rgya gar skad du/ yak+Sha a pa ra tsit+ta tsit+ta gi hu b+hu ti tan tra/ bod skad du/ gnod sbyin gzhan gyis mi thub pa srog rtsa mngon du phyung ba zhes bya ba'i rgyud/ bcom ldan 'das gsang ba'i bdag po lag na rdo rje 'chang chen po la phyag 'tshal lo/ / 'di skad go zhing rtogs pa'i dus nyid na/ ri rgyal lhun po'i rtse lcang lo can gyi gnas mchog chen po na/ bcom ldan 'das phyag na rdo rje dregs pa 'dul byed rgyal po/ dus gsum sangs rgyas thams cad kyi thugs rin po che dpal be'u las byung ba'i khro mchog chen po// 'khor 'jig rten pa dang 'jig rten las 'das pa'i tshogs bsam gyis mi khyab cing/ brjod kyis mi lang ba rnams dang thabs cig tu bzhugs so/ / de'i tshe de'i dus na bcom ldan 'das gsang ba'i bdag po rdo rje 'chang chen pos/ 'jig rten gyi ma rungs pa thams cad tshar gcad pa'i phyir/ drag po 'bar ba'i ting nge 'dzin la snyoms par zhugs te/ rdo rje mkha' la gsor zhing// e raM raM yak+Sha sarba dz+wa la raM/ zhes gsungs pas/ bcom ldan 'das gsang ba'i bdag po rdo rje 'chang gi sku la bskal pa'i me 'bar te/ 'jig rten gyi lha dang/ klu dang/ gnod sbyin gyi tshogs thams cad tar tshan la rtswa sbur ma chags pa ltar sregs shing bcom mo// de nas bcom ldan 'das gsang ba'i bdag po rdo rje 'chang gis/ oM a mri ta bi sho ta haM/ zhes gsungs pas/ / shangs kyi bu ga gnyis na mar bdud rtsi'i chu rgyun chen por 'tsho bar byed pa zhes bya ba byung ngo// de dag gis lus la phog pa tsam gyis sos par gyur te slar yang dran pa rnyed do// rnyed nas kyang rings par langs te/ bcom ldan 'das gsang ba'i bdag po'i zhabs la spyi bos gus pas phyag 'tshal te 'di skad ces gsol to// bcom ldan 'das gsang ba'i bdag po ci nongs lags// bdag cag rnams la ni 'di lta bu shin tu sdug bsngal zhing nyam thag par mchis na/ bde bar gshegs pa khyed la thugs rjes byang chub kyi sems mi mnga' lags sam/ kye ma kyi hud/ bdag cag rnams kyi lus ni tshig/ khrag ni skams/ sha dang chu rgyus la sogs pa rnams ni gzhob tu thal te/ lus sems 'bral zhing 'gum pa 'am// 'gum pa la thug pa tsam du duHkha bar gyur nas/ bcom ldan 'das thugs rje ye shes kyi spyan gyis gzigs shing bskyabs su gsol/ / zhes shin tu nyam thag pa'i smre sngags mang po ston par gyur to// yang de'i tshe de'i dus na bcom ldan 'das gsang ba'i bdag po rdo rje 'chang gis/ de dag las dbugs dbyung ba'i phyir 'di skad ces bka' stsal to/ / e ma ho/ nga ni gsang bdag rdo rje 'chang// log 'dren kun gyi gshed ma ste/ bdud dang 'byung po 'dul byed yin// ma 'jigs ma 'jigs gnod sbyin rnams/ / bde gshegs bka' las 'da' ma byed// bde gshegs bka' las sus 'das pa// nga yi rdo rje chen po 'dis// mgo bo tshal pa brgyar bkas nas// lus sems gnyis kyang so sor 'brel// rdo rje dmyal ba'i gnas su skyes/ / de bas gnod sbyin yak+Sha'i tshogs// nga yi bka' las 'da' ma byed// bsgrub pa po yi sngags 'jug gis// sems can dbul zhing phongs pa las// nor dang longs spyod dngos grub byin/ / khams gsum 'khor ba'i 'gro don gyis// 'on kyang rgyal ba'i sras su skye// zhes bka' stsal to// gnod sbyin a pa ra tsit+ta srog rtsa mngon du phyung ba'i rgyud las/ a pa ra tsit+ta btul ba'i le'u ste dang po'o/ /// de nas gnod sbyin gyi rgyal po a pa ra tsit+ta la sogs pa'i lha dang/ klu dang/ gnod sbyin gyi tshogs thams cad rab tu dga' nas/ bcom ldan 'das gsang ba'i bdag po la 'di skad ces gsol to/ / e ma gsang bdag rdo rje 'chang// bdag cag gnod sbyin nor gyi lha// lha klu gnod sbyin 'khor dang bcas// dpa' bo khyod kyi 'bangs su mchi// bde gshegs bka' las yongs mi 'da'// dus 'di nyid nas bzung nas su/ / byang chub mchog tu sems skyed la// ma 'ongs skye ba thams cad du// sems can rnams kyi don bgyi'o// sngags 'chang rnal 'byor bsgrub pa po// phyogs bcu'i 'jig rten gang gnas kyang/ / bdag cag rtag tu spyo bos 'khur// slad chad khyed kyi bka' bzhin bgyid// mtha' yas khams gsum sems can gyi// bkres skom du:kha zhi bya'i phyir// rang srog rdo rje 'chang la 'bul// 'di la byin gyis rlab tu gsol/ / oM hri dza a pa ra tsit+ta dza dza/ zhes rang rtags snying po mdongs gsol du phul nas/ byang chub mchog tu sems bskyed cing/ mtha' yas pa'i sems can gyi 'gro don byed par khas blangs te/ kye bcom ldan 'das gsang ba'i bdag po chen po/ phyi ma'i tshe phyi ma'i dus su rnal 'byor pa gang zhig gis bdag la yi dam du bgyis nas/ bsnyen cing bsgrub pa bgyid na de la ci 'dod pa'i dngos grub bzhin no/ / de'i las kyi ging ka ra bya'o// gzhan yang de'i 'khor dang rigs rgyud la sogs pa thams cad 'phel zhing rgyas par bya'o// zhes bka' 'bangs su khas blangs shing dam bcas so// gnod sbyin a pa ra tsit+ta srog rtsa mngon du phyung ba'i rgyud las/ / a pa ra tsit+ta byang chub mchog tu sems bskyed nas srog snying phul ba'i le'u ste gnyis pa'o//// de nas 'khor gyi nang nas lha'i dbang po brgya byin stan las langs te/ bcom ldan 'das gsang ba'i bdag po rdo rje 'chang gi zhabs la spyi bos phyag 'tshal te 'di skad ces gsol to/ / bcom ldan 'das gsang ba'i bdag po chen po sems can la phan pa dang bde ba'i phyir/ gnod sbyin nor lha'i rgyal po a pa ra zhes bya ba/ yid bzhin nor bu rin po che ltar dgos 'dod thams cad skong bar byed pa de bsgrub pa'i thabs// bdag cag 'khor rnams la bka' stsal du gsol// zhes zhus pa dang/ bcom ldan 'das gsang ba'i bdag pos 'di skad ces bka' stsal to// dbang po brgya byin gus pas nyon// sems can rnams la phan bya'i phyir// khyod la nga yis bshad par bya// nor lha'i rgyal po bsgrub 'dod pas/ / thog mar dben pa'i gnas btsal la// de nas byin brlab mtshams kyang gcad// 'khor lo rtsibs brgyad maN+Dal bri// dam rdzas mchod pa rdzogs par dgram// stong nyid snying rje'i ngang las hUM/ / rin chen gzhal yas gru bzhi bsgom// cho ga gsum las lha rnams bskyed// dbus su gtso bo rdo rje 'chang// yab yum rol pa'i mkha' gsang las// byang chub sems kyi hUM yig las// phyogs bcur 'byung po 'dul byed bcu/ / sgo bzhir gsang ba'i lha bzhi bsgom// snyan gsan dbab dang spyan drangs dang// bzhugs gsol skyabs 'gro 'thor 'thung bya// phyag 'tshal mchod dang sdig pa bshags// yi rang bskul zhing gsol ba gdab/ / skyabs gsol lus dbul dge rtsa bsngo// gnyis med bstim la sku gsung thugs// byin brlabs dbang bskur rdzogs par bya// yid bzhin nor bu'i 'phro 'du yi// gtso 'khor 'dus pa'i snying po bzlas/ / oM badzra tsaN+Da ma hA ro Sha Na hUM phaT/ zla phyed sum 'bum rdzogs par bskyal// thun mtshams dag la gtor ma dbul// bstod dang bcol bskul bshags pa bya// zhes bya/ gnod sbyin a pa ra tsit+ta srog rtsa mngon du phyung ba'i rgyud las/ ye shes lha yi bsnyen pa'i le'u ste gsum pa'o//// de nas de yi bsnyen por ni// gnod sbyin lag na rdo rje bsgom// zhal gcig phyag bzhi sku mdog sngo/ / sdigs mdzub rdo rje g.yas dang g.yon// lcags kyu ne le 'og ma gnyis// stang thabs bum pa'i gter chen gnan// rin chen rgyan ldan hUM sgra sgrogs// yak+Sha chen po'i skur bsgoms la// spyan drangs bstim la bzhugs par gsol/ / dkar gsum mngar gsum la sogs pa'i// dam rdzas mchod pa rgya chen 'bul// mdun du nor lha'i rgyal po bsgom// sdigs mdzub phyag rgyas zil gyis gnan// bzlas pa 'bum du rdzogs par bya/ / oM sid+d+hi badzra hUM/ yi ge gsum po gsang chen po// mgo 'dren mtha' sdud gnyis te lnga// bzlas pas nor lha dbang du 'dus// ma lus don gyi 'bras rab ster// gang tshe cho ga bzhin bzlas na// 'dir ni dngos grub the tshom med// ces gnod sbyin a pa ra tsit+ta srog rtsa mngon du phyung ba'i rgyud las/ las sngags gnod sbyin gyi bsnyen pa'i le'u ste bzhi pa'o//// de nas dngos grub grub bya'i phyir/

CLOSE WINDOW