rgya gar skad du// u gran bi man dra byA khyA ta taM tra/ bod skad du/ drag po ngan sngags kyi bshad rgyud// bcom ldan 'das rang bzhin dang/ sprul pa dang/ las la sgrub byed zung gi gshed la phyag 'tshal lo/ / 'di skad bdag gis thos pa'i dus gcig na/ 'og min gsang ba chen po'i gnas na lnga brgya tha ma'i sems can la thugs rje gsum gyis bzung zin zhing/ ru tra rnam gsum dang dregs pa can btul nas/ bzhugs pa'i bcom ldan 'das gshin rje gshed po la/ gsang ba drug gi ngang la gnas pa gsang ba'i bdag po lag na rdo rjes 'di skad ces gsol ba btab bo// e ma rdo rje gshin rje gshed/ / 'phrin las rgyal po grub pa'i las// gong du gsungs pa'i rgyud rgyal la// bshad pa'i man ngag mi 'tshal lam// thugs rje can gyis bka' drin gsungs// log lta ngan pa'i ngang tshul can// sems can rjes su gzung du gsol/ / de skad gsol btab gsan nas ni// gsang drug ting 'dzin la zhugs nas// sprul pa chen po bcu dgu mdzad// brda dang sgrub lugs skad rnams dang// rig pa'i bye brag tshogs brtol nas/ / man ngag gter rgya rab phye nas// sgo bzhi dag ni dbye bar bya// ma mthong rmongs la bstan pa dang// gab pa dag ni grol bar byed// dregs pa thams cad srog 'phrog pa'i// ting nge 'dzin la snyoms par zhugs/ / srog gnas g.yas g.yon srog phrogs so// drag po ngan sngags kyi bshad rgyud las/ gleng gzhi bstan pa'i le'u ste dang po'o//// de nas bcom ldan 'das kyis gnas kyi khyad par 'di gsungs so/ / drag po ngan sngags bzlas pa'i gnas// rnam pa gnyis su shes bya ste// 'jig rten 'das dang 'jig rten pa'o// 'das pa rnam pa drug yin te// bkra shis nyams dga' byin che dang// mtshan dang ldan pa bzhi ru bshad/ / 'jig rten gnas ni rang rang rgyud// grags pa'i gnas su bsgrub par bya// bar chod bsal ba'i cho ga ni// rnam pa gnyis su shes bya ste// dang po'i las su 'bum lnga bya// de rjes stong nyid goms par sgom/ / gnyis pa'i las su bya ba ni// rgyud gzhan dag nas grags bzhin bya// de ltar las ni bya ba dang// nyams kyi man ngag rang las 'byung// de nas drag po ngan sngags spyad// drag po ngan sngags kyi bshad rgyud las/ gnas bstan pa'i le'u ste gnyis pa'o//// de nas bcom ldan 'das kyis lta ba 'di gsungs so// rgyud drug man ngag rjes 'brangs nas// chos nyid gsal ba gnyis su med// bde chen chos rnams rang bzhin snang/ / de ltar spyad na ngan sngags 'grub// drag po ngan sngags kyi bshad rgyud las/ lta ba bstan pa'i le'u ste gsum pa'o//// de nas bcom ldan 'das kyis srog gi gnas lugs 'di gsungs so/ / gnas lugs gnyis la rten sa lnga// phyi dang nang dang gsang ba'i gnas// gsang chen yang gsang gter du sbas// 'byung ba snying dang rtsa yig rlung// de la bstan pa'i shes pa ni/ / nyon mongs lnga dang ldan pa'o// de nyid mi rtag rlung rgyun 'bral// de bral phyir na srog tu bshad// drag po ngan sngags kyi bshad rgyud las/ srog gi gnas lugs bstan pa'i le'u ste bzhi pa'o//// de nas bcom ldan 'das kyis bsgral ba'i zhing 'di gsungs so/ / bsgral ba'i zhing ni gsum yin te// rang bzhin bsgral ba'i zhing bcu dang// thugs rjes bsgral ba'i zhing bcu dang// mi bsgral mi rung zhing bcu'o/ / drag po ngan sngags kyi bshad rgyud las/ bsgral ba'i dmigs bstan pa'i le'u ste lnga pa'o//// de nas 'jig rten 'das pa'i drag po ngan sngags bstan par bya ste/ drag sngags thems gsum shes par bya/ / las mkhan bskal par btab pa dang// dmigs pa gang yin btab pa dang// mtha' bsgyur las sngags btab pa'o// re re la yang gsum gsum ste// zab mo man ngag drag po gsum// rdzas ni rnam pa gsum yin te/ / mchod dang gtad dang gsad dang gsum// ting 'dzin rnam pa gsum yin no/ khyad par las kyi ting 'dzin sbyar// dkyil 'khor rnam gsum bsten la bsgrub// drag po ngan sngags kyi bshad rgyud las/ che mchog he ru ka'i ngan sngags kyi le'u ste drug pa'o//// de nas bcom ldan 'das kyis pad+ma dbang chen gyi ngan sngags 'di gsungs so// drag po pad+ma'i thems gsum bshad par bya// re re yan lag gsum 'gyur te/ / zab mo man ngag drag po ste// rdzas ni mchod gtad gsad pa gsum// ting 'dzin rang dang khyad par gnyis// dkyil 'khor rnam gsum bsten la bsgrub// drag po ngan sngags kyi bshad rgyud las/ pad+ma dbang chen drag sngags su bstan pa'i le'u ste bdun pa'o//// de nas bcom ldan 'das kyis rdo rje phur pa'i ngan sngags 'di gsungs so// phur pa'i thems gsum shes par bya// re re yan lag gsum 'gyur te/ / zab mo man ngag drag po gsum// ting 'dzin rang dang khyad par gnyis// dkyil 'khor rnam gsum bsten la bsgrub// drag po ngan sngags kyi bshad rgyud las/ rdo rje phur pa'i ngan sngags kyi le'u ste brgyad pa'o/ /// denas bcom ldan 'das kyis khro bo bcu'i ngan sngags 'di gsungs so/ khro bcu thems gsum shes par bya// de re yan lag gsum 'gyur te// zab mo man ngag drag po gsum// rdzas ni mchod gtad gsad pa gsum/ / ting 'dzin rang dang khyad par gnyis// dkyil 'khor rnam gsum bsten la bsgrub// drag po ngan sngags kyi bshad rgyud las/ khro bcu ngan sngags kyi le'u ste dgu pa'o/ /// de nas bcom ldan 'das kyis gshin rje gshed kyi ngan sngags 'di gsungs so// dgra yi thems gsum shes par bya// de re yan lag gsum 'gyur te// zab mo man ngag drag po gsum// drag sngags lnga la rim bzhin sbyar/ / rdzas ni mchod gtad gsad pa gsum// ting 'dzin rang dang khyad par gnyis// dkyil 'khor rnam gsum bsten la bsgrub// drag po ngan sngags kyi bshad rgyud las// gshin rje'i ngan sngags kyi le'u ste bcu pa'o/ /// de nas bcom ldan 'das kyis phyag na rdo rje'i drag sngags 'di gsungs so// gsang bdag thems gsum shes par bya// de re yan lag gsum 'gyur te// zab mo man ngag drag po gsum/ / drag sngags lnga la rim bzhin sbyar// rdzas ni mchod gtad gsad pa gsum// ting 'dzin rang dang khyad par gnyis// dkyil 'khor rnam gsum rten la bsgrub// drag po ngan sngags kyi bshad rgyud las/ phyag na rdo rje drag po ngan sngags gsum bstan pa'i le'u ste bcu gcig pa'o//// de nas bcom ldan 'das kyi ye shes khyung gi ngan sngags 'di gsungs so// pho mo las kyis dbye ba yi/ khyung gi thems gsum shes par bya/ / de re yan lag gsum 'gyur te// rdzas ni mchod gtad gsad dang gsum// ting 'dzin rang dang khyad par gnyis// dkyil 'khor rnam gsum bsten la bsgrub// drag po ngan sngags kyi bshad rgyud las/ ye shes khyung gi ngan sngags kyi le'u ste bcu gnyis pa'o//// de nas bcom ldan 'das kyis sems can gso ba'i las 'di gsungs so// gso ba rnam pa bzhi yin te// rdzas dang sngags dang ting nge 'dzin/ / rkang pa'i rdzas kyis gso ba'o// rdzas ni khus 'debs sbyor ba ste// bsrung rdzas gsad rdzas gso ba'i rdzas// sdug sbyin rdzas dang gsad pa'i rdzas// phyi rdzas nang rdzas mthar thug rdzas/ / gnyen po'i rdzas dang 'brel ba'i rdzas// shi ri log gi rdzas brgyad de// gong gi rdzas rnams bcu bcur 'gyur// rdzas ni brgya rtsa brgyad du bstan// sngags ni sde drug las dang bcas// gsang sngags rig sngags gsungs pa dang/ / snying po las su bstan pa la// bod thabs rnam pa bzhir 'gyur ro// de las che bas brjod las 'das// ting 'dzin rnam pa gnyis su bstan// mtshan chas dang ni mtshan med do// re re yan lag rnam gnyis te/ / rten pa dang ni rten med do// bsgang ba'i rdzas kyis gso ba ni// rang rang rgyud sde mtha' dag blta// spyi yi bum pa'i sbyor ba ni// chu dang 'o ma sman gsang khrus// bum pa phyi nang gsang ba gsum/ / gso ba'i las su bstan pa yin// drag po ngan sngags kyi bshad rgyud las/ gso ba'i las bshad pa'i le'u ste bcu gsum pa'o//// de nas bcom ldan 'das ldan kyis che mchog he ru ka'i chu 'khyags kyi las 'di gsungs so/ / dbab thabs rnam pa bzhi yin te// bsgrub pas bcun gyis dbab pa dang// mtha' rgya zor gyis dbab pa dang// rnal 'byor thabs kyis dbab pa dang// sbyor ka las kyis dbab pa'o/ / bsgrub pas bcun la gnyis yin te// bsgrub pa dang ni 'brel ba'o// sngags la rnam pa bzhi yin te// thems dang 'khrul dang ar gzhung dang// rdzas ni rnam pa bzhi ru bstan// bsgrub dang rnol dang sbyor rdzas bzhi/ / ting 'dzin gsal ba gsum dang ldan// de yis skyin thang gdon mi za// drag po ngan sngags kyi bshad rgyud las// che mchog he ru ka'i ser ba dbab pa'i le'u ste bcu bzhi pa'o/ /// de nas bcom ldan 'das kyis pad+ma dbang chen gyi chu 'khyags kyi las 'di gsungs so// dbab pa bzhi dang sngags thems bzhi// rdzas bzhi ting 'dzin gsal gsum ldan// de yis skyin thang gdon mi za/ / drag po ngan sngags kyi bshad rgyud las/ pad+ma dbang chen gyi ser ba dbab pa'i le'u ste bco lnga pa'o//// de nas bcom ldan 'das kyis phur pa'i chu 'khyags kyi las 'di gsungs so// dbab thabs bzhi dang sngags thems ba zhi/ / rdzas bzhi ting 'dzin gsal gsum ldan// drag po ngan sngags kyi bshad rgyud las/ phur pa'i ser ba dbab pa'i le'u ste bcu drug pa'o//// de nas bcom ldan 'das kyis khro bcu'i chu 'khyags kyi las 'di gsungs so/ / dbab thabs bzhi dang sngags thabs bzhi// rdzas bzhi ting 'dzin gsal gsum ldan// drag po ngan sngags kyi bshad rgyud las/ khro bcu'i ser ba dbab pa'i le'u ste bcu bdun pa'o/ /// de nas bcom ldan 'das kyis gshin rje gshed kyi ser ba dbab pa'i las 'di gsungs so// dbab thabs bzhi dang sngags thems bzhi// rdzas bzhi ting 'dzin gsal gsum ldan/ / drag po ngan sngags kyi bshad rgyud las/ gshin rje gshed kyi ser ba dbab pa'i le'u ste bco brgyad pa'o//// de nas bcom ldan 'das kyis gsang ba'i bdag po'i chu 'khyags dbab pa 'di gsungs so/ / dbab thabs bzhi dang sngags thems bzhi// rdzas bzhi ting 'dzin gsal gsum ldan// drag po ngan sngags kyi bshad rgyud las/ phyag na rdo rje'i ser ba dbab pa'i le'u ste bcu dgu pa'o//// de nas bcom ldan 'das kyis ye shes khyung gi chu 'khyags kyi las 'di gsungs so/ / dbab thabs bzhi dang sngags thems bzhi/ rdzas bzhi ting 'dzin gsal gsum ldan// drag po ngan sngags kyi bshad rgyud las// ye shes khyung gi ser ba dbab pa'i le'u ste nyi shu pa'o/ /// de nas bcom ldan 'das kyis thog gi las 'di gsungs so// bsgrub lugs gsum dang lngags thems bzhi// rdzas gsum ting 'dzin gsal gsum ldan/ / drag po ngan sngags kyi bshad rgyud las/ che mchog gi thog dbab pa'i le'u ste nyer gcig pa'o//// de nas yang dag bshad bya ba// pad+ma dbang gi thog chen ni// bsgrub lugs gsum la sngags thems bzhi/ / rdzas gsum ting 'dzin gsal gsum ldan// drag po ngan sngags kyi bshad rgyud las/ pad+ma dbang chen gyi thog dbab pa'i le'u ste nyer gnyis pa'o//// de nas yang dag bshad bya ba// rdo rje phur pa'i thog chen ni/ / bsgrub lugs gsum la sngags thems zhi// rdzas gsum ting 'dzin gsal gsum ldan// drag po ngan sngags kyi bshad rgyud las// rdo rje phur pa'i thog dbab pa'i le'u ste nyer gsum pa'o/ /// de nas yang dag bshad bya ba/ khro bcu thog chen dbab pa ni// bsgrub lugs gsum la sngags thems bzhi// rdzas gsum ting 'dzin gsal gsum ldan// drag po ngan sngags kyi bshad rgyud las/ khro bcu thog dbab pa'i le'u ste nyer bzhi pa'o/ /// de nas yang dag bshad bya ba// gshin rje gshed kyi thog can dbab// bsgrub lugs gsum la sngags thems bzhi// rdzas gsum ting 'dzin gsal gsum ldan/ / drag po ngan sngags kyi bshad rgyud las/ gshin rje gshed kyi thog dbab pa'i le'u ste nyer lnga pa'o//// de nas yang dag bshad bya ba// gsang ba'i bdag po'i thog chen ni// bsgrub lugs gsum la sngags thems bzhi/ / rdzas gsum ting 'dzin gsal gsum ldan// drag po ngan sngags kyi bshad rgyud las/ phyag na rdo rje'i thog dbab pa'i le'u ste nyer drug pa'o//// de nas yang dag bshad bya ba// ye shes khyung gi thog chen ni/ / bsgrub lugs gsum la sngags thems bzhi// rdzas gsum ting 'dzin gsal gsum ldan// drag po ngan sngags kyi bshad rgyud las/ ye shes khyung gi thog dbab pa'i le'u ste nyer bdun pa'o/ /// de nas bcom ldan 'das kyis thog ser bcad pa'i las 'di gsungs so// gcad thabs rnam pa gnyis yin te// mngal ser rgyal ser rnam gnyis so// mngal ser phur pa lkog mo dang// mchod rten rdzas brgyad sbyor ba bya/ / nyi shu rtsa gcig rdzas dang ldan// rgyal ser rnam pa bzhi ru bstan// zhe sdang go bral nga rgyal bcag/ ltong med mda' 'phang 'dod chags spang// bla bcang srin gnan gnang la dbab/ / drag po ngan sngags kyi bshad rgyud las/ thor ser gcad pa'i le'u ste nyer brgyad pa'o//// de nas yang dag bshad bya ba// sgrol ba'i dbang bskur bshad par bya// nus pa sems dang shes par don/ / bya ba las kyi dbang rnams bskur// sngags dang sngags bdag ma bral ba'o// de la byin brlabs rnam gsum bya// gdams ngag rnam gsum mchod par bcad// drag po ngan sngags kyi bshad rgyud las/ dbang bskur byin gyis brlab pa dang man ngag gi gnang ba gnod pa'i le'u ste nyer dgu pa'o//// de nas yang bcom ldan 'das kyis 'jig rten pa'i ma mo'i ngan sngags 'di gsungs so// ma mo'i thems gsum shes par bya/ / re re yan lag gsum dang ldan// zab mo man ngag drag po gsum// rdzas ni mchod gtad gsad pa gsum// ting 'dzin rang dang khyad par gnyis// dkyil 'khor rnam gsum bsten la bsgrub/ / drag po ngan sngags kyi bshad rgyud las/ ma mo'i ngan sngags bstan pa'i le'u ste sum bcu pa'o//// de nas yang dag bshad bya ba// gtso mo thems gsum shes par bya// bsgrub lugs bzhi la las bdun te/ / bsad dang gso dang dbab dang bcad// gnan dang gzir dang cho 'phrul la// bzlas dang bsdeb ni shes par bya// drag po ngan sngags kyi bshad rgyud las/ gtso mo lnga'i sngags kyi le'u ste so gcig pa'o/ /// de nas yang dag bshad bya ba// thog gi bu yug ngan sngags bstan// rten gsum dag la bsgrub lugs gsum// man ngag rdzogs pa'i sbyor ba bya// drag po ngan sngags kyi bshad rgyud las/ thog gi bu yug gsum gyi sbyor ba'i ngan sngags kyi le'u ste so gnyis pa'o//// de nas yang dag bshad bya ba// e ka dza ti'i ngan sngags ni// bsgrub lugs rnam pa gsum po la// man ngag rdzogs pa'i sbyor ba bya/ / drag po ngan sngags bshad rgyud las// e ka dza ti'i ngan sngags kyi le'u ste so gsum pa'o//// denas yang dag bshad bya ba// dkar smug nag mo gsum po ni// bsgrub lugs gsum gsum dbye bar bya/ / man ngag rdzogs pa'i sbyor ba bya// drag po ngan sngags kyi bshad rgyud las/ dkar smug nag mo gsum gyi ngan sngags kyi le'u ste so bzhi pa'o//// de nas yang dag bshad bya ba// lha mo nag mo re ma ti'i ngan sngags bstan/ / bsgrub lugs rnam pa gsum shes bya// man ngag rdzogs pa'i sbyor ba bya// drag po ngan sngags kyi bshad rgyud las/ lha mo nag mo re ma ti'i ngan sngags kyi le'u ste so lnga pa'o//// de nas yang dag bshad bya ba/ kha rag srin mo bal mo gsum// nag mo phung gsum dam can rnams// bsgrub lugs drug la rten nas ni// ma mo dbye gsal byas nas kyang// man ngag rdzogs pa'i sbyor ba bya// drag po ngan sngags kyi bshad rgyud las/ nag mo yab yum 'khor bcas kyi ngan sngags bstan pa'i le'u ste so drug pa'o//// de nas yang dag bshad bya ba// gza' gdong yab yum mi sring gi/ bsgrub lugs bzhi la brten nas ni/ / bcu drug gsang ba'i sbyor ba rnams// man ngag rdzogs pa'i sbyor ba bya// drag po ngan sngags kyi bshad rgyud las/ gza' gdong ming sring yab yum 'khor bcas kyi ngan sngags gtan la dbab pa'i le'u ste so bdun pa'o/ /// de nas yang dag bshad bya ba// bse yi lha mo bzhi rnams la// bsgrub lugs bzhi la gzugs bzhir snang// phyag brnyan g.yog 'khor bcas pa yin// man ngag rdzogs pa'i sbyor bar bya/ / drag po ngan sngags kyi bshad rgyud las/ bse mo bzhi'i ngan sngags kyi le'u ste so brgyad pa'o//// de nas yang dag bshad bya ba// ma mo spyi yi man ngag bstan// skyon spangs yon tan bcu bzhi ldan/ / dam tshig la sogs kun la yang// yan lag gsum gsum kun la brtsi// drag po ngan sngags kyi bshad rgyud las/ ma mo spyi'i ngan sngags kyi le'u ste so dgu pa'o//// de nas yang dag bshad bya ba/ / las kyi gshin rje'i drag sngags ni// bsgrub lugs gsum la gang brten nas// man ngag rdzogs pa'i sbyor ba bya// sbyor ba nyi shu rtsa gcig ni// drag po ngan sngags kun la brtsi// drag po ngan sngags kyi bshad rgyud las/ las kyi gshin rje'i ngan sngags bstan pa'i le'u ste bzhi bcu pa'o//// de nas yang dag bshad bya ba// dbang phyug chen po yab yum la// yab la gsum la yum la drug/ bsgrub pa legs par dbye bar bya/ / man ngag rdzogs pa'i sbyor ba bya// drag po ngan sngags kyi bshad rgyud las/ dbang phyug chen po yab yum gyi ngan sngags bstan pa'i le'u ste zhe gcig pa'o//// de nas yang dag bshad bya ba/ / legs ldan nag po chen po yi// bsgrub lugs drug la brten pa la// man ngag rdzogs pa'i sbyor ba bya// drag po ngan sngags kyi bshad rgyud las/ legs ldan nag po ngan sngags kyi le'u ste zhe gnyis pa'o/ /// de nas yang dag bshad bya ba// ya bdud me yi kha rlangs can// bsgrub lugs lnga la gang brten pa'i// man ngag rdzogs pa'i sbyor ba bya// bdud nag mo yi kha rlangs can// de la gsang gsum sbyor ba brtsam/ / drag po ngan sngags kyi bshad rgyud las/ ya bdud me'i kha rlangs can gyi ngan sngags kyi le'u ste zhe gsum pa'o//// de nas yang dag bshad bya ba// srog bdag dkar po snying 'byin gyi// bsgrub lugs lnga la bsten nas ni/ / man ngag rdzogs pa'i sbyor ba bya// drag po ngan sngags kyi bshad rgyud las/ srog bdag dkar po'i ngan sngags kyi le'u ste zhe bzhi pa'o//// de nas yang dag bshad bya ba// gyad kyi gtso mo zhes bya ba'i/ / bsgrub lugs bzhi la brten nas ni// man ngag rdzogs pa'i sbyor ba bya// drag po ngan sngags kyi bshad rgyud las// bar snang khams kyi lha 'dre chen po bsgrub pa'i ngan sngags kyi le'u ste zhe lnga pa'o/ /// de nas yang dag bshad bya ba// ging chen rdo rje legs pa yi// drag po ngan sngags bstan pa ni// bsgrub lugs bdun la gang bsten pa'i// man ngag rdzogs pa'i sbyor ba bya// drag po ngan sngags kyi bshad rgyud las/ / ging chen rdo rje legs pa'i ngan sngags kyi le'u ste zhe drug pa'o//// de nas yang dag bshad bya ba// dregs pa lha srin sde brgyad kyi// bsgrub lugs bzhi la gang brten pa/ / man ngag rdzogs pa'i sbyor ba bya// drag po ngan sngags kyi bshad rgyud las// dregs pa sde brgyad kyi ngan sngags kyi le'u ste zhe bdun pa'o//// de nas yang dag bshad bya ba// 'chi bdag nag po mgo dgu pa'i/ / bsgrub lugs bzhi la gang brten pa'i// man ngag rdzogs pa'i sbyor ba bya// drag po ngan sngags kyi bshad rgyud las/ 'chi bdag nag po mgo dgu pa'i ngan sngags kyi le'u ste zhe brgyad pa'o//// de nas yang dag bshad bya ba/ / dregs pa rnams kyi rdzas bstan pa// mi ldog mi 'khu dam la gnas// rten rdzas mchod rdzas las kyi rdzas// bsrung rdzas gso rdzas gzir ba'i rdzas// bsdus pas rnam pa dgu ru 'gyur/ / ting 'dzin sbyor ba de dang 'dra// drag po ngan sngags kyi bshad rgyud las/ rdzas dang ting 'dzin bstan pa'i le'u ste zhe dgu pa'o//// de nas yang dag bshad bya ba// sngags kyi drod tshad bstan pa ni/ / lha yi drod tshad bstan pa dang// yi dwags bgegs kyi drod tshad do// dang po bgegs kyi rtags 'byung ste// rmi lam nyams dang dngos su snang// re re la yang gsum gsum ste// g.yo dang thob dang bstan pa gsum/ / g.yo ba dang po bar mtha' gsum// lha yi drod tshad rtags bstan pa// byin rlabs rmi lam lha rtags gsum// re re la yang gsum gsum ste// g.yo dang thob dang brtan pa gsum// nor ba dang ni ma nor gnyis/ / phyi dang nang dang gnyis su bstan// re re la yang gsum gsum 'gyur// lha la 'khor dang gtso bo gnyis// gtso bo g.yo rtags drod rtse mo// gtso bo thob mthong rmi lam mo// gtso bo bstan pa chos kyi sku/ / drag po ngan sngags bstan pa yi// stong dang khri dang 'bum du grags// dus ni bdun nam bcu zhi 'am// nyi shu gcig tu bzlas par bya// lo yi grangs dang zhag grangs so// drag po ngan sngags kyi bshad rgyud las/ drod tshad bstan pa'i le'u ste lnga bcu pa'o//// de nas yang dag bshad bya ba// 'jig rten 'das dang 'jig rten pa'i// ngan sngags dmod mo gang byed kyang/ kha sbyor rnam gsum sbyor ba yi// nyams pa lha dang dbral bar bya/ / drag po ngan sngags kyi bshad rgyud las/ kha sbyor rnam gsum gyi le'u ste lnga gcig pa'o//// de nas yang dag bshad bya ba// che mchog he ru ka'i 'khrul 'khor bshad// rdzas dang sngags dang ting 'dzin gyis/ / 'khrul 'khor rnam gsum bskor ba bya// rdzas kyi 'khrul 'khor phyi nang gsum// bsdus dang rgyas dang 'bring dang gsum// nam mkha' bar snang sa gsum// sngags ni gsang don dgu bcu'o/ / ting 'dzin sbyor ba rdzas dang 'dra// drag sngags dus su lcags khang bca'// rten 'brel skye bzhi rten dang bcas// mi thar sgo med lcags khang 'dra// gsum 'gyur gsum pa'i khang pa ni/ / sngags kyi rten du bshad pa yin// drag po ngan sngags kyi bshad rgyud las/ che mchog he ru ka'i 'khrul 'khor bskor ba dang drag sngags bca' ba'i le'u ste nga gnyis pa'o//// de nas yang dag bshad bya ba/ / gtso 'khor 'khrul 'khor bskor ba ni// rdzas dang sngags dang ting 'dzin no// dgu bcu rtsa dgu ting 'dzin dgu// drag sngags lcags khang bca' bar bya// drag po ngan sngags kyi bshad rgyud las/ gtso 'khor 'khrul 'khor bskor ba dang/ lcags khang gi le'u ste nga gsum pa'o//// de nas yang dag bshad bya ba// pad+ma dbang gi 'khrul 'khor bshad// sngags dang rdzas dang ting 'dzin no// dgu bcu rtsa dgu'i ting 'dzin sgul/ / drag sngags lcags khang bca' bar bya// drag po ngan sngags kyi bshad rgyud las/ dbang gi 'khrul 'khor dang lcags khang bca' ba'i le'u ste nga bzhi pa'o//// de nas yang dag bshad bya ba/ / rdo rje phur pa'i 'khrul 'khor bshad// rdzas dang sngags dang ting 'dzin no// dgu bcu rtsa dgu'i ting 'dzin dgu// drag sngags lcags khang bca' bar bya// drag po ngan sngags kyi bshad rgyud las/ rdo rje phur pa'i 'khrul 'khor bskor ba dang lcags khang bca' ba'i le'u ste nga lnga pa'o/ /// de nas yang dag bshad bya ba// khro bo bcu yi 'khrul 'khor bshad// rdzas dang sngags dang ting 'dzin no// dgu bcu rtsa dgu'i ting 'dzin dgu/ / drag sngags lcags khang bca' bar bya// drag po ngan sngags kyi bshad rgyud las/ khro bo bcu'i 'khrul 'khor bskor ba dang lcags khang bca' ba'i le'u ste nga drug pa'o//// de nas yang dag bshad bya ba/ / 'jam dpa' sku yi 'khrul 'khor bshad// rdzas dang sngags dang ting 'dzin no// dgu bcu rtsa dgu'i ting 'dzin dgu// drags sngags lcags khang bca' bar bya// drag po ngan sngags kyi bshad rgyud las/ 'jam dpal sku'i 'khrul 'khor bskor ba dang lcags khang bca' ba'i le'u ste nga bdun pa'o//// de nas yang dag bshad bya ba// 'jam dpal gsung gi 'khrul 'khor bca'// rdzas dang sngags dang ting 'dzin no/ / dgu bcu rtsa dgu'i ting 'dzin dgu// drag sngags lcags khang bca' bar bya// drag po ngan sngags kyi bshad rgyud las// 'jam dpal gsung gi 'khrul 'khor bskor ba dang lcags khang bca' ba'i le'u ste nga brgyad pa'o/ /// de nas yang dag bshad bya ba// 'jam dpal thugs kyi 'khrul 'khor bshad// rdzas dang sngags dang ting 'dzin no// dgu bcu rtsa dgu'i ting 'dzin dgu// drag sngags lcags khang bca' bar bya/ / drag po ngan sngags kyi bshad rgyud las/ 'jam dpal thugs kyi 'khrul 'khor bskor ba dang lcags khang bca' ba'i le'u ste nga dgupa'o//// de nas yang dag bshad bya ba// 'jam dpal yon tan 'khrul 'khor bshad/ / rdzas dang sngags dang ting 'dzin no// dgu bcu rtsa dgu'i ting 'dzin dgu/ drag sngags lcags khang bca' bar bya// drag po ngan sngags kyi bshad rgyud las// 'jam dpal yon tan gyi 'khrul 'khor bskor ba dang lcags khang bca' ba'i le'u ste drug bcu tham pa'o/ /// de nas yang dag bshad bya ba// 'jam dpal 'phrin las 'khor lo bshad// rdzas dang sngags dang ting 'dzin no/ / dgu bcu rtsa dgu'i ting 'dzin dgu// drag sngags lcags khang bca' bar bya// drag po ngan sngags kyi bshad rgyud las/ 'jam dpal 'phrin las kyi 'khor lo bskor ba'i le'u ste re gcig pa'o//// de nas yang dag bshad bya ba/ / gsang bdag lha yi 'khrul 'khor bshad// rdzas dang sngags dang ting 'dzin no// dgu bcu rtsa dgu'i ting 'dzin dgu// drag sngags lcags khang bca' bar bya// drag po ngan sngags kyi bshad rgyud las/ phyag na rdo rje sku'i 'khor lo bskor ba dang lcags khang bca' ba'i le'u ste re gnyis pa'o//// de nas yang dag bshad bya ba// gsang bdag gsung gi 'khor lo bshad// sngags dang rdzas dang ting 'dzin no/ / dgu bcu rtsa dgu'i ting 'dzin dgu// drag sngags lcags khang bca' bar bya// drag po ngan sngags kyi bshad rgyud las/ phyag na rdo rje gsung gi 'khrul 'khor bskor ba dang lcags khang bca' ba'i le'u ste re gsum pa'o/ /// de nas yang dag bshad bya ba// gsang bdag thugs kyi 'khrul 'khor bshad// rdzas dang sngags dang ting 'dzin no// dgu bcu rtsa dgu'i ting 'dzin dgu// drag sngags lcags khang bca' bar bya/ / drag po ngan sngags kyi bshad rgyud las/ phyag na rdo rje thugs kyi 'khrul 'khor bskor ba dang lcags khang bca' ba'i le'u ste re bzhi pa'o//// de nas yang dag bshad bya ba// gsang bdag yon tan 'khrul 'khor bshad/ / rdzas dang sngags dang ting 'dzin no// dgu bcu rtsa dgu'i ting 'dzin dgu// drag sngags lcags khang bca' bar bya// drag po ngan sngags kyi bshad rgyud las/ phyag na rdo rje yon tan 'khrul 'khor bskor ba dang lcags khang bca' ba'i le'u ste re lnga pa'o/ /// de nas yang dag bshad bya ba// gsang bdag 'phrin las 'khor lo bshad// rdzas dang sngags dang ting 'dzin no// dgu bcu rtsa dgu ting 'dzin dgu/ / drag sngags lcags khang bca' bar bya// drag po ngan sngags kyi bshad rgyud las/ phyag na rdo rje 'phrin las kyi 'khor lo bskor ba dang lcags khang bca' ba'i le'u ste re drug pa'o/ /// de nas yang dag bshad bya ba// ye shes khyung chen 'khrul 'khor bshad// pho mo bye brag shes par bya// rdzas dang sngags dang ting 'dzin no// dgu bcu rtsa dgu'i ting 'dzin dgu// drag sngags lcags khang bca' bar bya/ / drag po ngan sngags kyi bshad rgyud las/ bya khyung 'khrul 'khor bskor ba dang drag sngags lcags khang ba bca' ba'i le'u ste re bdun pa'o//// de nas yang dag bshad bya ba// ma mo'i 'khrul 'khor bskor bar bya/ / bdag gzhan sngags kyi tshad ma brtsi// bdag gzhan sngags kyi dbye ba ni// bdag la snang ba gsum yin te// gzhan la snang ba bzhi ru sbyar// sngags la gsum la gcig bcur brtsi/ / thun gyi man ngag bzhi dang sbyar// tshad ma rnam pa bcu po la// gzhan la ci rigs sbyar bar bya// drag po ngan sngags kyi bshad rgyud las/ ma mo 'khrul 'khor bskor ba'i le'u ste re brgyad pa'o//// de nas yang dag bshad bya ba/ / gtso mo lnga yi 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las/ gtso mo lnga'i 'khor lo bskor ba'i le'u ste re dgu pa'o//// de nas yang dag bshad bya ba/ / thog gi bu yug 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las/ thog gi bu yug 'khor lo bskor ba'i le'u ste bdun cu tham pa'o/ /// de nas yang dag bshad bya ba// e ka dza ti'i 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las// e ka dza ti'i 'khor lo bskor ba'i le'u ste don gcig pa'o/ /// de nas yang dag bshad bya ba// dkar smug nag mo gsum gyis 'khor lo bskor// bdag gzhan ngan sngags tshad ma brtsi// drag po ngan sngags kyi bshad rgyud las// ma mo dkar smug nag mo gsum gyi 'khor lo bskor ba'i le'u ste don gnyis pa'o/ /// de nas yang dag bshad bya ba// lha mo nag mo'i 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las/ / lha mo nag mo'i 'khor lo bskor ba'i le'u ste don gsum pa'o//// de nas yang dag bshad bya ba// bdud nag kha rag bkrag med kyi// drag po 'khor lo bskor bar bya// bdag gzhan sngags kyi tshad ma brtsi/ / drag po ngan sngags kyi bshad rgyud las/ kha rag nag mo bkrag med kyi 'khor lo bskor ba'i le'u ste don bzhi pa'o//// de nas yang dag bshad bya ba/ kha 'dar nag mo'i 'khoralo bskor/ / bdag gzhan sngags kyi tshad ma brtsi// drag po ngan sngags kyi bshad rgyud las/ kha 'dar nag mo'i 'khor lo bskor ba'i le'u ste don lnga pa'o//// de nas yang dag bshad bya ba// bal mo spun gsum 'khor lo bskor/ / bdag gzhan sngags kyi tshad ma brtsi// drag po ngan sngags kyi bshad rgyud las// bal mo spun gsum gyi 'khor lo bskor ba'i le'u ste don drug pa'o//// de nas yang dag bshad bya ba/ / nag mo phung gsum gyis 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las// nag mo phung gsum gyi 'khor lo bskor ba'i le'u ste don bdun pa'o/ /// de nas yang dag bshad bya ba// glog 'phreng nag mo'i 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las// glog 'phreng nag mo'i 'khor lo bskor ba'i le'u ste don brgyad pa'o/ /// de nas yang dag bshad bya ba// sbal mgo khrag mig 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las// sbas mgo khrag mig ma'i 'khor lo bskor ba'i le'u ste don dgu pa'o/ /// de nas yang dag bshad bya ba// gza' bdud chen po'i 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las/ gza' mchog chen po'i 'khor lo bskor ba'i le'u ste brgyad bcu tham pa'o//// denas yang dag bshad bya ba// gdong mo bzhi yi 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las/ gdong mo bzhi yi 'khor lo bskor ba'i le'u ste gya gcig pa'o//// de nas yang dag bshad bya ba// bse mo bzhi yi 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las/ bse mo bzhi yi 'khor lo bskor ba'i le'u ste gya gnyis pa'o//// de nas yang dag bshad bya ba// las kyi gshin rje sku yi 'khor lo bskor// bdag gzhan sngags kyi tshad ma brtsi/ / gshed ma bdud bslang 'chi bdag 'khor lo bskor// drag po ngan sngags kyi bshad rgyud las// las kyi gshin rje sku'i 'khor lo bskor ba'i le'u ste gya gsum pa'o//// de nas yang dag bshad bya ba/ / las kyi gshin rje gsung gi 'khor lo bskor// bdag gzhan sngags kyi tshad ma brtsi// las kyi gshin rje gsung gi 'khor lo bskor ba'i le'u ste gya bzhi pa'o//// de nas yang dag bshad bya ba// las kyi gshin rje thugs kyi 'khor lo bskor/ / bdag gzhan sngags kyi tshad ma brtsi// drag po ngan sngags kyi bshad rgyud las/ las kyi gshin rje thugs kyi 'khor lo bskor ba'i le'u ste gya lnga pa'o//// de nas yang dag bshad bya ba/ / las kyi gshin rje yon tan 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las/ las kyi gshin rje yon tan gyi 'khor lo bskor ba'i le'u ste gya drug pa'o/ /// de nas yang dag bshad bya ba// las kyi gshin rje 'phrin las 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las/ las kyi gshin rje 'phrin las kyi 'khor lo bskor ba'i le'u ste gya bdun pa'o/ /// de nas yang dag bshad bya ba// rtsa ba gcig dril 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las/ / las kyi gshin rje gcig tu dril ba'i 'khor lo bskor ba'i le'u ste gya brgyad pa'o//// de nas yang dag bshad bya ba// dbang phyug chen po'i 'khor lo bskor// bdag gzhan sngags kyi tshad ma brtsi/ / drag po ngan sngags kyi bshad rgyud las/ dbang phyug chen po'i 'khor lo bskor ba'i le'u ste gya dgu pa'o//// de nas yang dag bshad bya ba// mgon po legs ldan nag po'i 'khor lo bskor// bdag gzhan sngags kyi tshad ma brtsi/ / drag po ngan sngags kyi bshad rgyud las/ nag po 'khor lo bdun pa bskor ba'i le'u ste dgu bcu tham pa'o//// de nas yang dag bshad bya ba// ya bdud me yi kha rlangs can/ / 'khor lo drug tu bskor bar bya'o// bdag gzhan sngags kyi tshad ma brtsi// drag po ngan sngags kyi bshad rgyud las/ bdud nag po me yi kha rlangs can gyi 'khor lo bskor ba'i le'u ste go gcig pa'o/ /// de nas yang dag bshad bya ba// srog bdag rgyal po'i 'khor lo bskor// bdag gzhan sngags kyi tshad ma brtsi// drag po ngan sngags kyi bshad rgyud las/ srog bdag srid pa'i rgyal po'i 'khor lo bskor ba'i le'u ste go gnyis pa'o/ /// de nas yang dag bshad bya ba// srog bdag dmar po'i 'khor lo bskor// bdag gzhan sngags kyi tshad ma brtsi// drag po ngan sngags kyi rgyud las// srog bdag dmar po'i 'khor lo bskor ba'i le'u ste go gsum pa'o/ /// de nas yang dag bshad bya ba// ging chen rdo rje legs pa'i cho ga bshad// bdag gzhan sngags kyi tshad ma brtsi// drag po ngan sngags kyi bshad rgyud las/ ging chen rdo rje legs pa'i 'khor lo bskor ba'i le'u ste go bzhi pa'o//// de nas yang dag bshad bya ba// dregs pa lha srin sde brgyad kyi// drag tu 'khor lo bskor bar bya// bdag gzhan sngags kyi tshad ma brtsi/ / drag po ngan sngags kyi bshad rgyud las/ dregs pa lha srin sde brgyad kyi 'khor lo bskor ba'i le'u ste go lnga pa'o//// de nas yang dag bshad bya ba// 'chi bdag rgyal po mgo dgu pa'i// drag po 'khor lo bskor bar bya/ / bdag gzhan sngags kyi tshad ma brtsi// spyir na 'khor lo thams cad la// grub po bzhi bo shes par bya// drag po ngan sngags kyi bshad rgyud las/ 'chi bdag rigs pa'i 'khor lo bskor ba'i le'u ste go drug pa'o/ /// de nas yang dag bshad bya ba// rten can rnams kyi 'khor lo ni// rnam pa gsum du shes par bya// nam mkha' bar snang sa gzhi gsum// thams cad rigs kyis mtshon par bshad/ / rtsibs dang rtsibs rten yig grags bzhi// dran byed gnas su bsgrub bya bri// gab pa mngon du bstan pa'o// drag po ngan sngags kyi bshad rgyud las/ rten gyi 'khor lo sten pa'i le'u ste go bdun pa'o/ /// de nas yang dag bshad bya ba// gal te sngags pa dam can des// mi byar mi 'dod dus byung na// rten can rdzas kyi 'khor lo de// chu mig dgu yi gnas dag tu// klu yi lus ngag yid gsum gyi/ / gnas lugs nges par bstan pa ni// yar ni lus te mar ngag go/ bar na yid kyi gnas ni gnas// rigs dgu kun la mkhas pas bya// 'khor lo bzlog dang 'khyam pa dang// lto bral rtog tu 'khor ba bzhi/ / rtog pa bzhi la 'khyam pa bzhi// lto bral bzhi la 'khor lo bzhi// 'khyam pa 'dren byed man ngag bzhi// lha bral kha sbyor rnam pa bzhi// 'khor ni gshegs pa rnam pa bzhi// 'khor lo rim pa mdor bsdus pa'o/ / rgyas par 'khrul 'khor gtsug lag ni// rgyud sde bco brgyad rgyas par bshad// drag po ngan sngags kyi bshad rgyud las// 'khor lo gtad khram mnan pa'i le'u ste go brgyad pa'o//// de nas yang dag bshad bya ba/ / drag sngags 'khor lo gang bsgrub dang// rdzas ni rnam pa bcu rnams la// gong 'og nor ba dug yin no// sngags ni drag sngags rnams dgu dang// bcu drug 'khrul ba dug yin no// drug bran dbye ba bzhi 'am bcu/ / de las phye bas bzhi brgya lnga bcu// ting 'dzin dug ni gnyis su 'gyur// ye shes bral dang mtshan bcas 'khrul// sngags bzhi rten dang ldan pas dbyung// grogs kyi dug ni gnyis su 'gyur/ / spyi dang khyad par dam nyams pa'o// bgegs kyi dug ni gnyis su 'gyur// rang bzhin bgegs dang rten 'brel bgegs// lnga phyung bas ni rgyan du 'gyur// gzhan yang bsgrub pa gdeng ldan pas// nyon mongs lnga yi dug dbyung zhing/ / man ngag rgyan lnga gdags par bya// re re yan lag bzhi bzhi spags// don dang rtags dang chen po 'grub// spangs pas dngos grub yun du 'byung// drag po ngan sngags kyi bshad rgyud las/ dug lnga dbyung zhing rgyan lnga gdags pa'i le'u ste go dgu pa'o//// de nas yang dag bshad bya ba// drag sngags dam tshig bstan par bya// dam tshig rnam pa gsum yin te// mchog dang thun mongs khyad par ro/ / mchog ni spyi yin thun mong bdun// khyad par rnam pa bcu dgu yin// rang rang rgyud du grags par bshad// drag po ngan sngags kyi bshad rgyud las/ dam tshig bstan pa'i le'u ste brgya tham pa'o/ /// de nas yang dag bshad bya ba// theg pa che la gnas pa dang// bdag don gzhan don bsgrub pa'i phyir// sdig can gnas par 'di ltar bya// bsgral ba rnam pa bzhi yin te// shes pa chos nyid rnam shes mkha'/ / phung po dur khrod rtogs tshogs lha// thun mong rgyud du grags zhes bshad// drag po ngan sngags kyi bshad rgyud las/ sdig can gnas spar gyi le'u ste brgya gcig pa'o//// de nas yang dag bshad bya ba/ / lnga brgya dus kyi snyig ma la// sngags pa nang rgyas byed pa'i dus// lha srin stobs 'gran byed pa'i dus// sngags pa mthu 'gran byed pa'i dus// gcig la gcig smod drag sngags 'gran// de tshe rang bzhin phyag cha bskor/ / rang bzhin rnam pa lngar gyur te// phyi dang nang dang gsang ba dang// gsang chen dang ni sbed pa'i gter// phyi ni rgyang ded gsum pa ste// 'phrog dang gzir dang gsad pa gsum// nang la 'khor lo gsum sbyar te/ / sgrub byed dngas ma snying po gsum// gsad pa drag sngags dgus bskor te// sum 'gyur gsum pa'i drag sngags yin// gsang chen bsnyen bsgrub dgu bskor te// bsnyen dang nye bskor sgrub chen drug/ sbas pa gter ni sgrub pa dgu// sum 'gyur gsum pa'i drag sngags so// de rnams las ni gang byed kyang// dran pa lnga dang bskyed pa lnga// skyes bu lnga yi gnad la dbab// las kyi mtha' gsum rdzogs par sbyar/ / de tshe rang bzhin phyag cha bskor// drag po ngan sngags kyi bshad rgyud las/ rang bzhin phyag cha bskor ba'i le'u ste brgya gnyis pa'o//// de nas yang dag bshad bya ba// drag po'i phyag cha bskor bar bya/ / drag po rnam pa lngas bsgyur te// phyi dang nang dang gsang ba dang// yang gsang dang ni gter du gnas// phyi ni drag po rkyang ded gsum// gsung ba drag po sngags dgu ste// gsang chen drag po bsnyen bsgrub dgu/ / sbas pa drag po dkrug pa dgu// de rnams las ni gang byed kyang// dran pa drug dang bskyed pa drug/ skyes bu drug gis gnad la dbab// las kyi mtha' gsum rdzogs par bya// de tshe drag po'i phyag cha bskor/ / drag po ngan sngags kyi bshad rgyud las/ drag po phyag cha bskor ba'i le'u ste brgya gsum pa'o//// de nas yang dag bshad bya ba// btsan thabs phyag cha bskor bar bya// brtsan thabs rnam pa lnga 'gyur te/ / phyi dang nang dang gsang ba dang// gsang chen dang ni gter du gnas// phyi ni rkyang ded btsan thabs gsum// nang ni btsan thabs 'khor lo gsum// gsang ba btsan thabs sngags dgu ste// gsang chen btsan thabs bsnyen sgrub dgu/ / sbas pa btsan thabs dgug pa dgu// de rnams las ni gang byed kyang// dran pa bdun dang bskyed pa bdun// skyes bu bdun gyis gnad la dbab// las kyi mtha' gsum rdzogs par sbyar/ / de tshe btsan thabs phyag cha bskor// phyag cha yan lag ma tshang na// bskor kyang 'khor ba mi 'gyur ro// drag po ngan sngags kyi bshad rgyud las/ btsan thabs phyag cha bskor ba'i le'u ste brgya bzhi pa'o/ /// de nas yang dag bshad bya ba// drag sngags phyag cha bskor ba'i tshe// dregs pa'i de nyid shes par bya// de nyid ma shes bskor mi nus// dregs pa sbyin dang sgos sgos la// de nyid rnam pa gsum gnas te/ / bskyed pa rgyud dang smin pa 'bras// mtshon cha bskor ba de nyid do// rgyu yi de nyid bstan pa ni// spyi la mi dge bcu gnas te// rgyu ni ma rig sngon du 'byung// mtshan nyid gsum dang ldan pa'o/ / gshin rje gsod gcod dag la bstan// mtshan nyid lnga dang ldan pa'o// ma mo b+ha ga 'dod 'tshon lnga// mtshan nyid bzhi dang ldan pa'o// mu stegs rtag chad bdag nyid de// mtshan nyid gsum dang ldan pa'o/ / bdud ni ma trang las bskyed de// mtshan nyid lnga dang ldan pa'o// bdud mo'i mtshan nyid de dang 'dra// ru tra log lta med las skyes// mtshan nyid gsum dang ldan pa'o// gnod sbyin 'dod sems nor la chags/ / mtshan nyid gsum dang ldan pa'o// gnod sbyin mo yang de dang 'dra// srin mo zhe sdang nal las skyes// srin po dag kyang de dang 'dra// mtshan nyid lnga dang ldan pa'o// rgyal po ser sna bsnol las skyes/ / mtshan nyid lnga dang ldan pa'o// dmu ni byol song gti mug skyes// mtshan nyid gsum dang ldan pa'o// btsan ni nga rgyal chags las skyes// mtshan nyid lnga dang ldan pa'o// the brang zas chags nga rgyal skyes/ / mtshan nyid bzhi dang ldan pa'o// lha ni dregs pa bsod nams skyes// mtshan nyid bdun dang ldan pa'o// 'gong po ser sna zas chags skyes// mtshan nyid dgu dang ldan pa'o// dam sri log lta tshul khrims 'chal/ / mtshan nyid bdun dang ldan pa'o// klu ni zhe sdang tshul khrims 'chal// mtshan nyid drug dang ldan pa'o// drag po ngan sngags kyi bshad rgyud las/ dregs pa'i de nyid bstan pa'i le'u ste brgya lnga pa'o/ /// de nas yang dag bshad bya ba// dregs pa'i bla rdo bshad par bya// dregs pa spyi las lcags sdig pa// gshin rje sdig pa dngos po nyid// ma mo sum lugs mdzo mo'i snying// mu stegs sdig pa ru tra ni/ / thal chen dbang chen dag tu bstan// bdud po bdud mo zangs lcags khab// gnod sbyin pho mo nor bu nyid// de la rten 'brel sbyor bas bsgyur// lha la g.yag lug dkar po'i snying// srin po srin mo snyig pa nyid/ / rgyal po shel rdo btsan mchong dmar// dmu la mthong smug the brang ni// pha wang long bu dag la brten// 'gong po za ser bdag por grags// dam sri 'phreng ba'i bdud 'dzin nam// rus pa dag la brten par gsungs/ / klu gnyan sa bdag rin chen lnga// de ltar bla rdo thams cad kun// rigs kyi mtshams med snying khar sba// drag po ngan sngags kyi bshad rgyud las// dregs pa'i bla rdo bstan pa'i le'u ste brgya drug pa'o/ /// de nas yang dag bshad bya ba// las rnams thams cad bsgrubs pa yi// 'bru gsum las rnams thams cad byed// rang bzhin drag po btsan thabs la// rang bzhin bshor ba'i 'bru gsum dang/ / thog mar rbad la mtha' mar phaT// bar du rlung gi yig 'bru gcig/ rang bzhin skugs kyi 'bru gsum ni// rbad dang phaT kyi thog mtha' ru// rlung gi yi ge gnyis gzhug go/ spogs pa phaT nas rbad la gtugs/ / drag po chu yig btsog pa dang// gnyis ni mgo mtha' sbyor bar bya// btsan thabs sa yi yi ge la// mgo dang mtha' gnyis sbyor bar bya// de ltar drag sngags rnam gsum dang// 'khor ba rtsad gcod yig 'bru dgu/ / gzer dang spu gri nang nas sbyar// gong 'og sdebs dang bcas pas bzlas// dal drag brid bsdigs sngags dang sbyar// drag po ngan sngags kyi bshad rgyud las/ man ngag nyams len 'bru gsum dang 'khor ba rtsad gcod kyi le'u ste brgya bdun pa'o/ /// de nas yang dag bshad bya ba// dgra bgegs rtsad nas gcod pa'i phyir// ngan sngags thun gzer bstan par bya// phyi dang nang dang gsang ba dang/ / gsang chen dang ni gter du gnas// gsum dang bzhi dang lnga dang drug/ bdun gyi bar du shes par bya// bshor dang skugs gzhug spogs pa gsum// bzlog dang rnal ma dkrug pa gsum// ngan sngags thun gzer las su bstan/ / drag po ngan sngags kyi bshad rgyud las/ ngan sngags thun gzer gyi le'u ste brgya brgyad pa'o//// de nas yang dag bshad bya ba// dkon mchog sku dgra gsad pa dang// rnal 'byor sgos dgra gsad pa'i phyir/ / dug lnga gshed du dbab cing bslang// phyi dang nang dang gsang ba dang// gsang chen dang ni sbas pa gter// gsum dang bzhi dang lnga dang drug/ bdun gyi bar du shes par bya/ / bshor dang skugs gzhug spogs pa gsum// bzlog dang rnal ma dkrug pa gsum// dug lnga gshed kyi las su drag po ngan sngags kyi bshad rgyud las// dug lnga gshed du dbab pa dang zla ba'i le'u ste brgya dgu pa'o/ /// de nas yang dag bshad bya ba// dkon mchog sku dgra gsad pa dang// rnal 'byor sgos dgra gsad pa'i phyir// dug gsum gshed du dbab cing bslang// phyi dang nang dang gsang ba dang/ / gsang chen dang ni sbas pa gter// gsum dang bzhi dang lnga dang drug/ bdun gyi bar du shes par bya// bshor dang skugs gzhugs spogs pa gsum// dug gsum gshed kyi las su bstan/ / drag po ngan sngags kyi bshad rgyud las/ dug gsum gshed du dbab cing bslang ba'i le'u ste brgya bcu pa'o//// de nas yang dag bshad bya ba// 'byung ba gshed du dbab cing bslang// dgra bgegs rtsad nas bcad pa'i phyir/ / 'byung ba'i nad sngags rab tu gsang// phyi dang nang dang gsang ba dang// yang dag dang ni gter du gnas// gsum dang bzhi dang lnga dang drug/ bdun gyi bar du shes par bya// bshor dang skugs gzhug spogs pa gsum/ / zlog dang rnal ma dkrug pa gsum// 'byung ba gshed kyi las su bstan// drag po ngan sngags kyi bshad rgyud las/ 'byung ba gshed du dbab pa dang bslang ba'i le'u ste brgya bcu gcig pa'o/ /// de nas yang dag bshad bya ba// dus kyi snyigs ma zad ka ru// sems can bsod nams chung dus na// zhi khro'i dngos grub yal tsam na// dbang chen dngos grub yal tsam na// phur pa'i dngos grub yal tsam na/ / 'jam dpal dngos grub yal tsam na// stobs chen dngos grub yal tsam na/ khyung chen dngos grub yal tsam na/ khro bcu'i dngos grub yal tsam na// ma mo'i dngos grub yal tsam na/ / gshin rje'i dngos grub yal tsam na// sde brgyad dngos grub yal tsam na// sgrol ging dngos grub yal tsam na// de tshe gdab pa drag sngags brdeg/ b+h+yo nas gzung nas rbad la gtugs// rbad nas gzung nas phaT la gtug/ glang dmar ra nas rdzas bdun 'phang// spyir na drag sngags rnam pa gsum// bsgrub dang dmod pa gdab pa gsum// phye bas rnam pa dgu ru 'gyur// drag po ngan sngags kyi bshad rgyud las/ / gdab pa'i ngan sngags kyi le'u ste brgya bcu gnyis pa'o//// de nas yang dag bshad bya ba// drag sngags so thems rgyas pa ni// ming gi byed brag shes par bya// thabs dang shes rab bye brag gi/ ming ni sum cu rtsa gnyis dang/ / bcu drug kla klo'i yi ge brgyan// bskor thabs rnam pa gsum yin te// thabs dang shes rab ma ning gsum// de re yan lag gsum dang ldan// bsnyen bsgrub las la sbyar bar bya// las bzhi gsang ba'i 'khor lor grags/ / drag po ngan sngags kyi bshad rgyud las/ ming gi rtsis kyi le'u ste brgya bcu gsum pa'o//// de nas yang dag bshad bya ba// gnas kyi bye brag shes par bya// spyi yi gnas ni rnam pa gnyis/ / sbags pa gsum na rkang pa gnyis// rdzogs par bya ba'i gnas dag dang// pho dus pho la gnyis su bstan// pho yi pho dang pho yi mo// mo dus mo la gnyis su bstan// mo yi mo dang mo yi pho/ / bzhi yis pho mo gnas su bstan// ma ning gnyis sregs bzhi spags nas// spogs pa lha klu mo'i gnas bstan// drag po ngan sngags kyi bshad rgyud las// gnas bstan pa'i le'u ste brgya bcu bzhi pa'o/ /// de nas yang dag bshad bya ba// sbyar ba'i las su bstan pa ni// 'jig rten las la sbyar ba dang// 'jig rten pa la sbyar ba dang// dme 'khrug dus su sbyar bar dang// mthu 'gran zlog la sbyar ba gnyis/ / thubs gcad kun la sbyar bar bya// zhi rgyas dbang dang drag por sbyar// pho mo ma ning sbyar ba dang// spogs pa lha klu mi bzlog sbyar/ drag po ngan sngags kyi bshad rgyud las// sbyar ba bstan pa'i le'u ste brgya bco lnga pa'o/ /// de nas yang dag bshad bya ba// rgyu yi bye brag shes par bya// rgyu ni brten pa'i rdzas su bstan// thun mong dang ni sems ye shes// pha yi 'khor lo'i rgyu dang ni// ma yi 'khor lo'i rgyu dag dang/ / ma ning rgyu dang gzhan sbyar rgyu// phyi dang nang dang gsang ba'i rgyu// yang gsang sbas pa gter gyi rgyu// drag po ngan sngags kyi bshad rgyud las/ rgyu bsten pa'i le'u ste brgya bcu drug pa'o//// de nas yang dag bshad bya ba/ / lhag pa sbyin pa'i rim pa bshad// lhag pa sbyin pa gnyis yin te// lha yis bstan pa bor ba dang// rten 'brel sngags kyi sbyin pa gnyis// rten gyi yi ge rdzogs pa ni// sum cu rtsa drug ldan pas sbyin/ / drag po ngan sngags kyi bshad rgyud las/ lhag pa dbyung ba'i rim ba ste brgya bcu bdun pa'o//// de nas yang dag bshad bya ba// chad pa bskang ba'i rim pa bshad// chad pa bskang ba gnyis yin te/ / lha yis bstan pa gzhug pa dang// rten 'brel sbyor ba bskang ba gnyis// rten 'brel bskang ba'i rim pa ni// yi ge dbye bsal byas pa ni// sum bcu rtsa bzhi bcu drug bskang// rang gi gsang sngags thems la gtad/ / drag po ngan sngags kyi bshad rgyud las/ chad pa bskang ba'i rim pa ste brgya bco brgyad pa'o//// de nas yang dag bshad bya ba// nor ba bzlog ba'i cho ga bstan// lha yis bzlog pa bstan pa dang/ / rten 'brel bzlog ba'i sbyor ba'o// dbyangs dang gsal byed gnas spos pas// ji ltar nor yang byin rlabs byung// gzhan yag lhag chad nor ba gsum// oM dang AHdang hU~M dang phaT/ rim pa bzhin du dbyung gzhug bya/ / rtags byung rtags med rno rtul dang// bdag la rtsod dang bkra mi shis// de la sbyor ba mkhas pas brdeg/ drag po ngan sngags kyi bshad rgyud las/ nor ba zlog ba'i le'u ste brgya bcu dgu pa'o/ /// de nas yang dag bshad bya ba// dbye ba'i las su bstan pa ni// kang ka dkar po bkra shis brgyad// bai DUr sngon po dbang por grags// ra ga dmar po rig byed grags// in dra ljang khu dbang po grags/ / rdo rje dmar ser dbang bdag ste// rin chen smug pos rig byed bsgyur// pad+ma dkar po bkra shis brgyad// 'khor lo lcags ka dbang po yin// yul brgyad nang na gnas pa ni// zla ba bkra shis yin par grags/ / mig ni dbang bdag yin zhes bstan// yon tan rig byed bstan pa ni// rig byed dbang por bshad pa yin// brda ni bkra shis zhes su bshad// dbang po dbang po'i bdag por 'gyur/ / rgya mtsho dbang por bshad pa yin// bkra shis rig byed ces ni grags// las kyi 'khor lo gang bskor dang// ming des nges par 'khor bar 'gyur// drag po ngan sngags kyi bshad rgyud las/ las dbye ba'i le'u ste brgya nyi shu pa'o/ /// de nas yang dag bshad bya ba// mgo can mgo bcad mgo med gdags// mgo can rnam pa bcu yin la// 'khor lo rdo rje pad+ma dang// tshe bral 'dren pa'i yi ge dang// rnam shes bdud dang lhung byed dang/ / bram ze bzhi yi yi ge dang// rnam pa bcu ni gdags par bya// bcad pa de bcu bcad pa yin// drag po drag sngags kyi bshad rgyud las/ mgo can mgo gcad pa dang mgo med mgo gdags pa'i le'u ste brgya nyer gcig pa'o/ /// de nas yang dag bshad bya ba// 'dug sa spo ba rnam pa gnyis// lha dang sngags la spo ba'o// lha la spo ba gnyis su bstan// dang po gnyis la tha ma gnyis/ / sngags la spo ba lnga ru 'gyur// phyi dang nang dang gsang ba dang// gsang chen dang ni gter du gnas// spyir na rnam pa dgu ru 'gyur// drag po ngan sngags kyi rgyud las// 'dug se gong 'og spo ba'i le'u ste brgya nyer gnyis pa'o/ /// de nas yang dag bshad bya ba// mtha' rten rnams ni gdags par bya// mtha' rten gzhug pa gnyis yin te// lha dang sngags kyi mtha' rten no// lha gzhug pa la gnyis yin te/ / 'jig rten pa dang 'das pa gnyis// sngags la rnam pa gnyis su bshad// drag sngags dang ni bka' sngags gnyis// drag po ngan sngags kyi bshad rgyud las// mtha' rten gzhug pa'i le'u ste brgya nyer gsum pa'o/ /// de nas yang dag bshad bya ba// long pa rgyab sbrel btang ba ni// ye shes lha yi drag sngags la// 'jig rten drag sngags gtang ba ste// btang thabs rnam pa gsum yin te// 'khor lo bskor ba'i rim pa 'dra/ / rten gyis phye bas drug tu 'gyur// thabs kyis phye bas gsum du 'gyur// drag po ngan snga gas kyi bshad rgyud las// long pa rgyab sbrel gtang ba'i le'u ste brgya nyer bzhi pa'o//// de nas yang dag bshad bya ba/ / nyin sribs dbye zhing so rnams gdags// drag po ngan sngags gcig gcig la// las bzhi'i dbye ba shes pa de// nyin sribs dbye zhes bstan pa yin// de yang dbye ba gnyis yin te// ting nge 'dzin dang sngags gnyis so/ / sngags la dbye ba gnyis yin te// rang gis skyur dang gzhan la gdags pa'i sba rnams ni// brgya dang lnga bcu skabs dang sbyar// gcig bsgrub pa la gzhan btags na/ / nyin sribs ma phyed swa btags pas// las rnams 'grub pa ga la 'gyur// drag po ngan sngags kyi bshad rgyud las// nyin sribs dbye zhing swa gdags pa'i le'u ste brgya nyer lnga pa'o//// de nas yang dgas bshad bya ba/ / mang po gcig tu sbam pa ni// rnam pa drug tu shes par bya// rtsa sngags las sngags sdebs dang bcas// phyi nang gsang chen bar dag dang// skabs kyi mang po gcig du sbam// pho mo phye bas bcu gnyis yin/ / drag po ngan sngags kyi bshad rgyud las// mang po gcig tu sbam pa'i le'u ste brgya nyer drug pa'o//// de nas yang bshad bya ba// me chu 'gal ba bsogs par bya// 'gal ba bsogs pa gnyis yin te/ / lha la bsogs dang sngags la bsogs// lha la bsogs pa gnyis las bzhi// sngags las bsogs pa 'byung bzhi sprad// me chu 'gal sogs skabs dang sbyar// rtags gsum nges par 'byung ba ste/ / lugs las 'byung dang snyigs 'byed yin// log par lta dang gsum du bshad// drag po ngan sngags kyi bshad rgyud las/ me chu 'gal ba bsogs pa'i le'u ste brgya nyer bdun pa'o//// de nas yang dag bshad bya ba/ / chol bu kun las btu ba ni// rnam pa gsum du shes par bya// rang las btu dang gzhan las btu// spyi yi rgyud nas btu ba'o// rang las btu ba bzhi las dbye// gzhan las btu ba skabs dang sbyar/ / spyi nas btu ba shin tu bcos// gar btu rang byad nyams dang sbyar// drag po ngan sngags kyi bshad rgyud las// chol bu kun las btu ba'i le'u ste brgya nyer brgyad pa'o//// de nas yang dag bshad bya ba/ / 'ur ba gcig tu dril ba ni// shin tu grags pa bstan pa ste// 'ur ba gcig dril rnam pa lnga// las kyi dbye ba bzhi la sogs// brgya dang lnga bcu skabs dang sbyar// rtags gsum sbyar la skabs kyis 'jug/ bya rog mig ltar las la sbyar// drag po ngan sngags kyi bshad rgyud las// 'ur ba gcig tu dril ba'i le'u ste brgya nyer dgu pa'o//// de nas yang dag bshad bya ba// phyi ni rnam pa bdun yin te/ / nang la bzhir 'gyur gsang ba gsum// gsang chen gnyis yin yang gsang gcig/ bka' bsgrub drag sngags gnyis ka la// mkhas pas thebs lnga sbyar bar bya// sbyor ba lnga yi rim pa sbyor// drag po ngan sngags kyi bshad rgyud las/ thems lnga bstan pa'i le'u ste brgya sum cu pa'o//// de nas yang dag bshad bya ba// kun tu rgyug gi le'u ni// rtsa ba lha dang 'khor lo dang// gnyen po sbyor ba lnga lngar 'gyur// yi ge thugs su gcad pa dang/ / 'greng bu zhabs bskyed spo ba dang// gnam sa yin men bzlog pa dang// kun yang sbyor ba sdeb pa'o// 'greng bu zhabs bskyed bco lnga ste// yi ge thugs can rnam pa lnga/ / gsum bzhi lnga drug bdun du gcad// de yis snying lnga gnad la dbab// gnam sa yi men rtsa zlog gcig/ kun yang sbyor sdeb gnyis su 'gyur// lha dang bdud du nges par sbyar// drag po ngan sngags kyi bshad rgyud las/ kun tu rgyug gi le'u ste brgya so gcig pa'o//// de nas yang dag bshad bya ba// srog gi snying lnga'i rig pa bshad// rnam par shes pa'i snying po dang// sha khrag dang skyed snying po dang// rjes su mthun pa'i snying po dang/ / rang dbang med par gnad la dbab// dam tshig rjes dran snying po dang// rnam shes srog ni gcig yin te// sha khrag dang bskyed bsnyen pa'i sngags// rjes mthun bsgrub pa'i sngags su bstan/ / rang dbang med las spogs pa'i sngags// dam tshig rjes dran las sngags te// rgyal ba'i spyan sngar rang dam bca'// gsang ba'i bka' rgyud ji snyed pa// thams cad kun la shes par bya// drag po ngan sngags kyi bshad rgyud las/ srog snying lnga'i rig pa'i le'u ste brgya so gnyis pa'o//// de nas yang dag bshad bya ba// duM duM khrigs ni rnam pa bdun// lta ba lha dang sngags dang rdzas// ting 'dzing las dang bsgrub bya'o/ / duM duM khrigs ni bdun yin la// gang byed las rnams thams cad la// man ngag thob pas sbyar bar bya// dri med rgyud rnams thams cad la// gtan la phab la spyad par bya// rgyud 'ga' tsam gyi don gyis ni/ / gtan la phebs par ga la 'gyur/ kha cig man ngan ma thob par// rgyud la mngon pa'i nga rgyal smra// drag sngags sbyor ba ma shes par// byin rlabs 'byung bar ga la 'gyur// drag po ngan sngags kyi bshad rgyud las/ / duM duM khrigs bdun dang man ngag gi le'u ste brgya so gsum pa'o//// de nas yang dag bshad bya ba// dar bzhin ye shes sprul ba las// sgrub byed skyes bu chen po lnga// 'khor lo dang ni ling ga dang/ / nyi ma dang ni gshin rje dang// gsang sngags dang ni ting 'dzin dang// phyi dang nang dang gsang ba gsum// rgyu dang ngo bo dgra dang las// rang gi ngo bo dag dang lnga// drag po ngan sngags kyi bshad rgyud las/ 'jam dpal 'khor lo'i tshig don 'grol ba'i le'u ste brgya so bzhi pa'o//// de nas yang dag bshad bya ba// 'khor lo dang ni khro bo dang// nyi ma dang ni ling ga dang// gsang sngags ting 'dzin dag dang drug/ phyi dang nang dang gsang ba gsum// rgyu dang gnas dang bsgral dang las// rang gi ngo bo dag dang lnga// drag po ngan sngags kyi bshad rgyud las/ khro bo'i tshig don dgrol ba'i le'u ste brgya so lnga pa'o/ /// de nas yang dag bshad bya ba// 'khor lo dang ni pad+ma dang// nyi ma dang ni ling ga dang// gsang sngags dag dang ting 'dzin drug/ phyi dang nang dang gsang ba gsum// rgyu dang gnas dang dgra dang las/ / rang gi ngo bo dag dang lnga// drag po ngan sngags kyi bshad rgyud las/ pad+ma'i tshig don dgrol ba'i le'u ste brgya so drug pa'o//// de nas yang dag bshad bya ba// 'khor lo dang ni phur pa dang/ / nyi ma dang ni ling ga dang// gsang sngags ting 'dzin dag dang drug/ phyi dang nang dang gsang ba dang// rgyud dang gnas dang bsgral dang las// rang gi ngo bo dag dang lnga// phur pa'i tshig don dgrol ba'i le'u ste brgya so bdun pa'o/ /// de nas yang dag bshad bya ba// 'khor lo dang ni rdo rje dang// gsang sngags ting 'dzin dag dang drug/ rgyud dang gnas dang sgra dang las// rang gi ngo bo dag dang lnga// drag po ngan sngags kyi bshad rgyud las/ / phyag na rdo rje'i tshig don dgrol ba'i le'u ste brgya so brgyad pa'o//// de nas yang dag bshad bya ba// 'khor lo dang ni bya khyung dang// nyi ma dang ni ling kha dang// gsang sngags ting 'dzin dag dang drug/ phyi dang nang dang gsang ba dang// rgyu dang gnas dang sgra dang las// rang gi ngo bo dag dang lnga// drag po ngan sngags kyi bshad rgyud las// bya khyung gi tshig don dgrol ba'i le'u ste brgya so dgu pa'o/ /// de nas yang dag bshad bya ba// 'khor lo dang ni ma mo dang// nyi ma dang ni ling ga dang// gsang sngags ting 'dzin dag dang drug/ phyi dang nang dang gsang ba dang// rgyu dang gnas dang sgra dang las/ / rang gi ngo bo dag dang lnga// drag po ngan sngags kyi bshad rgyud las/ ma mo'i tshig don dgrol ba'i le'u ste brgya bzhi bcu pa'o//// de nas yang dag bshad bya ba// 'khor lo dang ni las mkhan dang// nyi ma dang ni ling ga dang/ / drag sngags ting nge 'dzin dang drug/ de nas nang dang gsang ba dang// rgyud dang gnas dang sgra dang las// rang gi ngo bo dag dang lnga// drag po ngan sngags kyi bshad rgyud las// 'jig rten las 'das pa'i tshig gi don dgrol ba'i le'u ste brgya zhe gcig pa'o/ /// de nas yang dag bshad bya ba// byas pa bshig pa'i las bya ba// byas pa bshig pa gnyis yin te// phyi bas rnam pa bcu gcig 'gyur/ / bshor dang skugs gzhugs spogs pa gsum// bzlog dang rnal ma dkrug pa gsum// rbad shig phaT/ sdebs sngags bcas pas bshig par bya'o// drag po ngan sngags kyi bshad rgyud las/ byas pa bshig pa'i le'u ste brgya zhe gnyis pa'o/ /// de nas yang dag bshad bya ba// sbyor ba gzhom pa'i las bya ba// sbyor gzhom gnyis la bcu gcig 'gyur// bshor dang skugs gzhug spogs pa gsum// bzlog dang rnam ma dkrug pa gsum/ / rbad nan sad/ sdebs dang bcas pas gzhom par bya// drag po ngan sngags kyi bshad rgyudalas/ sbyor ba gzhom pa'i le'u ste brgya zhe gsum pa'o//// de nas yang dag bshad bya ba/ / zhen pa zlog pa'i las bya ba// zhen pa gnyis las bcu gcig 'gyur// bshor dang skugs gzhug spogs pa gsum// bzlog dang rnal ma dkrug pa gsum// rbad phyung thum ril sa b+h+yo/ sdebs gcas bzlog pa'i las bya'o/ / drag po ngan sngags kyi bshad rgyud las/ zhen pa bzlog pa'i le'u ste brgya zhe bzhi pa'o//// de nas yang dag bshad bya ba// zug par dbyung ba'i las bstan pa// zug pa gnyis las bcu gcig 'gyur/ / bshor dang skugs gzhug spogs pa gsum// zlog dang rnal ma dkrug pa gsum// tig na phaT/ drag po ngan sngags kyi bshad rgyud las// zug pa dbyung ba'i le'u ste brgya zhe lnga pa'o/ /// de nas yang dag bshad bya ba// gnas pa spo ba'i las bstan pa// gnas pa gcig la bcu gcig 'gyur// bshor dang skugs gzhug spogs pa gsum// bzlog dang rnal ma dkrug pa gsum// rbad nan dza/ drag po ngan sngags kyi bshad rgyud las// gnas pa spo ba'i le'u ste brgya zhe drug pa'o//// de nas yang dag bshad bya ba// bcings pa dgrol ba'i las bstan pa// bcings pa gnyis las bcu gcig 'gyur/ / bshor dang skugs gzhug spogs pa gsum// zlog dang rnal ma dkrug pa gsum// rbad phye shag khrol/ drag po ngan sngags kyi bshad rgyud las// bcings pa dgrol ba'i le'u ste brgya zhe bdun pa'o/ /// de nas yang dag bshad bya ba// bka' zlog chen po'i las bstan pa// bka' zlog gnyis la bcu gcig 'gyur// bshor da skugs gzhug spogs pa gsum// bzlog dang rnal ma dkrug pa gsum/ / rbad thum rim b+h+yo/ drag po ngan sngags kyi bshad rgyud las/ bka' zlog chen po bshad pa'i le'u ste brgya zhe brgyad pa'o//// de nas yang dag bshad bya ba// nan la dbab la bstan pa// nan dbab gnyis la bcu gcig 'gyur/ / bshor dang skugs gzhug spogs pa gsum// bzlog dang rnal ma dkrug pa gsum// rbad thum ril nan/ drag po ngan sngags kyi bshad rgyud las/ nan la dbab pa'i le'u ste brgya zhe dgu pa'o/ /// de nas yang dag bshad bya ba// gdul ba'i rim pa bstan pa ni// gdul ba gnyis las bcu gcig 'gyur// bshor dang skugs bzhug spogs pa gsum// zlog dang rnal ma dkrug pa gsum/ / rbad nan nan/ drag po ngan sngags kyi bshad rgyud las// gdul ba'i le'u ste brgya lnga bcu pa'o//// de nas yang dag bshad bya ba// gnod zlog lnga yi las bstan pa// man ngag ma grub bgegs mi thub/ / rkyen 'byung long med glo bur dgra// sbyor ba mkhas pas sbyor bar bya// 'di yi gnan zlog lnga po ni// drag sngags 'ba' zhig sbyor ba ste// bshor ba gsum bya skugs gsum gzhug/ spogs pa gsum bya dkrug pa gsum// de yi sbyor bas las rnams 'grub// drag po ngan sngags kyi bshad rgyud las// gnod zlog lnga'i las bstan pa'i le'u ste brgya nga gcig pa'o//// de nas yang dag bshad bya ba/ kha bcings las su bstan pa ni/ kha bcings gnyis las bcu gcig 'gyur// bshor dang skugs gzhug spogs pa gsum// rbad thabs/ drag po ngan sngags kyi bshad rgyud las/ kha bcings pa'i le'u ste brgya nga gnyis pa'o/ /// de nas yang dag bshad bya ba// rig sngags dbug par bya ba ni// dgug pa gnyis las bcu gcig 'gyur// bshor dang skugs gzhug spogs pa gsum// zlog dang rnal ma dgug pa gsum/ / aM gu sha dza/ drag po ngan sngags kyi bshad rgyud las// rig sngags dbug pa'i le'u ste brgya nga gsum pa'o//// de nas yang dag bshad bya ba// rig sngags bsrung ba'i rim pa ni// bsrung ba gnyis las bcu gcig 'gyur/ / bshor dang skugs gzhug spogs pa gsum// bzlog dang rnal ma dkrug pa gsum// rak+Sha rak+Sha swA hA/ drag po ngan sngags kyi bshad rgyud las/ rig sngags bsrung ba'i le'u ste brgya nga bzhi pa'o/ /// de nas yang dag bshad bya ba// rig sngags mnan par bya ba ni// mnan pa gnyis la bcu gcig 'gyur// bshor dang skugs gzhug spogs pa gsum// zlog dang rnal ma dkrug pa gsum/ / stam pa ya nan/ drag po ngan sngags kyi bshad rgyud las/ rig sngags nan pa'i le'u ste brgya nga lnga pa'o//// de nas yang dang bshad bya ba// rig sngags gzir pa bstan pa ni// gzir ba gnyis la bcu gcig 'gyur/ / bshor dang skugs gzhug spogs pa gsum// zlog dang rnal ma dkrug pa gsum// trig nan/ drag po ngan sngags kyi bshad rgyud las/ rig sngags gzir ba'i le'u ste brgya nga drug pa'o/ /// de nas yang dag bshad bya ba// rig sngags dbang gi las bstan pa// dbang sdud gnyis las bcu gcig 'gyur// bshor dang skugs bzhug spogs pa gsum// bzlog dang rnal ma dkrug pa gsum/ / staM baM baM/ drag po ngan sngags kyi bshad rgyud las/ rig sngags dbang du bya ba'i le'u ste brgya nga bdun pa'o//// de nas yang dag bshad bya ba// rig sngags dral ba'i las bstan pa// dral ba gnyis la bcu gcig 'gyur/ / bshor dang skugs gzhug spogs pa gsum// zlog dang rnal ma dkrug pa gsum// rbad tra thA/ drag po ngan sngagasakyi bshad rgyud las/ rig sngags dral ba'i le'u ste brgya nga brgyad pa'o/ /// de nas yang dang bshad bya ba// drag po zer kha bsgyur ba ni// bsgyur pa gnyis la bcu gcig 'gyur// bshor dang skugs gzhug spogs pa gsum// zlog dang rnal ma dkrug pa gsum/ / ha sgyur/ hU~M sgyur/ ye mo tshol sgyur/ drag po ngan sngags kyi bshad rgyud las// drag po zer ka sgyur ba'i le'u ste brgya nga dgu pa'o//// de nas de nas yang dang bshad bya ba// drag po dmod zor zlog pa ni/ / dmod zor gnyis la bcu gcig 'gyur// bshor dang skugs gzhug spogs pa gsum// zlog dang rnal ma rbad bzlog mA ra ya phaT b+h+yo/ drag po ngan sngags kyi bshad rgyud las// drag po dmod zor zlog pa'i le'u ste brgya drug bcu pa'o/ /// de nas yang dag bshad bya ba// dug rnams dbyung ba'i rim pa bshad// dug dbyung gnyis la bcu gcig 'gyur// bshor dang skugs gzhug spogs pa gsum// bzlog dang rnal ma krug pa gsum/ / sarba ro kha phyung rbad// drag po ngan sngags kyi bshad rgyud las// dug dbyung ba'i le'u ste brgya re gcig pa'o//// de nas yang dag bshad bya ba// byad rnams dgrol ba bstan pa ni// byad dgrol gnyis la bcu gcig 'gyur/ / bshor dang skugs gzhug spogs pa gsum// bzlog dang rnal ma dkrug pa gsum// sarba bya te swA hA/ drag po ngan sngags kyi bshad rgyud las/ byad dgrol ba'i le'u ste brgya re gnyis pa'o/ /// de nas yang dag bshad bya ba// bsrung ma rnam mthar bskyal ba ni// bskal pa gnyis la bcu gcig 'gyur// bshor ba skugs gzhug spogs pa gsum// bzlog dang rnal ma dkrug pa gsum/ / rbad byer phaT// drag po ngan sngags kyi bshad rgyud las/ srung ma rnam thar bskyal ba'i le'u ste brgya re gsum pa'o//// de nas yang dag bshad bya ba// rgyas 'debs las su bstan pa ni// rgyas 'debs gnyis la bcu gcig 'gyur/ / bshor dang skugs gzhug spogs pa gsum// bzlog dang rnal ma dkrug pa gsum// rbad nan dza hU~M baM ho phaT/ drag po ngan sngags kyi bshad rgyud las/ rgyas 'debs kyi le'u ste brgya re bzhi pa'o/ /// de nas yang dag bshad bya ba// zhi ba'i las su bstan pa ni// zhi ba gnyis la bcu gcig 'gyur// bshor dang skugs gzhug spogs pa gsum// zlog dang rnal ma dkrug pa gsum/ / shan ting ku ru swA hA/ drag po ngan sngags kyi bshad rgyud las/ zhi ba'i le'u ste brgya re lnga pa'o//// de nas yang dag bshad bya ba// rgyas pa'i las su bstan pa ni// rgyas pa gnyis la bcu gcig 'gyur/ / bshor dang skugs gzhug spogs pa gsum// bzlog dang rnal ma dkrug pa gsum// puSh+tiM ku ru swA hA/ drag po ngan sngags kyi bshad rgyud las/ rgyas pa'i le'u ste brgya re drug pa'o//// de nas yang dag bshad bya ba/ / dbang gi las su bstan pa ni// dbang gsum gnyis la bcu gcig 'gyur// bshor dang skugs gzhug spogs pa gsum// zlog dang rnam ma dkrug pa gsum// pa shaM ku ru swA hA/ drag po ngan sngags kyi bshad rgyud las/ dbang gi le'u ste brgya re bdun pa'o//// de nas yang dag bshad bya ba// drag po gsad pa'i las rnams bshad// gsad pa gnyis la bcu gcig 'gyur// bshor dang skugs gzhug spogs pa gsum/ / zlog dang rnal ma dkrug pa gsum// sha truM ni mA ra ya phaT/ gcig gsad pa dang sde gsad gnyis// sde yi gcig gsad gcig gi sde// gsad thabs rnam pa bzhi ru grags/ / drag po ngan sngags kyi bshad rgyud las/ gsad pa'i le'u ste brgya re brgyad pa'o//// de nas yang dag bshad bya ba// gnan pa'i las ni mtha' rtul bshad// gnan pa gnyis la bcu gcig 'gyur/ / bshor dang skugs gzhug spogs pa gsum// zlog dang rnal ma dkrug pa gsum// nan/ phag thod ngan du gnan par bya// drag po ngan sngags kyi bshad rgyud las// gnan pa'i mtha' rtul ba'i le'u ste brgya re dgu pa'o/ /// de nas yang dag bshad bya ba// bsreg pa las kyi mtha' rtul la// bsreg pa gnyis la bcu gcig 'gyur// bshor dang skugs gzhug spogs pa gsum// zlog dang rnal ma dkrug pa gsum/ / raM/ dug shing hoM la bsreg par bya// drag po ngan sngags kyi bshad rgyud las// bsreg pa'i mtha' brtul ba'i le'u ste brgya bdun bcu tham pa'o//// de nas yang dag bshad bya ba// 'phang ba las kyi mtha' rtul ni/ / 'phang ba gnyis la bcu gcig 'gyur// bshor dang skugs gzhug spogs pa gsum// bzlog dang rnal ma dkrug pa gsum// b+h+yo/ rabs chad thod nag nang du gnan// drag po ngan sngags kyi bshad rgyud las/ / 'phang ba mtha' rtul gyi le'u ste brgya don gcig pa'o//// de nas yang dag bshad bya ba// rjes med rlung ltar dmo ba ni// dmo ba gnyis la bcu gcig 'gyur// bshor dang skugs gzhug spogs pa gsum/ / bzlog dang rnal ma dkrug pa gsum// drag po ngan sngags kyi bshad rgyud las/ rjes med rlung ltar dmo ba'i le'u ste brgya don gnyis pa'o//// de nas yang dag bshad bya ba// bcom ldan 'das 'jam dpal gshin rje gshed pos 'jig rten las 'das pa dang 'jig rten pa'i tshogs rnams la/ / drag po ngan sngags kyi bshad rgyud 'di gtad do// 'jig rten na mthu che ba'i ma mo mkha' 'gro'i tshogs rnams/ gshin rje dang/ sde brgyad dang/ sgrol ging rnams la/ drag sngags srog gi snying po'i rjes 'brings la bstan pa gnyan po srungs shig/ bka' bzhin du ma byas na/ srog gi snying pos gshed la phab nas rdul du brlag par 'gyur ro/ / ngan song du ltung bar 'gyur ro// dam las ma 'da' zhig/ ces rgyud yongs su gtad do// drag po ngan sngags kyi bshad rgyud las/ rgyud yongs su gtad cing 'phrin las kyi gnyer gtad pa'i le'u ste brgya don gsum pa'o/ /// de nas bcom ldan 'das kyi dkon mchog gi bstan pa srung ba'i 'phrin las mthar phyin nas/ chos nyid ma bcos pa'i ngang la bzhugs so/ / drag po ngan sngags kyi bshad rgyud las// rnam rtog chos nyid du brlangs pa'i le'u ste brgya don bzhi pa'o// drag po ngan sngags kyi bshad rgyud rdzogs so//// rgya rgya rgya/ rgya gar gyi slob dpon phung byed shan ting gar+b+ha dang/ bod kyi lo tsa ba chen po rdo rje thogs med rtsal gyis/ bsam yas dbu tshal gyi gling du bsgyur zhing zhus te gtan la phab pa//// de nas 'phags pa 'jam dpal gyis/ bcom ldan 'das dpal kun tu bzang po la 'di skad ces gsol to/

CLOSE WINDOW