བོད་ཡིག

e-texts based on the ACIP/ALL Input

/ //rgya gar skad du/ /AR+ya a pa lo ki te shwa ra aSh+To t+ta ra sha ta ka nA ma d+hA ra NI man+t+ra sa hi ta/ bod skad du/ /'phags pa spyan ras gzigs dbang phyug gi mtshan brgya rtsa brgyad pa gzungs sngags dang bcas pa/ byang chub sems dpa' sems dpa' chen po spyan ras gzigs dbang phyug la 'tshal lo/ /na maH sarba bud+d+ha/ bo d+hi satwA nA na/ sa man+ta a mo g+ha/ a pra ti ha ta/ shA sa nA nA na/ na ma Ar+yA ba lo ki te shwa rA ya/ ma hA bo d+hi satwA ya/ badzra satwA ya/ badzra bi pU lA ya/ pad+ma saM b+ha bA ya/ pad+ma yo na ye/ tad+ya thA/ oM hrIHka ra shrI ka ra pra b+ha ka ra badzra satwA/ badzra saM b+ha ba/ pad+ma saM b+ha ba/ pad+ma sA ga ra/ pad+ma go tsa ra/ ba ra da/ ma hA kA ru Ni ka /kA ru Ni saM b+ha ba/ hUM hUM/ d+ha ra d+ha ra/ da ra da ra/ ba ra ba ra/ ma hA kA ru Ni ka ma hA shung+d+ha sa twa swA hA/ de nas phyogs bcu'i de bzhin gshegs pa thams cad kyis phyag g.yas pa brkyang ste byang chub sems dpa' sems dpa' chen po spyan ras gzigs dbang phyug gi mgo bo la byugs te bka' stsal pa/ yon tan rin po che'i phung po chen po khyod kyis gzungs sngags 'di bshad pas/ sems can rnams la sangs rgyas 'byung ba'i chos bstan pa legs so legs so/ /'di ni thos pa tsam gyis kyang sems can rnams shin tu rnam par dag par byed pa'o/ /gang la la nyan pa dang / 'chang ba dang / klog pa dang / kun chub par byed pa des ni yon tan phun sum tshogs pa thams cad dang / dag pa'i mchog kyang thob par 'gyur ro/ /de nas lha'i dbang po dbang phyug chen po dpag tshad 'bum phrag du mar khyab cing / 'jig rten gyi khams gsum po kun tu rgyas ko lta ste/ 'khor dang bcas pa dang / rdo rje'i dkyil 'khor du 'dus pa'i byang chub sems dpa' thams cad k yis mgo bo btud nas 'phags pa spyan ras gzigs dbang phyug la sa'i dbang phyug dpa' bo rnam par rtse ba zhes bya ba'i mtshan brgya rtsa brgyad pas mngon par bstod pa/ /sa yi dbang phyug rdo rje'i dkyil 'khor ba/ /srid gsum ma lus yon tan chen po'i bdag /dri med skyon bral gsal ba'i dkyil 'khor can/ /snying rjes khyab pa'i dkyil 'khor rgya che ba/ /rab dga' rab dgyes rab tu ston pa'o/ /bskal pa bzang po rnam par zhi ba'i mchog / shin tu rnam dag yon tan chen po'i bdag /rnam dag du mar grags pa'i me tog thod/ /rab mchog srid gsum dag gi mig gcig pa/ /mchog sbyin 'gro ba kun gyi 'byor ba mdzes/ /dpag med pas kyang dpag med bskal par 'byung / /skyabs dang yid 'phrog dag cing sel bar mdzad/ /nor bu'i thod can rdo rje las byung ba/ /srid gsum gcig pu dpa' bo pad+ma'i spyan/ /thos pa'i rgya mtsho sems can kun bas dpa'/ /'gro ba thams cad rnam par grol mdzad mchog / snyam cha 'gul zhing pad+ma dag pa bsnams/ /dbang phyug bde gshegs bzhugs pa'i thor tshugs can/ /tshul bzang yon tan rgyan du 'tsham ba'i gzugs/ /'jigs pa'i rlung chen 'tshubs pa'i mtshon cha can/ /dge ba'i rgyu ste dam pa stsol ba'i rgyu/ /tshul gyi longs spyod bde chen mchog gi rgyu/ / dkyil 'khor mchog gi spyod yul rgyu gcig pa/ /srid gsum sgrol ba'i zam pa gcig pu lags/ /dkyil 'khor mchog gi rgyan te sdig med pa/ /gser mdog 'od rgyan rten du gyur pa ste/ /mnyam pa nyid kyis mi mnyam mtshungs par 'gyur/ /sa brnyes 'od zer rgyas pa rgyan phreng mnga'/ /chen po'i mche ba thogs pa med pa ste/ /snga ma mun pa kun bsal nyon mongs med/ /dge ba dag pas spyod yul rnam par dag /tshul gyi dkyil 'khor yangs shing rnam par dag/ srid gsum dbang phyug pad+ma las byung ba/ /srid gsum bde chen yangs pa'i dbang phyug ste/ /dbang phyug mi g.yo rnal 'byor mkhas pa'o/ /de bzhin gshegs pa chen po rab mchog yangs/ /nor bu'i rgyan te rdo rje'i rgyan du thogs/ /pad+mas brgyan pa lhun po las byung ba/ /dge snod yon tan chen po'i snod gcig pa/ /bde la longs spyod rnam 'dren chen po'i bdag / smon lam rgya chen rgya mtsho ldan pa ste/ /'gro ba srid par lhung ba grol mdzad pa/ /sa dang mnyam pa thams cad gzigs par mdzad/ /skal bzang bskal pa stong gis gnang ba po/ /rdo rje mchog gis sgeg pa'i dkyil 'khor can/ /yon tan rnam grangs khyad par dkyil 'khor ba/ /dge ba'i mtshan nyid dpa' bo'i rtsal mnga' ba/ /de bzhin nyid chos ro mkhyen spyod yul can/ /cod pan thig le dmar po'i dkyil 'khor ldan/ /lha chen brgya mnga' sum cu gsum bdag dbang / /lha dang lha min dbang bcas rnams kyis btud/ /brtson 'grus brgya dang ldan zhing rtsal stong mnga'// bsod nams brgya mnga' mtshon cha brgya 'chang ba/ /pad+ma brgya pa pad+ma nyid las byung / /dkyil 'khor brgya yi dbus na mdzes pa ste/ /chos brgya ldan pa mchog stong ston pa po/ /sangs rgyas stong phrag mang pos yongs bstod pa/ /bskal pa rab 'byams mang por mkhas pa ste/ /dkyil 'khor mang po dag na dpa' ba'i sku/ /'jig rten 'das pa'i mthu mnga' ston pa po/ /rgya chen dri med dkyil 'khor dbus na bzhugs/ /rab dga' bsgyings pa 'thor mdzad me tog thod/ /na bza' dar dkar la mnabs 'od mdzad pa/ /thugs kyi dkyil 'khor thugs rjes brgyan pa lags/ /cha phrar gser mdzad mtha' yas zad mi shes/ /dpa' bo'i nyi ma 'od zer rgyan mnga' ba/ /nor bu'i dkyil 'khor zla 'dra 'od gsal zhing / /nyi mas kha phye pad+ma mchog bsnams pa/ /me tog mtshon cha thogs pa'i lha zhes grags/ /gtsug phud gsum pa tshangs sras skye rgu'i bdag /btsun rigs mchog ste rigs chen nang du skyes/ /rang gi rigs gsal dbang chen dkyil 'khor ba/ / pad+ma bzang po'i rigs mchog thig le'i mtshan/ /spyan bzang dge ba'i lha rnams rten gyur pa/ /gsang sngags mang po 'dzin pa'i dbang phyug po/ /tshogs chen 'dun ma 'dus pa'i mnga' bdag lags/ /spyan gsum dag gis dkyil 'khor mdzes gyur pa/ ka la ping+ka'i skad kyis sdang ba 'dul/ /mda' dang rus gzhu stobs chen mtshon cha bsnams/ /stobs kyi lha ste stobs dang brtson pas 'dul/ /rgyan rnams sna tshogs legs par spras pa ste/ /rgyal ba rigs sngags 'chang ba mang pos bstod/ /tshogs mchog dga' byed rnams kyis rab bstod pa/ /chu srin 'dzin khri 'jigs las rab grol mdzad/ /gzugs mang mnga' zhing bde skyid rab sbyin pa/ /lha yul 'gro ba'i khyad par dkyil 'khor can/ /mtshungs med pas kyang mtshungs med mthu rtsal mnga'/ /stabs gshegs yon tan mche mchog 'od zer ldan/ /'jig rten nang na mkhas pa spyan ras gzigs/ /sa gzhi'i dkyil 'khor dbus kyi dkyil 'khor can/ /'od zer mang po stong phrag zad mi shes// nyon mongs rdul rnams thams cad sel mdzad pa/ /mtha' dang bral ba kun tu gzigs pa ste/ rab zhi kun las 'phags pa'i spyod yul can/ /don dam tshul la sems can gcig dpa' ba/ /theg pa bzang po 'dzin pa'i nyi ma lags/ /dul dang spyan dang tshul la dad pa bsnyes/ / skyu rgu rnams kyi dri ma ma lus bcom blo gros bzang po rab dgyes ston pa po/ bde ldan gos rgyan yang ba sna tshogs can/ bcom ldan 'byung ba 'jigs pa med par mdzad/ /rtag tu dge ba kun mchog sbyin pa po/ /rgyal bas gsungs pa'i rnam thar brnyes pa'i blo/ /bde la longs spyod che 'byung dri ma med/ /zhal gyi dkyil 'khor rgyas shing dri med pa/ /ming dang sred med brgya byin lag pa'i mchog/ /'jig rten mang po gzigs pa'i dbang phyug go/ /stobs dang rigs dang mthu stobs che ba lags/ /sangs rgyas mtshungs shing chos mchog rin chen mtshungs/ /dge 'dun mtshungs shing chags bral thub par dka'/ /khyad par gsum 'phags rin chen mchog chen mtshungs/ /khyab bdag nyon mongs rnam gsum rdul bsal ba'i/ /rdo rje sems mchog khyod la phyag 'tshal lo/ / pad+ma dri med phyag gi dbus bsnams pa/ /thor tshugs can la gzugs ldan cod pan thogs/ /spyi bo 'od dpag med rgyas khyod phyag 'tshal/ /de nas bcom ldan rang byung mun sel ba/ /rnga chen sgra ltar brtan pas bka' stsal pa/ /mchog chen rdo rje'i glu la bstod pa yi/ /ming brgya rtsa brgyad skyon sel legs pa mnga'/ / ci ste la la rtag tu dge mchog 'dod/ /spyan ras gzigs dbang la ni bstod byed pa/ /des ni ring po mi thogs yon tan gyi/ /longs spyod mchog chen chos ni thob par 'gyur/ /mi ni gang zhig rtag tu 'dis bstod la/ /spyan ras gzigs dbang dam pa sbyin par byed/ /sdig pa rnams kyang de la 'byung mi 'gyur/ /'dod pa gang yin bde blag de yis 'thob/ /de ni sdig pa'i dri mas ma gos te/ lam srang bzang por dmigs te 'gro bar 'gyur/ /srid gsum skyags 'os gcig pu pad+ma skyes/ /de 'dra'i chos kyi mchog la spyod par 'gyur/ /de ltar ming gi khyad par grub 'dod cing / /gang zhig rtag tu bde bar 'dod pa yis/ /'gro kun skye rgu'i bdag po spyan ras gzigs/ /pad+ma las byung rtag tu bstod par gyis/ /bcom ldan 'das bla ma 'phags pa spyan ras gzigs dbang phyug gi mtshan brgya rtsa brgyad pa gzungs sngags dang bcas pa rdzogs so/ / //rgya gar skad du/ AR+ya mai tri nA ma aSh+To t+ta ra sha ta ka d+hA ra Ni man+t+ra sa hi ta/ bod skad du/

CLOSE WINDOW