བོད་ཡིག

e-texts based on the ACIP/ALL Input

nad pa'i sman la gdab bo/ /stong chen mo nas phyung ba sman la sngags kyi gdab pa rdzogs so// //rgya gar skad du/ AR+ya sarba an ta rA li bi sho d+ha ni nA ma d+hA ra NI/ bod skad du| 'phags pa bar du gcod pa thams cad rnam par sbyong ba zhes bya ba'i gzungs/ sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab kyi shar phyogs bram ze'i grong shing a mra'i gnas zhes bya ba de'i byang phyogs na lus 'phags ri la dbang po'i brag phug na bzhugs so/ / de nas lha'i dbang po brgya byin la 'chi 'pho'i chos su gyur te/ de'i tshe 'du byed kyi lhag ma lus pa'i snga ltas khong du chud nas skrag pa skyes te/ btsun mo'i 'khor dang / g.yog dang bcas par bcom ldan 'das kyi gan du song nas/ bcom ldan 'das kyi zhabs la mgo bos phyag 'tshal te lan gsum bskor ba byas nas phyogs gcig tu 'dug ste/ yang de'i tshe don du gnyer ba dang / bcom ldan 'das kyis de la bka' stsal pa/ kau shi ka de'i phyir khyod kyi rig pa'i gsang sngags gzhi gang dag gis bdud thams cad dang / phyir rgol ba thams cad dang / phas kyi rgol ba thams cad shin tu tshar bcad par 'gyur ba bar du gcod pa tham cad rnam par sbyong ba zhes bya ba'i rig pa'i gsang sngags gzhi rnams ngas bshad kyis nyon cig/ tad+yA thA/ a b+ha yi b+ha ya bi ga te/ b+ha ya pa ri sho d+ha ne| a b+ha ya/ a b+ha yaM da de/ ni du ba kI Sh+Te/ a na ku le/ a ku la pa ri sho d+ha ne/ a be ka la pa ne/ a ts+yu ti/ shu b+he shu b+ha/ te dzo te dza ba te/ sha ni u pa sha me/ ma ho pa sha me/ me dri me t+yud d+hi te she/ to sha ya Na ga te/ sat+yad ra shi/ a bi rud b+hi/ sa ha te/ si hi ta twe/ arbe ar+tha sid+d+hi/ a mr-i te/ a mr-i ta ba he/ a b+hi te/ ba thra sa t+ye ak+Sha ye| ak+Sha ya pra b+he/ dran hra ba re/ shud+d+he shud+d+he pra b+he/ a ba b+hA se/ a ba b+hA sa ba hi/ u ba yo ge/ A nu ha ha re/ sa ma tsit+te/ bud+d+ha a d+hiSh+ThA ne/ shI le bi sho d+ha na/ a sad hA R+ye/ su ni gri hI/ ta ma ma ra bA lA nA ma/ pa ra dza yo driSh+Ti ga hra nAM/ dz+wa la naM d+harmo la kA le/ ud g+ha TanAM/ d+har+m+ma ni d+ha na s+ya saM gra ha nAM/ d+har+m+ma go sha s+ya/ kau shi ka khyod kyis rig pa'i gsang sngags gzhi dag ni khyed kyi rig pa'i gsang sngags gzhi gang dag gis bdud thams cad dang / phyir rgol ba thams cad dang / phas kyi rgol ba thams cad shin tu tshar bcad par 'gyur ba dag go/ 'di bzlas brjod byas na sngon gyi las kyi rnam bar smin pa ma gtogs par bar du gcod pa thams cad rnam par dag par 'gyur/ don thams cad kyang grub par 'gyur ro/ /bcom ldan 'das kyis de skad ces bka' stsal ba dang / lha'i dbang po brgya byin yi rangs te/ de'i tshe 'di skad du/ kho bo lha las ma gyur la/ /'di nyid na ni 'dug bzhin du/ kho bos tshe yang thob zin gyis/ /grogs dag de ltar shes par gyis/ / zhes ched du brjod pa ched du brjod do/ /'di'i mthu thams cad kyis bdag gi bar du gcod pa dang / bgegs dang log 'dren thams cad ni med par gyur cig /phun sum tshogs pa thams cad ni grub par gyur cig / na mo a ke tu le na ge tsaN+Da na ye swAhA/ sarba ya twa sA d+ha ni ye swAhA/ sarba dad ye bi sho d+ha ni ye swAhA/ bcom ldan 'das kyis de skad ces bka' stsal nas/ lha rnams kyi dbang po brgya byin btsun mo'i 'khor dang bcas shing 'khor dang bcas pa dang / thams cad dang ldan pa'i 'khor de yi rangs te/ bcom ldan 'das kyis gsungs pa la mngon par bstod do/ /'phags pa bar du gcod pa thams cad rnam par sbyong ba zhes bya ba'i gzungs rdzogs so/ /rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban+d+he ye shes sdes bsgyur cing zhus te gtan la phab pa// //

CLOSE WINDOW