trag rag+sha baM la rA dza tan tra na ma/ bod skad du/ ma mo srog las kyi rgyal bu zhes bya ba'i rgyud kyi rgyal po/ dpal 'jigs byed chen po la phyag 'tshal lo// 'di skad bdag gis thos pa'i dus gcig na/ bcom ldan 'das 'jigs byed chen po lha g.yung drung gi gnas na bzhugs te/ 'jig rten pa'i mkha' 'gro rnams kyis bskor ba'i tshe/ de wa ma hA ka las/ bcom ldan 'das la zhus pa/ kye bcom ldan 'das kyis sangs rgyas kyi bstan pa gnyan par byed de/ dam pa'i chos ji ltar gnyan par bsrung zhing btsun par bgyi/ yang dag pa'i dge 'dun gyi ji ltar bsrung zhing bskyab par bgyi/ bcom ldan 'das dpal 'jig byed chen pos bka' stsal du gsol/ / ces gsol ba dang/ 'jigs byed chen pos bka' stsal pa/ nag po chen po khyod nyon cig/ khyod kyis sangs rgyas kyi bstan pa ji ltar gnas par bya ba dang/ dam pa'i chos ji ltar bsrung bar byas pa legs kyis khyod nyon cig/ sangs rgyas kyi bstan pa bsrung zhing dam pa'i chis nyan par bya/ nag po chen po khyod nyid kyis sring mo srog gi bdag mo zhes bya ba/ nyi ma byang shar gyi mtshams brag dang chu 'thab mar 'das pa nas/ mtsho ma le dings kyi nang na/ mthing shun sngon po'i brag phug nas/ ma mo yongs kyi nang shed nas/ nyin gyi dus ni gcig pur bzhugs shing 'gying bar mdzad/ mtshan gyi las su ni brda dang phyag rgya mdzad/ mi ro rta ro gcal du bkram pa nang gnas pa/ bam chen gdan la brkyang bskum du bzhugs pa nas/ zhal nas rak+ta'i dpa' glong 'khyil ba/ ljags la dmar chen khrag gi lce ris yod pa/ shangs la shwa na rak+tas bsgreng ba/ phyag g.yas kyi dang po na gser gyi rdo rje chung brdungs pa/ bar snang gi mkha' la ma mo'i 'khor dang bcas pa dam la sdud pa/ phyag g.yon gyi dang po na skye 'gro brgya'i snying 'byin cing zhal du gsol ba/ sku la ral pa nag po 'phar ba/ bdud kyi lcam la gshin rje'i yum du gnas pa/ chibs su dre'u rta rkang gsum bcibs pa/ g.yu mthur sngon mo bsgreng ba/ bse sga dmar po bstod pa// sbrul nag gis gong thag phyi mig byas pa/ mchong gi blo can 'khyug pa/ stong khams ma lus par khyab par mdzad pa'i dbugs la mnga' mdzad pa// dpag tshad brgyad khri bzhi stong du ang khrag gi dri bsnoms ma/ sku mdog mthing nag 'jigs tshul du bzhugs pa/ ral pa'i thor tshugs re re la gser dngul dang mu tig gi chun 'phyang yod pa/ de ni khyod kyi sring mo yin gyis/ sring mo dam tshig gi dbang gis mtshal chen gyi thig dang/ / mi dbang smin pa'i 'bras bu'i gtor ma 'di long la/ khyod nyid bdag gi sring mo la/ sangs rgyas kyi bstan pa bsrung du gsol/ dam pa'i chos mi nub cing dar bar mdzad du gsol/ / ces zhus shig/ de'i tshe khyod nyid la brda dang phyag rgya ston par byed kyis/ de la bsregs par ma byed cig ces bsgo'o// bcom ldan 'das kyis nag mo chen mo la gnang ba byin cing/ gleng glang ba'i le'u ste dang po'o//// de nas de'i tshe ma hA ka la khyod kyis kyang byang shar gyi phyogs su kha bltas te sangs rgyas dang/ chos dang/ dge 'dun gsum la phyag 'tshal lo/ sangs rgyas dang/ chos dang/ dge 'dun gsum gyi byin gyis rlabs dang/ bdag bsam pa rnam par dag pa'i mthus// sring mo 'di nyid bdag gi ji ltar mngon par snang bar gyur cig/ ces brjod pa dang/ de nyid du lha mo srog gi bdag mo sku mngon du snang bar gyur to/ / de nyid kyi ming po de ni shin tu dad par gyur nas/ sring mo la bskor ba lan gsum byas nas/ bus btsugs thal mo sbyar nas gtor ma de srin mo la mngon du phul nas/ / sring mo sangs rgyas kyi bstan pa bsrung du gsol// dam pa'i chos bsrung zhing rgyas par mdzad du gsol/ 'phags pa'i dge 'dun la bskyab tu gsol/ sring mo zhal 'dzum pa mngon du mdzad nas dus de nyid du ming po dang bcas nas/ bcom ldan 'das lha g.yung drung gi gnas na bzhugs pa'i thad du phyin te/ bskor ba lan gsum du byas nas/ bcom ldan 'das dpal chen po'i spyan sngar de nyid du pus btsugs thal mo sbyar nas/ bde bar gshegs pa bdag gis sangs rgyas kyi bstan pa bsrung bar bgyi/ dam pa'i chos bsrung bar bgyi/ 'phags pa'i dge 'dun bdag gis bskyang bar bgyi yis/ bcom ldan 'das kyis bdag la byin gyis brlab tu gsol/ dbang bskur du gsol/ ces zhus pa dang/ dus de nyid du bcom ldan 'das dpal chen pos nad sna tshogs stong gi rkyal ba lag tu byin nas ming gi dbang bskur ba ni/ ma mo srog las kyi rkyal bu zhes bya bar dbang bskur ro// lha mo'i srog las kyi rgyal bus kyang/ bcom ldan 'das dang ming po'i spyan sngar sangs rgyas kyi bstan pa bsrung ba dang/ 'gro ba'i srog las chad par gdab par khas blangs so/ / ma mo srog las kyi rkyal bu las sring mos gnad pa byin pa'i le'u ste gnyis pa'o//// de nas ma hA ka las/ bcom ldan 'das la zhus pa/ bcom ldan 'das bde ba gshegs pa'i sring mo 'di/ ji lta bu'i gang zag cig gis bsgrub par bgyi/ bcom ldan 'das kyis bka' stsal pa/ snying rje dang ni brtul zhugs can// lha mo'i brda dang sngags kyi phyag rgya shes// dam tshig sdom par rab gnas pa/ / bde gshegs mchod dang dam tshig ldan// 'jigs byed dpa' bo de yis bsgrub// ces gsungs so// bcom ldan 'das las yang zhus pa/ kye bcom ldan 'das 'jig byed chen po/ sring mo 'di bsgrub pa'i gnas ji lta bu zhig bgyi/ bka' stsal ba/ mi ro gsar rnying yod gnas sam/ chu gsum 'dus pa'i gnas dag dang// ri bo chen po sum rtseg gam/ brag ni nag po ngo brgya yi/ / gnas su sring mo bsgrub par bya// phyi yi mchod pa ji ltar lags// bcom ldan 'das kyis bshad du gsol// mdo klag sku gdung gdab pa dang// mchod sbyin gnas su bsgrub pa dang// rgyal chen bzhi yi gzugs brnyan ni/ / phyogs bzhi dag tu dgod par bya// bde gshegs gsang sngags phyogs bzhir bzlas// yid dge bkra shis gnas 'di ru// bsnyen pa'i cho ga rdzogs byas nas// bsgrub pa'i khro rgyal ting 'dzin gnas/ / lha mo'i gzugs brnyan mdun du dgod// khrag chen la sogs mchod pa lnga// bsnyen pa'i las su bsham par bya// bsgrub gnas rak+ta chen por gtor// khro bo'i ting 'dzin ldan pa de// zhe sdang lcags kyu'i phyag rgya yis/ / srog bdag chen mo spyan yang drangs// gzugs brnyan nyid la bstim par bya// spyan drang ba'i snying po// nag mo ting laM ma ma dun ting b+h+yo/ dzaHhUM baM ho/ nag mo dun b+h+yo dun b+h+yo/ snying po 'di yis khro mo spyan drangs la bstim/ sku lha mo'i sku mdog mngon du gsal bar bya ste/ snying kar thal mo sbyar la phyag bya'o// nag mo rag mo dun ting na ma a hi/ zhes phyag 'tshal lo// snying po 'dis brtan par bzhugs su gsol to/ / rag sha ma'i sku la pad+ma sa ma a ti lhan/ ces brjod la brtan par bzhugs su gsol/ de'i 'og tu ma mo la dam rdzas kyi mchod pa dbul ba'i snying po 'di brjod do// ma mo nag mo seng hang seng ha ku lu ku lu/ ha ha maM sa khA hi/ rak+ta khA hi/ pany+tsa a mri ta khA hi/ zhes mchod pa phul la/ de nas bsnyen pa'i rim pa la 'jug par bya ste// bcom ldan 'das dpal 'jigs byed chen po sring mo'i 'dzab kyi dgongs pa ji ltar lags/ / 'jigs byed chen pos bka' stsal pa// de la sring mo'i mdzab rgyud ni// ba su ta yi sum bsgril lam// yang na dur khrod skra la bya// gar sbyin zhing chen bam khrag gis// lha mo'i thugs khar sbyar byas la/ / rnal 'byor srin lag la brtags te// rnal 'byor tsit+ta kha sbyar ba'i// rin chen gzhal yas khang nang du// nyi ma'i maN+Dal mthe bong tsam cig bsam// de'i tha mar b+h+yo yi 'bras bus bskor bar bsam/ / gzungs thag srog rtsa'i rang bzhin la// gser gyi spu gu khong stong sum bsgril nas// yi ge 'phro 'dus sring mo nyer bsnyen nas// srog rtsa'i snying po brjod pa ni// trag rak+sha ma hi dun b+h+yo/ ma hA ag sha tig+na nag mo dun b+h+yo/ zhes brjod pas ma mo dun b+h+yo nyi bar 'gyur na/ grub rtags mod la 'byung ste// lha mo'i gzugs ni sngon du ston pa dang// rten gyi lcags bdun po me 'bar ba dang// 'od dang du ba nges par 'byung ba dang/ de'i tshe bsnyen pa bsdu bar bya/ lha mo'i gzugs phyag rgya bzhis rgyas gdab/ snying po sngags ni bdag la bsdu/ bsrung ba'i bum pas bdag rang bsrung byas la/ byin rlabs bdag nyid chen por brlabs/ ma mo srog las kyi rkyal bu las/ bsgrub pa'i mtshan nyid dang/ gnas kyi mtshan nyid dang/ sngon du bsnyen pa bya ba'i le'u ste gsum pa'o//// de nas yang bcom ldan 'das dpal 'jigs byed chen po la/ ma hA ka las gsol pa/ bsgrub pa'i dkyil 'khor ji ltar lags// 'jigs byed chen pos bka' stsal pa// dkyil 'khor gru bzhi lham par brtsigs// khrag sna gsum gyi chag chag la/ / zhing chen gsar rnying thig 'dab ste// dkyil 'khor mdzes par byas nas ni// de yi dbus su gru gsum brtsig/ de yi steng du zla gam brtsig/ de yi steng du gru gsum mdzes// tshon gyi mtshan nyid ji ltar lags/ / bcom ldan 'das kyis bka' stsal pa// gru gsum nag por mdzes par bri// dbus zlum dmar pos brgyan byas te// de dbus mthing nag bri bar bya// ma hA ka las yang gsol pa// de yi bsgrub rdzas ji ltar lags/ / 'jigs byed chen pos bka' stsal pa// de stong ban d+ha lcang lo can// de yi nang du mdzes byas pa/ sman dang rak+ta'i gi'u wang dang// ga bur sha chen tshil chen dang// rak+ta sbyar la dam rdzas bzhag/ rtags byung dam rdzas ji ltar lags// rje'u rigs ban d+ha mtshan ldan pa// snying po de yis brgyan byas la// rtags ni ma byung bar du ni// de steng kha ni dbub la gzhag/ rtags rnams nges par byung ba dang/ / dngos grub blang ba'i snod du gsungs// rten gyi bsgrub rdzas ji ltar lags// ban d+ha skam po mdzes nang du// ra khyi rta phag bzhi'i khrag blug la// de'i nang lcags phur bdud rtsi la// sbyang khrag gis byug la/ / gnam du kha bstan lcags phur la// me 'bar dngos grub mchog tu bshad// 'od dang du ba 'bring du bstan// sgra dang rgyud rdo 'phen ba dang// tha ma yin par gsungs pa ste// brda dang phyag rgyas gdags de blangs/ / gsad pa'i dkyil 'khor ji ltar lags// gru gsum mthing nag mdzes par bya// zabs su khru gang brko bya'o// rgya ru khru do nges gsungs so// dug shing dug shing rtsang byas te// kha la mdzes par gzugs par bya/ / khrag chen gyis ni nang phyugs te// de yi dbus su sman mo yi// zhabs ma nges par bstan du gding// ling ga'i rgyu 'di ci la bgyi// bsrub ma'i lo ma chu sna dang// dri chen po yi gzugs brnyan bya/ / gro ga 'am ras sam shing shun la// khrag chen pos ni mi rus bri// rus ni phral bri ming ni snying khar bri// mdzes par 'brub khung dbus su bzhag/ de la lha mo nyid rbad la// lcags kyu'i phyag rgyas bzung bas dgug/ dug gi gtor mas lha dang phral// lcags kyu'i phyag rgyas gzugs la dbab// lcags phye zangs phyes gzir nan bya// de nas lha mo rbad sngags kyis// gzas pa de la rbad par bya// rag mo rag mo ma ma dun ting her ma he/ zhes brjod pas/ gzas pa pos mngon sum du zos par bsam// de'o 'og tu bsgrub pa po bdag sha chen khar mur zhing/ bdag nyid chen por gyur cing/ lag pa g.yon pa'i ral gris gzugs mnan la/ g.yas pas phur pa'i rtse mo khrag la byug cing/ lcags phur bdun gzugs mgo mjug tu gdab po// gdab pa'i gzer sngags 'di yin no// badzra ma hA ku ru rbad/ snying khrag tshal pa rbad/ rngubs tsit+ta rbad/ myogs mugs rbad/ snying khrag kha la rbad/ tshal bu tsha se na se du rbad/ ces gdab bo// de'i 'og tu 'phrin las bcol zhing dgra bo gnyer gtad pa'i snying po 'di bzlas so// ma mo snying khrag tshal bdun ting/ ha la ha la dun b+h+yo b+h+yo/ zhes brjod pas ni/ gzas pa po de gnyer du gtad do// ma mo srog las kyi rkyal bu las/ drag po'i las kyi le'u ste bzhi pa'o//// de nas bcom ldan 'das la gsol ba/ kye bcom ldan 'das/ drag po thun gyi 'khor lo ji ltar lags// nag mo nyi ma'i 'khor lo ji ltar lags// 'jigs byed chen pos bka' stsal pa// nyi mas 'jigs pa 'ug pa'i gdong// dbyar zla gsum gyi bkra shis pa'i/ / 'jigs byed nyi ma'i sgo nga blang// de la drag po'i phur bas brtol// nang du dgra bo'i ming rus gzhug/ khrag bskam nyungs nag rdzas dag la// nag mo nyi ma'i dmod mo gdab/ / nag mo nyi ma'i dmod sngags 'di'o// ru tra la ru lu ru lu hUM b+h+yo/ snying kha rag snying kha rag/ ma nag mo ma nag mo dun b+h+yo/ nag mo dun ting ma las la b+h+yo/ re ma ti pa sha tsa pa dza dza dza/ dun ting dun rag sha b+h+yo b+h+yo/ lha mo mngon du spyangs pa'i snying po 'das/ 'khor nag mo stong dang bcas par byon par bsams la/ las myur du bya ba'i phyir ma mo 'khrug tu gzhug go/ 'di nyid kyi snying po 'di'o// ma mo rag mo rag mo snying la dza dza/ nag mo hur hur ma hA ma cho cho/ 'ur ka ka mi sha ma ra ya/ khA hi khA hi ha ha ha/ tra ta tra dza dza/ snying po 'di nyid kyis ma mo 'khrug tu gzhug pa'o// de'i nang 'og tu nyi mas 'jigs pa'i sgo nga'i nang du/ ris sam grog la ming rus bris la bzhag/ yug sa mo'i zhags mas gril nas/ yungs nag la lha mo nyi ma'i snying pos gdab/ de la rtsa ba'i snying po dmod sngags 'di yin te/ ma ma rag mo sa ma yA dza dza/ rag mo thang mu le rbad rbad/ rtsa thang rtsa thang rbad rbad/ muM ni nan/ rag mo ni rag mo ni ra kha long rbad/ dug ni dug ni kha long rbad/ kyi kha long kyi kha long rbad rbad/ tsa ti tsa ti rbad rbad/ nir ti ni ti rmugs/ thum thum ti subs/ tsi kha lo tsi kha lo rbad rbad/ mog mog rbad rbad/ che ge mo rbad/ ma ling rbad/ sa ma ya dza dza/ zhes brjod la zor 'phang ba'i las byas te/ bsgrub pa po bdag nyid tsa ra'i gsob la zhon la/ gsob kyi skye la dgra du yod pa'i ming rus gdags/ bdag nyid re ba'i 'bod bu dang/ dar nag po'i thod dang/ zhing chen gyi gos zug gon la/ lag pa g.yon par ban d+ha lcang lo can khrag gis bkang ba bzung la/ bsgrub pa po'i khar mi'i snying bcug la// yug sa mo'i skra la bskul tog byas la/ thun bcug la/ 'phen dkar dgra yid la dran par byas la/ de nas thun brdeg go/ khang pa la brgyab na gnam brtol du 'gro/ nyi ma'i zer la brgyab ni nyi ma 'chi'o// zhing la brgyab na zhing mi skye'o// ma mo srog las kyi rkyal bu las/ nag mo nyi ma'i dmod mo'i le'u ste lnga pa'o//// nag po chen pos yang zhus pa/ / bcom ldan 'das 'jigs byed chen po de nyid de// thun drug 'khor lo ji ltar bskor/ bcom ldan 'das kyis bka' stsal pa/ thun bsgrub 'khor lo 'brub khung bskor/ brdeg dus nya chen lcang lo lnga'o/ / brdeg pa'i gnas ni ling ga snying// thun gyi dang po ji ltar lags// thun gyi dang por snying thun btang// de la ma mo'i snying zor ni// lug nag po'i snying nang du// nyungs nag dag la ma mo'i thun sngags mang du bzlas la/ skyung kas bsgron pa'i mda' yis dgra bo'i gzugs la brdeg/ bdag nyid lha mo'i skur bsgom zhing/ phyar nag gon la srid pa'i re ma ti dang/ 'jig rten ma'i thugs dam gnad la phab byas la/ gzugs de 'dom tsam du bzhag byas la/ ma mo rdo rje bzhad stangs kyis// 'cham zhing gzugs la brdeg par bya// ya mang thong ma mang du/ de skad brjod la snying la brdeg/ ma mo'i thod thun ji ltar lags/ / ma mo'i thod thun bshad bya ba// rabs chad gsum gyi thod pa la// snying sna tshogs dang dug sna tshogs// ma mo nyid kyi rdzas su bsag/ gzas pa po yi rjen shun la// de la ling ga'i gzugs byas te/ / bdag nyid bong bu ra zhon de// ma mo bdun byas bzhugs byas te// ma mo'i ting 'dzin gsal bar bskyed// zhing chen g.yang gzhi gsur chen btang// ma mo thugs dam snyan bskul la// dum bu dum bu tshal pa tshal pa ha na ha na/ zhes brjod la/ yul mkhar khyim la thod mda' ya// mchan gyi bu la thod mda' ya// de ni ma mo'i mda'// mkha' lding thun nag ji ltar lags// de la ma mo'i thun bya ni// bya mo nag mo'i skye mgul la/ snying rtsa'i phreng ba bskor byas la// mthing nag dar lce'u gshog mgo gdags// bud med dor rtas gtum pa yang// dar nag nyungs kar mang po la// thun sngags mang du brjod la gtum/ / dgra'i ming byang lag dgags// bud med gu zun nag po gon pa la// gtor ma bskur la thun 'phang ngo// ma mo'i mda' thun ji ltar lags// de la ma mo'i mda' thun ni// 'ug pa pho rog bsgron pa'i mda'/ / skyer pa zur gsum mde'u bya// 'ug pas bsgron pa dmar po bya// pho rog ma ni sngon por bya// sgro rtsar nyungs kar la// ma mo'i thun sngags bzlas la blug/ lhub tshal shing k+Shad ku bud phra rta rgal zad nan/ a na bi ha son a su ru a pan brag gi chum/ zhes brjod la/ dgra bo'i ming byang der bcug la// zhing skras bsgul thod byas pa yi// nang bcu thun bdag mo bskul lo// thum thum rub rub sa ma yA/ zhes grangs mang du bzlas la gzugs la brdeg/ sgong thun no// yang ni thun drug ji ltar lags// snying thun/ khrag thun/ dug thun/ nyungs thun/ phur thun/ rtsang thun no// rdo rje ri rab kyi gdung dang/ mtshon gyis gtubs dang tshe srog 'phrog/ de ltar byas la 'phang bar bya// rag mo ni sha ku ru thum rbad/ rag mo kha la tsa tsa dun b+h+yo/ ya ma dum bu dum bu ya ma rbad su/ ya ma rbad du/ snying kha rag ma b+h+yo/ badzra ang ku sha dza/ tshal pa baM ril/ dum bu dum bu ni dgra bo ma ra ya phaT/ trag rag sha kha dun tra/ kha mun tra dur ma ti/ rig ma tsa duM lo na hUM b+h+yo/ snying khrag sha ma dza/ ta tsit+ta baM myos snying khrag 'thung/ ha pra ru ru thuM/ duM thuM pra sa raM thaM/ shi ni thuM/ dgra bo ma ra ya phaT/ kha be sha kha be sha/ ru bu thun phob/ ru pa thun phob/ ma hA srog la mug mug/ thum thum 'du 'du 'du 'du/ cig cig/ dug khong du spyos shig/ ma snying khrag sha ma dza dza/ tsit+ta srog dung dung/ thung li snying rtsa la 'du 'du srog sring sring khyer la b+h+yo/ dgra bo sar myag thum ri li li rbad/ snying kha rag snying kha rag tsa tsa breng breng/ oM dz+wa la ni dz+wa la ti/ ma hA srog la tug tug/ khrag la dun/ snying la rbad/ ma hA srog la thun phob/ snying la gas ma ma hUM phaT/ gu ye thun phob/ shog shog thun phob/ sod sod thun phob/ b+h+yo ru lu b+h+yo ru lu rgyob/ sod ku ru nan/ nri sha ku ru nan/ dgra bo ma ra ya rbad/ sha ra le nyu le le thum ril rbad/ rnam pa klad pa 'gas pa dang rnam shes bsreg pa dang/ ngag phrog yan lag bcing dang snying rtsa gcad pa'o// sha ni rtsa rtsa thum ril rbad/ thum ril thum ril rtsa ra a sha ru thum ril rbad/ kha thum kha thum rbad/ sho ro shig ro shog gro hUM phaT/ trag khang thum ril 'ub hu laM/ snying la shag snying khrag tshal pa rbad/ tsit+ta tsit+ta rak+ta ru lu ru lu hUM b+h+yo/ drag po'i sbyin sreg ji ltar lags// de la drag po'i sbyin sreg ni/ / ma trang chen po'i gzugs byas la// snying khar zur gsum ngos re la// mtho do yod par 'dod pa'o// ral gri 'khor lo rtse gsum ni// tshon rtsi dkar po thal chan bri// mtshon phur mda' dang rtsang gis bskor/ / skud pa nag pos mtha' ma bskor// hom khung nang du rdo sol gyis// phye ma mtshal rdog bskam po bzhag/ zur gsum ban d+ha re re bzhag/ spyan drangs sngags 'di brjod par bya// sarba a pa ka ka/ khan khan 'dzin b+ha tang ting/ a gats+tsha a gats+tsha kang swAhA/ khrag snod bad d+ha dmar po bya/ bzed pa'i snod yang de bzhin no// mchod pa lnga yong dmar po bya// phud du yang ni dgod par bya// khyi nag thod pa khrag gis kyang/ / gang la bya ba'i ming rus bri// de ltar de bzhin du bsreg go/ sarba duSh+ta b+ha ni swAhA/ lan bdun thab khung du bor// rta phag khyi yi khrag gsum la// lan bdun bzlas la sbyin sreg bya/ / me la dpod pa'i sngags la// sarba sha tang ma ya u tsu ta la ya bya// ta bag sha a hUM phaT/ 'di nyid dag tu gnan byas la// ma mo srog las kyi rgyal bu las/ thun drug 'khor lo'i le'u ste drug pa'o/ /// ma hA ka las gsol ba/ kye bcom ldan 'das khrag 'thung rgyal po thog ser ji ltar dpag bcom ldan 'das kyis bka' stsal pa/ thog ser dbab pa ni// lha mo nyid kyi dam rdzas su// mu ta'i snying dang thal mor bcas/ / g+hi wang rak+tar bcas pa yi// gtor ma yul ba'i sa ru sba// 'bebs dang las la sbyor ba'i tshe// nal bu'i bags pa'i rgyal mtshan bya// ma mo nyid kyi gzugs bris la// phyogs bzhir brlab cing rtsa sngags bzlas/ / dar nag g.yab mos phyogs bzhir g.yab// rig gsum kha las gtor ma gtang// sme khrag gsum gyis mkha' la gtor// bco lnga'i dbus su gtor byas nas// ri gsum pa la ser pa dmar thab bya/ / lha mos drag shul thog ser 'bebs// lha mo bu la dngos grub ster// de'i tshe bu yis dngos grub blang// ma mo srog las kyi rkyal bu las/ lha mo'i thog ser 'bebs pa'i le'u ste bdun pa'o/ /// 'di ru nad rnams ji ltar dbab// lha mo chen mos bka' stsal pa// dri mo ra yi rkyal bu ru// rims nad dgu yis shi ba'i rus pa dang// khrag sna dgu dang thal chen dbus su bcas// gtor ma bam chen snying dang bcas pa dang/ / kha la rma bya'i rgyal mtshan gzugs// phud mdzo rog po'i gsob la gdal// dmigs pa'i phyogs su bskyal byas nas// lha mos rims nad sna tshogs 'bebs// ma mo srog las kyi rkyal bu las/ / rims nad dbab pa'i le'u ste brgyad pa'o//// ma mo'i srog las kyi rgyal bu'i rgyud kyi rgyal po chen po rdzogs so//// bcom ldan mgon po rgyal mtshan las kyi lha// thugs kyi ye shes tshogs la mnga' brnyes khyod/ / rdo rje mkha' la 'gro ba'i rnal 'byor ma'i// gsang ba'i phyag rgya dam pa bshad du gsol// zhes gsol ba dang/ dpal phyag na rdo rje bka' stsal pa/ rnal 'byor chen po gsang ba yis/ / dam tshig phyag rgya bca' ba ni// sor mo rnams ni nang du bsnol// g.yas pa mthe bong mdzub mo yis// srin lag mthe'u rtse sprad gnan// gung mo gnyis la rtse sprad la// ma mo spyi yi phyag rgya ste/ / ye shes tshogs kyi rje mo'i rgya// phyag rgya bca' ba'i le'u ste dgu pa'o//// ma mo'i srog rdzogs so//// rgya gar skad du/ badzra b+han d+ha dz+wa la gu h+ya ka pA la dz+nya na ra b+ha shri u tan tra nA ma/ bod skad du/ rdo rje ka pA la b+han d+ha gsang ba 'bar ba'i gzhal yas khang/ gnam zhal 'dzin pa'i yon tan dngos grub ste bar mdzad pa'i rgyud ces bya ba/ bcom ldan 'das dpal 'jigs byed chen po la phyag 'tshal lo/ / dpal chen po gnam zhal mkha' klong ka pA la 'di'i don zhes bya ba/ khro mo dkar mo mig gcig ma bzhi la sogs pa thugs kyi dgyes sde mo bzhis zhus pa/ de nas bcom ldan 'das dpal 'jigs byed chen pos bka' stsal pa/ b+han d+ha gsang ba ka pA la 'bar ba gsang ba'i rgyud 'di la don rnam pa gnyis sam/ rim pa rnam pa lngas ston te/ de la yang don rnam pa gnyis kyis bstan pa ni/ / mi gson po rnams la brtag pa dang/ de yang thugs rjes bzung ste don gyis bsgral nas/ b+han d+ha ka pA la nyid kyi don bstan pa dang gnyis so// de la rigs rnam pa lnga bstan pa ni/ bram ze'i rigs dang/ rje rigs dang/ rgyal rigs dang/ dmangs kyi rigs dang/ bud med dang gdol ba'i rigs dang/ rnam pa lnga'i rigs la bud med dmag gdol ba'i rigs kyi b+han d+ha ni/ spra brtag dang spra bzang yang mi bcang bar bya'o/ / mi gson po rnams la don brtag pa bstan pa ni/ de la brda dang/ rgya skad dang/ sang kri ta dang/ bod skad nyid don to// rgya gar gyi skad du/ ke sa la/ tshe la pra/ kha ta d+ha la/ b+ha ha ku b+hu hu la shri u tra/ zhes bya ste/ mtshan rnam pa lnga tshogs par yod pa ni/ ke sa la zhes bya ste/ skra gnag cing 'tsher la 'jam pa pa'o// tshe la bra zhes bya ste/ smin ma nag la mtshams 'thug pa'o// dkyus ring la mtshams ma chad pa'o/ kha d+ha la zhes bya ste/ rna ba gzhi che la tshogs ma ring ba'o// b+ha ha ku zhes bya ste/ mig dkar khrag 'dug pa'o// b+ha hu la zhes bya ste/ mkhur tshos kyi rus pa mtho ba/ shri u tra zhes bya ste/ bong gzugs dang byad dbyibs legs pa/ sha mdog bag tsam sngo ba/ spyod lam thams cad legs par byed pa'o// yang bsrung mtshams rnam pa gsum dang/ thugs rje'i zhing drug ste/ de la yong bsrung mtshams rnam pa gsum ni/ sku gsung thugs kyi dam tshig tshul bzhin du bsrung ba yin/ de la yang thugs rjes bzung ste bsgral ba'i zhing drug ni/ mgo yi skra kham pa/ mig ni la mig tu 'dug pa/ yan dkan gyi dkyil na mche ba zur gsum pa yod pa/ lag pa bya lag bzhin du 'brel ba/ lce sna rtse ra bsleb pa/ dpral ba'i dbyes na sme ba yod pa/ 'di drug ni bsgral bar bya ba'i zhing drug yin te/ de la yang 'di rnams drug po ni skye ba snga ma la mi lus blangs pa yin no/ / de ltar mi gson po brtag pa gal che'o// rtags gong ma de tsho yod pa'i thod pa rnyed na ni/ 'jig rten 'di'i yon tan bsam gyis mi khyab ste/ mchog tu rnyed na dngos grub thob bo/ 'jig rten phyi ma la yang bcu gsum yi ge 'khor lo tshogs chen gyi sa non par/ bcom ldan 'das 'jigs byed chen pos bka' stsal to// rdo rje ka pA la gsang ba'i rgyud las/ gleng gzhi'i le'u ste dang po'o/ /// de nas dgyes sde mo bzhis zhus pa// b+han d+ha ka pA la'i don bstan du gsol// zhes zhus pas/ de nas bcom ldan 'das he ru kas bka' stsal pa/ b+han d+ha ka pA la'i don bstan pa ni/ don rnam pa bcu gsum gyis bstan te/ de bzhin gshegs pa'i rigs kyi zhal don bstan pa dang/ rdo rje rigs kyi kA pa la bstan pa dang/ rin chen rigs kyi ka pA la bstan pa dang/ pad+ma rigs kyi ka pA la bstan pa dang/ las kyi rigs kyi ka pA la bstan pa dang/ bdag nyid bcang du mi rung ba'i don bstan pa dang/ yon bdag dang yon gnas kyi skyon gang la 'ong/ mi 'ongs pa bcad nas brtag pa dang/ zhal bu'i dbyibs dang mdog bstan pa dang/ dum bu'i grangs bstan pa dang/ rtsa ro'i don bstan pa dang/ rogs rnam pa lnga'i don bstan pa dang bcu gsum gyis bstan pa'o/ b+han d+ha kA la 'bar ba'i gsang ba'i rgyud las/ rnam grangs dang rigs bstan pa'i le'u ste gnyis pa'o/ /// de nas thugs kyi dgyes sde mo bzhis zhus pa/ rigs rnam pa lnga'i b+han d+ha kA pa la gsang ba'i don bstan du gsol// zhes zhus pas/ de nas bcom ldan 'das he ru kas bka' stsal pa/ / de la de bzhin gshegs pa'i rigs kyi zhal bu ni/ yid tsam zur gsum pa dum bu gcig pa/ dum bu yang nang gi ri mo tsug srubs la ya yod med par 'dug pa/ rtsa dang rim thams cad khug tu 'khyil ba/ rdzas dang 'khor lo rtsibs brgyad dkyil na gsal bar snang ba/ yang na tsakra ha gsum gsal bar yod pa/ ri mo thams cad 'jam pa nyung bar 'dug pa'o// ngan par gsal ba gang yang med pa/ kha sbub nas phyi rol nas bltas na/ 'tshogs ma shin tu 'bur ba/ bag tsam zur yod pa 'dra ba/ gang nas bltas kyang legs pa de ni bsgrubs par bzang ngo// las drag po thams cad 'grub bo/ / lcang lo can du 'dug na yang/ de'i mtshan ni yang dag don ldan b+han d+ha lcang lo can zhes bya ste/ bud b+ha rigs kyi rnam zhal ma'i zhal bu/ dpal chen po'i gnam zhal yin par shes par bya'o// ka pA la b+han d+ha 'bar ba gsang ba'i rgyud las/ de bzhin gshegs pa'i rigs kyi zhal bu brtag pa ste le'u gsum pa'o//// de nas bcom ldan 'das he ru kas/ rdo rje'i rigs kyi kA pa la b+han d+ha zhal bu bka' stsal pa/ zlum la dum bu gsum pa/ nang gi ri mo 'jam la nyung ba/ gtsug tu gnam zhal chen po'i rtsa sgril ma zang thal du byung ba/ rdzas la rdo rje gsal bar yod pa/ yig 'bru badzra gsal bar yod pa/ yang na ma dang/ dza dang ra gsum gsal bar yod pa/ ngan par gsal ba gang yang med pa/ kha sbub nas phyi rol nas bltas te/ ltag pa'i bdud sgo'i rus pa 'bar ba/ sprul pa 'bur bar snang ba ste/ gang nas bltas kyang legs pa/ des rdo rje rigs kyi thams cad myur bar 'grub pa/ lcang lo can du 'dug na yang/ ra med don thob b+han d+ha lcang lo can zhes bya'o// rdo rje rigs kyi zhal bkra shis zhal bu ste/ dkar mo mig gcig ma'i gnam zhal du zhes par bya'o/ / ka pA la b+han d+ha gsang ba'i rgyud las/ rdo rje rigs kyi zhal bu bstan pa ste le'u bzhi pa'o//// de nas thugs kyi dgyes sde bzhis zhus pa// rin chen rigs mchog zhal bu bkra shis phun sum tshogs pa gsung du gsol/ zhes zhus so// de nas yang bka' stsal pa/ rin chen rigs kyi ka pA la bkra shis g.yung drung rang 'byung b+han d+ha ni/ yid tsam ljong la dum bu gnyis pa/ nang gi ri mo 'jam la mang ba/ lcang lo'i ljon shing lta bur 'dug pa/ 'jam la ri mo mang ba/ dkyil na bum pa'i nor bu rin po che gsal bar yod pa/ yang na sa dang yig 'bru gsal bar yod pa/ / ngan pa'i mtshan ma gang yang med pa// kha sbub nas phyi rol nas bltas na 'tshogs ma'i dus dkyus ring ba/ gang nas bltas na legs pa ste/ de la rin chen rigs kyi zhal bu mtshan ldan las thams cad myur du 'grub bo/ / lcang lo can du 'dug na yang/ mtshan ri 'dod pa'i yon tan g.yung drung 'grub byed dpal ldan lcang lo can zhes bya ste/ nag mo mche gtsigs mo'i zhal bur shes par bya'o// zhes he ru kas bka' stsal to/ / ka pA la b+han d+ha gsang ba'i rgyud las/ le'u lnga pa'o//// de nas dmar mo thugs kyi dgyes sde mos zhus pa// pad+ma rigs gnam zhal ma'i don ji ltar lags/ zhes zhus pas/ bka' stsal pa/ pad+ma rigs kyi g.yung drung ka pA la/ yid tsam zla kham dum bu bzhi pa/ nang gi ri mo thams cad 'jam la thung ba/ ri mo gang yang pad+ma'i dbyibs su 'dug pa/ spyir na ri mo bags kyi nyung ba/ rdzas kyi gzugs la rtsa las pad+ma 'dab brgyad du 'dug pa/ yi ge oM gsal bar yod pa/ ngan par gsal ba gang yang med pa/ kha sbub nas bltas na/ rna ba g.yas pa bag tsam 'bur bar gsal ba'o// de ni lcang lo can du 'dug na'ang/ ka pA la b+han d+ha gsang ba'i rgyud las/ pad+ma rigs kyi zhal bu brtag pa ste le'u drug pa'o//// de nas yang thugs kyi dgyes sde mo bzhis zhus pa/ las kyi rigs kyi gnam zhal gyi don bstan du gsol/ / zhes zhus pas/ bka' stsal pa/ las kyi rigs kyi zhal bu ni/ yid tsam gru bzhi pa/ rdo rje rgya gram gyi dbyibs su 'dug pa/ ri mo thams cad 'jam la yid tsam nyung ba/ rtsa'i ri mo la rdzas su gsal ba'i rdo rje rgya gram yod pa/ yig 'bru ha gsal bar yod pa/ yang nang nga dang gsum gsal bar yod pa/ ngan par gsal ba gang yang med pa/ kha sbub nas bltas nas/ ltag pa'i rig pa 'bur 'bur gnyis yod pa/ gnya' chu bo'i shong shul 'bur gsum yod pa/ gang nas bltas kyang legs par snang ba ste/ lcang lo can du 'dug na yang/ b+han d+ha thogs med dpal ldan lcang lo can zhes bya ste/ de ni las rnam bzhi 'grub/ las kyi rigs kyi gnam zhal ka pA la/ las thams cad myur du 'grub pa'o// de yang lcang lo can du 'dug na/ zhal bu de'i mtshan ni bkra shis don ldan dpal ldan ka pA lcang lo can zhes bya'o/ / sor mo las mkhan mo'i nal bur shes par bya'o// zhal bu dum bu lnga pa gong ma de rnams kyis ni/ las dang bsgrub pa gang la yang gal shin tu yang che ste/ de'i nang nas kyang shin tu che ste/ de'i nang nas kyang shin tu bsgrub pa la sogs pa dang/ ma mo bsgrub pa dang/ yang dag me 'bar dgu pa'i bsgrub pa'i dkyil 'khor gyi rdzas su shes par bya'o// b+han d+ha ka pA la 'bar ba gsang ba'i rgyud las/ le'u bdun pa'o/ /// de nas yang bka' stsal pa/ gzhan yang gang rung rung du bab chol du spyad du mi rung ste/ dam tshig nyams pa'i rgyu yin/ de nas bcang du rung mi rung gnyis las/ bcang du rung ba'i ka pa la rnams kyi zhal bu la brtag ste/ ji ltar 'dod pa'i spra yod pa'i ka pA la dbyibs legs pa/ lce ste gser ram spram 'dra ba/ mkhregs te gnam lcags 'dra ba/ 'thug pa glang po cha'i rgyab 'dra ba/ mdog ni dngul chu zhun ma blug pa lta bu/ rtsa dang ri mo gong du smos pa'i ka pA la rdo rje'i zhal bu'i ri mo dang 'dra ba/ rang ji ltar 'dod pa yod pa de lta bu ni/ nor gyi sar mar dkar la mtheb mo bzhag pa 'dra ba yod pa de ni/ yid bzhin gyi nor bu rin po che yin te bcang du rung/ b+han d+ha ka ba la ni rdzas dang zhal bu yin pas/ rjes su 'jug pa'i phyi rabs kyi rnal 'byor ba rnams kyis kyang/ dper na pha'i nor bu rin po che bu la bzhag pa lta bu'o/ / nor bu sdig bzang po bzhin du/ rin po che'i snod legs par bsal ste/ dus dus su rang gi yi dam byed pa dang/ sngags kyis kha sgo mchod pa byas na/ rnal 'byor pa de la ni 'jig rten 'dir tshe ring ba dang/ nad med pa dang bkra shis pa dang/ rigs brgyud 'phel ba dang/ chos mkhan du 'gyur te/ rdo rje rgyal po la thob ste/ nor rdzas 'dul ba la sogs te/ ji ltar bsam pa bzhin du 'grub/ ces dpal he ru kas bka' stsal to// rdo rje ka pA la b+han d+ha gsang ba'i rgyud las/ bcang du rung ba'i brtag pa'i le'u ste brgyad pa'o//// de nas yang thugs kyi dgyes sde mo bzhis zhus pa/ ka pA la'i dam rdzas bcang du rung mi rung de'i don ji ltar bya/ zhes zhus pas/ bka' stsal pa/ rdzas rnams gong ma rdo rje ka pA la'i b+han d+ha de lta bu de ni gang rung rung du dam tshig la 'dres pa dang/ dam tshig med pa dang/ dam tshig nyams pa la mi bstan par byas te/ tshul bzhin du bcangs nas/ dam tshig ma nyams par byas nas/ 'jig rten phyi ma la yangs nyi shu rtsa gcig non par he ru ka nyid kyis bka' stsal par bshad do// ka pA la gsang ba'i rgyud las/ dam tshig med pa la mi bstan pa'i le'u ste dgu pa'o//// de nas thugs kyi dgyes sde mo bzhis dris te zhus pa/ dam tshig nyams pa ji ltar 'gyur/ zhes zhus pas/ de la he ru kas bka' stsal pa/ nyon cig thugs kyi dgyes sde rnams/ gal te dam tshig nyams nas sa ma non na yang/ chos mkhan chen po rdo rje rgyal po 'am/ rgyal thebs kyi sa non por 'gyur ro// tha ma yang bram ze'i rigs sam/ rigs bzang ste btsun par skye bar bka' stsal to// rdo rje ka pA la b+han d+ha 'bar ba gsang ba'i rgyud las/ le'u bcu pa'o//// de nas yang bka' stsal pa/ gcang du mi rung ba'i zhal bu ka pA la ni/ gson po tsa na bzang ba'i rtags gang kyang med par/ ka pA la'i zhal bu'i brtag pa ngan pa'i rtags bstan te/ dbyibs shin tu ma legs pa yon por 'dug pa dang/ zhom pa'am 'bar 'bur mang ba/ gang nas bltas kyang ma legs pa/ dum bu drug pa'am/ bdun pa dang/ brgyad pa dang/ dgu pa dang/ bcu pa la sogs par 'dug pa/ mdog ma legs te rul pa 'dra ba'i ser khog ba 'am/ skya khog pa ste/ lhag par skya ser ba dang/ sngo nag tu 'dug pa/ gro ba/ 'jis pa dang/ dgra bo dag la byas na shis/ rus pa dum bu bdun pa dang brgyad pa ru/ dgra bo'i ming dang/ rus pa dang/ nyungs kar la sngags te/ dgra bo'i khang pa'i rmang du sbas na dgra bo de 'chi'o/ / yang de dang dra ba byas nas dgra bo dur du sbas na/ dgra bo pha tshan stums kyis 'chi'o// dgra bo rtsad nas gcod ces he ru kas bka' stsal to// ka pA la b+han d+ha 'bar ba gsang ba'i rgyud las/ rdzas kyis bstan pa bsrung ba'i le'u ste bcu gcig pa'o//// de nas yang dgyes sde mos zhus pa/ yon bdag dang yon gnas kyi skyon yon gang la yong mi yong de'i don ji ltar lags/ zhes zhus pas/ bka' stsal pa/ yon bdag dang yon gnas gnyis kyi skyon yon gang la yong mi yong/ ka pA la zhal bu ma bcad nas brtag pa ni// dang po ka pA la'i zhal bu legs par mtho dman med par bregs la/ chod par bcad pa ni/ 'tshogs srungs phan chad g.yas pa yon bdag gi sar rtsi/ g.yon pa b+han d+ha'i sar rtsi/ ltag srubs phan chad dgra sar rtsi/ 'tshogs srubs phan chad nas ltag srubs tshun chod nor sar rtsi/ rna ba g.yas g.yon dur sar rtsi'o// dpral ba g.yon phyogs kyi nang rol nas bregs pa'i sa nas/ sran ma'i gang bu tsam bcal ba'i sa de ban d+he rgad por rtsi/ de nas sran ma gang bu tsam bcal ba'i sa de ban d+he gzhon pa'i sar rtsi/ g.yas pa yon bdag gi sar rtsi ba yin/ yang sran ma gang bu bcal ba'i sa stag shar/ de na bud med/ de nas gang bu tsam nor sar rtsi/ ltag pa'i phyogs su dgra la rtags yong mi yong rtsi ste/ dgra bo g.yas su khyog rtsi/ g.yon du bud med rtsi/ rgan gzhon nor yan chad gong ltar rtsi/ dgra la gdong gcig gi rtsar rtsa ro dang/ srin khung dang/ de rnams 'dzom pa byung na dgra de bdun brgyad 'chad par 'gyur ro/ / de yang ma 'dzom na gang rung gnyis sam/ re re byung na 'bad las bsgrubs kyi rtags mod la 'ong ngo// zhes dpal he ru kas bka' stsal to// ka pA la b+han d+ha 'bar ba gsang ba'i rgyud las/ le'u ste bcu gnyis pa'o//// de nas yang dgyes sde mo bzhis zhus pa/ na tshod rang nyid dgos pa 'grub// na tshod nor pa dgos 'dod rnams// ji ltar 'dod pa'i don de rnams/ / yang dag rdzogs par gsung du gsol// yang dag rdzogs pas bka' stsal pa// rgan pa gzhon pa bus pa bud med dang// nor pa la sogs gang la lta ba ni// na tshod rgan dang gzhon sogs gong mas blta bar bya'o/ / nor sar mar dkar la mtheb mos brdzis pa 'dra ba bzhin byung na// de ni yid bzhin gyi nor bu rin po che yin te// nor rdzas dang mag pa tsha yug la bzang ngo/ dur sar gdong gcig gi rtsa dang/ rtsag ro dang/ sring khung la sogs pa med na bzang ngo// ban d+he'i sa dang yon bdag gi sa gnyis gcig ste/ gcig bshad pas gnyis ka go/ gdong gcig gi rtsa ban d+he'i sar byung na/ ban d+he'i bu chung rigs la rtsub bo/ / yon bdag gis sar gdong gcig gi rtsa byung// ro de rabs chad gcig yin na des thub/ men na bus pa chung rigs la ngan no// rtsa de gang gi sar byung yang long/ dur sar byung na ro de'i gang la bus pa yod pa de la rtsub/ de la bu med na pha tshan spyi ru bus pa gsum bzhi la rtsub/ nor sar gdong gcig gi rtsa g.yas su byang na/ yon bdag gi nor la god ka yong/ g.yon du byung na mag tsha yug la rtsub/ dur sa g.yas su byung na pha tshan gzhon rim la bu yod kyang rabs chad gcig yong/ de rang rabs chad gcig yin na g.yas g.yon gang du byung yang thub/ rtsag ro dang srin khung ni rgad po la rtsub/ dar ma'i sar byung na dar ma la rtsub/ bus pa bud med nor sa gang du byung yang de'i sa der rtsub bo/ ban d+he dang yon bdag gnyis don gcig pa yin par shes par bya'o// rtsag ro dang srin khung nor sar byung na yon bdag gi nor la gong kha yongs te/ rtsa ro che chung dang sbyar ro// rtsa ro dang srin khung nor sa g.yon par byang na/ tsha yug la rtsub/ rtsa ro dang srin khung mag tsha yug rgan gzhon la sbyor/ rtsa ro dang srin khung nor sar byung na/ yon bdag gi nor rdzas la mag tsha yug rgya 'dre byed/ rtsa ro dang srin khung dur sa g.yas su byung na/ snga ma des ma thub na da rung 'chi'o// g.yon phyogs su byung na des thub/ shi chad mi 'ong bar bshad do/ / zhes bka' stsal to// ka pA la b+han d+hA 'bar ba gsang ba'i rgyud las/ rtags bstan pa'i le'u ste bcu gsum pa'o//// de nas thugs kyi dgyes sde mo bzhis zhus pa/ srubs zhig pa dang mtshams ral pa ni pha tshan rgya 'dre byed de/ don de ji ltar lags/ bka' stsal pa/ srubs zhig pa dang mtshams ral pa thams cad rgya 'drer shes par bya'o// de ltar rtsab rtsub gang byung yang bzlog pa byas pas thub bo/ / ban d+he'i sar rtsa ro dang srin khung byung na bskang gso dang/ yang na bag zan la ban d+he'i gzugs byas la khrag gi ri mo bris la/ zangs kyi nang du gtor ma dang bcas la/ de nas yod pa'i sha sna mang po dang/ chang phud dang/ bdud rtsi dang/ sha sna khrag sna mang pos zangs bu khebs par byas la/ der 'tshogs pa'i ban d+he sogs kyang bskang gso drag po byas nas dgra phyogs su 'phangs na des thub/ ka pA la b+han d+ha gsang ba'i rgyud las/ bzlog pa dang bskang gso bya ba'i le'u ste bcu bzhi pa'o//// de nas yang thugs kyi dgyes sde mo bzhis zhus pa/ yon bdag gi sar rtsa ro dang srin khung la sogs pa gang byung yang bzlog pa'i thabs ji ltar byed/ bka' stsal pa/ yon bdag gi sar rtsa dang/ rtsa ro dang/ srin khung la sogs pa gang byung yang bzlog pas bzlog ste/ 'di ltar bya'o// yon bdag mo kha gcig 'dus la/ ma mo'i bsgrub thabs yun ring du bya/ spyi mdos sarba ru pa'i mdos chen bya'o// de nas yang ma bzlog na/ so so'i khyim du ma mo'i bskang gso bya'o// phyi skongs mdos chen btang/ des bzlog ste 'ong/ zhes bka' stsal to/ / rdo rje ka pA la b+han d+ha 'bar ba gsang ba'i rgyud las/ bskang gso dang bzlog thabs bstan pa ste le'u bco lnga'o//// de nas yang thugs kyi dgyes sde bzhis zhus pa/ yon bdag gi sa dang/ dur sa dang/ nor sa gsum du/ rtsa dang srin khung la sogs pa byung na/ de'i bzlog thabs gsung du gsol/ zhes zhus pas/ bka' stsal pa/ dgyes sde khyod la 'di skad bstan/ yon bdag gi dur sa dang/ spyi'i dur sa/ nor sa gsum ka ru/ rtsag ro dang srin khung la sogs pa byung na/ de rnams bzlog pa'i thabs/ lha 'dre pho rigs thams cad dang/ lha 'dre mo rigs thams cad la bskang gso bya'o// phyi skongs dag dang nang skongs dang/ gsang ba gsum ltar bskang ba ni/ yang dag yang gsang ltar na bskang ba na/ de ltar byas na mi bzlog mi srid do// bskang ba'i don gal che'o// zhes gsungs so// badzra ka pA la lha mo bam ril gyi rgyud las/ bskang gso bzhi pa bstan pa'i le'u ste bcu drug pa'o//// de nas lha mo dgyes sde bde byed mas/ ka pA la gsang ba mi bzlog pa de gang lags zhes zhus pas/ bka' stsal pa/ b+han d+ha ngan pa gang gis kyang mi bzlog pa ni/ ma ldog pa ni bu gu hang tsher byang na ma bzlog pa 'chi/ gsang ba yang gsang byas kyang bzlog pa med/ bug pa'i don ni 'di ltar bstan/ byis pa'i dus su mgo bo chag nas bu ga byung ba dang/ mgo bo chag nas rmen ba yod pa cha med/ nad ro langs na bu ga byung ba dang/ lha 'dres dpral ba phug pa mi rung ste mi bzlog go/ mgo chag pa'i bu ga yod pa la skyon med do// zhes bka' stsal to/ / rdo rje ka pA la b+han d+ha 'bar ba lha mo bam ril gyi rgyud las/ bug pa byung na mi ldog pa bstan pa'i le'u ste bcu bdun pa'o//// de nas dgyes sde chen mo des/ bam chen bkrol ba'i thabs gsung du gsol/ / zhes zhus pas/ de nas dpal chen pos/ nyon cig lha mo dgyes sde ma/ bam bkro ba la rnam pa gsum/ skyes nas 'jig rten phyi ma'i don la dgongs pa dang/ mi mang po shi nas shi phro chod du re ba la dgongs pa dang/ ban 'de'i phur kha bzlog tu re ba la dgongs pa dang gsum mo// de yang 'jig rten phyi ma la dgongs nas phul ba'i bam de la bkro lugs rnam pa bzhi ste/ sman du byas te bkro ba dang/ yang dag me 'bar dgu pa'i dkyil 'khor gyis rdzas su byas te bkro ba dang/ ma mo'i rnams kyi rdzas su byas te spro ba dang/ ro bsregs stong pa thal bar bkro ba'o// de la yang bdud rtsi sman rdzas su bkro ba yang/ nang gi sbas pa bzhi dang/ phyi'i mngon pa bzhi dang/ nya bzhi dang/ rtsi bzhi dang/ rtsa ba brgyad la sogs pa bam po brgyad pa'i gzhung bzhin du bya'o// de la yang dag me 'bar dgu pa'i rdzas su bkro ba ni/ thod pa b+han d+ha ka pA lar byas te/ dpal chen po'i rjes su dgod pa la sogs pa sha chen bzhi dang/ zhing lpags tsit+ta dang/ rgyu zhags dang/ rkang lag mchog phur bya ba dang/ yan lag bzhi la bsgo ba bzhi'i rdzas dang/ b+han d+ha dpal thar chen po bzhi la sogs pa dkyil 'khor gyi rdzas su bkod pa'o// de nas ma mo rnams kyi dam rdzas su bkro ba ni/ phung po ril gyis yum chen mo'i dam rdzas su bsngo ba dang/ 'byung ba chen po lnga/ kha bzhi/ dbyings lnga'i dam rdzas su bsngo ba dang/ rnam par shes pa'i tshogs brgyad la sogs pa rang bzhin gyi rnal 'byor ma bcu bzhi'i rdzas su bsngo ba dang/ rgyungs ba dang srog ba rtsa la sogs te/ rkang lag bzhi ni grub pa'i rnal 'byor ma a phyi chen pos shan me las kyi sring yan chad kyi rdzas su bkro ba dang/ de ltar ma mo rnams kyi rdzas su bkro ba bstan pa'o// rdo rje ka pA la b+han d+ha 'bar ba lha mo bam ril gyi rgyud las/ bam bkro ba bstan pa'i le'u ste bco brgyad pa'o//// de nas lha mo dge sde mas zhus pa/ ro bsregs thal bar bkro ba bstan du gsol// zhes zhus pas/ dpal he ru kas rol bsreg pa thal bar bkro ba 'di gsungs so/ / ro sregs thal bar bkro ba ni// gsang ba nang bsregs chen po yis// gzhung bzhin rgyas par byas pa la// tsha tsha gdab pa la sogs pa// dge ba'i rtsa ba rgya cher bya/ / zhes gsungs so// rdo rje ka pA la gsang ba'i rgyud las/ ro bsregs tsha tsha gdab pa bstan pa'i le'u ste bcu dgu pa'o//// de nas lha mo dgyes sde mos/ bam bkro bsha' ba'i spyod pa ji ltar bgyi/ / zhes zhus pas/ de nas yang bka' stsal pa/ bam chen bsha' ba 'di ltar bsha'// bam bkro ba yang sha dad pags pa la sogs kyi chod mi bya'o// gcan gzan gyis zos pa'i 'phro ltar mi bya'o// spyod lam dang gtsang spra che bas gzabs las bya'o/ / mi gzhan la gnod pas gsang ba thub par bya'o/ khyi zas su mi btang ngo// ban d+he rang yang gnas su bag phebs par byas la/ mis ma tshor bar bya'o// zhes gsungs so/ / rdo rje ka pA la b+han d+ha gsang ba'i rgyud las/ bam bkro bsha' ba'i thabs bstan pa'i le'u ste nyi shu pa'o//// de nas lha mo dgyes sde mos shi 'phro phur kha bzlog pa'i bam bkro thabs bstan par zhus pas/ dpal chen pos bka' stsal pa/ mi'i 'chi 'phro chod pa dang/ ban d+he rang gi phur kha bzlog pa'i bam gyi bkro thabs bstan pa ni/ ma mo rdzas su bkro ba'i lugs su bgyi'o// de'i cho ga ni bskang gso rgyas par bya ba gal che'o/ / de ltar bya ba dag par zin pa ni/ de bas kyang thod pa brtag pa gal che/ 'jig rten phyi ma dgongs te/ 'bras bu mtho ris su skye ba'am/ ngan song su skye ba brtag pa dang/ de'ang spyi bo'i ri mo thams cad spyi bo'i gtsug tu zangs song ste/ de'ang rnam 'then gyi rtsa sgril ma'i nang du mdan pa g.yas g.yon gyi rtse mo gsang bar chud pa/ ri mo de la rdzas sam gang yang rung ba gsal bar yod pa/ rtsa dang/ rtsag ro dang/ srin khung gi rdzas rnams nyung ba dang med pa ni/ gson po rnams 'gab 'phel ba 'am bzang ba ste/ de yang 'bras bu mtho ris su skye bar bka' stsal to// brtags te ri mo thams cad zab la 'dzengs ba/ ri mo thams cad 'phred la nyal ba 'dra ba/ ri mo thams cad da res yar la song/ da res mar la song zhing/ de nas 'thur la 'brug pa'am/ rdzas sam/ yid 'bru gang yang mi gsal ba/ rtsa dang/ rtsag ro dang/ srin khung rnams mang ba/ thod pa dum bu'i grangs mang ba/ de ni gson po rnams la 'gab ngan pa dang/ 'bras bu ngan song du skyes bas na/ dge ba'i rtsa ba rgya cher bsngo ba'o/ / zhes he ru kas bka' stsal to/ rdo rje ka pA la b+han d+ha 'bar ba gsang ba'i rgyud las/ phur kha bzlog pa dang/ bam bkro thabs dang/ shi 'phro gcad pa'i le'u ste nyer gcig pa'o//// de nas yang zhus pa/ shi 'phro chod dam ma chod dang// phur kha bzlog dang mi ldog kyang// thod pa'i bra ni brtag pa ste// de yi bra rnams bstan du gsol// zhes zhus pas/ yang bka' stsal pa/ thod pa phyi dang nang gi bra/ / legs par brtags par shes nas ni// snga ma ji ltar byung ba dang// phyi ma ji ltar 'ong ba ni// skyon yon rtags te 'ong bas na// shes rab rno bas zhib par brtag pa gal che'o// de la thod pa'i bra ni bzang ngan yo ga gong du bstan te/ / 'dir yang shi 'phro chod mi chod/ phur kha lhog dang mi lhogs kyi// thod pa'i pra bzang bcu gcig gis bstan te/ dpral ba'i nang nas ltag pa'i bdud sgo ru/ rus pa'i mo khab tsam cig zam ma chad par byung na bzang dpral ba'i nang du rus pa la sogs pa dang 'dra ba mtho na bzang ngo/ / thod pa dbyibs legs na bzang/ dum bu nyung na bzang// mdog legs na bzang/ ri mo 'jam la ring ba mang na bzang/ ri mo thams cad gyen la drang na bzang/ rdzas dang yig 'bru gang yang rung ba gsal ba byung na bzang/ gdong gcig gi rtsa dang/ rtsag ro dang/ srin khung med na bzang/ thod pa ka pA la de lci na bzang ngo/ / 'thug na bzang ngo// de ltar bzang rtags byung na 'chi 'phro yang 'chad do// phur kha yang bzlog go/ bzlog pa drag po yang bya mi dgos so// chos spyod dge ba nar mar byas pas chog ste/ bzang bar bshad de bka' stsal pa'o/ / rdo rje ka pA la b+han d+ha 'bar ba gsang ba'i rgyud las/ shi kha chod pa dang/ phur kha bzlog pa dang/ b+han d+ha'i bra bzang ba'i le'u ste nyer gnyis pa'o//// de nas dgyes sde mo bzhis zhus pa/ b+han d+ha ngan pa'i rtags ji ltar lags/ ngan pa bzlog pa gang gis bzlog/ de'i don gsung du gsal/ zhes zhus pas/ he ru kas bka' stsal pa/ thod pa ngan pa'i don de las bzlog pa de/ dpral ba'i nang nas ltag pa'i bdud sgo ru rus pa mo khab tsam med na ngan/ ri mo zab la 'thur la zug na ngan/ rdzas sam yig 'bru gsal ba med na ngan/ gdong gcig gi rtsa dang/ rtsag ro dang/ srin khung mad na ngan/ thod pa de yang na ngan/ srab na ngan/ 'chi 'phro mi chod/ phur kha yang mi ldog/ bzlog pa yang drag po bgyi 'tshal/ gong du ji ltar byas pa bzhin bskang ngo// de rnams kyis ma bzlog na/ gzhan mas mi bzlog pas/ bskang gso kho na gal che'o// bskang gso yas thags dang/ skang gso bsgom pa dang/ bskang gso lha 'dre pho rigs dang/ lha 'dre mo rigs thams cad dbang che ba gang yin pa dang/ yas mar bskang ba dang/ mas yar bskang ba ni don ji ltar yin pa dang/ bskang bas skong ba gang yin pa dang/ bskang gso'i don de ltar shes nas/ mi rtogs pa med par bskang gso bya'o// rdo rje ka pA la b+han d+ha gsang ba'i rgyud las/ thod pa'i brang ngan par bskang gsos bzlog par bstan pa'i le'u ste nyer gsum pa'o//// yang zhus pa// rdo rje ka pA la ban d+ha 'bar ba gsang ba'i rgyud las/ dbyibs dang kha dog brtag pa bstan du gsol/ / de nas he ru kas bka' stsal pa/ ka pA la'i mdog dbyibs ngas bshad kyis/ zhal bu'i dbyibs mdog brtag pa bstan du gsol// bshad zin to// de'i ma legs pa ni yon por 'dug pa/ zhom pa/ phyi rol na 'bar 'bur mang ba/ nang na thag thug mang ba/ khyor 'dra ba/ bram ze'i rigs la sogs te/ mi'i rigs bcu po yin yang/ mi bcad myur du spangs bar bya'o// rdo rje ka pA la b+han d+ha 'bar ba'i rgyud las/ ma legs pa rnams spang bar bya ba'i le'u ste nyer bzhi'o//// de nas dgyes sde legs mas zhus pa/ ka pA la b+han d+ha gsang ba'i legs pa'i dbyibs dang kha dog bshad du gsol// zhes zhus pas/ bka' stsal pa/ dbyibs legs pa ni/ dper na sgo nga phyed la gshags pa 'dra ba/ phyi nas bltas kyang 'bar 'bur med pa/ nar nas bltas na thag thug med/ 'jam la mtshan dang ldan pa/ mar dkar la mthe bo brdzis pa lta bu 'dra ba byas pa ni/ yid bzhin gyi nor bu dngos dang 'dra ba'o// rigs btsun pa dang a cang ches te/ bud med gdol ba yin yang mi spang bcang bar bya'o// rdo rje ka pA la b+han d+ha 'bar ba gsang ba'i rgyud las/ dbyibs dang kha dog legs par brtags te mi spang bar legs par brtags te bcang bar bya ba'i le'u ste nyer lnga pa'o//// de nas dgyes sde mos zhus pa/ b+han d+ha ka pA la 'bar ba'i rgyud las mdog dang dum bu'i rnam grangs yon tan bstan du gsol/ / de nas lcang lo'i mgo bo yi mdog bstan pa ni/ dum bu gcig pa dung gi mdog tu bzhed/ dum bu gnyis pa gser gyi mdog tu bzhed/ dum bu gsum pa dmar la gdang bar bzhed// dum bu bzhi pa bye'u lcog dang bya go bo'i sgo nga lta bu/ dum bu lnga pa smug par bzhed/ spyir na rnam pa re re la'ang/ mdog ni rnam pa re re'ang yod/ dum bu lnga pa la mdog lnga yod pas/ dum bu lnga pa de bzang ngo bcang ngo// de ni dum bu'i grangs dang rus mdog sbyar ba yin te/ mdog ni dkar ba dang/ dmar la 'tshor ba dang/ dmar la gdang ba dang/ smug la 'tsher ba dang/ smug la gro ba rnams na mdog legs pa yin te/ mi spongs te bcang bar bya'o// zhes bka' stsal to// b+han d+ha ka pA la 'bar ba gsang ba'i rgyud las/ dum bu'i grangs dang mdog bstan pa'i le'u ste nyer drug pa'o/ /// de nas yang lha mo dgyes sde mos/ he ru ka la gsol ba/ rdo rje ka pA la mdog lhag par brtags pa'i skyon yon gsung du gsol/ zhes zhus pas/ he ru kas bka' stsal pa/ mdog ni lhag par dkar ba'ang skyon yin no// de bas lhag par ser ba dang/ lhag par dmar ba dang/ lhag par smug pa dang/ lhag par gro ba dang/ khog bor 'dug pa dang/ gnag pa dang/ skya bor 'dug pa dang/ 'di rnams ni mi bcang ste spang bar bya'o// zhes bka' stsal to// badzra ka pA la dz+wa la gu h+ya tan tra las/ mi bcang ste spang bar bya ba'i le'u ste nyer bdun pa'o//// de nas yang lha mo dgyes sde mo bzhis/ dpal he ru ka la gsol pa/ b+han d+ha 'bar ba gsang ba'i rgyud las dum bu dang rnam grangs kyi don ston par zhus pas/ he ru kas bka' stsal pa/ dum bu grangs kyi don rnams bstan pa ni/ de nas gang zag bsgrub pa pos/ dum bu gcig pa bcangs pa na/ yon tan srid gsum mthong byed do// de cis te byas pas/ mi gcig gis don gnyer du phyin pa las ngal chad nas/ lam kar sgong pa gcig la gnyes nas bsdams pa las/ srid pa gsum po sal gyis mthong bar gyur pa dang/ de nas langs te phyin pas srid gsum mi gsal bar gyur nas/ slar log nas sgong pa de gnyes pas/ yang gsal bar gyur nas/ de nas sgong pa de slog pa dang/ mi des thod pa dum bu gcig pa gcig rnyed nas/ de khyer nas phyin pa dang/ srid gsum a cang che ste/ chos thams cad bkra gsal du gyur nas/ rang la dngos grub 'byung ba'i lo rgyus so/ / yang b+han d+ha ka pA la gsang ba'i rgyud las 'di skad 'byung ste/ dum bu gcig pas dpal chen nyid kyang 'grub// dum bu gnyis pas yab yum gnyis kyang 'grub/ dum bu gsum pas sku gsung thugs kyang 'grub/ / dum bu bzhi pas ye shes bzhi dang ldan// dum bu lnga pas bsam pa thams cad 'grub// b+han d+ha dpal dang ldan pa ni// ma chag ma gas khyad par can// rnam dag chos kyi dbyings kyang yin// mkhyen rab ye shes dbyings kyang yin/ / thod pa dum bu gcig pa ni// sku yi rgyan tshogs b+han d+ha yin// thod pa dum bu gnyis pa ni// che ba'i yon tan b+han d+ha yin// thod pa dum bu gsum pa ni// mtshan ma rtags kyi b+han d+ha yin/ b+han d+ha dum bu bzhi pa ni// 'bras bu me tog b+han d+ha yin// b+han d+ha dum bu lnga pa ni// bde gshegs dung chen b+han d+ha yin/ ces b+han d+ha gsang ba'i rgyud las 'byung ste// dum bu lnga tshun chad ni bcang bar bya ba'i mchog yin te/ / rang gis dang du blangs la mi spang bar bcang bar bya'o// de nas rtsag ro'i don gong du bshad pa las 'dir ma bstan to// de yang rtsa dang ri mo'i don bstan pa ni/ zhal bu bregs pa'i sa nas rtsa du yod pa'i rtsam spun grangs brtsi'o/ / spyir rtsa 'phan na mi 'phan no// rtsa'i dkyil yan chad du yal ga du gsal ba bu tsha'i grangs su rtsi/ rtsa'i yal ga gur gur por song na bu tsha skyes nas 'chi ba yin no/ / rtsa'i yal ga chu la zangs so// na bu tsha sogs te 'ong ba yin no// gdong gcig rtsa zhes bya ba'i ni zab la thung ba yin// ring yang sor gnyis man chad/ sor gcig tsam zab la thag thug che ba ste gdong gcig yin no/ / de yang mang po tsam mi yong ste// byung na gang byung mi rung ngo// rtsa grangs dang mi grangs su sbyar ro// thod pa'i dbyibs dang mi'i byad du sbyar ro// rig pa can gyis shes par bya/ / srin rjes bya ba ni/ ri mo thung ba dang ring na sor gcig tsam/ sor phyed tsam/ zab la thug thug che ba ste gdong cig ma yin ste/ ri mo zangs la kyag kyog tu 'dug pa de ni srin rjes bya ba yin no// srin khung dang rtsag ro bag tsam 'dra/ ri mo'i 'don ni ma legs pas/ ri mo spus bris pa 'dra ba bsam gyis mi khyab pa yod de/ shes pa zhib mos brtags na/ rung mi rung mthar phyin te 'ong/ bsam gyis mi khyab pas gzung gyis ming lang ngo/ / ri mo'i don gong du bshad pa bzhin du shes par bya'o// de la bkra shis kyi rdzas brgyad dang mchod pa rnams bzung ngo// yi ge'i 'bru rnams ni ka kha sum cu las bzung ngo// rtsa dang ri mos gang ltar zhib mos brtags na/ rung mi rung mthar phyin te 'ong ngo// zhes bka' stsal to// rdo rje ka pA la b+han d+ha 'bar ba gsang ba'i rgyud las/ srin rjes srin khung bstan pa'i le'u ste nyer brgyad pa'o/ /// de nas dgyes sde mos zhus pa/ dum bu gcig pa'i don ji ltar lags/ zhes zhus pas/ he ru kas bka' stsal pa/ dum bu gcig pa 'di bram ze'i rigs yin te/ bram ze rtog pa can yin pas/ ban d+ha de bcangs na sems kyi rtog pa dang bral nas/ rtog pa la khu 'phrig med par 'gyur/ rang nyid dad pa che bar 'gyur/ bram zes ni chos spyod pa'i skal pa dang ldan par 'gyur/ dum bu gcig pa de bcangs na/ ji ltar byas kyang chos spyod par 'gyur ro// rang nyid dad pa che bar 'gyur te/ tshe 'di la a cang yang ches te/ phyi ma la yang chos mkhas par 'gyur ro// yang na tshe snga ma la chos mkhas pa lta bu yin no/ / b+han d+ha dum bu gnyis pa ni rgyal po'i rigs yin te/ de bcang nas bdag gi rgyal po gcig byas pa yin/ tshe 'di la yang chos mkhas te/ rdo rje nga rgyal chen po dang mi ldan par 'gyur/ chos mkhas par 'gyur ro/ / yang na tshe phyi ma la yang chos mkhas par 'gyur ro// dum bu gsum pa rje rigs byas te/ zhal lce dang yig rtsis rigs la mkhas pa yin te/ chos mkhas par yang 'gyur ro// yang na tshe snga ma la rje rigs byas te/ zhal bu de bcangs nas spyad na/ phyi ma la yang rje rigs sam btsun par skye'o// de min tshe snga ma la lha'i bu gcig yin no// zhal bu de lta bu bcangs na/ tshe phyi ma la las spyod la mkhas par 'gyur ro/ / dum bu bzhi ba de dmangs rigs yin te/ de bcangs na 'phrin las bzhi la sogs pa ste/ cho ga la mkhas par 'gyur ro// dum bu lnga pa ni mi rigs ma nges te/ rgyal ba rigs lnga'i don tshang bas na/ de bcangs na tshe 'di nyid la bsam pa 'grub bo/ / phyi ma la rigs 'dzin gyi sa thob pas ci ste bcang bar bya'o/ b+han d+ha ka pA la gsang ba'i rgyud las/ dum bu'i yon tan bka' stsal pa'i le'u ste nyer dgu pa'o/ /// de nas yang thugs kyi dgyes sde bzhis zhus pa/ de ltar bstan pa'i don 'di la/ tha mar mi bcang spang ba la gnag pa/ rus pa'i lhag ma mtho mong tsam yod pa/ srubs par so gtsigs pa 'dra ba yod pa/ yang ste bya sgro 'dra ba/ snyi ste sha mo 'dra ba/ srab 'thug ma snyoms pa/ dkyil 'thugs la mtha' srab pa/ yang yon bdag gi sa dang/ yon gnas kyi sa dang/ nor sa gsum du shug rdol byung ba dang/ srab pa dang/ srin song ba'i rjes 'dra ba dang/ ri mo thung la zab pa dang/ kha brag gsum du 'dug pa ni// bya rog rjes zhes bya ste/ gnyis pa kha brag tu byung yang bya rog rjes zhes bya'o// gcig byung na gdong gcig gi rtsa yin te/ mthar rab 'chad pas spang bar shes par bya'o// rtsag ro bdun sprel tshun chod nas gcig phan chad/ che ba ni srin ma shong ba tsam/ chung ba ni nyungs kar shong ba tsam/ rdo la khad pa/ khab rtses btsags pa 'dra ba/ rtsa ro'i dbyibs ni ri bong rdzi khungs 'dra ba yod pa/ bya ti ti'i mchu brgyad pa 'dra ba/ rtsa ris legs pa'am/ rdzas sam yig 'bru bzang bar gsal ba gang yang med pa ri mo thams cad 'dzings pa/ 'phred la nyal ba'i ri mo thams cad 'thur la bub pa/ nang na thag thug mang ba/ de lta bu de ni bcangs sam srol na/ 'jig rten 'dir tshe thung/ nad mang/ rigs brgyud mi 'phel/ nor god che ba ste/ mthar dbul bor 'gyur ro/ / mi bcang bar bya'o// 'jig rten phyi ma la yang don med/ he ru kas gsungs so// mi bcang bar bya ba'i le'u ste sum cu pa'o//// de nas yang thugs kyi dgyes sde mo bzhis zhus pa/ rdzas kyis bstan pa bsrung ba ji ltar lags/ bka' stsal pa/ yang na dgra bo dag la ngan thabs byed na yang rung ste/ dum bu drug pa'i nang dag tu/ dgra bo'i ming rus tshar gsum dang/ nyungs kar dag la sngags bzlas te/ dgra bo de'i zhing dkyil du sbas na/ zhing la lo thog mi 'byung ste/ je ltogs je ltogs la 'gro ste/ mthar sprang por 'gyur ro// rdzas kyis bstan pa bsrung ba'i le'u ste so gcig pa'o/ /// yang gsol ba/ sangs rgyas kyi bstan pa'i rigs gang zhig lags/ dpal chen pos bka' stsal pa/ bud med rigs ni smad 'tshong ma gdol ba'i dngos la bya/ gdol ba'i rigs ni/ mon rta gdong dang/ glo bi dang/ glo kha bkra'i rigs la sogs te/ de rnams la bya'o// de rnams kyi thod pa bcangs pa'am bregs na ni/ bsam pa thams cad mi 'grub ste/ mthar yang brlag par 'gyur ro// phyi ma la don med/ b+ha ga wan gyis bka' stsal to// b+han d+ha ka pA la 'bar ba gsang ba'i rgyud las/ pra brtag pa dang/ rigs lnga dang/ rigs bzang po bcang ba bsten pa dang/ ngan pa rnams spang bar bstan pa'i le'u ste sum cu gnyis pa'o/ /// de nas thugs kyi dgyes sde bzhis dril nas 'khor dang bcas pas/ dpal 'jigs byed he ru ka la bskor ba lan du mar byas te/ rdo rje ka pA la b+han d+ha 'bar gsang ba'i rgyud las/ bdag cag gi rigs gang dang gang yin pa dang/ bcangs pa dang spang ba gang yin pa dang/ sid+d+hi blang ba dang/ bar chad bzlog pa dang/ 'jig rten du bkra shis pa dang/ dgra bgegs sgrol ba la sogs pa rnams bka' stsal pa ngo mtshar che'o/ bdag cag rnams kyis kyang ji ltar gsungs pa bzhin mi brjed par yid la bgyi'o// dge bas bsod nams tshogs su bsngo bar bgyi'o// badzra ka pA la b+han d+ha dz+wa la gu h+ya tan tra las/ rjes su yi rang ba'i le'u ste so gsum pa'o//// rdo rje ka pA la b+han d+ha 'bar ba gsang ba'i rgyud rdzogs so//// rgya gar skad du/ yak+Shi kA li ha tsa ti tan tra/ bod skad du/ gnod sbyin nag mo re ma ti gcer bu bong zhon ma rtsa ba'i rgyud/ bcom ldan 'das dpal phyag na rdo rje la phyag 'tshal lo// 'di skad bdag gis thos pa'i dus gcig na/ bcom ldan 'das ri rab ri'i rtse mo lha dang/ lha ma yin gnyis g.yul 'gyed pa'i gnas nas 'khor lha dang/ lha ma yin dang/ gnod sbyin dang/ srin po dang/ snod bcud la dbang ba'i ma mo drug dang/ ye shes kyi ma mo dang/ sman mo'i tshogs dang/ 'dod pa khams kyi ma mo sha khrag la longs spyod pa dpag tu med pa dang thabs cig tu bzhugs so// de'i dus na gnod sbyin ma ru rtse zhes bya ba stan las langs te/ bcom ldan 'das la 'di skad ces gsol to/ / kyA+ai bcom ldan 'das/ sman mo'i tshogs su gyur pa yi// dbang byed gnod sbyin re ma ti// dang po rtsa rgyud ji lta bu// 'tshal ba'i skal pa gang la bgyi// mdzad pa'i 'phrin las gang du bskos/ / zhes gsol ba dang/ bcom ldan 'das kyis/ gnod sbyin ma ru rtse la 'di skad ces bka' stsal to// nyon cig gnod sbyin ma ru rtse// sngon byung 'dod khams 'di nyid na// lha yi dbang po de wa dang// u ma de wa gnyis bshos las/ / bu tsha ming srid gnyis srid pas// ming po gshin rje dmar po yin// srin mo dung skyong ma gnyis srid// rnam par rgyal ba'i khang bzang na// lha bran mang pos bskor te gnas// de nas lha mo dung skyong mas/ / lang ka pu rangs srin po yi// d+ha sha g+hi ba'i btsun mo byas// srin po'i chung ma byas pa la// mas su gdug pa'i dmod mo smos// lha yi longs spyod bsam mi khyab// bar nas srin gyi chung mar song/ / da yang srin dang rta 'grogs shing// mi sha za zhing mi khrag 'thung// mi lpags gyon zhing mi mgo spyod// gcer bur byung nas bong bu zhon// lha yi kha dog nyams gyur la// srin gyi kha dog nag la 'jigs/ / mi sdug ba ru khyod song zhig/ de skad dmod pa bor nas su// lha yi kha dog rab nyams shing// mi sha za zhing mi khrag 'thung// mi lpags gyon zhing mi mgo spyod// mi sdug pa ru rab gyur te// bu yang srin phrug lnga brgya byung/ / sems can thams cad srog gcod cing// 'jig rten sarba phung bar byed// de lta bur ni rab gyur nas// srin yang shi ste ral pa byas// srin po'i bong bu gwa ba brkus// srin gyi ral gri g.yas su thogs/ / nor bu rin chen g.yon du thogs// song ste dur khrod gnas phyin nas// dur khrod sha khrag rab zos te// rgya mtsho'i 'gram du phyin pa las// rlung dmar 'tshub mas rgya mtshor bsgyur// skye ba 'phos te dung skyong ma/ / mi za zhing byin brlabs kyis// da lta gnod sbyin mo ru gyur// de ltar khyed kyis shes par gyis// 'tshal ba'i longs spyod dur khrod rdzas// mdzad pa'i 'phrin las bstan pa yis/ / 'jigs pa'i skye bo rab tu sgrol// gcer bu bong zhon ma las/ rtsa ba'i gleng gzhi'i le'u ste dang po'o//// kyA+ai bcom ldan 'das/ gnod sbyin nag mo re ma ti// dang po bsnyen na ji ltar bsnyen/ bar du bsgrub na ji ltar bsgrub/ / tha mar gsad na ji ltar gsad// ces zhus pa dang/ dpal phyag na rdo rje bka' stsal pa/ nyon cig gnod sbyin ma ru rtse// gnod sbyin nag mo re ma ti// bsnyen bsgrub rnam gsum bshad par bya/ / yid mthun pa dang nyams dga' ru// maN+Dal las brten rdzas bkram nas// srog gi snying po 'bum tshad dang// 'di ni rtsa ba'i bsnyen pa'o// dur khrod shing gcig ri gsum rtse// chu klung lha khang lam mdo ru/ / phyi bshags phyi skong gzhung byas te// dkyil 'khor drug khri ldan pa na// rdzas dang gtor ma ldan byas la/ gcig thu nyi shu rtsa gcig yang// thun re la yang drag sngags bzlas// nus pa byung na gsad pa'i las/ / 'di ni rtsa ba'i bsgrub pa'o// bsgrub pa po maN+Dal shar lho ru// khru phyed pa yi maN+Dal la// nang du dmigs pa ldan pa la// sngags kyi bdag po rabs bsgoms la// brab pa'i rdzas kyis brdeg par bya/ / thun rdzogs sbyin srig mnan pa'o// kun kyang mkha' lding ldan pa re// rtsa ba'i sgrub thabs phye ba'i le'u ste gnyis pa'o//// kyA+ai bcom ldan 'das/ gnod sbyin nag mo re ma ti// khrag 'thung bya ba ji ltar lags/ / brdeg pa'i thabs ni ji ltar lags// zhes zhus pa dang/ bka' stsal pa/ nyon mongs gnod sbyin ma ru rtse// gnod sbyin nag mo re ma ti// khrag 'thung rim pa bshad par bya/ dbus kyi dkyil 'khor khru phyed la/ / mon nam rabs chad thod pa'am// khyad par rnel gri mo la shes// yang na mtshan ngan thod pa ru// drag po'i rdzas kyis gang byas la// rang nyid ting 'dzin ldan byas la// drag po'i sngags kyis stobs byas la/ / mtshan ldan thod pa'i nang du blug/ rtags byung gsad pa'i maN+Dal la// drag po'i las brtsam rdul du rlog/ rtsa ba las/ khrag thun gyi le'u ste gsum pa'o//// kyA+ai bcom ldan 'das/ dug thun ji ltar lags// brdeg pa'i thabs ni ji ltar lags// bka' stsal pa/ maN+Dal gong dang 'dra ba la/ drag po'i rdzas kyi nang du ni// dug rnams blug la maN+Dal nyid du gzhag par bya// drag po'i rdzas la bzlas byas la/ / drag po'i snod du blug byas la// sngags bdag bzhi ru gsal byas la// drag sngags bzhi pa zhes su bya// dug thun gyi le'u ste bzhi pa'o//// yang gnod sbyin ma ru rtses zhus pa/ kyA+e bcom ldan 'das/ phur thun bya ba ji ltar lags// brdeg ba'i thabs ni ji ltar lags// zhes gsol pa dang/ maN+Dal rabs chad byas pa la/ kha hi ra hi shing phur la// sor brgyad grangs ni rtsa ru bdun// gsum pa'i maN+Dal la bzhag ste/ / drag po'i las 'di khri tsho gcig/ bzlas byas btab pa'i nang nas su'o// bstan skyong mdun du gsal byas la// de ltar byas 'og ling ga bsregs// gcer bu bong bu zhon ma las// rtsa ba'i drag sngags bdun pa phur thun gyi le'u ste lnga pa'o/ /// kyA+ai bcom ldan 'das/ bod pa rbad pa gsad pa dang/ sbyor ba'i sngags rnams ji ltar lags// bka' stsal pa/ skye med don gyi yi ge dang/ / snang ba'i cho 'phrul yi ge las// sngags kyi 'byung ba'i rgyu ru bstan/ a A i I/ u U/ ri rI/ li lI/ e A+ai/ o A+au/ aM a/ ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ Sha sha sa ha k+Sha/ oM k+Sha d+harma'i rak+Sha ma'i snying kha rag tsit+ta pa du du du dza dza/ hUM ma snying kha rag trag rak+Sha tsa mun ti che ge mo tsit+ta rbad rbad/ che ge mo'i snying kha rag rag mo snying rtsa la dun dun/ rtsa ba'i rgyud las/ thun mong sngags kyi le'u ste drug pa'o//// kyA+ai bcom ldan 'das/ drag po'i bod rbad gsad pa'i las// sbyor ba'i las rnams ji ltar lags// skye med don gyi yi ge dang// snang ba cho 'phrul yi ge las/ / sngags 'byung ba yi rgyu ru bstan/ a yA/ i I/ u U/ r-i r-I/ l-i l-I/ e A+e/ o au/ aM a/ ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa hak+Sha/ yak+Sha trag rag sha ma snying kha rag tsit+ta srog tu du dza dza/ trag rak+Sha tsa mun+ti che ge mo trag b+h+yo/ che ge mo snying kha rag snying kha rag/ rag mo snying la shar shar b+h+yo/ trag rak+Sha tsa mun te che ge mo srog la rbad rbad swAhA/ rtsa ba'i rgyud las/ drag po sngags kyi le'u ste bdun pa'o//// kyA+ai bcom ldan 'das/ sngags stod bzhi pa ji ltar lags// zhes zhus pa dang// bka' stsal pa/ skye med don gyi yi ge dang// snang ba cho 'phrul yi ge las/ / sngags 'byung ba yi rgyu ru bstan// a A/ i I/ u U/ r-i r-I/ l-i l-I/ e A+ai/ o A+au/ aM A/ ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ badzra saM ha sha mu ga dgra bo'i snying rbad/ sid+ha mu sha sa ma ya b+ha ti/ che ge mo haSh+ti a ti/ ma ti zung zung/ che ge mo snying la shad shad b+h+yo/ badzra kra ti ma ti sha/ che ge mo tsi sha thun che ge mo snying la shad shad b+h+yo/ badzra kang ka ma ti sha/ che ge mo hri he sha sod/ tsit+ta dur shad sod/ che ge mo snying la shad shad b+h+yo/ drag po'i sngags rgod kyi le'u ste brgyad pa'o//// bcom ldan 'das phyag na rdo rjes sngags rgod bdun pa 'di gsungs so/ / A A/ i I/ u U/ r-i r-I/ l-i l-I/ e A+ai/ o A+au/ aM a/ ka kha ga g+ha nga/ tsa tsha dza dz+ha nya/ Ta Tha Da D+ha na/ ta tha da d+ha na/ pa pha ba b+ha ma/ ya ra la wa/ Sha sha sa ha k+Sha/ ma ma rag mo ma hi dza dza/ rag mo sha ru ru/ tsa mun ti che ge mo ki la ya rbad/ trag rak+Sha tsa mun Di/ snying sha spu ru rbad rbad/ ni dza baM ril rbad rbad/ ma ma snying kha rag/ che ge mo ni dza dza/ bal ni ti che ge mo ni mug mug/ rag mo he mo dza dza/ thum ri li li rbad rbad/ ni dza dza/ rtsa ba'i rgyud las/ sngags rgod bdun pa'i le'u ste dgu pa'o//// bcom ldan 'das gsang ba'i bdag pos rnal 'byor bsrung ba'i don 'di gsungs so// oM ta de mo ha de hri da ya ma ra ni hUM phaT/ b+h+yo b+h+yo sa ma ya bzlog bzlog a la la 'phra men b+h+yo b+h+yo b+h+yo b+h+yo rtsa ba'i rgyud las/ bsrung ba sngags kyi le'u ste bcu pa'o//// bcom ldan 'das gsang ba'i bdag pos sreg pa'i sbyin sreg gi sngags 'di gsungs so/ / trag rag sha tsa mun ti che ge mo'i tsit+ta la rbad rbad swAhA/ bya rog 'ug pa gsang ba'i rdzas/ rtsa ba'i rgyud las/ sbyin sreg gi le'u bcu gcig pa'o//// bcom ldan 'das gsang ba'i bdag pos sngags rgod mnan pa'i las 'di gsungs so/ / oM hring che ge mo haM ra yu hri ha hUM badzra ha na ha na che ge mo ya bi ra rtsa hUM phaT stam b+ha ya nan/ rtsa ba'i rgyud las/ sngags rgod mnan pa'i le'u ste bcu gnyis pa'o/ /// bcom ldan 'das gsang ba'i bdag pos/ bsnyen bsgrub rtags kyi don bsgrub pa'i// dang po g.yog mo'i mtshan ma 'byung// de nas ma mo nyid kyi 'byung// tha mar lug gsod dang mi zad dang bdag gtso dang/ de lta bu'i yi mtshan ma 'ong// rtsa ba'i rgyud las/ rtags kyi le'u ste bcu gsum pa'o//// bcom ldan 'das gsang ba'i bdag pos/ dam rdzas bskang ba'i rdzas 'di gsungs// nag mo spyi khar mun khang dang/ / mkha' lding nag mo gser mig ma// 'dod chags nag mo'i snying gis bskang// ba ling a mr-i tsit+tas bskang// snying sna dang ni dbang po'i lag/ longs spyod tshe gnas bskang ba'o// rtsa ba'i rgyud las/ / bskang ba'i le'u ste bcu bzhi pa'o//// bcom ldan 'das gsang ba'i bdag pos khur thun gsang las 'di gsungs so// oM badzra ki li kI la ya/ rag mo ni rag mo ni/ kha trang tsit+ta mar la dza dza/ ma snying kha rag snying kha rag mo srog la rbad rbad nri dza dza/ rag mo srog la rbad rbad/ nri sha ku ru thum rbad/ hri mo ni srog la rbad rbad nr-i dza dza/ rag mo phur ba phur ba/ rag mo rag mo tig tha ma ra ya nri dza dza/ rag mo kha dar kha dar srog la rbad rbad nri dza dza/ rag mo rak+Sha/ rtsa ba'i rgyud las/ phur pa'i sngags kyi le'u ste bco lnga pa'o//// kyA+ai bcom ldan 'das sa brgyad non pa'i sems ma yi// srog shan ging po ji ltar lags/ / zhes zhus pa dang/ bka' stsal pa/ 'khor ba'i g.yul las rgyal ba ni// skyes bu de ni rgyal bar 'bar// gsang mtshan rdo rje sbas pa'i rgyal// mthun pa'i rdzas ni gang la bgyi// zhus pa dang/ bka' stsal pa/ shel dkar mkha' lding dkar po dang tshong pa'i thod pa chang phud dang/ rnam lnga'i bdud rtsi'i mchod pa dang/ bong bu'i 'bras bu/ shing lo rlung khyer/ dri bo'i khrag mtshon gyis mi gsad phye ma dang/ rdo sol seng ldeng phur ba sor brgyad pa dang/ rtsa ba'i rgyud las/ bsnyen bsgrub rdzas kyi le'u ste bcu drug pa'o//// bcom ldan 'das gsang ba'i bdag po'i spyan sngar/ gnod sbyin ma ru rtse stan las langs te/ rang gi srog gi snying po phul lo// dz+nyA na rak+Sha tsit+ta srog thung thung/ oM ru bag sha hUM/ ma hA srog thun/ snying la ma ma b+h+yo/ dz+nyA na rak+Sha bo de tsit+ta bo de tsit+ta rbad rbad/ da ra da ra da ra/ rbad ma ra ya phaT/ zangs tsig zar gnan ma ra ya phaT/ oM badzra di ri bi ra hUM phaT/ ma hA pa tra 'ga' na hUM phaT/ shi sa shi bla shi hUM phaT/ lo shi kha la brag sha rbad hUM// du na sa ra thim na dgra bo ma ra ya phaT/ rtsa ba'i rgyud las/ shan pa bod rbad gsad pa'i le'u ste bcu bdun pa'o//// srog shan sbyin srig ji ltar lags/ zhus pa dang/ dz+nyA na rak+Sha kha raM me raM/ bru?M du sa raM shig me daM khaM yos thu lum me la dza/ 'ub 'ub/ srog shan sku bskyed ji ltar lags/ / zhes zhus pa dang/ bka' stsal pa/ gnod sbyin sku ni k+Sha las 'grub// k+Sha trag rag sha du na ling b+h+yo/ rtsa ba'i rgyud las/ sku dang sbyin sreg gi le'u ste bco brgyad pa'o/ /// sangs rgyas gsung gi smon lam gang lags/ zhes zhus pa dang/ bka' stsal pa/ phyogs bcu'i 'jig rten zhing khams su// sangs rgyas bstan pa rgyas gyur nas// nag mo khyod kyis bsrung bar shog/ sgrub byed dus 'dir tshe ring ste// bu tsha'i rigs brgyud 'phel bar shog/ rta dang glang chen 'phel 'gyur shog/ grub pa 'ga' byed dgra bgegs rnams// rigs brgyud thams cad 'phel bar gyis/ / 'di dang phyi ma thams cad du// sgrub byed byang chub thob nas kyang// nag mo khyod dang 'grogs par smon// rtsa ba'i rgyud las/ smon lam gyi le'u ste bcu dgu'o//// rdo rje gdan du sbas pa'i rtsa ba'i rgyud las 'di yin no/ / rdo rje gdan gyi 'og nas brkus// snying por phyung ba'i lha mo'i rtsas rgyud 'dis// bstan pa bsrung ba'i drag sngags nyi tshe zhing// ston pa'i zhal nas ma mo kun gsungs kyang// snying por 'byung ba rtsa ba'i rgyud 'di yin/ / bstan pa srung gzhan la yod na mgu re skan// bong zhon ma rtsa ba'i rgyud las/ rgyud yongs su gtad pa'i le'u ste nyi shu pa'o//// e ma ho/ rgya gar gyi mkhan po dza ha tis phyung ba/ slob dpon ka ma la dang/ glang dpal gyi seng ge gnyis kyis bsgyur cing zhus te gtan la phab pa'o//// rgya gar skad du/ mA mA de bi ki li ma ra sha ta sa ha sri ka tsit+ta ma hA tan tra/ bod skad du/ ma mo 'bum gyi mnga' bdag dpal lha mo nag mo re ma ti/ dbang mo mched bzhi'i srog rtsa mngon du dbyung ba'i rgyud/ bcom ldan 'das che mchog he ru ka la phyag 'tshal lo// 'di skad bdag gis thos pa'i dus gcig na/ ri rab ri'i rtse mo byang shar mtshams kyi gnas mchog na/ dur khrod chen po'i tshal gseb na yum chen mo rdo rje e ka dzA ti'i b+ha ga rnam par dag pa'i dbyings na bzhugs so/ / de las yum chen mo lnga'i b+ha gar snang ba las sems can skye 'gro mtha' dag ji srid cig chags so// sems can skye 'gro mtha' dag la dbang byed pa'o// de la thams cad kyi dbang mo che lnga la kun tu snang zhing go 'byin nam mkha'i dbang mo che ni/ / snang srid thams cad skye zhing 'byung bar go 'byed pas/ thams cad kun gyi nang na dbang che ba'i bdag mo e ka dza ti dang/ thams cad gnas shing chags pa'i sa gzhi'i dbang mo che ni/ snang srid thams cad skye zhing smin par byed pa'i phyi nang kun gyi nang na dbang che ba'i bdag mo re ma ti dang/ snod bcud 'degs pa dang/ skyod par byed pa'i rlung gi dbang mo che ni/ rgyu 'bras kun gyi rkyen gyis bskyod nas dngas snyigs 'byed cing sel bar byed pas/ steng 'og kun gyi nang na dbang chen bdag mor ma ti dang/ 'gro ba thams cad sdud cing snun par byed pa'i dbang mo che ni/ lus dang rnam par shes pa dwangs mar byed pa'i snod bcud kun gyi nang na dbang che ba'i bdag mo re ma dza dang/ snang srid thams cad drod snyoms par byed pa'i me'i dbang mo che ni/ snang srid kyi sems can thams cad kyi drod snyoms par byed pas snod bcud kyi nang na dbang che ba'i bdag mo re ma dzu dang/ gzhan yang lha mo re ma ti dang/ klu mo re ma ti dang/ bdud mo re ma ti dang/ gnod sbyin re ma ti dang/ sha za nag mo'i tshogs 'bum dang/ ru 'cha' dkar mo'i tshogs 'bum dang// khrag 'thung dmar mo'i tshogs 'bum dang/ dri snom ljang nag gi tshogs 'bum gyis bskor te gnas so// de ltar ma mo thams cad kyis sems can skye 'gro'i tshe dang srog la dbang byed pas/ 'byung ba lnga yi ngang las snang srid kyi ma mo thams cad 'byung ba'o// dpal lha mo re ma ti mched bzhi srog rtsa mngon du dbyung ba'i rgyud las/ gleng gzhi'i le'u ste dang pa'o/ /// de nas bcom ldan 'das che mchog he ru kas/ srin mo chen mo gdug byed ma bzhi la 'di skad ces gsungs so// khyed bzhi'i pha gang yin/ ma gang yin/ ming ci skad bod/ mkhan ci skad bod/ maN+Dal ni du yod/ gnas gang na gnas/ gzhal yas khang ni ji lta bu zhig na/ shul gang du dbyung/ zhes gsungs pas/ re ma ti na re/ nga'i pha bdud gshin rje brang dkar yin/ ma bdud mo srog len hab sham ma bya ba yin/ re ma ti'i pha bdud pad+ma gar gyi dbang phyug yin/ ma bdud mo brgya byin kun dga' ma yin/ re ma dza'i pha bdud thod pa'i 'phreng ba can bya ba yin/ ma bdud mo e ka dzA Di ma yin/ re ma dzu'i pha srin po ma TaM ru tra yin/ ma gling bzhi kun 'byam ma yin no// nged kyi pha ma de rnams la/ nged du ma zad de bu pho 'bum bu mo 'bum yod do// nged kyi ming du shes pa ste/ 'bod pa rnams kyis dgur shes so/ / nged kyi mkhan ni brgya 'am stong ngo// dkyil 'khor ni gnyis so// gnas ni byang shar mtshams drang por bying byed mu le ting gi mtsho bya ba na gnas so// gzhal yas khang rin po che'i gzhal yas khang dur khrod kyi rgyan gyis spras pa ste/ dur khrod la longs spyod pa'i gnas zhig na gnas so// shul ni rlung tshub chen po dang/ chu gzhung dang/ ri rtsibs dang/ bar snang la rgyu'o// dpal lha mo nag mo re ma ti mched bzhi srog rtsa mngon du dbyung ba'i rgyud las/ pha ma'i khungs dang ming mkhan dang bcas pa'i le'u ste gnyis pa'o//// de nas bcom ldan 'das che mchog he ru kas/ srin mo chen mo gdug byed ma bzhi la 'di skad ces gsungs so/ / khyed kyis dkon mchog gi dbu 'phangs smod pa dang/ sangs rgyas kyi bstan pa 'jig pa'i dam sri la phung bar bya ba'i dmod pa'i mtshon cha ni gang yin/ khyed bsgrub pa'i gnas ni gang la bya/ rten pa'i rdzas ni gang yin/ srog gi snying po ni ji skad drang/ bsnyen pa'i dkyil 'khor ni ji ltar bya/ bsad pa'i dkyil 'khor ni ji ltar bya// rab tu gsad pa'i maN+Dal ni ji ltar bya/ khyed kyis smos shig/ he he/ che mchog rgyal po bka' stsal nyan// rdo rje che mchog spyan lnga ru// dmod pa la sogs smra bar bya// rdo rje che mchog he ru kas// dmod pa'i 'di la byin rlabs mdzod// dkyil 'khor la sogs rdzas rnams la/ / byin rlabs dam pa thob par mdzod// theg mchog spyad pa'i rnal 'byor la// thugs rje'i shugs kyis bsgrag tu gsol// bstan pa la gnod pa'i rigs thams cad la dmod pa dor ba 'di'o// oM tA tA la trag rak+Sha ru ti nan/ mur ti baM/ re ma ti che ge mo'i srog la dzA dzA dzA dzA/ pad+ma ma ra ti ru te re ma ti che ge mo'i srog la dzA dzA dzA dzA/ nag mo dun ting ma ma b+h+yo b+h+yo/ snying shad shad ni dzA dzA/ che ge mo'i srog rtsa la b+h+yo b+h+yo/ zhes smos pas bstan pa la gnod pa lta ci smos te/ gling bzhi tsam yang phung bar byed do// nges bsgrub pa'i gnas ni/ brag dmar po chos zangs 'dra ba 'am/ rgya skags kyi kha dog 'dra ba'am/ drag po khrag gi mche ris can nam/ mtsho gling ngam/ chu 'gur lta bu 'am/ yang na dur khrod gsar snying gi gnas su bya'o// nged bsten pa'i dam rdzas ni lug nag mo spyi dkar dang/ khyi nag dang/ bya nag dang/ mi snying dang/ rta snying dang/ ra snying dang/ khyi snying dang/ nal sha dang/ snying dang/ khrag sna tshogs dang/ sha sna tshogs dang/ bdud rtsi dang/ gtor ma chen po dang/ me tog sna tshogs pa la bya'o// srog gi snying po ni/ oM tad+ya thA/ trag rag sha mug+ti baM ma ru lu dzA dzA/ dgra'i snying la b+h+yo b+h+yo/ oM ma pad+ma ra ta ru te re ma ti/ tsit+ta tsit+ta/ dgra snying la b+h+yo b+h+yo/ oM ru lu ko'u men s+yen myen ma dzA dzA/ dgra snying la b+h+yo b+h+yo/ oM u ti du ru du ru/ tshal pA me da rA dzA dzA/ dgra snying la b+h+yo b+h+yo/ bdag cag bzhi'i 'o// nag mo dun b+h+yo b+h+yo/ nag mo dun ting ma las la b+h+yo b+h+yo b+h+yo b+h+yo/ 'khor gyi'o// ma ma sha sha ru khrag shu hring/ tsit+ta dgra bo'i snying la thun thun/ 'ub 'ub ril ma'i snying la ril ril/ trag rak+Sha ru khrag snying la dzA dzA/ ru ru lu ni ti sta rbad/ trig trig hring mA mA ma sham tsit+ta dpal lha mo ya/ bdag cag gi spyi sdom gyi snying po'o// bsnyen pa'i dkyil 'khor ni/ dbus su gru gsum pad+ma 'dab brgyad bcas par byas la/ zlum po la thod pa'i 'phreng bas bskor ba gru chad dang bcas par bya'o// gsad pa'i dkyil 'khor ni/ gru gsum dmar nag tu byas la/ thod 'phreng gru chad du bcas pa sgo khyud dang me rir bcas par bya'o/ / rag tu gsad pa'i dkyil 'khor ni/ thod pa skya bo la phyi nang du srog len pho mo brgyad kyi zhal phyung ba'o// de ltar bsnyen bsgrubs gsad dang gsum gyi dkyil 'khor la ba su ta'i phra lag dang 'phreng bas bskor/ zhing gi rgyal mtshan dang/ rkang chen gyi dung dang/ thod pa'i rnga dang/ bab+d+ha'i cha lang dang/ spyi blugs zhwa chen gon/ 'phreng chen bgrang/ rak+ta'i dar phyar/ ku sha'i glu blang/ shel nag la 'ben bca'/ de nas bsnyen bsgrub tshul bzhin pa/ mtshan ma bzang por ma byung bar/ 'dzab gdon bstod dang bskul ba gtang/ rgyu dus dag tu gtor ma ni/ gnad nas bod cing sbyin par bya// de nas mtshan ma byung ba dang/ / thun 'phang dngos grub blang bar bya// de ni bsgrub par bshad pa'o// dpal lha mo nag mo re ma ti mched bzhi srog rtsa mngon du dbyung ba'i rgyud las/ srog snying bstan pa dang rtsa ba'i maN+Dal bstan pa'i le'u ste gsum pa'o/ /// bsnyen cing bsgrub par bya ba ni// dkyil 'khor pad+ma 'dab brgyad la// dbus su mthing nag gru gsum la/ thod 'phreng me ris brgyan par bya// sgo dang sgo khyud bcas par bri/ / de la dam rdzas dgod pa ni// mchog phur bcu dang lcags phur cu// mthing nag dar gyis brgyan pa dgod// seng ge'i snying dang mi snying dang// rta snying khyi snying ra snying dang// lug gi snying dang glang gi snying/ / dom gyi snying dang stag gi snying// phag pa'i snying dang bcu po yis// snying rtse la dar mthing nag lce'u re gdags// snying gi rtsa ba snying rang dngos su dar dmar po lce re gdags/ mi khrag dang rta khrag la gzhi blangs la/ / khrag sna ci mang thod pa gsum bzhag/ rtsang la glo snying dmar phrul le bkal la gzugs/ bshos bu chag gang ba cig la khrag gi thig le logs bzhir byug la stegs bu'i steng du bzhag/ smyug ma tshigs dgu pa cig la tshon tshogs kyi nam mkha' cig byas la/ bshos bu'i dkyil na yar gzugs so// bya tshal bu cig gis thugs dam bskang/ gsob shus byas la gshog pa g.yas pa la dgra bo'i ming rus btags la/ dar tshon sna lngas brgyan la nam mkha'i dkyil du gdags so// bya mtshal bu cig gi gshog pa g.yas pa la dgra bo'i ming rus btags la/ bdud sgrol gying rnams kyi rta ru bzung zhing rten du bca' 'o/ / rmad du byung ba'i gtor ma cha gcig bshams la/ srid pa pho bcu bskul zhing dmod btsugs la gtang ngo// zla kham bse zhal can cig la byang chub sems kyi thig btab la/ de la nam mkha' nag po cig btsugs la/ bya mo nag mo'i gsob cig gi gshog pa g.yon pa la dgra bo'i ming rus btags la/ gshog pa g.yas dang gzhung la dar tshon sna lngas brgyan nam mkha' la gdags/ bya nag mo cig la sker tsit+ta'i 'phreng ba gdags/ lus la dar tshon sna lngas brgyan la bdud mo rnams kyi thugs dam bskang zhing rten du bca' 'o// rmad du byung ba'i gtor ma la dmod btsugs shing srod dang tho rangs gtad do// de nas bdud yab yum rnams la srog snying tshad du bskyal te las bcol na/ dgra bgegs brgya brgya sgrol nus so// oM tri tsa pa la a shug me swAhA/ oM ma tsa pa la a shug me swAhA/ zhes srog snying de re re la bye ba'i tshad du skyon na/ rtags ni rab 'bring rnam gsum ston/ rab tu sku ni mngon du ston// 'bring du skad 'byin 'od dang sgra// tha mar me 'bar ba ru 'byung// rtags ni mngon du bstan pa dang// 'phrin las rim pa gzhung bzhin brtsam/ / hUM/ bskal pa me ltar 'bar ba'i klong dkyil nas/ yab cig gshin rje'i rgyal po gshegs su gsol// yum cig srin mo dur khrod bdag mo gshegs su gsol// sras mchog sprul pa ya ma ra dza gshegs su gsol/ / de yi 'khor na gnas pa'i sras kyi mchog/ ging chen bdud mo'i tshogs rnams rnams gshegs su gsol// phyogs phyogs ni ya ki na// nam mkha' ni ya gi na// ri rab ni zom rtse na/ / phyogs bzhi ni mtshams brgyad na// bdud kyi rgyal po pho dgu mo dgu bzhugs// bdud pho bdun mo'i mtshan btags pas// sgrol ging pho mo bco brgyad po// skyes pa pho mo kun gyi bdud// mi phyugs de ni gnyis kyi bdud/ / khyed kyi de ni phyag na mnga'// skyes mchog ging chen pho mo'i tshogs// rnal 'byor dbang phyug bdag bsgrub kyi// do nub spyan 'dren gshegs su gsol// dza hUM baM ho ging ka ra hUM dza/ nag mo dun ting hUM dza/ / hUM/ snyan pa'i sgras ni spyan 'dren na// dung dang pi wang gling bu'i sgra// snyan pa'i glu dbyangs phyogs bcur 'bul// srog len pho dgu mo dgu'i tshogs// pho brang chen por bzhugs su gsol// ging ka rag mo rak+Sha sa ma ya tiSh+Tha lhan/ / hUM/ dga' dang gus pas phyag kyang 'tshal// nga ni dbang phyug chen po ste// khyed ni rnal 'byor dam la gnas// dam tshig gzhung du phyag 'tshal lo// skye mchog ging chen pho mo la// mos pa'i dam tshig mchod pa ni// chang phud dang ni khrag phud dang// sha khrag dang ni snying sna dang// 'dza' gad phud dang gtor mar bcas// dri bsrung spos kyi mchod pa 'di// ging chen yab yum zhal du 'bul/ / sa ma ya ging kar nag mo rak+Sha dun ting/ ma hA pu dza pra ti dza ho kharaM khA hi khA hi/ hUM/ pho brang chen po'i zom rtse na// sgrol ba'i ging chen pho mo bzhugs// legs nyes 'dzin pa'i dam tshig can/ / sngon dang sngon gyi dam bcas pa// bcom ldan dpal chen he ru kas// lag tu rdo rje gtan nas ni// rnal 'byor pha yi bsrung ma ru// ji ltar khas blangs dam bcas pa// mi bsnyal phyir du rdo rje gtad// nga yang rnal 'byor dbang phyug chen po ste/ / khyed kyang sgrol ba'i dam tshig can// dam tshig bsre yis da tshur spyon// nged kyang lha ru khyed mchod de// khyed kyang dam ldog na ra skan// bdag la tshe yi dbang chen gsol// bdag gi bud med 'khor bcas la// srog dang srid la mnga' ma mdzad// 'khor 'di srungs la gnas skyongs shig/ ci bcol bya bar khas blangs so// dgra bgegs bsgral bar dam bcas so// bdud bram ya dgra snying la dun b+h+yo b+h+yo/ nag mo rak+Sha dun ting kha raM/ dgra snying la dun b+h+yo b+h+yo/ de nas bdud pho mo rnams la 'phrin las bcol ba/ hUM/ skye mchog ging chen bco brgyad kyang// bzhugs ni ri rab brtse la bzhugs/ / gnas ni nam mkha'i dkyil du bcas// rgyu ni bar snang khams su rgyu// grogs ni rnal 'byor spyi la mdzad// kun kyang khro bo'i rgyal po ste// kun kyang sgrol ba'i bdag mo mdzad// skye mchog khro bo ging ka ra/ / bzhugs ni nam mkha'i dkyil na bzhugs// chibs su seng ge dkar mo chibs// sku la g.yu yi slag pa gsol// g.yas na gsod pa'i spu grib bsnams// g.yon na lcags kyu rnon po bsnams// rngam zhing bros pa'i nga ro yis/ / lha chen tshangs pa sgrol la brtson// de la gsang ba'i mtshan btags pa// skye mchog dung gi gtsug phud can// khro mo gnas pa'i 'phrul mo che// gos su mun pa nag po gon// me sgron 'bar ba'i sham thabs can/ / gnam phyed gos su gon pa la// sa phyed stan du 'dings pa mo// phyag na mdung dmar lcags kyu bsnams// chibs su bse yu khyung chen chibs// sha khrag kun gyi dri snoms ma// las su sgrol la dga' ba mo/ / spu gris 'debs shing mchod stabs byed// sbyor sgrol dam tshig mchog lags kyis// rnal 'byor dbang phyug chen po yis// dgra bgegs ma lus bsgral du gsol// hUM/ skye mchog rdo rje dur khrod gshed/ / bzhugs ni ri rab brtse la bzhugs// chibs su khyung chen gshog la chibs// sku la khyung gi slag pa gsol// g.yas na gsod pa'i spu gri thogs// g.yon na lcags kyu rnon po thogs// rngam zhing khros pa'i nga ro yis/ / ma bdud nag mo sgrol la brtson// de la gsang ba'i mtshan btags pa// skye mchog khyung gi gshog rgod rtsal// khro mo nam mkha'i glog 'bar ma// gos su nam mkha'i khams kun gon/ / phyag na srog gi chan pa thogs// chibs su 'brug dang rlung la chibs// rol du glog dang 'tshubs ma khrid// gang du bsam par yud kyis phyin// sngon gyi thugs dam smar lags kyis// khyag chen dam la da tshur sbyon/ / las su gsod la dga' ba mo// sbyor sgrol dam tshig mchog lags kyis// rnal 'byor dbang phyug chen po yi// dgra bgegs ma lus bsgral du gsol// hUM/ rdo rje spyang khu chen mo ni/ / bzhugs ni dur khrod gnas na bzhugs// chibs su za byed spyang khu chibs// sku la lce spyang slag pa gsol// sku ni nag po'i 'gying stabs can// ging chen mang po pho nyer 'gyed// g.yas na gsod pa'i spu gri bsnams/ / g.yon pa lcags kyu 'bar bas snying yang 'byin// rngam zhing khros pa'-i nga ro yis// dam sri thams cad sgrol ma brtson// de la gsang ba'i mtshan btags pa// skyes mchog rdo rje sgrol byed rtsal// khro mo bar snang glog 'bar ma/ / bdud kyi lcam mo gshin rje'i yum// nyi ma gcig la khams gsum rgyu// mtshan mo gcig la stong khams rgyu// g.yas pa khrag nag phyar zhing g.yob// g.yon pa tri shul 'phyar zhing brdeg/ g.yu yi chu srin 'bar ba chibs// sdang bar byed pa'i dgra la ya// las su gsod la dga' ba mo// sbyor sgrol dam tshig mchog lags kyis// rnal 'byor dbang phyug chen po yi// dgra bgegs ma lus sgrol du gsol/ / hUM/ skye mchog rdo rje gtum po rtsal// bzhugs ni bar snang khams na bzhugs// chibs su rngam pa dom la chibs// sku la dom slag nag po gsol// phyag na dgra sta zhags pa bsnams// rngam zhing khros pa'i nga ro yis/ / bdud rje nag po sgrol la brtson// de gsang ba'i mtshan btags pa// skyes mchog rdo rje bdud 'dul rtsal// khro mo mi mtshan lcang lo'i bdag/ sku la 'od 'byung khams gsum bsregs/ / zhal nas me 'bar rgya mtsho skems// chibs su chu glang lu mo chibs// gos su sha thul nag po gon// phyag na sha zhags ring mo bsnams// phyag g.yon thod khrag zor du 'phen// las su gsod la dga' ba mo/ / sbyor sgrol dam tshig mchog lags kyis// rnal 'byor dbang phyug chen po yi// dgra bgegs ma lus bsgral du gsol// hUM/ khro bo'i rgyal po gshin rje gshed// bzhugs ni 'od kyi dkyil na bzhugs/ / chibs su stag gu rigs la chibs// sku la stag gi slag pa gsol// sku stod stag gi zar phran can// g.yas pa gsod pa'i spu gri bsnams// g.yon pa lcags kyu rnon pa bsnams// rngam zhing khros pa'i nga ro yis/ / gshin rje nag po sgrol la brtson// de la gsang ba'i mtshan btags pa// skyes mchog stag gi zar phran can// khro bo khro mo stag mgo can// sku la me 'bar rgya mtsho skyems// 'khor ni chu srin rgyal bas bskor/ / lag na sbrul gyi zhags pa bsnams// chu srin bir gyi bu mo zhon// rgya mtsho'i gting nas dmigs pa len// las su gsod la dga' ba mo// sbyor sgrol dam tshig mchog legs kyis// rnal 'byor dbang phyug chen po yi/ / dgra bgegs ma lus bsgral du gsol// hUM/ rdo rje 'byung ba chen po ni// bzhugs ni 'byung po'i dkyil na bzhugs// chibs su rgod kyi gshog pa chibs// sku la me yi slag pa gsol/ / g.yas na lce dgu zhags pa bsnams// g.yon na lcags kyu rnon po bsnams// rngam zhing khros pa'i nga ro yis// me la 'byung po sgrol la brtson// de la gsang ba'i mtshan btags pa// skyes mchog rdo rje thogs med rtsal/ / khro mo bar snangs gzi 'phreng ma// sku mdog mthing nag 'bar ba la// sku la gzi thum khra bo gsol// phyag na gzi yi khram yig bsnams// dgra bo dam nyams thugs dam bskang/ / chibs su bya rgyal khyung la chibs// las su gsod la dga' ba mo// sbyor sgrol dam tshig mchog lags kyis// rnal 'byor dbang phyug chen po yi// dgra bgegs ma lus bsgral du gsol// hUM/ rdo rje 'chi bdag chen mo ni/ / bzhugs ni bdud kyi yul na bzhugs// chibs su bdud rta nag po chibs// sku la bdud kyi chas dgu gsol// nag po bdud kyi pho nya ste// g.yas na gsod pa'i spu gri bsnams// g.yon na lcags kyu rnon po thogs/ / rgyud drug gcod cing tsit+ta 'byin// rgyu drug gcod dpa'i gang pho ni// rngam zhing khros pa'i nga ro yis// re ste 'gong yag sgrol la brtson// nag po kun gyi pho nya ste// de la gsang ba'i mtshan btags pa/ / rdo rje rngam pa'i bsgrub pa tsal// khro mo 'bar snang mthu mo che// srid pa gsum gyi byo bzlog mkhan// sku mdog ser mo 'bar ba la// sku la gser thul ser po gsol// chibs su rlung dang bu yug chibs/ / phyag na ser pa kha char bsnams// las su gsod la dga' ba mo// sbyor sgrol dam tshig mchog lags kyis// rnal 'byor dbang phyug chen po yi// dgra bgegs ma lu bsgral du gsol// hUM/ rdo rje gnod sbyin chen mo ni/ / bzhugs ni bar snang khams na bzhugs// sku la me 'bar slag pa gsol// chibs su lcags kyi spyang khu chibs// g.yas na ka dar rnon po thogs// g.yon na lcags kyu rnon po thogs/ / rngam zhing khros pa'i nga ro yis// gnod sbyin pho mo sgrol la brtson// de la gsang ba'i mtshan btags pa// skyes mchog rak+ta thig le rtsal// khro mo bar snang glog 'bar ma// sku mdog dmar nag 'bar ba la/ / sku la mthig nag ber chen gsol// chibs su stag mo grus ma chibs// phyag na 'dzin byed phyag cha ni// dbu zhags sngon po sha ra ra// sngon gyi rgyal bas gsungs pa'i bka'// las su gsod la dga' ba mo/ / sbyor sgrol dam tshig mchog lags kyis// rnal 'byor dbang phyug chen po yi// dgra bgegs ma lus bsgral du gsol// hUM/ nag mo me yi kha rlangs can// sku mdog nag mo 'bar ba la/ / mun pa nag po'i slag pa gsol// chibs su bdag g.yag rog po chibs// phyag na bdud kyi khram thogs shing// sdang ba'i dgra bo khram la 'debs// 'khor du srog bdag 'bum gyis bskor// rngam zhing khros pa'i nga ro yis/ / srog gcod pho mo las la bskul// de la gsang ba'i mtshan btags pa// nag po srog len rag+sha kha// khro mo dpal ldan re ma ti// sku stod re ba nag po gsol// dred lpags nag po'i sham thabs can/ / lcags kyi dre rta rkang gsum la// srin po'i ya mkhal snga ru byas// srin po'i ma mkhal phyi ru byas// srin mo'i sogs pas sga legs byas// srin po'i pags pas sga g.yogs byas// mi mgo'i yob chen khra la la/ / sbrul gyi gong thag go rmad can// byu ru dmar po'i mthur srab la// g.yu yi kha rgyan si li li// skye nas gser gyi dril bu khrol// de lta bu ni chibs su chibs// g.yas na b+han d+ha khram shing bsnams/ / g.yon na nad kyi rgyal ba bsnams// 'phongs la mtshon gyi gru gu bkal/ gong na shod kyi rde'u bgrang// las su gsod la dga' ba mo// sbyor sgrol dam tshig mchog lags kyis// rnal 'byor dbang phyug chen po yi/ / dgra bgegs ma lus bsgral du gsol// hUM/ rdo rje dus 'tshams chen mo ni// bzhugs ni rlung nag dkyil na bzhugs// sku la lcags kyi tshe ber gsol// phyag na 'jigs byed sgrol ba spu gri bsnams/ / g.yon na lcags kyu rnon po bsnams// rngam zhing khros pa'i nga ro yis// 'jig rten dregs pa sgrol la brtson// de la gsang ba'i mtshan btags pa// skyes mchog nges pa'i thig le rtsal// khro mo smug nag re ma ti/ / smug nag 'bar ba'i na bza' la// me stag 'bar ba'i sham thabs can// chibs su chu glang nag po chibs// rgyu ni dur khrod klong na rgyu// len ni spyugs pa'i glu len ma// gtong ni ltas ngan sna tshogs gtong/ / za ni mi sha rlon pa za// 'gengs ni stong gsum bgegs kyis 'gengs// 'thung ni rta khrag rlon pa 'thung// bzhin yang mi sdug khrag mdog ma// 'khor bzhi nag mo khrag mdog ma// de yi 'khor gyi ma mo ni/ / grangs kyang brgya phrag stong yod kyang// re yang gnyin mo kun la re// su la mi re khyod la re// su la mi ltos khyod la ltos// dpal ldan nag mo re ma te// mthu rtsal che bar rgyu mchis pas// dmag dpung bskyed la bdud kha bsgyur/ / ru mtshon phyor la dgra dpung chom// las su gsod la dga' ba mo// sbyor sgrol dam tshig mchog lags kyis// rnal 'byor dbang phyug chen po yi// dgra bgegs ma lus bsgral du gsol/ / bdud pra ma ya dgra snying la dun b+h+yo/ srog rtsa chod srog rtsa chod/ kha tha kha tha/ rbad bu rbad bu/ dgra snying la dun b+h+yo/ mi snying la dun b+h+yo/ bdud bra ma ya thum thum/ dgra bo'i snying la thum/ bdud bra ma yang gzer gzer/ dgra bo'i snying la gzer/ bdud pra ma ya dgra bo'i snying la dun b+h+yo/ srog rtsa chod srog rtsa chod/ kha tha kha tha/ rbad bu rbad bu/ dgra snying la dun b+h+yo/ mi snying la dun b+h+yo/ bdud pra ma ya thum thum/ dgra bo'i snying la thum/ bdud pra mo ya gzer/ dgra bo'i snying la gzer/ bdud pra mo ya dgra bo'i srog rtsa chod/ bdud pra mo ya dgra bo ni ma ra ya dza thums rbad/ nag mo maM sa sha la dza dza traM/ nag mo tsit+ta snying la dza dza/ nag mo dgra bo'o rtsa la dza dza/ nag mo dgra bo'i srog la dza dza/ nag mo dgra bo'i dbugs la har hur dza dza/ nag mo dgra bo'i snying la dza dza/ tig hab yA yA/ snying la thun/ tsit+ta kha thum log/ thum ril rbad/ yaM rbad b+h+yo/ srog la thum rbad/ kham ril ya rbad/ mA ra ya b+h+yo/ phur pa rnams kyang gzugs la brdeg/ snying sna rnams dang gtor mas mchod/ bshos cha chang phud dus gsum mchod// bya dang nam mkha' rten du gzugs/ / rtags rnams byung nas maN+Dal bsdu// ma ra ya b+h+yo/ phur pa rnams kyang gzugs la brdeg/ snying sna rnams kyang gtor mar mchod// dngos grub blangs te gtang rag gtang/ / dpal ldan nag mo re ma ti mched bzhi srog rtsa mngon du dbyung ba'i rgyud las/ srog bdag pho dgu mo dgu bsgrub pa'i le'u ste bzhi pa'o//// de nas yang dag bshad bya ba gsad par bya ba'i 'phrin las ni/ / dkyil 'khor dmar nag gru gsum la// zla khams gsum ldan thod 'phreng brgyan// gru chad sgo dang me rir bcas// tshul dang mthun pa'i maN+Dal bcas// gru gsum bzhi la lcags phur bzhi// gru chad bzhi la thil bzhi/ / zlum po gtsang nag 'bum gyis bskor// zla khams gsum la bya nag gsum// gzhan yang dam rdzas tshang bar bsags// tshul dang mthun pa'i gtor ma gnyis// srod dang tho rangs dus su gtang/ / 'jigs byed rgyal po gshin rje yis// dam chen bskul la rtsang phur gdab// de nas che ba'i nga rgyal bskyed la// mkhan rgya nas mtshang bru zhing phur pas gdab/ hUM/ rgya gar yul nas bzhugs pa'i tshe/ / rgya mo spyan dmar ma yi mkhan// khyod ni myos byed chen mo ste/ dam tshig nyams pa'i dgra bo yi// klad pa'i rgyas su phur bus thob// oM ta d+ya thA tra ga rak+Sha mu ti be ru lu dza dza/ dgra snying la b+h+yo b+h+yo/ ma gi ya hUM phaT/ men yul gting na bzhugs pa'i tshe// mon mon spyi rings las 'phran can gyi mkhan// khyod ni skul byed chen mo ste// dam tshig nyams pa'i dgra 'di'i// rkang pa'i mthil du ki la ya// oM pad+ma ra ti ru ti re ma ti/ tsit+ta tsit+ta dgra snying la b+h+yo b+h+yo/ trag mo rak+Sha kA la ya hUM phaT/ dbus kyi dur khrod klong na bzhugs pa'i tshe/ e ka dza ti ral gcig ma yi mkhan// khyod ni gsod byed chen mo ste// dam tshig nyams pa'i dgra bo yi/ / mkhal rtsa g.yas su ki la ya// oM lu ko'u me san nan dza dza/ dgra snying la b+h+yo b+h+yo/ rag mo rak+Sha ki la ya hUM phaT/ dmar gyi rgya mtsho 'gram na bzhugs pa'i tshe// nag mo yul yi ral gcig yi mkhan/ / khyod ni srog len chen mo ste// dam tshig nyams pa'i dgra bo 'di'o// mkhal rtsa g.yon la ki la ya// oM u ti du ru du ru/ tshal pa me d+ha ra dza dza/ dgra snying la b+h+yo b+h+yo/ rag mo rag+sha kI la ya hUM phaT/ khyod kyi 'khor du bud med nag mo 'bum gyis bskor ba'i tshe/ nag mo 'bum rnams las la 'gyed pa'i mkhan// khyed kyi spyan rtsa bzlog nas mche ba gartsigs pa'i tshe// bud med nag mo 'bum gyis yang// mig rtsa rig rig khyed la lta ba'i mkhan/ / khyed kyis rkan sgra chem chem drag tu brdabs pa'i tshe// da lta nyid du 'phrin las mdzad pa'i mkhan/ oM ha ra la b+h+yo b+h+yo/ pa tsa pa tsa kI li kI la ya mA ra ya hUM phaT/ dpal lha mo nag mo re ma ti mched bzhi srog rtsa mngon du 'byung ba'i rgyud las/ gtso mo bzhis bur ba gdab pa'i le'u ste lnga pa'o//// de nas 'khor nag mo 'bum gyi rtsang gis gdab pa'i phyir/ hUM/ dbyings kyi dur khrod klong na bzhugs pa'i tshe/ / rlung dang bu yug sna 'dren pa'i// dbyar zhing rgya mtsho'i 'gram na bzhugs pa'i tshe// me tog mdangs len bzhugs pa'i mkhan// ston bzhin bar snang khams na bzhugs pa'i tshe/ 'bras bu lo thog bcud len ma yin mkhan/ / dgun bzhin gangs dkar rtse na bzhugs pa'i tshe// rlung dang bu yug sna 'dren ma yi mkhan// nam gyi gung la rgyu ba'i tshe// lha mo nam gru ma yi mkhan// bdud kyi bu mo mdzad pa'i tshe/ / bdud kyi lcam la gshin rje'i yum cig ma yi mkhan// ma mo stong gi gtso mo mdzad pa'i tshe// dza dza sho na ma yi mkhan// dpal chen po yi zhal ni mngon sum mthong ba'i tshe// b+hA ga hri ti ma yi mkhan/ / dpal chen gzungs ma mdzad pa'i tshe// kro d+hi shwo na ma yi mkhan// dpal rta mgrin gzungs ma mdzad pa'i tshe// e ka dza ti ral gcig ma yi mkhan// dgra rnams phung bar mdzad pa'i tshe// dgra bla'i rgyal mo nyid kyi mkhan/ / sku la mu tig dkar po'i 'phreng bas do shal mdzad pa'i tshe// e ka dza Ti ya ma'i mkhan// bar snang khams la bzhugs pa'i tshe// 'gro ba kun la dbang sgyur ma yi mkhan// 'dzam bu gling bzhi dus gcig rgyu ba'i tshe/ / gling bzhi grags mo rgyal gyi mkhan// mdza' bu gling bzhi mnga' bdag mdzad pa'i tshe// gling gi 'dra rang ma yi mkhan// rak+ta'i thig les sku la brgyan pa'i tshe// dbang gi rgyal mo rak+ta'i thig le can gyi mkhan/ / gdug pa sbrul gyis sku la brgyan pa'i tshe// skye 'gro kun gyi srog gcod ma yi mkhan// nag mo 'bum gyi dus la bab// dam tshig nyams pa'i dgra bo'i// snying rtsa g.yas la ki la ya/ / trag rak+Sha ru tra khrag dun b+h+yo/ nag mo dun b+h+yo/ dun ting ma las la b+h+yo b+h+yo/ ma dur nga ma b+h+yo du nga ma b+h+yo/ tsit+ta thun b+h+yo/ rag mo yaM dgra la yaM yaM/ kI li kI la ya mA ra ya hUM phaT/ dpal lha mo nag mo re ma ti mched bzhi srog rtsa mngon du dbyung ba'i rgyud las/ nag mo 'bum gyi rtsang gdab pa'i le'u ste drug pa'o//// de nas 'khor ser mo 'bum gyi rtsang gdab pa/ hUM/ shel gyi mchod rten dbu la rtsigs pa'i tshe/ / rigs lnga kun dang dam tshig dgyes sde mo yi mkhan// dpal tshad brgyad khri dus gcig rgyu ba'i tshe// gsur gyi dri snom khrag gi rje gcod ma yi mkhan// khrag gi rgya mtsho'i nang na bzhugs pa'i tshe// ral pa gcig gis rgya mtshos bskyil ba'i mkhan/ / dgra sha gsol nas dgyes te// zhal gyi rkan sgra tog cing se gol brdab pa'i tshe// hUM dang phaT gyi sgra sgrogs pa yi mkhan// srid pa gsum du thog gi bskal pa 'bebs pa'i tshe/ / 'jig rten bag chags thams cad thal bar rlog pa'i mkhan// dam tshig gnyan po tshul bzhin bsrung ba'i tshe// dam tshig dbang gis sku la brgyan pa'i mkhan// thugs dam bskul nas tshul bzhin bcol pa'i tshe/ / khro mo cha byad 'jigs par ston pa'i mkhan// dbang phyug chen mo 'phrin las bcol pa'i tshe// dbang bsgrub rgyal mos 'phrin las mdzad pa'i mkhan// lha rnams zhal gyis spyugs pa'i 'bod/ / mdzes pa'i lha mo gzhon tshul ston pa'i mkhan// drang srong cha lugs tshul bzhin mdzad pa'i tshe// gza' dang rgyu skar dus gcig bzlog pa'i mkhan// byang phyogs dur khrod klong na bzhugs pa'i tshe// dz+wa Ti yu yi ral gcig 'od dpung ma yi mkhan/ / lha rnams rdzong du 'dzud pa'i tshe// rdzong gi lha mo lha ma yin rnams phung bar mdzad pa'i mkhan// me yis ri rab 'khor yug dus cig bsregs pa'i tshe// me za brag gyon ma yi mkhan/ / rgyu drug rtsad nus gcod pa'i tshe// ngan song thams cad thal bar rlog par byed pa'i mkhan// srin mo'i thod rus zhal du gsol ba'i tshe// srin mo'i sha za rus 'cha' ma yi mkhan// bdud kyi bu mo mdzad pa'i tshe/ / ha ri rag sha kha 'bar ma yi mkhan// gnod sbyin mo yi gtso mo mdzad pa'i tshe// gnod sbyin rgyal mo gdong rings ma yi mkhan// sman phran 'bum gyi gtso mo mdzad pa'i tshe// ser chen kha 'dril rdo rje rlung mo'i mkhan/ / ke ri brgyad kyi gtso mo mdzad pa'i tshe// ke ri nag mo mche ba can gyi mkhan// 'phra men brgyad kyi gtso mo mdzad pa'i tshe// kha kha nag mo dgra snying 'bru ba'i mkhan// sgo ma bzhi yi gtso mo mdzad pa'i tshe/ / 'chings byed zhag 'phen ma yi mkhan// dbang phyug nyi shu brgyad kyi gtso mo mdzad pa'i tshe// srin mo smug nag thod khrag 'thor ba'i mkhan// pho nya tshogs kyi gtso mo mdzad pa'i tshe// mgo dgu rkang gcig dgra snying 'byin pa'i mkhan/ / dam tshig mtha' dag sku la gnas pa'i tshe// ma btsun ug chos dbyar mo bsil gyi mkhan// pho nya srid par chags pa'i srog dang khrag gi ma'ang bdag mdzad pa'i tshe/ / nag mo srog gcod snying 'byin sha za khrag 'thung ma yi mkhan// 'jigs su rung ba'i dpal ldan re ma ti// bsgrub pa'i rdzas la grogs mdzod la// sdang ba'i dgra la rtags phyung zhig/ ser nag 'bum gyi dus la bab/ / dam tshig nyams pa'i dgra bo 'di// snying rtsa g.yon la kI la ya// b+h+yo b+h+yo b+h+yo b+h+yo/ dzA dzA dzA dzA/ nag mo dgra bo baM ri li li/ nag mo snying khrag la ri li li/ nag mo snying la ri li li/ nag mo dgra bo'i srog la cho cho/ baM ri li li/ b+h+yo b+h+yo/ rag mo rag mo ru ru mi ta yaM/ kI li kI li mA ra ya hUM phaT/ dpal lha mo nag mo re ma ti mched bzhi srog rtsa mngon du dbyung pa'i rgyud las/ ser nag 'bum tshogs kyi rtsang gdab pa'i le'u ste bdun pa'o/ /// de nas 'khor dmar nag 'bum gyi rtsang gdab pa/ hUM/ 'dzam bu gling bzhi lhag phud nyul ba'i tshe/ gling bzhi mkha' 'gro 'bar ma'i mkhan// bskal pa stong gi mnga' bdag mdzad pa'i tshe/ / thog gi bu mo glog 'gyu ma yi mkhan// srid pa gsum gyi skos mkhan mdzad pa'i tshe// srid pa'i bu mo skos 'debs ma yi mkhan// dge sdig gnyis kyi gshags gnyis dus gcig 'byed pa'i tshe// nyes legs ltar 'dzin dam tshig rjes gcod ma yi mkhan/ / srin po 'bum phrag gcig tu 'khor ba'i tshe// srin mo sha zan brtse ba'i mkhan// sha khrag dmar la rod rod gsol ba'i tshe// yud tsam gyis ni dgra snying 'byin pa'i mkhan/ / srin mo chung ma mtshan pa'i tshe// srin mo sham sham ma yi mkhan// srin mo 'bum gyi 'dod pa sgong pa'i tshe// srin mo nag mo hal hal ma yi mkhan// sras bu sri phrug 'bum phrag dus gcig bltams pa'i tshe/ / srog chags kun gyi sha za rus 'cha' ma yi mkhan// sdang ba'i dgra la las mdzod cig/ dmar nag 'bum gyi dus la bab// re ma ti ba sha tsa ba la dzA dzA b+h+yo b+h+yo/ ma ma sa ma ya b+h+yo b+h+yo/ ma ma sa ma ya thum/ rnir dzA mA lA shag/ lag tu rbad b+h+yo/ ma ma kha ma thum/ ki li kI la ya ma ra ya hUM phaT/ dpal lha mo nag mo re ma ti mched bzhi srog rtsa mngon du dbyung ba'i rgyud las/ dmar nag 'bum tshogs kyi rtsang gdab pa'i le'u ste brgyad pa'o/ /// de nas 'khor ljang nag 'bum gyi rtsang gdab pa/ hUM/ sku la re ba nag po gsol ba'i tshe// nag mo re ba'i go zu can gyi mkhan// dre rta rkang gsum chibs su chibs pa'i tshe/ / nag mo dre rta'i mnga' bdag chen mo'i mkhan// phyag na bdud khram nag po bsnams pa'i tshe// skye 'gro thams cad khram la 'debs pa'i mkhan// mchan na rtsibs bya dmar po bcug pa'i tshe// skye 'gro thams cad dkyus la 'dzud pa'i mkhan/ / bud med nag mo stong gis bskor ba'i tshe// ma mo 'bum gyi mnga' bdag nyid kyi mkhan// khrag skams lcags kyu phyag na bsnams pa'i tshe// dgra bo'i bla 'gugs snying rtsa 'dren pa'i mkhan/ / gser gyi skon pa phrag la gzed pa'i tshe// 'bras bu lo thog gnyis su len pa'i mkhan// g.yu yi zor ba phyag na bsnams pa'i tshe// lo thog snar gyi bcud len ma yi mkhan// zhags pa nag po klad la bskor ba'i tshe/ / 'jigs su rung ba'i bdud mo srog len mkhan// gser gyi ju tig phyag na bsnams pa'i tshe// srid pa gsum la bya ra mdzad pa'i mkhan// sbyor bdag chen mo yin pa'i tshe/ / snang srid tsam gyi re ba skong ma'i mkhan// spyan rtsa bzlog nas mche ba gtsigs pa'i tshe// bdud dang srin po ma lus 'dul ba'i mkhan// zhing chen g.yang gzhi sku regs mdzad pa'i tshe// mu stegs 'dre gdon zil gyis gnon pa'i mkhan/ / dred lpags nag po sku la gsol ba'i tshe// bdud dang srin po 'phangs su 'khol ba'i mkhan// stag lpags rlon pas sham thabs mdzad pa'i tshe// stag gi bu mo ris bkra ma yi mkhan/ / khyung gshog sngon pos sku la brgyan pa'i tshe// khyung gi bu mo khrag zan ma yi mkhan// zhing chen gdan la brkyang bskum bzhugs pa'i tshe// rdzu 'phrul bzhi yi zhabs dang ldan pa'i mkhan// thod pa skam rlon phyag na bsnams pa'i tshe/ / bde gshegs rnams la dges mchog 'bul ba'i mkhan// khro mo smug nag cha lugs 'dzin pa'i tshe// snang srid thams cad me yis bsregs pa'i mkhan// srin mo nag mo cha lugs 'dzin pa'i tshe/ / bsgrub pa po yi lta spyod rtogs pa'i mkhan// lha mo dkar mo'i cha lugs 'dzin pa'i tshe// srid pa'i ma mo dngas ldan ma yi mkhan// bdud rtsi rnam lnga zhal du gsol ba'i tshe// yid bzhin zas la mnga' bsnyems ma yi mkhan/ / dbu skra gyen du 'khyil ba'i tshe// brtul zhugs rtsal rnams dus gcig 'byin pa'i mkhan// mi ro rta ro zhal du gsol ba'i tshe// zhal gyi sgregs pas stong gsum 'gengs pa'i mkhan/ / shangs nas rnag dang chu ser 'dzag pa'i tshe// stong khams yongs kyi bag chags sbyong ba'i mkhan// gdong smug rtsas bsgags pa'i tshe// dbang phyug tshogs la sten cing 'gying bag ston pa'i mkhan// spyan rtsa bzlog nas thur du gzigs pa'i tshe/ / ngas song thams cad dong sprugs mdzad pa'i mkhan// dbu yi ral pas phyogs bcur gtibs pa'i tshe// stong khams thams cad ma mos 'gengs pa'i mkhan/ / spyan nas khrag gi mchi ma 'dzag pa'i tshe// 'dzam bu gling bzhir shwa ser 'bebs pa'i mkhan// zhal nas spyugs pa'i glu snyan blang pa'i tshe// rnal 'byor rnams kyi drod tshad rtogs pa'i mkhan// mgur chu byis pa'i mgo bos mdzad pa'i tshe/ / bsgrub ba po yi ting 'dzin nyung ba'i mkhan// te'u seg ne'u seg 'phreng ba bgrang ba'i tshe// thugs dam snying po bsnyel gyis dogs pa'i mkhan// dar nag go zu sku la gsol ba'i tshe/ / 'khor gyi ma mo rnams la 'gying bag ston pa'i mkhan// mtha' ma thod pa'i 'phreng bas brgyan pa'i tshe// ma mo 'bum rnams las la 'khol ba'i mkhan// sbrul nag stong gis sgrog bu mdzad pa'i tshe// glu rnams tshar gcod dam nyams 'dul ba'i mkhan/ / thod khrag dmar po zhal du gsol ba'i tshe// 'dod chags khrag la ngom mtha' med pa'i mkhan// gsal ba'i zhun mar phyag na bsnams pa'i tshe// sngags pa dam nyams pa yi srog len mkhan/ / sha ba'i skyid lham zhabs la gsol ba'i tshe// brtan ma bcu gnyis las la 'khor ba'i mkhan// lcags 'phreng sngon pos lcags sgrog mdzad pa'i tshe// gdug pa po rnams spa bkong ma yi mkhan/ / chu glang nag po chibs su chibs pa'i tshe// rgya mtsho gting nas 'khrug cing klong ba'i mkhan// sdang dgra gnod bgegs sgrol la shog/ ljang nag 'bum gyi dus la bab// dzA dzA re ma ti ba sha tsa pa la dzA dzA/ sha rgyus snying la ya/ sha rgyus srog la ya/ dbugs rgyus rtsa la ya/ rtsa rgyus khrag la dun dun/ rag mo rag mo ru ru ti sta rbad/ yaM sham sham/ nag mo srog lus phrol/ kI li kI la ya ma ra ya phaT/ brag dang bya nag zor du bya/ tshe bstim dngos grub blang/ dpal lha mo nag mo re ma ti mched bzhi srog rtsa mngon du dbyung ba'i rgyud las/ ljang nag 'bum gyi rtsang gdab pa dang mkhan brgya bsgrub pa'i le'u ste dgu pa'o/ /// de nas yang dag bshad bya ba/ rab tu bshad par bya ba ni// dkyil 'khor dmar nag gru gsum la// dbus su rabs chad mon gyi mgor// nang du ma bzhi'i zhal kyang bri// phyi la srog bdag bzhi yi zhal/ / nang du khrag sna tshang bar bsags// thod pa skya bo gcig gi nang du dug sna tshogs tshang bar bsogs/ sna la khrag la bsgrubs/ de nas khrag dug bsres la/ de nas thun bsnyen dag la 'jug/ snying po stong gi bar rag tu/ / bskul tshig dang ni tshul bzhin btang// oM tri khas blangs ma ru tra/ hUM thum ru lu ru lu ma he b+h+yo/ ru ru rag mo ma sham/ ni tsa pa la/ ni lha ya ma dun hring yag du ma dzA dzA/ khrag las rlangs pa 'byung ba dang/ / khrag dug bsres ta dug ngar bskyed// oM a be sha/ the ba sha/ ta be sha/ ru be sha/ sha kha thun b+h+yo/ sa tams tam/ shog tam shog tam/ bam mugs dam nyams srog la mA ra ya/ khrag dug gnyis las rlangs ba byung// sngon dmar khyug khyug byung ba ni// 'du ba rnam bzhi'i nad dag gis// dgra bo dag dang smos ci dgos// bstan pa gnyan po'i 'jig byed dang// dkon mchog smod pa brlag par byed/ / de nas gsang ba'i sngags dag ni// stong stong tshad du phyin par bya// tri tsa ba la ni ra zung/ bdud tri ni ra zung/ ya tri ni ra zung chum shig/ yaM tri ni/ ra zung/ dun tri pa tri/ ldan dza/ dan dri sho ma tri/ che ge mo ma ra ya tring dza dza/ yA yA thim thim/ mA ra ya thun yA/ oM tad+ya thA/ trag rak+Sha mu tri baM ru lu dza dza/ dgra snying la b+h+yo b+h+yo/ be sha kha thun b+h+yo/ oM pad+ma ra ti ru ti re ma ti/ tsi ta tsa ta/ dgra snying la b+h+yo b+h+yo/ be sha kha thun b+h+yo/ oM ru lu ge'u me sen men nan dzA dzA/ dgra snying la b+h+yo b+h+yo/ ba sha kha thun b+h+yo/ oM uM sti du ru du ru tshal pa me d+ha ra dza dza/ dgra snying la b+h+yo b+h+yo/ be sha kha thun b+h+yo/ nag mo dun b+h+yo/ dun ting ma las la b+h+yo/ 'khor nag mo 'bum dang bcas te 'phrin las la spyon cig dza dzA/ las byed gtso mo dza dun ting/ be sha kha thun b+h+yo b+h+yo/ ling kha 'dar ram khrag tu 'khol// grub rtags tshad du phyin pa dang// srog bdag pho mo las la bskul/ / hUM/ bdud rnams kun gyi yang bdud de// me ri 'bar ba'i gnas srun po// nag po me yi kha rlangs can// me 'brug dmar po zhon zhing rgyu'o// lag na gnam lcags srin po rkang// srin rkang can gyis da drongs la/ / bstan pa 'jigs pa'i dgra bo 'di// mi mang 'du ba'i gnas su sod// shan pa khyod kyi dus la bab// chung ma nag mo khrag 'dzag ma// khrag gi ral pa sngon dmar 'gyu// dgra la sngon dmar dal kha phob/ / nad gtong ma yi dus la bab// hUM/ nag po be glon mi gcig pa// ral pa gcig 'greng gnam du 'khyil// lag na mi yi g.yang gzhi rdebs// bdud g.yag nag po zhon cing rgyug/ dam tshig nyams pa'i dgra bo 'di/ sab sub lung pa'i nang du gsod// shan pa khyod kyi dus la bab// de yi chung ma nag mo ni// nag mo chen mo glog 'gyu ma// mgo med brang ni nus mas bkang// bse dang dung gi zho 'thor zhing/ / stong khams khyab pa'i lag rings ma// dgra snying dbyung ba'i dus la bab// dpal ldan nag mo re ma ti// rgyu ni dpyid zla gsum la rgyu// thun dang zor gyi sna drongs la// thun khrag rims su da sgyur cig/ rims nad dgra sdang 'di la ya// hUM/ lha bdud dregs chen gsus po che// lag na dar nag ru mtshon phyar// lcags kyi mdzo rgod zhon zhing rgyug/ sprin nag dung dkar 'khyil na bzhugs// sku la sngo ba'i dgra bo 'di/ / ri drag gsang ba'i gnas su sod// shan pa khyod kyi dus la bab// de yi btsun mo nag mo ni// nag mo chen mo mgo gsum ma// phag skad 'tsher zhing lcags ser 'beg/ lcags kyi ser drag 'bebs pa mo/ / dgra bo'i snying la lcags ser 'bebs// dpal ldan nag mo re ma ti// rgyu ni dbyar zla gsum la rgyu'o// thun dang zor gyi sna drongs la// thun khrag ris su da bsgyur la// rims nad dang dgra snying nyid la ya/ / hUM/ bdud mkhar kha rag sgo med nas// ral pa spyi 'chings bdud kyis so// lag na dgra snying rlon pa bsnams// bdud rta nag po zhon zhing rgyug/ zhags pa nag po shwa ra ra// bdud ya nag po lding nag 'dzums/ / bdud khyi nag po 'dur zhing 'jab// bka' gcog dam bral sdig can 'di// zang zing grong gi dbus su sod// shan pa khyod kyi dus la bab// btsun mo nag mo so gcig ma// so gcig skye shi rtsad gcod ma/ / mon bu sta thog sum cu'i 'khor// srog rtsa bcad pa'i dus la bab// dpal ldan nag mo re ma dza// rgyu ni ston zla gsum la rgyu// thun dang zor gyi sna drongs la// thun khrag rims su da sgyur la/ / rims nad dgra bo'i snying la ya// hUM/ khu le shod kyi lag dgu po// bse mkhar smug po'i nang na gnas// byu ru'i mche ba 'dar zhing 'ong// bse khrab smug po si si li// bse yi rmog mo gsang rings gsol/ / bse mdung smug po ldems se ldems// bse dar 'bru ring pu ru ru// bse yi lcags kyu kra la la// bse zhags dmar po sha ra ra// bse rta dmar po gzhu ring zhon// bse yi bya la gzhung se zhungs/ / ring la snyeg pa'i zhing bcu 'di// rgya mtshor rlobs la chu grir sod// shan pa khyod kyi dus la bab// 'jigs byed khyod kyi btsun mo ni// dmar mo mig gsum sbrul mgo can// lag na zhag gi phor thogs ma/ / nad gtong ma ste smyo pa mo// smyos nad gtang ba'i dus la bab// dpal ldan nag mo re ma dzu// rgyu ni dgun zla gsum la rgyu// thun dang zor gyi sna drongs shig/ thun khrag rims su da bsgyur la// rims nad dgra sdang 'di la ya/ / oM tsa ru thum ril/ khrag thum ling/ gug tshar ling/ baM baM rmug rbad/ drol drol phug ljur ti phyung/ rol rol dgra bo'i snying la rol/ dgra bo'i srog la rol/ snying thig/ srog thig rbad rbad yA/ nag mo b+h+yo/ rag mo b+h+yo/ yag mo b+h+yo/ drig mo b+h+yo/ re ma ti b+h+yo/ re ma Ta b+h+yo/ re ma dza b+h+yo/ re ma dzu b+h+yo/ mo ma 'o/ ma b+h+yo ma b+h+yo/ ma mo nag mo phrol/ yag mo sod/ ni dza rbad thun b+h+yo/ sdang ba'i dgra bo la/ ma mo las kyi thun b+h+yo b+h+yo b+h+yo b+h+yo b+h+yo/ thod bu thun du byas la/ khro bo'i khang rtsar 'gram rtsar sba/ yang na kho'i zhing mu'i dkyil du sba'o// dpal lha mo nag mo re ma ti mched bzhi srog rtsa mngon du dbyung ba'i rgyud las/ srog bdag yab yum bsgrub pa'i le'u ste bcu pa'o/ /// de nas yang dag bshad bya ba// thog ser gsang ba'i las dag 'di// spyi yi dkyil 'khor de nyid la// rdzas su bca' ba'i dam rdzas 'dis/ / thod pa srubs drug pa gsum du// ra ser rgya'i khrag/ khyi mo nag mo'i khrag/ gdong gcig ma'i mngal khrag gsum blugs la/ zla kham gsum la bzhag go/ de nas nyungs dkar dang/ ba bla dang/ bod dug dang/ pa tse ba rnams la ngan sngags bzlas te bsgrub bo// oM tad+ya thA/ trag rak+Sha mug baM/ ma ru lu dzA dzA/ dgra snying la b+h+yo b+h+yo/ oM pad+ma ra ti ru ti re me ti/ tsit+ta tsit+ta dgra snying la b+h+yo b+h+yo/ oM ru lu ko bu me sen men nan dzA dzA/ dgra snying la b+h+yo b+h+yo/ oM UM sti du ra du ru tshal pa/ me da ra dza dza/ dgra snying la b+h+yo b+h+yo/ trag mo trag ka li baM yaM/ sa ma ya hUM phaT/ khrag la gdab bo/ rmi lam gyi mtshan ma dang/ mngon sum pa'i rtags byung ba dang/ rdzas dang yas stag kun khyer te/ yul gang du byed pa'i lo thog la/ zor du brdeg cing sngags bzlas so// ru ru rag mo ti sta trag mo trag+sha ma ma raM b+h+yo/ ru ru kaM kaM ma ma ram b+h+yo/ ru ru rag mo ma raM b+h+yo b+h+yo/ ru ru pe ba sti sta ma ma raM b+h+yo/ ru ru tsi bi ri ma ma raM b+h+yo/ sngags de rnams bzlas la/ brang rdung/ skra gsig/ zhing lpags gdab bo/ gshed der bsgoms la bskul bar bya'o// hUM/ kham nag gsum 'bar ba'i dkyil 'khor nas/ / sa bdag rgyal mo gshin rje'i sring cig ma// 'jigs byed dpal gyi pho nya bdud kyi yum// rma bya'i rgyal mtshan bdud kyi rgyan du byas// zla ba'i 'od ni spyi bo'i gtsug na gsal// nyi ma'i 'od ni lte ba'i dkyil nas 'char/ / zhing lpags g.yang zhi sku yi rgyan du byas// re lde nag po sku yi smad g.yogs byas// phyag mtshan g.yas na spu gri nag po bsnams// phyag mtshan g.yon na nad kyi rkyal ba bsnams/ / bong bu gwa chags khyod kyis chibs su chibs// rlung nag nang nas thog dang ser ba phob// dam nyams dgra bo'i lo thog brlag par mdzod// skyin 'dang bdag mo thugs dam dus la bab// srid gsum 'joms mdzad dpal ldan re ma ti/ / sbrul gyi gdu bus zhe sdang rtsad nas gcod// chu srin thod pas nyon mongs dbyings su sgrol// khram shing nag pos dam nyams dmyal thag gcod// thog ser bdag mo'i thugs dam dus la bab/ / thugs rje sgeg ma dpal ldan re ma ti// sku yi ma mo mi bzad ral gcig ma// chu srin pir gyi slag pa sku la gsol// 'phrin las bskal par thog dang ser ba gtong// thog bdag rgyal mo'i thugs dam dus la bab/ / bka' gsang rgyu ldog dpal ldan re ma dza// sprin gyi go zu nag pos sku la klubs// mi mgo'i 'phreng bas sbrul gyi do shal byas// 'phrin las gter du shwa dang bu yug gtong/ / thog ser bdag mo'i thugs dam dus la bab// dur khrod kun 'gro dpal ldan re ma dzu// ru sbal slag pas sku yi stod du gsol// stag lpags rlon pas sku yi smad du gsol// 'phrin las gnyer du rlung dang thog 'bebs ma/ / dam nyams dgra la thog dang ser ba 'bebs// shar shar ram nal dud phro ma/ thog gi rdzas ni lcags phyed/ zangs phyi/ gser phye/ kun khrag la btab ste thog gi las so/ / gzhan ser ba'i las khongs su ltas so// dpal lha mo nag mo re ma ti mched bzhi srog rtsa mngon du dbyung ba'i rgyud las/ thog ser dbab pa'i le'u ste bcu gcig pa'o//// de nas yang dag bshad bya ba/ / mu stegs log lta zin pa la// ltas ngan gtang ba'i las dag ni// kham pa'i nya bo mgo gsum la// ltas ngan sna tshogs mgo dang snying// klad pa skam po brdar la blug/ gzhan yang rdzas rnams tshang bar bsag/ ngan sngags 'di yis ltas ngan bsgrubs// rag mo rag mo sham sham/ nag mo dun b+h+yo/ du ling du ling/ snying kha rag ma du ling/ srog la du rtse phob yA/ mtshan ma rtags la phab pa dang// bdag nyid gshad por gsal bsgoms la/ / ltas ngan bdag ma drag tu bskul// hUM/ ma cig dpal ldan re ma ti// sku la sbrul nag slag pa gsol// phyag na g.yu'i 'khar ba brdebs// ma mo dre nag kha ser chibs// gser gyi sga la g.yu yi sha thag 'phrul/ / sngon dmar ral pa sig ge sig/ ral pa'i gseb nas me stag 'phro// ltas ngan wa sbyang shul na 'du ru ru// sgeg mo lha mo re ma ti// sbra thag g.yengs shing chom thag brtul/ / nam gyi gung la rgyu zhing dgra bo'i dmigs la 'dzin// 'o dod thang gsum 'bod cing phyag nas sleb nag rdegs// nag mo klong rdebs byed cing 'os 'dzub mun ltar nag/ cho 'phrul ltas ngan dbab pa'i dus la bab/ / nag mo dpal ldan re ma ti// 'jol ni sla grib mtshams nas 'jol// rgyu ni nam gyi gung la rgyu// mo yi ltas kyang mi mthong ngo// khyi mo gsang gis mi tshor ro// khyod kyi 'khor ni nag mo 'bum/ / nag mo 'bum gyi kha lo sgyur// nag mo 'bum gyi mnga' bdag mo// skra gseb gza' yis brgyan cing gza' yi cho 'phrul gtong// skra gseb skar mas brgyan cing skar ma'i cho 'phrul gtong// thod pa'i 'phreng ba bgrang zhing mi mgo'i cho 'phrul gtong/ / lcags kyi bya nag thogs shing bya rog kha nas me chen 'bar// srin bya skad 'don phyung de phyung// 'ug pa'i rkan sgra thog ge thog/ bya nag sna tshogs thibs se thibs/ / ltas ngan gla ba rgal dang thod de thod// nag mo chen mo khrag mig ma// chibs su dre nag gnyer mangs chibs// ltas ngan sreg pa phur 'jol mkhan// ltas ngan dbab pa'i dus la bab// dpal ldan nag mo re ma dza/ / nag mo sgeg 'gros lings se lings// skyag ka'i spyi 'grings zhungs se zhungs// nag mo chen mo sku bskyod dang// rnga mo nag mo pral la bcug/ gser gyi stag mo grus ma shul nas 'khrid/ / dam nyams dgra la mdo ris thob// ltas ngan wa spyang 'dur du chug/ ltas ngan bdag mo'i dus la bab// dpal ldan snyan gyi re ma dzu// chibs su bong bu gwa chags la// kham pa'i mi mo skya rings zhon/ / kham pa'i mi mo bco lnga la// ku ku rA dza'i cho nge de ri ri// lha mo snying po ma nor nga la yod// khyod kyi khol mo nag mo dig ma bdun du sprul// ltas ngan dur khrod wa brgyal tse re re// ltas ngan cho 'phrul dbab pa'i dus la bab/ / nag mo ro ring shin// snying nar yaM kham rug dun dun ro long/ du ling du ling/ rag mo ru kaM nyog ling/ ltas ngan sna tshogs phrob yA/ yas stag rnams kho'i khang pa'i 'gram rtsar sbas la bzhag/ dpal lha mo nag mo re ma ti mched bzhi srog rtsa mngon du dbyung ba'i rgyud las/ ltas ngan dbab pa'i le'u ste bcu gnyis pa'o//// de nas yang dag bshad bya ba// sbyin sreg las ni bshad bya ba/ / maN+Dal bya ba'i sa bdag ni// mi grir shi ba'i sa dang ni/ g.yul bsham pa yi sa dag la// bsreg khang gru gsum mthing nag brtsigs// chag chag gi chu ni grir shi ba'i khrag gam/ chu mi lkug pa'i chus bya'o/ / shing ni bra ma/ skyer ba/ se ba/ byi tsher te/ gdug shing sna dgu la bya'o// ri shi ba'i rtsa ba/ spyang tsher ba/ ra dug pa ste dug shing de lta bu la bya'o// yam shing mi ro khab 'am// dur khrod kyi shing la bya'o// me ni reg ma'am/ gdong gcig 'am/ smad 'dzag ma 'am/ yug sa mo sar ba lta bu 'am/ bkra mi shis pa'i me la bya'o// bsreg pa'i rdzas ni/ ba spu yung ba lta bu yis// gtor ma dang ni lha bshos kun// ser po'i thig le mang du gdab/ / nyungs kar ni mar khus mchod zhi ba'i rjes su bstan pa ni/ mar dang zho dang me tog dkar// gtor ma lha bshos dkar pos mchod// dbang gis rdzas su bsag pa ni// khrag dang me tog dmar po dang/ / gtor ma bshos bu dmar pos mchod// drag po'i rdzas su bya ba ni// nyungs nag ske tshe til nag dang// lcags phye me tog lo btsan dang// khra bo khre dang nas nag dang// sran ma srub ma bsres pa'i tshe/ / gtor ma lha shos zur gsum nag/ drag po'i rdzas su dbul bar bya'o// ling ga sman ma gtubs byas la// de dag kun la dbul bar bya'o// oM tad+ya thA trag rag+sha/ ru be ru be nan/ mug stig baM ru lu dza dza/ che ge mo da ha da ha/ pa tsa pa tsa swAhA/ oM pad+ma ra te re ma ting/ tsit+ta tsit+ta ma ma ru lu ru lu dza dza/ che ge mo b+han d+ha ku ru ye swAhA/ oM ru lu ko'u me sen men nan dza dza/ che ge mo puSh+tiM ku ru swAhA/ oM u ma ting du ru du ru/ tshal pa me dza dza/ che ge mo dza dza zhi ba shan ting ku ru swAhA/ bstod cing bsreg pa ni/ hUM/ ma cig lha mo re ma ti// nag mo mi srun mche ba chan// drag po'i 'phrin las bsgrub pa'i phyir/ / mthing nag chen po'i sku la phyag 'tshal bstod// hUM/ ye shes klong yangs 'khyil ba'i hom khung du// drag po'i rdzas su sbyar ba'i mchod pa 'di// ma cig re ma ti la mchod 'bul bstod// rnal 'byor rnams la bsrung zhing skyab pa dang/ / dam nyams dgra bo'i ma lus thal bar rlog/ hUM/ srid pa'i lha mo re ma ti// dmar nag mi srun mche ba can// dbang gi 'phrin las bsgrub pa'i phyir// smug nag 'jigs pa'i sku la phyag 'tshal bstod/ / ye shes klong yangs 'khyil ba'i hom khung du// dbang gi rdzas su sbyar ba'i mchod pa 'di// ma cig re ma ti la mchod 'bul bstod// rnal 'byor dbang gi las la da tshur sbyon// dam nyams dgra bgegs dbang du sdus/ / hUM/ ma cig lha mo re ma dza// ser nag mi srun mche ba can// rgyas pa'i 'phrin las bsgrub pa'i phyir// ser nag 'jigs pa'i sku la phyag 'tshal bstod// ye shes klong yangs 'khyil ba'i hom khung du/ / rgyas pa'i rdzas su sbyor ba'i mchod pa 'di// re ma dza yi sku la mchod 'bul bstod// rgyas pa'i 'phrin las bdag la rdzogs par mdzod// hUM/ ma cig lha mo re ma dzu// sngo skya mi srun mche ba can/ / zhi ba'i 'phrin las bsgrub pa'i phyir// sngo skya 'jigs pa'i sku la phyag 'tshal bstod// ye shes klong yangs 'khyil ba'i hom khung du// zhi ba'i rdzas su sbyar ba'i mchod pa 'di// ma cig re ma dzu la mchod 'bul bstod/ / rnal 'byor bdag gi zhi ba'i las bden 'grub// dam nyams dgra bgegs ma lus zhi bar mdzod// snying po nyi shu rtsa re dang/ bstod pa re dang spel la gtang ngo// phyi nang gsang ba gsum gyi mchod pa la/ phyi'i mchod pa ni lnga 'am bdun gyis mchod do// ting nge 'dzin dang phyag rgya'i mchod pa yang de bzhin du mchod do// nang gi mchod pa ni nal brug gi snying dang/ bya 'am lug nag gi snying la gzhi blangs la/ snying sna tshogs 'bul lo// rgyun gtor sum cha dang/ rak+ta dang/ a mr-i ta dang/ mchod pa 'byor tshad du 'bul lo// bstod pa ni/ hUM/ khams gsum sgrol ba'i dpal mo khyed bzhi la// mthun pa'i rdzas kyi mchod pa dam pa dang/ / dam rdzas sna tshogs sbyar ba'i mchod pa dang// gzugs dang ling gar bcas pa 'di rnams kun// ye shes klong yangs 'khyil ba'i hom khung du// rnal 'byor gus pa'i tshul gyis chod 'bul gyis/ / nag mo mched bzhi'i sku la mchod 'bul bstod// rtsa ba'i snying po bzhi'i zhabs la/ ma hA rak+ta khA hi/ ma hA tsit+ta la khA hi/ ma hA go ro tsa na la khA hi/ ma hA ba su ta kha raM khA hi/ ma hA pany+tsa a mr-i ta khA hI/ ma hA b+ha ling ta kha hI/ sha truM ma ra ya khA hi/ mA khA hi mA khA hi mA kha hi mA khA hi/ de nas dug gsum gyis mchod pa yang dbul lo// gsang ba'i mchod pa ni/ bdag dang lha mo bzhi'i mkha' byin gyis brlabs te/ / bdag gi byang sems ma bzhi mkha' la so sor babs pas mnyes te ci bcol ba byed par bsam// phyir de bzhin gshegs pa thams cad la 'phros pas thugs dam skongs par bsam/ / sems can dang sha truM la phog pas dug gsum rtsad bcad nas 'khor bstongs par bsam mo// dpal lha mo re ma ti mched bzhi srog rtsa mngon du dbyung ba'i rgyud las/ sbyin sreg gi las kyi le'u ste bcu gsum pa'o/ /// de nas yang dag bshad bya ba// las rnams grub par ma gyur na// 'jig rten bsam pa bsgrub pa dang// re ti mched bzhi 'khor dang bcas// ming dgu mkhan brgya las stong grub// re ma ti yi shi sa bshad/ / 'di yi bsgrub pa gang btsams kyang// cho 'phrul che la rtags med na// nyi ma nub kar rnal 'byor ba// mi dga' ba yi sems dang ldan pas na// mos su bdag dbang byas pa yis/ / 'khor du rkyen 'ong mthar phyung 'gyur// de la 'di yi myur du btsal// bsam pa thams cad 'grub pa'i sa// chu gling dur khrod brag dmar mtsho// dben pa'i gnas sogs gar rnyed par// sa glud gtang zhing phyi bshags bya/ / mchod dang phyi bshags dag par bya// dkyil 'khor 'dom gang gru bzhi la// gri khrag dri chen chag chag gdab// ba su ta yi thig gdab bya// dbus su khru gang gru gsum brtsegs// gzhi ma dmar la me ri dkar/ / gru gsum 'og ma ser po ste// bar ba dkar la thod pa dmar// steng ma ra ga dmar po bri// de stengs ro ras me long tshad// bu mo nyi shu'i tshad ldan pas// rak+ta sa bris te ma dbus so/ / de yi mtha' ma sngags 'dis bskor// oM badzra snying kha rag ma b+h+yo dza/ zur gsum gnas su dgod pa ni// lcags skyar seng ldeng phur ba dgod// dam rdzas gtor ma sprin zhal can// byang shar mtshams kyi grwa ru bzhag/ byang du rak+ta'i sprin chen bzhag/ gshin rje'i phyogs su hom gzugs bzhag/ maN+Dal mthing nag dar gyis dgab// le brgan dar gyi yol bas bskor// dkyil 'khor rgyan rnams tshogs par dgram/ / he ru ka 'am gshin rje gshed// mchod pa phul la bsnyen 'dzab bya// e re dur khrod 'bar ba la// dzA la raM gyis khams gsum kun// khro bo'i skur bdag la bstim// dur khrod chas kyis bdag dbang bskur/ / ma mo'i 'phrin las gzhung du bsnyeg/ bsam gtan ldan pas nga rgyal bskyed// sngags kyi bkugs la sman mchod bya// skyer phur khro bor byin brlabs rtser// ma ma trig nan sngags bris te// rang gi lag pa g.yon pas bzung/ / g.yas pa 'phreng ba chen po bgrang// oM ma ma trig nan/ re ma ti tsit+ta pa la trag rak+Sha kha mun tra/ tra ba tra ba rak+Sha/ dun dun dza dza hring/ 'dzab zlos ting 'dzin ldan par bya'o/ / mo nyid dam bca' khas len na// bdud rtsi byin la dam tshig 'bog/ khrag spreng rnga brdung dam tshig bskul// ma ma sa ma ya s+t+waM/ trig nan sa ma ya s+t+waM/ sngags des phur gdab bdud rtsi blug/ re ma ti khA hi sa ni gtor ma dbul/ / grub pa'i rtags rnams byung ba dang// phur phyung shul du bdud rtsi blug/ de nas dgra la drag po'i las// ting 'dzin las dang sngags dang ni// pho nya rtags dang thun bzhi dang/ / gdab dang gtub dang zhal du bstab// zor 'phangs b+h+yos gdab bzang ngan pa// 'phang ba'i las dang sngags rnams ni// 'phang ba'i las ni 'di dag go/ dza dza re ma tri dza/ 'jig rten dag na mthu che ba/ ma hA de ba 'chi bar bshad// dpal lha mo nag mo re ma ti mched bzhi srog rtsa mngon du dbyung ba'i rgyud las/ shi sa bstan pa'i le'u ste bcu bzhi pa'o//// de nas skyon yon bstan pa ni/ re ma ti mched bzhis sangs rgyas kyi bstan pa la gnod pa'i dgra lta ci smos te/ bdud dang srin pas bdag rlag par byed pas/ gang zag kun gyi snying lam na/ ngas kyang 'di dag rbad la dgra dang bar chod ming med par byas la rang gnyan zhing che bar bya snyam ste/ de ltar mi btub legs nyes gnyis kyi lta la yang 'di rnams rab tu mkhas te/ tho cho dang btsan thabs byar ma'i dod de pha rol pos mnyes par rang gis nyes na chad pa tshur gcod du 'ong ngo/ / gnyis kas nyes na gnyis ka la chad pa mnyam por gcod// dam tshig mi gtsang na yang slar bdud du 'bebs/ bu smad chung ma dang 'khor yang rlag par byed/ bdag dam tshig la gnas shing gtsang ma/ sring mo mang po'i nang na mi ming po gcig yod pa bzhin du gdung zhin brtse bar 'gyur ro// lta ba che na yid bzhin gyi no bu rin po che ltar mthong zhing// bsnyen zhing bskur sti byed par 'gyur ro// ting nge 'dzin gsal na ni las kyi rje bo bzhin du bka' nyan zhing khur bar 'gyur ro/ / dam rdzas 'tshogs shing mchod pa 'grub na pha ma drin can la bus lan ldon zhing yid la ci 'dod pa'i dngos grub skyel lo/ / bka' 'di gsang thub cing spyad legs na mi zad pa'i gter spas pa bzhin du yid la ci 'dod bsam pa 'grub bo// 'di ltar spyad nyes sam gzhan la spel bar byas na nga'i mtshang tshig bsgrags zer nas snying khrag 'thung/ dpal lha mo nag mo mched bzhi srog rtsa mngon du dbyung ba'i rgyud las/ skyon yon bstan pa'i le'u ste bco lnga pa'o//// srog rgyud rdzogs so//// rgya gar skad du/ Ar+yA de bi ka li g+hu h+ya tan tra rA dza nA ma/ bod skad du/ 'phags pa lha mo nag mo'i rgyud kyi rgyal po gsang ba zhes bya ba/ bcom ldan 'das dpal mngon rdzogs rgyal po che mchog he ru ka la phyag 'tshal lo/ / 'di skad bdag gis thos pa'i dus gcig na/ bcom ldan 'das dpal chen mchog he ru ka 'jigs byed kyi rgyal po/ mkha' 'gro rdo rje las thams cad kyi bdag po/ ma mo thams cad 'dul bar mdzad pa/ de bzhin gshegs pa thams cad dang gcig tu bsdus pa'i bdag nyid/ khams gsum na gnas pa'i gdug pa can/ ma lus mi lus lus pa thams cad 'dul bar mdzad pa nyid mu kha le dang gnyis su med par rol pa mdzad pa des/ drag po chen po 'jigs byed 'bar ba dur khrod chen po'i gnas na/ shin tu 'jigs pa'i sgra dang drag shul 'byung ba'i gnas su ma mo dang/ srin mo dang/ ro langs la sogs pa ma lus pa thams cad kyi gnas su gyur pa der ye shes kyi ma mo dang/ ye shes las gyur pa'i ma mo'i tshogs dang// sprul pa'i tshogs thams cad dang/ las kyi ma mo thams cad kyi gtso mo ral pa gcig ma thams cad dang/ khro mo nag mo thams cad dang/ khro mo las kyi bran mo thams cad dang/ khro mo bka'i pho nya mo thams cad dang/ khro mo bka'i thugs kyi sprul pa thams cad dang/ khro mo las kyi srin mo thams cad dang/ khro mo 'jig rten pa thams cad dang/ khro mo sreg byed chen mo dang/ de dag gi 'khor las kyi srin mo chen mo'i tshogs dang/ las kyi srin mo chen mo ser mo'i tshogs dang/ dmar mo'i tshogs dang/ sngon mo'i tshogs dang/ smug mo'i tshogs dang/ phra mo'i tshogs la sogs pa bsam gyis mi khyab ste/ so so'i kha dog dang/ dbyibs dang/ rtags la sogs pa'i cha lugs su gnas te/ de dag gi nang na 'dod khams kyi gtso mo las kyi ma mo thams cad kyi yang ma mo/ phyi mo'i yang phyi mo/ rje me'i yang rje mo/ bran mo'i yang bran mo zhig gis/ bcom ldan 'das dpal che mchog he ru ka la 'di skad ces gsol to/ / rnam dag dbyings las byung ba ma mo dang// bdag dang bdag gir 'khor du gtogs pa'i ma mo rnams// rtag tu che mchog dpal gyi bka' nyan gyis// las dang bya ba gang yin bstan du gsol// zhes gsol ba dang/ bka' stsal pa/ yang gsang ba'i bde chen dbyings kyi ma mo dang/ dpal ldan nag mo 'khor dang bcas pa rnams// dkar mo bsrung zhing ser mo rgyas pa dang// dmar mos dbang sdud nag mos dgra 'dul dang/ / rtag tu rnal 'byor don dang ldan par gyis// zhes bka' stsal to// de nas yang de lta bu'i lha mo des/ bcom ldan 'das la phyag byas bskor ba byas nas// me tog gtor 'di skad ces gsol to/ / kye he he bcom ldan 'das// drag la gtum pa'i srin mo 'di// yang dag don ldan bde rnyed pa// ji lta ba yi thabs las byung// zhes gsol ba dang/ bka' stsal pa/ drag gtum mi srun re ma ti/ sngon tshe ji ltar bdag nyid kyis// bka' la btags nas myur bsgrubs te// de lta ba yi 'bras bu min// rgyu rkyen las la grub pa yin// zhes gsungs so// dpal lha mo re ma ti gsang ba shan pa nag mo'i rgyud las/ gleng gzhi'i le'u ste dang po'o//// de nas rdo rje 'dzin pas gsol pa/ bcom ldan 'das lha mo re ma ti 'di nan tan du bsgrub pa'i thabs ci mchis/ bcom ldan 'das kyis bka' stsal pa// ji ltar lha mo re ma ti/ / de ltar yang dag don zhus pa/ rdo rje 'dzin pa ngo mtshar che// nges smras rab tu yid la zung// gdug pa ma lus gdul ba'i phyir// nan tan nag mo'i bsgrub pa bsham// de nyid gdul bar bya ba'i phyir/ / gzhi yi dkyil 'khor rab bskyed la// ral pa gcig pa'i 'khor mo ni// sngon mo zhal gcig phyag gnyis pa// zhing sogs dur khrod chas rnams kyis// ral gcig mdzes pa'i na bzar byas// mchog gi ral pa se yan can/ / dung gi thor tshugs dbu la brgyan// g.yas na kha T+waM rtse gsum bsnams// g.yon na b+han d+ha rak+ta bsnams// mdun du e ka dza ti bskyed// dkar mo har ting chen mo dang// dun ting ser mo shan ting dmar/ / grub ting nag mo phyogs bzhir dgod// mdun du de bzhin bskyod byas la// dbang bskur dkyil 'khor zhes su grags// de nyid bskyed nas spyan drangs te// mchod bstod las rnams byas nas su/ / nam grub tshe na thugs dam bskang// ma grub bar du sngags bskyed bya// badzra e h+ya hi e ka dza Ti b+h+yo/ dza hUM baM ho/ ba sha sa ma ya/ ru lu ru lu/ b+h+yo b+h+yo b+h+yo b+h+yo/ ma sa ma ya/ e ka dz+wa ti/ ba sha ru lu sa ma pa Ta bA hi/ ma ma ru lu b+h+yo/ ru lu rag mo b+h+yo/ tsit+ta la dun b+h+yo ma hA maM sa la khA hi/ zhes pa'o// e ka dza ti g+h+yu sid+d+hi sa ma ya da ma da ma/ ru lu ru lu trag trag ma b+h+yo dun b+h+yo hUM/ thod rus me ltar 'bar ba la/ 'od zer 'phro 'du klong dkyil nas/ / dbang gi ma mo ral gcig ma// mthing nag sngon mo 'jigs pa'i tshul// dur khrod chas rnams sku la gsol// mchong gi ral pa se yan can// ral pa spyang lo re re la// dbang gi ma mo sprin ltar gtibs/ / dung go thor tshugs dbu la brgyan// srid gsum sgrol byed kha T+waM rtse gsum dang// thod rlon 'phreng chen lag na thogs// 'khor du rigs 'dzin ma mos bskor// spros dang bral bas zhi ba che/ / ma mo thams cad dbang sdud cing// bdud srin rdul du rlog mdzad ma// rnal 'byor sngags kyi dam srungs ma// dam las 'das pa'i bdud gcod ma// rnal 'byor sku la gnyer gnas ma// dbang gi ma mo chen mo khyod/ / gshed chen mo la phyag 'tshal bstod// de lta'i 'phrin las bcol ba dang// rnal 'byor sngags kyi dkyil 'khor du// sngags kyi yi ge'i tshigs grags pa// las sngags ma yin bsgrub pa'i sngags/ / rnam gsum tshul du bsnyen pa bya// rtags dang mtshan ma byung ba dang// dngos grub rnam pa gang 'dod blang// de nas las gzhan sbyor ba bya// ji srid bsnyen pa sum 'bum bzlas// de srid las kyi sbyor ba ni/ / grub nas rgyu 'dra bsam stobs kyi// mo mo nyid du bdag nyid bsgom// dpal lha mo re ma ti shan pa nag mo'i rgyud las/ g.yen gyi ma mo bsgrub pa'i le'u ste gnyis pa'o//// de nas yang dag bshad bya ba/ / ji srid tshul de thams cad la// dang po dam rdzas mchog bltas pas// ma mo'i bsgrub rdzas bsag par bya// ma mo bsgrub pa'i dus de ru// rdo rje rnon po'i byang chub sems// mtshal thig pad+ma ma snad pa/ / rnal 'byor ma mo brten phyir bsag/ mi dbang lus dang 'bras bu ni// yig gsum rdzogs pa'i 'bru rab ste// rnal 'byor ma mo bsgrub pa dang// bod phyir g.yab mos g.yab par bya// spyi blug srid pa'i kho mchog ni/ / rnal 'byor de yi mgo la 'go/ ma mo thams cad bod pa dang// ma mo'i dbu dang mthun phyir ro// lag tu ban d+ha'i cha lang ni// rnal 'byor pa yis brdung bya ste// de yis thams cad 'bod pa yin/ / rkang chen gling bu bus pa yis// dung skad mang po sgra yis ni// ma mo srin mo mnyes stobs shing// de yi thams cad dbang du sdud// lag pa'i sor mo 'phreng chen bgrang// rnal 'byor de yi 'phreng chen ni/ / 'breng ba kun gyi mchog yin te// rnal 'byor ma dang mthun phyir ro// bdud rtsi lnga dang snum pos sbyar// rnal 'byor ma yi zas mchog dang// khyad par sgom zhing bsags par bya// dmar gyi rak+ta zab pa gang/ / sna tshogs khrag dang sbyar ba ni// ma mo rnal 'byor skom yin te// rnal 'byor don ldan bsags par bya// rta khrag dir bu mang bkang la// ji srid tshogs pa sbyar bar bya// des ni myur du 'grub par 'gyur/ / de nas gsad pa'i las bya'i phyir// rabs chad nag po'i thod pa ni// tshan chen zil gyis gnan phyir bsag/ srog chags gdug pa'i pags pa rnams// bza' ba 'brub phyir bsag par bya// yungs kar yungs nag skye tshe ni/ / tsha ba bskyed phyir bsag par bya// shangs tshe la tshe 'bru mar dang// ra dug la sogs srub lo ni// rab tu tshar ba bskyed phyir bsag/ khrag sna dug sna chu sna tshogs// de ni gzas pas bsgral phyir bsag/ lcags phur shro shing ming rus dang// gzhan yang ci phyir mang po kun// drag po bsgral phyir bsag par bya// dpal lha mo ri ma ti gsang ba shan pa nag mo'i rgyud las/ dam rdzas bsag pa'i le'u ste gsum pa'o/ /// de nas yang dag bshad bya ba// las kyi tshogs rnams rab byas nas// gsad pa'i las kyi mjug gcad pa// srid pa'i lha 'dre yongs rgyu ba// khung bu rang rtag gru gsum bru/ / ming rus rdzas dang thod pa kun// khru khang spags par gzhug par bya// khung bu kha bcad mthongs brdol nas// rnal 'byor bsgrub pa'i ma mo rnams// ral gcig mas ni yongs bskor nas// sbyin sreg dang ni phur thun kun/ byas shing de ru ming rus gzhug/ rdo rje gtun gyis brdung ba dang// pho nya'i sbyor ba byas nas ni// 'o dod 'bod cing las rnams bcol// srog len pho mos gsod pa yin// yang na log lon thabs 'di ltar/ / gang yin gdug pa'i dgra bo ni// pha mes mgo bo du ma blang// rabs chad thod pa rlon pa la// gsang ba'i ngan sngags thun bsgrub cing// thun drug pos kyang bsgrub par bya// re'u ma rnams drug rbad cing brdab/ / de nas thod pa gang yin pa// nang du re ma rnam par gzhug/ phyi rim ma mo'i sngags kyis bskor// re'u mar byin brlabs de bzhin no// gdug pa gsad pa'i ngan sngags ni// ji srid rdzas kyi de bzhin du/ / gsang ba'i sbyor ba'i las 'di bya// 'di yi las la khyad par du// gzhan du byas na 'grub mi 'gyur// rag mo thang mu le/ thang ma le rbad rbad/ rtsa thaM rtsa thaM rbad rbad/ muM sni muM sni nan nan/ rag mo nri rag mo nri/ kha yong rbad rbad/ dug sni dug sni/ kha long tsit+ta rbad rbad/ kyi kha long kyi kha long rbad rbad/ tsa ti tsa ti rbad rbad/ nri sti nri sti/ mugs mugs thum thum suM ti sta rbad rbad/ kha 'dar yed yed/ thums thums rbad rbad/ se kha long mi kha long rbad rbad/ mi yul gling bzhi dmod mo 'di// bzlas shing las rnams bcol rgyur na// gdug pa myur du gsod pa yin// gsod par 'grub 'gyur the tshom med/ / dpal lha mo re ma ti gsang ba shan pa nag mo'i rgyud las/ yang tig bskal ba'i le'u ste bzhi pa'o//// de nas yang dag bshad bya ba// ji srid ma mo'i 'khor log kun// ra gshed pa yi pags pa la/ / mo yi 'khor lo rab bris te// zhing lpags pho yis 'khor lo bri// bar du dgra yi ming rus gzhug/ de la khrag zor la sogs brdeg/ rdo thun sogs kyis brdung zhing gsad// de dga' 'khor lo bskor dus su/ / gsad pa'i ngan sngags 'di dag bzlas// rag mo khas le srog rtsa rbad ya dun ni kha la ya dun tsakra rbad/ tsa thun ma ra ya ya thun sod/ shag thun ma ra ya thun sod/ ru ru rag mo ma ra ya thun sod/ ma ma mug ti g+h+ri na thun sod/ ma ma sha sha thun tu thun sod/ ma ma rbad thun ma ra ya thun sod/ shag shag rag mo ma ra ya thun mug sha sod/ gsang ba gsod pa'i man ngag 'di// ji srid khrag la sogs par gsad// de ni sum nas 'chi bar 'gyur/ / 'chi bar 'grub 'gyur the tshom med// dpal lha mo re ma ti gsang ba shan pa nag mo'i rgyud las/ srog tig bkol ba'i le'u ste lnga pa'o//// de nas yang dag bshad bya ba/ / smras pa'i ro la rnams sud na// dri bo'i nang ngan pags pa la// dmigs pa'i ming rus bris nas ni// khrag dug thul pa chen po dang// de la sogs pa'i gdug rdzas kyis/ gshed po'i lcags la 'khor lo bri/ / de gnyis bar du kha sbyar nas// bsam gtan drag po'i sbyor ba yis// bsgrub bya bkug cing rnam par bstim// ltas ngan pags pas brdab cing gsad// rus gshed thod pas gzhug par bya/ / gong gi thod pas brdab par bya/ de nas thod pa nag po de// mkhar nag dag gis bsdams nas su// dmigs nas gtad cing rab tu gzhug/ de nas drag po'i las bya'i dus// ji srid 'di yi las rnams la/ / gdug pa'i thun gyis sngags 'di bsgrub// he he ma dun ma dur/ rag mo ni sham ku ru rbad/ dun ting dun ting sa ma ya/ ma sha kha ma la rbad/ phar la khyung ting rbad/ spu na sha tra ldibs/ kha lo mu lo dun ting sen men yaM/ ni sha ku ru dun ting rbad/ sun sa ti i ti ya rbad/ gsang ba gsad pa'i ngan sngags 'di// gong ma'i rdzas kyis brdeg cing gsad// des ni rtsa ba'i gcod pa yin// las 'di grub par gdon mi za/ / dpal lha mo re ma ti shan pa nag mo'i rgyud las/ snying thig bkol ba'i le'u ste drug pa'o//// de nas yang dag bshad bya ba// drag po'i chu mig yod pa'i sar// rabs chad thod par gzugs bcas la/ / gom gang spags par gzhug par bya// der gang gzas pa bod par bya// mi bzod smre sngags gton nas ni// thod zor 'phang zhing gtor ma brdeg/ de yis 'chi 'gyur gdon mi za// de dag las 'di byed dus su/ / gdug cing drag po'i ngan sngags 'di// de dag rdzas la bzlas shing brdeg/ tis phur sod/ nis phur sod/ dur min sod/ de ba nan ram sod/ de yang sod/ de ba se rkang sod/ bya rkang sod/ rkang kra ma sod/ gsang ba gsod pa'i ngan sngags 'di// gong ma'i rdzas la rab bsngags te// des rtogs ma lus gsad par 'gyur// phung bar 'gyur bar the tshom med// dpal lha mo re ma ti gsang bshan pa nag mo'i rgyud las/ phung tig bkol ba'i le'u ste bdun pa'o//// de nas yang dag bshad bya ba/ las lnga thod pa'i las yin te// las de'i las ni ji bzhin ba// gzhan gyi lus la 'byung mi 'gyur// 'di yi las la khyad gsungs pa/ / gsod pa mang po thams cad kyis// dgra bo ma lus gsod pa yin// gsad par 'grub 'gyur the tsom med// rbad du rbad du/ yag mo sod cig sod cig/ thum ri li li dza/ rbad ru rbad ru/ yag mo sod cig sod cig/ thum ri li li nri dza/ kha 'dar ma sod cig sod cig/ thum ri li li nri dza/ gong ma'i rdzas la rab bsngags te// gdug pa'i gnas su brdegs gyur na// gang yin pa yi dgra bo de/ / gsad par 'grub 'gyur the tshom med// dpal lha mo re ma ti gsang ba shan pa nag mo'i rgyud las/ sbyor tig bkol ba'i le'u ste brgyad pa'o//// de nas yang dag bshad bya ba// khung bu rab ldan sbyor bas ni/ / gsad pa'i sbyor ba rab brtsams nas// khung bu drug ni legs brus na// 'bru thun la sogs khung bu kun// e yi dbus su rab ldan la// 'od zer mang po kun la spro// de nang srin mo ma mo dang/ / las kyi ma mo bkug cing bstim// de yi sbyor gsang zhal gyi nang// 'od zer dmar nag rab 'phro bar// gdug pa rnam par dgug bya ba// de nas snying kha'i sa bon las// 'od zer 'bum du rab ldan pas/ / bsgrub bya lcags kyus bzung nas ni// zhags pa yis ni rnam par bstim// de nas rdo rje'i sgrog tu gzhug/ de nas gdug pa gang yin pa// rlung gi rnga mo rgyab tu bskyin// de ni lcags kyus bzung nas ni/ / tho ba can gyis brdeg bzhin du// nang du rnam par 'ongs tsam na// kha sbyar so sor phye nas ni// de ni zor gyis gsod pa yin// gsad par 'grub 'gyur the tsom med// ma mA rag mo thum lis/ snying rtsa 'dus srog srig srig/ sham sham khyer b+h+yo/ snying khrag rtsa breng breng rbad/ oM dz+wa la dz+wa la hUM phaT/ ma hA srog tug tug khrag rlung snying rbud/ ma hA thum/ snying la mA ra ya phaT/ srog la ma b+h+yo/ kha thun nri dza dza/ gang phyir ma mo thams cad kun/ / rjes su 'brang bar bshad pa yin// rjes 'brang ma mo mang po rnams// 'di ltar rab tu 'du ba yin// dpal lha mo re ma ti gsang ba shan pa nag mo'i rgyud las/ dgug tig bkol ba'i le'u ste dgu pa'o/ /// de nas yang dag bshad bya ba// thod zor 'phangs ba'i las dag ni// mon nam rabs chad thod pa ru// khrag sna dug sna 'bru sna la// drag sngags bzlas shing rab 'byor bas// nang du dkrug cing sngags bsgrub bya/ / de nas 'phan pa'i dus dag tu// bong bu zhon zhing bdud chas zhugs// zhing chen g.yab cing gsur chen btang// de yi las kyi rim pa ni// ma mo'i tshogs rnams rab bskul nas/ / mjug tu thun sngags mang du bzlas// de ni myur du gsod pa yin// dpal lha mo re ma ti gsang ba shan pa nag mo'i rgyud las/ thod zor gsang ba'i le'u ste bcu pa'o//// rdo rje 'dzin pas yang gsol ba/ kye bcom ldan 'das/ bsgrub pa'i sngags su gang 'gro ba// rim pa yang dag bshad du gsol// bcom ldan 'das kyis bka' stsal pa// ma mo bsgrub pa'i sngon du ni// dbyer med gsang ba'i dam tshig 'gro/ / sems rtse gcig tu bsdus la nyon// dang po sngags pa thams cad kyis// rang lus lha yi phyag rgyar bsgom// ngag ni rdo rje bzlas mthun par// sngags kyi bzlas pa rab tu bya// yid ni ting 'dzin rtse gcig ldan/ lhan ne gsang bar rab tu bya// rnam dag dbyings su ro gcig pas// bde gshegs spang len mi bya'o// bla ma khyad par mched lcam bu// skad cig gcig gis smad mi rung// yang dag dngos po rdzun yin te/ / ma byin gzhan nor blang bar bya// gzhan gyi bu mo spyod par bya// yul dang yul can bsgral bar bya// 'dod chags zhe sdang gti mug dang// nga rgyal phrag dog mi spang ngo// byang chub sems dang rak+ta dang/ / dri chen dri chu sha chen dang// sngags pas spang bar mi bya'o// khyad par ma mo'i dam tshig ni// nal phrug mdangs dang bcas pa la/ byams pa'i sems ni mi spong ngo// smras pa'i bud med ma gtogs pa/ / bud med gzhan la chags sems bskyed// mgar ba brten pa spang bar bya// phag rdzi byams pa spang mi bya// rlung nag tshub ma mchod mi spang/ mthu rten bsgrub pa'i rdzas mi spang// yi dam rtags chan sbyin mi bya/ / rtags chen bzlas pa mi bstan no// thams cad bden gnyis lta ba'i gdeng// rdzas dang lag cha spyod pa'i gdeng// de bzhin bsrung ba dam tshig gdeng// ji lta'i don shes ma mo'i gdeng// lha mo'i dus su byams pa dang/ / bdud mo las dus dang pa'i sems// srog gi phyir yang mi gtang ngo// khyad par ma mo las byed kyang/ bud med sbyor ba bsten par bya// dpal lha mo re ma ti gsang ba shan pa nag mo'i rgyud las/ bsrung ba dam tshig gi le'u ste bcu gcig pa'o//// de nas yang dag bshad bya ba// dang por ma mo bsgrub gnas ni// ri zlum dag gam chu bo'i 'gram// brag phug dben dgon bkra shis pa'i// drag po bsgrub pa'i gnas dag ni/ / gnas ni grib med sa gru gsum// dur khrod ma mo yod pa'i sar// ting 'dzin cho ga gsum rdzogs pas// drag po'i las 'di brtsams gyur na// de ni myur du 'grub par 'gyur/ / dpal lha mo re ma ti gsang ba shan pa nag mo'i rgyud las/ gnas btsal ba'i le'u ste bcu gnyis pa'o//// de nas yang dag bshad bya ba// ma mo rtogs pa'i dam tshig ni// ji srid dang po de gnas pa'i/ / dpa' bor bcom ldan bde chen las// ji srid ma mo drug tu srid// ji srid ma mo drug po las// ye shes ma mo bcu bzhi srid// de las sprul pa'i ma mo srid// de nas rang rgyud ma mo dang// las kyi ma mo'i tshogs rnams srid/ / gal te de las rang byung yang// 'di ni de yi dbyings mchog yin// ma mo rnam dag stong pa'i dbyings// ma mo bdal ba phyag rgya'i sku// sems kyi sems nyid ma mo yin// bka' yi mtshan nyid ma mo yin/ / de ni lta ba'-i ma mo'o//// de nas yang dag bshad bya ba// snang srid skye 'gro ji snyed pa// thams cad ma mo'i dkyil 'khor nyid// 'di dang cig ces brjod du med/ / ci yi phyir na 'di yin te// 'di snyid phyir ni ma mo'o// thams cad 'dus pa'i rnal 'byor tshogs// zhi ba byams ldan thugs rje'i tshogs// gnyan po'i gdul bya dbang gi tshogs// las byed phung byed nag mo'i tshogs/ / 'di dag don la rag gnas na// rnal 'byor de yis myur du 'grub// e ma ho ma mo'i dkyil 'khor nyid// e ma ho thams cad ma mo nyid// e ma ho ma mo rdzogs pa nyid// e ma ho ma mo don dam nyid/ / thams cad ma mo'i dkyil 'khor nyid// thams cad thams cad ma mo nyid// thams cad ci ldan 'khor lo'i lam// 'di zhes gcig ces brjod du med// dpal lha mo re ma ti gsang ba shan pa nag mo'i rgyud las/ snang srid thams cad ma mor bsgrub pa'i le'u ste bcu gsum pa'o//// de nas rdo rje 'dzin pas gsol ba/ dam tshig sngon du bsrung ba'i mis/ dam can yongs su bsten 'dod pa'i// las kyi sngon du gang 'gro ba/ / yang dag rdzogs kyis bka' stsal cig/ bcom ldan 'das kyis bka' stsal pa// dam tshig sngon du rabs srung bas// dam can bsten pa'i skal med phyir// skal dang ldan pa dbang gi mchog/ khyod la legs par bstan par bya/ / sa gzhi dga' ba'i sa phyogs su// yid 'ong legs pa'i dkyil 'khor ni// kha dog nyi shu rtsa lnga ni// lnga yi tshogs kyi legs bris nas// de nas rnal 'byor don ldan pas/ bum pa lnga 'am nyi shu lnga/ / mar sogs snyings po sman dang 'bru// dri dang mi 'chi nyi shu lnga// de la sogs pa'i rnam pa ni// kha dog bcud kyi dam pa dang// dri dang ro dang kha dog ldan// de yis legs par bkal ba dang/ / gtso mo'i sngags kyis bsgrub par bya// de nas rdo rje slob ma gzhug/ ji srid ba glang glang po che// rab tu gces dang yid 'thad dbul// de nas tshogs kyi lam rdzogs nas/ bum pa'i chu yis dbang bskur sbyin/ / gnas gsum nyid bzhi gsum gnas la// ye shes ma mo gshegs pa bstim// gzhan yang ci rigs de bzhin bskur// de nas gsad dang shin tu gsang// dbang mchog thob pa'i slob ma yis// yang dag bla med ci nus dang/ / las rnams bsgrub la thogs pa med// dpal lha mo re ma ti gsang ba shan pa nag mo'i rgyud las// dbang bskur ba'i le'u ste bcu bzhi pa'o//// de nas yang dag bshad bya ba/ / sngags kyi snying po 'di lta ste// dang por nyon mongs rgyu ba'i sngags// nyin mo rtag tu bzlas par bya// trag rak+Sha mu tra mu ru lu ru lu hUM b+h+yo/ mtshan mo rgyu ba'i sngags rag mo te keM/ kha la tsa tsa ma b+h+yo/ de nas las la gtang ba ni/ gnyis ri gsum 'dus pa'i rtse mo la// gsur chen btang zhing cang te'u brdung// 'o dod chen po 'bod par bya// ma ma a sha dz+wa la hri b+h+yo/ ma ma ni srog dza la hUM/ oM ru ru bag sha hUM/ ma ni kha lo mu kha le b+h+yo b+h+yo dza dza/ rang snying sa bon sbyor ba yis// ma mo thams cad rab tu bskul// yang na ma mo stong gsum gang// de yis thams cad gsod pa yin// de nas yang dag bshad bya ba// sngags kyi kham bu dang po la/ / ngos rer dgra yi gzugs bris la// khrag dug thal bas ngos kun byug/ de dag de la dgug byas nas// de nas ma mo'i thun sngags 'di// gdug pa'i rdzas la gdab cing bzlas// de yis ma lus gsod pa yin/ / e ma ma trag rak+Sha/ badzra kha rag snying kha rag b+h+yo/ ru lu ru lu b+h+yo/ trag rak+sha kha mun tra rag mo dzA dzA/ mA ra ya thun ya/ trag rak+sha kha la ma tri ma ra ya thun ya/ trag rak+sha mu tra ma snying kha rag ma ra ya thun ya/ de dag de bzhin bzlas byas shing// btab nas gtor mar btab pa dang// gong ma'i 'khor lo'i las rnams bya// de nyid du ni brdung ba'i sngags/ oM ma ma trag rak+sha ma ra ya thun ya/ trag rak+sha tsa pa la ma ra ya thun ya/ trag rak+sha snying la za ba tsit+ta la ma ra ya thun ya/ trag rak+sha mu tra ma ra ya thun ya/ oM ru ru ro ru ma ra ya thun ya/ trag rak+sha ru ru rak+sha nan mA ra ya/ trag rak+sha ru rak+sha ma ra ya thun ya/ trag rak+sha sha ru lu ru lu/ rak+sha ma ra ya thun ya/ trag rak+sha ru ru ro ru ru lu tsak+sha mA ra ya/ de dag de bzhin bzlas shing brdung// skabs su drag po'i pho nya gtang// nyin sngags mtshan sngags de bzhin bya// des ni myur du gsod pa yin/ / dpal lha mo re ma ti gsang ba shan pa nag mo'i rgyud las/ 'khor lo dkrug bskor gyi le'u ste bco lnga pa'o//// de nas yang dag bshad bya ba// ma mo las la ma tshud na// de nyid dbang du bsdu ba dang/ / rnal 'byor dam la gdags pa ni// maN+Dal byang shar sa phyogs su// khrag gi maN+Dal rab byas nas// de la dmigs pa'i ma mo de// rta nag sog pa dag la gdags// de la spyan drangs dag cing bstim/ / de nas bdag nyid ting 'dzin gyis// nal bu'i pags pa rdabs nas ni// ma mo dgug pa'i sngags 'di bzlas// oM badzra kro d+ha ni/ e ka dza Ti hUM hUM/ rak+sha rak+sha ha ha/ dam dam dam la ma mo b+h+yo b+h+yo/ ru lu ru lu rag mo b+h+yo/ tsit+ta mang po la thun b+h+yo/ shi li shi li ki ki la hUM/ ka rak+sha g+ha la hUM/ sha ka li hUM/ bu pi ki na hUM/ ya ma gri ni yaM/ luM pa ti yaM/ sna rog ma ti ya/ bi li ma ti sa ma yaM/ zhes bya ba de dag ni/ bkrug pa'i sngags su shes par bya/ / thugs ka'i 'bras bu'i 'od zer las// me dpung 'bar ba 'khros pa yis// gang yin gzugs kyi srog phrogs nas// de ni myur du sreg pa yin// srog dz+wa la raM/ rag mo snying khrag rtsa breng breng/ ti to ma ra ya dza/ 'od zer bdud rtsi'i sbyor ba yis// ma mo'i snying po bskul nas bskyed// de nas dam tshig bsnan cing bsre// dbang bskur gang yin las rnams bcol bar bya// las rnams mngon du grub pa dang/ / gtor ma chen po gtang bar bya// dpal lha mo re ma ti gsang ba shan pa nag mo'i rgyud las/ ma mo dbang du bsdu ba dang/ srog bcud la dbab pa'i le'u ste bcu drug pa'o/ /// de nas yang dag bshad bya ba// 'dod khams dbang sgyur re ma ti// nan tan byas te bsgrub pa ni// ji srid yang dag bsgrub gnas su// dkyil 'khor rim pa gzhal yas khang// gru gsum bzhi brtsegs zla kham la/ / e bdun ma mo bdun gyi gdan// gru chad bar khyams zhing bsnol bya// sgo dang sgo khyud de bzhin bya// de stengs bdag nyid chen po ni// kha dog gzi brjid cha lugs ldan// gnyis med yum dang sbyor ba las/ / rlung nag bong nag re ma ti// nag mo ra lde gos su gon// dbu gcig phyag bzhi 'jigs pa la// tri shul ban d+ha g.yon na bsnams// ral gri lcags kyu g.yas na bsnams// 'khor mo rigs bzhi stong gis bskor/ / nam mkha'i dpal mo brtson la sogs// dre'u sna dbyings kyi ma bdun dang// sprul pa'i ma bzhi las kyi ma bzhi dang// skyong ma bdun la sogs pa bskyed// de nas dbyings nas spyan drangs te/ / lcags kyu'i phyag rgya byas nas ni// spyan drangs mchod cing bzhugs su gsol// hUM/ nam mkha'i dbyings kyi dkyil 'khor nas// thabs chen gsang ba'i dbang phyug ma// 'dod khams dbang sgyur re ma ti/ / bdud kyi yul la gshin rje'i lcam// las la dbang sgyur srid pa'i yum// dpal ldan nag mo gshegs su gsol// khams gsum yongs kyi dkyil 'khor nas// srid pa yongs kyi yum cig ma// za byed dpal 'bar re ma ti/ / bka' yi grogs mo gshegs su gsol// 'dod khams gzugs khams dkyil 'khor nas// thams cad ma mo'i dkyil 'khor mchog/ dre sna khri sman gyin ting ma// bka' yi g.yog mo dbyings nas bzhengs/ / 'dod khams yongs grub dkyil 'khor nas// don dam gsang ba'i bka' nyan ma// gsang chen bka' yi pho nya mo// dbyings kyi ma bdun gshegs su gsol// 'dod khams las kyi dkyil 'khor nas/ / shan pa srog len srid pa'i bdag/ snang srid thams cad sprul pa'i yum// drag po'i mgo brnyan gshegs su gsol// ri rab gling bzhi'i dkyil 'khor nas// thams cad ma mo'i dkyil 'khor mchog/ drag po'i las kyi sring cig ma// gzhal yas sgo skyong gshegs su gsol// rgya mtsho'i gling gi dkyil 'khor du// thams cad las kyi ma mo'i tshogs/ gsang chen dbyings kyi pho nya mo// bka' yi don skyong ma bdun gshegs su gsol/ / nag mo dun ting ma las la b+h+yo/ oM AHhUM sa ma ya hUM/ e h+ya hi dza/ a ra li ho hring hring dza hUM baM ho/ oM ru ru ro ru tsa pa la ag shug me b+h+yo dza/ b+h+yo rag mo ma ma trag rak+sha b+h+yo dza dza/ de nas yang dag bshad bya ba// cho ga rdzogs pa'i rnal 'byor gyis// mchod rdzas bsags la mchod pa dbul// dang por bcud kyi phyag rgya bca'// gdung ba'i lha mo mthu bo che// dus la ru bcing dam la 'phreng/ / sha la za zhing khrag la 'thung// srog rtsa gcod cing rang dam bsrung// snying 'dren dbugs rngub las rnams byed// khyed la mchod pa dbul ba ni// mi dbang smin pa'i 'bras bu dang// na chung gzhon pa'i byung zag khrag/ shing lo rlung khyer ma nyams sems// sha sna stong dang snying sna khrag/ khrag sna stong dang 'bru sna stong// rnam lnga'i bdud rtsi mchod pa 'di// ma la 'bul lo bzhes su gsol// ma mo b+h+yo ru lu ru lu/ rag mo b+h+yo/ tsa ti la thun b+h+yo/ ma hA ka li b+h+yo/ ar+ya tsa tsa b+h+yo/ ma ma snying za ba tsit+ta la thun b+h+yo/ sha la rbad/ srog la rol/ kang ka sha zan/ ya tang par la ho/ sha la khyi spyang gu he ru lu ru lu/ badzre ban d+ha b+h+yo/ b+h+yo ma ma ru lu/ ma ma ru lu/ b+h+yo ru lu/ b+h+yo ru lu/ nam nam ha ram ha te b+h+yo/ snying kha rag ma b+h+yo/ dam tshig la b+h+yo/ rag ma ta tsa mun ti b+h+yo/ rag mo rag mo ni la kha thun/ ting ting chem chem/ krol krol/ sa ma ya sarba sbrengs/ ma snying la b+h+yo/ khrag 'dus 'dus/ phyam phyam/ rag mo shi ling/ yag mo srog long/ dbugs la hur rngub/ ya ya long long/ dpal lha mo re ma ti gsang ba shan pa nag mo'i rgyud las/ sprul pa thabs kyi le'u ste bcu bdun pa'o/ /// de nas yang dag bshad bya ba// drag sngags bdun pa'i bsgrub pa ni// sa chog gtor ma sman mchod dang// las dang bya ba ma lus bya// dkyil 'khor tshad ni 'dom gang la/ / dbus su mthong nag gru gsum bya// phyi rim 'khor lo rtsibs bdun la// e bdun dbus su gzugs bdun gzhug/ de ru zer sngags bdun gyis gdab// oM te tse rag mo a shug kha la dam te ti tse rag mo a shug me rag mo ma ra ya/ A+e tsa rag mo ma ra ya/ gnad du dril/ a tsu rag mo mA ra ya/ a kar sha dza dza/ nyi ma dang po'i sngags so// oM kha la me 'bar rag mo a shug kha me che ge mo ling kha rtsa ru ka shi/ rag mo a shug me sri ling kha dza/ rag mo a shug me/ mA ra ya dza dza/ nyi ma gnyis pa'i sngags so// oM kha la me 'bar rag mo a shug me/ che ge mo srin mo sha khar chug kha la me 'bar rak+mo a shug me ba ti la kaM/ kha la me 'bar rag mo a shug me sha truM stam b+ha na/ nyi ma gsum pa'i sngags so// oM she'u ke'u ma ra ya/ ta ka tshal pa a shug me/ che ge mo dza sa ti/ stag 'bu mu nya tsit+ta kha shal lam bod+ha ra b+h+yo/ a shug me/ ka ling ka ta me nan dza/ nyi ma bzhi pa'i sngags so// oM tha ra kha mud nyid khyung shi sha trum ma ra ya/ nad du 'dril/ te ha tsu ti bung la nya ta/ ma badzra a shug me/ sre lang ka tsa ta/ a shug me ta ra me mA ra ya phaT/ nyi ma lnga pa'o// oM ku ma ra dza kru kru sha dar po mA ra ya lan ti/ yu na mu ti'i grim/ mi ka ling ka la shug me ru ru/ khad yaM dza kha hi la/ sha tri ni ma ra ya kha dz+ha mu li phaT/ nyi ma drug pa'i sngags so// oM ya na da ku ma ha ra ya mu dza b+h+yo/ kha da nyid a shug me ma ra ya/ nad sud de nyid rag mo a shug me lam dza/ a shud me kha la ya sri la mu ma rbad/ nyi ma bdun pa'i drag sngags so// nyi ma bdun pa'i drags sngags 'di/ / sngags brgya thun du gsang la bzlas/ gdug pa'i rdzas kyis brdeg par bya// lha 'dre drag po'i gnas su spyad// nyi ma dang pos 'gug par byed// zil gnon sreg byed gsum pa'o// phur thun rtsa phur lnga pa'o/ / rdo thun la sogs drug pa'o// tha ma'i las nyid bdun pa yin// dpal lha mo re ma ti gsang ba shan pa nag mo'i rgyud las/ drag sngags bdun pa'i le'u ste bco brgyad pa'o//// de nas yang dag bshad bya ba/ / las bdun bsreg pa'i rdzas bdun gyis// las kyi sbyor ba ma lus bya// de dag drag po'i bsreg dus su// dang pos dgug cing sprul pa dgyes// de yi rdzas ni bya rog dang/ 'ug pa'i sha chen bsreg par bya/ / sngags ni rbad pa'i sngags yin te// de yi las rnams 'grub par 'gyur// de bzhin gnyis pa drag po'o// sbyin sreg tshul bzhin rab tu bya// gzhan pa'i sbyin sreg thams cad ni// gsad pa'i las kyi tshul yin te/ / bud med dar ma'i sha khrag snying// re ma ti yi bsreg rdzas yin// seng dkar stag dang bya rgod dang// dur bya mchu ring sha khrag snying// mgo brnyan bzhi yi bsreg rdzas yin// de yi dus ni 'di lta ste/ / g.yas nas dgug pa'i las byas te// g.yon nas 'grub par rab tu bya// mdun nas zor gyis gsad par bya// de nas rang gi dkyil 'khor ni// gsum du gsad cing thab tu bsreg/ trag rag sha tsam mun ti rag b+h+yo/ snying kha rag snying kha rag/ rag mo snying la shad shad b+h+yo/ sing nga mu ka dgra snying rbad/ sing nga mu ka sa ma ya/ sa ti sa ti/ a ti ma ti zung zung/ snying shad shad b+h+yo/ bya gri mu ka sti dza dza/ kha li dza dza/ bya ri mu ki ni dza 'ubs/ snying shad shad b+h+yo/ tri ta ma tish+ta tsi tsi ta ro la sha ti dza/ snying shad shad b+h+yo/ kang ka ma tri sha ti he sha sod/ tsit+ta du sha sod/ kang ka kha ra sod/ snying shad shad b+h+yo/ las 'di byed pa'i dus dag tu/ / mkha' 'gro gnod sbyin srin mo dang// las byed drag pos gzir cing gsad// dpal lha mo re ma ti shan pa nag mo'i rgyud las/ gsang ba'i sbyin sreg gi le'u ste bcu dgu pa'o//// de nas yang dag bshad bya ba/ / dug gtor dug sna mang po la// thod pa nag por blug la bsgrubs// thod zor nag pos dkrug cing bstim/ ma ma trag rak+sha/ kha mun tra ma ru lu ru lu hUM b+h+yo hUM/ trag rak+sha kha mun tra/ dur ma ti rag mo dza/ ma ma hur thum lo tsa na/ snying kha la rag sha rbad/ gcubs tsit+ta baM gal 'ubs myos/ snying khrag ha bar du ru thum/ he thum du/ thum b+h+yo thum/ pra ma ra ma thum/ dum lo tsa na snying kha la rak+sha rbad/ a u a/ sa ma yA/ thibs thibs ling shar yang nges sod/ sa ma ya sti sta maM/ ma ma ru thibs thibs/ thabs bra 'ur ka kha sha baM yaM/ thum ri li li/ thig nag gcig med/ gnyis drag/ brgya bcad/ gnam mthong phye/ lcags sgrog khrol/ mi rang sod/ badzra ra te phaT/ badzre ma te phaT/ badzra dza ra te phaT/ badzra e hi ra/ e hing/ na ga le/ su na ga le/ sum ba le/ sum ba le/ tsin yaM tsin yaM/ len yaM len yaM/ kha sha baM kha sha baM/ ma dung b+h+yo ma dung b+h+yo/ de'i brdeg pa'i sngags ni// ni sha ku ru ni sha ku ru/ myogs myogs/ thums thums/ rbad du rbad du/ yag mo ni ma ra ya sod/ thum ri yi li nri dza/ dpal lha mo re ma ti gsang ba shan pa nag mo'i rgyud las/ dug zor gyi le'u ste nyi shu pa'o//// de nas yang dag bshad bya ba// 'bru zor nag po'i bsgrub pa ni// dug 'bru yungs kar yungs nag dang// de sogs thod pa nag por brug/ trag rak+sha kha mun tra b+h+yo ru lu ru lu/ trag rak+sha snying kha rag snying b+h+yo/ spu ta spu ta b+h+yo/ sha sha trag sha sha b+h+yo/ trag mo snying tra ba/ snying khrag trag trag mu trag ma/ snying khrag rtsa breng breng/ oM dz+wa la dz+wa la ti/ oM badzra snying kha rag snying kha rag/ badzra ka ma la b+h+yo dza/ brdeg pa'i sngags ni/ trag rak+sha kha mun tra mA ra ya thun ya/ trag rak+sha snying khrag snying b+h+yo/ ma ra ya thun ya/ pu ta pu ta b+h+yo/ ma ra ya thun ya/ pu ta bu ta b+h+yo/ ma ra ya thun ya/ dpal lha mo re ma ti gsang ba shan pa nag mo'i rgyud las/ 'bru zor nag po'i le'u ste nyi shu rtsa gcig pa'o//// de nas yang dag bshad bya ba// khrag zor nag mo'i bsgrub pa ni// khrag sna stong dang sen rgyu la/ / thod pa nag por bsgrub cing bzlas// ma ma trag rak+sha kha mun tra snying kha rag/ rag mo dun b+h+yo/ rag mo dun b+h+yo/ snying sha ku ru thum rbad/ trag rak+sha/ ru bi na Na/ mug ti bam/ ra mo ni sha ku ru thum rbad/ rag mo kha la tsa tsa thun b+h+yo/ rak+ta thum rbad/ nag mo har hor nag mo har hor/ nag mo dun ting hed/ tsa tsa ra dza rbad// khrag thun snying la thun/ rag mo tsa tsa dun b+h+yo/ brdeg pa'i sngags ni/ tad+ya thA/ ru ru be tso hUM/ ti sta ba to si/ mu lu mug ti sub/ cho cho bal 'ubs 'ubs/ snying gong rtsa la thun mugs/ slad pa'i rgyab rtsa la thun na/ 'gal thun nan/ khrag nan thibs/ ma dud b+h+yo b+h+yo/ dpal lha mo re ma ti gsang ba shan pa nag mo'i rgyud las/ dpal lha mor dbang bskur te bstod cing gdug pa'i khrag zor nag po'i le'u ste nyi shu rtsa gnyis pa'o//// de nas yang dag bshad bya ba// phung zor nag po'i bsgrub pa ni/ / lcags sam sher shing nag po la// lha mo nag mor dbang bskur te// bstod cing gdug pa'i gnas su brdeg/ trag rak+sha ru ru dza/ mun tri ki la ya rbad/ trag rak+sha dza/ mun ting sha ku ru rbad rbad/ ba la nri ste/ che ge mo mugs mugs/ rag mo nri/ he mo he mo/ kI li ki li ya rbad rbad/ thum ri li li nri dza yag mo dun rbad/ ki li ki li ya dun rbad/ ba la nri ta/ kI li ki la ya rbad rbad/ des ni rtsa ba gcod pa dang/ / gdug pa thams cad gdul ba yi// gsang ba'i cho ga pa dam pa yin// gsang bar 'grub 'gyur the tshom med// dpal lha mo re ma ti gsang ba shan pa nag mo'i rgyud las/ phung zor nag po'i le'u ste nyi shu rtsa gsum pa'o/ /// de nas yang dag bshad bya ba/ gri mdung nag po'i zor bsgrub ni// gang yin pa yi gzugs de la// grub par bsam zhing sngags 'di bzlas// ma srog sha snying dza la ti sna rbad/ rag mo snying rtsa srog la breng breng rbad rbad/ snying rtsa srog la brig brig/ sham sham rmugs ro shing shag/ ma phur nag shag/ ma mA ro la za ti shag/ ma tsi ta yam ya ti shag/ mdun ting shag/ i shan ting shag/ sarba dun rbad/ mdung thung gdab pa'i las dag kyang// gri dang mthun te 'di ltar byas// gnod sbyin dpon g.yon cha lugs dang// bdag nyid mdun chas gdab par bya// sha kham kham ma mo srog tsit+ta tsit+ta rbad rbad/ snying tsit+ta ma ma dum bu kha le rbad rbad/ des ni myur du gsod pa yin// dpal lha mo re ma ti gsang ba shan pa nag mo'i rgyud las/ gri mdung nag mo'i le'u ste nyi shu rtsa bzhis pa'o//// de nas yang dag bshad bya ba/ / brdab zor nag po'i bsgrub pa ni// yugs sa mo yi zhabs ma la// ltas ngan sna tshogs pags pa la// ma mos thogs bsam sngags kun bzlas// de ni las kun byed pa yin// ji srid g.yon gyi drag po'i las/ / thod pa gong du gsad par bya// trag rak+sha kha mun tra b+h+yo/ rag mo dza dza/ he kun la ba la ma b+h+yo/ trag rak+sha kha mun tra snying kha rag rbad thum ri li li/ dpal lha mo re ma ti gsang ba shan pa nag mo'i rgyud las/ g.yen gyi brdab bzor nag po'i le'u ste nyi shu rtsa lnga pa'o//// de nas yang dag bshad bya ba// gsang sngags kyi bsgrub pa ni// lhag dang chad pa'i mtha' bral ba'i// sngags kyi 'phreng ba rtag tu bzlas// trag rak+sha kha mu tra ru lu ru lu hUM b+h+yo hUM/ rag mo te ge mkhal tsa tsa ma b+h+yo/ ru lu ru lu re ma ti b+h+yo/ gnyen po sku gsung thugs kyi bsgrub pa'o// ta r+ya ru ru be ro hUM/ ti sta ba to si/ rag mo snying kha rag ma b+h+yo dza dza/ oM ru ru ro ru tsa pa la a shug me ma hUM ma b+h+yo dza dza/ badzra kha rag snying kha rag/ snying kha rag trag kha raka sha mun tsa sha b+h+yo dza dza/ oM ru ru ro ru kha sa le b+h+yo/ ru ru ro ru mun tra mun tra ma dur ma ti ma dung da b+h+yo/ sku gsung thugs kyi sngags so/ / ma mo thams cad gcig tu 'dus pa'i snying po/ ma ma dun dun rag mo b+h+yo/ e b+h+yo/ ram b+h+yo re'u re ma dur shad shad b+h+yo/ dpal lha mo re ma ti gsang ba shan pa nag mo'i rgyud las/ gsang ba'i snying tig dang srog gzer gyi le'u ste nyi shu rtsa drug pa'o//// de nas yang dag bshad bya ba// gsang ba'i ro la bsgrub pa ni// smas pa mi yi ro dag la/ bdag nyid chen po'i dkyil 'khor gyis/ / bdag ldan sna tshogs dgug gzhug cing// ma mo thams cad bos nas ni// ma nyes pa yi dbang btsugs te// sngags bzlas ka to re yis bkris// gri thun nag po la sogs bya'o// de nas grol snying la sogs dbyung/ / dgra snying yin par bsams nas ni// tshigs gsum po yi sngags kyis btab// tsit+ta zer ba'i gsang sngags bzlas// rbad du rag mo rag mo snying ga zer/ ru ru rag/ mo'i snying tsit+ta gzer/ tshal na gzer/ lhag ma phung po'i sbyin sreg bya/ rab tu smras pa mo yi ro// 'khor lo dkrug bskor rab tu bsam// sngags kyi dkrug bskor man ngag yin// thabs kyi dkrug bskor man ngag yin// rdzas kyi dkrug bskor sbyor ba yin/ / des ni myur du 'chi bar 'gyur// tse ya baM ti phur ti/ kha yaM baM ti phur ti phur// dpal lha mo re ma ti gsang ba shan pa nag mo'i rgyud las/ mi ro la bsdu ba'i le'u ste nyi shu rtsa bdun pa'o/ /// de nas yang rdo rje 'dzin gyis gsol ba/ bsgrub pa'i ma mo sum cu po// ji lta'i tshul dang stod pa dang// dad la las rnams ji ltar bcol// che mchog dpal gyis bka' stsal cig/ nyag gcig yab kyis bka' stsal pa/ / nam mkha' yangs pa'i dkyil 'khor na// srid pa'i khro mo ral gcig ma// sku ni 'jigs byed khro mo'i tshul// gsung ni sgra sgrogs srid gsum sgrol// zhe sdang rtse gcig 'bar ba'i gzugs/ / thugs ni cho 'phrul cir yang ston// khams gsum rtsal 'byin yum mchog la// bstod do las bcol mthu ma chung// rlung nag tshub chen gzhal yas nas// thod rus 'bar ba'i dkyil 'khor du/ / bdud kyi yul la gshin rje'i lcam// 'dod pa khams kyi dbang phyug ma// sku ni kha dog cir yang 'gyur// gsung ni sgra skad cir yang sgrogs// thugs kyi sprul pa cir yang ston// 'phrin las zhi dang rgyas pa dang/ / dbang dang drag po'i las rnams la// thogs pa med par dbang sgyur ma// khrag gi mtsho la gnas bcas ma// bstod do las bcol mthu ma chung// ser nag gru gsum dkyil 'khor du// ser mo nam mkha'i dpal mo btsan/ / nyon mongs dra ba ral gris gcod// bstod do las bcol mthu ma chung// sngo nag gru gsum dkyil 'khor du// dkar mo 'jig rten glog ma sprin// lcags kyu thogs shing dkar mos bskor/ / bstod do las bcol mthu ma chung// dmar nag gru gsum dkyil 'khor du// dmar po bar snang glog ma srin// dmar mos bskor cing mdud thung bsnams// bstod do las bcol mthu ma chung/ / ban gling dri zi'i dre sna mo// nag mo ban glang dre sna ma// la ba'i go bru sku la gsol// dre'u chibs shing khram bam thogs// 'khor du nag mo stong gis bskor// las su sngags kyi bstan pa bsrung// bstod do las bcol mthu ma chung/ / gnyer du gtad do sa ma ya// sngo nag khri sman si le ma// sku la chu glang pags pa gsol// chu glang zhon nas mi lpags rdebs// chu bdud stong gis 'khor du bskor// srid pa'i ma mo yal gam can/ / las su sngags kyi bstan pa bsrung// bstod do las bcol mthu ma chung// gnyer du gtad do sa ma ya// dmar mo skyin ting g.ya' ma skyol// la ba'i gse thang lus la gsol// sha ba zhon zhing mi snying thogs/ / dmar mo mang po'i 'khor du bskor// sgrol byed ma mo yal gam can// bstod do las bcol mthu ma chung// gnyer du gtad do sa ma ya// b+h+yo/ dkar mo brtan 'bar dbyings kyi yum// khyung gi lus la khyung sbrul 'gyed/ / gshog pa ral gri khyung gi dbyings// mi 'da' dam tshig rdo rje thogs// rdo rje bka' yi pho nya mo// bstod do las bcol mthu ma chung// b+h+yo/ smug nag rdo rje kun tu bzang// 'jigs byed 'bar ba'i ral pa can/ / gshog pa rdo rje kang ka 'phro// mi 'da' dam tshig rdo rje thogs// dpal chen bka' yi pho nya mo// bstod do las bcol mthu ma chung/ b+h+yo/ dmar nag rdo rje ye shes mchog/ dmar nag ral pa bya rgod 'phro/ gshog pa phur bu bya rgod dbyibs// mi 'da' rdo rje rtse lnga bsnams// gsang chen dbyings kyi pho nya mo// bstod do las bcol mthu ma chung// b+h+yo/ smug nag rdo rje sgrog byed ma// bya rgod mgo la nyi ma'i mig/ gshog pa spu gri stag chen 'phro// mi 'da' dam tshig phur bu thogs// bse yi thod gon dpal gyi pho nya mo// bstod do las bcol mthu ma chung// b+h+yo/ ser nag rdo rje 'dod chags ma// ral pa ser nag gyen du 'khyil/ / pad+ma'i gshog pas klu rgyal 'gyed// mi 'da' rdo rje rtse lnga bsnams// rgyu drug sgrol ba'i pho nya mo// bstod do las bcol mthu ma chung// b+h+yo/ khrag mdog rdo rje kun gsal ma// khrag lar gseb nas spyang ma 'phro/ / gser gyi gshog pas gnod sbyin 'gyed// mi 'da' dam tshig rdo rje bsnams// tshangs pa 'dul ba'i pho nya mo// bstod do las bcol mthu ma chung// b+h+yo/ g.yu dog rdo rje g.yu sgron ma/ / mchong ral gseb nas tsha tsha 'khrug/ ru sbal gshog pas klu rgyal 'gyed// mi 'da' dam tshig rdo rje bsnams// srid gsum sgrol ba'i pho nya mo// bstod do las bcol mthu ma chung// seng chen zhon pa'i dbang phyug ma/ / seng mgo lcags kyi ral pa can// mi sha za zhing mi lpags gon// lag na 'jigs byed lcags kyu thogs/ gshog pa spu gri seng chen 'phro// las su dbang bskur sprul pa'i yum la bstod/ / stag la zhon pa'i dbang phyug ma// stag mgo gser gyi ral pa can// nad kyi rlangs 'byin stag sbrul klong// gser kyi gshog pa stag rtsal 'gyed// nad kyi dbang bskur sprul pa'i yum// bstod do las bcol mthu ma chung/ / bya rgod zhon pa'i dbang phyug ma// bya rgod mgo can gar lcam mchu// zhing chen za zhing sbrul gos gon// bya rgod klong na lcags sgrog thogs// rdo rje gshog pa bya rgod lto// khams gsum sgrol dbang bskur nas sprul/ / bstod do las bcol mthu ma chung// dur bya zhon pa'i dbang phyug ma// bse yi mchu sder dur bya'i mgo/ bgegs dpung 'dul zhing dur gos gon// dur bya'i klong nas dril bu thogs/ / khrag gi gshog pas dur bya 'phro// khrag nad dbang bskur sprul pa'i ma// bstod do las bcol mthu ma chung// dkar mo nyi ma'i spyan gcig ma// ru sbal nag po'i mgo bo can// ru sbal tshigs shing glang lpags gon/ / tshe ta kha gsum lag na thogs// ba spu'i me sta sdom dang sdig/ thugs kyi sprul pa phyogs bcur 'phro// dbu rgyan rdo rje rtse lngas brgyan// bstod do las bcol mthu ma chung// sngon mo g.yu yi ral gcig ma/ / ru sbal nag po'i go cog can// chu glang pags gyon sbrul nag chibs// zangs kyi dra ba lag na thogs// ba sbu'i me stag sdig pa 'gyed// thugs kyi sprul pa sngon mor 'phro// dbu rgyan rin chen rtse lnga brgyan/ / bstod do las bcol mthu ma chung// dmar mo khyung gi gshog pa can// gti mug phag mgo go cog can// ru sbal pags gon phag mo chibs// zangs kyi sgrogs chen lag na thogs// ba spu me stag sbyang mo 'phro/ / thugs kyi sprul pa dmar mo 'gyed// bstod do las bcol mchu ma thung// b+h+yo/ ser mo glog gi 'phreng ba can// za byed spyang mo'i go cog can// spyang mo chibs shing tshim tshim gon// gser gyi dril bu lag na thogs/ / ba spu me stag spyang mo 'phro// thugs kyi sprul pa ser mo 'gyed// dbu rgyan gser gyi dril 'bar brgyan// bstod do las bcol mthu ma chung// ma btsun ug chos dbyar mo bsil// sngon nag g.yu yi smin ma can/ / dbung mgor gser gyi bya khyung lding// ru sbal pags pa gos su gon// chibs su rkyang bu kha dkar chibs// lag na 'gug pa'i lcags kyu thogs// las su sngags kyi bstan pa bsrung/ / bstod do las bcol mthu ma chung// lho yi skyin mthing g.ya' ma skyod// sngon mo gser gyi sgra thabs can// phrag gong gser gyi spyang khu mchong// ba spu thor tshugs dbu la brgyan// bya rgod pags pa gos su gon/ / lag na snang byed me long thogs// rgyug thabs gnod sbyin dbang du sdud// bstod do las bcol mthu ma chung// kha ra khyung btsun dpal gyi yum// dmar mo bse yi thor tshugs can/ / phrag gor bse yi bya khyung lding// rus pa'i 'phreng ba lus la gyon// lag na gsang chen cha lang brdeb// bstod do las bcol mthu ma chung// sring mo rdo rje g.yu sgron ma// dmar mo g.yu yi sgra thabs can/ / dpung mgor zangs kyi bya khyung lding// sku la gser gyi go zu gsol// mchod pa'i stabs kyis drang srong 'dul// lag na 'ching byed zhags pa thogs// bstod do las bcol mthu ma chung// gangs dkar sha med rdo rje kun tu bzang/ / dkar mo dung gi sgra thabs can// dpung mgo dung gi bya khyung lding// sku la dung gi go zu gsol// 'gro ba'i stabs kyis log 'dren 'dul// lag na ban dmar khrag chen thogs/ / bstod do las bcol mthu ma chung// rkong btsun de mo rdo rje bod khams skyong// nag mo gser gyi sgra thams cad// dpung mgo mu men bya khyung lding// sku la gtsos kyi go zu gsol/ gdug pa'i stabs kyis dgra bgegs 'dul/ / lag na bdud kyi khram bam thogs// las su sngags kyi bstan pa bsrung// bstod do las bcol mthu ma chung// zhes bstod do// dpal lha mo re ma ti gsang ba shan pa nag mo'i rgyud las/ bstod pa'i le'u ste nyi shu rtsa brgyad pa'o//// de nas yang dag bshad bya ba// ji ltar ma mo thams cad kun// dngos po ye nas gcig pa'i phyir// ma mo spyi yi bskul ba ni// sha sna khrag sna snying sna stong/ / zangs chen bskang ste sprengs nas ni// gdung ba'i dbyangs kyis blang bar bya// hUM/ srid pa'i ma mo dam tshig can/ stong gsum ma mo las mkhan ma// 'jig rten ma mo grogs kyi mchog/ bka' dang bstan bsrung las kyi bdag/ gling bzhi zur du khus 'debs kyang// nyams pa'i bdud kyi bya ra sa// stong gsum yongs kyis g.yab por kyang// las ngan dgra yi rten lings sa// dam nyams bka' rkun bstan 'jig la/ / btang snyoms yal bar ma btang zhig/ rak+Ta tsa mun ti b+h+yo/ dgra bo'i snying ma ra ya/ rtsa thang rtsa thang thang mu le srog rbad/ kha kha dur ma ti b+h+yo/ rak+sha ru tra ma b+h+yo/ ru ru ro ru b+h+yo/ badzra ra te b+h+yo/ badzra ma te b+h+yo/ nag mo tsa tsa b+h+yo/ praM bu a ti b+h+yo/ ma ma badzra la ti b+h+yo/ ma ma badzra mu ka ma b+h+yo/ ma ma badzra ting ting ma b+h+yo/ ma ma badzra da ri ma b+h+yo/ sing nga mu ka b+h+yo/ bya tri mu ka b+h+yo/ kang ka mu ka b+h+yo/ ma ma badzra tsa mun ti b+h+yo/ ma ma badzra ku ma ri b+h+yo/ ma ma badzra rak+sha dur ma ting b+h+yo/ ma ma badzra yag sha tsa mun ting b+h+yo/ ma ma badzra tsa pa la b+h+yo/ ma ma badzra li li b+h+yo/ ma ma badzra ting ting ma b+h+yo/ ma ma badzra ma ling b+h+yo/ ma ma badzra mi ling b+h+yo/ ma ma badzra tsi ra b+h+yo/ ma ma badzra ne ne ting ting b+h+yo/ e ra tsa ra/ da ni dun ring du la ya badzra du ru dz+wa la ni/ ha na badzra/ du ma ra ha badzra b+h+yo/ nA ga ra ga kyi ma srog kyi ma rtsa/ ma ra tig ma ra tig/ tse tse na ma ra tig/ b+h+yo b+h+yo dza dza/ nag mo har ho/ nag mo dun ting hed/ nag mo ma sha sha la dza/ nag mo ma sha srog la dza/ nag ma mo sha dbugs la dza/ snying la har hur rtsa la b+h+yo/ ma hA ro sha la b+h+yo/ nag mo baM ri li li/ dpal lha mo re ma ti gsang ba shan pa nag mo'i rgyud las/ gsang ba sngags kyi le'u ste nyi shu rtsa dgu pa'o//// de nas yang dag bshad bya ba// srid pa'i ma mo thams cad kun// nyams na bskang ba'i las byas te/ / bskang ba 'di ni rab tu bya// lha rgyud ma rgyud so sor bskang// de nas lha mo nag mo bskang// lha mo skang rdzas 'di lta ste// nal ma nal phrug sha dang snying// sha sna stong dang snying sna stong// khrag sna stong dang 'bru sna stong/ / snod chen yongs su bskang bya ste// pany+tsa a mr-i ta dang sbyar// srog dang dbugs kyi mchod pa 'dis// ma mo'i thugs dam bskul zhing bstod/ tshe gsum pa yi sngags kyis dbul// bskang bshags cho ga rgya cher bya/ de nas ma mo rab tu mnyes// gdug pa 'dul zhing dngos grub 'gyur// dpal lha mo re ma ti gsang ba shan pa nag mo'i rgyud las// bskang ba'i le'u ste sum cu tham pa'o//// dpal ldan re ti 'khor dang bcas/ / bsgrub pa'i mtshan ma thob pa'i tshe// dam tshig bsre dang dam la gdags// de yi rim pa 'di ltar ste// sku gzugs rdol mtshol phur bu sogs// lha mo nyid du ye nas gnas// de la bden bdar las bcol lo/ / snying nas ye shes sems dpa' bskyed// de nas mchod phul las bcol nas// 'di skad drag tu brjod par bya// hUM/ rdo rje dri chu bdud rtsi mchog/ dam tshig snying gi khrag chen po// sngon nas bsre ba'i dam tshig mchog/ khyod dang nga nyid snying gnas pa// snying dang snying gi grogs mor bya// ma hA ku ku sa ma ya/ pany+tsa a mr-i ta sa ma ya/ 'di ni khyod kyis dmyal ba'i chu// dam tshig 'das na sreg par byed/ dam tshig gnyan po ma 'das na/ khyod ni mngon par sangs rgyas nas// bde gshegs skal ldan bden gnas 'gyur/ badzra ya ga sha rak+sha sa ma ya phaT/ de nas grub pa thob pa dang// phan gnod las 'di gang byed pa/ / ji ltar 'dod bzhin dbang byed 'gyur// dpal lha mo re ma ti gsang ba shan pa nag mo'i rgyud las/ dam tshi bsre zhing dam la gdags pa'i le'u ste sum cu so gcig pa'o//// de nas yang dag bshad bya ba/ / bsgrub par 'dod pa'i sngags pa yis// dang por gsang chen khro mor bsgrub// gnyis pa dpal ldan bsgrub bya ste// gsum pa las kyi bran mor bsgrub// rtsa ba'i bsgrub pa rdzogs pa dang/ / ma mo'i gnas sam gnod sbyin sar// drag po'i las rnams bsgrub par bya// ji srid gsang ba'i las rtsom pa// gdul bya khyad par yod pa de// aM gU sha yi sngags kyis gsad// sngags kyi sbyor ba rdzogs pa dang/ / las kyi dus su bstab par bya// trag rak+sha rag/ rag mo ma snying kha rag/ trag rak+sha kha raM khA hi/ tsa mun tsag kha raM khA hi/ ma ma khA hi/ phu ya phu ya/ rag tu tsa mun tri khA hi/ dul dul/ shig shig/ me la dza/ 'ubs 'ubs 'brum dus raM shig/ me raM re raM/ kha raM khA hi/ baM yos baM yos/ thu luM thu luM/ snying raM shig/ dbang po lnga la raM thul/ gzugs phung lnga la ni thul 'ubs// gsang chen dbus kyi sregs byed ma/ / zhal ni mthing nag hom khung 'bar// ljags ni hom gzar rlon pa'i tshul// ri rab phur bu'i tshems gtsigs shing// shin tu me 'bar drag mo la// dur khrod drag po ma mo dang// ro langs srin mo srul po'i tshogs/ / ma lus kun gyis stobs pa yin// bstab pa'i las kyi rim pa'o// yang na log non bstab pa ni// gang la bya ba'i ming rus de// las rnams rdzogs pas 'grub pa dang// lha ma sha khrag rus pa bsam/ / de nyid stobs bsam sngags bzlas// rag mo ma hA yag mo sarba dun te sa ma ya/ ma tsa la khA hi/ me ta pa sha/ maM sa pu ki/ ji baM ru ti ra dza re na shi gri ma ra ni pi pa la/ bag k+sha ni b+ha ling/ g+h+ri h+na g+h+ri h+na bun dza ho/ pi pa to sa ma ya a ti/ gnad la bor ba'i las rnams bya// dpal lha mo re ma ti gsang ba shan pa nag mo'i rgyud las/ bstab pa'i le'u ste sum cu so gnyis pa'o//// de nas yang dag bshad bya ba/ / las byed sprul pa'i ma mo dang// gsod pa'i ma mo re ma ti// sha glang 'brum zor lag na thogs// ro langs nag mo re ma ti// dmar mo khram bam khrag zor thogs// gsang ba'i ma mo re ma ti// nag mo sbrul gon dug thun thogs/ / kha thun nag mo re ma ti// 'ug pa'i gsob dang sbal nag thogs// rdeg byed nag mo re ma ti// phur zor tho ba lag na thogs// sreg byed dmar nag re ma ti// lcags kyu me ri lag na thogs/ / las kyi ma mo re ma ti// ljang khu rgya gram 'gru zor thogs// kham nag dud kha re ma ti// g.yab mo mdze zor lag na thogs// srog len sngo nag re ma ti// ba dan dug zor lag na thogs// sngo nag dmar skya re ma ti/ / bya rog wa mo lag na thogs// gsod byed mthing nag re ma ti// tho ba phur bu lag na thogs// sreg byed ra khri re ma ti// me dpung nang na me sgron thogs// thog 'bebs nag mo re ma ti// chu srin pags pa 'brum zor thogs/ / shan pa nag mo re ma ti// ral gri mdze zor lag na thogs// srog gcod nag mo re ma ti// ral gri dug zor lag na thogs// me 'bar nag mo re ma ti// spyang khu khra yi g.yang gzhi thogs/ / dug 'thor nag mo re ma ti// tho ba phur bu lag na thogs// sre byed ro langs re ma ti// me 'bar 'khor lo lag na thogs// mon mo nag mo re ma ti// khram shing mon zor lag na thogs/ / bal mo gser shing re ma ti// g.yab mo khrag thun lag na thogs// dug sbrul sprul pa'i re ma ti// dug sbrul g.yab mo lag na thogs// thod 'phreng nag mo re ma ti// phag nag bya nag g.yab mos 'debs/ / dri dun dum pa'i re ma ti// ri rab phur bu lag na thogs// dug sgrol pes thang re ma ti// me dpung ser nag lag na thogs// khyung chen ser nag re ma ti// gri khug 'bru ma zor lag na thogs// sbrul mgo nag mo re ma te/ / tri shul khrag zor lag na thogs// dug mgo ro langs re ma ti// dug sbrul dug thun lag na thogs// 'bar ma las kyi re ma ti// bya nag khyi nag g.yang gzhi thogs// ro langs me 'bar re ma ti/ / me ri sngon dmar lag na thogs// ma mo rnams dang thams cad kun// dngos po gcig las ma g.yos kyang// dbang gis 'bras bur gsal ba yin// sngon tshe nga yi sprul pa'i dbang// 'di dag kun gyi dam bcas yin/ / rang rang snying po phul ba yin// ji bzhin las rnams byed pa yin// sngags ni zor gyi dkyil 'khor yin// thams cad zer gyi dkyil 'khor mchog/ 'di yi las la khyad par gsungs/ / gzhan du byas na 'grub mi 'gyur// dpal lha mo re ma ti gsang ba shan pa nag mo'i rgyud las/ drag po'i las zor gyi le'u ste sum cu so gsum pa'o//// de nas yang dag bshad bya ba// sum brgya drug cu'i gtso mo ni/ / re ti srog gi bdag mo ste// de yi sgrub pa bshad par bya// mi nag rta nag khyi nag dang// gzhan yang rnam pa sna tshogs snying// dbus su lcags phur rtse la gzugs// de nas bdag nyid ting 'dzin gyis/ / gsang chen srog gi sgrub sngags bzlas// ma ma rag mo rag mo/ ru ru ro ru/ tsa pa la a shug me b+h+yo dza dza/ ru ru rag mo te kem sti ta bam/ kha mun tra snying kha rag mo b+h+yo/ sa ma ya kha thun/ byi la tsi sha ma ru ka li ma b+h+yo/ ma ma b+h+yo/ nu s+yi ru lu/ ta kem ta kem/ ta la ga ra b+h+yo/ snying A r+ya li b+h+yo/ na ma mA/ rag mo trag rak+sha bam/ ru bi nan/ tsa pa la a shug me kha thun tri ru lu b+h+yo/ ma mo de grub dus dag tu/ / las dang mchod pa so sor dbul/ ji srid las la sbyor ba'i tshe// khams gsum dbang du sdud tshul bstan// 'dus pa yon tan bsam yas thob// sbyin sreg gtor ma'i dbang du gsungs// dpal lha mo re ma ti gsang ba shan pa nag mo'i rgyud las/ ma mo srog bsgrub pa'i le'u ste so bzhi pa'o//// de nas yang dag bshad bya ba// rnal 'byor sngags kyi dkyil 'khor gyis// bdud kyi gtso bo mnan par bya/ / rang nyid phyag na rdo rjer bsgoms// 'og tu khung bu gru gsum brko// rgya sol nag pos chag chag gdab// 'dre tsher dug sogs shing gis dgang// sme pa'i dud pa gtong bar bya// gro ga ro shun la sogs pa/ / bdud kyi gtso bo'i ming bris nas// bcing dgug las rnams grub par bya// de nyid gru gsum gting du gzhug/ ting 'dzin 'og tu rlung me bsgom// bdud ni rlung mes sreg par byed// logs la za dang gsod pa bsam/ / steng du lcags pur drag po la// phyag na rdo rje rab bsgoms nas// gang yin gzugs de'i steng du mnan// skabs de'i kha bye la// mnan bskyal sngags 'di drag tu bzlas// ma ma trag rak+sha kha mun tra/ snying kha rag ma b+h+yo/ tshin d+ha tshin d+ha/ bin d+ha bin d+ha/ grih+na grih+na/ ha na ha na/ b+han d+ha b+han d+ha/ ta tha ya ta tha ya/ ha sa ya na ha sa ya na/ shri krang a na ya hUM phaT/ dz+wa la ya ba ya dz+wa la ba ya/ a be sha ya a be sha ya/ b+hin d+ha b+hin d+ha/ dang po'i sngags ni dang pos te/ bar du bdud kyi ming sngags bzlas// mtha' mas bskul ba'i mtha' dang ldan// yungs kar yungs nag ske tshe dang// seng ge'i snying dang klad par bzlas/ / steng nas dus kyi dbang du gdab// ma yengs brtson par las rnams bya// de ni 'grub 'gyur gzhan du min// las zin them pa'i 'og tu mnan// yang na drag po'i sbyin sreg bya// thal pa chang phud nyid dang sbyar/ / brag dang 'thab pa'i chu la bskur// des ni bdud rnams rab tu zhi// yang na bdud kyi thal pa de// drag po'i khrag dang rab sbyar nas// lug bong gcin gyis sbrus nas ni// srin ma btsos pa tsam du bya/ / dug gi me la bskam par bya// dz+wa la dz+wa la raM/ bskams nas yungs kar yungs nag dang// ske tse til nag shang tse sogs// gdug pa'i rdzas rnams ma lus la// gdug pa'i ngan sngags 'di bzlas te// gang yin gzugs la gdab par bya/ / trag rak+sha kha mun tra/ b+h+yo ru lu ru lu/ trag rak+sha/ snying kha rag snying b+h+yo/ sha sha trag sha sha trag trag mo tra ba/ snying tra ba snying khrag/ trag trag mo trag/ ma snying rtsa khrag breng brang/ oM dz+wa la dz+wa la ting/ oM badzra kha rag snying kha rag/ badzra ka ma la b+h+yo dza dza/ trag rak+sha kha mun tra b+h+yo/ mA ra ya thun ya/ trag rak+sha snying khrag snying b+h+yo/ ma ra ya thun ya/ spu ta spu ta b+h+yo/ ma ra ya thun ya/ sa ti sa ma ru thibs thibs/ thabs bra 'ur kha sha bam/ yaM yum ri li li/ thig nig gcig med/ gnyis drag/ brgyad bcad/ gnam mthong phyed/ lcags sgrog khrol/ mi rang sod/ badzra pa ni phaT/ dpal lha mo re ma ti gsang ba shan pa nag mo'i rgyud las/ / bdud gnan pa'i le'u ste sum cu so lnga pa'o//// de nas yang dag bshad bya ba// ji srid 'khor lo'i sbyor ba na// zhing chen stag dang seng ge dang// dri bo ro yi pags pa dang/ / ro shun la sogs gdug pa'i pags// mo la mo yi 'khor lo bri// pho la pho yi 'khor lo bri// ske tshe til dang shang tshe dang// ngan khrag dri bo'i khrag dang tsha// sa tshogs dug gi khu ba dang/ / gu gul sol chen snag tsha dang// byo rog 'ug pa khra yi sgro// yang na gcan gzan mche sder gyis// nya 'am nyi shu gnyis pa la// rgyu dang stong la 'khor lo brtsam// yang na phur bu re sogs dang// de la sogs pa brtsam par bya/ / gsad bsgrub 'khor lo zhes bya ba// 'og ni dpal ldan re ma ti// zhal gcig phyag gnyis zhabs gnyis ldan// 'khor la grong khyer tshul 'char zhing// 'khor lo rtsibs bzhi mu 'khyud ldan/ tsakra rbad ming mA ra ya hUM phaT/ mtha' dang yang dag ldan// phyi rim thang phyam drag po'i tshogs// dza thun mar ya'i mtha' dang ldan// de yi phyi rim mtshon cha'i tshogs// de ni mo yi 'khor lo yin// bdud pho nyid kyang de nyid de/ / zhal gcig phyag gnyis zhabs gnyis ldan// sgo med lcags mkhar rtsibs bzhi la/ tsakra rbad ming gong dang ldan// phyi rim steng ste mtha' dang ldan// gzhan gyi mtshon cha de bzhin te// grong khyer 'di dag thams cad kun/ / ji srid me dpung nang du bzhugs// 'od zer 'phro zhing 'khrug pa'i tshul// ma mo rnams la nang la nang// 'thab dang brtson dang tshig 'grub ste// ji srid gsod pa'i las rnams byed/ / de dag rim pa bshad bya ste// rim pa dang po 'di rim bzhin// sngags kyi 'khor los skul bar byed// bsam gtan 'khor los sgrub par byed// rdzas kyi 'khor los dkrug par byed// des ni mA ra la gdon mi za/ / de lta bu'i las rnams grub pa dang// ji srid 'khor lo chen po dang// rabs chad thod pa kha sbyar du// 'khor lo bcug la kha bcad do// de nas dur khrod chen po ru// ma yengs dkrug bskor byas gyur na/ / las 'di 'grub 'gyur gdon mi za// dpal lha mo re ma ti gsang ba shan pa nag mo'i rgyud las// 'khor lo bsgrub cing gsad pa'i le'u ste sum cu so drug pa'o//// de nas yang dag bshad bya ba/ / ji srid 'khor lo'i sbyor ba ni// rab tu drag po'i bri bar bya// srog gi 'khor lo zhes gsungs pa// me yi 'khor lo nyid yin te// lha mo mgrin pa'am b+ha gar gsad// der ni 'khor lo'i rtsibs brgyad pa/ / raM dang raM skyes dbyibs can ni// me gsum 'dus ba'i dkyil du gsad// gnas ni snying nang srog rtsa rgyud// yaM gis bus la raM gyis bsreg/ 'khor lo bsgrub dang bcas pa de// dug shing me sbar sreg par byed/ / chu yi 'khor lo zhes gsungs pa// lha mo lte ba'i dkyil 'khor du// sum 'gyur zlum la rab tu gnas// chu gsum 'dus pa'i dkyil du gsad// gnas ni steng gnas 'dab brgyad steng/ / klu brgyad 'khor dang bcas pa bskyed// las rnams bcol nas bsgrub byas nas// rgya mtsho chen por dor bar bya// rlung gi 'khor lo zhes gsungs so// lha mo zhabs kyi dkyil 'khor du// ba dan rab ldan rlung de la/ / rab tu 'phrau ba'i rlung ldan pas// rlung gsum 'dus pa'i dkyil du gsad// snying gnas rlung gi dkyil 'khor du// rlung lha 'khor bcas rdzogs par bskyed// las bcol 'khor lo rlung la bskur/ / sa yi 'khor lo zhes gsungs pa// lha mo snying gi dkyil 'khor du// lo bskyed sa bon sa gzhi bsam// sum 'gyur drag po'i sa gzhi dar// sa gsum 'dus pa'i dkyil du gsad// gdul bar bya ba'i snying kha ru/ / sa yi dkyil 'khor rab bsam nas// steng du sa bdag lag chen bskyed// drang srong rnams kyang de bzhin te// las rnams bcol zhing bsgrub byas nas// dur khrod la sogs kun tu gnan// sa yi lha mo ser mo ste/ / de bzhin chu yi lha mo dkar// me yi lha mo dmar mo la// rlung gi lha mo ljang khu ste// de ni las rnams myur du 'grub// yang na 'khor gnas 'di lta ste// chu ni grod pa'i dkyil 'khor ste// grod pa'i nang du bya bar bshad/ / me ni srog rtsi 'khor lo ste// srog rtsa'i nang du bya bar bshad// rlung ni rkang pa'i 'khor lo ste// rkang pa'i nang du bya bar bshad// sa ni sha yi 'khor lo ste// sha yi nang du bya bar bshad// de de las rnams byas gyur na/ / las rnams 'grub par thogs pa med// las de grub pa'i rtags byung na// bdun gsum nyi shu rtsa gcig gis// dgra bo bsgral bar gdon mi za// dpal lha mo re ma ti gsang ba shan pa nag mo'i rgyud las/ drag po'i 'khor lo'i le'u ste sum cu so bdun pa'o//// de nas yang dag bshad bya ba// las rnams rdzogs pa'i rnam 'byor pas// rig pa'i ting 'dzin gsal byas te// mchog phran drag po'i sa gzhi ru/ / gnod dang gdug pa'i dgra bgegs la// gsod byed nang du bsgrub pa dang// mo yi thod par bsgrub pa brtsams// dkyil 'khor gru gsum sum brtsegs la// nang du dug gsum chag chag gdab/ / de nyid grub par 'gyur ba dang// thod rlon zor bsgrub rdzogs par bya// dur dong zhugs pa'i 'og dag tu// thod rlon zor gyis brdeg gyur na// de ni myur du phung bar 'gyur// dpal lha mo re ma ti gsang ba shan pa nag mo'i rgyud las/ / thod rlon zor bsgrub pa'i le'u ste sum cu so brgyad pa'o//// de nas bcom ldan 'das la 'khor rnams kyis bstod pa// e ma ho e ma ho bcom ldan 'das// srid pa kun rdzogs ye sangs rgyas/ / dngos po med cing mtshan nyid med// sna tshogs yul las skur byung ba// de nyid sku mchog phyag 'tshal bstod// yid bzhin sku mchog don ldan pas// bsgrub bya ma mo dbang 'dus te/ / the tshom mi 'byung don gsungs pa// gsung rgyud gter la phyag 'tshal bstod// dpal lha mo re ma ti gsang ba shan pa nag mo'i rgyud las// rgyud yongs su gtad pa'i le'u ste sum cu so dgu pa'o/ /// 'phags pa lha mo nag mo'i rgyud kyi rgyal po gsang ba shan pa nag mo bse sder zhes bya ba/ ma mo dang srin mo thams cad bkol ba'i man ngag ma mo'i rgyud thams cad kyi 'grel pa las byang du phyung ba rdzogs so/ /// rgya gar skad du/ gu h+ya ga pi tan+t+ra nA ma/ bod skad du/ gsang ba'i gter gyi rgyud ces bya ba/ kun tu bzang mo la phyag 'tshal lo// 'di skad bdag gis thos pa'i dus gcig na/ kun tu bzang mo gsang ba'i yum// skye 'gag med pa'i bdag nyid can// thog ma med pa'i dus mtha' nas// 'gro 'ong med par rang bzhin bzhugs/ 'pho 'gyur med pa'i gnas mchog ni/ / yang dog med pa'i 'od gsal ba// phyi nang med pa'i 'od gsal ba// shes rab snying rje nyi zlar bcas// dag pa'i don ldan dkar po'i tshogs// snying rje'i 'od las sprul pa mo// lnga gnyis gsum du rang bzhin gnas/ / bya rtsal med pa'i sbyod pa can// chos nyid mi 'gyur nag mo'i tshogs// shes rab rtsal las shar ba mo// lnga gnyis brgyad du ldan pa ste// ye shes sprul pa'i spyod pa can// shugs 'gro 'bar ba ser mo'i tshogs/ / brtson 'grus mthar phyin khyab pa mo// bcu tshan lnga dang drug tu ldan// rdzu 'phrul spyod pa mthar byin ma// yon tan gter ldan sbrul pa mo// mngon spyod ngang las shar ba mo// bzhi gnyis ldan pa'i khyab pa mo/ / brtul zhugs ldan pa'i mdzad pa can// de nas yul 'phra men rgya mtshos/ gser gyi nyi ma'i gdan las bzhengs te/ yum chen mo la gus pa'i phyag sbrul bzhin byas nas// mig mi ldog par gzigs te/ / gser gyi 'khor lo bsgyur cing gsang sngags bsgrags pa'i don du/ yum chen mo la 'di skad ces gsol to// kun tu bzang mo bde ba'i yum// gnas pa'i don 'di ji ltar lags// gter gyi rang bzhin gang lags pa/ / yum chen nyid kyis bshad du gsol/ de nas yum chen mos nyi zla'i gdan la bzhengs nas/ spyan gsum 'thur du gzigs nas/ ljags pad+ma dril nas gsungs pa/ srid pa gsum gyi mnga' bdag mo/ / sangs rgyas khros pa'i rgyal mo khyod/ 'gro ba chags pas zhen pa la// thugs rje chen pos zhu ba legs/ khyod kyi 'dod pa 'di ltar bskor// gsang ba rtsa dang thig le ste/ gter ni rig pa'i ye shes so/ / 'phra men rgya mtshos yang gsol pa// rtsa dang thig le ji ltar lags// rig pa'i ye shes ji ltar lags// kun tu bzang mos bshad du gsol// yum chen nyid kyis yang gsungs pa/ / gsang ba don gyi rtsa thig ni/ rnam pa gsum du shes par bya/ rtsa la srid pa'i gnas lugs dang// thig le sprul pa'i 'char tshul dang// rtogs par byed pa yan lag go/ rig pa'i ye shes gnyis su bshad/ dam srid gnas la dbab pa dang/ thig le mya ngan zla ba'o/ gsang ba gter gyi rgyud las/ gleng gzhi dang gleng bslang ba'i le'u ste dang po'o// de la gnas chen brgyad du bshad/ dang po dngos po bstan pa dang/ / gnyis pa las su bstan pa dang/ gsum pa byed pa'i gnas su ste// bzhi pa spyin pa'i sa yin te// lnga pa byung khyung yin pa ste// drug pa lhag pa'i gnas bzhi ste// bdun pa gnas gzhi yinapa ste// brgyad pa bod pa yin pa'o/ / tshal chen po na brgyad du gnas/ lta na stug dang rnam par rgyal/ lha'i mdun sa bya ba dang// shing rta sna tshogs bya ba dang/ sa gzhi bzang po bya ba dang/ dga' ba'i tshal dang rtsub 'gyur tshul/ / 'dres pa'i tshal zhes bya ba'o// thig le don ni 'di lta ste// thig le gnas ni 'di bzhi ste// phra ma u li hi dang ldan// oM dang ldan hU~M dang ldan// swa dang ldan pa'i sgra'i don bshad pa// bde ba chen po 'khor lo ni/ / yi ge haM gyi don bshad pa// brgya rtsa 'dus pa'i tshangs nang na// thig le yi ge ha gnas pa// chos nyid 'dus pa'i thig le ste/ kun tu bzang mo zhes su bshad// yi ge haM gyi rtse mo nas// dwangs ma lnga yi thig le yi/ tshon drug dril ba lta bu ste// de ni nam mkha'i lnga'i ngo bo ste// sa me ki dang dam ku dang// sa ni rtsa yi dngas ma ste// rnam snang gsal zhes grags pa'o// me ni drod kyi dwangs ma ste// 'od gsal ma zhes grags pa'o/ / ki ni khrag gi dngas ma ste// gnyen gsal ma zhes grags pa'o// dam ni dbugs kyi dngas ma ste// g.yang gsal g.yon zhes grags pa'o// ku ni bkrag gi dwangs ma ste// bkrag gsal ma zhes grags pa'o/ / thig le chen po g.yas phyogs nas// mkha' la rgyu ba'i thig le gsum/ ba ra wa// 'bebs byed ma// skyod byed ma// skul byed ma'o// thig le chen po'i g.yon phyogs nas// dbyings las shar ba'i ma mo gsum/ / haM ri ka// tshor byed ma/ tshim byed ma len byed ma'o// thig le chen po'i steng phyogs na// mun dang gsang pa stud ma'o/ ma yi sgra yi don bshad pa// mgrim ma khrag gi 'khor lo'i dkyil/ / dbus na thig le aM gnas pa// mtha' ma rnam pa brgyad pa'o// wa kri ti ya pa ni pu tsa// dkar mo mdangs mdzes ma// sngon mo klog ma srin/ dmar mo rdzu pa can// ser mo lding stabs can// stag sman zor ba gdong/ nag mo gdong drug ma/ bam srin dred mo gdong/ 'brog srin chu srin bshad/ u yi sgra la don bshad pa// snying ka chos kyi 'khor lo'i dkyil// dbus na rig pa'i yi ge hU~M// phyi skor thig le bcu dang brgyad/ / mum hU~M// 'phra men man ka'i thig 'dzin ma// nyi ma 'bum gyi gzi mdangs can/ hU~M hU~M hU~M hU~M/ rdo rje nyi ma khros pa'i dbang mo che/ yon tan rin chen khros pa'i dbang mo che// pad+ma khug 'thung khros pa'i dbang mo tshe/ / khams gsum 'tsho byed khros pa'i dbang mo che// muM muM muM muM// rgyan gyi rgyal mo dbyings phyug rgyal mo dang// bdag nyid chen mo gcig pu yum mchog mo// he he he he// dkar mo chen mo yab la bzhad/ / sngon mo sgeg mo yin tan mdzod// dmar mo dbang sdud mdzes tshul can// ser mo las kyi rdzu 'phrul can/ sa ma ma ham/ ze byed ma/ rgyas 'debs ma/ tshe 'phel ma/ rmongs byed ma'o// li yi sgra yi don bshad pa/ lte ba rlung gi 'khor lo'i dkyil// dbus na rlung skor thig le lnga bcu drug/ waM saM/ srid pa kun gyi dred 'beb ma/ srid pa kun gyi skyed byed ma/ e raM/ drag mo 'dza tim/ srin mo khrag 'dzag ma/ yang raM/ bskyod ma stong gsum khyab pa mo/ gling bzhi kun tu rgyug 'gro ma'o/ hU~M pad+ma rdo rje thig 'dzin ma/ pad+ma'i dbyings phyug ma// 'dod pa khams kyi dbang phyug ma/ raM raM raM raM raM raM raM/ rdo rje kun grags ma/ dbang chen 'od ldan ma/ rdo rje 'dzin 'phreng ma/ rdo rje gsal 'phro ma/ rdo rje 'od chags ma/ rdo rje zlog byed ma/ rdo rje grag snyel ma// ma ti ga dz+wa/ gling bzhi lha'i srin/ khyung chen gshin rje'i sring/ g.yag thog klu'i sring/ sder cag gnod sbyin sring/ pa ra ti ya ya har ting/ du n+ting/ shan+ting/ grub ting b+h+yo ta ga na/ dkar mo mig gcig ma/ nag mo ral gcig ma/ dmar mo mchu 'jib ma/ ser mo rkang bldag ma'o// b+h+yo b+h+yo b+h+yo b+h+yo b+h+yo b+h+yo b+h+yo/ srin mo smug nag ma/ nu ra k+Sha si/ 'phra men rdo rje dkar ser ma// ro hu dri la lha chen dkar mo ste// 'jig srid dkar mo rdo rje be sha byi// gzhon nu dmar mo rdo rje ko ma ring// brgya byin dkar mo rdo rje ba ni laM/ / dmar ser srin mo rdo rje si ka laM/ b+h+yo b+h+yo b+h+yo b+h+yo b+h+yo b+h+yo b+h+yo/ bdud rtsi dmar mo rdo rje a mri ta/ zla ba dkar mo rdo rje pu ta ri/ be con dmar ljang dan+t+ra ha/ srin mo dmar mo rdo rje raka sha si/ za ba ljang nag rdo rje bag shi si/ ra tri badzra rdo rje dga' ba dmar/ rdo rje stobs chen ru tra ma ra tra// e ka tsa ti rdo rje cig sbyod ma// b+h+yo b+h+yo b+h+yo b+h+yo b+h+yo b+h+yo b+h+yo// ma nu to rdo rje 'dod pa dmar/ grub mo nor srung dkar mo sing+ng+ha ka klu mo sngo skya rdo rje ba ya bya/ / gsod mo khra mo rdo rje ma hA ka la dmar// ag ne mi mo rdo rje dkar ser ma// phag mo nag mo rdo rje ba ru ni// rdo rje dmar smug rgan byed tsa mun ti/ b+h+yo b+h+yo b+h+yo b+h+yo b+h+yo b+h+yo b+h+yo// sna chen dkar mo rdo rje pu ta ra ma na/ gti mug rang sar grol bas me long lta bu'i ye shes/ phrag dog rang gnas su dag pa bya ba grub pa'i ye shes/ gzung 'dzin gnas su grol ba chos dbyings kyi ye shes so/ zhe sdang gnas su bsgral bas thabs dang mthun pa'i spyod pa/ 'dod chags rang sar bsgral bas shes rab dang mthun pa'i sbyod pa/ nga rgyal zhi bas bsgral bas gzung du 'brel pa'i spyod pa/ gti mug rig par bsgral bas phyogs gcig pa'i spyod pa/ phrag dog phun sum tshogs par bsgral bas 'thun 'jug thabs kyi spyod pa/ gzung 'dzin yul las bsgral bas mdzad pa gar thabs kyi spyod pa'o/ 'ga' na sbyor ba'i spyod pa rtogs thabs ldan pa yis/ 'ga' ni spyod pa/ 'di lta ste/ bud med mo gsham 'dra ba la/ klad pa gA+o ro tsa na yod/ a 'bras smin pa'i 'bras bu la/ sbyor te zos na dngos grub thob/ bud med pad+ma mdzes pa la/ rak+ta'i snying po ma nyam dang/ mu la ta dang pi ta'i khrag/ sbyar te zos na dngos grub thob/ bud med dung can lha mdzes las/ byung ba'i dri chen maM sa dang/ gdug can gyi bcud dang ni/ bud med ban glang can dag gi/ byung ba'i dri'i chu dag dang ni/ tir ta pa na la sogs dang// sbyar te zos na dngos grub thob// bud med ri mo can dag la// sbyar te thig le dkar dmar dang// ga pur chu dang sbyar byas nas/ / dngos grub shin tu thob par 'gyur// bkra shis gtsang ma'i bud med la// sbyar ba'i thabs chen ldan byas te// mchog gi dngos grub thob par 'gyur// sbyor ba spyod pa'i thabs chen 'dis/ / skye med dbyings dang 'phrad par 'gyur// tan spyod pa'i don spyod pa// gang yang rung ba sgral ba'i zhing// rnal 'byor sdigs pa'i mdzub mo la// nyi ma'i dkyil 'khor steng dag tu// ha las ral gri 'bar ba yis/ / tra ta phaT ha la hU~M gi sngags brjod pas// de dag myur du brlag par 'gyur// gang yang dmigs pa'i yul de la// gro ga'i gzugs de 'dzub gang la// srin lag khrag gis ming bris la// gru gsum chag gang dbus su gzhug/ hU~M gis nyungs kar byin brlabs la// stun khung ma'i sngags kyis gdab// hU~M rak+Sha kha la ru pi tra ta phaT// lus kyang 'gas shing brlag par 'gyur// hU~M khung srin po gdengs pa ru/ / dmigs pa'i ling ga sor bzhi la// dur khrod sol bas byugs byas te// trong nag po'i sngags bzlas shing// zi ra nag pos brab par bya// oM pu pa li ka tsa hur phaT// mgo po 'gas shing brlag par 'gyur/ / kro nga nag po'i rkyal pa ru// spu tra ra'i gzugs bcug ste// srong tsa ra'i thig pas gdags// me dpal dmar pos bral par bya// dza ra pu pi tsa ra tur phaT// khrag gi ri bo 'joms par byed// pa ta ru tsa'i rkyang pa ru/ / tro ta'i ka ta'i pags pa la// ha la nag po'i ling gi bris// mu ngag 'bar ba'i zer gyis brab// tsa ti tsa ta pa ti mugs swA hA// zhe sdang sdong po 'joms par byed// e ta pa ri hU~M khung du/ / pu ri pa tra'i gzugs bcug la// tri ra ha'i sngags kyis gdab/ rmugs sha ril bam// 'dod chags byang ri mar po gzhom// khrag gi rgya mtsho 'bar ba ru// ne tro ta'i snod nang du/ par pa ta'i gzugs bcug ste/ a rdza ka yi dog pas bcing/ gnod spyin dmar po'i sngags kyis gdab/ pa paM kha 'dar bab/ khrag gi dog pa gcad par bya// lha rten nag po'i bum pa ru/ na ra ga'i gzugs bcugs la/ pany+tsa ta yi thag pas bcing/ / a ka ta yi sngags kyis gdab/ ra rtsa ki ma du ka phaT/ dngul gyi bum pa bshig pa'o// pu ta ra rtsi baM ta pa ru phaT/ bum pa bam rim kha sbyar du/ kha sras dmar po'i khog pa ru/ du ra pa ta'i gzugs bcug la/ bdud mo nag mo'i sngags kyis brab/ kha rag si ta nag mo thun/ rlung gi rkyang pa bcad pa'o/ rtog pa'i lta ba 'di lta ste/ phyi yi 'byung ba sgyu ma ste/ 'byung ba lnga po thams cad kun// snang spyod nyin na rnam par dag/ phung po khams dang skye mched kun// rgyu ba'i 'khor lo lta bur gnas// nang gi dwangs ma'i thig le yang// grog tshang g.yengs pa lta bur snang// sten pa'i bag chags nyon mongs lnga// srin bu me khyer lta bur snang/ / kun gzhi me long g.ya' dag 'dra// nyon mongs yod ni srin bu ste// sgo lnga 'od zer shar ba yis// dbang po'i yul la brten te 'tshar// yul lnga 'ja' tshon lta bu ste// snang ba ma 'gags yul la gsal/ / rig pa phyi nang med par gsal/ skye med lha yi snang ba yang/ chu zla'i dkyil 'khor lta bur snang/ snang spyod nyid na rnam par dag/ rang rig rdo rje lta bu ste/ rgyu med rkyen gyis ma skyes pas/ dang po skye ba'i rgyu med pas/ mtha' mas 'gag pa'i rkyen dang bral/ skye med rdo rje ngo bos stong/ stong nyid ma bcos dbyings kyi tshul/ dbyings nyid ma 'gag ye shes te/ yul dang bral bas rang rig sems/ gsang sngags rlabs chen 'khrig pa yang/ sems kyi dkyil 'khor 'od po ces// 'od chen snang ba ngos bzung med/ brjod pa'i tha snyad kun dang bral// brjod bral stong pa'i mtha' mi gnas// nor bu rin chen 'bar pa ltar/ rtog pa med par dgos dgu tshang/ tshogs na lhun grub don po ce/ ma bsgrub che ba'i don sor gnas/ mtha' dbus bral ba'i de bzhin nyid// nyams su myong ba'i mtha' mi gnas// mi gnas ye shes chen po la/ / ji ltar bsam pas dgos dgu 'char// rtog pa'i rtan tshigs tshad ma dag/ rang rig ye shes tshad ma'i mchog/ rang nyams rig pa gdeng gis rtogs// rtogs pas rang gi ngo bos stong// rang rig stong pa'i 'bras bus len/ / bum pa'i nang gi mar me bzhin// rnam rtog ye shes ngo bor shar// shar ba nyid na nub pa med// snang ba'i dngos chos rnam pa kun// snang spyod nyid na rnams par dag/ sems kyi 'du 'phro mang po kun// rgya mtsho chen po brlabs bzhin sna// rtsergyal kha nas kun gsal 'dra// rtse mo med pa'i mthar 'dzin bral// mthong rgyu med pa'i rtog pa can// ye shes lnga yi bdag nyid can/ / nyon mongs lnga yi ngo bo nyid// rtogs pa bzang ngan khyad par las// ngan rtog can ni 'khor bar snang// bzang rtog ngo la ye shes te// sems la gnyis ka'i ngo bos stong// don gyi phyi ni kun rtags so/ / rang gi mtshan nyid gzhan dbang ngo// sgra yi sbyi ni blo rtogs te// rang gi mtshan nyid rjod byed yin// chos nyid nam mkha' lta bu la/ nam mkha' lta bu'i tshig gis mtshon// de nyid chos sku'i pa'i mchog/ sems kyi rol pa sna tshogs na// gdul bya'i ngo la cir snang yang// snang ba'i phyir ni gzugs med de// chos sku gzugs sku'i ngo bo yang/ gcig pa ma yin tha dad min/ nyi ma dang ni 'od zer bzhin/ ma rtogs ngo la tshig sgo nas/ yod med rnam pa sna tshogs brjod/ don la tha snyad ngo bos stong/ don la bzhag thabs sna tshogs te/ dgag sgrub med par so mar bzhag/ de'i snying po 'di dang 'phrad/ ma dang mo'i tha snyad bral/ lha mor snang ba rgyud kyi don/ rtsa dang thig le lung du grags/ rang rig snang ba man ngag ste/ dbang po rab 'bring tha ma la/ tha snyad gsum du grags pa'o// gsang ba gter gyi rgyud las/ rtog pa'i thabs bstan pa'i le'u ste gsum pa'o/ / gter gyi don nyid gang lags pa// kun tu bzang mos bshad du gsol// yum mchog nyid kyi yang gsungs pa// gter don rig pa'i ye shes te/ bye brag gsum du ngas bshad kyis/ nyin cig 'phra man yum mchog ma/ dregs pa gnad la dbab pa la/ ri rab phur pas gzir ba dang/ mtshon gyi char du dbab pa'o/ de nas bcas kyi rim pa ni/ khru brgyad pa yi dkyil 'khor la/ ba su ta yi thig gdab ste/ tshon gyi rgyal po lnga yis brlab/ dbus su e kaM mthing nag la/ phyi rim pad+ma bcu gsum ldan/ de'i phyed pa'i pad+ma la/ 'dab ma bco brgyad dag tu bya/ de'i phyi rim pad+ma ni/ de'i phyir rim pad+ma ni/ lnga bcu rtsa drug shes par bya/ sgo bzhi dus bzhi'i rgyal mo ste/ mu khyud thod pa brgyad po la/ rtsa 'dren brgyad pa de ni bkod/ shing bu mchog gi phur pa ni/ sor ni bco brgyad ldan par bya// dbu la dkar mo bcu gsum bsam/ / rgya mdud bar ma dag la ni// nag mo bco brgyad de bzhin bsam// cung bzhogs brgyad po dag la ni// ser mo lnga bcu drug bsam mo// zur gsum dag la rtsa khro brgyad/ / bsams nas dbus kyi khrod la'o// rtsang phur bcu gsum dag la yang// dar dkar bcu gsum dag gis brgyan// rtsang phur bco brgyad dag la yang// dar sna ru mtshon dag gis brgyan/ rtsang phur lnga bcu drug la yang// dar sel ru mtshon de bzhin no// sprul pa'i rtsa nga phur brgyad po la// dar dmar ru mtshon de bzhin no// de nas dbus su phur pa dgod// hU~M las mi 'gyur thugs mchog 'bar ba'i skur bstan pa/ / mgo po rgya mdud chos sku'i gzhal yas khang// rked pa rgya mdud longs sku'i pho brang la// rtse mor zur gsum sprul sku dbang du 'byung// rked pa rgya mdud chu srin kha nas byung// snang srid ma mo rnams kyi phung po brang ste/ / gru gsum e'i gdan la bzhugs su gsol// dkar mo bcu gsum dbyings kyi cho 'phrul can// dam srid bsgral phyir pad+ma'i gdan la bzhugs// nag mo bco brgyad thugs kyi cho 'phrul can/ / dam srid gnad la dbab phyir bzhugs su gsol// yon tan gter rdzogs longs sbyod gter gyi lha// dam sri tshe srog 'bral phyir bzhugs su gsol// gar thabs rdzu 'phrul thabs kyis bsgyur mdzad ma/ dam sring sha khrag dpral phyir bzhugs su gsol// de nas thugs kyi bsnyen pa bya// de nas skad cig dang po la// mi rtog pa yi ngang nyid las// 'og gzhi rlung la rak+ta ste// keng rus ri rab mi dpung dbar/ / de steng sbrum las 'khor lo ni// gsum rim dbus su e su bcas// nyi ma zla ba'i gdan stengs su// dregs pa dmigs pa'i rten du bcas// gdan steng 'bum gyi khyad par las// badzra kro ng+ta shA ri b+ha ga pad+ma brgya/ / mu kha li kro ng+hi shA ri ru lu ru lu hU~M b+h+yo// bdag nyid kun tu bzang mo'i sku// mthing nag nam mkha'i sgo zu can// phyag drug phyag rgya cha skye shing sgrol// de 'dra yum gyi thugs mchog nas// 'phra min rgya mtsho nyid kyi sku/ / gser gyi nyi ma'i gdan steng nas// 'od zer sna lnga 'phro ba'i tshul// de'i thugs ka nas 'phros pas// yi ge mum las 'od 'phros pas// ma mo'i tshogs rnams rtsang la bstim// ye shes spyan drangs gnyis med bstim/ / gtor ma bdud rtsi byin brlabs mchod/ bdud rtsi gter ldan nyon mongs bag chags sbyangs/ rnam lnga rgyan gyi mchod pa 'di 'bul na// ye shes mchod pa chen por bzhes su gsol/ / rak+ta dmar smug bskal pa'i mi ltar 'bar// 'dod chags tshim byed mchod par bzhes su gsol/ kye pad+ma rigs kyi steng dag tu// che chung zhing gi gdan du bcas// srid pa sha chen spungs pa'i b+ha ling ta/ / 'khor yug rtogs pa'i mchod pa chen por bzhes/ ma bdud gsur dang spos chen dri la sogs/ dbang po tshim byed mchod par bzhes su gsol// gling pu pi wang sgra snyan thod lnga'i sgra// lha'i rol mo gar gyi mchod pa bzhes/ / de nas bsnyen pa'i 'phro 'du bya// b+ha ga pad+ma brgya bde klong du 'dus// oM ru lu ru lu hUM b+h+yo hUM// 'khor lo spro bzhi thugs las sbrul// zhag gsum bar du 'phro 'du bya/ de nas las la sbyar ba byed/ / rten gyi ling ga bya ba ni/ rtsa shing dag la gzugs byas te/ su tra zla ba lon pa la/ ltas ngan sna tshogs spu yis brgyad/ hoM khung 'bar ba'i dkyil du bzhug de nas mngag pa'i pho nya ni/ hU~M gsang ba'i yum cig mkha' la 'gro/ rnam par rtog bra kun bzang mo/ skye med ma mo'i dbyings phyug ma/ dbyings sku 'khrungs pa'i gsang pa'i yum/ rnam rtog 'jom mdzad 'phrin las gtso/ skyon gyis ma bsgribs 'od gsal ma/ gting dpag med pa'i thugs mnga' ma/ snang ba med pa'i sku mnga' ma/ brjod dang bral ba gsung mnga'am/ sems kyi dkyil 'khor nas bskul byas bas/ skad cig gcig la kun tu khyad/ gser gyi 'od zer 'phro 'du yis/ gang la bya ba'i sems las 'dren/ mkha' la rgyu zhing dbyings las shar/ ting 'dzin rtsal las bskur ba'i tshe/ zla zer zhags pas 'ching zhing bsnams// na za dkar mo sgeg ma la/ / 'ja' tshon sna lnga'i mtha' chag can// lag na gser gyi dril zhags 'phen// gang la bya ba snying nas 'dren// rten la bstim las gzer mnan bya// de nas phur pa mnga' gsol te// hU~M ri rab chen po'i phyag rgya ni/ / rdo rje sku gsung thugs dang ldan// srid pa'i ma mo khyon du rdzogs// de 'dra thabs kyi phyag rgya gzir// mug te tsak+k+ra bam gces gzir// de nas dkar mo'i rtsing phur gdab/ kha ti baM b+h+yo/ ru ti la b+h+yo/ pa ti la b+h+yo/ ha ra ma ka b+h+yo/ ka ra pu ti b+h+yo/ ma ka la he ma b+h+yo/ du ri ka ta ra b+h+yo/ ga ti pu tra b+h+yo/ ho ti sta ba la b+h+yo/ ga ti tu ra b+h+yo/ u ta ri ti b+h+yo/ me kha ru tsa b+h+yo/ ka ma ma le b+h+yo/ yan lag dang po mgo la thig le rten bcu la gdab bo/ / ma mo thugs kyi pho nya ni// khyung gi khra chen lding ba las// lcags kyi ma mo khyung ma go zhon// mgo bo gsum la lag drug ma// g.yas pa rdo rje kha gdengs las// bar ma rdo rje srid gsum sgrol/ / g.yon pa dril zhags bud med 'ching bar ma 'khor lo bskal ba me/ tha ma lcags kyu 'du 'phro can/ bskul ni thugs kyi dkyil nas bskul// za ni skye 'gro yongs la zag/ nyul ni gling bzhi khyab par nyul/ rbad ni dngos po cig la rbad/ nyi ma 'bum gyi 'od 'phro ma/ snying gi zhags pas skye 'gro sgrol/ stong gsum 'jig rten 'od kyis 'gengs/ dam nyams bkrag dang gzi mdangs phrogs/ ye shes bzhi'i snang ba las/ bag chags gnas su sgrol mdzad ma/ yud tsam khros pa'i dregs pa 'joms/ yul las shar ba'i sprul pa mo// dpal chen yab la rtse zhing bzhad// thugs rje yul las shar ba mo// yud tsam gnas nas gzi mdangs phrol/ / rig pa sems las sprul pa mo// rnam shes brgyad kyi bcud len ma// rtsa chen bzhi'i bcud 'brel zhing// sems can kun gyi dbugs 'phrog ma// dus bzhi srid pa'i gnas nyul ma/ / dbang po sgo bzhi'i bcud len ma// nam zla du bzhi'i cha snyoms ma// srid gsum 'khrug pa'i dbang mo che// thugs dam gnad nas bskul ba yis// gang la bya ba'i gnad nas drong// de rnams kun gyi pho nya ni/ / mgyogs ma sngags kyi gzer chen gdab// badzra kro ng+hi shwa ri b+ha ga pad+ma rgya hUM hUM b+h+yo// badzra shan+ting pad+ma ru ri b+h+yo/ oM mu tri ni b+h+yo/ oM shan+t+ri ni b+h+yo/ oM sha n+t+ri ni b+h+yo/ bag du n+t+ri ni b+h+yo/ ga mu n+t+ri ni n+t+ri b+h+yo/ oM su r+ya bi ti a to yi/ pad+ma bi ti a to ye// kha rag bi ta a to yi srong 'gro ba to a to ye/ badzra keM keM/ badzra ta kiM/ badzra ni la/ mu kha ta b+h+yo/ sa ru du na b+h+yo/ ri dung ma na b+h+yo/ dur ti ma na b+h+yo/ dam sri snying gi thig le bco brgyad la gdab bo/ / de rnams kun gyi pho nya mo// srid pa kun gyi rtsad gcod ma// skye 'gro yongs kyi bdud len ma// srid pa gsum gyi skyed byed ma// khams gsum kun gyi drod 'phrog ma// srid pa srog rtsa gcod byed ma/ dbang po kun gyi gnas nyul ma/ srid pa gsum gyi 'khor 'joms ma/ rgyu ba'i rtsa la nyul byed ma/ dpags bsam shing la spyod byed ma/ gzugs dpung gnad nas gshig re ran/ za 'gram mu raM b+h+yo/ snying kha rag b+h+yo/ trag rak+Sha kha mun ma b+h+yo/ trag rak+Sha mu tra ban b+h+yo/ kha mun ma tra trag rak+Sha b+h+yo/ pra ban ka ra ti b+h+yo/ pra kri wang gu b+h+yo/ hU~M ka ri ka/ ba rod da ro/ ni la chu nir rta/ kha dog ka pa la tsa ba la pad+ma rak+to/ di paM dngas saM/ e a ra li b+h+yo/ gu bi ru lu drag sha ma b+h+yo/ ma tig b+h+yo/ bi ting b+h+yo/ pu Sh+ti b+h+yo/ mu ting b+h+yo/ badzra shin+ti b+h+yo/ dun ting b+h+yo/ har taM b+h+yo/ grub ti b+h+yo/ te pang b+h+yo/ a par ng+ha la b+h+yo/ da la dun b+h+yo/ 'di na ma ma as b+h+yo/ nyi shu rtsa brgyad sngags ni/ gong ma'i sngags kyis gdob par bya/ lte ba'i thig le lnga bcu drug/ drag mo sngags kyis gdab par bya/ gzugs dpung stub ste brgyud byas nas/ hoM lnga 'brel ba'i sbyin sregs bya/ / thal ba rgya mtsho dbang la bskur/ de'i bka' ste pho nya ni/ lha mo'i lus la ste za ma/ seng ge mgo can rtsa thogs ma/ lhau mo'i lus la khrag 'phrog ma/ stag gi mgo can rtsa thogs ma/ lha mo'i lus la sha za ma/ wa'i mgo can rtsa thogs ma/ lha mo'i lus la dbugs 'phrog ma/ spyang ki'i mgo can rtsa thogs ma/ byang shar stag sman zor ba gdong/ nub byang ba glang dred mo gdong/ lho nub 'brog srin chu srin gdong/ shar lho ba glang dred mo gdong/ shan pa shos la jag pa sprul/ bla len ma yis bla mo zhig rtsa 'gro ma yis rtsa khros shig du ra kha ta phaT/ tro ta mu kha phaT/ phi mur wa tur phaT/ ti ri ra ta phaT/ ku ku ra ta phaT/ ki ma mu ka phaT/ ti ti kha bdar phaT/ ko yi ka khaT/ shan pa brgyad kyi drag sngags kyis/ longs spyod 'khor lo'i thig le spyad/ sangs rgyas bstan pa bsrung pa'i thabs/ 'bru sna gsum dang sa kham sa bsres la/ bu chung zla ba lon pa tsam cig la// lag la g.yas su mda' bya rgod ma cig bskur/ g.yon du lcags phur bskur/ brla g.yas pa la seng ldeng phur pa gzugs/ brla g.yon pa la skyer phur gzugs/ lus po mi la mgo bo bya ru bya/ ltas ngan sna tshogs spu yis brgyan/ 'brub khung nang du shog shig la rta'i gzugs byas la/ skud pa dkar nag gis btags la/ gong ma'i gzugs kyi lag tu gtad la/ gser skye mas phyogs bzhir btang zhing skul lo// bdag dpal chen po'i ting nge 'dzin du zhugs la// gdog mo bzhi bskul la btab po// de nas gdong mo'i snying po drangs te// kyang kyeng kyang kyang kreng kring kring grang ste grangs te/ / ma ru lu ru lu b+h+yo/ tsab tsab b+h+yo tsab tsab b+h+yo/ ma ru lu ru lu b+h+yo b+h+yo b+h+yo/ rta gzugs la dbab po// de nas rta'i snying kar lcags phur brdeg ste/ sngags 'dis bya'o// nyungs kar la bzlas shing brabs so/ / ma dza rug snying thun khrag dza dza/ spul mi zhi gan de/ glog rtse phaT dza dza ba ba se se guM guM/ ru te ru te kha la rak+Sha/ snyi la rak+Sha snying la da rgyob ya/ da spu jo bo se brtsan gyi rgyal po/ 'tsher zhing gnas su 'tsher na/ jo bo brgyan gyi se brtsan po bzhes shig/ snying khrag gis khong pa la bam long la rtags phyung zhig/ jo bo'i chibs su dbul po bzhes shig/ ming sring gi las bcol gyis rta lcags kyi dud pas nub nas shar du bod do/ rta'i ngo la rta'i phud bzhes shig/ ne le khugs shig/ bdud la bsngo yo/ ma bdud kyi rgyal mo rngaug chags kyi bdag mo snying nas 'dren pa'i bgegs su gshegs shig/ chibs kyi phud cig las gsol zhing bzhes shig/ de nas sraug gi gdan la dbab ste/ tri tha mugs snying rtsa khrag/ srog chod dbugs long/ phaT dza dza gu ru ga ru/ sod lcos/ phaT dza dza/ rta sha kyi tsha/ rti rti snying kha gang/ rta snying mgo chod phru pa nag po'i nang du/ gong gi ltas ngan gyi gzugs dang/ rta'i gzugs la seng ldeng me la bsregs la/ gong gi gsang sngags las shing nyungs kar gyis brab bo/ thal ba dgra'i rlung phyogs su 'phang ngo/ gsang ba gter gyi rgyud las/ dregs pa can bsgral ba'i le'u ste bzhi pa'o//// 'phra men rgya mtshos yang gsol pa/ thig le mya ngan zla don du/ yang dag nyid du bshad du gsol/ yum chen nyid kyis don gsung pa/ thig le mya ngan zla ba'i thabs/ rlung chen bskyod pas gzing chen g.yo/ gzing chen bskyod pas gter chen rnyed/ dang po 'phyo ba'i rlung gis las kyi rlung bskul bas/ khyab byed chen po gnad kyi thig le 'od du 'bar bas/ des rgyal ba chen po'i sa bon pas/ sa bcu gsum pa'o// spyi don 'byed pa rlung las 'pho pas/ 'byed pa'i thig le 'od du 'bar bas/ mngon spyod chen po'i sa bon te/ sa bcu bzhi pa'o/ / rus sbal gyi rlung la phog pas/ thig le 'od du 'bar bas/ dbang chen po'i sa bon te/ sa bco lnga pa'o/ de mi 'gyur ba chos nyid kyi rlung phog pas de'i thig le 'od du 'bar/ zhi ba chen po'i sa bon te bcu drug pa'o/ / 'od de'i rgyun chad pa nam mkha' la thon te/ pad+ma sdong po bzhi brtsegs pa/ tha ma la 'dab ma lnga bcu drug pa ser mo'i tshogs/ gong man bco brgyad la nag mo'i tshogs/ 'og na 'dab ma brgyad la 'dren ma'i tshogs/ dang po na bcu gsum la dkar mo'i tshogs/ pad+ma'i tshogs nyi zla kha sbyor gyi nang na gser gyi thig le la/ gser gyi seng ge brgyad 'jus pa'i li sa bcas pa'i khri la/ yum kun tu bzang mo rtsa na dkyil du bzhugs nas/ 'gro ba yongs la longs spyod mngon du mdzad do// yum chen mo 'phra men rgya mtsho la/ srid pa bde la bkod pa'i gter 'chang la/ 'gro ba ma stongs bar du chos kyi 'khor lo bskor cing gtad pa'o/ / de nas 'phra men rgya mtshos// khye'u ma dri chu bu pas na/ gnam sa gnyis kyi bar na gnas pa'i rig pa can/ srid pa bud med rigs rnams so sor 'byed/ 'di don 'gro ba yal bar ma gtang zhig ces pa'o/ / gsang ba gter gyi rgyud las/ thig le mya ngan las zla zhing rgyud gtad pa'i le'u ste lnga pa'o// rdzogs so//// bod skad du/ ma mo'i zla gsang zhes bya ba/ dpal bde ba lha'i mchog la phyag 'tshal lo/ 'di skad bdag gis thos pa'i dus gcig na/ dpal de ba'i mchog la/ 'khor mang po'i tshogs mang pos bskor ba ni/ 'di lta ste/ bdud mo'i tshogs/ e ka tsa ti dang/ gnam gyi ye 'dar dang/ sa'i phung byed ma dang/ bar gyi glog ma sprin dang/ nag mo dung khrig ma dang/ nag mo re ma ti dang/ kun dug ma dang/ bdud mo nag mo bkrag med dang/ bdud mo'i tshogs bsam gyis mi lang bas bskor ba dang/ srid pa'i rgyal mo la sogs te/ theg chen sa gzhi'i dbang mo che dang/ ri rab gling bzhi'i dbang mo che dang/ rgya mtsho gting gi dbang mo che dang/ khram kha stong gi dbang mo che'i 'khor na gnas pa ni/ 'di lta ste/ 'gugs shing 'dren pa'i las byed pas/ pho nya nyis brgya lnga bcu gnyis/ mngag cing rol pa'i las byed pas/ sgyul le nyis brgya lnga bcu gnyis// gsod cing 'tsho ba'i las byed pas/ / bdud po nyis brgya lnga bcu gnyis// mngag cing bcing 'gug las byed pas// sman phran nyis brgya lnga bcu gnyis/ sbrul pa'i ma mo'i gtso med ni/ mgo dgu ral gcig ma/ ro bshal ma dang/ dra men tra dang/ mgo 'chang ma dang/ mon mo dang/ bse mo bzhi dang/ dur khrod kyi ma mo shi ri rtsa mun ti dang/ ro kha ma gsum dang/ ma mo dmar nag gi tshogs nyin mtshan du rgyu ba dang/ las byed ma mo gdug byed gnam shag zor ba gdong dang/ dred sman zor ba gdong dang/ 'dre srin zor ba gdong dang/ dung sman zor ba gdong dang/ stag sman zor ba gdong dang/ la sogs pa dga' mo gnyan gyi zor ba 'phen ma dang/ a rga gnyan gyi sman cig ma dang/ rak+ta gnyan gyi rtsa mun+t+ri dang/ rje'u stong chen mo mgo gcod ma dang/ las la 'jug pa'i ma mo dus drug tu rgyu ba dang 'khor bye ba ji snyed cig yod pa de dag thams cad/ sprin dang/ khu rlangs dang/ na bun bzhin thibs te gnas so/ gnas yang ma mo dmar nag gi tshogs dang/ ye shes las grub pa'i ma mo ji snyed cig yod pa dang/ las las grub pa'i ma mo dang/ de'i bka' nyan dang/ mngag zhug dang/ gzugs mi sdug cing skyi g.ya'i ji snyed cig yod pa de dag thams cad kyang kha cig ni yi dwags kyi 'khor na gnas/ kha cig ni sdig pa kha sogs pas srog gcod pa la dga'/ kha cig ni de bzhin gshegs pa'i zhal mngon sum du mthong bas bstan pa bsrung ba la dga'/ kha cig ni sha khrag mang po la dga'/ kha cig ni dam tshig can gyi grogs byed cing rnam par dkar ba'i chos la dga' ste/ de dag thams cad kyang dam tshig can gyi grogs su 'gyur ro// gleng gzhi'i skabs so// de nas dpa' bde ba'i mchog la 'di skad ces gsol to// kye maho dpa' bo bde ba'i mchog/ bdag cag ma mo 'dus pa'i 'khor tshogs rnams/ / ji ltar 'dul ba'i las bgyid pa// bdag cag rigs bzhi 'dus pa'i ma mo la// khyod kyis bsgo ba ji ltar lags// dpa' po chen pos bka' stsol cig/ ces gsol to/ ma mo'i rigs bzhi'i tshogs thams cad kyis mgrin gcig tu smras te 'khod do/ / de nas yang dpal bde ba lha'i mchog gis// ma mo rigs bzhi'i tshogs la 'di skad ces bka' stsal to// nyon cig 'dus pa'i ma mo'i tshogs/ khyed kyi 'dus pa ma mo yi// dkyil 'khor chen po nga yis bshad// man+Tal cha snyom yid 'ong la// dur khrod chag chag gdab par bya// de nas thig gdab ri mo bri// gru gsum zla kham phrin las tshul/ / thod pa 'phreng bas bskor ba bya// gru chad sgo rnams bri bar bya// de nas ma mo'i spyir rdzas bsog/ lcang lo bzhi la mtshan gsol te// dngos grub chen po gsol bar bskul// de nas ma mo rig bzhi yi/ so so srog gi snying po dril ba 'di gsungs so/ dbyings kyi ma mo gcig tu dril ba/ ma ma drag rag sha kro ng+hi shA ri ma hA pad+ma b+ha ga bde klong 'dus 'dus pas ma yA ru lus ru lu hU~M b+h+yo/ bdud mo thams cad kyi gcig tu dril ba/ trag rak+Sha ma ma ru lu ru lu kha la ma ti gzhan rag mo ru lu ru lu ma ra ya ma hU~M b+h+yo/ sbrul pa'i ma mo thams cad kyi snying po gcig tu dril ba dri ma du shad shad rag mo ni tsu ru rag sha ma ru lu ru lu ma ma b+h+yo b+h+yo/ las byed ma mo thams cad kyi gcig tu dril ba/ rag mo ru ru/ tsa mo ni tsu ru sha baMm/ khrag rag mi ni/ rag sha mu ru/ ru lu ru lu ma ma b+h+yo b+h+yo/ de nas rbad pa 'di gsungs so/ ma ma kro ti shA ri sa ma ya b+ha ga bde klong/ ho ba ga ban ru lu ru lu b+h+yo/ trag rag+sha ma ma tsa ta khrag la sa ma ya ru lu ru lu kha la ma to b+h+yo/ dri ni tsi t+ta kha la ma du sha sha/ ma ma du ma ba le hring hring ma du nga du nga ru lu rag mo kha la b+h+yo/ rag mo ni rag mo ni tsu ru rag sha sre yang khreng khreng/ grang hed grang hed/ ma ma ru lu ru lu b+h+yo/ de nas bsad pa gcig tu dril ba 'di gsungs so/ ma ma bal phyur thal tsi t+ta phyur ro la sha/ ma ma khrag brlangs rmugs/ ru tra rbad/ ma ma tsit+ta rbad/ ma ma srog thums rag mo tsit+ta khrag la sa ma ya dza dza// trag rak+sha thum ri lo b+h+yo// trag rag mo cit+ta kha rag rbad// chum chum ri li li b+h+yo/ ma mo ra tsa ma thun b+h+yo/ tri ma ra ya tshod tshod/ dgra bo ci t+ta ma ra na dza/ ma mo rag mo ci t+ta kha rbad na li rag rbad na li/ kha 'bur kha 'bur ma hA sa ra b+h+yo/ rgyu lu rgyu ma ra ya tshod// rag mo gul lan rag mo cit+ta la shad shad ma ma ru lu ru lu rag mo tsit+ta he keM ma ma ru lu ru lu b+h+yo/ zhes so sor bsgrub na thugs dam la gnas par 'gyur ro/ rnal 'byor dam tshig nyams 'gyur na/ so so'i mthun rdzas bsog par bya rigs bzhi'i gtso mo bzhi la bstod/ de yis bzlog pa chen por 'gyur/ zhes gsungs so// ma mo rigs bzhi'i skabs so// de nas ma mo gdug pa can rnams nyin mtshan du rgyu ba 'di gsungs so/ srod la ma mo nag mo rgyu/ the'u tshe lha'i nyul le 'ong/ rnal 'byor ting 'dzin drod nyul bas/ rdzogs pa'i tshul du lha mchog bskyed/ nam gung ma mo smug mo rgyu/ gnod spyin lag rkyang nyul le 'ong/ sna tshogs mchod pa ci sbyor bsham/ me dmar 'dangs kyi phud la nyul/ khyab pa lag ring bar chod byed/ drag sngags 'di yis bar chod bsal/ oM to ma ri rag sha kha ru na hU~M hU~M/ a kro ra tsa dur nas du/ snying la sil sil/ tsit+ti ni sha sha la rbad rbad/ ya ya rnal ma tsat+ti kha la ya hU~M/ nyi ma zer khar ma mo dmar mo rgyu/ ya ma ra tsa'i sprul pa yin/ dgra bo'i bla tshe khyer nas 'ong/ ma ru rtse la drag tu bskul/ nyin phyed ma mo dkar mo rgyud/ kun tu rgyal ba'i sbrul pa yin/ bdag gi tshe srog par chod byed/ kun tu rgyal ba'i 'khor lo bskor/ dgongs mo nyi ma'i zer ka la/ sprul pa'i ma mo ro bshal rgyu/ dgra bo'i tshe srog gcod par byed/ dgra bo'i ling ga ra sog ma/ khrag gis bris te phur bus gdab/ kun tu rgyal bgasang ba'i las/ bstod mchod drag tu bskul bar bya/ pha nya ma gzhug drag tu bskul/ ma mo srid pa'i 'khor lo bskyon/ gnad la gdab pa ru nyal ba yin/ ma mo rnams ni las las grub/ nye zhing ring du spong pa yin/ de phyir ru nyal shi sa bstan/ ru nyal nor pa med pa des/ rtsa ba'i srog snying zin pa yin/ ru langs ma nor sbyor ba'i sngags/ dper na mi kha smyos pa'i rnam shes kyang/ yi dwags grong khyer gzugs dbang 'gyur/ gzhan don spyod pa'i rang dbang med/ ru nyal ru langs ma nor rtsa ba'i snying po des/ yi dwags grong khyer gzugs gnas kyang/ rnam shes bdag gi dbang du 'gyur/ de yis khugs shing gnad la phebs/ rnal 'byor ma mo'i don spyod pas// rtsa ba'i dam tshig gtso ru bzung/ de yis gsang ba'i don mchaug 'grub// bde chen gsang ba'i snying po de// yi ge 'khrul pa'i don gsang yin/ rnal 'byor bde gsang dkyil 'khor du/ las bzhi yon tan 'byung ba'i gter/ gsang sngags gnyis pa don gyi bcud/ ye shes lha mchog thugs kyi rtsal/ srid pa'i 'khor lo rten 'brel na/ gnad la gdab pa'i 'khor lo ste/ rten 'brel yi ge bcu gnyis po/ lha mchog thugs kyi hU~M gis mtshan/ bcu gsum par ni grag pa yin/ hU~M bshan trag rag+sha mu tra kha/ khar mun+t+ra ru ni b+h+yo/ 'khor lo rtsa ba'i yi ger 'brel/ ma mo gang bsgrub so so'i zhal/ ma cig bsgrub na khams gsum yum mchog zhal/ gsang ba yum mchog b+ha ga'i 'bangs/ ma mo las gsang ci don skad/ chos rnams lus a las byung/ a ni ma skyes chos kyi sku/ ma ni snang ba'i yi ge ste/ rna rus ma la mtshan pa'o/ ye shes gsang chen don gyi mkha' 'gro ma/ snang gsang thugs las las kyi sbrul/ ming tshogs tha snyad grags pa yang/ ming gi bzhi'i ming btags te/ sgo sgo ming mtshan las rten gdags/ las kyi gzugs mtshan kha dog so so yang/ rgyud cig pas na byang chub sems/ chos su grags pa de nyid de/ gsang ba chos sku de nyid la/ 'khor ba'i sdug bsngal rtog pa'i mthu stas pas/ mtshan ma'i dbang gis so sor rtags/ ma mo'i 'thun skad ming yig yang/ bsam pa'i dbang gis so sor grags/ rnal 'byor mthun pa'i don spyod pas/ gsad pa'i 'khor lo shes par bya/ dur khrod ral pa 'khor lo bzhi/ mgo rkang lag pa g.yas g.yon la/ raM yaM khaM gyi yi ge la sogs bcu/ ming du grags pa'i 'khor lo bskor/ gsad pa'i las la 'khor lo bskol/ zhes gsungs so/ ma mo'i zla gsang las/ ru nyal ru langs kyi skabs so/ de nas ma mo chen mos srid pa'i bu mo'i thun sgrub 'di gsungs so/ gri mor shi ba'i thod pa ru/ sna tshogs khrag sna ba sogs par byas/ sme ba'i dor rtas kha bcad la/ gru gsum tring srings rtsang gis bsgor/ de'i dbus su thun snod bzhag/ de nas drag sngags grangs yis bsgrub/ ma ma tsit+ta kha rag tsat+ti kha rag/ rag mo tsi t+ta khrag la ma ma ru lu ru lu ma hi b+h+yo/ drags d+hI/ ga 'dis thun brdeg par bya/ cit+ta rag mo rag sha mu ru sa ma yA/ kha la ma ting dgra bo'i tsit+ta khrag la dgra bo ni mang ya thun b+h+yo/ ma tsit+ta la/ la rag sha ma snying khrag ma ma ru lu ru lu b+h+yo/ de nas yang rtsan mo'i dug thun 'di gsungs so/ shin tu drag po'i snod nang du/ sna tshogs dug sna gsog par bya/ sngon dmar bal gyi kha bcad la/ 'brub khung nangadu gzhag par bya/ rnal 'byor lag pa g.yas pa yis// gre mong man chad khrag gis byug/ lag par gri khug thog nas kyang/ ling ga dral zhing thun la bstim/ drag sngags 'di ni gsad pa'i las/ gser gyi nyi ma lkug pa'i bdud/ zhes thun bsgrub pa/ 'di gsungs so/ trag rag sha kha la ma ti ma ma ru lu ru lu ma ra ya b+h+yo/ de nas thun gdab pa 'di gsungs so/ ma tri rak+Sha trag hral na mo ha na/ ru tra ya ma ma tsit+ta khrag la ma ra ya thun b+h+yo b+h+yo/ de nas dgra bla mo bzhi'i gsungs so/ li da ra'i bdun pa gnyis med/ la cha'i ga'i kha sbyor du/ me'i zil pa rme khrag bsog/ kha sbyor dur khrod ras kyis grol/ de nas drag sngags 'di yis bsgrub/ rag mo ni rag mo ni ma ma ku ru ma ma ku ru rag sha re ma ti/ khra 'gri khra 'gri ma ra ya/ ma ma sa ma yA/ ru lu ru lu ma ma b+h+yo/ de nas drag sngags 'dis thun dbab par bya'o// thun tri rag sha ma tri rag mo ha la// tri ma du ma shag mu shag tri ta ma tri ma ma thun b+h+yo b+h+yo/ de nas khrag thun dmar mo dbang gi ral pa can gyi thun bsgrub pa 'di gsungs so/ / thod pa mtshan ngan blangs nas su/ e dbus trag la pa sha ma ras bskor/ de nas ling ga nang du gzhag/ khrag bskam nyungs kar gu gul gyis/ ming rus bdug dang brdeg par bya/ tha mar rang gi mal 'og gnan/ drag sngags 'di yis bsgrub par bya/ 'dzi ta ba ro ri ra'i ma ma bal phyur thal phyur thal phyur ma thum ma thum/ tri byi ri shag ma ma lu ru lu b+h+yo/ de nas drag sngags 'di thun dbab par bya'o/ / rag mo rtsa rtsi kha rag snying thi ling 'du/ tshal pa sba ril ma ma ru lu ru lu dgra bo tsat+ti rtsal pa bam ril ma ma b+h+yo/ de nas bal mo gdug pa can gyi thun bsgrub pa 'di gsungs so// shin tu drag po'i snod nang du/ / sna tshogs khrag sna gsog par bya// bya nag pags pas kha gcad de// dkyil 'khor dbus su gzhag par bya// de nas drag sngags 'di yis bsgrub/ tra rag mo ma ma snying du dgra bo kha la rag mo b+h+yo/ 'gi ri pa shib drag sngags 'dis thun dbab par bya'o// ma tri rag sha ma ma tsat+ti kha rag ma ma rbad thum ril li ri li li thun b+h+yo/ ma mo zla gsang las pa la mo thun dbab pa'i skabs so// de nas ser mo 'phrog ma'i thun bsgrub pa'i 'di gsungs so/ shin tu drag po snod nang du/ na chung dar ma'i gson khrag dang/ khyi dkar po'i snying khrag rnams blug ste/ tshon ser pos kha bcad la/ drag sngags 'dis thun bsgrub par bya'o/ / ma ma pra yang ku ru rag sha ma khrag ti snar ma/ du kha tshem ma ru lu ru lu thun b+h+yo/ 'dis ka ra'i drag sngags 'di thun dbab par bya'o/ ma ma tsat+ti la thun/ tsit+ta le thun/ tsit+ta tsa ta khrag la mthun/ tsit+ta kha la ma ti dgra bomar ya b+h+yo b+h+yo/ ma mo zla gsang las/ ser mo yid 'phrog ma'i thun dbab pa'i skabs so// de nas bdud rtsi phud kyi bcud nyul ma'i thun dbab pa 'di gsungs so/ dri mor shi ba'i thod nang du/ sna tshogs khrag sna gsog par bya/ khyi 'am ra yi pags pas g.yog/ de nas drag sngags 'di yis bsgrub/ ma ma ku ru rag sha ma ma tsit+ta khrag la ril rtag dan khrag lteng lteng/ mi sha la 'ub bas sod sod/ tshal ba rbad 'ud dgra bo mar ya dza dza/ 'bu 'od ri ka'i drag sngags 'di gsungs so// ma ma pra ma sha ma re ma ti kha la rag mo ma b+h+yo b+h+yo/ de nas thun gyi khangs ral rgyab ste/ ling ga bgegs yod pa'i gnas su mnan par bya/ ma mo'i zla gsang las/ bdud rtsi bcud kyi nyul le ma'i skabs su/ de nas tho rangs bdud gcod pa'i ma mo/ nag mo srog zan gyi drag sngags 'di gsungs so// shi ri pa na'i tho rangs kha bzlas pa/ ma ma tri ma tri tsit+ta kha longs gaM gaM guM guM rni ma ra ya dza dza/ de nas yang nam gur rgyu ba'i ma mo ti ra tshogs kyi phud nyul ma'i drag sngags 'di gsungs so// ki ba sha ra'i drag sngags ni gung la bzlas pa/ du tri ma tri ma ma ru tra he/ rbad na ling rbad na ling/ tsat+ti khrag la ma thun b+h+yo/ srod la srin mo mgo 'phyangs ma/ dur khrod kyi lce sbyang la zhon nas srog gcod pa'i drag sngags/ i ra pa na'i drag sngags so// ma ma bri lo myogs/ dud phroM ka'u kaM he duM/ rag mo ni sha ku ru ma baM dza dza/ de nas nyi ma zer ka la/ gza'i bu mo mu tsa med kyis bla brkus nas khyer nas 'ong ba'i drag sngags/ glang pa shing zan gyi/ ma ma rni ra pa te rak+ta tsit+ta kha rag hu tsog na/ tsa ha mu kha he he/ tsog ne 'gel pa ma yA dza dza/ de nas srin mo karma dzA la rag sha'i bu mo srin mo ro kha zla ba'i zer la zhon nas 'ong ste/ mu ra na ti pa sha'i drag sngags gsungs so/ re'u tri ga ga me me du ru rag mos srog la yaM ya/ mi sha ro la khrag thun ma ma b+h+yo b+h+yo/ de nas yang ma mo nag mo khyab pa lag rings bu mo nyi ma'i zer la zhon nas skyes ba'i bdud gcod du 'ong ste/ gsur chen gyi du ba btang la/ drag sngags 'di bzlas par bya'o/ snying mun ran+ti shol ba la de lci kha kha rbad/ srog tsit+ta ma ra ya b+h+yo b+h+yo/ de nas yang gnod spyin lag na nyi ma/ so rnon mar po'i bu mo mon mor sprul nas/ skya rengs kyi zer la zhon nas rgyu ste/ nyungs kar la bzlas te/ drag sngags 'dis brdeg par bya'o/ ma ma shan+ting ras smer to// rak+ta ku ki dru thun/ ma ma hring hring/ ma ma sa ma yA dza dza/ de nas yang nyi ma phyed na/ bdud yag sha 'khor lo nag po'i bu mo'i/ tshub nag la zhon nas 'ong ste/ ling ga gtubs pa dang sha khrag ru sres la/ tshub ma'i gseb tu gtor la mi stegs rlung/ zan gyi drag sngags 'di bsad par bya'o// tra ga rag+sha ma ma mu ne dz+nya na tsak+k+ra ma ma thun thun/ kha la ma ting dza dza/ nyi ma shar ba dang po la/ tshang pa gzi can gyi bu mo// dmar mo mdangs 'phrog gi bu/ gnod spyin kun tu rgyal ba la zhon nas 'ong ste/ sbyan gzigs sna tshogs kyi gtor ma gcig bshams la/ ming rus dang bsres la/ chang phud dang shar phyogs su gtor ro// ma ma tri ling gi ru ru ra khrag ti snar ma/ ma tsat+ti khrag la sa ma ya ru lu ru lu ma hing b+h+yo/ nyin mtshan kun dus med par rgyub ni/ bdud kyi kun khyab nag mo'i/ drag sngags gsungs so// e ka dza ti me dar lig snying kha rag ra ti badzra ma ma thun b+h+yo/ e ka dza ti dgra bo snying la dza dza/ zhes ma mo rnams so sor las la bskul lo/ / ma mo'i zla gsang las/ ma mo so so gnad la dbab pa'i skabs so// de nas ma mo rnams kyi lta ba 'di gsungs so/ ma mo mi mthun gnyis yin te/ las las grub pa'i ma mo dang/ dbyings kyi cha las bskyed pa po// dbyings las bskyed pa'i ma mo ni/ gsang ba gsang chen don la sbyor/ bde gshegs sku gnyis med de/ smon lam dbang gi kun la skyob/ sku gsum rim gyi lhun rdzogs pas/ che ba'i che mchog gsang ba'i don/ snang bar grags pa yum lnga yin/ gnyis su grags pa las kyi cha/ glu pa mi 'dor dbyings kyi rkyen/ gsang ba yin no mkha' klong nas/ bde ba grub pa ma mo so so'i rigs/ yang dag bde ba'i don mthong yang/ 'gro don mdzad par zhal mches pa/ sa brgyad don non pa'i bde gshegs gnyis pa'i don/ bsgrub dang dge ba'i chos la rang bzhin gnas/ yi dwags grong na gnas kyang byang chub sems/ byang chub nam mkha'i mtshan nyid yongs su dag pa ste/ rtog pa gnyis spangs 'gro ba'i don la sems/ smon lam stobs bzhi dam tshig rjes bsrung ba'i/ bla don sbyor bde ba'i dam tshig bsrung/ bka' bzhin gso bsang 'gro ba'i don la sems pas byang chub sems mas bya/ bde bar gshegs pa dpal ldan bde mchog gi/ rig pa 'dzin pas zhal mthong dam bcas pas/ kha TaM ru dra ltu tshe/ lnga 'tsham med las byas kyang/ de'i phyir na kho ltar yan lag rdzogs pa bsgrub/ byang chub sems las sprul pa'i ma mo bzhi/ don dam gsang ba chen po/ ye shes bde ba rang bag ye shes ni/ chos nyid don dam dbyings su rang bzhin 'od kyang gsal/ mkha' la 'ja' tshon bzhin du rang bzhin snang/ snang ba de nyid 'byung ba'i cha yin pas/ nam mkha'i dang du dbyer med yongs kyis gcig e'i dbyings b+ha ga gsang ba'i dkyil 'khor du/ ma mo bde chen gsang ba mchog gi sku/ mthing nag chos sku 'phro 'gyur mi mnga' pa/ ma ni chos kyi dbyings nyid yin/ mo ni rig pa'i ye shes yin/ gnyis med bde gsang chos kyi sku/ las las sprul pa ma mo rigs bzhi po/ 'jig rten sprul pas gdug pa mang po'i tshul/ la las bden pa'i don mthong bas/ dam tshig gtsang bsgrub rnal 'byor las la 'du/ la las dmod mo gdug pa'i dbang thob ste/ 'jig rten las la myur mgyogs che/ sha khrag ro rdzas gsang ba'i dam tshig yin/ las la sbrul pas ma mo'i kun kyang dgyes/ so so dam rdzas smos pa rten du bzung/ rnal 'byor dbang phyug dam tshig mchog gi yin/ pho sngags mo sngags dmon mo grub pa gsang pa'i mtshon cha yin/ bud med grub na pho rtags 'byung/ pho sgrub byas nas mo rtags 'byung na 'grub na yal bar 'gyur/ gsang sngags dmod mo gdug pa'i mtshon cha 'di/ smos pa'i rdzas dang 'brel na rnal 'byor dgongs pa'i don mchog 'grub/ gdug pa'i snod mchog ma mo grogs mchog yin/ ting nge 'dzin rtsal rdzogs ma mo'i srog rtsa 'khor lo yin/ le lo the tshom drag sngags spongs pa'i rgyu/ dbang thob yid gnyis the tshom med pas gsang bsgrub pa'i rgyu/ b+ha ga gsang tshig 'khrul pas spu gri skor ba 'dra/ drag sngags sbyor ba mkhas pas gza' bdud 'jug pa'i dus bdun rtag/ rtsa lnga 'grub med gnyis med ka ba 'dra/ bzhi dang bcu gcig bco brgyad dang/ rtsa gcig rtsa dgu ming ldog grub par gdon mi za/ brgyad dang bco lnga grub pa med/ ma mo zla gsang las// lta ba'i skabs so/ de nas gze ba bya'i ta'i gling na/ mdze nad bco brgyad gtong ba'i ma mo/ g.yu'i bye chung can gyi drag sngags/ klu gdug pa can la gtad pa'i 'di gsungs so// klu rbal cig gzung la/ nang du ling ga bcug ste/ glang ru nang du bcug la/ kha bag zan gyis bcad la/ drag sngags 'di klu yod nges pa sar gnan/ ma tri rag sha ma man ga de wa yu yu/ ma tri ru tra ba ling dung ba dza dza/ de nas rak+ta tsa mun ta'i bsgrub pa 'di gsungs so/ chu grir shi ba'i thod pa ru/ rak+ta tsa mun ta'i sku bris te/ bra'o sran ma ske tshe ti'i nag dang/ khrag snar sbyar ba'i gru gsum rtsang gtor bya/ mthing nag dar gyis kha bcad de/ drag sngags 'di yis bsgrub par bya/ du tri ga ro tri rtsa rtsa rtsi rtsi/ trag rag+sha kha mu n+tsi ma ma b+h+yo/ drag sngags 'dis dbang bskur bar bya'o/ bshan rag+sha ma hU~M b+h+yo/ zhes rak+ta'i thig les dbang bskur par bya'o/ rbad pa/ ma ma ru tri/ ma ma ma ma tsab mo tsab mo ru lu ru lu b+h+yo/ gsang pa'i sngags/ ma ma ru tra rbad/ tri ma du rbad/ ma ma kha thun rbad/ nr-i tri nri ru ma la rbad/ rak+ta tsit+ta mugs rbad/ ma ma tsit+ta la rbad/ ma ma tsit+ta kha long rak+ta thun b+h+yo/ zhes ling ga klu rbal gyi rke ru gdags de glang ru'i nang du bcug ste gnan pa bya'o/ ma mo zla gsang las/ rak+ta tsam mu n+ta bsgrub pa'i skabs so// de nas dur khrod kyi ma mo shi ri rtsa mon+ti bsgrub pa'i drag sngags 'di gsungs so/ / dur khrod ro ras dag la ni/ mthun par ma mo'i zhal bris te/ 'khor lo brgyad la rtsa ba'i sngags/ dbus su ling ga bri bar bya/ yi ge bcu bdun hU~M ni ling ga'i dkyil/ 'khor lo rtsibs mchan yig 'bru bcu drug po/ gsad pa grub pa gdon mi za/ de yi thun rdzas bstan pa ni/ skyes pa dar ma'i dbang po lnga/ na chung dar ma'i gson khrag dang/ skyes pa dar ma'i gson khrag dang/ rnal 'byor srin lag g.yon pa'i khrag gsang snod du blug par bya/ drag sngags 'di yis bsgrub par bya/ hU~M ma ma trag rag+sha kha mu n+ta ma ma ru lu ru lu ma b+h+yo/ ma mo zla gsang las/ dur khrod kyi ma mo'i shi ri rtsa mu n+ta'i skabs so/ / de nas lha mo nag mo'i smod sngags bdun pa 'di gsungs so/ dur khrod ro ras dag la ni/ brnag pa'i ling ga bris nas su/ rdzas chen nyungs kar mtshon cha la/ drag sngags 'di yis rbad bar bya/ oM ru ru ro ru tsa pa la a shug me ma hU~M ma b+h+yo dza dza/ ma ma trag rag sha ma re ma ti tsit+ta kha la rag mo// ba baM dza dza/ rag+sha ra ma ti sha na mu ru mu ru/ dgra bo nr-i ma ra ya sod sod/ ces bsad pa'i las gdon mi za ba'i skabs so/ mnyam sa dag na rnyed par 'gyur/ dam tshig gtsang na dngos grub thob/ gsung gi rgyud ma mo'i zla gsang gi skabs bcu pa'o/ gsung gi rgyud ma mo zla gsang zhes bya ba rdzogs so// rgya gar skad du/ e ka dzi ti man kA la nA ma ta n+t+ra/ bod skad du/ ral gcig ma 'dus pa nag po'i rgyud ces bya ba/ dpal ya man ta ka la phyag 'tshal lo// de nas dpal ya man+ta kas/ phyag na rdo la bka' stsal pa/ phyag na rdo rje nyon cig lha mo e dza ti ni lta ba dang ldan pas bsgrub par bya'o/ lta ba dang mi ldan na brtse log che/ gdug pa che/ dgra la rbad nas gus pa blang du mi 'dod mi btub pas/ lta ba mi dmigs pa gsum dang ldan na gus pa blang du btub pa'o/ / 'khon nag rang sar gzhag na gus pa blang du btub pa'o/ dgra la rbad tsa na che ge mo sod cig ces brjod pa las rtsad nas chod cig ma byas na gus pa blang du btung po// de gsum dang ldan nas gus pa blang bar bya'o/ de la mi dmigs pa gsum ni bdag kyang mi dmigs pas stong pa nyid du bsgom ste/ oM badzra shu n+ya ta dz+nyA na hU~M/ zhes brjod do/ gus pa'i gza' nor yang mi dmigs te/ oM badzra swa b+ha ba bi shud ng+ho hU~M/ zhes brjod/ dgra la 'khon yang ma dmigs stong pa nyid de/ oM badzra sarba shud ng+ho hU~M/ zhes brjod pas thams cad mi dmigs pa'o/ de bzhin du ma mo yang mi dmigs pa chos nyid du bsgom mo/ zhes gsungs so/ le'u dang po'o//// de nas 'khon nag rang sar bzhag pa ni/ 'khon 'gras rang sar bzhag ces bya ba yod ma myong/ 'khon 'dras yod mi srid/ thams cad chos nyid rol pa yin/ gal te yod na yang dam nyams kho rang sdig/ bdag dang ma mo yang ye gdod nas yod ma myong snyam la rang sar bzhag go/ de'i sngags na/ oM i ho shud de/ bi ho shud de shud de raM ho yang shud de shud de a hi raM baM na raM A a a swA hA/ zhes bzlas nas khong rang la dgos par bsam mo/ bdag dang ma mo la mgos par bsam mo/ zhes gsungs so/ le'u gnyis pa'o//// de nas dgra bos rgyal dang gus pa byas pa'i yo byad thams cad spungs la/ gang gi i ho'i sngags de lan bdun btab la bdud rtsi gtor la cha gcig dkon mchog la 'bul/ cha gcig lha dang mkha' 'gro dam can chos skyong tshogs la dbul/ cha gcig 'gro ba la bsngo/ cha gcig cher byas la rnal 'byor ba spyad na ci yang nyes pa dang skyon mi yong zhes dpal chen po ya man ta kas bka' stsal nas/ phyag na rdo rje yi rang ngo/ le'u gsum pa'o/ /// 'dus pa nag po'i rgyud ces bya ba rdzogs so// samatha// de nas yang dpal ya man ta kas/ phyag na rdo rje la bka' stsal pa/ spyir dregs pa sgrub pa la pho mo gnyis yin te/ thabs dang shes rab kyi tshul lo/ / pho'i rang bzhin cad la btsan/ chags pa chung/ mo'i rang bzhin chags pa che/ za la dga'/ 'khu ldog che ba yin/ des nam mo tsam sgrub pa'i dus su/ mi dmigs pas zin pa dang 'khon nag rang sar bzhag pa ni shin tu yang gnad che ste/ thams cad kun la rgyug cing gnad du 'gro'o// pho sgrub kun la yang phan par 'gyur ba yin no// zhes gsungs so/ le'u bzhi pa'o//// de nas yang bka' stsal pa/ bras pa len pa'i dus su gong ltar shes kyang 'di ltar bya ba gnad yin te/ dgra'i srog dbugs bsdu ba zhes bya ba/ kho'i gos byung ba thams cad dgra'i pags par bsgom/ zas byung ba thams cad dgra'i sha yi rang bzhin du bsam/ skom drangs pa thams cad dgra'i snying khrag tu bsam/ bdag yi dam lhar bsam/ thugs khar nyi ma'i steng du dza bsam/ de la 'od 'phros pas thugs nyi ma'i steng du dgra bo'i tshe srog bkug la gos dang btung ba dang zas la bstim/ de'i sngags la yi dam lha gang rung gsal bas nr-i dza A yu pa la dzA dza/ zhes shing bur bzlos so/ yi dam lha la phul bas dges/ bdag gi gsol bas tshe dang ldan/ mkha' 'gro chos skyong la phul bas mnyes par bsam/ des dgra la yang kha bstan du 'gro ba yin te thams cad kyi man ngag go/ zhes gsungs so/ le'u lnga pa'o//// de nas yang bka' stsal pa/ bstan pa bsrung bar 'dod pas/ brnag pa bsrung bar 'dod pas/ brnag pa'i dgra'o shi na gtang rag gtang ba la/ dgra de tshan che stobs drag rjes drung pa drag pa mang ba yod na lhas mthong ba'i gtang rag byas la/ yi dam lha dang mkha' 'gro chos skyong la rang rang gi gang ltar dgos pa'i mchod pa bya/ dar phag tu phyar/ kha tshags dam par bya/ dgra de stobs chung ba rtsad zhan pa rjes med pa yod na gtang rag mis mthong ba byas la sngon du dar phyar ba la sogs bya'o/ zhes gsungs so/ le'u drug pa'o//// de nas yang bka' stsal pa/ rnal 'byor pa la bstan pa srung bar byed pa'i dus su/ dgra de la 'brel pa gang na yod pa dang rtsad gang na yod dris te btags la rang gi bag zon che bar bya ste/ snyigs ma'i dus su gal che'o/ zhes gsungs so/ le'u bdun pa'o//// yang bka' stsal pa/ spyir rnal 'byor pa lha mo re ma ti bsgrub par 'dod na/ dam sri brdung ba dang bskrad pa gtso bor byed dgos/ de ni las kyi nyul ba yin no// yang dpal mgon po dang sbrel na bkra shis so/ zhes gsungs so/ le'u brgyad pa'o/ /// de nas yang bka' stsal ba/ sbyir dam can dang chos skyong sgrub pa la/ pho dang mo ma sbrel bar mo rkyang du bsgrubs na/ de nang zan byed pa'i khyi mo dang 'dra'o// mo dang ma sbrel bar pho rkyang du bsgrub na/ rje bos ma chun pa'i 'khor po dang 'dra'o/ de bas na thabs shes rab zung du sbrel la bsgrub par bya'o// zhes gsungs so// le'u dgu pa'o//// de nas 'jam dpal ya man ta kas gsang bdag la bka' stsal ba/ nyon cig rgyud 'di ni 'dus pa nag po gsang ba'i rgyud bya/ shin tu gsang ba rnal 'byor pa bde ba dang ldan par bya ba'i thabs khyad par can yin te/ yod ces kun la mi bstan par sems la bcang zhing gzung bar bya/ shin tu gsang ba rnal 'byor ba bde ba dang ldan par bya ba'i thabs khyab par can yin te/ yod ces kun la mi bstan par sems la bcang zhing gzung ba bya/ yod ces grags pas mi ngom/ blo la blangs la ri dang rdza 'am brag la rba'o/ / zhes dpal ya man ta kas gsungs pa dang/ gsang ba'i bdag po yi rangs nas mngon par bstod par gyur te/ le'u bcu pa'o//// ral gcig nag mo 'dus pa nag po'i rgyud bya ba rdzogs so/ /// ! rgyud 'di slob dpon rom bu g+hu ya de ba tsan tras rdo rje gdan gyi byang ngos nas brag phug sgo nga rang 'khrungs kyi nang nas bton te/ bod kyi ban de rdo rje yang dbang gter la gtad pa'o/ / sa mthan/ rgya rgya rgya/ bdag 'dra sangs rgyas ye shes/ rgya gar mkhas pa'i zhal brgyud nas/ gsang ba'i rgyud 'di zhus nas sgyur/ spel bar bya min snying dang 'dra/ las 'phro can la btsas su sbas/ dam tshig can la phan thogs shog/ sa ma tha rgya rgya rgya atha// rgya gar skad du/ khams tha thar tha thaH bod skad du/ e ka dza Ti snying thun gsang ba spu gri'i rgyud ces bya ba/ dpal he ru ka la phyag 'tshal lo/ 'di skad bdag gis thos pa'i dus gcig na/ dpal rang byung gi rgyal mo rang bzhin lhun grub pa'i gnas ni/ dpal chen po'i bka' las mi 'da' bar/ bka' nyan cing 'dus pa'i 'khor rnams dang thabs cig tu bzhugs so/ / de nas 'khor gyi nang nas bde byed lha mos gsol/ e ma ho/ dpal ldan rang byung rgyal mo'i sku/ nyid kyi gsang ba sbu gri'i don/ phyi rab don du bdag nyan mtshal/ gdug byed lha mos bshad du gsol/ zhes gsol pas/ rang byung rgyal mos bka' stsal pa/ spyir na nga ni sngags srung ste/ gsang sngags bstan pa nyan 'dod na/ nga yi ngang nyid blta bar bya/ gsang ba spu gri'i ngan sngags 'di/ shin tu zab la bsgrub thag nye/ de phyir nga yis rab bshad kyis/ gus par nyon la yid la zung/ zhes bka' stsal to// gleng gzhi dang gling bslang nas lan gsungs pa'i le'u ste dang po'o/ /// de nas de skad bka' stsal pas/ lha mo bde byed mas bshad par mdzad par rig nas/ mdun du gus par nyon to// de nas rang byung rgyal mos bka' stsal pa ni/ gsang sngags spu gri don nyid la/ / dang po brag dmar zangs kha 'am// dur khrod dben pa'i gnas 'dug la// phyi nang bshag pa drag tu bya// rgyab/ ni 'jam dpal phur la brte// yang na che mchog de bzhin no/ phyi nang gsang mtshams rab tu gcad/ / maSh+tal mda' gang gru bzhi la// bdud rtsi lnga yi skyang nul bya// de yi dbus su grub gsum bya// dbus su rag ta'i thig le bya// khrag la rnam pa gnyis yin te// shi ba'i khrag dang gson po'i khrig/ shi ba'i khrag gis bsad par bstan// gson po'i rig tas mchod par bya// 'di la dkyil 'khor bri ma bya// sta rna gru gsum dag la brten te bya// gsang ba ngan sngags tshul du bstan// de phyir dkyil 'khor yongs ma gsungs/ / rdzas ni rnol gri'i thod pa ru// khrag sna rnyed tshad blug par bya// gru gsum steng du sgyid pu bzhag/ de steng rnel mo'i thod khrag bzhag/ le brgan dar gyis kha bcad la/ thal chen rgya rdab sol ris bris/ sngon dmar gzungs thag lcags phur brtod// 'byung ba bzhi'i ma mor bsgom/ zhes gsungs so// bca' thabs bstan pa'i le'u ste gnyis pa'o//// de nas yang dag bshad bya pa/ nyon cig lha mo bde byed ma/ snying thun spu gri bsgrub 'dod pas/ de bzhin nyid dang kun tu snang/ rgyu yi yi ge hU~M nyid las/ rang nyid yi dam lha ru gsal/ rang bzhin spyan drangs bstim phyag mchod/ de nas mdun du lha mo ni/ drag las sku bskyed nyi steng du/ zhal gcig phyag gnyis sku mdog mthing/ g.yas ni tsit+ta g.yon sbyang mo// thugs la sbyang mo 'phro bar bsam/ de nas rang bzhin spyan drangs la/ oM e ka dza Ti sa ma ya dzaHhU~M baM ho/ thugs dam dbang gis byon par bsams/ sa ma ya ti Sh+tha lhan/ bstan zhing bzhugs par rab tu bsam/ ma ma e ka dza Ti na mo/ lha mo spros la phyag 'tshal bya/ ma ma e ka sha Ti a mr-i ta sa ma ya ta/ zhes pas dam tshig bsre bar bya/ e ka sha Ti a mr-i ta ti li ram pa kha'i/ zhes pas bdud rtsi dbul bar bya/ e ka dza Ti i dam b+ha ling/ g+h+ri na pa ya swA hA/ rmad du byung ba'i gtor ma dbul/ ma hA rag ta ti pa ho swA hA =rag ta'i ar+g+ha~M dbul bar bya/ de nas gang 'dod 'phrin las mngag/ ces gsungs so// 'phrin las rim pa'i le'u ste gsum pa'o//// de nas yang bde byed lha mos gsol pa/ dpal ldan rang byung rgyal mo yi/ gsang ba'i ngan sngags spu gri la/ brten pa'i dam rdzas ci la bgyi/ gsang ba'i spu gri ngan sngags rnams/ rang byung rgyal mos bshad du gsol/ de nas lha mos bka' stsal pa/ ma mo brten pa'i dam rdzas ni/ rnel gri mo'i snying srog rtsa/ de ni 'gul khug brtag tu bcang/ bdud rtsi rag ta gtor ma dang/ sha chen zhal zas tshim chen spos/ de dag brten pa'i rdzas su gsungs/ ma mo rgyu ba'i dus nyid du/ gsang pa'i dam rdzas gtor ma btab/ dpyid ra bcu bzhi'i nyi zer dang/ dbyar ra bco lnga'i zla zer dang/ ston ra bcu drug nam gung dang/ dgun ra bco brgyad nyin gug ste// rgyu ba'i dus su gtor ma gtang/ bsnyen pa zla ba'i stod pa ste/ drag po mar ngo dag la bya/ zhes gsungs so/ dang ma rdzas dang ma mo rgyu ba'i dus bstan pa'i le'u ste bzhi pa'o//// de nas gzhan yang bka' stsal pa/ snying thun spu gri'i gsang sngags la/ gtso mo'i sngags dang 'khor gyi sngags// gtso mo'i sngags la bod pa dang/ rbad pa las la gzung cing bsad/ de la bod pa bstan pa ni/ trag rak+Sha kha mun tra/ e ka dza Ti snying kha rag ma b+h+yo/ de ni bod pa'i ngan sngags te/ yig 'bru bco lnga shin tu gsang/ trag rag sha sa ma ya/ gtso mo rbad pa yig 'bru drug/ de nas las la gzud pa dang/ gsad pa'i sngags su bstan pa ni/ dgra po'i snying ling rbud/ las la gzud dang bsad sngags te/ de rnams cig tu dril te bzlas/ de nas ma mo'i 'khor gyi sngags/ ma mo stong gi stong rtsa brgyud ni/ bod dang rbad dang bsad pa'o/ ma mo snying kha rag snying kha rag/ ma ma rag sha ma ma rag sha/ rag mo snying khrag la mdun dun/ trag rag sha ya snying la he ke ma ma ma ru lu ru lu b+h+yo/ khog dbugs rol cig/ snying khrag la sa ma ya dam dzA dzA/ 'khor gyi ma mo stong rtsa brgyad/ snying khrag dag la bod pa'o// snying rtsa phyang shig ma snying tsit+ta la thun/ snying khrag la ma thun/ shi ti sta ma snying la yang ma b+h+yo/ de ni rbad pa'i gsang sngags so// las la gzud cing bsad pa ni/ ma ma sha sha ma ma r+d+h+ri r+d+h+ring ma ma sa ma ya dgra bo ni ma ra ya sod sod/ ma tsi ta dzA la ram/ snying/ rtsa la rol/ chuM thuM ri li li ma las myur du mdzod cig/ de nas bzlas pa'i rim pa ni/ kun ka dril la bzlas pa'am/ yan rim par rtags dang yang sbyar zhing rim par rtag la bzlas/ thod pa'i nang du khrag dang ni/ ling ga brtsal la gzhag par bya/ bya rgod sgro rtsa dag nas bsngags/ yang na nyungs kar dag la bsngags/ de nas khrag la bsnun par bya/ rtags kyi rim pa bstan pa ni/ bud med byung na dngos grub 'phel/ skyes pa byung na dgra la myur/ btsun par byung na 'khor la gzan/ bya nag lug gi thugs dam bskang// gal te bying zhing 'thibs pa dang/ khyi ru byung na nyams chags yod/ mdo dang bshags pa bya ba yin/ bud med chas bzangs byung ba dang/ mon mor byung na ma nyid dngos/ ltogs shing za snying 'dod pa na/ bya nag lug gis thugs dam bskang/ de ni bod pa'i dus su byung/ de nas dgra rtags bstan pa ni/ g.yag tu byung na myur ba yin/ ri dgas byung na de bas myur/ dngos su byung na de bas myur/ rtsa ra jag pa byed pa dang/ dmag dpung che dang 'grogs na bzang/ 'thab ste mtshon 'thub byed na bzang/ rbad pa'i dus su 'byung ba'o/ khrag khol rlangs pa byung ba dang/ ling ka 'gul dang tsat+ti byung/ de ni shin tu grub pa'i rtags/ bsad pa'i dus su shes rab bya/ ma grub rtags rnams bstan pa ni/ btsun mo lta bur byung na ngan/ phar la phyag 'tshal shin tu ngan/ lug dang rta ru byung na ngan/ snying mi dga' zhing 'gro snying 'dod/ 'di ni ngan pa'i rtags yin te/ rang nyid lha yi nga rgyal bya/ ma nyid bka' nyan tshul du bsam/ gong du smos pa'i rdzas kyis bskang/ zhes gsungs so/ gsang sngags dang rtags bstan pa'i le'u ste lnga pa'o//// de nas yang dag bshad bya ni/ de ltar rtags rnams byung ba dang/ de nas sngags 'di rab tu bzlas/ oM badzra da ra li ba/ badzra snying 'go chod cig/ kha la sa mun da lo/ dun snying da ra ya rbad/ oM badzra khrag ti snar ma rbad/ oM badzra rtsa tu kri ta ra rbad/ oM badzra shu tri da ra ti ya badzra hU~M phaT/ rbad du rbad du/ rbad pu rbad pu/ da ra ka ya stim bi shi sta sa ma ya/ snying dang ling ga dag la yang/ lcags phur sbas pa'i ma mor bsam/ sngags de bzlas la gdab par bya/ de nas snying dang ling ga yang/ gtub cing sbyin sreg rab tu bya/ dug shing hoM khung nang du gzugs/ ling ga gtubs la bsreg par bya/ me sbar ma mo nyid du bsam/ gong gi sngags rnams dril la bzlas/ zhal du sreg cing dbul bar bya/ de nas thal ba rlung la bskur/ yang na them pa'i 'og tu mnan/ dgra bo'i yul du kha bltas la/ nag po'i rgyan cha rab gon la/ thun lam bsal la gtor ma dang/ thod pa'i thun khrag 'phang bar bya/ spyi yi rgyun nas byung ba yi/ bstod dang bskul ba rab tu bya/ de yi dmigs pa rlag par 'gyur/ zhes gsungs so/ las kyi mtha' brtul gyi le'u drug pa'o//// de nas lha mo bde byed mas yang zhus pa/ rang byung rgyal mo sring pa'i bdag/ nyid kyi spu gri'i don bshad na/ nyid kyi ltas ngan dbab pa dang// ser ba dbab na ji ltar dbab// ces zhus pas// rang byungargyal mos bka' stsal pa// maN+Dal gong ltar skyanganul bya/ dbus su 'bru nag zan nyid la/ ma mo'i gzugs nyid rab tu bya/ mtha' ltar ltas ngan gang 'dod gzugs/ bskor la trag trag kur/ lan gyis ltas ngan 'bebs par dbang bskur bya/ de nas gsang sngags 'di yis bsgrub/ trag rag sha kha mun tra e ka dza ti snying kha rag mo b+h+yo/ yaM king shaM ling/ ma sha dza mi sha du na dza phob ya/ trag he he/ ma dun rtse ya/ kraM kraM phri la dun tse ya/ kyeng kyeng pho ya/ 'ur 'ur/ trab trab/ thib thib/ king king/ dun dun pho ba yang/ tsi pho pa li/ dur yag shi/ du du sri la dun tse phob ya/ rgya ya ya phob ya/ de skad ces ni rab bzlas te/ rang gi gnas su byung ba dang/ dgra la rdzas bstan bskul zhing rbad/ bskul brgyud gzhan dag gnas su shes/ grub nas rdzas rnams lus la bsrel/ gang 'dod las su gtor ba na/ ltas ngan rab tu 'byung bar 'gyur/ de nas ser ba dbab pa ni/ nyungs kar yungs nag dag la yang/ sngags bzlas la dgra yul gtor/ dud phro kar phro shu ti phro/ yu ga ti smin trag tu tsar/ sha ra shal ta phob/ traM traM phob/ drag tu phob snga ma'i sngags kyi 'jug tu gdags/ yul lha gzir zhing ma mo rbad/ de yis chu 'khyags 'byung bar 'gyur/ zhes gsungs so/ las kyi kha tshar gyi le'u ste bdun pa'o//// de nas rang byung rgyal mo la/ bde byed mas bstod pa ni/ e ma ho/ gsang sngags bsrungs ma dam tshig can/ nyid kyi yon tan bsam mi khyab/ thugs rjes 'gro ba'i don mdzad ma/ rang byung rgyal mo khyod la bstod/ ces bstod pa dang/ rang byung rgyal mos bka' stsal pa ni/ lha mo bde byed ma nyon cig/ nga'i rgyud 'di ni rgyud thams cad las khyab par 'phags pa ste/ shin tu gsal ba sgrub thag nye ste/ srog gi yang snying zlos pa'i phyir/ ngan sngags kyi rgyud spu gri bya bar zung zhig/ nga'i rgyud ji tsam bstan kyang 'di las zab pa med la/ rgyud 'di gang yod sa na/ rang byung rgyal mo nga nyid yod shes par bya'o// zhes bka' stsal te/ mi snang bar gyur to/ rgyud gzung ba'i le'u ste brgyad pa'o/ /// e ka dza Ti gsang ba spu gri'i rgyud ngan sngags su phyung ba/ man sngags kyi rgyud chen po rdzogs so//// sa mra tha saM tharga du sha shaM thamasaH/ ! rgyud 'di man ngag gi rgyud yin pas/ 'di la sgrub thabs med kyang/ 'di kha ltar nyams su blang du btub pa yin no// 'di la bskul ba dang/ bstod pa dang/ bcun sngags dang/ gnad la dbab pa dang/ sku sngon du dbyung ba rnams/ srog thig la sogs pa bsgrub pa rnams nas kha bskang la nyams su blang ngo// spyir gu ru de ba tsan dras bdag la ji tsam pa'i sngags srungs bstan kyang/ 'di las zab cing bsgrub thag nye ba med de/ su la'ang sbyin par gter du sbas so/ ha cang gyur pas kha byang rnams su yongs ma bstan par bzhag pas/ nyams su 'di ltar blang ngo// dam tshig can gyi btsas su bzhag pa'o// bdag 'dra sangs rgyas ye shes kyis/ ngan sngags spu gri rgyud kyi man ngag 'di/ kun la ma byin gter du 'di sbas pas/ las 'phro can dang 'phrad nas kyang/ bstan pa dar zhing rgyas par smon/ gu ru de ba tsan dras rdo rje gdan gyi byang ngos nas brag phug rang 'khrungs nas bton nas bdag la gnang ba'o/ sa ma thaH yang dben 'phrul gyi gter kha la/ khyad par gyi rgyud dgu'i 'di gcig yin/ 'di la yang drug/ spu gri snga ma/ drag sngags 'dus pa phyi ma/ phyi ma'i phyi ma srid pa 'khor lo/ e ka dza Ti gsang ba yang snying 'dus pa'i rgyud/ ma tshang ba kha bskongs pa/ gzhan yang spyang rgyal gyi rgyud snga ma zab/ gzhan mtshon pa tsam/ srog tig dang/ drang kun yang ma tshang ba kha skong ba'o/ a+thi+-i sa ma tha na dra thaH/ rgya gar skad du/ e ka dza Ti ma hA gu h+ya ka ti nA ma tan tra/ bod ska du/ e ka dza Ti gsang ba spu gri'i man sngag tu bstan pa'i rgyud ces bya ba/ dpal rdo rje he ru ka la phyag 'tshal lo/ 'di skad bstan pa'i dus gcig na bcom ldan 'das dpal he ru ka nyid/ rang bzhin gyi gnas na/ ye shes dang las grub pa mang po dang thabs cig tu bzhugs te/ de'i tshe de'i dus na/ sngags kyi bsrungs ma e ka dza Tis snying po phul nas bstan pa bsrung bar khas blangs so/ de nas bcom ldan 'das dpal he ru ka la/ byang chub sems dpa' phyag na rdo rjes gsol ba/ e ma ho/ bcom ldan 'das sangs rgyas kyi bstan pa srung ba'i don du/ e ka dza Ti spu gri sgrub pa'i don rnams rim par ma gab ma dkrugs par bshad gsol/ zhes gsol pas/ he ru ka dpal nyid kyis bka' stsal pa m issing m issing m issing dang them yig ltar bzlas so/ / //rgya gar skad du/ ti la tsakra u pa de sha nA ma e ka dza ti ta n+t+ra/ bod skad du/ e ka dza ti srid pa'i 'khor lo man ngag gi rgyud ces bya ba/ dpal he ru ka 'jigs byed kyi rgyal po la phyag 'tshal lo/ 'di skad bdag gis bstan pa'i dus gcig na/ bcom ldan 'das kun tu bzang po he ru kas/ gsang ba'i bdag po lag na rdo rje la sogs pa'i 'khor dang thabs cig tu bzhugs te/ rang bzhin gnas gsang pa'i mchog chen po na srid pa'i ma mo thams cad 'dul pa'i tung nge 'dzin tu zhugs te bzhugs so// de'i tshe de'i dus na/ sngags kyi bsrungs ma e ka dza ti yang bka' nyan pa'i sems kyis rab tu btud de/ 'di lta bu'i srog gi snying po yang phul lo/ trag rag sha kha mun tra mu tra e ka dza ti snying kha rag mo b+h+yo/ zhes phul te/ bstan pa bsrung ba'i dam tshig dang ldan par byas so/ srid pa'i 'khor lo las/ gleng gzhi'i skabs de dang po'o//// de nas gsang ba'i bdag pos/ bcom ldan 'das la phyi nang gsang ba'i mchod pa sna tshogs byas te/ 'di skad ces gsol to/ bcom ldan 'das dpal chen he ru ka/ sngags bsrungs e ka dza ti la/ srid pa 'khor lo'i man ngag rnams/ bstan pa gnyan phyir bshad du gsol/ ces gsol pas/ bcom ldan 'das dpal chen pos bka' stsal pa/ nyon cig dpal ldan gsang ba'i bdag/ sngags bsrungs e ka dza ti ni/ srid pa'i 'khor lo dag la thug/ nga yi bshad kyis yid la zung/ srid pa'i 'khor lo la yang gsum/ phyi dang nang dang gsang bar 'dus/ ma mo phyi ltar 'khor lo ni/ ma mo'i gzugs byas yi ge bcu gsum bskor/ nang ltar bstan pa thob pa yi/ nang du yi ge bcu gsum bri/ gsang ba ltar ni bdag nyid dpal/ he ru ka nyid nga rgyal las/ mdun na ma mo gnas pa yi/ thugs kar yi ge bcu gsum las/ ma mo'i srog nyid bdag sdud/ de ltar lar don dang ldan par bya/ zhes gsungs so/ srid pa'i 'khor lo las/ gleng bslang ba dang zhus lan skabs te gnyis pa'o/ /// de nas dpal chen he ru ka la/ gsang ba yi ni bdag po yis/ gus dang bcas pas 'di skad gsol/ de ltar phyi nang gsang ba'i don/ shin tu rgyas par bdag nyan 'tshal/ dpa' bo chen pos bshad du gsol/ zhes gsol to/ de nas dpa' po chen pos bka' stsal pa/ srid pa'i 'khor lo phyi nang gsang/ de la phyi ltar skor ba ni/ gri mor shi ba'i zhing chen la/ sngags srungs e ka dza ti'i gzugs/ 'khor lo brgyad ldan bri bar bya/ mu khyud zlum po thod 'phreng bskor/ sbyi bor gshan yig mgrin par trag/ shar du sha dgod byang du tra/ nub tu mun dang shar lhor rag/ byang shar mu dang nub byang kha/ lho nub tra ste dbus su hU~M/ ru ni rkang g.yas ni g.yon dgod/ lag g.yas b+h+yo bri g.yon par ming/ de bzhin bri bar nga yis bshad/ de yi don nyid 'di ltar brtags/ hU~M ni sdud pa'i sa bon te/ k+Shan ni ma nor rgyu ba'i sngags kyis dag kyang bral par bya'o/ e ka dza ti shin ting ku ru ye swA hA/ pa shaM ku ru swA hA/ pu sh+tiM ku ru swA hA/ dgra bo che ge mo ma ra ya phaT/ ces gsungs so/ srid pa'i 'khor lo las/ phyi ltar gnad la dbab pa'i skabs te gsum pa'o/ de nas gzhan yang bshad bya ba/ ma mo e ka dza ti la/ nang ltar bstan pa'i gnad nyid la/ rnol gri mo yi thod pa la/ pad+ma'i rag tas yi ge ni/ bcu gsum pa nyid bri bar bya/ de yi dgos pa'i don nyid ni/ ma mo thugs kyi rang bzhin kyang/ thod pa nyid la 'chags par 'gyur/ chags nas dam tshig 'da' mi byed/ de phyir nang ltar gnad la dbab/ gsang ltar gnad la dbab pa ni/ ting nge 'dzin gyi rim pa ste/ bdag nyid yi dam lhar gsal bas/ mdun du ma mo trag las bskyed/ rang bzhin spyan drangs rdzogs pa dang/ mchod pa dbul zhing bzlas pa bya/ de yi las rnams ma grub cing/ 'khu ldog dam las 'da' 'gyur na/ gsang ba'i don nyid 'di bya'o/ bdag nyid dpal gyi thugs kha ru/ hU~M las sngags kyis bskor bar bsam/ de las 'od zer zhal nas byung/ mdun gyi ma mo'i snying khar thim/ sngon gyi tha tshigs dran par byas/ de las 'od zer tshur 'dus pas/ ma mo'i srog gi dang ma bsdus/ rang dbang med par bdag la 'dus/ bdag gis ma mo dbang 'dus nas/ ma mo'i srog snying bdag la thim// de lta bu'i don ldan na// ma mo bka' las 'da' mi byed/ de ltar 'od ni 'phro ba yang/ kha dog 'phrin las bzhi dang sbyar// zhi ba 'dod ni dkar po 'phros/ ma mo gdug rtsub zhi bar bsam/ tshur 'dus 'od zer sor por bsdus// bdag nyid tshe dang dbang thang rgyas/ dbang la 'od zer dmar por 'phros/ bdag nyid dpal gyi bka' nyan bsam/ de nas 'od zer nag por 'phros/ gang 'dod dgra bo sgrol bar bsam/ tshur 'dus tshe dang bkrag mdangs bsdus/ bdag nyid dpal dang ldan par bsam// de ltar ma mor snang ba yang/ rang gi byang chub sems nyid kyi/ cho 'phros dag tu mkhas pas brtag/ ma mo lus dang grib ma 'dra/ zhes gsungs so/ srid pa'i 'khor lo las/ ma mo nang dang gsang ba ltar gnad la dbab pa'i skabs te bzhi pa'o//// de nas yang gsang bdag gis gsol ba/ ma mo e ka dza ti ni/ sgrub par 'dod pa'i rnal 'byor pas/ ma mo sbrang ma chags pa ltar/ mi 'du ba'i dbang med pa'i/ bkra shis 'khor 'phel zor gyi las/ rim par bdag la bshad du gsol/ de nas dpal gyis bka' stsal ba/ ma mo sngags bsrungs 'du 'dod na/ ras la ma mo'i sku gzugs bri/ dben pa'i gnas su bzhag byas te/ b+ha ling gtor ma rta ru gzung/ rnel gri mo yi thod pa ru/ rak+tas 'phrin las rnam bzhi bri/ gri mo'i snying srog rtsa dang bcas/ dar gyis gril nas thod par bzhag/ rnal 'byor rang gi spyod yul las/ gzhan gyis nam du'ang mthong mi bya/ srog gi yang snying rgyun du drang// don gyi rtsa ba dam tshig bsrung/ ma mo gal te g.yel ba dang/ dam la mi gnas gyur pa dang/ srid pa'i 'khor lo bsgom par bya/ zhes gsungs so/ srid pa'i 'khor lo las/ ma mo gar spyin la sbrang ma 'du ba ltar mi 'du ba'i dbang med pa'i skabs te lnga pa'o/ /// de nas gzhan yang gsang bdag nyon/ sngags srungs 'di rnams 'thon te/ trag rag sha kha mun tra e ka dza ti snying kha rag ma b+h+yo/ ma ma A yu dz+nyA push+ti ku ru swA hwA/ de bzlas bdag nyid 'khor dang bcas/ tshe dang ye shes rgyas par yang/ 'phrin las bcol zhing mchod par dbul/ ma ma oM tso ti tso pu Sh+tiM ku ru swA hA/ ma ma pa sha puSh+tiM ku ru swA hA/ ma ma da ma saM po puSh+tiM ku ru swA hA/ gong ma'i rgyun la rtags te bzlas// bkrag dang gzi mdangs rgyas pa dang/ dbang thang chung srid rgyas pa dang/ 'khor dang longs spyod 'phel rgyas dang/ tshe dang ye shes rgyas par 'gyur// zhes gsungs so/ srid pa'i 'khor lo las/ rnal 'byor bkra shes par bya ba'i skabs te drug pa'o//// de nas yang dag bshad bya ba/ ma mo sngags bsrungs 'phrin las bdag/ bstan pa bsrung ba'i bdag tshig can/ / sgrub par 'dod pa'i rnal 'byor pas/ las kyi mtha' brtul zor gyi bya// de yi rim pa bstan pa ni/ bsgrubs nas thun khrag rtags byung na/ gzas pa'i phyogs su kha bltas la/ chang gis rab tu gzi mdangs bskyed/ gos nag gyon la thun gtor thogs// thun lam bsal la dpang yang gzugs// sngags rnams dril la 'phang par bya/ thod pa pub na shin tu bzang/ de yi dus su bskul byas te/ mjug la 'di dag tshig kyang gdags/ bstan pa bshig pa'i dgra bo 'di/ snying gi dkyil du khrag mda' ya/ gong gi phu la khrag mda' ya// steng gi khyo la khrag mda' ya/ 'og gi chung la khrag mda' ya/ mchan gyi bu la khrag mda' ya/ sgo yi nor la khrag mda' ya/ yul mkhar khyim la khrag mda' ya// rtsa brgyud bcas pa rdul du rlogs// ces pa brjod cing drag tu 'phang// rang nyid khros pa'i thabs su bya/ zhes gsungs so/ srid pa'i 'khor lo las/ / zor gyi skabs te bdun pa'o//// de nas dpal chen pos/ gsang ba'i bdag po la 'di skad ces bka' stsal to/ kye gsang ba'i bdag po// spyir e ka dza ti'i rgyud ji ltar mang du bstan kyang/ pas/ phyi rabs kyi rnal 'byor pa rnams/ bkra shis shing bstan pa bsrung pa'i don du rgyud 'di yongs su gzung bar bya'o//// zhes gsungs so/ srid pa'i 'khor lo las/ rgyud yongs su bzung pa'i skabs te brgyad pa'o//// e ka dza ti srid pa'i 'khor lo man ngag gi rgyud ces bya ba/ shin tu gsang ba man ngag gi rgyud rdzogs so//// slob dpon rum bu gu ya las zhus te/ gu rus dang po ma gnang ba la/ mkha' 'gro dang yi dam lhas lung bstan te/ man+Tal la gser srang gsum bkram ste/ bdag gi srid pa'i 'khor lo med na bstan pa ji ltar bsrungs e ma ho/ zhes mchi ma phyung pas/ 'ung nas bdag la gu rus gnang ngo// bdag 'dra sangs rgyas ye shes kyis/ bla ma mnyes byas rgyud 'di gnang/ kun la ma spel gter du sba// dam tshig can dang 'phrad par shog/ / samathand//// rgya gar skad du/ e ka dza ti cit+ta sa man tan+t+ra nA ma// bod skad du/ e ka dza ti yang snying 'dus pa'i rgyud ces bya ba/ dpal ya man ta ka rdo rje he ru ka la phyag 'tshal lo/ 'di skad bstan pa'i dus na/ dpal ya man ta ka rdo rje he ru ka'i 'khor na// ma mo e ka dza ti bka' snyan pa'i rang bzhin rnam pas drung du 'khod par gyur to/ de nas dpal phyag na rdo rjes/ dpal ya man ta ka rdo rje he ru ka la gsol pa/ bcom ldan 'jam dpal khro bo nyid/ sngags bsrungs e ka dza ti yi/ mtshan gyi don dang ngo bo nyid/ yang snying 'dus pa ji ltar lags/ ces gsol pas/ dpal ya man ta kas bka' stsal pa/ sngags bsrungs e ka dza ti ni/ e ni chos dbyings rang bzhin te/ ka ni 'phrin las bdag mo yin/ dza ni 'gugs byed pho nya mo/ ti ni dpal gyi bka' nyan gzugs/ don gyi ngo bo skye med nyid/ ces gsungs so/ e ka dza ti don bstan pa'i le'u ste dang po'o/ /// de nas gzhan yang bka' stsal ba/ yang snying 'dus pa 'di lta ste/ trag rag sha ma kha mun tra e ka dza ti snying kha rag ma b+h+yo/ zhes pa'o/ de ni srog gi yang snying ste/ thams cad 'dus pas 'dus pa'o/ de ni bsgrub thag shin tu nye/ de ltar nye bar gyur kyang ni/ srog gi snying po med gyur na/ ma mo nye yang las tshan chung/ de phyir sngon du srog gi ni/ snying po sum cu rtsa gsum zlas/ de bzlas shin tu tshan che ste/ srid pa gsum yang 'dul bar byed/ trag rag sha kha mun tra/ mu ru lu ru lu hU~M b+h+yo hU~M/ rag mo te ke ma dza dza kha la ma hi b+h+yo/ ru lu ru lu ma hing b+h+yo/ de ni srog gi snying po nyid/ / ma mo gnas nas g.yo pa'o//// zhes gsungs so// e ka dza ti'i srog gi yang snying dang snying po bstan pa'i le'u ste gnyis pa'o/ de nas yang phyag na rdo rjes gsol pa/ ma mo'i srog gi snying po rnams/ bzlas nas las rim ji ltar bgyi// zhes gsol pas/ ma mo sngags srungs dam can ma/ dang po srog gi snying po drang/ de nas yang snying bzlas bya zhing/ ma mo stong dang rtsa brgyad kyi// drag sngags snying thun spu gri'i rgyud/ de yis 'phrin las bsgrub na myur/ shin tu zab pas rgyud 'di spa'o//// gzhan du nyungs thun dug thun dang/ phur thun mkhar bsgrub las ring pas/ de ltar dam can rnams kyis bsgrub/ zhes gsungs so/ ma mo las mtha' gang du bsgrub pa'i le'u ste gsum pa'o//// de nas gzhan yang bka' stsal pa/ nyon cig gis gsang ba'i bdag po khyod/ ma mo e ka dza ti ni/ ma mo stong gi gtso mo ste/ / khyad par re'u ma ti'i/ gco mo yin pas 'di bsgrubs na/ re'u ma ti bkra shis 'gyur/ srog bsgrub dpon g.yog mched bzhi dang/ sku gcig ma la sogs pa yi/ sgrub thabs gang dang sbrel yang rung/ bkra shis las grub 'phrin las bsgrub/ / de bzhin 'khor gyi ma mo ni/ bal mo nag mo kun du ga ma/ mon mo nag mo rna cha can/ srin mo nag mo ro bshal mo/ gang ltar bsgrubs kyang tshan che ste/ las myur 'phrin las 'grub par gsungs/ zhes gsungs so/ ma mo la 'khor btags pa'i le'u ste bzhi pa'o//// de nas gzhan yang bshad pa ni/ ma mo sngags su bsrungs sgrub pa la// pho mchong btags na las tshan che/ de yang sngags pa nang thug na'o/ spu gri rgyud nas bshad pa yi/ thun sbyor ging bstags na shin tu legs/ ma mo 'di yi yon tan ni/ dpag med nam mkha' lta ba dang/ ri rab sa gzhi lta bur bshad// de phyir rgyud 'di gzung ba dang/ spa zhing sems la bcang bar bya/ zhes gsungs so/ las tshan skyed pa yon tan dang bcas pas rgyud 'di gzung zhing sba bar bya ba'i le'u ste lnga pa'o//// e ka dza ti ya snying 'dus pa'i rgyud ces bya ba rdzogs so/ /// ba su ng+ha ras bdag rdo rje yang ba gter la b+ha sa ya'i dgon par gnang pa'o/ spu gri cha rkyen a+thi+-i//// rgya gar skad du/ e ka dza ti ya gu ya tsit+ta sa ma dza nA ma tan tra/ bod skad du/ e ka dza ti gsang ba yang snying 'dus pa'i rgyud ces bya ba/ bcom ldan 'das dpal khrag 'thung rgyal po he ru ka la phyag 'tshal lo/ 'di skad bstan pa'i dus gcig na/ bcom ldan 'das dpal chen po nyid yul kro ng+hi shA ri dang gnyis su med par rang bzhin ye shes kyi gnas na/ bde ba chen po'i ngang la bzhugs so// de nas sngags srungs e ka dza ti zhes bya bas/ dpal chen po he ru ka la btud de bka' ldan dpal chen he ru nyid/ sngags srungs e ka dza ti ni// gsang sngags gnyan gyi srungs ma ste/ bsgrub par bya ba'i rim pa dang/ pho mchod mo mchod gdags pa dang/ sngags kyi gnad kyi man ngag rnams// rim par gdags la bshad du gsol// zhes gsol pas/ bcom ldan 'das dpal he ru kas/ e ka dza ti la dmigs te/ lha mo bde byed ma la bka' stsal pa/ nyon cig lha mo bde byed ma/ sngags srungs e ka dza ti ni// e ni chos dbyings rang bzhin te/ ka ni 'phrin las bdag mo yin// dza ni 'gugs par byed pa ste/ ti ni dpal gyi bka' nyan gzugs/ 'di nyid bsgrub par 'dod pa yi// rnal 'byor dam tshig ldan pa yis// brag dmar chos bzang 'dra ba 'am/ yang ba dben pa'i gnas nyid du// phyi nang bshags pa tshul bzhin bya// rgyab ni 'jam dpal phur la brten/ / yang na che mchog he ru ka'o/ zhes gsungs so// yang snying 'dus pa'i rgyud las le'u dang po'o//// de nas gzhan yang bka' stsal pa/ dkyil 'khor mda' gang gru bzhi la/ bdud rtsi lnga'i chag chag gdab/ / 'phrin las bzhi yi dkyil 'khor la// skyer ba'i 'go ling lnga pa yi// sku rten mkhar ba gzugs par bya// ma mor bskyed la dbang yang bskur// yang na rak+ta'i gru gsum ste/ / rnol thod nang du rak+ta bsham// sman gtor rak+ta bsham par bya// ting 'dzin rnam gsum gzhal yas bcas// gdan stengs bdag bskyed ma mo bdun// rang bzhin spyan drangs bstim mchod dbul/ de nas gsang sngags 'di nyid bzlas/ / trag rag sha kha mun tra/ mu ru lu ru lu hU~M b+h+yo hU~M/ rag mo te kem dza dza kha la ma hi b+h+yo/ ru lu ru lu ma hri b+h+yo/ yig ge sum cu rtsa gnyis pa/ ma mo srog gi snying po ste// 'di la nan tan byas gyur na/ / ma mo lus dang grib bzhin 'gyur// de nas rnol gri thun khrag la// yang snying bco lngas sna grangs te// stong gu rtsa brgyad thun la bsgrub// trag rag sha kha mun tra// e ka dza ti snying kha rag ma b+h+yo// trag rag sha sa ma ya dgra bo snying ling rbud dam/ zhes ni ma mo nye snying ngo// ma ma snying kha rag ces pa'i spu gri'i rgyu nas gsungs pa ltar/ bzlas la bya rgod sgro rtsas mngag/ rgya zhig tsit+ta byung na grub pa'i rtags/ / khrag khol rlangs pa byung na grub pa'i rtags// tsit+ta dngos su byung na dbang bskur dgongs pa bya// de nas ma bzhi'i phur pas gdab// ling ga ho tu bsreg par bya// khrag ni dgra la 'phangs gyur na/ / myur bar dgra bo sgrol bar nges// zhes gsungs so// e ka dza ti gsang ba yang snying 'dus pa'i rgyud las le'u gnyis pa'i skabs so//// de nas gzhan yang bka' stsal pa// de ltar sgrub pa'i dus nyid du/ / rgyud gzhan dag nas byung ba yi// bstod dang 'phrin las rnam bzhi ni// lhun gyis grub ces bskul par bya// sgo bzhi 'byed pa'i pho nya gtang// ma mo e ka dza ti yi/ sbyor ging drang kun nag po ni/ / bsgrubs na bkra shis las myur te// bud med 'khor la shis par gsungs// gnod spyin lo ti nag po yang/ nyur bas bla kun dag tu rbad// ming po ging dang sbrel ba ni// dgra bo smyo 'bog dag tu 'chi/ / srod la bdud dang sbrel la bya// nam gung gnod sbyin bla rkun bskul// tho rangs ming po ging yang bskul// de yi yon tan 'di lta ste// khyo nyid bsgrubs pas bkra shis la/ dgra la nyung zhing pa rno bar byed/ / ming po ging ni bsgrubs brtags na/ rnal 'byor gshes ngan 'chi mi 'gyur// dgra la nyur zhing smyo 'bog 'ongs// bu nyid gnod sbyin bsgrubs pa yis// dgra yi bla kun nyur bar byed// de phyir shas tsam btags shing sgrub/ / de rnams gnod spyin ma yin pa/ drang kun shan pa'i rgyud dang ni// srog thig rgyud du bshad par sbyar// zhes gsungs so// e ka dza ti gsang ba yang snying 'dus pa'i rgyud las// pho mchod gdags pa'i le'u gsum pa'i skabs so/ / gzhan yang de nas gsungs pa ni// zhang po klu la gtad pa ni// klu gnyan sa bdag rigs lnga yang// ma mo nyid kyi zhang por mnyam/ gang ltar gtad kyang las grub ste/ / dpe'u chung sbrul gyis bskor ba yi/ man ngag gtad chung bzhin du bya// bsrung ba rdzas bsrungs sbyir sbyar la/ ma mo la ni gnyer gtad pas// mi lhog 'grub par bshad pa yin// zhes gsungs so// e ka dza ti gsang ba yang snying 'dus pa'i rgyud las/ / zhang po klu la gtad pa'i le'u ste bzhi pa'i skabs so// de ni rim par bka' stsal pa// rang byung rgyal mo dza ti ma// ma mo nyi kyi sham bu ru// 'khor gyi ma mo mchod bzhi/ / gdags par bya ba'i rim pa ni// bal mo nag mo kun dug ma// las la bskol bar bya ba ni// bud med kyi ni snying nang du/ sna tshogs snying gi phye ma blugs// ling ga 'brub khung nang bcug la// ma mo thun mtshams sbyar ba ni/ / rag mo badzra dza ma dun b+h+yo// trag rag sha kha mun tra mu ru lu ru b+h+yo// bod pa'o// trag rag sha sa ma ya tig sna b+h+yo// e ka dza ti snying kha rag bam ril srog mo yA la baM ril b+h+yo/ rbad pa'o// a kar nag mo rag mo yag sha snying la b+h+yo/ / e ka dza ti mi dar lig snying kha rag snying thing ling rbud yag sha snying te ke ma rbad pu rbad da ra ya rbad// trag rag sha sa ma ya snying ling bud// gsad pa'o/ / de rnams dril la thun brab cing// sngar gyi snying phye gtor ma la// dbul zhing rbad na myur du 'grub// ces gsungs so// e ka dza ti yang snying 'dus pa'i rgyud las le'u lnga pa'i skabs so//// de nas yang ni nges gsungs pa/ / mon mo nag mo rna cha can// gtor mar rak+ta ta sbreng zhing sbad// tad ya thA da hU de hU trig ma ru shi dza dza b+h+yo// bod pa'o/ ra hU~M sha tsi ta baM shig thum bdug ling/ yer yer sod mug sti ri rgyob/ / sa ma ya dgra la b+h+yo// rbad pa'o// ra hU sha sen re'u tri ma shu shu rbad// tsit+ta mi la rak+ta thun b+h+yo// gsang pa'o// dril la thun bral rbad par bya'o// de yis tshan che myur bar sgrol// de nas srin mo ro bshal ma/ / sgrub cig gdags na man+Tal la// gru gsum mthing nag bris byas la/ gtor ma rnol snying dbang po rnams// bso cing gtor mar brdar la dbul// srin mo ro bshal gzugs bris la// gru gsum rtsi'i grwa la bzhag/ / ru ti dza ro rtsa rtsa rtsi rtsi trag rag sha kha mun rtsi b+h+yo// bod pa'o// rtags ni 'od dang spyugs pa 'byung/ trig tri ling gi shag du ya tri dza tring ling has b+h+yo// rbad pa'o// drig trig rag sha mu ru srin ki pa li kha sa rbad/ / ces gsad pa'o// dril la thun brab rbad byas na/ dgra bo myur du sgrol bar nges// de nas lha mo nag mo ni// re'u ma ti zhes bya ba// ma mo sngags srungs bka' nyan te// sgrubs thabs gang ltar byas gyur yang/ / ma mo sngags srungs nyid kyi ni// sngon du bsnyen byas bkra shis la// dgra la myur la sgrol par 'gyur// de yang bsdus na 'di ltar bya// man+Tal la ni gru gsum bri// nal bu'i snying dang dbang po rnams/ / thod par stsal la dar bkab la/ rma bya'i rgyal mtshan ru dar dang// tshil chen spos dang mar me lhang// gtor mar dbul zhing rbad par bya// oM tad ya tha// ru ru bo ru hoM ti ba to si snying dza dza// dun dun snying snying kha rag ma b+h+yo b+h+yo/ / bod pa'o// ma ma nag mo dung dun ting ma las la yaM// nag mo har hU mu kha le cho cho ma ra dza dza/ rbad pa'o// nag mo ni sha ku ru thuM thuM rbad rbad ma ta ya// myos myos long long rbad rbad haM haM yed yed thums thums ling ling dgra bo ma ra ya dza/ gsad pa'o/ de rnams dril la ling ga la// nyungs kar rag brab bar bya// tshan che dgra bo myur par sgrol// zhes gsungs so// ma mo e ka dza ti yang snying 'dres pa'i rgyud las mo mchod gdags pa'i le'u sta skabs drug pa'o/ /// de nas yang dag gsungs pa ni// bdud dang ma mo'i bu nyid ni// lo ti nag po zhes bya ba// sgo rgyud med ste 'di ltar sbyar/ kha na sgrog pa'i bya sha yis/ / gtor ma brgyan la dbul bar bya// nam gung bod cing rbad par bya// ku hi ku hi khug chub dun tri hal 'bar bdun dun hab hab// bod pa'o// dgra bo'i bla la dza thun ya// rbad pa'o/ dgra bo ma ra ya lhang lhang char char lo ti nag po dgra bo myur du sod/ bsad pa'i// dril la ling ga dag la brten// des ni myur du bla rkun 'gyur// zhes gsungs so// e ka dza ti yang snying 'dus pa'i rgyud las/ bu gnod spyin gyi le'u ste skabs bdun pa'o//// de nas gzhan yang bshad bya ba// ma mo e ka dza ti ni// rnal 'byor kun gyi srungs ma ste// ma mo'i 'phrin las gang byed kyang// sngon du sum cu rtsa gnyis pa/ / bzlas na tshan che bkra shis te// dzA dzA tsa dza tsa tsa dang// te kuM te ke ma ti kiM dang// ma ting ma hing ma hrir rnams// rbod rbod gsad bar sbyar byas la// sngon du ma yengs grub par sbyar byas la// sngon du ma yengs grub par bzlas/ / ma mo lus dang grib bzhin 'gyur/ trag dang tra'i thog mtha' can// rang dam srog gi snying po yin// 'di med ma mo ye mi 'grub// trag rag sha kha mun tra// zhes pa'o// mu dang hU~M gi thog mtha' can/ / yi ge 'bru ni brgyad pa'o// grub brtags kyi snying po yin// 'di med ma mo dbang mi 'dus// mu ru lu ru lu hU~M b+h+yo hU~M/ zhes pa'o// rag dang b+h+yo yi thog mtha' can/ yi ge 'bru ni bcu gcig pa/ / stong gsum za byed snying po yin/ 'di med pha rol pos bzlog bzla'o// rag mo te kiM dzA dzA kha la ma hi b+h+yo// zhes pa'o// ru dang b+h+yo yi thog mtha' can/ yi ge 'bru ni bdun pas te// gdug pa 'dul byed snying po yin/ / 'di med dgra bgegs mi sgrol pa'o// ru lu ru lu ma hring b+h+yo// zhes pa'o// yi ge sum cu rtsa gnyis las// mngan 'o ma chus slad 'dra// nyung na mchon cha kha snyol 'dra/ de phyin ces pas sngon bzlas na/ / snying thun khrag thun la sogs pa// bsgrubs na dngos grub thob par gsungs// ma mo'i rtags byung gyur pa na// gsang thub lha ni mi bskyed 'gyur// smras na lha rtags yel bar 'gyur// de bas gsang na dngos grub thob/ / ces gsungs so// e ka dza ti yang snying 'dus pa'i rgyud las// sngags kyi man ngag gi le'u ste skabs brgyad pa'o//// de nas lha mo bde byed mas// bcom ldan 'das dpal he ru ka la mchod pa dang bstod pa sna tshogs byas pa dang/ / dpal he ru kas bka' stsal pa/ lha mo bde byed mas rang byung rgyal mo'i rgyud 'di nyid gzung zhing bcang par bya/ dam med la sba bar bya'o// zhes bka' stsal pa dang/ lha mo bde byed ma rjes su yi rang bar gyur to// e ka dza ti gsang ba yang snying 'dus pa'i rgyud las/ rgyud gzung ba dang bcang bar bya ba'i le'u ste dgu pa'o//// e ka dza Ti gsang ba yang snying 'dus pa'i rgyud 'dus pa'i rgyud ces bya ba rdzogs ste/ / gu ru ba su ng+ha ras rdo rje yang dbang gter la gnang ba'o// sa thaM rgya rgya rgya/ a+thi+-i// rgya gar skad du/ e ka dza ti e man tras chen ta tan tra/ bod skad du/ ral gcig ma'i drag sngags 'dus pa'i rgyud ces bya ba/ dpal chen po la phyag 'tshal lo// 'di skad bstan pa'i dus na/ dpal rang 'byung rgyal mos/ dpal chen he ru ka'i gzungs ma mdzad de/ 'khor rnams dang thams cad tu bzhugs so/ gleng gzhi'i le'u ste dang po'o//// de nas rang byung rgyal mo// lha mo bde byed ma la bka' stsal ba/ nga ni 'phrin las bdag mo ste// zhi rgyas gnyis kyi gso bar bya/ / dbang drag gnyis kyis gsang pa'o// gzhan yang 'phrin las bsam mi khyab// nga yis bshad kyis yid la zung// zhi ba'i las ni byed 'dod na// bkra shis yid 'ong gnas nyid du// sa'i dkyil 'khor zla ba nya'i dbyibs/ / kha dog dkar la zlum pa'o// dbus su zlum po chag gang bru// byang chub sems kyis chag chag gdab// dkar ni ka yi khu ba yis// dkar la 'tsher ba'i trag gcig bri// dkar dmar khu bas gtor bya zhing/ / trag ces zhi ba'i ngag gis brjod pas// bud med dkar mo g.yu'i ral pas sa gzhi khyab pa cig// shin tu 'dzum pa'i cha byad can cig// langs nas 'ong ste// mi gtang zhing ma yengs pa bya'o/ / de mngon du gyur pa dang/ zhi ba'i rdzas kyis mchod cing sngags 'di rgyun du bzlas so// trag rag sha kha mun tra e ka dza ti/ snying kha rag mo b+h+yo sarba shin ting ku ru swA hA/ mngon du gyur ba dang/ ji ltar bsams pa'i las grub par 'gyur ro zhes gsungs so/ / zhi ba'i 'phrin las kyi le'i ste gnyis pa'o//// de nas rgyas pa'i las nyid la// ri bo rtse shing nags tshal rgyas pa 'am// gru bzhi lam pa'i gnas nyid du/ / sa yi man+Tal gru bzhi brtsig/ yang ba'ang ldong ros chag chag gdab// dbus su gru bzhi chag gang thur du bru// kha khyer thod pa ser pos bskor// dbus su rin chen gser gyi trag gcig bri// trag rag sha kha mun tra e ka dza snying kha rag ma b+h+yo/ sa rba pu Sh+tiM ku ru swA hA/ zhes chang phud dang a mri ta sbyar la gtor zhing/ gong bzhin gsal par gyur pa dang// thams cad rgyas pa'i las bya'o// zhes gsungs so// rgyas pa'i le'u ste gsum pa'o/ /// de nas dbang gi las nyid ni// brag dmar chos bzang 'dra ba ru// dbang gi man+Tal zla gam brtsig// dbus su zla gam chag gang thur du bru// shes rab rak+tas chag chag gdab/ / zangs kyi khu ba'i snying khrag gis// rag ma b+h+yo/ sarba ba shaM ku ru hU~M/ zhes de sngon du gyur pa dang/ dbang gi las ji lta ba bzhin no/ zhes gsungs so/ dbang gi le'u ste bzhi pa'o//// de nas drag po'i las byed na/ / dur khrod dam ni phung shul gyi gnas su// sa yi dkyil 'khor gru gsum mthing nag bya// dug dang ro bsregs thal bas trag bri'o// gru gsum kha khyer thod pas bskor// snying khrag chang phung a mri tas/ / gtor zhing sngags bzlas sngon gyi// thugs dam rjes su dran par bya// trag rag sha kha mun tra// e ka dzA ti snying kha rag ma sa ma ya b+h+yo/ sarba mA ra ya b+h+yo/ sarba mA ra ya phaT/ sawa las mngon du gyur pa dang/ las tha dad pa de bzhin no// zhes gsungs so/ drag po'i le'u ste lnga pa 'o// de nas bzlog pa'i 'phrin las ni// se gol brdab cing sngags 'di bzlas/ trag rag sha kha mun tra e ka dzA ti snying kha rag ma b+h+yo/ oM rga gi sha// khir tshin ng+ha/ rka rga kha rga rga uM pa swA hA/ zhes sngags de lan brgya rtsa brgyad zlas te// se gol brdabs na byad dang/ mi kha dang/ ngan dgu shoms pa dang/ rmi lam ngan pa dang/ ngan sngags thams cad zlog par 'gyur ro/ / zhes gsungs so// byang mi kha zlog pa'i le'u ste drug pa'o//// de nas yang gso ba'i las byed na// bud med bu tsha mi sos pa// sos par bya ba'i las nyin ni// bud med gos la sngags pa 'am trag rag ra kha mun tra/ e ka dza ti snying kha rag ma b+h+yo// oM ma ni de ra ni ma hA pra ti swa re ye swA hA/ zhes sngags mdud la stong ngam 'bum zlas nas bud med la gdags so// de nas bu btsas pa dang bu la gdags so/ / mo las phor 'gyur te sos par ngos so// zhes gsungs so// sri'u gso ba'i le'u ste bdun pa'o// de nas yang dag bshad pa ni// gang yang thub pa'i gsang sngags ni// bdag gi thugs kar hU~M las ni/ / 'od byung lcags kyi rdo rjer gyur// de las 'od zer phar 'phros pas// bdag la sbyor gtod ltas ngan dang// nad la sogs pa 'joms par bsam// trag rag sha kha mun tre e ka dza ti snying kha rag mo b+h+yo/ / sod ku ru nan// ting shi ku ru na na/ pra ma shi ku ru nan// zhi zhi ku ru nan/ ru ru ku ru nan/ zhe bzlas na ci yang thub par 'gyur ro/ zhes gsungs so// gang yang thub pa'i le'u ste brgyad pa'o/ / de nas yang bcings pa'i le'u byed na/ mi god byad du gzhug pa'i las// ting 'dzin gyi lha bsnyen rgyun du bya/ trag rag sha kha mun tra e ka dza ti snying kha rag ma b+h+yo/ ng+hi tra mi tra sta ban ta/ si ta ka ra ka rA/ ma hA pa la tha/ zhes bzlas/ 'di bsnyen pa ni zla ba nyi shur dus drug la bar ma chad par bzlas/ de nas bdag nyid ting nge 'dzin gyi chas su zhugs la// sdigs 'di bzlos so// mi rgod ma byung gi bar du lag pa g.yas pa la lan nyi shu rtsa gcig bzlas la gdab po/ mi rgod byung tsa na phyag rgya bcas te mthe bong sor mo gzhan gyis mnan na/ bdag gis ma gtang gi bar la 'gro mi shes so// zhes gsungs so// mi rgod bcing ba'i le'u ste dgu pa'o/ /// de nas yang 'di gsungs so// tshe'i las bya na/ bkra shis pa mtshan dang ldan pa'i thod pa la tshe'i ga'u byas la/ sman dang/ spos dang/ dri bzang pos byugs la/ rdzas dang dgongs pa spyi dang mthun/ sngags ni trag rag sha kha mun tra e ka dza ti snying kha rag ma b+h+yo/ A yu dz+nyA na yu tshe a pa na ya bruM swA hA/ zhes bzlas na ji lta ba'i dngos grub thob par 'gyur ro// zhes gsungs so/ tshe'i le'u ste bcu pa'o//// de nas yang bgegs bskrad pa'i las ni/ nyungs kar rgyal po la bsngags nas bgegs gang du gnod pa la btab na 'bros par 'gyur ro// trag rag sha kha mun tra e ka dza ti snying khar rag ma b+h+yo/ ra tsa bi ra// tsa kra a pa na a swA hA/ zhes gsungs so/ bgegs bskrad pa'i le'u ste bcu gcig pa'o//// de nas yang med dgra bzlog na sngags seng ldeng mchog phur la rgyun du bzlas te dgongs pa dang mi 'bral bar bya'o/ / trag rag sha kha mun tra e ka dza ti snying kha rag ma b+h+yo/ ag ne ma ra ya rbad/ pa ni mA ra ya rbad/ ces btab na me dgra dang chu dgra bzlog par 'gyur ro/ zhes gsungs so// me dgra dang chu dgra bzlog pa'i le'u ste bcu gnyis pa'o/ de nas gzhan yang bshad bya ni// bgegs kyi 'grul thag gcad pa'i las bya na/ mchog gam/ seng ldeng ngam/ drag po'i shig la phur ba sor brgyad pa byas la/ byin gyis brlabs gu gul dud pas bdud/ trag rag sha kha mun tra e ka dza ti snying kha rag ma b+h+yo/ lha byin ma ra ya rbad/ ces 'grul thag 'chad par 'gyur ro// zhes gsungs so/ / bgegs kyi 'grul thag gcad pa'i le'u ste bcu gsum pa'o/ de nas dam srid gdul na gong ltar phur bu byas la/ zhing chen la dam sri'i gzugs byas la/ de la dgug gzhug drag tu byas la/ trag rag sha kha mun tra e ka dza ti snying kha rag ma b+h+yo/ dam sri tri ma ra ya rbad/ ces bstan nas brlag par 'gyur ro// de nas 'jug thod par bcug la lam rgya gram du mnan no// oM han bi sbo ta ya nan/ zhes bzlas so/ zhes gsungs so// dam sri gdul ba'i le'u ste bcu bzhi pa'o//// de nas yang dag bshad kyi nyon/ las de dag bya ba yang/ gong du sku gsung thugs kyi bsnyen pa 'am// sum cu rtsa gnyis pa'am// yang na yi ge bcu bdun pas/ / ma mo mngon du bsgrubs byas la// de nas las rnams gang byas kyang/ 'grub par 'gyur te the tshom med// ma mo bsnyen pa ma rdzogs na// las rnams 'grub par mi 'gyur ro// de bas bsnyen bsgrub dang du blang/ / zhes gsungs so// man ngag dam pa'i le'u ste bco lnga pa'o// de nas yang 'di gsungs so/ snying po drag zhan bshad pa ni// pho dang mo dag ma ning dang/ ring po dang ni thung du dang/ / drag pa dang ni dal ba las/ drag po dang ni drag tu drag/ de ri rim pa bshad pa ni// ma ning bas ni mo yig drag/ mo bas pho yig rab tu drag/ ring ba bas kyang thung du drag bsad pa'i drag sngags dal ba las/ dmod pa'i drag sngags rab tu drag/ ring po thams cad dal ba las// bsnyen pa nye bsnyen dus su bshad// thung du thams cad drag pa las// sgrub dang las la sbyor khar bshad// rab tu drag po smod pa'i sngags/ / rbad dang bsang kyis mchod na zab// hri dang phaT kyis mchod na zab// brdol pa'i sngags la gcer bur byung/ mA ra ya dang dza yis chod// thum dang spud kyis chod na zab/ rag dang kaM gyis chod nas zab/ / baMM dang ril dang ha ra zab/ de bzhin rab tu drag pa rnams// smod pa'i sngags te rab tu zab// ces gsungs so// yi ge'i gnad kyi le'u ste bcu drug pa'o//// de nas yang 'di gsungs so/ / 'phrin las bya ba'i rim pa ni// thog mar rdo las lcags su bzhu// lcags las go dang mtshon du brdungs// go mtshon zhu thar tho bar byas// mtshon las ti la mar ngar gyis btags/ mtshon cha dpal chen lag tu gtad/ / dpa' pos pha rol g.yul ngo bzlog de yi don rnams bshad pa ni// rdo las lcags su bzhu ba ltar/ sngon du 'gro ba'i bsnyen pa bya// lcags las go mtshon brdungs pa ltar// ma mo nye ba'i bsnyen pa bya/ / go mtshon zhun thar tho ba ltar/ ma mo de nyid bsgrub par bya// de la til mar ngar blud ltar/ de nyid mngon du bsgrub par bya// dpa' bo'i lag tu bskur ba ltar/ bsnyen pa rdzogs pa'i rnal 'byor pas/ / dpa' bos g.yul ngo bzlog pa ltar// 'phrin las sbyor ba so sor bya// de bzhin rims kyis bshad pa ni// ma mo rims kyis bsgrubs pa'i thabs/ rim pa'i las rnams rdzogs pa ni// ma mo'i dngos grub thob par bshad/ / ces gsungs so// rims kyi bsgrubs pa'i le'u ste bcu bdun pa'o/ de nas lha mo bde byed mas// rang byung rgyal mo la 'di skad ces gsol to// bdag gis rgyud 'di ji lta bu la bstan cing gzung bar bgyi zhes gsol ba dang/ rang 'byung rgyal mos bka' stsal pa/ rgyud ni e ka dza ti las thams cad pa'i rgyud ces bya bar zung zhig/ ma 'ongs pa'i dus su rnal 'byor pa dam tshig dang ldan pa/ gzhan gyi bskur ba'i gnas su mi 'gyur bar nyams su len pa rnams la bstan par bya'o// zhes bka' stsal pa dang/ 'khor rnams rjes su yi rangs par gyur to// rgyud yongs su bzung ba'i le'u ste bco brgyad pa'o/ /// e ka dza ti drag sngags 'dus pa'i rgyud ces bya ba/ shin tu gsang ba man ngag gi rgyud ces bya ba/ rom bu gu yas de ba tsan dra la zhus te gnang ba'o// rdzogs so//// samatha/ saMthanar+yagathamasaH Ithi/ rgya rgya rgya//// slob dpon chen po rum bu gu ya de ba tsan tra'i/ thugs kyi ngan sngags kyi bsgrub pa mang po'i snying thun// dur khrod dam/ brag dmar zangs kyi kha 'dra 'am/ yang na nyams dga' ba 'am yid du 'ong ba'i gnas su/ phyi nang bshags bya zhing mtshams gcad dkyil 'khor mda' gang pa'i gru bzhi la/ mthing nag gru gsum gcig bris te/ mkha' rkongs gsum gyi sgyed bu'i kha la/ rnol gri mo'i thod pa'i nang du pad+ma'i rag ta dang/ khyi rgya bo'o snying khrag dang/ bal gyi snying khrag dang/ khrag sna 'byor tshad blugs la/ kha dar le brgan gyis gcad/ tshon skud kyis bcings te mi 'gyur pa'i g.yung drung gis rgyas gtab/ gzungs thag 'ung nas snod med gter du sbas/ chos ldan kha sman cig dang 'phrad par shog/// rgya gar skad du/ samrathakhagarkasamatha/ bod skad du/ srog thig nag po'i rgyud ces bya ba/ rdo rje he ru ka la phyag 'tshal lo// 'di skabs bdag gis thos pa'i dus gcig na/ bcom ldan 'das he ru ka chos kyi dbyings kyi rang bzhin la bzhengs te/ log 'dren can 'dul ba'i phyir/ byin gyi rlabs kyi sngags 'di gsungs so/ hU~M k+Shan trag rag sha kha mun tra badzra ru ni b+h+yo/ zhes gsungs pas/ 'jig rten pa'i dregs pa can thams cad shing rtsa ba nas bcad pa bzhin du brgyal lo/ / de'i tshe de'i dus ri rab kyi byang shar na gnas pa'i srog gibadud mo e ka dza ti ma zhes bya ba bcom ldan 'das kyi spyan sngar ga la ba der 'ongs te/ mos pa'i tshul du gnas so// de'i ming po srog bdag rgyal ba sbyan gcig pa zhes bya ba yang/ mos shing spring de gnas so// srog thig nag po'i rgyud las gleng gzhi gleng bslang pa'i le'u ste dang po'o// de phyir brgyal ba sangs te/ 'di skad ces gsol to// bcom ldan 'das bdag cag gi rig pa 'di bzhes su gsol/ trag rag sha kha mun tra/ mu ru lu ru lu hU~M b+h+yo hU~M/ rag mo te ke ma ma dza kha la ma hi b+h+yo/ ru lu ru lu ma hring b+h+yo/ oM badzra ging rtsa ra ya mang sho b+h+yo/ zhes rang rtags srog gi snying po mdong gsol du phul nas/ sngags kyi bsrung mar dbang bskur ro// srog snying phul pa'i le'u+i ste gnyis pa'o//// de nas bcom ldan 'das kyis 'di skad ces bka' stsal to/ / khyed ming sring gi gnas ni gang yin/ ming ni ji skad yin/ dam rdzas ci la brten zhes gsungs pas/ 'di skad ces gsol to// bdag cag gi gnas ni mi mthun te/ ming po'i gnas ni ri rab kyi rtse/ dpag bsam gyi shing gi sked pa na/ dung khang gser gyi kha bad can na gnas so// sring mo ni ri rab kyi byang shar na gnas so// sring mo'i ming ni a ka dza ti ma zhes bya'o/ / ming po'i ming ni srid pa srog gi bdag po zhes bya'o/ sring mo rten pa'i rdzas ni khyad par gyi gtor ma/ bya lug smug nag dza gad dang bdud rtsi'o/ ming po'i dam rdzas ni byang dkar mo'i snying dang smyug ma tshigs lnga pa la dar gyi rgyal mtshan lnga gdags/ rtse la nam mkha' dkar po la bya rgod kyi spus brgyan/ rtse la srog snying btags te bzhag/ de'i drung du gsang ba'i ling ga bzhag dris dang lan gyi le'u gsum pa'o/ /// yang bka' stsal ba/ khyod kyi dkyil 'khor ji ltar yin zhes pas/ yang 'di skad ces gsol to// dbus su gru gsum mthing nag grub gsum dbyibs/ sum brtsegs dag tu bri bar bya// zla gam gsum ni dmar po bya/ / thod 'phreng gnag la gru chad ljang// sgo bzhi sgo khyams gnag la mi srid rdzas// zhes gsungs so/ dkyil 'khor le'u bzhi pa'o//// de nas yang dag bshad bya ba// drag po'i rdzas su bya ba ni/ / byang phyogs grub gsum zla gam la// dam nyams dgra bo'i bla rdo ni// 'khar rkongs srin can gsum gzhag la// steng du mo'i bla rdo ni// rnol gri mo yi thod pa gzhag/ de nang khrags sna rnams kyis dgang/ / le brgan rgyas bcing dar lam skar khung btod// thun gyi drag sngags de la bstim// bya pho dkar po'i thod pa ru/ brnag pa'i ming rus srog sngags brab// skyer pa'i 'go ling mkhar pa ste// ling ga btags la dbus su gzugs/ / yungs kar yungs nag ske tshe la// sngags cing ling ga dag la brab// ces gsungs so// drag po rdzas kyi le'u ste lnga pa'o//// de nas yang dag bshad bya ba// yi ge bcu gsum gnad kyi tsakra ste/ / phyi nag gsang ba gsum du'o/ hU~M k+shan rag sha mu kha mun tra badzra ru ni b+h+yo/ phyi ltar gnad la dbab pa ni// ma mo'i gzugs la yi ge bcu gsum 'khor lo'i bskor// nang ltar gnad la dbab pa ni/ / thod pa'i nang du yi ge bcu gsum bri// gsang ba'i gnad la dbab pa ni// bdag nyid dpal gyi thugs yi ge bcu gsum po// ma mo'i khong pa 'khrug pa'o/ de nas don yod bya ba 'di gsungs so/ / trag rag sha kha mun tra/ snying kha rag srog rtsa rbad tsat+ti long/ rag ta thun b+h+yo chum thum ri li li rbad/ trag rag sha badzra kha chung thum ri li li rbad b+h+yo/ pra ti sa man ta/ smug pra ti sa man tse ni kham myag khum khum myag myag chod chod/ / gsang par bya ba'i 'di gsungs so// trag rag sha mu tra e ka dza ti yang kha te khum mar ya sad ni sod ni shi mA ra ya rbad/ thun sngags 'di gsungs so// ma ma snying kha rag ma ma snying kha rag/ ma ma rag sha ma ma rag sha/ / rag mo snying khrag la ma dun dun// trag rag sa ya snying la he kiM/ ma ma ru lu ru lu b+h+yo/ khog sbubs rol cing/ snying khrag la sa ma ya daM dza dza/ snying rtsa phyung shig/ ma ma snying tsit+ta la thun/ shi ti s+tha snying la ya ma b+h+yo/ ma ma sha sha ma ma hring hring ma sa ma ya/ dgra bo ma de ra ya sod/ ma rtsi ta dz+wa la raM/ snying rtsa la rol cig/ thuM ri li li ma las myur du mdzod cig/ snying gong gcad pa'i/ oM badzra dar lig/ oM badzra snying gong chod cig/ kha la dza mun da lo dun ting da ya rbad/ khrag tig snar ma rbad/ badzra tsa du kri ra ti/ ta ya badzra hU~M/ rbad du rbad du/ rbad bu rbad bu/ da ra ka ya bstims/ pi stangs sa ma ya/ zhes gsungs so// rang la mi zlog pa'i sngags/ ra tsa thums ya ti rbad/ nor phyugs bu smad bsrungs pa ni// shAkya thub khang kri nan/ slob dpon nye 'khor bsrungs pa ni// ra tsa ta ti phra ti ti man sad gzas pa'i bla sems dgug pa ni/ / oM baM mra ta ha dgra bo phur bar bya ba ni// pa sum tri ha/ hU~M badzra ha na ha na ti ta tsa kra ma ra pra hU~M phaT/ ti ya ra hU~M phaT/ lus srog dbye ba/ oM baM shaM ka be shaM/ ru pa sha ga thum b+h+yo/ b+h+yo phroM na sod/ badzra ha na ha tib ta tsa kra mA ra ya hU~M phaT/ drag po sngags kyi le'u ste drug pa'o//// de nas yang dag bshad bya ba// spyin sreg bya ba'i las dag ni// dug shing dag dang gdug pa'i shing// hoM khung zur gsum nang du bsreg/ ling ga gtubs pa'i dum bu dang// ma sa rag+ta bcas pa dbul// hU~M/ rab tu mi sgrungs shin tu gtum pa'i sku// zhal nas gdug pa'i me byung srid gsum sreg/ rkan sgra brdabs pas bdud bzhi brgyal bar mdzad/ / dam nyams sha ru bcas pa rol cig kha ram khA hi// trag rag sha kha mun tra mu ram su yam pi ri shag bra be sha phaT// trag rag sha sa ma ya dun b+h+yo// snying snying khrag khrag sha la dun b+h+yo// ma ta ti sta dzA la ram/ / ma ma e ka dza ti'i zhal du khA hi khA hi/ spyin sreg gi le'u ste bdun pa'o// de nas bskul te// hU~M/ mi mngon mkha' dbyangs pho brang nas// sngags kyi srungs ma mthu mo che/ e ka dza ti gsang ba'i yum cig ma/ / sku mdog mthing nag 'bar pa la// g.yu yi ral pa thor tshugs gcig tu bcings// mdzes pa g.yu yi smin ma khyug se khyugs// khrag gi mchi ma sha ra ra/ bse yi sen mo zangs se zangs// dung gi mche ba thams se thams/ / g.yas kyi phyag na zhe sdang tsit+ta dgu brgya bsnams// g.yon gyi phyag na g.yu'i spyang mo dgu 'bum bsnams// ba spu lcags kyu rtse dgu yis// dgra bo 'dzin shes gtong mi shes// bcol pa'i 'phrin las dus la dbab/ / ces gsungs so// pho gnad la dbab pa 'di gsungs so// ste phyogs rnam dag 'phrul gyi gzhal yas nas// 'gro ba'i don phyir rgyud drug gnas su gshegs// gdul pa 'dul mdzad 'phros pa'i tshul ston cing/ / thugs rje'i ngang nyid snang srid mtha' la gzigs// kun rdzob don du zhing lpags g.yang gzhi gsol// zhe sdang sbrul gyi chun po dbu la bcings/ ru dpon tshul du stag gi rgyal mtshan bsnams/ / 'jigs pa'i tshul du ber smug dgu brtsegs gsol// rngam pa'i tshul du zhal gdangs ha har bzhad// khros pa'i tshul ston sdang mig phyogs bcur bgrad// za byed rngam pa'i rtags su stag gi rgyal mtshan bsnams/ / zhi ba'i ngang las mi bzad khro tshul can// ag tshom kham nag bskal ba'i mi ltar 'bar// dbu skra kham nag gyen du 'khyil ba yi// nyi zla thod 'phreng can yang dbang du sdud/ / zhabs gnyis brkyang bskum tshul du bzhugs pa ni// klu yi rgyal po'i khams kun dbang du sdud/ phyag mtshan zhing gi dbyug to 'phyar ba yis// log par lta ba'i dgra bgegs rdul du rlog/ ces gsungs so/ / 'phrin las bskul ba'i le'u ste brgyad pa'o//// de nas dam tshig ched du brjod pa 'di gsungs so// khyi dang bud med brten mi bya// mchog tu srog gi dam tshig gces// khyad par dor na mchog tu nyam/ / 'dod chags bya la rdzas mi bstan// rdzas kyis dus dang rtag tu mchod// srog gi snying po rgyun tu grangs// las la sbyor na mi dang 'phrad pa spang// mchog tu spyi yi dam tshig gces// zhes gsungs so/ / srog thig nag po'i rgyud las// bsrungs pa dam tshig gi le'u ste dgu pa nas gtad pa yongs su mi nub pa 'di gsungs so// yag sha dam can khong snying dran pa 'di// ma 'ongs sngags pa dam med la/ / gsang zhing mchog tu sba bar bya// gal te 'di dag bsgrags pa na// nyid kyi mtshang tshig bsgrags zer nas// chad pa sngon du gcod par byed// de phyir mi bstan sba bar bya/ zhes gsungs so// srog thig nag po'i rgyud las/ / yongs su gtad pa'i le'u ste bcu pa'o//// srog thig nag po'i rgyud// gsang pa'i drag sngags srungs lcam dral gyi mtshang tshig/ gdug pa'i mtshon cha rdzogs so/ a+thi+-i//// de nas yang gsungs pa gal te rang ngam 'khor la gnod cing 'khu ldog byed pa dang/ / rtags byung nas las byed du ma 'dod na// gcun sngags bstan te/ ma ma a ka dza ti ya/ trag rag sha sa ma ya// srog 'dus ma ma dgra bo'i snying rbud/ srog drol da ra khug la ya phub tsit+ta rbad// srog thum ri li li ma b+h+yo dza// 'di med na mo dbang du mi 'dus pas// des na thugs la brnag par bya'o// zhes gsungs so// bskal pa dum bur phyung pa'i le'u rdzogs so/ / a+thi+-i rgya rgya//// ma mo'i rtags ni bud btsas bzang mo phyag 'tshal ba bzang ngo// btsan mo'i rdzas mo 'am phar la phyag 'tshal ba byung na srog thig nas byung ba'i gcun sngags bzlas/ / mon mor byung na ma nyid dngos// skyes par byung na dgra la myur// gsad pa'i dus na ri dgas gsad cing rmi na bzang// thun khrag khol ba dang// dgra'i tsit+ta dngos su 'ong// tsit+ta byung na zhal du rngub bo/ / thun sngags byung na bcu drug pa'o// badzra dar la'i drug cu pa'o// srog thig nas dkar po gdags par gsungs te// nag po btags na dngos grub myur// zhes gu ru de btsan tras gsung ngo/ rgya rgya rgya//// ! bod skad du// tsha ba yang gter gyi rgyud// dpal zangs tog rgyal po la phyag 'tshal lo/ sngon srid pa'i rgyal po ming tsam yang mi srid pa'i sngon rol du// cho 'phrul chen po 'byung ba'i gzhi/ / nyi ma lho nub kyi mtshams na// dug mtsho mer ba'i nang na// bse dong khra bo ri rab dang mnyam pa gcig skyes so// de'i kha lcags 'khar 'od 'phro ba rang chas su grub pa gcig byung ngo// lcags mkhar 'od 'phro ba'i nang nas/ / dpal zangs tog rgyal bse'i ral pa can zhes bya ba// dbu rgya mdud 'khor lo lngas brgyan pa// dbus sum cu rtsa gsum gyi gnas sleb pa// nyi zla rked pa nas 'char ba// rna ba g.yas pa nas gser gyi lcags kyu dang rna ba g.yon pa nas g.yu'i zhags pas brgyan pa/ / mig gnyis nas me'i tsha tsha bdun// 'bum 'dun 'phro ba/ kha nas gnas lcags kyi mche ba dgu brgyas gtams pa// sna nas sngo dmar gyi 'ja' 'byung ba/ / phyag g.yas pa na gser gyi ral gri/ g.yon pa na bse'i mdung dmar// de la sogs te gdug pa'i mtshon cha sna tshogs phur bus 'phen pa/ snyan g.yas g.yon nas pho spre'u dang mo spre'u 'thabs pa/ sta zur g.yas nas pho seng sdong mo seng sdong 'thabs pa// de lta bu ni yab bo// yum gnod spyin bse gdong zangs mgrin mo mdog sngon dmar mgo mig gi gang pa sbrul nag gi ral pa can// lte ba yan chad nu mas brgyan pa/ / kha rlangs sngon dmar du 'khrig cing// lag pa g.yas pa na mtshon gyi gru gu sngo dmar yod pa// g.yon nad kyi rkyal pa kha sbrul gyis bcigs pa thogs pa// 'khor chu srin dang nus sbal kha 'thab stong gis bskor ba gcig gong rol nas chags nas yod do/ / de nas a ti yang ti rag sha ho// zhes sgra rang rgyud du grags pa las// dpal gnod spyin zangs tog gi rgyal po yum chags pa'i yid g.yos pas/ thabs kyi sbyor ba byas pa las/ byang chub sems las bse'i grod pa sngon dmar du 'dug pa gcig skyes te// sad te phra yin phri skur skur zhes sgra rang rgyud du grags pa las// nam mkha' la bse'i sprin sbyin chags/ / 'od zer gyi grod pa la phog pas// grod pa kha med rdol ba'i nang nas tshan 'gyur chen po bdun byung// des ri ni chag/ mtsho ni khol// mtsho de'i nang nas tsha 'gyur ba bse mo gshog pa can bzhi/ / srog gshed ma bzhi// 'dre skye ma bzhi// srog zan ma'i lha mo bzhi// srog len ma bzhi// bse mo phung byed ma bzhi/ sring mo bya thul can 'byung po sna yon dang bcas pa byung nas// 'jig rten phung bar byed pa las/ de nas dpal ro langs chen pos ltas shing gzigs pa las// gong du bstan pa de rnams nam mkha' nas sems can la gnod pa byed pa'i rdzu 'phrul ston de// bse 'brug ldir ba ni sgrogs/ / bse glog khra bo ni 'gyu// thog char bzhin du 'bab// ser ba lug tsam babs pas// sems can thams cad phung par byas nas// bar du dug mtsho khol ma'i nang du bros nas 'gro ba de la thugs rje chen po bskyed de/ / bdag nyid dpal chen po'i sku phyag rgya chen por bsgoms nas/ yungs kar 'bruM bu bdun gnam du gtor te// ma tshogs mkha' 'gro dbang phyug thams cad ra mda' bzlog nas/ thad kar dug mtsho med ba de me dpung 'bar ba cig tu bsgoms pas/ dug mtsho khol bas// gdug byed ma rnams ma tshugs khar byung bas/ rdo rje lcags kyu'i phyag rgyas mdun du bkug ste// rdo rje khyung gshog gi phyag rgyas zil gyis mnan/ bka' 'og tu bsdus te/ 'dar phri li li 'khor pa sal// der bde ba chen pos khyed rnams su zhig yin zhes dris pas// bdag cag ni bse mo gdug byad sum brgya drug cu'i gtso mo las grub pa'i dregs pa can lags te/ / shin tu 'dul dka' ba lags na// ci bka' stsal zhes zer bas/ der shin tu yang dbang du 'dus nas/ lag tu rdo rje byin/ lce la bdud rtsi bzhag/ chos skyong ba'i srung mar dam bcas nas/ der phung byed ma rnams kyis kyang// rang rang gi srog snying gi yang snying phul nas/ bstan pa bsrung par dam bca'/ smod por ro/ tsha ba yang gter gyi rgyud las lo rgyus dang gleng gzhi'i le'u ste dang po'o/ / de la dang po gzhung dang mthun pa'i gnas brag dang chu 'thab pa 'am/ de'u mgul chad dam// brag dmar bzang po kha lho ru bltas pa btsal// bsnyen pa dang sa'i No ga gzhung bzhin byas nas/ gnas bcas te/ stegs bu brtsigs chag chag rnams pa gsum gdab// de nas thig gdab pa dang// dbyi dkor bya/ tshon nu dur khrod gnas nas blang// gzhung bzhin du ni byin gyis brlabs// de la dbus su gru gsum pa/ / mtha' ma zla gam gyis bskor la// de la phyi rol tu 'khor lo rtsibs brgyad// mu khyud zlum po gru chad glo 'bur dang bcas pa// sgo bzhi dang ldan par bris la// gru gsum la dpal gnod spyin zangs tog gi rgyal po yab yum dgod/ / zla gam la tsha 'gyur ma bzhi dgod// 'khor lo'i phyogs bzhi la srog gi gshed ma bzhi dgod// mtshams bzhir bal mo 'dre khyer ma bzhi dgod// glo 'bur zla gam bzhi la srog zan ma'i lha mo bzhi dgod/ / mtshams bzhir srog len ma'i bdud mo bzhi dgod// sgo bzhir bse mo phung byed ma bzhi dgod/ srin mo thul can bya phur cig// 'byung po sna yon la ske tshe lcags che dug bsres la brab/ / gtso bo yab yum la ban ng+ha dug dang khrag gis bkang ba'i nang du/ mda' 'ug pa ma sgro gsum pa khru gang ba gcig la yab kyi snying po bri// de'i rtsar rtsang gcig la yul gyi snying po bris la dgod/ / gzhan kun gyi rtsang la ming bris la dgod// dar mthing nag gi gur phub// 'o ma dang khrag bsres pa'i ban ng+ha bzhi phyogs bzhir dgram// sha khrag gi gtor ma bdud rtsi dang bcas pa dgod/ lho nub mtshams su 'brub khung gru gsum bca'/ nang sol bas bkang pa'i thog tu dgra po'i ling ga bcas pa'i phyi rol ltas ngan gyi bya sna tshogs pa'i mgo bos bskor ro// bud med kyi zhabs mas bkab la bzhag/ de nas lha dang dbye ba'i las gzhan dang mthun par bya/ / tshes bcu dgu la dbu gzugs// nyi shu dgu la gdon// gtor ma yang nyi ma dmar thag chad pa la phyogs su gtang// bdag nyid dpal chen po'i skur bsgoms la/ snying po nus tshad du bzla/ yungs kar dang lcags phye bsres pas ming kha brab// tha ma thon pa'i nub mo nam phyed nas dbus kyi mda' na mar rtsang kun ling ga la gdab po// tsha ba yang gter gyi rgyud las/ las kyi rim pa bstan pa'i le'u ste gnyis pa'o//// de nas ro langs bde ba chen po yis/ dpal zangs tog gi rgyal po la sogs pa gdug pa can kun dbang du bsdus nas bka' dang dam la btag te/ / bstan pa bsrung par gnyer phog// rang dam srog gi snying po phul pa 'di skad do// a ti yang ri rag sha ho/ de ma rag sha ma du b+h+yo// su tri ba ya raM/ ba ra tsi ta raM/ yi ge sho ri ra ma// ya ma ti tsa raM/ tsa ta kha la mang/ ka ra ya ti ya maM// ma ru tsi ta ma// ma ru kha la maM/ ru sha tsi ta kha ta na ra ti kha// u ra pi ti kha na bi ru ti kha// shu la da ra dzi/ kang kaM da ra dzi/ tsa mun da ri dza/ pu ka da ri dza/ ge ra ma yu yaM/ mu ber tsa d u yaM/ sad de pra ba yaM/ ar ta pra ba yaM/ pra hud dza had b+h+yo/ ma tu da ra b+h+yo/ ha la du nga b+h+yo/ ha ha ra ra du nga b+h+yo/ ma yaM gro nga dza ya sme ti phaT/ kha rug pa tsaM ma ti phaT/ gsad pa'i yang snying spyir bsdus te brab pa ni/ gri tsa ra ya du ya du ya/ sni ra sni ra/ kha rag du sha rag rbad/ kha dun b+h+yo kha la ma/ ha mI ra ya phaT/ che ge mo'i srog rtsa la gting cing sbring/ myur bar gsad pa'i sngags/ mi ri kun da ra/ khrag sma ra ya phaT/ dza snying kha rag rag mo phur pa tshal b+h+yo/ kha tham ma ma hur b+h+yo/ mda' thug khol ma 'ur b+h+yo/ dbyi dug zhun ma 'ur b+h+yo/ lcags kyi ma mar 'ur b+h+yo/ srin mo bya thul hur b+h+yo/ 'byung po sna yon du b+h+yo/ srog chod dbugs long thun la ya/ tsha ba yang gter gyi rgyud las snying po sngags kyi le'u ste gsum pa'o// de ni thugs dam bskul zhing 'phrin las bcol ba/ rta gas sung gtang zhing chang sna tshogs sbreng/ khrag sna tshogs pa brlab cing/ brnag pa'i las bcol te/ phyogs phyogs de ni pha gi na/ nyi ma lho nub phyogs mtshams shed na// zhe sdang dug mtsho mer pa'i// bse gdong khra bo'i kha la ni// lcags mkhar gsong po'i nang shed na/ / gnod spyin zangs tog rgyal po bzhugs// sku mdog dmar nag 'jigs pa'i sku// dbu la mdung rgya 'khor los brgyan// spyan la me yi phung po 'phro// rngam pa'i zhal ni bgrad pa las// mche ba gnam lcags dgu brgyas gtams/ / gser gyi ral gri glog ltar 'khrug// 'od zer tsha tsha skar ltar 'khrug// bse yi mdung dmar chems chems// ba dan dmar po phyogs bcur 'phro// 'od zer mtshon cha char du 'bebs/ / 'jigs su rung ba'i cha byad can// sngon yang zhe sdang las las 'khrungs// da ltar drag po'i 'phrin las mdzod// khyed kyi 'phrin las rgyud bskul na// sngon gyi thugs dam bsnyel lam ci// thugs dam gnyan po'i dus la bab/ / dmigs pa'i dam nyams che go mo// srog gi bar chad dus la bab// srog la hur 'dus dus la bab// bcol ba'i las la don ma chung// de yi yum chen gtum mo ni// bse gdong zangs mgrin rdzu 'phrul can/ / sngon dmar lus la mig brgya pa// g.yas na sngon dmar zhags pa 'phen/ g.yon na nad kyi rkyal pa rdegs// dal dang rims kyi mnga' bdag mo// kha rlangs sdong dmar du bar 'khril/ / sprul pa'i 'od zer bsam mi khyab/ 'jigs pa'i rkan sgra phyogs bcur sgrogs// gnod sbyin rgyal mo'i dus la bab// dmigs pa'i dgra bo'i tshe srog la// nad kyi rkyal pa brdab re ran// mtshon gyi gru gu brkyang re re na/ / dus la bab po sa ma ya// bcol ba'i las la don ma chung// da ni tsha 'gyur ma bzhi bskul te// me dpung 'bar ba'i dkyil 'khor nas// bse yi mi mo khrag mig ma// dril bu snyan tshogs si li li/ / chibs su bse yi 'brug la chibs// dung mo bdung shing phur 'dril ma// snang srid sreg pa'i mthu mo che// dam nyams dgra bo 'dul ba'i phyir// 'brug mo chibs te da tshur spyin// mdung phur dgra bo'i snying la ya/ / mi shel dkar po'i gzhal yas nas// bse yi mi mo gdong rings ma// ral pa dmar nag sprin ltar gtibs// chibs su bse yi 'brug la chibs// rna cha gser gyi dril bus brgyan// lag na ral gri phur 'debs ma/ / dam nyams dgra bo bsgral pa'i phyir// bse 'brug bcings te da tshur spyin// ral gri phur 'debs tsha la ya// tsha 'gyur nyi ma'i gzhal yas nas// bse yi ma mo dkar mig ma// bse yi ral pa dug 'phrul ma/ / snyan nas g.yu yi dril bu 'khrul// dur mo chu gro phur 'debs ma/ g.yu 'brug bcibs te da tshur spyon// chu gri phur 'debs dgra la ya// tsha 'gyur nyi ma'i gzhal yas nas// lcags kyi mi mo gdong ring ma/ / nyi ma'i mig la zangs sder can// lag nag nam lcags phur 'dril ma// snyan cha dung gi chun 'khor can// lcags 'brug bcibs te da tshur spyon// gnam lcags phur 'dril dgra la ya/ tsha 'gyur me yi dus la bab// khrag 'thor chen mo'i dus la bab// mtshon gyis bskal pa gtang pa'i dus// bcol pa'i las la don ma chung/ zhes brnag pa'i las bcol lo/ da ni srog gi gshed ma bzhi bskul te/ / ri rab chen po'i rtse// nas spog gi bshed// bskyod re re na// shar phyogs srin po'i yul rtse nas// srin po'i tshogs kyi rgyal po ni// bse mkhar dmar po'i nang nas bskyod// bse'i gyi nga chen phur bu'i lha/ / bse yi ral pa gyen du brdzes// bse yi tshem khrag si li li// bse khrab 'bar ba'i go mi gnas// bse yi the thung sha ra ra// khong nas bse yi gzhu bdungs shing// bse mda' dmar po dgra la 'phen/ / bse yi dmar shor snying la brdeg// bse yi gyi ling chibs te byon// nyams pa'i srog las ma ya// gshin rje dregs pa'i yul rtse nas// lha 'dre'i rgyal po stag thabs ni// ral ba dmar smug gyen du brdzes/ / lcags kyi cham khrab si li li// bse khrab 'bar ba'i go mi gnas// lcags kyi me thung sha ra ra// khong nas lcags kyi gzhug cig bdungs// kha nas lcags mda' sngon po 'phen// lcags kyi mda' zer snying la thig/ khyung chen chibs te da tshur spyon// dgra bo'i snying la sa ma ya// ya bdun dregs pa'i yul rtse nas// bse mkhar rtse dgu'i khyad chen ni// bse yi sog po smin ring la// ral pa dmar por gyen du brdzes/ / bse khrag dmar po si li li// tshe ma khrab 'bar ba'i go m-ig nas// khrag gi mde thung shar ra// khrag mda' mang po srog la thim// khong nas mda' yis gzhu gcig bdud// kha nas khrag gi zor gcig 'phen/ / se'i bya la chibs te spyon// dgra bo nyams pa'i srog la ya// gnod spyin dregs pa'i yul rtse nas// bse yi sog po gdong ring la// ral pa dmar po ha ra mig// zangs kyi so 'dar khrigs se khrigs/ / gser gyi tshems khrab sil li li// tshem khrag 'bar ba'i go mig nas// dug gi mde thung sha ra ra// khong nas sbrul gyi gzhu gcig gdungs// kha nas dug gi mda' gcig 'phen// bse g.yag chibs te da tshur sbyon/ / dgra bo nyams pa'i snying la dug mda' ya// zor gyi rgyal po bskyod tsa na// ri rab bsgyel ba'i dus la bab// rgya mtsho bskams pa'i dus la bab// bse yi spyan mo dur zhing gzugs// bse yi byan lag lding zhing 'jums/ / bse yi sog po lag ring brgyad// chag gang tsam gyi gnam ma sleb// khru gang tsam gyi sa ma sleb// nyi zer zla zer 'od la rgyu// lag na srog gi zhags pa thogs// bse spre zang spre ta ra ra/ / a ko du ni srog la ya/ zhes brnag pa'i las bcol lo// da ni ba yul phung pa'i 'dre skye ma bzhi bskul ba 'di skad do// drag gtum gdong gi 'dre skye ma// bse yi mon mo sbal mgo can/ / dred thul nag mo gnya' ze skor// kha nas 'brum bu'i khrag 'thor ma// zhe sdang nag po'i mtha' sder ni// su dang 'phrad pa'i srog len ma// dgra bo'i bla la gnod ma chung// brag dpal dun gyi 'dre skye ma/ / mon mo lus la 'ug pa'i mgo/ zhing lpags rlon pa'i thod thul can// spyugs glu len pa'i bla rku ma// ral gri gter ma'i dpal rtse ni// dam nyams dgra bo'i srog gcod mo// khyed kyi 'phrin las dus la bab/ / dgra bo'i lnga phung gzhom du gsol// da ni srog zan ma'i lha mo bzhi bskul te// de yang dam rdzas dug dang/ sbrang rtsi dang// khyi'i snying khrag dang/ ri bong ril ma slang nga la brngos pa dang// thal chen yungs kar rnams zhib mor btags te bsres la/ / bdag nyid dbang chen rgyal par bsgom// phur bu yang bse yi mdung dmar du bsgoms la thugs dam bskul// bse mo bzhi yi sngags 'bum tshar gcig bzlas la gang la bya ba'i lus la phog na gdon mi zo'o/ / yang na khang pa la brdeg go// bskul ba ni// phyogs phyogs de ni pha gi na// bse rlung 'khrugs pa'i yul khams na// gza' brgyad shar ba zangs kyi gza'// bse yi sgung mkhar gru bzhi la/ / zangs dang byu ru'i ka gdung 'khrol// bse sgo khra bo thabs se thabs// bse yi rngam khri 'bar ba ru// srin po pho mo'i gdan stengs su// cig dang 'dra'i mched de bzhugs// gcig ni bse yi rna cha can/ / bse yi thul ba sku la gsol// gcig ni byu ru mdangs ral can// khrag gi ral chung sku la gsol// gcig ni rma bya'i thul pa can// zangs kyi rna cha khral la// bse ba gcig ni bse yi rnge'u chung can/ dungagi ral pa sha ra ra/ mi lpags thul chung gnya' za gyon// kun kyang zhal gsum phyag drug ma/ bse yi phur pa brgya brgya 'phrol/ ral pa'i nas me 'bar ma// ral ba'i rtse la skar 'brul ma// khrag mig lci ring so 'dar khrig/ bse yi rna cha khra la la// bse yi rnge chung 'di ri ri// bse yi phur bu si li li// zangs kyi mdung tshaugs chems// dar nag mdung tshogs pu ru ru// a bi tsi ra mthu po che// mthu che ches nas so sor bzhag/ gcig ni ba yul gting na bzhugs// gcig ni tsha ba'i rong na bzhugs// gcig ni mang yul bse na bzhugs// gcig ni snye nam 'gram na bzhugs// de la gsang pa'i mtshan btags pa/ / gcig ni ya byin chen mos bya// gcig ni de byin chen mos bya// gcig ni ci byin chen mos bya// gcig ni bag byin chen mos bya// ya byin 'khrul mo che// kun la dbang mdzad ma// thugs kyi sprul pa yis/ / dgra bgegs rdul du rlog/ ma thogs myur du spyon// shu lan da ra da tshur spyon// bse byin ni rdzu 'phrul can// 'phur byed ni rlung bas mgyogs// lta rnams ni dbang du sdud// bdud kyi ni gong zhags 'phen/ / ma thogs ni myur du spyon// kang kang ri dus la bab// rtsi byin ni dbang mo che// sku mdog ni 'ja' tshon 'dra// nyi zla ni chibs su chibs// phyag na ni lcags kyur bsnams// yag sha ni snying 'dren ma/ / ma thogs ni da tshur spyon// tsa mun da ra'i dus la bab// phag byin ni mthu mo che// sku mdog ni dmar nag la// zhal gsum ni rngams la 'jigs// sbyan gsum ni sdang mi 'gyur// ljags 'dril ni tshems bar nas/ / khro bo'i sku gzugs ston// byu ru'i phur bus brgyan// dgra bgegs kyi gnyen po che// ma thogs ni myur du spyon// dkar nag gi mtshams su ya// bu ka da ra'i dus la bab// ces brnag pa'i las bcol lo/ / da ni srog len ma'i bdud mo bskul te/ bdud yul te la pa'i mun nag nas// nag po phe len bu mo yin/ lcags kyi mi mo spyi rings ma// mig gi zer la nyi zla rgyu// mthing nag ral pa sha ra ra/ / gser gyi so 'dar khrigs se khrigs// gser gyi rna cha wangs se wangs// thig nag ber chen spu ru ru// dbang gi bse khrab si li li// phyag na bse yi phur bu 'dril// g.yon na gser gyi sor ba thogs/ / bdud rta zhags pa nag po rgyan// bdud bya nag po ling zhing 'dzum// 'chi bdag bdud mo stong gis bskor// srog zanam chen mo'i dus la bab// dam nyams 'di yi sog la ya// gza' yul rdul brag steng shed na/ / gza' chen yag pa'i bu mo ni// bse yi mon mo spyi rings ma// mig nas bse yi nyi zla 'char// bse yi so 'dar khrigs se khrigs// smug nag ral pa sha ra ra// bse yi rna cha wangs se wangs/ / smug nag ber chen spu ru ru// dbang gi bse khrab si li li// g.yas na bse yi lcags kyu thogs// g.yo+in na dra ba dgu bsgril du/ sems can kun gyi srog sdud ma// gzang rta zhur po zhags pas brgyan/ / gza' bdud nag po stong gi bskor// ke'u kang kar ma srog la tshums// srog len ma'i dus la bab// dgra bo 'di yi srog long zhig/ btsam yul zla 'on rlung stegs nas// skyes bu long btsan bu mo ni/ / zangs ma'i mon mo spyi ring ma// mig nas zangs kyi nyid zla rgyu// zangs kyi so 'dar khrigs se khrigs// zangs kyi rna cha khra la la// dmar nag ral pa shar ra// le brgan per chen sbu ru ru// dbang gi bse khrab si li li/ / g.yas na zangs kyi lcags kyu 'phro// g.yon na zangs kyi mdung dmar 'debs// btsan rta dmar po zhags pas brgyan// 'chi bdag chen po stong gis bskor// dge bsnyen dkar dmar srog la rgyug/ srog len ma'i dus la bab// dgra po 'di yi srog long zhig/ pho brang chu bo klu yul nas// chu srin rgyal po'i bu mo ni// g.yu yi mon mo spyi ring ma/ mi gnas g.yu yi nyi zla rgyu// g.yu yi so 'dar khrigs se khrigs/ mthing gi ral pa shar ra ra// g.yu yi rna cha wangs se wangs// chu dar ber chen spu ru ru// dbang gi g.yu khrab lam se lam// g.yas pa brgya ni lcags kyu 'debs// g.yon pa brgya ni zhags pa sdog/ / g.yu rta sngon mo sbrul gyis brgyan// klu bdud dmar po stong gi bskor// chu srin bu mo srog la rgyug// srog len chen mo'i dus la bab// nyams pa 'di yi srog long zhig/ ces brnag pa'i las bcol lo/ / tsha ba yang gter gyi rgyud las// brnag pa'i las bcol ba'i le'u ste bzhi pa'o//// de ni bse mo phung byed ma bzhi bskur te/ dmar nag 'ber ba'i dkyil 'khor nas/ rmu bdud mog se bu mo ni/ / zangs kyi mi mong mdung rtse rkang// phur bu'i skra la zangs kyi so/ zangs kyi tsher khrag si li li// zangs kyi rna cha wangs se wangs// zangs kyi rnge chung ldi ri ri// zangs kyi mdung dmar chems se chems// zangs kyi dri zhon sha ra ra/ / rmu bdud 'khor tshogs dus la bab// nyams pa'i dgra bo'i snyig la ya// mun nag 'bar ba'i dkyil 'khor nas// khu le nag rgya bu mo ni// bse yi mon mo mdung rtse rkang// bse yi rna cha wangs se wangs/ / bse yi tshem khrag si li li// bse mdung ru mtshon spu ru ru// bse yi rnge chung ldi ri ri// bse yi dre rgod sha ra ra// lag dgu 'khor tshogs dus la bab// dam nyams 'di yi snying la ya/ / ljang nag 'bar ba'i dkyil 'khor nas// gnod sbyin gong sngon bu mo ni// lcags kyi mon mo mdung rtse rkang// phur bu skra la lcags kyi so// lcags kyi rna cha wangs se wangs// khro chu'i tshems khrab si li li/ / lcags mdung ru mtshon spu ru ru// lcags rnga brdung zhing dar nag g.yog// lcags kyi de'u rta shar ra// gnod spyin 'khor tshogs dus la bab// dam nyams 'di yi srog la sa ma ya// zhes brnag pa'i las bcol lo/ / da ni srin mo bya thul can bskul ba 'di skad do/ srin mo bya thul dkar mo'i tshogs// srin mo bya thul dmar mo'i tshogs// srin mo bya thul ser mo'i tshogs// gzer thabs ma dang smyo byed ma// khams gsum kun tu dbugs len ma/ / 'byung po re yi dbyug to ma// shar lho mtshams kyi dkar mo bdun// stod ni zhal gsum rngam la 'jigs// smad ni zur gsum spu gri'i so// mi lpags dgu yi gos gyon ma// mi snying dgu la rtse zhing rol/ / dgra 'dul chen mo'i dus la bab// rgya gar yul gyi 'gron gcig ma// bal po yul gyi kha bkrags ma// srin mor rdzus kyi mgo 'phyangs ma// mon mor rdzus kyi rag sha mo// spum por khams kyi mnga' bdag mo/ / ngang tshang can gyi phug stag mo// skra mtshams bar du mig sdug ma// zangs kyi dkar chen 'khrigs pa 'dra// ma bran mang po thun la non// sku la shing gos gro bo gsol/ / g.yas nas gser gyi tho lum 'phen// g.yon na zangs gri phur chung bsnams// gser gyi stag mo yid 'gro chibs// stag mo chibs la myur du byon// khyed kyi thugs dam dus la bab// nyams pa'i bla srog dbang du sdus/ / dus la bab po sa ma ya// de yi ming po srog zan ni// 'byung po chen po sna yon yon// ral pa kha ma nag ha ra mig// mche ba zangs kyi chu gris gtams// lag na zangs kyi dra ba thogs/ / zas su glo snying nang khrol za// skom du mi khrag drin mo 'thung// lam chen rgya gram dag na sdod// su dang 'phrad pa'i snying du 'jug/ phung las sna tshogs byed du 'dud// rngam pas sa bdag klu la sngo// bya ru mi rung sna tshogs byed/ / log 'dren zhes kyang de la bya// khyod kyi thugs dam dus la bab// nyams pa'i srog la sa ma ya// zhes bcol na mi 'grub mi srid// tsha ba yang gter gyi rgyud las// bskul ba'i le'i ste lnga pa'o/ /// da ni man ngag sgrub thun gyi don bstan bzhi// de yang tshan 'gyur ma bzhi'i thun la gro ga 'am shog shog la// dgra bo'i ling ga bcas la// me cha tsang pa gcig dang re ba'i thum bu gcig tu bcug/ sngon dam gyis gril// gong du sngags khri khri bzlas nas// tshes nyi shu dgu'i nub mo hoM khung gru gsum du// bra ba hoM khung bcas khru gang ba gcig bcas la thugs dam bskul// dmigs pas bkug nas me spar te ling ga bsregs na gang la bya ba gdon mi za pa'i thun no/ / srog gi gshed bzhi'i thun ni// mda' 'ug pa ma bzhi sgro yis// sgro pa'i bar re rer// gshed bzhi'i sngags tshang ba re re khrag gsi bri/ rtsa gzugs la dgra po'i ling ga bcas/ / khog par dgra'i ming rus gzhug// rjes dang gos la skra shad kyis brgyan la// gru gsum gcig tu dug shing gi hoM khru gang pa gcig btsugs/ dang la nyams pa rgyab dang dbral/ de nas pho nyas dgug// ling ga la bstim/ sngags nub re la stong rtsa brgyad tshar re bzlas te thugs dam bskul zhing snying khar brdeg/ de bzhin du bzhi char thon pa dang/ rtsa gzugs la hom sbar te bsregs na mi 'grub mi srid do/ / tsha ba yang gter gyi rgyud las// drag po hoM gyi le'u ste drug pa'o//// bal mo 'dre skye ma bzhi'i thun ni/ lcags kyi phur pa sor bzhi la/ rang rang so so'i snying po 'bum 'bum ma nor bar bsngags nas/ / las la spyor ka bud med kyi sog pa bzhi la dgra bo'i ling ga bcas// e gru gsum bzhir re re bcug ste thugs dam bskul pho nyas bkug nas/ re mos bskul tshig dang bcas pas snying khar re re gdab/ de nas ling kha zhib mor gtubs nas/ sa 'jim thal ba dang sbyar nas// gong gsum gyi rlung la phyar te btang na mi 'grub mi srid do// mtha' phung ste 'gro nges so/ / srog zan ma'i lha mo bzhi'i thun gong du bstan par bas so// srog len ma bdud mo bzhi'i thun las// skyung ka'i snying dang// srin bya'i snying dang// 'ug pa'i snying dang/ sreg pa'i snying rnams grib ma la bskams la/ / phye mar btags la/ khrag sna tshogs par sbyar nas// skyes bu dar ma'i thod pa sril po gcig tu ming byang dang bcas te bcug nas/ der dmar nags gri li sngon dmar gyi gtags te// tshes bcu gsum pa btsugs nas bco lnga'i nam phyed tsam na/ / dgra bo'i khang pa nye na brdeg/ ring na yul phyogs su 'phang// sngags pas dar nag po thod du bcings la/ thod pa thogs la/ sngags g.yog gis thod pa mda' nas bzung ste/ chau drang bskul tshig dang bcas te 'phangs nas thogs kyang zla ba gsum na rtags 'ong// tsha ba yang gter gyi rgyud las// rtags bstan pa'i le'u ste bdun pa'o// bse mo phung byed bzhi'i thun la khrag sna tshogs pa dang dug sna tshogs pa zangs por sbyar nas ske tshe yungs nag gis brab cing snying po thon tshad du ston nas/ / zla ba nya kha mar la dri gsum gyi rtse mor song la/ sngags pa rang skra spyi bor brdzes la gdong pa khrag gis byug/ chas gos dmar nag gis brgyan/ dbang gi ting nge 'dzin du zhugs la/ sngags g.yog gnyis ka la dar mdung re re bskul nas dgra'i phyogs su kha bltas te mdun du tshang bu bzhag/ / thod pa'i gyo tshal lag tu thogs te brag gtor zhing thugs dam bskul/ snying po bzlas pa rnag pa bcol/ mdung tshoms dang sgeg 'gros bya// b+h+yo b+h+yo zhes pas gdab/ ma nyes ma yo ba'i dpang gzugs/ / lo dus zla dus zhag dus gtab na mngon rtags myur du 'ong ba'i thun zor ro// tsha ba yang gtor gyi rgyud las/ zor gyi bca' bzhi'i le'u ste brgyad pa'o//// srin mo bya thul can log 'dren dang bcas pa'i thun ni/ / tshes bcu drug nyi shur sgrub pa bstan khyad par gyi mchod pa phul nas rtol pho ril po cig gi thod pa la/ dgra bo'i ming rus khrag sna gsum gyis bri/ bud med kyi zhabs mas gtums dril la/ khar nag gis btags nas sngags bzla zhing/ shing sri sha'i lcag gis brab/ ra thug lug thug gi sgroms nas dbyung/ gu gul dang khyi lud kyi dud pas bdugs te/ tshe nyi shu dgu'i nub mo nam phyed tsam na lam rgya gram du 'gal pa sna dgu dang/ bcas pa mnon pa'i las/ drag po byas na mi 'grub mi srid do// tsha ba yang gter gyi rgyud las/ man ngag thun sgrub kyi le'u ste dgu pa'o//// da ni sbrul ba mda' zor 'phang ba'i man ngag bstan te/ lho smyug tshigs gsum pa gcig la/ bya rgod dang/ khra dang/ 'ug pa dang pha rog bzhis bsgron la/ sgro'i bar du badzra su ma re ti kaM phaT/ b+h+yo b+h+yo bya ba bzhi khrag gis bri/ mda' rangs pa khrag gis byug/ dug shing tsher ma can las byas pa'i mde'u zur gsum pa gcig gzhug/ sgro rtsar bug pa phug la ming rus gzhug/ sngags rdzas btsal/ ra sogs ma rab chad kyi sog pa la dgra bo'i gzugs bcas te e la bzhag la/ zor mda' snying khar bzhag ste/ bdag dbang chen gyi ting nge 'dzin du zhugs la srid pa'i lha 'dre la dpang gzugs/ de nas dgra'i shes pa pho nyas ling ga la bstim/ bse mo snying zan ma'i ngan sngags bsnyen pa zhag gsum btsugs pa'i nam phyed tsam/ bdag gos dmar nag gis brgyan/ stag gi hor shug dang bse'i lag phrag bcug la/ dpral bar me long btags la// tshe mkhan cig gis thod mda' nas bzung la tshe drangs la/ zor gyi srungs mar bse mo snying zan ma bzhi bskul te/ dam rdzas sbrang rtsi dang/ 'o ma dang/ mar khu dang/ rag ta rnams thogs la 'di skad do/ hU~M slob dpon ro langs bde ba dang/ / slo ma pad+ma 'byung gnas kyis// bka' la btags pa'i bka' nyan ma// dam la btags la dam can ma// lha mo bzhi yi dus la bab// hU~M dpal gyi lha mo mched bzhi de// gcig ni bal yul gting na zhugs/ / sbrang rtsi'i mtsho la gnas bcas shing/ mthing gi ral pa shar ra// ral pa re la phur pa re// dbang gi bse khrab si li li// dbang gi rta pho phya la la// gser gyi rna cha wangs se wangs/ / khyod ni bdud kyi bu mo yin// chibs su bdud rta nag po chibs/ na bza' ljang nag ber chen gsol// brda ni mi phrad lho bam mon// skad ni mi gcig bdud kyi skad// rag sha kha'i sgra sgrogs ma/ / gzugs ni mi sdug lag brgya pa// g.yas pa brgya ni zhags pa 'phen// g.yon pa brgya ni phur bu 'dril// zhags pas zung la phur bus thob// khyod ni bdud 'dul chen mo yin// zor gyi srungs ma gshegs su gsol/ / mda' zor 'phang pa'i dus la bab/ hU~M gcig ni tsha ba'i rong na bzhugs// mar khu'i mtsho la gnas bcas shing// mthing gi ral pa sha ra ra// ral pa re la phur pa re// dbang gi bes khrab si li li/ / mthing nag cod pan pu ru ru// gser gyi rna cha wangs se wangs// khyod ni gza' yi bu mo yin/ chibs su gza' rta zhur po chibs// na bza' ber chen le brgan gsol// brda ni mi phrad lho bal mon/ / gzugs ni mi sdug lag brgya mo// g.yas pa brgya ni zhags pa 'debs// g.yon pa brgya ni phur bu 'dril// skad ni mi gcig gnod spyin skad// yak+Sha ka'i sgra sgrogs ma// khyod ni gza' bdud chen mo ste/ / zor gyi srungs mar gshegs su gsol// mda' zor 'phang pa'i dus la bab// gcig ni mang yul bse na bzhugs/ rag ta'i mtsho la gnas bcas shing/ khrag gi ral pa sha ra ra// ral pa re phur pa re/ / dbang gi bse khrab si li li// gser gyi rna cha wangs se wangs// khyod ni btsan gyi bu mo yin// btsan rta dmar po chibs su chibs// na bza' ber chen dmar khrab gsol// brdo ni mi phrad lho bal mon/ skad ni mi gcig btsan gyi skad// gzugs ni mi sdug lag brgya ma// g.yas pa brgya ni zhags pa 'degs// g.yon pa brgya ni phung ba 'dril// khyod ni btsan 'dul chen mo yin// zor gyi bsrung mar gshegs su gsol/ / mda' zor 'phang pa'i dus la bab// gcig ni snye nam 'gram na bzhugs// 'o ma'i mtsho la gnas bcas shing// mthing gi ral pa sha ra ra// ral pa re la phur pa re// dbang gi bse khrab sili li/ / gser gyi rna cha wangs se wangs// khyod ni klu 'dul chen mo ste// chibs su chu rta sngon po chibs// na bza' ber chen sngo bkra gsol// brda ni mi phrad lho bal mon// skad ni mi gcig klu yi skad// nA gA klu'i sgra sgrogs ma/ / gzugs ni mi sdug lag brgya mo// g.yas pa brgya ni zhags pa 'debs// g.yon pa brgya ni phur bu 'dril// khyod ni klu 'dul chen po ste/ zor gyi srung mar gshegs su gsol// mda' zor 'phang pa'i dus la bab/ / bstan pa srung ba'i dus la bab// ces dam rdzas kyis mchaud cing bos nas// de nas langs te mda' thogs la 'di skad do// ming po rdo rje go gon na// sring mo dam tsan mtshan thogs cig/ ming po rdo rje g.yul shom na// sring mo dam can dmag drongs cig/ dgra bo'i yul du dmag 'dren na// dgra lha rgyal mo dar la 'du// bdud kyi yul du zor 'phen na// dmag gi rgyal mos zor sna drongs/ da ni 'phang ba'i dus la bab// steng gi lha la zor mi 'phen// steng gi lha rnams dpang mdzod cig/ pho lha gnyan dang dgra lha gnyan// bar gyi lha yang dpang mdzod cig/ dur gyi mtshun rnams dpang mdzod cig/ srung ma rnams la zor mi 'phen// zor 'phen sdang ba'i dgra la 'phen// zor 'phen gnod pa'i bgegs la 'phen// dmigs pa'i dgra bo 'di la 'phen// bse'i de ni rtel bu la// gser gyi de ni bshul cig btang/ / lcags kyi mchog ma la// zangs kyi nan mas bsdams// 'brong rgod rgyus kyis sbrengs// dbang gi zor gzhur byas// lho ka mon yul nas// gser smyug ldem par bcad// lcags prag gser shod nas/ / brag bya 'ur pa dang// rig pa'i pho rog bsad// mda' la sgro yis bskyon// 'brong bu'i spyin gyis gdams// dug shing tsher ma can// zur gsum ni rnon po bzhogs// mda' yi mde'u bcug// seg mdar rgyud kyis dkros/ / bse yi skyes bu'i phyag tu gtad// mda' zor 'phang pa'i dus la bab// sdang ba'i dgra la mda' zor ya// dmigs pa'i dgra la mda' zor ya// kha la rag sha ma b+h+yo/ / badzra nags khri dung b+h+yo// b+h+yo mda' gcig ka na bya rgod ma// kri ta mug ka'i dus la bab// rdzu 'phrul chen mo mthu mo che// nam mkha' yi ni mkha' la 'gro// snang srid thams cad gsal byed ma// sdang pa'i dgra bo 'di la ya/ / kri ta mu ka dgra la b+h+yo// mda' cog kha na mkha' 'gro ma// za byed 'bar ba'i tshogs chen mo// khams gsum ma lus sgrol byed ma// gsod byed chen mo hor pa mo/ hor mo chen mo'i dus la bab/ / sha za chen mo'i dus la bab// mda'i yug cig 'ug pa ma// ltas ngan rgyal mo'i dus la bab// sku mdog ser la rngam pa'i mdog// za 'og thul pa sku la gsog// rkan sgra stong gsum rngam byed ma// hu lu mu ka dgra la b+h+yo/ / ye shes spyan dang ldan pa yi// nam phyed dgra bo'i srog gcod ma// 'phra men chen mo dgra la ya// mda'i yud cig bya rog ma// yon tan brjid ldan mthu mo che// stong gsum thugs kyi kun gsal ma/ brda skad sum brgya drug cu mkhan// tshe gsum dam byed dus la bab/ 'bras bu phyung shig bya rog ma/ kha kha mu kha dgra la b+h+yo// dmigs pa'i dgra bo che ge mo// dkar nag mtshams su mda' zor ya/ / da ni 'phang pa'i dus la bab// bse yi skyes bu'i dus la bab// dgra bo'i snying la mda' zor ya// bse yi skyes bu gdug pa can// chibs su bse rta dmar po chibs// sku la bse khrab smug po gsol/ / dbul bse yi rmog zhu gsol// phyag na bse yi mda' gzhu bsnams// khengs par khong la phog par rgyob// rnam shes brgyad la gzer chen thob// gzhu mo rgyud du sprugs pa'i tshe// nyams pa'i snying la gzer chen thob/ / de yi yum chen gtum mo ni// nam mkha'i khams kyi dbang phyug ma// ri rab ngos la sku rten 'cha'// phyag gis stong khams kun tu nyul// tshe dang srog gi bdag mo ste// zhabs ni rgyal mtsho'i gting du skyong/ / klu bran kun gyis dgyes sde mo// khyod kyi thugs dam dus la bab// b+h+yo zhe sdang rdo rje mthu mo che// 'phrul gyi me long spyan ma btul// stag gi hor shubs 'thebs ma zhan// bse yi gzhu sgra 'u ru ru/ / lcags kyi mda' sgra sha ra ra// gzhu rkang rgyud du ma chad cig// mda' 'phangs slar la ma ldog cig mde'i rtse la me sbar bas// sgyu ma'i phung po gtan nas gzhig// sdang ba'i dgra la mda' zor ya// go bar byed pa snying yin gyis/ / snying gi dkyil du mda' zol ya// 'gro byed rkang la mda' zor ya// nyug byed lag la mda' zor ya// srid pa'i ste ba zhung tu rgyob// chags pa'i gzhi mo drungs nam phyung// dpral pa'i skra 'tshams dkyil du 'khyil/ / tshe yi phung po gtan nas shig// steng gi khyo la mda' zol ya// 'og gi chung la mda' zol ya// mchan gyi bu la mda' zor ya// yul mkhar nor ma mda' zor ya/ / khyad par dmigs pa'i dgra bo 'di la ya/ mde'i la me chen spar bas sgyu ma'i phung po gtan nas srog go// bse mo snying zan ma'i sngags btab ste kun gyis b+h+yo btab la// dgra bo'i yul phyogs su 'phang ngo/ / slar la gnas tshe chog drag tu bya'o// de ltar byas kyang gdon mi za bar grub pa'i man ngag go// tsha ba yang gter gyi rgyud las// cho 'phrul zor 'phang pa'i le'u ste bcu pa'o//// spyad thabs kyi yon tan dang skyon la brtag pa ni/ / 'di dag bshad par bya ba'i thabs kyang// dang po dam tshig nos pa las// ma nyams gzhung du spyod pa dang// rdo rje slob dpon bla ma dang// dbang rnams rim par mnos pa yis/ / spyad na grub la bkol na nyan// ji ltar bsam pa bzhin du 'grub// rab tu dben ba'i gnas dag tu// gzhung dang mthun pa'i rdzags bsags la// 'du 'dzi g.yeng bar mi gtang bar// ma yengs brtson pas bsgrubs pa yis/ / ji ltar bsam pa bzhin du 'grub// snod dang mi ldan gang zag ni// yon chog 'phangs te mi dbul bar// dpe rku 'og brus nas ni/ man ngag gting nas ma thob par// gzhan la ngom zhing che 'byin pas/ / bsgrubs kyang 'grub par yongs mi 'gyur// man ngag gting nas ma thob par// dben pa'i gnas su mi sgrub par// mthun pa'i dam rdzas ma 'tshogs te// le lo g.yeng ba'i khar gtong bas/ / bsgrubs kyang mi 'grub mya ngan snod// sems can rkyen dbang las dbang gis// pha rol phung bar gyur pa la// de ni nga yi mthu yin zhes// kun la ngoms shing gzhan la bsdigs// rang gi srog la bdud 'bod pa/ / des ni dkon mchog zhabs nas 'dren// rnal 'byor dbu smod nyams par 'gyur// sangs rgyas bstan pa gnyan po la/ dkon mchog dbu 'phangs bstod pa'i phyir// man ngag gting nas mi 'grub par/ / 'jig rten 'di yi sgra 'dod pas// bsgrubs kyang mi 'grub dmyal ba'i rgyu// sngags pa gzhung dang mi ldan pa// kha lo bdud kyis bsgyur byas te// bsgrub pa'i 'bras bu mnar med pa'i// dmyal bar 'gro ste snying re rje/ / tsha ba yang gter gyi rgyud las// spyad thabs dang// skyon dang// yon tan dang// rnal 'byor pa snod kyi rim pa bstan pa'i le'u ste bcu gcig pa'o//// thugs kyi brnag pa nyams kyi man ngag bcud kyi nying khu/ / rdzogs so//// rgya gar skad du// shI ga Na sarba swa mi la li ta tan tra// bod skad du// dpal tshogs thams cad kyi rje mo yongs su rol ba'i rgyud ces bya ba/ cod pan la zhugs pa'i rigs kyi bdag po gang du smos pa de la phyag 'tshal lo/ / 'di skad bdag gis thos pa'i dus gcig na// sangs rgyas kyi 'phrin las thams cad rdzogs par mdzad pa'i he ru ka chen po// dur khrod chen po'i mkha' gsang gi dbyings na// 'khor gyi tshogs du mar rol cing bzhugs te/ / lag na rdo rje la sogs pa'i spangs pa'i 'khor du ma dang// tshogs thams cad kyi rje mo la sogs pa 'dus pa'i tshogs rnams kyis yongs su bskol cing bzhugs so// de nas he ru ka chen pos/ lag na rdo rje la rnam par gzigs nas 'dzum pa mdzad do// de nas lag na rdo rjes rang gi stan las langs nas bla gos phrag pa gcig la gzar te// g.yas phyogs nas lan du mar bskor ba byas nas/ / pus mo g.yas pa'i lha nga sa la btsugs te/ thal mo sbyar nas bcom ldan 'das la 'di skad ces gsol to// bcom ldan 'das de bzhin gshegs pa rnams ni rgyu dang rkyen ma mchis par 'dzum pa'i mdzad na/ / 'dzum pa mdzad pa'i don ci lags/ ces gsol ba dang// bcom ldan 'das kyis 'di skad ces gsungs so// lag na rdo rje 'di lta ste// khyod kyi spobs pa dge'o// de'i phyir legs par nyon la yid la zung zhig dang/ / ngas khyod la bstan par bya'o// de nas lag na rdo rjes bcom ldan 'das la phyag 'tshal nas/ thal mo sbyar te bcom ldan 'das de ltar 'tshal lo// zhes gsol te bcom ldan 'das kyi ltar nyan pa dang/ / de nas bcom ldan 'das kyis 'di skad ces gsungs so// lag na rdo rjes 'di na 'dus pa'i tshogs dpag tu med pa// 'di lta ste// lha'i tshogs dang// lha min gyi tshogs dang/ / gdug pa'i tshogs dang// nor bdag gi tshogs dang// dri za'i tshogs dang// gdug pa za'i tshogs dang// mi 'am ci'i tshogs dang/ brang gis 'gro ba'i tshogs dang// grul bum gyi tshogs dang// gzhan yang phyogs mtshams gzhan du grags pa'i bdag pos so so'i tshogs rnams dang/ / mi tshogs gya noms dang bcas pa rnams dang// gzhan yang rnal 'byor ma dang/ dbang khyug dang/ rnal 'byor dbang phyug ma'i tshogs dang/ / gzhan yang mkha' 'gro ma'i rigs/ 'di lta ste/ rdo rje mkha' 'gro ma'i tshogs dang/ rig po che mkha' 'gro ma'i tshogs dang// pad+ma mkha' 'gro ma'i tshogs dang// las kyi mkha' 'gro ma'i tshogs dang/ / de bzhin gshegs pa'i mkha' 'gro ma'i tshogs dang/// 'di ltar 'jig rten gyi mkha' 'gro ma dang/ 'jig rten las 'das pa'i mkha' 'gro ma dang// mkha' 'gro ma'i rigs 'dzin mtha' yas pa grub pa dang/ sgrub pa dang sgyu pa'i tshogs 'di ltar gsang sngags dam tshig yod pa ye shes dang/ rig pa yod pa rnal 'byor gyi gral na 'dug pa// dam tshig gi brda yod pa rigs kyi phyag rgya 'dzin pa/ lung bstan pa'i khyad par yod pa/ tha mal pa'i spobs pa can ji snyed yod pa 'di rnams ma lus pa'i rje mo ni/ tshogs thams cad kyi rje mo 'di nyid kho na'o// de nas de'i dus na der 'dus pa'i 'khor phal po che rnams kyis tshogs thams cad kyi rje mo de la so so'i mchod pa dang phyag mtshan la sogs pa phul nas/ / kun gyis dbang bskur ba dang// rgyal ba'i bstan pa bskyang par gsol nas smon lam btab pa'o// tshangs pa chen pos rin po che dpung rgyan gyi dbang bskul te phul lo/ / de bzhin du lha chen pos lag che'i tri shul gyis dang// khyab 'jug gis 'khor lo yis dang/ brgya byin gyis rdo rje yis dang// dga' byed dbang phyug mdung gis dang/ / b+h+ring gi ri tis cang te'u yis dang/ sa bdag pa ha has stag lpags kyi sham thabs kyi dang// de ltar 'jig rten gyi lha thams cad kyis rgyan dang// cha lugs dang/ na bza' la sogs pa phul nas/ mchod pa khyad par can dang sbyar bas yongs su mchod de// dbang bskur smon lam btab// tshig mthun par 'di skad du// kye kye tshogs thams cad kyi rje mo// 'di ltar ma 'ongs pa'i dus na sems can bsod nams ma yin pa'i las yongs su spyod cing/ sangs rgyas kyi bstan pa'i gzugs brnyan nye bar nub pa na// khyed kyis de bzhin gshegs pa'i bstan pa srung du gsol/ gang dag bstan pa 'jig pa thams cad dgug pa dang/ gsad pa dang// bsdigs pa dang// mnan pa dang// myos par bya ba dang/ bskrad par bya ba dang/ yongs su gdul zhing tshar gcad pa'i 'phrin las mdzad du gsol/ zhes gsol ba dang/ / de nas dpal tshogs thams cad kyi rje mo chen mo de rdzu 'phrul gyi bong bu las bab te/ lag cha dang rgyan la sogs pa rnams g.yon phyogs su bzhag nas// bcom ldan 'das la g.yas phyogs su lan brgya stong du bskor te/ / mchaud pa dam pas ni mchod// pus mo g.yas pa'i lha nga sa la btsugs nas thal mo sbyar te// bcom ldan 'das kyi gdong gi dkyil 'khor la mig gi mi 'dzum par yongs su lta zhing tshig 'di skad ces gsol to/ / bcom ldan 'das bdag gi slad ma'i tshe slad ma'i dus su ci nas kyang sangs rgyas kyi bstan pa yongs su gzung bar bgyi'o// bdag 'di ltar rgyal pa'i bstan pa 'dzam bu'i gling du yun ring du gnas par bgyid pas/ zhing du rtogs pa thams cad myur du gtul bar bgyi ste// gang dag dam tshig yod pa rnams kyi ji ltar 'os pa dang de ltar shes par 'gyur ba dang// de yis yongs su 'dul ba bdag gis ming thos nas kyang dang/ / gdul ba'i rigs phud par 'gyur pa dang// byin gyis brlab tu gsol// de skad ces gsol ba dang/ bcom ldan 'das kyis tshogs thams cad kyi rje mo la 'di skad ces gsungs so/ / rigs kyi bu mo 'di lta ste/ khyod ni dus gsum gyi sangs rgyas dkon mchog gi bstan pa bsrung bar byin gyis brlab pa dang// rlob pa dang/ rlob par 'gyur bas/ da ltar bdag gis byin gyis brlab mi dgos kyang nga'i bstan pa ched du gnas pa'i phyir gnang ba'i phyir gnang bar bya ste/ / gang gi tshe khyod kyis yongs su 'dul ba de'i tshe khyod kyi ming brgya dang stong la sogs pas zhing du grags par gyur te/ gnas skabs la sogs pas btags pa'i ming de dag kyang/ 'das pa'i sangs rgyas thams cad kyis kyang gnang ngo// ngas kyang da ltar byin gyis brlab ste/ ma 'ongs pa'i de bzhin gshegs pa rnams kyis kyang byin gyis brlab par 'gyur ro/ / de ltar khyod kyis kyang bstan pa'i gzugs brnyan gnas pa'i tshe bstan pa yun ring du gnas par bya ba gyis shig/ ces gsungs so// de nas dpal tshogs thams cad kyi rje mos de nyid de'i tshe de bzhin gshegs pa'i gnang ba thob pas yongs su mgu zhing tshim nas/ bcom ldan 'das la lan brgya stong du mar bskor te/ zhabs la spyi gtsug gi phyag 'tshal nas/ rang gi gnas su 'khor dang bcas par 'khor par gyur to// de'i tshe 'khor der 'dus pa thams cad bcom ldan 'das la yongs su mchod de// dpal tshogs thams cad kyi rje mo nyid la rnam par lta zhing yongs su 'dud par gyur to/ / dpal tshogs thams cad kyi rje mo yongs su rol pa'i rgyud ces bya ba las gleng gzhi'i le'u ste dang po'o//// de nas yang dag bshad bya ba// gsang sngags 'phreng ba brjod par bya/ / dang po gnyis pas cod pan bya// lnga gnyis 'og tu gsum pa'i lnga// gsum pa'i dang po gru gsum sgra// lnga yi gsum bzhi ldan pa'o// de bzhin gsum drug dang po gsum// bzhi pa'i dang po gru gsum sgra/ / dang po'i gsum pa yang dag ldan// drug pa'i dang po gsum par 'phrel// bdun pa'i lnga pa yang dag ldan// drug pa'i gsum pa bzhi dang ldan// dbyangs yig yin pa lnga drug mig gi tshad// bcu pa lnga yi dbyangs yig can/ / dang po'i cod pan dbyangs yig gnyis// bdun gsum drug bzhi'i dbyangs yig gsum// drug pa'i gsum pa 'das pa'i tshad// cod pan 'og ma 'das pa'i sgra// bzhi pa'i gsum pa dbyangs yig lnga/ / drug pa'i gsum pa yang dag ldan// blo res sgra yis rnam par mdzes// lnga pa'i lnga pa de nyid dang// bzhi pa'i gsum pa dbyangs yig lnga// dang po lnga pa yang dag gzhag/ lnga pa'i bzhi ba dbyangs yig dgu/ / ring po'i sgra yis rnam par mdzes// gsang sngags yang dag gang yin pa// mkhas pa la ni mdzes pas blangs// dpal tshogs thams cad kyi rje mo// yongs su rol ba'i rgyud ces bya ba las/ gsang sngags bstan pa'i le'u ste gnyis pa'o//// de nas yang dag bshad bya ba// gsang sngags grangs ni bdun 'bum gyis// gang gis dngos grub rdzogs par 'gyur// de tshe bdag nyid chen mo yi/ ngang bzhin du bdag gnas pas// de yi mtshan nyid rtag nges pa'// rnal 'byor nyid las brtson par bya// dpal tshogs thams cad kyi rje mo yongs su rol pa'i rgyud ces bya ba las// gsang sngags grangs bstan pa'i le'u ste gsum pa'o/ /// de nas yang dag bshad bya ba// gnam bya'i rigs dang gnam byed sngags// sa bon 'phreng bas bcas pa yis/ rtsa ba'i sngags ni dang por song/ bskul tshigs gsang sngags gzugs mdos rdzas/ / dus dang thabs rnams rab ldan na// myur du 'chi par nge pa yis// gnan pa'i tshogs rnams bshad par bya// lam nas byung ba'i so mar gyis// gro ba'i kha dog dmar por byas/ / kha brag zlum po skad lteb sder// ri rab gzugs kyi 'og tu gnam// lam gyis gzugs rgya rkyegs mdog// dur khrod shing leb 'og tu mnan// byas bcag shing leb 'og tu gnan// lan gsum par zur gsum sdos/ / skang bzhi'i sa gzugs khrag gi mdog/ glang chen thod pas bzhi mdor gnan// srin bus brkos pa'i sa gzugs la/ me tog dmar po kha dog can// dur khrod g.yam pa'i ri rab kyis/ / 'dus pa'i lam du yang dag gnan// dur khrod ras la gzugs ni mtshal// dus kyi lam du phog thod gnan// bkra mi shis pa'i sa gzugs ni// sran pa'i me tog dag gi mdog// rkang rjes bzhi yis ri rab kyis/ / rtags pa'i lam snyid dag tu'o// spyin sreg drag po'i thal ba la// bsgrub bya'i gzugs ni li khri'i mdog/ dur khrod shing leb ri rab kyis// shing leb chen po'i phyogs su gnan// chu sregs gzugs brnyan ni/ / bong bu'i khrag gis byugs nas kyang/ sbal pa'i gzugs kyis yang dag gnan// chu mig khrag chu chen po'i lam// mkhar gong la ni btsag gi mdog// brag lam dur khrod g.yam pas gnan/ / lam gyi sa sta khrag gi mdog// g.yam pa'i ri rab rgyal po'i lam// gnam lcags ltung pa'i shing bu la// glang khrag mdog ni lha khang gi// lam du rdo rje rgya gram gnan// mes tshig khyim gyi sa las ni/ / gzugs ni bskul pa'i khrag gi mdog/ rta yi thod pas yang dag gnan// mkhar gyi lam du bya rog 'ug/ sha sogs gzugs byas mi thod gnan// gcan gzan gyis bsad pa'i rus pa la// gzugs ni gcan gyi khrag gi mdog/ gcan gzan lam du gcan gyi mdog/ rigs dwags kyi ni bsad pa yi/ tshul ni de ltar yang dag yin// rdol ba'i thod pa las/ 'dab chags nag po'i khrag gi mdog/ yi dwags rgyu ba'i lam ka ru// ri rab gzugs kyis gnan pa bya// dmangs rigs la byed la ka ru/ gur kum mdog ni shing gi gzugs// rjes bzhi'i ri rab 'og tu gnan// rgya mtsho'i 'gram gyi sa dang ni/ / rus pa shin che grog sa la// mdog ni 'bre mog rang bzhin te/ tshongs pa'i lam du gnas pa ni// ri rab mo gsham thod pas gnan// dgon pa dang ni chu 'gram gnyis/ sa sman me tog dmar po'i mdog/ ri rab 'og tu gnan pa bya// mi rgod lam du thog gis kyang// phog pa'i rdzas la dug gis ni// me tog dmar pos rab tu gsal// bong bu'i thod par bzhag nas kyang// ri rab gzugs kyis gnan par bya/ / ri rab rdo rje la sogs gzugs// gang gis kun la shes kyang bsngags// lam gyis sa la gser dngul zangs// lcags dang byi ru dung dang ni// mu tig tshogs kyis kun nas mchod// sbyor ba rdzogs par shes pa dang/ 'chi bdag gang yin skar ma la// gang gis spyor bas lha yang gnon// de nas yang dag bshad bya ba// 'byung ba bzhi la mkhas pas gnan// sa gzugs ser por byas pa de// kham pa'i rdza yi ga'ur gzhag/ ri bo'i rmang du mkhas pa yis// brda dang bcas pas gnan par bya// yang ni lcags las byas pa de'i/ rnga sku kyi ni dam byas te// chu yi gting du rdo dang sbrags// mtha' ma phur pa yang dag shig/ zangs ma'i byang bu la sogs la// mkhas pas gyo mo'i nang du gzhag/ spyin sreg mkhan dang rdza mkhan gyi// thal phung me thabs nang du bzhag/ ri ni rno la bsrungs pa'i rtser// lho byang gnyis la phub pa can/ / rlung ni lho nas 'byung pa'i sgor// sha ba la ni bskyon pa'i gzugs// ras la bris la dam du 'phyar// shing gi cho ga bshad bya ste// shing ni sta res bcad pa yi// rtsa pa phyug pa'i phung shul du// dur khrod g.yam pas rnam par gnan/ / gnam lcags lhung ba'i shing tshig la// ming rus brda dang bcas par bri// 'dag pas bsnun par bya ba yin// ro ni bskal pa'i shing rtse la/ shing lo la ni gzugs bris te// ga'u 'phyang na bzhag pa ni/ / 'gyegs te shi ba'i shing gi rtsar// lug gi ra ba de gzugs yin// mkhas pas gnan na gdon mi za// rlung gis bskyel pa'i shing shul du// gzugs ni g.yam pas legs gnan pa/ / mkhas pa'i las ni chung mi za// shing rlom par skye pa'o// srubs su shing bya nyid la ljang// de ni de'i gdon mi za// sdong po snying po rul pa yi// rtsa bar legs gnan pa'i mchog/ sbrul gyi tshang bcas shing gi rtsar/ / dam du sbas na rnam par 'pham// bya rog dag gi tshang yod pa'i// shing gi rtsa bar gnan pa yin// shing ni gcig por gnas pa yi// sha ba'i thod pa'i nang du'o/ de nas yang ni brag gi steng/ / gnas der gnan pa bya ba bstan// gnam lcags lhung pa'i brag bar 'og/ gnan na dpa' po'i las rnams 'grub// brag gi brag las chad pa yi// dum bu la ni bris te gnan// brag ni ral gris gshags 'dra ba/ / bar gyi 'og tu tshul bzhin gnan// rkang lag mang por bzhag pa yi// gro ga la ni ming bris gnan// gtog par byed pa'i rdo ba la// bris pas yang dag gnod par bshad// dmyal ba dud 'gro'i gzugs gnas pa/ / de 'dra'i rdo bas yang dag gnan// ro yi kha gab byas pa 'am// ro 'og chud pa'i g.yam pa la// bris nas pha bong steng du gnan// ser ka snying pa yod pa'i brag/ bar du de bzhin gnan par bya/ / pha 'ong che brag phung dang byung// shul du tshal 'byung mthun par gnan// me yis tshig pa'i pha bong 'og/ mkhas pas tshul dang mthun par gnan/ thams cad yang gnod par bshad// de nas yang dag bshad bya ba/ / ro yi shul du gzhag par bya// dmar ser me y-i dbus gnas pa// tsha ba'i nad kyis shi ba yi// ro yi shul lam 'og tu gnan/ 'khyags te shi ba'i 'og tu ni// ljang ku la yang gnan par bya/ / sha ba'i rA la nag po'i gzugs// bris te smyon pa'i thod par gnan// tsha bas gzugs brnyan byas pa de// me yis dus byas 'og tu yin// dug gi khu bas brlabs pa'i gzugs/ g.yang las lhung pa'i 'og tu yin/ / lug gi rA las byas pa yis// gzugs ni sdib pa de la'o/ klu yi khyim gyi sa la ni// mdze yis gang shi'i thod par ro// chu yis shi ba'i thod pa la// thod pa shI ya sna la gnan// gang dag mtshon gyis myur du shing/ / gzugs ni mtshon pa nyid dang 'brel// thod par bcas pa dmag dpung gi// du ma shi ba'i gnas su sba/ byol song gi ni rus pa la/ de yi bsad pa'i thod par shis// bu yi nad kyis shi ba yi/ / sogs pa la ni ming gzugs sogs// de yis thod par yang na'o// bung bas brus pa'i sa gzugs la// snangs te shi ba'i 'og tu sba'o// srin po yi ni lag sgrel du// dmar po sngags te shi ba yi// ro shul 'am ni 'og tu 'am/ kung na de yi thod par gnan// khong pa chu yis khebs pa yi// rus pa la ni bris te yang// ro dang yang na thong par shis// skrangs te shi ba'i ro shul du// dur khrod ras la bris te'o// shing shun dang ni lo ma la/ / dung dkar bris pa rtsa ba gnag/ gcan gyi bzos pa'i ro shul du// bong bu'i gcig la byas pas gnan// btsan gyi sogs pa'i gzugs dang ldan// lcebs pa'i ro shul de nyid du'o// dug gis byugs pa'i gzugs brnyan la/ / dug gis shi ba'i 'og shul gnan// lhogs te shi ba'i ro shul du// spyin sreg thal ba byas pas gnan// mthing nag lug gi srog pa la// bris te lkogs pa'i sogs pas gnan/ sbrul tshang bcas pa'i shing las gzugs// mu stegs dka' thub can du bri// dmugs long gi ni thod pa la// dur khrod ras kyi shing dkyil gnan// 'ug pa'i mgo la grod pas bris/ / dmangs kyi ro shul 'og tu 'o// spyang khu'i thod par dur khrod ras// rgyal rigs 'og tu gzhag par bya// gling gi rus pa rje'i rigs 'og/ sbrul shul spre'u thog bram ze'u shul// shi ba'i thod par yang dag pa'o/ / gal te shul la sogs par yin// de nas yang dag gnan pa'i tshogs// klu yi khyim dang gnas su bstan// dkon mchog gsum la gnod na 'thad// gzhan du yang dag rnam par bkag// shar du bltas pa'i khyim du ni/ / dung gi 'phreng ba'i sna la yang// shing gi bu dkar po'i mdog/ khyim ni lho ru bltas pa der// ge sar gru bzhi'i dbyings la ni// bsgrub bya'i ming gzugs yang dag gla na// rdza yi ga 'u yang dag shis/ / gdug pa'i gnas ni nub tu phyogs// mtshal ni rdza yi ga'u ste// byang du bltas pa'i khyim la ni/ gu gul nag po'i sbrul gyi gzugs// sher shing la ni ming gzugs te// khrag zhag lcags kyi phur pas gdab/ / gtor ma la sogs rigs dang mthun// rigs bzhi dang por yang dag brjod// de nas yang dag gdug pa'i tshogs// rigs ni rnam pa drug tu bshad// klu nad rnams las thar bya'i phyir// gso ba sman dang nor la sogs/ / par bu chu las bstan pa ni// kun la yang dag bsgrub byar bcas// nor byin rigs ni ma yin par// gzhan ni chu 'am nges par ro// lha yi gzugs brnyan sman dang bcas// nges pa'i gnas su yang dag gzhag/ / de bzhin mi yi rigs la gzugs// yang dag bden na de gnas so// gdug pa'i sems can rigs la yang// gzugs brnyan bsgrub bya gnas dang bcas// klu srin gzugs ni gzugs dang bcas/ / yang dag gnas su gnan par bya// byol song rigs kyi bsgrub bya la// bsgor te gzhag pa nges pa'i gnas// klu yi rigs la gnod spyin te// sngon nas yang dag gnas su'o// gzhan yang klu ni gnyis yod de/ / rgan po dang ni gzhon nu'o// dam pa'i bka' las sngon du grags// mthu dang ldan pa gang yin de// gnas sam bsgrubs te bod pa 'am// gang du grags pa'i gzugs dang bcas/ / bsgrub bya'i mtshan nyid mtshungs pa la// dkon mchog gsum la mchod pa che// rgan po'i 'khor dang bcas pa la// mchod pa sbyar te yang dag tu// ras sam gro ga 'am bsgrub bya can// sbrul gyis bcangs pa'i thad du yang/ / sngon dmar gyis ni thag pas dkris/ stsogs te gzhag pa'i 'og tu yang/ sman pa'i sman mchog gzhag par bya// mkhas pas gzhol nu bskul ba ni// mtsho 'am chu mig rnying bar ni/ / dpa' bos mngon du phyin nas kyang// gzhon nu rol mos mgu byas te// gzhon nu sgra yi rnam par mtshon// phan pa'i cho ga gnan pa'i thabs// bsgrub bya'i lus ni che ba la// tshor ma reg pa rnam par bsgom/ / yan lag lnga dang snying kas te// ri rab 'khor dang bcas gnan bya// yang ni klu gnyis rnam bshad pa// dkar po dang ni nag po'o// sangs rgyas byang chub sems dpa' 'am// nyan thos rang rgyal mthong ba 'am/ / de dag mthong dang rigs su smin// dkar po'i chos dang mthun par ni// dkar po'i chos la gnod pa gtad// grags pa'i gnas su 'gro bar bya// gdug pa'i klu ni gtum po'i tshogs// nag po'i rigs su yang dag smin/ / gnas dang rten du bcas pa yi/ gnas der dpa' bo yongs nas kyang// cho ga gnyis dang ldan par ni// mkhas pas yang dag gnan par shis// bsgrub bya nag po'i skyon dang dang bcas/ / der gzhag pa ni lcags kyi snod// gnan pa gnyis ni 'dir bshad pa// sa dang nam mkhar gnas pa yi// klu la yang dag gtod par bya// sbrul gyi lha ni byas pa yi// skar ma mkhan la mdzes pa'i tshe/ / mkhas pas mchod pa cher byas nas// gzugs brnyan mkha' la bsregs gtor te// dril chen dkrol te brjod pa dang// sto ba'i gzugs kyis gnan par bya// de bzhin pa yi klu la yang// cho ga gnyis ni rab ldan pa/ / sbrul sha za ba'i dus su ni// sa yi klu yang 'dir bshad pa// de la rnam pa lnga yin te// dang por ri yi klu bstan bya// sa bdag yod par grags pa yi// ri yi steng du song nas kyang/ klu ni zhag tu bsgrub par bya/ / mtshan ma gsal na mkhas pa yis// sngon du sgrub pa'i rdzas rnams la/ tha tshigs smros te gnan pa yang// gzugs brnyan yod pa rdo bas gnan// thang ni nges par gang la grags// cho ga gnyis dang ldan pa la/ / bsgrub bya'i gzugs lnga klu yis gzugs// rnam par 'phyang dang 'then par bres// gzugs brnyan yod pa rdo bas gnan// ji ltar shing la gdug pa gnan// de yi rtsar ni mchod pa dang// cho ga ldan par yang dag ste/ / shing ni de yi yal ga'am// ji ltar 'dug pa'i phur pa des// ras kyi gzugs dang snying la bstim/ dur khrod kyi ni shing leb la// ri rab srog bris steng du bzhag/ brag ni gtum pos gzung bas te/ / mkhas pas drung du gnas nas kyang// zhi ba'i mchod pa sngon ltar sbyar// rdo ba gzhan nas 'ongs pa yi/ chu yang gzugs brnyan yod pa la// 'og na ming gzugs yang dag de// cho ga gnyis ni gnyis na'o/ / gnyis la dus tshod dam bcas te// gal te mthun pa'i chos kyang bshad// gtsug lag khang ni rnyid pa la/ gdug pa yod par grags pa la// brkos pa'i gnas der phyin nas kyang/ / gtsug lag khang ni chung ba zhig/ du ma'i klu rnams mdzes par bri// sbal pa'i gzugs la bsgrub bya can// dgon pa'i gnas su grub bsam gzhag/ cho ga gzhan gyi lugs dang mthun yang ni sa yi klu bshad pa/ / de yang rnam pa lngar bshad bya/ rgya mtsho chen po'i drung nas kyang// sa ni blangs te rgyal po'i gzugs// bra tshig la ni bsgrub bya can// drug gzhan cho ga lugs dang mthun// yang na mtsho yi drung nas su/ / bsgrubs te mkhas pas de ltar ro// gal te lteng ka'i bdag po la'ang// rab tu 'bad na chung mi za// gdug pa gnas pa'i 'bab chu la// las kyi sbyor ba chud mi za// chu mig la ni gnas pa yi/ legs par nan tan gang byas pa/ / don rnams myur du 'grub pa ste// las kyi mchog tu bshad pa yin// gal te drag po'i las rnams ni// gang du smos pa'i rnam pa yang// mkhas pas nan tan bya ba yin// zhi dang drag po'i las rnams kyi/ / bstan pa 'jig pa gsad par bya// de nas nam mkha' lding chen pos 'khor du ma dang bcas te gnas der lhags nas 'di skad ces gsol to// kyi bcom ldan 'das bdag gi ma 'ongs pa'i dus na/ / bstan pa'i gzugs brnyan 'dzam bu'i gling na gnas pa'i tshe// sangs rgyas kyi bstan pa bsrung ba'i ched du/ klu rnams tshar gcad pa dang// gan pa'i las 'grub par bya ba'i slad du// bdag gi snying po lnga pa zhes bgyi ba mdongs gsol du dbul bar bgyi'o/ / de nas bcom ldan 'das rdo rje 'chang chen pos 'dzum pa mdzad nas 'di skad ces gsungs so// nam mkha' lding gi dbang po de de bzhin no// de de bzhin te/ khyod kyi spobs pa dge bas rang gi snying po legs par rjod cig/ de nas nam mkha' lding chen pos 'di skad ces gsol te// gtso bo yi ni mgul ba na// rgyal rigs sa la khri byed bya// pa ni chu ste rje'u rigs/ / oM ni me ste bram zer gnas// sa zhes rlung ni dmangs kyi rigs// nam mkha'i rgyal po ha zhes bya// dkyil 'khor g.yon lha bcom ldan 'das la g.yas phyogs nas lan du mas bskor te// nam mkha' lding chen po la tshigs su bcad pas bstod pa/ / sangs rgyas byang chub sems dpa' rnams kyis ni// thabs dang shes rab rnam par sprul pa nyid// rtog gi rnams kyi dpags pas mi rtogs kyang// dug chen gzhi la phyir sman mchog bya khyung bstod/ / nam mkha' lding yon tan rdzogs par ni// du ma'i sgo nas rnam par phye bshad na// thams cad mkhyen pa nyid kyang 'grub 'gyur te// rgya mtsho'i thigs pa bzhin du cung zad bstod/ / thog ma med nas gzings pa'i sems can rnams// dug chen stobs kyi srid pa'i rba la g.yengs// sbrul lces bcings pa'i 'gro ba mtha' dag la// bdud rtsis gso mdzad khyod la phyag 'tshal bstod/ / bskal pa dang po'i sngon rol du// byang chub spyod tshe 'gro ba klus gzir la// mkha' lding stobs kyis dug chen 'byin shog ces/ smon lam grub pa'i sku la phyag 'tshal bstod/ bdag med stong pa bskal pa sngon byung kyang/ / ma rig sems can bsgral phyir// thabs kyi sku/ chu zla'i rten 'brel lta bu mi rtog kyang// ye shes sgyu ma de la phya ga 'tshal bstod// rnam thar gsum la bskal par spyangs pas/ / mtshan ma'i rtog pa cung zad mi srid kyang// klu chen gdul phyir mchu sder gnam lcags 'dra// thogs med gshogs pas bskyod pa phyag 'tshal bstod// dge ba gzung 'dzin che la grub pa yi/ dug gi mthu chen klu rnams skrag pa'i phyir/ / snying rje'i stobs kyi gnyen po'i skur ston pa// bya khyung rgyal po khyod la phyag 'tshal bstod// sbrul lce tsha bas gzhibs pa gang zhig na// me yi dug gis shin tu gdungs pa la/ / zla ba lta bur bsil mdzad gang yin pa// mkha' lding bdud rtsi de la phyag 'tshal bstod// sbrul lce bstan pas bsil ba gang zhig ni// shin tu bsil zhing rab tu 'dar ba las// nyi ma lta bus gso mdzad gang yin pa/ / bdud rtsi nyi ma khyod la phyag 'tshal bstod// sbrul lce bsta pas mnan pa gang zhig ni// lci zhing 'thibs pa'i sdug bsngal gang zhig ni// me ltar bsres mdzad mkhar lding gang yin pa// sa bdag 'joms mdzad de la phyag 'tshal bstod/ / sbrul lce g.yo bas 'byung ba gang zhig ni// lci zhing 'thibs pa'i sdug bsngal 'ba' zhig ni// rlung ltar bskyod mdzad mkha' lding gang yin pa// rlung gi dug 'joms de la phyag 'tshal bstod/ / 'byung ba'i dug gis gzir ba'i sems can la// 'byung bzhi'i bdud rtsis klu dug zhi mdzad cing// dug chen bdud rtsir myur mdzad dpal dang ldan// mkha' lding bla ma khyod la phyag 'tshal bstod/ / 'jig rten 'di na lus can gang zhig ni/ dug chen stobs kyis bzhin dang bral nas 'chi// khyod ni dug zos bzhin bzangs 'dab ma rgyas rang gi mthu stobs rdzogs mdzad de la phyag 'tshal bstod/ / dpag bsam rtse dang ri rab steng nas ni// sder mo rab bgrad gshog pa rnams rgyas nas// rgya mtsho'i gting nas klu chen snying 'dren pa// mkha' lding thog med rdo rje mchu la bstod// khyod ni mthong thos dran ba tsam gyis kyang/ / bstod pa bzhi mthong klu rgyal mthu chen yang// snying 'dar ba spu ldang zhing cod pan 'brul// mkha' lding stobs chen khyod la phyag 'tshal bstod// rdzu 'phrul chung ba'i klu gzhan phal pa dag/ / mkha' lding rgyal po mthong thos dran tsam gyis// kha bug 'gyel nas khrag skyugs gas te 'chi// dug chen gnyen por ston la phyag 'tshal bstod// mtshan thos tsam gyis 'phral du 'bros pa dang/ / rgyud cing byed nas mgon skyabs 'bod cing sme// mtshan tsam thos pa'i mthu stobs 'di 'dra bas// mkha' lding mtshan mas smos te phyag 'tshal bstod// 'khor los sgyur rgyal lag na rin po che// bya khyung snying nas grub pa'i bkra shis te/ / yid bzhin nor bu'i snying dang rab ldan pas// rin chen snying po can la phyag 'tshal bstod// gang gis khyod kyi sku mchog mi mthong yang// bris ba'i sku la bsten te bstas pa 'am/ / mtshan tsam bsam na'ang yon tan phun sum tshogs// klu dug zhi mdzad de la phyag 'tshal lo// gang gis shing la bya khyung sngags bzlas te// mi de shi yang sngags shing de yis mthus// klu gdug rdzu 'phrul zhi bar nus pa ste/ / mkha' lding gsang sngags mthu la phyag 'tshal bstod// ji lta ji ltar sems can 'dul gyur pa// de ltar 'gro ba rnam par ldang// sems can rnams kyi bsam pa'i dbang las 'byung// rdzu 'phrul mkha'i lding sku la phyag 'tshal bstod/ / sdug bsngal gnod pas zin pa gang zhig gis// mkha' lding rgyal po mtshan tsam dran pas kyang// dug chen klu yi rdzu 'phrul sman par nus// bsgom na go 'phang mchog kyang thob phyir bstod/ / 'jig rten 'di na dge la bar gcod pa// gang la klu yi mthu tsam ma mchis pas// gang dag dge la gnod byed par gcod rnams// thams cad kun kyang zil gyis de gnon mdzod/ / mkha' lding dbang po gser gyi 'dab ma can// bdag nyid chen po 'bar ba rdo rje mchu// rin chen du ma'i rgyan tshogs mgo la spras// drag po'i gzugs su bgyi bar lta la bstod// gzi brjid chen po klu dbang stan du byas/ / khro rag gtum zhing ma rungs du ma'i klu// snying khrag 'thung zhing rdo rje mchu yis gcod// gtan du gsod par mdzad la phyag 'tshal bstod// dran pas srin dang lhags rlung ser ba 'jig// me tog 'bras bu nags tshal yongs su skyob/ / bdud rtsi 'brase bu yongs su grub par mdzad// bde ba 'phel mdzad khyod la bstod par bgyi// khyod la bstod pa'i yon tan gang yin des// bdag gis byang chub ma thob par du ni/ / dug chen klu la sogs pa'i gnod pa yis// skad cig tsam yang bar chod spang phyir bstod// bla med byang chub bde chen thob nas kyang// khyad par du yang klu gdug du ma'i tshogs// mkha' lding dbang po nyid du bdag gyur te/ 'gro ba rnams kyi dug chen 'byin par shog/ de nas nam mkha' lding chen pos 'di skad ces gsol to// bcom ldan 'das slad ma'i tshe slad ma'i dus na// bdag gi ming thos pa tsam gyis kyang/ / dpag tshad stong tshun chad du klu'i dug ma mchis par bgyi ste// dngos po gzhan phun sum tshogs par bgyi'o// bcom ldan 'das bdag gi ming tsam bsdus pa'i ngos la// klu rnams kyang klu rnams la gnod par bgyi na/ / dus de nyid du de dag 'khor dang bcas pa'i snying bdag gi kha zas bgyi'o// bdag gis dam bcas pa ltar ma bgyis na// bdag spobs pa dang bral bar bgyis te/ de ring de bzhin gshegs pa'i thad du dam bcas so// de nas bcom ldan 'das kyis 'di skad ces gsungs so// rigs kyi bu de de bzhin no// de de bzhin te// khyod kyis dam bcas pa ltar gyis shig ces gsungs so/ / de'i 'khor der 'dus pa gzhan gyis kyang 'di skad ces gsol to// bcom ldan 'das bdag cag kyang de bzhin gshegs pa bka' la rjes su yi rang ste/ de ltar 'tshal gyis mgrin gcig tu brjod do/ / de nas yang dag bshad bya ba// gnod spyin khyim dang gnas su bshad// dmar nag me tog khu ba la// bsgrub bya'i gzugs ni yang dag bris// 'jigs pa'i gzugs can gnod spyin yang/ mkhas pas tshul dang ldan par bri/ / gtor ma la sogs kun gyi mchod// mi yi rgyu 'grul dkon pa yi/ gnas su nan tan dag gis sba// yang na dbyug pa legs byas pa// de la rab gnas shis pa ste// gnod spyin pho mo rgyu srang du/ / dpa' bos legs par bya ba yin// yang ni bshad par bya ba ste// gzugs ni legs bris 'og tu yang// bsgrub bya gzhag par bya ba'o/ gnod spyin yod pa'i ri rtse la// g.yam pas khang pa legs brtsigs nas/ / rdo rje rgya gram steng du mnan// yang na gangs kyi gnod spyin la// gtor ma la sogs mthun rdzas bsngo// nga la sos po'i lag pas gnan// yang na phug gi gnod spyin la// cho ga legs byas gnan pa'i thabs/ / bum pa stong pa'i nang na ste// ri rab dang bcas mkhas pas bya// chu yi gnod spyin chu la yang// gtor ma la sogs gtang bar bya// chu ni sa dang bcas pa yis// gzugs ni sbrul gyi gzugs kyis gnan/ / yang na dur khrod gnod spyin la// gtor ma chen po sngon dang mthun/ dur khrod ras la legs bris pa'i// gzugs ni dur khrod gnas su gnan// shing gi gnod spyin dag pa ni// chu shing bsregs pa'i thal ba la/ / gzugs bris rdo ba'i 'og tu gnan// be con la sogs cho ga ni// mkhas pas kun la sbyar ba ni// brag la gang gnas gnod sbyin ni// mkhas pas chu rdo'i gzugs la bya/ rdo'i ri rab chen po ni/ / rdo ba nyid la shes par bya/ de nas blangs te gnod sbyin la/ gtad cing gzhan par bya ba na// sa la'i gnod spyin gzugs bris shing/ mchod pas rab tu sbyar nas kyang/ gzugs ni rnam pa gnyis byas te/ bsregs pa gang yin gan la gtor// sngags kyi sngon du gtor ba yin// gzugs ni ri rtser brtsigs pa'i steng// yang dag gnan par bya ba yang/ 'khor lo rdo rje la sogs yin// da nas yang dag bshad bya ba/ / bsgrub bya'i gzugs ni rdo rjer rgyus te// sems can mang pos phyag byas shing// mchod par byas pa'i 'og tu 'am// gtsug lag khang gi sgo gang ste// lha yi gzugs brnyan 'og tu'o/ / yang ni bshad par bya ba yod// 'jig rten pa'i 'jig rten la// gang la phan gnod can du grags// de yi rang bzhin gnas su yang// mthun par bya 'am 'ba' zhig ste// cho ga gnyis dang ldan pa'am/ / lus la gnas pa'i byad pa pos// bsgrub bya yang dag gnan pa ni/ rnal 'byor chen po'i brtul zhugs yin// rgyal pas zhabs mthil bzhag pa yi// sa phyogs gang dang gang yin der// mchod pa dang ni mchod pa che/ / cho ga che dang cho ga can// gnod pa gnod pa chen po yin// lus mkhas pa yi dpa' bo des// gang bu'i nang du gzhag pa yang// chos la gnod pa tshar gcad phyir// brtul zhugs can gyis rab tu 'bad/ / gzhan yang grub par bya ba'i gnas// rnal 'byor can gyi grub pa'i las// dgon pa chen pos sa phyogs sam// yang na thang dang ri la sogs// gal te brag dang rtsi la// mkhas pas gnas der bya ba ni/ / gnyis po'i thod pa sdug pa'i tshangs// mtshan nyid legs par brtags pa yin// dbus su bsgrub bya yang dag gis// mi yi pags pa rkyen dang bcas// bsgrub bya'i rang bzhin gzugs su bya/ legs par bya ba yang dag yin/ / de la thams cad gdon mi za// gnas dang rdzas dang rkyen dang bcas// so so'i tshogs dang spyor pa yang// 'dir ni so sor bshad par bya// lus la mkhas pa'i dpa' bo das// thun mong dang ni khyad par gyi/ / tshul gyis gang dang gang la bsngags// de dang de dag shes par bya// gnas dang sa yi cho ga yang// ldan pa'i bar du rkyen dang ldan// 'das pa ma 'ongs da ltar gyis// sbyor ba tshang na las des ni/ / lag na rdo rje nyid kyang ni// rang bzhin nyams par nges gyur na// skye 'gro phra mo smos ci dgos// gnas pa la sogs cho ga yang// sbyor ba nyams pas gang du ni// rnal 'byor dman par gyur pa yi// nyes pa du ma 'byung ba yin/ / dpal tshogs thams cad kyi rje mo yongs su rol pa'i rgyud ces bya ba las// gnan pa'i las gtad pa'i le'u ste bzhi pa'o//// de nas rnam par bshad pa ni// bsgrub bya ri gzugs brnyan sbyar pa'i thabs/ / rang dang gzhan rkyen drag po'i rjes// du ma'i tshogs ni bstan par bya// rang gi rkyen las gsum bshad de// nang gi rkyen dang phyi yi rkyen// phyi yi las byung ba'i rkyen// rang gi rkyen las skyes pa yi/ dang por spu ni bsgrub par bya ba ni// de yang rnam pa brgyad yin te// lus la tshim bur gnas pa yi// sbu yi gnas ni rnam pa bdun// gang dag bskyed par gnas pa'i spu// thun mong gi spu zhes grags/ / mkhas pas 'di brgyad shes par bya// srid pa'i rtse mo'i gnas nas kyang// spu ni lcang lo lta bu blang// zla ba phyed pa'i dbus gnas nas// spu ni zla tshes lta bu blang// zla ba bco lnga mnyam pa yi/ / dbyings ni du ma'i mthar gnas pa'i// spu ni rnam pa gnyis yod de// bya bye'u mkha' la phur ba yi/ spu ni rnam pa gnyis y-in// spu ni rnam pa gnyis yin te/ mkhas pas yang dag shes par bya// steng gi rlung rgyu'i gnas nyid nas/ / spu ni rtsa'i tshom pa 'dra// 'tsho ba'i go ba'i khar gnas pa'i// spu ni du mar gnas pa'o// mnyam du 'dug pa'i rang bzhin las// g.yas g.yon gnyis su mgo brnyan pa// rna ba'i thad ka dag nas kyang/ / spu ni rnam pa gnyis yin no// bshang gci'i gnas nas mthar gnas pa'i// spu ni yang dag shes par bya// gzhan gyi tshogs rnams thams cad nas// gang dag gnas pa khyed pa yi// de ni kun tu shes par bya/ / de nas yang ni gsher ba yi// grangs ni rnam pa bcu gsum ste// mig gi sgo nas 'byung ba ni// rnyog ma med pa'i chu dang ni// snag pa'i tshul du snang ba yin// steng gi rlung rgyu sgo nas kyang/ / shel dang zil ba 'dra pa yod// mtsho'i sgo nas gang gnas pa'i// dwangs pa'i chu yis rnga lam 'dra// shal dang 'tsho ba rlugs pa'o// gcig pa'i sgo nas gnyis yin te// gur kum mdog dang steng sgro 'dra'i/ / bshang pa'i sgo nas 'byung ba ni// yang dag gsher ba de yin no// de ni rnam pa bcu yin te// so sor 'byung ba'i gnas shes bya// khrag dang rdul dang thibs pa gsum// thun mong gi ni glan du grags/ / bcu gsum gsher ba'i cho ga la// mkhas pas yang dag nan tan bya// de nas dri ma drug bshad bya// spu'i mthar gnas dri ma dang// rna ba'i nang nas byung ba dang// so dang lce la gnas pa dang// lag pa'i sor mor gnas pa dang/ / gang dag rkang ba'i sor mor gnas// de ni phyi yi dri ma drug/ nang gi dri ma dri ldan sogs// de bzhin sngon du bshad pa'o// rus pa yang ni bshad bya ste// so dang sen mo rus pa rnams/ / byung dang bregs dang phyug pa'o// rlung ni rnam pa bzhi ru bshad// de ni nges dang ma nges pa'o// gnyis ni steng gi rlung dang ni// 'tsho ba'i sgo la gang byung ba// bshad pa'i gnas nas gang byung dang// gal te rnam pa bzhi nas 'ong/ / ma nges pa dang rnam bzhi ste// de yis dgos pa'i rdzas dang bcas// sum cu rtsa bzhi rdzas kyi tshogs// nang gi rkyen ni rang las byung// rtag tu 'brel ba rab tu bsngags// da ni rang gi lus kyi rkyen/ / 'tsham par 'brel bar bshad par bya// de ni rnam pa drug yin no// srid pa'i rtse mo rkyen dang yab// de bzhin rtsa ba dag gi rkyen// lus kyi smad ni dkris pa dang// gzugs kyi kun tu dga' ba dang/ / rkyen du dkris pa'i rang bzhin dang// ji ltar rgyan du grags pa'o// rang gi phyi yi rkyen du bshad// dpa' bos yang dag bsten par bya// de ltar rang gi nang dang phyi// rdzas ni rnam pa bzhi ru bshad/ / rang gi nang gi rkyen la yang// phyi yi phyi zhes bya bar bshad// rang dang gzugs brnyan gnyis kyis ni// rjes ni bcu gnyis yang dag go// yan lag lnga ni lus dang drug// rang gi rjes ni de bzhin te// dri ma la sogs gzugs kyi ni/ / de bzhin rjes ni rnam pa drug// gang dag gnas dang yul sa de// rnam pa bcu bzhi gang yin te// rang gi las dang gzugs brnyan gyi// gang dag drags pa de dag sogs// nang dang phyi dang phyi yi phyi/ / rnam pa lnga bcu rtsa bzhi ste// mkhas pas nan tan bya ba yin// de nas yang dag bshad bya ba// gzhan gyi rkyen zhes bya ba ni// rang gi gzhan dang gzhan gyi gzhan// rnam pa gnyis su gnas pa ste/ / mkhas pas dpa' po dag la bshad// rang gi gzhan zhes bya ba ni// gang la pha dang ma zhes btags// de yi bu dang bu mo dang// de la ming sring spun du grags// de yi tsha bo gnyis yin te// gang dag mes dang phyi mo dang/ / pha ma'i spun du gang gyur te// rnam pa bcu gsum gnyen gyi tshogs// gang de gnyis su yang dag gnas// shi ba dang ni gson po'o// sha khrag rus pa pags tshil klad// ro yi shul la sogs pa'o/ / de la sogs pa gson po ste// gang dag rang yin gzugs brnyan sogs// sngon gyi tshul ltar yang dag yin// de dag gnyis su gyur pa la// nyi shu rtsa drug kho na'o// de ni rang bzhin gzhan yin no// gzhan gyi gzhan zhes bya ba ni/ / rnam par phye ste bstan par bya// sa ni sa las byas pa yi// bkra mi shis pa drag po'i rjes// sa ni nyi shu rtsa gsum ste// khyim ni kun tu phung pa'i sa// rabs rgyud med pa'i sa dang ni// chu 'gram dang ni shwa sna ste/ / brus pa'i sa ni brag phyi sogs// drag po'i spyin sreg byas pa yi/ sems can mang du bsad pa dang// gnam lcags lhung pa'i sa dang ni// dur khrod kyi ni sa yang bshis// klu dbang gnas pa'i sa dang ni/ / drag po'i rbag kyis brkos pa'i sa// gcan dang sbrul tshang brus pa'i sa/ bya rog 'ug pa'i tshang gi sa// stag g.yag 'thags pa'i sa la sogs// rlung gi khyer pa'i sa phye sogs// mtshan ma cig dang cig 'grongs/ / rdo ni mtshan ma can drung sa// g.yul chen sbrad pa la sogs sa// rgyun srang la sogs sa dang ni// gzhan yang drag po'i rdzas bstan pa// chu ni rnam pa kun kyang ste// drag po'i ni du ma'i tshogs/ / mi ro chu khyer sa sogs dang// kun nas byung dang chu mig sogs// gcig tu 'das par bya ba yin// tsha ba'i rig ni ba'i tshogs// tsha ba'i tshogs kyis bsgrub par bya// gzhan yang dug ni dug gi rigs/ / rnam pa mang po bsdus nas kyang// du ma'i tshogs kyi yang dag bya// gzhan yang gdug pa'i sha rnams ni// bya rog 'ug pa la sogs te// gnyen por 'gyur ba'i sha rnams dang// gdug pa'i sems can du ma rnams/ / de yi khrag tshig la sogs pa// mtshu sder la sogs sbyar par bya// du ma'i tshogs kyis rnam par sbyar/// gzhan yang rten 'brel sngags kyi rdzas// ma mo 'du ba'i cho ga ste// gcing zi la sogs gzhan dag kyang/ / mkhas pas nan tan dag gis bya// yang ni gzhan du grags pa rnams// dur khrod kyis ni rdzas rnams dang// rnam pa gzhan du ga la grags// grags pa dang ni gdug pa'i tshogs/ / 'go ba'i lha dang bral ba'am// de dag gcig tu 'dus nas kyang// drag po'i rdzas dag mkhas pas btsal// gzhan gyi gzhan zhes bya ba 'am// nyi shu rtsa brgyad kho na yin// 'di dag rnam par bkod pa la/ / bsgrub pa'i gzugs brnyan bca' ba'i thabs// brgya rtsa brgyad kyi rnam pa yin// dpal tshogs thams cad kyi rje mo// yongs su rol pa'i rgyud ces bya ba las// lhas byin gyi gzugs bca' ba'i thabs bstan pa'i le'u ste lnga pa'o/ / de nas yang dag bshad bya ba/ gzugs ni rdzas kyi bca' ba bstan yon tan dang ni ma bcas bskyon// de dag mdor bsdus bstan par bya// gang zhig ji ltar grags pa dang// de gzhan sngags pa'i rdzas rnams la/ / thams cad kun tu tshang ba na// mkhas pa'i las rnams myur du grub// gang zhig dga' la brtan pas kyang// de yis las rnams shas cher yin// gang gis 'ga' yang mi ldan par/ / brtul zhugs byed pa'i dpa' bo ni// nams kyang ngal ba don med yin// gang la rdzas rnams gang dag tshang// de yi 'khor rnams bkra shis shing// gsang sngags bdag la gnod mi 'gyur// de la de yi rdzas ma tshang/ / de yi 'khor rnams bkra mi shis// de bas gnyen gyi tshogs rnams kyang// gong du bstan pa de dag go// 'ga' zhig 'dir ni mdor bstan pa// ji ltar lhas byin mig la ni// mig gi rdzas ni ma tshang na/ / bdag gi mig la gnod pa yi// de yi mig kyang ngal mi 'gyur// gzhan yang nyams pa rab tu dka'// 'dod lha 'khor bcas 'du mi 'gyur// sngags kyi mthu rnams 'gyur yang srid de bzhin mkhas pas gzhan la yang/ lhas byin gyi ni gnyis rnams dang// gzhan gyi dngos por smos pa yis/ de yi nang grel rnams kyang de// mkhas pas kun la shes par bya// gang la rdzas ni yongs tshang dang// than shas chen por gyur pa la/ / de'i don rnams ma lus pa// myur du dpa' bos don grub ste// sred med bu yang shi 'gyur na// 'gro ba phra mo smos ci dgos// de bas thabs rnams rab gces te// mkhas pa rnams kyi spyod yul yin/ / dpal tshogs thams cad kyi rje mo yongs su rol pa'i rgyud ces bya ba las/ gzugs brnyan gyi skyon yon bstan pa ste le'u drug pa'o//// de nas yang dag bshad bya ba// rdzas la gzugs brnyan bca' ba bstan/ / shes rab dpal bstan mkhas pas nyon/ lhas byin gyis ni cho 'phrul la// gzugs brnyan bsgrub pa'i yan lag ni// rnam grangs bcu bzhi bstan par bya// bskol dang bca' dang dgug bsgo dmigs/ / gtur dang dbye ba dang bdug dang spro// brdeg dang gtub dang stobs la sogs// bsreg dang thal pa'i cho ga'o// bskol pa'i cho ga rnams bshad pa// sa la sogs pa zur gsum snod/ / drag po'i rgyen gyis mdzes bres nas// drag po'i thod par yang ste// zur gsum rten ni gnas pa'o// gong du bstan pa'i rdzas rnams kyang/ thams cad bsdus te bsre ba 'am// btag dang sbyar pa la sogs yin/ / chang ni chang gis rlan pa la// kun tu sbags te bsre ba bya// dug gi tshogs ni du ma yin// thams cad kun tu sbags pa'o// de nas drag po'i phur pa yis// g.yon gyis blug cing g.yas pa ni// nyung dkar g.yas kyi yang dag brteg/ gdug pa'i gsang sngags bzlas pa ni/ thabs dang shes rab brgyud la bshad// yang dag gdug pa tshar gcad cing// drag po'i sngags rnams gang yin de// mkhas pas rgyun mi 'chad par bzlas/ / me ni drag po gnas 'ong ba// bkra shis mun pa'i phyogs nas blangs// shing la gnam lcags lhung ba dang// rus pa'i shing phye srin gyi brus// sha'i sna nas 'ong ba yis// shing gi yang dag me spas te/ / thog thag me yi las byas shing// srid pa'i ma mo bskul ba dang// mkha' 'gro khro bcas bod pa dang// dam tshig can rnams dgug par bya// rgyal bsras dang 'khor du bcas// srid pa'i pho mo gdug pa'i tshogs/ / drag po'i sngags rnams myur du bzlas// rlung ni me yis bskams pa dang// drag po'i chu dang chang gis bran// de ni rgyal ba sras bcas dang// thams cad rang bzhin gnas nyid du// bstan pa gnas par bya ba'i phyir/ / phan pa'i blo gros chen pos mdzad// de yi 'khor na gnas pa yang// thams cad bstan pa bsrung ba dang// sngon gyi tha tshigs bsgrub pa'i phyir// rang gi gnyer rnams len par byed/ / 'jig rten pa'i gtum po dang// rgyal ba ma mthong gdug pa dang/ thams cad kun tu rngam pa dang// gsod la dga' ba'i sbyor bas brtson// sha khrag za 'thung byed pa dang// dur khrod dag na gnas pa dang/ / mkha' 'gro mi men 'khor bcas kyang// thams cad 'du zhing dpal ba yin// nyes pa brjod cing dpang gzugs dang// sngon 'gro'i cho ga dang bskal ba'i bshad pa'o// de nas lhas byin ling ga ni/ / gzugs brnyan bca' pa bstan par bya// yongs su bskol pa'i rdzas rnams la// mkhas pas gzugs ni legs byas te// ji ltar grags pa'i rdzas gzhan dang// nges par 'dra ba'i rnam pa yis/ / mkhas pa'i lag pa dkris te bya// steng nas rnam par rgyu ba yin// rlung dang spyi bo'i du ba sogs// mkhas pas reg par mi bya ste// phyi yi rlung ni man ngag go// de nas gzhag pa'i gnas nyid kyang// drag po'i hoM khung zur gsum bri/ / khru gang la sogs brkos pa yi// nang du legs par gzhag pa yin// lus dang yan lag thams cad du// lhas byin kun tu dkris bar bya// ljang ku ni'i mthar gnas par// ming yig rus rigs rtags sogs bri/ / snying gi nang du legs gnas pa// mkhas pa'i cho ga de bzhin no// de la sogs pa'i cho ga dang// ji ltar gsungs pa'i sa la 'bad// 'og tu mun pa'i g.yung drung bri// mdun du rlung ris bris nas kyang/ / phyi rol 'og tu ral gri dang// rab tu me stag yang dag go// mA ra ya gsang sngags la// bskul tshag mthar gnas lhan par bya// sgra ni brjod pa'i dus su'o// sngon dmar sogs dang rtsang la sogs/ / mda' gzhu la sogs mtshon cha dang// 'bar ba'i me dang 'og lha dang// khro bo'i phyag mtshan du ma yang/ rim pa dag la mdzes par bri// 'phar spyang stag gzig dom dred dang// lce spyang la sogs mche ba can/ / dur khrod gcan gzan gdug pa'i tshogs// gtum po sha zan du ma'i tshogs// gzugs brnyan legs par bris pa yi// tshogs kyis kun tu bskor bar bya// dur bya dang ni du ma'i tshogs/ / de bzhin mdzes par bskor bar bya// 'jig rten 'di dang 'das pa yi// 'jig rten gtum po 'dod lha'i 'khor// mkha' 'gro 'khor dang bcas pa yis// gzugs brnyan legs par bskor bar bya/ / de la sogs pa'i dngos po yi// de yi cho ga ldan par bya// dur khrod ras sam gro ga sogs// pho g.yas mo g.yon rna ba la// ma ni bris te gdags par bya// snying khar yang na de bzhin te// yang ni shang ba'i gnas su yin/ / pha ni kun tu du mar gdags// gsang sngags gzhan yang de bzhin du// bla ma la gus mkhas pas bya// de yi phyi dang nang bar du// khrag tshil sha dang rus pa dang// pags pa rgyu ma snying dang ni/ / sha za dga' bar byed pa yi// cho ga'i tshogs kyis brgyan par bya// dur khrod rdzas ni tha dad pas// bla re yol ba rgyal mtshan sogs// 'phan dang dbyug pa chen po dang// du ma'i tshogs kyi brgyan par dgram/ / snying dang mgul pa la sogs kyi// gdags pa'i thag pas gdags par bya/ khrag ni phyir bzhin phyogs rnams nas// kun tu brlag par bya ba yin// ro ni ro rnams bsha' par bya// de nas mkhas pas yongs su ni/ / cho ga la ni shes par bya// thun mong dang ni khyad par ni// sbyor ba gsang sngags spyi yi cho ga yang/ mkhas pas spyi yi las su bya/ lha sbyin gyi ni srog dang bcas// dgug ste bstim par bya ba yin/ / yang dag mkhas pa des// lha spyin gyi ni gzugs brnyan la// bca' ba'i cho ga mkhas pa yin// 'di dag 'di ni dgos pa ste// gzhan ni gzhan la shes par bya// drag po dang ni gdugs pa dang/ / gang dag rang bzhin gnas nyid du// bsam par bya ba rnam gnyis te// mthong dang ma mthong khyad par yin// mngon du mthong ba'i gnas yul grong// khang pa phyogs dang bcas la sogs// bu dang bu mo chung ma khyo/ / dur khrod longs spyod pa sogs te// rang gi mtshan rtags dang bcas la// yongs su bsam par bya ba yang// dus dang sbyar ba'i rang bzhin no// mngon du mthong ba ma yin pa'i// don de bris te bsam pa 'am/ / phyogs dang bca' pa'i ming la brten// de nas bdag gi ting 'dzin dang// sngon du 'gro ba brjod par bya/ rang ni rang gi 'dod lha ste// lhag par mos pa'i ting 'dzin dang// spyi dang khyad par tshul gyis bu/ / bzlas pa'i ting 'dzin de nyid ni// sngon du 'gro bar bya ba yin// oM ru ru ro ru tsa ba la a shug me hU~M b+h+yo dza dza// drag po'i sham bus bskul tshig bcas// drag tu brjod par bya ba ni// thog thag nyin dang mtshan mo'i bar/ / bzlas dang ting 'dzin gsal ba ni// bdag ni sems dpa' gsum la sbyor// ting 'dzin sems dpa'i 'phro 'du ni// 'bar ba'i lcags kyu 'phra mo 'du// lha spyin gyi ni snying kha nas/ / snying po lcags kyus bzung ba ste// myur du 'ongs pa'i rang bzhin yang// gzugs brnyan nyid la bstim par bya// de nyid yin pa'i nga rgyal ni// 'dra ba nyid du shes par bya// rdo rje lcags kyus bkug pa ste/ / rdo rje zhags pas kun tu bcing// rdo rje lcags sgrog 'bar pas kyang// de nyid du ni kun tu bsdams// 'bar ba'i dril bu chen pos kyang// de ni rdul du brlag pa yin// 'bar ba'i dur khrod chen po ni/ / kun tu khyab pa'i gzhal yas su// bkug nas bstim ste gzhag pa dang// dam du bcings sogs mi 'chug par// rtag tu gnas par bya ba dang// 'dod lha gdug pa 'khor bcas kyis// bskor te rngam par gnas par bsgom/ / shin tu 'dra ba'i rgyal ba ni// mkhas pas yang dang yang du bsam// dgug dang bstim pa la sogs kyang// de bzhin yang dang yang du bya/ cho ga de yi yang ni// mkhas pas gzhan du grags pa dang/ / ji ltar spyi yi las rnams kyang// lus dang ngag dang yid kyi las// de bzhin du ni yang dag bya// sngags dang phyag rgya ting 'dzin yang// dpa' po chen pos byas pa yin// shin tu drag po'i rdzas rnams kyang/ / mkhas pas gdug pa'i gnod dang bcas// gsal bar shes pa'i cho ga de/ dgug pa kho nar rab bshad de// lus ngag yid dang bcas par bsam// de yi srog ni der gnas te// dpa' pos lhas byin ma yin pa/ / gang dag gzhan du rnal 'byor pa// de nas rnams dang 'gras// dam chos bsrung ba 'khor bcas kyang// brnyas pas srog kyang 'joms par byed// don rnams gzhan yang 'dir mi 'grub/ / mnar med khyim du myur du 'gro// spyad dang khyad par shes pa yis// chos la gnod pa tshar gcad dang// dge pa chen po 'phel bar 'gyur// lhas byin gyis ni nyes pa rnams// rnam par brjod cing bsgo ba bshad/ / de nas lhas byin legs pa sogs// ral gri la sogs thogs nas kyang// dkon mchog 'khor dang bcas pa rnams// nam mkha'i phyogs su spyan drangs sam// rang bzhin bzhugs pa'i gang phyogs su/ / lhas byin gyis ni ral gris kyang/ dbu ni du mar rnam bcad dang// yan lag lus dang bcas pa yi// du ma mang por gnas par bsam// pha ma la sogs gang yin te// rim pa de lta de ltar bya// de nas rnal 'byor dpa' bo yis/ / nyes brjod rab tu bsngags pa yi// du mar dgug dang gzhug pa dang// gzugs brnyan gnas pa'i cho ga bya// de yi skabs su gang bsngags pa// thun mong dang ni spyi yi las// mkhas pas bla ma la gus bya/ / thogs pa med pa'i las rnams kyang// dpa' bos yang dag nyur te bya// skar ma la sogs cho ga yang// mkhas pas rab tu rnam sbyar na// nyes pa bsgos pa'i cho ga yis// sbrang rtsi snod bzhin gnas pa ste/ / sa bon med pa de la min gtsang na// mkhas pas brjod par mi bya'o// sa bon yod pa'i sgo ba can// des na bsgrub bya lha spyin des// dpa' bo'i las kyang chud mi za// sngags kyi yang dag mtshon par bya/ / nyes pa bsgo ba ma brjod par// gang dag don la rab tu dpa'// sgra yis gsang sngags nyams pa bzhin// sbyor ba 'khyug pa la sogs yin// de nas yang dag dmigs pa ni// lha sbyin nyid du dmigs pa bshad/ / rang bzhin gnas na ji lta bar// bsgrub pa'i gnas su yang dag bshad// shin tu gsal ba'i ting 'dzin yang// dpa' bo de yis rab tu brtag// gnyis su med pa'i ting 'dzin de// mngon du yid ches yang dag yin/ / the tshom za bar mi bya'o// gal te dmigs pa mi shes par// lus dang ngag gi las la brtson// de ni mkhas pa ma yin te// gal te lha sbyin nyams srid de// nges pa'i las ni ma yin no/ / dbang po yi 'khor lo ltar// rang gi nyams pa rgya che bas// gnod pa de ni cung zad srid// gnod pa gzhan yang snam srid pas// sngags kyi nus pa chud mi za// gal te nyes pa med pa yis/ / gnod pa gzhan la 'byung yang srid// de bas mngon du dmigs pa yang/ blun po rnams kyi lam min zhing// mkhas pas sgo gsum ngag gis so// ting 'dzin gsal zhing 'dra ba ste// yid ches pas ni mngon du dmigs/ / 'gyur bar brtags pa dmigs pa'i mchog// lha spyin rnam smin phung po la/ gdug pa'i reg byas gtur bar bya// tsher ma can gyi shing rnams las// tsher ma 'ba' zhig snang ba ni// sngags kyi mtshon pa drag po yin/ / ngan sngags brgyad rnams las bshad de// 'dir yang mdor bsdus bshad par bya// du ma'i rtse mo rtse dang bcas// drag po'i snod du dgang bar bya// gu gul la sogs bdug pa yis/ / yang dang yang du bdug par bya// drag po gsang sngags du ma yis// yang nas yang du bzlas nas kyang// 'bar ba'i nyungs kar dag gis kyang/ de bzhin du ni gtor bar shis// khrag dang bcas pa'i rdzas gzhan yang/ / rim pas kun tu brjod par bya// drod tshad dag la phebs pa 'am/ bzlas brjod grangs la theg pa 'am// rdzas ni rnam par brlan pa'i tshe// mkhas pas gzugs la bstim par bya// me tog can gyi rtse mos ni/ / dang por yang dag bsam par bya// ji ltar men med pa'i grogs// tha mal pa'i rigs kyis kyang// de bzhin du ni yang dag pa// dug shing la sogs gnod pa'i rigs// rtse mo rnam par dpa' bas kyang/ / yang dang yang du gtur par bya// gnam lcags lhung la sogs kyi shing// sol bas du mar byugs pas shis// dug chu khol ma'i nang du ni// rtse mo rnam par bsnyugs nas kyang// lha spyin lha ni rnam par 'phang/ / cho ga tshang ba'i las rnams kyang// 'bad na gdon mi za bar 'gyur/ da ni lha dang dbral pa yis// dbye ba'i rnam pa la sogs bya// nges par dmigs pa'i rang bzhin de// 'go ba'i lha dang gzi brjid sogs/ dbye ba 'di dag bshad par bya// de yi lus la gnas pa yi// lha yo tshogs ni du ma rnams// lcags kyu la sogs gzung byas te// phyi rol dag tu drang bar bya// rang gi gnas su skrag par bya/ / de nas byung ste song ba dag/ gzhan du gnas pa'i rang bzhin te// de nas gnas te 'gags pa dang// mtshams su rnam par bcad par bsam// gsang sngags dbye ba'i las rnams bya// bye ba'i cho ga dag yin te/ / de ni spyi yi las su bya// gu gul dang ni gu gul che// yongs su sbyar bas bdag pa yin// gzhan bdug pa'i tshogs rnams kyang// lha spyin lha ni 'bros par bya// gang la gang 'os mchod pa'i tshogs/ / ci rigs rdzas dang bcas pa rnams// 'go ba'i lha de tshim par bya// de yi rten dang gnas yul lam// dbab pa'i rdzas kyang rab tu sbyar// tshigs su bcad pa dag gis kyang// las kyi bye brag phyed par bya/ / de la sogs pa'i las rnams ni// gang du grags pa'i las rnams kyang// lha byin dbye ba'i thun mong las// mdor bsdus rnam pa bdun yin te// spyi dang khyad par las kyis kyang// dbye ba byed pa'i las rnams 'grub/ / dbye ba rab tu mi shes par// lha spyin dbye bar mi shes par// spyor ba brtson pa gang 'bad la// dbye pa'i tshogs la 'bad pa yis// mar ni 'byung bar 'dod pa yin// dbye ba med pa'i las kyis kyang/ / bdag la gnod pa la sogs pa'i// nyes pa rnam pa du ma dang// don yang 'grub par mi 'gyur ro// da ni bdug pa'i las rnams kyang/ mkhas pas mdor bsdus bshad par bya// gu gul chen po'i cho ga ni/ / mkhas pas nan tan dag gis bya// rkang dreg kyi yi snang mdzad dang/ rang gi sha la sogs pa yi// dbye ba'i bdug pa myos pa'i rdzas// kun tu bdug par bya'o// sngon du dgug pa rab sbyar nas/ / bdug pa la sogs 'bad pa ni// dpa' bo rnams kyi las kyi mchog/ de nas kun tu bdug pa ni// las rnams kun gyi gtso bo ste// shes pa rmugs shing dbang po nyams// gang gi lus ni sdud par bya'o/ / tshor ba nyams shig gzi mdangs 'phrog// bdud rtsi 'phrog par byed pa dang// dug gis rgyas par byed pa ste// de yi shin tu nyams 'gyur bas// rab tu sman par bsam pa'o// de nas sbro ba'i las bshad de/ / drag po'i drog ni bstan par bya// de ni rnam pa brgyad yin te// rlung gis bsgyel ba'i shing dang ni// shwa yis bdas pa'i shing dang ni// mda' dang mdung gis bsad pa'i rigs// tsher ma cad gyi shing dang ni/ / gnam lcags lhung ba'i shing bu dang// dug shing dur khrod dag nas blangs// dur khrod kyi ni shing dag go// dang por rlung gis bsgyel ba'i shing// zla kham dag tu bzhogs nas kyang// nub byang mtshams na gnas pa yi/ / gtum po'i khyim nas me blangs te/ nub byang mtshams nas dros par bsro// sha sna'i shing la rnam bshad de// shar du rnam par dbud pa ni// me de mu stegs khyim nas blang// de nas mi bsad mda' yis ni/ / shar lhor yang ni gnas pa yis// grong khyer tshig ma'i me blangs la/ ji ltar mdung la de bzhin te// bsad pa'i mtshan ma gtubs nas kyang/ lho yi phyogs nas 'bad par byed// de nas tsher ma can gyi shing/ / du ma'i tshogs ni bsdus nas kyang// byang phyogs su ni rgyun du bsro// me de gshan pa'i khyim nas blang// gnam lcags lhung ba'i shing bshad de// du ma'i shing ni du mar gtubs// du ma'i dbyings las byas pa yi/ / me ni gtum po'i khyim nas 'ong// nub nas rtag tu bsro bar bya/ dur khrod skyod rtsogs dug shing ni/ thams cad tshogs ni bsdus nas kyang/ me ni rigs ngan khyim nas blang/ byang shar nas ni kun tu bsre/ dur khrod kyi ni shing pu las// mkhas pas nan tan bya ba n-i// zur gsum dbyibs su gnas pa yi// dur khrod sol bas byugs nas kyang// dur khrod me yis sbar byas te// srin po'i khyim du kun tu bsro/ / gsang sngags sum cu la sogs te// drag po'i sngags rnams rgyun mi 'chad// ha cang tshig pa ma yin te// ji ltar drag pa spang pa'o// ji ran mkhas pas spro ba'i las// lha sbyin the tshom med par 'gyur/ / tsha ba gsum la sogs pa dang// dug dang ske tshe la sogs pa// tsha ba'i rnam pa du ma dang// dug dang khrag rnams til mar gyis// sngon du kun tu byugs par bya// de nas rgyun du brten pa des/ / mkhas pa'i thabs rnams chud mi za// spyi dang khyad par zhes bya'o// de nas lhas byin gzugs brnyan la// brdeg thabs cho ga bshad bya ste// mda' dang rdo rje phur pas brdeg/ gri yi rigs dang mdung gi rigs/ // tho ba dgra sta la sogs te// dug chu khol ma brdeg par bya// gnam lcags lhung ba'i shwa rdo ni// mkhas pas sngags dang bcas pas brdeg// 'jig rten 'das pa'i rgyal pa rnams// rtags kyi phyag mtshan brdeg par bya'o/ / gtum po'i 'jig rten 'dzin pa yi// lag pa mtshon char gyur bas brdeg// sngags kyis mtshon pa'i drag po'i rjes// thams cad myur du brdeg pa yin// dpa' bo 'khor dang bcas pa yin/ / bdud dang sngon po gshin rje sogs// ma mo'i chas su zhugs nas kyang// bod pa rbad pa gsad pa'am// ma ra ya yi sham bu la// thun gyi sgra yis mtshan ma brjod// sngon gyi sngags la sogs pa yin/ / gang du drag por gsang sngags shis// de ni kun tu brjod pa yin// gang dang gang du brdeg par bsngags// de ni yang dag 'dir bshad de// mkhas pas mdor bsdus shes par bya// de ni lha sbyin rang bzhin dang/ kun tu gtubs par bya bar bshad// bsgrub bya de ni pho dang mo// g.yas dang g.yon gyi sbyor ba yis// dang por ral gris gshags pa yin// g.yas g.yon lag pas gtubs byas nas// rkang pa gnyis kyang de bzhin te/ / mgrin par gcad par bya ba ste// lte ba'i dkyil 'khor du rnam par breg dum bu bdun ru gnas pa yis// gzugs ni du ma du ma'i tshogs/ 'bar bar bya ba'i ral gris ni// gsang ba'i lag nas 'ongs pas gshag/ / gshag dang rbad kyi gsang sngags kyis// dpa' pos yongs su gtul bar bya// de ni gzugs kyi dum bu rnams// 'bar ba'i lha la gtad par bya// gzhon pa myur du shi ba'i ro/ / blangs te gtubs nas du mar g.yeng// nang gi sha dang phyi rol sha// rus pa'i tshogs rnams thams cad dang// khrag tshig klad pa rgyus pa rnams// dum bu mang por gtubs nas kyang/ / lha spyin gzugs kyi dum bu dang// thogs te lag pa g.yeng ba dang// phyogs kun tu ni dgram par bya// ma nyams pa yi ro nyid kyang// pho dang mo yi bdag nyid can// khrag chen dag gis byugs pa 'am/ / dur khrod sol ba la sog kyis// byugs nas lhas sbyin khar btsang ste// bam ril nyid du btab pa yang// phyogs mtshams kun nas bskor ba dang/ rdo rje stabs kyis 'gro zhing mchong// thun mong dang ni khyad par gyis/ / 'dod lha 'khor dang bcas pa la// tshigs su bcad pa yongs su brjod/ zo dang sol ba'i sgra yod pa'i// sngags kyis yang dang yang du btab// za zhing gsol ba la sogs pa'i// ting 'dzin 'bad de bya ba yin/ / lus dang ngag dang yid kyi las// kun tu brjod pa spang pa'o// btab chen pa'i las kyis kyang// lha sbyin rnam smin phung po la// rdul ba tsam yang mi gnas par// thams cad zas 'gyur the tshom med/ / de nas gzugs kyi rjen shul rnams// thams cad 'bar ba'i me las bsregs/ gzugs ni rnam pa du ma'i tshogs// dur khrod ras sam gro ga la// lha spyin du mar bskyar de'i// 'das pa'i tshogs ni rdzas kyi tshogs/ / lha spyin gzugs kyi dum pa ni// 'bar ba'i thab khung nang du bsreg// me yi rang bzhin shes pa yis// me yi cho ga yang dag bya/ hoM dang 'bar ba'i bcas rnams bya// dpa' bo'i chas dang rgyan la sogs/ / mkhas pas spyin sreg las rnams bya// ji ltar dngos po'i rdzas rnams kyang// las kyi dmigs kyis shar bar bya// mchod pa'i gsang sngags rab brjod cing// ji ltar shes pa'i dus su byas// sngags dang rdzas su bcas pa yis/ / spyin sreg gzugs kyi dum bu dang// gzugs ni tshang ba gzhag pa rnams// spom po dang ni dbang po'am// zur gsum dbyibs dang sbar thabs kyis// 'bum phrag lnga yi grangs tshad bya/ / ji ltar 'os pa'i las rnams kyang// dpa' bos 'bad de bya ba yin// med pa mkhas pas zhib tu rtags// rdzas rnams tshang pa'i cho ga yis// lha sbyin myur du nyams par 'gyur// mjug tu gdags pa'i cho ga yang/ / yi ge mang po'i tshogs rnams shis// gang dag bsreg par mi shes bar// rnam pa gzhan la 'bad pa ni// 'bras bu yod par rab tu dka'// de ni mkhas pas rab tu// de bas sngags pa'i rang bzhin ni/ / cho ga chen po bsreg pa yin// ji ltar bsregs pa'i thal ba de/ cho ga rnam pa bdun gyis bstan// gtor ma chen po'i blugs pa dang// chu bo'i gzhung dang chu mig ste// shing gi rtse dang rlung la 'phyar// ji ltar gnas su gnas pa'o/ /// gtor ma chen po'i btab pa ni// sna tshogs sha yis phye ma dang// bsregs te sna tshogs khrag la sba// sbreng zhing gsang sngags rab tu brjod// chu bo 'dus pa'i gzhung la yang/ / drag po'i chas su zhugs nas kyang// thod pa mtshan ma ngan pa dang// bcas te yang dag 'bad par bya// klu ni nges par yod pa yi// chu mig gi ni 'bab zhol du// sngags dang bcas pa'i las rnams ni/ / dpa' bos 'dam du sbes pa yin// gdug pa'i sems ni gzugs dang bcas// thal ba bsregs te btang par bya// shing ni gcig pur gnas pa yi// 'byung ba gnas pa'i rtse mo la// dur khrod ras kyis gtums pa de/ / sngags dang bcas pa 'phyang du gzhug// gsang sngags mang por bsreg pa yi// thal ba du mar bsdus pa dang// brjod pa'i sngags kyis kun tu bsreg// rigs gsum rdzong gi rtser sor nas/ / bdud kyi chas su zhugs nas kyang// 'jig rten pa rnams tshim byas nas// nges pa brjod pa la sagos bya// de nas dre'u dang bong zhon pa'i/ phyin phyogs zhon pa'i steng nas kyang// bcer bu thal bas blugs pa yi/ / sngags dang bcas pa rlung la phyar// 'das pa'i cho ga ma tshang bar// tha mal pa tsam bsog pa yi// las kyis kyang ni don myur na// rab tu sngags pa rnams kyi las// mnan pa rnams dang bcas pa yis/ / thal ba 'dis ni gdon mi za// dpal tshogs thams cad kyi rje mo yongs su rol pa'i rgyud ces bya ba las/ lha sbyin gzugs bca' ba'i thabs mchog dang bcas pa'i le'u ste bdun pa'o//// de nas yang dag bshad bya ba/ / gang gis las dang rdzogs nas kyang// mthar bstan pa'i las 'di brtsam// lha spyin gzugs dang rdzas su bcas// sngon du brjod pa de dag rnams// zhi ba'i sreg par bya ba 'am// rigs sngags cho gas bkug pa dang/ / dgon pa gtsang ma'i sa phyogs su// mchod pa'i don du gang bsngags pa// dkon mchog gsum gyi gzugs brnyan gzhag/ sdig pa zhi byed sngags la sogs// du mar brjod cing dbang bskul nas/ / rang bzhin gnas na gang bzhugs pa// de la rab tu gnas par bya// dpal ldan tshogs rnams kun gyi rje// du mar bcas pa'i 'khor gnyis te/ gtor ma la sogs mchod pa gtang// zhi ba'i ting 'dzin la sogs pa'o/ / rgyun gyi ting 'dzin yang dag sbyor// tshogs kyi 'khor lo chen po dang// sbyin pa yang dag gang bsngags pa// kun la thogs pa med par gtang// de la sogs pa'i cho ga la/ / mkhas pas don rnams myud du 'grub// dpal tshogs thams cad kyi rje mo yongs su rol pa'i rgyud las/ mthar bstan pa'i le'u ste brgyad pa'o// de nas yang dag 'dir bshad pa// dpa' pos dam tshig bsrung bar bya/ / dngos por bskrad pa ma yin zhing// rang bzhin gnas pa'i don cig la// gang gis shes rab skye ba de// thams cad macod phyir dam tshig mchog// sgyu ma'i rol pas mkhas par bya/ / 'gro ba rnams kyi rin chen la// rnam par 'tshe ba kun spang/ gsang ba gsang ba'i las dang bcas// mkhas pas thun mong med par bya// mkha' 'gro dga' bar byed pa yi// cho ga rnams la 'bad par shis/ / gsang ba'i dam rdzas shes pa dang// las la kun tu mkhas par bya// rtse gcig pa'i ting nge 'dzin can// dam tshig yod dang med pa dang// de bzhin 'dres dang ma 'dres pa// tha mal pa la sogs pa dang/ / bla ma dang ni rdo rje mched// rim pa bzhin du thams cad la// dngos po'i tshogs rnams shes par bya'o// dpal tshogs thams cad kyi rje mo yongs su rol pa'i rgyud las// dpa' bo'i dam tshig bstan pa'i le'u ste dgu pa'o/ /// de nas yang dag bshad bya ba// de ni yang dag lta ba'o// mkhas pa la ni gang grags pa// de ni blun po rnams la brjod// rgyal bas yang dag gang gsungs pa/ rang bzhin gnas pa'i thig le ste/ / brjod pa rnams dang bral ba ni// skye bo gzhan la brjod par snang// rang bzhin gnas pa'i de nyid ni// mkhas pas yang dag blang bar bya// rtog pa rnams dang bral ba ni// rgyal pa'i bla med mnyam pa nyid/ / skye bo rnams la mngon nas rdzogs// mthar ni mngar du gang gyur la// thob pa'i chos rnams spang ba ste// zag pa zad pa'i rang bzhin no// gnyen po skyes pa'i rgyab nas ni// gdul bya phyung ba ma yin no/ / mun pa la ni snang ba yin// med par smra ba thams cad ni// shin tu nyams pa chen po yin// chos rnams rdzas su 'dod pa yang// 'ga' la ring ba'i lam du snang// 'bad pa med pa tshogs kyi mchog/ / sgyu ma'i rol pa ma rtogs pa/ thams cad spang pa rnal 'byor yin// phyogs la rang bzhin gang rnyed pa// rang bzhin kun la mkhas pas bshad// zab mo'i chos rnams mi rtogs shing// gzhan gyi 'dul pa'i skye bo la/ / bstim nas don du du ma gsung// bla med khyad par gang yin te// gzhan gyi don du mkhas pas dbang// des ni gzhan gyi bsam pa yin// dbang las du mar snang ba ste// ji ltar rin chen sems bzhin no/ / dpal tshogs thams cad kyi rje mo yongs su rol pa'i rgyud las// thams cad kyi lta ba bstan pa ste le'u bcu pa'o//// de nas tshogs thams cad kyi bdag pos/ dpal tshogs thams cad kyi rje mo la mchod pa la sogs pa sbyar te/ tshigs su bcad pa'i dbyangs kyis bstod pa// lha mo nag mo re ma mthu mo che// ming cig ma las mkhan stong ma// mdog bzang nag mo ral pa can// ral pa'i zur bu mun ltar gtibs/ / ma mo kun gyi phyag brnyan mo// sman mo kun gyi yang rje mo// ma bdud chen mo zhes kyang grags// skye 'gro'i srog dang dbugs 'chang ma// rkang gdub lcags kyi lham gyon ma// sku la re lde mdzes pa gsol/ / mi mgo rta mgo mkhar du brtsigs// thod pa dgu brtsegs gzhal yas khang// nag mo tshogs kyi dbus na 'gying// khams gsum srid gsum thams cad na// dam tshig bsrung ba re mang yang/ / yal gaM can ni g+ha g+ha tsaM/ khams gsum srid gsum 'dzam gling na// 'gro don mdzad mdzad ma cig 'o re brgyal// bdag gis gdungs nas rab bskyod bskul ba'i tshe// gdung ba'i shugs kyis ma thogs da tshul spyon/ / nga'i bu gcig sbu gu ma nyams sems// 'bras bu mi dbang mtshal thig 'di// ma la 'bul lo za zam gcig ma// bdag gi brnag pa'i las rnams mthar phyung zhing// bdag gi las 'di 'bras bu mchis par mdzad/ dpal tshogs thams cad kyi rje mo yongs su rol pa'i rgyud las tshogs rnams kyi bdag pos bstod pa ste le'u bcu gcig pa'o/// de nas de'i tshe de'i dus na// lag na rdo rje la sogs pas/ dpal rdo rje 'dzin pa chen po la 'di skad ces gsol to// bcom ldan 'das bdag gis ma 'ongs pa'i tshe gsang pa'i rgyud 'di yongs su gzung la// sangs rgyas kyi bstan pa rgyas par bgyi ba dang// bsrungs te brtan zhing mi nub par bgyi pa'i slad du/ / dam pa'i chos 'di las yongs su 'phel zhing dar bgyi'o// gang dang gang tshul bzhin du 'dzin pa mchis na// de'ang bdag cag gis yongs su bskyang bar 'tshal lo/ / de nas bcom ldan 'das kyis 'di skad ces gsungs so// rdo rje pha lam 'dra ba yis// sngags kyi mtshon pa 'di yin te// dam tshig can ni lug ru bzhin// mthing nag gru gsum tha ma la/ dam tshig yod pa'i ma mo bzhag/ phan gnod las ni gang 'dod bsgrub// dbang rnams rdzogs pas dbang rnams spyin// lho nub 'jigs pa'i grong khyer nas// 'jigs pa gyon pa'i slag pa gyon// 'gro ba 'bring bo'i rang bzhin zhwa/ gyon te ling lag bsgrang par bya// mkha' 'gro yi za rgyun tu bsre// rtsang po'i gabur btang snyoms gzugs// mi yi rang bzhin sa bon che// shel gyi cod pan las la yod// de las gzhan pa rang gi rigs/ / rus bsregs pa'i sol phye dang// mchi sder mche ba sen mo sogs// bsgrub dang bsnyen pa'i rdzas su gzhag/ las rnams bsam gyis mi khyab pa// mkhas pas kun tu shes par bya// rigs kyi bu ji ltar khyed kyis smras pa de de bzhin te/ / de de bzhin no// ji ltar khyed khyed kyis dam bcas pa las ma nyams pa bya ba'i phyir// 'di khyed kyi lag tu gtad kyis// de bzhin gshegs pa'i dgongs pa dang// bskang dang/ 'gro ba'i ded dpon bskur ba'i phyir// khyed kyis de bzhin du yongs su shes par byos shig/ dpal tshogs thams cad kyi rje mo yongs su rol pa'i rgyud las/ rgyud yongs su gtad pa'i le'u ste bcu gnyis pa'o/ /// dpal lha tshogs thams cad kyi rje mo yongs su rol pa'i rgyud las/ rnam par brtag pa rdzogs so// rgya gar skad du// khaM ma hA su tra tan traH bod skad du// nam mkha' pra khrid kyi rgyud/ rdo rje he ru ka la phyag 'tshal lo// 'di skad bdag gis thos pa'i dus gcig na/ rdo rje he ru ka chen po/ ri dwags shing ta la'i tshal na bzhugs pa'i tshe// lha srin sde brgyad kyis bskor nas bzhugs so// dus der lha srin sde brgyad 'khrugs nas/ 'jig rten du mi bde ba dang// nad rnam pa sna tshogs byung nas/ dus ma yin par 'chi ba dang/ ma la sogs pa gcig gi glud du gcig gtong// he ru ka thugs rje chen po dang ldan pas dgongs nas/ lha srin sde brgyad po 'di dag dam la btags na/ nga'i 'khor dang sems can gzhan yang mi bde ba 'ong ba thugs la dgongs nas bzhugs pa las// de'i tshe lha gnod 'dul stan las langs te/ / he ru ka la 'di skad ces gsol to// lha srin sde brgyad 'di dag ni// thugs rjes dam la ma btags na// he ru ka yi 'khor dang ni// sems can rnams 'khyugs spyod lam 'tshal// mi mthun nad rnams 'byung bar 'gyur/ / de skad ces gsol ba dang// he ru ka ting nge 'dzin las bzhengs te// lha srin sde brgyad po rnams la ni// gtor ma rnam pa gsum gyis dam la btogs// la la ni ting nge 'dzin gsum gyis dam la btags/ / la la ni spyin gtor gsum gyis dam la btags// la la ni ma hA shan ting gi dam la btags// de nas he ru ka'i 'khor na rigs drug gi sems can rnams la gnod mi byed par gnas so/ / nam mkha' bra khrid kyi rgyud las// pho rgyud dam la btags pa'i le'u ste dang po'o//// de nas yang snang srid kyi bud med 'khrugs nas// 'jig rten du nad sna tshogs byung nas/ mi bde bar gnas pa las/ / he ru ka chen pos byams pa dang// snying rje dang// dga' ba dang// btang snyoms dag gis dam la btags kyang thogs nas// sems can gcig gi glud du gcig gtong bar gnas pa las// yang de'i tshe 'khor gyi nang nas lha gnod 'dul 'ongs nas/ he ru ka la 'di skad ces gsol to// snang srid bud med 'khrugs pa 'di rnams la// dam la btags kyang// mthun pa'i rdzas kyis ma bskangs na// bzhin mi nyan no/ zhes gsungs pa dang/ he ru kas de'i mthun rdzas gang gis bskang zhes gsungs pa dang// gnod 'dul gyis 'di skad gsungs so// de'i mthun rdzas ni nam mkha' zhes bya ba yod pas// nam mkhas dam la gdags so/ / zhes gsungs pa dang// he ru kas 'di skad ces gsungs so// nam mkha' zhes bya ba gang na yod// nam mkha' rgyu ci yin// nam mkha' de gang na gnas// nam mkha' de chos nyid yin nam sems nyid yin/ / dbyings nyid yin nam zhes gsungs pa las/ yang gnod 'dul gyis gsungs pa// rtogs pa khyad par can rnams la// nam mkha' chos nyid chos nyid sems nyid/ dbyings nyid kun la khyab pa'i don las ma 'das pa'o// ma rtogs pa rnams la ni chos nyid sems nyid dbyings nyid dang// kun la khyab pa'i nam mkha' ni ma lags so// rtogs pa can la ni/ ting nge 'dzin dang/ / yi ge'i 'phro 'du las nam mkha' ming du btags pa tsam du 'byung ste// ting nge 'dzin gyi byin gyis brlabs kyis ces// he ru kas yi ge gnyis kyi byin gyis brlabs te/ thugs kha'i sa bon las/ yi ge khaM sngon po gcig gi 'phro 'du btang ba las// rgya mtsho chen po gcig tu gyur to// yang thugs kha'i sa bon las/ yaM ljang khu'i 'phro 'du las// shar lho nub byang bzhi nas srid pa'i rlung gi rgya mtsho de dkrogs pa las/ / snang du rung pa'i sgo nga cig byung// sgo nga de shar dkar po// lho sngon po// nub dmar po// byang ser po/ dkyil nag po cig byung// sgo nga de phyogs bzhi dbus dang lngar byung la// sgo lcags kha 'dra ba la gdangs pa med pa cig byung ngo/ / de'i nang nas nga zhes bya ba'i sgra sgrogs pa cig byung bas// sgo nga'o// yi ge'i 'phro 'du las sgo nga 'byung ba'i le'u ste gnyis pa'o//// de nas sgo nga de brdol pa las// dbus zhes bya ste/ / steng na yar la brtol bas lug nag po gdong pa sna tshogs can cig byung ngo// shar brtol ba las lug dkar po mtshal gyi gdong pa can byung// lho brtol pa las lug sngon po gser gyi gdong pa can cig byung/ nub brtol pa las lug dmar po dung gi gdong pa can cig 'byung// byang brtol ba las lug ser po g.yu'i gdong pa can cig byung// dang po sgo nga las lug pas lug ces bya'o// lug gi byung khungs kyi le'u gsum pa'o/ /// steng du lug nag mos// kun tu bzang mo la sogs te/ nag mo'i tshogs kyi thugs dam bskang ngo// shar gyi lug dkar mos// rnam snang gsal la sogs te/ dkar mo'i tshogs kyi thugs dam bskang ngo/ lho'i lug sngon no/ sngon mo'i tshogs kyi thugs dam bskang ngo/ nub kyi lug dmar pos// dmar po'i tshogs kyi thungs dam bskang ngo/ byang gi lug ser mos// ser mo'i tshogs kyi thugs dam bskang ngo/ / bal tshon sna lnga yi de las byung ngo// de tsam na lug la bal sus pa la/ 'phrul lcam gyi bu mo'i bal// rmal ba su yis rmal// klu lcam bra mas rmal// bal bkal su yis bkal// phya'i ba mo nam mkha'i bu mo skar mig mas bkal/ / gru gu su yis btul na// lha mo de ma de yis btul lo// smyug ma gang nas byung na lho ri nags tshal 'thug po nas/ slob dpon mi thub zla bas su// rgya sor khug pa yis/ / ldog ldem rtsad nas bcad// sna lnga zhabs kyis drangs// lha gnod 'dul gyi phyag tu phul// lha'i smyug ma ring ring dbus su bskum// thung thung tshad du bzhag// yar tshad 'dom gang tshad// mar tshad khru gang tshad/ / smyug brtsal der brtsal kyang// nam mkha'i 'bri ba'i mi ma mchis// nam mkha' su bris/ gnod 'dun lha yis bris/ nam mkha'i dpe ni ci yi blangs// 'ja' tshon sna lnga spel ba bzhin// nam mkha' rnams kyang de bzhin bris/ / nam mkha' byung khungs kyi le'u ste bzhi pa'o// de nas yang lha gnod 'dul gyis gsungs pa// mu kha le la sogs te chos kyi sku'i ma mo rnams dang/ srid dang bde 'gro la sogs te longs sku'i ma mo rnams dang/ / srid pa chags byed la sogs te sprul sku'i ma mo rnams ni// 'jig rten du gnod pa mi mdzad de// de rnams dang cha mthun pa'i 'jig rten las grub pa'i ma mo rnams dam la btags pa'i phyir/ / 'jig rten pa'i ma mo dang// mu kha le la sogs pa'i mthun rdzas bri zhing gsag par bya'o// de la mu kha le'i mthun rdzas ni// nam mkha'i dbus na sku la// shar dkar po// lho nub sngon po/ / nub dmar po// byang ser po// de ni zhal lnga yod pa'i don don to/ de'i phyir rim nag po// de'i phyi rim dkar po// de'i phyi rim sngon po// de'i phyi rim dmar po// de'i phyi rim dkar po// de'i phyi rim ser pos bskor ba ni/ / zhabs brgyad yod pa'i don to// de lta bu ni kun tu bzang mo'i 'thun rdzas so// nam mkha'i de'i rtsar// dbus su g.yu mig mtshal gyis spras// tshon sna lnga yis rgyan du spras// g.yas su dung mig mtshal gyis spras/ / g.yon du mtshal mig dung gis spras// de gnyis kyang tshon sna lnga yis de bzhin spras// kun tu bzang mo'i mchod rdzas so// 'khor de yi shar phyogs su/ dung mig mtshal gyi spras pa la/ tshon sna lnga yi de bzhin brgyan/ rnam snang gsal gyi mchod rdzas so// 'khor lo de yi lho phyogs su// g.yu mig mtshal gyis spras pa la/ tshon sna lnga yis de bzhin brgyan/ 'od gsal 'bar gyi mthun pa'i rdzas 'khor lo de mi nub phyogs su/ / mtshal mig dung gi spras pa la// tshon sna lnga yis brgyan pa ni// mnyen gsal 'bar gyi mthun pa'i rdzas// 'khor lo de yi byang phyogs su// gser mig g.yu yis sbras pa la// tshon sna gsum gyis brgyan pa ni/ / bkrag gsal mnyam gyi mthun pa'i rdzas// de rnams ni yum drug gi 'thun pa'i rdzas so// dpag bsam shing gi rked pa la// gser mig bzhi la g.yu yis spras// tshon sna gsum gyis de bzhin sprag/ dus bzhi rgyal mo'i mthun pa'i rdzas// pag bsam shing gi rtsa ba la/ mtshal mig bzhi la g.yu yis sbras// de bzhin tshon sna gsum gyis brgyan// dbyings phyug mched bzhi'i mthun pa'i rdzas/ / de brgyad ni dpag bsam shing la gnas pa'i ma mo'i rdzas so// g.yu mig dung gis tras pa la// tshon sna gsum gyi de bzhin brgyan/ srid pa'i bde 'gro mthun pa'i rdzas// dung mig gser gyi spras pa la/ / tshon sna gsum de bzhin brgyan/ khros pa'i ma bzhi'i 'thun pa'i rdzas// dung mig lcags kyis spras pa bzhi// tshon sna gsum gyis de bzhin spras// sbas pa'i ma bzhi mthun pa'i rdzas// dung mig gser gyis spras pa dang/ / gser mig dung gis spras pa dang// g.yu mig mtshal gyis spras pa dang// mtshal mig g.yu yis spras pa bzhi// tshon sna lnga yis de bzhin brgyan// thugs kyi dge sde bzhi'i 'thun rdzas so// de rnams ni ye shes kyi rje mo bcu bzhi'i rdzas so/ / dkar mo zang yig mtshal gyi chun 'khor can// dkar mo'i tshogs kyi mthun rdzas so/ smug mo zang yig dung gi chun 'khor can// smug mo'i tshogs kyi mthun rdzas so/ / nag mo zang yig gser gyi chun 'khor can// nag mo'i tshogs kyi mthun rdzas so// de rnams ma mo nag mo smug mo gsum gyi mthun rdzas so// lcags mig g.yu yis spras pa la// mtha' ma dung gi chun 'khor can/ / srid pa chags byed mthun pa'i rdzas// g.yu mig lcags kyis spras pa la// mtha' ma gser gyi chun 'khor can/ srid pa cha snyoms mthun gyi rdzas/ dkar po drug la mtshal gyi chun 'khor can// e ka dza Ti spun drug gi mthun pa'i rdzas so/ / nag po bdun la dung gi chu 'khor can// ma bdun chen mo'i mthun rdzas so/ lcags mig dung gis bkang ba dang/ g.yu mig gser gyis bkang ba dang/ gser mig g.yu yis bkang ba gsum/ 'dod kham spun gsum mthun rdzas so// dung mig gser gyis bkang ba dang/ mtshal mi ga g.yu yis bkang ba gnyis// rdo rje gar gyi dbang phyug ma dang// mad+ma gar gyi dbang phyug ma gnyis kyi mthun rdzas so/ / dkar mo bzhi la g.yu yi chun 'khor can// dmag gi rgyal mo bzhi yi mthun rdzas so// dung mig mtshal gyis bkang ba dang// g.yu mig gser gyis bkang pa dang// gser mig g.yu yis bkang ba dang/ / mtshal mig dung gis bkang ba bzhi// gru 'degs bzhi yi mthun rdzas so// g.yu mig dung gis spras pa bzhi/ sring mo bzhi yi thun rdzas so// dkar mo bdun dang sngo mo bdun// dmar mo bdun dang ser mo bdun/ / dbang phyug nyi shu rtsa brgyad 'thun rdzas so// de rnams ni 'jig rten las 'das pa'i ma mo rnams dang cha mthun pa rnams kyi mthun rdzas so// 'jig rten pa'i ma mo rnams kyi 'thun rdzus ni// bdud mo spun dgu'i nam mkha' nag mo la tha ma ser pos bskor ba dgu/ / phug bdag mo spun dgu la// nam mkha' sngon po la tham ser pos bskor ba dgu/ gsen mo bzhi la// nam mkha' dkar po la sogs pa bzhi'o/ / de rnams ni 'jig rten pa'i ma mo rnams kyi 'thun rdzas so// de nas he ru ka chen pos// 'di skad ces gsungs pa// nam mkha' zhes pa'i don ji ltar lags/ nam mkha' gru bzhir 'dud pa'i gtan tshigs ji ltar lags/ / tshon sna lnga yis brgyan pa ji ltar lags// yan lag bzhi dang ldan pa ji ltar lags// rma bya la sogs bya spu lnga yis brgyan pa ji ltar lags// smyug ma tshigs dgu btsugs pa ji ltar lags/ / nam zhes bya ba ji ltar lags// mkha' zhes bya ba ji ltar lags// chos nyid sems nyid dbyings nyid dang// nam mkha'i don ji ltar sbyor// yon bdag lus ngag yid gsum gyi// nam mkha' gang gi glud du ji ltar gtong/ / mda' 'phang gang gi glud du gtong/ ri rab gang gi glud du gtong// gling bzhi gling phran gang gi glung du gtong// gzugs brnyan sna tshogs gang gi glung du gtong// dar sna lnga brgyan pa ji ltar bya/ / 'bru sna lnga yis brgyan pa ji ltar bya// mdor na nam mkha' lding zhing chu la gnas pa dang// sa la skye zhing 'gro drug gnas pa dang// gzugs sgra dro ro reg la sogs// kha dog dbyibs su snang ba 'di dag kun/ / don dang gtan tshigs ji ltar lags/ ces gsungs pa dang// gnod 'dul lha yis gsungs pa// nam mkha' zhes bya ba'i don ni// yangs shing rgya che bas kun la khyab po// nam mkhar grub bzhir 'dug pa ni/ dus bzhi dang ldan pa'i rtags so// tshon sna lngas brgyan pa ni// ye shes lnga dang ldan pa'i rtags so// yan lag bzhi dang ldan pa ni// tshad med ba bzhis 'gro ba'i don mthar phyin pa'i rtags so/ rma bya'i sgros brgyan pa ni/ rol pa drug dang ldan pa'i rtags so// bya rgod la sogs bya dkar tshogs kyi spus brgyan pa ni// ma mo dkar mo'i tshogs kyi thugs dam bskang ba dang// me long lta bu'i ye shes don dang ldan pa'o/ / bya dpal la sogs sngon mo tshogs kyi spus brgyan pa ni// ma mo sngon mo'i tshogs kyi thugs dam bskang ba dang/ mnyam pa nyid kyi don dang ldan pa'i rtags so// zer mo la sogs dmar mo'i spus brgyan pa ni/ / ma mo dmar mo'i thugs dam bskang ba dang so sor rtog pa'i ye shes don dang ldan pa'i rtags so// ngur pa la sogs ser pos spus brgyan pa ni// ser mo'i tshogs kyi thugs dam bskang ba dang/ / bya ba nan tan don dang ldan pa'i rtags so/ bya rog la sogs nag po'i spu yis brgyan pa ni// ma mo nag mo'i thugs dam bskang ba dang// chos dbyings ye shes don dang ldan pa'i rtags so// 'ug pa la sogs ltas ngan spus brgyan pa ni/ / ltas ngan sna tshogs dgra la gtong ba'i don// bya bang bon po'i spus brgyan pa ni// bdag gi ngag sdig sel ba'i rtags so// smyug ma tshigs dgu btsugs pa ni/ / theg pa rim dgu rdzogs pa'i rtags so// nam zhes bya ba mi 'gyur ba'o// mkha' zhes bya ba yangs pa'o// nam mkha' skye 'jig med pas chos nyid don dang ldan// nam mkha' stong pa'i dbyibs nyid don nga ldan/ / nam mkha' ngag dang zhal gyi glud du gtang// rma bya mdangs kyi glud du gtang// mda' pho yi glud du gtang// 'phang mo yi glud du gtang// ri rab mkhar gyi glud du gtang// gling bzhi yul gyi glud du gtang/ / gzugs brnyan nor rdzas glud du gtang// dar tshon gos kyi glud du gtang// 'bru sna phung po'i glud du gtang// mdor na ri rab lhun po yang/ dpag bsam shing dang glung bzhi gling phran dang// snang srid sems can gzugs/ / rin chen nor dang rdzas// gnod 'dul lha yis ni// snang srid ma mo thams cad la// 'gro drug sems can glud du 'bul// dus min 'chi las bzlog pa'o// de phan chad sems can pa lags so/ / nam mkha' pra khrid kyi rgyud las// nam mkha'i mtshan nyid bstan pa dang// gtan tshags bstan pa'i le'u ste lnga pa'o//// nam mkha' pra khrid kyi tan tra rdzogs so//// rgya gar skad du// shrI sarba sing+ng+hi ti sti a ba lo ka ma hA tan+ta rA dza// bod skad du// dpal dngos grub thams cad kyis brtan par gzigs pa'i rgyud kyi rgyal po chen po// byang chub sems dpa' sems dpa' chen po smon lam gyi ting nge 'dzin mi g.yo bar snang ba la phyag 'tshal lo/ / 'di skad bdag gis thos pa'i dus gcig na// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi tshogs thams cad shin tu rnam par dag pa'i chos kyi dbyings kyi pho brang/ yum gyi b+ha ga rnam par dag pa'i dbyings na bzhugs pa'i tshogs// 'di lta ste/ de bzhin gshegs pa dbu ma rnam par rol pa'i tshogs dang/ / de bzhin gshegs pa rdo rje 'dus ma byas pa'i tshogs dang// de bzhin gshegs pa don dam pa'i yon tan rtsol pas ma bskyed par snang ba'i tshogs dang// de bzhin gshegs pa yul rnam par dag pa ye shes kyi tshogs dang/ / de bzhin gshegs pa smon pa med pa'i rnam par thar bas rang bzhin gcig pas mun pa 'joms pa'i tshogs so/ byang chub sems dpa' gsang ba'i bdag po lag na rdo rje la sogs pa dang/ / srid pa'i lha ma srin sde brgyad la sogs pa rnams kyang 'dus par gyur to// de nas 'di skad gsungs so// chos nyid kho na'i yon tan ni// gzugs sku dpag med gang dang gang// dbu ma 'dus ma byas pa'i don/ / yul nyid dbyings nyid smon pa med/ sku gsum ye shes khyad par che// sangs rgyas yon tan kun gyi gzhi// 'di ltar de bzhin gshegs pa dang// de bzhin gshegs pa'i tshogs kyis/ / byang chub kyi sems smon lam gyi ting nge 'dzin// mi g.yo bar snang ba nyid la dbang bskur te// yul rnam par 'dus par gyur to// de ltar de bzhin gshegs pa'i tshogs dang// tshogs chen po byang chub sems dpa' de nyid la gzigs pa dang/ / rab tu gzigs pa dang// cher gzigs par gyur to/ byang chub sems dpa' de nyid kyang// de bzhin gshegs pa'i mthus 'dzum par gyur nas// de bzhin du yan lag dang nying lag las 'od kyi dra ba 'jig rten gyi khams su bkye bas/ / 'di ltar sems can dman par snang ba thams cad sems kyi dri ma bsal ba'i phyir// de bzhin gshegs pas dbang bskur pa dang// rdzu 'phrul gyi spobs pa bstan te/ / stong gsum gyi stong chen po'i 'jig rten gyi khams nam mkha'i dkyil 'khor zhabs kyis mnan te/ de bzhin gshegs pas dbang bskur ba dang// rang gi smon lam las grub pas/ / khro bo chen po// rnam par snang mdzad ces bya bar gyur pa// 'di lta ste// sangs rgyas nyid dang/ dam pa'i chos chen po dang// dge 'dun dag pa dang// sna tshogs rdo rje la sogs pa dang// sna tshogs 'khor lo la sogs pa dang/ / sna tshogs rin po che la sogs pa dang// sna tshogs pad+ma la sogs pa dang// sna tshogs rgya gram la sogs pa bsnams pa// rang gi yon tan sku dang ye shes la sogs pa'i phyag mtshan dang/ / 'gro ba yongs su 'dul ba'i phyag mtshan thugs rje dang// smon lam gyi 'khor lo gnyis ka rnam par smon par gyur pa// gro ba dang 'gro ba rnams kyi don mdzad pa// dngos grub dang chen po'i ting nge 'dzin la snyoms par zhugs nas/ / khro bo chen po des kyang nyid kyi sku'i yan lag las// 'od zer gyi dra ba tha dad pas 'jig rten dag par byas so// dpal dngos grub thams cad kyis brtan par gzigs pa'i rgyud kyi rgyal po las gleng gzhi'i le'u ste dang po'o/ /// de nas bcom ldan 'das kyis yongs su rdzogs pa'i sku 'di bstan to// gsung ngo// 'byung bar 'gyur ba 'di lta ste// dngos grub kun gyi mchod chen po// nam mkha'i dkyil 'khor ji bzhin du/ / rnam par snang mdzad khro bo yi// sku ni nam mkha'i mtha' 'dra ste// rnam par gsal ba'i dbu bcu mdzes// phya ni bco brgyad phyag mtshan stong// sum cu rtsa gnyis zhags kyis mdzes/ / de bzhin gnan khri sum cu gnyis// sku ni ljang khu mdzes pa'i mchog/ dang po'i dbu ni byang chub sems// gnyis pa nyan thos zhi ba'i dbu// g.yon pa rang rgyal skyes pas dbu// dbu ma'i steng na sprul pa'i dbu/ / de yi longs spyod g.yas pa dang/ 'di ltar g.yon na chos kyi dbu// de steng dbu ma gsang sngags dang// g.yas pa rig sngags thabs kyis mgon// shes rab gzungs sngags g.yon par mdzes/ / kun gyi steng na zab mo'i dbu// zhi ba mnyam nyid dpag par dka'// dkar po dmar dang ser ba'i ngang// dmar po ser dang shin tu sngo// dud ka ljang khu dmar la brjid// shin tu gnag pa'i ngang tshul can/ / rnam par 'jigs pa'i dbu bcu ste// sangs rgyas rnams kyi yul na gsal// brjid pa'i zhabs ni sum cu gnyis// khams gsum gnon pa'i thabs mchog ste// dmyal ba yi dwags dud 'gro dang/ / mi rnam dang lha rnams go rim bzhin// g.yas pa'i zhabs ni bcu drug dang// g.yon du brkyang pa bcu drug go// g.yas pas ji bzhin gnon pa ni// tsha ba'i me dang grang ba'i chu// gnon par yul snang yi dwags pa/ / sems dpa' med pa'i bkres pa gnon// dud 'gro rnam pa bzhi mnan pa// 'dab chags la sogs mkha' 'gro dang// nya la sogs pa chu la gnas// srin bu rdul gyi nang pa dang// seng ge la sogs sa steng gnon/ / mi rnams zhabs kyis mnan pa'i// dkar po zla gam lus 'phags dang// sngon po sog ka 'dzam bu gling// dmar zhing zlum pa ba glang spyod// sgra mi snyan ljang khu gru bzhi gdan// de bzhin zhabs kyis bar rim lha/ sum cu rtsa gsum ri rab dang// 'thab bral dga' ldan rnam par gnon// g.yon pa'i zhabs kyis go rim ltar/ 'phrul dga' gzhan 'phrul dbang byed dang// tshangs pa'i zhing khams dang bo dang/ de bzhin gnyis dang gsum pa dang/ bzhi pa yang dag de mnan pa// gzugs chen 'du shes med pa dang// mi che gnon cing mi gdung pas// gya nom dang ni shin tu gnon// gzugs can kun gyi bla ma gnon/ / nam mkha' mtha' yas bsam pa dang/ rnam shes dang ni ci yang med// yod min med min zhabs kyis gnon// ji ltar gzugs dang kha dog dang// rang gi mtshan nyid ci 'dra bar// so sor zhabs kyis rnam par gnon/ / rang gi steng na pad+ma ste// zhabs kyi 'og na zla ba dkar/ sems can gang dag smin phyi ru// srin nam zhabs kyis mkha' ltar brdzis// 'jig byed chen po rnam snang mdzad// rnam pa stong gi phyag gi mtshan/ / mdun du bzhag pa'i phyag rgya dang// mdun du bsgreng pa'i phyag rgya ste/ mdun du brkyang ba'i phyag rgya dang// thur du bzhag pa'i phyag rgya dang// thung du brkyang pa'i phyag rgya nyid// zur du phab pa'i phyag rgya ni/ zur du brkyang ba'i phyag rgya ste// zur du bsgreng ba'i phyag rgya dang// steng du bkan pa'i phyag kyang rgya// rnam pa bcu ni stong du brkyang// phyag gi mtshan ma rnam pa bcu// g.yas dang g.yon gyi rim pa yas/ rnam pa lnga bcur gyur pa nyid/ / mdun du mnyam gzhag g.yas g.yon phyag// zla ba gi steng gnas pa'i// thugs khar sku bzhugs sangs rgyas yin// mnyam gzhag gnyis pa dam chos 'dzin// 'di lta gsung ba'i dge 'dun che/ / bzhi pa nyid na a li'i// lnga pa 'ba' zhig nyi ma ka// de nas drug pa 'khor lo bsnams// bdun pa la ni rdo rje dang// brgyad pa 'di ltar rin po che// pad+ma bzhag pa dgu pa ste// bcu pa rgya gram mdun du bzhug/ / 'khor lo la sogs sna tshogs yin// dgu ni zla ba'i steng na'o// de 'og mdun bzhag brgyad cu ste// g.yas pa bzhi bcu so sor gsal// 'di ni dang po ral gri bsnams// gnyis pa gser gyi 'khor lo bsnams/ / zla ba gsum 'dzin bzhi pas dung// lnga pa ban ng+ha kha skud drug/ nam mkha'i nyi sbrin skar ma dang// rim pa 'di ltar bcu kho na'o// bcu gcig pa na kho TaM thogs// sha ba khrag dang chu srin sbrul/ / ma he rnga mo sbrul lag dang// rgya mtsho la sogs go rim rims bcu// rtsa gcig 'phreng ba dkar po 'dzin// rnga yab klu dang srin 'dzin// tham mo sbyar zhing sdigs mdzub dang// glang po che dang rtag shang shang/ / seng ge rma bya dbyug pa dang// rin po che yi 'phreng ba dang// rin chen snye ma ba'i zho// krung krung bya rgod 'dzin pa dang/ rtse gsum phyag rgya bcas pa dang// rtse lnga rdo rje'i phyag rgya dang// khu tshur rab tu phyar pa'o/ / 'di yi g.yon pa ne'u le dang// chu yi bum pa traM shul dang// kha T+wI+e 'u chung dril bu can// srin lag 'dzin dang// gnam lcags 'phreng ba 'dren pa dang// za byed mgo yi 'phreng ba thogs/ me dang chu 'bab gsal shing dang/ gri gug gzhu dang mda' bo che// ser mo brkyang dang srin lag bsgreng// tho ba dang ni gtun shing 'dzin// mche ba zla tshes gcigs pa dang// 'dod pa kha zas thogs pa dang// chos kyi 'khor lo bskor ba dang/ nam mkha'i skar khung phyed pa dang// sa yi dkyil 'khor 'dzin pa dang// rin chen 'bar ba'i rgyal mtshan dang// bong bu dang ni rma bya'i gzugs// gnod spyin ma dang keng rus dang/ bong bu'i mdze dang bong chung snying dang/ / khram shing dang ni shad kyi snod// 'di dag mdun du bzhag pa'i phyag/ sems dpa' dkar po'i dbus la sogs// g.yas g.yon rgya yi mdzes pa'o// dpa' po rnam par mdzad phyag/ mdun du bsgreng pa rgya pa ste// g.yas pa lnga bcu gseg shang can// de ltar g.yon pa par pu bsnams// nyan thos zhi dmar dbu'i phyag// rnam pa brgyad dang ldan pa ste// gsung gi 'gro don spyod pa dang/ / spyin pas 'dul pa'i yon tan gyis// gseg shing par bu rnam par mdzes// rnam par snang mdzad khro bo yi// zhing khams dang por byung ba ni// nyan thos zhi ba rnam pa brgya// theg pa chen po'i bzhin pa la/ / nyan thos skal ngan drang ba'i phyir// thabs nyid yid yon tan 'di kho na'o// kha dog ser po g.yon pa na// rang rgyal skyes bu dpa' bo dbu// rnam pa brgya yis mdzes pa'i phyag/ mdun du brkyang ba'i phyag mtshan ni/ / 'khor lo'i mtha' dang bsam mi khyab// lte ba mu khyud rtsibs dang bcas// rten 'brel stobs grub pa yi// chos rtags phyag mtshan gnyis pa ste/ gnyis su 'thun dang ya gcig ste/ / tshogs dang gcig pu'i khyad par can// kha dog rnam pa kun gyi mdzes// mi g.yo smon lam las byung ba'i// rang gi rgyud kyang dag pa ste// dmigs pa phra mo rdul phyir du// 'khor lo 'gro ba gdul phyir yin/ / g.yon zhal ser po'i dbu las 'phros// gsum pa'i steng na dbu ma'i zhal// dmar po mkhas pa'i spyod yul can// 'di las bskyed phyag ni rgyu// thur du bzhag pa'i dbu las 'phros// gsum pa'i steng na dbu ma'i zhal/ / dmar po mkhas pa'i spyod yul can// 'di las bskyed phyag ni rgyu// thur du bzhag pa'i phyag mtshan ni// lnga bcu gnyis na thogs pa ste/ g.yas na lcags skyu dang po ste// gzugs dang sgra dang dri dang ro dang/ reg bya 'jam par sregs bcu// 'di ltar lnga bcu g.yas pa na de yi zhing lnga g.yon pa ste// 'das pa thams cad mar me mdzad// thams cad da ltar shAkya thub// ma 'ongs thams cad byams pa bsnams/ / thams cad tha mar rin chen dpal// da ltar thams cad byang chub sems// bong bu zhon zhing srin mo 'dul// lnga las bcur bskyed lnga bcu'i phyag/ mchod nas dam pa 'di ltar 'phags// 'di dag g.yon pa'i phyag na mdzes/ / dmar pa'i zhal nas sprul pa'o// rnam par snang mdzad khro bo yi// g.yas pa longs spyod rdzogs pa'i dbu// cung zad ser ba rgyan gyi zhal// mtshan rnams rdzogs pa'i zhabs kyis ni/ / dus gsum smin pa'i gzugs can 'dren// de yi phyag kyang rnam pa brgya// g.yas kyi lnga bcu lcags kyu dmar// g.yon gyi lnga bcu lcags kyu dmar// thur du brkyang pa'i phyag mtshan gyis// mig dang rna ba sna dang/ / lce dang lus// zla ba'i dkyil 'khor phyed yan chad// la sogs g.yas pas 'dren pa dang/ gti mug gdul pa yan chad du// ji bzhin lcags kyus rnam par 'dren// longs spyod rdzogs pa'i ting nge 'dzin gyis/ / 'khor ba nyid na rgyun du'o// rnam par snang mdzad khro bo yi// zur du phab pa rnam par brgya// g.yon zhal sngon po nyid las 'phros// kun gyi phyag na bsnams pa ni// rnam pa thar pa gsum pa'i zhal/ / gzhal yas khang ni dkar po 'dzin// stong nyid mtshan med smon pa med// 'das pa'i rang bzhin thams cad ni// stong pa nyid kyi rnam pa dang// da ltar mtshan ma med bstan pas// ma 'ongs pa la smon pa med/ / nam mkha' khyab pa'i 'jig rten na// rnam pa bcus bshad byis pa la// re re dag kyang rnam pa bcu// 'di ltar 'das dang da ltar dang// ma 'ongs pa na mtshan nyid ni// rnam par thar pa gsum brgya bsnams/ / chos nyid dbu mas rnam par thar// dud ka 'jigs pa'i zhan nas ni// thur du brkyang pa'i phyag mtshan brgya// g.yas kyi phyag ni lnga bcu la// srid pa'i rtse mo'i gzhal yas na// lnga bcu tham pa'i phyag rgya can/ / las kyi dra ba mjoms mdzad pa'i// dngos grub mang po'i dkyil 'khor ni// dpag bsam shing las brgyan pa ste// rin chen 'bar ba'i cod pan can// grub gsum nang na phyag rgya che/ / g.yon pa las las byung ba yi// srid pa'i grong khyer gdul bya nyid// rnam pa lnga yi grong khyer nyid// grong khyer gcig las khyad par bcu// de ltar lnga bcu ldan pa yi// gdul bya rma bya'i rgyal mtshan 'dra/ dbu mas rnam par 'joms pa ni// dag pa nyid dang ma dag pa// g.yon pa'i phyag na rnam par mdzes// de ltar g.yas pa ljang khu ni// thabs kyi phyag rgya zur du bsgreng// g.yas pa lnga bcur ldan pa ni// dus gsum nam mkha'i mtha' 'dra bar/ / rgyal bas thabs kyi phyag rgya ni// khro bo bcu las 'phros pa yis// de re lnga lnga gyur pa ni// g.yas pa rnam par brgyan pa yin// g.yon pa lnga bcus bsams pa ni// khro bo dang ni ma mo dang/ / srin mo dang na gnod sbyan ma// lha mo dang ni klu mo dang// dri za mo dang grul bum mo// rnal 'byor ma dang mkha' 'gro mo// dbu gcig ma dang gnyis pa dang// de bzhin gsum bzhi lnga pa dang/ / drug pa bdun pa brgyad kyi dbu// dgu nas bcu'i bar du'o// dngos grub thams cad gsol mdzad pa/ rig sngags rnam par grags pa ste// ljang khu zhal nas 'phros pa yin// gzungs kyi phyag na bsnams pa ni/ / g.yon zhal dmar pa nyid las 'phros// g.yas na thogs pa phur pa yin/ de bzhin g.yon pa pad+ma ste// 'di rgya ni gyen du ba bkan// thabs dang shes rab khyad par gyis// rab tu gsal ba gang dag go/ / rnam par snang mdzad khyad par las// kun gyi steng na zab pa'i dbu// rgya chen rnams dang ma 'dres pa// steng gi dbu mchog gnag pa ste// steng du brkyang ba'i phyag rgya pa/ stong pa nyid kyi rang bzhin gyis/ / 'di la mtshan ma ga la 'byung/ rnam par spros pa med pa yi// phyag na nam mkha'i dkyil du thim// dpal dngos grub thams cad kyis brtan par gzigs pa'i rgyud kyi rgyal po chen po las// khro bo rnam par snang mdzad kyi sku nam mkha' dang mnyam par sgom pa'i le'u ste gnyis pa'o/ /// de nas bcom ldan 'das rdo rje mkha' 'gros// nyid kyi sku dang// gsung dang// thugs rdo rje rnams las/ rang bzhin gyi dkyil 'khor 'di phyung ngo/ / sna tshogs 'dus pa'i thig le che// rgyud kun 'byung ba'i dkyil 'khor te// oM gyi ye shes las byung ba// sna tshogs 'khor lo'i bdag nyid che// hU~M gi ye shes las byung bas// rdo rje'i dang po rnam par mdzes/ / swa yi ye shes las byung bas// rin chen 'bar ba'i cod pan mdzes// aM gi ye shes las byung bas// sna tshogs pad+ma ti khyad par 'phags// ha yi ye shes las byung bas// sna tshogs rgya gram rab tu mdzes/ / hri yi ye shes las byung bas// pad+ma 'bar ba'i gzhal yas khang// hU~M gi ye shes las byung bas// sna tshogs rdo rje'i 'phreng ba'i mdzes// ka yi ye shes las byung bas// 'khor lo'i zhabs dang yang dag ldan/ / kha yi ye shes las byung bas// gnas pa zhabs kyi mchog tu 'gyur// ga yi ye shes las byung bas// dra bar 'brel ba'i sor mo nyes// g+ha yi ye shes las byung bas// rnam par gzhon pa'i yan lag can/ / nga yi ye shes las byung bas// bdun pa mtho ba nyid dang ldan// tsa yi ye shes las byung bas// sor mo ring ba nyid dang ldan// tsha yi ye shes las byung bas// rting pa yangs pa'i 'bras bu can/ / dza yi ye shes las byung bas// ye shes sku mchog shin tu che// dz+ha yi ye shes las byung bas/ mtho bar gyur ba'i zhabs dang ldan// nya yi ye shes las byung bas// ba spu gyen du 'khyil bar mdzes// Ta yi ye shes las byung las/ / e n+ya ya yi byin pa 'dra// Tha yi ye shes las byung bas/ rnam par ring ba'i phyag tu mdzes// Da yi ye shes las byung bas// gsang pa'i gnas mchog sbubs su nub// ng+ha hayi ye shes las byung bas/ gser gyi kha dog rnam par gsal// Na yi ye shes las byung bas// 'jam par gyur pa'i rang bzhin 'chang// ta yi ye shes las byung bas// g.yas su 'khyil pa'i spu yis mdzes// tha yi ye shes las byung bas/ / mdzod spu rnam par dag pa'o// da yi ye shes las byung bas// seng ge lta bu'i sku stod mnga'// ng+ha yi ye shes las byung bas// dpung pa zlum por gyur pa'o// na yi ye shes las byung bas// phrag pa rnam par rgyas pa yin/ / pa yi ye shes las byung bas// ljags la ro mchog mnga' ba'o/ pha yi ye she las byung bas// n+ya gro ng+ha ltar chu zheng gab// ba yi ye shes las byung bas// rnam par mtho ba'i spyi gtsug mnga'/ / b+ha yi ye shes las byung bas// rab tu yangs pa'i ljags dang ldan// ma yi ye shes las byung bas// rnam par gsal ba'i tshangs pa'i gsung// ya yi ye shes las byung bas// seng ge'i 'gram pa 'phags pa'o/ / wa yi ye shes las byung bas// shin tu dkar ba'i tshems dang ldan/ ra yi yi shes las byungabs// de dag shin tu mnyam pa'o// la yi ye shes las byung bas// thag bzangs rnam par mdzes pa yin// sha yi yi shes las byungabs/ / bzhi bcu tshang ba'i tshems dngaldan// sa yi ye shes las byung bas// dkar gnag phyed pa'i spyan dang ldan// ha yi ye shes las byung bas// ba yi rdzi ma lta bu yin// ka yi ye shes las byung bas/ sen mo zangs dang 'dra ba'o// kha yi ye shes las byung bas// de yi mdog kyang snum pa yin// ga yi ye shes las byung bas// de nyid gnas pa mtho ba yin// g+ha yi ye shes las byung bas/ / phyag gi sor mo rnam par zlum// nga yi ye shes las byung bas// sor mo rnam par rgyas pa'o// tsa yi ye shes las byung bas// sor mo nyid ni phu ba yin// tsha yi ye shes las byung bas// yan lag rtsa'i ltar mi mngon/ / dza yi ye shes las byung bas// de la mdun pa med pa yin// dz+ha yi ye shes las byung bas// long bu mngon pa med pa yin// nya yi ye shes lus byung bas// zhabs kyang rnam par mnyam pa yin// Ta yi ye shes las byung bas/ / seng ge'i stabs dang yang dag ldan// Tha yi ye shes las byung bas// glang chen 'gros dang 'dra ba yin/ Da yi ye shes las byung bas// dpa' po ngang pa'i stabs dang 'dra// D+ha yi ye shes las byung pas/ / khyod ni khyu mchog stabs su bzhugs// Na yi ye shes las byung bas// khro bo'i g.yas kyi phyogs su bzhud// ta yi ye shes las byung bas// blta na mdzes par bzhud pa khyod// tha yi ye shes las byung bas/ / dpa' bo g.yo ba med par bzhud// da yi ye shes las byung bas// legs par bzhud pa'i sku mchog yin// lha yi ye shes las byung bas// sbyangs pa'i lam du bzhud pa yin// na yi ye shes las byung bas/ / bags kyi gzhol pa'i sku mchog yin// pa yi ye shes las byung bas/ sku ni shun tu gtsang ba yin// pha yi ye shes las byung bas// rtag tu 'jam pa brnyes pa yin// ba yi ye shes las byung bas// sku ni shin tu 'jam pa yin/ / b+ha yi ye shes las byung bas// rnam par dag pa'i sku mchog yin// ma yi ye shes las byung bas// shin tu rdzogs pa'i dpe byad yin// ya yi ye shes las byung bas// sku ni che zhing mdzes pa yin/ / wa yi ye shes las byung bas// sku ni kun tu mnyam pa yin// ra yi ye shes las byung bas// gzhon nur gyur pa'i sku dang ldan// la yi ye shes sa las byung bas// sku ni zhum pa med pa yin// sha yi ye shes las byung bas/ / sku ni yon tan gyis brgyan no// sa yi ye shes las byung bas/ sku ni shin tu mkhregs pa yin// ha yi ye shes las byung bas// yan lag nying lag mdzes pa yin// a yi ye shes las byung bas/ / thams cad gzigs pa mnga' pa'o// A yi ye shes las byung bas// phyal ni rnam par zlum pa'o// i yi ye shes las byung bas// khyod kyi phyal ni las byung bas/ I yi ye shes byung bas// phyal ni rnam par ma zhom pa'o/ / u yi ye shes las byung bas// dpa' bo'i phyil ni byam me ba// U yi ye shes las byung bas// sku yi lte ba zab pa yin// e yi ye shes las byung bas// lte ba g.yas na rab tu mdzes/ / ai yi ye shes las byung bas// de ni kun nas mdzes pa yin// o yi ye shes las byung bas// rnam par dag par gyur pa khyod// r-I yi ye shes las byung bas// rme ba tha dad spangs par mdzad// l-i yi ye shes las byung bas/ / khyod kyi phyag na rtag tu 'jam// l-I yi ye shes las byung bas// phyag la ri mo snum par mdzes// o yi ye shes las byung bas// de dag kying kyang zab pa yin// oM yi ye shes las byung bas/ / ri mo ring po'i rgyun ma chad// oM gyi ye shes las byung bas// zhal ni rnam par ring ba yin// a yi ye shes las byung bas// zhal ni chos kyi gzugs brnyan mnga'/ ka yi ye shes las byung bas// shing bal lta bu'i ljags dang ldan/ / kha yi ye shes las byung bas// khyod kyi ljags kyang yangs par mnga'/ ga yi ye shes las byung bas// rab tu dmar pa'i ljags dang ldan// g+ha yi ye shes las byung bas// khyod kyi gsung ni rnam par zab/ nga yi ye shes las byung bas/ yid dang mthun pa'i gsung mchog sgrogs// tsa yi ye shes las byung bas// spros med mche ba rnam par zlum// tsha yi ye shes las byung bas// dri zhim dbu dang yang dag ldan/ / dza yi ye shes las byung bas// dug gsum dbugs pa'i mche ba rno// dz+ha yi ye shes las byung bas// dag pa'i tshoms mchog dkar ba yin/ nya yi ye shes las byung bas// khyod ni mnyam pa'i sa la bzhugs/ / Ta yi ye shes las byung bas// zhal gyi tshems kyang ring ba yin// Tha yi ye shes las phyung bas// shangs mchog rnon por gyur pa khyod// Da yi ye shes las byung bas// dag par gyur pa'i shangs mchog mnga'/ / D+ha yi ye shes las byung bas// 'khor ba'i bar du spya yang ring// Na yi ye shes las byung bas/ spyan ni shin tu rnam par dag// ta yi ye shes las byung bas// spyan gyi rdzi ma shin tu sdug// tha yi ye shes las byung bas/ / spyan ni shin tu dkar gnad phyed// da yi ye shes las byung bas// zhal gyi smin ma ring ba yin// ng+ha yi ye shes las byung bas// smin ma nyid kyang rnam par 'jam// na yi ye shes las byung bas/ / de nyid rnam par mnyam pa yin// pa yi ye shes las byung bas// snum par gyur pa'i smin ma mnga'// pha yi ye shes las byung bas// snyan kyang ring bar gyur pa yin// ba yi ye shes las byung bas// khyod kyi snyan ni rnam par mnyam/ / b+ha yi ye shes las byung bas// de yi dbang po rnam par dag// ma yi ye shes las byung bas/ dpral bar shin tu mdzes pa yin// yi ye shes las byung bas// dpral pa rnam par spangs pa yin/ / wa yi ye shes las byung bas// dbu ni shin tu rgyas pa yin// ra yi ye shes las byung bas/ dbu skra rnam par gnag pa yin// la yi ye shes las byung bas// dbu skra kun nas gsigs pa yin/ / sha yi ye shes las byung bas// dbu ni rnam par 'jum pa yin// sa yi ye shes las byung bas// rnam par 'dzings par ma gyur pa// ha yi ye shes las byung bas/ dbu nyin shun tu 'jam pa yin// a yi ye shes las byung bas/ / lha yi grong khyer nyi shu gnon// nri yi ye shes las byung bas// mi yi grong khyer rnam bzhi gnon// ti yi ye shes las byung bas// dud 'gro'i grong khyer rnam bzhi gnon// su yi ye shes las byung bas/ / yi dags grong khyer rnam bzhi gnon// du yi ye shes las byung bas// dmyal pa'i grong khyer rnam gnyis gnon// sum cu rtsa gnyis 'khor lo yi// sum cu rtsa gnyis mtshan dang ldan// ral gri ne'u le la sogs te/ / rnam pa brgyad cu'i dpe byad can// zla ba'i dkyil 'khor na yig 'bru gsal// ti yi ye shes rnam bzhi las// seng ge stag dang 'brug khya dang// zhan pa brdzis pa'i mkha' 'gro bzhi// dur khrod lta bu'i gru chad 'dzin/ / hU~M gi rnam pa de gnyis las// rnam par gyur pa rnam pa brgyad// 'jig rten skyong ba'i rje me ni// mkha' 'gro chen mo'i rigs dang 'dra// hU~M gi rnam pa rnam bzhi ni// byams pa snying rje dga' ba can/ / ye shes bzhi yi 'khor lo bskor// tshad med mkha' 'gro las bzhi mas// 'khor lo zla dkyil lta bur mdzes// 'khor lo 'khor ba sum cu gnyis// dud 'gro gnon pa'i mkha' 'gro bzhi// 'das pa de yi pha rol na/ / 'jig rten skyong ba'i gtso bo ni// rang bzhin ye shes rgyan gyis mdzes// dpal dngos grub thams kyis brtan par gzigs pa'i rgyud rgyal po chen po las// rang bzhin gyi dkyil 'khor rnam par sbyor ba ste le'u gsum pa'o/ /// de nas bcom ldan 'das kyis nyid kyi sku dang// gsung dang// thugs rnams las// sngags kyi 'phreng ba 'di cher gsungs so// rnam par snang mdzad bcom ldan 'das// mi g.yo byang chub sems nyid dang/ / dpal gyi lha mo rgyas par ldan// rdo rje mkha' 'gro rnam par thar// lha mo nag mo mtshan dang ldan// dpag med mtshan gyis zhing khams sbyor// mi phyed 'jigs cing zhing khams gdug pa na/ / bod bu zhon zhing khams gsum 'dul// rgyal pa kun gyi bla ma de// dngos grub kun gyi 'byung gnas la// 'di la ma brten sbyor ba rnams// bsgrub pa gang dag yang thob mi 'gyur// dkyil 'khor 'jug par nus pa dang/ / sngags rnams dang por sgrub par shis// a A/ i I/ u U/ e ai// o au// aM a// ka kha ga g+nga nga// tsa tsha dza dz+ha nya// Ta Tha Da D+ha Na// ta tha da d+ha na// pa pha ba b+ha ma// ya wa ra la/ / sha Sha sa ha k+Sha// thabs dang shes rab dkyil 'khor ni// nam mkha' dang yang mnyam pa yin/ sku dang ye shes rang bzhin ni// sems rnams dang yang mnyam pa yin// las dang rnam par smin pa ni/ / sangs rgyas nyid dang mnyam pa'o/ 'khor ba'i 'khor lo ni// sum cu rtsa gnyis 'jug 'dod pas// ji bzhin sngags 'di bstan pa'o// oM sarba bu ng+ng+ha bai ro tsa na sarba ta thA na ga ga na oM// hU~M badzra sa twa sarba ta thA na ga ga na hU~M/ swa rat+na sarba ta thA na ga ga na swa/ oM pad+ma sarba ta r+thA na ga ga na aM// ha ka rma sarba ta thA na ga ga na ha// rtsa'i dkyil 'khor mngon par bstan pa'o// oM bu ng+ng+ha ng+ha rma saM g+ha// a wa lo ka ya/ oM aM hU~M swA hA/ / sbyor ba thun mong gi'o// A+oM badzra DA gi ni da ya sing ha a pa sa ni/ oM badzra DA ki ni da ya// bya ki a pa sa ni// oM badzra DA ki nI da ya// ur mo a ba ni// oM badzra badzra DA ki nI da ya// gu ru DA ki nI da ya/ / a ba sa ni// a ra li di/ kha mu khi ho// gru chad kyi mkha' 'gro ma chen mo bzhi'o// a nri su tri pre du a pas ni ma ha pad+ma staM// khams gsum pa'i gdan no// oM a ra li ta ra go ra a pa sa ni/ dzA la/ i n+t+ra tra ra hu la/ / na ma a ba lo ka ya// shar du'o// oM a ra li ga ta ha ka bi ra a ba sa ni// ya ma ra hu la na ma a pa lo ka ya// lhor ro// oM a ra li ga ta ha ko go ra a pa sa ni// dza la ra hu la// na ma a pa lo ka ya/ / nub po// oM ar li ga ta ha ha a pa sa ni yak+Sha ra hU la nA ma a ba lo ka ya// byang du'o// oM a ra li ta ha bi la ya a pa sa ni// ag+ne ra hU la nA ma a pa sa ni// shar lhor ro// oM a ra li ga ta ha go ra a pa sa ni/ / rak+Sha ra hu la nA ma// a ba lo ka ya// lho nub tu'o// oM a ra li ga ta ha ka la yi a ba sa ni// ba ye be ra hu la nA ma a pa lo ka ya// nub byang du'o// oM a ra gi ga ta ha go sa a ba sa ni// bung+ng+ha ra hU la a pa lo ga ya/ / byang shar du'o// 'di dag ni 'jig rten phyi rol gyi rang bzhin mngon par dag pa'i dkyil 'khor gyi phyogs mtshams brgyad na gnas pa'i mkha' 'gro ma gtso mo bong zhon ma brgyad do// hU~M hU~M hU~M hU~M/ / hU~M badzra DA ki nI/ ng+ha ya ma hA me tri ru pa go ra oM aM hU~M// she gyi sgor ro// oM badzra DA ki nI ng+ha ya ma hA ku ru ru pa ka'i ra oM AHhU~M// lhor ro// oM badzra DA ki nI ng+ha ya ma hA a nan ta ru pa ba li// oM AHhU~M// nub tu'o/ hU~M badzra DA ki nI ng+ha ya man+Tal na ga ga na ru pa ga ya ha ra// oM AHhU~M/ byang du'o// 'di dag ni byams pa mngon par grub pa dang// snying rje mngon par grub pa dang/ dga' ba mngon par grub pa dang/ btang snyoms mngon par grub pa dang/ / mkha' 'gro ma chen mo 'di bzhi'i rang bzhin ni/ de bzhin gshegs pa thams cad dang mnyam pa'o// oM sarba ta thA ga ta ma hA sarba ta thA ga ta// bung+ng+ha ng+ha rma sang g+ha pu Sh+pa maN+Dal staM/ / me tog gi lha gsang pa'o// oM sarba ta t+thA ga ta/ bu ng+ng+ha ng+ha rma sang g+ha dz+nya ni kA ya ma hA a ra li a hU~M// sngags thams cad yongs su sbyong ba'o// oM bung+ng+ha ng+ha rma sang g+ta badzra DA ki nI da ya// yo gi shwa ri/ / oM AH hU~M ='di nyid ni rtse gcig tu bzlas pa'o/ ab+h+yi Shi ny+tsa oM hU~M// 'di dag ni kun tu slob ma la sbyin pa'o// oM a kha ro mu khams sarba ng+ha rma a d+ya nud pan nad dwa ta ta// 'di ni sngags thams cad kyi rang bzhin dang yon tan no/ gdod nas ma byung ma skyes pa// chos rnams thams cad stong pa nyid// spros bral de nyid 'od gsal chos// 'di ltar na theg pa chen po sa gzhi lta bu'i bzhon pas 'degs pa// rang bzhin gyis shin tu rnam par dag pa'i lam gyi khyad par te/ 'di dag ni rdo rje'i lam mo// rin po che'i lam mo// pad+ma'i lam mo// las mthar phyin pa'i lam mo// shin tu zhi ba dang// thams cad rgyas pa dang/ / thams cad dbang du sdud pa dang/ thams cad mngon du 'joms pa'i lam mo// rgyu nyid 'bras bu gyur pa dang// 'bras bu nyid rgyur gyur pa dang// ye shes nyid rkyen du gyur pa'o// lam mo// 'di lta ste/ / 'di ni rdo rje'i sku dang// rdo rje'i gsung dang// rdo rje'i thugs yongs su dag pa lam du snang pa'o// lam 'di dag ni gzhan la brten pa ma yin no// gzhan thams cad ni 'di las byung pa'o// 'di nyid ni gzhan du gyur pa thams cad 'dus pa'o/ / 'dis ni bdag nyid rnam par dag pa'o// bdag nyid ni sna tshogs 'khor lo'o// bdag nyid ni sna tshogs rdo rje'o// bdag nyid sna tshogs rin po che'o// bdag nyid ni sna tshogs pad+ma'o/ / bdag nyid ni sna tshogs rgya gram mo// de dag ni rang gis mthong ba'o// de dag ni gzhan la bstan pa'o/ de nyid dang bstan du med pa'o// de rnams ni thabs kyi cho 'phrul lo// thams nyid ni nam mkha' la longs spyod pa'o/ / nam mkha' ni sems can rnams kyi dgrar gyur pa'o// sems can ni sangs rgyas 'byung gnas so// sangs rgyas ni nam mkha'i dkyil lo// nam mkha' ni sprin gyi cho 'phrul gyi gnas so/ / sprin ni byang chub sems dpa' 'o// byang chub sems dpa' ni mi g.yo ba'i ting nge 'dzin gyi smon lam mo// smon lam ni dpal gyi lha mo'i rnam par 'phrul pa'o// dpal dngos grub thams cad kyis brtan par gzigs pa'i rgyud kyi rgyal po chen po las/ / sngags kyi 'khor lo rdo rje lam du sbyor ba ste le'u bzhi pa'o//// de nas bcom ldan 'das kyis 'jig rten gyi khams stong du sbrul pa'i sku mthong nas// byin gyis brlabs pa'i dngos grub thams cad kyi 'khor lo zhes bya ba 'di nyid kyi sku dang/ / gsung dang thugs rnams las cher phyung ngo// oM zhes rnam par snang mdzad sbyar// drug pa'i bsam pa nyid dang sbyar// dbyangs yig drug pa de bzhin gnyis/ / lnga pa'i bzhi pa der rten nas// dbyangs yig brgyad pa'i rgyal mtshan cig// gsum pa'i dang po rab bstan la// dbyangs yig gsum pa yang dag ldan// bdun pa'i gnyis pa rab bstan la/ / gsum pa'i dang po mgo na ldan// lnga pa'i gsum pa rab gsal pas// bzhi pa'i dang po rnam brtags te/// dbyangs yig bcu pas ldan pa yin// bdun pa'i gsum pa rab gsal zhing/ / dbyangs yig gsim pas rnam pas mdzes// drug pa'i gsum pa gnyis su sbyar// dbyangs yig drug pa gnyis su ldan// drug pa gsum pa rab gsal la// dbyangs yig bcu pas nges ldan yin// de bzhin drug pa'i gsum pa ni/ / dbyangs yig drug pa yang dag ldan// lnga pa'i bzhi pa de bzhin te/ dbyangs yig brgyad par rnam par ldan// gsum pa'i dang po rab bstan la// dbyangs yig gsum pas yang dag ldan/ bdun pa'i gnyis pa de bzhin te// gsum pa'i dang po mgo na ldan// lnga pa'i gsum pa yang dag che/ bzhi pa'i dang po yang dag bstan// dbyangs yig bcu pa rnam par ldan// bdun pa'i gsum pa rab gsal la/ dbyangs yig// pas rnam par mtshan// de bzhin bdun pa'i gsum pa la// drug pa'i gnyis pa yang dag ldan// bdun pa'i bzhi pa de kho na'o// dbyangs yig gnyis pas yang dag ldan// 'jig rten nyi shu rtsa gcig gi/ / 'phreng ba 'dir ni bstan pa ste// dngos grub kun gyi 'khor lo yin// 'dir ni dran pa tsam gyis kyang// de bzhin sgrub pa ma byas kyang/ 'di yi yon tan bsam mi khyab// 'di ni dran pa tsam gyis kyang/ / ngan song gsum la rgyab kyis phyogs// sangs rgyas nyid kyang mngon du 'gyur// de bzhin 'di ni dran gyur na// rang gi sems ni rin chen 'dra/ de bzhin lus dang nye 'brel na// dpag bsam shing gi yon tan 'dra/ / gang zhig gang du brjod nus na// tshangs pa'i gsung nyid kho nar 'gyur// gang dag 'jig rten 'phos dang 'pho// shes pa med pa'i phung po la// 'di ni brjod na bde ba thob// dkyil 'khor gang du brjod pa der/ / khams gsum gnas pa'i khyad par gyis// sa phyogs mchod rten lta bur 'dzin// gang gis 'di la 'jug nus na// rang nyid chos kyi rgyal por 'gyur// gang dag mos pa tsam yod pa/ / rin chen sems der song ba yin// nyon mongs rgya mtsho chen po las/ gang dag spyi tshugs lhung pa dang// dran pa rgya mtsho rkang pas gnon// 'di yi yon tan dpag med de// sangs rgyas rnams kyis brjod mi nus/ / dpal dngos grub thams cad kyis brtan par gzigs pa'i rgyud kyi rgyal po chen po las// dngos grub thams cad kyis 'khor lo nyi shi rtsa gcig mthong ba'i khyad par gyi rtags brtan te le'u lnga pa'o/ /// de nas bcom ldan 'das kyis dngos grub kyi 'khor lo de nyid kyi dkyil 'khor gsungs pa// gru bzhi pa la sgo bzhi pa// lte ba zla dkyil phyed kyi sar// 'khor lo ljang khu mu khyud dkar/ / in+Da ni la rnam pa drug/ gru chad rab ldan bar khyams la// mchod pa thun mong sogs kyis brgyan// dkyil 'khor ji ltar rnam par mdzes// b+he yi ye shes las byung bas// gnod spyin rgyal po rnam par 'phags/ / b+he yi ye shes las byung bas// gnod spyin rgyal po nor gyi rgyun// zla gam dkar dmar rnam par 'dzin// ru yi ye shes las byung bas// g.yas dkar g.yon dmar phyed kyi lus// ru yi ye shes las byung bas/ / phyed ser dmar po lho yi lus// ru yi ye shes las byung bas// phyed dmar dmar mo nub kyi lus// ru yi ye shes las byung bas// phyed ljang dmar mo byang gi lus// ro yi ye shes las byung bas/ / mthing ka phyed dmar steng gi lus// ru yi ye shes las byung bas// phyed gnag dmar mo 'og gi lus// oM gyi ye shes las byung bas// zhi dang rgyas dang dbang dang drag// mdzes pa'i kha dog yang dag ldan/ / ti sta ba to si zhes pa'i// sgo bzhi mkha' 'gro bzhi dang ldan// ti sta ba to si zhes pa'i// ye shes 'di ni tha mas bstan// swA hA'i ye shes las byung bas// bcu drug lha ni gnod spyin dang// srin mo rnams kyis brgyan pa ste/ / 'byung bo ma yin bkra shis nyid// rin chen 'phreng ba rnam par phags// nor gyi rgyun gyis ne'u le 'dzin// rin chen 'ab dang dpag bsams shing/ dung dang 'khor lo ral gri che// nyi ma zla ba bum pa dang/ / mchod rten 'bar dang pad+ma 'bar// glang po'i mgo dang me long dang// lcags kyu rma bya'i rgyal mtshan rnams// rim pa bzhin du yang dag thogs// rab tu dpa' ba'i rnal 'byor ma// shin tu zhi ba'i yul na snang/ / gsang sngags rnam par brjod la mkhas// don rnams 'dzin pa'i ye shes kyis// yi ge'i mtshan nyid spangs nas kyang// 'bum phrag brjod pa'i 'og tu ni// bye ba brtson par rnal 'byor byed/ / de nas 'di nyid nang du ni// dngos grub phra mo bsdu bar bya// rin chen sna tshogs las grub pa'i// 'phreng ba 'dzin cing gyur cig pa'i// 'og tu sbyar na de bzhin 'gyur// ne'u le'u nang na nor bu ldan// zla ba phyed ras de bzhag de/ / 'di dag non dang ldan 'gyur zhes// 'og tu sbyar na zla nyid ni/ lha min dbang po bkag pa'i tshe// bkag nas bzung tshe bzung zhing bzlas/ btang ma thag tu der zad med// rin chen 'bar bris gyur cig ces/ / smon lam btab cing bzlas la brtson// zla nyid gzas zin de tshe na// 'bar 'gyur chos kyi rgyal mtshan 'dzin// rin chen thogs te mkha' la song// sangs rgyas zhing khams mang po ltos/ / dpag bsam shing bris 'khor los gnas// zla ba gza' yis zin pa'i tshe// lag tu dpag bsam gang 'ongs pa'i// de dag khyer nas mkha' la song// las kyi grong khyer mang po las/ / 'dod pa bsam yas sbyin pa mthong// bdag nyid grags pa sgrub pa yis// dang la dngos grub 'khor lo bkod// gnam lcags 'bar bar gyur pa'i tshe// drag tu bus pa'i yon tan gyis// sgra skad 'di yis zil gyis gnon/ / rin chen rgyu las bsgrubs pa yi// 'khor lo rtsibs drug 'bru brgyad chan// bzlas pa rdzogs nas 'khor 'gyur te// khros na tshangs pa'i sgra yang gcod// 'khor lo'i steng na ral gri mdzes/ / glang po so las byas pa sgrub// bzlas pa rdzogs nas dro ba na// yang zhing 'gul bar gyur pa'i tshe// gang gis gzugs brnyan gtum byas na// skad cig de la 'chad par 'gyur// nyi ma shel las byas pa la/ 'bru brgyad phyi rol ka la yin// rnam par bzlas dag gsal 'gyur te/ 'tshams mo gang nas mun pa 'joms// zla baa yi 'bru brgyad dbus// gsal ni spyi bor bdud rtsi 'dzag// bum pa dkar bzangs rnam par brgyan/ / lha min zla ba 'dzin pa'i tshe// drag tu bzlas pas bdud rtsi de// dngos grub 'khor lo bkod pa des/ bum pas bkrus na skra dkar dang/ gnyer ma rnam par zad par byed// mchod sdong rgyu las byas pas sgrub/ / 'bar bar gyur na 'phags pa mchod// pad+ma rnam par mdzes pa zangs// 'bar 'gyur 'jig rten chos mchog mnyes// glang po'i rten byas na// rang gi dkyil 'khor nyid du'o// glang po'i klad pa 'byung 'gyur te/ / de nas gti brus te spyad// me long ral gri gnas 'dul la/ dngos grub 'khor lo sngags dang ldan// bzlas pa rdzogs nas 'jig rten mthong// zangs las byas pas lcags kyu ni// bzang po 'phan med sor bcu drug/ dngos grub 'khor lo sngags dang ldan/ ngag gi rig byed rdzaugs pa dang// gang nas chi bams drangs byas nas// skad cig de la dbang du 'gyur/ rma bya'i rgyal mtshan rtse mo la// A ki kA li 'khor lo'i sngags/ / rnam par brgyan pa byang sgor btsugs// rang sems bltas shing bzlas pa dang// sarba ng+ha rma'i sngags dang ldan// las las grub pa'i 'jig rten rnams// rma bya'i sgro ltar mthong bar 'gyur/ / srin mo rin chen 'bar ma dang// de bzhin srin mo dpag bsam shing// srin mo dung dang 'khor lo dang// ral gri nyi zla bum pa dang// mchod sdong 'bar dang pad+ma 'bar// glang po me long lcags kyu dang/ / srin mo rma bya'i rgyal mtshan grags/ rigs 'din nyid ni de yis thob// dpal dngos grub thams cad kyis brtan par gzigs pa'i rgyud kyi rgyal po chen po las// dngos grub thams cad kyi 'khor lo zhes bya ba'i gsang sngags kyi 'khor lo mthong ba ste le'u drug pa'o/ /// de nas bcom ldan 'das nyid kyi sku dang// gsung dang/ thugs rdo rje rnams las// dngos grub thams cad sbyor ba'i gsang sngags 'di gsungs so/ rnam par snang mdzad dang por bzhag/ lnga pa'i lnga rnams bsams te// bdun pa bzhi pa de bzhin gsal// dang po gcig pa de dmigs te// drug pa bzhi pa yang dag ldan// dbyangs yig bzhi pas yang gsal pa'o/ / drug pa'i dang po de bzhin la// dbyangs yig brgyad pa'i rgyal mtshan can// bdun pa'i bzhi pa'i rnam brtags la// dbyangs yig drug pa de bzhin ldan// dang po'i lnga pa de bzhin mchod/ / lnga pa'i gnyis pa nyid dang ni// gsum pa'i dang po sbrel// dngos grub kun la rab sbyar ba'i// rim pa 'dir yang rnam par sbyar// lha cig ma la sbyor ba mang// rnam par snang mdzad la sogs te/ / drug pa gser gyi 'khor lo 'dzin// hU~M gi rnam pa ye shes dbus// de yi 'og ma go bzhir gnas// bdag dang nye ba'i mu khyud ni// dbyangs yig rnam par mdzes pas brgyan// 'khor lo bskor ba'i mu khyud ni/ / sde tshan rnam par brgyan pas 'phags// hU~M gi rnam pa nyid las ni// gyur pa'i sku ni rnam par bsgyur// kun la cher sbyor 'dod pa ste// dang po gsang snga gas rnam par sbyor// de nas sku yang cher sbyor de/ / gal te shel las byas pa yi// phyag na zla ba rnam rgyas 'dzin// shin tu dkar gsal nu ma 'bur// de nyid dkyil 'khor gnas bzhag ste// gang dag zhi bar 'dod pa bsam// khyad par sbyor pa zhags su ldan/ / mtho gang tshad kyi sku nyid ni// sku ni 'di dag bsgoms nas kyang/ sngar bsnyen bsgrub pa ma byas kyang// gang dag bzhag dang bsam pa zhi// gal te rgyal srid sgrub 'dod pas// gser las mdzub mo bkug pa'i tshad/ / 'khor lo rtsi bas drug thogs pa yin/ de la bzlas pa mang phul nas// rgyal srid rtsol zhes bya bar sbyar// gang dag bsam pas myur du 'grub// bdag gi longs spyod mi 'gyur na// zhu ba'i tshul la 'dzub gang ba/ / rdo rje rgya gram stan la 'dug// gang na gnas pa'i sa phyogs kyang// bskal ba chen po'i bar du brtan/ nad ranasam thams cad gso ba'i phyir/ khu tshur bcangs pa'i gru gang la/ / bdud rtsi bum pa thogs pa ni// lha mo nu ma ral pa can// me tog dkar pos mchod na ni// nad kyi rkyal pa zhi bar nus// gang la gnas pa'i sa phyogs kyang// bdud rtsi'i dkyil 'khor ji bzhin no/ / bsam pa brtan pos sgrub 'dod pas// zangs la sor ni nyi shu gnyis// drung du bzhag ste bsnyen pa dbul// gang dag 'dod pa'i tshig smon te// rin chen thogs pa de la ni// me tog rnam pa bdun gyis mchod/ / bdag nyid bsgrod dang gzhan yang ltos// gog du 'dod pa yod pa'i phyogs// rnam par phyogs pa lha'i sku// ci 'dod don rnams 'grub par 'gyur// gal te bu mo 'gugs 'dod na/ / tsan dan shing las byas pa yi// ser mo bcu drug de bsgrubs nas// ge sar rtse nas lcags kyu can// ming dang a k+Sha yar ldan// zil pa chu dang rlangs pa yis// bdag gi drung na 'dug pa ste// dngos grub kun gyi rten du 'gyur/ / klu yi bu mo 'gugs 'dod pas// 'phags pas sku ni nA ga ste// ge sar shing las mkhas pas byas// sor mo bcu drug tsad du byas// b+ha ga legs byas pa yi spros// rnam par mchod na 'gugs par gyur/ / lha yi bu mo 'gugs dga' na// a sho ka yi sdong bu la// mkhas pas legs bris b+ha ga can// dang por nang du ba'o 'o// de'i ku ma ra zhes brjod// dri za'i bu mo gang dag la// drag ta 'gugs pa'i thabs mchog ni/ / ta la'i shing dang lha mo'i sku// nu ma gnyis ka thor to dkar// a pa se yis nu ma g.yon// btags la srin lag la btags te// khugs par gyur nas nu ma las/ 'o ma dkar po 'dzag 'gyur te/ de dag bzhos te bdag gis ni// rdo rje nyid la de bskus nas/ bcu drug gzugs las mi 'da' zhing// dri za'i bu mo'i 'o ma 'thung// gal te lha min bu mo la// dngos grub thob par 'dod pa dag/ / ku sha'i shing las byas pa yi/ sor mo nyi shu rnam par ldan// de nyid po wang thogs pa'i sku// sor gnyis b+ha ga'i ge sar la// gzungs thag dmar pos dkris bzung na// gsang sngags them par gyur pa dang/ / ge sar nyid las 'o ma 'dra// de nyid sbom zhing chu yang 'dzag// de yi tshe na lce yang gtad/ rnam par bzhibs na smra bar 'gyur// gal te dgra bo gsad 'dod pas// mi yi mgo la phag pa'i gzugs// lha mo gnag la skem pa'i tshul/ / bong bu zhon pa'i mtho gang ba// be con 'phyar ba gnag la gdengs// b+ha ga bgrad pa'i nang du ni// gang la bya ba'i ming bris nas// skud pa nag pos dbus btags te// bsnyen pa mang phul zhabs su tshig/ tshigs su bcad pas bskul pa dang// de ni dri ma 'am rlangs pa 'byung// de la ling ga chen gtubs te// gsang bar gyur na rnam par bzhag/ de bzhin de nyid khros nas su/ / gnod spyin bu mo 'gugs 'dod na// ne'u le pags pas sku yang bris// nor bu thogs pa'i bu mo can// b+ha ga'i dkyil na ge se la// gnod spyin bu mo'i ming bris te// ser po'i thag pas rnam par btags/ / de nas dro 'gyur rlangs pa la// bdag nyid rna ba'i dbang po gtad// gal te du 'chad pa dang// zla ba gzas zin tshe na yang// phyogs bcur dbugs kyis tshor bar ni// 'jig rten kun gyi nor dang gter/ / rna ba'i dbang pos tshor bar 'gyur// dgra dang chom rkun bzlog pa dang// de dag mthong pa med 'dod pas// ma he ko ba dag la ni// dpal ldan lha mo nag mo bris// g.yas g.yon phyag na khab skud can/ / nu ma 'phyang ba mche ba gtsigs// 'gro ba rnam par 'phyar ba la/ b+ha ga'i dkyil 'khor ji bzhin du// spyan dang sbyar ba rnam bris te// tsa ra ku shas nang du bris// tsa ku'i sngags kyis dam bar btsem/ / zangs ma'i khab la sgrub pa ni// rma bya'i rgyus pa sum sgril bya// sbyor ba'i sngags ni 'bru brgyad pos// dang por sgrub pa'i sham bus mtshan// me tog sngon pos mchod pa ni// b+ha ga nyid la rtag par dbul/ / sbyor ba thim dang de nyid sbyar// dper na zangs khab brgyus pa yis// bskul ba dang bcas gro ba 'tshem// de nas mchod pa mang phul nas// glang po'i pags pa gang dag gis// sa phyogs gar 'gro der zhi nas/ mthong ba med dang mthong ba yi// de ni sems kyi khyad par yin/ gang du btsems ba grol na 'jigs// rtag tu ngu bar byed 'dod na// la phug gzugs dang b+ha gar sgrub// lag pa mig nas chu 'bab thogs/ / b+ha ga'i nang gi ge sar la// du bar gyur pa sku la ming bris// bar bu'i nang du de bcug nas// sgog pa bsregs pa'i du ba yis// b+ha ga'i nang du thim par ro// b+ha ga de la drod byung zhing// mig nas chu 'bab b+ha gar thim/ / mchi ma can gyi sbyor ba ni/ tshangs pa nyid kyang du bar 'gyur// sgog pa'i thal ba'i tshangs nas su// thal bas bkrus te la phug ni// chu yi nang du bskyur bas zhi// sbyor ba 'bru brgyad rnam par 'phags/ / gang zhig brjed par byed 'dod pas/ sha ba'i snying la gzugs sam dbyibs// de yi ra ni sen zlum tsam// bskul tshig bris la b+ha gar gzhug// de yi khrag dang dug gis ni/ b+ha ga'i nang du mchod pa dbul/ / de nyid 'gul bar gyur pa dang/ khrag gis b+ha ga'i sgo gcad de// zhag ni srid pa par du brjod/ lha yi dbang po de la yang// byas na rang gis rin chen brjed// 'bru brgyad 'khor lo bskor ba yis/ / sngun du bsnyen pas 'di brjod 'gyur// tsit+ta bsregs nas thal ba ni/ chu la bskur na zhi ba'i mchog/ 'di la rnam par dpyad mi dgos// gang dag rmi lam med 'dod pas/ ri bong snying la b+ha ga'i gzugs/ / bskul tshig nang du nges bcug ste// rked pa snyeg pa tshil bu'i mes// bsro zhing me mar gsal byas te// bzlas pa thim pa'i mkhas pa yis// bsregs nas chu la bskyur na zhi// 'di la rnam par dpyod na 'gal/ / 'bru brgyad 'khor lo'i drung du ni// sngags pas gsang sngags rdzogs byas te// de nas gang dag bskrad 'dod na// bya rog snying la b+ha ga'i dbyibs// rnam par mdzes pa ldan byas te// sgro rtsa nyid la ming dang sngags/ / bris nas dril zhing bzlas la brtson// sgro btsugs nang du sbas te gnon// bsregs te thal ba chung pho na// de ma thag tu zhi par 'gyur// gal te rtag tu bskrad 'dod na// b+ha ga la ni gzugs dang ldan/ / rkang pa rlung la brtan pa yi// rgyal mtshan gnyis ni lag pas 'dzin// ras dang gro ga la sogs te// brkyang ba gang la rnam par bri// b+ha ga'i nang du bya rog ste// de yi gshog pa g.yas g.yon la/ pho mo'i tshul gyis bris te gdags// 'bru brgyad 'khor lo'i mtha' ma bskor// bzlas pa rdzogs dang ri kar 'gro// glang po che yi rmig pa la// ming mtshan dag ni gzugs bris te// de yi nang du bsgrub bya can/ / me tog ser pul sbyor pa brtsams// rgyal po'i rkang rjes sa blangs te/ rgya gram dkyil du rnam snang mdzad// yum gyi mtha' mar rnam par gnon// 'phags par 'dod na rnam par gshig/ dpal ldan gzugs la brten nas su/ / 'bru brgyad 'khor lo bskor ba yis// rang gi rA la b+ha ga'i dbyibs/ 'bru brgyad 'khor los rnam par bskor// sor brgyad zhugs thab thogs pa bris/ b+ha ga'i nang du me lha yis/ bu mo'i bskul tshig bcas pa dang// thor tho nyid la ma mo'i bu// bzlas nas 'bar zhing du bar 'byung// de dag nyid kyi du ba la// gang dag bsnun na 'chi bar 'gyur// bong bu mo yi mgo bo la/ dpal ldan gzugs ni mtho gang ba/ / dpral ba phyogs su bris nas ni// mig ni cung zad dmar la dkar// b+ha ga nyid la bsgrub bya ste// mdzes par bris te 'bru brgyad pos// bskor nas bzlas na mig dmar te/ / bsgrub bya mi gnas khrag 'dzag 'gyur// zhi bar 'dod pas 'o mas bkru// mkha' la pho nya gtang 'dod pas// rlung lha'i bu mo rnam par dgug/ e n+ya ya yi dbral ba la// ba dan 'dzin pa'i gzugs byas te/ / b+ha ga zla ba gzhu lta bur// dbus su gang dag bsgrub pa'i ming// 'bru brgyad bskor de g.yo ba na// 'bru brgyad tha ma rlung dang bcas// dgra yi khyim du song zhes bsgo// smyo bar 'dod pas rnam pa ni/ / 'byung po'i bu mo rnam par// glang po'i dpral par gzugs bris te/ sor mo bcu gnyis rnga yab can// b+ha ga'i dkyil du de nyid kyi// khrag gis gzugs bris sngags kyis bskor// tsan dan me la bsre byas te/ / dros nas bzlas pa rdzogs nas smyo// ra gan dag la gzugs byas te// sor mo nyi shu gnyis kyi tshad// g.yas pa bum pa g.yon lcags kyu// pad+ma'i steng na 'dug pa'o// pad+ma b+ha ga'i dkyil du ni// bdag nyid gsang mtshan rnam par dgod/ / sku gzugs nub tu kha bltas te// 'bru brgyad 'khor los legs brgyan te/ bskul tshig ji bzhin rab gsal sbyar// 'dis ni bdag nyid du 'dod na// 'khor bar gnas kyang skyo ba med/ / tshe la dbang pa'i rigs 'dzin thob// ra gan ska gzugs 'di dag nyid// bzung ngam bsams pa tsam gyis kyang// dgra rnams yongs su zad par byed// gal te mthun ldan 'dod gyur na/ bzo bo mkhas pas lcags las byas// bong bu nag po rnam par gnan// sbal pa'i tshul gyis rnam par 'jigs// gru gsum b+ha ga'i dkyil du ni// nr-i tri dmar nag gsal pa'o// 'di la yang ni 'bru brgyad bskor/ / gzhan gyis mthong ba ma yin te// rang gi spyod yul nyid bu'o/ 'di ni gang du dgos pa'i sar// bskor zhing me tog nag pos mchod// gru gang sbyor bas rnam par gsod// rtag tu sngags pas brten byas te/ / rang gi gnas su dam tshig ni// sa yi dkyil 'khor maN+Dal la// mkhas pas ci rigs bris pa ni// yugs sa mo yi rkang rjes la// bong bu pho yi gcin gyis sbrus// sa la lder so rnam par brtsigs/ / dkyil 'khor bcas pa'i gru gang ni// bong bu'i steng na rnam par ldan// sku mdog nag la dud pa kha// ral gri dang ne'u le mdzin// ji ltar mdzes pa'i lder so la// mig gsum gdong la 'jigs par dgod/ / mche ba gtsigs pa skra yang kham// zla ba tshes pa dbu la 'dzin// nyi ma'i dkyil 'khor lte ba nyid// phyag rgya lnga yis rnam par 'dzin// sbrul la sogs pa'i rgyan gyis mdzes// de yi nang du thod pa dang/ / rus pa mang po'i brtsig pa bya// klad pa mang po'i gzhal yas byas// nad du me yi dkyil 'khor la// phyi rol rlung nag 'khyil pa can// skar ma bra nye'i rkang pa ni// dmyod pa can gyi snying la 'dud// de yi khang pa b+ha ga can/ / de steng 'bru brgyad 'khor lo can// spu gri lta bu drug gis mdzes// gnan par bya ba'i zhing khams nyid// mkhas pas de steng maN+Dal bri// dur khrod la sogs pa dang// bong bu'i khrag gis mdzes par byas/ / mchod dang bzlas dang bsgom par bskor// gsangs nas las 'di bsgrubs na thob// yang dag mkhas pas bsgrub bya zhing// mdza' bo rnam par 'byed 'dod na// 'ug pa dang ni bya rog ste/ / sbrul gyis 'dzul pa'i sa dag dang// sre mo 'dzul pa'i sa dag ste// sbrul gyi sa la bya rog khrag/ nyi ma phyed na der song byed// sre mo'i sa la 'ug pa'i khrag/ nam phyed dag na gzugs phyed byas// nam mkha' skya na gcig tu sbyar/ / ldong ros nub mo 'ug pas bskus// dur khrod sol ba'i bya rog la// nyi ma phyed na legs par bskus/ phyed ser phyed nag sgro gnyis thogs// 'dir ni nyi ma spyi bor 'dzin// zla ba zad pa rkang ba'i 'og/ / mdun dang rgyab kyi drang thad du// 'bru brgyad 'khor lo gnyis bris te// mdun du dpral bar mgo bzhag dang// rgyab tu rkyang pa sngags kyi mgo/ de nas b+ha ga bsgrub bya ste// khru gang sor gsum b+ha ga'i dbyibs/ / de nyid nang du bsgrub bya dang// de yi de rnams rnam par dgod// de nas rnal 'byor dpa' bo yis// de bzhin 'ug pa'i dang ru la// nyin mo rnam par brab bar bya// de bzhin 'ug pa'i dang rus kyang/ / bya rog sgro la nub mo gdag/ de gnyis bar gyi// ge sar la// b+ha ya b+he zhes rnam par dgod// tha mar bskul tshig yang dag ldan// nyi shur gnas pa'i 'jig rten kyang// dbral na mod la 'jig par 'gyur/ / gang dag zhig na sbyor ba gcad// dum par 'dod na 'o mas gzhig/ lha dang mi dang bran mdze dang// dge sbyong rig pa 'dzin pa dang// dkar po'i phyogs la gnod pa bral// char gyi rgyun la dbang 'dod na/ / klu rgyal gnas pa'i khyim nas chu// na ga ge sar phul nas ni// brgyad dang bcu drug chu la sbrul// sa ni rgya mtsho chen po'i drung// blangs nas dpal ldan gzugs byas te// g.yas pa sbrin gyi 'khor lo can/ / g.yon pa chu yi bum pa can// phyed dkar phyed ljang khru gang ba// b+ha ga legs par byas pa la// ge sar logs nas char gyi rgyun// bskur tshig bris te 'bru brgyad zlas// 'di ni klu yi khyim du bya/ / nyin mtshan mang du rnam par 'bab// gal te 'chad par 'dod na yang// dpal ldan nu ma/ gnyi ga'i rtse// shugs pa'i me yis bsros nas kyang// skad cig de la rnam par 'chad// bdag gis mig gis 'jig rten/ / rigs gcig pa'i nyi ma yin// bsam par mthong bar 'dod pa yis// bzhi bcu rtsa dgu'i mig 'bras la// dpal ldan sbyan legs pa bris te// phyag na me long khru gang sku// rgyal po'i rkang rjes la byas la/ / b+ha ga'i nang du 'bru brgyad bris// thor to la ni bya rgod mig// bcugs nas nyin dang mtshan du bzlas/ bzlas pa rdzogs nas b+ha ga las/ du ba byung na mthong bar 'gyur// du ba rang gi mig la'o// de nas rtag par de 'dra'o/ / dgra bo gnod pas gsad pa 'am// khrag tu 'bab pam tsha 'dod na// khrag gi brgya dang rtsa gcig la// bag phyed gzugs ni khrag gi sbrus// phyi yi khrag gis b+ha ga la'o// chu la gnas pa'i khrag gis ni/ / gzugs la rnam par kun tu bskus// gzugs ni khru gang nyid du'o// bsgrub bya b+ha ga'i nang du yin// tsan dan shing las me spar nas// b+ha ga spros nas khrag tu 'bad// 'chi bar 'dod na rked pa ni/ / man chad me yis kun tu bsregs// 'tsho bar 'dod na 'o mas ni// rnam par bkrus te smon lam gdab// dpal ldan ma mo mkha' 'gro rnams// bsnyen cing 'ong bar 'dod pa yis// sa la b+ha ga rnam bkod pa/ nyi ma zla ba sngags dang bcas// de steng ban ng+ha pad+ma la// 'bru brgyad 'khor lo rnam par sgrub// sor mo gnyis gnyis bar du bsdam// b+ha ga zla gam nyid la ni// dzaHhU~M baM ho'i bka' lung sgrogs/ / byang chub sems ni thor ting 'dzin// seng ldeng me spar spos chen bdag/ sbyan drangs brtan pa bya bar shis// dpal ldan b+ha ga'i dkyil 'khor ni// nges par bkod pa rnam rgyas ni// sku ni 'dom gang nyid la shis/ / sna tshogs rgya gram spyi bor 'dzin// sna tshogs rdo rje snying khar 'dzin// sna tshogs 'khor lo lte bar 'dzin// sna tshogs rin chen g.yas na thogs// g.yon na sna tshogs pad+ma 'dzin// b+ha ga gsang ba'i gnas mchog ni/ / rnam snang sku phyed dbus na dkar// rgyal ba rnam bzhi mgrin par 'byung// me yi dkyil 'khor 'bying ba'i sku// ral ba'i rlung nag dbus na 'bar// rdo rjai brag gi nang na 'dug/ lhag pa'i spyan ni rnam par 'jigs// dngos grub kun gyi bdag mo ste// bkra shis sku mchog yon tan 'chang// mkha' 'gro bla ma'i phyag rgya yin// 'jig rten gyi sprul pa mo// phyag stong 'gro ba'i 'du byed mdzad/ / dpal ldan nag mo'i rnam par gzung// dngos grub 'dus dang bsdus mdzad ma// sku mchog bsams pa bsam par bde// sku mchog bras na rnam par 'phags// sku mchog dran na rnam par rgyal/ sku mchog bsgoms na rnam par 'gro la/ / sku mchog mthong na rnam par zhi// b+ha ga dngos grub kun sbyor sku// 'di ni rnam par gsang pa ste// rgyal ba rnams la bstan pa yin// mkhas pa gang gis b+ha ga'i sku// gzhan la yang dag bstan pas ni/ / rang gi sbyor pa rnam par sreg/ gal te gzhan la smras pa ni// bdag nyid yon tan rnams dang bral// b+ha ga gang gis mthong gyur ni// rdo rje dmyal ba'i nang du song// thabs dang shes rab rnam par bral/ / nam mkha'i pha rol tshun chad du// zab mo'i dkyil 'khor dran pa med// dal ba med pa'i yul du 'khyam// mkhas pas bstan cing smra ba men// zab mo'i dkyil 'khor mthong bar 'gyur/ / yang dag b+ha ga rnam spangs te// shes rab dkyil 'khor ma mthong bas// rnam pa gzhan la 'jug byed la// mun pa de nyid nams kyang brlag/ dpal dngos grub thams cad kyi brtan par gzigs pa'i rgyud kyi rgyal po chen po las/ / gsang sngags 'bru brgyad pa'i 'khor lo rnam pa sbyor ba ste le'u bdun pa'o//// de nas yang bcom ldan 'das kyis nyid kyi sku dang// gsung dang/ thugs rdo rje rnams las/ spyin sreg thams cad dang/ / yongs su sbyor ba'i gsang sngags// yi ge bcA lnga pa'i tshogs 'di gsungs so// rnam par snang mdzad dang por bzhag// drug pa'i gsum pa gnyis sbyar na// dbyangs yig drug pa gnyis su ldan/ / de bzhin drug pa'i gsum pa la// dbyangs yig bcu pas rnam par brgyan// de bzhin drug pa'i gsum pa ni// gsum pa'i sde tshan rnams pa dang 'dra/ gnyis pa'i dang por sbyar ba ni// de 'og lnga pa'i dang po'o/ 'di ltar drug pa'i bzhi pa yod// 'di ni snang ba mtha' yas can/ bdun pa'i gnyis pa yang dag gsal// dbyangs yig lnga pa de ltar mdzes// dang po'i gsum pa 'di dang 'brel// lnga pa'i lnga pa de nyid ni/ / dbyangs yig brgyad pa de dang ldan// bdun pa'i bzhi pa de nyid ni// dbyangs yig drug pas rnam par ldan// dang po'i lnga pa spyi bor 'dzin/ lnga pa yi ni bzhi pa la// drug pa'i dang po'i sgra can de/ / dbyangs yig dgu pas mtshan pa'o// gnyis pa'i gsum pa gnyis dang ldan// bcA lnga me yi khang pa ste/ spyin sreg las bzhi kun tu sbyor// 'di yi dkyil 'khor rnam bshad pa// ge sar pad+ma 'dab ma bcu/ / sgo dang bcas pa'i gzhal yas khang// rnam par snang mdzad las skyes pa'o/ lha mo dbus na rnam par dmar// zhugs thab bsnam pa'i 'phreng ba 'dzin// dbu la rma bya'i mdongs dang ldan// ra skyes dma' po rnam par zhon/ / me 'bar dbus na rnam par brjid// me la sogs pa'i ye shes ni// me yi lha mo dmar mo dang// me yi mdangs la dga' ba dang// 'jig rten mer 'bad lha mo dang// ye shes mer 'bar lha mo dang/ / bud shing sreg byed lha mo dang// nyon mongs sreg mdzad lha mo dang// bgrang 'phreng 'dzin pa me yi lha// bdud rtsi sregs pa me yi lha// 'jig rten skyong ba me yi lha// sbyin sreg za ba mo zhes bya// rdo rje snying po la sogs te/ / sgo bzhi gnas pa me yi lha// zhi bar 'dod pa'i gtso mo ni// dkar mo mdzes byed gzar bu can// rgyas par byed pa'i sgo mo ni// ser mo rgyas mdzad gzar bu can// dbang du sdud pa'i sreg pa mo/ / dmar mo dkar mo gza' bu can// rnam par gsod pa'i sreg pa mo// gzar bu 'dzin pa'i byang phyogs ma// zla ba 'khor lo lcags kyu dang// rdo rje dbyug tho g.yas rnams 'dzin// dbyibs dang kha dog thams cad la/ / rnam par sbyor ba las bzhi can// bcu ni dmar mo gzar bu can// thams cad ra la yang dag zhon// thams cad kun gyi spyi bo nas// rma byu'i mdongs dang yang dag ldan// 'di ltar dkyil 'khor rnam bsams te/ / me lha brten par bya ba dang// dngos grub thams cad sgrub phyir du// gsang sngags byin gyis brlabs pa yin// yang dag bzlas pa rdzogs gyur nas// spyin sreg kun la 'grub 'gyur te/ / me yi bu mo bcu bzhis ni// me yi bu mo rnam par mchod// me yi dngos grub gzhan la ster// me yi bu mo bcA lnga la// rten par nus dngos grub thob// 'di ni sbyor ba thun mong ste// zhi ba dkar po la sogs 'dzin/ / de bzhin rgyas pa gru bzhi ser// dbang du dmar dang gsod la gnag dzaHhU~M baM ho// ma hA ag ne/ de bi sa ma ya/ ma hA pU tsa khA hi// sbyor ba kun gyi sham bu'o// rnam rtog med pa'i rnal 'byor gyis// zla ba la ni zhal bzhir bsgyur/ bcA lnga nyid la zhi ba'i gnas// bcwa brgyad la ni de bzhin rgyas// brgyad la dbang du sdud pa dang// nyi shu gsum la shin tu gsol ba// nyi ma shar dang phyed pa dang/ / nub dang mtshan mo phyed du bya// lha nyid zhal ni shar lho mtshams// bdag gam gzhan la rim par sbyor// zhi ba dkar po ser le brgan// mthing kha lta bur so sor 'gyur// rdzas kyang de bzhin rnam par sreg/ sarba badzra DA ki/ ni ng+hi yA// ma hA de ba pu tsa shan+tiM ku ru// puSh+ting ku ru// pa shang ku ru// ma ra ya ku ru hU~M phaT swA hA/ 'di dag sbyor ba thun mong dang khyad par gyi'o// 'di ni zla ba'i 'ba' zhig ste// gsod par byed pa gzhan yang ni/ / ro yi kha zhes bya ba yod// yang na bran mdzes bu mo'i mkhar// tsan dan shing las me sbar te// zur gsum rus pa'i zar bu yis// re re rnam par 'dor zhing ni// sngags kyang de ltar bskul tshigs ming/ / mtshan mo mang du nyin mo dang// sbyor ba nus na yang dag gsod// mi ro rnams la yang dag sreg/ yang na gcan gzan rnam pa dang// dung dang sgra dang skad kyang 'byin// mi rnams skrag dang tsha nges 'debs/ gang 'dod bskul tshig zhabs su sbyor/ rnam par smyo dang nges par gsad// gcan gzan sngon po'i thod pa la// me yi 'khor lo bcas la dkod// snum gyis gsher ba'i shing bu la// rim pa nyid du khar yang btsangs/ / rtag tu sngags rnams dpa' bar zlos/ skad cig de la zhi bar 'gyur// gal te gzhan du skrod 'dod na// gshog pa can gyi mgo bo la// mar gyi dngos po'i shing btsugs nas/ mgo dang bcas pa'i sreg thal la/ / rlung la phyar na 'khyam par nus/ mi dang mi men 'byung po rnams// ming dang bcas bsreg bzlas na 'bros// a sho ka yi 'dab ma yis// rgyal po kha la mes bsregs na// yul khams bdag gi dbang du 'gyur/ / mu ra shing gi 'bras bu la// sbrum ma'i kha la bsregs na ni// dbang rigs thams cad bran du 'gyur// rnal 'byor dpa' bo'i kha la yang// rgya skyegs shing la me spar na// srin po bdud bcas 'dar zhing 'dud/ / rnal 'byor ma'i kha gdangs te// dza ti gur kum chus bkrus la// me yi bu mo bcwa lnga ni// rnam pa brgya'i spyin sreg gis// ma mo mkha' 'gro brgyad dang phrad// de bzhin stong dang khri dang 'bum/ / mkha' 'gro re re'i sku mthong bas// bde ba re re ster bar 'gyur// 'di la dpag med brtson par bya// ma mo'i khong nas rnyed pa yi/ gzhon nu ma'i mkha' la snying po ni// bsregs na zangs kyi bde ba thob/ / dmangs kyi kha la bong nga'i shing// nag pos bsregs na myur du 'chi// sreg shang 'dzin pa'i kha la ni// ra tsha a rgas bsregs byas na// dran pa nyams pa zhi bar 'gyur// bud med rgan mo'i mkha' la shing/ / shog bu sregs pas khyim mdzes 'pham// bu mo gzhon nu'i mkha' la ni// 'o ma can gyi shing dag gis// bsregs na sbrum ma rnam par 'tshig// mu stegs mkhan po'i mkha' la ni/ smyug ma'i shing dang 'bras bu yis// bsregs na gnod spyin dga' ba dang// rnal 'byor dpa' po de nyid la// rtag tu gzugs kyang ston pa dang// nor rnams yang dag ldan par byed// grub mtha' med pa'i mkha' la ni/ skyu ru ra yi shing gis bsreg/ gzhan gyi nor rnams 'byed par byed// tse lu ma'i ma mkha' la// sho sha'i shing la me spar nas/ mi dang mi min khros pa zhi// ro rnams blangs te shar lhor ni// mgo bstan sbyin pa rnams bsregs te/ / zhi ba dgu las mi ring bar// 'jig pa med par brtson na 'grub// yul rnams mthong ba'i ri bo'i rtser// 'bras kyi phub ma sreg na nad// khros pa'i bgegs dang bcas pa bzhi/ / dur khrod dag tu song ngam dben// spra tshil bskul zhig rtag pa bsregs/ 'thab na lhag par rgyal bar byed// me yi dkyil du me yi lha// gur kum phye ma bsregs pa dang// yungs kar bsregs par nus na ni/ / tshe tshad dpag med rnams dang ldan// mdza' bo rnam par 'byed 'dod pas/ lung pa gnyis kyi mdo ru ni// ta la'i sdong bu bsregs pa'i sar// bya rog 'ug pa'i sha gtor na// de nyid mod la rnam par 'thab/ / dgra bo 'gugs par 'dod pa yis// blag sha'i yal ga de nyid la// lug gi lce la gsang sngags bris// mang du bsregs pas lkugs par 'gyur// grong khyer chen po 'tshig 'dod pas// me tog lnga bcu tham pa dang/ / de bzhin shing thog lnga bcu ste// yams shing bcas dang sngags tshig bskul// grong khyer phyogs dang bcas pa 'tshig/ bdag gi drung du gang dag gis// spobs pa med par bya 'dod pas// pri yang ku yi snye ma sreg/ / mu stegs gzugs byas thab kun nang// gzi spyin tsha bas ltar mi bzod// gzhan yang me yi dkyil 'khor ni// bcwa lnga 'khor lo nyid la babs// zhi rgyas dbang drag gcig tu ni// mi ro chen po'i kha nas ni/ / mar khu chen po mchod pa 'bum// de nas mi yi dkyil 'khor ni// gru gsum rnam par gdengs pa la// tsher ma tsha ba spu dang bcas// brgya rtsa brgyad kyis shing gis bsreg/ 'di dag rnam par sbyar bas ni/ / khros nas 'jig rten khams kyang bsreg/ dngos grub phra mo smos ci dgos// mkha' 'gro rnams dbang sdud pa dang// bud med rnam par srog 'dod pas// brgya rtsa brgyad kyi sha sna rnams/ / 'bras bu chag pa'i shing brgya bcu// bsregs na dngos grub 'phral du 'byung// 'jig rten skyes pa rlag 'dod pas// nang du rdo rje bzhag pa dang/ phyi rol gdug pa 'byung po gsod// bong bu rta dang rnga mo dang/ / ra khyi phag dang bya rgod stag/ glang chen wa dang nya nyid dang// me dang spre'u lug khri snyan dang// sha ba rma bya ne tso dang// 'ug pa khra dang bya rog dang// ri yi bong bu rnams kyis ni// nyi shu gsum dang brgyad la ni/ / cong bri bsregs shing 'di bsregs pas// shing sna mang po sbyar nas ni// ji ltar 'dod pas dngos grub kyang// mkha' 'gro mang pos dus 'dir gter// gang du bsam pa'i sbyor ba yang/ / thabs kyi rim pa 'di yis 'grub// dpal dngos grub thams cad kyi brtan par gzigs pa'i rgyud kyi rgyal po chen po las// me'i bu mo btswa lnga'i dngos grub sbyor bar bstan pa'i le'u ste brgyad pa'o/ /// de nas bcom ldan 'das kyis nyid kyi sku dang// gsung dang// thugs rnams las// de bzhin gshegs pa'i btsun mo// rgyal sras mang pos btsun mo/ sbyor ba dang sgrol ba'i rigs su smin// drag mor gyur pa/ / ro langs rnam par 'dul ba// khro mo chen mo pa ta li zhes bya ba dang// rnam par sbyor ba// sangs rgyas dam tshig yi ge bcu gsum pa zhes bya ba// sbyor ba'i gsang sngags 'di gsungs so// dang por rnam par snang mdzad can/ / gnyis pa snang pa mtha' yas yin// rdo rje snying po gsum pa yin// bi pa'i dang po de nyid dang// drug pa'i dang po dbyangs yig gsum/ drug pa'i gsum pa de bzhin te// bdun pa'i lnga pa de bzhin mdzes de bzhin drug pa'i gsum pa can/ / de ltar bdun pa'i lnga pa yi// lnga pa'i lnga pa de nyid dang// bdun pa'i gsum pa la yang ni// drug pa'i gnyis pa de bzhin no// de nas bdun pa'i bzhi pa'o/ / 'di ni gsang sngags yi ge bcu gsum pa ste// gshin rje dang phyi rol nyid kyis yongs su 'dzin par mthong ba'o// gsang sngags dang ldan pa rnams kyis 'chi bdag yongs su 'joms pa'i tshe// dkyil du nang du bltas pa'o/ / rgyal sras rnams 'byung ba'i dbyibs su yongs su 'dzin pa rnams kyi gsang bas so// de bzhin gshegs pa'i yab yum gyi tshul las yongs su 'das// sangs rgyas kyi sa'i ngo bo bcu gsum rnam par thar pa/ / zab mo nyid du rnam par thar pa'o// de yi dkyil 'khor de bzhin du/ 'khor lo rtsibs brgyad mu khyud dang// lte ba gru chad bar khyams dang// dur khrod brgyan gyis sgo bzhi mdzes// mi ro'i steng na ro bo bdag mo/ / ro la zhon pa mche ba gtsigs// mig gsum kham pa gnam gyi skra// kha TAM thogs pa gshin rje bskor// ro la zhon pa ma he gnon/ be con can ni 'khor lo'o// sgo dang gru chang par khyams la/ / ro la dur khrod sems can 'thog/ 'di nyid 'bum du sbyor ba dang// ro langs gshin rje 'jigs pa yis// gshin rje dag ni bka' yang nod// skrag par gyur na sngags pa gsod// rnam par 'jig na mi skrag pa/ / dpa' bo dngos grub de nyid yin// bzlas pa rdzogs nas ci 'dod ces// mngon du mthong na mi 'jigs par// gus dang mchod ces ro za zhing// gang 'dod pa'i gsol ba gdab// ro langs 'khor lo dang po yin/ / sgrol bdag chen mo gshin rje 'joms// gshin rje nyid kyis ched cher bstod// phyi rol rnams la grags pa ste/ gsod pa'i gzugs kyis srin mo yin// 'di nyid 'chi bdag rnam bcom pas/ / tshe yi lha mo dmar mor 'gyur// pad+ma sgo med bcu gnyis ni// ge sar bcas pa'i dbus na 'gying// de yi bum pa lcags kyu can// rdo rje tshe yi 'od zer can// bcu gsum gsang sngags 'bum du sbyar/ / bskul tshig rnams kyang rab tu sbyar// rdo rje dang ni pad+ma dang// 'khor lo rgya gram dbang bskur pas// so so'i tshe tshad thob par 'gyur// 'di nyid gsang ba'i dkyil 'khor te// rdo rje 'khor lo rin po che/ / pad+ma rgya gram skye ba ni// b+ha ga'i dkyil nas rnam par 'phags// rgyal ba skyed pa gsang ba'i yum// 'di nyid bcu gsum 'khor lo yis// yi ge'i tshigs dang ming las 'das// gzugs dang kha dog rnams dang bril/ / rang gi shes pa dag pa'i gnas// sangs rgyas rten pa'i sa gzhi nyid// rgyal pa yon tan brjod mi nus// dpal dngos grub thams cad kyis brtan par gzigs pa'i rgyud kyi rgyal po chen po las/ / 'phags pa ro langs lha mor gyur pa'i yi ge bcu gsum gyi sbyor ba bzhi pa ste le'u dgu pa'o//// de nas bcom ldan 'das kyis nyid gyi sku dang// gsung dang// thugs rdo rje rnams las// rnal 'byor ma chen po gcig pu grub pa ma zhes bya ba'i gsang sngags yi ge bcu gcig pa 'di gsungs so/ / dang po rnam par snang mdzad spyan// gnyis pa la ni snang mtha' yas/ gsum pa rdo rje snying po ste// lnga pa'i lnga pa gnyis dang ldan/ / dbyangs yig bdun pa de nyid blang// bcing pa'i dang po de bzhin te// bzhi pa'i dang po dbyangs yig gsum// gnyis pa'i gsum pa gnyis dang ldan// yi ge bcu gcig rnams dang ldan// zab cing rgya che chos kyi don/ / rgyal ba rnams kyi yum du grags// dngos grub kun gyi bdag mo la// phyag 'tshal phyag 'tshal rdo rje'i don// gnyis dang bral ba'i yum na bzhugs// ye shes gcig pu rnams par rten/ / sems can rnams dang na zla mdzad// cir yang snang la mngon par 'dud// nam mkha'i dkyil 'khor thams cad du// bdag nyid rgyal mtshan 'phyar mdzad cing// gnyis su rtags pa skrag mdzad ma// stong pa nyid la mngon du phyogs/ / 'di lta ste/ rnal 'byor ma gcig pu grub ma 'di ni dpag par dka' 'o// 'di ni dpag mi dgos// 'di ni rtsol bas grub pa'o// 'di ni brtsal bas mi 'grub pa'o// 'di ni brtsal bas mi 'grub pa'o/ / 'di ni nor can rnams la nor du sbyin par khas blangs pa'o// ting nge 'dzin nyid yongs su rdzogs pa'i sku// bdag nyid gcig pu rnal 'byor ni// dang po'i 'khor la bskor bar 'dod/ / gser las byas pa'i khri la 'dug sna tshogs rtsibs bzhi mnyam bzhag ste// lte ba'i dbus su mngon par bzhag/ kun tu sbyor ba'i yig 'bri ni// rnam par snang mdzad klad pa la// sna la mi bskyod bzhugs pa ste/ / snang mtha' yas ni snying la gnas/ lte bar bsgril mar rang rtags gnyis// b+ha gar bsgril ma gcig pu'i brda// byin pa la ni grub pa'i mtshan// zhabs la lcags kyu rnam par bsnams// dkyil 'khor kun la rnam par sbyor/ / sku ni kun tu g.yon pa dmar// 'khor lo 'dod pa'i g.yas pa ser// 'khor lo rtsibs dang bcas pa la// rnam par snang mdzad lnga bzhag pa// kha dog thams cad rnam bsnams nas/ thams cad bdag gi snying las ni// skye ba med pa'i ngang las skyes// lce la rnam par snang mdzad can// de nas rtse gcig bsgrubs pa yis// ljags brdabs pa las snang mdzad 'phro// de bzhin kha dog lngar ldan pas/ / so so'i yi ge rnams la thim// de nas 'khor lo 'khor ba las// 'od zer snang lngas las lnga bsreg/ de yi 'khor lo thob par 'gyur// de yi rig pa 'dzin pa yang// bcu gcig gsang sngags 'di yis byed/ / de nas dpag med zhing sbyong ba'o// don rnams 'di yis byed par 'gyur// gal te rdo rje 'dod pa yis// de ltar sngar 'gyur yi ge la// sku ni g.yas pa de bzhin dkar// mnyam pa'i steng na rdo rje can/ / bcu gcig snying po yang dag 'bar// lce la yang rdo rje snying po yod// rnam par brdabs na 'od zer ni// kha dog sna tshogs rdo rje thim// 'di ltar gsod na 'od zer lngas// rnam pa lnga po mngon bcom nas/ / rdo rje'i de nyid grub 'gyur te// de yi rig pa 'dzin pa'o// nam mkha'i rdo rje thob nas kyang// nam mkha'i dkyil 'khor skyong mdzad ma// bcu gcig gsang sngags 'di las 'byung/ de nas rin chen lta bu yi/ / rin chen 'bar ba'i mchod 'dod pas// sku ni rnal 'byor phyed kyang sngo// zhi ba'i yi ge kha dog lnga// yi ge rin chen rtse la 'bar// mnyam gzhag dbus su 'bar pa'o// zhi ba'i gsang sngags sngon po ni/ / rin chen lce la rnam par gnas// rin chen brdabs pas bzlas pa yin// rin chen kha dog lnga pa yis// de bzhin 'phros dang zhing sbyong ba'i// 'od zer lnga yis byed par 'gyur// de dag 'bar zhing nam mkha' 'dra/ nam mkha' rin chen des thob nas// rin chen lta bur mkha' la gsal// rin chen thig pas gzhan yang tshim// de yi rigs 'dzin 'dod pa mnyes// sna tshogs rin chen thob pa'o// bcu gcig gsang sngags nyid las 'byung/ / ji ltar pad+ma spor 'dod pas// sku yi phyed ni g.yas kyang dmar// sna tshogs pad+ma'i rigs 'dzin nyid// sna tshogs kha yi pad+ma las// sna tshogs nam mkha' nyid du 'gyur/ / sna tshogs rgya gram brtan 'dod pas/ sku yi g.yas pa phyed ljang ste// lte ba'i steng du mnyam gzhag pas// sna tshogs rdo rje lag gi ste// lce la sna tshogs snying por ldan// yi ge rnam pa lnga ldan pa// sna tshogs rdo rje'i steng na 'bar/ / sna tshogs rdo rje'i lce brdabs pas/ sna tshogs rdo rje nyid la bskul// sna tshogs rdo rje nyid kyis ni// nam mkha'i 'jig rten rnam par sbyor// sna tshogs rgya gram bzlas pa yis// sna tshogs rgya gram mnyes par 'gyur/ / de yi rigs 'dzin de nyid kyis// sna tshogs nam mkha'i rgya gram gnyis// de nas rnal 'byor dam pa yis// sna tshogs mchod rten 'dod pa yis// sku ni g.yas pa de bzhin dkar/ / mnyam gzhag steng na mchod rten can// gzhal yas khang gi snying po yod// lnga'i kha dog phyogs bzhi dbus/ de bzhin lce la yang dag gnas// sbyor ba 'dus pa'i rigs pa 'dzin// brdabs pa'i sbyor ba'i bzlas pa yis/ / sna tshogs mchod rten bzlas pa ste// bcu gcig gsang sngags las grub pa// sna tshogs nam mkha'i mchod rten 'thor/ yang dag mkhas pa dpa' bo yis// sna tshogs chos kyi 'byung gnas nyid/ / sbyor bar nus na las 'di ni// mnyam gzhig steng na chos 'byung gnas// dkar la zhi ba nam mkha' 'dra// yi ge med pa'i kha dog cig// bzlas par bya ba ma yin te// sku nyid yongs su zhu ba las/ / mtshan dang yi ge gzhan na med// gzugs dang spros pa kun las 'das// shin tu bltas pa'i chos kyis sbyor// dpal ldan gcig pu grub pa yis// 'di ni rang bzhin gzhal yas khang// dpal dngos grub thams cad kyis brtan par gzigs pa'i rgyud kyi rgyal po chen po las/ rnal 'byor ma chen po gcig pu grub pa'i gsang sngags bcu gcig pa'i yongs su sbyor ba bdun pa ste le'u bcu pa'o//// de nas bcom ldan 'das kyis nyid kyi sku dang/ / gsung dang// thugs rdo rje rnams las/ srin mo chen mo'i dkyil 'khor kha T+waM kha yongs su 'dzin par sbyor ba'i gsang sngags yi ge bcA lnga pa 'di byin gyis brlabs te gsungs so/ / dang por rnam par snang mdzad can// gnyis pa snang ba 'tha' yas 'dzin// rdo rje snying po gsum pa ste// drug pa'i gsum pa de bzhin te// bdun pa'i lnga pa rnam par ldan// gcig pa'i dang po dbyangs yig dgu/ / drug pa'i gsum pa de bzhin ldan// bzhi pa'i dang po dbyangs yig gsum// bdun pa'i dang po de nyid ni// drug pa'i gnyis pa 'og dang ldan// drug pa'i gsum pa dbyangs yig gsum/ // gcig pa'i gnyis pa de bzhin te// bzhi pa'i dang po dbyangs yig dgu/ gcig pa'i lnga pa nyid dang grogs// de bzhin gcig pa'i gnyis pa can// gnyis pa'i gsum pa nyid dang ldan/ / bdun pa'i bzhi pa dbyangs yig drug/ gcig pa'i lnga pa dang por bzhag/ 'jig rten dregs pa'i dngos grub kyang// gsang sngags bcA lnga bsdus na 'grub// de nas de yi cho ga ni// kha T+wAM rnam par bkod pa yi/ / sbyor ba kun gyi dkyil 'khor yod// dkyil 'khor re mig bcu bzhi la// dbus na srin mo yab yum 'khril// bcu bdun srin mo'i 'dugs ni// re mig kun ka kha T+wAM kha// rnam par mdzes par bris pa yin/ / de nas seng ldeng kha T+wAM kha// yu ba bzang pos byas na ni// bun mdze'i mthod so yang bzang// so rnams la ni sngags rnams dgod// bzang po phan med g.yas na thogs// g.yon na thod pa'i nang na ni/ / khrag sna mang po der blug la// dpa' po nyid kyi g.yon na thogs// kha T+wAM bzang por rtsi ba ni// srin mo so so'i ming dang ldan// 'di ltar dpa' pos dkyil 'khor dang// dur khrod 'gro zhing mi sha bza'/ / khrag sna mang po'i gtor ma gtong// rnal 'byor ma yi dam tshig ni// gcer bur phyung nas thal bas byug/ thor mchog brkyang nas kha traM gsor// thod pa'i khrag chen rab gtor zhing// dkyil 'khor bskor la rtag tu dga'/ rtse gcig sems mthun grogs mo ni// yon tan shes pa de dang bsdebs// g.yas pa g.yon nas gang bskor ba// gang du phrad pa'i sa phyogs su// rnam par 'khyud cing 'o yang byed/ / sngags pas srin po lta bur dpa'// ming nas phyung sha khrar gis// gtor ma 'khor la dus bzhir ster// gsang sngags nyid la rnam par brtson// 'bum mam bye bar bzlas kha sbyor// de tshe 'khor gyi sha za mo/ / srin mo khrag 'thung chen mo rnams// bdag gi gral du 'du bar 'gyur// 'jigs par gyur na rang srog gcod// khyed rnams 'di la ji bzhin sbyor// de la de skad bstan par shis// srin mo khyed kyi ming gang yin/ / nga ni mi yi ro la za// de nas ming smras de gzung nas// de yi gsang ba'i ming yang gzung// kha T+wAM gsor nas las rnams byed// gang du btab dang gang du btsugs// gang bskor gang dang gang du bltas/ / gang du bos pa'i bcol ba dag/ srin mo 'di dang gsang sngags 'di// kha T+wAM 'di dag rnams las byung// sbyor ba gzhan yang gzung bya ste// dkyil 'khor bskor pa'i bzlas pa yis// kha T+wAM rtsa bar srin mo'i ming/ / gang gi kha traM 'gul de/ de ming la bri/ kha T+wAM 'gul ba de nyid du// 'gul ba'i sa de blangs nas ni// dngos grub mang du 'byung ba'o// 'gul pa'i sa de blangs nas ni// de bzhin gang gi ming yang gdags/ / ming la de yis rab bskul na// de yi ji tsam mthong ba yis// gzugs mthong ba yang dus 'dir 'gyur// sa de blangs nas mchod rten byas// rgyal po'i ming de rab mnan na/ / rgyal po'i longs spyod dbang du 'gyur// 'phel bar 'dod na phyung nas kyang// srin mo la ni tshig gis bskul// sa de khyer nas rgya mtsho'i 'gram// srin mo'i ming nas bskul la ni// sa de rgya mtsho'i nang du gdabs/ / yid bzhin nor bu 'dod ces byas// de nas dkyil 'khor cher byas te// snga ma'i be con ming gi sar// sa dang be con 'gul par 'gyur// de yi tshe nas 'og nas// nor bu rab tu bzang po 'byung/ / bdag nyid ci dga' longs spyod pa'i// dkyil 'khor phun sum tshogs par 'gyur// gzhan yang srin po'i dngos grub yod// dur khrod chen por song nas ni// mi ro mang po bsdus nas brtsig/ mi ro 'greng ba'i spyi bor gnas/ / kha T+wAM thogs pa'i thod pa can// srin mo nyid kyis bdag bskor// bdag nyid phyag rgya lnga dang ldan// thod pa'i sil snyan kha T+wAM 'khrol// bsgom dang bzlas la dga' ba dang// mtshan mo phyed na srin po ni/ / kha T+wAM dkrol zhing 'ong bar byed// de la 'jigs pa med par ni// yan lag gar ni 'khor lo 'dra// hU~M gi glu yang dag 'bar len// de nas srin po dpa' bo yis// rang gi kha T+wAM ster bar byed/ / de bzhin sngags pas rnam par gzung// de nas srin po'i ming yang ni// so so'i nang du bri bar bya// gang dag 'dod pa'i phyogs su// kha T+wAM dkrol zhing 'dod pa'i ming// ming nas smos na gang yang grub/ / mtshan mo bgegs chen ma lus 'dus// rnam par 'jigs par sgrogs pa'i tshe// dpa' bo yab yum dran byas nas// kha T+wAM dkrol zhing bltas na ni// ci yi yon tan gsungs 'di ni// brjod pa 'gag med nam mkha' 'dra/ / dur khrod rnams su 'gro ba na// ma mo sdud par byed pa'o// 'byung po skrag par 'dod pa dang// gsang sngags rnams kyi spyod pa dang// 'jig rten dngos grub thob 'dod pas/ srin mo kro d+hi shwa ri yi/ / phyag mtshan 'di la bstan par bya// dpal dngos 'grub thams cad kyis brtan par gzigs pa'i rgyud kyi rgyal po chen pa las// srin mo chen mo'i dpa' mtshan kha T+wAM yongs su 'dzin pa'i sbyor ba gsum pa ste le'u bcu gcig pa'o/ /// de nas bcom ldan 'das kyis nyid kyi sku dang// gsung dang// thugs rdo rje rnams las ni// bong bu zhon pa rje mo dang// dpon mo zhes bya ba 'jig rten gyi khams yongs su rkang pas gnon pa/ / dgu tshigs kyi rkang pa can zhes bya ba yod pas gsang sngags 'di gsungs so// 'di dag ni 'khor lo rtsibs bcu pa rnam par bgrod pa// de dag ni zur gsum pa'i nang du 'dus pa de dag ni/ / kham bu drug pa'i nang du 'dus par 'gyur pa'i dkyil 'kharo bsgom pa dang// gnan pa dang spar bar bya ba'o// lnga pa'i lnga pa gnyis su ldan// gnyis pa'i dang po dbyangs yig gsum/ / lnga pa'i lnga pa dbyangs yig dgu// gnyis pa'i dang po dbyangs yig gsum// bzhi pa'i dang po dbyangs yig gsum// de nyid gnyis su yang dag sbyar// de nas lnga pa'i lnga pa can// de bzhin drug pa'i gsum par ldan/ / bdun pa'i bzhi pa dbyangs yig drug// dang po lnga pa mgo la yod// gnyis pa'i gsum pa gnyis dang ldan// sngar bstan dkyil 'khor rabagasal la// 'di ni sgo med 'jigs pa'i khang/ / dkyil 'khor nang gi mu khyud la/ rje mo bong zhon ljang khu'i sku// nyi shu rtsa gcig 'jig rten gyi// steng na sna tshogs rdo rje can// 'og na rdo rje'i gdan yang yod// phyag gnyis dag gis rnam par 'dzin/ / ljang khu bong bu rkang pa gsum// skar ma dgu yi 'khor lo can// gtso bo bong bu nag mo zhon// kha dog nag mo ral ba can// 'jigs pa'i mche ba mig kyang gsum// de bzhin rkang pa gsum pa la/ / skar ma dgu yi 'khor lo can// g.yas na lcags kyu 'khor lo bsnams// g.yon na ri rab nges par 'dzin// sngon du bstan pa'i rje mo dang// phyi nas yig 'bru'i gtso mo yin// gdan khri dag kyang de bzhin no/ ma gnyis sa bon dbus bzhag ste// bcu ni 'khor lo nyid la'o// de yi phyi rol zur gsum pa// skar ma gsum gyi khang pa bsgrub// dkar dang ser dang dmar ba'i mdog// de yi phyi khyams khang pa drug/ / skar ma drug gi khang pa ni// dkar dang ser dang dmar ba'o// spu gri lta bu'i rnam pa yin// zur gsum thod pa'i rtsig pa can// zur la thod pa bzhi yis brgyan// kham bu drug la rdo rje'i 'phreng// rgya gram rnam pa bcu gnyis can/ / 'di dag bsgrub pa'i dkyil 'khor yin// 'jig rten yongs kyi rje mo dang// bskal pa 'khrug pa'i gtso mo yin// rnam par gnod pa mdzad pa'i ri// zad pa mdzad pa'i dbyings mchog ma/ / zla gam dkar nag steng du 'dug/ mtshon pa'i 'khor lo rnam par bskor// dgu tshig rkang gis rnam par 'degs// gtso mo bstan par byas pa ni// 'di yis 'jig rten gnon par nus// 'di dag la ni sgrub pa dang/ / bsnyen pa mang du yang dag bsam// dus la bab pa'i las mchog ni// kham pa sa la yang dag bsgrub// 'og gi rgya khyon ci rigs par// khang bu nyid la sor mo ni// zur gsum 'di ltar sor bzhi ste/ / 'khor lo mu khyud sor bzhis 'phags// de bzhin 'khor lo sor bzhi mtho// gang gis mu khyud dkar pos mdzes pa'o// 'di ltar lte ba sor bzhi pa'o// 'das pa rnams la khru gang tshad// de ltar de yi rim pa la/ / lte ba nyid la ma zhes pa'i// rnam par brgyan pa'i 'phreng bas bskor// b+h+ye zhes mu khyud rnam par brgyan// karma tsakras rnam par brgyan// 'khor lo'i lce la rnam par brgyan// mu khyud laM zhes rnam pa brgyad/ / zur gsum nan zhes rnam par brgyan// khang bu la ni rnam par brgyan// khyad par gang gi ming dang bcas// nyi shu bzhi'i khru la ni// bcu gcig sngags kyi 'phreng ba bkod// bskul tshig dag dang gang dag gis/ / rnam par sbyar na gdon mi za// gang dag gnan par 'dod pa la// sbyor ba 'di ni rab tu bsngags// sngags dang snying rje cher ldan cing// bdag nyid bde bar 'dod pa yis// grub na myur du phan par bya/ / myur du grub na mi phan pa// sngags pa na rag khyim du 'gro// bra nye dbang pa'i nyin mtshan dus// me yi nang du zho blugs te// phyogs mtshams brgyad du rnam par bzhag/ 'bru dang til gyi phung po ni/ / lho phyogs nyid du spung bar bya// gang dag sbyir gnas lho phyogs su// gnan pa'i las ni rgya cher bshad// so so'i las rnams grub pa ni// phyogs phyogs rnams su bya ba'o// 'di ni rnam par gnon pa ni/ / dam rdzas 'chang ba'i mdzes pa yis// gnas de bsregs nas byas pa yi// ri rab gzugs su rab gsal ba// byas te steng nas yang dag gnan// gal te rgyal po gsang 'dod na// bra nye dbang pa'i nyin mtshan la/ / shar phyogs nyid du yang dag gnan// 'dab ma can gyi mgo bo sreg rgyal po'i btsun mo nub phyogs su// glang chen mgo la bsregs te gnan/ dmangs kyi smad gnan pa ni// nya mgo bsregs pas shar lho ro/ / shu mo gnen na ri bong gi mgo bsregs byang shar mtshams su'o// gang zhig blon po gnon pa yis// rta yi mgo bo bsregs pa yis// lho nus mtshams su gnan par bya// brda la rten pa nyams 'dod kyis/ / sha ba'i mgo bsregs lho nub gnan// 'di dang dam pa la gnod pa// ra mgo bsregs pas shar lhor gnan// mi rnam gdon gyis zin pa la// glang mgo bsregs pas lho phyogs gnan// gnod par byed pa'i klu gnan pa/ / spre'u+i mgo bsregs nub tu'o// gnod spyin gnod na sre mong gi/ mgo bsregs byang phyogs nyid du'o// ma mo gnod pa gnon 'dod na/ lho nub mtshams su khyi yi mgo/ nad kyi yul khams gnod pa na/ gnan pa phag pa'i mgo la shar/ non rnams 'dod pa'i gnod pa ni/ bya rgod mgo la byang phyogs gnan// yul khams chen po gnon 'dod pas/ bya rgod chen po'i mgo bo la// grong khyer gang yin phyogs su'o/ / zhing dang yul khams rnga mo'i gos// gnod dang mnan na gsang sngags shar// nub kyi ro bong lug gi mgo// ngag rnams gnan par 'dod pa yis// bya gag nyid la rnam par gnan// me yis tshig par 'dod pa yis/ / ro bsregs shul du gnan pa bya// chu yi nang du chu dkar po// ri la lhun por 'dod pa yis// gad pa'i kha la rnam par bzhag/ 'di dag rnams ni sbyor ba mang// gnon pa chen po'i ri rab yin/ / gcer bu thal bas bskus nas ni// sa gzhi bskor zhing kha T+wAM dkrol// phyogs dang rdzas rnams ji bzhin sbyar// bcu gnyis sngags pa dpa' bo dang// bcu gcig sbyor bar shes pa dang/ / 'og tu gang 'dod bris byas na// thams cad brlag par 'di yis nus// gang du gnod pa snang ba dang// shi ba'i sems kyis yang dag blangs// rnam par bshig pa'i mchod rten ni// gtsang ma dkar pos mchod pa dbul/ / shar phyogs nyid du yang dag bzhag/ dpal dngos grub thams cad kyis brtan par gzigs pa'i rgyud kyi rgyal po chen po las// bong bu zhon pa'i gtso mo rje mo gsang sngags bcu gnyis byin gyis brlabs pa/ / dgu tshig rkang gis gnon pa zhes bya s+t+we le'u bcu gnyis pa'o//// de nas bcom ldan 'das kyis nyid kyi sku dang// gsung dang// thugs rdo rje rnams las// sngags kyi 'khor lo bcu gnyis pa rnam par bkod pa zhes bya ba'i gsang sngags sum cu pa 'di byin gyis brlabs te gsungs so/ / rnam par snang mdzad dang por bzhag/ dang po'i gnyis pa de bzhin te// lnga pa'i lnga pa dbyangs yig lnga// de dang bzhi pa'i lnga par ldan/ / gsum pa'i dang por 'og na ni// drug pa'i gsum pa rnam par mdzes// lnga pa'i dkyil nas blangs pa dang// de bzhin lnga pa'i bzhi pa can// gsum pa'i dbang po 'og ldan pa// drug pa'i gsum pa yang dag ldan/ / bzhi pa'i dang po 'og ldan pa// de bzhin drug pa'i gsum pa yin// dang po'i gsum las bsdus pa'i sgra// drug pa'i gsum pa'i rnam pa la// dang po'i gsum pa yang dag ldan// 'di ltar bdun pa'i lnga pa'o/ / drug pa'i gsum pa nyams su sbyar// dbyangs yig lnga pa gnyis dang ldan// drug pa'i gsum pa yang blangs te// dbyangs yig dgu pa'i rnam pa can// de bzhin drug pa'i gsum pa ni/ / rnam par gyur pa'i nga ro can// bcu gnyis pa dang yang dag ldan// de nas bdun pa'i gsum pa dang// drug pa'i bzhi pa rnam par 'gyur// dbyangs yig bcu gnyis lnga dang ldan// de nas dang po'i gnyis pa ni/ / dbyangs yig gnyis pa nyid dang ldan// de nas bdun pa'i gsum pa dang// drug pa'i bzhi pa rnam par 'gyur// dbyangs yig gsum pa'i rnam pa can// bcu gnyis pa dang yang dag ldan// drug pa'i gsum pa yang dag ldan/ / 'das pa'i sgra ltar rnam par sbyar/ lnga pa'i lnga pa dbyangs yig lnga/ bzhi pa'i lnga pa nyid dang ldan/ 'das pa bzhin/ du bzhi pa yi/ dang po nyid la sbyang bar bya'o// bzhi pa'i dbu ma dbyangs yig lnga/ drug pa'i gsum pa nyid dang ldan// lnga pa'i lnga lnga nyid dang ni// gsum pa'i dang po dbyangs yig gsum// de bzhin lnga pa'i lnga pa can// bzhi pa'i gsum pa dbyangs yig drug// dang po'i lnga pa rnam par gyur/ / lnga pa'i bzhi pa dbyangs yig bcu// rnam par bsrings pa'i nga ro can// sum cu chos kyi 'khor lo yin// rnam par 'dod pa'i bcu gnyis kyi// yon tan nor bu'i rgyal mtshan no// 'di lta ste/ / dpal ar+ya re ma ti zhes bya ba'i gsang sngags yongs su grub pa'i rnal 'byor ma// dka' thub kyi sbyor ba rnam par brtan pa// brtul zhugs kyi spyod pa la cher gnas pa// rang bzhin yongs su dag pa'i gzugs 'chang ba/ / 'jig rten gyi dregs pa thams cad kyi rje mor 'gyur ba// 'di tshul mthun pa dang// gsang sngags kyi brtul zhugs gang na spyod pa'i sa phyogs su dngos grub thams cad kyi tshogs yongs su 'bebs pa yod de/ / gsang sngags kyi brtul zhugs la gnas pa'i ma mo rnams kyi spyod pa dang du len cing// 'di'i sgo nas phan pa dang gnon par sbyor bas dngos grub rnam par 'dod pa'i rnal 'byor pas/ / dang po sku yongs su bstan pa'i mdos zhes bya ba bsgrub ste// 'jig rten gyi ni bdag chen mo// byang phyogs gnam gyi khang stengs nas// khang pa bdun la bu mo gcig/ sku ni rnam par 'jig la gnag// tri shul bong zhon spyan gsum ma/ / ral pa'i gseb nas zla ba 'char// lte nas nyi ma'i 'od zer sdud// gnod spyin ma tshogs sa 'dzin rnams// ma mo mkhar 'gro dur khrod pa// tha dad dbu skra sku mdog dang// mche ba gtsigs pa'i nu ma can/ / sna tshogs phyag rgya phyag mtshan can// bong bu'i dkyil 'khor rnam par brgyan// rin chen rdzas las rnam par grub// mkha' dang sprin las rnam ldang ba// ri dang shing dang rgya mtsho dang/ / rnam par gnon pa'i ma mo rnams// dpal ldan lte ba man chad 'dzin// spyi bor sna tshogs rdo rje ste// mi g.yo rnam par snang mdzad 'dzin// bdag nyid rus pa'i phyag rgya 'dzin// rnam pa lnga la sogs pas brgyan/ / sku ni gdan khri yan lag la// bsod nams rab kyis brgyad cu ni// gru mo rnam par gcal ba dang// 'bring gis mtho brgyad sbyar ba dang// tha mas kyang ni khru gang dang// lha yi khang pa brtsig pa'am/ / yang na mi'i brtsig pa'ang yang shes// oM sarba ta thA ga ta bu ng+ng+ha bai ro tsa na ma hA ga ya ba le ru rtse haM// rnam par thar pa'i phyag rgya'o// oM badzra DA ki nI ng+ha yA/ ma ma b+h+yo// ru pa ti sta sarba sing+ha a haM// lte ba man chad kyi phyag rgya'o/ / oM yo gi ni shwa ri// sarba sing+ng+ha na ma ma hA ru pa// ng+he pi ka li na mo a haM/ thams cad kyis dngos grub bsdus pa ste bzlas pa'o// badzra ma hA ru pa de bi ni// badzra mu sarba kA ya ho/ badzra ma hA A r+ya re ma ti/ / badzra sarba a ra li ru pa a haM// badzra ma hA ka li ma ma sarba sing+ng+hi pa ra mi na// badzra ka li sarba si ng+ng+hi ma hA su khro ho// rdo rje dbyangs drug rnam sgrogs pa// 'jig rten drug gi gtso mo ste/ / ma mo rnams kyi rje mo nyid// rtag tu ma mo bskor shing mchod// rab tu dpa' pa'i rnal 'byor sbrul// dpal A r+ya re ma ti'i dngos grub 'dod pas// sku 'di nyid kyis mdos par gyur te// mchod pa dang/ / mchod pa chen po dang// sgom pa dang// bzlas pa dang// 'gying ba lta ba dang// rgod pa dang// rgod pa chen po dang// shin tu dgod pa dang// yang dag par dgod pa dang// rnam par bskor ba dang/ / dkrol ba dang// 'gul ba dang// 'khril ba dang// gar thabs dang// 'o byed pa dang// rdo rje'i rtse 'jib pa dang// rdo rje sor ba dang// rdo rje chen po gsor ba dang// g.yo ba med pa dang/ shin tu g.yo ba med pa dang/ / rnam par rtog pa dang// rnam par rtog pa med pa dang// dngos grub slob pa dang// dngos grub ster bar shes pas// thams cad tshang bar shes te 'ju ba'o// mkhas pa'i yan lag can// brda re la yang don bzhi yis/ / zab mo nyid du ston par 'gyur// spyod lam rtsa lnga rnam par sbyod// mdzes pa'i sku la rnam par gnas// dur khrod rgyu ba'i dpa' bo la// nams kyang dngos grub rnam par 'bebs/ / 'jig rten 'dir yang mkha' 'gro dag/ 'phags pa re ma ti lta bur// sku ni yang dag rten par 'gyur// tha dad mchod pa rnams kyis grub// ma mo rnams dang mngon du rol// dngos grub thams cad 'di las 'byung/ / de yi ming ni gzugs zhes bya// dpal A r+ya re ma ti'i sku yongs su sgrub pa'i mdos so// dpal A r+ya re ma ti yongs su sgrub par 'dod pa ni// 'di lta ste// pad+ma'i 'dab ma chen po'i steng du ge sar la/ / dpal A r+ya re ma ti'i sku brtsig par bya'o// de dag kyang khru gang bar byas pa ni gdan no// khru gang bar byas pa ni sku'o// khru rnam pa gnyis dang ldan pa ni dbyibs so// mad+ma'i mu khyud la chos kyi 'khor lo sum cu dgod par bya'o/ / pad+ma'i chen po'i gdan stengs na// gnas pa gsung gi phyag rgya yin// sku mdog dmar mo nub tu bltas// sna tshogs pad+ma'i gdan stengs na// bong bu dmar mo rnam par zhon/ / sna tshogs pad+ma'i dbu rgyan can// snang ba mtha' yas yang dag 'dzin// sku ni lte ba man chad du// dmar mo kha traM dkrol ba yi// mkha' 'gro ma mo 'khor gyis bskor// bong bu man chad dag la yang// pi wang ldor ru'i gling bu dang/ / drin chen dkrol pa la sogs gnas// spyan gsum dmar mo thor tshugs can// pad+ma'i mchod pa mang pos mchod// oM a me da ba ta thA ga ta na ma bag ti sta staM// pad+ma yo gi shwa ri sa ma yA/ / ma hA pad+ma TA ki nA di ya hU~M// ma hA pad+ma bag ti sta su kri ho// pad+ma ma hA dzo gi ni a nan ta hU~M// pad+ma bag ma hA pad+ma sarba sing+ng+hi pad+ma bag// ma hA pa ra mi sha hU~M// ngag gi rdo rje rnam ster ba// mkha' 'gro pad+ma ri ma ti/ / rgyal ba sangs rgyas kun gyi gsung// mkha' 'gro ma mos rnam par mchod// gsung gi bde mchog thob par 'gyur// rnam par 'dod pa gdon mi za// pad+ma dag pa'i dbyangs drug la// rnam par gnas pa cir yang grub/ / dpal A r+ya re ma ti'i gsung yongs su zlos pa'o// de nas yang dag bsgrub pa ni// thugs kyi mdos zhes bya ba yod// dpal ldan bong du chibs pa ni// rnam par dkar ba'i rdo rje'i gdan/ / de bzhin sna tshogs rdo rje// de steng rdo rje sems dpa' dkar// yang dag thugs la gnas pa ni// sangs rgyas dpa' nor bu zhes pa'i// dbang phyug dam pa rma bya chibs// mnyam gzhag sngags kyi 'khor lo can/ ma mo mkha' 'gro dpag med la// sku ni lte ba man chad brgyan// sna tshogs rdo rje glu yang dpa'// oM badzra sa tA ta thA ga ta nA ma tsit+ta sang+ng+hi hU~M// sarba ta thA ga ta ra t+na shri ng+hi kha na ma sarba sing+ng+hi tsit+ta sing+ng+hi hU~M/ / badzra tsi t+ta de bi hU~M/ mahA badzra yo ki ni shwa ri sa ma ya hUM/ tsit+ta sad+d+hi hUM/ badzra mahA de de ri ri ma ti tsi t+ta ma hA bo d+hi hUM/ badzra DA ki ni d+ha ya/ badzra yo gi shwa ri/ a ba lo ka ya hUM// ma hA badzra sarba sing+ng+hi A r+ya re ma ti/ / bo ng+hi tsat+ti sing+ng+hi hU~M// rdo rje'i dbyangs rnam par sgrogs shing// thugs kyi mdos ni rtag tu sgrub// brtul zhugs mchod pa bsam yas kyi// A r+ya thugs kyi dngos grub rnams// nan tan sbyor ba dag la ni// rdo rje thugs mchog grub pa yang/ / sum cu chos kyi 'khor lo ste// 'di dag rtag tu bsgrub par bya// dpal a r+ya re ma ti'i thugs kyi mdos rnam par bstan pa'o// de nas dpal A r+ya re ma ti'i yon tan gyi mdos rnam par bstan pa'o/ / de nas dpal A r+ya re ma ti'i yon tan gyi mdos rnam par bstan pa'o// de nas dpal A r+ya re mi t-i'i yon tan gyi mdos zhes bya ba'i gzugs dur khrod du brten par bya ba yod de// dpal ldan yon tan rnam pa ni/ / rnam par mdos pa 'di lta ste// mthing ka bong bu rnams par zhon// khro mo mang pos dbus su mchod// sku ni lte ba man chad gnas// sna tshogs rin chen spyi bor gnas// steng na rin chen 'byung ldan can/ / rin chen 'bar ba snying ka na// dpag bsam shing ni phyag na thogs// 'dod pa'i yon tan 'dzag pa'i rgyu// shing dang sa 'am khang pa'ang rung// byin gyis brlabs dang rtag tu sgrub// sku dang spyod la mchod pa yang/ / bzlas pa dag dang 'dra brta sbyar// sum cu la ni rtag tu sgrub// oM rat+na saM b+ha ba ta thA ga ta ma hA ga na hU~M// ma hA de bi rat+na gu na sa ma ya hU~M// ma hA ar+ya re ma ti gu na pa ra mi sha hU~M// rat+na ma hA rat+na gu na sing+ng+hi hU~M/ / A r+ya re ma ti a ba lo ko yA// i ba lo ka ya hU~M// ma hA A r+ya re ma ti sarba sang+ng+hi su khi ho// sa ma ya gu na a r+yA re ma ti hU~M// dpag med yon tan thams cad kyang// dkyil 'khor 'di las rnam par 'byung/ / 'jig rten 'das dang 'dir gnas pa'i// yon tan mdos las 'grub par 'gyur// yon tan klu la rab dga' bas// yon tan thams cad 'phel bar 'gyur// byin gyis brlabs pa rtag tu gru/ / 'phrin las rnam par mdos pa yod// ljang khu bong bu rnam par 'chibs// dang po sbyor ba'i las rnams ltar 'di la yang dag dpa' bar bya// sna tshogs rgya gram sbyi bor 'dzin// de yi dbus na don yod grub/ / oM sarba ta thA ga ta A mo g+ha sing+ng+hi hU~M// karma yo gi shA ri// ma hA de ba sing+ng+hi hU~M// sarba sing+ng+hi a ra li da ka ni na ng+ha ya// karma yo gi ni ma hA ru dra pU tsa hU~M// A r+ya re ma ti gro ng+hi karma/ a ba lo ka ya// sang+ng+hi sang+ng+hi mahA karma lo ka ya// A r+ya rem ti karma sarba sid+d+hi hU~M// de bi mahA ka ba la stoM// 'di ni las byed byed pa ste// rnal 'byor dpa' po dgon par rten// gzhan yang gsang ba'i mdos chen yang// rnam par sbyar bar bsgrub par bya/ / dpal ldan sku ni rnam par bzhengs// byang shar du ni dbu gtsug nas// lho nub nyid du b+ha ga rten// gsang ba'i dbyings nas bzhengs pa ni// rdo rje sems dpa' lte bar bskyed// srid pa'i ma mos bsam yas pa/ / b+ha ga'i dkyil 'khor rnam par gnas// nu ma ral pa mche ba can// bsam gyis mi khyab sbyor pa'o/ oM badzra satA b+ha ga pad+ma staM// bong+hi tsit+ta oM A hU~M// A r+ya re ma ti gu ya sing+ng+hi hU~M// A r+ya re ma ti gu ya bo ng+hi tsit+ha hU~M/ / Ar+ya re ma ti gu ya bag ti sta hUM/ A r+ya re ma ti gu ya ba ga sta hU~M/ A r+ya re ma ti yo gi shwa ri hU~M A r+ya re ma ti TA ki nI ng+ha ya hU~M// sid+d+hi sarba si d+d+hi karma mi sha gu ya hU~M// dpal ldan gsang mdo las ni/ / sum cu chos la brten byas te// rtsa lnga spyod pas 'jug 'dod pas// gsang sngags don rnams rtogs par 'gyur// dur khrod rnams su byar byas na// mkha' 'gro rnams kyi mngon du phyogs/ / dpal a r+ya re ma ti'i gsang ba'i mdos rnam par bsgrub pa'o// de nas gzhan yang me mar gyi// mdos ni rgya cher sbyor ba yod// rma med pa yi ro mchog ni// rab tu shi ba blangs nas kyang// mar khus rlan zhing bcos pa'i shing/ / gsal shing rku tu btsugs pa la// brtan par dur khrod dbus su gzugs// de bzhin lag pa yang dag brkyangs// mgo nas rkang pa mthil gyi bar// klu dang ma mo dag/ 'jig rten 'dir yang gang gnas pa/ / thams cad ming ni yang dag dgod// spyi bo gtsug tu rnam bzhugs pa// 'phags pa a r+ya re ma ti// gsang sngags rnam par bris pa yi// kha T+wAM dgrol bar klad par phug/ rtsa lnga'i tshul gyis kha T+wAM dkrol// mar khu bcos pa'i ras chen gyis// lus ni rnam par dkris nas kyang// rdol ba'i me yis mdoms nas sbar// glu rnams len cing bskor ba ni// oM ma hA A r+ya re ma ti/ badzra a ba lo ka pU tsa to/ ag ne ma hA pU tsa ho// ma hA a r+ya re ma ti sid+d+hi pa ra mi sha ho// ma hA A r+ya re ma ti// yo ku shwa ri su kri ho// ma hA a r+ya re ma ti// a nan ta pU tsa su khi ho// ma hA a r+ya re ma ti/ / a ba lo ga ya// ma ha sirad+d+hi pa ra mi sha su khi ho// mchod pa'i glu rnams len par byed// ma mo mkha' 'gro kun 'das te// rnam par 'dod pa dag la 'bebs// dpal A r+ya re ma ti'i brtul zhugs me mar gyi mdos chen po'o/ / gzhan yang keng rus zhes bya ba'i mdos// ma mo yi ni spyod lam yod// rma med myur du shi ba yi// gzhon pa gsar pa'i ro langs la// rus pa rnams 'brel bar bskams// de yi 'og nas dkar po'i bar/ / sum cu rtsa gnyis mtshon rnams bris// a yi yi ge mgo la yod// de yi rus pa rnams la yang// ma mo kun gyi ming bris te// sum cu gsang sngags sbyi bor bri// shing rta che la de bskyon nas/ / rgyan rnams dang yang ldan byas te// gcer pu thal bas byug pa ni// dur khrod chen por 'gro ba'i tshe// gsang sngags glu ni 'di skad blangs// a ra li// ma hA a ra li// sa ma ya sid+d+hi ho// keng ni ri ni ma/ / sa ma yA// TA ki nI d+ha ya ho// A r+ya re ma ti// yo ki ni shwa ri ho// A r+yA re ma ti badzra d+ha du shwa ri ke ho// a ba lo ka yA// sid+d+hi su khri ho// ma ma 'di kha de bi ho// g+ha ta ha pa sa ni// ma ma sha truM da na me ka na ho/ / dur khrod dag na kun ldan pas// mkha' la dung stong sgra yang sgrogs// mngon du mkha' 'gro rnams kyis 'dud// dngos grub kun gyi rgyal mtshan yin// gsangasngags spyod pa'i tshul gyis ni// ma mo rnams ni 'di la dga'/ / brtul zhugs spyod pa'i rim pa yis// dngos grub rnams ni 'di las 'byung// rnal 'byor dpa' po rnams kyi ni// yid bzhin mdzod ni dur khrod yin// gsang sngags grub pa rnams kyi yul/ / dur khrod spangs pa'i pha rol na// dgon pa yod par mi 'gyur te// nams kyang 'grub pa med pa yin// dpal ar+ya re ma ti'i brtul zhugs keng rus rgyal mtshan gyi mdos chen po'o// de nas gzhan yang bsgrub bya ste/ / ma T+raM gnan pa zhes bya ba'i// mdos ni rnam par bsgrub par bya// lho nub nyid du mgo bstan te// de bzhin byang shar rkang pa brgyangs// rnam pa stong gi mchod tshogs kyang// ma traM khog pa'i steng na'o/ / de steng dpal ldan sku bzhag ste// zhabs kyi tha mar mar me ni// mar khu chen po'i 'phreng ba brgya// bong bu zhon pa'i mkha' 'gro ma// lte ba man chad la brgya gnas// kha T+wAM kha ni lte bar 'greng// nyi ma nyid kyi steng na'o/ / rnam par thar pa'i snying la'o// spyi bor sna tshogs rdo rje 'dzin// zla ba tshes pa'i dbu rgyan can// kha T+wAM sil snyan g.yas pa na// rgyal ba chen po g.yon pa na// bla ri la sogs kun la'ang yod/ / sum cu sngags kyi 'khor los grub// rtsa lnga la sogs sbyar nas ni// glu ni 'di skad blang bar bya// oM ma hA de bi ki li staM// ma DaM ka ma TaM ka hU~M// ma hA be ba ka li staM// ma hA ma TaM ka ma TaM ka tri shu la ma ya hU~M/ / ma hA ka li staM// ma TaM ka ma TaM ka/ rak+sha rak+sha hU~M// ma hA ka li staM// ma T+waM ka ma TaM ka// a nan ta de bi sa ma ya hU~M// ma hA ka li staM// ma TaM ka li staM// ma TaM ka ma TaM ka/ g+ha ta ha g+ha ta ha// a pa sa ni hU~M/ / ma hA ka li staM// g+ha ta ha a pa sa ni// a ba lo ka ya// ma TaM ka tri ni bri sa man+ta sid+d+hi// sarba a par mi sha su khi ho ho hU~M// 'di ni dngos grub kun gyi gzhi// theg pa chen po'i gzhal yas khang// 'di ni dpal ar+ya re ma ti brtul zhugs ma TaM yongs su gnon par sbyor ba'i mdos chen po'o/ / gzhan yang rgya mtsho 'degs pa'i mdos chen zhes bya ba bstan par bya// rin chen rgyu las byas pa 'di ni mchod rten lta bu yin/ / bong bu'i steng na yang dag bzhugs// rgyan dang gsang sngags rnams kyis brgyan// bum pa'i steng na rnam thar can// dpal ldan gzugs ni 'khar ba la// mkhas pas byas pa bong ba chibs// thugs ka na ni rdo rje yi/ / lung la mu tig 'phreng bas btags// rgya mtsho la ni gzings bcas te// rlung gis khrid de der 'gro zhing// ma mo'i dkyil 'khor rnams kyis brgyan// glu len zhing ni rnam par bskor// dpal ldan nyid dang lung thob nas/ / rgya mtsho rkang pas ma nan nas ni// gang 'dod phyogs su stabs kyis 'gro// nam mkha' nyid la rnam par bskyod// dpal ldan nyid dang tha dad min// bo d+hi sa twa ma hA de bi ho/ tsa'i ta bo d+hi satwa ma hA bi hi/ tsa'i ta ma hA hi hUM/ bo d+hisatwa ma hA hi hUM/ bo d+hi satwa ma hA de bi ho/ ma hA sa mu ha ma hA ka du ni su r+ya kha ma tsa hUM/ bo d+hi sa twa ma hA de bi ho// tsa'i ta ma hA ma hA/ sa mud ta phrad nya// a pa sa ni// a ba lo ka ya hU~M/ / bo d+hi satwa ma hA sa mud tra ma hA/ g+ha na a pa sa ni// a ba lo ka ya bod+hisatwa hA de bi ho/ tsi t+ta ma ma hA mud tra ma hA g+ha na a pa sa ni/ a ba lo ka ya hUM/ bod+hi satwa ma ha de bi ho// ma hA sa mud tra karma a pa se ne/ / a ba lo ka ya// 'di ni dpal A r+ya re ma ti'i brtul zhugs yon tan rgya mtsho'i mdos chen po'o// gzhan yang 'phags pa re mi yi// dky-il 'khor chen po'i mdos ces pa// zur gsum lnga pa'i steng na yod/ / sna tshogs rdo rje spyi bor 'dzin// mnyam gzhag snying khar snying gi gzugs// sku ni thugs ka yan chad 'byung// rnam par dmar dbu gsum pa// sku gsung thugs kyi sprul pa gsum// g.yon pas kha T+wAM dkrol mdzad cing/ / bong bu'i mgo dang lce snying rnams// g.yas pas gtso la gyen du stob// snying kha man chad rnam par 'phags// 'di ltar 'og ma'i dkyil 'khor la// dbang phyug che ste nag po ste/ / gshin rje rnams ni g.yas pa na// blo snying mkhal mar bcas pa rnams// gyen la gtso la stobs par byed// rtse gsum be con khram shing g.yon// lte ba'i tshad nas snying kha 'phags// 'di yi 'og nas 'byung ba ni/ / gnod spyin ma mo srin mo rnams// mcher pa rgyu ma phyag mtshan bsnams// lag pa gnyis kas gyen du ni// mig ni gyen du bgrad nas stobs// rnam par dmar pa'i dkyil 'khor ni// keng rus khrag dang mtshan ma rnams/ / gtso mo la ni gnam du stobs// mdun gyi b+ha ga gsang pa'i gnas// mtshan ma thogs pa gnam du stobs// de ni phyed dkar phyed kyang gnag/ bar ma do ni g.yon na thogs// de yi ma mo gnyis pos ni/ / dge sdig yi ge g.yon pas 'dzin// mtshan mo dbang mo rnam par gnag/ de bzhin nyin mo rnam par dkar// srid ba gsum gyi nyu le ma// gtso mo nyid la rnam par ston// sprul pa zab mo'i cho 'phrul ni/ / srid pa 'dul pa'i phyag rgya yin// brtul zhugs gsang sngags dkyil 'khor 'di// dngos grub kun gyi 'byung gnas nyid// rdo rje byin brlabs chen po yis// dkyil 'khor mchod pa'i glu drug blangs/ / mahA maN+Dal/ ma hA N+Dal yo gi shwa ri// sa ma ya sid+hi hUM/ maN+Dal la ma hA maN+Dal la// sa ma ya DA ki nI d+ha ya/ sid+hi par mi sha hUM/ maN+Dal ma hA ma hA maN+Dal// A r+yA re ma ti man+Tal/ A r+yU re ma dza maN+Dal/ A r+yA re ma dzu sad+d+hi hU~M/ / man+Tal ma hA man+Tal// sad+d+hi man+Tal// a pa sa ni// a na ta su khi ho// mahA' man+Tal mahA man+Tal// ru pa sa pa ra mi sha sad+d+hi hU~M// man+Tal ma hA' man+Tal// kA ya wA ga tsit+ta su khi hra ho// pa ra mi sha hU~M/ / 'di ltar gru chen po blang zhing// stobs chen pos 'gro zhing// chang chen po btung ba dang// dur khrod la sogs par 'gro ba dang// chos kyi 'khor lo bcu gsum bskor bar bskor pa'o// rtse gcig tu dpa' ba'i brtul zhugs 'di spyad na/ / khams gsum zhabs kyis gnon pa'o// dpal A r+ya re ma ti'i brtul zhugs kyi dkyil 'khor gyis so// de nas gzhan yang zab mo yi// rdo rje chen po'i mdos kyang yod/ / a'i dus las skyes pa yis// rdo rje hU~M gi lte ba can// rtse mo bcu gnyis rnam par 'phags// a i u e o a// 'di dag rdo rje zab mo yi// ye shes gnas pa'i rang bzhin nyid// A I U A+ai A+o AM/ / 'di ni rdo rje chen po yi// de ltar shes pa'i khyad par yin// 'di lta ste// me long lta bu'i ye shes dang// mnyam pa nyid kyi ye shes dang// so sor rtog pa'i ye shes dang// bya ba nan tan ye shes dang// chos kyi dbyings kyi ye shes dang/ / rang bzhin gyis 'od gsal ba'i ye shes chen po'o/ rtsig dang bri dang sgom dang shes// de bzhin yi ge rdo rje'o// a badzra sarba d+ha rmA d+ha dz+nyA na hU~M// mahA sti sra a pa ra mi sha hU~M a/ / i badzra dz+nyA na sa ma nan ta hU~M// bod+hi satwa sarba ta thA ga ta re ra sid+d+hi i// ma hA dz+nyA na a a pa ra mi sha yu// e badzra g+ha na sa khi ho hU~M// ma hA d+ha rmA d+hA tu a pa sa ni e// badzra dz+nyA na ru pa badzra sha ka ra dz+nyA na hU~M/ / dz+nyA na mahA su kha sid+d+hi o// oM badzra d+ha rmA ka ya d+ha du a pa sa ni pa ra mi sha hU~M/ da du sarba sab pa nyin rmi ti bA' ga badzra sa ma ti a// zab mo rdo rje rnam par mdos// mdos ni me mo'i brtul zhugs yin// rnal 'byor ma 'dis dang por ni/ / chos mthong phyag rgya bstan pa yin// sum cu chos kyi 'khor lo las// rnam par mdos pa bcu gnyis 'phros// rtsa lnga spyod pa la sogs sgrub// brtul zhugs chen po rnam par phye/ / dbyings su yang dag lta bas brtul// nyon mongs spyod pa rnams la zhugs// nyin mongs brtul bar 'dod pa rnams// gro ba nyid la zhugs pa min// dpal A r+ya re ma ti'i brtul zhugs chen pos mdos so/ / snying rje can gyi cho 'phrul ni// sdug bsngal rnams la snang 'gyur te// mngon par dag pa rnams la ni// rnam pa thar pas bsgral mi dgos// rnam par dpa' ba'i rnal 'byor gyis// sangs rgyas dur khrod grong khyer yin/ / mdos ni brtul zhugs cher spyad na// nams kyang rnam grol gzhan don spyod// mkha' 'gro rnams kyis 'dir 'jigs na// phyis ni nams kyang skyob mi nus// dngos grub nyid kyis cher skrag na// stong pa nyid kyis brgyal te 'gas/ / gsang sngags rnams kyi 'khor lo ni// gdug pa 'ba' zhig 'dul pa'o// ma mo mkha' 'gro rnams kyis ni// brtul zhugs 'di yis rnam par 'phags// mdos kyi brtul zhugs spangs pas ni/ / rnal 'byor ma dang 'brel pa med// dpal dngos grub thams cad kyis brtan par gzigs pa'i rgyud kyi rgyal po chen po las// mdos kyi sbyor ba'i rim par phye ba ste le'u bcu gsum pa'o// de nas bcom ldan 'das kyis nyid kyi sku dang/ / gsung dang// thugs rdo rje rnams las/ bong bu'i mtshan ma rnam par sbyor ba 'di gsungs so// 'byung ba rnams kyi steng na 'dug/ las bzhi rnams las rnam par sbyor/ / yan lag brgyad pa grub par nus// rnam par snang mdzad dang por te// de bzhin gnyis pa snang mtha' yas// rdo rje snying po de ltar gsum// nA ma zhes byar brtags te// g+ha ha ha zhes bdag po'i ming/ / ka ra ka ra mas rnam par sgrub// sad+d+hi 'dod pas 'di sbyar nas// pa ra mi shi'i 'phrin las bcol// gang gis dgos pa dus 'dir bskul// yi ge bcwa brgyad rnam par 'phags// dkar ser dmar dang gnas pa'i mdog/ / kun tu khru gang sbu gu can// shar lho nub byang mdun du gzhag/ chu la shi bar bya ba ni// chu rdo btags pas gzugs kyang 'dzin// chu la shi ba'i khrag dang ldan// bya yis bsad pa'i nya sha dbul/ / chu shing me mar snying po gzugs// chu la ming dang gzugs bkrus te// dung gi sprul pas yang dag klug/ khengs dang sngags dang rdzogs dang 'grub// 'di ni drag po'i sbyor ba yis/ de bzhin yang dag ldan byas te/ / klu yi khyim ni brgya nas kyang// blangs pa'i chu las gzugs kyang dkar// nyi ma'i 'og nas chu yang blugs// klu rnams la mchod pa'o// khengs dang gsang sngags 'thebs na 'grub/ / mkha' la char 'bab 'dod na 'chad// de bzhin yang dag rnam par bstan// nad rnams gtsad pas nad kyi ming// A r+ya zhes ba rnam par bku// me la gnod pa bsregs pa na// rdol ba'i mgal ba de ltar bsro/ / sbyin sreg gsum gsum 'bru la bya// mang po'i gsang sngags then na 'jig/ gang la gnam lcags 'phen par 'dod// de yi tshig pa'i sol bas bsro// chu rdo mkhregs pas gnam lcags 'dar// phu yis btang cing me la bsro/ / ji ltar bskul tshig bzhin du 'ong// sa gzhi g.yos te gnod bya ba// de dang de nas sa yang blangs// rlung gis gzhu dang 'dra ba la// ba dan gnyis kyis yang dag mdzes// mkha' la bzhag skor byed cing/ / bskul tshig sbyar bas nyung du 'ong// rgyal po la sogs dbang sdud na// dmar po 'jigs pa'i sbu gu la// glang po'i klad pas rnam par bkab// seng ldeng shing la de bzhin du'o/ / bsros na ci 'dod dbang du sdud// myur du gsang pa'i drag po ni// gang dang bdag dag yang bsams dang// bskul tshig sngags dang bcas pa yis// thams cad rnam par sbyar byas te// ka ra bI ra'i lcags kyis brdab/ / snag ma phung bar yang dag bral// gang 'dod rdzas dang rnam par sbyar// dngos grub thams cad kyis brtan par gzigs pa'i rgyud kyi rgyal po chen po las// bong bu'i mtshan ma rnam par sgrub par 'dod pa'i yan lag brgyad pa ste le'u bcu bzhi pa'o/ /// de nas bcom ldan 'das kyis nyid kyi sku dang// gsung dang/ thugs rdo rje rnams las// nges par bsgrub pa'i gsang sngags spu gri'i so'i 'phreng ba 'di gsungs so/ / dang po longs spyod rdzogs pa yin// bdun pa'i gnyis pa drug pa'i gsum/ dbyangs yig gsum pa'i rnam pa can// lnga pa'i lnga pa de bzhin no// bdun pa'i bzhi pa de ltar yin/ / gcig pa'i dang po de bzhin te// drug pa'i bzhi ba dbyangs yig gsum/ drug pa'i gsum pa dbyangs yig lnga// lnga pa'i dang po bdun pa cig/ bzhi pa'i dag pos 'brel pas ni// drug pa'i gsum dang dbyangs yig lnga/ / gcig pa'i lnga pa'i gtsug phud can// bzhi pa'i lnga pa drug pa'i gsum// dbyangs yig gsum pa de bzhin ldan/ lnga pa'i lnga pa drug pa'i gsum// drug pa'i dang po yang dag la/ / bzhi pa'i gnyis pa dbyangs yig lnga// bzhi pa'i lnga 'di ltar 'brel// de bzhin drug pa'i dang po yin// de las ma so gnyis pa'i gsum// drug pa'i gsum pa rnam pa ring// drug pa yin ni bzhi pa yin/ / drug pa'i gsum pa dbyangs yig lnga// dang po bdun pa'i mgo// bzhi pa'i dang por 'brel pa ni// drug pa'i gsum pa dbyangs yig lnga// gcig pa'i lnga pas gtsug phud byas// gnyis pa'i dang po bzhi lngar ldan/ / bzhi pa'i dang po drug pa'i gsum// lnga pa'i dang po drug gsum dgra// de nas lnga pa'i gsum pa ste// lnga pa'i lnga pa drug pa'i gsum// de ltar drug pa'i dang po yin// lnga pa gnyis pa bzhi pa'i mgo/ sum cu rtsa gnyis sngags kyi ming// spu gri so yi dbang bskul ni// ya so ma so bcu drug phyed// bcu drug 'og gi phyed ldan pas// las ni rnam par phyed pa yin// chu shel snang ba dag pas ni// bzhi khri'i 'og na bkra mi shis/ / ban glang spyod dang 'gro ba na// skya rings lag pas yang dag 'joms// ra'i gzhu gzung dang byan la sgros/ brgyan pa mi sngags tshang pa'i brda/ gsad pa'i mde'u yang ni sregs/ yul can nyid kyi pags pa la/ / shi ba khrag gis rnam par bris// 'dil 'grub drug cing bdag la ni// zla ba 'od zer snang ba dang// spu gri sngags ni sum cu gnyis// ma mkhal bsgral pa yang dag yin// rnam par bsad pa skad cig la/ / skya rengs nyid kyang 'gro na sbyor// skar chen mig la btags pa ni// bdag gi rnam par mtho ba'o// bstan pa dag la gnod byed pa// mu stegs ltas ngan 'pham pa la// bsod nams ye shes yang dag sbyar/ / dpal ldan byang chub sems dpa' yi// sbyor ba'i kham bu yang dag ldan// 'jig rten 'di na gang dag kyang// rnam par gshig pa 'di ltar yin// gal te gnod par byed pa yi// skye brgyud rnam par 'chad 'dod pas/ / chu so 'gags pa'i rdo bo la// btags te grog ma'i tshang dang sbyar/ yum can khrag gis sbrus pa la// pho mo gang gi dbang po can// khro chu rnam par bsnos pa yis// zor ba yang dag bsregs pa la/ / rgya ba'i dus dang phyogs bzhin du// skar chen mig la btags pa yang// sngon sbyar lta bu'i skad cig la// bcu drug phyed pa phyed kyi dbang// ma mkhal bsgul bas yang dag 'joms// dang por zor bas rnam par gcad/ / skad cig de la bdag gi dbang/ skye ba gzhan la gnod par 'gyur// bstan pa 'di la gnod pa yi// log lta ngan pa'i skye rgyud nyid// gtan du phur bar zad sbyar te// 'di ltar mkhas pas 'di ltar dpa'/ / lkugs par 'dod pas sbrul gyi pags// skad cig de la spu gri yis// rnam par bcings pas g.yon mi 'gyur// grol bar 'dod na lus 'phags nas// yang dag byung na rgyal las bkrol/ / gang gi chu rgyun brdabs pas bsad pa 'am// skad cig de la byan lag sbus// btsangs pa yul can rgyus pas btsems/ spu gri so yis ma mkhal brgyus// yang na so so ganga'adod pa// thams cad 'di la sbyang na 'grub/ dpal dngos grub thams cad kyis bstan par gzigs pa'i rgyud kyi rgyal po chen po las// spu gri so'i gsang sngags yang dag par bstan pa ste le'u bcwo lnga pa'o//// de nas bcom ldan 'das nyid kyi sku dang/ / gsung dang// thugs rdo rje rnams las/ byang chub sems dpa' sems dpa' chen po mi g.yo ba'i ting nge 'dzin gyi smon lam gyi rnam par 'phrul ba bstan pa'i phyir// bkra shis pa'i lha mo gsang sngags bcu gcig pa'i byin gyis brlabs so/ / oM parna sha ba rI po sha tsi swA hA/ yi ge bcu gcig las byung ba// gsang sngags bcu gcig 'dzin pa'i lha/ bkra shis kun gyi bdag mo ste// lus can kun gyi skyabs su 'gyur/ / srid pa ma stongs par du ni// 'jig rten kun la bar cad med// phan par mdzad pa'i brtson 'grus can// byang chub sems kyi rdo rje zhags// srid pa gcod pa'i dgra sta 'dzin// sku mdog ser dang dgra sta dmar/ / zla ba'i steng na zla ba'i thugs// rang mtshad yi ge lnga sgrogs shing// me tog char ba 'bab pa'i yul// rang gi mchod pa yang dag ldan// mkhas pa'i yul la rten pa bde// 'di ma bcom ldan 'das ma'i ting nge 'dzin/ / brna sha ba ri'i 'o// 'di dag yongs su rten par byed pa// gang lus dang// ngag dang// yid rnam par dag par 'gyur ro// byang bar 'gyur ro// dag par 'gyur ro/ / yul bde bar 'gyur ba dang// gnod pa thams cad par sbyong bar 'gyur ro// dpal dngos grub thams cad kyis brtan par gzigs pa'i rgyud kyi rgyal po chen po las/ rnam par 'phrul pa bkra shis gsang sngags te le'u bcu drug pa'o/ /// de nas bcom ldan 'das nyid kyi sku dang// gsung dang/ thugs rdo rje rnams las// 'jigs pa bde bar lam du byed tshad med rnam par 'phrul pa 'di gsungs so// oM ma ri tse rtso ra tshag khru a tha rings su khro ho/ / bskul tshig dang bcas pa'i gsang sngags yi ge bcu bzhi po 'di// sdang ba rnams la mtshan mo skud par byed pa'o// 'di dag rnam par 'chang mdzad ma// mdog ser khab skud phag pa chibs/ / zhag gcig phyag gnyis me tog stsol/ bzlas dang btsems pas rnam par grub// dpal dngos grub thams cad kyis bstan par gzigs pa'i rgyud kyi rgyal po chen po las// ma rI tse'i rnam par 'phrul pa ste le'u bcu bdun pa'o/ / de nas bcom ldan 'das kyi sku dang gsung dang// thugs rdo rje rnams las// rtags rnam par skul bar byed pa'i lha mo'i rnam par 'phrul par byed pa'i gsang sngags 'di gsungs so/ / oM tsa le tsu le tsu na de dar sha ya// dar sha ya sarba sarba tsa ma swA hA// 'di ni mdog ser ud pad can// rnam pa stong gi phyag las 'phros// 'dra ba'i g.yog mo nyi shu mnga'/ me long ngal gri me mar chu/ / gzhon nu rnams la 'jig rten ston// dpal dngos grub thams cad kyis bstan par gzigs pa'i rgyud kyi rgyal po chen po las// lha mo skul byed ma'i rnam par 'phrul pa ste le'u bcwo brgyad pa'o/ / de nas bcom ldan 'das kyis nyid kyi sku dang// gsung dang// thugs rdo rje rnams las// mtshan mo ston par byed pa'i sngags 'di byin gyis brlabs so// oM tsan+d+ra de ba su hi na pa ra mi sha// byang chub sems dpa' mi g.yo ba'i ting nge 'dzin gyis rnam 'gyur ba/ / lha'i bu dri ma med pa zla ba ltar snang ba dang// cher snang ba la phyag 'tshal lo// man+Tal dang ni ro la gsol// yar yi byed pa'i cha gsum la/ chu la snang ba'i sngags kyis btab/ / skad cig/ 'di nyid smra pa'o// dpal dngos grub thams cad kyis bstan par gzigs pa'i rgyud kyi rgyal po chen po las// dri ma med pa lha'i bu zla ba ltar snang ba'i rnam par 'phrul pa bstan pa ste le'u bcu dgu pa'o/ / de nas bcom ldan 'das kyis nyid kyi sku dang// gsung dang// thugs rdo rje rnams las// gzhon nu kha byin gyis brlabs pa 'di gsungs so// oM AH hU~M na mo pud+ha d+ha rma dang g+ha ku ma ra dzi ba pra pe sha ya/ / dza par mi sha ma hA de bi ku ma ra dzi ba a ba sa ni na mo// gsang sngags yi ge bcu bzhis 'di// gzhon nu lce la gnas pa'i lha mo lce g.yo ma'i rnam par 'phrul ba gzhon nu dag par byas pa bcu drug man chad du gnas pa ste/ / me tog gtor nas rnam par dri ba dang ldan par dri ba dang ldan par 'gyur ro// dpal dngos grub thams cad kyis brtan par gzigs pa'i rgyud kyi rgyal po chen po las/ / smra ba med pa'i lha mo// gzhon nu ma'i lce la gnas pa ste le'u nyi shu pa'o//// de nas bcom ldan 'das kyis nyid kyi sku dang/ gsung dang// thugs rdo rje rnams las// tshig 'dri bar byed pa'i gsang sngags 'di gsungs so/ / oM AHhU~M// karma d+ha rmA pra pe sha pa ra mi sha shri ma hA de bi na mo// mi g.yo ba'i rnam par 'phrul ba'i tshogs dang// tshig gis tshogs ston par byed pa'i phyag 'tshal na// ston par byed pa ste/ / ngag rnam par bsdams pa las gyur pa'o// dpal dngos grub thams cad kyis brtan par gzigs pa'i rgyud kyi rgyal po chen po las// yi ge'i tshogs ston pa'i lha mo ste le'u nyi shu gcig pa'o//// de nas bcom ldan 'das kyis nyid kyi sku dang/ / gsung dang// thugs rdo rje rnams las// rtags med par bsnams pa'i lha mo'i gsang sngags 'di byin gyis brlabs so// na mo bud+d+ha d+ha rmA sang g+ha bya// badzra a ba lo ka dz+nyA na/ / a ga ne pra be sha swA hA// de nas rdo rje mar me thogs pa'i lha mi g.yo ba'i 'phrul pa 'dir snang ba// rdo rje mar lus can rnams la rnam par gsal// gnas dang zhing khams rtags su ston/ / pad+ma nyi ma zla ba la// gcig pu dgon pa'i sa phyogs su'o// dpal dngos grub thams cad kyis bstan par gzigs pa'i rgyud kyi rgyal po chen po las// rdo rje mar me rtags bstan pa ste le'u nyi shu gnyis pa'o/ /// de nas bcom ldan 'das kyis nyid kyi sku dang// gsung dang// thugs rdo rje rnams las// 'tsho ba'i phyir rnam par smra pa'i gsang sngags 'di gsungs so// na mo bud+d+ha d+ha rmA sang g+ha b+h+ya// dzi pa pra pe sha pa ra mi sha/ / kha kha khA hi pra be sha dzA dzA/ gsang sngags nyi shu rtsa dgu pa// tsan dan la sogs bris pa bar// rnam par 'dres pa'i kha zas ni// mi khyi tshig dang rtags su bstan// kha zas stobs pa'i ngang tshul can/ / dpal dngos grub thams cad kyis bstan par gzigs pa'i rgyud kyi rgyal po chen po las// kha zas stobs pa'i lha mo'i gsang sngags te le'u nyi shu rtsa gsum pa'o//// de nas bcom ldan 'das kyis nyid kyi sku dang/ / gsung dang// thugs rdo rje rnams las// dmigs pa bsgrub bya dbang du gyur pa'i khyad par drag po rten 'brel pa'i ling ga thams cad sngags kyis byin gyis brlab pa'i 'khor lo 'di gsungs so/ / rnam par snang mdzad la phyag 'tshal lo// snang ba mtha' yas la yang yang dag gnas// rdo rje sems dpa'i brda phyag 'tshal// bdun pa'i gsum pa de 'dod pa// lnga pa'i gsum pa drug gsum can// 'di ltar bdun dang po can/ / bzhi pa'i dang po drug gsum sgra// dbyangs yig lnga pa da yi rkyen// dang po'i lnga pa'i sgra yang yod// dbyangs yig dang pos sa bon te// lnga pa'i lnga pa dbyangs yig lnga// gcig pa'i dang po lnga pa'i lnga/ drug pa'i gsum pa dbyangs yig lnga// lnga pa'i dang po de yi ge sgra// dbyangs yig dang po de dang ldan// lnga pa'i gsum pa de ltar ro// de ltar bdun pa'i gsum pa yi// bzhi pa'i lnga pa dbyangs yig gsum/ / gnyis pa'i gsum pa gnyis dang ldan// yi ge bcwa brgyad nus pa ni// sangs rgyas rnams kyi snying la ste// rten 'brel 'khor lo ston par nus// lus can ngag gi gzugs can la// 'di yis rnam par brlan par bya/ / bzlas na rten dang rten can bya// bris pa lung dang yan lag ste// 'di yis nges par sbyar pa la// sangs rgyas rnams kyis skyob mi nus// sbyor ba brten dang nges 'dod pas// 'di dag rnam par yang dag go/ gdug pa stobs chen mche bas drug pa'i sa// dug 'phel thur du rkos pa'i rkang pa can// dus su dus gcig thams cad shi ba'i// dmar gnag ro bcas pa'i sa blangs te// de ni bkra shis med pa'i yan lag bcu/ / gdug pa'i khyim du grog mo'i yul na yod// de la de dag gi ni gzugs de bya// de ni yul mtshon pa'i nye bar 'brel// ngag can rnam par gnas dang gsang ba ni// rkyen las skyes nas rkyen gyi 'gyur ba'i mdog/ rang rkyen zad nas las rlung rkyen gyis 'das// rang rkyen rten 'brel stobs kyis bzung ba ni// 'phen pa'i bar chod zhe sdang stobs kyis gtubs// 'dzin pa'i rkyen la ma byung mkha' la zin/ / mkha' nyid rang bzhin med pas rang bzhin can// gzhig par nus pa'i rten 'brel dpa' pos bstan// rkyen gyis drag por bsgrubs na yang dag 'grub// rkyen gyis bsgrubs na ngag can nyes pa yi/ / rnam par gnas pa dag la sdang pa'i rgyu// gnod par 'brel ba'i shing lo rlung khyer nyid// gang dag ming can yang dag sbyor ba ni// gsal bar gcod pa'i dbang po rnam dang bral// sdug bsngal skyes pa'i tshor ba rnams dang bral/ / gshin rje'i khyim du 'gro ba'i rnam pa can// mi yul bsod nams lta ba'i tha ma de/ bsod byed rje bo gshin rje rnams kyi bskor// mthu dang ldan pa gzhan yang rung na rngam// blo bur dus 'dir de la bar ched snang/ rigs mthun las kyi 'brel ba rnams/ kyang rngam// shes ldan sems can phra mo 'ga' yang 'jigs// 'chi bar nges pas gsod par mi nges te// skad cig de la dro ba'i khrag de ni/ / gshin rje rnams la be con phyag rgya blang// phyag rgya nyid dang yan lag bcu gsum ni// drag po'i rten 'brel de yis de phyir yin// yul na grog tshang 'dra ste ngag ni rlung// gang gi ming ni de yi khrag las byas/ / de yi chu yis thams cad bsdus pa yin// gzugs su gyur pa de la ming du btags// nam mkha' gzugs med ming du btags pa yang// de yi tha snyad sdud par byed pa'i chu// de bas 'chi ka'i khrag skyugs dmar la drongs/ / lus can gang dag 'di ltar gsad par byas// gang dag sdang ba byams pa rnams dang bral// glang po las las grub pa'i mtshan ma can// rang gi ma yis bsad pa'i smin pa'i gzugs/ / ming dang skad dang med pa blun po'i gzugs// ma mo rnams kyis yang dag bzung ba'u+i rdzas// rang rgyud stong pa srid la gas pa'i dbyibs// mtshan ma bcu gcig drag po'i las can// lus can gang dag gsad phyir lus 'di byas/ / dngos po thams cad rten 'brel nyid kyis 'grub// de bas lus can dang can ming can dang// 'di ni yul can rnams la rnam par gsungs// sems dang ldan pa bsad pa'i pha rol na/ / sems ni gsad bya rgyal bas ma gsungs so// ci'i phyir de nyid gsad bar gyur pa ni// mu stegs khyed kyi tshul la bdag mi 'dzug/ 'o na lus can ngag can ming can dang// yul can gsod par byed pa'i gtso bo ni/ / dge ba gzhan gyis 'di la nye bar bskrun pa men// lus ngag 'khrus pas brtags pa'i dngos po gzhan// gang dag sbyor ba yang dag grol mi 'gyur// dngos po 'di dag shes pa nam mkha'i dkyil/ / sngon nas dag pa sems nyid rnam par dag/ gdod nas ma byung sems nyid shi ba med// rnam dag sems la sgrib pa lus ngag yid// yul la 'khrul pas dge ba 'di la bskrun// rtog pa 'di zhi bsal phyir rten 'brel brtags/ / yul ni 'khrul pas bag chags brtag pa ste// ming ni khrag gis sdud pa khrag gi rkyen// khrag ni bdag med sngon nas 'di bzhis bslus// 'di bzhi bsad na sems ni rnam par grol/ / dpal dngos grub thams cad kyis brtan par gzigs pa'i rgyud kyi rgyal po chen po las// bsgrub bya rten 'brel gyi nus pa'i chos bstan pa ste le'u nyi shu rtsa bzhi pa'o//// de nas bcom ldan 'das kyis nyid kyis sku dang/ / gsung dang// thugs rdo rje rnams las// dpal mkha' 'gro ma'i phyag rgya rnam par sbyor ba 'di gsungs so// rlung gi me sbar bong zhon dbang phyug ma// lcags kyus bos nas thod pas dbang bskrur te/ / thod rlon dam tshig bstan cing gnyis med bsam// yan lag phyag rgyas bskul na las rnams byed// yaM yaM yaM// ma hA ka li// ba ya be// ma tra spa ra na// ba ya b+he// ya ma// yaM yaM yaM// oM mahA ka li/ / a ga ne dz+wa li// ma hA ka li// raM raM// dz+wa la dz+wa la// pra ba// mu tra ma hA mu tra dz+wa la raM// oM ma hA ka li ye// maN+d+ral ma de// ya ta ya ka ta ya/ a ka ya// a ka ta ya// pra be sha ye// pra be sha ya// ti sta ti sta/ / a ba lo ka ya ab lo ka ya hU~M// oM ma hA ka li ye/ ma ma sa ma yA/ ti ti ti sh+ta s+t+waM/ mu tra tri tri ma ma sa ma ya s+t+waM// oM ma hA ka li ye hU~M phaT// oM ru ru tsa pa la a shug me hU~M// oM trag rag sha sa ma ya hU~M// ma ma tsa pa la sa ma yA hU~M/ / a shug me a shug me hU~M// ru ru tsa pa la hU~M oM tsa ti ku ma ra a b+hi Shiny+tsa// ka pa la tri ni// ma hA dz+nyA na kA ya wak+ka tsit+ta hU~M// ma ma sa ma yA// ma hA ka pa la// sa ma ya// ma hA ka li kA ya sa ma ya/ / ma hA ka li bA g+ga sa ma ya// ma hA ka li tsat+ti sa ma ya// ma hA mud tra ka pa la hU~M// oM mahA shri he ru ka/ kro ti shwa ri s+t+waM// oM mahA ka li ye hU~M// a b+hi Shiny+tsa// badzra ke'u hU~M a b+hi Shiny+tsa// tse'u ri// pra mo ha// pe ta li/ / pu ka si// kas ma ri// sma sha ni// tsaN+Da li/ sing nga mu ka/ bya tri mu ka/ pri la mu ka/ sho na mu ka// kri ta mu ka/ kang kang mu ka/ kha kha mu ka/ hu lu mu ka// mahA ka li ye hU~M// oM mahA ka li ye// yak+Sha ran+da mu tra/ / oM ma hA ka li// badzra shag ti/ oM mahA ka li ma ma sarba mu tra hU~M hU~M hU~M// 'jig rten 'di na dngos grub kyang// phyag rgyas mtshon na 'grub par 'gyur// dpal ldan byang chub sems dpa' yi/ / dam tshig 'dzin par nus pa rnams// 'di dag yang dag 'grub pa'o// yan lag phyag rgya bsam mi khyab// dpal dngos grub thams cad kyis bstan par gzigs pa'i rgyud kyi rgyal po chen po las// mkha' 'gro ma'i phyag rgya rnam par sbyor ba bstan pa ste le'u nyi shu rtsa lnga pa'o/ /// de nas bcom ldan 'das kyis nyid kyi sku dang// gsung dang// thugs rdo rje rnams las// dkyil 'khor thams cad yongs su bsgrub par sbyor pa'i sa bon 'di gsungs so/ / e yi ye shes las byung ba// thams cad gnas yul nam mkha' che// yaM gyi ye shes las byung bas// yang dag 'degs pa nam mkha'i snod// raM gyi ye shes las byung bas/ / dkyil 'khor smin pa'i las rnams byed// baM gyi ye shes las byung bas// yon tan sdud byed ting nge 'dzin brlabs// las kyi yon tan sna tshogs bdag/ laM gyi ye shes las byung bas// thams cad rin chen gser gyi gzhi/ b+h+ruM gyi ye shes las byung bas// gtso ba dag ni sprul pa'i gnas// ye shes 'dus pa'i cho 'phrul can// sangs rgyas rnams kyis bstan pa yin// dpal dngos grub thams cad kyis bstan par gzigs pa'i rgyud kyi rgyal po chen po las/ / 'byung pa'i dkyil 'khor thams cad rnam par sbyor ba ste le'u nyi shu rtsa drug pa'o//// de nas bcom ldan 'das kyis nyid kyi sku dang// gsung dang// thugs rdo rje rnams las/ / ye shes sgyu ma'i rtags 'di gsungs so// bde gshegs gsang ba 'di lnga rnams// zhing khams 'di na rtag tu snang// zla ba me long ye shes rnams// mnyam nyid rtag ni nyi ma che// phyag mtshan sa bon so sor rtogs/ / mtshan nyid gcig pa nan tan che// chos kyi dbyings su gzugs brnyan rdzogs// 'di dag mngon sum pa yin te// me long gzugs brnyan nyid dang 'dra// rang bzhin rnam par dag pa yis/ / cir yang brtags pa'i dngos po 'grub// tha dad mtshan nyid bstan pa yis// bsam gyis mi khyab sa la sbyor// 'di dag yod pa ma yin te// dngos po rnams la bstan pa'o// dpal dngos grub thams cad kyis brtan par gzigs pa'i rgyud kyi rgyal po chen po las/ / mi g.yo ba'i ting nge 'dzin gyis// dkyil 'khor thams cad rnam par sbyong bas gsungs pa ste le'u rtsa bdun pa'o// de nas bcom ldan 'das kyis nyid kyi sku dang/ / gsung dang// thugs rdo rje rnams las// dpal mkha' 'gro ma'i dam rdzas mi dbang 'bras bu smin pa'i sbyor ba zhes bya ba'i gsang sngags 'di gsungs so// oM ma hA ka la sarba sha truM a mu khaM/ / ru pa ma hA ru pa pu tsa hU~M// dur khrod ras kyis dkris pa dang// yang na de nyid snum gyis byugs// mi sbar dkyil 'khor dbus su bsreg/ sngags rnams kyang ni lus la bri// de nyid snying la sngags ma'i sngags/ / rnam par bkod pa yang dag sgrub// mgo la nyi zla'i sngags bris sgrub// mi dbang sar pa'i gzugs la ni// gsang sngags 'di dag khyab par bri// dkyil 'khor gru gsum lnga brtsegs su/ / dang por brkos pa'i nang du de// mgo bo mngon du bsregs pas rtsig/ rnam par bsregs dang bzlas pa'o// me la pra de rnams kyis bstan// dkar po ser dang dmar la gnag/ kha T+wAM bzhin du las rnams 'grub/ / rtse mor 'khyil nas thur du 'khyil// bgegs kyis dngos grub rnams la gnod// rnam par 'phros dang me stag can// sbyin pa bsregs pa rnams la sdang// kha dog mi gsal dud pa can// rab dga' bkra shis snang ba med/ / gang zhig kha T+wAM ma nor zhing// rtse mor phyin pa 'phra la mtho// thams cad de las myur du 'grub// bkra shis mchod pa so so yi// rdzas dang kha dog rnam par btab// me stag byung nas bud shing yang/ / so so'i kha dog rigs kyi bud// dang po yang na bzhi pa'i shing// phyogs gcig pa la yang dag bya// de ltar bsregs shing sngags pa yis// stong du bkrol zhing phyag rgya bkrol// rnam par dpa' zhing las la brtson/ / mchod par dbul pa'i sbyin sreg gis// thams cad las rnams kun tu sbyor// de bas thal ba de nyid dang// dgra bo'i gzugs kyi thal ba la// sngags btab btag snyoms khang par gzhug/ mtshan mo lta bu'i drung du ni// de yi thod pa gzugs brnyan gzugs// yang na gsang sngags mthu yi stobs// rten 'brel rdzas pa 'di ltar// mtshan mo rnam par mkhon pa yi// nyal ba'i sa gnyis ma 'dres bar/ / chu yi bcad pa'i sa yang dgos// kho mo ma nor gzugs byas pa// mi dbang de yi thal bas btab/ rnams par bar chad bar du ni// bdag nyid yang dag 'dug ste bzlas// spa sman thams cad 'khon par 'gyur/ / mdog ldan mu stegs gnod la byed// gzhan yang mi dbang de gzugs bri// rtsa brgyad brgya yis mar me dbus/ sngags dang ldan par snang ba dbul// dkyil 'khor gang gi steng na 'bar/ / 'di yis yang dag mchod pa yis// mkha' 'gro dpon g.yog thams cad dga'// de dus gcig tu dngos su grub// yang na mkhas pas mi dbang la// dgra bo gang dag sdang ba yi// ming byang rnam par bris pa la/ / me btang bsregs pa'i shing la bdug/ bzlas pa brtson na dgra bo 'tshig/ yang na sngags pa khros pa yis// mi dbang lus ni mar yang gdags// dbang gi khang par yang yang bsreg/ shing ni dmar la gnag pa yis/ / mtshan ma tshangs pa'i bud shing bya// bya rog dang ni 'ug pa yi// sha khrag spu dang bcas pa dang// dgra bo'i ming dang rtags su ldan// dor zhing yang dag bskul tshig sbyar// rnam par tshig pa'i thal ba yang/ / gang dag sdang pa'i gzugs byas te// bong bu'i kha la yang dag gzhag/ ka ra bI ra'i lcag gis brab// rnam par dbab pa'i gdon mi za// zhi bar 'dod pas 'o mas bkru// chu yang rgya mtsho'i phyogs su dor/ / yang na sgrub par byed pa yi// bong bu'i mgo bo skam po yi// glad pa'i nang du mi dbang snying// ma zhes bya ba bris pa la// de yi rgyus pa btags pas bzung// bzlas pas ting nge 'dzin bong zhon ma/ / kha T+wAM thogs pa'i sngon mo sgom// rtag tu gus pa'i yul na 'dug/ gal te sngags pas pags pa yang// rnam par dul ba sngags dang ming// dgos pa bskul tshig zhabs su ldan// zla ba nub pa'i dus su ni/ / bskor zhing sa la yang dag brda// de dag dus rtag phung bar 'gyur// 'di dang 'dra bar de la ni// ma mo nyid kyi gzugs bris te// rgyal mtshan phyar nas dur khrod 'gro// ha has 'debs shing mchongs pa dang/ / spyod pa dpa' na gzugs kyang ston// mthong na dngos grub cing 'dod zer// dngos grub thob pas gang 'dod spyod// yang na mi dbang sha dang ni// dgra bo'i gzugs kyang rnam par btso/ / rlangs pa dang yang ma bral bar// mkha' 'gro bos te chu la skyur// 'di yis drag po rnam par grub// yang na gzhan ni sbyor ba yod// rnam par skams pa'i mi dbang sha// rdo rje tho bas rnam par btags/ / dgra bo'i gzugs kyang de bzhin te// tha dad phye mar snang gyur yang// bzlas dang rlung lha bos nas kyang// rlung rgyud log pa'i dus su ni// mkha' la phyar na zad pa dang// 'thab cing rnam par 'bum dang dbul/ / mi dbang sar pa'i khog pa ru// gnod par byed pa'i ming dang tshig/ bcu gnas bu ga dgugs btsems// sngags rnams lus la de bzhin te// 'og tu gtor ma blug nas ni// steng du sa dang ri rab bri/ / gzugs dang drang du pra nye la'o// thabs dang gnad mthun pa spangs// bsod nams dam pa'i mthu nyid ston// gzhan la bstan du mi dbang gis// yus la sngags rnams gzhan yang bri// lag pa brkyang ba'i khu tshur gyis/ / lcags kyi ral pa kha T+wAM dkrol// rkub tu gsal shing btsugs pa ste// dkyil 'khor gsang ba'i dbus su bzhag/ mkha' 'gro rnams kyi rten du 'gyur// gzhan yang sngags pa dpa' ba ni// mi dbang pags pa dul ba la/ / gos byas rgyab tu bsnams nas kyang// phyir bltos bong bu nyid la zhon// dur khrod rgyu zhing mi sha bza'// zor dang thun yang rnam par 'phen// rnam pa thams cad 'di las 'grub/ / mi dbang spangs pa'i pha rol na// mkha' 'gro mthu yi dngos grub med// yang na shing srin bus brus pa'i phyes// mi dbang sha dang 'dres pa'i phyes gzugs// shing bu gcod pa'i bya rkang la/ / lcags kyi mde'u btsugs bzlas dang sbyar// rtag tu 'khyam zhing nges par 'chi// dpal dngos grub thams cad kyis brtan par gzigs pa'i rgyud kyi rgyal po chen po las// mi dbang 'bras bu'i nus pa bstan pa ste le'u nyi shu rtsa brgyad pa'o/ /// de nas bcom ldan 'das kyis nyid sku dang// gsung dang/ thugs rdo rje rnams las// sbyin sreg gsum// byin gyis brlabs pa dang// slob par 'gyur ba'i sngags 'di dag dang ldan par gsungs so/ / gzugs can rnams la bstan pa ni// kha zas 'dod pas chos 'di ni// rtag tu zos pa mkhas pa yin// a yi ye shes las byung bas// skye ba med pa'i zla ba la// ma bskyed rdzogs par ye shes che/ / mkhas pa'i ye shes kun la gnas// rgyu med 'das pa'i rgyal po ni// lus can kun gyi snying la gnas// dran par 'dod pa'i lus can gyis// rang gi 'dod lha gang yin pa// 'di dang mtshungs par rtags par bsam/ / hU~M gi ye shes dang ldan pa// lte bar rdo rje dkar po gnas// dbu rgyan la ni 'dod lha'i gtso// rkyen gyis bsgrubs pa'i kha zas kyang// ye shes sa las byung ba ni// oM gyi ye shes las byung bas/ / rnam par snang mdzad bdud rtsir 'gyur// a yi ye shes las byung bas// snang ba mtha' yas bdud rtsi'i ngang// hU~M gi ye shes las byung bas// mi bskyod bdud rtsi yang dag yin// swa yi ye shes las byung bas/ / rin chen 'byung ldan bdud rtsi'i rkyen// ha yi ye shes las byung bas// don yod grub pa bdud rtsi'i mchog/ lag pa g.yas pa stobs pa'i gzar// kha ni zhi rgyas dbang drag ste// khung bur gyur pa'i sgo yang yin/ / kha zas bdud rtsir gyur byas pa// rang gi lha la phul ba ni// spyin pa sreg pa nang gi men// phyi rol mchod pa 'di mchog ste// bza' dang za ba tha dad med/ lha dag dga' ba'i gtsor gyur to/ / thal ba da ba thal bar lhags// rtag tu 'di ltar shes byas nas// phung po sgyu mar brten byas te// 'di ni phyi yi spyin sreg ste// kha zas can la byin gyi brlabs// mkhas pa nyid la dag pa'i phyir// nang gi spyin sreg rnam par bstan/ / spyin pa'i rdza sa ni byang chub sems// sngon du rgyal ba rnams la phul// bsreg par bya ba'i bud shing ni// phung po la sogs rnam par bsregs// me ni ye shes chen po ste// rnam par mo rtog pa las byung/ / 'di dag nang du 'dus pa la// nang gi spyin pa sreg par shis// 'di dag rnams las gzud pa'i phyir// rtog pa rnams la rdzas kyis ni// spyin sregs na rtag kyang// oM ma hA ka li ni ye sarba ag+ne de ba pra be sha/ / ma hA pa ra mi sha// gsang sngags byin gyis brlabs pa yi// nyi shu rtsa bzhi bzlos shing ni// me la mkhas pas me pra brtags// du ba med par rnam par bde// du bus 'od zer bsgribs na gnod/ / ha cang che ba'i du ba ngan// shin tu phra zhing du ba mdzes// sngon ma mthong ba'i du ba ngan// zhi ba la ni sngo nag ngan// rgyas pa la ni ser nag tu// cung zad 'bar na shis pa yin// dmar nag nyid ni dbang gi'o/ / nag por gyur pa drag po grub// ral gri lta bur chad pa ni// gang gi phyogs su song ba ngan// bum pa dang yang 'dra ba zhig/ gang gi phyogs su gyur pa yis// kha dog gis ni lus la sbyar/ / ne'u le 'dra nor dang ldan// thum po 'dra na bkra mi shis// gang du dud pa 'gro ba yi// de na de yi las rnams yod// 'od zer med pa dud par bcas// las la sbyor ba nyid la ni// mchod rten 'dra ba las rnams brtan/ / dud pa kun tu 'gro ba ni// zhi dang ldan pas las rnams bskul// dang por dud pa drag pa shis// bar du byung ba bar du gcod// tha mar dud pa dag pa dge// kun tu du ba byung na bskrad/ / kun la du ba med na bshags// me ni dkar la dmar ser ljang// nag dang sngo ba rnams smug/ zhi dbang rgyas dang drag po'i brtags// shin tu drag dang shin tu rgyas// shin tu dbang du gyur pa'o// me stag 'phros pas rang la gnod/ / sgra dang ldan par 'bar pa ngan// sgra med dbyibs kyang zlum la zhi// rnam par phra la ring ba dbang// cung zad ser la gru bzhi rgyas// zur ba nag la khro na drag/ 'bar pa'i 'phro la me shi na/ / sngags pa nyid la rnam par gnod// 'bar pa'i 'phro la cher 'bar nas// chung du shi ba snga mi snga// las rnams gang byed myur du 'grub// kun tu me stag 'phro ba ni// phyogs bzhir gtor ba yang dag stab/ / me ni rlung gis bcad pa la// phyogs ni gar 'gro de la gnod// me lce thur du lhung pa ngan// me rnams rtse mo med pa dang// gyen du 'gro bar mi byed cing// kha dog mi gsal du ba drag/ me stag 'phro zhing smra ba 'dra/ / zug ngu can gyi dbyibs dang ldan// 'di dag gnod pa yang dag med// dngos grub med pa de nyid do// bshags dang bsgoms dang phyag rgya dang// kha T+wAM dkrol zhing rnam par blta// gsang sngags nyi shu bzhi yang bzlas/ / me tog gtor zhing pra dbab bshags// dpal dngos grub thams cad kyis brtan par gzigs pa'i rgyud kyi rgyal po chen po las// sbyin sreg gsum rnam par bstan pa'i le'u ste rtsa dgu pa'o/ /// de nas bcom ldan 'das kyis nyid kyi sku dang// gsung dang// thugs rdo rje rnams las// mchod pa'i dkyil 'khor gyi tshogs chen po rnam par bsags pa dang// bsag pa dang// gsog par gyur pa'i gsang sngags 'di byin gyis brlabs te gsungs so/ / oM badzra du pa ma hA ka li pU tsa swAhA// puSh+pa pa// di pa// g+han d+ha// bar// 'di dag nyid kyi ni rnam gsal ba// sems dpa' gsum gyi mtshan nyid kyis/ / ye shes sems dpa'i thugs ka nas// dri'i lha mo lha mo bdag la 'phro// tsan dan blangs pa nam mkhar khyab// de bzhin me tog mar me dang// dri chab zhal zas rnam par thogs// dpag med mkha' 'dra de rnams la'ang/ / phyi rol rnams la brten byas te// gcig la'ang lnga lngar shes par bya'o// 'di dag ni dpal byang chub sems dpa'i thun mong gi tshogs so// oM ma hA ka li sa ma ya po d+hi tsit+ta mahA pU tsa/ / gu ha s+t+waM// oM ma hA ka li sa ma ya// ma hA rak+ta gu h+ya s+t+waM// tsan dan dkar dmar dri zhim zhing// tsan dan dkar dmar de nyid 'dres// tsan dan nyi shu byang shar bltas// khyim gyi 'gron lnga gnyis dbus gnyis/ / tsan dan dkar po'i gzugs brnyan yul// gdan gyi tsan dan dkar tib bdun// sur+ya pra ba nyi shu pa// mgrin bcu'i khyim na kha bltas la// dus la bab bam khams kyis bsgyur// gal te sran ma'i me tog gis/ / gdan khri tsan dan dkar thig la// gzugs brnyan yul 'dra bla ra ser// thabs dang shes rab gnyis sbyor rab// 'bring ni so sor rtan pa'i gzhi// tha ma sran ma tsan dan dkar// dpal dngos grub thams cad kyis bstan par gzigs pa'i rgyud kyi rgyal po chen po las/ / dpal byang chub sems dpa' la mchod pa'i tshogs su bsags pa ste le'u ste sum cu pa'o// de nas bcom ldan 'das kyis nyid kyi sku dang/ / gsung dang thugs rdo rje rnams las// sngon byang chub sems dpa'i tshogs pa'i bshes gnyen la brten nas// de bzhin du tshogs bsags shing// dkyil 'khor bsgrub par bya ba 'di gsungs so/ / dpal ldan gsang sngags 'di la rnam brten pa// sems can thams cad bde ba'i zhing du 'gro// rin po che yi me tog de bzhin gshegs// gser gyi ri bo mdog mdzes bde gshegs dang// spyan ras gzigs dbang rgyal sras dam pa rnams/ / 'das pa'i sangs rgyas dge ba'i bshes gnyen nyid// gang 'di da ltar 'di gnas dge 'dun che// ma 'ongs dus na sangs rgyas dpal nor bu// rin chen las byung rin chen brgyan pa'i zhing/ / rgyal ba 'di lnga mdzes pa'i sku yang bri// de yi drung du pha rol phyin drug gi// maN+Dal nyid ni rtag tu gus par bsgrub// me tog tshom lnga dbus ni rin po che// me tog spyin pa mkhas pas 'bad pa'i lam/ / shes rab phyag rgya mi 'da' tshul khrims bsrung// de nyid tshogs la gnas par rtag bzod pa// rtag tu brtson la lha sgom bsam gtan can// 'di ltar shes na tshogs chen rnam par 'phel/ / gzhan yang de bzhin gshegs pa dpal nor bu rin po che las byung ba'i gzugs kham pa la bya'o// 'di ltar nyi ma la ma 'ongs pa'i sangs rgyas nor bu rin po che las byung ba// mnyam pa la zhugs pa'am/ / rin po che bsnams pa'i gzugs brnyan ci nus par bya ba dang// mtshan mo'i dus su byang chub sems dpas mthong ba'i lam brnyen pa'i rtags su/ brjod pa'i gsang sngags nyi shu rtsa gcig rtag par brjod na/ / byung chub sems dpa'i tshogs 'phel bar 'gyur te// gsang sngags kyi rig 'dzin 'ba' zhig go/ gzhan yang byang chub sems dpa'i tshul gyis// gsang sngags kyi rigs 'dzin par 'dod cing/ / 'gro ba la phan par 'dod pa 'am// bdag don phun sum tshogs par 'dod pa 'am// mtshan mo'i dus su byang chub sems dpa' dpal rnal 'byor chen mo brten par 'dod pas// maN+Dal dang// maN+Dal chen po dang/ / shin tu maN+Dal dang// zab mo'i maN+Dal sgrub po// de bzhin du phyi'i mchod pa dang// nang gi mchod pa dang// gsang pa'i mchod pa dang// zab mo'i mchod pa sgrub po// 'di ltar sku rnam pa lnga phyi rol du bri ba dang/ / nang du bri ba dang// gsang bar bri ba dang// zab mor bri'o// sku sa la brtsigs pa'i phyi rol tu bya ba dang// nang du bya ba dang// gsang bar bya ba dang// zab mor bya ba'o// rig sngags phyi rol tu bzlas pa dang/ / gzungs sngags nang du bzlas pa dang// gsang sngags gsang la bzlas pa dang// zab mo mi 'gyur la gnas par bsgrub pa'o// gzhan yang lus ngag gi nus pas bsam gyis mi khyab pa dang du blangs te// mi spang zhing zab mo'i rten du tshogs rnam par bsag go/ dpal dngos grub thams cad kyis bstan par gzigs pa'i rgyud kyi rgyal po chen po las// tshogs yongs su bsags pa'i le'u ste so gcig pa'o// de nas bcom ldan 'das kyis sku dang// gsung dang// thugs rdo rje rnams las// dpal byang chub sems dpa'i rnam par 'phrul pa// 'jig rten gyi khams srid pa'i zhing khams na// srid pa'i rgyal mo chen mo bzhi zhes bya ba'i gsang sngags// drag po khrag 'thung gi sbyor ba gnod par gyur pa'o// gsod pa'i sngags 'di gsungs so// bos nas rbad pas gsad pa yi// srid pa'i ma mo stong rtsa brgyad// rje mo bzhi yi sngar 'dus pas// thams cad dang por bod par bya// ma mo tsit+ta kha rag ces// tsit+ta kha rag ma rag sha rag mo tsit+ta rag ta ma// thun thun zhes ni drag tu gdab// trag dang rag sha ma zhes bod tsit+ta te ke ma rnam par sbyar// ma ru lu ru lu'i srog b+h+yo b+h+yo// zhes ni las kyis gdags kyis gdags// tsit+ta kha rag 'di la 'bod// sa ma ya zhes dam tshig smos// daM daM dzA dzA myur du dgug/ stong rtsa brgyad po myur du dgug pa yi/ / rtse mor bcas pa'i bod pa 'di// mkhas pas dpa' bo dang paur brjod// bos nas dgra la rbad 'dod na// ma ma nir ti tsit+ta la// thun thun ni tsit+ta nyid la rbad// rag ta ma thun zhes kyang rbad/ / sha ti stoM zhes bos nas kyang// tsit+ta ya ya b+h+yo zhes rbad// rbad nas der gsod 'dod na// ma shi ma d+hi gnyis su ldan// ma ma sa ma ya zhes bgegs// che ge zhes nr-i la bod// mA ra ya zhes gsad pa yang/ / ma ni tsit+ta dzA la ram// tsit+ta ma la ril brjod// chum thum ril nas b+h+yo zhes bya// 'di ltar bod rbad gsad pa yi// gsang sngags rnam gsum byin gyis brlabs// rnal 'byor dpa' bos rim pa ltar/ / mkhas pas brjod na thams cad 'grub// b+h+yo yi ye shes las byung bas// khram bam stong gi dbang mo che// dmar mo g.yas na lcags mdung dang// mda' gzhu bsnams pas lha chen gnod// b+h+yo yi ye shes las byung bas/ / sa gzhi 'gengs pa'i dbang mo che// mthing nag dar rnams mtshon cha can/ b+h+yo yi ye shes las byung bas// ri rab gling bzhi dbang mo che// ser nag lcags mthun ral gri bsnams// b+h+yo yi ye shes las byung bas/ / rgya mtsho gling gi dbang mo che/ dkar mo lcags kyu mtshon cha can// stag dang sbrul la sogs pas brgyan// kham nag gyen brdzes mche ba gtsigs// ljags 'dril rkan rdeb thod pa can/ / spyan dgu med dpung dkyil na 'gying// ru tsit+ta rag sha ni rbad// thum ri li li// khri kha stong gi snying po'o// tsit+ta rag shan// sha ti sta na rbad// thum ri li li/ ri rab gling bzhi'o// ni sha ku ru rag ta kha ram ni/ / khu ni khu ru khu ram// theg chen sa gzhi'i dbang mo che'i// trag rag sha mu dza tsit+ta// tsat+ti kha ra ma ma b+h+yo// rgya mtsho gling gi dbang mo che'i 'o// srid pa dus bzhir snang ba'i rgyal mo bzhi// rig pa'i rgyal mo gtso mo nyid kyis 'dul/ / khro bcus phyogs skyong bcu yang mnan// khro bo bcu ni rigs lngas brdzis// rigs lnga 'dod pa'i dbang mo che'o// mi dge bcu ni phyogs skyong bcu// dge ba bcu ni khro bos yang dag mnan/ / dge ba ye shes lnga ni chogs kyi dbyings// gdan du gyur pa 'dod pa'i dbang// phyi nang gsang ba zab mo yi// don gyis rgyal pa'i dngos po dpog/ drag po rdzas kyi sbyor ba yang// yungs kar yungs nag ske tshe dang/ / thal chen rdo dreg thal ba'i chu// mi khyi rtag g.yag ra yi khrag// lcags phye zangs phye dug la sogs// sha zan bya yi mchu sder dang// nas dang til dang bra'o sran// nag mo ro bsregs sol ba dang/ / rgya gram sa dang chu yi khyim// ser ba gnam lcags phye ma dang// gzer sngags dang ni mi sha'i mde'u// grog mkhar mi so sen mo mang/ shwa yis bdas pa'i phye ba dang// chu yi nang du bdas pa dang// gcan gyi mche ba sder mo dang/ / ra'i rtse mo mig pa dang// mi skra tsha dang mkhris pa'i tshogs// gdug pa'i spu ris bsam mi khyab// sha rnam par 'dus pa khrag gi thun// yang dag sbyor ba thams cad 'chi/ / dpal dngos grub thobs kyis brtan par gzigs pa'i rgyud kyi rgyal po chen po las// srid pa'i rgyal mo chen mo bzhis// khrag gi thun rnam par dbab pa sre le'u sum cu gnyis pa'o// de nas bcom ldan 'das kyis nyid kyi sku dang/ / gsung dang// thugs rdo rje rnams las// 'chi bdag chen mo lus can rnams kyi ltag pa na yod pa// gsod par byed pa// myur du gsod par mdzad pa'i smon lam can de gang yin pa'i sngags 'di gsungs so/ / dang po rnam par snang mdzad bzhugs// de nas rang gi snying po bstan// tsa mun ti ye shes ming brjod// de nas rdo rje'i snying po can// phaT ces brjod pas thams cad 'grub// yi ge 'bru brgyad rnam par gsal/ / dmar mo mig kyang skam// sbrang bu mchu rings kyis bskor// mdo la bsgoms na shes par 'gyur// gsod dang 'chi ba bzlog par 'gyur// dpal dngos grub thams cad kyis brtan par gzigs pa'i rgyud kyi rgyal po chen po las/ / 'chi bdag chen mo gshin rje'i chun ma zhes bya ba'i gsang sngags te le'u sum cu gsum pa'o//// de nas bcom ldan 'das kyis nyid kyi sku dang// gsung dang/ / thugs rdo rje rnams las// dpal gyi pho nya zhes bya ba gsang sngags 'di gsungs so// rnam par snang mdzad dang por bzhag/ ka ma ru pa zhes ni ming brjod do// tshu la tshu la zhes rab sbyar ba/ / ben ta pen ta drag tu brjod// ta ki ta ki 'jigs par sgrogs// zhi rgyas dang rnam par sbyor// gr-i na gr-i na zhes brjod pas// tshin d+ha tshin d+ha hU~M phaT yin// ma ma gi ye shes las byung bas// nag mo khrag zhag thal bas brgyan/ / thod pa rnam gsum yang dag 'dzin// drag po dbang mo gzhon nu mo// chu lha mo dang phag mo dang// lus ngan snang chen ma mo bdun// sprul pa'i dbu rgyan rnam par mdzes// mi lpags dang ni pags chen rnams/ / g.yas pa tri shul khong khrag 'jib// gzhan ni pan d+ha rak+tas bkang// khyod ni gnas kyi kA pa la// de bzhin khang pa'i nang na yang// bcud kyi rnam pa khyod nyid yin// 'di ltar kA pa la la yang dag rten/ / bsgrubs na brtags kyang mdun du 'byung// de bzhin khyod ni zhal dbu ste// khrag sna mang du mchod na 'grub// mu stegs nyi ma 'pham par byas// gzhan yang bdun rnams 'jigs byed pas/ nyi ma pal yang blta mi bya/ / bdag nyid bsgoms dang las rnams bya// dpal dngos grub thams cad kyis brtan par gzigs pa'i rgyud kyi rgyal po chen po las// dpal gyi pho nya zhes bya ba'i pho nya sbyor ba ste le'u sum cu bzhi pa'o/ /// de nas bcom ldan 'das kyis nyid kyi sku dang// gsung dang// thugs rdo rje rnams las// las rnam bzhi thun mong du sbyor ba ste// gsang sngags 'di byin gyis brlabs so/ / ma yi ye shes las byung bas/ thams cad tha mar dang po bzhi// ya yi ye shes las byung bas// 'di ltar rgyas pa da lta 'grub// bam gyi ye shes las byung bas// thams cad dbang sdud dbang du stobs// e yi ye shes las byung bas/ / thams cad gsod pa drag por 'gyur// sngon dus srid pa'i rnam pa dang// 'chi ba dang ni bar ma do// skye ba'i srid pa 'di lta snang// bar ma do ni rnam par zab// zla rgyas steng na mchod rten ni/ / zhi ba'i rgyal mtshan yang dag bstan// zla gam steng na dkyil dang 'khor// dbang gi rnal 'byor rnam par 'phags// 'khor lo'i steng na tha dad sku// rgyal ba'i sbyor ba yang dag 'phags// bong bu'i steng na re ma te/ / rnam par gsod pa bsam mi khyab// spyan drangs mchod la sogs pa dag/ rnam pa 'di yis chos rnams sbyor// dpal dngos grub thams cad kyis brtan par gzigs pa'i rgyud kyi rgyal po chen po las/ / las rnam pa bzhi thun mong du bkod pa ste le'u sum cu lnga pa'o//// de nas bcom ldan 'das kyis nyid kyi sku dang/ gsung dang// thugs rdo rje rnams las// gsang ba dam tshig gi khyad par gyi spyi dang khyad par zhes bya ba'i dam tshig 'di rnams gsungs so/ / bla na med pa gcig tu mchod// bstan pa sdud pa rnams dang mthun// bud med shes rab phyag rgya bsten// bla ma brnyas par mi byed cing// gsang ba gzhan la mi brjod cing/ / rtags dang sgyu mar chos rnams shes// sngags dang phyag rgya rgyud tsam bsten// 'di dag thun mong sdom pa ste// thun mong can gyi sbyor bar bya// dpal ldan khyad par dam tshig ni/ yugs sa mo dang sbrum ma dang/ / gzhan gyi bu dang bong bu dang// ral gri dang ni rma bya dang// byang chub sems ni dkar dmar dang// me dang ne'u le'u rkyal pa dang// rdo sol shing lo 'dab ma rlung// gsang dang mchod dang snying po dang/ / bde gshegs sku dang rigs 'dzin bdag/ phyag rgya rten dang mchod la byams// 'di dag khyad par sdom pa ste// khyad par can gyis yang dag sbyor// dpal dngos grub thams cad kyis brtan par gzigs pa'i rgyud kyi rgyal po chen po las/ / thun mong dang khyad par gyi dam tshig bstan pa ste le'u sum cu rtsa drug pa'o//// dpal dngos grub thams cad kyis bstan par gzigs pa'i rtsa rgyud chen po las/ / las rnam pa bzhi yongs su rdzogs pa'i rtsa ba'i rgyud chen po'o// rdzogs so//// rgya gar skad du// mi ti ka ma e pan tsa rad na// he du ra tri tan na ma// bod skad du// ma mo srid pa'i nam mkha' rin po che sngo dmar lnga'i tshon// mkha' 'gro bkrag gsal 'bar ma'i rgyud ces bya ba/ / bcom ldan 'das dpal che mchog he ru ka la phyag 'tshal lo// 'di skad bdag gis thos pa'i dus gcig na// yum srid pa'i rgyal mo 'byung ba lnga'i rgyal mo// skye 'gro yongs kyi bdag mo// 'gro drug gi skye gnas/ / dug lnga yongs kyi bdag mo// kun gyi yum/ mchog khro mo rnam zhal ma// ri rab gling bzhi gzhal yas dam pa na// skye 'gro yongs kyi bdag mo de na bzhugs// ye shes las dang rang bzhin dam tshig can/ / cha 'dzin sprul pa'i 'dod khams ma mo rnams// nyon mongs log 'khrul can rnams gdul pa'i phyir// sngon dmar sna tshogs tshon gyi dkyil 'khor bzhengs// phyi nang mkha' 'gro ma lus mnyes pa'i phyir/ / bla gab gung gyi nam mkha' dang// phyogs mtshams gur gyi nam mkha' dang/ sa bzhi gdan gyi nam mkha' dang// rigs bzhi phyogs kyi nam mkha' dang// mtshams kyi blon mo'i nam mkha' dang/ mkha' drug rgyal mo'i nam mkha' dang/ / che mchog gtso bo'i nam mkha' dang// bde mchog gtso mo'i nam mkha' dang// bar gyi ma gsum nam mkha' dang// srid pa'i sman mo'i nam mkha' dang/ las kyi ma mo'i nam mkha' rnams/ / dus 'dir bdag la bstan du gsol// de skad gsungs pas thugs chud nas// nyin cig g.yu drung yang dag pa// nam mkha' la yang rnam pa gsum// kha dog zhal gyi nam mkha' dang// dkyil 'khor lha yi nam mkha' dang/ / 'di dag rigs dang mthun pa dang// ye shes lnga dang 'brel pa ste/ 'byung ba'i 'od dang 'brel pa dang// phung po lnga dang 'brel ba dang// dngas ma lnga dang 'brel pa dang// lus ngag yid dang 'brel ba dang/ / phung po khams dang 'brel pa dang// skye mched bcu gnyis 'brel pa rnams// nye ba'i 'khor la ngas bstan gyis// legs par nyon la yid la zung// de nas 'khor la bka' stsal pa/ / kha dog rgyan gyi nam mkha' dang// dkar la dag pa'i ye shes te// skyon gyis ma gos ye shes gsal// ma rig mun pa sangs par byed// shin tu dkar ba dung gi mdog/ kang kang ra'i 'od du 'tsher// ri rab shar gyi rgyan du byas/ / thams cad zhi bar 'gyur phyir ro// sngo la gsal ba yon tan de// dgos 'dod skong ba'i ye shes gsal// yid bzhin dbang po gang 'thad ston// shin tu sngo ba baiDUr+ya// ri rab lho yi rgyan du byas/ / dmar la chags pa'i rang bzhin te// pad+ma rA ga'i mdog tu gsal// smra bar byed pa gsung gi sgo// shin tu dmar ba gis mdzes// thugs rje chags pa'i rgyan dang ldan// ri rab nub kyi rgyan du byas/ ser la gsal ba las rab ste// btso ma gsar gyi mdog tu gsal/ lhun gyis grub pa 'phrin las te/ in tra nI la ljang khu 'tsher// ma byung snying po chos kyi dbyings// ri rab byang gi rgyan du byas/ / kha dog zhal gyi nam mkha'i nang// sna tshogs rin chen 'khor du gsal// mthing nag 'bab zhig nag por gsal// 'phrin las bzhi la dbang sgyur zhing// khro mo mthing nag drag po ste// khams gsum bcud bsdus nam mkha'i gzugs/ / rgyal mo'i zhal du shes par bya// dkyil 'khor gzhal yas ngas bshad kyis// nyon cig g.yung drung yang dag pa// phyogs mtshams brgyad kyi skor bu la// mthing nag gru gsum dkyil du brel/ / zla gam dmar po'i mu khyud bcas// phyi rol 'khor lo rtsibs brgyad la// gdan gyi sa bon bcu gnyis ldan// de yi phyi rim rtsibs brgyad la// sgo ma bzhi dang dmag dpon bzhi// de yi phyi rim mu khyud la/ / dbang po nyi shu rtsa brgyad gnas// de lta bu ni gnas khang ngo// mkha' 'gro bkrag gsal 'bar ma'i rgyud las// gleng gzhi'i le'u ste dang po'o//// de nas yang gsang ba'i bdag pos zhus pa/ / bla gab gur gyi nam mkha' gang// phyogs mtshams 'byung ba'i nam mkha' gang// sa gzhi gdan gyi nam mkha' gang// che mchog sku yi nam mkha' gang// dus 'dir bdag la bshad du gsol/ / gnod 'dul lha yis yang gsol pa// nyon cig g.yung drung yang dag pa// gdan gyi nam mkha' ngas bshad kyis// legs par nyon la yid la zung// phyogs mtshams brgyad kyi skor bu la// nag po'i pho brang dmar pos brgyan/ / sngon po 'od dang bcas pa bri// dmar po ser pos brgyan pa ni// mtha' ma nag pos bskor pa'o// rtsibs brgyad pa ru bri bar bya// mu khyud lcags ri zlum por bri// lus ngagag yid gsum ldan pa'i phyir/ / dkar dang dmar dang sngo bar bri// de ni gdan du shes par bya// gsang ba'i bdag po yang zhus pa// rigs bzhi rgyal mo'i nam mkha' ni// dus 'dir bdag la bshad du gsol/ / gsang ba'i bdag pos yang gsungs pa// rigs bzhi rgyal mo'i nam mkha' ni// legs par bshad kyis yid la zung// dkar sngo dmar ser gnag dang ldan// rnam snang gsal gyi nam mkha' 'o// sngo dang dmar dang ser dang dkar/ / dus kyi mtha' ma nag pos bskor// gnyen gsal ma yi nam mkha' 'o// ri rab bang rim nub la dgod// ser dang dkar dang sngo dang dmar// kun gyi mtha' ma nag pos bskor/ / bkrag gsal 'bar gyi nam mkha' 'o// ri rab byang gi cog la dgod// bde thod gtso mo'i nam mkha' ni// ser dang dkar dang sngo dang dmar// gnag dang ser po'i 'od dang ldan// bde 'gro ma yi nam mkha' 'o/ / nub byang cog la dgod pa'o// dkar dang sngo dang dmar ser// nag po dkar po'i 'od dang ldan// thod 'phreng ma yi nam mkha' 'o// shar lho'i cog la dgod par bya'o// dmar dang sngo dang ser dang gnag/ dkar po sngon po'i 'od dang ldan// bkrag gi rgyal mo'i nam mkha' 'o// lho nub cog la dgod par bya// kha le gtso mo'i nam mkha' ni// sngo dang dkar dang dmar dang ser// nag pos mtha' ma bran nas su/ / de yi phyi ni sngon pos bran// byang nub cog la dgod par bya'o// che mchog gtso bo'i nam mkha' gang// dus 'dir bdag la bshad du gsol// de skad gsol pa bka' snang ba// rdo rje ris su bskor nas ni/ / gnag dang dkar dang sngon po dang// dmar ser nag po'i 'od dang bcas// sku stod rigs lnga'i sangs rgyas gtso// sku smad 'byung ba'i rgyal mo lnga// rked pa khro mo rnam zhal ma// mkha' bzhi bde klong steng du dgod/ / 'di dag nam mkha'i bri thabs te// 'khrul pa med par yang dag ldan// de dag rin chen bang ba ris// de dag srid pa'i rgya mdud ris// mkha' dang klong gi chos nyid can// bcA brgyad steng 'og khams su snang/ / che mchog gtso bo'i dkyil 'khor ro// mkha' 'gro ma bkrag gsal 'bar ma'i rgyud las// gzhal yas khang dkyil 'khor gyi le'u ste gnyis pa'o//// de nas gsang pa'i bdag pos yang gsol pa/ / rigs bzhi phyogs kyi nam mkha' gang// mtshams kyi blon mo'i nam mkha' gang// nye bar bdag la bshad du gsol// gnod 'dul lha yis bka' stsal ba// rigs bzhi nyon cig g.yung drung yang dag pa/ / phyogs mtshams nam mkha' ngas bshad kyis// legs par nyon cing yid la zung// dkar mo zang yag bris pa ni// rdo rje rigs kyi nam mkha' ste// lus ngag yid gsum sum brtsegs gsum/ / khams gsum brtsegs mar byung ba'o// ri rab shar gyi bang rim la'o// rim pa bzhin du dgod par bya'o// sngon mo zang mar bris pa ni// rin chen rigs kyi blon mo ste// lho phyogs bang rim sum brtsegs la/ / rim pa bzhin du dgod par bya// dmar mo zang mar bris pa gsum// pad+ma rigs kyi blon mo ste// nub phyogs bang rim sum brtsegs la// rim pa bzhin du dgod par bya// ser po zang mar bris pa gsum/ / las kyi rigs kyi blon mo ste// byang phyogs bang rim sum brtsegs la// rim pa bzhin du dgod par bya// nag po zang mar bris pa gsum// de bzhin rigs kyi nam mkha' ste// dbus kyi ri rab cog la dgod/ / re'u zang mar bris pa ni// dbugs kyi rgyal mo'i nam mkha' ste// shar lho'i cog la dgod par bya// dre'u zang mar bris pa ni// srid pa'i rgyal mo'i nam mkha' ste// lho nub cog la dgod par bya/ / khre'u zang mar bris pa ni// bkrag gi rgyal mo'i nam mkha' ste// nub byang bang rim sum brtsegs la// rim pa bzhin du dgod par bya// mkha' 'gro ma bkrag gsal 'bar ma'i rgyud las/ / phyogs mtshams blon mo'i le'u ste gsum pa'o//// de nas yang gsang ba'i bdag pos zhus pa// mtshams kyi bran mo'i nam mkha' gang// dus 'dir bdag la bshad du gsol// nyon cig g.yung drung yang dag pa/ / mtshams kyi bran mo'i nam mkha' ni// dkar mo'i pho brang sngon pos bya// shar lho mtshams kyi nam mkha' ste// shar lho'i me ri dmar por dgod// na bza' gos dang rgyan du byas// sngon po'i pho brang nag pos brgyan/ / lho nub mtshams kyi nam mkha' ni// lho nub bang rim dang po la'o// na bza' gos dang rgyan du byas// mkha' 'gro ma bkrag gsal 'bar ma'i rgyud las// mtshams kyi bran mo'i le'u ste bzhi pa'o/ /// de nas gsang ba'i bdag pos yang zhus pa// bcu bzhi rje mo'i nam mkha' gang// nges par bdag la bshad du gsol// de skad gsungs pa gsan nas kyang// gnod 'dul lha yis bka' stsal pa/ / nyon cig g.yung drung yang dag pa// bcu bzhi rje mo ngas bshad kyis// legs par nyon la yid la zung// dkar po'i pho brang nag pos brgyan// ser po dkar po sngon pos brgyan// nyi ma khros pa'i zhal yin te/ / ri rab shar gyi cog la dgod// sngon po'i pho brang nag pos brgyan// dmar dang ser dang dkar pos bskor// pad+ma khros pa'i zhal yin te// ri rab lho yi cig la dgod// dmar po'i pho brang nag pos bskor/ / bdud rtsi khros pa'i zhal yin te// ri rab nub kyi cog la dgod// ser po'i pho brang nag pos brgyan// dkar dang sngo dang dmar pos bskor// thar pa'i lam ston nam mkha' ste// ri rab byang gi cog la dgod/ / dkar po'i pho brang sngon pos brgyan// nag po dmar po ser pos bskor// rgyan gyi rgyal mo'i nam mkha'i ste// ri rab bang rim dang po'i shar la'o// sngon po'i pho brang dmar pos brgyan// nag po ser po dkar pos bskor/ / dbyings phyug ma yi nam mkha' ste// bang rim dang po'i lho nub la'o// dmar po'i pho brang ser pos brgyan// gnag dang dkar dag sngon pos bskor// bdag nyid ma yin nam mkha' ste/ / bang rim dang po'i nub la'o// ser po'i pho brang dkar pos brgyan// nag po sngon po dmar pos brgyan// gcig pu ma yi nam mkha' ste// bang rim dang po'i byang la'o// dkar po'i pho brang sngon pos brgyan/ / dkar mo mig gcig ma'i nam mkha' ste/ bang rim dang po'i shar phyogs la'o// dmar po'i pho brang sngon po'i brgyan// ser dngaganag dang dkar pos bskor// nag mo ral gcig nam mkha' ste// bang rim dang po'i lho phyogs la'o/ / dmar po'i pho brang ser pos brgyan// dkar po nag po sngon pos bskor// dbang sgyur ma yi nam mkha' ste// bang rim dang po'i nub la'o// ser po dkar po sngon po dang/ / nag po dmar pos bskor ba ni// ser mo las mkhan nam mkha' ste// bang rim dang po'i byang la'o// rje mo rnams kyang zhal du dgod// mkha' 'gro ma bkrag gsal 'bar ma'i rgyud las// rje mo bcu bzhi'i nam mkha'i le'u ste lnga pa'o/ / de nas gsang ba'i bdag pos 'di skad gsungs so// bar gyi ma gsum nam mkha' gag// legs par bdag la bshad du gsol// de skad gsol ba'i tshig gsan nas/ / g.yung drung lha yis bka' stsal pa// nyon cig g.yung drung yang dag pa// legs par nyon la yid la zung// dkar mo brgyan gyi nam mkha' ni// dkar po'i pho brang ser pos byas// dkar mo mdangs dang ldan pa la/ / ser po go cog yang bas bskor// shar lho mtshams su yang dag ldan// dmar po mdangs ldan sngon pos brgyan// dmar po 'od dang bcas pa ni// smug tig rgyal mo'i nam mkha' ste// lho nub mtshams su yang dag ldan/ / nag mo bzur bzhi bris pa ni// re ma ti yi nam mkha' sta// byang shar mtshams su yang dag ldan// bar gyi nam mkha' zhes pa yol// srog dbugs nam mkha' zhes pa bdag mo chen mo gsum/ / rnal 'byor kun gyi snying nye ma// dam tshig nyams pa sgrol mdzad ma// nyes legs kun gyi ltang 'dzin mo// mkha' 'gro ma bkrag gsal 'bar ma'i rgyud las/ bar gyi ma gsum gyi le'u ste drug pa'o/ /// de nas gsang pa'i bdag pos gsol pa// srid pa'i sman mo'i nam mkha' gang// nges par bdag la bstan du gsol// de skad gsungs pa'i don gsan nas// gnod 'dul lha yis bka' stsal pa/ / nyon cig g.yung drung yang dag pa// legs par bshad kyis yid la zung// dkar dang gnag dang sngo dang dmar// ser po nag pos bskor ba ni// chags byed ma yi nam mkha' ste// bang rim tha ma'i shar phyogs la'o/ / nag po dkar po sngon pos brgyan// dmar ser nag pos bskor ba ni// cha snyoms ma yi nam mkha' ste// shar gyi phyogs su yang dag dgod// dkar dang sngo dang dmar dang ser// nag po dkar po mdangs mnga' ba/ yon tan drug dang ldan pa ni// e ka dza ti'i nam mkha'i ste// shar lho mtshams su yang dag ldan// nag mo'i nam mkha' rnam pa bdun// srin po bdun gyi nam mkha' ste// byang shar mtshams nas lho phyogs su/ / bang rim bzhin du 'khor bar dgod// nag mo dung mig nam mkha' ste// ha ting dkar mo'i nam mkha' ste// nag mo g.yu mig nam mkha' ni// dun ting nag mo'i nam mkha' yin/ / nag mo zangs mig nam mkha' ni// grub ting ser mo'i nam mkha' yin// bang rim bar ma'i mtshams la'o// dmar po g.yu mig nam mkha' ni// pad+ma 'phreng gi nam mkha' 'o// nub byang bang rim tha ma la'o/ / dkar mo gser mig nam mkha' ni// gling bzhi spyi'agro'i nam mkha' ste// bang rim tha ma'i byang shar la'o// sngon mo zangs mig nam mkha' ni// mdog bzang sngon mo'i nam mkha' yin/ / bang rim tha ma'i lho nub la'o// ma mo dmag dpon rgyal mo bzhi// nag po mdangs mar byas pa ni// dung g.yu mtsho dang gser dang lnga// dmag dpon rgyal mo'i nam mkha' ste// phyogs bzhi'i stod la yang dag ldan/ / nag mo mtha' bsgyur rnam pa bzhi// dkar mtha' mdzes pa lha yi sring// sngo mtha' mdzes pa gshin rje'i sring// dmar mtha' mdzes pa gshin rje'i sring// ser mtha' mdzes pa gnod spyin sring/ / yang na za ba rnam pa bzhi// phyogs bzhi la ni dgod par bya'o// srid pa'i smin mo'i nam mkha' 'o// mkha' 'gro ma bkrag gsal 'bar mi rgyud las// srid pa'i smon mo'i nam mkha'i le'u ste bdun pa'o/ /// de nas yang gsang pa'i bdag bos gsol pa// srid pa'i sman mo'i gnas lugs gang// legs par bdag la bshad du gsol// de skad gsol ba'i don go nas// dpal chen 'khor tshogs bka' stsal pa/ / legs par nyon la yid la zung// srid pa'i sman mo'i nam mkha' ni// dkar mo la sogs rnam pa bdun// zhi ba las kyi gtso mo ste// dkar mo drug dang zangs mig gcig/ de ltar bdun ni shar du dgod/ / sngon po la sogs rnam bdun bya// rgyas pa las kyi gtso mo ste// sngon mo bdun dang zangs mig gcig/ de ltar bdun ni lho ru'o// dmar mo la sogs rnam pa bdun// dbang gi las kyi ma mo ste/ / dmar mo drug dang dung mig gcig/ de ltar bdun ni nub tu'o// ser po la sogs rnam pa bdun// drag po las kyi ma mo ste// ser mo drug dang g.yu mig gcig/ de ltar bdun ni byang du dgod// mkha' 'gro ma bkrag gsal 'bar ma'i rgyud las/ / dbang phyug nyi shu rtsa brgyad kyi nam mkha'i le'u ste brgyad pa'o// de nas yang gsang ba'i bdag pos gsol ba// 'brog sman dang yul sa dang// klu dang srin mo la sogs pa/ / phugs bdag 'brog mo la sogs pa dang// las la grub pa'i ma mo rnams// sku mdog lta bu'i nam mkha' bya'o// dkor sbyin mo dang phugs bdag mo// khra mo zhun ma re 'bri rnams// rigs mthun nam mkha' don dang sbyar/ / de yi don rnams bshad du gsol// de skad gsol pa'i don go nas// gnod 'dul lha yis bka' stsal pa// nyin cig g.yung drung yang dag pa// de don phye la ngas bshad kyis/ / legs par nyon la yid la zung// sku mdog rigs dang bstun la bya// dkor bdag mo ni nag mor bya// khra mo yud kyis mdzes par bri// phug bdag mo ni sngo la gnag/ 'bri ba g.yu mig lta bur mdzes/ / nag khra ma dang sngo khra ma// dkar khra ma dang ser khra ma// dmar khra la sogs nag mo rnams// klu grub bzhi dang las grub bzhi// de rnams kun la 'jug par gsungs// dgos pa ltar ni don dang sbyar/ / re'u zangs mig byang 'brog la// 'bri'u g.yu mig lho 'brog la// re 'bri zangs ma phugs bdag la// ra bal rtsid pa byang 'brog la// khre'u zungs mig klu srin la// sngon mo zhun la phugs bdag la/ / dkar mo zhun ma skor spyin la// dkar mo g.yu mig klu bdud la// 'jig rten ma mo 'o nam mkha' rnams// de ltar 'khrul pa med par bya// mkha' 'gro ma bkrag gsal 'bar ma'i rgyu las// 'jig rten las kyi ma mo'i le'u ste dgu pa'o/ / de nas gsang ba'i bdag pos don zhus pa// ye shes lnga dang 'brel pa ji ltar lags// phung po lnga dang ji ltar 'brel// dngas ma lnga dang ji ltar 'brel// lus ngag yid dang ji ltar 'brel/ / skye mched yul dang ji ltar 'brel// nges par bdag la bshad du gsol// gnod 'dul lha yis yang gsol pa// gsang pa'i bdag pos nga la nyon// 'brel pa rnam bdun ngas bshad kyis/ / g.yo 'gul med pa'i dad pas nyon// dkar ma dag la gsal ba de// me long lta bu'i ye shes so// sngon por gsal ba sna tshogs te// mnyam pa nyid kyi ye shes so/ dmar po gdang la gsher ba de// so sor rtog pa'i ye shes so/ / ser po 'tsher la gsal ba de// bya ba grub pa'i ye shes so// mthing kha kun la khyab pa ste// brtags na dngos po rang bzhin stong// stong pa nyid kyi ye shes so// ye shes dus na bdag nyid gcig/ de phyir bdag nyid gcig par 'brel// 'byung ba 'od dang 'brel pa ni// sra la mkhregs pa gsal ba'i mdog/ dar dkar lta bur shes bar bya// sngo la 'phyur ba me yi 'od// du ba ltar ni ses par bya/ / gsher la rlan pa chu yi 'od// khrag gi dwangs ma'i ngo bo las// yang cig g.yo ba rlung gi 'od// btso ma gser gyi 'od du gsal// mthing la gnag pa nam mkha'i 'od// kun la khyab par shes par bya// de ltar 'byung ba'i 'brel pa'o/ / phung po lnga dang 'brel ba ni// nga yi rang bzhin gcig tu 'dril// de phyir gzugs kyi phung por gcig/ rlung gi rang bzhin g.yo bar byed// der phyir 'du byed phung por gcig/ nam mkha'i rang bzhin rnam pa stong la gsal/ / de phyir rnam shes phung por 'brel// gnas skabs 'dra ba'i 'brel pa'o// dngas ma lnga dang 'brel pa ni// sa yi rang bzhin dkar la gdangs// de phyir dkar po'i mdog tu bstan/ / me yi dwangs ma sngo la 'phyur// de phyir sngon mo'i mdog tu bstan// chu yi dwangs ma gsher la brlan// thugs rje chags pa dmar por bstan// rlung gi dwangs ma g.yo bar byed// de phyir drang la ser ba'i 'od/ / nam mkha'i dwangs ma mthig la gnag/ de phyir sna tshogs pa yi mdog/ las dang thugs rje 'brel pa yin// lus ngag yid dang 'brel ba ni// gzugs su 'byung ba sku yi tshul// sgra ru byung ba gsung gi tshul/ / rtog med dran pa thugs kyi tshul// de phyir sku gsung thugs dang 'brel/ de phyir lus ngag yid dang 'brel// skye mched yul dang 'brel ba ni// rten 'brel bcu gnyis tshul dag tu/ ri rab gling bzhi 'khor ba'o/ / yul dang gzugs su sna tshogs snang// snang la bzhi la g.yos pa med// de phyir snang stong gnyis su med// byang chub sems kyi dwangs ma la// mthar thug 'brel pa yod ces gsung/ / mkha' 'gro ma bkrag gsal 'bar ma'i rgyud las// 'brel ba bdun gyi le'u ste bcu pa'o//// de nas gsang pa'i bdag po yi// kri ta don du bya ba'i phyir// de yi yon tan ji ltar lags// de yi skyon brjod ji ltar lags/ / srid pa rgya yis ji ltar gdab// zhen log dgra la ji ltar dbyung// rkyen bzlog zug pa ji ltar dbyung// sarba ru pa ji ltar bskang// legs par bdag la bshad du gsol// de skad gsol ba gsan nas kyang/ / gnod 'dul rdo rje sems dpa' la// sogs pa'i 'khor la bka' stsal pa// legs so mkha' 'gro dad can nyon// de yi yon tan bstan pa ni// ye shes lnga dang ldan pa'i phyir/ / tshon sna lnga yang bri bar bya// 'byung ba lnga dang ldan pa'i phyir// kha dog lnga yang bsgyur bar bya// dwangs ma lnga dang ldan pa'i phyir// dar tshon lnga yang gdags par bya// gsal ba'i ye shes mtshon pa'i phyir/ / me long re yang gdag par bya// phung po lnga dang ldan pa'i phyir// phyogs bzhi dbus dang lnga la dgod// lus ngag yid gsum 'brel ba'i phyir// bang rim gsum la dgod par bya// phung po khams dang 'brel pa'i phyir/ / bya sgro sna tshogs gdags par bya// thugs rje yongs la phan pa'i phyir// 'phan rings re yang gdags par bya// 'gro ba yongs la phan pa'i phyir// gdugs pu re yang gdags par bya// yid bzhin nor bus mdzes pa'i phyir/ / 'phang lo bzhi yang gdags par bya// 'dzam bu gling bzhir gnas pa'i phyir// stong lo ris su rnam par dgod// phyi nang med par gsal pa'i phyir// mig mangs ris su bris pa yin/ / yid bzhin nor ltar dbyung ba'i phyir// bang ba ris su bris pa yin// mkha' dgu klong dgu ldan pa'i phyir// rgya mdud ris su bris pa yin// sna tshogs 'byung bzhi 'od 'phros pas// mi lus gru bzhir yod pa yin/ / ri rab gru bzhir yod pa'i phyir// nam mkha' gru bzhir yod pa yin// phyi nang rim par yod pa'i phyir// tshon sna rim par bskor ba yin/ steng dang 'og dang yod pa'i phyir// gdan dang gur du phub pa yin/ / khams gsum brtsegs mar yod pa'i phyir// gzhal yas brtsegs mar 'byung ba yin// 'byung ba rim brtsegs yod pa'i phyir// bang rim brtsegs mar 'byung ba yin// lus ngag yid gsum ldan pa'i phyir/ / bang rim gsum du byung ba yin// 'phrin las bzhi dang ldan pa'i phyir// 'dzam bu gling bzhir bkod pa yin// lo skor bcu gnyis yod pa'i phyir// phyogs mtshams brgyad dang steng 'og gnyis/ / phyi dang nang du bstan pa yin// rnam shes tshogs brgyad yod pa'i phyir// gling dang phran du bkod pa yin// zla ba bcu gnyis yod pa'i phyir// gcan gzan bcu gnyis ras ma gdags// zhag nam sum brgya drug cu ste/ / srog chags sum brgya drug cu'i glud// nam zla dus bzhir yod pa'i phyir// bzang ras rnam bzhir gdags pa'o// rkyen dang blo bur 'byung pa'i phyir// drang dan tsam du bstan pa yin// de ltar yon tan bsam mi khyab/ / mkha' 'gro ma bkrag gsal 'bar ma'i rgyud las// yon tan bstan pa'i le'u ste bcu gcig pa'o//// de yi skyon rnams bka' stsal pa// tshon zhes bya ba mtshon pa ste// tshon sna'i dri ma bsam mi khyab/ / spyir ni tshon sna rnam pa lnga// kha dog mi gsal dbang po 'gag/ ma tshang pas ni nad du 'gyur// byer zugs ma snyoms mtha' 'khob yul du skye// yon por gyur na bsod nams 'grib// nor pa gyur na nyams pa yin/ / tshad dang mi ldan don la nyams// rgyal mo rnams ni do tshad do// zhal gyi dngos grub thob pa'o// gdan gur gnyis ni khru tshad do// dkyil 'khor lha yi dngos grub thob// che mchog yab yum mtho gang tshad/ / thabs dang shes rab dngos grub thob// blon mo rnams ni chag gang tshad// blon mo yol gyi tshad du bya// phyi nang gsang ba'i dngos grub thob// sman mo rnams ni sor bzhi la// na bza' gos dang rgyan du 'bul/ / dbang mo rnams ni 'theb tshad do// 'phrin las bzhi yi tshad du 'bul// rgyal mo rkang pa'i rtse khru tshad// blon mo rkang pa'i chag khru tshad// dbang mo rkang pa'i mtho gang tshad// ri rab nam mkha'i brtsegs ma la/ / che chung sku yi tshad dang mnyam// de dang mi mnyam longs spyod 'grib// nad dang sdug bsngal sna tshogs 'byung// rkyen dang blo bur ye 'brog 'byung// de la sogs pa brjod mi lang// mkha' 'gro ma bkrag gsal 'bar ma'i rgyud las/ / skyon bstan pa'i le'u ste bcu gnyis pa'o//// de nas yang srid pa rgyas 'debs bka' stsal pa// dkyil 'khor 'dra ba cha lnga la// gtso mo kha dog rigs kyis bsgyur/ / dkyil 'khor lha yi gnas su dgod// zhag gsum bar du bsnyen pa bya// bskul kyang so so'i rigs su bskul// sngags kyang so so'i rigs su bzlas// skong kyang de dang 'dra bar gdab/ / bsgrub pa tha ma bskang par bya// dkyil 'khor lha yi nam mkha' rnams// ri rab gling la dgod par bya// spyan drangs bskul re btang nas kyang// ri rab de la gzugs par bya// tha ma ri rab cha lngar bgo/ gcig ni chu bo'i gzhung la bskyon// gcig ni dur khrod gling du bskyal// gcig ni ri rab rtse la bskyal// gcig ni lam chen rgya gram srang// gcig ni chu mig 'chad pa la// gang rung de la bskyal bar bya/ / de ltarabyas la dngos grub blang// mkha' 'gro ma bkrag gsal 'bar ma'i rgyud las// srid pa'i rgyas 'debs kyi le'u ste bcu gsum pa'o// de nas yang rkyen bzlog dbyung ba ni// rigs kyi nad ngos bzung nas kyang/ / rigs dang mthun pa'i skos btab la// gang gnod de la bskang bzlog bya// khyad par brgya bcu rtsa brgyad mdos// gtso mo gang gnod de yis bya// mkha' 'gro ma bkrag gsal 'bar ma'i rgyud las/ / rkyen bzlog mdos kyi le'u ste bcu bzhi pa'o//// de nas zhen bzlog dgra mdos bka' stsal pa// nam mkha' re la ngar glud re// kha dog ri rab lta bur shes// ri rab gling la bkod byas la/ / bsnyen pa'i ring thung lcogs tshad bya// khram shing rgyang bu bskur bar bya// bskul re btang la thun re brdeg/ chu bo chen po'i gzhung la bskyal// sha khrag sna tshogs 'byor tshad dang// thun dgu smod dgu zor dang bcas/ / gang dmigs de la 'phang bar bya// mkha' 'gro ma bkrag gsal 'bar ma'i rgyud las// zhen bzlog dgra mdos kyi le'u ste bcA lnga pa'o// de nas sarba ru pas bskag pa ni// ru dpon bzhi dang ded dpon bzhi/ / rgyal mtshan bzhi dang ba dan bzhi// dar chen bzhi dang yas thags bzhi// phyag brnyan bzhi dang pho nya bzhi// las byed bzhi dang yang g.yog re// de ltar byas la slob dpon gsum// tshe dang dpag dang sngags mkhan gsum/ / rim pa bzhin du 'phrin las bya// gos gsum lus la gon nas kyang// rang gi 'dug sngags ting nge 'dzin gyis// snang srid ma mo bskang bar bya// 'phrin las rnam bzhi'i skos kyang gdab/ / rgyal mo bzhi ni rigs nas gdab// blon mo bzhi ni rigs nas gdab// phyag brnyan rnams ni dkyus la gdab// pho nya rnams ni rim gyis gdab// ru dpon bzhi ni bsnar la gdab// ded dpon bzhi ni gsum du gdab/ / dmag dpon bzhi yi thang la gdab// rgyal mo bzhi ni zhal du gdab// blon mo bzhi ni gsang bar shes// sman mo rnams ni rgyan du shes// bran mo rnams ni glud du shes// rgyal mo rnams ni pU tse dbul/ / blon mo rnams ni yon du 'bul/ sman mo rnams la glud du dbul// bran dang yang bran ngar gyi glud// snang srin ma mo bskang bar bya// zhag gsum bar du bsnyen pa bya// tshad dang ldan pa'i nad med kyis/ / dar dkar thogs la glud du 'bul// de tshe rnal 'byor dbang gi tshogs// de ltar ri rab sum brtsegs la// nam mkha' sna tshogs tshangs par gzugs// mkha' 'gro ma bkrag gsal 'bar ma'i rgyud las/ / sarba ru pa bya thabs kyi le'u ste bcu drug pa'o// de nas rdo rje sems dpa' yis// gnod 'dul lha la bka' stsal pa// ma mthong smos pa bstan phyir mtshon// kha dog lha yi ye shes te/ / 'gro ba 'gro ba'i don du yang dag gsungs// 'di la smos cing 'tshe ba la// dus 'dir nad dang kha yogs 'byung// phyi ma rdo rje dmyal bar ltung// 'di la dam par lta ba rnams// bdag gzhan don gyi 'gro ba 'dren/ / tshogs gnyis rdzogs pa'i skyes bu des// dad ldan 'khor la legs par gdams// bka' yi gsang rgyud dam pa 'di// bdag gzhan don du sbyad par bya// mkha' 'gro ma bkrag gsal 'bar ma'i rgyud las/ rgyud gtad pa'i le'u ste bcu bdun pa'o//// de nas gsang ba'i bdag po yis// che mchog gtso la yang zhus pa// de yi bskang bzlog ji ltar lags// de yi srog chags ji ltar lags// de yi yon tan ji ltar lags/ / de yi dgos ched ji ltar lags// de la 'dod yon ji ltar bskang// yang dag rdzogs kyis bka' stsal pa// de yi bskang bzlog ngas bstan gyis// legs par nyon la yid la zung/ / de yi bskang bzlog rnam par drug/ ri rab gling dang srog chags dang// nam mkha' rgyan dang 'dod yon dang// yon tan bsod nams rnam pa drug/ 'di dag bskang bzlog rtsa bar gsung// yang dag rdzogs pas bka' stsal ba/ / btsal dang bskang dang bsngo ba rnams// yang dag nyid du ngas bstan nyon// dang po glud btsal gang nas btsal// dang po glud byung gang nas byung// glud kyi pha ni gnam yang yin/ / glud kyi ma ni sa yang yin// de gnyis 'tshos dang gnam gyi sras// 'byung pa drod dang rlan du byung// de la dwangs snyigs gnyis su byung// de la dngos po'i bcud du 'dril// 'bru sna nyi shu rtsa gcig ni/ / sran ma dang ni nas sran dang// sran chung dang ni til dkar dang// til nag dag ni yungs kar dang// gro dang yungs nag bra po dang// so ba dkar mo bzhin pa zangs dang// rgya 'bras khre dang ju rtse dang/ / sob ti dang ni zar ma dang// 'bras dkar dang ni rgya 'phra dang// nas dang spya 'da' ram bu rnams// de ltar nyi shu rtsa gcig las// mu ge'i nad las thar pa'i phyir// 'bru sna longs spyod ldan byas la/ / ltogs pa'i sdug bsngal bral bar 'gyur// gser dang dngul dang zangs dang lcags// rin chen man shel la sogs lnga// 'phongs pa'i sdug bsngal bral bya'i phyir// rin chen rnam lnga brdar pa'i phye/ / mi zad gter dang ldan gyur cig/ tsan dan spos dang a ka ru// bog dang gla rtsi rnam pa lnga// sna tshogs dri dang ldan pa'i phyir// yid 'ongs bsam pa 'grub gyur cig/ byin brlabs ting 'dzin byas pa dang/ / gzhon nu bu mos sgrus byas pas// phyi nag gsang ba gsum gyi don// khams gsum dag tu bsgos nas ni// sum cha gcig la ri rab gzugs// rigs dang mthun pa'i kha dog byug/ shar ni dkar la lho ni sngo/ / nub ni dmar la byang ni ljang// dbus ni cir yang 'gyur pa la// bang rim gsum par yang dag ldan// shar ni dkar la dung gi mdog/ kang ka ri ni dkar po ste/ skyon gyis ma gos rang bzhin dag/ de yang mi 'di'i glad du 'bul/ / 'di yang rdza yi khabs su dro// b+ho ni sngon po'i mdog dang ldan// bai DU r+ya yi 'od du gsal// yon tan 'byung ba dgos 'dod 'grub// 'di yang mi yi glud du 'bul// 'di yang rdza yi khabs su dro/ / nub ni dmar po'i mdog tu bstan// rAg dmar po'i 'jig rten te// thugs rjes chags pas pad+ma'i mdog/ 'di yang mi yi glud du 'bul// 'di yang rdza yi khabs su dro// byang ni ljang khu in+t+ra te/ / pad+ma ra ga brtsegs pa'i mdog/ 'phrin las sna tshogs lhun gyis grub// 'di yang mi yi glud du 'bul// 'di yang rdza yi khabs su dro/ dbus ni sna tshogs ci yang gsal kun khyab nam mkha'i 'od du 'tsher/ / 'gyur ba med pa chaus kyi dbyings/ 'di yang mi yi glud du 'bul// 'di yang rdza yi zhabs su dro// bang rim gsum ni sku gsung thugs// lus ngag yid gsum glud du 'bul// 'di yang mi yi glud du 'bul/ / 'di yang rdza yi khabs su dro// gser gyi ri bdun rol mtsho bdun// yon tan ri dang rgya mtshor chags// 'di yang mi yi glud du 'bul// 'di yang rdza yi khabs su dro// de nas 'dzam bu gling bzhir chags/ / 'phrin las bzhi yi tshul du rgyan// sangs rgyas 'phrin las rdzogs phyir don// 'di yang mi yi glud du 'bul// 'di yang rdza yi khabs su dro// mtha' ma lcags ri nag pos bskor// 'da' ba med pa'i phyag rgya ldan/ / 'di yang mi yi glud du 'bul// 'di yang rdza yi khabs su dro// de nas ngar phye cha gcig la// gcan gzan rgyal po seng ge drug/ brjid pa'i cha lugs khyi pho'i tshugs// dung gi mche ba thabs se thab/ / bse yi sna cha rgyangs se rgyang// gdug pa'i gra bzang lam se lam// ri rab shar gyi cog la dgod// rnam snang gsal gyi rdzas yin te// rus nad thams cad sel bar byed// 'di yang mi yi glud du 'bul/ / 'di yang rdza yi khabs su dro// de nas ngar phye cha gcig la// cang shes rgyal po dung gi gzugs// lcags kyi rmig bzhi khrabs se khrabs// zangs kyi sna cha rgyangs se rgyang// mthig gi rnga ma na ra ra/ / gser gyi sga gtad wangs se wang kha dog tshon gyis so sor bsgyur// skyes pa drug kyang bskyon byas te// stag ral gzig shugs bse yi phu ba// ces pa'i chas rkyen rgyan dang ldan// 'od gsal 'bar gyi rdzas yin te/ / tsha ba'i nad rnams sel bar byed// ri rab lho yi cog la dgod// 'di yang mi yi glud du 'bul// 'di yang rdza yi khabs su dro// de nas ngar phye cha gcig la// glang chen 'khyil pa dag gi gzugs/ / gser gyi lus po tal la la// zangs kyi sna cha rgyangs se rgyang// dung gi mche ba thabs sel thab// bse yi rmig brgyad khrabs se khrab// mthing gi rnga ma na ra ra// gser gyi dril bu khral la la/ 'dod khams gtso mo drug kyang bskyon/ / dar dkar la 'u sku la gsol// dngul gyi bal thag lag na thog/ mnyes gsal 'bar gyi rdzas yin te// khrag nad thams cad sel bar byed// ri rab nub kyi logs la dgod/ / 'di yang mi yi glud du 'bul// 'di yang rdza yi khabs su dro// de nas ngar phye cha gcig la// sems can rgyal po shang shang drug/ mi dang bya yi cha 'dzin pa// thogs med rlung gi shugs dang ldan// rkang lag mi la gshog pa bya/ / ri rab byang gi cog la dgod// rlung gi nad rnams sel bar byed// yang gsal g.yos kyi rdzas yin te// 'di yang mi yi glud du 'bul// 'di yang rdza yi khabs su dro// de nas ngar phye cha gcig la/ / 'dab chags rgyal po bya khyung gzugs// gshog pa spu gri lta bu la// g.yu ru gnam du zangs se zang// gshog ru nam mkha'i khams su g.yob// mchu yis dug gsum rtsad nas gcod// sder mos dus gsum grug ltar 'thul/ / bkrag gsal 'bar ma'i rdzas yin te// ri rab bum pa'i dbu la'o// 'di yang mi yi glud du 'dul// 'di yang rdzas kyi khabs su bzang// de nas ngar phye cha gcig la// glang chen khyu ba bcu bzhi la/ / sna bug la ni snal 'ju gsal// sna thag de ni dar gyis brgyan// snga ru gser la phyi ru g.yu// gong thag gong smed dngul las bgyis// ye shes rje mo bcu bzhi'i rdzas// ri rab bang rim par pa la/ / 'di yang mi yi glud du 'bul// 'di yang rdza yi khabs su dro// de nas ngar phye cha gcig la// stobs bzang stag gzig bcu bzhi la// dung gi mche ba thams se tham// mu tig stag gzig wal la la// ye shes mkha' 'gro bcu bzhi'i rdzas/ / ri rab bang rim par ma la'o// 'di yang mi yi glud du 'bul// 'di yas rdzas kyi khabs su dro// de nas ngar phye cha gcig la// rma bya mdongs ldan bcu bzhi dang// 'ja' tshon gshog pa lhabs se lhab/ / g.yu yi sder mo shad de shad// ye shes rje mo bcu bzhi'i rdzas// ri rab bang rim bar pa la'o// 'di yang mi yi glud du 'bul// 'di yang rdza yi khabs su dro// de nas ngar phye cha gcig la/ / khyi dkar gzugs ni bcu bzhi la// gser gyi yang mig skye ru btags// dar gyi ltong thag na ra ra// ri rab bang rim par pa la'o// ye shes mkha' 'gro bcu bzhi'i rdzas// sna tshogs 'dus pa'i nad la phan/ / 'di yang mi yi glud du 'bul// 'di yang rdza yi khabs su dro// de nas ngar phye cha gcig la// mtho sre sa bdag rgyal po man chad nas// dma' ste nor bu chu chun yan chad du// sna tshogs sems can gzugs su byas/ / snang srid sman mo'i rdzas su 'bul// ri rab bang rim tha mar ldan// 'di yang mi yi glud du 'bul// 'di yang rdza yi khams su dro// dgra bcom gzugs dang rang rgyal gzugs/ / lha dang lha min thang bzangs ris// tshangs pa brgya byin 'khor dang bcas// yi dags dud 'gro byol song dang// rigs drug 'gro ba thams cad kyi// gzugs su sna tshogs ma lus pa// gshin rje me khyer 'khor dang bcas/ / byol song gcig la gcig za ba// mun nag thibs pa'i nang na bzhugs// rang rang gzugs kyang mi mthong ste// phyogs dang rigs med sa ru 'gro// khyu dang sde med phrad phrad za bar byed/ / byol song glang chen 'khor dang bcas// srid pa'i sman mo'i rdzas su 'bul// tsha dmyal brgyad dang grang dmyal brgyad// nyi tshe ba dang nyi 'khor ba// dmyal khams chen po bcA+o brgyad de// dmyal pa'i 'a wa glang mgo can/ / srid pa'i sman mo'i rdzas su 'bul// 'di yang mi yi glud du 'bul// 'di yang rdza yi khabs su dro// de nas ngar phye cha gcig la// ngur pa ngang pa skad snyan di ri ri// gyu sram mang po ku ru ru// spal lcong mang po rtse re re/ / ba 'bri mang po rtsi ri ri// grog sbur srog chags shag ma shig/ ri rab bang rim tha ma la'o// srid pa'i sman mo'i rdzas su 'bul// 'di yang mi yi glud du 'bul// 'di yang rdzas kyi khabs su dro/ / de nas ngar phye cha gcig la// shar phyogs sha dang rus pa'i glud// dri za'i rgyal po yul 'khor srung// mi dang phyugs zan yan chad kyang// zla gam gling dang bcas te 'bul// lho phyogs ma dang drod kyi glud/ / gshin rje 'phags skyes 'khor dang bcas// mi dang phyugs zan yan chad kyang// sog ka gling dang bcas te 'bul// nub phyogs khrag dang chu yi glud// klu dang spyan mi bzang po 'khor dang bcas// mi dang phyugs zan yan chad kyang/ / zlum po dmar po'i gling dang bcas te 'bul// byang phyogs rlung dang dbugs kyi glud// gnod spyin rnam thos 'khor dang bcas// mi dang phyugs zan yan chad kyang// ser po gru bzhi gling dang bcas te 'bul/ / zla ba de ni bcu gnyis ni// gling phran de ni brgyad dang ni// nag po rigs dang bcas pa 'bul// srid pa'i sman mo rdzas su 'bul// 'di yang mi yi glud du 'bul// 'di yang rdzas kyi khabs su dro/ / mkha' 'gro ma bkrag gsal 'bar ma'i rgyud las// gling bzhi srog chags kyi le'u ste bcA brgyad pa'o//// gnod 'dul lha yis yang gsol pa// nam mkha'i tshaun gnas bka' stsal pa/ / sngon dmar sna tshogs nam mkha' ni// kye dang po tshon byung gang nas byung// dang po chen tshon btsal gang nas btsal// gnod 'dul rdo rje sems dpa' yis// phyogs bzhi dbus dang lnga ru byon/ / kha dog lnga las dpe blangs te// 'byung ba lnga yi bcud du byas// rdzu 'phrul tshon sna rnam pa lnga// ye shes 'od kyi ri mor bris// 'byung ba bcud kyi dang mar bzhag/ phung po lnga yi glud du 'bul// tshon bal dkar po kun gzhi sems kyi glud/ / glud kyi bal tshon dkar po 'bul// byung kyang 'byung ba lnga la byung// gzugs kyi phung po'i glud du 'bul// bal tshon sngon po tshe dang drod kyi glud// glud kyi bal tshon sngon po 'bul/ / 'bul kyang 'byung ba sems la 'bul// tshor ba'i phung po'i glud du 'bul// bal tshon dmar po sha dang khrag gi glud// 'bul kyang 'byung ba chu la 'bul// 'du shes phung po'i glud du 'bul// bal tshon ser po 'khor ba dbugs kyi glud/ / glud kyi bal tshon ser po 'bul// 'du byed phung po'i glud du 'bul// bal tshon nag po bkrag dang mdangs kyi glud// glud kyi bal tshon nag po 'bul// 'bul kyang 'byung ba sa la 'bul/ / rnam shes phung po'i glud du 'bul// 'ja' tshon ris su bris pa 'di// dngas ma lnga yi glud du 'bul// rim pa lnga ru bris pa 'di// ye shes lnga yi glud du 'bul// pa tra ris su bris pa 'di/ / thams cad rgyas pas las bzhi rdzogs// mig mang ris su bris pa 'di// phyi nang med par gsal ba yin// rin chen brtsigs par bris pa 'di// dgos 'dod thams cad skongs pa yin// rgya mdud ris su brtsams pa 'di/ / mkha' dgu klong dgu bstan pa yin// 'khor lo ris su bris pa 'di// gti mug thams cad gcod pa yin// steng dang 'og tu brtsigs pa 'di// khams gsum brtsegs mar bstan pa yin/ / bla gab gur gyi nam mkha' ni// 'gro drug gdugs kyi dro ba yin// phyogs bzhi dbus dang lngar bstan pa// thugs rje kun la khyab pa yin// mu khyud gcig tu 'dug pa ni// mkha' klong gcig tu shes pa yin/ / yon tan ris su bris pa ni// dus bzhi snyoms shing thugs rjes 'dren pa yin// zla gam gur gyi thugs dam skong// sa gzhi gdan gyi nam mkha' 'dis// 'dab ma brgyad du bris pa ni// chos nyid rang rgyud yon tan dang/ / ye shes chen po rnam pa brgyan// bzh-i pa brgyad du yang dag ldan// yon tan gsum gyi sdug bsngal zhing// chos nyid gsum ni rnam rtog ste// ye shes rang rgyud 'khor 'das gnyis/ / de ltar rtag tu yod pa la// rnam shes brgyad ldan rigs su bris// thams cad 'byung ba'i bzhi dag dang// rtsibs bzhi steng du bcu bzhi bsgyel// sa bzhi gdan gyi thugs dam bskongs// phyogs bzhi 'byung ba'i nam mkha' ni/ / ru mtshams bzhi ru phye nas kyang// rtog med mkha' la rnam par bzhag/ dbyings phyug rgyal mo'i b+ha ga'i bdag/ don dam dbyings las ma skyed kyang// dbyings dang ye shes mtha' las 'das/ / mtha' gnyis grol phyir glud du 'bul// che mchog sku yi nam mkha' 'dis// sku stod sangs rgyas lnga ru grub// sku smad rgyal mo lnga ru grub// rked pa khro mo rnam zhal ma// gsang ba'i ye shes ga 'ur 'khyil/ / thabs dang shes rab sbyor ba'i zhal// skye shi rtsad nas gcod pa'i tshems// rnam par thar pa ldan pa'i dbu// rtags kyi 'ja' tshon nam mkha' 'di// skong ni nam mkha'i thugs dam bskong/ grub ni thugs kyi rigs 'dzin grub/ / brjod med chos kyi dbyings su bskang// ri rab srid pa'i bum rtse nas// dkyil 'khor lta bu'i nam mkha' 'dis// grub pa ma mo'i thugs dam bskang// kha dog rgyan gyi nam mkha' 'dis/ / rigs bzhi rgyal mo'i thugs dam bskang// mthing nag rtags kyi nam mkha' 'dis// bkrag gsal 'bar ma'i thugs dam bskang// nam mkha' dung mig spras pa la// kha dog lnga yi rgyan gyis brgyan/ / rnam snang gsal gyi thugs dam bskang// nam mkha' g.yu mig spras pa la// kha dog lnga yi rgyan gyis brgyan// 'od gsal 'bar gyi thugs dam bskang// nam mkha' gser mig sbras pa la// kha dog lnga yi rgyan gyis brgyan/ / yang gsal g.yos kyi thugs dam bskang// ri rab gling bzhi'i shar phyogs na// dkar mo zang yag gsum brtsegs kyis// pad+ma rigs kyi rgyal mo blon mo gsum gyi thugs dam bskang// ri rab gling bzhi'i byang phyogs na/ ser mo zang yag gsum brtsegs kyis// las kyi rigs kyi rgyal mo blon mo gsum gyi thugs dam bskang// ri rab bum pa'i nang mtshams nas// gser mig rnam lnga'i mdangs dang ldan/ / ser mo 'od dang bcas pa yis// srid pa bde 'gro ma'i thugs dam bskang// dung mig nam mkha'i mdangs dang ldan// dkar po 'od dang bcas pa yis// nyi ma thod 'phreng thugs dam bskang// kha dog lnga yi pho brang la/ / nag po mdangs ldan mdzes pa'i rgyan// de ltar bzhi ni phyogs bzhi la// khros pa'i rgyal mo bzhi yi thugs dam bskang// gung tshig nag po'i rgyan dang ldan// sbas pa ma bzhi'i thugs dam bskang/ / kha dog bzhi yi pho brang la// tha stag nag po'i rgyan dang lnga// dgyes sde bzhi yi thugs dam bskang// nag po zang ma rnam pa gsum// dpal ldan mo yi thugs dam bskang// nag po zang ma rnam pa bdun/ / za byed srin mo bdun gyi thugs dam bskang// tshon sna tshang ba'i nam mkha' 'dis// grub 'degs rgyal mo'i thugs dam bskang// dkar la mdzes pa'i rgyan dang ldan// chags byed ma yi thugs dam bskang/ / sngo la kha dog rgyan dang ldan// chag snyoms ma yi thugs dam bskang// dkar dmar tshon sna lnga dang ldan// mdzes pa'i rim pa yang dag ldan// dza ti ma yi thugs dam bskang// nag po mdzes pa so sor bris/ / 'dod khams gsum gyi thugs dam bskang// spyan dgur mdzes pa rnam pa lngas// dmag gi rgyal mo'i thugs dam bskang// sring mo bzhi yi thugs dam bskang// mdangs dmar byas pa rnam pa bzhis/ / bdud mo bzhi yi thugs dam bskang// dkar sngo ldan pa rnam pa bzhis// ser nag mdzes pa rnam pa bzhis// sman mo bzhi yi thugs dam bskang// re mi zangs mig g.yu mig dang// phugs bdag skor spyin 'brog mo dang/ / byang 'brog sa srin thams cad bskang// khre dang ra bal rtsid pa dang// thogs ma rigs kyi thugs dam bskang// zang zing nam mkha' sna tshogs brgyan// snang srid ma mo'i thugs dam bskang/ / mkha' 'gro ma bkrag gsal 'bar ma'i rgyud las// sngon dmar tshon bskos kyi le'u ste bcu dgu pa'o//// gnod 'dul lha yis bka' stsal pa// da ci nam mkha' tshon gyis bskang// da ni kha dog rgyan gyis bskang/ / 'gro drug yongs la khyab pa'i phyir// thugs rje bla gab gur gyis bskang// 'di yang mi yi glud du 'bul// 'di yang rdzas kyi khabs su dro// thugs rje yongs la phan pa yis// 'phan rings bzhi yi rgyan gyis bskang/ / 'di yang mi yi glud du 'bul// 'di yang rdzas kyi khabs su dro// ye shes lnga dang ldan pa yis// dam tshon rgyal mtshan lnga yis bskang// 'di yang mi yi glud du 'bul// 'di yang rdzas kyi khabs dro/ / gsal ba ye shes mtshon pa'i phyir// me long bzhi yi rgyan gyis bskang// 'di yang mi yi glud du 'bul// 'di yang rdzas kyi khabs su dro// gling khams phyogs bzhir bskyang ba'i phyir// yol chen bzhi yi rgyan gyis bskang/ / 'di yang mi yi glud du 'bul// 'di yang rdzas kyi khabs su dro// rgyal mo ru dpon dbye pa'i phyir// ru dpon bzhi yi rgyan gyis brgyan// blon mo'i phyogs nas gda' pa'i phyir// ded dpon bzhi yi rgyan gyis bskang/ / srid gsum phur pas gdab pa'i phyir// phur nag bzhi yi rgyan gyis bskang// gdug pa rtsad nas bcad pa'i phyir// ral gri bzhi yi rgyan gyis bskang// mtha' bzhi nan nas gnan pa'i phyir/ / mda' chen bzhi yi rgyan gyis bskang// ru bzhi phur pas gdab pa'i phyir// sna tshogs dar gyi rgyan gyis bskang// bya brda bzhi yi rgyan gyis bskang// gnam mtha' phur pas gdab pa'i phyir/ / lcags phur nag po bzhi yi rgyan gyis bskong// 'byung ba'i dngas snyigs dbye ba'i phyir// sna tshogs dar gyi rgyan gyis bskang// 'di yang mi yi glud du 'bul// 'di yang rdzas kyi khabs su dro// mkha' 'gro ma bkrag gsal 'bar ma'i rgyud las/ / kha dog rgyan gyis bskang ba'i le'u ste nyi shu pa'o// gnod 'dul lha yis bka' stsal pa// da ci kha dog rgyan gyis bskang// da ni 'dod yon zas kyis bskang// sha sna brgya dang snying sna stong/ / zhal zas spyan gzigs sna tshogs dang// dung dang gzi mchog dar zab dang// 'tsho byed rtsi sman sna tshogs dang// gos dang bzang ras lhab lhub dang// spu sdug gcan gzan ras ma dang/ / me tog mdzes pa sna tshogs dang// 'di dag 'dod yon longs spyod de// 'di yang mi yi glud du bzang// 'di yang rdzas kyi khabs su dro// mkha' 'gro ma bkrag gsal 'bar ma'i rgyud las// 'dod yon longs spyod kyi le'u ste nyer gcig pa'o/ /// gnod 'dul rdo rje sems dpa' yis// da ci 'dod yon zas kyis bskang// da ni 'dab chags sgro yis skong// de ltar nam mkha' sna tshogs dang// dung bya dkar mo'i sgro yi gdags par mi bya ru/ / mkha' 'gro rnam par dag pa lags// bya rgod sgro yis mi gdags su// cir yang gsal ba'i dpe ru btags// rma bya sgro yis mo gdags su// bya rgod spungs pa'i gnas dang ldan/ / bya khyung sgro yis mi gdags su// nam 'phangs gcod pa'i dpe ru btags// khu byug sgro yis mi gdags su// ma mo sgra skad snyan pa lags// gyi brda sgro yis mi gdags su// dgra bgegs snying nas 'dren pa'i rtags/ / skyung ka'i sgro yis mi gdags su// bdud mo thams cad dgos pa lags// chu bya'i sgro yi mi gdags su// sa bdag glu srid dges pa lags// zer mo'i sgro yis mi gdags su// 'phan bzang sgro dang ldan pa lags/ / sbab kyi sgro yis mi gdags su// nag mo khrag mo glud du 'bul// skya ka'i sgro yis mi gdags su// snang srid sman mo dges pa lags// pu shu sgro yis mi gdags su// byang 'grog thams cad dges pa lags/ / pa ti sgro yis mi gdags su// phung bdag thams cad dges pa lags// 'ug pa'i sgro yis mi gdags su// dur khrod ma mo dges pa lags// de la sogs te 'dabs chags gnas/ / sna tshogs sgro yis mi gdags su// las kyi ma mo dges pa lags// 'di yang mi yi glud du 'bul// 'di yang rdzas kyi khabs su dro// mkha' 'gro ma bkrag gsal 'bar ma'i rgyud las// 'dab chags sgro yis bskang ba'i le'u ste nyer gnyis pa'o/ /// gnod 'dul lha yis bka' bstsal pa// yon tan bsod nams ldan pa ni// de yi pha phyogs thams cad la// khros pa tsam gyis 'jigs par 'gyur/ / bsdigs pa tsam gyis skrag par 'gyur// b+h+yo zhes rngam pa'i sgra bsgrags pas// thams cad ma lus rdul du rlogs// phaT ces drag pos tshar gcad pas// bskal pa gsum du 'phang par byed/ / 'di la mos shing brtse ba rnams// che ba lnga dang ldan par 'gyur// mthu dang stobs dang gzugs byad dang// bsod nams longs spyod che bar 'gyur// 'di la mos shing brtse ba rnams// bka' nyan mang pos skul bar byed/ / lha srin gnyis kyang bu bzhin du// ci bsam 'grub la 'khor 'dab 'phel// thun mongs longs spyod bsam mi khyab// khyad par chos kyi longs spyod thob// gdugs dang rgyal mtshan la sogs dang/ / mang pos bkur ba'i 'os su 'gyur// dung dang cha lang pi wang dang// sgra yi rol mo 'khor dang bcas// rgyal po ltar ni grags par 'gyur// yid kyi spyod yul gang 'thad pa// bsam pa ltar ni 'phel bar 'gyur/ / yon tan bsod nams brjod mi lang// mkha' 'gro ma bkrag gsal 'bar ma'i rgyud las// yon tan bsod nams kyi le'u ste nyer gsum pa'o//// gsang ba'i bdag pos yang zhus pa/ / bsngo ba bya ba ji ltar lags// gnod 'dul lha yis bka' stsal pa// bsngo par bya ba 'di lta ste// spyi dang khyad par gnyis su gsungs// legs par bsngo yi yid la zung// snod kyi 'jig rten gtor gzhong du/ / bcud kyi 'gro drug gtor mar byas// longs spyod lnga yi rgyan du byas// dam rdzas lga yi bcud du byas// rin chen lnga yi snod du byas// 'dod yon lnga yi bcud du byas// bsngo ba med pa'i bsngo ba ste// dbyings dang ye shes gnyis su bsngo/ / 'dza' gad dpa' po bdud rtsi mchog/ bsngo ba brgya la lo ma stong// ra sa ya na'i bcud dang ldan// gzhon nu sgeg mo mnyen lcug ldan// gsang pa'i yum mchog mA ma ki/ 'du 'bral med pas mA ma ki/ shes rab gsal ba'i mA ma ki/ dang po tshim pas mA ma ki/ bde ba rgyas pas mA ma ki/ bdud rtsi tshim pas mA ma ki/ dngos grub thob pas mA ma ki/ dngos grub byung bas a mr-i ta// tshogs gnyis rdzogs pas a mr-i ta/ / kun 'byung yon tan a mr-i ta// 'khor ba zad byed a mr-i ta// nyes pa'i skyon sel a mr-i ta// nyams chag skyon sel bdud rtsi'i bcud// bsngo ba med pa'i bsngo ba ni// bla med byang chub chen por bsngo/ / bde ba ye shes chen por bsngo// mU la rak+ta rtsa ba'i khrag/ chu dang ma 'dres dngas ma'i khrag/ mahA rak+ta chen po'i khrag/ pad+ma rak+ta spyor ba'i khrag/ dur khrod 'bar ma bam gyis khrag/ dngos grub yon tan tsit+ta'i khrag/ nyes pa'i skyon sel nad kyi khrag/ tshams rngam drag po gri yi khrag/ rnam rtog sgribs sil mdze yi khrag/ rang byung thugs rje shangs kyi khrag/ nyam nga reg pa lcags kyi khrag/ sna tshogs rtog med tshogs pa'i khrag/ rang 'dod bskongs pa don gyi khrag/ bsngo ba med pa'i bsngo ba 'di// b+ha ga skye med klong du bsngo// mkha' 'gro ma bkrag gsal 'bar ma'i rgyud las// spyi dang khyad par gyi bsngo ba'i le'u ste nyer bzhi pa'o/ / mngon rdzogs yab kyis bka' stsal pa// gnod 'dul rdo rje sems dpa' yis// sarba rdo rje dngos grub kyi// bsam pa'i rgyud la gang gnas pa// rang rang 'dod pa tshim par bsngo/ / de ltar ri rab gling bzhi la// ri rab gser gyi ri bdun 'khor lo las// de yang bang rim tshad dang ldan// bsod nams phye tshad phyed dang do// gnya' shing 'dzin dang gshol mda' 'dzin// seng ldeng 'dzin dang rnga yab 'dzin/ / bdud rtsi 'dzin dang mu khyud 'dzin// de dag gser las byas pa bdun// pho brang brtsegs pa'i tshul du bsngo/ rol pa'i mtsho bdun 'khor lo las// bdud rtsi mtsho dang 'o ma'i mtsho/ / chang gi mtsho dang mar khu'i mtsho/ khrag gi mtsho dang chu yi mtsho// dug gi mtsho dang rnam pa bdun// mtsho rnams bdun rtsir gyur pa'o// dkyil 'khor me long tshul du bsngo// lcags ri nag po mtho ba ste/ / dpag tshad ri rab phyed dang mnyam// gnya' shing 'dzin gyis gnam du sleg/ ri ri nag po'i rtse mo la// sol ba'i bu yug nag po 'thul// gti mug sprin ni mun ltar gtibs// lcags dang gnam lcags thog chen 'bebs/ / phrag dog gsal pa'i bu yug 'tshubs// kyin 'dang khro chu'i char pa 'bebs// nga rgyal me chen glog ltar 'gyu// byol song gti mug gnas su gsal/ byol song stobs chen rnams kyis kyang/ / 'dod chags blan pa'i sems bskyed de// gcig gis gcig kyang za bar byed// 'khu skad 'don cing kun tu rgyug/ khyu dang sde tshan ngo mi shes// khyo dang bu med 'dzin pa med// stobs chung dbang med stobs kyang 'phrog/ zhe sdang keng rus ri ru brtsigs// nga rgyal me dpung lus la 'bar// gzung 'dzin lus la thog mtha' med// phrag dog ser sna'i mdud pas bcings// gti mug rmongs pa'i mun pas gtibs/ / byol song gnas na ya re cha// gang zhig g.yo sgyu chags pa rnams// gnas ngan de ru skye bar byed// gzhan yang 'jig rten 'di ru grags pa yang// gnam la 'phur dgu sa la 'dzul dgu dang// khyad par so so'i rjes su bsngo/ / sa la skyes dgu chu la 'phyo dgu rnams// mi dang rdzas dang nor du gyur pa rnams// dka' ba mi la btsal te 'bul// rang rang so so'i gnas su bsngo// rus pa'i glud 'di brag la bsngo/ / khrag gi glud 'di chu la bsngo// drod kyi glud 'di me la bsngo// dbugs kyi glud 'di rlung la bsngo// sems kyi glud 'di mkha' la bsngo// skye mched bcu gnyis glud bsngo na// zla ba bcu gnyis de la bsngo/ / khams chen bcA brgyad glud bsngo na// rten 'brel bcu gnyis de la bsngo// rigs drug sems can de la bsngo// sna tshogs longs spyod glud bsngo na// 'jig rten 'byung ba lnga la bsngo// mkha' 'gro ma bkrag gsal 'bar ma'i rgyud las/ / srid pa'i glud bsngo ba'i le'u ste nyer lnga pa'o//// mngon rdzogs yab kyis bka' stsal pa// de la mi nyan zug pa la// shin tu gsang ba bag yod bsngo// mi lus rus cig de la bsngo/ / nas zla lus tshad de la bsngo// lus la srog chags shag bzung la// yon bdag sha ni de la bsngo// yon bdag sha ni 'dil yod// yon bdag skyin du 'di bsngo yis// glud 'di gsang ba sha khrag glud/ / mi 'di 'jig rten rtog pa'i mi// rus ni yid rtog rgyun chags rus// lo ni na zla lus tshad lo// brje ni bskyin pa 'di dang brje// bsngo ni yon bdag glud du bsngo// 'bul ni che mchog yab la 'bul/ / skongs ni mkha' 'gro'i thugs dam bskang// mkha' 'gro ma bkrag gsal 'bar ma'i rgyud las// skyin pa glud bsngo ba'i le'u ste nyer drug pa'o//// yang dag rdzogs pas bka' stsal pa// yan lag 'dogs 'brel glud 'bul na/ / bshags snyug tshigs gsum srog gi glud// dar sna bya phod sbrin dang khu rlangs glud// dar dang za 'og lhab lhub rgyan gyi glud// spos dang bla ba yid dang thugs kyi glud/ / mtshal dang tsan dan dbang po sku yi glud// rnga sgra dbyangs snyan sgra rnams gsung gi glud// skyon yon re dogs rnam rtog gzung 'dzin te// yid ches mthun pa rtogs med ye sangs rgyas// thugs la go bas bsod nams dpag tu med/ 'di yang yon bdag glud du 'bul// 'di yang rdzas kyi khabs su dro// mkha' 'gro ma bkrag gsal 'bar ma'i rgyud las/ yan lag 'dogs 'brel gyi le'u ste nyer bdun pa'o/ / gnod 'dul lha yis yang zhus pa// snang srid ma mo kun gyi bdag/ dur khrod bdag mo re ma ti// dbugs dang rgyu la zhen chags nas// de la zhu ba ji ltar bgyi// gnod 'dul lha yis bka' stsal pa/ / mtshang la brgal te bkos kyang gdab// ming nas bos te glud kyang bsngo// ma gcig byang shar re ma ti// dbu skra ral pa gcig tu 'khyil pa yang// khyi yo mya ngan byed pa ma yin nam// phyin phyogs dre'u pho la zhon pa yang/ / khyo yis bsad kyis dogs pa ma yin nam// sku la rma bya'i thul pa gsol ba ni// mdza' bos byi thul bskon pa ma yin nam// zangs ma'i lcags sgrog 'bar ba zhabs la gsol ba yang// srin pos lcags su bcug pa ma yin nam/ / rgyab tu bdud kyi khram pam bsnams pa yang// pha yi lag cha brkus pa ma yin nam// mdun na shod rde dkar nag bsnams pa ni// bdud dang cho long rtse ba ma yin nam/ / snyan cha g.yas na seng ge 'phyo pa yang// rgyal po'i bka' rtags btab pa ma yin nam// g.yon pa sbrul gyi gdeng kha 'phyo ba yang// snyan khung klu yis gdams pa ma yin nam// sdig pa'i ral gri dmar po phyag na bsnams pa yang/ / srin po'i lag cha brkus pa ma yin nam// zhing lpags g.yang gzhi sku la gsol ba yang// dur khrod gcer bus 'khyags nas gon pa ma yin nam// mi yi rgyal mtshan phyag na bsnams pa yang/ / rang gi bu sha zos pa ma yin nam// sku la re lde ser pos rnam phyed dkris pa yang// srin po'i nal phrul skyes pa ma yin nam// mi sha mi mgo khrag la rol pa yang// ma yi dmod pa zug pa ma yin nam/ / sku mdog mthing nag 'ba' zhig 'dug pa yang// lha yi kha dog 'gyur ba ma yin nam/ nad kyi rkyal pa snga shar bkal pa yang// ma la khros nas khams gsum la// mi nad gtong pa ma yin nam/ / tshon gyi gru gi phyi shar btags pa yang// bdud kyi byang thag phyogs pa ma yin nam// mi ro'i dur khrod rgyan du byas pa yang// srin po'i chun ma byas pa ma yin nam// glang chen ko rlon g.yang gzhi gsol ba yang/ / srin po'i glang sna g.yang lugs brkus pa ma yin nam// dre'u sna'i thur mda' rgyu mas byas pa yang// dur khrod gnas nas bros pa ma yin nam// dbu skra lan bu gcig tu blangs pa yang// skye ba lnga brgyar mya ngan byed pa ma yin nam/ / dpral pa'i dbyings nas mig gsum 'char ba yang// gshin rjes ldang mig byin pa ma yin nam// kha rlangs nad kyi sha 'gal 'begs pa yang// srin pos rdzu 'phrul byin pa ma yin nam/ / lte ba'i dkyil nas nyi ma 'char ba yang// lha yi ra rtags las pa ma yin nam// de tsam mtshang la mo brgal du// sha khrag dbugs la dad re che// srog gcod gshed mar bskos re mkhas// de phyir khyod la mtshang nas rgol/ / mtshang nas rgol gyis ngo tsha skyed// gnad la babs kyis dam tshig srungs// che mchog nga yi bka' nyon la// sha gnyan khrag gnyan ro mchog che// yid kyi dbang po rtog pa'i rgyu// bsgral tshul bstan na 'dod pa tshim/ / bsad dang ma bsad med pas na// bsad tshul bstan na dngos po tshim// rang la gnad kyi sdug bsngal nyon// mkha' 'gro ma bkrag gsal 'bar ma'i rgyud las// ngo tsha ba mtshang cig gi le'u ste nyer brgyad pa'o/ /// yang dag rdzogs kyi bka' stsal pa// zhus nas lan nyon yid la zung// rgyal mo chos kyi dbyings na bzhugs// blon mo b+ha ga'i klong na bzhugs// thabs dang shes rab ldan pas skong/ / rje mo 'og min gnas na bzhugs// phyi nang med par thugs dam skong// sman mo ri rab rtse la bzhugs// skye ba med par thugs dam skong// g.yo 'gul med par thugs dam skong/ / bran mo rgya mtsho'i gting na bzhugs// 'du 'bral med par thugs dam skong// sman mos 'dzam bu khyad par bzhugs// nur ngas med pas thugs dam skong// srin mo dur khrod klong na bzhugs// 'dod pa tshim par thugs dam skong/ / sems can sgrol byed srog gcod dang// rnal 'byor rdo rje ming po la// sku la sdo zhing dam la gnod// dus gsum dkon mchog bka' 'khor na// dbu 'phangs smod cing 'tshe ba la/ / rgyu sbyor yon bdag 'khor bcas kyi// gang gnod de la byil kha bsgyur// srog sgrol byed pa de la b+h+yo/ ma mo'i zas de de la sbos// ma mo'i mdun stang chod// ma mo'i pho brang de la chos// mkha' 'gro ma bkrag gsal 'bar ma'i rgyud las/ / mkha' 'gro zhus lan gyi le'u ste nyer dgu pa'o//// mkha' 'gro ma bkrag gsal 'bar ma'i rgyud rdzogs so//// rgya gar skad du/ / shrI de bi sri ta kA li tan tra nA ma// bod skad du// dpal lha mo shan pa nag mo'i rgyud ces bya ba// dpal 'jigs byed kyi rgyal po phyag na rdo rje la phyag 'tshal lo/ / 'di skad bdag gis thos pa'i dus gcig ni// ri rab kyi rtse mo rtsub 'gyur gyi tshal chen po na lha dang lha ma yin gnyis g.yul 'gyed pa'i gnas// gnod spyin ud pa la'i gdong khros pa'i dur khrod srin mo kang ka la zangs kyi gshog pa me ltar 'bar ba'i khang pa mi ro gsar rnying mang po yod pa'i keng rus dang/ / rnag khrag gi rul bro ba// shin tu 'jigs pa rab tu skyi g.ya' ba'i gnas de na/ / bcom ldan 'das dpal drag po phyag na rdo rje gtum po lus bskal pa'i me chen po ltar 'bar ba// srid pa gsum las rnam par rgyal ba// nyi ma stong gi gzi brjid dang ldan pa// sangs rgyas stong rtsa brgyad kyis las kyi lhar dbang bskul te khro bo chen po'i cha byad du byas nas bzhugs so/ / de'i 'khor ni brgya byin dang/ gshin rje dang/ srin po dang/ sha za dang/ ma mo nag mo dang// lto 'phye dang/ grul bum dang/ dri za dang/ mi 'am ci dang/ rnam thos kyi bu dang/ lha ma yin dang/ nam mkha' lding dang/ 'byung po dang/ ma mo dang/ seng ge dang/ stag dang/ wa dang/ khyi spyang dang/ dom dang/ dred dang// gzig dang// gung dang// khyi li dang// dur bya dang// kang ka dang// bya rgod dang// bzhad pa dang/ bya rog dang// 'ug pa dang// chun lag dang// khra dang// sbrul dang// rus sbal dang/ / de la sogs pa 'khor rnam pa mang pos bskor nas bzhugs so// de'i tshe 'khor 'dus pa'i nang nas// lha'i dbang po brgya byin stan las langs nas// dpal phyag na rdo rje la bskor ba byas nas// rgyan dang longs spyod bsam gyis mi khyab pa'i char phab nas mchod do/ / de nas brgya byin gyis 'di skad ces gsol to// kye kye gsang bdag rdo rje 'dzin// dngos grub tshogs la mnga' brnyes khyod// thugs rje'i bdag po yin pas na/ / ma 'ongs sems can skal ldan gyis// rdo rje mkha' 'gro sgrub pa'i thabs// bdag gi yongs su zhu lags kyis// de ring ston pas skabs dbye zhu// de skad gsol pa dang// dpal hU~M mdzad chen po de me 'bar pa'i gdan las bzhengs te/ / lha'i dbang po brgya byin la 'di skad ces bka' stsal to// kye ma dus mtha'i sems can rnams// mi nub chos kyi rgyal mtshan dang// rdo rje mkha' 'gro grub gyur nas/ / bdag gzhan don la thogs pa med// ngas bshad khyod kyis yid la zung// zhes bka' stsal pa dang// 'khor de dag dga' ba dang spro ba skyes nas// lha'i me tog man d+ha ra la sogs pa'i rgyan gyi char chen po mngon par phab po/ / de nas dpal phyag na rdo rje la// lha'i dbang po brgya byin gyis 'di skad ces gsol to// drag po hU~M mdzad rdo rje 'dzin// da lta 'dod khams 'di nyid ni// lha mo nag mo zhes bya ba/ / gtum zhing khro la lus kyang 'jigs// srid gsum dregs pa'i nus mthu can// dngos grub dam pa'i gzhi 'gyur 'di// dang po rgyu ni ji lta ba// lta ba dkyil 'khor rdzas rnams dang// ting 'dzin sngags dang phyag rgya dang/ / dam tshig drod tshad spogs dang bsten// de bzhin las kyi rim pa rnams// ston pas bka' stsal bdag nyan 'tshal// de skad ces gsol pa dang/ dpal phyag na rdo rjes bka' stsal pa// brgya byin la sogs pa'i 'khor 'dus pa khyed rnams kyis rdo rje mkha' 'gro'i rgyud zhu ba legs so/ / khyed kyang rab tu nyon la yid la zung zhig/ ngas rnam par phye ste bstan par bya'o// sngon 'dod pa'i khams 'di nyid na/ / lha dbang phyug mahA de ba dang// lha mo u wi de bI gnyis la bu tsha ming sring gnyis yod pa la// ming po ni gshin rje dmar po zhes bya ba bzhugs so// srang mo ni lha mo dkar mo dung skyong ma zhes bya ba yin pa las/ / lha mo dung skyong ma de ni ri rab rtse na rnam par rgyal ba'i khang bzangs kyi byang shar gyi mtshams byang chub kyi shing drung rin po che'i khang pa bdun brtsegs pa'i gzhal yas khang na rin po che'i steng na gser dang/ / dngul dang// bai dU r+ya'i dbu rgyan dang// mgur chus brgyan te// lus 'gying bag tu bzhugs te// lha'i bu mo mang pos rgyan dang// longs spyod dang// glu dang dbyangs dang// rol mo bsam gyis mi khyab pa'i mchod pa byed do/ / brgya byin nyon cig/ dus de tsam na srin po thams cad la lhas bkyon phab yo bsad pa las// srin po da sha gri ba dang// srin mo dang la sna rtse gnyis su 'dus so// der srin po da sha gr-i bas lha dang mi 'dul 'dod pa'i ched du/ / srin mo dang la rna rtse lha mahA de ba la btsun mor phul lo// lha mahA de ba dang// srin mo dang la rna rtse gnyis la bu mo gcig yod de// de na srin mo mar 'dab phur pa lha byang ba yin no/ / de dus de tsam na srin po da sha gri pa na re// nga la sring mo dang la rna rtse dang tsha mo phur lha 'di shin tu gces pa la// khyed gnyis la nga gces rgyu med pas// bdag ni rgya mtsho nang du shir 'gro zer ba las/ / dang la rna rtse ma smad gnyis na re// nged gnyis la yag khyod shin tu gces pas khyod ma lceb par ci la ci 'dod smos shig zer ba las// srin po da sha gr-i ba na re// 'o na nga lha mo dung skyong ma 'dod do byas pas/ / srin mo dang la rna rtse na re// 'o na nga la thabs yod ming po de sla yis// nga'i bu mo du ra phur pa lha 'di lha mo dung skyong ma'i khol mo byed bcug la der bslu yis zer nas// dang lha rna rtse des bu mo phur pa lha khrid nas lha mo dung skyong ma la g.yog mor phul lo/ / der srin mo phur pa lha des// lha mo dung skyong la ma 'di skad zhus so// che zhe chen mo rigs kyi yum// bdag nyid chen mo gar mkhan ma// dbu brgyan rin chen thor tshugs can/ / bai DU ra sngon po 'od lam 'bar// zhal bzangs pad+ma dkyil 'khor du// nyin zla 'phrugs pa'i rgyan bkod de// tshems bzangs dung la ljags bzang me// khyed 'dra 'jig rten khams na med/ / bdag ni khyod rtan 'bangs su bgyid// khyod kyis bdag la thugs rtser dgongs// bdag kyang blo ba nye bar bgyid// de skad zer nas lha mo'i g.yog mor byas te// srin mo phur pa lha des lha mo dung skyong ma la blo ba nye bar byas nas/ / lha mo yid la ci dga' byas so// der lha mo dung skyong ma yang khol mo de la rab tu dga' bas gces par byas so// de'i dus lha dang lha ma yin gnyis nyin gcig bzhun du g.yul 'gyed du song ba las/ / de'i nyin par lha mo u ma de bis// bu mo dung skyong ma la 'di skad bsgo'o// de ring khyod kyi gam du su 'ongs pas khyod bslu ba yin gyi// khyod de la ma lta zhig ces bstan tsam na/ / khol mo srin mo phur pa lha des// skabs der srin po da sha gri ba sgran to// der srin po da sha gr-i ba des srin gyi bog bu ga dmar dag zhon te// lha mo de'i pho brang gi sgor phyin te// srin po kho bdag ni mi'i byad la shin tu gzugs bzang la mdzes pa gcig pa gcig tu sprul/ / bong bu ni ri dgas spu rigs can gcig tu sprul te// lha mo dung skyong ma'i spyan sngar phyin nas rol mo dang// sil snyan dang// glu dbyangs sna tshogs byas nas bslus so/ / lha mo rol mo la dga' bas 'dzum gcig shor ro// de nas srin pos glags rnyed nas lcags kyi lham sgrog sngon po bkrol nas bzung ste// glu 'di skad blangs te lha mo la phul lo/ / kye yongs 'du shing gi gnas mchog na// rin chen mdzes pa'i pho brang na// rin po che yi gdan steng na// 'gying bag tshul du gar mdzad pa// dbang phyug sras mo ma lags sam// lha mo mang po'i tshogs la rol/ / dbu yi rgyan cha gdub 'khor ni// rin chen mdzes pas kun nas spras// spyan ni u dpal 'dab ma 'dra// shangs ni bil ba'i 'bras bu 'dra// zhal nas ud pa la ngad kyang bsrung// sku ni 'khril gzhon ldem tshul can/ / gsung ni tshangs pa'i dbyangs snyan sgrogs// nu 'bur stod smad phyed pas 'gying// khyod 'dra'i sku ni gzhan na dkon// lha mo'i longs spyod mdzes pas mi brel yang// zhabs kyi chas su lcags sgrog 'di 'bul bzhes/ / ci mdzad ci sdug ci gsung ci yang snyan// khams gsum dag na khyed 'dra shin tu dkon// sems can kun gyi lta bas mi ngoms khyod// bdag gi dbul ba 'di bzhes gnang bar mdzad/ / ces phul bas// lha mos lcags sgrog blangs te// rang gi rkang pa la dkris te rgyan byas so// de nas srin mo phur pa des// lha mo dung skyong ma la zhus pa// kye ma ho dung skyong ma bdag la zhu ba gcig mchis na gnang ngam byas pa las/ / g.yog mo khyod blo ba nye bas ci zhus pa gnang ngo zer// lha la ni ngag gi bden pa'i stobs yod pas// ji skad smras pa bzhin byed do// g.yog mo phur pa lha na re// kye jo mo dung skyong ma/ / khyod 'dra ba ni 'jig rten 'di na dkon pa la// 'grogs pa'i zla med pa// de ring 'dir 'ongs l+lags sgrog 'bul ba'i mi de dang 'grogs par zhu na gnang bar mdzod// bdag kyang dus rtag tu khyod kyi bran du bgyi'o/ / zhes zhus pa las// lha mo des sngar khas blangs pas mi byed pa'i dbang med pas// lha mo dung skyong ma na re// khol mo khyod zer de mnyam gyis bya yis// mi de su yin gang na 'dug byas pa las/ / khol mo na re// mi de bdag gi zhang po srin po da sha 'gri ba yin// yul lang ka pu rangs na 'dug zer ba dang// der lha mo dung skyong ma dbang med du srin po'i chung mar song ngo// der lha mo u ma de bas bu mo dung skyong ma la dmod pa bor ba/ / nga'i bu mo khyod kyang ngas gces par byas te// lha'i longs spyod bsam gyis mi khyab pa la srin po'i chung mar song bas// da phyin chad dung skyong ma khyod kyang srin po dang 'grogs/ / mi lpags ni gon// mi sha ni za// mi khrag ni 'thung// mi gos ni gon// srog gcod ni byed// bong bu ni zhon par gyur cig/ lha'i kha dog dkar po ni nyams// srin gyi kha dog gnag la 'jigs pa thob par gyur cig/ srin mo phur pa lha khyod kyang nga'i bu mo'i 'di srin po la chung mar byin pas// khyod kyang 'jig rten 'di na mi sdug pa cig kho nar gyur la sus kyang mi 'dod pa tshe rabs su khyod mi rnyan pa gcig tu gyur cig/ ces dmod pa por ro// der lha mo dung skyong ma yang ma'i dmod pa sdig pas lha'i kha dog dang longs spyod nyams te mdog kyang mthing nag tu gyur// mi shin za// mi lpags ni gon// mi khrag ni 'thung/ / bong bu ni zhon// gcer bur ni byung nas kha dog dang longs spyod nyams te srin phrug lnga brgya skyes tsam na khyo srin po da sha gr-i ba shi'o// der lha mo dung skyong ma yug sa mo'i cha byad du byas te skra mdun du ral pa'i lan bu gcig tu blangs so/ / bran mo phur pa lha sha rus bskams te srin gyi phag rdzi byed tsam na// phag rdzi dum bur bya bas mo la dbang med chags pa spyad do// der phur pa lha yang nal bu sbrum mo/ / der dpon g.yog gnyis kyis srin po'i bong bu ga pa bkugs nas zhon// da sha gr-i ba'i ral gri sdig par can brkus nas lag pa g.yas su thogs// srin po'i nor bu rin po che brkus nas// ne'u le'i rkyal par sbas nas lag pa g.yon tu thogs nas bros so/ / phyi nas srin po'i dmag gis bdas kyi dogs nas bong bu bskyod nas kha phyir bltas te phyi nas srin po'i bya ra byed cing phyin no// tha mar dur khrod gcig nas skyes pa g.yul du bsad pa'i ro gcig dang phrad/ / der khong gnyis sha bsregs te za bar 'dod pa la gtsug shing med pas rgya mtsho'i 'gram na rdo sol gyi ri la char bab nas me 'bar ba mthong nas rdo sol gyi me blangs nas sha chen bsregs nas zos so/ / phyi nas khyi dkar po gcig 'brangs pa yang zos te pags pas rgyal mtshan byas so// der khol mo'i nal bu byung/ khong gnyis kyis nal bu'i sha yang zos so/ / der jo mo bong bu la zhon// khol mos sna khrid rgya mtsho'i khar phyin pa las// lam ka na bya de mo bdun khrus byed pa dang phrad pa las// bya de mo nag mo gcig bzung nas thogs nas rgya/ mtsho'i khar phyin to/ / der lha mo des smon lam btab pa// nga yang tshe 'phos ma thag tu gsang sngags kyi dngos grub thob// rgyal ba'i zhal mthong ste// 'dod khams kyi dbang phyug mar shog cig/ bran mo phur pa lha khyod nga'i 'bangs mar shog cig/ bya de mo nag mo 'di yang tshe rabs thams cad du nga'i nor skal du shog cig/ bong bu zhon par shog la ral gri lag char shog cig/ de skad byas nas rgya mtsho sa skor tsam na rlung 'tshub ma gcig byung nas/ / dpon g.yog gnyis bya de mo nag po dang bcas pa rgya mtsho'i nang du bsgyur te btang ngo// der lha mo de skye ba blangs te mi sha zos pa'i mthu dang rang gi smon lam gyi mthus lha mo dung skyong ma de yang bdun mo chen mo kha dog mdog mthing nag 'jigs 'jigs 'dra ba mche ba zang yag la ral pa 'thing zur phud du 'dug pa gcig tu gyur to/ / khol mo yang klu srin mo chu srin gyi mgo can gcig tu gyur to/ / bong bu yang ga dmar la g.yu'i rna cha can// rlung gi gshog pa can// mgo 'jug ma na yod pa gcig tu gyur to// de nas lha mo de shin tu mthu rtsal che bar gyur nas// 'jig rten gyi ma mo dkar mo'i tshogs dang/ / sngon mo'i tshogs dang// dmar mo'i tshogs dang// ser mo'i tshogs dang// nag mo'i tshogs dang// lha mo dang// bdud mo dang// srin mo dang// ba lam dang// khri sman la sogs pa ma mo bsam gyis mi khyab pa mang po yang ma mo de'i bran bgyi'o/ / zhes zer zhing 'bangs su 'ongs so// lha mo des kyang 'jig rten gyi ma mo rnams bran du byas shing skye ba rnam pa bzhi yod tshad du thugs zos so/ / de nas lha mo de la sngon gyi las 'phros 'brel cing dge ba spyad pa'i shugs kyis byang chub shing drung na// bde bar gshegs pa shAkya thub pa bzhugs pa'i spyan sngar phyin nas// lha mo des byang chub mchog tu sems bskyed do/ / bcom ldan 'das la phyag 'tshal nas// rang gi snying po 'di phul lo// tad+ya thA// oM ru ru bi tiSh+tha ba d+hA sI// ru ru ro ru// bi tiSh+tha ba to sI tsa pa 'a a shug me hU~M b+h+yo hU~M// zhes phul lo// de nas byang chub mchog tu sems bskyed nas lha mo des ri phug zab mo gcig tu phyin pa las/ / bram zar mchog sred sgrub pa byed pa dang phrad do// lha mo na re khyod 'di na ci byed byas pa las// sngon yul khams 'di nyid na dge slong pha ma gnyis 'dul khrims nyams pa las rgyal pos chad pas gcad pa las/ / bdud lam ka 'ge'u ri dang ro sha kha d+ha gnyis su gyur te// yul 'di'i mi zad par zos te// da ltar nga la za res bab pas/ / nga ni bdud 'dul pa'i phyir yum e ka dza Ti sgrub po zhes zer ro// dung skyong ma na re 'o na nged dpon g.yog kyang bsgrub pa bya na yon tan de lta bu yod dam byas nas// bram ze na re khyod dngos grub ci 'dod pa yin byas pa las/ / nged ni 'dod khams kyi dbang po cher gyur nas// sangs rgyas kyi bstan pa bsrung pa'i dngos grub 'dod do// byas pa las// 'o na sgrub pa bya'o zhes nas lha mo dung skyong ma dang bram ze mchog sred gnyis kyis e ka dza Ti'i bsgrub pa byas pas/ / e ka dza Ti ral pa gcig ma'i zhal mthong zhing grub pa thob po// yum e ka dza Tis lha mo dung skyong ma'i ming ni lha mo nag mo re ma tri zhes bya bar btags so/ / 'dod khams 'dul ba'i mthu mo cher dbang bskur bstan pa bsrung bar gnyer gtad de// lha mo nag mos kyang bstan pa bsrung bar khas blangs te// rang gi snying po 'di e ka dza Ti la phul lo/ / oM ru ru bi tiSh+tha ba to sI ru ru ro ru bi ti Sh+Tha ba yo sI tsi pi la ag shug me b+h+yo dza// zhes phul lo// der bdud laM ka 'ge'u ri dang ro sha kha d+ha yang bsgral lo// bdud kyi lag cha khram bam nag po phrogs nas bong bu'i snga sha la btags so/ / der lha mo re ma tis srin yul du dmag drangs te srin po ya sha kho re bsgral te// srin po zhon pa'i ban glang dmar po g.yang gzhir bshus nas smad phyed dkris// srin pa'i gos re lde nag po gyon pa bshus nas mo rang gi smad dkris/ / srin po'i ya mkhal la snga ru bgyis// ma mkhal phyi ru bgyis// rgyu ma la mthur bgyis// srin po'i ske rags sbrul gyi zhags pa thogs nas gong rmed byas so/ / brgya byin nyon cig/ dpal lha mo nag mo 'dis ri ma la ya'i rtse na phyag na rdo rje nyid bsgrub pa byas pas grub pa thob ste// zhal mthong nas ming yang A r+ya re ma tir btags te// sangs rgyas stong gis dbang bskur nas las kyi byin gyis brlabs so/ / lha mo nag mos kyang phyag na rdo rje la rang gi sny-ing po phul ba// oM ru ru be ti ba sto sI// ru ru ro ru bi ti sta ba to si tsa pa la a shugs me b+h+yo dza// zhes phul lo/ / chos skyong bar zhal gyis bzhes so// de nas lha mo 'dis gsang ba'i gnas su dur khrod ro thang nag po dbus ma ru rtse'i sgo 'gram du dpal khrag 'thung he ru ka'i dngos grub bsgrubs pa'i tshe// dpal chen po he ru ka'i zhal mthong ste/ / dpal chen pos lha mo de'i spyi gtsug tu// rta mgrin gsang ba'i dbang bskur// lus ngag yid gsum la rgyal ba rigs lnga'i dbang bskur// sku stod kyi rgyan du 'phra men ma bcu drug gis dbang bskur/ / byang chub sems dkar dmar gyis ljags la dbang bskur// gnang mdo chen po drug tu tshoms su gsang ba'i dbang bskur// rdo rje pho nya mo drug cu rtsa bzhis 'khor du dbang bskur// pad+ma gar dbang phyug gis sprul pa yang sbrul du dbang bskur/ / de'i tshe na 'jig rten 'di na rnam pa drug tu g.yos so// dpal chen po des lha mo'i ming yang dpal lha mo nam mo re ma ti dur khrod kyi bdag mo bya bar btags te/ / sangs rgyas kyi bstan pa bsrung bar gtad do// dpal chen po'i spyan sngar lha mo re ma tis rang gi snying po phul lo// oM ru ru bi ti sta ba sto si// ru ru ro ru bi ti sta ba to si tsa pa la a shugs me b+h+yo dza// zhes phul nas/ / sangs rgyas bstan pa dus rtag tu bsrung bar khas blangs so// lha dang lha ma yin g.yul 'gyed pa'i tshe na yang// drang srong mahA kA la'i dka' thub bzlog/ lte ba lha dmag bye ba dung phyur gyi rdzong bcas nas lha ma yin gyi g.yul bzlog go/ / de nas lha mo nag mo de mthu dang rdzu 'phrul bsam gyis mi khyab par gyur to// 'dod pa khams kyi dbang phyug mar gyur pa'i tshe// lha tshangs pas rma bya'i rgyal mtshan phul lo/ / khyab 'jug gis nyi ma dang zla ba rgyan du phul lo// rnam thos sras kyis seng ge'i rna cha phul lo// nam mkha'i lha bran gyis dril bu'i rgyan phul lo// srin mo dang sha za mo rnams kyis thod 'phreng dang/ / khrag dang// zhag gis rgyan bris so// klu dga' pos sbrul gyi gdengs ka phul lo// lha mo de srid pa gsum na 'gran gyi zla med pa'i mthu rtsal can du gyur to// de nas brgya byin gyis gsol pa// kye bcom ldan 'das gsang ba'i bdag po/ / 'dod khams kyi dbang phyug ma 'di// dang por lha'i bu mor gyur pa dang// bar du srin po'i chung mar gyur pa dang// da lta 'dod pa'i khams kyi dbang phyug mar gyur pa 'di/ / sngon rgyu rkyen ci las gyur pa lags zhes zhus pa dang// dpal phyag na rdo rjes bka' stsal pa// brgya byin nyon cig/ da ltar gyi lha mo nag mo 'di sngon gsor thub kyi bstan pa la// lha mo mo long gdong du gyur nas dge bcu sha stag tu spyad de/ / de nas sangs rgyas 'od srungs kyi bstan pa la sha za mo ral pa gcig/ mar gyur te zhe sdang rang mar spyad do// de nas mar me mdzad kyi bstan pa ni la lha mo sha ba rir gyur te/ / dus de tsam na shAkya thub pa 'di ni dge slong dbang phyug dpa' bo bya bar bzhugs so// sha ba ris mchod pa byas shing sdig pa bshags so// smon lam gcig btab// brgya byin nyon cig/ da ltar gyi lha mo nag mo 'di la sangs rgyas gsum po'i ring la rnam par smin pa shAkya thub pa'i bstan pa la rnam par dus gcig tu smin no/ / lha mo 'di dang por ma hA de ba'i bu mor skye ba ni dge bcu spyad pa'i mthu'o// bar du srin po'i chung mar gyur cing rang lceb pa ni zhe sdang spyad pa'o/ / tha ma da ltar gyi 'dod khams kyi dbang phyug mar gyur nas// sangs rgyas thams cad kyis dbang bskur nas shAkya thub pa'i bstan pa bsrung ba ni/ / sngon shAkya thub pa la sdig pa bshags kyin smon lam btab pa'o// dus phyi ma la ni byang shar gyi 'jig rten gyi khams me tog gyi khams me tog rnam par rol pa zhes bya bar sangs rgyas pad+mo dam pa'i dpal zhes lung bstan to/ / dpal lha mo nag mo'i rgyud las// gleng gzhi'i le'u ste dang po'i// de nas lha'i dbang po brgya byin gyis// gsang ba'i bdag po phyag na rdo rje la 'di skad ces gsol to// kye bcom ldan 'das mgon po gsang ba'i bdag po/ / ma 'ongs phyi ma'i sems can rnams// mkha' 'gro rnal 'byor rab bsgrub phyir// lta ba dam pa bdag nyan 'tshal// zhes zhus pa'i tshe// rdo rje can gyis bka' stsal ba// lha mo nag mo 'di dang bdag gi sems/ / gnyis med chos kyi dbyings su dbyer med pa'i// gdod nas ma skyes gzung 'dzin yul dang bral// chos sku nam mkha'i chos nyid las// sprul pa'i cho 'phrul lha mo'i skur ston pa/ / mkha' la 'ja' 'dra rang bzhin med pa ste// mdor nas sangs rgyas sbrul pa yin par lta// srin mo bdud mo dag tu blta mi bya// dpal lha mo shan pa'i rgyud las// lta ba bstan pa'i le'u ste gnyis pa'o/ /// de nas lha'i dbang po brgya byin gyis 'di skad ces gsol te// kye gsang ba'i bdag po yi nas thugs rje can// rdo rje mkha' 'gro dngos grub bsgrub pa'i phyir// gsang ba'i dkyil 'khor chen po bdag nyan 'tshal/ / zhes gsol pa dang// phyag na rdo rjes bka' stsal pa// brgya byin la stsogs 'khor rnams rab tu nyon// rang bzhin dkyil 'khor byang shar ri rab rtse// ting 'dzin dkyil 'khor rnal 'byor sems kyi yul/ / gzugs brnyan dkyil 'khor gnas gzhi sa la bya// mthing nag gru bzhi dbus ni gru gsum mo// dbus su lha mo nyid kyi phyag rgya bris// de yi mdun du khol mo chu srin mgo// de la 'khor rnams bskor te bri ba ni/ / dkar mo dmar mo sngon mo ser mo nag mo dang/ gnod spyin mo bdud mo'i tshogs rnams bri// 'jig rten 'di na gnas pa'i ma mo rnams// lha mo 'di yi 'khor du thams cad gtogs/ / gang gis 'khor gyis bskor kyang 'gal ba med// bsgrub pa po nyid sems dang gang 'thad bya// dpal shan pa nag mo'i rgyud las// bsgrub pa'i dkyil 'khor gyi le'u ste gsum pa'o//// de nas lha'i dbang po brgya byin gyis/ / dpal phyag na rdo rje la 'di skad ces gsol to// kye bcom ldan mgon po 'gro kun 'dul pa'i gtso// rdo rje nag mo gtum byed dam pa yi// dngos grub bsgrub pa'i rdzas rnams gang lags pa/ / gsang ba'i bdag pos bdag la bshad du gsol// zhes zhus pa dang// phyag na rdo rjes bka' stsal pa// rdo rje mkha' 'gro'i dngos grub ni// rdzas rnams med na dngos grub mi thob ste// dpe na smon pa dang ni sa bon 'dra/ / kun ka tshangs pa'i mthu las byin rlabs 'byung// lha mo nag mo la rdzas bzhi ste// 'bod pa'i rdzas dang ma mo brten pa'i rdzes// mchod pa'i rdzas dang dam tshig bsre pa'i rdzas// bzhi po 'di dag tshangs na dngos grub 'byung/ / bod pa'i rdzas ni rnam pa lnga ru bstan// g.yab dar dang ni ha sta rtse lngas g.yab// tshil chen cong zhi spos ni rnam lnga bsreg/ brten pa'i rdzas ni rnam pa drug tu bstan/ / gzungs ma mtshan dang ldan pa dang// gtso mo la ni thod pa pho mo gnyis// mkhar du dmigs la thod du khra sprad pa'o// g.yog mo la ni tshal bu re re'o// mi bsad mtshon gyi ral gri sor brgyad pa'o// yu bar ma bris dkyil 'khor dbus su'o// bya nag seng ge g.yang gzhi gos nag po// mchod pa'i rdzas ni rnam pa bcu gnyis te// lam ka 'ge ri sha dang ri mo dang// srin mo phur pa lha yi bu sha dang/ / gri bo'i sha dang dbang po rnam pa lnga// g.yul du dbugs ma chad pa'i sha khrag dang// seng ge dkar mo'i snying dang ru dra nag po'i snying// sha khrag sna tshogs bdud rtsi lnga dang sbyar// phye ma lnga dang sbyar ba 'di/ / gur kum chus sbrus pad+ma rag tas bsku// rgyun gtor tshom bu dgu pa rag tas bkang// a mri ta dang 'dza' gad shel nag po// bsre ba'i rdzas ni me long gnyis dbus su// gcig pu tsan tra la yi byang chub sems/ / gcig tu b+he ta ku ma ri khrag/ dkar dmar gnyis la dmar thig bdun bdun bri// de ltar sbyir na rdzas ni nyi shu lnga// 'di rnams tshang zhing ma nyams 'tshogs gyur na// dpal ldan lha mo la sogs mkha' 'gro ma/ / byis pas me tog ud pal mthong ba ltar// dga' ba skyes nas mi la dngos grub stair// de bas nan tan bskyed la rtsol ba bya// sha khrag 'di rnams gdod nas 'tshol ba'i phyir// rang gi sems can srog ni gcad mi bya/ / rang bzhin dag gis shi ba'i la'o//// dpal lha mo nag mo'i rgyud las// rdzas bstan pa'i le'u ste bzhi pa'o// de nas lha'i dbang po brgya byin gyis// dpal phyag na rdo rje la 'di skad ces gsol to/ / kye rig sngags tshogs la mnga' brnyes pa'i// gsang sngags bdag po gnod spyin 'dul ba'i gtso// bsgrub pa'i rten gyi lha mo nag mo'i sku// bdag la thugs rje can gyis bshad du gsol/ / zhes zhus pa dang// gsang pa'i bdag pos bka' stsal pa// dmigs pa'i rten gyi gzugs brnyan ni// ma mo phyugs pa'i dur khrod 'gro// 'dri mkhan dam tshig yod pa la// mo ma'i dbang bskur sku gzugs bri/ / dur khrod ro ras sa la ni// dbus su lha mo nag mo ni// de yi 'og tu chu srin mgo// ma mo 'khor yang dag 'dod bri// g.yas su bram ze mchog sred bri// mgrin pa sma ra dkar la ring// khri snya'i stan la long 'khreng 'dz-in/ rma bya ne'u lo thogs pa'o// de yi gson du bdag nyid ni/ khri snya'i stan la long 'khreng 'dzin// rma bya ne'u le thogs pa'o// lha mo/ mo spyan dbye mchod pa dbul// dngos grub gang 'dod pa gdab/ / dkyil 'khor dbus su bzhugs su gsol// lha mo'i sku yi thugs kar ni// srin lag khrag gis zla gam bri// de dbus lha mo'i srog snying bri// de dbus rgyus chen gsum sgril gdags// rtse mo nas bzung bzlas pa bya/ / yang na lugs ma dag la bya// de ltar byas na dngos grub rgyu// dpal lha mo shan pa'i rgyud las// sku'i gzugs brnyan bstan pa'i le'u ste lnga pa'o//// de nas lha'i dbang po brgya byin gyis/ / gsang ba'i bdag po phyag na rdo rje la 'di skad gsol to// kye gsang pa'i bdag po rdo rje 'dzin// ye shes sku 'chang bstan pa'o// dpal ldan nag mo re ma ti'i// ting 'dzin sgom thabs bdag la shod/ ces gsol pa dang// dpal phyag na rdo rjes bka' stsal pa// lha'i dbang po brgya byin nyon cig/ bdag nyid de bzhin gshegs pa'i sku'i phyag rgya'o// lha mo ni skye ba med pa'i ngang las skye ba'i cho 'phrul du bstan pa'o/ / mahA kA la'i pa ya dpa' ra na yang// de ni rlung gi dkyil 'khor bskyed pa'o// oM mahA kI ling ag ni dzA la raM// de ni me'i dkyil 'khor bskyed pa'o// de'i dbus// bruM b+ha shud+d+ha// ka pA la hU~M/ / de ni thod pa'i gzhal yas khang ngo// ga ta pa hU~M// de ni bong bu ga dmar la mig mjug ma na yod pa rlung gi gshog pa can bskyed pa'o// sti ra bong bu'i thig tu zhon zhing bsnol pa'o// ma sU r+ya maN+Dal a// nyi zla'i gdan ni/ / b+h+yo// nag mo spro zhing bsdu'o// lha mo re ma ti'i ting nge 'dzin ni// oM de bi ma hA kA li re ma ti hU~M// zhes pa las lha mo nag mo ni// kha dog mth-ing nag la ral pa rting pa la zur phud du 'dug pa/ / mig rtsa dmar ba// kha gdangs pa// mche ba gtsigs pa// lus sbrul nag dang thod pas brgyan pa// lag pa g.yas na ne'u le dang ral gri thogs pa// thal ba dang// khrag dang// zhag gi tsham bu mtshan pa/ / rna ba dril bu dang seng ges mtshan pa// nyi ma dang zla ba lus la 'char ba// sku smad glang po che'i ko rlon kris pa/ rkang pa lcags sgrog gis rgyan pa'o// khon mo chu srin gyi mgo can no// 'khor ni ma mo bsam gyis mi khyab pa'o/ / dpal shan pa nag mo'i rgyud las// ting nge 'dzin bstan pa'i le'u ste drug pa'o// de nas lha'i dbang po brgya byin gyis// dpal phyag rdo rje la 'di skad ces gsol to// mnyam nyid rdo rje gsang ba'i sku/ / mtshan ma 'joms pa'i dpal ldan drag shul can// lha mo nag mo srog gi snying po dang// sgrub pa sngags kyang brda bshad 'tshal// zhes zhus pa las// phyag na rdo rjes bka' stsal pa// sngags zhes bya ba lha mo nag mo'i srog rtsa yin/ / grangs kyang mang la zur yang ma chag ste// gug rkyed brtsegs par gang yang ma nyams na// lha mo nag mo mngon du 'gugs pa yin// lha mo re ma ti'i srog snying la// oM ru ru po ti sta ba sti so/ / ru ru ro ru bi ti sta ba to si// tsa pa la a shugs me b+h+yo dza// 'di srog nas 'dren pa'i sngags// sa ya bzlas na mngon du mthong// bye ba bzlas na phyag rgya ston par byed// 'bum phrag gcig gis dngos grub mtshan ma ster/ / sa ma ya du ling rag sha si// he rak+sha// du ma rak+sha/ ma rak+sha si b+h+yo// lade ni khol mo chu srin gyi mgo can snying po'i// hU~M hU~M hU~MhU~M// ma ma ma ma// ru lu ru lu ru lu ru lu// b+h+yo b+h+yo b+h+yo b+h+yo// b+h+yo b+h+yo b+h+yo b+h+yo/ / de ni 'khor ma mo spyi'i snying po'o// oM ma hA kA li maN+Dal ma d+he a gad d+ha ya// pra be sha ya// pra be sha ya// ti sta ti sta// a lo ka ya a lo ka ya hU~M dza ya/ de nas spyan drang ba'i sngags so// oM ma hA kA li/ ma ma sa ma ya/ ti Sh+Tha ti Sh+Tha staM/ ma hA kA li a bar sha ya sa ma ya 'bebs/ de nas gnad gdings pa'i sngags so// ma ma de bi ma hA kA li re ma ti ba ling kha kha khA hi a mr-i ta pU tsa ho// de ni gtor ma dbul pa'o/ / ma ma sa ma ya ma hA ka pA la sa ma ya// mahA kA li kA ya sa ma ya// mahA kA li bA k+ka sa ma ya// mahA kA li tsit+ta sa ma ya// mahA mu tra sa ma ya hU~M// de ni dam tshig bstan pa'i sngags so// oM de bi mahA kA li re ma ti kA ya bA k+ka tsit+ta sid+d+hi sa ma ya/ / pha la a bi sha ya// de ni dngos grub blang pa'i sngags so// oM mahA ka li ye hU~M phaT// ru ru tsa pa la a shug me hU~M ma ma ka ni a b+hi Shiny+tsa ka pa la tri me mahA dz+nyA na kA ya/ / bAk+ka tsit+ta sad+d+hi hU~M// des ni dbang bskur pa'o// dpal shan pa nag mo'i rgyud las// sngags bstan pa'i le'u ste bdun pa'o// de nas lha'i dbang po brgya byin gyis// dpal phyag na rdo rje la 'di skad ces gsol to/ / bcom ldan mgon po rgyal tshab las kyi lha// thugs rje ye shes tshogs la mnga' brnyes khyod// rdo rje mkha' 'gro ba rnal 'byor ma'i// gsang ba'i phyag rgya bdag la bstan par 'tshal// zhes gsol pa dang/ / phyag na rdo rjes bka' stsal ba// rnal 'byor chen mo gsang pa'i phyag rgya ni// spang bar mo bya rtag tu bcang bar bya// rlung gis me spar bong zhon dbang phyug ma// lcags kyus bos nas gshog pas zil gyis mnan/ / bong bu'i gdan bting thod pa'i dbang bskur te// thod rlon dam tshig bstan cing gnyis med bsgom// dang po rlung nag 'tshub ma'i phyag rgya ni// lag pa thal sbyar gung sprad bsgreng pa dang// mthe'u chung srin lag tshigs bsnol gung bsgrad brkyang/ / mthe bong gung sprad 'dzub mo gnyis bsreng rdzod// rtse mo dgu pa rlung gi phyag rgya'o// me ri smug nag 'bar ba'i phyag rgya ni// mdzub mo gnyis ni so sor dgug byas na/ / mthe bong bkug nas srin lag de gtad// gung mo mthe'u chung bsgreng ste phyar ba bya'o// ma mo 'gugs pa lcags kyu'i phyag rgya ni// lag pa g.yas g.yon khu tshur bcangs pa dang// mtheb mdzub bzhi po lcags sgrog lta bu sbrel/ / lag gnyis thod rlon dam tshig phyag rgya ni// mthe bong mdzub mo bkug nas bzlum byas te// bkug nas srin lag gnyis bcug mig 'bras 'dra// gung mo mthe'u chung gnyis ni thod rlon kha/ / gtor ma byin zhing gnyis su med par lta// dpal ldan lha mo nag mo'i rgyud las// phyag rgya'i le'u ste brgyad pa'o//// de nas lha'i dbang po brgya byin gyis gsol pa// stobs po che la gnod spyin dregs pa can/ / rig sngags tshogs kyi mnga' bdag gis// rdo rje nag po mnyes par bya ba'i phyir// mchod pa'i rim pa bdag la bstan du gsol// zhes zhus pa dang// gsang ba'i bdag pos bka' stsal pa/ / lha mo nag mo'i dngos grub thod 'dod pas// mnyes par bya phyir mchod pa rtag tu dbul// dang po mchod pa rdzas kyi gtor ma dbul// gnyis pa la ni rak+ta'i gtor ma ste// gsum pa la ni bdud rtsi a mr-i ta yis mchod/ / bzhi pa la ni gsang ba'i mchod pa'o// mchod pa'i rdzas rnams byin gyis brlabs pa ni// rlung gis me spar me yis thod pa bskol// hU~M gis rdo rje rab tu dkrus nas kyang// a dkar 'bar bas bdud rtsi byin gyis brlab/ / dam tshig phyag rgyas gtug cing gtor ma dbul// dpal ldan lha mo shan pa nag mo'i rgyud las// mchod pa'i rim pa bstan pa'i le'u ste dgu pa'o//// de nas lha'i dbang po brgya byin gyis/ / gtso bo phyag na rdo rje la 'di skad ces gsol to// ye shes tshogs 'dus thugs rje 'byung ba'i rgyud// dpal ldan rdo rje sems dpa'i ngang tshul can// dpal ldan nag mo rdo rje re ma ti/ / srog dang 'dra ba'i dam tshig bdag nyan 'tshal// zhes gsol pa dang// dpal phyag na rdo rjes bka' stsal pa// lha mo 'di yi dam tshig ni// rnal 'byor tshogs kyi srog snying yin// 'di las 'das na rang srog 'chad/ / ma 'das dngos grub dam pa'i rgyu// lha mo spyi yi dam tshig dang// lha mo sgo yi dam tshig go// lha mo spyi yi dam tshig ni// sku yi phyag rgya mi spang zhing// rdo rje slob dpon mnyes par byed// rdo rje spun la gdung ba bskyed/ / 'di ni sku yi dam tshig go// bzlas brjod snying po rgyun mi bcad// 'di ni gsung gi dam tshig go// gsang ba gzhan la mi spel te// 'di ni thugs kyi dam tshig go// sta g+han dang ni 'bras bu lnga/ / spyod pa'i dam tshig yan lag lnga// lha mo'i sgo yi dam tshig ni// 'jig rten gang dang gang dag ni// yugs sa rgan gzhon gang gnas la// byams par bya zhing chags mi sbyad// nal bu yod pa'i sbrum ma la/ / me tog gtor zhing byams par bya// kha zas spyin zhing mngan mi bsgrang// byis pa dag ni nal phrul la// gos dang kha zas spyin pa dang// rtag tu de la byams par bya// kar sha pa ni rgyan du sbyin// bong bu la ni byams par bya/ / kha ra mu tris gnan pa dang// ber dbyug dag gis mi brdeg go// rma bya'i mdongs ni rtag tu bcad// ma mo zla mtshan rgyu dus su// gsang ba'i mchod pas dam tshig bsre// me yi dkyil 'khor mthong gyur na/ / me tog skyes ltar dga' bar bya// ne'u la mthong na bstod pa bya// phyag rgya bstan cing dad par bya// zhing lpags rdzas kyi snod du bya// rdo yi sol ba chur mi bskur// rdo sol khu bas mtshan ma bsku/ / shing lo sor bzhi skyed par bcad// phyed la lha mo'i sku yang bri// phyed la dgra yi gzugs bris la// de ni rtag tu bcang bar bya// tshub ma dag dang phrad gyur na// rked par mi bcad rgyab mi bstan/ / dam tshig yod pas mi rung ste// bdag ma yin pa'i rnal 'byor la// rang gi lha dang snying po dang// rdzas dang phyag rgya mi bstan no// kha 'gro dag kyang bsre ba men// 'phreng ba la yang reg par bsrung/ / tshes grangs shis dang nam gung la// phyag rgya bstan cing bstod pa bya// rtag tu yi dam mi 'da' zhing/ zha re phyag rgya gnyis gnyis bstan// srog gi snying po rgyun tu grang// nub re gtor ma mi 'da' 'o/ / bya nag lug nag rtag tu bcang// bdag gi dgra la rbad bya ste// phyis ni de la bcos mi bya// khas blangs yol du mi rung ngo// rnal 'byor dngos grub thob bya'i phyir// dam tshig nyi shu rtsa gcig bstan/ / dpal shan pa nag mo'i rgyud las// dam tshig bstan pa'i le'u ste bcu pa'o// de nas lha'i dbang po brgya byin gyis// bcom ldan 'das rdo rje 'dzin pa la 'di skad ces gsol to// hU~M mdzad hU~M ste khro rgyal bdud bzhi 'dul/ / mi mthun 'jogs pa'i gnyen po ye shes kyis// dpal ldan nag mo grub pa'i rtags// drod tshad bdag la zhu ste gnang bar mdzod// ces gsol ba dang// phyag na rdo rjes bka' stsal ba/ / skyes bu blo ldan man ngag rtsal 'chang gis// rdzas dang ting 'dzin sngags dang phyag rgya dang// mchod dang dam tshig bsrung ba gtsor byas na// rdo rje nag mo'i bsgrub pa'i rtags ltar 'byung// grub rtags rab 'bring tha ma gsum du 'byung/ / rab ni ma mo nyid kyi sku mthong ste// bud med dkar mo bzhad cing byung ba na// gsang ba'i ye shes dngos grub ster ba yin// nag mo ral pa can du byung ba na// 'dod khams 'dul ba'i mthu rtsal bdag la ster/ / dmar mo bse yi ral pa can du byung ba na// 'jig rten dbang du sdud pa'i dngos grub bdag la ster// ma mo grub pa'i rtags kyang 'bring bo ni// me tog char 'bab 'brug dang rlung dmar dang/ / sgo brdung khang pa 'tshegs dang rnga dril sgra// rdzas lud mun pa shin tu gnag/ bud med gzugs dang 'ja' tshon gzugs kyang ston// grub rtags tha ma dag kyang ston// ma dang chung ma khol lo rmi/ / dre'u bong bu bya nag sha ba rmi// ma mo grub nas dbang du 'dus pa na// bud med dag gis bdag la phyag 'tshal lo// ma mo grub kyang bsre ba ma byas na// mi sdug gzugs su ston cing mdzo mor rdzu// gcan gzan zar 'od ma mo phyag sgugs so/ / dam tshig nyams nas ma mo 'khrugs gyur na// ma mo nang 'thab mtshon gyi char ba 'bab// bya nag nang 'thab khrag gi na bun 'khrigs// ltas de mthong na bka' chad yod pa yin/ / gal te dam srid sgrub pa'i bar gcod na// gral la 'jigs shing khyim du 'gro snying mi 'dod// gnyis khro snying mi dga' la skyo zhing bgres// kha dbyul du snying 'dod la khro snying 'dod// bud med gzugs mthong rkub dang mo mtshan ston/ / gal te gtor ma dus la yol gyur na// mo mtshan dang ni sngon gyi dbang rtags ston// dud pa 'khrigs dang bud med dbyal ba mthong// bud med ngu ba mthong na nyams pa gnod/ / rgod pa mthong na dgra bgegs bsgral pa'i rtags// khro na bar chod yong bas sbron pa yin// sbyor ba byed na dngos grub ster ba yin// rgyang glu len pa mthong na dngos grub thag ring/ / gar thabs byed cing 'gying bag byung na ci bsam 'grub// bya dang gcan gzan gtor ma za ba mthong na bzang// ma mo grub pa'i rtags rnams gang byung yang// dam tshig phyag rgya bstan cing dngos grub blangs/ / kha rog 'dul na snying po phyag rgya nor// 'dzub pa mthong na bdag tshe ring pa'i rtags// sha ba zhon na nor rnams 'phel ba'i rtags// gal te bdag ni gzhan du don gnyer na// bud med lag na rdzas gang mthong na bzang/ / bya dang gcan gzan sdong nas 'gro na bzang// de yi tshe na don yang gnyer bar bya// snod stong thogs pa mthong na don mi gnyer// grub pa'i drod tshad rnal 'byor la gces// dpal lha mo shan pa nag mo'i rgyud las/ / drod tshad bstan pa'i le'u ste bcu gcig pa'o//// de nas lha'i dbang po brgya byin gyis// dpal phyag na rdo rje la 'di skad ces gsol to// 'dzin rgyal drag po che ba'i che// gol sa spangs pa'i skyes bu yis/ / lha mo bsgrubs kyang ma 'grub na// spogs pa dag gi zhu ba lags// zhes gsol pa dang// dpal phyag na rdo rjes 'di skad ces bka' stsal to// skyes bu blo ldan ting 'dzin gyis/ / bsgrub pa'i rgyud 'di gtsor blangs na// dngos grub mi thob mi srid do// 'on kyang grub thag ring ba la// de la nyes dmigs rnam pa gsum// sngon gyi las 'phros ma 'brel dang// bsnyen pa zhag grangs nyungs pa dang/ / rnal 'byor dam tshig nyams pa gsum// 'on kyang mi bzhag bskyar phyir bsgrub// sngon gyi las 'phros ma 'brel yang// da ltar brtson 'grus byas na 'grub// bsgrub pa chung tsam grangs nyungs na/ / bzlas pa bye ba dung phyur bsnan// dam tshig nyams na bshags shing bskang// zhes gsungs so// dpal gshan pa nag mo'i rgyu las// spogs pa'i cho ga'i le'u ste bcu gnyis pa'o//// de nas lha'i dbang po brgya byin gyis gsol ba/ / rdo rje rgyal po gsang 'dzin pa// rgyal tshab chen po khyod nyid kyis// ma mo grub pa'i rnal 'byor pas// rtag tu bsten pa bdag la shod// ces gsol pa dang// dpal phyag na rdo rjes bka' stsal pa/ / ma mo rtag tu bsten pa'i thabs// gud na yod pa ma yin te// dang po sgrub pa thon rting la// rgyun du sngags dang phyag rgya dang// rdzas dang ting 'dzin cho ga dang// phyag rgya dag dang mi 'bral ba/ / ma mo bsten pa yin par bshad// zas kyi phud kyang bsam la mchod// gsang ba'i dam tshig bsrung pa'o// de ltar byas na ci bsams 'grub// dpal lha mo shan pa nag mo'i rgyud las// ma mo rtag tu bsten pa'i le'u ste bcu gsum pa'o/ / de nas lha'i dbang po brgya byin gyis// bcom ldan 'das phyag na rdo rje la 'di skad ces gsol to// gnod smin bdag po nyi ma 'bum gyi gzi// thugs rje rtse gcig yid 'gyur bzhugs pa la/ / ma mo dbab cing slob ma dbang bskur pa'i// pra mchog dbab pa'i cho ga bdag nyan 'tshal// zhes zhus pa'i tshe// dpal phyag na rdo rjes bka' stsal pa// slob dpon mkha' 'gro grub pa des/ / slob ma bdag la dbang bskur ba// rgyal rigs bu mo gtsang ma ni// khrus byas bdud rtsi zas byin la// gos dang me tog gser gyis brgyan// bsgrub pa'i dkyil 'khor dbus su bzhag/ mkha' 'gro'i bsgrub pa zhag bdun pa/ / de nas ma mo dbab par bya// 'dod pa'i dud pa bsregs byas la// ma mo dar dang g.yab mos g.yab// thod rnga rdung zhing ma mo 'bod// sngags 'dis dza gad kha phrus gdab// a de bi mahA kA li re ma ti tsa pa la a shug me sa ma ya pra tha/ / ru ru ro ru sa ma ya pra tha/ yo ge sid+d+ha sa ma ya pra tha// a be sha a// lan bdun dag gis ma mo dbab// de nas gzungs ma'i rak+ta dang// rang gi byang chub sems bsres la/ / sna la dus gsum rgyal ba mchod/ de nas lha mo nyid la mched// de nas rang gi lce la bzhag/ bdag dang ma mo dam tshig bsre// de nas slob ma'i snying la bzhag/ de nas gzungs ma'i rak+ta dang/ / slob ma'i sa bon bsres la ni// ma mo mchod cing dam tshig bsre// gzungs ma lha mo yin pa lta// gzungs mas rtsa ba'i sngags bzlas shing// thod 'phreng rgya'i dbang bskur ro// de nas g.yang gzhi ha sta'i dbang/ / rnge'u chung phungs dkar mar me'i dbang// phur bu ne'u le ral gri'i dbang// sbrul dang thod rlon dbang bskur ro// lha mo nag mo'i gsang dbang 'di// dbang ma byin pa'i slob ma la// tshig gis smras kyang slob dpon nyams/ / myur du tshe yi 'du byed bskul// de bas slob ma dbang bskur la// de nas gsang rgyud bstan par bgyi'o// dpal lha mo shan pa nag mo'i rgyud las// dbang bskur ba'i le'u ste bcu bzhi pa'o/ / de nas lha'i dbang po brgya byin gyis// dpal phyag na rdo rje la 'di skad ces gsol to// kye ma ho phyag na rdo rje kye/ byin brlabs rnams kyi mchaug yin te// lha mo grub pa'i rnal 'byor pas// las kyi rim pa bshad du gsol/ / zhes zhus pa dang// gsang ba'i bdag pos bka' stsal pa// brgya byin nyon cig/ lha mo re ma ti 'di// ma mo ma grub las mi 'grub// grub pa thob pa'i mi yis ni// las la ched du ma brtsams kyang/ / yid la ci 'dod 'grub pa'o// 'on kyang ched du sgrub byed na// las kyi bye brag ngas bshad do// las 'di rnams ni mkha' 'gro ma// grub pa'i skyes bu dag gis bya// ma mo ma grub las mi 'grub/ / brgya byin nyon cig/ zhi ba las kyi khyad par ni// bu ram sbrang rtsi g+hi wang dang// gu gul spos dang 'o ma dang// mar khu til dang 'bras chang// a ka ru dang du ru ka// ri lu khri tsho gcig byas la/ / zhi ba'i thab khung dbus nyid du// 'o ma yod pa'i zhing la bsreg/ oM ru ru bi tiSh+tha ba to si// ru ru ro ru bi tiSh+tha ba to si// a mu ka shan ting ku ru swA hA// khri tsho bzlas te bsregs gyur na// sdig dang bgegs rnams zhi bar 'gyur/ / dgra dang nad yam zhi bar byed// rgyas pa'i las su bya ba ni// rgun 'brum star ka gur kum dang// u t+pal mar khu g+hi wang dang// seng ldeng dur ba ku sha rnams// rgyas pa'i thabs khung khri tsho gnyis/ / oM ru ru bi tiSh+tha ba to si// ru ru ro ru bi tiSh+Tha ba to sI// a mu ka du pu Sh+thi ku ru swA hA// tshe dang rigs rgyud 'phel ba dang// nor dang longs spyod rgyas par byed// dbang gi las ni bstan pa ni// tsan dan dmar dang ug chos dang/ / yungs dang g+hi wang cong zhun dang// mar khu nya sha sbrang rgod kyis// khri tsho gsum du sbyin sreg bya// oM ru ru be tiSh+tha ba to sI// ru ru ro ru pe tiSh+tha sha to sI// a mu ka a kar k+sha ya hri dza/ / 'khor los sgyur ba'i phyag rgya'o// rta dang glang po nor bu dang// 'gro ba bzang dang blon po dang// dmag mi dag ni lha dang mi// kun kyang bdag gi dbang du 'gyur// drag po bsad pa'i 'phrin las ni/ / rabs chad nag mo'i sha khrag/ bya rog 'ug pa'i sha tshil dang// seng ge stag dang bya rgod skyung ka'i snying// rta nag ra rog 'phar ba'i snying// spyang mo'i snying dang mi grir shi// cong zhun dang ni g+hi wang sbyar/ / dug dang khrag dang bsres byas la// ril bu khri tsho bzhi byas la// ma tri nag mo zhal byas la// ma tram kho ru me spar la// ril bu re dang dgra ming re// bsde ba cig sreg pa'i las bya'o// re ma to'i dmod pa ni/ / oM ru ru bi tiSh+tha ba to sI// ru ru ro ru bi tiSh+tha ba to sI// ma ma sarba shA truM// a mu ka se// du na du na// b+han d+ha b+han d+ha// ma tha ma tha// pra ma tha pra ma tha// ru dzA ru dzA// dza re nam/ / bya ha drim// ro ka nam// e be sha yA// dzI bang hri d+ha ya// tsan dan de pa shri ku/ mA ra ya na hU~M phaT// khrag nad dag gis 'chi pa'o// dgra la nad rims dbab pa ni// bcan dug dang ni du ka sna tshogs// thod pa mtshan ngan dag tu blug/ zhing ras dag gis kha bcad la// sngags 'di khri tshog gcug tu bzlas// oM ru ru bi tiSh+tha ba ti swI// ru ru ro ru pi tiSh+tha ba to swi// a mu kaM// bya ha dim// ha ra nam// e be sha ya// ma ra na phaT/ / rang nyid cha lugs nag por bya// bong bu zhon la gra phyogs gtor// rims nad dag gis phung par byed// tsha ba'i nad kyis gsad pa ni// ro chas ras la ling gi bri// tsha ba gsum gyi khu bas bsku/ / bzlas pa bya zhing gtor ma stab// oM de bi ma hA kA li rag k+sha re ma ti// a mu kaM ma ra ya phaT// khri tsho gcig tu bzlas pa bstab// zhag bdun nas ni nges par gsod// lha mo nag mo'i snying zer gzer sngags la/ / snying gzer nad kyis dgra gsad na// lcags gsum dus shing phung bu la// spyi bor rta mgrin bsgom par bya// rked par lha mo nag mo bsgom// rtse mo chu srin mgo can bsgom// logs la 'khor gyi ma mo bsgom/ / lus la bcangs la bsnyen pa dbul/ oM ru ru be tiSh+tha ba to sI/ ru ru ro ru be tiSh+tha ba to sI// tsa pa la a shug me badzra kI li kI li ya hU~M ma ra ya phaT// rtag tu bsnyen pa phul byas nas// dgra bo'i gzugs la btab pa na/ / myur du snying gzer nad kyis 'chi// lha mo 'phrul gyi spyin sreg la// rma bya'i sha la sbyin sreg bya// btsan dug 'thung ba'i stobs dang ldan// nya yi sha la sbyin sreg bya// de tshe chu yi ste du 'gro/ / khrung khrung sha la sbyin sreg bya// bdag ni nam mkha' dag la 'phur// ne tso sha la sbyin sreg bya// skye ba lnga pa dran par 'gyur// spre'u sha la sbyin sreg bya// 'gro ba bzang mo 'gag par 'gyur// byi ba'i sha la sbyin sreg bya/ / lha srin sde brgyad mthong bar 'gyur// rnga mo'i sha la spyin sreg bya// nyin gcig dpag tshad brgyad khrir phyin// khA ta'i sha la sbyin srig bya// bdag lus gzhan gyis mi mthong ngo// ngang pa'i sha la sbyin sreg bya/ / bdag gi lo 'di stong thub pa'o// ne'u le'i sha la sbyin sreg bya// nor gyi gter la longs spyod 'gyur// dpal lha mo shan pa nag mo'i rgyud las// 'phrin las kyi le'u ste bcwa lnga pa'o// de nas lha'i dbang po brgya byin la sogs pa 'khor 'dus pa rnams kyis/ / dpal phyag na rdo rje la bstod pa// hU~M mdzad hU~M ste tsaN+Da ro Sha na// bden gnyis thugs chud chos kyi sku brnyes pa'i// sprul pa'i sku ste phyag na rdo rje che/ / dus mtha'i me ltar 'bar la phyag 'tshal bstod// de nas brgya byin la sogs pa'i 'khor 'dus pa de rnams kyis// dpal ldan lha mo nag mo la bstod pa// dpal ldan lha mo re mo ti// chos skyong rgyal mo nag mo che/ / dbyings phyug gsang ba'i mkha' 'gro ma// bstan pa bsrung la phyag 'tshal bstod// dpal ldan nag mo'i rgyud las// bstod pa'i le'u ste bcu drug pa'o// de nas dpal phyag na rdo rje des pad+ma'i gdan las sku bzhes te/ / 'di skad ces bka' stsal to// kye nga'i 'khor du gtogs pa rnams// ngas ni mkha' 'gro ma'i rgyud chen po'o// dngos grub dam pa'i gzhir bshad zin to// khyod la gtad do zung zhig/ rgyud 'di thun mong ma yin pa'i rang bzhin te// skyes bu blo ldan pa 'gas bsgrub pa// de ni mi nub pa'i rgyal mtshan thob bo// de ni chos kyi dbang phyug chen por go 'phang thob bo// de ni dngos grub thams cad rang las shar bas 'grub bo/ / des ni yid bzhin gyi nor bu rin po che 'bar ba rnyed pa yin no// zhes bka' stsal pa brgya byin gyis spyi bor blangs so// dpal lha mo shan pa nag mo'i rgyud las// rdo rje mkha' 'gro ma la gtad pa'i le'u ste bcu bdun pa'o/ / de nas 'khor de rnams dga' ba skyes nas lha'i rol mo bsam gyi mi khyab pas phyag na rdo rje la mchod nas rang gi sa la 'khor do// dpal shan pa nag mo'i rgyud rdzogs so/ / o rgyan gyi mkhan po pad+ma sam b+ha ba dang// lots+tsha ba tsan tra ku ma ras bsgyur pa'o// khri srong lde btsan gyi btsan gyi thugs dam 'ching phur bsgyur pa'o// u rgya ti kab/// rgya gar skad du/ / shrI dur rtsir rag ta sti la tha tan tra// bod skad du// dpal e ka dza ti khrag gi rba klong gi rgyud ces bya ba// dpal rang byung gi rgyal mo la phyag 'tshal lo// a de la yab kyi dbyings yum gyi mkha' thams cad 'byung ba'i gnas snying po byang chub kyi sems mo/ / sems kyi dkyil 'khor 'od gsal ba'i 'phrin las thams cad kyis bdag mor ston to// dza 'gug pa'i lcags kyu yis 'phrin las thams cad thogs pa med na myur du 'grub par byed do/ / chos gnyis pa yang 'phrin las bdag mo'i snying po ste// snying po 'gugs byed thugs rje'i lcags kyu yin// ting 'dzin sems kyi dkyil 'khor 'od gsal ba nyid/ / 'phrin las ma ka mi 'gegs yongs su rdzogs par byed pa'i bdag mo ltar yang snang la/ dpal chen po'i gzungs ma yang mdzad la// bdud dang gshin rje'i lcam mo yang mdzad do// don thams cad du ma nges so/ / dpal e ka dza Ti'i khrag gi rba klong gi rgyud las// gleng gzhi'i le'u ste dang po'o//// de nas gong du thams cad byed pa yang gong du ma mo'i bsnyen pa rdzogs par byas la// las bsam gyis mi khyab pa 'di lta ste/ / de la zhi ba'i gnas ni// bkra shis zhi ba'i gnas su sa'i// dkyil 'khor zla ba nya ba'i dbyibs dang// kha dog dkar la zlum por brtsig/ dbus su zlum po chag gang bru// byang chub sems kyis chag chag gdab/ / kar ni ka yi khu bas ni// dkar la 'tsher ba'i trag gcig bri// dkar dmar sbyar ba'i khubs gtor zhing trag ces sems zhi ba'i dbang gis brjod pas bud med dkar mo g.yu'i ral pas sa gzhi khyab pa shin tu 'dzum pa'i cha byad can gcig lang nas te mi 'dar zhing mi yengs par bya'o/ / de mngon du gyur pa dang spyi'i las 'byung ba'i zhi ba'i rdzas kyis sngags 'di rgyun du bzlas so/ / trag rag sha kha mun tra// e ka dza Ti snying kha rag ma// sa ma ya dza// shan ting ku ru swA hA// mngon du gyur pa dang ji ltar bsams pa'i las rnams de bzhin du 'grub par 'gyur ro// dpal e ka dza Ti khrag gi rba klong gi rgyud las/ / zhi ba'i le'u ste gnyis pa'o//// de nas yang 'di gsungs so// rgyas pa'i gnas ni ri bo 'am// rtsi shing nags tshal rgyas pa 'am// sems can thams cad gnas pa'i sa/ / dbyibs ni gru bzhi lham pa'i gnas// sa yi dkyil 'khor gru bzhir brtsigs// kha khyer thod pa ser pos bskor// dbus su rin chen gser gyi trag gcig bri// trag rag sha mu tra// e ka dza Ti snying kha rag ma sa ma ya dza/ / puSh+tiM ku ru swA hA// chang phud dang a mr-i ta sbyar la mchod cing// gong bzhin gsal bar gyur pa dang// thams cad du rgyas pa'i las bya'o// dpal e ka dza Ti khrag gi rba klong gi rgyud las// rgyas pa'i le'u ste gsum pa'o/ /// de nas yang 'di gsungs so// dbang gi gnas ni brag dmar chol zangs su// dbang la maN+Dal zla gam brtsig/ dbus su zla gam chag gang thur du bru// shes rab rak+tas chag chag gdab/ / zangs kyi khu ba 'am mi khrag gis// dmar la 'tsher ba'i trag gcig bri// mtha' ni thod pa dmar pos bskor// trag rag sha mu e ka dza ti// snying khar ma sa ma ya dza pa shaM ku ru hU~M// rak+ta dang chang phud sbyar la dbul lo/ / de mngon du gyur pa dang// dbang gi las ji lta ba bzhin no// dpal e ka dza Ti khrag gi rba klong gi rgyud las// dbang gi le'u ste bzhi pa'o//// de nas yang 'di gsungs so/ / drag po'i gnas ni dur khrod phung shul du// sa yi maN+Dal mthing nag gru gsum brtsig/ chag gang gru gsum thur du bru// dug dang ro bsregs pas trag gcig bri// gru gsum kha khyer thod pa nag pos bskor/ / snying khrag chad phud a mr-i ta// gtor zhing drag po'i sngags bzlas la// sngon gyi thugs dam rjes su dran par bya// tag rag sha mu tra// e ka dza ti snying kha rags ma ya b+h+yo// mA ra ya rbad// de la mngon du gyur pa dang/ / drag po'i las rnams da bzhin no// dpal e ka dza Ti khrag gi rba klong gi rgyud las// drag po'i le'u ste lnga pa'o// de nas yang 'di gsungs so// sri'u gso ba'i bya na// tshe bum gos la sngags 'di bzlas/ / trag rag sha mu tra e ka dza Ti snying ga rag ma sa ma ya dza// na mo b+h+yo dza// hri da ya b+h+yo// tra ta ya tro ta ya// dzA la dzA la// ma kar dzA la// pra dzA la spu ta spu ta sarba ga ga na// ni pa pa ti// sa ra ni sa ri/ / byis ra byis ra// sarba dush+tan byi to ni// sho ta ni hU~M phaT// ma'i nu ma dang// tshe bu ma dang// gos la ci mang du btab na de bzhin du sri'u sos par 'gyur ro// dbal e ka dza Ti khrag gi rba klong gi rgyud las/ / sri'u gso ba'i le'u ste drug pa'o//// de nas yang 'di gsungs so// rmi lam ngan pa bzlog na// spen ma sor re ba brgya rtsa brgyad byas la// re re la brgya rtsa brgyad bsngags la gdab bo// trag rag sha mu tra/ / e ka dza Ti snying kha rag ma sa ma ya dza/ a ti me ru me'i ste sta hA swA hA// bsgrub po bdag la sdang bar byed pa'i dgra dang// gnod par byed pa'i bgegs rnams ril ma bzhin du chus khyer cig/ spen ma bzhin du chags cig/ bong ba bzhin du dgra bgegs zhig cig/ ces byas la ma mo'i bcol ba bya'o// zangs bu gcig tu blugs la zangs bu chus bkang ba la chen po la bskur na de bzhin du rmi lam ngan pa bzlog par 'gyur ro/ / dpal e ka dza Ti khrag gi rba klong gi rgyud las// rmi lam ngan pa bzlog pa'i le'u ste bdun pa'o//// de nas yang 'di gsungs so// the'u rang brdung ba'i thabs la shog bu sor bzhi pa gcig la/ / the'u rang gi gzugs dang snying po bris la rdog pa'i 'og tu bcug la// mig rnon gcig kyang drung du gzhag la// trag rag sha mu tra e ka dza Ta snying kha rag ma sa ma ya dza// tri ta mang mdzes ri li lings/ / zhes ci mang du brjod la 'ongs pa dang// gzugs de sgong khog gi nang du bcug la kha bag zan gyis gcad de chu gling la bskyal lo// yang na lam po che'i bzhi mdor gnan no// 'gug 'dren bya'o// de bzhin du byas nas the thub par 'gyur ro/ / e ka dza Ti khrag gi rba klong gi rgyud las// the'u rang brdung ba'i le'u ste brgyad pa'o//// de nas yang 'di gsungs so// byang dang// mi kha chom rkun dang// ngan sngags bzlog par 'dod na/ / se gol brdab cing// trag rag sha mu tra// e ka dza Ti snying kha rag ma sa ma ya dza// oM sgrig sha khri tshin d+ha// kha sga kha sga// uM pa swA hA// sngags de la lan gsum cu rtsa bzhi bzlas te/ / se gol gyis brdabs na rkun byad dang mi kha bzlog par 'gyur ro// khrag gi rba klong gi rgyud las// byad dang ngan sngags bzlog pa'i le'u ste dgu pa'o//// de nas yang 'di gsungs so// bud med bu ma smin pa smin par bya ba'i thabs la/ / bud med skad khrag chad nas zla ba gcig lon pa dang// gos la 'di gdab bo// trag rag sha mu tra/ e ka dza ti snying kha rag ma sa ma ya dza// oM ma Ni d+ha ra ni// ma hi pra ti sa re ye swA hA/ / srungs cig byas la sngags mdud byas la stong ngam// 'bum bzlas nas ma la gdags so// de nas bu btsas pa dang bu la gdags so// bu sos par 'gyur bar 'ongs nges so// khrag gi rba klong gi rgyud las/ / bu tsha sos par bya ba'i le'u ste bcu pa'o//// de nas yang 'di gsungs so// bud med bu nad ma phyin dang nad langs pa sos par bya ba'i thabs la// mar la bsngags la nad pa'i khong du blud do/ / trag rag sha mu tra// e ka dza Ti snying kha rag ma sa ma ya dza// nad dza mu da dza// oM badzra 'dre byil mar la byil swA hA// zhes ci mang du bzlas na thub par 'gyur ro/ khrag gi rba klong gi rgyud las// bu nad sos par bya ba'i le'u ste bcu gcig pa'o/ /// de nas yang 'di gsungs so// rims nad dang 'brum pus mi tshugs par bya ba'i thabs la// trag rag sha mu tra e ka dza ti snying kha rag/ sa ma ya dza// zhi zhi ma ha ti ka shaM pa ni na/ / thems phal can gru go se// he du ru// du na chings// su phang khri shang ca prad zhi// ces lci ba ser ka ma'i thal bal lag pa ma reg par gri rtses blangs shing sngags mang du bzlas la gdab bo/ / khrag gi rba klong gi rgyud las// 'brul bu dang rims nad sos par byed pa'i le'u ste bcu gnyis pa'o// de nas yang 'di gsungs so// lhog pa 'dul bar bya ba'i thabs la// trag rag sha kha mun tra// e ka dza ti/ snying kha rag ma sa ma ya dza// ma ti kri zhu/ mu la khu spyi le zhus/ sarba phus na ti ni ti cor cor rbu dang// bu ma co ka kha ga nan khe/ zhu chu zhu sta su sar ro la sar ro// nas phus ta swA hA// byi brun kha phyogs bzhir bltas pa'i sa la zhag gsum gdab/ / des ma thub na lan dgur bzlas te gdab pa// mi phyugs gang yang rung 'debs kar mda' bya rgod ma// pags pu dkar po// nas dkar mo bre gang/ srid pa'i lha srin mchod 'tshal lo/ / rlung dang// bya dang// khyi dang// bud med kyis thos su mi rung ngo// khrag gi rba klong gi rgyus las// lhog pa gso ba'i le'u ste bcu gsum pa'o//// de nas yang 'di gsungs so// ci yang thub par bya ba'i las la/ / bdag nyid ma mo chen mo smug nag me dpung sku las 'bar ba las thugs kha nas hU~M smug nag 'bar ba gnyis phyung pa las// de lce stengs su hU~M gis drangs pa las hU~M nyid rdo rje nas tsam la me 'bar ba'i 'od 'phro ba las bdag nyid mchu yang rdo rje rnon por bsgom/ / sngags btab pas gang la bya ba de rdul mes tshig pa bzhin pas ma mo// ltas ngan dang ngan sngags nad thams cad 'joms te/ / ci yang thub pas gang la yang gdab po// trag rag sha mu tra e ka dza Ti// snying kha rags ma ya dza// so ta ku ru nan// tig zhing ku ru nan// zhi zhi ku ru nan// ru ru ku nan// ces bzlas na ci yang thub par 'gyur ro/ / khrag gi rba klong gi rgyud las// ci yang thub par bya ba'i le'u ste bcu bzhi pa'o//// de nas yang 'di gsungs so// lhag pa dang ser ba gcad pa'i las la// ya stags ni skyer pa'i 'bras bu dang/ / ske tshu'i 'bras bu dang// nyungs nag gi 'bras bu dang// bya tshal gyi sgal pa dang// de kun bsres la me tag la thab tu kong nas glang ru gsum brdar la tshags byas la bsreg go/ / 'phral thabs su yod na glang ru gsum bsregs la gong gi ya stags de kun dang sngags spel mar gdab po// bdag 'phags pa 'jam dpal gyi ting nge 'dzin la snyoms par zhugs la// gong nas sngags 'di ci mang bzlas so/ / mgul khug tu gsal te dus der yang rtags la brgya rtsa brgyad bzlas shing thab tu gtor ro// trag rag sha mu tra e ka dza Ti// snying kha rag ma sa ma ya dza// oM su pra ti badzra dun ti// mi li mi li hU~M phaT/ / ces bzlas shing thab khung du gtor ro// gtsang rigs kyi mgon po dam tshig can rnams la gtor ma cha gcig gtang// sad ser dang kha char chod ces 'phrin las bcol lo// khrag gi rba klong gi rgyud las/ / sad ser gcad pa'i le'u ste bco lnga pa'o//// de nas yang 'di gsungs so// mi rgod byad bcigs bya ba'i las la// ting nge 'dzin gyi lhas bsnyen rgyun du byas la// hri di mi ti sta rban d+ha// sa ta sa ta sa ka ra/ / ma ba la tha// 'di'i nya drug la bar ma chad par bzlas// bdag nyid ting 'dzin chas su zhugs la bar ma chad par bzlas so// mi rgod ma byung gi bar du lag pa g.yas pa la nyi shu rtsa gcig bzlas la gdab po/ / byung tsam na phyag rgya bcas te mthe bong sor mo gzhan gyis gnan nas// bdag gis ma gtang bar du 'gro mi shes so/ khrag gi rba klong gi rgyud las// mi rgod bcings pa'i le'u ste bcu drug pa'o/ / de nas yang 'di gsungs so// tshe ring ba'i las ni// bya thabs bkra shis pa dang// mtshan dang ldan pa'i thod pa la tshe'i ga'u byas la// sman dang// spos dang// dri bzangs pos byugs la tshe 'bras spyi dang mthun pa gsal/ / dgongs pa dang tshe'i lha mo bskul lo// trag rag sha kha mun tra e ka dza Ti'i snying kha rag ma sa ma ya dza// A yu dz+nyA na bruM A yu tshe a pa na bruM swA hA// khrag gi rba klong gi rgyud las// tshe dgug pa'i le'u ste bcu bdun pa'o/ / de nas yang 'di gsungs so// bgegs bskrad pa'i las ni nyungs kar rgyal po la bsngags nas// gang gnod pa la btab na 'bros par 'gyur ro// trag rag sha kha mun tra// e ka dza ti snying kha rag ma sa ma ya dza/ ra tsa bi ra tu a ba ya swA hA// khrag gi rba klong gi rgyud las// bgegs bskrad pa'i le'u ste bcwa brgyad pa'o//// de nas yang 'di gsungs so// me chu'i gnod pa bzlog na// seng ldeng ngam mchog phur gang yang cig la sngags 'di rgyun du bzlas te/ / ting 'dzin rtse gcig dang mi 'bral bar bya'o// trag rag sha kha mu tra// e ka dza Ti snying kha rag ma sa ma ya dza// ag nem ra ya rbad/ / ces btab na me chen po bzlog par 'gyur ro// me dgra zhi ba'i le'u ste bcu dgu pa'o// chu dgra la phur bu gong ma la// trag rag sha mu tra a ka dza Ti snying kha rag ma sa ma ya dza// pa ni ma ra ya rbad// ces btab na chu chen po bzlog par 'gyur ro/ / chu dgra zhi ba'i le'u ste nyi shu pa'o// de nas yang 'di gsungs so// dgra bgegs 'grul thag gcad pa'i las bya na// mchog gam// seng ldeng ngam// drag po'i shing cig la/ / phur ba sor brgyad la byas la byin gyis brlabs// gu gul gyis bdug/ trag rag sha kha mun tra e ka dza Ti snying kha rag ma sa ma ya dza// lha srin pri ma ra ya rbad// ces btab 'grul thad chad par 'gyur ro/ / bgegs 'grul thag bcad pa'i le'u ste nyi shu rtsa gcig pa'o//// de nas yang 'di gsungs so// seng ldeng ngam mchog phur gcig la gu gul gyi bdugs byin gyis brlabs te// mi phung ba'i 'dren chen po la btab na 'chad par 'gyur ro/ trag rag sha mu tra// e ka dza ti// snying kha rag ma sa ma ya dza// phur sri pri phri ma ra ya rbad// ces bzlas so// phung 'jug gcad pa'i le'u ste nyer gnyis pa'o// de nas yang 'di gsungs so/ / dam sri btul na// gong gi phur bu brlabs pa des zhing ras la gzugs bris// de la shes pa bstim la// trag rag sha kha mu tra// e ka dza Ti snying kha rag ma dza// dam srin mA ra ya rbad// ces btab na dam sri rlag par 'gyur ro/ / dam sri gdul ba'i le'u ste nyer gsum pa'o//// de nas yang 'di gsungs so// dgra la ngan sngags bya ba'i thabs la// stags dang rten ni zor bya ste mi khrag dang gser rgod g.yu rgod gsum du bsres la/ / nyungs kar la bsngags cing dgongs pa sngags// btab pas// gyi sa tshas mgo gas snying tshig lus thams cad rlag par bsam// trag rag sha kha mu tra e ka dza ti snying kha ma sa ma ya dza/ / sha ba ra sha ba ra li byi sti li byi sti// yer ba ga ma ra ya// bu bu bu de// rkyang rkyang// rgyang rgyang 'greng 'greng// sa la ha dam tsu li// byi ba kraM khraM// ku tshe me ha// sma le ha// ma ga le bru bru// ya ya ne ne dza/ / dza te tsu ma pa pa baM// hi hi hi ma khu mang khu// myaM myi ma tra tha// lan stong bzlas na rab tu shis so// zor thun thabs su gsad pa'i le'u ste nyer bzhi pa'o//// de nas yang 'di gsungs so// dgra bo shugs kyis gsad pa ni/ / dmar gtor bshams nas// ma mo dang sngags bsrungs la gtang ngo// phud dang rag tar bsres la/ rang dpal chen por bsgoms la btung// gtor ma yang sbrengs la// tish+ta kha raM graM gro ku ru/ / zhes rjod do// de nas srog dbang la bor pa'i snying khrag thang la dbyung ba'i sngags la// so ti ru tsa shin ti ru// kha ram na tsakra tha// tsa ta shad shad// pra ha pri thad// rkang rjes dang dri chen btab na shor mi srid do/ / khrag gi rba klong gi rgyud las// dpal e ka dza Tis shugs kyis sgrol ba'i le'u ste nyer lnga pa'o// de nas yang 'di gsungs so// 'phra men nye 'byed kyi las la// gser dmar ril la sngags so/ / ma ma trag rag sha// ru trag mA ra ya phye// ma ma trag ru trag mA ra ya phye// ma ma trag ru trag ma ra ya phye// mA ra ya rbad// ces ra khyi'i khrag gis ming rus bris la gdab po// 'phra men nye 'byed kyi le'u ste nyer drug pa'o/ /// de nas yang 'di gsungs so// rgyal khams tshan chen po 'am// yul gru chen po phung ba 'am// rdo rje'i theg pa chen po bstan pa 'jig pa la thug pa la lha mo la dpang btsugs la bya'o/ / ming rus bri// mi khrag la gnod spyin gyi gzugs sor bzhi pa bris te// khyi la gtor ma dang sbyar te sbyin na 'chi'o// ming rus dang snying po ni// ming che ge mo zhig/ oM ha na ha na pi po ta ya phaT// da ra pi po te ya phaT/ / brgyad brgya bzlas so// gzugs dang ming rus la nyungs kar brdeg go// drag po'i las kyis gsad pa'i le'u ste nyer bdun pa'o// de nas yang 'di gsungs so// rnam cig tu sha chen dang glang sha gnyis gcig tu brdungs la/ / rjes dang bsres la gdon gyi ming rus gro ga 'am shing shun la btsag gis bris la gzugs kyi nang du gzhug/ du yod pa'i gzugs byas te sngags ma yengs par bzlas stong du gdab po/ / gdon kun bdag gis dbang du 'dus par bsam la gzugs brnyan rdog pa'i zhabs su bcug la// oM ha na pi po ta ya nan// ces bzlas so// gdon gzer le'u ste nyer brgyad pa'o//// de nas yang 'di gsung so/ / yang na gong gi gdon gzugs de la mchog phur sor brgyad pa dril zhing gdab bo// oM kA la ru pa che ge mo ma ra ya phaT// brgya rtsa brgyad du sngags dang ting nge 'dzin la ma yengs par bzlas so/ / gzugs thod pa'i nang du gzhug go// lha 'dre mi srin po yod pa'i za 'am lam po rgya gram du gnan no// zla ba mar ngo dang gza' mig dmar la byas na thebs so// gnan pa'i le'u ste nyer dgu pa'o/ /// de nas yang 'di gsungs so// hoM gyis gsad pa'i thun ni// gru gsum mthing nag gcig byas te// dbus su gdug pa can tsher ma la hoM// byas la// dgra'i ming rus kyang gdags// ting nge 'dzin ni skad cig mas hoM ma mor brlab/ / mngon du byung ba'i rtags byung nas las bya'o// sngags 'di la brtson par bya'o// ma rag mo snying rag ma b+h+yo// ma ma snying kha rag/ b+han d+ha raM raM b+h+yo b+h+yo// zhes bzlas pa rdzogs nas/ / skyes pa dar ma'i snying dang// phag rog po'i snying dang// khyi nag po'i snying dang// mon pa nag po'i snying dang/ ra rog po'i snying dang// de rnams kyi snying khrag gis thugs dam bskang/ / hom spar la snying dang ling ga mchod par dbul lo// thal pa rlung la phyar ro// ma mo bskul zhing chog bya'o// spyin sreg dang thun gyi le'u ste sum cu pa'o//// de nas yang 'di gsungs so// ro la spyod pa'i brtul zhugs ni/ / mtshan dang ldan pa'i ro btsal te// mkha' 'gro ro tshal gyi cho ga bya// nam zla dus bzhi'i phyogs brtags// mda' rgyang ngam mig mthong tsam nas mtshams gcad// ma mo'i dmag drang/ / dben thag tsam nas dges par gar bya// zhags gang tsam nas dbyug brda btang// 'dom gang tsam nas dges pa'i brkan brdab// ro'i kha nas byin gyis brlab pa'i dgongs pa bya// phyung la ro khyer lugs kyi ro khyer/ / khog srungs ro shol gyi cho ga bya// de nas slar log ste gnas su ro la bro rdung// bam sgrub chen po'i gzhung bsnyen ma mo skongs bya// thog mar re lhar bsgrub// de nas dngos grub blang pa dang rol pa bya'o/ / dpal e ka dza ti khrag gi rba klong gi rgyud las// bam chen bsgrub pa'i le'u ste so gcig pa'o//// de nas yang 'di gsungs so// mchog ldan pa gcig la ni dgongs pa bsam gyis mi khyab ste// ro ltar bsgrub pas 'phrin las kyi sbyor ba bsam gyis mi khyab pa dang sbyar ba dang/ / ro dkyil 'khor du bsgrub pa'i lha bsam gyis mi khyab pa dang sbyar ba dang// ro yo byad du bsgrubs la rnal 'byor pa'i yo byad 'tsho bar sbyar ba dang/ / ro dngos grub tu bsgrubs la rol pa longs spyod chen por rol pa dang// ro dam rdzas su bsgrubs la dgos pa spro ba dang// ro mchod rdzas su bsgrubs te pU tsar dbul ba dang// ro pra bsgrubs te srid pa gsum gyi gtam smra ba dang/ / ro rin po cher bsgrubs te yun gyi dgos 'dod bya ba dang// de la sogs pa rol ba bsam gyis mi khyab pa dang sbyar ro// bam chen po'i yon tan gyi le'u ste so gnyis pa'o/ /// de nas yang 'di gsungs so// snying dang 'dra ba'i bu la dbang mchog dam pa bskur pa dang// ro'i dgongs pa bsam gyis mi khyab pa yang// dgongs pa gang bsgrub kyi dbang bskur ba dang/ / mchog chen po gcig la yang ma mo'i dkyil 'khor chen po bzhengs su gsol la// dkyil 'khor gyi dbus su ro bzhugs su gsol te// gzungs thag chen pos dran pa'i thad kar btags la// ro'i 'dug tshul brkyang bskum du bzhag/ dgongs pa brtul zhugs nyi shu ni// phung po bam ril phyi yi dbang// rab tu shes pas bskur bar bya// gzungs thag btags nas zhag dgur bsgrubs// mtshan rtags rnams gtan la phebs pa dang/ / ro la bsgral ba'i las byas te// gces pa'i dam rdzas bcu gcig gis// dgos par bya ba'i nang gi dbang// ma mo e ka dza ti yang// rang gi snying po byang chub sems su ngo shes pas thams cad la dbang byed pas man ngag gsang ba'i dbang bskur bar bya'o/ / dpal e ka dza Ti khrag gi rba klong gi rgyud las// dbang bskur ba'i le'u ste so gsum pa'o//// de nas yang 'di gsungs so/ / dbang bskur te man ngag bshad par bya ba la// phyi nang gsang ba gsum ste// phyi'i e ka dza ti ni chos thams cad kyi bdag nyid dam rang bzhin ni rang gi snying po byang chub kyi sems nyid yin pa la/ / sems ngo ma shes te bdag 'dzin gyi mthu rtas pas nyon mongs pa rnam rtog gi spyod byed du 'jug pa// gzung 'dzin gyi dra ba dang bcas pa 'di// nyid sbyo'i e ka dza ti zhes bya'o// nang gi e ka dza ti ni/ / rang gi sems ngo ma shes te// rig pa nyid du thams cad du rtogs la// ye shes kyi snang ba mi 'dra ba phyogs gcig tsam ni ma mo e ka dza ti ji ltar snang ba yin no// gsang ba e ka dza ti ni rang gi sems las g.yos pa med par shes rab kyis thag chod pa'o/ / sems ni sna tshogs gzugs can yin la bya ba yang so so'i byed pa yin no// de ltar rtogs shing go na dbang mchog chen po thob ces bya'o// dbang bskur ba bstan pa'i le'u ste so bzhi pa'o/ /// de nas yang 'di gsungs so// shin tu myur ba'i las kyi ti ka ste// khyi nag po'i thod par shog bu la dgra'i mi rus bris la gsal// ba dmar mo'i 'o ma dang mtshe'i thal chu blug/ le'u rgan la srog tig gi sngags bris la spyang ku'i thod par stsal// bya nag lug nag gi snying khrag la gtor ma bya// thod pa brdab cing sngags 'di bzlas so// rag mo rtse rtse snying kha la bam ya/ srog ma ri rag mo rbad/ / ya thu ma baM ru/ ma ti rag mo sod// ma mo nag mo srogs la yam// khyi kha li nag mo sod ya// thum ya thum dza thum sod// rtags ni bud med nag mo'i rang gi mchan du 'ong// khyi mo nag mo mchan du 'ong/ / thod pa'i ming rus skad ngan 'don de ltar rtags byung ba dang dra ba nag por gtums la// pha mes dur sar gnan par bya// srog gi ti ka'i le'u ste so lnga pa'o//// de nas yang 'di gsungs so/ / snying po drag po zhan bshad pa'i// pho dang mo dang ma ning dang// ring po dang ni thung dang/ drag po dang ni rab tu drag/ de yi rim pa bshad pa ni// ma ning pas ni pho yi drag/ mo bas pho yig rab tu drag/ ring po pas kyang thung ngu drag/ gsad pa'i drag sngags du ma las// dmod pa'i drag sngags rab tu drag/ ring po thams cad dal ba las// bsnyen pa nye bsnyen dus su bshad// thung du thams cad drag pa las// sgrub dang las la sbyor kar bshad/ / rab tu drag po dmod pa'i sngags// rbad dang sod kyis chod na zab// d+hi dang phaT kyis chod na zab// gdol pa'i sngags la gcer bur byung// ma ya dang ni dza yis chod/ / thun dang rbad kyis gcod na zab// rag dang keM gis chod na zab// bam dang ril dang rda ra zab// de bzhin rab tu drag pa rnams// dmod pa'i sngags de rab tu rnag/ yi ge'i snad kyi le'u ste so drug pa'o/ /// de nas yang 'di gsungs so// snying po'i them yig brtsi ba ni// ming gi yi ge ma them na// dmag dpon med pa'i dmag mi 'dra// grogs kyi yi ge ma them na// rtsa ba zhan pa'i dmag mi 'dra// rgyan gyi yi ge ma them na/ / mtshon cha med pa'i dmag mi 'dra// de la ming gi yi ge ni// dang por gnas pa'i yi ge yin// drangs kyi yi ge zhes bya ba// 'phul zhing bod pa'i ye ge yin// rgyan gyi yi ge zhes bya ba// gzhi las yan lag spros pa yin/ / de yi thim yig brtsis pa las// dmag dpon dmag gi mtshon char ldan// pha rol gzhan gyi g.yul ngo 'joms// zhes gsungs so// yi ge thems su brtsis pa'i le'u ste so bdun pa'o/ /// de nas yang 'di gsungs so// 'phrin las bya ba'i rim pa ni// thog mar rdo las lcags su bzhu// lcags las go dang mtshon cha brdung// go mtshon zhun thor tho ltar// ma mo de nyid bsgrub par bya/ / de la til mar ngar btags ltar// de nyid mngon du bsgrub par bya// dpa' po'i lag tu bskur ba ltar// bsnyen pa rdzogs pa'i rnal 'byor pas// dpa' bo'i g.yul ngo bzlog pa ltar// 'phrin las sbyor ba so sor bya/ / de bzhin yid kyis bshad pa ni// ma mo rim gyis sgrub pa'i thabs// rim pa'i las rnams rdzogs pa dang// ma mo'i dngos grub thob par bshad// rim gyis bsgrub pa'i le'u ste so brgyad pa'o/ /// de nas yang 'di gsungs so// mnyes par bskong bzlog bya ba ni// bsgrub dang dngos kyis bskang zhing bzlog/ bsgrub ni zhi rgyas gnyis kyis te// mdos la rnam pa gnyis su bshad// gso ba'i mdos dang gsad pa'i mdos/ / gso ba'i mdos la rnam gnyis te// bskang ba'i mdos dang bzlog pa'i mdos// bzlog pa'i mdos la rnam pa gnyis// gzhan gyi rig sngags bzlog pa dang// bskang mdos gso gsad gnyis pas 'jug/ gsad pa'i mdos ni gcig las med// de la mdos kyi rim pa ni// ri rab gling bzhir bcas pa la// snang srid gdugs kyis bskor ba ni// ma mo nyid kyi zhal phyung ste// le'u rgan dar gyis bkab nas ni/ / sngags bsrungs nyid la dmigs btang nas// srid pa'i spyi mdos bya bar 'gro// ri rab gling bzhir bcas pa la// ma mo'i zhal phyug gdugs bkab nas// sha sna mang po bkod pa ni/ / srid pa'i sha mdos bya bar 'gro// gong ma bzhin du bcas pa na// khrag skam mang po bkod pa ni// srid pa'i khrag mdos bya bar 'gro// gong ma bzhin du byas pa la// rus pa mang po bkod pa ni/ / srid pa'i keng rus mdos su 'gro// gong ma bzhin du bcas pa la// snying sna mang po bkod pa ni// srid pa'i snying mdos bya bar 'gro// gong ma bzhin du byas pa la// skyes pa'i gzugs kyis bskor ba ni/ / srid pa'i pho mdos bya bar 'gro// gong ma bzhin du byas pa la// bus pa'i tshigs kyis bskor ba ni// srid pa'i chung mdos bya bar 'gro// gong ma bzhin du bcas pa la// dgra bgegs gzugs kyis bskor ba ni/ / srid pa'i dgra mdos bya bar 'gro// de bzhin shas cher gang bkod pa// rang shas che ba'i mdos su 'gro// gcig tu zhen cing chags pa med// gsang sngags nor bu rin chen ma// thams cad 'phrul zhing 'khor pa'i phyir/ / rang bzhin gcig tu ma nges te// gang ltar brtags pa de ltar snang// kha dog so so'i rim pa yang/ thams cad dkar por byas pa la// srid pa'i zhi mdos bya bar 'gro// thams cad ser por bsgyur ba ni/ / srid pa'i rgyas mdos bya bar 'gro// thams cad dmar por bsgyur ba ni// srid pa'i dbang mdos bya bar 'gro// thams cad mthing kar gnas pa ni// srid pa'i drag mdos bya bar 'gro// sngags dang dgongs pa'i rim pa ni/ / gdug rtsub thams cad zhi ba la// 'jam pa'i ngag gis mdos btang na// shan ting ku ru'i sngags bzlas te// gsol zas longs spyod thams cad kun// dkar gsum sgo nas longs spyad na/ / thams cad zhi ba chen po'i mdos// tshe dang bsod nams longs spyod rgyas// rgyas pa'i ngag gis mdos btang bas/ pu Sh+tiM ku ra'i sngags bzlas pas/ rnal 'byor longs spyod thams cad kyang/ sbrang rtsi'i ro rnams longs spyad na// thams cad rgyas pa chen por 'gro// thams cad dbang du 'dus pa la// che ba'i ngag gis mdos gtang na// pa shaM ku ru'i sngags bzlas te// longs sbyod mngar gsum sgo nas spyad/ / thams cad dbang phyug chen po'i mdos// thams cad ma lus bsgral ba la// drag po'i ngag gis mdos btang na// ma ra yi sgra brjod pas// longs sbyod chen po'i sha khrag spyad// kha dog mthing nag dmar nag gyon/ / thams cad bsgral ba chen po'i mdos// bcas bzhi dang mthun pa la// dar mdung stong phrag brgyad cu la// bgegs rigs stong phrag brgyad cu yi// so so'i ming dang srog snying gi/ 'jug tu g.yul bzlog bya ba bri/ / yi dwags phal cher g.yul bzlog mdos// sde brgyad so sor bris pa ni// lha srin sde brgyad g.yul bzlog mdos// mo rgyud so sor bris pa ni// srid pa'i ma mo'i g.yul bzlog mdos/ / pho rgyud so sor bris pa ni// srid pa'i pho rgyud g.yul bzlog mdos// de dag so so'i dmag dpung yang// sngags bsrungs ma yi dmag dpung gis// so sor bzlog cig bsgyur dmigs te/ / gsang sngags sgra yang dgong ma brjod// ces gsungs so// e ka dza ti khrag gi rgya mtsho'i za byed spyang rkyal nag mo'i rgyud las// srid pa'i mdos kyi le'u ste so dgu pa'o//// de nas yang 'di gsungs so/ / 'khor lo rnam pa du ru bstan// 'khor lo'i yon tan gang zhig yin// 'khor lo rnam pa drug tu bstan// ma mo'i srog gi 'khor lo dang// bsgrub par bya ba'i 'khor lo dang// drag pos gsad pa'i tsa kra dang/ / gnad la dbab pa'i 'khor lo dang// de bzhin dkrug pa'i 'khor lo dang// dgra bgegs gnan pa'i 'khor lo'o// srog gi 'khor lo bskor ba yis// lus dang grib ma bzhin du 'gyur// sgrub pa'i 'khor lo bskor ba yis/ / ma mo dam la gnas par 'gyur// gsad pa'i 'khor lo bskor ba yis// 'phrin las yongs su rdzogs par 'gyur// gnad la dbab pa'i 'khor lo yis// ma mo'i snying khrag khar 'dzag 'gyur/ / dkrug pa'i tsakra bskor ba yis// sdig pa gsum yang 'khrug par 'gyur// gnan pa'i 'khor lo bskor ba yis// 'gal ba a lags 'khor bar 'gyur// zhes gsungs so// 'khor lo grangs dang yon tan bstan pa'i le'u ste bzhi bcu pa'o/ /// de nas yang 'di gsungs so// rgyu dang gnas dang thabs dang dus// rkyen dang las dang 'khor dang grogs// nges par bshad kyis yid la zung// ma mo'i srog gi 'khor lo yi/ / rgyu ni snying po byang chub sems// gnas ni yum gyi b+ha ga'i klong// thabs ni rol pa bsam mi khyab// dus ni ma nges rgyun du 'khor// rkyen ni khams gsum sems can te// las ni gnyis su med par byed/ / grogs ni shes rab ting nge 'dzin// de ni srog gi 'khor lo yin// bsgrubs dang gsad pa'i 'khor lo dang// gnad la dbab dang dkrug pa dang// dgra bgegs gnas pa'i 'khor lo'o// rgyu ni dur khrod shing ras dang/ / gnas ni ga 'u gnas pa'i sa// thabs ni bye brag bsam mi khyab// tshul dang thabs ni shes par byos// e ka dza Ti khrag gi rba klong gi rgyud las// 'khor lo'i rgyu mtshan bstan pa'i le'u ste zhe gcig pa'o/ /// de nas yang 'di gsungs so// 'khor lo bskor ba'i las dag kyang// rtsibs dang ldan pa'i ri'u mig la// ma mo nyid kyi zhal phyung ste// bod rbad gsad pa'i sngags bkod de// so so'i 'khor lo bskor ba ni/ / ma mo'i zhal gyi 'khor lor bshad// rtsibs dang bcas pa'i ri'u mig la// srog snying 'khor lo bskor ba ni// ma mo srog gi 'khor lor bshad// rbad sngags 'khor lo bskor ba ni/ / las la gtang pa'i 'khor lor bshad// gsang sngags 'khor lo bskor ba ni// ma mo gsad pa'i 'khor lor bshad// yi ge bcu bdun bskor ba yis// gnad la dbab pa'i 'khor lor bshad/ / g.yas dang g.yon du bskor ba ni// srid pa pho mo'i 'khor lo ste// thabs dang shes rab 'khor lor bshad// thun sngags 'khor lo bskor ba ni/ 'khor lo thun dnga'abrol bar bshad// rigs kyi bzlog nas bskor ba'i ni/ ma mo dkrug pa'i 'khor lor bshad// gnan sngags 'khor lo bskor ba ni/ 'khor lo gnan par bya bar bshad// ma mo drug cu rtsa brgyad kyi// srog gi 'khor lor bskor ba la// hoM las bsreg pa'i las byas na/ / 'khor lo hoM nag 'brel bar bshad// gzhan yang gang dang gang rung ba// ma mo las kyi kha tshar ni// so so rang rang bskor ba ni// 'phrin las yongs rdzogs 'khor lo bshad// re mig yi ge'u grangs dang sbyar/ / yi ge'i grangs kyang 'di ltar bya// ming gi yi ge rkyang pa rnams// mgo bo phyir bstan nang bstan gnyis// sgrub dang gsad pa'i sngags su bsgyur// 'khor lo'i re mig re de gzhag/ ming yig sgrogs dang rgyan ldan pa// 'khor lo'i re mig re la gzhag/ sngags kyi rim pa ma 'khrugs par// mgo po phyir bstan nang bstan gnyis// sgrub dang gsad pa'i sngags su bsgyur// 'khor lo ma mo'i gnas su bshad/ / 'khor lo ma mo'i khang par bshad// 'khor lo ma mo'i gur du bshad// 'khor lo khrag gi rgya mtshor bshad// tsakra dug gi rgya mtshor bshad// 'khor lo lcags kyi spyil por bshad/ / 'khor lo gangs ri chen por bshad// srid pa'i khri mun chen por bshad// 'khor lo ma mo'i srog tu bshad// 'khor lo ma mo'i lte bar bshad// 'khor lo ma mo'i smon par bshad// 'khor lo gcod pa'i mchog tu bshad/ / 'khor lo gdugs pa dpal du bshad// de ltar 'khor lo bskor ba yis// man ngag can gyi so sor dbye// rig pa can gyi skyes bu yis// re re la yang mang du spro// rgyas par bshad kyang gcig tu 'dus/ / dpal e ka dza Ti khrag gi rba klong gi rgyud las/ 'khor lo gtan la phab pa'i le'u ste zhe gnyis pa'o//// man ngag 'di yi gtad las ni// ma yengs brtson pas gtad pas 'grub/ / drang srong g.yo sgyu chung na nye// dri med lha sems can la chags// me gtong chu srin sems kyis bya// man ngag gtad pa'i gnas// slob ma'i snod brtag pa'i le'u ste zhe gsum pa'o//// rgyud kyi nang nas dam par gyur pa 'di/ / bal po'i ba su d+ha ra yis gdams// rum bu g+hu ya de ba tsan tra'i thugs dam lags// de la bsnubs ban sangs rgyas bdag gis rnyed// dpal e ka dza Ti khrag gi rba klong gi rgyud ces bya ba rdzogs so/ /// rgya gar skad du// e ka dza ti sa man ta ka nA ma tan tra// bod skad du// ral gcig ma 'dus pa nag mo'i rgyud ces bya ba// dpal ya man ta ka la phyag 'tshal lo/ / de nas dpal ya man ta kas// phyag na rdo rje la bka' stsal ba// phyag na rdo rje nyon cig/ lha mo e ka dza ti ni lta ba dang ldan pas bsgrub par bya'o// lta dang mi ldan rtse log che// gdug pa che bas dgra la rbad/ / gus pa blang du mi btung pas// lta bab mi dmigs pa gsum dang ldan gus pas blang du btub pa'o// 'khon nag rang sar bzhag na gus pas blang du btub pa'o// dgra la sbod tsam na che ge mo sod cig/ ces brjod pa las// rtsad nas chod cig ma byas na gus pas blang du btub pa'o// de gsum dang ldan nas gus pas blang bar bya'o// de la mi dmigs pa gsum ni// bdag kyang mi dmigs pas stong pa nyid du bsgoms te/ / oM badzra shu dz+nya ta hU~M// zhes brjod pas/ gus pa'i bza' nor yang mi dmigs te// oM badzra swA hA b+ha bi shud d+honya haM// zhes brjod pas// dgra dang 'khon yang mi dmigs pa stong pa nyid de/ / oM badzra sarba shud d+ho hU~M// zhes brjod pas thams cad mi dmigs hU~M// zhes brjod pas thams cad mi dmigs so// de bzhin du ma mo yang mi dmigs pa chos nyid du bsgom mo// zhes gsungs so/ / le'u dang po'o//// de nas 'khon nag rang sar bzhag pa ni// 'khon 'gras zhes bya ba yod ma myong// 'khon 'gras yod mi srid// thams cad chos nyid rol pa yin// gal te yod na yang dam nyams kho rang la sdig/ bdag dang ma mo 'di nyid yang gdod nas yod ma myong snyam du bsams la rang sar bzhag go// de'i sngags ni/ oM i ho shud d+he shud d+he baM ho shud d+he shud+he raM ho shud d+he yaMho shud+he shud+he shud d+he shud d+he e baM raM bi yaM phaM a a a swA hA/ / zhes bzlas nas kho rang la gos par bsams// bdag dang ma mo la ma gos par bsam mo// zhes gsungs so// le'u gnyis pa'o//// de nas dgra bos rgyal dang gus pas byas pa'i yo byad thams cad spungs la/ / gong gi i ho'i sngags de lan bdun btab la bdud rtsi gtor la// cha gcig dkon mchog la dbul// cha gcig lha dang mkha' 'gro dam can chos skyongs tshogs la dbul/ / cha gcig 'gro ba la bsngo// cha gcig 'gro cher byas la rnal 'byor pa sbyad na ci yang nyes pa dang skyon mi 'ong ngo// zhes dpal chen po ya man ta kas bka' stsal nas// phyag na rdo rje yi rang ngo// le'u gsum pa'o/ / de nas yang dpal ma man ta kas// phyag na rdo rje la bka' stsal pa// spyir dregs pa bsgrub pa la pho dang mo gnyis yin te// thabs shes rab kyi tshul lo// pho rang bzhin chad la btsan// chags pa chung mo'i rang bzhin chags pa che/ / za la dga'// 'khu ldog che ba yin// de bas na ma mo tsam bsgrub pa'i dus su// mi dmigs pas zin pa dang 'khor nag rang sar bzhag pa ni shin tu gnad che ste/ / thams cad la kun tu rgyug cing gnad du 'gro ba'o// pho bsgrub kun la yang phan par 'gyur pa yin no// zhes gsungs so// le'u bzhi pa'o//// de nas yang bka' stsal pa// gus pas len pa'i dus su/ gong ltar shes kyang// 'di ltar bya ba gnad yin te// dgra'i srog dbugs bsdu zhes bya ba// kho'i gos byung ba thams cad dgra'i pags par bsgom// kho'i zas byung ba thams cad dgra'i sha'i rang bzhin du bsam/ / skom drangs pa thams cad dgra'i khrag tu bsam// bdag yi dam ltar bsam// thugs nyi ma'i steng du dza bsam// de las 'od 'phros pas dgra bo'i tshe srog bkug la gos dang// btung ba dang/ / zas la bstim// de'i sngags la yi dam gang rung du gsal bas// ni dza A yu pa dza dza// zhib tu bzlas so// yi dam lha la phul bas dges// bdag gis gsol bas tshe dang ldan// mkha' 'gro chos skyongs bsrungs ma la phul bas mnyes par bsam/ / des dgra la kha bstan du 'gro ba yin te thabs kyi man ngag go// zhes gsungs so// le'u lnga pa'o// de nas yang bka' stsal pa// bstan pas srung bar 'dod pas/ / brnag pa'i dgra bo shi na gtang rag gtang pa la/ dgra de tshan che stobs drag rjes drung pa drag la mang po yod na lhas mthong pa'i gtang rag byas la// yi dam lha dang mkha' 'gro chos skyongs la rang rang gi gang ltar dgos pa'i mchod pa bya/ / dar phag tu phyar// kha tshags dam par bya// dgra de stobs chung ba cang zhan pa rjes med pa yod na gtang rag mis mthong bar byas la mngon du dar 'phyar ba la sogs pa bya/ / zhes gsungs so// le'u drug pa'o// de nas yang bka' stsal pa// rnal 'byor bstan pa srung bar byed pa'i dus su// gra de la 'brel pa gang na yod pa dang// rtsad gang nas yod pa bris te btags la rang gi bag zon che bar byas te/ / snyigs ma'i dus su gal che'o// gsungs so// le'u bdun pa'o//// yang bka' stsal pa// spyir rnal 'byor pas lha mo re ma ti bsgrub par 'dod na// dam sri brdung ba dang bskrad pa la gtsor byed dgos/ / de ni las kyis myur ba yin no// yang dpal mgon dang 'brel na bkra shis so// zhes gsungs so// le'u brgyad pa'o//// de nas bka' stsal pa// phyir dam can dang chos skyong bsgrub pa la/ / pho dang ma sbrel bar mo rkyang du bsgrub na// de nang zan byed pa'i khyi mo dang 'dra'o// mo dang ma sbrel bar pho rkyang du bsgrub na// rje bos ma 'chun pa'i 'khor po dang 'dra'o// de bas na thabs shes rab zur du 'brel bas bsgrub par bya'o/ / zhes gsungs so// le'u dgu pa'o//// de nas dpal ya man ta kas// gsang bdag la bka' stsal pa nyon cig/ rgyud 'di ni 'dus pa nag mo gsang ba'i rgyud ces bya ba/ / shin tu gsang ba'i rnal 'byor pa// bde ba dang ldan par bya ba'i thabs khyad par can yin te// kun la mi bstan par sems la bcang zhing gzung bar bya// yod ces grags pas mi ngom// blo la blangs la ri 'am/ / rdza 'am// brag la sba'o// zhes dpal ya man ta kas gsungs pa dang// gsang ba'i bdag po yi rang nas// mngon par bstod par gyur to// le'u bcu pa'o//// ral gcig ma nag mo 'dus pa nag mo'i rgyud ces bya ba rdzogs so/ /// rgyud 'di slob dpon ru bu g+hu ya de ba tsan tras rdo rje gdan gyi byang ngos nas brag phug sgong nga rang 'khrungs kyi nang nas bton te// bod kyi ban de rdo rje yang dbang gter la gtad pa'o/ / bdag 'dra sangs rgyas ye shes kyis// rgya gar mkhas pa'i zhal brgyud nas// gsang ba'i rgyud 'di zhus nas bsgyur// spel bar mi bya snying dang 'dra// las 'phro can la btsas su sbas/ / dam can kun la phan thogs shog// shamah+yaH rgya rgya rgya// I ti//// rgya gar skad du// e ka dza Ti ka li kA ya wAg tsit+ta gu na karma san tsa tsit+ta ka ma tan tra// bod skad du// ral gcig nag mo'i sku gsung thugs yon tan 'phrin las lnga'i snying thun rgyud// dpal mchog sku gsung thugs kyi bdag nyid la na mo/ / sku dang gsung dang thugs dang gsum// yon tan 'phrin las gnyis te lnga// 'dus pa thams cad sku yi phyag rgya yin// de bzhin nges par rtogs pa'i chos// phyag rgya nges bar sku nyid bsgrub/ / drag po'i gnas rnams bsgrub pa'i rgyu// de yi phyir na rtag par yang// thog mar btsal sa gzhi la/ kha dog dmar po zang zing la// mi ro 'khor na yod pa'i sa// yang de lung gsum gru gsum e/ / yang na dbang gi zla gam la// sa 'am mkha' la de 'dra bya// rgyun lam mi srun mi 'dul med// nyams dga' dben pa'i gnas nyid du// de nas bsgrub pa'i sa ru brtag/ sku de nag mo gsung de smug/ smug nag thugs la yon tan sngo// 'phrin las dkar mo nyid du'o// sbyir na rnam lnga zer ba tsam// nges pa med pas dza Ti nyid// gang ltar bsgrubs kyang ral gcig la// mos pa'i dbang gis so sor snang/ / nye ring me tog gang yang 'dra/ gtso ru blangs na grub par 'dra// dpal de che bas de nyid don rtogs pa'i sgo nas gsungs pa'i le'u ste dang po'o//// de nas ma mo dza Ti ma// sku de gang yang 'dra bar ni/ / mngon par bstan phyir 'di lta'o// lta ba zab mo nyid kyi sku// spyod pa zab mo yang dag gnas// las de zab mo mngon du dbyung// trag ces bya ba rgyu yi mchog/ rag sha srog gi rgyud nas 'dren/ / kha mun tra ni dbyings nas bskul// ru lu ru lu 'khor rnams sdud// te kem sngags tshos dbang du byed// oM dang ces res bsnyen pa nas// btsan mo ma tis dbang bskur bya// smri ta rag mos las la bzung/ / gsad pa'i sngags rnams shes par bya// dkrug pa'i sngags kyis dkrugs nas kyang// gsad pa'i sngags kyis shi sa bstan// mngon du bstan pa'i le'u ste gnyis pa'o//// bal mo nag mo zhes bya ba/ / phyag na rdo rje rab tu ston// bsgrub mchog kun gyis bstod bya ba// gzhung dang mthun pa'i gnas nyid du// las kyi maN+Dal bri ba yang// gru gsum sum brtsegs zla gam bskor// thal cher 'phreng ba de bzhin gtang/ / sgo rnams sgo khyud lcags ri me// ji ltar mdzes pa bri bar bya// thod pa nag po dbus su gzhag/ pad+ma rag ta bde ba'i dngos// sbrul dang phag pa nag po yi// sha khrag snying la sogs pa dang// dug sna mang po der blugs la/ / gzungs thag btags la sngags 'di bzlas// du ni dun ting dus ya dza du ru// dz+wa la ni ha na dza// du ma rag ste dza b+h+yo dza// khrag dug thal chen rtags gsum gdab// dpral ma 'khur tshos phobs gsum gdag/ nyi shu rtsa gcig bar du bsgrub// sdang byed sngags 'dis dbang du bsdu// e ta tsa ra sa ma ya dz+ha dz+ha dz+ha// e sa ma du ling dz+ha dz+ha dz+ha// ra ya pra ti du yar ya dz+ha dz+ha dz+ha// lus ngag yid gsum dbang du bsdu pa'o/ / las la gzud pa 'di bzhin no// tsa ra ma snying kha rag ra ti// badzra dun b+h+yo thum ri li li rbad/ de yis las gzud par bya// dmigs pa'i dgra bo sdang byed de// lha dang sngags 'dis dbye bar bya/ / trag rag sha mo ni sham sham las la b+h+yo// srog rtsa la kha mu tra mu ru lu ru hU~M b+h+yo hU~M// zhes lha lngar dbye bar bya// dam la gdags pa'i sngags 'di bzlas// trag rag sha kha mu tra trag mo ni snying la shad shad b+h+yo/ / ru lu ru lu hU~M b+h+yo hU~M// mad la gdags te dbang du bsdu// de rnams las rnams sngags rnams so// bal mo'i le'u ste gsum pa'o//// gang zhig las de gang bsgrubs kyang// de yi rdzas dang mthun pa sogs/ / gtsor ni brnol dgra'i thod pa la'o// tha ma gang rnyed gri mo la'o// drag po sngags de yang dag pas// dgug gzhug pa bstod pa las rnams bya// lha spyod ldan pa'i gnas su ni// rtsa sngags rgyal po trag ces bya/ / za byed nag ma rag sha yin// mi za mgyogs ma kha mun tra// mu de mi mngon dbyings ma yin// ru lu ru lu gtso la dgyes// sdud par byed pa hU~M zhes bya// las la 'gyed pa b+h+yo zhes bya// tha mar thim byed hU~M zhes brjod/ / rag mo srin mo dngos yin te// te ke ma zhes pa bsto pa dgyes// bcu drug bod pa de gting yang// bsgrub pa zhes su smos pa'o// smug mo gsum du bsgrub pa'o// mos pa'i dbang btsan 'ga'i bzhed/ / le'u bzhi pa zhes su gsungs// yang de smug nag dag la yang// rigs dang gnas dang bzhed pa yang/ spyi yi kun dang mthun pa'i gnas// yang dag snying po 'di dag go// trag rag sha mu tra kha mu tra mu ru lu ru lu/ / hU~M b+h+yo hU~M// trag mo te kem dza dz+ha kha la ma ting b+h+yo// ma ma trag rag sha kha mun srog bam ril snying sha khal mo trag dun b+h+yo// trag mo snying rda long trag mo shi sham srog rtsa dun b+h+yo// thugs la dgod pa'i trag bdun pa'o/ / yang dag sngags te gter chen po// trag sngags zhes su bsngags pa yin// rbad ces bya ba drag sngags so// hU~M zhes thams cad sdud pa'o// b+h+yo ni kun gyi sgra la 'jug/ 'byed pa'i drag sngags cad rgyun du gcod pa'o/ / thugs kyi gter chen man ngag dam pa ste// bsgrubs na kun yang 'grub pa'i ste le'u lnga pa'o//// yang de e ka ral gcig ma// nag mo sgu'i 'di dag go// maN+Dal cha mnyam yid 'ong la/ / spyi yi las la gzhung bcas bzhin// dbus su nag dang dmar po rtsig/ dmar po zla gam mu khyud zlum// thod pa'i 'phreng bas bskor ba la// sgo khyusgo rnams de bzhin bri// dbus su sha khrag gtor ma dang/ / gdug byed ling ga phur bu zhal// skyer ba'i shing yang bya ba yin// rtsa ba zur gsum chag gang ba// bzho gsal nub byang zur la'o// rdzas la sogs pa dbang bskur bya// trag rag sha kha mun tra rag mo ni rag mo snying la dz+ha dz+ha dz+ha/ / btsan mo ma ti pa tra dza tsa kra dz+ha// nag mo ni 'ubs 'ubs rbad swA hA// zhes dbang bskur ro// gtor ma chen po nub tu gzhag/ pad+ma me tog gal chen no// snying sna sha khrag sna tshogs pa/ / bsnol gri mo yi thod par bsag/ mthing nag dar gyi gur khang dbub// dbus kyi mthing nag gru gsum la// dkar po gsum gyi sged dkar gzhag/ phur chen lcags phur skyer pa gsum// pho brang me yi gru la gzugs/ / ru dar nag po rtse lnga pa// rtse gsum pa yang mdung la gdags// rma bya'i rgyal mtshan phyang te bya'o// bya lug nag mo gsob de gzugs// dbang po me tog snying khrag sna/ phyi nang spos kyi dud pa dang/ / tshil chen khu ba sbyar ba dang// spa ra ma ti'i mchod pa yin// nang nub nyin mtshan gung la dbul// 'dis ni gnas nas skul bar byed// oM ru rag sha shrI he ru ka pe ta li rag sha sa mun tra mu ru lu ru lu hU~M b+h+yo hU~M/ trag rag sha mu trag mu ru lu hU~M b+h+yo hU~M// dbang du sdud pa'i sngags 'di bzlas// smi ta rag mo trag mo ta ke ma dz+ha dz+ha rbad b+h+yo// trag trag baM baM rbad phyed nri ma kyi la ya phye// sngags dang bcas gzhi legs pa'i sku dang spyi'i le'u ste drug pa'o/ /// de nas sku gsung thugs las bka' nyan yon tan tshogs// sngags kyi ma mo mthu chen mo// e ni bde ba grub pa'i gnas// brnol gri mo yi srog snying rtsa// dme sha gsum la rkan phab pas/ / da lta dme sha gsum la dga'// dbus su khrag dang bcas pa'i rten// de bzhin mthing nag gru gsum rten// trag bdun par ni gru gsum bskor// rang gi srin lag g.yon khrag phyung/ / mtshan ldan dum bu drug pa la// de bzhin khrag gi trag gcig bri// phyi ni sol chen dug gis byug/ ling ga ci ltar 'dod pa'i dbyibs// ngan sngags drag pos 'gugs pas bskor// de nas thod pa'i nang du gzhag/ dgu dang bcu bdun sngags 'di yis// khrug gi khi phrus lha dang dbye// bsnyen pa'i sngags ni 'di nyid do// trag rag sha mu tra kha ma ti b+h+yo// ru lu ru lu rag mo b+h+yo// dbang du bsdus la gnad la 'di yis dbab/ / oM rtsa re yaM snying la kha rag/ ra sri badzra dun b+h+yo// oM me dar lig snying khar rag rbad// oM me da ra d+hing thuM ril rbad// ces gnad nas bskul bar bya'o// de nyid sngags dang yon tan gyi le'u ste bdun pa'o/ /// ma mo bskang ba'i dam pa la// dngos grub 'dod pa'i rnal 'byor pas// dam la gnas par bya ba gces// rdzas de bam la sogs pas bskang// rma bya rgyal mtshan ru dar dang// bya lug rten dang gtor mas bskang/ / khyi dang bud med spang par bya// 'dod chags bya la rdzas mi bstan// sngags la mi dang gtam mi bya// mthun rdzas 'byor tshad bsag bstabs bya// mchod dang bstod pa bya ba gces// sha chen gtor mas bskang zhing dbul/ / sngags ni drag po 'di yis sbyin// oM trag rag sha sa ma ya dun b+h+yo// snying khrag snying khrag kha la dun b+h+yo// mi ti ti sta dz+wa la raM khA hi// 'bras bu sna tshogs gtor ma 'di// e ka dza Ti'i zhal du kha raM khA hi/ / de bzhin rdzas rnams dbul bar bya'o// thugs dam bskang ba'i le'u ste brgyad pa'o//// dkrug sngags kyi gsad pa 'di gsungs so// trig trig ser ser// ku lu ku lu mo ku lu mo ku lu tsa ha tsa ha/ / mu sta dza la kha re tsag ra ling mu ru myogs lti ltang bu phyag phyug ma he he ste bshal bshul mu hU sa ne tsag tsag tsig tsig lu ta ma ti ha le he ste bu gu sti sta// myogs myogs thum thum dkar ldan me he ste hU~M/ / kru ma lu tse// ma ma rag sha ma ma rag shi snying la thun snying la hur hur rag mo khrag la dun dun b+h+yo dza// tsing ling mu kha ye kod kod mi he ha mi mya mya me tsa// hu tse hu mu he he tsing ldang lding khu tsog na tsa ha ma ka ste/ / a ting mu lu tsa ga he ye ha ra mi sting ting phrab phrab phrib phrib tsing lding lding hu tsog na ha mu ka le swA hA// mi lo ka yang shi byi mog sta re he ye rbad// thod pa mtshan ngan dum mangs su// dug sna snying sna khrag sna dang/ / ba bla thal chen rnams dang sbyar// sku la gtor zhing bzlas pas dkrug/ ces pas dkrug pa'i le'u ste dgu pa'o//// 'phrin las sgrub pa 'di nyid de// ma mo sngags kyi bdag nyid ma// gnas la chags pa'i bdag po ma/ / snying gi nang du ming rus gzhug/ mi yis rgyus pas kha de btsem// ma nyid zhal bris de la bstod// sngags ni 'di yis bsgrub par bya// rag mo dza dza ma dun b+h+yo// trag rag sha kha mun tra mun tra ma ru lu ru lu hU~M b+h+yo hU~M/ / rbad pa'i snying thun 'di yis bya// trag rag sha badzra tig sna sa ma ya b+h+yo// gsad pa drag po 'di dag go// e ka dza Ti snying kha rag baM ril srog/ mo srog mo baM ril b+h+yo// a kar nag mo rag yag sha b+h+yo/ / gtsang thun nag pos brnag cing bsad// e ka dza Ti me da ra ling snying kha rag ra sri badzra dun b+h+yo// e ka dza Ti mi sha dgra bo la phaT// g.yon du dug shing me btang ste// snying phyug de la bsreg par bya/ / bstod mchod lung dang ldan par bya// snying thun spyin sreg 'di ltar bya// nyi shu rtsa gcig ling gi bris// dgra bo nang du gzhug par bya// yang na ri lu gzhug par bya// yang na sha tshul nang du gzhug/ 'bar ba me yi zhal du bsreg/ khrag sna tshang bar 'tshogs par bya// ma trag ma rag sha ru tra ru tra ma ra ya b+h+yo// ma ma snying kha rag snying thig ling rbud// yag sha snying te keM rbad phu rbud mA ra ya rbad// dam la dam tshig sngags 'dis gdags/ / snying kha rag dam dza dza// sa ma ya snying kha la yag k+sha dza dza// bsnyen bsgrub 'phrin las kyi le'u ste bcu pa'o// tsit+ta mngon phyung 'di lta ste// skyes pa dar pa'i snying nang du// sning sna mang po btags la blugs/ / ba bla ser pos phyi rol phyug/ ban da dum bu gsum par gzhug/ bya nag lug nag snying rnams dang// spyang ki'i snying khrag gal che ba// pad+ma rak+ta med mi rung// sha khrag snying tshogs 'byor tshad bsham/ / thod pa mthing nag dar du gril// dgra bo'i ling ga 'brub khung du'o// thal chen gu gul dkar nag blugs/ yungs kar ske tshe la sogs brab// ru dar dmar pos g.yab cing 'bod// sna tshogs snying khrag sbyar bas bskangs/ / dam ma 'dres dang bud med spang// de ltar ldan na 'grub par nges// snying de dngos su 'byung bar nges// drag po'i sngags 'dis bsgrub par bya// rag mo ni sa ma ya rag mo ni u tsus sma rag mo ni her ham ru la ya yak+sha trag mo i sa ma ya 'ur 'ur snying tsit+ta kha lo rbad/ / kha la yag sha trag dam dz+ha dza// snying ni 'ur then khrel snying sha bam kha rag sha dz+ha dz+ha/ de yis bsgrub par bya ba yin/ / trag trag nir b+ha b+ha rag sha ro la snying phyung// nrir snying la dza dz+ha sa ma ya pra ma gur ting he ni shag dz+ha dz+ha b+h+yo/ gdan la 'phab pas dngos su 'byung// snying de dngos su 'byung ba'i le'u ste bcu gcig pa'o/ /// tsit+ti dz+wa la las 'di yang// mdze po dag gi thod pa la// nang du sman sna ci yang blugs// ming rung mi rtag khyi khrag bri// thod pa mthing nag dar gyis gril// drag sngags dag gis gzir bar bya/ / sbal sbrul sha tshil ming rus gzugs// thod pa'i nang du bsreg par bya// bdun dgus bsgrubs la gnan pa bya// drag sngags 'di dag bzlas par bya// trag rag mo rdi la rbad// sair rdir shar b+h+yo/ / oM ba sha myo ko du ru ma shig ki kang dza la ti yaM a tsi te nA ga ku ru sha tang tsit+ta mar ya phaT// thal ba chu mig dag tu gnan// mdze nad kyi le'u ste bcu gnyis pa'o//// yang de dug thun 'di nyid las/ / nag po rabs chad tho pa ru// mngal khrag dang ni dug sna mang// khrag sna chang dang sbyar ba blugs// le brgan dar gyis gril bar bya// g.yas su mthun rdzas gzhag par bya// g.yon du dug gtor drag po'o/ / bsgrub dang dbang bskur 'di lta'o// trag trag kur lan ser ser tug tug/ pra be sha a be she ru be sha kha thun b+h+yo// bsgrub cing dbang bskur des bya'o// trag rag sha snying kha ra sa tham sa tham shog tham bam rmugs bam rmugs ni ti sta dz+wa la kha'i/ / gdug pa'i ma mo dug mdog ma zhes bskul// bsad sngags 'di yis brab par bya// trag mo ru ru ro ru tsa pa la a shug me b+h+yo// me dar lig snying kha rag sa sri badzra du b+h+yo/ / e ka dza Ti// dgra bo mi sha la phaT// trag rag sha kha la mi ti snying du dun dgra bo kha la rag mo b+h+yo// du ni dun ti du ru ha na rbad phu rbad// phu tshal pa bam ril trag rag sha rbad gag sha rbad snying rbad kha thun rbad tsit+ta rbad/ / yag mo te ke ma dza dza ste snying kha la rak+sha sa ma ya dam dza dza// zhes bskul bar bya'o// dug gi le'u ste bcu gsum pa'o// yang ni zor zhes bya ba 'di dag ste// ban dum bu bzhi pa ru// las kyi dkyil 'khor bri bar bya/ / rtsibs la dbang bri mdun la zhi la// lto ba rgyas pa byang du e// nang du yag sha yab yum la// dbus su gdug pa'i ma mo nyid// phyi rol sol bas nag por bri// de bzhin gru gsum steng du gzhag/ nang du mthun pas rdzas rnams bsog/ bsgrub pa yab yum ma yi sngags// bsnyen pa'i snying pos bya ba yin// bsgrub pa grub pa'i rtags dang sbyor// 'phrin las dus su 'di ltar bya// bsnol gri mo yi thod pa ru/ / khrag dug sna mang po 'tshogs par gsog phyi rol yang ni byug pa'o// sngo dmar bal gyis kha bcad la// drag po'i sngags kyis bsgrub par bya// trag rag sha kha mun tra b+h+yo// ru lu ru lu trag mo nag mo ha na nag mo tsit+ta trag sha la b+h+yo/ / trag mo ni har hur snying yag sha kye ma dza dza pra pe sha phaT// gang la dmigs pa brdeg par bya// ser ba 'dod na rkang sgyed la// 'phrin las sngags bzlas thab sbub la// thal ba thod par dril la gtang/ / ni rang khug tsi ta baM ril shag shil// ces ni rkang gsum phyogs su 'phangs la gtang// drag po las kyis bsad na/ 'brul khung nang du ling ga ni// ming rus bcas pa sngags kyi gzer/ / tshes bzhi zla ba zer ka la// nub nas shar du brdeg par bya// brab dang dgug dang brdeg pa bya'o// ling ga gcig thod par bsreg/ bsreg pa'i sngags kyi mnan la dbab// tsit+ta baM ril zhug dar ya/ / rag sa rag khrag khru ge ni baM ril snying la shag shig baM ril rbad// ces thod par bsreg/ thod pa zor gyi le'u ste bcu bzhipa'o//// las 'di ltas ngan dbab pa'i// ban da mtshan ngan dum bu drug/ de nas snying sna khrag sna dang// sha sna ma lus 'tshogs tshad bsag/ 'bru sna mang la ngar blud bya// ltas ngan sna tshogs gzugs brnyan bri// rta nag khyi nag thod par gzhug/ dgra yi phyogs su bskul la gnan/ / de nas sme ba'i khrag rnams la// lcags kyi dug mda' 'di yis bskul// tshes bzhi'i srod la phyogs su 'phang// trag rak+sha kha mun trag e ka dza ti snying kha la sha ma b+h+yo// rag mo her ma her ting kha la rak+sha b+h+yo/ / ma ma snying kha rag sha dun b+h+yo/ bskul ba zhes su bya ba yin// rag rak+sha e ka dza Ti snying tsit+ta ni yang kha te khum sham sham las la b+h+yo// zhes bya ste gnan te bskul bar bya'o// trag rak+sha kha la dun b+h+yon/ / nag mo dun ting ling ma shar b+h+yo// zhes rta dbab par bya'o// ltas ngan cho 'phrul le'u ste bcwa lnga pa'o//// ngan thabs gnan pa 'di la// gdug pas gang zhig sa blangs te// sug sna khrag sna mang pos sbru// dgra bo 'dzub mtho gang du bya/ / gro ga shing shun dag la lig ga bri// drag po'i sngags kyis mtha' ma bskor// gu gul dud pas bdugs nas kyang// lha dang dbye ba drag por bya'o// oM swa man mud 'ub kha yud ti ste yud ste shig shig 'gram yal 'gram yal de ltar cig na lha dang dbye'o/ / thod pa'i nang du bcug nas kyang// bdun nam bcu drug dag la gnan// ling ga bsregs pa'i thal ba yang// ba ru nang du blugs la gnan/ / chu mig nag po'i 'og tu bskyal// mnan pa zhes su bya ba'i le'u ste bcu drug pa'o//// de la mtha'i bstod bskul la// bskyed pa'i ting nge 'dzin la sogs te// de nas mtha'i bstod bskul la/ / hU~M// mi mngon mkha' dbyings yab yum gnyis// sngags bsrungs nag mo sku yi ste// gsang sngags nyid kyis gsung bskul lo// g.yu 'od 'bar ba thugs bskul te// gru gsum mthing nag yon tan bskul// yang dag sku cig 'phrin las bskul/ / mtha'i bstod bskul le'u ste bcu bdun pa'o// sku gsung thugs yon tan 'phrin las lnga// dug thun mdze dang ltas ngan zor dang bzhi// tha ma gnan dang las bcur tshangs pa'o/ / rgyud du bstan te las kun tshangs pa'i rgyud// phyi rabs pa phan pa'i don du gces// tha ma gtad pa'i le'u ste bcA brgyad pa'o////-I ti//// rgya gar skad du// tsir ma tri ya sha pra ta pra le tan tra// bod skad du// e ka dza Ti thugs kyi gsang ba sa ti nag po'i rgyud ces bya ba// kun bzang he ru ka la phyag 'tshal lo// 'di skad bdag gis thos pa'i dus gcig na/ / lcang lo can gyi pho brang nas// kun bzang lha'i rgyal po yis// byang phyogs ri ma la ya yi brag phug tu// yang dag gi thugs kyi sgrub thabs// rtag tu gsang ba'i snying po bsgrags pa// e ka dza Ti'i las rnams 'grub/ / ces gsungs so// de nas badzra pA Ni yis drag po dgu dang bcu bdun sngags// sku gsung 'dod thugs dang yon tan 'phrin las las// thams cad bsgrub phyir las bdun drag po bstan/ / dgra bgegs thams cad rtsad nas gcad pa yi// ye shes lnga yis dug lnga gnas su bsregs// rtags pa'i sngags dang las rnams rim par shes// thams cad ma lus 'grub pa'i lung du bstan/ / 'dod pa'i drag sngags thams cad ma lus 'byung// gso bsrungs las mdzad bskong bzlog ci 'dod sgrol// dbyings las sku'i phyag rgya cho 'phrul rnam bzhi 'byung// phyag rgya rnam gnyis bsgrub par bya'o/ / da nas e ka dza Ti la// dbyings las bskyed dang shes rab ste// las kyi ral gcig byung tshul lo// ngang por bdud pa'i 'phreng ba can zhes kyang bya ste// bdud mi zan spa ro gces kyang bya ste// sems can gyi bdud du che ba dang/ / bdud mo kun dga' mo gnyis dang las sems mthun pas// thams cad la 'dud de nas lus mthun te// nam shob las chags te// pha yis smon lam btab pas khye'u ru skyes shig par smon lam btab po/ / mas smon lam btab// bu mor skyes shig par smon lam btab pa las// ma'i smon lam brtsan nas// bu mor skyes so// skyes ma thog bya ba mang pa las// pha mthu chungs pa ma dga' nas/ / ma gnyid log pa'i bar du bu mo lag pa nas bzungs nas// thal khung du bskyur te// gtang ba las// ma gnyid sad nas bu mo med de btsal bas// thal khung na sbas 'dug ste/ mas ngus nas bu mo shug sgrol ma drug dang/ / bu mo sgrol bgyid ma drug la las bcol nas// A yu tshe yu bruM gis brjod pas bu mo la lcags kyu byung ste// pha yis thal khung du ma bskyur na dbang du mi 'dus so// phas ma sma phab pas srid pa gsum la dbang byed do/ / phas ni ming btags pa bdud mo ya nag mo zhes bya// mas ni ming btags pa sbas pa'i ma mo thal mdog ma zhes bya'o// sbas pa'o ma mo ro langs ma zhes kyang bya'o// e ka dza Ti ral gcig ma zhes kyang bya'o/ / gnas ni nyin mo brag dmar po sul mangs 'dra ba la gnas so// sa zhag la 'bri khams ma brgya'i 'o mas mkhar brtsigs nas// phyi ltas ni spel le mkha' ro// nang ltas ni bcud re gsal lo/ / dbyar ni char pas mi tshugs so// rgun ni lhags pas mi tshugs so// de'i nang du thod pas brtsigs pa// ka gdung ni mchong las byas pa// dral phyam ni mu tig las byas pa// dur khrod kyi rgyun gyis brgyan pa'i nang na/ / e ka dza Ti bzhugs te// mgo la ral gcig ma// dpral na dmig gcig ma// kha na so gci ma// brang na nu gcig mas rnal 'byor gyi sri'i gso'o// phyag na lcags kyu rtse dgu sogs bsnams pa'o/ / zhabs la rkang gcig gi mi ro rtag ro'i khri la bzhugs pa// chibs su dre'u rta rkang gsum bcibs pa// mgo la ral gcig ma yis bskal pa'i mun ltar gtibs pa// dpral na mig gcig gis khams gsum yongs la sa le lta'o/ / kha nas so gcig gis skye shi gnyis kyi rtsa ba gcod pa'o// phyag na lcags kyu dgu brtsegs thogs pa'o// dam nyams dgra'i snying nas 'dren pa'o// mi ro rta ro'i khri la bzhugs pa ni/ / ma mo kun gyi rgyal mo'o// rag ta'i rgya mtsho'i rba klong khyi li li// chibs su dre'u bcibs skad cig tse re re// g.yu mtsho sngon mo khyi li li// 'khor du ma mo 'bum gyis bskor// mkhar la srin bya nyin kyang khu 'debs pa/ / 'brog lcags mtshan kyang 'gyur ba bya// sna tshogs ltas ngan pa'i skad sgrogs// byang mtshi 'brog mtsho phyang nge phyang// e ka dza ti ral gcig ma dag ces su mtshan brjod ma gleng gzhi'i le'u ste dang po'o/ / gzhung dang mthun pa'i gnas nyid du// maN+Dal la sogs legs par bya// gru gsum mthing nag drag po tshul// zla gam rnam gsum dbang gi tshul// mu khyud zlum po zhi ba'i tshul// gru chad rgyas pa las rnams 'grub/ / bar khyams rdo rje ra ba 'gyur ba med// sgo bzhi sgo khyud med ri 'bar// lcags ri la sogs dkyil 'khor tshang bar bya// dam rdzas la sogs tshang zhing 'tshogs pa gces// mi dbang 'bras bu tshang ba dang/ / zhing chen tsit+ta spyang ku'i snying// bya nag snying dang lug nag snying// rta nag snying dang khyi nag snying// khyung gi snying dang ra rog snying// snying sna khrag sna tshang bar sogs// bsnol gri'i thod pa mu zi ra'i thod pa dang/ / mon dang rabs chad thod pa dang// gzhan yang drug pa 'am brgyad pa ni// dam can snod du shin tu bsngags// rgyal rigs rje'u rigs rus pa yi// dbang dang dngos grub brten du'o// rma bya'i rgyal mtshan dang ru dang/ / bya nag lug nag rten du bzhag/ dbus su spyan gzigs tshangs par byas la dpal gtor ro// nub tu khrag sna snying sna mang po la// ma mo yi ni gtor ma'o// mthing nag dar gyi gur dbub/ / dbus ni gru gsum mthing nag la/ mchog phur gsum po sged kar gzugs// phur chen lcags phur skyer phur gsum// pho brang e yi gru la gzugs// me tog la sogs snying sna khrag/ a ka ru dang du ru ka/ / tsan dan ga pur gla rtsi dang// dri zhim spos sna tshang ba dang// tshil chen dag gis mar me bya// 'dza' gad rag ta'i rgya mtsho dang// gzhan yang bskang ba'i dam rdzas kun// ci dang sngos la gzhung dang sbyar/ / dngos grub 'dod pa'i rnal 'byor pas// rdzas rnams bka' yang bsogs par bya// sngags la grangs tshad sel mi gzhug/ thugs dam bam gyis bskang nas 'grub// dam tshig nyams na las mi 'grub/ / bstod dang mchod gshegs bskul zhing rbad// gtor ma zas phud snang srid rdzas// bdud rtsir bsam shing dus su mchod// gza' skar drag po gdug pa las// dme khrag dug dang sbyar ba yis// ma ra ya yi ming rus bris/ / rjes sam snabs lud phyi sa 'am// gos sam skra shad gang rnying la/ ling ga rtsa gcig bcu bdun bya/ dug sbrul nag po'i lto ru gzhug/ ming rus bcu bdun yi ges brab// bsnol gri mo yi thod pa dang/ / rabs chad pho mo rak+sha dang trag/ nang du ya dang ma bris la// bar du ming byang ling ga gzhug/ sme khrag dug gi phyi rol byug/ nang du mthun pa'i rdzas rnams gzhag/ mthing nag dar gyis thod pa gril/ / gru gsum e la gzhag par bya// bsnyen pa'i dus su lha dang dbye// thod pa mtshan ngan dum mangs su// dug sna khrag sna dang// ba bla thal chen sme khrag sbyar// rdo phye zangs phye lcags phye blugs// byang shar mtshams su gzhag par bya/ / yungs kar rgyal pos gsang sngags brab// nub byang mtshams su snying thun gzhag/ rtag tu bzlas pa bya'o// gzhan yang bskang dang bsgrub pa'i mthun rdzas rnams// gzhung dang mthun pa dgod par bya/ / ma mo sa nag gi le'u las bca' gzhi'i le'u ste gnyis pa'o//// 'di na mar bsgom pa'i dmigs pa ston te// kun tu bzang mo chos kyi dbyings zhi ba'i ngag las che mchog drag po'i skur bsgom la/ / bdag nyid bcom ldan che mchog he ru ka/ dbu dgu phyag bcwa brgyad zhabs bzhi sku che la yan lag rags pa gcig bsgom// dbu dgu ni he ru ka dgu'o// phyag bcA brgyad ni dang po gnyis ban dmar rdo rjes 'khrug cig gsol pa'o/ / g.yas 'og ma brgyad ke'u ri brgyad// g.yon 'og ma sing nga ma brgyad// zhabs bzhi lha chen po brgyad brdzis pa'o// dur khrod kyi chas brgyad kyi mtshan pa gcig bsgom mo/ / de lta bu'i thugs ka nas// yi ge trag las e ka dza Ti sku mdog mthing nag dbu dgu thor tshugs gcig tu 'khyil pa// ral pa'i zar bu g.yas nas g.yon du 'khyil ba// khrag dang zhag gi thig les brgyan pa/ / phyag g.yas na sbrul zhags// g.yon na g.yu'i sbyang ma khrag thabs su bsnams pa// dur khrod kyi rgyan cha brgyad kyis sku la brgyan pa// gza' chen po brgyad kyi sku rags byas pa'o// dre'u nag po che la chibs la/ / sku la ber chen mthing nag gsol ba gcig la// 'khor g.yu'i spyang ma 'bum gyis bskor ba// ma mo nag mo 'bum gyis bskor ba'i nang nas bal mo nag mo gsum thugs las 'gyed pa// cho 'phrul dang gzugs mngon du ston pa'o/ / dgra bo'i tsit+ta mngon du 'byin pa'o// ma mo sa nag gi rgyud las// sku'i le'u ste gsum pa'o//// oM trag rag sha kha mun tra mu ru lu ru lu hU~M b+h+yo hU~M// rag mo te ke kha la ma ting b+h+yo dzA dzA/ / trag rag shad kha mun tra ru lu ru lu b+h+yo dza// rtag par bzlas pa trag rag sha nan mo ni sham sham las la b+h+yo// sa ma ya lha dang phrol cig/ srog rtsa la khu mun tra ru lu ru lu hU~M b+h+yo hU~M dza// bsrung ba'i lha lnga dang dbral pa'o/ / trag rag sha kha mun tra rag sha mun tra mo ka dza Ti trag mo ni snying la shad shad// du ni dun ring du la ya ya dza// du ru sba la ni ha na dza// du ma ra ha dza b+h+yo// e ra ra tsa sa ma ya dza dza// ra bra du dza mA ra ya dza dza/ / mA ra ya ma ma snying kha rag sti badzri dun b+h+yo// trag rag sha mun+ta kha mun tra mu ru lu ru lu hU~M b+h+yo hU~M// trag mo te keM dza dza kha la ma ting b+h+yo// trag rag sha kha mun tra tro sogs bam ril// snying sha ka la rag mo trag ni trag dun b+h+yo/ / trag mo snying rtsa lo trag ni sheM shaM srog pa rtsa la dun b+h+yo// oM trag rag sha sa ma ya dun b+h+yo// snying khrag sha b+h+yo// ma ti ta dza la ra ma// 'bras bu sna tshogs na gzigs gtor ma 'di// e ka dza Ti'i zhal du ba liM khA hi/ / trag rag sha mun tra rag mo na snying la dza dza// btsan mo ma ti pa tra tsa kra dza dza// nag ma 'bus 'bus rbad swA hA// oM ru rag sha shrI he ru pe ta li rag sha sa mun tra mu ru lu ru lu hU~M b+h+yo hU~M/ / hU~M trag mo ni keM dza dza// snying rbad b+h+yo// trag trag baM baM bad b+h+yo phye// nir ma kI la pa pha ye// trag rag sha kha mu tra kha la tra ti b+h+yo ru lu ru lu trag mo b+h+yo// gnad la dbab pa// oM tsa re yaM snying kha rag sgri badzra dun b+h+yo/ / oM me dang ra lig snying kha rbad// med rag+h+ra thuM ril rbad// sgrub sngags kun gzhi la dbab pa// trig trig ser ser// ku lu ku lu// mo ku mo ku// tsa ha tsa ha// mu stag tsa la kha he tsa ra ling mu ru myog/ lding ldang bu phyug phyug/ me ha he bshal bshul// mu su sa ni// tsag tsag tsig tsig/ mu haM te he ste// pu ru ti sta myog myog thuM thuM// dkar ldan mi he haM// ku ma lu tse phaT ni// ma ma rag sha snying la dun dun// snying la hUr hUr/ / rag mo khrag dun b+h+yo dza// tsing ming mu kha he// kod kod ma hi he// myi mya mya mye tsa hU~M// ru tse he mu ha he// tsi lding lding// khu tsog tsa ha mu he he// ting mu lo tsa ka ya har mi ting phrab phrab// phrab phrab ci lding hU~M tsog na/ / tsa ra mu ka ke swA hA// mi ling ka mang phye myog ste re he rbad// rag mo ru ru rtse ru rtse ru trag sha kha mu tra e ka dza Ti snying kha rag rag mo ti ke ma dza dza// kha la ma ting snying kha la rag sha rag mo b+h+yo dza/ / rag mo ni// rag mo ni// dun ni dun ting// du ha na rbad pu rbad yu tsal pa bam ril hU~M phaT// trag rag sha rbad// gag sha rbad// rag ma snying rbad// tsit+ta rbad// kha thuM rbad// tsit+ta ni sha ma rar ya ma ra ya rbad/ / rag mo dza dza ma dun b+h+yo// trag rag sha kha mun tra mu tra ma ru lu ru lu b+h+yo// trag rag sha badzra ti ta sa ma ya b+h+yo// e ka dza Ti snying kha rag baM ril sogs mo baM ril b+h+yo// a kar nag mo yag sha b+h+yo// e ka dza Ti med dar lig snying la kha rag sgri badzra dun b+h+yo/ / e ka dza Ti mi sha dgra la phaT nan// ma mo trag rag sha mun tra mar ya b+h+yo// ma ma snying kha rag snying thil ling rbud// yag sha snying te keM rbad pu rbad da ra ya rbad// snying kha rag daM dza dza pra be sha phaT/ / sa ma ya snying kha la rag sha dza dza// snying thun bsgrub pa'o// trag rag sha kha mun tra b+h+yo// ru lu ru trag mo nag mo nag ha na nag mo tsit+ta ta trag sha la b+h+yo// trag mo ni har hud snying yag sha te keM dza dza pra be sha phaT/ / thun zor 'phrin las zhes bya'o// tsit+ta bam ril khub ta ya// srog snying la brdeg ces kyang bya'o// yag sha rag sha khrag khrug rnams baM ril// snying la shig shig baM ril rbad// snying mo na tu dbyung ba/ / trag rag sha e ka dza Ti mA ra ya'i tsit+ta la rag mo ni sa ma ya// rag mo ni u tsus ma// rag mo ni har ham du la ya// yag sha trag mo is is// sa ma ya 'ur 'ur// ma ra ya'i tsit+ta la rbad// kha la rag sha trag traM dza dza/ / tsit+ta ni zhung thed khrol// sni sha baM kha rag sha dza dza khug/ trag trag ni ra b+ha b+ha// rag sha ma ra ya'i snying phyung// ni tsi ta la sa ma ya dza dza// phra ma kun ting// phra ma kun ting// he sha ga dza dza b+h+yo oM/ / e ka dza Ti trag rag sha tsit+ta la mu ru myag ling sni sha paM// tsag le mu ru sod snying baM ril// trag rag mo snying kha la rag sha ti ta rbad// trag tral ga tsi ta rbad// e phaT/ tsit+ta la rbad na dag pa'i mchog chen po'o/ / srog paM ril// tsit+ta da ra na rbad// srog trol da ra ka kums rbad// khoM thuM ru na shag tshal pa rbad// tsit+ta la mugs thigs sa ma ya snis srog khyer rbad// sod sod a lo sha srog khyer rbad// tsit+ta la baM la ril li rbad/ / ma mo nag mo sa nag gi rgyud las// gsung drag sngags kyi le'u ste bzhi pa'o// da ni gsad cing 'pham pa'i dam tshig dpog pa ston te// mar ya gsad cing myur du bsgral ba dang// smyo 'bog brgyal nad du gtang pa dang/ / mdze nad dug mdar 'phang pa'o// de la mA ra ya myur du gsad pa ni// de yang dang por gru gsum brtsig/ nang du sel chen gtang bar bya// kha khyer thal chen bskor bar bya// mu khyu zlum po zla gam bri/ / thod pa'i ra ba shes par bya// me ri dmar nag dag gis bskor// gang yin las kyi 'khor lo bskyon// pho thod mo thod drag po la// yam dang ma ni gnag dang dmar// bar du ming rus ling ga gzhug/ shing bu drag po dbang bskur gzugs// lcags phur sor bzhi man ngag can// yab yum bar du 'khor lo bskyon// ming rus bcu bdun ling ga kun// 'khor lo mtshon chas tsit+ta gshag/ 'khor lo rtsibs bzhi brgyad dang bcu drug rtsibs// lcags dang gser las byas pa yis// bcu drug zang dang dkar po dbus// gru gsum mthing nag kha khyer can// zla gam rnam gsum rang bzhin no/ / drag sngags lnga pa dgu dang bcu bdun no// mon dang rabs chad thod pa dang// rnel dri mo yi thod pa la// phyi rol dme khrag gsum gyi byug/ nang du dug sna tshang ba dang// yungs kar yungs na ga thal chen blug/ de ni lto zur dag la'o// bca' gzhi bstan pa'i dam rdzas la// khrag gis byugs la dgod par bya'o// de nas bal mo'i ngan sngags 'di// kha ru khrag blug lha dang dbye// oM e ka dza Ti mA ra ya tsit+ta srog thums rbad/ / nyuM bA bA Tu ba tu nya maM braM hraM dra na ma ra ya tsit+ta srog thums rbad// a oM oM hU~M rbad tra t+ya har ta d+ha taka haM// li ra// ga ra// g+h+ya tsad// hU~M har mo// ma ma kha kra tra// hra hra NA nA mA ra ya tsit+ta srog rbad/ / 'khor lo la ni rim gyis bris// yi ge brgya pa 'don gyi na dgod// rnal 'byor ting 'dzin gsal ba yis// kha ru khrag blug brab la bzlas// kun dug ma yi tsakra yi// sngags de bar du gzhug par bya ba yin/ / rtags pa'i snying po dang po bzlas// trag bdun gnyis pa bzlas par bya// gsum pa dkrug sngags chen po bzlas// bzhi pa rten pa tshang bar bya// zhag gsum tsakra bskor byas la// gang la bya ba'i gdon mi za/ / khyab 'jug 'khor los bcas gyur na// sems can gzhan lta smos ci dgos// de nas sngags de 'bum bzlas te// 'khor lo ral gris gtubs byas la// dug gi thun dang yungs thun dang// snying dang khrag gnyis thun rnams dang/ / sngags thun phur thun kun gyis brab// de nas drag po'i sbyin sreg bya// sngags ni stong gis mchod par bya// thal ba khrag gi bsregs nas kyang// sum cha gcig la mnan pa bya// de ltar byas na 'grub par 'gyur/ / sum gnyis dgra bo'i yul phyogs sam// nye na khang pa rang la brdeg/ yang na khang pa'i 'gram du mnan// ma mo sa nag las mA ra ya myur du gsad pa'i thugs kyi le'u ste lnga pa'o/ /// de nas mdze nad dug du gtang ba ni// maN+Dal gong dang mthun par bya// shin tu drag po'i mdze thod la// dkar nag rdzas kyi phyi rol byug/ nang du klu sman sna tshogs dang// mdze nad sha khrag blug par bya'o/ / sbrul dang sbal ba'i sha tshil dang// dgra bo snabs lus mchil ma dang// bshad gci mchi ma skra shad kun// de bzhin thod pa'i nang du bsregs// ling ga sme ba'i khrag gis bri// drag po'i sngags kyis bar du gzer/ / mthing nag dar gyis thod pa gril// oM pa sha me ke du ru ma shig ku ka e ka dza Ti tsi ti dz+wa ka ti yaM a tsi te na ka ku ru sha ta dz+wa la mA ra ya phaT// de nas drag pos bsreg par bya// thal ba mdze thod chu mig tu/ / gza' skor drag po rtsibs la mnan// ming rus mi bsreg mnan pa bya// nag mo sa nag gi rgyud las// mdze nad dug mdar 'phangs pa'i le'u ste drug pa'o//// de nas smyo 'bog brgyal nad du gtang pa ni/ / maN+Dal gong dang mthun pa la// smyo 'bog shi ba'i thod pa ru// mA ra ya yi ming rus dang// gser dang dngul las byas pa yi// rgyal po the'u rang gzugs byas pa la// ming rus de la snying khar blan/ / dar zab dkor cha la sogs thod par sba// bal mo'i dam rdzas tshang bar bsog/ snying sna khrag sna tshang ba yang// thod pa'i nang du stsal bar bya// dug sna mang po'i gtor ma dang// dgra bo'i ming rus thod pa kun/ / nam mkha' dag la phyar byas la// rlung la phyar la sngags 'di bzlas// trag sha mA ra ya rtse te kha rag myos sa ma ya thams tham shog tham shog tham// baM mugs sti sta dz+wa la khA hi tsit+ta phur phyod myos 'ud bran phung sod a ro e phaT/ / ces 'bum bzlas la la btsas nyi ma'i nub mo nam phyed na mnan pa bya// 'bog brgyal du gtang ba'i le'u ste bdun pa'o// de nas dug gis gsad pa ni// drag po'i snod du sna tshogs dug/ mngal khrag smre khrag rnam pa stsal// sna tshogs dar gyis gril bar bya// sngo dmar dkar nag skud pa btags// nyid kyi sku gzugs phur pa la// srog gi snying po gdags par bya// g.yas su mthun pa'i rdzas rnams bsog/ g.yon du drag po'i dug gtor gzhag/ bsgrub dang dbang bskur 'di yis bya// drag tu kur ra lan ser trug tug trag be sha kha thun b+h+yo// zhes bsgrub dang dbang bskur bar bya'o/ / trag rag sha snying kha rag mugs baM ni ti sta dz+wa la khA hi// trag mo ru ru tsa pa la a shug me b+h+yo// me da ra li ba snying kha rag ra skro badzra dun b+h+yo// e ka dza Ti dgra bo'i sha la phaT// trag sha rag sha sha kha la mi ti snying du rag mo b+h+yo/ / du ni dun ting du ru ha na rbad du b+h+yo// rbad du tshal pa baM ril trag rag sha rbad// snying ga k+sha rbad// kha thum rbad// tsit+ta a lo rbad// yag mo he keM dza dza rbad// snying kha rag sha thun b+h+yo// sa ma ya daM dza dza thun b+h+yo/ / dug thun nag po 'di ni las drag po thams cad gdags so// dug thun bsgrub pa'i le'u ste brgyad pa'o//// rnal 'byor chen po gang zhig gis// e ka dza Ti sa nag bsgrub 'dod na/ / bya ba thams cad sngags pa yi// dgon pa dur khrod dben pa 'am// yang na brag dmar nags tshal lam// gsang sngags pa yi thig pa yi// rtsa ba yan lag dam tshig bca'// mig gi 'bras bu bzhin du bsrungs/ / rtaug pa'i mtshon chas spang pa dang// bdag kyang bdud kyi bu mo bas// 'jig rten mi gtsang rtogs pa yin// dam tshig thub par bsrungs pa yi// gsad dang gso ba bdag gis 'grub/ / gsang ba'i dkyil 'khor dbang thob pa'i// bla ma'i man ngag de snyed pa'i// phyag rgya rnam gnyis nges pa yis// ting nge 'dzin rtse gcig bsgom pa dang// rtsa ba dang ni yan lag gi// dam tshig thub par bsrungs pa ni/ / e ka dza Ti bsgrub pa'i mchog/ theg mchog smod cing skur la sogs// dkon mchog spyi dag la mi rtsod// theg chen mchog la mi gnod pa'i// bdag nyid dgra la rtsod pa dang// ma nyes pa la rtsod pa dang/ / nyes kyi rnal 'byor mched la rtsod// rnal 'byor nyams la mi rtsod dang/ dur khrod dben par mi 'dug dang/ rnal 'byor bsrungs ma yin pa'i phyir// dam tshig dbang dang las kyi 'brel// rtsod cing zhe la 'dzin pa dang/ / 'khon gyi bar du 'jug pa dang// 'jig rten pa yi mi gtsang ba dang// de lta ba yi las byas na// tshe yi bar chad 'byung ba'o// gzhan yang sa nag bsgrub pa la// shin tu gsang nas mi brten na/ / ting 'dzin shugs dang mi ldan pa'i// rnal 'byor pa yi rtsod byas na// rtsad kyang 'grub par mi 'gyur ro// de bas 'di ni 'da' bar dka'// dam tshig 'di las ma 'das na// e ka dza Ti ma bas byams/ / pa ti po grog pas byams// ma mo nag mo 'bum rnams kyang// mkha' la sbrin 'dus bzhin du 'du// dam can rnal 'byor gang zhig gis// ltabs thag gcad spyod pas la bor nas// mi chos g.yengs pa'i las la chags mi bya/ / grong yul 'du 'dzi'i zas la chags mi bya// rmi lam rin chen bstan par bya ba la// ma dang sgyug mor mthong na dngos grub rab// mdza' mo grog mor mthong na dngos grub 'bring/ / chung ma bud med gzhan du mthong na tha ma yin// de gsum byung na 'grub par gsungs pa yin// nam mkha' kha dog las kyi dus su ni// dmar nag sngo nag ser nag sbrin byung ba// sa nag grub pa yin par gsang bdag gsung/ / sa ti nag po'i rgyud las dam tshig lta spyod rmi lam gyi le'u ste dgu pa'o//// sa nag thugs kyi rgyud shin tu gsang ba// rnir sha ku ru rnir sha ku ru// kha so pa hri yam// sen men yaM/ / ru yaM// tsit+ta ku lu nan// tsha ram khad tsha kha ra ma// lce ram so ti kha ra ma su rner ti rner ti dza// tsan d+ha ha d+h+ri tri ra kha la sha rag tra du si du si trag ta raM raM// rdzogs so//// rgya gar skad du// e ka dza Ti gu h+ya ma ma rag sha nA ma tan tra// bod skad du// e ka dza Ti sgrol byed nag mo spu gri'i rgyud ces bya ba// dpal ya man ta ka la phyag 'tshal lo// 'di skad bdag gis bstan pa'i dus gcig na/ / dpal ya man ta ka rang bzhin gyi dkyil 'khor dang 'dus te stabs cig go/ de nas 'khor gyi nang nas rdo rjebade rtson byed mas gsol pa// ke e ka dza Ti spu gri'i drag sngags bshad du gsol zhes gsol te/ / gleng gzhi'i le'u ste dang po'o//// de nas dpal gyis bka' stsal pa// nyon cig rdo rje bde byed ma// sngags bsrungs e ka dza Ti spu gri'i rgyud 'di bshad kyis gus par nyin cig/ shin tu zab pa'i ngan sngags de// dang po dben pa'i gnas dug la// rdul tshon bri bar 'dir ma gsungs// srog gi yang snying zlos pa yin// gsang ba mi mthun sdebs bya ba yis// rnel gri mo yi thod pa rus/ / 'phrin las rnam bzhir dang la bri// pad+ma'i rag tas bri bar bya// de nang rnel mo tsit+ta ni// dar gyis brgyan la gzhag par bya// sman dang rag ta gtor ma bsham// mdun du 'brub khung nang du ni// ling ga bcug la thun yang brab/ / skye nas seng ldeng phur pas bstod// bdag nyid ya man ta kar bskyed// mdun du ma mo bskyed par bya// rang bzhin spyan drangs 'di ltar bya// ma ma e ka dza Ti trag rag sha e a ra li hring dza/ / mahA ba l-ing a mr-i ta rag ta pU tsa khA he// zhes mchod pa dbul bar bya'o// zhes 'phrin las rims pa'i skabs te gnyis pa'o//// de nas yang dag bshad bya ba// trag rag sha ma e ka dza Ti sa ma ya/ / snying kha rag ma dzA dzA zhes bod pa'o// ma ma ru pa lu baM mi tsa ra ro la kham thun b+h+yo b+h+yo// rbad pa'o// de nas ling ga la thun brdeg pa ni// trag rag sha e ka dza Ti kha la khu ne baM laM rag mo mA ra ya rbad// rmar ma shag ti tsiT gu lu rbad nan/ / tsit+ta tsa la khug srog baM li badzra ma hA tsa ta/ thum myags/ rtsa la thun rbad/ tsi t+ta mA ra na sod/ ma ra ya rbad// ces gsad pa'o// las 'og na bzlas pa ni// ma ma tsi ta dgra la b+h+yo/ rag sha sha na pa khuM ni/ baM laM myur du sod ces// rang la khu ldog med pa'i snying po ni// e ka dza Ti gak+sha yA trag sha badzra ru ni b+h+yo/ zhes so// sbyin sreg gi dus su/ ha dang ha pa tsa la tsarma/ ma ru rbad ces so// mnan pa yi dus su/ suM la ma trag baM kaM sa ces so// 'khang ba zer gyis dus su// baM ru lu ru lu b+h+yo b+h+yo// gsang ba'i ngan sngags kyi skabs te gsum pa'o// de nas bskul ba ni// b+h+yo// gru gsum mthing nag 'bar ba'i klong dkyil nas/ / gsang sngags kyi bsrungs ma mthu mo che// zhal gcig phyag gnyis sku mdog mthing// ral pa nag po shar ra// bse yi sen mo zangs se zang// dar nag ber chen lhabs se lhub// sku la zhing gi g.yang gzhi gsol/ / phyag g.yas zhe sdang tsit+ta bsnams// g.yon na g.yu yi sbyar mo bsnams// thugs las g.yu yi spyang mo 'phro// ma mo nag mo 'bum dang bcas// sgrol gyi shan pa pho nyar 'gyed/ / dgra bo sgrol pa'i spu gri mo// khyod kyi thugs dam dus labab// dgra bo las ngan sdig can 'di// mgo lus 'bral ba'i dus la bab// nang grol spyod pa'i dus la bab// tsit+ta dbyung ba'i dus la bab/ shan pa nag mo dgra la b+h+yo/ zhes so// bskul ba'i skabs te bzhi pa'o// de nas mang dag bshad bya ba// ma mo rgyu ba'i dusanyid du// dpyid zla ra ba bcu bzhi'i nyi ma phyed la ma mo rgyu/ dbyar zla ra ba'i bcwo lnga la ma mo rgyu/ / ston zla ra ba'i bcu drug gi nam gung la ma mo rgyu// dgun zla ra ba'i bco brgyad nyen dus su rgyu// nyi shu gsum la rtag par rgyu// de dus gtor ma gtang zhing las gnyer bsgo bar bya// zhes rgyu ba'i dus kyi skabs te lnga pa'o/ /// de nas yang bka' stsal pa// bsnyen pa bod pa'i snying po ni// bdun 'bum nyi khri bzlas par bya// de nas rbad pa 'bum phrag gdags// de dus bud med mon mor 'ong// bka' nyan zair na dam tshig sde/ / de nas gsad pa'i rim pa ni// 'brub khung nang du ling ga la// yungs kar khrag dang dug sna la// lcags phye zengs phye rdo phye dang// zla ba gcig tu thun brab de yis grol bar 'gyur// de las 'gor na gnad sngags gdags/ / de yi myur du grol bar 'gyur// tha ma spyin sreg mnan pa dang// zor kyang 'phang bar bya ba yin// rang la rtse sgo byung srid na// 'khur ldog med pa'i snying po bzlas// ces man ngag rim pa'i skabs te drug pa'o/ /// de nas yang bcom ldan 'das la lha mos bstod pa// bcom ldan 'das dpal ldan 'jam pa'i dbyangs// sku gsung thugs kyi gdug pa 'dul// srid pa'i ma mo dbyibs nas 'khor/ / ye shes khro bo'i sku la dad pas bstod// ces bstod do// bdun pa'o// de nas 'jam dpal gyis bka' stsal pa// rgyud 'di ni e ka dza Ti gsang ba spu gri'i rgyud ces bya ba// 'di gang na gnas pa na sngags bsrungs e ka dza Ti yang gnas pa'i bstan pa bsrung pa'i phyi bcang bar bya'o/ / gzur bar bya'o// zhes rgyud gzung ba'i skabs te brgyad pa'o//// e ka dza Ti gsang spu gri'i rgyud rdzogs so/ /// rgya rgya rgya// i ti// rim bu g+hu yi nyid la zhus// ya man ta ka la phyag 'tshal lo// e ka dza Ti'i gsang ba sgrol byed spu gri'i rgyud kyi man ngag bstan pa ni// dang po dur khrod dam dben pa'i gnas su rdzas rgyud ltar du bsham pa la/ / thod par dkyil 'khor bris la ling ga bca'// bdag yan ta kar gsal ba'i mdun du// trag las e ka dza ti sku mdog mthing nag// ral pas sa gzhi khengs par thugs ka dang par ral pa'i li gseb nas spyang mo 'phro ba/ / phyag g.yas tsit+ta g.yon na spyang mo bsnams pa// 'khor bud med mang po dang bcas pa bskyed la// spyan drangs pa la sogs pa rgyud ltar sngags kyis bya/ / mchod pa rnam pa rgyud ltar dbul// de nas bsnyen pa bdun 'bum nyi khri bskyal// de nas rtags 'ong ste// bud med nag mo dang mon mor 'ong// de nas rbad sngags 'bum bod pa dang sbrel la bzlas// de dus su rtags bstan par 'ong/ / de nas gsang sngags bod rbad la btags la// zla ba gcig tu thun bya'o// de nas kyang rtags 'gyangs la dgra de bsod nams dang ldan na// gnad kyi snying po btags la zhag bdun bya'o/ / des ni ji ltar 'gor kyang sgrol lo// gal te des kyang ma sgrol na// dug shing la me gtang la// me ma mor bskyed la sngags gong ma tsho la bsreg sngags btags la lan brgya rtsa brgyad bya'o// de nas thal ba dur khrod du mnan sngags bzlas shing mnan no/ / ma mo rgyud dus su gtang ngo// zor ma ra ngo la sngags dril la thod nang du khrag la bsngags te 'phang ngo// 'khu ldog byed na 'khu ldog med pa ni// snying po shas tsam drangs ngo/ / bskul nam gung la rgyud ltar bya'o// gsang ba sgrol byed nag mo spu gri'i rgyud rdzogs so//// bdag 'dra sangs rgyas ye shes kyis// 'di yi snod ldan med de gter du spas// las 'phro can dang phrad par shog/ rgya rgya rgya//// 'jam dpal nyid la phyag 'tshal lo// sngags kyi thems yig bri bar bya// sbyan drangs pa la yig 'bru bcA lnga// mchod pa dbul ba la bcu gnyis// de gong la gdags so// bod pa la bcu bdun pa'o/ / rbad pa la bcu bzhi pa'o// gsad pa drug cu rtsa gcig go// 'khu ldog med pa la bcu gsum mo// sbyin sreg la bcu gsum mo// gnan sngags la 'bru bdun pa'o// 'phang ba la yang bdun pa'o/ / gsang sngags kyi tshi thims yig 'di// mtha'i kha bzhi rab rgyud nas// gtan la phab nas yi ger bris// las 'phro can dang phrad par shog/ samathathatha// man ngag 'di yi gdams pa bstan pa// rgyud dang lag len them yig dang/ / dpe chung dang ni bcas pa'o// las 'phro can dang phad par shog/ I thI/ sa ma tha/ bdag 'dra sangs rgyas ye shes kyis// 'gal byed chos la phab ste gter du sbas// las 'gro can gyi bstan bsrungs mdzod/ / rtag khyung ma ngag snying dang 'dra/ rgya rgya// bdag gnubs kir rti pra d+ha yang// 'bral ba med par 'dir spyod shog/ ji srid snying po ma thob par// bstan bsrungs lag char mi 'bral shog/ bcom ldan 'das dpal he ru ka la phyag 'tshal lo// dpal ldan lha mo nag mo de// dang po 'dod khams lha yul du// lha dang lha min rtsod pa che// lha chen mdangs las sprul pa yis// legs ldan dka' thub bzlog pa yis/ / lha mor skyos te mdangs mas byas// de nas bde sogs bar gyur ro// 'dod lha kun gyi 'dod tshim byed// de 'og lha mo ma ru rtse// me tog tshogs la rol pa ste// lag na me tog mda' 'phen ma/ / de nas dur khrod lha mo ni// 'od zer can te ri khrod kyi// lo ma sngon po gos su gyon// lag na shing thog pi dza pu ra bsnams// de 'og lha mo tsun d+ha ste// dar dkar gos su rgyan mdzes shing/ / bdud rtsi bum pa'i nad rnams gso// de 'og lha mo stag gdong ma// bse gos gyon zhing rnga dkar thogs// mu stegs lta ba zhe sdang che// de nas lha mo me long gdong// me long rgya gram snying khar 'dzin/ / ta la'i lo mas brgyan pa ni// srog skal chu la zhe sdang ran// de nas lha mo don grub de// 'od can mdangs ldan dur khrod gnas// lha bran mang po chags pa'i yul// de nas dmu yi bu mo de// ma zan dan ting shags su skyes/ / rlung nag tshubs ma'i nang na gnas// de 'og ma mo kun sgrol gyis// chags pa'i mdangs la las skyes pa// kun grags zhes bya nag la 'tshig/ dan ting shags zhes kyang ni bya// ming po mdzod dang mdzod bsrungs yin/ / 'dod pa byed nas rig ngan ni/ ta li ta yis chung mar phyin// chen mo ya ta yas nis bskrad/ lung bong zhon te 'khyams pa las// gdol pa phag rdzi du ma bu dang/ srin rdo'i bar du 'tshos pa'i bu/ / zla ba tshang nas ngo tsha ste// sha zos lpags pa rked la bcings// tra li tra yi ral gri yang brkus te// mtshal thig can gyi tshem tshem yang// rnyen nas bong bu'i 'phongs la bkal// rma bya'i sgro rnyed mgo la btsugs/ / rgya mtsho 'gram gyi shi prig sha'i// lo ma rlung gis btsub pa yang// bar snang la ni gnas pa de// ral gri gung 'theb kyi blangs te// mtshal tig rdo gsol sbyar ba yis// shi ba tra li tra yi gzugs/ / bris na slar yang sems bkug ste// chags pa spyad nas dbang du byas// skra bshig phyin phyogs bltas nas su// ral gris bong bu bsdigs 'gro las// rgya mtsho'i gting du 'tshub mas skyur// der ni ral gcig grub pas ni/ / mthu rtsal kun gyi bdag mor grags// de nas gshin rje'i chung ma ste// brag dmar chol zangs 'dra la gnas// gsod gcod las la dbang thob ste// tra li tra yi yul du phyin// khyo dang chung ma gnyis ka gsad/ / 'gro ba'i tshe srog kun dbang byed// dri dang blangs kyis sems nyams byed// nam gung nyul len phyin pa'i tshe// ston pa dpal chen skur bstan nas// ma ru rtse yi sgor gnan te// drag po bsgrub par gzas pa las/ / dam tshig blangs te ngo sbyar nas// dbang drag 'bar ba'i dkyil 'khor du// dam tshig byin nas gsang ming btags// srog za'i phyir na za byed ma// sbyor ba yis na dpal chen ma/ / phyi dus dam bca' dung skyong ma// pho nya 'bar ma glog 'gyur ma// gung rgyug nag mo re ma ti// dza Ti grub pas ral gcig ma// de la sogs te mkhan stong btags// byung khungs kyi le'u ste dang po'o/ /// de nas de nyid bsgrub pa ni// ri brag gnyan zhing dgon pa la// rgya skyegs mdog 'dra chol zangs dbyibs// ri sna chu la zug pa dang/ yang na dur khrod dben pa dang// chu'i gling ngam yang shis par bshad/ / sngags pa byang chub sems ldan zhing// gdeng ldan lta spyod kun la mkhas// lha mo'i dbang rnams rim par thob// dam tshig brtul zhugs dang ldan zhing// bsgom dang bsgrub la rtag tu dga'// gtsu gzugs mang na bany+tsa'o/ / rta'i lo la bsgrub nas bskyur// zla ba mar gyi dus mtshams la// bya ba'i dus ni nam gung la'o// phyi nang 'tsho ba'i yo byad la// mchod pa rdzas dang lag cha sogs// khyad par du yang dgod pa ni/ / mtshon gyis dus byas snying khrag dang// mi dbang smin pa'i 'bras bu dang// tshub ma'i lo ma rdo sol dang// gang la bya ba de dang ni// mkha' lding shel sgong lhing nag dang// sems kyi rtsa lag ma nyams rnams/ / dkyil 'khor 'dom gang gru bzhi la// gru gsum zla gam gru gsum bzhi// sgo bzhi sgo khyud ldan par bya// zur gsum thod pa zhal gsum bri// gzhu bdun dgra sta brgyad kyang dgod// nang du rdo sol gyis ni gang/ / zla gam khrag sna gsum gyis byug/ rdo rje ra bas bskor bar bya// dbus su ral pa gcig ma la// zla gam gsum la dpon g.yog gsum// gru chad dag gam dpon mched bzhi gzhag/ sgor ni ma bdun sring bzhi bri/ / spyi blugs zho dang shun ches blag/ 'phreng chen bgrag zhing bsgom pa ni// ting 'dzin rnam gsum gsal ba las// dpal chen 'khor bcas gsal bar bya// bdag nyid yab yum thugs ka nas/ / dmar smug ma gnyis 'phros 'dus las// gcig las ral pa gcig ma ste// zhal gcig phyag gnyis thor tshugs can// sngo bas g.yas nas kha T+wAM kha// g.yon nas lcang lo snod bcud bcas// g.yang gzhi raka ta'i thig les mtshan/ / gzugs dang gnyis su med par bya// ma gcig byang shar mtshams su yang// rlung nag 'tshub ma'i nang du yang// lha mo bcu bdun dbur ldan pa// phyag g.yas rlung gi ral gri bsnams/ / g.yon na nad kyi rkyal pa can// ral pa can la rma byas brgyan// nag mo 'khor 'bum rlung dang bcas// bka' nod mdun na gnas par bskyed// dre sna khrag sman dmag dpon sogs// b+h+yo'i yi ge las bskyed par bya/ / dkyil 'khor nub kyi phyogs su yang// tshe yang rdzas rnams bshams nas su// tshe gzungs cho ga bya bar shis// rdzas dang thun rdzas tshang ba dang// spyan drangs mchod pa rdzogs pa dang/ / dbang du bsdu zhing dam bsres la// rnam gsum tshul du bsten par bya// rgyun gyi bsnyen pas 'phro 'du ni// bye ba yan chad tshang ba dang// rtags ni rlung dang 'brug dang char// 'ja' tshon mig ltas pra yang ston/ / chu 'gram gnyis kyi sa blangs te// smos pa'i rgyu yi bye brag las// mtshan dang ming nga rus lor ldan pa// byang shar mtshams su 'bras khung du'o// bdag gis ma nyes dpang btsugs te// rnam shes rlung dang 'dra ba la/ / bcu drug dbu yi pho nya dang// lha mo 'khor bcas sngags nas su// gzugs la phab ste bcings nas ni// rdo rje mtshon chas gu gul bdug/ drag po'i phur pas gdab par bya// gdung ba'i dbyangs dang ngag gis bsnyen/ / skabs su thugs dam drag tu bskang// bshags shing dngos grub gsol ba gdab// ling ga dam rdzas dang bcas pa// lha mo 'khor bcas zhal du bstab// drag tu bskul zhing 'phrin las bcol/ // ral gris ling ga gtubs nas ni// lha tshogs kun la thim par dbul// shi sa bstan zhing dam tshig bdar// rmad byung gtor mas 'khor bcas bskang// gdug dang gtor ma'i mtshon cha'i gtor ma yis/ / thun du dbab cing char du dbab// hoM dang mnan pa'i las chen dang// 'jug tu bkra shis smon lam gdab// sgrub thabs kyi le'u ste gnyis pa'o// oM shri he ru ka sa ma ya mu tra hU~M hU~M hU~M phaT/ / bdag nyid bskyed pa'o// oM kro d+hi shA ri maM maM maM// yum bskyed pa'o// ha ha ha ha ha ha ha ha// gnas kyi lha mo'i// he he he he he he he he// yul gyi lha mo'o// phaT phaT phaT phaT// b+h+yo nyi shu rtsa brgyad kyis dbang phyug ma bskul pa'o/ / dzaHhU~M baM ho shri he ru ka ma hA badzra sarba duShaT na// sa ma ya mu tra pra ban tsakra hU~M phaT// spyan drangs te bstin pa'o// e ka dza Ti gu ya ti ti sa ma ya hU~M// ru lu ru lu hU~M phaT// tsa pa la a shug me hU~M/ / ral pa gcig ma bskyed pa'o// e ka dza Ti gu ya sid+d+hi ti sta ru lu ru lu// a a a// bdag gis yum dang gnyis su med par bya'o// ru ru ro ru tsa pa la a shug me hU~M b+h+yo dza dza// dpal lha mo'i sku bskyed pa'o/ / oM tad ya thA// ru ru ro ru pa ti shi sta ba do si rtsa ha// ya ba oM pa tsa la a shug me hU~M b+h+yo dza dza// hU~M hU~M ka dza hring hring maM maM// shin tu rngam par byon te spyan drangs pa'o// ru ru ro ru tsa pa la u shug me ma hU~M b+h+yo dza/ / rgyun gyi 'dzab bo// oM tsa pa a shug me rtsa ha// 'di yang rtag tu bzlas pa'o// bla sha ma ti ra ti 'drim 'grim// ra ma ti thul thul// myog myog yed yed// sha ra ti gug ling// myos ling// sha ling ling thun/ / tsa mun du b+h+yo// myog myog shig shig/ tsit+ta baM shig/ tsit+ta baM shig/ tsit+ta baM myog/ mug ti ri dza// tsit+ta baM phyung// chod cig thum khug li l-i thum ling yer yer// tsa pa la a rgaM pra ti trag trag sha kha mu tra b+h+yo/ / ru lu ru lu trag rag sha snying kha rag snying b+h+yo spu ta spu ta b+h+yo// sha sha khrag sha trag mo tra ba snying trag snying trag/ trag mu tra trag ma// dam tshig gi snying po ste dbang du bya zhing bskul lo// ru ru ro ru tsa pa la a shug me/ / ru ru ro ru sti sta// sta sha bo ti si rtsa ha// tsa pa la a kha raM khA hi sa ma ya khA'i// dam rdzas kyi mchod pa bya'o// ma bdun b+h+yo ma bdun ha la ha la bdun tri shul bdun sa ma ya// bdun bzlas pa ni gnad la bor pa'o/ / sngags kyi le'u ste gsum pa'o// ru ru shi si tri ma du sod// srog thum chug srod// ma rag tu rbad// de nas pra dbab par 'dod na// bu mo lo bcu gnyis lon pa gcig khrus legs par byas te/ / bdud rtsi lngas byugs la// dar sna chas sna'i gos dang ldan par byas la// dkyil 'khor pad+ma 'dab ma brgyad pa'i steng du// dre'u yi gzugs bris te// de'i steng du nyi ma'i dkyil 'khor// de yi steng du ya bdud kha gcig bris la/ / de yi steng du bu mo gzhag/ mgo la rma bya'i mdongs gcig btsugs la// lag tu ral gri// zer mo'i rkyang pa gcig bskur la// snying khar me long btags la// mtshams drag tu gcad de/ / bla ma gcig gi bu mo tshe gzung// bsgrub pa'i gzhung gong ma ltar bstang ste// gnas lngar rigs kyi yum lngar byin gyis brlabs te// srin lag g.yon pa la gzungs thag sna la btags la// oM ru ru ro ru tsa pa la a shug me pra pe sha dze'u a a a/ / zhes 'dzab mang du byas na// phebs par 'gyur te// bris ni srid pa gsum gyi gtam smra ste// ji tsam na tshe brje ba yang ston// gter dang sman sa phyogs gang na yod pa yang ston to/ / de nas slar gtang bar 'dod na// mdzub mo gnyis nam mkha' la bteg ste// gzungs thag bkrol la// mu pe ba a kra ma// zhes brjod pas 'gyur ro// de nas bu mo bsrungs te gtang ngo// pra dbab pa'i le'u ste bzhi pa'o/ /// hoM bya bar 'dod na// hoM khung gru bzhi la sgo bzhi dang ldan par byas te// nang thal chen nam rgya srol gyis bka' ste// mthil du rdo rje rgya gram gzhag/ kha khyer la thod 'phreng rdo rje ra bas bskor te/ / zur gsum du phaT gsum bri// sreg shing tsher ma can bdug shing me spar te// lha mo'i rdzas smos pa rnams dang// dug sna tshogs dang// tsha ba'i mar dang// 'bru nag po'i chan dang// sha dang/ / rus pa dang// khrag mang po rnams dang// gang la bya ba'i gzugs pho yin na rkang pa g.yas pa// mo zhig yin na rkang pa g.yon pa nas ral gril dum bur gtub cing// hom gzar nal phrug gi mgo'i dum bu la byas te/ / spyin sreg bya// byin za mdog nag po rid pa// ra skyes kham nag la chibs pa// dbyig pa dang me thab thogs pa raM las bskyed// ye shes kyi me lha yang spyan drangs te// de gnyis su med par bya ba'i snying khar/ / gzugs brnyan gyi dkyil 'khor ci 'dra ba cig bskyed la// rjes la ral gcig ma'i sngags dang// che ge mo maM sa khA hi// keng ni ri khA hi// rag ta khA hi ti// ag na ye hU~M phaT/ / ces pa dang spel te brgya rtsa brgyad dbul// de nas// oM ag ne ye// ru ru ro ru pa tsa pa la a shug me hU~M b+h+yo// che ge mo ma hA maM sa khA hi// keng ni ri khA hi// rag ta khA hi// ag na ye hU~M phaT// zhes brgya rtsa brgyad tshang bar dbul/ / de nas g.yog mo rnams kyi sngags dang spel te brgya rtsa brgyad du bsreg go/ bdag nyid he ru ka'i bsam gtan byas te// gang la bya ba'i dngos po bsregs te thim par bsam mo// de nas byin za dang lha mo 'khor bcas kyi bstod pa dag kyang ci rigs su bya'o/ / de nas thab khug du rdo rje brjid gnon gyi bsam gtan byas te// dbang gi bro brdung par bya'o// de'i dus su chas gos nag po gon la/ / gcer bu skra bshig par bya ste// rus sbal gyi stang stabs su 'dug go/ me yang yug sa mo'i khyim nas blang ngo// las zin pa dang gshegs su gsol// sbyin sreg gi le'u ste lnga pa'o//// mnan pa bya bar 'dod na/ / lam gyi bzhi mdo 'am// gang la bya ba'i khyim sgo 'am// dur khrod dam klu gnas pa'i sar// 'brub khung yum gyi mkha' dbyibs zur gsum la zlum por byas te// rabs chad pa 'am// gdol ba 'am/ / grir shi ba'i thod pa ma nyams pa'i nang du// gang la bya ba'i gzugs brnyan ming du bcas pa dang// lha mo dpon g.yog gi sngags dang spel te/ dug sna tshogs dang bcas pa blugs la// kha bag zan gyis gcad/ / thod pa'i spyi bor ral pa gcig ma'i snying po// oM shu la ni hU~M phaT// ces rdo rje rgya gram gyi dbus zla ba'i dkyil 'khor la bri// grwa mtshams rnams su lha mo yon g.yog gi snying po rnams rag tas bris/ / de'i steng du suM las ri rab bskyed de// oM badzra su me hU~M// zhes nyi shu rtsa gcig bzlas// de nas don yod grub pa 'khor dang bcas pas mnan par bsam mo// 'di lta bu lan bdun spogs so// gcig tu mchod rten nag po'i nang du thor tshugs gcig ma dang/ / lha mo'i snying po'i 'og tu bcug na bzang rab// mnan pa'i le'u ste drug pa'o// thun du dbab par 'dod na// dri bo rabs chad pa'i thod pa dum bu drug pa/ / ma mo'i thun rdzas smos pa rnams dang// rag ta sna tshogs dang// dug sna tshogs dang// skyes pa grir shi ba'i tsit+ta la spogs pa// tsit+ta sna dgu tshang bar bsags te// bsgrub pa gong ltar gzhung bsrang ste/ / yungs kar rgyal po la// lha mo 'thun 'dzab re re la khri khri bzlas te// 'bum tshang ba dang// rtags byung ba'i tshe// phur bu dar pa'i zla ba mang ngo'i dus nam phyed na// dbang btsugs te// lha mo 'khor dang bcas pa'i thugs dam drag tu bskul lo/ / thag nye na yul mkhar la brdeg/ ring na yul phyogs 'phang ngo// bdag nyid dpal gyi ting nge 'dzin gsal bar byas te// yungs kar rnams lha mo'i sku grangs med par gyur te/ / rdzas gtor ma'i phyogs su lha mo mang po gang la bya ba de da 'khor yul dang bcas pa// lha mo 'khor dang bcas pa'i dbang du byas te// ma mo yis zas dang// nor dang// srog gcod pa dang/ / nad gtong ba dang// mdze dang// rims dang// 'khrug pa dang// mtshon cha la sogs pa gtong bar bsgom zhing// las kyang de bzhin du bcol lo// thun dbab pa'i le'u ste bdun pa'o//// dur khrod lha mo'i rgyud rdzogs so/ /// man ngag nying khu 'di dag spel byed pa// rdo rje theg tshogs drag po'i snying la 'bar// lus srog thal ba bzhin du rlag nas kyang// dmyal pa'i spyod pa shun tu ya re cha/ / dpal he ru ka la phyag 'tshal lo// phung byed chen mo bzhi'i rgyud 'di// ma mo nag mo'i sbas thig go/ dang po gzhung dang ldan pa'i gnas chen du// dkyil 'khor dmar nag gru gsum la// re'u tri mched bzhi'i snying po bri/ / 'khor nag mo 'bum dang bcas par bri// de la phur pa nag po gsum dar nag po'i cod pan can bya nag mo gsum la dar nag mos brgyan// de'i 'gram du dir pa gsum khrag gis bkang la gzhag/ lcags phur gsum yang dgod// gtor ma gsum mo// le'u dang po'o//// de la sngags pa dbang ldan gyis// ya man ta ka gsal bsgoms la// so so'i snying po thim par bzlas// de nas dgra bo dgug pa'i dus su phur nag po shing la byas la/ / re ma ti// re ma ti// re ma dza// re ma dzu// bzhi ru dbang bskrur te// dar nag pos brgyan la// de'i dus su btung ma'i nga ro phul la// phur pa dril la 'gug pa ni/ / dza dza re ma ti pa sha tsa pa la dza dza nag mo dgra bo'i srog la thum ril rbad// nag mo dgra bo'i snying la thum ril rbad// nag mo dgra bo'i rtsa la bam ril rbad// nag mo dgra bo'i khrag la bam ril rbad// pa tsa pa tsa mA ra ya thum ril rbad/ / ces bzlas shing dar nag pos dgra bo de bod de// ma mo yang drag tu bskul lo// le'u gnyis pa'o//// zhag gsum pa'i nub mo la// bya mo rgan mo'i sha khrag la gtor ma byas la/ / ma mo la mchod do// bya nag mo lag tu thogs la ma mo'i thugs dam zab tu bskul lo// de nas dar nas bcu gsum gyi ling g.yog cing// re ma ti'i thugs dam bskul// ma ma ma pad+ma ra ti ru ti re ma ti/ / e be sha a// sa ma ya thibs thibs// zhes brjod do// nub mo bzhin thugs dan bskang zhing dgra bo de bod do// gzhug tu dgra gang na yod pa'i phyogs su song la ba gtor ma btang zhing bya phang ba'i nang sngags la/ / ma ma dun dun// re ma ti shad shad// sa ma ya bzlas la 'phang ngo// le'u gsum pa'o// de'i steng dir bu zer yang// dngos mi mgo ltag rtse ma bral ba la bya ste// de khrag sna tshogs pas bkang la/ / bdag nyid re ma ti'i chas su zhugs la// snying po ni// oM tad ya thA// trag rag sha ru pi ru po// nan mug ti baM baM ru ru dzra dzra// ru lu ru lu dgra bo'i snying la shog/ rta'i snying la bzlas so// ru lu ko ru me sen/ / me nan dza dza dzA snying la thums// khyi'i snying la bzlas so// oM u ti du ru du tshal pa me dza dza snying la thob// ra'i snying la bzlas so// oM pad+ma ra ti ru ti re ma ti// tsit+ta tsit+ta dgra bo'i snying b+h+yo// phag pa'i snying la bzlas so/ / nag mo b+h+yo// rag mo b+h+yo// yag mo b+h+yo// trag mo b+h+yo// thod pa'i khrag la bzlas so// skabs 'dir dre'u mgo ma'i bzlas so// bzhug tu rgun yin na rlung rdzi log pa la dur khrod du song la 'phang ngo/ / dbyar byed na ma'i thod pa kha yel du blugatata la me btang nas bskol te thab zer du byas la 'phang ngo// ma'o ma'o/ rag mo te thum b+h+yo/ yab mo sod cig rnidza b+h+yo// ma ma rag mo b+h+yo/ nag mo ro ma ti b+h+yo/ ro ma ti b+h+yo/ re ma dza b+h+yo/ re ma dzu b+h+yo/ dgra bo'i tsa la b+h+yo// dgra bo'i snying la b+h+yo// dgra bo'i sha la b+h+yo// dgra bo'i khrag la b+h+yo// byas la 'phang ngo// le'u bzhi pa'o//// de nas ling ga ni cha gsum la gcig mgul khung du bcug la brnag par bya'o/ / gcig hoM khung du bsreg par bya ste// 'phrin las rnam pa bzhi dang sbyar la sngags kyi las kyi sbyin sreg bya'o// re ma ti dgra bo'i snying dzA la raM// re ma ti dgra bo'i rtsa la dz+wa la raM// re ma ti dgra bo'i sha la dz+wa la raM/ / re ma dzu dgra bo'i khrag la dz+wa la raM// sa ma ya bzlas so// bsreg pa'i dus su bstod pa dang mchod pa bya'o// de nas phur pa btab la mnan pa bya ba ni// pha mes kyi thod par bcug la lam rgya gram du mnan pa bya'o/ / yang glang gi rwar bcug la btang// ban d+he nang 'gras na nyams pa'i thod par bcug la kho rang gi dkyil 'khor gyi dbus su sba'o/ le'u lnga pa'o//// ma mo'i gtor ma ni// sha sna tshogs dang/ / khrag sna tshogs dang// khrag gtsang ma la bya'o// dus ni stong dang// brgyad dang// nya la bzung// gtang yang dus der gtang// rgyun gyu bsnag pa ni sha phye snying phye mang pos snod bkang la// rang ci za ba'i phud dang bsres la mchod pa ni/ / oM tad ya tha// pad+mar ti// ru lu ko'u// oM u ti phu ru tsa pa la// a shug me// i dan d+hU pa// pu Sh+pa// shrI ba na kha raM khA hi// zhes gtor ma gtang ngo// 'phrin las bcol lo/ / las drag po'i dus su yang gtor ma gtang ngo// mchod cing brten legs na// sngags pa yang phyug cing btsan pa dang// dus phyi ma la yang mi nub pa'i grags pa dang ldan par 'gyur ro// re ma ti mched bzhi'i le'u ste drug pa'o/ /// rdzogs so////

CLOSE WINDOW