/ bdag gi sems dang// gzhan gyi sems dang// pha'i sems sde dang// ma'i sems sde dang// bu'i sems sde dang// phu nu'i sems sde dang// dgra bo'i sems sde dang// dbang phyug gi sems sde dang/ / tshangs pa'i sems sde dang// gtogs 'dod kyi sems sde dang// dbang po'i sems sde dang// tshogs bdag gi sems sde dang// kun tu rgyu'i sems sde dang// tshong pa'i sems sde dang// zhi ba'i sems sde dang/ / chu bo lta bu'i sems sde dang// khron pa lta bu'i sems sde dang// bkod ma lta bu'i sems sde dang// 'khor lo lta bu'i sems sde dang// zo chu lta bu'i sems sde dang// bkod chu lta bu'i sems sde dang/ / gser chu lta bu'i sems sde dang// kun tu bsrung ba'i sems sde dang// ser sna'i sems sde dang// gtong ba lta bu'i sems sde dang// byi ba lta bu'i sems sde dang// lce 'bab pa lta bu sems sde dang/ / glog lta bu'i sems sde dang// sprin lta bu'i sems sde dang// byi la lta bu'i sems dang// khyi lta bu'i sems sde dang// glu lta bu'i sems sde dang// gar lta bu'i sems sde dang// sil snyan lta bu'i sems sde dang/ / rma bya lta bu'i sems sde dang// rnga sgra lta bu'i sems sde dang// 'brug lta bu'i sems sde dang// seng ge lta bu'i sems sde dang// bung ba lta bu'i sems sde dang// sbrang ma ltabu'i sems sde dang/ / glog lta bu'i sems sde dang// bya rgod lta bu'i sems sde dang// brang po che'i sems sde dang// pho rog gi sems sde dang// mchil ba'i sems sde dang// ngang ba'i sems dang// gro cha'i sems dang// khug rta'i sems dang/ / bya ma lug gi sems dang// khra'i sems dang// khyung gi sems dang// khu byug gi sems dang// chu srin lta bu'i sems sde dang// rus sbal lta bu'i sems sde dang// sbrul lta bu'i sems sde dang/ / ma he lta bu'i sems dang// 'ug pa lta bu'i sems dang// spre'u lta bu'i sems sde dang// bya rog lta bu'i sems sde dang// rta lta bu'i sems sde dang// bzhad lta bu'i sems sde dang// ka ma ka lta bu'i sems dang/ / spyang ki lta bu'i sems dang// wa lta bu'i sems dang// gla?ng po che lta bu'i sems sde dang// 'ug pa lta bu'i sems sde dang// khra lta bu'i sems sde dang// khyim gyi sems sde dang// khyim med pa'i sems sde dang/ / thar pa'i sems dang// mthar pa'i sems sde dang// srin po'i sems sde dang// mi rgod kyi sems sde dang// nang gi sems sde dang// rgyal po'i sems sde dang// smad 'tshong ma'i sems sde dang// 'phyon pa'i sems sde dang/ / bral ze'i sems sde dang// shan pa'i sems sde dang// yi dwags kyi sems dang// tsher ma'i sems sde dang// shing bal gyi sems sde dang// sa'i 'og sems sde dang// sa bla'i sems sde dang/ / sa stengs kyi sems sde dang// nam mkha'i sems sde dang// dra ba'i sems sde dang// rgya'i sems sde dang// zhags pa'i sems sde dang// lig ra'i sems sde dang// lcags kyu'i sems sde dang// tho ba'i sems sde dang/ / 'jug thug gi sems sde dang// snod kyi sems sde dang// khrin mun gyi sems sde dang// me lce'i sems sde dang// tho lum gyi sems sde dang// mar me dang lha bshos kyi sems dang// spos kyi sems sde dang/ / me tog dang// dri za'i sems dang// zang gzhong gi sems dang// 'khar gzhong gi sems dang// bum pa'i sems dang// dung phor gyi sems dang// skyes bu'i sems dang// tsha bskal dang/ / za ma tog dang// bshol gyi sems dang// 'byor gyi sems dang// ste'u'i sems dang// bong bu'i sems dang// ba'i sems dang// rta'i sems dang// nyi ma'i sems dang// zla ba'i sems dang/ / dngul gyi sems dang// gser gyi sems dang// g.yu'i sems dang// byi ru'i sems dang// mthing bun gyi sems dang// mu tig gi sems dang// lcags kyi sems sde dang// zangs kyi sems dang/ / ra gan gyi sems sde dang// rin chen lnga'i sems sde dang// mu tig sems sde dang// rlung gi sems sde dang// chu'i sems sde dang// sa'i sems sde dang// nam mkha'i sems sde dang// mi'i sems sde dang/ / 'byung ba lnga lta bu'i sems sde dang// gdung shing gi sems sde dang// gtub shing gi sems sde dang// sgo'i sogs dang// sgo reg gi sems sde dang// g.yag shing gi sems dang// lde mig gi sems dang/ / sgo 'byed pa'i sems dang// sdeb pa'i sems sde dang// shing lebs kyi sems sde dang// 'dam gyi sems sde dang// rnyog chu'i sems sde dang// tshon rtsi'i sems dang// nor ba'i sems dang// dug gi sems dang/ / sman gyi sems dang// kha zas kyi sems dang// chung dong gi sems dang// mda'i sems dang// gzhu'i sems dang// mdung gi sems dang// phub kyi sems dang// khrab kyi sems dang// khrab lag gi sems sde dang/ / rkang chas kyi sems sde dang// he blag gi sems dang// rmog gi sems dang// dgra'i sems dang// srid sde'i sems dang// brdeg pa'i sems dang// 'atab rtsod kyi sems sde dang/ / rtsod pa'i sems sde dang// shi ba'i sems sde dang// bsreg pa'i sems sde dang// mya ngan gyi sems sde dang// smre sngags kyi sems sde dang// sdug bsngal gyisems sde dang// na ba'i sems sde dang/ / tshogs kyi sems sde dang// sman dpyad kyi sems sde dang// phan pa'i sems sde dang// bed ba'i sems dang// lha gsol gtang rag gi sems dang// skyed pa'i sems dang// sgrog gi sems dang// shing gi sems dang/ / lan tshwa'i sems dang// spu gri'i sems dang// thig gi sems dang// rdo rje'i sems dang// dril bu'i sems dang// rgya mtsho'i sems dang// pha bong gi sems sde dang// zhing gi sems dang/ / phug gi sems dang// skye ba'i sems dang// na ba'i sems dang// rgas pa'i sems dang// med pa btsal gyis mi snyed pa'i sems sde dang// yod pa shor gyis dgos pa'i sems sde dang// snang na snod kyi sems sde dang/ / grag pa sgra'i sems sde dang// dran rtog yid kyi sems sde dang// me tog gi sems sde dang// 'bras bu'i sems sde dang// rtsa ba'i sems sde dang// yal ga'i sems sde dang// sdong bu'i sems dang/ / mngar ba'i sems sde dang// kha ba'i sems dang// skyur ba'i sems dang// tshwa ba'i sems dang// glag pa'i sems dang// bska ba'i sems dang// yi ge'i sems sde dang// tsha tshwa 'i sems sde dang// bya gag lta bu'i sems sde dang/ / kun dga' ra ba lta bu'i sems sde dang// dbyar sprin lta bu'i sems sems sde dang// me long lta bu'i sems sde dang// til mar lta bu'i sems sde dang// dgun 'chang lta bu'i sems sde'o/ / de dag la sogs sems sde mtha' yas kun// rin chen spu yi 'bar ba yis// sna tshogs mtha' yas sems sde kun// ye thog gzhi ru spros pa chod// kun gzhi klong yangs mdzod chen dang/ / rtsal snang sems sde ji snyed kun// snying po'i klong du thim nas kyang// gnyis su med par spros pa chod// dbye gsal med par spros pa chod// rtsis gdab med par spros pa chod// ma bcos ma bslad spros pa chod/ / bzung du med kyi spros pa chod// dgag bsgrub gnyis med spros pa chod// spong len gnyis med spros pa chod// bzang ngan gnyis med spros pa chod// bdag gzhan gnyis med spros pa chod// rtsol bsgrub gnyis med spros pa chod/ / byang chub sems kyi rang bzhin la// sems nyid rang dag spros pa chod// nang na med par spros pa chod// phyi na med par spros pa chod// phyi nang gnyis su med par spros pa chod// de ltar gnyis su med par spros pa chod/ / de ltar gnyis med sems nyid la// sangs rgyas rnams kyis cang ma gzigs// mi gzigs gzigs par mi 'gyur ro// de yang ji ltar mi gzigs na// kha dog tu yang ma gzigs so// dbyibs su yang ma gzigs so/ / mun pa ru yang ma gzigs so// snang ba ru yang ma gzigs so// stong pa ru yang ma gzigs so// pho mo ru yang ma gzigs so// mi nang du yang gzigs so// khams gsum du yang ma gzigs so/ / lha yi sems med spros pa chod// klu yisems med spros pa chod// gnod sbyin sems med spros pa chod// dri za'i sems med spros pa chod// rigs drug sems med spros pa chod// brjod tshad med par spros pa chod/ / phye tshad med par spros pa chod// btags tshad med par spros pa chod// yid la 'gyus tshad med par spros pa chod// sems kyis bzung tshad med par spros pa chod// rig pas myong tshad spros pa chod/ / blo yi spros tshad spros pa chod// yi ge'i tshig gcig mtha' yas kun// brjod med ngang du spros pa chod// ces gsungs so// rin po che gri'i 'bar bas sems sde'i spros pa bcad pa zhes bya ba rdzogs so/ /// rgya gar gyi gu ru pad+ma sam b+ha bas bshad// bod kyi lo tsa ba ka ba dpal brtsegs kyis bsgyur cing gtan phab pa'o// i thi//// rgya gar skad du/ / bod skad du// chu gri 'bar bas dbang sde spros pa gcod pa zhes bya ba// mtshon med brjod las 'das pa'i kun tu bzang po nyid la phyag 'tshal lo// rdo rje sems dpa' la sogs la/ / dbang sde spros bcad bshad par bya'o// rdo rje sems dpa' sku yi dbang// u rgyan dga' rab rdo rje thob// dga' rab rdo rje'i dbang chen yang// 'jam dpal bshes gnyen bdag gis thob// 'jam dpal bshes gnyen dbang mchog de/ / shI ri sing ha bka' yis dbang// u rgyan gu ru pad+mas thob// 'khas pa'i dbang thob dbang gi chu bo bzhi// dbang gi spros gcod bshad par bya// theg pa 'og ma'i dbang sde dang/ / rdzogs pa chen po'i dbang sde'o// theg pa 'og ma'i dbang sde ni// dbang gi chu bo bco brgyad ni// de dag rgyas par 'dir ma bshad// gzhan du zhib par gsungs pas so// ma smin smin par byed pa dang/ / smin pa grol bar byed pa dang// gsang sngags sgo ni dbang la thug/ dbang gis snod dang ldan par byed// dbang rnams rdzogs par ma byas shing// slob dpon gnyes par ma byas na// nyan pa la sogs rtsom pa rnams/ 'bras bu med cing brlag par 'gyur// dpe ni rdza so ma gtang ba'i// snod du chu ni blug gyur na// rdza yang 'chag la chu yang 'bo// 'bras bu rdo rje'i theg pa yang// dbang gis smin par ma byas par/ / gsang sngags theg pa nyan na yang// rang yang brlag la chos kyang 'chor// de phyir dbang sde'i dbye ba la// dang po bum pa'i dbang sde dang// gnyis pa gsang ba'i dbang sde dang// gsum pa shes rab ye shes dbang/ / bzhi pa rin chen tshig dbang ngo// dbang rnam pa gnyis dang// dbang des gtad pa dang// dbang mdor bsdus dang// dbang rin chen 'khor lo dang// rdo rje dbang po rab 'byam gyi dbang sde dang/ / de dag cho ga sgrub thabs rnams// rang rang dkyus na rgyas par zhib// 'di ru bshad par mi bya'o// rdzogs pa chen po'i dbang sde ni// 'di ru rgyas par bshad par bya// theg pa 'og ma'i dbang sde rnams/ / rdzogs chen dbang sder la 'da' bo// rdzogs chen dbang sde bco brgyad ni// snga 'gyur lnga dang phyi 'gyur bcu gsum la// dbang gi sgrub thabs bco brgyad do// rgyal thabs spyi blugs dbang bskur la/ / mtha' dbus med pa'i klong chen du// bzung ba med pa'i sa phyogs su// chos nyid dbyings kyi mchod khang du// mi 'gyur dbyings kyi dkyil 'khor la// mnyam pa nyid kyi chag chag gdab// 'gyur ba med pa'i thig cig gdab/ / ye shes lnga yi sa tshon bkye// sems nyid rin chen me tog bkram// byang chub sems kyi dkyil 'khor du// slob ma 'jug par 'dod pa rnams// dad pa'i chu yis khrus byas te// nyon mongs dri ma dag byas la/ / yol ba'i phyi log nyid du bsdad// skal ldan rin chen slob ma des// dad pa shes rab ldan byas la// gus pa'i tshul gyis gsol ba gdab// e ma ho// bdag cag nyon mongs dbang gis na/ / thog ma med pa'i dus nyid nas// da lta'i mtha' la thug pa ru// khams gsum 'khor ba'i 'dam du bying// shes rab mig long ma rig pas// gzung 'dzin gnyis kyi sgrog tu chud// re dogs gnyis kyi lcag gis brabs/ / phyogs ris gnyis kyi mtha' la zhen// chags sdang gnyis kyi gtan khar chags// 'jig rten chos brgyad spyod spyod nas// yang dag sangs rgyas ma rtogs pas// dus gsum bzhugs pa'i sangs rgyas dang/ / bla ma ma hA gu ru rnams// rtog thabs snang ba mdzad du gsol// thugs kyi sgrom du rin chen bcud// sangs rgyas chos sku thob slad du// rdzogs par bdag la bstan du gsol/ / ces yon phul la de skad gsol ba gdab bo// de nas ma hA gu rus 'di skad brjod do// bu khyod skal ldan rigs kyi gtso// thog ma med pa'i dus mtha' nas// ma rig pa yi ling thog gis// ye shes mig long bdag gis dbye/ / yang dag sangs rgyas nga yis bstan// 'khor ba'i 'dam nas nga yis gdon// gzung 'dzin sgrog nas nga yis dgrol// chags sdang gnyis nas nga yis gdon// kun gzhi 'od gsal dkyil 'khor du/ / don dam chos sku'i lha dang sprad// ngang dngas rin chen sna tshogs bstan/ skal ldan bu khyod tshur shog cig/ ces gsungs te// de nas slob mas yol ba'i nang du 'ongs te// lha phyag gsum byas te/ / pus mo btsugs// thal mo sbyar te// me tog dkyil 'khor la dor nas// 'di skad du gsol ba gdab// thog ma med pa'i dus nyis nas// chos nyid ma dang ma phrad pa// de dang phrad thabe bstan du gsol/ / 'od gsal chos nyid ma rtogs pa// de yi rtogs thabs bstan du gsol// 'gyur med chos sku lhun grub te// skal ldan bdag la bstan du gsol// chos nyid klong yangs kyi dkyil 'khor de// sngar ma mthong bas bstan du gsol/ / ces gsol pa dang// de nas slob dpon gyis slob ma'i mig phye nas// 'di skad do// e ma ho// bu khyod skal ldan rigs kyi gtso// yan lag bu yi shes pa rnams// snying po chos nyid ma la thim/ / ma rig mun pa'i mig phye bas// 'od gsal chos nyid rtogs gyur cig/ mi 'gyur chos sku dngos med de// skal ldan bu la gnas pas na// dngos med dbyings su rgyas thob la// 'gyur ba med pa'i ngang la zhog/ snang srid ma bcos dkyil 'khor du// chos dbyings snang la rang bzhin med// dgag bsgrub spong len med pa yi// sor bzhag dbye gsal med pa de// mnyam nyid ngang gis bltar bar bya/ / gnyis su med pa'i ngang la gzhog/ snang srid rgya theg dbang bskur bas// sangs rgyas thams cad rang la rdzogs// srid pa thams cad lugs su blug/ ces srid pa rig pa spyi blugs kyi dbang bskur ro/ / gsang ba'i ngo bo ji ltar gnas pa dang// bum pa'i dbang dang gsang ba'i dbang// ye shes dbang dang rin chen tshig dbang rnams// dbang bskur 'byung ba'i rim pa ji ltar lags// de yi 'byung lugs bskur lugs bstan pa la/ / thog ma tha ma med pa'i dus nyid nas// yod med stong dang mi stong dbyer med pa'i// sangs rgyas sems can med pa'i rang bzhin yang// rang rig rang gsal chos sku'i ming med de/ / gzhi rtsa med pa'i kun gzhi snying po'i dbang// chos rnams kun gyi rtsa bar dbang bskur bas// bskur bas skyon med nges par 'byung bas na// dbang bskur nges pas ming gi 'bras bu thob// chos sku rang gsal phyi de bum nyid snod/ / rang rig mi rtog nang de dbang nyid bcud// bum pa kun gyi gzhi mar ye gnas pas// dbang bskur thog mtha' med pas dang po'o// chos nyid rang gsal mo de shes rab dbang/ / rig pa pho de thabs nyid pha// gsang ba ye nas gsang ba lhun grub gsang ba'i dbang// thabs dang shes rab gnyis med bskur ba gnyis// chos nyid stong pa shes rab yin te mo// rang gi rig pa thabs mchog yin te pho/ / shes rab ye shes gnyis med lhun grub pa// bde ba'i ming med bskur ba de gsum mo// ming med stong par gsal bas dngos mtshan med// rang byung kun la khyab pas gsang ba'i dbang/ / 'gag med ma 'gag dbyer med rin po che// dbang gsum lhun grub ming bzhi po// rang byung ye shes chos sku mi rtog rig pas nang// yan lag shes pa rtogs pas phyi// phyi nyid dngos por mthong bas kun gyi gzhi/ / yan lag rig pa'i mtshan ma lhur bzung ste// bum pa dbang bskur dang pos 'byung bar ston// yan lag rig pa'i chos nyid ngang sangs pas// lhan lhan song ba byang ba med par ston// chos nyid ngang dngas yan lag phrad pa'i sgra/ / gsang ba'i sgra byung gsang ba byung ba des// gsang bas dbang bskur gsang bas gnyis par gzung// gsang bas bde 'byung bde ba'i mchog nyid de// bde ba'i ngo bo brjod du med pa la/ / shes pa'i rab ste shes rab stong pa nyid// ye shes de la de bzhin ye shes de// shes rab ye shes dbang bskur de bzhin gsum pa yin// bde ba'i ngo bo ming med mtshon med la// rang byang yan lag sems kyi rig pa ste/ / rig pa sems nyid mtshon pa'i brda yin no// mtshon pas brda yi dbang bskur bzhi pa ste// chos sku rang byung ye shes dbyer med pa'i// zhal bstan dbang bskur sangs rgyas 'bras bu thob/ / theg pa 'og ma'i sgor zhugs rnal 'byor la// bag chags rtas pa'i dbang bskur bzhi pa yis// mtho ris thar pa'i go 'phang thob pa yin// dbang bskur ba'i rim pa'i dbang sde'o/ / gang gis gang la dbang bskur byin brlabs dang// chos sku rang byung ye shes dbyer med pa'i// zhal bstan 'bras bus nges pa ji ltar lags// gang gis gang la dbang bskur byin brlabs bstan pa ni/ / rang byung lhun grub rang bzhin 'gyur med pa'i// chos sku gsal gdams 'gag med ston pa ste// rang byung ye shes ma 'gags ston pa des// rang bzhin lhun grub dbang bskur byin brlabs pa// rang byung thig le chen por sangs rgyas so/ / rang byung ye shes ma 'gags ston pa ste// rang byung zer gyi ston pa kun bzang la// rang bzhin lhun grub dbang bskur byin brlabs pas// gnyis med thig le chen por sangs rgyas so/ / yan lag zer gyi ston pa kun bzang des// sdud pa'i gsang bdag rdo rje sems dpa' la// rang bzhin dbang bskur cig tu byin brlabs te// sems nyid thig le chen por sangs rgyas so/ / yan lag zer gyi ston pa kun bzang des// chos sku rang byung ye shes la// kun tu bzang po ngang nyid nam mkha' la// ngang la ngang nyid nam mkha'i ngang bstan pas// chos sku rang rig nam mkha'i ngang nyid dang/ / rang byung ye shes rang rig nam mkha' gnyis// dbyer med cig ste gsal gdangs nyid kyi ngang// gcig dang tha dad dag las grol ba'o// rang bzhin dbang bskur la yang rnam gnyis te// phyi yi rang bzhin lhun grub dbang bskur dang/ / khyad par ngang bzhin lhun grub dbang bskur ro// phyi yi rang bzhin lhun grub dbang bskur rnam bzhi ste// rang bzhin lhun grub bum pa'i dbang bskur dang// gsang ba'i dbang dang shes rab ye shes dbang/ / dbyer med mtshon pa'i dbang sde bzhi pa'o// rang bzhin lhun grub bum pa'i dbang bskur la// chos sku rig med phyi ste bum nyid dbang// rang byung ye shes nang ste ngang nyid gnyis/ / phyi nang gnyis su med pa bum pa'i dbang// rdzogs chen dbang po yang rab gyur ba la// rang byung gnyis med gsang ba'i dbang bskur bas// gnyis med ngang gsal chen por sangs rgyas so// bzhi pa rang bzhin lhun grub sangs rgyas la/ / chos sku rig pa ming med mtshon med dang// rang byung ye shes ming med mtshon med pa// mtshon pa ming med mtshon pa bzhi pa'i dbang// rdzogs chen dbang po yang rab gyur pa la/ / rang bzhin gnyis med brda yi dbang bskur bas// gnyis med ngang dngas chen por sangs rgyas so// khyad par lhun grub dbang bskur la yang bzhi// rang bzhin bum pa'i dbang dang gsang ba'i dbang/ / shes rab ye shes dbang dang tshig dbang bzhi// rang bzhin lhun grub bum pa la yang bzhi// chos sku rang byung ye shes dbyer med bum pa dang// dbyer med ming med mtshon med bzhi pa'o/ / chos sku byin pa'i dbang bskur byin brlabs ni// skye med rang gsal 'gyur med ye nyid bum// bcos pa med pa'i rang bzhin ngang gis gsang// skye med bcos pa med pa'i dbang// rdzogs chen dbang po rab tu gyur pa la/ / chos sku rang gsal bum pas dbang bskur pas// chos sku 'gyur ba med pa'i byin brlabs te// sangs rgyas chos skur dbang bskur thob gyur pa'o// rang byung ye shes dbang bskur byin brlabs pas/ / ma skyes mi 'gyur ye shes ye nyid bum// ma bcos pa yi rang bzhin ye shes gnyis med pa// ma skyes mi 'gyur ye shes bum pa'i dbang// rdzogs chen dbang po rab tu gyur pa la// rang byung ye shes dbang bskur byin brlabs pas/ / rang byung ye shes mi 'gyur byin brlabs te// sku yi ye shes gsung gi dbang bskur pa'o// chos sku ye shes gnyis med bum dbang ni// skye med ma skye gnyis med ye nyid bum/ / bcos med ma bcos gnyis med rang gsal bas// chos sku ye shes gnyis med bum pa'i dbang// rdzogs chen dbang po rab tu gyur pa la// skye med ma skyes gnyis med dbang bskur bas// gnyis med thig le chen por byin brlabs pas/ / sku yi thugs kyi gnyis med dbang bskur ro// ming med gnyis mtshon bum pa'i byin brlabs ni// chos sku ye shes ming med brda// ming med gsum po mtshon pas brda dang dbang/ / ming med gsum gyi ngang du byin brlabs te// ming med lhun grub brda yis dbang bskur ro// rang bzhin lhun grub gsang ba'i dbang la rnam bzhi ste// chos sku gsang ba'i dbang bskur byin brlabs ni/ / spros med rang gsal rdzogs chen ye nyid dbang// brjod du med pa'i rang bzhin rang gsal ba// spros med brjod du med pa'i gsang ba nyid// rang bzhin lhub grub chos sku gsang ba'i dbang// rdzogs chen dbang po rab tu gyur pa la/ / chos sku rang gsal gsang ba'i dbang bskur bas// chos sku spros pa med pa'i byin brlabs te// chos sku gsang dbang chos skur dbang bskur ba'o// rang byung ye shes gsang ba'i dbang bskur bas/ / ma spros ye shes chen por byin brlabs te// rang byung ye shes gsang ba'i dbang bskur ba'o// chos sku ye shes gsang ba'i dbang gnyis med ni// spros med ma bcos gnyis med ye nyid gsang/ / brjod med ma brjod dbyer med rang gsal ba// chos sku ye shes gnyis med gsang ba nyid// rang bzhin lhun grub gnyis med gsang ba'i dbang// rdzogs chen dbang po rab tu gyur pa la// chos sku ye shes dbyer maid dbang bskur bas/ / spros med ma spros gnyis med byin brlabs te// gnyis med gsang ba'i dbang bskur ba'o// ming med gsum mtshon dbang bskur ba ni// chos sku ming med gsang dbang mtshan pa dang/ / ye shes ming med gsang dbang mtshon pa dang// gnyis med ming med gsang dbang mtshon pa'i dbang// ming med dbang gsum gsang dbang mtshon pa'i dbang// rdzogs chen dbang po yang rab gyur pa la/ / ming med gsang dbang mtshon pa'i dbang bskur bas// ming med gsum gyi ngang du byin brlabs te// ming gsum med pa brda yi dbang bskur ba'o// shes rab ye shes lhun grub dbang la rnam bzhi ste/ / g.yo med rang gsal skye med byin brlabs nyid// 'gyur med pa'i rang bzhin rang gsal ye// bcos pa med pa'i chos nyid bde bar shes// bcos pa med pa'i shes rab ye shes ni// chos sku lhun grub shes rab ye shes dbang/ / rdzogs chen dbang po rab tu gyur pa la// chos sku shes rab ye shes dbang bskur bas/ chos sku 'gyur ba med pa'i byin brlabs te// chos sku bde ba chen po dbang bskur ba'o/ / ma bcos rang gsal ma skyes shes rab nyid// mi 'gyur ba yi rang bzhin ye// ma bcos pa yi rang bzhin bde bar shes// ye shes lhun grub shes rab ye shes dbang// rdzogs chen dbang po rab tu gyur pa la/ / lhun grub shes rab ye shes dbang bskur bas// ye shes mi 'gyur ba yi dbang du byin brlabs te// rang byung ye shes bde ba'i dbang bskur pa'o// g.yo med mi g.yo gnyis med shes rab nyid// 'gyur med mi 'gyur gnyis med rang bzhin med/ / bcos med ma bcos dbyer med lhun grub shes// gnyis med lhun grub shes rab ye shes dbang// rdzogs chen dbang po rab tu gyur pa las// gnyis med shes rab ye shes dbang bskur bas/ / g.yo med gnyis med byin brlabs te// gnyis med shes rab ye shes dbang bskur ba'o// ming med gsum mtshon shes rab dbang// rdzogs chen dbang po rab tu gyur pa las/ / ming med gsum gyi brda yi dbang bskur bas// ming med gsum gyi dbang bskur byin brlabs te// ming med gsum mtshon brda yi dbang bskur ro// brda yi dbang bskur la yang rnam bzhi ste// chos sku ming med chos sku mtshon brda dang/ / ye shes ming med brda yi dbang bskur dang// dbyer med gsum la sogs pa'i dbang bskur bas// ming med mtshon pa med par byin brlabs te// nam mkha'i ming med brda yi dbang bskur ba'o/ / zhal bstan 'bras bu'i nges pa la yang rnam bzhi ste// spyi dang khyad par gnyis kyi zhal bstan pa'o// spyi yi rang bzhin chos sku zhal bstan pa'o// nam mkha'i ngang du ming btags nam mkha' yi/ / nam mkha'i snying po nam mkha' ltar byas nas// de tshe nam mkha'i nyid du 'gyur pa'o// 'bras bu sangs rgyas nyid du nges thob pa'o// khyad par zhal bstan pa la yang rnam gsul ste// rang bzhin lhun grub chos sku'i zhal bstan pa/ / nam ni chos sku rig byed chos sku'i rang bzhin te// lhun grub rang byung mkha' la ltar byas nas// de tshe rang byung ye shes nyid dang dbyer med pa'o// 'bras bus rang byung ye shes nges thob pa'o/ / chos sku ye shes dbyer med zhal bstan pa'o// nam ni rig med chos sku'i rang bzhin dang// mkha' ni rang byung ye shes rang bzhin dang// gcig dang tha dad dag las grol 'gyur te/ / gnyis med mi 'bral nang du ltas byas na// de tshe gnyis med gnyis su med par 'gyur// chos sku gnyis med chen po nges par thob// dbang bzhi rdzogs chen nyid du bkrol pa'o// dbang bskur bzhi yi dbang sde'o/ / snang ba rgyas 'debs dbang bskur ni// phyi nang gnyis med snang zhig srid pa'i chos// chos rnams dbye ba med par dbang bskur ro// chos nyid ma la bu yi dbang bskur bas// ma la bu thim ngo sprod dbyer med pas/ / 'khrul gcod chos nyid ngang dngas byin brlabs te// snying po chos sku'i klong du dbang bskur bas// gnyis med bde ba chen por sangs rgyas so// snang ba'i dngos po sems kyi klong du thim/ / gnyis med dgag bsgrub med par dbang bskur bas// dbye bsal med par kun khyab sangs rgyas so// phyi nang gnyis med thig le dag gi ngang// gnyis med byang chub sems su dbang bskur bas/ / thams cad sems nyid dbyings su sangs rgyas so// dbang bskur 'bras bu nges par thob pa'o// rin chen chu gri 'bar ba yis// dbang sde de rnams spros gcod ni// kun gzhi sems nyid klong dkyil du/ / thams cad khyab brdal 'ub chub pas// thig le nyag gcig dbang bskur pas// chos sku thig le chen por spros pa chod// snang ba chos nyid dkyil 'khor du// sgo lnga rtog med ye shes rang shar bas/ / rang byung rang brlabs rang dngas dbang bskur bas// ye shed zang thal chen por spros pa chod// sgo lnga zang thal chen po la// rig yid sems kyi rtog pa ma bcug na// gnyis med chen por dbang bskur bas/ / ngang dngas rang sangs chen por spros pa chod// rig pa yul la ma gzung na// gzal dag 'dzin med dbang bskur bas// gsal gdangs chen por spros pa chod// brjod med don gyi dkyil 'khor du/ / bsam brjod mtshon las 'das pa ste// ming btags med par dbang bskur bas// brjod tshad dran tshad nges tshad kun// blo btags rtog pa'i tshig yin te// yang dag don la yi ge med// don dam 'gyur mes snying po'i dbang bskur bas/ / don la med kyis spros pa chod// med pa yod mtha'i spros pa chod// gnyis med gnyis mtha'i spros pa chod// dbang gi sde tshan ji snyed kun// byang chub sems kyi cho 'phrul te/ / kun gzhi spros bral klong du 'dus// dbyer med dbang chen brjod med klong du 'dus// gnyis med chen por dbang bskur bas// 'gyur ba med par ye sangs rgyas// dbye gsal med par dbang rnams thob/ / rang sems rang gsal dbang thob pas// rang dbang rang gis thob pas dbang gi rgyal po yin// sems kyi chos rnamasadabang bskur bas// bskur bya med par spros pa chod// bskur ba med par spros pa chod/ / ces gsungs so// rin po che gser gyi spu gri 'bar bas dbang sde spros pa gcod pa zhes bya ba rdzogs so//// rgya gar gu ru pad+ma yis// dbang sde spros pa gcod pa rnams// ka ba dpal brtsegs rgyal po nyid la gtad/ / gzhan la mi bstan sdig tu 'gyur// spel ba'i gnas med sa yi gter du sbed// las 'phro can dang 'phrad par shog/ bka' rgya// gter rgya// gtad rgya'o//// a+thi+-i// rgya gar skad du/ / bod skad du// rin po che gzong chen 'bar bas chos sde'i spros pa gcod pa zhes bya ba// mtshon med brjod las 'das pa chos kyi sku la phyag 'tshal lo// rdo rje sems dpa' la sogs pa/ / rin chen gzong chen 'bar ba yi// chos sde spros gcod bstan par bya// snying po rang bzhin 'gyur med brjod med kyang// snang tshil ma 'gags chos sde ji snyed byung// byung yang gzhi las g.yos pa med/ / g.yos pa med pa'i rang bzhin la// rtsal snang 'gag pa med pa yis// chos sde rnam pa gnyis su snang// mtshan nyid 'dzin pa'i chos sde dang// rnam par dkar ba'i chos sde'o// mtshan nyid 'dzin pa'i chos sde ni/ / rlung gi mtshan nyid 'dzin pa'i chos sde dang// sa yis mtshan nyid 'dzin pa'i chos sde dang// chu yi mtshan nyid 'dzin pa'i chos sde dang// me yi mtshan nyid 'dzin pa'i chos sde dang// nam mkha'i nyid 'dzin pa'i chos sde dang/ / ri rab gling bzhir 'dzin pa'i chos sde dang// phyogs mtshams kha dog 'dzin pa'i chos sde dang// rtsi shing nags tshal 'dzin pa'i chos sde dang// mtshon pa'i mtshan nyid 'dzin pa'i chos sde dang/ / yi ge'i mtshan nyid 'dzin pa'i chos sde dang// ming gi mtshan nyid 'dzin pa'i chos sde dang// brjod pa'i mtshan nyid 'dzin pa'i chos sde dang// btags pa'i mtshan nyid 'dzin pa'i chos sde dang// skye ba'i mtshan nyid 'dzin pa'i chos sde dang/ / lha ru skye ba'i mtshan nyid 'dzin pa'i chos sde dang// lha ma yin du skye ba'i mtshan nyid 'dzin pa'i chos sde dang// mi ru skye ba'i mtshan nyid 'dzin pa'i chos sde dang/ / byol song du skye ba'i mtshan nyid 'dzin pa'i chos sde dang// yi dwags su skye ba'i mtshan nyid 'dzin pa'i chos sde dang// dmyal bar skye ba'i mtshan nyid 'dzin pa'i chos sde dang// 'gro ba rigs drug tu skye ba'i mtshan nyid 'dzin pa'i chod sde'o/ / rje rigs kyi mtshan nyid 'dzin pa'i chos sde dang// rgyal rigs su 'dzin pa'i chos dang// bram ze'i rigs 'dzin pa'i chos dang// dmangs rigs su 'dzin pa'i chos dang// de ltar mi rigs bzhi po las/ / sman gyi grub mtha' 'dzin pa'i chos dang// lha bzo'i mtshan nyid 'dzin pa'i chos dang// shing bzo'i mtshan nyid 'dzin pa'i chos dang// lcags bzo'i mtshan nyid 'dzin pa'i chos dang/ / rdo bzo'i mtshan nyid 'dzin pa'i chos dang// lugs bzo'i mtshan nyid 'dzin pa'i chos dang// rdza mkhan gyi mtshan nyid 'dzin pa'i chos dang// srid pa lugs bzo'i mtshan nyid 'dzin pa'i chos dang// gzhu mkhan gyi mtshan nyid 'dzin pa'i chos dang/ / mda' mkhan gyi mtshan nyid 'dzin pa'i chos dang// gos bzo'i mtshan nyid 'dzin pa'i chos dang// 'phrul bzo'i mtshan nyid 'dzin pa'i chos dang/ ma/ gdungs byed lag gi mtshan nyid 'dzin pa'i chos dang/ / 'byung ba dus kyi bzo'i chos dang// de sogs bzo'i chos sde'o// rtsal snang rig sems chos sde ni// 'byed pa'i chos sde dang// 'du ba'i chos sde dang// 'khrul ba'i chos sde dang/ / zhi ba'i chos sde dang/ 'thab pa'i chos sde dang// mdza' ba'i chos sde dang// rtsod pa'i chos sde dang// mthun pa'i chos sde dang// gnyis pa'i chos sde la sogs mtha' dag kun// thams cad gzung 'dzin mtshan nyid 'dzin pa'i chos/ / rin chen gzong chen 'bar ba yis// de dag thams cad rtsad nas gcod// btags pa yin gyis spros pa chod// bzung du med kyi spros pa chod// brjod pa med kyis spros pa chod/ / lha yi chos med spros pa chod// klu yi chos med spros pa chod// bdud kyi chos med spros pa chod// gnod sbyin chos med spros pa chod// mi yi chos med spros pa chod// lto 'phye'i chos med spros pa chod// 'byung po'i chos med spros pa chod/ / nam mkha' lding gi chos med spros pa chod// dri za'i chos med spros pa chod// grul bum chos med spros pa chod// skyes pa'i chos med spros pa chod// bud med chos med spros pa chod/ ma nang chos med spros pa chod// bdag gi chos med spros pa chod// gzhan gyi chos med spros pa chod// pha yi chos med spros pa chod// ma yi chos med spros pa chod// bu yi chos med spros pa chod// phu nu'i chos med spros pa chod/ / yul gyi chos med spros pa chod// khyim gyi chos med spros pa chod// dgra yi chos med spros pa chod// dbang phyug chos med spros pa chod// tshangs pa'i chos med spros pa chod// rtogs 'dod chos med spros pa chod/ / rgyal rigs chos kyi spros pa chod// rje rigs chos kyi spros pa chod// bram ze'i rigs kyi chos kyi spros pa chod// dmang rigs chos sde'i spros pa chod// 'byung lnga'i chos sde'i spros pa chod/ / gling bzhi ri rab spros pa chod// phyogs mtshams kha dog spros pa chod// srid pa lugs bzo'i spros pa chod// 'byung ba dus bzo'i spros pa chod// rig pa 'phrul bzo'i spros pa chod// 'du byed lag bzo'i spros pa chod/ / de sogs mtshan nyid 'dzin pa yi// chos dang spros chos bstan pa'o// gA rta tha wa r+g+ra gA// rnam par dkar ba'i chos sde ni// bsam yas brgyad khri bzhi stong ngo// de bsdus rim pa dgu yin no/ / de bsdus rnam pa gnyis su gsung// 'jig rten pa dang 'jig rten 'das// 'jig rten pa yi theg pa ni// phyi pa mu stegs chos sde'o// 'jig rten 'das pa'i chos sde yang// rnam pa gnyis su shes par bya/ / gsang sngags pa dang mtshan nyid pa// mtshan nyid theg pa rnam gsum ste// 'phags pa nyan thos chos sde dang// rang sangs rgyas kyi chos sde dang// byang chub sems dpa'i chos sde 'o// 'bras bu gsang sngags chos sde yang/ / rnam pa gnyis su shes par bya// phyi pa thub pa'i rgyud dang ni// nang pa thabs kyi rgyud yin no// phyi pa yang rnam gsum ste// bya ba'i rgyud dang spyod pa'i rgyud// rnal 'byor rgyud dang gsum yin no/ / nang pa la yang rnam gsum ste// bskyed pa'i tshul dang rdzogs pa'i tshul// rdzogs pa chen po gsum yin no// de la 'jig rten pa yi theg pa ni// sum brgya drug cu grangs med mod// de la lta ba bsdus pa ni/ / 'jig tshogs drug cu rtsa gnyis yod// sngon gyi mtha' rtog bco brgyad dang// phyi ma'i mtha' la rtog pa yi// bzhi bcu rtsa gnyis grangs su yod// sngon gyi mtha' rtog bco brgyad la// rtag par lta ba bzhi dang/ / lha mi spong ba'i lta ba bzhi dang// rgyu med par smra ba gnyis so// rtag par lta ba bzhi ni// bdag dang 'jig rten bar gyi bskal pa nyi shur rtag zer ba dang// bzhi bcur rtag zer ba dang// brgyad cur rtag zer ba dang/ / lha'i mig gi rnam par shes pas sems can gyi kha dog dang// dbyibs bar gyi bskal pa drug mthong nas rtag zer ba'o// kha cig rtag par lta ba bzhi ni// 'byung ba mi rtag sems rtag zer ba dang/ / lha mi rtag/ 'khrug pa mi rtag/ gzhan rtag zer ba dang// lha rtsed mo 'grub mi rtag gzhan rtag zer ba dang// tshangs chen mi rtag gzhan rtag zer ba'o// lha mi spong ba bzhi ni// shes pa gzhan zhing mi blun pa ni/ / rdzun du smra bas 'jigs pas gtam rlung la bskur ba'o// blo rnam par ma sbyangs pa ni rdzun du smra ba las byung ba'i log par lta bas 'jigs nas gtam rlung la bskur ba'o// bya ba rnam par ma nges pa ni/ / rdzun du smra bas 'jigs nas gtam rlung la bskur ba'o// phyi ma'i mtha' la rtog pa drug cu rtsa bzhi ni// 'du shes yod par smra ba drug/ 'du shes med par smra ba brgyad// 'du shes can yang ma yin/ / 'du shes can ma yin par ma yin pa brgyad// chad par smra ba bdun// tshe 'di la mya ngan las 'da' bar smra ba dang brgyad do// de la 'du shes yod par smra ba drug ni// bdag gzugs can du 'du shes can dang/ / bdag gzugs can med pa'i 'du shes can dang// bdag gzugs can yang ma yin// gzugs can ma yin pa'i 'du shes can dang// bdag mtha' dang ldan pa'i 'du shes can dang// bdag med pa'i 'du shes can dang/ / mtha' yod pa yod pa ma yin pa dang// mtha' med pa yang ma yin pa'i 'du shes can dang// bdag cig pa'i 'du shes can dang// tha dad pa'i 'du shes can dang// chung ngu'i 'du shes can dang/ / chen po'i 'du shes can dang// tshad med pa'i 'du shes can dang// sdug bsngal ba'i 'du shes can dang// bde ba'i du shes can dang// sdug pa'i 'du shes can dang// bde ba dang sdug bsngal ma yin pa'i 'du shes can no/ / 'du shes med par smra ba brgyad ni// bdag gzugs can du 'du shes med pa dang// bdag gzugs ma yin pa med pa'i 'du shes med pa dang// bdag gzugs can ma yin// bdag gzugs can ma yin pa yang med pa'i 'du shes med pa dang/ / bdag mtha' dang ldan pa'i 'du shes med pa dang// bdag mtha' med pa'i 'du shes med pa dang// bdag mtha' dang ldan pa yang ma yin// mtha' med pa yang ma yin pa'i 'du shes med pa dang/ / bdag mtha' yod pa yang ma yin// mtha' med pa yang ma yin pa'i 'du shes med pa dang brgyad do// 'du shes can yang ma yin// 'du shes can ma yin pa yang ma yin pa lta ba brgyad ni/ / 'du shes yod pa yang ma yin// 'du shes ma yin pa'i yang ma yin pa dang// bdag gzugs can du 'du shes par yang ma yin// 'du shes ma yin pa'i yang ma yin pa dang// bdag gzugs can yang ma yin/ / gzugs can ma yin pa'i yang ma yin pa dang// 'du shes can yang ma yin// 'du shes can ma yin pa yang ma yin 'du shes can ma yin pa dang// bdag mtha' dang ldan pa'i 'du shes can ma yin pa'i yin pa dang/ rtag pa po dang// gcig po dang// rgyu med pa dang// mtha' dang ldan pa dang// lha mi spong ba dang// 'du shes med pa dang// chad pa dang// mya ngan las 'das pa dang/ / rmugs pa dang// rmongs pa dang// rteg pa dang// reg pa dang// log lta dang// mthar 'dzin pa dang// khyab pa dang// 'dres pa dang// sngon gyi mtha' rtog bco brgyad dang// phyi ma'i mtha' la rtog pa'i rtsa ba bzhi dang/ / sdoms pas drug cu rtsa bzhi'i grangs rnyed do// de las bsdus pa nyi shu ste// de las bsdus pa rnam bzhi ni// rtag chad thun mong rigs byed gtsang ma bzhi// rtag par blta ba'i lta lugs ni/ / snying po'i rang bzhin 'gyur ba med pa la// ma rtogs yan lag snang tshul rtag par 'dod// rgyu med rang rig phung po yod par 'dod// thams cad byed pa'i rtag pa chen por 'dod// rtag par 'dod pa'i kha dog dbyibs kyi tshad/ / kha dog tshad ni dgar 'tsher snum la 'dril// tshad ni mthe bong sran ma nyungs 'bru tsam// che chung dag mi lus dang sbyar nas yod// chad par lta ba'i lta lugs ni// snying po'i rang bzhin ma rtog chad lta ni/ / snang tshul ma 'gags rig par snang ba ste// rig pa blo bur snang ba yin par 'dod// phyi ma rig pa skye gzhi med par 'dod// dge sdig 'bras bu tshe 'di nyid la 'ong// bde skyid nad med tshe ring 'bras bu'o/ / dge ba byas pa'i 'bras bus de yang yin// mi dge sdug bsngal tshe thung nad mang ni// sdig pa byas pa'i rnam smin 'bras bu yang// lus ngag yid gsum sgo nas dge sdig spyod// tshe 'di nyid la smin nas 'ong pas na/ / mi dge spang zhing dge ba spyad par bya// dge sdig gnyis kyi 'bras bu so so yang// phyi mar mi 'dod 'bras bu da lta 'ong// thun mong mu stegs lta ba'i 'dod pa yang// chos sku mnyam pa'i ngo bo ma shes pas/ / yan lag snang tshul rig pa'i bye brag las// rig pa g.yo ba rlung gis g.yos pa yin// rlung g.yos pa de chim mchar ma g.yos pa// rlung gis bcud byas rtsa ni snod du chags/ / rlung g.yos bde ba mi 'char ye bde dang// bde ba 'dod pas rlung bkag bde ba bsgom// rigs byed gtsang ma'i mu stegs lta ba ni// snying po'i rang bzhin ma rtogs ma shes pas// snang tshul rtsal gyi rim pa gsal ba las/ / shes pa'i dngas ma'i dngas ma gcig ni yod par 'dod// don dam rang bzhin shes pa 'gyur ba med// rtag chad rang bzhin kha dog dbyibs las 'das// rkyen gyis mi shigs tshig gis shes par dka'/ / rig pas brtags na shes su shes par sla// rtag chad mtha' dang bral ba'i dngas ma gcig/ de ni don dam rang bzhin lta ba yin// mu stegs lta ba'i chos sde bstan pa'o// 'jig rten 'das pa'i theg dgu yi/ / nyan thos mdo sde bstan pa la// nyan thos la yang rnam gnyis so// bye brag smra dang mdo sde pa'o// bye brag smra ba kun rdzob ni// mu stegs kyi bdag la sogs pa dang 'dus par snang ba'o/ / don dam pa'i 'byung ba dang// 'byung ba las gyur pa'i rdul phra rab cha shas med pa dang// g.yag rnga dang ne'u sing gi tshul du gnas pa dang// dbang po dang bas mthong ba la// shes pas rtogs so zer na/ de la don ni zung pa// shes pa ni 'dzin pa ste// gzung 'dzin dngos su yod do zer te// de yang nyams su myong ba'i tshad ma dang 'gal ba dang// gcig dang du mas 'gal ba'i rigs pas gnod do/ / nyan thos mdo sde pa yang don 'byung ba dang// 'byung bar gyur pa dang// shes pa lkog gyur par yod zer// bye brag tu smra ba las// bye brag tu don ci 'dra ba'i rnam pa'i nang nas 'char bar myong 'dod do/ / de yang lkog tu gyur pas// gzung 'dzin khas len te// sprul pa'i nyan thos dang// gyur pa'i nyan thos dang// bgrod bzhi pa phyogs gcig pa'i nyan thos gsum mo// nyan thos la yang sde ba bzhi dang// sde ba bco brgyad la sogs pa mang ngo/ / bye brag pa la// mu stegs bye brag pa dang// nyi 'og bye brag smra ba dang// kha che bye brag smra ba dang// nyan thos bye brag smra ba'o// rtogs pa'i lta ba ni// gang zag la bdag med par lta/ / de la mu stegs ni// thams cad kyi byed pa'o// bskyed pa po mthe bong tsam// nyungs 'bru tsam gsal la dag pa shel sgong phyis pa 'dra ba cig snying gi dkyil na yod ba des thams cad des byas so zhes zer ba de ni/ / las dang nyon mongs pas ni gang la// khams gsum 'khor bar 'dzag cing 'bo bas ni// gang zag de la mu stegs pa gcig pur lta la// nyan thos pa ni sel gol gtogs pa'i cha gcig la brgya nyi shu khog par rtogs so/ / yan lag rim pa phra ba'i shes pa la// phyi yi yul dang rang sems so sor mthong// mthong ba'i dbang gis g.yag rnga ne singa'adod// ces gsungs so// de nas 'das pa'i rim dgu ni/ / bkol mdo rnam pa drug yod// de la nyan thos kyi 'jug pa'i sgo ni// bden pa bzhi'i sgo nas 'jug/ bsrung ba'i tshul khrims ni nyis brgya lnga bcu bsrung// dge slong ma sum brgya drug cu bsrung// rtogs par byed pa'i lta ba ni mu stegs sum 'don phyir na gong du bshad zin to/ / spyod pa'i 'phrin las 'khor ba'i yo byad sbyangs pa'i yon tan bcu gsum spyod// bsgom par bya ba'i rim pa ni// spang bya sum cu rtsa gnyis dang/ / thob bya brgya bcu tham pa bsgom// bsgrub tshad bskal pa bdun gyis 'grub// mtha' ru phyin pa'i 'bras bu ni// dgra bcom pa bzhi'i 'bras bu thob po// rang sangs rgyas kyi 'jug sgo ni// rten 'brel bcu gnyis kyi sgo nas 'jug/ bsrung ba'i tshul khrims ni nyis brgya lnga bcu bsrung// bsgom pa'i rim pa 'gog pa'i snyoms 'jug bsgom// lta ba phyogs gcig nyan thos dang mthun// de las khyad par 'phags pa ni/ / rnam par rig byed ma yin pa'i gzugs las bdag med par dpags nas ni// nang gi shes pa skad cig ma// rgyu rkyen 'gag ste rgyu 'bras med// spyod pa rdzu 'phrul ya ma zung la spyod// grub tshad bskal pa bdun na grub/ / bya ba byas dang har har gyi 'bras bu 'thob bo// mdo sde byang chub sems dpa'i 'jug sgo ni// bden pa gnyis kyi sgo nas 'jug/ 'dul khrims sdom pa nyi shu bsrung// mdo sde byang chub sems dpa'i lta ba ni/ / mdo sde'i lta ba gsum yod de// sems tsam spyod pa'i dbu ma dang// mdo sde spyod pa'i dbu ma dang// rnal 'byor spyod pa'i dbu ma'o// sems tsam la yang gnyis yod de// rnam bcas dang ni rnam med do/ / rnam bcas la yang gnyis yod de// rnam pa bden rdzun gnyis yod de// rnam pa bden rnam rdzun gnyis su 'dod// rnam pa bedan pa'i lta ba ni// phyi yi yul dang nang gi sems// don dam du ni 'brel med kyang/ / kun rdzob tsam du 'brel bar 'dod// nang gi shes pa skad cig ma// skad cig cha yis mi rtag ste// de nyid rgyun gyi rtag par 'dod// snga ma snga mas rgyu byas nas// phyi ma phyi ma 'bras bur 'dod/ / rnam pa rdzun pa'i lta ba ni// shes pa bden la rnam pa rdzun// rnam par shes dang go mnyam du// yang dag yod pa ma yin te// don dam du ni a cang ches// kun rdzob tsam du 'brel bar 'dod// shes pa rang rig gsal ba tsam/ / de las gzhan pa'i chos mi 'dod// rnam med dag gi lta ba ni// gnyis med ye shes shel lta bu// rang rig gsal ba'i ngo bor 'dod// mdo sde spyod pa'i dbu ma ni// chos can yul sems gnyis su 'dod/ / yul gyi rgyu ni phra rab rdul// phyogs chas bshig na gcig na grub// gcig ma grub pa'i gtan tshigs kyis// gcig gis dpags pa'i du ma yang// yang dag nyid du mi 'dod de// rang gi rang bzhin stong par 'dod/ / da lta 'gag par 'gyur bas stong phyis na ma 'ongs mi gnas stong// dus gsum ca yis stong par 'dod// rnal 'byor spyod pa'i lta ba ni// phyi yi yul ltar snang ba 'di// kun rdzob sgyu ma'i tshul du stong/ / stong zhing snang la snang zhing stong// snang stong dbye ba med par 'dod// byang chub sems dpa'i spyod pa ni// mi dge bcu spangs dge ba bcu// gzhan gyi don du spyod par byed// pha rol phyin pa bcu dag ni/ / bdag gzhan gnyis ka'i don du spyod// byang chub sems dpa'i bsgom pa ni// sgo lnga gsal ba'i shes pa la// yid ni rtog pa med par gnas// grub tshad bskal pa bdun na grub// mthar phyin 'bras bu bcu gcig po/ / kun tu 'od kyi sa yang thob// phyin rgyud kri ya'i 'jug sgo ni// gza' skar dus tshigs dag pa gsum nas 'jug/ bsrung ba'i tshul khrims rtsa ba yan lag gi/ mi nyams yan lag gsum po bsrung/ / kri ya rtogs pa'i lta ba ni// cho ga yan lag bcu gcig gis// byin gyis brlabs nas lha ru 'dod// de yang rje dang khol gyi tshul// zhi rgyas dbang dang mngon spyod bzhi// bdag gzhan gnyis ka'i don du spyod/ / bsgom pa'i rim pa yan lag bcu gcig gis// byin gyis brlabs nas lha ru bsgom// mi tshe bdun gyis grub par 'dod// mthar phyin rdo rje 'dzin pa'i sa yang thob// u pa ya ni khrus dang gtsang sbra'i sgo nas 'jug/ bsrung ba'i tshul khrims dkon mchog gsum po dang// dpon slob mched lcam thams cad la ni gdung sems che// rtogs pa'i lta ba dpon g.yog tshul// spyod pa'i tshul ni khrus dang gtsang sbra spyod/ / bsgom pa'i rim pa sum cu rtsa bdun lta ru bsgom// grub pa'i tshad ni mi tshe lnga yis grub// 'bras bu rigs gsum mgon pa'i go 'phang thob// yo ga theg pa'i 'jug sgo ni// rnal 'byor bzhi yi sgo nas 'jug/ dam tshig gsum dang yan lag bdun// rtsa ba'i ltung ba bcu bzhi bsrung// yo ga rtogs pa'i lta ba ni// byang chub lnga dang cho 'phrul bzhi// yongs su brtags nas lha ru lta// de yang spun dang grogs po'i tshul/ / snying rje la sogs tshad med bzhi// gzhan gyi don du spyod par byed// bsgom ba byang chub bzhi dang cho 'phrul bzhi// sum cu rtsa bdun lha ru bsgom// grub tshad mi tshe gsum gyis grub// mthar phyin 'bras bu stug po bkod pa'i sa yang thob/ / gsang sngags nang rgyud theg pa yi// ma hA yo ga'i 'jug sgo ni// thabs dang shes rab sgo nas 'jug/ bsrung ba'i dam tshig nyi shu rtsa brgyad bsrung// bsrung bar bya ba'i dam tshig gsum/ / spyad par bya ba'i dam tshig lnga// mi spang ba yi dam tshig lnga// dang du blang ba'i dam tshig lnga// shes par bya ba'i dam tshig lnga// bsgrub par bya ba'i dam tshig lnga// phye la nyi shu rtsa brgyad bsrung/ / ma hA yo ga'i lta ba ni// ting 'dzin rnam gsum bsnyen bsgrub bzhi// yongs su brtags nas lha ru lta// ye shes dam tshig tshul mi 'dzin// snang grags chos rnams gdod ma nas// rang gi sems nyid yin pa las/ / sems de'i snang ba ming 'gog thabs// rang bzhin med pas shes rab yin// thabs kyi rang bzhin stong pa la// shes rab rang bzhin gnyis su med// snang stong gnyis med byang chub sems/ / don dam rang bzhin dbyer med kyang// de nyid ye shes sgyu ma'i rtsal// phung po lnga dang rnam shes lnga// dbang po lnga dang rnam sems tshogs// snang zhing srid par bsdus pa rnams// kun rdzob lha dang lha mo'i dkyil 'khor lha/ / don dam rang bzhin skye med nga// spyod yul kun dang bral ba la// thams cad gnyis su med par lta// bsgom pa ting 'dzin gsum dang bsnyen bsgrub bzhi// rang rgyud pa yi lha ru bsgom/ / bsgrub pa'i thabs ni rtogs pa dang// ting 'dzin rnam gsum sgo nas bsgom// sku gsungs thugs kyi don du bsgrub// spyod ba'i thabs ni ta na g+ha na dang// dam rdzas bdud rtsi lnga po la/ / bdag gzhan gnyis ka'i don du spyod// grub tshad rigs pa 'dzin pa che/ phyag rgya chen po'i rigs 'dzin thob// mtha' ru phyin ba'i 'bras bu ni// rdo rje 'chang gi sa yang thob// a nu yo ga'i 'jug sgo ni/ / dbyings dang ye shes sgo nas 'jug/ bsrung bar bya ba'i dam tshig ni// sku gsung thugs kyi dam tshig dang// snying rje chos nyid tha mi dad par bsrung// rdzogs pa nu'i lta ba ni// snang thams cad dbyings yin te/ / shes pa ci skyes ye shes la// dbyings dang ye shes gnyis med lta bas lta ba yin// skye 'gag med pa'i thabs la spyod// bya byed gang yang m-i gnas so// bsgom pa'i rim pa lha yi sku ru bsgom// lus kyang rdo rje 'chang du bsgom/ / ngag ni ting 'dzin zhu ba ni// yid kyi ting 'dzin spro bsdus bsrung// rtsa ba mi rtog ting 'dzin bde dang bral// yab yum thabs dang shes rab mi ltos par// snying po dran pa tsam gyis dkyil 'khor rdzogs bya'i phyir/ / a nu'i ting 'dzin chen por bshad// grub tshad lhag ma bcas pa'i lus nyid kyis// tshe la dbang ba'i rigs 'dzin thob// mtha' ru phyin pa'i 'bras bu ni// rdo rje sems dpa' mtshan nyid yongs su rdzogs pa'i sa/ / ye shes 'khor lo pad+ma can gyi sa yang thob// a nu man chod theg pa brgyad kyi bca' bzhi'o// a ti yo ga'i 'jug sgo ni// sems nyid sangs rgyas sgo nas 'jug/ rtogs pa'i lta ba thams cad sangs rgyas yin par lta/ / bsrung ba'i dam tshig med par phyal ba dang// gcig pu dang ni lhun gyis grub// bsrung ba'i don las mi 'da' bsrung// bsgom pa dran pa dran rig shes pa 'di// rang byung ye shes yin par bsgom/ / sems dang chos ni ci yang ma yin pas// bsgom pa'i tshe na ci yang mi bsgom mo// bsgrub pa'i thabs ni rtsol bsgras med par bsgrub// spyod pa'i 'phrin las bya brtsal med par spyod/ / dus ni mi tshe gcig gis 'grub// mthar phyin 'bras bu thams cad mkhyen sangs rgyas thob// ces gsungs so// de yan chad kyis 'jig rten las 'das pa'o// theg pa rim pa dgu'i chos sde chen po'o/ / chos sde spros pa gcod pa'i rgyud rdzogs so//// rgya rgya rgya//// rgya gar skad du/ / dz+wa la ma ta ris tad+ha ya ri da pan tsa tan tra// bod skad du// rin po che ral gri 'bar bas rgyud sde spros pa gcod pa zhes bya ba// bcom ldan 'das dpal kun tu bzang po la phyag 'tshal lo/ / blo cha blo yang blo zab pa'i// skal ldan rin chen lta bu la// rgyud sde'i spros gcod bshad par bya// snying po'i rang bzhin ming med brjod med la// rtsal snang yan lag rig po ming btags pas// rgyud kyi sde yi spros gcod la/ / don rgyud tshig rgyud gnyis su shes par bya// don gyi rgyud kyi rang bzhin ni// thog ma med nas tha ma ru// rang bzhin rgyud du gnas pa'i rgyud// ma bcos ma bslad gzhi mo'i rgyud// 'dzin rtog btags zhen blo las 'das/ / zhe 'dod blo dang tshig las 'das// skye med 'gag med 'pho 'gyur med// de ni snying po don gyi rgyud la// tshig gi rgyud la rnam gsum ste// gzhi yi rgyud dang lam gyi rgyud/ / 'bras bu'i rgyud dang rnam gsum mo// gzhi yi rgyud la gnyis yod de// khyab pa'i rgyud dang gnas pa'i rgyud// khyab pa'i rgyud kyi rang bzhin ni// ya tha rgyal ba'i dkyil 'khor nas// ma tha dmyal ba'i 'jigs tshogs su/ / til la mar gyis khyab bzhin du// kun la khyab par gnas pa yin// gnas pa'i rgyud kyi rang bzhin ni// dang po rgyu yis ma bskyed do// bar du rkyen gyis ma bsgrubs so// tha ma gnyen pos mi 'jig go/ dus gsum 'pho 'gyur med par gnas// de gnyis gzhi yi rgyud du zung// lam gyi rgyud kyi rag bzhin ni// rang gzhung gzhan gzhung gnyis kyi rgyud// rang gzhung rgyud kyi rgyal po lnga// spros gcod sde lnga'i don rgyud bstan/ / gzhan gzhung rgyud kyi rnam grangs te// bsam las 'das te re zhig dbye// rnam pa gnyis su shes par bya// gter rgyud dang ni yongs grags rgyud// gter rgyud re zhig mdo tsam dbye// rin po che rgyas pa'i rgyud la ni/ / mdo rin po che rgyas pa'i rgyud dang// rgyun gyi rin po che'o rgyud dang// man ngag gi rin po che rgyas pa'i rgyud do// ma'i rgyud ni// sku'i rgyu dang// gsung gi rgyud dang// thugs kyi rgyud do/ / yon tan 'phrin las lnga yin no// rgyal po bla gter rgyud la ni// rtsa ba'i rgyud rin po che 'khor lo dang// bshad pa'i rgyud rin po che snang byed kyi rgyud dang// rgyud phyi ma'i rgyud rin po che sgron ma 'bar ba'i rgyud dang/ / yan lag gi rgyud ha dgu dang gnad dgu'i rgyud do// rgyud pa bar pa'i rgyud la// rtsa ba'i rgyud rgyud kyi rgyal po gser gyi rus sbal dang// bshad pa'i rgyud byang sems thigs pa nyi shu rtsa gnyis kyi rgyud dang/ / khu byug gsung gi rgyud dang// seng chen 'phyongs ba'i rgyus dang// ngang mo 'gros kyi rgyud dang// rus sbal skum gyi rgyud dang// stag mo 'phyongs pa'i rgyud dang lnga'o// yan lag gi rgyud bcu gnyis so// rin po che sa rgyud dang/ / rin po che gnam rgyud do// rin po che spangs pa'i rgyud// rin po che 'phrul gyi rgya mdud kyi rgyud do// byang gter chen po'i lugs kyis ni// rgyud chen rnam pa dgu yin no// gter rgyud mdo tsam phye ba'o/ / spyir kri ya'i rgyud lnga brgya bzhugs pa las// bsdud pas kri ya brgyad phye ste// bcom ldan 'das rdo rje 'dzin pa'i dbu'i gtsug nas// gtsug tor 'khor los sgyur ba'i rgyud dang gcig/ ljags las so sor phye ste// khri pad+ma 'khyil ba'i rgyud dang gnyis// dpung pa gnyis las su na hu ta dpung bzangs phyung ba'i rgyud dang gsum// thugs kha nas khro bo rig pa mchog gi rgyud dang bzhi// lte ba nas su si ti ka ra phyung ba'i rgyud dang lnga/ / sna las dpal sdom pa'i rgyud phyung ba dang drug/ zhabs las gshin rje nag po'i rgyud phyung ba dang bdun// sku gsung thugs kyi byin gyis brlabs pa la gzungs thams cad phyung ba'i rgyud dang brgyad do/ / rdo rje gtsug tor gyi rgyud chung dun dang// de'i rgyud bsam gtan gyi rgyud do// u pa'i theg pa'i rgyud sde la// rnam par snang mdzad mngon par byang chub pa'i rgyud sde dang// phyag na rdo rje dbang bskur ba'i rgyud do/ / ma hA yo ga la// sku'i rgyud sangs rgyas mnyam sbyor gyi rgyud dang// gsung gi rgyud zla gsang thig le'i rgyud// thugs kyi rgyud gsang ba 'dus pa'i rgyud dang// yon tan gyi rgyud dpal mchog dang po'i rgyud dang/ / 'phrin las kyi rgyud karma ma le dang// sku gsung thugs yon tan 'phrin las dang lnga po re la yang sku gsung thugs dang ldan pa lnga gsum bco lnga ste// de yang gsum ste// sangs rgyas mnyam sbyor dang gcig/ dpal mchog dag po'i rgyud dang gnyis// glang po chur zhugs kyi rgyud dang gsum mo// gsung gi rgyud la'ang gsum ste// zla gsang thig le'i rgyud dang// dpal chen 'dus pa'i rgyud dang/ / sgron ma brtsegs pa'i rgyud dang gsum mo// thugs kyi rgyud la yang gsum ste// gsang ba 'dus pa'i las 'das// 'pho 'gyur med pa longs sku'i rgyud// yid la mi byed dran pa brlag/ g.yo med rtsol med sprul sku'o/ / sku gsum dbyer med 'bras ba'i rgyud// rgyud kyi rang bzhin rgyun chad med// rgyud kyi mtshan nyid bya rtsal med// rgyud kyi ngo bo 'gyur ba med// rgyud kyi 'bras bu rang gnas yin// rin chen ral gri 'bar ba yis/ / gnyis pa'i chos rnams rtsad nas gcod// gzung 'dzin gnyis kyang rtsad nas gcod// yul sems gnyis kyang rtsad nas gcod// phyi nang gnyis kyang rtsad nas gcod// nga bdag gnyis kyang rtsad nas gcod/ / spong len gnyis kyang rtsad nas gcod// dgag bsgrub gnyis kyang rtsad nas gcod// rtsol bsgrub gnyis kyang rtsad nas gcod// bzang ngan gnyis kyang rtsad nas gcod// yid la 'gyur tshad rtsad nas gcod/ / sems kyis phyed tshad rtsad nas gcod// rig pas btags tshad rtsad nas gcod// sems chos gnyis kyang rtsad nas gcod// rgyud sde ji snyed rtsad nas bcad// ces gsungs so/ / rin chen ral gri 'bar bas// rgyud sde rtsad nas gcod pa rdzogs so//// rgya gar gyi gu ru pad+ma sam b+ha ba las// bod kyi lo tsa ba ka ba dpal brtsags kyis bsgyur cing gtan la phab pa'o// las 'phro can dang 'phrad par shog/ i thi//// rgya gar skad du// rat+na tsak+Shu a tri tan tra nA' ma// bod skad du// rin po che mig sel zhes bya ba'i rgyud// bcom ldan 'das rig pa rang dag ye shes la phyag 'tshal lo/ / 'di skad bdag gis thos pa'i dus gcig na// 'og min gyi gnas mkha' dbyings dag pa'i klong na// rig pa'i rgyal po la 'khor rigs lnga'i sangs rgyas dang// lha ma srin sde brgyad kyis bskor nas bzhugs so/ / de nas kun rig rnam par snang mdzad kyis stan las langs te zhus pa// kye kye rig pa'i rgyal po che// 'khor 'das chos rnams mi gsung ba// thugs rje chen po yal lam ci/ / zhus pas rigs kyi bu legs so// khyod kyis nga la dris pa legs// yid la zung zhig ngas bshad do// mkha' dbyings dag pa'i klong nas// rig pa'i rgyal pos bka' stsal pa// ji bzhin 'khor rnams nga la nyon/ / nga med pa yi sngon rol na// sangs rgyas sems can ming yang med// chos dang chos nyid ming yang med// yi ge sgra rnams ming yang med// de yi don rnams ji ltar lags// rig pa'i rgyal pas bstan du gsol/ / rig pa'i rgyal pos gang gsungs pa// gzhi ni 'dzin pa'i rig pa la// bslad pas slong bar mi 'gyur ro// ji bzhin 'khor rnams nga la nyon// dbye bas phyed par mi 'gyur ro// nga yi che ba'i yon tan la/ / bsnubs pas mi bsnubs rgyal mtshan rtse// nub pa med cing 'gag pa med// snang srid thams cad brdar btags yin// sangs rgyas thams cad brdar btags yin// sems can rnams kyang brdar btags yin/ / chos nyid ngo la 'gyur ldog med/ chaus can ngau go gza' gtad med// ye ge sgra rnams brdar btags yin// brdar btags sgra ni kun bzangs gsung// kun bzang gsung la 'gag pa med/ / de bas nga yi gsungs 'di nyon// nga ni kun byed rgyal po yin// nga la shes pa'i sgrib pa yin// chos rnams thams cad gnyis kyis bsgribs// shes pa don chol gol sa yin// nga yi ngo bo chos nyid yin/ / nga yi rang bzhin 'od dpag med// nga yi thugs rje bsam mi khyab// rig pa sku la phyi nang med// 'od kyi lus la gsal 'grib med// ji bzhin 'khor la 'du 'bral med// bstan pa'i chos la thug pa med/ / nga yi rtags ni byang chub sems// nga yi don 'di skye ba med// ces gsungs so// rin po che mig sel gyi rgyud las// gleng gzhi'i le'u ste dang po'o//// rin chen mig sel ji ltar lags/ / zhes zhus pas// rig pa'i rgyal pos gsungs pa// ji bzhin 'khor rnams nga la nyon// 'byung ba lnga ni rat+na'i tshul// gser dngus zangs lcags 'jig rten no// gces par gzung nas de la chags/ / 'jig rten pa yin nor zhes bya// 'das pa'i nor ni sems nyid yin// sems kyi dpe ni nam mkha' shes// nam mkha' chags pa'i gzung sems med// man shel dri med byis pa rtse// de la chags pa'i gzung sems med/ / rdo rje sems dpa'i me long 'di// mkhas pas gzigs na nor du che// rang byung rig pa'i ye shes 'di// rang la 'byung bas nor bu'i tshul// yon tan 'byung bas che ba'i tshul// dngos po med pas sgyu ma'i tshul/ / cir yang sprul pas sprul pa'i tshul// dper na dbul po'i gter dang 'dra// dgos 'dod 'byung bas nor gyi dbyig/ chog shes rgyal po 'phags pa'i nor// yid ches rnyed pas nor gyi gter/ / yo lang rgyal po sngags la spyod// 'jig rten 'das pa'i nor zhes bya// sha yi spyan gyis mthong ba'i snang ba sel// lha yi spyan gyis 'od kyi snang ba sel// chos kyi spyan gyis thar pa'i snang na sel// shes rab spyan gyis gdams ngag snang ba sel/ / sangs rgyas spyan gyis kun mkhyen thams cad gzigs// sgra la 'dzin pa med na chos kyi spyan sel yin// gsal la 'dzin pa med na lta ba'i spyan sel yin// dran la 'dzin pa med na ye shes spyan sel yin/ / thams cad 'dzin pa med na skye med spyan sel yin// zhes gsungs so// rin po che mig sel gyi rgyud las// rin chen mig sel gyi le'u ste gnyis pa'o//// grub pa'i mtha' rnams ji ltar lags/ / rig pa'i rgyal pos bstan du gsol// rig pa'i rgyal po nyid kyis gsungs pa// ji bzhin 'khor rnams nga la nyon// stong par 'dod na chad pa'i mtha'// gsal bar 'dod na 'dzin pa'i mtha'/ / lhun grub 'dod na rtag pa'i mtha'// ye shes 'dod na thal ba'i mtha'// skye med 'dod na phyal ba'i mtha'// mnyam par 'dod na poms pa'i mtha'// rig pa kun lta rang byung rang chas grol/ / zhes gsungs so// rin po che mig sel gyi rgyud las// grub mtha'i le'u ste gsum pa'o//// gzhi yi don rnams ji ltar lags// rig pa'i rgyal pos bstan du gsol// gsung ba'i don ji ltar lags/ / ji bzhin 'khor rnams nga la nyon// yod pa'i mtha' ltar ma 'gags pas// ye nas lhun gyis grub pa yin// med pa'i mtha' ltar ma 'gags pas// sus kyang mthong ba med pa yin// yin pa'i mtha' ltar ma 'gags pa/ / sems nyid gdod nas sangs rgyas yin// men pa'i mtha'i ltar ma 'gags pa// chos nyid ngang la bag chags sog/ gnyis ka'i mtha' ltar ma 'gags pas// kun ka rig la thams cad ldang/ / gnyis med mtha' ltar ma 'gags pas// kun gyi mtha' la dngos gzhi med// rtag pa'i mtha' ltar ma 'gags pas// chos nyid ngo la 'gyur ldog med// chad pa'i mtha' ltar ma 'gags pas/ / mtshan ma'i dmigs pa kun dang bral// skyon gyi mtha' ltar ma 'gags pas// 'gal ba mi mthun khrims su sdebs// yon tan mtha' ltar ma 'gags pas// che ba'i rdzu 'phrul ma lus 'chang// thams cad mtha' ltar ma 'gags pas/ / rgya ma chad par shugs kyis 'chang// nyi zla gling bzhi kun khyab pas// phyi snang rgya ma chad cing snod bcud rgya ma chad// rten byed sa yid kun la khyab pas phyi snang rgya ma chad// sdung byed chu yis kun la khyab pas phyi nang rgya ma chad/ / smin byed me yis kun la khyab pas phyi snang rgya ma chad// 'thor byed rlung gis kun la khyab pas phyi nang rgya ma chad// 'byung bas kun la khyab pas snod bcud rgya ma chad/ / sna tshogs sems kyi ngang du khyab pas phyi snang rgya ma chad// rig pa dbang sgyur ye shes ngang du khyab pas nang snang rgya ma chad// chos sku 'gro ba kun la khyab pas nang snang rgya ma chad// dbyings kyi mu la thug pa med pas gsang snang rgya ma chad/ / chos nyid ngang la 'gyur ldog med pas gsang snang rgya ma chad// byang chub sems la skye shi med pas gsang snang rgya ma chad// ces gsungs so// rin po che mig sel gyi rgyud las/ / ma 'gags rgya ma chad pa'i le'u bzhi pa'o//// 'khrul pa 'byung ba ji ltar lags// rig pa'i rgya pos bstan du gsol// nyid kyis gsungs pa// ji bzhin 'khor rnams nga la nyon// ci yang med pa'i sngon rol na/ / rig pa zer gyi ldang dus su// phyogs 'dra cig la yin gyi 'dod pa 'byung// de yi ngang la bag chags 'byung// zhen pa'i ngang las phrag dog nga rgyal 'byung// de yi ngang las gti mug ma rig 'byung/ / ma rig pa las bag chags sna tshogs bsags// bag chags mthu rtas snod bcud 'dres// snod bcud 'dres pas lus kyis tshul// lus kyi bag chags kun la goms// btang snyoms mun pas kun tu bcad/ / der 'dzin dmigs pa kun gyis bslad// rig pa'i ye shes rdo rje kun gyis brid// bag chags rjes 'breng kun gyis bsdus// rnam par rtog pa'i rgyun mas khyer// rang byung ye shes de ru bsgribs// zhes gsungs so/ / rin po che mig sel gyi rgyud las// 'khrul pa 'byung ba'i le'u ste lnga pa'o//// 'khrul pa lam du ji ltar bslang// rig pa'i rgyal pos gsungs pa// ji bzhin 'khor rnams nga la nyon// 'dod chags byang chub lam du bslang/ / zhe sdang byang chub lam du bslang// phrag dog byang chub lam du bslang// nga rgyal byang chub lam du bslang// gti mug byang chub lam du bslang// sems ni sprul pa lam du bslang/ / rig pa ye shes lam du bslang// chos sku skye med lam du bslang// zhes gsungs so// rin po che mig sel gyi rgyud las// 'khrul pa lam du bslang ba'i le'u ste drug pa'o//// 'khrul ba zhig na chos rnams ji ltar 'gyur/ / zhus pas// rig pa'i rgyal pos bstan du gsol// rig pa'i rgyal pos bka' stsal pa// ji bzhin 'khor rnams nga la nyon// 'khrul ba zhig na chos rnams thams cad brdzun du shes par bya/ / rgyu bsod nams la re na rang byung ye shes brdzun// ngo gang gzhan du gyur na chos nyid kyi brdzun// chos sku gzhan nas re na rang byung ye shes brdzun// 'das pa'i rjes su brang na sangs rgyas brdzun/ / ma 'ongs sngon du su na smon lam brdzun// da ltar ngo yis 'dzin na sems nyid brdzun// brdzun pa'i mtshan nyid shes na bden pa'i don// rin po che mig sel gyi rgyud las// chos rnams brdzun pa'i le'u ste bdun pa'o/ /// ye shes ngo yis ji ltar bzung// zhus pas// rig pa'i rgyal pos gsungs pa// ji bzhin 'khor rnams nga la nyon// ma rtsigs pa'i gzhal yas khang na// rig pa wal po rjes meda'adu 'bral med par gnas/ / kun tu bzang po dogs pa med pa'i klong na// rang shes rig gi rgyal po rdo rje rang 'khrungs su gnas pa// sna tshogs skye ba med pa'i klong na// 'gag pa med pa'i shes pa ngos gzung med par gnas pa/ / kun gzhi nam mkha' lta bu la// ye shes gsal ba glog lta bur gnas pa'o// rin po che mig sel gyi rgyud las// ye shes ngos gzung ba'i le'u ste brgyad pa'o//// ye shes 'byung 'jug ji ltar lags/ / zhes zhus pas// rig pa'i rgyal po nyid kyis gsungs pa// ji bzhin 'khor rnams nga la nyon// sna tshogs 'dzin pa sems kyi 'byung 'jug yin// gzung 'dzin gnyis su 'dzin pa ye shes 'byung 'jug yin/ / ye shes ngang la rol pa kun bzang 'byung 'jug yin// zhes gsungs so// rin po che mig sel gyi rgyud las// ye shes rtsal bstan pa'i le'u ste dgu pa'o//// lta sgom spyod pa'i mtshan nyid ji ltar lags/ / zhes zhus pas// rig pa'i rgyal pos bka' stsal pa// ji bzhin 'khor rnams nga la nyon// bde stong byang chub ma yin gsal ba'i ngang la sdod// thun sgom 'dzin phur ma yin rang grol 'dzin med ngang la sdod/ / tshul chos spa lo ma yin rang byung 'dzin med ngang la sdod// re dogs yid smon ma yin gzhi smin yid ches kyi ngang la sdod// ces gsungs so// rin po che mig sel gyi rgyud las// lta sgom gyi le'u ste bcu pa'o/ /// chos nyid yo lang ji ltar lags// rig pa'i rgyal pos bstan du gsol// zhes zhus pas// rig pa'i rgyal pos gsungs pa// ji bzhin 'khor rnams nga la nyon// srid pa chos nyid kyi yo lang yin/ / sems can gzung 'dzin gyi yo lang yin// rnam rtog ye shes kyi yo lang yin// sems nyid skye med kyi yo lang yin// yo lang ngo bo ji ltar lags// rig pa'i rgyal pos bka' stsal pa// ji bzhin 'khor rnams nga la nyon/ / chos can ngo bo sgyu ma yin// chos nyid ngo bo mi rtog yin// rnam rtog ngo bo stong pa yin// sangs rgyas ngo bo sems nyid yin// zhes gsungs so// rin po che mig sel gyi rgyud las/ / yo lang ngo bo bstan pa'i le'u ste bcu gcig pa'o///// sems kyi rtsa ba gang la thug/ rig pa'i rgyal pos bstan du gsol// rig pa'i rgyal pos gsungs pa// ji bzhin 'khor rnams nga la nyon/ / sems kyi rtsa ba rig pa la thug/ lus kyi rtsa ba ye shes la thug/ chos nyid kyi rtsa ba yul la thug/ kun tu bzang po'i rtsa ba sems nyid la thug/ ces gsungs so// rin po che mig sel gyi rgyud las// thug pa'i rtsa ba'i le'u ste bcu gnyis pa'o/ /// chos nyid ma bu ji ltar lags// rig pa'i rgyal pos gsungs pa// ji bzhin 'khor rnams nga la nyon// ma bskul kun tu snang ba byang chus kyi sems yin// ma byas rang byung gi ye shes yin/ / ma skyes rang byung sku ni kun tu bzang po yin// ma skyed kun la khyab pa chos kyi dbyings yin// ma rtsigs gnas ni rdo rje'i gdan drung yin// tur po'i mtshan nyid blo bur ba yin// wal pa'i mtshan nyid rjes med po/ / tol po'i mtshan nyid stong gang la// sal ba'i mtshan nyid mkha' gsal btang// sangs po'i mtshan nyid dngos po med// chos nyid ma yi rtsal yin no// zhes gsungs so// rin po che mig sel gyi rgyud las/ / ma bu rtsal gyi le'u ste bcu gsum pa'o//// lta sgom go stangs ji ltar lags// rig pa'i rgyal pos bstan du gsol// ji bzhin 'khor rnams nga la nyon// stong pa ye shes ngang du shar bas lta bar go/ ye shes rgyud chad med par rtogs pas thun 'dzin med pa'i bsgom par go/ shes rig rgyal po'i 'dzin pa med par cir yang 'chang ba'i spyod pa go/ rgyu dang 'bras bu cig tu rtogs pas lhun gyis grub pa'i 'bras bur go/ ngo bo gcig la rtags snang sna tshogs byung bas mi nub rgyal mtshan rtse ru go/ thams cad dbye bsal med pas dbyings kyi mu ru go/ zhes gsungs so// rin po che mig sel gyi rgyud las/ / go stangs kyi le'u ste bcu bzhi pa'o//// lta sgom ldem dgongs ji ltar lags// rig pa'i rgyal pos bstan du gsol// rig pa'i rgyal pos gsungs pa// ji bzhin 'khor rnams nga la nyon// 'jug pa bas kyang btag pa nye/ / blta ba bas kyang shes pa che// bsgom pa bas kyang yengs pa gsal// spyad pa bas kyang bor ba btsun// bsgrubs pa bas kyang bzhag pa sman// mchod pa bas kyang zos pa gnyes/ / gso pa bas kyang bsad pa sla/ zhes gsungs so// rin po che mig sel gyi rgyud las// ldob dgongs kyi le'u ste bco lnga pa'o// rnal 'byor khams rnams ji ltar gso// rig pa'i rgyal po brtan du gsol/ / rig pa'i rgyal po gsungs pa// ji bzhin 'khor rnams nga la ston// me dang nyi ma sku nye bcud kyis rdung rnams gso// 'chag bran gtan snyan khrus kyis 'khrul pa gso// ri rtso las dang 'khongs kyi bad kan gso/ / dad pa brtson 'grus blo ye shes gso// sgom bsgrub snying po grogs kyi tsho ba gso// 'tsho spyad kun la mkhas pa rnal 'byor chen po yin// zhes gsungs so// rin po che mig sel gyi rgyud las/ khos gso ba'i le'u ste bcu drug pa'o/ / snying po'i mtshan nyid ji ltar lags// rig pa'i rgyal pos bstan du gsol// rig pa'i rgyal pos gsungs pa// ji bzhin 'khor rnams nga la nyon// sa'i snying po rin chen rtse shing phyi 'bru bcud/ / nang sems can mi gsang ba'i bcud// chu'i snying po lan tshwa zla ba khrag/ me'i snying po nyi ma sprin dang drod// rlung gi snying po sgra dang dbugs// 'byung ba'i snying po nam mkha' tshon dus// chos nyid kyi snying po snang ba skyen dang sems/ / sems kyi snying po ye shes sems nyid// mi mngon pa'i dbyings la'o// zhes gsungs so// rin po che mig sel gyi rgyud las// snying po'i le'u ste bcu bdun pa'o/ /// med pa'i gnyis med ji ltar lags// rig pa'i rgyal pos bstan du gsol// ji bzhin 'khor rnams nga la nyon// gdod nas ngang gis dag pas dri ma med// snying po ngang gis gsal bas thogs pa med/ / sems nyid ngos bzung med pas chos kyi rnam pa med// sems la skye shi med pas chos kyi rnam pa med// sems la skye shi med pas 'chi 'pho'i rnam pa med// 'gro drug sdug bsngal ye shes yin pas 'khor ba med/ / ye shes rang la shar bas nyin mtshan med// ye shes nyid las gsal bas sangs rgyas med// ces gsungs so// rin po che mig sel gyi rgyud las// gnyis med kyi le'u ste bco brgyad pa'o/ /// che ba'i yon tan ji ltar lags// rig pa'i rgyal pos bstan du gsol// rig pa'i rgyal pos gsungs pa// ji bzhin 'khor rnams nga la nyon// rkang pa med par mgyogs pa chu lta bu// phyin pa med par gsal ba sgron me lta bu/ / gsal la 'dzin pa chu nang gi gza' skar lta bu// gzugs brnyan lta bu'o// mgyogs la mi gnas pa bar snang gi glog lta bu// gsal la gzhan la mi ltos pa nam mkha'i nyi ma lta bu/ / spyod la ma chags pa rgya mtsho'i nya lta bu// reg bya med pa'i bde ba skyes bu bya ba btang ba lta bu// rig pa ma zhen pa me long gi ngos la nyi shar ba lta bu// dbyibs med par khyab pa nam mkha' lta bu/ / bde ba la brjod du med pa gzhon nu ma'i bde ba'i 'dod chags lta bu// byas pa med par grub pa lha'i dbang po brgya byin lta bu// rten med pa'i rtag pa rin po che lta bu// zhes gsungs so// rin po che mig sel gyi rgyud las/ / che ba'i yon tan gyi le'u ste bcu dgu pa'o//// rig pa'i rdzogs lugs ji ltar lags// rig pa'i rgyal pos bstan du gsol// rig pa'i rgyal po nyid kyis gsungs pa// rig pa cir yang snang bas thig ler rdzogs/ / don dam bskal par mi gtong ting 'dzin rdzogs// rdzogs pa'i don la mi 'da' dam tshig rdzogs// rig pa 'gag pa med pas ye shes rdzogs// ye shes 'gyur ba med pas 'bras bu rdzogs/ / 'khrul pa rtsad gcad bya ba gtan pas gdams ngag rdzogs// dbyings la skyed bri med pas chos sku rdzogs// zhes gsungs so// rin po che mig sel gyi rgyud las// rig pa rdzogs lugs kyi le'u ste nyi shu pa'o/ /// sku lnga'i don rnam ji ltar lags// rig pa'i rgyal pos bstan du gsol// rig pa'i rgyal po nyid kyis gsungs pa// ji bzhin 'khor rnams nga la nyon// dag pa'i don ldan chos kyi sku/ / rang rig bde ba rdzogs pa'i sku// thugs rje rang snang sprul pa'i sku// ngau bo rang snang sprul pa'i sku// snang dang mi snang gnyis su med// nam mkha' lta bur mnyam pa nyid// thams cad rdzogs pas 'bras bu dbyings su bstan/ / ces gsungs so// rin po che mig sel gyi rgyud las// sku lnga bstan pa'i le'u ste nyer gcig pa'o//// mnyam pa'i mtshan nyid ji ltar lags// gsang ba'i bdag pos bstan du gsol/ / rig pa'i rgya pos gsungs pa// ji bzhin 'khor rnams nga la nyon// don mi gsal bar mu ge bying rmugs nyams// thor la 'dzin pa rgod 'phro g.yel ba'i nyams// g.yo rtog med pa mnyam bzhag bun ne long nge sgyu ma rjes thob nyams/ / zhor skye zhor 'gag rig pa'i nyams// phyag le phyad de stong pa'i nyams// gsal la dngas pa 'od gsal nyams// rang gsal 'dzin med bying rmugs med pa'i nyams// gsal khyab myur mgyogs ye shes ngang gi nyams/ / zhes gsungs so// rin po che mig sel gyi rgyud las// nyams bstan pa'i le'u ste nyer gnyis pa'o//// rtags dang bdud kyi spyod yul ji ltar lags// rig pa'i rgyal pos bstan du gsol/ / rig pa'i rgyal pos gsungs pa// ji bzhin 'khor rnams nga la nyon// 'khor ba'i chos la skyo ba dang/ snying rje phyogs nod skye ba dang// dbugs che 'byin pa'i snga btags yin// lus la srog chags mi 'chags dang/ / dud 'gro byams shing chags pa med// phyir mi ldog pa'i snga rtags yin// bdud kyi spyod yul ci ston kyang// bzang po'i gzugs la chags mi bya// 'jigs pa'i gzugs la skrag mi bya/ / bla ma rnams la gsol ba thob// dur khrod dbyings su phyin pa dang// nyam nga bag tsam byung ba rnams// thams cad sangs rgyas rdzu 'phrul yin// zhes gsungs so// rin po che mig sel gyi rgyud las// rtags dang bdud kyi le'u ste nyer gsum pa'o/ /// gtad rgya sbas thabs ji ltar lags// rig pa'i rgyal pos bstan du gsol// rig pa'i rgyal pos gsungs pa// ji bzhin 'khor rnams nga la nyon// kun tu bzang po'i thugs kyi yang zhun 'di/ / kun rig rnam pa snang mdzad thugs kyi dkyil du gtad// rnam par snang mdzad thugs kyi yang zhun 'di// rdo rje sems dpa' thugs kyi dkyil du gtad// rdo rje sems dpa' thugs kyi yang zhun 'di/ / dga' rab rdo rje thugs kyi dkyil du gtad// dga' rab rdo rje thugs kyi yang zhun 'di// 'jam dpal bshes gnyen thugs kyi dkyil du gtad// 'jam dpal bshes gnyen thugs kyi yang zhun 'di/ / shrI sing ha'i thugs kyi dkyil du gtad// shrI sing ha'i thugs kyi yang zhun 'di// bi ma la mi tra thugs kyi dkyil du gtad// gtad pa'i rgya dang ldan par gyis// gtad sa med na gzhung dang 'thun pa'i sa gter spos/ / de yan chod ni tshig gi rgyud dang snyan brgyud do// da ni don gyi rgyud sba thabs so// byang chub sems kyi rdzong la thig le nyag gcig gter sba ba dang// thig le nyag gcig gi rtsal la kun tu bzang po rol pa'i gter sba ba dang/ / yid kyi rnam par shes pa'i rdzong la rang byung ye shes kyi gter sba ba dang// dbyings kyi mu la chos nyid kyi gter sba'o// zhes gsungs so// rin po che mig sel gyi rgyud las/ / gtad rgya bstan pa'i le'u ste nyer bzhi pa'o//// de bzhin gshegs pa thams cad kyi sku gsung thugs su brgyud pa// rin po che dgos 'dod 'byung ba'i rgyun gyi sgron ma rin po che mig sel zhes bya ba'i rgyud rdzogs so/ /// mchod 'os rang bzhin gyi tshig chen po zhes bya ba bzhugs so/ / kye kye sangs rgyas 'od phung chen po// sangs rgyas kyi yin pa gsum gsung du gsol// ces zhus so// de nas rnam par grol ba'i sangs rgyas 'od kyi phung pos 'di skad ces bka' stsal to/ / kye gsang ba'i bdag po khyod nyon cig/ rang gi rig pa la skye shi med pas// rang gi rig pa wal le ba 'di sangs rgyas yin no// rang gi reg pa ngos gzung dang bral ba'i 'od kyi phung bor 'dug pa 'di ka sangs rgyas yin par ngo shes na/ / chos sku thob pa yin no// kye gsang ba'i bdag po rangagi rig pa ngos gzung gi mtha' dang bral zhing// mi 'gyur ba 'od kyi phung po rabazhugs pas// shes rig gi ngo bo wal le khyug ge gsal ba 'di ka sangs rgyas chos kyi sku yin no/ / de ngo shes par gyis shig/ ces bka' stsal to// de nas yang rnam par grol ba'i bde bar gshegs pa 'od kyi phung pos 'di skad ces bka' stsal to// kye gsangaba'i bdag po ye shes kyi sku la gsal 'grib med pa/ / dus gsum mnyam pa nyid rang gi rig pa wal le gsal gyin 'dug pa 'di ka// yang dag rdzogs pa'i sangs rgyas 'dus ma byas kyi sku yin no/ / zhes bka' stsal ro// de nas yang gsang ba'i bdag pos 'di skad ces zhus so// e ma ho/ sangs rgyas 'od chen po/ sangs rgyas kyi sku dang ye shes gsung du gsol// ces zhus so// bcom ldan 'das rnam par grol ba 'od kyi phung pos bka' stsal pa/ / kye rdo rje 'dzin pa khyod nyon cig sems la sangs rgyas sku gsum ye shes shes rab kyi sku ru bzhugs so// shes rab kyi sku la mtshan ma'i gzugs med do/ / shes rab kyi sku la mtshan ma'i gzugs med pas// sku dang ye shes rgyun chad med par bzhugs so// shes rab rang la gsal ba'i sku rang byung gi ye shes su gsal bas// sku dang ye shes tha dad med par bzhugs so/ / sku dang ye shes tha dad med pa ni/ rang gi rig pa wal le ba// 'od kyi phung por 'dug pa 'di yin no// 'di ka sangs rgyas chos kyi sku yin no// rig pa'i ngo bo ma 'gags par wal le gsal ba 'di ka chos sku yin pas/ / chos kyi sku de ka ngo bo nyid kyi sku yin pas// sku dang ye shes tha dad med par shes par bya'o// ye shes sku bzhir shes par bya'o// sangs rgyas sku gsum shes rab kyi sku shes par bya'o/ / shes rab kyi sku la ye shes rgyun chad mi mnga' bar shes par bya'o// shes rab kyi sku rang gdangs 'od dngasku ru shar bas/ rang 'od rang las shar bar shes par bya'o// rig pa mi gnas thon pas longs sku kha mig rna ba can gyis snang srid khengs nas thams cad 'od kyi sku ru shar ba de shes rab kyi sku'i rang bzhin du shes par bya'o/ / rang gi shes rab kyi sku'i rang bzhin ngo shes na/ rang gi rang bzhin 'od lnga la gnyis su med par thim nas sangs rgya'o/ / kye gsang ba'i bdag po// don chen po de ni 'das pa dang ma 'ongs pas kyang ston nus ri bka' stsal to// zhes sangs rgyas rang chas chen po'i rgyud las// sku dang ye shes kyi le'u ste lnga pa'o/ /// de nas gsang ba'i bdag po rdo rje 'dzin pa chen po des 'di skad ces zhus so// e ma ho/ rnam par grol ba'i sangs rgyas 'od phung chen pos// sangs rgyas chos sku bstan du gsol/ / ces zhus so// de nas yang rnam par grol ba'i sangs rgyas 'od phung chen pos 'di skad ces bka' stsal to// kye gsang ba'i bdag po khyod nyon cig/ rang gi rig pa 'gyur ba med pa wal le khyug ge gsal ba 'di ka chos kyi sku yin no/ zhes bka' stsal to// de nas yang gsang ba'i bdag pos 'di skad ces zhus so// kye rnam par grol ba'i sangs rgyas 'od phung chen pos// longs spyod rdzogs pa'i sku bstan du gsol/ / ces zhus so// de nas yang rnam par grol ba'i sangs rgyas 'od phung chen pos 'di skad ces bka' stsal to// kye rdo rje 'dzin pa chen po khyod nyon cig/ rangagi rig pa 'gags pa med par wal tser 'char ba de shes pa de ka longs sku yin no/ / zhes bka' stsal to// de nas gsang ba'i bdag pos 'di skad ces zhus so// kye sangs rgyas 'od phung chen po// sangs rgyas sprul pa'i sku bstan du gsol/ / ces zhus so// de nas rnam par grol pa'i bde bar gshegs pa 'od kyi phung pos 'di skad ces bka' stsal to// kye gsang ba'i bdag po khyod nyon cig/ rang gi rig pa cir yang 'char ba 'di ka sangs rgyas sprul pa'i sku yin no/ / zhes bka' stsal to// de nas yang sangs rgyas 'od phung chen pos 'di skad ces bka' stsal to// kye gsang ba'i bdag po// rang gi rig pa 'gyur ba med pa wal le wa gsal ba 'di ka chos sku yin no/ / snang ba 'od du shar bas rang gi rig pa'i chos 'phrul yin pas// 'od lnga po yang sprul pa yin no// sangs rgyas sku bzhi rang la bzhugs pas rang gis ltos// rang la rang gis bltas pas sangs rgyas rang rig par 'dug/ rang gi rig pa sangs rgyas yin pas sangs rgyas gzhan du ma tshol cig/ ces bka' stsal to// sangs rgyas rang chas rgyud las// sku gsum ngo sprad pa'i le'u ste drug pa'o// de nas yang gsang ba'i bdag pos 'di skad ces zhus so/ / kye kye rnam par grol ba'i sangs rgyas 'od kyi phung po chen po// sangs rgyas kyi yin pa gsum gsung du gsol// de nas 'od kyi phung pos bka' stsal pa// kye rdo rje 'dzin pa khyod nyon cig/ sangs rgya sa 'dus ma byas yin pas// byas pa'i chos kyis sangs rgyas mi rgya ba yin no// sangs rgyas sku gsum shes rab sku ru bzhugs so// shes rab kyi sku ni mtshan ma'i gzugs med pas/ las kyi rnam par smin pas mgos pa yin no// ma dag pa 'khrul pa'i snang pa 'di sangs rgyas su shar bas/ las ngan bag chags sbyang mi dgos pa yin no// zhes gsungs so// de nas yang gsang ba'i bdag pos 'di skad ces zhus so/ / kye kye rnam par grol ba'i sangs rgyas 'od phung chen po// sangs rgyas kyi min pa gsum gsung du gsol// zhes zhus so// de nas bcom ldan 'das kyis 'od phung bkod pa'i nang nas 'di skad ces bka' stsal to/ / kye gsang ba'i bdag po rdo rje 'dzin pa chen po// sangs rgyas chos kyi sku 'dus ma byas pa yin pas// byas pa'i chos kyis sangs rgya na 'dus byas su 'gro bas sangs rgyas min no/ / sangs rgyas shes rab kyi sku la mtshan ma med pas// rnam par smin pas gos pa med do// rang 'od rang gis shes na sangs rgya bas// sgom pa dang sgrub pa sangs rgyas min zhes bka' stsal to// de nas yang gsang ba'i bdag pos 'di skad ces zhus so/ / kye kye rnam par grol ba'i sangs rgyas 'od kyi phung po// sangs rgyas kyi tshog pa gsung du gsol/ ces zhus so// de nas rnam par grol ba'i sangs rgyas rgyan 'od kyi phung po chen pos/ / phyi nang med par 'od du 'bar ba de 'di skad ces bka' stsal to// kye byang chub sems dpa' chen po// khyod ma yengs par nyon cig/ bde gshegs ye shes kyi lus can de/ / chos las 'das pa'i sangs rgyas yin no// sgom pa dang sgrub pa mi dgos// rtsol ba dang bral ba yin te// rang 'od ngo shes pas chog go/ sangs rgyas ye shes kyi sku la gdos bcas sha khrag gi lus dang bral nas med pas/ / las la dge sdig med do// spyad pas chog go/ rang gi rig pa 'od kyi phung por bzhugs pas// gsal 'grib dang bral te yul ye shes su gsal bas chog go/ zhes bka' stsal to// de nas yang gsang ba'i bdag pos 'di skad ces zhus so/ / kye kye sangs rgyas 'od phung chen po// sangs rgyas kyi 'ong ba gsum gsung du gsol// zhes zhus so// de nas bcom ldan 'das rnam par grol ba'i sangs rgyas 'od kyi phung po chen pos 'di skad ces bka' stsal to/ kye gsang ba'i bdag po rdo rje 'dzin pa chen po// khyod rtse gcig gi ting nge 'dzin gyis nyon la// so sor rtog pa'i shes rab kyi zung zhig/ 'khrul ba'i snang ba 'gags pas dag pa'i snang ba 'ong ngo/ / sha khrag gi lus bor bas 'od gsal gyi lus 'ong ngo// sems rtog bcas med pas ye shes rtog med 'ong ngo// zhes bka' stsal to/ de nas yang gsang ba'i bdag po rdo rje 'dzin pa chen po nges 'di skad ces zhus so/ kye kye sangs rgyas 'od phung chen po// sangs rgyas kyi thim lugs gsum gsung du gsol// ces zhus so// de nas rnam par grol ba'i sangs rgyas 'od phung chen po des zhal 'dzum pa mdzad nas/ / 'di skad ces bka' stsal to// rdo rje 'dzin pa chen po khyod nyon cig/ rang gi rig pa mig nas 'thon nas// 'khrul pa'i snang ba rags pa 'di// dag pa'i snang ba 'od lnga'i nang du thim mo/ / dag pa'i snang bar rang gi rig pa rang 'od du ngo shes pas// rang 'od lnga la gnyis su med par thim nas// sangs rgyas bzhi bcu rtsa gnyis su sangs rgyas so// longs sku zhe gnyis rang gi rig pa gsal stong dbyer med la tshur thim nas/ / 'gyur ba med pa rin po che'i sbubs nas// rang gi rig pa rang gsal rtog med 'od kyi phung pochen por bzhugs so// kye gsang ba'i bdag po// don chen po de la sgom du med do/ / ngo shes pas chog pa'i le'u ste bdun pa'o// ma sangs rgyas rang chas chen po'i rgyud ces bya ba// bltas pas sangs rgya rdzogs so// guh+ya/ sa ma ya/ i thi/ bka'i srungs ma rang byung rgyal mo// e ka dza ti spun drug gis bya ra gyis shig/ srungs shig/ dam tshig mi srung ba'i snying thon cig/ snying khrag 'jibs shig/ srog rtsa chod cig/ e ka dza ti bran mo bcu bzhis dam tshig mi srung ba rnams la zhags pas chings shig/ bka' gnyer gtad do// srungs la las 'phro can dang sprod cig/ sngags srungs e ka dza ti'i g.yog mo lnga bcu brgyad kyis// de bzhin gshegs pa'i ka' 'di zung zhig/ sbos shig/ chongs la dam la mi gnas pa'i srog chod cig dbugs long zhig/ sha zo zhig khrag 'thungs shig/ rus pa mur cig/ dngos po med par thong zhig/ bde bar gshegs pa thams cad kyis bka'i chad pas chod cig/ dmyal khams bco brgyad kyis kha bskor la// mnar med pa'i dmyal ba nas thon pa'i dus med par gyur cig/ sangs rgyas rang chas kyi rgyud chen po 'di ni/ sangs rgyas rdo rje sems dpa'i dgongs pa/ / bltas pas sangs rgya ba yin no// dang po srid pa chags pa nas// da lta yan chad mi la yod ri skan no// 'jig rten du ma 'phel bar byas pa yin no// lce sgom nag pos 'chad pa stag can thon nas gzhan la shor ri skan/ / sngags kyi srungs mas srungs shig/ sa ma ya/ rgya rgya rgya/ rgya rgya rgya/ rgya gar skad du/ bud+d+ha sarba pu tra e ka tan+t+ra nA ma/ bod skad du/ sangs rgyas thams cad kyi bu gcig po'i rgyud/ gsang ba'i sgrib pa gcod par bstan pa'i sa bon gyi rgyud ces bya ba/ bcom ldan 'das chos las 'das la phyag 'tshal lo/ / 'di skad bdag gis thos pa'i dus gcig na/ chos nyid mkha' la sangs rgyas thams cad kyi dgongs pa nyi ma sprin las 'thon pa bzhin du 'byung ngo// de'i tshe sems can thams cad sangs rgya'o/ / sangs rgyas thams cad kyi thugs kyi sras gcig po 'di dang por bde bar gshegs pa thams cad kyis rang byung du gsung pa'i dus na/ de'i tshe sgra thos pa dang/ 'khor na gnas pa thams cad sangs rgyas so/ / da lta yang tshigs su bcad pa gcig gi sgra thos pas kyang thos tshad sangs rgya'o// tha na ri dwags dang bya yang rung thos tshad sangs rgya'o// bar dang tha mar yang 'di dang 'phrad nas rgya'o/ chos kyi sgo mo brgya khrag khrig la bcad kyang/ 'di dang ma phrad na thad ka'i 'bras bu las sangs mi rgya'o// chos la thad ka'i 'bras bu 'byung ngo// 'di ni gang su yang mi sangs rgya ba dang mi phrad do/ / rigs kyi bu 'am/ rigs kyi bu mo 'di dang 'phrad pa ni ma rig pa zad pa dang/ bsod nams dang ye shes kyi tshogs rdzogs pa sangs rgya ba'i dus la bab bo/ sangs rgyas thams cad kyi thugs kyi sras gcig po 'di rang la yod do/ / chos ma byas pas sangs rgya bar 'dod na/ skye ba bdun pa'i sha kham gcig zos na/ skye ba gcig lon te de rang 'phrad pas sangs rgya'o// 'di'i rtags la ltag pa'i khung bu skra g.yas su 'khyil ba tsho bu gcig pa/ sor mo 'brel ba/ smin mtshams kyi bar mchad pa/ rgas nas se'u skye ba/ so dung so 'khor bar yod pa de yang rtsol ba'i tshos yin no// rtsol ba med par ma byas par sangs rgya ba ni/ sangs rgyas thams cad kyi dgongs pa 'di yod pas sangs rgya'o// 'di yod na tshe 'di dgos pa thams cad lhun grub tu 'ong ngo// tshe 'di 'das nas mngon par rdzogs par sangs rgyas so// don yid bzhin gyi nor bu rin po che la ni/ tshe 'di'i dgos pa thams cad 'ong ngo// sangs rgyas kyi 'bras bu mi 'ong ngo// don yid bzhin gyi nor bu rin po che 'di la/ tshe 'di la dgos pa thams cad 'ong ngo// tshe 'di dang phyi ma sangs rgya bas/ don yid bzhin gyi nor bu rin po che 'di bcang par bya'o// klog par bya'o// tshul bzhin du yid la bya'o// kun chub par bya'o// bcangs nas su la bstan kyang sangs rgya'o// bris na sgo khyi yan chad sangs rgya'o/ / klag na sgra thos tshad sangs rgya'o// oM AHhU~M e ma ki ri ki ri/ mas ta b+ha li ba liH sa mi ta sa ru sa ruH kun+d+ha li ma su ma su/ i ka ra suH li la b+ta ye rtsa kri ra b+hu liH pa tsa ye sa mun+ta tsar+ya surga yaH b+hi taM sa na 'bang 'ag li yeH sa ki ra 'du li yeH ka man+d+ha re pe ta/ pa ra liH hi sa na ma kartaH ke pa na/ sam+bu ra sna ye tsa tsor rtag paHsur+ya g+ha sta raH se ba naH pa ra na b+hi hi staMHsu gu ru la ma smyin sa gu sti sta yang ba/ 'gu ra 'gu ra/ sa kha ra na laM/ na ra na ra/ I thar ba ta laMH si rna si rnaH b+he sa rab laMH b+hun+d+hu b+hun+d+hu tshi sha ba ge laH sa sa ri ri li liH I i mi mi ra raH dzong po ke dza lo mo keH dza li dza liH dzi l i niHblar su d+ha la ga shan sa na ru r+yaH a ma meH a ma meH a ma meH a ma meH a ma meH na bA me ma ta meH dza ta yeH kha ba ra meH bA bAH bo ga be ba dza beH kha ba ra kha a dza la ti li dza na rdu le dza n+du mu kheH ba ta ra ba taMH srid rnyasta pre ta nanaH hri kha nan hri da la d+ya d+ha ha kham/ tsin+ta pa khaM/ tsag bu dzo tiH sha ba kha staH sarba k+SheyaH hri da su raH b+heya khaH dza kha gaH su ra khagaH bi ta maH a smyi khA gaH a smyi khA gaHmri khaH mri khaH b ya ba tshe da karmaHdu ne du naiHsu pa ta bya la tshe ga yan na kriH a nu staH kha ga ne ra khaH a gu leH b+haM gu la baM ku leHku la naH in+t+ra pa liH bab taHbya ba rtse ta khA bAH tsa pra tiH tsa pra tiH tsa pra tiH a me taH ta ra sha re b a sha kha sa maH kri dzo tiH kha sta dza steH dza ta dzo tiH na sha bi ri si bi saH bi ngang dziH ma ti kra maH bi ba kri ba u0f7fhi li hi li leH a na na sra tiH sa ma yaH ni she ta ma naH a ma me sheHpha la ku ta u0f7f pa la niH a ti pa ba kar ma sha yeH pra dur baH ba su ru sha s+t+ramaH a sa maH a sa maH tsa sa ma yaH byi taM ta ta thA ga ta srAhA/ oM AHhU~M/ sangs rgyas thams cad kyi rgyud gsang ba'i sgrib pa gcod pa gtan pa'i sa bon gyi rgyud ces bya ba/ sangs rgyas thams cad kyi sras gcig po'i gdams pa/ sangs rgyas thams cad kyi 'bras bu gab pa gnad kyi gdams pa/ a+thi+-iH rgya rgya rgyaHkhathaM/ oM badzra krod+ha ni la ka a b+hi Shiny+tsa/ zhes rtags pas phung po'i bdud bcom nas/ sangs rgyas rdo rje gzhon nu'i sku dang gnyis su med par sangs rgyas par 'gyur ro// nyon mongs pa'i bdud 'joms par byed pa/ sdug bsngal thams cad las grol bar byed pa'i sngags ni/ oM badzra kro d+ha mahA mu dra dz+nyA na ma badzra sa ra Na hU~M pa ra na phaT ces rtags pas bcom ldan 'das badzra he ru ka'i sku dang gnyis su med par sangs rgyas bar 'gyur ro// sku la sprul pa dang yang sprul gyi rtags pa'o/ / lha'i bu'i bdud 'joms par byed pa snang ba'i spyod yul log pa'i ngan 'khrid thams cad sel bar byed pa'i sngags ni/ oM badzra kro d+ha a mr-i ta kuN+Da la hU~M/ tshin+d+ha tshin+d+ha/ b+hin+d+ha b+hin+d+ha/ ha na ha na/ da ha da ha/ pa tsa pa tsa pa hU~M phaTaH ces rtags pas bcom ldan 'das bdud rtsi 'khyil pa'i sku dang gnyis su med par sangs rgya bar 'gyur ro// 'chi bdag gi bdud 'joms par byed pa'i sngags ni/ oM badzra kro d+ha ha ya b ri ba hriHsarba ta thA ga ta ma hA pa na tsaH oM A yu dz+nyA na ma hA pu na a ti sti Sh+Tha oM zhes rtags pas bcom ldan 'das rta mgrin rgyal po skye shi med pa tshe'i dngos grub thob nas rtags pa chen po'i yung drung du bzhugs so/ / ma rig pa'i rtsa ba gcong pa'o// dug lnga rang grol du 'gro ba'o// 'khor ba thog ma med pa'i las ngan gyi bag chags kyi sgrib pa thams cad phyags pa'o// bdud bzhi bcom ldan nas sku bzhir sangs rgyas pa'o/ / chos ma byas par sangs rgyas pa 'di ni sprul pa'i sku dang 'phrad par 'gyur ro// don no bu rin po che chen po 'di la spyad do// chos rin po che 'di med par gzhan gyis sangs mi rgya'o// 'di yon da chos ma byas par sangs rgya'o/ / don nor bu rin po che 'di yin no// de'i yon tan legs par bstan pa ni/ 'di'i yon tan bshad pa dang/ nyan pa dang/ sgom pa dang/ byas pa'i chos thams cad kyang sangs rgya'o// oM AHhU~M/ oM AH hU~MHyang dag gsang ba'i skad du/ ma ma ko li sa man+taH bod skad du/ rang byung rig pa'i tan+ta/ e ma 'di 'dzin rnal 'byor skal ba che// 'di klog rnal 'byor skal ba che// 'di 'chang rnal 'byor skal ba che/ / 'di ni rang byung chen po'o// e ma k-i ri ki riHma sta b+ha li b+ha li/ sa mi ta su ru su ru kun+d+ha li ma su mu suH e ka ri li su b+ha sa ta rtsa ki ra su ling ko taH lce ye sa mun ta/ tsar+ya su g+ha yaH b+his his si sa na byang g+hu li ke sa ke sa d+hu naH ma ti ra pe ta naH phi ra na li ha si na/ saM bud+d+ha ra ta me ga tsarta sa su r+ya b+h+ya ta raH e pa she na ta paH sa rang b+hi ti sa g+hu li ti ya thaM g+hu ga g+hu raH sag kha ra laM ra na ra i tha ra baH b+hu da ta bud+d+ha 'chiH shas gye ris sa ra ra ri la khe ba taH sa sir sna sir sna b+he sa b+he sa ras sa laMHI I ma mA ra rA aH oM AHhU~M/ 'di yab kyi dgongs pa rang byung kun tu bzang po'o// e ma ki ri ki riH smas b+ha ba li sa mi ta su ru su ru/ kun+d+ha li ma suH i ka ri li b+ha ta yaH tsa ka b+hu li taH lce yangs mun+taH tsar+ya sur+ya g+ha b+ha tiHsa ma na byang g+hu yeH ke d+ha ke re d+ha ka ma ha risaH/ ha na par ra ri hi sa mnaH kha ra tra la naHsaM b+hu ra ta me ga tsar staMHd+ha b+ha sur+ya g+ha ra ta aH ma sha na pa ra b+hi hi stis g+hu ra la ma smis g+hu ti la taH ya g+hu ra g+hu ra blangs kyi kha nan laMH i thar pa ta laM/ sir sna b+he sar lamaH ba g+he laMH sa sa ri ri li li i I ma mA ra rAHoM AHhU~M/ 'di yan chod yum gyi dgongs pa rang byung kun tu bzang mo'o// 'di man chad yab yum gnyis su med pa'i dgongs pa yon tan kun rdzogs mtshon par byed pa'i phyi yi ge nyer lngas bstan pa'o/ / dbang po zhen pa bzlog pa'i phyir// karma rak+Sha g+hi haM hiH phung po'i zhen pa bzlog pa'i phyir// b+he ga ra la na so gad gling// yul gyi zhen pa bzlog pa'i phyir// bab+hu ta ri la b+ha la triHsems kyi dngos po spur ba'i phyir/ / raM pa ka la sa mi kheHbyung tshor gnas su gcad pa'i phyir// na ta sa phar ras mi taH 'dus tshogs snang ba ngos gzung phyir// kha Da re g+ha sa mig rlung/ rig pa btson rar gzhug pa'i phyir// a kher na b+he tsaka sha/ 'khrul ba'i rang rgyud khungs gcad phyir// a ri mun ta sa gu liHrigs drug rim gyis bsgral ba'i phyir// yang saM nga du sa la yaH 'khor ba dong nas 'don pa'i phyir// ma ma ko li sa man+taHchos can 'thur du gzhug pa'i phyir/ / g+ha ri yam sa ri ma ma tiHrol pa'i yul khungs spur ba'i phyir// bu g+ha sing ha pha g+ha laH zhes pa'i phreng thag bcad pa'i phyir// ra mi si sI khe sa raH lug rgyud ar la gtad pa'i phyir/ / bi mi ma la sa taM kiH lha yi phyag rgya lta ba'i phyir// sa ma nyi kham ha ra raH lta sgom log pa dag bya'i phyir// badzra sa twa hri to miH sa lam dus gcig gcad pa'i phyir// g+he sa yu g+ha ra rnam yeHyid spyod lta ba khungs gcad phyir/ / d+ha mi sa staM se g+hu li/ sku gsum lam du blong ba'i phyir// ri mi sa ma kha gad ta// snang ba dngos su blang ba'i phyir// ru sa si ma mi ta laMH sgra yi zhen pa mthar gcad phyir// nga stim sa yang ke la sa/ bsam gtan chen po'i sa non phyir// g+ha tsa pa la sa i taM/ 'phrin las mtha' ru dbyung ba'i phyir// karma A+ai a nu pa/ sangs rgyas mngon zhen bzlog pa'i phyir// saM krim ma karma taH rgyal sras rnams kyi gnas rtsal phyir/ / nga la khe sa kyi li saHaH'di kun rang shug tshig tu byon// sangs rgyas sras gcig rang byung rig pa'i tan+t+ra/ mthong thos reg pa tsam gyis 'das pa'i tshe na mngon par rdzogs par sangs rgya ste/ 'gro don du sprul pa'i sku thob par 'gyur ro// oM AHhU~M/ kun bzang yangs pa'i klong la phyag 'tshal lo// rang byung rig pa'i tan+t+ra nyams su blang ba'i rim pa/ 'da' kha 'chi drod 'di la don rnam pa gsum ste/ dang po kho nar rgyud kyi don phye ba'i khyad par brjod pa dang gcig/ rgyud bcang thabs kyi lag len bstan pa dang gnyis/ rtags kyi rim pa bstan pa dang gsum mo// dang po ni dbang po la rno brtul med pa'i chos yin/ mig long yang mi lto/ bya ba tshig gi rgyu gzhan thams cad la mig med na tshig don mi khrol bas/ don de lta bu la 'di rtags pas chog pas khyad par 'phags rna ba med na mi thos pas nyan du mi btub/ thos pa la ma brten par mi khrol bas// 'di rtags pas chog pas khyad par du 'phags// rgyud 'di bya cha la mi ltos par lus zha ba'am/ 'khums sam/ mdzes khyer yang mi ltos pas// rgyud gzhan lus ngag gi bzlas brjod lam brten par don med pa mang ste/ / 'di yod pa rnams la brtags pas chog ste khyad par du 'phags so// bag chags la srab 'thug med pa'i chos yin te/ sgom mi dgos pas/ rgyud gzhan ma sgoms na don med pa mang ste/ 'di brtags pas chog ste khyad par 'phags so// na so la rgan gzhon med pa'i chos yin no// sgom sgrub kyi rtsol ba mi dgos lags// dbugs la sleb pas chog go/ rgyud gzhan la rlung bcud byed dgos shing min mi tsha bas nyams su len dgos te// 'di yod pa rnams la brtags pas chog ste khyad par du 'phags so// las la dge sdig med pa'i chos yin te/ rgyud gzhan la dge sdig spang blang ma byas par 'brus bu mi thob ste/ 'di brtags pas mtshams med pa lnga byas pa gcig yin srid kyang// 'di dang phrad pas ngan song las thar pa'i 'gyur te/ brtags grol khyad par du 'phags so/ / rgyud 'di 'gro drug sems can gyi lus la 'chang ba de sangs rgyas thams cad kyi gdung 'dzin pas/ sangs rgyas thams cad kyi sras gcig ces bya'o// rgyud bcang thabs kyi lag len bstan pa ni/ dpe 'di gser gyi yi ge 'bru gsum po ma nyams par dag par bris la/ dar sna tshogs kyis dril la/ sman sna tshogs kyis phur la/ maN+Dal gyi steng du bzhag la/ tshogs kyi 'khor lo rgya chen po bshams la/ / rin chen sna lnga'i maN+Dal dang/ gser gyi maN+Dal khru gang ba la g.yus brgyan pa dang/ 'bras bu'i maN+Dal phul la dbang bskur ro// yang na rgyud kyi sngags brjod de rgyud slob bu'i snying kha'am spyi bor gdags so/ / snod gdams shing rgyas gdab pa ni/ stong thun dag gi rgyas skor bzhin shes par bya'o// sems can gzhan gyi don byed nam mkha' la 'ja' 'am/ sgra 'am/ 'brug gam/ sa g.yos sam/ de la sogs pa byung ba'i tshe/ kha shar du'am/ lho'am/ nub bam/ byang du bstan te/ rang gi lce nyid dril bu/ rdo rje/ rin chen/ pad+ma/ ral grir bsgom ste/ rgyud gzhung bsgrags na 'ja' 'od la sogs pa'i rtags de rnams sus mthong ba 'am thos pa de dag kyang/ myur du mngon par sprul pa'i sku thob bo// gsang ba ni dam tshig yin te/ nga la 'di yod ces smras na/ rang gi 'bras bu rgyab kyi phyogs pas rtags mi byung ngo/ / gsang nas bcangs na 'chi khar sdug bsngal gyi bar do las grol te/ rang byung rig pa'i tan+t+ra ste sprul pa'i sku thob bo// de gsum brtags pas grol ba'i rtags bstan pa ni// 'di 'chang ba'i skyes bu de sangs rgyas thams cad kyi mchod rten du rig par bya'o/ / de c-i phyir zhe na/ de nyid sangs rgyas sprul pa'i sku lnga thob pa'i rtags su/ de nyid tshe 'das pa'i tshe ro sregs pas/ 'ja' dang/ 'od dang/ ring bsrel gsum 'byung ngo/ / me 'od dkar gsal g.yo ba med// dud pa sngon po g.yon bskor 'khyil// de la sogs pa'i rtags rnams 'byung ngo// ro bsreg pa'i shing tsan dan nam rgya shug gis bya'o// sreg rdzas nyungs kar gyi mar khus bya'o/ / 'og tu sla nga bzed do// shing tshig dud chen yol ba'i tshe// de la brtag par bya ste/ khyad par dubartag pa ni/ gang zag rigs kyi gdung rigs ni rnam pa lnga 'byung ngam/ 'on te gang rung gcig 'byung ba ste/ sla nga'i nang du blta bar bya'o// gdung rigs gang zhe na/ de yang sangs rgyas mnyam sbyor chen po'i rgyud kyi le'u nyer gnyis pa las 'di skad gsungs so/ rdo rje rnal 'byor phyir mi ldog pa'i rtags ni/ rdo rje gdung dang pad+ma'i gdung// rin chen gdung dang las kyi gdung// de bzhin gshegs pa'i gdung dang lnga/ zhes pas/ yang 'di skad du/ sha yi rten du shang ri ram// yang dag gdung du bshad pa yin/ / khrag gi rten du chu ri ram// sra mkhregs rdo rje'i gdung du bshad pa yin// rus pa'i rten du ba ri ram/ rgyal mtshan gdung du bshad pa yin// yan lag rten du nya ri ram/ shin tu sra mkhreg las kyi gdung/ / 'byung bas 'dus pa'i rten du ni// pany+tsa kha dog lnga ldan 'byung// de bzhin gshegs pa'i gdung du bshad// rgyal ba rigs lnga'i rgyan yin te// sku lnga'i tshad du bshad pa yin// tha ma lha sku'i rtags kyang srid/ / de rnams sku thob rtags su bshad// nga yigadung gi dkyil 'khor ni// me 'od dmar gsal 'di nyid yin// sgra rnams byung na nges pa yin// nga yi thugs kyi rten du yang// 'di bzhin sems can kun la gnas/ / sems can kun gyi tsit+ta'i nang// thig le dkar dmar ser le brgan/ ljang khu sna tshogs 'bar ba'i 'od// sku yi rten du bzhag pa yin/ 'ja' tshon ltar na thugs thob pas// nam mkha' dwangs shing 'di gsal ba/ / de yis mthar thug thob ste gsang// zhes so zhes pa dang/ gdug 'byung ba'i gnas ni/ sha rI ram ni mgo las 'byung// chu rI ram ni khrag las 'byung// ba rI ram ni sgal las 'byung/ / nya rI ram ni rkang las 'byung// pany+tsa ram ni snying las 'byung// zhes pa dang/ yang rtags dang sbyar ba'i 'bras bu ni/ sha rI ram gyis skye mer thob// chu rI ram gyis yon tan 'phel// ba rI ram gyis longs sku thob/ / nya rI ram gyis sprul sku thob// pany+tsa ram gyis sku lnga thob// sangs rgyas sku lnga'i bdag nyid can// rgyud 'di bcangs pas thob par 'gyur// gdung gi mang nyung la nges pa med// gcig byung na rab ces pa don rtogs 'bras bur bcas pa'o/ / a+thi+-i/ rdzogs so//// rang byung rig pa'i ta n+t+ra// 'da' kha 'chi drod kyi gdams ngag// sangs rgyas lag bcangs su gtod pa// kun bzang yab yum gyi dgongs pa yi ger bkod pa'o/ / mkha' 'gro'i tshogs la bzod par gsol// sa ma ya/ rgya rgya rgya// sangs rgyas thams cad kyi bstan pa gzhi'i rgyud mchog rin chen spungs pa zhes bya ba/ / skyes bu las can gcig dang phrad par shog/ mad+galaM//// rgya gar skad du/ ma hA pa na sa ma a bi bo d+hi sa ta ma hA tan tra kha ya ma la nA ma/ bod skad du/ theg pa chen po'i mngon par rtogs pa byang chub lam gyi rgyud chen nam mkha' dang mnyam pa zhes bya ba/ bcom ldan 'das mi las 'phags pa'i rgyal po la phyag 'tshal lo// 'di skad bdag gis thos pa'i dus gcig na/ / bcom ldan 'das mi las 'phags pa'i rgyal po dga' ldan lha'i gnas// rin po che'i gzhal med khang chen po na/ lhag pa'i 'khor 'jam dpal dang// spyan ras gzigs kyi dbang po dang/ / mi 'jigs pa dang yon tan mtha' yas rgyal po dang// stobs po che la sogs pa'i rigs can rnams dang thabs cig bzhugs so// de'i tshe sangs rgyas kyi sku gsung thugs kyi gsang ba'i mdzod 'dzin gyis sgo bsam mi khyab par bstan pa ni/ rdul med rdul bral dri med dang// rdul gcig steng na rdul snyed kyi// sangs rgyas sras rnams gang byung ba// dpal ldan sangs rgyas pad+ma skyes// re re'i zhing du sku gsung thugs/ / lham me lhan ne lhang nge ba// ma g.yos bzhin du 'phros pa ni// mkha' dang mnyam pa'i gsang ba las// sku ni gdul bya'i grangs dang mnyam// gsung ni sgra skad ji tsam par// thugs ni mi g.yo kun la khyab/ / yon tan nam mkha' mdzod mnga' ba'i// 'phrin las tha dad don gcig ste// nam mkha'i mtha' la rab gnas pa'i// sku gsung thugs kyi snying po yi// khams gsum pa yi ngo bo nyid// ma dag pa yi mun pa la/ / dag pa nyi ma'i 'od zer gyis// nam mkha'i dkyil 'khor sad byed pa'i// dad pa chos dbyings rgya mtsho las// ye shes snang ba la me ba'i// yid bzhin nor bu'i sems nyid la// theg pa sna tshogs thabs tshul gyis/ / dgos 'dod sna tshogs don mchog gsum// tha ma 'bring dang mchog gyur pa'i// 'gro kun lam la dgod par mdzad// rang nyid 'dod pa las grol nas// sems can yongs su smin pa'i phyir/ / theg pa 'di la 'byung 'dod gang// zhe 'dod skyo ba'i blo spangs te// byang chub sems ni gcig spyod pas// kun mkhyen yon tan 'byung ba la// theg pa chen po'i don la ni// bag med spyod pa rab spangs te/ / dran dang shes bzhin ldan pa yis// bshes gnyen zhi dul nyer zhi ba'i// yon tan bcom ldan lung gis phyug/ brtse ba'i bdag nyid skyo ba spang// kun la snyoms pa'i yab yum lags// 'khor ba'i yid sun dad par ldan/ / bag yod dran pa'i blo gros can// bdog pa kun kyang chos phyir srog/ 'dor nus rnal 'byor rab tu brtson// rang gi sems ni 'dul ba dang// gzhan gyi sems ni gzung ba'i don/ / bsod nams ye shes 'phel ba'i rgyu// tshul dang mi mthun med pa ru// kun tu spyod lam gtsang ba yi// legs par dkrugs shing go bgos te// lha dang mi rnams 'dul ba'i phyir// gtsang ma'i sa phyogs nyams dga' bar/ / yangs pa'i khri la gdan bshams te// legs pa'i tshon gyis kha bsgyur la// rngul zan nag po bshams byas la// bcos bu'i ras rnam sna tshogs bting// rkang rten bcas pa'i khri la 'dug/ rkang pa legs bkrus 'dzegs nas su// chos gos gtsang ma rab bgos te// byang chub sems ldan mdangs snum pas// chos kyi stan la rab 'dug ste// dge bsnyen dge slong pha ma dang// rgyal po dag dang de yi 'khor/ / sems can rtse gcig lhag gyur la// phrag dog le lo rnams spangs pa'i// byams shing mchu ba'i gtam snyan gyis// sna tshogs don ldan chos bshad pa// thabs la mkhas pa chen po'i tshig/ 'di lta ste/ sha me sha ma ba te/ sha me te sha tru ang gu re/ mam ku re/ mA ra ji te/ ke ra Te/ yu ke yu re/ te tso ba ti/ o lo ya ni/ bi sha tha/ ni rma le/ ma la sa ni ye/ khu khu re/ kha ge gra swe/ gra swa ni/ o mu khi/ sa rang mu khri/ a mu khri/ sha mi ta ni/ sarba gra ha na/ b+han d+ha na ni/ ni gri hri tra/ sarba ra pra tha ti na/ bi mug ta/ ma ra ba sha/ s+tha pi twa b+hu ta mu tra/ a nud ga ti twa/ sarba ma rai/ pu tsa ri ta/ pa ra pa ri shud d+h+ye/ bi gad tshwa ru/ sarba ma ra ka ma ni/ zhes pas nyon mongs sel ba dang// bdud dpung tshar gcod tshig yin pas// legs par kha ton byas pa na// bdud kyi rigs kyi lha rnams kyis// theg pa chen po'i rigs can gyi/ / drung du 'ong bar mi 'gyur te// 'ongs kyang bar chad mi tshugs pa'o// kun la snyoms pa'i brtse sems kyis// byams pa'i yid kyis bdud btul nas// byang chub sems kyi dkyil 'khor du// bdag la sman pa'i 'du shes bskyed/ / chos la sman gyi 'du shes dang// chos nyan nad pa'i 'du shes kyis// kha bub snod bzhin skyon spongs la// khyod ni ma yengs rtse gcig nyon// nga yis legs par bstan pa'i don// zhabs rdol snod bzhin ma song bar/ / dran dang shes bzhin ldan par zung// dug can nyon mongs ma sbags par// byang chub sems la nan tan bskyed// yengs pa'i rkyen gyis sa mi chod// ma yengs sangs rgyas kun gyi lam/ / byang chub sangs rgyas yun mi ring// zhes bka' stsal to// theg pa chen po'i mngon par rtogs pa byang chub lam gyi rgyud dang mnyam pa las// gleng gzhi sna gtad pa'i le'u ste dang po'o//// de nas rigs ldan 'khor gyi nang/ / lha yi dbang pos stan las langs// gus pas thal sbyar phyag 'tshal nas// spyan sngar 'dug ste 'di skad gsol// kye ma bcom ldan lha yi lha// sems can nam mkha' mtha' dang mnyam/ / rtog pa sna tshogs tha dad la// theg pa gcig gis ji ltar sgrol// byang chub sems su gang ltar 'dus// the tshom bsal phyir gsung du gsol// bcom ldan 'das kyis bka' stsal pa// nyon cig rigs ldan brgyud par bcas/ / sems can mkha' dang mnyam pa las// sangs rgyas 'phrin las de tsam ste// khams gsum 'di dag sems can du// byang sems thig le gcig tu bstan// de nyid ma rig bag chags kyis/ / kun tu rtogs pa tha dad pa'i// 'khrul pa'i sems can dpag med rnams// gdul byar gyur pa tha 'bring mchog/ byis pa 'phags pa byang chub sems// ma rig ma dag drug pa las// dper na dpag bsam shing gcig gis/ / rtsa bas sa 'og klu yi don// sdong pos sa stengs mi rnams dga'// rtse mos sa bla'i lha rnams mgu// srid gsum dga' bar mdzad pa bzhin// byang chub sems gcig 'od zer gyis/ / dge bas lha mi'i bde ba bsgrub// de spangs nyan thos rang sangs rgyas// spangs thob sa bcu la gnas pa'i// theg gsum sku gsum zhing khams su// dga' mgu rangs pa'i bsam pa can/ / byang chub sems ni gcig tu bstan// sems can nam mkha'i mtha' mnyam la// nyon mongs khams rnams re re zhing// de dag bcom gyis gang la lang// byang chub sems ni gcig bcom na// de rnams thams cad bcom pa yin/ / bcom ldan byang chub rdo rje ni// shes rab snying rje chen po yis// theg pa ma lus kun 'dus pas// theg pa chen po zhes su brjod// thams cad ma lus bskyaid pa'i phyir// theg pa chen po sa gzhi 'dra/ / thams cad ma lus shong ba'i phyir// theg pa chen po bar snang 'dra// thams cad ma lus khyab pa'i phyir// theg pa chen po nam mkha' 'dra// thams cad ma lus dbang byed phyir// theg pa chen po rgyal po 'dra/ / thams cad ma lus gcig yin phyir// theg chen byang chub sems yin no// theg pa chen po'i mngon par rtogs pa'i byang chub lam gyi rgyud chen nam mkha' dang mnyam pa las// gleng bslangs theg pa chen po ngos gzung ba'i le'u ste gnyis pa'o/ /// kun la khyab pa'i chos nyid dbyangs// rgyal ba'i gsung dbyangs gcig las su// sems can mos pa tha dad pa'i// chos tshul mtha' yas dpag med las/ / mdor bsdus sbyong byed gnyen po'i chos// brgyad khri bzhi stong grangs brjod pa// dug gsum lhan skyes 'dul ba'i phyir// 'dul ba 'dzin pa'i sde snod du// sems can rnams la gnod pa spang/ / sdig pa ci yang mi bya bar// sdom pa gsum po tshul bzhin bsrungs// mdo sde 'dzin pa'i sde snod la// 'gro ba kun la phan don du// dge ba phun sum tshogs pa yi// ting 'dzin lhag pa'i bsam pa bstan/ / ma mo 'dzin pa'i sde snod kyis// rang gi sems ni gdul ba'i phyir// sna tshogs tshul gcig don ston pa'i// shes rab gsum la nan tan bskyed// rigs pa gnyis la legs gnas pa'i// rang rig ye shes mngon du byas/ / 'di ni sangs rgyas bstan pa las// gnyen po kun 'dus sde snod yin// don gcig nyid las ma rmongs pa'i// 'bras bu gcig tu rgyal bar gsungs// thog med dus na ma rig pas// bag chags nyon mongs dbang gis su/ / las kyis skye ba dpag med blangs// skye shi gnyis kyi sdug bsngal la// bsgrang gis mi langs mtha' las 'das// sems can gcig gis lus blangs pa'i// sha rus bsags na ri rab tsam/ / khrag dang chu ser rgya mtsho tsam// sdug bsngal nam mkha'i mthar mi shong// don med srid pa'i glong du 'khyams// shas cher ngan song rba la g.yengs// da ltar dran yang skyi sha g.ya'// don med 'ba' zhig yin par zad/ / mi shes srid pa'i glong 'di na// gzugs med stong pa'i chags zhen can// sems can mtha' yas bsam mi khyab// gzugs can dbang po phyogs gcig tu// yul lngar zhen pa dpag tu med/ / 'dod khams yul drug phyi nang du// chags sdang zug rngu'i las kyis mnar// khams gsum bag chags bar do na// sems can mkha' yis khams mnyam las// las kyis 'khor ba'i 'dod gzugs rnams/ / phal cher ngan song gnas na 'khor// mi lus thob pa shin tu nyung// de las dal 'byor thob pa ni// nyin mo'i skar ma mthong bas dkon// lan cig srid pa'i mi lus kyang// don med kha rje dbang thob min/ / bla ma dkon mchog thugs rje dang// rang gi bsod nams tshogs bsags pa'i// dge ba'i 'bras bu tshe 'dir smin// gnas skabs sprin bar nyi ma tsam// rtag mi thub ste 'gag pa'i chos/ / de bas dam pa'i chos dkon te// bskal pa stong phrag mang po ru// dam chos nyi ma 'char ba nyung// chos med mun pa'i 'jig rten mang// rang sems sangs rgyas mjal ba de// yid bzhin nor bu bas kyang dkon/ / ston pa'i dam chos spyod pa ni// 'khor lo sgyur rgyal nyid las nyung// dge 'dun rjes su bsgrub pa'i dus// me tog u dum bar bas dkon// sngar 'das ma byon da ltar gyi// sangs rgyas bstan pa dpag med kyang/ / theg mchog byang chub lam ldan gyi// 'bras bu myur du thob pa 'di// kun las lhag pa'i smon lam gyis// ma rungs gdul dka' 'dul ba yi// mi mjed shAkya thub pa'i zhing// nyon mongs ye shes spangs thob bral/ / de yi rang bzhin des grol phyir// theg pa chen po'i lam zhugs rnams// rgyal ba'i chos sku nyi ma la// mkha' la gsal 'grib med gyur kyang// byis pa blo dman rigs rnams la// sa yi sde ris nyi ma rgas/ / ston pa mya ngan 'das tshul ston// lnga brgya phrag bcur bstan pa 'grib// chos min mun pa'i dbyug skor byed// mi lus thob kyang don re chung// bsod nams ma yin mthu las byung// mu ge nad dang mtshon gyis 'jigs/ / bcu pa'i bar la dam chos nub// byams pa'i thugs rjes dge la 'jug/ gnas skabs bsod nams yar la 'phel// rdo rje'i sku la 'gyur med kyang// sems can rnam rtog las kyi sa/ / bstan pa re la ston pa re// che chung ring thung du ma 'byung// rmi lam sgyu ma'i cho 'phrul yin// yang dag don la bstan pa gcig/ kun mkhyen ye shes gcig la 'dus// ma rig pa la bstan pa mang// mangs pas de bzhin nyid ma rtogs/ / nam mkha' gcig las mang mi yod// mangs na bug gsar mthong bas zhan// nam mkha' ma rtogs ji bzhin no// bde gshegs snying pos kun la khyab// rgyu med sems can gang yang med/ / rkyen thob mi yi lus sems la// rgyal ba'i sku gsung thugs gnas pa'i// nam mkha' lta bu'i chos nyid de// phyogs ris med par kun gyi yul// nyi ma lta bu'i rig pa'i 'od// mthongs nyi bzhin du nyams su long/ / phyi nang med par mnyam pa nyid// theg pa chen po 'di don la// mi lus sangs rgyas dgongs pa can// lhun grub nyid du yongs grub kyang// gzhan dbang rkyen gyis gnyis su snang/ / kun brtags blo bur 'khrul pa 'dod// gser 'gyur rtsi yi rnam pa yis// lcags ni gser du byas pa bzhin// mi gtsang sgrib pa'i lus spangs nas// dri med rgyal ba'i sku ru 'gyur// thugs rje'i nyi 'od phyogs bcur brdal/ / ma rig mun pa'i tshogs rnams sel// ye shes snang ba kun tu gsal// yang dag chos la spyod pas thob// don grub thob par 'gyur nas ni// 'di la 'bad pa ma bsgrubs na// byas pa don med sdug bsngal rgyu/ / 'dus byas mi rtag 'jig chos can// lo zla tshes grangs mi rtag ste// dus kyis bdas pas phar phar 'gro// skad cig mi sdod myur du 'chi// dus kyis 'pho bskyas byung tsam na/ / mdza' ba rnams kyang med par 'gyur// mi mdza' rnams kyang med par 'gyur// phyi yi gnas kyang med 'gyur la// nang gi rdzas kyang med par 'gyur// de bzhin bdag kyang med 'gyur bas// mi rtag shi ba'i dus kyi tshe/ / yun rings dus su dka' spyad pa'i// 'jig rten chos kyis ci la phan// de bas chos tshol 'bad pa skyed// chos med gson pa ci zhig rung// de bas 'jigs pa kun sel ba'i// 'gro ba'i mgon la skyabs su mchi/ / de yi thugs su chud pa'i chos// byang chub sems la bdag nyid 'jug/ mi lus thob nas chos med pa// gser gling stong log byas pa 'dra// mi lus 'dabs nas mi len pas// shi bas byang chub thob mi srid/ / de 'dra'i mi lus stong log mkhan// snying po med las snying por gzung// gzo dang gsob kyis ma bslus sam// 'jig rten mi rtag sgyu ma 'dra// rang gi rang bslus ngan song gzugs// rdzun la bden 'dzin gti mug can/ / mi shes blun po dud 'gror 'pho// rtog pa rags la chags sdang che// gsod la dga' zhing dmar la rngam// las kyi gshin chen dmar po de// dmyal ba'i las mkhan bsleb pa yin/ / yod pas mi chog med la brnab// g.yung po ser snas sred pa de// yi dwags gnas na snga phyi med// sdug bsngal gnas la rgyun du 'khor// chu bo 'thur song gyen mi ldog/ de bzhin ngan song sdug bsngal las/ / thar pa thob pa ga la srid// gnas skabs tshul min ma gtogs so// 'khor ba pa la bde ba med// 'khor ba'i bde ba sdug bsngal yin// glen pa dug can zas la zhim// 'khor ba'i sdug bsngal bsgrub la dga'/ / 'dod pa bde ba thob 'dod kyang// bsgrub pa sdug bsngal 'ba' zhig bsgrub// sdug bsngal rba la g.yeng tsam na// 'khor ba'i 'bras bu dus der grub// mi gtsang khrod kyi srin bu bzhin/ / bde ba la chags sdug bsngal grub// thun mong rgyud lnga'i sdug bsngal las// bye brag las kyis sdug bsngal ni// lha la 'chi 'pho sdug bsngal ba// mnar med dmyal ba'i duHkha che// lha min chags sdang brtsad pa yis/ / rang snying gas nas 'chi ba dang// mi la rkyen dbang 'du byed kyis// zad pa med pa'i zug rngu dang// dud 'gro mi shes mun pa la// gcig gis gcig za 'jigs pa dang// yi dwags zas mthong tshe na dgra/ / gshed pos gtse ba'i duHkha dang// dmyal ba dus min rgyun du ni// sdug bsngal thams cad bsran thabs med// las kyi rnam smin ma zad na// dmyal ba'i tshe la 'dzad pa med// las ni nyon mongs dbang gis byas/ / nyon mongs ma rig 'khrul pa la// byang chub sems gcig ma gtogs pa// zad pa med par rgyun du 'khor// mu mtha' yod par ngas ma mthong// log 'khrul sems can snying bsran can// mi lus so mtshams mkhar na yod/ / da res yod na gtan du yod// de bas bsgrims te gus 'bad na// thos pa mang po'i mi phyir 'brongs// dge ba'i bshes gnyen thod bzhin bskur// 'gro la snying rje'i sems kyis su/ / lus dang srog la ma lta bar// theg chen dam chos myur du tshol// sngon gyi rgyal ba sras bcas kyis// dam pa'i chos ni tshol ba'i phyir// slob dpon bka' las mi 'da'i don// srog las 'phangs pa'i blo bur nas/ / nyam nga med pa'i bsam pa yis// lus la lcags gzer stong btab cing// sha la mar me stong btsugs te// sha bzhar rus pa gcog pa dang// khrag gis chag chag btab nas su// chos 'dod mchod sbyin bya dka' rnams/ / sdug bsngal byung yang bzod pa yin// 'gyod med snying nas gtong ba la// longs spyod g.yo ba smos ci dgos// de bas lam mchog 'dir zhugs gang// 'khor ba'i dgra bo snying soms la/ / rgyal ba'i rjes su cis mi zhugs// pha rabs bu yis mi gcad par// rgyal sras rnams kyi thugs rje yis// bdag nyid 'di ltar 'khod pa la// bka' drin rjes su dran pa yis// byas pa chud zod mi gtang bar/ / da ni dad pa rab tu skyed// byang chub sems kyi chos rnams la// nyin mtshan rtag tu bsam par gyis// sems can sangs rgyas snying po can// dus 'dir rgyal ba'i sras su 'gyur// de bzhin nyid du bdag lung bstan/ / 'khor 'das gnyis kyi yon tan ni// nyon mongs dbang gis 'khor bar 'khyams// dkar nag las kyis bde sdug byung// dkar po'i las kyi yon tan gyis// 'dod rigs drug la mi gcig pa'i/ / yon tan phra mo sna re yod// dmyal bas tshe ni snga phyi dran// yi dwags sngos pas zas thob 'gyur// dud 'gro rnams la zas skom yod// lha min rnams la rdzu 'phrul dang// mi yi lus la sdom pa chags/ / lha rnams mngon par shes pa yod// gzugs kyi khams na bsam gtan gnas// gzugs med de las khyad 'phags thob// las zad nyon mongs 'gog pa yis// 'phags pa nyan rang dgra bcom thob/ / lam zhugs 'khor ba'i nyams myong grol// rang don sa gnas bde ba thob// gzhan don sgyu ma'i snying rje 'byongs// de don gong du mthar phyin pas// sangs rgyas zhing khams bde ba can// chos kyi dbyings la yangs dog med/ / mnyam yangs thang ni lag mthil ltar// sna tshogs me tog pad+ma'i ljongs// kha dog dri bsrung phun sum tshogs// rin chen gzhal yas khang chen po// rnam pa gzugs la rang bzhin dbyings/ / kun tu snang gi pho brang na// nam mkha'i sku la mtshan dpes spras// rtog pa med pa'i ye shes can// phyogs ris med pa'i dkyil 'khor la// phun sum tshogs pa lnga dang ldan// 'gyur med 'od gsal rdo rje gdan/ / mi g.yo bdag gzhan don grub la// bsam gyis mi khyab dpag par dka'// de don byang chub sems las byung// sangs rgyas byang chub sems dpa'i khyad// rgya mtsho ba glang rmig rjes chu// sar gnas yon tan mthong tsam na/ / nyan rang yon tan rdul gyi chu// de tsam nyid kyis don thob kyang// lha yi bde ba sdug bsngal dngos// 'gro ba gzhan rnams lta ci smos// de la sogs pa'i yon tan rnams// ces re dbang po ma 'gags na/ / mthong dang thos dang dran pa shes// gnas skabs tsam gyi 'dod pa la// lus srog sdug pa bkol nus na// gnas skabs mthar thug thams cad du// rang gzhan don gnyis bsgrub pa yi// ci ste dam pa'i chos mi nus/ / sngon gyi bsod nams ma yin pa'i// dbang med las la bya thabs med// rang dbang yod pa'i lha mi rnams// rin chen gter kha 'byed dus su// longs spyod byed pa'i dus la bab/ / rdzogs sangs rgyas kyis rab bsngags pa'i// sangs rgyas che ba'i yon tan rnams// thos pa tsam gyis mos pa skye// dran pa tsam gyis sdig pa 'dag/ mthong ba tsam gyis yon tan thob// nyams su blangs na smos ci dgos/ / sa bon rul ba myu gu med// dad med rnams la chos mi 'ong// de phyir 'dod pa'i dad pa ni// skom pa chu yis gdungs pa bzhin// sangs rgyas chos la rtsol ba skyed// mos gus bu yis ma mthong bzhin/ / nges shes gting nas thob par bya// yid ches zas kyi ro myang bzhin// 'gyur med dad pa khungs su tshud// dad pa'i sa gzhi bzang po la// byang chub ljon shing bskrun pa yin// rgyal ba'i bstan la rab tu zhugs/ / byang chub dam pa thob par gyis// 'di nyid ma rtogs don med do// byang chub snying po kun khyab kyang// sngon tshe bsod nams chen mar bsags// bsags pa tshe 'dir zad pa'i rigs/ / mi khom brgyad dang cha mthun pa'i// mi lus thob kyang skal chad rigs// 'gyu byed dbang po lnga gsal yang// dam pa'i don la mi shes rmongs// tshe 'dir sred pa'i ser snas 'jungs// zhe sdang khong khro rgyun mi 'chad/ / 'jig rten khe grags blos mi spongs// phyin ci log las blo mi 'khyur// rgyun du nad dang sdug bsngal mnar// 'gal rkyen zad med rtag tu 'ong// zhum zhing sgyid lug dbang med rnams// chos kyi snod med rigs chad yin/ / blo dman yul chung thos dgum sgrug/ chos la chog shes ngoms pa skyen// skyid 'dod dka' spyod mi nus dang// snying rje chung la rkyen mi khyag/ phyogs ris lta ba'i mu la zhen// chos dang chos min shan mi phye/ / mtha' drug tshig gis don mi rtogs// nges shes chung la log lta che// bdag bstod gzhan smod shes rab can// rgyu 'bras khyad gsod phan sems bral// theg pa chen po'i rigs ma yin/ / stobs chung nyan thos byis pa'i chos// theg chen nam mkha' lta bu la// theg chung khu tshur bzhin du bsdus// sa bon ma rungs mi 'khrung ltar// rigs chad rnams kyis don mi 'grub// bsod nams dman pa'i rnam smin yin/ / theg pa chen po'i mngon par rtogs pa byang chub lam gyi rgyud chen nam mkha' dang mnyam pa las/ dam pa'i chos yongs su tshol ba'i le'u ste gsum pa'o//// gzung 'dzin rnam shes 'khyam po de/ / srid pa'i rtse mo man chad nas// dmyal ba'i srin bu yan chad du// skyes pa'i mtha' la thug med pas// nam mkhas gar khyab kun khyab pa'i// khams gsum bar do'i sems can gyis// pha ma ma byas gcig kyang med/ / khyad par du yang ma nyid do// dus gsum rgyu rkyen las byung lugs// mi gtsang 'dam rdzab bu ga nas// skyabs med srin bu lta bu la// brtse ba'i mig lta snyan pa'i ngag/ 'dzum pa'i sngon bsu byams pa'i sems/ / gces pa'i lus blangs zhim pa'i zas// 'khor ba'i rdzas dang rgyal srid byin// 'jigs pa'i skyabs byas lus sems bskyed// de yi drin ni dpag par dka'// dpe ni des mtshon 'gro kun byas/ / pha ma phrag par bkal nas su// stong gsum lan gsum bskor gyur kyang// pha ma'i drin ni 'khor ba min// ci phyir ma yis bu yi don// lus dang srog la ma bltos par// dmyal ba lta bu'i sdug bsngal myong/ / longs spyod rnams ni smos ci dgos// stong gsum nyungs 'bru tsam du ni// bsil nas bsgrang bar nus mod kyis// sems can gcig gis ma gtogs pa'i// lan grangs bsgrang bar ga la nus/ / de bzhin drin ni brjod las 'das// drin can sems can pha ma rnams// 'khor ba'i sdug bsngal 'khyam pa la// mir gyur snying rje mi skye na// rang nyid smon pa ba glang yin// nyin sha za ba'i bu dang 'dra/ / bu skyes ma yi gshed mar che// nyin gcig dgra la bskyabs pa la// phan pa drin du gzo ba dang// mtshan gtsig gnyen du 'grogs pa la// gnod spangs phan pa byed tshod la// thog med gyur nas da la thug/ byams pas bskyabs pa'i pha ma la// gnod spangs phan pa cis mi 'dogs// ma rig 'khrul pa'i dus kun na// sems can thams cad pha ma yin// de la gnod pa byar mi rung// rig pa lam du khyer dus su/ / sems can thams cad yi dam lha// lha la gnod par byar mi rung// don la sems can sems nyid gcig/ log lta gnod pa byar mi rung// byas na 'di phyi mtshams gsum du// lan chags rnam smin rgyun mi 'chad/ / sems can gcig gis srog bcad pas// lan chags sdig pa stong du 'gyur// ma yi drin las byung ba de// tshe 'di'i ma bsad mtshams med pa'i// dmyal bar 'gro ste shin tu lci// de yi nyes pa su yis bzlog/ ma la ngan sems 'gyus pa tsam// khams gsum sems can bsad dang mtshungs// de bzhin sems can thams cad la// snga phyi ma gtogs khyad par med// sems can gnod pa tsam gyis kyang/ / de dang de yi bar chad 'byung// dngos grub rnam gnyis thob mi 'gyur// 'gro ba kun la sems snyoms pas// byams pa'i sems kyis phan 'dogs kyang// phan 'dod phyin ci log pa ni// mya ngan gsang ba'i lcebs pa dang/ / tshul khrims 'chal ba'i phan sems dang// rtsod pa'i phyogs su nor ster dang// bstan pa bshig pa'i 'gro don dang// snying rje bsgoms pas dgrar langs dang// mgu mkhan med pa'i dka' spyad rnams/ / gzhan la phan btags rang la gnod// bden par 'dod pa log par song// dge ba byas pas sdig tu gyur// chos la btsud pas 'khor bar 'ching// sbyin pa btang bas dug tu 'gyur/ / gcig skyabs byas pas kun dgrar song// bstod pa byas pas smad par 'gyur// tshul khrims bsrungs pas sdig la 'bags// zug rngu sel bas nad du ldang// mi nus pa yi khas che dang// sdug la rtag tu byams byed dang/ / dper na sbrul la 'o ma bzhin// byang chub lam du 'di mi 'gro// de bas mkhas pa 'di spang ngo// dmigs su 'gro na gang phan bya// sdug bsngal mgon med gyur pa yi// dbul zhing 'phongs pa'i 'gro ba ni/ / rigs ni rnam pa sna tshogs pa// gang la gang phan de nyid du// mi mthun gnas nas mthun par bskyal// sdug bsngal sel bar gang gyur dang/ bde bar thob par ci yod gyis// lus kyi bya ba ngag gis tshig/ yid kyis 'phen pa thams dang rdzas// sbyor ba dngos dang rgyud pa ru// sems can gcig nas mang po'i bar// mngon sum rjes dpag med pa ru// rang gi ci nus smon lam gdab/ / gzhan la bskul gdab yi rang bya// sems can gcig la phan byas pas// de yi yon tan dpag tu med// mang po rnams la smos ci dgos// thabs la mkhas pa'i phan pa yis// sems can dge ba'i las la 'khod/ / 'di ru phan pa'i bya ba dang// phyi mar phan pa'i smon lam gdab// byang chub lam du 'gro ba yis// don dang ldan pa'i 'bras bu thob// sgo gsum bag ldan sdom pa yis// lus ni mdzes shing 'dzum dang ldan/ / 'jig rten 'chal tshig mi brjod cing// 'jam zhing snyan pa'i tshig smra ba// zhi zhing dul ba'i spyod pa can// khro ba med pa'i phan sems la// dran pa bzhi dang ldan pa yi// rtag tu dur khrod dgon par 'dug/ kun kyang yid du 'ong bar 'gyur// pad+ma'i 'byung gnas bzang po la// ngang pa'i tshogs 'du de bzhin no// rang 'dod med pa'i gzhan phan ni// skyon la yon tan stobs che ba'i// phan par 'gyur na sdig kyang bya/ / gnod par gyur na dge yang bzhag/ sems dge ba la nyes pa med// brgya srog thon na gcig srog gcad// 'jungs pa'i nor blangs tshogs su spyad// ngan song khegs na mi tshangs spyad// phan stobs che na rdzun yang smra/ / ngan byed pa la dbyen yang 'dzud// ma rungs pa la sun yang dbyung// grogs por byas shing blo sna bsgyur// gshed por byas shing dge la bskul// ma tshor btang snyoms rkun bu'i tshul/ / bde thob sdug bsngal bral ba yi// gnyen por gang 'gro bya ba la// zhi dang drag po dgug dang bskrad// bstod smad mtshang 'bru 'brid pa dang// tshar bcad rjes bzung rdzu 'phrul dang// rgyal ba'i mchod rten bsod nams dang/ / mchod sbyin las sbyor thabs mkhas pas// thar pa'i lam la ci tshud pa'i// rten 'brel 'gro la ci phan bya// rang stobs nus pa ci yod dang// stobs can gzhan la grogs bcol zhing/ / phyogs ris med par 'gro rnams la// 'jigs pa rnams kyi mgon dang skyabs// dbul ba rnams kyi zas dang nor// 'phye bo rnams la gnas dang yul// dmang po rnams la srid dang sde// rmongs pa rnams la slob dang ston/ / phan bde'i gnas su gang 'gyur la// skad cig tsam gyis yi dga' ba// don du 'gro ba gzhan la ni// gang dag phan par bya ba nyid// phan la drin du rtsod pa dang// lan ma gzhal du 'dod pa dang/ / rnam par smin la re mi bya// 'dod pas phan sems sems khral 'byung// sdug bsngal nyid du de 'gyur to// gang gi sdug bsngal mthong ba'i tshe// bdag la nus pa yod bzhin du// de nyid don ni ma byas na/ / srog 'di gson pas ci mi rung// byas pa brjed pa dud 'gro'i bu// pha ma bslus pas skyabs dang bral// de bas sdug bsngal khur len pa'i// ma yi rjes su rang nyid 'jug/ bka' drin lan bzlog bzod par bya/ / thar par 'dod pa'i yid ldan rnams// thar pa'i lam du mi 'gro na// sems can las kyis sdug pa la// las ma zad par de mi 'dzad// gnas skabs phan yang mthar thug tu/ / slar zhing 'khor ba'i 'ching byed 'gyur// 'bar ba'i me la shing mnan bzhin// las kyi 'khrul 'khor skyed par byed// 'jig rten 'dod pa chung ngu de// sman chung tsam gyis dug chen bslang// dug gsum rtog pa stobs bskyed nas/ / bde ba mchog la rgyab phyogs 'gyur// 'gro ba smin par ma gyur na// sa bon tshig pa'i myu gu bzhin// phan btags pa la don mi 'byung// sdug bsngal ba la rgyun par gnas// 'khor ba 'di nas 'da' mi 'gyur/ / kun la khyab pa'i byang chub sems// gzhi la gnas pa'i sa bon de// lam gyi rkyen gyis bskyed byas nas// 'bras bu byang chub thob pa'i don// bdag pas gzhan gces lhag pa'i sems/ / gang mchis sangs rgyas chos kun mchis// sems can thams cad smin par nus// dmigs pa med las dmigs pa ni// rang gis brtse ba des mtshon nas// gang dag 'gro kun sdug bsngal ba'i/ / las kyis nyes pa'i chad pa rnams// bdag ni 'khor ba'i mthar gnas par// dmyal bar song yang bzod byas nas// gzhan gyis dka' ba dang du blangs// mgo dang rkang lag lus gtong ba'i// srog la bab kyang 'gyod med pa'i/ / rgyal srid la sogs lta ci smos// dran dang shes bzhin ldan pa yi// snying rjes sdug bsngal chen po ni// sems can don du bzod bya ba// 'di ni byang chub chen po'i lam// phyin ci ma log yang dag de/ / las kyis snying rje de min 'gyur// snying rje chen po khyad par che// las kyi snying rje 'khor ba ste// lhag pa'i snying rje don gnyis ldan// bzod pa dka' thub dam pa ni// mya ngan 'das pa mchog ces bstan/ / pha mas bu tsha bde 'khod nas// rang nyid sdug kyang tshim pa bzhin// bdag gis bde ba ji snyed pa// chags pa med par kun la gtong// rang nyid sdug kyang skrag pa med// slar zhing bde ba chen po 'phel/ / ma rungs gnod chen skyel ba la// phan pa che ru bya ba nyid// bde ba'i 'byung gnas sems chen po// byang chub sems dpa' mchog chen po// 'gro ba rnams kyi sdug bsngal las// skyob pa snying rje chen po ste/ / bde la 'khod pa byams pa yin// don gnyis spro ba dga' ba la// kun la phyogs med btang snyoms te// tshad med bzhi ldan byang chub sems// sems can yongs su smin byed pa// 'di ni skyes bu chen po'o/ / dam pa rnams kyi rjes 'jug pa// gnyis med rtogs phyir 'di nyid dgos// 'di dang mi ldan stag tshang du// wa skyes mi rung ltas ngan bzhin// sems can rnams ni bslus pa yin// rgyal ba'i sras su mi rung ngo/ / byang chub sems dang rab ldan pa'i// dus mtha'i me bzhin sdig can rnams// re re zhing du 'joms par byed// bskal par bsags pa'i mun pa yang// sgron mes skad cig sel ba ltar/ / thog med dus nas bsags pa yi// las kyi sgrib pa 'thug po yang// byang chub sems ni skad cig gis// dga' 'gyur gzhan gyis de ltar min// gal te tshul khrims skyon byung ba// gang gi sel bar mi nus pa/ / byang chub sems kyis sos par 'gyur// dge gzhan 'bras bu chu shing gi/ snying po 'byin pas zad 'gyur bzhin// byang chub sems kyis dge ba ni// rtag tu dpag bsam ljon pa bzhin// 'bras bu 'byin pas mi 'dzad 'phos/ / yon tan mtha' yas dpag med do// sems can rnams kyis mgon bcas pa'i// dge ba'i rtsa ba gang byas la// bu la phan byas ma dga' bzhin// rgyal ba sras bcas mgu bar 'gyur/ / sems can don byed ma gtogs pa// rgyal ba mnyes pa'i thabs gzhan med// 'di ni mchod pa chen po ste// bag chags rnams kyis ci mi 'grub// sems can rnams la brtse ba yi// chos la sems pa gang yin la/ / phyogs bcur bzhugs pa'i rgyal dbang po// bu sdug 'dra bar dgongs nas su// gzigs shing byin gyis rlobs par 'gyur// 'od kyis bskul nas dbang bskur byed// de yi mthong thos dran pa tsam/ / gla rtsi dang ni tsan dan dri// gang la reg pa dri 'gos ltar// sems can sdug bsngal nyon mongs sel// bde la shugs kyis 'khod pa yi// byang chub sems dang ldan par 'gyur// byang chub sems dang gang ldan pa/ / sdig bral bde ba ngang gis 'phel// gzugs dang kha dog yid 'ong zhing// ngag snyan sems la yi rang dad// ci byas mdzes shing sdug pa yi// kun gyis bskur zhing rab tu bsngags// 'gran zla bral ba'i rgyal sras zhes/ / 'jig rten lha mi'i phyag byar 'gyur// sems skyed pas ni gzhan don 'grub// yang dag byang chub rang gis thob// gnyis su med pa'i de bzhin nyid// sangs rgyas sa la rab tu gnas/ / yang dag mtha' bral brjod las 'das// theg pa gsar du zhugs pa yi// las can dang po'i sems can la// rjes su yi rang dang byed tsam// de dang de yi yon tan ni// stong gsum ri rab srang la gzhal/ / tshad bzung rung gi de lta min// de bzhin sa rnams 'bras bu ni// skyems skyed bzhin du rtsol med thob// rang nyid log lta ma skyes na// byang chub sems la gang gis kyang// gzhig cing gzhom du med pa ste/ / dper na rdo rje pha lam nyid// rdo rje nyid kyis ma bcag na// gzhan gyis gcog par mi nus bzhin// byang chub sems dpa' sems ma la// log par lta ba ma gtogs pa// gzhan gyis 'joms par mi nus la/ / gcig gis gcig la gnod byas na// de la mchod sbyin tshul khrims dang// bsam gtan thob pas skyob mi nus// log lta skad cig skyes pas kyang// yon tan thams cad brlag par 'gyur/ / byang chub sems ni gong skyes la// su zhig log par lta byed na// bskal par bsags pa'i dge ba yang// skad cig nyid kyis med par byed// de las byang chub sems ldan yang// sdig pa'i nang nas shin tu lci/ / ngan sems skyes pa'i drangs bzhin du// sdug bsngal mi 'dzad mnar med ltung// byang chub sems med 'jig rten gyi// 'bras bu brgya byin nyid dang ni// tshangs pa'i gnas kyang mi thob la/ / nyan thos rang rgyal ga la 'byung// sangs rgyas nyid ni ci phyir thob// sa bon med pa'i myu gu de// ji ltar 'bad kyang mi 'byung ngo// theg pa chen po'i mngon par rtogs pa byang chub lam gyi rgyud chen nam mkha' dang mnyam pa las/ / sems can yongs su smin pa'i le'u ste bzhi pa'o//// gang dag byis pa'i skye bo rnams// mya ngan 'da' bar gang bzhed pa// sangs rgyas bstan pa rin chen la// tshul bzhin 'jug pa 'di lta ste/ / ngan song gnas la 'jigs pa yis// 'khor ba'i chos la zhen log nas// so so thar pa'i sdom pa ni// snying rjes sems can thams cad la// mi dge 'dod pa spang ba ni// yul ni mkhan po slob dpon dang/ / dad pa'i dge 'dun tshogs pa la// gsol ba gdab la bslang bar bya// dal 'byor ldan pa'i rten la ni// thun mong skyabs 'gro tshul khrims skye// khyim pa dge bsnyen nyid dang ni/ / tshangs spyod rab byung tshul khrims bcu// dge slong pha ma rigs bdun po// so so'i bslab pa tshul bzhin bsrung// rten ni lus kyis sdom pa gtso// lus kyi spyod lam rab bsdams na// rgyal mtshan 'dzin pa'i tshul khrims gnas/ / dus ni lus de 'tsho yi bar// bsrungs pa'i phan yon 'di phyir 'byung// rang nyid 'khor ba las thar 'dod// 'bras bu gnas skabs lha mi la// ting 'dzin zin pas 'phags pa thob/ / phul lam shi 'am nyams pas stong// cho ga brjod pa'i tha mar thob// dang po 'khor ba'i zhen pa las// blo dman shes rab chung ba rnams// bzlog phyir so so thar pa bstan// 'khor ba'i sdug bsngal mtha' dag gi/ rtsa ba khyim na gnas pa de// khyim med sdug bsngal kun spangs pas// bde ba'i 'byung gnas kun gyi gzhi// mngon par rab tu byung ba tsam// nga yi bstan pa rgyas par byed// bskal bzang 'di la byang chub 'gyur/ / lha dang mi rnams dga' mgu ste// de la mchod pa tsam gyis kyang// sangs rgyas rnams kyis rjes su 'dzin// mnyam nas sangs rgyas kun smad nas// de yi nyes pa bsam mi khyab/ / tshul khrims sdom pa tsam gyis kyang// nyi ma mkha' la shar ba'i 'od// mun pa'i tshogs rnams zil gnon bzhin// nga yi rgyal mtshan 'chang ba tsam// skye bo mu stegs zil gyis gnon// sdug bsngal 'khor ba'i mun pa sangs/ / snang byed sangs rgyas bstan pa la// dmigs ldan rnams ni 'khod phyir ro// dmus long mi khom gnas na rmongs// khyim thab sdug bsngal btson rar 'khyams// 'di la rmongs pa su zhig thar/ / dang po'i las can pho mo rnams// yar la blo sems cher bskyed nas// shes rab snying rjer ldan pa yi// theg pa mchog la 'byung 'dod gang// sems can sdug bsngal kun mthong nas// rang 'dod zhi bde blo las log/ byang chub sems dpa'i sdom pa la// btang snyoms skad cig mi sdod par// bdag pas gzhan gces bsam pa yis// sems can kun gyi don gyi phyir// mkhas shing don dang ldan pa yi// byang chub sems dpa'i slob dpon la/ / lus dang bdog pa kun phul la// spyan sngar 'dug ste sems skyed blang// rgyu ni sdig pa med pa'i sems// khyad par skyabs 'gro skye ba yin// byang chub sems ni rnam pa gnyis/ / kun rdzob dang ni don dam mo// kun rdzob thabs la mkhas pa yis// sems can kun gyi don byed pa// smon pa dang ni 'jug pa'o// don dam gzod nas ma skyes pa// de rnams rang bzhin shes pa'o/ / sems dge ba ni kun dge bas// byang chub sems dpa'i 'du shes gtso// byang chub snying po ma mchis par// tshogs gnyis dge bas sgrib pa sbyang// sems can rnams kyi don gyi phyir// 'bras bu sa lam yon tan thob/ / log lta skyes na sems bskyed nyams// stong la sems bskyed sgor zhugs na// byang chub sems dpa'i bslab pa rnams// thob par nga yis legs par bstan// rang 'dod chags sdang ma spongs na/ / 'khor ba 'di la mi 'phags ste// zhi bde tsam du gnas pas kyang// rang gzhan don gnyis mi 'grub pas// kun mkhyen yon tan rtogs pa yi// bde ba chen po 'thob pa la// kun la phan sems 'byongs pa yi/ / mnyam pa nyid du 'char ba la// byang chub sems ni rab tu skyed// rang sems dge na gang byas dge// bsam pa bzang las sangs rgyas 'byung// sems bzangs po la bdud mi tshugs// rgya chen yangs pa'i sems la slobs/ / dper na rgyal po'i bu skyes pa// chung yang 'bangs rnams zil gnon bzhin// byang chub sems ni skyed ma thag/ nyan rang theg dman zil gyis gnon// shing rta chen po'i srol bzhin du/ / yod pa'i lam du mi 'gro ba'i// thabs dang shes rab chen po yis// bdag gzhan don gnyis mnyam du 'grub// byang chub sems gnyis dbyer med pa'i// lam 'di sems can kun gyi don/ / byang chub spyod mchog bdag gis spyad// snang srid rgyal ba'i dkyil 'khor la// dngos po'i mtshan ma grol 'dod pa'i// stong pa nyid kyi sgrib pa de// dag phyir rang rig ye shes su// dngos su rtogs phyir rigs 'dzin gyi/ / sdom pa gnyis med ye shes yin// bla ma sangs rgyas mthong ba yi// gus pa gsum gyis rten byas nas// sku gsung thugs kyi dam tshig blang// byang chub sems gnyis sngon song ba'o// bla ma'i mos gus dbang thob skye/ / thun mong spyi dang khyad par gyi// rtsa ba yan lag dam tshig rnams// rten lus rten byed sems gnyis po// dbyer med lhan skyes gtso bo yin// dus ni 'khor ba ma grol bar// rang bzhin gnyis med don rtogs pa'i/ / 'bras bu rang grol de nyid ni// myur du thob pa thabs kyis khyad// rang snang log na 'khor ba dngos// rang bzhin shes na sangs rgyas kyi// yon tan ye shes de ru 'thob/ / rang gzhan gnyis kyi 'bras bu de// grangs med la sogs bstan pa rnams// dam pa'i don du ma yin te// kun rdzob 'gro la thugs brtse ba'i// rgyu mthun de dag bstan pa yis// byang chub lam la 'gyangs pa'i phyir/ / rang rig ye shes mngon sum du// thabs la mkhas pa'i rten 'brel gyis// myur du gtan la dbab pa'i don// rigs 'dzin nang gi sdom pa bstan// sa dgu rtse yis bskal pa'i bar/ / bgrod pa'i lam de mkha' lding gis// yud tsam zhig gis bgrod pa bzhin// grangs med gsum gyi 'bras bu de// tshe 'di nyid la thob byed pa'i// 'bras bu can gyi ming nas 'bod// sems can thams cad sems gcig ste/ / rtog pa sna tshogs tha dad kyang// kun rdzob tha dad nges 'byung ba// sdom pa gsum yang 'bras bu ni// don dam theg gcig 'bras bu de// bla na med pa'i don thob phyir// bu tsha gzhon nu rgan po'i tshul/ / rim pa bzhin du yar ldan du// gong mas gong ma khyad 'phags shing// kun don yon tan gcig la rdzogs// sangs rgyas rnams kyi sdom pa'i mchog/ e baM rnam pa'i bde chen po// dbang gis yang dag ye shes kyis/ / rdo rje 'dzin pa thob par 'gyur// theg pa chen po'i mngon par rtogs pa byang chub lam gyi rgyud chen nam mkha' dang mnyam pa las/ tshul khrims sdom pa'i dbye ba'i le'u ste lnga pa'o/ /// tshul min las dang nyon mongs pa// rang khar spyod pa'i 'gro ba rnams// rnam par smin pa'i rang gzugs kyis// lus kyis so so'i las spyad pas// 'bras bu 'khor ba'i gnas ngan gyis// ngan song sdug bsngal bsags pa las/ / 'on te lhag pa'i dad pa yis// sdig pa mi dge'i las spangs pas// sdom pa yis ni tshul khrims dang// dge ba chos sdud tshul khrims dang// sems can don byed tshul khrims kyis/ / mi khom brgyad spangs dal ba yi// lha mi'i nang nas bde thob pas// bde gnas lus kyi gnas lugs de// ma nyams sems kyis bde ba thob// gnyis med byang chub sems kyi bcud/ / tshul khrims bsrungs las byung ba'i phyir// lhag pa tshul khrims bslab par brjod// 'dod yon lnga la ma chags par// zhen log lhag pa'i bsam pa yis// so sor rtog min ting 'dzin gyis// bsam gtan chag nas yon tan thob/ / 'khor ba'i chos la zhen log nas// so sor rtog pa'i 'gog pa yi// ting 'dzin nyan rang yon tan 'thob// bdag pas gzhan gces bsam pa yis// so sor rtog pa'i shes rab kyis/ / rnam par mi rtog ting 'dzin la// spyad pas byang chub yon tan thob// gnyis med ye shes rtog pa'i phyir// tshul khrims don la khyad 'phags pas// lhag pa ting nge 'dzin slob ces// shes rab chen po gcig nyid kyis/ / 'khor ba'i rang bzhin ma rig pas// 'khor ba'i mtshan nyid mi rtag pa'i// 'khor ba'i 'bras bu sdug bsngal bar// kun rdzob shes pa'i shes rab dang// 'khor ba'i rang bzhin shes pa yi/ / myang 'das rang bzhin rig pa de// myang 'das mtshan nyid 'gyur ba med// sku dang zhing khams bskyed rdzogs kyis// ting 'dzin yon tan mthar phyin pa'i// myang 'das 'bras bu bde ba de// gnyis med ye shes tshul 'chang ba'i/ / shes bya'i dkyil 'khor ma lus pa// rnam par rtog med lhun grub tu// phyogs bcu'i sangs rgyas zhing khams la// phyir mi ldog par shes rab ste// gzung 'dzin gnyis las grol ba'i phyir/ / lhan cig skyes pa'i rig pa de// lhag pa shes rab bslab par mdzod// bslab gsum dbang du mdzad nas ni// lhag pa'i ye shes rol pa ston// theg pa chen po'i mngon par rtogs pa byang chub lam gyi rgyud chen nam mkha' dang mnyam pa las/ lhag pa gsum gyi nges tshig bstan pa'i le'u ste drug pa'o//// byang chub sems kyi chos nyid de// ya tha rgyal ba'i dkyil 'khor nas// 'jigs tshogs srin du yan chad la/ / til la mar gyis khyab pa bzhin// che chung med par khyab gyur kyang// ma rig 'khrul pas don ma rtogs// dmus long lta bu'i 'khor bar 'khyams// ma rig rang rkyen ngan rtog gis// kun nas nyon mongs skyes pa na/ / de dang de yi snang bar bshad// de la zhen pas 'khor bar sdug/ dus gsum sems las 'dun pas na// de yi snang ba ngan song grub// dug gsum grol na ngan song grol// de phyir 'dun pa'i rtse la gnas/ / rang sems bzang rtog phan sems kyis// phyi rol de yi snang bar 'char// nang du sems la bde ba 'byung// phyi nang gnyis med lhan cig la// legs pa'i tshogs la rten 'brel bsgrig/ phun tshogs rang gis byas pa mchog/ sems dge ba de rtag tu bde// mi dge'i sdug bsngal mtha' med do// dper na rdo yi snying po de// gang phrad tshon gyis kha dog bsgyur// de bzhin kun gzhi'i rnam shes 'di/ / dang po gsar bu'i rtog pa de// bshes gnyen grogs ngan gnas ngan dang// bya byed spyod lam ngan pa yis// rams dang btsod kyi grogs bzhin du// de dang de yi snang bar 'gyur// rkyen rnams 'thun pa'i rten 'brel gyis/ / sdug bsngal thams cad skyed par byed// phyin ci log tu 'gro bas spang// rdul med pa la dri ma bral// chu shel snying po rkyen bral bzhin// dper na me mar snying po yis// mun pa zil gyis gnon pa bzhin/ / bzang po'i rkyen rnams 'dzom pa nas// ngan pa thams cad zil gnon cing// sdug bsngal thams cad bde bar 'char// 'khor ba mya ngan 'das su grol// ma dag dag pa'i sems nyid 'di/ / stong nyid snying rje dbyer med pa// khams gsum pa yi ngo bo nyid// bde dang bde bas khyab pa 'di// sems skyed pa ni rgya che bar// gzhan don rdzogs pa'i byang chub tu// 'khor ba myang 'das bde thob phyir/ / byang chub sems skyed rab tu brjod// kun gzhi snam bu dkar po la// kha dog bzo tshos rkyen gyis bsgyur// chos rnams thams cad rkyen gyis bsgyur// chos rnams thams cad rkyen yin te// 'dun pa'i stobs la rab tu gnas/ / gang gis smon lam ci btab pa// de 'dra'i 'bras bu 'byung ba'i phyir// 'gro rnams pha mar 'du shes na// snang ba de yi zhing du 'char// sems can lha ru 'du shes na// yongs grub sems nyid chos sku la/ / gzhan dbang rkyen gyis de ltar bsgyur// kun rtags spros bral rang rig nyid// gang ltar byas pa de ltar bas// 'dun smon stong pa rgya ma chung// theg pa'i khyad par 'di yi phye// bdag don sems can kun yang bsgrub/ / sdig pa nyan rang rnams kyang spong// dge ba lha mi'i gnas na byed// de yi 'khor bar nyam thag pa'i// rang gzhan ci byed grol ba min// kun grol don gnyis grub pa la// byang chub sems ni rab tu skyed/ / bdag gis lus ngag yid gsum gyis// sdig spang dus gsum dge ba'i mthus// btang snyoms skad cig mi bsdad par// rmi lam du yang mi brjed pa'i// 'dun pa rtse gcig ma bral bar/ / mkha' dang mnyam pa'i 'gro ba kun// pha ma bu yis mtshon byas kyang// phyogs ris med pa'i mnyam pa nyid// 'khor ba'i sdug bsngal chen po las// brtse ba'i snying rjes bsgral nas su// thar pa'i lam la tshud pa yi/ / byams shing drang ba'i sems kyis su// rdzogs pa'i sangs rgyas thob par bya// snyam du bdag gzhan dbyer med kyi// byang chub sems skyed smon lam btab// de yi smon lam mthar phyin pas/ / 'bras bu rang gzhan don gnyis kyi// sku gsum dbyer med dus gcig 'byung// rang gzhan snga phyi bzang ngan can// dman pa'i sems skyed nyan rang rgyu// rgyal po sngon la chu sgrol bzhin// rang nyid sngon la byang chub nas/ / sems can phyi la 'dren 'dod pa// byang chub sems ni 'khrul par 'gyur// lug rdzi kun gyis mjug sdud bzhin// sems can thams cad ma grol bar// bdag nyid 'khor ba gnas 'dod pa/ / byang chub sems ni stobs med 'gyur// de bas mtha' gnyis bral ba yi// thams cad mkhyen pa'i smon lam gdab// bdag nyid ci 'dra de 'dra ba// sems can kun la phan par 'gyur// byang chub sems skyed nam mkha' bzhin/ / rgyun chad med cing phyogs mtha' bral// byang chub smon pa'i sems skyed de// bu tsha'i dus kyi 'dun pa yang// mi chen gyur nas rdzogs pa bzhin// 'dun pa'i rtsol ba cher yod de// phal pa rnams kyis 'grub pa la/ / byang chub sems dpa' smos ci dgos// gang la zhugs pa'i sngon rol du// byang chub sems ni rab bskyed cing// don de nyid la 'jug pa dang// rjes su sems kyis bsngos pa na/ / stobs dang nus pa cher 'phel nas// gang la zhugs pa'i don kun la// mi nus mi shes mi 'grub pa// med par byang chub sems kyis 'grub// dus gsum sangs rgyas 'phrin las kun// 'jug pa nyid du smin pas byung/ / byang chub sems la phyogs med pas// sangs rgyas nyid la mtha' med do// byang chub sems la dmigs med pas// gdul bya nyid la rigs med do// byang chub sems la dus med pas// don gcig nyid la 'gyur med do/ / byang chub sems la 'dzad med pas// 'phrin las nyid la thogs med do// byang chub sems la gnyis med pas// bdud kyis brdzi bar mi nus so// smon pa yid bzhin 'jug pa la/ / lag len med pa'i sems bskyed ni// lag na yod kyang mi phan pa// dbul mo'i gter bzhin don mi 'byung// nus pa yod bzhin rang don sgrub// gzhan don mi byed dud 'gror skye// longs spyod yid bzhin tshogs mi sogs/ / ser snas bcings pas yi dwags skye// chos rgyus yod bzhin chos mi spyod// phyin ci log pas dmyal bar skye// byang chub sems bral bde ba med// de bas byang chub 'jug pa gtso/ / 'jug pa'i 'bras bu rgyun chags la// smon pa bzang yang gnas skabs tsam// blo gros dman pa'i le lo can// thun mong skyabs 'gro nas bzung nas// sngags kyi de nyid man chad kyi// sa bcu'i mthar phyin lam rnams la/ / blo dang 'tsham pa'i nus pa yi// bsam pa'i khyad par ji bzhin du// sems can kun gyi skyabs khas blang// slo dpon che la sems skyed blang// thams cad mkhyen nyid dbang por bzhugs/ / 'di nas bar med phyi ma'i mthar// smon lam gdab cing las 'phro 'thud// gzhan gyis bar du ma chod pa'i// skas kyi gdang bu lta bu ru// rim pa nyid la 'jug par bya// bla na med pa'i byang chub de/ / myur du rtogs par bya ba'i phyir// dper na rgyal rigs bu tsha ni// dbang bskur thag tu rgyal 'gyur bzhin// byang chub lam rnams skad cig gis// shes rab chen po cig car du// 'jug pa thun mong ma yin pa/ / bla na med pa'i rgyun du gsungs// ring bar 'dod lam ring rtags 'byung// thung bar 'dod lam de don rdzogs// 'jug pa rang nyid spyod pa dang// gzhan la ston cing 'khod pa ni// gnas skabs lam gyi 'jug pa yin/ / mthar thug sku gnyis don gnyis 'grub// gnyis su med pa byang chub sems// kun la khyab pa chos kyi sku// nyag gcig spros bral 'dus ma byas// thams cad mkhyen pa'i yon tan mtsho// byang chub sems la rang byung ba/ / lhun grub mi rtog rtog pa can// byang chub lam la gang zhugs pas// dad dang thos dang tshul khrims dang// khrel yod ngo tsha shes pa dang// stong dang shes rab rnam pa bdun// 'di dag 'phags pa'i nor bdun te/ / mi 'dzad gter du spyi la dgos// snod ma yin la de mi 'byung// byang chub sems kyi yon tan gang// sdig sgrib bdud dpung thams cad 'joms// tshogs gnyis dge ba zla ltar 'phel/ / bum pa bzang po dpag bsam shing// 'dod 'jo'i ba dang rin chen bzhin// rang bzhin kun gyi don grub pas// gzugs mchis nam mkha'i mthar mi shog/ rjes su dran cing rgya chen spel// spel ba'i tshogs gnyis sogs pa de/ / bsod nams zang zing mtshan bcas kyi// dge ba zag bcas la brten pa// rang gzhan don gnyis bsgrub pa'o// ye shes mtshan med dmigs med kyis// zag med dge la brten nas su/ / rang gzhan don du tshogs sog pa// thun mong pha rol phyin pa dang// spyi dang mthun pa'i sbyin sogs kyi// zhing bsam dngos gsum dag pa yi// dge ba 'khor gsum yongs dag tu// sngo bar byed pa'i tshogs rnams so/ / thun mong ma yin khyad par ba// sngags kyi smin byed sgor zhugs nas// bskyed rim bsgom pa bsod nams tshogs// rdzogs rim don ni ye shes tshogs// tshogs gnyis spel bas sgrib gnyis byang/ / byang chub rdzogs pa'i sangs rgyas don// gzhan yang smon pa'i dus nyid du// rang nyid dman pas zhum pa dang// sems can mangs pas dka' ba dang// dmu rgod rnams ni 'dul dka' dang// phan lan gnod byed rigs rnams la/ / srog la bab kyang blos mi gtang// sems can gcig gi bde nyams kyang// rang gi byang chub sems nyams ni// mang po blos btang nyes pa ni// bskal pa'i mthar yang dag mi 'gyur/ / slar zhing byang chub nan tan skyed// mchod par 'os pa bslus pa dang// dge la 'gyod pa skyes pa dang// sems can g.yo sgyus brid pa dang// sems bskyed pa dang smad pa dang// tshul ma yin pa spang bar bya/ / mchod 'os rnams la bsnyen bskur bstod// sems can thabs kyis dge la bkod// theg mchog dge la yi rang bya// sems bskyed pa la bsngags pa brjod// mi dge spong zhing dge ba la/ / phra zhib rdul gyi cha nas spyad// ma dad pa yi chos nyan dang// ma gus pa yi phyag 'tshal dang// mi spro ba yi mchod pa dang// mi mos pa yi bstod pa dang// dge ba nyes pa can yin yang// ma nus pa la nyes pa med/ / yang dag lam la gang zhugs pa// spyod pa pha rol phyin mchog nyid// sbyin pa'i ngo bo chags med dge// mtshan nyid yongs su gtong ba ste// dbye ba zang zing mi 'jigs chos/ khyad par chos kyi sbyin pa 'phags/ / mi mthun sar sna rnam par spangs// tshul khrims ngo bo dri med dge// mtshan nyid g.yo sgyu med pa de// dbye ba tshul khrims rnam gsum la// sdom pa dge ba don byed do/ khyad par zag med tshul khrims mchog/ mi mthun phyogs su bag med yang// bzod pa'i ngo bo sdang med dge// mtshan nyid 'khrul pa med par bstan// dbye ba sdug bsngal dang du len// ji mi mnyam zhing chos la sems// theg chen mi skrag bzod pa 'phags/ / mi mthun khong khro spang bar bya// brtson 'grus dge la spro ba la// mtshan nyid le lo med pa ste// dbye ba cha sbyin mthar phyin pa'i// lam mchog chos la brtson pa 'phags// mi mthun snyom las rnam par spang/ / bsam gtan ngo bo dge la gnas// mtshan nyid g.yeng ba'i rtog tshogs bral// bde gnas don rab 'byed pa dang// de bzhin nyid la dmigs pa'o// zung 'jug rnam par mi rtog bzang// mi mthun rtog pas g.yeng ba spang/ / shes rab ngo bo bdag med rtogs// mtshan nyid don rnams rab 'byed pa// dbye ba kun rdzogs don dam shes// zung 'jug thos bsam sgom pa gsum// thabs la mkhas pas bla na med/ / thabs kyi nang na smin grol mchog/ mi mthun phyogs su lhung ba yin// stobs kyi ngo bo spang bya 'joms// mtshan nyid spangs thob yon tan 'dzin// spongs dang thob pa yon tan te// zag med bde thob khyad du 'phags/ / dman pa'i blo ni mi mthun phyogs// smon lam don ldan dge ba'o// mtshan nyid dge ba chud mi za// dag dang ma dag the tshom gsum// dag pa'i smon la mchog tu bzang// phyin ci log pa mi mthun don/ / ye shes ngo bo thams cad mkhyen// mtshan nyid gang yang ma bsgrib pa'o// dbye na gzhi yi ye shes dang// cha mthun lam gyi ye shes dang// yon tan rab rdzogs ye shes dang/ / thams cad mkhyen pa khyad par 'phags// mi mthun sgrib pa gnyis yin no// bdag nyid spyod cing gzhan la sbyor// spyod pa kun la legs pa brjod// nyams su blangs pa'i don che ni// tshogs gnyis rdzogs pa'i bya ba ru/ / pha rol phyin bcu'i grangs bstan pa// sbyin dang tshul khrims bzod brtson bzhi// bsod nams tshogs rdzogs bya bar dgos// bsam gtan shes rab ye shes tshogs// thabs stobs smon lam ye shes bzhi/ / theg chen 'jug pa'i khyad la dgos// gzhan drug theg pa chung la yod// thun mong pha rol phyin drug yin// pha rol phyin pa bcu yis su// go rim nges par ma nor bas// sa bcu rdzogs pa'i yon tan thob/ / thabs mkhas nang gis phar phyin bcu// lus la ma zhen sbyin pa'i mchog/ ti la ma nyams tshul khrims te// sdug bsngal mi brdzi bzod pa mchog/ yengs pa med pa brtson 'grus la// g.yo ba med pa bsam gtan gnas/ / 'khrul pa med pa'i shes rab kyis// bde ba chen po thabs kyi mchog/ thabs chen pha rol gnyis med stobs// smon lam dbyer med lhan cig skyes// rab byung ye shes 'od po che// srid pa'i mun pa ma lus bsal/ / dpal ldan dang po'i sangs rgyas so// rgyal ba'i thugs rje'i gzugs sku ni// skye ba med pa'i yig 'bru mchog/ a yi dbyings nas rang byung ba// ka sogs nam mkha'i yi ge dang/ / tsa la sogs pa rlung gi sgra// ta sogs me la sa sogs chu// la sogs sa yi rang sgra las/ khams drug yi ge'i gzugs su ni// sems kyi ri mo bris pa yis// tshig dang don dang glegs bam du// 'gro ba kun gyi don phyir du/ / rgyal ba'i pha rol phyin bcu tshogs// yi ge 'bri dang mchog sbyin dang// 'chang dang klog dang kha ton bya// don sems 'chad ci yid la bya// tshul bzhin du ni bsgom pa bcu// bdag gzhan 'di phyi'i don grub bar/ / byang chub lam gyi spyod pa mchog/ shes rab rgyal ba kun gyis gsungs// chos spyod bcu la gang brtson pa// lha dang 'khor lo sgyur ba dang// mi yi gnas nas byang chub thob// log pas ngan song dbul por 'gyur/ / sgyur byed bsam pa gtso che'o// byang chub sems dpa' mkhas chen po// gzhan don 'phongs pa sbyin pas bsdu// snyan par smra ba'i thabs kyis bsdu// rigs par mthun pa'i spyod pas bsdu/ / 'dod pa grub pa'i don gyis bsdu// sems can rnams kyi bsam pa bzhin// ji ltar 'dod mthun spyod pa yi// byang chub sems la rab tu dgod// byang chub sems dpa'i bslab pa rnams// pha rol phyin pa bcu yi tshul/ / bslab pa gsum du 'dus par ni// rgyal bas chos kun nang du bstan// lhag pa tshul khrims bslab pa rnams// zag bcas lha mi'i tshul khrims la// zag med bde ba'i don mthong bas/ / 'phags pa dgyes pa'i tshul khrims yin// lhag pa ting 'dzin bslab pa kun// zhi gnas ting 'dzin rtse gcig pa// 'khor ba ma dag ting 'dzin la// lhag mthong ye shes rtog pa ni// mya ngan 'das pa'i ting 'dzin yin/ / lhag pa shes rab bslab pa kun// rgyu 'bras rten 'brel shes pa 'byung// kun rdzob 'khor ba'i shes rab la// rang bzhin gnas lugs shes pa ni// chos kun khong du chud pa yi// shes rab ye shes chen po yin/ / ye shes ye shes khyad par che// ye shes ldan pas kun don shes// kun don yon tan gsum gyi bdag/ mkhas pa sgyu 'phrul sna tshogs 'chang// 'gro ba'i mar me ye shes sgron// byang chub sems la phyag 'tshal bstod/ / bde dang sdug bsngal las skyes pa'i// kun rdzob lus la bde bas khyab// bde ba nyid ni sdug bsngal bas// bde ba ma nyams tshul khrims mchog/ nyams pas sdug bsngal skyed pa'i gzhi/ / byang chub sems spangs yon tan bskams// bde chen 'khor lo'i thabs kyis ni// bde ba las ni bde ba skye// kun rdzob kun da lta bu ste// don dam bde ba'i gzugs can du// snang srid kun la khyab pa yi/ / byang chub sems ni rab tu skyed// thams cad ro snyoms lhan cig skyes// rnam par mi rtog yang dag don// sems can kun gyi don gyi phyir// chos dbyings dam pa'i byang chub sems// spros bral thig le nyag gcig dbyings/ / theg pa chen po'i mngon par rtogs pa byang chub lam gyi rgyud chen nam mkha' dang mnyam pa las// byang chub sems dpa' smon lam gyi mthus 'bras bu 'grub par bstan pa'i le'u ste bdun pa'o/ /// gnas lugs chos nyid cig gis ngang// ma rig kun rtogs rig pa 'di// tha dad snang ba so sor spyod// skye bo rnams ni rang kha ma// phyi rol pa rnams log par rtogs// nang pa phyogs rtogs yang dag rtogs/ / rgyal bas gsungs pa'i don gcig la// dbang po'i rim pas so sor go/ theg pa'i khyad par 'bras bu dang// dus ni lta spyod khyad par yin// khams gsum gnas na 'dod pa yi/ / lha mir bcas pa'i theg pa 'di// ma rtogs 'jig rten 'dus byas la// rdzun par ma shes bde 'bras 'dod// tshe 'dir zhen pa'i lta ba la// 'khrul pa'i snang ba yengs med bsgom// spyod pa dge sdig lung ma bstan/ / 'bras bu 'di dang phyi ma ru// bde 'gro ngan song 'khor ba yi// sna tshogs nges med sdug bsngal grub// blo ma log na thar mi 'gyur// nam zhig blo bsgyur da 'bras 'byung// sems can mkha' las grol 'dod phyir/ / phyin ci log gi lam la zhugs// bdag tu 'dzin pa'i phung po lnga// 'di phyi bar do thams cad du// gcig pu nyid kyis byas pa yin// thams cad rtag pa nyid du 'dod// mi rtag 'byung ba bzhi po yin/ / rtag pa'i skyes bu mkha' la sdod// 'jig rten 'di nas pha rol du// phung po nyid mtshams sbyor ba 'khrul// rtag pa'i skyes bu dkar la 'dril// sems can kun gyi snying dkyil na// bungs dang sbyar ba'i re re yod/ / de yis thams cad byed pa yin// rtag pa chen po gcig nyid la// dper na nam mkha' gcig nyid la// snod mangs nang du dum bur chad// de bzhin sems can ngar 'dzin gyis/ / rtags pa dum bur mi rtag chad// ngar 'dzin spangs na gcig tu 'gro// bdag nyid rtag pa'i grangs can 'dod// chad par lta bar rgyang 'phen pa// tshe la snga dang phyi ma med// da lta blo bur byung ba yin/ / dge sdig las dang rnam smin med// sems can sangs rgyas bde sdug med// me shi thal ba rlung khyer bzhin// shi nas ci yang med par lta// gnyis mthun spyad dang dbang phyug bsgom// mchod legs sems can bde legs 'byung/ / ma legs sdug bsngal 'byung bar 'dod// gcer bu thal bas lus byugs shing// ral pa'i khur bu 'phreng bas brgyan// mdung thung mi mgo'i lag cha thogs// spyod pa dbyug gu gsum pa dang/ / dud 'gro ma yi dka' thub spyod// 'bras bu 'di nas 'phos ma thag/ rnam smin rgyu 'bras mi 'dod pas// chad lta mnar med dmyal bar skye// gzhan yang ngan song gnas su lhung// blo log thar pa thob bam ci/ / 'khor ba 'di las blo log nas// dge ba'i bshes gnyen chos nyan pas// nga dang bdag tu 'dzin pa yi// nye bar len pa'i phung po lnga// mi rtag sdug bsngal stong bdag med// gang zag bdag tu 'dzin pa de/ / bdag med tsam zhig ma rtogs pa// chos kyis bdag med ma rtogs pas// phyi rol gzung ba'i yul la ni// rags pa rdzas ni dngos po 'dod// phra ba rdul phran si lu ma// rdul rnams bskor ba'i bar bar na/ / cha med rdul rnams shong bar 'dod// mdo sde pa yi lta ba de// bye brag smra ba phra rag rdul// rdul phran cha med gcig tu 'dod// gnyis ka 'dzin sems de mi spong// skad cig cha med phag na mo/ / bden pa bzhi la 'khor 'das gnyis// rgyu 'bras spang sgrub byed pa yi// shes pa skad cig mi rtag par// rgyun bcas 'gog pa'i ting 'dzin bsgom// spyod pa rang don tshul khrims bsrung// gzhan gyi don ni mi nus shing/ / dur khrod dgon pa shing drung dang// bla gab med par ji bzhin gnas// phyag dar khrod dang phyis pa// chos gos gsum pa'i gos gyon zhing// stan gcig bsod snyoms thar chags pa'i// phyis mi len pa'i zas spyod cing/ / cog pu'i spyod pa la sogs pa// sbyangs pa'i yon tan brtan pa yi// rgyun du zhugs nas dgra bcom par// brtson 'grus rab kyis tshe gcig 'grub// 'bring gis lan cig phyir 'ong ba/ / lus gcig blangs nas phyi ma ni// phyir mi 'ong ba'i 'bras bu dang// tha mas skye ba gsum blangs nas// dgra bcom pa yi 'bras bu thob// rang rgyal bskal pa mang po nas// sdug bsngal chos la blo log kyang/ / byang chub sems dpa'i g.yeng bas 'jig/ rang lus ting 'dzin mes sbyangs nas// sangs rgyas mi 'byon sa phyogs su// smon lam btab nas skyes pa yis// slob dpon med par dur khrod du/ / shi ba rus la brtag pa yis// 'khor ba rten 'brel lus la byung// shes na lugs bzlog ma rig pa// bkag nas bsgom pa tshe sngon gyi// ting 'dzin ldan pa rang sangs rgyas// gang zag bdag med cher rtogs steng/ / gzung yul sems kyi cho 'phrul du// shes kyang sems su ma rig pas// chos kyis bdag med phyed rtogs te// gzung yul bcom pa'i 'dzin sems ni// thun mong phag na tsam du 'dod// don dam stong pa nyid du ni/ / 'gog pa'i ting 'dzin bsgoms pa yis// bsgom par mi sad myos pa 'byung// spyod pa nyan thos rnams dang mthun// mang po ne tso'i khyu tsam lding// rang sangs rgyas kyi yon tan ni// rab kyis mi tshe nyi shu dang/ / 'bring gis drug cu tham pa ni// bse ru lta bur rang sangs rgyas// 'gro don lus kyis rta yin byed// zhi bde chos la blo log pa// rnal 'byor spyod pa'i sems tsam ni// phyogs med bdag med sems rtogs pas/ khams gsum 'di dag sems su shes// rnam par shes pa'i tshogs brgyad po// rang rig rang gsal nyid du ni// mtshan nyid gsum du 'dus pa ste// chos kun spyi dang bye brag tu// sna tshogs ming btags mtshan mar ltar/ / tha snyad 'dogs pa kun rtags zhes// ma rig 'du byed rkyen gyis skyes// rang bzhin skye med gzhan dbang ste// de rnams rang bzhin 'od gsal ba// dbyer med ci yang 'grub med don/ / yongs grub ces su bshad pa la// phyi rol snang ba dkar dmar rnams// rnam pa sgyu ma tsam du ni// rnam bden so sor bden par 'dod// don dam shes pa'i yul las 'das// de yang dri bcas dri med pa/ / sems la ma dag dag par 'dod// rnam rdzun snang ba dkar dmar kun// phyi rol rdzun la nang du rdzun// dngos med 'khrul pa'i snang ba la// sna tshogs du mar snang ba yang// yang dag bde shes gcig las med/ / dper na chu nang zla ba bzhin// gcig las cho 'phrul sna tshogs pa// gsal byed gzhan las ma bltos par// mtshan nyid gsum ga rang la tshang// bsgom pa byang chub sems nyid la// spyod pa gzhan don mi dge spongs/ / pha rol phyin pa bcu la spyod// 'bras bu rang rig rang gsal du// gzhan las ma byung byang chub 'dod// sangs rgyas rnams kyis chos gsungs gang// bden pa gnyis la yang dag brten/ / chos can kun rdzob bden pa dang// chos nyid don dam bden pa la// mtha' bral gshis kyis dbu ma 'o// kun rdzob yang dag sangs rgyas de// ma rtogs sgrib phyir kun rdzob ste// thog ma bar dang mthar bsgrangs pa'i/ / 'khrul pa'i snang ngor bden pa la// yang dag log pa'i kun rdzob gnyis// kun rdzob rten 'brel chos rnams kun// rgyu 'bras mi bslu thad kar bden// mthun par snang zhing don byed nus/ / rang bzhin brtags na bden pa de// rang gi sems su shes pa yi// bden rdzun grol ba yang dag yin// sgyu ma smig sgyu chu zla la// rdzun la bden par gzung ba yis// bslus pa log pa'i kun rdzob ste/ / 'khor bar de yis 'ching bar 'gyur// thog mtha' 'gro 'ong med pa yang// chos rnams kun gyi chos nyid don// dam pa'i rang bzhin 'gyur med de// bslus pa med pa yang dag pa// don dam pa yi bden pa zhes/ / rnam grangs stong nyid du ma rnams// rang bzhin dag pa'i chos nyid kyi// bye brag phye ba'i bden pa yin// rnam grangs ma yin spros dang bral// dus gsum 'gyur med mnyam nyid yin// de rnams rang rgyud 'dod pa la/ / snang ba kun rdzob tsam du ni// sgyu ma tsam gyis bden par 'dod// don dam du ni snang ba 'di// sgyu ma tsam yang med pa yi// nam mkha' lta bur mi dmigs kyis// 'bras bu de bzhin nyid thob 'dod/ / 'thab bral gshis kyi dbu ma ni// yod dang med pa'i mtha' bral zhing// mtha' gnyis mi gnyis mnyam nyid 'dod// phyi ma'i dus na 'di nyid la// gcig dang bral ba la sogs pa'i// rang gis kha ni mi ches shing/ / gzhan gzhan grub mtha' sun 'byin pa'i// thal 'gyur ba yi dbu ma ni/ khas len bral ba'i lta ba 'byung// stong nyid snying rje'i bsgom lo can// spyod pa pha rol phyin sogs la// 'bras bu myur na grangs med gsum/ / zhen pa'i chos la dus med do// sngon bsgyur dbang thob sngon byung du// sa bcu'i lam la rab gnas pa// thub pa chen pos zab pa'i gzung// dngos dang stong pa'i zhen pa las// ldog phyir rig pa 'dzin pa ni/ / bdag med chos rnams thams cad kun// kun rdzob bdag med dam tshig la// bran bzhin dmigs pa'i 'og min nas// ye shes sems dpa' rgyal ba'i tshul// bris shing yid kyis dmigs pa la/ / spyan drangs dbang bskur bzhugs gsol zhu// de la gtsang ma'i mchod pa phul// dngos grub de yis thob pa ni// kri ya ba yi lta ba'i yin// sgom pa don gyi lha drug la// spyod pa khrus dang gtsang sbra byed/ / 'bras bu mi tshe bdun tsam na// rigs gsum go 'phang thob par 'dod// yo ga dam tshig sems dpa' ni// rang lus bsgom pa g.yog por lta// ye shes sems dpa' dpon gyi tshul/ / spyan drangs rang la bstim nas su// sngags dang phyag rgya bsgrub byas pas// phyag rgya ma bkrol bar du ni// ye shes sems dpa'i ting 'dzin gyis// rang nyid de bzhin gnas 'gyur lta// byang chub lnga yi lha bsgom zhing/ / mchod yon sngags dang phyag rgya yis// spyod pas tshogs rdzogs dngos grub len// 'bras bu rnam snang go 'phang ni// mi tshe gsum gyis thob par 'dod// u pa lta ba yo ga la// spyod pa kri ya dag dang mtshungs/ / 'bras bu rigs lnga'i go 'phang ni// mi tshe skye ba lnga yis thob// kun brtags phyi nas re ba'i phyir// sngags ni phyi pa zhes su brjod// snang srid chos kun bskyed pa yi// rig pa rang gsal rdo rje 'di/ / dngos 'dzin thabs kyis dgrol ba'i phyir// kun rdzob lta ba'i sku ru bskyed// dngos med stong pa dag pa'i don// lha kun don dam spros med bdag/ shes rab rig pas rtogs pa yis// snang ba lha yi dkyil 'khor du/ / thabs dang shes rab sgom pa ni// ma hA yo ga'i lta ba la// dam tshig ye shes gnyis med du// sgom pa lha dang ma bral ba// dkyil 'khor chen por mchod pa la// spyod pa 'phrin las rnam bzhi bsgrub/ / 'bras bu skye ba gcig la ni// mi skye'i chos la spyod pa yid// rdo rje dbyings kyi yon tan thob// thabs mang dka' med bslabs pa ste// dngos dang dngos med thams cad kun// skye med dbyings kyi dkyil 'khor na/ / rig pa rang 'byung 'od gsal la// lha sku ma bskyed rdzogs pa yi// dran pa tsam gyis snang ba 'di// sku dang ye shes zhing du gsal// dbyings dang rig pa gnyis su med// stong pa de nyid 'bras bu yin/ / bsgom pa'i ting 'dzin rnam gsum las// bsnyen bsgrub rnam bzhi sgor zhugs na// spyod pa ta na g+ha na yis// tshe 'di nyid la mchod thob pa// a nu yo ga'i rnal 'byor yin// ye nas snang srid snod bcud kun/ / ma skyes rang byung chos nyid mkha'// kun tu bzang po'i rang bzhin la// sangs rgyas chos kun ma lus rdzogs// lhun grub 'gyur med rdo rje gdan// don gyi dam pa rnam dag dpal// yang dag rdzogs pa der sangs rgyas/ / sprul pa po rnams 'dir sangs rgyas// rgyal po sgyu 'phrul sna tshogs 'chang// thams cad gcig gyur nan tan nyid// rdzogs pa chos nyid dag pa ste// bsam brjod bral ba'i ye shes la/ / 'bras bu gdod nas lhun gyis grub// mi rtag chos rnams rtag par zad// kun tu bzang po kun bdag nyid// rdo rje sems dpa' nam mkha' che// don gnyis ldan la phyag 'tshal bstod// 'khor ba 'di nas thar pa'i don/ / sangs rgyas chos kun mnyam nyid las// dmus long g.yang la bskyur ba bzhin// phyin ci log tu khrid pa rnams// log pa'i steng du yang log bsnan// log lta sde drug rjes 'brang ba/ / las kyi sgrib pa 'thug po bsags// mi shes long ba'i rdzu 'phrul gyis// bskal par mun pa'i gnas su 'khyams// sangs rgyas che ba'i don 'dod phyir// 'ga' zhig 'khor ba'i mthar mi gnas/ / 'phags pa ma yin de ltar min// bdag bstod gzhan la smod pa yin// phyin ci log ste sems dpa' yang// spangs pas thob pa'i yon tan te// thabs la mkhas pa'i skyes bu yin// dman dang byis pas de mi shes/ / ma shes gzung 'dzin mtha' la zhen// 'khor ba 'di nas thar par dka'// de bzhin nyid rtogs kun 'dod kyang// ma rtogs 'bras bu so sor thob// theg pa'i mtha' la thug med pas// theg chen lam la ma zhugs na/ / nyan thos rang rgyal theg pa yang// blo dman so so'i skye bo rnams// lam la drang ba'i thabs tsam la// yang dag lam gyi gegs yin te// 'gog pas myong ba'i ting 'dzin gyi// bskal pa'i bar du lam la bsgribs/ / phal cher mu mtha' med par sgrim// dmyal ba gtan gyi gegs ma yin// nyan thos theg pa gtan gyi gegs// 'ga' zhig rang gnas byang chub de// sangs rgyas byin rlabs 'od kyis bskul/ / theg chen chos la 'jug srid kyang// dper na chu rgal lan cig la// rje bcangs gnyis su mi byed bzhin// byang chub sems gnyis lam la ni// da lta sngon du 'jug par bya// phyi ma'i yid smon lag rdum mda'/ kha tsam tshig las don la dka'// de bas da lta don 'di bsgrubs// las kyis 'phro 'thud so nam bzhin// 'bras bu dus gsum smin par 'gyur// gol 'chug med pa'i lam chen la// gsang sngags pha rol phyin pa gnyis/ / bsgrub bya'i don du gcig pa na// gnyis su bstan pa don ci yod// mi gcig so sor song ba ni// gcig la dgos pa med par 'gyur// de don gcig par mgon por gsungs/ / don chen lhun du 'grub 'dod par// 'ga' zhig lam rtags sos dal bar// thag rings lam la bskor nas 'gro// 'ga' zhig myur du bsleb 'dod pas// nye ba'i gsang lam gcad nas 'gro// de gnyis lam gyi khyad las su/ / bsleb dus don 'go gcig pa bzhin// rim gyis cig car don yang de'o// mos pa'i 'dun pa so so yin// lam gyis mi mthun khyad par che// phar phyin dang po'i tshogs lam nas/ / sems can don du sems bskyed nas// sbyor lam drod rtse bzod pa dang// chos mchog nas ni mthong lam bar// grangs med gcig gis lam sbyangs pas// mthong lam slob pa'i zung 'jug gis// chos nyid bden pa'i don mthong bas/ / rab tu dga' ba'i sa non te// yon tan brgya phrag bcu gnyis 'char// de nas sgom lam sa brgyad par// gong nas gong du 'phel ba yi// grangs med gcig la mi slob pa'i/ / sgom lam yon tan phyir mi ldog/ grangs med gcig tu bsgoms pa las// yon tan bcu 'gyur rim pas 'phel// sa bcu mthar phyin yon tan rdzogs// mi 'gyur rdo rje'i dkyil 'khor du// bcu gcig kun tu 'od chen po/ / bla ma sngags kyi lam du ni// slob ma yongs su smin byed pa'i// slob ma rang rig bdag nyid che// phyogs bcu'i sangs rgyas kun lhags nas// rang rig ye shes mngon sum du// sa bcu'i byang chub sems dpa' la/ / ston pa yongs su grol byed pa'i// dbang bskur dgos pas gsang sngags mchog/ de med sangs rgyas mi 'gyur bar// mkhyen pa'i ye shes dbang bskur ni// de ltar sa yi yon tan brtags/ / tshon rtsi ri mo sna tshogs pa// ri mo mkhan gyis byas pa las// gzhan nas 'byung ba ma yin bzhin// rang gi sems kyis byas pa yis// ting nge 'dzin gyi rang snang la// gzhan gyi snang bar 'byung ba dka'/ / byung yang dper na rmi lam du// ngo mtshar can gyi mchod rten la// mas gyis rim pas 'dzegs pa yis// gdugs kyi steng du bslebs tsa na// gnyid sad bden med 'gyur ba bzhin// gnas skabs lam gyi rtags tsam yin/ / mthar thug don la yod med 'dra// lam der sngags kyis ma zhugs pas// de yi ting 'dzin ma sbyangs don// sa bcu'i rtags rnams ma byung yang// lam gyi bgrod pa khyad par med/ / byung yang sngags kyi lam stegs tsam// rim skyed pa yi chos lugs yin// sngags kyi lam ni bla ma la// brten cing mos pa tshogs kyi lam// bka' bzhin bsgrub pas byin rlabs zhugs// nyams len shes pa sbyor ba lam/ / snang srid spros bral lha yi sku// bskyed rim bsgom pa mthong ba'i lam// ba spu gcig gi steng du yang// lha sku 'bum phrag bskyed nus pa// yon tan brgya phrag mang po'i mchog/ rang gi sems kyi rnam 'phrul yin/ / pha rol phyin la de med de// sngags kyi lam la 'byung ba yin// rdzogs rim shes pa bsgom pa lam// dbang rdzogs mthar thug phyag rgya che// tshe gcig 'di la mngon sum du// cig car rtogs pa sngags kyi lam/ / don gcig lam la mi mthun pa// shel sgong dag pa gzhi ma yin/ kha dog gang bstan der 'gyur yang// shel gyi don la 'gyur med bzhin// gnas skabs lam snang mi mthun yang/ / mthar thug gdod nas ma skyes pa// chos dbyings ye shes snying po ni// lhun grub don du dbyer med gcig/ theg pa gcig gi 'bras bur gnas// gsang sngags bla na med pa'i chos// sangs rgyas thog ma tha ma med/ / dang po'i sangs rgyas rgyu med pa// ye shes mig gcig dri ma med// mkhyen pa'i ye shes zhing khams mthong// ma btsal lhun grub e ma ho// theg pa chen po'i mngon par rtogs pa byang chub lam gyi rgyud chen po nam mkha' dang mnyam pa las/ / 'jug pa'i lam theg pa'i bye brag bstan pa'i le'u ste brgyad pa'o//// byang chub sems kyi chos nyid de// lus kyi tshul gyis rnam par dag/ lus ni rtsa yi dra bas te/ / gzugs dang kha dog rnam pa can// rtsa skyed lus kyang bskyed par byed// rtsa gud lus kyang nyams par byed// rtsa la rlung skyed 'phro 'du dang// dran pa g.yo zhing ldeg par byed// rlung las khams skyed bde sdug dang/ / rtag dang mi rtag de yis byas// don dam kun rdzob gzugs can gyi// byang chub sems ni skyed par byed// nor bu bai DUr kha dog de// dkar ser khra bo la sogs pa// shun pa'i rkyen gyis bsgyur ba bzhin/ / byang chub sems kyi chos nyid de// rigs drug so so'i lus kyis su// de dang de yi snang bar 'gyur// byang chub sems ni gcig nyid la// 'gro ba so so las la spyod// khyad par rdo rje'i lus 'di la/ / lus bde bas ni sems kyang bde// lus sdug pa la sems sdug cing// mo yi lus la sems kyang mo// de bzhin pho dang ma ning dang// rgan dang gzhon dang dar ma dang// spyod lam legs nyes lus kyis bsgyur/ / lus kyi rnam pa 'gyur tsam na// sems ni de yi snang bar 'gyur// mi yi lus la brten nas su// dge sdig dam chos las spyod pas// 'di phyi gnyis kyi bde sdug dang// 'khor ba mya ngan 'das pa 'byung/ / mthar phyin pa yi 'bras bu yang// gnas skabs lus kyi byed pas bsgyur// lus kyang sems las byung ba ste// ngan 'gro'i gnas na bde med 'gyur// lus gnas lus kyi byed pa'o// lus ni me ltar rkyen kha la/ kha zas sman dang 'dra bar rigs// chags sdang sdig dang 'dres pa yi// rgyags dang sred 'phongs phyi ma legs// lus ma gru yi blo bzhag ma// bcud len gyis ni lus bzungs bskyed// 'tshol ba'i thabs kyis srog bstan pa'i/ / dbang po gsal phyir lus rtsa dgos// nyes pa'i rtsa ba khyim pa'i las// lus kyis bag med spyod pa dang// de yi ngag gi 'brel med gtam// don med yid kyi bsam mno yi/ / sgo gsum spyod pa rab tu gdam// bag chags dri mas ma gos pa// 'dam skyes me tog lta bu'o// bag med spyod pa'i tshul spangs shing// gnas grogs gos dang spyod pa yi// bzang po'i rkyen gyis lus bsgyur zhing/ / spyod lam rnam bzhi mdzes pa dang// ngag nas chos kyi gtam brjod pas// yid la de nyid ma yengs 'char// lha ltar bskur ba'i yon tan de// tsan dan dri'am tshos bzhin du// bag chags goms pa lus spyod kyis/ / sems kyi snang ba de bzhin bstan// bu chu rigs bye lta bu'o// lus kyi spyod pa sems bskyed pa// phyi yi phyag 'tshal skor ba bsogs// sems kyi sgrib pa 'dag par byed// nang du mnyam pa gsum gcun pas/ / sems kyi rtog pa dbang du sdud// gsang ba lus la bde spar ba// sems la rtogs pa'i ye shes 'char// thams cad lus gnas 'ba' zhig ste// don dam sems kyi bde ba de/ / lus la brten pa rtogs pa'i phyir// don dam kun rdzob gzugs can brjod// byang chub sems ni lus la gnas// lus gnas lus las ma skyes pas// sems ni so dang rus pa min// de bzhin rtsa dang chu rgyus dang/ / pags pa sha dang nang khrol dang// khrag dang chu ser zhag dang tshil// snabs dang ngar snabs dri ma gcin// klad pa skra dang ba spu dang// gzugs dang kha dog sems min pas// lus ni sems min gsob dang zog/ chang khu ston pa'i sbang ma bzhin// mi rtag 'jig pas sems min pa// lus ni kun rdzob gzhan snang tsam// rang snang sems la lus ma mchis// mdangs sum rmis pa'i rmi lam bzhin// lus ni gar yang ma dmigs so/ / lus de sems kyi rang lus de// gal te lus de sems min na// sems de lus kyi phyir gnas sam// gnas na phyi nang phyogs rigs gang// yang dag par ni ma mthong na// sems de lus kyi nang gnas sam/ / che chung ring thung dbyibs ni gang// der ni yang dag ma mthong na// sems de phyi nang gang na gnas// gang du yang ni ma mthong na// gnyis ka med par mi dmigs pas// dper na sgra dang pi wang bzhin/ / lus las logs na sems med de// sems dang lus gnyis zung 'jug yin// shi ba'i ro la sems ma mchis// sems la shi ba'i ro ma mchis// skye shi sems kyi 'phel 'grib yin/ / sems las byung ba'i rnam shes drug/ mig dang rna ba sna lce lus// yid gzugs sgra dri ro reg chos// gnyis su ma yin gnyis su med// so so ma yin tha mi dad// dbyer med don la lhan cig skyes/ / gcig pu dran pas kun dran zhing// gcig pu 'gags pas kun 'gags pas// skye 'gag gnyis med gcig pa nyid// de bzhin nyid du ngas bstan to// de bzhin nyid kyi sems nyid de// gcig dang mi gcig spros dang bral/ / dngos po ma yin mtshan ma med// stong pa ma yin cir yang gsal// 'gag pa ma yin rgyun du yod// skyes pa ma yin 'phel ba med// gang du mi gnas mnyam pa nyid// don dam pa yi byang chub sems/ / nam mkha' bzhin du kun la khyab// brtan dang g.yo ba'i dngos po kun// 'jig rten 'jig rten 'das pa kun// kun byed rgyal po sems yin no// sems kyi rang bzhin byang chub sems// mi 'gyur g.yung drung chos kyi sku/ / ma g.yos par ni kun ston pa// thog ma'i ston pa'i bcom ldan 'das// kun gyi yab mes khyed la bstod// theg pa chen po'i mngon par rtogs pa byang chub lam gyi rgyud chen nam mkha' dang mnyam pa las/ / don dam byang chub kyi gnas lugs lus sems kyi brda la brten pa bstan pa'i le'u ste dgu pa'o//// tha mal gnas pa'i 'gro ba rnams// srid pa'i bde sdug shes pa la/ / las kyi dgag sgrub ma shes pas// dug gsum mi dge shugs kyis 'phel// ngan song gnas na mu mtha' med// dge ba phra mo tsam gyis kyang// bde 'gro thob pa'i rgyur 'gyur na// byang chub thob pa'i don ched du/ / bsod nams tshogs chen cis mi sog/ de bas rgyu rkyen gnyis 'dzom dus// bsod nams dge ba'i tshogs mchog spel// de yi yon tan ches mang ngo// sangs rgyas 'gro la thugs brtse'i phyir/ / dngos dang gzugs brnyan sku gdung dang// ring bsrel mchod rten mchod pas mnyes// sangs rgyas chos dang 'phags pa'i tshogs// rgyal sras rnams ni byon gyur nas// gang gi mchod pa'i bsod nams la/ / dge ba'i tshul gyis bzhes par 'gyur// de tshe chu thigs tsam mchod pas// de yi bsod nams dpag tu med// mang du btang ba smos ci dgos// mi 'dzad pa yi gter chen de// zhing gi dam pa yon tan zhing/ / rgyal ba'i rten la mchod pa yin// dkon mchog gsum gyi gdung 'dzin pa'i// mkhan po slob dpon dge 'dun tshogs// sku gsung thugs kyi rten mchog dang// sku gdung ring bsrel mchod rten sogs/ / bdag nyid chen po'i bla ma dang// mchod pa'i zhing du gyur pa rnams// pho brang gdan dang bcas par bskyed// 'jig rten mgon po'i spyan snga ni// rtse gcig yid kyis dmigs nas ni// bdag nyid sgo gsum gus pa yis/ / thal mo sbyar zhing 'di skad gsol// chos kyi dbyings rnams ma lus gang// phyogs bcu'i rgyal ba sras bcas la// bdag gi lus ni de snyed sprul// sgo gsum gus pas phyag 'tshal lo/ / sangs rgyas chos dang 'phags pa'i tshogs// byang chub sems kyi gzhir gyur pa'i// mchod rten kun la phyag 'tshal lo// mkhan po de bzhin slob dpon dang// brtul zhugs bzang dang mchog gyur pa// bla ma la yang bdag phyag 'tshal/ / zhes brjod yan lag smad lnga yis// btud phyag 'tshal zhing sangs rgyas rnams// re re'i zhabs rdul spyi bo yis// gtugs par bsam zhing mgos phyag 'tshal// gang dag gus pas phyag 'tshal lo/ / lus kyi sgrib sbyang zug rngu sel// mi khom brgyad spong dal ba rnyed/ kha dog gzugs ni phun sum tshogs// mtshan gyis legs par brgyan pa thob// sangs rgyas mjal zhing dgyes pa dang/ / phyug cing nor ni che ba dang// rigs 'khor phun sum tshogs pa dang// rin chen bdun dang bcas pa yi// 'khor lo sgyur ba'i rgyal po thob// rgyal srid gnas nas sangs rgyas la// yang dang yang du bsti stang byed/ / 'di nas 'phos te lhun po'i rtse// lha yi dbang po brgya byin 'gyur// bdud kyis brdzi bar mi nus pa'i// bsod nams ldan zhing dpal dang ldan// rgyal ba'i sras su de 'gyur ro// su zhig byang chub sems bskyed nas/ / 'jig rten mgon gyi mchod rten la// gus pas skor ba byed pa na// bsngags pas bskal ba bye ba yang// phan yon brjod pas zad mi nus// rgyal bas dbyings nas byin gyis rlob/ / dngos grub de yi mtshan ma thog/ rdzogs sangs rgyas dang de yi sras// thugs rje mnga' ba khyed rnams kyi// bdag ni gus pas 'bangs su mchi// thugs rje chen pos gzung du gsol// ces pas mchod rten gang yin pa/ / dngos su zhabs rdul spyi bos blangs// phyogs bcu'i sangs rgyas thams cad kyi// sku gsung thugs yon 'phrin las kyi// byin rlabs bdag la 'jug par bsam// lan cig thob pa'i yon tan kyang/ / rgyal bas bu sdug 'dra bar dgongs// bskal pa mang po'i sdig pa bsnyil// dngos grub yon tan dpag tu med// su gang dgon pa'i sa phyogs su// sems bskyed dam pa'i don bsams nas// gom bdun por nas dus byas kyang/ / ngan song mi ltung bde 'gro thob// lus kyi dge ba lus la thob// sems kyi yon tan bsam mi khyab// dkon mchog rin chen mchod rten la// me tog 'phreng ba phul ba dang/ khang bzangs yid 'ongs byas pa na/ kha dog mdzes shing blta na sdug khang bzangs mdzes pa'i nang du ni// lha yi bu mo'i tshogs bskor zhing// sum cu rtsa gsum dbang po 'thob// lha yi dga' ba sna tshogs spyod/ / lha yi 'jig rten shi 'phos nas// mi snang longs spyod ldan par 'gyur// de ru bsti stang mchod byas nas// thar pa'i lam la mgon bcas mnyes// sa phyogs gtsang zhing chag chag dang// dri zhim spos byugs sus phul ba/ / nad med bsod nams ldan pa yi// skye bo mang dga' yid du 'ong// rgyal po thob nas rgyal mchog bskur// gser gyi mdog can dri zhim ldan// gser gyi bye ma bkram pa dang/ / baiDUr+Ya yi rdzing bu dang// rin chen gzhal byas gos dang rgyan// lha min phun sum tshogs pa dang// zag med tshul khrims mchog tu 'gyur// mar me snang gsal sgron me phul// rab rib dri ma bsal ba na/ / sdig bral dge bas lha rnams dang// klu dang mi'am ci la sogs// 'jig rten dag na gang mkhas pa// dge zhing mgu nas mchod pa dang// lha dang mi yi rigs mchog dang// gang skyes bsod nams gzi brjid che/ / g.yog 'khor mi phyed rgyal po thob// rdzogs sangs rgyas la mchod par 'gyur// chu gtsang yid 'ong phul ba na/ khrus byas dri ma phyis pa yis// lus ngan mi 'gyur gtsang ma'i gnas// skye bo kun gyis mchod 'os pa'i/ / 'di nas srid pa'i rtse mo'i bar// de yi dpal de zad mi nus// dug dang me dang mtshon dang ni// dgra bo'i 'jigs pas de mi tshugs// ring por mi thogs don ldan 'gyur/ kha zas yid 'ong bshos gtsang dang/ / btung ba'i rnam pa ji snyed pa// rgyal dbang dag la mchod byas pas// des ni bkres shing dbul ba spang// 'jig rten bla ma bkur sti byad// rgyal srid thob nas stong gsum rgyas/ / de yi yul gnas sems can gang// longs spyod ldan zhing yid 'ong ldan// de kun sangs rgyas chos la 'khod// chos kyi 'khor lo yang yang bskul// mchod rten sel snyan rol mo dang// dbyangs dang bstod pas mnyes byed pa/ / kun tu sgra snyan dpon du 'gyur// bsod nams blo gros mchod 'os pa// des ni kun gyi dbugs 'byin byed// g.yog 'khor yid 'ong dbyangs dang ldan// bsam pa ji bzhin kun dga' skyed/ / skye bo'i tshogs kyis blta 'os 'gyur// mtho ris 'jig rten lha dbang dang// mi 'gyur na'ang rgyal po thob// de la sems can yongs dga' byed// na bza' dri zhim yid 'ong dang// gos mchog srab 'jam mchod rten dkris/ / btsas ma thag tu gos 'thob cing// lha yi gos kyis rab tu mdzes// gzugs mdzes kha dog stobs dang ldan// de yi lus ni shin tu bde// skyabs med rnams kyi mgon du 'gyur/ / mtshungs pa med pa'i lus thob nas// lta bas mi ngom rgyal por 'gyur// byang chub dam pa spyod par byed// gdugs dang rgyal mtshan ba dan dang// bla bre 'phreng ba phul ba yis/ khyad 'phags gzugs ni gser dang 'dra/ / sum cu rtsa gnyis mtshan gyis spras// 'jig rten lha mir bcas pa yis// bsti stang mchod pa'i 'os su 'gyur// longs spyod ldan zhing grags mi nyams// tshul khrims ldan zhing nags 'dab 'ong/ / mngon shes 'thob cing 'gro rnams skyob// mya ngan 'das la yongs mi ring// byang chub spyod pas rgyal ba mchod// gser dngul rin chen bai DUr+Ya// bum pa bzang ldan nor gyi mchog/ rta dang glang po khyu mchog dang/ / rtsi bcud sman dang yo byad kyi// rgyal ba'i mchod rten mnyes byed pa// bcom ldan chos la mchod byed pa'i// phun sum tshogs la kun dang ldan// don ni mtho rigs bdag por 'gyur// tshul khrims sbyin gnas kun gyis bkur/ / nad med tshe yi dbang phyug dang// mdzes shing lus rnams sdug par 'gyur// sa phyogs yid 'ong khang bzang dang// nags tshal ljon shing skyed tshal dang// rdzing bu yid 'ong ri bo mdzes/ / mgon po rigs mchog mchod byas pas// kun tu dga' ba'i sa phyogs su// sa la dbang bskur rgyal po dang// tshangs pa'i gzhal med khang dang ni// tshul khrims skyon med thob par 'gyur/ / 'gro rnams sdug cing byams pa dang// mang pos mchod 'os blta 'os la// de la gnod sems med par 'gyur// chung ma bran dang g.yog 'khor dang// rang gis lus kyi dbang thang rnams// rkang gnyis gtso la mchod byas dang/ / lha mo rnams kyis mchod pa dang// rgyal po rnams kyi bkur ba yi// lha dang mi yi dbang por 'gyur// lus kyang rdzu 'phrul stobs dang ldan// stobs bcu mnga' ba'i ded dpon 'gyur/ / kun gyis phyag dang mchod pa'i gnas// mtshungs med gser mdog 'dra ba 'thob// rgyal ba'i mchod rten rigs rnams la// me tog brnyings pa phyags pa dang// dri ma bsal zhing nyams pa bcos/ / gang dag mdzes par sus byas pa// ngan song lam ngan thams cad gcod// bar chad bdud kyis glags mi lta// tshul khrims yon tan gtsang gnas thob// nad rnams ma lus rnam par spong// mdzes shing rnam dag las su 'gyur/ / shes rab rgya chen spyod lam mkhas// de bzhin gshegs dang nye ba thob// ji snyed dge ba'i rtsa ba rnams// 'gro mgon thugs rje'i spyan gyis gzigs// de yi mthu yis 'gro ba kun/ / byang chub thob par gyur cig pa'i// smon lam btsan pa de bzhin thob// gang dag ma 'ongs dus kyi tshe// khams gsum sems can srog ston zhing// phyogs bcu'i rgyal ba kun mchod pas// nga yi mchod rten rgud pa las/ / dmigs te mkha' la me tog gcig/ dor na de yi bsod nams ni// dpag par mi nus de yi rgyus// mya ngan 'das la reg par 'gyur// dngos su 'byor ba lta ci smos// phyogs bcu nam mkha' mtha' klas nas/ / me tog bdug spos mar me dang/ chu gtsang yid 'ong byug pa dang// sman dang rtsi bcud rin chen 'bru// rin chen ri bo nyams dga' ba// ljongs dang yul 'khor grong khyer dang// grong rdal pho brang gzhal med khang/ / nags tshal ljon shing lo 'bras dang// me tog dri ngad mar me lo// dbyangs snyan sil snyan rol mo dang// bza' bca' btung ba ro mchog ldan// gzugs dang sgra dang reg bya'i tshogs/ / rin chen sna bdun gter gyi rdzas// lha yi bu dang 'khor rnams dang// rgyal po dag dang de yi 'khor// mchod par 'os pas rgyan rnams dang// mtsho dang rdzing bu pad+mas brgyan// 'dab chags skad snyan yid 'ong dang/ / phun tshogs longs spyod ji snyed kun// yongs su bzung dang gzung med pas// bdag gi blo yis blangs nas su// mdzes gtsang yid 'ong mchod pa'i sprin// nam mkha' mnyam par khyab pa yi/ / thub pa sras dang bcas la 'bul// mchod gnas thugs rje can rnams kyis// 'gro la brtser dgongs de dag bzhes// de yis 'gro kun don 'gyur zhing// bdag nyid 'gro ba'i ded dpon 'gyur/ / rgyal sras sa lam rdzogs 'dod pas// mchod pa'i las ni ci nus brtsam// mchod pa kun gyi gtso bor ni// bla ma'i mchod pa yang dag bya// de mnyes rgyal ba kun mnyes pas// kun mkhyen yon tan myur du thob/ / snying rje sems can don gyi phyir// mchod pa'i zhing du bsngo byas la// sdug 'phongs rnams ni pha mar dmigs// 'chi ba'i srog bton tshe ring thob// nad la sman byin nad med dang// dbul la sbyin pa longs spyod dang/ / 'jigs pa skyabs pas stobs dang ni// bzod pa bka' blangs gzugs bzang dang// sdug la byams pas rigs mtho dang// bde ba dga' bas gzi brjid che// chos la btsud pas shes rab thob/ / kun la gnod med phan btags pas// kun bdag yid du 'ong ba ni// bde 'gro yon tan brgyad ldan thob// byang chub sems kyi 'brel gzhag na// gang la phan btags don ldan 'gyur// 'jigs pa'i lam sgrol gru zam dang/ / rgya lam 'chos pa'i 'gron gnyer gyis// theg chen don la stobs ldan 'gyur// sa yi lam la mchod rten bya// yi dwags rnams la chu sbyin gtang// 'byung po rnams la gtor ma sbyin/ / tho rangs langs te khrus kyang bya// sems can don du kha ton bklag/ 'gro la phan zhing rang sgrib 'dag/ rkyen dbang las kyi stobs kyis su// sdig pa'i las ni gang yod pa// dper na rlan can shing la ni/ / me ni 'bar bar mi nus bzhin// sdig pas sdug bsngal thams cad skyed// bde ba thams cad 'phrog par byed// dge ba'i yon tan gang yod pa// rgyud la sdig ldan bskyed mi nus// de phyir sdig pas mi gos par/ / rgyud la dri ma rab tu sbyang// tshor dang ma tshor dbang gis su// bcas dang rang bzhin ma tho ba// rang gzhan kun la mi gtsang ba'i// dri mas sbags pa'i zas bzhin du// sdig pa'i las ngan ci byas pa/ / mkhas pa dug zos pas kyang 'gyod// slar zhing nyes pa sbyangs pa ni// phyogs bcu kun na bzhugs pa yi// thams cad mkhyen gzigs 'khor bcas la// thal mo sbyar te gsol ba ni// thog med gyur nas da lta'i bar/ / gang gi tshe rabs thams cad du// bdag gis ma 'tshal sdig bgyis pa// bgyid du brtsal dang yi rang sbyar// gti mug 'khrul pa'i dbang gis su// nongs pa'i las rnams ci bgyis pa// bsam pa thag pas mgon la bshags/ / khyad par bdag gi nyes chen po// dkon mchog gsum dang pha ma dang// bla ma'am ni gzhan gyur la// lus ngag yid gsum sgo nas su// nyon mongs stobs kyis mi bzad pa'i/ / nyes pa du ma byung ba rnams// mgon pa'i spyan sngar mthol lo bshags// phyin chad sdig pa mi bgyi 'tshal// thugs rje chen pos gzung du gsol// bdag gi sdig pa ma byang bar// srog gi bar chad gyur pa na/ / bka' chad mi mdzad rnam smin lam// myur ba'i tshul gyis skyab tu gsol// sdig byang sems la dri med pa'i// 'dam gyi shel bzhin dag par 'gyur// dri ma med pa'i sems rtogs nas/ / 'di ni 'gyod tshangs mchog yin no// gang phyir bdag gi sdig spyad pa// rnam par smin pa bdag myong ba'i// gshed ma'i ral gri gdeng 'dra ba'i// gshin rje'i pho nyas 'jigs pa yis// bzung nas rab tu nyam thag la/ / gang gis skyob par mi nus pa'i// 'jigs chen sdig pa'i lam 'phrang la// kun kyang yi mug sdug bsngal skye// 'jig rten mgon po ma gtogs pa// 'di yi dus na sus mi phan// de bas rgyal sras bla ma mgon/ / gang gis reg pa don ldan pa'i// stobs chen 'jigs pa kun sel ba// de ring nyid nas skyabs su mchi// khyed kyi thugs rje'i 'od zer gyis// nam du yang ni mi gtang 'tshal// bdag gi lus 'di khyed 'bul gyis/ / bzhes te sdig can bdag la skyobs// bdag la re sa gzhan ma mchis// thugs rje che mgon khyod mkhyen no// zhes gsol yid kyis bstod byas pas// 'jigs pa ma lus kun las thar/ / thar pa'i zhing du bde bar 'khrid// skyabs kyi dam pa skyabs su 'gro// phyag byar 'os pa bla ma'i mchog/ 'jig rten gsum na dkon pas te// bde 'gro thar pa'i rten dang gling// dper na 'jigs pa'i g.yang sa ru/ / shes bzhin dran pas mi 'gro bzhin// sdig pa'i las ni nam du yang// gnyen po'i brten la mi bya ste// rang gi srog dang bsdos byas la// thugs rje can rnams dpang por gsol// khyed kyi bka' las mi 'da' ste/ / 'das na rang nyid 'tshig par 'gyur// mi gang nad kyis 'jigs pa dag/ sman pa'i ngag bzhin bya dgos na// sdig pa'i rnam smin 'jigs pa la// bla ma'i bka' bzhin ci ma dgos/ / 'di nas bzung ste nam du yang// srog la bab kyang mi bgyid do// bdag gi ngag dang lus sems kyi// bshags bsdam yang dang yang du bya// khrus dang ldan pa'i snod dag la// dri ma'i gnod pas mi gos bzhin/ / gtsang ma'i rgyud la sdig mi 'go// sdig med yon tan 'phral la skye// sprin med nyi ma'i dkyil 'khor bzhin// dge ba'i don kun gsal bar 'gyur// sdig pa myur du ma bshags na// bdag gi 'du byed rkyen dbang gis/ / tshe yi 'du byed gyur pa na// phyi ma gshed du 'gro dgos pas// sdig pa'i rnam smin mi byang ste// rdul phran bsags pa ri rab bzhin// slar zhing je che je 'phel song// sdig pa'i phung po ri rab tsam/ / chung ngu gcig la brten nas 'byung// de bas myur du 'phral la sbyong// phyin chad rnam smin mi 'gos bya// dag pa'i byang chub sems skyes na// sdig pa kun las nges pa grol// rang snang ma dag rnam smin la/ / grol bar mi 'gyur gnyen po brten// sman la dug gis mi tshugs so// sdig med sdig pa dag pa'i rtags// nyams dga' lus sems bde ba dang// ma rmongs gdangs gsal rig pa thon/ / gang gnas sa ru me tog 'khrung/ khrus byas rgyan btags mkha' la 'phur// bshal skyugs gcer bu gyen la 'dzegs// dkon mchog mchod rten gtsang gnas mthong// nyi ma zla ba shar ba rmis// dad pa dge ba'i phyogs la skye/ / dam pa mthong na yid du 'ong// bag dang ldan par 'gyur ba yin// bdag gi sngon chad dge ba yis// ngan 'gro las grol bde 'gro thob// rgyal ba'i sras dang dus 'dir mjal/ / byang chub snying po rang la rnyed// 'gro la phan pa bya ru gyur// 'di nyid dge ba'i mthu stobs la// sngon gyi dge ba chud ma gsan// da yang mi bzad 'phel phyir du// dge ba ci nus bdag gis bsags/ / sngon chad sangs rgyas sku drin yin// da ni 'gro la ci phan bya// bdag gi lus dang srog kyang btang// song ba don can nyid du 'gyur// longs spyod rdzas rnams smos ci 'tshal// sang tsam 'chi'am sus shes na/ / de ring nyid la brtun te bya// dge la phyi bshol byed pa na// sdig la mngon par dga' ba yin// de bas myur du 'bad pa yin// spro ba'i sems kyi nyams su blangs// sems can ngan song sdug bsngal las/ / grol nas gnas skabs bde ba yis// dge ba chung ngu tsam la yang// bdag ni rjes su yi rang zhing// dngos po'i rdzas dang yo byad dang// byang chub sems dang ting 'dzin dang// lag len stobs dang 'dun pa yi/ / byang chub rgyur gyur dge ba ni// 'jig rten khams na gang yod la// bdag ni dpag med rjes yi rang// lus can 'khor ba'i sdug bsngal las// blo log nges par thar pa yi// dgra bcom rang rgyal yon tan la/ / bdag ni rjes su yi rang ngo// de bzhin gshegs pa tshad med dang// rgyal sras bar gnas yon tan gyis// 'gro kun byang chub dgongs mdzad pa'i// dam pa rgyun mi 'chad pa la// rjes su yi rang mngon par bstod/ / de dang de 'dra ji srid la// kun nas rjes su yi rang ngo// byang chub sems dpa' rab ldan la// khyim na gnas kyang yon tan 'phel// so so'i skye bo'i dge ba la// yi rang thar pa cha mthun thob/ / nyan thos rang rgyal dge ba thob// byang chub sems dpa'i dge ba la// yi rang sangs rgyas yon tan thob// de yang sems dge'i stobs las byung// stobs med thad ka'i cha mthun thob// stong gsum nyungs 'brus bkang nas su/ / gzung bar nus pa'i tshad gzung rung// rjes su yi rang dge ba ni// tshad gzungs bsgrang bar nus ma yin// sems can kun gyi dge ba rnams// rjes su yi rang skad cig gis/ / re re zhing du thob pa la// rgyal ba'i yon tan brjod mi lang// rjes su yi rang dge ba las// nyan thos rang rgyal byang chub sems// sangs rgyas sems can kun mnyes pas// de yi bsod nams ches mang ngo/ / yi rang ba yi dge ba la// bdud dang bdud kyi rigs rnams kyis// glags skabs rnyed par mi 'gyur ro// gang dag yi rang mi byed pa// da ni bdud kyis zin par nges// dge ba mi 'phel log par mdzad/ / sems can de ni bde med 'gyur// nga yi chos la phrag dog med// rjes su yi rang dag pas thob// gang gis yon tan rgya mtsho mtha' yas la// bdud dang mi mthun skyon rnams 'joms mdzad pa'i/ / mthong thos dran reg 'gro rnams bde la 'god// phyogs bcu'i mgon rnams dbyangs kyi yan lag bstod// bstod dbyangs snyan pa'i mchod sprin des// nges par kun las 'byung 'gyur nas// rgyal ba thams cad mnyes 'gyur te/ / sems can kun la phan par shog/ phyogs rnams kun na bzhugs pa yi// rdzogs sangs rgyas dang byang chub sems// thugs rje che mnga' khyed rnams la// thal mo sbyar te gsol ba 'debs/ / bdag la nus pa ma mchis kyang// thugs rje brtse bar dgongs su gsol// rgyal dang gang dag de yi sras// chos 'khor bskor bar mi mdzad pa// de nas bzung ste ji srid bar// sems can sdug bsngal mun 'thoms la/ / chos kyi sgron me spar du gsol// nyon mongs gcong nad zin pa la// chos kyi bdud rtsi dbab tu gsol// sdug bsngal bde bas 'phongs pa la// chos kyi dgos 'dod stsal du gsol/ / sdug bsngal mgon med gyur pa la// skyob pa chos 'khor skor du gsol// chos kyi don du gang bskur ba// tshangs pa chen po ji bzhin du// rgyal ba thams cad mnyes pa yi// 'gro ba kun gyi ded dpon 'gyur/ / thams cad mkhyen pa ston pa po// tha dad 'gro ba drang don du// de nyid slob dpon gzugs du byon// sku gsung thugs kyi yon tan la// bde gshegs snying po kun khyab pa'i// gang gi lus ngag yid gsum gyis/ / dngos kyi 'du shes bskyed byas nas// gsol ba ci btab 'bras bu dang// thugs yid gcig tu 'dres pa dang// don gyis gcig rgyud 'phos pa yis// rgyal ba'i gdung ni rgyun mi 'chad// dngos dang dngos med 'gro ba 'dren/ / 'phrin las mi zad rgyun mi 'chad// 'jam dpal ji ltar mkhyen pa dang// kun tu bzang po de rang bzhin// mos gus gang yod rgyal ba mnyes// gsol ba gang btab de don thob/ / nga yi rang bzhin chos kyi sku// ma g.yos thabs kyi drang don du// gzugs sku dngos dang gzugs brnyan tshul// ri mo tsam gcig mthong bas kyang// sangs rgyas zhal mthong mtshungs pa ste/ / gang la bar chad mi tshugs shing// sa phyogs der ni bde legs 'gyur// nga yi sku gsung thugs kyi rten// ring bsrel mchod rten su bzhengs pa// dngos grub dam pa gcig dang ldan// nyams pa gsos shing dge 'dun la/ / rim gro gang byas rgyal po thob// sangs rgyas rnams la bkur sti byed// dge ba'i bshes gnyen mgon bcas 'gyur// me dang chu dang rlung dag gis// bskal pa 'jig par rten 'di rnams/ / bsod nams spel phyir bzhugs su gsol// 'gro kun yid mos gang yin bde// sems can nyon mongs le lo dbang// ma dad log par mthong bas bsgribs// rgyal ba mya ngan 'da' bzhed la// thal mo sbyar te gsol ba ni/ / ma rig mdongs pa'i 'gro rnams don// rtag tu mi 'da' bzhugs su gsol// sems can kun gyi don du ni// mchod pa'i las ni ci nus bgyi// de yis bdag kyang 'gro ba'i don/ / rgyal ba mnyes pa'i dpal du shog/ de ltar dge ba stobs che ba// smon lam mthu yis don 'grub phyir// dge ba 'di dang dge gzhan gyis// bdag gi rdzu 'phrul stobs thob nas// mkha' dang mnyam pa'i 'gro ba kun/ / so so'i sdug bsngal ma lus pa// 'joms byed yan pa nyid du shog/ bdag ni mthong thos dran reg kun// yid la gang dang gang 'dod pa// mi bzad phun sum tshogs pa yi// bsam pa yid bzhin grub gyur cig/ bdag la mi dad gnod gyur pa'i// phyin ci log gi 'gro ba yang// rang gi 'dod pa'i don tshim nas// byang chub lam la 'khod gyur cig/ bdag nyid ma mthong ma dran pa'i// 'gro ba rang rang so so yi/ / gang lag gang 'dod der ston pa'i// thams cad bde la 'god byed shog/ bdag gi bsam pa skad cig res// 'khor ba'i sdug bsngal kun grol nas// chos kyi dbyings kyi bde ba la// sems can ma lus sangs rgyas shog/ bdag gi smon lam mthu btsan pas// 'khor ba mi gnas mya ngan 'das// thams cad chos kyi dbyings su sgrol// de yis smon pa nyid du 'grub// bde legs kun gyi rgyur gyur pa// dge ba 'dis mtshon dus gcig gi/ / rang bzhin kun gyi dge ba ni// chung ngu 'bring dang mchog gyur pa'i// bsod nams mthu de bsngo ba la// zhing gi dam pa mchog gyur cing// gang gi phul ba don che ba// dkon mchog gcig la mchod pa bsngo/ / ched du nam mkha'i mthas klas pa'i// ma rgan 'gro ba kun gyi don// rang gi don phyir chags zhen med// gzhan rnams kun la yongs khyab pa'i// the tsom bral ba'i spro sems kyis/ / ser sna med pa'i ched du bsngo// chos kyi dbyings dang mnyam pa yi// mi 'dzad 'bras bu bla na med// kun gyi mthong phyir rab tu bsngo// gang gi dge ba'i rgyu bsags pa// ma dran pa'am ma shes na/ / sems kyi dge ba ma mchis pas// zad dang log pa chud zos 'gyur// rgyu la brten pa 'bras bu ni// sems kyi dge ba stobs che bas// ji ltar dngos po de 'bras 'byung// bsngo ba dmigs med yongs la bsngo/ / 'khor gsum yongs dag 'dzin pa med// ma bcos shes pa bsngo ba yin// dmigs gtan mtshan mar sngo byed pa// byang chub dam pa des mi thob// dmigs med yongs khyab bsngo ba'i don// thog ma bar dang mthar dge ba/ / byang chub thob phyir bsngo bar brjod// ngan rtog dri ma med pa yi// gus pa'i sems dang rab ldan pas// dkon mchog rin chen bla med gsum// mchog tu gyur pa'i bla ma la// skad cig sangs rgyas yid byed pa/ / de yi drung na thub pa bzhugs// rgyal ba'i sras su de 'gyur bas// bsod nams che mang dpag tu med// 'khor ba 'di nas thar pa la// bskal pa mang po'i sgrib pa bsnyil// yon tan ye shes mchog la myur/ / rang 'dod dri ma bral ba yi// ltung ba'i sems dang rab ldan pa'i// snying rje'i mchi ma thigs gcig gis// nam mkha'i mtha' klas gyur pa yi// sems can kun la sems bsgom pa'i/ / kun gyi snying la sa bon thebs// de yi bsod nams tshad du med// gzugs sku 'gro don kun la khyab// snang ba sgyu ma'i rang bzhin la// snang grags gzugs kyi dngos po rnams// lha yi sku ru su shes pa/ / chos sku gzugs sku der shar bas// sems can sangs rgyas zhal der mjal// gnyis med rtogs na de bzhin gshegs// phyag rgya chen po'i lha sku ni// mang por bsgoms dang gcig tu 'dra// bsod nams tshogs rdzogs ye shes 'thob/ kha zas kun la mchod sbyin bya// bskal pa bye ba phrag brgyar yang// bsod nams yon tan brjod mi nus// the tshom thams cad rnam par sel// sgrib pa kun las nges par grol/ / chu bo rgya mtsho kun las brgal// chos kun rnam par khong du chud// bsod nams phung po rnam par 'phel// ye shes phung po rnam par thob// sems can rnams ni rnam sbyong ba'i// mgon po sems can kun don du/ / de yi yon tan dpag par dka'// tshogs bsags pas kyang tshogs mi thob// tshogs ma bsags pas tshogs mi thob// de bas tshogs kun gong du spel// 'phel bas mi bzod rgyud mi 'chad// theg pa chen po'i mngon par rtog pa byang chub lam gyi rgyud mchog nam mkha' dang mnyam pa las/ / bsod nams tshogs bsags pa'i le'u ste bcu pa'o//// bsod nams tshogs ni bsags byas te// dmigs pas mtshan ma bcas pa la/ / ye shes tshogs ni thob byas te// dmigs med mtshan ma grol ba'o// dge sdig gnyis kyis spang blang la// rgyu 'bras 'dod pa tha mal te// rgyu 'bras gnyis la zhen pa yis/ / stong par shes pa ye shes yin// gzung ba'i yul ni mi 'dod la// 'dzin sems mi dmigs theg dman yin// gzung 'dzin gnyis su mi rtogs pa'i// snang bar shes pa ye shes yin// snang ba sems su 'dod pa ni/ / chos kyis bdag 'dzin shes bya ste// shes dang shes bya'i yul 'das pas// rang bzhin rtogs pa ye shes tshogs// rnam par mi rtog bdag med chos// yang dag nyid la yang dag lta'o// yang dag mthong na rnam grol yin/ / sems can kun gyi bde sdug de// dge sdig gnyis kyi rgyu 'bras la// rgyu 'bras gnyis la ma chog pa'i// bden med rtogs pa'i ting 'dzin gyis// las kyi sgrib pa dag pa ni// nyan thos rang rgyal ye shes tshogs/ / 'khor bar mi ldog yon tan thob// dug gsum 'khor ba'i rtsa lag de// gdod nas ma skyes stong pa nyid// ma 'gags ngo bo rnam pa ni// rten 'brel shar ba'i rang bzhin la// gzung 'dzin gnyis dang bral ba yi/ / sems su rtogs pa'i chos nyid la// nyon mongs sgrib pa med pa de// byang chub sems dpa'i ye shes tshogs// phung po lnga ni rigs lnga la// 'byung ba lnga ni bskyed pa'i yum// nyon mongs lnga ni ye shes lnga/ / snang tshad byang chub sems su rtogs// theg glan phyir mi ldog pa'i chos// bden pa'i yon tan gong du thob// sems dang sems byung skyed byed pa'i// kun gzhi ma bcos rang grol la/ / 'khor ba med pa'i myang 'das ni// stong pa mi dmigs mngon sum du// bsod nams tshogs las byung ba yi// rgyu 'bras ma 'gags bden par 'grub// ma shes blo'i yul du ni// kun rdzob bden pa mngon sum pa/ / sems can rnams kyi rgyud la gsal// rig cing rtogs pa'i dus nyid na// don dam blo'i yul las 'das// mya ngan 'das pa mngon sum du// bcos ma ma yin gnas lugs la// rang rig ye shes dngos su gsal/ / 'di la gsal cha ci yang med// gzhag par bya ba cung zad med// gnyis su med pa'i chos nyid de// rang 'byung ye shes sangs rgyas kyi// yon tan tshogs ni rdzogs par 'gyur// ye shes ye shes khyad par las/ / ye shes ldan pa yod min shes// tshogs gnyis bsod nams bsags pa las// 'bras bu kun rdzob bden pa ru// thabs mkhas gzugs kyi sku ru byung// 'gro rnams bden pa'i don la 'khod/ / de yi ye shes tshogs gnyis la// 'bras bu don dam bden pa ru// shes rab ye shes chos kyi sku// thams cad ma bcos lhun grub tu// rang grol ngo bo nyid kyis dag/ dag pa gzhan gyis rnam grol min/ / rang gis rang nyid shes te byos// 'di ni byin brlabs rim pa yis// gzhi nas lam du mthar thug pa// byas pa med par rang shar du// so sor rang rig spyod yul du// kun mkhyen ye shes de lta bu/ / gdod nas lhun grub 'gyur med kyang// sprin bral nyi ma'i dkyil 'khor bzhin// tshogs gnyis las byung rdzogs sangs rgyas// gzhan nas ma 'tshol rang la ltos// rang byung ye shes tshogs kyi mchog/ mi 'gyur kun 'gro khyab pa po// khyab bdag ye shes lnga dang ldan// dbyer med thig le gcig tu shes// sdong po gcig shes yal ga ni// sna tshogs tshul gcig shes pa bzhin// chos kyi dbyings la rtogs pa yi/ / tshogs dang tshogs min 'khor 'das kyi// rnam pa sna tshogs du ma rnams// mtshan nyid ma 'gags so so yang// gdod nas gnas lugs spros dang bral// rang bzhin gcig tu shes pa ni// ye shes tshogs zhes tshig tu bstan/ / don gyis gnas lugs rnam dag dpal// dpal ldan 'byor pa kun byed do// 'jig rten pa yi 'byor pa yis// chung yang sdig pa zil gyis gnon// nyan thos rang rgyal 'byor pa yis/ / dman yang 'jig rten zil gyis gnon// byang chub sems kyi 'byor ba yis// theg dman zhi bde zil gyis gnon// sangs rgyas rnams kyi 'byor ba yis// srin bu me khyer sgron me dang// skar ma zla ba'i 'od zer kun/ / nyi ma'i 'od kyis mnan pa bzhin// theg pa thams cad zil gnon cing// rang gi 'od kyis khyab par byed// 'phel ba med cing 'grib pa med// theg chen ye shes gcig gi ngang// 'gyur ba med pa rdo rje'i gdan/ / thams cad mkhyen pa der sangs rgyas// theg pa chen po mngon par rtogs pa byang chub lam gyi rgyud chen nam mkha' dang mnyam pa las// ye shes kyi tshogs skyed pa'i le'u ste bcu gcig pa'o/ /// srid dang zhi bar gnas pa'i chos// thams cad sems kyi gzugs brnyan te// shes dang shes bya'i dkyil 'khor la// dag dang ma dag gnyis su bstan// bdag srid pa yi gnas 'di na// rnam shes sna tshogs gzugs don can/ / mi shes shes pa sna tshogs ni// dper na spre'u mdud pa bzhin// 'khor ba yin te grol mi 'gyur// dag pa shes rab thabs ldan rnams// sngags shes btson las thar pa bzhin/ / shes bya'i chos kyi rang bzhin rnams// shes pa'i 'khor ba las grol te// mya ngan 'das pa shes rab yin// thabs med shes rab bral bas na// theg pa dman dang 'khor bar ltung// grol dang ma grol lam zhugs pa'i/ / theg pa'i khyad par shes rab bstan// srid gcig sems kyi glong 'di na// gnas lugs shes bya'i babs las su// phyi nang snod bcud kha dog dbyibs// che chung ring thung gzugs can rnams/ / dang po rgyud las lhun grub pa'i// ma bcos pa yi bzo ru shes// de nyid bcos na 'jig par rig/ yod la yod du spel ba dang// med la med du stong pa dang// stong pa nyid la dngos por skyed/ / dngos po nyid las stong par stong// bde la sdug dang sdug la bde// yin la min dang min la yin// gcig las ma skyes mang 'dus gcig/ bdag dang gzhan du rtog pa dang// shes dang ma shes rnam 'gyur sogs/ / dus de'i rkyen des byas pa yis// rgyu med sems kyi bzo ru shes// rkyen de dag ni 'jig par rig/ rgyu dang rkyen gnyis 'dzom pa las// dbyibs dang kha dog gzugs brnyan kun// rgyu'i dpe yis mtshon nas su/ / legs nyes lag gis byas pa'i bzo// mkhas pas nan chags yin par shes// gzugs dang bral na 'jig par rig/ des ltar bzo'i gnas rnams la// rgyu'i rgyu las dpe byas shing/ / rkyen gyis bzo'i rnam pa bsgyur// lag gis bzo la mkhas par sbyangs// gang yin don la ma rmongs pa'i// bzo'i rig pa gtan la dbab// gnas lugs gshis kyi rang sgra de// bye brag 'byung ba'i rang brtsal du/ / sa la lci ba brjid kyi sgra// chu las 'dar ba rlan gyi sgra// me las 'chog pa drod kyi sgra// rlung la g.yo ba shugs kyi sgra// nam mkha' dbugs kyi stong pa'i sgra// rang bzhin nyid du gnas pa la// 'byung ba chen po sgra che ba/ / rkyen gyis stobs kyis sna tshogs sgrog/ de'ang 'byung ba gzhan rkyen dang// rang gi sgra skad thun mong 'byung// sgra don gnyis po gcig tu shes// sgra don log pa 'byung mi srid// srid par gnas pa'i 'gro ba rnams/ khams drug 'dus pa'i rang gzugs ni// las dang nyon mongs nyer len gyis// rigs drug so so'i lus la ni// de dang de'i sgra skad rnams// 'byung ba'i cha dang sbyar bas 'byung// sgra des don rnams thad kar go/ rang sgra mi shes sems can med// sgra don rtogs na 'phags pa yin// ma rig pa yis de mi rtogs// shes rig cha dang ldan pa yis// don rnams tshig gis rtogs pa'i phyir// rigs drug so so'i sgra skad rnams/ / tshig gis don kun rig pa la// bsgyur byed tshig gi sgra brjod pas// so dang mchu dang gre ba rkan// lce'i bsgyur byed tshogs pa las// sgra dang tshig tu gsal ba yin// de yis don kun rig pas na/ / sgra tshad rig pa'i shes rab kyis// sgra dang ldan pa rnams kyi mchog/ shes bya gcig la kun spyod kyang// sgra mi shes pas don mi rtogs// de phyir sgra la brten pa'i tshig/ tshig la brten nas don 'byung bas/ / sgra tshig don la mkhas par bslab// gnas rnams kun gyi rtsa ba yin// sgra med tshig la spro ba kun// don med mun pa'i dbyug bskor de// thog tu phebs pa shin tu dka'// 'dod pa khams kyi lus can rnams/ / nyon mongs las kyi rkyen dbang gis// nad rigs gso bya mang yod rnams// mdor bsdus rnam pa gsum yin te// brgyad khri bzhi stong nyon mongs rnams// rtsa ba dug gsum las gyur pa'i/ / sems kyis nad kun rnam par skyed// khams gsum gnas pa'i zug rngu la// rang gi gnyen por rang nyid che// 'dod chags 'dod chags nyid kyis sel// de bzhin zhe sdang zhe sdang 'joms// gti mug mang po tshogs pa yis/ / rten 'brel thabs la mkhas pas sel// nad do cog gi sgra che rnams// bdag med rtogs pa'i sman mchog gis// zug rngu 'byin cing bla na med// bde ba chen por 'tshe ba'i gnas/ / chags sdang las skyes 'byung lus la// nyon mongs rgyu skyed 'bras bu nad// bzhi brgya rtsa bzhi'i nad skyed pas// rlung mkhris bad kan 'dus pas te// 'jug pa 'dang ba gso ba'i thabs// 'jugs pa sha rgyas lpags la gram/ / rtsa la 'khyug dang rus pa zhen// don la babs dang snod du ltung// smin rtags zer zug 'gying can dang// ldang lugs rnam pa gsum la ni// rlung gi gyen la bad kan 'thur// mkhris pa thad kar ldang ba la/ / gso thabs bsil drod sman dang spyad// mkhas pa nad med lus zungs skyed// rnam rtog rkyen las gyur pa'i nad// sgra yi nad dang gdon gyi nad// rnam par rtog pa yid kyi nad// rnam rtog nad la rnam rtog gi/ log non zlog pa gdam ngag yin// gso thabs de yi dmigs pa po// rnam par rtog med ngang gis grol// sman pa che mchog gtso bo ni// gso ba'i gnas rnams kun gyi mchog/ drang srong che dgus mchod cing bstod// gso dpyad yan lag kun tu 'phros// 'gro kun nad la thar par 'gyur// thog mar srid pa sems kyi mkha'// dmyal ba srid pa'i bar 'di ru// mthing dkar ser dmar ljang 'od las/ / 'byung ba chen po lnga byung ste// 'dus byas las grub 'jig rten 'di// 'byung ba rang gdangs stobs che'i dus// bskal pa dang po rlung gis skyed// dngos med dbyibs su chu yis 'chags// bar du sa yis dngos por gnas// tha mar me yis dngos po 'jig/ skabs su rlung gis stongs par byed// de bzhin phyi nang gzhan gsum cig/ 'byung ba gcig gis gcig skyen ba'i// snyoms dang ma snyoms 'phel zad las/ / yar dang mar gyis 'phel 'grib rnams// bar gyi bskal chung nyi shu bzhi// 'byung chung rtog pa'i 'phel 'grib yin// 'byung ba chen po bzhi las med// bzhi po nam mkha'i ngang du gcig/ nam mkha' sems kyi rtog pa yin/ / byang chub sems kyi dkyil 'khor la// 'jig rten khams kyi phyogs brtsi ba// dang po chu la chags pa'i rtags// shar phyogs chu la lho phyogs sa// nub phyogs me la byang phyogs rlung/ / phyogs mtshams go 'byed nam mkha' ste// dbyer med 'dres nas rtsi mi dgos// so so'i phyogs dang kha dog dang// dbyibs dang sgra zin la rtag pa// snod bcud phyi nang legs nyes bstan/ / dkar po chu la dbyibs ni zlum// ser po sa la gru bzhi ste// dmar po gru gsum me'i rigs// rlung ni ljang khu zla kham pa// nam mkha' mthing gsal dbyibs dang bral// 'dres dang ma 'dres dus kyi skyen/ / chu sgra sa byed sa sgra rlung// rlung sgra mkha' la me yis tshig/ me sgra chu la sa yis gnod// grogs po de las bzlog pa ste// gcig gis gcig smad sgra zin la// gcig gis gcig bskyed grogs yin te// cha snyoms zo la btang snyoms gnas/ / de'i mtshan nyid bstan pa ni// 'jig rten bstan bzhag rig pa'i gnas// lo gcig zla ba bcu gnyis la// dus kyi bye brag bstan pa ni// dbyar gsum zla ba chu'i dus// rtsi bcud thams cad skyed par byed/ / ston gsum zla ba sa'i dus// rtsi bcud thams cad skyed par byed// dgun gsum zla ba me'i dus// rtsi bcud thams cad skems par byed// dpyid gsum zla ba rlung gi dus// rtsi bcud thams cad stong par byed/ / de bzhin nang gi sems can gyi// lus dang longs spyod de yis shes// de ltar 'byung ba ma snyoms na// sgra yis rkyen pas nyes pa la// grogs kyi yon tan rang la mnyam// phyi rol pa dang nang dag gi/ 'jig rten bstan chos rig pa dang// de yis brtag thabs kun shes 'gyur// khyad par 'byung bzhi'i lus 'di la// dang por chus skyed sa bstan pa'i// lus skyed rdzogs par dar ba yin/ / de nas me nyams rgas pa dang// tha ma rlung gis nad skyed nas// 'chi ba tshe 'dir stongs par byed// de ni nang gi 'byung chen gyi// bskal pa chags 'jig stongs gnas yin// skabs su 'byung ba sgra zin gyis/ / bde sdug mtho dman legs nyes kun// legs par brtsis la bstan chos bya// mkhas pa skyon med yon tan la// bstan pa thob phyir bstan bcos zhes// 'jig rten mkhyen pa rig pa'i gnas// shes bya sna tshogs rig pa la/ / chos dang chos min ngo bo gnyis// shan 'byed dngul gyi me long la// ma rig ma rig bskyed pa dang// phyin ci log gi shes rab kyis// yang dag log par khrid pa rnams// chos min 'khor ba'i bya ba yin/ / shes rab shes rab bskyed nas su// yang dag lam la 'jug pa rnams// chos nyid don gyi bya ba yin// mkhas pa 'di nyid shes par bya// shes bya'i bud shing skam po la// yang dag shes rab me 'bar bas/ / nyon mongs bsreg pa'i ye shes kyis// don la rnal 'byor 'jug par bya// 'jug pa pha rol phyin mchog ldan// sa bcu'i lam gnas mthar phyin pa'i// kun don yon tan gsum thob bya'i// theg pa chen po'i mngon par rtogs pa byang chub lam gyi rgyud chen nam mkha' dang mnyam pa las/ shes bya'i chos thams cad gtan la dbab pa'i le'u ste bcu gnyis pa'o//// gnas lugs bden pa dbyer med la/ / stong pa'i rang bzhin ma 'gags pas// snang ba sna tshogs ci shar yang// rang shar ma gtogs kun rdzob la// gnang ba'i mtshan nyid ma nges pa// stong pa nyid du rang grol la// spros bral rig pa'i don dam la/ / snang dang stong pa gnyis su bstan// gnyis med zung 'jug dbu ma'i don// mtha' dang bral ba'i ye shes yin// gnas lugs rang rtsal ma 'gags pas// sa chu me rlung nam mkha'i ngang/ / 'byung ba chen po lnga po yang// phyi rol byed lo gzhan na med// dran rtog nyid la snang ba ste// snang tsam nyid la dngos po med// dran rtog dben par gyur tsam na// mtshan ma cir yang dmigs pa med/ / gnyid log dus kyi 'byung ba lnga// gnyid sad dus na mtshan mas stong// rdul gyi cha tsam grub pa med// med bzhin rmi lam snang ba tsam// gnyid sad dus kyi 'byung ba lnga// rmi lam du na rang bzhin stong/ / bden par ma grub rmi lam tsam// snang dang stong pa mi rtag tsam// so so ma yin dbyer med gcig/ gnyid log gnyid sad gnyis su med// gnas lugs gcig la rtog pa yin// rtog pas dben na stong pa ste/ / stong pa nyid de snang ba'o// snang ba sems la 'byung ba'i phyir// mig gi yul na gzugs sna tshogs// snang yang ngo bo nyid kyis stong// ngo bo mig gi rnam shes ni// rnam pa gzugs la shes pas stong// snang stong zung 'jug gdod ma nas/ / me long gzugs brnyan bzhin du gnas// gzugs med mthong ba po yang med// gzugs mthong bas ni ngo bo nyid// dbyer med gcig tu spros dang bral// de bzhin rna ba'i sgra rnams ni/ / sgra snyan bzhin du thos pas stong// sna'i dri ni du ba bzhin// tshor ba'i snang ba ngo bos stong// lce'i ro ni sgyu ma yin// zas bzhin myong ba tsam gyis stong// lus kyis reg bya nam mkha' bzhin// reg pa tsam gyis de snang stong/ / yid kyis chos rnams thams cad kun// bde sdug legs nyes sna tshogs kyang// rmi lam bzhin du dran pas stong// ngo bo dran stong dus mnyam na// stong pa nyid du bsgom mi dgos// ngo bo nyid kyis stong pa ste/ / gzugs ni gzugs kyi ngo bos stong// sgra dang dri ro reg bya chos// rang rang ngo bos stong pa yin// de bzhin der 'dzin sgo dang yul// rnam par shes pa drug po rnams// de dang gnyis med ngo bos stong/ / rnam par shes pa'i gzung 'dzin gcig/ gnyis med ngo bo nyid stong la// snang ba'i rtogs pa 'gog mi dgos// dngos por ma grub sgyu ma bzhin// sgyu ma dngos med stong pa'i gzugs// de la skrag pa 'khrul pa yin/ / snang ba med pa'i stong pa nyid// chad par lta ba'i 'khrul kham can// stong pa med pa'i snang ba can// rtag par lta ba'i gzung 'dzin can// log pa'i lam du shor ba yin// snang dus stong la stong dus snang/ / snang stong chu zla lta bu ru// skad cig tsam yang dbyer med la// gsal dang stong par 'dod pa kun// gnyis med gnyis 'dzin 'khrul pa'i blo// yon po'i lam du shor ba yis// yang dag sa la des mi bgrod/ / zung 'jug rab tu mi gnas la// stong pa nyid ces btags pa la// dmus long rnams kyis nam mkha' la// stong pa nyid du sbar tshod byed// de bzhin stong nyid mtha' bral la// rmongs pa rnams ni phyogs 'dzin byed/ / snang ba stong pa'i rang 'od la// blun po rnams ni mtshan mar 'dzin// snang stong gnyis med zung 'jug la// byang chub sems zhes rab tu brjod// ngo bo spros bral mtha' las 'das/ / blo 'das yid byed bral ba'i don// gnas lugs byang chub sems 'di la// ma rig rang gi kun rtog gis// snang stong chos rnams ming btags tsam// ming btags rtogs tshogs rang rang gis// ltos pa'i chos kyi snang stong gnyis/ / snang ba dngos po mtshan mar 'dzin// stong pa dmigs med mtshan med du// so sor gzung ba 'khrul pa'i blos// gzung 'dzin bral ba'i sems nyid la// brtags pa tsam las don la gcig/ 'khor ba'i snang bas myang 'das stong// myang 'das snang bas 'khor ba stong// gnyis med snang bas gnyis 'dzin stong// gnyis 'dzin snang bas gnyis med stong// de bzhin bde bas sdug bsngal stong/ / sdug bsngal snang bas bde ba stong// nyon mongs snang bas ye shes stong// ye shes snang bas nyon mongs stong// kun rdzob snang bas don dam stong// don dam snang bas kun rdzob stong// dngos po'i snang bas dngos med stong/ / dngos med snang bas dngos po stong// mi dge'i snang bas dge ba stong// bsgrub bya'i snang bas spang bya stong// spang bya'i snang bas bsgrub bya stong// mtshan ma'i snang bas mtshan med stong/ / mi dmigs snang bas mtshan med stong// min pa'i snang bas yin pa stong// yin pa'i snang bas min pa stong// bdag 'dzin snang bas gzhan nyid stong// gzhan gyi snang bas rang nyid stong// yod pa'i snang bas med pa stong/ / med pa'i snang bas yod pa stong// bden pa'i snang bas bden med stong// bden med snang bas bden pa stong// sems can snang bas sangs rgyas stong// sangs rgyas snang bas sems can stong/ / de ltar skyon yon legs nyes tshogs// ltos pas so sor rnam par dbye// gnyen pos brtags kyang snang stong gnyis// skad cig tsam yang dbyer med gcig/ thams cad spros bral lhan cig la// gnyis su 'jig pa 'khrul pa'i chos/ / mang po dag gis sdug bsngal bas// zad med 'phel med 'khor bar 'khyams// zung 'jug chos rnams mngon 'gyur na// 'khor ba mya ngan 'das su grol// gnyis su med pa'i longs spyod yin/ / gdod nas yin te blo bur min// rang byung don la bcos ma bral// snang dang stong par mi rtag pa'i// mtshan bcas mtshan med rtog pa kun// lus ngag yid kyi snang ba ste// lus kyi rtogs pa dngos snang gsal/ / yid kyi rtog pa dran snang shar// ngag gis snang bas brjod pa'i tshig/ phyi nang thams cad de las bskyed// de dang de'i snang ba kun// rtsa ba sems nyid gcig la thug/ sems la dngos po ma mchis pas/ / lus ngag yid gsum rang bzhin stong// sems stong tsam na lus kyang stong// stong pa byang na ma yin pas// sems de lus ngag yid du snang// snang ba'i der 'dzin zhi ba la// stong pa zhes su brjod pa min/ / sems kyi rang bzhin 'od gsal ba// snang bar ming du brtags pa la// sangs rgyas rnams kyis mkhyen pa 'byung// 'khor ba pa'i nyon mongs te// rang bzhin shes na ye shes dngos// ma rig pa la sems su gzung/ / rig pa'i dus na chos nyid don// skye 'gag med pa'i chos sku la// stong pa nyid ni bla dgas so// ma dag sems nyid 'khor ba la// dag pa'i sems nyid mya ngan 'das// gnyis su med pa'i gnas lugs la/ / snang dang stong pa la sogs pa'i// mang du bshad kyang spros pa tsam// yang dag don lag gcig las med// gcig po de yang spros dang bral// de bzhin de nyid ma rtogs pa// gzhan gyis bcos rgyu ci yang med/ / 'od gsal lhun grub 'gyur med yin// dper na nyi ma'i dkyil 'khor la// sprin gyis chod dang ma chod pa'i// gsal dang mi gsal 'byung ba bzhin// ma rtogs sa pa'i khyad tsam las/ / don la gsal 'grib rgyun chad med// rig pa rang gsal rdo rje 'chang// sra zhing snying po khong stong med// kun la khyab pas mtha' dang bral// dbu ma la yang mi gnas so// thams cad mkhyen pa'i rig pa yin/ / 'dus ma byas la chos skur brtags// mkhyen pa'i brtse bas gzugs sku byung// bsam gyis mi khyab brjod las 'das// gnas lugs ngang du rang sar zhog/ theg pa chen po'i mngon par rtog pa byang chub lam gyi rgyud chen nam mkha' dang mnyam pa las bden pa gnyis med snang stong zung 'jug tu bstan pa'i le'u ste bcu gsum pa'o/ /// rgyu ni so so'i skye bo nas// 'bras bu sangs rgyas sa la ni// bgrod par byed pa'i byang chub lam/ / ngo bo ting 'dzin ye shes yin/ khyad par can gyi yon tan rnams// rgyud la thob pa'i rten byed pa// sa zhes gong nas gong du ni// bgrod pa'i spyir na lam yin no// lam mchog 'di las su zhugs pa/ / dang po'i las can skye bo rnams// dkon mchog gsum gyi rang bzhin la// gus pas brten cing tshogs gnyis bsags// dka' thub chos la rten cing spyad// 'khor ba'i rang bzhin sdug bsngal gyis/ / lus ni mi gtsang phung po la// mi rtag dran pa nye bar bzhag/ tshor ba phyi nang bde sdug rnams// mi rtag btang snyoms stong par bsgom// gzung ba'i yul dang 'dzin pa'i sems// gnyis ka gcig rkyen gcig la skyes/ / sems de rang bzhin med par bsgom// chos rnams sngar yang ma skyes shing// phyis kyang skye bar mi 'gyur ba'o// skye med stong par shes par bya// yang dag spong ba bzhi po ni// sdig pa sngar skyes las spong zhing/ / phyis ni sdig pa bskyed mi bya// dge ba sngar skyes spel bya zhing// ma skyes dge ba bskyed par bya// mos 'dun brtsol ba'i brtson 'grus kyis// mi dge chos kyis dben pas na// mnyam gzhag 'dod chags bral bas na/ / dga' bde ting 'dzin la gnas pa// 'dun pa'i rdzu 'phrul rkang pas te// de la rab tu spros byed pa// dang ba'i rdzu 'phrul rkang pa yin// de la rtog cing spyod byed pa// spyod pa'i rdzu 'phrul rkang pa la/ / de'i don rnams yid la sems// sems kyi rdzu 'phrul rkang pas te// 'gro 'ong med pa'i rgyun de la// sems ni rtse gcig gnas pa yis// bsam gtan bzhi'i 'du shes la// rab tu sbyangs pa'i rdzu 'phrul dang/ / mngon shes phra mo thob par 'gyur// las kyis mngon shes rigs drug gis// sems can rnam pa phra mo yod// lha'i mig la sogs pa lnga// cha mthun tsam re mnyam bzhag dus// 'phags pa dgra bcom rnams la 'char/ / rgyun chad med par sangs rgyas la'o// tshogs lam bzhi gsum bcu gnyis so// tha ma 'bring mchog chen po la// rim pa bzhin du 'du 'dzi spangs// dben pa'i stobs las skye ba yin/ / mos spyod tshogs gnyis bsags pa de// chos nyid don la sbyor ba'i lam// nges 'byed yan lag rnam bzhi ste// drod ni me'i snga ltas bzhin// chos nyid rtogs pa'i snga ltas su// bzung yul rang bzhin med pa yi/ / sgyu ma rmi lam lta bur rtogs// de nyid rang bzhin med pa yi// chos kun dgag sgrub blangs dor bral/ yonatan 'phel ba rtse mo ste// 'di dus dbang pos gang snang ba// skye ba med par mngon du shes// de la gzhan gyis mi phyed pa'i/ / bstan pa'i nges shes chen po skye// de ni dad pa'i dbang po yin// de la rab tu spro sems kyis// srog gi phyir yang ma chags par// dka' ba sna tshogs spyod pa'i mthus// brtson 'grus dbang po dub par med/ / spyod lam rnam bzhi dran shes kyis// tshul ma yin pa kun spangs shing// sems la lta ba dran pa'i dbang// gang la dmigs pa'i chos de la// lus sems rtse gcig gnas byed pa/ / dag byed ting 'dzin dbang po yin// rtse gcig spyod pa'i chos de la// so sor rtogs pa'i shes rab kyis// brtags pas gzhi rtsa med mthong ba// shes rab dbang po thob pa ste// chos rnams skye 'gag med pa yi/ / mtshan ma bral ba'i don la ni// blo la mi skrag mi sdang bar// mos pa thob pa bzod pa yin// 'di nas ngan song mi ltung zhing// dge ba'i rtsa ba rgyun mi 'chad// nyi ma 'char ba'i snga ltas su/ / nam mkha' mtha' nas sangs pa bzhin// rnam par rtog med ting 'dzin la// chos rnams thams cad gcig tu 'gyur// rnam rtog ma lus thams cad 'gags// rtogs pa med pa'i ting 'dzin de// 'jig rten chos las mchog gyur pas/ / de nyid don la rtags spyad na// 'jig rten 'jig rten 'das pa'i chos// skad cig gis ni bye brag phyed// mthong lam don la des sbyor bas// sbyor lam don zhes theg chen dang/ / nyan rang gnyis dang thun mong ste// nyan thos sa brgyad rang rgyal dgu// 'ga' zhig theg chen cha mthun yang// 'di nyid la ni thob pa ste// zhi gnas dang ni lhag mthong yang// 'di nas gcig tu 'dres par 'gyur/ / nyan rang byang sems de bzhin gshegs// ting 'dzin thams cad 'di gnyis 'dus// zhi lhag gnyis po kun gyi don// las rnams bgrod pa'i srog shing yin// phung po khams dang skye mched sogs/ / gzung dang 'dzin pa'i chos rnams kun// ma lus chos nyid spros dang bral// de bzhin nyid kyi don la ni// rang gis rig pas mngon sum du// mthong phyir mthong ba'i lam zhes bya// mnyam bzhag chos nyid don las su/ / rjes thob sgyu ma lta bu yi// 'khor ba'i chos la mi skrag cing// rang rig chos nyid don mthong bas// dga' ba skye phyir dang po'i sa// don la nyon mongs ma gos pas// gnyis pa dri ma med pa'i sa/ / chos rnams rang shar yon tan gyis// shes rab rgyas pa 'od byed pa// phyogs med yon tan cher rgyas pas// sa ni bzhi pa 'od 'phros pa// thog med du nas bag chags rnams// sbyang ka sbyong bas sa lnga pa/ / chos rnams thams cad rang gi sems// mngon du gyur pa drug pa ste// 'khor ba'i bag chags spangs pas su// bdun pa ring du song ba'o// 'di rnams 'khor ba'i nyon mongs kyi// cha ni phra med ma dag sa/ / 'khor ba'i skyon gyis ma gos shing// sems can don kun bsgrub pa'i phyir// byang chub sems dpa' zhes bya'o// gong nas gong du bskyed pa yis// spyod pa la zhugs sems dpa' yin// chos nyid don mthong skyes mchog gis/ / zag bcas zag med la sogs pa// mnyam pa nyid shes bsgom pa'i lam// shes bzhin bag chags sbyangs pa yis// dang po nas ni bcu pa'i bar// nam zla dros pa'i chab rom bzhin/ / nyon mongs rims kyis je phra song// bsgom lam rnam par mi rtog pa'i// chos nyid rang sar bzhag pa yis// mnyam rjes gnyis med gcig tu 'gyur// bag chags gnyis snang dbyings su yal/ / phyir mi ldog pa'i sems dpa' ste// chos nyid don la skad cig kyang// rkyen gyis mi g.yo sa brgyad pa// shes bya kun la ma rmongs pas// dgu pa legs pa'i blo gros sa// zla ba yar gyi ngo bzhin du/ / sangs rgyas kun gyi yon tan rnams// rgyud la sprin bzhin 'khrigs pa yis// sa bcu chos kyi sprin zhes pa// sangs rgyas rnams kyi dbang thob ste// skye ba gcig gis thogs pa yi// byang chub sems zhes ming du btags/ / sa bcu'i yon tan mthar phyin lam// mi mthun phyogs kun rnam par dag/ dag pa'i ye shes dbang bcu'i don// thub dbang stobs bcu sangs rgyas sa// mkhyen pa'i thugs rje'i 'od zer gyis/ / kun gyi don byed bcu gcig pa// kun tu 'od kyi sa chen po// rdo rje dbyings kyi dkyil 'khor du// gzugs sku 'khor ba'i skyon gyis su// ma gos bcu gnyis pad+ma can// chos sku mya ngan 'das pa'i skyon/ / zhi bas ma gos tshogs chen po// gnyis med thams cad mkhyen pa la// sdug bsngal sgrib pa kun med pas// bcu bzhi bde ba chen po'i sa// yang dag don la 'gyur med pas// rdo rje 'dzin pa sangs rgyas pa'o/ / lam gyi chos rnams thams cad kun// blang bya'i don ni ting nge 'dzin// zhi gnas sems ni rtse gcig pa// lhag mthong so sor rtog pa yis// shes rab chos kun rtogs pa la// nyan rang rnam rtog mgo non tsam/ / mi rtog rtse gcig zhi gnas la// mi rtag stong pa bdag med du// so sor rtog shes lhag mthong yin// byang chub sems dpa'i chos rnams kun// rnam par mi rtog zhi gnas la// rtog tshogs gnas lugs gcig tu ni/ / shes pa lhag mthong ye shes te// rnam par rtog dang mi rtog pa// mnyam rjes med pa zhi gnas la// ma 'gag gsal ba lhag mthong ni// mthar phyin lam gyi ting 'dzin yin// ting nge 'dzin ni gcig nyid la/ / shes rab stobs kyi khyad par gyis// bu ga khang pa phyi rol gyi// nam mkha' mthong dang mtshungs pa ste// de nyid grol na gnyis su med// mnyam pa nyid la 'khor 'das med// ma rtogs dus na kun gzhi zhes/ / rtogs pa'i dus na chos kyi sku// thob par byed pa'i don la ni// rdo rje lta bu'i ting nge 'dzin// ming du brtags pa'i chos su zad// dang po'i las can tshogs lam nas// mthong lam bar ni chos nyid kyi/ / don ma rtogs pas mos spyod pa// mthong lam nas ni bdun pa'i bar// chos nyid don la spyod pa'i sa// spyod pa la ni zhugs pa'i sa// brgyad pa nas ni nyon mongs dag/ 'khor bar mi ldog pa yis/ / bcu pa spangs thob yon tan kun// mthar phyin mi slob sangs rgyas sa// ting nge 'dzin gyi rang snang la// dus kyi skabs dang sbyar ba yin// tshogs sbyor gnyis pa'i lam tsam las// sa'i yon tan mi rdzogs te/ / mthong lam thob nas sa bcu bar// pha rol phyin bcu rdzogs par byed// dang po sbyin pa gtso bas te// chos la dmigs pa'i snying rje yis// dge bas bsdu phyir brtson par byed// gnyis pa tshul khrims mi mthun pa'i/ / mi dge spang zhing dge ba la// stobs chen tshul bzhin spyad par bya// gsum pa bzod pa chos kyi phyir// don gnyer sangs rgyas rim 'gro byed// brtson 'grus zag bcas zag med kyi/ / gnas 'gyur shes pas blang dor byed// bsam gtan rig pa'i gnas rnams la// sgrib sbyangs log 'dren tshar yang bcad// shes rab chos kun thams cad kyis// don rnams khong du chud par byed/ / thabs kyis sku dang zhing khams la// kun rdzob don dam 'jug par byed// stobs kyis phun sum tshogs pa yis// yon tan kun la go bar byed// smon lam sems can yid rnams kun// gang ltar bdun pa de bzhin thob/ / sa bcu ye shes chen po yis// dbang bskur thams cad mkhyen pa ru// yon tan thams cad rdzogs par 'gyur// tshogs sbyor lam gyi dus 'di ru// spang bya nyon mongs gnyen po spong// sa thob nas ni nyon mongs dang/ / nye ba'i nyon mongs nyi shu sogs// rtsa ba bsrung nas 'byin par byed// brgyad pa nas su nyon mongs dag/ chos kyi bdag 'dzin shes bya yi// 'dzin pa 'phra mo'i zhen pa de// sa bcu pa la ma lus dag/ sprin bral nyi ma'i dkyil 'khor bzhin// sgrib pa mdud la nges par grol// sa thob gyur ma thag de ru// nyon mongs dug dang mtshon mi tshugs// srid pa'i chu dang mes mi tshig/ bag tsha ngan 'gro'i 'jigs pa bral/ / skad cig 'dun pa btang ba tsam// ting 'dzin brgya la snyoms 'jug dang// sangs rgyas brgya mthong byin brlabs thob// 'jig rten zhing khams brgya g.yo dang// sangs rgyas zhing khams brgyar 'gro dang/ / sems can brgya la tshos ston dang// 'jig rten khams brgya snang byed dang// bskal pa brgya gnas skye ba dran// phyi ma'i bskal brgyar 'jug pa dang// lung brgya yongs su ston byed dang// chos kyi sgo mo brgya 'byed dang/ / sprul pa brgya phrag ston pa'o// yon tan brgya phrag bcu gnyis po// byang chub sems kyi 'dod 'dun la// ting nge 'dzin gyis byas pa yin// rtsol ba med pa'i brtson 'grus kyis// de 'dra'i rnam sprul bsam las 'das/ / rig pa sems kyi cho 'phrul yin// de bzhin sa bcu'i bar du ni// ting 'dzin yon tan gong nas gong// stobs cher gyur pa'i gnyis pa la// stong phrag bcu gnyis gsum pa la/ / khri phrag 'bum dang bye ba dang// sa ya phrag bcu phrag brgya dang// stong phrag khri phrag 'bum la sogs// bcu gcig grangs med brjod las 'das// sngon gyi smon lam mthu yis su// sems dpa' de dag re re la/ / lus dang rdzu 'phrul stobs dang ni// 'od dang mngon shes sbyangs la sogs// bskal par brjod kyang bsgrangs mi nus// lhag bsam rnam par dag pa ni// de dag thams cad shugs la 'byung/ / tshogs lam yon tan mthar phyin pas// mnyam par gzhag pa'i dus nyid du// bde gsal mi rtog ting 'dzin la// g.yo ba med cing dngas pa ni// gsal ba me long lta bur 'gyur// gnas lugs don ni ma mthong bas/ / da rung bcos ma'i ting 'dzin te// ma yengs gnas pa'i yon tan du// spyan mnga' chags pa med pa yi// yang dag don mthun mngon shes lnga// gnas skabs lam dang mthar thug tu// dpag tshad gcig nas stong gsum bar/ / zhing khams mthong ba sha yi spyan// mnyam bzhag dang ni rmi lam du// zhing khams mthong dang lung ston dang// rnam pa sna tshogs rtags rnams 'byung// byung yang mi rtag 'gyur ba yin/ / sbyor lam dus su ting 'dzin gyis// sgo ni brgya stong du ma mthong// snang ba rmi lam sgyu mar rtogs// zag bcas zag med la sogs pa'i// cha mthun mngon shes 'phra mo dang// phyogs bcu'i 'jig rten ji snyed pa'i/ / 'chi 'pho shes pa lha'i spyan// nyan thos rang rgyal ting 'dzin la// goms pas de'i yon tan thob// chos rnams kun gyi don mthong bas// shes rab spyan te mthong lam yin// sa bcu'i yon tan mthar phyin pa/ / gang zag 'phags pa'i ting 'dzin la// spangs thob shes pa chos nyid spyan// bsgom lam dus na thob pa yin// nyon mongs spangs pas zag pa med// ting nge 'dzin la rang dbang bsgyur// shes bya'i sgrib byang gzung 'dzin dag/ rang rig don la gsal 'grib med// spangs thob yon tan phun sum tshogs// rtsal sbyong rgyu mthun rgyal rigs thob// thams cad mkhyen pa sangs rgyas spyan// mthar phyin lam la rdzogs nas thob/ / shes bcu rnam dag 'bras bu don/ khams gsum nyon mongs spangs pa yi// rang dang spyi yi mtshan nyid kyis// chos nyid don shes chos shes la// nyon mongs ma spangs rang grol du// rjes su shes pa mthong ba'i lam/ / pha rol gzhan gyis sems shes pa// sgrib pa med pa'i ye shes thugs// sems can bsam pa shes pa yin// kun rdzob shes pa rjes thob kyis// zag bcas shes pa'i rtog pa rnams/ / zag med mnyam nyid shes pa'o// sdug bsngal shes par 'khor ba yi// sdug bsngal rgyu mtshan shes pa'o// kun 'byung shes pas las dang ni// nyon mongs rang bzhin shes pa'o// 'gog pa shes pas mi skye ba'i/ / chos la gang yang spangs su med// mi mthun phyogs dang sdug bsngal bral// lam shes lam lnga'i mtshan nyid rnams// bye brag shes pa bsgoms pa'i lam// zad pa shes pa bag nyal gyi/ / sgrib pa zad par shes pa'o// mi skyo shes pa lhun grub kyi// don la 'gyur med shes pa'o// de rnams mthar phyin lam yin te// lam gyi ye shes 'bras bus bstan// don gyi ye shes thams cad mkhyen/ / 'bras bu sku lnga ye shes lnga// gsum mam cig dang gcig tu ni// lhun grub sa la rdzogs par 'gyur// theg pa chen po'i mngon par rtog pa byang chub lam gyi rgyud chen nam mkha' dang mnyam pa las/ / byang chub sems dpa'i lam bstan pa'i le'u ste bcu bzhi pa'o//// chos nyid bdag med rang rig pa// phyogs su ma lhung kun khyab pa// bdag tu 'dzin pa'i rtag pa de// sems ni yin nam ma yin zhes/ / yin na rtag pa ma yin te// sems ni ma dmigs pa yi phyir// dmigs pa med kyang brtags nas ni// rtag par grub pa'i dam bcas nyams// gal te bdag ste dbang phyug gis// byed pa gzhan du 'dod pa na/ / dbang phyug mchod dang mi mchod 'grub// mchod 'dod gtsang dang mi gtsang dang// gtsang la 'dod na rang nyid ni// mi gtsang rdzas kyi phung po yis// dbang phyug nyams pa'i skyon du 'gyur// de yis ma bskyed mchod pa med/ / mi gtsang mchod kyang 'grub byed na// sems can kun la dbang phyug 'grub// khyod kyis grub mtha'i dgos pa gtor// dbang phyug mi gtsang phung por 'gyur// ci phyir mi gtsang mchod pa'i don/ / mchod pa med kyang gzhan byed na// dmyal bar gnas pas dbang phyug grub// ci ste mchod pa mi dgos phyir// de ni khyod kyi 'dod pa ni// dbang phyug 'grub pa don med 'gyur// dmyal ba dmyal bar gnas gyur pas/ / dgos na snga ma'i dam bca' 'gal// sems can kun la bdag yod na// sems can skye shi med par 'gyur// bdag ni rtag pa nyid kyi phyir// sems can 'chi yang bdag rtag na// bdag de sems can min pa'i skyon/ / sems can skye shi yid rang bzhin// bdag la shi mi med pa yis// gcig pa nyid kyis dam bca' sogs// de phyir khyod kyis bdag rtag pa// brtag pa ma yin nyams pa la// grub par khas len 'khrul pa'i blo/ / bdag med don la 'jug par rig/ bdag la ming la don la med// mo gsham bu'i mtshan nyid bzhin// mi rtag chos de brda'i stong// gzhi rtsa bral ba'i chos nyid de// stong pa nyid la bdag ma grub/ / ma grub bzhin du snang ba ni// dper na sna tshogs sgyu ma bzhin// rkyen rnams tshogs pa'i rten 'brel gyis// kun rdzob 'khrul pa'i snang ba tsam// yang dag don la 'khrul pa med// cir yang ma grub cir yang gsal/ / gsal stong ngo bo nyid kyis bdag/ bdag med seng ge'i sgra dang ldan// mu stegs rigs ngan 'jom par byed// chad par lta ba'i rgyang 'phen pa// rgyu yod 'bras bu med pa dang/ / rgyu 'bras gnyis ka mi 'dod dang// rgyu yod 'bras bu mi 'dod na// khyod kyis byas pa don med 'gyur// rgyu yod 'bras bu med pa'i phyir// 'dod na khyod kyi srog 'di nyid// skyes nas 'chi bdag med dam ci/ / med na sngon du ma shi bas// da yang mi 'chi sdod pa gang// yod na sngar gyi don dang 'gal// rgyu yod 'bras bu ma grub nyams// sa bon myu gu 'bras bu bzhin// rgyu 'bras rten cing 'brel 'byung gi/ gnas lugs don gcig ma rtogs na/ / srid pa'i skye sgo su yis khegs// las kyi rnam smin gang gis bzlog/ las la rnam smin med gyur na// lus la mtshon phug nad mi 'byung// las la 'bras bu med phyir ro// de nyid las su mi 'dod na/ / na tsha nyid kyang ma grub ste// lus la las ni med pa'i don// gal te nad ni grub pa na// 'bras bu med pa'i dam bca' nyams// mtshon gyi zug rngu byung bas gsal// mtshon la sdig pa med pas na/ / sdig byed mkhan po gang nas grub// ma grub 'dod pas don grub na// lus la na tsha ma mchis so// yang na ro yang na bar rigs// ro dang khyod kyang mtshungs pas so// ro'i khas len bral ba na/ / mkhan po ma grub khyod kyi skyon// rnam smin mkhan po sems las byung// sems dge na ni chos kyang dge/ sems mi dge na chos mi dge/ rnam smin rgyu 'bras dngos su gsal// rgyu 'bras snga phyi ma grub na/ / phyi ma med pa 'dir yang med// 'di yod gyur na slad ma yod// med na med par su yis shes// gnas skabs 'di yi shes pa tsam// 'di shes gzhan yang shes gyur te// mi shes gnas skabs su'i byed/ / mun pa'i klong na gnas skabs med// yod na mun pa'i klong ma yin// sems la snga dang phyi ma med// yod na med pa'i dam bca' nyams// med na snga ma'i bsgrub bya 'gal// med na med par sus mi shes/ / yod pa med par gang gis bsgrub// sgrub byed mkhan po ma grub na// bdag gi ba dang log par 'gyur// grub na phyi ma med dang 'gal// byed pa gzhan nas byung ba na// khyod kyis shes pa'i don dang 'gal/ / gzhan byung rang gis go ba na// bdag min zer ba nyes par 'gyur// gnyis ka ma yin gnyis 'dod na// mngon sum khyod kyis don rnams klag/ yod bzhin med par las spyad pas// glen pa dug la za ba bzhin/ / rgyu 'bras rnam smin mi bslu ba'i// sdug bsngal 'bras bu myong bar 'chi// yod la med mthong log pa'i chos// long bas me thab 'phyong ba 'dra// rgyu 'bras mi 'dod gyong re che// rnam par smin la bros sa med/ / med la yod 'dzin log pa'i chos// sgyu ma'i ltad mos bslus par mchis// mi rtag sdug bsngal ya re che// yod med rtog spyod rtog ge ba// mun pa'i lam la 'ol tshod byed// sdug bsngal g.yang la lhung bar mchi/ / bdag med don cig ma rtogs na// bdag 'dzin 'di kas phung du bcug/ rgya mtsho'i dkyil du rdzings kyis bsgyur// srog dang bral ba'i nad pa la// sman pa'i dgos ched stor ba bzhin/ / lta ba log pa'i rnam smin la// thabs gzhan dag gis mi phan pas// lta log gang zag sun phyung la// yang dag lam la gzhug par bya// yang dag ma nor bden pa'i lam// byang chub sems kyi rig pa 'di/ / rtag pa ma yin mtshan ma bral// chad pa ma yin rig cing gsal// rtag chad mtha' bral gzhi med 'di// kun rdzob sgyu ma bzhin du 'char// sna tshogs rgyu 'bras rten 'brel bden// don dam sgyu mkhan bzhin du gnas/ / gzung 'dzin bral bas gnas lugs bden// gnyis su med pa'i brtan pa 'di// phyogs su ma lhung kun tu gsal// ma nor lam 'di sus shes pa// 'khor ba 'di ni mya ngan 'das// nam yang langs pa'i mun pa bzhin/ / 'khrul pa mi gnas sdug bsngal grol// bde chen 'od gsal rig pa 'di// rgyal sras de bzhin gshegs rnams kyis// dgongs pa bla na med pa'i don// rtogs par 'dod na ji bzhin zhog/ ma yengs byas na mngon du 'gyur// rang gis lta ba'i tshul 'dzin pas// shes rab dman pa'i grub mtha' ni// nyan thos sde pa rnam gnyis kyis// phyi rol bzung ba'i yul 'di nyid// rdul phran cha gnyis 'byar ba yi/ / rdul gcig bsgrangs pa'i phung po la// snod bcud thams cad skyed pa yi// 'khor ba 'di ni spang 'dod cing// thar pa sgrub par 'dod pa gang// de ni rang nyid yin dang min// 'khor ba rang nyid yin pa ni/ / lus yod grib ma mi spong bzhin// 'khor ba spangs pas yongs mi 'gyur// rang nyid min na spang mi dgos// 'od dang mun pa mnyam mi gnas// 'khor ba kun rdzob blo yin na// kun rdzob don dam gcig mi gcig/ gcig na don dam 'khrul pa yis// 'khor bas 'khor ba gang la yod// mun pas mun pa mi sel bzhin// gal te tha dad gyur pa na// kun rdzob gang du grol bar 'gyur// don dam nyid dang 'brel med na/ / sems can thar pa ci la thob// kun rdzob sems can min na ni// 'phags pa kun rdzob min ma srid// gal te yin na thar lam gyi// dgos pa dor bas don med 'gyur// don dam nyid ni gcig mi gcig/ gcig na don dam 'gyur mi 'gyur// 'gyur na don dam bden pa min// 'khor ba mya ngan 'das mi 'gyur// mi 'gyur don dam 'phags pa yi// chos nyid bden pa yin pa na// sems can 'bad pa med par grol/ / min na don dam dgos med thal// yang dag ma yin kun rtog phyir// khyod kyis spang bya nyon mongs chos// nyon mongs nyon mongs sems dkrugs pas// mi shes 'khor ba'i 'dam du bying/ / byas pa don med sdug bsngal rgyu// 'gog pa'i chos kyis sangs mi rgya// 'o na gang ltar yin zhe na// 'khor ba rang snang yin gyur kyang// ma rig 'khrul pas kun rdzob byung// las kyi rkyen gyis ngan rtogs shar/ / zhen na sdug bsngal rang bzhin la// rang snang yin pas mi thar phyin// dri mas dri ma 'khrud pa bzhin// rang snang rang snang sgyur ba la// 'khor ba'i chos la zhen log bsgom// mi dge spang zhing tshul khrims srungs/ / goms par gyur na chags pa med// zhen chags bral na sdug bsngal grol// rang snang mi rtag sdug bsngal la// stong pa bdag med bde bsgoms pa// bdag tu 'dzin pa'i nyon mongs grol/ / 'dzin pa'i sems yin ma shes kyang// bzung ba'i yul de 'gog pa yin// bsam gtan la ni gnas pa yin// 'khor ba'i rang snang med pa na// de nyid spang yang mi dgos na// spangs kyang 'khor ba 'gog mi 'gyur/ / ma 'gog 'khor ba rang kha yin// rang dang 'khor ba phan tshun du// pha ri tshu ri gnas mi 'gyur// 'khor tshe 'khor ba'i yul dang ni// rang snang gnyis po gnyis su med// 'gog tshe 'gog pa'i snang ba dang/ / rang snang gnyis su ngas ma mthong// snang ba bdag med kun khyab la// bdag tu 'dzin pa'i 'khor ba ste// bdag med phyogs cha theg dman la// phyogs med rtog pa theg chen no// 'khor ba spangs pa'i bde 'bras ni/ / rang las thob bam gzhan las byung// rang las byung na bdag med don// 'phags pa'i don dam bden pa de// khyod kyi ting 'dzin gang yin pa// gzhi nas yod dam lam du bskyed// 'bras bu gang gis thob par 'gyur/ / gzhi nas yod na sems can rnams// thams cad 'phags pa'i rang bzhin la// bsgrub par bya ba ci la dgos// lam du skyed na rgyu med pa'i// 'bras bu gang nas 'byung bar 'gyur/ / byung na kun rdzob don dam gang// kun rdzob 'khor ba'i rang snang la// don dam bskyed bya bral ba ste// dmigs med gzugs de su yis mthong// kun rdzob lam du bskyed pa na// mi khom brgyad kyang yon tan skye/ / kun rdzob snang ba yod pa'i phyir// sdug bsngal sdug bsngal spyod mi dgos// rgyu med lam las byung ba'i phyir// gzhi la ma rten rgyu med pa'i// 'bras bu thob byed gang 'dod pa// rgyu med 'khor ba ci la spang/ / lam med byang chub gang gis sgrub// 'bras bu lam gyis mi skyed phyir// sems can 'bad pa med par grol// yang na 'bad pa don med 'gyur// ting 'dzin bsgom pa don med thal// yod na bsgom pa ci la dgos/ / med na bsgom rgyu gang nas byung// yod med gnyis la rtog spyod na// rtog ge 'khor ba'i rtsod gzhi yin// byang chub sa la rtsod gzhi bral// gzhan byung sems can las dang ni/ / 'phags pa'i thugs rje gang la bskyed// las la byung na lam ci dgos// 'phags pa'i thugs rjes skyed pa na// de tsam sems can gcig kyang med// rang la byung na gzhan byung 'gags// gsum ka dgos na rgyu rkyen de/ / 'dus byas 'jig rten chos su 'gro// 'phags pa'i chos nyid 'dus ma byas// rtogs par 'dod pa'i lam chen po// kun la khyab pa'i chos nyid de// rang la gnas pa'i don phyi ru// rgyu rkyen ldan pa'i dal 'byor te/ / log 'khrul zhen pa'i yul rnams spang// zhen med lam gyi dge ba la// gzhan rkyen 'phags pa'i rjes 'jug cing// rang rkyen ma yengs ting 'dzin gyi// rten 'brel tshogs pa'i rang snang ste/ / rang sems yin pa'i rtags nyid du// ting 'dzin bstan pa gang thob pa// de dang de'i 'bras bu ni// rang las 'byung ste gzhan las min// yin kyang bu ga'i nam mkha' bzhin// rang gi ting nge 'dzin tsam la/ / gzhan gyi don de ma rtogs pas// da rung 'khor ba'i 'dam na gnas// bde chen skam sar thon 'dod na// byams dang snying rje'i dkyil 'khor du// bdag med chos la yang dag spyod// theg pa mchog la blo gros skyed/ / ma rig las byung rten 'brel gyis// 'khor ba zo chu'i khyud mo la// zlog ste rang rgyal don 'dod pa// ma rig 'gog pa'i ting 'dzin de// sbyang gzhi gnyen po gcig mi gcig/ snga ma ltar na ma rig pas/ / ma rig pas ni sems mi 'gyur// sems ni sems can gdod ma nas// 'khrul pa ci yi phyi ru byung// gnyen po lhan cig gnas pa las// phyi ma ltar na ma rig pa'i// 'joms byed logs na 'dod pa de/ / 'gro la sems rgyud gnyis med pas// ma rig spangs pas rigs pa cig/ byed pa gzhan na ma mchis so// byung na thugs med skyon du 'gyur// ma rig pa dang gnyen po gnyis// tha dad gnyis med don la sgribs/ / mun pa'i nang du mig 'gags bzhin// sgrib pa'i steng du sgrib pa bsnan// sgrib gnyis thar pa'i gegs yin pas// de'i mun pa gang gis sel// thugs rje ldan pa'i 'od zer gyis// sel lam gzhan gyis snang mi nus/ / sgron me mun pa chung sel yang// nyi ma'i 'od la sgron me mun// nyan thos rang rgyal ye shes kyang// byang chub sems dpa'i sgrib pa yin// de phyir theg chen nam mkha'i don// shes rab blo yis spyad par bya/ / ma rig rang snang 'khrul pa ste// 'khrul pa sna tshogs rang rig tu// bla ma'i drin gyis rtogs pa yis// dper na dmus long mig phye bzhin// skye med sems kyis don rtogs pas// 'gags med rig pa kun tu gsal/ / ma rig sgrib pa rang sar dag/ gzung 'dzin bral bas byang chub sems// bde ba chen po'i sa la spyod// dang po'i byang chub sems de ni// bdag gzhan sems can thams cad la/ / yod dam phyogs ris gnas she na// 'o ma la ni mar khyab bzhin// phyogs ris med par kun la khyab// gal te phyogs cha gyur pa na// rgyu med 'bras bu mi 'byung ba// kun la sems skyed don med 'gyur/ / 'o na mi khom gnas rnams na// rgyur gyur ma yin gang gis rkyen// dper na 'o ma mar gyi rgyu// snod dang srubs shing bskyed nas 'byung// ma bskyed mar mi 'byung ba bzhin// dal 'byor ma thob mi khom gnas/ / nam zhig thob tshe sems bskyed 'gyur// sems can sangs rgyas snying po can// kun la khyab pas gzhi ru brtags// bskyed du yod pas sa bon la// ma rig pas ni 'phra mos te// bsgrang du yod pas lam zhes bya/ / 'bras bu 'byung phyir rgyu yin no// gang zhig byang chub sems bskyed pa// nus pa yod dam med nas bskyed// yod na sems bskyed mi dgos te// me la me bskyed mi dgos bzhin// med na bskyed kyang don mi 'byung/ / sprang pos rgyal por bskyed byas kyang// de'i bya ba mi 'grub bo// dper na gzhon nu mi chen gyis// nus pa med kyang 'dun yod pas// nam zhig cher gyur grub pa bzhin// dang po'i las can gang zag la/ / nus pa med kyang smon pa yis// dus tshod sems bskyed kun don 'grub// nus pa yod nas ma bskyed na// gter gyi nor bzhin mi phan pas// stobs dang nus pa gang yod kyis// 'jug pa sems bskyed gang byas la/ / de'i don rnams 'grub par 'gyur// sems bskyed gzhan gyis don 'grub pa// 'brel pa med dam yod nas 'grub// med na chu'i me'i don// mi 'grub bzhin du 'brel med pas/ / sems gnyis gcig tu mi 'dres pas// sems bskyed gzhan gyis don mi 'grub// yod na de dang de byung ngam// bdag nyid gcig pa'i 'brel ba yod// snga ma ltar na khyod gzhan nam// gzhan ni khyod la byung ba yin/ / kun rdzob de dang der 'byung gis// rang gzhan gnyis ka rten 'brel yin// don dam bdag med gcig pa yi// rtog pa sna tshogs mtha' yas kyang// sems can thams cad sems gcig pas/ / sems bskyed mkhan dang sems bskyed yul// gnyis med byang chub sems bskyed pas// sems bskyed bzhin du kun don 'grub// bdag grol tsam na gzhan yang grol// bdag nyid ji 'dra sems can kun/ / de 'dra chos kun gnas lugs gcig/ tha dad so sor 'gro gyur na// byang chub sems kyi dgos pa stor// gnas skabs tsam gyis phan byed pa// las kyis bsdas pa'i 'gro ba la// pha ma bu tsha sems gcig pas/ / 'brel pa yod kyang so sor 'gro// byang chub sems la 'du 'bral med// thams cad rang rig byang chub nyid// rang nyid bcings na kun yang bcings// rang dang gzhan nyid gcig pa'i phyir/ / gzhan nyid bcings na rang yang bcings// gzhan dang rang nyid gcig pa'i phyir// gcig la 'char lugs tha dad pa// sgo lnga dbang po so sor gsal// der byung snang ba sna tshogs te// don ni sems la 'das pa med/ / yal 'dab mang yang sdong po'i ngos// gzhan du 'gyur ba med bzhin du// bdag gzhan don gnyis 'grub pa'i sa// byang chub sems kyi 'bras bu de// bdag nyid mngon par sangs rgyas tshe/ / 'khrul pa'i sems can snang 'gyur na// sangs rgyas gnyis snang rtogs can 'gyur// sems can 'khrul snang ma mchis na// thams cad mkhyen pa'i dgos pa stor// rang la sku gnyis snang gyur ni// gnyis med chos sku don la bsgribs/ / chos skus kun la ma khyab na// sangs rgyas yon tan ma mchis te// ye shes med na nyon mongs dngos// bag la nyal ba yod ma srid// yod na de'i rgyu mtshan shod// byang chub sems kyi gnas lugs ni/ / thog med dus nas ma rig pas// nyon mongs rang gsal sna tshogs 'di// 'khor ba kun rdzob bden par shar// rang gis gnyen por rang nyid kyi// lta sgom spyod pa'i sems bskyed kyi/ / 'khor ba rang snang sems su rtogs// rjes shes rmi lam sgyu ma tsam// mnyam par bzhag pa 'od gsal dang// byang chub sems dpa' mnyam rjes la// 'khor 'das gnyis snang sgyu ma tsam// nam yin langs pa'i mun pa 'dra/ / mnyam rjes med pa chos kyi sku// mun sangs nyi ma'i dkyil 'khor 'dra// bu tsa'i dus kyi snang ba de// che mir gyur nas med gyur kyang// bu tsa'i byed spyod mtshan nyid shes// shes kyang bu tsar mi ldog bzhin/ / sangs rgyas 'khor bar mi snang yang// 'khor ba'i dus kyi mtshan nyid shes// shes kyang shes bya'i sgrib pa med// sangs rgyas 'khor bar mi ldog ste// 'khor ba'i rang bzhin mya ngan 'das/ / sangs rgyas min pa'i sems can med// sems can thams cad sangs rgyas pas// gnyis med chos sku khyab brdal la// nyon mongs rang bzhin ye shes su// bag la ma nyams mngon sum du// 'gag med ye shes phyogs med gsal/ / rig pa rang gsal rdo rje 'di// 'khor ba mya ngan 'das pa yi// thams cad mkhyen pa rnams gnyis po// dbyer med gcig pa sku gcig ste// de las spros na thams cad mkhyen/ / sems can mos pa ji lta ba// sangs rgyas sku yang de dang mnyam// sangs rgyas 'gro don gang mdzad pa// gdul bya de dang mtshungs pa 'byung// chu zla mkha' zla de bzhin no// byang chub sems kyi 'bras bu yin/ / gzhi lam 'bras gsum rang yin pas// rang 'byung ye shes ming du 'bod// sems can thams cad rang yin pas// byang chub sems dpa' chen po zhes// thams cad mkhyen pa'i sangs rgyas yin/ / sems can rang snang ma yin na// sangs rgyas gcig gi thugs rjes kyang// gdod nas sems can gcig kyang med// thams cad thad ka'i rang snang yin// sangs rgyas re la gdul bya re// gdul bya re la sangs rgyas re/ / gnyis su med par mnyam pa nyid// 'khor ba dong sprugs ma yin pa// lhag ma gcig kyang mi 'ong ngo// ji srid sems de yod kyi bar// sangs rgyas sems can gnyis ka yod// sems kyi gzung 'dzin grol tsam na/ / sangs rgyas sems can gnyis med do// gnyis med chos sku kun tu bzang// ngan pa bya ba rdul tsam med// bzang po ji bzhin sa dag la// kun nas kun tu bzang thob shog/ theg chen po yis mngon par rtogs/ / byang chub lam gyi rgyud chen nam mkha' dang mnyam pa las// rtsod pa gzhi med du grol bar bstan pa'i le'u ste bco lnga pa'o//// 'khor ba dang ni mya ngan 'das// snang zhing srid pa'i chos rnams kun/ / sems la ma 'dus chos gzhan med// sems nyid kun gyi rtsa ba ste// ma rig pa de 'khor ba'i gzhi// rig pa'i sems de myang 'das gzhi// 'bras bu thams cad skyed par byed// kun la khyab pas mkha' lta bu/ / dper na dpag bsam sdong po la// yal ga lo 'dab me tog dang// 'bras bu shun pa dri bsung ni// lo re zla re zhag re zhing// 'byung ste 'gro ba'i 'dod bsgrubs kyang// shing ni slar zhing cher 'phel nas/ / rtsal rdzogs myu gur mi bzlog par// sdong pos 'dod dgu 'byung ba bzhin// byang chub sems kyi chos nyid 'di// ma rtogs 'gro ba sems can gyis// rang snang rtog pa ji bzhin sgrub/ / rtog 'dod sems kyi ting 'dzin gyis// rang rang blo dang gang 'tshams pa'i// theg pa rim pa sna tshogs pa'i// der 'dod de'i don rnams grub// theg pa rnam pa sna tshogs kyang// gang zag 'dod pa tha dad la/ / thabs kyis drang phyir bstan pa las// blo chen shes rab ldan pa las// de rnams thams cad don gcig par// byang chub sems kyi yon tan gyi// gnas skabs dus kyi 'bras bu yin// sems las ma byung yon tan med/ / thams cad sems kyi cho 'phrul la// thad ka'i spyod yul 'bras bu ni// phyogs med rgyun du rang sar 'byung// blo chung theg dman phyogs rigs can// rang snang med pa gzhan mi rtogs// rtogs na theg pa gcig tu 'gyur/ / byang chub sems dpa' chen po'o// rang rang 'dod pa'i blo bzhin du// dgos 'dod rgyun mi 'chad spyad kyang// 'dzad pa med pa'i byang chub sems// thams cad dbyer med chos dbyings ngang/ / stobs dang yon tan cher skyes nas// bdag gzhan don gnyis 'grub pa yin// rig pa kun mkhyen ye shes su// rtsal rdzogs bde ba chen po de// phyir mi ldog pa rdo rje'i sku/ / thams cad kun mkhyen kun don grub// sangs rgyas sems can don byed kyang// sangs rgyas 'khor bar ldog pa min// thugs rje'i 'od kyi nyi ma bzhin// sems can snang ngor sangs rgyas byon// sangs rgyas gshegs bzhud mi mnga' 'o/ / chos kyi dbyings las ma g.yos par// kun dang skad cig 'du 'bral med// dmus long rang lus mi mthong bzhin// ma rig pa la rig pa dka'// rigs pa rang byung sgron me 'di/ / mun pa kun sel 'od chen po// 'od gsal thams cad mkhyen pa yin// zhes bka' stsal to// theg pa chen po'i mngon par rtogs pa byang chub lam gyi rgyud chen nam mkha' dang mnyam pa las// byang chub sems kyi 'bras bu dpe dang bcas pa bstan pa'i le'u ste bcu drug pa'o/ /// rgya mtsho lta bu'i sde snod kyi// snying po yid bzhin nor 'dra ba'i// byang chub sems kyi rgyud chen 'di// spyan ras gzigs dbang 'gro 'dul ba'i/ / byams pa mgon po khyod la gtad// khyod kyis rgyud chen 'gro ba'i don// dpag bsam shing chen rgyas bzhin spyod// ma 'ongs dus na khyod kyi rigs// byang chub sems kyi rgyud 'dzin cing// su gang nga'i dgongs pa 'grol/ / rgyal bas byin brlabs thugs dbang sras// bde chen lam las phyir mi ldog/ byang chub dam pa mngon du byed// blo gros ldan pa gang zhig gis// shes rab spyan gyis rtogs par 'gyur/ / mos sam 'dzin pas tshig re yi// don la 'jug pa'i rigs kyi bu// 'khor ba bsnyil bas don chen 'di// legs par zung la yid la chongs// nga'i bstan pa gnas kyi bar// rgyud mchog 'gro ba'i don byed 'gyur/ / de nas dga' ldan gnas su 'gro// lha dang mi rnams grol bar byed// gang zhig nga min nga'i chos// tshul 'dra spyod pas rtsod par 'gyur// bdud kyis byin rlabs glags ltas te// byang chub sems rgyud brdzi mi nus/ / slar zhing rgyud 'dzin don cher 'gyur// 'di nyid bcang ba'i rigs kyi bu// sa phyogs gang gnas rgyal ba rnams// byin brlobs sems can gang 'brel ba// theg chen sa la rim gyis 'gro/ / mi dang mi min rigs tshogs rnams// 'di nyid thos pas don ldan te// bdud kyis glags skabs mi rnyed cing// ngan song gnas grol thar pa thob// gang gis gtsug tu bcangs pa de// bla med byang chub phyir mi ring/ / 'di don rtogs pa'i rigs kyi bu// 'khor bar gnas kyang mya ngan 'das// yon tan kun gyi mdzod 'dzin pa'i// rgyal bar 'gyur gyis e ma ho// zhes bka' stsal pa dang// de 'khor thams cad yi rangs te/ / ston pa'i gsung la mngon par bstod// byang chub sems kyi snying po don// rgyal ba'i dgongs pa bla med 'di// gang gis bcangs pa'i rigs kyi bu// rgyal ba rnams dang dbyer med pa'i/ / yon tan dam pa thob par shog/ de nyid mthong ngam thos pas kyang// log rtog bdud kyi tshogs zhi nas// mos pas lam la 'khod par shog/ de'i ming ngam kha dog gam// rus pa dag gis rjes kyi yang/ / 'gro ba'i 'dod pa tshim par shog/ de nyid gnas pa'i sa phyogs su// theg pa chen po'i chos spyod cing// sna tshogs dga' ba nyid du shog/ 'di spyod myur du sangs rgyas shing// de dang mnyam par gdul bya kun/ / myur du 'khor ba dong sprugs shog/ bdag cag rnams kyang de'i dus// 'phrin las 'grub pa'i grogs byed cing// gnyis su med pa'i dpal du shog/ gnyis med 'byor pa dam pa yis// mgon po'i zhing khams bde chen du/ / sku gsum sa la 'khod par shog/ theg pa chen po'am mngon par rtogs pa byang chub lam gyi rgyud chen nam mkha' dang mnyam pa las/ rjes su gtad cing yi rang ba'i le'u ste bcu bdun pa'o/ /// theg pa chen po'i mngon par rtog pa byang chub lam gyi rgyud chen nam mkha' dang mnyam pa'i rgyud ces bya ba rdzogs so//// o rgyan gyi mkhan po pad+ma 'byung gnas dang// lo tsA ba lcog ro klu'i rgyal mtshan gyis/ / rdo rje gdan gyi gtsug lag khang chen por bsgyur ba'o// phyis chos rgyal khri srong lde btsan gyis// bsam yas dbu rtse rigs gsum gyi yang stengs su zhus nas// u rgyan gyis rang 'gyur du mdzad nas gsungs pa'o/ / sa ma ya rgya rgya rgya//// e ma sangs rgyas bstan pa rin chen gyi// sde snod nam mkha' lta ba'i bcud// byang chub lam gyi rgyud chen 'di// stong gsum gzhan na ma mchis pa'i/ / rgyal ba'i bka' lung bdag la gtad// bdag nyid pad+ma 'byung gnas kyis// 'dzam gling gzhan du ma spel bar// phyi rab lnga brgya'i tha ma la// chos rnams tshig tu tha snyad dus// rgyud mchog 'di yis phan gdags phyir/ / yi ger bkod nas gter du sbas// o rgyan rigs 'dzin thugs kyi sras// las can cig dang phrad par shog/ gter srungs mkha' 'gro dam can gyis// thub par srungs cig sa ma yA/ sbas rgya/ gter rgya/ e ma ho/ bdag 'dra rin chen gling pa la// o rgyan pad+ma'i thugs rje yis// bka' lung rje'i phyag nas byung// zab mo thugs kyi dgongs gter bton// nyams len rgya gar yul du byas// sgrub rtags o rgyan yul du bstan/ / 'gro don bod kyi yul du byas// dga' ldan gnas su dgongs pa rdzogs// bde ba can du don gnyis rdzogs// gter chos zab mo rgya mtsho nas// khyad mchog byang chub lam rgyud 'di/ / o rgyan thugs kyi dgongs gter nas// lcag po 'brug la gdan drangs nas// bla ma'i bka' bzhin shog ser nas// zhal bshus bka' shog dag la ni// me pho khyi'i lo la mnan// 'di dus ngo mtshar can gyi rtags/ / bsam gyis mi khyab brjod las 'das// yin kyang Da ki'i bka' rgyas btab// gter nas gdan drangs zhal bshus pa'i// yi ge 'di nyid mthong thos dran// yid la mos byed dpe mtshon nas/ / mkha' mnyam 'gro kun ma lus pa// rgyud 'di dgongs pa lon nas su// myur du sangs rgyas thob par shog/ maM g+ha la wa tu/ rgya rgya rgya////

CLOSE WINDOW