ba yaM be ka lo go pa ya sa tran tra/ bod skad du/ rlung nag 'khrugs pa'i rgyud/ ston pa bcom ldan 'das la phyag 'tshal lo// de nas yang dag don ni bka' stsal pa// chos kun thams cad don ni gcig pa la/ / ye shes dang ni mi rig rgyu gnyis byung// ye shes sangs rgyas ma rig sems can 'khrul// srid pa las kyi gshin rje'i lto ba na// srid gsum sems can las la 'khrul/ / las kyi dbang gis bdag gzhan dgra zin byung// dkon mchog gsum gyi bstan pa gnyan la gdos// des na bstan pa bsrung ba'i tsakra 'di// lnga brgya'i dus su gces pas nyams su blang// 'byung bzhi'i 'khrul 'khor las kyi gsad thabs 'di/ / drag po gcig thub btsan dug ngar ma'am// ral gri so mangs lta bur shes par bya// rlung nag 'khrugs pa'i rgyud las/ dgos pa bstan pa'i le'u ste dang pa'o/ /// 'di la 'khor lo'i rgyu dang ngo bo dbyibs// tshad dang bri thabs mi mthun gshed kyi rdzas// rgyu ni ro ras dag gam shog shog la// tshad ni bcu gnyis brgyad dang bzhi ru gsungs// bri thabs lte ba sor drug blum por bskor/ / gling bzhi gling gsum dag la lha yi gzugs// gling gcig bsgrub bya'i gzugs su shes par bya// de yi phyi rim 'khor lo rtsibs lnga la// rlung gi lha lnga'i srog snying smod mo bri// de yi phyi rim bcu gnyis rtsibs mchan la/ / lo gnyan bcu gnyis sngags dang smod bcas bri// de yi phyi rim nyer gcig rtsibs su bya// lha 'dre rtsa gcig smod pa bcas pa bri// de yi phyi rim nyi shu rtsa brgyad dam// yang na rtsibs ni sum cu drug pa la/ / gza' dang rgyu skar dag gi snying po bri// de yi phyi rim lha 'dre stong rtsa gnyis// dag gi snying po gril la bri// the se rgyal po rje blon spel ba dang// lha 'dre la gtad smod pa bcas pa bri/ / de yi phyi rim 'khor yug zlum po la// rgyud lung man ngag lha 'dre'i srog snying bri// de yi phyi rim du yang zlum po la// lha 'dre che dgu rnams kyi ming bri'o// rtsibs mchan rnams su dgra la smod mo bri// de ni sor mo bcu gnyis pa la'o/ / sor mo brgyad pa'i bri thabs bstan pa ni// lte ba zlum po dag la sor gsum mo// gling gsum dag la sogs sngags gsum po dgod// de yi phyi rim 'khor yug zlum po la// lha 'dre gdug pa nyer gcig gi/ srog sngags ming dang smod mo bcas pa bri// sor bzhi pa yi bri thabs bstan pa ni// 'khor lo gnyis la dgra zin rnam pa gnyis// rkang pa bsnol ba'i tshul du bri bar bya// dbye ba'i sngags rnams lus la bri bya zhing/ / bsad pa'i sngags kyis mtha' ma bskor// de yi phyi rim smod sngags srid tshad bri// rlung nag 'khrugs pa'i rgyud las/ 'khor lo bri ba'i le'u ste gnyis pa'o//// mi mthun gshed kyi rdzas ni 'di yin te/ / gdags sribs chu yis chod pa'i shing gnyis la// zhal stod kha mig bris la sngags dang ni// smod pa kun kyang de la shong tshad bri// o rog dang 'ug pa'i dang sgro de la gzugs/ / de yang g.yas dang g.yon du shes par bya// mi dang lha yi srog dang phye zhig zi// steng 'og gnyis su bya mgo bye mgo bzhag/ mtshams bzhir dgra bo'i ming dang mtshan ma bri// sor mo bcu gnyis pa yi 'khor lo la/ / srog shing khru gang tshugs shing khru gsum bya// brgyad pa la ni srog shing lcags khru gang// tshugs shing khru do bar ni shes par bya// sor bzhi pa la srog shing la// tshugs shing khru gang tshad du bya// nye bar sbyar ram yang na rig pa blo dang sbyar byas te/ / chung na 'dod cing che na yangs par bya// rlung nag 'khrugs pa'i rgyud las/ bca' bzhi le'u ste gsum pa'o//// de nas log non bstan pa 'di ltar te/ / shing ngam yang na rdo leb dag la ni// stong nyid mtshon cha'i gzugs dang sngags bris la// tshugs shing rgyab tu gzugs shing mchod par bya// rlung nag 'khrugs pa'i rgyud las// log non gyi le'u ste bzhi pa'o/ /// rlung 'khor chen po'i sngags/ tra ga dza liM dung sa li/ si dzi ma sad tra hU~M/ tr-i gaM phri sad tri daM hU~M dza/ tr-i la g+ha na sad dza/ tri ni su tri ka ra pra du hU~M/ rlung gi lha lnga'i snying pa'o// ya ga shaM phaT/ dur shaM phaT/ se shaM phaT/ shag/ shaM phaT/ phe se na shaM phaT/ bar shaM phaT/ shar sham phaT/ tra tsa shaM phaT/ gza' brgyad kyi snying po'o// the khri haM ya phaT phaT/ smi ti pa ti/ gri Ta phaT phaT/ ba ta ma le bri ti phaT/ ha la de mang g+hi ti phaT/ smi ti g+ha te le/ phri du phaT/ bra ma ha phaT/ b+ha ra ta ma le phaT/ b+hu ta sa ha phaT/ smyu ba phaT phaT/ su tri go tra phaT phaT/ sma ra g+ho te phaT/ ma tib ta phaT/ de ni lo bcu gnyis kyi sngags so/ li/ khan/ dwa/ khen/ khaM/ gyin/ zin/ zon/ de ni spar kha brgyad do// a mar/ mer/ thab/ thib/ man/ yan/ yin/ thub/ tri ya swAhA/ sme ba dgu'i snying po'o// ka ri ni swAhA/ ru hU ni swAhA/ mo tra shi swAhA/ a ta shi swAhA/ pu na su swAhA/ ma du swAhA/ a pu le swAhA/ ma kha swAhA/ phur na ra swAhA/ mu da ra phu kru kru swAhA/ ti ta swAhA/ tshi ta swAhA/ sa ti swAhA/ be ta swAhA/ swAhA/ tsat+ti swAhA/ u sha ra ta swAhA/ o ba ti swAhA/ sha ta ba ti ni swAhA/ ya sa ni swAhA/ sa ni sa ta swAhA/ phur ba ma ti swAhA/ u ba da ra swAhA/ pa ra de swAhA/ a shu ni swAhA/ a pa ta swAhA/ ba ha ti swAhA/ a yu nyi swAhA/ be ra nyi swAhA/ rgyu skar nyi shu rtsa brgyad kyi snying po'o// badzra pra mo hA ra ma ra hA hA ma A kar+Sha ya phaT/ sarba duSh+ta na pra mo hA hU~M phaT/ badzra san tri ya/ badzra ting ting ya/ ma hring hri ya/ badzra kha ta kha ta ya/ badzra tsaka ku ru/ badzra ya du ma yang/ badzra bong bong ya/ badzra ra tri ya/ badzra ku ru ku ru ya/ badzra zhung zhung ya/ badzra kha me me kha ya/ badzra ma zhu ma zhu ma kha ya/ badzra ma ra tri yA/ badzra ma yab ya/ badzra tsu tra ni tra dza ye/ badzra tri laM du ya/ badzra tri laM tri yi/ badzra tri nan tri nan/ tri ya/ badzra nan tri ya/ ma ra hri nan tri hri/ a badzra nan tra ya/ gri na badzra ka sha tri ya/ badzra ka shang de ya/ badzra kr-i li du ya/ badzra ka pa ha ya/ badzra na she ba ya/ badzra tri mA ra ya/ ma ra na hri ya/ badzra gaM du ba du ya ya/ lha 'dre sum cu so gcig gi snying po'o/ / badzra ka li ka li pa tri thar lang du/ kaM kaM yaM ma yaM/ che ge mo sod cig/ lha 'dre spyir dril ba'i snying po'o// de ni rlung 'khor chen po ste/ rlung 'khor 'bring po'i sngags ni 'di'o// badzra sha ta ha/ gra ma hi/ tra bi de/ ma dza tsa/ e ma sha/ ma hA mA/ tra sha haM/ mang du/ a ma la/ da d+ha ma/ tsa la du/ hril ga/ na ni ti/ ta la ni/ a sha ni/ a ho phaT/ kra ma ha/ tri pa de/ tra tri traM/ haM shaM ti/ sta sti/ sla ho/ yaM ti/ ya te/ pha baM ho/ swa ho baM/ ya sha sho/ pra ti yaM/ nA ga pre/ ni ni/ pha ma phaT/ bi sha zar/ tri pa la du/ su pa ni/ ba ra pra ta/ aM phab byi ni na/ phab byi la ya ka/ tri pa la na nan ya ka/ byi na ya ka/ so so srog gi snying po yin/ / de ni 'khor lo bar pas so// rlung 'khor chung ngu'i sngags ni 'di'o// ma ma trag ru tra mA ra ya phaT/ rlung 'khor chen po'i phyi mtha' ru// lha 'dre'i ming gi nang gong du// srog gi snying po bri ba ni// 'jig rten khams rnams thams cad na/ / 'jig rten gsum gyi rnam shes ni// a lha/ nri mi/ su lha ma yin/ byol song pri/ yi dwags tri/ du la dmyal ba/ ma ma mo/ ya gshin rje/ du ni bdud/ k+Sha ni gnod sbyin/ smu ni ya/ rdo rje legs pa tsa yin te/ nA ga klu/ ra ni srin po ste// gnyan ga sa bdag sa yin te// dam sri sril dza la ma// nu ne the brang ka ru shes// mi yi rigs 'dzin nri yin te// rnam shes srog gi snying po yin// rlung nag 'khrugs pa'i rgyud las/ sngags kyi le'u ste lnga pa'o//// de nas dgra yi bla tshe ni// sngags pa'i lag tu bzhag pa'i phyir// rkang rjes mchil snabs gos dang skra// sen mo dri ma rnam lnga ste// ling ga dgra la thebs par gdab/ / rang gi dri ma mi btang ngo// de ni mchog tu gces pa ste// bla srog gzung ba'i man ngag go/ 'brub khung rgyu ni 'di lta ste// dam nyams yul mkhar sa dang ni// bung bu'i bdud rtsi mi bsad sa// mi phung sa dang ro sregs sa/ / chu chen phar 'gram tshur 'gram sa// 'gyogs phogs dang dur khrod sa g.yos sa// sa sbyin dag dang bsres byas la// rme khrag bong bu'i chu yis sbru/ gru gsum sum rtseg brtsigs byas te/ / rtsang dmar srin mo'i 'gros su gzugs// nad sna mang po'i khrag dang ni// ro sol phye ma bsres byas te// gru gsum nag por byung par bya// 'khor lo rdzas kyi dud pas bdug/ 'phra ma dag ni gzhug byas te/ / bya rog 'ug pas lha dang dbye// ling ga dgongs kha'i zer la bri// de dus bla tshe dgug bya ste// me chen btang la rnga chen brdung// de yi bla tshe khugs pa yin// 'khor lo bskyon la bskor bar bya/ / de ltar byas na nges par 'grub// rlung nag 'khrugs pa'i rgyud las// bla tshe dgug pa'i le'u ste drug pa'o//// yang ni 'jigs byed chen po des// dgra bo lha dang dbye ba bshad// ya ma du ni gnya' rag sha du ne/ nA ga du ne/ du sha a a ke la ti tsa pa la/ yak+Sha du ne du she yu/ nA ga be ne she mA ra ya rbad/ ya ma du ni du she/ dgra bo raka sha du ne/ dgra bo nA ga du ne/ du shi dgra bo ka la ti la tsa pa ya/ yaka sha du ne du she/ dgra bo nA ga be sha dgra bo ma ra ya rbad/ rtsibs lnga pa yi 'khor lo ni// gnyis la dgra bo'i ming dag dang// lha yi dbye sngags bcas pa bri// rtsibs mchan smod par dgang bar bya// 'dre srin sngags kyi bskor la gzhag kha kha hu lu'i lto bar gzhug/ las kyi rlung gis bskor zhing brdeg/ tsha grang dbye ba'i rdzas kyis byug/ mngan lcugs smod pa'i tshogs kyis bskor// lha lnga'i ming dang spel ba ni// mkhas pas bsgrims te bris la bzhag/ gnas dang tshugs shing la sogs 'dra// dur khrod gnas su lha dang mi// spel te gnas su 'dre gzugs dang// lcugs dang dbye ba'i ngan sngags dgod// de yang lag len 'di lta ste/ / lha yi gzugs kyi lto bar ni// ya ma du ni lha dang phye/ ya ma du ne lha lnga dang phrol cig/ phye zhig ces 'dre/ zhes pa la sogs lcugs dang bcas// bri te gzhug par shes par bya// mi yi gzugs kyi lto bar ni/ / ming rus dag dang ya ma du// zhes pa bris la gzhug par bya// 'dre yi lto bar lha 'dre'i tshogs// nyer gcig ming ni bris byas te// lha dang phye zhig bya ba gzhug/ pho rog thod pa lha yi ni// ya ma du ni lha dang phye zhig/ ces pa de yis 'dre ba yin// srog dang ming yang bris la gzhug/ 'ug pa'i thod par dgra bo yi// ming rus bris la gzhug bya ste// stag pa'i tshe la pho rog gzugs// glang ma'i rtse la 'ug pa gzugs/ / de gnyis thabs pas so sor 'gro// mi gnyis 'byed na so sor bya// rlung nag 'khrugs pa'i rgyud las/ dgra bo lha dang dbye ba'i le'u ste bdun pa'o//// skyin thang rlung gi 'khor lo yis// pho mo dbye ba'i thabs bshad pa/ / 'khor lo gnyis la pho mo mtshan// dbye ba'i sngags kyis bskor cing bri// tsha grang 'jigs pa'i rdzas dag ni// btsan dug dag dang tsha ba gsum// ga pur dang ni gsil gsum dang/ / mi dang bya rog 'ug pa'i khrag/ de dag gis ni byug par bya// 'jig rten lha 'dre'i sngags kyis bskor// phye zhig ces pa'i smod mo bri// g.yas bskor g.yon bskor 'khor lo bskor// mi sring sngags kyang so sor bri/ / ming sring gnyis kyi lto bar gzhug/ 'jig rten las kyi rlung gis brten// gnas dang tshugs shing sngar dang 'dra// 'jig cing dbye ba'i rdzas bstan pa// chu chen phar 'gram tshur 'gram sa/ / 'gyogs brgyab dur khrod sa g.yos pa// rme khrag skad chen chu yis spru// sa sbyin dag dang bsres pa la// gru gsum nag po mtho gang nang// 'bru sna lnga yi phye dag la// lha 'dre mi yi gzugs byas la// pho yi snying khar mo yi mtshan/ / mo yi snying khar pho yi mtshan// sngan dang dbye ba'i sngags 'di gzhug kha kha 'ur 'ur shag shag phye/ kha 'ur kha 'ur pa'i shag phye/ rag sha si li li dgra bo shag phye/ che ge mo'i tsit+ti dkrugs dkrugs phye/ ra pho'i gzugs su mo gzugs gzhug/ ra mo'i gzugs su pho gzugs gzhug/ bar du mdzo rur ma ning gzugs// bcug la sngo dmar skud pas dkri// bya rog skyung kha po yi g.yas// 'ug pa hor pa mo yi g.yon/ / 'bru nas 'khor lo'i thad du gzhug/ ma ning thog tu 'khor lo 'o// bza' mi ji ltar mdza' ba yang// 'thab cing so sor shag gis 'gro// spun zla dbye ba 'di lta ste// ling ga bris la gzugs su gzhug/ nu bo bud med lta bur bya// ya ma du ni ming dang spel// 'khor lo dang ni ling ga la// gu gul nag pos bdug par bya// gzhan rnams gong gis 'dre ba'o// spun zla ji ltar mdza' ba yang// 'thab cing so sor shag gis 'gro/ / rlung nag 'khrugs pa'i rgyud las/ mdza' ba dbye ba'i le'u ste brgyad pa'o//// yab ni rlung lha rdzun po che// yum ni srin mo smra 'dod ma// bu ni bzong po mchu yin pas// phra ma gzhan pas mkhas pa yin/ / bu mo khrag srin lcugs mkhan ma// lcugs la shin tu dga' bas na// dbye ba mi 'grub mi srid do// yaM yaM ya tri phye/ maM maM ma tri phye/ ra tsa su ru phye/ tre'u tre'u phye/ shag phye shag/ kha 'ur kha 'ur shag phye/ dgra bo 'di rnams dkrugs dkrugs phye shag/ tril sha ni sa ma ya dgra bo phye shag/ gcig la bya rog khrag gis byug/ gcig la 'ug pa'i khrag gis byug/ gcig la cha ba'i rdzas kyis byug/ gcig la grang ba'i rdzas kyis byug/ mtshon cha kha thal 'byung srid pas// las grub tshe na 'khor lo bshig/ ma bshig na ni rang la 'khor// rlung gis las kun byed pa ste// 'byung ba khor phor 'khol ba yin// ma ni ma mo tsa ni ba tsan/ / du ni bdud la a ni lha// ya ni gshin rje srin po sha/ ni ni rlung lha gnod sbyin k+Sha// sde brgyad yig 'bru 'khor lo ltor// dgra bo phye dang bcas pa bri// rtsub pa'i ltas ston myur ba 'byung// rlung nag 'khrugs pa'i rgyud las/ dbye ba las kyi thus ka'i le'u ste dgu pa'o//// snyigs ma'i dus su song ba'i tshe// rnal 'byor dam tshig mi srung ba'i// 'byung ba'i nang 'gras gyur na// pha rol zil gyis gnon pa ni/ / shog gu'am ni dur shun la// gser ram yungs pa ba glang yis// ri rab gling dang bcas pa bri// laM nan/ yaM nan/ staM pa nan/ pa ya be nan/ staM pa nan/ ur na ma ni staM pa laM nan/ ces pa bris pa'i tsakra ni/ / bzhi'am yang na gcig kyang rung// stobs chen phyogs su kha bltas bri// dug ras dug gis byug byas la// rabs chad sa gsum byugs la brgyang// gri khrag dug dang rabs chad khrag/ sbyar te sha zhon ba dan can/ / gzhi ma cig ni bris nas su// nyams pa'i gnas kyi phyogs bzhi'am// 'khor lo'i grib ma song ba ru// ya ma'i kha la bru ba'am// ya ma'i gnas su sme sol byug/ dgra dang rlung lha'i gzugs kyang bzhug/ gang gi ri rab de yi gnan// sngags kyang gong ma brjod par bya// de steng du mchad rtse gsum dang// lha khang sa dang zam ro dang// ro bsregs rdo dang la btsas rdos// mnan la lus ngag mnan sngags bzlas/ / de nas de yi nub byang du// gru gsum nang du maN+Dal ni// dri yi thig le bdun btab ste// rlung lha bskyed cing dgug bstim bya// ma spyad rin chen rdza yi gdan// lus ngag yid gsum gnan sngags brjod/ / rang gi gnas kyi nub byang du// rlung lha mchod cing dpang gzugs smod// smod sngags bzlas shing rang gi 'khor lo dri yis bdug/ 'grub cing chud mi gson pa yi// sngags ni dus gsum dag tu brjod/ / rang gis srung ba'i 'khor lo la// bu tsa phul la tri yis bsang// yi dam lha dang chos skyong la// tshogs gtor btang zhing gsol ba gdab// de ltar byas na snyam gnyis las// rnal 'byor skal ldan rtse la snod/ / byas pas byas pa bshig pa dang// 'byung bas 'byung ba bshig pa dang// sgyu mas sgyu ma bshig pa de// bstan pa'i bdud rnams 'dul ba'o// rlung nag 'khrugs pa'i rgyud las/ nang 'dras bzlog pa'i le'u ste bcu pa'o/ /// gal te las rnams ma grub na// srid pa'i gshin rje lto dkrugs kyi// 'khor lo bcas la bstan pa bsrung// gnas dang tshugs shing la sogs 'dra// zla ba mar gyi tshe ngan nas// yang na dgu'am nag po la/ / gza' rgod sgra gcan 'dzin la stod// bsgrub pa shes ldan rim rdzogs pas// zhing chen gos la re ba'i bstan// thor cog spyi bor bcing bya ste// gshin rje'i phyogs su kha bltas nas// khros pa'i sems kyi bris par bya/ / ngus ni sgra'i 'brug gam sa g.yos pa'o// dur khrod ras la skyang 'dul bya// tsakra gnyis la dgra ni gnyis// rkang pa bsnol te bri bar bya// dbye ba'i sngags ni lus la bri// gsang pa'i sngags ni lus la bskor/ / khru gang gru bzhir brgyangs pa las// nang du tsakra rtsibs lnga pa// rkang pa'i rtsibs gnyis bsnol te bri// dmigs pa'i ling ga rtsibs la brgyang// lha yi srog dang yig 'bru bzhi/ / ra dza su ru rdzogs pa dang// dmigs pa'i ming rus tshang bar bri// bya rog khrag dang tsha ba'i rdzas// ya ma'i mgo ngos gzugs la byug/ khong ngos ling ga'i 'khor lo la// ma yi srog dang yig 'bru bzhi/ / dgra bo'i ming rus phye bris la// grang ba'i rdzas dang 'ug khrag byug/ gsad pa'i sngags kyis mtha' ma bskor// gshin rje'i g.yas su bzong bu'i mchu// ral gri g.yas pa lcags kyu g.yon// lto bar su ru tshang ba dang/ / smod mo bcol gtad tshang bar bris// de yi mdun du srin mo'i gzugs// bud med phyag mtshan ming po 'dra// lus la 'bru bcu smod mos bca'// mkhas pa shin tu bsgrims te bri// mu khyud gnyis brtsegs nang ma tshe/ / de la lha 'dre'i snying po bri// smod mo ming dang bcas pa dgod// phyi ma'i mu khyud zlum skor la// 'di skad gshin rje khyod nyid kyi// lto na srid pa gsum gnas pas// nga rgyal bdag la khyod nyid kyis/ / mi 'dus gcig kyang ma mchis pas// dam nyams bsgral ba'i zhing 'di nyid de// dkon mchog sdang smod bstan pa 'jig/ ru dra 'di rnams sgrol cig lta'o// zhes pa la sogs pa smod mo bri'o/ / 'khor lo 'dra 'dra gnyis byas la// gcig la pho 'khor don po gdan// gcig la mo 'khor dmigs pa gzhug/ 'khor phyogs blo yis sbyar la bya// tshugs shing mdun du gshin rje'i khyim// dur khrod sa la sum brtsegs brtsig/ khru gang sa la mtho gang spangs// ro sol sme khrag sbyar la byug/ ling ga chen po gcig bris te// 'khor lo'i mtshan ma tshang bar bri// gu gul rams phye mu zi byug/ gru gsum nang du gan rgyal bzhag/ snying khar 'khor lo 'ong bar bya// 'bril shing skye la bya mgo gdags// bye mgo 'brub khung nang du gzhug/ de ltar spogs pa'i 'khor lo bskor// las rnams grub par gdon mi za// de ltar tsakra bskor byas pas/ / las kyi rlung yang 'khrug cing ldog/ de yis 'chi bdag gshin rje ni// ye nas srid gsum bdag po 'khrug/ de rnams mthong rtog bzlog cing 'khrug/ mtshan ma 'di yis lan sems nas/ / dmigs pa rtsad nas gcod par byed// rlung la mi srid byed cing 'khrug/ de yang mtshan ma 'khrugs gsod byed/ khams gsum sems can kun la yang// 'khrug cing rnam pa 'tshe ba yin// rnam smin bsam gyis mi khyab pas/ / 'ga' la bya yi kun la men// sngags pa rang nyid la yang gnod// the tshom yid gnyis spangs la bskor// rlung nag 'khrugs pa'i rgyud las/ spogs pa'i le'u ste bcu gcig pa'o/ /// shin tu khu ldog che ba na// rlung lha las la gzud cing btsun// de yi bya ba'i rim pa yang// sha zhon rlung gi snam bu thogs// sa spyin dag la gzugs byas pa'i// snying kar 'bras bu gnas ling gzhug/ gu gul nag po'i dud pas bdug/ 'brub khung 'khor lo'i thad kar gzhug/ zhag grangs bdun tshan gsum las min// byi'u ling ga'i mgo thog mnan// las grub gso ba'i cho ga bya/ / rnam 'joms grangs las 'das pa bsgrag/ tsha tsha nye 'don bka' dag bsgrag/ chos skyong rnams la gsol ba gdab// tshangs pa'i tshe dang ldan pa yang// lo mi thogs par 'chi bar 'gyur// de bas kyang ni 'khu sa chen/ / sku gsung thugs kyi khro bo gsum// tshugs shing gsum la rim par bri// de yis thub par gdon mi za// rlung nag 'khrugs pa'i rgyud las/ 'khu ldog bsrung ba'i le'u ste bcu gnyis pa'o/ /// las 'di bya ba'i rim pa ni// chos skor khang dben 'dre can nam// rtsi shing mi skye ya nga'i gnas// dur khrod 'byung po gnas pa'i sa// brag chen btsan bdud gnas pa'i sar// gser skyems mchod gtor rgya cher gtang/ / ma nyes shags gdab dbang yang gzugs// cho nges gdab cing brang yang brdung// chos skyong mkha' 'gro 'khor bcas la// gsol ba btab la grogs su bskor// bdud pung 'joms pa'i nyi ma la/ / ro ras dug shun khru gang la// khros pa'i sems kyis bri bar bya// dbus kyi lte ba zlum po la// brgyad 'gabs tshul 'dra gling bzhir bya// de yi gnas su rlung lha'i bu// mi lus bya yi mchu can la/ / nang mi rang gi srog snying dang// smod mo ming dang bcas pa bri// mgo bo'i gling la pha ma gnyis// bsnol ba dag tu bri bar bya// g.yon du bu mo'i lto ba ru// srog sngags la sogs smod mo bri// pha ma gnyis la gsang sngags bri/ / 'phongs kyi gling la a mu ka'i gzugs// du yod ming rus bri bar bya// de yi phyi rim zlum bskor la// srog gi sngags rnams tshang bar bri// pho la rtsibs kyang bdun tsho gsum// lha 'dre nyer gcig srog sngags ming/ / rten dang bcas pa bri bar bya// rtsibs mchan dmigs pa 'thab pa dang// sod dkrugs phye zhig smod mo bri// rlung lha yab yum lto bar bzhug/ las kyi rlung gis bteg la bzhag/ mo 'khor rtsibs ni brgyad tshan gnyis/ / rtsibs la srog sngags ming dang bcas// rten dang bcas pa bri bar bya// dbus dang rtsibs mchan yab yum 'dra// lcam dral gnyis kyang 'dra ba la// yab yum gnyis po sbyar bar bya'o/ / bya rog 'ug pa'i rak+Shas byug/ de yis mi mthun rdzas bstan pa// gdags sribs chu yi chod pa yis// sa bdag klu gnyan gnas pa'-i sa// der skyes glang ma stag pa gnyis// zhal dang kha mig tshang bar bya/ / stag pa'i rtse la og sgro gzugs// mo shing 'ug pa'i sgro gzugs so// tsakra 'bring po'i sngags dag gam// dbye ba pho mo'i sngags phye la// tshugs shing gnyis la bris la bzhag/ sgo reb lta bu'i dbyibs can la/ / ma them chu la ya them me// g.yas pa rlung la g.yon pa sa// ming gzugs legs par bkod la bzhag/ dbus kyi ka ba mtho gang 'og/ tsakra skyon la bskor bar bya// las rnams grub par gdon mi za/ / de yi rgyab tu bdag bsrung ba'i// stong nyid chen po sra ba'i go/ cis kyang mi tshugs pa'i// tsakra legs par bris la bzhag/ rlung nag 'khrugs pa'i rgyud las/ spra khrid kyi le'u ste bcu gsum pa'o/ /// 'byung ba rlung la ma rten gang yang med// srid pa phyi nang gnyis ka rlung la rten// snod kyi lo ka 'pho 'jug dang// bcud kyi sems can 'gro 'dug nyal 'greng dang// sked 'don smra zhing zlos pa rlung yin no/ / de phyir rlung gi 'khor los las kun byed// rlung gi 'khor lo mi shes sngags pa kun// ri mo sna tshogs 'khor lo yin no zhes// bskor ba'i thabs med rang gi yid smon yin// de la bzlos bskor byed pa tshi chad do/ / skal med sngags pa mtshams gcod bsgrub mthu byed// brgyags chad so nam dge sbyor 'chag cing rang sems sdug/ bsam ngan zhe sdang skyes pas ngan song ltung// rlung 'khor 'di yis dgra 'dus sngags pa kun/ / chos spyod bya ba byed cing bsdad bas chog/ las ka 'byung bas byed pas rang sems dal/ khong du sbrul zhugs lus la me 'bar kyang// yid la gcang zhing kha ru gdon mi bya// ngan song gsum gyi sdug bsngal e re 'jigs/ / snying gi dkyil du sbos shig sa ma ya// lnga brgya'i snyigs mar song ba'i tshe// sgrub mthu long med nus pa chung// rgyal po khrims nyams spyod ngan dar// dam chos spyad dbang med pa dang/ / chos skor 'joms shing dge 'dun 'tshe// btsun pa khrims nyams sde 'khrug byed// sngags pa dam tshig mi bsrung bar// nang rme byed cing nor phyir 'brang// skye bo bsrungs pas rlom pa tshe// cis kyang mi thub mi bzlog pa'i/ / 'byung ba rlung gi 'khor lo 'dis// de che 'byung bas 'byung ba bshig/ dper na chu chen 'brub pa 'dra// bskal pa me chen 'bar ba 'dra// las kyi rlung nag 'khrug pa 'dra// khong du gdug pa'i sbrul zhugs kyang/ / spel na mnar med dmyal bar skye// bstan pa'i don la dgongs pa yi// skal ldan re re tsam la ni// rgyud 'di gtad la bka' rgyas gdab// rlung nag 'khrugs pa'i rgyud las/ rgyud kyi che ba bstan pa'i le'u ste bcu bzhi pa'o/ /// chos 'khor bstan pa 'jig pa dang// bla ma brnyas shing rnal 'byor 'tshe// cis kyang bdag la snyad 'dzugs na// de tshe 'di yi las bya'o// rlung ni las kun byed pas te/ / 'byung ba khol por 'khor ba yin// bsgrub mthu'i nus pa rdugs pa dang// rgyal pos rgyal khrims mi thub cing// dam chos spyad la skur pa 'debs// mi nag bzlog pa byed pa mang// snyigs dus sems can las kyis 'khol/ / de tshe las 'di dgongs pas te// nam dgos dus su spyad pas chog/ dper na g.yul ngor ral gri 'dra// 'di la gnad chen bzhi yod de// mi thebs mi srid pa yi gnad/ / las byed rdo rje'i mig nas 'byung// 'jam po rtsub mor bsgyur ba'i gnad// rtsub pa'i rdzas kyi tsakra dbyung// rang la mi ldog pa yi gnad// tsakra klad la bla la zer lan gsum bskor// sna 'dren myur zhing mgyogs pa'i gnad/ / yul gyi lha 'dre las la gzud// zab par nges kyis snying la chongs// bstan bsrungs rgyud chen rgyal po 'di// bstan pa bsrung ba'i gdeng du zhog/ rlung nag 'khrugs pa'i rgyud las/ gnad chen bzhi'i le'u ste bco lnga pa'o//// rlung nag 'khrugs pa'i bskal pa dum bur phyung ba dgos pa'i lag cha tshang ba rdzogs so//// rgya gar skad du/ e man tra sarba tsi na tsakra rbad ma tan+t+ra nA ma tha/ bod skad du/ drag sngags thams cad 'dus pa'i 'khor lo drag sngags gcod pa'i rgyud ces bya ba/ bcom ldan 'das drag po 'jigs byed kyi rgyal po la phyag 'tshal lo/ / 'di skad bdag gis thos pa'i dus gcig na/ bcom ldan 'das 'jigs byed chen po gzir cing gnod byed kyi rgyal po/ dur khrod chen po'i gnas shin tu 'jigs shing skyi bung ba la yang ba'i gnas na/ 'khor nyid las mi zhan pa'i khro bo khro mo dang/ gzhan yang phyag na rdo rje la sogs pa byang chub sems dpa' rnams dang// dregs pa can gyi tshogs bdud dang/ smu dang/ rgyal po dang/ btsan dang/ mgon po dang/ gza' dang/ rdo rje legs pa dang/ klu la sogs pa dang/ gzhan yang ma mo'i tshogs mang po dang// bdud mo dang/ srin mo dang/ thams cad 'dus nas gnas so// de'i tshe bcom ldan 'das 'jigs byed chen po des dregs pa thams cad drag pos gzir cing yongs su gcod pa zhes bya ba'i ting nge 'dzin la bzhugs so/ / ting nge 'dzin de yi mthus sa gzhi thams cad rab tu g.yos so// lo ka thams cad rab tu g.yos pa dang/ 'gul ba dang/ rab tu 'gul ba dang/ ldeg pa dang/ rab tu ldeg pa dang/ 'od dang sgra la sogs pa sna tshogs byung ngo// de'i tshe phyag na rdo rje la sogs pa nyid las mi gzhan pa'i 'khor rnams kyis/ dpal 'jigs byed chen po dang thabs shes rab gnyis med pa'i ngang las bzhengs nas drag po sngags thams cad kyi sbyor bas/ lha dang dregs pa can thams cad gzir bar byed pa/ 'phrog par byed pa dang/ gcod par byed pa dang/ 'jigs par byed pa'i gdon rnams dang// yang dag pa'i thugs las 'thon nas 'khor rnams la bka' stsol bar yongs su rtogs nas/ 'jigs pa med pa yongs su lhan ner gnas so// 'jig rten gyi dregs pa pho mo rnams 'jigs pa med par brgyal bar gyur to// de nas b+ha ga ban thugs zhi ba'i ngang las thugs rje chen pos 'khor rnams snod du rung bar bya ba'i phyir byin gyis brlabs nas/ brgyal ba rnams slar dran pa rnyed nas bde bar gnas par mdzad do// de nas phyag na rdo rje la sogs pa nyid las mi gzhan pa'i 'khor rnams kyis rang rang gi gdan las bzhengs nas/ mkhyen bzhin du b+ha ga ban la mgrin gcig tu 'di skad ces gsol to// b+ha ga ban 'jigs byed chen pos lo kar sa g.yo ba dang/ 'gul ldeg dang 'od dang sgra dang drag po 'di 'byung ba 'di ci'i rkyen lags zhes zhus pas/ / de nas b+ha ga ban gyis thabs shes rab gnyis med pa'i ngang las bzhengs nas/ phyag na rdo rje la sogs pa'i 'khor rnams la 'di skad ces bka' stsal to// rigs kyi gtso bo la sogs pa'i 'dus pa'i 'khor khyed nyon cig/ yang dag nyid du ngas bshad kyis// lnga brgya dus kyi snyigs ma la// zas ngan lci ba za ba dang// gos ngan re ba gon pa dang// dge sdig 'chol par spyod pa dang/ / mtshon gyi bskal pa dar ba dang// nad kyi bskal pa byung dus su// rnal 'byor grong bsnyen dar ba'i dus// snang srid lha 'dre thams cad 'bod// lha 'dre dregs pa rtsal 'gran dus// sbyor ba nang 'thab rig sngags 'gran/ / lha 'dre 'khrug cing srungs ma ldog/ bkra mi shis pa 'byung 'gyur te// bsnyen bsgrub las sbyor snal thang la// nus pa 'byung ba'i long med pas// dkar po yongs su brgyangs pa dang// nag po nyal thag bcad pa'i phyir/ / ma 'ongs skal ldan don ched du// sngags kyi sbyor ba'i man ngag rnams// nga nyid gsung ba'i rtags yin no// zhes gsungs so// de'i tshe dreg pa pho mo rnams rang dbang med par 'jigs pas/ / b+ha ga ban la gsol pa/ bdag cag snying gi dkyil dag na// rang rang gsod pa'i sngags dang brdeg/ gzhan dag gsod pa'i sngags dang brdeg/ de dag ston pas bka' stsal 'tshal// zhes zhus so/ / drag sngags gcod pa'i rgyud las/ gleng gzhi'i le'u ste dang po'o//// de nas bcom ldan 'das la 'di skad ces gsol to// ma lus kun gyi sngon du ni// bsnyen pa tshad du bskyal nas kyang// bsnyen nas nye bar mi 'gyur zhing/ / bsgrubs kyang gang yang mi 'grub na// sangs rgyas bstan pa bsrung ba'i phyir// rnal 'byor ji lta bu yis 'grub// gnas kyi mtshan nyid ji lta bu// khyad par rdzas ni ji lta bu/ / dus kyi khyad par ji ltar lags// ting 'dzin rim pa ji ltar lags// srog dang mtshon cha la sogs pa'i// mgo dang lus dang rkang dang ni// dmag dang go dang mtshon dang ni// ngar dang gri dang tsha la yi/ / man ngag so so ji lta bu// sngags kyi byung tshul ji ltar lags// sngags kyi sbyor ba gang zhig lags// sangs rgyas bstan pa gang gis bsrung// sbyor ba'i dbye ba ji ltar lags// smod mo rnam pa du zhig mchis/ / drag sngags rig sngags ji ltar lags// bcad thabs rnam pa du zhig mchis// bcad pa'i nus pa gang dang ldan// ma bcad rkyen ni ji ltar lags// sngags kyi bzlas lugs ji ltar lags// bzlas pa'i tshad ni gang gis 'grub/ / sngags kyi tsakra ji ltar bskor// 'khor lo'i dbye ba ji ltar lags// mtshan ma'i rtags ni ji ltar 'byung// rang gi lha sngags log na ji ltar bgyi// gzhan gyi rig sngags mtshon zugs ji ltar bshig/ bdag gis ma 'tshal bshad du gsol// drag sngags gcod pa'i rgyud las zhus pa'i le'u ste gnyis pa'o//// de nas bcom ldan 'das dpal chen pos de skad gsol bar gnang nas kyang/ / 'khor gyi tshogs la bka' stsal pa// nyon cig rigs kyi gtso bo khyed// ma 'ongs skal ldan don ched du// sngags kyi man ngag bshad par bya// lnga brgya dus kyi tha ma la// drag sngags gcod pa'i tsakra 'di/ / kun gyi bya ba thun mong min// 'di nyid bsgrub pa'i rnal 'byor 'di// gsang sngags snod du rung ba dang// tshe rabs gong nas sbyangs pa yi// las dang thugs rje ldan pa'i mis// dad pa che zhing shes rab rno/ / zhen chags chung la ser sna med// brtson 'grus che la dam tshig srung// bla ma bkur cing mnyes pa 'bul// thob pa che la man ngag ldan// sngags kyi don la ma rmongs mkhas// da lta'i gang zag dag gis bya/ / de lta bu yi dam pa des// chos dang mthun pa'i gnas btsal te// brag dkar rdo rje gdengs pa dang// rin chen spungs pa 'dra ba dang// gser gyi mchod rten 'dra ba dang// glang chen seng ge sgrigs 'dra dang/ / rtsi shing nags tshal yod pa dang// gnam ni tsakra 'dra ba dang// sa ni pad+ma'i dbyibs su gnas// de dag gnas kyi mtshan nyid ni// bkra shis yid 'ong gnas su gsungs// yang na 'di 'dra'i gnas su bsgrubs/ / brag ni dmar nag sna ngo skya// lung gsum mdo dang ri gsum rtse// dgung rde mi ro spungs pa 'dra// dur khrod gnas dang shing gcig tu// gnod sbyin gdon gyi gnas su bsgrub// yang na rang nyid gnas pa yi/ / nyal sa dben pa'i gnas su bya// khyad par rdzas kyi rim pa ni// drag po e yi dkyil 'khor bri// phud dang bdud rtsi rak+ta dang// sman gtor dang ni dug gtor dang// zhing gi bla ri la sogs pa/ / dug khrag dang ni thig le dang// lcags phye zangs phye rdo phye dang// nyungs kar nyungs nag thun gyi rdzas// gang 'gugs pa yi rten bcas la// thod pa ling ga la sogs pa// khyad par rdzas kyi rim pa'o/ / khyad par dus kyi rim pa ni// dus kyi snyigs ma shar tsam na// rnal 'byor grong bsnyen byed pa'i tshe// bsnyen bsgrub las sbyor gang byas kyang// 'dod pa'i rtags kun med pa ru// rang gi lha dang rig sngags log/ de dus sngags kyi sbyor ba bya// gzhan gyi rig sngags zug gyur na// mtshan ma'i rtags kun ngan gyur ma// de tshe sngags kyi sbyor ba bya// dus min pa ru bya ba min// dus min pa ru byas na ni// rnam smin 'bras bu rang la 'byung/

CLOSE WINDOW