don dam par dpa' bar 'gro ba gar mkhan mchog gi rgyud phran le'u mdor bsdus pa'o//// bod skad du/ 'jam dpal dmar po zor ba dmar nag gi rgyud ces bya ba/ bcom ldan 'das 'jam dpal gshin rje gshed po la phyag 'tshal lo// 'di skad bdag gis thos pa'i dus gcig na// dbus kyi lcags mkhar chen po 'di// gshin rje gshed po'i gnas yin te// sku mdog dug chen ha la 'dra/ / dbu skra kham nag gyen du brdzes// be con g.yas la sdigs mdzub g.yon// ma he'i gdan la brkyang bskum bzhugs// g.yon na nag mo be ta li// g.yas na e ka dzA Ti ma// bdud mo gnyis dang dgyes te rol/ / de'i 'khor na gang 'khor na// phyogs skyong gshin rje'i 'khor dang stabs cig bzhugs// gzhan yang 'khor du gtogs pa'i lha/ thugs kyi sras mchog ya ma rA dza dang/ shar nas srin po ma ru tse dang/ / lho nas gshin rje ma ru tse dang/ nub nas bdud ma ru tse dang/ byang nas gnod sbyin ma ru tse dang/ de dag kyang rang gi 'khor dang/ shar nas srin po'i 'khor dang/ lho nas gshin rje'i 'khor dang/ nub nas klu'i 'khor dang/ byang nas gnod sbyin gyi 'khor dang/ de dag kun gyi 'khor na yang phyi'i 'khor dang// nang gi 'khor dang/ gsang ba'i 'khor dang stabs cig ste/ gzhan yang mthu stobs kyi bdag po lag na rdo rje 'dzin pa dang thabs gcig tu bzhugs so/ / de'i tshe de'i dus na gnod sbyin pho mo de dag gis/ sems can skyes 'gul thams cad la/ sha la za ba dang/ khrag la 'thung ba dang/ dus ma yin par gsod pa dang/ rnam par 'tshe ba ni byed/ 'jig rten gyi khams thams cad du mi bde ba sna tshogs btang ba'i skyon gyis/ mthu stobs kyi bdag po phyag na rdo rje stan las langs nas zhal gyi 'dzum pa phyung nas/ 'di skad ces gsol to// he he dpa' bo 'jigs byed che// ngo mtshar rmad byung khyad par che// thams cad 'dul ba'i stobs po che// gnod sbyin pho mo dregs pa che// ston pa'i 'khor du 'dus nas kyang/ / thams cad bsgral pa'i las bya ste// ma rigs mi mtshal tshul bzhin du// ston pa'i thugs rjes gdul du gsol// zhes gsungs te rang gi gnas su 'khor bar gyur to// de'i tshe bcom ldan 'das gshin rje gshed pos khams gsum dbang du bsdus/ / srid gsum zil gyis mnan/ stong gsum gyi stong 'jig rten gyi khams thams cad mun nag tu gtibs te/ thugs ye shes kyi nyi zer gyi rtse la lcags kyu'i tshogs dang/ zhags pa'i tshogs dang lcags sgrog gi tshogs dang/ dril bu'i tshogs bsam gyis mi khyab pa 'bros te/ hU~M hU~M dang/ phaT phaT dang/ ha la ha la dang/ dza hU~M baM ho/ e a ra li hring dza/ zhes 'brug stong dus gcig tu ldir ba tsam gyi sgra bsgrags nas dbang du bsdus nas/ gnod sbyin pho mo de dag bred/ rab tu bred/ kun tu rab tu bred/ 'dar/ rab tu 'dar/ kun tu rab tu 'dar/ sngangs/ rab tu sngangs/ kun tu rab tu sngangs nas/ bcom ldan 'das la mgrin gcig tu thal mo sbyar nas 'di skad ces gsol to// e ma ho 'jigs byed chen po lags/ bdag cag gnod sbyin gdug pa rnams// snang srid srog chags ma lus kun/ / gsad gcad rnam par 'tshe byed dang// 'jig rten khams rnams mi bde ba// bdag cag rnams kyi rang las lags// dpa' bo chen po ci la skyon// 'di 'dra shin tu mi legs na/ / gtso bo chen po khyod nyid ni// thugs rje chen po'i mnga' bdag na// 'di 'dra'i cho 'phrul ci la ston// gdug pa'i gsung sgra ci la sgrog/ thugs kyi sprul pa ci la 'gyed// dpa' bo chen pos bdag cag la/ / bka' dbab mi 'tshal 'bangs su mchi// 'bangs la las dang zas dang skom// ci bgyi bka' rnams nyan par bgyi'o// zhes gsungs nas/ shar phyogs nas srin po ma ru tse'i 'khor srin po dang bcas nas/ rang rtags srog gi snying po phul ba ni// oM rnal ma rnal te gsod la rngam// gshogs la mer dkris la chum// thu bis thu/ lcags kyi skra/ dgra bo ni mA ra ya hU~M phaT/ lho phyogs nas gshin rje ma ru tses 'khor gshin rje ma ru tse dang mgrin gcig tu thal mo sbyar nas/ rang rtags srog gi snying po phul bas/ oM tri ling shang ka du/ dri za yak+sha rbad pu phye ma kha 'dar/ ru ru pra pra duM duM shig shig/ dgra bo mA ra yA zhes phul lo/ / nub phyogs na bdud ma ru tse// 'khor bdud dang chas te mgrin gcig tu thal mo sbyar nas/ rang rtags srog gi snying po 'di phul lo// bdud bra ma ya/ bdud mA ra ya/ snying mgo chod/ du ru du ru/ har ti har ti/ dgra bo'i snying la dza/ nag po ti pa tsa pra yi/ dgra bo snying la pa tsa baM ril rbad/ nA ga kro d+hi shwa ri snying la pa tsa la trag ma trag shig/ dgra bo'i snying la kha raM kha'i/ nag po sha ti pa baM ril rbad/ nag po her hem baM ril rbad/ nA ga snying mgo chod/ kha la zo snying mgo chod/ tsa la rog pa dgra bo'i snying la dza dza/ dgra bo'i snying la hur be ra baM ril rbad/ hu ya hu ya/ dgra snying la du ra du ra/ glo tsa baM ril rbad/ yang na snyos shing lkugs su chug/ yang na myos shing 'bog tu chug/ yang na tsa la bdun rgyud chod/ ces phul lo// byang nas gnod sbyin ma ru tse// 'khor gnod sbyin dang mgrin gcig tu thal mo sbyar nas// rang rtags srog gi snying po phul pa ni/ na mo rat+na tra ya yA/ na mo bai shra ma ni s+ye ha ma ha rA dza s+ye ha/ na mo rat+na ku pa ra s+ye ha/ gu ya ka te/ pa te tu pa na/ ta ku pa ra ma'i rta sha mi/ a nu ru pa su ru pa na ta/ ku pa ra tsan+t+ra tsa khaM/ he mo kha sa ka na ta/ ku pa ra na tsan+t+ra tsa khaM/ he mo kha sa ka na ta/ ku pa ra na h+ye ma kan ku ha/ ka tsa la ka tsa la pa tsa pa tsa su lu su lu swAhA/ zhes rang rtags srog gi snying po 'di phul lo// de nas 'khor gnod sbyin mo gdug pas kyang rang rtags srog gi snying po phul ba 'di'o/ / trag rak+ta kha mun tra/ mu ru lu mu ru lu hU~M b+h+yo hU~M/ rag mo te kum dza dza kha la ma ti b+h+yo/ ru lu ru lu ma hi b+h+yo/ zhes phul lo// de nas 'khor bal mo gdug pas kyang rang rtags srog gi snying po phul lo/ oM khyi khrid ra khrid rol khrag sa mthung/ kang kang keng keng kying kying/ sha za ba'i snying 'byin pa'i/ khrag 'thung ba'i/ dbugs 'phrog pa'i/ srog gcod pa'i/ sha za ba'i tsit+ti me ro sha/ tang par la tong/ sha la kying kying kra he pra he hU~M phaT phaT/ de bzhin dkyil 'khor gyi lha srin gyis rang rtags srog gi snying po 'di phul lo// bstan pa bsrung bar zhal gyis bzhes/ zor ba dmar nag gyi rgyud las/ bcas ka gleng gzhi'i le'u ste dang po'o//// de nas gnod sbyin de dag gis// rang rang sgrub pa tshul bzhin phul// mtshan ldan dur khrod lta bu'am// dmar nag rgya skyegs kha dog 'dra/ / de lta bu yi gnas dag tu// dkyil 'khor 'dom gang gru bzhi la// 'khor lo rtsibs bzhi bri bar bya// mtha' ma rdo rje ra bas bskor// gru chad sgo khyud ldan par bri// dbus kyi mthing nag gru gsum la/ / ya man ta ka yab yum dgod// shar gyi 'khor lo la srin po ma ru tse dgod/ lho yi 'khor lo la gshin rje ma ru tse dgod/ nub kyi 'khor lo la bdud ma ru tse dgod/ byang gi 'khor lo la gnod sbyin ma ru tse dgong sgo bzhir bse yi skyes bu bzhi dgod/ gru chad bzhi la bse mo bzhi dgod/ de lta lha rnams dgod par bya ba yang// gro ga zhing ras lta bu la// rang rang snying po bris nas kyang// rtsang la btags te re re dgod/ / mtshan ngan ban+d+ha dum mangs su// bdud rtsi rak+ta'i gtor ma dang// dam rdzas stsal la shar du dgod// dug shing sna tshogs hom byas la// lho phyogs 'khor lo dag la dgod// phur bu bcu gnyis sbams byas la/ / nub phyogs 'khor lo dag la dgod// byang du dbye ba las kyi thun// myos par bya phyir dug sna tshogs// shar lho'i 'brub khung gru gsum du// mtha' ma gtsang dmar 'bum gyis bskor// mgar ba a la'i gzugs byas la/ / 'brub khung nang du spyi tshugs bzhag/ gro ga shing shun dag la yang// mi khrag ra khrag khyi khrag gis// lo zla yan chad bri bar bya// 'brug khung bcug la grags so brdeg/ rtsang re mgul du re re brdeg/ dang po mgar ba a lag gis// skra dang dri dang bdud rtsi dang/ grog mkhar sa dang shing lo la// mi khyi ra yi khrag gis sbru// ming dang rus bris khong par gzhug/ bud med zhabs mar gril byas te/ / dkar po gnya' nag skye ru gdags// lha bsnyen bya zhing mgo mjug tu// dmigs pa nyid kyang rang la bca'// nang nub nyin gung mtshan gung du// pho nya mngag cing dgug par bya// zhag grangs du byed bsnyen par bya/ / sum 'bum nyis 'bum bsnyen pa rdzogs pa dang// dkar po gnya' nag dgra bzlog bya// dmigs pa ra la bca' ste bsgral// g.yang gzhi bshus te snying phyung la// snying gi nang du ling ga gzhug/ g.yang gzhi'i khung gril gtums pa la// grag so dag la sngags shing brdeg/ thon nas phur bu bzhengs gsol la// gzhung nas 'byung ba bzhin du gdab// de dag ra yi khar bcug nas// bdag nyid gshin rjer bsgoms pa des/ / grag so mang du bzlas shing gdab// bzlas pa'i bsnyen pa rdzogs pa dang// tshon skud sna lnga'i byad thag gis// ra yi kha bcing sngags btab la// zam rngur stong lam chen po'am/ / mkhar po che yi them rtsar mnan// mgar ba a lag phung bar byed// zor ba dmar nag gis rgyud las/ mched lnga sgrub pa'i le'u ste gnyis pa'o//// de nas srin po ma ru tse rang gis sgrub pa 'di gsungs so/ / dkyil 'khor mthing nag gru gsum la// zla gam dmar po gsum gyis bskor// de bzhin gru chad bzhi yis mdzes// dbus su 'jam dpal yab yum dgod// mdun du srin po ma ru tse/ / gru chad bzhi la lang ka srin po mched bzhi dgod// g.yas kyi zla gam steng du yab yum gtor ma dgod// g.yon gyi zla gam steng du sman dang rak+ta bzhag/ mdun gyi zla gam steng du snying sna'i gtor ma bzhag/ shar lho'i gru chad steng du rus pa'i gtor ma bzhag/ lho nub gru chad steng du dug gi hom nag bzhag/ nub byang gru chad steng du drag po'i phur thun bzhag/ byang shar gru chad steng du dbye ba'i dug thun bzhag/ mgar ba a la'i gzugs byas sngon dmar byad du gzhug/ bud med zhab mas gril byas gnya' nag skye ru gdags// dmigs pa ra la bcas la mgar ba ral bstim// drag po'i sngags 'dis rtag tu sgrub// oM shrI many+dzu ya ma rA dza mam e ka dzA Ti ni dza/ oM rnal ma rnal te gsod la rngam/ gshogs la mer/ dpris la chum/ thu bsi thu lcags kyi skra/ dgra bo ni mA ra ya hU~M phaT/ ces pa rtag tu drang bar bya// bdun 'bum grangs ni tshang 'gyur na/ / mon dang btsun chen a tsa ra// 'od dang sgra dang dug chom dang// gnas khang chem sgra zer zhing 'ong// lang ka srin por dmigs pa gcig/ ra yi tsit+ta 'byin tsam na// oM ni sha gu ru ni sha ku ru/ kha sob ti yaM ru ti yaM/ sen myen yaM/ sen yaM snying tshal pa rbad/ nub byang phur bu snying la gdab// phur pa snying la thems tsam na// ri rab 'og tu brlag par bsam// oM badzra kI li kI la ya/ dza la ma la ka ra ya/ oM dz+wa la dz+wa la pra dz+wa la pra dz+wa la/ pu ta pu ta/ sarba nA ga ta nA ga ni/ sa ra sa ra/ byi sa ra byi sa ra sarba duSh+tan hri ta ya/ sho da ya hU~M hU~M phaT swAhA/ an da ra san da tsan da ra kan da ra swAhA/ na ma sa man ta bi sho ta ya bing hU~M phaT/ phur thun rab tu khros te gdab// dug blug nang du bcug nas kyang// myos pa dug thun sngags gdab cing// lha lnga dag dang sbrel bar bya// oM ya ma rA dza klu lings saM ku ta nan/ yo lcags saM ku ta ko hU~M phaT/ ces khros te lta lha dang dbral/ lho nub hom nag dag tu drag po'i sngags 'dis bsreg/ tra ga rak+sha kha mun tra mu ru lu ru lu hU~M b+h+yo hU~M/ rab mo te kuM dza dza kha la ma ti b+h+yo/ ru lu ru lu ma hi b+h+yo/ rab tu khros te srin mo gdug pa'i sngags kyis bsreg/ 'brub khung nang du rang tu khros te mnan/ ling ga'i mtshan ma ra yi thod par gzhug/ hriSh+ti bzhis bskor sngags bzlos/ lha khang them rtsar mnan/ mgar ba a lag rab tu brlag par bshad/ zor ba dmar nag gi rgyud las/ srin po ma ru tse sgrub pa'i thabs kyi le'u ste gsum pa'o//// de nas gshin rje ma ru tse// rang gi sgrub thabs 'di gsungs so// dkyil 'khor mthing nag gru gsum la/ / zla gam gsum gyis bskor ba bri// 'khor lo bzhi ldan gru chad bzhi// sgo rnams sgo khyud lcags ri mo// dbus su 'jam dpal yab yum dgod// mdun du gshin rje ma ru tse/ / 'khor lo bzhi la gshin rje dgod// sgo bzhir bse mo bzhi yang dgod// g.yas kyi zla gam steng du yab yum gtor ma dgod// g.yon gyi zla gam steng du gshed kyi gtor ma dgod// mdun gyi zla gam steng du gshin rje'i bla rdo bzung/ / gru chad bzhi la gsad pa'i thun bzhi bya// mgar ba a lag gzugs byas la// gshed bzhis gsad pa'i phur gtan bya// nyi ma bzhi pa'i sngags kyis gzer// zhes rtag tu rgyud sngags 'di drang ngo/ / oM many+dzu shrI ya ma rA dza ma ma ka e ka dzA Ti nri dza dza/ oM tri ling shang ka du tri za yak+sha rbad pu phye ma kha 'dar// ru ru pra pra duM duM shig shig dgra bo ma ra ya/ bdun 'bum grangs ni tshang 'gyur na/ / mon dang btsad po a tsa ra// 'od dang sgra dang tug chom dang// de dag gshin rje grub pa'i rtags// de ltar byung na gsad las bya// nyi ma dang po dag la yang// ya ma rA dza'i las bya ste// dug dang sgro yis lha lnga dbral/ / nyi ma ni rtser shar ba dang// dkyil 'khor shar du ra gzhag la// drag po gsad pa'i sngags bzlas te// bdag nyid gshin rje'i thugs ka nas// sngo nag gsal 'tsher ya gcig bsam// yi ge ya yi mtha' ma ru/ / drag sngags yi ge 'bru bdun po// drag po me 'bar 'dra ba bsam// gsad pa las kyi sngags 'di bzlas// oM hriSh+ti bi kri tA na na/ che ge mo sha trUM nA sha ya hU~M phaT/ ya ma rA dza sa tra me ya/ che ge mo a mu kaM pra ma ya hU~M phaT/ drag po sngags cing rang la bstim// zhes brjod pas 'od zer bdag la phog pas/ rang dbang med par bskul nas// des gshin rje ma ru tse bskul/ des gshed pa ma ru tse bskul/ des phyogs skyong gi gshin rje bskul de ma mo dang/ mkha' 'gro dang/ ging pho mo la sogs pa rang dbang med par bskur nas/ des gzas pa po bkug nas ra la bstim/ ra nyid gzas ba por gyur/ rang nyid kyi spyi bor drag po sngags nas brgyab pas/ tshangs pa'i rtsa gcad pas mgo 'khor bar bsam mo// yang nyi ma rtse la shar nas/ yang bdag gi thugs kha'i ya las drag sngags 'bru bdun me 'bar ba dang 'dra bar bsam mo/ / oM hriSh+ti bi kri tA na na/ che ge zhig sha trUM nA sha ya hU~M phaT/ ya me to ru na yo ta ya/ che ge mo a mu kaM mur tsa ya hU~M phaT/ ces ra dkyil 'khor gyi lhor bzhag la/ gshed myos byed 'bar ba'i drag sngags des/ nyi ma gnyis pa la lte ba khung gi ling+ga 'am ming byas la grags so gsibs pas/ 'od zer bdag la phog pas rang dbang med par bskul nas/ des gshin rje ma ru tse bskul/ des myos byed 'bar ba bskul/ des ma mo mkha' 'gro dang ging bdud thams cad rang dbang med par bskul te/ des gzas pa po bkug nas ra la bstim pas/ ra nyid gzas pa por gyur te/ ra nyid kyi lte bar grags so sngags nas brgyab pas/ lus rgyal zhing 'khrugs par bsam mo// de nas nyi ma gsum pa la/ ra dkyil 'khor gyi nub phyogs su bzhag la/ thugs ka'i ya nag po'i tha ma drag sngags 'bru bdun gyis bskor bar bsams la/ drag sngags 'di drag po la bsngags shing mgrin pa'i ming byang la brgyab ste/ oM hriSh+ti bi kri tA nan sha trUM nA sha ya hU~M phaT ya da yo ni ra ya k+she ya/ che ge mo a mu kaM rak+ta tsa ra ya hU~M phaT/ gshed a r+ya ma ru tse'i las te/ 'od zer bdag la phog pas rang dbang med par bskul nas/ des gshed ma ru tse bskul nas/ des ar+ya ma ru bskul/ des ma mo mkha' 'gro ging bdud pho mo bskul/ des gzas pa po bkug nas ra la bstim pas/ ra nyid gzas pa por gyur te/ ra nyid kyi mgrin par drag po drag po brgyab pas/ khrag lhug gis song bar bsam mo// de nas nyi ma bzhi pa la gshed ral pa tshar dgu'i las byas te/ ra nyid dkyil 'khor gyi byang phyogs su bzhug la/ / nyi ma ri rtse la shar tsam na brtsams te/ thugs ka'i ya nag po'i mtha' ma drag sngags 'bru bdun gyis bskor bar bsam/ drag sngags 'di drag po bsngags shing snying kha'i ming byang la brgyab pas/ / oM hriSh+ti bi kri tA na na/ sha trUM sha ya hU~M phaT/ yak+She ya ca ni ra ma ya/ che ge mo mu kaM mA ra ya hU~M phaT/ gshed ral pa tshar dgu'i las te/ 'od zer bdag la phog pas rang dbang med par bskul/ des gshed ral pa tshar dgu bskul/ des ma mo mkha' 'gro ging bdun pho mo bskul/ des gzas pa po bkug ste ra la bstim pas/ ra nyid gzas pa bor gyur te/ ra nyid kyi snying kha grags so la bsngags nas brgyab pas srog phyir thul gyis byung bar sgom mo/ / de ltar gshed bzhi'i las byas te/ ra yi snying phyung pa gas pa bshus la/ ling ga snying gi nang du gzhug/ dur khrod lta bur rab tu gnan/ zor ba dmar nag gi rgyud las/ gshin rje ma ru tse rang gi sgrub thabs kyi le'u ste bzhi pa'o//// de nas bdud ma ru tses rang gi sgrub thabs 'di gsungs so// dkyil 'khor mthing nag gru gsum la// gru chad bzhi dang ldan par bya/ / me ri thod 'phreng de bzhin btang// 'jam dpal yab yum dbus su dgod// lcags mas nag po'i phur pa la// bdud por dmigs te mdun du dgod// gru chad bzhi la bdud bzhi dgod// rabs chad nag po'i thod pa ru/ / sna tshogs snying sbyar dbus su dgod// thod pa nag po dug gis bkang// re ba nag pos thod pa gril// ming rus bris te thod par gzhug/ byang shar 'brub khung nang du gzhug/ mtha' ma tsher ma sna tshogs bskor/ / mngon du drag po'i sngags 'dis sgrub// oM shrI many+dzu ya ma rA dza ma ma e ka dzA Ti ni dza dza/ oM bdud pra ma ya bdud pra ma ya/ snying mgo chod du ru du ru/ har ti har ti/ dgra bo'i snying la dza/ nag po ti pa tsa pa'i/ dgra bo'i snying la pa tsa'i/ dgra bo'i snying la pa tsa bam ril rbad/ nA ga kro d+hi shwa ri snying la ba tsa la/ dgra bo'i snying la kha ram kha'i/ nag po sha pa ti ba bam ril rbad/ nag bo ha ra ha ra baM ril rbad/ nA ga snying mgo chod/ kha la zo snying mgo chod// tsa la rog pa dgra bo'i snying la dza dza/ dgra bo'i snying la hu ra be ra baM ril rbad/ hu ya hu ya dgra bo'i snying la du ra du ra/ glo tsa baM ril rbad/ yang na myos shing lkugs su chug/ yang na smyo zhing 'bog tu chug/ yang na rtsa ba bdun rgyud chod// bdun 'bum grangs ni tshangs 'gyur na// g.yag dang bya rog stag gzig dang// ba glang chu chen drug pa dang// rta pa zhib can mi reng skya bshar ston/ / de ltar byung na las 'grub ste// dkar po gnya' nag dmigs pa bca'// mgar pa a la'i lhu bcu gnyis// mgo dang bcu gsum gzugs bris la// ra la btags te grags so pa/ / rtsa ba'i sngags te 'bum du bzlas// zhe sdang drag po ra bsgral la// ra snying dug gi thod par gzhug/ bdud mo gdug pa'i drag sngags 'di// dug thun nang du 'bum du bzlas// trag rak+ta kha mun tra mu lu ru lu hU~M b+h+yo hU~M/ rag mo te ku ma dza dza kha la ma ti b+h+yo/ ru lu ru lu ma hing b+h+yo/ ma ma ma las la yaM/ gro lo rno tshe gram g.yas la ya/ ti sna rbad sna thum ri li li/ ma ti ti ta rbad na thum ri li li/ sha ti ta rbad na thum ri li li/ kha tshums ni ya ti ta rbad na thum ri li li/ ya k+sha ni ya ni rbad na thum ri li li/ dgra bo ni ya ti rbad na thum ri li li/ zhes ni drag po dug la bstim// dug ni thod par bcas pa de// nub phyogs chu mig lkug pa'am/ / brag dang chu 'thab bar du mnan/ mgar ba a la phung bar 'gyur/ zor ba dmar nag gi rgyud las/ bdud ma ru tse rang nyid sgrub pa'i thabs te le'u ste lnga ba'o//// de nas gnod sbyin ma ru tse rang gi sgrub thabs 'di gsungs so/ / dkyil 'khor la gang gru bzhi la// dug dang khrag gis chag chag gdab// mthing nag gru gsum zla gam gsum// mu khyud zlum po thod 'phreng btang// gru chad bzhi yis rnam par mdzes/ / dbus su 'jam dpal yab yum dgod// mdun du gnod sbyin ma ru tse// gru chad bzhi la gnod sbyin bzhi// mchog gi phur pa bzhi la dgod// bse 'am zangs gzhong nang dag tu// sman dang dam rdzas rgyas par dgram/ / gtor ma chen po dbus su bzhag/ spyan gzigs gtor ma shar du bzhag/ skya rengs shar nas smod btsugs gtad// dkar po gnya' nag skye ru yang// gang la dmigs pa'i mig rus gdags/ / ra la gshin rje'i khram yig bris// spu la gshin rje'i smod bdud bya// phur bzhi dag la brgyangs te bzhag/ yang na bla bzhi bskams nas kyang// snying kher rtsang gis brgyab la bzhag/ mngon du drag po'i sngags 'dis grub// oM shrI many+dzu ya ma rA dza ma ma e ka dzA TI nri dza dza/ na mo rat+na tra yA ya/ na mo be bra ma Ni s+ye ha/ ma hA rA dza s+ye ha/ na mo rat+na kra ku s+ye hA/ gu h+ya ya ga ti ba te du ba ya na ku ba ri ta'i sha mi'i/ a nu ru pa su ru pa na ta/ ku pa ra tsan+ta tsa kham he mo kha ka na ta/ ku pa ra na he ma kan ku ha ka tsa la ka tsa la/ pa tsa pa tsa/ pu lu pu lu swAhA/ bdun 'bum dag kyang rdzogs 'gyur na// gnod sbyin sku dag ston pa dang/ / lha khang mchod rten lta bu 'am// 'bag dang btsun pa lta bu 'am// bon dang ban+d+he btsan por ston// de ltar byung na ra bsgral te// snying phyung mgo gcad kha ru bzhug/ yang na ra yi kha mig btsems la/ / gom gsum byang thang ra mthong gtang// las rnams thams cad rdzogs par bshad// snying la drag po'i sngags 'dis brdeg/ tsi bi ri tsakra pa na sa ma ya/ a mr-i ti mA ra ya aM gu sha dza/ nA ga mA rA ya dza/ tshal pa a nri tri mA ra la/ aM gu sha dza/ shu shu rag sha tshal pa a nri tri mI ra ya yaM gu sha dza dza/ a be sha ya tshal pa a nri tri mA ra ya aM gu sha dza/ de nas bdud pa'i phyag rgya sor mo rnams nang du bsnol la bkug nas brdung/ / oM badzra ka ra mu ka ra mu sti grin mu sti gri na/ ka pa'i tsa ra ya hU~M phaT/ rdo rje tho bas sod la bsreg cing// khu tshur gyis chog cig/ mtshon rtse gsum gyis sod la sregs gtogs shig/ ra la bstims la dbye ba'i phyag rgya byas la/ oM badzra ra pra be sha phaT/ oM badzra a be sha ya phaT/ a a a zhes brjod pas/ rang nyid dmigs pa por snang ba ste/ de nas ra yi lus po khrag gis byugs la/ tshon skud sna lngas khab cing/ rgyus chen gyis dmigs btsem/ gtab yig btags te/ dgra yul lam la mthon por bskyal la btang/ mgar ba a lag phyung bar 'gyur/ zor ba dmar nag gi rgyud las/ gnod sbyin ma ru tse rang gi sgrub thabs kyi le'u ste drug pa'o/ /// zor ba dmar nag gi rgyud rdzogs so////

CLOSE WINDOW