བོད་ཡིག

e-texts based on the ACIP/ALL Input

/rgya gar skad du/ sarba ma nAn+ta mi ta sid+d+hi tsai t+ya nA ma d+hA ra NI/ bod skad du/ shes pa thams cad mthar phyin par grub pa'i mchod rten zhes bya ba'i gzungs/ dkon mchog gsum la phyag 'tshal lo/ /bcom ldan 'das rdo rje 'dzin pa la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos thams cad kyi tshul dang / 'dul ba dang / rnam par 'phrul pa'i gzi brjid kyi rgyal po la phyag 'tshal lo/ / phyag 'tshal dus gsum sangs rgyas la/ /phyag 'tshal dkon mchog gsum dge la/ /mi 'khrugs pa dang 'od dpag med/ /spyan ras gzigs la bdag phyag 'tshal| |rigs gsum la yang phyag 'tshal lo/ /'di skad bdag gis thos pa dus gcig na/ bcom ldan 'das rdo rje 'dzin pa chen po ri rab chen po sna lngas grub pa/ gzhi nyid mchod rten gyi rang bzhin du gnas pa'i steng na rin po che sna tshogs pa'i khang pa dang / tshad med pa'i mchod rten bzhi dang / rang bzhin gyi mchod rten chen po gnas yin pa'i phyir rtse mo'i dbyings kyang mchod rten du gyur pa'i gnas na lag na rdo rje dang / 'jam dpal dang / spyan ras gzigs dang / byams pa la sogs pas bcu'i byang chub sems dpa' rnams dang / tshangs pa dang / brgya byin dang / rgyal po chen po bzhi la sogs pa gtsang ris kyi mgon po rnams dang thabs cig tu bzhugs so/ / de nas bcom ldan 'das kyi gtsug tor dang / thugs ka'i dpal be'u la sogs pa rnams nas 'od zer kha dog rnam pa sna tshogs pa bye ba khrag khrig brgya stong drug cu snyed cig b kye ste| stong gsum gyi stong chen po'i 'jig rten gyi khams grangs med pa bsam gyis mi khyab cing brjod kyis mi lang ba thams cad 'od zer gyi snang ba chen pos til gyi gang bu bzhin du gang zhing khyab par mdzad pas mtha' yas pa'i sems can thams cad long ba rnams kyis gzugs mthong ba dang / 'on pa rnams kyis sgra thos pa dang / dig pa rnams smra shes pa dang / 'theng po rnams dang / zha bo rnams 'gro zhing / yan lag rengs pa dang / nad pa rnams nad dang bral ba dang / dmyal ba rnams tshe phri nas rim gyis sdug bsngal las thar pa dang / gzhan yang 'gro ba sems can rnams rim gyis dran pa rnyed par byas nas nam mkha'i khams thams cad yid kyi mchod rten gyi skus gang zhing rgyas par byas te 'od zer de dag slar bcom ldan 'das kyi dbu'i gtsug tu 'dus pa las chos kyi sku'i gzugs brnyan du gyur to/ /de nas lag na rdo rje la sogs pa'i 'khor rnams ngo mtshar du gyur nas bcom ldan 'das la bla re dang / rgyal mtshan dang / 'phan dang / gdugs dang / rnga yab dang / dril bu dang / dar dbyangs dang / spos dang / me tog dang / phreng ba dang / byug pa dang / mar me dang / bshos dang / rol mo la sogs pa'i mchod pa rnams kyis mchod nas bcom ldan 'das la 'di skad ces gsol to/ /bcom ldan 'das 'gro ba'i mgon po thugs rje chen po dang ldan pas mchod rten byin gyis brlab pa'i cho ga rig pa chen mo bi ma la uSh+NI Sha'i gzungs bshad du gsol/ bcom ldan 'das kyis bka' stsal pa/ mchod rten byin gyis brlab pa'i cho ga rig pa chen mo bi ma la uSh+NI Sha'i gzungs 'di ni| rigs kyi bu'am/ rigs kyi bu mo gang la la zhig gis 'dzin tam/ 'chang ngam/ bris sam/ klog gam/ ming nyan par byed na/ de mtshams med pa lnga dang / mi dge ba bcu dang / sdig pa'i las ci byas pa thams cad ma lus par byang bar 'gyur ro/ /bi ma la uSh+NI Sha'i rig pa chen mo'i mchod rten byin gyis brlab pa'i cho ga 'di'o| |oM tre d+h+wa sarba ta thA ga ta hri da ya gar+b+he/ dz+wa la d+harma d+ha tu gar+b+ha/ saM ha ra Na a yuHsaM sho d+ha ya/ pA paM sarba ta thA ga tA sa man+ta uSh+NI Sha bi ma la bi shud+d+he swAhA/ rig pa chen mo 'di gsungs ma thag tu 'jig rten gyi khams thams cad mchod rten gyi rang bzhin du 'gyur ro/ /rig pa chen mo 'di gro ga'am/ ras sam/ shing shun la bris te rgyal mtshan gyi rtse mo la btags na/ lha dang mi la sogs pa thams cad kyis mchod cing phyag bya ba dang / bkur sti bya ba'i 'os su 'gyur ro/ /rig pa chen mo 'di lus sam mgul du thogs na/ de lha dang / mi dang / lha ma yin la sogs pa rnams kyis sangs rgyas nyid du lta bar 'gyur ro/ /bdag nyid ri brag gam/ tshal lam/ dgon pa'am/ sa phyogs gang du 'gro ba'i tshe rig pa chen mo 'di brjod na/ ri dang sa phyogs thams cad mchod rten dang 'dra bar 'gyur ro/ /oM tre d+he sarba ta thA ga ta hri da ya gar+b+he/ dz+wa la d+harma d+hA tu gar+b+he/ saM ha ra Na A yuHsaM sho d+ha ya/ pA paM sarba ta thA ga ta sa man+ta uSh+NI Sha bi ma la bi shud+d+he/ ma hA bi ra dze ra gaM b+hi ra si/ d+harma d+hA tu gar+b+he/ bi bi sa ra a a laM swAhA/ zhes brjod na/ sa gzhi thams cad kyang mchod rten gyi rang bzhin du 'gyur ro/ /bdag nyid chu'am/ mtsho'am/ rgya mtsho la sogs pa gang la rgal ba na yang rig pa chen mo'i sngags 'dis btab na/ chu de thams cad kyang mchod rten gyi rang bzhin du 'gyur ro/ /oM s+t+rai ya d+he sarba ta thA ga ta hri da ya gar+b+he/ dz+wa la d+harma d+hA tu gar+b+he/ saM ha ra Na A yu saM sho d+ha ya| pA paM sarba ta thA ga ta sa man+ta bi ma le uSh+NI Sha bi shud+d+he/ ma hA bi ra dze ra gaM b+hi ra si/ d+harma d+hA tu bi bi sa ra a ma ma ki swAhA/ zhes brjod na/ chu thams cad kyang mchod rten gyi rang bzhin du 'gyur ro/ /gzhan yang bdag nyid kyis nam mkha' gang nas gang khyab par rig pa chen mo'i sngags 'di btab na/ nam mkha' thams cad kyang mchod rten gyi rten gyi rang bzhin du 'gyur ro/ /oM s+t+rai ya d+he sarba ta thA ga ta hri da ya gar+b+he/ dz+wa la d+harma d+hA tu gar+b+he/ saM ha ra Na A yuHsaM sho d+ha ya/ bA baM sarba ta thA ga ta sa man+ta/ bi ma le uSh+NI Sha bi shud+d+he/ ma hA ma bi ra dze ra gaM b+hI ra si/ d+harma d+hA tu bi bi sa ra a a e khaM ya swAhA/ zhes brjod na/ nam mkha'i khams thams cad mchod rten gyi rang bzhin du 'gyur te/ phyag bya ba dang / bskor ba bya ba dang / mchod par bya ba'i 'os su 'gyur ro/ /bi ma la uSh+Ni Sha'i gzungs bzlas te 'byung ba chen po lnga po gang la yang mchod rten btab na/ nyon mongs pa dang / sgrib pa thams cad dag par 'gyur ro/ /gzhan yang sa dang / shing dang / rdo dang / 'jim pa dang / 'bi 'bi gang yang rung ba la rig pa'i sngags 'dis btab ste mchod rten btab na/ rin po che sna tshogs kyi mchod rten gyi rgyur 'gyur te/ oM rat+na tsai t+ye pany+tsa ye bi bi sa ra swAhA/ zhes brjod nas ba'i lci ba la sogs pas byugs na/ thams cad rin po che'i mchod rten gyi rgyur 'gyur ro/ /rig pa chen mo'i sngags 'di ma btab na/ gang zhig gser dang dngul dang bai DUR+ya la sogs pa rin po che sna bdun las mchod rten bzhengs su gsol yang rdo dang / shing dang / kham pa dang 'dra bar 'gyur ro/ /de ci'i phyir zhe na/ de ni| 'di nyid rdzas kyi rang bzhin las snying po dang gsang sngags byin gyi rlabs ma bzhugs pa'i phyir rig pa chen mo 'dis byin gyis brlabs te btab na/ 'byung ba chen po g ang la mchod rten btab kyang bskal pa dpag tu med pa thams cad kyi sgrib pa'i dri ma dag nas khyim bdag gi rigs shing sA la chen po lta bur skyes nas phyir mi ldog pa'i sa thob par 'gyur ro/ /rig pa chen mo 'dis byin gyis brlabs te rdo dang / shing leb la sogs pa la mchod rten btab na/ de gdon mi za bar bram ze'i rigs shing sA la chen po lta bur skyes nas sa bcu rim gyis bgrod de bcu gcig kun tu 'od kyi sa thob par 'gyur ro/ /rig pa chen mo 'dis byin gyis brlabs te gser dang / dngul dang / bai DUR+ya la sogs pa la mchod rten btab na/ de gdon mi za bar rgyal rigs shing sA la chen po lta bur skyes nas rdo rje 'dzin pa'i sa thob par 'gyur ro/ /gzhan yang rig pa chen mo'i sngags 'dis btab na/ mchod rten gcig btab na yang bye ba btab par 'gyur ro/ /rig pa chen mo 'dis ma btab na/ bye ba btab kyang gcig dang 'dra bar 'gyur ro/ /de ci'i phyir zhe na/ gong ma bzhin no/ /rig pa chen mo de'i sngags 'di yin te/ tad+ya thA/ sUk+Sh+me sUk+Sh+me/ shAn+te shAn+te/ ni rA ku le/ ya sho te dzo/ sarba bud+d+he/ a d+hiSh+Tha na a d+hi Sh+Thi te/ a nu mi de swAhA/ 'di 'i cho ga ni/ 'di yin te/ 'jim pa'i gong bu la lan nyi shu rtsa gcig bzlas brjod byas te mchod rten gcig btab na/ bye ba btab par 'gyur ro/ /brgya btab pa'i grangs dang phan yon ni/ 'phags pa nyan thos kyi dgra bcom pa rnams kyis kyang brjod par mi nus so/ /stong btab pa'i grangs dang phan yon ni| byang chub sems dpa' rnams kyis kyang brjod par mi nus so/ /khri btab pa'i grangs dang phan yon ni/ de bzhin gshegs pa rnams kyis kyang brjod par mi nus so| |'bum btab pa'i grangs dang phan yon ni/ phyogs bcu dus gsum gyi de bzhin gshegs pa rnams kyis kyang brjod par mi nus so/ /de bas na mchod pa'i rten lnga man chad gdab pa'i mchod pa'i cho gar bya ba ni/ thog mar mchod rten brtsig pa'i gnas sam/ mchod rten gyi 'jim pa'i gnas sam/ mchod rten gyi 'jim pa'i gnas gang nas blangs pa'i gnas de sa bdag byin gyis brlab cing sa la gnas pa'i gdon bgegs bsam sbyor ngan pa mchod rten dang / dge ba la bar chad byed pa rnams mtshams gcad par bya ste/ thig skud la rig pa chen mo'i sngags 'dis gdab ste/ oM badzra sU tra hUM phaT/ ces brjod nas thig skud de nyid rdo rje'i skud par dmigs nas mchod rten gyi sa khyon ji tsam rnam pa dang / 'jim pa'i sa khyon ji tsam rnam pa thig gis sa bcad/ de bzhin du sa bcad na/ sa gzhi de nyid mchod rten gyi rgyu rin po che rnam pa sna tshogs pa dang 'dra bar 'gyur ro/ /de nas sa de nyid la seng ldeng gi phur ba sor brgyad pa la rig pa chen mo'i sngags 'di gdab par bya ste/ oM badzra kI li kI li kI la ya sarba duSh+TaM hUM phaT/ ces bya ba 'di lan bdun bzlas te rdo rje phur bus dmigs te dbus dang gra bzhir gdab bo/ /de bzhin du btab na/ mi dang mi ma yin pa las srung bar 'gyur ro/ /sngon gyi las kyi rnam par smin pa ni/ ma gtogs so/ /seng ldeng gi phur bu ni/ mchod rten gyi 'jim pa'i sa ji tsam dgos pa ma blangs kyi bar du mi dbyung bar gzhag go/ de nas til dang yungs kar la rig pa chen mo'i sngags 'di brjod par bya'o/ /oM a mr-i te ha na ha na hUM phaT/ ces lan bdun bzlas te sa'i phyogs su gtor bas| sa phyogs de nyid kyang de bzhin gshegs pa'i bzhugs gnas dpag tu med par 'gyur/ de ltar sa gzhi de bzhin gshegs pa'i bzhugs gnas su byin gyis brlab ste/ bgegs kyi bsam sbyor ngan pa las mtshams bcad de spos dang / me tog dang / gtor ma la sogs pa rnams kyis kyang sa phyogs de na gnas pa'i lha dang / klu dang / lha ma yin la sogs pa rnams la mchod cing bsngos te bi ma la uSh+NI Sha'i gzungs 'di bklags na/ sa phyogs de yang shin tu bkra shis shing byin chags par 'gyur ro/ /de nas mchod rten gyi 'jim pa'i sa brko ba'i tshe rig pa chen mo'i sngags 'di bzlas te brko bar bya'o/ /oM badzra kha na kha na hUM phaT/ ces bzlas shing sa gzhi de nyid rin po che sna lngar gyur par dmigs te brkos na/ de bzhin gshegs pa'i sku rnam par dag pa'i rgyur 'gyur ro/ /de nas sa gtsang ma blangs pa de dag gnas gtsang ma zhig tu bzhag nas sa brdung ba'i cho ga ni/ tho ba la bdud rtsi 'khyil ba'i phyag rgya rdo rje rtse gsum pas mnan te rig pa chen mo'i sngags 'dis btab ste brdung ngo / /badzra mud ga ra A ko Ta ya A ko Ta ya hUM phaT/ ces lan bdun bzlas te rdo rje'i tho bar dmigs shing brdungs na/ nyon mongs pa dang bag chags thams cad ma lus par byang zhing bcom par 'gyur ro/ /de nas 'jim pa brdzi ba ni/ spos chab la bdud rtsi 'khyil ba'i phyag rgyas gtugs te sbos chu de'i nang du y ang chos nyid kyi yi ge a zhe bya ba dkar po las zla ba'i dkyil 'khor 'od dang chas par dmigs te zla ba'i dkyil 'khor gyi 'od zer chen po des spos chu de khyab par gyur nas spos chu nyid bdud rtsi'i rang bzhin du gyur par dmigs nas rig pa chen mo'i sngags 'di brjod par bya'o/ /oM a mr-i te hUM phaT/ ces bya ba lan bdun bzlas te byin gyis brlabs pas/ de nyid kyang bdud rtsi chen po'i chu rgyun dang 'dra bar 'gyur ro/ /de nas 'jim pa brdzi ba'i sngags chen mo 'di brjod par bya'o/ /oM badzra pra marda nA ya hUM phaT/ ces lan bdun brjod de/ 'jim pa de nyid de bzhin gshegs pa'i skur 'gyur ro/ /de nas 'jim pa de nyid de bzhin gshegs pa'i sku bsam gyis mi khyab par byin gyis brlab pa ni/ 'jim pa de nyid la bdud rtsi 'khyil ba'i phyag rgya bcings te rig pa chen mo'i gzungs 'di brjod par bya'o/ /na mo rat+na tra yA ya/ tad+ya thA/ sUk+Sh+me sUk+Sh+me/ shan+te shan+te| dAn+te dAn+te/ ni rA ku le/ ya sho ya sho ba ti te dzo shud+d+he bi shud+d+he/ sarba ta thA ga ta/ a d+hiSh+Tha na a d+heSh+Thi te/ a na mo te hi ti swAhA/ zhe bdag nyid kyi rig pa chen mo 'di lan @#/ bdun gsum du nyi shu rtsa gcig bzlas te rig pa chen mo'i sngags 'di sbyin gyis brlabs na/ 'jim pa nyid las ye shes kyi 'od zer rnam lnga phyogs bcur 'phros par 'gyur ro/ /phyogs bcur 'phros nas kyang sems can thams cad kyi don ji ltar 'dul bar byas par 'gyur ro/ /'od zer de dag slar 'dus pas kyang 'jim pa nyid rin po che sna lnga'i rang bzhin du gyur nas de bzhin gshegs pa'i sku bsam gyis mi khyab pa'i rgyu rkyen dang ldan par 'gyur ro/ /de ltar yid kyis kyang dmigs so/ /de nas 'bi 'bi byed pa'i cho ga rig pa chen mo 'di brjod par bya ste/ oM badzra A yu She swAhA/ zhes lan bdun bzlas te byi gyis brlabs na/ 'bi 'bi nyid las ye shes kyi 'od zer gyi sprin gyis phyogs bcu'i 'jig rten gyi khams mtha' yas bar 'phros shing khyab ste 'gro ba mang po'i don byed par 'gyur ro/ /'od zer gyi sprin phung de dag slar 'bi 'bi'i nang du 'dus pas kyang de nyid ye shes rin po che'i rang bzhin shel sgong ltar yongs su dag par 'gyur ro/ /de bzhin du yid kyis kyang dmigs so/ /de nas 'bi bI'i nang bi ma la uSh+NI Sha'i snying po mu dra'i phyag rgyar byas pa'am/ gro ga'am/ ras sam/ shog bu'am/ shing shun la sngags bris pa dang / de'i nang du rig sngags so so'i snying po dang / oM hUM trAM hrI AH/ de rnams phrugs su sbyar te mu dra'i phyag rgyar byas pa'am/ yi ger bris pa'am/ gang yang rung ste nang du stsal na| de bzhin gshegs pa'i thugs ye shes dang ldan par 'gyur ro/ /nang du stsol ba'i tshe rig sngags 'di brjod par bya'o/ /oM badzra gar+b+he swAhA/ zhes bya ba bzlas na/ de bzhin gshegs pa thams cad kyi thugs ye shes de'i nang du 'dus shing zhugs par 'gyur ro/ /yid kyis kyang dmigs so/ /de nas tsai t+ya'i phor bu'i nang du yungs kar ram/ til mar gyis bsku ba'i sngags rig pa chen mo 'di brjod par bya'o/ /oM a ra dze bi ra dze swAhA/ zhes lan gsum bzlas shing byin gyis brlabs na/ de nyid thabs dang shes rab 'brel ba las chos kyi dbyings nyid kyi mchod rten du 'gyur ro/ /de bzhin du yid kyis kyang dmigs so/ /de nas mchod rten 'debs pa'i tshe rig pa chen mo 'di brjod par bya'o/ /oM badzra mud ga ra A ko Ta ya A ko Ta ya hUM phaT/ ces bzlas shing mchod rten btab na/ dbyings dang ye shes gnyis su med par 'brel ba las chos kyi sku'i mchod rten du 'gyur ro/ /de nas bi ma la uSh+NI Sha'i snying po gang nas byung bas kyang mchod rten btab na/ dbyings dang ye shes gnyis su med par 'brel ba las mchod kyi sku'i mchod rten 'byams klas par 'gyur ro/ /de nas mchod rten phur bu'i nang nas 'byung ba'i rig pa chen mo'i sngags 'di brjod la dbyung ngo // oM d+harma d+hA tu ye swAhA/ d+harma d+hA tu gar+b+he swAhA/ zhes lan bdun bzlas te mchod rten byung na/ thabs dang shes rab gnyis su med pa 'brel ba las mchod rten chos kyi sku 'byams klas pa 'byung ste/ 'gro ba sems can thams cad kyi don 'khor bam stongs kyi bar du phun sum tshogs par mdzad par 'gyur ro/ /de bzhin du yid kyis kyang dmigs so/ /de nas mchod rten snod nas phyung ba las 'khor lo gzugs pa'i rig pa chen mo'i sngags 'di brjod par bya'o/ /oM bra ma Na ye swAhA/ zhes bzlas nas 'khor lo btsugs na/ rin po che'i gdugs dang / rin po che'i tog dang / rin po che'i rgyal mtshan dang / rin po che'i shar bu dang / dar gyi lhab lhub la sogs pa rnams kyis brgyan te mya ngan las 'das pa'i yon tan sna tshogs kyis brgyan te 'gro ba'i don yid bzhin du mdzad par 'gyur ro/ /de bzhin du yid kyis kyang dmigs so/ /de nas mchod rten la na bza' gsol ba'i tshe rig pa chen mo 'di bzlas la gsol to/ /oM d+harma d+ha tu swAhA b+ha ba bi shud+d+he d+harma te swAhA/ zhes lan mang du bzlas te btab na/ chos kyi dbyings rnam par dag pa'i don dang ldan par 'gyur ro/ /de nas mchod rten btab pa'i dkyil 'khor mchod rten lngar btab na/ dkyil 'khor yang phyogs bzhi dbus dang lngar bri bar bya'o/ /de bzhin du mchod rten gyi grangs brgya'am/ stong ngam/ gang btab pa de'i grangs dang mchod rten gyi shong tshad kyi dkyil 'khor re'u mig rdo'i stegs bu brtsigs pa ni/ sa'am/ rdo leb bam/ shing la sogs pa las dkyil 'khor gru bzhir bgyis te 'og gi khri yang seng+ge'i khri'am/ rin po che'i khri'am/ pad+ma'i khri stegs su byas la/ de'i steng du go ma yaM dang sbos chus chag chag btab ste dbus dang phyogs bzhir mchod rten bzhugs pa'i sa kun tu gur gum dang / tsan+dan gyi chus zlum por bskus la/ srad bus thig btab la dkyil 'khor bri bar bya ste/ dkyil 'khor bri bar yang mchod rten lngar btab na/ dkyil 'khor gyi phyogs bzhi dbus dang lngar bri bar bya'o/ /de bzhin du mchod rten gyi grangs brgya'am/ stong gang btab pa de'i grangs kyi mchod rten shong tshad kyi dkyil 'khor re'u mig rdo rje dra ba'i thig gis sa gcad par bya'o/ /mchod rten gzhag pa'i sa gzhi thams cad pad+ma 'dab ma brgyad par bri bar bya'o/ /de nas mchod rten gyi dkyil 'khor du bzhugs pa'i tshe rig pa chen po'i sngags 'di brjod la bzhugs su gsol/ oM su pra tiSh+Tha stu be swAhA/ zhes lan gsum bzlas te mchod rten bzhag na/ bdag dang gzhan gyi don phun sum tshogs par spyod par 'gyur ro/ /de nas mchod rten dgod pa'i rim pa ni/ dang po dbus su dgod/ de nas shar du dgod/ de nas lhor dgod/ de nas nub tu dgod/ de nas byang gi bar du rim pa bzhin du dgod par bya'o/ /dgod pa'i tshe rig pa chen mo'i sngags 'di brjod par bya'o/ /oM badzra pad+ma sa ma ye swAhA/ zhes lan gsum du bzlas la rdo rje dang / pad+ma'i gdan la bzhugs su gsol zhes byas la/ sa gzhi dang nam mkha'i khams dang / rgya mtsho'i mjing thams cad mchod rten gyis gang bar yid kyis kyang dmigs so/ /gzhan yang mchod rten re re btab nas thal byung dkyil 'khor steng du bzhugs la/ spos dang / me tog la sogs pa mchod pa rnam pa lngas mchod cing bzhugs su gsol/ mchod rten gyi kha dog la sogs pa bsku ba ni/ zhi ba'i dkar po/ rgyas pa'i ser po/ /dbang dmar po/ /srung ba ljang gur dmigs te na bza' yang de bzhin du gsol la yid kyis kyang de bzhin du dmigs so/ /de nas mchod rten gyi dkyil 'khor byin gyis brlab par bya ste/ dkyil 'khor gyi steng du yi ge raM dmar po gnas pa las rig pa chen mo'i sngags 'di brjod par bya ste/ hUM raM swAhA/ zhes lan gsum bzlas pas de nyid ye shes k yi me dpung chen por rab tu 'bar nas gnas de dag gi rtog pa rnam par sbyangs te dkyil 'khor gyi gzhi de nyid rin po che sna lnga las grub pa'i dkyil 'khor du 'gyur ro| |de bzhin du yid kyis kyang dmigs so/ /de nas dkyil 'khor le'u tshe lnga'am/ brgya'am/ stong ngam/ gang bris pa'i dbus rnams su yi ge a dkar po gnas pa las rig pa chen mo'i sngags 'di brjod par bya ste/ oM a tsan+d+ra maN+Dal hUM phaT/ ces grangs ji tsam rnam par bzlas na/ mchod rten gyi gdan zla ba'i dkyil 'khor re rer 'gyur ro/ /de bzhin du yid kyis kyang dmigs so/ /de nas mchod rten gyi cho ga mdzad pa'i tshe kha shar nub gang bder bltas la bdag nyid rdo rje 'dzin pa'i sku phyag rgya chen p or ting nge 'dzin gyis bsgyur te snying gar zla ba'i dkyil 'khor gyi steng du rdo rje rtse lnga pa ye shes kyi 'od dpung 'phro ba gnas par byas la sku dang ba spu'i gseb thams cad nas kyang ye shes kyi 'od zer dang / sangs rgyas kyi dkyil 'khor dang bcas pa'i sprin phung bzhin du mthar 'byams klas par 'phros shing sems can gyi khams thams cad du byin gyis brlabs shing don mdzad nas slar sku'i nang du thim par 'gyur te/ de bzhin du yid kyis kyang dmigs so/ /de nas mchod rten gyi gzhal yas kyang bskyed pa ni/ mchod rten dkyil 'khor du gzhag pa la rdo rje dbyings ma'i phyag rgya bcings nas mchod rten gyi steng du reg par byas la rig pa chen mo'i sngags 'di brjod par bya'o/ /oM badzra d+hA tu a d+hi tiSh+Tha hUM/ zhes bzlas te byin gyis brlabs pas rin po che sna bdun gyi gzhal med khang na rin po che'i sa gzhi dang / chos kyi dbyangs kyi dkyil 'khor gyi steng na zla ba'i gdan gyi dbus na mchod rten bzhugs par 'gyur ro/ /de bzhin du yid kyis kyang dmigs so/ /de ltar du mchod rten re re btab ste bzhag nas de mchod pa'i rnam pas mchod nas seng+ge'i rgyal mtshan dang / 'bras chan dang / spyan gzigs sna tshogs dang 'dra zhing / zhing dgod pa dang / bla re dang / 'phan dang / gdugs dang / phreng ba dang / bdug pa dang / mar me dang / spos dang / mchod pa'i rnam pa rnams pa rnam par dag par rig pa chen mo 'di brjod par bya'o/ /oM sarba pU dza puSh+pe swAhA/ zhes bzlas te byin gyis brlabs pas kun tu bzang po'i mchod pa'i sprin phung phun sum tshogs pas rnam par 'khrigs shing char gyi rgyun bzhin du 'bab par 'gyur ro/ /de bzhin du yid kyis kyang dmigs so/ /mchod rten mchod pa rnam pa lnga po che re res mchod cing yon du dar bu chung dang / 'phan la sogs pa'i bla re dang / gdugs dbu chung yang rung ste/ re re dbul lo/ /de ltar cho ga bzhin du btab pa lags na/ dgongs pa rgyud kyi ting nge 'dzin gsal bar bya ba ni/ mchod rten gyi phyogs bzhi dbus dang lngar rigs lnga'i sangs rgyas sku mdog dang / rgyan dang / chu lugs dang / 'khor phun sum tshogs pa tshul bzhin du dgos te dmigs par bya'o/ /ye shes lnga las grub pa'i mchod rten de yang rang bzhin gyis rnam par dag cing gsal ba de dag bum pa'i dbus su bi ma la uSh+Ni ShI gzungs kyi snying po dang / rigs lnga so so'i snying po 'bru re ba kha dog gser btso ma bzhin du gdang zhing 'tsher ba zhig tu dmigs la/ de dag las ye shes kyi 'od zer n a tshogs 'byams klas par rigs la phyogs bcu 'phros pa las de bzhin gshegs pa'i sku'i sprin gyis nam mkha'i mtha' klas shing chos kyi dbyings kyi mur thug par b rgyan cing grub par gyur nas 'jig rten gyi khams thams cad byin gyis brlab te 'gro ba thams cad kyi don mdzad cing re ba bskangs nas slar 'dus nas de nyid kyi dbu'i gtsug dang / thugs kar phog /'phrin las kyi sgrib pa la sogs pa rnam par dag ste sku dang / gsung dang / thugs rdo rje nyid du gyur par dmigs la| dung phor gyi nang du spos chab dang / dri sna tshogs sbyar ba'i argas gsol to/ arga'i phyag rgya bcings la de'i steng du dung por bzhag la spos chu'i nang du a dkar po l as zla ba'i dkyil 'khor du gyur pa'i 'od zer gyi spos chu nyid ye shes kyi bdud rtsi'i rang bzhin du gyur par dgongs shing dmigs te mchod pa dbul pa'i rig pa chen po 'di brjod par bya'o/ /oM a mr-i te ar+g+haM pra tIts+tsha swAhA/ zhes bzlas nas dbu'i spyi bor lan gsum du bdugs shing sbrengs te phul bas/ 'phags pa thams cad mnyes par 'gyur ro/ /tshig tu yang 'phags pa thams cad mnyes par gyur cig ces kyang brjod do/ /de nas phyag rgya'i rgya mtsho'i sprin gyis dbu'i gtsug tu bkram ste ye shes kyi sku'i nang du 'dus shing phun sum tshogs pa'i dbang thams cad bskur bar dmigs so/ /de nas bi ma la uSh+NI Sha'i gzungs 'di bklag cing lan ci mang du brjod par byas nas bsngo ba dang smon lam rgyas par gdab par bya'o/ /cho ga 'di bzhin du rdzogs par bya ba mi bden rang gi lha nyid kyi ting nge 'dzin gyis skur bsgyur ba las dgongs pa ma nyams par bya ste/ mchod rten dang / mchod pa'i yo byad la sogs pa thams cad rang bzhin gyis chos kyi dbyings rnam par dag par dgongs te mchod rten btab na yang cho ga rgyas par bya ba dang 'dra ste/ 'gal ba med do/ /de bzhin du ma gyur na/ yang bi ma la uSh+NI Sha'i gzungs 'di klog pa dang / 'dzin pa dang / yi ger 'bri zhing 'chang bas mchod rten btab na/ cho ga rgyas par mdzad pa nyid 'di yin te/ mchod rten de bzhin gshegs pa'i skur bsgyur nas bdag dang gzhan gyi don phun sum tshogs par byed par 'gyur ro/ /bi ma la uSh+NI Sha'i gzungs 'di ma brjod na/ mchod pa phul zhing mnga' gsol yang mnga' phul bar mi 'gyur ro/ /gzhung las kyang 'di skad ces 'byung ngo / /rig sngags gsang sngags thams cad kyi/ /sngags kyi rang bzhin mi gsal zhing / /dgongs pa'i ting nge 'dzin mi gsal bas/ /mchod rten la sogs sku gzugs rnams/ /brlabs kyang rdzogs par yongs mi 'gyur/ /zhes 'byung ngo / /gang zhig gsang sngags dang dgongs par ldan pas mchod rten dang / sku gzugs btab pa'i yon tan ni/ ji skad du/ mchod rten chog dam pa 'di/ /bsod nams bgyis pa'i khyad par ni/ /gzungs 'di bzlas pa'i mchod rten gyis/ /gcig btab bye ba btab dang 'dra/ /yun ring dus nas 'khor ba yis| |mtshams med lnga dang sdig dpung rnams/ /ji snyed yod pa ma lus 'byang / /tshe ring phun sum tshogs par 'gyur/ /tshe rabs gzhan du skyes nas kyang / /rigs mchog dam par skyes nas kyang / /longs spyod mchog dang rab ldan zhing / /'khor los bsgyur ba'i rgyal por bskyes/ /tshe rabs snga phyi dran par 'gyur/ / dus gsum 'jig rten thams cad du/ /dkon mchog gsum dang mi 'bral zhing / /bgegs dang gnod pas de mi bskyod/ /bsam pa yongs su 'grub par 'gyur/ / mthar ni mngon par 'tshang rgya'o/ /bi ma la uSh+NI Sha'i gzungs rdzogs so// //mchod rten gcig yan chad/ bye ba man chang gdab pa'i sngags dang bsam pa'i rgyud ni| kun kyang 'dra'o/

CLOSE WINDOW