kya rnya? yA thA/ ba h+ya/ dang ta gA' gA' t+ya/ na na/ bad+h+yaratha'/ rgya gar skad du/ bud d+ha ka ra ya hu nA ma/ bod skad du// sangs rgyas kyi 'das rjes gnyis pa/ yang dag par rdzogs pa'i sangs rgyas/ dpa' bo stobs kyi rnam par gnon pa nyid la phyag 'tshal lo// yang gcig rdo rje 'chang chen nga// sems can kun la thugs brtse bas// ting nge 'dzin las gnyid sad de/ / nyon mongs gdug rtsub mkha' 'gro'i gnas// gsang chen rol pa'i dur khrod du// yab ni gnod sbyin yag sha seng ge'i gdung// ma ni 'dod dbang lhums su skyes/ / yid khros 'jigs pa'i gzugs su byas// gzhon nu dpa' bo stobs dang ldan// phyag na rdo rje bya ba ni/ sprin gyi nang nas thon nas ni// 'khor yang byang chub sems dpa' bdun/ / mkha' 'gro pur na nyer bzhi dang// tshangs pa dung mgrin seng ges gdung// drang srong zla 'od gzhon nu dang// de dag 'dul ba'i yul du byas// phu sdud bye bzhi phrag dgu dang/ / 'dul byed bye ba brag gnyis dang// bsdus pa a ti yo ga'i bcud// 'bum phrag gcig la sogs gsang chen rol ba'i dur khrod du gnas// tshe lo drug khri ba yi dus/ / phung po lhag ma med pa ru// rim pa gnyis ldan gsang mchog tu// ye shes lus can de bzhin gshegs// de nas dga' rab rdo rje nyid// gsang chen rol pa'i dur khrod gnas/ / me ri 'bar ba'i shar phyogs su// brgyal cing smre sngags mchi ma phyung// kye ma kye hud kye ma klong// ston pa sgron ma'i 'od nub nas// ma rig mun pa gang gis sel// de ltar smre sngags brgyal sangs nas/ / nam mkha'i dbyings su yar bltas pas// 'od lnga 'ja' tshon 'khrug pa'i nang// ston pa dpa' bo stobs ldan ni// phyag g.yas grub mo yar phyungs nas// rin chen shel gyi za ma tog/ sen gang ba gcig mar la bor// dga' rab lag pa yar bzed nas// glegs bam lag pa'i mthil du babs// de nyid zhal phyes bltas pa yi// bai DUr mthing shog zhun ma la// rin chen sna lngas bris pa snang/ / bltas pas dga' rab rang rgyud grol// de yi zhal chems 'di skad do// nges par sangs rgyas thob 'dod na// sngon du 'gro la rtsal nyid sbyangs// lus dang ngag dang yid gsum mo// ru shan legs par ma phyes na/ khams gsum nyid las mi grol ba// sngon 'gro'i gnad la mkhas par bya// mchog dang thun mong dngos grub 'byung// thog mar dben pa'i gnas nyid du// theg pa bcu gcig dbang mchog bskur/ / de nas theg pa rim gyis khrid// dang po 'jig rten lha mo'i khrid// lus kyis sngon 'gro bya ba'i phyir// rigs drug spyod pa sna tshogs spyad// skyil krung mthil par drang por srang// spyi bro thal sgyu yun du gnas/ / de ltar lus kyi dub byas pas// lus bde mi rtog bar gcod zhi// zhen pa bzlog cing sdig pa 'dag/ lus nyid sprul pa'i skur grol nas// sangs rgyas sku dang gnyis su med// lhag med nyid du grol bar 'gyur/ / ngag gi sngon 'gro bya ba'i phyir// rigs drug sgra skad sna tshogs brjod// zhi khro'i sgra dang 'byung ba'i sgra// rnam pa sna tshogs nyid du bya// ngag ni hUM du gnas pa la// rgyas gdab pa dang rtsal nyid 'byongs/ / gnyen btsal lam du zhugs pa dang// de dag rnams la ngag 'byongs pas// zhen pa log nas ngag sgrib dag/ mi rtog gnyis med longs skur grol// de rnams 'jig rten lha mi'i khrid/ / legs par yang dag nyid du sbyangs// de nas lta log mu stegs khrid// rtag chad gnyis la sbyang bar bya// gcig pa nyan thos lam khrid sbyang// gnyis pa rang rgyal lam khrid kyang// gsum pa byang sems lam khrid kyang/ / bzhi pa kri ya'i lam khrid kyang// lnga pa u pa'i lam khrid kyang// drug pa yo ga'i lam khrid kyang// bdun pa ma hA'i lam khrid kyang// brgyad pa a nu'i lam khrid kyang// dgu pa rdzogs chen a ti khrid/ / sems kyis rtsad khungs bcad pa'i phyir// rigs drug sdug bsngal blo la blangs// 'dus byas thams cad mi rtag pa// kun kyang 'jig pa'i cho 'phrul sgom// de rnams sgom pa'i mkhan po ni// sems la thug gam ma thug brtag/ sems su thug na dge sdig gang che brtag/ de nas sems 'di gang 'ding 'dra// 'dra dpe mang du bsdur bar bya// de nas lus ngag yid gsum po// gtso bo gang yin thag kyang bcad/ / sems su thag chod mna' yang bskyal// de nas sems kyi byung sa btsal// ma rnyed chos kyi sku dang sprod// de nas sems kyi gnas sa btsal// ma rnyed longs spyod sku dang sprad// de nas sems kyi 'gro sa btsal/ / ma rnyed sprul pa'i sku dang sprad// de ltar sems kyis sus byas pa// zhen log bar gcod zhi ba dang// sgrib pas khams gsum gos pa med// chos sku rang grol gnyis med 'da'// de nas lus ngag yid gsum po/ / rnal du 'beb pa mkhas par bya// lus ngag yid gsum sor chud nas// nyams len nyid la brtson par 'gyur// de ltar sngon 'gro rdzogs byas nas// de dag blo yis bor byas te// mngon sum gnad la phab pa'i phyir/ / lus ngag yid gsum bya ba spangs// ces pa'i zhal chems gnyis pa 'di// byin rlabs chen po rang babs kyi// yi ge ris su rang byung ngo// mya ngan 'das pa'i sna khrid yin// bstan pa kun gyi bu gcig po/ / 'bras bu kun gyi mchog dam pa// zhal chems gnyis pa bya ba rdzogs so// skal ldan las can snying gi bu dang sprod// khros ma nag mos rgyal ba'i bka' 'di srungs shig/ DamAnya//// rgya gar skad du/ bud d+ha b+ha ka ra ya b+he nA ma/ bod skad du/ sangs rgyas kyi zhal chems pa gsum pa zhes bya ba/ rang grol rdo rje 'chang la phyag 'tshal lo// sems can tshe lo khri tsho'i dus// srin po ru lu'i yul du yang/ / pha ni rag sha khro gdungs dang// srin mo sham sham nag mo'i bu// ston pa rdo rje 'chang chen ni// drang srong khros pa'i rgyal por skyes// 'khor du srin po bye ba cig/ lo ni stong phrag gnyis bzhugs so/ / stag spyang 'khros pa'i ri bo la// tha mar 'da' ba'i tshul yang bstan// 'khor rnams brgyal te mchi ma phyung// kye ma kye hud kye ma klong// ston pa sgron ma'i 'od nub nas// ma rig mun pa gang gis sel/ / de ltar smre sngags brgyal sangs nas// nam mkha'i dbyings su yar bltas pas// 'od lnga'i nang du ston pa byon// phyag g.yas gru mo mar phyung nas// rin chen shel gyi za ma tog/ sen gang ba cig mar la bor/ / dga' rab lag pa yar bzed pas// glegs bam lag pa'i mthil du babs// de nyid zhal phyes bltas pa yi// rang byung yi ge rang shar ba// rin chen sna lngas bris pa snang// bltas pas dga' rab rang rgyud grol/ / kye ma kye ma bu rnams gson// lus 'di mya ngan 'das 'dod na// sku gsum bzhugs stangs nyid la bslab// 'di ltar su yis byas pa'i mi// dus gsum sangs rgyas thams cad kyi// sku yi klong du mya ngan 'das/ / ngag ni slob pa'i rim pa dang// gnas pa bstan cing la yang bzla// de las mi 'da' sus byas pa// dus gsum sangs rgyas thams cad kyi// gsung gi klong du mya ngan 'das// bya ba dgu 'phrugs dag tu btang/ / sems gnad gzigs stangs gsum bcun te// yul gnad nam mkha' skyen bral sgo// gnad bzlog phab la zur gyis lta// sgron ma bzhi ldan 'bral mi bya// rlung gnad shin tu dal la bslab/ / de ltar gnad gsum gzigs pa yis// sku gsum rig pa stong par 'char// lug rgyud rig pa btson du bzung// mngon sum gnad mthong phyir mi zlog/ chos 'di mngon sum snang ba'i sa// yid spyod 'dzin pa'i lta ba nub/ / nyams snang gong 'phel rnam gnyis kyis// bar do'i ye shes mngon sum gsal// rig pa tshad la phebs pa yis// longs spyod rdzogs pa'i sku ngos zin// chos nyid zad pa'i snang ba yis/ / rdzogs chen bya bral 'bras bu thob// 'di ltar snang bzhi mthar phyin nas// myang 'das btsal du med pa'o// mi 'gul gsum la gzhi bcas nas// sdod pa gsum gyis tshad bzung bas// rtags ni lus ngag yid la 'byung/ / thob pa gsum gyis gzer thebs so// de las bstan du med do sa ma ya// bar do ma bu gnyis sbyor bas// ye shes snang ba lam me ba// 'gro ba'i mar me ye shes sgron// gzi brjid chen po 'od gsal ba/ / zhi khro rang snang dkyil 'khor gsal// 'di ni rang rig 'od snang ste// gnyis med gnyis su med pa ru// yang dag mtha' la rnam par gnas// skad cig gcig gis bye brag phyed/ / sems kyis skad cig don kun rig/ bde chen gzhi 'o mi 'gyur bas// dpag med mda' ltar slar mi zlog/ mi 'gyur gser gyi thur ma bzhin// rang snang nyid du thag chod cig/ dus gsum sangs rgyas thams cad kyi/ / thugs kyi snying po bu gcig po// rin chen zhu ba'i khu bas bris// legs par dril la mchan khung bcug/ bkur sti rim gro phun sum tshogs// su yis byas pa grol bar nges// 'ja' 'od sgra dang sa g.yos dang/ / sad ser mu ge 'byung ba'i tshe// phyogs dang mthun pa'i lce yis klag/ stong gsum sprul pa'i sangs rgyas la// yon phul bas kyang stobs che'o// 'di nyid bstan pa'i srog yin no// lnga ldan bu la rims kyis ston/ / sngags kyi srungs mas srungs cig/ sa ma ya/ rgya rgya rgya/ thasbya mya//// rgya gar skad du/ bud d+ha ka ra ya/ bod skad du/ sangs rgyas kyi zhal chems// ston pa rdo rje 'chang chen nga// stag spyad ri la ting nge 'dzin// lo lnga 'brug gam gnyis bzhugs so// de nas 'gro ba'i don la bzhengs/ / tshe lo lnga stong thub pa'i dus// lho phyogs bya rgod phung po'i ri// nyan thos rnams dang yid 'dres phyir// rgyal po dzA zhes bya ba'i khab// lho phyogs rgyang grag gcig gi sa// pha ni rgyal po seng ge bzang/ / ma ni mdzes ma 'od ldan 'bum// ting nge 'dzin las sku 'khrungs pa// gser 'od dam pa bya bar grags// nyan thos rnam pa'i gdung ba gcad// glegs bam zhu ma 'di gtad do// e ma ho// skad cig rdzogs sangs rgyas 'dod na/ / lus ngag yid gsum bya ba btang// shes pa rtse gcig drang lus gcun// 'phro 'du byung na de nyid lta// byung gnas 'gro gsum brtags pas shes// 'dug stangs gsum dang ldan pa na/ / dbyings kyis nang na 'od kyis khyim// 'gyur de ye mnyam chen po ni// sangs rgyas sems can thams cad la// byas pa med par ye mnyam gnas// 'di nyid su yi rtogs pa'i mi// rang rig ngo bo rtogs pa'o/ / sho lo ka ni bdun pa 'di// thugs rje dran sangs rgyas pa ste// skal ldan bu la rims kyis gtod// skal med rnams la ma nye zhig/ sngags kyi srungs mas thub par srungs// sa ma ya/ rgya rgya rgya/ gter rgya/ sbas rgya/ dam rgya'o//// rgya gar skad du/ bud+d+ha d+harma/ bod skad du/ sangs rgyas kyi chos tshig/ de nas tshe lo stong tsho'i dus// sog po g.yu yi gnas mchog tu// byang chub snying po'i shing la brten/ / brtsegs pa blo gros bya bar skyes// lo ni brgya dang nyi shu ru// byang sems dpag med 'khor gyis bskor// kun byed rgyal po khu byug rol// chos sde mang du gsungs nas kyang// rgyal po dzA yi khang bzangs kyi/ / byang gi phyogs su mya ngan 'das// dza yi khang stengs zhag bdun du// dam pa chos kyi char pa bab// rgyal po dgyes te gsol ba btab// gzi yi phyag rdor gru gang ba// nam mkha' dbyings nas 'di skad gsungs/ / kye kye rgyal po chen po nyon// chos rnams rang bzhin bdag med pas// dngos po med pa'i 'du shes bsgom// chos rnams dngos por gzung med pas// gzung 'dzin med pa'i 'du shes bsgom/ / chos rnams rang bzhin ltar med pas// gsal stong dag pa'i 'du shes bsgom// chos rnams rang bzhin bsgom med pas// dmigs gtad bral ba'i 'du shes bsgom// chos rnams rang bzhin phyogs med pas/ / blo 'dzin dag pa'i 'du shes bsgom// chos rnams rang bzhin rgyus med pa// bya btsal bral ba'i 'du shes bsgom// de skad zhal chems bzhi pa bab// rgyal po gzung 'dzin rang sar grol// gser 'od brtsegs pa blo gros kyis/ / zhal chems rdo rje'i tshig drug gsungs// skal ldan bu la rims kyis gtad do// sngags kyi srungs mas 'di srungs cig/ s+ya mya ya//// rgya gar skad du/ sa tha ta thA g+ha b+h+ya/ bod skad du/ de bzhin gshegs pa thams cad kyi dgongs pa'i bcud/ tshe lo lnga brgya pa yi tshe// bya rgod spungs pa'i ri bo ru// ston pa 'od srungs bgres po la/ / 'khor du dgra bcom bdun gyis bskor// thog ma'i sangs rgyas rab bdun dang// dkyil 'khor gcig bsdus 'khor yin pas// la bya nyon mongs gcad bya'i phyir// nges pa don gyis chos rnams gsung/ / 'das pa'i tshul yang bstan pa'i tshe// gdul bya dgra bcom 'khor rnams la// gdung ba bcad tshig 'di gsungs so// e ma chos sgo bsam yas kun// 'di la ma 'dus gang yang med// 'jig rten 'khrul pa'i blo rings stungs/ / kun kyang mi rtag 'gyur 'chi bsam// rgyus pas las kyis rnam dbye gsal// gdungs pas gsol pa drag tu btab// lus ngag yid gsum ru shan dbye// mi 'gyur lhun grub ma zhen zhog/ shes rab rang byung sgron ma yis// chos sku ngo bo gcig tu bsdud// rgyang zhags chu yi sgron ma yis// rig pa ye shes 'char sgo byed// dag pa dbyings kyi sgron ma yis// rig pa 'od sku 'char gzhi byed/ / thig le stong pa'i sgron ma yis// sna tshogs 'od lnga rang gis mdangs// rtsal rdzogs chos tshig zad par byed// dbyings 'di rig pa'i yul yin no// snang ba mi 'gag lhug par 'char/ / 'khor 'das shan 'byed rnal du dbab// de nas dbyings rig snang ba brtag/ 'di la goms pa'i tshad rnyed nas// phyi rol snang ba thams cad ni// gong nas gong du yar mched nas// rims kyis goms nas chos zad de/ / zag bcas rang dengs 'khor dongs sprugs// ces gsungs nas 'ja' 'od du yal lo// sngags kyi srungs mas srungs cig/ s+ya mya ya/ rba d+h+ya d+ba//// rgya gar skad du/ b+ha d+ha a k+She baM/ bod skad du/ thems/ tshe lo sum brgya pa yi dus// rdo rje gdan gyi 'byung gnas su// yab ni bram ze mtshan bzang dang// yum ni dge slong pad+ma lcam// ston pa rdo rje 'chang chen nga// mngon rdzogs rgyal po bya bar 'khrungs/ / 'khor ni rigs gsum mgon po la// yang dag don gyi chos rnams bshad// de nas mya ngan 'das pa'i tshe// gdung ba bcad tshig 'di babs so// e ma rigs gsum sprul 'khor rnams/ / gsang sngags kun gyis yang gsang gnad// lus ngag yid gsum bya ba ni// dgu phrug dag tu gtang bar bya// lus ngag 'dug stangs bcu gcig gzir// sgo sa gnad phabs zlog zur gyis lta/ / rlung gnad shin tu dal la bslab// rkyen bral gsum gyi dag dbyings la// lu gu rgyud kyis ra ba dang// 'ja' 'od sku thig zer du 'khrigs// sna tshogs gzugs can de bzhin gshegs// nam mkha' khyab par gar byed pa/ / yan lag med pa'i rtsis las 'das// sprin bral nam mkha' dngas pa la// zim bus su rgya blta bar bya// nyin mtshan dbang po ar la gtad// zla ba dgu gsum bdun drug la// mngon sum gong 'phel tshad phebs te/ / phung po rang dengs chos zad do// bstan pa kun gyi snying khu 'di// rin chen zhu ba'i khu bas bris// mgul du btags pas phyi nang grol// skal ldan bu la rims kyis gtod// s+ya mya ya/ sku gsung thugs kyi rgya dam po yod do// TA Taka tha T+wa ra TaM ba Ta//// rgya gar skad du/ rad na ti la/ bod skad du/ rin chen thig le/ tshe lo brgya pa'i tshe// ba ra na se'i gnas mchog tu// drug pa rdo rje 'chang chen nga// ston pa shAkya thub pa zhes// 'khor du lnga sde bzang pos bskor/ / drang nges gnyis kyi chos 'khor bskor// nub phyogs bya rgod phung po'i ri// rdo rje gdan du byang chub gnas// byang chub shing la sku rgyab gtad// srod la bdud kyi dpung rnams btul// nam phyed ting 'dzin mnyam par bzhugs/ / skya rengs dang po shar ba la// nga ni mya ngan 'das tshul bstan// 'di yang gang zag rtag mtha' gsal// tshe stod 'khor 'das ru shan phye// bar du snang bzhi nyams su blangs// tshe smad chos zad mngon sangs rgyas/ / spur khang nang nas sku stod phyung// 'khor tshogs gdung ba gcad pa'i phyir// kun dga'i lag tu glegs bam bab// bltas pas rigs drug dong sprug go/ e ma phyi rabs rigs kyi bu/ / yon tan gsum ldan bla ma tshol// nyams myong yid ches mched grogs tshol// phun sum tshogs pa'i gnas nyid du// rnam snang chos bdun lus gnad bca'// snang ba sems yin bum dbang thob// sems nyid rang stong gsang dbang thob/ / stong pa mtha' khrol sher dbang thob// ngo bo mnyam nyid tshig dbang thob// rang rig sku gsum rjen pa 'di// snying gi dkyil nas lhang nge gnas// rig pa ye shes 'od po che// rgyu rkyen 'bras bu rtags dus su/ / byung gnas 'gro gsum med pa ru// stong gsal ma 'gags zangs thal le// snang ba dngos bzung med pa ste// stong ni dbyings dang kha dog bral// gsal ba gzhi 'gyu'i snang ba gsal/ / ma 'gag rig rtsal sna tshogs 'char// yod do snyam na bzung bcangs bral// med do snyam na 'khor 'das gsal// bcos bslad med par zang thal le// 'gag bsgrub med par yang khrol la// re dogs med par bde khril li/ / gshis lug ngang na dang sang nge// rig pa 'dzin med chos kyi sku// rig pa kun gsal longs spyod rdzogs// rig pa kun 'char sprul pa'i sku// rig pa skye med klong dkyil du// phyi nang gsang ba'i chos rnams 'du/ / chu rnams rgya mtshor 'dus dang mtshungs// 'dzin med skye med rang sar grol// rtog med mnyam nyid rig pa'i sku// bzung bas mi zin chu zla 'dra// rig pa'i sku ni bum sku 'dra/ / ye shes bum nang mar me 'dra// e ma/ 'dzin med rang la mdangs// bcos pa med pa'i ngang la zhog/ sangs rgyas kun gyi ye shes ni// rang gi snying gi dkyil du zhog/ cang med dngos po'i rang gzugs kun/ / nam mkha' stong pa'i dkyil la sbos// gsang sngags kun gyi lta phug ni// sgron ma bzhi la ma yengs stems// rang byung rig pa'i rgyal po ni// lu gu rgyud du shes par bya// rang grol chen po'i lta stangs ni/ / seng ge lta bur shes par bya// gzhi khreg chod kyis 'khor 'das grol// lam thod brgal rtsal sku gsum rgyas// brgyad khri bzhi stong tshig brjod rnams// 'khrul pa'i steng du yang rtse mnan/ / drang po'i sems can blo bsgyur rtsam// nges par 'di la gdeng chos cig/ ces gsungs nas mngon par rdzogs par sangs rgyas so// dus gcig la 'dzam bu'i gling du mchod rten bye ba rang 'khrungs so/ / skal ldan las can cig la gtod cig/ sku gsung thugs kyi rgya yod do// rgyal ba dgongs pa brgyud pa'i// zhal chems rjes dgongs nyams bstan pa kun gyi thugs bcud do// s+ya mya ya//// rgya gar skad du/ h+ya k+ShoM sa b+h+ya/ bod skad du/ rigs 'dzin gyi 'das rjes/ bcom ldan 'das kun snang bcos bsdud dang bral la phyag 'tshal lo// kun bzang chos sku'i glong las ni// 'gag med zhi khro rdor 'chang sprul/ / sku yi mdzad pa bcu gnyis dang// phyi nang gi mdzad pa bcu gnyis dang// thugs kyis mdzad pa bcu gnyis dang// mdzad pa sum cu so drug rnams// ston pa'i bya ba rdzogs pa'i dus/ / rigs 'dzin dga' rab rdo rje nyid// 'khor gyi dam par sku 'khrungs te// mdzad pa'i chos rnams thugs su chud// de lta bu yi rigs 'dzin bdag/ chos kyi bde ba'i lhums su zhugs// prad dz+nya b+ha b+ha zhes su grags/ / ri bo nyi ma snang byed du// lo ni nyi shu sgom tshul bstan// lo ni sum cu rtsa gnyis nas// sangs rgyas bstan pa'i chos rnams ni// ma la ya yi rtse mo ru// rdo rje dbyings kyi mkha' 'gro ma// 'dzin med bde ba'i rol chen dang/ / bde byed ser mo zhes bya dang// rig 'dzin brgya dang gsum po yis// rang bzhin rdzogs pa chen po ni// sho lo kha ni 'bum phrag drug/ bcu phrag rtsa bzhi yi ger btab// bsil ba tshal gyi dur khrod du/ / shes rab gdul byar gyur pa yi// mkha' 'gro drangs las 'das pa la// gu lang bdun bur chos bshad do// bstan pa dam pa rgyas par byas// de nas chu bo dan ti g+hor// zag bcas phung po mi snang bar/ / zag med sgyu ma gzugs kyi sku// nam mkha'i 'od kyi bkang nas gshegs// de dus 'jam dpal bshes gnyen gyis// gdung ba'i smre sngags mchi ma phyung// de tshe nam mkha'i dbyings rum nas// rang byung rang shar tshig 'di grags/ / zhal chem tshig gsum gnad rig zhes// 'jam dpal bshes gnyen nyid la bab// de yi zhal tshig 'di ltar ro// olha/ rang rig rtogs pa'i gdeng la phyag 'tshal lo// yin pa grub pa med pa'i rig pa 'di/ / rang snang shar tshul cir yang ma 'gag pas// snang srid thams cad chos sku'i zhing du shar// shar ba de nyid rang gis thog tu grol// grol tsam nyid nas skye 'gag gnyis su med/ / gnyis med mtha' grol sku gsum rang chas so// a a a/ ngo rang thogs su sprad/ thag cig thog tu chod/ gdengs grol thog tu bca'/ de ltar tshig gsum gnad gdegs la// dgongs pa rnam pa du ma shar/ / 'jam dpal nyid kyis gsol btab pas// zhal chems pa ni 'di ltar grags// ngo ni rang thog sprad pa yi// chos nyid ngo bo rjen par mthong// yid spyod blo yi the tshom khrol// thag rnams gcig thog bcad pa yis/ / dngos po'i chos rnams Da h+yo// snang nyams shes nyams gong du 'phel// rang snang gcig chod nyid du grol// gdeng bzhi grol thag bcad pa yin// 'khrul snang zhing khams nyid du rgyas/ / rig pa rnams kyang srang la thebs// tshad med chos nyid rang sar grol// tshig gsum 'brel pa don 'brel dgu/ rnal 'byor rnams kyis thugs la sbos// sa ma ya/ d+ha thim/ zhal chems gsum pa'i 'di ltar grags/ / ngo bo'i chos rnams stong par shes par gyis shig/ thugs rje'i chos rnams ma 'gag par shes par gyis shig/ rang bzhin gyi chos rnams gsal bar shes par gyis shig/ lta ba'i chos rnams thag chod cig/ sgom pa'i chos rnams phur tshug gcig/ med pa'i chos rnams la zlos cig/ gzhi yi chos rnams dmigs gtad dang phrol cig/ lam gyi chos rnams blo 'dzin dang phrol cig/ 'bru'i chos rnams re dog dang phrol cig/ snang ba'i chos rnams gtad med du thong zhig/ bden pa'i chos rnams bden med du thong zhig/ nga bdag gi chos rnams snang med du thong zhig/ nga sod/ bdag slogs/ 'khor 'das thams cad gzhi med rtsa bral thong zhig/ ces gsungs nas nam mkha' la rang bzhin gyis yal lo// dga' rab rdo rje'i zhal chems tshig gsum gnad du gdeg pa zhes bya ba/ zhal chems gsum pa zhes bya ba rdzogs so/ / s+ya mya ya/ gza' bdud rgyal pos bka' 'di srungs cig/ s+ya mya ya/ rgyu rgyu rgyi/ gter brgya/ zab brgya de rgya'o// // // bcom ldan 'das rang byung gi rig pa la phyag 'tshal lo/ / rdo rje gdan gyi nub phyogs su// rim pa gnyis pa grong khyer du/ yab ni bram ze legs ldan te// yum ni snang la sgrol ma'i bu// 'jam dpal bshes gnyen chen po ni// dur khrod so sa gling du bzhugs/ / sing ha nyid la gdams pa gtad// so sa'i gling du 'od lus yal// de dus sing has smre sngags bton// de tshe nam mkha'i dbyings rum du// gdung ba gcad phyir zhal chems ni// dgongs nyams drug pa zhes byar grags/ / de yi dgongs tshig 'di ltar ro// e ma ho/ bdag 'dzin rtsa ba bcad nas/ byung gnas 'gro gsum gtor gzhig byed rigs pas brtags pas rang rig rjen par bud// rjen pa de nyid bltas pas bdag 'dzin rtog pa bral/ / rtog bral ngang la gnas pas stong ngal sgo lnga bye/ sgo lnga rang lugs bzhags pa chos nyid ma dang mjal// de la goms pa'i skyes bus sku gsum 'bras bu thob/ / 'khor 'das shan 'byed tshig drug dgongs nyams dang po'i// rang rig bdag tu med pa'i rig stong rjen pa 'di// stong gdangs ma 'gags rang bzhin ngang las gnyis med gsal// ji ltar gsal yang stong gsal gnyis med nyag gcig go/ nyag gcig 'khor 'das kun gyis gzhi lam 'bras bu gnas// de shes ye shes chen po lnga dang ldan// chen po lnga dang nyag gcig thig le lnga rdzogs so// tshig drug dgongs nyams gnyis pa'o/ / s+ya/ rig stong sku la gsal zhing 'gyur ba med// stong pa mi 'gyur chos dbyings nam mkha' lta bu'o// gsal ba mi 'gyur nyi zla gza' bral lta bu'o// thugs rje kun la khyab cing don la 'gyur ba med/ / stong pa gsal la ma 'gags sna tshogs cir yang don mi 'gyur// rang byung rang shar rang grol rang rig rang sar rdzogs so// tshogs drug dgongs nyams gsum pa'o// gzhi rang bab rang lugs bzhag pa dgongs pa'i gnad/ / spyod pa dran 'dzin dang bral ba dgongs pa'i gnad// tshogs drug dgongs nyams bzhi pa'o// nyon mongs rnam rtog gi rtsa ba skyang 'ded du thong// rig pa rang thogs su grol ba dgongs pa'i gnad/ / sgom nyams snang gis rtag tshad rgya mtsho ru sbos// nang ye shes kyis sgron chen nam mkha' la khyogs// bar grul bum gyis bru gu grag bar du gsol// rang rig chos nyid du grol ba dgongs pa'i gnad do/ / dgongs nyams lnga pa'o// mi dge rgyab tu bor na dge ba rang kha la/ 'khrul ba'i de nyid rtog na chos can rang sar grol// ngar 'dzin 'gong po thul na byang chub tshul mi dgos// gang yang gzung 'dzin med na 'khrul pa ka nas dag/ chos rnams rgyud thog khal na chos can stubs// de las bslab rgyud med na dbyings las 'das// tshig drug dgongs nyams drug pa'o// tshig bar sum cu so drug yod/ / zhal chems dgongs nyams drug pa 'di// zab phyir gter du sbas pa'o// phyi rabs las can bu dang sprod// s+ya mya ya/ gter rgya/ sbas rgya/ gza'i rgyal pos thub par srungs cig// snang ba bkod pa'i zhing khams na/ / ma bkod rigs pa'i rang snang sku la phyag 'tshal lo// de nas lo ni sum brgya nyer lnga na// s+yaMr gyi me tog pad gling la// 'jam dpal dpal bzangs rdzus te 'khrungs/ / rdzogs chen 'bum phrag drug cu bzhi/ khyad par yang tig srog tig rnams// u rgyan pad+ma nyid la gtad// dur khrod 'jag ma'i gling gong du// phung po lhag med rang yal lo// pad+mas gdung ba'i smre sngags rdungs/ / 'od kyis nang nas 'di skad shar// kye ma kye ma rigs ldan nyon// gsang sngags a ti 'di ltar spyod// zhal chems bzhag thabs bzhi la nyon// lus 'di bzhugs stangs gsum la gzhag/ ngag bslab gnas dang la zla'o/ / yid ni gzeg bral ngang bzhag gdung ba'o// nang dbyings rgyang zhags lam la bzhag/ phyi dbyings lu gu rgyud la bzhag/ gnyis po dril la thig ler bzhag/ thig le dmigs gtad bral bar bzhag/ gnyis pa'o// skyes gnas bar dor cig chod bzhag/ chos nyid bar dor rang snang bzhag/ srid pa bar dor rang log gzhag/ gzhag thabs bzhi pa rdzogs so//// gsang sngags gsang ba'i yang gnad rnams/ / bzhag tshigs 'di las ma 'dus med// nyams su long zhig phyi rabs rnams// lnga ldan bu la 'di gtod cig/ s+ya mya ya/ rgya rgya rgya/ gter rgya/ sbas rgya/ zab rgya//// thig le nyag cig ngang du phyag 'tshal lo// rgya nag sho sha'i gling zhes par/ khyim bdag dge ba'i ming can du// rnam snang mkhyen la gnyis bu de// slob dpon shi ri sid+ha de/ mkhas par sbyangs pa'i don dang ldan/ / 'khor ni rig ldan bsam mi khyab// rigs 'dzin u rgyan ye shes mdo// b+hi ma la mi tra b+ho te dang// mkhas pa'i thugs sras bzhi 'dzom ste// don rgyud rigs 'dzin gsum la snang// dpe rgyud b+he ro nyid la snang/ / byang chub 'byung bar byed pa yi// shing drung lo brgya nyi shu bzhugs// de nas li yul lam khar 'das// thugs sras bzhi la gzer 'di gdab// le lo can snyoms las su mi 'gro ba mngon sum gnyis gnad/ / mngon sum ltar snang du mi gel ba khred chod kyis gzer// chos rnams bzang rtogs su ma lus thags chod kyis gzer// ngan rtog the tshom du ma shor ba rtags tshad kyis gzer// gnyis snang gnyis med du ma lus pa zhen med kyis gzer/ / zangs du 'dug pa rang grol gyi gzer// gzer bu bdun gyis dgongs pa 'di// bai ro'i lag tu bab pa yi// skal ldan las can cig dang 'phrad par shog/ gza' bdud kyi rgyal pos srungs cig/ gter rgya/ sbas rgya/ zab rgya//// thig me mnyam rdzogs ngang du phyag 'tshal lo// u rgyan yul 'khrungs bad la'o// las smon dag pas sing ha mjal// thugs rje'i stobs kyi bstan pa a ti bab// gdul bya'i stobs kyis bod du 'ong/ kha ba can rnams bde la bkod/ khri srong lde btsan bsam pa bsgrubs// sa 'og sa bla gter gyis bkang// brgya dang bcu gcig bod yul bsdad// nga ni srin po'i yul du 'gro/ bai ro nyid la gdams pa gtad/ / chos rnams thams cad gcig tu dril// myong ba'i steng du rdo rus gtug/ zhal thems dus su zhun thag chod// yid kyis snang ba'i yul la bslad// gzugs kyis rig pa'i mdangs ma shigs// rtogs pas rtogs pa'i dri ma khrus/ / stong pa skye med cig chod so// bdag 'dzin bral ba'i lung steng na// zhen 'dzin bral ba'i lus bor la// brtag spyad bral bar lam mer zhog/ rang mdangs nam mkha'i dbyings su shar/ / mu ti rma bya dra ba ris// nyi zla gza' skar 'ja' tshon ris// rig pa'i rang sku brjod las 'das// yo ga bdun gyi lus spur la// snang ba bzhi yi zag bcas yal// 'di las med do tsit+ta thim// zhes gsungs so/ / slob dpon srin yul bzhud// sho lo ka ni bzhi pa 'di// u rgyan dgongs pa'i zhal chems so// rtags kyi rtags kyis ngo bo 'phrod// sgom gyis bsgom gyis don khrol lo// gza' bdud kyi rgyal pos srungs la/ / skal ldan bu la rim gyis gtod// gter rgya/ sbas rgya/ zab rgya//// rigs 'dzin rnams kyi zhal chems so// dbang ldan mngon sum ye babs klong la phyag 'tshal lo/ / bai ro tsa na mkhas pa ngas// blo 'das rin chen gter du gdam// rgya nag yul du 'gro ba'i tshe// zhal chems lhugs pa 'di bzhag go/ ho ji ltar ling bkan chos mang kyang// 'du shes ma zad blo ris yin/ / chos zad klong du la zlos cig/ ji ltar tshig brjod thams cad kun// rtog pa ma zad sna khrid bo// brjod med ngang du la zlos cig/ ci ltar dmigs gtad bskyed rdzogs kun// bzang rtog phyogs rer bstan pa tsam/ / dmag de klong du la zlog cig/ ci ltar byed spyod thams cad kun// nyon mongs gnyen por bstan pa tsam// spang blang bral bar la zlos cig/ sgo gsum khreg chod zab lags kyang// rlung sems btson bzung bstan pa tsam/ / seng glang drang srong la zlos cig/ 'di ltar lta stangs brjod 'das kyang// rnam rtog 'gyu rlungs bzung ba tsam// zlog gam zur gyis la zlos cig/ 'di ltar sems 'dul khrims mang kyang/ / yid spyod phyug mdzod smon dang mtshungs// yul gyis ye shes mngon sum ltos// e ma lus ma 'gul/ ngag ma smra/ sems mi spro/ yul nam mkha'/ byad mig 'bral/ khyug ge bring ngo// lam me/ lhang nge/ khrol le/ shig ge rtog med du rjen ne/ phaT a/ hring hring hring/ e ma ngo mtshar rmad kyi chos/ yang tig srog gi bcud thig rnams// gcig tu dril te yi ger btab// ma 'ongs don du gter du stam/ / phyi ma dad pa shes rab can// 'jam dpal ci nas phyag rdor gyis// sprul pa 'byung gis 'phrad par shog/ rdo rje legs pas bka' 'di srungs/ s+ya mya ya/ a ti bla na med pa bstan pa'i snying/ mkha' 'gro'i srog skal ldan gyi nor/ don gyi mchog klong chen srog thig bya ba rdzogs so// rgya rgya rgya/ kha tham/ Ta bai ro tsa nas spre lo spre'i zla'i tshes bcu'i snga dro 'ching phu'i yang dben du/ chu shog rin chen zer 'phro la bris/ //// rgyu rgyu rgyu/ gter brgya/ sbas brgya/ zab brgya de rgya'o//// u rgyan gyi skad du/ thArbAnya khwaswam na baT banang mang u0f7f bod skad du/ bla ma sku gsum bde ba chen po'i gsang rgyud ces bya ba/ bcom ldan 'das bde chen dri med 'od mi 'gyur ba la phyag 'tshal lo/ / 'di skad bdag gis thos pa'i dus gcig na/ bcom ldan 'das bde ba chen po lhun gyis grub pa'i ston pa/ gnas chos nyid mnyam nyid kyi pho brang na/ rang lus sprul pa'i 'khor tshogs rnams dang lhan cig tu/ byang chub sems kyi chos nyid la dus gsum bla ma'i ting nge 'dzin la mnyam par bzhugs so// de'i tshe 'khor gyi nang nas/ rang byung thugs rje ye shes rtsal langs nas/ gus pa'i lus/ snyan pa'i ngag/ dang ba'i yid kyis/ bcom ldan 'das la/ 'khor rnams kyis mgrin gcig tu 'di skad ces gsol to// e ma ho/ bcom ldan dpal chen bde ba che// byang sems bla ma'i ting 'dzin de// ma rtogs skyon ni ji ltar 'gyur/ / rtogs pa'i yon tan gang ltar 'byung// sems nyid bla ma ji ltar byon// de don 'dus pa'i 'khor la gsungs// zhes gsol to// de nas bcom ldan 'das kyi sku chos kyi dbyings las ma g.yos pa'i/ gsung ci yang mi 'byon pa'i tshul gyis/ thugs rtog pa med pa'i ngang nas dgyes bzhin du/ bka' stsal pa/ nyon cig rang byung rang sems 'khor// byang sems bla ma'i ting 'dzin de// ma rtogs skyon ni sems can 'gyur/ / rtogs pa'i yon tan sangs rgyas 'byung// sangs rgyas kun bdag bla ma yin// bla ma rang byung ye shes so// zhes gsungs so// de nas thugs rje ye shes rtsal gyis yang gsol ba/ e ma bcom ldan bde ba chen po la sogs/ byang chub sems kyi chos nyid de// rtogs dang ma rtogs mtshan nyid gang// de don ston pa'i bla ma de// rang byung nyid du ji ltar 'byon// de don rgyas par bshad du gsol/ / bcom ldan 'das kyis bka' stsal pa// byang chub sems kyi chos nyid de// chos nyid dbyings kyi nam mkha' la// de nyid rang rtsal ma 'gags pas// sprin bzhin bde gsal mi rtog gsum// rang bzhin byang chub sems su shar/ / sems la nga bdag gzung ba yis// dus gsum shar nas gzhan du 'phrul// chags sdang rmongs pas khams gsum du// sems can lus ngag yid gsum grub/ / 'khor ba'i sdug bsngal byung ba yin// sems la bdag tu ma gzung bar// 'dzin med rang sar spyod pa yis// rang shar rang grol lhun grub tu// sprul sku longs sku chos sku'o// bde chen sangs rgyas 'byung ba yin/ / sangs rgyas bla mas bstan pas byung// bla ma med pa'i gong rol tu// sangs rgyas bya ba'i byung sa med// thog ma'i sangs rgyas bla ma yin// bla ma sems las rang byung yin// sems nyid don gyi bla ma yis/ / nang gi rang sems chos skur bstan// chos sku snang ba mtha' yas yin// sems nyid brda yi bla ma yin// phyi rol snang ba sprul skur bstan// sprul sku pad+ma thod 'phreng rtsal// sems nyid ye shes bla ma yis/ / bar gyi rlung rig longs skur bstan// longs sku thugs rje chen po yin// sems nyid lhan skyes bla ma yis// nang rig sems gsum dbyer med bstan// bde chen 'od mi 'gyur ba yin// bla ma rang byung sangs rgyas te/ / kun gyi bdag nyid ni 'dod pa'i don grub nor gyi mchog/ dug lnga nad sel sman gyi mchog/ thar bar 'dren pa skyabs kyi mchog/ 'khor ba las grol gru yi mchog/ ma rig mun sel sgron me mchog/ bdag gzhan don grub dam pa'i mchog/ bde legs kun mdzad gter gyi mchog/ sangs rgyas kun 'byung pha yi mchog/ 'gro kun skyong ba ma yi mchog/ theg pa kun ston chos kyi mchog/ bar chad kun sel srung ba'i mchog/ 'brel tshad don ldan byin rlabs mchog/ ya mtshan dngos grub ngo mtshar mchog/ gang la gang 'dul yi dam mchog/ las rnams kun grub chos skyong mchog/ thams cad bla ma mchog las byung/ / bla ma kun byung kun mkhyen yin// thams cad mkhyen pa'i sangs rgyas so// gdod nas yin te glo bur min// rang byung yin te bcos ma yin// lhun grub yin te 'gyur ldog med// sku gsum rdo rje 'dzin pa yin/ / zhes bka' stsal to// bla ma sku gsum bde ba chen po'i gsang rgyud las/ gleng gzhi gleng bslangs bla ma byon tshul gyi le'u ste dang po'o//// de nas thugs rje ye shes rtsal gyis yang gsol ba/ e ma/ bcom ldan bde ba chen po la// rang byung sku gsum bla ma de// ma rtogs 'khrul ba'i sems can gyis// sku gsum bla ma ji ltar sgrub// de don 'dus pa'i 'khor la ston// ces gsol to// bcom ldan 'das kyis bka' stsal pa/ / rang byung sku gsum bla ma de// ma rtogs 'khrul ba'i sems can gyis// gzhan nas bsgrubs pas mi 'grub 'khrul// rang sems bla mar bsgrubs pa yin// sems can sangs rgyas snying po can/ / sku gsum bla ma'i ngo bos khyab// yin kyang bdag 'dzin sgrib pa yis// bla ma dus bzhi'i sangs rgyas dang// 'bral med gnas kyang ma rtogs pas// bdag med rang grol sku thob phyir/ / thog ma'i sangs rgyas bla ma la// rang sems sku gsum smin pa yis// gzhi la byin rlabs rjes snang zhu// da lta'i bla ma sangs rgyas kyis// rang sems sku gsum ngo bo ru// lam gyi sgrub thabs nyams su blang/ / ma 'ongs bla ma sangs rgyas su// sku gsum grub pa'i 'bras bu de// rjes kyi yan lag rtsal sbyangs te// gzhi dang lam dang 'bras bu gsum// dus gsum sku gsum dbyer med du// sangs rgyas thog ma tha ma med/ / ye shes mig gcig dri med gsal// bde ba chen por dngos sangs rgyas// sku gsum 'gro don lhun gyis grub// ces bka' stsal to// bla ma sku gsum bde ba chen po'i gsang rgyud las// rang sems bla mar bsgrub pa'i mdo byang gi le'u ste gnyis pa'o/ /// de nas thugs rje ye shes rtsal gyis yang gsol ba/ e ma/ bcom ldan bde ba chen po lags/ ma rtogs 'khrul pa'i sems can la// gzhi la sku gsum ji ltar gnas/ / thog mar bla ma'i byin rlabs kyis// gzhi las lam du ji ltar smin// de don 'dus pa'i 'khor la gsungs// zhes gsol to// bcom ldan 'das kyis bka' stsal pa// sems can ma lus thams cad la/ / kun gzhi byang chub sems las byung// byang chub sems la sku gsum gyi// ngo bo ye nas lhun grub tu// sems nyid mi rtog chos skur gnas// sems nyid bde ba longs skur gnas// sems nyid gsal ba sprul skur gnas/ / sku gsum bla ma'i dgongs pa de// sems kyis khyab tshad kun la khyab// ye nas 'bral med gnas gyur kyang// de nyid ma shes glo bur gyis// mkha' la sprin gyis bsgribs pa ltar/ / bdag 'dzin zhan pas ma rig 'khrul// dug gsum spyad pas khams gsum 'khor// de nyid gzung 'dzin gsal ba na// rang sems sku gsum bla ma ru// na bun sangs pa'i nam mkha' ru// sngon du lhag gis smin nas 'ong/ / de phyir bdag 'dzin grol nas su// snang rig sems gsum bdag med du// sku gsum lhun grub bde ba che// rang rig rang dbang bskur ba yis// rang dbang sems la thob pa na// 'dus byas rdzas dang dkyil 'khor gyis/ / kun rdzob mchog dbang bskur mi dgos// bskur yang rig pa'i dbang mi thob// 'on kyang mos pa'i rten 'brel gyis// thun mong byin rlabs 'byung ba srid// yang dag sku gsum mi rtogs pas/ / thog mar rig pa rtsal dbang bstan// sbyor dngos rjes gsum byin gyis rlobs// sbyor ba slob mas bla ma la// chos kyi sku ru mos byas la// rang sems chos skur ma rtogs pas// gti mug 'khor bar 'khyams pa yis/ / sdug bsngal sems can snying re rje// de rnams chos sku thob par bya// snyam du mos pa'i sems bskyed kyis// phyag 'tshal me tog gtor byas la// rnam dag chos dbyings pho brang du/ / skye med chos sku'i bla ma la// bdag nyid gus pas gsol ba 'debs// ma rig gti mug rang grol nas// rang byung ye shes lhun grub tu// chos sku'i byin brlabs dbang bskur zhu/ zhes pas gsol ba lan gsum gdab/ / dngos gzhi bla mas slob ma la// ma yengs sems nyid rtse gcig la// rang byung chos sku'i dbang 'di bskur// chos sku'i pho brang chos kyi dbyings// cir yang ma grub yangs pa'i klong/ / chos kyi sku ni spros dang bral// gcig tu ma grub gnyis su med// kun la khyab pa'i thugs rje can// ngo bo nyid du lhun grub 'dis// sems nyid chos skur dbang bskur ro// de bzhin nyid du byin gyis rlobs/ khyod kyi sems nyid de ltar yin// rang sems chos sku'i dbang thob 'gyur// zhes pas chos sku'i dbang bskur la// rjes snang rang sems chos skur sgrub// chos sku'i rang rtsal longs sku'i dbang// rang rig nyid la smin bya'i phyir/ / sbyor ba slob bus bla ma la// longs spyod rdzogs sku'i mos byas la// rang rig longs skur ma rtogs pas// 'dod chags srid pas 'khor bar 'khyams// 'dod log sems can snying re rje/ / de rnams longs skur thob par byed// snyam du 'jug pa'i sems skyed kyis// phyag btsal me tog gtor byas la// gsal dag bde chen pho brang du// ma 'gags longs sku'i bla ma la// bdag nyid gus pas gsol ba 'debs/ / 'dod chags zhen pa rang grol nas// rang rig ye shes rang grol du// longs sku'i byin brlabs dbang bskur zhu// zhes gsol ba lan gsum gdab// dngos gzhi bla mas slob ma la/ / ma yengs yid kyis rtse gcig la// rang gsal longs sku'i dbang 'di bskur// longs sku'i pho brang bde ba can// zhing khams rnam dag bsam mi khyab// longs spyod rdzogs sku gsal la stong// dngos por ma grub bzung du med/ / kun tu snang ba'i dal can la// rang byung ye shes gsal mdangs 'dis// rang rig longs skur dbang bskur ro// de bzhin nyid du byin gyi rlobs/ khyod kyi rlung rigs de bzhin yin/ / rang rig longs skur rang dbang thob// ces pas longs sku'i dbang bskur la// rjes snang rang rig longs skur bsgrubs// longs sku'i rnam 'phrul sprul sku'i dbang// rang snang nyid las smin bya'i phyir/ / sbyor ba slob bus bla ma la// sprul pa'i sku ru mos byas la// sdang sems gnyis snang 'khor bar 'khyams// log rtog sems can snying re rje// de rnams sprul skur thob par bya// snyam du don dam sems bskyed kyis/ / phyag 'tshal me tog gtor byas la// skyon med pad+ma'i pho brang du// des med sprul sku'i bla ma la// bdag nyid gus pas gsol ba 'debs// log rtog zhe sdang rang grol nas// rang snang ye shes rang gsal du/ / sprul sku'i byin rlabs dbang bskur zhu// zhes pas gsol ba lan gsum gdab// dngos gzhi bla mas slob ma la// ma yengs snang ba rtse gcig la// rang snang sprul sku'i dbang 'di bskur/ / sprul sku'i pho brang u rgyan yul// rang rang gang mos zhing khams nas// sprul pa'i sku ni ngo mtshar can// nye ring med pa kun tu 'byon// gang mos der 'byon byin rlabs can// rang snang dag pa'i sku mchog 'dis/ / rang snang sprul skur dbang bskur ro// de bzhin nyid du byin gyis rlobs/ khyod kyi snang ba de bzhin yin// rang snang sprul skur rang dbang thob// rjes snang rang snang sprul skur bsgrub// sku gsum ngo bo dbyer med pas/ / thams cad rdzogs pa'i sangs dbang// lhan cig skyes par smin bya'i phyir// sbyor ba slob mas bla ma la// bde chen sku ru mos byas la// sku gsum dbyer med ma rtogs pa// der 'dzin shes bya'i sgrib pa yis/ / sangs rgyas ma thob snying re rje// snyam du dmigs med sems skyed kyis// phyag 'tshal me tog gtor byas la// yang dag 'od gsal pho brang du// phyogs med bde chen bla ma la// bdag nyid gus pas gsol ba 'debs/ / tha dad gzung 'dzin rang grol nas// rang byung sku gsum lhun grub tu// bde chen byin rlabs dbang bskur zhu// zhes pas gsol ba lan gsum gdab// dngos gzhi bla mas slob ma la/ / snang srid sku gsum dbyer med cing// lhun grub bde chen dbang 'di bskur// bde chen pho brang rnam dag dbyings// lhun grub 'od gsal kun bzang klong// bde chen sku ni 'dus ma byas// ma bcos rang bzhin lhun gyis grub/ / gsal la 'dzin med bde ba che// kun mkhyen kun shes kun rtog bral// sgrib med thams cad mkhyen pa 'dis// rdzogs sangs rgyas par dbang bskur ro// de bzhin nyid du byin gyis rlobs/ khyod kyi ngo bo de bzhin nyid// sku gsum lhun grub rang dbang thob// rjes snang sku gsum dbyer med du// bde ba chen por rtsal sbyang ngo// 'bras bu myur du smin par 'gyur// 'di thob sangs rgyas thams cad kyis/ / dbang bskur ma lus thob pa yin// bde gshegs bka' lung thams cad rdzogs// sku gsum bla mar rang ngo 'phrod// de nyid dbang gi mthar thug go/ zhes bka' stsal to// sku gsum bde ba chen po'i gsang rgyud las/ / rang sems bla mar byin rlabs dbang gi le'u ste gsum pa'o//// de nas thugs rje ye shes rtsal gyis yang gsol ba/ e ma/ bcom ldan bde ba chen po lags// sems can sangs rgyas rgyud nyid la/ / byin rlabs dbang gis gzhi smin pa// lam gyis nyams su blangs pa yis// 'bras bu sku gsum ji ltar 'grub// de don 'khor la gsung du gsol// ces gsol to/ / bcom ldan 'das kyis bka' stsal pa// rang sems sangs rgyas sku gsum du// ma rtogs gzung 'dzin 'khor bar 'khyams// rtogs pa'i nyams len mngon sangs rgyas// sangs rgyas gzhan nas ma mchis te/ / rang sems sangs rgyas sku gsum yin// yin la chags 'dzin med pa yis// de yi nyams len rtsol ba bral// ma bcos bzhag pas sku gsum grub// de phyir da lta sgrub pa bstan// lus ngag yid gsum sku gsum du/ / rang bzhin nyid du 'od gsal bar// lhun gyis grub nas rtogs pa la// kun rdzob blos byas sgrub mi dgos// rang snang sprul skur gsal ba la// bskyed rim mi dgos dran pas gsal// rang sems stong pa chos sku yin/ / stong gsal 'gag med longs sku yin// cir yang 'char ba sprul pa'i sku// de gsum dbyer med bla ma yin// byas pa med par kun la rtogs// rtogs kyang rtsal ni ma rdzogs pas// bu chung mi ru rtogs gyur kyang/ / gso ran ma byas rtsal ma rdzogs// de bzhin sku gsum yin gyur yang// de nyid brtan pa ma thob pas// lus ngag yid gsum tha mal lus// de phyir sku gsum bla ma de// ma bcos sems la ma yengs bsgrub/ / rang sems sku gsum rtsal rdzogs 'gyur// de nyid sku gsum bla ma dngos// sangs rgyas kun dang dbye ba med// de ltar ma rtogs gang zag gi/ sku gsum logs nas bsgrub 'dod cing/ / 'dus byas kun rdzob cho ga yis// med la rtog 'dzin rtag lta dang// rtogs la med stong rdzogs rim dang// gnyis med gnyis 'dzin bsnyen bsgrub kyis// sku gsum bla ma 'grub mi 'gyur// yin kyang mos snang mthu rtas kyis/ / tshogs rdzogs thun mong sgrib pa 'dag/ mchog gi don la gzhol bar 'gyur// de phyir bla ma rang la sgrub// thams cad rang sems 'di nyid yin// bskyed rim spyan drangs bzhugs su gsol/ / phyag 'tshal mi dgos rang re yin// mchod 'bul mi dgos mnyes byed med// bstod bskul mi dgos gnyis su med// bsnyen bsgrub mi dgos ye nas grub// sku gsum rang nyid yin pa la// rang la yin lugs gsal 'debs ni/ / rang sems skye med chos kyi sku// bde chen snang ba mtha' yas yin// gnas ni chos dbyings snying dkyil na// rtogs dus chos kyi dbyings yin te// ma rtogs snying la gnas par bzung/ / cir yang ma grub stong pa la// kun tu gsal bas snang ba ste// phyogs ris med par mtha' las 'das// gzung 'dzin med par bde ba che// dbyings rig gnyis med ngo bo nyid// 'di dkar lhag ge gsal ba yis/ / chos kyi sku zhes gsal ba yin// gzugs sku ma grub chos sku las// sangs rgyas thams cad 'di las byung// dkyil 'khor kun gyi gtso bo yin// rigs kyi bdag po bla ma ste/ / rang sems bla ma chos sku la// ji ltar byas kyang 'gyur ldog med// ma bcos rang bzhin lhun gyis grub// de la nyams len ci yang med// de nyid ngang du skyong ba yin// rang sems 'gag med gsal tsam na/ / longs sku thugs rje rigs bzhi yin// gnas ni zhing khams rtsa la gnas// rtogs na mkha' spyod bde chen la// ma rtogs rtsa dang rlung du 'char// sgo lnga gsal bas sku yin la// dngos po med pas ye shes te/ / sku dang ye shes longs spyod pas// phyi nang kun tu gsal ba la// gzugs nyid gsal stong 'dzin pa med// me long ye shes longs spyod pa'i// badzra thugs rje chen po yin// sgra ni grag stong gnyis su med/ / mnyam nyid ye shes longs spyod rdzogs// rat+na'i thugs rje chen po yin// dri ni tshor stong 'du shes bral// kun rtogs ye shes longs spyod rdzogs// pad+ma'i thugs rje chen po yin// ro ni myong stong lhun gyis grub/ / bya grub ye shes longs spyod rdzogs// karma'i thugs rje chen po yin// rang sems sku gsum nyag gcig la// ma 'gags sgo lngar gsal tsam na// zhi ba longs spyod rdzogs sku 'byung// gsal cha rags su shar tsam na/ khro bo longs spyod rdzogs sku 'byung// snang la rang bzhin ma grub pas// ye shes sku yi dkyil 'khor can// ye shes zhen 'dzin med pa yis// bla ma longs spyod rdzogs pa de// ji ltar byas kyang 'gag pa med/ / rang byung rang gsal lhun gyis grub// de la sgrub rgyu ci yang med// rang gsal nyid du skyong ba yin// rang sems snang bar shar tsam na// nges pa med pa sprul pa'i sku// u rgyan pad+ma mtshan brgyad yin/ / gnas ni u rgyan yul na gnas// rtogs na u rgyan ko sha la// ma rtogs tshogs brgyad yul de yin// rang sems gcig gi 'char tshul las// rnam shes tshogs brgyad byung ba yis// gang du 'char ni nges med la/ / gcig las brgyad byung sprul sku yin// yin kyang sems nyid chos sku la// gzhan gyi skyon gyis ma gos pas// u rgyan pad+ma zhes pa de// mig gi rnam shes snang stong tshogs// dngos med sprul sku pad+ma yin/ / rna ba'i rnam shes grags stong tshogs// bden med seng ge sgra sgrogs yin// sna yi rnam shes tshor stong tshogs// 'dzin med nyi ma 'od zer yin// lce yi rnam shes myong stong tshogs// zhen med pad+ma sam b+ha yin/ / lus kyi rnam shes reg stong tshogs// chags med blo ldan mchog sred yin// kun gzhi rnam shes ye stong tshogs// gzhi med shAkya seng ge yin// nyon mongs rnam shes rig stong tshogs// rtog med pad+ma rgyal po yin/ / yid kyi rnam shes 'gyus stong tshogs// gtad med pad+ma thod 'phreng yin// de ltar rang sems chos kyi sku// tshogs brgyad yul du shar tsam na// rang snang sprul sku pad+ma brgyad// de las kyang ni ma 'gags pas/ / snang ba gang shar sprul sku yin// chos dbyings stong pa'i nam mkha' la// rig pa ye shes chos kyi sku// ma 'gags rol par shar ba yis// sprul sku dpa' bo mkha' 'gro yin// snang ba snod kyi 'jig rten kun/ / bla ma sprul sku'i gzhal yas yin// 'gro ba sems can ma lus kun// bla ma sprul sku'i ngo bo yin// snang ba rang sems yin pa'i phyir// gang ltar byas pa de ltar yin// snang yang sems las gnyis su med/ / gnyis med snang ba sprul sku yin// sprul sku'i snang ba gsal ba la// rig pa hur gdon byung rgyal gtad// rang snang mi 'gyur gzhan mi 'gyur// rang snang sprul skur shes pa na// thams cad sprul skur 'char ba yin/ / ya nga'i phyogs su thog brdzis btang// snyems rtog khu 'khrig med par bya// dngos grub chen po bdud kyis ster// bdud kyang rang snang sprul sku yin// rang snang sprul skur ma shes na// lha yang gnyis 'dzin bdud du 'khrul/ / snyems byed the tshom 'khor ba yin// snang ba ci shar rang snang yin// rang snang 'dzin med sprul sku yin// ji ltar shar yang 'dzin pa med// zhen med rang shar rang grol du// sprul sku chu zla bzhin du gsal/ / rtsol ba med par lhun gyis grub// de la bsgrub rgyu ci yang med// gang shar don de skyong ba yin// rang sems snang bar shar ba'i tshe// sprul sku yin pas gsal ba ltar// dngos por 'dzin pa'i rtag lta med/ / rang snang lus kyi 'dzin pa zad// lta byed rtogs pa rang grol yin// rang sems dngos med gsal ba'i tshe// longs sku yin pas de nyid spyod// rang rig rlung gi 'dzin pa zad// gnyis 'dzin 'dzin pa'i rtag lta med/ / gcod byed rtog pa rang sar grol// rang sems mi g.yo gnas pa'i tshe// chos sku yin pas de kar bzhag/ stong par 'dzin pa'i chad lta med// rang sems 'di yin 'dzin pa zad/ / bsgom bya bsgom byed rang sar grol// rang sems sku gsum bla ma las// ji ltar byas kyang mi 'da' bas// rig pa gcer bu lding bar grol// thams cad dbyer med mnyam pa nyid// bde gshegs ma lus 'dus pa'i sku/ / bde chen thams cad mkhyen pa yin// de nyid don de bskyang ba las// gzhan gyi bya rgyu ci yang med// snang rig sems gsum dbyer med du// rtogs med sangs rgyas thams cad 'grub/ / mtha' yas bdag dang dbye ba med// yon tan ma lus thob pa yin// sku gsum rnam mkhyen lhun gyis grub// 'gro don 'phrin las ma lus rdzogs// 'khor ba dong nas sprugs pa yin// de nyid bsgrub pa'i mthar thug go/ zhes bka' stsal to// bla ma sku gsum bde ba chen po'i gsang rgyud las// rang sems bla mar bsgrub pa nyams len gyi le'u ste bzhi pa'o//// de nas thugs rje ye shes rtsal gyis yang zhus pa/ e ma bcom ldan bde ba chen po lags// rang sems sku gsum bla ma ru// nyams len bsgrub pa ngo sprad nas// man ngag rtsal sbyong ji ltar byed// de don 'dus pa'i 'khor la gsungs// zhes gsol to/ / bcom ldan 'das kyis bka' stsal pa/ khams gsum sems can thams cad la// sku gsum gdod nas lhun gyis grub// bde dang gsal dang mi rtog gsum// ma bcos gzhi yi sku gsum yin/ / 'dod chags zhe sdang gti mug gsum// rtsal sbyong lam gyi sku gsum yin// chos sku longs sku sprul sku gsum// mthar thug 'bras bu'i sku gsum yin// don la de rnams dbyer med de// gdod nas lhun grub sangs rgyas kyi/ / ngo bo yin kyang ma rtogs 'khrul// dug gsum zhen pas 'khor bar 'khyams// bdag 'dzin rang khar ma zhen na// dug gsum sku gsum lhun grub kyis// lam gyi rtsal sbyong chen po yin/ / dug gsum sku gsum ma shes na// spangs pas mi spongs rang sems yin// rang sems spangs pa'i sangs rgyas med// bsgrubs pas mi 'grub dngos po med// dngos po med pas 'dzin pa grol// 'dzin med spang med dug gsum ste/ / zhen pa med pa sku gsum dngos// zhen pa rtogs na dug yin te// 'khor 'das zhen dang ma zhen phye// de phyir zhen med nyams len bsten// pha ni bde ba chen po yis/ bud med 'dul ba'i chos su byung/ / bud med stong pa bde la srid// 'dod chags pa yi thig le las// phyi ru dus dang khog pa grub// nang du thig le rtsa mdud grub// kun rdzob 'dod chags de nyid las// rten nas don dam chags lam ni/ / phyi ru gzugs ma'i rtsa sna sprad// nang du thig le 'phen 'jug bya// gsang ba 'dod chags bde stong du// thams cad longs spyod rdzogs skur grol// zhen pa med par rtsal sbyangs pas/ / 'khrul rtog skad cig yul ma grub// de nyid lam du 'khyer ba yin// ma ni stong shas phye ba yis// skyes pa 'dul ba'i chos su byung// skyes pa'i bde ba stong par rtogs// zhe sdang ma yi thig le las// phyi ru sha dang pags pa grub/ / nang du rtsa dang rlung du grub// kun rdzob zhe sdang de nyid las// rten nas don dam thabs lam ni// phyi ru lus kyi 'khrul 'khor bya// nang du rlung gi dmigs pa gzung// gsang ba zhe sdang gsal stong du/ / zhen pa med par rtsal sbyangs pas// 'khrul snang rtog pa mi 'char bar// thams cad sprul pa'i sku ru grol// de nyid lam du 'khyer ba yin// sems ni mi rtog shas che ste// zung du 'jug pa'i chos su byung/ / gnyis med mnyam pa nyid yin pas// gti mug byang chub sems nyid de// phyi ru 'khrul pa'i snang ba grub// nang du bdag 'dzin sems su grub// kun rdzob gti mug de nyid la// rten nas don dam grol lam ni/ / phyi ru snang ba'i rjes mi 'brang// nang du sems nyid ma bcos bzhag/ gsang ba gti mug rig stong du// zhen pa med par rtsal sbyangs pas// bdag 'dzin zhen pa kun zad nas// thams cad chos skur grol nas 'gro/ / de nyid lam du khyer ba yin// gnad kyi man ngag 'di rtogs na// sangs rgyas kun dang dbyer mi phyed// de ltar dug gsum sku gsum du// rang sems bla mar rtsal sbyangs pas/ / snang srid sku gsum ngo bor rtogs// de nyid man pa gzhan med pas// 'khor ba thams cad dong sprugs te// rang sems bde ba chen po ru// gsal stong 'dzin med mngon sangs rgyas// gzung 'dzin rnam rtog med pa ru/ / snang srid thams cad gsal ba ni// thams cad mkhyen pa'i sangs rgyas yin// rang rig chos sku gzhan don du// longs sku sprul sku'i gzugs su shar// shar yang rtsol rtog med pa yis// bla ma sku gsum lhun grub yin/ / chos nyid ngang la 'gyur ldog med// de nyid gdams pa'i mthar thug go/ zhes bka' stsal to// bla ma sku gsum bde ba chen po'i gsang rgyud las// rang sems bla mar rtsal sbyong gi gdams ngag bstan pa'i le'u ste lnga pa'o/ /// de nas thugs rje ye shes rtsal gyis yang gsol ba/ e ma/ bcom ldan bde ba chen po lags// rang sems bla mar bsgrub pa yis// cha rkyen thun mong yan lag tu/ / las tshogs man ngag ji ltar lags// de don 'dus pa'i 'khor la gsungs// zhes gsol to// bcom ldan 'das kyis bka' stsal pa// rang sems bla ma sku gsum gyis// thun mong 'phrin las bzhi yin te/ / phyi rol gdon dang nang gi gdon// gsang ba nyon mongs rnam rtog kun// ma bcos 'dzin med rang sar gzhil// gtad med ngang du zhi gnas 'gro// chos sku zhi ba'i 'phrin las yin// phyi yi longs spyod nang gi tshe/ / gsang ba ye shes 'khor rgyas pa// shin tu gsal bar mdangs ston pas// bde ba chen po'i rang bzhin rgyas// longs sku rgyas pa'i 'phrin las yin// phyi ru mi mthun rigs pas gtor/ / nang du mdo don rlung sems bsdu// gsal la 'gyur ldog gang dgos pa// rang gsal rig pa'i stobs kyis bsgyur// dbang drag sprul sku'i 'phrin las yin// sku gsum 'phrin las dbyer mi phyed/ / don la rang byung ye shes yin// dus gsum sangs rgyas las byed mgon// 'gro ba'i don la ston pa po// de nyid 'phrin las mthar thug go/ zhes bka' stsal to// bla ma sku gsum bde ba chen po'i gsang rgyud las/ / thun mong las tshogs kyi le'u ste drug pa'o//// de nas thugs rje ye shes rtsal gyis yang gsol pa/ e ma/ bcom ldan bde ba chen po lags// rang sems bla ma sku gsum du/ / lhun grub gsang ba'i rgyud mchog 'di// dam tshig gtad rgya gang ltar byed// de don 'dus pa'i 'khor la gsungs// zhes gsol to// bcom ldan 'das kyis bka' stsal pa// dus bzhi sangs rgyas ma lus rnams/ / sku gsum bla ma nyid la 'dus// sems nyid don gyi rgyud mchog 'di// sangs rgyas kun gyi snying po gtso// gsang sngags rgyal po kun gyi rje// 'di rtogs 'gro kun rdzogs sangs rgyas// gsang sngags rgyud chen gzhan dag ni/ / byas bcos lam gyi rgyud yin te// 'di nyid 'bras bu da ltar 'byin// yang gsang snying po'i rgyud yin pas// skal ldan mthong thos reg pas grol// skal med log lta'i rang bzhin bsgribs/ / log pa'i gdul bya thabs kyis 'dul// thugs rje chen po khyod la gtad// snyigs ma'i 'gro ba 'dren pa yi// bskal bzang sangs rgyas stong gi sras// mtha' yas sprul pa'i skur byon nas// mtsho skyes pad+ma 'byung gnas kyis/ / rgyud mchog 'gro ba'i don byed 'gyur// bstan pa mi mjed khams su 'byung// 'khor ba dong nas sprugs byed de// de bsgrubs sangs rgyas kun 'grub bo// sprul pa rnams kyi mthar thug go/ zhes bka' stsal to// der 'khor thams cad sku gsum bla ma'i ngo bor yi rangs te chos nyid kyi ngang du grol lo// bla ma sku gsum bde ba chen po'i gsang rgyud las/ gtad rgya lung bstan rjes su yi rangs pa'i le'u ste bdun pa'o/ /// sangs rgyas thams cad kyi dgongs pa mthar thug gcig tu dril ba/ bla ma sku gsum bde ba chen po'i gsang rgyud ces bya ba/ u rgyan pad+ma 'byung gnas kyis/ u rgyan gyi skad las bod kyi yi ge ru/ chos dbyings nam mkha'i rdzong du rang 'gyur mdzad pa'o// rdzogs so//// e ma ho/ bdag 'dra pad+ma 'byung gnas la// gsang sngags mchog gi bka' babs kyang// bla ma'i thugs rgyud gsang ba 'di/ / de snga 'jig rten khams ma byung// pho brang bde ba chen po ru// 'phags pa bsgrubs pa'i byin rlabs kyis// thugs rje chen pos rgyud 'di gnang// 'di la brten nas 'gro la phan don du// bla ma'i sgrub thabs mang du brtsams/ / gter kha du mar sbas nas bdog/ rgyud mchog gsang ba snying thig 'di// bdag nyid pad+ma'i thugs la bcangs// srin po'i yul du bzhud kha ru// snyigs ma'i 'gro ba drang don du/ / yang gsang dgongs gter snying po ru// spel bar 'phangs nas gter du sbas// thub par bsrungs cig gter srungs tshogs// snying la phur cig sa ma ya/ rgya rgya rgya/ e ma/ bskal pa mar 'grib nye ba la/ / gter 'di dbang ba'i las can ni// u rgyan gnyis med thugs kyi sras// skye ba lnga yi tha ma la// mon bod gnyis kyi so 'tshams su// me nyag ban chung shes rab can// sbas pa'i ngang nas skal ldan skyong/ / 'khor ni khra mo rigs 'dus 'du// spyod lam ma nges kun gyi tshul// skye mtha' byang chub sems dpa' de// de la 'brel tshad u rgyan 'jal// gang zhig de yi ming dang rus// bla rtags gsang ba'i mtshan thos kyang/ / byang chub mngon du byas pa yin// gang zhig bstod smad log lta spangs// nam zhig 'khor ba'i mtha' las grol// skal ldan slob bu bcu dgu 'byung// de la chos 'di rdzogs par byin/ / 'gro ba mang po smin par 'gyur// kun gyi tsit+ta'i dkyil du bcang// 'khor ba rgyun gcod sku gsum thob// bdud kyi byin rlabs skur 'debs mkhan// u rgyan nga la rgyab kyis phyogs// dmyal ba sgrub la sbyin mi bya/ / byin yang skal ldan sreg par 'gyur// seng ge dkar mo'i 'o ma de// rin chen gser snod ma gtogs pa// rdza shing snod du blug na 'gas// de phyir log lta can la gsang// byin na gsang ba'i dam tshig nyams/ / rdo rje dmyal bar skye bar 'gyur// de bas ma spel tsit+tar stim/ shin tu zab pa'i rgyud mchog 'di// rad na gling zhes grags pa yi// skal ldan de dang 'phrad par shog/ sa ma ya/ rgya rgya rgya/ sa ma ya/ b-ithaM/ rgya rgya rgya rgya rgya/ gtad rgya/ gter rgya/ sbas rgya/ gsang rgya//// dramaca rnga: chamA :yang dag gsang ba'i skad du/ yang sdig b+ha tung pa ya/ bod skad du/ dgongs don 'gro ba kun grol gyi rgyud ces bya ba/ 'di skad bdag gis thos pa'i dus gcig na/ chos dbyings ka dag khyab brdal klong yangs gis gnas su// ston pa kun bzang snang ba mtha' yas chos kyi sku la/ 'khor rang byung ye shes lnga'i 'khor gyis bskor nas/ ngo bo nyid kyis bstan pa smra bsam brjod du med pa las/ gzugs brnyan gyis bstan pa skye ba med pa las/ skye ba'i cho 'phrul yi ge drug gi 'khor lo rang 'byung du shar ba la phyag 'tshal lo/ / 'di skad bdag gis bstan pa'i dus gcig na/ ye shes lhun grub 'od lnga'i zhing khams su// ston pa pad+ma rgyal po longs spyod rdzogs pa'i sku la/ 'khor sangs rgyas dang byang chub sems dpa' mang pos bskor nas/ rang shar gyis bstan pa nyon mongs pa'i gnyen po ye shes kyi dgongs pa la/ gzugs can gyis bstan pa/ 'gags pa med pa la rang shar bar gsang rgyud 'di dag bshad kyi nyon cig 'di skad bdag gis thos pa'i dus gcig na/ / thugs rje kun khyab 'jig rten gyi gnas su// ston pa gang la gang 'dul sprul pa'i sku la/ 'khor du skal ldan gdul tshogs kyis bskor nas/ rang grol bstan pa 'gro ba kun grol las/ gzugs can gyis bstan pa tshig dang yi ger gnas pa la 'dun par gyur to// de'i tshe sprul pa sku'i zhing khams 'dir/ sangs rgyas 'dus pa g+hu ru pad+ma rgyal po yis/ sku gsung thugs kyi 'od de las sprul pa sku'i zhing khams chen po gsal bar gyur to// de'i tshe gsang ba'i mkha' 'gro gsol/ kyai/ bstan pa'i bdag po thugs rje che// chos rnams ston pa pad+ma'i rgyal/ / rgyud rgyal sangs rgyas dgongs pa'i don// 'gro ba kun grol gsung du gsol// de skad zhus pa'i don dgongs nas// ston pa nyid kyis bka' stsal pa/ e ma e ma/ sku gsum sku lnga ston pa'i bcud/ / smin grol gegs gsal po gsad byung nas// blo 'das don la sbyor ba'i rgyud// bshad kyis ma yengs yid kyis nyon// ces gsungs so// dgongs don 'gro ba kun grol gyi rgyud las/ gleng gzhi'i le'u ste dang po'o/ /// yang de'i tshe bde chen sangs rgyas snying po bkod pa zhes bya ba na/ ston pa sangs rgyas gangs chen mtsho zhes bya ba'i drung du/ chos dbyings ye shes mkha' 'gro zhes bya bas 'di skad ces gsol to/ / kyai/ chos kyi dbang phyug thugs rje che// bde stong zag med pad+ma'i rgyal// rgyud rgyal smin byed dbang gi lha// bdag cag 'khor la bka' stsal zhu// de skad zhus pa'i don dgongs nas// ston pa nyid kyis bka' stsal pa/ hri/ thams cad rgyal ba'i dkyil 'khor du// rang sems rig pa'i dbang thob nas// theg pa rim dgu la sogs pa'i// chos sgo ma lus 'dis phyed 'gyur// bla ma sangs rgyas 'dus pa yis/ / thabs shes bdud rtsi thob pa na// rlung sems kun la dbang thob nas// stong nyid chen por rnam par grol// stong pa'i ngang las bde chen sku// shes rab mkha' 'gro dang sbyar na// bde ba sems bzung stong la sbyar/ / gnyis med ngang du ye shes skye// chos kyi dgongs pa'i rang sems ni// stong nyid bde chen blo las 'das// rgyal bu rgyal sa zin pa ltar// don mthong tsam gyis smin par 'gyur// de ltar dbang bzhi'i gdams pa yis/ / theg pa rims kyi 'jug par bya// de ltar yongs su smin pa la// grol bar byed pa'i gdams pa bstan// hUM me pad Ni ma oM/ oM A hUM hri/ zhes gsungs so// dgongs don 'gro ba kun grol gyi rgyud las/ smin byed dbang gi le'u ste gnyis pa'o//// krash+yadA koha ha: cha na rtangadug :m+laniragaNanyak+to: matagArtashAh+yata/ yang de'i tshe bde chen rdo rje snying po bkod pa'i rgyan ces bya ba na/ ston pa rdo rje gangs chen mtsho zhes bya ba'i drung du/ me long ye shes mkha' 'gro ma zhes bya bas 'di skad ces gsol to// kyai/ thar pa'i lam ston thugs rje che// mtsho rgyal chen po lhun rdzogs pad+ma rgyal// rgyud rgyal chos kyi phyag rgya'i don/ / bdag cag 'khor la bka' stsal gsol// 'di skad zhus pa'i don dgongs nas// ston pa nyid kyis bka' stsal pa// hri/ thog mar sangs rgyas kun gyi gtso// bla ma sgom zhing gsol ba gdab/ / ting nge 'dzin gyi dbang yang blang// rgyun du 'brel med rjes su bzhugs// bla ma rdo rje sems dpa' la// maN+Dal 'bul zhing yig brgya bzlas// thabs kyi yan lag de dag gis// sgrib pa gnyis sbyangs tshogs gnyis rdzogs/ / bla ma dkon mchog skyabs gnas la// byang chub bar du skyabs song nas// smon pa dang ni 'jug pa yis// 'gro ba'i don du sems bskyed do// de ltar gsol 'debs spel sbyangs dang/ / skyabs 'gro smon 'jug sems skyed dang// phyi nang gsang ba'i sdom pa gzung// dam bca' smon lam rgyas par gdab// phyi nang rtogs pa'i mtshams bcad la// sgrib gnyis ma lus rnam dag cing// ye shes dag ni gnyis med pa'i/ / dkyil 'khor bskyed cing bsgrub par bya// bdag gi ye shes lha las ni// rang byung rang grol bde ba che// 'dod yon ma spangs rol pa'i rgyan// bsod nams ye shes tshogs kyi mchog/ ting ni gsum las byung ba yis// bsod nams thams cad dkyil 'khor ni// ci bzhin rnal 'byor rang lus la// de bzhin dbang rlung thig le gnas// sgo gsum rnam dag ngang du gsal// de bzhin rang gi sems la yang/ / 'khor ba dang ni mya ngan 'das// thams cad 'byung zhing thams cad gnas// thams cad grol bar byed pa'o// de ltar bskyed rdzogs rdzogs pa che// phyi nang gsang ba'i dkyil 'khor du/ / zung 'jug gtor ma'i rnal 'byor gyis// thun mong mchog gi dngos grub 'byung// rgyal ba'i dkyil 'khor ma lus kyang// chos dbyings don du ro gcig pa// bstod pa glu yi don gsol 'debs/ / e ma dbyings kyi rol pa 'dis// rtog pa med las kun mkhyen pa// sku bzhi'i 'phrin las lhun gyis grub// ma 'gags ye shes sgyu ma'i lha// 'gro ba grol ba'i don du bskul// ye shes lha dang nam du yang/ / mi 'bral rtse gcig bsgrub pa la// za 'dug 'gro nyal thams cad du// yengs na ye shes lha spang 'gyur// nyon mongs 'khrul rtog skyes pa na// bar chad 'byung po la sogs pas// lus la nad rnams gtong ba dang/ / 'chi ba'i rtags rnams ston par 'gyur// de na shes bzhin dran pa bstan// 'chi ba slu phyir tshogs gnyis bsags/ kha sbyor rlung gi tshe yang sring// blo 'das sgom na skye shi med// de ltar bar chad yong spangs nas/ / tshe 'dir rang gzhan don la sbyar// tshogs bsag sgrib pa sbyang ba'i phyir// chos spyod bcu la rnam par bslabs// 'gro ba rnams la phan don du// mchog dang thun mong grub chen brgyad// 'byung ba lnga yi 'phrin las bzhi/ / yi ge bcu pa bzung bas grub// de ltar sna tshogs 'phrin las rnams// bskyed rim yan lag rdzogs pas 'grub// de yang dngos po rnam pa bcu// rgyud rnams kun gyi dgongs pa rdzogs/ / oM A hUM hri oM ma Ni pad+me hUM/ zhes gsungs so// dgongs pa kun grol gyi rgyud las/ chos kyi phyag rgya dang sbyor ba'i bskyed rim gyi le'u ste gsum pa'o//// thatar+Takasakak+kaH artan+TaTaglatharta/ ya tra/ khas zhor/ nyanyasabyacaha// yang de'i tshe bde chen rin chen bkod pa'i rgyan ces bya ba na/ ston pa rin chen gangs chen mtsho zhes bya ba'i drung du/ mnyam nyid ye shes mkha' 'gro zhes bya bas 'di skad ces gsol to/ / kyai/ rlung sems rang grol thugs rje che// thig le chen po pad+ma rgyal// rgyud rgyal dam tshig phyag rgya'i don// bdag cag 'khor la bka' stsal zhu// de skad zhus pa'i don dgongs nas/ / ston pa nyid kyis bka' stsal pa// hri/ rdo rje lus kyi srog pa las// rtsa rlung thig le'i gar gsal nas// 'bar ba'i rtsa mdud grol rtags 'char// 'dzag pas dga' bde'i nyams myong 'char// yi dam lha dang bdag nyid dang/ / snang srid thams cad bde ba che// ye shes sgyu mar rtsal sbyangs nas// gang ltar spyad kyang rol pa'i klong// rmi lam du yang dran pas zin// sbyangs spel bsgyur la gnas su 'phangs// thams cad sems kyi cho 'phrul la/ / rmi lam sgyu ma lta bur bzhag/ gnyid dang mngon sum khyad med par// gsal stong bde ba chen po dang// nyon mongs rtog pa rang yal nas// 'od gsal lam du slongs par 'gyur/ / rlung sems gnad du 'byong pa'i tshe// 'byung ba dngos grub ro la sogs// dmigs pa gang dang gar gtad kyang// lus kyi dor len rang dbang thob// rlung sems ting 'dzin rnam gsum gyis// 'od lam ngang nas chos skur 'pho/ / sgyu ma lta bur longs skur 'pho// bskyed rim gsal bas sprul skur 'pho// a haM/ hri hri hri/ zhes gsungs so// dgongs don 'gro ba kun grol gyi rgyud las/ dam tshig gi phyag rgya dang sbyor ba'i steng sgo rnam par grol ba'i le'u ste bzhi pa'o/ /// shar yaM brda taM/[ u0f7f]hasaTasagata: rad+yarbA: tsabataM/ saT+Tanar+Tarda: yang de'i tshe bde chen pad+ma snying gi bkod pa'i rgyan ces bya ba na/ ston pa pad+ma gangs chen mtsho zhes bya ba'i drung du/ sor rtog ye shes mkha' 'gro zhes bya bas/ 'di skad ces gsol to// kyai/ thabs shes zung 'jug thugs rje che// zag med bde chen pad+ma rgyal// rgyud rgyal las phyag rgya'i don/ / bdag cag 'khor la bka' stsal zhu// de skad zhus pa'i don dgongs nas// ston pa nyid kyis bka' stsal pa// hri/ steng sgo rnam grol rtsal 'byongs nas// 'og sgo bde ba che la bslabs// bde chen grogs su mi mo ni/ / mtshan ldan DA k+ki rigs can brten// de yang gsang ba ye shes lha// rtse gcig bsgrub pa'i ting 'dzin gyis// dbang du bsdus shing 'gug par bya// mos pas 'dus na sangs rgyas zhing/ / gzhan gyis sgro skur gsal ba dang// gsang spyod gnad du 'gyur ba'i phyir// bdag dang phyag rgya bcas pa yang// mi snang sgrib pa'i sbyor ba bya// de nas mtshan ldan smin byas la// yab yum lhar bskyed sbyor byas te/ / dbab bzung klog dgram bde ngos bzung// ma bcos ngang du glod par bya// rdo rje sbubs su nub pa dang// rdo rje blang zhing bde ba bskyed// yum gyi rtsa sna tshur la zhugs// dngas ma'i thig le blang bar bya/ / de ltar rtsal 'byongs rnal 'byor pa// theg chen byang chub sems dpa' yis// gzhan don sprul sku gzhag pa'i phyir// byang sems spros la nyes pa med// oM hu ma g+ha ye na ma swAhA/ zhes gsungs so/ / dgongs don 'gro ba kun grol gyi rgyud las/ las kyi phyag rgya dang sbyor ba 'og sgo bde chen gyi le'u ste lnga pa'o//// wabasarasnga/ nardabaTasaSha'o/ shAtsasaSh+yartataT/ rkabasatuTaleg bayatrakas/ yang de'i tshe bde chen karma bkod pa'i rgyan ces bya ba na/ ston pa karma gangs chen mtsho zhes bya ba'i drung du/ bya grub ye shes mkha' 'gro zhes bya bas 'di skad ces gsol to// kyai/ 'khrul pa ka dag thugs rje che// ye shes lhun grub pad+ma'i rgyal/ / rgyud rgyal phyag rgya chen po'i don// bdag cag 'khor la bka' stsal zhu// de skad zhus pa'i don dgongs nas// ston pa nyid kyis bka' stsal pa// hri/ bden pa gnyis ldan rang gi sems/ / ma byung mi gnas mi 'gro ba// 'khor 'das gang du'ang gyur pa med// don dam blo 'das dgongs pa la// thams cad yod cing thams cad med// 'gyur ba med cing brjod du med// gcig dang 'du 'bral grub mtha' gtor/ / chos rnams kun gyi snying po yin// thams cad bden pa gnyis kyi tshul// skye ba med las thams cad skye// skyes tsam nyid nas skye ba med// gang yang ma grub blang dor bral// de las khyod kyi 'khrul pa de/ / dang po rgyu med byung ba med// bar du rkyen med gnas pa med// tha ma gnyen po 'gro sa med// yid la byed pa med pa ste// ye shes med cing 'khrul pa med// zhi ba med cing srid pa med/ / zag pa med cing 'gyur ba med// yon tan kun la dga' spro med// sangs rgyas rnams la re ba med// sdug bsngal kun la 'jigs pa med// 'khor ba 'khyams kyis dogs pa med// de ltar brjod du med pa la/ / chos kyi glu blangs gsang ba'i skad// rgyal ba'i dgongs don ma bcos pa// phyag rgya chen po gnyis med don// de nyid dus gsum rtsa ba bcad// sgo gsum ma bcos glod la sgrims// gzhi cha gsum bral gnyug ma de/ / zhi gnas ngang nas lhag mthong sbyangs// zhi bar gnas pa ngos bzung la// yul drug rtog pa zil gyis mnan// nam mkha' nyid la rnam par bslabs// lhag mthong ye shes rgyud la skye/ / rgyud du lhod kyis glod pa la// skye 'gag gnas gsum mtha' dang bral// yengs pa med pa'i shes bzhin rten// glod cing sgrims par byed pa yin// dper na rdzing gi bya ltar 'phur// dang po yengs med skyong ba gces/ / bar du yan par btang yang ldog/ tha ma btang yang 'gro mi btub// ma bcos bzhag pas phyag rgya che// nyams la ma zhen mnyam bzhag la// rjes thob spyod pa'i rnal 'byor bya// lha yi bu yis bdud bcom phyir/ / nyam nga thog rdzis byed pa dang// rkyen snang grogs su khyer ba dang// bar chad lam du longs par bya// phung po'i bdud ni lus 'di yis// 'khor ba'i sdug bsngal sna tshogs bskyed// mi gtsang rdzas kyis yongs su gang/ / de phyir mi chags lings kyi skur// de la chags na chags mkhan su// dmod cing dor na dor mkhan gang// btang snyoms rmongs par su yis bzhag/ cer ltas rang bzhag stong par grol/ / rang sems rig pa'i dpal sbyangs pas// srid pa'i 'khor lo las grol te// 'chi bdag bdud las mi 'jigs pa// skye med 'chi ba med par 'gyur// de bas bdud kyi dpung rnams kun// rig pa'i dpal gyis brtul nas kyang/ / thar pa'i grogs su chod pa ni// rnal 'byor chen po'i lam du khyer// chos nyid don gyi snying po ste// rang la yod kyang ma shes pas// 'khrul snang rnam pa sna tshogs pa// zhe byed gdams pa 'di lta ste/ / rang gi 'khrul snang gnod byed la// snying po'i stobs kyis lus sbyin cing// rjes su 'dzin zhing don la lta// 'byung po 'dul ba'i zhi byed yin// 'byung ba bag chags nad rnams la// rdzas dang rten 'brel sna tshogs kyis/ / byin gyis brlab cing ting 'dzin sgom// nad rnams 'joms pa'i zhi byed yin// nyon mongs gnyen po bsten pa dang// gnas bsgyur ye shes bsten pa dang// rang grol chos nyid shar ba yis/ / nyon mongs zhi bar byed pa'o// bag chags 'khrul pa'i snang ba 'di// gzung 'dzin med par rgya yis gdab// nyin mtshan 'dres pa'i sgom pa 'char// ngan rtog bzang rtog gnyis med grol/ / gdon dang nad dang nyon mongs dang// bag chags phyi nang rtsad bcad de// stong nyid ngang du rang grol na// 'di phyi bar do sdug bsngal zhing// lus gnad rtsa rlung theg le'i nyams// mun pa'i nang na snang ba gsal/ / srog chags 'chi med rdo rje 'gyur// bde nyams stong na sdug bsngal med// sgo yul rlung rig gnad kyis ni// chos nyid stong pa dngos su snang// nyams snang 'phel cing 'grib pa med// chos zad dus su sangs rgyas so/ / thig le gnas pa lam dang sgo// dbang po bkag pas 'dod yon gsal// phyogs bzhir 'phangs shing slar la zlog/ ngal bso'i dus na lam kun byed// sgron ma phyi nang 'dzoms pa'i dus/ / mgo bo gtums na rgyang mi gsal// mtha' nas dbus su rnam par lta// ye shes 'od lus ngang du yal// de ltar 'od gsal nyams kyi rten// rgyang zhag chu yi sgron ma gces// chu la chu yis gsos pa na/ / skyon dag ye shes snang ba 'phel// ye shes mar me'i 'od zer las// thugs rje'i snang ba rab tu gsal// rtog med mkhyen pa'i rtsal rdzogs nas// srid las rnam grol zhi ba thob// thog ma med pa'i spe bzhi las/ / nga bdag dbang gi 'khrul gyur te// mtha' ma sangs rgyas ma thob par// rang bzhin bar do chen por gnas// thog ma'i gzhi las 'khrul pa yang// skye gnas bar do'i dus 'dir ni// smin grol rang ngo shes pa na/ / rgyal bu rgyal sa zin pa 'dra// de tshe bag chags rang grol nas// rmi lam bar do shar ba'i tshe// 'khrul snang dbyings su yal ba ni// sgyu ma mkhan gyi mig 'phrul 'dra// 'byung ba thems nas 'chi ka yang/ / rlung sems spyi bor ston nas kyang// rig pa'i rtsal kha stod pa ni// rgyal po'i bka' then bskur ba 'dra// bar do dang po chos nyid nyams// bar do gnyis pa lhun grub nyams// bar do gsum pa sgra 'od zer/ / sngar 'gris mi dang 'phrad pa 'dra// de dag kun la ma grol na// 'khor ba rgyu zlog mngal sgo dgags// sangs rgyas sras su bskyed par bya// ngal ba dbugs phyung bskyed pa 'dra// a a a/ amasha/ a+yaM phya hUM/ zhes gsungs/ dgongs don 'gro ba kun grol gyi rgyud las/ phyag rgya len dang sbyor ba bstan pa snying pa'i le'u ste drug pa'o//// kasngab 'bapaTar:sakatra/ nga'at+habakarkas/ yang de'i tshe 'khor yongs grol gyis dur khrod ces bya ba na/ ston pa rigs lnga 'dus pa'i rgyal po thod pa'i 'phreng ba zhes bya ba'i drung du/ sems kyi mkha' 'gro dbang phyug ma zhes bya bas 'di skad ces gsol to// kyai/ rang shar rang grol thugs rje che/ / dreg pa 'dul mdzad pad+ma rgyal// rgyud rgyal yongs su gtad pa'i don// bdag cag 'khor la bka' stsal zhu// de skad zhus pa'i don dgongs nas// ston pa nyid kyis bka' stsal pa/ hrI:dgongs don 'gro ba kun grol rgyud// phun tshogs gsum bdun dgus bshad la rang cad cing// sangs rgyas sku gsum bstan pa yis// snying po'i bcud du rgyud 'di bzhugs// 'gro ba blo dman don du ni/ / tshig don dbye bar mi bya zhing// stag mo'i mchong stangs lta bu yis// bsdus don sa rnams bcad de bshad// sku gsum ston pa'i bka' rnams kyis// dgongs pa gcig tu bsdus nas kyang// bung ba rtsi thog lta bu yis/ / ngo bo kun bcud bsdus nas bshad// tshig don mgo lus thams cad kyang// gang zag rnams kyis go bya'i phyir// rang bzhin de yi stun bu ltar// le tshig 'bru rnams bcos nas bshad/ / rgyud dang gdams pa'i khrid rnams kyang// ma nor rim bzhin bstan pa ni// mu tig tsar bskyus lta bu yi// dbye ba sngon du bsdebs te bshad// gzhan gyi bsgom pa tshar gcad phyir// rang gis sgrub mtha' rnam par bskyangs/ / seng ge ngar skad lta bu yis// log lta sun rnams phyung nas bshad// e ma/ ye shes sku mchog thugs rje can// 'di nyid mthong ba tsam gyis ni// nyon mongs rnams med don mthong zhing/ / ma bsgoms par yang mthong grol lo// chos nyid gsung mchog zab mo'i don// 'di nyid thos pa tsam gyis ni// ye shes 'gag med don rtogs shing// ma bsgoms par yang thos grol lo// rig pa'i thugs mchog 'dus ma byas/ / 'di nyid btags pa tsam gyis ni// rang sems 'khrul med don rtogs shing// ma bsgoms par yang btags grol lo// dgongs pa don mthong bde ba che// 'di la reg pa tsam gyis ni/ / bde chen zag med don rtogs shing// ma bsgoms par yang reg grol lo// 'dod pa'i yon tan rang grol ba// 'di nyid tshor ba tsam gyis ni// tshig gi rol pa'i don rtogs nas// sgom mi dgos te tshor grol lo/ / thugs rje 'phrin las shugs 'byung ba// 'di nyid myong pa tsam gyis ni// blo dang bral ba'i don rtogs nas// sgom mi dgos te myong grol lo// rgyud 'di'i man ngag gab pa rnams// sprul pa rigs 'dzin zhal nas 'byung/ / cha rkyen dgos pa tshang bar ni// phyi rabs skal ldan 'khor la ston// ma tshang kha skong theg pa rnams// bstan pa gzhan nas legs bsdus te// chos rnams dgongs don gcig pa'i phyir/ / rgyud rgyal 'di yi grogs su bsdebs// bstan pa la ni zhugs pa des// phyi nang gsang ba rtsa lag gis// rang gzhan don du dam tshig ni// mi nyams rang gi zlog bzhin srungs// nga yi sprul pa phyag drug pa/ / rgyud 'di khyod la yongs su gtad// sangs rgyas bstan pa khyod kyis bzung// phyi rabs rnal 'byor stong grogs kyis// gsang ba ye shes khros pa'i sku// lha mo tsit+ta dug mthur ma// rgyud 'di khyod la yongs su gtad/ / sangs rgyas bstan pa khyod kyis skyongs// bka' gnyan las byed me spu gri// 'jig rten dregs pa mang por bcas// rgyud 'di khyod la yongs su gtad// sangs rgyas bstan pa khyod kyis srungs// badzra sa ma ya/ hUM hri/ ha ha ha ha/ he he/ a a/ zhes bka' stsal nas// 'khor ba sgrol bar mdzad do// dgongs don 'gro ba kun grol gyi rgyud las// 'dus don yongs su gtad pa'i le'u ste bdun pa'o//// rgyud 'di gang du gnas pa de nyid bde ba can ltar gnas so/ / rgyud 'di kha ton du byed pa la sogs pa'i chos spyod la 'jug pa de ni// kun bzang snang ba mtha' yas ltar gnas so// rgyud 'di mthong ba dang/ thos pa dang/ dran pa dang/ reg pa dang/ rlung dang/ rdul gyis phog pa rnams kyang ngan song du mi ltung zhing// mtshams med pa lnga byas pa'i 'gro ba yang/ 'di thos nas ngan song las skyob par ma gyur na/ bdag pad+ma 'byung gnas kyi mtshams med pa lnga byas pa yin no// bstan pa thams cad kyi dgongs don 'gro ba kun grol gyi rgyud ces bya ba rdzogs so//// skal ldan dad brtson shes rab blo ldan snying rje can dang 'phrad par shog/ gter rgya/ sbas rgya/ zab rgya/ gnyan rgya/ g+huh+ya/ moMs mah+ya/ bdag 'dra mkha' chen bzang yis yi ger bris pa'o// r+ya na ma Ta/ d+hanam/ o rgyan dri med lhun grub kyis rtswa ri sprul 'khor gyi shar sgo/ rdo rje sgom phug ces bya ba nas gdan drangs so// lcags pho sprel lo spre'u zla la/ tsa gongs chos kyi pho brang du bris pa'o//// rtsa ca thakag+ha cAb+hahra/ dgongs pa rang grol gyi skad du/ oMhu lhu lI/ bod skad du/ thig le yang zab 'bras bu ye grol chen po'i rgyud/ bla ma rang rig don gyi lha la phyag 'tshal lo// chos sku ka dag don rig cing/ / longs sku lhun grub ngang du shar// sprul sku thos pa'i dus gcig na// chos sku'i gnas su longs sku'i gtso// sprul pa'i 'khor la ngo bo bstan// 'di dang phrad tshad 'khor ba sgrol// 'di yi rgyud 'dzin sangs rgyas sras/ / 'gro ba 'dren pa'i bla ma yin/ rgad+hagabra th+yar/ 'di ni rang 'byung thig le'i mdangs// gnyo 'khor gnyis su med pa'i phyir// ma brjod 'dra'i tshul du shar// dgongs pa gnyis med ngang du grol/ / oM/ snang ba thams cad sems kyi rtsal/ a/ sems nyid gzhi med thig le stong/ hUM/ stong pa zag med bde ba che/ oM hU: bde chen blo 'das kun tu bzang// rtags dang tshig dang d+ha pa yi// dbang don go na thob pa yin/ / ma ma ku ling sa man ta// rta/ thAka/ bla ma sku gsum rig pa'i sku// rdo rje sems dpa' bdag gi sku// tsit+ta dung khang zhi khro'i tshogs// ye yin gsal gdab don la blta// rtsa gnas rgyal ba'i lha tshogs rnams/ / thig le 'od kyi sku ru bzhugs// rlung gi zhags pas gzugs byas nas// shes rab ldan pa'i bde ba bskyed// oMhU/ h+ya t+ya/ lta ba mtha' bral yangs pa'i klong// sgom pa 'dzin bral thig le'i dbyings/ / spyod pa chags bral chos nyid grol// 'bras bu blo bral sku gsum rdzogs// gzhi la byung gnas 'gro gsum bral// ma bcos sems nyid chos kyi sku// lam ni rtog tshogs shar grol te/ / mtha' bral thig le longs spyod rdzogs// 'bras bu bar do sangs rgyas te// sangs rgyas sprul pa dpag med 'gyed// dbyings sgron ma dang ye shes mun pa rig pa lu gu rgyud gsum// gnyis med ngang du lhun rdzogs 'gyur/ / rang byung nyag gcig ye shes don// rang shar lhug pa gza' gtad bral// de yi mtha' 'dzin grol gyur na// 'khor 'das chos rnams thams cad kyang/ rang 'byung rig pa'i rtsal du shar// rta t+ya/ rgyud 'di bcangs nas bdud bzhi thul// sangs rgyas kun gyi sras gcig yin// til la stong gsal las kun byed// kun tu bzang po'i sa bon// thams cad 'di las 'byung zhing grol// rgyud 'di rin chen lnga yis bris/ / mthong thos bcangs pas sangs rgyas te// sku gsum rtags kyi 'gro ba 'dul// rgyud 'di mkha' 'gro rnams la gtad// dam tshig bya ra rgyun du gyis/ sa ma yA/ 'bras bu ye grol gyi rgyud rdzogs so/ /// cam+tarA/ rkya/ rgya gar skad du/ thacablam+latA/ bod skad du/ lung bstan rjes su gnang ba'i rgyud ces bya ba/ dpal ye shes snying po bde ba chen po la phyag 'tshal lo// 'di skad bdag gis thos pa'i dus gcig na/ 'og min thug po bkod pa'i zhing khams/ dkar/ ser/ dmar/ ljang/ mthing kha'i gzhal yas/ 'od lnga'i dal/ snang la ragrub pa na/ bcom ldan 'das dpal bde ba chen po la/ 'khor rigs lnga'i sangs rgyas dang/ rigs gsum gyi bo d+hi sa twa dang/ ma dang TA ki ma'i 'khor gyis bskor nas bzhugs so// gleng gzhi'i le'u ste dang po'o//// adamata/ de nas phyogs bcu'i sangs rgyas dang byang chub sems dpa' thams cad kyi 'od zer/ dpal bde ba chen po'i thugs khar 'dus par gyur te/ dpal bde ba chen po 'dzum pa dang bcas pa'i thugs kha nas yi ge hri dmar po khru gang ba cig mdun gyi nam mkha' la thon par gyur to/ / de nas rigs bzhi'i sangs rgyas kyi thugs kha nas/ oM dkar po dang/ A dmar po dang/ hUM mthing kha dang/ traM ser po thon par gyur te hri la brgyan par gyur to// rigs gsum gyi bo d+hi sa twa dang/ phyogs bcu'i sangs rgyas thams cad kyi thugs kha nas 'od zer dpag tu med pa byung nas/ hri de la thim par gyur to// de nas hri de skar mda' 'phangs pa bzhin du sprul sku'i zhing o rgyan yul gyi nub byang mtshams dri med ko sha'i mtsho la thog babs pa ltar song ba gzigs so/ / de nas 'jig rten gyi khams 'od du 'bar te 'od zer phyogs bcur 'phros so// lung bstan rjes su gnang ba'i rgyud las/ gleng bslangs pa'i le'u ste gnyis pa'o//// gat+ya cata/ de nas pad+ma 'phreng 'dzin gyis// dpal chen po la 'di skad zhus// kye kye dpal chen 'od dpag med// yi ge 'od kyis rab brgyan pa// d+ha na ko sha'i mtsho la babs/ / 'jig rten khams kyang 'od du 'bar// 'di yi mtshan nyid ji lta bu// mos pa'i 'khor la gsung du gsol// de nas dpal chen 'di skad gsung// nyon cig dri med pad 'phreng 'dzin/ / bdag gi thugs kha nas byung ba'i// hri dmar 'od zer 'dus pa 'di// ko sha'i mtsho la babs pa 'di// dus gsum sangs rgyas thams cad kyi// sku gsung thugs kyi sras gcig pu// snyigs ma'i 'gro ba 'dren pa'i dpal/ / pad+ma ge sar snying po la// 'das grongs mi mnga' rdo rje'i sku// 'gro ba 'dren pa'i lcags kyu mchog/ sdug bsngal nad sel sman gyi rgyal// pad+ma 'byung gnas zhes bya ba/ khye chung lo brgyad tshul du 'byung/ / mtha' yas bdag dang gnyis su med// dus gsum sangs rgyas thams cad kyi// sku gsum thugs kyi sprul pa yin// 'gro rnams sgrol ba'i gru chen yin// ma rig sel ba'i sgron me mchog/ thar pa'i gnas skyel rin chen skas/ / snyigs ma'i skyabs chen 'khor lo sgyur// pad+ma 'byung gnas zhes byar grags// nor bu'i nang nas yid bzhin ltar// mtha' yas pad+ma'i rgyal po 'byon// sman tshogs nang nas rnam rgyal ltar/ / mtha' yas pad+ma'i rgyal po 'byon// me tog tshon gyi u dum ltar// mtha' yas pad+ma'i rgyal po 'byon// skar tshogs nang nas nyi zla ltar// mtha' yas pad+ma'i rgyal po 'byon// 'di ni 'gro ba kun gyi yab/ / ces gsungs so// lung bstan rjes su gnang ba'i rgyud las// 'byon tshul gyi le'u ste gsum pa'o//// kagabaD+ya/ de nas pad+ma 'phreng 'dzin gyis// mtha' yas nyid la yang zhus pa// de lta bu yi sprul sku des/ / 'gro ba'i don ni ji ltar mdzad// bstan pa gang gi phyogs su 'byung// zhes zhus pas/ bde ba chen pos bka' stsal pa// nyon cig dri med pad 'phreng 'dzin// dus gsum sangs rgyas thams cad kyi/ / sprul pa pad+ma'i rgyal po 'di/ khams gsum kun tu 'gro ba 'dren/ khyad par rgya gar yul du bzhugs// kun 'jug sna tshogs mthar phyin mdzad// mtshan bdun du ni grags pa yi// rgya gar bal po 'gro ba'i don/ / nyi zla lta bu khyab par mdzad// de nas bod yul dbus su 'byon/ khri srong lde btsan bsam pa grub// chos kyi bstan pa'i nyi ma shar// dregs pa ma lus bran du 'khol// rdo rje gro lod ces su grags// mtsho rgyal zhes byas bka' rnams sdud/ / bstan mjug gter gyis rgyas mdzad cing// gter kha bsam las 'das pa sbed// de nas lho nub mtshams su ni// gdug pa srin gyi kha gnon mdzod// srin po rag sha thod 'phreng zhes/ / 'jigs su rung ba'i cha lugs kyis// srin po rnams la dam chos ston// de yi bka' yi sdud pa po// srin po'i bu mo mthing 'bar 'od// g.yu yi zur phud rus rgyan gsol// mtsho rgyal skye ba phyi ma ste/ / bka' rnams kun gyi bsdu ba mdzad// yum chen DA ki lngas bskor nas// sprel lo zla ba'i tshes bcu la// bod khams rgya gar bal yul dang// u rgyan mkha' spyod la sogs pa// gling bzhi kun tu 'byon pa yin/ / kun la byin rlobs bar chad srung// tshes bcu kun la sprul pa 'gyed// de dus mchod sgrub su mdzad pa// zhal mjal chos ston dngos grub ster// 'di ni 'gro ba kun gyi pha// phyi rabs 'gro ba'i lha skal yin/ / chos sku snang ba mtha' yas la// longs sku thugs rje chen po yin// sprul sku pad+ma 'byung gnas so// zhi ba thugs rje chen po la/ khro bo rta mgrin rgyal po'o// sku ni mi bskyod rdo rje la// gsung ni snang ba mtha' yas te/ / thugs ni rnam par snang mdzad yin// yon tan rin chen 'byung ldan yin// 'phrin las don yod grub pa'o// 'di la mos pas su bsgrubs pa// dus gsum rgyal ba kun 'grub 'gyur// yid tsam snang ba chags pas kyang/ / mtho rigs bde ba thob par 'gyur// 'di la mos pa thams cad kyang// pad+ma'i sprul pa dngos yin no// 'di sgrub pa yi skyes bu rnams// mtha' yas bdag dang dbye ba med// ces gsungs so/ / lung bstan rjes su gnang ba'i rgyud las/ lung bstan pa'i le'u ste bzhi pa'o//// tharang : de nas pad+ma 'phreng 'dzin gyis// mtha' yas nyid la yang zhus pa// de lta bu yi sprul pa de// ma 'ongs sgrub pa ji ltar bgyi/ / bde ba chen pos bka' stsal pa// nyon cig dri med pad 'phreng 'dzin// ma 'ongs skal ldan skyes bu yis// tshe gcig sangs rgyas thob 'dod na// dus gsum sangs rgyas thams cad kyi// sku gsung thugs kyi sprul pa ni/ / pad+ma rgyal po sgrub 'dod na// byang chub mchog tu sems bskyed la// yid dang mthun pa'i gnas su bsgrub// dus gsum sangs rgyas thams cad kyis// sku bsgrub oM la 'dus pas skyed/ / sku mdog dkar po zur brgyad nang// 'dab bzhi rigs drug sa bon ni// ma rig 'khrul pas skyed phyir gnas// rang rig chos kyi sku yin phyir// rgyal sa 'dzin pa'i lhun grub gnas// ma rig rgyud sbyangs ngag rtsal bskyed/ / snying po 'bru lnga 'dzab tu bzlas/ oM hUMtraM hri a/ dus gsum sangs rgyas thams cad kyi// sku dang gnyis med sangs rgya'o// dus gsum sangs rgyas thams cad kyi// gsung bsgrub a la 'dus pas skyed/ / spro bsdu gong 'dra a nyid bzlas// dus gsum sangs rgyas thams cad kyi// gsung dang gnyis med sangs rgya'o// dus gsum sangs rgyas thams cad kyi// thugs bsgrub hUM la 'dus pas skyed/ / spro bsdu gong 'dra hUM nyid bzlas// dus gsum sangs rgyas thams cad kyi// thugs dang gnyis med sangs rgya'o// 'phrin las las tshogs bzhi dang sbyar// yid bzhin nor bu'i rgyud mchog 'di/ / thugs rje chen pos khyod la gtad// der 'khor thams cad rjes su yi rangs te/ dpal chen pos gsungs pa la mngon par bstod do// lung bstan rjes su gnang ba'i rgyud las/ bsgrub pa dang gtad pa'i le'u ste lnga pa'o/ /// rdzogs so// sa ma yA/ rgya rgya rgya/ der longs sku thugs rje chen pos bka' bsdu ba mdzad nas// sprul sku pad+ma 'byung gnas la shar ri bo ta la'i rtse mor gnang ngo// bdag 'dra pad+mas rgyud 'di la bsten nas/ sku gsung thugs kyi sgrub thabs la tshogs dang bcas pa mdzad de/ mtsho rgyal la gdams te/ ma 'ongs don du sa'i gter du sbas// las can snying gi bu dang phrad par shog/ 'di ni kun gyi thun mong ma yin pas/ / gzhan la ma bshad snying gi dkyil du sbos//// thacaTaTAm/ rgya gar skad du/ b+hu d+ha badzra sa swa sa ma ti na ma ti na ma tan tra/ bod skad du/ sangs rgyas rdo rje sems dpa'i dgongs pa tshig gsum pa'i rgyud/ bcom ldan 'das mgon po 'od 'gyur ba med pa la phyag 'tshal lo/ / 'di skad bdag gis thos pa'i dus gcig na/ ye shes kyi snang ba 'gag pa med pa/ 'od kyi dkyil 'khor chen po'i klong na/ rang snang rtogs pa'i rgyal ba rigs lnga dang/ snang ba 'od kyi phung po chen po la 'du 'bral med par bzhugs so/ / 'di skad bdag gis thos pa'i dus gcig na/ sangs rgyas mi bskyod pa'i zhing khams mngon par dga' ba'i tshal na/ rgyal ba rdo rje sems dpa' la/ rdo rje rigs kyi 'khor bye ba khrag khrig mtha' yas pas bskor nas/ rang rig pa'i ye shes ye nas rang bzhin gyi 'od kyi phung po chen po/ 'od gsal ba'i ngang la bzhugs so// de'i tshe gsang ba'i bdag po rdo rje 'dzin pa chen po des/ sangs rgyas 'od mi 'khrugs pa chen po la 'di skad ces gsol to// kye kye sangs rgyas thams cad kyi mes po/ rgyal ba 'od mi 'gyur ba chen po lags// ma rig 'khor ba'i sems can la/ / sangs rgyas dgongs pa gsung du gsol// zhes zhus so// de nas bde bar gshegs pa thams cad kyi mes po/ sangs rgyas 'od mi 'gyur ba chen po// phyi nang med par 'od kyi phung por bzhugs pa des/ 'di skad ces bka' stsal to// kye ma gsang ba'i bdag po khyod nyon cig/ rang shes rig gi ngo bo sang nge ba 'di dngos po dang kha dog ci'i ngo bor yang ma grub par/ stong sang de 'dug pa 'di sangs rgyas kun tu bzang mo yin no/ / rang rig pa shes rig gi ngo bo 'di stong bsngo tsam na gsal ba stong pa phyang chad du ma song bar/ rang gi shes rig ma 'gags bar wa la la gsal ba 'di ka dpal kun tu bzang po yin no/ / rang gi rig pa dngos po cir yang ma grub pa'i stong pa dang/ rang gi rig pa wal le gsal ba 'di dbyer mi phyed par 'dug pas/ sangs rgyas chos kyi sku yin no// rang gi rig pa gsal stong dbyer med/ 'od kyi phung po chen por bzhugs pa 'di la/ skye shi med pas sangs rgyas 'od mi 'gyur ba yin no// de ngo shes pas chog go/ zhes bka' stsal to// de nas yang gsang ba'i bdag pos 'di skad ces zhus so/ / e ma ho/ bde bar gshegs pa mgon po 'od dpag med// sangs rgyas btsal du med pa gsum po gsung du gsol// ces zhus so// de nas yang 'gro ba'i mgon po 'od dpag med chen pos/ 'di skad ces bka' stsal to/ / kye gsang ba'i bdag po khyod ma yengs par nyon cig/ rang gi shes rig wal le dug pa 'di sangs rgyas yin pas// sangs rgyas gzhan nas btsal du med// rang gi rig pa wal le khyug ge ba 'di rgyun du gsal bas/ sangs rgyas chos kyi sku la bsgom bsgrub byar med do// rang gi rig pa chos kyi sku la skye shi med pas/ las dang las kyi rnam par smin pas gos pa med do// zhes bka' stsal to// de nas yang gsang ba'i bdag pos 'di skad ces zhus so/ / kye kye sangs rgyas 'od mi 'gyur ba 'od kyi phung po chen po/ sangs rgyas 'od kyi phung po chen po'i 'char lugs bstan du gsol/ ces zhus so// de nas rnam par grol ba'i sangs rgyas 'od kyi phung po chen pos/ 'di skad ces bka' stsal to// kye gsang ba'i bdag po/ rang gi rig pa'i rang 'od ngo ma shes pa rnams ni/ las dang bag chags su bcas te 'khrul lo/ / rang gi 'od 'di ngo shes sam ma shes kyang rung// sems can thams cad 'khrul pa'i snang ba 'gags pa dang/ dag pa'i snang bzhag lngar 'char ro// de ngo shes na rang snang dag pa'i snang ba la gnyis su med par thim nas sangs rgya'o/ / de ni gdams ngag can gnad ngo shes pas sangs rgyas pa yin no// sems can thams cad la dag pa'i snang ba yang dang yang du shar yang/ de ngo ma shes pas 'khor bar 'khyams so/ / 'di sangs rgyas rdo rje sems dpa'i gsang lam yin no// de ngo shes pas chog go/ don de ngo shes bar gyis shig/ ces bka' stsal to// sangs rgyas thams cad kyi dgongs pa tshig nyung ba zhes bya ba'i rgyud las/ sangs rgyas rdo rje sems dpa'i gsang lam bstan pa'i le'u ste dang po'o//// de nas gsang ba'i bdag pos 'di skad ces zhus so// kye kye bde bar gshegs pa 'od kyi phung po chen po lags/ bar do rnam pa gsum po gsung du gsol/ ces zhus so// de nas yang sangs rgyas 'od mi 'gyur bas bka' stsal pa/ kye gsang ba'i bdag po/ da lta dang/ 'chi kha dang/ bar do dang gsum las/ da lta'i gdams ngag skyel ma dang 'dra'o/ / 'chi ka'i rig pa 'gron bu dang 'dra'o// bar do'i snang ba bsun ma dang 'dra'o// de yang da lta'i gdams ngag dpe don rtags gsum gyis yid ches par gyis shig/ dpe ni shel dang nyi ma 'dra 'bag rnam pa gsum mo/ / don da ltar gyi dus nas sku gsum 'du 'bral med par bzhugs pa 'di yin no// rtags gsum las chos sku'i rtags da ltar gyi rig pa rang gi ngo bo ma 'gags par sang nge gsal ba 'di sangs rgyas chos kyi sku yin no/ / longs sku'i rtags da lta'i lus kha mig dang bcas pa yin no// lus kyi nang na rang gi rig pa ma 'gags par gsal ba 'di nyid sangs rgyas longs spyod rdzogs pa'i sku shes rab kyi kha mig can yin no/ / sprul sku'i rtags da ltar rang gi mig nas 'od kyi phung po 'char ba 'di yin no// de yang rang gi mig rdo rje sems dpa'i me long la bcug nas ma yengs par bltas pas/ chu bur gyi mig gis chos nyid dag pa'i snang ba ma thub par/ sangs rgyas kyi zhing 'phra la dngas pa/ gsal la 'tsher ba/ rang bzhin bkrag la nyam nga bar me re re 'char ba 'di/ sprul pa'i sku 'od kyi kha mig can yin no/ / rang gi snying gi nang dwangs ma lnga'i dbus na/ ye shes lnga'i 'od kha dog lngar gnas pa ni sprul pa'i sku'o// 'od lnga'i dbus na sku lnga gnas pa ni longs spyod rdzogs pa'i sku'o/ / sku dang 'od gnyis su mi rtogs pa'i dmigs pa ni chos kyi sku'o// chos kyi sku ji ltar nyams su blang ba ni nam mkha' gsum sprugs kyi gdams ngag go/ de yang phyi'i nam mkha' bar snang stong pa 'di'o/ / nang gi nam mkha' mig dang snying gnyis 'brel ba'i rtsa sbugs stong seng nge ba 'di'o// gsang ba'i nam mkha' ni tsit+ta rin po che'i 'phyong gur phub pa'i gzhal yas khang ni gnang ngo// de yang rig pa mig la gtad/ mig bar snang la gtad pas/ ye shes lhug par 'char ro// longs sku'i nyams len ni/ srid pa'i me long gi nang du rgyal ba rigs lnga'i gzugs brnyan 'char du bcug la lta'o// sprul sku'i nyams len ni sgra 'od zer gsum nyams su blangs te/ sgra ni rna ba bkag la lta'o// 'od ni sgron ma dang man shel la lta'o// zer ni nyi ma'i snying po la lta'o// de dag gis da lta'i gdams ngag bstan pa'o// 'chi ka'i rig pa 'gron bu lta bu la gsum ste/ phyi 'byung ba bstib pa/ nang gi 'byung ba bstibs pa dang/ gsang ba'i 'byung ba rdzogs pa'o// de yang snyigs ma'i phung po lus las dwangs ma ye shes kyi 'od lnga/ chos nyid nam mkha' la thim mo/ / bar dor sangs rgyas kyi zhing khams rnam par dag pa zhag lngar 'char ro// de nyid ngo shes pas rang snang dag pa'i snang ba la gnyis su med par thim nas sangs rgya'o// bar do gsum ni chos nyid bar do/ / srid par bar do// las kyi bar do'o// chos nyid bar do ni zhag lnga dag pa'i snang ba 'char te/ bsun ma gsum yod do// de yang 'od dang sgra dang zer gsum mo// 'od ni bde bar gshegs pa'i 'od mchog gi 'od gsal lo/ / de yang 'od 'phra la dngas pa/ gsal la 'tsher ba/ rang bzhin gyi bkrag la nyam nga bas/ 'jig rten gyi khams thams cad khengs pa ni/ nam zla sos ka'i thang la smig sgyu 'gyu ba bzhin me re re 'ong ngo/ / de la ma 'jigs shig/ 'od kyi nang thams cad nas chos nyid rang sgra 'brug stong ldir ba tsam/ sgra grags la che ba 'u ru ru 'ong ngo// de la ma sdangs shig/ 'od las zer mtshon cha'i char 'bab pa 'dra ba/ mtshon cha sna tshogs su zing zing bas snang ba thams cad khengs nas 'ong ngo// de la ma skrag cig de dag ni mchog gi 'od gsal te/ ma 'jigs ma sdangs ma skrag cig/ de bas na da ltar nyams su len pa gal che'o/ / srid pa'i bar do ni da lta'i nyam len 'di zhen na sgra 'od zer gsum la 'jigs sdangs skrag pa snyam byed pas/ rang snang la the tsom zos te rang ngo ma shes pas/ 'od de las rigs drug gi snang ba shar te/ lha dang lha ma yin gyi 'od ljang khu/ mi'i 'od ser po/ byol song gi 'od nag po/ yi dwags kyi 'od dmar po/ dmyal ba'i 'od dkar po lngar 'char ro// bar du bla ma yi dam mkha' 'gro gsum gyi snang ba 'char ro/ / de la gong gi 'od gsal gyi snang ba la 'jigs shing/ 'og gi rigs drug gi snang ba la mi 'jigs par thun mong gi 'od ngo ma shes pas/ 'gro ba rigs drug gi snang ba la rig pa 'jug tu 'gro bas/ de bzhin gshegs pa'i 'od ngo shes par bya'o// rang 'od ngo shes pas bar do der bla ma yi dam mkha' 'gro gsum gyis lung ston te/ rigs kyi bu khyod bde bar gshegs pa'i rang gi 'od la ma 'jigs ma sdangs ma skrag cig/ rang gi snang ba yin no zhes lung ston no// bla mas lung ston pa ni/ bla ma'i man ngag dran pa dang bla ma la mos gus che ba la 'ong ngo// yi dam gyi lhas lung ston pa ni phyi nang gsang ba'i dbang rdzogs pa dang yi dam gyi lha gsal zhing rtag tu dran pa la 'ong ngo/ / mkha' 'gros lung ston pa ni gsang sngags kyi dam tshig ma nyams pa la bya'o// lung bstan pas mchog gi 'od gsal de rang gi 'od du shes nas sangs mi rgya mi srid pas/ srid pa'i bar do zhes bya'o// lung ston pa med na thun mong gi lam la shes pa zhugs nas/ skad cig ma dang po la sangs rgyas kyi 'od nub nas 'gro/ skad cig ma gnyis par rdzogs ldan gyi snang ba nub nas 'gro/ skad cig ma gsum pa la de nas rdzogs ldan mun pa nag po'i rgyal khams nyin mo'i snang ba med par char rlung 'thibs pa lta bu'i nang nas shin tu sdug go/ dper na nyi ma nub nas sa sros pa dang 'dra'o// der zhag bdun 'khyam mo// de nas zhag bdun pa la sangs nas/ lhan cig skyes pa'i lha dang 'dre gnyis kyis/ gshin rje chos kyi rgyal po'i drung du khrid nas las dge sdig gang mang 'dren pas ma 'cham nas/ der gshin rjes las kyi me long la ltar bcug pas/ mngon sum du mthong ste stobs gang che ba'i dbang gis mtho ris dang ngan song du 'phen no// de'i phyir las kyi bar do zhes bya ste/ las kyis ma gos pa gal che'o// de ltar gdams pa'i gnad shes pa rnams skad cig ma gsum la sangs rgya nges la/ mi shes pa rnams 'khor bar 'khyams pas/ gdams pa'i gnad shes shing goms par bya ba rab tu gces so/ / sangs rgyas thams cad kyi dgongs pa tshig nyung ba zhes bya ba'i rgyud las/ rdo rje sems dpa'i zhal chems gsum pa'i le'u ste gnyis pa'o//// bcom ldan 'das kyis de skad ces bka' stsal pa dang/ gsang ba'i bdag po la sogs pa'i 'khor thams cad rab tu dga' zhing yi rangs te rol mo'i sprin gyis gtibs shing/ bcom ldan 'das kyis gsungs pa la mngon par bstod do/ / sangs rgyas thams cad kyi dgongs pa tshig nyung ngu zhes bya ba'i rgyud kyi rgyal po ches gsang ba rdzogs so//// dpal o rgyan gyi slob dpon chen po pad+ma 'byung gnas kyis khra mo brag la gter du btsal ba'o/ / bdag 'dra pad+ma las 'brel btsal gyis snang bar byas pa yin no/// mad+ga laM/// de bzhin gshegs pa thams cad kyi 'khor lo nam mkha'i mdzod kyi rgyu/ rgya gar skad du/ lo kot+ta ra sarba ta thA ta ga ta tsakra/ khang+go Sha tan+ta nA ma/ bod skad du/ de bzhin gshegs pa thams cad kyi 'khor lo nam mkha'i mdzod kyi rgyud/ 'jig rten 'das pa'i mdo zhes bya ba/ /// bam po dang po// bcom ldan 'das shAkya thub pa la phyag 'tshal lo// 'di skad bdag gis bshad pa'i dus gcig na/ bcom ldan 'das sku mya ngan las 'das pa'i 'og min gyi gnas su/ sum cu rtsa gsum lha'i mdun sa chos bzang tshal na bzhugs te/ 'khor der 'gro ba rigs drug dang/ skye gnas bzhi dang/ lha srin sde brgyad la sogs pa 'dus par gyur nas/ der tshangs chen la sogs pa dam tshig can thams cad dang/ khams gsum na gnas pa'i mthu dang dbang btsan pa thams cad 'dus par gyur pas/ tshangs pa chen po steng gi gnas bsrung ba yang rang gi stan las langs nas/ bcom ldan 'das ga la ba der logs su lhags te/ bla gos phrag pa g.yas pa la zar te pus mo g.yas pa'i lha nga sa la btsugs nas thal mo sbyar nas/ bcom ldan 'das la 'di skad zhus so// bcom ldan 'das ca'i slid du spyan 'dzum zhing dgongs pa mdzad pa lags/ de skad ces gsol ba dang/ 'og gi rig pa 'dzin pa brgya byin lha'i dbang po la sogs pa rnams la/ bcom ldan 'das kyis 'di skad ces bka' stsal to// nga nyid mngon par rdzogs par nges par byang chub nas/ nga nyid lha'i gnas 'dir gshegs te/ 'gro ba sems can gyi don la gshegs nas dgongs pa mdzad do// de nas 'khor de ru 'dus pa rnams kyis/ bcom ldan 'das la mchod pa mang pos mchod nas/ tshangs pas skabs dbye bar zhus pa las/ bcom ldan 'das kyis cang mi gsung bar gnang ste/ bcom ldan 'das kyis nam mkha' mdzod ces bya ba'i ting nge 'dzin la snyoms par zhugs so/ / sku drang por bsrangs/ zhabs skyil mo krung bcas pa las/ pad+ma'i gdan la phyag rgya lnga dang ldan par bzhugs te/ nam mkha'i khams thams cad ye shes kyi mdzod ces bya ba'i rin po che 'od 'bar ba'i gzhal yas khang du byin gyis brlabs pa'i phyag rgya ste/ lag pa thal mo khong stong du phub phub por sbyar te/ sor mo tshigs zur can du bcag/ rin po che'i sgro ma bu ltar byas pas/ nam mkha' rin po ches 'phel bar bsams nas/ rat+na ma he ste/ rin po che shu la ste dkar po/ kha lo khri la ste nag po/ li hi dang ste dmar po/ nI la sngon po/ na la ste ljang khu/ byi ha na ste ser por byas pa'o/ / snying po 'di yang bka' stsal to// sarba ta thA ga te b+h+yo/ bi shwa mu khe b+h+yaH/ sarba tad khaM ud ga te s+pha ra na i maM ga ga na khaM swA hA/ zhes brjod pas steng gi nam mkha' gzhal yas khang du gyur/ rat+na sid d+hi sa ma ya hUM/ zhes brjod pas nang ye shes rin po ches bkang ste/ dngos grub tu gyur nas dam tshig dbang du 'dus te/ 'phags pa'i dgongs pa grub bo// de nas 'khor der 'dus pa rnams kyis/ bcom ldan 'das la zhus pa/ bcom ldan 'das thugs rje chen po dang ldan pas rgyal ba'i sku bstan du gsol/ zhes zhus pa dang/ bcom ldan 'das kyis nam mkha'i stong pa las yid byed pa po kun tu bzang po'i sku gcig tu sprul pa las/ chos bya ba mo kun tu bzang mo'i sku yang byin gyis brlab sa las byung ste/ yab yum thabs shes rab tu gyur pas 'bras bur gyur/ rkyen las rigs lnga lhun gyis grub pa'i sangs rgyas lnga ru gyur te/ de la yang bcom ldan 'das kyis thugs rje'i byin gyi rlabs kyis// 'byung ba chen po lnga las yum ye nas gnas pa'i ma chen mo lnga ru byin gyis brlabs te// phung po lnga las bskyed pas/ dbus de bzhin gshegs pa'i rigs shar rdo rje'i rigs/ lho rin po che'i rigs/ nub pad+ma'i rigs/ byang las kyi rigs/ de ltar rigs lngar byin gyis brlabs so// yang rigs lnga yab yum ni nam mkha'i 'dzod na bzhugs nas thabs shes rab kyi byin gyis brlabs pa'i sems bskyed de/ / de yang dbyings nas mnyam par sems can rnams phyung ste/ de ltar byin gyis brlabs dang yang sprul de ltar 'byung ste/ bstan pa'i chos dar nas 'byung ba dang/ 'phags pa'i dge 'dun 'byung ba dang/ yang bcom ldan 'das thugs rje che la thabs mkhas pa des dgongs nas/ 'gro ba rnams la brtse bar dgongs nas/ lha chen po brgyad/ steng gi nyi zla/ 'og nas sa bdag bka'i dam la btags te/ khro bo chen po bcu ru byin gyis brlabs nas phyogs bcur bkod de las byed par bskos/ mi mnyam pa'i mdang sgyu ma'i rol pas phyogs skyong bcu yang stang stabs kyi gdam du bting ste gzhag/ phyogs skyong ba rnams la yang thabs kyi khri 'phangs dang/ rang gtan te mdun du bzhugs so// de yang las ni rang rang gi 'khor 'dul bar bskos/ phyogs skyong rnams kyi gdan stengs su khro bo bcu po rang gi gzungs ma dang thabs shes rab tu bskos te snying po phog/ lag cha gtad de bkod pa dang/ spyir rgyud re la bdud 'dul ba'i le'u dang/ sngags dang/ phyag rgya re 'byung ba dang/ sems can gyi bag chags kyi so sor go ba re re dang sbyar/ sbyar na lta spyod spangs nas 'byung ste/ za hor yul gyi mi la gnyis su med pa'i don gzhag nas mi dmigs bar sgom/ spyod pa dmigs pa med par spyod do/ / lta ba yang ni mi dmigs par lta'o// sing nga'i yul na ni rdzu 'phrul gyi lung bstan te/ ngo mtshar gyi chos spyod do// rgya gar gyi yul na ni thabs shes rab kyi chos spyod de/ thabs kyi spyod pa sna tshogs shes rab chos kyi dbyings la sgom/ de nas rgya gar gyi yul bsam gtan rdzogs te gnas/ de nas bal yul du longs spyod dang ldan par byin gyis brlabs/ de nas li yul du lha srin gyi ston par zhugs/ kha che'i yul du ni bde skyid dang ldan pa'i chos spyod/ theg pa chen po dgu yang lta ba mi mthun/ spyod pa mi gcig ste/ nyan thos ni 'gog pa ste/ 'phags pa'i bden pa bzhi sgom/ rang sangs rgyas ni gcig pus te/ bse ru ltar spyod/ mdo sde ni pha rol tu phyin pa bcu la gnas par spyod/ kri ya ni dag par spyod cing lha dang rje khol du blta/ u pa ya ni lha dang dpon g.yog tu blta/ yo ga ni rigs lnga tshul gcig par lta zhing bdud rtsi spyod/ lha dang grogs por blta/ ma hA yo ga ni bdag gi phung po dang/ skye mched dang/ khams ni lha mor sgom/ a nu yo ga ni lha bdag gi sras su bskyed la/ rgyal ba'i sras su bdag bskyed do/ / a ti yo ga ni bdag rang ye nas he ru kar sgom ste/ chos kyi dbyings yang dag pa yin/ 'di kun yang gom nas btub bo// de la dbang po yid byed pa po ni yab/ chos bya ba mo ni yum du mtshan gsol/ lag na rdo rje dang dril bu bsnams/ pad+ma dang/ klu shing dang/ rin po che dang/ 'khor lo dang/ ral gri bsnams nas/ de'i byin rlabs las byung ba ni/ rigs lnga ni yum lnga/ de'i byin rlabs dang 'bras bu las grub pa ni/ byang chub sems dpa' dang sems ma'i 'khor rnams 'byung bas sangs rgyas kyi sras po/ oM bai ro tsan/ hUM badzra sa twa/ traM rat+na sam b+ha ba/ hri a mi tI b+ha/ ha a mo g+ha sid+d+hi/ de'i yum lnga ni/ maM d+hA tu shwa ri/ laM te shwa ra ti/ mo ha ra ni/ rA ga ra ti/ badzra sa ma yad+ha ra/ kuN+Da li rA dza yi/ ang+ku pa tsi ta/ pa ta pad+ma Ar+ya ba lo/ badzra pA Ni/ me tra/ tri ling no/ ram pa ya/ many+dzu shri/ sa ma tra/ mA le/ lA s+ye/ gI rti/ ni rti/ d+hu pe/ puSh+pe/ A la ko/ gan d+he/ shAkya mu ne/ k+Shakra/ srum cha ma/ sra ma ni sing/ ga shaM/ ra ga ra du/ ya ma big nan/ ma hA ba la/ ha ya gri ba/ a mr-i ta kuN+Da li/ aM ku sha/ pA sha/ lo ka bam/ gam d+haM/ de ltar ming btags/ snying po phog nas sems can gyi don byed par dbang bskur nas/ ye shes bla ma'i sa la bkod de bzhag go/ de dag la sogs te bskal pa bzang po'i byang chub sems dpa' dang/ gzigs mo pa dang/ pha rol tu phyin pa bcu dang/ sa bcu'i byang chub sems dpa' dang/ de dag kun dang/ gzhan yang phyi rig pa 'dzin pa dang/ phyogs skyong dkar ba'i dam tshig can rnams la yang mi btags snying po phog/ lag cha gtad nas so sor rang rang gi las dang grub pa la btsud do// badzra bud+d+ha/ badzra tsit+ta/ badzra rat+na/ badzra pad+ma/ badzra karma/ badzras twa/ badzra rA dzA/ badzra ra ga sha/ badzra swa d+hu/ badzra rat+na/ badzra su ra ti/ sha ra/ badzra ke tu/ badzra pa sha// badzra d+harma/ badzra tIk+Sha Na/ badzra tsakra/ badzra pA sha/ badzra karma sid+d+hi/ badzra rak+Sha/ badzra yak+Sha/ badzra san ti/ ka ru mu ka// ma hA bag sha// dza la su ti/ rA dzA pa tha sha ga ma/ sa man ta b+ha tra/ tsan+d+ra pra b+ha/ pa tra pa la/ ku mar tsa la/ badzra tsit+ta/ pra pa gany+dza dza/ ga ga na gany+dza dza/ byi ka ta ma ti ti/ tha nga ku sa/ dz+nya na mu kha ta tsi ti/ dza yas ma b+ha ba ma hi sha ga tri/ me tI/ ga ga ta sti dur ka ti/ rkarma bo d+hi bya ti sa ta ka/ ma ka/ ya ya/ mu ka sha/ rta ya shri sha/ d+hu ha ra/ ni med/ byu ra ti d+hu/ sa ra smin ni/ hra pa sha/ ba ru yin dra/ ma ma te ga ya ya ga tu/ sha ku/ bra ma ba te/ bra ma shu ta/ mahA pra ma/ su ra ra/ tsha pa ga tu/ si ri shi ta/ u ta swa ra/ a bu ma te/ pa ra shu nya ra/ shu targa ta bu/ u mu ka ma sha ta/ a bu du ka/ pra nya bra ga pu ba ta la ma ta/ u b+h+ya ma ma ta/ u ta ka/ su ta shi mi/ mu ka ni/ rba su ta sha nya/ u tsa bya ka// u ma sha ta ma/ bidz+nyA na/ ka man ta ga/ sha rgud ta/ ba na ta/ sad spra/ zhes bya'o/ de bzhin gshegs pa thams cad kyi rgyud/ 'jig rten las 'das pa'i mdo las/ 'khor dang gleng gzhi'i le'u ste dang po'o/ /// gzhan yang/ dA na pA ra mi ta/ shI la pA ra mi ta/ k+ShAn+ti pA ra mi ta/ b+hir+Ya pA ra mi ta/ d+h+yA na pA ra mi ta/ u pA yA pA ra mi ta/ dz+nyA na pA ra mi ta/ ba la pA ra mi ta/ pra dz+nyA pA ra mi ta/ pra Nid+d+ha na pa ra mi ta/ / pha rol tu phyin pa bcu'o/ pra mu ti ta/ bi ma la/ pra ta ga ti/ i tsa ta ma ri/ su ru tsa ya/ mu ti mu ke/ su ru ka ma/ u su/ ga ma ni sa tra ma ti/ tsa ka la/ ma ma mu ka ba ha/ ya ta pha phye/ yar+ya ti mu bu'i sha tri bu mi/ a ti ga ma dza/ a ku mi/ u le ka shwa ra/ u la ka b+h+ya/ da di bi ba sha/ nu spra sha/ ba ra badzra sa ne/ a sa ra tsa ka ma hA/ pad+ma ra tsa/ dz+nyA u ra ta/ badzra sa twa ka ya pa tra b+ha ba ti/ sa man ta pa tra/ he re tsa ma ka len pa pu ta/ 'di ni byang chub sems dpa' dang sangs rgyas so// sa'i rim pa de lta bu la sangs rgyas gnas pa lags so// chos kyang sde snod la spyod cing gnas pa las/ sems can gyi blo'i rig pa dang sbyar nas chos spyod pa las/ sems can lta ba dman cing blo 'khrugs pa rabs gcig gis/ sangs rgyas kyi chos la rang byan dang thugs thub tu spyod spyod pas/ grub tu med pas/ tshig dang yi ge gang zag gi phyir 'brengs pas/ bdag po med pas gar song song la 'jus so// 'dul ba dang/ mdo sde dang/ mngon pa'i sde snod gsum/ shes rab kyi pha rol tu phyin pa la sogs pa sems dang ldan pa'o// sa bcu bdun pa kun tu bzang po'i sa ste/ me long lta bu'i ye shes kyi pha rol tu phyin pa bcu rdzogs pa'i gnas/ chos ma byung ma skyes pa'i sa'o// nang du a ti yo ga rdzogs pa'i sa yang yin no// dmigs su med pa'i sa dang po'o/ / sa bcu drug pa rnam par snang mdzad kyi sa ste/ yod pa med pa/ gnyis kar ma grub ste/ skye 'gag ma grub/ kun rdzob dang don dam pa gnyis kar ma grub/ bsgrub pas gnyis kar brten na snang ba'o// smras na go ba'o/ / sems rtog thams cad rnam par dag na/ de ni bcom ldan 'das kyi thugs/ gzugs thams cad rnam par dag na/ de ni bcom ldan 'das kyi sku/ sgra thams cad rnam par dag na/ de ni bcom ldan 'das kyi gsung/ 'di ltar de ni de lta'o// thabs kyi rigs pas spyod pa la dor/ dam tshig gis gzhi gzung/ lta bas thag gcad/ dad pas phyir mi ldog/ sgom pas lam btsal/ 'di ni pha rol tu phyin pa drug rdzogs pa'i sa bcu rim gyis mnan nas/ byang chub kyi phyogs kyi chos sum cu rtsa bdun bsgoms te longs spyod rdzogs pa'i sa/ gsung rnam par dag pa'i sa ste/ mdo sde rgyud kyi theg pa'o// de bas na sa bcu drug pa'o/ / sa bco lnga pa ni dpal shAkya thub pa'i sa ste/ brtson 'grus dge bskul sa/ ting nge 'dzin mi g.yo bas ye shes rgyun gyis gnas so// byang chub sems dpa'i 'khor gyis bskor zhing bzhugs pas shAkya thub pa'i sa'o/ de yang ci'i phyir sprul pa zhe na/ bcom ldan 'das kyi thugs rjes rlung chags lhun po'i rtsa bas yangs so// sa bcu la ri rab rtse mos te/ srid pa'i longs spyod sna tshogs dang ldan no// sa dgu pa brgya byin gyis/ sa brgyad pa sum cu rtsa gnyis kyis/ sa bdun pa rgyal chen gyis/ sa drug pa de wa'i sa/ lnga pa gnod sbyin sde dpon tshangs pa'i sa/ bzhi pa mi'i sa/ gsum pa byol songs/ gnyis pa yi dwags sa/ gcig pa dmyal ba'i sa'o// 'di ltar sa rim par gnas so// rgyang 'phan tha ma na gnas te/ sa 'di rnams la so sor las byas/ de nas sa nyi shu gcig chos kyi dbyings kyi sa ste/ 'di rgyu thams cad kyi stong pa zhes bya'o/ / sku dngos po med pa phyi stong pa zhes bya'o// sa nyi shu ni sems kyi sa ste/ nang stong pa zhes bya'o// thugs mtshan ma med pas/ 'bras bu stong pa zhes bya'o// sa bcu dgu pa nam mkha'i dbyings phyi nang stong pa zhes bya'o/ / gsung smon pa med pa'o// chos 'di gsum kun rdzob sgyu ma tsam du dbye yang/ mdor bsdus na bsam gtan 'khor ba rgyun gcod ting nge 'dzin mi g.yo ba'o// shes rab gsal ba/ mi gnas mya ngan 'das pas bya/ shes rab dag pas zhing stong pa la 'phyo/ skye ba'i chos la bdag med pas rig/ smra ba'i yul la 'das/ rtogs spyod mtha' dang bral/ tshad med pa bzhi dang ldan/ theg pa chen pau mngon pa ma mo'i sa gsum pa dang po'o/ / sa bco brgyad pa ye shes sems dpa'i ste/ 'di ni snang la stong par snang ste/ me long lta bu'i ye shes gzugs brnyan snang ba dang 'dra ste/ chos mnyam pa nyid kyi sa ste/ stong pa nyid kyi ye shes/ rdo rje lta bu'i rtsa ba dbyung mi dgos/ kun tu bzang po'i sa pha rol tu phyin pa yang kun rdzob mnyam pa nyid kyi ngang du a ti yo ga'i sa/ chos ma byung ma skyes skye 'gag yod med med/ stong pa gzung 'dzin dang bral ba'i dmigs su med pa'i sa'o/ / sa bcu drug/ sa rnam par snang mdzad kyi mdo sde theg pa chen po/ 'di yod med gnyis kar ma grub/ skye 'gag ma grub ste/ don dam pa kun rdzob tu snyoms par pha rol tu phyin pa drug rdzogs shing mngon shes dang ldan te/ phyi mdo sde dang/ nang sngags dang/ rgyud thams cad dbyer med pa'i sa'o// sa bco lnga pa shAkya seng ge'i sa ste/ thams cad kyi don la ting 'dzin ye shes brgyan gyi sa ste/ brtson 'grus sa ste/ phyir mi ldog pa'i byang chub sems dpa' brgyad kyis bskor ba'i sa 'di'i lo rgyus gong nas bshad/ sa bcu gnyis pa rdo rje sems dpa' gnas te/ mchod pa'i lha mo brgyad kyis bskor te chags pa mi mnga' ba'i tshul lo// thabs kyi sbyor ba man chad ste/ sems don so sor rtogs te/ so sor rtog pa'i ye shes so// sa bcu gsum po kri ya'i sa ste/ gtsang ma khrus gtsang ma'i dkyil 'khor rdzogs pa'i sa'o/ / sa bcu gnyis pa rang sangs rgyas pa'i sa ste/ rten 'brel gyi sgo nas 'jug pa'i sa'o// sa bcu gcig nyan thos kyi sa ste/ 'phags pa'i bden pa bzhi'i sgo nas 'jug/ zung bzhi ya brgyad 'grub/ mun pa sel/ nan tan bsgrub pa 'di yan chad kyis 'og min sa'o// ri 'di rnams ri rab bo// 'bum sde brgyad dang/ gsung rab mdo sde bcu gnyis dang yo ga dang/ theg pa chen po tan tra sde bco brgyad dang/ nyan thos kyi theg pa 'dul ba dang/ mdo su tra sde drug dang/ sangs rgyas kyi bstan chos rnams tshar bar mdzad pa las/ sems can rnams blo mi 'gyur zhing the tsom du gyur pa rnams la/ sngon sngags dang chos ji ltar 'byung ba bshad pa/ lta ba dang sa'i khyad par rim pa dang/ sangs rgyas bcom ldan 'das kyis bdud rim par btul ba bstan pa'o// sa bco brgyad pa thams cad stong pa'i ngang la 'bad rtsol dang bya brtsal mi dgos so/ / gsal ba mkhyen te rig pa me long lta bu'i ye shes so// sa bcu bdun nas sems can don la gzigs te/ khro bo brgyad dang nang gi lha mo brgyad du sbyor ba'i byin gyi rlabs las/ shar du rnam par rgyal ba dang badzra lA s+ye las yul 'khor srung byung// lhor gshin rje gshed dang rat+na mA le las 'phags skyes po byung/ nub tu rta mgrin dang gir ti las mig mi bzang byung/ byang du bdud rtsi 'khyil ba dang nir ti las rnam thos sras byung/ lho shar du dbyug pa sngon po dang d+hu be las yongs su sbyar ba las tshangs pa me lha byung/ lho nub tu mi g.yo mgon dang puSh+pe las lang ga srin po byung/ nub byang du Tak+ki rA tsA dang A la ki las srog skyong byung/ byang shar du khams gsum rgyal ba dang gan d+he las ma hA de ba byung/ de dag la gnas pa'i tshul lo// sa bdun pa rlung las chu chags te/ de las gser gyi spris mer chags/ de'i steng du me chags/ nam mkha'i steng du yang yod/ 'og na yang yod pa las/ de nas ston pas bcom ldan 'das kyi sku sprul pa las/ srid pa'i rtse mo nas/ dmyal ba yan chad sems can g.yo 'gul ba thams cad kyi lhubs su zhugs pa la sku sna tshogs par sprul sku 'khrungs te/ so so'i rgyal por sku sprul te/ skad dang sku'i chos ston par sku sprul te/ dper na 'jig rten du sku mngon par gshegs pa'i dus nas/ bstan pa nyid de las byung ba'i rtags su/ shAkya thub pa glang dkar por sprul nas sku la 'od zer 'phros pas/ yum gyi dbyings su gshegs pas/ yum gyi rmi lam du bab ste/ mi yul du chos bstan nas bla na med par sangs rgyas so/ / shAkya thub pa yum sgyu ma lha mdzes pa'i lhums su chags nas mi yul du gshegs pa'i dus na/ 'chi bdag gi bdud la sogs pas bcom ldan 'das la brgal te/ bla 'og phyogs bcu'i bdud sdig can ji ltar yang sprul te/ nam mkha' las mtshon gyi char phab pa la/ bcom ldan 'das kyi sku ci yang ma g.yos pas/ bdud srin rnams so sor brgyal/ mtshon cha thams cad gser gyi sa gzhi dang/ mchod pa dang/ rin po cher byin gyis brlabs nas gzhag go/ 'jig rten 'das pa'i mdo'i rgyud las/ sa rim par dbye ba'i le'u ste gnyis pa'o//// de nas bcom ldan 'das la bdud srin gyi mtshon cha thams cad me tog dang pad+mar gyur te/ 'dod chags kyi dgra dang bdud bcom/ zhe sdang gi mtshon bsnyil/ nga rgyal gyi mi gsad/ gti mug gi dmag bcom/ phrag dog gi rlung ngan gnan nas zhi bar mdzad nas gnas so/ / de ltar sa'i rim pa la gnas pa las/ sa lnga pa la gnas pa'i bdud ma traM ru tra bya ba de/ 'dod chags zhe sdang gti mug nga rgyal phrag dog lnga dang ldan pa'i sdig pa'i sems can/ lha'i dbang pos kyang mi thub ba/ mthu bo che dbang po che de sus kyang ma thub nas/ lha srin thams cad dbang du bsdus nas/ bcom ldan 'das kyis de ltar bsgral bar dgongs pa las mthu dang dpung gis de mi thub pas/ ngan thabs kyis de gdul bar dgongs nas/ tsa na ka zhes byas te nyungs kar dang/ tsho bu pha smug po'i nang du srin mo nad stong ma brgya brtsal te/ ma trang ka ru na'i phyogs su gtor nas/ kho'i lus la phog ste/ yan lag thams cad khrag chu bur gyis gang bar gyur te/ ngan sngags bzlas te/ tsan ka ma trang ka ru na la phaT/ ces 'phangs so// de nas de'i shul nas lcags dang shing tsher ma can la byas pa'i phur pa byas te/ gza' chen po brgyad la dbang bskur nas/ badzra ki la ya ma trang ka ru na la phaT/ byas pas ma trang ka ru na la zug go/ de'i 'og tu lcags kyi sdig pa dang tra tra rkang gcig gsal te/ gza' brgyad rbad de/ snying po 'di lta bus gza' sngags nas gtang ste/ sur+ya/ tsan+d+ra bo d+hi satwa ut+ta ra/ bud+d+ha b+ha ga wa ti/ shu tra ra hU la shu re sha rang gud+d+ha/ b+hu d+hu/ 'di rnams kyi ma trang ka ru na'i lus la phog ma thag tu gzer thabs kyis btab nas/ lha'i dbang po ma traM ka ru tra gshin rje'i bdag po bkum mo// shi ba'i ro mgo lho nub mtshams su bstan no// rkang pa byang shar mtshams su bstan nas 'da' ba las/ 'jig rten mi rnams kyi yul gcig du ro ma shong nas/ gdeg tu yang sus kyang ma theg nas/ ro de'i ro stod sing nga'i yul du 'tshal/ der dur khrod chen po gcig brtsigs te bzhag pa las/ sing nga'i yul gling phran na rdzu 'phrul gyi chos mang zhig rgyas so/ / ro smad rgya gar yul du 'tshal nas/ der dur khrod gcig 'tshal ba las/ dur khrod chen po brtsigs pa las/ 'dod chags dbang du gyur nas sna tshogs pa'i gzugs su gsal ba las/ ston par shAkya thub pa mngon par gshegs pa las/ chos kyi 'khor lo bskor nas skye gnas kyi mdzod 'dod chags kyi dgra mngon par 'dul/ dam pa chos kyi snod du gyur te/ nang khrol ma lus par bal yul du 'tshal ba las/ dur khrod chen po phyed pa brtsigs pas/ rdo rje'i mchod rten brgya rtsa brgyad rang byung du skyes/ spyan ras gzigs dbang phyug gi sku mngon par phyung ba dang 'dra bar mchod pa'i yo byad rgyas par gyur to/ / gnas pa'i gsum pa'i yul ni dur khrod phyed dang gsum zhes bya'o// de nas ma trang ka ru na gum pa'i bu smad 'khor dang/ kun gcig bdud kyi 'khor du 'dus/ lha ma yin dang/ sha za dang/ ro langs dang/ sha khrag la rngam pa kun dang/ gcan 'dab chags ril ba bdud kyi 'khor du ma 'dus so// stong gsum la mnga' byed pa tshangs pa dang/ brgya byin dang/ phyogs skyong ba dang/ lha srin mthu po che dang/ klu la sogs pa thams cad kyis dbang du bsdus te/ 'khor mang po ji snyed cig gis bskor ba'i dbus na bdud ma trang ka ru tra bcu gnas/ bdud kyi ba dan dang rgyal mtshan ni btsugs/ ba dan phyar ba'i mthus ri rang mdzub mo'i thor to la bzhag la/ spyi bo la lan gsum bskor nas gnas pa la/ ston pa shAkya thub pa bdud btul bar dgongs nas/ lus ni ri rab pas kyang che ba'o// pags pa'i gsum pas kyang grangs gsum yod de/ mtshon gyis kyang mi tshugs nas/ ston pa dpal shAkya thub pas bdud btul bar dgongs te phyin nas/ ston pas nga'i bka' nyan du rung byas pa/ kho na re/ 'o lha'i ngan bu chung mgo reg pa/ / pha brtsams ni bregs/ ma brtsags gzhob kyi ral ka la phu phrag pa la khol la rang gi gnas bde bar long zer nas ma thub// de nas ston pas dpal rdo rje sems dpa' mngags te btang bas/ sku nas 'od 'phros pa zhal nas hUM zhes bsgrags te phyin pas/ lha ngan dgeg po khyod phyir song skad nas sha khrag zas la mthun phyir log go de nas rta mgrin btang bas/ rta mgrin rngam la khyod khros kyang nga'i 'khor na klu rta mgo can dang lhan cig bzhag nas yang nga mi thub zer nas slar la bros/ de kun la rang rang gi gnas gang yin par phyin par dengs shig par bsgo/ de nas 'jig rten gyi gtso bo thams cad kyang dbang du 'dus/ sangs rgyas thams cad kyang dbang du ci 'dus bya zer ro// srid pa'i rtse mo man chad dbang du 'dus pa la thug nas/ nad dang rims kyis shi ba'i sha khrag zos/ bsad nas kyang bdud kyis zos/ 'jig rten gsum la stongs pa la thug nas/ bcom ldan 'das kyis dpal rdo rje sems dpar sprul nas/ sa rim pa bcu bdun nas gzigs te/ bdud ni dar/ sangs rgyas dang/ chos dang/ sems can brlag pa la thug nas/ ston pa bcom ldan 'das kyis dpal chen po shrI he ru kar sprul nas/ bdud kyi 'khor du byon nas/ srin mo sha za ca na rngam ma dang/ dbyangs ma dang/ dri ma 'thor ba dang/ khrag 'thung ma/ shar lho ro langs ma/ lho nub rmongs byed ma/ byang nub thod 'phreng ma/ byang shar mtshams 'di rnams srin mo brgyad lags te/ bdud kyi 'khor lo/ ke'u ri dang/ tse'u ri dang/ pra mo ha dang/ be ta li dang puk+ka si dang/ g+has ma ri dang/ sma sha ni dang/ tsaN+Da li dang/ 'di rnams ni ye shes kyi ma mo brgyad do// rgya yul du mchog chen ma hA bo d+hi dur khrod srung/ lhor rgya gar yul du rdo rje gdan du srung/ nub tu kha che yul du mthar legs g.yung drung gter srung/ byang sa la'i yul du dbyangs lha ko la sa dur khrod srung/ shar lhor dur khrod bal yul du kha she la dur khrod srung// lho nub za hor yul du khams gsum bde rkyas sgrogs dur khrod srung/ byang nub u rgyan yul du rmad grags chos kyi dbyings dur khrod srung/ byang shar li yul du 'ge'u do shan dur khrod srung/ mchod rten 'di brgyad ni dur khrod kyi ma brgyad do// 'di ni 'jig rten las 'das pa'i dur khrod kyi ma brgyad do/ / 'jig rten las 'das pa'i dur khrod ni/ phyogs skyong ba brgyad yin no// 'di brgyad da dung srin mo'i san gnas so// de'i nang rol na bdud kyi bu mo bzhi gnas te/ srin mo za byed med ces bya ste/ me za mo dang/ brag gyon mo dang/ chu 'bebs ma dang/ rlung 'byin ma dang bzhi gnas te/ he ru ka dpal rdo rje sems dpa' des/ bdud kyi cha lugs su sprul nas/ dpal shrI he ru ka'i cha byad sprul nas/ srin mo de rnams kyis mthong sar byon pa dang/ srin mo de rnams kyis bltas nas/ spyir bdag cag gi khyo yang 'dra na/ de bas kyang gzi che la cha byad mdzes pa dang ldan pa zhig mthong nas chags sems skyes nas/ bcom ldan 'das kyis phyag rgya bzhis bsdams de dbang du bsdus so// de'i nang rol na bdud kyi nye gnas ma srin mo kor ti shwa ri zhes bgyi ba/ nag mo chen mo ral pa can mgo dgu yod pa/ mig nas me 'bar ba/ kha nas mi'i lha ba rkang bra ba zhag 'dzag pa/ ngos bzhi nas me 'bar ba zhig gis bstan nas/ spyir na rang gi khyim bdag ma trang ka ru yang 'dran/ de bas kyang mtshan ma sngon ma mthong ba 'dra ba na/ gzi byin dang brjid dang ldan pa/ 'od zer phyogs bcur 'phro ba zhig mthong nas/ 'dod chags dang chags sems kyis non nas/ dbang med par nang nas phyir phyung/ phyi nas nag du zhugs te bltas/ bcom ldan 'das kyis zhal 'dzum pa dang/ 'jigs pa'i tshul bstan pas/ mos 'dzum pa bstan pa yang gzigs nas/ bcom ldan 'das kyi nam mkha' la hUMHmthing na gcig dmigs nas/ dur khrod kyi bdag po 'dul ba'i ting nge 'dzin la dmigs nas hUM zhes brjod pas/ mos bsam pas 'di dang gnyis sbyor ba byas kyang rung ngam bsam byas// nam gyi srod la dga' nas he zhes nrjod/ / nam gyis gung la hu zhes brjod/ tho rangs ka phaT/ ces brjod pas/ nam langs nas rgyu 'bras las sprul pa'i sras sngon ga ral pa can dbu dgu/ g.yas dkar/ g.yon dmar/ dbus mthing ba/ dbu'i bar ba g.yas sar/ g.yon ljang/ dbus dmar/ dbu tha ma g.yas dkar/ g.yon ljang/ dbus ser bya ba/ phyag bco brgyad pa/ dang po gnyis rdo rje rtse dgu pa dang dung chen dmar gyis bkang ba 'khrug cing gsol ba/ de'i 'og ma gnyis ti ra'i glo snying 'byin cing zab/ de'i 'og ma gnyis pa su ta'i rgyu ma sdog pa/ de'i 'og ma gnyis nyi zla thugs kar 'dzin pa/ de'i 'og ma gnyis bya khyung dang 'ug pa 'dzin pa/ de'i 'og ma gnyis rdo rje rtse lnga dang/ mu su ra rtse gsum pa bsnams pa/ de'i 'og ma gnyis yid bzhin gyi nor bu rin po che bsnams pa/ tha ma gnyis gser gyi rte'u chung dang srung yab bsnams pa'o// zhabs brgyad ma hA de ba pho mo dang/ tshogs kyi bdag po pho mo dang/ byin ya ka pho mo dang/ ma hA kA la pho mo dang brgyad phyogs bzhir brdzi ba'o// dur khrod kyi rgyan/ sprul gyi ska rags dang/ thod 'phreng gi rgyan/ zhing gi ya ba bskor/ glang chen gyi ko rlon/ stag gi sham thabs/ zhing gi g.yang gzhi/ thal chen gyi tshom bu/ rak+ta'i thig le/ zhag gi zo ris/ rgyan rnam pa sna tshogs pas brgyan pa'o// zhal nas hUM dang phaT kyi sgra sgrogs pa zhig byung bas/ dbu dgu ni byang chub theg pa dgu la 'jog pa/ spyan dbu ma dgu ni dbyings rnams la gzigs thabs blta ba/ spyan bco brgyad ni dbang po drug/ yul drug/ rnam shes drug gi rang bzhin no// phyag mtshan bco brgyad bsnams pa ni/ mthar gyis gnas pa'i snyoms par 'jug pa'i khro bo brgya rtsa brgyad/ khro mo brgyad rtsa brgyad/ chos thams cad ni yang sprul dang/ zhing sprul las grub pa 'di lta bu'i las grub pa sha stag go/ zhabs brgyad ni 'jig rten gyi lha dang min mang po mnan pa ni/ bsam gtan bzhi dang/ mthar gyis gnas pa'i snyoms par 'jug pa bzhi rdzogs so// rdo rje gshog bas stabs pa ni chos nam mkha' lta bu la shes rab kyi rtsal gyis nam mkha' la dbang stod pa'o/ / yang dbang gcod pa'o// sprul nag gis klu dnga du sdud pa'o// 'di lta bu zhig byung nas/ yab kyi mtshan yang dpal he ru kar btags/ dpal chen po de dag gis rdo rje sa'i la chags pa'i tshul gyis nus pa'i spyod yul 'di dag bor nas slar sa bcu bzhi par gshegs so/ / de nas bcom ldan 'das dpal he ru ka des bdud bar dgongs nas/ yab kyis bka' stsal pa/ bdud thul cig par bsgo nas bzhag go// zhal nas hUM dang phaT kyi sgra byung pas/ srid pa gsum g.yos pas bdud brgyal sangs la phyir phyogs su zhog nas/ mgo gcad khrag zags so// de nas yang dpal he ru kas byin gyis brlabs pas/ rigs lnga snags rgyas dang/ 'byung ba yum lngas byin gyis brlabs pas/ oM bi shwa badzra kro d+ha dzwa la maN+Dal phaTHha la ha la hUM phaT/ ces brjod pas rigs lngar gyur te dbus dang/ shar dang/ lho dang/ nub dang/ byang du bkod pa las/ he ru ka yab yum bcu las/ ke'u ri la sogs pa brgyad skyes nas/ ko'u ri la srid la gsum thar par byed par dbang bskur/ tsi'u ri la dbyings nas thugs dam bskul bar dbang thog pra mo ha la stong gsum phyag rgyas 'debs par dbang bskur/ bi ta li la stong gsum rmongs par byed par dbang bskur/ spu ka si la stobs kyi khams gsum sgyur te lcob byed kyi dbang bskur/ g+has ma ri la 'jig rten 'khrug cing zhal du stobs pa'i dbang bskur/ sma sha ni la dme sha la dbang bya ba dang ma mo'i dbang bskur/ tsan+da li la tshe 'dzin par dbang bskur te/ ye shes kyi dur khrod kyi bdag po'o// de nas bdud kyi bu mo me zam dang/ brag gyon ma dang/ chu 'bebs ma dang/ rlung 'byin ma bzhi srod la seng ge'i mgo dang/ stag dang/ wa dang/ spyang ki bzhi ru sprul nas btang ba la/ he ru ka ma chags thabs kyi sbyor ba byas pas/ seng ge'i mgo can yab yum lha srin phye ba'i bu 'phra men mar skyes nas/ las ci nus smras pas/ 'jig rten sgrol nus skad nas/ sing ha mu khar btags/ stag gi mgo can la bdud btul bas/ bya g+h+ri mi khar btags/ wa'i mgo can la sri gdul bas/ sri la mu khar btags/ spyang mo'i mgo can la drag dal nus skad na/ shwa na mu khar btags so// de nas yang tho rangs kha bya rgod dang/ khA ta dang/ bya rog dang/ 'ug pa bzhi btang nas/ ma chags thabs kyi sbyor ba byas pas/ nam langs nas bu re re skyes pas/ bya rgod mgo can la khams gsum dbang la khrag drang bar byas te/ gri d+ha mu khar btags/ kang ka'i mgo can dur khrod 'dul bar dbang bskur/ kang ka mu khar btags/ bya rog mgo can la yon tan gyi yid bskur bar byas nas/ kha kha mu khar btags/ 'ug pa'i mgo can la sna drang bar bcad nas/ hU lu mu khar btags so/ / sgo bzhir ta krid chen po bzhi bzhag go/ 'jig rten las 'das pa'i mdo'i rgyud las/ dur khrod dang ye shes kyi ma mos bdud btul ba'i le'u ste gsum pa'o// de nas khro bo bcu dang khro mo bcu phyogs bzhi mtshams brgyad de/ steng 'og bcur bkod de/ de'i mdun du yang dri za/ gshin rje/ klu/ gnod sbyin/ me lha/ srin po/ rlung lha/ ru tra/ byi na ya ka/ zla ba dang nyi ma/ sa bdag gis stan du byas nas/ des gdan khri yang rang rang gi gdan dang/ shin tu rnam par rgyal ba/ badzra kro d+ha bi dza ya ste/ zhal gsum/ phyag drug/ g.yas dkar/ g.yon dmar/ dbus mthing nag/ phyag g.yas rdo rje/ ti shul la/ ti ra'i dbyug pa/ g.yon dril bu/ 'khor lo/ rgyan thams cad kyis brgyan pa/ kun la dur khrod kyis brgyan te/ gshog pa rdo rje bltams pa/ dri za'i gdan la dza dza ga ta ma badzra/ rdo rje snyems ma gnyis sbyor ba las/ srod la stag tu sprul nas gda' bde las bu skyes pas 'phra men ma 'jigs byed stag gi mgo can zhig tu sprul nas gda' nas/ bya g+h+ri yo gi ste/ las ci nus smras pas/ bdag gi myos par nus skad nas/ myos byed mas ta ma ta zhes btags so// tho rangs bya rgod du sprul nas gda' nas/ ma chags thabs kyi sbyor ba'i sras bya rgod kyi mgo can zhig byung ste/ kro d+ha yo ga zhes btags nas/ las ci shes smras pas/ ngas thugs dam bskul nus skad nas/ dza bya ta ki myos byed ma ra btags so/ / shar lho mtshams na me lha'i gdan stengs na/ dbyug pa sngon po dbu gsum phyag drug pa/ g.yas dkar/ g.yon dmar/ dbus ser zhal/ g.yas rdo rje/ me thab/ bya rog bsnams pa'o/ / g.yon b+han d+ha/ ti ra/ ral gri/ dur khrod kyi rgyan dgu gsol ba/ u kra mas te sder mo can dang gnyis kyi byin rlabs kyi sras/ srod la tsa ma ra ya ste g.yag mgo can skyes pas/ las ci nus smras pas/ srid pa gsum gyi yid 'phrog nus skad nas/ na ma dza ha sa te yid 'phrog mar btags/ tho rangs bya rol tu sprul nas btang ba las/ bya'u bya rog can zhig gda' bas/ kha kha yo gi ste/ las ci nus smras pas/ dug gsum za nus skad/ bag sha za byed mar btags so// lhor gshin rje'i gdan stengs na/ ya man ta ka gshin rje'i gshed dbu gsum phyag drug pa/ g.yas dkar/ g.yon dmar/ dbus sngo/ phyag g.yas rdo rje/ tho ba/ dgra sta/ g.yon b+han d+ha/ tir/ bya 'ur pa bsnams pa'o// tsan dwangs sham ste rdo rje gtum mo dang gnyis med byin rlabs las/ srod la sha bar sprul nas gda' bas/ sha ba'i mgo can zhig byung bas/ spra mo yo gi ste/ las ci nus smras pas/ gdug pa gsum gyi khrag 'dren nus skad nas/ rag ta ma ta kong khrag 'dren mar btags so/ / tho rangs 'ug par sprul pa las/ ma chags thabs kyi rol pa mdzad pa las/ de'i byin rlabs las 'ug pa'i mgo can byung/ hU lu ma kas te/ las ci nus smras pas/ 'drel cing smyo bar nus skad nas// ri bi ku ru ste 'drem byed mar btags so// lho nub mtshams na bden bral gyi gdan la/ a r+ya a tsa la dbu gsum phyag drug pa/ g.yas ser/ g.yon dmar/ dbus smug nag/ g.yas rdo rje/ ral gri/ dgra sta/ g.yon ban d+ha/ dbyug tho/ wa/ tsha nya ma ka te yum gtum khung dang sbyor ba'i byin rlabs las/ srod la gzig tu sprul pa las/ de gnyis sbyor ba'i byin rlabs las gzig mgo can du byung/ bya ka yo gi ste/ las ci nus smras pas/ gdug pa gsum 'joms nus skad nas/ 'joms byed mar btags/ tho rangs khwa'i mgo can la ka ki la yo gi ste/ las ci nus smras pas/ ha pu ri nya ste/ las byed mar nus skad nas/ las byed mar btags so// nub tu klu mo'i gdan stengs su dpal rta mgrin zhal gsum phyag drug pa/ g.yas dkar/ g.yon sngo/ dbus dmar zhal/ rta mgo ljang khu/ rngog ma le brgan/ dpral ba dkar la zhal gdangs mche ba gtsigs pa/ dur khrod kyi rgyan gyis brgyan pa/ g.yas gsum na rdo rje/ u tir/ dbyug pa/ g.yon pa gsum na lcags sgrog/ zhags pa/ bya khyung bsnams pa/ ha ya gri ba ste rta mgrin a lo ting ka ste/ dur khrod bdag mo dang gnyis kyi byin gyi rlabs las/ srod la byi lar sprul nas bu byi la'i mgo can byung/ hU lu yo gi ste/ las ci nus smras pas/ brtson zhing rmugs par byed nus skad/ rmugs byed mar btags so/ tho rangs pu shud gcig tu sprul nas/ de'i bu pu shud mgo can byung/ ngag ti ri kha ste/ las ci nus smras pas/ bdag gis mgyogs par rnga thogs skad nas/ tsa byo ha ka ste/ mgyogs byed mar btags so// nub byang rlung lha'i gdan stengs su a pa ra tsi ta zhal gsum phyag drug pa/ g.yas ser/ g.yon ljang/ dbus dmar/ phyag g.yas gsum na rdo rje/ rdul yab/ bdan bsnams pa/ g.yon gsum na rdo rje/ dbyug pa/ dung chen bsnams pa/ rgyan 'gre bar bya/ dur khrod kyi rgyan dgus brgyan pa/ ba yu be ste/ rlung 'byin sras dred kyi mgo can byung// byi sha pu ka ra yo gi ste/ las ci nu+is smras pas/ badzra A yur+shi A be sha ya ste/ tshe 'bebs nus skad nas/ 'bebs byed mar btags so// tho rangs byi ba dang sbyor ba'i byin rlabs las/ sras byi ba'i mgo can byung/ las ci nus dris pas/ ha ri ste/ 'phrog nus skad nas/ 'phrog byed mar btags so// de yan chad 'phra men ma bzhi bcu'i bskor la/ khro bo chen po bcus ni bdud btul/ khro mo chen mo bcus ni bgegs bcil/ 'jigs byed chen mo gcan gzan gyi mgo can bcu ni 'jigs byed kyi pho nya/ bya'i mgo can bcu ni rdo rje 'jigs byed kyi pho nya ma yin no// 'jig rten las 'das pa'i rgyud las/ 'phra men ma bzhi bcu'i le'u ste bzhi pa'o/ /// de nas bcom ldan 'das bdud dang srin po 'dul ba'i ting nge 'dzin la snyomasapar zhugs te/ bdud ru dra de yang bdud kyi rgyal mtshan bsgrengs nas sus kyang bsgral bar mi tshugs par snang ba las/ bcom ldan 'das dpal chen pos/ yungs kar gcig srin po la so sor 'phang ste btang ngo// de'i sngags 'di skad do// pu ta bya te/ shu la ni/ rag sha ni/ ru dra na/ phaT phaT/ ces 'phangs pas srin po ru dra nag po de na nas 'dug go/ de nas bcom ldan 'das kyis na ba de la mnan pa'i phyir yung nag 'phangs te/ u rgya tsa la ka la tri sna/ bi ti pha ta/ u ta ta ra/ bud rba bya ga ti sti/ shukra/ ga d+ha/ phaT phaT/ ces 'phangs pas ru dra ni brgyal nas shi ba la/ phyir phyogs su zhon nas bsgral/ bu smad dang 'khor ni dbang du bsdus te/ ru dra de yang de dus su bsgral ba las/ 'dzam bu'i gling du ro ma shong nas so sor gtor te btang bas/ ro smad rgya gar yul du btang bas 'dod chags che bas sngags kyi chos der dar ro// ro stod sid+ha la'i yul du 'tshal bas rdzu 'phrul gyi chos der dar ro// nang khrol bal yul du 'tshal bas longs spyod der dar ro/ / sta zur g.yas rgya nag yul du 'tshal bas gtsug lag der dar/ sta zur g.yon stag la gzig yul du 'tshal bas nor der dang/ lag pa li yul du 'tshal bas grub pa byung/ rkang pa g.yon pa kha che'i yul du 'tshal bas gter dar/ rkang pa g.yas pa gling dgur gzhag/ o rgyan dang der gtor/ de ltar grub pas ru dra gnas pa yang de nas byung/ yungs kar gyi snying po ni/ us bya te sha truM/ sarba tsa na ka si ti sarba d+hun/ zhes grangs mang po 'byung ngo// de la pho nya mang por yang mngags te/ yungs kar dang yungs nag pho nyar byin gyis brlabs nas/ phyi nang sde snod dang 'jig rten las 'das pa'i lha srin thams cad mngag go/ yungs kar gyi rgyal po dang/ yungs nag mtsho 'ub smug po gnyis char dung phor mtshan dang ldan pa kha phye la zhing gshin pa la ban da/ nub tshabs che ba'i gting du kha gsum la sogs par bcug la kha gnam du bstan par byas la/ kha nas yar sa'i dpangs mdzub gang yod pa/ nang yang sas bkang par byas la/ der bskyed pa ni yungs kar gyi rgyal po bya ste/ de'i pho nya dang las byed do/ / yungs nag tsha 'ub smug po de yang de dang 'dra/ yung kar dang/ yungs zor dang 'phangs pa yang nyid de/ yungs nag ni dur khrod kyi thal ba dang/ mi ro bsregs pa'i thal sol lo// de zhib tu byas pa dang sa bsres pa la bskyed pa ni yungs kar rdo rje rigs mchog ces bya ste/ las bcol ba byed do// yungs kar ye shes rigs mchog ces bya ba ni dge slong gi skra dang lus bkrus pa'i chus zhing bskyed pa la bya'o// des ni 'phags pa'i thugs dam skul bar byed do/ / yungs dkar yungs nag kyang 'dra'o// de'i snying po ni 'di'o// ud pya te/ shu la ra na tsa ka/ ku ma hA/ sha truM na spya/ ma ku ta na t+ya/ sha truM mur ti pu tri/ u b+h+ya ti tsa na ka tsa/ badzra dz+nyA na nA ya na ri ku mu ka/ dza dzaHphaT phaT/ b+hud t+ya ya dza dza ra tsa na/ dz+nyA na/ badzra na/ na ya na/ ku ma ta na/ dzA dzA na/ phaT phaT/ b+hud ti dza ya/ gu sha dza dza na/ pho na lcags kyus snying nas drongs zhes byung ngo/ /// de nas bgegs gu gul nag pos bdugs la gsad par bya ste/ gu gul dang/ dur khrod dur gyi rdzas su sbyar bar bya ste/ maM sa mchog dang dmar chen snying po dang// go ro tsa na rdo rje dri cha dang/ / tsit+ta mchog dang rdo rje smun chen dang/ keng rus ba su ta dang byang chub sems// ko sho dang ni rgun 'brum pa na se// a mra na le ke rgyas ka ru kaM// sha kra dgra bgegs dgug pa'i las mdzod cig/ a na dza na/ a bi rA sha hUM phaT/ sha khrag phaT// ma ra na phaT/ ki ri li ti phaT/ ri dag phaT/ gu gul gyis byis gyis brlabs pa'i sngags ni/ a na rdza na/ a mr-i ta/ ha na ha na hUM/ mngag cing bsad pa'i/ badzra yag sha/ b+hu ra hUM hUM tra ta phags/ gu gul 'byung po bskrad pa ni/ 'jig rten skyong bas gzung du gsol// sid+ha pya na nan/ hi li hi li/ i li i li/ sarba sha truM ma la ka ma la ti badzra shru ti badzra/ he ru ka'i gal po las/ bdud yagaSha smra ra tA na sgrub thabs su bstan no// 'jig rten 'das pa'i mdo'i rgyud las/ bdud yag sha sma ra tA na bsgrub pa'i le'u ste lnga pa'o///// de nas bcom ldan 'das sku che yanalag rags pa des/ mtshon cha dam tshig ces bya ba'i ting nge 'dzin la snyoms par zhugs so// phyag rgyas mtshon cha rnams byin gyis brlabs te/ phyag bco brgyad g.yas kyi dang po rdo rje lcags sgrog ste yab kyi phyag rgya/ rdo rje pha lam cis kyang mi tshugs te/ mi 'gyur ba'i chos nyid kyi rdo rje dang/ rdo rje lta bu'i ye shes kyis 'khor ba'i sdug bsngal 'joms pas ye shes kyi rdo rje dang/ don dam thams cad rtogs ma srod spyang kir sprul pa'i sras spyang ki'i mgo can gcig byung/ shwa na yo ga ste/ las ci nus smras pas/ dgra bgegs kyi snying za nus skad nas/ rag sha rtsa ste/ sho na snying 'byin mar btags so/ / tho rangs khra'i mgo can gcig byung/ ka ki yo gi ste/ las ci nus smras pas/ bdag gis srid pa gsum la 'dzin nus skad nas/ pu ti ka ste 'dzin byed mar btags so// byang du gnod sbyin gyi gdan la bdud rtsi 'khyil ba dbu gsum phyag drug pa/ g.yas nag/ g.yon ser/ dbus ljang/ phyag g.yas rdo rje rgya gram/ dbyug pa/ ral gri/ g.yon pa nad/ ti ra/ pha wang bsnams pa'o/ / dur khrod kyi rgyan dgus brgyan no// yum shwa na dzo gi gdan te/ sgra 'byin ma'i byin brlabs las/ srod la seng ge ru gda'/ sing ha mu kha ste/ las ci nus smras pas/ gzi sbyin 'bral nus skad nas/ 'bras byed du btags so// tho rangs pha wang du byung bas/ de'i bu yang pha wang mgo can du byung bas/ rtsa rmangs la yo ki ste/ las dris pas smra ste ci la ste dran par nus skad nas/ dran byed mar btags so// byang shar du byin ya ka'i gdan stengs su trai lo kya bi dza ya ste/ khams gsum rnam par rgyal ba dbu gsum phyag drug pa/ g.yas dmar/ g.yon ljang/ dbus ser bo/ phyag g.yas rdo rje/ mu za ra dang/ dbyug pa'o/ / g.yon b+han da/ sta ri dang/ bya khyung bsnams pa'o// dur khrod rgyan drug gus brgyan te/ yum da ra dang tsas ka ste gsod byed ma/ srod la dom gyi mgo can byung/ dza ka ta hu lu yo gi ste/ las dris pas myos par las byed nus skad nas/ swa ta mas te/ myos byed mar btags so// tho rangs dred kyi mgo can bu dren mgo can du byung/ rdo rje ra pa rgu yo gi ste/ las dris pas ta te 'bebs par nus skad nas/ 'bebs byed mar btags so/ / steng du nyi zla'i gdan stengs su hUM mdzad dbu gsum phyag drug pa/ g.yas dmar ser/ g.yon ljang ser/ dbus sngo ba/ g.yas rdo rje/ tho ba/ 'khor lo/ g.yon dung chen/ zhags pa/ dmigs pa bsnams pa/ yum tsi li ti sgra 'byin ma/ tho rangs phag tu sprul pa'i sras phag gi mgo can byung/ sma ra tsa ma ra ste/ las ci nus smras pas/ su ma ra ste mnan pa'i las nus skad nas/ mnan byed mar btags so/ / srod la smigs bur sprul pa'i sras smigs bu'i mgo can byung/ ga na tsa yo gi ste/ las ci nus smras pas/ rku bar byed nus skad nas/ da lu bgyi ste/ rkun byed mar btags so// 'og tu sa bdag gi gdan stengs su stobs po che dbu gsum phyag drug pa/ g.yas sngo/ g.yon dmar/ dbus nag/ g.yas na rdo rje/ mda' gzhu/ tho ba/ g.yon dung chen/ gtun shing bsnams pa/ sa ma ta ka ste/ skul byed mar btags so/ / srod la dred du sprul pa'i par mdzad pas las kyi rdo rje'o// sa dgu 'joms pas lta ba yar lta brtse dgu/ mar blta ba skye gnas dgu 'joms pas/ yar blta ba ye shes lngas rgyud lnga sgrol ba/ mar blta bas dug lnga 'joms pa/ 'phris rtse gcig pas byed pa'o// de las 'brel nas lcags sgrog ni skye gnas dgu 'joms pa la 'brel pa la rtogs pa las kyi 'brel ba'o// yab yum dang 'brel bas dam tshig gi 'brel ba'o/ / 'phags pa dang 'brel pas lcags sgrog thugs rje thabs kyi 'brel pa/ g.yon dang po yum gyi tshul de dung chen dmar gyis bkang ba bsnams te/ 'das pa'i sangs rgyas mchod pa dang/ thugs rje chags pa'i rak+ta ni dus gsum gyi rgyal ba mchod pa'o// g.yas kyi dang po gnyis pa ni zhing gi dbyug pa ste/ ki ri mas rnam rtog 'joms pa dang/ nyams pa 'dul bar byed pa dang/ bsgrub pa'i dgongs grub len par byed pa'o/ / g.yas gsum brtse'u ri mda' gzhu ni 'phra men 'byin pa'i mda' gzhu dang/ bdud las rgyal ba'i mda' gzhu dang/ dbyings las thugs dam bskul ba'i mda' gzhu'o/ / g.yas kyi bzhi pa na kha tong kha'i rgyal mtshan ni spra mo ha ste/ yul la zlog nas stag gi kha tong kha dang/ bgegs la 'debs pa'i kha tong kha dang 'khor dbang su sdud pa'i kha tong kha'o// g.yas kyi lnga la rdo rje pe ta li ni mi 'gyur ba chos nyid kyi rdo rje/ 'joms pa ye shes kyi rdo rje dang/ mdzad pa las kyi rdo rje'o// g.yas drug pa na rdo rje pu ka si'i rgyu zhags ni/ rgyu drug gcod pa dang/ thugs rje rgyun thag dang/ byams pa'i rgyun zhags so/ / g.yas kyi bdun pa thod rlon 'gag pa ma ri ti/ cha g.yos pa chos kyi sku dang/ ma yangs pa longs spyod rdzogs pa'i sku dang/ mi shigs pa sprul pa'i sku'o// g.yas kyi brgyad pa sma sha li snying 'byin pa ni/ ye shes lnga dang ldan pa byang chub sems la rol pa dang/ yab yum gsong chen thugs la rol pa dang/ sems dpa' sems ma ye shes rgyu 'bras la rdzogs par thugs la rol pa'o// g.yas tha ma dgu pa tsan da li b+han da ni/ rnam par dag pa chos nyid dang/ thams cad mkhyen pa'i ye shes dang/ chags pa thugs rje'o// phyag g.yon gyi gnyis pa ni/ sing nga ma ste/ sdigs pa'i mdzub mo ni rang bzhin gyis 'jig rten bsgral ba'i bsdigs pa dang/ rtogs pas bsdigs pa dang/ las kyis bsdigs pa'o// g.yon gyi gsum pa bya khra chen mo ni/ ci 'dod bsgrub pa dang/ gang 'dod ster pa dang/ 'dod dgur bsgyur ba'o/ / g.yon gyi bzhi pa sri la rgyu zhags ni/ mnyen la lcug pa yum gyi tshul du ston pa'o// rtsub pas gdug pa'i zhe sdang tshar gcod pa dang/ zhags pas sdigs pas rgyu lnga dbyibs 'byin pa'o// g.yon gyi bzhi pa sho na rde chung tshar gsum gyi/ rde chung lcang lo can gyis gnas 'joms pa dang/ rde chung zur 'gros kyi ma mo dang mkha' 'gro'i thugs dam bskul ba dang/ ko ta shi skad kyis bdud 'dul ba'o// g.yon gyi drug pa cang te'u na/ / sdug bsngal sel bar byed pa dang/ cang te'u'i sgra'i dbang po dang/ cang te'u'i rta skada'atsher ba'o// g.yon gyi bdun pa kha T+wAM dgra sta bsnams pa ni/ rno dpal dgra sta phrag pa la bkal ba dang/ bdud kyi dbang po rnams 'gyel ba dang/ bdud kyi gnas 'joms par byed pa'o// g.yon gyi brgyad pa tri shu la bsnams pa ni/ kha kha zhes bag chags sel bar byed pa dang/ phyag na rdo rjes klad pa 'gems pa dang/ dmar chen dam rdzas 'khrug par byed pa'o// g.yon gyi tha ma dgu pa ru lu ka rda bsnams pa ni/ ye shes dbyings kyi brda dang/ gsang ba yum gyi brda'o/ 'jig rten 'das pa'i mdo'i rgyud las/ mtshon cha dam tshig gi le'u ste drug pa'o//// de nas bcom ldan 'das dpal chen pos/ hUM bi sha badzra mahA kro d+ha ma hA shriH he ru ka ha la ha la/ zhes brjod pas/ 'jig rten drug srid pa gsum dus gcig tu g.yos pas/ steng 'og phyogs mtshams thams cad gan phub tu byas te g.yos pas/ 'ur chem thug sgras bdud pad+ma srin po dang/ mthu dang dbang che pa thams cad brgyal 'gyel ba'i steng du/ dpal chen po shriH he ru kas phyir phyogs su zhon nas/ la la ni bsad nas mgo bcad/ la la'i khrag 'thungs/ la la'i rus pa 'chos/ la la ni bcings/ la la ni mnan/ de nas kun brgyal ba sangs tsa na/ thams cad dbang du 'dus nas/ dbang phyug chen po rnams brgyal sangs nas ma dang/ chung ma dang/ sring mo dang/ bu mo rnams phul lo// rang rang yang bran bya bar dam bcas mna' bor te/ las dang po byed par khas 'ches nas lag tu rdo rje gtad/ rang gi lag cha dang stan du chas nas/ rdo rje 'chang ba'i gral tu bzhug/ ye shes bla ma'i sa la dal gyis 'dzeg tu bcug go/ de nas de dag gi 'khor dbang du 'dus nas// hU~M hU~M hU~M/ b+h+yo b+h+yo b+h+yo/ a ra li dzA dza dza/ zhes brjod nas phyogs bcu'i 'jig rten gyi khams nas nam mkha' dang bcas pa thams cad yungs 'bru'i nang du tshud do/ / de nas 'byung po ma lus pa'i rgyal po dregs pa chen po la sogs pa'i chung ma phul te/ ma nu rag sha si la sogs pas las dang po par khas 'ches/ de nas dbang phyug ma'i gtso mo brgyad kyis bcom ldan 'das kyi zhabs la phyag bgyis nas 'bangs bgyi bar zhal gyis 'ches/ dza ya ru hri badzra sa ma ya badzra hU~M/ zhes brjod pas/ dam tshig ma rdo rje las bya bar dam bcas so/ dzA ya du u ma da hi khang kha da ri/ zhes brjod pas/ lha chen mas las bya bar dam bcas so/ dzA ya du pra ma ni kang+ka dA ri/ tshangs mas las bya bar dam bcas so/ / dzA ya du ma he shu la dA re ke'u ma shan ting dA ri/ zhes brjod pas// zhi ba mos las bya bar dam bcas so// dzA ya du na ra a ni tsakra dA ri/ zhes 'khor lo mas las bya bar dam bcas so/ / dzA ya dum ha hri da ta na dA ri/ zhes gsod chen mas las bya bar dam bcas so// dzA ya du in tri badzra da ri/ zhes dbang mos las bya bar dam bcas so/ dza a du badzra mu ni tats+tsha n+b+ha ri ste/ gshin rje mos las bya bar dam bcas so// lha mo dang las byed mas de ltar las bya bar dam bcas so// so sor dam bcas so// sngon bdud ru tra bcom ldan 'das kyis btul nas/ dbang phyug chen mo rnams btul te/ ma dang/ sring mo dang/ bu dang/ chung ma rnams phul nas// ma nu rag sha si bdud kyi bu mo/ dregs pa chen mo'i chung ma mi srin mo/ mdog dmar ser/ lag na tri shul dang b+han da/ mgo g.yag/ bra ma he ste/ tshangs pa'i chung ma tshangs ma'i dmar skya/ mgo sprul/ g.yas b+han d+ha/ g.yon rdo rje rtse lnga pa/ re'u tri khro mo mdog ser nag/ mgo gzig/ g.yas b+han d+ha/ g.yon dbyug to// beSh+Na be/ khyab 'jug chung ma mdog dkar dmar/ mgo srin mo/ rgyu zhags dang dung dmar/ kA+au ri ste/ gzhon nu ma mgo pha wang/ mdog dmar ser/ lag na 'khor lo dang dril bu/ in dra ya ste/ brgya byin ma mdog dmar skya/ mgo dred/ lag na b+han d+ha dang dbyug to/ badzra bi ka la ste/ rdo rje dbang mo mdog dmar nag/ mgo dom/ khog chen za ba/ a mri ta ste/ bdud rtsi ma mgo chu srin/ mdog sngo nas/ lag na bum pa bsnams pa/ so'u rim ste/ zhi ba mo mdog sngo nag/ mgo sdig pa/ lag na bum pa dang dril bu/ dang na dam ste// be con ma mdog nag mo// mgo khra/ lag na thod rlon dang be con/ rag sha si srin mo mdog dmar/ mgo khwa/ lag na rgyu zhags 'dren pa/ b+haShaka sha si za ba mo mgo stag/ mdog nag mo/ bam chen snying za ba/ ra ti badzra ste/ dga' byed ma mdog nag mo/ mgo bya rgod/ bam chen za ba'o// ru d+hi badzra ste/ khrag 'thung ma mdog dkar dmar/ mgo rta/ lag na rdo rje dang dung dmar/ e ka dza Ti ral gcig pu sbyor ba mdog dmar nag/ mgo nam mkha' lding/ lag na rdo rje 'phreng ba/ ma nu ha ra yid 'phrog ma mgo bya kyi/ mdog dmar ser/ lag na bam chen rgyu zhags 'dren cing za ba/ ba ya ba ste/ rlung lha mo dmar nag/ mgo sha po/ lag na ba dan sha ba'i ro la za ba'o// ma hA ma ran gsod chen ma mdog nag/ mgo spyang gi/ lag na bam chen rje'u chung bsnams pa/ ag ne ma me lha mo mgo skyin/ mdog dmar ser/ lag na me thab dang rgyu ma 'dren pa/ ba ra hi phag mo mdog ljang nag/ lag na mche ba dang byi ba za ba/ tsa mun sti rgan byed mdog ljang nag/ mgo khwa/ lag na rgyu zhags dang khrag 'thor ba/ ba ru na klu mo mdog sngo/ mgo sprul/ lag na sprul zhags/ spu ta na sna chen ma mdog ljang nag/ bam chen za ba/ mgo ba glang/ badzra ma hA kA la rdo rje nag mo/ mgo rta/ lag na tri shul dang lcags kyu/ tsa ka la ste/ mgo ra mgo/ mdog sngo nag/ lag na ri la zhag kum dkar ni mdog dmar mo// mgo seng ge/ lag na nyi zla lcags sgrog/ lam bo dar na ba su 'dzin ma/ mdog ljang nag/ mgo skri ka la/ lag na dril bu/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ a mag nya badzra grul bu sra si 'byung ngo// sam si lam drang srong/ rab lto 'phye/ sa ma ya ma ma/ sa ma ya ma ma/ ku bar nor lha/ a yag sha gnod spyin/ ru dra na bgegs/ sha tra na dun ti na rgyu skar du btags so// de'i phyi rim du nang ging chen rnams dbang chen pos bzhag/ de'i phyi rol tu rgyal po chen po bzhi ste/ ta tsa kra ste/ yul 'khor srung/ ud ma sting/ ta myos byed ma/ u rgyad na ste/ 'phags skyes po/ ud ta ra ni yangs byed ma'o// dar a ma ta ste/ mig mi bzang/ byi ti lir ste/ sti rigs pa'i 'phreng 'dzin ma/ yag sha pi tsi putra ste/ rnam thos sras/ byi ti ma hi shas te/ 'dul mkhan ma/ ag ne de ba be pa sa ha/ ti tar ta ya/ ba ru na/ yag sha yam/ ku per/ ru pa tra/ sar+ya/ tsan+d+ra a ti ba ba/ bra h+ma baSh+Nu+i/ nA ga ma hA de ba/ nA ga pa ti ni ti/ ko ma ko ma kat+ti/ nA ga ma ta tsa 'bya/ nA ga de/ ma hA n+wa ga mu shi ta/ ma tsan ga dag rba na ya tsa na/ nag tu ta spra li/ gu nya lid ma hA ma/ a du ya/ sa ma nya/ ha dkar lo kar ta/ de dag la sogs pa bdud kyi 'khor du songs pa thams cad bdud kyi 'khor bor nas/ sangs rgyas kyi bstan pa la btsud/ phyogs dkar po la bzhag nas rnga brdungs ste/ me dang chu dang/ rlung dang bsgral pas bkrus/ bdud kyi 'du shes lha ma yin du bsgyur ro// de nas ta ke ma ta ta ke ma byas nas rnga brdungs pas/ 'jig rten drug po thams cad 'dus so// de nas bdud ra tra rang gi snga ma'i las dran nas/ b+ha ga bAn gyi zhabs spyi bos blangs nas/ bcom ldan 'das bdag bskal pa gsum du gar skyes pa yang mthong dran nas/ thugs rjes bzung nas lha'i ded dpon du gyur pa de rjes su dran te/ yi rangs nas lus phul lo/ / srog phrogs bka' nyan nas zas byin no// gtsug lag khang dang/ dam tshig bsrung bar byas nas ma hA kA lar bzhag go/ de nas bdud kyi gzugs brnyan rdo dang 'dra bar mchod pa byas so/ / mgo thams cad bcad nas sems can gyi srog gi tog pa bcom pa'i 'phreng ba dang rdzas su bcad do// sha khrag dang rus pa la sogs pa sme sha thams cad bdud rtsir byin gyis brlabs nas bzhag go/ mtshan btags so// rdo rje sme brtsegs su yang mtshan gcig tu btags so// spyir na dngos po nam mkha' nam mkha'i mdzod ces bya'o// de nas dpal chen pos 'gro ba sems can rnams bdud las thar nas 'di skad gsungs so/ / rdai'u chung brdungs pa'i sgra skad kyis// bdud dang ru tra'i 'khor bshig nas// chos kyi dbyings las 'khor bar bkod// sems can chen po a la la// shAkya seng ge a la la/ / rdo rje sems dpa' a la la// de nas bdud kyi bu mo kun gyi sha rus btsal nas/ dbus nas khung bu yang rtsibs brgyad/ phur ba yang zur brgyad pa gcig byung/ shar du khung bu zur gsum pa/ / phur pa yang zur gsum pa gcig byung/ lhor khung bu yang zur drug pa/ phur pa yang zur drug pa gcig byung/ nub tu khung bu yang zla gam/ phur pa yang zla kham gcig byung/ byang du khung bu yang zlum po/ phur pa yang zlum po gcig byung/ khung bu ni hom khung du byas/ ming yang hom khung du btags/ phur pa ni ki la yar btags/ dkyil 'khor du bsdus nas/ dpal chen po yab yum rdo rje sems dpa' sangs rgyas pa yin pas na/ ye shes dang mkhyen pa yang yum srin mo kro ti shwa ri ma lags pas/ khro gnyer dang sdang mig dang dregs pa pho mo gyur/ de nas ye shes sems dpa' sa brgyad gzigs nas/ dpal chen pos ma 'ongs pa nas khro la rnga ma zhe sdang che bas sems can the tsom skye bar bcad nas/ hUM zhes pas/ dpal shriH he ru ka'i 'khor ma lus par dbang du bsdus nas/ shes rab kyi pha rol tu phyin pa'i dbyings dang/ thabs dang shes rab bsam gtan ting nge 'dzin dang/ kun rdzob dang don dam par bsnyam ste/ mnyam pa nyid kyi ye shes la gshegs so// thugs mtshan ma med par gyur to// tshogs dang ta na dang ga na ye shes sems dpa' gsungs so/ / sbyor ba dang/ chags sems dang/ rtog dpyod skye gnas sbyor ba la skye gnas med par ma chags par bya ba'i thabs zla ba'i dkyil 'khor du bya ba'i thabs dang/ pad+ma'i 'dod chags skye 'gro'i lam du byung ba tsam du zad do/ / bcom ldan 'das la chags sems med pa'i dpe ni/ rgya gar yul du bram ze phyug po ba lang khyu ba med na'i/ bcom ldan 'das kyis chu bo na ra dza ra'i 'gram du 'od ma'i tshal du spos la glang po che gcig byas nas/ phyi de lo la ba rim gcig la spos kyi be'u gcig skyes/ ba ri la spos kyi glang la 'khor zhing lhag/ de yang spos kyi glang la chags sems med de/ ba la be'u zin pa dang 'dra ste/ bcom ldan 'das kyi sku dang cha lugs pad+ma sangs rgyas dang 'dra bar gyur nas/ ma bu don la rol pa byung bas de'i bla na med pa'i rgyud yang yin no// de ltar chos dmigs su med pa'i ngang las/ sku gsung thugs su brgyud pa las byung ngo// 'di yang rang bzhin dngos dpag pa dang/ gzung zhing dmigs pa med pas sun nam mkha'i dbyings ltar 'gyur ro// 'jig rten las 'das pa'i mdo'i rgyud las/ bdud btul nas mkha' 'gro'i srog snying gi le'u ste bdun pa'o//// de bzhin gshegs pa thams cad kyi rgyud/ 'jig rten 'das pa zhes bya ba theg pa chen po'i mdo las/ bam po gnyis pa'o// 'jig rten 'das pa'i mdo las kyang/ dkar mo lag na rdo rje dbyug pa thogs/ / rkun mo thabs kyi mda' gzhu thog// rgyas 'debs chu srin rgyal mtshan 'phyar// rmongs byed ma ni rdo rje 'phyar// sbos byed zhing gi rgyu zhags 'dren// smyo byed lag na thod khrag 'thung// gtum mo zhing gi snying 'byin ma/ / tshe bdag ma mo mgo gcod ma// ye shes ma mo khyed rnams kyis// rnal 'byor dgra bgegs 'dul bar mdzod// seng gdong 'jig rten sgrol byed ma// stag gdong bdud dpung 'joms par byed/ / wa gdong dur khrod sri 'dul ma// spyang gdong sa za 'dra bar bya// khrag 'thung ma ni bya rgod mgo// kang+ka dur khrod bgegs 'joms ma// rgyu 'phreng 'bring ba'i khwa rol mgo/ 'ug gdong lcags kyus 'dren par byed/ / rdo rje mgo brnyan mche gshog tshogs// dgra bgegs 'dul ba'i 'phrin las mdzod// stag gdong lag na lcags kyu ste// phag gdong sngon mo zhags pa 'phen// lcags sgrog dmar po nyi zla'i spyan/ / thal chen ma ni dril bu 'khrol// gA+au ri ban dmar byin dbyug sngo// tsi ri ser mo 'da' gzhu 'gengs// pra mo dmar mo chu srin 'phyar// pe ta byi za rdor 'phyar gnag/ pu ka dmar ser rgyu zhags 'dren/ / g+has ma dung dmar 'khrug 'thung ljang// sma sha mthing nag byis snying za// tsan+Da ser skya mchog lus 'brel// sid+ha kha ro bsnol ser seng// bya g+h+ri snal lda bsnol mar stag/ sri la dur khur nag po wa// shwa na 'brul lta mthing kha khyi/ / gri d+ha khrag 'thung bya rgod mgo/ kang+ka rkang phran snar mgo ring// kha khwa kha ro bam ti gnag/ hu lu rdo rgyu mthing tshogs 'ug/ dza dza rta gdong lcags kyu 'dren// phag gdong nag mo mche zhags ma/ / lo la lcags sgrog nyi zla'i sbyin// thal byed sna tshogs dril 'khrol ma/ hUM mdzad lag na nyi zla bsnams// rnam par rgyal ba rdo rje gdeng// dbyug pa sngon po me lha 'dzin// gshin rje gshed po mi mgo thogs/ / mi g.yo mgon po ral gri'o// rta mgrin dpal ni lcags sgrog sdom// 'dod pa rgyal po ba dan te// bdud rtsi 'khyil pa dbyug to'o// khams gsum rgyal na kha T+wAM ga/ stobs chen gshol chen 'bar ba'o/ / hUM ka ra dang rnam par rgyal// dbyug pa sngon po gshin rje gshed// mi g.yo rta mgrin gzhan las rgyal// bdud rtsi 'khyil dang khams gsum rgyal// stobs po che la sogs pa'o// bskul ma ral gcig snyems sder mo/ / dur khrod gtun khung gtum mo dang// rlung 'dzin bdud rtsi sbyir phyed ma// gsod byed ma la sogs pa'o// stag g.yag sha ba gzig byi ba// spyang ki seng ge/ dom phag dred// bya rgod bya rol 'ug pa wa/ / pu shud pha wang khra sre mo// dmigs pa'i mgo dang byi ba'i mgo/ hUM ka ra hUM phaT/ bi dza yahUM phaT/ ni ladan+Da hUM phaT/ ya man ta ka hUM phaT/ Ar+ya a tsa le hUM phaT/ ha ya gri ba hUM phaT/ a pa ra dzi ta hUM phaT/ a mr-i ta hUM phaT/ trai lok+Sha bi dza ya hUM phaT/ ma hA ba la hUM phaT/ a kra tsa la li hUM phaT/ ang+ku sha tra taM hUM phaT/ badzra u kra hUM phaT/ pA shaM hUM phaT/ tsa nyi byi kra hUM phaT/ badzra e mo g+ha hUM phaT/ badzra lo ka hUM phaT/ badzra pa la ya hUM phaT/ badzra gan+d+he hUM phaT/ badzra da ra ka ti hUM phaT/ sa kra la hUM phaT/ bya kri yo gi dza// ma ra yo gi dza/ pra ma ra yo gi dza/ shwa na yo gi dza/ hU lu yo gi dza/ byA gri yo gi dza/ sid+ha yo gi dzarga ra yo ge ru lu/ ka yo gi dza/ sma ra yo gi dza/ pA shu pu ra yo gi dza/ gri da ya yo gi shA/ khA kha yo gi dza/ ha lu ka yo gi dza/ sid+ha la yo gi/ ga ti ra yo gi dza/ tsa sma ba yo gi dza/ sti ra tha rgu yo gi dza/ dza gan yo gi dza/ du maSh+ta yo gi dza/ rdo rje snyems ma lcags kyu ste// rdo rje sder mo me sgron 'dzin// dur khrod bdag mo lcags sgrog 'dzin// gtun khung ma ni spu gri 'dzin// gtum mo lag na zhags pa ste// rlung sbyin ma ni dar yab po// bdud rtsi sbyor ma dril bu ste/ / gsod byed lag na karta ri// ral gcig ma ni nyi zla ste// gsal ma lag na bum pa'o// sa ta mo ta zo byed ma// byA g+h+ri ma ni stag gi mgo/ dz+wa bya byA ma/ 'dren byed kri ta bya rgod mgo/ nA maHdza bya yid 'phrog ma/ / tshar ma ra ga g.yag gi mgo/ bag sha za byed khA kha byi la'i gdong// rak+ta khrag 'dzin pra mo sha po mgo/ ri byid 'dral byed hUM lu 'ug pa'i mgo/ b+h+yi dan 'joms byed bya ka gzig gi mgo/ dza bya skul byed sti ri pu shud mgo/ rak+ta shi tsa ta shwa na sbyang ki'i mgo/ pra sa ti ka 'dzin byed khra yi mgo/ ma ra gsod byed sing nga seng ge'i gdong// sma ste dran byed tsher ma pha wang mgo/ sA ta mA ta rmugs byed da ra rgya dom gyi mgo/ gtan la 'bebs byed stab pa dred kyi mgo/ da lu gu byed gan dza smigs pa'i mgo/ a tu tsha 'phel ba sha ba ru phag gi mgo/ u ni smyo byed spra ra byi ba'i mgo/ 'jigs byed pho nya'i tshogs rnams kyis/ / rnal 'byor pa'i dgra bgegs dgug tu gsol// ma nu rag sha dza mar yo gi b+h+yo/ spra ma ni sa t+ha yo gi b+h+yo/ ri'u dri bya yo gi b+h+yo/ b+he sna be ka lu ka yo gi b+h+yo/ 'og ma yo gi smra yo gi b+h+yo/ sing ka la mang da ra yo gi b+h+yo/ a smri ta ma ma ka rang go gi b+h+yo/ so'u ma ma bya yo gi b+h+yo// da ha na dam ka li la yo gi b+h+yo/ pan tsa so bya yo gi b+h+yo/ yo gi sma yo gi b+h+yo/ ra te badzra yo gi b+h+yo/ tu ti ma ra yo gi b+h+yo/ e ka tsa ram ka ru na yo gi b+h+yo/ ma nu ha ri yo ka ka sun yo gi b+h+yo/ si ti ka ka ma ka ru la yo gi/ ba yo bya pra ma yo gi b+h+yo/ ma hA ma ra shi yo gi b+h+yo/ ag ne te yo gi b+h+yo/ bar hi yo gi b+h+yo/ tsa mun ta yo gi b+h+yo/ pu ta na ga yo gi b+h+yo/ a 'gu sha na bya yo gi b+h+yo/ ba shi tshar yo gi b+h+yo/ lo ka bam sing nga yo gi b+h+yo/ gan te ka ru yo gi b+h+yo/ ba ra hi yi ge b+h+yo/ tsa mun ta yo gi b+h+yo/ pu ta nag yo gi b+h+yom/ a 'gu sha na bya yo gi b+h+yo/ ba shi tshar yo gi b+h+yo/ lo ka bam sing nga yo gi b+h+yo/ gan re ka ru yo gi b+h+yo/ zhe pas 'phra men mkha' 'gro'i tshogs so// 'jig rten 'das pa'i rgyud las/ sngags dang phyag rgya'i le'u ste brgyad pa'o///// tan tra chen po 'jig rten 'das pa'i mdo'i nang nas/ sbyor sgrol gyi sgo nas bka' stsal pa/ bsgral ba la yang 'di lta ste/ gang bsgral ba dang gcig/ gang du bsgral ba dang gnyis/ don chen ci'i phyir bsgral ba dang gsum/ dus ji tsam nas bsgral ba dang bzhi/ bsgral nas ci bya ba dang lnga'o// de la gang bsgral zhe na/ bsgral ba'i zhing bcu ste/ bdun srin mo/ rnal 'byor gyi dgra bgegs/ lcam dral khu ldog/ mon ju phub/ mkha' la 'gro ba'i mgyogs ma/ sa la 'gro ba'i dbu ma/ bcu drug tsang na 'gyil ba/ slar 'khyer 'tsho mtha' 'khor ba rnams te/ kha gcig bsgral nas rdzas su mi spyod/ gnas gang du bsgral na mtho ris su bsgral te/ ngan song gsum las thar par bya'o// don chen ci'i phyir bsgral zhe na/ bdud dang srin po gdul ba'i phyir bsgral lo// dus ji tsam na bsgral ba'i thabs ni bdag rnal 'byor pa bsgrub pa la zhugs pa tsam na/ bdag rtog pa rnam pa bzhi'i sgom la/ rgyu sems can de snying rjes bsgral lo// bsgral nas ci bya zhe na/ ma mo dang mkha' 'gro'i thugs dam skongs dgos pas bsgral lo// 'o na sbyor ba la 'di lta ste/ gang la sbyar/ gnas gang du sbyar/ don chen ci'i phyir sbyar/ sbyar nas ci bya zhe na/ de yang gang la sbyar zhe na/ pad+ma can dang/ ri mo can dang/ dung chen ma dang/ ban glang can dang/ mtshan dang ldan pa'i bsgrub zla yo gi dang sbyor/ gnas gang du sbyar na/ bsgrub pa chen po'i gnas su sbyar ro// don ched ci'i phyir sbyar na/ rgyal ba'i thugs dam skongs pa'i phyir ro// dus ji tsam nas sbyar zhe na/ bsgrub pa'i dus byang chub sems 'bab ba'i dus su sbyor/ sbyar nas ci bya zhe na/ a mr-i ta sbyar bas bdud dang srin po 'dul zhing/ rgyal ba'i thugs dam dang nyams chag yo ga la srongs pas sbyar ro// 'di ltar sbyor ba'i chos 'di mi bya ru rtog pa sbyang ba'i phyir ro/ / sangs rgyas 'dod chags byed pa med pas bdud dang srin po 'dul ba'i don zhes bshad do// bsgrub pa chen po 'di'i dus su bdud rtsi gsal bas gzhan ni bsla na/ yul sngon gsal 'tshal te/ de la gu gul nag po bsgrub dgos te/ gu gul dang/ thang chu dang/ mchog chen po lnga'i sgum chen dang/ rgun 'brum ste/ sta bon po dang/ dug rdzas te re'u lcags pa dang/ dgra srin/ thang khrom dang/ thar nu rnams cha bsnyams te ril bu byas la/ de sman lnga dang/ stegs bu'i byang shar mtshams su phur pa gzhag/ gu gu la nag po an dzA na bya ba/ de grub pa dang dri mi zhim zhing skyug bro/ de yul sngon gyi snyen po yin pas bsgrub dgos/ de yang gu gul sbyar ba'i sngags bsham du/ zla ba gzas zin pa'i nub mo bsgrubs pa dang/ bgegs 'byung po dang/ tri bo dgra bgegs brgyal te/ a ti pa la yul sngon yin pas de rgyal par nus so/ / srog rtsa an rtsa mo 'di dag ste/ de'i phyir bsgrub dgos pas/ bgegs bskrad cing de'i snying po brjod pa'i sngags ni/ 'jig rten skyong bas gzung du gsol/ s+yad ya the dan/ i li i li/ mi li mi li/ ki li ki li/ na ra ni la pa ya/ bu bu ra byi ru byi ro/ hu hu pu pu ro/ hu hu pu pu ra/ ka sha li ri tu ka ta ya/ ma la ki li pa ya swAhA/ bgegs nam ma tra stan/ gu gul gyi bgegs gsad ba'i sngags la/ s+yad ya thA+e dan/ hU hu na la/ ku la bang dza ba hu yA ya/ ras sa yang bya bre/ a ta ba te ma tud bya/ ma tu ta/ sa pa la swAhA/ rak+ta bsgrub pa la zla ba gzas zin pa'i nub mo zla ba nam so sos su bsgrub/ der rak+ta la sgra 'byung bas/ rak+ta bsgrub pa la ci dgos she na/ rak+ta'i tshom bus 'phags pa mnyes par byed de/ rak+ta zhes bya ba yang mchog chen po lnga'i rak+ta ste/ a smra/ rgun 'brum/ sa na se/ ne la kye rgya/ a ru ra/ 'di lnga'i rak+ta dang/ 'di lnga la yang lnga lngas te/ shangs kyi rak+ta lnga/ rtsa'i rak+ta lnga/ rkang mgyogs kyi rak+ta lnga/ 'bras bu'i rak+ta lnga ste/ bco lnga ste nyi shu pa'o// mi mo mtshan dang ldan pa'i rak+ta dang/ srid pa chags byed srid pa'i rak+ta/ na yar rak+tas byas te/ byol song la dgos pas byi'u'i rigs pa'i rak+ta/ shing lta bu la sogs pa'i rak+ta dang khrag bsres la/ nub phyogs su bzhugs nas bsgrubs pa dang/ sgra 'byung ste/ de dang sman du sbyar te/ de'i snying po ni/ sarba ta thA ga ta ma hA la rak+ta hUM/ zhes so// des 'phags pa mchod pa dang// dgra bgegs kyi gzugs dang ming rus snying po bris na khugs des rtag tu bsgrub bo// thugs kar ni bgegs kyi gnyen por bcom ldan 'das kyi thugs la dgongs nas phyag tu phul nas/ bgegs stong phrag brgyad cu'i gnyen por byin gyis brlabs pa lags pas/ yungs kar dang yungs nag pho nya gang du sprul cing gang du btul bas/ byad du tshud pa'i bsgrub pa bka' stsal pa lags so// bcom ldan 'das kyi thugs rje che ba thabs mkhas pas mtshon chas bdud ru dra la mi thub mi gcod na/ yungs kar dang yungs nag 'phang bar dgongs nas/ yungs kar gyi rgyal po ni/ ud tra byi shul la bya/ yungs nag ni ud byi to ka la khris na bya/ yungs kar de dang yungs nag bskyangs pas bdud bgegs la mi tshugs nas/ gnod sbyin gyi thod pa'i nang du skyod pa ni/ yungs kar gyi rgyal po dang/ yungs nag gi rgyal por byas te/ yungs kar gyi rgyal po ni/ ud bya ti tsa na sha truM ra tsas bya/ yungs nag gi rgyal pos ni/ ud bya ti tsa na ga ga la kri sa na sha truM ra tsas bya'o/ / de la yungs kar rdo rje'i rigs mchog dang/ nyungs nag rdo rje'i rigs mchog ni/ dur khrod na mi ro dang khrag rus pa dang 'dres pa'i phye ma dang/ ma 'dres pa bskyed pa'i yungs kar nag dang/ yungs kar nag rdo rje'i rigs mchog ni/ ud byi ta shu la badzra 'byin tre/ zhes bya'o// yungs nag rdo rje'i rigs mchog ni/ u ta bya te tsa na ka ka la/ kris na badzra byi ti 'drig ces bya'o/ / yungs kar khro bo'i rigs mchog ni/ mi gri ru shi ba'i rus thal dang/ rus phye dang/ sol phye dang/ sa bsres nas blangs byas nas bskyed pa na/ yungs kar khro bo'i rigs mchog dang/ yungs nag khro mo'i rig mchog ces bya ste/ ud bya ste tsan ka shu la kri na kro ta ste/ yungs nag go/ yungs kar byang chub sems dpa' ni/ dge slong pho mo dang dge bsnyen pho mo'i khrus byas pa'i chus bskyed pa la bya ste/ ud byi tsa ka la bo de sa ta bya'o/ / yungs nag pho nyar mngags pa'i yungs kar ni/ u ti tsa na kra pa kri na dun he te zhes bya ste/ mi grir shi ba'i pho mo gnyis char gyi ro bsregs pa'i thal ba dang/ sol phye dang/ rus pa dang/ sa ru skyes pa'i slan la bskyed pa dang/ mangs nas zhing pags su phur/ yang na mchog lnga'i pags pa la bya ste/ 'di lta bu'i rdzas ni skyes bu mkhas pas dang du blangs pas 'grub ste/ 'di lta bu'i phyag na 'chang ba ni/ pad+ma de bdud dang dgra bgegs gang la yang sngags dang phyag rgya'i ting nge 'dzin du ldan pas/ bka' rag gsal du bas so// 'di lta bu la phur bu gye 'am/ phur bu 'am/ zor 'phangs na dgra bo yang dus su 'chi'o/ / 'jig rten 'das pa'i mdo dang/ su si ti ka ra rab tu grub byed kyi rgyud dang/ he ru ka gal po'i rgyud 'di gsum ka'i nang nas/ spyir bsgrub pa thams cad nam yang tshes bcu bzhi la gzung ste bsnyen pa gzugs so/ / rdzas bsog pa tshes bco lnga la bsgrub bo// bcu drug pa la dngos grub blang ngo// de ci'i phyir zhe na/ grub pa thams cad rang 'byung du 'byung/ grub ba byung ba ni brgya lam na 'gar bas so/ zla ba gzas zin pa'i tshe na grub thag nye'o/ / de ci'i phyir zhe na/ lha srin thams cad zla ba gzas zin pa dang/ lha ma yin la sogs pa thams cad der 'tshogs te/ legs nyes dang sbyar nas dus su las byed pas/ dus der bsgrub par bgyi/ tshes bco lnga la zla ba gzas zin pa tshe na bsgrub bo// dkyil 'khor gang gi lugs su byas kyang mi 'gal/ sngags mkhan khrus bya/ gos gtsang ma bgo/ rdzas sna tshang dgu bshams la dus der bsgrub bo/ / mchod pa dang yo byad tshang bar byas la cho ga thams cad gzhung bzhin byas la/ 'di la rogs mo ma chags pas ma grub pas dang/ tshad med pa'i 'o ma tshes bcu bzhi la bzhos la/ tshes bco lnga la zla ba gzas zin pa'i tshe nas sos sos su'o// dkyil khor steng du ku la dang/ byang chub kyi shing lo'i steng du bzhag la/ ba yang spos chus bskus la/ rtswa gtsang ma zos pa'i 'o ma de la sngags mkhan gyi lag pa mnan la/ 'o ma de zho ru gyar na/ grub pa'i rtags yin pas zho de 'thungs pas 'dod pa'i gzugs su 'gyur ro// gzugs bzang rgyal sras brgyad drug lon pa'i mdog tu 'gyur ro// rdzu 'phrul nam mkha' la 'phur pa yan chad 'grub/ sngon gyi grub pa can gyi zhabs 'bring byas nas rigs 'dzin 'grub ste/ de'i bsnyen pa'i sngags ni/ oM aM i ma mu mu/ aM aM mu mu badzra tsakra stig na/ ki la ya gi shwa ra me ha pa aM ma mu swA hA/ bsrung ba'i sngags kyi cho ga/ a ba rtse dung/ zhes brjod de bsnyen par bzlas/ 'di na mar la ba dmar ser skya'i mar la bsgrub pa bstan te/ ser skya'i mar de rdul tshon gyi steng ngam snod du bzhag/ zla ba gzas zin pa'i nub mo bzlas pa'i sngags ni/ oM aM li mu mu/ la sogs pa'i bsnyen pa grangs 'bum du bzlas/ zla ba nam sos su bzlas/ mar tsha bar gyur nas 'thungs na/ 'jig rten gsum gyi ngo shes/ stobs che rigs 'dzin thob ste rlung dang 'dra/ a rtse dung/ zhes lus bsrung la btung ngo// 'di na mar ral gri la bzlas pa ni/ zla ba gzas zin pa'i tshe bstan no// ral gri gang rung bas phan med pas/ ud pa la gyi lo ma 'drab la tshad dang ldan pa la bsgrub par byas te/ ral gri'i sna nas dkyil 'khor gyi steng du bzhag la/ ral gri'i ngo la oM am oM ma mu/ zhes mtshal gyis bri'o// ral gri'i ngo nas lag pas bzung la/ cho ga tshang ba bya zhing bsnyen pa byas pa dang/ ral gri de 'bar ba dang/ 'gul ba grub pa'i mtshan ma yin/ ral gri de la go cha'i sngags dang/ a ba rtse dung/ zhes rang bsrungs nas/ ral gri 'od 'bar pa de thogs na/ rigs 'dzin gyi ya tar 'gro ste/ stobs che zhing rlung la zhon pa 'grub par 'gyur/ mdog gser dang 'dra bar skra yang 'khyil ba dang/ lcang lo can du 'gyur ro// yang zla ba gzas zin pa'i tshes bco lnga la ldong ros bsgrub pa bstan te/ mdog dmar ba las/ ba dmar gyi 'o mas sbyar la/ stegs bu'i steng du bzhag la/ grub ba'i mtshan ma tsha ba dang/ 'phar bar gyur te/ tsha bar gyur pas rkang pa mgyogs par 'gyur/ du ba 'thul bas mi snang bar 'gyur/ 'phar bas nam mkha' la 'gro bar 'gyur te// rigs 'dzin du 'gyur ro// rkang mthil dro bas du bar bskus pas bsdu bar sku mi snang ste/ / 'bar ba'i rigs 'dzin// 'phur bas rigs 'dzin mkha' la 'phur/ oM aM li ma mu mu ma a rtse dung/ zhes snying po bzlas so// yang zla ba gzas zin pa'i tshe shu dag la bsgrub par bya'o// bsnyen bsgrub mchod pa'i cho ga tshang bar bya/ shu dag de dag sngags pa'i lag mthil du bcug ste/ lag na 'dug bzhin du shu dag de 'gul zhing g.yo na 'grub pa'i mtshan ma yin te/ des mgo la bskus na 'jig rten dang 'jig rten las 'das pa'i mtshan ma rim pa bzhin thob par 'gyur ro/ / snying khar bskus na sman dang/ rtsi dang/ ngo shes gtsug lag bon dang/ rgyu dang/ bzo la mkhas par 'gyur/ de'i bsnyen pa dang sngags 'di dag bstan pas go bar shes bar bya'o/ / oM I i ma mu a pa tsi dung// zhes snying po 'di dag ma nor par byas na 'grub par nges so// gu gul nag po dang/ spra tshil dang/ dur khrod kyi rdzas dang/ rta bon pho'i dug rdzas rnams sbyar ba yin no// 'jig rten skyong bas gzung du gsol/ ta ya na na/ i li i li/ mi li mi li pu pu ra sha li/ ri pu pu ta ka ya ma la tsa la ki la ya ki la bya ka la khri sna phaT/ sngags 'di brjod cing zla ba gzas zin pa'i tshe na dgra bgegs gsod nus so// 'di mar mig gi mngon shes bsgrub pa bstan te/ de yang 'dzin rten las 'das pa'i mad nas 'byung ste/ drang srong rag sha nan zhes byas te/ rgyal po yul 'khor srung gi bu yin te/ de'i ming ni rgyal po shes nyen can zhes bya ste/ lha dag drang srong ma lus pa sbyan drangs nas/ mchod pa byas pa dang/ lha ma hA de wa kun gyis spyangs pa dang/ lha ma hA de wa'i dpral pa'i dkyil na mig yod pa las mchi ma thigs gcig zag pa las/ lha dang drang srong thams cad la rims nad byung ste/ mi la yang rims nad byung ste na ba las/ lha ma hA de wa'i mig gi mchi ma rlung lha be ram ba'i lag tu bskur nas sa steng khyab par bskyed do// dang po rgya gar yul gyi phyir yang bskyed/ de nas 'phros te/ de ni bdud rtsi'i mchog yin te/ bod skad du spang la skye ba'i sde tog bya/ rmu rkang gcig lug mig ces bya'o// rgya gar skad du ba hus ltas bya/ 'di ni sman dang bdud rtsi'i 'phrod du rab yin no// grib ma la bskams nas bzhag na/ dug sna tshogs kyi 'phrod yin no// de la me tog lug mig dang/ byi la dang/ pu shud dang/ bya rog dang/ spyang ki dang/ bya rgod dang mi dang/ rta dang/ ba glang dang/ phag rgod dang/ sprul de rnams la sbyar nas mig la bskus nas/ gsur chen la bdugs la/ tshes bcu gcig la skra bkrus na/ mgo la mchog ba glang gi rus sku ming chen zhes bya ste/ de yang bskus ba/ de la bsgrub pa zla ba nya gsum la lam po che'i bzhi mdo/ shing rkang gcig gi 'gur ma log par sngags 'di bzlas shing mig la bskus na/ nyin mtshan med par a tri sho de/ srid pa gsum gyi lha srin mthong bar 'gyur ro/ / oM ka la ka lin te pur ti si ti/ rba na du mu du mu/ da ni shi ni ris/ ma hA bu ra ka li le/ te log kya ne tsa na la swA b+ha dum ka ti swA hA/ badzra tsag na hUM hUM dza/ a tri sho hUM sa ti hUM si ti hUM ci ka sa ti/ hUM nya na tsha la/ zhes snying po bzlas so// 'jig rten 'das pa'i mdo las/ 'di na mar rmi lam mthong bar bya ba'i mngon shes bsgrub par bya ste/ da ci gong ma'i sman rnams chu khyor gang la sku glugs spang la mig la yang bsku/ de'o 'og tu mtshan sna tshogs kyis lus bsku/ stegs bu dang dkyil 'khor gyi 'gram du sngags 'di chu la sbyar ba'i sman rnams 'thungs nas nyal na/ rmi lam sna tshogs mthong bar 'gyur ro// t+yathA/ mu ga le thA hA/ mu tsa ti thA hA/ dan sti li thA hA/ dun te li thA hA/ 'jig rten 'das pa'i tan/ tra las rna ba'i mngon shes bsgrub pa 'byung ste/ srin po pu sna'i rna ba zhes bya ste/ dur khrod kyi bdag po gshin rje rtsa mun tas byas pas/ phag pa'i rna spabs byung bas/ phag pa'i rna bar bcug nas/ phag pa'i rna ba dang 'bras bu sngar bsgrul ba'i rna ba dang/ klad pa dang/ da ci gong du dmos pa'i rna ba dang sbyar nas/ ba spru ba dkar mo'i 'dab ma dang bsres nas mgo la bskus te/ sngags 'dis btab na/ 'jig rten gsum gyi skad dang sgra thos shing go bar 'gyur ro// hUM sho de bya sta gnya' na kro ta sam ni byi sta nas na zhes bsnyen pa bzlas so/ / 'di ni mar sna'i mngon shes bsgrub pa bstan te/ shing sna ma'i 'bras bu ni/ sna chen me'i sna khrag yin te/ srid pa dang po chags tsam na skyes pas/ dpyid zla ra ba la smin pas sna ma'i 'bras bu dang/ dgral ba'i sna dang sna khrag sbyar nas/ sna la bskus nas sngags btab na/ dri sna tshogs tshor ro// hUM nya nya bya ste/ snya se ga ti/ kha si ti/ bsnyen pa bzlas so// tshe'i mngon shes bsgrub ba/ thang shing lo gsum stong lon pa'i lo ma 'thur du gug pa'i gseb na/ thang 'brum gyi gzugs can de'i yal ga 'thur du lo brgya 'am stong lon pa'i gseb nas yal ga drang po de gsum dang/ a ru ra sbyar te bcos la/ chung du nas tshom pa de bkod ma khyor gang bsdus/ 'bras dang til mar dang zos na lo stong thub bo// zas za mi dgos 'phur ba thob bo// sngags la/ na mo b+h+ya rga si ti sa ga gnya' na'i b+han du/ a yu ra ga a yu byin du phus ma hUM/ zhes bsnyen pa bzlas so/ / yang 'dir 'phrul thob pa bsgrub ste/ shugs pa phrag pa rgyas shug lo 'bras dkar po'i 'dab ma dang btsos la/ de tshos pa dang thang ru byung ste/ btang nas/ de legs par bskus te/ 'das ma tsho bskams pa dang/ shug 'bras kyi snying po skang pa ston pa bskams te/ khre 'bras dang/ rgya sran dang/ a ru ra dang sbyar la/ de'i phye ma pho su re ka ra'i phye ma dang ti la mar sbyar ba'i pho tshoms re/ nyin gcig la lan gsum za'o// 'phur yang thub/ zas kyang bza' mi dgos/ tshe ring bar 'gyur ro// sngags 'di bzlas so// na mo b+ha ga ba ga te/ si ti a yu ga dzA na a yu b+hin du/ a yu ma la tsa ya rba ya rba la/ a yu ra ga sa ma ya hUM/ srin po dza la ya rag shan sha bsgral ba'i snying zhes bzlas so// 'di na mar sems mngon shes bsgrub pa bstan te/ sngon gnod sbyin bsgral ba'i snying yin te/ phyag na rdo rjes bsgral nas/ tsit+ta skyur ba snying zho sha yin no// snying zho sha dang/ sngon klu'i rgyal po bya khyung kha ru nas khyer nas shi ba'i snying yin te/ na ga ge sar dang/ bya rgod kyi snying/ ne tsho'i snying dang/ mchog chen po lnga rnams kyi snying dang sbyar nas bsgrubs te zos na/ srid pa gsum gyi lha srin gyi skyes gnas dang/ dus gsum gyi skye gnas dran par 'gyur ro// sngags 'di bzlas shing bsgrub bo// hUM tsit+ta sid+d+hi bo d+hi swAhA/ dz+nyA na kA ya ba tu badzra si ti hUM/ zhes bzlas so// 'di na mar lce'i mngon par shes pa bsgrub ste/ me long kri khril lce'i ra zhes bya ste/ se ba'i me tog dang/ stang pal has zhes bya ste/ la phug gi me tog gnyis dang/ mchog chen po dang/ ne le'i lce dang/ klad pa go ro tsa na dang sbyar te bsgrubs na/ sngags 'di btab ste zos na/ ro sna tshogs kyi bro ba myong ba dang/ lce bde ba dang/ tshig lha srin gyis go bar 'gyur ro// hUM dzi ha bya gnya' ni ta hUM/ zhes bsnyen pa bzlas so// 'di na mar ma gnya' ba nyi shu gcig dang/ a ru ra nyi shu rtsa gcig dang/ de las btsos te/ a ru ra sul bu rangs pa dang/ btsos pa'i khu ba a ru ra dang sbyar la btung/ sngags la/ byar su sha ta su ya hUM si swa ti/ rigs 'dzin thob/ phos 'thungs na bu khye'u bskyed/ bsnyen pa bzlas so// yang 'dir 'phrul thob pa dreg pa sta bsgrub ste/ zla ba gzas zin pa'i nub mo phur pa'i mngon shes bsgrub par bya ste/ 'o lnga nas phur pa la 'tshal ba'i rdzas bsag sa la bskams la/ dkyil 'khor dbang dang zhi rgyas gang yang rung ba bzhengs la/ phur pa'i cho ga legs par byas la/ zla ba gzas zin pa sor chud chud du/ phur bu lag tu 'dril zhing snying po 'di bzlas so// A+oM i i ma me mi mi/ kI li kI lA ya sa hUM/ badzra kI li kI lA ya si ti hUM/ kI li kI lA ya dz+nya na hUM/ zhes snying po bzlas pa dang/ ki la ya de dros nas tsha 'ur 'ur song ba dang/ phur bu 'od gsal/ phur bu bsgrub pa yin pas/ bdud dang/ srin po dang/ dgra bgegs dang/ log 'dren gang la btab kyang thebs par 'ong bas 'di ltar sgrubs shig/ dgra bo rtsa ba bdun brgyud tshun chad kyi gshed mar 'gyur ro// 'di na mar zor 'phang ba dang/ dgra bo gsad pa'i thabs bstan te/ zor gyi rdzas ldan la tshang bar bsham ste/ zla ba gzas zin pa'i nub mo zor 'phangs pa'i skyogs kyi chu khal/ nas nag dang/ nyungs nag dang/ zor gyi skyogs kha rtsid pa nag pos bkab la/ skyogs kha bcad pa'i steng du yungs nag gi rgyal po blug ba'i snying po ni/ oM aM im ma ma na/ ga la khris sna sha ku la phaT phaT/ ces 'bum bzlas/ zla ba nag zlor chud pa dang snying po dang bsnyen pa byas nas/ zor skyogs sam/ yungs nag gi tshe dang/ nas dang/ mda' gzhu 'gul lam/ mda' 'am sgra byung/ 'phangs nas grub pa'i bdud srin gang la 'phangs pa'i zor dang/ yang bstan du brlag pa'i bu tsha bdun brgyud yan chad kyi gnyen por 'gyur ro// 'di nas mar snga nas bshams la cong gzi dang/ lcong gzi'i chu phul gang dang/ 'o ma bre gang gi nang du/ a ru ra nyi shu rtsa gcig blug pa'i chu dang/ cong zhi dang/ a ru ra gnyis dang/ a ru ra sul bu rangs pa dang/ 'o ma bde skye ru gyur pa dang/ cong gzi gsal/ shul ma blag pas skya song ba dang/ nyi ma'i gung la til mar dang bur mar dang bza' 'o// spyi bu khye'u skye'o// lo brgya thub/ sngags ni/ ir ma ta si ti/ be la li tshar chur na tsan d+ha lo swA hA/ 'jig rten 'das pa'i mdo las/ chos thams cad kyi mdo la bzlas pa'i grub pa'i mngon shes bstan par bya ste/ chos kyi mdo nyi ma'i dmar thag chad nas/ nam sros pa dang bas chos kyis la la 'gying/ sangs rgyas lam bslab dgos te/ rgyud re la gsang ba'i don re 'byung na/ de yang spyir mkhas pas gsungs/ bka' las 'byung ste mi 'gal legs/ bka' 'di ni bcom ldan 'das kyis bka' stsal to// spyi nyid blon pos kyang 'di ltar 'dug pas/ rab tu dkon la legs pas don byos la/ slob ma snying dang 'dra ba la yang ston cing spyir ngan song du ltung bar byed pa ni mi dge ba bcu dang/ nyon mongs pa lnga dang/ mtshams med pa lnga byas nas/ sems rgyud ma sbyangs pas ngan song du 'khrid do// mtho ris su 'khrid pa ni dge ba bcu dang/ tshad med pa bzhi dang/ chos spyod bcus sna drangs nas byang chub kyi sems rdo rje ni bsgoms pas 'don pa dang 'dra bar gar dmigs par phyin no/ / de'i phyir na sems la skye shi med pas sems gtso/ spyir sems ni rlung yin te/ gar phyin par phyin cing 'gro na/ ngal te zhe sdang gi dbang gis dmyal bar 'gro dgos na/ dmyal ba'i sgo bcod/ bcad pa'i sngags la/ sarba na ra gu du ma tha ma gi he ha byi ri ku/ zhes sgo bcad do// dmyal ba'i rgyal bo/ gshin rje chos kyi rgyal po a ba glang mgo can kha T+wAM kha thogs pa phyir bskrad par bya'o/ / 'dod chags kyi dbang gis yi dags su 'gro srid do// srid na/ sarba pre ta ma ge ste ha bya ra 'o ku/ zhes pas yi dwags kha 'bar ma sgrom bu thogs pa phyir bskrad do// gti mug gi dbang gis byol song du 'gro srid na/ sngags 'dis byol song gi sgo bcad do// sarba ti ta ma ki he he ri bi sku/ zhes pas byol song gi rgyal po glang po che sa srungs kyi bu phyir bskrad do// nga rgyal gyi dbang gis mtha' 'khob kyi gnas su skyes srid na/ sngags 'dis sgo bcad do/ sarba sra ni ma ke he ha bya ri bi sku/ zhes pas mi'i sgo bcad do// phrag dog gi dbang gis lha ma yin gyi gnas su skyes srid pas/ der skyes pa sngags 'dis sgo bcad do/ / sarba bi ga tra ya ste ba ma ke he ri ri ba ku/ zhes sgo bcad do// lha ma yin thags bzangs rigs mtshon cha thogs pa slar log go/ gal te drod gsher las skyes bar 'gro srid pas/ sngags 'dis sgo bcad do/ / sarba rtsa ma de he b+h+ya ti ti ku/ zhes sgo bcad do// dbyar gyi rgyal mo chu thog ma phyir bskrad do// gal te dmyal ba nas gyes nas mnar med par 'gro srid na/ sngags la/ tshe ra yam kye ho ha bi ku/ zhes bcad do// srid pa'i rgyal mo mda' thogs pa phyir bskrad do// sgo nga la skyes par 'gro srid pas/ sngags ni/ a nya ma ga he ha ra byi kus sgo bcad do// nam mkha' lding gi rgyal po gser mig ni stod mi la smad spyang kir 'dug pa phyir bskrad do/ / de nas lha'i sgo dbye ba ste/ sngags la/ a dang ma ma e ke ya phaT/ ces lha'i sgo dbye'o// tshangs pas lag nas drangs te/ de yan chad ting nge 'dzin gyi zas skom dang longs spyod lus sems ye shes las 'gyur pa la/ rigs sems dpa' sems ma'o// rgyud 'jig rten 'das pa'i mdo las/ ye shes kyi ma mo'i pho nya ni/ shar gyi phyogs nas 'gugs byed ma// mthing kha mchog rnams gsang ba'i yum/ / kai ri nag mo dbyug to 'phyar// bdud bgegs 'dul ba'i las mdzod cig/ lho yi phyogs nas 'gugs pa ni// gser gyi 'od 'phro mda' gzhu 'gengs// tse'u thabs kyi mda' gzhu 'phel/ / lho yi dgra bgegs dgug tu gsol// nub kyi phyogs nas 'gugs ma ni// chu srin rgyal mtshan 'phyar ba mo// pra mo dmar mo 'jigs pa'i gzugs// byang gi phyogs nas 'gugs byed ma/ nag mo ral pa thod pa 'gengs/ / pe ta nag mo rdo rje 'phyar// byang nas dgra bgeg dgug tu gsol// shar lho phyogs nas 'gugs pa ni// bskal ba'i me 'bar rgyu 'phreng 'dzin// spu ka dmar ser 'jigs pa'i gzugs/ / shar lho mtshams nas dgug tu gsol// lho nub mtshams nas 'gugs byed ma// ljang nag chen mo me 'bar ma// dkar mo rdo rje thod khrag 'thung// lho nub mtshams nas dgug tu gsol/ / nub byang mtshams nas 'gugs byed ma// btsun mo zhe sdang spu gri'i so// sma sha mthing nag 'jigs pa'i gzugs// nub byang mtshams nas dgug tu gsol// byang shar mtshams nas 'gugs pa ni/ / kha T+wAM mtshon gyi char 'bebs ma/ tsan da ser skya char 'bebs ma// tsan d+ha has kya 'jigs pa'i gzugs/ byang shar mtshams nas dgug tu gsol// dza dza ang gu sha dza/ dpal chen thugs kyi pho nya ste/ / shar gyi phyogs nas 'gugs pa ni// badzra mu ste 'jigs pa'i gzugs// 'bar ma rdo rje sku 'bar ma// dkar mo lag na rdo rje 'phyar// shar gyi phyogs nas dgug tu gsol// shar lho mtshams nas 'gugs byed ma/ / mun ste a na 'jigs pa'i gzugs// 'bar ma me khyer glog 'phreng 'dzin// mur ti drag mo 'jigs pa'i gzugs/ ser mo lag me tog bsnams// shar lho mtshams nas dgug tu gsol// lho yi phyogs nas 'gugs pa ni/ / mu ti ya ma 'jigs pa'i gzugs// 'bar ma gshin rje skar ma stong// sdon mo 'od kyi mda' 'phen ma// lho yi phyogs nas dgug tu gsol// lho nub mtshams nas 'gugs pa ni/ / mug ti drag sha 'jigs pa'i gzugs// 'bar ma srin mo ral gri 'dzin// lho nub mtshams nas dgug tu gsol// nub kyi phyogs nas 'gugs pa ni// mi ting nA ga 'jigs pa'i gzugs// 'bar ma klu mo lce 'bebs ma/ / dmar mo lag na thod 'bebs ma// nub kyi phyogs nas dgug tu gsol// nub byang mtshams nas 'gugs pa ni// mun pa yang ni 'jigs pa'i gzugs// 'bar ma rlung bdag ba dan 'phyar/ / byang nub mtshams nas dgug tu gsol// byang gi phyogs nas 'gugs byed ni// mun ti ba ba 'jigs pa'i gzugs// 'bar ma gnod sbyin khyung thogs ma// ljang nag lag na khra thogs ma// byang gi phyog nas dgug tu gsol/ / byang shar mtshams nas 'gugs pa ni// mun ting ru dra 'jigs pa'i gzugs// 'bar ma 'jigs byed ban glang sna// mthing kha lag na mdung thung 'phen// byang shar mtshams nas dgug tu gsol/ / steng gi phyogs nas 'gugs pa ni// mur sti su rgya 'jigs pa'i gzugs// ser mo lag na nyi zla thogs// stang gi phyogs nas dgug tu gsol// 'og gi phyogs nas 'gugs pa ni// mu sti bab 'jigs pa'i gzugs/ / 'bar ma phag gdong sa bdag mo// nag mo lag na bum pa 'dzin// 'og gi phyogs nas dgug tu gsol// 'jig rten 'das pa'i rgyu las/ ye shes kyi ma mo dang 'bar ba'i pho nyas dgra bgegs 'gugs pa'i le'u ste dgu pa'o/ /// 'jig rten 'das pa'i mdo las/ he ru ka la phyag 'tshal lo// de nas bcom ldan 'das zhes bya ba'i don la/ dang po bcom ldan 'das zhes bya ba ni bdud bzhi bcom ste/ sbyor ba ye shes kyis zin pas lha'i bu'i bdud bcom pa dang/ phung po lnga rigs lngar bsgoms pas phung po'i bdud bcom/ ting nge 'dzin thang lhod med par bsgroms pas las dang nyon mongs pa'i bdud bcom/ sgrol ba snying rjes zin pas 'chi bdag gi bdud bcom la/ rnam pa gcig tu 'dul ba tsham rngam gyi rigs bzhi he ru ka dang/ khro bo rnams dang/ lha chen po'i zhabs 'og tu bcug cing/ sgal tshig bcom pas kyang bcom la/ yang rnam pa gcig tu 'jig rten gsum na mthu che la dbang btsan pas kyang/ bdud dang/ srin po dang/ tshangs pa dang/ brgya byin dang/ lha dang/ klu dang/ de rnams bcom pas kyang bcom/ ldan pa ni thabs dang shes rab kyis 'khor ye shes las las grub pa dang/ las grub dang lngan pas kyang ldan no// 'das pa ni 'khor ba dang mya ngan las 'das pas kyang 'das so/ / theg pa dgu'i 'og ma kun la 'das pas kyang 'das pa/ 'jig rten las 'das pa'i he ru ka'i gal po yin pas kyang 'das so// dpal he ru ka zhes pa la/ bdag dang gzhan gnyis ka'i dpal zhes kyang bya na/ 'dis thugs rje chen pos bdud dang srin po 'dul bas kyang kun gyi dpa' yin la/ ma mo dang mkha' 'gro kun gyi dpal yin pas kyang dpal yin no// pad+ma zhes pa ni/ pad+ma 'dam nas skyes kyang 'dam gyis ma gos pa dang/ shes rab kyi rang bzhin sbyor sgrol gyi chos spyod kyang bag chags dang skyon gyis ma gos so// he ru ka zhes pa ni/ 'jig rten dang 'jig rten las 'das pa'i lha srin bdud dang bgegs kun las kyang rab tu 'phags te/ gzhan gyis mi tshugs shing mthu che la dbang btsan pas lta ba dang spyod pa'i don/ a ti yo ga'i don bya btsal dang bral zhing 'das pas/ khro bo kun gyi thog ma yin pas kyang he ru ka'o/ / dpal chen po he ru ka de 'og min gyi gnas lcang lo can gyi pho brang du/ rin po che ye shes las grub pa'i gzhal yas khang tshad dpag tu med pa yum gyi mkha' pad+ma 'dab ma stong dang ldan pa ste/ rdo rje bla re mig mangs ris su bres pa/ 'og rdo rje'i gzhal yas su bkram pa/ de'i 'og kyang 'dod chags khrag gi rgya mtsho/ zhe sdang rus pa'i phung po/ gti mug sha'i ri rab kyi steng na/ rin po che'i khri rkang brgyad pa la/ khri rkang gi bar re re na sprin med pa'i nyi ma bdun bdun brtsegs mar shar ba/ khri rkang de'i bar gser gyi seng ge spyan gsum gsum bdun bzhi nyi shu rtsa brgyad ye shes las grub pa'i tshul du kha phyogs bzhi tshams brgyad du gzigs pa/ de'i bar bar khri rkang gi gseb seng ge gnas pas/ kun tu bzang po la 'khor ba btsal gyis ma rnyed pas/ dbye ba med pa'i sa la mnyam pa nyid kyi klong du gnas pas rgyu 'bras kyi chos dang/ las sdug bsngal dang/ sku dang ye shes kyi chos thams cad la sems kyi dbang bskur bas/ rig pa'i rgyal po rang dbang rdzogs pas/ 'di ltar gnas pa'i rnal 'byor pas dbang bskur yang mi 'gal/ ma bskur kyang dbang thams cad rdzogs pas/ gser sa dbung la kha blangs mi dgos/ blangs kyang mi 'gal ba dang 'dra'o// de'i phyir 'di skad ces gsungs so// yod cing rdzas su snang na yang/ / snang zhing srid pa'i ye shes brgyan// med cing chad par snang na yang// khams gsum thams cad stong pa'i dbyings// yod med gnyis las 'das na yang// don gyi mchog ni bcom pas kyang/ gser gyi mdog gzi 'phags rdo rje'i sing ha ma/ phyogs bzhi mtshams brgyad dpung 'joms/ rtags zhes bya/ pad+ma rtsa la brgyad pa'o// khri rkang de rnams la yang pad+ma he ru klu las grub pa yin pas sbrul nag chen mo'i gdan byas nas bzhugs so/ / phyogs bzhi mtshams brgyad nas/ shar dri za/ lho gshin rje/ nub klu/ byang gnod sbyin/ me lha dang/ srin po dang/ rlung lha dang/ dbang ldan de rnams zhabs 'og tu gdan byas nas bzhugs so/ / de nas 'khor der he ru ka'i sprul pa dang/ yum chen mo kro d+hI shwa ri la sogs pa yum gyi tshogs/ ye shes dang las las grub pa'i mkha' 'gro ma dang/ khro bo dang/ khro mo dang/ pho nya dang/ dbang phyug ma la sogs tshogs nas/ bcom ldan 'das dpal chen po la bskor ba byas nas brkyang phyag 'tshal nas/ phyogs gcig tu bkod 'khod de 'di skad brjod do// e ma ye nas gsang ba'i chos// sangs rgyas bde chen nyid la rdzogs/ / ma rig mun sel he ru ka// dpal mchog khyod la phyag 'tshal lo// zhes bstod de phyag 'tshal lo// de nas 'khor ba/ dpal chen po badzra he ru ka yis bka' bstsal pa/ kye bcom ldan 'das pad+ma he ru ka/ tan tra 'jig rten 'das pa'i rgyud 'di bka' stsal du gsol/ ces zhus pas/ bcom ldan 'das thugs rje che la thabs mkhas pa des thugs yang dag pa'i ye shes byams pa'i ting nge 'dzin la snyoms par zhugs nas/ dang po de bzhin nyid kyi ting nge 'dzin bsgom pa la yang rnam pa gsum ste/ bsgom pa'i dgos ched dang/ thabs dang/ 'bras bu dang gsum mo// sgom pa'i dgos ched ni/ sems can gyi gzung 'dzin gyi dbang gis/ dngos po dang mtshan ma la mngon par zhen pa'i dbang gis 'khor ba yin pas/ de'i gnyen por rnam par mi rtog pa bsgom par bya'o// bsgoms pa'i thabs ni/ 'khor ba dang mya ngan las 'das pa thams cad rang gi sems las gud na med/ / gzung 'dzin dang bral ba ni mya ngan las 'das par snang la/ gzung 'dzin dang ma bral ba ni 'khor ba dang mya ngan du 'dug pa'i gzhi'o/ / shes pa rnam pa gsum gyis snod rnam pa gsum gyi kha phye ste/ rnam par mi rtog pas rgyud sbyangs te/ skad cig ma rang bzhin med par dmigs te/ snga ma ni 'das/ phyi ma ni ma byung/ da ltar ni mi gnas pas/ chos kyi sku las mi zhen par yang rig par byas pas/ rang bzhin med par gzung 'dzin gnyis kas stong ste/ gleng gzhi dang khungs kyis stong ste/ stong pa yang med/ mi stong pa yang med/ dbu mar yang mi dmigs te/ rnam par rtog pa'i gnyen po mi rtog pa'i sems yi ge a dang sbyar nas/ bdag gzugs brnyan yi ge a ci la yang mi dmigs/ mi sems par bsgom pa ni dgos ched do// bsgom pa'i thabs ni/ lus srang phyag rgya byas nas zhes pas/ bdag gi yi ge a de ltar bsgom zhing med pa kho na 'o// bsgoms pa'i 'bras bu ni/ bdag rgyu sems can gyi dus na de ltar bsgoms pas/ 'bras bu 'phags pa'i gnas skabs su sku ni chos sku thob la/ ye shes stong pa nyid kyi ye shes dang chos kyi dbyings kyi ye shes thob/ bsgoms pa'i 'bras bu'o// de yang ting nge 'dzin gyi 'byung ba 'di skad gsungs so// rnam par mi rtog ye shes skye med cing/ / gzung 'dzin rtog pa'i mtha' nyams ma chags dbyings// thams cad spros bral mnyam nyid ji bzhin dbyings// rnam rtog spros bral yul las 'das// oM sarba ta thA ga ta ma hA shU n+ya ta dz+nyA na sa mA d+hi swa b+hA ba At+ma kou0f85haM/ zhes snying po brjod pas/ ta thA ga ta ni de bzhin gshegs pa'o// ma hA ni chen mo/ shU n+ya ta ni stong pa'o// dz+nyA na ni ye shes so// sa mA d+hi ni ting nge 'dzin no// swa b+hA wA a t+ma kou0f85haM ni bdag kho na byin gyis rlobs shig pa'o/ / de bzhin nyid kyi ting nge 'dzin bstan pa'o// de ltar bsgoms pas kun tu snang gi ting nge 'dzin bsgom pa la yang rnam pa gsum ste/ bsgom pa'i dgos ched ni/ rtog pa 'byung ba dang/ chos 'phrul 'byungab bstan pa dang/ sgyu ma'i ting nge 'dzin bkod pa dag go/ don dam par ni bdag gi rnam par shes pa'i yi ge a snang ba las kyang/ chos sku las mi zhen par snang la/ kun rdzob tu 'dus byas kyi snang ba la dgongs te/ gnyen por chos stong pa snang ste/ de go 'byed par snang ba'o// bsgom pa'i thabs ni/ gzugs 'dzin dang bral bar shes la/ bdag gi sems nam mkha'i dkyil na yi ge a gza' skur ma pa wa sangs shar ba lta bu kun tu snang bas na kun tu snang ngo/ / bsgoms pa'i 'bras bu ni/ rgyu sems can gyi dus na de ltar bsgoms pas 'bras bu 'phags pa'i dus na sku ni longs spyod rdzogs pa'i sku thob la/ ye shes las so sor rtog pa'i ye shes dang mnyam pa nyid kyi thob bo// de yang 'byung ba 'di skad do// ma ltar byams pa'i snying rjes kun la khyab// mkha' ltar go 'byed cho 'phrul 'byung bar bstan/ / kun la khyab pa'i ye shes gsal ba las// rin chen gter ltar che ba'i khyad par bstan// hUM s+pha ra na phaT/ saM ha ra hUM/ sarba tsan+Da ni t-i/ d+harma d+hA tu/ sa mA na d+hi swa b+ha ba At+ma kou0f85haM/ zhes kun tu snang gi tir nge 'dzin nam langs pa'i kha dog dang 'dra bar bsgoms te/ de yan chad rang rgyud thabs kyi bsgom pa'o// de ni gnyen po rim par bsgom pa ni/ rgyu'i ting nge 'dzin bsgom pa'i dgos ched ni/ bsod nams dang ye shes kyi tshogs so// bsgom pa'i thabs ni/ bdag gi rnam par shes pa'i gzugs brnyan byang chub kyi sems ni/ 'jig rten pa dang 'jig rten las 'das pa'i dam pa'i chos thams cad la dbang bskur bas/ hUM dmar po gcig tu gyur pa las/ ye shes bskyed pa gcig gsal bar bsgoms te/ phyogs bcur 'phros pas/ 'phags pa'i thugs dam bskul/ 'gro ba'i rgyud sbyangs/ bdud btul/ bgegs bcom/ slar 'dus pa las/ hUM de las phyag mtshan rdo rjer gyur/ rdo rje sku phyag rgya chen po dpal rdo rje sems dpa'/ de yang sprul pa'i badzra he ru kar gyur/ da ci dang la rdo rje sems dpa'i cha lugs su zhugs tsam na/ mtshan bzang po sum cu rtsa gnyis dang/ dpe byad bzang po brgyad cur bzhugs pa las/ badzra he ru kar gyur pa ni/ dur khrod kyi rgya nad gus brgyan par bzhugs pa las/ de las kyang dpa' chen po pad+ma he ru kar gyur te bsgom pa ni/ dbu dgu phyag bco brgyad/ zhabs brgyad par sprul pa las/ rdo rje'i gshog pa bzhis kyang bteg pa/ rta mgo lngas kyang mtshon pa gcig kyang gsal bar bsgom mo// rgyu'i ting nge 'dzin bsgoms pa'i 'bras bu ni sprul pa'i sku thob ste/ yang sprul dang sprul pa'i he ru ka thob la/ 'khor yang sprul pa mang pos bskor ba'o// ye shes las rang rig pa'i ye shes dang bya ba grub pa'i ye shes thob bo/ / de yang dbang po'i rim pa bsgoms pas/ byung ba stab pa ni 'di skad do// yi ge hUM ni sems kyi rang bzhin te// chags pa'i skyon bral pad+ma rA ga'i mdog/ pad+ma 'dam las skyes kyang 'dam mi gos/ / sangs rgyas che ba'i khyad par bstan pa'i phyir// rgya mtsho rlabs ltar zhi khro'i dkyil 'khor 'byung// ha thun sa ma ti s+pha ra na phaT/ saM ha ra na hUM/ zhes slar bsdus pa'o// de ltar ting nge 'dzin rnam pa gsum po bshad cing bka' stsal nas/ 'khor der 'dus pa rnams la phyag btsal mchod pa phul lo//// 'jig rten 'das pa'i mdo las bam po gsum pa'o//// de nas 'jig rten 'das pa zhes bka' stsal pa ni/ 'jig rten dang 'jig rten las 'das pas/ chos drag shul dang/ sprul pa dang/ pho nya dang/ bsgrub pa dang/ cho ga la sogs pa drag shul mang ba 'byung bas 'jig rten las 'das pa'o/ / de yang sgras drangs na lo ga dang ra su dras bya'o// de nas dpal chen po lhun gyis grub par bya ba'i gtso bo yis/ rgyal ba'i dkyil 'khor bzhugs gnas rdzogs par bya'o// bskyed par bya'o// bsgom zhing bskyed pa 'di skad do/ / gzhal yas khyad par yin zhing pho brang ni// rin chen mchog byin dbang gi yul du bstan// kun tu rol pas ca ri yang rol pa'i dbyings// thams cad chos dbyings yum gyi dkyil 'khor du/ / dngos rnams thams cad nam mkha' mnyam pa'i yum chen kun tu bzang// cir yang skye med thabs kyi phyag rgya che// zhes pa dang/ rdo rje gzhal yas khang nam mkha'i cha dang mnyam// rkang pa yid bzhin rin chen mchog las grub/ / sprin med nyi ma bdun brtsegs gsal ba'i rgyan/ 'gyur med 'jigs pas seng ge'i khri la bzhugs// mgo po dpa' bo sangs rgyas chos kyi sku// mi g.yo brtan pas rdo rje lhun po 'dra/ / zhes pas gzhal yas khang ye shes gsal bas grub/ rdo rje rtsig pas gtams te/ rdo rje steng bla re rgya gram mig mangs ris su bris pa/ 'og rdo rje'i gcal du bkram ba/ nyi zla thod sprul gyis brgyan pa/ mdog dmar po/ dbyibs zla gam/ me ri smug nag 'bar ba'i nang na bzhugs par bsam mo// oM d+harma d+hA tu ka ba na da sarba ba at+ma kou0f85haM/ snying po brjod pas/ yang hUM phyogs bcur 'phros/ slar 'dus pa las/ khri rkang rin chen 'bar ba'i skur bstan pa// rigs bzhi khrag 'thung sku la ma bdun snyoms par 'khril// rang na ra ti tri/ zhes brjod pas/ rkang pa bzhi rtsig tu gyur to// khri rkang de bzhi ni he ru ka khrag 'thung chen po bzhi'irang bzhin mngon du gyur ba'o/ / 'jig rten 'od kyi rgyal po nyi ma'i dkyil 'khor na// stong gsum mun nag sel ba'i ma ma ki/ ma sUr+Ya maN+Dal hUM/ zhes brjod pas nyi ma'i dkyil 'khor du gyur te/ sprin med pa nyi ma bdun shar ba ni gsang ba'i yum bdun gyi rtags so/ / yang hUM de 'phros/ slar 'dus pa las 'di skad do// dbang phyug mar 'dus shing sing nga tsam la// mthu rtsal chags pas che ba'i dbang ldan ma/ / oM pang tsam pa la bi ma la si ti hUM/ zhes pas gser gyi seng ge spyan gsum pa nyi shu rtsa brgyad/ khri 'phangs bzhi la ma 'dres pa brgyad du snang ba'i phyogs bzhi na/ mtshams bzhi nas te nyi shu rtsa brgyad khyi tshugs su kha phyogs bzhir bltas/ mjug ma dbus su bstan nas gnasas pa 'di rnams ni dbang phyug ma rnams kyi rtags so// 'jug skor rgyal la ni gtso bo la mnyes pa 'bul ba'i rtags so// sing nga tsam pa la ni gser gyi seng ge yin la/ ba la ma byi mo yin la/ si ti ni dngos grub 'bul ba'o// yang hUM de phyogs bcur 'phros/ slar 'dus pas 'di skad do// 'dam gyi skyon bral pad+ma kha brgyad pa/ / rigs mchog gzi ldan gsang ba yum gyi dbyings// oM pad+ma rak+ta ma hA rak+ta hri/ zhes brjod pas pad+ma le brgan kha brgyad par gyur/ pad+ma ni sangs rgyas rigs mchog brgya'i rang bzhin/ yul gyi mkha' dbyings rnam par dag pa yin la/ rak+ta mtshal chen mo chags pa'i rtags so// yang de 'phros 'dus pa las 'di skad brjod do// rigs gnyis dbyer med gcig tu bsgoms pa las/ grangs med rgyal ba'i sku la 'phros pa yi/ / dbu gsum phyag drug 'bar ba'i thugs ka ru// rdo rje phra mo pad+ma'i thugs kar 'phro// sarba ta thA ga ta badzra/ sarba ta thA ga ta ta tha a hUM/ zhes brjod pas/ bcom ldan 'das dpal rdo rje sems dpa' dbu gsum phyag drug pa/ g.yas dkar/ g.yon dmar/ dbus mthing kha/ phyag drug ye shes drug gi phyag rgya/ rdo rje/ 'khor lo/ rin po che/ pad+ma/ ral gri/ dril bu bsnams/ de'i thugs kar ye shes sems dpa' mtshon gang pa rdo rje phra mo bsgoms pa dang/ de'i sgal tshigs nas brgyud shangs nas brgyud de 'di skad do// khro bo'i rgyal po 'jigs byed hUM sgra can// hUM gis srid gsum ma lus dbang du sdud// hUM gis nyon mongs dug lnga gsum ka 'joms mdzad pa/ / hUM gis thams cad 'joms shing thams cad rdzogs// hUM gis ngan song gnas nas stong par byed// hUM gis bla med byang chub gnas su sgrol// hUM gis dus gsum rgyal thams cad bskyed/ / hUM gis pad+ma ma hA shrIH he ru ka/ mahA tsaN+Da sarba duSh+tan+ta ka ha na da ha pa tsa hUM phaT/ pad+ma kro ti shwa ri de ba ti tams na dza la ni hUM phaT/ ces brjod pas// hUM dang pos 'jig rten gyi khams khengs/ hUM gnyis pas ye shes kyi me spar/ hUM gsum pas bag chags kyis sgrib pa sbyangs/ hUM bzhi pas de dag kun gyi sems hUM du gyur/ hUM lngas de dag kun slar 'dus/ hUM drug pas de dag kun pad+ma he ru kar 'gyur/ sku che la yan lag rags pa dang/ sku mdog dmar thag chad pa dang/ dbu lnga rigs lnga dbu la rta mgo dang 'dra ba/ dbu bzhi rigs bzhi dbu dgu/ phyag bco brgyad 'phra men bcu drug par bsam mo/ / zhabs brgyad khro bo brgyad/ gshog pa bzhi 'phrin las bzhir bsam ste/ de la dbu dgu ye shes lnga'i dbu rgyan gyi mnga' gsol te 'di skad do// phyogs bzhir 'bar ba'i sku bstan pas// dbu dgu 'bar ba'i dbu rgyan ldan/ / spyi mthun lnga lnga sku yi rgyan du che// tsakra oM bruM/ tsakra hUM bruM/ tsakra swa bruM/ tsakra hri bruM/ zhes brjod pas tsakra la 'khor lo// bruM las gzhal yas khang du gyur pa las/ yig 'bru lnga las rgyal ba'i sku las so so'i yum dang ldan par gyur to/ / de nas rta mgos dbang bskur zhing mnga' gsol ba 'di skad do// dbang gi rta gdong 'phrin las mgyogs pa ni// rnam shes myur mgyogs glog gi rgyan du bstan/ / oM shriHbadzra sa twa sa ta ma mu sa ku ka yo ga'i shwa ri/ ha ya g+h+ri ba/ zhes brjod pas dbu lnga'i spyi bor rta mgo ljang khu re byung bar gyur/ dbu gzhan pa rigs bzhi dbu rgyan re re byung ba'o// de nas thod 'phreng gis mnga' gsol ba'o/ / dung chen khong seng sgyu ma'i thod 'phreng ni// dbang po dbyer med shes rab rtogs pa'i rgyan du bstan// rangan ra tri kro d+hi shwa ri dza la sra dz+wa la/ mu ti ka sa la/ ma ku ta ma/ mu ti ra ta ka la/ he he kha T+wAM kha badzra tri shu la ko'u ra/ hUM hUM he ma he ma ru tra ma ma hA sra b+ha ba hUM phags ma hA/ zhes pas thod pa tshar gsum gyi dbu rgyan dang/ mgur chu dang/ dpung rgyan/ phyag gdub/ zhabs gdub brgyan par gyur/ de nas rdo rje gshog pa bskyed pa 'di skad do// yid bzhin rin chen 'byung ba'i gshog pa can// re ba skong byed dpag bsam ljon shing 'dra// 'phrin las rnam bzhi re skong rtogs pa'i rgyan// oM sum+b+ha ni gr-i h+na gr-i h+na pa ya A na ya ho/ b+ha ga bA na bi d+yA rA dza hUM phaT/ ma badzra sa ka a bi ra tsa/ ka ma ku ru shan ti swA hA/ zhes brjod pas/ rdo rje rgyu rin po che las byas pa/ grub pa ye shes las grub pa/ sgro'i khung sbrul nag gi mgo thams cad rdo rje'i thu'i 'phran yan chad bltams pa/ 'jig rten 'gyed pa'i gzhis 'degs pa/ de ni zhi rgyas dbang dang mngon spyod kyi las bzhis sems can kun la ma ltar byams par 'gyur ro// de nas pad+ma he ru ka klu las grub pas sbrul nag 'jigs byed rgyan du che/ / dug lnga ma spangs dbang gi thabs su rtogs// klu chen gdul ba dbang gi thabs su bstan// na kar tsa ha he ru lu lu hUM/ zhes brjod pas sbrul nag gi chun pos dbu rgyan dang/ mgur chu dang/ phyag gdub/ dpung rgyan/ do shal dang/ zhabs gdub byas par bsam mo// de nas zhabs kyi rgyan chas kyi mnga' gsol ba 'di skad do// dpa' bo rab brjid ting nge 'dzin snon pa'i stabs/ / rno sdug zlog byed rgya bye lcags kyi chas// shes rab ting 'dzin bcas pa'i chas// dbang gi bse khrab 'bar ba brjid pa'i chas// dpal brjid mnyen lcug sbrul nag 'khyim ba'i chas/ / dmar zas dbang phyug zangs kyi mche ba can// gzi mdangs chu skyes chu gri sprul cing rol// gcan gzan rgyal po stag 'dul zhabs la gsol// phyogs bzhi mtshams brgyad khro rgyal 'dul ba'i stabs/ / zhes brjod pas/ shi hi ra tsi tri a gar pa ya/ hri pad+mad ban ta ma/ dzim pa na ka ra byi ni he me tri ra na/ ting ling rba ram pa yaMswAhA/ zhes pas zhabs brgyad sems ma brgyad du gyur/ lA s+ya/ mA le/ gI rti/ nirti/ badzra d+hU pe/ puSh+pe/ A lo ke/ gan+d+he hUM/ zhes pas chas brgyad sems dpa' brgyad du gyur pas/ oM badzra sa ma ti sha ra hUM/ zhes brjod pas ting 'dzin brgyad du gyur/ de nas khro bo dag gdan du 'ding ba 'di skad do/ / tshad med che ba'i khyad par bstan pa'i phyir// nga rgyal mthu mnyam bdun dpung rang bshig nas// 'jig rten skyod pa'i gdan ni che ba yi// stobs ldan dbang phyug che ba mnan// kro ti na ta ni hAM/ ka ra bi dza ya/ ni la tan tra/ ya man ta ka/ Ar+ya a tsa la/ ha ya g+h+ri ba/ a pA ra tsit+ta/ a mr-i ta kun Da li/ trai lo kya bi dza ya/ mahA ba la/ a ka ni tsa ya/ ya ma hi ti/ bu run yaM ba bye/ ba tu tra/ swur+ya zan+d+ra a ti b+ha/ sum pa ram pa nan/ zhes brjod pas khro bcu snod sgo bcad pa bzhin mnan par bsam/ khro bo bcu'i gdan du yang phyogs skyong bcu mnan te/ zhabs snying khar bol man chad nub nas/ sgal tshigs 'joms snyings 'byin te/ de'i byin rlabs kyis phyogs skyong bcu sgra 'byin skad ngan 'don te/ khro bo'i zhabs 'og tu bzhag pa bzhin no// de nas lag pa g.yon pa'i mdzub mo bsgrengs la 'di skad do// khro mdzub phyag rgya 'di bcings pas/ / khro bo'i dkyil 'khor thams cad kyis// bdud ni mar la sdig ces bya// bdud dang mu stegs dbang du sdud// phyogs skyong bcu rnams dbang du sdud// ces brjod pas/ in dra dang/ ag ni dang/ ya man dang/ ti ta rag sha dang/ ba ru na dang/ ya ma dang/ ru tra dang/ sUr+ya dang/ tsan dra dang/ a ti b+ha rnams dang/ tshangs pa dang/ brgya byin man chad/ skyes bu zhags pas btab pa bzhin du dbang du 'dus par gyur to/ / de nas mtshon cha lnga'i char dbab pa 'di skad do// dpal chen rdo rje thog thog ser ltar 'bebs// hUM dang phaT sgras srid gsum 'khor ba 'jigs// sprul pa'i khro bo mang pos sprin ltar 'khrigs/ / rdo rje khrag 'thung khrag gi ser ba 'bebs// rdo rje mtshon chas gnam lcags thog pa la// gsang sngags log pa'i chos rnams thams cad 'joms// 'jig rten 'di dang pha rol gnyis kar yang/ / sdig pas sel cing nyon mongs gzhan rmongs med pa'o// bi ta lcags kyus bzung nas ye shes lnga byang chub sems su rtags byin pa dang/ ye shes gnyis su med pa dang// yi ge hri'i byin brlabs/ 'phags pa mchod/ 'gro ba'i don byas/ rigs lnga'i sku bskyed/ hUM gi gzhal yas khang sgo bcad/ phyir ldog pa rdo rje rgya gram gyi sgo bcad do// sems mda' rtse la blangs la 'og min du kun tu bzang po'i gnas su 'phangs la btang ngo/ / yum lnga bdud rtsi'i bum pa nas byang chub sems su dbang bskur/ rigs lngas ni byin gyis brlabs/ sems dpa' dang sems ma'i mchod pa byed/ ma mo mkha' 'gros ni dngos grub kyi stong 'debs/ khro bo dang khro mos ni bar chad kyi bgegs 'jil zhing mtshams gcod/ 'phra men dang po nyas ni mngag gzhug dang las bsgrub/ tshangs pa dang brgya byin la sogs pa dbang phyug tshogs ni las byed do/ / de nas dug gsum gyi mchod pa yang/ 'dod chags khrag gi rgya mtsho la// 'khor bcas ma lus gshegs su gsol// oM pad+ma shriH he ru ka/ ma nA tsan dra swa b+hA ba duSh+ta na/ ta ka pa tsa hUM phaT/ oM tsakra hUM bruM/ tsakra sa bruM/ tsakra hri bruM/ tsakra hra bruM/ zhes brjod pas mtshon cha shangs kyi rlung sgo nas mtshon cha'i phab ste/ lus kyi rtog pa sbyangs/ khams gsum bshig gril te/ sems ye shes su bskyed do/ / de nas 'dud kha gcig 'di skad brjod do// chos nyid stong pa byang chub sems su rol// ye shes lnga ldan byang sems thugs su rol// gsang chen yab yum byang chub sems la rol// sems dpa' ye shes rigs lnga'i sems la rol/ / badzra satwa rA dza/ bud+d+ha sa twa rA dza/ rat+na sa twa ra dza/ pad+ma sa twa rA dza/ karma sa twa rag ta dz+wa la ma hA kha raM kha'i/ zhes rus pa'i phung po 'khor bcas ma lus bzhes su gsol/ ma hA keng ni rA dza la kha raM kha'i/ gti mug sha yi phung po la// 'khor bcas ma lus gshegs su gsol// ma hA rag ta dz+wa la kha raM khA hi/ de nas nam mkha'i mkha' 'gro ma la bstabs te/ rngam pa glog gi dkyil 'khor la/ rdo rje rdzu 'phrul rnam par 'phrul// dpa' bo rdo rje khro bo'i 'jigs bcas pas// rigs sngags don la yang dag sbyar// khrag gi rgya mtsho rba klong khyil li li// rus pa'i phung po khrol lo lo// rdo rje zhing chen dri ngad pungs se pungs/ / ban+d+ha ma mo'i tshogs ni rdza ltar spungs// mthong thos rnga ma pa mkha' 'gro'i tshogs dang rol// kha kha lo ye pA sha ba ga a la la ho/ zhes brjod pas mkha' 'gro zhing la rol par gyur/ lhag ma 'dab kyi ri rab tsam/ dpal pad+ma ha ya g+h+ri bas bsdus/ byang chub sems su bsgyur/ yan lag nying lag bsrungs pas/ hri badzra pad+ma hUM/ ha he phaT b+ho ru lu ru lu hring hring/ ha ya gri ba hu lu hu lu hUM Ta/ e a ra li hri hring/ bsnyen pa'i snying po 'bum bzlas so// cho ga yang zla ba gzas zin pa'i nub mo bya'o// de la gzhal yas khang rnam pa gsum ste/ yangs pa dang/ rgya che ba dang/ dbyings ye shes kyi khyad par can dang gsum mo/ / de la yang yangs pa ni mtha' dbus med par las bya'o// 'dod chen ni ye shes lhun gyis grub/ dbyings dang ye shes kyi khyad par can ni/ gzhug pa dang/ pad+ma gsang ba la yab yum 'bral ba med pa'o/ / de la mdog dmar ba med pa ni yum gyi mkha' rnam par dag pa'i tshul lo// pad+ma 'dab ma brgyad pa ni pad+ma le brgan/ yum 'dod ma'i dbyings te/ pad+ma 'dam gyis ma gos la/ yum gyi mkha' la yang bag chags kyi skyon gyis ma gos pa'i tshul lo/ / dbyibs zla gam ni dbang gi rgyal po'i gzhugs gnas yin pa'o// nam mkha'i tshad pa med pa ni nam mkha' stong pa las 'phags pa'i sprul pa 'byung ba'i rang bzhin stong zhing bdag med pa'o/ / stengs rdo rje'i bla re mig mangs ris su bris pa ni/ dpal rdo rje sems dpa'i byin brlabs rdo rje dbyings kyi pho brang gi rtags te/ de ltar sra zhing mkhregs pa rdo rje'i gur te/ de'i bar rin po che gnya' na zlum po ni/ sems can re 'dod yid bzhin du skong ba'o// rin po che khri rkang bzhi pa brgyan du snang ba ni/ khri rkang bzhi he ru ka'i rang bzhin la/ rta krid chen po bzhi'i rtags so// khri rkang gi rgyu rin po che las byas pa ni/ rin po che sems can 'dod pa dang/ srog gi mi zin pa yang yin la/ ye shes gsal ba'i rtags so// bar de nas sprin med pa'i nyi ma bdun bdun 'char ba ni/ 'jig rten na 'od gsal ba'i nyi ma yin la/ nyi ma ni sangs rgyas kyi sku yang yin la/ 'od gsal ba yin la/ ye shes kyi rang bzhin ma nor bar gsal ba yang nyi ma yin la/ gsang ba'i yum du byin gyis brlabs pas/ dkyil 'khor du bzhugs so// gza' dang skar ma la sogs pa mdun khung byas pa ni/ 'od gsal zhing ye shes kyi rtags so// bar bar na dri za dang/ gshin rje dang/ rlung lha dang/ gnod sbyin dang/ me lha dang/ srin po dang/ rlung bdag dang/ dbang ldan rnams gnas pa ni/ che ba'i rtags 'jig rten dbang mdzad pas/ de'i steng na khro bo gnas pas 'jig rten las 'das pa'i brtan no// bar na gser mdog rtsal 'phar sing ngam/ phyogs bzhi mtshams brgyad bdud dpung 'dul zhing 'joms par mdzad ces pa ni gser gyi seng ge spyan gsum pa lhan cig pa ni dbang phyug ma nyi shu rtsa brgyad kyi rang bzhin la/ spyan gsum ni ye shes bye brag tu yang bstan te/ khyi pho tshugs su kha phyir bltas pa ni/ dang po nas rang rang gis las khas blangs pas las byed pa'i tshul lo// mjug gor nang du bltas pa ni/ gtso bo la mnyes pa 'bul ba'i tshul lo/ / de la rtsal brgyad ni/ chos nyid kyi rtsal ni thams cad gshig pa ni yin/ ye shes kyi rtsal ni ci la yang thogs pa med/ rdo rje'i rtsal ni phyogs med par byams pa/ ting nge 'dzin gyi rtsal ni rtogs shing goms pa'o/ / yon tan gyi rtsal ni ci la yang thogs pa med pa'o// dbang gi rtsal pad+ma he ru kas dbang du sdud pa/ 'phrin las kyi rtsal ni 'phrin las rnam bzhis 'gro ba sems can gyi don ji bzhin mdzad pa'o/ / dngos grub kyi rtsal ni mngon shes lnga rdzogs pa las/ mthu dang/ rdzu 'phrul dang/ ci la yang thogs pa med pa'o// dbang phyug nyi shu rtsa brgyad po des mdzad pa bstan pa'o// gdan de kun la yang phyi snod kyi che yin no/ / gser mdog seng ge'i gnad ni dbang phyug ma yin la// nyi zla 'od kyi gdan ni gsang ba'i yum du bstan// dri ma med pa'i gtan ni gsang ba'i yum mo ru bstan/ dri ma med pa'i stan ni yum gyi mkha' dbyings la/ ta krid brgyad po'i gdan ni 'jig rtenalas 'das pa'o// dbang gi rtsal ni 'jig rten dbang du mdzad pas/ thabs kyis che zhing phyogs skyong ba na/ 'jig rten 'das pa dbang du sdud par mdzad/ thabs kyi che ba ni khro bo bcu gdan du byas pa'o// bla na med pa dbang du mdzad pa thabs kyi che ba ni/ ma hA de ba la sogs pa gdan du byas pa dang/ rigs lnga dbus rdzogs pa dbang gi rtsal lo/ / 'jig rten 'das pa'i mdo las/ dpal pad+ma he ru kas lha chen po gdan du byas pa dang/ pad+ma gnas kyi le'u ste bcu pa'o//// tan tra chen po 'jig rten 'das pa'i mdo las/ da rigs gcig tu bsgrub pa bstan par bya ste/ dang po hUM las phyag mtshan rdo rjer gyur/ de las dpal rdo rje sems dpa' mtshan dang dpe byad dang ldan pa/ rgyan thams cad rdzogs pa gcig tu gyur/ de las dpal chen po pad+ma he ru kar gyur pa'i thugs kar ye shes sems dpa' bsgoms pas/ rigs gnyis gcig tu gyur pa zhes bya ste/ dpal rdo rje sems dpa' ni rdo rje'i rigs yin la/ pad+ma he ru ka na pad+ma'i rigs yin pas/ rigs gnyis las dbyer med par gcig tu snang bas gcig tu gyur pa zhes bya'o/ / de las gzhal yas khang de lta bu'i nang na bzhugs pa'i mnga' bdag gang lags she na/ bcom ldan 'das pad+ma he ru ka sku che la yan lag rags pa/ dbu dgu/ phyag bco brgyad/ zhabs brgyad/ dbu gong ma lnga rta mgo las byung ba'i 'og ma bzhi mtshams bzhir gzigs pa/ gshog pa bzhi dang ldan pa/ sku mdog dmar po la dur khrod kyi rgyan chas sku la gsol ba/ rgyan gyis brgyan pa gcig gzhal yas khang de'i dbus pad+ma'i lte ba la/ e gru gsum gyi steng na dbang phyug chen po ma hA de ba'i steng na/ yab yum ma hA kro ti shwa ri dang brkyang bskum gyi tshul du bzhugs so/ / de'i 'khor rnams bsgom pa'i dus ni/ gsangs nas sbas pa'i tshul du bzhugs/ rdul tshon la bkod pa'i dus ni/ pad+ma'i phyi rim na ni ye shes dang las las grub pa'i 'phra men ma bcu drug bkod la/ pad+ma la ni yab yum brgyad bkod/ khro bo brgyad kyi khri rkang la khro bo dang khro mo dang spel ma/ sems dpa' dang sems ma khri rkang bzhi'i rang bzhin la/ dbang phyug ma ni bar bar gyi seng ge'o// gsang ba'i yum bzhi ni nyi mar bstan pa lags/ / de nas byung gdon pa 'di skad do// hUM/ khro bo rgyal po rta mgrin rta skad can// ral pa dmar la 'bar ba me mdog can/ khro bo 'bar ba'i zhal ni phyogs bzhir gzigs/ khros pa'i spyan bgrad khro gnyer sprin dmar bzlog pa bzhin/ glog stong 'gyur ba'i 'od zer rnam par 'phro// glog bang 'dzin pas mche ba dkar po gtsig/ sku mdog pad+ma rA ga'i mdog 'dra las/ / zhing lpags rlon pa'i g.yang gzhi sku la gsol// glang chen brjid pa'i g.yang gzhi sku la na bzar bsnabs// stag gi sham thabs g.yang gzhi rgyan du byas// thod rlon 'phreng ba sku yi rgyan du byas// sbrul nag stong gis phyag gdub sku yi rgyan/ / ba su ta yi zhags pa sku la bsnams// thal chen khrag dang zhag gi thig les brgyan// pad+ma gsang ba yum dang gnyis med pas/ 'bar ba chen po pad+ma'i klong na bzhugs/ / dpal chen ma yi 'khor tshogs rgya mtsho rnams// dkyil 'khor rim bzhin 'bar ba spyan drangs te// pad+ma'i rgyal po dbang mchog rigs kyi gtso// thugs rje chags pa'i dbang phyug sku mnga' ba/ khro rgyal 'jigs byed ye shes thugs rje can/ / pad+ma'i rgyal po 'dir gshegs 'khor dang spyon// chags med chags dang bral ba'i rang bzhin la// pad+ma dmar po 'dam skyes mdog ltar snang/ khams gsum srid pa gsum la mnga' mdzad pas/ / chags rab rgyal po 'dir gshegs 'khor dang spyon// 'od zer glog stong 'gyu ba'i byin rlabs sku skyod cig/ thugs dam hUM dang phaT kyi ser 'bebs shing/ khro bo sprul pa mang po 'khor dang bcas/ / ma tshogs 'phra men dbang phyug gshegs su gsol// 'od zer dmar smug 'bar ba'i klong dkyil nas// yum la rol pas brkyang bskum tshul du bzhugs// phyag char mtshon cha 'phra men 'bar ba thogs/ / khro bo'i zhabs kyis mnan nas 'dir gshegs shig/ rdo rje klong dgu dur khrod chen po nas// 'phra men rgya mtsho chu srin 'dzin par rol// he ru ma bdun dbang phyug 'khor dang spyon// ta krid 'khor bcas 'dir gshegs mchod par bzhes/ / da ni phyag 'tshal te/ rgyal ba'i sku ni chos sku pad+ma'i gdung// chos rje 'od dpag med pas rdo rje chos// spyan ras gzigs dbang hri las rngam chen sku// rtas mgrin rta skad bzhad la phyag 'tshal lo/ / dbang chen kun 'dus dbang gi rgyal po ste// dbang gi mdog dmar bskal pa'i me ltar 'bar// dbang chen rngam brjid nyi ma 'bum gyi gzi// mnga' mdzad pad+ma'i gsung la phyag 'tshal lo/ / chos nyid bdud rtsi mchog gi ngang gyur pas// dug gsum gtan du phung mdzad dpal 'bar sku// gdug bcas klu rnams brjid pa'i zhabs kyis brdzis// dug chen bdud rtsir gyur la phyag 'tshal lo/ / phyag 'tshal nas bstod de/ nam mkha'i ri mo thabs kyis phyag rgyas gnon pa'i gdan steng rngom// tsham rngam ma che ba gtsigs pa'i stobs chen rngom// zla gam cir yang 'gyur ba'i ljags kyang rngom/ / skye shi rtsa ba gcod pa'i mche gtsig rngom// gsung sgra 'brug ltar sgrogs pa'i dbyangs sgra rngom// 'phrin las rgya mtsho rgyan gyi rba rlabs rngom// yon tan rtsa bzhi ji ltar rngom// ru tra bsgral bas mthu rtsal rngom/ / lha chen mnan pas gdan chen rngom// khams gsum bsgral bas zhing chen rngom// rtog 'joms spyod pa'i brtul zhugs rngom// shugs kyi 'phro ba'i brtul zhugs rngom// 'dul byed dbang gi 'phrin las rngom/ / thugs rjes 'byung ba'i sprul pa rngom// sku che yan lag rags pa brjid re che// grangs mang rgyan dang ldan pas brjid re che// bkur 'os gtso bor mthong bas brjid re che/ khyad zhugs yid dang 'thad pas brjid re che/ / mdangs chen stong gsum gang bas brjid re che// tshig myur the tshom gcod pas brjid re che// thugs rje thugs dam ldan pas brjid re che// 'gro ba yongs la snyoms pas brjid re che/ / srid gsum 'gran zla med pas brjid re che// ma rmongs thabs kyis 'dus bas brjid re che// med la zad mi shes pas brjid re che// gcig la 'dod dgur bsgyur bas brjid re che// thabs mkhas skyon gyis ma gos brjid re che/ / 'dod spyod phan pas mdzad pas brjid re che// mi mnyes nyam bag rol pa brjid re che// mgon skyabs sta bon mdzad pas brjid re che// sku gsung thugs yon tan rngam pas brjid re che/ / sku gsung thugs yon tan rngam brjid kyi bstod pa'o// 'jig rten 'das pa'i mdo las/ bstod pa'i le'u ste bcu gcig pa'o//// 'jig rten 'das pa'i tan tra las/ dbu las rigs lnga 'bar ba'i skur bstan pas/ / mi mthun lnga lnga bstan kyang nam mkha'i rgyan du che// dbu dgu 'bar ba'i thabs chen rgyur snang ste// theg pa mchog dgu kun la 'phags par bstan// sprul pa mang po khyad par bstan pa ni/ / dbu skra kham nag gyen du 'khyil ba ni/ khro bo ye shes sprul pa mang po gzings// ral pa sprugs te 'khrigs pas stong khams khengs// da ni mchod pa spreng bar bya ste/ spyan gyi sdang mig glog stong rgyu ba ni/ / gzigs pas spyan bgrad gzigs stangs rgyu dang ldan// smin ma khro gnyer sprul pa 'gyed cing 'dud// thabs rnams dpal chen pad+ma'i sku la rdzogs// byang chub sems kyi dbang phyug dpal chen he ru ka/ dpal chen pad+ma he ru ka/ khri chen rngam pa kun gyi gtso// rigs lnga dpal chen khrag 'thung dang// yum chen kro ti shwi ri dang// ma mo chen po bdun rnams dang// de 'khor ba yi tshogs rnams la// bla med dam rdzas bdud rtsi'i mchog/ mchod de kun tu dgyes mdzod la// 'phrul gyi dngos grub stsal du gsol// oM sarba ta thA ga ta ma hA pan tsa ma hA maM sa khA ti/ ma hA ba su ta khA hi/ ma hA kong ni dza la khA hi/ spyan bzhi bcu rtsa gnyis dang ldan te/ dbu gong ma phyogs bzhi dbus dang lnga la spyan gsum gsum bco lnga/ rigs lnga'i sku gsum/ gsung gsum/ thugs gsum/ yon tan gsum/ 'phrin las gsum/ gsum gsum dang sbyar/ rta mgo lnga la spyan 'bar ba bco lnga/ stong pa bco brgyad sku gsung thugs kyis mnan pas de ltar sbyor ro// dbu gong ma bzhi la spyan bzhi bcu rtsa gnyis ni/ don du rigs bzhi'i rnal 'byor dang sbyar ro/ / gzigs thabs bcu gnyis dang sbyar te/ gzigs pa sangs rgyas kyi spyan ni/ spyan stong khams la gzigs/ phyi nang skye pa med par gzigs/ spyan bgrad pa spa bkong bal gzigs/ sdang mig zhe la gnon pa gzigs/ / zur mig glog ltar rgyu ba gzigs/ chos nyid rgyan du gzigs pa dang/ ye shes dbyings la gzigs/ ngan song 'thur du lta ba'o// smin ma ni sangs rgyas bzhi bcu rtsa gnyis dang sbyar ro/ / smin par mdzad pa'i 'phrin las ni/ 'gro ba ma lus rgyal ba'i sku gsung thugs su smin par byed pa/ ma ltar byams pa'i thugs rje ni/ byams sdang phyogs med pa la bya/ dbyings las ma g.yos pa ni/ yab yum thabs dang shes rab rol pa mdzad pa'i dus na/ ting nge 'dzin las ma g.yos pa'o// snyan ni dbyings kyi don ye shes kyis rtogs pa dang dbyings thob pa'i snyan ni/ gsan pa dang/ ma 'gag pa'i snyan ni sprul pa'i sgras 'gro ba'i don mdzad pa thob pa'o/ / dmigs pa yongs su dam pa'i snyan ni 'gro ba rigs drug snyan mi snyan la ma chags pa'o// rol pa mthun 'jug 'jam pa 'phrin las/ ma bslad ye nas mthun 'jug 'jam pas sangs rgyas sku/ thugs rje 'byung byed sprul pa grangs med pa/ dbang drag 'joms pas 'phrin pas dmar bas dbang/ 'dod chags drag po zhe sdang drag po'o// shangs kyi rlung sgrom na rlung nag tshub ma khams gsum khyab par 'dren/ khams gsum don du gnyer rdo rje chu'i rlung gis tshe dang zungs 'dzin/ gzi brjid dbang phyug che dri lnga ro ye shes dbyings su gcod/ rno dbal mche ba dkar po gtsigs pas khams gsum 'khor ba'i skye shi gcod/ / ag tshom sku'i rgyan du gdengs pa me ltar 'bar/ gsum gyi brjod pa gdengs pa 'od dang 'dra/ thugs kyi yon tan nyi zla shar ba'i don/ he ru ka'i gal po las/ lhag pa'i rta mgo ci bya zhes pa las/ rta mgo ni theg pa 'og ma bas skal pa phyi ma grub ste/ theg pa yang rtse 'dis dus 'dir sangs rgyas te/ de yang shugs kyis grub pa'i brtson 'grus te/ rta la zhon pa dang/ lta yud la phyin pa dang 'dra'o/ / sgrol bar byed pa mthu stobs ni/ sdug bsngal thar par byed pa'o// 'dul byed dbang gi 'phrin las ni/ chu srin dgod ma kha dang 'dra bas te/ rta mgrin gyis klu 'dul bas rta mgo'o/ / dbu lnga rta mgo ljang khur byung ba ni 'phrin las kyi rangs bzhin yin la/ rngog ma le brgan ni dbang gi rtags su yang bstan pa la/ dpral ba zhur po ni zhi ba'i rang bzhin du bstan pa la/ rta mgo ni drag po 'phrin las mdzad pas rta mgo'o// tan tra 'jig rten 'das pa las/ dbu'i don rtags kyi le'u ste bcu gnyis pa'o//// de nas bcom ldan 'das rdo rje rtags 'jug ces bya bas/ nam mkha' lding gi rgyal po 'gyur ba'i ting nge 'dzin la dgongs nas gshog pa bskyed de/ 'jig rten pa yid bzhin du 'byung ba ni zhes pas/ rgyu rin po che las byas pa/ de yang grub pa ni ye shes las grub pa'o/ / sprul pa ni pad+ma he ru ka'o// klu las sprul pa sprul du grub pa'o// re ba bskong mdzad dpag bsam ljon shing 'dra// zhes pa ni/ 'phrinalas rnam bzhis 'gro ba'i don byed pas/ dpe dpag bsam/ shing du bstan pa'o/ / rtogs pas rtsal gcod 'phrin las rlabs su che zhes pa ni/ rtsal chen shugs kyis 'phang ba gcod pa'o// nyi ma 'bum gyis brgyan pa ste'u gshog pa can zhes pa ni/ gshog pa ni gnam sa gcod pa yin la/ nyi ma ni ye shes nyi mas tho gshog re re las ye shes nyi ma shar ba'o// nam mkha' nam mkha' rgyal po rgyal mo brgyad ces pa ni/ hUM badzra tsin d+ha dz+wa la sum+b+ha ni/ gr-i h+Na pa ya/ A na ya ho/ b+ha ga bA na/ sa ta ra tsa hUM phaT/ gshog pa bzhi yang steng ma g.yas pa nga rgyal bskyed byas la/ g.yon steng ma gti mug bskyed pas zhi ba/ g.yas 'og ma nga rgyal bskyed pas drag po/ g.yon 'og ma sems can thams cad zhing dbang du sdud pas drag po/ ste'u gshog pa ni bgegs dang log 'dren rdo rje lcags kyus snying nas 'dren pa yin la/ grol bar yang byed do// gshog pa ni rdzu 'phrul thogs pa med pa nam mkha' la 'phur ba yin no/ / de'i phyir nam mkha' ltar yongs su khyab pa dang/ ma ltar kun la byams pa deng// thugs rje'i dbang gis sdud pa dang// rtsal chen shugs kyis 'phur ba dang// khyung chen sku la rdzogs pa dang// mkha' 'gro'i rgyal mo dbang byed pa'o/ / 'jig rten 'das pa'i mdo las/ rdo rje gshog pa'i le'u ste bcu gsum pa'o//// de nas bcom ldan 'das dpal chen po khro bo'i rgyal po 'dul ba'i ting nge 'dzin la snyoms par zhugs so/ / dpa' ba rab brjid ting nge 'dzin pa'i stobs zhes pa ni/ rang bzhin gyi dpa' ba ni las/ pad+ma he ru ka'i rigs kyis dpal bstan dang/ seng gethabs kyi dpa' ba bya khyung ka ru na/ sprul pa las dang khro ba yis/ shes rab kyi dpa' ba ni ye shes kyi lha/ rnam par shes pa brgyad sems ma brgyad dang sbyar ro// sems dpa' bzhi zhabs brgyad/ sems ma bzhi zhabs kyi rgyan brgyad/ 'jig rten dang 'jig rten las 'das pa ni dbang du byas/ rgyan dang stang stabs su ldan pas dpa' bar brjid che bar/ ting nge 'dzin dang ldan pas/ shar dri za dang bcas pa rnam par rgyal ba'i gnon rno gdug zlog byed rgyu bye'u lcags zhes pa ni/ phyir mdo ba ni mtshon chen te/ des mi phigs zhing phyir ldog pas khrab rgya bye'u sngon po'o// nang sems kyi ma no ba ni/ gdug pa bsam pa ngan pa sbyor ba'i dug cis kyang mi tshugs shing de zlog par byed pa'o/ / de ltar yang lhor gshin rje dang bcas nas/ khro bo gshin rje gshed kyis mnan pa'o// dbang gi bse khrab gzi brjid pa'i thabs zhes pa ni/ 'jig rten dbang du 'dus pa dang/ 'jig rten las 'das pa dbang du mdzad pa dang/ cis kyang mi tshugs pa'i thabs su spa bkong ba dang/ ye shes kyi bse khrab tu bstan pa dang/ ye shes kyi me 'bar gzi 'bar te/ dug lnga bsregs nas 'jig rten las 'das pa'i gnas su bsgral nas/ nub phyogs klu dang bcas nas/ khro bo hUM mdzad kyis mnan pa'o// shes rab ting nge 'dzin rdo rje 'chang ba'i chas zhes pa ni/ chos thams cad rtogs pa shes rab las byang bas/ thabs mkhas pa spyod yul gyi chos dang/ chos nyid dbyings la ye shes kyi rgyan du snang ba las/ shes rab kyi rdo rje rgya gram mig mangs ris su ting nge 'dzin gyis/ bdud dang mu stegs la sogs pas mi tshugs pa ni/ shes rab ting nge 'dzin gyi chos kyi te/ byang phyogs gnod sbyin dang khro bo bdud rtsi 'khyil ba mnan pa'o// dpal brjid mnyen lcug sbrul nag 'khril ba'i chas zhes pa ni/ 'jigs byed kyi rgyan rlung gi rgyal po sku bsrungs pa'i yang don/ rnam gcig tu yum sku la 'khril te/ lcug pa dang sbrul gdug pa zhe sdang tshar bcad nas/ khro bo mi g.yo mgon gyi zhabs kyis mnan pa'o// dmar gsal dbang phyug zangs kyi mche ba can zhes pa/ dmar ba ni dbang gi rang bzhin yin la/ rak+ta ni chags pa chen po yum gyis kyang rtogs pas/ yum gyi lhums nas ma skyes pa gcig kyang med pas/ mngon sum du gsal bar dbang phyug chen po'i zhabs 'og tu bcug la/ zhal 'bar ba las zhal gdangs mche ba 'byung ba/ zhabs 'og tu mnan snying khar zhabs mkhrig man chad nub nas/ snying 'byin cing dbyings su stobs shing chos la bkod pa'i don yin pas/ lho nub srin po dang bcas nas khro bo mi g.yo mgon pos mnan pa'o// gzi mdangs shu kren chu gri sprul pa'i chas zhes/ phyi'i gzi mdangs kyis bdud dang mu stegs spa bkongs nas/ nang gi gzi mdangs kyis mnyes pa dang/ dbang du sdud de/ snang la rang bzhin med de/ khro bo mi bzad kyis bdud dang srin po bsdus te/ gcan gzan gyi mgo can la bya ste/ des bdud srin 'dul ba'i zhabs la sogs zhes pa ni/ de kun las rgyal bas yum gyi dbyings su che bas rgyal mo bya/ de bas na byang shar du ru tra dang bcas nas khro bo khams gsum rgyal bas mnan pa'o// phyogs bzhi mtshams brgyad khro bo rgyal 'dus pa'i stabs zhes pa ni/ phyi nang gsang ba gsum dang/ phyogs bzhi'i ta krid bzhi dang/ mtshams bzhi'i khro bo dang// brgyad mnan pas ma rig pa'i log rtog dang bcas pa'i thugs rlom pa'i thugs rlom pa'i phyogs skyong la khro bos mnan pa dang/ tshab dmar gyi 'dul stangs kyis khro bo yang dpa' bo chen por gzir bar snang bas te/ phyi nang gsang ba'i don dang 'jig rten yongs las 'das pa'i khro 'phang ni phyogs skyong ngo/ / 'jig rten las 'das pa ni khro bo brgyad/ yum gzi ldan du bstan pa ni shes rab kyi pha rol tu phyin ma/ dbyings ni mya ngan la 'das pas/ pad+ma'i phyag rgya/ gnyis su med pas dpal rdo rje sems dpa'/ he ru ka'i thugs dang dbyer med pa'i don dang/ byang chub sems las 'dus pas bdag la 'dus pas rgyan du bshad do// de bas na byang chub sems su de ltar la bzla 'tshalalo// lus kyi rgyan ni thabs he ru ka/ ngag gi rgyan ni gsung dbyangs chos kyi 'khor lo// sems kyi rgyan ni ye shes sems dpa'i snying rje/ byang chub rgyan ni ye shes lnga'i 'phro 'du/ rnam par thar pa brgyad ni thugs rje dang ma bral ba'o/ / zhabs brgyad ni ting nge 'dzin brgyad kyi chas kyis brgyan/ sems dpa' brgyad ni rang bzhin gyi gnas la/ chas brgyad ni sems ma ste brgyan pa'i lha mo/ phyogs mtshams brgyad ni khyad par gzi 'phangs ting nge 'dzin brgyad dang/ zhabs brgyad dang/ khro bor bcas ces bya'o// zhabs la sbas pa'i khro bo chen po brgyad zhabs kyi 'og tu sbas ces bya'o// 'jig rten 'das pa'i mdo las/ zhabs kyi chas rgyan gyi le'u bcu bzhi pa'o/ /// pad+ma dbang chen he ru ka/ 'dod chags rgyal po rigs kyi gtso// sku mdog dmar ba dbang gis 'phags// dbu dgu phyag kyang bco brgyad de// zhabs kyang rdo rje brgyad du gdam// rdo rje rol pa'i dkyil 'khor nas/ / shin tu mi bzang rngam thams cad// ma chags tshul du 'dul mdzad cing// dmar chen po ni phyag na bsnams// shin tu dgyes pa'i thugs dam can// rdo rje gshog pas brgyan cing brlabs/ / g.yas dkar zhal gyis gzigs pa ni// de brgyal bas thams cad dngos grub stobs// g.yon mthing zhal gyis gzims pa ni// nyams pa thams cad bskong par mdzad// dbus ma pad+ma'i phyag rgyar ldan/ / phyag g.yas gyen du brkyang ba yis// nam mkha'i khams kun phyag rgyas 'gengs// rnge'u chung bcu drug thabs kyis brdungs// lha yi gnas rnams dbang du bsdud// phyag rgya g.yon du brkyang ba yi// ban d+ha rak+tas 'khyil ba ni/ / rgya mtshog ting nas 'khrug cing rlob// klu yi gnas rnams dbang du sdud// yab yum phyag rgyar yang dag ldan// g.yas kyi phyag na bsnams pa ni// ti ra'i dbyug pa chen po bsnams/ / ke'u ri dang rol bar mdzad// bdud kyi dpung rnams zil gyis gnod// g.yon gyi phyag na bsnams pa ni// rdo rje dung chen dmar gyis bkang// sing ngam dang rol ba'i sa// dmar chen rak+ta tsa ra ra/ / tshogs chen gsum ka dbang du sdud// g.yas kyis rtse ri bsnams pa ni/ thabs kyi mda' gzhu 'gengs pa yin// rgyal ba yab yum thugs dam bskul// g.yon gyi phyag na bsnams pa ni// lcags kyi ral ka dmar gyis bkang/ / byA g+h+ri ma dang mnyam par sbyor// thams cad kun la mnyam par sbyor// g.yas kyi phyag na bsnams pa ni/ kha T+wAM kha yi rgyal mtshan bsnams// pra mo ha dang mnyam par sbyor// bgegs kyi dpung rnams 'jims par byed/ / g.yon gyi phyag na bsnam pa ni// zhing chung bton nas za bar byed// sri la mo dang mnyam par sbyor// klu yi gnas rnams dbang du sdud// g.yas kyi phyag na bsnams pa ni// rdo rje rtse dgu 'bar ba ni/ / pe ta li dang mnyam par sbyor// phyag na rdo rje'i mthu yang 'phrog/ g.yon gyi phyag na bsnams pa ni// spu gri so dang bcas pa yis// shwa na ma dang mnyam par sbyon// gnod sbyin rnams kyi sha yang za/ / g.yas kyi phyag na bsnams pa ni// sti ra'i rgyu ma 'dren pa yis// pu ka si dang mnyam par sbyor// drang srong 'khor rnams dbang du sdud// g.yon gyi phyag na bsnams pa ni// 'gro rgyu zhag pa bsnams pa ste/ / kri ta ma dang mnyam par sbyor// 'khor ba'i sdug bsngal me la sreg/ g.yas kyi phyag na bsnams pa ni// pad+ma rak+ta bcas pa'o// g+has ma ri dang mnyam par sbyor// srin po'i 'khor rnams dbang du sdud/ / g.yon gyi phyag na bsnams pa ni// zhing chen phrag la 'khur ba yi// kang ka ma dang mnyam par sbyor// dur khrod bdud bgegs mang po 'dul// g.yas kyi phyag na bsnams pa ni// sti ra tsit+ta 'bigs pa ni/ / sma sha ni dang mnyam par sbyor// srog skyong 'khor rnams dbang du sdud// g.yon gyi phyag na bsnams pa ni// ban d+ha dmar gyis bkang ba ste/ kha kha ma dang mnyam par sbyor// dgra bgegs ma lus dbang du sdud/ / g.yas kyi phyag na bsnams pa ni// ti ra log rtog 'dral bar byed// tsan+Da li dang mnyam par sbyor// tu tra'i 'khor rnams dbang du sdud// g.yon gyi phyag na bsnams pa ni// rdo rje lcags kyu 'bar ba 'dis/ / hu lu ka dang mnyam par sbyor// bgegs kyi tshogs rnams dbang du sdud// dur khrod rgyan dgu sku la gsol// rdo rje gshog pas brgyan pa ni// klu chen zil gyis gnon par byed// lhang lhang rta skad phyogs bcur sgrogs/ / zhabs brgyad stabs stang brkyang bskum tshul// lha chen brgyad kyi khri la bzhugs// dur khrod chen po'i gnas brgyad dang// he ru ka yi gnas bcu dang/ gzhon nu rgyal la rol par mdzod/ / dbang phyug kun gyi 'khor gyis bskor// khyed kyi thugs rje'i byin rlabs las// glog stong 'byung zhing 'brug stong ldir// dgra bgegs 'dul ba'i 'phrin las mdzod// he ru ka thugs kyi rgyud kyi pad+ma'i phyag rgya'o/ / 'jig rten 'das pa'i mdo las/ phyag rgya mkha' 'gro 'phra men gyi le'u ste bco lnga pa'o//// bcom ldan 'das dpal pad+ma he ru ka sku mdog rags pa de la/ dpal pad+ma he ru kas sbyin sreg bya ba'i ting nge 'dzin la snyoms par zhugs nas/ dbang gi hom chen po gsang ba bas kyang ches gsang ba 'di la don lnga ste/ de yang gang zhe na/ dbang gi phyag rgya chen po'i dkyil 'khor gyi las bya ba dang/ dbang gi gtor ma'i las dang/ dbang gi sbyor ba dang/ dbang gi hom thabs bya ba dang lnga'o// dbang gi phyag rgya chen po'i dkyil 'khor cho ga bcus bstan te/ phyag rgya chen por gsal zhes pa ni/ dpal chen po pad+ma he ru ka'i phyag bco brgyad/ zhabs brgyad/ gshog pa bzhi/ dbu gong ma lnga la rta mgo ljang khu 'tsher pa/ spyan bzhi bcu rtsa bzhi dang ldan pa gcig tu dur khrod kyi chas brgyad dgus brgyan pa'o// phyag g.yas dang po lcags sgrog/ g.yon dang po ban+da rak+tas bkang ba bsnams pa/ g.yas ke ri mal sogs pa brgyad pa snams pa/ g.yon sing nga ma la sogs pa brgyad bsnams pa/ dbu las rta mgrin sku las bdud rtsi 'khyil/ zhal brgyad khro bo brgyad 'jigs pa/ khro bos phyogs skyong 'jigs pa/ phyogs skyong 'og na yang rdo rje brag gi stengs la/ 'khor ma mo dang/ pho nya dang/ dbang phyug ma la sogs pa ye shes dang las la skyes pa/ yum kro ti shwa ri ma yab dang mthun pa la/ yab ltar dbu rgyan mnga' bar bsgom zhing dkyil 'khor la bkod pa'o// bsnyen pa dbul ba ni/ pad+ma he ru ka bsnyen pa'i dus na/ grangs sam mtshan mar rtag tu bzlas so/ / de yang ha ya gr-i ba hu lu hu lu hUM phaT/ a ra li hring hring/ zhes ma mo brgyad dam nyi shu rtsa brgyad la bzlas la dbul lo// dus drug gam dus rtag tu bya'o// mtshan ma byung byung du bya'o// dkyil 'khor dgod pa ni/ dang pos gzugs ma legs pa na ga ra ma tshig pa dang/ mi rung pa med par sa blud btang/ des nas stegs bu gzhug ste/ dbus su e gru gsum chag gang pa kha khyer nyis brtsegs/ de la thod pa 'og ma mnga' gzhu/ de'i phyir rim zla gam dmar po la pad+ma he ru ka yab yum bzhugs par bya'o// de'i phyi rim la thod pas bskor/ de'i blo ma phol rdo rjer ba/ de'i phyi rim pad+ma kha khyer bcu drug la lha mo bcu drug/ de'i phyi rim bar khyams la dbang phyug ma/ zur gsum la he ru ka sku gsung thugs kyi khro bo bcu gzugs su bcas pa dgod/ mtha' ma rtsang dang 'od kyis bskor de la sgo ba yab yum bkod la/ dkyil 'khor rgyan dang cha lugs gsal gdab/ byin gyis brlab cing gsal ba ni/ bdag pad+ma he ru ka bsgoms la/ yon bdag dkyil 'khor de'i lha ltar cho ga rnam par gsum gyis brlabs la/ sku lnga ye shes lnga'i sngags dang phyag rgyas yon bdag byin gyis brlabs/ mchodapa dang bstod par bcas pa ni/ mchod pa'i yo byad dmar gtor dang/ dmar gyi arga dang/ gzhan yang tshang bar bya/ bud shing mar can dang/ kyang mtsher can mchod pa gzhan dang mthun/ 'phrinalas bcol zhes pa ni/ bdag dang gzhan gyi don la mi ma yin pa 'gegs thams cad la pho nya dang mngag gzhug btang la dbang du bsdus so// zhal zas brtag pa dang zhes pa ni/ zhal zas thams cad hrIH dmar las 'phros te/ bdud rtsi'i rang bzhin du shes par bya'o// sid+d+hi gsol zhes pa ni/ dngos grub gsol ba'i dbyangs gtang bar bya'o// byin rlabs nod pa zhes pa ni/ bdag pad+ma he ru ka'i thugs ka nas/ dkyil 'khor dbus kyi gtso bo'i thugs kar bskul nas/ 'od zer dmar po thams cad dbang du gyur par bsam mo/ dkyil 'khor bsdu zhes pa ni/ dkyil 'khor la sogs pa sngon gyi bka' las 'byung ba bzhin du bsdu par bya'o// dbang gi rim pa hom ltar spyan drangs zhes pa ni/ me lha spyan drangs hom sbyar ro// hom gzar g.yon nas bskor ro// dbang gi gtor ma don gsum dang brtag pa drug ste/ 'gyur med ye shes rgyan dang 'dra ba'i gtor ma dang/ thams cad yongs la bsngo ba spyi'i gtor ma dang/ dngos po gcig la bsngo ba bgegs gtor ro// gtor ma'i las bya ba ni chos nyid rnam par dag pa'i ste/ spel ba ni nam mkha' mdzod/ bdud rtsir gyur pa ni bdud rtsi thab sbyor/ so sor thob pa ye shes skar mda'/ dbang du bya ba dbang sgyur 'khor lo/ thams cad mgu zhing dga' ba lha mgon spyi'o/ / yang gtor ma ni mchod sbyin chen po ste/ phyi nang thag gnyis so// dbang gi phur pa pad+ma he ru kar bsgom/ phur pa ni sku/ dril bu ni gsung/ btab pa ni thugs/ phur ba'i rgyu dang ni zangs gzhon zhing mar chags/ bya thabs mgo brgya mdud/ rtse mo rgya kham/ tshad ni sor dgu/ shing gi mgo la rtse mo bya'o// dgra bgegs nam phyed nas phur pa gdab bo// grub pa yon tan ci 'dod pa thob par 'gyur/ sbyor ba'i rigs brtag ni/ smad 'tshong ma lo grangs nyi shu lon pa'i sdong gcig ma zhes bya ba/ sbyor stangs ni byang shar nas mgo lho nub mtshams su bstan pa la sbyor/ dkyil 'khor ni pad+ma la bya/ sngags tshig ni/ pa sham kar na ku ru pad+ma rag swA hA/ tshigs bshad ni/ chags pa zhe sdang/ thams cad tshogs kyi dkyil 'khor mchog/ ces pas bya/ khro bo rol pa'i stangs stabs kyis gzir/ dug gsum dbang bsgyur sbyin sreg dbul/ rngam pa glog gi zhes mchod pa dbul/ dpal chen pad+ma he ru ka zhes pas arga sbreng/ 'byung po'i khrag ni zhes pa dug gsum btab/ mtshal chen po dang ga pur zhes mchod gtor/ 'phrin las rnam bzhi btang/ bgegs dang log 'dren 'gugs/ rgyud so so'i bka' lung nas 'byung ba'i pho nyas dgug/ bzlas pa bgyi/ de nas dpal pad+ma he ru kas 'dul ba'i ting nge 'dzin la snyoms par zhugs nas ched du brjod pa 'di brjod do/ / dbang gi dkyil 'khor 'bar ba la// gru gsum gdengs pa'i dkyil 'khor du// zla gam dmar pos bskor ba ste// rta mgo rngam 'tsher phyogs bcur sgrogs/ / pad+ma'i stong gsum ge sar la// ye shes lha dang ma mo 'khor dang bcas// mkha' 'gro dbang phyug tshogs kyis bskor// mchod pa che la sogs pa// thams cad ma lus mchod par bzhes// pad+ma rta mgrin ha ya gri ba kha'i/ / de nas 'dul sbyor bya ba ni// bam chen dkyil 'khor zla gam la// hri yi phyag rgya dbang chen mchog/ 'bar ba chags pa dbang du sdud// pad+ma dmar po'i 'phreng bas bskor// pad+ma khrag 'thung mchod pa sbyin/ / bdud rtsi lnga yi mchod pa 'bul// zas lnga po la dgra bgegs sbyin// ra dang khyi khrag dmar chen gyi// dgra bgegs gzugs dang snying po bri// pho nyas thams cad yongs nas ni// dgra bgegs bkug la phur pas brdab/ / pad+ma dpal chen tshogs la btab// hri yi tshogs kyi dkyil 'khor la// lag pa srin lag sbrel gdams la// rgyu 'phreng bcas pas bskor nas ni// gang 'dod las rnams 'grub par 'gyur/ / pad+ma chags pa'i gdul bya dang// rta mgrin rngam pa'i thugs mchog gis// thams cad 'phros pa'i tsham rngam gyis// dgra bgegs ma lus dbang du sdud// dpung dang bsgral ba'i 'phrin las mdzod// pA paM pad+ma na ga ba shang ku ru na hUM phaT/ 'jig rten 'das pa'i mdo las/ dbang gi le'u ste bcu drug pa'o//// khams gsum srid gsum bza' ba'i phyir// dpal gyi pho nya las la 'gyed// tshems ni sra snyi med par rno/ / skad ni phyi nang med par zug/ zas ni maM sa sha chen za// skom du dri chu kha ru ra ma s+t+we// de phyir bdud kyi mel tshe ba// shar gyi phyogs nas rgyug pa'i khyi// dung gi khyi mo dkar mo la// 'brug skad ldir zhing lha chen 'dul/ / lho yi phyogs nas rgyug pa'i khyi// glog stong 'gyur zhing gshen rje 'dul// nub kyi phyogs nas rgyug pa'i khyi// zangs kyi khyi mo dmar mo la// rdo rje khyung gshog klu phrul 'dul// byang gi phyogs nas rgyug pa'i khyi/ / mu men ljang khu'i khyi mo la// gnod sbyin gtum po'i sgal tshigs 'joms// shar lho mtshams nas rgyug pa'i khyi// gser gyi khyi mo ser mo la/ kha nas me 'bar srid gsum 'joms/ / drong bdud dgra bgegs me lha 'dul// lho nub mtshams nas rgyug pa'i khyi// ra ga dmar mo'i khyi mo la// ma mo 'khor gyi sprul pa 'gyed// srin mo rak+ta'i don snying 'byin// nub byang mtshams nas rgyug pa'i khyi/ / mu men ljang khu'i khyi mo la// mgo brnyan mang po'i 'khor gyis bskor// rlung lha ba dan lce gcod ma// byang shar mtshams nas rgyug pa'i khyi// khro chu'i lus kyi khyi mo la// nyi zla gza' skar kha long len// ru tra sngo skya bstan nas long/ / kun kyang mi bzad 'jigs pa'i gzugs// steng 'og phyogs mtshams rgyug cing za// mche ba lcags zor bkug pa 'dra// sder mo lcags kyu 'dril ba 'dra// spyan ni nyi zla shar ba 'dra/ / ral ba 'bar pa'i nyi zla bzhin// rnga ma dril zhags brkyang ba 'dra// lhang lhang khyi skad phyogs bcur zug/ las kyi skal du pho nya 'gyed// dgra bgegs 'dul ba'i pho nya mdzod// bcol ba'i las rnams grub par mdzod/ / khyod kyis mi 'dul gang yang med// tan tra 'jig rten 'das pa'i mdo las/ he ru ka'i gal po dang tan tA 'di bcom ldan 'das dpal kun tu bzang pos mdzad pa'i mdo las/ pho nya 'gyogs byed kyi le'u ste bcu bdun pa'o/ /// tan tra 'jig rten 'das pa'i mdo las/ rdzu 'phrul rkang mgyogs gyi bsgrub pa yang 'di lta ste/ rnga lpags grib la bskams te/ sal ma reg par blangs te/ bya rgod gzhon nu'i tshil gyis bskus nas/ bcad tshigs nub pa'i lham bu bya/ sngags 'bum tsho lnga bsnyen pa bya/ de na lham la yang stong phrag bcu bzlas te gyon na/ des ni dgongs khrom stong phrag brgyar 'gro/ phyir yang stong phrag tu dgongs zlog go/ bya rgod kyi tshil bu la sngags stong phrag bcu bzlas so// des rkang ba'i snying po byugs na/ lus med bya ltar mkha' la 'gro// de ni tshangs pa'i cho ga ste// skye bo gang zhig 'di bsgrubs na/ rkang mgyogs kun gyi mchog go zhes// 'phags pa rnams kyis rab tu gsungs// oM b+he ma ta ye swAhA/ zhing chen po bsregs pa'i sol ba dang/ mkhris chen du sbyar nas 'phrag par thig le byas na lus mi snang bar 'gyur ro/ / mig la bskus na gdon thams cad mthong ngo// rna bar bskus na lha ci zer ba thos so// nub mo yang nyin par bzhin du gsal ba khrom la dgongs brgyar 'gro nus so// slar yang ldog nus so/ / dpral ba phyis na snang ngo// sngags la/ na mo tra ya ma ti/ hi ti mi ri swA hA/ 'di ni lha chen po'i cho ga'o// rta'i rje ngar gyi pags pa 'brug zer ba'i char gyis spangs te/ dgo ba'i tshil bu byugs nas/ 'khrig ma nub pa'i lham bu bya/ drang srong bden pas gsungs te/ sngags 'di lan grangs bdun 'bum bzlas/ 'di ni rkang mgyogs dam pa ste/ khroms dgongs bzhi bcu nus slar zlog go/ sngags la/ na mo badzra pan se/ tad+ya thA/ b+haM la bib+he/ tad+ya thA/ ha na ga he ye swAhA/ phag rgod kyi mkhris pa dang spu gnyis dud pa ma shor bar bsregs te/ sngags lan brgya rtsa brgyad kyis btab ste/ mig la bskus na mi snang bar 'gyur ro/ / rna ba la bskus na lha ci zer ba yang thos so// sngags ni/ na mo ma har gnan/ pa spu ya ta tsa ra ni nan/ i ra mi tang bal par ku ma nan/ kyi li kyi li/ ku lu ku lu swA hA/ mig rnon sgrub pa'i thabs la/ khyi dang/ byi ba dang/ pu shud dang/ spyang khu dang/ bya rog dang// 'ug pa dang/ an dza kha thams cad 'brug ste/ zla ba nya gsum la 'di rnams cha bsnyams te bdar la/ tshes bcu gcig gi nyi ma phyed nas mgo bsku bar bya'o/ / grong bar gsum la bsku bar byas na/ stong gsum gyi khams thams cad na ci yod pa shes par 'gyur ro// lus byed nus so// man ngag las gsal bar bstan/ 'jigs pas mi tshugs par mthu dang ldan no/ / yang gdon mi za bar mthu dang ldan no// lus ni mi snang zhag bdun gyi rngon brtag mthong zhing grub par byas nas/ be'u snyi med kyi mig dang/ byi la nag tsam mig dang/ li khri rnams sbyar te/ ban da'i nang du blug la/ rdo pha wang long bu dang/ rtag zil ma yang brdar te/ lag pa g.yas kyis gnas nas/ ston zla 'bring po'i tshes brgyad nas/ bcu drug bar du bskus te/ mig gnyis kyi phyi nang gnyis kyi yang bsku/ nang re bzhin sngags nyi shu rtsa re gdab bo// sngags 'di skad do// oM ma thA mA thA tsa ka shu hUM phaT/ 'jig rten du 'dus pa thams cad kyis mi tshugs/ gzhan gyis mi mthong/ rim pa bcu gsum gyi lha klu dang/ 'phags pa thams cad mthong zhing nad thams cad dang bral bar 'gyur ro// bya rog gi lce dang/ snying dang/ 'ug pa'i mig 'bras grib ma la bskams te/ skar ma rgyal gyi nyin par btags nas/ bya rog gi khrag gis sbrus nas/ re lu kham gcig tsam gyis 'bras bu byas la/ lcags gsum kha zangs kyis dkris te/ khar bcu gnas lus mi snang bar 'gyur/ dpag tshad brgyar 'gro/ me chu mtshon gyis mi tshugs/ bya rog dang/ 'ug pa dang/ sbrul dang/ sre mong gi rus pa dang cha bsnyam du btags la/ btags pa mal lam mgo la ba skus na/ gang reg pa dge bar 'gyur ro// 'jig rten 'das pa'i mdo las/ sgrub thabs tha ma'i le'u ste bco brgyad pa'o/ /// de bzhin gshegs pa thams cad kyi rgyud thugs kyi rgyud/ nam mkha' mdzod dpal 'jig rten 'das pa'i mdo chen po/ tan tra chen po gting zab pa theg pa chen po'i mdo bam po bzhi pa rdzogs so// mang+galaM// rgya gar skad du// kro d+ha de ba sha ta na mo bi ti/ bod skad du/ khro bo'i lha tshogs rnams la phyag 'tshal ba'i cho ga khro bo 'bum gyi tshogs la phyag 'tshal lo// 'di skad bdag gis thos pa dus gcig na/ bcom ldan 'das shrI he ru ka 'khor rgyal ba rgya mtsho dang bcas pa dur khrod 'bar ba'i klong na bzhugs pa la/ lha gnod 'dul gyis 'di skad ces gsol to/ / kye bcom ldan 'das khams gsum 'khor ba'i sems can rnams ye nas sangs rgyas pa'i snying po can yin pa la/ la la ni zhe sdang gi khams gsum du 'khor ro/ la la ni phrag dog rang ga mas 'khor/ la la ni gti mug rang kha mas 'khor/ la la ni 'dod chags rang kha mas 'khor/ la la ni nga rgyal rang kha mas 'khor// la la ni ser sna dang 'jur 'geg gi dbang gis khams gsum du 'khor/ la la ni phyogs ris dang sgro skur gyis 'khor te/ la la ni cha cha bral gyis g.yeng spyo/ la la bkres skom gyis g.yeng spyo/ la la ni bkol spyad kyis g.yeng spyo/ la la ni brgyad dang bcu gcig gis g.yeng spyo/ la la ni 'thab rtsod kyis g.yeng spyo/ la la ni le los g.yeng spyo/ la la'i dgra ni la la'i gnyen du mthong/ la la'i zas ni la la'i dug tu mthong// la la'i bde ba la la'i sdug bsngal du mthong/ nyon mongs pa'i 'du byed kyi g.yeng bas dal skabs ni rmi lam na'ang med/ chos nyid la dngos por bltas pas/ shong chos nyid la yang ma shong/ las dang rnam smin du 'dom pas 'thab rtsod ni gnyen drung dang yang sprod pas/ sdug bsngal brgyad dang bcu gcig las thar pa'i dus med pa las/ de dag las thar pa'i thabs cing mnga' ba lags/ lung bstan du gsol/ bde bar gshegs pa lung bstan du gsol/ zhes gsol pa dang/ ston pas bka' stsal pa/ sdug bsngal de dag las thar par 'dod na/ khro bo'i lha tshogs rnams la sgo gsum zol gsog med pa'i sgo nas phyag tshol cig/ 'gro rnams ji ltar 'dul zhing gshegs mdzad pa// shes rab nam mkha'i bskal pas rga rgud stongs/ / gti mug tshul gyis gti mug 'joms mdzad pa// bud d+ha he ru ka la phyag 'tshal lo// ye shes rdo rje nyon mongs 'khor ba 'joms/ thabs 'dzin mtshon cha'i bskal pas dngos po 'jig/ zhe sdang tshul gyis zhe sdang 'joms mdzad pa// badzra he ru ka la phyag 'tshal lo// rin chen dbyig ltar re 'dod kun skong zhing// bdag med zhi gnas chu yi bskal pa 'phu// nga rgyal tshul gyis nga rgyal 'joms mdzad pa/ / rat+na he ru ka la phyag 'tshal lo// 'khor ba'i 'dam bu pad ltar sku 'khrungs shing// lhag mthong me chen bskal 'bar thams cad bsreg/ 'dod chags tshul gyis 'dod chags 'joms mdzad pa/ / pad+ma he ru ka la phyag 'tshal lo// 'phrin las rgya mtshos 'gro ba'i don mdzad cing// shes bya thogs med bskal pa'i rlung gis bskyod// phrag dog tshul gyis phrag dog 'joms mdzad pa// karma he ru ka la phyag 'tshal lo/ / sku yi longs spyod sna tshogs mi dmigs shing// shes rab mthar phyin gti mug rnam par dag/ phyag rgya gzugs kyi mchod pas mnyes mdzad ma// bud d+ha shwa ri ma la phyag 'tshal lo/ / thugs kyi longs spyod sna tshogs mi dmigs shing/ snying rje mthar phyin zhe sdang rnam par dag/ rtog pa reg bya'i mchod pas mnyes mdzad ma// sra brtan rdo rje ma la phyag 'tshal lo// yon tan longs spyod sna tshogs mi dmigs shing/ / sbyin pa mthar phyin nga rgyal rnam par dag/ ting 'dzin ro yi mchod pas mnyes mdzad ma// rat+na kro d+ha mi la phyag 'tshal lo// gsung gi longs spyod sna tshogs mi dmigs shing// tshul khrims mthar phyin 'dod chags rnams par dag gsung rab sgra yi mchod pas mnyes mdzad ma/ / pad+ma kro d+hi ma la phyag 'tshal lo// 'phrin las longs spyod sna tshogs mi dmigs shing// bzod pa mthar phyin phrag dog rnam par dag/ tshul khrims dri yi mchod pas mnyes mdzad ma// karma kro d+hi ma la phyag 'tshal lo// mthu stobs mnga' bdag gnas gyur pas// sgrol byed chen po bdud rnams 'joms// thod dbyug srin po sgrol la brtson/ / rag sha he ru ka la phyag 'tshal lo// lha mor la tra gnas gyur pas/ khro mo yab kyi cha lugs 'chang/ yab yum thabs dang shes rab las// rag mo kro d+hi ma la phyag 'tshal lo// thugs rje'i mnga' bdag gnas gyur bas/ / yag sha he ru ka la snying rje'i bdag/ ser nag chen po 'jigs pa'i gzugs// yag k+Sha he ru ka la phyag 'tshal lo/ 'jigs byed bdag mo gnas 'gyur pas// khro mo ma mo kun gyi rje/ / sprul pa yang sprul kun gyi yum// yag mo kro d+hi ma la phyag 'tshal lo// smon lam mnga' bdag gnas gyur pas// 'gu ya dpal chen gsang ba'i bdag/ bskal pa brgyar yang gsang ba'i lha// 'gu ya he ru ka la phyag 'tshal lo/ / yum chen 'gu ya gnas gyur pas/ khro mo gsang ba'i bya ra mkhyen/ sangs rgyas thams cad gsang bar mdzad// 'gu ya kro d+hi ma la phyag 'tshal lo// mkhyen rab mnga' bdag gnas gyur pa/ / dpal chen dam tshig mnga' mdzad pa'i// ljang nag 'jigs pa'i rgyan dang ldan/ sa nu he ru ka la phyag 'tshal lo// yum chen dam tshig gnas gyur pas/ khro mo dam tshig bya ra mkhan// dam tshig dbyings su skul byed pa'i/ / sa nu kro d+hi ma la phyag 'tshal lo// thugs mchog rnam dag ye shes dkar mo'i tshogs/ rlung byed ye shes lnga yi dbyug tho thogs// dran par rgyud lnga sgrol mdzad zhi bar gzigs// srid gsum 'joms mdzad dbyug thogs ke'u ri ma la phyag 'tshal lo/ / sku yi yon tan tshogs sdud rkun mo'i tshogs// mthu phrogs zhi gnas lhag mthong zung du 'brel// bden gnyis lta pas khro chul 'gro la gzigs// dam tshig dbyings su skul byed tse'u ri ma la phyag 'tshal lo/ / gsung gis zil gyis gnon pas rmongs mi'i tshogs// mtha' gnyis mi spong dbang mdzad chu srin can// mi gnas rgyal mtshan 'dzin cing rmongs par lta/ / stong gsum dbang mdzad rgyas 'debs pra mo ha la phyag 'tshal lo// las rab byed pas thal byed ma yi tshogs// kun gyi dngos grub rdo rje rtse dgu bsnams// sa dgu'i rtoga'ajoms skye shi med par gzigs/ / 'jigs byed thal byed rnge'u thogs pe ta li la phyag 'tshal lo// dbyer med shes rab mi rtog spos mo'i tshogs// 'khor ba'i rgyud sdom dbang sdud rgyu zhags 'dren// bro gar 'jigs tshul rgyun gyi thugs rjes grol/ / bde mchog dbyings su 'dren mdzad pu ka si la phyag 'tshal lo// zhe sdang tshul gyis sgrol mdzad gtum mo'i tshogs// myos byed dbyings dang ye shes gnyis med pa// thugs rjes 'khrug cing ro za'i tshul du gzigs/ / snod bcud dkrugs nas gsol mdzad kas ma hri la phyag 'tshal lo// chags pa'i tshul gyi don mdzad rme sha ni// ma ning rgyud 'dzin gzung 'dzin bral ba'i rtags// mtha' gnyis mi spong rnam dag dbyings tshul bsrung/ / thugs rjes 'jig rten sgrol mdzad sme sha ni la phyag 'tshal lo/ thams cad 'byung byed ma chags kun gyi yum// kun gyi las mdzad chos kyi snying po 'dzin// kun la rol mdzad gzigs tshul kun dang ldan/ / 'bar bas stong gsum tshim mdzad tsan d+ha li la phyag 'tshal lo// 'joms byed rtsal mchog rdo rje thugs kyi yum// gnyen pa'i stobs kyi thams cad zil gyis gnon// shes rab thabs kyis bdag dang gzhan don mdzad/ / sdug bsngal zhe sdang gsod mdzad sing ngang he la phyag 'tshal lo// dpal brtul za byed ye shes dbyings kyi yum// brtson 'grus myur ba'i shugs 'chang 'gro don mdzad/ / thugs rje chen po'i ye shes sor sor gzigs// nga rgyal 'chi bdag 'joms mdzad bya kri ma la phyag 'tshal lo// dri med rnam dag dam tshig gsung gi yum// thams mkhas thugs rjes bdag dang gzhan don mdzad/ / don gyi chos sku ting 'dzin sngags la gtad// 'dod chags dur khrod 'joms mdzad sri la ma la phyag 'tshal lo/ mi phyed spyod pas las mchog rigs kyi yum// g.yeng ba'i 'phrin las 'gro la thugs rjes srung/ chos nyid sku la ye shes spyan gyis gzigs// phrag dog las rnams grub byed sho na ma la phyag 'tshal lo// yid kyi rnam shes so sor kun la rtog/ gsod pa'i god 'brang tshul khrims srung/ / 'khor ba'i rgyun kun spu gris gcod mdzad ma// mgyogs ma snyegs byed khrag 'thung kri ta pa la phyag 'tshal lo// rnam shes mnyam nyid yid 'phrog mtshan ma 'joms// gsad pa'i god rnams sbyin pa'i pha rol phyin/ / mtha' 'das chos skus gzung 'dzin spangs tshul 'dzin// 'gro ba'i sdug bsngal tshe 'phrog kang ka ma la phyag 'tshal lo// thogs pa med pas yon tan bla na med// bslad pas mi 'gyur bkrus pa'i mi 'dag pa/ / mi mthun gnyen pos mi tshigs bzod pa'i mchog/ yon tan yid bzhin kha kha ma la phyag 'tshal lo// dbyings las mi nyams 'gro la thugs rjes srung// mtha' la mi gnas shes rab pha rol phyin/ / dbyings kyi yum las thugs rjes 'dus ma byas// mtha' gnyis spangs pa'i hu lu ma la phyag 'tshal lo// spyin pas rig pa'i klong du mtsho ltar drangs// 'khor ba'i 'jings nas rig pa'i lcags kyus 'dren/ / dpal 'bar 'gro ba'i ting 'dzin 'gro don mdzad// thugs rje shar mdzad rta gdong lcags kyu ma la phyag 'tshal lo// don dang mthun pas kun kyang dga' bar byed// byams pa'i zhags pas 'khor ba'i rgyud 'dzin cing/ / rin chen phyag rgyas sems can re 'dod skong// yon tan tshogs rdzogs phag gdong zhags pa ma la phyag 'tshal lo// gzhan gyi don du spyad pa bdag gi don// shes rab sgron mes mun pa'i sdug bsngal sel/ / don gnyis mi 'da' lhun grub dga' ba'i mchog/ kun mkhyen ma rigs sel mdzad nyin zla'i spyan la phyag 'tshal lo// snyam par smra pas kun kyang bka' bzhin byed// btang snyoms thabs mkhas thugs rjes 'gro don mdzad/ / phab na rnam shes thal ba'i gzugs kyang 'ong/ chos ston bag chags byang mdzad dril bu ma la phyag 'tshal lo// shar gyi phyogs kyi 'bar ma ni// rdo rje mun de 'jigs pa'i gzugs/ / dkar mo lag na rdo rje bsnams// 'bar ma khyod la phyag 'tshal lo// shar lho mtshams kyi 'bar ma ni// mun de ag ne 'jigs pa'i gzugs// 'bar ma me khyer glog 'phreng 'dzin// 'bar ma khyod la phyag 'tshal lo/ / lho phyogs 'bar ma chen mo ni/ mun de ya ma 'jigs pa'i gzugs// 'bar ma gshin rje skar mda' gtong// srin mo 'od kyi mda' 'phen ma la phyag 'tshal lo// lho nub 'bar ma chen mo ni/ / mun de rag sha 'jigs pa'i gzugs// 'bar ma srin mo ral gri'i sku// 'bar ma khyod la phyag 'tshal lo// nub phyogs 'bar ma chen mo ni// mun de na ga 'jigs pa'i gzugs// 'bar ma klu mo lce 'bebs ma/ / dmar mo lag na thog 'bebs ma la phyag 'tshal lo// nub byang 'bar ma ched mo ni// mun de ba ya 'jigs pa'i gzugs// 'bar ma rlung bdag ba dan 'phyar// 'bar ma khyod la phyag 'tshal lo/ / byang gi phyogs kyi 'bar ma ni// mun de pe lha 'jigs pa'i gzugs// 'bar ma gnod sbyin khyung thogs ma// ljang nag lag na khra thogs ma la phyag 'tshal lo// byang shar 'bar ma chen mo ni// mun de du tra 'jigs pa'i gzugs/ 'bar ma 'jigs byed ban glang sna// mthing kha lag na mdung thogs ma la phyag 'tshal lo// steng phyogs 'bar ma chen mo ni// mun de sur+ya 'jigs pa'i gzugs/ 'bar ma nyi ma'i zhags pa can/ / ser mo lag na nyi zla thogs la phyag 'tshal lo// 'og phyogs 'bar ma chen mo ni// mun de nA ga 'jigs pa'i gzugs// 'bar ma sa bdag phag gdong ma/ nag mo lag na bum pa 'dzin la phyag 'tshal lo/ / rngam pa'i gzugs kyis srin mo'i gzugs 'dzin cing// thod rus gdug pa'i 'bru mar zas su za// srid pa'i sems can snying khrag mtsho la gsol// dbang drag las mdzad ma nu rag sha si ma la phyag 'tshal lo/ / sdug bsngal mya ngan 'das rtogs tshangs pa'i gzugs// zhal bzhis smrang 'don glong bzhi bkra shis 'bar// tshad med bzhi rtogs rtags kyi dbu bzhir ldan// gti mug yid bzhin rin chen pra mi na la phyag 'tshal lo/ / thams cad mnyam pa nyid du rig mchod ma// ma rig dug 'joms mdzad pa'i dpal rtser bsnams// bud med chags pas dbang dka' bzlog/ chags pa'i skyon bral lha chen re'u tri ma la phyag 'tshal lo/ / thams cad sgyu ma bzhin du rtogs mkhyen ma// 'brel ba'i thugs rjes thams cad kun la rtogs// 'phrin las rgya mtsho sgrol ba'i bzhad chen ma// 'khor ba'i rgyun gcod drag mo be sna be la phyag 'tshal lo/ / 'du byed mi rtag dril bu'i sgra ltar mkhyen// rtag par 'khor bar ji srid gzhon tshul bzhugs// nyon mongs tha ba 'jigs pa'i mdung mthung 'phen// gzhon nu chags pas dbang mdzad ke'u ma ri la phyag 'tshal lo/ / rdo rje las mdzad kun gyi bla na med// lha yi rgyal srid chos la dbang mdzad cing// chos dbyings rgyas mdzad ma dmigs sku mdog dkar// gso byed lce 'bebs in tra ma la phyag 'tshal lo/ / byams pa'i thugs rjes dbang mdzad sku mdog dmar// ban d+ha snod yangs bcud kyi khrag mtsho gsol// rngam pa'i zhal du dug gsum zad mdzad cing// sdug bsngal dbyings su gsod mdzad bing ka lam la phyag 'tshal lo/ khro bas 'dul mkhas khro mo'i mchog tu mkhyen// mun sel sgron 'bar 'jig rten nad gso mdzad// 'dam skyes pad ltar 'khor bar sku 'khrungs kyang// chags pa'i skyon bral dbang mdzad a mri ta la phyag 'tshal lo/ / zhi ba'i las ni gsod pa'i mchog tu mkhyen// zla ltar yon tan mthar phyin cha shas sku// gdung ba'i nad sel 'jig rten sgron 'bar zhing// bdag mchong thams cad rtogs byed se'u ma la phyag 'tshal lo/ / dbyug pa'i 'tshogs pa 'dra bas gzhan med mkhyen// thabs kyis ma rmongs ljang khu 'phrin las mdog/ nan dbang drag shul spyod pa'i dbyug tho bsnams// dregs byed spyi ni 'joms pa'i d+ha na haM la phyag 'tshal lo/ / log par lta ba 'joms byed sbyin gyi mchog/ skye ba 'joms byed skye dgu'i khrag mtsho gsol// las mdzad chags tshul gser gyi skyed chings can/ / trag mo glog 'gyu rag sha sil ma la phyag 'tshal lo/ rgyan gyi nang na 'phreng ba mchog tu mdzes// snying rje rgyun skad thabs kyi zhags pa bsnams// chags med zhing du khams gsum 'dren mdzad cing// rgyun gyi thugs rjes sgrol mdzad bag sha si la phyag 'tshal lo/ / mtshon cha dbyug pas chags pa'i mchog tu mkhyen// gtun bu gdug pas gdug pa 'joms mdzad pa// nor gyi tshogs rnams ma lus 'phrog byed cing/ / stong gsum nor gyis rgyas mdzad ra ti ma la phyag 'tshal lo// ra ro 'dra bas dpa' bo gzhan na med// chos rnams gnyis med don rtogs rtags su myos// nyon mongs tha ba 'bigs pa'i gshol bsnams shing/ / dge ba'i lo tog skyed mdzad ru ti ri'u ma la phyag 'tshal lo// bsam pas gzhan la phan pa mdzad pa'i mchog/ ma lus gsod byed las la 'jug mdzad cing// bsnyengs pa mi mnga' 'gro don gcig bu spyod/ / gsod byed 'dul mkhas e ka tsa ra ma la phyag 'tshal lo// bud med chags pas dbang mdzad 'gro ba'i don// thams ca ma lus dga' mgu byed pa'i las// 'dod pa'i lha mo mda' 'phen yid 'phrog cing/ / thugs rjes 'dzin pa'i ma nu ra ga ha ma la phyag 'tshal lo/ khrag las zas gzhan med par rtogs mkhyen cing// gdon rnams bsgyur ba'i las mdzad rbod gtong can// mi zad gter ldan nor gyi bum pa 'dzin/ / sdug bsngal re skong khrag 'thung si ti ka la phyag 'tshal lo// reg bya'i sems ni rlung gi khams te mchog/ srid gsum dbyugs kyi srog 'dzin tshe 'phel ma// bde gshegs rab bsgyur 'jig rten sgrol mdzad cing/ khams gsum gnas nas skyod mdzad pa ya be la phyag 'tshal lo// snyigs ma lnga brgya dus kyi tha ma la// srid gsum 'khor ba'i gdug pa 'dul dka' ste// gsod pa nyi tshe'i las kyis 'dul bar mdzad/ / sdug bsngal dbyings su sgrol mdzad ma ra na la phyag 'tshal lo// gzi brjid can ni me yi khams te mchog/ 'bar ba mchog gis gdug pa ma lus sreg/ za byed bskal pas dus mtha'i tshul ston cing/ / lhag mthong ye shes 'bar 'phro ag ne ma la phyag 'tshal lo// 'chi ba dag pas skye shing rtsad gcod cing// nyon mongs tha ba bzlog mdzad phag gi mgo/ 'og ni phyogs na srid gsum stobs kyis sbar// skye shi rtsad gcod za byed pa ri hra la phyag 'tshal lo/ / 'chi bdag thams cad gnas nas ma 'phros mkhyen// thams cad gsod byed dam nyams 'chi bdag mdzad// dam tshig bsrung ba'i 'chi bdag bzlog mdzad cing/ / lung gi dur khrod dbang gi tsa mun ti la phyag 'tshal lo// 'jigs las lhag pa'i bgegs ni gzhan med mkhyen// stong phrag brgyad cu'i bgegs la dbang mdzad cing// snang chen glang snas bdud rtsi gi'u hang 'thor/ / sdug bsngal nad sos mdzad pa'i bu ta na la phyag 'tshal lo// chu las lhag pa'i ro ni gzhan med mkhyen// nor gyi tshogs rnams ma lus sreg byed cing// gdug pa 'dul phyir dug gtong sbrul zhags bsnams/ / zhi gnas dbang gi ting 'dzin ba ru na la phyag 'tshal lo// 'gro ba'i don mdzad mi 'gyur sku mdog gnag/ srid gsum 'joms mdzad rdo rje gdeng po bsnams// thugs rje shugs kyis 'dren mdzad lcags kyu bsnams/ / 'khor bar thugs rje shar ba'i ma hA ka la ma la phyag 'tshal lo// chags pa'i thugs rjes don mdzad ra mgo ma// byams pa'i zhags pas 'khor ba'i rgyud 'dzin cing/ / gang la ci 'dul de la der ston pa// yon tan tshogs rdzogs badzra tsa ka ma la phyag 'tshal lo// ston pa'i bka' dang rang gi dam tshig gnyis// mi 'da' ma grub bar du brtan par bzhugs// dan grogs mdzad pas sems can 'dul mdzad pa/ / ma rig nub mdzad badzra ku ma na la phyag 'tshal lo// sku gsung yon tan 'phrin las mthar phyin sku/ stong ba'i sgras bskul 'gro ba'i rgyud la 'bebs// so so'i skad du chos kyi sgra sgrogs shing/ bag chags byang mdzad lam po da ra ma la phyag 'tshal lo// rdo rje sems dpa' gnas gyur ba'i// nam mkha'i dga' byed rdo rje bsnams// mkha' 'gro dga' byed rigs dbang phyug/ ma hA badzra d+ha ri ma la phyag 'tshal lo/ / rdo rje rgyal po gnas gyur pa// 'dren byed lcags kyu dkar skya ma// mkha' 'gro 'jigs byed mthu bo che// kri ta badzra tsa ka ta la phyag 'tshal lo// rdo rje chags pa gnas gyur pas/ / gsod byed thabs kyi mda' 'gengs ma// mkha' 'gro sgrol byed mthu dbang rdzogs/ badzra ma hA ma ba ti la phyag 'tshal lo/ rdo rje legs pa gnas gyur pas// spro ba dkar skya dri yi mchog/ mkha' 'gro sgrol byed mthu dbang rdzogs/ / badzra ku ma ra la phyag 'tshal lo// rdo rje rin chen gnas gyur pas/ 'bar byed mthing nag ral pa can// mkha' 'gro sgrol byed mthu dbang rdzogs// ma hA badzra ma hi sha la phyag 'tshal lo/ / rdo rje nyi ma gnas gyur pas// mkha' 'gro gzi brjod 'od thogs ma/ rnam rtog mun sel mthu rab rdzogs/ badzra tri sha ma la phyag 'tshal lo// rdo rje rgyal mtshan gnas gyur pas/ khro gnyer mthing nag zhing ltar 'phyang/ / mkha' 'gro bdud las rgyal ba yi// badzra ag ne ma la phyag 'tshal lo// rdo rje bzhad pa gnas gyur pas// 'joms byed zhing gi kha gdangs ma// dur khrod bgegs 'joms za byed ma// badzra kro d+ha ma la phyag 'tshal lo/ / rdo rje chos mchog gnas gyur pas// chags chen dmar nag pad+ma bsnams// nyes pa'i skyon bral legs pa'i lam yang rdzogs// ma hA a mi d+hod la phyag 'tshal lo// rdo rje rnon po gnas gyur pas/ / chags bral dmar nag gri thogs ma// mkha' 'gro sgrol byed mthu dbang rdzogs// ma hA se'u mya ma la phyag 'tshal lo// rdo rje 'khor la gnas gyur pas// mkha' 'gro dmar ser 'khor lo 'phen/ / mkha' 'gro gcod byed mthu dbang rdzogs// ma hA badzra ta ti ma la phyag 'tshal lo// rdo rje smre ba gnas gyur pas// rgyas 'debs dmar nag lce 'byin ma// thogs med lcags kyu'i dbang sgyur ma/ / ma hA ra ni ma la phyag 'tshal lo// rdo rje las rab gnas gyur pa// sna tshogs lung 'chang rgya gram bsnams// mkha' 'gro 'phrin las rdzogs byed ma/ ma hA phri ti ka la phyag 'tshal lo// rdo rje go cha gnas gyur pas/ / bsrung ba ljang nag go cha thogs// 'jigs pa kun bsrung mkha' 'gro ma// badzra bi ka ra la phyag 'tshal lo// rdo rje mche ba gnas gyur pas/ gnod sbyin mo ljang mche ba 'dzin/ dam nyams gsod pa'i mkha' 'gro ma/ / badzra se yi ma la phyag 'tshal lo// rdo rje khu tshur gnas gyur pas// yang dag 'phrog byed ljang khu mu tig 'phyar// mkha' 'gro rdul du rlog byed pa'i// badzra bi la ki la phyag 'tshal lo// dpal bar 'gro ba gnas gyur pas/ / bya rog gdong la mig 'byin ma// lag na gri dang 'khar gzhong thogs// rnam shes 'joms pa'i mkha' 'gro ma// badzra bi ra bi la phyag 'tshal lo// kun bzang sems dpa' gnas gyur pas/ / 'jigs byed dkar po mche ba gtsigs// thams cad 'joms pa'i mkha' 'gro ma// badzra sha ni sha la phyag 'tshal lo// zla 'od gzhon nu gnas gyur pas// bzhad mgo dkar skya snyinga'abyin ma// thams cad sgro ba'i mkha' 'gro ma/ / sha ni ga ti ma la phyag 'tshal lo// bzang skyong sems la gnas gyur pas/ 'ug gdong dkar skya rkang rus ldan// las su lhag sdud zhi ba mo// ba ya ba ti ma la phyag 'tshal lo// tra 'od sems dpa' gnas gyur pas/ khyi mgo mthur ldan rkang rus 'chang// dur khrod 'joms pa'i mthur ldan pas// badzra a na ya la phyag 'tshal lo// rdo rje snying po gnas gyur pas// mthing nag ma sa phag gi mgo/ rus 'phreng bam gyi dri chen thogs// badzra pa ta ka la phyag 'tshal lo// nam mkha' mdzod sems gnas gyur pas// sngo nag glog 'dren rnga mo'i gzugs// gsus po che la bum pa 'dzin// yi dwags gnar 'joms mkha' 'gro ma/ / dza ya dza du ka la phyag 'tshal lo// 'od dpag med pa gnas gyur pas// thod dbyug dgra sta bong bu'i mgo/ dbang med 'joms pa'i mkha' 'gro ma// ka bi ka ti ma la phyag 'tshal lo/ / mya ngan kun 'joms gnas gyur pas// dmar nag spu gri ra yi mgo/ dgra bgegs 'joms pa'i mkha' 'gro ma// badzra ta ra shi ma la phyag 'tshal lo// rgyal ba'i shes rab gnas gyur pas/ / dmar nag rus 'cha'i bya la'i mgo/ ma lus sgrol byed mkha' 'gro ma// ki li phri la sha la phyag 'tshal lo// blo gros mi zad gnas gyur pas// dmar ljang spre mgo keng rus dkar po 'dzin// zhe sdang 'joms pa'i 'joms 'gro ma/ / rus ting ma sa ma la phyag 'tshal lo/ spobs pa brtsegs pa gnas 'gyur pas// dmar ser rus 'phreng lce sbyang mgo/ dngos po kun 'joms mkha' 'gro ma// ka ran dzi ma la phyag 'tshal lo/ / byams pa sems dpa' gnas gyur pas// mkha' 'gro srin mo bum sna ma/ rdo rje lcags kyu ka tar bsnams// sa bam a ti ka la phyag 'tshal lo// ngan songakun 'dren gnas gyur pas// mkha' 'gro d+ha sha 'gri ba ste/ lcags kyu spu gri za byed ma// a ba a ki ma la phyag 'tshal lo// don grub sems dpa' gnas gyur pa// mkha' 'gro chen mo 'bod 'gro ma// dril bu dgra sta dril zhing spor// badzra sa ban da di ma la phyag 'tshal lo/ / spos kyi glang pa gnas gyur pas// mkha' 'gro gshin rje rnam par 'joms// zhags pa gri thogs 'dzin cing spor// ma hA ta ti ma la phyag 'tshal lo// rgya mtsho chen po'i dkyil 'khor nas/ dpal ldan shugs sgrol gtso mo ste// ri rab bsnyil ba'i rngam stabs can// rdo rje hUM grags ma la phyag 'tshal lo// nam mkha' stong gi dkyil 'khor nas// thams cad kun tu khyab mdzad cing// ma lus yongs la dbang sgyur pa'i/ / kun tu bzang la phyag 'tshal lo// gzha' tshon 'bar ba'i dkyil 'khor nas// mdzes pa'i tshul nas 'od 'phro zhing// ma rig mun pa sel mdzad pa// rdo rje kun gsal ma la phyag 'tshal lo/ / dam tshig chen po'i dkyil 'khor nas// pho nya mo ste drug cu'i gtso// sha chen khrag la longs spyod pa'i// rdo rje ye shes mchog la phyag 'tshal lo/ khrag gi rgya mtsho'i dkyil 'khor nas// rdo rje dra ba'i 'phreng thogs shing/ / 'phrin las 'byung po kun 'dul ma// rdo rje 'od grags ma la phyag 'tshal lo// me dpung 'bar ba'i dkyil 'khor nas// zhags pa stong gi gdeng ldan zhing// byang phyogs rang gi 'khor 'dul ma/ / rdo rje 'od 'phro ma la phyag 'tshal lo// dbang phyug chen po'i dkyil 'khor nas// 'gro ba kun gyi tshe srog bdag/ dam tshig nyams na sgrol byed ma// bka' las 'gal ba'i snying 'phrog ma la phyag 'tshal lo/ / gling bzhi mgyogs ma lha yi srid// sku la bya rgod thul ba gsol// thugs dam rnal 'byor grogs la brtson// lha yi sring la phyag 'tshal lo// mkha' la khyung lding gshin rje'i sring// sku la stag gi thul pa gsol/ / thugs dam rnal 'byor grogs la brtson// gshin rje'i sring la phyag 'tshal lo// dmar mo g.yag thong klu dbang sring// sku la chu srin lpags pa gsol// dam tshig can la brtse dgongs zhing/ / klu dbang sring la phyag 'tshal lo// nag mo sder chags gnod sbyin sring// sku la rma bya'i thul ba gsol// dam tshig can la brtse dgongs pa'i// gnod sbyin sring la phyag 'tshal lo// dpa' bo chen po las rnams kun byed pas/ / mthing nag ral gri ban d+ha bsnams/ gang la dmigs pa sgrol bar byed/ rdo rje ging chen khyod la phyag 'tshal lo/ khro mo chen mo khams gsum dbang sdud ma// sto nag thod khrag 'jam dpal thogs/ / sgrol ba'i las la 'ba' zhig dges// rdo rje ging mo khyod la phyag 'tshal lo// rdo rje ging chen 'joms pa ni// smug nag rdo rje tho ba thogs// bgegs kyi dpung yang yud kyis 'joms// rdo rje ging chen khyod la phyag 'tshal lo/ / rdo rje ging chen gshin rje ni// mthing nag be con dgra sta bsnams// ma lus sgrol ba'i ging chen po// rdo rje ging chen khyaud la phyag 'tshal lo// rdo rje ging lcam mthu mo che// ljang nag lcags kyi tho ba thogs/ rbod gtong bcol ba len par byed// rdo rje ging mo khyod la phyag 'tshal lo// rdo rje ging lcam rtsal mo che// mthing nag rdo rje dgra sta bsnams// 'phrin las rna snyan phra ma zer// rdo rje ging mo khyod la phyag 'tshal lo/ / rdo rje ging lcam stobs mo che// ser nag lag na thod pa thogs// 'phrin las tshogs kyi phyag 'tshal byed// rdo rje ging mo khyod la phyag 'tshal lo// rdo rje ka tar ging ka ra// dmar gnag ka tar ban d+ha thogs/ / myur du sgrol ba'i 'phrin las mdzad// rdo rje ging chen khyod la phyag 'tshal lo// rdo rje ging chen spyang ki ni// dmar nag sbyang mgo spu gri thogs// gsod pa'i las la rab tu dges/ / rdo rje ging chen khyod la phyag 'tshal lo// rdo rje ging chen rol pa ni// dmar nag ban d+ha 'phal tshab bsnams// dgra bgegs ma lus nyal thag gcod// rdo rje ging chen khyod la phyag 'tshal lo// rdo rje ging lcam dbang sdud ni/ / ljang nag rdo rje lcags kyus 'dren// gang la dmigs pa yud ky-is sgrol// rdo rje ging lcam khyod la phyag 'tshal lo// rdo rje ging lcam dbang sgyur ma/ khams gsum zhing gi g.yab mos 'debs/ / mthu dang rdzu 'phrul bsam mi khyab// rdo rje ging lcam ma la phyag 'tshal lo// rdo rje ging lcam 'phrul mo che// gzugs med rlung ltar sgyur par byed// gang la dmigs par yud kyis khyab// rdo rje ging lcam khyod la phyag 'tshal lo/ / rdo rje ging lcam ro langs ni// ser nag zhing gi dbyug pa phyar// gang la dmigs pa yud kyis 'joms// rdo rje ging chen khyod la phyag 'tshal lo// rdo rje ging lcam glog 'gyu ma// cir yang 'gyur ba'i mthu mo che/ / rdzu 'phrul gar gyi glog stong bsgyur// rdo rje ging lcam ma la phyag 'tshal lo// rdo rje ging lcam sgrol byed ma// ser nag ban d+ha gri thogs ma// 'phrin las srid gsum sgrol byed ma/ / rdo rje ging lcam ma la phyag 'tshal lo// rdo rje ging mo las kun ni// nag mo chen mo gshol gri bsnams/ 'khor ba rtsad gcod 'dug pa 'dul// rdo rje ging mo khyod la phyag 'tshal lo// rdo rje ging chen gnod sbyin ni/ / ljang nag phyag gnyis sdigs mdzub 'phyar// dam tshig nyams pa sgrol byed pa'i// rdo rje ging chen khyod la phyag 'tshal lo// rdo rje ging chen 'chi bdag ni/ ljang ser rdo rje gsor zhing brdeg/ drag shul sgrol pa'i mthu stobs can/ / rdo rje ging chen khyod la phyag 'tshal lo// rdo rje ging chen dus 'tshams ni// ljang nag shag ti ban d+ha thogs// stobs kyis sha khrag za ba byed// rdo rje ging chen khyod la phyag 'tshal lo/ / shar phyogs dgra bgegs bsgral ba'i phyir// sku yi 'od zer dkar po las// dung gi mi mo drug cur sprul// rdo rje rigs kyi pho nya drug cu la// mi phyed dad pas bstod de phyag 'tshal lo// lho phyogs dgra bgegs bsgral ba'i phyir/ / sku yi 'od zer sngon po las// g.yu yi mi mo drug cur sprul// rin chen rigs kyi pho nya drug cu la// mi phyed dad pas bstod de phyag 'tshal lo// nub phyogs dgra bgegs bsgral ba'i phyir/ / sku yi 'od zer dmar po las// zangs kyi mi mo drug cur sprul// pad+ma gsung gi pho nya drug cu la// mi phyed dad pas bstod de phyag 'tshal lo/ byang phyogs dgra bgegs bsgral ba'i phyir// sku yi 'od zer ljang khu las/ / lcags kyi mi mo drug cur sprul// las kyi rigs kyi pho nya drug cu la// mi phyed dad pas bstod de phyag 'tshal lo// 'og phyogs dgra bgegs bsgral ba'i phyir// sku yi 'od zer ser po las/ / gser gyi mi mo drug cur sprul/ khro bo pho nya drug cu la// mi phyed dad pas bstod de phyag 'tshal lo// steng phyogs dgra bgegs bsgras ba'i phyir// sku yi 'od zer mthing nag las// ma mo las byed drug cur sprul/ / ma mo pho nya drug cu la// mi phyed dad pas bstod de phyag 'tshal lo// yang dran brgya bcu rtsa gnyis ni// za byed mche ba can gyi tshogs la phyag 'tshal lo// 'dzin byed sder mo can gyi tshogs la phyag 'tshal lo/ / snyeg byed gshog pa can gyi tshogs la phyag 'tshal lo// gsod byed mtshon cha can gyi tshogs la phyag 'tshal lo// rtogs pas mkha' la 'gro ba'i gnas mchog dam pa nas/ rigs 'dzin rgyal ba brgya mtsho 'khor dang bcas pa la/ / mi phyed dad pas phyag 'tshal lo// nges pa'i don ston rdo rje slob dpon dang/ rgyal 'theb spyan dang kar ma ging chen dang// brtse gdung shugs 'chang mched dang lcam dral la// mi phyed dad pas bstod de phyag 'tshal lo/ / 'jig rten ston pa'i dus gsum pha ma la// mi phyed dad pas bstod de phyag 'tshal lo// phung po dpal chen dgu ru ma rtogs pas// ji ltar bsgoms pa sngug bsngal nyid du 'gyur/ / bcom ldan dpal chen dgu la mthol zhing bshags// 'byung ba yum chen dgu ru ma rtogs pas// ji lta bsgoms pa sdug bsngal nyid du 'gyur// ka tar yum chen tshogs la mthol zhing bshags/ / rnam shes khro mo'i tshogs su ma rtogs pas// ji ltar bsgoms pa'i sdug bsngal nyid du 'gyur// ke'u ri khro mo'i tshogs la mthol zhing bshags// yul ni 'phra chen tshogs su ma rtogs pas// ji ltar bsgoms pa sdug bsngal nyid du 'gyur/ / sing nga 'phra men tshogs la mthol zhing bshags// yan lag sgo mo'i tshogs su ma rtogs pas// ji ltar bsgaums pa bsdug bsngal nyid du 'gyur// rta gdong sgo mo'i tshogs la mthol zhing bshags/ / rtag chad 'bar ma'i tshogs su ma rtogs pas// ji ltar bsgoms pa sdug bsngal nyid du 'gyur// 'bar ma spor ma'i tshogs la mthol zhing bshags// sgal tshigs dbang phyug tshogs su ma rtogs pas/ / ji ltar bsgoms pa sdug bsngal nyid du 'gyur// mi sring dbang phyug tshogs la mthol zhing bshags// so ni mkha' 'gro'i tshogs su ma rtogs pas// ji ltar bsgoms pa sdug bsngal nyid du 'gyur/ / dga' byed mkha' 'gro tshogs la mthol zhing bshags// nang khrol ma mo'i tshogs su ma shes pas// ji ltar bsgoms pa sdug bsngal nyid du 'gyur// brtse gdung ma bdun tshogs la mthol zhing bshags/ nam 'tshong sring mo bzhi ru ma rtogs pas// ji ltar bsgoms pa sdug bsngal nyid du 'gyur// brtse gdung sring mo'i tshogs la mthol zhing bshags// sha ni pho nya'i tshogs su ma rtogs pas// ji ltar bsgoms pa sdug bsngal nyid du 'gyur/ / sum brgya drug cu'i tshogs la mthol zhing bshags// srog ni ging chen tshogs su ma rtogs pas// ji ltar bsgoms pa sdug bsngal nyid du 'gyur// skyes bu ging chen tshogs la mthol zhing bshags/ khrag ni ma sring tshogs su ma rtogs pas// ji ltar bsgoms pa sdug bsngal nyid du 'gyur// ma sring rgya mtsho'i tshogs la mthol zhing bshags// sku bskyed phyag rgya yin par ma rtogs pas/ / ji ltar bsgoms pa sdug bsngal nyid du 'gyur// spyod pa kun tu bzang la mthol zhing bshags// bzlas brjod sngags tshig yin par ma rtogs pas// ji ltar bsgoms pa sdug bsngal nyid du 'gyur/ / 'phrin las kun tu bzang la mthol zhing bshags// don rtog dgongs pa yin par ma rtogs pas// ji ltar bsgoms pa sdug bsngal nyid du 'gyur// lta ba kun tu bzang la mthol zhing bshags// ma hA yo ga'i sgo nas bshags par gsol ba ni/ / chos dbyings dus gsum sbros pa med pa la// 'dzin rtog med pa'i rang rig ye shes kyis// dbyings dang ye shes gnyis su med pa la// yul dang dbang po gnyis su med par bshags/ / yum gyi b+ha ga dges pa'i pho brang du// yab kyi rdo rje gnyis med byang chub sems// thabs dang shes rab 'du 'bral med pa la/ phyi nang snod bcud gnyis su med par bshags/ / ting 'dzin rnam gsum sems la gdar bcad nas// phung po rnam shes khams dang skye mched la// lha dang lha mo'i dkyil 'khor gsal bsgoms pas// 'gro drug sems can rgyal ba'i dkyil 'khor du/ gnyis su med par lhun gyis grub par mdzod// a ni yo ga'i sgo nas bshags par gsol ba ni// rtsa sog tsit+ta lus ngag yid gsum rnams// g+hu h+ya gsang chen sku gsung thugs kyi mdzod// rdo rje klong dgu dpal chen he ru dgu/ / khams gsum sa dgu gnyis su med par bshags// ji ltar snang ba'i lha yi dkyil 'khor du// snying po brjod pas thams cad rdzogs pa'i tshul// dbyer med nyid mnyam ngo bo nyid kyi sku/ / thabs la mkhas pa gnyis su med par bshags// phyi nang gnyis med snod bcud chos kyi sku// nga dang bdag med ngo bo nyid mnyam pas// mtho ris ngan song rgyu 'bras rnam gnyis po// gnyis med bde chen klong du mthar phyin shog a ti yo ga'i sgo nas bshags par gsol ba ni/ / ji ltar snang ba kun bzang bde chen gnas// yod med rtag chad mtshan ma'i tshigs las 'das// 'di ltar ma gyur bdag rtogs gang yin pa/ / de nyid ma spangs rtogs pa'i klong du bshags// dus gsum 'pho 'gyur tha tshig brtags pa med// btsal med bsgrub med nam mkha'i ngang du gnas// yongs la khyab pas kun la 'dod dgur sgyur/ / phyin ci log nyid byang chub lam du bshags// rtogs pa'i man ngag don dang ma ldan na// tshig gi mtshon pas byang chub mi thob pas// rang sems gdod nas sangs rgyas yin shes pas// rang byung ye shes klong de grub par shog/ ho/ mi gnas dpal chen bud d+ha he ru la// ji ltar bsnyen cing bsgrubs pa ltar// sku yi dngos grub stsal du gsol// mi gnas dpal chen badzra he ru la// ji ltar bsnyen cing bsgrubs pa ltar/ / thugs kyi dngos grub stsal du gsol// mi gnas dpal chen rad na he ru la// ji ltar bsnyen cing bsgrubs pa ltar// yon tan dngos grub stsal du gsol// bcom ldan dpal chen pad+ma he ru la// ji ltar bsnyen cing bsgrubs pa ltar/ / chags med gsung gi dngos grub stsal du gsol// bcom ldan dpal chen kar ma he ru la// ji ltar bsnyen cing bsgrubs pa ltar// 'phrin las dngos grub stsal du gsol// bcom ldan dpal chen rag sha he ru la/ ji ltar bsnyen cing bsgrub pa ltar// dgra bgegs sgrol ba'i dngos grub stsal du gsol// bcom ldan dpal chen yag+sha he ru la// ji ltar bsnyen cing bsgrubs pa ltar/ / dam nyams sgrol ba'i dngos grub stsal du gsol// bcom ldan dpal chen sa nu he ru la// ji ltar bsnyen cing bsgrubs pa ltar// sa rnams thob pa'i dngos grub stsal du gsol// bcom ldan dpal chen gu h+ya he ru la/ / ji ltar bsnyen cing bsgrubs pa ltar// yi dam lha yi dngos grub stsal du gsol// ka tar chen mo rdo rje yum rnams la// ji ltar bsnyen cing bsgrub pa ltar// ma ltar byams pa'i dngos grub stsal du gsol/ / sngon mo dbyug thogs ke'u ri dza/ nye bar bsgrubs pa'i dngos grub stsal du gsol// tse'u ri ser mo mda' 'phen dza// nye bar bsgrubs pa'i dngos grub gsol// pra mo dmar mo chu srin dza// nye bar bsgrubs pa'i dngos grub gsol/ / pe ta nag mo thod bsgyings dza// nye bar bsgrubs pa'i dngos grub gsol// pu ka dmar ser byis rgyu za// nye bar bsgrubs pa'i dngos grub gsol// kas ma ljang mo thod phrag dza/ / nye bar bsgrubs pa'i dngos grub gsol// sme sha nag mo byi snying za// nye bar bsgrubs pa'i dngos grub so// tsan d+ha ser skya mchog lus dza// nye bar bsgrubs pa'i dngos grub gsol// 'phra men chen mo brgyad la dngos grub zhu ba ni/ / seng ge brjid non che ba'i dngos grub dang// stag gi dpa' brtul che ba'i dngos grub dang// wa yi sgyu rtsal che ba'i dngos grub gsol// bya rgod rtog mdzems che ba'i dngos grub dang/ / kang ka dur khrod 'joms pa'i dngos grub dang/ kha kha yid bzhin bsgrub pa'i dngos grub dang/ hu lu spyan dang ldan pa'i dngos grub rnams// dus 'di nyid du dngos grub bdag la stsal du gsol// rta gdong sgo ma rnams la dngos grub zhu ba ni/ / rta gdong dbyings nas 'dren byed dngos grub dang/ phag gdong nyon mongs sdoms pa'i dngos grub dang/ dred gdong spyan dang ldan pa'i dngos grub dang/ spyang gdong shes pa sgrol ba'i dngos grub rnams/ / da lta nyid du bdag la stsal du gsol// 'bar ma spor ma rnams la dngos grub zhu ba ni/ phyi ru dgra bgegs ma lus bsgral ba dang// nang du rnal 'byor rnams kyi las la brtson pa yis/ / dngos grub dam pa dus 'dir stsal du gsol// dbang phyug tshogs la dngos grub zhu ba ni// stong phrag brgyad cu'i bgegs rnams ma lus bsgral ba dang// nang du rnal 'byor las la brtson pa'i dngos grub rnams/ / dus 'di nyid du dngos grub stsal du gsol// mkha' 'gro rnams la dngos grub zhu ba ni// mtshan dang dpe byad rtags su ldan pa dang// rtogs pas mkha' la 'gro ba'i dngos grub rnams// dus 'di nyid du dngos grub stsal du gsol/ ma bdun sring bzhi rnams la dngos grub zhu ba ni// 'jig rten 'di ru ma ltar byams shing sring ltar gdung ba dang// phyi mar 'bras bu bla med go 'phang thob pa yi/ / dngos grub dam pa dus 'dir stsal du gsol// sum brgya drug cu rnams la dngos grub zhu ba ni// bsgral ba'i dmigs rnams dngos su bsgral ba dang// bsgral nas 'bras bu bla med go 'phang thob pa yi/ / dngos grub dam pa dus 'di nyid du stsal du gsol// skyes bu ging chen rnams la dngos grub zhu ba ni// 'jig rten 'di ru 'grogs shing gdung ba dang// phyi mar 'bras bu bla med go 'phang thob pa yi/ / dngos grub dam pa dus 'di nyid du stsal du gsol// dngos grub stsal dang stsol bar mi dmigs kyang// bcom ldan 'das kyi sku gsung thugs nyid dang// 'gro ba bdag gi lus ngag yid gsum gnyis/ / ye nas mnyam nyid don gcig yin mod kyang// ma rtogs dbang gis ye nas 'khor bar 'khyams// 'khor ba nyid kyang ye nas mya ngan 'das// skye shi nyid kyang ye nas byang chub sems// skye shi med pa'i dngos grub dam pa de/ / dus 'di nyid du bdag la stsal du gsol// che bas bsgyings pa'i bar snangalha bran dang// dregs pas myos pa'i ma mo mkha' 'gro dang// mthun 'jug thabs kyis 'dul ba lags pas na/ khro rgyal mthu yis byin gyis brlabs 'tshal na// byams pa'i zhal bzang bdag la bstan pa dang// mthu rtsal dbang gis dngos grub stsal du gsol// bar du gcod pa'i bdud bgegs 'dre srin dang// srog dbugs sgyu ma'i tshe la bar gcod na/ / rdo rje tshe yi dngos grub stsal du gsol// nges pa'i don ston rdo rje slob dpon dang// rgyal 'theb spyan dang skar ma ging chen dang// brtse gdung shugs 'chang mched dang lcam bral dang/ / 'jig rten ci 'dra ston pa'i dus gsum pha ma la// drin la len gyis ldan ngo ma 'tshal na// mngon shes lnga dang ldan gyur nas// rig pa gnas mchog bco brgyad la// mkhas pa'i dngos grub stsal du gsol/ / ma hA yo ga'i sgo nas smon lam gdab pa ni// ho phyi snod kyi 'jig rten 'byung pa chen po lnga yum chen lnga'i mkha' klong rnam bar dag pa'i chos kyi dbyings kyi pho brang nas/ nang bcud kyi 'jig rten lam rgyud lnga'i sems rgyal ba rigs lnga'i rang bzhin gyis/ yab yum thabs dang shes rab gnyis su med pa'i khyad par las/ sems dpa' dang/ sems ma dang/ khro bo dang/ khro mo dang/ sprul pa dang/ yang sprul la sogs pa sku gsung thugs yon tan 'phrin las bkod pa mi zad pa rgyan gyi 'khor lo mdzod bsgyings pa lta bus/ thabs la thabs rol/ ye shes la ye shes rol/ chos nyid la chos nyid rol pa'i tshul gyis/ 'khor ba sangs rgyas par mdzad pa'i dus gsum gyi bde bar gshegs pa'i byin rlabs las/ thugs zhi ba'i ngang las ma g.yos par sku 'bar ba'i cha lugs kyis nga rgyal dregs pas khengs pa'i bar du gcod pa'i bdud dang srin po tshar bcad nas/ / bla na med par sgrol bar mdzad pa rnams la 'dres pa chen po don gyis phyag 'tshal nas/ ye shes thugs rje'i ngang gis mkhyen par mdzad nas dgongs su gsol lo/ 'byor ba thams cad ni longs spyod/ phul ba thams cad ni mchod bar bzhes nas/ bdag dang mtha' yas pa'i sems can thams cad rdo rje 'chang gi gral thob shog/ yi ge 'khor lo tshogs chen gyi sa la gnas stobs par gyur cig/ chos nyid la rtog pa med cing/ me lce la sbrang bu mi 'chags pa lag na 'ang/ kun rdzob sgyu ma tsam gyi dbang gis dam tshig nyams shing chag pa rnams dang/ phyogs bcu 'jig rten gyi khams na rdo rje slob dpon dang mched dang/ lcam bral mtha' dag bzhugs pa rnams dgongs spyod rnal 'byor gyi don la thugs dam rtse gcig tu mdzad pa rnams kyi thugs dam skongs// bdag dang mtha' yas pa'i sems can thams cad kyi dbyar dam nyams pa so so gsal nas/ thams cad rdo rje dbyings kyi dkyil 'khor du gnas stobs bar smon to// a nu yo ga'i sgo nas smon lam gdab pa// ho khams gsum chos nyid kyi dur khrod/ dug gsum sku gsung thugs kyi dkyil 'khor/ tsit+ta mkha' mnyam gyi rgyal po/ kun gzhi ma bcos pa'i thig le/ yid ye shes sems dpar bzhugs pa/ thugs ye shes klong dag na dbyings dang ye shes gnyis su med par lhun gyis grub ste/ chos skur lhun gyis grub par gyur cig/ yod med rtag chad kyi chos thams cad ma skyes pa'i chos nyid du mchod par phul/ gzung 'dzin dang rtog pa'i bag chags ma g.yos pa'i ye shes su gnas stobs/ nyon mongs pa dang rtogs pa'i sgrib pa thugs mnyam pa'i klong du thugs dam bskul bas/ rgyal ba rgya mtsho tshogs thams cad gnyis su med pa'i mchod pas mnyes par gyur cig/ phyi nang snod bcud kyi bsdus pa'i chos thams cad che mchog he ru kar sku yi dkyil 'khor rdzogs/ g+hu ya he ru kar gsung gi dkyil 'khor grub/ sa nu he ru kar thugs kyi dkyil 'khor phyin pas/ bdag dang mtha' yas pa'i sems can thams cad sku gsung thugs kyi dkyil 'khor du phyir mi ldog pa'i sa thob par ma hA su ka bde ba chen por sangs rgyas te lhun gyis grub par smon to// a ti yo ga'i sgo nas smon lam gdab pa ni/ ho bla na med pa'i sangs rgyas nas/ 'jig tshogs kyi dmyal ba yan chad kyi kun gzhi byang chub sems ji ltar yin na/ yin yang gzugs dang/ kha dog dang/ dngos po dang/ mtshan ma phyogs dang/ ris su mi gnas pa kun tu bzang po bde ba chen po yin la/ grub kyang kun tu bzang po bde ba chen po'i rang bzhin du sangs rgyas par gyur cig/ sangs rgyas thams cad kyang rgyu byang chub kyi sems las byung la/ sems can thams cad kyang sangs rgyas pa'i rgyu yin la/ yin pa'i don la rgyu 'bras gnyis su med pa'i byang chub kyi sems bde ba chen po sangs rgyas par gyur cig/ sems can gyi rnam par rtog pa nyi ma spangs par rtog pa'i mtshan ma ci byung ba nyid ma g.yos pa'i chos nyid du shes te bsgoms pas/ chos kyi dbyings gzhan du btsal mi dgos te/ rang la rang chas su ye nas yod pa dang/ sems kyi sdug bsngal nyid ma spangs par sdug bsngal ci skyes pa ma bslad pa'i ye shes chen po yin te/ bsgoms pas rang byung gi ye shes gzhan du btsal mi dgos te/ rang la rang chas su ye nas yod pa yin na/ yin kyang gnyis su med pa yin la/ grub kyang gnyis su med pa'i mtshan nyid byang chub sems su mthar phyin par gyur cig/ sems can nyon mongs pa nyid ma spangs par byung tshor dang 'du byed ci skyes kyang de nyid thig le chen por las mi 'gyur te/ mi 'gyur pa'i g.yung drung ye nas lhun gyis grub pa'i de'i don la rtogs te bsgoms pas/ sangs rgyas thams cad kyi ma bslad pa'i sems nyid gzhan du btsal mi dgos te/ rang la rang chas su ye nas yod pa de/ yod kyang bdag dang sems can thams cad la yod la/ grub kyang de nyid rtogs pa'i klong du mthar phyin te sangs rgyas par gyur cig/ yin kyang sangs rgyas dang sems can thams cad yod rang byung gi ye shes su btsal ba med par sangs rgyas yin la/ don kyang de bzhin du sangs rgyas par gyur cig chos thams cad yin kyang rgyu dang 'bras bu gnyis su med pa mnyam pa nyid yin la/ don kyang rgyu dang 'bras bu mnyam pa nyid gnyis su med pa'i rang bzhin du sangs rgyas par gyur cig/ chos thams cad yin kyang bzang ngan dang bde sdug thams cad sems nyid kun tu bzang po bzang ngan med pa yin la/ don kyang sems nyid kun tu bzang po bzang ngan spongs len med par sangs rgyas par gyur cig/ chos thams cad bzang ngan dang spongs len med la/ phyi dang nang du phyogs ris med pas yod med rtag chad las 'das te/ skye shi dang 'pho 'gyur med pa yin pas/ bdag dang sems can thams cad kyang don de bzhin du sangs rgyas par gyur cig/ chos thams cad gnas kun tu bzang po yin pas phyi'i yul la chags sdang ma skyes/ chos thams cad ston pa kun tu bzang po yin pas nang gi sems la skye shi med/ chos thams cad dus kun tu bzang po yin pas dus la snga phyi dang 'pho 'gyur med/ chos thams cad ston pa kun tu bzang po yin pas rgyu 'bras dang/ phyogs ris dang/ nye ring med par la rbad kyis bcad de bstan pas don de bzhin du go zhing rtogs par gyur cig/ gong bzhin rtogs pas bdag dang mtha' yas sems can thams cad sangs mi rgyas pa'i dbang med de mngon par rdzogs par sangs rgyas par gyur cig/ bdag gis ston pa kun tu bzang po'i bka' bzhin du/ rgyu gdod ma nas dag pas chags pa ni 'bras bu sku gsung thugs la yang ma chags/ 'bras bu btsal ba med par sangs rgyas pas bral ba ni sngags dang phyag rgya dang yang ma bral/ thams cad kun tu bzang po yin pas spangs ni rtog pa gang yang ma spangs/ ye nas khyab gdal chen po'i ngang du sangs rgyas pas rig ni 'byung ba lnga la yang mi lus/ mkhyen pa'i ye shes la snang ba'i nyi ma shar bas rten ni ye shes lnga la yang mi 'cha'/ rang byung gi ye shes ma bcos par kun gzhi gnas pas dngos grub ni sangs rgyas la'ang de las med pas/ 'di ltar rtogs shing tshig tu brjod pas/ 'pho 'gyur med pa'i gnas shes pas skye shi med pa'i tsher gyur/ don 'di bstan pas kyang bdag dang mtha' yas pa'i sems can thams cad sangs mi rgya ba'i dbang med de sangs rgyas par gyur cig/ 'khor ba dang mya ngan las 'das pa'i chos thams cad rang gi sems yin pa'i phyogs dang rigs med par rang byung gi ye shes su brdal/ phyi dang nang med par chos nyid kyi klong du shar/ steng dang 'og med par thig le chen po'i klong du brdal pas/ dmyal ba sangs rgyas su dongs sprugs/ sdug bsngal chos nyid du la zlas// rnam rtogs ye shes su lam gtod// rgyud drug bde chen du rgyas btab/ mthon dman klong chen du khod bsnyams/ rtag chad tshig las 'das par sun phyung/ sems ye nas sangs rgyas par bde brdal bas// don 'di tshig tu brjod pa dang/ rtogs pa dang/ klong du gyur ba lta ci smos ky-i/ bka' 'di zur tsam bstan pas/ bdag dang mtha' yas pa'i sems can thams cad sangs mi rgyas pa'i dbang med de sangs rgyas par gyur cig/ de lta bu'i bka'i man ngag nying khu 'dis/ lung dang man ngag gi slob dpon gyi snga rabs 'das pa dang/ da ltar bzhugs pa dang/ phyis 'byon pa dang/ man ngag gi don spyod pa'i mched thams cad zab mo'i don mthar phyin/ gsang ba'i man ngag gzhan la ma 'phel// nges pa'i 'bras bu mi slu ba thob// bka' thigs pa gter du blangs nas/ kun tu bzang po dbyer med pa'i sa la bya btsal med par sangs rgyas par smon to/ khro bo'i lha tshogs rnams la phyag 'tshal ba dang/ bshags pa'i cho ga khro bo'i spang skong rdzogs so// rgya gar gyi mkhan po hUM ka ra dang/ bod kyi lo tsA ba gnubs nam mkha' snying pos bsgyur ba'o// // rgya gar skad du/ sarba ta thA ga ta swa/ b+ha b+hi sa sa tan tra/ bod skad du// de bzhin gshegs pa thams cad kyi dgongs pa 'dus pa'i rgyud/ bcom 'das dpal kun tu bzang po he ru ka la phyag 'tshal lo// de nas bcom ldan 'das chos thams cad kyi de bzhin nyid/ rigs lnga de bzhin gshegs pa'i ngo bo/ sku gsung thugs rdo rje'i bdag nyid/ ye shes chen po'i rol ba/ gnyis su med pa'i thig le/ yongs su bkod pa'i snying po thams cad du khyab brdal ba ni 'di lta ste/ chos thams cad ye nas sangs rgyas pa med pa'i sangs rgyas/ cis kyang btsal du med pa/ mi 'gyur ba 'gyur ba med pa/ ma bcos pa bcos su med pa/ mi snang ba snang ba med pa/ ma grub pa sgrub tu med pa/ gnyis su med cing tha mi dad pa/ thams cad du so so ma yin pa'i sangs rgyas de nyid/ nyid la nyid gsung du med pa'i dgongs par 'dus pa gsung pa ni/ chos thams cad brjod du med cing brjod pa las 'das pas/ 'das pa'i sangs rgyas thams cad ni chos nyid ma skyes pa'i rang bzhin du 'dus so/ / chos thams cad bsam du med cing bsam pa las 'das pas/ da ltar gyis sangs rgyas thams cad ni byang chub kyi sems de bde ba chen por 'dus so// chos thams cad 'gyur ba med cing 'pho 'gyur las 'das pas/ ma byon pa'i sangs rgyas thams cad ni rang byung gi ye shes btsal du med par 'dus so// dus gsum gyi sangs rgyas thams cad spros pa med pa'i thig le chen por 'dus so/ / de la ched du brjod pa/ e ma ho/ snang srid chos rnams thams cad ye nas stong// 'khor ba'i chos la ye nas stong// 'khor ba'i chos la dngos po med// sems can 'di zhes brtag pa med// de bzhin mi gnas mya ngan 'das/ / rnam par thar pa'i chos nyid dang// byang chub sems kyi rang bzhin ni/ sus kyang ma byas sus byed yod// nam mkha' bzhin du ye gnas la// de la mkhas pas bcos su med/ / de ltar dus gsum 'gyur med pas// de ni chos sku rtag pa zhes// kun gyi bdag nyid yin par bshad// de yang ye nas rang byung du// ye shes chen po nyid yin pas// med cing stong bar ma gyur pas// ji ltar bsams pa bzhin du 'byung/ / dper na yid bzhin rin chen rtogs// 'di 'dra rtag par mi snang yang// 'dod pa'i dgos pa 'byung ba bzhin// sems kyi chos nyid de dang mtshungs// nor par brtags pas mtshan ma'i rdzas/ / bag chags skyes pa ci bsams kyang// de la rtag cing nges med pas// 'dus byas chos zhes de la bya// de bas thams cad 'dus pa'i chos// bde gshegs kun bzang bka' 'di ni// tshig gcig thos pas sangs rgyas te/ / 'khor ba btsal yang mi rnyed do// sangs rgyas ma lus 'dus pa yi/ kun tu bzang po'i bka' 'di ni/ nam mkha' bzhin te 'gyur ba med// ye shes nyi ma dang 'dra bas/ / gsal ba de la 'char nub med// ye nas yin pas 'dzin rtogs med// lhun gyis grub pas 'pho 'gyur med// de bzhin nges pas ma yengs bsgom// ji ltar snang ba'i chos rnams kun/ 'di 'drar tshig gis mtshon du med/ / man ngag klong chen ye brdal bas// bde ba chen por ye sangs rgyas// cis kyang mi 'gyur byang chub sems// ma bcos ye nas lhun gyis grub// de la rtsol med ma bcos bzhag/ ces ched du gsungs pas/ sangs rgyas thams cad kyi don 'dus par gyur to// de bzhin gshegs pa thams cad kyi dgongs pa 'dus pa'i rgyud las/ skabs dang po'o//// de nas sangs rgyas thams cad kyi rang bzhin ched du brjod pa/ e ma ho/ snang dang mi snang 'khor ba'i chos// yod med rtag chad 'khor ba'i rgyu/ sangs rgyas sems can 'khrul pa'i tshig/ bde dang sdug bsngal nor ba'i lam// sgyu ma smig sgyu 'dra bzhin du/ / cir yang ma grub cir yang snang// de bzhin chos rnams thams cad kun// thams cad de bzhin chos 'dra bas// 'di ltar snang ba thams cad kun// sangs rgyas nyid kyi rang bzhin las// sangs rgyas gzhan nas btsal du med/ / log par brtson pa nor ba'i lam// nges par bstan yang ma go la// rang bzhin ba la 'jig rten pa// thar pa'i dus med sdug bsngal med// de ni grol bar ngas ma bshad// de bas sangs rgyas rang bzhin ni/ / sems dang chos dang nam mkha' gsum// ye nas ma bcos don shes pa// de ni sangs rgyas rang bzhin yin// 'di ltar snang ba thams cad kun// ye nas sems kyi rang bzhin la// tshig dang yi ges sgro mi gdags/ / ma btsal ma bcos bde bar gnas// ye nas sangs rgyas rang bzhin ni// nam mkha' 'dra ste 'pho 'gyur med// ma yengs nges pa 'di thos na/ sangs rgyas rang bzhin rtsol mi dgos/ / sems dang chos dang nam mkha' la// tshig dang yi ge 'di 'dra zhes// kun tu bzang po ngas ma rnyed/ sangs rgyas rang bzhin de nyid yin// med de chad pa ma yin te/ dgongs pa ting 'dzin nang na gsal/ / gsal ba ma 'dres don gsal ba// ji ltar 'dod pa rang dbang sgyur// chos nyid nam mkha' yangs pa la// rang gi ye shes 'de brdal bas// khyung chen nam mkhar lding ba bzhin// gang du bsams par ma bgrod phyin/ / kun tu bzang po bka' 'byung bas/ log lta nges pa ming yang med// 'dod bsgyur rin chen char 'bebs bzhin// yid la bsams pa bzhin du 'byung// mun rum snang ba'i 'od shar bzhin/ skyon rnams yon tan bzhin du snang// phra ma'i ting ni 'byongs ba ltar// gang ltar dmigs pa de bzhin snang// thams cad kun tu bzang por gnas// gzhan du smon na ye nas rdzogs// mkha' ltar mnyam pa nyid du zhog/ de bzhin gshegs pa thams cad kyi dgongs pa 'dus pa'i rgyud las/ skabs gnyis pa'o//// de nas sangs rgyas thams cad kyi mtshan gyi khyab par ni/ sems kyi mtshan nyid sangs rgyas ni/ ma g.yos pa yi nam mkhar 'dus// mtha' dbus med pa'i chos nyid ni// ma bcos pa yi dbyings su 'dus// phyi nang med pa chos kyi sku// 'pho 'gyur med pa'i klong du rdzogs// bzang ngan med pa'i byang chub sems/ / bde ba chen por mngon sangs rgyas// rdul gcig rdul snyed sangs rgyas kyang// rigs lnga ye shes lnga yi ngang/ ye shes sems dpa' nyid kyi ngang// de las ma 'dus gcig kyang med// thams cad gcig ste yongs kyis med/ khams gsum stong gsum la sogs pa// ji srid rdzas su snang ba dang/ mu mtha' med pa thams cad kun/ 'dus pas lus ngag yid gsum nyid// de yang rang gi byang chub sems/ / chos nyid kun tu bzang po la// rang byung ye shes klong brdal bas// sangs rgyas don rnams 'dus zhes bya// tshig tu smra ba'i tshig mtha' med// tshig dang yi ge gang 'dod pa/ sangs rgyas mtshan yang de nyid du/ / bgrang gis mi lang brjod las 'das// tshig dang yi ge las 'das shing// yod med rtag chad spros bral na/ sangs rgyas mtshan yang brjod med pas// brjod med spros bral tshig las 'das// sangs rgyas sems can 'di 'dra zhes/ / btsal yang rgyal bas mi rnyed na// sangs rgyas ming du 'dogs pa nor// ma gsungs pa ni rgya cher bshad// nam mkha' bzhin du sems gdags pas// yod med rtag chad gnyis kyi tshig/ ma smras pa de ci la gnod// rnal 'byor tshig tu brjod pas nyes// gtan tshig nges pa ma thos shing// chos nyid klong du ma phebs pa'i// tshig med tshig ni rnam grangs par// mkhas par re ba lung dang 'gal/ nges pa'i don nyid ma shes par/ kha bshad rang bstod che ba 'byin// nga rgyal sma khangs gang zag de// gol ba'i lam du ha ra ha na// ye nas rang bzhin med pa'i chos// lhun gyis grub par sangs rgyas par/ / rang gi sems nyid ji bzhin du// gzhan du smra byed nor ba'i lam// ye nas sangs rgyas ma yin na// bra mo nas su mi skye bzhin// btsal kyang tshi chad nyon mongs pas/ sangs rgyas zhes bya ga la 'grogs/ / thams cad ye nas bde ba chen// kun tu bzang por ye rtogs na// gser rdo 'dra ste 'gyur ba med// de bzhin rang sems gdod nas dag/ 'jig rten 'khor ba'i chos 'di ni// spangs pas spongs par mi 'gyur te/ / 'khor ba'i rang bzhin shes pa na// mya ngan 'das pa de nyid yin// 'dod pa'i yon tan thams cad kyang// gzhan nas thob byed nor ba yi// mi 'ching grol bas 'grub par 'gyur/ / ye nas sangs rgyas ma yin na// de la thog ma tha ma med// chos nyid rang bzhin sems nyid la// phyi dang nangadu grub pa med// mnyam nyid che chung med pa la// phyogs dang ris su phye ba med// sems nyid gnyis su med pa la/ / bde dang sdug bsngal btsal du med/ nor bu rin chen dpe bzhin du// byang chub sems kyang kun gyi dngos// ji ltar 'dod pa bzhin 'byung bas/ sangs rgyas byang chub sems la bsngags/ / bde chen byang chub sems 'di ni// ye nas yin par sus mthong la/ ji ltar bsam pa bzhin du 'gyur// don 'dir ma 'das gang yang med// ces gsungs so// de bzhin gshegs pa thams cad kyi dgongs pa 'dus pa'i rgyud las/ skabs gsum pa'o//// de nas sangs rgyas thams cad kyi mdzad pa ched du brjod pa/ sems can shes pa mi gcig na// sangs rgyas mdzad pa so sor snang// sems can shes pa dbyer med na/ sangs rgyas mdzad pa de dang 'dra// sems can sred len 'khor ba la// sangs rgyas mdzad pa bcu gnyis mdzad// le lo rtag du sun 'byin phyir// mdzad kyang mya ngan 'das par ston/ / yul dang gzugs ni gar chags pa// sangs rgyas mdzad pa de don du// sku dang phyag rgya la sogs pa// byin rlabs cho phrul de bzhin snang// yang dag sangs rgyas mdzad pa ni/ ci mdzad rang bzhin med par mdzad/ / ci gsung rang bzhin med par gsung// ci ston pa ni kun tu bzang// sangs rgyas mdzad pa khyad par che/ dngos rnams ye nas dngos med pas// 'khor ba thams cad mya ngan 'das// thar pa'i gnas zhes de la bya/ / thams cad rang bzhin med rtogs na// sdug bsngal thams cad byang chub lam// skyon rnams yon tan shes pa na// nyon mongs dug lnga ye shes skye// phyin ci log tu ci bltas kyang// thams cad grol ba rang las byung/ / rnam par rtog pa ci skyes kyang// de nyid thabs kyi bskul ma yin// mtho ris ngan song ci snang yang/ log rtog yin pas brdzun du snang// de yang thabs kyi ting 'dzin gyis// ye nas lhun gyis grub par gnas/ / thams cad thig le chen po la// sangs rgyas mdzad pa ma shes na/ 'og min gnas kyang dmyal ba'i gnas// de bzhin skyon dang log par snang// de bzhin sems kyi mdzad spyod ni/ / gser btso tshur dang phrad pa bzhin// byang chub sems kyi rang bzhin la// de la sangs rgyas sems can med// mdzad pa thams cad sangs rgyas la// don la 'gyur med ce na// ma mdzad pa yang nges pa med/ / mdzad pa'i don yang de la 'dus// de bzhin gshegs pa thams cad kyi dgongs pa 'dus pa'i rgyud las/ skabs bzhi pa'o//// de nas sangs rgyas thams cad kyi ye nas grub pa'i don brjod pa/ gdod nas rin chen gser dang 'dra// ye nas de ltar gnas pa la// de la bzhu dang ma bzhu med// sems nyid ye nas sangs rgyas te// kun tu bzang por grub zin pas// de la sus kyang bcos su med/ / mkha' ltar mnyam pa nyid du zhog/ chos nyid rang bzhin med pa la// tshig dang yi ger bstan pas gol// sangs rgyas sems su dag pa la// gzhan nas thob byed nor ba'i lam// ji ltar snang ba sems yin pas/ / sems ni rnam pa thams cad kun// kun tu bzang por grub zin na// gzhan du btsal du ci yang med// dper na glen pa'i rang bzhin can// glang po rnyed kyang rjes tshol ltar// nges par bstan kyang yid ma ches/ / don dang ldan pa'i skyes bu yi// ye nas grub pas btsal mi dgos// gal te btsal yang skyon med de// mi 'gyur dbyings las gdod nas med// dngos med nam mkha' rang bzhin las// rdzas dang dngos po dgos pa med/ / de bzhin sems kyi rnam pa la// gang yang mi dgos lhun gyis grub// pad+ma can gyi zhing khams na// bde dang sdug bsngal gnyis med cing// skye shi 'pho 'gyur med pa ltar// sems kyi rnam pa'ang de bzhin no/ mi g.yo ba yi zhing khams na// sangs rgyas sems can gnyis med cing// lha dang bdud kyang ris med cing// byang chub sems kyang de bzhin no// sa yi snying po gser gling na// thams cad gser du snang ba bzhin/ / ye nas sems su grub zin na// ji ltar byas kyang kun tu bzang// mi 'gyur ba yi g.yung drung du// yod med rtag chad chos rnams kun// rang bzhin med par grub zin na// de ltar rtogs pas skyon ci yod/ / byang chub sems kyi bde klong du// 'khor ba myang 'das gnyis med cing// che chung phyogs ris gnyis med na// nga dang bdag tu su las byung// 'di ni gsang chen nges pa ste// thams cad lam du gyur pa yin/ / gzhan nas btsal yang mi rnyed pas// ye nas grub pas thams cad 'dus// de bzhin gshegs pa thams cad kyi dgongs pa 'dus pa'i rgyud las/ skabs lnga pa'o//// de nas sangs rgyas thams cad kyi btsal mi dgos pa'i 'bras bu brjod pa/ thams cad nam mkha' 'dra ba la// bag chags tshan mas btsal mi dgos// dper na rtsi lo skor ma ni/ 'byung ba lnga yis ma bskyed par/ / sman gyi 'bras bu rang bzhin skye// de ni rdzus te skye ba yin// kun tu bzang po'i dgongs pa 'di// theg pa gzhan nas ma btsal bar// ye nas sangs rgyas rang bzhin gnas// de ni bskal pa bzang zhes bya/ / nam mkha' lta bur khyab brdal ba// phyogs dang ris su btsal mi dgos// chos nyid dbyings su klong brdal bas// rgyu dang 'bras bur btsal du med// byang chub sems su don rtogs pas/ / sangs rgyas sems can ye nas med// bde ba chen por don rtogs pas// 'khor ba ngan song mya ngan 'das// chos nyid byang chub sems 'di ni// btsal bas rnyed pa ma yin te// bsgrubs pas sa thob ma yin pas/ / mkha' ltar ye nas rnam par dag/ phyi nang snod bcud thams cad kun// dbyings dang ye shes dbyer med pas/ gnyis med thabs dang shes rab 'brel// bde ba rang la rdzogs longs spyod// 'khor ba mya ngan 'das pa'i chos/ / gnyis su snang ba thams cad kun// nam mkha' bgo bsha' byed pa bzhin// ris su phye'ang snang ba med/ rang bzhin bde ba chen po ni/ rgyu rkyen gang la 'ang ma bsten par// thugs kyi snying po man ngag ste/ / thog ma nyid nas grub par bshad// de la ma rtogs phal ba rnams// sa thob bya sgro rlung bskyod bzhin/ nges pa'i don la ma bzhag par// rgyu 'bras chos la nges pa med// gang yang 'di zhes sa ma zin/ / de 'dra'i gang zag rlung 'dra la// de 'dus pa yi don mi ston// bstan kyang mi go sgro skur 'debs// la las bzang po yid ches kyang// 'jig rten khe dang grags tshul gyis// tshig tu smod cing thabs kyi tshol/ / de la 'di ni bstan pa min// dper na 'dzam gling gser gyi rgyu la btsal mi dgos// de bzhin kun bzang sems kyi chos// rgyu nyid ye nas 'bras bu yin// nam mkha' bzhin du gnas pa la// btsal kyang ma btsal gdod nas med/ 'khor los bsgyur ba'i rgyal po yis// dge bcu gling bzhir shar ba'i yun// se gol yun la snang ba bzhin// ye nas bde chain byang chub sems// btsal mi dgos pa'i 'bras bu ni/ / yun du skad cig lhun gyis grub// ji ltar snang ba thams cad kun// btsal ba med par ye nas bde// sgrub mi dgos par kun tu bzang// ye nas ma bcos ye nas dag/ gser zhun bzhin du ye brdal la/ / de la mkhas pas bcos su med// ye nas mi 'gyur 'gyur ba med/ de la tshig tu brjod na 'gal// smra ba mang po bdud kyi las// bab chos mang mo 'chal ba'i tshig/ brjod pa med pa'i ngang nyid la// nam mkha'i ngang la ma g.yos zhog/ ces gsungs so// de bzhin gshegs pa thams cad kyi dgongs pa 'dus pa'i rgyud las// skabs drug pa'o//// de nas sangs rgyas thams cad kyi sku'i rnam pa 'dus pa brjod pa/ yod de dngos po snang na yang// snang srid ye nas sangs rgyas rgyan// med de dngos po med na yang/ phyi nang snod bcu stong pa'i gzhi// mtha' dbus phyogs ris med pa'i gzhi// mu dang mtha' las 'das pa yang/ / sems dang chos su dbyer med pas// ye nas chos sku 'gyur ba med// ji srid rdzas su yod kyi bar// sangs rgyas sku yang de bzhin yod/ ji sr-id dngos por ma grub na// sangs rgyas sku yang dngos por med/ / de bzhin yul dang dbang po dang// phyi nang snod bcud thams cad kun// dbyings dang ye shes gnyis med pas// sangs rgyas sku rnams chos skur 'dus// de yang ting nge 'dzin cho 'phrul las/ / lha dang lha mo'i dkyil 'khor du// 'khor ba myang 'das longs spyod pas// de yang sems kyi longs spyod de// sems kyi ting 'dzin longs spyod kyis// ji ltar 'dod pa don rtogs pas/ / longs spyod rdzogs skur thams cad 'dus// de yang chos nyid byang chub sems// byang chub sems la ris med pas// long bas nam mkha' 'dzin pa 'dra// gzugs 'dzin rtag chad 'dzin pa la// 'dzin chags btsal med sprul pa'i sku/ / sprul skur 'di 'dra mi dmigs kyang// ji ltar 'dul ba de bzhin snang// byang chub sems kyang de bzhin pas// sangs rgyas sku rnams sprul skur 'dus// sangs rgyas sku dang rang gi sems/ / ris su btsal yang mi rnyed pas// ye nas bcos med snying po'i sku// bya btsal med par 'dus pa'o// zhes gsungs so// de bzhin gshegs pa thams cad kyi dgongs pa 'dus pa'i rgyud las/ / skabs bdun pa'o//// de nas sangs rgyas thams cad kyi gsung gi rnam par 'dus pa brjod pa chos rnams tshig tu yod pa'i bar// de bzhin sangs rgyas gsung yang yod// gal te tshig tu smra med na/ / sangs rgyas gsung yang brjod du med// ji ltar snang ba'i chos rnams kun// tshig tu brjod las 'das pa rnams// sgra dang dbyangs kyi yi ger 'dus// de yang 'bras bu lngar 'dus pa ste// snying po nges pa gcig tu 'dus/ / de yang brjod du med pa'i dbyings// chos dang sems dang nam mkha' gsum// 'di 'dra'i tshig tu brjod du med// brjod du med pa'i chos nyid gsung// sangs rgyas gsung du 'dus pa yin/ / 'di ltar snang ba'i chos rnams kun// 'di 'dra tshig dang yi ge med// mi gsung ba ni rgya cher bshad// ye nas ma bcos chos nyid yin// thams cad stong pa'i rang bzhin la// tshig dang yi ger gang gis brjod/ / sus kyang ma brjod rjod pa med// brjod med nam mkha'i ngang du gnas// ye nas nam mkha'i rang bzhin la// 'di 'dra sus kyang brjod du med// de bzhin chos nyid 'gyur med pa// tshig dang yi ger btags pa med/ sangs rgyas gsung rnams kun 'dus pas// chos nyid skye ba med pa'i klong// klong la 'di 'dra brjod du med// de yang ye nas byang chub sems// zhes gsungs so// de bzhin gshegs pa thams cad kyi dgongs pa 'dus pa'i rgyud las/ skabs brgyad pa'o//// de nas sangs rgyas thams cad kyi rnam pa 'dus pa brjod pa/ thams cad nam mkha' bzhin du shes// de nyid mi 'gyur chos kyi dbyings/ / de ltar rtogs pa ye shes yin// 'di ni sangs rgyas kun gyi dgra dang gnod pa'i bgegs// byams pa'i gnyen dang phan pa'i grogs// sgyu ma lta bur mnyam shes pa// sangs rgyas thugs rje dbyer med shes/ / rgyu 'bras theg pa kun las byung// 'di ni rgyu 'bras dbyer med pas// sangs rgyas sems can smos ci dgos// thams cad rang gi byang chub sems// thams cad nam mkhar shes pa la// phyogs char gtso ba med ba bzhin/ / sems can rang gi sems yin na// de la grub dang ma grub med// la la kun tu bzang po'i bka'// nges pa di la mi gnas pa// rang shes mos brtson phyogs 'char la// dmigs pa bcas te ngar 'dzin pa/ / de la nges pa'i don med pas// de bas bka' 'di ma bstan na// don gyi 'bras bu log par 'gyur// de bas kun bzang nga yi bka'// gzhan gyis spros par mi tshugs pas// nga nyid nga la gsungs pa bzhin/ / de yang rnal 'byor las can gter// des kyang yongs la 'dod pa bsgyur// de bzhin du yang rang gi sems// skyon nyid yon tan yin par shes// de yang mi zad sems kyi gter// snang ba thams cad byang chub sems/ mi snang ba yang sems yin pas// snang dang mi snang gnyis med pa/ 'di yang chos nyid byang chub thugs// bde dang sdug bsngal 'khor 'das dang// yod med rtag chad la sogs pa/ / de yang gnyis med byang chub thugs// brgyad khri bzhi stong chos rnams dang// dngos po can la bstan pa yin// chos nyid brjod pa med pa las// tshig dang yi ger bstan pa med// sems dang chos dang nam mkha' la/ / 'di 'drar rgyal bas ma rnyed chos nyid thugs// rang bzhin de ltar gnas pa yin// sus kyang bcos su med pa'i don// go zhing rtogs par bya ba'i phyir// don ni dpe la blangs nas bstan// rnal 'byor kun bzang nga yi don/ blo ldan nges par rtogs pa la// snod ngan rnams kyi mi rtogs pa// dmigs med kha dog mi mthong ba// shes rab chung bas don ma rtogs// sangs rgyas kun gyi thugs kyi mchog/ byang chub sems kyi rang bzhi 'di// brjod pas bskal bar thob mi 'gyur// bsgoms pas yun du rnyed mi 'gyur// rang bzhin ye nas dag pa la// de ni ma bcos rang dag pa'i// ma btsal gnas pa'i bsgom pa yin/ / de las sangs rgyas btsal du med// sems nyid dngos po kun tu snang// sems nyid cir yang med par bzhin// de ltar ye nas yin shes pas// sangs rgyas zhes kyang de la bya/ 'di ltar med pa'i sems dang chos/ / btsal kyang bskal pa brgyar mi rnyed// ma bcos ngang la bde bar bzhag/ de la cis kyang bcos su med// ces gsungs so// de bzhin gshegs pa thams cad kyi dgongs pa 'dus pa'i rgyud las/ skabs dgu pa'o//// de nas sangs rgyas thams cad kyi lta ba 'dus pa'i don brjod pa/ lta ba chos nyid nam mkha' 'dra// mi 'pho mi 'gyur phyogs ris med// bzang ngan phyogs ris yang dog med/ / thams cad chos ni de lta bu'o// nam mkha' 'di la kun gnas bzhin// sems la dog pa ci yang med// sangs rgyas thugs kyang de yin pas// lta ba'i rgyal po zhes bya'o/ / gang zhig rgun chang myong 'dra'i sems// nam mkha' lta bur mi shes par// srog gcod sdig la sogs pa la// lta bar gsal nas mi 'dzem pa// byin pa lta bur nam mkha' la// dgar re khung bu rtsig pa bzhin/ / rnal 'byor de ni don med pas// gol ba'i lam du brlag par 'gyur// lta ba la sogs nges pa yi// rgya cher thos pas rtogs med pas// gang zhig bsgom bsgrub tshul byed pas// 'bras bu med de rlag par 'gyur/ / de na nges par bsgrub 'dod pas// bka' yi dam pa 'di thos shing// gang la rnam par rtog med na// 'di ni nam mkha' 'dra bar bshad// phyi nang chos ni thams cad la// rgyu dang 'bras bu mi 'byed par/ / mnyam pa'i rje btsun kun tu bzang// bdag nyid ye nas de bzhin pas// lta ba kun gyi mdo 'dus pa// byang chub sems ni nam mkha' 'dra/ khyab brdal chen por gang shes pa// lta ba 'di las gzhan la med/ / ces gsungs so// de bzhin gshegs pa thams cad kyi dgongs pa 'dus pa'i rgyud las/ skabs bcu pa'o//// de nas sangs rgyas thams cad kyi dam tshig dang spyod pa 'dus par brjod pa/ lta ba nam mkha' bzhin du khyab// sems dang chos dang nam mkha' ru// thams cad kun la khyab cing brdal// des na sems kyi chos rnams kun/ kun bzang ngang las mi 'da' bar// bde ba che las nyams med na/ / sa gzhi bzhin du 'dod pa 'byung// de bzhin sems kyi chos kun la// sangs rgyas nyid la nyid gol bas// gnyis med dus dang rgyun med na// spyod pa chu bo'i klung chen 'dra// snang ba de bzhin mi snang dang/ / yod med rtag chad bde sdug dang// bzang ngan gtsang rme bde sdug rnams// ye nas kun bzang longs spyod dang// gang la gtsang sme mi dmigs zhing// ci la'ang rtog pa med pa des// ma sangs bde bar longs spyod na/ sangs rgyas mdzad spyod ma nor bas// ci spyod skyon med pas// bde ba'i ye shes rang byung pa// gang ltar byas pa me tog skye/ ma spangs spyad pas sangs rgyas yin// dper na 'khor los sgyur rgyal ltar/ / skyon la spyod kyang yon tan snang// sems kyi longs spyod gar skyes kyang// sangs rgyas ma yin gcig kyang med// la la blon po'i rang bzhin can// nyon mongs la sogs 'chal ba'i tshig/ sems kyi spyod pa mi shes pas// sdug bsngal brgyad dang gtan du 'gro/ de ltar gol ba'i gang zag la// nges pa'i spyod pa 'di thos nas// mun pa 'od snang ji bzhin du// skyon nyid yon tan nyid du snang/ / byang chub sems rtog spyod pa ni// zhi zhing dul bas chos nyid dang// gzhan dang mthun pas mnyam pa nyid// gang la mi rtog byang chub sems// bdag dang gzhan du dbyer med pas// bdag gir mi 'dzin ngar mi 'dzin/ / skyon dang yon tan gnyis med pas// skyon dang yon tan mi spong ldan// chos rnams nam mkha' bzhin shes pas// rang bzhin med par yongs la brdal// byang chub sems su kun rtog pas// skye 'chi med par lhun gyis grub/ / chos kun ye nas 'gyur med pas// dus gsum thams cad dad don 'das// bdud rtsi chen po'i rang bzhin la// spyad pa'i thabs la rag pa med// 'khor ba'i chos la ci spyad kyang/ / mi 'ching grol bas tshogs gnyis rdzogs// kun tu bzang po nyid kyi rgyan/ 'dod spyod yon tan lnga la rdzogs// ma yengs ting 'dzin rgyan yin pas// spyad pas dngos grub dam par 'gyur// bdud rtsi zhes kyang de la bya/ / nyon mongs sdug bsngal 'khor ba'i chos// rmi lam 'dra ste nam mkha' yi// mtha' ltar khyab par gnas pa la// las dang rnam smin gos mi 'gyur// phyi nang snod bcud thams cad kun// ye nas kun tu bzang po la/ / dus gsum 'gyur ba med shes na/ sangs rgyas zhes kyang de la bya// kun tu bzang po'i spyod pa 'dir// byang chub sems rtogs spyod pa dang/ dus gsum sangs rgyas spyod pa kun// don 'dir ma 'dus gang yang med/ / ces gsungs so// de bzhin gshegs pa thams cad kyi dgongs pa 'dus pa'i rgyud las/ skabs bcu gcig pa'o//// de nas sangs rgyas thams cad kyi 'phrin las brjod pa/ sangs rgyas sems can gnyis med la// log bar gol ba tshar bcad phyir/ sangs rgyas 'phrin las ci mdzad kyang// 'phrin las rdzogs zhes bya ba yin/ sangs rgyas 'phrin las rdzogs pa ni/ skyon nyid yon tan yin shes na/ 'khor ba nyid ni mya ngan 'das// thams cad ma spangs lhun gyis grub// chos nyid sems nyid nam mkha' nyid// dbyer med ngo bo nyid mnyam pas// 'dus byas chos kyang de 'dra phyir/ / sus kyang byas shing bcos pa med// rgyu rkyen las kyi ltos ma yin// thams cad ma bcos ye nas dag/ nam mkha' bzhin du gsal ba las// rang rig ye shes nam mkha' 'byung// ma chags mi g.yo chos nyid las/ / mi 'gyur mi dmigs rig pa las// gsal la ma 'dres 'od bzhin du// shar nas nub pa'i dus med pa// dngos po thams cad chos nyid rkyen// las dang nyon mongs sdug bsngal che/ / rgyu 'bras ye nas mya ngan 'das// 'di ni 'phrin las rdzogs pa ste// chos rnams thams cad thog ma nas// rang bzhin ye nas rnam dag pas// 'gyur ba med pa'i phyir na klong// mkha' ltar mnyam pa nyid du gnas/ / sangs rgyas 'phrin las bcol ba ni// dper na rgya mtsho chu rlabs bzhin// rgya mtsho nyid las ma rtogs pa// chu rlabs gzhan nas 'byung ba med/ 'phrin las rgya mtsho rlabs dang 'dra// de bzhin sangs rgyas 'phrin las kyang/ / byang chub sems las gzhan pa yi// 'phrin las logs su bstan pa med// sems dang sems byung 'phrin las yin// byang chub sems kyi rang bzhin ni// 'di 'dra ci yang ma yin pas/ / 'phrin las btsal dang ma btsal ni// ma spros ye nas 'phrin las yin// dper na phyi ma leb bu ni// rdzing bu mthong yang mtha' ma skor// de bzhin gang zag mi shes pa// bden pa bstan yang log par rtsol/ / zin cing grub pa'i dus med pas// nges pa tshi chad brtson 'grus che// de bas rnal 'byor don 'dus pa// nges pa'i don phyir rgyud 'di byos// dper na gser khung phye ba la// gser zong zad pa med bzhin du/ / rgyud 'di gang gis mtshan thos na/ byang chub don la zad pa med// dper na rin chen gling phyin na// 'dod pa'i nor la zad pa med// thams cad byang chub chen po brdal// phyogs ris btsal yang mi rnyed pas/ / bsrung med dam tshig yang dag pa// yin pas kun tu bzang po yis// dam tshig 'di las ma gtogs pa// gzhan sangs rgyas pa med pa'i phyir// dam tshig ces bya rang gi sems// sangs rgyas nyid du gnas pa la/ / 'khor ba'i sdug bsngal ming yang med// de la log rtogs phyogs med de// chos rnams thams cad nam mkha' bzhin// ye nas bcos pa med pa la// 'thab rtsod nyams pa'i ming yang med// 'da' ba med pas nyams pa med// thams cad kun bzang nga yi zhing/ sangs rgyas sems can ris med na// rtsod pa'i chos can su yi chos// med las yod par 'dzin pa 'am// nam mkha' dngos por bzung ba bzhin/ / gang yang thar med sdug bsngal che// dper na long ba'i mdun phyogs su// ci yang med pa yod par mthong// de bzhin log pa'i gang zag rnams// rang bzhin med pa phyogs ris 'dzin// sbur bu srin bral bgrod pa bzhin/ / btsal zhing thar med 'ching ba'i rgyu// gzhan gyis ma nyes rang gis len// sdug bsngal thar med nyon re mongs// de bas dam tshig chen po 'di// sa la skye 'khrung kun skye ltar// sems kyi dam tshig 'di yod na/ / dmyal ba'i gnas kyang chos nyid klong// sdug bsngal rgyu yang byang chub sems// 'dzin rtog nyid las ye shes skyes// dper na bong gling dkar po ni/ dug nang zhugs kyang dug kyang rtsi/ / bzhi brgya rtsa bzhi nad 'byung zhing// kun gyi sems nyid dam tshig 'di/ 'khor ba'i chos la longs spyod kyang// 'khor ba ye nas sangs rgyas pas// nyon mongs lam du ye shes gsal// bde ba che las gzhan med do/ / 'di ltar klong du gyur pa las// mi bsrung ma yin bsrung mi dgos// 'das dang ma 'das gnyis ka med// ces gsungs so// de bzhin gshegs pa thams cad kyi dgongs pa 'dus pa'i rgyud las/ skabs bcu gnyis pa'o//// de nas sangs rgyas thams cad kyi mdzad pa gnyis su med pa'i rol pa brjod pa/ dper na shing mkhan mkhas pa dang// sgyu ma mkhan gyi slob ma yi// cho 'phrul rnam pa cir yang ston/ / btags na cir yang ston pa med// de bzhin sangs rgyas 'phrin las la// ji ltar 'dul ba'i 'gro don du// mdzad pa bcu gnyis bstan pa dang// longs spyod rdzogs dang sprul pa'i sku// sku yi cha byad bsam pa dang/ / gsung gi chos la 'bum phrag dang// thugs kyi thams cad mkhyen pa yi// sangs rgyas 'phrin las brjod 'das pa// sgyu ma'i rnam pa de bzhin du// rdul cha tsam yang mdzad pa med// de bzhin gzugs brnyan thams cad dang/ / 'phrin las tha dad mang po kun/ byang chub sems kyi rang bzhin du// chos rnams thams cad snang ba las// gzhan du ston par 'gyur re skan// de ltar sems la nges par zhog/ 'khor ba ci 'dra cir snang yang// dngos po rdul yang grub pa med// sangs rgyas 'phrin las mang mdzad kyang// rdul cha tsam yang mdzad pa med// de bzhin sangs rgyas sems can yang// ye gnyis rang gi sems yin gyi/ / sems la phyogs dang ris med pas// de la sangs rgyas 'phrin las tshad// spyod pa'i chos rnams thams cad kun// chos nyid stong par ye shes na// sangs rgyas 'phrin las ma nor bas/ / bka' 'di nges par ngas gsungs so// med pa'i chos rnams thams cad kun// rang byung ye shes chen po la// ye nas phyogs dang ris med pas// sangs rgyas 'phrin las 'di nyid yin// sems kyi 'phrin las ye rdzogs la/ / sangs rgyas kyis kyang gsung du med// ci kyang ma gsungs chos de la// sangs rgyas thams cad de las 'dus// zhes gsungs so// de bzhin gshegs pa thams cad kyi dgongs pa 'dus pa'i rgyud las/ skabs bcu gsum pa'o//// de nas sangs rgyas thams cad kyi dgongs pa log par lta ba tshar gcod pa/ ye shes khro bo 'dus pa'i 'phrin las brjod pa// rgyal ba'i ye shes thig le nyid/ / yon tan ye shes lhar shar te// sangs rgyas 'phr-in las byed po'o// skye med sems nyid don dam lta// de yi ngang la sku rdzogs pa// sangs rgyas sku lnga'i bdag nyid can// ye shes sku nyid rdo rje che/ / sku gsung thugs kyi bdag nyid che// sku mchog gshin rje gshed nag go/ gsung ni gsod byed rngam pa'o// de bzhin rdo rje 'jigs byed thugs// sku rnams 'dus pa'i ngo bo 'o// sku la dbang mdzad pad+ma'i sku/ / chags med pad+ma ra ga'i mdog/ rgyal ba'i gsung mchog 'bar ba'i sku// mi 'gyur rdo rje khro bo'i sku// lag na rdo rje mthing nag 'bar// bde gshegs thugs kyi ngo bo nyid// yon tan lhun grub rin po che/ / ye shes mkha' lding 'bar ba khyung// rdo rje gshogs pa gdengs pa'o// thogs med las mchog he ru ka/ badzra ku ma ra yi sku// bde gshegs 'phrin las ngo bo nyid// ma bcos mi 'gyur chags pa med/ / kun 'byung bya ba byed pa yi// rigs kyi bdag po kun 'dus pa// sku lnga lhun gyi grub pa'o// sprul pa gyad gnon kun 'dus pa/ khyung gnyis kha nas lce 'bab cing// seng ge kha nas rdo rje 'phros/ stag gi kha nas ral gri 'bar/ / sbrul gdug kha nas me 'bar zhing// 'ug pa'i kha nas lcags kyu 'phro// lce sbyang kha nas phur bu ste// dred ma'i kha nas bdung zhags 'phen// de yi gsang sngags brjod pa ni// yi ge rgyal ba'i gsung yin te/ / ngag du brjod pa skur ru gyur// yi ge rgyal pa'i thugs yin te// 'khor los la nye ba'o// e a kro te ka ya man ta ka/ kri sna ka la ru pa/ hri te ya ma ye/ hri badza kro d+ha ha ya gri ba/ pad+ma ta kri da ra ka tsan+Da/ badzra pa ni tsan+da ma hA ro Sha na/ ka li kri ta/ badzra ki li ki la ya/ bde gshegs khro bo thams cad kyi// yang snying 'dus pa de nyid do// de bzhin gshegs pa thams cad kyi// dgongs pa 'dus pa'i rgyud las/ skabs bcu bzhi pa'o//// de nas chos thams cad ye nas lhun gyis grub par mdzad de brjod pa/ e yaM raM baM laM/ 'byung lnga ye shes lhun grub pa'i// ye shes sku ste nyon mongs 'joms// 'byung ba las kyi dkyil 'khor te/ / ye shes lnga yi rang bzhin can// thams cad skyed pas yum nyid klong// rten du gyur pa sku dang gnas// sna tshogs kun 'byung nyon mongs 'joms// rnam rtog gcod pas 'khor lo ste// gur ram ra ba spyil ba'i tshul/ / cis kyang mi chod mi shigs pa'o// a i u e oM ri li aM/ ka kha ga g+ha nga/ ya ra la wa// sgra dang dbyangs kyi yi ge ste// thabs dang shes rab rang bzhin gyis// yid bzhin rin chen 'phreng ba ltar/ / ma lus 'dod pa'i don bsgrub pa// bde bar gshegs pa'i ngo bo nyid// du ru ye/ seng nga ye// 'bras bu dgu nam mkha'i thog 'dra bas// lus ngag yid kyi dbang po 'joms// tig sna dza la u ne u ne hUM dza dza/ spu gri 'dod pa'i so yin te// mtshon cha med dpung lta bu yi// stobs kyi drag sngags dril ba'o// a mu ka myar rbad/ trig nan myor rbad// u nan shag rbad/ spur nan ril rbad/ gnas bzhi gcod pa'i spu gri ste// rgyal ba kun gyi byin rlabs rnams// bsdus nas 'gal ba tshar gcod pa'o// gcod pa'i spu grir bzhag pa'o// e hUr thums dza// breng shag raM yaM rbad e// kun gyi spu gri mtha' sdud de/ / thogs me med par gcod pa'o// a ya ma du ru tsa sha na/ 'jig rten dregs pa thams cad kyi// srog gi ngo bo sgrol ba'i 'bru// sde brgyad srog gi rnam shes so// ces gsungs so// de bzhin gshegs pa thams cad kyi dgongs pa 'dus pa'i rgyud las/ skabs bco lnga pa'o//// de nas sangs rgyas thams cad kyi 'phrin las ye shes chen po'i rol pa brjod pa/ stobs bcu pha rol gnon pa po// 'khor lo rgyal po re mig bcu/ / brgya phrag bcu gcig kha mig can// bde gshegs khro bo 'dus pa yi// drag po sngags kyi grong khyer yin// gsang sngags rgyal po brgya dang bcu/ srog dang snying po ldan par bya// thebs dang spu gri ldan pas na/ / gang yang rung ste chan la 'bebs/ bka' yi 'khor lo sngags 'khrul na// spu gris rang la gcod par byed// mtha' nas dbus su sdud pa'i tshul// gsang sngags 'phreng ba'i dkyus 'di nyid/ / mthar 'gyed bzlog pa lha gnod do// gtub cing dral ba dkrug pa ste// ma nor bzlas pas gang yang 'grub// bka' gsang 'khor lo'i las yin pas// bsrung dang bzlog dang gshigs pa dang/ / gsad dang stobs mnan rang gshed dbab// dbye dang dral ba la sogs byed// gsang sngags bka' yi 'khor lo 'di// bde gshegs rgyal bas mi theg na// bdud dang mu stegs la sogs pa'i/ / 'jig rten gzhan dag smos ci dgos// des na 'jig rten dregs pa can// thams cad 'khor lo'i dbang du bskor// ces gsungs so// de bzhin gshegs pa thams cad kyi dgongs pa 'dus pa'i rgyu las/ skabs bcu drug pa'o//// de nas sangs rgyas thams cad kyi dgongs pa rdzogs par brjod pa/ thams cad ye nas sangs rgyas pas/ rgyu rkyen rtsol pas ma yin te// nam mkha' bzhin du gnas pa la/ / de las mi 'gyur sangs rgyas yin// ye nas yin pa'i don 'di na// bstan pas ye nas yin par shes// de dag rtogs pas drod 'byung ba// don dang rtags kyi 'bras bu 'brang// gang zag 'khrul pa mtha' dag ni/ / yin nges don la mi phyogs par// g.yeng ba 'du 'dzi'i chos la mos// byis pa bla na med las 'dral// byas kyang zin pa'i dus med pas// de bas rnal 'byor rdzogs pa che// kun bzang rgyal ba'i bka' 'di ni/ / mos pa'i dad pa'i 'di tshol na// yid la bsams pa thams cad kun// kun tu bzang po nyid du 'gyur// thog ma nyid nas nges pa'i don// ye shes nyi ma rang la 'char// rang rig ye shes nang nas 'byung/ / ji ltar byas kyang bde ba che// ma btsal ma bsgrubs ma bsgoms kyang// nges pa'i don nyid ma grub med// ye nas mkha' ltar mnyam par gnas// brtson zhing bsgrubs kyang skyon med de/ / nges par 'di ltar yid ches na/ ma btsal na yang 'grub par 'gyur// bdag nyid sangs rgyas yin shes na// rgyud lung 'di la su gnas pa// 'grub 'gyur 'di la the tshom med// chos nyid don bstan sems mi 'gyur/ / yin par yid ches skyo dub med// nges par shes pas btsal mi dgos// nan tan btar bas gdod nas dag/ byang chub sems la lhan ne ba// bsgom du med de 'gyur ba med// btsal du med de spang du med/ / de la bgrod du ka nas med/ sangs rgyas bstan pa'i bka' rnams kun// don du ma gyur gcig kyang med// de bas ma nor nges pa'i bka'// sangs rgyas 'dus pa'i rgyud 'di ni// 'di ni gzhan la bstan pa bas/ / snod med rnams la bshad pa na// ltung ba'i nyes pa brjod mi lang// de bas bde gshegs dgongs pa'i don// sems kyi gting du rang rgyas gdab// ces bcom ldan 'das chos thams cad kyi rang bzhin brjod pa med pa nyid du brjod de/ / skye 'gag gnyis su med par gyur tau// de bzhin gshegs pa thams cad kyi dgongs pa 'dus pa'i rgyud las/ skabs bcu bdun pa'o/ /// bde gshegs rgyal ba'i dgongs don khro bo 'dus pa'i yang snying rdzogs so//// bcom ldan 'das dpal kun tu bzang po he ru ka la phyag 'tshal lo// de nas bcom ldan 'das dpal kun tu bzang po/ thams cad 'dus pa kun tu bzang po'i sangs rgyas su ma gyur pa med pa yi/ thams cad du khyab brdal ba'i 'khor tshogs thams cad la 'di lta ste/ chos thams cad ye nas sangs rgyas pa med pa'i sangs rgyas dang/ chos thams cad gnyis su med cing tha mi dad pas/ thams cad du so so ma yin pa tha mi dad pa'i sangs rgyas la sogs pa thams cad kun tu bzang po'i sangs rgyas su gyur pas/ nyid la nyid gsung du med pa'i bka' 'dus par gsungs pa ni 'di lta ste/ chos thams cad brjod du med cing brjod pa las 'das pa/ 'das pa'i sangs rgyas thams cad ni chos nyid ma skyes pa'i rang bzhin du 'dus so/ / chos thams cad bsam du med cing bsam pa las 'das pas/ da ltar gyi sangs rgyas thams cad ni byang chub kyi sems bde ba chen por 'dus so// chos thams cad ni ji lta bur 'gyur ba med cing 'pho 'gyur las 'das pas/ ma byon pa'i sangs rgyas thams cad ni yid rang byung gi ye shes btsal ba med par 'dus so// des na dus gsum gyi sangs rgyas thams cad kyang spros pa med pa'i thig le mi 'gyur ba'i g.yung drung du 'dus so/ / de nas bcom ldan 'das dpal kun tu bzang po he ru kas nyid la/ ched du brjod pa/ de la sangs rgyas zhes bya ba'i rang bzhin ni/ ji ltar mtshan ma'i dngos po thams cad la/ / ye nas 'di 'dra zhes bya ba grub cing rtag pa med pa las chos thams cad chos nyid du sangs rgyas pas/ de stong zhing chad pa'i mtha' ma yin la/ go zhing rtogs pa'i shes rab nang nas rtogs pas/ thams cad chos nyid bde ba chen po'i klong du sangs rgyas pa'i rang bzhin yin pas/ skye 'gro ming dang gzugs kyi bsdus pa thams cad ye nas phyogs dang/ ris dang/ gzugs dang/ kha dog tu grub cing brtag pa gang yang med pas/ thams cad ye shes chen po'i rang bzhin du sangs rgyas shing/ tshig dang yi ge las 'das pa'i rigs pa rang dbang du gyur pas/ chos thams cad chos kyi sku 'pho 'gyur med pa'i rang bzhin yin pa dang/ de ltar phyi nang snod bcud du grags shing/ bstan pa thams cad ye nas gnyis su med pa'i byang chub sems yin la/ sems dang sems kyi rnam pa yang ye nas kun tu bzang po'i rang bzhin du sangs rgyas pa de la/ ye sus kyang ma byas/ ye sus kyang ma bcos/ don gyi nges pa phyin ci log tu cis kyang mi 'gyur ba'i nam mkha'i rnam pa bzhin du ye nas gnas pa de/ sangs rgyas zhes bya'i rang bzhin yin par gsungs so/ / de las sangs rgyas kyi mtshan nyid ni// dper na nam mkha' la blun pos bgo bsha' byed pa dang 'dra ste/ gnas skabs la lar sems kyi mtshan nyid so sor 'dzin na/ sangs rgyas kyi mtshan yang so sor snang ngo/ / gnas skabs la lar sems kyi mtshan nyid tha dad med na/ sangs rgyas kyi mtshan la yang tha dad med par bstan no// de'i phyir na sangs rgyas kyi mtshan nyid ji lta bur 'dul ba'i don las mtshan du btags so/ / sangs rgyas kyi sku yi cha lugs dang/ yab dang yum dang/ btsun mo dang/ sras dang/ zhing khams dang/ pho brang dang/ 'khor dang/ gnas dang/ ris su bstan pa ni/ sangs rgyas la sku yi cha lugs dang yul la sogs pa ris su phye ba med kyang/ sems can la sde tshan dang/ yul dang/ gnas su 'dzin pa dang/ de 'dul ba'i thabs su bsten pa la sems kyi rnam pa phye ba med na/ sangs rgyas la yang ris su phye ba med do/ / sangs rgyas kyi sku tshe'i tshad mi mnga' bar bstan pa yang/ sangs rgyas dang sems can la tshe yi tshad dam// skye 'chi dang// 'pho 'gyur med do// log par 'dzin pa'i sems 'pho 'gyur dang/ le lo dang/ yeng bar 'dzin pa la bstan pa'i phyir ro// sangs rgyas kyi sku gsung thugs phyag rgya chen po dkyil 'khor dang/ grangs dang rnam pa 'byung ba mang po sems kyi rang bzhin las byung ba dang/ 'byung ba las gyur pa'i phung po dang/ khams dang/ skye mched dang/ rdul snyed 'dzin pa'i bag chags mtshan ma dang bcas pa de/ mi gnas pa'i mya ngan las 'das par yod ces pa la/ sangs rgyas kyi sku gsung thugs phyag rgya chen po'i dkyil 'khor du snang ba las gzhan ma yin no// de'i phyir na sems la mu med pa'i phyir/ sangs rgyas kyi mtshan ma yang mu med par bstan/ yul gyi rnam pa rdul dang rdul phran 'dzin pa la/ sangs rgyas kyang rdul gcig gi steng na rdul snyed la sogs par bstan no// tshig dang yi ge 'dzin cing brir yod na/ sangs rgyas kyi mtshan yang tshig dang yi ger brir yod par bstan/ tshig dang yi ger brir med na/ sangs rgyas kyi gsung yang tshig dang yi ger gdags su med par bstan no// de lta bu rdul snyed cig gi steng du rdul snyed kyi sangs rgyas thams cad kyang sprul pa'i sku 'bum dang/ khri dang/ stong du 'dus/ de yang dus gsum gyi sangs rgyas rim par 'dus/ de yang rigs lngar 'dus/ de'ang sku gsung thugs kyi sangs rgyas su 'dus/ nam mkha'i gang nas gar khyab pa thams cad du lus sems gnyis su 'dus so/ / de stong gsum du 'dus de khams gsum du 'dus/ de yang dus gsum du 'dus so// de yang lus ngag yid gsum du 'dus so// de yang rtsa ba byang chub sems su 'dus ste/ byang chub kyi sems su mu mtha' dang bral ba'o/ / de la sangs rgyas kyi mdzad pa'i don ni/ rang gi sems kyi mtshan nyid la rgyu dang 'bras bu 'dzin pa'i phyir/ gnas skabs la lar sangs rgyas kyi mdzad pa sems can thams cad dang 'thun par spyod pa yang yod/ gnas skabs la lar sangs rgyas kyi mdzad pa sngags dang/ phyag rgya dang ting 'dzin du mdzad pa yang yod/ de dag na sems kyi mtshan nyid so sor 'dzin pa'i don yin la/ yang dag par kun tu bzang por byang chub sems kyi mdzad pa ni/ sangs rgyas thams cad sku ci mdzad pa ni/ chos kyi sku dus gsum du 'pho 'gyur med par mdzad/ gsung ci mdzad pa ma bcos pa nyid du mdzad/ thugs ci mdzad pa ma bslad pa'i ye shes su mdzad/ de yang thams cad byang chub sems kyi rang bzhin du sangs rgyas par mdzad pa sangs rgyas kyi mdzad pas/ sangs rgyas kyi mdzad pa de yin te/ sems can ye nas sangs rgyas par mdzad/ 'khor ba ye nas mya ngan las 'das par mdzad/ sdug bsngal byang chub kyi sems bla na med par mdzad/ nyon mongs pa thams cad yang dag pa'i lam du mdzad pa de yang 'phral du rgyu dang rkyen gyis bcos pa ma yin te/ nyi ma'i snying po la mun pa ngang gis mi gnas pa dang 'dra bar/ kun tu bzang po ye nas sangs rgyas pa'i rang bzhin la/ 'khor ba btsal bas kyang mi rnyed do/ / rtsi ma ki ta'i sman gyis thams cad bdud rtsi'i rang bzhin can la dug btsal yang mi rnyed do// sangs rgyas kyi mdzad pa thams cad sems kyi rang bzhin du mkhyen pa'i klong la/ sems kyi byin rlabs las ma gtogs pa/ ngan song sdug bsngal btsal yang mi rnyed pas/ sangs rgyas kyi mdzad pa lhun gyis grub pa'o// de la ye nas grub zin pa ni/ lhun gyis grub pa'i chos bshad du med pa la/ ye nas grub zin pas btsal du med de/ de la yang sems kyi chos thams cad phyi yang ma yin/ nang yang ma yin/ phyi nang gnyis ka yang ma yin/ rgyu yang ma yin/ yod med gnyis ka ma yin pa de dag la sogs pa thams cad ni/ yin pa thams cad yin no/ / chos thams cad kyang yin no// chos thams cad dngos po dang mtshan ma'i rdzas su dngos po gang yang ma grub cing/ dmigs pa'i yul las 'das pas gang yang ma yin pa dang/ gang yang ma yin pa de yang stong pa nyid gting chad pa ci yang med pa ma yin te/ yon tan gyi btsal gyi dgongs pa'i don rang bzhin du 'byung la/ ting nge 'dzin gyi byin rlabs kyis ji ltar dmigs pa bzhin du snang ba de ni/ gang yang ma yin pa yang ma yin la/ gnyis ka yin pa yang ma yin no// des ni ris su 'dzin pa dogs pa'i phyir gnyis ma yin zhes bya ste/ de la gnyis ka ma yin zhes bya ba ni/ chos nyid la ris dang/ byang chub la phyogs su 'dzin par dogs pa'i phyir gnyis zhes bya ste/ rgyu dang 'bras bu med de/ gdod ma nas bde ba chen po'i rang bzhin las 'gyur ba med do// gnyis ka yang ma yin zhes bya ste/ rtag pa dang/ dngos po dang/ yod par 'dzin pa'i chos thams cad ni grub cing rtag pa med de/ 'pho zhing 'gyur ba'o// chos thams cad ye nas rang bzhin med par byang chub kyang sems bde ba chen por grub la/ dus gsum du 'gyur ba med par shes pa ni/ chos sku 'gyur ba med pa de ni gnyis ka yang ma yin pa zhes bya'o// gnyis ka ma yin pa sangs rgyas pa'i don bsdus pas/ ye shes grub zin pa zhes bya'o// de la btsal mi dgos pa'i 'bras bu ni/ dper na 'jig rten na klu'i rgyal po'i nor bu la 'dod pa'i 'bras bu btsal mi dgos par 'gyur ba'ang yod/ de ni bsod nams bsags pa las 'byung pa yin pas/ de rtag cing 'gyur ba med la/ 'di ni de lta ba'i dgongs pa can ma yin te/ 'di btsal mi dgos pa ni/ dper na gangs ri'i klong na nag po btsal yang mi rnyed la/ dkar po btsal yang mi dgos pa bzhin du/ rang bzhin med pa'i chos nyid la chos rnams ji lta bu yang btsal du med la/ kun tu bzang po'i sems kyi rang bzhin la/ gzhan dang gzhan du 'bras bu btsal mi dgos te/ btsal yang tshi chad pa'i nad du 'gyur/ sems nyid ye nas sangs rgyas pa med na/ btsal yang grub par mi 'gyur te mching bu ji ltar byi dor byas gyur kyang nor bu rin po cher mi 'gyur la/ sol ba la byi dor byas kyang dkar por mi 'gyur ba bzhin/ ye nas sems nyid sangs rgyas pa ni/ dper na gser dang 'dra ste btsal mi dgos/ btsal yang 'gal ba med de/ sems dang/ chos dang/ nam mkha' ji lta bu'i rang bzhin du ma grub cing/ 'di 'dra zhes pa phyogs su btsal yang mi rnyed pa/ sems kyi chos nyid btsal mi dgos par byang chub kyi sems kyi 'bras bu rang byung gi ye shes shar ba yin no// chos thams cad rang bzhin gnyis su med par gnas pa'i don shes pas/ btsal mi dgos pa'i 'bras bu yin/ de yang rang gi byang chub kyi sems su nga dang/ bdag dang/ phyogs dang ris mes par yongs la khyab/ bzang ngan dang spong len med par lhun gyis grub/ de'i don la mi 'pho/ mi 'gyur/ mi dmigs par bde brdal bas/ btsal mi dgos pa'i 'bras bu yin/ kun tu bzang po'i bka' bden nges pa 'di rtog pa the tshom med par yid ches pa chos nyid kyi klong yin/ de yi don la ma yengs pa bsgom pa'i don yin/ de la btsal mi dgos par 'bras bu rang la 'char ro// sems nyid chos nyid ye nas sangs rgyas pas/ bde ba chen po'i 'bras bu btsal mi dgos par/ byang chub sems kyi 'bras bu rang la 'char ro/ / dper na dus dang nam zla la ring thung med pas/ mi bde zhing sdug bsngal ba la ring bar snang la/ bde zhing skyid pa la thung bar snang ngo// de bzhin du thams cad chos nyid du shes na 'gyur ba med do/ / phyi ci log tu shes na sdug bsngal la grangs dang tshad med do// sdug bsngal 'ba' zhig la bltas pas smin pa ni/ nyin mtshan gyi yun la yang bskal pa tsam du nyams su myong ngo// sangs rgyas kyis bskal pa dang mtshan la yang dbyer med par mkhyen tau/ / de yang rang gi byang chub kyi sems yin/ bskal pa dang yud tsam pas/ dus gsum thog ma dang tha ma yang med pas/ ye nas kun tu bzang po'i bde ba chen po'i don la 'gyur ba med pa'o/ / de bzhin du dngos po stong pa la rang bzhin snang ba'i chos thams cad byang chub kyi sems yin par shes/ btsal mi dgos pa'i 'bras bu yin no// de la sangs rgyas kyi sku yi rnam pa 'dus pa ni/ sangs rgyas kyi sku zhes bya ba gzhan ma yin te/ mtha' dang/ dbus dang/ phyogs dang/ ris su phye ba'i chos thams cad/ gzugs dang rdzas su 'dzin na sku yod de/ ji ltar snang ba'i chos thams cad gzugs dang rdzas su grub pa med na/ sangs rgyas kyi sku yang gzugs dang rdzas su grub pa med do// de ci'i phyir zhe na/ dper na lus yod na grib ma snang ba bzhin/ rdzas su yod par 'dzin na de 'dul ba'i don du sangs rgyas kyi sku yang snang ste/ ji ltar snang ba thams cad la mtha' thug pa med cing 'byam klas te/ 'gyur ba med pas sangs rgyas kyi sku'o// de lta bu la yang yul gyi rnam pa kun la sogs pa gang 'jig rten gyi khams thams cad du rdul gyi bye brag gi grangs las 'das pa yod par 'dzin pa'i don du/ sangs rgyas kyi zhing khams bgrang ba las 'das pa bstan pa/ sku la tshe tshad kyang med par rang byung ba'i sangs rgyas rdzogs pa las 'das pa'i zhing brjod du med pa ni/ sangs rgyas kyi longs spyod rdzogs pa'i sku'o// de lta bu'i zhing khams 'gro ba tha dad par/ las dang sdug bsngal mi 'dra ba mang po phyogs bzhi mtshams brgyad steng 'og yan man phan tshun gnas pa la ni ji ltar 'dus pa ltar snang zhing don mdzad pa ltar snang ba ni/ sangs rgyas kyi sprul pa'i sku'o// nam mkha' la mtha' thug med pa 'byung ba bzhi dang/ skye 'gro thams cad kyi gzhi'i/ de bzhin du thams cad du khyab brdal ba chos kyi sku ste/ sku gnyis 'byung ba'i rtsa ba'o// rgyu 'bras kyi chos 'khor ba dang mya ngan las 'das par 'dzin pa byang chub sems dpa' dang lha'i dkyil 'khaur du longs spyod rdzogs pa'i sku'o/ / de snod du gyur pa ni yul sems dngos por 'dzin pa 'gro ba rigs drug go/ de ji ltar 'dul ba'i don mdzad pa sprul pa'i sku'o// de las mtshan ma tha dad pa ni/ sangs rgyas kyi sku bsam gyis mi khyab pa yang/ sangs rgyas sku gsum du 'dus so// sku gsum yang chos kyi skur 'dus so// chos kyi sku yang ye nas skye shi dang 'pho 'gyur med pa'i byang chub kyi sems su 'dus so/ / byang chub kyi sems kyang yid rang byung gi ye shes btsal du med par 'dus so// de'i don yang rgyud 'dir 'dus so// de yang bya btsal med pa'i skur blta'o// de la sangs rgyas kyi gsung gi rnam pa 'dus pa ni/ sangs rgyas kyi gsung ji ltar snang ba'i chos thams cad tshig dang yi ger ma 'dus pa med pas/ sangs rgyas kyi gsung gcig la gsung yan lag bsam gyis mi khyab pa yang tshig dang yi ger 'dus la/ yi ge yang yig 'bru bzhi bcu rtsa gnyis su 'dus pa dang/ de yang dbyangs yig bcu drug tu 'dus/ de yang yi ge dpa' bo 'bru lngar 'dus de yang yi ge 'bru gsum du 'dus/ de yang yi ge hUM du 'dus/ hUM yang rang gi byang chub kyi sems su 'dus so/ / sangs rgyas kyi gsung yang yi ge med par 'dus so// de'i don yang brjod du med pa'i gsung du 'dus so// de'i don yang gsung mi mnga' bar la bzlo'o// de yang sangs rgyas thams cad kyi thugs 'dus pa ni/ sangs rgyas kyi thugs ni sems can gyi yid yin pas/ sems can gyi yid ni ye nas rig pa'i rgyal po yin pas/ dag pa'i zhing la sangs rgyas dang sems can du 'dod pa nor te/ dper na sman thams cad 'dus pa'i ro dang/ sman tsan dan rda ri'i ro dang mthun pa la khyad med do// de bzhin du sangs rgyas kyi thugs sems can gyi sems kyi chos nyid la khyad med do/ / de ci'i phyir zhe na/ de ni ye nas gnyis su med pa/ rang gi byang chub kyi sems su lhun gyis grub zin pa'o// de bzhin du sangs rgyas thams cad kyang sku gsung thugs su 'dus/ de yang lus ngag yid gsum nyid ye nas btsal mi dgos par lhun gyis grub pa yin/ de yang thams cad du rang gi byang chub kyi sems las gzhan ma yin/ gzhan dngos po dang rtog pa ci snang yang/ de nyid rtogs pa'i ye shes su rol pa ni/ dper na klu yi rgyal po dug can sa yi 'og rgya mtsho nas du ma yod pa'i dus na/ dug gi kha rlangs yod pa'i sa stengs su dug sna tshogs skye'o// de rnams rma byas mthong nas zas dang/ sman dang/ rtsir shes nas zos pas/ kha dog gsal nas med do// dri mas kyang dug sel lo// de bzhin du gzung 'dzin rtog tu spyod pa'i sdug bsngal dang/ dngos po chos thams cad rang gi byang chub kyi sems su rtogs pas/ de nyid bde ba chen po'i byang chub las gzhan ma yin par rtogs pas/ slar byang chub kyi bskul ma ye shes chen po'i mdzad spyod du rol pas/ dngos po'i chos su btsal yang mi rnyed/ sdug bsngal ming yang med par shes pas/ sangs rgyas kyi thugs la dag pa yin/ thugs yang dag pa ni thams cad du ji ltar 'dod par sangs rgyas par spyod pa ni/ dper na rgya mtsho'i nang na klu yi rgyal po'i nor bu rin po che dang// nor bu mang po byin rlabs so/ / so na yod pa de'i thad ka'i steng na/ gser gyi bye ma dang/ rin po che'i rdo rje dang/ rgyan rin po che sil skye'o// de bzhin du rang gi rig pa byang chub kyi sems ye nas grub zin pa'i don 'don/ las ma yengs na/ de ltar ma rtogs pa'i yan man dang khor yug tu yang byang chub sems rtog pa'i don 'char ro// de ci'i phyir zhe na/ nyi ma dang mun pa bzhin no// de lta bas na rang gi byang chub kyi sems la mtha' dang/ dbus dang/ phyogs dang/ ris med cing/ cir yang mi rtog cis kyang mi 'gyur ba ni/ dper na nam mkha' dang 'dra'o// byang chub kyi sems ye nas sangs rgyas pa la btsal dgos pa na dper na gser dang 'dra'o/ / byang chub kyi sems don ma nor bar 'di ltar shes na ci 'dod par dbang bsgyur ba ni/ dper na yid bzhin gyi nor bu rin po che dang 'dra'o// de ci'i phyir zhe na/ sangs rgyas thams cad kyi thugs 'dus pa ni/ byang chub kyi sems bde ba chen po// skye 'chi 'pho 'gyur med pa'i klong du ye nas yid ches pa/ thams cad mkhyen pa'i thugs don de la yid ches pas/ rnam par mi rtog pa'i thugs de la skye shi dang 'pho 'gyur med par shes pas/ thugs byang chub kyi sems zhes bya'o// de la sangs rgyas thams cad kyi lta ba 'dir 'dus pa ni/ sangs rgyas thams cad kyis ji ltar yin pa'i don thog tu phab ste/ nges par yin par thag bcad pa la lta ba zhes bya'o/ / sems kyi rang bzhin cir yang mi snang zhing// cir yang mi 'gyur bar bcas pa la lta ba zhes bya'o// sems kyi rang bzhin la bzang ngan dang/ che chung dang/ rgyu 'bras dang/ gtsang sme med cing/ mtha' dbus dang phyogs ris med par bcad pa lta ba zhes bya'o// sems kyi rang bzhin la ye thog ma dang tha ma med cing/ kun nas zlum pa'i thig le chen po'i klong du bcad pa lta ba zhes bya'o/ / dper na nam mkha' mtshan mar 'dzin pa bzhin/ sems gzung 'dzin du rtogs pa cis kyang mi 'gyur ba'o// nam mkha' cis kyang mi zin pa bzhin/ sems la skyon gyi sdug bsngal cis kyang mi zin pa dang/ mi 'gyur ba dang/ mi 'pho ba dang/ rang bzhin dang/ phyogs ris med par bcad pa la lta ba'o// sems dang/ chos dang/ nam mkha' chos thams cad gnyis su med par lta ba'i don du 'dus so/ / sems dang nam mkha' dang yang gnyis su med pa'i bde ba chen po lta ba'o// de ni nam mkha' ltar yangs pas mi 'gyur ba'o// de nas sangs rgyas thams cad kyi dam tshig dang spyod pa 'dus pa ni/ dam pa sangs rgyas yin pa la/ de yi zhal nas gsungs pa'i tshig yin pas sangs rgyas kyi zhal nas gsungs pa'i tshig las 'du byed dang nyon mongs pa rtsa brgyad du 'gyur ba'i phyir/ dam tshig 'bum ste las stong rtsa brgyad du 'dus so/ / de nyon mongs pa'i nang mthun pa brgyad khri bzhi stong yod pa'i phyir/ dam tshig gi rtsa ba brgyad khri bzhi stong du 'dus so// de bsdus pas lta ba la mu med pa'i phyir dam tshig la mu med do// 'du byed dang nyon mongs pa med pa'i phyir shes na/ dam tshig kyang bsrung du med/ rang gi sems nyid du ma rtogs na gol ba'i nyen che bas/ 'og tu dam tshig 'dus so// zhes gsus so// ma rtogs pa gol pa'i g.yeng ba 'bum yod pas/ dam tshig la mu med pa sa ya 'bum sder 'dus so// 'du byed dang nyon mongs pa'i rtsa stong rtsa bdud du 'gyur ba'i phyir/ dam tshig 'bum sde lam stong rtsa brgyad du 'dus so// de nyon mongs pa'i nang mthun pa brgyad khri bzhi stong yod pa'i phyir na/ dam tshig rtsa ba brgyad khri bzhi stong du 'dus so// de bsdus pa'i lta log gsum brgya drug cu yod pa'i phyir/ dam tshig sum brgya drug cur 'dus so// de rtsa ba brgya rtsa brgyad du 'dus so/ / de yang dug gsum/ dug lnga dang/ rtog pa lnga dang/ phung po lnga dang/ rtsol ba lngar 'dus pas nyi shu rtsa lngar 'dus so// de yang bco lnga las skyed du med pa'i phyir/ dam tshig bco lngar 'dus so// de thams cad kyi rtsa ba lus ngag yid gsum du 'dus pas rtsa ba'i dam tshig gsum du 'dus so// de yang yid du 'dus pas gsang ba'i dam tshig 'da' ba med par gsungs so/ / de la 'da' ba med pa yin no// thams cad du rang gi sems las gzhan du phyogs ris dang 'dus so// de las 'da' ba med pa zhes bya ba ni/ thams cad chos nyid las chos can du 'da' ba med pa yin no/ / thams cad du rang gi sems las gzhan du phyogs ris dang 'da' ba med pa yin/ ye nas kun tu bzang po bde ba chen po las/ sangs rgyas dang sems can du 'da' dbang med pa yin no// de yi dam tshig las 'das na sangs rgyas ma yin no/ / dus thams cad du chos nyid byang chub sems las ma 'das na/ dngos po'i chos nang gi ngan 'dzoms shing rdul du rlog pas/ de las 'das na grub pa thob pa'i lha yang brlag par 'gyur/ zhes gsungs so// de bsdus pas bsrung du med pa'i dam tshig ces bya ste/ de la bsrung du med pa zhes bya ba ni/ kun tu bzang po byang chub sems las ma rtogs pa/ 'khor ba dang mya ngan las 'das pa lta ci smos kyi/ 'dzin rtog ni rdul tsam yang med par 'gyur bas/ thams cad mnyam pa chen po'i klong ngo// de la 'phrin las bya btsal med par 'dus pa ni/ bya btsal med ces bya ba ni/ ye nas grub pa la bya zhing btsal mi dgos pa ste/ dpe gser dang 'dra ste/ rig pa byang chub kyi sems kyi chos nyid/ ye nas kun tu bzang po bde ba chen po men na/ de btsal bas mi 'grub ste/ des na bde ba chen po kun tu bzang po yin no/ / btsal yang sangs rgyas la/ ma btsal yang sangs rgyas pas dper na 'dzam bu chu bo'i gser dang 'dra pas/ 'phrin las bya btsal med pa zhes bya ste/ lto 'grangs na kha zas kyi gtam yi gar mi 'ong ba bzhin dang 'dra bar rtsol skyon du gyur pas 'phrin las bya btsal med pa yin no/ / de ltar 'phrin las bya btsal med pas spong len med par 'dzin pa ni thams cad kun tu bzang po la/ bzang ngan dang che chung yod med rtag chad dam phyi nang gi rnam pa btsal bas mi rnyed pa ngang gis shes/ 'phrin las bya btsal med pa spong len med pa'o// 'khor ba nyid mya ngan las 'das pa yin par rig pa nang nas shar/ nyon mongs pa rang sdug bsngal thar pa chen po'i lam du ting nge 'dzin gyis longs spyod mdzad/ phyin ci log tu bde ba chen po mi 'gyur ba'i gter btsugs pas/ dngos po thams cad bskal pa'i me bzhin bsregs pas/ sgrib pa thams cad thal tshor rlung gi gtor/ las dang nyon mongs pa thams cad bar snang gi na bun bzhin sangs rgyas pas/ sems kyi rang bzhin ci yang ma yin pa'i dbyings la brdal/ ye shes kyi rang bzhin rig pa spyi khyab tu shar/ gnyis su med pa'i don mtha' dbus phyogs ris med par klong du gyur pas/ dus gsum gyi sangs rgyas chos kyi sku 'gyur ba med pa'i rnal du/ sku gsum lhun gyis grub pas mi nub pa'i rgyal mtshan/ mi 'gyur ba'i gter bcug pas/ sangs rgyas dang sems can mnyam pa chen po'i klong du 'da' ba med par dam bcas/ ji ltar snang ba kun tu bzang po'i mdzad spyod dang 'phrin las su dus dang rkyen med par mnga' thang skyes/ sdug bsngal dang rnam par rtog pa thams cad ye nas mthar phyin pas/ sangs rgyas thams cad kyi sems kyi 'phrin las/ ma nor ba 'gyur ba med pas dgyes/ yab kun tu bzang po thams cad byang chub kyi sems kyi sras su gyur pas/ thugs mya ngan chos nyid du sangs/ dngos po ma skyes pa'i chos nyid du sems mi g.yo ba'i ting nge 'dzin ni gsal ba'i rig pa rang byung gi ye shes btsal mi dgos pa'i 'bras bu sangs rgyas pas/ ngan song dang 'khor ba chos btsal yang mi rnyed pas/ sangs rgyas kyi 'phrin las ma nor ba ma yin no// de la gnyis su med pa'i spyod pa ste/ chos nyid spyod pa gang yin pa rang gi sems yin te/ de ci'i phyir zhe na/ dper na sngon po gang yin pa baiDUr+Ya la/ baiDUr+Ya gang yin pa kha dog sngon por snang ba dang 'dra bar/ chos nyid gang yin pa rang bzhin med pa'i byang chub sems yin pas/ rang bzhin med pa gang yin pa byang chub kyi sems kyi chos nyid yin pa yang 'phral du byas shing btsal ba ma yin/ des na de ltar gnyis su med cing bcos ma ma yin/ sems nyid spyod pa yin pa dang ji ltar snang ba'i chos thams cad mtha' la mi gnas pa/ dbus la mi dmigs te/ dus gsum du 'dus ma byas par sangs rgyas pa de la/ gnyis su med pa bde ba chen por longs spyod pa yin pas/ rgyu 'bras dang phyi nang gi chos la ji ltar yod kyang rtag cing dngos su 'dzin pa med la/ med cing chad par stong zhing grol ba med pas/ sems kyi chos nyid ci la yang 'ching grol med par longs spyod pa/ thams cad sems nyid chos nyid kyi spyod pa yin pa de ni/ dper na 'khor los sgyur ba'i rgyal po yongs su chos skyong ba dang/ 'dam rdzab dang/ ngan skyugs dang/ khyi lud kyi nang na 'dug pa dang/ rin po che'i khang pa na 'dug pa la/ bsod nams dang/ longs spyod dang/ 'dul ba'i zhing la khyad med de/ slar 'di 'dam rdzab dang ngan skyugs kyi nang na 'dug pa/ rin po che'i khang pa na 'dugs pas kyang longs spyod rgyas shing che bar snang ste/ rgyal po'i rgyu dang gsog ma yin/ rgyal po gang la yang ma chags pa'i sbyin pa yin pa dang 'dra bar/ rang gi byang chub sems ni ngan song gi 'khor ba'i chos dang/ rnam par byang ba mya ngan las 'das pa'i la ji ltar spyad kyang/ de la che chung dang phyogs ris su phye ba med de/ slar 'khor ba nyid mya ngan las 'das pa'i rtsa ba/ sangs rgyas thams cad kyi rje btsan/ kun tu bzang po btsal ba med pa/ rang byung gi bcom ldan 'das su ye nas 'ub kyi chub par longs spyod pa de/ de 'phral du yid kyis smon te/ sems kyi mos pa dang bcos pa ma yin/ de ni ye nas rang gis sems ye nas rang bzhin med pa'i chos nyid du longs spyod pa la/ ye shes chen po'i chos su ye shes chen po'i spyan gyis mi gzigs shing/ phyogs ris dang bzang ngan du kun tu bzang pos kyang mi rnyed/ skye 'chi dang 'pho 'gyur du phyogs bcu'i sangs rgyas kyis kyang mi mkhyen sems kyi spyod pa lta ba nam mkha' 'dra ba la/ sems kyi dam tshig 'da' ba med pa yin/ brtan pas gzhi 'dra bas/ sems kyi spyod pa gnyis su med par longs spyod pa chu klung chen po bzhin du/ dus dang nyin mtshan du 'gyur ldog med par spyod pa/ sangs rgyas kyi mdzad spyod ma nor ba'o// chos nyid byang chub sems la bzang ngan med pas/ gtsang sme byang chub sems la med pa/ bzang ngan med par spyod pa dang/ chos nyid byang chub sems la phyogs ris med pas/ spong len med par sgrol ba la sogs pa yang/ byang chub sems kyi spyod pa spyad pa'i ngo bo med pa yin no// de la spyad pa'i ngo bo med pa ni/ thams cad sems kyi ngo bo la 'di 'dra zhes bya bar grub pa med pas ji ltar spyod kyang spyod pa'i ngo bo med pa yin no// de ni dper na nam mkha' la 'dus byas kyi chos ji ltar spyod kyang spyod pa'i ngo bo med de/ de'i skyon gyis gos pa med do// de bzhin du byang chub sems kyi spyod pa ni/ rgya mtsho dngas pa'i nang na nyi zla gza' skar gyi gzugs brnyan ji ltar spyod kyang de la dngos po dang mtshan ma med de/ chos nyid rgya mtsho dang 'dra ba'i don zab mo thugs su chud pa yang de bzhin no/ / de la ma nor ba zhes pa ni/ ye nas yin nges pa'i don 'di ma bcos par shes pas na ma nor ba'o// thams cad la byang chub kyi sems kyi spyod pa yin par ma shes na/ rgyu 'bras kyi rtsol bas sangs rgyas kyi rtsol bar rtsol spyad kyang slar 'khor ba'i rgyu tshi chad pa'i sdug bsngal yin te/ de ci'i phyir zhe na/ des sems kyi don ye nas yin par mi shes pas/ rmongs pa nam mkha' snyeg pa dang 'dra ba yin no// chos nyid byang chub sems kyi rang bzhin nas rin po che man shel bzhin du rnam par dag pa de bzhin du/ gdos pa can ma yin pa/ nam mkha'i dbyings ltar spros pa thams cad dang bral ba/ de yang ye nas de ltar yangs shing rgya chad pa yang ma yin par// ting nge 'dzin gyi 'od zer nyi ma'i dkyil 'khor ltar gsal la mi bsgrib par rang byung ba'o/ / de yang 'jig rten mtshan ma'i chos can lta bu ma yin te/ blta ru ni yod/ gzung du med/ snang ni snang/ dngos por ni ma grub ste/ gzha' tshon chu zla lta bu'i dpe mtshon/ yid ting nge 'dzin ji ltar 'dod pa bzhin 'byung ba nor bu dang 'dra bar/ don bstan pas ye nas rang bzhin med pa kun gzhi'i sems kyi rgyud thams cad la gnyis su med pa'i sems kyi longs spyod/ 'dod pa thams cad ma btsal bar lhun gyis grub pa/ sems kyi 'bras bu las rang 'char ba yin pas/ de'i phyir sems kyi chos nyid byang chub sems rtogs na/ rtogs pa'i ting nge 'dzin dang/ ye shes rol pa'i 'phrin las sna tshogs su zad pa med par 'char pa'o/ / de ltar de bzhin gshegs pa thams cad dgongs pa 'dus pa'i rgyud 'dis thos pa dang chos thams cad ji lta ba'i rnam par yang dag gis ma shes snyam du sems na/ rgyud 'di thos pa'i drin yin par rig par bya'o/ / de nas yang 'di snyam du/ sangs rgyas thams cad thugs ye shes gnyis su med pa'i ngang du gcig pa la/ phyogs dang ris med pa drod yin pa rigs par bya'o// de nas don de la dngos po cir snang yang rang bzhin med par yid ches/ dus dang rgyun ji ltar 'gyur yang thog ma nas mtha' ma g.yos pa'i klong du chos nyid la 'thil du phebs pa'i drod yin par rig par bya'o// de ltar rnal du phebs pa dang/ thams cad kyi rnam pa 'di la yod ces pas sems med ce 'am/ rtog ce 'am/ mi rtog ces pa'i rnam pa ci yang med par thams cad du mi g.yo ba'i ngang las/ mi 'gyur ba'i rig pas zin pas/ 'jig rten ming yang med pa'i bde ba chen por gyur pas/ yod med rtag chad kyi chos las 'das te/ lham me/ lhan ne/ lhang nge 'gyur ba snyam byed pa ni/ sems las su rung pa'i drod yin par rig par bya'o// de lta bu'i don las ma yengs pa de las/ bdag gi rnam par rtog pa 'phrul gyi me long la gsal ba ltar/ rtag pa ming yang med/ gzhan gyi rnam par rtog pa mtshon gyis mi 'jom pa ltar cis kyang mi 'gyur/ mi g.yo ba'i klong du gyur pa ni/ sems las su rung ba'i don la drod rtags kyi blo phebs pa yin no// de ltar drod rtags kyi phebs pa'i kun tu bzang pos sangs rgyas la ni/ sangs rgyas dang sems can dbyer med par lta ci smos kyis/ tshig dang yi ge med pa'i sangs rgyas zhes bya ste/ dngos po dang/ gzung 'dzin dang/ rnam par rtog pas thams cad sems kyi chos nyid du ye nas sangs rgyas pas/ de nyid byang chub kyi sems bde ba chen po mi 'gyur ba'i g.yung drung du dus dang gnas skabs med par sangs rgyas pas/ sangs rgyas zhes bya ba don las btags so// zhes ston pa bcom ldan 'das kyis gsungs so// de bzhin gshegs pa thams cad kyi dgongs pa 'dus pa'i rgyud rdzogs so/ /// de bzhin gshegs pa thams cad kyi dgongs pa sbyi dril gyi rgyud ces bya ba/ b+ha ra ha'i brag phug tu bal yul gyi rgyal po nor 'dzin zhabs dang/ rdo rje yang dbang gter gyis bsgyur cing zhus nas gtan la phab pa'o/ sa ma ya kha thaM//// rgya gar skad du/ ta thA ga tA sarba ma hri da ti tan+ta nA ma/ bod skad du/ de bzhin gshegs pa thams cad 'dus pa'i rgyud ces bya ba/ bcom ldan 'das khro bo'i rgyal po la phyag 'tshal lo// 'di skad bdag gis thos pa'i dus gcig na/ bcom ldan 'das chos thams cad lhun gyis grub pa'i rang bzhin/ yongs su bkod pa'i snying po/ mkha' dbyings rnam par dag pa'i klong rgya yaungs su ma chad pa/ rang bzhin lhun gyis grub pa'i gzhal yas khang na/ rdo rje snying po drags pa 'joms pa nyid/ dus gsum gcig pa'i sangs rgyas dang/ rigs lnga'i khro bo rnams dang/ dregs pa can lha ma srin sde brgyad kyis bskor te thabs cig tu bzhugs so// de nas bcom ldan 'das rdo rje 'chang chen pos sangs rgyas thams cad kyi rang bzhin/ chos nyid mnyam pa nyid ci yi ngo bor yang ma grub pa kun la khyab par gnas pa de la/ 'khor rnams sems 'phros par gzigs nas/ ma skyes ye nas gnyis su med// rgyu dang rkyen med rang byung ba/ / de las kun 'byung thams cad yin// stong pa nyid las g.yos pa med// ces gsungs pas/ de nas rdo rje snying pos// bcom ldan 'das la gsol pa/ sangs rgyas kun gyi rang bzhin dngos// lhun gyis grub pa'i ye shes khyod/ / 'khor gyi dregs pa dbang sdus shig/ ces gsol ba/ de nas bcom ldan 'das thams cad 'dus pa zhes bya ba'i dgongs pa la bzhugs nas/ 'byung ba lnga ni ye nas lhun gyis grub pa'i gzhal yas khang/ / mtha' dbus med par rim pa'i tshul du gnas// 'byung ba nam mkha'i chos nyid spros bral gur// 'byung ba me nyid ye shes rang gsal gur// 'byung ba chu nyid rnam rtog dag byed chu// 'byung ba sa nyid kun gzhi ye nas dag/ sems nyid rmad du byung ba stobs dang ldan// rab tu khros pa'i tshul 'chang bas// 'jig rten khams rnams khro bos gang bar mdzod// 'jig rten khams rnams rab tu g.yos/ / ldeg go rab tu ldeg/ 'ur 'ur/ rab tu 'ur/ chem chem/ rab tu chem mo// 'jig rten thams cad 'jigs la khad do// 'khor rnams thams cad 'gyel te dbang po nyams so// de nas bcom ldan 'das kyi bde gshegs spyi dril bas/ stobs kyi stobs khyad par du gyur pas srog gi dngas ma rnams gsal bar mdzad de/ de ma thag tu 'khor rnams dran pa rnyed nas/ rang gis srog gi snying po mdongs gsol du phul lo/ / bde bar gshegs pa thams cad thugs gcig tu bsdus nas nus pa'i mthu dang ldan zhing// thams cad gzi brjid dang ldan par gyur to// bde bar gshegs pa thams cad kyi dgongs pa 'dus pa'i rgyud las/ gleng gzhi'i le'u ste dang po'o//// gsang bdag rdo rje snying pos// bcom ldan 'das la 'di skad ces gsol to// kye ma bde gshegs 'dus pa'i sku 'khor gyi dregs pa dbang bsdus nas/ / bde gshegs 'dus pa'i dbang dang ni// dam tshig sngar rnams bshad du gsol// zhes gsol pas// rdo rje 'chang gis nges gsungs pa// drag po sngags rgod sbyor ba la// bsnyen bsgrub byed rtsol mthar ma lhung/ / re dogs bred pa'i g.yang sa med// bzlas pa tsam gyis rtsal shugs 'byin// dran pa tsam gyi kha 'ching mchog/ snang srid dbang gi dkyil 'khor du// ma bskur bskur med ye nas brtson/ / skyes bu rig pa'i rtsal ldan pa// dbang mchog chen po ye nas gnas// dam tshig chos rnams kun gyi gzhi// ngo bo chos sku byang chub sems// chos rnams stong pa'i ngang la rdzogs// stong nyid snying rje'i ngo bo can/ / dam tshig chen po de nyid bsrung/ 'phrin las rim pa ma 'gags pas// dus gsum rgyal ba'i byin rlabs stobs// ma lus 'dus pa rdo rje'i bka'// gzhi dang lam dang 'bras bu'i rgyud/ lta spyod dkyil 'khor dam tshig dbang/ / las rim bsgrub dang gsang sngags dang// ngo bo 'brel bcas rgyu dang rkyen// rang bzhin gnas dang mngon byed pa// gsang sngags rgyud kyi nges pa bshad// bde bar gshegs pa'i dgongs rgyud las/ / dam tshig dbang gi le'u ste gnyis pa'o//// de nas bcom ldan 'das gsang ba'i bdag pos 'di skad ces gsol to// rgyal ba kun gyi rang bzhin 'dus// thugs rje lam la bsgrub pa la/ / bsgrub pa'i ting 'dzin bshad du gsol// rdo rje 'chang gis nges gsungs pa// bde gshegs 'dus pa'i sku bskyed la// stong pa'i ngang las rol pa'i sku// zhal gsum phyag drug zhags bzhir bgrad/ / g.yas dkar g.yon dmar dbus mthing zhal// mthing nag sku la me 'od 'bar// glang chen stag dang sprul gyis brgyan// zhal bgrad mche gtsigs ag tshom 'phyir// rigs lnga'i khro bos dbu la brgyan/ / 'khor lo ral gri rdo rje g.yas// be con gtun shing sdigs mdzub g.yon// spyi gtsug mkha' lding rgyal po la// rdo rje sder gshog brgyang ba'o// mgrin par rta mchog ra ga'i mdog/ thod dbyug rta mgo 'phrin las zhal/ / thugs khar badzra he ru ka/ lte ba phyag na rdo rje la// gsang bar rdo rje gzhon nu'o// ro langs khro mos g.yon nas 'khril// phrag gong khyung dang 'ug pa gnyis// dpung khar stag dang seng ge la/ / dred mo mthing skya mchan khung du// lta zur sbrul nag me 'bar gnyis// mdun du ya ma rA dza ste// sku stod khro bo chen po la// sku smad phur pa'i cha byad de// mgur gyi bum pa man chad nas// zhabs kyi gong bu yan chad du/ / me rlung khro chung 'khor lo bsnams// de yi lus la gtams par bsgom// thams cad 'dus pa'i ting 'dzin des// lam sa de la gnas pa na// sgrib sbyong bde ba lta bur 'gyur// de nas bsgrub pa'i sngags gsungs pa/ / rig sngags las su 'khyer ba la// ri mig bcu gcig rim pa bcu// 'khrul 'khor khro rgyal 'dus pa nyid// sangs rgyas kyis kyang mi thog go/ bde gshegs phyir dril gsang sngags la/ / rnal dang bzlog dang dkrugs dang dal// gsang sngags rgyal po gsang ba gsungs/ e yaM raM baM laM/ a i u e o// ri li aM/ ka kha ga g+ha nga/ ya wa ra la/ a kro te ka ya man+ta ka/ kri sna ka la ru pa/ hri sti ya ma ye/ du ru ye// bya tsa ye/ sing ha ye// hri badzra kro d+ha/ ha ya g+h+ri ba/ pad+ma ta kri/ ra ga tsaN+Da/ badzra pA Ni/ tsaN+Da ma hA ro Sha na/ ka li kri ta/ ya ma ra dza hri kri ra ya/ badzra ki li ki li ya/ hUM pa ra bi tan tig sna dza la u ne u ne hUM dza dza/ rgyun du bgrangs pas las rnams 'grub// dus gsum rgyal ba'i snying po ste// mi 'gyur rtsa ba brgya dang bcu// bzlas pa tsam gyis dngos grub 'byung// de nas gsang bdag chen pos zhus/ / 'phreng ba sngags kyi ngo bo dang/ bzlog dang dkrug dang dral ba rnams// dgos ched dpa' bos bshad du gsol// de nas bcom ldan 'das kyi gsang sngags kyi ngo bo bshad pa/ gsang sngags don gyi ngo bo ni/ / skyob pa'i don gyi gsang sngags bshad// rang bzhin stong pa spros dang bral// skye ba med pa'i ye shes min// rnam pa yi ge'i gzugs brnyan te// ngo bo lha yi sku ru 'dus// lha dang yig 'bru gnyis med de/ / dus gsum rgyal ba'i byin rlabs rnams// sngags dang 'khor los gsal bar 'gyur// de ni rnal ma'i bsnyen pa yin// bzlog dang dkrug dang bral ba rnams// kun gyi thun mong ma yin te// lnga brgya tha ma'i las su gsungs/ / de nas sngags kyi grong khyer dkrug pa 'di gsungs so// e ra ra kra ye/ hri ta d+ha ya ling/ sna yaM li la sna/ du badzra khrid mA ma ki dza raM aM aM/ ka ru kro ra ha ra la la/ baM ka kro la ye/ ta ka ro tsa ya/ u laM kha te ru/ bya ha tsa na shi hra hUM na/ a ga ka pa tsa ya/ d+ha na kri pa u i g+ha ya/ hri ye gri badzra ka ra ra ne u/ nga mang ti sing bal yi ya bi hUM/ e ya ta ya nga sad ni kri badzra stan dza/ oM wa ka ma ye/ ma tsan ta ki tig dza/ a mu ka ma ra ya rbad/ drag sngags dran pas 'khor rnams khrag skyug cing// dgra bgegs srog rtsa mngon du khyer nas 'ong// lnga brgya tha ma'i dus su ni// las 'gyangs log na bya ba las/ / lha srin srog 'phrog cho nges 'don// mangs na 'khor gyi dregs pa brgyad// ya bag sha yi las yin no// gral ba kha 'ching dkrug pa'i drag sngags ni// e yaM raM baM yaM/ a i u e o wa ya/ nga g+ha ga kha ka aM/ li ra ra la/ a kro te ka ya man+ta ka/ ma ya ti hri pa ru la ka sna kri/ ye du ru ye bya tsa ye seng ga ye ma pad pa gri ya ha d+ha kro badzra hi/ ta krid ra ga tsaN Da badzra pA Ni/ tsan tra kri li ka/ na sha ro ha ma d+ha/ ya ma ra dza hri kri ra ya badzra ki tig tan pi ra pa hUM ya la ki la sna/ dzra la u ne hUM hUM dza dza/ dkrug pa rtsibs kyis 'phreng ba nyid/ kha 'ching mchog tu dpa' bos gsungs/ khri las mang na lho phyogs kyi// gshin rje nyid kyang khrag tu skyug/ gral ba sngags kyi ar gtad yin// sngags pas bdag dang bsreg dang bcing// dkrug pa 'di yis nges par 'grub// sngags pa nag po dgrar longs so// rtags 'gyangs las 'gor bya ba las/ kha 'ching mchog tu dpa' bos gsungs// bzlog pa ye shes spongs pa ste// thun mong ma yin 'gyungs na bya// slad kyi drag sngags bstan pa'i le'u ste gsum pa'o//// de nas 'khor gyi dregs pa rnams kyis srog rang dbang med par phul ba/ ai ka he ki g+ha ma he ka/ tsa tur thar kang/ b+his sa ma dza ra kus ma dza ni dzis sad ka ru hUM phaT/ ya ma he sa sarba du ya tsit+ta sarba du sta/ byad bstebs spum khas srog rtsa tur thums/ dun he b+h+yo dun ma ma b+h+yo b+h+yo u ne u ne u ne che ge mo'i rigs bzlog ma ra ya phaT/ e ha sa ma ya dza ra ma dza dza ti ka e su nan/ dag dza dza/ ti dzA tA ya ka sha rbad tshal bu dan d+he ma ma snying sto ma hu ra dza dza/ sho ma ma ra ya rbad pa/ tsis su ti bya ni ya ni ya ma snying khrag dar ni b+h+yo/ myags myags rbad/ sarba duSh+tan la tri phyung/ phud phyung phyung/ sarba dus ban nan thun gzer rbad/ tsit+ta ya rbad/ mi shig thig shing/ kun dun ta dun b+h+yo/ dun dun d+h+ri sha b+hi ma b+had tig na phye/ ur mo nang 'bras byung ba na// byas pa bshigs dang zhen pa bzlog/ gnas pa spo dang zug pa dbyung// bcings pa dgrol dang bshal kha bsgyur// drag sngags 'di yis 'grub par nges/ / ngos zin dregs pa re dang sbrag/ ngos ma zin na sde brgyad la// spu gri btab pas 'grub par nges// srung byed drag sngags kyi le'u bzhi pa'o//// de nas yang dag nges gsungs pa/ / dregs pa rang gshed ngan sngags bstan// srog dang snying po bstan pa ni// ya ya ma ma ma ma ru lu d+ha ta dun ting ki la ya du tir ti ka d+ha ru tra a d+he ba rang rag sha k+Sha yang sha rang rag mo/ k+Sha yag mo tsa ra tsa shu la/ me dun ting ru ru tri ni/ tri haM shaM tri/ badzra sa du ru tri/ phus nag bstun gnod byed sde brgyad do// a ya ma du ru tsa sha na/ spu gri rang gshed dbab pa ni// yag shi snying kha rag dun dun rbad/ du ru ru tra ma trang srog tig/ ma taM ru tri srog mA ra ya rbad/ nag po tsit+ta snying kha rag byin sna dun dun rbad/ hring sha b+his ma srog dun dun trig nan/ ma ru ra dza dun dun rbad/ ra tsa ha ste dun dun rbad/ tri tsa rag dun dun rbad/ he le ru le baM ril dun dun rbad/ srog trig nan/ badzra sa sa du ru tra dun dun rbad/ badzra sa du a ni dun dun rbad/ rag sha yag sha snying kha rag dun dun rbad/ a kro ra dza tsit+ta srog ma ra ya rbad/ trig nan/ ra hu la ma ra ya tsa na thun ril/ tsa pa ma ni ra hu lu bi sha mi ki ma ra tsa sha srog dun/ dun trig nan/ trag ma ma rag sha kha rag ru tri dun dun rbad/ ma ma ltag khung ma ma bdud srog tig nan/ rbad thum ril rbad dug phrag mi ro ma ti/ srog d+hig nan/ ru lu ru lu thum ril nan/ a dun sa nan dza raM sad ka ra ya/ baM ma ra ya rbad/ thun gzir thun b+h+yau/ rag mo ru lu tri mug che ge mo ma ra ya rbad/ khung tri dun dun khye ma na trig nan/ sho khraM na mA ra ya rbad sa na ga trig nan/ phu hur thums dza/ sa na ga pu ma phu ya rbad/ dregs pa rang gshed rang gis 'bebs pa'i le'u ste lnga pa'o//// de nas yang dag nges bshad pa/ / phral la gnod pa'i bgegs chen la// byas pa bshig pa la sogs pa// brgya yis don rnams 'grub par nges// stong phrag gcig gis ma thul na// 'bros pa'i ri dang rno ba'i ngar// bsdebs pa'i grog dang bsags pa'i mchog/ phyi nang drag sngags ting 'dzin stobs// gsang ba'i srog nyid bstan pa yang// snying po byang chub sems su shes// bde gshegs 'dus pa rang nyid yin// bde chen gnas nas pho nyar 'gyed/ / gnyis med ngang las mi g.yo bar// skad cig srid gsum dbang du sdud// ces pa'i 'khor lo rim pa ni// rnam dag gnas pa'i 'khor lo yin// bde gshegs ye nas brjod dang bral// sku lnga sems kyi ngo bor 'dus/ / stong pa kun 'byung 'khor lo yin// gnas pa'i 'khor lo sems la 'dus// srid pa'i 'khor lo lus la 'dus// sprul pa'i 'khor lo 'gro drug 'dus// gang la gang 'dul rim par ston/ / gcod pa'i 'khor lo mtshon cha ste// yig 'bru gnad nas bskul bas gcod// stobs dang 'khor lo bstan pa'i le'u ste drug pa'o//// de nas gsang bdag chen po des// dpa' bo che la 'di skad zhus/ / kye kye dpa' bo chen po lags// bde gshegs dgongs pa'i las mtha' la// gsad dang gso ba bshad du gsol// zhes zhus pas// rdo rje 'chang gis yang gsungs pa// gsad gso rnam pa mang gis kyang/ / las chen bzhi ru drul pa yin// klu ni chu la bsten te gsad// lha srin dregs pa srin rdo la// bstan pa e la bsten nas bsrungs/ ur mo nang 'dras tsa ra la// bstan la rang gshed dag tu dbab/ rdo rje ur mo bgras pa la// rol po mtshan dang ldan pa la// pho brgyud g.yas la mo brgyud g.yon// ra yi bar tu b+ha 'dra'i gzugs// zhing lpags dril la mgo la brab// e ra ka de ba sha mo ha na ma a ri sha b+h+yo/ de nas g.yas dang g.yon la bral// des na d+ha 'dra brlag par nges// klu yi gnas sa chu yin te// chu la bstan te rang gshed dbab// nad pa skom gyis gdungs pa la// klu ni phyi ru chu la thon// dkar gsum bkang ba'i chu gtsang la/ / nad pa'i kha btad rgyab nas brab// gdag pa phyi ru thon pa dang// smag shad se ba'i mda' gzhu yis// bsgrun nas bsregs te gnas par ro// rnal 'byor can gyi byas pa na/ / gdug pa'i klu nad zhi bar byed// lha srin dregs pa gdul ba ni// srin rdo dkar nag sran tshad la// dug dang khrag ni blug cing bsreg/ dregs pa de la mkhas gyur na// dregs pa mod la brlag par 'gyur/ / de nas bstan pa dam pa la// gnod pa'i dgra bo bsgral ba ni// mkha' 'gro gzan la babs pa bzhin// dregs pa dgra la dbab pa ni// 'brub khung gru gsum phung pa'i sa// ro sol dag gis nag por byug/ snying khar ming bri dpral bar rus// bris la gru gsum nang du bcug/ nga rgyal bskyed la dregs pa bkol// ya ma trig nan nri hur thums dza/ dgra bo che ge mo ma ra ya rbad/ ma ma ru la trig nan/ du na ting ki la ya trig nan/ ra tsa trig nan zhes ni dregs pa kun la sbyar// rno myur 'dod na pho rbad cing// tshan chen 'dod na kun mo sbyor// dregs pa pho mo thams cad kyis// sha la srin bu gtub pa bzhin// brnag pa'i lus srog 'brel bar bsam/ / thod pa mtshan ngan nang bcug la// dregs pa gnas sar gnas par bya// des ni dgra bo brlag par 'gyur// zhes gsungs so// las bzhi bstan pa'i le'u ste bdun pa'o/ /// de nas yang dag bshad bya ba// rang lus rdo rje spyi dril bsgom// brgya dang bcu po drang ba ni// rang lus rdo rje lta bur gnas// 'byung ba khrugs pa dngas snyigs 'byed// lha srin bran g.yog lta bur 'gyur/ / rbod gtong gnod pa'i rtags bstan pa// ri nyil mkhar rdib bshags pa bya// mon pa zhib can mang po rmi// gshin rje yin pas rang gshed dbab// g.yag dang mun pa sos pa 'dud// rta pa khyi dmar klu btsan te/ / zhang blon ban d+he dge bsnyen yin// btsun pa bu chung rgyal po yin// bud med mang po ma bdud yin// ban d+he mtshon thogs rbod gtong yin// nya lcag sa bdag sa srin yin/ khyi dang rga mo dam sri yin/ / 'od dang me stag dkor bdag yin// rtags rnams mi gsal rtsub 'gyur na// sde brgyad dril la thems gsum gzhug/ des ni dregs pa zhi bar 'gyur// zhes gsungs so// dregs pa'i rtags bstan pa'i le'u ste brgyad pa'o/ /// de nas dregs pa de rnams la// tshar bcad mnan pa dpa' bos gsungs// shog bu dag la bdud kyi gzugs// bris la g.yas su gdags par bya'o/ / rgya gram lam du spus gang mnan// btsan la sha ru khram btod la// mtshon gyis dkris la gong gsum mnan// phur pa mkhan la mdzo rdol thod// rgyal po lcam dral gri dkar thod// rgyal po phug bdag la bar gsal/ / dkor bdag dam sri them pa'i 'og/ rang rang gnas pa'i sa ru mnan// des ni dregs pa'i kha 'ching mnan// zhes gsungs so// dregs pa kha bcing ba'i le'u ste dgu pa'o//// de nas dpa' bo chen po des/ / rnal 'byor bsrung ba'i 'khor lo bshad// dus khrod ras sam rgya shog la// bsrung ba'i 'khor lo rtsibs brgyad la// ming gzhug drag sngags 'di yang gsungs// oM e ka ya ma/ he ka ya ma/ dri ma ya ma/ sarba tsit+ta/ gzer thums/ big nan/ trig nan/ rbad ya/ che ge mo la rak+Sha rak+Sha rak+Sha hUM/ stong du bzlas na thams cad 'ching// drag po sngags kyi rtags rnams ni// chu 'brub dar chen 'phyar ba dang/ / sems can gsod de mkha' la lding// nyi zla shar ram lus sems dpa'// gcan gzan bran du 'khol ba dang// lha srin bran du 'khol ba 'ong// drag sngags kyi rtags bstan pa'i le'u ste bcu pa'o/ /// de nas bcom ldan 'das kyis drag po spu gri 'di gsungs so// yul khams bsrung na glang ru ru nyungs kar thal chen bsngags shing gtor na ser ba gnam mthar skyel/ a mu kha myogs rbad/ trig nan shag rbad/ u nan shag rbad/ sbur nan thum ril rbad/ oM hur thums dza breng shag raM raM rbad e/ e bzlas bzlog pas yul khams thub par nges/ zhes gsungs so// yul khams bsrung pa'i le'u ste bcu gcig pa'o/ /// de nas gsang ba'i bdag pos// bcom ldan 'das la 'di skad ces gsol to// bde gshegs dril ba'i lha tshogs la// bstod bskul mchod bstod gnang bar mdzod// ces gsol pas/ / bcom ldan 'das kyis bde gshegs 'dus pa'i lha tshogs la bstod cing thugs dam bskul ba 'di gsungs so// hUM mi rtog dbyings nas thugs dam skur bzhengs pa// 'byung ba gur chen phub pa'i gzhal yas nas/ khro rgyal 'dus pa dpal chen rngam pa'i lha// sku mdog mthing nag 'jigs pa'i sku// g.yas dkar g.yon dmar dbus mthing drag po'i zhal// 'khor lo ral gri rdo rje g.yas// lha srin sde brgyad zil gyi gnon/ / be con gtun shing sdigs mdzub g.yon// srin mo ma mo bran du 'khol// sdang mig lta zhing nga ro drag po sgrogs// klu rigs bran du 'khol zhing thams cad dbang du sdud/ / mchod gtor bzhes la thugs rjes bdag la skyobs// rta mgrin rgyal po ra ga'i mdog/ rta mgo ljang khus 'phrin las mthar phyin mdzad// mchod gtor bzhes la sde brgyad dam du sdus// che mchog rgyal po thams cad 'joms pa'i lha/ / gdug pa'i stobs kyis gdug pa'i nga ro 'joms// mchod gtor bzhes la dregs pa nga ro chos// bya khyung rgyal po 'jigs pa'i nga ro can// lcags sder rdo rje gdug pa'i klu gnyan 'dul/ / mchod gtor bzhes la gdug pa'i klu gnyan thul// 'phrin las rdzogs pas sras mchog ku ma ra// mthing nag gru gsum 'bar ba'i klong dkyil nas// zhal gsum phyag drug phur pa 'dril zhing 'debs/ / mchod gtor bzhes la 'phrin las rdzogs par mdzad// bka' sdod ya ma ra dza ni// sku stod khro bo rgyal po la// sku smad phur pa gru gsum dpal dang ldan// gang la dmigs pa rlag par byed// mchod gtor bzhes la sngags kyi dug mda' bzlog/ ces gsungs so// mchod bstod kyi le'u ste bcu gnyis pa'o//// de nas 'khor mang po dga' mgu yi rangs te/ bcom ldan 'das la mngon gsum du bstod pa/ e ma sangs rgyas thams cad 'dus pa'i sku// bde chen ngang las thabs kyi bye brag 'char// gnyis med 'bras bus khams gsum rgyas btab nas// mi 'gyur lhun grub rdzogs pa'i sku la 'dud// skye med dbyings las thugs rjes don mdzad pa/ / e ma mi rtog dbyings la khro rgyal dregs pa 'joms pa'i sku// dbang sdud gtum rngam chen po'i sku la 'dud// skye med dbyings las thugs rjes don mdzad pa// dug gsum nad sel sman pa'i rgyal po ste/ / bdud rtsi rgyal po khyaud la 'dud/ ces stod do// bstod cing rjes su yi rang ba'i le'u ste bcu gsum pa'o//// bde bar gshegs pa'i dgongs rgyud 'bras bu yongs su rdzogs pa zhes bya ba/ / gsang bar gdams pa rdzogs so// sA mA yA kha thaM//// rnal 'byor nang pa'i tshogs rgyud zhes bya ba bzhugs so/ de nas byang chub sems dpa' rnams kyis gsol ba// de lta bu'i tshogs rgyud chen po 'di 'jig rten gyi khams gang dang gang du snang bar 'gyur// sems can rnams la ji ltar phan par 'gyur/ / bde bar gshegs pa lung bstan du gsol// rdo rje sems dpas bka' stsal pa/ rnal 'byor gyi tshogs rgyud chen po 'di ni 'dod khams dang/ gzugs khams dang/ gzugs med pa'i rigs thams cad du khyab par 'gyur ro// dang po 'og min gyi gnas su ting nge 'dzin gyi pU tsa'i mchod pa las rgyu blang ste// rnal 'byor gyi tshogs kyi mchod pa phul bas/ thams cad chos kyi skur sangs rgyas bar 'gyur ro// de nas gzugs khams kyi lha tshogs su tshogs sbyor gyi tshogs 'dis khyab pas/ dpal tshangs pa dang brgya byin gyis rgyu byas te/ lha'i longs spyod rnam pa sna tshogs pa las gzhi blangs te// rgyal ba'i dkyil 'khor rab 'byam 'khor dang bcas pa la// rnal 'byor gyi tshogs mchod chen po phul bas/ lha'i rigs 'bum phrag bsam gyis mi khyab pa/ phung po mi gnas par mya ngan las 'das pa mngon par rdzogs par sangs rgyas par byed do// de nas drang srong rnams kyi rigs su rnal 'byor gyi tshogs rgyud 'dis khyab pas/ drang srong rnams kyis rnal 'byor pa'i longs spyod rnams pa sna tshogs pas/ rgyal ba'i dkyil 'khor la mchod pa phul bas/ drang srong la sogs pa rim gyis phung po lhag ma med pa'i mi gnas par mya ngan las 'das par mngon par rdzogs par sangs rgyas par byed do// de nas klu'i rigs su rnal 'byor gyi tshogs rgyud chen po 'dis khyab pas/ klu'i rgyal po 'jog po dang/ klu'i rgyal po rgya mtsho la sogs pa/ klu'i longs spyod rnam pa sna tshogs pa'i longs spyod kyis/ rgyal bsras dang bcas pa ma lus pa la rnal 'byor tshogs kyi mchod pa phul bas/ klu'i rigs 'bum phrag bsam gyis mi khyab pa lus ma bor bar/ mi gnas pa'i mya ngan las ma 'das par mngon par rdzogs par sangs rgyas par 'gyur ro/ / de nas mi'i rigs su rnal 'byor gyi tshogs rgyud chen po 'dis khyab na yang/ mi gnas pa'i snod du gyur pa yang rig pa cha phra mo yod pa dang/ sprul pa'i sku la gnas pa dang/ sngon gyi smon lam gyi dad pa dang/ rgyal po dang/ bram ze dang/ mgo ru dang/ sha ru dang// bstan pa 'jam dang/ khyim bdag gi ris su/ las kyi 'phro can la sogs pa rnams kyis dang du blangs te/ rgyal srid dang/ longs spyod dang/ grogs mchog tu bcas te rab tu bde ba'i gnas su/ gsang ba'i dkyil 'khor chen po bzhengs su gsol te/ bde bar gshegs pa'i dkyil 'khor rgyal ba rgya mtsho dang bcas pa sbyan drangs te/ rnal 'byor gyi tshogs mchod chen po phul te/ 'phags pa'i zhal mngon sum du mthong ste/ tshom bu grangs brgya dang stong la sogs pa dang/ pho mo rigs bsam gyis mi khyab pa lus ma bor bar tshe 'di nyid la/ mi gnas ba'i mya ngan las 'das pa'i gnas su mngon par rdzogs par sangs rgyas par 'gyur ro/ / rgyu de la brten nas/ dmyal ba dang/ yi dwags dang/ byol song dang/ gshin rje'i sgo bkag ste/ rim gyis bla na med pa'i sa la phyin par 'gyur ro/ / rgyu de lam la 'god par byed do// gang zhig mtshams med pa lnga'i las byas te dmyal bar lhung nges pa yang/ rnal 'byor gyi tshogs mchod chen po 'di gzhung bzhin du phul na/ mnar med pa'i gnas su mi ltung ste/ bde ba'i gnas su skye bar 'gyur ro// gang zhig rtsa ba dang yan lag gi dam tshig nyams pa yang gzhan gyis mi bskongs te/ rnal 'byor gyi tshogs mchod chen po 'dis skongs par 'gyur ro/ / gang zhig gzhan la phan 'dogs par 'dod na yang/ las gzhan gyis mi 'grub ste// rnal 'byor gyi tshogs mchod chen po phul nas gang phan gdags pa de 'grub par 'gyur ro// gang zhig bar du gcod pa sgrol bar 'dod na yang/ rnal 'byor gyi tshogs mchod chen po 'di phul na yid la bsam pa bzhin sgrol bar 'gyur ro// gang zhig 'jig rten 'di'i bde ba dang/ mthu dbang phun sum tshogs par 'dod na yang/ rnal 'byor chen po'i tshogs kyi mchod pa 'di gzhung bzhin du phul na gang 'dod pa de thob par 'gyur ro// de lta bu'i rnal 'byor gyi tshogs rgyud chen po 'di yang snod ma yin pa dang/ zhe sdang can dang/ dam tshig la mi gnas pa dang/ ngan sems can dang/ 'dod rgyal ba rnams ni ma gtogs so// de nas sems dpa' rnams kyis gsol ba/ rim gyis thams cad bla na med par 'grub pa lags na/ mi la sogs pa thams cad kyis mthar rdzogs par spyod par 'gyur ba lags sam/ rdo rje sems dpas bka' stsal pa/ rnal 'byor gyi tshogs rgyud chen po 'dis/ rim gyis tshom bu mang po sangs rgyas par byed na yang/ kun gyi thun mong du ma gsungs te/ dper na til mar gyis rdzas gang la phog kyang sra zhing mkhregs par 'gyur na/ a rdza ga'i dog po la phog na tshal pa brgyar 'gas par 'gyur ba bzhin du/ dam la mi gnas shing gsang sngags tshig tsam la khungs phyung nas/ khe dang/ grags pa dang/ phrag dog dang/ nyon mongs pa rang rgyud du spyod pa rnams kyis spyad kyang/ slar nyams pa'i rgyur 'gyur ro// rnal 'byor gyi tshogs rgyud chen po 'di mi'i 'jig rten thams cad du khyab na yang/ phal cher lta ba dang mi ldan par 'byor pa sna tshogs kyis mchod cing 'bul bar byed na yang/ don med pa ni ma yin/ 'byor pa'i tshogs rgyas par 'gyur ba dang/ bsod nams kyi tshogs bskyed pa las/ 'di nyid du mngon par sangs rgyas pa yang 'byung ngo// phal cher khungs phyung tsam dang 'byor pa ma tshogs par 'bul ba dag yod na/ dmigs pa'i phan stobs tsam du 'gyur ba yang yod do/ / gang zhig dgongs pa lhun gyis grub cing lta ba dang man ngag tu ldan pas/ dus gsum du 'phags pa'i tshogs la/ rnal 'byor gyi tshogs mchod phul ba lta ci smos kyis/ slob dpon de nyid kyi karmar yang dro zhal gcig tsam drangs pa yang rnal 'byor gyi tshogs mchod phul ba dang 'dra bar skal pa mnyam par 'gyur ro// de ci'i phyir zhe na/ 'di ni sangs rgyas nyid kyi rang bzhin no/ / de lta bu'i rnal 'byor gyi tshogs rgyud chen po 'di lha'i 'jig rten dang/ mi'i 'jig rten du mtha' yas par spyod par 'gyur la/ mi'i 'jig rten na yang bskal pa bzang po dang dus dang po la ni/ rgya gar yul la sogs pa dang/ yul gyi dbus dang/ khrims dang gtsug lag la gnas pa'i rgyal po dang/ bram ze dang/ khyim bdag gi rigs la sogs pa rnams kyis rgyud sbyar nas/ gu ru mahA la sogs pa rnams kyis byin brlabs nas bshad cing bsgo la bsrung zhing mnyams par byas nas/ 'ga' dang 'ga' tsam las phal cher mi spro ste/ gsang sngags gsang ba'i sgo nas mthar phyin cing mngon du grub par 'gyur ro// bskal pa dang dus bar ma la rgyal khams ris phal chen grags te/ rigs pa'i sa thob pa dang/ rgyud kyi don la mkhas pa dang/ man ngag dang snod dbang tshul bzhin du thob par byas nas/ mtshan dang ldan pa'i mi mo dang nga/ gzhung dang mthun pa'i sbyor ba dang/ dad pa dang ldan pa'i sa ri ha dang/ khrims dang ldan pa'i rgyal po dang/ blon po la sogs pa grangs kyi tshoms bsdus te bshad cing bstan pa dang/ rtog pa dkrol zhing 'khu 'phrig dang the tshom ma zos par byas te/ yid ches shing dad pa la skyo dub med par byas te/ phal cher dam la btags te/ gnas dben pa dang/ 'gol bar skye bo dang/ mi nag yongs kyis ma 'grims pas/ gsang ba'i dkyil 'khor chen po bzhengs su gsol nas/ dus gsum 'phags pa'i tshogs la rnal 'byor tshogs kyi sa la mchod pa chen po gzhung bzhin du phul na/ 'di dang phyi ma gnyis ka'i don dus gcig tu 'grub ste/ gzugs mi yul nas ma 'phags par sangs rgyas kyi sa la gnas pa dang/ yongs kyis gsang sngags mnyan zhing/ spyod pa blangs po ma 'phrog te/ ya ka dang sgro skur med cing gsang ba'i bka' thabs kyis spyod par 'gyur ro/ / bskal pa tha ma dang dus tha ma la ni gang zag gi tha dad dang/ rgyal po'i bka' khrims nyams pas mi smad rim nas dbang che ba dang/ blon po ma byang bas so kha nang du ltas pa dang/ rnal 'byor pa ma grol bas bsrung mtshams las 'das shing/ gsang sngags 'chol ba'i dbang gis/ thang khob pa dang gda' mdo dang/ kla klo dang/ rtsi ra sa'i grong thams cad du brdal bas/ gsang sngags bka' 'chol/ chos ni kun spyod/ chos bzhin du gang yang mi byed/ chos ni kun la yod par byas/ rtogs ni slob dpon rang gis kyang ma rtogs/ dam tshig kun nod/ bsrung ba gcig kyang mi bsrung/ slob dpon ni kun byed/ dbang gang la yang med/ lad mo kun zlos/ nyams su gang gis kyang ma longs/ dbang kun la bskur/ chags pa ni gang la yang ma chags/ 'chad pa kun 'chad/ thog tu gang gis kyang ma phebs/ rtsol ni kun rtsol/ mthar gang gis kyang ma phyin pas/ phal cher bgyid lug ste sngags las bzlog pa dang/ phal chen ma rtogs pas the tshom za ba dang/ phal cher ya ka dang sgro skur 'debs pa mang ba dang/ rnal 'byor pa'i tshogs mchod kyi 'byor pa rnams mi 'bul bar/ mi'i 'byor pa dang 'du ba med pas/ de'i dbang gis rnal 'byor pa rnams kyang mnga' thang dang longs spyod bri nas/ mtshams tshad tsam 'bul bar byed pas bsod nams mi thob pa dang/ phal cher 'byor pa sna tshogs bsogs nas 'bul bar byed na yang/ gsang ba med pa dang grags pa 'dod pa'i phyir/ bdag dus 'di tsam na longs spyod 'di tsam bshams te/ tshogs mchod 'bul bar byed do zhes bsgrags pa'i dbang gis btag pa can dang/ brnab sems can dang/ 'dod sems can dang/ nyon mongs pa'i dbang du gyur pa'i skyon dang/ mkhas pa rnams mi 'chad par/ mi mkhas pa rnams che 'dod pa'i phyir mchad pas/ mkhas pa rnams kyis bka' rgyud gsang ba'i man ngag rnams brnags te sbas pas/ bka' nges pa nub pa'i skyon gyis phal cher nyungs par dogs nas rang bzo dang/ ke'u shang/ bsre bcos dang/ mi tshig bsres pas/ de la che bar mtshan rtags kyang/ rgyud la khungs med pa'i gang zag sbyin du re ba'i rang thad du brgyud pas ngal ba'i tshi chad pa dang/ las brtsam pa gron tshigs su 'gyur zhing/ grub pa'i dus ring ba dang/ phal cher ra chod dang/ gzu lums dang/ rak+sha'i las smyos thabs su byas te snang snang ni sgrol/ 'phrad 'phrad ni sbyor/ rnyed rnyed ni za/ spyod pa 'chol ba'i dbang gis rnal 'byor gyi tshogs mchod du byed na yang/ dper na zangs ma gser tu bcos pa dang 'dra ste/ gser gyi dngos po min pa dang 'dra'o// phal cher bdag nyid kyi 'jug sgo dang/ thos phyogs dang/ mos btsan la 'di ni bzang la don dam pa yin la/ gzhan ni ngan pa yin no zhes/ chos nyid phyogs ris med pa la/ phyogs dang ris su bcad pa'i skyon dang/ 'khor dang/ bde ba dang bcas par phye ste/ phrag dog che chung gi dbang gis mnyam pa'i don la 'gal bar gnas pa dang/ phal cher theg pa'i ris so sor bzung ste/ rtsod pa'i chos bshom pa'i dus na ni/ kun gyis 'bras bu blan med pa mi thob par ngan song gsum po sha stag tu lhung ba dang/ sngon gyi ston pa'i bka' nub pas/ ming tshig 'phel bas bsgrub thag ring ba dang/ dam tshig la zer shor bas bsam pa mi 'grub cing bar chad kyi rkyen 'byung ba dang/ dbang brgyud rim gyis mi bskur bas mthu byin chung ba dang/ bsgom bsgrub kyi don mthil du ma 'phebs pas drod tshad la ma bab pa dang/ shes pa'i rgyud nam grol bas rtogs pa ma shar ba dang/ mchod rdzas ma 'tshogs shing phud nyams pas dngos grub mi thob pa dang/ las dang man ngag rdeng du ma chud pas bar chod 'byung ba'i dus na yang/ rnal 'byor pa 'ga' dang 'ga' zhig gi rnal 'byor gyi tshogs rgyud chen po 'di ltar spyod cing/ dang du len nus pa rnams ni tshe 'di nyid la rdo rje sems dpa' dang skal ba mnyam par 'gyur ro// rin po che'i tshogs rgyud chen po las/ bca' lugs dang skyon yon gyi le'u ste dgu pa'o/ /// de nas sems dpa' rnams kyis gsol pa// de lta bu'i tshogs rgyud 'di la dam tshig gang lags/ dbang gang lags/ lta ba gang lags/ bsgrub pa gang lags/ spyod pa gang lags/ lung bstan du gsol/ bde bar gshegs pa lung bstan du gsol// bcom ldan 'das kyis bka' stsal pa/ de dag zhus pa legs so legs so// de la tshogs kyi dam tshig ni/ slob dpon ni bdag gi srog dang 'dra'o// de ci'i phyir zhe na/ srog bcad na 'chi la/ srog ma bcad na mi 'chi brtan zhing// 'jig rten gyi bde ba rim gyis thob pa dang 'dra bar/ slob dpon dang 'thabs pa dang smod pa lta ci smos kyis/ spang pa 'am bral na yang dge ba'i bar chad cing man ngag mi thob pas/ dper na srog dang 'dra bar lta ba dang/ rgyal theb dang karma la sogs kyang/ dpe mig dang dbang po ltar lta ste/ dper na mig dang dbang po nyams pa dang med pa lta ci smos kyi/ bag tsam ga zer ba yang mi bzod pa dang 'dra bar rgyal theb karma ging la 'thab rtsod ci smos kyis/ bag tsam ma dad pa skyes na yang sgrib pa'i rgyur 'gyur ba dang/ mched dang lcam dral yan lag dang phung po dang 'dra ste/ gang snang bas kun g.yo zhing sdug bsngal nyams su myong ba dang 'dra ba dang/ sku'i gnod pa tshabs po che lta ci smos kyi/ 'gal 'khrul tsam byung na yang/ yongs mi bde zhing nyams pa'i chad par 'gyur bas/ sku'i dam tshig bsrung zhing rtse gdung byas la dad pa cher bskyed la yangs par bya'o// sngags dang phyag rgya dgongs pa gsum ni/ dper na gtam dang/ zas dang/ gos ltar te/ phyi nang gtams gyis ma 'jal na gang yang mi 'grub la/ 'tsho ba zas kyis ma gsos na phung po mi theg dro ba gos ma gon na nyon mongs pa dang 'dra bar/ snying po dang sngags ma bgrangs na grub pa'i rtags mi yong/ dgongs pa'i ting nge 'dzin ma srang na shes pa'i rgyud mi grol/ phyag rgya dam du ma bcas na nyon mongs pa dang phung po gnas mi 'gyur bas/ dam du bcas te dang du blang ngo/ / thugs kyi dam tshig ni gter sba ba dang 'dra ste/ dper na rin po che gter sgrom du sbas na 'jigs pa dang bag tsha ba med cing/ sgrom kha phye na dga' ba bskyed cing/ 'dod pa phun sum tshogs par byed pa dang 'dra bar/ gsang ba'i man ngag thams cad snod ma yin pa la sbas te bdag gi blo la btags na rtogs pa mngon du gyur nas/ 'bras bu mthar phyin par 'gyur bas gter dang 'dra bar sba bar dam tshig bca' 'o/ / gtan mi 'byung ba ni ma yin te/ gter la bdag dang bu spyod pa dang 'dra bar/ gsang ba'i man ngag bdag dang bu dang 'dra ba la ma gtogs pa/ bshad pa'i grangs bzhi las mang na 'gal bar gsungs so/ / dus tha ma la bab pa'i tshe/ rtsa ba 'di rnams nos nas gang yang mi bsrung ste/ sku'i dam tshig nyams te 'thab rtsod shor ba dang/ gsung yang nyams te sngags dang/ phyag rgya dang/ ting nge 'dzin spangs te/ mdo sde bsam gtan gyi phul kyang bzhes su don spyod pa dang/ thugs kyang nyams te brgya dang nyi shu la bshad pa ni 'bras bu mnar med pa lta ci smos kyis/ dper na seng ge'i khog pa nang gi nang 'jig pa bzhin/ / chos nyan du gang zag sngags pa rang gis ma ster te/ rang gis rang smas so// rtsa ba'i dam tshig ma nyams na yan lag ljon shing dang 'dra ste/ skye bas nyi shu rtsa brgyad dang/ brgya rtsa brgyad dang/ sum brgya drug cu dang/ sa ma ya stong 'bum sde la sogs pa'i gang spyod pa'i yan lag lo 'dab dang 'dra bas 'bras bu skye bar 'gyur ro// dam tshig 'di dag nyams par gyur na tshogs kyi mchod pa dang/ longs spyod rdzas su phul kyang bzhes su mi gnang zhing mnyes par mi 'gyur ro/ / de ci'i phyir zhe na/ de las bsod nams med cing 'bras bu mi thob pa'i phyir ro// tshogs rgyud chen po las/ dam tshig nyams pa'i le'u ste bcu pa'o/ /// de la tshogs rgyud chen po 'di la dbang rnam pa lnga ste// chos dang rgyud 'chad cing nyan pa'i dbang dang/ yi dam gyi lha bsgom zhing bsgrub pa'i dbang dang/ dkyil 'khor gnyan po zhal lta ba'i dbang dang/ tshogs kyi zhal zas 'tshal zhing longs spyod pa'i dbang dang/ las kyi rdo rje las gang byed par ming gi dbang bskur ba dang lnga'o// de la d+harma tan+t+ra nyan cing 'chad pa'i dbang ni 'di skad do// gsang ba gsang chen gsang mchog rnams/ / ston pas nges par gsungs pa'i don// nyan cing yid la 'dzin pa dang// ma 'dres ston pa'i dbang thob shog/ de nas yi dam gyi lha bsgom zhing bsgrub pa'i dbang bskur ba 'di skad do/ / bskal pa grangs med sngon rol nas// bsgoms shing bsgrubs pa'i yi dam lha// me tog dbang gis phog pa 'di// bsgom shing bsgrub pa'i dbang thob shog/ de nas dkyil 'khor gnyan po zhal lta ba'i dbang la 'di skad do/ / gsang ba'i dkyil 'khor chen po 'dir// dur khrod 'bar ba'i rdzas bkram nas// sku gsung thugs su gsal sgom pa// lta zhing bsgrub pa'i dbang thob shog/ de nas tshogs kyi zhal zas la 'tshal zhing longs spyod pa'i dbang 'di skad do/ / rgyal ba mchod pas dam skong zhing// mchod pa phul bas bgegs zhi nas// pham phabs longs spyod bdud rtsi'i bcud// rnal 'byor tshogs la longs spyod shog/ de nas las kyi rdo rje las gang byed pa'i ming gi dbang bskur ba 'di skad do// zhi rgyas dbang dang mngon spyod dang// 'phrin las drag dal gang byed pa'i// las rnams che ge byed pa por// rdo rje ming gi dbang thob shog/ tshogs rgyud chen po las// dbang gi le'u ste bcu gcig pa'o//// de nas tshogs kyi lta ba la don rnams pa lngas bstan te/ tshogs pa thams cad dkyil 'khor du lta ba dang/ 'byor ba thams cad longs spyod du lta ba dang/ mchod pa thams cad ye shes su lta ba dang// dmigs pa thams cad lha rgyud du lta ba dang/ rtogs pa thams cad gzhal yas khang du lta ba'o// de la tshogs pa thams cad dkyil 'khor du lta ba ni/ rdo rje slob dpon dang/ mched dang lcam dral tshogs pa yang/ rdo rje slob dpon ni dkyil yin la/ mched dang lcam dral ni 'khor yin par lta'o// de ci'i phyir zhe na/ thams cad dgongs spyod rgya mtsho'i klong gi dkyil 'khor du rang bzhin lhun gyis grub pa'o/ / dam rdzas tshogs pa thams cad dkyil 'khor te/ byang chub sems ni dkyil yin la/ dam rdzas gzhan ni 'khor yin no// de ci'i phyir zhe na/ bde ba chen po'i don la skye 'chi med pa'i dkyil 'khor du lhun gyis grub pa'o// dam rdzas dang lag cha tshogs pa thams cad kyang dkyil 'khor te/ ban+d+ha dkyil yin la/ dur khrod kyi chas ni 'khor ro/ / de ci'i phyir zhe na/ thabs la mkhas pa'i rol pa chen pos/ rnam par rtog pa thams cad chos nyid du lhun gyis grub pa'i dkyil 'khor gyi rang bzhin yin no// de la 'byor ba thams cad longs spyod du lta ba dang/ phyi snod kyi 'jig rten dang nang bcud kyi 'jig rten 'di dag thams cad kyang/ sangs rgyas thams cad kyis chos kyi longs spyod du byinagyis brlabs pa'i dus su/ byol song thams cad kyis lus tshogs su phul ba dang/ gshin rje thams cad kyis sha chen tshogs su phul ba dang/ srin po thams cad kyis thod rus dang 'bru mar tshogs su phul ba dang/ gnod sbyin rnams kyis dza gad rnam pa sna tshogs tshogs su 'bul ba dang/ ma mo dang mkha' 'gro khrag dang snum chen tshogs su phul ba dang/ klu rnams kyis snying po sna tshogs 'bul ba dang/ byol song rnams kyis 'o ma sna tshogs 'bul ba dang/ nam mkha' lding rnams kyis shing tog sna tshogs su 'bul ba dang/ sman gyi lhas sman sna tshogs 'bul ba dang/ rtsi'i lha mos rtsi'i sman sna tshogs tshogs 'bul ba dang/ mkha' lding gis spos sna tshogs su 'bul ba dang/ sa bdag rnams kyis 'bru sna tshogs tshogs su 'bul ba dang/ mi rnams kyis mis sbyar ba'i zhal zas sna tshogs tshogs su 'bul ba dang/ lha rnams kyis rin po che chen po rnam pa sna tshogs pa dang/ lha'i me tog man dA ra ba la sogs pa rnam pa sna tshogs pa dang/ lha'i 'dod pa'i gzugs dang/ sgra dang/ dri dang/ ro reg longs spyod rnam pa sna tshogs pa tshogs su 'bul ba la sogs pa/ dus gsum gyi sangs rgyas thams cad kyis/ rnal 'byor tshogs kyi longs spyod chen por byin gyis brlabs te gsol/ gzhan yang 'grangs shing tshim par mdzad/ phyir mi ldog pa'i sa la bkod pas/ 'byor pa thams cad longs spyod du lta'o// de la mchod pa thams cad ye shes su lta ba ni/ phyi nang gsang ba'i mchod pa thams cad thugs yang dag pa'i ye shes chen po'i ngang las byung ste/ phar mchod pas thugs dam bskul/ dngos grub nod/ slar 'dus pas sgrib pa sbyangs/ dngos grub thob ste/ lha la lha thim/ ye shes la ye shes rol/ chos nyid la chos nyid thim/ phar mchod pas bdag nyid kyi sems dang de bzhin gshegs pa'i thugs ye shes su mnyam zhing dbyer med par mchod pa phul/ slar 'dus pas de bzhin gshegs pa'i thugs ye shes dang/ bdag gis sems mnyam zhing dbyer med de/ ye shes mchod pa 'od zer gyi rgyan du bdud rtsi'i rang bzhin byang chub sems kyi dngos po/ rgyal ba'i chos la dang po longs spyod par mdzad pas// mchod pa thams cad ye shes su lta'o// dmigs pa thams cad lha rgyud du lta ba ni/ mdun gyi nam mkha' las ye shes sems dpa' rgyal ba rgya mtsho sras dang bcas par dmigs pa yang bdag gi phung po dang/ khams dang/ skye mched dang/ rnam par shes pa nyid lha'i rgyud du snang ba las ma gtogs pa/ gzhan gud na med pa'i rtog pa'i lta bas rtogs par byas la/ ji ltar gnam ri dang sa brag thams cad 'byung ba lnga la bsdus la/ skye 'gro thams cad kyang 'byung ba lnga dang phung po lnga bsdus pas 'byung ba dang/ phung po thams cad kyang lha dang lha mo'i dkyil 'khor gyi rang bzhin yin la/ rtogs pa'i lta bas rtogs par byas la/ mdun dang shar phyogs rdo rje rigs kyi lha dang/ lha mo dang/ zhing khams dang/ pho brang gi rang bzhin/ g.yas dang lho thams cad rin chen rigs kyi lha dang/ lha mo dang/ zhing khams dang/ pho brang gi rang bzhin/ rgyab dang nub thams cad pad+ma rigs kyi lha dang/ lha mo dang/ zhing khams dang/ pho brang gi rang bzhin/ g.yon dang byang thams cad las kyi rigs kyi lha dang/ lha mo dang zhing khams dang/ pho brang gi rang bzhin/ steng dang nam mkha' thams cad de bzhin gshegs pa'i rigs kyi lha dang/ lha mo dang/ sems dpa' dang/ sems ma dang/ khro bo dang/ khro mo dang/ zhing khams dang/ pho brang dang/ dkyil 'khor dang/ lha rgyud kyi rang bzhin du rtogs par byas la/ yid kyis dmigs pas/ dmigs pa rnams lha rgyud du lta'o/ rtogs pa thams cad gzhal yas khang du lta ba ni/ phyi nang snod bcud kyis bsdus pa'i chos thams cad 'byung ba lngas bsdus la/ 'byung ba lnga po nyid yum chen mo lnga'i mkha' klong rnam par dag pa chos nyid dbyings kyi rang bzhin pas/ dpag cing gzhal ba las 'das pa'i gzhal yas khang gi rang bzhin yin pa las/ de ltar ma rtogs na gzhan nas gzhal yas khang gnyan pa ris su chad pa med pas/ rtogs pa thams cad gzhal yas khang du lta'o/ / tshogs rgyud chen po las/ lta ba'i le'u ste bcu gnyis pa'o//// de nas tshogs kyi bsgrub pa la yang don rnam pa lnga ste/ sku'i bsgrub pa dang/ gsung gi bsgrub pa dang/ thugs kyi bsgrub pa dang/ yon tan gyi bsgrub pa dang/ 'phrin las kyi bsgrub pa gang byed kyang rung ste/ rnal 'byor gyi tshogs kyi bsgrub pa dgos te/ rnal 'byor gyi tshogs 'di ni lan tshwa dang cha 'dra ste/ gang la yang mi tshang du mi rung ste/ sku'i bsgrub pa'i dkyil 'khor gyi lha rnams la tshogs kyi mchod pa gzhung bzhin phul nas/ sku'i bsgrub pa yang 'grub cing mthar phyin par 'gyur zhing/ gsung dang/ thugs dang/ yon tan dang/ 'phrin las kyang de bzhin du gang bsgrub pa tshogs kyis bsgrub pa'o/ / de'i don ni gzhung du ma dag las rgya cher byung ngo// tshogs rgyud chen po las/ bsgrub pa'i le'u ste bcu gsum pa'o//// de nas tshogs kyi spyod pa ni don rnam pa gsum ste/ tshogs kyi spyod pa thabs dang shes rab tu spyod pa dang/ tshogs kyi spyod pa spong len med par spyod pa dang/ tshogs kyi spyod pa 'ching grol med par spyod pa'o/ de la tshogs kyi spyod pa thabs dang shes rab tu spyod pa ni/ yo ga phyi ma man chad kyi sgor zhugs pa rnams kyis/ tshogs kyi mchod pa lta ci smos kyis/ 'dod pa'i yon tan gang la yang skyon du lta ba'i nang nas kyang/ thabs dang shes rab 'ching pa'i bshal thag tu brtags pa ste/ rdo rje'i theg pa thabs la mkhas pa'i gnas skabs na/ thams cad thabs dang shes rab dbyings dang ye shes kyi rang bzhin yin pas/ 'dod pa'i yon tan la sogs pa thams cad ma spangs par 'jol nyog tu spyod par ma zad de/ chos nyid kyi rgyan du shar bas dga' bder longs spyod la/ de nyid kyi gnyis su med pa chos kyi sku thob par 'gyur ba'o// de la tshogs kyi spyod pa spong len med par spyod pa ni/ yo ga phyi pa man chad kyis 'di gtsang ba'i rigs te 'phags pa mchod pa'i rgyu yin la/ 'di ni mi gtsang ba dang sme ba yin pas/ 'phags pa mchod pa'i rgyu ma yin no// zhes spong len du spyod pa ma yin/ chos bdag med pa'i rang bzhin rnam par rtog pa ming yang med pa las/ gtsang ba yang lha'i zhal zas yin la/ mi gtsang ba yang lha'i zhal zas gnyis su med pa'i don de nyid 'phags pa'i dgongs spyod dang/ rnam par mi rtog pa'i sku 'grub pas/ gang la yang 'di 'khor ba dang mi gtsang ba'i rgyu yin pas spong la/ 'di thar pa dang/ bde ba dang/ gtsang ba'i rgyu yin zhes dang du mi len te/ spong len med pas sangs rgyas kyi sa la gnas pa yin no// tshogs kyi mchod pa 'ching 'grol med par longs spyod pa ni/ 'dod pa'i yon tan rnam pa sna tshogs la chags pa la yang chags pa med par spyad/ mthar phyin par spyad pas/ 'khor ba dang nyon mongs pas 'ching ba med la/ de nyid rtog pa'i rgyan du rig nas chos thams cad ye nas sangs rgyas pa yin pas/ de ltar spyod na grol ba yang med la/ 'ching ba yang med pa'o/ / tshogs rgyud chen po las// spyod pa'i le'u ste bcu bzhi pa'o//// rdo rje sems dpas de skad ces bka' stsal pas/ rigs lnga yab yum dang/ sems dpa' dang/ sems ma dang/ khro bo dang/ khro mo dang/ sprul pa dang/ yang sprul dang/ ci bgyi dang bka' nyan dang/ dam la btags pa'i 'khor thams cad kyis dgyes pa chen po'i tshogs la longs spyod sku nyams su bstar nas/ thams cad gnyis su med pa'i chos kyi skur lhun gyis grub nas bzhugs so/ / rnal 'byor gyi tshogs rgyud chen po las/ yongs su rdzogs pa'i le'u ste bco lnga pa'o//// rdzogs so//// tshogs rgyud chen po rtsa rgyud dang phyi ma 'di bod du 'gyur ro// gsang ba bskyed rdzogs gsum gyi phug thugs/ snubs sangs rgyas ye shes rin po ches skad gsar bcad kyis kyang bcos te/ stong tshab 'phags pa rin po che la bshad//// de nas gsang ba thabs dang shes rab byang chub sems kyi mchod pa la yang don rnam pa lnga ste/ gzungs ma byin gyis brlab pa dang/ gnyis su med par sbyar ba dang/ gsang ba'i mkha' la sems can thams cad gnas spar te dbang bskur ba dang/ dkyil 'khor gyi lha la byang chub sems kyi mchod pa 'bul ba dang/ byang chub sems rdo rje lce'i dngos grub blangs ba dang lnga'o/ / de la dang po gzungs ma byin gyis brlab pa ni/ gzungs ma nyid yum shes rab kyi pha rol tu phyin ma'i rang bzhin du/ dus gsum bde bar gshegs pa'i bzhugs gnas gzhal med khang du byin gyis brlab la/ gsang ba'i mkha' la dkyil 'khor gyi lha tshang bar bsgom pa dang/ gnas lngar yi ge 'bru lnga las rigs lngar gyur pa dang/ gsang ba'i yum bzhis bskor bar bsgoms pa byin gyis brlab bo/ / de nas gnyis su med par sbyar ba ni/ dang po spyan gyi brda zhig mdzad de 'dis bskul lo/ mtshan mchog brgyan pa'i yum mchog shes rab spyan// shes rab don gyis rgyal ba'i thugs dam bskul/ / mi dmigs snying rje thams cad yongs la snyoms// thabs dang shes rab tshul khrims kyis// sa ma ya s+t+waM// zhes bskul ba dang// yum gyis yab la 'di skad ces bskul lo// thabs la mkhas pas 'gro ba 'dren pa'i gtso/ / 'khor ba spangs nas gnas su dag pa la// 'phags pa rnams la dges pa'i thugs dam bskul// bde ba chen po'i mchod pa rgyan du bzhes/ sa ma ya hUM// zhes bskul bas/ yab kyi phyag rgya chen po bzhis mnyam par sbyar/ hUM las gsang ba'i rdo rje'i rtse lnga par bsgom// rdo rje'i rwa lnga la rigs lnga'i snying po dgod/ yum gyi mkha' las pad+ma 'dab brgyad la yum gyi snying po dgod/ pra be sha phaT kyis sgo phye/ su ra ta s+t+waM gyis bskul bas/ de bzhin gshegs pa thams cad dges pa gcig tu bdar te/ mnyes pa chen po thugs dam skongs/ don dbyings dang ye shes/ rtags thabs dang shes rab gnyis su med par lhun gyis grub pa'o/ / de nas gsang ba'i mkha' la sems can thams cad gnas spar te dbang bskur ba ni/ nam mkha' gang dang gang du khyab par/ chos kyi dbyings kyis khyab la/ chos kyi dbyings kyis gang nas gang du khyab par/ yum gyi mkha' klong rnam par dag pas khyab pas/ snod kyi 'jigs rten thams cad yum gyi mkha' dbyings rnam par dag pa'i gzhal yas khang du gyur pa'i nang nas mtha' yas sems can thams cad kyi sems mar me rlung gis ma bskyod par gnas pa lta bu las/ kun gzhi a'i rang bzhin dang/ yid hUM gi rang bzhin du 'dus te/ yab yum 'od bsnom mar bstims pas/ AHdang/ hUM dang/ byang chub sems gsum du 'dres pa las/ thams cad rdo rje sems dpa' dang/ kun tu bzang po'i sras du gyur te/ sems can thams cad rgyal ba'i sras du bzhes/ dkyil 'khor gyi lha rnams kyis kyang rdo rje'i ming gis dbang bskur te/ sangs rgyas kyi gdung 'dzin cing byang chus sems kyis dbang byin te bzhag pa'o// de nas dkyil 'khor gyi lha la byang chub sems kyi mchod pa dbul ba ni/ me long rang yul can gyi nang du bzhag la/ srin mtheb kyi phyag rgya bya/ gtso bo dang 'khor yan chad la mchod pa phul bas/ dges pa chen po bdud rtsis mnyes nas dngos grub stsol zhing byin gyis rlob par mdzad pa'o// de nas byang chub sems las rdo rje tshe'i dngos grub blang ba ni/ dkyil 'khor gyi lha thams cad yab yum gnyis su med par sbyor ba mdzad pa'i byang chub kyi sems kun dkar tsa ra ra zags pas bdag gi byang chub kyi sems dang 'dres te/ lce la blangs pas tsit+ta la thim pas/ ye shes sems dpa' sku mtshon gang bar gyur te/ skye shi med pa'i g.yung drung du gyur to// tshogs kyi mchod pa'i cho ga rdzogs so//// tshogs kyi mchod pa'i rgyud chen po las/ tshogs kyi mchod pa'i le'u ste dang po'o//// de nas tshogs kyi mchod pa'i grangs ni/ rab kyis nyin lan gsum mtshan lan gsum du dbul bar bya'o// 'bring gis dus bzhir dbul bar bya'o/ / tha mas kyang nyin lan re mtshan lan re dbul bar bya'o// de ci'i phyir zhe na/ spyad thang re zhing grol thang re dang/ smin pa'i mchog re re 'grub par gsungs so// de la tshogs kyi mchod pa'i 'bras bu ni/ rgyud mtshan nyid kyi theg pa ltar dka' ba da ltar spyad nas 'bras bu phyis 'ong du re ba ma yin te/ tshogs kyi 'bras bu ni yi ge 'khor lo tshogs chen gyi sa la sa bcu rim bgrod mi dgos te/ da lta nyid nas rigs lnga'i sangs rgyas dang mnyam par sangs rgyas par 'gyur ro/ / de'i phyir sangs rgyas rnams kyis kyang 'di skad ces gsol to// tshogs kyi mchod pa'i 'bras bu ni// phung po 'di nas mya ngan 'das/ / rigs 'dzin sa la bde bar gnas// phyogs bcu'i sangs rgyas kun mnyes te// byin gyis brlabs nas dbang bskur nas// dngos grub dam pa stsol bar mdzad// chos kyi sku dang gnyis su med// ces sangs rgyas rnams gsung ngo/ / de la tshogs kyi mchod pa 'dis// yun ji tsam gyis 'grub ce na// rab kyis zla ba gcig na 'grub// 'bring gis lo gcig dag na 'grub// tha mas lo gsum tshun chad du// tshogs kyi mchod pa phul byas na/ / rdo rje sems dpa' nyid du 'gyur// sangs rgyas byang chub thag mi ring// zhes gsungs so// tshogs phul ba'i yon tan ni/ 'jig rten khams 'dir yang rgyal ba sras dang bcas pa'i zhal mthong bar 'gyur ba dang/ ma mo dang mkha' 'gro thams cad sprin spung bzhin du gtibs te/ ci bsgo ba'i bka' nyan cing dngos grub kyis stongs dang grogs byed cing mthu dbang phun sum tshogs par byin te/ thams cad du bde skyid phun sum tshogs pa dang ldan pa dang/ longs spyod thams cad 'phel ba dang/ 'khor thams cad 'du zhing nad dang duHkha mi 'byung 'jig rten gyi lha ma srin thams cad kyis kyang bka' nyan cing byin che bar mthong ba dang/ de la gar gyi spyi gtsug ltar len pa dang/ sems can thams cad kyis kyang mig gi 'bras bu ltar mthong ste/ yid du 'ong zhing dga' bar 'gyur ba dang/ 'jig rten phyi mar rigs 'dzin thams cad kyis mdun bsu ste lcang lo can gyi gnas su phyin par skyel bar 'gyur ro// tshogs ma phul ba'i skyon ni bsgrubs kyang don med cing/ bde bar gshegs pa rnams kyang zhal 'dzum pa mi mdzad cing/ / bsod nams kyi skal ba'i shas chung ste/ dmyal ba dang/ yi dwags dang/ byol song gi gnas su skye bar 'gyur ro// rnal 'byor gyi tshogs rgyud chen po rdzogs so//// de nas byang chub sems dpa' rnams kyis gsol pa/ de lta bu'i tshogs rgyud chen po 'di/ 'jig rten gyi khams gang nas gang du snang bar 'gyur/ sems can rnams la ji ltar phan gdags par 'gyur/ bde bar gshegs pas lung bstan du gsol/ rdo rje sems dpas bka' stsal pa/ rnal 'byor gyi tshogs rgyud chen po 'di ni/ 'dod khams dang/ gzugs khams dang/ gzugs med pa'i rigs thams cad du khyab par gyur to/ / dang po 'og min gyi gnas su ting nge 'dzin gyi mchod pa las rgyu blangs te/ rnal 'byor gyi tshogs kyi mchod pa phul bas/ thams cad chos kyi skur sangs rgyas par 'gyur ro// de nas gzugs khams kyi lha tshogs su rnal 'byor gyi tshogs rgyud chen po 'dis khyab bas/ / dpal tshangs pa dang brgya byin gyis rgyu byas te/ lha'i longs spyod rnam pa sna tshogs pa la gzhi blangs te/ rgyal ba'i dkyil 'khor rab 'byam 'khor dang bcas pa la/ rnal 'byor gyi tshogs mchod chen po phul bas/ lha'i ris 'bum phrag bsam gyis mi khyab pa/ phung po mi gnas pa'i mya ngan 'das pas/ mngon par rdzogs par sangs rgya bar byed/ de nas drang srong rnams kyi ris la rnal 'byor gyi tshogs rgyud chen po 'dis khyab pas/ drang srong rnams kyis 'byor ba'i longs spyod rnam pa sna tshogs pas/ rgyal ba'i dkyil 'khor tshogs kyi mchod pa phul bas/ drang srong la sogs pa rim kyis phung po mi gnas pa'i mya ngan las 'das pa mngon par rdzogs par sangs rgyas par byed do// de nas klu'i ris su rnal 'byor gyi tshogs rgyud chen po 'dis khyab pas/ klu'i rgyal po 'jog po dang/ klu'i rgyal po rgya mtsho la sogs pas/ klu'i longs spyod rnam pa sna tshogs pa'i longs spyod kyis/ rgyal ba sras dang bcas pa ma lus pa la tshogs kyi mchod pa phul bas/ klu'i rigs 'bum phrag bsam gyis mi khyab ba lus ma bor bar/ mi gnas pa'i mya ngan las 'das pas mngon par rdzogs par sangs rgyas par gyur par gyur to// de nas mi'i gnas su rnal 'byor gyi tshogs rgyud chen po 'dis khyab na yod/ mi'i gnas na snod du gyur pa dang/ rig pa cha phra mo yod pa dang/ sprul pa'i sku la gnas pa dang/ sngon gyi smon lam gyi dad pa'i rgyal po dang/ bram ze dang/ go ru dang/ sha drang dang/ bstan 'jam dang/ khyim bdag gi ris dang/ las kyi 'phro can la sogs pa rnams kyis dang du blangs te/ rgyal srid dang/ longs spyod dang/ grogs mchog tu bcas te rab tu dben pa'i gnas su/ gsang ba'i dkyil 'khor chen po bzhengs gsol te/ bde bar gshegs pa'i dkyil 'khor rgyal ba rgya mtsho dang bcas pa spyan drangs te/ rnal 'byor tshogs kyi mchod pa chen po phul te/ 'phags pa'i zhal mngon sum du mthong bar byas so/ / tshom bu grangs brgya dang/ stong la sogs pas/ pho mo'i ris bsam gyis mi khyab pa/ lus ma bor bar tshe 'di nyid la mi gnas pa'i mya ngan las 'das pa'i gnas su mngon par rdzogs par sangs rgyas par gyur to/ / rgyu de la brten nas dmyal ba dang/ byol song dang/ yi dwags dang/ gshin rje'i 'jig rten la sogs pa sgo bkag ste/ rim gyis bla na med pa'i lam la bkod par byed do/ / gang zhig mtshams med pa lnga'i las byas te/ dmyal bar ltung nges pa yang rnal 'byor gyi tshogs mchod chen po 'di gzhung bzhin du phul nas/ mnar med pa'i gnas su mi lhung ste/ bde bar 'gro ba'i gnas su skye bar 'gyur ro/ / gang zhig rtsa ba dang yan lag dam tshig nyams pa yang gzhan gyis mi skongs te/ rnal 'byor gyi tshogs mchod chen po 'dis skongs par 'gyur ro// gang zhig gzhan la phan gdags par 'dod na yang las gzhan gyis mi 'grub ste/ rnal 'byor gyi tshogs mchod chen po 'di phul na/ gang phan gdags pa de 'grub par 'gyur ro// gang zhig bar du gcod pa sgrol bar 'dod na yang/ rnal 'byor gyi tshogs kyi mchod pa 'di phul na/ / yid la bsam bzhin du sgrol bar 'gyur ro// gang zhig 'jig rten 'di na bde ba dang mthu dbang phun sum tshogs par 'dod na yang/ rnal 'byor gyi tshogs kyi mchod pa 'di gzhung bzhin du phul na gang 'dod pa de thob par 'gyur ro/ / de lta bu'i rnal 'byor gyi tshogs rgyud chen po 'di yang/ snod ma yin pa dang/ khye'u rngam can dang/ dam la mi gnas pa dang/ brnab sems dang/ 'dod pas brgyal ba rnams ni ma gtogs so// de nas sems dpa' rnams kyis gsol ba/ rim gy-is bla na med pa'i bsgrub pa lags na/ mi la sogs pa thams cad kyis mthar rdzogs par 'gyur lags sam/ rdo rje sems dpas bka' stsal pa/ rnal 'byor gyi tshogs rgyud chen po 'di/ ris tshom bu dang grangs mang bar sangs rgyas par byed na yang/ kun gyi thun mong du ma gsungs te/ dper na til mar gyi rdzas la phog kyang sra zhing mkhregs par 'gyur na/ a tsa ka'i dog pa mgo la phog na tshal ba brgya ru 'gas par 'gyur ba bzhin du/ dam la mi gnas shing gsang sngags tshig tsam khungs phyung nas/ khengs dang/ grags pa dang/ phrag dog nyon mongs par rang rgyud du spyod pa rnams kyis spyad kyang slar nyams pa'i gzhir 'gyur ro// rnal 'byor gyi tshogs rgyud chen po 'di mi'i 'jig rten khyab par 'gyur na yang/ phal cher lta ba dang mi ldan par 'byor ba sna tshogs kyis mchod cing 'bul bar byed na yang don med pa ma yin te/ 'byor pa'i tshogs rgyas par 'gyur ba dang/ bsod nams kyi tshogs skyed pa tsam las/ 'di nyid du sangs mi rgya ba yang 'byung ngo/ / phal cher khungs phyung tsham dang/ 'byor ba ma tshogs par 'bul ba dag kyang yod na/ dmigs pa'i phan stobs tsam du 'gyur ba yang yod do// gang zhig dgongs pa lhun gyis grub cing lta ba dang man ngag tu ldan pa la/ dus gsum du 'phags pa'i tshogs la/ rnal 'byor gyi tshogs 'bul ba lta ci smos kyis/ slob dpon de la ka ma ra bzhes dro zhal gcig tsam drangs pa yang/ rnal 'byor gyi tshogs mchod chen po phul ba dang 'dra bar skal ba mnyam par 'gyur ro/ / de ci'i phyir zhe na/ de ni sangs rgyas kyi rang bzhin to// de lta bu'i rnal 'byor gyi tshogs rgyud chen po 'di/ lha'i 'jig rten dang mi'i 'jig rten du mtha' spyod par 'gyur ro/ / mi'i 'jig rten na yang/ bskal pa bzang po dang dus dang po la ni/ rgya gar gyi yul la sogs pa la yul gyi dbus dang/ khrims dang tshul la gnas pa'i rgyal po dang/ bram ze dang/ khyim bdag gi rigs la sogs pa rnams kyis rgyur spyad nas/ gu ru ma hA la sogs pa rnams kyis byin gyis brlabs bshad cing bkrol/ bsrung zhing ma nyams par byas nas/ 'ga' dang 'ga' tsam las phal cher mi spro ste/ gsang sngags gsang ba'i sgo nas mthar phyin cing mngon du 'grub par 'gyur/ bskal pa bar pa dang/ dus bar pa la rgyal khams ris phal cher grags te/ rig pa'i sa thob pa dang/ rgyud kyi don la mkhas pa dang/ man ngag dang/ gnang dbang tshul bzhin thob par byas nas/ mtshan dang ldan pa'i mi mo dang/ gzhung dang ldan pa'i rnal 'byor pa dang/ dad pa dang ldan pa'i pha ri ha dang/ khrims dang ldan pa'i rgyal po dang/ blon po la sogs pa grangs kyi tshom bur bsdus te bshad cing bstan pa dang/ rtog bkrol zhing khu 'khrig dang the tshom ma zos par byas te/ gnas dben pa dang 'gol bar/ skye bo dang mi nag yongs kyis ma 'khrigs par/ gsang ba'i dkyil 'khor chen po bzhengs gsol nas/ dus gsum 'phags pa'i tshogs la/ rnal 'byor gyi mchod pa chen po gzhung bzhin du phul bas/ 'di dang phyi ma gnyis ka'i don dus gcig tu bsgrubs te/ gzugs mi yul nas ma 'phags par sangs rgyas kyi sa la gnas pa dang/ yongs kyis gsang zhing gsang sngags gnyan zhing spyod pa rlabs po che ma 'phrig ste/ ya ka dang sgro skur 'debs shing gsang ba'i bka' thabs kyis smod par 'gyur/ bskal pa tha ma dang dus tha ma ni/ gang zag gi tha dad dang/ rgyal po'i bka' khrims nyams pas/ mi smad rim nas dbang che ba dang/ blon pos byas pas/ so ga nang du ltas pa dang/ rnal 'byor pa ma khrol bas bsrung mtshams las 'das shing/ gsang ba 'chol ba'i dbang gis/ mtha' 'khob dang/ snod med pa dang/ kla klo dang/ tsi ra ba'i grong thams cad du gdal bas/ gsang sngags 'chol te chos ni kun spyod/ chos bzhin du ni gang yang mi byed/ chos ni kun la yod par byas/ rtogs ni slob dpon rang gis kyang ma rtogs/ dam tshig ni kun nod/ srun pa ni gcig kyang mi srun/ slob dpon ni kun byed/ dbang ni gang la yang med/ lad mo ni kun zlos/ nyams su ni gang gis kyang ma lon/ dbang ni kun la bskur/ chags pa ni gang la yang ma chag 'chad pa ni kun la 'chad/ thog tu ni gang gis kyang ma phebs/ rtsom pa ni kun rtsom/ mthar gang gis kyang ma phyin pas/ phal cher sgyid lug ste/ sngags las log pa dang/ phal cher ma rtogs pas the tsom za ba dang/ phal cher ya ka dang skro skur 'debs pa dang/ rnal 'byor gyi tshogs mchod 'byor pa rnams mi 'bul bar/ mi 'byor pa 'bul bar byed pas/ de'i dbang gi 'byor ba rnams kyang mnga' thang dang longs spyod bri nas/ 'tshams chad tsam 'bul bar byed cing/ bsod nams mi thob pa dang/ phal cher 'byor pa sna tshogs gsogs te 'bul bar byed na yang/ gsang med pa dang/ grags pa 'dod pa'i phyir/ bdag dus 'di tsam nas longs spyod 'di tsam bshams te/ tshogs mchod 'bul bar byed do// zhes bsgrags pa'i dbang gyis/ gtan pa can dang// brnab sems dang// gnod sems dang/ nyon mongs pa'i dbang du gyur pa'i skyon dang/ mkhas pa rnams mi 'chad par/ mi mkhas pa rnams che 'dod pa'i phyir 'chad pas/ mkhas pa rnams kyis bka' rgyud gsang ba'i man ngag rnams brnags te sbas zer bas/ bka' nges pa nub pa'i skyon gyis/ phal cher nyungs kyis dogs nas/ rang bzo'i dang/ ke'u shang dang/ bsre bcol dang/ ming tshig tu bsdebs pas/ de la che bar mtshan brtags kyang rgyud la khungs med pa'i gang zag sprin du re ba'i rang thad du gyur pas/ ngal ba'i tshad pa dang/ las brtsams pa'i gron tshogs su gyur cing grub pa'i dus ring ba dang/ phal cher ra cod dang/ gzu lums dang/ rag sha'i bsnyon thabs su byas te/ snang snang la ni sgrol/ phrad phrad la ni sbyor/ rnyed rnyed ni za/ spyod pa 'chol ba'i dbang gis rnal 'byor gyi tshogs mchod du byed na yang/ dper na zangs ma gser du 'chos pa dang 'dra ste/ gser gyi dgos pa med pa dang 'dra'o/ / phal cher bdag nyid kyi 'jug sgo dang/ thos phyogs dang/ 'dod btsan la/ 'di ni bzang la don nam yin la/ gzhan gyi ngan pa ma yin no/ chos nyid la phyogs ris med pa la/ phyogs dang ris su bcad pa'i skyon dang/ 'khor dang sde ru cha phye ste/ phrag dog dang che chung gi dbang gis/ mnyam pa'i don dam la 'gal bar gnas pa dang/ phal cher theg pa'i ris so sor bzung ste/ rtsod pa'i chos shom pa'i dus na ni/ kun gyis 'bras bu bla na med pa mi thob par/ ngan song gsum po sha stag tu ltung ba dang/ sngon gyi ston pa'i bka' nub pas/ mi tshig 'phel bas bsgrub thag ring ba dang/ dam tshig la sel shor bas bsam pa mi 'grub cing/ bar chad rkyen 'byung ba dang/ dbang sgyur rim gyis ma bsgyur bas/ mthu byin chung ba dang/ bsgom bsgrub kyi don mthil du ma phebs pas/ drod la ma phebs pa dang/ shes pa'i rgyud ma khrol bas/ rtogs pa ma shar ba dang/ mchod rdzas ma 'tshogs shing phud nyams pas/ dngos grub mi thob pa dang/ las dang man ngag gdeng du ma chud pas/ bar chod 'byung ba'i dus na yang/ rnal 'byor pa 'ga' zhig/ rnal 'byor gyi tshogs rgyud chen po 'di ltar spyod cing/ dang du len nus pa rnams ni tshe 'di nyid la rdo rje sems dpa' dang skal ba mnyam par 'gyur ro//// sems dpa' rnams kyis gsol pa/ de lta bu'i rnal 'byor gyi tshogs rgyud 'di la/ dam tshig gang lags/ dbang gang lags/ lta ba gang lags/ bsgrub pa gang lags/ spyod pa gang lags/ lung bstan du gsol/ bde bar gshegs pas lung bstan du gsol/ bcom ldan 'das kyi bka' stsal pa/ de dag zhus pa legs so legs so// de la tshogs kyi dam tshig ni// slob dpon bdag gi srog dang 'dra'o// de ci'i phyir zhe na/ srog bcad na 'chi la/ srog ma bcad na brtan zhing/ bde ba ris kyi thob pa dang 'dra bar/ slob dpon dang 'thab pa dang smos pa lta ci smos/ yengs sam bral na yang/ dge bar bar bcad cing man ngag mi thob pas/ dper na srog dang 'jal bar lta ba dang/ rgyal theb karma la sogs pa la/ mig dang dbangapo ltar bltas te/ dper na mig dbang po nyams pa dang med pa lta ci smos kyis/ bag tsam gzer ba yang mi bzod pa dang 'dra bar/ rgyal 'theb karma ging la 'thab rtsod dang smod pa lta ci smos kyis/ bag tsam ma mnyes na yang sgrib pa'i rgyur 'gyur ba dang/ mched dang lcam dral yan lag dang phung po 'dra/ gang snang kun g.yo zhing sdug bsngal mnyam par myong ba dang 'dra bar/ gnod pa tshabs po che lta ci smos kyis/ 'gal 'khrul tsam byung na yang yong mi bde zhing/ nyams pas chad pa'i rgyura'agyur bas/ sku'i dam tshig srung zhing brtse gdung byas la/ dad pa che bar skyed la yangs par bya'o/ sngags dang/ phyag rgya dang/ dgongs pa gsum ni/ dper na gtam dang/ zas dang/ gos 'dra ste/ phyi nang gtam gyis ma 'byal na/ gang yang mi 'grub ste/ 'tsho ba zas kyis ma gsos na/ phung po mi theg/ dro ba'i gos ma gyon na nyon mongs pa dang 'dra bar/ snying po dang sngags ma bzlas na/ grub pa'i rtags mi 'ongs/ dgongs pa'i ting nge 'dzin ma gsal na/ shes pa'i rgyud mi khrol/ phyag rgya dam du ma bcas na/ nyon mongs pa dang phung po gnas mi 'gyur bas/ dam du bcas te dang du blang ngo/ thugs kyi dam tshig ni gter sba ba dang 'dra'o// dper na rin po che gter sgrom du sbas na 'jigs pa dang bag tsha ba med cing/ sgrom bu kha phye na 'dod pa phun sum tshogs par byed pa dang 'dra bar/ gsang ba'i man ngag thams cad snod ma yin pa las spangs te/ bdag gi blo la btags na/ rtogs pa mngon du gyur nas/ 'bras bu mthar phyin par 'gyur bas/ gter dang 'dra bar dam du bca' 'o/ gtan mi 'byung ba ni ma yin te/ gtan bdag dang bu spyod pa dang 'dra bar/ gsang ba'i man ngag bdag dang bu dang 'dra ba las ma gtogs pa/ bshad pa grangs bzhi las mangs na 'gal bar gsungs so// dus tha ma la bab pa'i tshe/ rtsa ba 'di rnams mnos nas gang yang mi srun te/ sku yang nyams te 'thab rtsod shom pa dang/ gsung yang nyams te/ sngags dang phyag rgya'i ting nge 'dzin spangs te/ mdo sde bsam gtan gyi don la spyod pa dang/ thugs kyanganyams te/ brgya dang nyi shu la 'chad pa ni/ 'bras bu mnar med pa lta ci smos kyi/ dper na seng ge khog pa nang gis nang bshig pa dang 'dra bar/ chos nyan du gang zag sngags pa rang gis mi ster te/ rang gi rang dmas so// rtsa ba'i dam tshig ma nyams na/ yan lag ljon pa dang 'dra bar skyes pa las/ nyi shu rtsa brgyad dang/ sum brgya drug cu dang/ sa ma ya 'bum sde la sogs pa'i/ gang spyad pa'i yal ga lo 'dab dang 'dra ba'i 'bras bu skye bar 'gyur ro// dam tshig 'di dag nyams par gyur na/ tshogs kyi mchod pa dang/ longs spyod rdzas su phul kyang bzhes su mi gnang zhing mnyes par mi 'gyur ro// de ci'i phyir zhe na/ de la bsod nams med cing 'bras bu mi thob pa'i phyir ro// tshogs rgyud chen po las/ dam tshig gi le'u ste dang po'o//// de la tshogs rgyud chen po'i dbang la don rnam pa lnga ste/ d+har ma tan tra nyan cing 'chad pa'i dbang dang gcig/ yi dam lha bsgom zhing bsgrub pa'i dbang dang gnyis/ dkyil 'khor gnyan po zhal blta ba'i dbang dang gsum/ tshogs kyi zhal zas la 'tshal zhing longs spyod pa'i dbang dngabazhi/ las kyi rdo rje las gang byed pa'i ming gis dbang bskur ba dang lnga'o/ / de la d+har ma tan tra nyan cing 'chad pa'i dbang bskur ba 'di skad do// gsang ba gsang chen gsang mchog rnams// ston pas nges par gsungs pa'i don// nyan cing yid la 'dzin pa dang// ma 'dres ston pa'i dbang thob shog/ de nas yi dam gyi lha bsgom zhing bsgrub pa'i dbang bskur ba 'di skad do// bskal pa grangs med sngon rol nas/ bsgom zhing bsgrub pa'i yi dam lha// me tog dbang gis phog pa 'di/ / sgom zhing bsgrub pa'i dbang thob shog/ de nas dkyil 'khor gnyan po zhal lta ba 'di skad do// gsang ba'i dkyil 'khor chen po 'dir// ngur khrod 'bar ba'i rdzas bsgral nas// sku gsung thugs su gsal bsgoms pa'i/ / lha zhi bsgrub pa'i dbang thob shog/ de nas tshogs kyi zhal zas la 'tshal zhing longs spyad pa'i dbang 'di skad do// rgyal bas mchod pas bgegs zhi zhing// mchod pa phul bas bgegs zhi nas/ / pha pham longs spyod bdud rtsi'i bcud// rnal 'byor tshogs la longs spyod shog/ de nas las kyi rdo rje las gang byed pa'i dbang bskur ba 'di skad do// zhi rgyas dbang drag mngon spyod dang// 'phrin las drag dal gang byed pa/ / las rnams che ge byed par shog/ rdo rje dbang gi ming thob shog/ tshogs rgyud chen po las/ dbang gi le'u ste gnyis pa'o//// de nas tshogs kyi lta ba la don rnam pa lnga ste/ tshogs pa thams cad dkyil 'khor du lta ba dang/ 'byor pa thams cad longs spyod du lta ba dang/ mchod pa thams cad ye shes su lta ba dang/ dmigs pa thams cad lha rgyud du lta ba dang/ rtogs pa thams cad gzhal yas khang du lta ba'o/ / de la tshogs pa thams cad dkyil 'khor du lta ba la/ rdo rje slob dpon dang mched lcam dral tshogs pa dang/ rdo rje slob dpon dkyil yin la/ mched lcam dral 'khor yin par lta ba'o/ / de ci'i phyir zhe na/ thams cad dgongs spyod gcig tu rgya mtsho gling gi dkyil 'khor du rang bzhin lhun gyis grub pa'o// dam rdzas tshogs pa thams cad kyang dkyil 'khor te/ byang chub sems ni dkyil yin la/ dam rdzas gzhan ni 'khor yin/ de ci'i phyir zhe na/ bde ba chen po'i don la/ skye shi med pa dkyil 'khor du lhun gyis grub pa'o// rdzas dang lag cha tshogs pa thams cad kyang dkyil 'khor te/ ban d+ha bde bar gshegs pa'i don la/ skye shi med pa dkyil 'khor yin pas/ dur khrod kyi chas brgyad gzhan ni 'khor ro// de ci'i phyir zhe na/ thabs la mkhas pa'i rol pa chen pos rnam par rtog pa thams cad chos nyid du lhun gyis grub pa'i dkyil 'khor gyi rang bzhin no/ / de la 'byor ba thams cad longs spyod du lta ba ni/ phyi snod kyi 'jig rten dang/ nang bcud kyi 'jig rten 'di dag thams cad sangs rgyas thams cad kyi tshogs kyi longs spyod du byin gyis brlabs pa'i dus su/ byol song thams cad kyis lus tshogs su phul ba dang/ gshin rje thams cad kyis sha chen tshogs su phul ba dang/ ma mo dang mkha' 'gro yis khrag dang snum chen tshogs su phul ba dang/ srin po thams cad kyis thod rus dang 'bru mar tshogs su phul ba dang/ gnod sbyin rnams kyis 'dza' gad rnam pa tshogs pa tshogs su phul ba dang/ ma mo klu rnams kyis snying po rnam pa sna tshogs pa tshogs su phul ba dang/ byol song rnams kyis 'o ma rnam pa sna tshogs su phul ba dang/ nam mkha' lding rnams kyis shing thog sna tshogs su phul ba dang/ sman gyi lhas sman sna tshogs su 'bul ba dang/ rtsi'i lha mos rtsi sman sna tshogs su 'bul ba dang/ nam mkha' lding gis spos sna tshogs 'bul ba dang/ sa bdag rnams kyis 'bru sna tshogs pa tshogs su 'bul ba dang// mi rnams kyis mi'i zhal zas su sna tshogs pa tshogs su 'bul ba dang/ lha rnams kyis rin po che sna tshogs pa dang/ lha'i me tog man da ra ba la sogs pa rnam pa sna tshogs pa dang/ lha'i 'od dod pa longs spyod rnam pa sna tshogs pa/ tshogs su 'bul ba la sogs pa thams cad/ dus gsum gyis sangs rgyas thams cad kyis rnal 'byor gyi tshogs kyi longs spyod chen por byin gyis brlabs te gsol/ gzhan yang 'grangs shing tshim par mdzad de/ phyir mi ldog pa'i sa la mngon sum du bkod pas/ 'byor pa thams cad tshogs kyi longs spyod du lta'o// de la mchod pa thams cad ye shes su lta ba ni/ phyi nang gsang ba'i mchod pa thams cad thugs yang dag pa'i ye shes chen po'i ngang las byung ste/ bar chod pas thugs dam bskul/ dngos grub nod/ slar 'dus pas sgrib pa sbyangs/ dngos grub thob ste/ lha la lha thims/ ye shes la ye shes rol/ chos nyid ma chos nyid thim ste/ bar ma chod pas bdag gi sems dang de bzhin gshegs pa'i thugs ye shes mnyam zhing dbyer med par mchod pa phul/ slar 'dus pas de bzhin gshegs pa'i thugs ye shes dang/ bdag gi sems mnyam zhing dbyer med de/ ye shes kyi mchod pa'i 'od zer gyi rgyun/ bdud rtsi'i ro bzhin byang chub sems kyi ngo bo la/ rgyal ba'i cho 'brang zer dang ye shes la spyod pa mdzad pas/ mchod pa thams cad ye shes su lta ba'o/ / dmigs pa thams cad lha rgyud du lta ba ni/ mdun gyi nam mkha' la rgyal ba'i ye shes sems dpa'i 'khor rgyal ba sras dang bcas pa la dmigs la/ yang phung po dang/ khams dang/ skye mched dang/ rnam par shes pa nyid lha rgyud du snang ba las ma gtogs pa/ gzhan gud na med par rtogs pa'i lta bas rtogs par byas la/ ji ltar gnam ri sa brag thams cad 'byung ba ltar bsdus la/ skye 'gro thams cad 'byung ba lnga dang phung po lngar bsdus la/ 'byung ba lnga dang phung po thams cad lha dang lha mo'i dkyil 'khor gyi rang bzhin yang yin la/ rtogs pa'i lta bas rtogs par byas la/ ting nge 'dzin gyis yang bsgoms te/ mdun dang shar rdo rje rigs kyi lha dang/ lha mo dang/ zhing khams dang/ pho brang gi rang bzhin/ g.yas dang lho thams cad rin chen rigs kyi lha dang/ lha mo'i zhing khams dang/ pho brang gi rang bzhin/ rgyab dang nub thams cad pad+ma rigs kyi lha dang/ lha mo'i zhing khams dang/ pho brang gi rang bzhin/ g.yon dang byang thams cad las kyi rigs kyi lha dang/ lha mo'i zhing khams dang/ pho brang gi rang bzhin/ steng dang nam mkha' sku thams cad de bzhin gshegs pa'i rigs kyi lha dang/ lha mo'i zhing khams dang/ pho brang gi rang bzhin/ sems dpa' dang/ sems ma dang/ khro bo dang/ khro mo dang/ zhing khams dang/ pho brang dang/ dkyil 'khor lha rgyud kyi rang bzhin du rtogs par byas la yid kyis dmigs la/ dmigs pa thams cad lha rgyud du lta ba'o// rtogs pa thams cad gzhal yas khang du lta ba ni/ phyi nang snod bcud kyis bsdus pa thams cad 'byung ba lngas bsdus la/ 'byung ba lnga po nyid yul chen mo lnga'i mkha' klong rnam par dag pas/ chos kyi dbyings kyi rang bzhin yin pas/ dpag cing gzhal ba las 'das pa'i gzhal yas khang yin pa las/ de ltar du ma rtogs na gzhan nas gzhal yas khang gnyan ris su bcad pa med pas/ rtogs pa thams cad gzhal yas khang du lta ba'o// tshogs rgyud chen po las lta ba'i le'u ste gsum pa'o/ /// de nas tshogs kyi bsgrub pa lnga yang don rnam pa lnga ste/ sku'i sgrub pa dang/ gsung gi bsgrub pa dang/ thugs kyi bsgrub pa dang/ yon tan gyi sgrub pa dang/ 'phrin las kyi sgrub pa gang byed kyang/ rnal 'byor gyi tshogs kyis sgrub dgos te/ rnal 'byor gyi tshogs 'di ni lan tshwa dang 'dra ste/ gang la yang mi tshang du mi rung ste/ sku'i sgrub pa'i dkyil 'khor gyi lha rnams la tshogs kyi mchod pa gzhung bzhin du phul na/ sku'i sgrub pa yang 'grub cing mthar phyin par 'gyur ba bzhin du/ gsung dang thugs yon tan 'phrin las kyang/ de bzhin du gang sgrub pa tshogs kyis grub pa'o// de'i don ni gzhung du ma dag las rgya cher 'byung ngo/ / tshogs rgyud chen po las/ sgrub pa'i le'u ste bzhi pa'o//// de nas tshogs kyi longs spyod pa la yang don rnam pa gsum ste/ tshogs kyi spyod pa thabs dang shes rab tu spyod pa dang/ tshogs kyi spyod pa spong len med par spyod pa dang/ tshogs kyi spyod pa 'ching grol med par spyod pa'o//// de la tshogs kyi spyod pa thabs dang shes rab tu spyod pani// yo ga phyi pa man chod kyi sgor zhugs pa/ tshogs mchod lha ci smos kyi/ 'dod pa'i yon tan gang la yang skyon lta ba'i nang nas kyang/ thabs dang shes rab la 'ching bas bshal thag gtad pa ste/ rdo rje theg pa'i thabs la mkhas pa'i gnas skabs na/ thams cad thabs dang shes rab dbyings dang ye shes kyi rang bzhin pas/ 'dod pa'i yon tan la sogs pa thams cad la/ ma spangs par 'jol nyog tu spyod pa ma zad/ de nyid chos nyid dag pa'i rgyan du rig nas/ dga' bde longs spyod pa nyid kyi/ gnyis su med pa chos kyi chos kyi sku thob par 'gyur ba'o// de la tshogs kyi spyod pas spong len med par spyod pa ni// yo ga phyi pa man chad kyis 'di gtsang ma rigs yin te 'phags pa mchod rgyu yin la/ / 'di mi gtsang ba dang sme ba yin pas 'phags pa mchod rgyu ma yin zhes// spong len du spyod pa ma yin// chos la bdag med ba'i bzhin la// rnam bar rtogs pa'i ming yang med pas/ / gtsang ma yang lha yi zhal zas yin la// mi gtsang ba yang lha yi zhal zas// gnyis su med pa nyid 'phags pa'i dgongs spyod dang// 'phags pa'i skur sgrub pas// gang la yang 'di 'khor ba dang ngan song gi rgyu yin pas spong ngo/ / 'di thar pa dang bde ba dang gtsang ba'i rgyu yin zhes dang du mi len te// spong len med pa sangs rgyas kyi sa la gnas pa yin na// tshogs kyi spyod pa 'ching grol med par spyod pa na/ / 'dod pa'i yon tan rna pa sna tshogs pa las// chags tsam na chags pa med pa'i mthar phyin pas// 'khor ba dang nyon mongs pas 'ching ba med pa// de nyid rtogs pa'i rgyan du rig cing/ / chos thams cad ye nas sangs rgyas pa yin pas// de ltar spyod pa grol ba yang med// 'ching ba yang med do// tshogs rgyu chen po las// spyod pa'i le'u ste lnga pa'o//// rdo rje sems dpas de skad bka' stsal pas/ / rigs lnga yab yum dang// 'khor sems dpa' dang// sems ma dang// khro bo dang// khro mo dang// sprul pa dang// yang sprul pa dang// ci bgyis pa dang// bka' nyan dang// dam la btags pa'i 'khor thams cad kyis/ / dgyes pa chen po tshogs kyi longs spyod du bstar nas// thams cad gnyis su med pa chos kyi skur lhun gyis grub par bzhugs so// rnal 'byor gyi tshogs rgyud chen po rdzogs so/ /// 'di'i rgyud phyi ma 'di 'gyur ro// gsang ba dasum gyi phub tu// snub sangs rgyas ye shes rin po ches// skad bsgyur gyis yang bcos te// stong tshab byang chub rin po che la btsas su bzhag pa'o// mya nga ha ta pa ri las/ / 'phags pa rgya mtsho yis bris// bkor du mi 'tshal ba'i rgyud gsum bzhug so// rgya gar skad du// badzra a mri ta tan tra// bod skad du/ rdo rje bdud rtsi'i rgyud/ / dpal rdo rje sems dpa' la phyag 'tshal lo// 'di skad bdag gis thos pa'i dus gcig na// bcom ldan 'das de bzhin gshegs pa thams cad kyi sku dang// gsung dang/ thugs kyi snying po rdo rje bdud rtsi gsang ba'i pad+ma la bzhugs so/ / mA ma ki sogs thabs gcig tu// grong du bcom ldan rdo rje rol// de la lha mo des zhus pa// gsang ba la ni rnam gnas pa'i// rdo rje bdud rtsi rgyud kyi chog/ sngon du lha khyod kyis gsung ba/ / bdud rtsi mchog ni sgrub pa'i thabs// dpa' bo chen pos bshang du gsol// rdo rje bdud rtsi bde chen po// bcom ldan rdo rjes 'di skad gsungs// bsam gyis mi khyab zab pas phyir mi phung/ / don yod dbang po bral ba dang// mchog tu zhi ba rnam dag pa// rdo rje bdud rtsi brdzod pa yin// de las bcom ldanardo rje yis// mA ma kil chags ldan pas// rdo rje bdud rtsi'i ting 'dzin gyis// gsang ba mngon du mdzad pa'o/ / rgyung rnams kun tu gsang ba yi// ye shes rdo rje bdud rtsi mchog/ de ni bdag gis bshad par bya// dam du 'khyung dang 'o byed dang// dka' ba'i rol pa mnyam sbyor dang// glu gar rol mo'i sgra rnams kyis/ / rdo rje bdud rtsi rgyud kyi mchog/ de ltar myur bar 'grub par 'gyur// bdud rtsi khu ba zhes gsungs te// de las 'gro ba gsum skyes pa// de nyid kyi ni bgrub pa bshad// khyod kyi dga' phyir bzhin bzang ma/ / mdor bsdus nas ni bshad par bya// de ni nga yis brdzod kyis nyon// sems can kun la phan don du// sbyor ba'i rdo rje bdud rtsi mchog/ rnal 'byor gang gis shes 'gyur na// 'khor ba'i bcings las myur bar grol/ / bstan du med cing ye shes che// dngos grub 'jig rten gsum pa'o// sku gsung thugs kyi grub don du// 'grub pa po ni bde ba spyod// rdo rje pad ma mnyam sbyor bas// rdo rje bdud rtsi dbyung bar bya/ / b+ha ga'i pad mar 'o bya zhing// bdag mos rdo rje 'o bya ba// rdo rje bdud rtsi bde ba che// bcom ldan rdo rje de gsungs so// b+ha ga'i pad mar 'o byas pas// de tshe dga' ba'i lha mo des// rdo rje bdud rtsi las byung ba'i/ / nyams dga' gsang ba'i dkyil 'khor zhus// cho ga'i rim pa gang gis ni// mchod pa'i dkyil 'khor brtsams par bya// de la mchod pa ji lta bu// de bzhin dkyil 'khor ji ltar lags/ / dga' ba chen po rnyed dka' ba// rab tu dgyes nas bka' stsal 'tshal// de nas bcom ldan rdo rje can// rdo rje bdud rtsi bde ba che// 'o mdzad pas ni mnyes 'gyur te// sku gsung thugs kyi sgrub don dang/ / 'khor ba'i rgyu mchog bsgral ba'i phyir// dga' ba chen po sbyor ba yis// mA ma kis ni 'dir dris pa// bzhad nas 'di skad bka' stsal to// zur gsum dkyil 'khor bris nas su// gsang ba'i 'dab ma mA ma ki/ snying po gsang ba'i spyod yul gyi// pad ma 'dab ma brgyad pa bya// de dbus khyod dang nga yod de// gtso bo zhal gsum phyag drug pa// dang po'i zhal ni nag po ste// g.yas pa dkar po ru ni brjod/ / g.yon du dmar por rab tu gsungs// lha yi rgyan gyis brgyan pa dang// lha yi na bza'i me tog 'phreng// lha yi dri yis byug pa dang// lha yi dngos grub zhi byed pa// sku gsung thugs kyi rdo rje can// phyi rol du ni nag po ste/ / g.yas pa sgo bzhi par ni rab tu brtag/ shar du khro gnyer ma bzhag ste// lhor ni 'jigs 'jigs byed ma// nub tu rta yi gzugs can ma// byang du tshogs kyi 'dren ma mo// mkhas pas pad ma 'dab brgyad la/ / rig ma brgyad ni mnyam por bri// zhi ba dang ni zhi zhal ma// zla ba mo dang ri bong can// ri bong can gyi dkyil 'khor ma// ri bong can 'dri shes rab ma// yid la 'dod par byed pa dang/ / dge ba rig ma brgyad mnyam bri// thams cad zhal gsum phyag drug ma// sna tshogs gzugs ma yid dga' ma// phyogs rnams dang ni mtshams rnams su// rtag pa ru ni bri bar bya// mchod pa gling bu rnga de bzhin/ / de bzhin spos dang me tog sogs// dbyangs dang gar dang mchod pa yis// dka' ba'i rol pa spyod pa yis// rdo rje bdud rtsi bde ba che// gsang ba'i 'khor lo bsgrub par bya// ma dang chung ma bu mo dang/ / sring mo snying mo de bzhin de// rdo rje bdud rtsi de dag las// blangs nas gsang ba'i dkyil 'khor mchod// ma lus bdud rtsi blangs pas ni// rdo rje bdud rtsi dang mnyam 'gyur// sring mo na med na so gzhon/ / bu mo yis ni 'di kun sbyong// gnyen mtshams kyis ni don yod grub// dkyil 'khor gsang bar 'dod par bya// lce ni dril bar byas nas su// kha yi pad mar blang bar bya// rdo rje bdud rtsi bde ba che/ / de nas myur bar 'grub par 'gyur// bung ba rtse ba'i tshul gyis ni// bud med thams cad 'dod pa spyad// 'khyog dang brla sha bskyang ba dang// lang tsho shin tu rgyas pa yi// byed pa'i bcings pa'i sbyor ba yis/ / gnas gsum dag gis bsgrub par bya// sha chen dang ni khrag chen dang// de bzhin bshang gci khu ba dang// de dag rdo rje bdud rtsi lnga// nyin dang mtshan du bsgrub par bya// rdo rje bdud rtsi bde ba che// gal te dngos grub bdag 'dod na/ / de yis don rnams thams cad ni// bsgrub pa pos ni mchog tu bsgrub// dbang dang dgug dang zhe sdang dang// gsod dang bskrad pa la sogs pa// rdo rje bdud rtsi bde chen pos/ / bya ba thams cad kun tu bya// rdo rje bdud rtsi bde chen po// bcom ldan rdo rje bdud rtsis de skad gsungs// de bzhin gshegs pa thams cad kyi sku dang/ gsung dang/ thugs rdo rje can/ rdo rje bdud rtsi'i rgyud chen po las/ gsang ba'i dkyil 'khor byed pa'i tshul bstan pa'i le'u ste dang po'o//// de nas lha mo mA ma kis// pad ma sngon po de dgyed nas// dam por 'khyud pa byas nas su// dbang po kun la 'o mdzad cing/ / ma mchu so yis bzung nas ni// si zhes bya ba'i sngags brdzod do// de nas rdo rje bzhad mdzad nas// rdo rje bcings pas sgra bzung bas// pad mar rdo rje bcug nas su// chags pa'i chags pas 'dod chags mdzad/ / si zhes bya ba'i sgra snyan dang// khu byug dang ni bung ba'i sgras// lha mo dag par 'dod spyod cing// rdo rje bdud rtsi bde chen pos// nu ma gnyis ni mnyed par mdzad// sen mo'i ri mos 'debs mdzad cing/ / de yang gos ni phud mdzad de// steng dang 'og tu gzigs par mdzad// pad ma sdom por sro mdzad cing// dkyil ba'i tshig kyang brdzod par mdzad// sbom po'i pad ma mA ma ki/ lha mo chen mo legs so legs/ / shin tu 'dod la chags pa yis// yid 'ong khyod kyis nga mnyes pas// gang zhig 'dod pa rab tu myos// mchog kyang khyod la ci zhig sbyin// de nas lha mo mA ma kis// tshig 'di dag ni ched du gsol/ / bcom ldan bdag gi de nyid ni// byang chub sems kyi rnam sprul ba// 'phra bas shin tu 'phra ba yi// zag med ye shes ji ltar rol// de lus dbang gis spyod par 'gyur// de la the tshom pa dang/ / bdag ni ngo mtshar mchog tu 'gyur// rdo rje bdud rtsi bde chen po// bcom ldan rdo rje 'di gsungs te// nyon cig de nyid mA ma ki/ ye shes sbyor bas sang byed pa// shin tu 'phra bas gsang chen po// ye shes shes bya'i ngo bo nyid/ / de ni bdag gis bshad par bya// sangs rgyas byang chub rab sgrub pa// rtag tu zag med zag med pa// thog ma med cing thog ma sangs// yod pa nyid dang med pa nyid// dbang po dang bcas dbang po med/ / 'byung ba kun tu ma mthong ba// sbyor ba'i lam gyis mthong ba yi// sbyor ba rnam pa gnyis gsungs te// phyi dang nang du gnas pa'o// phyi ni gzugs kyi phung po sogs// 'byung ba'i rnam pa kun rdzob ste/ / nang gi lha yi sbyor ba ni// rtsa ba'i 'khor lo rnam par gnas// sna tshogs g.yo dang mi g.yo ba// khams gsum la ni ma g.yos par// de gcig pus ni khyad par te// rnam bar shes pa thams cad ni/ / gang phyir sems can bdag nyid bdag/ rnam par shes pa'i phung por gnas// skyes pa'i tha ma sems rmongs pa// 'gas kyang rab tu mi rtogs so// sems dang sems byung sems kyi gzugs// ye shes rnam par shes pa pos/ / bya ba rnam la byed pa nyid// chos rnams kyis ni chos can bsgom// gang phyir chos rnams mang po yis// chu rgyun bzhin du rgya mtsho la// thar pa gcig tu kho nas 'gyur// mang po nyid ni mi skye ste/ / ji ltar de nyid mi gnas pa// bla ma'i zhal las thos par 'gyur// b+ha ga'i nang du nam mkha' gang// nam mkha' lnga yis brgyan pa ste// snying po ze ba rnam ldan zhing// 'dab ma brgyad kyis rnam par brgyan/ / de dbus rdo rje can bzhugs te// byang sems bdud rtsi dang yang ldan// cha dang cha med rnam grol ba// thig le ma mo rnam par sangs// der gnas rtag tu zag pa ni// bdud rtsi byang chub sems kyis gzugs/ / khams gsum kun gyi gnas yin te// steng dang 'og tu'ang rnam par khyab// des ni mthong dang thos pa dang// bsnam pa ngang ni brgyangs pa dang// reg dang bde ba'i longs spyon ni// zas dang me tog 'phreng ba dang/ / rgyan dang gos kyis rab brgyan te// ngag gi sna tshogs grags pa yang// bla ma dang ni gzung ba rnams// rol dang kun tu 'gro ba dang// 'dug dang de bzhin nyal ba dang// sad pa dang ni log pa dang/ / thams cad rmi lam mthong pa dag// gzhar dang de bzhin cho nge dang// shin tu yid 'phrog gar dang ni// rnga rnams kyang ni brdungs pa ste// sna tshogs skang ni brjod pa dang// smyon pa dang ni smyos pa yi/ gzugs dang gti mug 'dod chags de nyid ni// gzugs med mang po'i gzugs can te// pho dang mo dang ma ning rnams// du ma'i gzugs can kun gyi bdag/ sna tshogs gzugs ni nor bu bzhin// khyab dang khyab byed dngos po yis/ / de nyid dam pa rnam par gnas// bdag mo de yi de nyid ni// bzlas med 'dzin pa'ang yod ma yin// bgrang 'phreng ba ni gang yang med// bgrang 'phreng ba yang mi bya'o// b+ha ga'i pad mar mchod par bya/ / mkhas pas bdud rtsi bza' bar bya// rdo rje bdud rtsi bde ba che// de yis de nyid grub par 'gyur// gang de bdud rtsi 'bab pa'i rtsa// b+ha ga'i dbyings su rnam par gnas// rtsa gzhan sum cu rtsa gnyis la/ / de yi dbus su gtso bo de// de dag las gzhan shin tu mchog/ rtsa dgu dag ni rnam par gnas// sgo dgu la gnas rig ma dag/ sgrub pa pos ni mchod par bya// de dag gsang chen mchog rab ni/ / zhal bzangs ma skye sbyor bar bshad// sna tshogs rnam snang mdzad sogs pa// de bzhin gshegs pas mi shes te// shin tu dga' ba'i yid bde bas// sbyor ba dam par bstan pa'i sa// gsang ba'i pad ma mthong pas na/ / shin tu sbom po mA ma ki/ de phyir rdo rje bdud rtsi yi// bde chen de nyid bdag gis bshad// de bzhin gshegs pa thams cad kyi sku dang/ gsung dang/ thugs kyi rdo rje can// rdo rje bdud rtsi bde ba chen po'o rdo rje bdud rtsi'i rgyud chen po las/ / de kho na nyid sbyor ba'i ye shes bstan pa zhes bya ba'i le'u ste gnyis pa'o//// de nas mgu ba'i lha mo des// ha ra nu phur gyis brgyan te// 'di dag dbyangs kyis bskul nas ni/ / sems dpa' chen po dgyes par byed// spung mdzad rdo rje bde chen pas// bdag gis dam pa'i don 'tshal lags// b+ha ga'i pad mar bde ba chen po ste// rdo rje'i don de bde ba chen po lags/ / khu byug dang ni skad phrad dang// rol mo skad drug grangs dang ni// sna tshogs thun mong rnam dag ni// snyan pa'i sgra yis blang bar bya// 'dis ni glu ni len pa dang// dga' ba'i bde ba byed rnams kyis/ / rdo rje can bdud rtsi bde ba che// sangs rgyas byang chub bsgrub par bya// gsang ba'i dkyil 'khor bka' stsal pas// de nyid kyis ni the tshom bcad// rdo rje can khyod bka' drin bdag/ ye shes kyis ni bya ba byas/ / shin tu chags pas bcom ldan 'das/ rdo rje bdud rtsi byung ba 'di// rdo rje theg pa 'byung ba yi// sbyor ba bdag gis bstan lags kyang// sngags dang phyag rgya byed pa la// nga rung bdag la the tshom mchis/ / ji ltar phyag rgya yang dag 'byung// de dag sngags ni ji ltar lags// sngags rnams gang las skyes pa lags// khyad par du ni lha rnams kyang// lha de bdag gi the tshom 'tshal// mdor na de ni bdag la gsungs/ / rdo rje bdud rtsi bde chen po// bcom ldan rdo rje can 'di gsungs// phyag rgya sngags dag 'byung ba ni// bshad do nyon cig mA ma ki/ phyag rgya rnam pa gsum gsungs te// sku dang gsung dang thugs las 'byung/ / skus ni lag pa'i phyag rgyar 'gyur// gsung gi phyag rgya sngags mtshan nyid// thugs ni mtshan ma'i phyag rgya ste// bsam gtan ri mo gnyis med gnas// rdo rje bdudartsi rgyud chen la// lag pa'i phyag rgya rnams spangs la/ / sbyor ba'i phyag rgya rtag shes bya// mtshan ma'i phyag rgya mi bri'o// lha yi lha mo bud med do// dbang po thams cad bde ba ru// b+ha ga'i pad mar mchod pa bya// rdo rje pad mor mnyam sbyor zhing/ / las rnams thams cad 'grub par bya// ji ltar dpag bsam shing chen gyi// yal ga phyag rgya stong ldan pa'i// rtsa ba de las bzung nas ni// skyes pa'i skyen du gyur pa bzhin// de ltar bdud rtsi 'bab pa'i rtsa/ / sngags dang phyag rgya yum yin te// sngags rnams kyis ni skyong byed do// b+ha ga'i dbus su gnas pa 'o// de nas bcom ldan rdo rje can// rdo rje bdud rtsi bde chen pos// rdo rje gtsug nas mA ma ki/ nyin gcig sngags rnams mtshan nyid na/ / dang po rnam par snang mdzang sbyor// badzra a mr-i ta mahA su kha/ sa bon bzhi dang mnyam ldan la// sba yi yi ge yang sbyar ro// rdo rje bdud rtsi snying po ni// 'dod ba thams cad rab bsgrub pa/ / sdig pa dag ni thams cad 'dag/ ngan 'gro rnams la snying rje skye// yang ni rnam par snang mdzad spyan// gnyis pa dang ni bzhi pa la// bzhi pa'i sa ni mnyam ldan pa// mA ma ki yi snying po mchog/ brgyad dag kho na'i dbus su gang// brgyad la brgyad kyis rnam par brgyan// 'dab brgyad la ni sbyor byas te// lha mo rnams kyi sngags bsdu 'o// sgo sngags dag gi sngags rnams ni// nyon cig skal bzang mA ma ki/ sde tshan mtha' yi sngags btus te// sa bon brgyad kyis sngags rigs pas// stong pa'i lha yis non byas te// rnam par snang mdzad dang ldan ma// swA hA yi ge mnyam por ldan// dngos grub thams cad rab 'byon ma/ / bzhi ni sgo bsrungs bzhi yin te// bzhi ni me tog spos me sogs// ma ning yi ge grwa bzhi la// swAhA rnam par snang mdzad kyis// gsang ba'i dkyil 'khor mA ma ki/ rol mo'i sgra ni kun gyis mchod/ / rdo rje bdud rtsi bde chen po// bcom ldan rdo rje de gsungs so// de bzhin gshegs pa thams cad kyi sku dang// gsung dang/ thugs rdo rje can/ rdo rje bdud rtsi bde ba chen po'i rdo rje bdud rtsi'i rgyud chen po las/ sngags 'byung ba bstan pa zhes bya ba'i le'u ste gsum pa'o//// de nas sbyin sreg las dag gis// cho ga'i rim pa bshad par bya// rnam 'byor rgyud kyi cho ga las// sku gsung thugs ni 'grub pa yis/ / zhi ba dang ni rgya pa'i las// de bzhin dbang dang mngon spyod dang// zhe sdang skad dang de bzhin du// sngags dang phyag rgya'i bsgrub pa rnams// de kun bdag gis bshad par bya// rdo rje bdud rtsi bdud rtsi 'byung/ / rdo rje sems dpa'i gying byed ba// rkun rten bcas pas gnyis gnas pa// thams cad brgyad pa kyis brgyan pa'i// slob dpon dkyil 'khor 'jug par bya// khams gsum rnam par rgyal 'gyur na// rkang pa g.yas pa brkyang bar bya/ / g.yon brkyang ba yang skyin par bya// rkang mnyam sna tshogs thams cad kyis// sa ni yang dag sbyar bar bya// sa la reg 'jam skyes phyir dang// de nas bdud dang lus srul po/ / bgegs rnams kyang ni bskrad par bya// gzhan yang lus srul po la sogs// gong du bla ma la phyag 'tshal lo// phyi nang dang por dgug par bya// oM e h+ya hi ma hA de ba spri to be lo ka ma re sarba ra ta na su sang bu/ / de bA la ka ra pu shi te// ha ra nu su ra nir g+ho sho badzra swa ra pra shu dza te// gri hi tra ru ma ma rga hom karma du d+ha ye ra hri hi hi ha swA hA// bshang gci khrag dag khu ba yis// dkyil 'khor sa la gtor bar bya/ / bdud spos nye bar bya ba'i phyir// sha chen gyis ni dbul bar bya// de nas rigs ma 'jug par bya// gdol pa mo dang g.yung ba mo// gar mkhan mo dang bram ze mo// rgyal rigs ma dang rje'u rigs ma/ / dmangs mo rgyal rigs dus ma ni// dri dang spos kyis mchod byas te// lha yi rgyan gyis brgyan par bya// yan lag lnga la yi ge hri// b+ha ga'i dbus su yi ge nu// spyan ma sgrol ma gos dkar sogs/ / yid du 'ong ba bsgom par bya// b+ha ga'i dbus su slob dpon gyis// me tog dor la bskur bar bya'o// de nas sngags pas hom khung ni// tshang mar kun tu bri bya ste// zhi la zlum por bri ba ste// khru gang tsam du thig gdab bo/ / khru phyed sa la brkos nas su// dkar rtsi mtshon gyis byugs par bya// kun tu 'khor lo tshul ltar yang// ngos su mnyam por bri ba'o// rgyas pa la ni khru gang brko bar bya// thams cad kyi ni khru bzhi ste/ / mugs mtshal dang btsag gis bri ba'o// mngon spyod la ni zur gsum ste// sor ni nyi shu yangs pa'i tshad// nyi shu phyed ni brko byas nas// dbusasu rdo rje rgya gram yang// 'phreng ba'i 'phreng gis dkris pa bri/ / de bzhin dbang dang dgug pa la// zla gam yang dag bri ba 'o// hom khung yang dag bstan nas su// phyogs kyi cha yang bstan par bya// byang du mngon par kha bltas te// sngags pas zhi ba'i las brtsam bya/ / rgyas pa la ni rtag tu shar// mngon spyod la ni lho ru ste// nub tu dbang ni nyid du brjod// dgug dang bskrad dang de bzhin no// mngon spyod rtag par nag po ste// mtshon sna lnga yis dbang sogs bya// 'bras dang til dang 'o ma dang/ / mar dang sbrang rtsi ldan cig par// bdud rtsi lnga dang ldan pa yi// zhi ba rgyas par sbyin sreg bya// mnyam pa'i shing dang du ba dang// 'o ma'i shing dang dri zhim dri// bza' ba rnam pa sna tshogs dbul/ / gtor ma 'byung po thams cad la// gtor ma gang zhig bsgrub pa pos// he ru ka yi phyag rgyas sbyin// gang zhig cung zad yid 'dod pa// rtag tu rnal 'byor pa yis 'grub// ston gyis dus na zhi ba ste/ / rgyas pa de bzhin dgun gyi dus// dpyid ka mngon spyod las rnams ni// sgrub pa por ni thams cad sbyin// rgyas pa de bzhin srod la ste// nyi ma phyed la'am nam phyed na// rtag par mngon spyod bya ba 'o// hom khung dbus su yi dam lha/ / yi ge hUM gis bskyed nas su// zhal ni gdangs pa bsam bya ste// sbyin sreg de la dbul bar bya// sbyin sreg 'bum phrag phul gyur na// mngon du mngon sum kho nar 'gyur// dang po me ni dgug bya ba/ / lha rnams kyis ni mchod pa nyid// 'od zer 'phreng 'khrugs drag po'i lha// sangs rgyas byang chub rab bsgrub pa/ auM me h+ye hi// tra ya ma ba sh+ya b+ha su ta k+Sha si d+ha hre lo kya shu dza ta bra bi/ Sha na ma kri tang gri hi swa ma tra yi dang marga pa nyA tra/ / bya sa badzra ni// hUM hUM phaT phaT swA hA/ dang po la ni mchod yon dbul// phyis ni lha bshos me tog dbul// lha yi me tog shin tu dmar// dri zhim shin tu mdzes pa yi// me tog de ring bzhes nas su/ / 'di la byin gyis brlabs par mdzad// hUM me tog gi sngags so// mar me 'od zer 'bar ba ni// ngan 'gro'i 'jigs pa 'joms byed pa// lha yi mig 'byed bkra shis pa/ / mar me khyod kyis bzhes su gsol// hUM mar me'i sngags so// tsan dan ga pur bcas pa yi// dri zhim spos me tog bdun pa ni// mthu dang bcas pas byed pa'i spos// khyed kyis bzhes nas byin rlabs mdzad/ / hUM spos kyi sngags so// sna tshaugs lha yi dri zhim pa// sna tshogs ga pur rnam par brgyan// sna tshogs yi ga hUM las byung// dri ni bzhes nas byin gyis brlabs par mdzad// hUM hUM yi sngags so// dang por mchod pa'i tshogs ni/ / the tshom med par me la bya// phyis ni rang gi yi dam lha// sngags kyi bzlas brjod rig par bya// dbyangs dang gar dang zas rnams kyis// rnam pa du mas rol byas te// rim par sgrub pa po nyid dang/ / tshogs la mchod pas mnyes par bya// gal te dngos grub bdag 'dod na// sku gsung thugs kyi bsgrub pa'o// 'dis ni mar dang bdug spos dang// ras ni gnas su dbul bar bya// rtse lnga ba yi me mchog ste/ / bdag 'dod na/ rtse gsum pa ni 'breng du brjod// 'bar ba'i rtse mo du ba dkar// g.yas su 'khor ba don grub bcas// me lha bla ma rdo rje 'dzin// mchod nas gshegs su gsol bar bya/ / oM// me yi lha ni grub par mdzad// sems can thams cad bde ba 'dren// sku gsung thugs kyi sgrub don du// lha rnams las ni rjes su bskyob// ye shes zhi ba gshegs nas su// sa gzhi zhi bar rab mdzod cig/ rgyu dang mi rgyu bcas pa yi// bsgrub pa po dang thams cad dang// bdag gi bsod nams 'bras 'gyur dang// sngags kyi dngos grub rab gsol cig/ a A i I u U+-i r-i rA l-i l-I e A+ai o o a hUM na swA hA/ hUM/ rdo rje bdud rtsi bde ba che// bcom ldan rdo rje de gsungs so// de bzhin gshegs pa thams cad kyi sku dang/ gsung dang/ thugs rdo rje can/ rdo rje bdud rtsi bde ba chen po'i rdo rje bdud rtsi'i rgyun chen po las/ sbyin sreg cho ga bstan pa zhes bya ba'i le'u ste bzhi pa'o//// bdud rtsi sman gyi rgyud chen po rdzogs so//// rgya gar skad du/ / bruM a nu ma hA pra ban ta// bod skad du// gnas lung chen po bstan pa// sangs rgyas bcom ldan 'das zhi khro 'bar ba'i tshogs la phyag 'tshal lo// dpal kun tu bzang po la phyag 'tshal lo/ / 'di skad bstan pa'i dus gcig na/ bcom ldan 'das yid kun tu bzang pos/ thams cad du 'og min pa'i steng phyogs na/ sems can thams cad 'khor ba dang/ ngan song las sgrol ba'i ting nge 'dzin la snyoms par zhugs te/ sku dang/ gsung dang/ thugs cad du 'og zer gyi dra ba phyogs bcur bkye ste/ sems can thams cadakyi lus ngag yid gsum la khyab pas de dag thams cad kyi ma rig pa dang/ ma rtogs pa dang/ ma ldan pa'i rtogs pa thams cad mun sros pa'i nam mkha' la ye shes kyi nyi ma shar ba bzhin/ thog ma med pa'i dus nas/ rtog pa'i bag chags brtas pa'i sems can/ nga bdag dang bdag tu phyogs ris su rtogs pa'i dbang gis khams gsum du 'khor zhing/ nyon mongs pa'i rgyur gyur pa rnams la/ thabs mkhas pa'i thugs rje chen pos/ sems can thams cad 'khor ba'i chos dngos po can las/ mya ngan las 'das pa'i chos can las/ mya ngan las 'das pa'i chos dngos po med pa snang la rang bzhin med pa'i sku dang/ gsal la mi rtog pa'i ye shes ye nas gnyis su med pa'i dbyings su bsgral ba'i thugs ye shes kyi rang gnas yin parabyin gyis brlabs so/ / de yang 'phral du brlabs pa ma yin te/ dper na me long g.yas gos pa phyis pa bzhis/ chos thams cad ye dang po nas/ byang chub sems bde ba chen po'i snying po/ ye nas ma bcos pa'i rang bzhin yang dag par thams cad du/ sangs rgyas par rgyas bar rtag pa'i nges don dang/ gsang sngags che ba'i rkyen gyis byin gyis brlabs khyad par du kun tu bzang por grub par mdzad do/ de ci'i phyir zhe na/ snang srid thams cad chos nyid kyi gnas yin la/ rang rig pa'i ye shes ni chos nyid kyi ston pa yin pa la/ skye 'gro thams cad ni chos nyid bde ba chen por bsgral ba ni/ 'khor ba chos nyid yin la/ rnam rtog thams cad ye shes la/ sdug bsngal thams cad byang chub yin pa'i phyir ro/ de ltar bu'i theg pa 'di/ dper na shong yangs che chung gis nam mkha' yangs pa kun la shongs pa dang 'ad bar/ theg pa thams cad las gong du 'phags pa 'am/ theg pa thams cad las khyad par du 'phags pas/ kun gyi gzhi yin pa'i phyir/ 'di'i nang du ma 'dus pa gang yang med pas/ theg pa thams cad 'di'i 'khor du 'dus pas/ theg pa gang dang yang mi 'gal bar bya ba'i phyir/ dang po rnal 'byor gyi gnas gzhung dang mthun zhing tshul dang ldan pa btsal ba dang/ de yang sems ma skyes pa'i dbyings ye nas rnam par dag pa shes na/ gnas btsal kyang mi dgos/ rnyed cing yod na yang mi 'gal ba dang/ de lta bu'i gnas su las dang bya ba gzhung nas byung ba kun bya'o// de yang kun gzhi'i kun tu bzang po bzang ngan spong len med par rtogs na/ las dang bya ba byas kyang mi 'gal// ma byas kyang ni dgos so// de ltar las dang bya ba gzhung nas 'byung ba bzhin byas pa'i sar gnas gsang ba'i dkyil 'khor zhi khro 'bar ba'i gzugs brnyan bri ba yang go rim ma nor bar bri zhing/ bzhengs su gsol lo// de yang phyogs thams cad ni dkyil 'khor/ 'byor pa thams cad ni lha rgyud/ snang ba thams cad ni rang gnas/ rtog pa thams cad ye nas sangs rgyas pa yin par yid ches shing mthar phyin na dkyil 'khor bya ba yang mi dgos la/ byas kyang mi 'gal lo// de ltar gzhung las byung ba'i dkyil 'khor bris pa der mtshams bcad par byas te/ ting nge 'dzin gyis phyogs bcu khro bo'i dkyil 'khor mang po yid la bkram nas/ phyi nang snod bcud thams cad kyi 'jig rten gyi khams ril dug gsum gyi dbang gis snang ba'i skye 'gro dang/ rdo shing sa brag la sogs pa'i zung du thams cad kyang/ ye nas sangs rgyas pa'i khro bo chen po'i rang bzhin can yin la/ 'di dag blta bas kyang thugs su chud par blta la/ ril khro bo'i rang bzhin du bsgoms la/ rnam par shes pa'i tshogs brgyad kyang/ khro bo chen po'i sku rags par bsgoms shing gsal bas/ mnyam pa nyid kyi gnas la nga dang bdag tu blta ba'i rtog pa 'jom pa dang/ sems skye shi med pa las/ rnam par rtog pas skyes shing snang ba'i bag chags thams cad spyod ngo// 'di las khro chen zhal gsum phyag drug par gyur pas/ smad lcags phur zur gsum gyis nyi ma dang zla ba'i dkyil 'khor gyi dbus su/ phyogs mtshams steng 'og gi phyogs dang dregs pa can pho mo bsnol mar mnan te/ btab pas 'jig rten na gnod pa'i bar chad dang/ mi mthun pa'i bgegs kyi phyogs zil gyis mnan par bya'o/ / de yang phyi thams cad ni ye nas sems nyid kun tu bzang mo'i mkha' 'og min chos kyi dbyings kyi pho brang/ ye phyi mo nas sangs rgyas pa'i bzhugs gnas yin par rtogs pa mthar phyin la/ nang thams cad kun tu bzang po'i bde ba chen po/ / bzang ngan spong len gyi dpung gnyen med cing/ yod med rtag chad kyi mtha' las 'das/ rgyu rkyen las ma ltos pa ye nas sangs rgyas pa/ gnyen po dang thabs kyis ma bcun par yon tan gyi 'bras bu lhun gyis grub par/ dngos por mi snang bar rtogs par gsal zhing rig pa rang shar ba/ chad pa ma yin par mtshan ma med cing/ gnyen po gang gis kyang mi zin par/ nor bu rin po che ltar 'dod pa bsgyur du btub pas/ don gyi nges tshig las rtags kyi 'bras bu rang la rang shar bas/ dper na 'dzam bu gser gling du phyin pa ltar gyur na/ mtshams bcad kyang a ti la mi dgos/ ma bcad kyang mi 'gal lo// de ci'i phyin zhe na/ don rtogs pas mi dgos// khog shong yangs che bas gang yang rtogs pa med do// de yang mtshams bcad pa 'di ltar bcad do// hUM// rang bzhin dag pa'i ngo bo la/ / sems can sangs rgyas gnyis med kyang// ma rtogs pa dang log par rtogs// phyogs rtogs yang dag nyid ma rtogs// sgrib pas sa 'phangs dma' ba dang// sems kyis rtog pas 'ching ba dang/ / gzhi stong ci la'ang bar chad byed// sems kyi de nyid ma rtogs pas// ji ltar bshad kyang mi go bas// 'di ru 'dug pa'i skal med pas// sa phyogs gzhan du 'gro bar gyis// lung chen 'di las khyed ma 'da'/ / gsang ba 'di las khyed 'das na// de bzhin gshegs pa thams cad kyis// zhal nas gsungs pa'i chos kun la// bka' bcag pas kyang 'di nyams thu// ma 'da' rang rang gnas su dengs// sa ma ya ka pa tsa ra rag sha hUM phaT/ / byang chub sems kyi klong bdal bas// kun tu bzang po'i rang bzhin la// sangs rgyas med cing sems can med// lha yang med cing 'dre yang med// 'khor ba med cing myang 'das med/ / ngan song med cing mtho ris med// rdzogs khyab rang byung ye shes la// dus gsum sangs rgyas dgrar langs kyang// 'di la gzung cing bsad du med// bcom ldan 'das kyis bka' stsal to/ / zhes bya ste// de lta bu'i mtshams kyis gnas kyis// dkyil 'khor 'dir gnas stod par bya ste// yi ge rnam pa gsum gyis sgrib pa sbyang nas// lung gi 'phro 'du rnam pa gsum gyis// thugs rje sprul pa'i gnas su sgrib pa sbyangs nas/ / rtog med chos kyi dbyings la bzhugs gnas bcas nas// rtog 'joms khro rgyal matams kyi dbang 'di yang bskur ro// ji ltar snang ba thams cad kyi// lha dang lha mo'i dkyil 'khor yin/ / khro rgyal mtshams kyi dkyil 'khor du// che ge rtog 'joms dbang bskur ro// 'di zhes bya ba rgyal ba'i sras// 'khor ba ngan song lta bas bsal// rnam par rtog pa dgongs pas bcom/ / rang rig ye shes lung gis bstan// rnam par mi rtog chos nyid gnas// sngar 'das sangs rgyas bzhugs pa bzhin// rnal 'byor rdo rje che ge nyid// rgyal ba kun gyis bsngags pa mdzad// sngon gyi de bzhin dbang gnas mchog/ ces gnas rim cig bstod// dbang rim cig bskur nas// 'dis kyang 'khor pa sa 'das nas sangs mi rgyas pa'i dbang med do// zhes kun tu bzang pos gsungs so// de yan chad khro rgyal mtshams kyi dkyil 'khor cig rdzogs so/ /// de bzhin du ye nas gnas sangs rgyas pa'i gnas su// de ltar rtogs pa'i sangs rgyas kyis dgongs pas// mtshams bcad pa'i phyin ci log gis bslad pa'i gzung 'dzin gyi rtog pa rnams ni/ 'khor ba'i bgegs chen po yin la// 'di dag kyang bdag gi rtogs pa'i ye shes kyis sbyong zhing/ de dag thams cad rang gi sems snying po byang chub kyi rang bzhin yin par rtogs nas/ rdul phra rab tsam yang dngos grub kyi bar chad byed pa dang/ mi mthun pa'i bgegs ming yang med par byas nas// 'di ni theg pa gang yang mi 'bral bar bya ba'i phyir/ dkyil 'khor brgyad pa tshul bzhin du byas te/ sems can lakhor ba'i rgya mtsho sgyu mar snang ba thams cad/ gdod mtha' nas dkyil 'khor tshul bzhin gnas pa las/ phyin ci log gis bslad pa rnams 'bar ba'i 'khor lo rtsi bas brgyad kyi 'od zir gyis sbyong zhing/ rnam par shes pa tshogs brgyad kyang/ khro bo brgyad du byin gyis brlabs nas/ tshe 'phos pa dang sems can thams cad khro bo'i sku gsung thugs/ phyag rgya chen po'i dkyil 'khor du bsdus te/ thugs rje che ba'i sems can sgrol ba'i 'phrin las mngon sum du mdzad do// de yang dkyil 'khor zhes bya ba yang/ bka' yang dag pa'i dkyil 'khor ni/ khams gsum 'khor ba'i chos ji srid rdzas su snang ba thams cad brtags dben/ dmigs na don byed ma nus pa gang yang med pa ni/ gzugs brnyan gyi dkyil 'khor yin la/ de thams cad kun gzhi byang chub kyi sems su 'dus pas/ kun gzhi byang chub kyi sems la/ chos thams cad nas thams cad sangs rgyas pas/ sgom du yang med cing// yengs su yang med pa nyid ting nge 'dzin gyi dkyil 'khor yin la// de yang kun tu bzang po ye phyi mo nas sangs rgyas pa la/ btsal ba med par sangs rgyas pa dang/ sems can gnyis su med par lhun gyis grub pa ni/ rang bzhin gyi dkyil 'khor zhes bya ba la/ de gsum yang tshig gi rnam grangs tsam las ris su ma gsungs shing/ byang chub sems bde ba chen por mnyam zhing dbyer med rtogs na/ gzugs brnyan gyi dkyil 'khor bri yang mi dgos la/ thams cad shong yangs che ba las bris kyang mi 'gal lo// de la yang 'di skad gsungs so/ / rgyal ba'i dkyil 'khor rab 'byams ma lus kun// dbyings las ma g.yos sku dang phyag rgyar gsal// gsal tsam nyid na yod med tshig las 'das// snang srid thams cad rgyal ba'i dkyil 'khor las/ / yid kyis sa bcad sems kyi lha bkod nam// sems can thams cad sangs rgyas sa la bkod// 'du 'dzin mang po bus ba'i las 'dra bas// rang sems gdod nas dag pas nam mkha' bzhin/ / mtha' dbus phyogs ris med par yongs la khyab// gzung 'dzin rtog pas mtha' gnyis bral ba la// skye 'gag med pa'i thig le chen por 'dug// 'od bzhin mtha' dbus med par rgyal bas gsungs/ / bdag med skye shi med pa'i klong bdal gyis// 'du 'bral med pa'i gsang ba'i dkyil 'khor du/ phyogs ris med pa'i thigs rje chen po yis/ 'khor ba spyis phung dmyal ba dong sprug go/ oM gu h+ya sa ra oM// dz+nyA na sa ra o// bo d+hi tsit+ta a/ zhes bya ba 'di rtogs shing brjod pas/ skye 'gro mtha' dag pa rnams kyang/ sangs rgyas kyi sa la gnas par gyur na/ gang la bya ba de lta ci smos/ de ni thams cad byin gyis rlob pa zhes bya ste/ bka'i 'khor lo'i dkyil 'khor gnyis pa rdzogs so//// de ltar gzugs brnyan gyi dkyil 'khor bris pa der/ gang la don bya ba dang/ bdag dang sems can thams cad kun tu bzang po'i gnas su phyin cing snod du rung bar byin gyis brlabs nas/ gzung 'dzin rtag chad kyi dngos po khro bo yab yum gyi thabs dang shes rab kyi ting nge 'dzin gyis bsgral dgos te/ oM badzra tsakra ya s+t+waM/ zhes brjod pas/ gser gyi 'khor lo rtsibs brgyad kyi dbus su/ dpal chen po yab yum gnyis/ shar gyi rtsibs la pra dz+nyAn ta krid/ shar lho'i rtsibs la nI la dan Da/ lho'i rtsibs la ya mAn ta krid/ lho nub mtshams la Ar+ya a tsa la/ nub kyi rtsibs la ha ya gri ba/ nub byang mtshams su Ta ki rA dza/ byang gi rtsi bas la a mr-i ta kun+Ta li/ byang shar mtshams su ma hA ba la/ 'og gi phyogs su 'khor lo sgyur ba de/ ka ma la/ steng gi phyogs su hUM ka ra/ 'di rnams khro mo ki ri ma brgyad dang gnyis su med par bzhugs so// yab yum de dag gnyis su med par 'khril ba las/ steng gi hUM ka ras thabs 'phros/ 'og gi ma las ni shes rab ston/ de la 'khor gyi mkha' 'gro dang/ sprul pa dang/ mngag gzhug rim gyis/ gang don bya ba de dang/ mtha' yas pa'i sems can thams cad gcig tu bsdus nas/ dngos po la rtag par lta ba'i gzugs dpung gi gdos bsgral/ rnam par shes pa'i yi ge nri las/ hUM du gyur nas yab yum gyi thugs khar thim nas/ mkha' la rten te ma 'ongs pa'i don du/ rigs nges pa'i sras su cha la reg par 'phrin las mdzad pa'o/ / de ltar ting nge 'dzin las gsal bar bya ba ni/ sa bcu mthar phyin pa'i gnas zhes bya'o// de yang khams gsum thams cad ni stong pa chos nyid kyi zhing yin la// srid gsum thams cad ni thabs mkhas pa'i ye shes yin la sngug bsngal dang nyon mongs pa thams cad gnyis su med pa'i longs spyod du gyur pas/ dper na nyi ma'i dkyil 'khor la/ mun pa btsal gyis mi rnyed pa bzhin/ sangs rgyas kyi dgongs spyod bdal bas/ 'khor ba'i rgyu btsal gyis mi rnyed par gyur nas// sgral bya yang mi dgos la/ sgral ba byas kyang dgos pa med do de'i phyir na 'di skad ces gsungs so// kun tu bzang po'i ngang nyid las/ / sangs rgyas sems can gnyis med pas// srid gsum zos kyang nga ma 'grangs// khams gsum 'thugs kyang nga ma ngoms// stong gsum thams cad sgral ba'i zhing// ma skyes phyir na btub ba'i rdzas/ / rang bzhin mod pas bsgral ba'i rgyu// sems nyid yangs pa'i mkha' klong du// stong gsum ma lus ston pas ni// 'bum gyi char yang mi phod do// nam mkha' gar khyab chos kyis khyab// chos kyis gar khyab sems kyis khyab/ / phyi nang gnyis ka sems su bsgral// sems ni ye nas mya ngan 'das// skye shi gnyis kyi rgyud las rgal// yod med gnyis kyi mtha' las 'das// cir yang snang la gzung du med/ / med pa ma yin snying po 'byung// 'di zhes bya ba bcom ldan 'das// gcig pur rab tu che ba'i lha// blo ldan gang zhig skal che ba// 'di ni bsgral ba'i lung zhes grags// hi ti bsham// yongs la dbang sgyur dbang gi mchog/ gang la ma chags 'dod dgur sgyur// gnyis su med pa'i pho brang du// spong len medapa'i dbang bskur ro// zhes gnas par cig bstod/ dbang lan cig bskur bas/ sems can gyi ming yang med par gyur to/ / gang gi don bya ba lta ci smos so// 'di ni dkyil 'khor drug las/ rgyud drug bsgral ba'i dkyil 'khor dang// dkyil 'akor gsum pa rdzogs so// de ltar gzugs brnyan gyi dkyil 'khor chen po bris pa de las zhal bsgyur te zhi ba'i lha bung+d+ha bzhi bcu rtsa gnyis kyi dkyil 'khor gzhung dang 'thun par 'khor lo bris pa 'am/ yang na pad ma bris kyang rung/ sgo dang sgo khyud la sogs pa rdzogs par bris pa der/ rgyan rnams bkram// dbus su bum pa yum kun tu bzang mor byin gyis brlabs/ rgyan thams cad kyis brgyan pa der ni yangs shing rgya che ba/ 'jig rten gyi ltos thams cad rgyas shing khyab pas/ yum gyi mkha' dbyings rnam par dag par/ thams cad sangs rgyas par bsgom mo// de yang dper na srog gi sbubs thams cad rtsas gang ba 'am/ til gyi gang bu 'bras bu dang mar gyis gang ba bzhin/ thams cad du khyab ste khab rtse gang yang gzugs pa'i sa med par phyi nang snod bcud thams cad ye shes bum pa bdud rtsi chu/ byang chub sems kyi sangs rgyas par snums par mdzad pa bsgom pa ni/ kun tu bzang mo rgyan du bzhag pa de/ sems can thams cad dang gang don mdzad pa de la/ thams cad kyis legs par sbyin par mdzad pa'o// de yang chos nyid ma skyes pa skye ba med pa/ kun tu bzang po'i mkha' klaung rnam par dag ba'i dbyings su/ phyi nang snod bcud kyis bsdus pa'i chos thams cad/ byang chub kyi sems bde ba chen por sangs rgyas pa der// skye shi med pa'i g.yung drung du rtogs na// bum pa bsham yang mi 'tshal/ / 'di ltar klong du gyur nas bshams kyang mi 'gal lo// de'i phyir na 'di skad ces gsungs te/ bum pa zlum bo'i pho brang du// snod bcud ma lus dbang du bsdus// thig le chen po rgyas btab pas/ / sems can thams cad sangs rgyas yin// zhes bka' stsal to// de la gzugs brnyan gyi dkyil 'khor gyi lha bung+d+ha bzhi bcu rtsa gnyis gnyis su med pa'i sbyor ba mdzad pa'i byang chub kyi sems/ bdud rtsi bum bar gyur nas bdud rtsi byang chub kyi sems des/ thams cad lha'i dkyil 'khor lags pas/ lha la lha thim/ chos nyid la chos nyid rol pas mchod pa dang/ gang don ba de yang gnyis su med par sbyor zhing/ byang chub kyi sems kyi rang bzhin du ma 'ongs pa'i sangs rgyas su 'byung bas/ rang rig bzhin du sgom mo// de yang dbang po yul dus la sbyor ba ni/ chos nyid dang 'du 'bral med par ye shes dbyings las sbyor ba ni/ chos sku 'gyur ba med par rtogs na sbyor ba yang mi dgos so// sbyor ba dngos su byas kyang mi 'gal lo// der rgyan bkram nas/ ting nge 'dzin gyi dkyil 'khor bsgom pa ni/ yi ge bruM gser btso ma'i mdog 'dra ba la/ rin po che sna tshogs kyi gzhal yas khang rgya khyon dpag tu med pa cig/ gtsug tor 'khor lo sgyur bar skyed do// de'i nang tsakra las 'khor lo// baM las pad ma 'dab ma stong dang ldan par gnas so/ / dbus su badzra d+h+rig yab yum/ shar du dzi ni dzig yab yum/ lhor rat+na d+h+rig yab yum/ nub tu a ro lig yab yum/ byang du pra dz+nyA d+h+rig/ sgyu 'phrul dang mthun/ de dag kyang thabs dang shes rab gnyis su med par rdzogs shing/ gzhan yang sems dpa' dang/ sems ma dang/ khro bo dang/ khro mo sgo srungs su bstan pa'i dkyil 'khor/ de'i 'og phyogs su yang khro bo'i dkyil 'khor drug cu rtsa drug kyang thabs dang shes rab gnyis su med/ drug kyang zhi ba'i lha rnams dbu rgyan du bsnams nas/ de rnams kyang thabs dang shes rab tu sbyor ba'i ting nge 'dzin la zhugs so// de lta bu'i zhing khro bo'i lha'i dkyil 'khor gyi lha rnams kyis/ sems can ma rig pa'i dbang gis 'khor bar gyur pa rnams chos nyid kyi gnas su sangs rgyas kyi sa la 'jog pa mdzad do// de lta bu'i sangs rgyas de yang gzhan gud na yod pa ma yin te/ rang gi snying po byang chub kyi rang bzhin yin pa la/ phyin ci log gis bslad pa rnams/ sangs rgyas su grub par semasacan gzhan gcig na yod par re ba gzhag nas/ 'dzin chags su rtogs pas gol ba yin/ sangs rgyas kyi rgyu ni slob dpon dang lung gis bkrol nas/ rang byung dag par 'gyur ba'i ye shes lhu mi gnyis par go ba'i dus na/ ye shes rang gnas kyi lhun gyis grub rdzogs pa'o// de yang lta bas chos thams cad snang na ni/ sku gsung thugs phyag rgya chen po'i dkyil 'khor du snang la/ mi snang na yod med rtag chad 'khor ba ngan song du mi snang bar rtogs/ dkyil 'khor gyi thams cad rang gis rdzogs par bsgoms pas sangs rgyas la/ ma bsgoms kyang sangs rgyas so// de yang 'di skad ces gsungs te/ mu tig dkar po dri med dang// tsan dan smug po rma med gnyis// byang chub sems kyi thig le gsum// rtogs pa'i klong du su 'dris pa/ / mi zhes bya ba sangs rgyas yin// sangs rgyas gzhan du ma tshol cig/ btsam kyang rgyal bas mi rnyed do// rtogs med mnyam nyid chos kyi sku// gzung du med pa 'ja' tshon 'dra// gsang ba'i dkyil 'khor zhes bya ba/ / rdzogs pa chen po'i man ngag gis// byang chub sems las ma yengs na// thams cad dkyil 'khor 'di la rdzogs// dper na mun las snang 'byung bzhin// dkyil 'khor nges don 'di bsgoms pas/ / rgyu drug sems can thams cad kun// sangs ma rgyas pa cig kyang med// ces bka' stsal to// 'di ltar rtog pa dang ldan zhing tshig tu brjod na/ rgyud drug gi sgo yang gtan chod par gyur na/ gang don bya ba lta ci smos/ ting nge 'dzin gyi dkyil 'khor gsal ba de la/ gang zag shes rab chung ba rnams the tsom mi za bar bya ba'i phyir spyan drang zhing phya btsal ba la sogs pa'i gzhung gzhan dang mthun par bya'o/ / de nas lha rnams byin dbab pa dang/ gzi byin bskyed pa dang/ gsal gdab pa dang/ dbang bskur ba la sogs pa yang bya'o// de yang phyi 'byung ba lnga la sogs pa'i ji ltar snang ba'i chos 'di dag thams cad/ yong gi de bzhin gshegs pa lnga'i rang bzhin pas/ thugs rje chen pos sems can gyi don la mi phyed par ril rdzogs pa chen po'i rang bzhin du mi 'gyur bar don mdzad de/ de yang dus thams cad du rang gi byang chub kyi sems de ltar yin pas/ 'di ltar sus blo la gsal bar rtogs pa'i dus na/ bdag don gzhan don thams cad phun sum tshogs pa'o// de ltar cho ga'i rim pa tshang bar gyur nas/ ma nor bar lha rnams bsnyen cing bsgrub par bya ste/ gzhung gzhan dang mthun par bya'o// de yang sems can thams cad kyi sems/ ye dang po nas sangs rgyas pa med na/ bsnyen cing bsgrubs kyang mi 'grub na// ye thog ma nas sangs rgyas pa ma nor ba yin pas/ sems can thams cad ye thog ma nas 'khor ba las grol bathar pa yin par rtogs te/ gdod ma nas bsnyen cing bsgrub pa'o// yang thig le chen po byang chub kyi sems las ma g.yos ma bral na/ 'khor ba ming yang med nas bsnyen pa'i mchog go/ de yang mnyam pa nyid kyi rang bzhin las ma gyur pa med pa ni bsgrub pa'i phul lo// de lta bu'i lta ba'i klong du bdag dang don bya ba de mtha' yas pa'i sems can thams cad ye nas kun tu bzang po bzang ngan spong len med par sangs rgyas par rtogs pas/ bsnyen cing bsgrub pa'i gnas yang dag pa yin no// de yang 'di skad ces gsungs te/ 'khor ba'i chos nyid yin shes shing// sems can ye nas sangs rgyas pas// ting 'dzin dkyil 'khor rang bzhin ma bsgoms gsal// sangs rgyas ma bsgoms gcig kyang med// nam mkha' bzhin du skus khyab pas/ / spyan drangs slar gshegs gang yang med// bdag nyid bdag la mchod la mchod shes pas// rgyal ba mchog ni gzhan na med// tsit+ta thugs kyi dkyil 'khor du// rang byung ye shes klong bdal bas/ / ji ltar snang ba kun tu bzang// bsnyen cing ma bsgrubs gang yang med// sangs rgyas sems can gnyis med pas// rgyal ba rgya mtsho'i thugs ngan sangs// ngan song 'khor ba'i mig yang med// lha yi lha de ye shes sems/ / oM shri sa man ta b+ha dra// bud+ha s+pha na o/ zhes bstsal pas// gang don bya ba dang sems can thams cad chos kyi dbyings su sangs rgyas par gyur cig/ sbyor ba'i dkyil 'khor dang/ rdo rje dbyings kyi dkyil 'khor bzhi pa rdzogs so/ /// de la thugs rje'i dkyil 'khor ni// phyi'i spang skor dang/ dkon mchog gsum la mchod pa dang/ tshangs pa dang dbang po la sogs pa phyogs skyong ba dang/ rgyal chen rigs bzhi dang/ 'jig rten na ci yod pa ma lus par rgyal ba'i dkyil 'khor du/ so so'i gzhal yas khang dang// gnas chen po ltar dag cing bde bar phyi'i dkyil 'khor bshams pa'i dbus su/ bdag gi thugs ka nas rdo rje bton te// gtor sbyin chen po btang bas// phyi'i sbyin pa rnam gsum gyis/ 'gro ba rigs drug dang/ skye ba rnam bzhis bsdus pa las/ kun tu bzang mo'i rgyan la bkod nas/ mi gnyis lhun gyis bsdus nas/ byang chub mchog gi sbyin pas tshim par bya ba dang/ tshe rabs kyi lan chags kyi gdon bgegs rnams// chod pa dang dam gsal nas bka' mi 'da' bar bya ba ni/ lung 'di khong yangs pas thams cad du shong shing yangs pa dang/ thugs rje sbyin pa'i dkyil 'khor lnga pa rdzogs so//// de ltar dkyil 'khor rnams bsnyen cing bsgrubs nas/ gang la don bya ba de dang sems can thams cad kyi don bya ba'i phyir/ rgyud chen po'i gzhung ltar/ nyon mongs pa'i rgyud 'gro ba rigs drug gi sems can gyi srog gi sa bon a nr-i su tri pre du lnga las/ yi ge dpa' bo 'bru lnga'i thugs rje'i ye shes kyi 'phro 'du yis/ rigs lnga so so'i lam rgyud lnga'i sgo bkag nas/ rgyal ba rigs lnga'i gnas su 'dus nas/ hUM mdzad gnas kyi 'phrin las rdzogs par mdzad do// de yang thabs dang shes rab kyi tshul du rol pa las 'di skad bskul lo/ / ngan song gsum gyi phung po la// yi ge 'bru lnga'i gnas bkod nas// rgyud lnga 'khor ba'i rgyun lam bcad// rgyal ba'i sras su thams cad bskyed// sa yi 'og tu mda' 'phangs pas/ / gnam gyi lha bran thamad cad 'chi// pha rol phyin bcu shes rab dbyings ma'i gzhu// cang shes 'phrul gyi ting 'dzin mda' dang gzhu// dam tshig ldan pa'i mchog ma rin chen gter// gsung gi ka la ping ka'i rgyud 'brengs shing/ / mtha' gnyis bral ba'i ye shes snyug ma la// yid bzhin nang du sgron ma'i mkha' 'gros gzhag/ tshul bzhin thugs las 'byung ba'i spar gsum ma// nga dang bdag dang lta ba'i ngan song bcom/ / rgyud drug nyon mongs 'khor ba'i gnas bsgral te// byang chub snying dril yig 'brur byin brlabs nas// sku la sim zhing rgyal ba'i sras su bskyed// ye shes mchog gi sa la gnas thob nas// gsang ba'i thugs rje'i gnas la gzung bar bya'o/ / zhes brjod nas ting nge 'dzin gyis gsal gdab pa dang/ phyag rgyas dbang bskur ba dang/ sngags kyis byin gyis brlabs par bya'o// de yang lung ltar na yig 'brus don bya mi dgos na thugs yang dag pa'i ye shes/ ye shes chen po lnga 'am drug dang ldan pas/ thugs rje'i bdud rtsi'i char gyis 'gro ba rigs drug gi re ba yid bzhin du skongs/ de la yang sems bo d+hi tsit+ta'i lha ye shes mchog sems dpa'i gnas su/ thugs ye shes kyi thig la zlum por gsal ba dang/ tsit+ta rin po che dmar por gur phub pa 'dra ba'i gzhal yas khang gi nang du nyi zla'i dkyil 'khor du gsal bar gyur pa'i dbus su/ bdag gi sems dang/ gang don bya ba dang/ mtha' yas ba'i sems can thams cad kyi dran byed kyi sems/ ye shes sems dpa'i 'od mtshon gang ba cig tu lhan ner gsal bar bsgoms pa'i dus na/ chos thams cad smra bsam gyi yul las 'das nas/ don gyi snying po ye shes mchog gi dkyil 'khor ye shes sems dpa'i skur gsal te/ 'od mtshon gang ba la sogs pa rgyan gyi lung chen po las gsal bar smos pa bzhin du bsgom mo/ / de yang bka' yang dag pa'i gzhung gis din gsal bar ma 'dres pa/ snang ba dngos po med pa la/ gsal la rang bzhin med par bsgoms pas/ 'khor ba'i chos yod med rtag chad du snang ba 'di thams cad ye nas mya ngan las 'das par 'dres pa mchog gi yon tan du 'gyur ro/ / de yang thabs chen po'i nang nas shar ba'i ye shes kyis/ thams cad du bdag tu sangs rgyas par rtogs pa'i dus na/ gzhan du dbye zhing gsal bar bya ba'i don gzhan na med do// tsit+ta sems la thams cad gnas pa yin par bsgom mo// de yang 'di skad ces gsungs so// lha zhes gzhan du bstan pa yang/ tshig gi tha snyad tsam du zad/ sems kyi lung la gnyis med pas/ rtog pa'i don la gcig tu bstan/ tsit+ta'i dkyil du gnas byas pas/ stong gsum thams cad rin chen gzhal yas khang/ yid kyi dkyil 'khor du lha bkod pas/ skye 'gro ma lus rgyal ba'i sras/ byang chub sems su dbyer med pas// ji ltar snang ba kun tu bzang// kun gzhi ye nas sems su mnyam// phyi nang snod chos kyi sku/ / 'di las gzhan pa'i sangs rgyas ni// gzhan du bu cig ma tshol cig/ ces bka' bstsal to// de yang thugs rje chen po'i rgyud nyid phyi'i yul gnas par bya ste/ tsit+ta lnga'i rtsa ba thams cad 'du 'bral med pa'i rnam par shes pa'i tshogs bsam yas par bsdus pa'i b+ha ga 'dus pa'i spyi bor gtsug tu gzhal yas khang mtshon gang ba cig bsgom/ nang du bde bar gshegs pa'i rigs so so'i yab yum/ gtso gzungs dang ldan par bsgoms/ yum gyi mkha' la gang don bya ba dang/ mtha' yas pa'i sems can thams cad lngar 'dus te/ gnyis su med pa'i byang chub kyi sems dgyes pa'i ro bstar bar bya'o// de yang don chos nyid du gsal bar byin gyis brlabs yun ring por bya'o/ / de nas yang ston pa'i chos nyid du gnas bsdus pa'o// de nas las su rung nas gsal zhing 'dris par gyur pa dang// gnyis su med par byin gyis brlabs pas/ sprul pa phra men ma/ sgrol bar byed pa'i tshogs mang po/ yab yum gyi 'od zer dang 'phros 'dus nas/ stong gsum gyi stong chen po'i'ajig rten gyi khams gnas pa thams cad/ ngan song gsum na gnas pa thams cad ma lus par bsgral bas/ ye shes chen po'i thig le la sbyor zhing sdud do// de yang 'di skad ces gsungs so// tsit+ta la ni lhan ne bos/ bder gshegs rigs rnams so sor gsal/ thabs dang shes rab gnyis med pa'o/ / byang chub sems kyi 'od zer 'phro/ gnyis med rol pa'i byin rlabs pas/ gru gsum las ni bsgral bar bya/ ngan song gsum po kun bsrungs nas/ thig le dbyings las dgod par bya/ zhes bka' stsal to// de las 'od zer gyi 'phros 'dus dbang du bsdus pa de las/ bdag nyid khro bo hUM mdzad dam bla na med pa'i he ru kar bsgoms pa'i thugs ka nas/ thabs kyi rgyal po thugs yang dag pa'i ye shes kyis/ ngan song gsum 'jig par byed pa'i yig 'bru rnams bskyed/ yig 'bru thugs ye shes kyi rtse mos don du bya ba dang/ sems can thams cad kyi sems kun bsdus nas/ nyi ma zla ba'i dkyil 'khor gyi steng du bzhag nas/ gser zhun ma bzhin du 'dril zhing 'tsher ba/ dag cing gsal ba gcig yid la bsam la/ byang chub sems kyi sems mngon du dran par bya'o// gzhal yas khang gi dkyil 'khor gyi lha thams cad kyi thugs ka nas kyang dang po gsung yig 'bru 'phros/ gnyis pa las thugs phyag mtshan 'phros/ gsum pa las sku phyag rgya 'phros pa las/ gang don bya ba dang/ sems can ril gyis phung po dang/ khams dang/ rnam par shes pa thams cad la khyab pas/ bskal pa gdod mtha' med pa'i nyon mongs pa dang/ shes bya'i sgrib pa dang/ yod med rtag chad dang/ gzung 'dzin dang/ phyogs su lta ba'i rnam par rtog pa thams cad/ dper na bya sgro me yis bcom pa bzhin du thul gyis sregs nas/ rnam par shes pa'i chos mgar ba'i zhi ga kong bu na gser chu dngul chu bzhus pa bzhin/ kar lhang nge lhang nge gnas pa la/ a las zla ba'i dkyil 'khor du gyur pa'i steng du bzhag/ 'og yaM las rlung gi dkyil 'khor gyis bteg nas yab yum sbyor ba'i thugs kar phaT kyis 'phangs/ sku'i dbyib tu u0f84thim nas gsang ba gnyis gnas kyi mkha' la byang chub kyi sems babs pa las/ bo d+hi tsit+ta badzra sa tA zhes brjod pas/ rigs nges pas rgyal ba'i sras su gyur to// de yang lung chen po'i gzhung gis/ me long gi dkyil 'khor dang/ sems kyi dkyil 'khor dang/ thugs kyi dkyil 'khor gsum du rgyud lnga'i gnas bcas/ ji ltar snang ba thams cad thugs ye shes kyi snying po nyid du bsdus nas/ ye nas sangs rgyas pa'i ngo bo yin pas/ rigs kyi khyad par ni yab yum sbyor ba mdzad pa'i mtshams su zhes gsungs so/ / de la yum gyi mkha' gsang pad ma ni// ye nas dus gsum gyi rgyal ba thams cad kyi 'byung gnas yin la/ khams gsum gyi sems can thams cad kyi gnas bskyed pa'i rang bzhin yang yin pas/ ye nas chos nyid gsang ba'i rang bzhin la/ ye nas gsal ba'i skyon gyis ma gos te/ pad ma 'dam nas skyes na yang skyon dang bral ba bzhin du/ chos nyid la skyon mi mnga' ste/ rigs lnga'i rgyal po dang rgyal mo gsal ba'i dkyil 'khor du/ ngan song 'khor ba 'dren cing sku gsung thugs kyis byin gyis brlabs pa'o// del tshig bshad kyis 'di skad do/ / oM// sngon gyi thugs dam chen mo ni// sems can 'byam klas ma lus kun// rgyal ba'i zhing du 'byor pa na// phyag rgya chen por bdag sbyor cig/ gser zhun bzhin du gsal ba las// sngags dang phyag rgyas byin rlabs pas/ / gsung gi byin rlabs 'od kyi 'bru// yab yum gnas su btegs nas kyang// sbyor ba'i lhums su phaT kyis 'phang// thugs kar thim nas sku yi dbyings// rdo rje'i lam nas yum gyi mkha'/ / gnyis med dbyings su gnas spar nas// lha rnams so so'i snying po smras// 'di las byin gyis brlab tu gsol// zhes bskur bas bde bar gshegs pa thams cad gnyis su med pa'i thugs rje chen pos/ stong gsum gyi stong chen po 'jig rten gyi khams ma lus pa thams cad ril rnams kun/ dper na til gyi gang bu 'bras bus gang la/ 'bras bu mar gyis khyab pa bzhin du/ nam mkha' gar khyab pa chos kyi dbyings kyis khyab la/ / chos nyid kyis gar khyab pa byang chub kyi sems bde ba chen por sangs rgyas pas khyab cing/ thig le chen por bsnams pas/ de'i don la gzhan du mi stongs pa'i rang byung gi ye shes/ kun tu sangs rgyas pa las yengs pa med pa'i rtse gcig pa'i byang chub kyi sems de kho na nyid kyi dbang bskur nas/ yab yum ril kyang gnyis su med par gyur nas/ rgyal ba'i sras su bya ba dang/ de la phyogs bcu dus gsum gyi sangs rgyas thams cad kyis kyang byin gyis brlabs shing/ bsngags pa mdzad nas/ de la dbang bskur bar bya ba'i phyir/ rigs lnga yab yum dang/ dus gsum gyi bde bar gshegs pa thams cad dang/ 'khor sems dpa' dang sems ma/ khro bo dang khro mo/ ril gnyis su med pa'i byang chub kyi sems gcig tu gyur nas/ rnal 'byor gyi dbang phyug chen po/ sangs rgyas kun gyi thugs rdo rje 'phro 'du gsal ba las/ gang don bya ba dang mtha' yas pa'i sems can thams cad kyi sems ye shes chen po'i rang bzhin du/ sku gsung thugs rdo rje byin gyis brlab par bya ba ni/ dus gsum gyi bde bar gshegs pa thams cad gcig tu gyur pa'i spyi gtsug nas/ oM dkar po 'phros pas don bya ba'i gnas kyi sems yab yum gyi mkha' la gser zhun ma bzhin du 'khod pa la/ zhal nas a dmar po 'phros pas/ yang de bzhin du thon/ thugs ka nas hUM mthing ka 'phros pas/ yang de bzhin du 'phros pas/ de bzhin dbyings dang ye shes gnyis su med pa'i chos kyi skur gyur te/ oM sarba ta thA ga ta kA ya bAg tsit+ta badzra sA b+hA pa Ad ma kou0f85haM/ / zhes brjod pas sku gsung thugs rdo rjer gyur te/ rgyal ba thams cad kyi thugs kyi sras rab dam par gyur nas/ bdag don mtha' phyin nas/ gzhan don lhun gyis grub par bya ba'i phyir/ ma 'ongs pa'i sems can gyi don yid du 'ong bar mdzad par mnga' gsol nas/ rnal 'byor gyi sdaung grogs su zhal gyis 'ches par bsgom mo// de yang 'di skad ces brjod do// don rnams bya 'os gang yin pa/ gnyis med dbyings nas b+ha gar thim/ yum gyi mkha' la gnas pa la/ bo d+hi tsi t+tas dbang bskur nas/ yi ge 'bru gsum byin brlabs pas/ rigs nges rgyal pa'i sras zhes bya'o// phyin chad 'gro ba'i don bya ba'i phyir/ ngas bskul ba'i sa la gzhag par bya'o// zhes gsungs so// de nas rdzogs pa chen po'i rnal 'byor gyis/ 'khor ba dang mya ngan las 'das pa'i chos thams cad thams cad ye gdod ma nas sangs rgyas pa la/ rgyu rkyen la rag ma lus la/ de nyid btsal ba med par lhun gyis grub pas/ 'bras bu la rten mi 'tshal te/ 'khor ba chos nyid du dag/ sdug bsngal byang chub tu gyur/ nyon mongs lam du shar bas/ 'di ltar gyur pa'i skyes bu'i lam rgyud lnga thugs rdo rje chen pos gzung yang mi dgos/ de ltar rtogs na thugs rjes gzung yang mi 'gal/ ci'i phyir zhe na/ theg pa chen po bya btsal dang bral zhing kun shong la/ gang dang yang mi 'gal bar bya ba'i phyir/ byang chub kyi sems bde ba chen po kun tu bzang po ye nas sangs rgyas la/ dpe gser dang 'dra ste/ 'gyur ba med pa yin la/ gnas nas gnas su bstod kyang mi 'gal/ ma bstod kyang mi 'gal/ ma bstod kyang don gyis tshang bas/ sems can thams cad kyang kun gzhi byang chub kyi sems dpe nam mkha'/ don chos nyid/ rtags bde ba chen po skye shi 'khor ba'i rgyun thams cad/ chos nyid dbyings su 'pho 'gyur med pas/ sangs rgyas dang sems can thams cad thig le chen po'i rang bzhin du 'ub chub pas/ gnyis su med pa'i ngang du gyur/ rtag chang rtog pa'i mtha' las 'das/ dpe gser gling du phyin pa ltar/ kun tu bzangapo la 'khor ba btsal gyis mi rnyed pas/ dbye ba med pa'i sa la mnyam pa nyid kyi gling du gnas pas/ rgyu 'bras kyi chos dang/ las dang/ sdug bsngal dang/ sku dang ye shes kyi chos thams cad la sems kyi dbang bsgyur bas/ rig pa'i rgyal po rang dbang rdzogs pas/ 'di ltar gnas pa'i rnal 'byor pas dbang bskur yang mi 'gal/ ma bskur kyang dbang thams cad rdzogs pas/ dper na dbyung la khas blangs mi dgos/ blang nas kyang mi 'gal ba dang 'dra'o// de'i phyir 'di skad ces gsungs so// yod cing rdzas su snang na yang// snang zhing srid pa'i ye shes rgyan/ / med cing chad par snang na yang// khams gsum thams cad stong pa'i dbyings// yod med gnyis las 'das na yang// don gyi mchog ni dbu ma yin// tshig dang yi ge thams cad kyang// sngags kyi rang bzhin chos kyi dbyings/ / dran rtogs thams cad ye shes la// sems kyi dkyil 'khor nang nas gsal// sems can thams cad sangs rgyas pas// rgyal ba'i sras po ye nas bsngags// gti mug nyid kyang chos kyi sku/ / ma rig nyid kyang yang dag lam// yang dag ma spangs thar pa'i lam// gang yang ma spangs thar pa'i gnas// bde ba gzhan du rag mi lus// byang chub sems kyi 'od gsal gyis// 'khor ba'i mun nag gnas nas gsal/ / rdzogs pa chen po'i don ston pa// ngan song sdug bsngal ming yang med// theg pa chen po'i klong bdal bas// sems can thams cad sangs rgyas yin// rtog pa 'dod dgur dbang sgyur bas/ / rgyal dang spyi blugs rang dbang thob// kun tu bzang po'i rang bzhin las// dus gsum 'pho 'gyur med pa'i phyir// yin pa'i don la yengs med pas// dbyer med sa las phyir mi ldog/ ma bcos ma g.yos bde bar gnas// dus gsum sangs rgyas 'phrin las phrid// lung 'di tshig tsam thos pas kyang// de dbang sems kyi gnas rnyed 'gyur// zhes gsungs pa dang/ tshig 'di yos pa dang grags pa tsam gyis/ kun tu bzang po'i bde ba chen pos ye nas sangs rgyas pa'i gnas/ lhun gyis grub pa nyid thob par gyur to// gang don bya lta ci smos so// des ni dbang gi dkyil 'khor chen po drug las/ gnas chen po'i rtsa rgyud rdzogs so// @#/ / da ni phyi ma'i 'jug la lhag ma ma lus pa'i las ci bya ba chen po drug las ci bya ba don gsal bar smos pa ste/ de yang 'di skad ces gsungs te// rgyud drug sems can gnas sbyangs nas// rigs nges rgyal ba'i sras bskyed pa/ / dus gsum phung po sbyangs nas kyang// lhag ma bshags byang bskang bcos bya// kun gyi thun mong ma yin pas// snod kyi khyad par shes bar bya// zhes byung bas rgyud phyi ma 'di la don rnam pa bzhi ste/ las kyi lhag ma bsdu ba dang/ snod kyi khyad par shes par bya ba dang/ gnyis su med bshags pa dang/ smon lam btab pa'o//// de la las kyi lhag ma bsdu ba la don bdun te/ ma 'ongs pa'i rgyal ba thams cad bla na med pa'i sangs rgyas su grub par smon lam gdab pa dang/ snang ba dang ni snang ba'i 'jig rten gyi khams thams cad rdo rje 'chang gi gral thob cing bzhugs par bya ba dang// rnal 'byor dngos kyi rgyud las tshor ba dang ma mtsho ba'i nyams chags thams cad bshags par bya ba dang/ nyon mongs pa'i sems can khams gsum 'khor ba na gnas pa rnams/ snying po byang chub la dgod pa'i thugs rjes gzung zhing las bcol ba dang/ / tha' yas pa'i sems can thams cad ji ltar 'dod pa'i re ba skongs pa dang/ khyad par gyi las nges pa sor byed pa dang/ dkyil 'khor bsdu ba'o/ de la dkyil 'khor bsdu ba ni/ snying po ni gnas pa'i ngang du dkyil 'khor bsdu zhing/ snying po gsal ba'o// dran pa tsam gyis rig pa gsal bar bya ste/ las thams cad kyi gzhung bsdus nas/ don mthar phyin pa slob dpon gyis bstan par bya'o/ / de yang man ngag gis byang sems bde ba chen pos/ ye nas sangs rgyas pas phyogs ris dang steng 'og med par khyab cing bdal bas/ dus la snga phyi med la/ gnas la mtho dman med la sems la skye shi med pas/ man ngag rdzogs pa chen po ye nas bya ba btsal dang bral bar rtogs na/ lhag ma dang 'jug bsdu ba yang mi dgos so// byas kyang mi 'gal lo// de'i phyir na 'di skad ces bka' stsal to/ / rdzogs pa chen po'i klod gdal ba// mtho ris med cing sems cing ngan song med// sangs rgyas med cing sems can med// med pa ma yin snying po'i don// zhes gsungs so// de la snod kyi khyad par shes par bya ba ni/ rdzogs pa chen po'i lta ba ya tha yin pas gang yang mi shong ba med ces te/ kun gyi thun mong du ma gsungs so// dper na nam mkha' la yangs dogs med cing kun la khyab pa yin kyang/ mig nad can dug gis zin pas ltas pas// nad dang dug gi kha dog tu snang ba bzhin// rdzogs pa chen po'i chos thams cad ye nas sangs rgyas pa yin kyang/ nyan thos dang theg pa 'og ma pa srag cing sngangs te/ de nyin ma rtogs pa'i dbang gis/ 'phya zhing skur pa btab pas dmyal khams la sogs pa'i 'bras bu log par smin pa'i skyon dang/ skye bo dang bus pa la sogs pa/ yang dag pa'i nges don mi shes pa'i dbang gis/ las kyi sgrib pas thos pa'i dbang med pa dang/ skyes pa dang/ bud med dang/ bus pa dang/ gsang ba theg pa gsum po ma ros pa dang/ dam med cing dam nyams lha smos kyis/ dbang ma bskur ba dang/ bskur ba dang/ ma hA' yo ga man chad las ma thos pas kyang/ gnas 'dir bya bar mi 'byung ste/ de'i phyir ni 'di skad ces bka' stsal to// kun tu bzang po'i thugs las ni// nor bu rin chen 'di 'byung bas/ / skal ldan rnams las ma gtogs pa// nyan thos byis pa'i spyod yul min// nyan thos rang rgyal dgra bcom dang// dge slong ming yang ma gtogs so// phyogs rtogs yang dag ma rtogs pa/ / 'di dag lung du ma bstan no// mu stegs mur thug la sogs pas// ma rtogs pa dang log par rtogs// skye bo la sogs rmongs pa la// bstan kyang mi go rtogs par 'gyur// dregs shing sdig pa'i las byed na/ / rgyal po yin kyang sdod ma yin// dper na seng ge'i 'o ma bzhin// snod ngan zhos 'chag bcud 'bo bas// bus pa'i skye bos mi shes pas// yid la gcags kyang bya 'os med// yid la gnas stod dbang bskyur kyang/ / thar pa mi thob sgrib par 'gyur// skyes pa dregs shing khengs pa dang// bud med 'dod pas zhen pa dang// bus pa 'da' las shed ma byed// don 'di bstan kyang go mi 'gyur// yid dang rna ba'i dbang po yis/ / rgyud lung man ngag ma thos pas// don med rnal 'byor phal pa yis// man ngag snod du ma gyur pas// nams kyang gnas mchog thob mi 'gyur// rtsa ba nyams pa'i chal pa dag/ gso la brtson par mi byed par/ / gnas 'dir thob par mi 'gyur gyi// rdo rje dmyal bar skye bar nges// phyi nang gsang ba'i dbang rnams dang// gang zag grangs dbang ma mthong zhing// kha dbang tsam yang ma thob na/ / de yang lung du ma bstan no// rgyud kyi 'phrin las tsam la ltos// gong ma'i chos la sgros 'dogs shing/ glu dang sdebs sbyor khe shags mkhan/ de ni gnas 'di thob mi 'gyur/ zhes gsungs so// de'i phyir theg pa chen po'iganas 'di thun mong ma yin pa'o/ / man ngag chen po 'di'i gnas kyi snod yod par bstan pa ni/ skye bo na yang rang bzhin gyi don dang mthun pa dang/ bud med na yang dad pa dang tshul du shis te/ gzugs kyi don dang ldan zhing blo dang rig pa che ba dang/ bus pa na yang lung dang man ngag gi rigs su gyur nas/ don chos thos shing 'gags pa'i don shes na yang legs/ ma shes na yang 'di dag phal 'ga' shes na bar chad du 'gyur ba dang/ dbang dang dam la gnas shing tshul bzhin spyod pa dang/ gsang sngags rnal 'byor rnam gsum gyi don spyod pa rnams la/ rdzogs pa chen po'i rang bzhin 'dis ma bstod na/ gzhan dge ba ci byas kyang yang dag pa'i don du mi 'gyur ba dang/ lung dang man ngag la mkhas pa'i skyes bu lta ci smos kyis/ tshul dang mi ldan pa'i rgyal po dang/ bskyed rdzogs rnam gsum gyi don la dad pas phyogs pa tsam la yang/ rgyal po gnas 'dir bstod na/ nges pa'i lam thob lags/ de dag thams cad la bka' yang dag pa 'dis bzhugs bshams nas/ dper na lha dang klu'i dbang po la nor bu rin po che'i dbang bskur nas/ 'dod pa phun sum tshogs pa bzhin/ lung 'dis gser la nag tshur gtong bar gyur pas 'di skad ces btsal nas// mtha' dbus med pa'i chos nyid la// skye shi med pa'i sems bdal bas/ / gdod nas dag pa'i nam mkha' bzhin// phyogs ris med nas dang che na// skye ba yin yang don dang mthun// rang sems dag pas mtshan dang ldan// dad pas chags med chags dang bral// yang dag don nyid rtogs gom na/ / gsang ba'i bud med gzhung las 'byung// rigs kyis btsun rgyud mkhas pa'i sa// dbang po ma gsal na yang thos// 'di la dad mos phyogs dga' na// yul min bus pa 'ang rung bar bshad/ / dbang dang dam tshig ma nyams shing// tshul dang ldan pa'i rnal 'byor dang// mkhas pa'i yon tan brdzod las 'das// ming gis gnas 'dir bya bar gsungs// rgyal po chos la mos pa dang/ / gsang ba'i don la dad cing 'dun// sngags kyi rgyal po mnyan nges dang// de yang gnas 'dir bya bar gsungs// de las gzhan pa gang yin pa// nyams dang chad las 'byung ba dang// shan pa mtshams med la sogs dang/ / mgon btsun 'di las gnas gzhan med// ci'i phyir zhe na khrus kyi dpe// nan tar phung na'ang skyabs 'di tshol// gzhan las grol ba'i lung yod pas// 'di yang mkhas pa'i lung du gsungs/ / thabs las btsal gyis mi rnyed pas// rtags la thugs rje'i gnas 'dir mkhas// zhes gsungs pas gzhung dang mthun pa dang// thabs gzhan gdug pa srid tsam las gar song song du ma gsungs so/ /// de la gnyis su med pa'i bshags pa dang/ smon lam gdab pa ni gnyis su med cing/ ye nas sangs rgyas pa la bshags mi dgos na yang/ dper na nam mkha'i khrigs sam/ khu rlangs sam/ rgya mtsho'i rlabs sam/ me long gi g.ya' dang 'dra bar/ blo'i sgrib pa stug pos non pa rnams/ rang bzhin gyis dag cing byang bar bya ba'i phyir/ 'di skad ces gsungs so// chos dbyings dus gsum spros pa med pa las/ / 'dzin rtog med pa'i rang rig ye shes kyis// dbyings dang ye shes gnyis su med pa la// yul dang dbang po gnyis su med par bshags// yum gyi b+ha ga dgyes pa'i pho brang du// yab kyi gnyis med rdo rje byang chub sems/ thabs dang shes rab 'du 'bral med pa la// phyi nang snod bcud gnyis su med par bshags// ting 'dzin rnam pa bzhi yis bdar bcad nas// phung po rnam shes khams dang skye mched la/ / lha dang lha mo'i dkyil 'khor gsal bsgoms pas// 'gro drug sems can rgyal ba'i dkyil 'khor dang// gnyis su med par lhun gyis grub par mdzod// rtsa srog tsit+ta lus ngag yid gsum rnams// gu h+ya gsang chen sku gsung thugs kyi mdzod/ rdo rje klong dgur dpal chen he ru dgur/ khams gsum sa dgur gnyis su med par bshags// ji ltar snang ba lha yi dkyil 'khor du// snying po brdzod pas thams cad rdzogs pa'i tshul/ / dbyer med nyid mnyam ngo bo nyid kyi sku// thabs la mkhas pas gnyis su med par bshags// phyi nang snod bcud ngo bo nyid kyi sku// nga dang bdag med ngo bo nyid mnyam pas// mtho ris ngan song rgyu 'bras rnam gnyis po/ / gnyis med bde chen ngang du mthar phyin shog/ ji ltar snang ba kun bzang chen po la// yod med rtag chad mtshan ma'i tshig las 'das// 'di ltar ma gyur bdag rtogs gang yin pa/ / de nyid ma spangs rtog pa'i klong du bshags// dus gsum 'pho 'gyur tha tshig rtag pa med// btsal med bsgrub med nam mkha'i ngang du gnas// yongs la khyab kyang kun la 'dod dgur bsgyur/ / phyin ci log rnams byang chub lam du bshags// rtog pa'i man ngag don dang ma phrad na// tshig gis mtshon pas 'bras bu mi thob pas// rang sems gdod nas sangs rgyas yin shes na// rang byung ye shes klong de 'grub par shog/ ces gsungs pas/ bdag dang/ sems can thams cad dang/ gang don bya ba sdug bsngal gyi rnam par rtog pa dang/ ma rig pa'i sdig sgrib thams cad bshags nas ma dag pa gang yang med/ ma bshags na yod nas dag nas/ de ci'i phyir zhe na/ tshig tu brdzod pa dang rang bzhin gyis dag/ de la rtogs te gling du gyur na bshags mi dgos pa'i tha tshigs so// de la smon lam gdab pa ni/ dper na rgyu gser yin na/ spyod kyang gser du spyod pa dang 'dra bar/ bdag dang sems can thams cad yin yang gdod ma nas kun tu bzang po bde ba chen por sangs rgyas pa yin la/ smon lam yang de'i ngang du gdab pa'i phyir/ rdzogs pa chen po'i smon lam 'di skad brjod do// ho phyi snod kyi 'jig rten 'byung ba chen po lnga yum chen mo lnga'i mkha' klong rnam par dag pa/ chos dbyings kyi pho brang na/ nang bcud 'jig rten lam lnga'i sems can rgyal ba rigs lnga'i rang bzhin gyis yab yum thabs dang shes rab gnyis su med pa'i khyab pa las/ sems dpa' sems ma dang/ khro bo dang/ khro mo dang/ sprul pa yang sprul la sogs sku dang/ gsung dang/ thugs dang/ yon tan dang/ 'phrin las bkod pa mi zad pa rgyan gyi 'khor lo mdzod/ 'gyings pa lta bus thabs la thabs rol/ ye shes la ye shes rol/ chos nyod la chos nyid rol ba'i tshul gyis/ 'khor ba sangs rgyas pa'i dus gsum gyi bde bar gshegs pa'i byin gyis brlabs dang/ thugs zhi ba'i ngang las ma g.yos bar sku 'bar ba'i cha lugs kyis/ nga rgyal dregs pas khegs pa'i bar du gcod pa'i bdud dang srin po tshar bcad nas/ bla na med pa'i sgrol bar mdzad pa rnams la/ 'dres pa'i chos nyid kyis phyag btsal nas/ thugs ye shes ngang gis mkhyed par mdzad pas dgongs su gsol/ tshogs pa thams cad dkyil 'khor/ 'byor pa thams cad longs spyod/ phul ba thams cad mchog par bzhes/ don bya ba'i gnas dang mtha' yas sems can thams cad rdo rje 'chang ba'i gral thob nas/ yi ge 'khor lo rdzogs chen gyis la gnas stobs par gyur cig chos nyid la ma rtogs pa med cing me lce la sbrang bu mi chags pa lags na/ kun rdzob sgyu ma tsam gyi dbang gis/ bdag cag dam tshig nyams pa ci mchis pa rnams dang/ phyogs bcu dus gsum gyi 'jig rten gyi khams na/ rdo rje slob dpon dang/ mched lcam dral mtha' dag bzhugs pa rnams/ dgongs spyod kyi rnal 'byor gyi don la thugs dam rtse gcig tu mdzad pa rnams kyi thugs dam skongs/ gang don bya ba dang// mtha' yas ba'i sems can thams cad kyi g.yar dam nyams pa sor bsal nas/ thams cad rdo rje dbyings kyi dkyil 'khor du gnas stobs nas/ sangs rgyas par sman to// ho khams gsum chos nyid kyi dur khrod/ dus gsum sku gsung thugs kyi dkyil 'khor/ tsit+ta mkha' mnyam gyi dkyil 'khor/ kun gzhi ma bcos pa'i thig le/ yid ye shes sems dpa' bzhugs nas/ thags ye shes kyi klong thog na/ dbyings dang ye shes gnyis su med par lhun gyis grub pa ste/ chos kyi sku ru gyur te/ yod med thams cad ma skyes pa'i chos nyid kyi mchad par 'bul/ gzung 'dzin dang rtog pa'i bag chags g.yos par ye shes su gnas stod/ nyon mongs pa dang rtog pa'i sgrib pa thugs mnyam pa'i klong du thugs dam bskul bas/ rgyal ba rgya mtsho'i tshogs thams cad gnyis su med pa'i mchod pas mnyes par gyur cig/ phyi nang snod bcud bsdus pa'i chos thams cad/ che mchog he ru ka sku'i dkyil 'khor du rdzogs/ gu bung+d+ha h+ya he ru ha gsung gi dkyil 'khor du grub/ sa nu he ru ka thugs kyi dkyil 'khor du mthar phyin pas/ bdag dang/ sems can thams cad dang/ gang don bya ba de rnams rdo rje sku gsung thugs kyi dkyil 'khor du mthar phyin nas phyir mi ldog pa'i sa thob nas/ ma hA su kha bde ba chen por sangs rgyas te/ lhun gyis grub par sangs rgyas par smon to// ho bla na med pa'i sangs rgyas man chad nas/ 'jigs tshogs kyi dmyal ba yan chad kun gzhi byang chub kyi sems ji ltar yin kyang gzugs dang/ kha dog dang/ dngos po dang/ mtshan ma phyogs dang ris su mi gnas pa kun tu bzang mo bde ba chen po yin la/ grub kyang kun tu bzang por bde ba chen po'i rang bzhin du sangs rgyas par gyur cig/ sangs rgyas thams cad kyang sems can la 'byung la/ sems can thams cad kyang sangs rgya pa'i rgyu yin pas/ yin pa'i don la rgyu 'bras gnyis su med pa'i byang chub sems bde ba chen por sangs rgyas par gyur cig sems can gyi rnam par rtog pa nyid ma spangs par rnam par rtog pa'i mtshan ma ci 'byung ba nyid ma g.yos pa'i chos nyid du shes te bsgoms pas/ chos nyid gzhan du btsal mi dgos/ rang la rang chas su yod pa dang/ sems can nyid kyi sdug bsngal nyid ma spangs par sdug bsngal skyes kyang ma bslad pa'i ye shes yin te/ bsgoms pas rang byung gi ye shes gzhan du btsal mi dgos te/ rang la rang chas su ye nas yod pa nyid kyang/ / yin kyang gnyis su med pa yin la/ grub kyang gnyis su med pa'i chos nyid/ byang chub kyi sems su mthar phyin par gyur cig/ sems can gyi nyon mongs pa ma spangs par byung tshor dang 'du byed ci skyes kyang/ 'di nyid thig le chen po las ma gyur te mi 'gyur pa'i g.yung drung du lhun gyis grub pas/ de'i don la rtogs te bsgoms pas/ sangs rgyas thams cad kyis ma bslang pa'i sems nyid gzhan du btsal mi dgos te/ rang la rang chas su yod pa de la/ yin kyang bdag dang/ don bya ba dang/ sems can thams cad la yod la/ grub kyang de nyid rtogasapa'i klong du sangs rgyas par gyur cig/ yin kyang sangs rgyas dang sems can thams cad yid rang byung gi ye shes su btsal ba med par sangs rgyas pa yin la/ don kyang de bzhin du sangs rgyas par gyur cig chos thams cad yin kyang rgyu dang 'bras bu gnyis su med pa mnyam pa nyid yin la/ don kyang rgyu dang 'bras bu mnyam pa nyid gnyis su med pa'i rang bzhin du sangs rgyas par gyur cig/ chos thams cad kyang bzang ngan bde sdug thams cad sems nyid kun tu bzang po bzang ngan med pa yin la/ don kyang sems nyid kun tu bzang po bzang ngan spong len med par sangs rgyas par gyur cig/ yin yang sems kyi chos nyid bzang ngan spong len medad par/ phyi dang nang du phyogs med la/ yod med rtag chad las 'das la/ skye ba dang 'chi bar 'pho 'gyur med pa yin la/ bdag dang/ sems can thams cad dang/ gang don bya ba de bzhin du sangs rgyas par gyur cig/ chos thams cad gnas pa kun tu bzang po yin pas/ phyi'i yul la chags sdang ma skyes/ chos thams cad ston pa kun tu bzang po yin pas/ nang gi sems skye 'chi med/ chos thams cad kun tu bzang po yin pas/ dus la snga phyi dang 'pho 'gyur med/ chos thams cad ston pa kun tu bzang po yin pas/ rgyu 'bras la phyogs ris dang nye ring med pa yin par lta bas la rbad kyis bcad de/ don de bzhin du go zhing rtogs par gyur cig/ gong bzhin rtogs pas bdag dang/ sems can thams cad dang/ gang don bya ba'i sangs mi rgyas ba'i dbang med de/ mngon par rdzogs par sangs rgyas par gyur cig/ bdag gi ston pa kun tu bzang po'i bka' bzhin du rgyu gdod ma nas dag pas/ chags ni sku gsung thugs la yang ma chags/ 'bras bu 'tshal bas rnyed par sangs rgyas pas/ bral ba ni sngags dang phyag rgya dang ma bral/ thams cad kun tu bzang po yin pas/ spangs ni rtogs pa gang yang ma spangs/ ye khyab bdal chen po'i klong du sangs rgyas pas/ rag ni 'byung ba lnga la yang ma lus/ mkhyen pa'i ye shes la snang ba'i nyi ma shar bas/ rten ni ye shes lnga la yang mi 'cha'/ rang byung ye shes la ma bcos par rang gsal bas/ dngos grub ni sangs rgyas la yang de las med de/ 'di ltar rtogs shing tshig tu brjod pas/ 'pho 'gyur med pas gnas shes pas/ skye shi med pa'i tshe ru 'gyur/ don 'di bstan pas kyang/ bdag dang mtha' yas pa'i sems can thams cad dang/ gang don bya ba'i sangs mi rgyas pa'i dbang med de/ sangs rgyas par gyur cig/ 'khor ba dang mya ngan las 'das pa'i chos thams cad rang gi byang chub kyi sems yin pas/ phyogs dang ris med par rang byung gi ye shes su bdal/ phyi dang nang med par chos nyid kyi klong du shar/ steng dang 'og med par thig le chen po'i dbyings su bdal bas/ dmyal ba sangs rgyas su dong sprugs/ sdug bsngal chos nyid du la bzla/ rnam rtogs ye shes su lam ston/ rgyud drug bde chen du rgyas btab/ mtho sman klong chen du khod mnyam/ rtag chad tshig la 'das par sun dbyung/ sems ye nas bdal bar sangs rgyas pas/ don tshig tu brdzod pa dang/ rtogs pa klong du gyur pa lta ci smos/ bka' 'di zur tsam byung bas kyang/ bdag dang/ gang don bya ba dang/ don tshig tu brjod pa dang/ mtha' yas pa'i sems can thams cad sangs mi rgyas pa'i dbang med de/ rgyas par gyur cig/ bka' 'di lta bu'i khungs 'dis/ lung dang man ngag gi slob dpon/ snga rabs dang/ da ltar dang/ phyis byed pa dang/ man ngag 'di'i don la spyod pa'i rang bzhin gyis/ sems skye mched mtha' dag zab mo'i don mtha' phyin/ gsang ba'i man ngag spel nges pa'i 'bras bu mi slu ba'i sa thob/ bka'i theg pa gnyer du blangs nas/ kun tu bzang po dbye ba med pa'i sa la bya btsal med par sangs rgyas par smon no// zhes smon lam 'di brjod pa tsam gyis/ gzhan ma lcogs kyang gang don bya ba dang/ bdag dang gzhan gnas kyi don mtha' phyin te/ 'bras bu thams cad 'dis thob ste/ 'khor ba'i chos btsal gyis mi rnyed pa yin no/ / kun tu bzang po nyid la yang dgongs pa las gzhan mi mnga' 'o// sangs rgyas thams cad kyi thugs phyung ba 'di las med do// bskyed rdzogs gsum gyi don 'di gting phyung bas thugs kyi brnag pa chen po 'dis/ nam nam zha zha bskal pa grangs med par byung zhing bstan par mi bya'o// gal te snod dang ldan pa med na yang zhugs la 'bul lo// zhes bka' stsal pa 'dis/ gsang ba'i tshad bstan par lung gi ston pa tho bcom ldan 'das kyis gsungs so/ / khro bo hUM mdzad chen po'i tan+t+ra'i gting thogs su/ bde ba chen por bkrol ba'i gnas lung bskyed rdzogs rnam gsum gyi gnas nyi tshe tsam zhig/ mahA gu ru chen po rdo rje gro lod dang/ / lo tsa ba rdo rje zhang drug gis bsgyur cing gtan la phab pa'o// rdzogs so// rgya gar skad du// sa ma ya sa ma ti kra ma gu h+ya nA ma ma hA yA na sU tra// bod skad du// dam tshig rdzogs pa'i rim pa gsang ba zhes bya ba/ / theg pa chen po'i mdo// dpal rdo rje sems dpa' la phyag 'tshal lo// 'di skad bdag gis thos pa'i dus gcig na// de bzhin gshegs pa thams cad kyi sku dang/ / gsung dang// thugs kyi gsang ba// dur khrod chen po'i gnas na/ 'khor byang chub sems dpa'i 'khor la sogs pa/ 'dodachags dang bral ba dang/ 'dod chags dang bcas pa thams cad kyis bskor nas bzhugs te/ de'i tshe bcom ldan 'das rdo rje sems dpa'/ de bzhin gshegs pa thams cad kyi bdag po/ 'jigs pa dang/ gnod pa dang/ 'tshe ba dang/ sdug bsngal thams cad sel bar mdzad pa/ gsang ba chen po'i dam tshig ni dbye ba med par mngon par rdzogs par sangs rgyas so// de nas bcom ldan 'das la/ byang chub sems dpa' phyag na rdo rjes 'di skad ces gsol to// kye bcom ldan 'das sdug bsngal thams cad las thar pa dang/ 'jigs pa thams cad las skyob pa gang lags/ de skad ces gsil pa dang/ bcom ldan 'das kyis bka' stsal pa/ sems dpa' chen po 'jigs pa thams cad las skyob pa ni/ de bzhin gshegs pa thams cad kyi dam tshig chen po'o// bcom ldan 'das de bzhin gshegs pa thams cad kyi dam tshig ces bgye ba de gang lags/ bcom ltan 'das kyis bka' stsal pa/ de bzhin gshegs pa thams cad kyi dam tshig ni 'da' bar bya ba ma yin pa'o/ / bcom ldan 'das 'da' bar bya ba ma yin pa de gang lags/ bka' stsal pa/ sems dpa' chen po gang la yon tan mchog 'byung ba dang/ bsrung ba'i sa bon 'phel ba dang/ gsol ba 'di ni bsrung bar bya'o// 'di ni 'da' bar bya bar ma yin pa'o// gsol pa/ bsrung bar bya ba ni du zhig lags/ bka' stsal pa/ de bzhin gshegs pa thams cad kyi dam tshig bsrung bar bya ba dang/ 'da' bar mi bya ba ni gsum ste/ 'di ltar gzhi'i sdom pa dang/ spyi'i sdom pa dang/ khyad par gyi sdom pa'o// bcom ldan 'das gzhi'i sdom pa bya ba de gang lags/ bka' stsal pa/ de bzhin gshegs pa thams cad kyi gzhi'isdom pa zhes bya ba ni// mas cad du thun mong du gyur pa dang/ thams cad kyi rten du gyur pa/ thams cad kyi rgyur 'gyur ba ste/ de legs bar nyon la yid la zung zhig/ gzhi yi sdom pa rnam gnyis te// so sor thar dang byang chub sems// de la so sor thar pa ni/ dus dge ba dang dge bsnyen dang// dge tshul dang ni dge slong gi/ gnang ba med pa de nyid do/ / byang chub sems dpa'i sdom pa ni// sbyin gtong ser sna rtsad nas gcod// 'chal pa rab spong tshul khrims ldan// 'khrug pa med cing bzod pa ste// le lo'i skyon bral brtson 'grus ldan/ / g.yeng med bsam gtan dag dang ldan// gti mug rab spangs shes rab ldan// sems can kun gyi don la brtson// skad 'ga' rang gi don dang bral// yon tan thob pa gzhan la gtong// lus dang ngag yid dag pas khyab/ / khengs med snying rje'i sems dang ldan// zhi ba dang ni des pa dang// gsongs por smra zhing 'jam por smra// rgan pa rnams la gus par byed// zhum pa yi ni sems dang bral// smra pa'i dge ba'i don du gtong/ / sdig pa kun ni yongs su spong// de la sogs pa'i yon tan tshogs// dpag med mtha' yas thams cad kun// gnang ba med par blang bar bya// 'di ni gzhi yi dam tshig go/ de bzhin gshegs pa thams cad kyi/ / gsang ba spyi yi dam tshig ni// dang po rdo rje slob dpon dag/ mnyes par byas la thams cad blangs// bslab pa dag la rab tu 'bad// dgos pa kun gyi 'byung gnas spyir// 'jig rten rin chen bdun gyis bkang/ / 'phangs med 'gyod pa med par dbul// gang gi srog lus 'bul byed na// 'jig rten rdzas sogs ci zhig smos// ngag gi tshig 'khyal la sogs min// longs spyod dag kyang lang ba min/ / dge ba de yi mdun du spyad// de yi ming nas brjod mi bya// rang gnas mtshan brjod de bzhin te// kun gyis bkur na rjes su 'brang// de las bzlog la rang gis 'bad// chibs dang chags gdan la sogs pa/ / de la mgo min 'og tu min// de yi bzhon pa kun la'ang min// rang che gzhan la smod mi bzlas// de bzhin bsad pa ral gris min// mdun du 'dug dang steng du min// glo dang sngon 'gro la sogs min/ / gang dang gang gi sbyor ba kun// bla ma dang ni 'gal bas min// mdor na mi dge'i chos rnams spang// dge ba'i chos rnams dang du blang// bla mas thos par chos min brjod// de la sogs pa mnyes par bya/ / 'di ni bla ma'i dam tshig go/ de la rig ma'i dam tshig ni// nan gyis len dang thabs med dang// rtogs med dbang dang phyir byung dang// 'dod chags stobs chen ma gnang dang// yul dus khams dang mi mthun spang/ / de la gzhan du mkha' 'gros gsod// thams cad dus kyi dam tshig ni// lus ni sku yi dam tshig bsgoms// ngag ni gsung gi rdo rje ste// rnam shes thugs kyi rdo rjer bsgom// 'di dag bzhi dang rab ldan na/ / bsod nams de las gzhan la min// sngags pas dus rnams thams cad du// tha mal spyod byas mi 'grub 'gyur// rdo rje'i dam tshig bshad bya ste// ming 'chang lhag par gnas ma byas// rgyu dang tshad dang las 'khrul zhing/ / 'chang dag 'gong sogs spangs bya ste// dril bu 'phreng ba la sogs pa// de bzhin du ni shes par bya// 'di las gzhan du nyams par 'gyur// bde gshegs sgrub pa'i dam tshig ni/ / gzhan du 'gro ba gzhan la sems// the tsom dang ni le lo dang// de bzhin bzang ngan spong len byed// 'di la gnas pa nyams par 'gyur// gsang ba sngags kyi dam tshig ni// mi zlos bar du bcad pa dang/ / ngag gi nyes dang 'dres pa dag/ mi dge ba dang sgra che dang// chu dang skyen bul mtha' sogs ldan// 'di yis dam tshig nyams par 'gyur// gang zhig grogs kyi dam tshig ni// tha mal grogs dang sdig pa'i grogs/ / mkhas pas nam yang spang bar bya// 'gro dang 'dug dang nyal ba dang// langs dang sa ris 'dri la sogs// ma 'dris ma snang yid mi bde// sems 'khrul pa la sogs pa spangs// rnal 'byor grogs kyi dam tshig ni/ / sems 'khrul la sogs de bzhin te// khyad par rang rang de bzhin bsam// dge slong grogs dang ldan gyur na// nyon mongs dgra ni skyed mi bya// tshangs par spyod pa'i gnas dag tu// mi tshangs spyod na nyams par 'gyur/ / gang tshe spyod pa la rten nas// mi tshangs spyod dang dus min dang// grangs dang rdzas sogs 'khrul na nyams// man ngag sdom pa'i dam tshig ni// mi len dman la snyan pa dang/ / rang gi ral gris gcod pa dang// ma byin len dang bsam pa nyams// kun gyis bston na bsnyen bkur zhing// gzhan gyis smad na zhum par byed// ngag rtsub pa la brnyas pa skye// thob na gzhan spel bsam dang ldan/ / ma thos don ma spogs pa dang// mngon shes ldan la smod par byed// yon tan mi la yon tan 'dzin// grags pa thob na rang che 'dzin// 'dug pa'i nang du ston par smod// gang la nyon mongs dbang gis nyams/ / snod kyi dam tshig chen po ni// mi 'chang dam la dman par 'dzin// gang yang gzhan du ston pa dang// lhag par byed na nyams par 'gyur// zas la rten pa'i dam tshig ni// dus min za dang dman pa za/ / rnal 'byor med dang rnam rtog ldan// de yis nyams par 'gyur ba yin// tshogs kyi dam tshig chen po ni// lha dang grangs dang rdzas la sogs// ma tshogs bsam gtan bral sogs spangs// gang yang gtor ma'i dam tshig ni/ / mchog min la bsngo 'jig rten don// rnal 'byor mi byed rdzas rnams dman// gzhan gyis mthong dang sbyor ba log/ 'di yis nyams 'gyur gzhan gyis min// sdang ba'i dus kyi dam tshig ni/ / myur du lang dang sngon du las// langs ma thag tu 'gro ba dang// der ni yang dag bsam dang bral// slob dpon lha la phyag mi byed// de dus sdig pa sems pas nyams// 'gro ba'i dus kyi dam tshig ni/ / rgan pa'i sngon du 'gro ba dang// rnal 'byor me dang blo gros dang// rings par 'gro zhing dmigs rtsa dgod// sa dmigs rgyun spyod dbyar dus 'gro// phyin bas srog gcod khus 'debs dang/ / gcig pu 'gro dang dus chig 'gro// brtson 'gro bud med dang grogs dang// dge ba'i grogs spang sdig pa'i grogs// phal che'i nang du 'gro ba dang// mtshon thogs rta sogs bzhon pa la// nyes yod shes kyang 'gro ba dang/ / gang zhig zas dang 'grogs pa dang// mtshan mo 'gro na nyams par 'gyur// 'dug pa'i dus kyi dam tshig ni// dge slong bla ma'i gong 'dug la// 'dug sa rgya chung gcig pu 'dug/ bud med sdig grogs lhan cig 'dug/ rnal 'byor med dang rings 'dug dang// rkang brkyang lag bskum dag gis 'dug/ gdan med 'od ma'i gdan dang ldan// pus gtsug thal mo sbyar ba spangs// sems dpa'i 'dug stangs dag gis 'dug/ sta zur ston dang rgya cher lta// 'di ltar nyams pas mkhas pas spangs// yid la byed pa'i dam tshig ni// ma byin len sogs yid la byed// dge spongs sdig la gnas par byed/ / mtshang 'dru ba yi bsam dang ldan// 'di yis nyams par 'gyur ba yin// spyad bya'i dam tshig de nyid do// bzang dang btung ba'i dam tshig ni// las dang dad pa mchog gi phyir// bsam pa dngos su 'gyur ba yin/ / 'di dag nyams par 'gyur na ni// gang zhig ston pa 'bras bu med// ji srid sangs rgyas bzhugs kyi bar// de srid ngan 'gror bar 'gyur// khyad par dam tshig bshad bya ste// gang du rang gi bsgrub pa yi/ / phyag rgyar smra bar byed pa dang// phyag rgya'i gzugs brnyan ston par byed// gang zhig sngags rnams smra bar byed// sngags kyi gzugs brnyan ston par byed// gang gi cha rkyen phyogs su rtogs// thams cad ston par byed pa dang/ / gsang ba'i bdag po smod par byed// lha la mchod pa rgyun gcod dang// tshogs dang grogs kyi nang du byed// gzhan du yid kyis byed pa dang// man+Dal tsha tshwa la sogs spongs// rtags rnams 'chang bar mi byed pa/ / skyes bu'i dam tshig nyams pa yin// zhes gsungs ma thag tu// 'dus pa chen po'i 'khor rnams kyis// bcom ldan 'das la bstod pa dang// phyag 'tshal zhing me tog gtor te/ / 'di skad ces gsol to// bcom ldan 'das de bzhin gshegs pa thams cad kyi man ngag nyams pa zhes bya ba gang lags/ bka' stsal pa/ sems dpa' chen po man ngag nyams pa zhes bya ba gsum ste/ slob dpon la brten pa dang/ yi ge la brten pa dang/ bshad pa la brten pa'o// gsol pa/ slob dpon la brten pa'i man ngag nyams pa gang lags/ bka' stsal pa/ slob dpon la brten pa'i man ngag nyams pa ni bzhi ste/ dman pa las nyams pa dang/ nan gyis len pa dang/ g.yo la sogs pas len pa dang/ 'di ni slob dpon la brten pa'i man ngag nyams pa'o// gsol pa/ yi ge la brten pa ste man ngag nyams pa de gang lags/ bka' stsal pa/ rigs kyi bu ye ge la brten te nyams pa zhes bya ba ni// yi ge mkhan gyis len pa dang/ g.yos 'dri ba dang/ dman pas nyams pa dang/ gzhung nyams pa 'di ni yi ge la brten te man ngag nyams pa'o/ / gsol pa/ bshad pa la brten te man ngag nyams pa zhes bya ba gang lags/ bka' stsal pa/ bshad pa nyams pa dang/ bshad pa log pa dang/ lung gcig la gcig gtong ba ni bshad pa nyams pa'o/ / de bas na de bzhin gshegs pa thams cad ni/ thams cad la nyams pa med pas thub pa chen po zhes bya ba dang/ yon tan gyi 'byung ba zhes bya ba dang/ dgos pa'i rten zhes bya ba dang/ 'bras bu'i spong zhes bya ba dang/ de skad ces bka' stsal pa dang/ bcom ldan 'das la gsol pa/ bcom ldan 'das man ngag gi dam tshig nyams pa zhes bya ba'i 'bras bu gang lags/ bka' stsal pa/ sems dpa' chen po/ 'jig rten gyi khams kyi sems can thams cad ngan sems can gyis bsad pa ni sla'i/ de bzhin gshegs pa thams cad kyi man ngag dang dam tshig nyams pa ni de lta ma yin no/ / sems dpa' chen po srog dang bral ba ni sla'i/ de bzhin gshegs pa thams cad kyi man ngag dang dam tshig nyams pa ni de lta ma yin no// de ci'i phyir zhe na/ srog dang bral bas ni tshe 'di nyid kyi skye ba zad par 'gyur gyi/ dam tshig nyams pa ni tshe rabs dang bskal pa chen po skar ma nam mkha' bye ba'i dus grangs su sdug bsngal las mi thar par 'gyur ro// sems dpa' chen po dam tshig nyams pa ni tshe 'di dang phyi ma la sogs par bde ba'i skabs mi 'byed cing/ thub pa chen po ji skad du bstan pa'i sdug bsngal las thar par mi 'gyur ro// man ngag nyams pa ni/ de'i sgrub pa dang bzlas pa la sogs pa ci byas kyang 'bras bu skye bar mi nus so/ / sems dpa' chen po gzhan yang ma rtags pa'i dam tshig kyang yod do// pags pa gyon pa dang/ sha za ba dang/ khrag 'thung ba dang/ ta mal pa'i longs spyod chen po byed pa dang/ btsong dang/ la phug dang/ sgog pa la sogs pa za bar byed pa 'di dag kyang dam tshigs nyams pa'o// gzhan yang sdom pa thams cad la legs par gnas pa ni/ 'jig rten dang 'jig rten las 'das pa'i bde ba thams cad thob par 'gyur ro/ / bcom ldan 'das sdom pa thob pa'i dus gang lags/ bla mas gnang ba dang/ byang chub sems bskyed pa dang/ blo mchog dang ldan pa dang/ bla ma la tshig brdzod pa gsum gyi tha ma la'o/ / bcom ldan 'das kyi gang zag ces bya ba gang lags/ bka' stsal pa/ rten gyi gang zag ni nyan thos kyi rigs can dang/ rang byang chub dang/ byang chub sems dpa'i rigs can/ theg pa chen po'i 'bras bu'i rigs can te/ 'di dag rang rang gi sdom pa la gnas par bya'o// gong ma ni ma yin no// sems dpa' chen po so sor thar pa'i bslab pa tsam la gnas pa dang/ byang chub sems dpa'i bslab pa tsam la gnas pa dang/ phyi'i bslab pa dang/ nang gi bslab pa dang/ brda mi byed pa dang/ tshogs pa dag ma 'dus pa ston pa dang/ byang chub kyi sems don mi gnyer ba dang/ byang chub kyi sems spong ba 'di ni/ gsang ba dang gsang ba chen po'i snod ma yin no// 'di lta ste/ dper na so ma btang ba dang/ snod ngan pa'i nang du seng ge'i 'o ma blug pa na/ snod des kyang phan mi thogs/ bcud des kyang phan mi thogs te/ snod ma yin pa lagasang ba yang de dang 'dra'o// bcom ldan 'das kyis de skad ces bka' stsal pa dang/ 'dus pa chen po'i 'khor de dag yi rangs te/ bcom ldan 'das kyis gsungs pa la mngon par bstod do/ / de bzhin gshegs pa thams cad gsang ba'i dkyil 'khor las/ gsang ba'i dam tshig chen po'i mdo rtog pa chen po'i rgyal po'o// rdzogs so// rgya gar skad du/ bi ma la uSh+Na Sha/ su pa ra b+hi b+hi sha kar ma si te tan ta/ bod skad du/ gtsug tor dri ma med pa sku gzugs mngon par bstan pa'i rgyud/ bcom ldan 'das dpal rnam par snang mdzad chen po la phyag 'tshal lo// 'di skad bdag gis thos pa'i dus gcig na/ de bzhin gshegs pa mi dmigs pa las 'das pa/ yon tan mngon par bstan pa/ sku'i rang bzhin du ma 'gags par gsal ba ste/ bcom ldan 'das shAkya thub pa bya ba la sogs pa gcig dang bsam yas pa bgrang ba'o/ / gzhan yang bcom ldan 'das 'khor lo oM gyi rang bzhin rnam par snang mdzad chen po dang/ rdo rje hUM las bskyed pa rdo rje'i rigs dang/ rin po che traM las skyes pa rin chen 'byung ldan dang/ pad ma hri las bskyed pa snang ba mtha' yas dang/ ral gri a la sogs pa don yod grub pa la sogs pa'i/ byang chub sems dpa' byams pa mai tri dang/ sgrib pa sel ba la sogs pa bsam gyis mi khyab brjod kyis mi lang ba'i tshogs yum dang sems pa dang bcas pa de dag nyid du sku mi mnga'/ gsung brjod pa dang bral ba mi rtog pa'i ngang nyid las mchod rten du gyur pa'o// de dag kyang chos kyi dbyings brjod pa dang bral ba'i 'og min gyi gnas dmigs pa med pa'i dkyil 'khor na gnas par gyur to/ / de'i tshe de dus na dus dang mtshams med par chos kyi sku'i gzugs brnyan mchod rten du rnam par gzigs nas/ 'di skad ces gsungs so// de bzhin gshegs pa gang gi tshe/ rtogs pa rnam par bral ba'i tshe/ bsam gyis mi khyab gnas pa kun/ gang de rig pa'i don grub dang/ de dag rnam kun 'dus pa'i tshe/ yang dag don de 'di skad du// rang bzhin lhun grub mchod rten dang// tshad med bzhi yi mchod rten dang// pha rol phyin pa'i mchod rten dang// sprul pa bstan pa'i mchod pa'i mchod rten dang/ / rig pa las grub mchod rten dang// dpe las 'das pa'i mchod rten dang// rigs las gyur pa'i mchod rten dang// brtags pas snang ba'i mchod rten dang// don du bsgrubs pa'i mchod rten dang/ / mtha' ru phyin pa'i mchod rten dang// theg pa'i bye brag mchod rten dang// rdul bsags dag gi mchod rten dang// mtshon du med pa'i mchod rten dang// mtshon pa thabs kyi mchod rten dang// byang chub sems dpa'i mchod rten dang/ / ting nge 'dzin gyi mchod rten dang// gzugs brnyan dag gi mchod rten dang// 'phrin las rnam bzhi'i mchod rten dang// dngos po tha dad bris pa dang// khams gsum mchod rten la sogs pa/ / bsam gyis mi khyab ngas bstan to// dam tshig spyod dang dkyil 'khor dang// lta ba rang bzhin gnas pa dang// spyan 'dren mchod 'bul bstod pa dang// khrus dang smon lam dbang bskur dang/ / bsgrub dang grub pa'i sangs rgyas kun// chos kyi sku ru ye nas gsal// skye ba med pa chos kyi sku// de nyid mchod rten zhes su grags// chos nyid gcig dang bsam yas ba// don dam nyid las bgrang med de/ / ji snyed 'di la tha dad bstan// bstan pa nyid na brjod las 'das// rdzogs pa'i sangs rgyas de rnams kun// chos sku'i mchod rten de las byung// byung ba nyid na rtog las 'das// khams gsum rgyud drug sdug bsngal kyang/ / mchod rten ma rig de la yod// las dang sdug bsngal sbyong ba yang// mchod rten 'di las grub par bshad// mchod rten mngon par bstan pa las// gling gzhi phun sum tshogs pa bstan pa'i le'u ste dang po'o/ /// de nas de bzhin gshegs pa dgra bcom pa yang dag par rdzogs pa'i sangs rgyas rigs bzhi pos 'di skad ces gsol pa/ kun mkhyen ston pa dgongs su gsol// sems can kun gyi don slad du/ / mchod rten dam pa bshad du gsol// sems can nyen pa'i don gyi phyir// gzugs sku'i mchod rten bshad du gsol// gnod pa'i rgyud nas bzlog pa'i phyir// sprul pa'i mchod rten bshad du gsol/ / bla med byang chub thob bya'i phyir// bsgrub bya'i thabs rnams bshad du gsol// zhes zhus pa de thos pa dang/ ston pa de dge nas bzhad pa mi mnga' bar spyan gdangs nas ljags brkyang ste bka' stsal pa/ / don de 'dod na legs par nyon// mchod rten rnam pa nyi shu po// nga yis phye ste bshad par bya'o// khyed rnams gang la 'tsham pa de// mthun par bstan pa 'di kun yin// sprul pa'i thabs su khyad par mang/ don du gcig las mi chad do// de skad ces glengs bslang ba de ma thag la/ bcom ldan 'das de'i thugs ye shes las g.yos pa mi mnga' bar/ tha dad pa'i dbang gis snang ba mi mthun pa 'di ltar gyur te/ la la ni 'og gser gyi sa gzhi/ de'i steng du rlung gi dkyil 'khorade'i stengadu chu'i dkyil 'khor/ de'i steng du rin po che las grub pa'i ri rab dang gling du bcas pa'/ stong gsum gyi chen po'i mi mjed kyi lo ka'i khams su snang ste/ de nas dpag bsam gyi shing yongs 'du sa brtol du snang ste/ rtsa ba dmyal ba'i yul du zug/ sdong po klu yul du skyed/ lo 'dab yal ga sum cu rtsa gsum lha'i yul du skyes te/ del phyogs bzhir tshal chen po bzhi/ phyogs bzhi nas ngad ldang ba/ rdzi phyogs su dpag tshad lnga brgya ldang ba/ yal ga brgya rtsa brgyad dang ldan par snang bar gyur to// la la ni me tog u dum 'bar ba'i rgyu sa bon dang/ sa la myu gur gnas pa dang/ sdong bu dang/ yal ga dang/ lo 'dab dang/ 'bras bur smin pa dang/ sems can thams cad kyi sman dang rtsi bcud du 'gyur ro// la la na phyogs bzhi mtshams brgyad mchod rten chen po brgyad rang snang bar 'gyur ro/ / lho'i 'dzam bu gling du sprul pa'i mchod rten ka ni ka snang bar gyur to// lho nub mtshams su yid bzhin lhun gyis grub pa'i ka ni ka dang/ nub tu dpe med bsam las 'das pa'i ka ni ka dang/ nub byang mtshams su rin chen brtsegs pa'i ka ni ka dang/ byang phyogs su smad grags chos kyi ka ni ka dang/ byang shar mtshams su khams gsum bde rgyas sgrol gyi mchod rten ka ni ka dang/ shar phyogs su byams ldan btang snyoms gtar gyi mchod rten ka ni ka dang/ shar lhor don grub brgya khram brtsegs pa'i mchod rten ka ni ka cig 'byung bar gyur to// la la ni shAkya dang po yum gyi lhums su zhugs pa dang/ shing la 'jus na bya snyengs mdzad nas bltams pa dang/ rab tu byung ba dang/ dka' thub mdzad pa dang/ grong khyer du bsod snyoms mdzad pa dang/ de nas li'i yul du sbal lcong mi ru bsgyur ba dang/ yul wA rA Na sir chos kyi 'khor lo bskor ba dang/ de nas rtag tu re ba sun dbyung ba'i don du rdo rje gdan la mngaun par rdzogs pa sangs rgyas pa nyid du snang bar gyur to// la la ni shar phyogs kyi 'jig rten gyi khams gad+gA'i klung gi bye ma snyed na/ byams pa rdo rje brtsegs pa yis mchod rten chen po cig rang byung// lho phyogs kyi 'jig rten gyi khams gad+gA klung gi bye ma snyed na/ snying rje rang na brtsegs pa'i ka ni ka cig byung/ nub phyogs logs kyi 'jig rten gyi khams gad+gA klung gi bye ma snyed na/ dga' ba rab snang pad ma brtsegs pa'i ka ni ka cig byung/ byang phyogs logs kyi 'jig rten gyi khams bye ma snyed na/ btang snyoms rgya gram brtsegs pa'i ka ni ka cig rang byung du byung bar gyur to// la la ni ngan song sbyong ba'i dkyil 'khor dang/ rdo rje dbyings kyi dkyil 'khor dang/ don yod grub pa'i dkyil 'khor dang/ rdo rje bkod pa'i dkyil 'khor dang/ dkyil 'khor bsam yas pa de snyed du snang bar gyur to// la lar ni lha dang lha mo'i tshogs brjod pa las 'das pa ji snyed du snang bar gyur to// de nas de bzhin gshegs pa kun gyi bdag nyid ston pas bka' stsal pa/ / rtogs dang mi rtog rnam spangs pa'i// de bzhin nyid du gnas pa la// chos kyi sku zhes ngas bstan to// rtogs dang bral ba'i chos nyid la// tha snyad ma 'gags de btags pas/ / gzugs brnyan zhes ni de las byung// ji ltar rgya mtsho dwangs pa la// gzugs brnyan sna tshogs snang ba bzhin// rgya mtsho gzugs brnyan gnyis ka la// snang dang snang bya'i rtog med de// tha dad rtog pa de ltar snang/ / chos sku nyid dang mchod rten la// tha dad rtog pa mi mnga' ste// sems can rtog pa tha dad bzung// yang dag pa ru bstan pa med// phyi nang snod bcud dag rtogs na// mchod rten gcig btab kun la gsal/ / rang bzhin dag pas dri ma med// skye med dbyings las thams cad skyes// rang 'byung mchod rten ye shes sku/ thugs rjes byin rlabs rmad po che// sems can yongs la sman pa 'byung// mi bde'i sdug bsngal yongs bsal nas/ / sems can kun la byams sdug ldan// la lar ston pa dgyes par snang// la lar kun la 'chad par snang// la lar 'jig rten chags par snang// la lar dpag bsam shing la spyod/ / la lar me tog u dum 'bar// la lar mdzad pa bcu gnyis 'byung// la lar rang 'byung mchod rten mthong// la lar rdo rje'i 'khor lor mthong// la lar de bzhin gshegs par mthong// la lar dkyil 'khor dag tu snang/ / la lar theg pa dgu yi dbyibs// la lar logs spyod mthar spyod mthong// la lar yab yum rol par mthong// la lar sangs rgyas nyid du mthong// la lar las rnams rdzogs par mthong/ / la lar sangs rgyas brgya rtsa brgyad du mthong// la lar mchod rten nyungs 'bru tsam// la las 'jig rten khams dang mnyam// la las bang rim bgrang du med// la lar bang rim bgrang du yod/ / la las mchod rten gzhal yas khang// la las rdzu 'phrul ston par mthong// la las tha dad mang por mthong// mchod rten sku gdung bde ba la// dbye dang mi dbye gang yang med// ston pa mchod rten chos kun la/ / tha dad bstan pa'i gsungs mi mnga'// zhes gsungs par snang ba'o// mchod rten mngon pa'i rgyu da las// gleng bslang ba'i don bstan pa'i le'u ste gnyis pa'o//// de nas de bzhin gshegs pa thams cad yang 'dus nas/ / dgyes pa cig las 'di skad ces gsungs so// chos rnams ye nas dag pa la// log rtog dbang gis ci zhig sgrib// chos sku skye med mchod rten la// gzugs brnyan sna tshogs cir snang yang/ / kun kyang mchod rten rang bzhin no// phyi yi snod nyid gling rnams kyang// chos kyi dbyings su gcig pa la// skye med chos kyi sku zhes bya// de las mchod rten gzhan na med// bcud kyi 'jig rten 'gro ba kun/ / rin chen skye med rtogs pa las// rig pa'i ye shes gsal bas na// don dam mchod rten de nyid do// phyi nang snod bcud gnyis med la// dbyings dngaye shes gnyis med la// chos sku zhi rtog med la/ / gzugs sku mchod rten dbyings su bstan// yul dang dbang po rnam shes rnams// thams cad ye nas ye shes la// mchod rten dbyibs su snang ba las// gzhan du rtog pa ga la yod// sa dang me dang chu dang rlung/ / thams cad kyi ni nam mkha' rnams// gnyis med chos skur gyur pas na// mchod rten dbyings su tha dad gsal// skye 'gro g.yo dang mi g.yo rnams// las kyi dbang gis tha dad kyang// yang dag don du rtag byas nas/ / mchod rten tha dad bsam yas so// dngos rnams nyid nas dngos med pas// brtags pa'i snang ba'i dngos po med// mchod rten dngos po med pa'o// gnyis su med pas sangs rgyas sku/ / khams gsum srid gsum dus gsum rnams la snang// sangs rgyas byang chub sems dpa' la// mchod rten sku gsum lhun grub pa// rtsa ba byang chub sems rtogs na// chos rnams kun gyi rtsa ba yin// chos sku mchod rten rtsa ba ste/ / rang gi sems las gzhan na med// bdag dang gzhan dang dngos po rnams// ye nas chos nyid yin shes na// chos nyid dngos dang bral ba de// kun gyis mchod rten gnas so// las rnams rgya mtsho spyad byas kyang/ / don mchod rten chos sku 'grub// las kyang mchod pa yin pas na// las la rton pas mchod rten no// lta ba che la bdag gnas na// mchod rten kun gyi mnga' bdag yin// bdag la mchod cing bdag la rten/ / gzhan gyi mchaug rten tha snyad yin// bdag gi mchod rten don dam yin// gzhan la ma bskor bdag la bskor// gzhan la ma mchaud bdag la mchod// bdag la bdag nyid dbang thob bya/ / bdag la bdag nyid sku khrus gsol// rang 'byung mchod rten bya ba de// rang las byung bas rang byung ngo// sprul pa'i mchod rten sna tshogs kyang// bdag gis spyod pas gzhan la 'dul// sprul pas 'dul ba'i mchod rten ni/ / dbyings kyi bye brag de dag kyang// bdag nyid chen po 'di las 'byung// bdag nyid ces pa gnyis med don// tha dad byung bas chad pa sel// sna tshogs snang la rang bzhin med/ / rgya mtsho me long gzugs brnyan bzhin// snang yang tha dad rtog pa med// sa 'jim la sogs byams pa dang// rmang dang khri 'phang bang rim rnams// bum rten bum pa srog shing dang// 'khor lo char khab tog bum dbu/ / thabs dang shes rab gnyis po la// sku gsum rtags su bstan pa kun// tha snyad yin te mtshon pa'i phyir// thabs kyi dbyings dang mtshan du bstan// yang dag don la kun med/ / gser dngul 'khar zangs la sogs pa// lugs dang brdungs dang bstod la sogs// sems can don du bstan mod kyi// yang dag mchod rten de dag min// dar dang za 'og tshon rtsi dang// shing la sogs pa bris pa de/ / mtshon pa tsam du bstan pa las// chos kyi sku la bstan pa med// skor phor gzugs dang phyung ba ste// mtshon pa yin te don du med// btabs pa gzhan yang sna tshogs la// ston pas bstan te mthun pa'i phyir/ / ston pa'i ston pa de nyid dang// ston pa'i bka' brgyud de dang tshig/ sems can bstan pa'i gnas rnams dang// de la sogs pa bsam yas kun// de dag thams cad sgyu ma 'dra// sgyu mas gzhan dag tshim byed kyang/ / gzhan dang sgyu ma gnyis ka la// don du grub pa gang yang med// gzugs su bstan pa'i mchod rten yang// dam pa'i don du dngos po med// lta ba 'di la gnas pa ni// sangs rgyas nyid du nges pa'o/ / mchod rten mngon par bstan pa'i rgyud las// lta ba'i ngang la gnas pa'i le'u ste gsum pa'o//// de nas yang de bzhin gshegs pa kun dang mthun pa ru yong bar bya ba'i phyir 'di skad ces gsungs so/ / chos kyi dbyings kyi pho brang nas// rtog bral chos nyid ngang las ma g.yos kyang// sems can don du chos kyi sku ru bzhengs// yid bzhin lhun grub bkra shis gzhal yas 'dir// rang 'byung ye nas dag pa chos kyi sku/ / nges par mkhyen pa'i rmad 'byung ka ni ka/ rnam dag pad ma rgyas pa'i gdan stengs na// 'og gi rmang khri ya mtshan rdo rje brag/ gyen du khri 'phang ya mtshan dkon mchog gsum// shel gyi bum pa dri ma med par dag/ srog shing ma skyes byang chub sems kyi ngang// mi gnas mi dmigs chos kyi dbyings dang 'dra// khams gsum mi 'gyur g.yu rung byang chub mkhar// skyon bral yang dag don gyi mchod rten yang/ / thugs rje'i dbang gis chos kyi dbyings nas gzigs// sngon gyi smon lam dbang dang da lta'i thugs rje yis// shar phyogs mngon par dga' ba'i 'jig rten na// rin chen ri bo dag pa'i mchod rten bzhugs/ / gzhi rmang dge bcu pad+ma dag pa na// dran pa nyer gzhag rmang gi khri 'phang gdan// sdig pa spangs pa'i rim pa gnyis pa lags// rdzu 'phrul rkang pa bzhi yi rim pa gsum pa dge/ rnam grol dbang po lnga yi rim pa bzhi pa bzang/ / stobs lnga byin bsdus bum pa kun tu zlum// thugs rje tshad med srog shing gzhung btsugs 'dra// bdus bzhi pham mdzad chos kyi rgyal mtshan gzi// bla med mnyes pas gdugs mchog kha la 'phags/ / rnam dag tshul khrims me tog 'phreng ba bzang// des par mkhyen pa'i rmad byung ka ni ka/ khyad bar cir yang 'phags pa'i sku gzugs sna tshogs bstan// rnam dag zab mo chos dbyings dkyil 'khor 'dir/ / nyon mongs skyon gyis ma gos nam mkha'i rang bzhin la// 'khrul pa ting 'dzin chags phyir sku bstan pa// 'khor lo brtsegs pa'i mchod rten gshegs su gsol// byams pa chen po tshad med yangs pa'i chos/ / gdug pa'i tshogs rnams zil gyis gnon mdzad cing// me long lta bu'i chos kyi don rtogs pa// byams pa brtsegs pa'i mchod rten gshegs su gsol// dga' rab don phyir 'phrul pa'i sems spangs pa/ / 'jig med rin chen bang rim brtsegs pa la// sprul pa'i yon tan tshogs kyi 'phreng bas brgyan// rin chen brtsegs pa'i mchod rten gshegs su gsol// nyon mongs rtog bral pad+ma 'byung ba'i gnas/ / dga' ba brtsegs pa'i mchod rten bdud bzhi 'joms// bum pa chos dbyings spros pa med pa'i dbyings// pad+ma brtsegs pa'i mchod rten gshegs su gsol// nyon mongs 'khor ba'i sdug bsngal las kyis sbyongs/ / rnam par rtog pa'i mtshan ma kun bcom nas// bsod nams dge tshul 'phags rnams mchod rten brtsegs// byang chub rdzogs pa'i mchod rten gshegs su gsol// rigs lnga ye shes lnga dang sku mtshan lnga/ / rang bzhin lhun grub ngang las ma spros kyang// bden pa'i ye shes bzhi yang lnga lngar ldan// rigs bzhi sems dpa' bzhi bzhis bskor ba yang// 'gro ba'i don du mchod rten lnga lngar sprul cing gshegs su gsol/ / shAkya thub pa sprul pa'i sangs rgyas te// sku yi 'od zer sprul pas sgrib pa sbyong// sprul pa sna tshogs mchod rten dbyings su bstan// 'dod 'byung sprul pa'i mchod rten gshegs su gsol/ / byang chub mchog tu sems skyed bsod nam bsags// yid bzhin dpag bsam la sogs mchod rten brgyad// dge tshul bsod nams bsags pa'i mchod rten gshegs su gsol// theg pa sna tshogs sgo nas bgrod pa yang/ / byang chub sems mchog gang la skyes pa de// theg pa kun gyi mchod rten gshegs su gsol// byang chub gzhan yang mgron gyi byang chub sems dpa' dang// la las chos kyi srungs ma dang/ / dad pas nyan pa'i 'khor tshogs dang// chos kyi kun nas 'brel ba las// byang chub sems 'di dmigs pa mchog/ sems can don du gnas par bya// chos kyi dbyings nyid rtogs dang bral/ / de rtogs mchod rten gnas pa yi// phyogs bcu'i 'jig rten gang dag na// mchod rten gnas pa ye nas gnas// spyan drangs byon pa mi mnga' ste// bkur sti rim gro'i tshul gyis na// dngos su gzugs brnyan mchod rten bzhugs/ / sems can rnams kyi don gyi phyir// tha dad mchod rten gnas nas bskyod// phyogs bcu'i sangs rgyas bzhugs pa rnams// dus gsum dag tu mtshon nas 'dren// byang chub sems dpar grags pa rnams/ / dbyings nas spyan 'dren mchod kyi gshegs// yang dag don du gshegs bzhud mi mnga' yang// sems can dad pa bskyed pa'i phyir// rdo rje'i gdan dang pad+ma'i gdan// rin chen khri la sogs pa'i gdan/ / rig pa'i byin rlabs dag gis gding// gdan dang mtshan ma'i rigs rnams bzhugs// mchod rten bsam gyis mi khyab pa// dngos su dad pas dmigs shing bsam// yang na chos sku gcig tu bsdu/ / mang por bshad kyang bsdu ba de// chos sku nyid la rtog mi mnga'// 'dul ba'i dbang gis snang ba yi// zhes gsungs so// mchod rten mngon par bstan pa'i rgyud las// spyan drangs pa ltar bstan pa'i le'u ste bzhi pa'o/ /// de nas de bzhen gshegs pa rnam par snang mdzad la sogs pa 'dus nas 'di skad gsungs so// gsang sngags don du bsngags pa ni// dam tshig don du bsngags pa ste// yon tan bsam yas 'di las 'byung/ / lta bas bstas nas gcig las med// bsrung dang bsgrub phyir dam tshig ste// 'das pa rnams la skyon du gzhag/ bsrungs na mchod rten sku ru gzhag/ dad la slob dpon mnyes par bya/ / lus dang ngag dang yid rnams kyis// shes pas phyag dang gus pas bkur// sems la sel med dad pas gdung// da lta'i slob dpon dngos la yang// dngos su bkur du yod pa de// med na ji lta bkur bar bya/ / bla ma'i bla ma de la bskur// de yang med na bla ma'i bla ma grogs// bla ma dngos su bsam la bkur// ci ste zhe na don dam cig/ gal te lan cig bla ma yi// bla ma gang yin bdag ces 'dzin/ / de la bkur bar byar rung na// bla ma'i dam tshig dbang yin pas// bla ma'i bla ma gong mar gsal// slob dpon sku la mnyam pas na// chos sku bshig pa'i sdig pas che// bla ma'i grib ma 'gom byas na/ sangs rgyas sku bsad sdig pa mnyam// bla ma'i gsung la sgros btags na// lce yi dbang po brgya bar 'gyur// de re zhe re slebs pa la tshal pa'i zhing rmo lta bur 'gyur// bla ma'i gsung la skur btab na// lce yi dbang po mi ldan zhing/ / dam pa'i chos dang gtan du 'bral// sdug bsngal bsam gyis mi khyab bo// slob dpon thugs la smod pa ni// rang gi sgron me rang gsod 'dra// bskal pa brgya ru mun par 'khyams/ / thar pa'i skabs med rigs chad yin// de bas smad par mi bya'o// dkyil 'khor ngo ston dbang bskur pa'i// slob dpon de la smod pa ni// ro myags mtsho yi nang du skye// me tog gling la dmigs ltas te/ / ro myags sdug bsngal las kyis mnar// steng nas lcags kyi tho lum gyis// sdig cing khong du sreg par byed// me tog gling du ga la phyin// de bas nges par slob dpon bkur// ston pas gsungs pa'i bka' las ni/ / slob dpon mgo la dam tshig dmigs// slob dpon mgo ltar bkur bar bya// rang mgo bcad pas smad pa tha// bka' stsal mig ltar bkur bar bya// rang mig rang gis bcar ba bas// slob dpon tshad ma'i mgo bcad thu/ / de bas bkur ba'i rim pa gyis// bkur ba mgo ltar yun du khur// man ngag mig ltar yun du tshos// snying gi dkyil du kun tu zhog/ mched lcam gcig la gcig srung na/ / 'jig rten 'di la lhan cig tu// lus mchog bzhin du thugs mchog bskyed// thugs mchog dus dang rnam bzhi ru// mi 'bral khrag dang chu ser 'dra// lhan cig mnyan bsam bsgom byas pa// de rnams don la dbyer med pas/ / dus dang bskal ba'i mtha' med cing// de rnams brgya la ngan smod na// rang srog rang gcod dpe dang 'dra// rang gi don la rang smod pa// bskal pa brgyad khri bzhi stong du// tsha grang brgyad kyi sdug bsngal myong/ / mchod rten dag la smod pa ni// rang gi sems nyid gtan spangs nas// rigs chad gnas su sdug bsngal myong// chos sku gzugs brnyan ma rtogs na// legs par dge bcu spyad byas kyang/ / lhar skye lan cig lhung bar 'gyur// thugs kyi dam tshig mchod rten yin// byang chub sems nyid spros bral bas// chos sku gzugs brnyan mchod rten yin// de ltar rtogs na nyams pa med// phyi nang snod bcud ma lus pa/ / rang bzhin dag pa gsum du shes// kun rdzob gzugs brnyan dag pa dang// don dam dngos med dag pa dang// gnyis su med pa chos kyi sku// de ltar rtogs na dam tshig yin// phyag rgya mchod rten yin pa ste/ / mchod rten nyid kyang phyag rgyar gsal// rigs dang lha rnams phyag rgya rnams// mchod rten dbyings su tha dad bstan// de nyid srungs na nyams pa med// dkyil 'khor ri mo'i gzugs la sogs/ / tha dad mang por ston pa yang// de rnams nyid ni mchod rten yin// de ltar bsgoms na nyams pa med// kri ya'i mchod rten bzhengs pa na// mchod rten dbyings don rtogs pa dang// gru bzhi dag par bya ba dang/ / dmigs pa yan lag ldan pa rnams// rtsa ba'i dam tshig lngar ldan dang// nya sha la phug sgog btsong spang/ cho ga'i yan lag tshang bar bya// de ltar bsrungs na dngos grub thob// mtshan nyid theg pa skur bzhengs na/ / sdom pa nyi shu phyi nang bsrung// byang chub mchog gi chos rnams dang// sum cu rtsa brgyad rtogs pa las// de 'dra'i sku ni gzugs bzhengs na// dus gsum sangs rgyas dmigs byas la/ / de la mchod pa lugs mthun 'bul// de las gzhan gyur skyon rnams spang// de ltar gzhung lugs ma nor na// dngos grub gang 'dod de ltar 'grub// sdom pa gnas pas gnas pas byas na 'grub// rang sangs rgyas kyi mchod rten la/ / rten 'brel zab mo rtogs pa dang// sder langs blo can gang yang rung// sku yi gzugs brnyan bzhengs gsol nas// rten 'brel snying po bris btsug na// rten 'brel rtogs na sdom pa yi/ / sa yang sdom pa gnas pas 'grub// nyan thos sgor zhugs dge slong dag/ mchod rten bzhengs su gsol ba na// rmang dang khri 'phang bang rim rnams// bum rten bum pa la sogs pa// srog shinga'akhor lo tog dang bcas/ / nyan thos theg pa chos kyi lugs// mchod rten de la tshang bar bstan// nyis brgya lnga bcu bsrung byas nas// mchod la nyan thos lugs bzhin dbul// de gzhung ldan de de bdag 'grub/ / dkyil 'khor mchod rten bsam yas kyang// dam pa'i don du gzhung bzhin dpyad// dam tshig bsrungs pa de ka bzhin// sdom pa med na dam tshig gang// dam tshig med na yon tan gang// dam tshig ces su bshad pa de/ / sgrub pa po yi snying po'i yin// 'di la gnas pa'i sgrub pa po// myur du dngos grub thob par byed// dam tshig med par gyur pa na// mchod rten gzhung ltar bshad byas kyang// 'bras bu yon tan mi 'grub ste/ / dmyal bar nges par lhung bar bstan// dper na sa bon tshig pa las// chu lud rkyen gyis bran byas kyang// myu gu 'bras bu mi 'byung ste// yid chad nyon mongs skye bar 'gyur// rtsa ba rtsa ba'i dam tshig ni/ / sems nyid dag pa chos kyi sku// mchod rten gzugs su shes pa 'o// rtsa ba'i yan lag dam tshig ni// slob dpon mched lcam khur ba yin// yan lag rtsa bar bstan pa ni// sngags dang phyag rgya bcing bzlas pa/ / dbang ma thob par 'chad pa dang// theg pa dman pa smad pa yin// rtsa ba'i yan lag tu bshad// mngor na so sor ma shes na// bsrungs kyang nyams pa'i bag la gnas// ngo ma shes na ming mi shes/ / mun pa sros nas nam mkha' 'gag/ lta ba'i dam tshig spyi ru bzhag/ spyod pa gnas na spyod pa bsrung// 'phrin las byed na las kyi bsrungs// 'tsham par bsrungs na dam pa yin// nyams pa'i bzhi ni de las med/ / dngos su bsrungs par bya ba la// mchod rten mi spang rtag tu spangs na sems nyid spangs// mchod rten rtag tu bcangs pa de// rtsa ba sems nyid rtogs pa yin// mchod rten spangs par gyur pa na/ / yan lag cho ga tshang byas kyang// mchod rten spangs pa'i rnal 'byor pa// chu shing rul pa dngos dang 'dra// mchod rten yangs pa'i gang zag de// kha yis theg pa kun 'chad kyang// bra kha nas kyis bcad pa 'dra/ / spre lcam dgongs med mchod rten spong// kha yis bzlas pa byed pa yang// ting 'dzin mchod rten ma gsal na// dmus long mdog la 'chad pa 'dra// rang bzhin mchod rten rtogs par bya// ting 'dzin mchod rten sems kyi bsgom/ / gzugs brnyan mchod rten bzhengs par bya// mchod rten bsam gyis mi khyab kyang// sems can rnams kyi don phyir bstan// don dam mchod rten chos skur bstan// theg pa'i bye brag med pa la/ / mchod rten bye brag bstan mi bya// gzugs brnyan mchod rten bzhengs pa la// rab tu gnas pa'i mchod pa yis// dngos grub zhal gso ma byas na// rin chen rnyed nas blangs bskur 'dra/ / rab gnas byas pa'i sku gdung 'dra// dngos su bskor ba ma byas na// chos sku ma rtogs spang bar 'gyur// bskal pa'i sgrib pas sgribs pa yin// bskor bas bskal pa'i sdig sgrib byang// dam tshig mchod rten bskor ba yin/ / sku gdung dag la phyag mi 'tshal// byang chub sems rtogs chos kyi sku// chos kyi sku la mi gus pa// rtsa ba'i dam tshig nyams dang 'dra// dngos su phyag byas dngos grub thob// dam tshig med par gyur pa na/ chos sku'i gzugs brnyan med par 'gyur// dam tshig yod par byung pa la// nam yang bde ba med par bshad// mchod rten mngon par bstan pa'i rgyud las// mchod rten gyi dam tshig bstan pa'i le'u ste lnga pa'o/ /// de nas yang de bzhin gshegs pa thams cad 'dus nas// mchod rten 'byung ba zhes bya ba'i ting nge 'dzin la snyoms par bzhugs nas 'di skad ces gsungs pa// chos la dmigs pa bdag med pas/ / chos sku'i gzugs brnyan dpag med tha dad bstan// theg pa gcig dang theg pa lnga// gzugs brnyan mchod rten de ltar 'byung// mchod rten dag la gcig tu mnyam// theg pa'i dbyings la so so'o/ / mnyam nyid chos skur mchod rten mnyam// de la dbye ba'i rtog pa med// gang zag blo la dbye ba snang// don dam nyid du gcig las med// lnga bstan blo yi rim pas snang// de las gzhan yang bsam mi khyab/ / de la nyan thos mchod rten cha lugs ni// chos gos bzhi bltab byas pa'i steng// spar bu kha spub dag tu bzhag/ gseg shang bgreng lta bu ste// 'phags pa nyan thos mchod rten yin// rang rgyal dag gi mchod rten ni/ / rmang la khri 'phang med pa ste// bang rim bzhi pa bden pa bzhi// bum rten bum par bcas pa ste// srog shing dang ni tog gis brgyan// 'khor lo brgyad pa sa brgyad yin// 'di ni nyan thos 'khor lor bzhag/ 'dir ni 'khor lo bcu gnyis pa// rang rgyal rnams kyis bzhengs gsol pa'o// byang chub sems dpa'i mchod rten ni// gdan khri bang rim gcig par bcas// bang rim bzhi pa bum rten bcas/ / bum pa bre ga kha khyer bcas// srog shing tog dang char khab bcas// 'khor lo zla ba bcu tshes bcas// byang chub sems dpa'i sku gdung yin// kri ya'i mchod rten bya ba ni// rmang gi khri 'phang gsum par bya/ / dbus kyi snying po zur bzhir bstan// bang rim gsum gsum dgu brtsegs gtang// dang po gsum ni yid tsam dgye// bar pa gsum ni yid tsam sgu// tha ma gsum ni yid tsam dgye// 'khor lo bcu gnyis rim par ldan/ / bum rten bum pa bre gar bcas// srog shing tog dang char khab bcas/ kri ya'i sku gdung yin par bshad// rnal 'byor sku gdung mtshan nyid ni// rmang gi bang rim gnyis pa ste/ / dbus kyi snying po zur bzhir bad// bad kyi snying po zur bzhir bad// bad kyi tshad ni 'bur bzhir dgod// de steng kha khyer gnyis pa dgod// kha khyer la yang 'bur tshang gtang// de nas mchod rten lnga par bya/ / rdo rje rtse lnga bgreng ba 'dra// bang rim lnga dang bum rten lnga// bum pa lnga dang srog shing lnga// me tog char khab lnga rnams bya// 'khor lo bcu gsum rim par bya// zla tshes rtse la lnga lnga bya// gzhan yang 'khor lo lta bu brtsegs/ / pad+ma brtsegs rin chen brtsegs// rgya gram brtsegs pa la sogs rnams// rdo rje brtsegs pa bshad pa bzhin// rim pa gtang ba tshang bar bya// tha dad mchod rten bshad pa ni// sgo mangs bkra shis mchod rten ni/ / mchod rten bzhi yi chen por bya// de la glo 'bur che chung bzhi// ngos bzhi nas ni bskyed par bya// bang rim lnga lnga gtang bar bya// dbus kyi cha yi snying po ni// ngos bzhi dag la bcu bcu sgo// 'dor na sgo ni bzhi bcu yod// ngos gcig dag ni 'bur la yang// ngos gsum yod de sgo gnyis gdod// 'bur gyi g.yas g.yon gnyis bzhi ru// sgo ni rnam pa gnyis stod nas// mdo ru bzhi dang drug la bcu/ / bcu phrag bzhi la bzhi bcu tham// bang rim lnga yi 'og ma la// sgo ni nyi shu gzhug par bya// de yi de las re re gzhag/ de ltar gzhag pas nyi shu yod// de ltar gnyis la drug cu'o// phyi ma bang rim bzhi po la/ / nyi shu yod pa rim pa bzhin// de las gzhan ma mthun par bya// 'khor lo lnga ru bstan pa'o// bum pa zlum po'i mchod rten ni// 'og gi rmang yang zlum po la// rim pa gcig tu bshad pa yin// bzhi yang zlum la bang rim yang/ / zlum po nyid du bstan pa yin// nam yang bang rim phyi bzhin bya// bum pa char khab 'khor lo rnams// phyi nang nang med par gsal bar bya// nang na chos sku gzugs brnyan rnams/ / lnga bcu zur dang bang rim lnga// bcu zur bang rim bco lnga pa// 'khor lo lnga bcu yang na lnga// zur bzhi bang rim bzhi pa de// rgyas pa'i las te bum rten ni// rin chen zur brgyad dag tu bshad// zur gsum zla gam la sogs rnams/ / mchod rten dbyings su gang yang bstan// rdul gcig rdul snyed la sogs rnams// mchod rten gzugs su ye nas bstan// sku yi mchod rten sna tshogs te// dbyibs dang sku mdog la sogs rnams/ / mtshon pa thabs kyi rgyal po yin// ma 'ongs pa yi sems can la// sku yi mchod rten bstan pa'o// gsung gi mchod rten cha lugs ni// man ngag tshig gi snying po brjod// bshad pa mdo sde gsung rab brjod/ / don dam nyid du dngos med pas// gsung gi mchod rten gzung du med// thugs kyi mchod rten cha lugs ni// dpe med bsam 'das nam mkha' che// ting nge 'dzin pas cir yang gsal/ / ye shes nyid las cir yang 'phags// thams cad mkhyen pas sku gsum 'grub// chos sku rtogs med kun las 'das// byang chub sems la dmigs pa med// dmigs med de nyid sna tshogs te// nam mkha'i mtha' dang rgya mtsho'i rdzings/ / byang chub sems kyi mchod rten bris// 'ja' tshon lta bur dngos po med// snang zhing stong la stong zhing gsal// sku gdung mngon par bstan pa'i rgyud las// mchod rten gyi dbyibs bstan pa'i le'u ste drug pa'o/ /// de nas de bzhin gshegs pa thams cad dang/ rigs lnga dang/ rigs gsum dang/ rigs brgya phrag mtha' yas pa dang/ byang chub sems dpa' tshogs dang/ lha dang/ mi dang/ 'jig rten pa dad pas nyan pa bsam yas dang/ rtsol ba byed kun 'dir rang rang gi dad pas ston pa'i spyan sngar mngon sum du 'dus nas/ ston pas bka' stsal pa/ sangs rgyas byang chub sems dpa' rnams/ rtog dang bral te mnyam pa'i ngang/ khams gsum pa yi 'gro ba kun/ rgyal chen lha dang phyogs skyong rnams/ mi yi dam pa khom ldan kun// chos sku'i gzugs brnyan 'di dag ltos/ zhes brjod pa las/ la la ni dus de nyid du bde ba thob/ la la ni rtog pa skyes nas sems bskyed/ la la ni brgyal ba las/ lha'i dbang po brgya byin gyis langs nas/ ston pa la zhu pa/ bcom ldan 'das legs so/ bde bar gshegs pa legs so/ / zhes zhus pa dang/ ston pas bka' stsal par dgongs te/ ko'u shi ka gang de'i lo// ko'u shi ka zhes gsungs nas/ zhal 'dzum pa mdzad do// zhal 'dzum pa mdzad pa des/ brgya byin dad nas/ bcom ldan 'das lung bstan du gsol/ bde bar gshegs pa lung bstan du gsol/ ston pa chen po lung bstan du gsol/ zhes gus pa bskor ba byas/ zhabs la gtugs nas zhus pa dang/ ston pas bka' stsal pa/ ko'u shi ka ngas bshad kyis/ rna ba lhogs la nyon ces bka' stsal pa dang/ yang lha'i dbang po brgya byin gyis zhus pa/ ston pa chen po thugs rje dang ldan pa/ sangs rgyas byang chub sems dpa' rnams/ rtog dang bral te mnyam pa'i ngang/ khams gsum gnas pa'i 'gro ba kun/ rgyal chen lha dang phyogs skyong rnams/ mi yi dam pa khom ldan kun/ chos sku'i gzugs brnyan ji ltar lta// bcom ldan 'das kyis bshad du gsol/ / bde bar gshegs pas bshad du gsol// ston pa chen pos lung 'di ston// zhes zhus pa dang/ de nas ston pas bka' stsal pa// 'di ni thugs yang dag pa'i yang dag pa/ mchod rten thams cad mngon par mthong bar rtogs par byed pa'i snying po 'di gsungs so/ oM dan d+harma/ a sho ka bi ma le dza yA/ d+harmA d+hA tu gar b+he swA hA/ i dan te pus pa/ a lo ke g+han d+he sarba big nan/ ma ha ya sha dz+nyA na/ e ha hi ma hANi ka ho sa kA ru rba big dzA// sarba bi gar pa ti sta badzra ya sa na swA hA/ zhes gsungs pas/ stong gsum gyi stong chen po'i 'jig rten gyi khams 'di rnams su/ chos kyi sku'i gzugs brnyan gyis gang bar gsal bar gyur to/ / de nas rgyal po bzhi dang phyogs skyong bcu/ lha dang klu la sogs pa kun 'jigs/ skrag/ brgyal/ breg par gyur to// rgyal po mig mi bzang gi mig g.yas pa bltas pas/ 'jig rten gyi khams 'di thams cad 'jig pa ltar mthong// mig g.yon pas bltas pas// sems can thams cad 'jir par mthong// rgyal po chen po rnam thos sras kyi mig gnyis bltas pas// 'jig rten gyi khams su mi nad dang phyugs nad mang po 'phel ba dang/ / sems can ma dad pa dang mchod rten la ma gus pa rnams ni shin tu sdug bsngal// dad cing gus pa rnams ni dus de nyid du mngon par rdzogs par sangs rgyas par gyur to/ / de ltar lha'i dbang po brgya byin gyis gzigs nas// yang bcom ldan 'das la// bcom ldan 'das zhes bos nas zhus pas// thugs rje chen po ji ltar na// mchod rten lung tsam ji lta bu/ / sems can nyon mongs ji lta bu// sems can nyon mongs gang las byung// rgyal po bde bar gang gis byas// ston pa chen pos bstan du gsol// zhes zhus pa dang// yang bka' stsal pa// snying po brjod pas chos sku yi/ / gzugs brnyan mchod rten gsal bar 'gyur// sems can skal ldan bde ba thob// thugs rje yongs la snyam snyoms bskyed// rang 'byung mchod rten sprul pa'i gdung// thams cad mchod rten dag tu bstan/ / dad pas sangs rgyas nyid du 'gyur// ma dad pa yis sdug bsngal myong// sdug bsngal chen po nyes pa de// las kyi mchod rten spangs pa dang// rtog pas sgrib pa de las byung// rgyal po rnams kyis de ma rtogs/ / zhes gsungs pa dang// sems can thams cad las gyur// rgyal pos bdag gzhan sdug bsngal snyed// ston pas mchod rten byin rlobs gsungs// sdug bsngal 'di las skyab tu gsol/ / zhes zhus pa dang/ de nas yang 'og tu yang phyag btsal te gus pas/ kye ma bcom ldan bshad du gsol// bstan du gsol/ ston pas yang bka' stsal pa/ rgyal po gnyis mig ltas pas 'jig pa dang/ la las ni ltas pas mi nad phyugs nad sel/ nyon mongs pa 'di rnams la nga yis phan par bya yis/ mig ltos/ rna ba lhogs la/ sems ma yengs par gus pas nyon cig/ bka' stsal pa/ rgyal po chen po khyed cag dang/ phyogs skyong ba bcu dang/ lha dang klu la sogs pa kun/ sngon yang dge bshes 'ga' spyad pas der grub pa ste/ chos kyi sku'i gzugs brnyan ma mthong ba dang/ ma gus pa dang/ ma dad pa las byung ba'o/ / zhes gsungs pa dang/ de'i mod la bcom ldan 'das kyis gdung sha ri ram cig/ ring bsrel mchod rten du byin gyis brlabs nas/ mig mi bzang gi smin phrag tu bzhag pas/ mig mi bzang gi mig nad sel te/ bde ba dang ldan par gyur to// gcig ring bsrel mchod rten du byin gyis brlabs nas/ rgyal po rnam thos sras kyi phyag tu bzhag pa dang/ lo ka'i khams kyi mi nad phyugs nad kun chad nas/ bde ba dang ldan par gyur to/ / de ltar gyur pas 'dod khams kyi lha dang/ mi dang/ lha ma yin dang/ klu dang/ gnod sbyin dang/ phyogs skyong ba rnams kyis mngon sum du phyag btsal/ bskor ba byas te bde ba thob par byas so/ / de nas mi yul du bzhengs su gsol ba ni/ rgyal po chen po d+harma ag sho ka bya ba de pho brang gdab par gnad ste/ rgyal po de la sras gsum mnga' ba las/ 'bangs mang po mnga' pa las/ lan cig na sras kun dang 'bangs mang po bsogs nas bka' stsal pa/ khyed rnams kyis nga'i thugs dang 'thad pa'i pho brang cig rtsigs shig gsungs nas/ thugs dang gar 'thad ces glengs pas/ rgyal pos gsungs pa/ ri gsum gyi rtse/ lung gsung gyi rtse/ lung gsum gyi mdo gle'u can dang/ de gsum du rtsigs shig zer te/ ri gsum gyi rtser brtsigs pas bdud kyi byar sar babs/ lung gsum gyi mdo ni bgegs kyi rgyun rang sar babs/ gle'u gsum ni srin po'i skur sa bcar te/ rgyal po nyid kyang snyung gis zin/ mi nad phyugs nad yang 'phel te/ rab tu sdug bsngal/ nyon mongs/ duHkha par gyur pa la/ der rgyal po 'gyod pa skyes nas/ rgyal po nyid kyi la na re/ nga yi pho brang gdab nyes sam/ 'chi bdag bdud kyis cher zin te/ 'jig rten khams yang nyon mongs nyen/ sras 'brangs mang po 'dir 'dus dang/ zhes gsungs nas/ mchi ma yang zags pa las/ der sras 'bangs kyis zhus pa/ bka' stsal dang zhes zhus pa dang/ rgyal pos bka' stsal pa/ dam chos yang dag bden pa la/ chos sku'i gzugs brnyan gsogs med na/ sprul pa'i mchod rten don byed na/ nga la thugs rjes gzigs su gsol/ zhes zhus pa dang// srod la zhal ches bor ba'i tho rangs mnal ma'i rmi lam na/ gsung rab kyi nang nas khyad du shel gyi glegs shing la mthing shog gser gyi yi ge bris pa/ bai DU r+ya'i zhun mas rang chas su gsal ba cig sngas su babs shing rmi ba dang/ snyun yang dwangs pa snyam byed pa las las/ mnal sad nas bltas pas de bzhin du 'dug nas phyag tu bzhengs nas ltas pas/ mchod rten chos kyi sku'i gzugs brnyan/ ting nge 'dzin gyi gzugs baAHna du bzhengs su gsol ba'i rgyud/ sku mngon par bstan pa' rgyud 'di bzhugs par gyur to// de nas rgyal pos bka' stsal pa/ sras dang 'bangs rnams bsogs nas/ nga mya ngan las 'das pa'i don rtogs par gyur to// nga'i rgyal srid kyang khyed cag zung zhig nga'i thugs yang dag pa'i mchod rten sku gdung mchod rten brgya tham pa yang phyogs bcur bzhengs su gsol cig ces gsungs pa dang/ sras 'bangs kyang dga' bas rab tu dad par gyur nas rjes su yi rang ngo// zhes byas pa'o/ de nas sprul pa'i mchod rten de nyid ni/ sprul pa'i shAkya thub par gyur te bka' stsal pa/ sprul pa'i mchod rten bdag nyid kyis/ rgyal po'i gros 'khrul sdug bsngal bsal/ ri gsum rtser brtsigs bdud kyi bya ra zhi// lung gsum mdor brtsigs bgegs kyi rgyu srang gcod/ / sde'u can gsum srin po'i lkugs sa gshig grong khyer phyogs bzhir sku gdung bzhengs gsol pas// grong khyer bkra shis nad rnams kyis mi tshugs// rgyal sras tha chung grongs pa yang/ / spur sbyongs thal rus tsha tshwa btab pa yis// mchod rten brgya dang rtsa brgyad bzhengs pa yin// da lta sum cu rtsa gsum lha rnams ston pa mdzad// de yang sprul pa'i mchod rten byin rlabs yin/ / don de rigs pa'i sngags 'chang gis// sku gdung mchod rten bzhengs zhal gso// gzugs brnyan mchod rten shes rab sku// bdud kyi sde dang gshin rje'i 'khor// srin po'i 'khor dang lha ma yin/ / gnod sbyin ma rungs gnod byed dang// gzi byin stobs chen mi zad pa// gnod byed mang po'i lam srang gcod// gzugs brnyan mchod rten dag gis byed// ces 'byung ngo// rang 'byung gi mchod rten bsam yas dang/ / rang bzhin gyi mchod rten bsam yas dang// byang chub sems pa'i mchod rten bsam yas dang// sprul pa'i mchod rten bsam yas pa de snyed ji snyed cig/ de las 'byung bar 'gyur bar kun gyis dus gcig tu mkhyen par gyur to/ / chos kyi gzugs brnyan sku mngon par bstan pa'i rgyud las/ byung khungs kyi gleng gzhi dang/ gleng gzhi'i rgyu bstan pa'i le'u ste bdun pa'o//// de nas rigs lnga'i sangs rgyasa'adus nas/ sangs rgyas thams cad kyi bdag nyid ston pa rnam par snang mdzad la zhus pa/ bcom ldan 'das rnam par snang mdzad bstan du gsol/ zhes bya ba de thos ma thag tu ma 'ongs pa rnams la phan gdags pa'i phyir dkyil 'khor 'byung ba'i ting nge 'dzin la snyoms par zhugs nas 'di gsungs so/ / chos nyid sku yi gzugs brnyan ni// sems can rnams kyis bsgrub pa'i phyir// mchod rten dkyil 'khor bsgrubs las 'brel/ / thabs kyi bre brag bstan pa la// sa gsang mthon dman med pa la// sgang dang rgyang gzhungs legs pa dang// dgongs pa'i bye brag yin na gang// de ru sa la mtshams gcod bya/ / nyungs kar dang ni drag rdzas te// de la khro rgyal sngags kyis bzla// las mkhan gtso bor bskyed byas nas// drag tu sngags bzla mtshams gcod bya// g.yog po'i thig skud sna nas drang// las kyi lha ru bsam pas bskyed/ / oM badzra su tra hUM phaT// ces brjod pas// thig skud rdo rjer bsams la// mchod rten gyi sa khyon ji tsam ran par des gdab pa'o// de nas gnyis ka langs byas nas// dbang ldan phyogs su rdo rje 'gros/ / rnam 'joms bzlos shing lan gsum bskor// de nas dbus dang grwa rnams su// bgegs rnams med cing bstan pa'i phyir// grwa bzhi dbus dang lnga rnams su// de ru sngags pa'i phur pa gdab/ / oM badzra kI li kI la ya sarba Sh+tan hUM phaT// de lan bdun dngos grub tu bzlas so// de nas las rnams nges bya'i phyir// nyungs kar khro rgyal sgom byas la// sngags kyis drag tu bskul bar bya// oM a mri ta kun+Da li ha na ha na hUM phaT/ / ces brjod la de'i tho phyi kun tu gtor// de nas dngos grub thob bya'i phyir// sa yi cho ga rgyal par bya// mchod rten lnga dang gtor ma rnams// sa bdag lha klu kun la 'bul// 'tshe ba med na dngos grub myur/ / de nas sa brko legs par sbyang// oM badzra kha na kha na hUM phaT// ces brjod pas sa gzhi de nyid rin po cher gyur par bya'o// de nas mchod rten mngon bzhengs nas// tshad rnams gzhung bzhin legs par brtsigs/ / de yang dkyil 'khor nyid du bshad// rang bzhin lhun grub mchod rten de// ting nge 'dzin gyis drangs bzhugs na// rtag chad gnyis kyi dbang du 'gyur// bris nas zhal gso dngos pa gsum du gzhal/ / snam bu ngos su cha gcig gzhag/ de las tshad rjes gcig tu bya// ngos gsum po yang de bzhin bya// tshad bzhi rjes bzhi ngos bzhi dang// zur la zhugs kyi tshad re'o// bya tshad rjes kyang de la bya/ / gru bzhi lham par byas pa dang// da ci'i zur gcig dbyi bar bya// phyi ma thig bcu rim par gdab// gnyis ka btab pas re mig rgya// mchod rten khol ma rgya zhig dgod// ngos kyi 'bur du gnyis gnyis brgyad/ bod skad du// dpal gsang ba'i snying po'i phyi ta// bcom ldan 'das rdo rje sems dpa' la phyag 'tshal lo// sku gsung thugs rdo rje yum gyi b+ha ga la// rang bzhin lhun gyis grub pa'i 'khor thugs la gnas pa rnams dang/ / btsun mo rnams kyi b+ha ga nyid la zhugs pa gyur to// de nas de nyid sngags kyi bdag por mdzad nas// rang bzhin gyi chos 'di dag bka' stsal ba/ sgyu'akhrul la ni mnyam gzhag dus// snying khar spyi khyab a bsam la// de nyid zla ba'i 'khor lo yin// hU~M dbus rang bzhin bod gnas sa// 'dod chags zhe sdang gti mug gsum/ / zla ba theg le'i ha yig go/ sma rdo rje 'khor lo yi// hU~M gsum gsang ba rnams su'o// gnyis nod byang chub kun khyab pa// lasu nyid stong par rnam brtags la/ / rgyu yi sa bon m-i dmigs par// byin rlabs 'dus pa sh+ya n+ya ta// mtshon pas chos kyi dbyings su grags// mthar phyin grub nas phyag rgya rdzogs// lus ngag yid gsum hU~M gi rgya/ / de nyid rdo rje sems dpa' yin dpal gsang ba snying po'i ma ta las// sku gcig las thams cad du sgrub pa'i thabs skabs dang po'o// de nas bro gar gyi ting nge 'dzin la snyaums par zhugs nas/ / sku gsung thugs kyi bdag nyid la bka' stsal pa// dpal chen glu dang gar byas pas// thams cad kun gyi bdag por 'grub// ko ri la sogs bro gar gyis/ / 'du dang 'phel ba rab tu ster// pu ka la sogs bro dang gar// rang lhan gzhan rnams rmags pa 'grub// si d+ha la sogs bro dang gar// za zhing rdul cha med pas 'grub/ / kri rta la sogs bro gar gyis// 'byin zhing nyams pa rab tu 'grub// rta gdong la sogs bro gar gyis/ 'gugs dang 'chings dang sdom pa dang// nges pa byed pa'i sgra 'byin 'grub/ slas dang byi mo'i tshogs/ / rbad cing las rnams mthar phyin 'grub// thugs kyi dkyil 'khor 'bras bu'i rgya// mngon par byang chub rnam lngas bskyed// shes 'jug yul sar mthar phyin pa// 'bras bu mngon du 'gyur pa'o/ / rgyu dang yi ge rnams dang ni// dam tshig ye shes gnyis med pa 'bras bu yul gyi sad dkyil du/ gzhal yas bsnyen pa rnam bzhi bsten/ 'khor lo rtsibs bzhi ser po la// gru chad sgo khyud gru bzhi pa// bar khyams gnyis ldan thod pa sprul/ / nyi ma 'phreng bas rab tu brjid// khyu mchog ma he gzig dang stag// dom pa la sogs gdan rnams la// lha chen la sogs nri bsnol steng// smug nag sngon nag ser nag dang/ / dmar nag ljag nag 'jigs pa'i sku// dbu gsum phyag drug zhabs bzhir bgrad// ko blon rngan pa'i sgra chen dang// thod sbrul dung dang dgra stag shol// rdo rje ral gri pad ma 'bar// 'jigs pa'i btsun mo rnams kyang 'khril/ / ha ho dza hU~M baM ho dang// b+h+yo ni bcu gnyis brgyad dang ldan// dkyil 'khor yab yum kha nas bslab// byang chub sems kyi 'byung khung yin// dpal gsang ba snying po'i ma ta las/ / dkyil 'khor gdon pa'i le'u ste gnyis pa'o// de nas yang ma lus sgrol ba zhes bya ba'i ting nge 'dzin la snyoms par zhugs nas bka' stsa la pa// sems can ma lus kun sgrol ma/ / sems ni skye ba med pa yis// yum rnams kun dang sbyor byed pa// ye nas skye med sems kyis sbyar// ma skyed pa yi dbyings nyid las// sems can kun gyi don rnams gnas// rten pa tsam du gnas pa ste/ / sems can bya ba ming yang med// rdul tsam yang ni bsgral ba med// oMlas bud+d+ha he ru ka// stong nyid ye shes las byung ste// rna ru kun rtog ye shes so/ pad ma rigs su shes par bya/// zla tshes mnyam nyid ye shes ni/ / rin chen rigs su shes par bya// klad gor nan tan ye shes te// las kyi rigs su mkhas pas bya// 'o na stong nyid me long ye shes te// rdo rje rigs su rnam par grags// oM ni bud+ha he ru ka yi sku/ / thams cad lha yi dkyil 'khor ro// oM las sogs pa rlung zhon nas// phyogs bcur 'phros pa rab zin pa// yab yum kha nas bzlas pa bya// de ltar rang don grub nas ni// gzhan don phyag rgya chen po bsam/ / lus ngag yid gsum rang bzhin hUM// de las 'od 'phros slar 'dus pa// rdo rje sems dpa' kho na'i sku// sems kyi rang bzhin thig le ni// 'od kyi dkyil 'khor lta bu'o// ye shes sems dpa' de bzhin gshegs/ / brtan par bya phyir tse gcig pa// phyi dang nang dang gsang pa gsum// phyag rgya bcing zhing snying khar bsam// dri sh+ya ho su ra ta s+t+waM// mo ha ra ti dzA// dges pa'i lha mo de las byung// snying khar chos kyi 'khor lo la/ / bde bar gshegs dang dges pa mdzad// dkar dmar lus las khyab pa'i don// ye shes phebs nas byin gyi brlob// dges pa'i lha mo bde gshegs la// zhabs bskyed d+har 'dus ho zla tshes/ / de nyid chos kyi dbyings su dges// de bzhin gshegs pa thams cad kyi rang bzhin dpal gsang ba snying po'i ma ta las// thig le 'byung ba'i le'u ste gsum pa'o// de nas yang bcom ldan 'das kyis 'di dag bka' stsal pa/ / ye shes 'byung ba'i rlung rnams ni// rdzogs pa'i tshil du yang dag rdzaugs// dges pa'i pa hU~M lte bar gnas// lcags kyu ma ni phyogs bcur 'phros// rang bzhin gnas nas bkug pa yi/ / rnam bzhi'i 'khor lo las byung ba// rdo rje nas byung par dkyil du// dkar dmar gcig tu 'dres pa de// rdo rje yar drangs gcig tu zhu// gong bu 'od kyi rang bzhin de// yab yum thad kar 'ja' tshon a/ / gsal ba'i ye shes nyid kyi dbyings// 'khor ba'i rgyun ni rab tu gcod// de las phyin nang rlung gnyis ni// phyir 'gro ba dang nang du 'gro// kun bzang lugs las phyir mi gdon// thig le sran ma 'bring tsam ni/ // ljags kyi dbus na gnas pa ste// de tshe a ru gsal// thim pas mtha' gnyis dbus mi gnas/ de bzhin gshegs pa thams cad kyi rang bzhin dpal gsang ba snying po las// rlung gi man ngag gi le'u ste bzhi pa'o/ de nas bcom ldan 'das rdzogs pa dam pa zhes bya ba'i ting nges 'dzin la snyoms par zhugs nas// 'khor rnams la bka' stsal pa/ rdzogs pa dad pa rnam sa la ni mtshan ma med pa'i ting 'dzin dang rten byin gyis brlabs pa dang/ / bzlas dang mchod pa don gsal ba/ khyab pa'i sangs rgyas thabs shes rab// dmigs pa'i dngos po ci zhig bsgom// pad can 'od 'dres kun tu 'od// chos sku bde chen zhes bya'o// skal med rnams la shin tu gsang// lha'am stong pa'i thig le la// blo phab tshogs chen ye shes nyid// dang ba pad ma can du 'dres// chos kyi sku ni bde ba'i rlung// kun tu 'od las rab 'das pa/ / de bzhin nyid dbyings rdo rje'i sku// gsal ba pad ma byang chub sku// byin rlabs 'byung ba longs spyod sku// rim pa sprul pa'i sku ru grags// bzlas dang mchod pa 'du ba rnams// phyag rgya'i sku ni bsgoms nas kyang/ / yum gnyis gsal bas spro bsdu bya// phaT kyis sgo phye b+h+ruM du gsal// a ni mkha' gsang byang chub sems// so so'i tsa ba rab brjod pas// byang chub sems kyi sprin las ni// yig 'bru gzhal yas khang dang bcas/ / skal ldan mi yi tshogs rnams la// du pu aka rab tu bsam// zhal zas steng du khrag 'thung tshogs/// ma lus snying po bsam nas ni// yab yum zhal zas yig 'bru la// thim pas 'od kyi zhal zas bsregs/ / rnam par dag pa'i dbyings nyid la// rang rig ye shes 'od 'bar bas/ khro bo'i dkyil 'khor bsam mi khyab// thabs la mkhas pa'i rnal 'byor pas// thams cad khro bar rab bsam nas/ / khro bo'i dkyil 'khor ma lus la// ye shes rol pa'i mchod pa 'bul// gnyis su med pas thams cad dges// A be sha dang khA khA ci 'dra ba ni dbul bar bya// me lha la ni rdzas bdun bdun/ / tshom bus byas te bstod pa'o// hU~M las yi ge 'bru gsum po// 'od zer breng ma chad pa yis// ro yi dngos po bsregs nas ni// shes pa dngos med stong pa las/ yig 'bru zhu nas gser zun tshul// rdo rje yab yum sbyor mtshams nas/ / lcags kyu'i tshogs kyis thams cad bkug/ ra ga ya mi brda bsnol mar// ye shes yang dag sbyor ba'i mchog// phaT kyi mchod pas dgyes 'gyur ro// de nyid byang chub sems su bya/ / 'od zer phung po sregs nas ni/ ma dmigs pa ru bsam pa'o// de bzhin gshegs pa thams cad kyi rang bzhin dpal gsang ba snying po'i ma ta las// phung po sbyong ba'i le'u ste lnga pa'o//// dpal gsang ba'i snying po'i rgyud phyi ma rdzogs so/ /// rgya gar gyi mkhan po dza na rba dang// lo tsA ba be ro tsa nas bsgyur ba'o//// gsod pa rgyal bar 'gyur grags// des na nam mkha' chen po'i sku/ / sdig med yon tan kun ldan pa'i// de bzhin rgyud mchog rgyal po yi// bdag nyid chen po rgyud rgyal 'di// sems dang mchod par byed pa dang 'dri zhing gang zhig 'drir 'jug la// de bzhin gshegs pa'i bdag nyid bzhin 'dzin pas/ de dag la'ang rtag tu phyag 'tshal lo// gang 'di 'chang ba 'ang bdag nyid chen por 'dzin pas// de la'ang rtag tu phyag 'tshal lo// mos shing gus dang shin tu 'dzin pa dang// dad dang mi gtong khyad par phyogs pa la'ang/ / kun tu bzang po nyid du 'dzin pas de dag la'ang phyag 'tshal lo// cis kyang mi gos rgyal ba nyid las gzhan du ma mthong yang// sangs rgyas par 'dzin de dag la'ang rta tu bzhin phyag 'tshal lo/ / dpe 'am tshad mas dpag tu med pa'i gsang chen 'dir/ dang por sems bskyed tha mar de bzhin gnas pa de// kun tu bzang po nyid du bdag nyid du lta ba'i phyir// rdo rje can rtag tu de dag la'ang phyag 'tshal lo/ / de nas mgon mo sgron med kyis// gsang ba chud ma zos bya'i phyir// rdo rjai sems dpa' rdo rje'i sku// lag na rdo rje thogs pa po// gsang ba'i 'dzin par rab bsngags phyir/ / gsang ba'i mchog rgyud 'di nyid ni// yang nas yang du gtad par bya'o// de bzhin da ltar gtod 'dzin pa// de bzhin du ni gtad byas so// rgyas pa chen po rgyud phyi ta don 'dzin pa rdzaugs so// rgya gar gyi pan+Ti ta bi ma la mi tra dang// bod kyi lo tsa ba rma rin chen mchog dang gnyags dz+nyA na ku ma ras bsgyur cing gtan la phab pa'o// rgya gar skad du// ma ya dzal shI dz+nya nag r+b+ha Tan+Ta nA ma// bod skad du/ / dpal sgyu 'phrul dra ba ye shes kyi snying po'i rgyud ces bya ba// dpal kun tu bzang po la phyag 'tshal lo// 'di skad bshad pa'i dus na/ de bzhin gshegs pa yang dag par rdzogs pa'i sangs rgyas bcom ldan 'das gsang ba'i longs spyod chen po kun la khyab pa'i bdag nyid/ / phyogs bcu dus bzhi'i de bzhin gshegs pa thams cad kyi sku dang// gsung dang// thugs rdo rje'i bdag nyid can ma lus// mi lus/ / lus pa thams cad dang// so so ma yin tha mi dad dbyer med pa'i rang bzhin thig le chen po ye shes snying po'i bdag nyid de// gsang ba'i 'og min chen po mtha' dang dbus med pa'i rang bzhin// tshad dpag med pa gsang ba'i ye shes 'khor lo gsal ba la/ / gsang ba'i ye shes rin po che 'od 'bar ba'i gzhal yas khang// rgya nam mkha'i dbyings ltar yongs su ma chad pa// ye shes yon tan kun tu rgyas pa'i dbyibs dang ldan pa/ / gsang ba'i lhag pa'i blo 'bur gyis mdzos pa// tse mo gcig tu 'dus par byer med pa'i ro dang ldan pas thig le zlum pa// ye shes bsam gyi mi khyab pa/ / ye shes rin po che'i dbyibs dang kha dog la sogs pa// rnam pa tha dad pa'i bye brag dang khyad par du gyur pa// dpags pa// tshad dpag tu med pa// ye shes rin po che'i 'phreng ba dang// chun 'phyang dang/ / shar bu'i rgyan dang// gzugs sna tshogs dang// sgra sna tshogs dang dri sna tshogs dang// ro sna tshogs// reg bya sna tshogs pas 'khrig par rang byung la// mi sgrib par rang rig gsal ba'i rgyan bsam gyis mi khyab pa klubs pa/ / gsang ba'i rnam par thar pa bzhi'i sgo khyud can// rnam par thar pa brgyad kyi rta babs dang ldan pa// phyi dang nang med par kun tu yang nang du gyur pa na// mi 'jigs pa seng ge'i khri dang/ / stobs glang po'i khri dang// rdzu 'phrul rta'i khri dang// dbang rma bya'i khri dang// thog pa med pa'i nam mkha' lding gi khri dang// rang bzhin gyis 'od gsal ba'i nyi zla'i dkyil 'khor dang// gos pa med pa pad ma rin po che'i gdan la/ / sku mdun dang rgyab med pa thams cad du zhal thal le bar gsal zhing mtshan dang dpe byang du ldan pa// bsam gyi mi khyab thams cad du/ sku gsung thugs thams cad du// sku gsung thugs kun tu snang ba/ / thabs dang shes rab kyi zhabs gnyis mnyam pa'i brtul zhugs kyi skyil mo krung du bzhugs pa// ye shes drug gi phyag ye shes 'bar ba'i phyag rgya can// sku gsung thugs bsam gyis mi khyab pa'i dbu gsum dang ldan pa/ / bcom ldan 'das de bzhin gshegs pa rnam par shes pa'i rgyal po dang// de bzhin gshegs pa gzugs kyi rgyal po dang// de bzhin gshegs pa tshor ba'i rgyal po dang/ / de bzhin gshegs pa 'du shes kyi rgyal po dang// de bzhin gshegs pa 'du byed kyi rgyal po dang// de dag kun kyang mthing kha dang// dkar po dang// ser po dang// le brgan dang// ljang khu'i mdog tu 'tsher ba/ / btsun mo dam pa snang ba'i dbyings dang// sra pa'i dbyings dang// mnyen pa'i dbyings dang// dro ba'i dbyings dang// bskyod pa'i dbyings la sogs pa// btsun mo'i dbyings dang gnyis su med par chos kyi dbyings kun tu mtha' yas par khyab pa ni/ / 'di lta ste// dper na til gyi gang bu bzhin gang nas khyab par bzhugs so// de nas byang chub chen po rdo rje mthong ba dang// byang chub chen po rdo rje thos pa dang/ byang chub chen po rdo rje snom pa dang// byang chub chen po rdo rje myong ba dang// btsun mo mthong bar bya ba dang// gnya na par bya ba dang// bsnam par bya ba dang// myong bar bya bar bya ba'i chogs dang/ byang chub chen po rdo rje mthong byed dang/ / byang chub chen po rdo rje thos byed dang// byang chub chen po rdo rje snom byed dang// byang chub chen po rdo rje myong byed dang// btsun mo 'das pa dang// da ltar dang// 'byung ba dang/ / ma byon pa'i tshogs dang// 'joms pa chen po reg pa dang// 'joms pa chen po reg byed dang// 'joms pa chen po reg bya dang// 'dzom pa chen po reg shes dang/ btsun mo rtog pa ma yin pa dang// chad par ma yin pa dang/ / bdag tu ma yin pa dang// mtshan mar ma yin pa la sogs pa dang// de lta bu'i tshogs brjod kyi mi lang pa dang// gnyis su med par bzhugs so// sgyu 'phrul dra ba ye shes snying po'i rgyud las/ / gleng gzhi'i le'u ste dang po'o// de nas bcom ldan 'das dpal kun tu bzang pos ched du brjod pa 'di brjod do// lnga phung yan lag bde bzhi'i zhing// gsar ba'i rtog tshogs bzhi bcu lnga// dgyes pa gar la bzhugs pa yis/ / ye shes nyid las gzhan ma yin// zhes gleng ngo// de nas kun tu bzang mos ched du brjod pa de brjod do// b+ha ga bde ba'i pho brang ni// rgyal ba kun gyi gzhal yas khang// kun kyang thig le nyid du gsal/ / zab mo lhums su zhugs par brjod// ces gsungs so// de nas gnyis su med pa'i bde ba chen po las ched du brjod pa 'di brjod do// thabs dang shes rab gnyis med pa'i/ / bde ba chen po'i gsang ba yis// bde mchog dbyings su dbang bskur ro// zhes ched du gleng ngo// de nas yang bcom ldan dpal le shes rgyal po nyid// ye shes lnga'i ngo bo nyid sku dang/ gsung dang/ / thugs las phyung ngo// e ma ho ngo mtshar rmad kyi chos// rdzogs pa'i sangs rgyas kun gyis gsang// skye ba med pa thams cad skyes// skyes pa nyid na skye ba med// e ma ho ngo mtshar rmad kyi chos// rdzogs pa'i sangs rgyas kun gyis gsang/ / 'gag pa med la thams cad 'gag/ 'gag pa nyid na 'gag pa med/ e ma ho ngau mtshar rmad kyi chos// rdzogs pa'i sangs rgyas kun gyis gsang// gnas pa nod la thams cad gnas/ / gnas pa nyid na gnas pa nod// e ma ho ngo mtshar rmad kyi chos// rdzogs pa'i sangs rgyas kun kyi gsang/ dmigs pa med la thams cad dmigs// dmigs pa nyid na dmigs pa med// e ma ho ngo mtshar rmad kyi chos/ / rdzogs pa'i sangs rgyas kun gyi gsang// 'gro 'ong med la 'gro dang 'ong// 'gro 'ong nyid na 'gro 'ong med// thabs dang shes rab 'brel ba yis// sems lnga sbyor ba'i rang bzhin nyid/ / bde chen gnis med ngo bor gsal// gsang ba'i thig le dga' ba'i 'od// rang bzhin 'brel bas kun la khyab// ye shes lnga yi rang bzhin can// sku gsung thugs kyi lhums nas byung// bde ba chen po'i gnas su 'khyil/ / dbab dang gzung dang brtags pa yi// bde ba chen po mtshams sbyar te// gnyis med rig pa'i rang bzhin gsal// sku gsum thig le rdzogs pa'i ngang// sgyu 'phrul lhun grub gsang ba'i mkha'/ / ye shes rang byung mnyam pa nyid// thabs dang shes rab dbyings kyi 'od// ye shes rdzogs pa'i dben pa phog// 'jug ldog bstan pa'i gar thabs kyis// sla yang bde chen dbyings la gsal/ // thig le rim gsum bskyed pa'i tshul// rdzogs chen ngang la rim pa med// gnas bzhi gcig tu 'khyil ba las// ye shes lnga ru gsal bar 'char// gsang ba'i rtog pa ma lus pa// rang rig ye shes mchog tu bskyed/ / zab mo'i dbang la kun rdzogs pa// gdams pa lung gi gsal par shes// bzhi bcu tsa lnga'i rang bzhin nyid// phyi nang gsang ba tshul du bzhugs// sems lnga'i rim pas mtshams sbyar zhing/ / bsnyen sgrub bzhi la gnas bcas pas// sa bcu lam lnga'i bag chags sbyang// bde chen rig pa'i kha lo sgyur// nyams myong thig le'i rig sbyong// rim med pa gsum gcig car gnan// mi skyod sgyu 'phrul zab mo'i dbyings/ / rgyal ba rgya mtsho 'byung gnas yum// kun 'byung thig le zab mo'i dbyings// kun 'dus 'phro 'du'i mtshan nyid can// sgo gsum 'byed pa'i sbyor ba yi// ye shes zab mo 'byung bar 'gyur/ / g.yas g.yon 'khor lo rang bzhin ltar// gyen du sgyil zhing thur du 'phro// bsdu bas sa bcu drug tu gsal// 'byung 'jug sum cu tsa gnyis las// thig le gcig las rdzogs par ltar// bcu drug phrag gnyis sbyor ba yi/ / bsnol lam rkyang pa gang rung ba// gar thabs bde bo'i tshul gyis sbyar// me long gzugs brnyan ji bzhin du// ma brjod rang bzhin gsal bar 'byung// sprin med gsal ba'i nam mkha' ltar/ / rang byung ye shes 'byung bar 'gyur// til 'bru tshad ldan bde ba'i rten// 'byung 'jug rim pa kun gyi gnas// bcom ldan 'das shes bshad pa ste// bden gnyis bral ba'i ye shes so// bskyed rdzogs bzhi sogs sbyor ba yis/ / mngon sum ye shes rang gnas la// shes rab 'brel bas mnyam sbyar nas// rang 'byung thig le grub par 'gyur// zhed ched du gleng ngo// sgru 'phrul ye shes snying po'i rgyud las/ / sems lnga bstan pa'i le'u ste gnyis pa'o//// de nas bcom ldan 'das de bzhin gshegs pa gyes pa chen po'i thugs rje chen po snang ba'i ting 'dzin la gnas nas// ched du brjod pa 'di brjod do/ / ji snyed phyogs bcu'i 'jig rten na/ log rtog mi bzad rdul phran snyed// rtog 'dul sprul pa bsam mi khyab// de bzhin nyid kyi dbyings la thim// 'dod chags zhe sdang gti mug dang// nga rgyal phrag dog ser sna yis/ / 'khor ba'i 'khor lo rnam par sgyur// ye shes drug gi ngo bor gnas// snying po drug nyid 'od 'bar nas// ye shes drug gi mtshul dang 'thun// 'khor bar pung bcom brlag pa'i phyir/ / thub pa chen po'-i chos kyi sku// rang rig chos 'byings gnyis med par// thabs dang shes rab don la rdzogs// sangs rgyas snying po kha sbyor las// rang 'byung ye shes gsal bar 'char// kun rdzob sgyu ma'i khyad par las/ / ye shes zag med mngon par 'phrul// thos bsam sgom pa'i thabs nyid las/ ye shes gsum nyid gsal bar 'byung// ting 'dzin gsum po dus gcig gsal// bskyed rdzogs bzhi la mnyam sbyar nas/ / 'bras bu bzhi bcu rtsa lnga nyid// grangs las 'das pa'i phya rgya ste// bsdus pa'i nyi shu tsa lngar thim// thabs dang shes rab 'gyis pa'i 'od// bdeb chen po'i 'ben la phog// dus gsum rgyal bas byin rlabs te/ / byang chub sems kyang ngo bor gnas// sku gsung thugs su mngon phyung nas// sems kyi 'khor lor thim par bya// sems kyi ka ba kun bkang nas// gsang ba'i 'dom gnas son pa las/ / sa ya bcu gsum bde bas rgyan// sa sgra theg chen zab mo yis// a yi khyad par rtog par gnas// de nas ho dang gnyis su med// gsang ba rdzogs pa'i ye shes lnga// 'khor lo kha sbyor snying po can// bde chen 'phen pas mtshams sbyar nas/ / dngas ma ye shes snyingapor 'brel// 'khor ba'i snyigs ma rang dag nas// ye shes gsal ba'i rtags byung ste// 'dar dang rdul dang ba spu ldang// bkrag dang g.yo dang yang ba dang/ / bying ba'i skyon med dga' bas khyab// de nas las rung goms pa yin// g.yo zhing 'phar bar 'gyur na glod// bde bas snod bcud kun byang nas// tsa phug nam mkha' ltar snang nas// ye shes khyab brdal kun tu bzang/ / 'phen dang sdud pa gnyis med pa// thabs dang shes rab yin par bshad// sangs rgyas kun 'byung 'khor lo can// ye shes snying po za ma tog// kun 'dus snying po'i gnyis su med// rgyu ba gsum gyi dngas ma nyid/ / 'go min rigs pa mu mtha' yas// tsi T+Ta'i dkyil 'khor rin po che// ye shes lnga rdzogs rgyan dang ldan// rdzogs pa hU~M nyid sngon nas pa// thabs las thabs byung thabs bsam yas/ / thabs chen ye shes rdzogs pa'i sku// ye shes nam mkha'i gzugs brnyan nyid// phyi nang snod bcud mtha' yas pa// tsi T+TI'i snying po rdzogs par gnas// ye shes me long 'od gsal ba// dran pa'i snying por bskul gyur nas/ / rnam thar brgyad kyi lam bgrod de// rdo rje 'dzin pa'i sa la sbyar// bde ba'i dbang phyug 'du dbral med// sbyod la ma chags pad ma can// rang rig bde ba chen po'i gzugs// ma lus ye shes khyab par gsal/ / ma lus mkha' gang thig ler gnas// thig ler rang bzhin med pa thim// lam du zhugs dang ro tshar dang// thun mong bcad dang byed pa sdom// rtog pa kun bcas bde mchog la/ / thams cad khyab nas ye shes goms// mtha' bral ye shes mya ngan 'das// ma brjod thabs kyi sbyor ba yis// bde chen rang byung gsal bar 'char// phyi nang chos kun ma lus pa// thams cad rang rig bde bar gsal/ / de nyid snod bcud mtha' yas par// rang snang thig le de nyid do// sku dang gsung thugs yon tan las// snod bcud bde ba ye shes nyid// ma rig mun sel ye shes 'bar// thams cad ye shes snying por 'dus/ / bde chen rdzogs pa'i snying po las// sangs rgyas rin chen snying po nyid// nyid la gnyis med tshul gyi 'chad// rdo rje gsang ba'i tshig tu 'o// sgyu 'phrul ye shes snying po'i rgyud las/ / thugs rje ye shes 'byung bar bstan pa'i le'u ste gsum pa'o//// de nas bcom lda 'das de bzhin gshegs pa dgyes pa chen pos// yi ge phreng ba 'khor lo bde ba chen po sprin bkod pa 'di sku gsung thugs rdo rje las mngon du phyang ngo/ / a// ka kha ga g+ha nga// tsa tsha dza dz+ha nya// Ta ThaT Da d+ha Na/ ta tha da d+ha na// pa pha ba b+ha ma// ya wa ra la sha Sha sa ha// a k+Sha a A// i I// u U// e ai// o au// r-i r-I/ / l-i l-I+-i// aM A// a nri su tri pri du// oM A hU~M// ka kha ga g+ha nga// tsa tsha dza dz+ha nya// Ta Tha Da D+ha Na// ta tha da d+ha na// pa pha ba b+ha ma// ya ra la wa Sha sha sa ha// k+Sha/ ka kha ga gag+ha nga// tsa tsha dza dz+ha nya// Ta tha da d+ha na/ ta tha da d+ha na// pa pha ba b+ha ma// ya ra la wa sha Sha sa ha// k+Sha// zhes mngon du phyung ngo// khyab par gyur// gsal bar gyur// 'bar bar gyur te// ye shes chen po'i ngo bor gnas so// e ma ho ngo mtshar rmad kyis chos/ / brjod med gsung gi kun la khyab// sgra dang ming tshig 'dzin pa'i gnas// thams cad kun la rang bzhin gnas// sku dang thugs kyang de bzhin te// bsam gyi mi khyab dus bzhi gnas// byin rlabs rig pa'i yi ge gsung/ / 'jig rten 'das dang 'jig rten pa'i// brjod bya brjod byed kun dang 'brel// gsung gi bdag nyid 'khor lo can// brjod pa kun gyi dngos gzhir gnas// oM haM// bde chen gsang ba'i 'khor lo nyid/ / yongs su rdzogs pa'i snying po nyid// thabs chen ye shes rgyas 'debs pas// de bzhin nam mkha'i khams su gnas// sum cu rtsa gnyis sgra yis brgyan// dbus nas 'khyil ba'i yi ge gnyis/ / rin chen sna tshogs tshul nyid du// thur la 'dzag pa'i tshul gyis gnas// 'di dag kun la gnas pa'i phyir// bde ba cen pos rgyas btab bo// oM hU~M// longs spyod chen po gsang ba nyid// rang rig bde mchog longs spyod rdzogs/ / gnyis med rdzogs pa'i kha sbyor can// 'brel bas thabs dang shes rab nyid// bcud ldan dbyings kyi 'khor lo can// bcu drug rdzogs pa'i ngo bonyid// 'bus na gsung gi ngo bo nyid/ / 'bur du gnas pa'i mtshan nyid do// 'phar dang 'phro ba'i bu gas brgyan// thams cad sbyong bzhin ma chags pas// longs spyod 'khor lo mtha' dbus med// hU~M// d+harma tsak+ka chosakyi gnas/ / 'od bzhi e sogs dbyibs su gnas// chos nyid ye shes yon tan tsa// rang rgyud bzhi la yan lag brgyad// rnam shes ye shes gnyis su med// dngas ma bzhi dang rnyigs ma bzhi// sa bon drug dang snying po gsum/ / thig le'i rang bzhin 'od du 'bar// ye shes rdzogs pa nyid du thim// rgyu ba bzi tshul dang mthun// dngas ma dga' ba'i bde mchog 'od// 'phro dang khyab pa nyid du lta// ye shes snying por kun 'dus nas/ / thig le'i rang bzhin med pa thim// kun kyang lnga yis rgyas btab nas// bde chen po nyid du 'gyur// hU~M// sbrul pa bde ba'i rang bzhin nyid// bcu drug bzhi yi mtshan nyid can// bskyed pa 'byung ba'i yi ge bzhi/ / a li ka li bdag nyid can// kun 'dus snying por gnyis su med// zab mo 'byung ba'i snying po la// thig le rdzogs pa'i tshul du gnas// gdod nas dag pa gsum gyi ngang// ye shes thig le rang bzhin la/ / 'bras bu'i chos rnams rdzogs par ldan// sku gsung thugs kyi rang bzhin nyid// gzhal dang 'phreng ba'i rang bzhin can// sgra sbyor 'khor lo bzhi'i rang bzhin// me long btsegs pa'i tshul du gnas/ / bskyod pa dbang gi dbyibs ldan pa// bstod dang smad dang srog ldan pa// ye shes bskyod pa'i sa bon can// dbye dang zlum pas don 'grub pa'o// e yi dbyibs ldan 'od kyi ni// 'bar dang 'byung 'jug bdag nyid can/ / rgyu ba gnyis kyi bde bar mdzad/ 'phel dang 'grib pa'ang de las byung// thig le bzhi yi sgo nas 'jug// thar pa brgyad kyis khyad par 'phags// stong pa bcu drug tshul dang mthun/ / brtan pa a yi rang bzhin can// gyen dang thur gyi rang bzhin gyis// bde ba'i rang bzhin khyab par spro// rgyu ba gnyis kyi tshul bzhin du// bkug dang bsdam pa nyid dang ldan// rang bzhin grub pa'i mtshan nyid la/ / bde ba chen po khyab par brdal// brjod med thabs kyi rang bzhin las// nam mkha'i ye shes gsal bar 'char zhes ched du gleng ste// rdo rje gsang ba'i tshig tu'o// sgyu 'phrul ye shes snying po'i rgyud las/ / yi ge 'khor lo le'u ste bzhi pa'o//// de nas de bzhin gshegs pa 'gyes pa chen po nyid kyis// de dag bsgrub pa'i tshul 'di sku gsung thugs rdo rje las phyung ngo// chos rnams ca ba bde chen nyid/ / de dag mngon pa bsgrub pa nyid// bdud tsi'i rang bzhin chen po dang// bzhi brgya tsa bzhi'i nad sel zhing// mi mthan sbyong zhing dbang du byed// 'byung lnga ye shes bdag nyid can// 'bab dang 'bar ba'i de bzhin te/ / bskyod dang gyen gyi rang bzhin gyis// 'phen dang sdud pa'i mtshan nyid can// de dag 'bar ba'i rang bzhin gyis// nam mkha'i dkyil 'khor 'ben la phog// spro dang bsdu ba'i sbyor ba yis/ / sa ya bcu gsum bde bas brgyan// kun kyang ye shes rgyas thebs pas// 'dar dang rdul dang ba spu ldang// mdog gsal bde bas khyab gyur nas// rgyu ba rlung la dbang thob cing// ye shes snying po gnas su thim/ / rim par sprod pa'i thig le nyid// bde skyid snying por thim pa dang// thig le zin pa'i 'bad bar bya// thig le 'byongs par gsal 'gyur nas// tsa phug nam mkha' ltar gsal na// ye shes khyab brdal kun tu bzang/ / mkha' ltar khyab pa nyid du mthong// thig le bde ba'i ro myong na// nam mkha'i ye shes cir yang gsal// dus gcig ma chags pad ma can// sangs rgyas kha sbyor snying po las// rang byung yi shes gsal bar snang/ / thugs rje bde chen rang bzhin khyab// 'byed pa'i rlung dang srog gi rlung// stod dang smad du byung ba'i rlung// gnas pa'i rlung yang de bzhin no// gzung bas mi g.yo gsal bar 'gyur/ / de nas goms par gyur pa yi// thabs chen thabs las byung ba yin// rang rig rang snang byang chub sems// snang ba nyid na stong pa ste// chos sku stong pa dbyer med pa// bde cen longs spyod rdzogs pa ste/ / khyab par gsal bar sprul pa'o// bde chen gsang ba'i 'khor lo nyid// zig med rnam shes rgyu ba'i rten// thun mong rtog pa'i dri ma bcad// shes dang sbyor dang nyams len dang// zag med skyes pa rnam bzhi ni/ / bsnyen dang nye bsnyen sgrub dang 'grub// khyad par bzhi ru gsal ba yin// 'di dag goms par gnas 'gyur na// sgyu 'phrul drwa ba gnyis med pa// gsang ba byang chub sems dge ba// rang bzhin med pa der snang ngo/ / sgyu ma thabs kyi rang bzhin las// 'phrul pa shes rab zab mo'i dbyings// drwa ba gnyis med bde chen nyid// rang 'byung blo la 'byung bar 'gyur// ye shes snying po kun gyi gter// dbang bskur byin rlabs thugs kyi mdzod/ / nam mkha' lta bu'i ye shes ni// rgyu bral gsal bar khyab pa yin/ yang dag gnyis med rtog pa yis// legs par blo yis gting du byos// gsal ba'i 'di nyid med pa na// sgyu 'phrul drwa ba rdzogs par 'char/ / kun kyang thabs dang shes rab kyis// ma lus rgyas btab rdzogs pa yin// sgyu 'phrul dngos grub 'di 'grub na// ma lus kun tu 'grub par 'grur// zhes gsang ba'i tshig tu'o/ / sgyu 'phrul ye shes snying po'i rgyud las ting nge 'dzin gyi le'u ste lnga pa'o//// de nas bcom ldan 'das de bzhin gshegs pa dgyes pa chen pos// ye shes phyag rgya chen po 'byung ba'i ting 'dzin la snyoms par zhugs nas/ / 'di skad ces gsungs so// rang byung 'khor lo'i lte ba la// bdechen rang rig byang chub sems// bde ba sgyur ma'i rang bzhin la// thabs chen drwa bas mtshams sbyor nas/ / ye shes sgyu mas mngon par 'phrul// sgyu dang lam dang 'bras bu'i ngang// rkyen bcas rang 'byung 'khor lo drug/ thabs dang shes rab mnyam sbyor zhing// sku gsung thugs kyi lam las byung// bde ba chen po'i 'ben la phog/ / zab mo shes rab pha rol phyin// bde chen gsal bar byed pa'i sems// 'ju dang 'pho ba'i rang bzhin can// khyab pa nam mkha'i rang bzhin nyid/ sa ya bcu gsum khyab par spro// dbab dang 'dzin dang dkyil ba yis/ / ye shes nam mkha'i gzugs su nges// rgyu dang dngas rnyigs 'byed pa dang// srog ces bya bar gnas pa ste// dang po gzung bas bde 'gyur zhing// gnyis pa lus bzung 'dzin pa ste/ / thabs 'tsho ba'i rang bzhin can// las de mtshan nyid rgyu ba'i rlung// mi shig thig le bde chen po// rang byung bskal ba'i me ltar 'bar// rgyu ba rlung gi mngon shes can// 'phen dang sdud dang gnas ba dang/ / thabs kyi khyad par ston pa yin// rang byung 'khor lo thugs kyi gnas// phun sum tshogs pa kun kyang gnas// gsang ba pha rol phyin pa dang// sa bcu rdzogs pa'i rang bzhin can// rgyu ba gsal te bkag te shes/ / thig le rdzogs pa'i rang bzhinagyis// thabs dang shes rab rdzogs par blta// ma lus bde chen khyab pa yis// gnyis med ye shes rang bzhin can/ snyoms 'jug pa ni bsam par bya/ tsiT+Ta'i 'khor lo rin po che/ / thugs kyi 'khor lo rten dang yul// tsa ba yan lag kun gyi bdag// tsa ba sku gsung thugs su 'brel// bde chen gnyis med khyab pa'i 'od// 'phrul mig lha yi spyan gyi blta// thabs dang shes rab snyoms 'jug la/ / bde chen rang byung gsang ba'i lam// ma chags pad ma lta bu'i spyan// gcig dang du mar bral ba yi// mtha' dbus med pa'i sku gsung thugs// thabs bral rnams la rgyas btab pa/ / thabs dang shes rab ldan pas rtogs// phyag rgya chen po'i rang bzhin la// 'jig rten 'das dang 'jig rten pa'i// longs spyod bde sdug kun rdzogs kyang// bstan rtag dga' ba'i rang bzhin te// bde chen phyag rgya bsam mi khyab/ / gdam ngag steng dang 'og gi sgo// dgug dang bkug pa'i thabs chen po// shes rab las kyi phyag rgya la// byed pa sdom pa'i man ngag gi/ rol dang chags pa'i rang bzhin nyid// lha mo bcu gnyis tshang pa las/ / kun rdzob sems kyi rang bzhin 'byung// sdem dang brtul ba'i mtshan nyid dang// gzung ba'i thabs chen las byung bas// don dam ye shes gnyis med 'char// bden gnyis dbyer med dga' ba ni/ / dngos po lhan cig skyed pa gsal// dag pa gsum gyi rang bzhin ni// sku gsung thugs su'ang mtshon pa yin// las bzhi rdzogs pa'i gsang ba'i las// yon tan gdul bya'i stobs la snang/ / rdo rje gsang ba'i tshig tu'o// sgyu 'phrul ye shes snying po'i rgyud las// bde chen phyag rgya bkod pa'i le'u ste drug pa'o//// de nas bcom ldan 'das de bzhin gshegs pa dgyes ba chen pos zab mo byin gyis rlobs pa zhes bya ba'i ting nge 'dzin la gnas nas/ / ched du brjod pa 'di brjod do// sangs rgyas pho brang rin chen snod// til 'bru gsang ba'i gzhal yas khang// sangs rgyas kun 'byung snying po can/ / sna tse thig le zhugs pa'i gnas// phyi nang gsang ba'i mtshan nyid do// 'jug pa'i sgo bzhi phyag rgya ldan// brtag par dka' ba'i phya rgyas btab// pho brang dkyil 'khor bzhi rdzogs par// rin chen dkyil 'khor gser gyi sgo/ / 'byed dang sdom pa'i phyag rgya can// rig pa'i ye shes rdzogs pa'i ldan// 'dod yon gsang ba mdzes par brgyan// nyi zla pad+ma'i rin chen gyis// che ba'i khyad par stobs ldan pa/ / gsang ba'i sku gsung thugs kyi gnas// sa bon yi ge bde ba can// kun tu khyab par bzhugs pa ni// dkyil 'khor gsang ba'i bdag nyid can// ye shes lnga yis rgyas btab pas// zag med ye shes khyad par 'phags/ / me rlung 'phrul gyi lcags kyu yis// bskyod pa rlung gi phyag rgya yis// ye shes sa bon zhu ba yis// dbab pas bde ba thim par 'gyur// thugs kyi dkyil 'khor dam pa de// rab tu phra ba'i snal ma 'am/ / migayo gzung ba'i rlung stobs kyis// gzung dang dkyil dang drangs pa las// bde ba'i rtags rnams 'byung 'gyur te// gar thabs rlu nga la dbang sgyur zhing// byed pa sdom pa'i man ngag gis// bde ba'i sa bon dbang sgyur na/ / rang byung ye shes 'bar ba 'byung// thabs kyi zin dang ma zin pas// mya ngan 'das dang 'khor ba snang// zab mo dbang gsum thob bya zhing// bla ma'i man ngag ldan gyur nas// rgyu ba'i rlung la dbang thob na/ / 'khor ba sangs rgyas nyid du sbyor// ma ni dkyil 'khor gsang ba'i don// ma nu 'khor ba rnyog pa'i yid// tra zhes bya ba skyob pa nyid// zag med ye shes dkyil 'khor gnas// gnyis med thabs dang shes rab ste/ / snyoms 'jug bsgoms pas bstim pa las// ye shes lnga yi rgyas btab ste// sku gsung thugs su gsal bar snang// skyob pa bde mchog mtshan nyid kyis// ma lus dkyil 'khor nyid du sbyor/ / dbang thob rig pa 'dzin pa yis// spyod yul phyi nang ma lus pa// thabs dang shes rab gnyis med pa'ibade chen gsang ba'i rgyas btab bo// khyab dang gang ba'i bdag nyid can// ye shes chen po mu mtha' med/ / rgyu ba rlung gi stobs dang bral// rnam rtog ye shes nyid du 'gyur// zhag ni sum bcu phrag drug gam// lo gcig zla ba bzhi tshun chad// bde ba'i ye shes 'phel bar 'gyur// sangs rgyas sa la the tsom med/ / ces rdo rje gsang ba'i tshig tu'o// sgyu 'phrulaye shes snying po'i rgyud las/ gsang sngags kyi rig pa byin gyi rlobs pa'i le'u ste bdun pa'o// de nas de bzhin gshegs pa dgyes pa chen po nyid kyis/ / phyag rgya chen po rangasnang ba'i ting nge 'dzin la snyoms par zhugs nas// ched du brjod pa 'di brjod do// thams cad rang rig byang chub sems// ye shes snying po gnyis su med// thabs dang shes rab gnyis med pa'i/ / 'jug pa'i thabs mkhas 'byor pa yis// phyag rgya'i tshogs chen gsal bar ldan// 'khor lo 'dus pa'i snying po la// rgyal ba'i ye shes rdzogs par ldan// dbang po yul dus gsang ba'i sems/ / sku gsung thugs kyi rang bzhin la/ yon tan 'phrin las kun tu rdzogs// gdams ngag steng 'og las byung ba'i// thabs chen thabs las byung ba yi// 'phel ba'i rang rigs bsam mi khyab// spro bsdu gnas pa'i 'dzin pa dag/ rjes dran yan lag bzhi dang ldan// zhal dang pad+ma dbang po dag/ gsang ba'i ro dag ldan 'gyur zhing// goms pa'i lto bas las byung ba'i don// sgyu 'phrul dra bar nges par brjod/ / ye shes snying po byang chub sems// ma lus bde chen rang bzhin bshar/ bar chad med pa'i ting 'dzin gyis// ma lus gnyis med 'bral bar bslab// snying po sgrib med dag pa ltar// dbang po yul sems dag pa yi/ / byang chub sems de gzung ba yis// rang byung ye shes gsal bar snang// snang stong dbyer med rjes 'thun pa'i// rdzogs pa'i skye med byang chub sems// ma lus mkha' ltar dag par snang// ye shes lnga rdzogs byang chub sems/ / dngos po lhan cig skyes pa'i sems// bde chen rang rigs gnyis med bas// de bzhin nyid du rnam par snang// bsdams dang bkug dang glod pa yis// ye shes nam mkha' lta bur 'gyur/ / skye 'jig gnas dmigs 'gro 'ong dag/ sems lnga rdzogs par ldan par 'gyur// snying po sems dang ldan pa na// yal ga lo 'dab zhen pa med// bde ba phyi nang gsang ba yis// phyogs bcu kun tu khyab pa dang/ / gar thabs 'byung 'jug rlung gi tshogs// thabs dang ldan par nan tan bya// kun rdzob don dam gnyis med pa'i// byang chub sems su mnyam sbyor nas// don mthong 'jug pas mthar phyin na/ gnyis med rdzogs pa lhun gyis grub// sha lnga bdud rtsildan pa yis// longs spyod 'byung lnga byin brlabs la// bdag nyid rgyan dang longs spyod pas// mnyam pa'i rgyal por the tsom med// bde chen dpa' bo mdzad pa yis/ / bdag nyid ji ltar 'tsham pa bzhin// blang dor med par spyad par bya// brten pa lnga dang mi spang lnga// shes dang grub pa'i rang bzhin dag// 'jigs pa med par dang du blang// rtsa ba'i mtshan nyid smos ci dgos/ / a ho// zhes gsang ba'i tshig tu'o// sgyu 'phrul ye shes snying po'i rgyud las// phyag rgya chen po gsal bar bstan pa'i le'u ste brgyad pa'o// de nas de bzhin gshegs pa gcig dang du ma med pa'i bdag nyid kyis thabs dang shes rab kyi ting 'dzin la mnyam par zhugs nas/ / ched du brjod pa 'di brjod do// bdag nyid byang chub sems shes shing// ma lus ye shes sgyu ma'i tshul// shes shing phyag rgya kun rdzogs pa/ / thabs shes rab dbyer med pas// bde chen sa gzhi dam pa dag// lha klu gnod sbyin mi la sogs/ lhag pa'i skye bo dam pa la// yid 'ong snyed dang tsod gzhi phyir// tshig dang bden pas sgo la blang/ / sbyor pa'i cha las byung ba'ithabs// nges pa'i tshig gi dbang du byas// tshad med tshad las bab ba dag// rig pa 'dres pa'i thig btab nas// rdzas dang tshig dang ting 'dzin gyis/ sbyang ste dri med dag par bya/ / 'byor pa'i yo byad dam pas mchod// phung po khams dang skye mched dag/ yab yum gsal ba'i khyar par gyis// gzhi dang bcas pa lhar gsal nas// gsang dbang pad+ma byin brlabs nas// dbang skur byin rlabs dam tshig dpog/ gsang ba'i dam bsres gdams ngag phog/ ye shes dkyil 'khor byin phab la// phyag rgya bzhi ldan brtul zhugs dag// rtag ldan gsal bar snang ba'i tshe// 'pho 'jug thun mtshams brtag par bya/ / dbang po rtog pa'i khyad par gyis// rlung gi stobs dang ldan pa yis// gzung dang zlog pas dbang bskur te// bde chen thig le khyab 'gyur na// ye shes snying po rang gnas pa// ji bzhin gsal bar snang bar 'gyur/ / snying po'i rnal mas bcing bar bya// bde chen 'phel zhing rig pa nyid// zhi ba skye 'gag med pa thob// bstan na bar chad med pa yis// nges pa'i don la 'jug par bya/ / kun rdzob sgyu ma'i rang bzhin can// don dam ma skyes 'jig pa med// thabs dang shes rab snyoms 'jug pa// stong ba rgyas btab rig par bya// ye shes sgyu 'phrul rang bzhin can// thig le bden gnyis dbyer med pa'i/ / gsang ba'i don la thim par bya// mi g.yo brtan pa'i dbang thob nas// thabs dang shes rab dbyer med pa'o// a ho// gsang ba'i tshig tu'o// sgyu 'phrul ye shes snying po'i rgyud las// thabs dang shes rab rdzogs pa'i dkyil 'khor gyi le'u ste dgu pa'o/ /// de nas de bzhin gshegs pa ye shes rgyal po de// ye shes dbab pa'i ting nge 'dzin la snyoms par zhugs nas/ / ched du brjod pa 'di brjod do// thabs dang shes rab sbyor ba 'od/ bskul ba'i thabs chen kun 'dus pa// sku gsung thugs kyi lam las byung// de nas ma lus khyab pa'i 'od// bde chen snying po bstim pa las/ / lus kun bde rgyas 'gyur nas// 'dar dang rdul dang ba spu ldang// 'phar ba sgra brtag byung na brtag// tsa phug khyab cing stong 'gyur na// brtan pa glong pas the tsom med// bcu gnyis bcu drug bco lnga dang/ / bco brgyad nyi shu lnga yi bar// ye shes dbab pa'i sa bon can// phyin chad dngos grub yal ba yin// dngos grub gnyis med sku gsung thugs// ma lus dri med dag pa la// dngos po log pa'i kun brtags kyis/ / gzung dang 'dzin par zhen pa'i phyir// gang yang de dag mkhyen mi 'gyur// de dag legs par bstan pa'i phyir// sgyu 'phrul drwa ba lhun grub pa// zab mo dbang gsum khyad par gyis// rang byung gtan la 'beb par bya/ / stong pa ma yin mi stong min// de bzhin dbu ma 'ang ma yin te// gzhi tsa med pa'i sems nyid de// mtshan nyid gsum ldan nyams su blang// bsnyen sgrub dgos 'brel bzhir ldan nas/ / dag pa rnam gsum goms pa yis// 'brel ba'i ye shes bsgrub par bya// steng dang 'og las phye ba yin// rang rig gsang ba'i mtshan nyid dang// bskyed dang rdzogs pa'i rang bzhin can// rdzogs dang rdzogs chen rang bzhin brtag/ / sgyu 'phrul drwa ba rtogs 'dod pas// bla ma'i lung dang man ngag dang// dbang dang thabs kyi khyad par dang// rgyu ba'i rlung la mkhas par bya// de dag don la mi mkhas shing// tshad ma bzhi dang mi ldan par/ / rang rig gom pa med pa yis// srid pa'i sa bon mtshams sbyor nas// nyon mongs lnga yi bdag po 'gyur// phyi nang snod bcud ma lus pa// ye shes dkyil 'khor zhing du dag/ snyigs ma ye shes 'od 'bar nas/ / thabs dang shes rab mnyam bar gnas// srid gsum thig le khyab pa'i phyir// chos dbyings sku gsum sku gsung thugs// skad ldan rnams la bstan par bya// a ho// gsang ba'i tshig tu'o/ / sgyu 'phrul ye shes snying po rgyud las// dbab pa dang ye shes bstan pa'i le'u ste bcu pa'o//// de nas de bzhin gshegs pa dgyes pa chen pos// lhun gyis grub pa'i ting 'dzin la snyoms par zhugs nas/ / ched du brjod pa 'di brjod do// thabs dang shes rab gnyis med pa'i// sgyu 'phrul dra ba bstan pa'i yid// zad med bstan pa ye shes las// lhun grub dkyil 'khor gsal bar 'byung// phyi nang gsang ba las phyung ba'i/ / bsnyen sgrub bzhi yi rim pa yis// ye shes sgyu ma'i rang bzhin las// 'phrul ba'i drwa ba cir yang snang// rang byung rig pa'i 'khor lo la// sku gsung thugs kun rdzogs par gnas/ / thabs dang shes rab 'brel ba'i mthus// ma chags thabs chen rdogs par ldan// khyab pa a yi rang bzhin la// ting 'dzin 'phen pas mtshams sbyar te// dga' dang bde ba chen po yis// nam mkha'i ye shes cir yang gsal/ / dwangs ma ye shes lnga yi bdag/ sku gsung thugs kyi rang bzhin can// 'bras bu lhun grub rdzogs par ldan// r+g+gu ba rlung gi 'phar la gnas// snying po lam chen mtshams sbyar te// dwangs ma rnyigs mar phye byas te/ / dwangs ma'i ye shes 'od du 'bar// rgyu ba ye shes tshul dang mthun// gsang ba'i rtog pa gang snang ba ye shes chen po lhun gyi grub// kun 'byung sgyu 'phrul zab mo'i dbyings// ye shes 'byung gnas mu mtha' med/ / rdzogs pa'i thig le rang bzhin dag/ steng dang 'og dang gang byung ba// thabs dang shes rab gnyis med lam// khyab pa a yi rang bzhin te// rin chen 'bar ba'i khong na gnas/ / rin chen 'phrul gyi thabs ldan pas// shel gyi sbra gur grangs sbyor ba// ring po thung ngu gang yin pa// yi ge de nyid mtshams sbyar ba'i// ji ltar snang ba'i chos rnams kun// ye shes lhun gyi grub par nges/ / thabs dang shes rab gnyis med pa'i// brten pa las kyi khyad par las// thig le ye shes rdzogs par gsal// dug 'gyur sman dang mun sel bzhin// rgyu ba gnyis dang bzhir shes pas// ye shes brgyad dang bcu drug dang/ / yang dag ye shes bzhar shes bya// thabs dang shes rab goms pa yis// nyon mongs 'dod lnga kun spyad kyang// dug chen sman du gyur pa ltar// thabs la mkhas pas shes pa yin/ / lhun grub ye shes sbyor mkhas pas// 'khor ba ma spangs zhing du dag/ aho// gsang ba'i tshig tu'o// sgyu 'phrul ye shes snying po'i rgyud las// lhun gyis grub pa'i le'u ste bcu gcig pa'o// de nas de bzhin gshegs pa lhun gyis grub pa des/ / gsang ba'i dkyil 'khor ting nge 'dzin la snyoms par zhugs nas// ched du brjod pa 'di brjod do// rang 'byung rdzogs pa'i dkyil 'khor drug// gnyis med tshul du bzhugs pa ste/ / thabs dang rkyen la rag las pas// de dag gnyis su snang ba yin// sku bzhi 'khor lo rang bzhin can// lus can kun la khyab par gnas// thabs kyis shes rab las sbyor ba// a li 'phreng ba'i bdag nyid can/ / ka li gnas pa'ang de bzhin te// sangs rgyas kha sbyor snying po las// 'dod pa'i 'bras bu yongs kyis 'byung// chod nyid ye shes yon tan tsa// rang rgyud tsa ba'i yan lag brgyad// sa bon drug dang snying po gsum/ / 'od la snod bcud tshul du gnas// ma rtog 'khor ba'i sa bon te// rtogs pas ye shes gnyis su med// sa bon drug dang snyigs ma dag/ byin rlabs ye shes 'od du 'bar/ / snying po dwangs mar byin brlabs nas// thig le rang bzhin med par thim// g.yo zhing 'phar bar gyur nas glod// gsang ba'i thig le kun gyi dngos// yon tan rdzogs pa'i bdag nyid can// thabs dang 'brel ba'i rang bzhin rgyud/ / sems can kun gyi snying la gnas// dwangs ma lnga 'dus kun gyi gtso// mi shig thig le bam dbyibs bdag/ rang byung bde ba gsal byed pa// thabs dang bcas pas bstan par gces/ / lnga 'dus drug bdag brgyad dkyil bzhugs// dri med mkha' ltar rnam par dag/ gsang ba'i dkyil 'khor kun gyi bdag/ thabs bral rnams la rgyas btab kyang// skal ldan thabs chen rnams kyi rtogs/ / bde skyong rin chen 'bar ba'i gnas/ ma lus khyab pa'i snyong po can// spri bsdus thig le kun gyi gnas// drug cu tsa bzhi 'dab ma la// ka li gsang ba'i bdag nyid can// tsa gsum 'dus pa'i yan lag bdag/ rdo rje nu ma'i snying por 'brel// sku gsum rnam par rdzogs pa'i dbyings// nyi ma rkyen dang bral ba ltar// lus can kun gyis gsang bstodanas// mi mthong bde dang bral ba yin// sa bon rlung gi bdag nyid de/ / bshang pa'i lam la rgyas btab bo// gdam ngag 'byed 'dzum sbyor ba yis// bde ba'i rang bzhin rtog par bya// bde chen snying po phrad pa las// bde chen rang byung gsal bar 'gyur// a ho/ / gsang ba'i tshig tu'o// sgyu 'phrul ye shes snying po'i rgyud las// gsang ba'i dkyil 'khor gyi le'u ste bcu gnyis pa'o//// de nas bcom ldan 'das dgyes pa chen pos mthar phyin pa'i ting nge 'dzin la snyoms par zhugs nas/ / ched du brjod pa 'dibarjod do// thabs dang shes rab gnyis med pa'i// gsang ba'i thig le chen po ni// yon tan lhun rdzogs bdag nyid de// sangs rgyas sems can kun dang 'bral/ / thabs dang ldan dang mi ldan gyis// nus pa'i khyad par so sor snang// nyungs kar tshad ldan rdo rje sems// tse nas tse ru phyin pa yis// 'bras bu'i chos rnams rdzogs par ldan// rdzogs pa'i dbang dang shes par bya/ / sa ya bcu gsum ldan pa'i bcud// lus rnams kun la rgyas btab ba// nyungs 'bru lta bu'i gzhal yas su// gzung nas rang byung ldan par bya// byed pa sdom pa'i man ngag gis// gsang ba'i sems kyi kha lo sgyur/ / sangs rgyas kun 'byung snying po nyid// rdzogs pa'i dkyil 'khor lhun gyi grub// gsang ba bde mchog 'og min du// rgyal ba'i dkyil 'khor gsal btab la// phyi nang snod bcud ma lus pa/ / bde ba chen po brtag par bya// gsang ba'i thig le zab mo'i dbyings// che bas rang rig dkyil 'khor gsal// thabs dang 'brel pas thig le che// ma lus gsang ba'i dkyil 'khor ro/ / bde chen yum gyi dkyil 'khor la// 'byung 'jug med par bstan 'gyur nas// ma lus rang rig gzugs su snang// 'bras bu rang rig rdzogs par rol// bcu drug rdzogs pa'i rgyas pa na// 'phel 'grib bral ba'i ye shes de/ / thabs dang shes rab ldan pa yis/ khams lnga ye shes rdzogs par gsal// sems lnga pha rol phyin bcu dang// lam lnga kun rdzogs bar chad med// 'jug dang zlog dang bstan pa'i sems/ / 'jug pa'i rim pa gsal bar bya// gsang ba rdo rje 'dzin pa'i sku// bam gyi thig le khyab pa'i gnas// tsa yi thig le gcig la 'dus// yang dang yang du bstan pa las// ye shes dkyil 'khor sgyu 'phrul che/ / dra ba'i dkyil 'khor mngon rdzogs pa// man ngag mchog la sbyor ba'i tshe// grub par nges te the tsom med/ khams gsum gsang ba'i longs spyodardzogs// rab tu bstan pa'i thig le yis// chos rnams kun la khyab gnas pa/ / thabs bral rnams la rgyas btab pa// thabs dang bcas pas yongs su shes// 'khor ba mya ngan 'das pa'i yid// spang med blang med sangs rgyas zhing// lhun gyi grub pa'i dkyil 'khor la/ / rnal 'byor chen pos btson par bya// dpag med 'og min bde chen du// thams cad dus gsum sangs rgyas pas// yon tan chen por bsngags pa yin// rtog pa nyid las 'bras bu rdzogs/ / rang byung 'khor lo man+Ta la// sa bcu dbang phyug lhun grub nas// de nas gnyis la goms sbyababs// skad cig gcig la rdzogs sangs rgyas// sku lnga kun rdzogs dbyer med do// zhes gsungs nas/ / de bzhin gshegs pa thams cad sku gsung thugs dbyer med pa'i chos kyi dbyings lhun grub stug po'i zhing nyid du bzhugs so// sgyu 'phrul ye shes snying po'i rgyud las// mthar phyin pa'i le'u ste bcu gsum pa'o/ /// sgyu 'phrul dra ba'i ye shes snying po'i gsang ba'i rgyud ces bya ba rdzogs so// rgya gar skad du/ tan+t+ra rA dza ma hA ma ya ga r+b+ha ku la nA ma// bod skad du// rgyud kyi rgyal po chen po sgyu 'phrul snying po bkod pa zhes bya ba/ / bcom ldan 'das zhi khro rang snang gi lha la phyag 'tshal lo// 'di skad bdag gi bshad pa'i dus gcig na// bcom ldan 'das de bzhin gshegs pa thams cad kyi sku dang/ / gsung dang// thugs rdo rje// yon tan 'phrin las su lhun gyis grub pa'i ye shes// sangs rgyas thams cad kyi mnga' bdag/ dpal kun tu bzang po rang snang ba'i sku// dkar dmar mthing ka'i zhal gsum du snang ba rdo rje dang/ / 'khor lo dang// rin po che g.yas na 'dzin pa// pad+ma dang// dril bu dang// ral gri g.yon na 'dzin pa// rdo rje skyil mo krung gi kun tu bzang mo dang 'du 'bral med pa de nyid kyi khyad par las/ / rdo rje 'chang rin po che 'byung ba dang// chos kyi dbang phyug dang// don yod pa'i dpal dang// rnam par snang mdzad dang// sangs rgyas spyan dang// ma ma ki dang// gos dkar mo dang/ / sgrol ma dang// chos kyi dbyings ma dang// gzhan yang sa'i snying po dang// nam mkha'i snying po dang// spyan ras gzigs dang// phyag na rdo rje dang// lA s+ya dang// ma le dang// gi rti dang// ni rti dang/ / byams pa dang// kun tu bzang po dang// 'jam dpal dang// sgrib pa rnam sel dang// me tog ma dang// spos ma dang// mar me ma dang// dri chab ma dang/ gzhan yang thub pa chen po srid thub 'dzin dang/ / thub pa chen po rnam par rgyal ba dang// sha kya seng ge dang// rnam par gnon dang// rnam par snang byed dang chos kyi rgyal po dang gzhan yang stobs po che dang// gshin rje gshed dang// rta mgrin dang/ / bdud tsi 'khyil ba dang// lcags kyu dang// zhags pa dang// lcags sgrog dang// dril bu dang// de lta bu 'khor dang bcas par gnas so// de dag kyang bde stong dbyer med pa'i gnas// ye shes lnga'i rang bzhin 'phrin las lhun gyi grub pa'i gnas na/ 'gro ba'i don mdzad pa mi 'gog par gnas pa'i tshe na// nam mkha' las chos nyid kyi sgra de yongs su grag go// ma rig rmongs pa sgron mes gsal ba'i phyir/ / gnas lugs rang bzhin zhi khro dang// gdul bya sbrul pa'i zhi khro dang// phung po rang rgyud zhi khro dang// gzhi lam 'bras bu'i bdag nyid rnams// thabs la mkhas pas gsung du gsol// ces yongs su sgrogs so/ / de'i tshe bcom ldan 'das de nyid zhal bzhad pa 'od zer las// stod pa nyid kyi glu 'di grag go// gnas med gnas la 'od gsal ba// rang 'byung ye shes 'od gsal sku/ bya byed med pa'i sku snang ba/ / sgyu ma'i mig 'khrul rnam par snang// zag bcas gdos pa'i khung po yang// ma skyes snyingapo chos kyi sku// byung bgrod gnas par gang snang ba// 'bras bu nyid du nges pa'i lam// zhes gsungs so// sgyu 'phrul dra ba'i snying po bkod pa las/ / rgyu dang rkyen gyi le'u ste dang po'o//// de nas bcom ldan 'das gnas lugs rang bzhin gyi ting nge 'dzin la zhugs te 'di gsungs so// chos kyi dbyings kyi pho brang ni/ / stong nyid rnam dag chos kyi dbyings// bem stong dngos bral gdol ba dag// rang gi ye shes rang gdangs la// 'od gsal stong pa rnam dag gsal// bde stong kun 'byung zag pa med// snang stong ye shes snying po'i sku/ / ma bcos sprol bral byang chub sems// rig stong mtha' brgyad spros dang bral// stong gsal pad+ma skyon bral dang// stong nyid snying rje'i snying po can// snang stong rdo rje chos kyi sku// skye med dam brjid rnam par ldan/ / stong nyid ma bcos chos kyi sku// mtshan dang dpe byad longs spyod rdzogs// dngos po snang spyod mngon byang chub// snang stong dbyer med rdo rje rgya// ma spangs gang mos de 'dul sku/ / ma skyes skye med de bzhin ngang// dgongs pas snang ba brda dang mjal// rig ma sgyu mas go par byed// grag stong dbyer med brag cha 'dra// kun la tshig tshogs rnam par snang// gsal la rtog med don rig cing/ / 'byed med shes rab mnyam par gnas// bdag med dngos po so sor gsal// bya ba gang yin mngon du grub// nam mkha' lta bu rab tu rtogs// rgya dang bral ba'i zhing khams dang// spyod yul dpag dka'i gzhal yas dang/ / sna tshogs ma spangs ngang gi brgyan// lnga btsegs rang snang dag pa'i gdan// 'od zer phung po blta na sdug/ zhi 'gyur dbyings nas phyag rgya 'bar// kun tu ma lus yongs su gang/ / 'dod pa'i bsam pa kun dang mjal// mun pa drag pos gnod pa bral// zhi rgyas dbang drag lhun grub gnas// me long nang nas rdo rje rigs// zhe sdang can la khro bar gsal// mnyam nyid dang gnas pad+ma'i rigs/ / nga rgya 'dzoms mdzad zhi gnas chu// sor rtog ngang nas pad+ma'i rigs// 'dod chags sreg pa'i lhag mthong me// byang chub ngang gnas las kyi rigs// phrag dog 'du byed 'thor ba'i rlung// chos dbyings ngang gnas de bzhin rigs/ / ma rigs mun sel dar rgud stongs// ye shes lnga yi rigs 'dzin pa// sangs rgyas lnga yi gdung du gsal// nyon mongs lnga yi zhi sbyong ba// he ru ka yi phyag rgyar gsal/ / chos sku skye med snying po ru// rang bzhin zhi khro lhun gyis grub// dper na nyungs kar mar khyab 'dra// til gang lta bu gang gnas pa// gang gi gang mthong dar snang ba// snang gsal nam mkha' shar ba la/ / re re zhing la re re snang// gcig las tha dad snang bar zad// 'byung rgyu lin par der snang ngo// zhes brjod do// chos thams cad rang bzhin gnas lugs kyi zhi khro gsal bar 'gyur to// sgyu 'phrul dra ba'i snying po bkod pa las/ / gzhi dang rang bzhin gyi le'u ste gnyis pa'o//// de nas bcom ldan 'das kyis gdul bya la snang ba'i ting nge 'dzin la snyoms par zhugs te 'di gsungs so// rnam dag phung po lnga 'chang ba/ / zag bcas rgyu la 'bras bu gnas// mi bskyodardo rje'i phyag rgya ni// yul la spyod pas sangs rgyas mig// sa snying sgeg mo rdo rje bran// kun bzang me tog mthing ka'i r-igs// gshen rje lcags kyu 'dzin pa yum/ / zhe sdang khong khro'i thub pa gnyis// rang gi gdangs la rigs su grub// yon tan rin chen ma ma ki// nam mkha'i snying po 'phreng ba ma// kun bzang spos me stobs po che// zhags pa 'ching mdzad nga rgyal rigs/ / yi dwags 'dul byed gser gyi mdog// snang ba gos dkar spyan ras gzigs// glu ma 'jam dpal mar me ma// sha kya seng ge rang gi rigs// le brgan pad+ma ra ga can// don grub dam tshig sgron ma che/ / phyag na rdo rje gar mkhan ma// sgrib pa rnams sel dri chab ma// phrag dog can las ljang khu 'phro// snang mdzad dbyings ma gti mug 'dul// kun bzang yid chos dkar gsal zhing/ / kun la rigs bdag mi 'gyur mdog// dbang po rnam shes yul dang bcas// bzhi bcu tsa gnyis ngo bo ni// rdo rje 'khor lo rin po che// pad+ma ral gri dril bu 'bar// rin chen myu gu ral gri 'bar// pad+ma dkar po rdo rje 'dzin/ / me long rin chen 'phreng ba 'dren// pi wang gar bsgyur dung du gsal// mun nang klung shing po ti chos// rin chen snye ma ut+pal// spos dang me tog mar me dri// thod dbyug rdo rje thod sbrul 'dzin/ / rgya gram ban d+ha lca kyu zhags// lcags sgrogs dril bu las bzhi rgya// pi wang sreg pas go mtshon sgrom// me chu po ti mnyam gzhag 'phro// tsa btsegs gsum dang gnyis rkyang pa// snang ba phye na snang ba ste/ / dud dang ku mu nyi zla 'dra// bai DU r+ya dang kar ka ri// le brgan gser sbyangs in+Ta ni// gnyis las gnyis 'dzin drug na drug/ rigs las mi 'da' chaul par 'dzin// ma bcos mi 'da' ma nges 'brel/ / ma skyes ma 'gags yul mtshon pa// mtshan ma nye bar brtags pa dang// zin mdzad mi bskyod 'dul dbang phyir// mtha' yas tha dad dam par 'brel// las su 'brel bas dgongs pa dang// rdo rje pad+ma mkha' 'gro yis/ / skyil klung rang bzhin dang du gnas// babs bzhon bzhengs thabs dor thabs bgrad// mnyen lcug 'khril ldem gzhon gsal 'tsher// lhun sdug gzi brjid 'bar ba dang// sku dang gsung thugs yon tan las/ / mtshan dang dpe byad sprad kyis brgyan// ting 'dzin tsol bas gang dag pa// rtog pa las mtha' lta ba dang// 'tsho ba dran pas bkra shis 'khyil/ chos nyid rnam par 'byed pa dang/ / dga' ba shin tu sbyang ba dang// ting 'dzin dran pa btang snyoms dang// rtson 'grus mdzes pa'i rgyan dang ldan// bzhugs bzhengs gshegs gzigs 'khug pa dang/ dgongs bstan rten 'byor bdud pa dang/ / lcam me ma le lhan ne ba// sa le zhi ba ngang tshul can// phyi nang med par gsal na ngan// chos kyi 'khor lo bskor mdzad cing// sa yi khyab par kun bgrod nas// yon tan che ba bcom nas gnas// zhes brjod pas/ / 'jig rten drug tu sku gsung thugs kyi rgyud zhi bar snang ngo// sgyu 'phrul drwa ba snying po bkod pa las// chos nyid bzhi ba'i le'u ste gsum pa'o//// de nas bcom ldan 'das kyis drag po rtogs 'joms kyi ting nge 'dzin la snyoms par zhugs te 'di gsungs so/ / 'dzin pa'i dbang gis sdug bsngal zhing// gdug pa srid gsum 'dul ba la// nga rgyal chen po bstan pa'i phyir// sgyu 'phrul dra ba'i khro bo snang/ / rdo rje khros pa khrag 'thung mthing// khro mo dbyings phyug 'du 'bral med// dkar dmar zhal du nyon mongs 'dren// tse dgu tse lnga sti ra dang// dril bu dung dmar 'jig rten 'chang/ / shes rab 'khyud pas chags pa stobs// sangs rgyas khrag 'thung khro mo 'khril// dkar ser smug nag gti mug 'dren// 'khor lo rdo rje sta ri dang// dril bu dung dmar tri shul 'chang// rin chen khrag 'thung khro mo 'khril/ / sngo dmar ser nag nga rgyal gsol// rin chen rdo rje sti ra dang// dril bu dung dmar dgra sta rol// pad+ma khrag 'thung 'dod chags 'joms// khro mo dbyings phyug nyer gnas pa'i// dkar ser dmar nag brjid pa la/ pad+ma rdo rje sti ra dang// dril bu dung dmar rnge'u chung can/ las rab sgra 'thung yum dngasbyor// dkar dmar ljang nag 'bar ba la// rgya gram rdo rje sti ra dang// dril bu dung dmar thong gshel rol/ / stag gzig dom dang ma he dang/ khyu mchog dregs pa gnon pa'i steng// 'gying stabs mdzes pas tshar gcod mdzad// ka ri tse ri bra mo ha// pe ta li dang pu ka si// ka sma ri dang sman sha ni// tsan+da li ste ma mo tsho/ / sngo ser dmar dang nag pa dang// dkar ser ljang khu mthing ka dang// ser skya lus kyi mdog 'dzin cing/ ban+d+ha byis dbyag mda' gzhur bcas/// kha T+wAM chu srin rgyal mtshan 'dzin// rdo rje bying sha byis rgyus 'dren/ / dung dmar rdo rje byis snying za// mchog gi mgo lus 'brel bar mdzad// seng ge wa sbyang rta gdong dam// bya rgod dkang ka bya rog dang// 'ug gdong 'jigs pa'i mgo brnyan sbrul// dkar dmar ser ljang mthing ka dang/ / sna tshogs lus su gnas pa ste// kha na ro 'dzin zhing gnas blta// byis pa'i khong bldag gri khug 'bral// zangs gri ban+d+ha dmar gyi bkang// zhing khrag khur ba nar skye'i mdog/ / kha na ro thogs ban+d+ha gri// rdo rje lcags kyu ban+d+ha 'dzin// rta yi mgo can lcags kyu dkar// phag gi gdong pa zhags pa bser// sbre gdong lcags sgrog dmar mo dred// sbyang gdong dril bu ljang nag khro/ / kun kyang zhing gi gdan la bzhugs// slas dang byin mo bran mo rnams// srin mo tshangs ma lha chen mo// gtogs 'dod gzhon nu rgya byin ma// rdo rje bdud tsi zla ba mo// pe cin sin mo za byed ma// dga' ba stobs chen rdo rje mo/ / 'dod pa nor bsrung rlung lha mo// gsod byed me mo phag mo dang// rgan byed sna chad chu lha mo// nag mo ser mo dmar ljang mo// phyi yi mkha' 'gro rang rgyud ma// nang gi mkha' 'gro rang rgyud ston/ / gsang ba'i sbrul pa mgo brnyan ma// bka' rtags rdo rje rang rtags 'chang// zhing kyang rang gi gdan la bzhugs// dpal gyi pham phabs lhag ma len// gdug pas phye nas snang ba'o// ri bo rgya bcu tsa gcig dag/ snang bar ston pa bdag nyid ni// ming mtshan brda dang tha snyad dang// yod med the tsom nges pa 'jog// sbyor pa 'di dgu 'gyur ba ni// sbyor zhen dngos gzhi skyed pa dang// rkyen las mtshan ma mngon pa dang/ / sbyor pa rtags kyi mtshan ma bcu// mi rtogs ma rmongs mo 'gog pas// zhi gnas lhag mthong zung du 'brel// mi dmigs ma grub ma skyes pas// gzhi lam 'bras bu rang sar gnas/ / dgu spyod rang bzhin gcig pa yis// khro ba drag shul dam rdzas len// gang dang gang las gang phyir gang// ngang shug bcas dang bcos par 'gyur// yul gnas las dang 'bras bu dang// rgyu dang 'bras bu dang phyir 'gyur bas/ / rgyu gnas thabs las 'bras bu'o// rdzings bshig za dang stobs pa dang// sdud dang bde dang snang ba dang// mtha' yas thogs med mi bskyod las// mi 'da' rol pa che ba ni/ / gdul bya rang bzhin shes rab thabs// thams cad thugs rje dam pa dang// 'phrin las ye shes chos nyid dgongs// grub pa dang ni mdzad pa ste// ma skyes ma rmongs mi g.yo ba// ma 'gag ma chags ma bcings dang/ / mi bskyod pa dang mi thogs pa// ma lus mi 'grod grub pa'o// gdul bya gzigs dang sprul pa 'gyed// ci gsol gsan dang mgon skyabs dang// dug chen zad dang thig chen ston// skye zhing gcod dang rgyu drug 'don/ / mtha' drug rdzogs dang las bzhis sgrol// gnyen pa 'gran zla med pa dang// khyad 'phags che btsan gcig pu dang// 'tsham ngam bslab dang rmad du 'byung// thabs mang ma phab mnga' yang rdzogs/ / kun la rgyal dang yong mi nus// sku gsung thugs dang mthu yi rngom// ri bo gar thabs khyad 'byung stobs// ci ltar snang bas cir yang 'grub// zil gyis gnon pas 'tsham rngam tsheg/ zhal dang ljags dang tshems dang gsung/ / gang du rngubs pas cir yang 'gyur// yongs su gcod pas go bas sgrogs// nam mkha'i skar tshogs rgya mtsho'i rlabs// tsi shing nags tshal gar gyi 'phreng// dgongs pas 'phrin las de tshul dang/ / yon tan sa gzhi thugs rje'i dpe// 'byung bdud dur khrod sba bkong pa// bla na med pa cir yang 'grub// gnas dang gnon pa zhing sbyor kyi/ khyad par tshul du de ltar snang// sku gsung thugs yon 'phrin las ni/ / seng ge 'bum gzugs 'brug stong ldir// nam mkha'i gtos chen nor bu rin chen dang// 'byung ba chen po'i dkyil 'khor ro// sku chen yan lag rags pa dang// grangs mang rkyen dang 'tsham pa dang/ / bkur 'os gtso bor mthong ba dang// khyad zhugs yid dang 'thad pa dang// gdangs chen stong gsum gang ba dang// tshig myur the tsom gcod pa dang// don dam nye tsher gcod pa dang/ khyad par yon tan mthong ba dang/ yang la re dogs med pa dang// gsal bas mtha' gnyis spangs pa dang// thugs rje thugs dam rdzogs pa dang// ma smos thabs kyisa'adul ba dang// med pa zad mi shes pa dang/ / gcig la 'dod dgur ston pa dang// gnod sbyor phan par mdzad pa dang// thabs mkhas skyon gyis ma gos dang// mi snyems nyams bag rol ba dang// 'khor ba yun ring mi snyem dang// mgon skyabs rgyun du mdzad pa dang/ / dgongs don lhun gyi grub pa dang// chos rgyal snyems pa mi mnga' dang// nyams bag chen po rol pa dang// gang gi dpung gis mi snyel dang// yun gyi don srid snyems pa dang/ / stobs kyis gzhan gang gnon pa dang// rdzu 'phrul mi gnas bskyed pa dang// ma zid pa yi mdzod mar 'dang// skye bo yo byad mos pa dang// rdzu 'phrul ches dang ye shes dang// sems tsho las dang smon lam dang/ / mnyam nyid sku dang thugs thigs dang// gsung dang 'brel ba 'phrin las brlabs// sgeg po dpa' bo 'jigs dang// gshe dang bzhad dang snying rje dang// rngam dang ngo mtshar zhi ba dang// byams pa'i blo dang snying rje'i gros/ / dga' ba'i thabs dang gtang snyoms mod// snying rje chos nyid mi 'byed pa// grub pa ma spang ma g.yos pa// smon lam sprul pa mi gtong ba// ma chags pa yi stobs rnams rdzogs// chos nyid ye shes thugs rje dang/ / sbrulapa'i rdzu 'phrul mi gnas bskyod// 'dod pa skong dang mi bzad 'byung// mun bsel dang rgyun mi'achad// ces brjod pas// thams cad khro bo'i phyag rgyar gsal lo// sgyu 'phrul dra ba'i snying po bkod pa las/ / rtog 'joms khro bo'i le'u ste bzhi pa'o//// de nas bcom ldan 'das kyis rang rgyud yongs su dag pa'i ting nge 'dzin la zhugs te 'di gsungs so// sems can tsa ba med pa ni/ / skye rgyu med pa'i skye ba can// spang la sha mo rdol ba 'dra// sgyu ma'i lus po khong steng ni// snying po med pa'i pags pa can// shing shing sdong po'i 'bras bu 'dra// ma rig rang nas 'byung ba ni// me long dag la g.ya' gnas 'dra/ / rnam rtog 'tshol kro byed pa dang// khyi kun khyim du zhugs pa 'dra// bag chags snod du sogs pa ni// rgyal po bang mdzod kha phye 'dra// rkyen ngan 'bras bu ngan pa ni// bza' rgyu med pa'i khyim thab 'dra/ / sangs rgyas 'khor bar lhung na ni// bya rgod gshog pa chag pa 'dra// sems can sangs rgyas rgyur gnas pa// til 'bru mar gyis khyab pa 'dra// rang rig bag chags sgrib pa ni/ / nyi ma sprin gyi khebs pa 'dra// rnam rtog rkun bur ldang ba ni// nam mkha'i ngang nas sprin byung 'dra// 'jig rten brtan g.yo dngos po kun// rang bzhin dkyil 'khor chen po ste// dkyil 'khor ldan pa'i dkyil 'khor gyis/ / srid gsum sems can thams cad la/ srog shing gsum dang 'khor lo bzhi// brgyad dang drug tu ldan par gnas// dkyil 'khor la ni dkyil 'khor bsgom// la la na dang re sa na/// a wa d+hu ti'i mnyam gnas pa/ / dri chu khrag dang dkyus par gnas// thabs dang shes rab dbyer med pa'// g.yas dang g.yon dang dbus na gnas// skyes bu bud med gnyis gnas dang// khug pa kha brgyad har ba ste/ / pad can dung can ri mo can// ban glang can dang lcug phran can// gdong gcig mi reg 'phyar bar gnas// ro ma rkyang ma kun 'dar ma// a li ka li mnyam gnas dang// tha dad yod pas dam rdzas rgyu/ / spyi bo mgrin pa snying dkar dang// lte ba lte 'og 'gro med dang// zhal dang phrad pa gnas pa ni// bde ba chen po'i 'khor lo dang// de nyid longs spyod chos dang ni// sbrul pa mes dang rlung dang bi// steng nas sor dang 'og nas sor/ / kum la dbyangs dang gsal byed khyab// 'bru brgyad drug pa sngags kyi mda'// a ka tsa Ta ta pa ya sha// dga' bzhi tshogs pa rnam bzhi tshogs pa yis// 'bebs par byed pa ye shes ro/ / dkyil 'khor dkyil 'khor las byung ba// rinachen smugapo gur khyim na// chos nyid ye shes rang rgyud dang// yon tan bzhi las brgyad du gnas// 'od dbyibs tshul dang snying po dang// sa bon yid dang shes par bya/ / chos nyid lhan cig dud 'gro zlum// kun bzhi oM gyi snying por ldan// pu tri dngul chu 'jon mar tsi// za 'og gur khyim nang na bkra// ye shes lha mo gru bzhi yi// a nri hUM ni bde chen thugs// shes sgo le brgan brgyud pa 'dra/ / yon tan dmyal ba yi dwags aM// zla khams gsung gi rang bzhin yin// dri du nyon mongs yid dang bcas// dmigs sgyu tsa skya zil chags pa// zang zhun rwa gan tsi song 'dra// rang rgyud dmar nag o gshol dbyibs/ / de ni blo dbug smod yin te// shes pa gsum la snyoms par 'gebs// drag po ljang nag sgo lnga'i rten// mdom dud ye shes snying po'i tsa// de dbus ye shes snying po'i sku/ / dar skud 'tshal khu gser gyi blangs// nyi ma me long ngar dag ni// 'byung ba bzhi yi dwangs ma ste// bde ba'i dngas ma nam mkha'i khams// 'phrin las bzhi dang bsnyen bsgrub bzhi// dbu rgyan cod pan 'phreng ba dang/ / go cha rgyal mtshan phyag rgya dang// gdugs dang bum pa bza' btung dang// snying po lnga yi dbang lnga dang// nyan dang 'chad dang sgom sgrub dang// 'phrin las rdo rje rgyal po dang// gsang ba chen po bde chen po/ / lta ba dang ni sbyor pa dang// sngags dang phyag rgyas mchod pa dang// ting 'dzin rol ba'i rgyur gnas pa// thugs kyi dkyil 'khor dkyil 'khor mchog/ 'byung ba shes rab rigs kyi yum/ / chen po rigs kyi de bzhin te// byang chub sems ni rdo rje tshogs// dbang pos yul dus rig pa rnams// kun tu bzang po dkyil 'khor la// bdag nyid chen po lhag pa yis// thugs kyi ye shes lnga lta zhing/ / ka ra na bcings chos bdun gyis// nam mkha'i ba bzhos ye shes ni/ snying po thig le mnyam sbyor bas// bde ba'i ye shes rol mo yis// ye shes dgyes dang mchod par dbul// zag pa med pa'i bsod nams kyis/ / ye shes sgyu mar rang snang pa// rol mo'i dkyil 'khor mtha' yas mchog/ 'gro ba zhing 'gyur mtha' yas 'dren// 'das pa'i glong nas mun pa mkhyen// mun pa'i gling nas 'das pa shes// rang rig ye shes gdangs la bzhugs/ / sgyu 'phrul drwa ba'i snying po bkod pa las// man ngag dra ba'i le'u ste lnga pa'o//// de nas bcom ldan 'das kyis dgongs pa brda'i ting nge 'dzin la zhugs te 'di gsungs so/ / srid gsum sems can thams cad la// brten dang 'byug 'jug gnas sbyod dang// srog shing dbang po myong ba dang// za byed kun tu rgyu ba dang// klu dang rul sbal rtsangs pa dang// lha sbyin dang ni gzhu las rgyal/ / tsan+d+ha li ni lus kyi mchog/ rdo rje hU~M gi 'dug tshul ni// gling bzhi ri rab logs la bsdu// chu 'khor steng na me 'khor mnan// rlung gis 'khor lo gtsag cing spos// tsan dmar rgya mtsho'i gting nas gnas/ / me lce ri rab lo gsal spar// du ba nam mkha'i dbyings su gnas// 'dab ma thal ba bshad lam bor// mi gdon 'bar bas mkha' la khyab// klad dkar mtsho rlabs srub shing gis// rlung dang mkhris pa bad kan sbyar/ / rkyal pa kha bcing li ri bcud// log gnon rdo rje mda' gzhu brdeg/ pho mo ma ning rlung gnas pa// drag po nad kyi gnad gcod pa// keng rus 'dzin pa'i lus kyi ni// phyi dang nang gi don kun 'dzoms/ / skyug dang sbrug pa'i bcud phur gyis// sangs rgyas sems can 'dres par byed// oM gyis 'khor lo gnas la dbab// oM gyis gsung gi rol par bya// swa ni 'dod pa ster ba'i rgya// ha yis mi gnas gnas nas gdon/ / sgyu 'phrul snying po bkod pa las// drag po sbar ba'i 'khor lo bstan pa'i le'u ste drug pa'o//// de nas bcom ldan 'das kyis snang ba'i bkod pa'i ting nge 'dzin la bzhugs te 'di gsungs so/ / stong nyid don dam rgyu yi mchog/ ma 'gag kun rdzob 'bras bu shar// ji snyid skyed pa'i rgyu mchog ni// ma skyes rig par rang 'byung sku// kun rdzob sna tshogs sgyu ma'i mchog/ don dam stong nyid 'bras bu 'byung// dper na til mar khyab pa 'dra// ma bcos yongs kyis 'od gsal ba// stong nyid bskyed pa'i rgyu mchog ni// stong nyid snying po bla na med// yid bzhin rin chen phung por gnas/ / rang bzhin lhun gyis grub pa'o// ma rtog pa dang log par rtog/ phyogs rtog yang dag nyid ma rtogs// 'dul ba dgongs pa gsang ba dang// rang bzhin gsang ba'i don rnams ni// lnga dang gnyis dang gcig la bgrod/ / gsum gyi spyod yul shes par bya// de shes na ni ye shes te// phyogs bcu dus bzhi mngon rdzogs pa'i// sku gsung yon tan 'phrin las thugs// ma lus bdag nyid zhal mthong ba/ / dbang bskur mchog gi dam pa yin// dkyil 'khor la gnas dkyil 'khor nyid// rdzogs pa'i dkyil 'khor lhun gyis grub// rgyan du dkyil 'khor ma lus thogs// rdzogs pa'i dkyil 'khor mnyam sbyor bas/ / thugs rje'i byin rlabs yongs kyi 'byung// phyogs dus dkyil 'khor 'dul ba'i mgon// sgyu ma'i dkyil 'khor sgrol ba yis// bya byed med pa dkyil 'khor spyod// sgyu 'phrul snying po bkod pa las// gzhi lam 'bras bur bsdus pa ste le'u bdun pa'o/ / de nas 'khor thams cad dgyes te bstod pa// e ma'o 'dren pa mchog la dga'// stong gsal chen po'i sku la phyag 'tshal lo// rnam dag ye shes thugs la phyag 'tshal lo/ / grag stong chos kyi gdung la phyag 'tshal lo// snang ba dngos med gzugs la phyag 'tshal lo// gnyen gsal mnyam pa'i dbyings la phyag 'tshal lo// don yod gnas pa'i don la phyag 'tshal lo/ / zhes brjod pas nyid la nyid dgyes te// de bzhin gshegs pa thams cad mnyam pa chen po chos dbyings ni 'gyur ba med pas smra bsam las grol te// rdzu 'phrul snying po bkod pa las// bstod pas mnyes pa chen po ste le'u brgyad pa'o/ / rdzogs sau// rdo rje gsang ba'i snying po rtsa ba'i rgyud de kho na nyid nges pa zhes bya ba bzhugs so/ rgya gar skad du/ badzra gu h+ya gar+b+ha mu la tan+t+ra da he shan/ bod skad du/ rdo rje gsang ba'i snying po rtsa ba'i rgyud de kho na nyid nges pa/ bcom ldan 'das dpal kun tu bzang po la phyag 'tshal lo/ / 'di skad thos pa'i dus gcig na// de bzhin gshegs pa thams cad kyi bdag po mnyam pa nyid la bzhugs nas/ 'khor bsam gyis mi khyab pa thams cad dang 'grogs nas/ nyid dang dbyer med pa rnams kyis// nyid la mchod pas kun tu bzang po nyid dges te/ phyogs bcu dus bzhi ma lus pa thams cad kyi bzhugs gnas/ gzhal med khang rin po che sna tshogs bsam gyis mi khyab pas brgyan pa/ tshad dpag tu med pa/ rab tu rgyas pa/ mtha' dang dbus med par kun tu khyab cing/ 'od zer sgrib pa med bar rang byung ba la bzhugs nas/ ched du brjod pa 'di ched du brjod do// 'das dang da ltar ma 'ongs dang// 'byung bar ma nges dus 'di dag/ snga phyi med par mnyam yin pas/ / nges pa med par yang dag gsungs// 'jig rten 'das dang 'jig rten pa'i// rang dang spyi ru bstan pa dang// ji snyed brtan g.yo la sogs pa// sgyu ma mig yor tshul yin te/ / skyes bu blo rtsal rab ldan pas// de la rtag tu mnyam sbyor zhing// sems can kun gyi zhing gyur pa// de dang gnyis med dbyings su sbyor// thams cad thabs kyi mtshan nyid de/ / thabs la thabs ni rnam par sbyor// thabs chen thabs las byung ba yi// de ni byang chub rdo rje'i mchog/ ji snyed brjod pa'i kha brgyud kyang// yang dag don gyi snying po ni// gang nas btsal kyang mi rnyed de/ / rang rig sgrib med dag pa yin// de la rtag 'grus goms pa ni// bsnyen pa'i dam pa de yin te// de ni ma nor lam yin par// byang chub sems kyis rab tu bsdus// de bzhin nyid kyi dbyings nyid ni/ / gcig ces 'di zhes brjod du med// gnyis med dbyings kyi ngang du med// gsum du sna tshogs 'byung zhing 'gro// byin brlabs bsam yas mtha' yas mchog don bsdus gsung rab bzhi bcu gnyis/ / de las lhag pa'i don smra ba// de ni rnam dag lam min te// rang blos bsam pa'i 'khrul pa yin// thams cad rang rig byang chub sems// de ni lung gi tshad mar bshad// tshad bzhi phab pa'i don yin te/ / dag pa rnam gsum tshul bsgom zhing// 'bru lngar 'dus pa'i thabs chen te// 'gro ba kun la rang bzhin gnas// bya ba byed la byas pa med// zad pa'i dus med ye shes te// bum pa bzang dang yid bzhin mdzod/ / za ma tog dang yid bzhin rgyal// gzhan nas yod 'ongs ma yin te// rang sems bsod nams brtan pa yin// lha srin la sogs yod pa yi// nor 'dra rin chen ma yin te// bo d+hi'i dkor ni rin po che/ / sku gsung mi zad par ldan pa'i// rgyan gyi 'khor lo bsam mi khyab// dngos grub mchog gi snying po ni// dang po'i don rtogs mtha' mi gtong// chu srin phyag rgya ji bzhin du// spyod yul kun tu tshad dpag med/ / rang gi byang chub sems shes na// dngos grub mchog ni gzhan na med// phyogs bcu dus bzhi snod bcud kun// byang chub sems su 'dus rtogs na// sku gsung mi zad par ldan pa'i/ / rgyan gyi 'khor lo thig ler 'khor// stong smon rgya chad 'od gsal bar// rin chen tshogs kyis brgyan pa yin// rang byung nyi zla pad rin che// brtsegs nas rgyal ba'i gdan nyid la// mnyam rdzogs lhun la rol ba'i phyir/ / rtog med byang chub rdo rje'i skus// nga dang bdag med dbyings mkhyen pas// mi gnas nyam nyid ngang la spyod/ ces nyid la nyid kyis gsungs so// rdo rje gsang ba'i tshig tu 'o// sgyu 'phrul dra ba las/ phyogs bcu dus bzhi mnyam pa nyid gnyis su med par ston pa'i phyir/ phyogs bcu dus bzhi nges pa med pa mnyam pa nyid du bstan pa dang/ thams cad byang chub sems su 'dus par bstan pa/ gleng gzhi'i le'u ste dang po'o/ /// de nas de bzhin gshegs pa dges pa chen pos/ rgyud kyi rgyal po sgyu 'phrul dra ba bstan pa las/ chos thams cad nam mkha' lta bu'i yum gyi dbyings su 'dus par bstan pa'i phyir/ / ched du brjod pa 'di ched du brjod// yang dag don gyi gsang mchog ni// bde ba'i thugs kyi dkyil 'khor te// nga dang bdag med dkyil 'khor las// nges pa'i don chen bzhi bcu gnyis// yid bzhin rin chen gsal 'bar bar/ / de las byung nas slar yang thim// a thams cad ma lus thig le'i dbyings// mi 'gag thig le'i mchog nyid las// sku lnga'i yig 'bru lnga po kun// thams cad yum gyur dbyings su thim/ / slar 'dus phyag rgya 'od 'bar ba// gsal 'bar sprin gyi bdag por gyur// byang chub sems su thim pa las// kun la khyab cing mi gnas shing/ kha dog dbyibs dang gnas ma yin// yon tan mchog gi snying po ni/ / rtog ge'i spyod yul yong ma yin// zab cing rgya che rab sbyangs pa'i// skal ldan brtan pa'i spyod yul te// gzhan nas btsal zhing brtag tu med// thams cad nam mkha'i mtshan nyid de// sna tshogs 'jig rten khams g.yo dang/ / rgyal ba mngon 'byung thams cad kun// nam mkha'i dbyings su ma gyur pa// dus bzhi phyogs bcu gang na'ang med// dus gsum bde gshegs nyid mi mnga'// sngon gyi bde gshegs thugs chud pa'i/ / nam mkha'i ngang du thams cad thim// thams cad shes rab dbyings nyid pas// dbyings la dbyings kyis rnam par sbyor// shes rab dbyings gnyis sbyor ba ni// byang chub rdo rje'i thig le yin/ / dkyil 'khor bsam yas lhun grub pa// rgya dang bral ba'i gzhas yas kyis// kun la khyab cing mi gnas pa// yon tan mchog gi gnas yin te// ma bcos rgyun gyi skad cig ma// de yis ma byas gang yang med/ / rang gi rnam rtog ma yin pa// de bzhin gshegs pa'i sangs rgyas dang// log par mthong ba'i mu stegs dang// gzhan yang sprul pa mang po'i tshogs// rtogs dang ma rtogs las byung ba'i/ / phyogs bcu ma lus thams cad kyis// de la bsad cing gzung du med// skyes bu dam pa mchog 'dod pas// de la rtag 'grus gsal bar gyis// de yi 'bras bu mthar phyin ni// rgyu 'bras med pa'i dus gcig ste/ / thams cad ming gi mtshan nyid du// yi ge 'bru gsum rdzogs par 'gyur// mi zad rgyan gyi 'khor lor bsdus// tshogs chen gnyis kyang rdzogs par ro// skye 'jig med pa'i dbyings la bzhugs/ / 'jig rten 'das dang 'jig rten pa'i// mtha' yas dkyil 'khor bsam yas kun// rgyal ba yum gyi dbyings su thim// thams cad ma lus chos skur 'dus// ho/ mnyam pa nyid kyi dkyil 'khor ni/ / dus bzhi mnyam nyid mchog gi yul// rang rig dag pa gsang ba'i mkha'// kun 'byung snying po bdag med pa// ye shes rang rig mkha' ltar gsal// rgyal ba'i bzhugs gnas snying po las// chos sku brjod pa gud na med/ / rnam rtog nyid ni gdags pa'i chos// rnam par rtog dang mi rtog las// mya ngan 'das dang 'khor ba med// snod bcud dag pa'i dkyil 'khor mchog/ byang chub chen po rgyal sras lam/ / bzhi bcu dag pa'i rtsa gnyis rdzogs// des ni phyogs bcu dus bzhi bsdus// thams cad ming tsam a la thim// a sgyu 'phrul dra ba las/ chos thams cad ming gi mtshan nyid 'dzin pa de kun yum gyi dbyings su 'dus pa gsang ba'i le'u ste gnyis pa'o/ /// de nas de bzhin gshegs pa dges pa chen po de/ ye shes lnga'i dkyil 'khor la mnyam par bzhugs nas/ ched du brjod pa 'di ched du brjod do/ / lnga phung yan lag thams cad kyang// 'bru lngar gnas pa'i byang chub ste// oM dang muM du 'brel ba yi// byang chub rdo rje dril las 'byung// spyir ni brjod pa thams cad kyang// kun kyang ming tsam yi ge a// skye 'jig nyid ni yi ge lnga/ / de ni byang chub sems yin te// gnyis med byang chub mchog 'byung ba// gsum shar lnga 'bar bcu 'byor pa// zad med rin chen gter yin te// mngon shes drug ldan mtshan bzod spags/ / e las 'phros shing ar 'dus pa// gsang ba'i thig le nyid kyi dbyings// nam mkha'i dbyings nas sprin 'byung ba// kun la khyab cing sna tshogs sman// yi ge bzhi bcu rtsa lnga yi/ khong nas bsam gyis mi khyab pa'i/ / byin brlabs ya mtshan rmad po che// yon tan mi zad gter du gyur// ho/ ye nas mnyam nyid gsang ba yi// dkyil 'khor dam pa mchog gi dbyings// dbyings las mi gzhan ye shes rab/ / dbyings nyid gzugs brnyan sgyu ma'i tshul// snang byed nyid na bya byed med// mi gnas gnas pa'i ye shes nyid// 'phrul chen bzhi bcu rtsa lnga'i don// dkyil 'khor bsam yas lhun grub kyi/ / gnyis min thabs shes mnyam par gnas// dag mnyam rnam gsum don rtogs pas// de yi ngo bor bsgom byas shing// mnyam pa rnam bzhi'i don rtogs pas// de ni sangs rgyas mchog gi gnas// rgyu 'bras dbyer med lhun grub pa/ / phun sum tshogs pa bzhir ni 'dus// ye shes lnga ni rdzogs pa yi// sku gsung thugs kyis thams cad bsdus// chags med bzhi yi lam nas ni// skye 'gag med pa'i thig ler 'jug/ kun rdzogs spyod yul maN+Dal la// 'od gsal dkyil 'khor rdzogs par ldan// thams cad rang rig rgyal po yis// dkyil 'khor chen po dag mnyam pa'i// khro bo khro mor rnam par sbyor// chos rnams rang bzhin nyid kyis stong/ / nang dang nang gi phyi rol gyi// rnam rtog sna tshogs 'dzin pa yin// dngos po med dbyings skad cig ma// de nyid rnam par dag pa'i lam// phyin ci log nyid yang dag ste// ma rig pa ni ye shes la/ / nyon mongs sdug bsngal byang chub mchog/ thams cad yon tan mchog gi gnas// a ho/ phyogs bcu'i dkyil 'khor ma lus kun// nges don bzhi bcu rtsa lngar 'dus// bsdus pa'i don nyid 'bru lngar bsdus/ / lnga po 'bru gsum nang du bsdus// gsum po yi ge ar 'dus te// a nyid ma skyes dbyings su thim// a ho/ stong nyid mi dmigs brjod mi lang// mi gnas de bzhin nyid kyang ni// tshad dpag med de bsam mi khyab/ / skye med dbyings kyis kun la khyab// ma 'gags byang chub sems nyid ni// dngos po med pas skye 'jig med// 'gro med 'ong med mig gnas pa'i// thugs rje'i byin brlabs rnam par 'phro/ / zhes nyid la nyid kyis gsungs so// dbyings dag pa las dbyings kyi sku phyag rgyar gsal ba ngo mtshar che nas/ ched du brjod pa 'di skad brjod do// dbyings la thabs kyi dbyings phyung bas// sku yi phyag rgya chen por gsal/ / thabs las dbyings phyung yum gyi rgya// dbyings dang ye shes 'byor pas na// byang chub sems kyi dkyil 'khor yas// a ho/ de bzhin gshegs pa'i dkyil 'khor nges pa'i don/ dngos po med pa'i sku phyag rgya thim pa'i le'u ste gsum pa'o/ /// de nas de bzhin gshegs pa bcom ldan 'das dges pa chen pos/ 'gro ba thams cad la rang bzhin gyi dkyil 'khor yod par bstan pa dang/ 'gro ba rnams kyang rigs rnam pa drug tu bshad do/ / de la chos nyid kyi rigs ni thams cad kun la yod// dper nam mkhas kyang kun la khyab par gnas so// de ltar chos kyi dbyings kyang kun la khyab kyang/ mngon par thar pa de'i don nam rtogs na/ me long g.yas g.yogs pa dang 'dra ste/ ye shes kyi gzugs brnyan snang ba'i bya ba byed mi nus so// zhes gsungs nas/ yang bcom ldan 'das dges pa chen po rdo rje thogs pas ched du brjod pa 'di skad brjod do/ / mnyam nyid don rtogs rang rig rgyal pos ni// rgya mtsho chen por chu klung kun 'bab ltar// bla med snying po rgya mtsho lta bu 'dir// rnam thar theg pa bsam yas ma lus bsdus/ / a ho/ mi dmigs bdag med don rtogs pha rol phyin// sa bcur kun rdzogs bsgoms pa'i rnal 'byor pa// sangs rgyas sar 'gro go 'phang thob pa'i lam// bden pa gnyis kyis rab tu thob par 'gyur/ / phyi nang rten 'brel ma brlan shes pa'i phyir// dngos po gzugs la thogs med rab tu 'jug/ dge shes mi slob rang gi rig pas rtogs// byang chub sar 'gro rdzu 'phrul khol bur ston/ / bden bzhi'i don rtogs rab tu spong pa yi// ye shes bcu drug chas sbyangs zhi ba yi// rgyun zhugs la sogs rim par sbyangs nas ni// nyon mongs sa rnams bzhi ba'i sa ru 'gro// dge bcu spyod cing mi dge spong byed pa/ / 'dod khams lha dang mir ni skye ba'i rgyu// tshad med bzhi spyod mi g.yo sgom byed pa// tshangs gnas la sogs skye ba'i rgyu yin no// theg pa gang du'ang bstan par ma nges pa'i// nges med theg pa de yi skye gnas na/ / skye gnas smin pa med par rgyal bas gsungs// chos kyi dbyings kyis kun la khyab gyur kyang// rang gis rtogs dang skal dang mi ldan na// ji ltar dmus long mdun du mdog bstan bzhin// 'di ni skal med rigs chad sa yin no/ / chos kyi dbyings kyis kun la khyab pa'i phyir// bla med theg pa bsam yas gsungs 'dra yang// so so rang rig blo la snang bar zad// ngan song 'gro drug sna tshogs rgyu ba yang/ / 'khrul pa'i blo log rtog pa nyid snang ste// de bzhin nyid kyi dbyings la 'gyur ba med// rang rig mi dmigs goms byas bla med mchog/ log rtog bdag dang bdag gir 'dzin gyur na// dngos med dbyings las rtog pa sna tshogs 'char/ / yang dag shes pa'i rang rig bla med na// bde gshegs zhing yang ngan song gnas su mthong// theg mchog mnyam pa'i don nyid rtogs pa ni// ngan song gnas nyid 'og min dga' ldan gnas/ / mtha' dang dbus med nam mkha'i dbyings khyab na// nyi zla gza' skar mtshan mo glog 'gyu dang// gzha' tshon sprin mang sna tshogs 'khrugs 'gyur yang// nam mkha'i dbyings las 'gyur cing nyams pa med/ / mi dmigs chos kyi dbyings ni bsam yas nas// sku gsung yon tan 'phrin las rmad byung dang// 'jig rten 'di yi chos rnams sna tshogs dang// 'khrul 'khor sdug bsngal rnam ma cir snang yang/ / de bzhin nyid la zhu zhing bri ba med// rgyud kyi rgyal po sgyu 'phrul drwa ba las/ thams cad la chos nyid kyi rgyu yod cing kun la khyab pa dang/ rigs brgyad so sor phye ba'i le'u ste bzhi pa'o/ /// de nas de bzhin gshegs pa mnyam pa nyid la bzhugs nas/ 'khor bsam gyis mi khyab pa thams cad kyang/ rdo rje thogs pa dges pa chen po nyid kyi 'khor du bsdu ba'i phyir/ phyogs bcu dus bzhi ma lus par rdzogs pa'i sangs rgyas nyid kyi bzhugs gnas/ gzhal med khang ni tshad dpag tu med cing bsam gyis mi khyab pa rin po che sna tshogs 'od 'bar bas mtha' dbus med par khyab cing/ 'od zer sgrib pa med pa rang 'byung ba la bzhugs nas/ ched du brjod pa 'di ched du brjod do// sku yi 'od zer 'phro ba tshad dpag med/ kun nas dkyil 'khor yongs su ma chad pa'i// srid gsum yongs dag mnyam sbyor spyod yul te/ / mtshan 'dzin 'das pa'i mchog gi rgyu las byung// dbang sgyur de bzhin gshegs pa dges chen de// shin tu rnam dag 'og min rgyas pa na// rang byung nyi zla pad rin gdan la bzhugs/ / gzung 'dzin bral ba'i bla med rjes 'od dang// 'jig rten 'khor gyi gtsos bskur dbang phyug dang// gzhan yang 'jig rten phyogs bcu khams 'ongs kun// bdud rtsi ro yis dka' bde 'grub mdzad de/ / dug gsum dri bral bdud sde tshar bcad nas// 'das dang ma 'das de bzhin nyid du sbyor// shes rab thabs ldan nges pa'i don byung ba// rig pa'i thabs chen dbang sgyur nyid du sgom// stong smon mtshan med rang bzhin 'od gsal ba/ / zad med bsod nams tshogs kyis brgyan par 'gyur// rdo rje mnyam nyid thugs su chud pas na// mnyam rdzogs chen po'i lhun la rol par mdzad// bde gshegs dbyings nyid de bzhin nyid gnas pa/ / dus bzhi rgyal ba kun dang mnyam par 'ub// thams cad 'od gsal dkyil 'khor thugs chud pa// sku gsung thugs kyi rdo rje 'chang las byung// spyod yul 'phrog med brjod kyis mi lang ba'i/ / dus bzhi mnyam nyid nges pa'i don nyid nyon// thugs rje'i dbang gis 'gro drug dus gnas bzhugs// nga dang bdag med mnyam pa'i dbyings mkhyen pa// mnyam pa'i don grub rdo rje can zhes bya/ / rnam par rtog med byang chub rdo rje'i sku// shes rab mchog gis ma lus yongs bsdus nas// bde gshegs mi gnas mnyam nyid ngang du byon// thabs chen ma 'dres rnam par thar pa yis/ / dmigs med bde gshegs nyid dbyings thugs chud pa// thabs dang shes rab dbyings nyid dam pa'i mchog/ phyogs bcu dus bzhi dbyings su mtha' gtugs pa// rang rig rgyal po che yis rtogs par 'gyur/ / zhes nyid la nyid brjod de/ rdo rje gsang ba'i tshig tu'o// gzhal med khang dbub pa thabs dra ba'i le'u ste lnga pa'o//// de nas de bzhin gshegs pa bcom ldan 'das dges pa chen pos/ thugs rje rol pa'i ting nge 'dzin la snyoms par zhugs nas/ ched du brjod pa 'di ched du brjod do// nam mkha' mkha' dkyil dngas pa nas// yid bzhin sprin tshogs rnam 'byung ba// sna tshogs 'byung zhing 'od 'phro 'bar/ / raM/ srid gsum bsreg pa'i me yin pas// yid kyi ye shes me ru 'bar// raM/ dbang po dwangs pa'i dkyil 'khor du// spyod yul rdzas rnams bsdus nas ni// lhan ne lhang nge 'od du zhu/ / a/ zhi gyur dbyings nas phyag rgya 'bar// thugs rje byin brlabs rmad po che// hU~M/ 'gro ba sna tshogs don byed pa// 'di ni byang chub mchog tu gsungs// ho/ bzhi po 'joms shing ngan song sbyong// tra Ta/ sman bcud len gyi dug sbyong bzhin// phyi dang nang gi dri ma dag/ bdag med gnyis kyis 'dag par byed// hri/ bsal zhing gzhag par bya ba med// nyi ma shar ba'i 'od bzhin du// snang dang mi snang gnyis ka med/ / de bzhin mnyam nyid ye shes kyis// thams cad rgyal ba'i zhing du sbyor// oM/ rang rig ye shes rgyal po yis// 'byung ba khams rnams dbang bsdus nas// thams cad mi dmigs dbyings su bstim// ma lus khro bo'i tshogs su gyur/ / rtog bzhi mi dmigs dbyings gyur pa// shes rab yum gyi dbyings su thim// thabs shes gnyis med dbyings gyur pa// chos rnams dbyings kyi khro mor gyur// chos thams cad khro bo dang khro mo'i rang bzhin du gyur pa dang/ rang rig pa'i ye shes kyi mes sbyong ba'i le'u ste drug pa'o//// de nas de bzhin gshegs pa dges pa chen pos khro bo'i rgyal por spros nas/ ched du brjod pa 'di ched du brjod do/ / byang chub mchog gi snying po ni// mtshan mas btsal ba ma yin gyis// dag pa rnam gsum ma nor zhing// rang rig rgyal po goms pa yis// byang chub mchog 'di rnyed par 'gyur// drag po gtum po sgrub pa ni/ / dkyil 'khor dbus su ling ga gzhag/ mtshan ma ming du bcas par bya/ khro bo'i zhal ni gang yang rung// lan gsum lan bdun rtag bsgoms shing// mngon byung zhal ni 'bar byas pas// sngags bzlas dkyil 'khor lhar gyur nas/ / ling kha yang nas yang bsdus te/ khro bo'i zhal du bstim par bya// hU~M gis bsdus zhing phaT kyis 'phang// zhal du rang sngags khri 'bum du// rnam gsum tshul gyis bzlas nas su/ / yang nas yang du gsal bar bya// 'gro lnga'i sems can thams cad kun// dbang med zhal du thim par gyur// ya man+ta krita lhag par 'jebs// sku mdog dud kha la sogs dang// mche gtsigs khro gnyer bsnyen pa dang/ / zhal bgrad phyag rgya 'bar ba'i sku// gang la goms pa bsgom par bya// bdag nyid 'dzin pa'i phyag rgya ste// mtshan ma bzung nas rang sngags 'don// mngon par dbang pos bltar yod par/ / ril bur bsdus nas zhal du mchod// the tshom med par 'grub par nges// dam chos 'jig pa ma rungs pa// gtum po dregs pa nga rgyal can// dpa' bos rab tu bsad pa ni// sems can kun gyi don gyi mchog/ kun la phan pas las de gyis// ho/ hU~M dang paM dang yo la sogs// 'dren pa'i mchog tu de gsungs so// mtshan ma ming du bcas pa yang// ji ltar sngon gyi de bzhin du// smon pa'i byang chub lam du gzhug/ mtshan ma bag chags med par bya// dbyings nas spro zhing a la stim// a ho/ rig pa 'bar ba'i dkyil 'khor der// gtum po ma rungs gsad pa ni// skyes bu chen po'i las kyi mchog/ nam mkha' la ni nam mkha' rol/ / rdo rje thogs pas thugs brjod do// sgyu 'phrul dra ba las/ shin tu gsang ba'i khro bo nye bar sgrub pa'i le'u ste bdun pa'o//// de nas de bzhin gshegs pa thams cad kyis/ khro bo 'bar ba gtum khro'i tshogs chen por bsgyur nas/ / 'od dpung 'phro zhing 'bar bar bstan pa ched du brjod do// sgyu 'phrul dra ba bstan pa yis// phyogs bcu'i zhing khams ma lus pa// hU~M gyis gzhal yas 'khor lor sprul/ / 'bar ba chen po'i dkyil 'khor na// 'od 'phros 'bar ba'i tshogs chen rnams// gtum chen dus mtha'i me ltar 'bar// rAM/ nyi ma thod sbrul mang po'i gzi// khro gnyer glog stong 'gyu ba bzhin/ / rngam pa'i nga ro 'brug stong ldir// phaT/ khros pa'i sprin chen phyogs bcur 'bar// raM/ khros ba'i me dpung rdo rje 'bar// rdo rje 'khor lo brtsegs pa'ang 'bar// tsakra/ khro bo khro mo tshogs kyis bskor/ / gnas dang yul gy-i phyag rgyar mdzes// ha he/ slas dang byin mo bran mo'i tshogs// rang gi stan dang lag cha dang// ci bgyi zhes ni chas te gnas// ti ra rgyu ma zhags pa dang// nr-i yi tsit+ta za zhing rgyug/ shin tu rngam pa'i gzugs su gnas// ral pa mun dza cod pan 'bar/ khro rgyal rdo rje thogs pa ni// phyogs bcu khebs pa'i gshog pa gdengs// rdo rjes gtams pa'i brag ri 'bar// ra~M/ 'khor tshogs rngam gzugs gnas pa rnams/ / rdo rje'i gshog gdengs 'bar ba yis// so so'i rang sngags smre sngags shing// sgra skad nga ro drag tu 'don// rang sngags hU~M phaT b+h+yo ru lu/ khro tshogs ma lus bzlums pa yi/ / dkyil 'khor kun zhal 'bar ba dang// bdag nyid gnyis su med bsgoms pas// so so'i ring sngags bzlas nas su// rgyud drug sems can thams cad dang// ma rungs gdug pa thams cad kun// dzaHhU~M baM hos bkug nas su/ / lan gsum lan bdun zhal du bstim// lha yang rung ste brlag par 'gyur// gzhan yang mchod pa'i zhal zas ni// 'byor pa sna tshogs kun gyis mchod// nri yi tshil dang tsha ba'i mar/ / dmar gyi argaM rgyun du 'bul// a ho/ stong dang 'bum ni dbul bar bya// yang na lan gsum brgya rtsa brgyad// mchod pa rab tu dbul bar bya// bzlas pa'ang dbul grangs bzhin du shis// nag po tsher can dug gi shing/ / gzhan yang bsreg rdzas gdug gsum dang// mnan pa'i cho ga kun gyis bya// ma mkhal khyi la ya mkhal ra'i// bar du ming rus bcug byas nas// bzlas pa'i mtha' mar phyin pa dang/ / bdag gi 'og tu bcug nas ni// rdo rje can gyi sngags bzlas nas// mnan pa kun gyi mchog tu 'gro/ sgyu 'phrul dra ba las/ thugs rje'i rol pa spyir bstan pa'i hoM/ hoM thams cad 'dir 'dus pa'i le'u ste brgyad pa'o/ /// de nas de bzhin gshegs pa khro bo'i rgyal pos thams cad rdo rjer bsdus nas// ched du brjod pa 'di ched du brjod do// dag pa rnam gsum tshul bsgoms pa// sgyu 'phrul dra ba brtan par gnas/ / thams cad hU~M du bsdus nas ni// dkyil 'khor gru gsum 'bar bar bsgom// med pung 'bar ba'i dkyil 'khor du// me lha ag ne dzas bkug nas// raM zhes bya ba'i me sbar te/ khro bo'i dkyil 'khor ma lus kun/ / zhe sdang rdo rjer bsgom par bya// hU~M/ gtum po tshogs chen rab tu 'bar// dung kha nag po'i mdog 'dra la// 'bar ba'i 'od zer mang po 'khrug/ nyi ma thod sbrul mang pos brgyan// seng ge glang chen stag rngam dang/ / phyag cha sna tshogs 'bar ba bsnams// hU~M dang phaT dang ha la'i sgra/ drag skad phyogs bcu'i nam mkha' 'khrug/ phaT/ khro bo khro mo'i tshogs kyis bskor// gnas dang yul gyi phyag rgya mdzes/ / slas dang byi mo bran mo dang// b+h+yo/ ci bgyi la sogs tshogs kyis bskor// so so'i stan dang lag cha dang// rngam pa'i nga ro rang sngags dang// mi sdug gtum pa'i gzugs can dang// shin tu khro bar bsgom par bya/ / bdag nyid phaT kyi ngang nyid du// gsal 'dris blo goms rtag tu bsgom// dzaHhU~M baM hos bsdus nas su// rgyud drug sems can kun bkug nas/ khro bo'i tshogs la dbul bar bya// lha yang rung ste brlag par 'gyur/ / yo byad gzhan ni spyi dang mthun// gzir ba'i thabs kyang gong ma bzhin// mchod pa'i grangs kyang spyi dang mthun// a/ gzhan yang dkyil 'khor yab yum bcu// hU~M/ zhal gdangs spyan bgrad khro bo'i zhal/ / gru gsum dbus su mchod bar bya// 'khor lo rtsibs la brgyad 'bar te// thod pa lcags kyu rnams kyis bskor// hU~M/ sgra grag tshogs ni mer 'bar bar// 'dzin pa'i phyag rgyas bkug nas su/ / zhal du bstim nas lhag par 'grub// rdul cha tsam yang med par byed// 'khor gyi tshogs kyang snga ma bzhin// bstod pa'i tshul du sbod gtong bya// hU~M/ gtum po dmar smug mchu rings po// rdo rje 'bar ba'i 'phreng bas bskor/ / 'od chen 'bar ba khro ba yis// 'jig rten khams rnams dus gcig rngubs// hU~M/ khro bo'i tshogs kyis sngags rnams dang// gnas dang yum gyi phyag rgya dang// slas dang byi mo bran mo'i tshogs/ / so so'i rang sngags rdzogs pa'i don// ha he b+h+yo/ gzhan yang bstod tshig 'di dag gis// hU~M/ rdo rje thugs kyi byin brlabs kyis// 'jig rten khams rnams kun bkang ste// gtum 'khrug ma lus thams cad kun/ / rdo rje mthu yis kun bsregs te// btul bar ma gyur gang yang med// 'das dang ma 'das rdo rje'i sku// 'jig rten khams na rab 'byams kun// zhes sdang rdo rje 'khor bcas pas// skad cig yud la brlag mdzad de/ / brlag par ma gyur gang yang med// sgyu 'phrul dra ba las/ drag po hom gyi le'u ste dgu pa'o//// de nas khro bo'i rgyal po pad+ma sdud pa zhes bya bas/ 'gro ba mang po'i don gyi phyir ched du brjod pa 'di ched du brjod do/ / shes rab thabs su sbyor ba yis// thams cad ma lus dbyings su bsdus// dbyings nas ye shes 'od 'phro 'bar// thams cad ma lus dbyings su sbyor// hri/ dkyil 'khor zla gam gdangs pa la/ / 'od zer mang po 'bar ba dang// rdo rje lcags sgrog bsdams pas bskor// gzhan yang rgyan gyi dam pa'i mchog/ kun gyis de la brgyan cing bskor// me lha spyan drangs snga ma bzhin/ / khro bo'i dkyil 'khor ma lus kun// pad+ma'i rigs kyi khro bo sgom// dmar smug drag po'i mdog dang ni// gzhan yang sprul pa mang po'i tshogs// phyogs bzhi mtshams bzhi steng 'og bskor// rngam pa'i rang sngags drag tu sgrogs/ / hrI/ bdag nyid ma chags rdo rje ste// dkyil 'khor gong ma gsal bsgoms nas// phyogs bcu'i 'gro ba thams cad dang// gdug pa'i yid can ma lus kun// dzaHhU~M baM hos bkug nas su/ / dkyil 'khor la ni dbul bar bya// dgos pa 'grub cing ngan song sbyong// hrI/ gzhan yang dkyil 'khor mang po'i tshogs// dkyil 'khor pad+ma'i zhal 'dra la// tha ma pad+ma ljon shing dang// pad+ma rdo rje 'od 'bar bskor/ / gzhan yang rgyan mchog mdzes pa yis// dkyil 'khor kun la rgyas par dbul// bdag nyid pad+ma'i lhar gyur pas// mchod pa lha rdzas sna tshogs dang// zhal zas bza' btung mchog rnams dang/ / dmar po'i shing dang dri zhim pa// lan grangs gong du smos pa bzhin// rtag tu mchod pa byas na ni// 'jig rten 'di dang 'das pa yi// ci 'dod las de grub par 'gyur// sngags ni yi ge raM dang hri/ / mdog ni dmar smug 'od po che// phyogs bcur khyab cing hri la bsdu// dges pa'i glu dang gar gyis mchod// rdo rje pad+ma 'bar ba yis// phyogs bcu mtha' klas rab 'byams kun// dpal dang gzi brjid che la sogs/ / pad+ma 'bar bas de bsdus nas// sangs rgyas sku dang mnyam pa dang// gzhan yang longs spyod mchog la sogs// ci 'dod las rnams dbang du 'gyur// lha srin la sogs smos ci dgos/ / hri/ 'dod chags rdo rje 'khor bcas pas// 'jig rten khams ni rab 'byams kun// skad cig yud la dbang du bsdus// dbang du ma gyur gang yang med// hri/ sgyu 'phrul dra ba las/ thams cad ma lus par dbang du bsdus te hom gyi le'u ste bcu pa'o/ /// de nas de bzhin gshegs pa khro bo'i rgyal po rnam par 'phro ba zhes bya ba'i dkyil 'khor 'di dag/ nyid kyi dbyings nas phyung nas ched du brjod pa 'di ched du brjod do/ / bde ba chen po'i dkyil 'khor 'bar// 'od zer 'phro ba mang po 'khrug/ bsod nams zhing gyur mchog tu 'bar// rgyal ba'i yon tan mtha' dang mnyam// traM/ ye shes phyogs bzhi dbus 'od 'bar/ / dkyil 'khor zhags pa rin chen bskor// gzhan yang phyag rgya sna tshogs pa'i/ khro bo kun kyang rgyas 'phros te// 'od chen dkar ser 'bar bar ba dang// phyag rgya sna tshogs cir yang bsgyur// lha dang lha mo'i 'khor gyis bskor// mchod pa yo byad sna tshogs dang// dkar la dri zhim shing rnams dang// gzhan yang mchod yon thams cad kyis// dkyil 'khor la ni rgyas par dbul// traM dkar yi ge 'od 'bar ba/ / bdag nyid rin chen phyag rgya bas/ khro bo kun kyang de bzhin te// mngon du gyur pa'i dkyil 'khor du// ba sha ho dang dzaHhU~M gis// phyogs bcu'i lam lnga kun bkug ste// dbyings su thim pas 'od 'phro bsgom/ / thams cad sangs rgyas zhing dang mnyam// gzhan nas yod 'ongs ma yin te// sgyu ma'i ye shes brtan pa yin// gzhan yang dkyil 'khor bsam yas ni// rin chen dbyibs la rdo rje 'bar// dkyil 'khor rgyan gyis 'khor bar bskor/ / gzhan yang lha dang lha mo yis// phyogs bcu khyab par mchod cing dbul// yon tan rgyal ba'i zhing dang mnyam// traM/ glu dang gar gyis mchod par bya// yon tan sangs rgyas zhing dang mnyam/ / sangs rgyas zhing khams ma lus kun// mchod yon rin chen dpal 'phel gyis// phyogs bcu gang bar rgyas phul nas// thugs rje dbyings kyi rgyas par rol ho// tra~M/ nga rgyal rdo rje 'khor bcas pas/ / 'jig rten khams ni rab 'byams kun// skad cig yud la rgyas mdzad de// rgyas par ma gyur gang yang med// sgyu 'phrul dra ba las/ rgyal po rgyas mdzad kyi rgyas pa hom gyi le'u ste bcu gcig pa'o/ /// de nas de bzhin gshegs pa snang mdzad khro bo chen pos/ thams cad dkyil 'khor 'bar ba chen por bsgyur nas/ ched du brjod pa 'di ched du brjod// ye shes dkyil 'khor mtha' dbus med/ / bsam yas lhun gyis grub pa yis// rgyal ba'i dkyil 'khor ma lus kun// bde gshegs nyid las mi gzhan shar// oM/ dkyil 'khor zlum po 'bar ba la// 'khor lo 'bar bas rab bskor zhing/ / 'od ni ser po rab tu 'bar// rmad du byung ba'i sku la sogs// bdag nyid chen pos bsgom par bya// dkyil 'khor thams cad 'grub par 'gyur// sa bon yi ge oM dkar po// me lha spyan drangs snga ma bzhin/ khro bo'i dkyil 'khor ma lus kun// kun kyang gti mug rdo rje ste// 'od zer sna tshogs 'phro ba dang// 'khor lo phyag rgya 'bar ba dang// lha dang lha mo'i tshogs kyis brgyan// gdan dang gnas kyang dbyings nyid de/ / rgyal ba'i dkyil 'khor de dag tu// phyogs bcu gnas pa'i gdug pa kun// tsakra'i lcags kyus bkug nas su// dkyil 'khor dbyings su bstim byas na// gtum 'khrug gdug pa ma rungs pa/ / lhan ne lhang nge zhi bar 'gyur// oM/ gzhan yang dkyil 'khor bsam yas te// dkyil 'khor 'khor lo 'bar ba yi// oM dang seng ge'i mgos bskor te// brgyan pa'i rdo rje'i phyag rgya kun// rdzogs ldan zhi bas bskor bar bya/ / rgyal po lus mdzes 'khor lo 'bar// rgyan rnams zhi ba dkar ba dang// byang chub mchog 'bar lhan ner bsgom// mkha' la rgyu dang bar snang 'phyo// gzhan yang 'gro drug ma lus kun// zhi gyur 'di la the tshom med/ / gar dang glu yis mchod byas te// phyogs bcu'i gdug pa ma rungs pa// gdug pa'i yid ni rab bor nas// lhan ne dkar po'i 'od du gyur// bde ldan byang chub 'od 'phro 'bar ho/ / oM/ gti mug rdo rje 'khor bcas pas// 'jig rten khams ni rab 'byams kun// skad cig yud la zhi mdzad de// zhi bar ma gyur gang yang med// sgyu 'phrul dra ba las/ thams cad ma lus par zhi bar gyur nas/ zhi bar byas pas zhi ba hom gyi le'u ste bcu gnyis pa'o//// de nas de bzhin gshegs pa dges pa chen pos rgyal po tshe mtha' yas su sprul nas/ ched du brjod pa 'di ched du brjod do// sgyu 'phrul dra ba brtan bsdus te/ / b+h+ru~M dang bi shwa'i dkyil 'khor du// ma dang a yi dkyil 'khor la// rdo rje 'khor lo rab bskor nas// bzhi bcu rtsa lnga'i don bsgoms te// de yis phyogs bcu gang 'bar nas// b+h+ru~M dzaHhU~M dang baM hos dgug/ sku gsung thugs kyi snying po mchog/ lus ngag sems la bstim par bya// nri nyid dngos sam yid bzhin mdzod// bum pa mchog ni bzang po nyid// tshe bzhag gnas ni 'di yin te// yang nas yang du bkug byas la/ / mngon du smin par gyur pa dang// dbyings su yang ni sba bar bya// rdo rje go cha bsrung ba pos// cho brtan bya phyir sgo bsrungs la// 'khor lo rgya ni sgo la gdab// tshe gnas dkyil nas rta mgo shar/ / b+h+ruM dzas bkug pa'i bzhi bcu lnga// yi ge 'bru gsum nang du bstim// dkyil 'khor ma lus kun bsdus pa// 'od dpag med pa'i gnas lnga bstim// sangs rgyas ma lus dkyil 'khor kun/ / rgyal po tshe dpag med par gyur// dgos pa sgrub phy-ir de bsgom pa// sku mdog gangs ri 'tsher ba la// rgyan 'phreng sna tshogs rnams kyis brgyan// yid bzhin rin chen 'phreng ba dang// yid bzhin rin chen za ma tog/ rin chen rkyal dang bu bzangs bsnams// 'jig rten bsod nams brtan pa yis// gzi brjid b+h+ruM dzas bkug byas la// ci 'dod 'byung ba'i snod blugs nas// dkyil 'khor lus la rdzogs pa yi/ / bsod nams sku phran yungs 'bru tsam// 'dres nas rta mgo'i khar bstin bya// tshe gnas 'od kyis gang ba dang// gzhal yas rgya chad dpag med gyur// sku bran 'od zer 'phro rgyas te// 'jig rten dkyil 'khor mtha' klas pa/ / de ni tshe yi bsnyen pa'i mchog/ rang sngags bzlas pa brtan byas pa// bsnyen pa chen po'i mchog kyang yin// gzhan yang 'gro ba'i don bya ba// bsam gyis mi khyab mtha' yas mchog/ bgegs kyis nri rnams mi ster na// tshe dpag med kyang khro bo ste// phyogs bcu nam mkha'i khams bkang nas// sgra skad drag po bton nas ni// thams cad ma lus thul bar byed// tshe dpag med pa'i dbang du bsdu/ / tshe bsnyen dang ni bsnyen pa dang// tshe bsgrub dang ni tshe grub pa'i// thabs dang shes rab 'byor pa yis// tshe ring ji ltar 'dod pa dang// 'jig rten dga' bde sna tshogs pa// 'grub 'gyur 'di la the tshom med/ / tshe dbang mo ni rgyud 'phel ma// dkar ser mdog la 'od 'phro 'bar// phyag na rin chen gang ba yis// phyag rgya sna tshogs cir yang bsgyur// 'jig rten drug gi phyogs bcu na// gnas pa'i 'gro drug ma lus la/ / phan pa'i tshe dbang 'di sbyin te// de las lhag pa'i rgyud 'phel med// de yi bzlas pa'i 'phrul chen ni// rnam gsum tshul gyis ma 'phrul bar// sngags bzlas cho ga bar ma chod// 'dris gsal bstan pa mchog gis bya/ / oM hUM swA a hA/ b+h+ruM badzra A yu Shi hUM a a a/ tshe 'phrog dbang du ma gyur na// bde gshegs lnga yang tshe dpag med// sku gsung thugs kyi gzugs kyis ni// phyogs bcu nam mkha'i khams bkang nas/ / phyag rgya mtshon cha sna tshogs kyis// 'jig rten phyogs bcu'i bdud bcom nas// 'gro lnga'i tshe rnams dbang du bsdu// phyag rgya gshol la sogs pa yis// 'og gi 'jig rten khams dkrugs nas/ / gshin rje'i gnas nas tshe bkug ste// snying po lnga la bstim par bya// phyag rgya 'khor lo chen po yis// steng gi 'jig rten khams bskor te// dbang phyug lha chen la sogs dang// bar snang bgegs rnams rgyu ba las/ / tshe ni rab tu dgug par bya// 'khor lo 'bru la bstim nas ni// de nas yi yi ge 'bru lnga de// nr-i yi gnas lngar bstim par bya// oM badzra ka pa tsa rak+Sha hUM/ oM sarba ta thA ga ta badzra a d+hi tiSh+Tha A yu She a/ phyag rgya chen po bsrung ba'i mchog/ rdo rje go cha'i mchog yin te// 'bru lnga yi ge 'bru gcig ste// 'bru gcig dmigs med dbyings su thim// a/ yid bzhin bum pa rin po che// rgyan dang rin chen 'phreng bas brgyan/ / rin chen lnga dang sman lnga dang// 'bru lnga spos lnga nyungs kar bcas// sngags mkhan rab ldan blo brtan pas// yan lag ma nyams sngags bzlas bsgom// rgyan chas lnga dang ldan byas nas/ / dkyil 'khor thams cad grub bar 'gyur// de nas rigs kyi bu de yis// yo byad ma lus ldan byas nas// mchod yon rnam pa sna tshogs kyis// mnyes mchod dngos grub thob par 'gyur// sgyu 'phrul dra ba las/ tshe'i cho ga dbang dam pa shin tu gsang ba'i le'u ste bcu gsum pa'o//// de nas de bzhin gshegs pa dges pa chen po rdo rje sdud pa por sprul te/ 'gro ba lnga rang dbang med par smra ba zhes bya bar bsdus nas/ ched du brjod pa 'di ched du brjod do// gsang ba'i dkyil 'khor nyid kyi dbyings// kun tu bzang po'i thugs rje'i ngang// sku gsung thugs ldan yon tan rdzogs// mnyam pa'i zhing du sbyar bar bya/ / rdo rje rab tu gsang ba yis// rdo rje khams kun zhing sbyar te// oM dang muM du 'byor bar bsgom// thams cad dbyings su thim par bya// gsang ba'i dkyil 'khor dam pa ni// thig le man+t+ra de dag tu// nr-i thal man+t+ra bzang po'i thig/ rta babs sgo khyud bzang po dang// rdo rje rtse gcig 'od 'bar ba// 'gugs pa'i lcags kyu dam pa yi// rdo rje rtse gcig rtse gsum bri// dkyil 'khor rgyud dang ldan par bya// mchod yon sna tshogs mchod par bya/ / yaM dud ye shes 'od 'phros nas// a las zla ba'i dkyil 'khor du// dza las lcags kyu grangs med pas// de yi snying du gzhug par bya// ma las nyi ma'i dkyil 'khor du// dza las lcags kyu mang po yis/ / gang 'gugs de yi snying kha nas// rangs te de yi khar gzhug bya// sngags 'di rab tu brjod par bya// oM dzaHhU~M baM ho a nr-i su tri pri du ming pra be sha ya/ ci 'dod las de bzlas par bya// lag gnyis sor mo phyir bsnol te/ khu tshur dam du bcings nas ni// srin lag mthe'u chung mthe bong gnyis// bar du mthe bong de drangs te// oM ming pra be sha ya a// thal ba nyungs kar drag tu brdeg/ ming de khong du gzhug par bya/ / babs na phyag rgya bzhi yis bcing// gang yin zhes ni dris nas ni// lha 'dre la sogs gang yin pa// lha zhig na ni mchod par bya// gdon zhig na ni tsan dan dang// gur kum bsres blud sngags brjod bya/ / oM yak+sha badzra kro d+ha sa ma ya hUM phaT/ gal te smra ru mi btub na// lag gnyis sor mor phyir bsnol te/ khu tshur bcang 'theb zur sprad de// gyen bsgreng dbab ba'i khar gtug bya/ khar dbab sngags ni 'di brjod bya// oM badzra ba shA ho/ pra d+ha be sha hUM a/ mang du bzlas pas 'dar bar 'gyur// ye shes thogs med sgrib mi mnga'// bden pa'i tshig der zhugs par bsam// lce yi thor to a dkar po/ / zla ba'i dkyil 'khor de steng du// oM de dmar po bsgom byas na// gdon mi za bar smra bar 'gyur// bdag nyid Da ki'i hUM bsgoms la// A dang nr-i la sogs pa yi// laM lnga'i sems can gang yang phung/ / DA ki hUM dang rang sngags kyis// lan 'bum bzlas zhing dgug par bya// gong gi sngags kyang bzlas par bya// gzhan yang dzaHhUM baM hoHste// gzhag cing dbab ba'i sa de ni// byis pa lo grangs bcu gnyis pa/ / gcig dang lnga la dbab par bya// thig le bum pa me long par// gzhan yang gnas rnams thams cad la// smra ba'i cho ga phun sum tshogs// phyag rgya rdo rje spar mo ste// dgug pa'i phyag rgya kun gyis dgug/ dzaHhUM/ dbang phyug lha chen la sogs bsdus// bcol zhing bya ba de bzhin no// Da ki hUM dzas mi btub na// ha ya gri dang gnas dang yul// zur phyin mgo mjug mnan nas ni// drag tu bzlas shing lcags kyus dgug/ srog gi snying po ma nor bar// gzir zhing drag tu drang bar bya// 'jig rten 'das dang 'jig rten pa'i// dgug pa'i thabs yod ci yang rung// nem nur med par dgug par bya// bya ba sna tshogs las zin nas/ / sngar byas bum pa lnga po la// sman lnga 'bru lnga rin chen lnga// rigs kyi yul dang bdud rtsi 'khyil// ci 'dod las rnams thams cad dang// gzhan yang dgos pa ci yang rung// grub pa mngon du gyur pa dang/ / 'ongs pa'i gnas la slar gtang phyir// sngags 'di rab tu brjod par bya// oM badzra a mr-i ta hUM tha/ oM bud+ha lo tsa ne swAhA/ oM a mr-i ta gats+tsha gats+tsha/ oM badzra ha badzra a mr-i ta phaT dza swAhA/ gsang ba'i dkyil 'khor dam pa de/ / ye shes lnga rdzogs nyid la brjod// ye shes snying po khyod nyon cig/ sngon goms blo brtan 'dris pa yis// yang dang yang du mngon gsal bar// byang chub mchog gi rtag sgoms shig/ de ltar byas pa'i dngos grub ni/ / 'jig rten 'das dang 'jig rten pa'i// brda phrad skad kyi dngos grub thob// nyid kyis nyid la rab brjod pa// 'gro ba'i don gyi phyir yang brjod// zhes rdo rje gsang ba'i tshig tu'o/ / pra dbab pa'i le'u ste bcu bzhi pa'o//// de nas de bzhin gshegs pa bcom ldan 'das dges pa chen po de rig pa'i dkyil 'khor du sprul nas/ ched du brjod pa 'di ched du brjod do/ / dkyil 'khor gang la bdag gnas nas// dang por stong pa'i de bzhin nyid// gsal 'dris goms par bsgom bar bya// de nas bdag gi snying khar a// dkar zhing 'tsher ba rab tu bsgom// a de shin tu gsal ba dang/ / phyogs bcur 'od kyang 'phro bar bsgom// 'od de a la slar bsdu bstim// a dang ma las nyi zla gnyis// dkyil 'khor ltar 'tsher gsal bar bsgom// hr-i las pad+ma'i dkyil 'khor yang/ / 'od 'phro gsal bar rab tu bsgom// shin tu hUM yang 'bar bar bsgom// hUM gi 'phro 'dus snying dkyil du// rdo rje sems dpa' tshon gang ba// phyag rgya ldan par rdzogs par bsgom// bzhi bcu rtsa gnyis sngags bzlas pas/ / phyag rgya nyid du rab tu 'bar// 'bru gsum 'bru lnga gang rung bzlas// dzaHhUM baM hos spyan yang drangs// tha mar phaT bsnan mtshams yang bcad// 'bar ba'i dkyil 'khor gsal ba la/ / spyan drangs dkyil 'khor rab tu bstim// mchod pa'i rdzas rnams bzang po yang// dkyil 'khor de la dbul bar bya// tshogs kyang byas la drag po'ang bsdus// rtag tu hom bya shin tu shis// mang po bsgom mi nus don du/ / mdor bsdus phyag rgya rnam pa bdun// sku mchog phyag rgya chen po dang// brjod pa chos kyi phyag rgya dang// 'dzin pa dam tshig phyag rgya dang// kun sbyor thabs shes phyag rgya dang// ting 'dzin dbang sgyur phyag rgya dang/ / lhag pa ting 'dzin phyag rgya bdun// de nas de bzhin gshegs pa dges pa chen po mnyam pa nyid la bzhugs nas/ lhag pa'i ting nge 'dzin gyi dngos grub myur bar len pa'i thabs 'di gsungs so/ / de bzhin nyid dang mnyam sbyor phyir// dam pa'i don gyis bsgom par bya// byang chub mchog la su gnas pa// mchog tu bde ba'i zhing gnas pas// mnyam rdzogs chen po lhun bsgom zhing// byang chub sems su brtan par gzung/ / bya ba byed la byas pa med// mi gnas gnas la gnas par bsgom// b+ha ga'i dkyil du ling ga a// shin tu 'tsher zhing gsal bsgoms nas// 'od 'phro 'bar ba thams cad khyab/ / dug gsum ngan song gnas bsregs nas// b+ha ga'i dkyil du 'od 'phro thim// a ma las ni nyi zla 'bar// phyogs bcu 'thibs ba'i mun sel cing// nyon mongs sdug bsngal bsil ba'i sman// thugs rje'i byin brlabs bsam mi khyab/ / rol pa'i phyag rgya bsam mi khyab// mkha' la gzha' tshon sprin mang yang// nam mkha'i dbyings su thams cad bsdus// thams cad mkhyen pa bsam yas kyang// chos kyi dbyings su thams cad 'dus/ / thams cad yi ge hUM du bsgom// hUM nyid gsang ba'i thugs kyi dkyil// 'od zer 'phros pas 'bru gsum ste// yang na yi ge 'bru lnga'o// lnga po don spros bzhi bcu gnyis/ / gzhan yang dkyil 'khor bsam yas mchog/ ma bcos ngang gis gnas pa la// ye shes lhag pa'i dkyil 'khor bsgom// sen zlum zla ba gang ba yi// thugs kyi dkyil du gnas par bya// nyi ma'i dkyil 'khor gang ba yi/ / gzhan yas 'od zer 'bar ba'i khang// pad+ma'i gdan dang rin po che// de dkyil yi ge hU~M gnas pa// shin tu phra zhing nyungs 'bru 'bar// gnas gcig dang ni gnas gsum dang/ / gnas lnga dag tu rab tu bsgom// shes rab can la 'dres pa dang// nr-i yi mig gis bltar yod par// shin tu phra zhing gsal bar bsgom/ shin tu blo gsal 'dris gyur nas// phyogs bcu'i stong khams rdul snyed du/ / thugs rje'i byin brlabs bsam yas 'phro// spros kyang hUM la nyams pa med// bsdus kyang phyogs bcu bri ba med// spros med bsdus med de bzhin las// yi ge muM du thim par 'gyur// thim gyur dbyings nas phyag rgya 'bar/ / shin tu gsal zhing 'dris pa dang// phyag rgya sku nyid gsal bar bsgom// sku de tshon gang 'od 'bar nas// thabs dang shes rab ldan pa'i rgya// 'od 'phro 'bar zhing don byed bsgom/ / yang na phyag rgya chen po ste// bdag nyid zhal gcig phyag gnyis sam// zhal gsum phyag drug rtag tu bsgom// gzhal yas khang dang gdan khri rnams// phra ba'i tshul te snga ma bzhin// mtshan dang dpe byad thams cad ldan/ / dbu rgyan ye shes lnga dang ldan// rdo rje 'khor lo ral gri 'bar// rin chen pad+ma dril bu 'bar// phyag rgya chen po de dag las// phyogs bcu ma lus gzhal yas khang// nyi zla'i dkyil 'khor gdan dang rgyan/ / bde gshegs dkyil 'khor ma lus bsgom// thugs rje'i byin brlabs 'gro don mdzad// zhi ba phyogs gcig shes bya sbyong// sa bcu mnyam par sbyor byed cing// bde gshegs 'khor yang dag par byed/ / 'di ltar sgrub pa'i rigs mchog de// 'bras bu mngon du ma gyur yang// sdug bsngal thams cad yong mi 'byung// lha mo'i mtshan rdzogs yongs su 'grub// theg pa dman par yong mi skye// bde gshegs 'byung dang bkol ma 'gyur/ / byang chub gzungs la zhugs pa yin// zhes nyid la nyid kyis gsungs so// rdo rje gsang ba'i tshig tu'o// rdo rje sems dpa' sgrub pa'i le'u ste bcu drug pa'o//// de nas de bzhin gshegs pas sgyu 'phrul dra ba las/ thugs rjes 'gro ba 'dul ba'i bdud rtsi 'byung ba zhes bya ba'i ting nge 'dzin la snyoms par zhugs nas/ ched du brjod pa 'di ched du brjod do// e ma ho ye nas dag chos las/ / log rtog rnam pa gnyis su grub// thams cad 'byung ba lnga las skyes// kun kyang gtsang zhing dri med las// rnam rtog mi mthun so sor gyur// la la'i sman la la la'i dug/ sman du ma gyur gang yang med/ / dug tu ma gyur gang yang med// thams cad ma lus rgyu gcig las// mi mthun khyad par so sor snang// sus kyang ma byas su byed yod// rnam rtog gzhags pa dam po yis// so sor bcings pa'i dbang gis ni/ / lus gnas longs spyod sna tshogs dang// sdug bsngal 'khrul 'khor ma lus dang/ khams gsum phyin ci log bzhi dang// dus gsum 'gro lnga kun tu mthong// bdag med bdud rtsi chen po des/ / nyon mongs sdug bsngal thams cad sbyong// rnam par thar pa lta rdzogs byed// sa bcu rdzogs shing sangs rgyas rdzogs// de phyir sman 'di rab bsgrub bya// kun la phan pa'i sman yin pas// de phyir nga dang bdag ma 'dzin/ / gtsang dang sme ba'i blo rtog bor// thams cad mnyam pa nyid du spyod// rtsa ba byang chub sems nyid rtogs// thabs kyis pha rol phyin pa spyod// snying rjes chud ma zos par gzung// bdud rtsi'i mchog ni mnyam pa'i dbyings/ / bdud rtsi'i don ni skye shi med// bdud rtsi'i gnas ni byang chub sems// bdud rtsi'i lam ni rnam rtog sbyong// dpal tshogs 'dus shing 'gro don mdzad// sman gyi byin brlabs bsam mi khyab/ / ngan song sbyong zhing mtho ris sgrub// gser 'gyur sman dang mun sel bzhin// gzhan yang dgos pa sna tshogs 'grub// rkyen las byung ba'i dug rnams dang// rtsa ba'i dug dang sbyar ba'i dug/ klu dug sbod gtong dug la sogs// thugs rje chen po'i byin brlabs kyis// dug rnams thams cad gdul ba'i phyir// dkyil 'khor ma lus tshang bar bsgom// gnas lnga dag tu 'bru lnga bstim// oM hUM traM hriHA la sogs/ / yang na yi ge oM gyis bya// yang na yi ge hri yis btang// dug rnams bdud rtsir gyur par bya// mnyam pa'i dbyings su thim par bya// a ho hUM/ bdag nyid zhe sdang rdo rje ste// thugs rjes bdag rtog 'dul bar byed/ / nga dang bdag med dbyings sbyong zhing// byams pa'i thugs dang ldan pa'o// oM bdag nyid gti mug chos sku ste// rmongs pa'i nad rnams sel bar byed// ye shes 'od zer gsal ba'i ngang/ / thams cad 'byung ba'i 'khor lo'o// traM/ bdag nyid nga rgyal yon tan te// snying rjes 'gro don 'phel bar byed// zhi ba'i blo chen dbyings su sbyor// yon tan rgya mtsho dpag med pa'o// hri/ bdag nyid 'dod chags gsung mchog ste/ / nyon mongs las rnams dag par byed// nyon mos sdug bsngal rnam par dag/ chags med sems ni byang chub pa'o// a/ bdag nyid las ni sems dpa' ste// don rnams ma lus grub par byed/ / log rtog ma lus 'dul ba'i mchog/ phyogs bcu dus bzhir 'phro ba'o// muM/ bdag nyid shes rab 'od gsal te// me long g.yeng ba sel bar byed// thugs rje myur ba'i las byung ba/ / rgyal ba kun tu thogs med pa'o// ye shes drug gis nyon mongs sbyangs// dbugs chen dag kyang 'byin par byed// dug gsum sbyong ba sku gsum ste// lam lnga sbyong ba ye shes lnga// 'khor ba rtsad gcod shes rab mtshon/ / hUM du bsdus shing ho yis g.yeng// raM gyis bsreg cing phaT kyis 'phang// thabs dang shes rab 'brel ba yi// thig le dbyings su thim par bya// de nas gnyis med dbyings gyur nas/ / ye shes sems dpa'i sku ru bsgom// yang na 'bru gsum 'bru lnga bsgom// bzhi bcu rtsa gnyis dang// sangs rgyas dkyil 'khor tshang bar bsgom// nga med bdag med phyag rgyar gsal// de nas kun spyod lnga kun la/ / lha mo lnga dang sman lngar bsgom// oM hUM traM hriHaH oM badzra a mr-i ta kuN+Da li ha na ha na hUM phaT/ oM sarba bi shud+he d+ha rmA d+ha du bi shud+he a mr-i ta hUM phaT/ sngags des thams cad dag par 'gyur// dbyings su thim nas bdud rtsir gyur/ / sa chu me rlung nam mkha' rnams// rang bzhin med pa'i gshig pa'i phyir// gcig la'ang lnga lngar dbye bya zhing// muM gyi dbyings su bstim par bya// 'byung ba chen rnams de dag la/ / lhag pa'i ting 'dzin bskyed par bya// rags pa thabs kyi phyag rgya ste// de bzhin gshegs pa lngar bsgom zhing// 'byung po so so'i mtshan 'dzin te// yum lnga dag tu bsgom par bya// de rigs ye shes lnga nyid do/ / rgyur byas gzugs sogs bzhi bcu gnyis// phyi nang snod bcud thams cad kun// de bzhin nyid kyi dbyings 'dus na// de las gyur cing skyes pa kun// smos ci dgos te de nyid yin// a ho/ kye ma lhag pa'i byin brlabs kyis/ / bdag la lha rnams bsdu bar bsgom// de nas lha dang gnyis med nas// bdag nyid yi ge oM dang muM// bdag dang gnyis med dbyings su thim// a/ de nas bdud rtsi'i dkyil 'khor bsgom/ / 'khor lo rtsibs bzhi mu khyud bcas// dbus su bdud rtsi 'khyil ba ste// shar gyi rtse la rdo rje nyid// lho yi rtse la rin po che// nub kyi rtse la snang mtha' yas// byang gi rtse la don yod grub// lha dang lha mo'i tshogs kyis bskor/ / thabs dang shes rab ldan par bsgom// phyag rgya gzhan yang gsal bar bsgom// gtso bo'i sku mdog phyag mtshan ni// sku mdog gangs ri nyi shar 'dra// zla ba pad+ma'i gdan khri la// nyi ma stong gi gdan khrir ldan/ / lha dang lha mo'i tshogs kyis bskor// khro bo'i 'khor lo de bzhin te// bdud rtsi 'khyil pa dbus bsgoms te// gnas yul slas byi'i tshogs kyis bskor// snying po 'bru tshig gsal bar zlas/ / de la bdud rtsi phyag rgya ni// bum pa gang ba yid bzhin 'bar// re ba yid bzhin skong bar byed// nyon mongs sdug bsngal zhi bar mdzad// 'dod yon lnga yang ldan par byed// dngos grub chen po zla med pa'o/ / bdud rtsi char bzhin 'bebs par byed// sgo bzhi phyag rgya dag dang ldan// a mr-i ta yi rgyu nyid ni// byang chub sems dang sha chen dang// dri chen dri chu maM sar bcas// pad+ma rak+ta la sogs dang/ / gzhan yang 'dod yon sna tshogs rnams// dbye ba'am yang na mi dbye ba// bdud rtsi nyid du byin gyis brlabs// rtog pa'i bag chags sbyang ba'i phyir// gtsang sme med par bza' bar bya// dbyings su yang ni bstim par bya/ / phyag rgya 'od zer 'bar bar bsgom// bzhi brgya rtsa bzhi'i nad sel cing// dug gsum sdug bsngal med pa dang// bskal ba yun rings gnas pa dang// dngos grub chen po thob 'gyur te/ / tshogs gnyis rdzogs par yang dag gsungs// bdag nyid yi ge hUM du gnas// longs spyod lnga ldan thams cad la// oM hUM oM du gyur par bsgom// 'od 'phro 'bar zhing phyogs bcur spro// slar 'dus 'od 'phro bdud rtsir 'bar/ / shin tu gsal bar rtse gcig bsgom// gzhan yang yi ge tshogs pas gdab// 'thungs na ngan song sgrib pa 'byang// tra Da/ rtag brten dngos grub mchog kyang 'grub// lus kyi nad rnams thams cad 'byang/ / lha la rtag tu mchod byas na// bdag dang gnyis su med par 'gyur// mi mthun phyogs la gtor byas na// drag po gtum pa'ang lhan ner 'gyur// gzhan yang dngos grub thams cad no/ / ji ltar dmigs pa bzhin du 'grub// sangs rgyas go 'phang 'thob 'gyur na// lha srin la sogs smos ci dgos// the tsom med par bsgrub par gyis// rtag tu spyod cing dbyings su thim// rgyud kyi rgyal po sgyu 'phrul dra ba las/ sman bsgrub pa'i le'u ste bcu bdun pa'o//// de nas de bzhin gshegs pa rgyud kyi rgyal po sgyu 'phrul dra ba'i rang bzhin gyi dkyil 'khor las/ lhag pa'i ting nge 'dzin gyis sngags 'chang rnams lhar bsgrub pa'i dkyil 'khor 'di don yod par bya ba'i phyir/ ched du brjod pa 'di ched du brjod do// e ma ho ye nas rnam dag pa'i// thabs dang shes rab ldan par gnas// byang chub mchog tu nyi zla shar/ / de nyid bzhugs gnas yin par gsungs// chos rnams thams cad gnyis min pa'i// dbyings su thim pa'i 'od zer gsal// gcig dang spros pa thams cad med// dkyil 'khor spros med zlum po'i tshul/ / de nas mya ngan 'das pa'i chos// ye shes rgyu dang 'bras bur ldan// thams cad mkhyen pa'i ye shes sku// chos kyi 'khor lo yongs kyis bskor// thugs rje'i byin brlabs 'phros pa yis// ye shes bzhi yi dkyil 'khor spro/ / ye shes lnga dang sku gsung thugs// byin brlabs ya mtshan bsam mi khyab// rang snang ba yi thabs las byung// bsod nams ye shes tshogs rdzogs pa'i// thugs rje rgyas pa'i gzhal yas khang/ / mtha' dbus med par rgyas par gnas// stong smon mtshan med 'od gsal 'jug/ de phyir ye shes sgo bzhir bshad// der 'gro lam stegs brgyad dang ldan// rang bzhin ye gnas 'od gsal phyir/ / nyi zla brtsegs pa'i gdan khri 'bar// ye nas rnam par dag pa'i phyir// ma chags pad+ma 'bar ba'i gdan// zad med ye shes gter gyur pas// yid bzhin rin chen 'bar ba'i gnas// ye nas mnyam nyid mi 'da'i phyir/ / ta la'i ljon shing rang bzhin gnas// re ba yid bzhin skong ba'i phyir// dpag bsam shing gi rin chen 'bar// yid bzhin rin chen rgyal gyis bskor// thams cad la ni dbang sgyur phyir/ / 'jig rten lha chen rnams kyis bskor// gsang ba de nyid nges pa las// 'phrul chen bzhi bcu rtse gnyis kyis// thams cad lha nyid rtag tu sbyor// thams cad ma lus dkyil 'khor mchog/ 'dis ni rang bzhin dkyil 'khor dang/ / gzugs brnyan lhag pa'i dkyil 'khor gsum// ting 'dzin lhag pa'i dkyil 'khor dag/ byang chub sems dang tshogs mchog bstan// ces nyid la nyid bshad do// shin tu gsang ba'i dkyil 'khor bsdus nas/ lhag pa'i gzugs brnyan bstan pa'i le'u ste bco brgyad pa'o//// de nas de bzhin gshegs pa khro bo chen po'i byin brlabs/ phyag rgya 'byung ba zhes bya ba'i ting nge 'dzin la snyoms par zhugs nas/ ched du brjod pa 'di ched du brjod do// dbang po yul dus rigs pa rnams// thabs dang shes rab ldan gyur cing// mnyam pa'i ngang nyid gsal rtogs na// thams cad bde ba chen po'i rgyud/ / bskyod chen 'khor lo'i gzhal yas su// khro bo khro mo thams cad kun// gsal zhing 'od zer 'phro bsgoms nas// bsgul bskyod thams cad phyag rgya yin// bla med chen pos de skad gsungs// yan lag snying po rtse gcig dang/ / rtse lnga rtse dgu bcu gcig tu// las rnams so sor rab tu bsgom// thabs dang shes rab ldan pa'i zhabs// rtag tu rdo rje 'bar bar 'gyur// thabs chen re re bskyod na ni// pad+ma chags med re re 'byung/ / rdo rje pad+ma de 'byor na// sems can thams cad bla na med// byang chub shing drung skye bar 'gyur// rang bzhin dkyil 'khor lha rnams kyang// khro bo'i dkyil 'khor bsgoms byas te/ / dbu yi dkyil 'khor bsgul bskyod na// sangs rgyas dkyil 'khor thams cad g.yo// lag gi 'du byed bskyed byas na// rigs 'dzin zhing khams thams cad g.yo// rkang pa'i stabs chen gnan mchongs na/ / sdug bsngal mi bzod thams cad dang// bdud dang log 'dren thams cad mnan// yan lag thams cad bsgul gsigs na// ba spu'i bu ga re re nas/ khro bo grangs med rdul snyed spro// de dag sprul pa grangs med kyis/ / phyogs bcu'i khams mang rdul snyed du// khro bo'i don rnams rdul phran snyed// thugs rjes 'dul zhing dbyings su bstim// thams cad khro bo'i dkyil 'khor dang// khro mo'i dkyil 'khor rab tu 'dus/ / thams cad rdo rje brag chen dang// me ri'i dkyil 'khor rab tu 'bar// 'di ni spyi rgya chen po yis// steng gi bgegs chen 'dul ba'i phyir// rdo rje 'khor lo nri mgo gdengs// 'og gi 'jig rten bgegs 'dul ba/ / rdo rje thong gshol nr-i bar dang// rdo rje gtun chen 'dril pa'o// shar gyi bgegs rnams 'dul ba ni// rdo rje rab tu 'bar ba dang// tir chen po'i dbyug pa'o// lho yi bgegs rnams 'dul ba ni/ / rin chen nr-i mgo'i dbyug pa dang// gshin rje chen po'i rkang pa'o// nub kyi bgegs rnams 'dul ba ni// sbrul dang ti ra nya dbyug dang// khyung chen gshog gis rab tu brdebs// rgya mtsho chen po'i sked par gtub/ / byang gi bgegs rnams 'dul ba ni// rin po che yi dbyug tho dang// nr-i mgo gsum pa'i dbyug to can// gnod sbyin gdon rnams tshar gcod pa'o// mtshams bzhi'i bgegs rnams 'dul ba ni/ / phyogs bzhi dag gis 'dul bar 'gyur// gal te de yis ma thul na// byang shar mtshams kyi bgegs 'dul ba// rdo rje rtse gsum nr-i mgo gdengs// i sha nyid kyang phyag na bsnams// 'byung po'i sde kun rab tu 'dul/ / shar lho mtshams kyi bgegs 'dul ba// rdo rje ye shes me chen 'bar// me nyid kyang ni 'tshig par byed// drang srong nyid kyang phyag rgyar bsnams// me lha gdon 'khor dbang du bsdus// lho nub mtshams kyi bgegs 'dul ba/ / rdo rje srin po mgo can te// rab tu rno ba'i ral gri 'bar// bden bral nyid kyang phyag na bsnams// srin po'i tshogs rnams dbang du bsdus// nub byang mtshams kyi bgegs 'dul ba/ / rlung gi ba dan nr-i mgo gdengs// shin tu drag po'i glang po'i brjid// tshig bsrungs nyid kyang phyag na bsnams// g.yeng ba thams cad dbang du bsdus// 'og tu 'jig rten bgegs 'dul ba/ / phyag rgya ri rab chen po ste// phag chen po ni phyag na bsnams// 'og gi bgegs rnams 'dul ba po// gzhan yang nyi zla'i dkyil 'khor gyis// tsha dang grang ba'i sdug bsngal sel// me yi dkyil 'khor chen po yis/ / thams cad ma lus sreg par byed// chu yi dkyil 'khor chen po yis// thams cad ma lus 'khru bar byed// rlung gi dkyil 'khor chen po yis// thams cad ma lus gtor bar byed// rdo rje ral gri 'khor lor bcas/ / mda' gzhu tho chen gri chen dang// rdo rje dung chen dgra star bcas// mche gtsigs spu gri so dang ni// rnga dang mdung thung sta re dang// gzhan yang phyag rgya sna tshogs so// dbus kyi he ru'i phyag rgya ni/ / ti ra'i dbyug to chen po dang// 'khor lo chen po rab tu 'bar// dung chen dmar gyis gang ba la// rdo rjes 'khrug tsing rab tu gsol// shar gyi khro bo'i phyag rgya ni// ti ra chen po'i dbyug pa dang/ / rdo rje chen po rab tu 'bar// nr-i mgo dmar chen bkang ba gsol// lho yi phyag rgya chen po ni// ti ra chen po'i dbyug pa dang// yid bzhin nor bu rin chen 'bar// yid bzhin nor bu'i gzhas yas su/ / dmar gyi arga rab tu gsol// nub kyi khro bo'i phyag rgya ni// ti ra chen po'i dbyug pa dang// pad+ma chags med rab tu 'bar// dung chen dmar gyis bkang ba gsol// byang gi khro bo'i phyag rgya ni// ti ra chen po'i dbyug pa dang/ / rdo rje rgya gram rab tu 'bar// dung chen dmar gyis bkang ba gsol/ khro mo rnams kyang khro dang mthun// gnas dang yul gyi phyag rgya ni// rgyud gzhan dag dang mthun par bshad// ma mo rnams kyi phyag rgya ni/ / 'jig rten 'das mdo che las bshad// sgyu 'phrul dra ba las/ phyag rgya spros pa'i le'u ste bcu dgu pa'o//// de nas de bzhin gshegs pa khro bo'i rgyal po dpal shrI he ru kas/ yum kro d+hi shwa ri dang gnyis su med par 'dul bar mdzad nas/ byang chub kyi sems rdo rje las khro bo'i dkyil 'khor mang por spros nas/ 'jig rten pa'i dbang po dang/ bdag po dang/ rgyal po dang/ rgyal po'i yang rgyal po dang/ blon po dang/ sde dpon dang/ 'khor 'bum phrag bsam gyis ma khyab pa la sogs pa thams cad ma lus par dbang du bsdus te/ 'jigs byed chen po yis/ lha chen po rnams dang/ da ltar dang/ phyi ma'i dus su/ la la ni tshe 'phel ba'i las su bskos/ la la ni longs spyod 'phel bar bskos/ la la ni 'byung ba chen po la thogs pa med par 'gro bar bskos/ la la ni gzugs mi snang bar 'gro bar bskos/ la la ni gzugs sna tshogs cir yang bsgyur bar bskos/ la la ni mi mthun pa'i phyogs dbang du sdud par bskos/ la la ni nyams shing rmos par bskos/ la la ni skams shing 'pho bar bskos/ gzhan yang bya ba rnam pa sna tshogs ci 'dod par bskos nas/ / ched du brjod pa 'di ched du brjod do// mnyam nyid rig pa'i rdo rje yis// 'jig rten gtso mchog dbang bsdus nas// thugs rje chen po'i byin brlabs kyis// 'gro ba'i don rnams sna tshogs bstan/ / thabs dang shes rab ldan gyur pas// ji ltar dmigs pa bzhin du 'grub// 'di ni rang byung lha yi lha// byams dang snying rjer ldan par rol// thugs rje chen po'i thabs mkhas pa/ / thams cad kun la spyod gyur kyang// bag chags la sogs mi 'gyur te// bsod nams ye shes tshogs rdzogs 'gyur// thabs mkhas spyod pa ma gtogs pa// gzung 'dzin 'khrul rtog rdul tsam med/ / de bzhin nyid dang dbyer med phyir// rtag tu rang bzhin 'od gsal gnas// de nas bdag gis rgyud kyi don// gong nas 'byung ba'i zhi khro gnyis// gang goms gsal ba bsgoms byas nas// ting 'dzin las su gsal 'gyur dang/ / rang sngags bzlas pa 'bum 'bum gdon// lha yi dbang po dgug pa'i phyir// lcags kyu zhags pa s+pho Ta baM// in+Da ya swAhA/ in+Da a mr-i ta/ hUM hUM dza dza dza/ lha yi dbang po'i snying kha nas/ / yang nas yang du rnam ra drang// dbang po gangs ri nyi shar 'dra// lus ni rin chen kun gyis brgyan// gtsug na yid bzhin rin chen 'bar// mchod sbyin 'od zer brgya dang ldan// rdo rje in+d+ra g.yas kyis gdengs/ / yid bzhin bdud rtsi'i bum chu g.yon// dbang po'i btsun mo sha tsi dang// bcas pa bsgrubs pas ci 'dod 'grub// lha chen dgug pa'ang sngar bzhin te// ma hA de ba hUM dza/ dzaHhUM baM hoH ma ma trag sha ma hA tsa/ hUM hUM hUM/ lha gzugs mdog ni dkar la 'tsher// rin chen 'phreng bas se ral brgyan// yid bzhin bdun rtsi bum chu gsol// g.yon pa rin chen bgrang 'phreng ste// gzi 'dod rnams kyi re ba skong/ / btsun mo 'od can dbu ma dang// rtag tu 'dod yon lnga dang ldan// bdag nyid bud+d+ha he ru ka/ lha yi gzugs ni snga ma bzhin// srog dang ldan par bzlas pa bya// mdun nas dzaHhUM baM hos drang// rgyab nas rdo rje can gyis phul/ / je nye je nye gnyis med par// lha chen po ni gsal gyur nas// ci 'dod las de byed du gzhug/ lha chen 'khor rnams thams cad kyang// de grub dbang med 'du bar 'gyur// gang 'dod las rnams byed par 'gyur/ / de nas dges pa chen pos// rgyal po chen po sde bzhi po 'di sgrub pa'i thabs gsungs so// byang chub sems mchog ting 'dzin gyis// phyogs bzhi ma lus thams cad kun// rigs sngags 'chang gi don grub tu/ / rgyal chen bzhi yang dbang du bsdu// bdag nyid rigs bzhi he ru ka/ gang don 'byung ba bzhin du bsgom// lha nyid rtag tu gsal gyur cing// lha yi gzugs tshul gsal bar bsgom/ / bdag nyid lha dang gnyis med par// yang dag don du ldan par bsgom// de nas rgyal po yul 'khor srung// sku mdog dkar ser 'od 'bar zhi// dung tshul lus la shel rmog gsol// snyan pa'i pi wang phyag gis 'dzin/ / oM bai shra ba Na ye swAhA/ dzaHhUM baM hoH dza dza dza/ hUM hUM hUM/ zhes lan 'bum du bzlas/ bdag nyid rdo rje he ru ka/ 'dren pa'i phyag rgya de dag gis// rgyal po yul 'khor snying nas drangs// rdo rje can gyis rgyab nas phul/ / 'di yis rgyal po dbang gyur nas// las ni gang 'dod byed du gzhug/ thams cad thams cad grub par byed// kun las 'byin cing kun la za// rgyal po'i 'khor rnams thams cad kun/ / ma lus pa ni yang dag 'du// bran bzhin du ni phyi bzhin 'brang// rgyal po 'phags skyes sgrub pa ni// bdag nyid rin chen he ru de// sku mdog rgyud las 'byung ba bzhin// phyag rgya rnams kyang de bzhin te/ / 'od kyi 'phro 'du'i byin brlabs kyis// 'phags skyes po ni dbang du bsdus// oM ti sta ra tra ya swAhA// dzaHhUM baM ho/ g+hi Na g+hi Na/ durga byed ta tang/ hang hang hang/ rat+na dzaHhUM baM ho/ zhes/ rang sngags 'bum du bzlas byas te/ / srog dang ldan par bya// bdag nyid rat+na he ru ka/ 'phags skyes po yi snying kha nas// dza yis rab tu bzung nas ni// bdag gi mdun du dgug par bya// rgyab nas rdo rje can gyis phul/ / de nas mngon du gyur pa na// gang 'dod las de byed du gzhug/ mdog ni gser gyi mdog tu 'bar// 'khor rnams thams cad bdag dang ldan// yid bzhin rin chen gzhal yas 'grub// rgyal po mig ngan sgrub pa ni/ / bdag nyid pad+ma he ru ka/ sku mdog btsag gi snga ma bzhin// phyag rgya'i tshul yang de bzhin te// snying po 'bum phrag gsal bzlas nas// ting 'dzin phyag rgya bsgyur rung zhing// lha nyid du ni gsal gyur nas/ / rgyal po de yi gzugs mdog ni// shin tu dmar zhing 'tsher ba ste// lag g.yas bdud rtsi'i bum pa gsol// lag g.yon 'dod yon lnga yi tshul// nub phyogs klu rnams re ba skong// sbrul mgo 'bum gyi gdengs kha can/ / de ni rab tu dbang bsdu'i phyir// sngags kyi snying po 'di bzlas bya// oM bi ru ta ka ye swAhA// pe pa ka ya ka swA hA/ dzaHhUM baM ho/ nA ga shi ni b+hi pa ga ka b+him kang/ dzaHhUM baM ho/ 'bum phrag du ma bzlas na ni/ / de ni bdag gi dbang du 'du// bdag nyid lha ru gsal bsgoms nas// mig mi bzang gi snying kha nas// dza yis rab tu bzung nas drang// rgyab nas rdo rje can gyis phul// de nas bdag dang gnyis med par/ / dbyer med par ni gyur pa dang// ci 'dod las de byed du gzhug/ mig ngan 'khor rnams ma lus pa// bdag gi las rnams rdzogs par byed// rgyal po rnam thos sgrub pa ni// bdag nyid khro bo bdud rtsi 'khyil/ / sku mdog phyag mtshan snga ma bzhin// gsal zhing 'od 'phro 'bar bsgom zhing// gsang sngags snying po 'bum phrag bzlas// ting 'dzin bsgyur du rung ba dang// rnam thos dag ni rtag tu sgrub/ / gzugs ni rin chen bai DUr+Ya// yang na mdog ni sngo zhing 'tsher// phyag g.yas rin chen dbyug to thogs// g.yon na 'dod yon bum chu gsol// dbu la rin chen sna tshogs mdzes// oM be shra wa NA ya swAhA/ dzaHhUM baM ho// ku be ra baM b+ha ba ka ra yang yaM/ dzaHhUM baM ho/ 'bum du bzlas shing srog yod par// yang dang yang du bzlas par bya// bdag nyid bdud rtsi he ru ka/ dza yis rnam thos snying nas drangs/ / dbang du yang dag bsdu bar bya// rgyab nas rdo rje can gyis phul// yid bzhin rin chen dbang du 'gyur// gnod sbyin 'khor rnams dbang du bsdu// rin chen sprin zhing las rnams sgrub// ci 'dod las rnams byed par 'gyur/ / sgyu 'phrul dra ba las/ lha chen po sgrub pa dang rgyal po chen po bzhi'i dkyil 'khor bkod cing sgrub pa'i le'u ste nyi shu pa'o//// de nas de bzhin gshegs pa rgyud kyi rgyal po sgyu 'phrul dra ba las/ lhag pa'i gzugs brnyan gyi dkyil 'khor gyi dngos grub blang ba'i thabs 'di gsungs so// ye nas mnyam nyid dkyil 'khor las// thabs dang shes rab ldan byas te// rang rig ye shes rgyal po yis/ / thams cad ma lus maN+Dal la'i// de bzhin nyid kyi gzhal yas la// rig pa rang dbang gyur pa yis// mnyam la mnyam par mi gnas pa'i// chos sku phyag rgya chen por bsgom// 'jig rten brtan g.yo thams cad la/ / rang bzhin dkyil 'khor gnas mod kyang// gzung 'dzin rnam rtog zhags pa yis// rang gi bsgribs shing rtag tu bcings// kun gyis yang dag rtogs bya'i phyir// de bzhin chos sku gzugs brnyan bstan/ / rtog dang mi rtog rang rig dang// yang dag thabs chen rdzogs pa'i don// rin chen sna tshogs la sogs dang// 'byung ba bzhi las gyur pa kun// thams cad byang chub mchog gi rgyu/ / gzugs sogs ri mo bris pa dang// ye shes chen po rab 'byams kyis// don du mi 'gyur yong ma gsungs// de bzhin ting 'dzin dkyil 'khor gyis// thams cad dbyings su bsdus nas ni// nyid kyi thugs la bstim byas te/ / thams cad sku yi phyag rgya che// dkyil 'khor rnam gsum dag byas pas// nam mkha'i dbyings kyi dkyil 'khor du// rang rig ye shes 'du 'phro yis// thams cad chos sku phyag rgya che/ / yang dag rtogs pa'i khyad par gyis// ting 'dzin don rnams gsal bsgoms na// mA ma ki ni rgyun chags la// yang dag chos sku phyag rgya che// don mchog ma lus rdzogs pa'i phyir// mkha' la 'phyo ba'i dkyil 'khor du/ / dri med chos sku phyag rgyar gsal// dbyings dang de bzhin nyid med par// ting nge 'dzin gyis dbang sgyur nas/ kha dog dbyibs dang gzugs su bsgyur// sna tshogs 'phrin las rnam par rol/ / don gyi snying po mchog rnams dang// byang chub chos rnams rab tu rdzogs// 'jig rten gtso mchog rnams kyis bskor// a ho/ chos sku phyag rgya de dag las// las lnga'i dkyil 'khor rab tu bsgrub// ting nge 'dzin gyis dbang sgyur na/ / ji ltar dmigs pa bzhin du 'grub// drag pa gtum po gtul ba'i phyir// bdag nyid drag por bsgoms nas ni// chos sku nag po 'od 'bar gyis// bgegs kyi ling kha mnan par bya/ / drag po gtum po'ang brlag par 'gyur// mi mthun phyogs kyang rdul du rlog/ 'di dang 'gro ba thams cad du// shin tu stobs drag cher ldan 'gyur// thams cad gnyis med dbyings bsdus phyir/ / bdag nyid ha ya gri bar bsgom// dmar po'i chos sku gsal bsgoms te// mi mthun phyogs rnams gdan du gding// ting 'dzin gsal bar byin brlabs na// thams cad ma lus dbang du 'du/ / mthu chen dag kyang phyi bzhin 'breng// ci 'dod las rnams byed par 'gyur// thams cad yon tan 'phel bya'i phyir// bdag nyid rgyal ba'i khyu mchog ste// gser gyi mdo 'dra phyag rgyar bsgom// gang 'phel chos sku'i gdan du bzhag/ de ltar dag pas byin brlabs nas// yon tan nam mkha'i mtha' dang mnyam// tshe dang longs spyod 'phel ba dang// ji ltar dmigs pa bzhin du 'grub// thugs rje chen po'i byin brlabs kyis/ / gtum khro ma lus zhi bya'i phyir// dkar zhing 'tsher ba'i chos sku bsgom// gang zhig gtum khro zhi bya'i gdon// de bzhin ting 'dzin byin brlabs na// gtum po rngam po'ang zhi bar 'gyur/ / gzhan yang ji ltar dmigs pa bzhin// zhi zhing dul ba nyid du 'gyur// thams cad mkhyen pa'i ye shes kyis// rnam bzhi'i dkyil 'khor dbyings su bsdus// bya byed med par dkyil 'khor spyod// lhun grub dkyil 'khor ye nas rdzogs/ / a ho/ chos sku'i phyag rgya chen po ni// dngos grub gang 'dod sbyin par nges// nye ba'i lha ni gang sgrub pa// phyag rgya snying po bris bcug na// gang bsgoms the tshom med par 'grub/ / de ni rgyal ba kun dang ni// mnyam par nges 'grub the tshom med// 'jig rten pa yi lha sgrub na// lha yi snying po gang yang rung// bris te dkyil 'khor nang bcug na// lha de nye bar 'grub par 'gyur/ / chos nyid rten cing 'bral bris na// chos kyi don rnams rtogs 'gyur te// rang dang spyi yi don rtogs na// skye rgas na 'chi med par rtogs// phyag rgya chen po de dag la// nyon mongs las rnams sbyong byed pa'i/ / snying po ma nor don bris na// ngan song sdug bsngal med par 'gyur// gzhan yang dkyil 'khor bsam yas dang// tshad dpag med pa'i phyag rgya che// sku gsung thugs ni rgyun mi 'chad// zhing khams bye ba rdul dang mnyam/ / a ho/ rdo rje gsang ba'i tshig tu'o// sgyu 'phrul dra ba las/ lhag pa gzugs brnyan gyi dngos grub len pa'i thabs te/ mchod rten gdab pa'i le'u ste nyer gcig pa'o//// de nas de bzhin gshegs pa rgyud kyi rgyal po sgyu 'phrul dra ba las shin tu gsang ba'i phyir/ gsang sngags kyi rgyud de phyi pa dang nang pa thams cad kyi rgyud gzhan la khams bco brgyad du bstan/ gtsug lag thams cad la yang bco brgyad du bstan pa yin/ lung gi spyi 'di shin tu zab pa'i phyir/ khams nyi shu rtsa gcig tu bstan te/ lung gi spyi dang/ rgyud dang/ gsung rab thams cad 'byung ba'i gnas yin/ gsang ba'i dbang po dang/ gsang ba'i yul gnyis gang yang skye mched dang khams thams cad 'byung ba'i gzhin yin pa'i phyir/ shin tu gsang bar gsungs so// dkyil 'khor de dag shin tu gsang bar bstan pa'i phyir/ / nyid la nyid ched du brjod pa 'di ched du brjod do// kye ma ho ye nas gsang ba'i chos// thams cad kun la rang bzhin gnas// ngang gis dag mnyam ma rtogs pas// kun la yod cing rang bzhin gsang/ / gzhan du min las shin tu gsang// don nyid kyis ni gsang ba'i rgyu// mnyam pa'i rdo rje can gyis gsungs// 'di ni byang chub snying po mchog/ a ho/ gsang ba'i tshig tu'o// dbang po yul dus gsang ba'i rnams/ / byang chub pa yi dkyil 'khor nyid// phung po lnga dang 'byung ba lnga// rigs lnga yab yum bcu ru 'byor// skye mched khams rnams bco brgyad po// byang chub sems dpa' sems ma nyid// dkyil 'khor nyid kyi dbyings yin te/ / rang byung rdo rje gsang ba'i dbang// yul nyid ye shes pad+ma'i dbyings// dbang po'i thugs ni rdo rje sems// thams cad 'byung ba'i gter nyid dang// thams cad 'gro ba'i gnas nyid de/ / de yis ma bskyed gang yang med// 'khor dang mya ngan 'das pa'i rgyu// de las thams cad skye zhing 'byung// kun gyi phyag rgya'i rgyu yin te// bde ba'i byang chub sgrub pa'i rdzas// de las bskyed cing de las spros/ / dngos grub thams cad 'grub pa'i gnas// dbang po rdo rje pad+mar ldan// gnyis med byang chub sems 'phro na// mi dmigs bde dang longs spyod 'phro// sku gsung thugs dang ye shes lnga// gsang ba'i lha mo bzhi rnams dang/ / mchod pa'i lha mo rdzogs ldan bzhi// 'jig dang ldang gnas smon pa yis// g.yo bskyod 'jug dang bde gnas pa// gsang ba'i dbang po byed pa po// shes bya pad+mos thob par 'gyur// de phyir gsang sngags mchog rdzogs pa/ / bsod nams ye shes tshogs kyang rdzogs// de bzhin nyid kyi gsang ba las/ khams ni nyi shu rtsa gcig bshad// rdo rje gsang ba'i dbang po dang// pad+ma bde gnas 'byung ba dang/ / gsang ba mchog gi 'phrul chen 'phro// 'di ni rtsa gcig yin par gsungs// shin tu gsang ba zab pa'i phyir/ khams nyi shu rtsa gcig tu bshad pa'i le'u ste nyi shu gnyis pa'o//// sgyu 'phrul dra ba kun ldan pa'i/ / rdo rje la sogs kun tu yang// gsungs pa mi 'gal 'dir yang brjod// 'jug ldan gnas smon byang chub sems// g.yo dang bskyod dang ldang dang gnas// bkug dang 'dzin dang de bzhin te/ / bsdus dang 'phris pa'i don grub phyir// bsdams dang mi gtong dbang sgyur te// bde dang sgra snyan phyogs bcur sgrogs// shin tu sgeg pa'i gzi brjid 'bar// yid bzhin rin chen 'phreng ba 'bar/ / dbyangs snyan yid 'phrog gzi ldan 'bar// gzugs mdzes bskyod pas phyogs bcur g.yo// kun tu tshim byed dri bsung thim// lhag mdzes rin chen phung po 'bar// 'od gsal 'phro bas kun tu 'phro/ / bdud rtsi bsil dro 'jam pa'i dbyangs// a la la ho/ gsang ba'i dbang po pad 'byor na// chags pa med pa'i tshul gyis su// pha rol phyin bcu rgyu 'bras rdzogs// sa bcu rim gyis bkod med rdzogs/ / kun tu 'od gsal spyan yang rdzogs// gnyis ldan bla med sa yang rdzogs// bsod nams ye shes tshogs chen la// brtan pa nyid du rdzogs par rol// a ho/ de bzhin nyid kyi gsang mchog las/ khams ni nyi shu rtsa gcig ste// bco brgyad po ni rgyud gzhan bzhin// gsum ni de bzhin kun gyi bdag/ bco brgyad 'byung ba'i gnas yin te// byang chub 'grub pa'i gzhi yang yin// bde ba sbyin pa'i rgyu yin te/ / gsang ba'i mtshan nyid brjod pa ni// dbang po rdo rje gsang ba'i rgyal// yul ni pad+ma bde mchog dbyings// sems ni byang chub 'byung ba'i gter// dbang po yul sems ldan gyur na// gsang ba mchog gi 'phrul chen spro/ / dkyil 'khor rdul snyed grangs med dang// phun sum tshogs pa lhun grub rnams// gsang dbang mchog gis 'byin par byed// 'di ni rtsa gcig yin par gsungs// gsang mchog don mchog 'di dag ni/ / lta ba dman la bshad byas nas// dus min par ni srog zad nas// mgo 'gas snying yang 'tshig par 'gyur/ khab longs kyis ni lcags sdud ltar// mi 'dod bzhin du dbang med par// bskal par ngan song gnas par 'gyur/ / de phyir 'di ni shin tu gsal// shes rab rgya che blo yangs pa'i// snod ldan ngang tshul bzang la bstan// gzhan du nam yang sbyin mi bya// zhes nyid la nyid brjod de/ shin tu zab pa'i phyir rgyud gzhan gyi nang du ma bshad do/ / gsang ba'i dkyil 'khor khams nyi shu rtsa gcig tu bsdus nas/ thams cad ma lus par dbyings su bsdus pa'i le'u ste nyi shu gsum pa'o//// de nas de bzhin gshegs pa rgyud kyi rgyal po sgyu 'phrul dra ba las/ chos thams cad yid bzhin chos su 'dus par bstan pa dang/ shes rab thams cad ni yum bzhir 'dus/ yum bzhi yang gcig tu 'dus so// thams cad ni rigs bzhir 'dus so/ / rigs bzhi yang gcig tu 'dus te/ thams cad dbyings dang dbyings kyi ye shes su 'dus par bstan nas/ tshig mgo mjug gi don bsdus nas yang 'di skad brjod do/ / don gyi rtsa ba'i mchog yin no// thams cad ma lus mi dmigs ma chags chos nyid de// de bzhin nyid dbyings sna tshogs mang po thabs su snang// thabs nyid sgyu ma mig yor chu zla gzugs brnyan yin// de nyid rang rig ye shes chags med sna tshogs snang/ / thabs dang shes rab ldan pas mchog gi gnas gyur pas// ji ltar spyad kyang zad med gnyis grub sgrib mi 'gyur// shes rab thabs chen mchog la ye nas rol pa yin/ / de nyid phyag rgya sna tshogs sprul pa rang rig ste// rgyu 'bras ye nas dbyer med snga phyi ma yin pas// 'bras bu lam du gyur bar dus gcig mnyam par spyod// 'di ni yid bzhin rin chen thams cad 'byung ba'i gnas/ / thams cad 'du ba'i gter dang yid bzhin mdzod// gnyis bral mnyam dang mi mnyam thams cad nyid kyi dbyings// nga dang bdag med sna tshogs mtshan ma dbyer med pa// stong dang mi stong mi gnas de bzhin nyid du rngubs/ / rang byung rdo rje'i dkyil 'khor zad med gter chen 'phro// 'das dang ma 'das dkyil 'khor bsam yas lhun grub dang// mi zad par ldan rgyan gyi 'khor lo drug rdzogs pa/ / skye med dbyings kyi rang byung 'od gsal 'phreng ldan mgo/ ye nas ma bcos ma byas rang rig ngang gis gsal// thams cad 'byung 'jug rang rig gter chen nang du bsdu// phyogs bcu ma lus thams cad kun 'dus dang/ / zhing khams gzhal yas bsam yas rin chen mchog chen kun// skye med dbyings dang rang rig gnyis su yang dag 'ub// mos spyod stong nyid rgyu 'bras yang nas yang sbyangs mi dmigs pa// ye nas 'od gsal chags med ma chags dkon mchog gnas/ / ming tsam mchog rol thabs dang shes rab mchog gis rdzogs// lam stegs nyid du pha rol phyin bcu rgyu 'bras spyod// mnyam nyid rig pa'i rdo rje thabs chen yang dag ldan/ / 'gro med 'ong med mi gnas kun khyab khyab med nyid kyis bshad// a ho/ rgyud kyi rgyal po sgyu 'phrul dra ba chen po las/ pha rol tu phyin pa bcu dang/ sa bcu dang/ sa gnyis dang/ thabs kyi sa mchog dang/ sangs rgyas kyi zhing ma lus pa/ yid dang chos su 'dus par bstan pa'i le'u ste nyer bzhi pa'o//// rgyud mgo mjug ril 'dir 'dus she'o//// de nas de bzhin gshegs pa thams cad kyis/ / mi 'chi ba rdo rjer bsgrub pa 'di gsungs so// rdo rje zhing chen sgrub 'dod pas// thams cad skye shi med tshul du// mnyam zhing dag pa nyid du bsgom/ khro bo bdud rtsi 'khyil pa yis// dzaHhUM baM hos dgug par bya/ / bdag dang khro bo gnyis med par// yang nas yang du bsgom par bya// sku rnams gsal bar gyur pa dang// zhing chen 'og tu gzhug par bya// dkyil 'khor ma lus der bkod nas/ khro bo khro mo 'khor du bsgom// mngag pa'i pho nya phyogs bcur gtang// 'jig rten mi rnams dbang bsdus te// nr-i yi tshogs rnams kun bkug nas// zhing la yang nas yang du 'jug/ ting 'dzin che bas zla gcig ste/ / 'bring gi zla ba gnyis dang gsum// tha mas zla ba lnga ru ni// rtse gcig rtse gsum rtse lnga pas// 'du 'phro yang nas yang byas pas// snar dang ser dang mdog snum 'byung// de nas ting 'dzin bdud rtsi yis/ / lan grangs 'bum phrag mang por bzlas// bzlas pa'i tshul ni rnam gsum dang// rdo rje sngags zlos rtse gsum pa// de yi bar nas bzlas pa 'byung// 'od zer lnga dang ldan par bya// zhing de ltem ltem por gyur dang/ / bdud rtsi lnga yis bsku bar bya// de nas yi ge 'bru lnga dgod// yan lag lnga la yul lnga ste// dbang po lnga la sems dpa' dang// sems ma 'khril ba'i tshul gnas bya// rdo rje'i ting nge 'dzin gyis ni/ / gsal zhing 'tsher bar bsgoms nas ni// sngags kyi 'byung 'jug zhing la gzud// de nas zhing de 'gul gyur nas// shin tu zhags pas bsdam par bya// yan lag rnams kyang gzhum par bya// phyogs bzhi dag tu thod pa bstan/ / de nas nub tu thod pa bstan// ha ya gri ba'i skur bsgom zhing// sngags ni 'bum phrag mang du bzlas// phyogs bcur spro zhing zhing la bstim// de nas zhing de drag 'gul na// rdo rje ting 'dzin de yis ni/ / brtan pa nyid du bsgom par bya// de nas spar spar byed pa dang// a N+ri pri du tri gang yin// hri nri ar bsgyur ting 'dzin gyis// rdo rje drag tu brdeg cing dbab// thod pa'i kha nas hri byung nas/ / rdo rje ting 'dzin so yis bcad// rdo rje'i sngags zlos khong du bstim// gnyis su med par bsgom par bya// de nas zhing de langs pa dang// rdo rje byin nas dbang yang bskur// bdud rtsi'i chu yang blud par bya/ / las rnams thams cad byed du gzhug/ de ltar bsgrubs pa'i rigs mchog gis// thal ba thams cad sos par 'gyur// sgrub pa'i sa ni dur khrod dang// ri brag gnyan po bgegs gnas dang// gnas khrod gnyan po tshor ma can/ / gnod sbyin srin po 'byung po'i gnas// de dag tu ni bsgrub par bya// dgu dang bcu gnyis bcu gsum dang// bcu drug man chad bsgrub par bya// phyi nang mchod pa'i yo byad rnams/ / lam lnga'i zhing dang sman rnams bcang// 'bru rnams sna tshogs bcang bar bya// rtag tu tshogs kyis mchod par bya// rtag pa dag tu ma ldan na// nyin gsum mtshan gsum bar mi bcad/ kha zas rnams kyang thob par bza'/ / btung ba dag kyang de bzhin te// mar me rtag tu gtang bar bya// rgyu ni nr-i yi mar las byas// yan lag bsku ba'ang de bzhin no// sdong po pad+ma'i rgyu las bya// snod ni dung chen srubs med pa/ / lung po yod dang med kyang rung// de byi pu tra ma byung ba// mdog ni ban glang can la yod// rdo rje sgrub pa bar gcod phyir// rtag tu mtshams ni gcad par bya// nr-i yi rkang pa g.yas g.yon nas/ / sbom po ma yin phra ba nyid// de la kI la ya byas la// phur pa'i sngags dang khro sngags dang// lan 'bum du ni bzlas nas ni// lag pa g.yas g.yon thal sor la// khro bo bcu dang khro mo bcu// 'od 'bar gzugs kyi sku ru bsgom/ / de nas gnyis med sbyor tshul du// sgrub pa rdo rje bsgom par bya// sgrub pa dngos las ma gtogs pa// phyogs bcu rnams su mtshams yang gcad// dngos grub ma thob bar du ni/ / bsgom dang bzlas dang phyag rgya gsum// bag yod mgo la me 'bar bzhin// bar mtshams med par bsgrub par bya// de ltar sgrub pa'i rigs mchog gis// lha ma srin rnams bran bzhin 'khol// 'jig rten dbang phyur dbang du sdud/ / rdo rje rigs mchog 'khor rkyen rnams// yid bzhin du ni 'byung bar 'gyur// rdzu 'phrul chen po de dag ni// lus sdud nas ni mngon du phyung// de ma yin par shin tu gsang// rgyud kyi rgyal po sgyu 'phrul dra ba las/ ro langs sgrub pa'i le'u ste nyi shu lnga pa'o//// de nas de bzhin gshegs pa rgyud kyi rgyal po sgyu 'phrul drwa ba las ting nge 'dzin gyis rim par sbyong zhing/ dngos grub myur du len pa'i thabs dra ba las 'di skad ces gsungs so/ / dkyil 'khor bsam yas dngos grub pa// mi dmigs dbyings las don 'byin te// ma bcos ji bzhin ngang bzhag dang// lhun gyis grub pa'i dkyil 'khor 'byung/ / mi dmigs thugs kyi dkyil 'khor las// ting nge 'dzin gyi dbang sgyur nas// ye shes sprul pa sna tshogs 'grub// spyod yul thams cad maN+Dal// ye shes dkyil 'khor thar byed skyong/ / longs spyod sku dang sangs rgyas zhing// de ltar 'dod pa smon na 'grub// yangs shing rgya che lhun grub ni// phyi nang snod bcud ye nas dag/ dag rtogs nyid kyang dbyings nyid de// 'di ni rdo rje mnyam yin no/ / dngos grub myur du 'grub 'dod na// shin tu phra zhing zab par bsgom// bdag dang bdag gi gzhan rnams ni// shin tu mi dmigs dbyings su bsgom// ting nge 'dzin de goms pa dang// thams cad sgyu ma mig yor dang/ / sprul pa'i tshul du shes bar bya// de bzhin yang nas yang goms nas// de nas phra ba'i ting 'dzin bsgom// phyi nang snod bcud hUM du bsdu// gang sgrub yi ge so so ste// spyir ni gang bsgom kun tu 'dra/ / rdo rje sems dpa' nyid du 'du// yan lag lnga dang rnam shes nyid// yi ge hUM du shin tu bsdu// nr-i yi mig gis bltar yod bar// yang nas yang du 'dis pa dang// 'od zer mang po spro bar bya/ / phyogs bcu dus bzhi gang ba dang// slar yang hUM la bstim par bya// hUM nyid mi dmigs dbyings su thim// thim gyur dbyings nas a dkar 'bar// shin tu 'tsher bar gsal bsgoms la// thams cad a ru gyur par bsgom/ / de bzhin nyid du 'dris gyur nas// a las ma'i dkyil 'khor spro// a ma gsal bar 'byor gyur nas// nyi zla gang bar sgril mar bsgom// hri gsal pad+ma chags med bsgom// rin chen 'bar ba'i gzhal med khang/ / nyi zla gdan dang bcas par bsgom// thams cad 'dus shing 'phro bar bsgom// de dkyil yi ge hUM gnas pa// mthing kha 'tsher la gsal ba yi// 'od zer 'phro ba rnam par bsgom/ / 'od 'phros dbyings su slar bsdus nas// shin tu rdo rje 'phro bar bsgom// rdo rje 'od 'phros gsal 'bar nas// dbyings su yang ni bstim par bya// de nyid sems dpa'i skur gyur nas// shin tu phra zhing 'dus par bsgom/ / de bzhin gnyis med gsal gyur nas// sku gcig rdo rje dril 'bar bsgom// de bzhin nyid du gyur pa dang// dbu gsum phyag drug nyid du bsgom// gzhan yang khro 'dul sna tshogs bsgom/ / blo yi shes rab che chung las// rim pa bzhin du bsgom par bya// yang na gcig char bsgom par bya// nyi zla gza' skar dus gcig tu// chu dkyil dngas par gsal ba bzhin// de ltar goms rtogs rigs mchog des/ / ji ltar dbang sgyur bzhin du 'grub// mkha' lta 'phyo dang rigs 'dzin gnas// chu rgyun zlog dang rlung mi 'gul// ri brag la sogs thogs med 'dzul// chu la mi 'bying mes mi 'tshig/ dug dang mtshon gyis 'jigs mi 'gyur/ / mi snang ba dang mang por sprul// gzhan yang ji ltar 'dod pa bzhin// lha srin rnams la dbang sgyur dang// tshe dang dus la bsring bstung dang// stong gsum nyungs 'brur shong ba dang/ / yungs 'brus stong gsum khengs pa dang// ji ltar dmigs pa bzhin du 'grub// sbrul dang gcan gzan gdug pa rnams// khyi bzhin phyi nas 'brang bar 'gyur// bdud dang gdug pa la sogs pas/ / tshugs par mi 'gyur bran bzhin 'gyur// lus ma spangs par rigs 'dzin sa// ye shes bsod nams longs spyod kyis// yi ge 'khor lo tshogs mchog brnyes// thugs rje sprul pa'i byin brlabs kyis/ / so sor thar pa'i lam yang ston// 'gro ba ma lus don yang byed// las rnams thams cad kun byas na// skye shi med pa'i g.yung drung thob// mtshan dang dpe byad kun gyis brgyan// bsod nams ye shes tshogs chen ldan/ / mthar phyin bya ba med pa 'grub// sgrub med spangs med chos kyi dbyings// 'ong med 'gro med de bzhin nyid// 'di ltar bsgrubs te bsgoms byas na// 'bras bu mngon du ma gyur kyang/ / tshe rabs skye ba thams cad du// las ngan kun tu skye mi 'gyur// theg pa dman par yongs mi 'gyur// rdo rje'i rigs mchog 'dzin par 'gyur// zhes rdo rje gsang ba'i tshig tu'o// shin tu gsang ba dngos grub myur du thob par bya ba'i le'u ste nyer drug pa'o/ /// de nas de bzhin gshegs pa rgyud kyi rgyal po sgyu 'phrul dra ba las// sku'i dkyil 'khor mngon du phyung ste 'di skad ces gsungs so// de bzhin nyid kyi dbyings ldan te/ / rgyu dang dra bar 'brel gyur nas// rgyu mchog rdo rje 'od snang ba// mthun pa'i ye shes rang snang ba'o// rgyu drug 'khor ba'i lus snang ba// rnam rtog mthun pa'i las snang ngo// de bzhin sku mchog dri bral dang/ / bde gshegs sku lngar mdor bsdus te// bcom ldan 'das dang byang chub gzugs// bla med gzugs dang rdo rje'i sku// de la sogs te sku bsam yas// phyogs bcu kun tu dus bzhir ni// thabs kyis 'gro 'dul skur ston te/ / byang chub sems ni rdo rje'i sku// chags med zhing du sku ston pa// dbyings las ma g.yos bzhin du snang// sku snang de bzhin nyid kyi dbyings// rnam dag sku ston ma yin te// log 'gro rtog pa thams cad la/ / so sor 'dul ba'i skur yang ston// de tshe skye shi med pa'i sku// las dang ma chags pad+ma'i sku// thar dang ma thar sna tshogs kyang// sna tshogs snang la gnas pa med// snang dang mi snang gnyis ka min/ / de ltar rtogs pa'i rigs mchog ni// rdo rje zhes ni gdags pa yin// ji snyed sku ston bsam yas pa// thams cad ma lus rdo rjer bsdus// 'khor lo zhes kyang brjod pa yis// de la sogs te sku bsam yas/ / byang chub thugs kyi dkyil 'khor nas// sku ni sna tshogs thams cad kyang// gzha' tshon chu zlar 'drar shes na// dbyings nyid la ni dbyings snang zad// thugs nyid gsung gi dkyil 'khor snang/ / gsung nyid sku yi dkyil 'khor te// dbyer med de bzhin yong gis so// dkyil 'khor bzang po sgrub 'dod las// rtag tu dus gnas thams cad du// bdag dang bdag gi dbyer med par// ye nas dkyil 'khor yin par rtag/ 'di ni dngos grub mchog yin par// kun tu rgyal gyis de skad bshad// sgyu 'phrul dra ba las// sku'i dkyil 'khor mngon du phyung ba zhes bya ba'i le'u ste nyer bdun pa'o//// de nas de bzhin gshegs pa rgyud kyi rgyal po sgyu 'phrul dra ba las/ sngags 'chang rnams don yod par bya ba'i phyir/ dam tshig sum brgya'i rtsa ba mdor bsdus nas/ sngags 'chang rnams kyi don ched du/ ched du brjod pa 'di ched du brjod do/ / phyogs bcu'i 'jig rten rdul phran snyed// rtog 'dul gnyen po bsam mi khyab// 'dul ba sdom pa bsam yas dang// rdo rje theg mchog mang po kun// nyid las g.yos shing spros med kyang/ / rang rig 'phrul pa'i rtog pa yis// lta ba mtho dman bsam mi khyab// de 'dul don phyir bsam par bstan// yang dag nyid dang log rtog nyid// ngo bo nyid kyis gnas gyur na// de la bcos shing bsgyur du med/ / ye nas ngo bo yod yin na// nyon mongs spang zhing byang sgrub med// thams cad ma lus ro gcig 'gyur// kun rdzob chu zla ltar yin pas// cir yang 'gyur zhing cir yang 'grub// rnal 'byor de nyid rtogs pa yis/ / don dam skye 'gag med pa ste// kun rdzob sgyu ma cir yang 'grub// gnas ngan dus na log rtog nyid// gzung 'dzin bral ba nyid rtogs na// bdag med ye shes rang rig nyid/ / snying rje thabs mkhas ting 'dzin gyis// ji ltar dmigs pa bzhin du 'grub// so so'i rang bzhin nges she na// yang dag lam gyis bcos su med// de bas yang dag blo chen gyis// thams cad dngos po med par bshad/ / dper na dug gi rigs shes pas// dug gis mi tshugs thabs yod ltar// ha la ha la'i dug rnams kyang// bsgrubs na ra sa ya na'i sman// bdud rtsir 'gyur la tshe ring 'grub// nyon mongs rang dang spyir bstan pa/ / mtshan nyid ma nor don rtogs na// rnam par byang ba'i lam du 'gyur// sku gsung thugs kyi dngos grub kyang// gang na'ang med de de nyid yin// nang gi chen po lnga nyid kyang// rang dang spyi yi don brtags na/ / mtshan nyid med pas rnam par dag/ so so'i rtsal rnams 'dzin gyur pas// thabs chen du ni rnam par 'phro// mtshan rnams rang bzhin mi gnas pas// shes rab dbyings su rnam par sbyong/ / gti mug ces ni brjod pa yang// ma rig ming gi rnam grangs te// gnyis med don gcig yin par bshad// rang gi mtshan nyid spyod pa ni// chos dang bdag dang dngos po rnams// ngo bo yod la sogs brtag pa/ / rtog pa sgyu ma'i klung gyur te// log rtog spros pa'i rgyun yin la// thams cad chos dbyings ro gcig ste// bzod pa'i chos nyid dmigs can yin// spyi yi mtshan nyid brjod pa ni// mi rtag sdug bsngal stong bdag med/ / ma rig pa ni spang du med// rig pa yang dag sgrub tu med// thams cad dbyings su ro gcig thim// sgyu ma'i dngos por rtog pa ni// sgyu mar rtog nyid mi dmigs pas// mi dmigs de nyid sna tshogs snang/ / skye pa nyid na chos nyid gcig/ dbyings nyid mi dmigs de bzhin nyid// de nyid chos sku'i phyag rgya che// mi dmigs sgyu ma'i dngos po la// rtog pa'i yul gyis dngos nyid kyang// chos nyid mi dmigs ye nas dag/ sgyu ma mi dmigs dbyer med phyir// yod med gnyis ka dbyer med pas// ting nge 'dzin gyis dbang sgyur na// thugs kyi phyag rgya chen po yin// chos nyid dmigs su med pa ste/ / mi dmigs bzhin du sgyu mar spro// gdul bya'i bya ba bsam mi khyab// gsung gi phyag rgya chen po'o// de ltar gti mug spang du med// rnam par snang mdzad rgya chen yin// zhe sdang rang dang spyir bstan pa// kun nas mnar sems rtogs pa yi/ / sgyu ma'i dngos po thams cad la// 'jug par mos pa'i rang bzhin can// spyi yi mtshan nyid brjod pa ni// mi rtag sdug bsngal stong bdag med// zhe sdang snying rje spang bsgrub med/ / chos kyi dbyings su ro gcig phyir// sgyu ma'i rang bzhin mnar sems pa// dngos po thams cad 'jig rtogs na// sgyu mar snang ba thams cad kyang// chos ky-i dbyings las mi gzhan te// mi dmigs pa nyid sgyu mar skye/ / chos rnams kun gyi rang bzhin ni// bdag dang srog dang sems can dang// gang zag gso ba'i rang bzhin med// snang ba thams cad bdag med de// mnar sems chos kyi dbyings su gcig/ thams cad mi dmigs de bzhin nyid// kun dang dbyer med chos sku yis// kun la rtag pa'i phyag rgya yin// mi dmigs de ltar snang pa la// phyin ci log gi blo bslad pas// rtog pa'i yul la mnar sems te/ / chos nyid sgyu ma mi dmigs shing// myang 'das 'khor bar dbyer med phyir// don dam kun rdzob ro gcig ste// ting nge 'dzin gyis dbang bsgyur na// thugs kyi phyag rgya chen po yin// mi dmigs sgyu ma'i chos nyid las/ / gdul bya'i zhing ni bsam yas sprul// 'dul thabs las kyang bsam mi khyab// gsung gi phyag rgya chen po'o// zhe sdang spyi yi mtshan nyid ni// yang dag nyid kyis rab brtags na// rnam par byang ba'i mtshan nyid de/ / gnyis med zhe sdang spang du med// nga rgyal mtshan nyid bshad pa ni/ khong nas 'gying zhing sems khengs pa// pha rol zil gyis gnon par byed// spyi yi mtshan nyid bshad pa ni// mi rtag sdug bsngal stong bdag med/ / nga rgyal spangs nas zhi bsgrub med// chos kyi dbyings su ro gcig pas// kun rdzob sgyu mar khong 'gying nyid// de bzhin nyid las mi gzhan te// chos nyid mi dmigs med pa las/ / dregs pas khong khengs 'gying bar skyes// skyes 'gying nyid na dmigs med de// skye 'gag med pa'i dbyings su gcig/ 'gying ba'i rang bzhin ngang gis dag/ 'gying dang mi 'gying dbyer med phyir// chos sku'i phyag rgya chen po yin/ / mi dmigs 'gag pa med pa nyid// log rtog sgyu ma 'gying bar skyes// 'gying bas yul gzhan gnon pa nyid// chos kyi dbyings las mi gzhan te// sgyu ma chos nyid dbyer med phyir/ / don dam kun rdzob gnyis ka gcig/ ting nge 'dzin gyis dbang sgyur na// thugs kyi phyag rgya chen po yin// mi dmigs sgyu mar 'gying ba ni// nga rgyal gdul bya bsam mi khyab// gsung gi phyag rgya chen po yin/ / nga rgyal spyi yi mtshan nyid ni// rnam par byang ba'i mtshan nyid de// zhi sgrub nga rgyal spang du med// 'dod chags rang gi mtshan nyid ni// sred pa kun la zhen pa ste// spyi yi mtshan nyid bshad pa ni/ / mi rtag sdug bsngal stong bdag med// chags spangs ma chags sgrub tu med// chos kyi dbyings su ro gcig phyir// kun rdzob sgyu ma'i rang bzhin du// 'dod cing chags pa sgyu mar srid// mi dmigs pa la mi gzhan phyir/ / mi dmigs de nyid sgyu mar skyes// chos rnams bdag las mi gzhan te// spyod pa sgyu mar ro gcig phyir// chos nyid chos can dmigs su med// rgyal ba kun dang dbyer med phyir// chos sku'i phyag rgya chen po yin/ / mi dmigs sgyu mar 'dod sred cing// chos nyid de la chags rtog pa// yul dang 'dod chags rang nyid kyang// skye med chos nyid mi dmigs te// sgyu ma mi dmigs dbyer med phyir// bden gnyis dbyer med ro gcig pas/ / ting nge 'dzin gyi dbang sgyur na// thugs kyi phyag rgya chen po yin// mi dmigs dbyings nyid spros med las// 'dod chags sgyu mar spros pa ni// gdul bya'i bya ba bsam mi khyab/ / gsung gi phyag rgya chen po yin// 'dod chags mtshan nyid rtogs pa ni// rnam par byang pa ma yin phyir// chags dang ma chags gnyis med par// 'dod chags mtshan nyid spang du med// phrag dog kun gyi mtshan nyid ni/ / gzhan gyi phun sum tshogs pa la// sems dog rtog pa sgyu ma gzhan// thabs kyi sbyor ba'i rang bzhin can// phrag dog spyi yi mtshan nyid ni// mi rtag sdug bsngal stong bdag med// dog pa spangs shing yangs sgrub med/ / chos nyid du ni ro gcig phyir// kun rdzob sgyu ma'i mtshan nyid ni// gzhan gyi phun sum tshogs pa la// phrag dog pa yi sgyu ma nyid// mi dmigs pa las mi gzhan te// mi dmigs pa nyid sgyu mar skyes/ / phun sum tshogs par sbyor ba yi// thabs kyi sgyu ma'i chos nyid de// rgyal ba kun dang dbyer med pas// chos sku'i phyag rgya chen po yin// gang yang yangs dog mi dmigs las// sgyu mar gzhan gyi phun tshogs la/ / phrag dog rtog par 'dzin pa dang// rtog pa'i phrag dog mi dmigs te// sgyu ma mi dmigs dbyer med phyir// bden pa gnyis kar ro gcig pa// ting nge 'dzin gyis dbang sgyur na// thugs kyi phyag rgya chen po yin/ / mi dmigs gzhan gyi phun tshogs la// phrag dog rnam rtog spros pa ni// gdul bya'i bya ba bsam mi khyab// gsung gi phyag rgya chen po'o// phrag dog mtshan nyid rtogs pa ni// rnam par byang ba'i mtshan nyid de/ / dog pa spang med yang sgrub med// sems can rnam pa mang po kun// nang gi chen po lnga bstan pa// rang spyi'i mtshan nyid spyad par bya// thabs dang shes rab ma rtogs pas// ma grol khams gsum 'khor ba yin/ / de ltar nges par ci mngon na// sngags kyis yongs su zin pa'i nad// kun la gnod par byed mi nus// thabs dang shes rab rtogs pa yi// dug gsum sdug bsngal gnod mi 'gyur/ / thabs la mkhas pas ma zin na// lam gyi dge spyad stegs bcas kyang// mtho rigs lha dang mi ru skye// skye shi med pa'i sa mi thob// thabs mkhas snying rjes zin pa ni// mtshams med sems can ma lus kun/ / byang chub snying rje bsad na yang// bsod nams dpag tu med pa 'thob// ma bsad bsad pa'i sems med na// phyogs can sems can yal por te// snying rje med de sdig yod 'gyur// 'dod chags zhe sdang gti mug dang/ / nga rgyal phrag dog chen po dag/ gang phyir byang chub sems de ni// rdo rje de bzhin gshegs par gsal// nyon mongs pa nyid de bzhin gshegs// ngo bo yin par yang dag gsung/ / chos kun rang bzhin dag pa'i phyir// 'khor ba yongs su dag par 'gyur// thabs dang shes rab ldan pa la// nyon mongs thams cad byang chub rgyu// 'khor ba'i rang bzhin bdag med pas// de phyir de bzhin gshegs bsam yas/ / thabs dang shes rab ldan gyur pas// phyin ci log nyid byang chub lam// 'khor ba'i rang bzhin mi dmigs phyir// mya ngan 'das pa yod ma yin// gsang sngags bla na med pa ni/ / thabs kyis ji ltar zin bzhin 'grub// bsam gyis mi khyab nges pa med// don dam cir yang ma grub la// sgyu ma'i sprul pa bsam mi khyab// theg chen dag gis zin pa ni// nyon mongs lam yang rnam par grol/ / thabs chen dag gis ma zin na// dge ba spyad kyang grol mi 'gyur// rnal 'byor don dam ldan pa yis// nyon mongs 'ching ba'i chos spyad kyang// rnam par grol bar 'gyur ba yin// 'khor ba dang ni mya ngan 'das/ / gnyis ka yod pa ma yin pas// 'khor ba stong par shes pa ni// de ni mya ngan 'das pa'i mtha'// nyon mongs phyin ci log rnam dag/ thabs la mkhas pas zin gyur kyang// grol la thar par mi 'gyur na/ / byang chub sems dpa' rnams kyis ni// 'dul ba'i dbang gis bya byed kun// sngon dang smad 'tshong byed pa'ang lhung// byang chub sems dpa'i spyod tshul bzang// phal la med pas mi rung na// sngags mchog shin tu zab pa yi/ / skye bo kun gyis dpya bar 'byung// de nas dges pa chen po des// bdud rtsi dang du blang bar gsungs// mnyam dang mi mnyam dbyer med na// sku gsung rdo rje'i dbang thob 'gyur/ / grub pa'i rdzas su de phyir gsungs// mnyam pa'i don nyid ma rtogs na// byol song la la mnyen zhing dul// zhi dul chos dang ldan gyur yang// drang srong gtsang ma 'phags mthun dang// ji srid 'dod pa spong byed pa/ / de dag grol bar ngas ma bshad// chos rnams yongs kyis dag pa nyid// rnam bzhi'i tshul gyis don rtogs mngon// rgyu rnams rab tu dag pa dang// 'bras bu yongs su dag 'gyur te/ / don dam dmigs med rang bzhin dag/ kun rdzob sgyu mar ye nas dag/ rgyu yi mtshan nyid dag pa ni// phyi rol chen po lnga rnams te// sems nyid gzung 'dzin nyid snang ba// gzung ba'i yul nyid 'byung ba che/ / rgyu nyid rang gi sems yin pas// 'byung ba chen po rgyu nas dag/ 'bras bu yongs su dag pa ni// sems can kun gyi rus pa ste// rdo rje byang chub sems yin la// sha ni pad+ma'i rak+ta yin// dri chen dri chu gur kum chu/ / so so'i lus la gnas pa dag/ don dam dmigs med dag pa ni// phyi nang chos rnams thams cad kyang// gang gi ngo bo'ang ma yin te// skye 'gag med par ye nas dag/ kun rdzob ye nas dag pa ni/ / sgyu ma'i rang bzhin thams cad snang// chu zla'i tshul du mi dmigs gnas// mi dmigs pa nyid sna tshogs snang// de bzhin gshegs par ye nas mnyam// de bas gtsang sme med par spyod// sems can rtog pa bzlog phyir sman/ / gtso ru dang du blang bar bya// de bas sems can phyin ci log/ chos rnams dag par ma shes pas// thabs dang shes rab ma rtogs te/ kha cig ji srid 'tsho bar zos// byol song ma lus rtswa mchog za/ / lha dang drang srong gtsang ma za// zos kyang ma grub don ma rtogs// rnal 'byor thabs ldan rnams kyis ni// rang bzhin yong gis dag pa yis// mnyam pa'i dbyings su yang dag rtogs// thabs dang shes rab 'brel ba yis/ / the tshom med par 'grub par 'gyur// dngos dang dngos med rtogs pa'ang mtshan// gtsang dang mi gtsang rtogs pa'ang mtshan// mtshan ma gnyis kyang rnam spangs te// mkhyen pas dbus la'ang gnas mi 'gyur/ / sgrub pa'i rdzas yang dag gsungs// byang chub sems dang sha chen dang// dri chen dri chu rak+ta dag/ bsgrub pa pos ni rtag tu bza'// dngos grub ya mtshan chen po 'grub// tshe la dbang dang rig pa 'dzin/ / mkha' la 'phyo dang thogs med 'grub// mthar ni skye med rdo rje'i sa// gzhan yang ji ltar dmigs pa bzhin// 'grub 'gyur 'di la the tshom med// gsang ba'i snying po'i don nyid kyis// yi dam mi spang brtag bsgom zhing/ / yi dam lha yi mtshan nyid ni// de bzhin gshegs pa thams cad kyi// lha spangs dge spyad don med 'gyur// lha ni mi spang don nyid ni// lhun grub ye shes sems dpa' nyid// 'khor dang bcas pa thams cad kyi/ / sku gsung thugs kyi bdag po ste// phyag rgya chen po'i sku rdzogs na// dkon mchog gsum po mchod pa yin// bdag nyid lha dang mnyam sbyar na// yon tan chung yang 'grub par 'gyur/ / ye nas mnyam gnyis sbyor bas su// lha nyid du ni rtag tu bsgom// bde gshegs kun dang mnyam sbyor pas// dkyil 'khor kun dang mnyam par 'byung// bde gshegs kun dang mnyam pa'i phyir/ / sku gsum ye shes lnga rdzogs 'grub// rdo rje slob dpon smad mi bya// byang chub ston pa'i 'dren pa po// long ba'i dmigs bu 'dren dang 'dra// nyon mongs sdug bsngal mtsho skems yin// slob dpon de la smod pa ni/ / dper na mun khang sgron bsad na// mthong ba'i don mi rtogs pa bzhin// sdug bsngal nyam thag yun rings su// bskal pa mang por myong par mngon// de bas gus pas rtag tu gyis// yul la dbang ba'i rgyal po pas/ / shin tu gtso bar blang bar bya// drin chags skyed pa'i pha ma bas// shin tu lhag pa'i ri mo bya// rdo rje mched dang lcam dral ni// bla med byang chub 'gro ba'i spun// chos nyid dam tshig smon lam mthus/ / byang chub rigs 'dzin sar nges pas// de la ldog cing 'khu ba ni// rang la rang gis mtshon btab nas// rang srog tshe rabs lnga brgya'i bar// rang gis gcod cing phung bar 'gyur// tshe 'dir mi bde sna tshogs pa/ / mi 'dod bzhin du 'byung bar 'gyur// 'jig rten pha rol dag tu yang// ngan song gsum dang mi khom pa'i// sdug bsngal kha rgyud myong bar 'gyur// yun rings rtag tu mi thar pa'i// shin tu nyam thag myong bar 'gyur/ / grub pa gcig bzhin lhan cig spyad// gnyis med spyod dang rjes spyod spun// bde gshegs dkyil 'khor bla med yin// shes rab gsal bas rtag tu gdung// yang dag nyid kyis de skad gsungs/ / gsang ba'i gzhan la mi bsgrag cing// sku gsung thugs kyi dam tshig rnams// rnal 'byor rnam pa rnam gnyis kyis// thabs dang shes rab 'brel rtogs na// mnyam pa'i spyod pas la dor ro/ / phal dang mi 'dra yang dag rtogs// ma rtogs pa yi phyogs rnams dang// skye bo kun la rtag tu gsang// gsang phyir brda dag sna tshogs gsungs// thabs la mkhas pas byas pa yi// gsang sngags skyon yod ma yin te/ / thugs rje chen po thabs mkhas pas// snod ma yin dang blo rtul rnams// las 'phro ngan pa'i don phyir gsang// brgya la gang zhig gsang don 'di// las 'phro ngan la bsgrags gyur na// dper na gtsub shing me gtsubs na/ / gtsub shing nyid kyang 'tshig par snang// gzhan yang 'tshig par 'gyur ba bzhin// chos don bzang po me dang 'dra// skal ba chung zhing shes rab dman// blo ngan rgyu 'bras rmongs pa'i mis/ / mnyam pa nyid la mi gnas pas// ngan song gsum du 'phang bar 'gyur// gsang thos ma rtogs sdug bsngal myong// gsang ba 'phel bar byed pa yang// smra byed lce la zhing rmo zhing// sdug bsngal chen po myong bar 'gyur/ / des na sems can don phyir gsang// rlung phyogs tsam du'ang brjod mi bya// sngags dang phyag rgya rgyun mi gcad// sngags zhes rab tu bsgrags pa yang// don dam kun rdzob dbyer med pa'i/ / mnyam pa'i dkyil 'khor chen po ru// sku gsung thugs kyi yi ge A+oM// de la sogs pa bzhi bcu gnyis// phyag rgya chen po'i mtshan nyid ni// phyogs bcu dus bzhir gshegs pa yi// sku gsung thugs dang ye shes lnga/ / bdag dang dbyer med phyag rgya che// gsal la brtson pa'i yon tan ldan// yid bzhin ma chags dbang sgyur te// goms shing brtan par bya ba yin// de bas bar chad brtson med na// dper na sa bon tshig pa las/ / 'bras bu 'dod pa 'dra ba ste// bsgrub pa'i 'bras bu med par 'gyur// mi khom 'khor bar gnas 'gyur te// rnal 'byor chen po la zhugs pas// phyi nang chos rnams thams cad la/ / dmigs med gcig dang du ma bral// mtha' dbus gang yang ma yin pa'i// ngo bo nyid med mtshan nyid med// mnyam pa chen po'i phyag rgya yis// phyogs bcu dus bzhi thams cad dang// 'jig rten 'das dang 'jig rten pa'i/ / yon tan skyon rnams skye 'gag med// gang gi ngo bor ma grub mnyam// kun rdzob chos nyid dbyer med pa'i// mi dmigs gang gi ngo bo'ang min// chu zla'i tshul du sna tshogs pas// snang zhing bya ba byed nus pas/ / phyag rgya chen po'i phyogs bcu dang// dus bzhi khams gsum thams cad dang// 'jig rten pa dang 'jig rten 'das// yon tan skyon rnams thams cad kyang// sgyu mar mnyam par ye nas gnas/ / sngags 'chang gsal por rtogs byas nas// bdag nyid chos nyid skye 'gag med// ngang las ma g.yos par gnas na// phyag rgya chen po thams cad kyang// rdzogs par phyogs bcu dus gsum gyis// de bzhin gshegs pa'i sku gsung thugs/ / thams cad dbyer med ye mnyam la// ma 'dres rgya yongs ma chad pa'i// gzhal yas khang dang nyi zla yi// dkyil 'khor bsam yas lhun grub ni// sku gsung thugs ni bsam mi khyab/ / mnyam pa'i dbyings chen rdzogs par bsgom// de ltar dam tshig 'di gsungs te// de la gnas na 'grub par 'gyur// yan lag ma nyams sngags bzlas shing// 'dod pa kun la longs spyod bya/ / lus dang ngag sems brtan gyur na// byang chub rab 'byams thob par 'gyur// dam tshig chen po las 'das na// nyen ni shin tu che bar gsungs// sangs rgyas byang chub sems dpa' dang// sngags kyi spyod pa don grub pa/ / rmongs pa gal te 'das byas nas// de yi srog kyang der zad 'gyur// dam tshig bsrung dang sngags bzlas dang// phyag rgya rgyun mi bcad pa bzhi// brtson 'grus che zhing brtan pas zung/ / rnal 'byor brtson 'grus chung gyur na// mi 'grub nyen yang che bar gsungs// ji ltar ral gri rnon po la// legs par bzung ba ma byas na// nges par lag pa chod pa ltar// de bzhin nan tan med pa yi/ / gsang ba'i sngags ni bzlas pas kyang// yan lag sku ni ma gsal na// 'chi ba'am 'bras bu med par 'gyur// rnal 'byor dam pa rnams kyis ni// don ldan ma nyams dag byas shing// brtson 'grus cher bskyed myur bar 'grub/ / sngags bsgom ma nyams phyag rgyar gsal// cho ga yo byad gtsor ma gsungs// 'tshogs na yang ni nyes pa med// ma 'tshogs na yang 'grub par 'gyur// bdag nyid rang gi lhar sbyor bas/ / dngos grub thams cad 'grub par 'gyur// cho ga lhag gam ma tshang yang// 'grub par 'gyur te nyes skyon med// ces gsang ba'i tshig tu'o// dam tshig sum brgya pa rtsa ba bco lnga pa mdor bshad pa'i le'u ste nyi shu brgyad pa'o/ /// de nas de bzhin gshegs pa rgyud kyi rgyal pos/ dam tshig bco lnga pa'i mdo 'di ltar yang bshad de/ thams cad mkhyen pa'i ye shes kyis// thams cad mnyam pa'i ngang nyid du/ / dbyings su ro gcig de bsdus te// don du mi 'gyur yong ma gsungs// yon tan mchog gi 'dod pa ni// snang srid ma lus thams cad kun// mnyam pa'i zhing du sbyor bas na// chags pa med pa'i tshul du spyod/ / 'di ni rnams dag legs pa'i lam// byang chub mchog tu 'gro ba'i gnas// bde mchog mi zad rin chen gter// cis kyang mi tshugs rdo rje'i sku// nyon mongs sdug bsngal 'dod chags ni// lus dang zas kyis bsgribs 'gyur te/ / yi dwags sdug bsngal gnas su 'gro// skom dang bkres pa'i nyon mongs 'gyur// rnag khrag ngan skyugs rtag mthong yang// de la spyod pa'i dbang yang med// rtsub shing gdug bas bsrung bar 'gyur/ / thugs rje chen po'i zhe sdang gis// 'khor ba'i lam lnga sgo bcad cing// bde gshegs lam du 'dzud par byed// yang dag don dang ldan par 'gyur// thugs rje'i tshul gyis khro ston pa/ / shin tu mnyam pa'i ngang du 'jog/ rdo rje sems dpa' zhi ba'i sa// yang dag mchog gi bde ba 'grub// ye shes gsal ba'i gti mug ni// bdag dang bdag gis dbyer med de// rang bzhin med pa'i dbyings la rol/ / thams cad brjod du med pa'i ngang// kun tu khyab pa'i sku mnga' ba// shin tu 'od gsal rnam dag lam// byang chub sems dpa'i sgrib pa sbyong// sems can nyon mongs dug sel 'gyur/ / thams cad zhing sbyong nga rgyal ni// yon tan skyed pa'i mdzod yin te// nga med bdag med mi dmigs la// su zhig de la nga rgyal med// dpung bzhi'i tshogs kyis mi thub pa'i// shin tu rgyal ba'i khyu mchog 'grub/ / lha srin bdud sde tshar gcad pa'i// dpa' bor 'gro ba'i ting 'dzin thob// phrag dog yangs pa'i don sbyor ba// nga dang bdag med don rtogs na// dog dang yangs pa gnyis ka med/ / bde mchog dkyil 'khor yangs pa 'grub// phrag dog dngos po mi shes bzhin// nga dang bdag tu 'dzin gyur na// lha ma yin gyi gnas su skye// de nas yi dwags dag tu 'gro// gal te yul sa rnyed gyur na/ / shin tu mi bde dog par 'gyur// gzhan yang longs spyod thams cad la// dbang byar med cing gzhan dbang 'gyur// mdor na nyon mongs sdug bsngal 'grub// phrag dog yang dag rtogs pa ni// nga dang bdag tu 'dzin pa dang/ / phyin ci log la phrag dog ste// thams cad gnyis su med par sbyor// bde ba mchog kyang 'grub par 'gyur// gnyis med don yang rtogs par 'gyur// nga med bdag med dbyings su thim/ / lhun grub don mchog 'grub par 'gyur// yi dam lha ni rtag bsgoms na// rgyu 'bras lhun gyis grub pa yi// bdag gis kun la dbang sgyur te// rigs 'dzin gnas su skye bar 'gyur// rdo rje slob dpon smad mi bya/ / yon tan rin chen gter chen po// thams cad ma lus ston pa ste// nyon mongs ma lus rtsa gcod pa// bla med 'bras bu thob par byed// lus la dbang ba'i rgyal po bas// shin tu lhag pa'i bkur bsti bya/ / drin chags bskyed pa'i pha ma bas// shin tu gdung zhing brtse bar bya// sngags dang phyag rgya rgyun mi gcad// phyag rgya chen por rtag tu bzhag/ sngags ni rtag tu brjod par bya// nyin yang lan gsum mtshan lan gsum/ / mkhas pa dag gis rgyun du bya// bar ma chad bar bsgrims te gnas// gsang ba'i man ngag spel mi bya// rdo rje'i lce yi tshul yod kyang// theg pa dman dang ma 'dres pa// skye bo phal la smra mi bya/ / rdo rje mched dang lcam dral la// mngan sems spya sems smad pa dag/ rji phyogs tsam du'ang smra mi bya// shin tu gdung zhing brtse bar bya// bdud rtsi sman rnams rtag tu spyad// bla med 'gro ba'i gsos yin pas/ / gtsang sme med par bza' bar bya// yid bzhin bdud rtsi dbang byed 'gyur// 'dod chags zhe sdang gti mug dang// nga rgyal phrag dog chen po ni// sangs rgyas lnga po de yin pas// mi spang rtag tu bsgrub par bya/ / dam tshig dam tshig ces bya ba// gud na yod pa ma yin te// rang gi lta ba dam tshig yin// mi gtong phyir yang dam zhes bya// gzungs su gyur pas dam zhes bya// rdo rje dam pa slob dpon des// rdo rje ma nor lam ston pas/ / de la yang ni tshig ces bya// yang na de bzhin bka' bcag pas// mi khom gnas su 'tshig par 'gyur// dam tshig ces ni de la brjod// rdo rje rigs kyis bsgrub bya ba// sbyor dang sgrol bas mthar phyin 'gyur/ / sbyor ba nyid na sgrol ba yin// sgrol ba nyid na sbyor ba yin// rang bzhin gyis ni sbyor grol dang// ting nge 'dzin gyi sbyor sgrol dang// dbang po yul du sbyor sgrol dang// thabs chen dag gi sbyor sgrol dang/ / mngon du phyung ba'i sbyor sgrol lo// yang na sbyor sgrol bdag la rdzogs// shes rab dbyings dang bdag tu sbyor// thabs chen sprul pa bsam mi khyab// dbyings dang dbyings su thams cad sgrol/ / rol pa'i 'phrin las bsam mi khyab// thugs rje'i sprul pa cir yang ston// sbyor sgrol 'phrin las bdag la rdzogs// byang chub sems sprul phyogs bcur 'phro// ngan song gnas rnams stongs par byed/ / rigs 'dzin bde ldan thob par byed// bla med zhing rnams dag par byed// sku gsung lhun grub phyogs bcur 'dul// rdo rje zhes ni mtshan bsgrags te// theg dman rnams kyang rdo rjer dgod// zad mi shes kyi gter du'ang 'gyur/ / rdo rje rigs pa 'dzin gyi sku// thams cad dbyer med mnyam pa'i sku// thams cad mkhyen pa'i ye shes mchog/ thugs rje'i sprul pa dpag med kyi// 'gro drug dus gnas ma lus mkhyen/ / 'gro ba nyid ni nyid kyi sku// nyon mongs byang chub lam du mkhyen// 'khor ba nyid na bde gnas so// chos kyi dbyings dang sems can mtha'// dbyer med yang dag nyid du'o// spong ba rdo rje zhes bya ba'i dam tshig ni/ zhe sdang rdo rje thugs rje'i ngang// dmyal ba'i gnas rnams tshar gcod pa// brgyad brgyad bcu drug zhing du sbyor// tsha ba rnams la bsil ba'i sman// grang ba rnams la dro ba'i sman// bsil dro 'jam rtsub cha snyoms la/ / thugs rje'i byin brlabs de ltar ston// byin brlabs ya mtshan rmad po che// chags pa'i ye shes bya ba'i dam tshig ni// chags pa med pa'i tshul gyis ni// 'dod pa kun la longs spyod bya// ji ltar bde ba'i ro myong bzhin/ / myong tshor nyid na rang bzhin med// chags pa med pa'i ye shes kyis// yi dags gnas rnams tshar gcod cing// lus dang gnas kyis bsgribs pa yi// nyon mongs gnyis ka med par byed/ / gti mug ces pa'i dam tshig ni// nga dang bdag med dbyer med pa'i// shes rab chen po'i 'od gsal gyis// dran smra med pa'i sdug bsngal gsol// rmongs med sgrib pa dag par byas// ye shes gsal ba'i thugs rje yis/ / bya byed med par nyon mongs sgrol// byol song gnas ni stongs byed cing// thugs rje'i sgron ma de ltar ston// phrag dog chen po zhes bya ba'i dam tshig ni/ yengs pa chen po'i ye shes med de yang dag nyid/ / rang byung chen po'i ye shes kyis// thams cad sangs rgyas zhing du sbyor// ma bcos ma byas ngang gis gsal// ye nas 'od gsal sangs rgyas zhing// nyid kyi dkyil 'khor zhes bya ba'i dam tshig ni/ rang rig nyid la gnas pa yis// sus kyang ma byas rang rig ste// thams cad de bzhin nyid du sbyar// gnyis med dbyings kyi ngang du thim// rang byung ye shes dkyil 'khor gyis// ma lus de bzhin nyid du sdud/ / sdud dang mi sdud gnyis ka ni// yang dag kho na nyid du'o// bde ba'i ngang nyid ces bya ba'i dam tshig ni/ thams cad ma lus rnam par dag/ nyid kyi dbyings las mi gzhan phyir// bde dang mi bde gang yang med/ / thams cad dbyings su ro gcig ste// ji bzhin nyid kyi ngang btsan pa// yang dag nyid kyis de skad bshad// bshad dang nyan dang gnyis ka min// de bzhin nyid du yang dag 'du/ / dus bzhi rgyal mchog ces bya ba'i dam tshig ni/ gong na med pa'i ye shes mchog/ thas cad kun la dbang sgyur te// thams cad mnyam pa nyid du sbyor// 'das dang ma 'das thams cad dang// 'byung dang 'byung bar ma nges pa'i/ / ye shes rtogs pa'i khyad par gyis// dus bzhi snga phyi med pa yi// mnyam pa nyid du lhan ner sbyor// lhun grub ye shes zhes bya ba'i dam tshig ni/ 'jig rten 'das dang 'jig rten pa'i/ / thams cad dbyer med byang chub ste// ye nas rnam par dag pa'i chos// ma bcos lhun gyis grub pa yi// byang chub lam chen 'di yin te// thams cad dbyer med nyid du 'dus// byang chub don sgrub ye nas rdzogs/ / mnyam pa'i zhing du thams cad thim// rdo rje skye gnas zhes bya ba'i dam tshig ni// theg pa che mchog rigs su nges// rigs de byang chub brtan pas gzung// thams cad mnyam pa'i dbyings shes na/ / rigs mchog kun gyi skye gnas yin// skyes pa nyid na skye ba med// las dang las kyi bag chags med// ces kyang ma gos thams cad 'joms// skye shi med pa'i sa yang yin// byang chub kyi zhing bkod pa zhes bya ba'i dam tshig ni/ phyogs bcu mtha' yas mu med pa'i// snang grags bsam gyis mi khyab pa// phyi dang nang gi gnas pa dag/ de bzhin dbyings kyi ngang du thim// mdor na zhing khams ma lus pa// yon tan rin chen bkod pa yi/ / ye shes rgyan gyis bkras pa'i rnams// zhing de yon tan bsam mi khyab// ye shes bzhugs gnas zhes bya ba'i dam tshig ni/ gzung 'dzin bral ba'i ye shes ni// de bzhin gshegs pa kun gyi gnas/ / gsang sngags chen po sgrub 'dod pas// gzung 'dzin bral ba'i don nyid rtogs// chos kyi dbyings dang sems can ni// gnyis med de bzhin nyid du gcig/ de ltar rtogs pa'i skyes bu ni// rdo rje'i gzhug gnas yin par bshad/ / ma 'jigs rgyal ba mchog ces bya ba'i dam tshig ni/ rnam par byang dang nyon mongs gnyis// so so yod pa ma yin te// nyon mongs gnyen pos bcos su med/ / thams cad dbyings su ro gcig pas// de la 'jigs pa'i gnyen po med// cis kyang mi tshugs gong na med// mchog tu bde ba'i zhing yang yin// nga med bdag med rgyal ba'i mchog/ gzhal yas khang brtan zhes bya ba'i dam tshig ni/ phyogs bcu dus bzhi thams cad kun// rgyal ba'i zhing du sbyor bas su// dog yangs tshad kyang dpag tu med// sangs rgyas spyi gtsug lta bu'i mtshan// ye shes rgyu las grub pa'o/ / ji ltar dmigs pa bzhin du 'grub// zag pa zad pas grub pa yi// nams kyang 'jig rten chos kyi dbyings// sna tshogs kun bsgyur zhes bya ba'i dam tshig ni/ gdos pa can gyi chos min pas// ji ltar bsams pa bzhin du 'grub/ / rig pa rang dbang gyur nas ni// stongs par bya'am mi stong bya// thams cad dbyer med nga yin pas/ kha dog dbyibs kyang rin po che// thams cad khyab dang yungs 'bru'i tshul/ / bsam yas mtha' dbus med pa'o// 'dren byed gnas stobs zhes bya ba'i dam tshig ni/ ma rig log rtog bsam yas kyis// 'jig rten khams rnams rgyud cing 'khor// 'khor ba'i rgyu dang 'bras bu gnyis/ / gzhi rtsa med de skad cig ma// yang dag byang chub sems rig na// ma rig rgyu 'bras rnam par dag/ nyon mongs pa nyid byang chub ste// thams cad ma lus bde gnas pa'o// lam la ston byed ces bya ba'i dam tshig ni/ ting 'dzin rnam gsum bsgom bya ste// nyon mongs lam lnga sgom bkag nas// lam lngar snang ba rnam rtog yin// rtog dang mi rtog gnyis ka min// gnyis med de nyid yang dag lam// thabs dang shes rab ngang nyid du/ / shin tu mnyam gzhag rtogs bya zhing// bla med lam la ston par byed// yang dag don ston zhes bya ba'i dam tshig ni/ theg pa bsam yas gsungs pa yang// de bzhin nyid kyis ma brjod kyang/ / sems can blo yi rim pa bzhin// so sor 'tsham par kun la bstan// 'di ni rdo rje theg mchog ste// rgya mtsho'i gling du chu 'bab bzhin// thams cad chu yi ngo bo nyid// theg pa thams cad rdo rje'i sa/ / rab tu rtogs byed ces bya ba'i dam tshig ni/ shes rab blo chen rab ldan pas// don du mi 'gyur yang ma gsungs// srid gsum 'gro ba bsam yas su// thugs rje ston pa bsam mi khyab// don dang mthun pa 'ba' zhig ston/ / mi mthun zhags pas 'khor ba gcod// bde gshegs zhing rnam dag par byed// thams cad dbyings su rtogs par 'dus// sgyur byed byang chub ces bya ba'i dam tshig ni/ rang rig ye shes dbang thob pas/ / dkar po tshon gyi mdog bstan bzhin// dug kyang sman du 'gyur ba dang// de bzhin dug gsum byang chub ste// 'gro lnga byang chub lam du sbyor// nyon mongs sdug bsngal thar par byed/ / thar dang ma thar gnyis ka med// thams cad ma lus byang chub rgyu// mnyam rdzogs lhun grub ces bya ba'i dam tshig ni// ye shes sgyu mar snang ba dang// log rtog sgyu mar snang ba gnyis// sgyu ma yin phyir rang bzhin mnyam/ / mnyam pa nyid la mi gnas pa'i// bsod nams ye shes tshogs rdzogs te// ye shes gnyis kyi dkyil 'khor lo// theg mchog rdo rje ma lus rdzogs// dpe byad mtshan bzang dpag tu med/ / thams cad dbang sgyur zhes bya ba'i dam tshig ni// shin tu rtogs pa'i khyad par gyis// spyod yul thams cad smon na mkhyen// de bzhin nyid du kun rtog la// gnyis su med par dbang sgyur te// ma lus thams cad bde ldan zhing/ / thams cad byang chub mchog tu 'gyur// ye nas dngos po med pa la// ji ltar dmigs pa bzhin du 'grub// rigs 'dzin gnas stobs zhes bya ba'i dam tshig ni/ shes rab rnam gsum goms byas na/ / ting 'dzin mnyam pa'i don rtogs te// rtag tu yangs pa chen po sgom// rgyu 'bras dus gcig rdzogs pa yi// rang rig nyid la dbang thob ste// tshe ni bcu dang drug pa yis// brgya brgyad dag tu bsnur zhing gnas/ / lus ma bor bar sangs rgyas sa// zad med gter ldan zhes bya ba'i dam tshig ni/ shes rab chen po rnam dag pas// spyod yul thams cad dag par 'gyur// shes dang spyod yul gnyis su med/ / de bzhin nyid du ro gcig ste// thams cad rgyal ba'i zhing sbyor bas// zad med rin chen gtor du 'gyur// mi zad par ldan rgyan gyi mchog/ 'og min mtha' dbus bsam mi khyab// sgrub med mnyam rdzogs zhes bya ba'i dam tshig ni/ thams cad mnyam pa'i dkyil 'khor la// rang byung ye shes 'phyo ba yin// dbyings dang rig pa gnyis min pa// de bzhin nyid du rdo rjes rig/ thams cad gnyis su med pa la/ / sgrub dang grub par yod ma yin// ye nas lhun gyis grub pa la// de la lam gyis bcos su med// thams cad byin gyis rlob pa zhes bya ba'i dam tshig ni/ chos rnams ye nas dag gyur kyang// phyin ci log gi blo log nas/ / log rtog gnas dang longs spyod dang// ma rig 'khrul 'khor bsam mi khyab// 'khrul rtog blo ngan bzlog pa'i phyir// thugs rje chen po thabs mkhas pas// nyon mongs 'dren cing mtho ris gnas/ / byang chub lam chen rtogs par ston// gsung mchog mtha' yas zhes bya ba'i dam tshig ni/ chos rnams ma lus thams cad kun// mi dang tshig tu brtags nas ston// ji snyed mang po'i don brjod kyang/ / rdo rje'i gsung la spros pa med// spros med de nyid sna tshogs pa'i// kun tu brda 'jal ye shes gsung// sgra dang ming tshig kun las 'das// thams cad pad+ma chags pa med pa'o// bsgyur ba zad med ces bya ba'i dam tshig ni/ thams cad mkhyen pa'i ye shes kyis// snang srid ma lus thams cad kun// de bzhin nyid du dbang sgyur te// thams cad mkhyen pa'i dbyings su bstim// zad med ye shes gter ldan pa/ / thugs rje'i byin brlabs bsam mi khyab// 'jig rten 'das dang 'jig rten pa'i// so sor don rtogs rnam par dag/ thams cad skad 'jal zhes bya ba'i dam tshig ni/ thar pa'i dkyil 'khor 'bum phrag dag/ 'gro drug du gnas ma lus la// gsung gcig tshig tu ma brjod kyang// sngon gyi thugs rje'i byin brlabs kyis// thar dang ma thar gnyis ka la// so so ji ltar 'dod pa bzhin// chos nyid gsung mchog dam pa yis/ / thar pa bskul zhing ngan song sbyong// rang rig dbang sgyur zhes bya ba'i dam tshig ni/ phyogs dus bsam gyis mi khyab pa// de ni ji snyed yod pa yi// mtshan ma sna tshogs brtags pa yang/ / rang rig rnam par rtog pa nyid// sangs rgyas zhing khams rab 'byams na// de bzhin gshegs pa'i dkyil 'khor dang// sprul pa bsam yas 'byung ba yang// ye shes rnam par dag pa'i yul// yi ge med 'jal zhes bya ba'i dam tshig ni/ yi ge'i tshogs dang sgra spangs pa'i// brjod med ngang du gnas pa ni// gsung nyid rang bzhin med pa yi// chos rnams thams cad ye nas dag/ thams cad thugs su gyur pa nas/ / sgra dang tshig la gnas pa min// thugs ni thugs la mi gnas pa'o// bdud sde tshar gcod ces bya ba'i dam tshig ni/ nyon mongs pa nyid rnam par dag/ phung po lnga nyid mngon sangs rgyas// bdag nyid lha yi dkyil 'khor te/ / skye shi med pa'i g.yung drung gnas// bdud bzhi bcom pa'i skyes mchog gis// dregs pa chen po thams cad bcom// ma rig log 'dren 'dul mdzad de// chos kyi dbyings su thams cad thim/ / stong gsum kun grags zhes bye ba'i dam tshig ni/ thugs rje chen po'i byin brlabs kyis// phyogs bcu'i 'jig rten rdul snyed du// 'gro ba'i 'phrin las bsam mi khyab// sku gsung thugs dang yon tan las/ / lhun gyis grub pa'i ye shes kyis// thams cad gdul bya chud ma zos// ngan song sbyong zhing byang chub zhing// ye shes tshogs rdzogs kun tu ston// ye shes gsung mchog ces bya ba'i dam tshig ni/ 'das dang ma 'das thams cad kun// yang dag shes pas rab brtags na// rang bzhin med la cir yang snang// snang ba nyid na dbyings nyid de// de ltar rtogs pa'i ye shes ni// kun la dbang sgyur rang dbang can/ / thams cad tshig gi sgra ltar gnas// 'di ni ye shes gsung mchog yin// bsam yas rdo rje'i gsung zhes bya ba'i dam tshig ni/ chos rnams bsam gyis mi khyab ste// mtha' dang dbus med kun tu khyab/ khyab dang khyab med rdo rje'i sku// sgra skad sna tshogs grags pa yang// dngos po med pa dngos po'i sgra// ji ltar pi wang la thogs na// sgra ni sna tshogs 'byung gyur kyang// dngos po med pa de bzhin nyid/ / phyogs dus dbyer med ces bya ba'i dam tshig ni/ phyogs bcu ma lus thams cad dang// dus bzhir 'byung ba ma lus kun// phyogs dus snga phyi med pa yis// thams cad de bzhin nyid kyi dbyings// 'jig rten 'das dang 'jig rten pa'i/ / so sor snang ba thams cad kun// rang rig rgyal por yang dag 'du// rang rig de nyid thams cad yin// 'jig med rdo rje zhes bya ba'i dam tshig ni/ 'dus ma byas nyid 'dus byas yin/ / 'dus byas snang ba'ang rdo rje nyid// snang dang mi snang gnyis ka min// yod dang med pa'ang dbyer med de// rang bzhin ye nas dag pa yi// ma bcos ma byas ngang gis gsal// gzhig dang gshig par bya ba min/ / cis kyang mi tshugs rdo rje'i bdag/ de bzhin sku nyid ces bya ba'i dam tshig ni/ de bzhin zhing khams bsam yas dang// 'gro ba ma lus thams cad la// thar ba rnams la dag pa'i sku// rtog pa rnams la 'khor ba'i lus/ / so sor 'tsham par don ston cing// stonapa nyid na dngos po med// chu zla'i tshul du kun la snang// kun la de ltar rtogs par byas// lhun grub bde gnas zhes bya ba'i dam tshig ni/ chos rnams ma lus thams cad la/ / byang chub snying po yod par blta// rang bzhin ye nas 'od gsal ba'i// byang chub snying por thams cad 'dus// phyi nang ma lus thams cad kun// bdag gi ngang du gnas pas na/ / bdag la bdag ni dbang sgyur nas// spyod yul thams cad smon na shes// che mchog rnam dag ces bya ba'i dam tshig na/ rig pa rang dbang gyur pas na// thams cad kun la dbang sgyur te// gong na med pa'i sa mnan pas/ / thams cad kun gyi gtso bo yin// thams cad ma lus gnyis min pa// sgom dang bsgom par bya ba min// de bzhin nyid la dbang sgyur bas// thams cad dbyings su ro gcig go/ chos kyi dkyil 'khor zhes bya ba'i dam tshig ni/ phyi nang snod bcud dag rnams la// rang bzhin dkyil 'khor ye nas gnas// chen po'i gzugs snang thams cad ni// de bzhin gshegs pa'i dkyil 'khor nyid// sgyu ma rtsal rnams 'dzin gyur pa/ / de bzhin yum gyi dkyil 'khor ro// rang rig byang chub dkyil 'khor te// thams cad kun nas 'khyil bar gnas// zad med gter chen zhes bya ba'i dam tshig ni/ zag bcas gnod sbyin nor 'dra ba/ / sems can 'phel 'grib zad 'gyur gyi// de bzhin gshegs pa'i yon tan ni// zag med 'phel 'grib med pa yi// mang du spros pas phra mi 'gyur// nyung du bsdus pas sbom po min/ / zad med rin chen gter yin pas// thams cad kun tu khyab pa'o// rnam dag byang chub ces bya ba'i dam tshig ni/ chos rnams ma lus thams cad kun// ye nas rnam par dag pa la// rnam rtog rkyen gyis blo bur du/ khams gsum 'khor ba'i btson rar gnas// rang rig sgrib med dag pa yis// mya ngan 'das dang 'khor ba gnyis// rang bzhin med par don rtogs na// sangs rgyas zhing du rnam par dag/ gzung 'dzin bral byed ces bya ba'i dam tshig ni/ phyin ci log tu rnam brtags pa'i// bdag dang bdag gir so sor snang// de la 'dzin pa gnyis zhugs na// rang bzhin med pa bzhin so sor snang// yang dag rtogs pas rab brtags na/ / dngos po thams cad stong pa yin// dngos dang stong nyid mi gnas pa// de rtogs sdug bsngal bral byed yin// yum gyur dbyings phyug ma zhes bya ba'i dam tshig ni/ 'byung ba lnga la brten gyur na/ / thams cad 'byung zhing ma lus gnas// skye 'khrungs ma lus gzhi yang yin// thams cad kun gyi rgyu yang yin// de bzhin shes rab rnams gsum gyis// le lo med pa'i brtson 'grus 'bod/ / de bzhin dbyings nyid rtogs gyur na// bla med byang chub 'byung ba'i gnas// chos la skyon med ces bya ba'i dam tshig ni/ bla na med pa'i dkyil 'khor dang// ngan song gnas rnams ma lus kun// rgyu nyid rang bzhin gnyis ka dag/ rang bzhin ye nas de bzhin no// 'bras bu rnam par dag pa ni// 'jig rten brtan g.yo la sogs pa// snang ba nyid na ngo bo med// de nyid chos sku chen po yin// sems can don byed ces bya ba'i dam tshig ni/ / byang chub sems su rgyu gcig pas// rtsa ba snying rje chen po 'byung// thabs kyi pha rol phyin pa snod// nyon mongs lam las grol bar byed// nyon mongs khams gsum gnas pa yang/ / phyin ci log nyid snang ba yin// de rtogs mtho ris thar pa'o// rtogs na don 'dzin zhes bya ba'i dam tshig ni/ thams cad lhun gyis grub pa dang// sgyu ma mig yor tshul shes pa// gnyis ka rang rig nyid du 'dus/ / de nyid yang dag yin par dag/ sgra dang tshig tu brjod pa ni/ yang dag don gyi snying po 'byin// ming tshig sgra la mi rten par// blo yi gting du go bar byos// sems la gnas bcas zhes bya ba'i dam tshig ni/ thams cad ma lus chos so cog/ sems nyid las ni gzhan na med// sems dang chos su dbyer med pas// byang chub lam de ring ba min// byang chub sems zhes brjod pa ni// ga nas ma 'ongs gar mi 'gro/ / rtog med rang rig kho na tsam// sangs rgyas sems can sems la gnas// rjod med spros med ces bya ba'i dam tshig ni/ 'jig rten 'das dang 'jig rten pa'i// sna tshogs ji snyed brjod pa yang/ / so so'i mtshan nyid ma rtogs pa// ba spu'i cha tsam brjod pa med// bsod nams chen pos btang ba ni// sangs rgyas zhing nyid dag pa'o// las ngan dag gis khams gsum gnas// de gnyis dbyings las spros pa med/ / mi 'gyur rdo rje gsung zhes bya ba'i dam tshig ni/ rnam dag sku gsung sprul pa la// che mchog sna tshogs bstan pa yang// byang chub sems la snang gyur te// snang ba nyid na dbyings su 'ub// phyin ci log g.yo bsam yas kyis/ khams gsum gnas dang lam lngar 'khor// de nyid log rtog sna tshogs snang// de las ma gtogs gang yang med// ye nas ma bcos pa zhes bya ba'i dam tshig ni/ bla med byang chub smos ci dgos/ / 'gro lnga ma lus thams cad kun// ye nas byang chub snying por gnas// de bzhin dbyings kyis kun tu khyab// ji lta ba yi ngang gnas la/ de ltar rtogs pa'i blo 'jug pas// gnyis su med par rtogs gyur na/ / su yi bcos su su yis rtogs// rang bzhin 'od gsal zhes bya ba'i dam tshig ni/ chos rnams ma lus thams cad kun// rang bzhin ye nas dag pa yi// sus kyang ma byas ngang gis gsal/ / ma chags pad+ma 'dra ba yi// ye shes can gyi spyod yul te// kun dang thun mong de ma yin// de bzhin gshegs pa'i spyod yul te// skyes bu blo rtsal rab kyis rtogs// thams cad dbyings phyug ma zhes bya ba'i dam tshig ni/ mi zad yon tan gter gyur pa// zad pa'i dus med yid bzhin mdzod// bdag dang bdag gi med pa yi// shin tu zab pa'i blo las byung// chos dbyings zab mo'i don rtogs na// sku dang ye shes bsam mi khyab/ / ye shes rang rig don rtogs na// skye shi med pa'i g.yung drung thob// byang chub sdom zhes bya ba'i dam tshig ni/ gzung 'dzin bral ba'i ye shes kyis// chags med dbyings la mnyam gzhag na/ / thams cad de bzhin nyid kyi zhing// nyon mongs sdug bsngal 'byung mi 'gyur// chos kyi rang bzhin ji lta bur// bdag gis yang dag rtogs byas te// theg pa dman dang phyin ci log/ thams cad mnyam pa'i dbyings su dgod/ / phyogs dus gnyis med ces bya ba'i dam tshig ni/ phyogs bcu dus bzhi thams cad kyang// rtog pa'i mtshan ma so sor snang// snang ba nyid na dbyer med de// mtha' dbus med de zlum po yi/ / de bzhin rang gi rig pa yang// mtha' dang dbus med du ma min// gang du mi 'gro kun tu khyab// kun la de bzhin mi gnas pa'o// thams cad 'byor ldan zhes bya ba'i dam tshig ni/ chos rnams so sor rtogs byas shing/ / thams cad gnyis med dbyings shes na// mi zad par ldan rgyan thob ste// kun tu zad med rin chen gter// de bzhin nyid la gnas bcas na// nyon mongs sdug bsngal mi 'byung ste/ / rtag tu bde gnas byang chub nyid// mtshan dang dpe byad kun dang ldan// thabs nyid shes rab ces bya ba'i dam tshig ni/ 'di ltar snang ba thams cad kun// thams cad thabs kyi mtshan nyid dang/ / thabs la thabs ni rnam par sbyor// sbyor dang mi sbyor gnyis ka med// sna tshogs snang ba thams cad kyang// snang ba nyid na rang bzhin med// de nyid shes rab yin par bshad// rtag tu thabs nyid mi dmigs pa'o/ / shes rab nyid thabs su sbyor ba zhes bya ba'i dam tshig ni/ de bzhin nyid kyi dbyings nyid las// rol pa sna tshogs cir yang 'byung// 'byung ba nyid na rang bzhin med// med pa nyid na sna tshogs snang/ / thams cad shes rab dbyings las phyung// mnyan bsam sgom pa'i shes rab kyis// shes rab thabs kyi don rtogs byos// kun la de ltar 'byor bar gyis// gnyis med byang chub ces bya ba'i dam tshig ni/ thabs dang shes rab ldan gyur na// gnyis med byang chub sems 'phro ste// kun gyi 'byung gnas byed pa po// de yis ma byas gang yang med/ kha dog dbyibs rigs gang yang min// shin tu brtag dka' sus mi rigs/ / bdag gis bdag rang mi mthong na// gzhan gyis rtogs par ga la 'gyur// thams cad sbyor ba zhes bya ba'i dam tshig ni/ ye nas lha dang lha mo yi// dkyil 'khor yang dag sbyor ba dang// dbang po yul du sbyor ba'o/ / phung po lnga nyid de bzhin gshegs// 'byung ba lnga nyid yum du 'byor// dus bzhi lha mo nyid du sbyor// rtag chad mu bzhi khro mo bzhi'o// thams cad ma lus 'byung ba kun// mnyam pa'i dbyings dang rigs par sbyor/ / yang na shes rab dbyings ma la// bde gshegs dkyil 'khor kun bkod la// bdag nyid rig pa'i lhar bsgoms te// gnyis su med par ldan par bya// rdo rje dril bu ldan gyur nas/ / byang chub pad+ma shin tu spro// phyogs dus dkyil 'khor kun bkod la// 'gro ba mang po bde thob nas// slar yang gnyis med dbyings su bstim// thim gyur dbyings nas phyag rgya 'bar// bde gshegs thabs dang shes rab rdzogs/ / phyag rgya drug kyang yang dag rdzogs// bsod nams tshogs chen gnyis kyang rdzogs// thams cad dbyings su 'byor bas na// ngan 'gror mi lhung yang dag 'grub// 'di ni bsgral ba chen po yin/ / bsgral ba nyid na sbyor ba yin// sbyor ba nyid na ma lus bsgral// thams cad ma lus bsgral ba zhes bya ba'i dam tshig ni/ phyi nang snod bcud ji snyed pa// gnas pa'i sems can thams cad kun/ / bdag nyid chen po rtogs pa yis// dbyings su yang ni bsgral bar bya// shin tu khro bo chen po yis// thabs kyis lha chen bsgral ba ltar// chos nyid rtogs pa'i ting 'dzin gyis/ / gnyis su med par thabs kyis bsgral// thugs rje chen po'i byin brlabs kyis// lam lnga'i sems can kun bkug nas// thams cad ma lus bsgral bar bya'o// ri rab chen po'i gling bzhi la// gnas pa'i sems can ma lus kun/ / thugs rje chen po'i byin brlabs te// ye shes me chen bsgom byas nas// thams cad ma lus bsreg par bya// dbyings su yang ni bstim par bya// de bzhin gshegs par byin gyis brlab/ / rgyal ba'i sras su dbang yang bskur// de ltar bsgral ba kun byas kyang// bsgral ba'i dngos po gang yang med// phung po lnga po gzhig pa la// bshig na 'byung ba bag la zha// ma bshig na yang 'byung ba yin/ / rnam shes med pas bsad byas na// gnas pa nyid na dngos po med// sems kyi rang bzhin de la ni// dus gsum sangs rgyas dgrar langs kyang// sus kyang zin cing gsod pa med// 'o na thugs rjes gang bsgral na/ / rnam rtog mtshan ma thams cad kun// phyin ci log las bzlos byas te// ting 'dzin sngags dang phyag rgya dang// shin tu goms pas dbang bskur te// byang chub zhing la dgod par bya// de tsam la ni bsgral zhes gdags/ / bsgral ba nyid na sbyor ba yin// nyon mongs sdug bsngal rtsa bcad nas// byang chub gnas su bsgral bas na// gnyis med dbyings su sbyor ba yin// ma byin par len pa zhes bya ba'i dam tshig ni/ 'jig rten 'das dang 'jig rten pa'i// chos rnams ma lus thams cad kun// bdag dang bdag gi gzhan med de// rang bzhin ngang gis bdag med pas// kun la thogs med spyad gyur kyang/ / spyad dang spyod pa gnyis ka med// thams cad ye nas stong pa la// gang gis len cing gang la spyod// snang srid ma lus thams cad la// thogs pa med par spyad gyur kyang// 'ching bar mi 'gyur bsod nams tshogs/ / chags med ye shes chen po yin// ma lus thams cad chos kyi dbyings// de nyid rang rig yin par bshad// gnyis su med par rtogs gyur na// blangs pa nyid na kun tu bzang// brdzun du smra ba zhes bya ba'i dam tshig ni/ chos rnams ma lus thams cad kun// ye nas dngos po yod min te// rang bzhin ngang gis 'od gsal la// ming dang tshig gis mtshon mod kyis// ming dang tshig la dngos po med// ma rig pa yi 'khrul rtog gis/ / nga dang bdag tu med pa la// so so'i mtshan ma dngos por gzung// 'dzin pa'i dngos po yod med de// chos rnams thams cad ming tshig tsam// ji snyed mang po brjod pa yang// rjod par byed dang brjod pa med/ / chos rnams thams cad rdzun du snang// rdzun nyid la ni rdzun spyod de// rdzun zhes brtag tsam yod ma yin// thams cad rdzun gyi tshig bzhin no// rdo rje 'joms byed ces bya ba'i dam tshig ni/ thog ma med nas phyin ci log/ bdag dang bdag gi med pa la// rnam rtog mtshan ma so sor 'dzin// 'dzin pa dngos por yod ma yin// mi mthun mtshan ma gzhom pa'i phyir// rdo rje lta bu'i ting 'dzin gyis/ / bdag rtog bag chags kun bcom nas// rdo rje dbyings su thim par bya// chos kyi 'khor lo zhes bya ba'i dam tshig ni/ thugs rje chen po'i byin brlabs kyis/ khams gsum nyon mongs 'khor ba rnams/ / gzhan gyis bcings te 'khor ba min// 'dzin rtog chags pa nyid kyis 'khor// blo chen rab tu ldan pa yis// chos kyi don po mchog nyon la// 'khor ba spangs med sangs rgyas zhing// thams cad ma lus chos nyid rtogs/ / rin chen 'byung ba zhes bya ba'i dam tshig ni/ nor gyi mchog ni dkor bdun yin// 'dod pas btsal bas mi rnyed de// rang rig dbyings kyi ye shes dang// sku gsung thugs 'das mi dmigs pa/ / chags pa med pa'i tshul gyis ni// dmigs su med par 'byor byas na// nor bdun chen po 'byung bar 'gyur// mtshan dang dpe byad sna tshogs ldan// pad+ma chags med ces bya ba'i dam tshig ni/ 'jig rten 'das dang 'jig rten pa'i// chos rnams ma lus thams cad la// bsgo dang bsgo bar bya ba min// pad+ma 'dam nas skyes dang 'dra// 'di ltar snang ba thams cad kun// bdag las gud na gcig kyang med/ / bdag nyid shin tu mi dmigs pas// nyon mongs nyid kyang byang chub zhing// don rnams grub pa zhes bya ba'i dam tshig ni/ rdo rje'i rigs kyis thams cad bcom// rin chen rigs kyis yon tan 'byin/ / pad+ma'i rigs kyis chags med 'gyur// sku gsung thugs dang ye shes lnga// thams cad don rnams rdzogs par bya// gzung dang 'dzin pa rnam par spangs// mnyam pa'i dbyings la sems kyis blta// skye shi med par lhun gyis 'grub/ / sku gsung thugs dang yon tan dang// 'phrin las rmad byung kun grags pa// gzhan nas yod 'ongs ma yin te// rang byung ye shes gnas med yin// mtho dman kun gyi gzugs snang dang/ / bla med byang chub skur snang ba// me long lta ba'i tshul bzhin du// sna tshogs kha dog dbyibs su snang// de bzhin gshegs pa'i gsung rnams ni// sgra dang ming tshig kun las 'das// brjod med rang bzhin kun tu go/ nyon mongs med cing bla med sgra// ma brjod stong gsum grags pa yis// gsung brjod bsam gyis mi khyab pa// brjod pa med na stong gsung med// de nyid sna tshogs brjod pa'o// thams cad mkhyen pa'i thugs ldan pa/ / yang dag rtogs pas rab brtags na// gzhi rtsa med dbyings skad cig ma// mtha' dang dbus kyang rtag tu med// de nyid sna tshogs 'byung ba'i rgyu// sus kyang ma bcos ma byas pa/ / bdag gis bdag kyang dmigs mi 'gyur// dngos med kun la dbang sgyur ba// sku gsung yang dag ldan gyur na// yon tan nam mkha'i mtha' dang mnyam// mi 'gyur sangs rgyas zhing du 'ub// spyod yul ma lus thams cad la/ / ji ltar dmigs pa bzhin du 'byung// mi zad rin chen gter chen 'grub// gzhan gyis dbrog tu med pa yi// byang chub dkor ni rin po che// thugs rje chen po'i byin brlabs kyis/ / bya byed med par rnam bzhi mdzad// mdzad dang mdzad par bya ba med// sgyu ma'i tshul du kun la spyod// spyod med ngang gis dkyil 'khor la// chags med tshul du rnam par rol// bya byed rnam pa sna tshogs kyang byed pa nyid na chu zla'i tshul/ / gzung 'dzin bral ba'i ye shes ni// rtsa ba lnga zhes brjod mod kyis// brjod pa'i mtshan nyid yongs med de// mtshan nyid med pa sna tshogs snang// de nyid thams cad mkhyen nyid yin/ / kun la khyab cing mi gnas pa// de ni rig pa rang dbang sgyur// bsam gyis mi khyab kun tu khyab// nam mkha' snang byed ces bya ba'i dam tshig ni/ chos rnams ma lus thams cad la// de bzhin nyid kyis kun tu khyab/ / snod bcud ma lus thams cad la// snang ba chen pos khyab par gyur// nam mkha' bzung du med pa ltar// snang srid thams cad de dang 'dra// chos rnams thams cad sems yin te// sems ni nam mkha'i rang bzhin no/ / rten byed sa chen po zhes bya ba'i dam tshig ni// ji ltar sa gzhi chen po la// sems kyis zin dang ma zin pa'i// skye 'khrung ma lus thams cad 'byung// thams cad kun gyi gnas rten te/ / de bzhin theg chen bla med la// byang chub sangs rgyas kun tu gnas// theg pa mtho dman thams cad 'byung// thams cad theg chen dbyings su 'dus// sreg byed 'bar ba ye shes zhes bya ba'i dam tshig ni/ bdag med rang rig ye shes kyis// dngos dang dngos med bag chags bsregs// rang dang spyi yi chos rnams dang// sems kyi phro rtog thams cad kun// dngos po med par rtogs byas nas// 'khor ba ma spangs rnam par dag/ mya ngan mi 'da' ye nas gnas// 'gro dang gnas par bya ba min// rtog pa thams cad ye shes tshogs// thams cad 'khrug byed ces bya ba'i dam tshig ni/ sems can ma lus thams cad ni// sgrib gnyis dag gis 'khor bar gyur/ / mnyan bsam sgom pa'i shes rab kyis// bdag med gnyis ni rtogs byas na// pha rol phyin rdzogs bcu sgrub// sa gsum yang dag rdzogs byas te// mnyam pa'i zhing la thams cad bkod/ / khrus kyis mchog ni de yin no// g.yeng byed chen po zhes bya ba'i dam tshig ni/ sems can ye nas dag pa la// bdag 'dzin rdul gyis g.yog par gyur// sems dang rdul rnams med rtogs pa/ / ye shes rlung gis bag chags gtor// chos rnams ye nas rlung dang 'dra// de la gzung du med pa ltar// kun la de ltar 'byor par gyis// ma bcos ye nas de ltar gnas// thams cad kun la dbang sgyur zhes bya ba'i dam tshig ni/ / rang rig phyin ci log pa'i// gzung 'dzin gnyis med rtogs pa yis// thams cad mnyam pa'i ngang gyur na// thams cad ma lus bdag yin pas// thams cad kun la dbang sgyur te/ / ji ltar dmigs pa bzhin du 'grub// ji ltar spyad kyang bsod nams tshogs// mnyam rigs ye shes chen po yin// chos rnams thams cad gzugs brnyan ltar// shes par bya ba'i dam tshig ni// thams cad 'byung ba'i gnas yin te/ / snang ba nyid na gzha' tshon bzhin// rang bzhin med par kun tu snang// de nyid chos sku yin par bshad// cis kyang ma gos ma spangs pa'o// so sor snang zhing mthun pa'i gzugs/ / bdag dang bdag tu ma brtag pa// de ltar bu yi ngang du snang// chos rnams sgra ltar shes pa zhes bya ba'i dam tshig ni/ sgra rnams ji snyed brjod pa yang// dngos po med las dngos po'i sgra// brjod dang sgra yi dngos po min/ / chos rnams sgra ltar shes par byos// thams cad ma lus don 'byung ba// tshig gis mtshon las gud na med// sgra nyid don gyi dngos po min// don nyid sgra las gud na med// chos rnams dri yi mtshan nyid du/ / shes par bya ba'i dam tshig ni// chos rnams thams cad dngos med par// sna tshogs 'byung zhing rnam par 'phro// de bzhin dri yi dbang po yang// yod pa ma yin kun tu gsung// the tshom med pa'i shes rab kyis/ / chos kun de ltar shes par gyis// dri yis rab tu tshim gyur kyang// dri dang snom pa gnyis su med// chos thams cad ro ltar shes par bya ba'i dam tshig ni/ chos rnams ma lus thams cad kun/ / gzhi rtsa med pas thams cad 'byung// de bzhin dbang po dngos med dang// rdzas kyi dngos po med pa yang// rnam shes dbang po yul tshogs na// ro yi dbang po thams cad 'grub// ro dang ro ru rtogs pa yis/ / rang bzhin med pa skad cig ma// chos rnams thams cad reg bya ltar shes par bya ba'i dam tshig ni/ gzugs rnams lbu ba gdos pa 'dra// tshor ba chu yi bur bzhin// mtshan 'dzin smig rgyu bzhin du gnas/ / rnam shes sgyu mas dbang sgyur na// mtshan ma sna tshogs 'byung bar nges// bde ba'i ro mchog kun yang myong// de nyid bsod nams tshogs chen te// bde ba chags med ye shes yin// 'dus byas rnam par dag pa zhes bya ba'i dam tshig ni/ / yang dag nyid la gnas bcas na// phyi nang snod bcud rnam par dag/ rags pa snang ba de bzhin gshegs// sgyu ma 'dzin pa yum gyi dbyings// gzugs kyi mtshan ma dngos po med/ / gcig la'ang lnga lngar gzhig pa dang// thams cad nam mkha'i ngang du gnas// nam mkha' de bzhin chos kyi dbyings// 'dus ma byas kun tu 'byung bzhes bya ba'i dam tshig ni/ gshegs sku sgyu mar snang ba dang// log rtog sgyu mar snang ba gnyis// gzhi rtsa med de rang bzhin stong// rigs dang rgyud du rtag tu med// rigs dang kha dog dbyibs med las// phyi nang snod bcud thams cad snang/ / snang ba nyid na chos kyi sku// cir yang 'gyur zhing thams cad 'grub// ci yang med par kun gyi bzhin// glang po brjid gnon zhes bya ba'i dam tshig ni/ sems can ma lus thams cad kun// rnam rtog 'du byed mang pos g.yengs/ / ji ltar byis pa shes ma bye// bya byed mang pos g.yengs par gnas// bya byed mang po bdag med par// ting nge 'dzin gyis dbang sgyur nas// mtshan ma'i mnyam pa'i dbyings su gnas/ / 'du byed sna tshogs mi g.yo brtan// dbang lnga rdzogs pa zhes bya ba'i dam tshig ni/ chos rnams thams cad skye med pas// shin tu brtan pa'i dbang thob 'gyur// rang rig ye shes 'od gsal bas/ / thams cad mkhyen pa'i dbang yang thob// chos rnams thams cad dbyer med pas// kun la spyod pa'i dbang thob ste// spyod pa'i chags pa med pa'i tshul// kun kyang rang bzhin ye nas bzlum// thams cad rgyas 'debs zhes bya ba'i dam tshig ni/ phyogs bzhi mtshams bzhi steng 'og bcu// rang byung chen pos kun tu khyab// rang byung de nyid dngos med par// kun gyi phyag rgya'i rgyu yin no// chos dbyings de nyid zab pa nyid/ / kun la gnas shing rtag dka' ba'i// rang rig dag pas dbang sgyur nas// mnyam pa'i dbyings su thams cad 'dus// ye nas bde gnas zhing du gnas// chos rnams dbyer med ces bya ba'i dam tshig ni/ ye nas dbyings su ro gcig pas// de la nga dang bdag ma rtog/ rang bzhin rnam par dag pa la// gtsang dang sme ba'i blo ma byed// thams cad bde gshegs snying po bas// rkyen gyi rdul gyis ga la 'go/ shes rab mchog gis de ltar rtogs// ma lus kun 'dus dbyings zhes byos// thams cad 'jigs byed ces bya ba'i dam tshig ni/ shes rab blo rtsal ldan pa yis// bdag rtog mtshan ma kun bshig nas/ / mtshan nyid med pa'i phyag rgya ru// thams cad 'dus par yang dag rtogs// rtogs pa nyid kyang dngos med la// de nyid sna tshogs par snang ba// snang ba nyid na bya byed med// de nyid 'jigs pa'i phyag rgya yin/ / g.yung drung tshe 'phel zhes bya ba'i dam tshig ni/ chos rnams thams cad bdag yin pas// gang du 'gro zhing gang du skye// 'jig dang skye ba'i dngos po med// dngos med de la su zhig bsad/ / gang zhig gnyis su 'dzin pa la// skye dang 'chi ba de la yod// ye shes can gyis rtags pa na// skye 'chi nyid na dngos po med// thams cad mi 'gog pa zhes bya ba'i dam tshig ni/ mchog gsum rdzogs pa man chad nas/ / ngan song gnas rnams thams cad du// yang dag par ni dbyer med de// gang yang spang bar bya ba min// theg pa mtho dman bsam yas pa// don du mi 'gyur yong ma gsungs// ngan song gnas rnams thams cad kun/ / bla med byang chub rgyu yod pa'o// thams cad spyod pa zhes bya ba'i dam tshig ni/ thams cad kun tu bzang po yi// 'dod pa'i yon tan lnga rnams la// thogs pa med par sbyar bya ste/ / bsod nams tshogs chen yin par brtag/ de bzhin gshegs pa lngar yang brtag/ gzhan yang stong khams thams cad na// shes rab dbyings dang 'dod yon rnams// rab 'bring tha ma thams cad spyad/ / thams cad ma tshud pa zhes bya ba'i dam tshig ni/ phyogs dus mnyam pa'i dkyil 'khor du// rdo rje rigs mchog ma rtogs pa// theg pa dman dang lta ba dman// des ni theg mchog rtogs mi 'gyur/ / mnyam pa'i dbyings kyis kun khyab kyang// nyon mongs sdug bsngal nyid kyis bsgribs// de yis yang bdag nyid mi mthong// mi mthong ba la mi chud bya// thams cad bsrung du med pa zhes bya ba'i dam tshig ni/ thams cad ma lus sangs rgyas la// bsgrub cing bsrung bar bya ba med// dge dang mi dge gnyis ka med// nyon mongs spang zhing byang sgrub med// de bzhin nyid kyi klung gyur na// bde dang mi bde dbyer med de/ / ye nas rnam dag mnyam nyid gnas// de la srung du rdul tsam med// thams cad bsrung bya zhes bya ba'i dam tshig ni/ sems can khams gsum 'khor ba yi// thog ma med nas sems yan btang// phyin ci log la 'jol nyog spyad/ / gzung 'dzin don la shin tu chags// des na 'khor bar rtag tu 'phyan// de bas rang sems rtogs byas te// le lo g.yeng ba yongs spangs nas// nga med bdag med mnyam par bsrungs/ / thams cad 'jigs byed ces bya ba'i dam tshig ni/ rdo rje sems dpas bka' stsal ba'i// sdom pa'i rtsa ba thams cad kun// de bzhin du na ma bsrungs nas// yak+Sha khro bo me dbal gyis// snying nas drangs te khrag 'thungs nas/ / ngan song gsum du skye bar 'gyur// de yi sdug bsngal gsod thag chad// dam tshig 'di ni rdo rje che// dam tshig so sor spyad pa zhes bya ba'i dam tshig ni/ rigs lnga so sor dbye ba yi/ / de bzhin gshegs pa khyi yi sha/ rdo rje sems dpa' glang po'i sha/ rin po che ni rta yi sha/ pad+ma nya yi sha chen de// don yod nam mkha' lding gi sha/ dbye'am yang na mi dbye bar// yang na thams cad gcig tu bsdu/ / yang na mtshan nyid med par brtag/ ting nge 'dzin gyi dam tshig ni// thams cad ma lus chos so cog/ de bzhin nyid kyi rgyas btab pas// gnyis su dbyer med ting 'dzin brtan// de ltar sangs rgyas sems can ni/ / rang rig byang chub sems yin pas// dus gsum na ni rgyal mi bzhugs// sus kyang ma bcos ma byas pa'i// brjod pa'i tshig las 'das pa de// rgyal ba yin zhes rgyal ba gsung/ / de ltar shes pa rgyal ba pas// thabs mkhas shes pa'i ting 'dzin yin// phyag rgya'i dam tshig chen po ni// bde gshegs dkyil 'khor ma lus kun// ye nas rang bzhin 'od gsal ba// thams cad kun la yod par bshad/ / ye shes sems dpa' dkyil 'khor nyid// bla na med pa'i mchog yin te// rdo rje rigs mchog thams cad kyi// bar ma chad pa rtag par sgrub// byang chub shing drung skye bar 'gyur// bla med byang chub mchog kyang 'grub/ / skye shi med pa'i bde 'grub ste// sems la dbang yang thob par 'gyur// spyod yul thams cad smon na shes// gang zhig dkyil 'khor 'di spangs na// nyon mongs ngan song gnas su skye/ / byang chub 'bras bu thob mi 'gyur// bla med 'gro ba'i rgyun yang bcad// rigs chad nyid du gnas par 'gyur// rdo rje sems dpa' sgrub 'dod pas// rtag tu mnyam pa'i don rtogs la// sku ni gzha' tshon tshul 'dra bar/ / snang la rang bzhin med par bsgom// 'khor rnams chu zla'i tshul shes par// gsal la rang bzhin med par bsgom// lha yi bu rnams gsal bsgom na// bsod nams tshogs chen thob par 'gyur/ / de nyid gzugs brnyan tshul shes na// ye shes tshogs chen thob par 'gyur// rnal 'byor pas ni rtag tu bsgom// yid dam lha de spangs byas na// ngan song mi bde rtag tu myong// sngags dang phyag rgya rgyun mi bcad/ / don gyis zin par bya ba ni// rnal 'byor 'grub pa'i lam yin pas// sngags dang phyag rgya rgyun mi bcad// rnal 'byor dam pa'i lam yang yin// mi gtong sdom zhing 'dren pa'ang yin/ / don mchog rdzogs pa'i gnas yin te// rtag tu mnyam gzhag phyag rgya yin// dug gsum gting 'byin sngags yin te// yang dag don chen klung 'dod pas// dus 'tshams med par phyag rgya sngags// yid brtan rtag tu bzlas bsgom bya/ / yon tan nam mkha'i mtha' dang mnyam// phyag rgya spyod dang yi ge oM// rdo rje slob dpon gyi mtshan nyid bstan pa/ bla med dkyil 'khor ston pa'o// yon tan zad med sbyin pa yin/ / byang chub lam chen 'dren mdzad pa// chags med zhing du 'god pa yin// nyon mongs sdug bsngal rtsad gcod cing// 'khor ba'i lam rnams stongs par byed// ma rig mun sel sgrol ma yin/ / long ba rnams kyi dmigs bu mkhan/[ ]/ de la rtag tu mchod byas na// sangs rgyas byang chub thag mi ring// rdo rje mched lcam grogs mchog ni// rang sems dag pas 'grub sla'i phyir// rdo rje rigs kyi spun yin te/ / thog ma med nas las mthun pas// lta spyod gcig tu 'dir skye ste// gcig la gcig ni mig 'drar bya// shin tu gdung zhing brtse bar bya// mched la ngan sems dpya byas na// dmyal ba chen por ltung bar 'gyur/ / de bas dam tshig 'da' ma byed// gsang ba'i mtshan nyid bstan pa ni// de bzhin gshegs pa'i dkyil 'khor ni// srid gsum ma lus kun la khyab// phyin ci log gis rang bsgribs nas/ / dbul mo gter dang gyad nor 'dra// de bas rdo rje gsang mchog 'di// gsang ba'i snod dang mi ldan la// shin tu gsang phyir bstan mi bya// thams cad mkhyen pa'i thugs rje yis// chos la skyon yod ma yin te/ / sems can don phyir shin tu gsang// theg pa dman dang phyin ci log/ de la gsang ba bstan gyur na// rang bzhin gsang don mi shes par// 'phral gyi spyod tshul de dag la// shin tu nges pa'i don gzung nas/ / gsang don de nyid log par 'khrid// ma rtogs de nyid dmyal bar 'khor// de bas rab tu gsang bar bya// thugs rje chen po dang ldan pas// thar lam kun la mkhas par bya// shes rab mchog dang ldan pas na/ / sems can snod rim dang sbyar zhing// theg pa mthon dman don nyid ni// so sor 'tsham par kun la bstan// dang du blang dang mi spang ba// rnal 'byor pa yis rtag tu spyad// chags pa med par gyur pa dang/ / dngos grub ya mtshan chen po ni// dam tshig mdo bshad nang nas 'byung// ma rtogs pa yis spyad gyur na// yi dwags srin po'i gnas su skye// yang na dam tshig 'di ltar bur// ji ltar spyad kyang sdom mi 'da'/ / byed spyod tshogs chen gnyis su 'gyur// 'gro dang 'dug dang nyal ba na// ma nyams de yi dbyings na gnas// shes rab mchog gis rtag tu gyis// chos rnams ma lus thams cad la// bya lam nam mkha' gcod bzhin gyis/ / 'dzin chags ma lus thams cad kun// mkha' la rlung chen 'phyo ba bzhin// yid kyi rtogs chags ma lus pa// chu la nya chen 'phyo ba ltar// rnal 'byor lta ba de ltar ltos/ / de ltar rtogs pa'i shes rab kyis// tshig tsam ma yin blo gting spos// rdo rje theg mchog khas 'ches pa// mnyam pa'i don nyid mi shes par// gsang sngags dam tshig mnyam zer zhing// thug thub dag tu spyad byas na/ / dmyal khams dag tu brgyud par 'gyur// mnyam pa'i don nyid ji lta bur// mnyam nyid rang bzhin gang yang min// mnyam dang rtog pa gang yang med// ci la'ang mi gnas kun la spyod/ / spyod par byed dang spyad pa med// de ltar rtogs pa'i rigs mchog ni// rdo rje rigs mchog 'dzin par skye// 'jigs med kun tu bzang por sbyor// yon tan mi zad gnas kyang yin// mnyam pa'i don nyid mi shes shing/ / kun rdzob don dam gnyis 'byed la// chos dang gang zag bdag med par// 'di ni byang chub sa ba yin// las dang nyon mongs thams cad la// mnyam pa'i don du mi shes shing// rten 'brel rgyu 'bras yod 'dzin na/ / 'di na ring sangs rgyas kyi sa// chos rnams ma lus thams cad la// bden bzhi'i dngos po yod blta zhing// spong dang mi spong byed gyur pa// 'di ni nyan thos sa pa yin// dge bcu dag la gtsor len cing/ / dge dang mi dge mi mnyam pas// lha dang mi yi skye gnas te// 'dod khams dag tu 'khor ba'i sa// mnyam pa'i don nyid ma rtogs shing// tshad med bzhi dang bsam gtan bzhi// rim par so sor bdag 'dzin cing/ / gzugs sogs rnams la bdag tu rtogs// de ni tshangs gnas rim par skye// mnyam dang gzugs med ma rtogs nas// ming bzhi med par mi shes de// skye mched bzhi la gnas gyur pa/ / srid pa'i rtse mo'i sa ru skye// thams cad mnyam par ma shes nas// ma lus kun la zhe sdang zhing// snying rje yang dag med gyur na// 'di ni mi zad chen po yi// dmyal khams bcu drug gnas pa yin/ / chags med dngos po mi shes na// thams cad kun la 'dod chags shing// lus kyi bsgribs dang zas kyis bsgribs// yi dags chen po'i gnas su skye// nga dang bdag med ma shes shing// chos rnams kun la rmongs byas pas/ shes rab gsal don med pas na// dge sdig gnyis kyi don ma rtogs// 'di ni byol song gnas su skye// shin tu nga rgyal cher bskyed cing// thams cad bdag gir bzung bas na// kun dang rtsod pa'i las byed cing/ / lha ma yin gyi gnas su skyes// theg mchog mtho dman thams cad dang// 'jig rten lta ba thams cad kun// ye shes chen po rab brtags na// rang bzhin med las cir yang 'grub/ / rang bzhin dbyings las nyams pa med// shes rab chen po'i mig ldan pas// mthon dman gnas dang lam drung gnas// so so de bzhin 'khor bar gzigs// sngags mchog bla na med pas na/ / mtshan ma kun tu mi rtag par// mnyam pa'i ngang du thams cad med// kun kyang mnyam pa nyid yin pas// 'jig rten 'das dang 'jig rten pa'i// so so lta ba brjod mi bya// spyir ni log rtog bsam yas pa/ / ye nas yod pa ma yin te// so so'i rnam rtog bag chags kyis// gzung 'dzin dra bas bsgribs gyur te// ci yang med la cir yang snang// snang ba nyid na rang bzhin med// de ltar rtogs na bde 'gro'i gnas/ / rdo rje can gyis de ltar rtogs// rnal 'byor chen po'i ltar spyod ni// ji ltar spyod kyang rang bzhin med// mkha' la bya chen lding ba bzhin// chu la rkyal chen 'phyo ba bzhin// mkha' la rlung chen 'gro ba bzhin/ / rnal 'byor lta ba de ltar blta// rnal 'byor spyod pa chen po ni// thams cad kun la dbyer med spyod// bde ba'i ro mchog myong bar 'gyur// de la su zhig chags par byed// spyod bzhin ma chags ye shes yin/ / bde ba'i mchog nyid bsod nams tshogs// de lta bu yi ngang du spyod// 'di ni spyod pa brlabs chen yin// lta spyod ya char ma gyur pas// sngags 'chang rnams kyis rtag tu spyad/ kha cig lta ba mnyam gnas dang/ / spyod pa dag dang yong mi mthun/ kha cig spyod pa rdzogs byed kyang// mnyam pa'i lta ba yong mi shes/ kha cig lta spyod gnyis ka med// yang dag skyes mchog dam pa yis// don dam kun rdzob dbyer med par/ / yang dag nyid du rab tu rtogs// bla med theg pa'i nang nas ni// don dam du ni dbyer med de// kun rdzob tsam du thams cad la// dag dang ma dag gnyis kar 'dzin// thabs kyi theg pa chen po ni/ / rnam par byang dang sdug bsngal dag/ kun rdzob tu yang dbyer med de// lta ba mtho dman de tsam mo// thabs kyi lta spyod chen po ni// bla med theg pa las 'phags pa// don dam du ni nor bdun no// kun rdzob tu ni mnyam rdzogs so/ / mnyam pa nyid las ma g.yos bzhin// thabs kyi phyag rgya chen po ston// thabs dang shes rab rnam par dag/ thams cad dag ces bya ba yang// dngos po gsal dag ma yin te/ / snang spyod nyid na rnam par dag/ dam tshig chen po'i mdo rnams las// rigs lnga dag tu bstan pa ni// chos rnams ma lus thams cad kun// rigs chen dag tu zad par 'dus// ma lus chos kun dbyer mi dmigs/ / cis kyang mi tshugs rdo rje ste// rigs ngan 'joms pas rdo rje yin// mi dmigs dbyings nas kun 'byung bas// yon tan chen po'i gnas yin te// zhing khams mi zad gnas kyang yin// 'di ni rin chen rigs su gsungs/ / chos rnams thams cad dbyer med pas// chags dang chags par bya med pas// de bzhin nyid du don gcig ste// nyes pas ma gos pad+ma yin// thams cad ma lus dbyings 'dus pas/ / 'di la bya ba rdul tsam med// ma byas bzhin du don grub pas// skyon yon byang chub nyid du sbyor// 'di ni las rnams grub pa yin// chos rnams ma lus thams cad kun// mtha' dang dbus med du ma bral/ / gang yang ma yin de bzhin nyid// dbyer med pa yi tshul rtogs te// 'di ni de bzhin gshegs kyi rigs// snang srid ma lus thams cad kun// gsal ba dro bar gnas byed cing// mtshan ma'i bag chags sreg byed pa/ / 'di na me yi rigs su bshad// chos rnams ma lus thams cad la// ngang gis ye nas 'byor ldan zhing// mnyen chags nyid du gnas pa ni// yang nas yang du rgyun ma chad// mi bde dag bas chu chen yin/ / chos rnams ma lung thams cad ni// dngos por snang la gzung du med// bskyod nas thams cad kun smra ste// 'di ni rlung chen yin par bshad// dam tshig chen po'i mdo rnams las/ / 'byung ba lnga rnams bshad pa ni// thams cad ma lus 'byung ba'i gnas// thams cad kun gyi 'tsho skyed yin// chos rnams ma lus thams cad la// sra zhing rten pa'i gnas yod pas// dngos po med pa'i tshul rtogs te/ / 'di ni sa chen yin par bshad// chos rnams ma lus thams cad la// de bzhin nam mkha' chen po yis// phyi dang nang gi go 'byed pa'o// thams cad gsal ba'i ngang yin te// 'byung ba bzhi po thams cad kyang/ / thams cad nam mkha'i ngang du thim// chos rnams ma lus thams cad kyang// de bzhin nyid kyi dbyings su 'ub// nyon mongs pa lnga zhes bya ba'i dam tshig ni/ ma rig pa ni rig par gyur/ / phyin ci log ni yang dag ste// nyon mongs lnga po de bzhin gshegs// dngos med rtogs na byang chub lam// ma rtogs ngan song gsum du 'gro// de bas thos bsam bsgom pa yis// yang dag don nyid rtogs byas te/ / thams cad sangs rgyas zhing du sbyor// 'dod chags rang bzhin med pas na// yang dag don la chags byed de// chags pa med pa'i tshul gyis gnas// ma chags pa la chags pa ni// shin tu chags mchog chen po yin/ / rgyal ba'i zhing khams 'byung 'gyur ba// snang mtha' yas kyi zhing dag yin// thams cad pad+mar rdzus las skyes// rdo rje 'dzin gyi sa ru ste// zhe sdang chen po'i mtshan nyid ni// phyin ci log la zhe sdang zhing/ / zhe sdang dngos po med shes na// zhe sdang mi sdang mnyam shes te// cis kyang mi tshugs rdo rje yin// mnyam pa chen po'i ngang nyid ni// thams cad kun tu dbyer med de// de ltar ma rtogs kun la sdang/ / de bzhin phal gyis mnyam mi shes// des ni zhe sdang nyid du mthong// yang dag rtogs pas rab brtags na// zhe sdang thugs rje chen po yin// gti mug rmongs pa zhes brjod pa// chos rnams ma lus thams cad kun/ / don dam du ni dbyer med la// kun rdzob sgyu ma mig yor tshul// snang ba nyid na dngos po med// de la su zhig gnyis su 'dzin// thams cad dbyer med mi dmigs pa// shes rab can gyi gti mug yin/ / de rtogs de bzhin gshegs pa'o// nga rgyal mtshan nyid brjod pa ni// mnyam pa nyid la gnas bcas nas// phyin ci log dang theg dman la// shin tu nga rgyal chen por snang// nga rgyal zhi ba so so min/ / rang bzhin med pas dbyings su 'dus// 'di ni yon tan 'byung gnas yin// de bzhin dag par shes par byos// phrag dog mtshan nyid brjod pa ni// nga dang bdag tu 'dzin pa ste/ / 'dzin nyid dngos po yod ma yin// mnyam mi shes la phrag dog cing// thams cad mnyam pa nyid du 'dus// mi mnyam pa la shin tu sdom// de bas phrag dog chen po yin// phyin ci log ni bdag tu bcings/ / gzung dang 'dzin pa shin tu dog/ gzung 'dzin bral ba'i ye shes ni// dog yangs med de thams cad mnyam// de nyid shes pas las rab 'grub// phung po lnga shes bya ba'i dam tshig ni/ phung po lnga por snang ba yang/ / kun rdzob bya ba sna tshogs byed// bde ba'i yul dang mi bde'i yul// so so'i ro rnams myong byed cing// phung po'i mtshan nyid gzhig byas na// so so'i mtshan nyid dngos po med// gang gis de la dngos gzung na/ / ngan song gsum du skye bar 'gyur// de la gzugs kyi mtshan nyid ni// snang ba nyid na rang bzhin med// snang med de nyid sna tshogs ston// snang dang mi snang gnyis su med// de rtogs rnam par thar pa'i gnas/ / gzugs nyid longs spyod rdzogs pa'i sku// tshor ba'i mtshan nyid brjod pa ni// kun la rnam gsum 'byung mod kyi// bde dang mi bde'i dngos po med// gnyis ka ma yin lung ma bstan/ / sna tshogs tshor ba 'byung 'gyur yang// tshor dang 'byung ba gnyis ka stong// stong nyid dngos po yod ma yin// de rtogs chos kyi go bgos yin// 'du shes mtshan nyid bshad pa ni// gsum tshogs mtshan mar 'dzin pa yin/ / so so'i mtshan nyid gshig pa na// dngos po med de de bzhin nyid// dngos med de nyid sna tshogs pa// bya byed med par kun tu 'jug khams gsum ma lus thams cad la// mtshan ma che chung bsam mi khyab/ khyab med dngos po yod ma yin// de ltar rtogs na sangs rgyas mtshan// 'du byed mtshan nyid 'di ltar gnas// rtsa ba brgyad pos klong 'gyur te// lnga bcu rtsa gnyis kun la 'phro// de rtogs rtsa ba yod ma yin/ / med bzhin log g.yo rnam par 'byung// de la dngos por 'dzin pa ni// rtag tu nyon mongs g.yengs gyur nas/ khams gsum btson rar rgyun du 'khor// yang dag don bzhin rig pas ni// 'phro ba'i gzhi rtsa de bzhin nyid/ / de las rang rig 'byung ba ni// dngos po med dbyings skad cig ma// ye shes dbyings la rol par mdzad// sprul pa'i tshogs chen yin par bshad// kun gyi 'byung gnas rnam shes te/ / de yi dngos po'i rang bzhin ni/ kha dog dbyibs dang rigs brgyud min// gang yang ma yin nyid mi dmigs// 'di ni kun la dbang sgyur te// mtho ris 'gro'am ngan song 'gro// rtogs dang ma rtogs khyad par ro/ / bzhi po mnyam pa'i ngang shes na// de ni ye shes chen po yin/ kha dog lnga yi dam tshig ni// sems can ma lus thams cad la// ye shes lnga yis kun khyab kyang// rang gi rnam rtog bsgribs byas te/ / ye shes lnga yi don ma mthong// ma mthong rmongs pa thams cad la// ye shes mtshan nyid bstan pa'i phyir// dkar dang dmar dang ser ba dang// ljang khu la sogs nag por bstan// chos rnams bdag med rtogs byas na/ / byang chub sems nyid dag pa'i phyir// shin tu mdog ni dkar bar bstan// de rtogs bya phyir dag pa'i mdog/ chos rnams ma lus thams cad kun// pad+ma rA ga zhes brjod de// chags dang chags par bya ba med/ / chags med phyir yang dmar po'o// yon tan gter chen zad mi shes// thams cad 'byung ba'i gnas yin te// de bzhin nyid dbyings ma lus la// zad med rin chen gter gyur pa/ / mdog ni gser gyi mdog tu bstan// chos rnams phyin ci log rnams la// thugs rje chen po'i byin brlabs kyis// dbyings su yang dag bsdu dgos pas// las rnams ma lus rdzogs byed de// kun tu las ni ljang khu'i mdog/ de bzhin nyid kyi dbyings nyid la// cis kyang mi tshugs bcos su med/ kha dog nag po'i dngos po la// tshon gzhan dag gis bsgyur du med// de bzhin kun la shes par byos// phyogs lnga zhes bya ba'i dam tshig ni/ mtha' dang dbus med de bzhin du// dbyer med ngang du gnas pa la// ye shes rtogs pas don bya'i phyir// phyogs dang dbus su gnas par byas// sems can ma rig ldongs pa la/ / nyon mongs ma lus gsal bya'i phyir// ye shes sgron ma'i 'od 'bar bas// ma rig mun pa sel bar byed// de phyir de la shar zhes bya// sems can ma lus thams cad la// nyon mongs sdug bsngal mi gnas shing/ / ma rig mun pa nub gyur pas// de la nub kyi phyogs zhes bya// sems can kun gyi nyon mongs kun// ye shes chen pos bdag med par// sdug bsngal rab tu byang byas pas// de la byang gi phyogs zhes bya/ / de ltar ma lus thams cad la// thugs rje shar dang sgrib pa nub// rnam rtog mtshan nyid byang gyur pa// de ni yon tan chen po rdzogs// de ltar chos rnams ma lus kun// de bzhin nyid kyi dbyings su 'dus/ / phyogs rnams ma lus thams cad kun// de bzhin nyid de bzlum pa'i tshul// phyogs rnams kun la de ltar blta// ma rig phyin ci log rnams kyis// phyogs rnams so sor bzung gyur na/ / rtag tu nyon mongs 'khor bar 'gyur// dbang po lnga zhes bya ba'i dam tshig ni/ yul lnga dag la dbang byed pa'i// phyin ci log ni dngos por 'dzin// dngos por gzung bas 'khor bar 'khyams/ / gzugs rnams ma lus thams cad la// snang zhing dngos po med pa dang// lha dang lha mo'i dngos por brtag/ bdag dang lha nyid gnyis med pa'o// sgra rnams sna tshogs grag pa yang// sgra nyid dngos po med par shes/ / sgra brjod ma lus thams cad ni// chos kyi sgra chen sna tshogs yin// dri yi dngos por snang ba yang// dri nyid rang bzhin gang yang med// dri snom chos kyi dri yin te// shes rab chen pos de ltar rtogs/ / ro yi dngos por snang ba yang// ro yi rang bzhin yod ma yin// ro bro de bzhin nyid kyi'o// bde ba de yis tshim par byed// reg bya sna tshogs snang ba yang// reg bya'i dngos po yod min te// reg byar snang ba longs spyod yin/ / bde ba chen po chos kyi sku// mi shes phyin ci log rnams kyis// dbang po yul la chags gyur na// rtag tu 'dod dang mi 'bral zhing// ngan song gsum dang mi khom brgyad// rtswa dang sogs ma'i me bzhin du/ khams gsum dag tu 'khor bar 'gyur// de bas ye shes chags med rtogs// byas la mi sogs bsod nams tshogs// kun la spyod cing ma gos pas// ye shes chen po rtag tu bsgoms/ / mnyam pa lnga zhes bya ba'i dam tshig ni/ phyi nang gi chos thams cad don dam par skye ba med par mnyam pa dang/ kun rdzob sgyu mar mnyam pa dang/ don dam pa dang kun rdzob dbyer med par mnyam pa dang/ chen po lnga de bzhin gshegs pa lngar mnyam pa dang/ rnam par shes pa brgyad ye shes lngar mnyam pa'o// de la don dam pa skye ba med par mnyam pa ni/ chos rnams ma lus thams cad kun// de bzhin nyid dang stong pa'i mtha'/ / yang dag nyid dang chos kyi dbyings// mtshan nyid med cing dmigs su med// gzung du med cing smon pa med// ye nas mya ngan 'das pa yin// thams cad nam mkha'i mtshan nyid med/ / nam mkha' la yang mtshan nyid med// kun rdzob sgyu mar mnyam pa ni// 'dus byas dngos po sna tshogs ni// sgyu ma'i tshul du thams cad snang// sprul snang bya ba thams cad byed// rtog pa kun gyi tshad mar snang/ / 'di dag thams cad gzugs brnyan te// bya byed snang zhing dngos po med// chu zla'i tshul du thams cad gnas// thams cad snang la rang bzhin med// don dam kun rdzob dbyer med ni// chos rnams ma lus thams cad kun/ / gzhi rtsa med las thams cad 'byung// med dang yod pa gnyis ka min// don dam kun rdzob dbyer med de// 'dus ma byas nyid 'dus byas snang// snang ba nyid na dngos po med// dngos med de nyid sna tshogs pa/ / de nyid sgyu ma mig yor tshul// 'byung ba chen po lnga de bzhin gshegs pa lngar mnyam pa ni/ sa chu me rlung nam mkha' las// ya mtshan sna tshogs 'byung 'gyur ba// gzhi rtsa yod pa ma yin te/ / rang bzhin ngang gis de ltar byung// so so'i rigs tshogs snang ba ni// thabs chen dag tu rtag tu mnyam// mtshan 'dzin so sor gnas pa ni// shes rab dbyings kyi ngang du mnyam// rnam par shes pa brgyad ye shes lngar mnyam pa ni/ rnam rtog kun gzhi ma yin pa// rang bzhin med pa don gyi gzhi// 'di ni chos kyi dbyings zhes bya// de bzhin nyid kyi ye shes so// chos rnams ma lus thams cad kun/ / nga dang bdag tu mi 'dzin cing// kun kyang dbyer med nyid yin pas// thams cad me long blta ba'i tshul// thams cad kun la yud rtog cing// rtogs dang brtag par bya ba med// dus gsum du yang mi dmigs pa/ / 'di ni mnyam nyid ye shes yin// log rtog dbang po'i spyod yul sa// dbang po'i yul rnams dngos med par// thams cad dbyer med de bzhin nyid// so sor rtog pa'i ye shes yin// mnyam pa rnam lnga de ltar brtag/ chos rnams ma lus thams cad la// ye nas rang bzhin med pa dang// thabs chen lhun gyis grub par brtag/ 'di ni yang dag rtogs pa yin// tshogs kyi dkyil 'khor zhes bya ba'i dam tshig ni/ / bsod nams ye shes tshogs rdzogs te// rang rig mtha' dbus med pa'i dkyil// ye shes bzhi 'phro 'khor lo'i tshul// yang na rdo rje sems dpa' nyid// rigs bzhi lha dang lha mo dang// 'khor gyi khro bo khro mo'o/ / yang na 'das pa dkyil nyid de// 'jig rten sna tshogs 'khor nyid do// chos kyi mchod pa zhes bya ba'i dam tshig ni/ thabs dang shes rab ldan gyur cing// byang chub sems dang ma chags pa'i/ / gnyis su med par thim gyur nas// tshogs chen gnyis kyang rdzogs par ldan// 'dod yon lnga po thams cad dang// sna tshogs snang ba thams cad kun// de bzhin gshegs pa'i dkyil 'khor dang/ / gzugs mdzes lha dang lha mor brtag/ thams cad ma lus sgra rnams ni// chos kyi sgra chen yin pa dang// ngan song sbyong zhing thar lam ston// stong gsum grags pa'i sgra chen dang// thams cad 'jal ba'i sgra yang yin/ / bde ba tshim byed bsod nams te// brjod med mi gnas ye shes yin// 'di ni chags med ma yi gsung// chos nyid dngos po med pa la// dri yis mchog tu tshim byed pa// bsod nams tshogs chen yin par bshad/ / chags med ye shes tshul yin te// de bzhin dri yis mnyes mchod na// rigs 'dzin rnams la bskul bar 'gyur// ngan song gsum du chos kyi dri// kun tu bde gnas thob par byed// sgyu 'phrul dra ba las/ dam tshig rnam par bshad pa'i le'u ste nyi shu dgu pa'o//// de nas de bzhin gshegs pa gsang ba'i snying po de kho na nyid nges pa las/ bdag dang sems can dbyer med par yang dag pa'i dbyings su 'dus shing/ bdag gis rdo rje sems dpa'i zhal mngon sum du mthong ba'i don bstan pa'i ched du brjod pa 'di gsungs so// rdo rje sems dpa' bdag po'i gtso// kun rdzob sgyu mar zhal mthong ba'i/ / thams cad mig yor sgyu ma'i tshul// snang srid ma lus thams cad kun// chu zla'i tshul du 'drar shes shing// yul dang rtog pa nyid med par// gang gis de ltar rig pa de// gzhi rtsa med dbyings skad cig ma/ / snga phyi med dbyings de bzhin nyid// cis kyang mi tshugs rdo rje yin// rdo rje sems dpa' de la gnas// lta spyod mthun pas zhal mthong yin// rang bzhin dkyil 'khor yang dag ni// chos dbyings bdag dang dbyer med par/ / mnyam par sbyor zhing dag pa'o// thams cad byang chub lhun grub zhing// de ltar gang gis rtogs gyur pa// de ni ye shes mig can te// de yis yang dag snying po mthong// de nyid cis kyang mi tshugs pa/ / shin tu sra zhing brtan pa yin// rang bzhin dbyings nas 'od gsal ba// sems dpa'i mchog tu yang dag gsungs// de ltar rtogs na zhal mthong yin// de bzhin mnyam rdzogs lhun grub kyis/ / de bzhin gshegs dang ye shes lnga// rang byung chen po'i dkyil 'khor bsgom// rtog gnyis bral ba'i thabs mkhas kyis// lhar gsal dngos po med bsgoms na// mthong thos la sogs med pa'i tshul/ / rang rig ye shes gsal bsgoms na// rang bzhin med las cir yang 'grub// 'grub 'gyur nyin na dngos po med// ji ltar bcom ldan de bzhin gyis// bdud dpung dkyil du ta la btsugs/ / thams cad byang chub zhing bsdus te// gdug pa ngang gis ma dag nas// ta la bcad bsam yongs mi chod// rdo rje sems dpa' de nyid yin// bdag dang ting 'dzin mthun gyur pas// de nyid rdo rje zhal mthong yin/ / rdo rje sems dpa' nyid bsgoms te// ting 'dzin shin tu 'dris gsal na// thams cad rdo rje nyid du 'gyur// kun la dbang sgyur cis mi tshugs// bdag dang sems dpa' dbyer med de/ / las mthun ji ltar snang ba bzhin// bdag dang sems dpa' lta spyod gcig/ de nyid rdo rje zhal mthong yin// gzugs brnyan dkyil 'khor yang dag ni// chen po rags pa thabs su rtogs// so so'i mtshan 'dzin shes rab rtogs/ / gnyis med 'grel pa thabs chen yin// kun kyang shes rab ngang du gnas// snang dang gnas pa thams cad kun// de bzhin nyid la ma g.yos phyir// yod dang med pa gnyis ka min/ / gnas dang mi gnas dbye ru med// mnyam pa'i dbyings su thams cad 'dus// 'dus nyid gnas su ma thebs pa'i// thams cad de lta bu yi ngang// mnyam nyid dbyer med cis mi tshugs/ / de nyid sems dpa'i bzhugs gnas yin// de ltar rtogs pa'i rigs mchog ste// sems dpa' nyid dang rigs 'thun pas// de nyid rdo rje zhal mthong yin// rgyud byas phung po khams rnams kyi/ / gzhi rtsa de bzhin nyid du gcig/ sgyu mar snang ba gzugs brnyan tshul// snang ba nyid na dngos po med// dngos med de nyid sna tshogs bstan// phung po lnga nyid de bzhin gshegs// dbang po rnam shes byang chub sems/ / yul dus byang chub chen po yin// bdag rtog rnam bzhi khro bo yin// rtag tshad mu bzhi khro mo'o// de sems rang rig nyid ces bya// thams cad dbyings gyur kun tu bzang// de nyid rdo rje sems dpa' yin/ / gang gis de ltar rtogs gyur na// sems dpa' nyid dang dgongs 'thun pas// de nyid rdo rje zhal mthong yin// chos rnams ma lus thams cad kun// ming dang tshig dang yi ge dang// sgra yis mtshon nas don bstan pa/ / kun kyang yi ge ming tshig bzhin// gang yang dngos yod ma yin te// dngos med de nyid sna tshogs snang// snang ba nyid na gang yang min// bya byed sna tshogs kun byed kyang// dngos po med de yang dag nyid/ / de ni cis kyang mi tshugs pa'i// sa rdo dran med ma yin te// de nyid shin tu 'od gsal yin// rdo rje sems dpa' de ltar gnas// gang gis de ltar rtogs pa yi// rigs mchog dam pa'i rgyun yin te/ / rdo rje sems dang dbyer med phyir// de nyid rdo rje zhal mthong yin// skyes bu blo rtsal rab ldan pa// kun dang dbyer med don rtogs te// 'bras bu mngon du ma gyur kyang// byang chub sems la gnas bcas pa/ / dper na mngal dang sgo nga yis// mngon du ma byung bsgribs gyur kyang// rtsal chen gzugs des 'dul ba bzhin// rnam rtog gzugs de bor ma thag/ thams cad kun la dbang sgyur zhing// rigs mchog dam pa 'dzin par 'gyur/ / rdo rje sems dpa' dang mnyam pa'i// dngos grub mchog rnams yongs su rdzogs// bde ba can gyi zhing yang 'thob// byang chub mchog la rol par 'gyur// lha mi rnams kyi ston pa po/ / lus ngag sems la dbang thob nas// ji ltar dmigs pa bzhin du 'grub// tshad med bzhi la dbang byed 'gyur// bde ba'i rigs mchog kun la spyod// skye rga na 'chi la sogs pa'i// sdug bsngal zad pa'i go 'phang thob/ / rdo rje rigs mchog 'dzin 'gyur te// thugs rje chen po'i byin rlabs kyis// 'gro ba ma lus thams cad kun// rdo rje rigs su 'dren par byed// bdud sde tshar gcod nyon mongs 'dul/ / chos kyi 'khor lo yang dag bskor// 'gro ba ma lus thams cad la// mi rtag pa yi tshul yang ston// nyan thos rnams la dgra bcom tshul// byang chub rnams la rab byung tshul// bla med theg pa sangs rgyas tshul/ / lhun grub rnams la rdo rje'i dbyings// kun la mthun pa'i tshul ston yang// rang bzhin dbyings las g.yos pa med// ma g.yos bzhin du cir yang ston// snang stong rdo rje nam mkha'i spyan/ / sku gsung rdo rje nam mkha'i skus// bla med theg pa rdo rje che// 'og min 'dzam gling dus gcig tu// thugs nyid lhun grub rnams la snang// der snang ji bzhin gsung nyid kyang// zla ba gzugs brnyan bzhin du snang/ / chos rnams ma lus thams cad kun// de lta bu yi ngang du gnas// zhes rdo rje gsang ba'i tshig tu'o// gsang ba'i snying po de kho na nyid nges pa las/ skyes bu dam pa blo rtsal rab kyis rdo rje sems dpa' zhal mthong ba'i le'u ste sum cu pa'o/ /// de nas bcom ldan 'das dges pa chen pos/ dbang po dang yul gyi mtshan nyid 'di ched du brjod pa ched du brjod do// dbang po yul du snang ba kun/ / yul rnams yod pa ma yin te// kun gzhi'i rnam par shes pa nyid// dngos po sna tshogs par snang te// snang ba'i dngos po rnams gshig na// so so'i mtshan nyid dngos med par// nam mkha'i de nyid lngas gzhigs na/ / gzhigs na nam mkha'i ngang du zha// nam mkha' de nyid lngas gzhigs na// mtshan nyid med pa'i dbyings su thim// thim gyur dbyings nas kun 'byung bas// thams cad kun gyi 'byung gnas so/ / gzhi rtsa med de skad cig ma// skad cig ma yi dbyings nyid las// cir yang snang yang mi 'gag pa// de nyid thabs kyi mchog yin te// snang ba'i rang bzhin med par ni// bya byed byed pa shes rab nyid/ / nyon mongs rnam par shes pa ni// kun gzhi nyid snang spyod yul la// nga dang bdag tu rnam par rtog/ bde sdug mtshan ma so sor 'dzin// phyin ci log gis gzung gyur kyang// kun gzhi dngos po med pas na/ / bag chags bsag pa'i gnas med de// snang ba dngos po med pa la// nyon mongs blo yis blang du med// bgo dang bgo bar bya ba min// de ltar bgo byed dngos po med// de bzhin sems kyi log brtags pas/ khams gsum btson rar rtag par 'khor// yid kyi rnam par shes pa ni// snang dang mi snang gnyis ka la// skad cig yud tsam rtog pa yin// rtog pa nyid kyang ma grub na// yul gyi dngos po ga la grub/ / yid kyi de bzhin rgyun nyid ni// snga ma 'das shing mi dmigs pa// phyi ma ma byung rtag tu med// da lta rang bzhin dmigs su med// rtswa shing kha nas rlung 'phyo 'dra// rgyun ni yongs su ma chad pa// 'di ni kun tu 'byung ba yin/ / de ltar don rnams dngos po med// chu dang rlung bang rlabs 'dra bar// de bzhin gcig dang so so min// de bzhin kun gzhi nyon mongs yid// gcig pa min te so so min// chos kyi dbyings dang mnyam pa'i dbyings/ / thams cad mkhyen pa'i ye shes gsum// dbyer med gcig gi ngang yin te// gcig kyang gcig tu brjod pa med// de ltar ma rtogs sems can yin// rtogs na sangs rgyas gud na med/ / byang chub sems kyi rang bzhin ni// mtshan mas mtshon du med pa ste// shin tu mi dmigs brtag dka' ba// yangs shing rgya cher gting zab pa// shes rab zab pas rtogs 'gyur te// gang nas ma 'ongs gar mi 'gro/ / 'ong dang 'gro bar bya ba min// brtag dka' shin tu mi dmigs te// mtha' dang dbus kyang rtag tu med// gzung 'dzin bral ba'i rang rig nyid// dmigs med tshul du der snang ngo/ / dbyings dang dbyings kyi ye shes kyang// rang rig kha na tsam du zad// rang rig bstan du med par ni// sems can ma lus thams cad kyis// de ltar khong du chud par byos// nyon mongs sdug bsngal med pa dang/ / bla med 'bras bu thob par 'gyur// rtsa ba snying rje chen po yis// sems can ma lus thams cad la// snying rje theg pa ma chad par// nyon mongs lam las bsgral ba'i phyir// byams pas sems can kun zin gyis/ / de bzhin 'khor ba'i btson ra la// snying rje'i zhags pa che brkyang nas// nyon mongs 'dam nas 'dren par byed// snying rje chen po skyo ma byed// de bzhin skye bo phal rnams la// las kyi sgrib pas mi gos shing/ / thams cad mngon par sangs rgyas par// dga' ba dag la 'gyod ma byed// sems can nga dang bdag med la// thugs rjes gnyis rtog mi byed de// bu gcig 'dra bar blo gzhag bya// thams cad dri ma med par bya/ / chos rnams thams cad stong pa bas// de la dngos dang rtog pa med// nam mkha'i ngang la gnas pa la// de la bcos shing bsgyur du med// chos rnams thams cad mtshan nyid med// snang ba thams cad dngos med pas/ / yod dang med pa thams cad kun// mtshan nyid med pas mi dmigs so// 'jig rten 'das dang 'jig rten pa'i// chos rnams sna tshogs snang ba yang// bdag las gzhan pa ma yin pas/ / kun la smon cing chags su med// byang chub sems rnams thams cad ni// shin tu bdag dka' gting zab pas// rtog ge'i spyod yul de ma yin// ma dmigs mi dmigs dmigs su med// sems nyid de nyid ji lta bur/ / byang chub de ni sems yin no// sems dang byang chub dbyer med pas// sems can ma lus thams cad dang// dus gsum chos rnams thams cad yin// thams cad ma lus chos so cog/ sems dang byang chub nyid du 'ub// rdzun med dpa' bos de skad bshad// skyes bu blo rtsal rab ldan pas// ci la'ang thogs pa med par spyad// spyod pa nyid na chags med cing// dus mtha' med par mnyam par gnas/ / 'di ltar snang ba thams cad la// mngon sum tshad mas brtag mthong yang// snang ba nyid na dngos po med// de bzhin yang dag nyid du rtogs// gang zhig stong pa'i ngang yod ces/ / med pa'i rang bzhin rtogs pa ste// ri bong rwa dang mo gsham bu// tshig tsam gdags su rung mod kyang// thams cad ming tsam stong pa nyid// thams cad ma lus stong zhes te// dran med gdos pa ma yin pas/ / rtog med rang bzhin 'od gsal zhing// 'di ltar snang ba thams cad kun// gdos pa can gyi chos min te// shes pa 'ba' zhig kho na'o// thams cad gnyis med rtogs gyur na// de nyid don dam dbyings yin te/ / gzhan nas btsal zhing gzhag tu med// yod pas btsal na sgro btags 'gyur// med pas btsal na skur btab te// yod med gnyis las btsal byas na// de ni lung du ma bstan 'gyur// rnam par rtog pa mi mnga' ste/ / de yis mi mkhyen gang yang med// rnal 'byor lta ba de lta bu// tshig gis snga phyi yod med kyang// don gyi cig char rdzogs par bsgom// de lta bu yi don rtogs na// 'gro nyal 'dug sdod longs spyod kyang/ / theg chen bsgom las nyams pa med// gong gi don ltar ma rtogs pa'i// blo ngan mnyam par khungs phyang nas// ma rtogs le los snyoms las byas// don ma grub par ngan song 'gro// sems kyis mnyam pa ma rtogs na/ / tshig gis mnyam pas 'tshang mi rgya// de bas don tshig ldan par byos// 'on kyang the tsom med pas 'grub// rnal 'byor don chen rtogs pa yis// dus mtha' med par de ltar bsgom/ / yon tan nam mkha'i mtha' dang mnyam// spyod yul sangs rgyas nyid du gcig/ rtag tu bsod nams tshogs chen ldan// bya byed med pa'i brtson 'grus kyis// des ni byang chub snying po len// zhes rdo rje gsang ba'i tshig tu'o/ / le'u ste so gcig pa'o//// de nas bcom ldan 'das dges pa chen po des/ sngags 'chang rnams don yod par bya ba'i phyir/ rdo rje gsang ba'i snying po de kho na nyid nges pa las thams cad phyag rgyar bsdus nas phyi nang snod bcud thams cad 'di ltar brtag cing/ / phyag rgya'i dam tshig bsrung ba dang// dam tshig gi gnas yin no// phyag rgyar bsdu zhing spro ba'ang 'di yin no// de rnams kyi ched du brjod pa 'di brjod do/ / gsang ba de nyid nges pa las// byang chub mchog 'di bstan pa'o// mnyam pa chen po'i dkyil 'khor ni// phyogs bcu dus bzhi ma lus par// 'das dang ma 'das thams cad kun// ye nas dbyer med de bzhin nyid/ / mnyam dang mi mnyam bya ba med// de bzhin nyid kyi ngang nyid du// chos rnams ma 'dus gang yang med// de phyir de bzhin nyid du 'ub// 'jig rten 'das dang 'jig rten pa'i/ / brjod pa ma lus thams cad kun// chos nyid ngang las ma gtogs pa// log rtog nyon mongs rdul tsam med// phyag rgya sna tshogs 'od 'bar yang// de bzhin nyid las ma g.yos te// bdag nyid dbyings las mi gzhan te/ / mnyam la mnyam par gnas pa yi// rnam gsum tshul gyi bsgom byas shing// phyag rgya bskyed cing log 'dul ba// bya byed med pa'i tshul gyis su// las rnams ma lus rdzogs par byed/ / de ltar rtogs shing rigs kyi mchog/ rim gyis phyag rgya bskyed pa ni// bdag nyid phyag rgya kun gyi mchog/ de bzhin nyid kyi snying po ni// ye nas rang bzhin 'od gsal ba// byang chub skye 'khrung rgyu yang yin/ / 'bras bu yang dag mchog kyang 'bar// rgyu 'bras dbyer med rdo rje'i sa// bcu gsum lhun gnas don grub pa// bde gnas bla na med pa'i bla// mthar phyin gang la'ang mi gnas pa'o// rang bzhin phyag rgya chen po ni/ / phyi nang snod bcud thams cad kun// thabs dang shes rab ldan par gnas// rigs lnga bde gshegs yab yum du// ma bcos ye nas de ltar gnas// thams cad shes rab nyid la rol// de ming ma chags tshogs chen po/ / yang dag nyid la rab tu rdzogs// lhag pa'i phyag rgya chen po ni// nang gi rtags ni phyi ru ste// mdor bsdus phyag rgya drug pa dang// gzhan yang phyag rgya sna tshogs te// lag gi 'du 'phro bsam yas dang/ / yan lag stabs chen bsgul bsigs kun// nyid kyi dbyings las ma g.yos kyang// rang bzhin nyid kyis de ltar gnas// 'joms shing cis kyang mi tshugs pa// rang byung chen po lha yi lha/ / rdo rje cha mchog phyag rgya che// thams cad kun la 'bigs par byed// dpa' bo zhes kyang gdags par bya// las dang las kyis mi gos pa// gnyis med dbyings kyi don rtogs shing// ma chags pa la chags pa dang/ / shin tu rnam par dag pa yi// de bzhin nyid kyi dkyil 'khor la// sku gsung thugs ldan zad mi shes// yon tan mi zad gter du 'gyur// 'di ni mi zad par ldan pa'i// sku gsung thugs ni rdzogs byed pa'o/ / rnam par rtog med tshul gyis ni// thams cad kun la chags med rol// gdul bya'i don ched bsam mi khyab// 'joms dang ma chags kun 'byung ba// thams cad dbang bsdus don grub pa// ma lus kun 'dus rnam par dag/ kun nas bzlums shing 'od zer 'phro// rigs bzhi ma lus thams cad kun// mnyam rdzogs dbyings su thams cad 'dus// rigs rnams gcig med gcig pa ste// lhun grub dkyil 'khor ngang nyid du/ / phyag rgya'i dam tshig mtshan nyid ni// thugs kyi rtags su bstan pa yin// dper na rgyal pos rgya btab na// sems can kun gyis yongs mi 'da'// de bzhin mnyam nyid phyag rgya yis/ / kun la khyab cing thams cad snang// sku gsung thugs kyi rgyas btab na// bdud dang mu stegs mang po kun// mi mthun phyogs kyis dbang byar med// rdo rje sems dpa'i rigs nges na// 'di lta bu la rtag tu gnas/ / de lta bu yi blo med na// rdo rje'i rigs su yongs ma bshad// rdo rje gsang ba'i snying po de kho na nyid nges pa las/ phyag rgya dam tshig gi le'u ste so gnyis pa'o//// de nas de bzhin gshegs pa bcom ldan 'das dges pa chen pos rgyud kyi don 'di gtad pa'i phyir/ ched du brjod pa 'di ched du brjod do// sgyu 'phrul drwa ba mngon rdzogs pas// gtsug gi nor ltar kun 'byung ba// ye shes dag pa gsang ba'i snying/ / rin po che yi gsang sgrom nas// thugs kyi ljags kyi pad+mas ni// bcom ldan rnams la bshad byas pas// de bzhin bcom ldan rnams kyis kyang// sgyu 'phrul dra ba brtan pa yis// dkyil 'khor rnam bdun bzung ba dang/ / 'khor ba mya ngan 'das pa yi// mnyam pa'i lam la gnas par gyis// sgyu 'phrul dra ba brtan pa yis// lus dang ngag dang yid dang gsum// nam mkha'i lus dang nam mkha'i yid// nam mkha'i thugs dang ldan par gyis/ / sgyu 'phrul dra ba brtan pa yis// rtsa ba mi spang dang du blang// dam tshig 'phrin las ma lus pa// lus kyi yan lag bzhin du gyis// sgyu 'phrul dra ba brtan pa yis// gzugs sgra dri ro reg bya rnams// rgyal ba'i dkyil 'khor nyid dang ni/ / mchod pa dam pa nyid du gzung// de nas de bzhin gshegs pa rnams dang// lag na rdo rje can gyis ni// nges par gsungs pa gzung ba'i phyir// kun gyis mgrin gcig bsdebs nas ni// bdag po rgyud la phyag kyang btsal/ / sgyu 'phrul dra ba mngon rdzogs pa// ye shes dag pa'i snying po la// gtsug gi nor ltar de bzhin 'dud// rin po che yi gsang ba'i sgrom// byang chub sems kyi dkyil 'khor la// de la rtag par bzhin phyag 'tshal// nges pa'i dkyil 'khor rnam bdun dang/ / mi gnas mnyam pa'i lam de la// phyag 'tshal de bzhin phyag kyang 'tshal// lus ngag yid gsum nam mkha' ltar// rang bzhin 'od gsal dngas pa la// de la'ang rtag pa'i bzhin phyag 'tshal// rtsa ba bco lnga mchog gi gtso/ / dam tshig 'phrin las ma lus pa'ang// de la'ang rtag pa'i bzhin phyag 'tshal// phyogs bcu'i gzugs sgra ma lus pa// sna tshogs bsgyur ba'i 'phrul mo che// de la'ang rtag pa'i bzhin phyag 'tshal/ / e ma ho kun tu bzang po dang// e ma ho ri ngo mtshar rmad kyi rgyud// e ma ho mdzes khyad par can// de la rtag tu'ang bzhin phyag 'tshal lo// e ma go sgyu 'khrul dra ba la// e ma lus kyi mgo bzhin du// de bzhin mi 'gral 'dud par bgyid/ rgyud kyi rgyal po chen po sku 'khrul dra ba las de bzhin gshegs pa kun tu bzang pos rgyud gtad pa dang/ 'khor rnams kyis rgyud gzung ba'i le'u ste sum cu gsum pa'o/ /// rgyud kyi rgyal po chen po sgyu 'phrul dra ba rdzogs so////

CLOSE WINDOW