyogs par bzhag ste rig sngags 'chang gtsang mas gos gtsang ma bgos la nyin mtshan gcig smyung ba byas la tshes bco lnga nas nyi shu dgu dang gnam stong gi bar dus mtshams gsum du mchod par bya zhing / pad+ma za ma tog de dang / 'phags pa spyan ras gzigs dbang phyug la yang mchod pa byas la dkyil 'khor gyi shar phyogs su mngon du phyogs te 'dug la bzlas brjod stong rtsa brgyad bya/ khro bo'i rgyal po stong rtsa brgyad bzlas te yungs kar dang / chus dbang bskur bar bya/ don yod pa'i zhags @#/ /pa'i phyag rgya stong rtsa brgyad bya/ de bzhin du khro bo'i rgyal po'i phyag rgya bya'o/ /mi smra bar dgos pa thams cad byas na/ de'i 'og tu tshes bco lnga zla ba nya'i n ang par gyi dus mtshams su nor bu'i rgyal po pad+ma dang bcas te gcig tu 'bar bar 'gyur zhing 'phags pa spyan ras gzigs dbang phyug gi zhal nas sgra 'byung bar 'gyur| rig sngags 'chang dga' bar 'gyur/ nam mkha'i dkyil nas legs so zhes bya ba'i sgra 'byung bar 'gyur/ de bzhin gshegs pa'i sku chen po mthong bar 'gyur/ /de nas rig sngags 'chang gis pad+ma 'bar ba de lag pa g.yas pas blang bar bya ste/ blangs pa tsam gyi mod la nam mkha' la 'gro bar 'gyur zhing / rig sngags 'chang ba thams cad kyi 'khor los bsgyur bar 'gyur/ 'khor lo'i rgyal po gser gyi mdog can blta na sdug pa chen po mdun na gnas par 'gyur/ sdang ba dang / phyir rgol ba dang / mi mdza' ba thams cad zlog par byed/ 'khor bye ba stong phrag bcu gnyis dang ldan pa'i rig sngags 'chang gi rgyal por 'gyur/ tshe bskal pa stong thub par 'gyur/ don yod pa'i rnam par blta ba'i nor bu chen po rgyal mtshan gyi rtse mo dang ldan pa'i ting nge 'dzin thob par 'gyur/ don yod pa'i dri ma med pa 'bar ba'i rtse mo rnam par lta ba zhes bya ba'i don yod pa'i zhags pa 'thob par 'gyur/ phyogs bcu kun gyi de bzhin gshegs pa'i sangs rgyas kyi zhing gi rnam par 'phrul pa mthong bar 'gyur/ de bzhin gshegs pa de dag thams cad kyis dbugs 'byin par 'gyur/ nor bu chen po yongs su dag pa rdo rje la rnam par lta ba'i 'od kyi lus rnam par dag pa thob par 'gyur/ lha dang / klu dang / gnod sbyin dang / srin po dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams bgyi ba ci mchis zhes dbang du 'gro bar 'gyur/ mgo bo'i spyi bor btags na nor bu chen po'i rdzu 'phrul gyis nub phyogs su song nas bde ba can gyi rab tu dbye ba gzhal med khang dang bcas/ 'khor dang bcas/ legs par brgyan pa'i dkyil 'khor dang / byang chub sems dpa'i tshogs dang bcas pa mthong bar 'gyur ro/ /de bzhin gshegs pa de dag las chos snang ba'i sgo'i chos bshad pa chen po thob par 'gyur/ 'phags pa spyan ras gzigs dbang phyug gi gzugs dang / rgyan dang / gzhal med khang ston par 'gyur/ mgul du btags na/ phug gi gnas thams cad du 'jug par 'gyur/ thams cad du rgyal ba'i rje dpon dang / 'khor los bsgyur ba'i rgyal por 'gyur/ phug stong @#/ /phrag drug cu rtsa bzhi'i sgo 'bye bar 'gyur/ dpung pa g.yas pa la btags na/ mi snang bar 'gyur zhing lus mi snang ba gang+gA'i klung bye ba stong phrag brgya snyed kyi lus mi snang ba rnams kyi mchog rje dpon dang rgyal por 'gyur ro/ /dpung pa g.yon pa la btags na/ gnod sbyin dang / srin po dang / 'byung po la sogs pa thams cad mi snang bar byas par 'gyur/ thams cad kyi gnas kyi gzhal med khang sgo bye zhing 'dug par 'gyur ro/ /rked pa la btags na/ gter thams cad 'byung bar 'gyur/ pus mo g.yas pa dang / brla g.yas pa la btags na/ nags kyi phug gi gzhal med khang gi gnas thams cad kyi sgo phye zhing / sman gyi dngos po thams cad rang gi gzugs kyis mdun na gnas par 'gyur zhing thams cad dbang du 'gyur ro/ /rkang pa'i rje ngar la btags na/ rlung gi phung po dang po'i stobs kyi shugs chen po dang ldan par 'gyur zhing cung zad tsam song bas dpag tshad stong phrag bcur 'gro zhing slar yang 'ong par 'gyur/ nyin mtshan gcig gis stong gsum gyi stong chen po'i 'jig rten gyi khams rlung chen po'i shugs kyi stobs dang brtson 'grus kyis song ste slar yang 'ong bar 'gyur zhing gang gis kyang gnod par mi 'gyur/ thams cad du dgos pa sgrub pa thams cad grub par 'gyur ro/ /rkang mthil la btags na/ sa'i 'og gi dngos grub chen po thob par 'gyur zhing / sa'i 'og phug gi sgo thams cad bye bar 'gyur te/ rang ji ltar 'dod pa der 'jug cing 'byung bar 'gyur ro/ /khar bcug na nyi ma re re tshigs su bcad pa stong lobs par 'gyur ro/ /mid pa tsam gyis thos pa rgya mtsho bsags par 'gyur ro/ /lce'i rtse mor bzhag na lce pad+ma dang ku mu da ltar 'jam par 'gyur zhing thos pa mang po 'dzin par 'gyur/ lag pa la byugs na gang la reg pa de bran bzhin du 'gyur ro/ /skyes pa dang / bud med dang / khye'u dang / bu mo dang / dge sbyong dang / bram ze thams cad bgyi ba ci mchis zhes thams cad dbang du 'gyur ro/ /nor bu sgrub pa'i cho ga'o/ / //de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das la 'di skad ces gsol to| |bcom ldan 'das/ bdag la don yod grub kyi bum pa rab mchog ces bgyi ba'i sgrub pa'i cho ga chen po mchis te/ don yod pa'i zhags pa'i snying po yid bzhin gyi nor bu'i gzungs kyi mthu bstan pa/ ji lta ba der de ltar bcom ldan 'das bum pa chen po mthu sgrub pa'i cho ga 'di rnam par 'phrul pa bsam gyis mi khyab pa sgrub pa 'grub par @#/ /'gyur ba lags so/ /rig sngags 'chang rnams la phan pa dang bde ba'i phyir de kho na nyid yang dag par sgrub par 'gyur lags so/ /de nas gser ram dngul lam zangs sam kham pa'i bum pa tshad dang ldan zhing kun nas shin tu zlum pa mgo'am/ mgrin par byin pa'i tshad shin tu 'jam zhing thag thug dang shang shong med pa| dbyibs legs shing byi dor legs par byas pa/ kun nas yongs su gang ba la mtshal gyi mtshon gyis pad+ma 'dab ma brgya rtsa brgyad pa bri bar bya ste/ mgrin par pad+ma'i snying po dang ze ba bri/ 'phags pa spyan ras gzigs dbang phyug bri bar bya ste/ shar phyogs su zhal bri/ lhor mi 'jigs pa sbyin pa'i phyag /nub tu dbyig 'byin gyi phyag/ byang du yid bzhin nor bu rgyan thams cad kyis brgyan pa skyil mo krung du bzhugs par bya'o/ /pad+ma'i 'dab ma la dbang phyug dang / dbang phyug chen po dang / bram ze dang / lha dang / drang srong gi tshogs dang / gshin rje dang / chu lha dang / rlung lha dang / khyab bdag dang / brgya byin dang / rdo rje 'chang dang / lha'i tshogs gzhan dag bri bar bya zhing / me dang / rlung dang / nyi ma dang / zla ba dang / lha mo sgrol ma dang / khro gnyer can dang / pho nya mo dkar mo dang / tshogs kyi bdag po dang / gzhon nu dang / rgyal po chen po bzhi dang / drag po dang / khyab 'jug bri bar bya'o/ /pad+ma'i 'dab ma'i khor yug tu pad+ma'i phreng ba bri'o/ /de nas bum pa tshon sna tshogs kyis bri bar bya zhing gser gyi rgyan gyis brgyan par bya/ rim pa'i cha bkra zhing mdzes par bya'o/ /de nas thang shing las pad+ma'i gdan zlum po bum pa shong ba tsam gyi tshad du byas la de'i steng du bum pa bzhag la/ bum pa de yungs kar dkar pos bkang ste rgyan thams cad kyis brgyan par bya/ ras dkar pos bcing bar bya/ steng du yungs kar dang / gla rtsi dang / ga pur dang / gi wa nga dang / ldong ros gzhag par bya/ bum pa'i kha ras dmar pos g.yogs par bya/ rin po che sna bdun gzhag par bya/ de nas rig sngags 'chang gtsang mas gos gtsang ma bgos la dkyil 'khor khru bzhi gru bzhi dang / 'phang du khru gang ba byas te ba lang gi lci ba dang sa bsres par legs par byugs te gru bzhi cha mnyam par bya'o/ / de nas dkyil 'khor gyi steng du dri thams cad kyis byugs la dkyil 'khor gyi snying po'i dbus su tsan+dan dkar pos dkyil 'khor khru gang gru bzhi pa byas la/ gur gum dang me tog pad+mas mchod par byas te pad+ma 'dab ma sum cu rtsa gnyis pa bris la pad+ma'i ze ba'i steng du bum pa bzhag ste 'phan gdugs sna tshogs kyis brgyan par bya/ dkyil @#/ /'khor gyi snying po khor yug tu spos dang me tog sna tshogs dang / byug spos sna tshogs dang / mchod yon gyi snod sna tshogs dang / bum pa gang ba mdzes pa dang / bdug spos kyi phye ma rnam pa mang po gzhag par bya/ me tog rnam pa sna tshogs dang / me tog phreng ci 'byor pa kun tu gzhag par bya/ mar gyi mar me bzang po bcu drug bltam par bya/ phyi rol gyi dkyil 'khor kun nas pad+ma'i phreng ba bri bar bya/ sgo bzhi shin tu mdzes par bya/ 'jig rten dbang phyug gi mtshan ma gsal bar bya/ mda' dang ba dan khor yug tu gzhag par bya/ tshon skud sna lngas bskor bar bya/ ro rnam pa sna tshogs dang dkar gsum ci 'byor pa gzhag par bya/ 'bras bu sna tshogs dang / bza' ba rnam pa sna tshogs gzhag par bya/ me tog sna tshogs gzhag par bya/ me tog sna tshogs dgram par bya/ me tog phreng ba bzang po kun tu gzhag par bya/ bdug spos kyi snod dang bum pa gang ba kun tu gzhag par bya/ pog phor bzhi gzhag par bya/ dri chab kyi phor bu bzhi gzhag par bya/ snod bzhi dang kham phor brgyad gzhag par bya/ ro sna tshogs kyi gtor ma dkar po rnam pa mang po gzhag par bya/ mar gyi mar me gang ba drug cu rtsa gnyis dbul bar bya/ 'bras yos dang / yungs kar dgram par bya/ chang dang / sha dang / beg tsong dang / ke'u dang / 'bags pa dang / kha zas ngan pa dang / btung ba dan pa spang bar bya/ 'gom nyes spang bar bya ste/ gtsang mas gos gtsang ma bgos la zla ba nya la bsgrub par bya'o/ /srung ba'i cho gas bdag bsrung ba dang / thor tshugs bcing ba dang / phyogs bcing ba dang / yul bcing ba dang / de bzhin du grogs srung pa dang / gzhan srung ba yang bya'o/ /gu gul gyi bdug pa dang / mar dang / yungs kar gyi bdug pas bdug par bya'o/ /tsan+dan dang / a ga ru dang / du ru ka dang / kun tu ru'i bdug pa 'di ni/ yang dag par bstan to/ /bum pa sgrub pa 'di ni/ mchog ste/ zha lnga smyung ba byas nas gsang sngags bsgrub par bya ste/ dus mtshams gsum du bum pa dang sangs rgyas la mchod pa bya'o/ /mi smra bar dkyil 'khor la mngon du phyogs te skyil mo krung du 'dug nas lag pa g.yas pa bum pa'i steng du bzhag la khro bo'i rgyal po stong rtsa brgyad bzlas la/ chu dang yungs kar gyis dbang bskur la don yod pa'i zhags pa'i snying po stong phrag bcu bzla'o/ /yid la byed pa'i rtse gcig pas sems can thams cad la byams pa dang / snying rje lhur len cing sangs rgyas yid la bya ba bsgoms la bzlas brjod bya'o/ /de'i 'og tu tshes bco lnga nya'i thun tha ma'i nang par dbyig gi bum pa cher @#/ /g.yo bar 'gyur zhing / legs so zhes bya ba'i sgra chen po yang grag par 'gyur te/ bum pa chen po de yang 'bar zhing 'od zer kha dog sna tshogs 'byung bar 'gyur/ rig sngags 'chang dga' bar 'gyur/ dri ma med cing yongs su dag la dri ma dang bral bar 'gyur/ mdog yongs su dag cing me tog pad+ma dang / ku mu da ltar dkar zhing 'jam par 'gyur/ bum pa de'i sku gzugs rnams rang rang gi lus las 'od zer 'byung bar 'gyur ro/ /de nas rig sngags 'chang gis 'phags pa spyan ras gzigs dbang phyug la mchod pa rgya chen po bya/ rig sngags 'chang / bum pa sgrub pa 'di ni/ grub bo/ de'i 'og tu rig sngags 'chang gi dri'i chu dang yungs kar la khro bo'i rgyal po lan nyi shu rtsa gcig bzlas nas dbang bskur ba byas na/ dbang bskur ma thag tu bum pa de las sgra 'byung bar 'gyur te/ rig sngags 'chang chen po/ legs so legs so/ /khyod kyis bum pa bzang po grub ste/ bum pa bzang po ji lta bzhin du don yod pa'i snying po'i bum pa bzang po yid bzhin gyi nor bu chen po yang de bzhin gyis ji ltar 'dod pa longs spyod cig/ yid la ji ltar bsam zhing bcol ba thams cad grub par gyur cig/ de nas mchod pa chen pos gzhal med khang chen po mchod de/ bum pa bzang po de gzung bar bya zhing mchod pa byas na/ yid la ji ltar 'thad pa dang / 'dod pa thams cad grub par 'gyur te/ legs par bshad pa'am/ gtsug lag gam/ snyan dngags dang / gar gyi bstan bcos dang / rtsis chos dang / byA ka ra Na dang / cho ga zhib mo smras pa dang / gsang sngags smra ba dang / nags sgrub pa dang / phug sgrub pa dang / bcud kyis len pa dang / mig sman dang / gter smra ba dang / rig byed kyi sngags dang / mdo'i sde dang / dbyangs kyis bsnyad pa'i sde la sogs pa chos dang / 'dul ba smra ba de dag thams cad 'byung bar 'gyur ro/ /'di lta ste/ zas dang / skom dang / gos dang / rgyan dang / spud pa dang / gser dang / dngul dang / sa le sbram dang / mu tig dang / in+d+ra nI la dang / margad dang / ke ke ru dang / shel dang / mu sa ra dang / bai DUR+ya dang / mthon ka dang / mthon ka chen po dang / me tog dang / 'bras bu dang / gos dang / mal cha dang / gnas dang / khang pa dang / longs spyod dang / rtsed mo rgya chen po dang / rgyal po la 'os pa'i lha'i gzhal med khang sems kyis bsam pa tsam gyi mod la 'byung bar 'gyur ro/ /mig 'phrul gyi gzhal med khang dang / sangs rgyas kyi sprul pa dang / byang chub sems dpa'i sprul dang / rdo rje 'chang gi sprul pa dang / lha dang / klu dang / @#/ /lha ma yin dang / nam mkha' lding dang / mi'am ci dang / dri za dang / lto 'phye chen po'i gzhal med khang dang / gnod sbyin dang / srin po dang / 'byung po'i bdag po'i gzhal med khang de thams cad bsam pa tsam gyis 'byung bar 'gyur ro/ /char ha cang ches pa dang / char mi 'bab pa dang / dus ma yin pa'i char dang / grang pa dang / rlung dang / sprin dang / ser ba dang / chu zlog par byed pa de thams cad ston par byed pa/ sde ston par byed pa/ g.yul 'gyed pa ston par byed pa'am/ gnas dang / gzhal med khang dang / dpal ston par byed pa de thams cad ston par byed/ de la sogs pa thams cad bsam pa tsam dang / smon pa tsam gyis 'grub par 'gyur ro/ /nor dang / 'bru dang / 'bras bu dang / me tog dang / gzhal med khang 'byung bar 'gyur/ ji ltar bsam pa de thams cad 'byor par 'gyur ro/ /gla rtsi de blangs la gi'u wang dang / ga pur dang bsres te shing arga'i 'o mas sprus te ril bur byas nas ba ser mo'i 'o ma la bdar te dpral bar thig le byas na/ nam mkha' la 'gro bar 'gyur/ rig sngags 'chang bye ba stong phrag bcu'i 'khor dang ldan par 'gyur/ snying gar thig le byas na mi snang bar 'gyur zhing / gnod sbyin dang / srin po dang / 'byung po thams cad kyi rje dpon du 'gyur ro/ /lce'i rtse mo la reg na nyin re zhing tshigs su bcad pa stong bklags shing 'dzin par 'gyur/ mid na lo stong phrag bcur 'tsho bar 'gyur/ 'o ma dang lhan cig 'thungs na/ thos pa mang po rgya mtsho bsags par 'gyur/ shing arga'i 'o ma dang lhan cig zos na/ rig sngags 'chang thams cad kyi 'khor los bsgyur bar 'gyur/ cho ga zhib mo dang / gsang sngags dang / dkyil 'khor dang / phyag rgya thams cad mngon du 'gyur/ lte ba'i gnas su thig le byas te chu klung chen po'i nang du zhugs na/ gting du 'bying bar mi 'gyur zhing pha rol tu phyin par 'gyur/ rgya mtsho'i pha rol tu yang phyin par 'gyur/ spyi bor thig le byas te g.yul ngor zhugs na/ dpung gi tshogs yan lag bzhi pas rgyal bar 'gyur/ zhun mar dang lhan cig zos na/ glang po che stong gi stobs dang ldan par 'gyur/ lag pa ya gcig gis glang po che bskyod pa dang / nam mkha' la 'phen cing slar yang 'dzin to/ /ril bu 'dis lag pa la bskus na/ mi stong thub par 'gyur ro/ /ril bu 'di lha'i gnas su brkos te bzhag na/ lha thams cad dbang du 'gyur te| dus dus su char 'bebs shing sad dang / rlung dang / sprin dang / ser ba gcod par byed/ rgyal po'i sgor brkos te bzhag na/ rgyal po'i btsun mo'i 'khor dang bcas pa dang / @#/ /bka' la gtogs pa dang / zhang blon dang / bram ze mdun na 'don dang bcas pa dbang du 'gyur ro/ /gtsug lag khang gi sgor brkos te bzhag na/ dge slong thams cad bde ba'i reg pa la gnas pas gnas par 'gyur/ rtag tu byams pa'i sems kyis gnas par 'gyur/ 'phags pa'i dge 'dun gyi nang du rgan pa'i mthar brkos te bzhag na/ dge slong thams cad zas dang skom 'dod rgu thob par 'gyur ro/ /lhung bzed kyi nang du bzhag ste grong khyer mang por bsod snyoms la song na/ kha zas ro bro ba'i mchog rnam pa sna tshogs 'bad mi dgos par thob par 'gyur ro/ /sku gdung dang bcas pa'i mchod rten gyi gnas su brkos te bzhag la mchod rten la mchod pa byas na/ ril bu ji srid du mchod rten gyi gnas na gnas pa de srid du mchod rten chen po brgyad la nyin re zhing mchod pa chen po byas par 'gyur ro/ /'phags pa spyan ras g zigs dbang phyug gi gnas su 'phags pa spyan ras gzigs dbang phyug gi zhabs drung du brkos te bzhag la 'phags pa spyan ras gzigs dbang phyug la mchod pa byas te don yod pa'i zhags pa'i snying po lan brgya rtsa brgyad bzlas brjod byas na/ ril bu ji srid gnas kyi bar du nyi ma re re zhing 'phags pa spyan ras gzigs dbang phyug la mchod pa byas par 'gyur ro/ /lam po cher brkos te bzhag na/ chom po dang / g.yon can dang / rkun ma dang / mi dang / mi ma yin pa dang / gcan gzan khro bo rnams bcings par 'gyur zhing phyogs mtshams su 'byer bar 'gyur ro/ /ri'i rtse mor brkos te bzhag na/ sman gyi dngos po thams cad 'bar bar 'gyur te ji srid du ri'i rtse mo snang ba de srid du skyes pa dang / bud med dang / khye'u dang / bu mo dang / ba lang dang / phyugs dang / ma he dang / rta la sogs pa 'jigs pa thams cad las grol bar 'gyur zhing sems can dmyal ba chen po bcu drug gi 'jigs pa las yongs su thar par 'gyur/ 'jigs pa chen po brgyad las yongs su grol bar 'gyur/ nad thams cad las yongs su grol bar 'gyur/ dpag tshad brgya khor yug tu zhi ba chen por 'gyur/ nad thams cad dang bral bar 'gyur/ mgul du btags te bcang bar byas na/ 'phags pa spyan ras gzigs dbang phyug sku ston bzhed par 'gyur zhing rtag tu dgongs par 'gyur ro/ /bang bar brkos te bzhag na/ 'bru mang po 'phel bar 'gyur ro/ / chang yod pa'i sgor brkos te bzhag na/ chang thams cad rab tu 'phel bar 'gyur ro/ /zhing gi nang du brkos te bzhag na/ lo tog mang po 'byor par 'gyur ro/ /brag phug @#/ /tu brkos te bzhag na/ brag phug gi sgo bye bar 'gyur ro/ /phug gi sgo la byugs na phug gi sgo thams cad bye bar 'gyur ro/ /bu ga'i gnas su byugs na| ro thams cad 'dzag par 'gyur ro/ /nags kyi phug tu brkos te bzhag na/ nags kyi lha thams cad rang gi mdun na 'dug par 'gyur ro/ /dgos pa gang byed pa de grub par 'gyur ro/ /pad+ma'i mtsho'i nang du brkos te bzhag na/ pad+ma mang po byung bar 'gyur zhing dus kun tu lha'i dri bsung 'byung bar 'gyur ro/ /khyim mthon po'i gnas su bzhag na/ ji srid snang ba de srid du skyes pa dang / bud med dang / khye'u dang / bu mo rnams srung bar 'gyur zhing phyogs bcu kun nas dpag tshad brgya mtshams bcad par 'gyur/ nad thams cad las yongs su grol bar 'gyur/ sdig pa thams cad dang / dgra thams cad dang / gdon thams cad dang / 'go ba'i nad thams cad rab tu zhi bar 'gyur/ pha rol gyi dpung thams cad rab tu zhi bar 'gyur/ 'go ba'i nad thams cad rnam par 'jig par 'gyur/ g.yul ngor yungs kar dang bsres te gtor na| g.yul 'gyed pa chen po phan tshun mdza' ba chen por 'gyur ro/ /nad chen pos lus bskams shing tshe zad pa dang / bgegs chen pos zin la dri chab kyi bum par ril bu 'di bsres te don yod pa'i zhags pa'i snying po lan brgya rtsa brgyad bzlas te khrus byas nas 'phags pa spyan ras gzigs dbang phyug la mchod pa byas na/ khrus byas pa tsam gyi mod la nad thams cad dang / gnod pa thams cad las yongs su thar par 'gyur ro/ /sdig pa thams cad dang / sgrib pa thams cad las yongs su thar bar 'gyur/ tshe yongs su zad pa'i tshe slar nur bar 'gyur/ lha'i lus gzugs dang ldan par 'gyur/ dri ma dang bral ba dang / ser sna dang bral bar 'gyur/ las gzhan dang gzhan stong phrag brgya byed par 'gyur te/ rang gi blos kyang thams cad du sbyar bar bya'o/ /thams cad la thogs pa med pa'i las can du 'gyur/ phug gi gnas thams cad kyi rje dpon dang rgyal por 'gyur/ tshe bskal pa stong phrag bcu gnyis thub par 'gyur/ shi nas 'jig rten gyi khams bde ba can du pad+ma'i snying po las rgyan thams cad kyis brgyan pa| nor bu dang / gser dang / dngul dang / rdo rje dang / baiDUR+ya dang / ma rgad dang / pad+ma rA ga dang / in+d+ra nI la dang / mu tig rnams kyis lus brgyan par gyur to/ /skra bung ba ltar nag cing 'khyil la 'khyil ba dang / mig ut+pa la'i mchog sngon po lta bu dang / pags pa'i mdog gser lta bur 'gyur ro/ /ngag 'jam pa dang / snyan pa dang / yid du @#/ /'ong bar 'gyur ro/ /rgyal ba 'od dpag med kyi phyag brkyang ste phyag spyi bo la 'jog par 'gyur ro/ /phyag na pad+ma'i phyag mchog sbyin pas dbugs 'byin cing khyad par mchog sbyin par 'gyur ro/ /pad+ma la rab tu gnas pa rnam par gzigs pa don yod pa'i sangs rgyas zhes bya ba 'phags pa 'od dpag med lung ston par 'gyur ro| |de nas yungs kar de de bzhin gshegs pa stong phrag brgya phrag bye ba snyed kyi spyan du 'gyur ba dang / gang+gA'i klung gi bye ma dang mnyam pa'i sangs rgyas bcom ldan 'das rnams kyi ring bsrel du 'gyur zhing / khams sna tshogs kyi kha dog rnam pa sna tshogs kyi mdog gi ngo bo nyid du 'gyur ro/ /nor bu rin po che bdun dang 'dra zhing 'di lta ste/ sku gdung re re yang nyi ma bzhin du so sor gsal bar 'gyur ro/ /phyogs bcu kun tu 'od zer 'byung zhing rdzu 'phrul gyi cho 'phrul rnam pa sna tshogs mdzad de lus re re ston par 'gyur ro/ /ring bsrel 'di mthong ba tsam gyis bla na med pa yang dag par rdzogs pa'i byang chub las phyir mi ldog par 'gyur te/ gzhan du yid la ma byas na de dag gis de bzhin gshegs pa thams cad kyis de la smad par mi 'gyur ro/ /gzhan yang nyal kar rang gi blos byams pa'i sems kyis ring bsrel mngon du byas te smon lam gdab par bya'o/ /ci 'dod pa bsam ste mchod pa byas na/ bsam pa tsam gyi mod la skad cig tu thams cad 'grub par 'gyur ro/ /ring bsrel gyi snying po 'di ji lta ba bzhin du bum pa bzang po 'di yang blta bar bya ste/ de gnyis ka yang rdzu 'phrul mdzad par snang ba mthun pa yin te/ 'di la the tshom dang yid gnyis bskyed par mi bya'o/ / bum pa sgrub pa don yod pa'i cho ga'o// //de nas bcom ldan 'das shAkya thub pa de bzhin gshegs pa'i phyag gser gyi kha dog can brkyang ste 'phags pa spyan ras gzigs dbang phyug gi dbu'i spyi bor bzhag ste bka' stsal pa/ mchog tu rmad du byung ba zhes bya ba'i cho ga zhib mo grub pa/ bla na med pa/ don yod pa chen po'i bum pa sgrub pa/ rigs pa 'chang ba rnams kyis bklags pas grub pa/ 'dzam bu gling pa'i rigs bzhi'i 'jig rten la phan pa dang / bde ba'i don du rab tu byin pa dang / sgrub pa shin tu bkra shis pa bla na med pa/ rang gi byin gyi rlabs kyis byin gyis brlabs pa/ don yod pa chen po'i cho 'phrul/ sangs rgyas dang byang chub sems dpa' bla na med pa| sgrub pa yang dag par sgrub pa/ che zhing che ba byang chub kyi snying po'i chos kyi 'khor lo bskor ba/ de bzhin gshegs pa chen po'i byin gyi rlabs kyis byin gyis brlabs pa/ @#/ /sems can thams cad la phan pa dang / bde ba'i phyir dbugs 'byin pa chen po 'jig rten du bzhag pa ni/ sems dpa' chen po legs so legs so// mchog tu sgrub pa/ bla na med pa sgrub pa/ bklags pas 'grub pa/ rtag tu rjes su 'brang bar 'gyur ba/ rtag tu mchog sbyin par mdzad pa/ rtag tu rjes su skyong bar mdzad pa ni| sems can gyi bsam pa thams cad yongs su rdzogs par bya ba'i phyir spyan ras gzigs dbang phyug khyod la yongs su gtad do/ /de nas byang chub sems dpa' s ems dpa' chen po 'phags pa spyan ras gzigs dbang phyug mchog tu yid dga' ste bzhin 'dzum nas bcom ldan 'das ga la ba de logs su thal mo sbyar te btud nas bcom ldan 'das kyi zhabs gnyis la spyi bos phyag 'tshal te bcom ldan 'das la 'di skad ces gsol to/ /bcom ldan 'das/ phyogs bcu'i sems can thams cad dang / stong gsum gyi stong chen po'i 'jig rten gyi khams kyi srog chags su gyur pa ji snyed ri dwags dang / bya ji snyed pa de dag thams cad bdag gis yongs su gzung bar bgyi zhing / sdug bsngal thams cad las yongs su thar bar bgyi ba dang / byang chub chen po'i lam la dgod pa'i phyir snying rje chen po rnam par dag pas rjes su gzung bar bgyi'o/ /bcom ldan 'das/ mngon par brtson pa de dag ni/ bdag gis thams cad kyi mchog tu yongs su grol bar bgyi'o/ /bcom ldan 'das/ yang dag par 'grub par byed pa'i rig pa 'dzin pa thams cad kyis bdag dran na/ bcom ldan 'das/ sems can de ni/ bdag gis rtag tu blta bar bgyi'o/ /rtag tu rjes su dran pa dang / rtag tu rjes su bsrung bar bgyi'o/ /'phags pa don yod pa'i zhags pa'i cho ga zhib mo'i rgyal po/ bam po bcu gnyis pa/ bcom ldan 'das/ 'on kyang don khyad par can gyi ched du don yod zhags pa'i snying po'i cho ga zhib mo 'di klog pa dang / sgrub pa dang / reg pa dang / mchod par byed pa la mngon par brtson pa de/ bdag cag gis bcom ldan 'das kyi thugs las skyes pa'i sras lta bur yongs su bskyang bar bgyi/ phrag pas yongs su bkur bar bgyi'o/ /bcom ldan 'das/ de bzhin nyid du sems can thams cad snying rje chen pos yongs su gzung ste/ yongs su thar pa'i don gyi ched dang / mchog sbyin pa yongs su rdzogs pa'i ched dang / re ba dang / yid kyi shing rta thams cad yang dag par dgongs pa'i ched dang / bdag gis bcom ldan 'das la ltos pa med par bgyi'o/ /bdag bcom ldan 'das kyi tshim pa med pa dang / sems can thams cad yongs su grol ba'i ched dang / mchog sbyin pa'i @#/ /ched dang / bsrung ba'i ched dang / thams cad la byang chub mchog gi lam la rab tu dgod pa'i ched dang / bcom ldan 'das/ khyad par du cho ga zhib mo'i rgyal po 'di la gal te klog pa dang / sgrub pa dang / dkyil 'khor dang / phyag rgya la mngon par brtson par byed pa dang / 'chang bar byed pa dang / 'don par byed pa dang / mchod par byed pa dang / kun chub par byed pa dang / tshul bzhin du yid la byed pas sgom par byed pa dang / nyan par byed pa dang / tha na rna ba'i bu gar yang sgra lhung bar 'gyur ba de la bdag gis bcom ldan 'das/ rtag tu dus thams cad du rgyun rjes su 'brang bar bgyi/ 'jig rten dang 'jig rten las 'das pa'i dngos grub kyi mchog thams cad dang / bkra zhing rnam par bkra ba'i lha rdzas thams cad rjes su stsal bar bgyi'o/ /cho ga zhib mo chen po sgrub par byed pa rnams phyir mi ldog pa'i gnas la dgod par bgyi/ tha na dud 'gro'i skye gnas su song ba'i ri dwags dang bya rnams kyi'ang sgra grags pa rna ba'i bu gar lhung ba tsam las phyir mi ldog pa'i gnas la rab tu 'jug par bgyi/ bcom ldan 'das/ ci slar yang yongs su dag pa'i yid kyis byams pa dang / snying rje dang / dga' ba dang / btang snyoms la rtag tu yang dag par gnas pas/ don yod zhags pa'i snying po 'di sgrub par byed pa dang / klog par byed pa dang / dkyil 'khor dang / phyag rgya dang / cho ga zhib mo'i rgyal po sgrub par byed pa dang / 'chang bar byed pa dang / 'don par byed pa dang / thun mtshams gsum gyi gnas su gnas pas rjes su dran par byed pa dang / nyin dang mtshan mor ri mor byed pa 'di rnams bcom ldan 'das/ mi'i lus su mi 'gyur te/ mi'i lus dag pa'i lus su rig par bya/ lha zhes bya ba'i lus su rig par bya'o| |bcom ldan 'das/ bdag gis rtag par rgyun du phrag pas yongs su bkur bar bgyi/ bcom ldan 'das/ bdag gi spyi bor son pa gzung bar bgyi/ bcom ldan 'das/ gang gi slad du zhe na/ bcom ldan 'das/ lha'i lus 'di ni/ mi lus su rig par bgyi ba ma lags so/ /gang gi slad du zhe na/ bcom ldan 'das/ don yod pa'i zhags pa'i snying po 'di mi'i lus kyi snying po dang / nang gi yid la gnas pa des/ de'i mthus don yod zhags pa'i snying po chen po'i mthus mi'i lus dag pa'i lha'i lus su 'gyur te/ lha'i lus su rig par bya'o/ /'jig rten dbang phyug gi lus su rig par bya'o/ /yid bzhin gyi nor bu rin po che'i lus su rig par bya'o/ /de bzhin gshegs pa'i mdzod rgya mtsho chen po'i dkyil 'khor gyi lus su rig par bya'o/ /don yod pa'i snying po'i lus su rig par bya'o/ /dri ma dang bral zhing / ser sna dang phrag dog spangs pa'i lus su rig par bya'o/ /sdig pa dang / sgrib pa thams cad rnam par @#/ /dag cing /dri ma med pa'i lus su rig par bya'o/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa thams cad kyis mchod par bya ba dang / brjed par bya ba dang / phyag bya ba'i 'os su rig par bya'o/ /sum cu rtsa gsum pa'i lha rnams kyis bsrung ba'i lus su rig par bya'o/ /de bzhin gshegs pa gang+gA'i klung gi bye ma bye ba khrag khrig brgya stong phrag bdun cu rtsa gnyis bskyed pa'i dge ba'i rtsa ba dang yang dag par ldan pa'i lus su rig par bya'o/ /tshe dpag tu med pa'i lus su rig par bya'o/ /byang chub sems dpa' thams cad kyis dbugs phyung ba'i lus su rig par bya'o/ /lag na rdo rjes rdo rjer byin gyis brlabs pa'i lus su rig par bya'o/ /rgya mtsho chen po zab mo'i chu'i rigs dgu dang mnyam zhing mtshungs pa'i lus su rig par bya'o/ /de ma thag tu lhun po chen po'i lus su rig par bya'o/ /nam mkha' chen po yongs su dag pa dang / nor bu rin po che chen po dang 'dra bar 'gyur te/ lha'i lus dang / lha'i khams kyi snying po mnyam pa'i lus su rig par bya'o| |de ltar mthu chen po dang / stobs chen po zhes de bzhin gshegs pa thams cad kyi byin gyis brlabs shing lung bstan par 'gyur te/ lus chen por yang 'gyur ro/ /bcom ldan 'das/ 'on kyang sems can sgrub dka' ba/ khong du chud par dka' ba/ gting dpag par dka' ba/ dad pa med pa/ ser snas yongs su dkris pa/ sdig pa dang / gdug pa dang / lhag ma dang / sbags pa dang / khro ba dang / zhe gdug pa mang ba des ni/ bcom ldan 'das/ sems can rang gi nyes pa lags kyi/ bcom ldan 'das/ bdag gis nyes pa ni/ ma lags so/ / bcom ldan 'das/ 'on kyang bdag dran pa tsam gyis snying po 'di klog pa dang / kha ton du byed pa dang / bzlas pa tsam gyis yang dag par dgongs par bgyi/ mthong ba stsal bar bgyi'o| |yang dang yang du bskul bar bgyi'o/ /bcom ldan 'das/ sems can de rnams ni/ bdag la lta bar mi byed pa dang / bsam par mi byed pa dang / sems par mi byed pa dang / skad cig yud tsam thang gcig yid la byed pas kun tu 'dzin par mi byed lags te/ gdug pa'i bsam pa dang / gdug pa'i sems kyis sems can rang gi nyes pas yang dag par gang ba'i lus lags so/ /bcom ldan 'das/ bdag ni/ sems pa dang / dran pa dang / rnam par lta bar byed pa tsam gyi mod la mdun du nye bar 'dug par bgyi/ /mthong ba dang / yang dag pa'i gtam kun tu smra ba dang / yang dag par 'grogs par bgyi'o/ /sems can de rnams ni/ rig sngags 'chang / tha na sems kyi kun tu rtog pa tsam yang mi skye ste/ yid la byed pa dang / sems @#/ /par byed pa yang ma lags so/ /'di lta ste/ dge sbyong gi cha byad skra bzhar zhing ngur smrig tsam 'chang ba'i cha byad ni/ bram ze dang / rgyal rigs kyi cha byad dang / tshong pa dang / ded dpon chen po'i cha byad dang / byis pa dang / bcom ldan 'das kyi cha byad dang / rgyal po dang / blon po dang / 'grogs shes dang / gos dmar po can la mkhan po dang / slob dpon dang mtshungs par mkhan po dang / bu dang / bu mo dang / ma dang / pha dang / sring mor nye bar lta bar byed do/ /'on kyang mkhas pa ni/ lhag pa'i bsam pa yang dag par rdzogs pa la gnas pas/ gzugs dang / kha dog dang / rtags dang / dbyibs dang / skad dang / yang dag pa'i gtam smra ba dang / tshig 'bru dang / yi ge dang / dus tshigs su 'gro ba yang dag par mtshon par bya/ yang dang yang du gtam kun tu smra ba la rnam par spyad par bya/ de'i 'og tu shes par bya'o/ /'phags pa'i sems can no zhes blta bar bya/ bdag la lta bar 'dod pa dang / bdag mthong bar 'dod pa der nye bar 'gro bar bgyi'o/ /de lta bu'i tshogs shin tu gsal bar mthong ba stsal bar bgyi/ re ba thams cad dang / yid kyi shing rta yongs su rdzogs par bgyi/ skye bo chen po'i dbus su nyo ba dang / tshong ba dang / kun tu smra ba dang / yang dag par smra ba'i tha snyad yang dag par bgyi/ mdun sa'i dbus su bstan bcos dang / snyan dngags dang / rig byed dang / gsang sngags dang / rig pa dang / brda sprod pa dang / mdo sde dang / zlos gar dang / dri za'i glu dbyangs kyi tha snyad yang dag par bgyi/ byang chub sgrub pa la tshul dang / 'dul ba dang / theg pa chen po'i chos kyi man ngag lhag par bgyi/ bram ze rnams la sngon rabs dang / rig byed dang / me'i sbyin sreg dang / b+ha ra ta dang / rA ma ya Na bstan par bgyi/ gsang sngags smra ba rnams la gsang sngags kyi bzlas brjod dang / dkyil 'khor dang / phyag rgya dang / cho ga zhib mo dang / gzungs kyi bzlas brjod dang / sbyin sreg dang / zhi ba dang / rgyas pa dang / mngon spyod la sogs pa bstan par bgyi/ gang gis bdag mngon sum du mdun na 'dug par ci zhig gis shes par bya zhe na| rnam pa gsum gyis shes par bya ste/ tshig snyan pa dang / 'jam zhing gnyen pa'i ngag mi 'gyur zhing yongs su gsal bar rab tu 'byed pa yin pa dang / ngag gsal ba yin pas te| thams cad du mchog tu smra zhing so sor khyad par du byed pa'o/ /kha nas ut+pa la'i dri dang ldan pa'i rlung gnas pa dang / lus las kyang gla rtsi'i dri gnas pas te/ 'on kyang 'jigs su rung ba'i gzugs la shin tu dpal gyis 'bar bar byed do/ /des na rig sngags 'chang gis gzhan nam/ 'jig rten gyi rigs bzhi po gang yang rung ba 'di 'phags pa spyan ras @#/ /gzigs dbang phyug go /zhes de gsal bar shes par bya ste/ 'di la yid gnyis dang / dogs pa bskyed par mi bya'o/ /rmi lam du yang thun mtshams bzhir sna tshogs pa'i gzugs dang kha dog dang dbyibs su mthong ba stsal bar bgyi/ re ba thams cad dang / yid kyi shing rta'i mchog rjes su stsal bar bgyi/ lhun gyis grub pa las phan pa thams cad dang / phun sum tshogs pa'i 'byor pa yongs su rdzogs par bgyi/ bcom ldan 'das/ nam du yang rnam pa gzhan du mi 'gyur bar bgyi'o/ /yongs su gtang bar mi bgyi'o| |des mchog sbyin pa la ltos par mi bgyi'o/ /bcom ldan 'das/ rdzun du smra ba de'i dngos grub yang dag par rjes su mi mthong zhing / lha rnams de la srung ba dang / yongs su skyong bar mi bgyid pa ni/ ma gtogs so/ /bcom ldan 'das/ de yang sems can sdug bsngal can de'i skyob pa dang / dpung gnyen dang / skyabs dang / 'khra sar 'gyur bar bgyi| gdon mi za bar brtse ba med par 'gyur ba ma yin no/ /zhes mchog tu bsgral bar bgyi'o/ /bcom ldan 'das/ de ltar snying rjes yongs su zin pa'i yid kyis sems can thams cad bla na med par bgyi/ yang dag par gzung bar bgyi/ sems can 'di dag la gdon mi za bar byang chub kyi sa bon rjes su gdab par bgyi'o/ /de nas yang bcom ldan 'das de bzhin gshegs pa shAkya thub pa de dang / phyogs bcu'i de bzhin gshegs pa thams cad kyis byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ legs so legs so/ /sems dpa' chen po mchog gi snying rje can/ khyod sems can la mnyes gshin pa gang gis sems can de rnams thams cad snying rje chen pos yongs su bzung ste mchod par byed cing / 'khor ba chen por spyod par byed pa las yongs su thar pa gang yin pa dang / bsad par 'os pa shin tu yongs su gyur pa/ bying bar gnas pa dang / bkres pa dang / skom pas nyen pa dang / 'jigs pa dang / skrag pa dang / yid 'byung zhing skyo ba dang / sdug bsngal mang ba des na/ sems can de'i don yod pa'i rgyal po'i snying po'i dkyil 'khor dang / phyag rgya rim par phye ba dang / cho ga zhib mo'i rgyal po chen po 'di'i ming 'dzin pa dang / sgra rna ba'i bu gar lhung zhing thos par byed pa de'i sdug bsngal ches che ba de rnams dang / sdig pa dang / sgrib pa thams cad yongs su grol te 'jigs pa thams cad zhi bar 'gyur ro/ / dmyal ba'i 'jigs pa chen po las 'don cing yongs su grol par 'gyur ro/ /'jig rten dang 'jig rten las 'das pa rnams sdig pa thams cad dang / dmyal ba'i sdug @#/ /bsngal gyi tshor ba myong ba'i las kyi sgrib pa rnams yongs su zad cing yongs su gtugs par 'gyur ro/ /de de bzhin gshegs pa thams cad kyi byin gyis brlabs par 'gyur ro/ /de bzhin gshegs pa thams cad kyis yongs su 'dzin par 'gyur ro/ /de bzhin gshegs pa thams cad kyis lung bstan par 'gyur ro/ /lan bdun thos pa tsam gyis sems can de rgal bar 'gyur ro/ /tshogs chen po bsags pa dang / de bzhin gshegs pas dbugs phyung ba yin no/ /byang chub kyi sa bon yongs su rdzogs par 'gyur ro/ /spyan ras gzigs dbang phyug 'on kyang sems can 'di dag ni/ 'phags pa spyan ras gzigs dbang phyug don yod zhags pa'i snying po dkyil 'khor dang / phyag rgya rim par phye ba dang bcas pa'i cho ga zhib mo mtha' dag rdzogs par nyan par byed pa dang / klog par byed pa dang / 'chang du 'jug pa dang / 'don du 'jug pa dang / mchod par byed pa dang / 'bri bar byed pa dang / 'brir 'jug pa dang / mchod pa chen po byed pa de'i sems can de rnams phyir mi ldog par rig par bya ste/ 'di la the tshom dang / dogs pa bskyed par mi bya'o/ /'on kyang ril bu dang / mig sman dang / bdug pa lag tu thogs par 'gyur ba de'i sems can de rnams cher dag cing / kun nas phyogs bcu rnams su de bzhin gshegs pa thams cad kyis yongs su 'dzin par 'gyur ro/ /de bzhin gshegs pa thams cad mnyes par byas par 'gyur ro/ /phyag na pad+ma dang / rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma gang don yod zhags pa'i snying po dang / kun tu khro bo'i phyag rgya'i snying po 'di lan bdun smyung bar gnas pa'i cho gas mchod pa byed cing bzlas pa 'bul bar byed cing dbang bskur bar byed pa de ni/ mthong ba'i chos nyid la de bzhin gshegs pa'i lus su rig par bya'o/ / de bzhin gshegs pa'i chos nyid dngos su mthong ste de bzhin gshegs pa'i mdzod lag tu son par 'gyur te/ yid kyis the tshom mi bya'o/ /'khon dang dregs pa thams cad yongs su spangs pas bya ste/ snying rje chen pos yongs su bzung bas sems can de rnams thams cad kyi mthar thug par 'gyur bar bya zhing bzlas pa sbyin par bya'o/ /gang yang don yod pa'i dkyil 'khor chen po 'chad par byed pa dang / mthong ba dang / lta bar byed pa dang / ras ris chen po 'di lta bar byed pa de ni/ de bzhin gshegs pa de rnams thams cad kyi sangs rgyas kyi zhing phyogs bcu kun tu gang+gA'i klung gi bye ma dang mnyam pa'i sangs rgyas kyi zhing rnams su rjes su zhugs par 'gyur ro/ /de bzhin gshegs pa thams cad kyi gsang ba dam tshig chen @#/ /po'i snying po la rab tu zhugs par 'gyur ro/ /de bzhin gshegs pa thams cad kyi sku mthong bar 'gyur ro/ /khro bo'i rgyal po 'dis dbang bskur bas/ de bzhin gshegs pa thams cad kyis dbang bskur bar 'gyur ro/ /de ltar yon tan dang / phan yon chen po dang / bsod nams kyi phung po chen po dang ldan par 'gyur ro/ /dge ba'i rtsa ba chen po yongs su 'dzin par 'gyur ro/ /de bzhin du phan yon chen po dang / mthu chen po dang / yon tan chen po bskyed bar bya ba cho ga zhib mo'i rgyal po chen po'i cho ga ste/ cho ga zhib mo'i rgyal po chen po 'di dang / byang chub sems dpa' sems dpa' chen po 'phags pa spyan ras gzigs dbang phyug gi ming 'dzin pa dang / mthong ba tsam gyis mthong ba'i chos nyid la cho 'phrul ches che ba dang / de bzhin gshegs pa'i byin gyis rlob pa lta ba 'di dag mtshungs so/ /cho ga zhib mo'i rgyal po'i dkyil 'khor dang / snying po dang / phyag rgya dang / gzungs dang / don yod pa'i rgyal po'i rnam par 'phrul pa glegs bam du bris pa lta bar byed pa 'di dag mtshungs so/ /de bzhin gshegs pa gang+gA'i klung gi bye ma bye ba brgya stong phrag dang mnyam pa'i de bzhin gshegs pa dgra bcom pa yang dag par rdzogs pa'i sangs rgyas khrag khrig brgya stong phrag rnams mthong bar 'gyur ro/ /de bzhin gshegs pa de rnams thams cad du yang dag par rjes su 'brang bar 'gyur ro/ /yang dag par bsrung ba'i ched dang / yang dag par dbugs 'byin pa'i ched du mthong bar gnas so/ /glegs bam bris pa 'di yang mthong ba tsam gyis mtshams med pa'i las rnams dang / sngon gyi sgrib pa thams cad yongs su zad pa dang / yongs su gtugs par 'gyur ro/ /mthong ba'i chos nyid la dpal dang / g.yang mang po dang / gzi brjid dang ldan par 'gyur ro/ /shi 'phos nas bde ba can gyi 'jig rten gyi khams su pad+ma las brdzus te skye bar 'gyur ro/ /'di ni/ skye ba'i tha ma'o/ / glegs bam 'di mthong na/ tshe dang bral ba yang tshe 'phel bar 'gyur/ /nang rnams dang bral bar 'gyur ro/ /sgrib pa dang / khro ba dang bral bar 'gyur ro/ /mchog chen po grub par 'gyur ro/ /grub pa chen po dang / rnal 'byor gyi dbang phyug tu 'gyur ro/ /yon tan phun sum tshogs pa thams cad dang ldan par yang 'gyur ro/ /glegs bam 'di ni/ chos kyi dbyings dang mnyam pa'i de bzhin gshegs pa dang mtshungs par rig par bya'o/ /de nas byang chub sems dpa' sems dpa' chen po 'phags pa spyan ras gzigs dbang phyug bcom l dan 'das ga la ba de logs su thal mo sbyar ba btud de bcom ldan 'das kyi spyan sngar bzhin 'dzum zhing snying g.yo ba dang bcas pa 'od zer 'bar zhing snang bar byed bzhin @#/ /pa| rgyan bye ba khrag khrig brgya stong phrag gis yang dag par brgyan pa'i lus bcom ldan 'das kyi spyan sngar 'dug ste gsol pa/ bcom ldan 'das/ bdag la pad+mo yangs pa'i dkyil 'khor chen por kun nas don yod pa'i ras ris blta ba dang / don yod zhags pa'i snying po gang gis don yod pa'i ras ris kyi bya bas de rnams thams cad la sgyu ma lta bu'i ting nge 'dzin gyi mthong ba'i rnam 'phrul stong phrag mang po mthong ba dang / rnam pa sna tshogs gzugs dang / kha dog dang / rtags mthong ba dang / gzugs gcig gi rjes su 'jug par mtshungs so/ /zhes mi 'jug go/ /'di lta ste/ dbang phyug dang / dbang phyug chen po dang / tshangs pa dang / khyab 'jug dang / dbang phyug chen po phyug bdag chen po dang / gshin rje dang / chu lha dang / lus ngan dang / drang srong gi tshogs dang / gzhon nu dang / ded dpon dang / tshong ba dang / rig sngags 'chang dang / zla ba dang / nyi ma dang / rgyu skar dang / skar ma'i tshogs lus gcig pus rjes su 'jug par 'gyur ro/ /bcom ldan 'das/ gang gis mthong ba tsam gyi mod la don yod pa'i zhags pa'i dkyil 'khor chen po dang / dam tshig dang / phyag rgya dang / cho ga zhib mo'i sgrub pa chen po de rnams thams cad grub par 'gyur ro/ /grub pa'i dam tshig rjes su zhugs par 'gyur ro/ /don yod pa chen po'i gsang sngags dang / snying po dang / gzungs dang / dam tshig rjes su stsal bar bgyi'o/ /sems can thams cad kyi bde ba bsgrub pa'i ched du bcom ldan 'das kyi spyan sngar mngon sum du 'dug par 'gyur ro/ /rig sngags 'chang rnams kyi mchog gi dngos grub kyi ched dang / re ba thams cad yongs su rdzogs pa'i ched du klog pa dang / sgrub par byed pa'o/ /na ma s+t+rai ya d+h+wi kA nAM ta thA ga tA nAM/ oM a mo g+ha pad+ma pA sha kro d+hA kaR+Sha ya pra be sha ya ma hA pa shu pa taM ya ma ba ru Na ku be ra/ brah+ma be Sha d+ha ra/ a mo g+ha hr-i da ya pad+ma ku la sa ma yA ya hUM hUM hUM phaT phaT phaT swA hA/ snying po'i gzungs kyi phyag rgya 'di 'khor gyi dkyil 'khor chen po 'dus par gsungs pa tsam gyi mod la ri dang / nags dang / dgon par bcas pa rnam par 'gyur ba drug tu rab tu g.yos te me tog gi char chen po mngon par bab bo/ /lha dang / klu dang / gnod sbyin dang / dri za rnams ca co'i sgra chen po ring du sgrog par byed do/ /don yod zhags pa'i cho ga zhib mo'i rgyal po'i snying po 'di gsungs pa'i de ma thag tu gnod sbyin dang / srin po gdug pa thams cad dang / log 'dren sdug pa can rnams khas bub tu 'gyel te 'bar zhing / phyogs kyi gnas bskyod cing kha phyir phyogs so/ /bgegs dang / log 'dren rnams @#/ /phyogs bcur 'bros par byed do/ /ngu bzhin du rgyug par byed cing dpa' gong zhing kun tu 'khyams so/ /'dir ni byang chub sems dpa' sems dpa' chen po 'phags pa spyan ras gzigs dbang phyug gis lha rdzas kyi rgyan dang / gos dang / ras bcos bu rnam pa sna tshogs pas mchod par byed cing / chos kyi dga' ba rjes su sbyin par byed do/ /lha rdzas kyi me tog sna tshogs dang / lha rdzas kyi dri'i mchod pas mchod pa byed par gyur to/ /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams me tog dang / dri dang / phreng ba dang / byug pa dang / phye ma dang / chos gos dang / rgyal mtshan dang / ba dan dang / lha rdzas kyi gos dang / spud pa dang / rgyan dang / lhab lhub sna tshogs pa thogs nas byang chub sems dpa' sems dpa' chen po 'phags pa spyan ras gzigs dbang phyug ga la ba de logs su dong ste lhags nas byang chub sems dpa' sems dpa' chen po 'phags pa spyan ras gzigs dbang phyug dang / de bzhin gshegs pa'i spyan sngar mchod pa ches che ba byed par 'gyur ro/ /bcom ldan 'das dang / byang chub sems dpa' sems dpa' chen po 'phags pa spyan ras gzigs dbang phyug gis mchod pa 'gugs pa ni/ mchog tu rnyed par dka'o/ /don yod pa'i rgyal po'i snying po rnam par thar pa'i dkyil 'khor gyi cho ga zhib mo'i rgyal po 'di dang / don yod pa'i ras ris kun tu lta ba'i snying po 'di gsungs pa 'di ni/ dag pa'i sems dpa' chen po'o/ /de nas yang bcom ldan 'das shAkya thub pas byang chub sems dpa' sems dpa' chen po spyan ras gzigs dbang phyug la 'di skad ces bka' stsal to/ /dag pa'i sems dpa' cho ga shin tu rgyas pa shod cig /byang chub sems dpa' sems dpa' chen po 'phags pa spyan ras gzigs dbang phyug gi gzungs 'di'i don yod pa'i rnam par 'phrul pa shin tu rgyas pa bshad do/ /gzungs 'di'i don yod pa'i rnam par 'phrul pa ni/ rig sngags 'chang des don yod pa'i rgyal po'i snying po nyi ma re rer stong rtsa brgyad du bzlas pas/ sgyu ma lta bu'i ting nge 'dzin gyis gzugs rnam pa sna tshogs pa yang dag par mthong ba dang / sgyu ma yang dag par mthong ba'i ting nge 'dzin gyi rnam 'phrul de thams cad rjes su 'dzin par 'gyur zhing / /thams cad du rjes su zhugs par 'gyur la/ thams cad du dam tshig rtogs par khong du chud par 'gyur te/ thams cad du phyag rgya dang / dkyil 'khor dang / gsang sngags kyi cho ga zhib mo'i rjes su rab tu gnas @#/ /par 'gyur ro/ /thams cad du ting nge 'dzin gyi rnam par 'phrul ba rgyal mtshan gyi mchog ces bya ba la gnas te/ de bzhin gshegs pa thams cad kyi gsang ba'i rjes su son cing rjes su zhugs par 'gyur ro/ /don yod pa'i rig sngags kyi dngos grub yongs su rdzogs pa la rab tu gnas par 'gyur ro/ /don yod pa'i rnam par 'phrul pa dang ldan par 'gyur ro/ /don yod pa'i gzugs dang / kha dog dang / rtags dang / dbyibs dang mthun par 'gyur ro/ /don yod pa'i yon tan yongs su bsgrags pa dang ldan par 'gyur ro/ /don yod pa'i dge ba'i rtsa ba dang ldan par 'gyur ro/ /don yod pa'i de bzhin gshegs pa lung bstan pa yongs su 'dzin par 'gyur ro/ /don yod pa'i de bzhin gshegs pa'i bsod nams kyi phung po chen po dge ba'i rtsa ba bskyed par 'gyur ro/ /don yod par de bzhin gshegs pa mngon sum du mthong zhing byin gyis rlob pa dang ldan par 'gyur ro/ /don yod par de bzhin gshegs pa'i rigs kyi rjes su zhugs par 'gyur ro/ /don yod par rdo rje'i rigs la mnyam par rjes su zhugs par 'gyur ro/ /don yod par pad+ma'i rigs kyi dam tshig byin gyis brlabs par 'gyur ro/ /don yod par nor bu'i rigs kyi dam tshig rjes su 'dzin par 'gyur ro/ /don yod par rgyal po'i rigs kyi dam tshig rjes su 'dzin par 'gyur ro/ /don yod par de bzhin gshegs pa thams cad kyi dkyil 'khor gyi rnam par 'khrul pa byin gyis rlabs pas byin gyis brlabs par 'gyur ro/ /don yod pa 'khor los bsgyur ba'i rigs dbang du gyur nas rab tu gnas par byin gyis brlabs par 'gyur ro/ /don yod pa rig sngags kyi dbang gis mngon par dbang bskur bar 'gyur ro/ /don yod par de bzhin gshegs pa thams cad kyi mngon par dbang bskur bas mngon par dbang bskur bar 'gyur ro| |don yod par phyag rgya chen po rim par phye ba dang / gsang sngags kyi sgrub thabs la rab tu gnas par 'gyur ro/ /don yod par de bzhin gshegs pa thams cad kyi byang chub kyi snying por nye bar 'gro bar byin gyis brlab par 'gyur ro/ /don yod par de bzhin gshegs pa thams cad kyi chos kyi 'khor lo bskor bar 'gyur ro/ /don yod par chos kyi rnga bo che rdung bar 'gyur ro/ /don yod par chos kyi dung 'bud par 'gyur ro/ /don yod par pha rol tu phyin pa drug yongs su rdzogs par 'gyur ro/ /don yod par de bzhin gshegs pa thams cad kyi chos kyi dbyings kyi snying por 'gyur ro/ /don yod par thos pa zab mo chos dbyings kyi snying po dang ldan par 'gyur ro/ /don yod par de bzhin gshegs pa thams cad kyi @#/ /'jig rten las 'das pa'i lam gyi yan lag brgyad dang ldan par 'gyur ro/ /don yod par 'jig rten pa dang thun mong pa'i chos cho ga zhib mo'i sgrub pa'i dngos grub chen po so sor thob bo/ /don yod par 'jig rten pa'i lha'i dpal nyams su myong ngo / /don yod par sems can thams cad kyi mchog tu bla mar byed pa dang / gus par byed pa dang / spyi bor 'jog par 'gyur ro/ /de bzhin du tshogs chen po'i yon tan dang ldan pa dang / phan yon chen po rjes su son par 'gyur ro/ /don yod pa'i rgyal po'i snying po'i cho ga zhib mo rim par phye ba dang bcas pa la phyag rgya dang / dkyil 'khor gyi sgrub pa dang / zhags pa'i cho ga mtha' dag rdzogs pa gang yin pa 'di nyan par 'gyur ba dang / 'chang bar 'gyur ba dang / 'don par 'gyur ba dang / kun chub par 'gyur ba dang / tshul bzhin du yid la byed pa dang / bzlas pa'i cho ga byed par 'gyur ba dang / sangs rgyas rjes su dran pa sgom par 'gyur ba de dag skye ba 'di nyid la las kyi sgrib pa thams cad dang / sdig pa thams cad yongs su dag cing gsal bar 'gyur ro/ /nad thams cad dang / skye ba dang / rga ba dang / na ba dang / 'chi ba las yongs su grol bar 'gyur ro/ /'khor ba'i rgya mtsho'i chu bo'i pha rol tu 'gro bar 'gyur ro/ /bcom ldan 'das/ 'on kyang gang la la zhig sems can ches mang po la dbang byed par 'gyur te/ de yang bcom ldan 'das/ phyir mi ldog par rig par bgyi'o/ /sa bcu la rab tu gnas pa dang bcas par brjod par bgyi'o/ /bcom ldan 'das/ rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma gang la la zhig don yod pa'i rgyal po'i snying po 'di cho ga zhib mo'i rgyal po chen po dang / phyag rgya dang / dkyil 'khor dang / ras ris yongs su dag nas dad pa dang / gus pa yid la byed pa dang / de bzhin gshegs pa thams cad la lhag pa'i bsam pa rab tu dang bas 'bri bar 'gyur ro/ /'bri mkhan dad pa dang / gus pa dang / byams pa yongs su dag pa'i yid kyis yo byad yongs su ma tshang ba med pa'i mchod pa dang / bsnyen bkur ba'i dri mkhan gyis 'bri ba'am 'brir gzhug par 'gyur ro/ /sems can thams cad kyi stobs dang mthus bris pa'i sems can de yang phyir mi ldog par rig par bgyi ste/ 'di la dogs pa dang yid gnyis bskyed par mi bgyi'o/ /gzhan yang sems can 'di de bzhin gshegs pa thams cad kyi thugs las skyes pa'i sras su rig par bgyi/ zhal las skyes pa dang / chos las skyes pa dang / chos kyi sprul pa dang / de bzhin gshegs pa thams cad kyi byin gyis brlabs par 'gyur @#/ /te| sems can de bla na med pa yang dag par rdzogs pa'i byang chub tu mngon par rdzogs par sangs rgyas par lung bstan to/ /de ltar rdzu 'phrul che ba'i phyir cho ga zhib mo'i rgyal po de bzhin gshegs pa dang mnyam pa nyid du rig par bgyi'o/ /de'i phyir 'di'i phan yon dang / yon tan chen po yongs su bsgrags so/ /de nas don yod pa'i dngos grub bla na med pa'i yo byad dang cho ga bshad par bgyi ste/ ras khru gnyis pa'i tshad du bgyi zhing / kun nas gru bzhi pa/ shin tu gsal ba/ shin tu btags pa/ shin tu gsar pa/ legs par btags pa la ri mo mkhan gtsang ma gos gtsang ma bgos pas/ chang dang / sha dang / kun dong dang / sgog skya dang / ke'u dang 'dres pa dang / sbags pa dang / kha zas ngan pa yongs su spangs pas tshon rnam pa sna tshogs pa 'bar ba/ lhag ma ma yin pa snod gsar par bzhag pas 'brir gzhug par bgyi ste/ 'phags pa spyan ras gzigs dbang phyug gi gzugs brnyan ri mor bgyi'o/ /don yod pa'i zhags pa zhi ba'i zhal spyan gsum pa ral pa'i cod pan gyis brgyan pa zhal bcu gcig pa bgyi ste/ phyag sum cu so gnyis pa/ rgyan thams cad kyis rnam par brgyan pa/ phyag na mtshon cha sna tshogs dang / zhags pa thogs pa/ pad+ma dkar po'i lus dang kha dog can/ sna tshogs pa'i gos 'chang ba/ zhal g.yas pa dbang phyug chen po'i zhal/ g.yon pa sred med kyi bu'i gzugs 'dzin pa/ dbang phyug chen po'i steng du gshin rje'i gzugs/ sred med kyi bu'i steng du chu lha'i gzugs/ gshin rje'i steng du lus ngan gyi gzugs zhal khro gnyer can/ chu lha'i steng du gzhon nu zhal khro gnyer can/ lus ngan gyi steng du dbang phyug chen po'i gzugs drag po mche ba gtsigs pa'o/ /gzhon nu'i steng du dbang phyug drag po'i gzugs mche ba gtsigs pa'o/ /dbang phyug gi steng du nyi ma'i zhal/ dbang phyug chen po'i steng du zla ba'i zhal/ steng gi ral pa la 'phags pa 'od dpag med 'od 'dom gang dang bcas pa'i phyag brkyang bas dbugs 'byin par byed pa'o/ /phyag g.yas pa dang / skra'i bar du rlung lha bya ste/ lus rdzogs pa'o/ / gzhogs g.yon du me'i lha ste/ lus phyed pa'o/ /sngar bshad pa'i phyag rgya dang mtshon cha lag na thogs pa bgyi'o/ /g.yas su 'phags pa khro bo'i rgyal po bgyi ste/ rgyan thams cad kyis rnam par brgyan pa khros pa'i gzugs so/ /g.yon du rig pa'i rgyal po rgyan thams cad kyis rnam par brgyan par bgyi'o/ /khro bo'i rgyal po ni/ @#/ /pad+ma dang zhags pa thogs pa'o/ /rig pa'i rgyal po ni/ yid bzhin gyi nor bu dang / me tog gi phur ma thogs par bgyi'o/ /'phags pa spyan ras gzigs dbang phyug ni/ zhal nas 'od zer 'phro bzhin pa bgyi ste/ pad+ma'i gdan dang / lus la pad+ma'i phreng ba 'phyang ba'o/ /'phags pa spyan ras gzigs dbang phyug gi 'og gi pad+ma la dkyil 'khor gyi lha mo bgyi ste/ drag po drag tu dgod pa/ phyag bzhi pa/ rgyan thams cad kyis rnam par brgyan pa/ pad+ma dang / zhags pa dang / dgra sta dang / ral gri thogs pa/ pad+ma'i gdan la skyil krung phyed pas bzhugs par bgyi'o/ /khro bo'i rgyal po'i rgyab tu 'phags ma sgrol ma bgyi ste/ phyag na gos 'dzin pa| dbu smad pa/ rgyan thams cad kyis rnam par brgyan pa'o/ /rig pa'i rgyal po'i rgyab tu dkar sham chen mo bgyi ste/ rgyan thams cad kyis rnam par brgyan pa/ phyag thal mo sbyar zhing mgo smad pa'o/ /dkyil 'khor gyi lha de dag gi bar du g.yas ngos su rig sngags 'chang pus mo btsugs pa bgyi ste/ 'phags pa spyan ras gzigs dbang phyug gi zhal la blta bzhin pa/ lag na me tog gi phor pa thogs pa bgyi'o/ /ngos bzhir sangs rgyas bcom ldan 'das kyi ri mo bgyi ste/ skyil mo krung gis bzhugs pa/ dkyil 'khor gyi rnam pa sum cu rtsa brgyad rnam par 'byes par bgyi'o/ /steng du son par drang srong rnams dang / lha'i bu bgyi'o/ /gra bzhir rgyal po chen po bzhi bgyi ste/ go cha dang ya lad bgos pa'o/ /zhabs dag gi 'og tu dpal lha mo dang / dbyangs can dang / 'jigs ma dang / mtshan mo'i lha mo rnams bgyi'o/ /ras ris yongs su rdzogs pa legs par bgyis shing / las bgyis pa bris nas de'i 'og tu gsang ba'i gnas su bzhag ste phyogs gtsang mar ba byung gi dkyil 'khor bgyi ste/ kun nas gru bzhi ba bgyi'o/ /de'i steng du dri sna tshogs kyi byug pa sbyin par bgyi/ me tog sna tshogs kyis gcal du dgram par bgyi/ gang ba'i bum pas spras par bgyi/ pog phor gyis spras par bgyi'o/ /tsan+dan dang / kun du ru dang / a ga ru dang / du ru ka dang / gu gul gyi bdug pa bsreg cing / mchod yon dang / zhabs bsil yang gzhag par bgyi'o/ /ras ris dkyil 'khor la mngon du phyogs par bzhag nas rig sngags 'chang gtsang mas gos gtsang ma bgos pa legs par khrus byas pas bgyi ste/ ras ris la mchod pa bgyi zhing / mar me bcu drug sbar bar bgyi'o/ /de nas ras ris la mngon du phyogs nas skyil mo krung gis 'dug nas phyag rgya bcing bar bgyi'o/ /don yod pa chen po'i @#/ /snying po'i gsang sngags kyi gzungs kyi dam tshig stong phrag bcur bzla'o/ /don yod rgyal po'i snying po dang / khro bo'i rgyal po'i dus gsum du lan nyi shu rtsa gcig bzlas par bgyi'o/ /stong phrag bcu rdzogs pa dang / rig sngags 'chang gis mgo la 'bar bar bgyid cing / ras ris de la yang 'od sna tshogs pa rnams 'bar bar bgyid de/ tho rangs skya rengs ser po'i thun mtshams kyi dus tshod la ji lta ba bzhin du ras ris mngon par 'bri na/ 'phags pa spyan ras gzigs dbang phyug lha'i lus kyis mdun du 'dug ste rig sngags 'chang la dbugs 'byin par bgyid cing / de bzhin du smra bar bgyid de/ rig sngags 'chang / smos shig /mchog sbyin par bya| yid la ji ltar 'dod pa de dag thams cad sbyin par bya'o/ /rig sngags 'chang gis mchog gnyis bslang bar bya ste/ 'jig rten pa'i mchog gi dngos grub dang / 'jig rten las 'das pa'i mchog sangs rgyas nyid do/ /gal te 'jig rten pa'i mchog slong bar byed na/ de thams cad sbyin par bgyid de/ don yod zhags pa'i rnam par thar pa'i dkyil 'khor cho ga zhib mo'i rgyal po chen po mchog gi sgrub pa'i dngos grub tu 'gyur ro/ /'phags pa spyan ras gzigs dbang phyug gi spyan sngar grub pa'i dngos grub ji lta ba de bzhin du rig sngags 'chang la mchog gi dngos grub 'grub par bgyid do/ /zhes bya ba'i dngos grub chen por 'gyur ro/ /dngos grub yangs par yang 'gyur ro/ /'jig rten pa'i bya ba thams cad kyi mchog sgrub pa'i dngos grub tu 'gyur ro/ /gzhan pa'i mchog thams cad mngon par bslangs na stsol bar bgyid de/ 'di lta ste/ sngags kyi dngos grub dang / mig 'phrul dang / 'od zer gyi dra ba dang / lha'i gzugs mthong ba dang / mi snang ba dang / nam mkha' la 'gro ba dang / khung bur 'jug pa dang / nags su 'jug pa dang / klu'i gnas su 'jug pa dang / mi'am ci'i gnas su 'jug pa dang / chu la 'jug pa dang / nam mkhar 'jug pa dang / sa 'og tu 'jug pa dang / nor sgyur ba smra ba dang / zhing du smra ba dang / nor bu smra ba dang / g.yul ngor 'jug pa dang / 'gugs pa dang / char 'bebs pa dang / yang dag par 'dzin pa dang / dbang du byed pa dang / gnod sbyin phyir 'byin pa dang / rnam par g.yo ba med par byed pa dang / chu klung chen po sgrol ba dang / rgyu skar smra ba dang / sngags smra ba dang / rdzas dang / sman g.yo bar byed pa dang / bcud kyis len sgrub pa dang / 'pho bar byed pa dang / 'byin par byed pa dang / lo thog sgrub pa dang / gos 'dor bar byed pa dang / rgyal po dbang du byed pa dang / 'jig rten pa'i sgrub pa'i dngos grub de thams @#/ /cad 'grub par bgyid do/ /de nas 'jig rten pa gzhan don du gnyer cing 'dod na/ phyag g.yas pa spyi bo'i gtsug tu 'jog par byed de/ bzhag pa tsam kyi mod la lus med pa dri ma dang bral ba yongs su dag pa zhes bya ba'i yongs su dag pa'i lus so sor thob ste sbrul gyi shun pa bzhin du lus 'dor bar bgyid do/ /bsam pa nyid kyi mod la de ma thag kho nar bde ba can gyi 'jig rten gyi khams su 'gro bar bgyid do/ /skye ba bye ba brgya stong phrag gi tshe rabs dran par 'gyur te/ de ma thag kho nar de bzhin gshegs pa tshe dpag tu med pas lung bstan pa thob pa'i mod nyid la bla na med pa yang dag par rdzogs pa'i byang chub las phyir mi ldog par 'gyur ro/ /'di nyid ni/ skye bar skyes pa'i tha ma'o zhes so| |sgrib pa thams cad dang bral ba don yod pa rnam par 'phrul pa zhes bya ba'i ting nge 'dzin so sor thob cing / ting nge 'dzin gzhan bye ba khrag khrig brgya stong phrag thob bo/ / phyogs bcu kun gyi de bzhin gshegs pa thams cad kyis dgongs par 'gyur zhing legs so zhes bya ba rjes su stsol bar mdzad do/ /byang chub sems dpa' thams cad kyis dgongs par 'gyur ro/ /lha thams cad kyis kyang 'di la kun tu srung bar 'gyur ro/ /'jig rten pa dang / 'jig rten las 'das pa'i dngos grub kyi mchog gnyis po 'di ni/ mthong ba'i chos nyid la rjes su stsol bar 'gyur ro/ /bya ba gzhan mang zhing ches mang ba thams cad sgrub par bgyid do/ /gdon grol bar byed pa dang / 'bebs pa byed pa dang / mdo sde la rtog dang / tshe la rtog pa dang / nad rab tu zhi bar byed pa dang / 'bras dang / phol mig dang / lhog pa dang / mtshan bar rdol ba dang / rkang shu dang / sha bkra dang / mdze dang / 'brum bu phra mo dang / g.yan pa dang / me dpal dang / lto ba na ba dang / mig na ba dang / mgo bo na ba dang / gzhogs phyed na ba dang / ma ro rtsa ka dang / pho ba'i nad dang / so na ba dang / mgul pa na ba dang / lce dang / rkan na ba dang / kha na ba dang / sna na ba dang / rna ba na ba dang / snying na ba dang / lto ba na ba dang / rtsibs logs na ba dang / lag pa na ba dang / rkang pa na ba dang / rje ngar na ba dang / sen mo na ba dang / rims nyin gcig pa dang / nyin gnyis pa dang / nyin gsum pa dang / nyin bzhi pa dang / rtag pa'i rims dang / mtshan mo pa dang / nyin mo pa dang / 'dus pa ste/ 'di dag thams cad gsang sngags 'di bzlas pa tsam gyis rnam par nyams par bgyid do/ /sdig pa de rnams rnam par nyams par bgyid do/ /gdug pa thams cad dang / phyir rgol ba dang / dgra thams cad rnam par nyams par bgyid do/ /de ltar gzungs kyi snying po 'di ni/ stobs chen po dang ldan pas te/ 'jig rten pa'i dngos grub kyi mchog 'di dag 'grub @#/ /bar 'gyur ro/ /de nas las byed par 'dod na/ de'i 'og tu rig sngags 'chang gtsang ma/ gos gtsang ma bgos pa legs par khrus byas pas bgyi ste| de nas don yod pa chen po'i snying po'i gsang sngags kyi gzungs 'di sgrub cing bzlas pas de dag 'grub par 'gyur ro/ /stong phrag bco brgyad du bzlas pas sdig pa thams cad zhi zhing 'jig rten pa'i rig sngags chen po grub par 'gyur ro/ /thams cad la lus thams cad du sgrub par byed do/ /de nas 'jig rten las 'das pa'i bzlas pa'i cho ga sgrub par 'dod pa'i rig sngags 'chang des nyi ma re re zhing gtsang ma legs par khrus bgyis shing gos gtsang ma bsgos pas bgyis te/ nya la tshes gcig nas brtsams te nyi ma re re zhing stong phrag bcur bzlas pa dbul bar bya'o/ /bcu gcig pa'i phyogs la chos gsum gyi nyin mtshan nas bgyi ste/ nyi ma re re zhing stong phrag phyed dang gnyis bzlas pa dbul bar bgyi'o/ /'phags pa spyan ras gzigs dbang phyug la mchod par bgyi/ bco lnga'i nya la dkar gsum gyi gtor ma dbul bar bgyi/ mchod yon dang / zhabs bsil dbul bar bgyi/ de nas zas dkar gsum bza' bar bgyi zhing / bco lnga nya'i mtshan mo stong rtsa brgyad bzlas pa dbul bar bgyi'o/ /thun tha ma la 'phags pa spyan ras gzigs dbang phyug 'ongs te/ rig sngags 'chang legs so zhes smra bar bgyid cing / khyod kyis don yod rgyal po'i snying po mtha' dag yongs su rdzogs pa'i cho ga zhib mo dang / rnam par thar pa'i dkyil 'khor grub po/ /phyag g.yas pa brkyang nas pad+ma stsol bar bgyid do/ rig sngags 'chang gis blang bar bgyi'o/ /blangs pa tsam gyi mod la nam mkha' la rdzu 'phrul gyis 'gro zhing / gang du 'dod pa'i sangs rgyas kyi zhing der 'gro'o/ /de bzhin gshegs pa thams cad kyis yang dag par dbugs 'byin par bgyid do/ /de nas sbyin sreg gi cho ga bgyid par 'dod pas pad+ma'i snying po bza' bar bgyi/ dkyil 'khor gyi tshad la pad+ma'i rtsa ba dang / sdong bu dang / lo ma mar dang bsres pa'i sbyin sreg bgyi'o/ /dri zhim po'i shing la me sbar la stong phrag brgyad du sbyin sreg bgyi'o/ /stong phrag brgyad rdzogs pa dang / dpal lha mo chen mo dngos su 'ongs te/ de la dri zhim po'i mchod yon phul bas rig sngags 'tshang bgyi ba ci yod ces smra bar bgyid do// des bcom ldan 'das ma bdag la nor mi zad pa rnyed pa dang / gter rnyed pa rab tu stsol cig ces brjod par bya'o/ /de nas khyod kyi de bzhin bya'o/ /zhes dbugs 'byin par byed cing mi snang bar 'gyur ro/ /rig sngags 'chang gang dang gang du 'gro ba de sdang der gtor chen po mthong ste/ nam yang zad par nye bar mi 'gro'o/ /sbyin par bgyi/ longs spyad par bgyi/ dkon @#/ /mchog gsum la mchod par bgyi/ 'phags pa spyan ras gzigs dbang phyug la mchod par bgyi/ dpal lha mo chen mo la nyi ma re re zhing so so'i chi shas dbul bar bgyi'o/ /ut+pa la sngon mo dang / tsan+dan gyi phye ma dang / mar gsar bsres pas arga'i shing la me sbar te 'phags pa spyan ras gzigs dbang phyug gi ras ris kyi mdun du zla phyed cig tu sbyin sreg bgyi ste/ dpag tu med pa dbul bar bgyis na/ rdzogs pa na las thams cad la longs spyod pa thob bo/ /ras ris kyi mdun du/ shing kun dang / til mar dang / yungs kar bsres la pad+ma'i 'dab ma dang / thang shing gi yam shing gis zhag bdun du thun gsum du sbyin sreg brgyad brgya byas na/ grong brgya thob bo/ /shing mya ngan med pa'i yam shing mar la btags pas zla phyed cig tu thun gsum du sbyin sreg brgyad brgya byas na/ rgyal po nyid thob po/ /mtshan mo bdun du thun gsum du yam shing gis sbyin sreg brgyad brgya byas na/ gnas nges par stan pa'i cho ga smra bar byed do/ /'phags pa spyan ras gzigs dbang phyug gi gzugs brnyan la mtshan mo bcu gnyis su ma la ki'i me tog stong phrag brgyad kyis mchod par bya ste/ sangs rgyas bcom ldan 'das thams cad la mngon par dad pa dang / lha dang / klu rnams mngon par dang bar 'gyur ro/ / mchog thams cad dang / bya ba thams cad sgrub par byed do/ /nor bu bzang po spyan drang bar 'dod pas snying gar ming med kyi sor mo bzhag nas thun gsum du brgyad brgya bzla bar bya ste| mtshan mo bcu gnyis su las rdzogs pa dang / nor bu bzang po mthong ba stsol bar byed do/ /snying gar yongs su byugs pa tsam gyis nyi ma re re la dong tse brgya stsol bar bgyid de/ de yang lhag ma med par zad par bgyi ste/ yang dang yang du stsol bar bgyid do/ /gang yin pa de dang de ma bgyis na/ phyis stsol bar mi bgyid do/ /'phags pa spyan ras gzigs dbang phyug la mngon du phyogs par 'dug nas sam/ yang na ring bsrel can gyi mchod rten nam/ ras ris la mngon du phyogs par gzhag par bgyi'o/ /seng ldeng gi yam shing zho dang / sbrang rtsi dang / mar la btags pas thun gsum du brgyad brgya sbyin sreg bgyi ste/ nyi ma bdun yongs su rdzogs pa na zong stong phrag bcu thob bo/ /de lta bu la sogs pa'i rgyas pa'i las rnams thams cad du sbyar bar bgyi'o/ /de nas mig sman sgrub par 'dod pa'i rig sngags 'chang des gtsang mas bsgrub par bgyi ste/ khrus bgyi'o/ /ldong ros zangs kyi snod du gzhag par bgyi ste/ ras ris la mngon du phyogs nas skyil mo krung gis 'dug ste tshes brgyad dam bco lnga la nyin mtshan du smyung bar gnas bas/ a shwat+tha'i 'dab ma bzhis dag ba @#/ /par bgyi ste/ ji srid du dngos grub rnam pa gsum dro bar bgyid pa dang / du ba 'thul bar bgyid pa dang / 'bar bar bgyid pa de srid du bzlas pa bgyi'o| |dro bar gyur ba 'dis mig la byugs pas gang mthong ba de dbang du 'gyur ro/ /gang blangs pa de snyed do/ /'jig rten thams cad kyi mchod pa'i 'os chen por 'gyur ro/ / rgyal po dang / rgyal po'i blon po dang / btsun mo'i 'khor dang bcas pa thams cad kyis mchod pa bya ba'i 'os su 'gyur te/ spyi bor 'jog par 'gyur ro/ /du ba 'thul ba 'dis mig la byugs pas/ sor mo bcu'i tshad kyi sa gzhi la rkang bas reg pas dpag tshad stong phrag tu song nas slar yang 'ong bar byed do/ /dpag tshad stong phrag tu nyan par byed do| |dpag tshad stong phrag tu blta bar byed do/ /lo stong phrag bcu gsum du 'tsho bar byed do/ /su gang gis kyang bka' bsgo bar byed par mi 'gyur ro/ /rtag tu bde ba dang bcas pa yang dag par thob pa dang / rtag tu bla ma'i gnas su bya bar 'gyur ro/ /de bzhin gshegs pa thams cad lhag par mthong bar 'gyur ro/ /'bar bas ni/ bdag nyid gnyis te/ 'phur bar byed pa dang / lo stong phrag bcur 'tsho bar byed do/ /de nas ldong ros kyi sgrub pa gzhan ni/ 'jig rten dang / 'jig rten las 'das pa'i sgrub par byed pa'o/ /de nas kA ra bI ra dang / ldong ros dpa' bo'i rin gyis blangs nas sbyong du gzhug par bgyi zhing / ba byung lngas yang dag par sbyangs nas rdzogs pa la zhag gsum du smyung bar gnas bas bcom ldan 'das dang / 'phags pa spyan ras gzigs dbang phyug la mchod pa rgya chen po byas nas pad+ma'i 'dab ma bzhi rnams kyis ldong ros la rab tu bkod nas gsum gyis kun tu g.yogs te ji srid du dngos grub rnam pa gsum dro bar byed pa dang / du ba 'thul bar byed pa dang / 'bar bar byed pa de srid du bzla bar bya'o/ /dro bar byed bzhin pas ni/ thig le byas nas ji srid du sems can mthong ba dang / gang gis blta ba de thams cad dbang du 'gyur ro/ /dud 'gro'i skye gnas su song ba tshe med pa yang tshe nyis 'gyur du 'phel bar 'gyur ro/ /du ba 'thul ba zhin pas ni| thig le byas pas rigs bzhi'i 'jig rten thams cad de'i dbang du 'gyur ro/ /skyes bu tsam gyi sa gzhi la rkang pas reg pas dpag tshad stong phrag gsum mthong ngo / /dpag tshad stong phrag gsum nas nyan par byed do/ /lo stong phrag bcu gnyis su 'tsho bar 'gyur ro/ /'bar bar byed pas ni/ thig le byas pas nam mkha' la 'gro bar 'gyur ro/ /lan grangs nyi shur 'phur bar byed do/ /ldong ros kyi dngos grub thams cad kyi rgyal por 'gyur ro/ /dpag tshad stong phrag gsum du 'phur bar byed do/ /lo stong phrag brgyad cur 'tsho bar byed do/ / @#/ /gi wang sgrub par 'dod pas ba ser skya'i mar gyis gi wang yang dag par spyangs te dkar po'i bco lnga'am brgyad la mtshan mo gsum du smyung bar gnas pas/ bcom ldan 'das dang / spyan ras gzigs dbang phyug la mchod pa rgya chen po byas nas rab tu bkod de lag pa g.yas bas mnan nas ji srid du dngos grub rnam pa gsum du gyur pa de srid du bzla bar bya'o/ /dro bar byed bzhin pas ni/ thig le byas pas gnod sbyin dang / srin po dang / yi dwags dang / sha za dang / 'byung po rnams kyis de la ri mor byed do/ /gang slongs pa de ster ro/ /nyi ma de nas brtsams te tshe lo stong phrag lngar 'gyur ro/ /du ba 'thul bzhin pas ni/ thig le byas na mi snang ba thams cad kyi rgyal por 'gyur ro/ /rlung gi phung po rab tu zhi bas bzhon par byed do/ /dpag tshad stong phrag nyi shur song nas slar yang 'ong bar byed do/ /tshe lo stong phrag drug cur 'gyur ro/ / dpag tshad stong phrag drug cu rnams mthong bar byed do/ /'bar bar byed pas thig le byas nas nam mkha' la 'gro bar 'gyur ro/ /bdag nyid lan brgyar 'phur bar byed do/ / gi wang grub pa thams cad kyi rgyal por 'gyur te/ lo bye bar 'tsho bar 'gyur ro/ /gang gi tshe 'chi bar 'gyur ba de'i tshe gling bzhi la dbang pa'i rgyal por 'gyur ro/ /de nas bdag nyid gser gyi kha dog tu sgrub par 'dod pa'i rig sngags 'chang des zla phyed drug gi bar du bzlas pa'i cho ga bsgrub par bgyi'o/ /de nas rig sngags 'chang gtsang ma gos gtsang ma bsgos pas legs par khrus byas te sman 'di rnams bsgrub par bgyi'o/ /yuSh+mA Ni dang / ldong ros dang / ba bla dang / sbrang rtsi dang / sa kI dang / ru rta dang / gur gum dang / gi wang dang / shing mya ngan med kyi me tog dang / pUN+Du tra byaM dang / 'dzam bu chu bo'i sman dang / gser gyi phye ma dang / ba'i 'o ma dang / shing arga'i 'o ma dang / gser gyi 'o ma dang / snu ha'i 'o ma dang / byang chub shing gi 'o ma dang / khyab 'jug gnon pa'i 'o ma ste/ 'di rnams cha mnyam par sbyar bar byas nas zangs kyi snod du gzhag par bgyi zhing dkrug par bgyi ste/ zla ba phyed la ba'i 'o ma nyid du 'gyur te/ 'di la the tshom med do/ /ras ris la mngon du phyogs par gzhag par bya zhing / dgon pa'am/ gtsug lag khang ngam/ 'chags sa'am/ sa'i phyogs gtsang mar ras ris bzhag nas byams pa dang / snying rje chen po dang / sangs rgyas dang / chos dang / dge 'dun rjes su dran pa dang / bstan zhing dpa' bas pha rol gnon pa'i go cha chen po bgos pa dang / 'phags pa spyan ras gzigs dbang phyug la mchog tu dad cing gus pa dang / byang chub don du gnyer zhing mngon @#/ /par 'dod bzhin pas nyi ma re re zhing ji ltar nus pa'i mchod pa sngon du 'gro bas zla phyed drug tu bzla bar bya'o/ /de nas rig sngags 'chang gis zla phyed drug rdzogs pa dang / sman gyi mchog bskams la phye ma zhib mor byed du bcug ste zangs kyi snod du bzhag nas don yod rgyal po'i snying po stong rtsa brgyad bzlas shing / khro bo'i rgyal po stong rtsa brgyad du bzla'o/ /de nas tshes bco lnga'i nya la mtshan mo gsum du smyung bar gnas te sangs rgyas bcom ldan 'das dang / 'phags pa spyan ras gzigs dbang phyug la mchod pa rgya chen po byas nas phyogs bzhir gtor ma ches rgya che ba dbul bar bgyi'o/ /de nas rig sngags 'chang gis sman gyi mchog dang / dngul chu dang / li kha ra dkar po dang / sbrang rtsi dang lhan cig sbyar bar bya'o/ /de nas slar yang stong phrag bcur bzla'o/ /'phags pa spyan ras gzigs dbang phyug gi spyan snga ru zangs kyi snod la 'bar bar bgyid de/ dro bar bgyid do/ /'od zer kha dog sna tshogs pa rnams 'bar bar bgyid do/ /rig sngags 'chang gi lus 'bar bar 'gyur te/ sa yang g.yo bar 'gyur ro/ /de nas rig sngags 'chang ba bzhin 'dzum pa yid la bya'o/ /'bar ba de dang / brah+ma pu tra ka'i mar dang lhan cig sbyar la bdag gi lus bsku bar bya'o/ /bskus ba tsam gyi mod la rang gi lus kyi pags pa gser gyi mdog tu 'gyur ro/ /lus rdo rje snying po bzhin du mi chod pa dang / mi phigs par gyur nas 'khor brgya phrag stong dang bcas te 'phur bar 'gyur ro| |skra la bskus na/ skra sbu gser gyi mdog tu 'gyur ro/ /sen mo la bskus na/ sen mo gser mdog tu 'gyur ro/ /so la bskus na/ so gser du 'gyur ro/ /mi lus gang dang gang du bskus pa de dang de nyid gser mdog tu 'gyur ro/ /til mar bzhag ste bcud kyis len mchog srang gcig gis zangs srang stong gser du 'gyur ro/ /til mar dang sbyar ba zangs glebs pa la bskus te mer bsregs na/ srang gcig gis srang bcu gser du 'gyur ro/ /bcud kyis len mchog 'di dang / ba'i 'o ma dang / zhun mar bzhi cha gcig dang sbyar te/ me mi che bas bskol te chos par rig pa dang / 'di de nas phyung la khrus legs par byas shing gos gsar ba bgos la gtsang mar byas te thog mar ba'i rnam lnga la reg par bya'o/ /de nas chu dron po dang bcud kyis len gyi mchog 'di btung bar bya'o/ /sbyor ba zhag bdun du byas na/ de'i lus rnam par dag par 'gyur ro/ /sdig pa thams cad zad pa dang / mod la nyon mongs pa thams cad dang bral ba dang / nad thams cad byang ba dang / mod la dug thams cad sel ba dang / dug slar zhen par mi 'gyur ba dang / mtshon gyis ma yin/ chus 'phyer bar mi 'gyur/ mes @#/ /tshugs par mi 'gyur/ yang dug ma rungs pa gzhan gyis mi tshugs par 'gyur ro/ /zhag bcu bzhir sbyor ba byas na/ nad thams cad byang ba dang / 'di'i pags pa rnam par dag pa dang / mnyer ma dang / skra dkar med par 'gyur ro/ /zhag nyi shu rtsa gcig sbyor ba byas na/ byis pa lo bcu pa pad+ma dkar sham dang 'dra ba'i mdog can gyi lus su 'gyur ro/ /pad+ma'i lo ma dang / ku mu da ltar 'jam pa dang / ut+pa la sngon po lta bu'i mig dang / mi 'am ci'i dbyangs lta bur ma zhum pa dang / dbu skra 'khyil la 'khyil cing bung ba ltar mdog nag pa lha rdzas lta bur 'gyur ro/ /zla ba gcig tu sbyor ba byas na/ lo stong phrag bcur 'tsho bar 'gyur ro/ /dgra thams cad dang / gnod sbyin dang / srin pa'i tshogs kyis mi tshugs par 'gyur ro/ /'byung po dang sdig pa byed pa gzhan rnams kyis kyang de mi mthong bar 'gyur ro/ /lo gcig tshang bar bsnyen na/ lha'i bu mo dag dang lhan cig rtse zhing / lha rdzas kyi longs spyod dang / gzhal med khang dang / ji ltar lha rnams rtse ba bzhin du 'gyur ro/ /dro bar gyur pa sbrang rtsi dang lhan cig zos na| lo khri nyis stong du 'tsho bar 'gyur ro/ /nam mkha' la 'gro bar 'gyur ro/ /zangs srang stong dang / bcud kyis len pa'i mchog srang gcig dang / dngul srang bcu zangs dang sbyar te bzhu na/ bcud kyis len mchog dngul srang stong du 'gyur ro/ /srang gcig gis zangs srang stong dngul du 'gyur ro/ /kha dog sna tshogs kyi 'od zer byung na ni/ kha dog sna tshogs su 'gyur te/ gzugs mdog sna tshogs kyi nor bu rin po che 'chang zhing / dngul dang gser bzhus la til mar dang lhan cig bskol te mgo bo la bskus pa tsam gyi mod la skra mdog sna tshogs su 'gyur ro/ /lus la bskus na/ kha dog sna tshogs kyi 'od zer 'byung bar 'gyur ro/ /mig la bskus na/ nam mkha' la 'gro zhing khyim thams cad kyi sgo phye bar mthong ste| khyim bdag thams cad kyi dpon po dang / rgyal por 'gyur ro/ /dpral ba la thig le byas na mi snang bar 'gyur ro/ /khar bcangs na/ gang dang smra ba de nor gyi dbang dang / bdag gi dbang du 'gyur ro/ /yang na ba ser skya'i 'o ma mar dang / mar dkar dang / 'o ma dang / bcud kyis len gyi mchog 'bar ba dang lhan cig bskor te kha ra bzhin du legs par tshos pa d ang blangs la don yod pa'i rgyal po'i snying po brgya stong bzlas brjod byas te rig sngags 'chang ba bdag nyid bskus pa tsam gyi mod la thams cad rig 'dzin gyi 'khor los bsgyur bar 'gyur ro/ /bskal ba chen po bcur 'tsho bar 'gyur ro/ /bar gyi bskal bar sangs rgyas bcom ldan 'das mthong bar 'gyur ro/ /byang chub kyi snying po mchog tu lung bstan pa @#/ /thob par 'gyur ro/ /thig le byas na/ nam mkha' la 'phur bar 'gyur ro/ /oM zhes bya ba'i sgras tshangs pa gnas nas phyir 'byung bar 'gyur ro/ / se gol gtogs ba tsam gyis 'og min gyi bar du 'gro zhing phyir yang 'ong bar 'gyur ro/ /nam gyi tshe 'chi ba'i dus byed par 'gyur ba de'i tshe bde ba can gyi 'jig rten gyi khams su 'gro bar 'gyur ro/ /'di ni/ skye ba tha ma yin zhing mngal na gnas pa las yongs su thar pa yin no/ /de nas don yod pa'i ril bu brjod par bya ste/ rig sngags 'chang ba sgrub par byed pa legs par bsgrubs na/ rig sngags 'chang ba legs par khrus byas shing gos gtsang ma bgos te gtsang bar bya'o/ /pad+ma dang / lig bu mig dang / nA ga ge sar dang / gi wang dang / ut+ta ma ra Ni dang / skyer khaN+Da dang / a ga ru rnams de bzhin du de dag cha mnyam ste zhib mor btags la kha ra dang sbyar te gser dang dngul gyis dkri zhing zangs kyis kyang dkris te/ tsan+dan dkar po'i gab tshe'i nang du bcug la lag pa'i snyim par bcang bar bya'o/ /zla ba yar gyi ngo tshes brgyad dang / bcu bzhi la zhag gcig smyung ba byas te 'phags pa spyan ras gzigs dbang phyug gi ras kyi sku gzugs kyi spyan sngar don yod pa'i rgyal po'i snying po stong rtsa brgyad bzlas brjod bya/ khro bo'i rgyal po brgya rtsa brgyad bzlas brjod bya/ gsang sngags stong rtsa brgyad bzlas brjod bya'o/ /de nas 'gul bar gyur na/ de blangs te khar bcug na mi snang bar 'gyur ro/ / lo stong thub par 'gyur ro/ /sor bzhi tsam gyis rkang pa sa la mi reg par 'gyur ro/ /dpag tshad brgyar 'gro zhing phyir yang 'ong bar 'gyur ro/ /me tog can gyi rig 'dzin 'khor los bsgyur bar 'gyur ro/ /lus las ku mu da dang / ut+pa la'i dri 'byung bar 'gyur ro/ /ut+pa la sngon po dang / tsam+pa ka dang / ke tu'i me tog dang de dag cha mnyam ste sbyar la mkhas pas sbrang rtsi dang lhan cig sbyar te ril bu byas la gser dang / dngul dang / zangs kyis dkris te zla ba yar gyi tshes drug nas tshes brgyad dam/ bcu gnyis nas bcu bzhi'am/ bcu gsum nas bco lnga'i tshe nyin zhag gsum du smyung ba bya'o/ /shin tu khrus byas shing gos gtsang ma bgos te gtsang bar bya'o/ /sangs rgyas bcom ldan 'das dang / 'phags pa spyan ras g zigs dbang phyug gi sku gzugs ras la bris pa la mchod pa rgya chen po byas te shing a shwat+tha las byas pa'i gab tshe'i nang du ril bu bcug nas lag pa'i snyim par bcug la ri mo'i spyan sngar ji srid du ji srid 'khrol ba'i sgra 'byung ba de srid du bzlas brjod bya'o/ /de nas grub pa yin te/ de las khar bcug na dpag tshad stong du 'di 'gro bar 'gyur zhing @#/ /slar yang 'ong bar 'gyur ro/ /sor brgyad tsam du rkang pas la mi reg par 'gyur ro/ /lo stong phrag bcur 'tsho bar 'gyur ro/ /mig ut+pa la sngon po lta bur 'gyur ro/ /ut+pa la sngon po'i dri kha nas 'byung bar 'gyur ro/ /bzhin yongs su rgyas pa zla ba'i dkyil 'khor lta bur 'gyur ro/ /mdog pad+ma lta bur 'gyur ro/ /lus las tsam pa ka'i dri 'byung bar 'gyur ro/ /rig 'dzin nam mkha' la 'gro ba thams cad kyi 'khor los bsgyur ba'i rgyal por 'gyur ro/ /tsan+dan gyi phye ma dang / a ga ru'i phye ma dang / rgya spos dang / a ru ra dang / pa ni na dang / de dag rnams cha mnyam ste zhib mor btags la du ru ka'i mar gyis ril bur bya'o/ /gser dang / dngul dang / zangs kyis dkri'o/ / tsan+dan dkar po las byas pa'i sgrom bur bya ste/ tshes bcu gsum nas nya'i bar du nyin zhag gsum mi nyal bar sangs rgyas bcom ldan 'das dang / 'phags pa spyan ras gzigs dbang phyug la mchod pa rgya cher bya zhing gtor ma yang rgya cher byin la/ rtswa dur ba'i stan la 'dug ste lag pa'i snyim par bcug nas don yod pa'i zhags pa'i snying po stong rtsa brgyad kyi bar du bzlas brjod bya'o/ /khro bo'i rgyal po brgya rtsa brgyad bzlas brjod bya'o/ /de nas ril bu 'gul bar 'gyur na/ rig sngags 'chang bas des na grub pa yin par rig par bya ste/ ril bu grub pa ni/ de yin no/ /de nas rig sngags 'chang bas 'phags pa spyan ras gzigs kyi dbang phyug la mchod pa byas te nam langs ka skya rengs ser po 'char ba'i dus su bza' bar bya'o/ /sangs rgyas dang byang chub sems dpa' thams cad la phyag byas nas sems can thams cad la byams pa'i sems bya'o/ /grogs byed pa la yang byin te| ril bu gcig khar gzhug par bya'o/ /ril bu khar bcug pa tsam gyi mod la mi snang bar 'gyur ro/ /nam mkha' la 'gro bar 'gyur/ dpag tshad lnga stong du 'gro zhing slar yang 'ong bar 'gyur/ ril bu sgrub par byed pa tshegs med par grub pa rnams kyi 'khor los bsgyur ba'i rgyal por 'gyur/ tshe lo lnga stong thub par 'gyur/ khru gang tsam gyis rkang pas la mi reg par 'gyur ro/ /de nas gter rko bar 'dod pas gnas gang na gter yod par dogs pa'i gnas der ba'i lci bas maN+Dal byas la me tog gtor zhing gu gul gyi bdug pas bdug cing / gtor ma gtsang ma dang / sha dang khrag gi gtor ma dang / phye zan dang / 'bras bu dang / pad+ma'i gtor ma dang gtor ma rnam pa gsum sbyin par bya'o/ /'phags pa spyan ras gzigs dbang phyug la mchod pa bya'o/ /stong phrag bcu bzlas brjod bya'o/ /stong phrag bcu tshang ba dang / gnas gang na gter yod pa'i gnas der gter srung ba mngon du @#/ /'byung zhing gter 'byung bar 'gyur ro/ /gter srung ba la gtor ma dang / mchod yon sbyin par byas na gter srung ba de ji srid 'tsho'i bar du las byed pa por 'gyur ro/ /gang du mngags pa dang / gang bsgo ba'i las de thams cad byed par 'gyur ro/ /yungs kar dang thal ba la don yod pa'i rgyal po'i snying po lan bdun bzlas brjod byas te phyogs bzhir gtor na/ bgegs dang / log 'dren dang / gnod sbyin dang / srin po dang / 'byung po thams cad bcings par 'gyur ro/ / mtshams chen po bcing ba byas par 'gyur ro/ /log 'dren phung par byas na/ yungs mar dang / yungs kar dang / gu gul dang / ske tshe'i 'bru dang / lan tshwa rnams sbrang rtsi dang bsres la shing kA ra bA ri'i yam sreg shing gis me bus te nyin par dus gsum du brgya rtsa brgyad sbyin sreg byas na/ log 'dren gyi rigs thams cad bcom par 'gyur zhing rnam par zhi bar 'gyur ro/ /dmag bcing bar 'dod pas yungs kar dang / dug dang / ske tshe'i 'bru dang / sa bon bdun rnams sbrang rtsi dang sbyar la dmag gi mdun du shing nim pa'i me sbar te thog mar brgyad brgya byas na/ dmag bcings par 'gyur ro/ /lan gnyis byas na/ nad chen po 'byung bar 'gyur ro/ brgyad brgya bzlas brjod lan gsum pa byas na/ dmag thams cad zhig par 'gyur zhing phyir lan 'ga' yang 'ong bar mi 'gyur ro/ /de nas dbyug pa sgrub pa seng ldeng las gshin rje'i dbyug pa'i tshang khru do pa bya'o/ /de nas 'phags pa spyan ras gzigs kyi dbang phyug gi spyan sngar zas dkar gsum zos te stong phrag bcur bzlas brjod bya'o/ /de nas tshes bco lnga tshang ba'i tshe smyung ba byas te don yod pa'i rgyal po'i snying po brgya rtsa brgyad bzlas brjod bya'o/ /khro bo'i rgyal po brgya rtsa brgyad bzlas pa byas na/ de nas dbyug pa 'bar ro/ / de nas grub pa yin par shes par bya'o/ /don yod pa'i dbyug pa zhes bya ba'i sgra 'byung bar 'gyur ro/ /de nas 'phags pa spyan ras gzigs kyi dbang phyug la mchod pa bya'o| |de nas rig sngags 'chang ba dbyug pa blangs te kun tu lan bdun bskor bar bya'o/ /de nas dbyug pa de sa la brdab par bya'o/ /dbyug pas sa la gru bzhir gzhal bar byas na/ kun tu gru bzhi lham pa'i khyim chen po gzhal med khang 'byung bar 'gyur te/ phun sum tshogs pa rnam pa thams cad yongs su rdzogs pa'i lha'i gzhal med khang 'byung bar 'gyur ro/ /bud med dang / skyes pa dang / khye'u dang / bu mo'i skye bos gang bar 'gyur ro/ /de nas lha mo rgyan thams cad kyis brgyan pa/ bzang ba/ mdzes pa/ blta bar 'os @#/ /pa zhig 'ongs nas rin po che bdun las byas pa'i snod bum pa gang ba zhig thogs shing sgo'i nang na 'dug go /de nas lha mo de na re/ rig sngags 'chang gi khyim yin gyi/ nang du zhugs shig /ces smra bar 'gyur ro/ /rig sngags 'chang bas snying po med par gyur pa'i khyim gzhal med khang 'dis ci zhig bya zhes brjod bar bya'o/ /de na re/ snod gang ba 'di longs shig dang / rgya cher 'phel bar 'gyur ro zhes smra bar 'gyur ro/ /rig sngags 'chang bas d+hig d+hig ces khros pa byas pa dang / lha mo de dus te ji ltar char pa cher 'bab pa de bzhin du 'di'i mig nas mchi ma byung ba dang rig sngags 'chang bas blang bar bya zhing rang gi lus la bsku bar bya'o| |bskus pa tsam gyi mod la 'dzam bu gling gi gser lta bu'i lus su 'gyur ro/ /tsan+dan sbrul gyi snying po dang / go shiR+Sha'i dri lus las 'byung bar 'gyur ro/ /khar bcug na/ lha rdzas kyi ut+pa la'i dri kha nas 'byung bar 'gyur ro/ /mchi ma de mig tu bskus na/ lha rdzas kyi ut+pa la sngon po 'dra ba'i lha'i mig tu 'gyur ro/ /skra la bskus na/ lha'i rma bya'i mdog 'dra ba'i skrar 'gyur zhing skra 'khyil la 'khyil bar 'gyur ro/ /rna ba'i bu gar blugs na/ lha'i snyan du 'gyur te/ dpag tshad stong phrag gsum du thos par 'gyur ro/ /dpag tshad stong phrag gsum du mthong bar 'gyur ro/ /'thungs na/ bskal pa stong phrag bcu 'tsho bar 'gyur ro/ /bar gyi bskal ba rjes su dran par 'gyur ro/ /gar thabs dang / tro Ta ka dang / brda sprod pa dang / bstan bcos dang / b+ha ra ta dang / rA ma ya Na dang / sngon gyi gtam rnying dang / tshul dang / 'dul ba dang / skyes rabs dang / snyan dngags dang / bye brag pa thams cad dang / cho ga zhib mo thams cad dang / dkyil 'khor dang / phyag rgya dang / gsang sngags dang / gzungs dang / mdo sde dang / chos mngon pa dang / theg pa chen po dang / de dag thams cad mngon du gyur par gnas so/ /thams cad du rtogs pa khong du chud pa chen por 'gyur ro/ /de nas bud med de na re| rje btsun dam pa rang gi khab mchog tu gshegs su gsol zhes smra bar 'gyur ro/ /rig sngags 'chang bas brjod par bya zhing rang gi rkang ba rim gyis 'jug par bya'o/ / de nas bud med de nu ma gnyis ston par byed na/ rig sngags 'chang bas nu ma gnyis bzung la btsir na de las 'o ma 'dzag par 'gyur ro/ /de nas rig sngags 'chang bas blang bar bya/ btung bar bya/ rkang pa la bsku bar byas na/ bskus pa tsam gyi mod la 'khor stong dang / lha mo de dang lhan tu nam mkha' la 'phur te 'gro bar 'gyur ro/ /rlung gi @#/ /phung po dang po la zhon par 'gyur/ rig 'dzin 'khor los bsgyur ba stong phrag brgyad cu rtsa bzhi rnams kyi rig 'dzin 'khor los bsgyur ba'i rgyal po dang dpon por 'gyur ro/ /bde ba can gyi 'jig rten gyi khams su 'gro bar 'gyur/ de nyid rig 'dzin rnams kyi mchog tu 'gyur te/ 'jig rten pa'i cho ga sgrub pa yin no| |dbyug pa lag pa g.yas pas bzung ste don yod pa'i rgyal po'i snying po lan nyi shu rtsa gcig bzlas brjod bya zhing lan bdun bskor ba byas na/ don gang yin la sems pa dang / gang 'dod pa de dag thams cad skad cig tu 'grub par 'gyur ro/ /gang dgug pa de dag thams cad bkug cing mdun na gnas par 'gyur ro/ /gnod sbyin dang / gnod sbyin mo dgug par 'dod na btsag gis ri mo bris la dbyug pa la don yod pa'i rgyal po lan bdun bzlas brjod bya zhing / gnod sbyin dang / gnod sbyin mo'i steng du bskor par bya'o| |gu gul gyi bdug pa sbyin par bya'o/ /gtor ma dkar po can gyi snod dbul bar bya'o/ /lan bdun bskor ba tsam gyi mod la gnod sbyin dang / gnod sbyin mo mdun na 'dug cing bka' bzhin du byed par 'gyur ro/ /gang bsgo ba'i las de byed par 'gyur ro/ /thams cad ma tshang ba med par sgrub par 'gyur ro/ /nor dang / 'bru dang / dbyig dang / nor bu dang / mu tig dang / dngul dang / sa le sbram dang / gos dang / mal stan dang / chos gos dang / rgyan gyi rnam pa la sogs pa sgrub par byed par 'gyur ro/ /gzhan yang bsgo ba de thams cad sgrub par byed do/ /dpal lha mo'i mdun du bskor na/ nor gyi mchog rnam pa mang du sbyin par byed do/ /mdun na rang gi ngo bo gnas par 'gyur ro/ /gang 'dod pa de thams cad sbyin par byed do/ /rnam thos sras kyi zhabs la lan bdun brdab cing don yod pa'i rgyal po la lan nyi shu rtsa gcig dran par byas na/ rnam thos kyi sras rgyug cing mdun na gnas par 'gyur ro/ /nor mang du sbyin par mdzad do/ /gang 'dod pa de thams cad mdzad par 'gyur ro/ /mi smra bar dbyug pa la lan nyi shu rtsa gcig bzlas brjod bya zhing rgyal po'i sgor lan bdun bskor ba byas na/ rgyal po dang / btsun mo'i 'khor rnams bdag nyid dang / nor la dbang bar 'gyur ro/ grong khyer gyi sgor bskor na/ grong khyer na gnas pa'i bud med dang / skyes pa dang / khye'u dang / bu mo rnams dbang du 'gyur zhing gnas so/ /de gcig pu mchod par 'os par 'gyur ro/ /de dag thams cad bran pho dang bran mo bzhin du rjes su 'brang bar 'gyur ro/ /lha khang du song nas lha'i spyan sngar bskor zhing don yod pa'i rgyal po'i snying po bzlas brjod byas na/ lha de rang gi ngo bo mdun na gnas par 'gyur ro/ /gang bsgo @#/ /ba de thams cad byed par 'gyur ro/ /gang 'dod pa de thams cad sbyin par 'gyur ro/ /nyi ma 'char ba'i tshe nyi ma'i mdun du bskor bar bya zhing don yod pa'i rgyal po'i snying po bzlas brjod byas na/ nyi ma babs te mchog gang 'dod pa de thams cad sbyin par mdzad do/ /zla ba nya'i zhal du bskor cing don yod pa'i zhags pa'i snying po bzlas brjod byed na/ zla ba dang / rgyu skar dang / skar ma'i tshogs dang bcas te 'bab par 'gyur ro/ /mchog bsam pa thams cad sbyin par mdzad do/ /ring bsrel dang bcas pa'i mchod rten la bskor ba byed cing don yod pa'i rgyal po bzlas brjod byed cing dbyug pa bskor na/ mchod rten 'bar zhing sgra 'byung bar 'gyur ro/ /gang bsam pa de thams cad smra bar 'gyur ro/ /gang 'dod pa de thams cad sbyin par mdzad do/ /de bzhin gshegs pa la bskor ba bya ste/ don yod pa'i zhags pa'i snying po'i bzlas brjod byed cing dbyug pa bskor na/ de bzhin gshegs pa thams cad mthong bar 'gyur ba dang / de bzhin gshegs pa thams cad dbugs 'byin par mdzad pa dang / bsam pa dang re ba thams cad yongs su rdzogs par mdzad par 'gyur ro/ /yang na 'phags pa spyan ras gzigs dbang phyug gi rang gi sku bzhin thun tho rangs kyi tshe mdun na bzhugs par 'gyur ro/ /mchog bsam ba thams cad sbyin par mdzad par 'gyur ro/ /dgos pa thams cad grub par mdzad par 'gyur ro/ /don yod pa'i dbyug pa rig 'dzin 'khor los bsgyur ba grub pa thob par 'gyur ro| |char mi 'bab pa'i tshe klu'i gnas su song ste don yod pa'i rgyal po'i snying po dran par bya/ dbyug pa bskor bar bya'o/ /bskor ba tsam gyi mod la klu rnams char ba'i rgyun chen po 'byung bar 'gyur ro/ /ci 'dod pa'i char gyi rgyun 'bebs so/ /char ches na/ khang thog tu don yod pa'i zhags pa'i snying po skad drag pos brjod de dbyug pa bskor na/ char ches pa 'chad par 'gyur ro/ /ser ba 'bab pa'i tshe sprin logs su bltas de khros pas khro bo'i rgyal po skad chen pos dran par bya zhing khros pas dbyug pa bskor na/ sang dang / rlung dang / ser ba mi 'bab par 'gyur ro/ /dpag tshad tshun chad du mtshams chen po kun tu bcad par 'gyur ro/ /gdon kun gyis zin pa la khro bo'i rgyal po la lan bdun dran par bya zhing dbyug pa bstan na/ gdon thams cad du 'bros par 'gyur ro/ /brjed byed la sogs pa'i bar la bstan pa tsam gyis 'bros par 'gyur ro/ /rims thams cad la don yod pa'i rgyal po'i snying pos bya bas na/ byabs pa tsam gyi mod la rims thams cad las thar bar 'gyur ro/ /zhag bzhi pa'i rims ni/ ngu zhing 'bros par 'gyur ro/ /g.yul 'gyed cing 'thab @#/ /pa'i tshe don yod pa'i rgyal po'i snying po khros pas bzlas brjod bya/ dbyug pa bskor ba byas na/ mtshon dang / dgra sta dang / lag cha thams cad mi snang bar 'gyur zhing / pha rol gyi dpung rnams kyi hud kyi hud zer zhing 'bros par 'gyur ro/ /'brog dgon pa'i nang du 'gron po rnams song ba na don yod pa'i rgyal po dran par bya zhing dbyug pa bskor ba byas na/ rkun po dang / chom po dang / mi rgod dang / seng+ge dang / stag dang / dom dang / dred dang / dug mi bzad pa dang / gcan gzan khro bo dang / glang po che dang / ma he dang / dug dang bcas pa'i srog chags de dag thams cad mi snang bar 'gyur ro/ /rang gi khyim du bde bar 'gro bar 'gyur ro/ mi ngas thams cad dang / ba lang gi nad dang / phyugs ngas chen po dang / rta nad chen po dang / bud med dang / skyes pa dang / khye'u dang / bu mo'i nad chen po byung ba'i tshe don yod pa'i rgyal po'i snying po dang / khro bo'i rgyal po'i skad chen pos dran par bya zhing dbyug pa grong khyer gyi sgo bzhir bskor ba byas na/ bskor ba tsam gyi mod la mi ngas dang / gnod pa dang / nyon mongs pa dang / 'khrug pa thams cad pa dang / 'thab pa dang / rtsod pa dang / 'gyed pa dang / mtshang 'dru ba thams cad zhi bar 'gyur ro/ /'jigs pa thams cad las grol par 'gyur ro/ /bud med dang / skyes pa dgug par 'dod na/ gnas mthon por 'dug ste skad chen pos don yod pa'i rgyal po'i snying po lan nyi shu rtsa gcig dran par bya'o/ /dbyug pa bskor bar bya'o/ /gang gi ched du bya ba de ming brjod par byas na/ dpag tshad brgya nas kyang de 'ong zhing bdag dang nor la dbang bya bar yod cing gnas par 'gyur ro/ /ji srid 'tsho'i bar du gnas par 'gyur ro/ /'on te nor bu bzang po'i sras dgug par 'dod na/ zla ba yar gyi ngo tshes bcu bzhi la smyung ba byas te dbyug pa la don yod pa'i rgyal po'i snying po lan nyi shu rtsa gcig bzlas brjod bya ste/ nor bzang gi sras kyi lto ba'i steng du gzhag par bya/ khro bo'i rgyal po bzlas ba byas na/ bzhi thun gyi tho rangs tsam na nor bu bzang po'i sras rang nyid rig sngags 'chang ba'i mdun na bzhugs par 'gyur zhing / /gser gyi dong tse stong phrag bcu sbyin par mdzad do/ /de las dkon mchog gsum gyi sku skal dbul bar bya/ 'phags pa spyan ras gzigs kyi dbang phyug la mchod pa bya/ nor bu bzang po'i sras la mchod yon gyi chab dbul bar bya/ nyi ma re re zhing nor bzang gi sras la mchod yon gyi chab phul na/ nam 'tsho'i bar du nyi ma re re zhing gser gyi dong tse stong sbyin par mdzad do/ /de nas rig sngags 'chang bas phyed dam bzhi cha gcig @#/ /dgod par bya ste/ sbyin pa sbyin par bya/ bsod nams bsags par byas la nor bu bzang po'i sras dang lhan cig tu rjes su yi rang bar bya'o/ /'brog dgon pa'i nang du 'brog dgon pa gang na chu dkon par dbyug pa la lan nyi shu rtsa gcig don yod pa'i zhags pa'i snying po bzlas brjod bya zhing / gang na ne'u gsing sngon po yod pa'i gnas der sa la lan bdun brdab cing bskor te skad drag pos don yod pa'i rgyal po'i snying po dran par bya/ 'phags pa spyan ras gzigs kyi dbang phyug la nyam thag thag skad du byas na/ de nas gnas gang du brdabs pa'i gnas der lha rdzas kyi chu ha cang grang ba yang ma yin/ ha cang dro ba yang ma yin/ ro dang chas pa yod pa'i rdzing bu 'byung bar 'gyur/ ro| |de nas rig sngags 'chang bas dbyug pa la khro bo'i rgyal po lan bdun bzlas brjod bya ste/ rdzing bu'i nang du chu la brdab par bya'o/ /de nas rdzing bu'i nang nas mi ser skya bo zhig byung ste rig sngags 'chang ba la thal mo khong stong du sbyar nas mdun na 'dug ste rig sngags 'chang ba ci 'dod ces smra bar 'gyur ro/ /rig sngags 'chang bas bdag ni| kha zas kyi ched du lags kyi/ stsal du gsol zhes brjod par bya'o/ /de nas rig sngags 'chang bas mi de la shis pa'i tshig brjod par bya'o/ /de nas mi de rdzing bu'i nang du zhugs pa dang / skad cig thang gcig yud tsam la kha zas dang btung ba'i ro zhim po rnam pa sna tshogs yod par byed cing rig sngags 'chang ba la sbyin par byed do/ /skye bo stong phrag brgya'i ston mo byar yod cing yo byad phun sum tshogs pa shin tu mang por 'gyur ro/ /gal te rig sngags 'chang bas rdzing bu med par mi byed na/ rdzing bu de dus rtag tu gnas par 'gyur ro/ /mi snang bar mi 'gyur te/ sems can thams cad dang / 'gron po thams cad yo byad thams cad kyis brel ba med par 'byung bar 'gyur ro/ /'on te don yod pa sna tshogs bya bar 'dod na| rig sngags 'chang ba des lan nyi shu rtsa gcig bzlas brjod byas pa'i dri chus khrus byas la spyi gtsug bcing bar bya'o/ /mi smra bar dbyug pa la lan brgya rtsa brgyad bzlas brjod byas te bskor bar bya'o/ /de nas 'khor dang skye bo mang po 'khor zhing rmongs par 'gyur ro/ /de nas dbyug pa bskor ba byas na/ yid la ji ltar sems dpa'i ngo bo de bzhin du thams cad ston par byed do/ /'bras bu dang me tog gi char 'bebs so/ /sgyu ma rnam pa sna tshogs ston par byed do/ /de nas ro langs bslang bar 'dod na/ rig sngags 'chang ba des l egs par khrus byas shing gos gsar pa bgos te gtsang mar byas la dur khrod du song ste dbyug pa la don yod pa'i rgyal po'i snying po lan bdun bzlas brjod byas nas khro bo'i rgyal po @#/ /lan bdun bzlas brjod byed cing dur khrod kyi nang du bskor ba byas na/ dpag tshad tshun chad du kun tu mtshams bcad par 'gyur ro/ /bgegs thams cad dang / gnod sbyin dang / srin po ma rungs pa thams cad bcings par 'gyur ro/ /de nas rig sngags 'chang bas mi ro blangs te bkru bar bya'o/ /ba'i rnam lngas sbyang bar bya'o/ /ba'i lci bas dkyil 'khor gru bzhi lham par bya'o/ /seng ldeng gi phur pa tshad sor bcu gnyis pa bzhi gru bzhir gzugs par bya'o/ /tshon sna lnga'i skud pas dkyil 'khor kun tu bskor bar bya'o| |mi ro ras dkar pos dkri bar byas la dkyil 'khor dbus su gzhug par bya'o/ /me tog gis gtor bar bya'o/ /gtor ma dkar po gzhag par bya'o/ /mchod yon gyi chu gzhag par bya'o/ /gu gul gyi bdug pa sbyin par bya'o/ /rig sngags 'chang ba shar phyogs su kha bltas te 'dug la dbyug pa lag pa g.yas par bzhag ste rig pa'i rgyal po gdon par bya'o/ /khro bo'i rgyal po lan drug cu dran par bya'o/ /g.yas pas byab par bya'o/ /lag pa g.yas pa'i dbyug pas brdab pa byas na/ mi ro de 'gul bar 'gyur/ g.yo bar 'gyur te/ langs te phyogs bcur lta bar 'gyur/ rig sngags 'chang bas dbyug pa de spyi bor bzhag par byas na/ mi ro de tshig smra bar 'gyur ro/ /rig sngags 'chang bas gsang sngags dran par bya'o/ /yid kyis bsam par byas na/ mi ro de thams cad smra bar 'gyur te/ 'das pa dang / ma 'ongs pa dang / da ltar byung ba dang / ma 'ongs pa na 'byung ba smra bar 'gyur ro/ /de nas rig sngags 'chang bas dbyug pa snying gar bzhag par byas na/ khrag tu skyug bar 'gyur/ khrag des thig le byas na/ khyim thams cad la sgo srung med cing sgo thams cad gdangs par 'gyur ro/ /bud med dang / skyes pa dang / khye'u dang / bu mo thams cad dbang du gyur cing 'dug go/ dbyug pa snying gar btsir na skyug par 'gyur ro/ /rig sngags 'chang bas blangs te mtha' dag bza' bar bya'o/ /zos pa tsam gyis nam mkha' la 'gro bar 'gyur ro/ /'byung bo chen po'i bdag po dang / dbang phyug chen po 'dra bar 'gyur ro/ /lha'i lo stong du 'tsho bar 'gyur ro/ /oM zhes bya bas dbyug pas btsir la bsdigs pa byas na/ de nas lce 'byin par 'gyur ro/ /rig sngags 'chang bas bcad la rig sngags 'chang bas blang bar bya'o| |blangs pa tsam gyis nam mkha' la 'gro bar 'gyur ro/ /rig sngags 'chang ba ral gri'i 'khor los bsgyur bar 'gyur ro/ /lo stong phrag bcur 'tsho bar 'gyur/ rig sngags 'chang ba bco brgyad kyi 'khor gyis bskor bar 'gyur ro/ /de nas rig sngags 'chang bas mi ro'i spyi bor dbyug pas brdabs na/ sgra 'byung bar 'gyur zhing shi ba'i ro gcig tu mkhregs @#/ /pa'i gser yin pas blang ba byas na/ srang gcig gis zangs srang stong gser du 'gyur ro/ /de dag ni/ 'jig rten pa sgrub pa'i cho ga yin no/ /de nas byang chub sems dpa' 'phags pa spyan ras gzigs kyi dbang phyug gis bcom ldan 'das la 'di skad ces gsol to/ /bcom ldan 'das/ de dag ni/ sems can thams cad la snying brtse ba'i phyir bdag gi 'jig rten ba sgrub pa'i cho ga lags so/ /de bzhin gshegs pa shAkya thub pas bka' stsal pa/ sems can chen po/ /sems can thams cad la snying brtse ba'i phyir 'jig rten las 'das pa'i cho ga dam pa gsang ba'i snying po dang / dkyil 'khor dag blo brtan po 'jigs pa med pa thob par 'gyur ba dang / rig sngags 'chang thams cad kyi dam pa sgrub par byed pa de kho na nyid grub par 'gyur ba dang / bklags pa dang / dran pa tsam dang / sgrub par byed pa tsam gyis de dag thams cad grub pa chen po thob par 'gyur ba dang / bsam pa chen po yongs su rdzogs pa grub par 'gyur ba dang / mchog grub pa chen po so sor thob par 'gyur ba dang / rig sngags 'chang ba'i 'dod par gtogs pa bsam pa thams cad yongs su rdzogs par grub par 'gyur ba smros shig / de nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das kyi drung nas dbugs 'byin pa dang / bsgo ba thos nas shin tu yid dga' ba chen por 'gyur te/ de stan las langs nas bla gos p hrag pa gcig tu gzar te pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar te bcom ldan 'das kyi zhabs gnyis la spyi bos phyag 'tshal te me tog dang / bdug pa dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / gos dang / rgyan sna tshogs dang / spud pa rnam pa sna tshogs kyis bcom ldan 'das la mchod pa dang bsnyen bkur chen po byas te mchod nas 'khor gyi dkyil 'khor mang por byang chub sems dpa' sems dpa' chen po gang dag dkyil 'khor gyi lhar gtogs pa dang / gang dag rig 'dzin grub pa dang / gang dag lha dang / glu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / gang dag don yod pa'i zhags pa'i rnam par grol ba'i dkyil 'khor gyi dam tshig la rjes su zhugs pa dang / gang dag ri po po Ta la na gnas pa de dag thams cad kyi me tog dang / bdug pa dang / dri dang / phreng ba dang / byug pa dang / gos dang / rgyan sna tshogs dang / chas dang / spud pa sna tshogs kyis @#/ /mchod pa byas te yid dga' bar gyur to/ /'phags pa spyan ras gzigs dbang phyug gis bcom ldan 'das la stong phrag brgya bskor ba byas/ 'khor g yi dkyil 'khor de la yang mchod pa byas nas bcom ldan 'das ga la ba de logs su thal mo sbyar te btud nas bcom ldan 'das kyi spyan sngar mig mi 'dzum par 'dug ste bcom ldan 'das la tshig 'jam po 'jam pos 'di skad ces gsol to/ /bcom ldan 'das/ bdag la mchis pa ni/ rmad du byung ba rnam par lta ba don yod pa'i cho 'phrul/ de bzhin gshegs pa thams cad kyi snying po rnam par grol ba'i dkyil 'khor dang / de bzhin gshegs pa thams cad kyi rmad du byung ba de kho na nyid rnam par 'phrul pa rnam par snang mdzad kyi byin gyi rlabs dang / dam tshig chen po'i dkyil 'khor don yod pa'i rnam par lta ba'i zhags pa'i snying po dang / 'jig rten las 'das pa'i bklags pa dang / sgrub par byed pa grub pa mchog tu gyur pa'i snying po dang / 'jig rten las 'das pa'i mchog sgrub pa de bzhin gshegs pa thams cad kyi byin gyis brlabs shing lung bstan pa lags te/ de dag gis bcom ldan 'das kyi spyan sngar bcom ldan 'das kyi byin gyi rlabs kyis rig sngags 'chang thams cad mchog tu grub par bya ba'i phyir dang / sems can thams cad bsgral ba'i phyir dmyal ba dang / yi dwags kyi gnas dang / gshin rje'i 'jig rten sel ba/ sngon gyi sgrib pa dang / sdig pa mi bzad pa 'joms pa/ ngan song thams cad sel ba/ 'jig rten dang 'jig rten las 'das pa'i sdig pa dang / sgrib pa nges par sreg par byed pa yongs su bsgrag par bgyi'o/ /mtshams med pa lnga dang / sangs rgyas dang / byang chub sems dpa' spong ba dang / dam pa'i chos spong ba dang / mtshams med pa la gzhol ba dang / 'phags pa'i dge 'dun la 'khu ba dang / nyan thos dang / rang sangs rgyas dang / byang chub sems dpa'i tshogs thams cad spong bar byed pa de dag gis mnyan pa dang / mthong ba tsam dang / sdom pa tsam dang / lan gcig 'bad pa dang / 'chad pa tsam gyis thams cad byang bar 'gyur ro/ /nga mthong ba tsam gyis thams cad zad par 'gyur/ byang bar 'gyur ro/ / rims thams cad dang / nad thams cad dang / dri ma dang / ser sna dang / phrag dog thams cad bral bar 'gyur ro/ /nyon mongs pa dang / sgrib pa thams cad las yongs su grol bar 'gyur ro/ /'jig rten dang 'jig rten las 'das pa'i sdug bsngal skye ba dang / rga ba dang / 'chi ba dang / nad dang / mya ngan dang / smre sngags 'don pa @#/ /dang / sdug bsngal ba dang / yid mi bde ba thams cad dang bral bar 'gyur ro/ /'thab pa dang / rtsod pa dang / 'gyed pa dang / phung bar byed pa dang / rdeg pa dang / bsdigs pa dang / gsod pa dang / g.yul 'gyed pa dang / shags 'gyed pa dang / btson du 'dzin pa dang / lcags su 'jug pa dang / rkun ma dang / zol ba dang / mi rgod dang / seng+ge dang / glang po che dang / ma he dang / nad ngan pa dang / dmu chu dang / sha bkra dang / mdze dang / 'brum bu dang / g.yon can dang / shu ba dang / shu bran dang / g.yan pa dang / klad pa na ba dang / gzhogs phyed na ba dang / dom dang / dred dang / gnod sbyin dang / srin po dang / yi dwags dang / sha za dang / brjed byed dang / sprul ma rungs pa dang / khwa gdug pa dang / sprul nag po dang / srog chags go na dang / drug dang bcas pa'i srog chags 'jigs pa sna tshogs dang bcas pa dang / me dang / chu dang / dug dang / mtshon dang / g.yang sa dang / khyim rdib pa dang / grang ba dang / rlung dang / nyin mtshan dang / byi ba kha gdug pa'i 'jigs pa thams cad ni/ bklags pa dang / kha ton byas pa dang / mthong ba tsam gyis thams cad rnam par zhig par 'gyur/ phung par 'gyur/ mod la phye mar brlags par 'gyur ro/ /yongs su thar par 'gyur ba 'di la dogs par mi bya/ yid gnyis bskyed par mi bya/ the tshom mi bya/ sems gnyis su 'gyur ba bskyed par mi bya'o/ /bcom ldan 'das/ bdag rtag tu mngon du dran par bgyi ba dang / rtag tu yid la byed pa'i blo 'byung bar bgyi'o/ /don yod pa'i zhags pa'i snying po dang / khro bo'i rgyal po'i snying po yang bzla bar bgyi'o/ /rmad du byung ba rnam par lta ba/ don yod pa rnam par 'phrul pa/ de bzhin gshegs pa thams cad kyi snying po rnam par grol ba'i dkyil 'khor de bzhin gshegs pa thams cad rmad du byung ba'i cho 'phrul rnam par snang mdzad kyi byin gyi rlabs/ dam tshig chen po'i dkyil 'khor/ don yod par rnam par lta ba'i zhags pa'i snying po ni/ rtag tu rgyun mi 'chad par dus thams cad du yid la kha ton du brjod par bya'o/ /rtag tu rgyun mi 'chad par rjes su dran pa bsgom par bya'o/ /de dag dran pa sgom pa tsam dang / dran pa tsam gyis 'jig rten dang / 'jig rten las 'das pa'i yon tan phun sum tshogs pa thams cad thob par 'gyur ro/ /phyir mi ldog pa zhes bya'o/ /phyir mi ldog pa'i gnas la rab tu gnas par 'gyur ro/ /de bzhin gshegs pa thams cad dgongs @#/ /pa dang / lung ston pa dang / byin gyis rlob par 'gyur na/ lta ba dang / klog pa dang / kha ton byed pa dang / 'phags pa spyan ras gzigs kyi dbang phyug mthong ste phyag 'tshal ba dang / mchod pa dang / dran pa dang / dus gsum du shin tu gsal bar yid la byed pa dang / mchod cing phyag byed pa de lta smos kyang ci dgos te| sems can de ni/ nga dang 'dra ba yin par rig par bya'o/ /'jig rten dbang phyug gi byin gyis brlabs pa'i lus yin par rig par bya'o/ /de bzhin gshegs pa thams cad kyi byin gyi rlabs kyis byin gyis brlabs pa dang / dbang bskur bas dbang bskur ba yin par rig par bya'o/ /gang zhig lan mang du shin tu lhag par byed pa lta smos kyang ci dgos te/ sems can de ni/ de bzhin gshegs pa'i snying po yin par rig par bya'o/ /bdag kyang dus thams cad du rtag tu rjes su dran par bgyi'o| |dus thams cad du mthong ba sbyin par bgyi'o/ /bsam pa dang re ba thams cad yongs su rdzogs par bgyi'o/ /de'i tshe bdag gis sems can thams cad myur ba myur bar byang chub kyi snying por 'gro ba dang / chos kyi 'khor lo bskor bar gzhag par bgyi'o/ /bcom ldan 'das/ bdag ni/ go cha chen po brtan par khas blangs pa la 'tshol ba lags pas sems can thams cad bsgral ba'i phyir re ba'i mchog thams cad yongs su rdzogs par bgyi'o/ /de nas de bzhin gshegs pa bcom ldan 'das shAkya thub pas byang chub sems dpa' sems dpa' chen po 'phags pa spyan ras gzigs kyi dbang phyug la 'di skad ces bka' stsal to/ / sems can dag pa'i mchog /legs so/ /'di ni/ mchog tu dkon pa ste/ 'jig rten las 'das pa'i cho ga de'i ming 'dzin pa tsam gyis sems can yongs su grol bar 'gyur na/ lta ba dang / klog pa dang / sgrub pa dang / smyung ba'i cho ga byed pa dang / sdom pa la gnas pa lta smos kyang ci dgos/ sems can de ni/ bla na med pa yang dag par rdzogs pa'i byang chub las phyir mi ldog par 'gyur ro/ /sems can dag pa/ dus la bab pa gang yin par shes na smros shig /de nas byang chub sems d pa' sems dpa' chen po 'phags pa spyan ras gzigs dbang phyug bcom ldan 'das kyi zhal du blta zhing bzhin 'dzum ste don yod pa rnam par ltar lta ba'i zhags pa'i snying po smras so| |dus gsum du gshegs shing bzhugs pa'i de bzhin gshegs pa thams cad la phyag 'tshal lo/ /rang sangs rgyas dang / 'phags pa nyan thos kyi dge 'dun @#/ /thams cad la phyag 'tshal lo/ /'phags pa byams pa la sogs pa 'phags pa byang chub sems dpa'i tshogs kyi mchog la phyag 'tshal lo| |'phags pa rdo rje 'chang ba'i dkyil 'khor gyi lha gshin rje dang / chu lha dang / lus ngan po dang / drang srong gi tshogs kyi mchog la phyag 'tshal lo/ /dkon mchog gsum la phyag 'tshal lo/ /byang chub sems dpa' sems dpa' chen po 'phags pa spyan ras gzigs kyi dbang phyug thugs rje chen po la phyag 'tshal lo/ /'di lta ste/ oM sarba ta thA ga ta/ a ba lo ki te pA sha hrI da ya/ dz+wa la dz+wa la/ b+ha rma d+hA tu gar+b+he/ tsa ra tsa ra/ mahA pad+ma pad+ma b+hu dze/ d+ha ra d+ha ra/ ma hA pA sha d+ha re/ ba ra ba ra ba ra da/ ra sh+mi sha ta sa ha sra pra ti maN+Di ta sha rI re/ ta ra ta ra/ bi pu la te dza d+ha re/ b+ha ra b+ha ra/ Sha Ta pA ra mi tA pa ri pU ra Ni/ ka la ka la/ ma hA pra trI/ be Sha d+ha re/ ma la ma la/ sarba pA pa A ba ra Na mA la kilpi Sha/ nA sha ni/ d+hu ru d+hu ru/ bo d+hi satwa/ bi shud+d+ha b+hu ru b+hu ru/ mahA satwa/ bta sa le/ ya ma ba ru Ni/ ku be ra Na ma skri te/ hu ru hu ru hur/ brah+ma/ biSh+Nu/ ma he shwa ra/ ku mA ra/ nan+di ke shwa ra/ I shwa ra/ ma he shwa ra/ de ba bra tra/ ban+ti ta/ ban+ti ta/ na ma skr-i ste/ bi bi d+ha ma Ni mo li d+ha re/ a mi tA b+hA dzi na/ mu ku Ta/ d+ha re/ di bya/ ma Ni ka na ka/ badzra bai DUR+ya/ ma ra ka ta/ pad+ma rA ga /in+d+ra nI la di bya muk+ti ka/ a laM kr-i ta/ sha rI ra/ shwe ta/ ya dz+nyo pa bI ta d+ha re/ dza ta mu ku Ta/ maN+Di ta nA ma/ tsan+d+ra rA dzi ta/ pad+ma d+ha ra/ pad+ma A sa na/ pad+ma b+hu dza/ tri lo tsa na/ tri shU la d+ha ra| da sha d+ha ra/ sarbA ta thA ga ta/ a b+hi She ka ta/ sa ra sa ra/ sarba pA pa bra sha ma na ka ra/ mahA kA ru Ni ka/ tu ru tu ru/ sarba ba ra da ya ka/ bo d+hi bo d+hi/ sarba ta thA ga ta a ba lo ki te/ bo d+hi maN+Da/ a ba lo ki te/ lo ke shwa ra/ ma he shwa ra/ a hA tsin+tA ma Ni/ b+ha ra bi shwa rU pa/ ma hA sau mya ba d+ha na/ ma hA kA ru Ni ka /bud+d+h+ya bud+d+h+ya/ bo d+ha ya bo d+ha ya/ b+ha ga wAn/ sarba ta thA ga ta/ a ba lo ki te gar+b+he/ ma hA pu N+ya/ te dza d+ha ra pra ba ra sid+d+hi ka ra sarba byA d+hi ha ra/ sarba satwa ya ba ra sarba duHkha/ pra mo tsa ka / ma hA kA ru Ni ka na mo stu ste swA hA/ bcom ldan 'das/ bdag gi 'di ni/ rmad du byung ba rnam par lta ba'i zhags pa'i snying po'o/ /don yod pa'i zhags pa'i snying po'o/ /rnam par grol ba'i dkyil 'khor 'jig rten las 'das pa'i gzungs kyi snying po'o/ /'phags pa spyan ras gzigs dbang phyug gi snying po'o/ /gzugs @#/ /sna tshogs chen po sgyu ma lta bu'i ting nge 'dzin rnam par 'phrul pa/ phyag stong mnga' ba/ dbu stong mnga' ba/ spyan stong gis rnam par gzigs pa/ phyag brgya stong gis byin gyis brlabs pa/ gang+gA'i klung bye ba khrag khrig stong phrag bcu'i bye ma'i rdul shin tu phra ba dang mnyam pa'i dam tshig gi dkyil 'khor du rjes su zhugs pa| de bzhin gshegs pa thams cad kyi de kho na nyid gsang ba la 'jug pa/ sangs rgyas thams cad kyi zhing du 'jug pa/ byang chub kyi snying por bgrod pa/ chos kyi 'khor lo bskor ba/ chos kyi sgron me 'bar ba/ bdud la sogs pa ma rungs pa thams cad kyi bdud 'joms pa/ chos kyi dung 'bud pa/ chos kyi rgyal mtshan bsgreng ba/ dmyal ba thams cad sel ba/ cho ga zhib mo thams cad grub par mdzad pa/ cho ga sgrub pa thams cad kyi mchog /sa bcu chen po la so sor 'jog pa| phyir mi ldog pa'i gnas la rjes su 'jug pa/ de bzhin gshegs pa thams cad kyis dbang bskur ba dang / byin gyi rlabs kyis byin gyis brlabs pa/ don yod pa'i mchog / phun sum tshogs pa thob par mdzad pa/ don yod pa'i rnam par 'phrul ba'i rnam par sprul pa/ don yod par sems rgya mtsho snyed yang dag par 'dzin pa/ don yod par sems can sa bon la so sor 'jog pa/ don yod par byang chub sems dpa'i sems par 'phrul pa la 'jug pa/ don yod par de bzhin gshegs pa thams cad kyi rnam par 'phrul pa yongs su sgrog pa/ don yod par de bzhin gshegs pa thams cad mchod pa dang / bsnyen bkur gyi sprin rab tu byed pa/ don yod par sems can thams cad mi 'jigs pa'i khyim du 'dzud pa/ don yod par sbyin pa chen po'i pha rol tu phyin pa drug yongs su rdzogs pa/ don yod par lha rdzas kyi me tog dang / bdug pa dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / gos dang / rgyan dang / chos gos sna tshogs dang / rin po che bdun gyi char 'bebs so/ /don yod par tshe yongs su brjes te sangs rgyas kyi zhing kun tu brgyan pa sna tshogs su de bzhin gshegs pa thams cad yang dag par lta ba/ don yod par bsod nams kyi phung po chen po rab tu rdzogs pa/ don yod par dge ba'i rtsa ba chen po skyed pa/ don yod par de bzhin gshegs pa thams cad yang dag par mthong ba dang / grub pa dang / cho 'phrul gyi rnam par 'phrul pa ston pa/ don yod par dbang phyug sgrub pa/ don yod @#/ /par rig sngags dang / dkyil 'khor dang / phyag rgya dang / rim par phye ba dang / cho ga zhib mo yang dag par ston pa/ don yod par grub pa mthong ba/ don yod par cho ga mthong ba/ don yod par tshe rab tu 'phel ba/ don yod par snyan par grags pa rab tu ston pa/ don yod par 'khor ba las rab tu sgrol ba/ don yod par skye ba dang / rga ba dang / 'chi ba las yongs su sgrol ba/ don yod par mchog rab tu sbyin pa/ don yod par bzlas brjod dang / cho ga rab tu rdzogs pa/ don yod par dran pa'i dge ba'i rtsa ba rab tu rdzogs pa/ don yod par rig 'dzin 'khor los bsgyur ba thob par yang dag par ston pa/ don yod par lha'i gnas dang / gzhal med khang sum cu rtsa gnyis kyi lha'i gnas su 'jug pa/ don yod par dga' ldan gyi gnas su 'jug pa/ don yod par 'og min gyi gnas kyi bar du 'jug pa/ don yod par sum cu rtsa gsum gyi gnas su brgya byin lha'i rgyal por 'jug pa/ don yod par ri rab chen po lag pa gcig gis sgul ba/ don yod par rdzu 'phrul gyi stobs ston pa/ don yod par mi snang ba ston pa/ don yod par stobs 'phel ba/ don yod par gling bzhi la dbang ba'i 'khor los bsgyur ba so sor 'thob pa ston pa/ don yod par yid bzhin gyi nor bu chen po'i rin po che sna tshogs kyi char 'bebs pa/ don yod par 'bru'i char 'bebs pa/ don yod par gos kyi char 'bebs pa/ don yod par rgyan dang / chos gos dang / mu tig gi chun 'phyang dang / gdub ko ra dang / gser gyi tsong tsong dang / gdu bu dang / dpung rgyan sna tshogs kyi char 'bebs pa yang dag par ston pa/ don yod par ro rnam pa sna tshogs ro'i mchog ro brgya'i kha zas kyi char 'bebs pa/ don yod par sems can sna tshogs grol ba ston pa/ don yod par bstan bcos dang / tshigs le'ur bcas pa dang / tshul dang / 'dul ba dang / mdo sde dang / lung bstan pa dang / tshigs su bcad pa dang / ched du brjod pa dang / gleng gzhi dang / de lta bu byung ba dang / skyes pa'i rabs dang / shin tu rgyas pa dang / rmad du byung ba'i chos kyi man ngag sna tshogs dang / chos mngon pa dang / tshogs kyi gtam yang dag par ston pa dang / don yod par theg pa chen po rnam pa sna tshogs rgya mtsho la 'jug pa dang / rab tu ston pa/ don yod par gnod sbyin dang / srin po dang / 'byung po dang / sha za dang / yi dwags dang / grul bum dang / brjed byed dang / bgegs dang / log 'dren sna tshogs nyes pa dang / gsong ba dang / shin tu sel ba yang dag par @#/ /ston pa yin no/ /bcom ldan 'das/ de ltar na/ yon tan chen po can gyi gzungs ngan song thams cad rab tu zhi bar 'gyur pa/ thams cad du mi 'jigs pa'i gnas rab tu ston pa/ 'jig rten las 'das pa'i lam legs pa'i lam rab tu ston pa/ mya ngan las 'das pa'i lam rab tu ston la/ phyir mi ldog pa'i gnas dang / sangs rgyas nyid sbyin par mdzad pa lags te/ bcom ldan 'das/ don yod par rnam par lta ba'i zhags pa'i snying po'i gzungs chen po/ 'phags pa spyan ras gzigs dbang phyug gi snying po/ yon tan khyad par yongs su bsgrags pa/ de bzhin gshegs pa thams cad kyi snying po gsang ba la rab tu gnas pa lags so/ /de nas bcom ldan 'das de bzhin gshegs pa shAkya thub pas byang chub sems dpa' sems dpa' chen po spyan ras gzigs dbang phyug la 'di skad ces bka' stsal to/ /sems dpa' chen po/ mchog tu dkon pa'i gzungs 'di'i snying po 'jig rten las 'das pa rnam par 'phrul ba bshad pa dang / de bzhin gshegs pa thams cad dang / byang chub sems dpa'i tshogs thams cad rdzu 'phrul rnam par 'phrul pa/ gsang ba'i snying po yongs su bsgrags pa legs so legs so/ /de dag ni/ sems can thams cad la lam mchog /shin tu mchog tu gyur pa/ gya nom pa/ bla ma/ bla na med pa/ mchog tu dkon pa'i gzungs kyi snying po gsang ba yongs su bsgrags pa ste/ gang gis 'khor ba'i rgya mtsho'i chu bo chen po dang / srid pa'i rgya mtsho las sems can pha rol tu sgrol ba yin no/ /spyan ras gzigs dbang phyug /rigs kyi bu pho'am/ rigs kyi bu mo'am/ dge slong pha'am/ dge slong ma'am/ dge bsnyen pha'am/ dge bsnyen ma'am/ dge sbyong ngam/ bram ze'am/ rgyal rigs dang / rje'u rigs dang / dmangs rigs gang la la zhig gam/ sems can gzhan gang yang rung bas don yod par rnam par lta ba'i snying po 'di dang / rmad du byung ba rnam par lta ba don yod pa'i snying po de bzhin gshegs pa thams cad kyi snying po/ rnam par grol ba'i dkyil 'khor/ de bzhin gshegs pa thams cad rmad du byung ba'i de kho na nyid rnam par 'phrul pa/ rnam par snang mdzad kyis byin gyis brlabs pa/ dam tshig chen po dkyil 'khor gyi ming 'dzin pa tsam gyis kyang dge ba'i rtsa ba chen po gsog par 'gyur ro/ /bsod nams kyi phung po chen po dang ldan par yongs su 'dzin par yang 'gyur ro/ /gang+gA'i klung 'bum phrag bye ba @#/ /khrag khrig dgu bcu rtsa gnyis kyi bye ma'i rdul phra rab dang mnyam pa'i de bzhin gshegs pa dgra bcom pa yang dag par rdzogs pa'i sangs rgyas mngon du mthong ba dang / mngon du chos thos pa dang / mngon du dbyangs thos pa dang / mngon du lung bstan pa thos par 'gyur ba'i sems can chen po de dag gis ni/ bsod nams kyi phung po shin tu che ba dang / dge ba'i rtsa ba chen po yongs su bzung bar 'gyur ro/ /sems can de gzungs gang yin pa dang / dkyil 'khor dang / cho ga dang / ming sna tshogs da ltar thos pa dang / yang na klog pa dang / yang na lta ba tsam mthong ba ni/ de dang mnyam pa yin te/ rigs kyi bu pho'am/ rigs kyi bu mo de ni/ bsod nams kyi phung po chen po'i dge ba'i rtsa ba dang ldan par 'gyur ba yang de dang mnyam pa yin na/ dka' ba byed pa lta smos kyang ci dgos te/ de bzhin gshegs pa mnyam pa nyid du thos pa dang mthong bar 'gyur ro/ /gang dag gzungs 'di'i dkyil 'khor 'bad de stobs dang / brtson 'grus pha rol gnon par byed pa dang / tshol ba dang / 'bri ba dang / klog pa dang / bzlas brjod kyi cho ga byed pa dang / dkyil 'khor gyi cho gas sgrub par byed pa dang / 'bad par byed pa de ni/ dka' ba chen po la zhugs pa yin no/ /de dang mnyam pa yin no/ /dka' ba gang zhe na/ ji ltar de bzhin gshegs pa dgra bcom pa yang dag par rdzogs pa'i sangs rgyas shAkya thub pas bskal pa grangs med pa gsum du dka' ba la zhugs pa dang / sangs rgyas te chos kyi 'khor lo bskor ba'i bar yin no/ /rigs kyi bu pho'am/ rigs kyi bu mo'am/ dge slong pha'am/ dge slong ma'am/ dge bsnyen pha'am/ dge bsnyen ma'am/ dge sbyong ngam/ bram ze'am/ rgyal rigs sam/ rje'u rigs sam/ dmangs rigs gang yin pa'am/ sems can gzhan gang yang rung bas gzungs 'di'i dkyil 'khor dang / cho ga stobs chen po dang / pha rol gnon pa'i brtson 'grus kyis sgrub par byed pa 'di ni/ 'jig rten las 'das pa'i cho ga tshol ba yin no/ /'di lta ste/ 'bri ba dang / klog pa dang / kha ton byed pa dang / bzlas brjod dang / cho ga dang / dkyil 'khor lta ba dang / 'jug pa dang / dam tshig dang / phyag rgya bcings te sgrub pa dang / 'di lta ste/ thos pa dang / 'dzin pa dang / klog pa dang / kun chub par byed pa dang / tshul bzhin du yid la byed pa dang / sems pa dang / dus gsum du lan gsum don yod pa'i zhags pa'i snying po dran pa dang / khro bo'i rgyal pos dbang bskur ba dang / gzungs 'di yang lan nyi shu rtsa gcig tu bzlas brjod dang / cho ga dran pa dang / byams pa dang / snying rje dang / byams pas snying brlan pa dang / sems @#/ /can thams cad la snying brtse ba lhur byed pa de ni/ dka' ba spyod pa chen po la zhugs pa yin no/ /bskal pa grangs med pa gsum du dka' ba spyod pa la zhugs pa dang 'dra ba'am/ lhag pa yin no/ /de'i tshe 'di nyid la 'bras bu chen po thob par 'gyur ba dang / 'jig rten las 'das pa zhes bya ba dang / sangs rgyas nyid du so sor gnas pa yin no/ / //

CLOSE WINDOW