rgya gar skad du// many+dzu shrI tan tra tsa ta ri a ta la tan tra nA ma// bod skad du// 'phags pa 'jal dpal gyi rgyud bzhi'i don gsal bar byed pa'i rgyud ces bya ba/ / dpal rdo rje 'chang la phyag 'tshal lo// 'di skad bdag gis thos pa dus gcig na// bcom ldan 'das pad+ma brtsegs pa'i gnas yid 'dres kyi 'tshal na bzhugs te// rdo rje 'chang dang mkha' 'gro ma rnams dang thabs cig go/ de'i tshe gsang ba'i bdag po stan las bzhengs te 'di skad ces gsol to// kye bcom ldan rdo rje 'chang// rgyud kyi rgyal po 'jam dpal rnam pa bzhi/ / de yi don gyi dgongs pa ji ltar lags// 'jam dpal zhes kyis ci la bgyi// rgyan ces bya ba ji ltar lags// zhes zhus so// de nas yang ston pas bka' stsal pa/ / 'jam dpal sde bzhi ngas bshad kyis// rdo rje 'dzin sogs legs zung zhig/ 'jam dpal sde bzhi dgongs pa ni// rang rang re re'i mtshan nyid bsdus pa bshad/ / dang po zhus pa'i don bshad de// 'jam dpal zhes pa rnam pa gnyis// tshig dang de bzhin don du bshad// tshig rgyud le'u bcu pa'o// tha snyad spros pa bstan pa ni/ / ston pas dgongs pa ma nor bshad pas na// tshig gi 'jam dpal dam pa yin// don gyi 'jam dpal rnam pa gnyis// sangs rgyas dang ni bde gshegs dgongs// sangs rgyas sku dang ye shes te/ / 'jam dpal chos sku gzugs sku gnyis// bdag gzhan gdul bya gnyis kyi dpal// 'jam dpal chos kyi dbyings zhes bya// mnyam pa nyid kyi ye shes gnyis/ / ye shes rnam gsum dpal yin no// 'jam dpal ngang la dpal gyis so// 'jam dpal bcom la dpal gyis ldan// de yi dgongs pa dang sbyar na// 'jal dpal ngang ste ma bcos g.yos pa med/ / rang bzhin ma 'gags sku dang ye shes dpal ma 'gags don la sbyor ba'o// 'jam dpal zhes kyang de la bya// don gyi 'jam dpal kun mthun te// tshig rgyud le'u bcu pa dang// rgyu dang lnga yi bdag nyid can/ / ces gsungs so// 'jam dpal bshad pa'i rgyud las// 'jam dpal spyi'i bstan pa ste le'u dang po'o//// de nas yang ston pas gsungs so// rdo rje 'dzin pa nges zung zhig/ ye shes la yang rnam pa gnyis/ / tshig dang don du bstan pa yin// don gyi ye shes rgyu yang lnga// yang na gnyis su bsdus pa yin// 'phral 'byung med dang ye shes dang// man pa'i don kyang de bzhin no// tshig gi ye shes rdzogs chen lung/ / gzhan gyi ye shes don mi shes// rdzogs chen ye shes gtan 'bebs pas// ye shes don gyi ngo bo gsal// ye shes zhes kyang de la bya// rgyan ces bya ba rnam pa gnyis// brjod bya don dang rjod byed tshig/ tshig gi rgyan ni rnam pa gnyis// 'jam dpal tshig la rdzogs chen lung gis brgyan// rdzogs chen tshig la 'jam dpal lung gis brgyan// gcig la gcig mdzes gser la g.yus spras 'dra// don gyi rgyan ni rnam pa bzhi/ / chos nyid dag la chos kyi sku yis brgyan// chos kyi sku la ye shes kyi gdangs dang chas pas brgyan// ye shes gdangs la thugs rje'i gzugs skus brgyan// thugs rje'i sku la bstan pa'i snying pos brgyan/ / rgyan ces bya ba de ltar ro// zhes gsungs so// 'jam dpal bshad pa'i rgyud las// ye shes rgyan gyis bshad pa ste le'u gnyis pa'o//// de nas yang lag na rdo rje zhus pa/ / dgongs pa zhes ni ci la bgyi// 'dus pa zhes pa ji ltar lags// thugs rje chen pos gsung du gsol// ces zhus so// ston pas bka' stsal pa// rdo rje 'dzin pas nges zung zhig/ dgongs pa zhes pa'i bya ba ni/ / gdul bya'i bsam pa la dgongs nas// rab 'bring blo dang sbyar nas su// tha ma rnams la mtshan nyid sde gsum bstan// 'bring la gsang sngags phyi nang bstan// rab la a ti ma nor bstan// dgongs pa zhes kyang de la bya/ / 'dus pa bya ba rnam pa gnyis// spyi yi dgongs pa tshad du 'dus// mtshan gyi dgongs pa le'u ltar 'dus pas// 'dus pa zhes ni bya ba 'o// zhes 'jam dpal bshad pa'i rgyud las// dgongs pa 'dus pa'i don bshad pa ste le'u gsum pa'o/ /// de nas yang lag na rdo rje zhus pa// mtshan brjod ces kyang ci la bgyi// thugs rje chen pos gsung du gsol// zhes zhus so// rdo rje 'chang gis bka' stsal pa/ / lag na rdo rjes nges zung zhig/ mtshan dang rjod byed rnam pa gnyis// mtshan gyi sku dang ye shes mtshan nas brjod pas// rtog pa'i ye shes rgyud la shar// tshig gi rgyud kyi mtshan brjod pas// rab kyis don gyi dgongs pa longs/ / rjod byed spyi rgyud chen po yin// mtshan brjod ces kyang de la bya// zhes gsungs so// 'jam dpal bshad pa'i rgyud las// mtshan brjod kyi don bshad pa ste le'u bzhi pa'o/ /// de nas yang lag na rdo rje sna drangs nas bskor ba bya ste// 'di skad ces gsol to// e ma ho bcom ldan rdo rje 'chang// rgyud gsum mtshan gyi nges dgongs kyis// bdag bzhan don gyi snang ba gsal/ / rgyud chen mtshan don dgongs pa bkrol// 'gro ba'i mgon po rjes yi rang// zhes gsungs so// 'jam dpal bshad pa'i rgyud las// rjes su yi rang ba ste le'u lnga pa'o//// 'jam dpal bshad pa'i rgyud las/ / don gyi sgron ma bstan pa'i le'u ste yang snying rdzogs so//// sngags kyi bsrung mas bka'i byar gyis// rgya gar skad du/ / rwa rga'A tradraTAshA'anan+yat+ya// rgya skad// bod skad du bsgyur ba// A kA sha sUr+ya tsan dra ra tsa mu su ma ya tan tra// bod skad du// nam mkha' nyi zla'i rgyal po mu med mtha' yas kyi rgyud/ / bka' sems phyogs thams cad kyi thod rgal// theg pa dgu'i gong sgal// spyi ti'i gnya' gcog yin/ bka' rgyud sde mtha' dag gi la phud rtse rgyal// rgyud thams cad kyi rgyal po// nam mkha' nyi zla'i rgyal po mu med mtha'ayas/ / de kho na nyid ming med mtha' yas la phyag 'tshal lo// 'di skad bdag gis rtogs la bshad pa'i dus gcig na// chos nyid mu mtha' grol zhing gting mtha' yangs pa'i klong nas// ming med mtha' stongs ka dag 'od gsal ba'i lha khang na/ / ston pa'i rgyal po mu med mtha' yas 'di// 'khor gyi rgyal po kun byed nga la bshad// dus kyi rgyal po thog mtha' med pa'i dus// sdud pa po ni rdo rje sems dpa' 'o/ / de yi rjes 'jug phun sum tshogs lnga ni// snying po chos dbyings gnas ma skye med chos sku yis// mtshon med ston pas rang byung 'khor la bshad// dus gsum gcig ste snga phyi med pa'i dus// de yi gdung sob phun sum tshogs lnga ni/ / kun gzhi'i klong nas 'byung lnga'i ston pa yis// 'od lnga 'khor la zer lnga'i bstan pa bshad// rtsal zer 'od lnga'i klong du dngas pa'i dus// thog ma snying po'i phun sum tshogs pa'o/ / yan lag rtsal zer phun sum tshogs lnga ni// rang bzhin 'od lnga'i gnas na rang byung ston pa yis// rtsal lnga'i 'khor la zer mdangs bstan pa bshad// rtsal zer ngang dngas snying po'i klong grol dus/ / gzhi rtsal dbyer med phun sum tshogs pa ni// ngang dngas snying po chos nyid rang gnas su// 'gag med 'od gsal ston pas 'khor la rang grol bstan// rtsal zer ngang dngas rang grol 'khor la bshad/ / rang byung ngang dngas snying po'i klong gyur dus// snying po rtsal zer dbyer med phun sum tshogs pa'o// zhes gsungs so// phun sum tshogs pa gsal par bkod pa'o// nam mkha' nyi zla'i rgyal po mu med mtha' yas rgyud las/ / phun sum tshogs pa bstan pa'i le'u ste dang po'o//// de nas kun byed rang grol gyis// ston pa'i rgyal po ming med mtha' stongs la// pus btsugs thal sbyar gus pas 'di skad zhus/ / kun gyi dngos gzhi ji ltar grub// de las 'khor 'das ji ltar 'khrul// sangs rgyas sems can skyon yon gang gis byas// de nyid dbyer med ji ltar grol// 'gro drug g.yang sa gang gis bcad// snang srid chos rnams ji ltar grol/ / ming med mtha' bral gang gis rtogs// snying po chos sku rtogs thabs la// rtsol bsgrubs bya rtsal mi 'tshal lam// ming med mtha' yas don rtogs na// theg pa'i bye brag yod dam med/ / gsang sngags brda yis ji bshad// ming med mtha' yas rtogs pa la// dkyil 'khor lha bskyed mchod bstod dgos ma dgos// dngos po'i gnas lungs rtogs pa na// sdig bshags tshogs sog smon lam mi dgos sam/ / mu mtha' yas pa'i don rtogs na// dbang bskur dngos grub gtor ma tsha chu mi dgos sam// lta sgom spyod 'bras ma bsgrubs par// ming med mtha' yas rtogs lags sam/ / yang ti thod rgal theg pa ru// brgyad khri bzhi stong ji ltar rdzogs// a ti man chad theg pa las// yang ti yo ga gang gis spags// mu med mtha' yas don rtogs na// gol sa 'khrul pa yod dam med/ / gol bsgrib la zla ji ltar rdzogs/ gol bsgrib la zla ji ltar lags// ci yang ma byas grol ba thob lags sam// de ltar zhus tshig bco brgyad po// ston pas 'khor la bka' stsol cig/ shin tu zab par gsung du gsol/ / ces zhus so// nam mkha' nyi zla'i rgyal po'i rgyud las// 'khor gyis gleng bslangs dris pa'i le'u ste gnyis pa'o//// de nas kun byed rang grol gyis// ming med spyi phud ston pa la/ / kun gyi dngos gzhi ji ltar lags// zhes zhus pa dang// ston pas 'khor la bka' stsal pa// dngos gzhi 'di yi mtshon med kyang// mun khung sgron ma'i dpes mtshon nas// don gyi gser dang sprad de bshad/ / 'khor 'das kun gyi dngos gzhi ni// ngo bo ci yang grub pa med// mtshan nyid cir yang snang ba'o// dngos gzhi ka dag chen po yin// dngos gzhi gting mtha' med pa yin// dngos gzhi mtshon med brjod med yin/ dngos gzhi ming med mtha' stongs yin// dngos gzhi skye ba med pa yin// dngos gzhi ka dag chen po yin// dngos gzhi dngos med mtha' bral yin// dngos gzhi ma bcos rnal ma yin/ / dngos gzhi so ma zang ka yin// dngos gzhi ma byas rang 'khrungs yin// dngos gzhi mu mtha' grol ba yin// dngos gzhi kha gting med pa yin// dngos gzhi rgyu rkyen med pa yin// dngos gzhi 'pho 'gyur bya rtsal med pa yin/ / dngos gzhi rgyu rkyen gnyen pos mi shigs yin// dus gsum 'pho 'gyur med pa yin// skye 'gag skye 'jig med pa yin// yin min dbye bsal dgags bsgrub med pa yin// gzung 'dzin spong len med pa yin/ / bdag gzhan yul sems med pa yin// ma rig yul sems gnyis su med pa yin// sangs rgyas sems can gnyis su med pa yin// 'khor ba myang 'das gnyis su med pa yin// dug gsum sku gsum gnyis su med pa yin/ / dug lnga sku lnga gnyis su med pa yin// de dag thams cad rang bzhin kyang// dngos gzhi ming med gting mtha' yas// sems dang chos med zad par bskyal// rig med theg pa med pas lta ba'i phugs su bskyol/ / ces gsungs so// nam mkha'i nyi zla'i rgyal po mu med mtha' yas kyi rgyud las// kun gyi dngos gzhi bstan pa'i le'u ste gsum pa'o/ /// de nas kun byed rang grol gyis// ming med ka dag ston pa la// dngos gzhi ci yang med pa las// rtsal zer khams gsum 'khor ba ji ltar 'khrul// ces ston pa la zhus pa dang// ston pas 'khor la bka' stsal pa/ / e ma dngos gzhi ming med mtha' stongs skye ba med pa las// de ltar ma go ba yi 'gro drug sems can gyis// rig med yid 'gyus sems su 'khrul ba las// dngos gzhi ci yang med pa la/ / rtsal zer mtshan nyid cir yang snang// thog mar yun rings rig pa mgo rlung langs// phya sangs ban bun khyer te rig pa kun tu 'gyu// yin nam min gyi rnam shes skyes// ming med ming btags sems kyi 'dod pa skyes/ / kun 'tshol gtan 'bebs nges 'jog 'khor lo gsum// ji zhig ltar la rang ngo rang ma shes shing// ming med ma rtogs gting mtha' ma grol bas// ka dag ma rig skye med ma rtogs pa// de phyir ma rig mun pa las/ / mun pa'i 'khor sgo rkyen du shar// rims 'khrul rig gzugs bag chags gzugs// sems kyi gsal cha lnga ru shar// gsal dang mi g.yo rgyu mchad// mi 'gyur g.yo zhing 'gul bas te/ / thog ma sems la gsal cha lnga yod pas// gzhi lnga'i rtsal las rlung lnga ru shar// 'byung lnga'i rtsal las 'od lngar shar// 'od lnga'i rtsal las zer lngar 'khrul// zer lnga'i rtsal las shes pa'i snang tshul lnga/ / shes pa yang dag don shes dngas ma lngar grol bas// ming med gting mtha' med par thog mar ye sangs rgyas// gong ltar 'khrul nas 'khrul rtsad chod// kun bzang bya rtsal med par ye sangs rgyas so/ / 'gro drug khams gsum 'khor ba'o sems can rnams// dper na nam rlang cha las la chu zhu ba bzhin// de bzhin sems can 'khrul pa yang// byed mkhan med par rang bzhin shugs kyis 'khrul// thog ma 'od lnga rtsal lnga zer dang ldan yod pas/ / stong pa gsal ba 'gag med shugs 'byung lnga// ngo shes sku lnga ye shes lnga// rang bzhin ngo bo thugs rje las// ma shes dug lnga nyon mongs lnga// de lnga yod pas dug lngar 'khrul/ / de las 'byung ba lnga ru 'khrul// de las gzugs snang lnga ru 'khrul// de las 'byung ba lnga yis bsdus// de las don snying lnga ru 'khrul// de las nang rol slad ltar 'khrul// de las dbang po lnga ru 'khrul/ / de la dbugs dang rlung lngas brten par byas// de ltar 'khrul te mngal sgo 'drims// dngos pos sha khrag gzugs su 'khrul// pha zhe sdang rgyu las sha dang rus su chags// ma 'dod chags rkyen gyis khrag dang chu ser bsdus/ / gti mug dug gsum rgyu yi gong bur 'dril// shes rig sems kyi ngo bo thig le'i gong bur tshud// thig le bag tsam cig las srid pa'i lte ba chags// zhag bdun lon nas khad kyis je che 'gro/ / bdun gnyis nyi shu gcig nas yan lag thogs// bdun tsha gnyis na sdom tsam gcig/ de ltar rims kyis zla dgu ngo bcu nas// rum gnas sdug bsngal myong ste skye ba'i sdug bsngal 'byung/ / brag bar btsir snyam g.yang du lhung snyam byed// tsher ma'i dong du bcug snyam srid pa'i sems can skyes// skye 'gag med cing rgya ma chad pa las// sems can gcig la 'phel ba ltar du 'khrul// de rjes mngal nas phyir thon dngos pos rkyen du 'khrul/ / dbang po lnga dang sgo lnga yul lngar 'khrul// 'dzin pa lnga yis nyon mongs lnga ru 'khrul// yul sems bdag gzhan dgag bsgrub spong len las// snang btags bzung zhen chags sdang 'khrul ba yis/ / dgra gnyen phyogs ris yin min dbye bsal byung// de yis khams gsum 'khor bar 'khyams pa'i gzhi ma byas// skye ba na ba rgas shi'i sdug bsngal dang// snang ba phyogs dang ris kyi sdug bsngal dang/ / lus ni na tsha'i sdug bsngal dang// sems ni zhe 'dod sdug bsngal lo// dgra dang phrad dogs gnyen dang bral gyis dogs// sems can rnams kyi sdug bsngal bsal las 'das/ / e ma khams gsum 'gro drug sems can rnams// rnam rtog 'khor ba'i rdzab nas thon dus med// kye ma yang dag don las grol ba'i sems can rnams// ma rig dug lnga'i dbang gis ni// rnam rtog 'gong po ngar 'dzin gyis/ / rmun long mun pa'i klong na 'khyams// rang 'bar sgron ma rang gis gsad// rang gi rang gnya' rang gis bcings// gzung 'dzin gnyis kyi sgrog tu bcug/ rnam rtog bdag tu 'dzin pa yis/ / nan gyis nam mkha'i mdud pa byas// rang mgor rang gi rkang pa bzhag/ rang las me 'bar rang chen skyes// mdud pas bcings nas mtsho ru zhugs// dra bar 'thums nas rdza klong lhung// e ma khams gsum 'khor ba'i sems can rnams/ / dngos gzhi cang med ming bral ma rtogs pas// rtsal snang cing yang snang ba'i 'khrul snang la// don dam bden par bzung bas 'gro drug 'khrul// rlung la zhon nas stong khams rjes kyis 'gengs/ / ma bcol las byed rang sems thang mar yan// khyim du mi sdod rgyu 'grul don mangs pas// 'jigs pa dgra yis khyer ba ma tshor ro// e ma skyes tshad 'chi ba'i tshul mthong na// rtag tu re ba sgyid pa bskyur/ / 'dus pa 'bral ba'i dpe mthong na// grogs snying sdug 'tshol ba sgyid pa bskyur// bsags tshad lus pa'i dpe mthong na// nor rdzas sogs pa sgyid pa bskyur// ser sna can la snying re tshim/ / rdzas po che la khyer dbang med// e ma rtag tu re ste gcig mi sdod// e ma de bas cis kyang ma phan bla ma'i gdams ngag zhus// snyan rgyud zhus la ri khrod dgon pa 'grims// bya ba thong la gcig pur nyams su long/ / yul nor gnyen 'dun 'brel ba kun chod la// e ma chos dang sems su bsres dang skal ldan kun// thams cad bor nas gcig pur 'gro tsam na// skyabs che skyel ma 'gro ba'i gnas rtog gam/ / kye ma skal ldan rnam 'byor kun// bla ma'i gdam ngag bcud 'thung la// cis kyang byar med gcig pur ri khrod 'grims// ci la'ang mi lta mu mtha' grol par ltos// ci yang ma bsgom ming med gting mtha' yas par zhog/ gang la'ang ma spyod so ma rnam ma zang ka bshis ma bcos pa'i klong du dal bar sdod// de ltar go na 'bras bu gzhan na med de rang sangs rgyas// zhes gsung so// nam mkha' nyi zla'i rgyal po mu med mtha' yas kyi rgyud las/ / 'khor ba'i sems can ji ltar 'khrul par bstan pa'i le'u ste bzhi pa'o//// de nas kun byed rang grol gyis// ming med spyi phud ston pa la// sangs rgyas sems can skyon yon gang gis byas/ / zhes zhus pa dang// ston pas 'khor la bka' stsal pa// de gnyis skyon yon ngas bshad kyis// 'khor rnams ma yengs gus pas nyon// kun bzang sangs rgyas yon tan ni// yon tan grangs dang tshad las 'das/ / re zhig yon tan bgrang ba ni// snod la rang gi de nyid ngo shes pas// ming med mtha' stongs ka dag klong du gyur// rang grol rang sangs thog mar ye sangs rgyas// bya brtsal rtsol ba ma byas par/ / rgyu rkyen med par kun bzang sangs rgyas so// sangs rgyas de yi yon tan yang// ji snyed mkhyen pa'i yon tan dang// ji ltar mkhyen pa'i yon tan dang// mchog mkhyen pa yi yon tan dang/ / rnam pa thams cad mkhyen pa'i yon tan no// bdag gis gzhan mkhyen mkhyen bya mkhyen byed med// yon tan phyogs cha med pas mkhyen pa'i mchog tu gsungs so// sems can skyon gyi rtsa ba gcig pu la/ / rnam rtog bdag tu 'dzin pa rang las byung// nga bdag mgo rlung langs pas skyon gyi rtsa ba byas// mun pa'i rmang du 'thums pas skyon gyi rtsa ba byas// gnas don ma rtogs skyon gyi rtsa ba byas// ming med ma shes skyon gyi rtsa ba byas/ / ka dag ma rtogs skyon gyi rtsa ba yin// mu mtha' yas pa ma rtogs skyon gyi rtsa ba yin// rtsal zer rol par snang ba la// rang grol sangs rgyas ma shes skyon gyi rtsa ba yin// ma rig gti mug skyon gyi rtsa ba yin/ / rig pa 'gyur ba sems rtog skyon gyi rtsa ba yin// ngo bo rang bzhin thugs rje las// ma rtogs 'khor lo rnam gsum skyon gyi rtsa ba yin// mun pa'i 'khor sgo skyon gyi rtsa ba yin// gnyis med gnyis su bzung ba skyon/ / yul sems gnyis su bzung ba skyon/ bdag gzhan gnyis su bzung ba skyon// dgag bsgrub spong len gnyis su bzung ba skyon// bzang ngan dbye bsal gnyis su bzung ba skyon/ yin min rtsis gdab gnyis su bzung ba skyon// med las yod 'dzin skyon chen yin// mi rtag rtag 'dzin skyon chen yin// mi bden bden 'dzin sems can skyon// sdug bsngal bder 'dzin sems can skyon/ / 'khrul pa yang dag 'dzin pa skyon// cha yod bzhin du sdig spyod sems can rnams// btags snang bzung zhen skyon gyi rtsa ba yin// sems can skyon gyi bye brag brjod mi lang// zhes gsungs so/ / nam mkha' nyi zla rgyal po mu med mtha' yas kyi rgyud las// skyon yon bstan pa'i le'u ste lnga pa'o//// de nas kun byed rang grol gyis// ming med spyi phud ston pa la// 'khor 'das dbyer med ji ltar grol/ / ces zhus pa dang// ston pas 'khor la bka' stsal pa// yang ti ming med mtha' bral du// gzhi rlung dbyer med gnyis su med// 'byung lnga 'od lnga dbyer med grol/ zer lnga rtsal lnga dbyer med grol/ / shes med mtha' yas ming med grol// ma rig ye shes gnyis med grol// rig skyes rig pa ngang dngas klong du grol// ngo bo rang bzhin thugs rje yang// sku gsum skye med klong du grol// stong pa gsal ba 'gag med kyang/ / mu mtha' bral ba gsum du grol// yid 'khor rnam gsum 'khrul pa yang// dkyil 'khor gsum gyi klong du grol// 'gyu ba rlung rkyen mun pa'i 'khor sgo yang// 'gyur med rig med gsal dag klong du grol/ / sems kyi gsal cha rnam lnga yang// ye shes lnga yi klong du grol// gzugs lnga sku lnga'i klong du grol// dug gsum sku gsung thugs su grol// dug lnga ma spangs sku lngar grol// sems can ma spangs sangs rgyas nyid du grol/ / 'khor ba ma spangs myang 'das nyid du grol// snang srid 'khor 'das dbyer med nyid du grol// rnam rtog chos nyid chen por grol// snang ba sor bzhag chen por grol// srid pa rang bzhin med par grol/ / 'khrul snang rang sangs chen por grol// snang btags bzung zhen med par grol// rig sems ngang dngas chen por grol// sems nyid ming med gting mtha' zad par grol// yul sems gzung 'dzin med par grol/ / bzang ngan spong len med par grol// yin med dbye bsal med par grol// dgag bsgrub blang dor med par grol// dgra gnyen phyogs ris med par grol// nga dang bdag gzhan 'dzin pa med par grol/ / blos btags chos rnams blo 'das chen por grol// ming tshig brjod pa'i chos rnams ming med chen por grol// mtshon pa'i chos rnams mtshon du med par grol// dngos gzhi'i chos rnams dngos med klong du grol/ / snang ba'i chos rnams stong pa'i klong du grol// rig pa'i chos rnams rig med klong du grol// sems dran chos rnams sems kyi dran pa med par grol// mtshon btags brno bsam bsam med klong du grol/ / 'od rtsal zer rnams snying po'i klong du grol// yan lag chos nyid klong du grol// ma 'gag rol pa skye med klong du grol// cir snang cir srid snying po'i klong du grol/ / cang med cir snang cang med klong du grol// stong pa'i klong byung stong nyid klong du grol// med las sna tshogs dngos med rang du grol// dngos kun dngos gzhi med par grol// sgo lnga gsal mdangs chen por grol/ / yid lnga zang thal chen por grol// yul lnga dbye bsal med par grol// tshogs brgyad rtsis gdab med par grol// snang srid chos rnams mu mtha' yas par grol// dper na 'byung ba nam mkha'i klong du 'byung lnga grol/ / nam mkha' rgyal po'i klong dkyil du// thog ser char sprin gza' skar sna tshogs pa// gzhan du ma bkol nam mkha'i klong du grol// dper na phyi yi rgya mtsho chen po ru// 'ag+ha 'ag+ha na ra pag+shu si ti chu bran ji snyed rnams/ / gzhan du ma bkol rgya mtsho'i klong du grol// yod med rtag chad snang srid 'khor chos ming med klong du grol// gno tshad bsam tshad snying po'i klong du grol// ces gsungs so// nam mkha' nyi zla'i rgyal po mu med mtha' yas kyi rgyud las/ / de gnyis dbyer med klong du grol lugs bstan pa'i le'u ste drug pa'o//// de nas kun byed rang grol gyis// ming med spyi phud ston pa la// 'gro drug g.yang sa ji ltar gcad/ / ces zhus pa dang// ston pas 'khor la bka' stsal pa// 'gro drug g.yang sa gcad thabs la// bcad pas chod pa ma yin te// ma bcad rab grol bzhag pas chod// rtsol ba byas pas mi chod de/ / byar med so ma zang kar gnas pas chod// gting mtha' med la mu mtha' yas pas chod// 'on kyang de ltar ma go ba'i gang zag la// zhe sdang dbang gis dmyal khams rgyud ba la// zhe sdang ma spangs mi gnas rang grol bas/ / dmyal bar skye ba'i g.yang sa bcad// dmyal ba ming med longs skur grol// ser sna'i dbang gis yi dwags gnas skyes pa// ser sna ma spangs mi gnas rang grol bas// yi dgas skye ba'i g.yang sa bcad/ / yi dags ming med mnyam nyid ye shes yin// 'od gsal ma rtogs gti mug mun pa las// gti mug dbang gis byol song gnas skyes pa// gti mug ma spangs byol song g.yang sa bcad/ / gti mug rang sangs chos kyi sku// phrag dog dbang gis mi yi gnas skyes pa// phrag dog ma spangs mi gnas rang grol bas// phrag dog ming med nan tan ye shes// nga rgyal dbang gis lha ma yin skyes pa/ / rtog pa'i dbang gi nga rgyal lha min gnas skyes pa// nga rgyal ma spangs gnas lha min g.yang sa bcad// nga rgyal ming med sku gsum zhing khams yin// ming med ma rtogs yan lag rig skyes pas/ / 'dod chags dbang gis lha yi gnas su skyes// dngos la 'dod chags ma grub pas// 'dod chags ma spangs mi gnas lhar skye'i g.yang sa bcad// 'dod chags ming med sprul sku chen po thob// de ltar ming med mtha' stong pa yis/ / 'gro drug skye ba'i g.yang sa bcad// ces gsungs so// nam mkha' nyi zla'i rgyal po mu mtha' yas kyi rgyud las// 'gro drug g.yang sa bcad pa'i le'u ste bdun pa'o//// de nas kun byed rang grol gyis/ / ming med spyi phud ston pa la// snang srid chos rnams ji ltar grol// ces zhus pa dang// ston pas 'khor la bka' stsal pa// chos rnams ming med mtha' bral yang// 'khor gyi go ba bskyed phyir bstan par bya/ / de la snang srid chos rnams grol lugs kyang// gong du 'khor 'das dbyer med skabs su bstan mod kyang// 'on kyang 'khor la mdo tsam bstan// snang ba'i chos rnams rang sar bzhag pas grol/ / snang srid ji ltar snang yang ci la'ang sems ma chags// spong len dgag bsgrub mi byed rtsis gdab med par grol// snang ba ci sto rang sar grol// srid pa ci sto dngos kyi med// rig pa ci sto ming med grol/ / sems pa ci sto rang bzhin med// 'gyu ba ci sto 'dzin pa med// dran rtog ci sto byung sar grol// sems blo ci sto dngos med grol// rnam rtog ci sto rtog med grol// 'khor ba ci sto myang 'das grol/ / ma rig ci sto ka dag klong du grol// blos btags chos rnams mtshan brjod med par grol// theg med 'jug sgo lta sgom med par grol// gang ltar snang yang mi 'dzin ma chags grol// ci ltar 'dug kyang mi spyod grol/ / rig yid sems blo ngang dngas rang grol sangs// skyid pa'i tshe na zhen med chags med grol// sdug pa'i tshe na mi 'dzin mi bskyod grol// 'gro zhing 'gro zhing rang sar grol// 'dug cing 'dug cing rang sar grol/ / nyal zhing nyal zhing rang sar grol// za zhing za zhing rang sar grol// spyod lam rnam bzhir ma chags ma zhen grol// dngos po rnam pa sna tshogs la// gang la'ang 'dod pa med pas ci la'ang sems ma chags/ / ming med mtha' zad don rtogs chos rnams med// de ltar go na snang yang zhen med dgag bsgrub med par grol// rig kyang 'dzin med rang sar grol// sems kyang mi lto ngang dang rang sar grol/ / rgod cing rgod cing rang sar grol// dga' zhing dga' zhing rang sar grol// mi dga' mi dga' rang sar grol// de dag thams cad gnyis med chen por grol// brtags chags chos rnams ming med chen por grol/ / ces gsungs so// nam mkha' nyi zla'i rgyal po mu med mtha' yas kyi rgyud las// snang srid chos rnams grol bar bstan pa'i le'u ste brgyad pa'o//// de nas kun byed rang grol gyis/ / ming med rang grol ston pa la// ming med mtha' bral gang gis rtogs// zhes zhus pa dang// ston pas 'khor la bka' stsal pa// ming med mtha' bral rtogs rgyu med na yang// 'khor rnams go ba bskyed phyir rtogs thabs bshad/ / ming med mtha' bral rtogs thabs ni// bya rtsol bsgrub pa byas pas mi rtogs te// bya ba thams cad btang la ni// ma bcos dal bar sdad pas rtogs// lta sgom spyod 'bras ched du mi bsgrub ste/ / mu mtha' yas pas lta rgyu med// gting mtha' grol bse bsgom rgyu med// bya ba thongs pas spyad rgyu med// blo las 'das pas thob rgyu med// ming med rtogs pas tha snyad med// dngos med rtogs pas dngos po med/ / ka dag rtogs pas bsrung du med// byar med rtogs pas 'phrin las med// bgrod med rtogs pas sa lam med// de dag rtogs pas sbyang du med// rang nyid yin pas gzhan ma re/ / ye nas bsgrubs pas da mi bsgrubs// ma btsal rnyed pas gzhan mi 'tshol// kye ho skal ldan rigs kyi bu// ming med mtha' bral rtogs 'dod na// bya ba'i chos rnams btang ba ni// mu mtha' yas par zhugs pa'i mchog/ snang srid 'khor 'das dngos po'i chos rnams la// rig med sems med gang la'ang yid mi 'gyu// chos rnam kun gyi bya ba btang ba ni// rtsol bsgrub thag bcad mu mtha' grol ba'i klong/ / 'jug sgo lta sgom spyod 'bras rtsol bzhag la// gtad med bsam med byar med blo las 'das// de ltar rtogs pa'i skal ldan la// mtshon med dngos med chos med bshad du rdul tsam med// mu med mtha' yas theg pa'i grub mtha' med/ / gting yangs mtha' stong blo zad chos kyang med// gting zad mtha' grol yid smon sangs rgyas med// kha gting ye nas med pas blo yi yul las 'das// gdams pa tshig bzhis 'di ltar rang sangs rgyas/ / 'di don sus rtogs ming med mtha' bral rtogs// de ltar sus rtogs sangs rgyas kun dang mnyam// kye// e ma skal ldan rigs kyi bu// ming med mtha' bral rtogs 'dod na/ / yul rnams dgag bsgrub ma byed rang sar zhog/ rig pa rtsis gdab ma byed dbye bsal med par zhog/ sems la rtsis gdab ma byed 'dod rlom med par zhog/ snang ba thams cad rang snang zhog/ rig sems 'byung 'jug med par zhog/ gnas lugs blo 'das ming med chen por zhog/ btags snang chos rnams ming med mtha' bral zhog/ ces gsungs so// nam mkha' nyi zla'i rgyal po mu med mtha' yas kyi rgyud las/ / ming med mtha' bral rtogs thabs kyi le'u dgu pa'o//// de nas kun byed rang grol gyis// ming med spyi phud ston pa la// snying po chos skur rtogs thabs la// rtsol bsgrub bya rtsal mi 'tshal lam/ / zhes zhus pa dang// ston pas 'khor la bka' stsal pa// snying po chos sku rtogs thabs la// rtsol bsgrub bya rtsal mi 'tshal te// rtsol bral dal bar bsdad pas chog/ bya ba thong// dal bar sdod/ / lhug par zhog/ 'dod pa skyungs// zhe 'dod che// yid kyi rgyu 'grul ma mang// sems kyi bya ba ma che// lus rtsol bsgrub la ma g.yeng// rig pa thang rgyal du ma btang// kha mu cor du ma smra// spyod pa bab bcol du ma byed/ / lta ba zhe 'dod phyogs ris kyi mtha' la ma bskyur// sgom pa 'gyu ba rnam rtog bying rmugs kyi dgral ma bskur// spyod pa zhen chags rtsol ba'i dgra la ma bskur// 'bras bu re dogs kyi kha la ma bskur/ / kye ho skal ldan rigs kyi bu// snying po chos sku rtogs 'dod na// nam mkha'i dbyings su ltos// rgya mtsho'i klong du nyol// ri bo rmang nas dgyel// lag tu ral gri thogs// gang phrad rtsad nas chod// nyi zla sgron mer thogs/ / mchog rab rtse la sdod// kun gsal 'od khang ltos// rgyal mtshan rtse mor phyor// skyon sol 'phrang chod la// yul gyi dbus su sdod// btsan mkhar bsrungs la zam 'phrang sdoms// gros kyi thag chod don gyi rtsa pa zung/ / rin chen snang gsal 'od kyi khang par sdod// rgyu 'grul ma mang khyil du sdod// 'jigs par dgra la ma skur cig/ bdud rtsi bcud 'thung chos nyid dbyings su nyol// gsang ba brda yi gnad go na/ / gting mtha' yas la mu mtha' grol// chos nyid mtha' stongs don yang rtogs// mtha' bral lta ba'i phugs su bskyol// bsam bral chos nyid klong du grol// bya bral rnal ma sor bzhag rtogs/ / lhun grub re dog rtsad nas chod// thob med 'di ltar rang sangs rgyas// ye shes gting rdzogs mtha' rnams grol// thig le mtha' bral chos sku rtogs// zhes gsungs so// nam mkha' nyi zla'i rgyal po mu med mtha' yas kyi rgyud las/ / rtsol bsgrub bya btsal mi dgos par bstan pa'i le'u ste bcu pa'o//// de nas kun byed rang grol gyis// ming med spyi phud ston pa la// ming med mtha' yas don rtogs na/ / theg pa'i bye brag yod dam med// ces zhus pa dang// ston pas 'khor la bka' stsal pa// mong med mtha' yas don rtogs na// theg pa blos btags rtsol bsgrub yin// zhe 'dod blos btags chos kyis sangs mi rgya/ / de phyir theg pa'i bye brag med// 'on kyang ming med ma rtogs rtog ge'i blo can la// blo dman brod pa bskyed phyir bye brag dbye// sems can dbang po'i khyad par las// blo khyad theg pa dgu ru dbye/ / gdul bya dbang po rab 'bring gsum// phye bas gsum gsum dgu yin no// de 'dul theg pa dgu ru bshad// tha ma gsum la mtshan nyid gsum// 'bring po gsum la kri yog gsum/ / rab kyi rab 'bring gsum la bskyed rdzogs gsum// yang rab spyi ti thod rgal yang ti yo gas bstan// sems can blo 'di ma zad par// theg pa zad par ma gsungs te// 'khrul pa rtogs 'di zad pa na/ / theg pa med cing 'jug pa med// grub pa med cing lta sgom med// rtsol bsgrub med cing tha snyad med// chos rnams med cing bshad du med// mtshon du med cing tha snyad med// blos btags chos rnams yod ma yin/ / theg pa med cing bye brag med// ces gsungs so// nam mkha' nyi zla rgyal po'i rgyud las// theg pa'i bye brag med par bstan pa'i le'u ste bcu gcig pa'o//// de nas kun byed rang grol gyis/ / ston pa'i rgyal po ming med spyi phud la// gsang sngags brda yis ji ltar bshad// ces zhus pa dang// ston pas gsang ba'i brda bstan gyis// 'khor rnams ma yengs gus pas zung// rgwa wa tha hA n+yam// de nas a tha b+ho ya hri snying po dra yang snying ya/ / rang rin chen 'od khang na pra ba ra sarba d+harma thams cad d+ha chos dbyings tu// dz+nyA ye shes na gar si dngos grub sa ma ya klong du thim pas skye med a// yul kun gzhi yangs pa can gyi pho brang bya ba na// rgyal rig pa po mngar rang byung ye shes bdag nyon mongs brgyad khri bzhi stong khri rje ba gtsug bstan bya ba la/ / blon po kha drag dug lnga stong khams thang mar rgyu ba yin pa'i mi lngas bsor ro// rin po che rnam chos nyid dag grub pa'i mkha' klong rnam dag gzhal yas khang na/ / snying po rgyal po kun rig spyi phud bya ba la// yan lag rtsal zer rang byung ngang dngas 'khor kun rig gsal ba'i khye'u chung lngas bskor ro// snying po rang byung gi ye shes dang// 'gong po nga bdag mtshon pa'i brda'o/ / rin po che nyi zla kha sbyor gyi lha ka dag chos nyid khang ni// rin po che shel chos sku dri med gyi sku 'od lham me bzhugs so// chos sku ka dag ye shes mtshon pa'i brda'o// mun pa gti mug bag chags kyi sgrib g.yogs g.yung rung gi lha khang na/ / ma rig pa rgan mo mun nag gi mtho yor bya ba yod do// ma rig pa mtshon pa'i brda'o// la'o che'i la btsas kyi kha na 'gron po mi gcig 'dug pas// phar 'gro tshur 'ong ngo ma shes te/ / sangs rgyas dang sems can gyi spyi sa mtshon pa'i brda'o// shul rings thang chad kyi 'gron po la sngon na kha stong gnyis 'dug pas// gar 'gro'i brtol ni ma rnyed do// rig pa 'char sgo dang ma rig pa'i 'khrul sgo mtshon pa'i brda'o/ / kye ma skal ldan grol bar 'dod pa rnams// nam mkha'i dbyings na ci 'dug ltos// rgya mtsho'i nang gi nor bu chongs// g.yas su mtshon cha'i 'khor lo bskor// g.yon du nyi zla'i sgron ma thogs/ / bdud rtsi bcud 'dus khrogs chod gyis// nor gyi snying po snying la chongs// zas kyi snying po khong du chud// yul gyi snying po chos nyid dbyings su sdod// bya ba ma mang snying po'i klong du nyol/ / rgyu 'grul ma mang gdeng chos sa la sdod// 'jigs sar ma 'gro btsan mkhar rtse la sdod// rlung la ma zhon 'phrang chod zam 'phrang sdom// kye ma// a le skal ldan rigs kyi bu// dran nam skyes sam/ / e ma yun rings nad pa blo bur rkyen byung nas// skyes tshad gcig kyang mi sdod shul ring 'gro tsa na// rgyags phye skyel ma 'gro sa'i gnas bdog gam// kye ma de bas da lta dbang yod tshe// zad med rgyags phyer sems nyid nor bu chongs/ / skyel ma bla ma yi dam dam chos tshol// bsun mar rang snang grogs po tshol/ dgra lnga byung dogs gnyen lnga tshol// 'jigs sar rno ba'i mtshon thogs la// khyi phag bya sbrul khra spre sod/ / nam mkha'i dbyings su spo la zhog/ dgra lnga byung na dbang yod skyel mas thul// lam ni 'od lnga'i gsang lam zhugs// gnas khang mu mthal grol bar song// sdod na gting mtha' yas par sdod// nyal na kha gting med pa'i klong du nyol/ / ces gsungs so// nam mkha' nyi zla'i rgyal po mu med mtha' yas kyi rgyud las// gsang sngags brdas bstan pa'i le'u ste bcu gnyis pa'o//// de nas kun byed rang grol gyis/ / ming med spyi phud ston pa la// ming med mtha' yas rtogs pa la// dkyil 'khor lha bskyed mchod bstod dgos mi dgos/ zhes zhus pa dang// ston pas 'khor la bka' stsal pa// ming med mtha' yas rtogs pa na/ / dkyil 'khor lha mchod bstod mi dgos/ dkyil ni gting mtha' yas pa'i dkyil// 'khor ni mu mtha' grol ba'i 'khor// dkyil 'khor ming med mtha' stongs yin// lha ni snying pau rang byung ye shes chos kyi sku/ / ka nas dag pas bskyed mi dgos// dngos med yin pas mchod mi dgos// rang gsal 'od du 'bar bas bsod mi dgos// rang gi lhar ni rang mchod pas// dngos grub skye med ka dag rtogs/ / ston pas rgyal po ming med mtha' bral rtogs// lha yirgyal po ka dag mu mtha' grol// dkyil 'khor rgyal po phyogs bral mtha' rnams grol// dbang gi rgyal po ka dag skye med thob// dngos grub rgyal po ming med mtha' stongs 'grub/ / smon lam rgyal po snying po chos sku thob// sdig bshags rgyal por bag chags ka nas dag// tshogs sog rgyal por chags med mtha' rnams stongs// 'gyod tshangs rgyal por rang sems skye med rtogs/ / zhes gsungs so// nam mkha' nyi zla'i rgyal po mu med mtha' yas kyi rgyud las// dkyil 'khor lha bskyed mchod bstod mi dgos par bstan pa'i le'u ste bcu gsum pa'o//// de nas kun byed rang grol gyis/ / ming med spyi phud ston pa la// dngos po'i gnas lugs rtogs pa na// sdig gnas bshags smon lam dgos mi dgos// zhes zhus pa dang// ston pas 'khor la bka' stsal pa/ / dngos po'i gnas lugs rtogs pa na// sdig bshags tshogs sog smon lam mi dgos so// rang skyon ka nas dag pas sdig sgrib bshags su med// mi dge sdig ma spyad pas bshags rgyu med/ / tshogs gnyis yongs su rdzogs pas bsag tu med// gzhan la mi smon rang la rnyed pas smon lam med// smon pa'i sangs rgyas rang las rnyed// des na smon lam zhes su bshad// ces gsungs so// nam mkha' nyi zla'i rgyal po mu med mtha' yas kyi rgyud las/ / sdig bshags tshogs sog smon lam mi dgos par bstan pa'i le'u ste bcu bzhi pa'o//// de nas kun byed rang grol gyis// ming med spyi phud ston pa la/ / mu mtha' yas pa'i don rtogs na// dbang bskur dngos grub gtor ma tsha chu dgos mi dgos// zhes ston pa la zhus pa dang// ston pas 'khor la bka' stsal pa// mu mtha' yas pa'i don rtogs na/ / dbang bskur dngos grub gtor ma tsha chu med// dbang bskur gtor ma tsha chu byed pa theg pa 'og ma yin// nga yi yang ti mu mtha' yas pa'i don rtogs na// rang dbang rang gis thob pas dbang bskur zhu sa med/ / ming po ming med mtha' bral dbang thob pas// dbang bskur bya ba'i yul dang bral// skye med ka dag chos sku'i dbang thob pas// rdzas dang bum pas bskur bya skur byed med// ming med mtha' stongs mu med mtha' yas pas/ / dbang bskur rgyal po'i mchog tu de bshad do// zhes gsungs so// ming med mtha' stongs mu mtha' grol bas gtor ma gtang sa med// snying po chos sku ka dag lha tshogs la// rtsal zer rol pa'i ma mo mkha' 'gros bskor/ / rang byung ngang dngas chos skyong bsrung ma la// sha khrag zan 'grul gtor ma ma gtong ste// snang srid ma 'dres ngang grol gtor ma gtong// de la gtor ma snod dang rdzas dang byin brlabs 'bul ba ni/ / snod ni snod kyi 'jigs rten khams rnams thams cad yin// rdzas ni skye 'gro nor rdzas dngos po chos rnams yin// de la gtor ma'i byin brlabs ni// ming med mtha' bral mu mtha' yas pa na/ / rig skyes 'gag med snang srid chos rnams kun// rig med rtsal zer dngos po btags snang chos// mu mtha' yas shing gting mtha' grol// snying po rtsal zer gnyis med byin gyis brlabs// ming med phyogs bral mtha' rnams grol bar bsngo/ / skye med mu mtha' grol bar bzhes su gsol// brjod med blo 'das chen por byin gyis rlobs// byin gyis rlob mkhan med de rang sems ka nas dag/ ces gsungs so/ / ming medamatha' stongs don rtogs na// tsha tshwa chu gtor gtang mi dgos// mchod ni gnyis su med par mchod// rang ni rang byung ye shes rten// tsha tshwa rang gis sems la thob// tsha ni skye med snying po ste/ / tsha ni ka dag 'od gsal lo// btab mi gnyis su med par btab// ming med mtha' bral tsha tsha yin// blo 'das tsha tshwa khyad par 'phags// zhes gsungs so// sems kyi chu gtor 'di lta ste/ chu ni snang ba'i chos kyi dpe// snang ba rang bzhin med pa'i dpe// gtor ni rtogs pa'i byin brlabs te// snang srid 'khor 'das mu mtha' grol bar gtor// chu ni sems kyi mtshan nyid de// mi snang rang bzhin yod pa'o/ / chu la chu bur thim zhing nyon mongs rang grol dngas// snang srid btags chags chos rnams ma lus kun// gtor ni dgag bsgrub spong len med par gtor// chu ni ngos bzung med pa ste// gtor ni rang sangs rang grol chen por gtor/ / ces gsungs so// skye med ka dag gtor ma tsha chu yin// sems nyid tsha tshwa chu gtor khyad par 'phags// zhes gsungs so// nam mkha' nyi zla'i rgyal po mu med mtha' yas kyi rgyud las/ / gtor ma tsha tshwa chu gtor mi dgos par bstan pa'i le'u ste bco lnga pa'o//// de nas kun byed rang grol gyis// ming med spyi phud ston pa la// lta sgom spyod pa mi dgos par// ming med mtha' yas rtogs lags sam/ / zhes zhus pa dang// ston pas 'khor la bka' stsal pa// lta sgom spyod 'bras rtsol bsgrub yin// rtsol bsgrub chos kyis sangs mi rgya// de bas ming med rtogs 'dod na// che yang/ / shes sam// dag gam// med dam// stongs sam// yangs sam// grol lam// 'das lags sam// bskyol lam// ma bltas mu mtha' grol bas lta ba yin// ma bsgoms gting mtha' yas pas sgom pa yin/ / ma spyad mtha' rnams mchod pas spyod pa yin// ma bsgrubs rang las rnyed pas 'bras bu yin// de phyir lta sgom med pa'i lta sgom mchog/ gtad med gzhung med phyogs med tshig las 'das// blos btags zhes 'dod blta bya lta byed med/ / bsam med dmigs med rtog med 'gyu med las// yid gzung bying rmugs bsgom pa med// byar med bcol med chags med zhen med las// ched byas tho co bya rtsol spyod pa med/ / re med rang gnas sku gsum lhun grub pas// re dogs rtsol bsgrub zhe 'dod sangs rgyas med// lta sgom med pa'i lta sgom chen po yin// zhe 'dod dmigs bcug rtsol bas mi rtogs so/ / zhes gsungs so// nyi zla nam mkha'i rgyal po mu med mtha' yas kyi rgyud las// lta sgom spyod 'bras med par ming med mtha' yas rtogs par bstan pa'i le'u ste bcu drug pa'o//// de nas kun byed rang grol gyis/ / ming med spyi phud ston pa la// mu med mtha' yas don rtogs na// gol sa 'khrul pa yod dam med// ces ston pa la zhus pa dang// ston pas 'khor la bka' stsal pa// mu mtha' yas pa'i don rtogs na/ / gol sgrib 'khrul pa gang yang med// ces gsungs so// de nas 'khor gyis ston pa la// rtogs na gol sgrib 'khrul med kyang// de ltar ma rtogs sems can la// gol sgrib 'khrul pa yod dam med/ / ces ston pa la zhus pa dang// ston pas 'khor la bka' stsal pa// ming med rtogs na gol sgrib med mod kyang// de ltar ma rtogs sems can la// gol sgrib 'khrul pa gsum du bshad/ / skye med ming med ma rtogs gol sa yin// ye dag ka dag ma rtogs sgrib pa yin// 'gro drug 'khyams pas 'khrul pa yin// bsdus na de las med mod kyang// dbye na bsam las 'das par gsungs/ / gzhan du rgyas par gsungs pa'i phyir// 'di ru bye brag ma bshad do// zhes gsungs so// nam mkha'i rgyal po mu med mtha' yas kyi rgyud las// rtogs nas gol sgrib med kyang// ma rtogs pa la gol sgrib 'khrul gsum bstan pa'i le'u ste bcu bdun pa'o/ /// de nas kun byed rang grol gyis// ming med spyi phud ston pa la// ming med la zla ji ltar 'phags// zhes zhus pa dang// ston pas 'khor la bka' stsal pa/ / rtogs na gol sgrib med mod kyang// de ma rtogs kyi gang zag la// gol sgrib gnyis stong lnga brgya yang// tshig 'og gcig tu brdar sha chod// skye med ma rtogs gol ba yin// snying po ming med rtogs pas gol du med/ / ye dag ma rtogs sgrib pa yang// skye med ka dag rtogs pas sgrib tu med// 'gro drug skyes 'khrul pa yang// mi skye skye ba mi len 'khrul du med// mdor bsdus gsum du shes par bya/ / lta ba gol sgrib 'khrul dang gsum// dam tshig gol sgrib 'khrul dang gsum// 'phrin las gol sgrib 'khrul dang gsum// sa yi gol sgrib 'khrul dang gsum// phra ba'i gol sgrib 'khrul dang gsum// ye shes gol sgrib 'khrul dang gsum/ / rgyud kyi gol sgrib 'khrul dang gsum// lung gi gol sgrib 'khrul dang gsum// man ngag gol sgrib 'khrul dang gsum// lam gyi gol sgrib 'khrul dang gsum// theg pa re la bcu tshan bcu/ / de las phye bas nyis stong lnga brgya yod// ces gsungs so// gol sgrib ces pa'i nges tshig kyang// gong ma gong ma'i theg pa yis// 'og ma'i theg par zhugs na gol// des na yas gol zhes su bshad/ / 'og ma 'og ma'i theg pa yis// gong ma'i theg pa sgrib pa yin// des na mas sgrib ces su bshad// dper na sha mo'i grod rdzems bzhin// dbye na bsam las 'das pa ste// bsdu na grod par 'ub kyis 'dus/ / de bzhin gol sgrib nyis stong kyang// tshig gcig 'og tu gdar sha chod// ming med blo 'das chen por rtog/ lta ba'i gol sgrib 'khrul pa yang// mu mtha' grol bar la 'da' 'o// dam tshig gol sgrib 'khrul pa yang/ / nyams skyon ka dag la 'da' bo// 'phrin las gol sgrib 'khrul pa yang// rtsol bsgrub med par la 'da' bo// lam gyi gol sgrib 'khrul pa yang// bsgrod du med par la 'da' bo/ / sa yi gol sgrib 'khrul pa yang// sbyang du med par la 'da' bo// phra ba'i gol sgrib 'khrul pa yang/ rang bzhin med par la 'da' bo// ye shes gol sgrib 'khrul pa yang// gsal 'grib med par la 'da' bo/ / rgyud kyi gol sgrib 'khrul pa yang// sems chos rgyud 'dres ngang du la 'da' bo// lung gi gol sgrib 'khrul pa yang// ma nor yang dag nges par la 'da' bo// man ngag gol sgrib 'khrul pa yang// gting mtha' yas la mu mtha' grol bar la 'da' bo/ gol sgrib nyis stong lnga brgya bo// skye med ka dag ming med mtha' stongs chen por la 'da' bo// zhes gsungs so// nam mkha' nyi zla'i rgyal po mu med mtha' yas kyi rgyud las/ / gol sgrib 'khrul ba la 'da' ba'i le'u ste bco brgyad pa'o//// de nas kun byed rang grol gyis// ming med spyi phud ston pa la// ci yang ma byas par grol ba thob lags sam// zhes ston pa la zhus pa dang/ / ston pas 'khor la bka' stsal pa// bya byed rtsol bas 'khor bar 'khyam// ci yang ma byas grol ba thob// ci yang ma spyad rang sar grol// ci la'ang ma chags yid mi 'jug/ gang la'ang ma zhen 'dzin chags grol/ / snang srid yul la dgag bsgrub med// ji ltar rig kyang 'dod pa rtsis gdab med// kye skal ldan grol bar 'dod pa rnams/ ci yang ma byed dal bar sdod// rtsol bsgrub ma byed lhug par zhog/ bya ba ma mang klong du nyol// lta ba sgom pa spyod pa med// phyal rtser thong la bde bar zhog/ gtad med dmigs med byar med sgrub tu med// gang dang ci la'ang mi sems gang la yid mi 'jug/ snang srid 'khor 'das yod med rtag chad kun/ / ma brtags rang snang rang sor bzhag pas grol// chos spyod mi byed dal ba'i ngang la sdod// dge bcu mi spyod mu mtha' grol bar 'jog/ byas tshad bsgrubs tshad 'khor bar 'khyam/ / ci yang ma byas ma bltas ma bsgoms grol ba thob// ces gsungs so// nam mkha' nyi zla'i rgyal po mu med mtha' yas kyi rgyud las// ci la ma spyad par grol ba thob par bstan pa'i le'u ste bcu dgu pa'o/ /// de nas kun byed rang grol gyis/ ming med mtha' stongs ston pa la// yang ti nyi zla'i snying po ru// brgyad khri bzhi stong ji ltar rdzogs// zhes zhus pa dang// ston pas 'khor la bka' stsal pa/ / rdzogs chen gnya' gcog yang ti yo ga ru// theg pa brgyad khri bzhi stong de la rdzogs// chos kyi sgo mo brgyad khri bzhi stong de la rdzogs// chos kyi sgo mo brgyad khri bzhi stong rdzogs// thod rgal yang ti yo ga ru/ / bdag med nyan thos theg pa rdzogs// rten 'brel rang rgyal theg pa rdzogs// bden gnyis byang sems theg pa rdzogs// dag gsum kri ya'i theg pa rdzogs// rtse gnyis u pa'i theg pa rdzogs/ skye 'gag yo ga'i thegs pa rdzogs/ / snang stong ma hA'i theg pa rdzogs// dbyings dang ye shes gnyis med a nu rdzogs// thams cad chos sku a ti'i lta ba rdzogs// skye med ka dag spyi ti'i lta ba rdzogs// mu med mtha' bral yang ti yo ga ru/ / brgyad khri bzhi stong ma 'dres yongs su rdzogs// dper na 'byung ba nam mkhar 'byung ba bzhi yang rdzogs// rgya mtsho chen por chu bran sna tshogs rdzogs// mchog rab ri la ri bran ma lus rdzogs/ / za 'og snam bur dar sna sna tshogs rdzogs// de bzhin snang srid 'khor 'das rtag chad rdzogs// 'khor ba myang 'das sku dang ye shes rdzogs/ sku gsum dug lnga ye shes rnam lnga rdzogs// btags chags chos rnams ma lus rims kyis rdzogs/ / zhes gsungs so// nam mkha' nyi zla rgyal po mu med mtha' yas kyi rgyud las// rdzogs lugs bstan pa'i le'u ste nyi shu pa'o//// de nas kun byed rang grol gyis/ / ming med spyi phud ston pa la// a ti man chod theg pa las// yang ti yo ga gang gis 'phags// zhes zhus pa dang// ston pas 'khor la bka' stsal pa// yang ti nyi zla'i snying po yis// dngos po rnam pa sna tshogs snang ba'i yul rnams la/ / dgag bsgrub spong len rdul ma grub// nyan thos bdag med 'dod las 'phags// stong pa mi bsgrub rten 'brel mi rtsi bas// rten 'brel rang rgyal lta las 'phags/ / gzung zhen bden gnyis mi sbyong sgyu mar mi 'dod pas// dbu ma sems tsam dag las khyad par 'phags// rigs gsum skye 'gag can du mi 'dod pas// kri yog rnam gsum dag las khyad par 'phags/ / snang ba mi bsgyur snang stong gnyis med pas// ma hA ltar 'dod dag la 'phags// rgyu 'bras dbye med dbyings dang ye shes mi 'dod pas// a nu dag las khyad par 'phags// kha 'byams ye sangs rgyas la mi ltos par/ / rdzogs chen a ti rig pa 'gyur ba la// rang byung ye shes yin zer snang ba chos skur 'dod// rig pa 'gyur zhing snang ba mi rtag pas// ye shes 'gyur ldog snang ba skye 'jig can// de las spyi ti yo ga 'phags/ / khyad par gang gis 'phags she na// skye med ka dag byar med blo 'das so// ka dag ma dag gnyis med pas// yang ti mu med mtha' bral gyis// spyi ti dag las khyad par 'phags/ / khyad par gang gis dpags she na// gting mtha' yas la mu mtha' grol bas 'phags// a ti man chod lta ba ni// lta ba blos btags bsgom pa yid smon byed// spyod pa tho co dam tshig mched grogs bslu/ / 'phrin las rtsol bsgrub 'bras bus re dogs so// theg pa dgu las yang ti khyad par 'phags// de las khyad par gang gis 'phags she na// don la lta sgom spyod med kyang// re zhig khyad par 'don phyir 'phags/ / gtad med mu mtha' grol ba 'di// thig le mtha' bral lta ba'i rgyal po yin// blo btags zhe 'dod phyogs ris lta las 'phags// yang ti man chod lta ba phyags mas bstab// lta ba zhe 'dod mkhan la snying re chim/ / ming med mtha' yas gting mtha' zad pa 'di// thig le ka dag bsgom pa'i rgyal po yin// yid bzung bsam bsgom bying rmugs mkhan las 'phags// bsgom bya sgom byed phyags mas bstab/ byar med so ma rang ka lhug pa 'di// thig le zang thal spyod pa'i rgyal po yin// bya rtsal rtsol bsgrub can las khyad par 'phags// chags zhen the tsom bya rtsal phyag mas btab// re med yin klong gyur 'di ka ltar sangs rgyas/ / thig le gting rdzogs 'bras bu'i rgyal po yin// re dogs rtsol bsgrub mkhan las khyad par 'phags// re dogs sangs rgyas gzhan nas thob 'dod phyags mas btab// lta sgom spyod pa'i rgyal po bzhis/ / a ti man chad theg pa dgu las khyad par 'phags// zhes gsungs so// nam mkha' nyi zla'i rgyal po mu med mtha' yas kyi rgyud las// spyi ti yang ti khyad par 'phags pa'i le'u ste nyi shu rtsa gcig pa'o/ /// de nas kun byed rang grol gyis// ming med spyi phud ston pa la// nam mkha' nyi zla'i rgyal po mu med mtha' yas rgyud// bdag cag 'dus pa'i 'khor rnams la// rgyud kyi mtshan bshad zab par gsung du gsol/ / ces zhus pa dang// nga yis rgyud kyi don rnams bshad// 'khor rnams ma yengs gus pas nyon// de la rgyud 'di gsum du bshad// nam mkha' rgyal po'i rgyud dang gcig/ nyi zla rgyal po'i rgyud dang gnyis/ / bud med mtha' yas rgyud dang gsum mo// de nas 'khor gyis yang zhus pa// nam mkha' rgyal po'i rgyud kyis ji ltar bshad// ces gsungs pa dang// ston pas 'khor la bka' stsal pa/ / nam mkha' rgyal po'i rgyud kyis ni// dngos po'i gnas lugs mtshon dper gsungs// mu mtha' grol ba'i don rnams bstan// de yang ji ltar bstan zhe na// dper na nam mkha'i rgyal po ni// yod ma myong la med ma myong/ / snang ma myong la stong ma myong// 'dod ma myong la rtsol ma myong// gang ma myong la bri ma myong// zad ma myong la 'phel ma myong// bde ma myong la sdug ma myong// skye ma myong la 'gag ma myong/ / snang ma myong la zhen ma myong// dper na nam mkha' de nyid ni// skye ba med pa gnyis su med pa// rang grol ba// rgyu med pa// rkyen med pa// gnyen po med pa// byed pa pos ma byas pa// skye 'jig gang gi ngo bor yang mi gnas pa/ / dus dang rnam pa thams cad du 'pho 'gyur med pa// bzang ngan med pa// yin min med pa// dbye bsal med pa// gnyis su med pa// mtha' dbus med pa// phyogs dang ris med par mtha' grol ba/ / nga bdag dang gzhan snang// gnyis 'dzin las grol ba// dper na nam mkha'i klong nas char ser na bun bu yugs dang// nyi zla gza' skar thog glog sogs// sprin dang khu rlangs nam mkha'i cho 'phrul rnams/ / dang po byung yang nam mkha'i klong nas byung// dwangs kyang nam mkha'i klong du dwangs// sprin dang char ser kha ba na bun la sogs rnams// rang byung rang zhi nam mkha'i ngang du dngas/ / nam mkha' de la than pa sad ser mi sdug mtshan ma byung// so so skye bo nam mkha' dag la smod kyang nam mkha' la ni de yi skyon ma gos// char chu dus phebs lo legs bzang bstod kyang// de la skye bos bstod cing bzang bstod yon tan mang brjod kyang/ / dga' ba'i sems med mi dga' blo las grol// nam mkha' de la bstod pas bzang bar 'gyur ba med// de ci'i phyir zhe na// nam mkha' dngos med mtha' bral ba/ / stod ra smad ra gnyis las grol// yul sems gzung 'dzin bdag gzhan chos las grol// dpe de bzhin sems nyid kyi rang bzhin kyang// dang po rgyu med// bar du rkyen med// tha ma gnyen pos mi shig pa/ / skye ba med pa// 'gag pa med pa// gnyis su med pa// rang grol ba// dngos po med pa// mtshon du med pa// brjod pa las 'das pa// ming med pa// blo las 'das pa// yul med pa// sems med pa/ / bdag med pa// gzhan med pa// gnyis su snang phyogs ris las grol ba// mtha' dbus las grol ba// kha dog lnga med pa// dgra gnyen phyogs ris// chags sdang spong len// dbye bsal dgag bsgrub/ / rtsis gdab bcas bcos// blo byed pa po las yongs su 'das so// mu med mtha' stong ming med mu mtha' grol// nam mkha' rgyal po rgyud chen yin// zhes gsungs so// nam mkha' nyi zla'i rgyal po mu med mtha' yas kyi rgyud las/ / nam mkha' rgyal po rgyud kyi dpe don bstan pa'i le'u ste nyi shu rtsa gnyis pa'o//// de nas kun byed rang grol gyis// ming med spyi phud ston pa la// nyi zla rgyal po'i rgyud kyis ji ltar bstan/ / ces zhus pa dang// ston pas 'khor la bka' stsal pa// nyi zla rgyal po'i dpe yis ni// ka dag 'od gsal ston pa'i dpe ru bstan// dper na nyi zla'i snying po la// sgrib g.yogs ma grub ka nas dag/ gzhan skyon dri ma med pa'o// sprin dang na bun cis bsgribs kyang// dper na nyi zla'i snying po la// sprin dang rmugs pa sgribs g.yogs ka nas dag/ gti mug mun pa'i skyon gyis ma gos so/ / de bzhin ye dag sems nyid kyang// ka dag ming med mu mtha' grol ba'i rgyu// ma rig gti mug ka nas dag/ bag chags sgribs g.yogs ka nas dag/ yid 'khor 'khrul gsum ka nas dag/ dug lnga dug gsum ka nas dag/ 'byung lnga rlung lnga 'od lnga zer lnga ka nas dag/ 'khrul sgo 'khrul 'bras ka nas dag/ gzugs lnga ma grub ka nas dag/ 'khrul snang 'khor ba ma grub ka nas dag/ rnam rtog gzung 'dzin ma grub ka nas dag yul sems dgag bsgrub ma grub ka nas dag/ dngos po'i chos rnams ka nas dag/ dgra gnyen phyogs ris ka nas dag/ spong len yin min dbye bsal ka nas dag/ mtha' dbus phyogs ris ka nas dag/ snang srid 'khor 'das ka nas dag/ 'gyus tshad dran tshad mno tshad ka nas dag/ btags snang chos rnams ka nas dag/ skye snang gsal nyi ma'i rgyud kyis ni// gti mug ma rig sgribs g.yogs ka nas dag/ 'od gsal nyi ma'i snying po'i rgyud// snang gsang nyi ma'i rgyud kyis ni// bag chags sgribs g.yog ka nas dag/ 'od gsal zla ba'i rgyud kyis ni// gti mug mun pa'i dmag rum gtan nas sangs/ / nyi ma shes rab rgyud la zla ba thabs kyi rgyud// thabs dang shes rab yongs rdzogs nyi zla rgyal po'i rgyud// nyi ma skye med ka dag ston pa'i rgyud// zla ba ye shes gsal ba ston pa'i rgyud// theg dgu a ti kun las rgyal/ / des na nyi zla rgyal po'i rgyud// ces gsungs so// nyi zla nam mkha'i rgyal po mu med mtha' yas kyi rgyud las// nyi zla'i rgyud kyi rgyal po bstan pa'i le'u ste nyi shu rtsa gsum pa'o//// de nas kun byed rang grol gyis/ / ming med spyi phud ston pa la// ming med mtha' yas rgyud kyi rgyal po ji ltar lags// zhes zhus pa dang// ston pas 'khor la bka' stsal pa// mu med mtha' yas zab par bshad kyis 'khor rnams nyon/ / de yang bsdus don gsum du bshad// snang srid btag snang dngos po'i chos mu med pas mtha' yas yin// rig pa// 'gyu ba// 'dzin pa// sems// blo// dran pa ste// de rnams rang byung ngang dang mu med mtha' yas pa yin/ / kun gzhi// bag chags// sgrib g.yogs// dngos med// ming med brjod med// blo 'das// ming med mtha' yas yin// 'ub kyis bsdus pas// snang ba// rig pa// sems su 'dus/ / snang ba rang grol mu med mtha' yas yin// rig pa ngang dngas shugs grol mu med mtha' yas yin// sems nyid skye med dngos de ming med mtha' yas yin// cang med dngos med mtshon du rdul tsam med pas mu med mtha' yas yin/ / de ltar 'ub bsdus gsum du shes par gyis// bye brag bshad pa mi lang ngo// de ltar ming med mtha' yas rgyud kyi rgyal po yin// zhes gsungs so// nam mkha' nyi zla'i rgyal po mu med mtha' yas kyi rgyud las/ / rgyud kyi rgyal po'i don bshad pa'i le'u ste nyi shu rtsa bzhi pa'o//// de nas kun byed rang grol gyis// ming med spyi phud ston pa la// bdag cag 'dus pa'i 'khor rnams la/ / rgyud kyi rgyal po'i mtshan don ji ltar bzung// zhes zhus pa dang// ston pas 'khor la bka' stsal pa// nam mkha'i cho 'phrul nam mkhar sangs pa yis// nam mkha' rgyal po bya bar zung// ka dag 'od gsal sgribs g.yogs sangs pa'i phyir/ / nyi zla rgyal po bya ba'i rgyud du zung// chos rnams ming med mu mtha' grol ba'i phyir// ming med mtha' yas rgyud du zung// dus gsum rgyun du gnas pa'i phyir/ / snying po rgyun chad med pa'i rgyud du zung// theg pa kun gyi rtsa ba ston pa'i phyir// theg pa'i rgyud chen bya bar zung// theg pa kun gyi la 'da'i phyir/ la chen 'das ba'i rgyud du zung// a ti'i gong rgal spyi ti'i gnya' gcog pas/ / bcu rtse thod rgal chen po'i rgyud du zung// zhes gsungs so// nam mkha' nyi zla rgyal po mu med mtha' yas kyi rgyud las// rgyud kyi mtshan bzung ba'i le'u ste nyi shu rtsa lnga pa'o/ /// de nas kun byed rang grol gyis// ming med spyi phud ston pa la// rgyud 'di skal ldan ji lta bu la gtad// ces zhus pa dang// ston pas 'khor la bka' stsal pa// gtad dang gdams pa'i gnas bstan gyis/ / 'khor rnams ma yengs gus pas nyon// rgyud 'di gtad pa'i skal ldan ni// sngon gyis las 'phro skal ba can// sbyangs pa'i 'phro sad theg chen snod// bla ma gtsug khur dam tshig srog bzhin bsrung/ / gdam ngag gter 'chang 'dod yon khar mi gtong// mi 'gyur shes rab che la nor rdzas 'phangs med 'bul// dad can sdig la 'dzem la rgyud 'di dag la gtad// dam nyams snod med nga rgyal dregs pa can/ / che dregs dge smod sdig spyod g.yo sgyu can// rin chen med par g.yo sgyu thabs kyis 'brel// thob nas slob dpon rgyab phyogs man ngag zong du 'tshong// de lta bu yi slob ma la// yul 'khar ster yang mi sbyin no/ / de la byin na dmyal bar 'gro// zhes gsungs so// nam mkha' nyi zla rgyal po mu med mtha' yas kyi rgyud las// snod bzang la rgyud gtad pa dang// snod ngan la mi sbyin pa'i gnas bstan pa'i le'u ste nyi shu rtsa drug pa'o/ /// de nas kun byed rang grol gyis// bstan pa 'byung ba'i dus ni ji tsam na lags// zhes zhus pa dang// ston pas 'khor la bka' stsal pa// yang snying nyi zla'i snying po 'byung dus su/ / sku dang gsung gi bstan pa nub// thugs rjes bstan pa dar ba'i tshe// lnga brgya dus kyi tha ma la// dus ngan zer zhing spyod pa thod rgyal byed// ri khrod gnas pa'i pad+mo grong gser byed// zas nor bag tsam phyed du chos 'tshong rdzun gyis 'gengs/ / gcer bu'i spyod pa grong gseb tho chos 'gengs// gos su khyi thul zas su mi gtsang za// lag char mi thod dbyug pa rtse gsum thogs// rnal 'byor nyams can lad mo zas 'dod rnal 'byor byed/ / de dus yang ti yo ga 'byung// mi thub gsum 'byung rtsod pa me ltar 'bar// btsun chen sde 'khrug sngags pa nang gyes byed// ban sde rnal 'byor chos su rdzogs chen dang/ / theg chen nya mas spyod la bud med chos la dga'// de dus yang ti yo ga 'byung// gser dang gter kun brdol ba'i tshe// de dus yang ti yo ga 'byung// zhes gsungs so// nam mkha' nyi zla'i rgyal po mu med mtha' yas kyi rgyud las/ / bstan pa 'byung ba'i dus bstan pa'i le'u ste nyi shu bdun pa'o//// nam mkha' nyi zla'i rgyal po mu med mtha' yas kyi rgyud rdzogs so//// rgya gar u rgyan gyi slob dpon yab med yum med sprul sku 'gro ba'i mgon po/ / pad+ma'i sdong po las sku 'khrungs pa pad+ma sam b+ha bas bshad cing// bod kyi lo tsa ba ka ba dpal rtsegs kyis u rgyan skad du bsgyur cing gtad la phab pa'o/ / bka' rgya// gter rgya// gtad rgya:: rgya gar skad du// rat+na a mr-i ta thu la na a a ni pi su si pa ti kha tshe da tan tra// bod skad du// rin po che bdud rtsi bcud thigs rigs drug g.yang sa gcod pa'i rgyud/ / bcom ldan 'das dpal kun tu bzang po la phyag 'tshal lo// 'di skad bdag gis go zhing rtogs ba'i dus gcig na// 'og min gyi gnas sems nyid brdal ba chen po/ / rin po che 'od 'bar ba'i gzhan yas khang na// ston pa'i rgyal po sku gsum dbyer med skye med chos sku bzhugs// bstan pa'i rgyal po bdud rtsi bcud thigs rigs drug yang sa gcod pa thugs la gnas/ / 'khor gyi dam pa rang bzhin gyi 'khor dang// rang bzhin la lta ba'i 'khor dang// rgyu'i byang chub sems dpa' dang// lam gyi byang chub sems dpa' dang// 'bras bu'i byang chub sems dpa' dang/ / 'dod pas bsdus pa'i 'khor dang// don gyis gcig pa'i 'khor dang// nyid las mi gzhan pa'i 'khor rnams dang thabs gcig tu bzhugs so// 'das pa dang// ma 'ongs pa dang// da lta ba ste// dus gsum dbyer med kyi dus so/ / sdus pa po rdo rje sems dpas bsdus so// de'i tshe 'khor rnams kyi nang nas rang gsal khye'u chung stan las langs nas// pus mo g.yas pa'i lha nga sa la btsugs te// thal mo sbyar nas 'di skad ces gsol to/ / dang po ji ltar gnas pa'i gnas lugs dang// sangs rgyas rtogs te che ba'i yon tan dang// sems can ma rtogs khams gsum ji ltar 'khor// 'khor ba rtsad nas gcad pa'i gcad lugs dang/ / chod nas 'bras bu thob pa'i thob lugs dang// mi 'gyur gdeng gis zin lugs ji ltar lags// sku gsum dbyer med ston pa yis// bdag cag 'dus pa'i 'khor la gsung du gsol/ / ces zhus so// rin po che bdud rtsi bcud thigs rigs drug g.yangs gcod pa'i rgyud las// gleng gzhi'i le'u ste dang po'o//// de nas rang gsal khye'u chung gis// sku gsum dbyer med ston pa la/ / gnas lugs don ni bshad du gsol// ces gsol pa dang// ston pas 'khor la bka' stsal pa// gnas lugs mtshan nyid brda dang dpes bstan gyis// dad pa dang ldan shin tu gus pas nyon/ / dngos po gshis kyi gnas lugs ni// brjod pa'i yul du ma gyur te// 'khor gyi rtog pa bsal ba'i phyir// rin chen shes par 'od gsal bas// mgur gyi bum pa rgya mdud 'di// ljags kyi pad+mas gsal bar bshad/ / dang po gzhi yi 'dug tshul 'di// brda dang dpe yis bstan par bya// mi zad 'byung bas sa yi gter mdzod 'dra/ dgos dgu ci 'dod 'byung bas rin chen 'dra// zad med gter la spyod pas bang mdzod 'dra/ / ci btab skye bas sa gnyi 'dra// kun la khyab pas nam mkha' 'dra// ma 'gags 'byung bas 'od zer 'dra// 'brel ba yod pas spu gri shes rgyus 'dra// shugs las 'byung bas tsan dan gla rtsi 'dra/ / 'khrul pas 'byung pas thag pa tho yor sbrul mi 'dra// sgrib g.yog mun pas ling thog 'dra// ma shes gyad nor dbul mo'i gter dang 'dra// mtshan dpe zla 'dzug sgron me 'dra// gnyis med ga pur dpe dang 'dra/ / snang tshul phug ron ske dang 'dra// 'gyur med gser gyi dpe dang 'dra// dngos med smig sgyu'i dpe dang 'dra// 'gyu ba chu dang spre 'u 'dra// mtha' med nam mkha'i dpe dang 'dra// rtog dpe nam langs nyi shar 'dra/ / dngos po gshis kyi gnas lugs de// bsam dbang phyogs nas dpe yis mtshon// dngos po'i phyogs nas dpe las 'das// rtsal snang ngos nas tshig gis mtshon// gzhi yi ngos nas tshig las 'das/ / yan lag ngos nas dbye bsal byung// snying po'i ngos la dbye bsal med// mtshan nyid ngos nas skye 'jig byung// gnas lugs ngo la skye 'jig med// bu yi ngos nas skye 'jig byung// ma yi ngos nas 'pho 'gyur med/ / 'dra gzhi gcig las dpe yis mtshon// dngos po'i yod pas dmigs su yod// dngos po'i med pas dmigs su med// dngos po gshis kyi gnas lugs la// smra bsam brjod pa'i yul las 'das/ / chos med ston med nyan mkhan med// mtshon med tshig med brjod pa med// phye med bzung med brtags zhen med// rgyu yis ma bskyed rkyen gyis mi 'jigs pa// ngo bo mi 'gyur rang bzhin mi dmigs pa/ / rnam shes yul du ma gyur snying po can// des na dngos po'i gnas lugs yin// zhes gsungs so// rin po che bdud rtsi bcud thigs rigs drug g.yang sa gcod pa'i rgyud las// gzhi'i gnas lugs bstan pa'i le'u ste gnyis pa'o/ /// de nas ngang dngas khye'u chung gis// sku gsum dbyer med ston pa la// sangs rgyas che ba'i yon tan ji ltar lags// zhes zhus pa dang// ston pas 'khor la bka' stsal pa/ / sangs rgyas che ba'i yon tan ni// rang bzhin rlung gis 'gyu ma nus// yid kyi rtog pa 'phyo ma nus// rin pa sems kyis 'dzin ma nus// sgo lnga yul snang thams cad la// rig yid sems kyi rtog pa ji snyed rnams/ / gar yang 'phyo sa ma rnyed pas// ma chags ma zhen chos dbyings thim// 'byung ba ma la zha bas chos nyid ma dang phrad// ye shes dbyings su thim pas skye med rang sa zin// shes rab mkha' la 'khyil bas 'khrul pa rang sar grol/ / 'gyur med rgya yis thebs pas snying po klong nas shar// ngo bo rang sa zin pas chos sku 'o// rang bzhin rang sa zin pas longs sku 'o// thugs rje rang sa zin pas sprul sku'o/ / sems can 'khor ba sangs pas sku gsum zhing khams rgyas// ma rig 'khrul sgo sangs pas ye shes 'char sgo rgyas// gzung 'dzin chags zhen sangs gzung 'dzin gnyis med rgyas// sangs rgyas che ba'i yon tan de ltar ro/ / zhes gsungs so// rin po che bdud rtsi bcud thigs rigs drug g.yang sa gcod ba'i rgyud las// sangs rgyas che ba'i yon tan bstan pa'i le'u ste gsum pa'o//// de nas rang kas la khye'u chung gis sku gsum dbyer med ston pa la/ / ma rtogs sems can khams gsum ji ltar 'khor// ces gsol pa dang// ston pas 'khor la bka' stsal pa// snying po'i rang bzhin 'gyur ba med/ / rtsal snang yan lag dbang gis ma rtogs te// ye gnas gzhi las khyab gzhi 'gyu// khyab pa'i gzhi las g.yo gzhi 'gyu// g.yo ba'i gzhi las 'byung gzhi 'gyu// de las shugs 'byung 'byung ba 'gyu// de la kun gzhi spyi khyab gnas/ / de las ma rtogs 'khor ba'i sems// 'khor ba'i gzhi dang rgyu dang ni// dus dang rkyen dang ngo bo dang// tshul dang 'bras bu bdun gyis 'khor// 'khor ba'i gzhi ni kun gzhi yin/ / 'khor ba'i rgyu ni rig pa yin// 'khor ba'i dus ni rtsal gcod yin// 'khor ba'i rkyen ni rlung g.yos yin// 'khor tshul rim rgyud snod bcug gnyis// 'khor ba'i 'bras bu 'gro drug yin// ngo bo nga bdag gzung 'dzin yin/ / de bdun stobs kyi 'khrul ba byung// kun gyi gzhi las 'od du 'khrul// 'od las rtsal snang zer du 'khrul// zer las shes pa rig par 'khrul// rig pas gnas pa'i don ma rig/ ye don ma rig yin ma rig/ de phyir ma rig 'khrul pa'i rgyu// 'gyu ba rlung gis rkyen byas nas// sgrib g.yog mun pas dus byas te// ngo bo rten med phya sangs khyer// tshul ni rang sa ma zin rnam gsum 'gyu/ / rig pas rang sa ma zin gcod pa'i rlung dang bcas// kun tu tshol ba'i yid du 'khrul// yid kyis rang sa ma zin 'gyu ba'i rlung dang bcas// gtan la 'bebs pa'i yid du 'khrul/ sems kyis rang sa ma zin ming 'dogs zhen dang bcas/ / nges par 'jog pa'i yid du 'khrul// 'khrul tshul yid kyi 'khor lo gsum du 'khrus// 'bras bu rig gzugs 'od gzugs sha gzugs smin// 'khor bdun 'khrul bdun bcu bzhi las/ / dngos po rkyen snang 'khrul ba dang// med pa blo bur 'khrul ba 'byung// zhe sdang sngar med langs pa las// dmyal ba'i gnas su shugs kyis 'khrul// tsha grang btso bsreg sdug bsngal 'khrul bar smin/ / ser sna sngar med langs pa las// yi dwags gnas su shugs kyis 'khrul// bkres skom sdug bsngal 'khrul bar smin// gti mug sngar med rmongs pa las// byol song gnas su shugs kyis 'khrul/ / glen lkugs sdug bsngal 'khrulabar smin// phrag dog sngar med skyes pa las// mi rnams gnas su shugs kyis 'khrul// brgyad dang bcu drug 'khrul bar smin// nga rgyal sngar med langs pa las// lha min gnas su shugs kyis 'khrul/ / 'thab rtsod sdug bsngal 'khrul bar smin// 'dod chags sngar med skyes pa las// lha yi gnas su shugs kyis 'khrul// mi khom brgyad du 'khrul bar smin// dngos po rkyen snang 'khrul bar smin/ / 'byung ba dwangs snyigs 'byed dus su// sangs rgyas sems can phye ba las// phyi snod gling bzhi ri rab dang// nang bcud skye 'gul gzugs bsdus rnams// pha mar btags pas pha mar snang/ / pha mar bzung bas pha mar zhen// bu tshar bzung bas bu tshar btags// bu tshar snang bas bu tshar zhen// bza' mi khyo chung btags pas bza' mir snang// bza' mir btags pas bza' mir zhen/ / yul khyim btags pas yul khyim snang// yul khyim bzung pas yul khyim zhen// btags snang zhen bzung dngos por 'khrul// dper ma rmi lam nor rdzas bzhin// med bzhin snang gin med par bzung/ / de bzhin 'khrul pa'i snang ba yang// med pa'i chos la yod par bzung// mi bden pa la bden par bzung// mi rtag pa rtags par bzung// min la yin par bzung ba'i 'khrul pa yis// snang srid skye 'gul de las byung/ / khams gsum sems can 'khrul bar smin// sdug bsngal brgyad khri bzhi stong smin// 'gro drug gnas nas thon dus med// ces gsungs so// rin po che bdud rtsi bcud thigs rigs drug g.yang sa gcod pa'i rgyud las/ / ma rtogs sems can 'khrul lugs bstan pa'i le'u ste bzhi pa'o//// de nas rang gsal khye'u chung gis// sku gsum dbyer med ston pa la/ / sems can ma rtogs khams gsum 'khor ba de// 'gro drug g.yang sa bcad pa dang// 'khor brtsad nas ji ltar gcad// ces gsol pa dang// ston pas 'khor la bka' stsal pa// nga yis 'khor la rtsad gcod bshad/ / 'khor rnams ma yengs gus par nyon// cig car ba yi gcad lugs dang// rims kyis pa yi gcad lugs so/ cig car ba yi gcad lugs ni// dbang po thod rgal skyes bu yis// rtsad nas gcad pa mi dgos te/ / 'khor bar ngo shes mya ngan 'das// de dus nyid du mya ngan 'das// dper na ha la nag po'i dug/ sngags ldan mi 'chi sman du 'gyur// dug tu ngo shes dug rtsad chod// dbang po ya rab gcad lugs so/ / rims kyi 'jug pa'i gcad lugs ni// rnam pa bdun du shes par bya// gcod pa'i gzhi dang rgyu dang ni// dus dang rkyen dang ngo bo dang// tshul dang 'bras bu bdun yin no// 'pho 'gyur skye 'gag med par rtogs/ / 'khor ba'i kun gzhi rtsad nas bcad// 'od la rtsal snang zer thim pas// 'od la zer tha mi rangs zin// gzhi mo'i 'khrul pa rtsad nas bcad// shes pas mun pa bsal byas pas/ / 'khor ba'i rgyu ni rtsad nas gcod// rig pa gnas pa'i don rig pas// 'khrul rgyu ma rig rtsad nas bcad// dus gsum dbyer med gcig rtogs pas// 'khor ba'i dus ni rtsad nas bcad/ gang skyes dus su rang sa nyin/ / 'khrul ba'i dus ni rtsad nas bcad// g.yo 'gul med pa'i don rtogs pas// 'khrul pa'i rkyon ni rtsad nas bcad// nga bdag gzung 'dzin rang sangs pas/ 'khor ba'i ngo bo rtsad nas bcad/ / chos nyid ma bu ngo sprod pas// 'khrul ba'i ngo bo rtsad nas bcad// ngo bo rang bzhin thugs rje las// sku gsum rgyal ba'i zhing khams shar// khams gsum 'khor ba rtsad nas bcad// rig pa'i rtsa ba chod pas ni/ / kun tshol 'khrul ba rtsad nas bcad// yid rtsad 'gyu ba rtsad chod pas// gtan la 'bebs pa'i 'khrul rtsad bcad// sems kyi ming btags zhen chod pas// nges par 'jog pa'i yid 'khrul rtsad nas bcad/ / gcod pa'i 'bras bu 'khrul ba bcad// mya ngan 'das pa'i bdun gcod dang// 'khrul pa gcod pa'i bdun po yis// zung bdun ya ni bcu bzhi yis// rgyud pa rims kyis 'khrul pa dang// dngos po rkyen snang 'khrul pa dang/ / med pa blo bur 'khrul pa gsum// btags snang bzung zhen 'khrul pa gsum// 'khrul snang thams cad rtsad nas bcad// me long lta bu'i ye shes kyis// zhe sdang kun gyi rtsad chod pas/ / dmyal bar skye ba'i g.yang sa chod// mnyam pa nyid kyi ye shes kyis// nga rgyal rang bzhin rtsad chod pas// lha min skye ba'i g.yang sa chod// so sor rtogs pa'i ye shes kyis// 'dod chags ngo bo rtsad chod pas/ / lha ru skye ba'i g.yang sa chod// bya ba nan tan ye shes kyis// phrag dog ngo bo rtsad chod pas// mi ru skye ba'i g.yang sa chod// chos kyi dbyings kyi ye shes kyis// gti mug ma rig rtsad chod pas/ / byol song skye ba'i g.yang sa chod// chags med ye shes kun khyab kyis// ser sna'i ngo bo rtsad chod pas// yi dwags skye ba'i g.yag sa chod// de ltar ye shes rnam lnga yis// 'gro drug g.yang sa rtsad nas bcad/ / zhe sdang longs spyod rdzogs pa'i sku// dmyal ba'i tsha grang ming yang med// ser sna chen po byang chub sems// yi dags bkres skom ming yang med// gti mug chen po chos kyi sku// byol song glen lkug ming yang med/ / phrag dog chen po byang chub sems// mir skye ba yi sdug bsngal ming yang med// 'dod chags chen po sprul pa'i sku// lhar skye mi khom sdug bsngal ming yang med// nga rgyal chen po dbyer med sku// lha min 'thab rtsod sdug bsngal yang med/ / snang ba yid la ma byas gzugs khams lhar mi skye// stong pa yid la ma byas 'dod khams lhar mi skye// skye med yid la ma byas gzugs med lhar mi skye// yid kyi 'khrul rtsad chod pas g.yo med skye 'gag med/ / sems kyi 'dod zhen med pas bde ba'i mchog/ rig med gsal gdangs rtogs pas chos sku gcer mthong 'gyur// mthong ba de la ngos bzung med// med pa de ka mthong ba yin/ / gcad bya gcod byed gnyis med par// 'khrul snang 'khor ba thams cad rtsad nas bcad// ces gsungs so// rin po che bdud rtsi bcud thigs rig drug g.yang sa gcod pa'i rgyud las// 'khor ba rtsad nas gcod pa'i le'u ste lnga pa'o/ /// de nas rang gsal khye'u chung gis// sku gsum dbyer med ston pa la// 'bras bu thob lugs ji ltar lags// zhes gsol pa dang// ston pas 'khor la bka' stsal pa/ / brgyad khri bzhi stong theg pa de// de yi 'bras bu ngas ma bshad// spangs nas thob pa'i 'bras bu ngas ma bshad// bsgrubs nas grub pa'i 'bras bu ngas ma bshad// 'dod pas bsgrubs pa'i 'bras bu ngas ma bshad/ / re dogs 'bras bu ngas ma bshad// thog ma med pa'i dus mtha' nas// rang la rang nas yod pa yin// rang ngo shes shing rtogs pas mchog/ sku gsum rang la yod rtogs nas// 'du 'bral med na 'bras bu yin/ / bsam du med cing blo las 'das// skye med chos sku rang sems rtogs// skye ba med cing 'gag pa med// longs spyod rdzogs sku rang sems rtogs// dran med yid la bya ba med/ / thugs rje sprul sku rang sems rtogs// 'bras bu ngo bo sangs rgyas so// ma rig sangs pas ye shes rgyas// rnam rtogs sangs pas chos nyid rgyas// 'khrul pa sangs pas 'char sgo rgyas// sems can angs pas bud+d+ha rgyas/ / 'khor ba sangs pas myang 'das rgyas// 'pho 'gyur sangs pas 'gyur med rgyas// bya rtsal sangs pas byar med rgyas// re zhig sangs rgyas 'bras bu rtags// zhes gsungs so// rin po che bdud rtsi bcud thigs rigs drug g.yang sa gcod pa'i rgyud las/ / 'bras bu thob tshul bstan pa'i le'u ste drug pa'o//// de nas rang gsal khye'u chung gis// sku gsum dbyer med ston pa la// de ltar 'bras bu thob nas kyang/ / mi 'gyur gdeng gis ci ltar zin// ces gsol pa dang// ston pas 'khor la bka' stsal pa// 'gyur med skye med chos sku'i klong dkyil du// rtsal snang rig pa yid kyi bu thim pas/ / ma bu ngo phrad dbyer mi phyed// chos nyid ma dang phrad pas dbyer med gdeng gis zin// yeshes rang sa zin pas 'khrul med gdeng gis zin// rnam rtog rang sar grol bas rtog med gdeng gis zin// snying po klong nas shar bas 'gyur med gdeng gis zin/ / 'byung ba ma la zha bas skye med gdeng gis zin// chos sku blo las 'das pas dngos med gdeng gis zin// longs sku bsal du med pas 'gyur med gdeng gis zin/ / sprul sku yid la byar med gnyis med gdeng gis zin// chos rnams rang bzhin med pas stong pa'i gdeng gis zin// thams cad gnyis su med pas dbyer med gdeng gis zin// bya rtsal rtsol bsgrub 'das pas byar med gdeng gis zin/ / ces gsungs so// rin po che bdud rtsi bcud thig rigs drug g.yang sa gcod pa'i rgyud las// 'bras bu gdeng zin bstan pa'i le'u ste bdun pa'o//// de nas rang gsal khye'u chung gis/ / sku gsum dbyer med ston pa la// mtshan dang gtad rgya ji lta bu// zhes gsol pa dang// ston pas 'khor la bka' stsal pa// dgos 'dod ma lus 'byung ba'i phyir// rin chen bcud kyi rgyud yin no/ / sems nyid bdud rtsi bcud 'thigs pas// bdud rtsi bcud 'thigs rgyud yin no// khams gsum 'gro drug rtsad gcod phyir// g.yang sa gcod pa'i rgyud du zung// rigs drug g.yang sa gcod pa'i rgyud chen 'di/ / rang rgyud bzang zhing dad pa che// dam tshig gzhung bsrung rnam smin 'dzem// man ngag gsang tshig thub pa dang// rin la sogs 'dod pa'i yon// ma chags ser sna med pa dang// rin chen snod ldan de la bshad/ / ces gsungs so// rin chen bdud rtsi bcud thigs rigs drug g.yang sa gcod pa'i rgyud las// mtshan dang gtad rgya bstan pa'i le'u ste brgyad pa'o//// rin po che bdud rtsi thigs rigs drug g.yang sa bcod pa'i rgyud rdzogs so/ /// bka' rgya// zab rgya// gter rgya// sadzAmahwagudzraya// rgya gar gyi gu ru pad+ma sam b+ha la// bod kyi lo tsa ba ka ba dpal brtsegs kyis zhus shing bsgyur te gtan la phab pa'o/ / tshig la don med bod ban rnams// spel ba'i gnas med gter du spos// las can cig gis 'di rnyed par shog/ @##// rgya gar skad du// bod skad du// rin po che gser gyi nyims ma rig gti mug ka dag ye nas sangs rgyas rgyud// dam pa dang po'i sangs rgyas de kho na nyid kyi sangs rgyas la phyag 'tshal lo/ / 'di skad bdag gis dus rgyu'i tshig bral dus mtha' med pa nas// chos nyid gting 'tham yas pa nas// skye med don gyi ston pa yis// mu mtha' yongs grol bstan pa 'di// rang byung ngang dngas 'khor la bshad/ / dus gsum dbyer med rtsis las 'das// sdud po ni rang byung spros gcod do// zhes gsungs so// de nas skye med ston pa yis// rang byung ngang dngas 'khor rnams la// yongs rdzogs gong na med pa'i theg pa bshad/ / ces gsungs so// de nas rang byung ngang dngas kyis// skye med don gyi ston pa la// pus btsugs thal sbyar 'di skad zhus// kye// gong na med pa'i theg pa de// de don 'khor la bshad du gsol/ / chos nyid don gyi gnas lugs dang// rig pa rtsal gyi shar lugs dang// chos can mtshan ma gros lugs dang// dge ba ma spyad grol ba dang// sdig pa ma spangs dag pa dang// dug lnga ka nas dag pa dang/ / ma rig ka nas dag lugs dang// gti mug mun pa sangs lugs dang// nyon mongs bag chags sangs lugs dang// ye nas sangs rgyas yin pa dang// rigs drug skye ba rtsad bcad dang// sems can sangs rgyas yin lugs dang/ / de rtogs chos rnams shes pa dang// theg pa'i lta sgom med pa dang// ma bsgrubs pa ru grub pa dang// ma btsal rang las rnyed pa dang// ma bsgoms mthar ru phyin pa dang// ma bsrungs ka nas dag lugs dang/ / ma sbyangs sgrib rnams dag lugs dang// de rnams la 'da' chen po'i don// bdag cag rnams la bshad du gsol// ces zhus so// rin po che gser gyi nyi mas ma rig gti mug ka dag gi rgyud las/ / gleng gzhi'i le'u ste dang po'o//// de nas rang byung ngang dngas kyis// skye med don gyi ston pa la// gong na med pa'i theg pa de// de yi bshad lugs ji ltar lags// zhes zhus pa dang/ / ston pas 'khor la bka' stsal pa// yongs rdzogs gong na med pa'i theg pa bshad par bya// 'khor rnams ma yengs gus par nyon// e ho ngo mtshar rmad byung chos// kun rdzogs gong na med pa'i theg pa 'di/ / bya rtsal chos dang mi mthun te// yongs rdzogs chen po'i chos cig bshad// gong na med pa'i chos cig bshad// rgyu 'bras 'das pa'i chos cig bshad// rtsol bsgrub 'das pa'i chos cig bshad/ / bya rtsal 'das pa' chos cib bshad// ye sangs rgyas pa'i chos cig bshad// sgrib g.yogs med pa'i chos cig bshad// 'od gsal chen po'i chaus cig bshad// gsal ba zang thal chos cig bshad/ / rang snang rang grol chos cig bshad// dug lnga med pa'i chos cig bshad// nyon mongs gtan rlag chos cig bshad// 'gro drug sems can med pa'i chos cig bshad// ngan song gsum po med pa'i chos cig bshad/ / mtho ris 'gro sa med pa'i chos cig bshad// dge sdig med pa'i chos cig bshad// rnam rtog thog rdzis chos cig bshad// sdug bsngal gtad sangs chos cig bshad// 'khor ba gtan brlag chos cig bshad/ / theg med 'jug pa'i sgo med chos cig bshad// 'khrul ba spangs pas grub mtha' med pa'i chos cig bshad// nga bdag nyon mongs yo zad chos cig bshad// rig med 'gyu med sems las 'das pa'i chos cig bshad/ / snying po chig tshugs chos cig bshad// yang snying gsang ba'i bcud 'dus bshad// 'di shes kun shes chos cig bshad// 'di go chos rnams kun shes bshad// 'dir zhugs theg pa kun gyi sgo phyed chos cig bshad/ / 'di khrol theg pa kun gyi mkhyud khrob bshad// snying po bcud 'dus chos cig bshad// 'di yod kun 'chang chos cig bshad// 'di ltas kun mthong chos rnams kun gyi nyi zlar bshad/ / gcig shes kun grol chos cig bshad// ces gsungs so// rin po che gser gyi nyi mas ma rig ka dag gi rgyud las// yongs rdzogs rin po che bshad thabs kyi le'u ste gnyis pa'o//// de nas rang byung ngang dngas kyis/ / snying po skye med ston pa la// chos nyid don gyi gnas lugs ji ltar lags// zhes zhus pa dang// ston pas 'khor la bka' stsal pa// chos nyid don gyi gnas lugs ni// mtshon pa'i mi bral gting mtha' yas/ / mi snang ngo bo gsal ba'i bdag/ skye med dmigs las 'das pa yi// kun ldan gang du'ang grub pa med// dpe med zla med nam mkha'i dbyings// dngos med rnam shes spyod yul min/ / ye med gting med blo las 'das// chos nyid rang bzhin mtshon du med// snying po rang bzhin rgyu rkyen med// gnas lugs rang bzhin thog mtha' med// kun gzhi'i rang bzhin skye 'gag med// chos nyid rang bzhin bsam brjod blo yi yul las grol mi snang kun gyi dngos gzhi can/ / dngos po sna tshogs gzhi ma grub// tshogs brgyad spyod yul ma yin gting mtha' yas// zhes gsungs so// rin po che gser gyi nyi mas ma rigs gti mug ka dag ye sangs rgyas pa'i rgyud las/ / chos nyid don gyi gnas lugs bstan pa'i le'u ste gsum pa'o//// de nas rang byung ngang dngas kyis// skye med don gyi ston pa la/ rig pa rtsal gyi shar lugs ji ltar shar// ces zhus pa dang// ston pas 'khor la bka' stsal pa// snying po chos nyid mkha' dbyings nas// rig pa rtsal gyi shar lugs ni// gzhi yis ngang las rlung gi rtsal/ / rlung las 'byung lnga rtsal du shar// 'byug lnga'i rtsal las 'od lnga shar// 'od las rtsal dang zer du shar// de las shes pa rig pa'i rtsal// de la rang bzhin ngo bo thugs rje rtsal du shar// rig pa ye gnas de don rig/ ma rig pa yi mun pa bcom// yid 'khrul rnam gsum rtsad nas bcad// snying po rtsal rig ngang thim pas// 'gyu ba'i rlung med 'khrul pa sangs// rkyen rnams rang grol mngon sangs rgyas// sku gsum rgyal ba'i pho brang ste/ / kun bzang bya rtsal med par ye sangs rgyas// byas pa ma yin klong du gyur// de phyir sangs rgyas sku dang ye shes lnga yi rtsal// ces gsungs so// rin po che gser gyi nyi mas ma rig ka dag gi rgyud las/ / kun tu bzang po yang nga'i rol pa'i rtsal du shar te klong du thim pas// bya rtsal med par sangs rgyas par bstan pa'i le'u ste bzhi pa'o//// de nas ngang dngas khye'u chung gis// skye med don gyi ston pa la/ / de don ma rtogs 'gro drug sems can rigs drug rol pa'i rtsal du ji ltar shar// ces zhus pas// ston pas 'khor la bka' stsal pa// ye don ma rtogs sems can ni// rang bzhin ngo bo thugs rje mnyam mod kyang/ / rig pas skye med ma rtogs yang dag don ma rig/ de phyir ma rig nga bdag gis// yid 'gyus rig skyes sems 'khrul bas// 'khor lo gsum tshud mun pa'i 'khor sgor 'khyams// dug lnga dug gsum la sogs nyon mongs rnams/ / rang gi rgyud las byung nas rang nyid mnar// de yi stobs las 'od kyi gzugs su shar// de yi rtsal las rig gzugs sha gzugs shar// gsal dang mi g.yo mi 'gyur ma 'gags las/ / de yi rtsal las don snying rnam lngar shar// de las lus rten gzhi ma lnga ru shar// de las chu ser khrag dang sha dang rus par shar// de las srog rtsa la sogs rtsa yi tra bar shar// de las nang rol smad lngar shar/ / de las yan lag lnga ru shar// de las dbang po lnga ru shar// de las yul 'dzin lnga ru shar// de las kha dog lnga ru shar// de las phyogs mtshams bye brag dang// snod bcud 'dul gzhi bzhi rnams shar/ / sangs rgyas sems can 'khor 'das rtsal du shar// bde sdug chags sdang rtsal du shar// de la sogs pa'i snang btags blos btags ril por nga las shar// ces gsungs so/ / rin po che gser gyi nyi mas ma rig gti mug ka dag gi rgyud las// rig rtsal gyi shar lugs bstan pa'i le'u ste lnga pa'o//// de nas rang byung ngang dngas kyis// skye med don gyi ston pa la/ / chos can mtshan ma'i grol lugs ni// bdag cag rnams la bshad du gsol// ces zhus pa dang// ston pas 'khor la grol lugs bshad// 'khor rnams ma yengs gus pas nyon// de la chos can mtshan mar snang ba rnams/ / chos nyid snying po'i klong du grol// rig pa rtsal gyi shar lugs rnams// rig med skye ba med par grol// 'gyu ba yid kyi dran rtogs rnams// thol dbyung ngang dngas dbyangs su grol// gsal ba sems kyi chags sdang rnams/ / rang sangs gsal dag klong du grol// shes rig blo yi 'khrul ba rnams// thag chod 'khrul sangs dbyings su grol// sgo lnga yul sems gzung 'dzin rnams// 'dzin med zang thal gsal dag klong du grol/ / snang srid snod bcud chos rnams kun// rang snang rang grol dbye bsal med par grol// phyi nang gnyis bzung dgra gnyen phyogs ris rnams// gzung 'dzin dgag bsgrub chags sdang med pas grol/ / sna tshogs chos rnams snang ba rnams// tha snyad mtshon brjod med par grol// grub mtha' blo la snang ba rnams// blo 'das grub mtha' med par grol// blta bya bsgom bya spyod bya rnams/ / lta sgom spyod pa med par grol// blo la snang ba'i 'khrul pa rnams// 'khrul sangs blo zad rnam rtog nyon mongs zad// chos nyid rtsis brdab bcas bcos med par grol// ces gsungs so// rin po che gser gyi nyi mas ma rig ka dag gi rgyud las/ / chos can mtshan ma'i grol lugs bstan pa'i le'u ste drug pa'o//// de nas rang byung ngang dngas kyis// skye med don gyi ston pa la// dge ba ma spyad ji ltar grol/ / ces zhus pa dang// ston pas 'khor la bka' stsal pa// yongs rdzogs chen po'i thegapa rtogs na dge ba ma spyad grol bar bshad do// byar med dal bar bsdad pas chog/ dge bcu phyed du mi byed de/ / rtsol ba med par bzhag pas chog/ lus kyi rgyal po bya rtsal med// phyag 'tshal bskor ba bya mi dgos// ngag gi rgyal po brjod med yin// mdo dang bzlas brjod bya mi dgos// yid kyi rgyal po g.yo med yin/ / bsam rtog phur ma bya mi dgos// byar med g.yo ba med pa la// byas pa'i spyod pa bya mi dgos// ngang rgyud bzang la ma bcos gnas// tha mal dal ba go bde ba// thugs rjes phyogs ris med par khyab/ / yongs la khyab pa'i snying rjes mdzad// dgongs pa'i klong nas dal bar bzhugs// g.yo 'gul med pa'i dgongs par gnas// de la rtogs pa'i chos spyod rtsol ba'i nad// ces gsungs so/ / rin po gser gyi nyi mas ma rig ka dag gi// rgyud las// dge ba ma spyad grol bar bstan pa'i le'u ste bdun pa'o//// de nas rang byung ngang dngas kyis// skye med don gyi ston pa la// sdig pa ma spyad ji ltar dag/ ces zhus pa dang// ston pas 'khor la bka' stsal pa// kun rdzogs gong na med pa'i theg pa 'di// gting mtha' yas pa'i klong gnas pas// sdig la phyed du mi spyod la// dge ba blo yis mi spong ste/ / dge ba mi byed sdig mi spyod// dge sdig gnyis ka ngang gis dag/ de la sdig pa'i dag lugs ni// rig pa mu mtha' grol ba'i klong chen du// sngon thog dus nas da lta yan chod du// ka dag 'og gsal mu mtha' yongs grol du/ / sdig pa cig spyad yongs su dag par bshad// de yang ci ltar dag ci na// snying po g.yo med ka dag klong gnas pas// lus kyi srog gcod rku 'phrog sdig pa dag/ ngag gi rdzun dang phra ma tshig rtsab ngag 'khyal ba/ / yid kyi gnod sems log par lta ba yan chad kyis// lus ngag yid gsum sdig pa ci spyad rnams// snying po sku gsung thugs kyi klong du dag/ sku lnga ye shes lnga yi don rtogs pas/ / mtshams med lnga po ngang gis dag/ mi spyod chos nyid dge ba'i klong gnas pas// sdig pa bcu po ngang gis dag/ sku lnga ye shes lnga yi don rtogs pas// mtshams med lnga po ngang gis dag/ mi spyod chos nyid dge ba'i klong gnas pas/ / sdig pa bcu po ngang gis dag/ sdig spyad bskal la ther 'bul rnams// gting yangs mu mtha' yongs su grol// ces gsungs so// rin po che gser gyi nyi mas ma rig ka dag gi rgyud las/ / sdig pa ma spangs ngang gis dag pa'i le'u ste brgyad pa'o//// de nas rang byung ngang dngas kyis// skye med don gyi ston pa la// dug lnga ma spangs ka dag ji ltar dag/ ces zhus pa dang// ston pas dug lnga ka nas dag lugs bshad/ / 'khor rnams ma yengs gus pas nyon// de la dug lnga'i dag lugs ni// chos nyid ka dag klong chen du// gti mug ma spangs ka nas dag/ zhe sdang ma spangs ka dag klong du dag/ 'dod chags ma spangs ka dag klong du dag/ nga rgyal ma spangs ka dag klong du dag/ phrag dog ma spangs ka dag klong du dag/ de yang ji ltar dag ce na// gti mug chos nyid dbyings su dag/ dper na shel sgong nang du sman dug gnyis dag ltar/ / dkar nag bzang ngan ci snang shel sgong nang du dag/ dug gis ma gos sman gyis phan ma btags// bzang po ma bsgrubs ngan pas ma gnod do// sman dug bzang ngan shel sgong nang dag bzhin/ / de bzhin dug lnga'i dag lugs ni// nga ni dngos med chos dbyings klong du dag/ zhe sdang gsal dag klong du dag/ nga rgyal ngang dngas gzhi la dag/ 'dod chags bde chen klong du dag/ phrag dog rang grol dbyings su dag/ gti mug chos dbyings klong du dag/ dug lnga ma spangs sku lngar dag/ ces gsungs so// rin po che gser nyi mas ma rig ka dag gi rgyud las// dug lnga ka nas dag lugs bstan pa'i le'u ste dgu pa'o/ /// de nas rang byung ngang dngas kyis// skye med don gyi ston pa la// ma rig ka dag ji ltar dag/ ces zhus pa dang// ston pas 'khor la bka' stsal pa/ / ma rig ka nas dag lugs ni// thog ma'i dus nas 'thibs pa'i ma rig mun pa la// ka dag gsal ba'i nyi shar bas// mi shes ma rig mun pa dag/ rin chen gser gyi nyi shar bas// ma rig mun pa'i dmag ru dag/ shes rab gsal ba'i 'od gsal bas// ye nas ma rig yongs su dag/ ye shes 'od gsal don rtogs pas// ma rig ka dag mun pa sangs// zhes gsungs so// rin po che gser gyi nyi ma'i rgyud las/ / ma rig ka nas dag pa'i le'u ste bcu pa'o//// de nas rang byung ngang dngas kyis// skye med don gyi ston pa la// gti mug bag chags ji ltar sangs// zhes zhus pa dang// ston pas 'khor la bka' stsal pa/ / bskal pa thog ma med pa nas// 'thigs pa'i gti mug mun pa la// rin chen gser gyi nyi ma'i 'od shar bas// gti mug mun sangs ka dag klong du dag/ bag chags sgrib pa ther 'bum rnams/ / ye shes snang gsal nyi shar bas// bag chags sgrib ka nas dag/ gti mug bag chags sgrib pa rnams// ka dag 'od gsal klong du dag/ 'od gsal ma rtogs gti mug kyang/// ye dag don rtogs gti mug med/ / rgyud la zhen pa'i bag chags kyang// skye med ka nas dag pas bag chags med// snying po ma mthong sgrib pa yang// gsal dag rang gsal sgrib pa med// ces gsungs so// rin po che gser gyi nyi mas ma rig ka nas pa'i rgyud las/ / gti mug bag chags nyon mongs thams cad ka nas dag pa'i le'u ste bcu gcig pa'o//// de nas ngang dngas khye'u chung gis// skye med don gyi ston pa la// ye nas sangs rgyas ji ltar rgyas/ / zhes zhus pa dang// ston pas 'khor la bka' stsal pa// ye nas sangs rgyas yin lags ni// ye nas skye med sangs rgyas yin// ye nas 'gag med sangs rgyas yin// ye nas gnyis med sangs rgyas yin/ / rgyu rkyen med pa'i sangs rgyas yin// 'phel 'grib med pa'i sangs rgyas yin// phyogs cha bral ba'i sangs rgyas yin// ye nas snying po sangs rgyas yin// ye nas chos nyid sangs rgyas yin/ / ye nas ka dag sangs rgyas yin// ye nas 'od gsal sangs rgyas yin// ye nas ngang dngas sangs rgyas yin// ye nas gsal dag sangs rgyas yin// ye nas sems nyid sangs rgyas yin/ / dngos med dngos kun shes bas ye sangs rgyas// zhes gsungs so// rin po che gser gyi nyi mas ma rig ka nas dag pa'i rgyud las// ye nas sangs rgyas par bstan pa'i le'u ste bcu gnyis pa'o/ /// de nas ngang dngas khye'u chung gis// skye med don gyi ston pa la// rigs drug skye ba'i g.yang sa ji ltar bcad// ces zhus pa dang// ston pas 'khor la bka' stsal pa// e ma thams cad ye nas sangs rgyas kyang/ / de don ma rtogs 'gro drug gnas su skyes// nga bdag dug lnga nyon mongs ma rig pas// khams gsum 'khor ba'i sdug bsngal nyams su myong// snying po rang ngo ma shes mun pa'i 'khor skor chud/ / de yi dbang gi 'gro drug gnas skyes pa// kye ma rnam rtog bdag tu ma bzung sems can rnams// nga yis rigs drug skye ba'i sdug bsngal bshad// rang rgyud thul la ma yengs gus pas nyon// ces gsungs so/ / skye shi rtsad gcod gnyis su bshad// rims kyis pa dang gcig char ba// cig char ba yi gcod lugs ni// dbang po thod rgal skal ldan gyis// gcig chod ral gri'i gdams ngag gis// 'khrul rtog gang skyes dus su dngas/ / rang byung rig sems ngang dngas pas// snang ba sna tshogs rang grol sangs// de nyid ngo shes klong gyur mngon sangs rgyas// skye ba mi len 'gro drug g.yang sa bcad// ces gsungs so// rim 'jug pa yi skye ba rtsad gcod ni/ / chos nyid gting mtha' yas pa'i klong yangs na// rig pa'i chos can 'gag med las// rig pa rtsal la zhe sdang skyes// dmyal ba'i gnas skyes btso bsreg sdug bsngal myong/ / rig pa rtsal la ser snas bcings// yi dwags bkres skom sdug bsngal myong// rig pas yang dag don ma rig/ byol song gnas skyes glen lkugs sdug bsngal myong// rig pa'i rtsal las phrag dog skyes/ / mir skyes brgyad dang bcu drug sdug bsngal myong// rig pa'i rtsal las nga rgyal skyes// lha min gnas skyes 'thab rtsod sdug bsngal myong// rig pa'i rtsal las 'dod chags skyes// lha yi gnas skyes g.yeng ba'i sdug bsngal myong/ / de rnams skye gnas rtsad bcad pa// rig pa mu mtha' yongs grol bas// zhe sdang rtsad chod 'od gsal bas// dmyal bar skye ba'i g.yang sa chod// rig med bcings grol ser sna med/ / yi dwags skye ba'i g.yang sa bcad// rig med ka dag gti mug med// byol song skye ba rtsad nas bcad// rig med rang dngas phrag dog med// mir skye ba'i sdug bsngal rtsad nas bcad// ming med skye ba'i rang dngas nga rgyal med/ / lha min skye ba rtsad nas bcad// 'thab rtsod sdug bsngal gang yang med// 'dod chags ngang dngas bde chen ngang// lha yi gnas skyes rtsad nas bcad// g.yeng ba'i sdug bsngal ming yang med/ / nga med ris med yang dag don rtogs pas// rigs drug skye ba rtsad nas bcad// ces gsungs so// rin po che gser gyi nyi ma'i rgyud las// rigs drug skye ba rtsad nas bcad pa'i le'u ste bcu gsum pa'o/ /// de nas rang byung ngang dngas khye'u chung gis// skye med don gyi ston pa la// sems can sangs rgyas ji ltar yin// ston pas 'khor la bka' stsal pa// gong ltar skye shi rtsad chod klong gyur nas/ / sems can sangs rgyas yin par bshad// de yang yin pa'i yin lugs ni// rang bzhin mi 'gyur ba yi sangs rgyas yin// ngo bo ma 'gag gsal gdangs sangs rgyas yin// thugs rje ma dmigs rang grol sangs rgyas yin/ / yon tan mngon par grub pa'i sangs rgyas yin// 'phrin las sangs rgyas med pa'i theg pa yin// sems can ngang dngas sangs rgyas yin// dug gsum rang brlag sku gsum yin/ / dug lnga rang sangs sku lnga yin// nyon mongs rang sangs chos nyid yin// rnam rtog rang sangs ye shes yin// ma rig ka dag 'od gsal yin// rnam rtog blo zad ye shes yin// de phyir sems can sangs rgyas yin/ / de ltar rtogs na chos rnams rtogs par bstan// ci phyir zhe na// chos kun rtsa ba gcig rtogs pas// de nyid dbang du thams cad 'dus// chos la dbang sgyur chos rnams shes// ye dbang chen po yongs su rdzogs/ / zhes gsungs so// rin po che gser gyi nyi mas ma rig ka dag gi rgyud las// sems can sangs rgyas yin pa dang// de rtogs chos rnams rtogs par bstan pa'i le'u ste bcu bzhi pa'o/ /// de nas ngang dngas khye'u chung gis// skye med don gyi ston pa la// theg pa'i lta sgom ji ltar med// ces zhus pa dang// ston pas 'khor la bka' stsal pa// yongs rdzogs gong na med pa'i don rtogs na/ / gting yangs mu mtha' yongs grol bas// de las phyogs med gtad 'dzin med// de phyir theg pa'i lta sgom med// de yang ji ltar med ce na// mtha' chod phyogs bral lta ba rtogs// blo 'das lta sgom ngang gis med/ / 'od gsal chos nyid klong 'phyo bas// 'dzin rtog bsam bsgom ngang gis med// bya bral rtsol med ngang gnas pas// bya rtsal rtsol bsgrub spyod pa med// ye gnas don rtogs 'du 'bral med// re dogs yid smon 'bras bu med/ / mu mtha' yongs grol klong gnas na// theg pa'i zhe 'dod lta sgom med par bshad// ces gsungs so// rin po che gser gyi nyi ma'i rgyud las// theg pa'i lta sgom med par bstan pa'i le'u ste bco lnga pa'o/ /// de nas ngang dngas khye'u chung gis// skye med don gyi ston pa la// ma bsgrubs pa ru grub pa na// ma btsal rang las ji ltar rnyed// ces zhus pa dang// ston pas 'khor la bka' stsal pa/ / yongs rdzogs bla med theg pa 'dir// bsgrubs pa'i 'bras bu mi 'dod de// ma bsgrubs pa yi 'bras bu yin// theg pa rim dgu'i rtsol bsgrub 'bras bu zhe 'dod yin// rtsol bas bsgrubs pas don mi grub/ / zhe 'dod 'bras bu blo btags yin// blo btags chos kyis sangs mi rgya// de phyir blo 'das theg pa 'di// gting mtha' yas pa'i klong dkyil nas// mu mtha' yongs grol gdams ngag gis/ / ma bsgrubs rang la lhun gyis grub// grub zin don las ma 'das na// da gdod rtsol bas bsgrub tu med// med pa de ka grub pa yin// zhes gsungs so// ma btsal rang las rnyed pa ni// thog med dus nas rang chas ldan/ / rang las ye nas gzhan mi 'tshol// skye med snying po chos sku de// rang las rnyed pas gzhan na med// mtha' yas chos nyid dbyings chen nas// snying po skye med ka nas dag/ don dam chos sku ngang las rnyed/ / blo 'das 'bras bu rang chas ldan// gzhan las ma btsal lhun grub pas// ma btsal chos sku rang las rnyed// ces gsungs so// rin po che gser gyi nyi ma'i rgyud las// ma bsgrubs pa ru grub pa dang/ / ma btsal rang las rnyed pa'i le'u ste bcu drug pa'o//// de nas ngang dngas khye'u chung gis// skye med don gyi ston pa la// ma bsgoms mtha' ru ji ltar phyin// ces zhus pa dang// ston pas 'khor la bka' stsal pa/ / ma bsgrubs mtha' ru gyin pa ni// yongs rdzogs bla med theg pa yin// de yang ji ltar yin zhe na// chos nyid gting yangs don rtogs pas// ma bsgoms pa ru mtha' ru phyin/ / yid bzung dran rtog mi bsgom ste// chos nyid don gyi klong gnas pas// ma bsgoms mtha' ru phyin pa yin// nyon mongs ma rtogs ji snyed kun// rang byung ngang dngas mu mtha' grol// gting mtha' yas pa'i klong gnas pas/ / ma bsgoms mtha' ru phyin pa yin// rtsa rlung lha sku mi bsgom ste// snying po don gyi klong gnas pas// ma bsgoms pa ru mtha' ru phyin// bsam gtan bsgom pa dmigs med pas// ma bsgoms pa ru mtha' ru phyin/ / theg dgu'i bsgom bzhin mi bsgom pas// ma bsgoms pa ru mtha' ru phyin// mu med mtha' stong don rtogs pas// gang yang blo yi mi bsgom pas// ma bsgoms mtha' ru phyin pa yin/ / zhes gsungs so// rin po che gser gyi nyi mas ma rig ka dag gi rgyud las ma bsgoms mtha' ru phyin pa'i le'u ste bcu bdun pa'o//// de nas ngang dngas khye'u chung gis// skye med don gyi ston pa la/ / ma bsrungs ka nas ji ltar dag/ ces zhus pa dang// 'khor la bka' stsal pa// ma bsrungs ka nas dag pa ni// kun rdzogs chen po'i theg pa yin// chos nyid gting yangs don rtogs pas/ / ma bsrungs pa ru ka nas dag/ skye med ka dag klong gnas pas// dam tshig ma bsrungs ka nas dag/ snying po'i don las mi 'da' bas// dam tshig ma bsrungs ka nas dag/ snying po chos nyid ka dag la/ / g.yo sgyu nyams 'grib skyon med pas// ma bsrungs dam tshig ka nas dag/ ces gsungs so// rin po che gser gyi nyi mas ma rig ka dag gi rgyud las// ma bsrungs ka nas dag pa'i le'u ste bco brgyad pa'o/ /// de nas ngang dngas khye'u chung gis// skye med don gyi ston pa la// ma sbyangs sgrib rnams ji ltar dag/ ces zhus pa dang// ston pas 'khor la bka' stsal pa// kun rdzogs thod rgal theg pa la// sgrib pa sbyang dang mi 'tshal te/ / skye med ka dag don rtogs pas// ma sbyangs sgrib rnams ka nas dag/ chos nyid ka dag sgrib dag pas// sgrib gnyis ma sbyangs ka nas dag/ blo 'das mu mtha' yong grol bas// sgrib gnyis ma sbyangs ka nas dag/ gting yangs snying po'i klong gnas pas// sgrib pa ma sbyangs ka nas dag/ theg gzhan chos tshugs sgrib pa ma sbyangs par// skye med ka dag don rtogs sgrib pa rnam par dag/ ces gsungs so/ / rin po che gser gyi nyi ma'i rgyud las// ma sbyangs par sgrib pa ka nas dag par bstan pa'i le'u ste bcu dgu pa'o//// de nas ngang dngas khye'u chung gis// skye med don gyi ston pa la// de rnams la 'da' ji ltar lags/ / zhes zhus pa dang// ston pas 'khor la bka' stsal pa// la 'da' chen po nga yis bshad// 'khor rnams ma yengs gus pas nyon// yongs rdzogs thod rgal theg pa yi// la 'da' chen po 'di ltar bshad/ / 'jug med bsgom med bsrung med pa'i bya rtsal rtsol bsgrub med par la 'da' bo// lta med sgom med spyod med pa'i theg med blo 'das klong du la 'da' bo// sbyang bsgrod sa lam med pa yis/ / sbyang zhing bsgrod du med par la 'da' bo// gzhi med 'khrul med rkyen med pa'i// gzhi 'khrul rgyu rkyen med par la 'da' bo// ma rig sgrib med ka dag pa'i// bag chags sgrib med par la 'da' bo/ / dngos med mtshan med bsam 'das pa'i// blo 'das brjod du med par la 'da' bo// zhes gsungs so// rin po che gser gyi nyi ma'i rgyud las// la 'da' bstan pa'i le'u ste nyi shu pa'o//// de nas ngang dngas khye'u chung gis/ / skye med don gyi ston pa la// rgyud kyi mtshan ming ji ltar gzung// zhes zhus pa dang// ston pas 'khor la bka' stsal pa// dgos 'dod ma lus kun 'byung bas// rin chen lta bu'i rgyud yin no/ / snying po 'gyur ba med pa'i phyir// rin chen gser gyi rgyud yin no// ye shes nyi mas ma rig ka dag pas// nyi gsal gti mug ka dag rgyud yin no// sems nyid ye nas sangs rgyas pas/ / ye sangs rgyas pa'i rgyud du zung// chos sku la 'da' gtan 'bebs phyir// la 'da' gtan 'bebs rgyud du zung// zhes gsungs so// rin chen gser gyi nyi ma'i rgyud las// rgyud kyi mtshan bstan pa'i le'u ste nyer gcig pa'o/ /// snod med sdig can dam med pa'i// chos 'tshong lag tu shor ra re// zhes gsungs so// rin chen gser gyi nyi mas ma rig gti mug ka dag ye sangs rgyas pa'i rgyud ces bya ba rdzogs so/ /// rgya gar skad du// rat+na a sa pa ta b+hi ra pra ra tshe da nA ma// bod skad du// rin po che bye ma rig gcod kyis klong sde'i spros pa gcod pa zhes bya ba/ / dpal kun tu bzang po la phyag 'tshal lo// rdo rje sems dpa' la sogs pa// klong sde spros gcod bstan par bya// 'khor rnams ma yengs gus pas nyon// rin chen lta bu'i gdams ngag 'di// ma chags ser sna chung ba dang/ / dad ldan bla ma snying la sems// nga rgyal dregs pa chung ba dang// sngon gyi las 'phro skal ldan la// klong sde spros gcod bshad par bya// rdza shing snod ngan ma yin pa'i// gu lang gser gzo'i snod du blug/ snying po'i rang bzhin mtshon med brjod med kyang// ma mtshon brjod med mi rtogs pas// brjod bral brdal brten nas bshad// rtsal gyi klong sde rim par phye ba la// dbye na bsam las 'das mod kyang/ / bsda na gcig tu 'dus par snang// gcig bu rtog par bya ba'i phyir// klong sde mdo tsam bstan par bya// ye gnas bzhi yi klong sde dang// thog mar gnas pa'i klong sde dang// sngon nas gnas pa'i klong sde dang/ / kun khyab yongs brdal klong sde dang// mkha' dbyings chos dbyings klong du 'dus// kun gzhi spyi khyab klong sde dang// g.yo ba khyab byed klong sde dang// 'byung lnga'i rtsal gyi klong sde dang// 'od lnga zer gyi klong sde bzhi/ / ma 'gags 'gag med lhab lhub bzhi ru 'dus// gsal la mi g.yo'i klong sde dang// shes pa snang tshul klong sde dang// 'char sgo 'khrul sgo'i klong sde dang// gzhi shes 'khrul chod klong du 'dus/ / yid 'khor lo gsum bstan pa las/ khams gsum 'khor bar 'dus pa yang// snying po ma bu phrad pa yis// dbye med 'gyur med klong du 'dus// 'gyur ba med pa'i klong sde dang// skye ba med pa'i klong sde dang/ / rgyu rkyen med pa'i klong sde dang// brjod du ned pa'i klong sde dang// skye 'gag med pa'i klong sde dang// 'pho 'gyur med pa'i klong sde dang// dbye bsal med pa'i klong sde dang// dgag bsgrub med pa'i klong sde dang/ / spang blang med pa'i klong sde dang// phyi nang med pa'i klong sde dang// gzung 'dzin med pa'i klong sde dang// phyogs mtshams med pa'i klong sde dang// mtha' dbus med pa'i klong sde dang/ / shar nub med pa'i klong sde dang// kha dog med pa'i klong sde dang// bye brag med pa'i klong sde dang// chags pa med pa'i klong sde dang// zhen pa med pa'i klong sde dang// btags pa med pa'i klong sde dang/ / mtshon du med pa'i klong sde dang// mtshon las 'das pa'i klong sde dang// bsam du med pa'i klong sde dang// dmigs su med pa'i klong sde dang// dpe med pa yi klong sde dang// tshig dang btags med klong sde dang/ / yi ges mtshon med klong sde dang// chos med ston med klong sde dang// bshad med nyan med klong sde dang// mang med nyung med klong sde dang/ de la sogs pa'i klong ste rnams// byang sems chos nyid lta ba'i klong/ / zhe 'dod med par spros pa chod// 'gyur ba med par spros pa chod// tshig las 'das par spros pa chod// phyogs ris med par spros pa chod// byang sems mkha' dbyings mkha' klong du// sangs rgyas rang sems ngang dngas te/ / 'ub chub tshig gi klong chen du// ma bcos dbye bsal med par zhog/ kha gting med pa'i klong chen du// sangs rgyas rang sems ngang dngas te// gzhi nas ma bcos lhun gyis grub/ / bsam med ngang bzhag bsgom med ngang// bsam bsgom ci yang mi bya ste// yid kyis ma byas blo yis ma bcos te// sems kyis ma bzhag rtog pas ma g.yengs par// rtog 'gyur med pa'i klong chen du/ / bsam du med pas sprod ba chod// rtsis gdab med par spros pa chod// bsgom rgyu med par spros pa chod// dmigs pa med par spros pa chod// sems la bzhag med spros pa chod// byar med spros bral klong chen du/ / rtsol bsgrub spangs pa'i rang bzhin la// gang yang bya ba btang ba la// bya rgyu ci yang mi bdog ste// lus kyang rtsol bsgrub med par zhog/ ngag kyang brjod du med par zhog yid kya nga g.yo 'gul med par zhog/ sems kyang dran rtog med par zhog/ 'khor ba'i lam la ma chags par// lus ngag yid gsum rtsol bsgrub med par zhog/ chags ba med par spros pa chod// zhen pa med par spros pa chod// dgag bsgrub med par spros pa chod/ / blang dor med par spros pa chod// gzung 'dzin med par spros pa chod// mi 'gyur spros bral klong chen du// thog mtha' med pa'i dus mtha' nas// rang la rang chas yod pa yi/ / rang sangs ngang rgyas chos sku'i klong// ngang sangs 'gyur med sangs rgyas te// re ba'i sa med spros pa chod// dogs pa'i rgyu med sprod pa chod// gsal gdangs chen por spros pa chod// rang spangs yin gyis spros pa chod/ / re dog rtsad chod spros pa chod// bsrung mtshams 'das pa'i klong chen du// ngang las mi 'da' spros pa chod// rtsol bsgrub 'das pa'i klong chen du// rtsol bsgrub med kyis spros pa chod/ / btsal bas mi rnyed klong chen du// btsal du med kyis spros pa chod// sbyang du med pa'i klong chen du// sgrib pa sbyang med spros pa chod// bgrod du med pa'i klong chen du// lam la bgrod med spros pa chod// rgyu rkyen med pa'i klong chen du/ / ye shes rang yin spros pa chod// phra ba'i rang bzhin gzung 'dzin bral// gnyis 'dzin med kyis spros pa chod// lung gi rang bzhin gtan la 'bebs// ma nor rang bzhin spros pa chod/ / rgyud kyi rang bzhin gnyis med 'brel// sems chos gnyis med klong chen du// gnyis su me par spros pa chod// 'dzin sems med pa'i klong chen du// man ngag dag gis rang bzhin te// zher 'dzin med par spros pa chod/ / gzhi mo ma'i 'gyur klong chen du// ma bcos gzhag pas las rnams zin// ma btsal byar med spros bral spros pa chod// dngos med bsam 'das sems nyid de// ngos bzung med par sna tshogs snang/ / dngos po med par kun la khyab// gshog pa med par nam 'phangs gcod// 'degs pa med par nam mkhar snyeg/ 'ded pa med par kun tu 'chor// bcol ba med par las rnams byed/ / 'gugs pa med par slar la ldog/ dgos pa med par bag chags sog/ ci ma grub par sna tshogs snang// rten pa med par thams cad rten// ci yang med par sdug bsngal myong// skye shi kun dang bral ba la/ / skye rgas na 'chi'i gzhi ma can// sdug bsngal ngo bo ma grub pas// skyid sdug sna tshogs 'byung ba'i rgyu// sems nyid rin chen 'od gsal de// ngo bo cir yang ma grub pas// mtshan nyid cir yang 'char ba ste/ / mnyam pa nyid kyi klong chen du// dbye bsal med par spros pa chod// phyogs mtshams 'das pa'i klong chen du// rtsis gdab med par spros pa chod// phyi nang gnyis su snang tshad kun// gnyis med klong du spros pa chod/ / mang bar phye yang gcig las med// gcig pu skye med byang chub sems// ngang dngas chen por rang sems rdzogs// ngang sangs chen por gsal gdangs yin// 'gyur med ma bcos klong du zhog/ rin chen bye ma reg gcod kyis/ / phye tshad dbye med sprod pa chod// brjod tshad brjod med spros pa chod// bstan tshad btags med spros pa chod// yid la 'gyus tshad spros pa chod// rig pas myong tshad spros pa chod/ / sems kyis brtags tshad spros pa chod// blo yis phye tshad spros pa chod// smra bsam brjod 'das// rin chen 'od 'bar klong chen du// cir yang bzung du med pa la// gang yang bsam du med par bzhag/ dbye gsal zhe 'dod tshig 'das pa'i// 'gyur ba med pa'i klong du bzhag/ bsam med rang bzhag bsgom med klong// rtogs zhen med pa'i klong du bzhag/ byar med spros bral chags med klong/ / dgag bsgrub bya rtsal med pa yi// ma chags ma zhen klong du bzhag/ ye nas 'du 'bral med pa'i klong// ngang dngas rang sangs chos sku bzhag/ bzhag pa ma yin bzhag rgyu ci yang med// re zhig blo la mtshon pa tsam/ / zhes gsungs so// rin chen bye ma reg chod 'di// dad pa brtan la shes rab che// blo che blo 'das blo rno ba// klong sde'i spros pa gcod la bstan// nga rgyal dregs pas khengs pa dang// don du mi bsgom tshig tu smra/ / lta ba khar zag dam tshig med// lag tu thob nas zong du che// de lta bu yi gang zag la// yul mkhar ster yang mi sbyin no/ rin chen bye ma reg chod kyi klong sde spros pa gcod pa bstan pa zhes bya ba rdzogs so/ /// rgya gar gyi gu ru pad+ma sam b+ha ba dang// bod kyi lo tsa ba ka ba dpal brtsegs kyis bsgrur cing zhus te gtan la phab pa'o// las 'phro can dang 'phrad par shog/ rgya rgya rgya//// rgya gar skad du/ / bod skad du// rin chen spu gri 'bar ba sems sde spros pa gcod pa zhes bya ba// bcom ldan 'das mtshon med brjod las 'das pa'i chos sku la phyag 'tshal lo// gang zhig mtshon med don la mos pa la/ / sems sde spros gcod bstan par bya// glang po seng ge khyung gis blos// gung lang gser bzo'i snod du blug/ rdza shing snod la yongs ma bstan// snying po'i rang bzhin brjod med kyang/ / brjod med tshig la brten nas kyang// rdo rje sems dpa' la sogs pa// sems sde re zhig phye nas bstan// sems kyi rang bzhin gang zhe na// ma byas ma bcos sna tshogs 'byung ba'o// blo yis ma bcos sems kyis ma bcos so/ / sna tshogs ji ltar 'byung zhe na// sems ni ji snyed ji ltar 'byung// gnod sbyin gyis sems dang// dri za'i sems sems dang// lha ma yin gyi sems dang// nam mkha' lding gi sems dang/ / mi 'am ci'i sems dang// lho 'phye chen po'i sems dang// mi dang mi ma yin pa'i sems dang/ byol song gi sems dang// yi dwags kyi sems dang// dmyal ba la sogs pa'i 'gro ba rigs drug tha dad pa'i sems dang/ / rtogs pa'i sems dang// chags pa'i sems dang// gang la chags pa med pa'i sems dang// zhe sdang nang gi sems dang// byams pa'i sems dang// gti mug gi sems dang// shes rab gsal ba'i sems dang/ / the tsom gyi sems dang// gang la the tsom med pa'i sems dang// nges pa'i sems dang// ma nges pa'i sems dang// dpe'i sems dang// dpe las 'das pa'i sems dang/ / mun pa'i sems dang// mun pa med pa'i sems dang// snang ba'i sems dang// nga rgyal gyi sems dang// nga rgyal med pa'i sems dang// phrag dog gi sems dang// phrag dog med pa'i sems dang/ / bsdu ba'i sems dang// 'phro ba'i sems dang// 'byed pa'i sems dang// 'byed pa med pa'i sems dang// 'khrul pa'i sems dang// zhi ba'i sems dang// 'thab pa'i sems dang// 'byar ba'i sems dang/ / rtsod pa'i sems dang// mthun pa'i sems dang// brjod pa'i sems dang// brjod pa med pa'i sems dang// lha'i sems dang// klu'i sems dang// bdud kyi sems sde dang// lha ma yin gyi sems sde dang/ / gnod sbyin gyi sems sde dang// mi'i sems sde dang// lto 'phyi'i sems sde dang// 'byung po'i sems sde dang// nam mkha' lding gi sems sde dang// dri za'i sems sde dang// grub bum gyi sems sde dang/ / skyes pa'i sems sde dang// bud med kyi sems sde dang// ma ning gi sems sde dang// yul gyi sems sde dang// rigs kyi sems sde dang// sha'i sems sde dang// khrag gi sems sde dang// rus pa'i sems sde dang/ / chu ser gyi sems sde dang// nang khrol gyi sems sde dang// mgo'i sems sde dang// yan lag gi sems sde dang// lus so so'i sems dang// 'ba' ta'i sems dang// su ra'i sems dang// phru ba'i sems dang/ / bza' ru'i sems dang// pho tshor gyi sems dang// tshod ma'i sems dang// grang ba'i sems dang// lto phor gyi sems dang// sgrom gyi sems dang// g.yis kyi sems dang// rdza ma'i sems dang/ / bdag gi sems dang// gzhan gyi sems dang// pha'i sems sde dang// ma'i sems sde dang// bu'i sems sde dang// phu nu'i sems sde dang// dgra bo'i sems sde dang// dbang phyug gi sems sde dang/ de nas rdo rje 'chang gis ni// thugs kyi dkyil 'khor sgo phye nas// tshig gi rgyal po 'di dag kun// rdo rje mgur du rab dril te// ljags kyi dbang po la bkram nas/ / tshems ni bzhi bcu'i bar nas ni// gsang chen dam pa'i tshig 'di kun// ma gsungs 'phros pa'i tshul gyis bya// kye snang ba'i bdag po a las// sangs rgyas rnams kyi sras gcig po/ / bstan pa'i ya zhun sa bon gdung// snying po sprul pa'i sku 'di ni// bklag dang 'dzin cing bcang ba'i thabs// 'di nyid rim pa ji lta bar// snying po gsang ba nga yis yang/ / spro bar bya'o snang ba'i bdag/ rnal 'byor skal dang su ldan pa// 'di n-i snang bar yang dag go/ 'di yis sangs rgyas sras po 'di// sangs rgyas bden pa mthong ba des/ / sprul pa'i sku ni 'di ltar bcang// gang gi spyi bo'i gtsug gam ni// mchan khung ngam ni mgul du yang// rang byung chen po'i yi ge las// dpe 'di rin po che las bri/ / glegs bam sor ni bzhi yi tshad// sna tshogs dar gy-is dril nas ni// gang gi spyi bor gzung na yang// 'di la sprul sku'i yon tan thob// rang byung yi ge 'di dag la/ / mchan khung g.yon du bcangs pa yis// 'di yang de dang mnyam pa yin// mgul du 'di nyid btags nas ni// rgyun du gus par byed pa la// 'di yang sprul sku'i yon tan thob/ / rang byung yi ge 'di dag la// glegs bam glo ltar gzung nas ni// 'di ltar mchod pa yang dag bya// gal te sa g.yos byung tshe na// 'di nyid lan drug lan bdun nam/ / yang na lan ni lnga 'am gsum// rdo rje lce yi bklag par bya// tshogs ni rnal 'byor lo yi grangs// 'di yi dus su rab tu btang// dam tshig mchog ldan rnal 'byor la// tshogs kyi ston mo de bzhin bya/ / bklag pa 'byung ba byer dus su// tshogs ni snyoms pa'i dus na bya// ston mo de bzhin 'khrug pa'i dus// rnal 'byor pa ni zug pa yi// dus gnas so so'i gnas nas 'bod// 'di ltar 'byung ba'i khyad par las/ / rnal 'byor de bzhin thar lam du// yang dag nges par 'jug pa yin// rdo rje 'chang ba rnams dang ni// skal ba yang dag mnyam pa'o// sgra ni byung ba'i dus na yang// yang ni drug dang bdun dang lngar// pad+ma yi ni lce yi ni/ / skal bar ldan pas bklag par bya// 'di dus lha la mchod pa dbul// dge slong tshul khrims ldan pa la// chos dang ldan pa'i ston mo bya/ klag pa byed pa'i dus na yin// mchod pa de bzhin snyoms pa la/ / dge slong zug pa'i dus na bde// ston mo 'khrug pa la ni bya// 'di ltar su yis byas pa de// 'di yang sprul pa'i sku dang mnyam// 'od kyi snang ba 'byung ba'i tshe// lan lnga gsum ma ma lan gcig tu/ / dung gi lce yis bklag par bya// 'di dus rlung ni bsgom par bya// rnal 'byor ma ni dam tshig can// dgu nas bcu gcig man chad la// bza' btung rtsub pa'i ston mo bya// klag pa snyoms pa'i dus na yin/ / rlung ni byer ba'i dus na yin// rnal 'byor ma ni snyoms pa la// ston mo 'khrugs pa'i dus na'o// 'di ltar byas pa'i rnal 'byor pa// sprul pa'i sku dang yang mnyam mo// sad kyis rgyal khams khyab pa'i tshe/ / ral gri'i lce yis 'di 'byed na// sangs rgyas yon tan 'di yis thob// 'di dus sgra yi mchod pa bya// rnal 'byor lnga 'am bco lnga la// byin rlabs gtor ma lan bdun btang// klag pa zug pa'i dus na yin/ / mchod pa snyoms pa'i dus na'o// byer ba la ni rnal 'byor bod// 'khrug pa'i tshe na gtor ma btang// 'di ltar su yis byas pa la// sprul pa'i sku yi yon tan thob// rims dang yams nad byung ba'i tshe/ / dgu dang bcu gcig bcu dgur ni// lcags kyu'i rtse yis brjod par bya// 'di dus me rtog bsgom par bya// byis pa dgu 'am bco brgyad la// ston mo bya bar rab tu bsngags// klag pa 'khrug pa'i dus na yin/ / sgom pa snyoms pa'i dus na'o// byis pa byer pa'i dus na bod// ston mo zug pa nyid la bya// de ltar byas pa'i skyes mchog ni// 'di la sprul sku'i yon tan thob// nyi ma gza' yis zin pa'i dus/ / 'di ni lan drug dgu 'am ni// 'khor lo lce yis yang brjod na// 'di yang sprul pa'i sku dang mnyam// 'di dus srog 'don dge ba bya// dud 'gro'i rigs la ston mo bya// bklag par bya ba'i dus na yin/ / srog 'don snyoms pa nyid la'o// dud 'gro zug pa'i dus na yin// ston mo 'khrug pa'i dus na bya// de ltar ston mo sus byas pa// sprul sku'i yon tan thob pa'o// mu ge dag ni byung ba'i tshe// kha stong lce yis 'di brjod na/ / 'dis kyang sprul sku 'dzin pa yin// lan ni lnga dang bdu na nyid yin// 'di dus dri yis mchod pa bya// shan pa 'am ni mu stegs la// ston mo bya ba rab tu bsngags// klag pa byer ba'i dus na bya/ / mchod pa snyoms pa nyid la yin// sdig can 'khrug pa nyid la ste// ston mo de bzhin zug pa'o// 'di yang sprul sku'i sa bon 'jog/ rgyal khams phyugs nad byung tshe na// rab byung chen po yi ge ni// lan brgyad dang ni bcu drug tu/ / rtse gsum lce yas 'di brjod na// 'di dus A lo ka mchod pa bya// dgra bcom pa ni bdun la yang// ston mo bya bar rab tu bsngags// klag pa zug pa nyid la yin// mchod pa byer ba nyid la bya/ / dgra bcom snyoms pa'i dus na yin// 'khrug pa la ni ston mo bya// 'di ltar byas pa'i skyes bu ni// sprul pa'i sa bon nges par 'jog/ 'di la the tshom byar mi rung// nges pa'i 'bras bu dam pa'o/ / oM dang yang dag su ldan pa// sangs rgyas rnams kyi sku la sbyor// hU~M dang yang dag su ldan pa// des ni thugs la de bzhin no// AH dang gang su ldan pa ni// gsung la yang dag 'di yis reg/ de phyir ngag gi sbyor ba gces/ / gang gis seng ge byas pa la// 'di la nad dang 'jigs pa bral// glang po su yis byas pa la// 'di la rdzogs med dbugs kyang med// drang srong gang gis byas pa la// mi rtog las byung byer zug snyoms/ / 'di ltar lus kyi bya byed ces// mi rgyu rang yal sus shes pa// 'di la rtag med chad pa med// rang bsam bral ba sus shes pa// 'di la 'gro med 'ong ba med// gcer mthong rang ngo sus shes pa/ / 'di la 'khor dang myang 'das med// 'di ltar sems kyi dngos po gces// e ma rang byung yi ge chen po 'di// rab tu ngo mtshar che bas na// ha ha 'di ltar sus kyang ma byas par// rang byung kun gyis thog mar byung/ / a la la ho sprul pa'i sku// 'di la byed pa'i rkyen med pas// tha ma 'jig pa kun dang bral// 'byung bas cung zad gnod pa med// 'di ni nam mkhar 'phar bar nges// sangs rgyas sprul pa yin bas na/ / 'di la bshad cing sgom pa med// yid bral bems po'i ston par snang// de phyir 'di dang 'phrad par yang// rab tu dka' zhig snang ba med// des na 'di dang gang 'phrad pa// sangs rgyas 'bras bu thob pa la/ / the tshom dgos pa ma yin no// e ma 'jig rten gang gzhan na// sangs rgyas 'bras bu su'i thob tshe// de tshe rang byung chen po 'di// 'phar zhing rang 'od lnga po 'di// de tshe lan gsum bklag par bya/ / de yang de dang mnyam par 'gyur// 'di nyid bcangs pa tsam gyis kyang// sangs rgyas nyid du 'gyur ba la// the tsom bya bar ci zhig dgongs// gal te byol song zhig gi mgul du 'di// btags na de nyid kyang grol na/ / 'gro ba mi rnams smos ci dgos// e ma rang byung yi ge 'di// sems can gzhan gyi don byed na// tshe 'das de yi spyi bo 'am// 'di btags yi ge bsregs na ni// de nyid grol bar smos ci 'tshal/ / mtshams med lnga po spyad pa yang// nyan thos rnams dang skal pa mnyam// lung du ma bstan skye bo rnams// byang chub sems dpa'i sa dang mnyam// yid spyod 'dzin pa'i grub mtha' yang// rdo rje 'chang dag mnyam par nges/ / 'di dang 'phrad pa'i skal ba can// snying 'dra sems kyi bu gcig la// rig pa dngos kyi rtags yod pas// bklag cing bsreg pa bya mi dgos// 'phrad pa tsam gyis 'grub pa yin// byer zug la sogs bshad mi dgos/ / de yis rtags rnams 'byung ba ni// byol song me 'od dkar gsal la// dud pa sngon po shar phyogs su// rus pa'i mdog kyang dmar gsal yin// gser gyi yig 'bru ma zhig par/ / de yi rus pa nyid la 'byar// 'di nas zla ba bcu gsum na// sa rnams nges par g.yo ba yin// des dus 'on kyang mog mog bya// snang bar nges par 'gyur ba yin// sdig can me mdog ser la gsal/ / dud pa nub phyogs kha dog dkar// rus pa'i mdog ni sngo nag la// yi ge zhig sde thig ler snang// 'di ni zla ba dgun yang// sgra ni shar gyi phyogs su 'byung// 'di la 'od ni mer mer po/ / 'di don nges par yang dag go/ yid spyod grub pa'i mtha' 'dzin pa'i// me tog dkar gsal g.yos pa med// dud pa sngon po gyen 'greng gsal// rus mdog dkar po thig le can// yi ge de nyid ma zhig par/ / kha dog dkar po 'od dag ldan// skabs na rul ba'i dkyil na snang// 'di la sku dang gdung yang 'byung// 'di0 nas zhag ni gsum na yang// sgra ni shar gyi phyogs na'o// 'od ni nub kyi phyogs su snang/ / 'di ni nges par sprul pa yi// sku yi 'bras bu rnyed pa yin// kye ma snang dag rang bzhin sprul pa'i sku// de yi phyir na gsang tshig 'di// thun mong nyid du phrad pa min// rigs ldan skyes bu skal che bas/ / 'ga' la 'di nyid snang ba las// kun gyis 'di nyid mthong ba ma yin no// des na rang byung yi ge 'di med par// skyes bu nyid ni gang su rung// sems can don nyid byed 'dod kyang// sems can don ni nus pa min/ / yang dag lam ni mthong srid kyang// nyan thos rnams dang khyad ci yod// kun gyi spyo yul ma yin te// gal te 'di nyid 'phrad na yang// 'di ni nges pa'i sprul pas na// sgrib byed nyid dang ma bral bas/ / 'di la the tshom skye bar 'gyur// des ni 'di nyid rnam spangs pas// 'bras bu rtag tu brlag pa yin// bskal pa mchog rab ldan pa la// the tshom skye bar ga la srid// de yis 'di nyid gsang chen du/ yang dag par ni 'gyur ba'o/ / gal te 'di nyid snang ba'i mis// 'di nyid yod par su gzhan la// smra bar byed pa'i mi de yis// rang gi 'bras bu rang brlag tu// 'di yis byed pa kho na yin// de yi phyir na rang byung gi/ yi ge 'di ni yod pa yi// tshig gi zur tsam smra bar ni// rnal 'byor pa yis mi bya'o// gsang ba las ni dngos grub rgyu// ma gsang mchog dang thun mong gi// dngos grub 'di yis spangs pa yin// gsang te lus la yang dag bcangs/ / 'di dang bral bar ma byas par// nam zhig 'chi ba'i dus kyi tshe// 'di nyid lus la gnas pa la// rigs drug skye ba rnam bzhi yi// grong khyer du ni 'jug mi srid// de yi phyir na 'di nyid dang/ / 'gro dang nyal dang 'dug pa dang// 'greng dang bza' dang 'chag pa dang// phyag dang skor ba la sogs byed// 'thung dang lag pa'i gar nyid dang// rgyug dang khrus byed phyi sa dor// de bzhi smra dang sngags zlos dang/ yi ge klog dang mchod bshags dang// ji ltar smra ba la sogs dang// bsam pa ji snyed g.yo ba dang// ji ltar sna tshogs spyod byed kyang// 'di dang bral bar mi bya'o// 'di nyid rig med sprul pa'i skus/ / rang gzhan don rnams rdzogs par byed// byol song gzugs sam bud med dam// skye ba dman pa'i sems can kyang// 'di dang bral bar ma byas na// nges par 'bras bu thob pa yin/ bral ba'i 'bar 'tshams ma zhugs par// 'di la rab tu gces pa yin// de yi phyir na bcang bar bya// gal te dus tshod byung ba'i tshe// 'di nyid klag par yang dag go/ 'di nyid bcangs pas nges par 'grub/ / ces rdo rje 'chang gis gsungs pa la mngon par bstod de rjes su yi rang ngo// mchod 'os rang bzhin gyis tshig chen po rdzogs so//// 'di ni bsam pa'i tshig yin no//// rgya gar skad du/ sarba ta thA ga da saM gra ha mU la ta n+t+ra a/ bod skad du/ de bzhin gshegs pa thams cad sdus pa khu byug rtsa ba'i tan tra/ skye ba med pa/ dpal kun tu bzang po la phyag 'tshal lo// de bzhin gshogs pa thams cad kyi thugs mi gnas pa'i ye shes bde bar gegs pa'i snying po/ rnam par dag pa'i lam/ mya ngan las 'das pa'i yang dag pa'i 'jings/ yum gyi mkha' klong rnam par dag pa'i thig le'o/ / sna tshogs mi gnyis mya ngan 'das// 'khor ba mya ngan 'das snying po// bla med theg pa chen po ni// pad+mo ge sar yum gyi mkhar// zla ba bcu gnyis dus kyi tshor rig pa// bya rgyal khu byug dbyar zla 'bring po la/ / snyan pa'i sgra sgrog dbyar gyi cha 'dzin pa// dpal la bslab pa ma yin de nyid la'o// mi gnas theg chen theg pa'i snying po ni/ theg pa ma lus kun gyi bgrod ste// rgyu nas mi stsol 'bras bu'i ngo bo yin/ / theg pa kun gyi lta mig cha 'dzin pa// dpral la 'bras bur ma byas ye nas so// khu byug dus tshigs mi 'da' de nyid las// rang dbang med par dus la gnas pa ste// dus de mi 'gyur de na gnas pa ltar/ / chos kyi snying po mchog tu gyur pa nyid// yon tan phun sum tshogs te rgyu dang bral// rkyen gyis mi skyed rang gis rang bzhin gnas// gzhan tu mi 'gyur dus med rnam thar gnas// yon tan mchog ldan ngal ba nyid kyang yin/ / khu byung bya rgyal gsung gi gdangs dang ldan/ rje btsan dus bzhi'i dus la dbang byed pas// sgra snyan sgrags pas kun rgyud yid tshim nas// dus kyi bya ba thams cad byed par ltar// rdzogs pa mi 'gyur bla na med pa la/ / sku gsung thugs ldan theg pa kun gyi rje// dus bzhi'i lhun rdzogs dus gsum 'gyur ba med// 'od zer phyung bas theg pa kun bsdus nas// dus me dus gsum rang gi rang bzhin gnas/ de skad ces bcom ldan 'das bde ba'i dbang phyug gis/ 'khor rnams gsol pas// klog 'od brtan pa rgyal po dza dang/ rgyal po lnga sgra gcan 'dzin dang/ gnod sbyin byang chub dang/ 'khor rnams kyis pus mo g.yas pa'i lha nga sa la btsugs te/ bcom ldan 'das zhes mgrin gcig tu sdebs nas/ phung po lnga so sor 'chad pa'o// de bzhin du rnam par shes pa la sogs pa rnams kyang de bzhin no/ zhes zhus pas/ bcom ldan 'das bde ba'i dbang phyug gis/ zag pa med pa'i ting nge 'dzin la snyoms par zhugs nas/ bcom ldan 'das gzugs kyi phung po dang/ bcom ldan 'das tshor ba'i phung po dang/ bcom ldan 'das 'du shes kyi phung po dang/ bcom ldan 'das 'du byed kyi phung po dang/ bcom ldan 'das rnam par shes pa'i phung po la sogs pa ni byang chub bo// de bzhin gshegs ma snang ma dang/ de bzhin gshegs ma sram dang de bzhin gshegs ma sdud ma dang/ de bzhin gshegs ma dro ma la sogs pa lnga ni de dag 'khril ba'o// dbang po lnga ni yum lnga dang 'khril te/ yum sbas pa'i tshul du gnas so/ skyes bu bcu gnyis ni rten khang bco brgyad la zha'o/ / dbang phyug lha la sogs pa dang/ thag bzangs ris dang bum rna dang/ ha nu ma ta la sogs pa// skyes bu rten gyi tshod ldan zhing// bcu sbas 'khril ma'i tshogs ldan te// so sor phye ba ma yin te/ / sbas ma yum gyi tshogs su gcig/ dper na khu byug mang po nyid// sgra skad snyan pa kun sgrogs shing// dus kyi tshod sdud bstan gyis kyang// khu byug gcig pu 'dus bzhin no// rol mo sgra la sogs pa kun/ / lha mo yum gyi lhums su yal// e e e/ a a a/ ra ra ra ri la sogs// de las byung nas de la'ang rdzogs// a yang a'i a la rdzogs// thub drug bstan pa bsam yas pa'ang// de bzhin de yi gnas su son/ / rnam thar sgo mtha' yas pa'ang// gsang ba'i lha mo mkha' las byung// rigs drug so sor snang ba yang// gong ma rnams bzhin byung nas rdzogs// mkha' la de bzhin gshegs zhes bya/ / byang chub sems dpa' bcom ldan 'das// gsang ba sbas pa'i lha mo yis// mkha' la de bzhin dus med gnas// dper na khu byug dus tshigs las// mi 'da' de bzhin dus de las// brtan bar byed pa ji bzhin no/ / e ma'o sangs rgyas bcom ldan 'das// btsal bas rnyed pa'i yul med de// pha rol phyin pa bcu las byung// mya ngan 'das dang rgya la ba'i yum// bcu po de nyid yin pa'i phyir// rgyal bsras dang yab yum ni/ / yi ge yin te a nyid do// ngo mtshar rmad kyi chos nyid ni// rdzogs pa'i sangs rgyas rnams kyis kyang// btsal bas mi rnyed dngos po med// dngos po med pa'i dngos nyid las// mi 'gyur gnas pa drang srong yin/ / dper na khu byug dus tshigs las// dus mi 'da' bar 'ongs nas ni/ sgra skad snyan pa kun bsgrags pa yi ngag/ snyan pa'i sgra nyid sgra mthar stong// a nyid yin par de bzhin no// ting nge 'dzin dang bsam gtan dang/ / rnam thar mang po'i sgo mtha' yas// de bzhin gtsug lag bsam mi khyab// nye bar gzhag pa mang po yang// dus tshod 'dzin pa'i khu byug gis// skad snyan khu byug nyid la ni/ / byung nas de la rdzogs pa ltar// spas pa lha mo nyid yum nyid las// bsam mi khyab pa'i sgo byung nas// de la 'dus phyir yum zhes bya// tshogs kyi sgo dang sems dpa' dang// lha mo mang po khro bo dang// khro mo'i phyag rgya'i tshogs bcas dang/ / 'khor lo pad+ma ral gri dang// dkyil 'khor ji snyed yod pa kun/ gsang ba'i lha mo las byung nas// de la 'dus phyir yum zhes bya// tshogs kyi sgo dang sems dpa' dang// mi gsungs mnyam bzhag sngags chig go/ mchod stod dbul dang bskul ba dang// rgyan dang byug pa gdugs la sogs// de bzhin khrus dang sku bskyed pa// gshegs su gsol dang spyan drangs dang// spyan mig dbye ba la sogs pa/ / gsang ba'i lha mo'i mkha' dkyil du// brtan par byas nas yan lag rdzogs/ khu byug gcig gi skad gcig la// mang po kun gyi sgra bsgrags kyang// khug skad gcig la rdzogs pa ltar// so so'i yan lag bsam yas kyang/ / de bzhin gsang ba'i gnas su rdzogs// sngon 'das pa yi sangs rgyas kyang// de las de bzhin byung bas ni// bdud bzhi ma lus bsad pa'i phyir// rgyal ba sangs rgyas zhes bya zhing/ / da ltar phyis byung drang srong rnams// gsang ba'i yum la lta ba la// de bzhin gsang ba'i yum de snang// dper na khu byug ji snyed pa dang// snga phyi gsum du 'byung bde// lus ngag yid gsum dus tshod rnams/ / 'gyur ba med gnas pa ltar// dus gsum sangs rgyas ma lus pa/ gsang ba sbas pa'i lha mo la// snga phyi dus gsum dus med de// sku gsung thugs ldan dus med par// mi 'gyur gnas pas rgyal ba yin/ / rigs brgya rigs gsum rigs lnga ni// gsang ba byang chub las phyung ba// rigs mchog chen po gcig tu'o// rigs de mkha' de yum yang yin// dper na bya rgyal khu byug dag/ bar snang mkha' la 'phyo ba yang/ / phyin pa'i lam la rjes med bzhin// drang srong sgom mkha' rnal 'byor pa// rgyal ba yum la ltas nas ni// rnam par mi rtog sgom pa dang// yum gyi mkha' la sbyor ba'ang// lta sgom sbyor ba rjes med na/ / byang chub sems dpa' kun gyi yab// gcig las yon tan gyi tshogs mang po byung ba'i skabs rdzogs so/ khu byug yun rings lam bgrod nas// dus kyi tshad la nyam thag pa// don med dal ba chud gsan te/ dus kyi bya ba byed pa bzhin/ bden bzhi'i sgor zhugs nyan thos kyis// brgya phrag phyed dang gsum bsrung zhing// rgyun zhugs 'bras thob brgyad bgrod kyang// dgra bcom sa thob ngal ba'i sa// dper na khu byug de nyid kyis/ zla ba bcu gnyis kha rgyud de/ dbyar zla 'bring la dus bsrungs pa// zla ba bcu gnyis tha mal te// sdug bsngal kha rgyud don med ltar// rang sangs rgyas pas lam bgrod la// rten 'brel bcu gnyis lugs bzlog ste/ / zab mo'i cha shas rtogs pa de// bzhi rtsa brgyad pas ngal don chung// dper na khu byug de nyid kyis// 'gro 'ong gnyis su dus bzung ste// zla ba bcu bgrangs bcu gcig la/ / 'bras bu 'gro 'ong tshod 'dzin pa// bgrangs pas ngal ba don med ltar// gnyis zhugs gsum dur shes rab thabs// phyin pa bcu bgrod bskal par yang// yun rings bgrod pas bgrod pa'i sa/ / bgrod mi dgos par bgrod pa mthong// bgrod pa'i lam la phyin mtha' med// sgo phugs phye ba ngal ba'i rgyu// sa bgrangs 'bras bu 'dod pa gol// dper na khu byug de nyid kyis// 'bad de 'dug pa tshang bsags nas/ / bu rgyud sgo nga der bzhag kyang// ma rnongs khu byug mi 'ong ltar// dag pa'i sgor zhugs gsum 'dod do// bcu gcig gi ni skur bskyed pa// bzlas pa'i khang pa gtsang khang byas// 'bad de khrus byas yan lag gi/ bdag nyid skur bskyed ye shes sems// dpon g.yog tshul du lta byas te// 'bras bu rdo rje'i rigs 'dod kyang// zhi ba ma mthong 'dod pa gol/ khu byug dus kyi dus tshigs las// 'da' bar byed pa med pa de/ / khur bar byed pa bya yi rje/ rje dang 'bangs kyi khyad par du// bya de gnyis dang ldan pa la// don med dus tshigs bsrung ba ltar/ phyag rgya bzhi ldan spyi dang khyad par gnyis// byin rlabs las byung rtsa ba'i yan lag bzhi/ / byang chub lnga yi sgo nas thob 'dod pa// dag pa nyid la lta bar spyod byed cing// lha spyod gnyis ldan u pa ya nyid ni// gnyis la bzung bas don med byang chub gol// dper na khu byug don gyi mchog/ rang gi las su dus tshigs bsrung// nga la zhing chad de dman pa ltar// yo ga rnam gnyis dam tshig gi/ bsrung ba 'bad rtsol nyams su len// sbyor sgrol sdom bsrung nyi shu brgyad/ nyams su len pa dman pa'i rgyu/ / bcu drug don rdzogs ngal ba ste// bsgom par bya ba lta mig bral// rdzogs chen theg pa kun gyi mkhar// mkhar 'gram zhabs nas ma 'grams na// yon tan lus lhun gyis rdzogs// dper na khu byug bya rgyal de/ / bya gzhan zil gnon 'dab gshog rdzogs// bya bran kun gyis 'khur ba ltar// rdzogs pa a ti yo ga ni// theg pa kun gyi rgyal po ste// ri yi rgyal por rab bzhin// ri rgyal zil gnon bya rje 'dra/ / theg pa gzhan gyi khur du khur// lta ba'i ngo bo don gyi mchog/ drang srong bsgom 'dod sgom pa la// 'du 'dzi spangs nas dgon dben bzung// bstod pas rgyal ba 'dod pa ni// dper na khu byug sa mtshams las/ / grong las dben par gnas bcas kyang// gcig pu mi 'dug de bzhin khu// 'du shes bzan chu sgom pa 'dra// dper na bsgoms pa'i sgom chen rnams// rus sbal khog gor nang nas ni/ / brkyang bskum 'gro 'dug byed pa de// sus kyang mi mthong de nyid na// 'dug 'gro gzhan gyis mi mthong ltar// lus dben sems dben gnas dben par// mi mthong 'dug pa rgyal ba yin// dper na bya rgyal khu byug gis/ / dus bzhi'i 'brel pa byed pa de/ gzhan gyis byed du bcug min te// dus bzhi'i 'brel pa ldan pa bzhin// rdzogs pa chen po bla na med// yon tan kun gyi 'byung gnas gter// theg pa kun gyi 'byung khungs pa/ / 'byung khung byed du bcug min te// thams cad ma lus lhun gyis rdzogs// chos rnams ma lus bla na med// gsang sngags rig sngags byang chub dang// phyag rgya la sogs ma lus rnams/ / bsod nams nor bu rin po che// sems kyi khu byug 'di la rdzogs// bsgom 'dod drang srong mkhan po pa// rnam par dag pa'i lam 'di la// bla med byang chub gter 'grub na// sems kyi khu byug 'di nyid la/ / bltas na bla med gnas su son// don dam bde ba chen po'i lam// yang dag 'ba' zhig 'di la lta// byang chub sems rgyud kyi rgyal po khu byug yul lang ka spu rir 'khor phal po che brgya la// bcom ldan 'das bde ba'i dbang phyug gis bka' stsal pa rdzogs so/ /// slob dpon rgya gar gyi mkhas pa chen po gtsug na me 'bar gyis 'grel pa mdo bkrol ba zhigs bzhugs te/ dgun zla 'bring po'i nya gsum la bton te/ snod dang ldan pa'i mi/ byang chub sems dpa'i mi dag rnyed na/ rtsa ba sngon la kun gyi de bzhin byin la// mdo 'grel phyis sbyin no// de ltar ma byas na bka' dam pa khyad du bsad de/ mod la ster mkhan khrag tu skyugs la dmyal bar ltung ngo/ /// rgya gar skad du/ gu h+ye da pa ti tan+t+ra nA ma/ bod skad du/ gsang ba yang khol gyi rgyud ces bya ba/ dpal kun tu bzang po la phyag 'tshal lo/ / ma byung ma skyes sngon rol na// thog ma'i sangs rgyas 'od mi 'gyur// kun gyi 'byung gnas chen por bzhugs// gsang ba yang khol las// sangs rgyas sems can gyi snang bzhi bstan pa'i le'u ste dang po'o/ /// bar du 'khrul pa'i rkyen bzhis 'khrul// tha ma sangs rgyas sems can gnyis// ngo bo gcig las gnyis su snang// gsang ba yang khol las/ sangs rgyas sems can rgyab gyes tshul bstan pa'i le'u ste gnyis pa'o/ /// de yang grol ba'i thabs gsungs pa// sbubs gsum dag tu bsdus te bstan// bag chags sbubs dang ye shes spubs// rin chen spubs dang rnam pa gsum// spubs gsum dag la spyan kyang gsum/ / yul gsum dgrol ba'i dgongs pa gsum// gsang ba yang khol las// spubs gsum mdor bstan pa'i le'u ste gsum pa'o//// da lta bag chags spubs gnas te/ / tsit+ta rin chen gzhal yas na// rig pa rtog med chos kyi sku// de yi 'od las longs sku ste// sku ni mtshan dang dpe byad du// 'od lnga'i klong na rdzogs par bzhugs// rtags kyi ye shes sprul sku ste// de yi thugs rje'i rtsal snang ba'o/ / don gyi ye shes lnga ru gnas// dpe don rtags kyis gtan la dbab// chos la dbang sgyur shes rab spyan// 'khrul snang du ma yul du snang// blo las grol ba'i dgongs pa ste// sgro 'dogs gcod pa'i dus yin no/ / ma 'dres yongs su rdzogs pa dang// gsal la rtogs pa med pa dang// mtshan ma zil gyis non pa'o// gsang ba yang khol las// bag chags kyi sbubs gtan la dbab pa dang bcas pa'i le'i ste bzhi pa'o/ /// bar du ye shes sku yin te// 'jug dang snang dang grol rab 'bring// tha ma mthar phyin gsum zhes bya// lnga ldan rdzogs ldan dgongs pa ste// bzhi bcu rtsa gnyis lhun rdzogs pas/ / bya ba grub pa'i ye shes ldan// sangs rgyas che ba mthar rdzogs nas// mtshan dpe mngon shes drug dang ldan// rnam rtog mi mnga' cir yang sal le mkhyen// zhal sbyor bar nas 'od 'phro ba// yi ge drug pa rdo rje'i sgra/ / 'od zer dkar dmar 'khyil ba ni// rin po che yi srad bu 'am// gzha' tshon lta bu 'khril te 'phro// las dag lhums bzhugs sprul skur 'gyur// sgra 'gyur chos kyi 'khor lo yis// ngan song zhing du yang dag sgrol/ / yul du bzhi bcu rtsa gnyis 'grub// spyan ni gong gi mngon shes drug/ las la dbang sgyur rdzu 'phrul can// 'khor ba'i mtha' la grol te gnas// gnyis snang ma 'gags gzung 'dzin bral/ / gsang ba yang khol las/ ye shes sgyu ma'i sbubs bstan pa'i le'u ste lnga pa'o//// tha ma rin chen sbubs bstan te// dang po ye shes rlung stobs kyis// gtso bo mnyam nyid don la sbyor// rin chen sbubs su shugs kyis skyod/ / 'degs byed stobs kyi mkha' la dkyil// bstan ma stobs kyi mi g.yo ste// 'khor rnams gtso bo dag la thim// gtso bo lnga ni rig pa'i klong// rin chen sbubs na bstan par gnas// 'od 'bar sku lnga sprul sku ste/ / spyan gsum 'od 'bar longs spyod rdzogs// chos sku rang gsal rdo rje'i lus// rig pa rang sa zin pa'o// 'byed med gsal ye shes spya// rang snang dag pa gnas pa'i yul// mtha' grol chos las 'das pas ni/ / rin chen sbubs kyi mtshan nyid do// dum bu bcu gnyis zhes su grags// gsang ba yang khol las// rin po che gsang ba'i sbubs bstan pa'i le'u ste drug pa'o//// de dag mtshon pa'i bla dgas te/ / sbubs gsum sku gsum rang la gnas// srid pa gsum ni bde ba'i gzhal yas khang// yum gyi b+ha ga bde klong gcig tu 'khyil// sna tshogs ngo bos stong ste rang bzhin rnam par dag/ bya rtsol mi mnga' sku gsum rang la rdzogs// rdzogs pa'i don la btsal du ye nas med// rtogs pa'i don la sgom du ye nas med// gsang ba yang khol las/ sbubs gsum gyi la bzla ba bstan pa'i le'u ste bdun pa'o/ /// kun tu bzang po'i thugs nas brgyud pa 'di// skal ba bzang po rnams kyi thugs la zhog/ skal med snod ngan rnams la 'di mi bstan// bskal pa dum bu'i rgyud gsang ba yang kho la rdzogs so/ /// @#/ rgya gar skad du// g+hu ya spru rtsa tan+t+ra a ta yo ga yo ga g+hu ya sarba ri ka tan tra rA tsa na ma// bod skad du/ gsang ba rgya mtsho'i rgyud dam pa'i dam pa/ rnal 'byor gyi rnal 'byor// gsang ba thams cad kyi tig ka rgyud kyi rgyal po// dpal rdo rje sems dpa' la phyag 'tshal lo// 'di skad bdag gis thos pa'i dus gcig na// bcom ldan 'das de bzhin gshegs pa thams cad kyi sku dang/ gsung dang/ thugs rdo rje dpa' bo chen po dang// dpa' mo'i dbang phyug mas rnam par bskor nas shes rab kyi b+ha ga la bzhugs so// der bcom ldan 'das ma rdo rje dbyings kyi dbang phyug ma legs dges chen po'i rol ba'i sgegs par nye bar longs spyod pa dang/ / ma mchu'i bdud rtsi'i btung bas bcom ldan 'das dges par byas te/ kha sbyar gyi sbyor thabs las 'das nas/ ri rab kyi nyi rdul gyi grangs kyi rnal 'byor ma dang lhan cig par bskor ba lan gsum byas nas/ / bcom ldan 'das kyi zhabs la mgo bos phyag 'tshal te 'di skad ces gsol to// bcom ldan ye shes zla ba grags// lte ba'i ku mud kha 'byed ba/ / gang zhig ci zhig bdag gis zhus// mnga' bdag chen po de dag gsungs// dpal ldan bla na med pa'i rgyud// rnal 'byor ma zhes rab grags la// e waM ma ya sogs pa'i sgra// don ni ji lta bur mi brjod/ / bcom ldan 'das kyi bka' stsa la pa// nyon cig lha mo spyan bzang ring// khyod kyis bdag la gang zhig zhus// e bam ma ya sogs sgra yis// khams gsum 'gro dang 'gror bcas// shes rab thabs kyi rang bzhin yin/ / gzhan gyis ma yin kun rgyas btab// de kho na nyid sgron mar grags// dri med rdzogs pa'i 'bras bu'i gzugs// 'di skad bdag gis de bzhin gsum// bdag nyid kyis ni dang bcas pa/ / rang bzhin bzhi yi bye brag tu// don dam par ni shes par bya// thos pa'i don ni zla ba bde// de ni nam mkha' bzhin du mchog/ gcig ces bya ba gzhan mchog mchod/ srid dang mya ngan 'das pa spangs/ / dus ni phyag rgya chen po ste// bskyed pa dang ni rdzogs dang bral// bcom ldan 'das ni mtha' thug bya// rang dga' nyams su myong ba'i dngos// thams cad ye shes gsum stong nyid// de nyid de nyid kyis ni spangs/ / de bzhin gshegs pa rnam byed grags// dang po'i gnas ni rab grub byed// sku ni dga' ba'i gzugs su grags// dbang po gnyis byung dang bral ba/ gsung ni mngon par dga' zhes bya/ / dam tshig las byung gis ni spangs// sems ni chad dga' zhes bya ste// ye shes las byung bde dang bral// rdo rje rang bzhin zhes su bstan// rang bzhin gyis ni spangs pa'o// lha mo dpal chen nyi ma skyes/ / khu ba thams cad dang bral ma// dpa' mo'i dbang phyug ma bde'i rten// dang po bdud rtsi'i las skyes so// rnam bskor yan lag thams cad kyis// khyad par srog gi pad+ma bzhin// shes rab tshangs pa'i sgo lnga'i khab/ / tshangs pa'i ye shes 'dzin pa'i phyir// b+ha ga'i dngos po 'jig pa'i phyir// spang na longs spyod myong bas so// bzhur pa rang gi ngo bo la// gnas pa yang na gshegs pa yi// de lta bu ni don dam par/ / 'di skad bdag la sogs par bshad// thams cad rnal 'byor rgyud du stsal// de bzhin rnal 'byor bla mar yang// nges dang drang don bye brag tu// e bam ma ya la sogs gnas// rgyud shes pa yi don phyir te/ / gnyis su dbye ba'i rgyu rab bstan// 'bras bu ye shes chen po'i ro// rang nyams myong ba'i ngo bo nyid// rang gi ngag gis mi rnyed pa// rtog pa thams cad rnam par sangs sbris bzhi'i man ngag gi skabs/ /// lha mos gsol ba/ bcom ldan 'das ye shes rgyal ba nyid// log pa'i ye shes mun 'joms pa// de nyid nyi shu gnyis bdag nyid// gang zhig ye shes thig ler gsungs// de la yang ni nges pa'i don/ / mchog gi dbang phyug bdag la gsungs// bcom ldan 'das kyis bka' stsal pa// gang zhig de ni nges don du// zhal ba de ni gsang ba'o// khyod kyis ngor mdzad bdag gis bshad// de lta min na sbas pa'o/ / e baM rnam pa'i dbus su gang zhig rdul bcu rtsa bzhi'i 'dab ma'i dbyings kyi rtse 'khor lo de ni rnam par dang bcas par shes pa'o// de'i nang du gang rtsa sum cu rtsa gnyis kyis bdag nyid ud pa la'i 'khor lo de ni mtha' yas te/ de la gang zhig zur brgyad pa'i rnam pa'i lte ba ni de snang ba gang zhig lte ba'i dbus yangs pa de ni nam mkha' 'o// de ru lnga gnyis bcu gcig bcu gnyis bcu gsum bcu bzhi bco lnga'i sa'i dbang phyug gi mnga' bdag bzhugs so/ / der gang zhig de kho na nyid gsum rton pa'i bdag nyid de na lan gsum 'bab pa'i phung po rnam par shes pa sems dang sems las byung ba dang/ ma rig pa'i gzugs kyi sa gsum du dbye ba zur dang po la thun tshod gcig gi bar du 'bar ba'o/ gang zhig srog gi dbye ba pa de ni sum cu rtsa gnyis sbom 'phra'i thig ler ro gcig pa'o// gzur lu gu rgyud kyi rnam pa mdud pa'i dbyug pa bdud rtsi'i zur gnyis pa la thun chod bar du zhu ba'o/ / gang zhig sbyor ba drug pa'i de ni bskyed pa dang rdzogs pa'i grags pa dga' ba drug zur gsum la thun tshod gsum gyi bar du 'dzag pa'o/ / gang zhig thig le shar ba dang nub pa de ni rlag pa dang longs spyod kyi grags pa'i srog zur bzhi pa la thun tshod bzhi yi bar du 'bar ba'o// gang zhig 'pho ba bde ba ni steng 'og mda' mar yod pa byang chub kyi sems 'dus pas dbang ni zur lnga pa la thun tshod lnga yi bar du zhu ba'o/ / gang zhig rtsa'i 'khor lo 'byung ba de ni yan lag thams cad la bdud rtsi rgyas pa zur drug pa la thun tshod drug gi bar du 'dzag pa'o/ / gang zhig dbang gi rim pa de re re srog gi kha ru srog la 'bab pa dang// 'phur ba dang khyad par de yang zur bdun pa la thun tshod bdun gyi bar du 'bab ba de'o// gang zhig bsrung ba'i 'khor lo de ni mthe'u chung gi mdun gyi nang du bdud rtsis bskor bzur brgyad pa la thun tshod brgyad kyi bar du zhu ba'o/ / de dag ni g.yon dung bskor ba'i srog gi rlung la zhon pa nyi ma skye ba mtshan mo'i bar du sum cu rtsa gnyis kyi cha rgyas par 'gyur ro/ / sum cu rtsa gnyis kyi nang na bcu drug tshad pa'i mtshan nyid mi gsal ba dga' ba'i mtshan nyid bcu drug gsal ba// de'i don gyi phyir chad pa'i dgapa'i mtshan nyid a li rang gi ngo bo zla ba'o/ / phyi phyi yi don gyi nang nang gi gnas par bya'om// phyi tshes kyi grangs kyi nang srog gi grangs kyis so// de kho na nyid nyi shu'i skabs so//// lha mos gsol ba/ sum cu rtsa gnyis chu skyes u tA la'i rnam pa las bde ba chen po'i kun spyod 'phro ba nges pa'i don gyis mchog gi dbang phyug bka' drin stsol cig/ bcom ldan 'das kyis bka' stsal pa/ nyon cig lha mo skal ldan mo// gsang ba yi ni ye shes mchog/ gang zhig shes pa tsam gyis ni/ / thams cad sa yi dbang phyug 'gyur/ gang zhig snying po'i sngar 'di nyid// de ni bdag nyid bcu drug bde// kun rdzob ri mo can gyi 'od// don dam pa ni nam mkha' bzhin// gang zhig sku brgyad mchod sbyin ni/ / de ni mtshan ma brgyad mchog go/ lha mo yang na ye shes brgyad// mtshan mo nyin mo gnyis las byung// gang zhig rlag dang longs spyod dbang// de ni nges par bskyed rim mo// lha mo bskyed rim gsal ba ste/ / rim las bde ba chen po shar// skal ldan mo gang ye shes sku// de ni rim sogs yan lag spangs// yan lag bzhir dbye drug dbye 'am// bskyed pa rdzogs pa de rim mo// lha mo gang zhig gsung ba'i sgra/ / de ni ye shes gsum dang bral// yang na gzhan min bdag nyid gsum// mtshams kyi ye shes yod pa'i phyir// lha mo gang zhig dam tshig ni// bsrung ba la sogs nges par ro/ / de ni bde ba dbus gnas so// gzung bya yang na gang nang du/ gang zhig sbyin sreg don dam par// de ni he zhes blo bru te// char yang dbus yod thig le ni// gsung skad cig gis thim mo// gang zhig bsrung dang bsrung thabs ni/ de ni thog ma'i bka' ba spangs// lha mo de bzhin tha ma'ang min// thog ma tha ma gnyis dang bral/ skal ldan mo gang sngags kyis bzlas// de ni srid pa 'das pa'i yid// mya ngan 'das pa'i gnas kyang ma ni/ gnyis kyi ngo bo gnyis dang bral/ gang zhig gnas ni brgyad du bstan// de ni nyi skyes ma rgyas pa// gnas kyi dbang gis shar ba la// nye bar myur du rgyas pa'o// gang zhig dga' ba la sogs rim/ / de ni rim pa gnyis su dbye/ rnam bcas las ni dang po pa/ rnam bral bcu pa'i dbang phyug go/ gang zhig dur khrod rnam rtog bral// dbus 'byung la sogs rnam par spangs// byang chub kyis ni sems ro la/ rnam par zhu ba rnam tshig phyir// lha mo gang zhig chu yi ngogs// de ni rtogs med ma yi mthar/ yang na de ru srog gi rtsar/ bde ba'i chu bo 'bab pa'i phyir/ gang zhig snang ba la sogs ye shes che/ / de ni dga' ba dang ldan yin// sa dag chu dang 'od kyi gzugs// de bzhin rlung gi rang ngo bo// gang zhig dngos su rten la sogs// de ni bde ba'i dang por rig/ rang gi rnam pa'i bye brag gam// rnam par spyod pas nges par spyod// lha mo gang zhig dur khrod brgyad// de ni bde ba thim zhes bya/ rnam par rtog pa 'dzin pa'i sku// de la rlag pa thim pa'o// gang zhig shing la sogs pa'i don// de ni dang po bdud rtsi'i rgyu/ / rtsad de rten pa'i gzugs su grags// thams cad dam pa'i bde sbyin ma// gang rlung de kho snying po don// de ni rin chen gdu bu'i bde// 'dzum pa yi ni yang dag par// pad+ma'i zhal de myong ba'o/ / lha mo gang zhig 'jug la sogs// de ni gyen du bzung ba'i rlung// yang na rtsa yi kun spyod las// 'gro ba'i bdud rtsi 'dzin pa'o// gang zhig nyer 'gro'i bsam gtan sbyor/ de ni zla ba gyen du byed/ / yang na tshangs bzhin rnam dbye byas// rnam par shes pa gshegs su gsol// gang nyid ye shes thig le ni// de ni drug phyed gsum dang bral// bcu dang lnga yi sa rnams ni// de ni dbang phyug 'pho med do/ / gang zhig bdag gi rang ngo mchog/ de ni nges par bzhi yi 'bras// yang na gtor yang nyams su myong// 'bras bu'i sgras ni brjod pa'o// gang zhig sa yi dbang byed pa/ de ni de nyid drug rang bzhin// de nyid drug las de nyid gsum// de nyid gsum las rang bzhin gcig/ gang zhig de bzhin gshegs pa'i sku// de ni mya ngan 'das mtshan nyid// yang na dga' ba dang ni bral/ / chad dga' ma yin rang ngo bo// lha mo gang zhig rgyud bstan pa// de ni bde ba shin tu 'phel// bde dang bral ba'i bde ba ni// yang dag de ni rnyed pa'o// gang zhig phyag rgya che rang bzhin/ / de ni rlug pa rtsogs yid 'das// rang nyams myong ba'i rang ngo bo// bsam gtan 'dzin pa spangs pa'o// gang zhig bsam pa don dam par// de ni dga' ba dga' dang bral// yang na nang gi ger bya ste/ / reg bya dang bral rtog pa med// gang zhig bskul ba'i mchod pa'i don// de ni dri med bde 'byung ngo// 'das pa la ni yang skye ba// skye ba de la 'phel ba'o// lha mo shes rab ye shes gang// de ni kha kha snying khar bde/ / kha ni rtag tu shes rab yin// gang zhig gsang ba'i dkyil 'khor ro// de ni zhu ba 'pho med dge/ yang na bde chen rang ngo bo// bde ba'i rnam par rtog dang bral// lha mo tshigs rgyas gang zhig ni// bya dgong ma de khong du chung/ / yang na tshogs ni zhu med zhu// dga' mo rgyas pa mchog yin no// 'byung ba bsrung don gtor ma gang/ de ni srog chags bsad pa'o// srog bcad pa ni mchog gi gnas// 'gro ba 'gog par byed pa'o/ / de dag ni mchog gi gsang ba chen po'i gsang chen bcom ldan 'das mo bzhi bcu'i bdag nyid kyi de kho na nyid bde ba chen po'i rgyal po bdud rtsi'i gter la nges pa'i don no// rtsa la sogs pa man ngag gi skabs/ /// lha mos gsol ba/ bzhi bcu bdag nyid de kho nyid// shin tu reg byed gzung bar dka'// dus tsam sa yi dbang phyug de// mchog gi dbang phyug shes pa'o// bcom ldan 'das kyis bka' stsal pa/ / rnam sna tshogs snyed sum cu drug/ bcu gcig sa yi bdag po'o/ dga' ba rnyed pa sum cu bdun// bcu gnyis pa yi bdag por brjod// mchog dga' rnyed pa sum cu brgyad// de ni bcu gsum pa yi sa/ / sum cu dgu lhag mthar thug pa// sa ni bcu bzhi rnyed pa'o// bzhi bcu de ni rang bzhin dga'// bco lnga rnyed pa'i mnga' bdag go/ gang zhig bcu drug pa yi sa// brjod du med pa'i nam mkha' bzhin/ / de la dbang phyug mchog gi mkha'// thams cad mkhyen par rnyed dka' ba// zad med 'phro med zhi ba ste// skye med rmad byung bas rmad byung// rmad du byung ba mthar thug skabs//// lha mos gsol ba/ kye bcom ldan 'das sum cu rtsa gnyis kyi bdag nyid bde ba chen po rgyal po'i bdud rtsi gtor de kho na nyid la kun spyod kyi dus gang 'dus pa ci nyams su myong ba gang// bcom ldan 'das kyis bka' stsal pa/ sum cu rtsa gnyis kyi bdag nyid la/ sum cu rtsa gnyis chu tshod kyi bar du srog dang pos pa'i bdud rlung gnyis shar pa'i kun spyod do// sos pa'i rlung byung ba'i dus su yan lag thams cad la khyab pa'i srog de ni g.yon bskor du byung ba yin/ ud pa la'i rnam pa 'dzum shing na gi lta ba'i snying po rtsa ba'i sdong lu'i lam gyis 'jug pa tsam gyis zur brgyad pa'i nang na yod pa bde ba chen po'i srog gi rgyal po lag gang zhig ro gcig pa'i mtshan nyid de ni 'dus pa'o/ / de yi dus su gang zhig bdag dang gzhan gyi bye brag med pa gnyis su med pa'i spros dang bral ba'i ye shes kyi thams cad gzigs pa de ni nyams su myong ba'o/ / rtsa ba'i bde ba la nyams su blang ba'i skabs//// lha mos gsol pa/ gang zhig nyams myong las rnyed de// mnga' bdag de ni ji ltar lags// nyams su myong bas gang rnyed pa// de ka mdor bsdus bka' stsol cig/ bcom ldan 'das kyis bka' stsal pa// dris pa de ni rmad byung mchog/ nyon cig lha mo spyan bzang ring// nyams su myong bas gang rnyed pa// dga' ba'i dbang mo de brjod med// bla ma'i zhal nas nyams su myong/ / dbang bskur las ni rnyed pa'o// lha mos gsol ba/ dbang bskur du ma bye brag tu// rgyud rgyud nang du rab tu gsal// 'di ru ci 'dra su la sbyin// bcom ldan 'das kyis bka' stsal pa/ dga' ba'i 'bras bu bye brag tu/ dbang ni re zhig bzhi ru dbye// dang po dga' ba dang ldan pa// las dang po la sbyin par bya// gnyis pa dga' ba dang ldan pa// snang ba gsum ni thob pa la// dga' ba gsum pa dang ldan pa'i/ chos kyi sprin rnyed nges pas so// kun tu 'od sa zhes bya ba// rnyed la bzhi pa sbyin par bya// dbang bskur ba'i thabs bstan pa'i skabs//// lha mos gsol ba/ kye bcom ldan 'das/ snang ba la sogs pa dang/ chos kyi sprin dang kun tu 'od rnyed pa la dbang gi rim pa yin na// sa la sogs pa ma rnyed pa ji ltar lags// bcom ldan 'das kyis bka' stsal ba/ sa la sogs pa ma rnyed pa rnams la thog ma'i rang gi ngo bos so/ / sa la sogs pa rnyed pa rnams la mthar thug pa'i rang gi ngo bos so// gang gi phyir zhe na/ de rnams la brtson 'grus kyi stobs kyis shin tu bsod nams kyi byin rlabs kyi bya ba la sogs pa dang/ bral ba'i ye shes chen po mthong ba tsam gyis thob bo// ji ltar pad+ma yongs su smin pa nyi ma'i 'od kyis reg pa tsam gyis sangs rgyas so// ma smin pa de bzhin du ma yin no// sdod rtag pa'i skabs/ /// lha mos gsol ba/ ma smin pa rnams la ye shes yongs su smin pa'i dus gang/ bcom ldan 'das kyis bka' stsal ba/ sbyin sogs bsod nams bsags pa yis// mchog gi bla mas gtan la phab/ skal ldan mo de smin pa'i dus// de las bla na med byang chub bla na med gnas thob pa gang// phyi nas ci yang bslab mi dgos// bla med ye shes chen po'i gnas// 'bad min des ni mthong ba'o/ / ji ltar nyi ma shar tsam gyis// sna tshogs gzugs ni mthong bar 'gyur// de bzhin pa med 'od kyis ni// ye shes chen po mthong bar 'gyur/ ye shes chen po sku dang bral// gnyis su med pa nam mkha' bzhin/ lus dang ngag dang yid gzugs min// sgra la sogs pa rnam par spangs// dpe med mkha' dang bral ba la// srid dang mya ngan 'das pa spangs// sgom 'phra la sogs pa las 'das// char yang thig le dang bral ba/ / tshul dang tshul tsam ma yin te// mchog dang gzhan mchog gnas las grol// skye ba med dang 'chi ba med// rmad byung chen po'i du shes so// mtshan ma med pa'i skabs//// lha mos gsol pa/ kye bcom ldan 'das ye shes chen po'i dbang phyug bla na med pa'i byang chub rnyed pa las/ ye shes chen po brjod du med pa'i gnas gzhan rnyed do yod dam ci/ bcom ldan 'das kyis bka' stsal pa/ grangs med pa'i sangs rgyas kyi yum khyod ci de lta bu 'dri/ brjod du med pa'i ye shes chen po khyod la cha med dam ci/ de lta yin na bdag rang gi ngo bo yang dag par khyod kyis mi shes so// ye shes zangs ma bstan pa'i skabs/ /// lha mos gsol ba/ khyod kyi rang ngo bdag gis shes// 'on kyang bdag gis gzhan ci zhu// sems can byang chub las gzhan ci// mchog gi dbang mchog rnyed pa 'am// bcom ldan 'das kyis bka' stsal pa/ / byang chub rnyed pa las gzhan ci// zhal zangs mo de rnyed yod dam// 'on kyang de la mthong ba yod// tsham la bdud rtsi'i dri bzhin no// zhu ba dang zhus pa'i lan gsungs pa'i skabs//// lha mos gsol ba/ bcom ldan 'das dpa' mo'i dpal dbang phyug/ rang rig ye shes sbyin pa'o// bdag gis ci zhig zhu bar bgyid// de la bka' drin bdag la stsol// dbang gis rig pa'i ye shes gang// bzhi pa de ltar de bzhin no/ / de la re zhig ji bzhin don// rdo rje 'dzin pa bdag la gsungs// bcom ldan 'das kyis bka' stsal pa// bzhi pa de kho na nyid dau grags/ de ltar ye shes 'du shes so// de bzhin ye shes las byung shes/ / ye shes las byung lte yod bde// lha mo ye shes kha la yod// yang na ye shes las byung skyer// skye ru longs spyod ngo bor grags// snying kha ru ni dbang zhes bya// rlag ni kha ru zhes bya ste// bskyed pa'i rim pa yi ni phyogs/ / yang na de bzhin gyi ni sgra/ ji bzhin shes rab la sngar thal// de ltar ye shes lta ba yis// bkug nas rang gi kha la dgod// rang gi snying kha'i pad gnas su// byas nas nyid kyi nyams su myong/ / de yi skad cig ye shes bde// spros pa dang bral rtog med pa// sems can thams cad mthong nas su// nam mkha' bzhin du bsam par bya// de yang bsam pa bor nas su// phyi nang bsam pa ci yang med/ / lha mo de ni rdzogs pa'i rim// don dam pa ni shes par bya// rdzogs pa'i rim pa bstan pa'i skabs//// lha mos gsol ba// bcom ldan 'das ye shes r-in chen nyid// 'dod pa thams cad rab grub pa/ / snang ba bzhi la go rim gnas// mnga' bdag chen pos bka' stsol cig/ bcom ldan 'das kyis bka' stsal pa// snang ba bzhi la go rim gnas/ sems dang sems byung 'du shes so/ de dag las ni ma rig byung// 'tshams kyi 'du shes mtshan nyid can// nyin mo'i rang bzhin sems las byung// sems ni mtshan mo'i ngo bo nyid// yang dag 'od ni gsum dang bral// rang bzhin ye shes mtshan nyid do/ / gang tshe tshangs pa'i tshigs su sems// lha mo de tshe nyin mor 'gyur// gang tshe de las srog 'pho ba// de tshe mtshan mo'i 'og na gnas// steng yang ma yin 'og ma yin// de tshe mtshan mo zhes byar dran/ / de yang me yi rang bzhin grags// nyi ma la ni srog 'dzin pa/ gang gis yod pa'i nyi ma ni// snang ba las ni shar dus 'gyur// snang ba zla ba zhes par bstan// yongs su zhu ba bdud brtsegs so// lha mo chen mo g.yo ba'i phyir/ / chad pa'i dga' ba rab tu grags// gang du chad pa la ni brlag rab tu dga' ba shar ba'i dus// snang ba de ni dang po'i dga'// de las mchog ni gsal bar 'gyur// gsol phyir snang ba chen por grags/ / zhu med g.yo med ska ba'o// sa ba la ni phra mo'i dngos/ bde sbyin yang na kun spyod do// kun spyod las ni thob pa ste// zhal bzang mo ni snang thob pa'o// de ni mtshams zhes grags pa ste/ / dbus kyi gnas su yod pa'i phyir// dbus kyi gnas na yod pa ni// de phyir kun spyod byed pa'o// dbus ni dngos po thams cad do// 'dus par byed par dran pa'o// yang na gang du mtshan mo ni// ma byung nyi ma nub pa'o/ / de ni dbus kyi mtshams zhes grags// rang bzhin dga' ba sbyin byed ma// de nyid snang ba thob pa yin// thams cad skye ba'i rgyu yin no// gang du dbus mtshams skad cig gis// bde ba'i tshor ba ma shes na/ / skal ldan lha mo de ru ni// chad pa gsal bar 'gyur ba'o// de ni nyams su myong shes la// skyon ni cung zad mi byed do// mi shes pa ni skal ldan mo// rtsa ba dang bcas med par byed// rtsa ba snang ba zhes byar bstan/ / zhu ba'i sngags ni zla ba'o// bde ba chen po'i bdud rtsi'i gter// bsrubs las skyes pa yin pa'i phyir// lha mo me tog snang ba mched// dmar ba'i phyir na nyi mar brjod// bde chen rnam par smin pa'i phyir/ / dmar po'i gzugs ni sngags 'gyur ro// 'bras bu thob pa'i grags pa ste// mtshan dang dpe byad dang ldan no// dngos dang dngos min bral ba'i phyir// zhal bzang mtshams kyi ye shes so/ / nyin mo snang ba mched 'khor grags// mtshan mo snang ba mya ngan 'das// srid dang mya ngan 'das bral ba// mtshams ni snang ba thob pa'o// de lta bu yi gsang chen mchog/ gang du yang ni gsal ma byas/ skal ldan mi yi khyod ngor mdzad/ / ye shes rin chen rab gsal bya// sbyor ba nyams su myong ba'i skabs// lha mo'i gsol pa// 'bras grags de nyid rin po che/ mnga' bdag ji ltar rnyed par 'gyur// bcom ldan 'das kyis bka' stsal pa/ / dbus su de nyid rin chen gang// de ni gnyis su dbye bar gnas// mchog gi dga'i ngo bo gcig/ mchog gi dga' ba dang bral la// mchog dga'i ngo bor grags pa ni// nyams su myong bas rnyed pa yin/ / mchog gi dga' ba dang bral ba// rang las rab tu gsal bar 'gyur// skal ldan mo gang gsal bar nyams su myong// de ni rdzogs pa'i rang bzhin no// nyams su myong man rdzogs pas ni/ / gang du sus kyang mi shes so// ji ltar bu mo lang tsho bab// skyes pamed na nam yang ni// legs dge kyi ni bde bar myong// legs dges dbang mo mi shes so// gang zhig bsam pa la sogs kyis// de ni bskyed pa'i mtshan nyid do/ / bskyed pa dang ni rdzogs bral ba// de ni 'bral mchog rang bzhin no// de ru gang zhig bsgom pa ni// phra mo'i phra mo yang dag mchog/ gang gis bla na med pa ste// 'gro ba'i ma de yod pa min/ / bla na med pa'i ye shes che// gzhi dang bral ba rtag tu shar// rtags su shar bas las gzhan ci// gang du yang ni sgom yod dam// gal te gang gis bsgom pa de// khyad par can du yong mi skye// mi skye'i phyir na bsam gtan la/ / gal te 'khyal par 'ong 'gyur na// de ni de nyid rang bzhin min// de nyid min par the tshom med// de nyid min sgom de kho nyid// su zhig de las rnyed pa 'gyur// de ni nam mkhar ri mo ni/ mchog gi dbang mo 'dri ba'o// lta ba shar che ba'i skabs//// lha mos gsol pa/ 'di yi rgyud gsang chen po ni// shes pa dang ni bshad pa su// bcom ldan 'das kyis bka' stsal pa// byang phyogs su dpal rdo rje gnas su/ u rgyan du rgyal po chen po iN+Da bod+hi zhes bya bas shes pa dang/ bshad pa dang/ sems can la gsal bar byed do/ sku gsung thugs las lung bstan pa'i skabs//// lha mos gsol ba/ bcom ldan 'das/ rgyal po iN+Da bo d+hi zhes bya ba de/ sa du'i dbang phyug bka' stsol cig/ bcom ldan 'das kyis bka' stsal ba// dpal dbang mchog dam pa'i rgyud kyi rgyal po las/ gang zhig phyag na rdo rje'i rgyal po bdag gis/ bstod pa 'di nyid iN+Da bo d+hi sprul pa'i sku sa bcu'i dbang phyug/ ye shes kyi sku sa bcu'i dbang phyug go/ de skad ces gsungs pas// bcom ldan 'das la ri rab kyi nyi rdul gyi grangs dang mnyam pas bcom ldan 'das mo dang lhan cig langs te/ lan gsum bskor ba byas nas/ zhabs la mgo bos phyag 'tshal te/ rang rang gi rdzu 'phrul gyis sna tshogs pa'i mchod pa'i mchod sbyin byas nas bstod do/ / de kho na nyid bdud rtsi'i rgya mtsho'i snying po rab mchog rgyal gyur cig/ ye shes nam mkha' skye med gzugs med brjod med rab sku rgyal gyur cig/ dngos dang dngos min ro gcig ngo bo rmad byung de nyid rab gter rgyal gyur cig/ stong nyid stong pa nyid mchog dang gzhan 'od kyis grub pa rgyal gyur cig/ de lta bu'i bstod pa'i rgyal po byas nas/ rang rang mi snang bar gyur to// bstod pa'i skabs//// de bzhin gshegs pa thams cad kyi rang bzhin/ / gsang ba rgya mtsho zhes bya ba/ shin tu rnal 'byor dam pa rdzogs so//// rgya gar gyi paN+Di ta bi ma la mi tra dang/ lo ts+tsha ba gnyags dz+nya na ku ma ras bsgyur//// @#/ rgya gar skad du/ a kA ma nI ti la ka ka ya kA la tan tra nA ma/ bod skad du/ nam mkha' rnam par dag pa thig le skur gsal gyi rgyud ces bya ba/ ye thog dang po'i bcom ldan 'das dpal kun tu bzang po yab yum/ rang byung rig pa'i lha tshogs la phyag 'tshal lo// 'di skad bdag gis bstan pa'i dus gcig na/ chos nyid gzhi snang sku lngar gsal/ dbyings rig gnyis med phyogs mtshams med// gud du ma bcad stong gsal snyam/ / ye ni ji bzhin sangs rgyas so// 'di skad bdag gis thos pa'i dus gcig na/ mthong ba'i yul med gting dpag dka'// brjod pa'i tshig med dmigs su med// stong zhing bdag mang mkha' ltar dag/ byas pa'i gnas med thig le tu// skye gzhi'i sku med zhi khro gsal// smon lam ma 'dus 'khor rnams la// brjod med lhun gyis grub pa'i chos// ngang gdangs chen por stong zhing gsal// ye shes lnga ni ma 'dres pa'o/ / nam mkha' rnam par dag pa thig le skur gsal gyi rgyud las/ gzhi phun sum tshogs pa drug gleng ba'i le'u ste dang po'o//// de nas gsang ba'i bdag po yis// kun bzang rdo rje 'chang chen la/ / gus pas thal mo sbyar byas te// spyan sngar 'dug ste tshig 'di gsol// yul dang gnas dang ston pa dang// 'khor dang chos dus gsung du gsol// ston pa kun bzang rdo rje 'chang// gsang ba'i bdag la bka' stsal pa/ gsang bdag ltos dang e ma ho// yul ni nam mkha' rnam par dag/ stong pa nyid ni yul du che// gnas ni thig le stong pa sgron// mu khyud lnga ldan gnas su che// ston pa kun bzang rigs lnga la/ / sems dpa' sems ma 'khor du che// chos ni stong gsal bde bar ston// ngo bo rang bzhin thugs rje che// dus ni bla ma slob chos ldan// smin grol nyams 'phel zag bcas sangs// snod bcud zhi khros rgyas pas che/ / zhes nam mkha' rnam par dag pa thig le skur gsal gyi rgyud las/ yul gnas ston pa 'khor chos dus phye ba'i le'u ste gnyis pa'o//// kun bzang rdo rje 'chang chen la// gsang bdag yang na 'di skad gsol/ / yul gnas ston 'khor chos dus kyi// gnas lugs 'khrul lugs grol lugs gsungs// de nas kun bzangs rdo rje 'chang// gsang ba'i bdag la bka' stsal ba// chos nyid stong pa mu khyud can/ / thig le lngar gsal rigs kyi 'khor// ma 'dres bde gsal mi rtog chos// ma phye mi phye 'byed med dus// de ni dang po'i gnas lugs so// gsang bdag yang ni legs par nyon// yul gnas ston 'khor chos dus ni/ / gzung ba'i yul gyur 'dzin sems 'gyus// mkha' rlung chu nas sa rim chags// gzugs med gzugs khams 'dod khams ni// khams gsum sems can bzang ngan las// skye bzhi gzugs kyis longs spyod pa/ / yul gnas snod gyur ston 'khor bcud// chos dus sems kyis snod bcud 'brel// chags gnas 'jig stongs skye 'chi can// skyid sdug chags sdang rmongs gsum 'khrul// de ni gnyis pa 'khrul lugs so/ / gsang bdag yang ni legs par nyon// snod bcud sems can thag chod cing// sems nyid stong pa ngo shes na// yul gyi gzung 'dzin chos skur grol// snod nyid thig le thag chod cing/ / bcud nyid ston par ngo shes na// snod bcud gzung 'dzin longs skur grol// chags sdang chos su thag chod cing// skyid sdug rang grol ngo shes na// chos dus gzung 'dzin sprul skur grol// de na gsum pa grol lugs so/ / zhes nam mkha' rnam par dag pa thig le skur gsal gyi rgyud las/ gnas lugs 'khrul lugs grol lugs kyi le'u ste gsum pa'o//// kun bzang rdo rje 'chang chen la// gsang bdag yang ni 'di skad gsol/ / nam mkha' ji ltar rnam par dag/ thig le sku ru gsal ba ci// rgyu dang 'bras bu'i khyad par gang// gang zag blo la ji ltar bstan// kun mkhyen gtso bos gsung du gsol// de nas kun bzang rdo rje 'chang/ / gsang ba'i bdag la bka' stsal pa// kye kye gsang ba'i bdag po nyon// phyi nang gsang ba'i nam mkha' ni// stong gsal chen por rnam par dag/ stong gsal thig le mu khyud can// gnas lugs rtsal gyi sku ru gsal/ / rgyu ni nam mkha' 'dra ba la// 'bras bu nyi zla shar dang mtshungs// rgyu yi mthu drug stong pa nyid// snying rjer ldan pa der shes bya/ 'bras bu ye shes thig le'i sku// de la 'jug pa de nyid dang/ / gang zag blo la de ltar ston/ rgyu dang 'bras bus gcig rtog pa/ thig le nyag gcig kun tu bzang// zhes nam mkha' rnam par dag pa thig le skur gsal gyi rgyud las/ nam mkha' rnam par dag pa thig le skur gsal ba dang/ rgyu dang 'bras bu'i khyad par gang zag blo la bstan tshul gyi le'u ste bzhi pa'o//// kun bzang rdo rje 'chang chen la// gsang bdag yang ni 'di skad gsol/ kun bzang rdo rje 'chang ba nyid/ / phyi yi nam mkha' gang la bgyi/ nang gi nam mkha' gang la gnas// gsang ba'i nam mkha' ji lta bu// kun bzang rdo rje 'chang gis gsungs// rdo rje 'chang gis bka' stsal pa// kye kye gsang bdag rdo rje 'dzin/ / phyi yi nam mkha' srid pa stong// dmig dag rig pa de la gtad// nang gi nam mkha' rtsa sbug stong// rlung nyid dal nyon 'gro 'ong 'chang// gsang ba'i nam mkha' sems nyid stong// 'gyu ba rtog pa'i 'char ngo shes/ / a ka ma ni// zhes nam mkha' rnam par dag pa thig le skur gsal gyi rgyud las// nam mkha' phyi nang gsang ba gsum gyi le'u ste lnga pa'o//// gsang bdag yang ni 'di skad gsol/ / phyi yi thig le gang la bya/ nang gi thig le gang dang gang/ gsang ba'i thig le gang yin gsungs// rdo rje 'chang gis bka' stsal pa// kye kye gsang bdag rdo rje 'dzin// phyi yi thig le srid pa'i bcud/ / len thabs shes na tshe la dbang// nang gi thig le byang sems gnyis// dbu mar 'dres na he ru ka/ gsang ba'i thig le rig stong mdangs// 'od lnga nyag gcig shes rab dmig/ ti lA sarbaH zhes nam mkha' rnam par dag pa thig le skur gsal gyi rgyud las/ / thig le phyi nang gsang gsum gyi le'u ste drug pa'o//// kun bzang rdo rje 'chang chen la/ gsang bdag yang ni 'di skad gsol// phyi nang gsang ba'i sku ni gang/ / kun bzangs rdo rje 'chang gis gsungs// rdo rje 'chang gis bka' stsal ba// kye kye gsang bdag rdo rje 'dzin// phyi yi sku ni 'jig rten khams/ phra rab rdul nas chags gnas 'jigs// nang gi sku ni sems can du/ / skye bzhi lugs su chags gnas 'jigs// gsang ba'i sku ni rig pa'i lha// ye shes sku ru stong gsal gnas// sarba kA ya zhes nam mkha' rnam par dag pa thig le skur gsal gyi rgyud las// sku phyi nang gsang gsum gyi le'u ste bdun pa'o/ /// kun bzangs rdo rje 'chang chen la// gsang bdag yang ni 'di skad gsol// phyi nang gsang ba ji ltar gsal// kun bzang rdo rje 'chang chen gsungs// rdo rje 'chang gis bka' stsal ba/ / kye kye gsang bdag rdo rje 'dzin// phyi yi sku ni thig ler gsal// nyag gcig 'dus ma byas pa'i snod// nang gi sku ni zhi khror gsal// skye rdzogs blos ma byas pa'i bcud/ / gsang ba'i sku ni rig mkhyen gsal// 'khor 'das gzung 'dzin ka dag pa// sarba ti la kA ya ka lA/ zhes nam mkha' rnam par dag pa'i thig le skur gsal gyi rgyud las// phyi nang gsang ba gsum gsal ba'i le'u ste brgyad pa'o/ /// caN/ ga/ kun bzang rdo rje 'chang chen la// gsang bdag yang ni 'di skad gsol// chos nyid mkha' la ma 'gags pa'i// sna tshogs las snang 'char tshul ci// sku dang gsung dang thugs dang ni/ / yon tan 'phrin las dkyil 'khor gang// kun bzang rdo rje 'chang chen gyis// mos pa'i 'khor la bstan du gsol// rdo rje 'chang gi bka' stsal pa// kye kye gsang ba'i bdag po nyon/ / sgrib mang chos nyid mkha' la ltos// dbang po'i dngos nyams bsam mi khyab// g.yang sa mtsho dang bskal pa'i me// 'dam rdzab mi gtsang rnag khrag mtshon// rigs drug zhing khams skad dang gzugs/ / mdzes sdug gzugs ni mi srid srid// bla ma smag tshogs bya bong gi/ DA ki skyes pa bud med phyugs// sdom sdig nya sbal sbrang dang 'bu// sgra dri ro re me rdog 'od// mun ba rlung dmar che chung yas/ / dmar ser dud ka mchun smug kyang// 'jigs shing skyi g.ya' sngangs skrag 'dar// dbang med yid g.yos gar kyang sleb// ma 'gag sna tshogs shes ma shes// gcig tu ma nges rmi lam 'dra// gnyis su mi rtag sgyu ma'i tshul/ / sarba karma ka lA/ zhes nam mkha' rnam par dag pa thig le skur gsal gyi rgyud las// sna tshogs las snang 'char tshul gyi le'u ste dgu pa'o//// kun bzang rdo rje 'chang chen la// gsang bdag yang ni 'di skad gsol/ / sku gsung thugs dang yon tan dang// 'phrin las dkyil 'khor lhun grub pa'i// zhi ba'i dkyil 'khor gsung du gsol// rdo rje 'chang gis bka' stsal pa// e ma gsang bdag skal bar ldan/ / dmigs med chos nyid mkha' la ltos// smig sgyu du ba srin bu'i ma// lbu ba rnga mdun chu thig zhag/ nam langs 'bur dang me long mdongs// mar me nyi zla 'ja' tshon gud// rlung gi 'byin 'jug 'gro 'ong med/ / 'gyu ba dwangs sangs gzung 'dzin bral// sgo lnga yul gyi zhen pa stongs// zas gos 'dod pa'i blo dang bral// phyogs 'dzin chos rnams gnyis su 'grel// dad mos snying rje dmigs med mnyam/ / phyi nang med pa'i dbyings 'od la// sku yi dkyil 'khor thig le dkar// gsung gi dkyil 'khor thig le dmar// thugs kyi dkyil 'khor thig le mthing// yon tan dkyil 'khor thig le ser// 'phrin las dkyil 'khor thig le ljang/ / dkar dang shin tu dkar ba dang// mchog tu dkar dang tshad med dkar// dpag tu med par dkar ba ni// me long lta bu'i ye shes lnga// dmar dang shin tu dmar ba dang/ / mchog tu dmar dang tshad med dmar// dpag tu med par dmar ba ni// so sor rtog pa'i ye shes lnga// mthing dang shin tu mthing ba dang// mchog tu mthing dang tshad med mthing// dpag tu med par mthing ba ni/ / chos kyi dbyings kyi ye shes lnga/ ser dang shin tu ser ba dang// mchog tu ser dang tshad med ser// dpag tu med par ser ba ni// mnyam pa nyid kyi ye shes lnga/ ljang dang shin tu ljang ba dang/ / mchog tu ljang dang tshad med ljang// dpag tu med par ljang ba ni// bya ba grub pa'i ye shes lnga// ye shes nyi shu rtsa lnga yis// thig le mu khyud lngas bskor nang// kun bzang rnam snang snang mtha' yas// mi bskyod rin 'byung don yod grub/ / skyil krung mnyam gzhag mchog sbyin nyid// mnyam gzhag sa gnon mchod sbyin dang// skyabs spyin phyag rgya phyag mtshan thugs// kun tu bzang mo dbyings phyug ma// gos dkar spyan ma mA ma ki/ sgron ma lus dang grib ma bzhin// ma 'dres yab yum gnyis med bde// sems dpa' brgyad dang sems ma brgyad// sgo bzhi yab yum thub pa drug/ sku dang gsung dang thugs dang ni/ / yon tan 'phrin las zhi ba'i sku// bzhi bcu zhe gnyis mkha' la gsal// sarba kA ya shan ting ka lA/ zhes nam mkha' rnam par dag pa'i thig le skur gsal gyi rgyud las/ zhi ba'i skur gsal ba'i le'i ste bcu pa'o/ /// kun bzang rdo rje 'chang chen la// gsang bdag yang ni 'di skad gsol// sku gsung thugs dang yon tan dang// 'phrin las khro bo khro mo yi// dkyil 'khor 'char tshul bstan du gsol// rdo rje 'chang gis bka' stsal pa/ / e ma gsang bdag skal che ba// 'bar chen 'od lnga'i klong du ltos// dkar nag dmar nag mthing nag dang// ser nag ljag nag 'od zer 'khrul// thig le mu khyud lnga ldan dag/ / kun bzang che mchog khrag 'thung gtso// rnam snang bu d+ha he ru ka/ snang mtha' pad+ma he ru nyid// mi bskyod badzra he ru ste// rin 'byung ra rna he ru dang// don grub karma he ru gsal// zhal gsum phyag drug zhabs bzhi pa/ / 'khor lo pad+ma rdo rje dang// rin chen rgya gram dril bu ste// sna tshogs phyag cha thugs las 'phro// gang 'dul der snang ston pa'o// rnam zhal kro d+hi shwa ri lnga// gnyis med 'khril cing dung dmar stobs/ / ki ri brgyad dang sing ha brgyad// sgo bzhi dbang phyug nyi shu brgyad// rnam sprul phyag cha rang rtags 'dzin// drug cu tham pa'i sprul pa ni// sku dag gsung dang thugs nyid dang// yon tan 'phrin las gsang sngags lha/ / bsam gyis mi khyab mkha' la gsal// sarba kA ya kro d+ha kA lA// zhes nam mkha' rnam par dag pa thig le skur gsal gyi rgyud las/ khro bo khro mo'i skur gsal ba'i le'i ste bcu gcig pa'o/ /// kun bzang rdo rje 'chang chen la// gsang bdag yang ni 'di skad gsol// dpe rtags don gsum dbang chos gsungs// rdo rje 'chang gis bka' stsal pa// e ma gsang bdag rdo rje 'dzin// dpe gsum rtags gsum don la gsum/ / shes par gyis la go bar ston// ngo bo'i dpe ni nam mkha' ste// sto pa thams cad chos sku'i rtags// shes rig stong 'i don rtogs kyis// rang bzhin dpe ni nyi zla 'ja'/ / gsal snang thams cad longs sku'i rtags// thig le zhi khro'i don rtogs kyis// thugs rje'i dpe ni nor bus// gang dgos 'byung ba sprul sku'i rtags// 'gag med rang grol don rtogs kyis// dpe yi dbang chen man shel 'od/ / nyi shu rtsa gcig smin sgrol bya// rtags kyi dbang chos rtsag Shu ste// de nyid mnan pas smin grol bya// don gyi dbang chos sgrib med mkha'// rdo rje lug rgyud smin grol bya// 'bras bu rgyu ru mi bzlog tshad/ / rmi lam dus gsal 'di phyi med// a 'thas yul min stong pa nyid// mun pa'i gnas med ye shes klong/ zhen pa'igrogs min zhi khro'i sku// brjod pa'i tshig med rang rig pa/ ma phyin gnas su sleb pa'i mi/ / a a a d+harma kA ya/ zhes nam mkha' rnam par dag pa thig le skur gsal gyi rgyud las// dpe rtags don gsum dbang chos kyi le'i ste bcu gnyis pa'o//// de nas kun bzangs rdo rje 'chang/ / gsang bdag nyid la bka' stsal pa// e ma e ma gsang ba'i bdag/ chos nyid nam mkha' rnam dag tu// thig le dkyil 'khor zhal phye la/ snang srid zhi khro'i lha dbang bskur// yab yum 'khril sbyor gnyis med la/ / bde chen bdud rtsi'i chu rgyun long// gsal sgra rig dang bde snang stong// kun bzang chos kyi 'khor lo bskor// shes rig ston pas bstan pa yi// mdo rgyud thig le nyag gcig ltos// ye thog dang po'i sangs rgyas 'di/ / yin no blo yi the tshom spongs// 'di la skye med rgas pa med// 'di la 'chi med bar do med// 'di la rtag med chad pa med// 'di la yon min med ma myong// chos nyid mngon sum snang ba 'di/ / gsang ba'i bdag po khyod kyis chongs// tshogs gnyis mthar bsags rnams la ston// skal med log rtog can gyi sar// rlung phyogs tsam du brjod mi bya// 'di dang 'phrad nas gzhan zab smra/ / skyabs gtod mtshams med lnga bas lci// de bas gsang la yod mi bya// sngags bsrung rgyal po lnga la gtad// bka' 'di srungs shig sa ma yA// legs ldan nag po khyod kyis chongs// nyams pa dgra bo'i srog rtsa chod/ / oM ru ru e ka dza Ti snying kha rag/ ru lu ru lu hU~M b+h+yo hU~M/ dgra bo mA ra ya tsit+ta rbad/ oM shrI ma hA kA la gu na hri da hU~M phaT/ ma hA kA la sarba sha truM mA ra ya rbad/ kha kha khA hi khA hi/ dgra bo ma ra ya/ zhes nam mkha' rnam par dag pa thig le skur gsal gyi rgyud las// thig le kun 'dus phyi ma'i rgyud gtad pa'i le'u ste bcu gsum pa'o//// nam mkha' rnam par dag pa thig le skur gsal gyi rgyud rdzogs so/ / sa ma yA/ rgya rgya rgya/ sarba/ a thaM/ bla ma kun bzangs rdo rje 'chang// dngos dang 'jal ba'i me long bdag/ rgyud rgyal nam mkha' rnam par dag/ thig le skur gsal rgyud dang ni// bcu bdun rgyud dag mdo rgyud kyi/ / ltang rtser gyur 'dug rjes zhus rnams// gsol ba thob la thig le ltos// tshe 'dir bya rgyu de las med// phyi ma chos zad ka dag sa// chos zab yod pa/ ri khrod 'grim pa// bla ma bzang ba/ gang la yang zhen 'dzin bag chung ba'i slob dpon dang khyed po mo tsho 'phrad pa yag sa 'dug/ mi 'dug ri shi skyag pa ngas ha ha/ dad zer ba rang kyang khyed tsho 'tshengs pa yin/ zog po'i gtam/ rgad po gad 'chal/ de po'i bzhug sgro/ ha ha/ bla ma drin can gyi phyag bris las bshus pa'o//// rgya gar skad du/ bud+d+ha sarba kA ya wA ga tsit+ta hr-i da ya ka la tan tra na ma/ bod skad du/ sangs rgyas thams cad kyi sku gsung thugs kyi snying po bstan pa'i rgyud ces bya ba/ sangs rgyas sku gsung thugs kyi klong ye nas yin pa de la phyag 'tshal lo/ / 'di skad bdag gis bstan pa'i dus gcig na/ sku'i mkha'/ gsung gi zer/ thugs kyi klong/ chos kyi dbyings nas kun bzang yab yum la/ mdzad pa phyogs med zhi khro dang/ / sku gsung thugs yon tan 'phrin las ma mo 'jig rten pa'i 'khor gyis bskor nas bzhugs so// de nas badzra pA Ni yis// 'di skad ces ni rab zhus so// kye kye rig 'khor la gsung du gsol// de nas kun bzang yab yum gyis/ / gsang bdag nyid la bka' stsal pa// e ma sems can kun gyi rang bzhin la// sangs rgyas rnams kyi ye shes dang// sku gsung thugs kyi snying po ni// bsnan phri med par ye nas gnas/ / tsit+ta dung khang nang na sku dang yig 'bru ste// mnyen lcug 'khril ldem sgeg bzhad do// zhes sku gsung thugs kyi snying po bstan pa'i rgyud las/ gnas lugs kyi le'u ste dang po'o//// gsang bdag nyid kyis gsol pa/ / gnas lugs rim pa de ltar na// dang po bskyed pa ji ltar bskyed// tha ma rdzogs pa ji ltar rdzogs// yon tan rtags ni ji ltar 'byung// spyi mes chen pos bka' stsol cig/ sa man ta yis bka' stsal pa/ / skyabs song 'gro la phan pa yis// dgu gsum brda dpe ti le'i dbang// 'a a ha sha sa ma oM AHhU~M/ de nas skur zin gsal yang gdab// dam tshig kun gyi ngo bo ni// hU~M las bla ma rdo rjes sems dri med dkar mdangs rig pa'i sku/ / skyil krung rdo rje dril bu bsnams// mdzes pa'i rin chen rgyan gyis spras// che chung tshad med mtshan dper ldan// lta bas mi chog mtha' dang bral// ye nas rang rig gsal yang gdab/ / gnas gsum dkar dmar mthing ba la// 'bru gsum ye nas gsal yang gdab// de bzlas rang gsal nam mkha' la// gsal stong ri la blta bar bya// lug rgyud mig mangs khro bo ste/ / shel dkar me long rdo rje sems// de ni dus gsum sangs rgyas yin// dbyings dang ye shes ni khro'i lha// gsal stong dbyer med 'jam dpal sku// grag stong dbyer med pad+ma'i gsung// rig stong dbyer med yang dag thugs/ / bde stong yon tan bdud rtsi lha// snang stong phur pa 'phrin las lha// mi rtog stong pa ma mo'i tshogs// ma 'gags rang rtsal dregs pa yin// 'chi med ye shes tshe yi lha/ dus gsum sangs rgyas bka' brgyad kyi/ / yab kyi snying po oM yin no// yum gyi snying po AHyin no// yab yum gnyis med snying po hU~M yin no// oM ni bde la AHni gsal// hU~M ni mi rtog nam mkha' 'dra// rang dbang med pa srog gi gnad/ / 'bru gsum sngags kyi rgyal po 'di// ma byung mi 'byung 'byung mi 'gyur// oM AHhU~M/ zhes sku gsung thugs kyi snying po bstan pa'i rgyud las/ bskyed rdzogs kyi le'u gnyis pa'o//// yang cig gsang bdag legs par nyon/ / 'di bzlas tshe gcig sangs rgyas yin// 'di bzlas 'phrin las rnam bzhi 'grub// bye ba gcig ni bzlas par bya// gang 'dul de nyid lha ru sgom// gang byed las sogs sham bur gdags// dper na yid bzhin nor bu 'dra// gang bsam las ni 'grub par 'gyur// ti la gsal dag rig pa'i mdangs// ma mthong mi mthong mthong mi 'gyur// 'di mthong dus gsum sangs rgyas yin// dus gsum sangs rgyas thams cad kyi/ / sku sgrub oM la gsung sgrub AH// thugs sgrub hU~M yin ti la mchog/ ma hA oM la a nu AH// a ti hU~M yin ti la rtse// oM gyis lus la bde ba 'bar// AH yis ngag la nus pa 'byung// hU~M gis sems la rtogs pa 'char/ / oM gyis pho gdon thul bar byed// AHyis mo gdon zhi bar byed// hU~M gis gdon rnams rlag par byed// oM gyis snang srid g.yo zhing bsgul// AHyis 'gro ba dbang du bsdud/ / hU~M gis skye med sa la 'god// oM gyis ti la gsal bar byed// AHyis ye shes gong 'phel 'char// hU~M gis gnyis med sngon sangs rgyas// zhes sku gsung thugs kyi snying po bstan pa'i rgyud las/ yonatan gyi le'u ste gsum pa'o//// legs bshad gsang bdag yang nyon cig/ ti la 'bru gsum bzlas pa yis// lhag med 'ja' 'od sku gdung dang// sgra dang ring bsrel nyid 'byung ngo/ / chos sku'i rtags su sprin med mkha'// 'ja' tshon sna lnga longs spyod rdzogs// sprul sku ring bsrel phra zhing mang// 'di yod kun la sku gsum rtags// nges par 'byung ngo sgrub la brtson// ces sku gsung thugs kyi snying po bstan pa'i rgyud las/ rtags kyi le'u ste bzhi pa'o//// oM AHhU~M badzra sa twa a/ d+harmA kA ya sid d+hi hU~M/ zhes sa man tas rang byung du gsungs pas/ badzra pA Ni dang/ dus gsum gyi sangs rgyas thams cad kyi/ sku gsal stong dbyer med par khyab bo// gsung grags stong dbyer med par khyab bo// thugs rig stong dbyer med par khyab bo// yon tan bde stong dbyer med par khyab bo// 'phrin las snang stong dbyer med par khyab bo/ / sangs rgyas thams cad kyi sku gsung thugs kyi rgyud las/ sngags kyi le'u ste lnga pa rdzogs so//// rgya gar skad du/ bun+d+ha pra na ta n+t+ra nA ma/ bod skad du/ sangs rgyas ngo sprod pa'i rgyud/ bcom ldan 'das stong pa chen po/ ye shes kyi snying po ma 'gags par rang gsal ba la phyag 'tshal lo// 'di skad bdag gis bstan pa'i dus gcig na/ chos kyi dbyings kyi pho brang/ rang byung rig pa'i rgyal po 'khor ye shes rgya mtsho'i tshogs la/ zhing khams sum rtseg gi snang ba/ rag la rang chas su bstan pas/ chos zad pa'i ngang du thim mo/ / 'di skad bdag gis thos pa'i dus gcig na/ gsang ba rol ba'i dur khrod me 'od 'bar ba zhes bya ba/ gti mug gi nam mkha' la/ logs la nga rgyal gyi brag 'tsher ba/ rtsa bar 'dod chags kyi chu 'khrug pa/ bar na phrag dog gi rlung 'tshub pa/ gseb na zhe sdang gi me 'bar ba/ drag po'i gzhal yas khang de na/ bcom ldan 'das gzhon nu stobs ldan chen po la/ 'khor dpa' bo dang mkha' 'gro'i tshogs kyis bskor nas thabs gcig tu bzhugs so/ / de'i tshe gsang ba'i bdag pos 'di skad ces zhus so// kye kye ston pa thugs rje can/ sangs rgyas ye shes lus can gyis// rten dang lam dang gnad dang sgo dang/ rang gi ngo bo gsung du gsol/ zhes zhus ston pas bka' stsal pa// gsang ba'i bdag po khyod nyon cig/ bde bar gshegs pa'i ye shes lus can de/ rten pa rang gi lus kyi byang khog stod 'di la rten nas yod do/ / gnas pa ni snying gi nang na gnas so// lam ni snying gi nang nas mig tu rtsa dar dkar gyi skud pa 'dra ba tsam cig/ mnyen pa khrag dang chu ser med pa gcig gi sbrel nas yod do/ / de ni ye shes kyi lam yin no// sgo ni sngon du gyur pa dang/ lkog tu gyur pa gnyis so// mngon du gyur pa ni rang gi mig gnyis yin no// lkog tu gyur pa ni rna ba gnyis yin no// rang gi ngo bo dag pa chos kyi sku'i ngo bo stong par bzhugs so/ / stong pa ni zang thal du bzhugs so// ngo bo stong par bzhugs pa ni// rang gi ngo bo rig pa 'di nyid dngos po mtshan mar ma grub pa// ngo bo stong pa 'dug pa'i yin no// snying po gsal bar bzhugs pa ni/ / rig pa rang gi ngo bo ma 'gags par gsal ba ni sangs rgyas kyi dgongs pa yin no// ye shes zang thal du bzhugs pa ni/ sangs rgyas snying gi dkyil na sha khrag gi lus kyis gtums kyang ma thub par/ rang gi mig gi rnam par dag par mthong ba ma 'gags pa 'od du gsal ba yin no// 'di kho na ye shes zang thal gyi dgongs pa'o/ zhes bka' stsal to// yang zhus pa/ e ma ho/ ma rig mun sel sgron ma'i sku/ / sems kyi rten dang gnas dang sgo// lam dang rang gi ngo bo rnams// mngon par rim par gsung du gsol// zhes zhus pas// yang ma rig mun sel gyis bka' stsal pa// gsang ba'i bdag po yang nyon cig/ sems kyi rten ni rang rang gi lus po'i byang khog stod yin no// gnas ni glo ba'i nang na yod do// lam ni glo ba dang mgrin par rtsa gro sog gi spru gu tsam gyis sbrel nas yod do// de ni dbugs 'gyu ba'i sems kyi lam rtsa yin no/ / sgo ni 'dod ba'i sgo gsum ste/ sna bug gnyis dang kha gsum yin no/ 'dod pa'i shes pa de nas 'byung ngo// sems rang gi ngo bo rnam par rtog pa dang bcas pa// rnam rtog gi dbugs phyi nang du rgyu ba 'di rang yin no/ / rigs kyi bu sems las byung ba rnams ni 'khor ba'i rgyu yin no/ zhes bka' stsal to// de nas yang gsang ba'i bdag pos zhus pa/ e ma mgon po 'od dpag med/ / rang gi gzugs kyi phung po las// sems dang ye shes rnam par gnyis// da lta 'phrad tshul ji ltar 'phrad// tha ma gyes tshul ji ltar 'gyes// zhes zhus mgon por bka' stsal pa// gsang ba'i bdag po da ltar 'phrad tshul ni/ / rang gi snying gi dkyil na rig pa chos kyi sku'i ngo bo// stong pa 'dus ma byas par bzhugs so// rig pa rang gi ngo bo nyungs kar yang zhun lta bur bzhugs so// dbugs 'don pa'i sgo gsum 'char ro/ / rig pa 'od kyi gong bu tshon lnga'i gru gu bsdogs pa lta bur gnas so// rig pa chos kyi sku ye shes lnga'i mtshan nyid du bzhugs so// rigs kyi bu de'i tshe ye shes rang gi snying nang nas 'thon nas// lam rtsa dar dkar skud pa tsam gyi nang na yar song nas/ / sgo rang gi mig gnyis na phar 'thon no// de'i dus su sems dang ye shes rgyab gyes so// de'i tshe dus ma 'gyur bar snang ba 'gyur bar snang nas/ / sa rdo ri brag rtsi shing nags tshal thams cad sangs rgyas kyi zhing khams rnam par dag pa/ phra la dwangs pa/ gsal la 'tsher ba/ rang bzhin gyis bkrag nyam nga ba/ phyi'i rgya mtsho mthong ba bzhin/ 'jig rten gyi khams thams cad brdal nas 'ong bas/ de la ma 'jigs shig/ rig pa 'dzin pa sangs rgyas kyi zhing dag pa zhag lngar 'char ro// thog ma'i sangs rgyas 'od mi 'gyur ba rang gi rang gdang chos dbyings dag pa'i ngang du thim mo/ / dag pa'i snang bar shes pas sangs rgyas so// khams gsum gyi sems can gyis ye shes kyi snang ba yang nas yang du mthong kyang/ ngo ma shes pas na 'khor bar 'khyams so// gsang ba'i bdag po dbugs chad pa dang/ ye shes kyi snang ba shar dus mnyam mo// yul gyi blo rdol ba yin pas/ yul thams cad ye shes kyi snang bar shar nas 'ong ngo// chos nyid dag pa zhag lngar shar ba de rang gi rig pa'i gdangs sam rang 'od yin no/ / de ngo shes par gyis shig/ gsang ba'i bdag po mi dbul pos nor bu rin po che btsal kyang mi rnyed na dran pas lta ci smos/ rigs kyi bu rang dbugs chad pa dang sangs rgyas kyi zhing khams rnam par dag pa/ me long gi ngos la nyi ma shar ba lta bu dus gcig la 'char ro// de'i dus su 'od mthing ka mthong ba'i tshe na// 'di ka rag gi rig pa ngo bo stong pa chos kyi dbyings kyi ye shes su shes pas/ / rdo rje sems dpa' yab yum 'khor dang bcas pa 'grub par 'gyur ro// 'od ser po mthong ba'i tshe/ mnyam pa nyid kyi ye shes su shes pas/ rin chen 'byung ldan yab yum 'khor dang bcas pa 'grub par 'gyur ro/ / 'od dmar po mthong ba'i tshe/ so sor rtog pa'i ye shes su ngo shes pas/ snang ba mtha' yas yab yum 'khor dang bcas pa 'grub par 'gyur ro// 'od ljang khu mthong ba'i tshe/ bya ba grub pa'i ye shes su ngo shes pas/ don yod grub pa yab yum 'khor dang bcas pa 'grub par 'gyur ro// gsang ba'i bdag po dag snang shar bas// ye shes lngar shes shing// de dran pas sangs rgyas thob bo/ / 'brog dgon par 'khyams pa'i mis bza' btung mi bsam// zas dran pas yang dag par rdzogs pa'i sangs rgyas bla/ zhes dus gsum sangs rgyas kyis gsungs so// yang dag par rdzogs pa'i sangs rgyas ni 'dus ma byas yin la/ byas pa'i chos kyis 'grub na 'dus byas su 'gyur ro// bde gshegs ye shes lus can de// rang las byung zhing rang gis shes// rang ni de nyid du grol lo/ mthong byed kyis mthong nas shes byed kyi shes so/ / zhes gsungs so// de nas yang bcom ldan 'das kyis bka' stsal pa/ 'byung ba dang snyigs 'byed pa'i dus su// rang gi snying gi dkyil nas ye shes gnas steg pas/ / gdangs phyir nas rang gi rig pa ye shes lnga'i rang bzhin du yod pas/ rang gi snying nang nas chos kyi dbyings kyi ye shes mthing kha'i rang bzhin du gnas so// me long lta bu'i ye shes kha dog dkar por yod do/ / mnyam pa nyid kyi ye shes kha dog ser por gnas so// so sor rtogs pa'i ye shes kha dog dmar por gnas so// bya ba grub pa'i ye shes kha dog ljang khur gnas pa'o// de ltar rig pa ye shes lnga'i kha dog tu gnas pas/ rang gi snying nang na 'od kha dog lnga me re re yod do// sems ni glo ba'i nang na yod do// glo ba dwangs snying ni rtsa sog ma'i sbu gu tsam gyis sbrel nas yod do// sems glo ba'i nang nas 'thon te/ rtsa sog ma'i sbu gu tsam de'i nang na yar dbugs 'gyus pas// snying nang na yar sku gsum ye shes lnga bzhugs pa dang 'phrad do// rang gi snying gi dkyil du rig pa dbugs kyi rta dang 'phrad pas/ dbugs med pa'i 'gyu ba zhes bya'o/ / tha ma rgyab gyes pa'i tshul ni/ rang 'chi ba'i dus su sems glo ba'i nang nas 'thon te/ lam gro sog gi sbu gu tsam sna bug gnyis// kha dang gsum nas ha zer te dbugs par 'gyu'o// tha ma hu zer nas nang du 'dren no/ / gsang ba'i bdag po/ srid pa'i ri bo las rgal ba'i dus su/ srog rgyu ba'i rlung nang nas phyir 'dren la stobs che/ 'dus pa'i nam mkha' la phyir 'dren pa'i stobs che/ nang du 'dren pa'i rlung gis phyi'i nam mkha' nas tshur 'dus thugs rig pa'i ye shes la thim mo/ / phar 'phros te 'dus ma byas pa'i nam mkha' la thim pas/ rnam par rlung zhon gyi dgongs pa zhes bya ba'o// tha ma ha zer nas phar la song ste/ hu zer nas tshur ma 'dus pa'i tshe/ rang gi mdun gyi nam mkha' la ye shes kyi mthongs zhes bya ba/ 'od kha dog lnga bkra lam me snang ngo// de ngo shes pas lcags la gser 'gyur rtsibatang ba 'am/ mun khung du sgron me bteg pa ltar skad cig la yar gyi zang thal du grol lo// rigs kyi bu nang dbugs dang ma bral ba la/ rdo rje sems dpa'i sna thag kyang bya/ thugs rje rgyun gyi sna thag kyang bya ste/ rang gi mig nas mdun gyi nam mkha' la/ 'od kha dog lnga thag pa brkyang ba 'am// skas btsugs pa ltar snang ngo// de'i dus su shes pa rang gi mig la gtad/ mig thugs rje rgyun mi 'chad pa'i thag pa// 'od kha dog lnga la gtad pas/ yar gyi zang thal la grol lo// yang na thugs rje'i 'od kha dog lnga shar ba'i tshe/ ye shes lnga ldan gyi dkyil 'khor thob nas// dbugs ma chad pa la sangs rgya'o// gsang ba'i bdag po/ phyi nang gsang ba'i dbang rdzogs pa la ston cig ces bka' stsal to/ / ngo sprod pa'i rgyud las/ sems ye shes su bstan pa'i le'u/ a+thi+-i/// dpe'i ngo sprod pa la gsum ste/ shel dang nyi ma 'dra 'bag gsum/ shel te rdo rje sems dpa'i me long yin/ de'i phyir shel la mig bcug nas bltas pas/ sangs rgyas kyi rang lus 'od kyi phung po la/ 'od kha dog lnga phra la dwangs pa/ gsal la 'tsher ba/ rang bzhin gyis bkrag la nyam nga ba/ kha dog lnga tse re re/ mngon sum du 'char bas/ de dag ye shes kyi snang ba yin no// de bzhin du rang gi rig pa'i rang gdangs 'od kha dog lnga ldan du yod do// rang gi rig pa'i rang 'od ngo shes par byas la/ rang 'od la ma yengs par blta'o// de ni dag snang lta ba'i yang lta ba yin no// nyi ma la ngo sprod pa ni/ mig gi steng du ther ma skab la blta'o// de la 'od zer mtshon cha'i rtse mo 'phro ba bzhin du 'byung ste/ / de nyi ma phyed la bltas pas 'khrul snang dag snang du 'char ro// 'dra 'bag gam/ sku gzugs sam/ zhing khams nyi ma la bzhag nas shel la bltas pas/ longs sku kha mig rna ba can du 'char ro/ / de ji lta ba bzhin du bar do longs sku'i snang ba 'char tsa na/ rang snang du ngo shes par de nyid du grol 'gro'o// dpe'i ngo sprod kyis don la phab bo// don gyi ngo sprod kyis don la thag chod/ snang ba sna tshogs su 'char yang rang snang rang byung yin pas/ tha chod rang la gyis shig/ 'di phyi gnyis su med de/ blo 'das rtsol med du grol lo// lan cig dus kyi tha ma la/ skal ldan las 'phro can dang 'phrad nas 'di la longs spyod shog/ ces gsungs so// kha thaM//// @#/ rgya gar skad du/ sarba bud+d+ha tsit+ta ma hA gu h+ye tan+t+ra/ bod skad du// sangs rgyas thams cad kyi thugs gsang ba chen po'i rgyud/ bcom ldan 'das 'bras bu thams cad kyi mnga' bdag la phyag 'tshal lo// 'di skad bdag gis bstan pa rang 'byung ba'i dus gcig/ yul chos nyid la ye shes zang thal du shar/ zhing khams thams cad ye shes su ma sgribs par gsal ba'i dus gcig na/ sna tshogs yul snang thams cad ni long spyod rdzogs pa'i sku/ 'byung ba'i sgra thams cad ni bstan pa'i gsung du sgrogs pa/ ji ltar 'gyu zhing dran pa thams cad ni thugs rnam dag chen po'i klong brdol nas chos nyid don gyi nam mkha' la gnas lugs rig pa'i sgra ni bsgrags/ chos sku nyag gcig spros dang bral ba'i sprin phung ni gtibs/ gnyis med mnyam pa'i char chen po ni phab/ nyon mongs bdag tu 'dzin pa thab ni rlan/ gdul bya yul can rnam rtog ni bcad/ sems can 'khor bar yun rings gnas pa rnams ni drangs/ phyogs bcur khyab pa'i dung ni bus/ theg pa mtha' dag gi sgra ni grags/ sangs rgyas thams cad kyis byin gyis brlabs las shar ba'i tshig gi rgyal po 'di dag rang byung zhing rang bcas pa'o// sangs rgyas thams cad ky-i thugs gsang ba chen po'i rgyud las/ / byin brlabs rdzogs ldan rang shar gyi le'u ste dang po'o//// de nas bcom ldan 'das dpal kun tu bzang po mnyam rdzogs chen po'i dgongs pa las bzhes nas 'byung ba rang zad kyi dgongs pa la a ra ha ne'o/ / de'i tshe rdo rje 'chang la sangs rgyas thams cad kyi 'phrin las chen pos mnga' dbang rdzogs par bskur nas/ nam mkha' rnam dag gi dgongs pa'i klong nas/ rdo rje sems dpa' la bka' stsal ba/ e ma ho/ bskal pa stong phrag bcu dgu dang// nyer nyer lnga dang ban bun bdun// phyal phyol bgrang las 'das pa las// mngon 'phags dran pa mgon po yis// sangs rgyas dus gsum bzhugs rnams kyi/ / gnyis med klong nas dran g.yos te// karma tsakra 'phrin las bzhis// las la bskul te stong gsum 'dir// 'od lngas khyab cing gsal bar byas/ de yi sangs rgyas sems can rnams/ 'byung ba rgyu mthun gcig pa'i mthus/ / sa rnams g.yos shing sgra rnams bsgrags// snang ba 'od kyis gsal bar byas// byin brlabs rdzogs ldan rang byung gis// ma byas sgrub bral rang byung tshig/ 'byung ba'i sgra dang bral ba'i phyir/ / gzhi ma rin chen sna lnga dang// mthing shog sngon mo'i byang bu la// mar gad ljag khu rin chen lnga// rang nan yi ge rgya yis btab// rin chen shel gyi glegs bam du// gtams dang rin chen 'khor lo yis/ / za tog mtheb gang nag btsal nas// chos nyid nang gsal nam mkha' la// nyi ma sprin las thar pa ltar// 'od snang sgra dang bcas te babs// de tshe rigs drug gnas su ni/ yun rings 'khor rnams dbugs phyung ste/ 'das pa nyid la 'khod gyur to// sangs rgyas bye ba dung phyur gyi// rang byung byin brlabs chu rgyun te/ chos sku spro bral thugs la babs/ 'khor ba'i dong nas 'don slad du// 'gro ba'i don la 'phrin las bskul/ / de tshe nyid kyi rang byung 'di// gsal snang 'od kyi nam mkha' la// mi zad rin chen rgya dang ni// mi shig rdo rje rgya yis btab// de la rlung gi 'khor lo phog/ rlung de reg pa'i sems can rnams/ / yang dag nges pa'i sa la 'khod/ da lta'i 'phrin las rang byung ste// nus pa'i mthu dang rab ldan yang// 'di la longs pa'i dpa' bo nyung// de tshe nga nyid 'phrin las ni/ rtsal rnams rdzogs pa'i ting nge 'dzin/ de la snyoms pa zhugs pa'i dus// 'das pa'i dus kyi sangs rgyas ni/ bye ba dgu khri bsam 'das kyi// 'khor ba dong tshogs dbang yang bskur// rtags su rang byung chen po 'dis// de tshe nga yi spyi gtsug rgyan/ / nyid kyis kun tu bltas pa yis// 'phrin las thogs med sku yang thob// de don gzhan gyis brjod mi nus/ zhes bka' stsal to// de nas rdo rje sems dpa' zhes bya ba/ dus gsum gyi bde bar gshegs pa thams cad kyi thugs rdo rje'i lte ba las 'khrungs pa de nyid gling bzhi brgyan pa'i zhing khams brdal ba chen po'i 'phrin las la dbang bar ma bskur nas/ rang byung gi yi ge chen po rdo rje sems dpa'i phyag mthil g.yas su 'phangs te/ ci yang mi gsung bar zhal gyi dkyil 'khor sbas te bzhugs so// de'i tshe rdo rje sems dpas za ma tog zhal phye ste/ bltas pas ngo mtshar bar snang yang/ gsang ba chen po rdo rje'i tshig 'di shigs par ma gyur nas/ / thugs mnyam par bkod pa'i mthus gsol ba btab pa/ sa g.yo ba chen po yang byung/ sgra chen pa yang grag/ 'od kyi snang ba chen po yang byung ste/ bltas pas rang byung gi yi ge chen po 'gro ba so so'i skad kyi rigs ltar snang bar gyur cig/ ces yang byung ngo/ sgra des zhing khams 'di nyid du sgra rnams ji snyed pa'i sgrar rang snang ba'o// sangs rgyas thams cad kyi thugs gsang ba chen po'i rgyud las/ ngo mtshar ba'i ltas mthong zhing rjes su bzung ba'i le'u ste gnyis pa'o//// de nas ston pas zhal gyi dkyil 'khor phye nas bka' stsal pa/ e ma ho/ sangs rgyas dus gsum bzhugs pa'i thugs/ / rang byung chen po'i yi ge 'di// kun gyis rtogs pa ma yin te// 'jug sgo lam la sbyangs pa yang// 'di ma matong bar grol ba med/ 'das dang ma byon da ltar gyi// ye shes gnyis ldan sangs rgyas rnams/ / 'di dang ma 'phrad 'bras bu ni// ma thob mi thob thob mi 'gyur// bstan pa'i 'jug sgo phrag yas rnams// sbyang bya blo yis rig rtsal las// mi ldog nges pa'i 'bras bu la// rdul cha tsam yang reg pa med/ / de phyir zhing khams gang gzhan du// myang 'das 'bras bu sus thob tshe/ 'di dang 'phrad nas grol ba yin// 'di nyid bstan pa'i kha dog tu// gang gi lusal 'chang ba de'i// glegs bam de ni lan gsum nga/ / 'phar zhing rang 'od lnga po 'byung// de yi tshe na lan gsum du// rdo rje lce yis bklag par bya// de yang de dang skal ba mnyam// 'di dang 'phrad ba'i skyes bu de// rim gyis rtsal ba sngar sbyangs shing// tshogs gnyis shing rta'i 'khor lo ltar/ / zung 'jug lam yang sngar sbyangs shing// bag chags las kyi bal gsham bregs// de lta'i gang zag de dang 'phrad/ de la yid gnyis the tshom bral// de lta ma yin gang zag rnams/ / 'di dang gal te 'phrad gyur kyang// yid gnyis blo yis spong bar 'gyur// de nyid spangs pa'i sems can rnams/ mnar med gnas su yun ring gnas// de na rang byung yi ge 'di// nges pa'i shes par spyan par bya/ / de ltar 'chang ba'i sems kyi bu// bya ba'i gnad dang grol ba yi// rgyud kyi 'gro don 'di ltar bya// rin chen mthing shog byang bu la// bstan pa gang 'dzin de yi ni// rin chen snying pos bris byas la/ / mu tig dmar po'i snod du gtam// de yi tshad ni sor bzhi'o// de nyid lus dang yongs mi 'bral// rang gi phung po 'dor dus su// rnam dag 'od gsal zhing khams su// 'bras bu gang la 'od phyung ste/ / rang bzhin sprul pas 'gro ba 'dul// de nyid shi 'phos mya ngan 'da'// e ma to/ 'di dang 'phrad pa'i skal ldan des// 'gro ba'i don nyid byed 'dod na// 'di bris glegs bam dam pa de/ / gang zhig pha rol 'pho ba'i tshe// tshe 'das de yi spyi gtsug gam/ lus la btags te mer sbyangs na// 'od gsal la 'phos 'ja' yang 'byung// dran rig dbyings grol sgra yang 'byung// sa lam chig chod sa yang g.yo/ / rang snang rgya yan sku yang 'byung// thig le mthar phyin gsung yang 'byung// sprul pa'i gzugs sku thob rtags rnams// yid spyod 'dzin pa'i theg pa ltar// sgrub pa ma yin byas byung min// ma byas lhun yis grub pa'i don/ / rang byung 'gro don de ltar bya// yi ge mi spel gsang bar rigs/ spel na rang byung bka' dang 'gal// gsang zhing tshig tsam khar mi dbyung// 'di nyid lus la bcangs pa na// dus gsum rgyal ba'i gdung yang 'dzin/ / 'byung pa'i sgra don goms pa gces// 'das dus sku gsum bzhugs ltangs lta// 'bru gcig dpa' bo hU~M la bslab// mi rgyud rang yal 'dod pa na// sgron ma 'bar ba'i 'khor lo gzung/ / de ltar byed pa'i skal ldan bu// 'byung ba rang yal 'khor ba grol// lhag ma med par zag bcas lus// 'od gsal nyid du dwangs snyigs phyed// de phyir gsang chen nges pa ni// yid spyod 'dzin pas khyad 'phags phyir/ / ma sgrub sku yang lhun gyis grub// 'byung ba zad ba'i sa la phyin// rang byung gdong ma'i klong du phyin// de phyir rang byung chen po yi// gsang rgyud 'di ni rab dkon phyir// phal pa 'di nyid snang ba min/ / seng ge 'gying 'dra'i gnas nyid du// thabs dang ldan pas sba bar bya// e ka nag mo ral gcig ma// b+ha ling byin te gnyer gtad bya// las can 'byung phyir bka' yang grol// de byas rang byung chud mi za/ / yang na rang gi lus dang 'grogs// sgyu lus 'dor tshe snod ldan bu// gcig las gzhan du spel gyi bya// rgyas gdab 'gro don snang ba sbyin// des kyang bka' bzhin rjes su bsrungs// de bas mang na chad pa chod/ / 'di 'dra zhing khams gzhan na med// yang nas yang zhus bstan pa'i bcud// nga yi bka' bzhin bsrung zhes pa'i// mgon po'i tshogs rnams ma g.yel cig/ ye shes las las grub pa yi// dur khrod skyong ba'i mkha' 'gro ma/ / yud tsam 'di dang ma bral cig/ dam med bdud chod srod rtsa chod// rigs kyi bka' sdod lcags gdong can// bka' log spyod pa'i srog rtsa chod// srungs shig skyongs shig sa ma ya/ / ma ma ru lu ru lu trag tsa tsa tsit+ta ru dra mar ya rbad b+h+yo/ gnyer gtad bcol lo// sangs rgyas thams cad kyi thugs gsang ba chen po'i rgyud las/ byin brlabs 'gro don snang ba'i le'u ste gsum pa'o/ /// de nas 'byung ba rang gnad kyi dgongs pa byin brlabs rang byung du snang ba'i tshig/ sprul sku'i sa bon 'phel bar byed pa// sku gsum rang snang du rdzogs pa'i thig le/ zhing khams phyogs med du lta ba'i me long/ / drang snang rang yul du spyod pa'i 'khor lo// gdos bcas 'khrul pa 'jig pa'i gzong bu/ sa lam dus gcig gcod pa'i rlung shugs// bstan pa chig rdzogs su bstan pa'i rtsal chen/ dus gsum gyi sangs rgyas rang byung gi yi ge'i gzugs su snang ba/ / byin brlabs rang byung du babs pa'i tshig 'di lta ste/ dran snag thams cad khams las byung bas/ khams rang yal la bslab pa'i thabs kyi rgyal po/ dran rig phyag rgya'i ngang du sbyor cig/ bden pa'i mthu smin par gyur cig/ oM AHhU~M/ chos rnams mnyam par bstan pa'i phyir// sarba d+harma ma a sid+d+ha ye/ bde gshegs dgongs pa bstan pa'i phyir// ta thA ga ta d+harmA kA ya/ 'byung ba gnas su dag pa'i phyir// yam e ra yaM khaM raM su b+hi yA/ rig pa mngon sum bslab pa'i phyir// su ta a ba d+harmA ho// dgongs pa rang gnad dbab pa'i phyir// sa ma ya ta kra ma ti/ dam tshig chen po'i dgongs bstan phyir/ / a b+hi sarba ma hA b+ha// 'khrul pa'i ngo bo rang dag phyir// sarba karma lo ki ya// ye shes snang ba dag bya'i phyir// d+harmA dz+nyA na tra du yA// skye shi rtsad nas gcad pa'i phyir// kA ya wa ga tsit+ta u pa li/ / dug lnga gnas su dag pa'i phyir/ du ba si ta lokaM/ dam tshig chen po gtan la dbab pa'i phyir// sa ma cha a pa ha ra he/ rang bzhin mnyam pa'i dgongs bsten phyir// la ya d+harma a a a/ spros bcas chos nyid la bslab phyir/ / pra b+ha d+ha na d+harmA ma ta yA// chos rnams stong par myang 'das phyir// sarba d+harmA a ya ti// dge sdig thams cad la bzla'i phyir// karma th+ya sarba du yA+e/ dbang po'i zhen pa bzlog pa'i phyir// karma rag sha g+hi hang hi/ / phung po'i zhen pa bzlog pa'i phyir// b+he ga ra na so gad kling// yul kun zhen pa bzlog pa'i phyir// b+hu ga ra la b+ha du tri// sems kyi dngos po spur pa'i phyir// raM pa ka las mi khye// byung tshor gnas su gcad pa'i phyir/ / ma tang pha pher rasmi ti// 'dus tshogs snang ba ngos bzung phyir// khaT re Ta sa mig rlung// rig pa gcen rar gzhug pa'i phyir// a ker na b+he tsag sha/ 'khrul pa'i rang rgyud khung gcad phyir/ / ya ri mu ta sa g+hu li// rigs drug rim gyis bsgral ba'i phyir// ya sing ra DUng pa la ya// 'khor ba dong nas 'don pa'i phyir// ma ma ko ling sa ma n+ta/ chos can thur du gzhug pa'i phyir/ / g+ha ri raM pa par ma ti// rol pa'i byung khung spur ba'i phyir// b+hu ha sing ha pha g+ha la// zhen pa'i 'phreng thag gcad pa'i phyir// ri ma pi pi khe ta pa// lu gu rgyud ar la gtad pa'i phyir// b+hig khu ma la pa taM gi/ lha yi phyag rgya blta ba'i phyir// sa ma nyi wa d+he ra pa// lta sgom log pa dag bya'i phyir// badzra sa two ti to ma// sa lam dus gcig gcad pa'i phyir// g+ha ba pu g+ha rna rma ye/ yid spyod lta ba khungs gcad phyir// rdarmA a to la sa g+hU li/ / sku gsum lam du bslang ba'i phyir// ras mis ma kha rgad tse// snang ba dngos su blang ba'i phyir// ru pas mi mi ta lam// sgra yi zhen pa mtha' gcad phyir// da tig ba yang ka li sa// bsam gtan chen po'i sa non phyir/ / g+ha tsha pa la sa mi traM// 'phrin las mtha' ru dbyung ba'i phyir// karma e a a nu sa// sangs rgyas mngon zhen bzlog pa'i phyir// sang kri ma ma krarma ta/ rgyal sras rnams kyi gnas btsal phyir/ / nga la khe pa ki lis// 'di kun rang shug tshig tu byon// sangs rgyas thams cad kyi thugs gsang ba/ chen po'i rgyud las/ phrin las 'dul tshig rang sgra'i le'u ste bzhi pa'o//// de nas thugs kyi gsang ba chen po 'di dag rang byung ngo/ e ma ki ri ki ri/ smas ta b+ha li/ sa mi ta su ru su ru/ kun d+ha li ma su/ i ka ri li b+ha ta ye/ tsa ka b+hu li ta lca ye/ sa mun+ta tsar+ya su g+ha ye/ b+hi ti sa ma ya/ b+hi g+hu ye/ ki ri d+ha ki na/ d+ha pa ma hA ri b+he/ ha na pa ra li hi/ sa naM kha ra ta ke lan na/ saM b+hu ta me ka tsa ra sta/ d+ha pa su rgya ta ra a/ ma sha ba ra b+hi hi/ tis g+hu ra la/ ma smin g+hu ti ta ya g+hu ra/ g+hu ra b+ha ra laM/ ga kha la ra na laM/ i tha ra pa ta laM/ sir rna b+he sa ra laM/ paM ge laM/ sa sA ri rI li lI/ i I/ ma mA/ ra rA/ 'chang ba po'i dgongs pa thams cad rgyas par gyur cig/ gzungs 'di gang yang rung bas bcang na dus ma yin par 'chi ba thams cad las ldog par 'gyur ro/ / sangs rgyas pa'i rtags su sku dang/ gdung dang/ ring bsrel yang 'byung bar 'gyur ro/ sangs rgyas thams cad kyi thugs gsang ba chen po'i rgyud las/ gsang tshig gnad kyi le'u ste lnga pa'o/ /// de nas yang bka' stsal pa/ e ma ho/ 'di ltar gsang ba'i yang gsang nyid// skal ba dman pa'i sems can la// bstan par gyur na lus dang ngag/ me 'bar kha nas khrag tu skyug/ na rag zug rngu chen po myong// dus gsum sangs rgyas mthu bsdoms pa'i// 'phrin las gsang bar dbang bskur ba// kun bzang chos sku ma rtogs pa'i// dus gsum 'dul don tha dad pa'i/ sangs rgyas bye ba dung phyur gyis/ 'di nyid bstan ma nus re skan// 'di 'dra'i bstan pa dus gsum du// ma byung mi 'byung 'byung mi 'gyur// de yi phyir na gsang ba yin// rang byung yi ge sum cu brgyad// skad kyi rigs ltar rang snang yang/ / bstan pa 'byung byed bskal pa dag/ ban bun phrag yas bsam las 'das// yon tan rdzogs pa'i bskal pa ni// sum cu brgyad du snang ba las// rgyun chad ma mnga' bka' ru can/ / yul la rdzogs phyir de ltar ro// de ltar rang byung gsang tshig 'di// blta ba 'am klog tshe mi med par// bdud phyogs nag po'i mi min dben// de ru gsum po la mchod cing// sa bdag gnyan la bden pa sgo/ / bka' srungs tshogs dang gtor mas bskang// bla ma gsol gdab rang byung la// phyag bya ngo mtshar sems kyis lta// klog par bya ba'ang de dang mtshungs// 'di dag dben par bya ba yang// ci yi phyir na lnga brgya yi/ / tha ma'i sems can log lta dang// phrag dog skur ba'i sems dang 'grogs// bstan pa 'di la skur btab nas// dus gsum sangs rgyas thams cad kyi// sku gsung thugs la brnyas par 'gyur/ / skal ba dman pa'i sems can de// zug rngu'i gnas las thar thabs med// mi min nag po'i sems ldan yang// 'di thos tshe na gdug sems de// mes bsregs rlung gis 'thor la sogs// bzod med sdug bsngal zin par 'gyur/ / de phyir mi dang mi min gyis// thos pa'i sa ru bsgrags pa min// dben pa gsang bya de bzhin no// bag yod dran ldan sems kyis chongs// rlung g.yos chu zlog ri rab ni/ / rdul phran bzhin du bsil 'gyur zhing// nyi zla thang lhung bskal pa'i me// 'bar zhing bsreg pa'i dus byung yang// tshig cing byung ba ma yin no// chu go mi gdon 'khor lo gz-ir// rin chen gsang ba chen po'i gnas/ / zur brgyad 'od gsal 'byung ba'i lam// sku yi lam du a tham mo// de ltar 'chang ba sems kyi bu// de ltar byin brlabs klu yis gter/ zhes gsungs so// sangs rgyas thams cad kyi rgyud gsang ba chen po'i rgyud las/ bcang thabs kyi le'u ste drug pa'o//// de skad ces bka' stsal ba dang/ dpal rdo rje sems dpa' la sogs pa sangs rgyas thams cad dang// byang chub sems dpa' dang/ sems ma dang/ bka' srungs rnal 'byor ma'i tshogs dang bcas pa rab tu dga' mgu yi rangs te/ bcom ldan 'das rdo rje 'chang gis gsungs pa la mngon par bstod do// sangs rgyas thams cad kyi thugs gsang ba chen po'i rgyud/ yang dag pa'-i ngang du rdzogs so//// gter nas gter du btsas pa// rgya rgya rgyaHoM AHhU~M//// rgya gar skad du/ ma hA sarba hri da ya/ bud+d+ha nA ma/ ma hA ka la tan+t+ra nA ma/ bod skad du// bstan pa thams cad kyi snying po sems can thams cad la sangs rgyas rang chas chen por bzhugs pa'i rgyud ces bya ba/ / sangs rgyas 'od med 'gyur ba la phyag 'tshal lo// 'di skad bdag gis thos pa'i dus gcig na// chos kyi dbyings spros pa dang bral ba'i ngang na// rang byung rig pa'i rgyal po sangs rgyas 'od phung po chen po/ / rgyal ba rigs lnga dang 'du 'bral med par bzhugs so// 'di skad bdag gis bstan pa'i dus gcig na// mtshan rdzogs rdo rje 'chang gi zhing khams// 'od dpag med kyi yul rnam par grol ba'i sangs rgyas 'od kyi phung po chen po zhes bya ba bzhugs so/ / de'i tshe gsang ba'i bdag pos 'di skad ces zhus so// kye kye sangs rgyas 'od phung chen po// rgyan 'od kyi phung po chen po// sangs rgyas kyi sku gsum gsung du gsol/ ces zhus so// rnam par grol ba'i sangs rgyas 'od kyi phung pos bka' stsal pa// sangs rgyas chos kyi sku ni rang gi snying gi dkyil na bzhugs so// ye shes zang thal gyi sku ni rang gi mig gi dkyil na bzhugs so/ / sangs rgyas khro bo'i sku rang gi klad pa'i dkyil na bzhugs so// zhes gsungs so// de nas sangs rgyas 'od kyi phung pos 'di skad ces gsungs so// gsang ba'i bdag po// rang gi snying gi dkyil na sangs rgyas 'od phung chen por bzhugs so/ / sangs rgyas chos kyi sku rten pa rang gi lus la brten no// bzhugs pa snying gi dkyil na bzhugs so// gsal ba rang gi mig na gsal lo// rang gi snying gi nang na sangs rgyas bzhugs pa ni/ / rang gi rig pa ma 'gags pa wal le ba 'di rang yin no// rang gi shes pa wal le ba 'di sangs rgyas chos kyi sku yin no// ye shes zang thal rten pa rang gi mig la brten no/ / gnas pa rang gi mig gi 'bras bu'i dkyil na gnas so// gsal ba mthong ba ma 'gags par gsal lo// rang gi mig gi 'bras bu'i dkyil na mthongab ma 'gags par zang thal gsal ba 'di// sangs rgyas ye shes zang thal gyi sku yin no/ / rang gi klad pa'i nang na sangs rgyas khro bo'i sku thams cad thugs rjes 'dzin byed lcags kyu dang bcas nas bzhugs so// rang gi klad pa'i nang thams cad 'od lnga mer re yod do/ / zhes gsungs so// de nas yang gsang ba'i bdag pos 'di skad ces bzhus so// kye kye sangs rgyas 'od dpag med chen po// sangs rgyas kyi ngo bo gsum gsung du gsol// zhes zhus so// 'od dpag med chen pos bka' stsal pa/ / gsang ba'i bdag po sangs rgyas kyi ngo bo rangagi rig pa skye shi mi mnga' ba 'di yin no// rig pa'i ngo bo ma 'gags par sal le gsal ba 'di yin no// rig pa ma 'gags par wal le sal le ba 'di sangs rgyas yin no/ zhes gsungs so// de nas yang gsang ba'i bdag pos 'di skad ces zhus so// kye kye sangs rgyas kyi rangalus gsum gsung du gsol// ces zhus so/ / sangs rgyas 'od phung chen po bka' stsal pa// gsang ba'i bdag po sangs rgyas rangagi lus 'od kyi phung po 'di yin no// 'od kha dog rnam pa lnga phra la dngas pa// gsal la 'tsher ba// rang bzhin gyis bkrag la nyam nga ba mer mer por yod do/ / rang gi rig pa 'od kyi phung po chen por bzhugs pa 'di ka sangs rgyas kyi dgongs pa yin no// sangs rgyas rang lus 'od kyi phung po zhes bya ba'o// sangs rgyas 'od kyi phung po med na snang gsal gyi mtha' dgags pas/ / mu stegs chad pa dang khyad med du 'gro// rdo rje 'dzin pa sangs rgyas rang gi rig pa ma 'gags par sa le ba 'di yin no// rang gi rig pa 'od kyi phung por shes par gyis shig/ ces gsungs so// de nas yang gsang ba'i bdag pos 'di skad ces zhus so// kye kye sangs rgyas 'od phung chen po// sangs rgyas kyi med pa gsum gsung du gsol// zhes zhus so// de nas sangs rgyas 'od kyi phung pos 'di skad ces bka' stsal to/ / gsang ba'i bdag po rang gi rig pa chos kyi sku la// rang gi rig pa'i ngo bos ma 'gags par gsal bas sangs rgyas kyi dgongs pa yin no// rig pa dang mi 'bral bas sgom du med/ / skye shi med pa yin no// sangs rgyas dgongs pa la sgom du med pa yin no// sangs rgyas kyi dgong pa ngo shes na las dang dge sdig med pa yin no// zhes gsungs so// de nas yang gsang ba'i bdag pos 'di skad ces zhus so/ / kye kye sangs rgyas 'od phung chen po// sangs rgyas kyi yod pa gsum gsung du gsol// zhes zhus so// 'od phung chen pos bka' stsal pa// sangs rgyas kyi ngo bo rang gi rig pa gsal stong dbyer med par yod do/ / sangs rgyas kyi rang lus 'od phung chen por yod do// ye shes kyi sku la gsal 'grib med pas// sku dang ye shes rgyun chad med par yod do// zhes gsungs so/ / de nas yang gsang ba'i bdag pos 'di skad ces zhus so// e ma ho// sangs rgyas 'od phung chen po// sangs rgyas kyi gnas gsum gsung du gsol// zhes zhus so// de nas sangs rgyas 'od phung chen pos bka' stsal pa/ / gsang ba'i bdag po khyod nyon cig/ sems can thams cad la rang gi snying gi dkyil na// chos sku stong pa rig pa snying po can du gnas so// rig pa 'od kyi khang pa can du gnas so// 'od mtha' med pa'i yul can du gnas so/ / zhes gsungs so// de nas yang gsang ba'i bdag pos 'di skad ces zhus so// e ma sangs rgyas 'od phung chen po// sangs rgyas kyi 'char lugs gsum gsung du gsol// zhes zhus so/ / sangs rgyas 'od phung chen pos bka' stsal pa// rang rig gsal stong dbyer med 'od kyi phung po chen por bzhugs pa 'di la// rang gi shes rab kyis brtsal zhing brtags na// mngon rtags thams cad 'phral pa 'char ro/ / rang gi mig srid pa'i me long la bcug nas ma yengs par bltas bltas pas// sangs rgyas kyi zhing khams rnam par dag pa mngon sum du 'char ro// ma rig pa 'khrul pa'i snang ba'i 'gags pas dag pa ye shes kyi snang ba 'char ro/ / zhes bka' stsal to// de nas gsang ba'i bdag pos 'di skad ces zhus so// e ma sangs rgyas 'od phung chen po/ sangs rgyas kyi grol ba gsum gsung du gsol/ / zhes zhus so// bcom ldan 'das rnam par grol ba'i bde bar gshegs pa 'od kyi phung pos bka' stsal pa// gsang ba'i bdag po khyod nyon cig/ rig pa sems dang bral bas gzung 'dzin rnam rtog dang bral lo/ / rig pa gcer bu ru phyung bas rang 'od yul la shar nas// yul ye shes su grol lo// ye shes kyi sku la mtshan ma'i zungs med pas las dge sdig rnam smin las grol lo// zhes bka' stsal to/ / de nas yang gsang ba'i bdag pos 'di skad ces zhus so// sangs rgyas 'od phung chen po// sangs rgyas kyi mi dgos pa gsum gsung du gsol// zhes zhus so// sangs rgyas kyi 'od kyi phung pos bka' stsal pa/ / snang ba rang log 'ong bas las ngan bag chags sbyang mi dgos// ye shes tshang khab 'ong bas ched du sgom mi dgos// rang gi rig pa skye shi med pas 'khor ba'i sdug bsngal spang mi dgos// zhes gsungs so/ / de nas yang gsang ba'i bdag pos 'di skad ces zhus so// kye kye sangs rgyas 'od kyi phung po/ sangs rgyas kyi dgos pa gsum gsung du gsol// zhes zhus so// sangs rgyas 'od kyi phung pos bka' stsal pa/ / rang gi rig pa 'od kyi phung por ngo shes dgos so// rig pa rang gi ngo bo ma 'gags par wal le khyug ge gsal ba'i 'di ka sangs rgyas su ngo shes dgos so// sangs rgyas kyi sku la mtshan ma'i gzugs med pas/ / sangs rgyas kyi sku dang sangs rgyas kyi ye shes tha dad du 'dzin pa'i rtog pa'i las grol te// gcig tu shes dgos so// zhes gsungs so// sangs rgyas rang chas chen po'i rgyud las sangs mngon sum du bstan pa'i le'u ste dang po'o/ / de nas yang gsang ba'i bdag pos 'di skad ces zhus so// kye kye sangs rgyas 'od kyi phung po chen po// chos kyi sgo mo brgyad khri bzhi stong ji snyed ceg gsungs kyang/ / chos thams cad kyi rtsa ba gdams ngag tu 'dus pas// gdams ngag thams cad kyi dmar thag gar bcad ces zhus so// sangs rgyas 'od kyi phung pos bka' stsal ba// rang 'chi ba'i tshe drod rkang mthil nas yal nas/ / spyi bo tshangs pa'i bu ga na yar la 'thon// sems glo ba'i nang nas 'thon nas dbugs sna sgor chad// sangs rgyas snying gi nang nas 'thon mig na yar la byon pa'i dus su// 'khor ba ru bzlog nas snang srid thams cad 'od kyi sku ru 'char ro/ / snang srid 'od dang sku ru shar ba de/ rang gi rig pa'i shar lugs sam// rang snang sam/ rang gdangs rang la shar ba shes pas// rang 'od sku dang gnyis su med par thim nas sangs rgyas pas/ / gdams ngag gi dmar thag snang srid thams cad 'od dang sku ru shar ba'i dus su bcad do// zhes gsungs so// de nas gsang ba'i bdag pos 'di skad ces zhus so/ / e maho/ sangs rgyas 'od kyi phung po chen po// gdams ngag de dag nam dgos na bdag 'chi 'bi dus su dgos pas// bdag 'chi ba'i dus kyi dmar thag gar bcad ces zhus so// sangs rgyas 'od phung chen pos bka' stsal pa/ / gsang ba'i bdag po 'chi ba la 'chi lugs rnam pa gnyis yin no// kun tu bzang mo'i ngang du 'chi ba dang// kun tu bzang po'i ngang du 'chi ba'o// kun tu bzang mo'i ngang du 'chi ba ni/ / nang srog pa rtsal 'dus nas 'chi ba yin pas// na tsha zugs gzer med par nyal te 'chi'o// kun tu bzang po'i ngang du 'chi ba ni// nad thams cad snying la 'dus nas 'chi ba yin pas// na tsha zug gzer shin tu che ba yin no/ / na tsha zug gzer lhag pa re la rtogs pa'i shes rab lhag par skye bas// bdag 'chi ba'i dus su dmar thag kun tu bzang po'i ngang du 'chi ba la thag bcad do// zhes gsungs so// de nas yang gsang ba'i bdag pos 'di skad ces zhus so/ / e ma ho// sangs rgyas 'od kyi phung po// shi nas gdams ngag thebs pa gcig sangs rgya bas// bdag sangs rgya ba'i dmar thag gar bcad ces zhus so// de nas sangs rgyas 'od kyi phung pos bka' stsal pa/ / gsang ba'i bdag po// sangs rgyas la gnyis yin no// chos nyid ma dang phrad pa dang// ye shes rang sa zin pa'o// chos nyid ma dang phrad pa ni// 'khrul snang 'gags nas dag dngul dkar gyi yang zhun nam/ / me long g.ya' dag pa 'am// nam mkha' rnam par dag pa lta bur don chos nyid dag pa yin no// snang 'char ba yin no// ye shes rang sa zin pa ni 'od lnga ngo shes rang 'od kyi snang ba la gnyis su med par thim nas sangs rgyas pas/ / bdag sangs rgya ba'i dmar thag chos nyid ma dang phrad pa'i dus su bcad do// zhes gsungs so// sangs rgyas rang chas kyi rgyud las/ / dmar thag bcad pa'i le'u ste gnyis pa'o// de nas yang gsang ba'i bdag pos 'di skad ces zhus so// kye kye/ sangs rgyas 'od kyi phung po// sangs rgyas kyi mtshan lnga gsung du gsol// zhes zhus so/ / sangs rgyas 'od kyi phung pos bka' stsal pa// gsang ba'i bdag po// sangs rgyas 'od kyi phung po'i mtshan lnga ni// yang dag par rdzogs pa'i sangs rgyas chos sku thig/ nyag gcig sems 'phrul rtog dang bral ba dang/ / thog ma'i sangs rgyas pa la rtsal shar bas// 'od mi 'gyur ba dang rig pa 'dzin chags dang bral ba// kun tu bzang po dang// sangs rgyas 'gres rgud mi mnga' ba// gzhon nu bum pa'i sku dang/ / rang bzhin lhun rgyu rkyen dang bral ba byed mkhan med pa gyis grub pa'i sangs rgyas dang lnga yin no// kye rdo rje 'dzin pa khyod nyon cig/ rang gi shes rig gi ngo bo 'di dngos po dang kha dog gang yang ma grub par/ / stong sang nger 'dug pa 'di ka chos nyid kun tu bzang mo yin no// stong pa brdo tsa na stong pa byang chub du ma song bar// rang gi shes rig wal le gsal ba 'di ka rig pa kun tu bzang po yin no/ / rang gi rig pa ngo bo stong pa dang shes rig ma 'gags par gsal ba dbyer med du 'dug pa'i 'di ka yang dag par rdzogs pa'i sangs rgyas nyag gcig yin no// rang gi rig pa gsal stong dbyer med 'di ka sangs rgyas nyag gcig tu shes par gyis shig/ rang gi rig pa ma 'gags par sa le gsal ba 'di ka rig pa kun tu bzang po yin no// gsang ba'i bdag po rang gi rig pa 'gags med du 'char ba 'di ka sangs rgyas kun tu bzang por shes par gyis shig/ rang gi rig pa 'od kyi phung por bzhugs pas// 'di la skye shi med pas sangs rgyas 'od mi 'gyur ba yin no// rigs kyi bu rang gi rig pa 'od du 'bar ba 'di/ / sangs rgyas 'od mi 'gyur ba yin par shes par bya'o// rang gi snying gi nang na// rang gi rig pa 'od kyi phung por bzhugs pa de sangs rgyas yin no// rang gi rig pa 'od kyi phung po la skye shi med pas gzhon nu yin no/ / bum pa'i nang du mar me btang ba bzhin snying gi dkyil na rang gi rig pa 'od kyi phung po chen po gsal la rtog pa med par bzhugs pa de bum pa'i sku yin no// rigs kyi bu rang gi snying gi dkyil na/ / sangs rgyas 'od kyi phung po bum pa'i nang gi mar me bzhin yod pa de sangs rgyas gzhon nu bum pa'i sku ru shes par gyis shig/ sangs rgyas chos kyi sku rten pa rang gi lus la brten nas yod do// bzhugs pa rang gi snying gi dkyil na bzhugs so/ / gsal ba rang gi mig na phar la gsal bas// rang bzhin lhun gyis grub pa'i sangs rgyas yin no// gsang ba'i bdag po rdo rje 'dzin pa chen po// rang gi mig gi 'bras bu'i dkyil na/ / mthong ba ma 'gags par gsal ba 'di ka rang bzhin lhun gyis grub pa'i sangs rgyas yin no// de ngo shes par gyis shig ces bka' stsal to// kye gsang ba'i bdag po sangs rgyas chos kyi sku ni/ / ngo bo rang bzhin thugs rje gsum du bzhugs so// ngo bo ni rang gi shes rig ngo bo sang nge bsalale ba 'di ka sangs rgyas kyi ngo bo yin no// rang gi rig pa rang bzhin 'od kyi phung por bzhugs pa yin no/ / thugs rje ni 'od lnga'i sbugs na sangs rgyas rigs lnga'i sku bzhugs pa yin no// ngo bo rang bzhin thugs rje gsum du 'du 'bral med par snying gi dkyil na bzhugs so// de ngo shes par gyis shig/ ces bka' stsal to// sangs rgyas rang chas kyi rgyud las// bde bar gshegs pa'i mtshan bstan pa'i le'u ste gsum pa'o//// de nas yang gsang ba'i bdag po rdo rje 'dzin pa chen po des 'di skad ces zhus so/ / e ma ho/ sangs rgyas 'od phung chen po// ma rig pa'i sems rnam par grol ba'i ye shes 'od kyi phung po ji ltar grol// ces zhus so// de nas rnam par grol ba'i ye shes 'od kyi phung pos bka' stsal pa/ / gsang ba'i bdag po khyod nyon cig/ rnam par grol ba'i ye shes 'od kyi phung por grol ba la gsum yin no/ 'jug pa dang// grol ba dang// mthar phyin pa'o// 'jug pa la gnyis te// 'od rang gi rig pa la tshur 'jug pa dang/ / rang gi rig pa 'od la phar 'jug pa'o// 'od rang gi rig pa la tshur 'jug pa ni// 'khrul pa'i snang ba 'gags pa dang// sangs rgyas kyi zhing khams rnam par dag pa// phra la dwangs pa/ / gsal la 'tsher ba// rang bzhin gyis bkrag la nyam nga ba// mer mer snang ba thams cad sku dang ye shes su 'char ro// gsang ba'i bdag po de ni 'od rang gi rig pa la tshur 'jug pa yin no// rang gi rig pa 'od la phar 'jug pa ni/ / snang ba 'od kyi sku ru phar shar ba de// rang gi rig pa'i rang mdangs rang la shar bar ngo shes pas rang gi 'od de sku la thim nas sangs rgya'o// de rang gi rig pa 'od la phar 'jug pa yin no/ / rdo rje 'dzin pa rang gi rig pa rang gdangs ye shes// ye nas rang bzhin gyis 'od gsal bar bzhugs pa yin pas// rang gi rig pa'i rang 'od rang gis ngo shes par bya'o// rang ngo shes nas rig pa 'od la 'jug pa yin no/ / rig pa 'od la zhugs pas rnam par grol ba'i ye shes sangs rgyas 'od kyi phungapor sangs rgya'o// kye rdo rje 'dzin pa rang chas chen po de ni// 'das pa dang ma 'ongs pas kyang bstan par mi nus so/ / zhes bka' stsal to// de nas gsang ba'i bdag pos bskor ba lan gsum byas nas// e ma ho/ rnam par grol ba'i sangs rgyas bde bar gshegs pa 'od kyi phung po// sems can ma rig pa'i mun pa bsal lo/ / rang gi don chen po rangagi rnyed do// dag pa'i snang ba shes pas 'khrus pa'i rtsa ba chod do// 'khrul pa'i rtsa ba chos pas rang gi ye shes rangs zin no// ye shes rang sa zin pas las ngan pa dang bag chags thams cad sbyang mi dgos par rang dag/ ces gsang ba'i bdag pos gsol to// de nas rnam par grol ba'i bde bar gshegs pas 'di skad ces bka' stsal to// gsang ba'i bdag po phyogs bcu dus gsum gyi sangs rgyas kyis kyang don chen po de cam mtshon mi nus so/ / zhes bka' stsal to// de nas rnam par grol ba 'od kyi phungapos 'di skad ces bka' stsal to// gsang ba'i bdag po grol ba gsum yin no/ / sha khrag gi lus rin po che 'od 'bar ba'i sku lnga tshom bu'i dkyil 'khor du grol lo// sems rtog bcas ye shes mi rtog par grol lo// yul sa rdo ri brag chos nyid stong pa nyid du grol nas/ / snang 'od kyi dkyil 'khor du grol zhing shar ro// rdo rje 'dzin pa mthar phyin pa la gnyis yin no// mngon par shes ba drug rang byung du shar bas// sems nyid thugs rje ma 'gags par 'gro ba'i don mthar phyin no/ / snang ba rig pa'i ngang du thim pas// rig pa ka dag gi sa la rang sa zin nas mthar phyin no// zhes rnam par grol grol ba'i 'od kyi phung pos bka' stsal to// sangs rgyas rang chas kyi rgyud las/ / grol tshul bstan pa'i le'u ste bzhi pa'o// de nas yang gsang ba'i bdag pos 'di skad ces zhus so// e ma go/ gsang ba'i ye shes rang la ston pa'i sangs rgyas 'od phung chen po// sangs rgyas kyi min pa gsum gsung du gsol/ / ces zhus so// de nas yang bde bar gshegs pa 'od kyi phung pos bka' stsal pa/ rdo rje 'dzin pa chen po byas pa'i chos kyis sangs rgyas thob pa min no// sangs rgyas 'dus ma byas yin pas/ / byas pa'i chos kyis sangs rgya na byas pa'i chos can 'jig pas na sangs rgyas min no// sangs rgyas kyi sku la skye shi med pas 'dus byas min no// zhes bka' stsal to// de nas yang gsang ba'i bdag pos 'di skad ces zhus so/ / kye kye sangs rgyas 'od phung chen po// sangs rgyas kyi yin pa gsum gsung du gsol// ces zhus so// de nas rnam par grol ba'i sangs rgyas 'od kyi phung pos 'di skad ces bka' stsal to/ tha mag h+ya hA/ khathamAh+yar+thah+yag tha waTanyau0f85s+yabya/ rgya gar skad du/ sarba bud d+ha ti sha a kaM a gra ran+ta ku li nA ma/ bod skad du/ sangs rgyas thams cad kyi bstan pa gzhi'i rgyud mchog rin chen spungs pa zhes bya ba/ thams cad mkhyen pa'i ston pa thub pa'i dbang po la phyag 'tshal lo// 'di skad bdag gis thos pa'i dus gcig na/ bcom ldan 'das bya rgod phung po'i ri la 'dus pa'i 'khor rnam bzhi dang thabs cig tu bzhugs so/ / de'i tshe 'jig rten mgon po yi// sku gsung thugs las 'od zer ni// stong gsum mi mjed 'jig rten khams/ / tshangs pa'i gnas ni man chad rnams// 'od kyis khengs shing g.yos pa yis// mi shes mun pa 'thibs pa'i tshogs// sgrib pa'i nyon mongs mtha' nas sangs/ / pad+ma gsum gyis spro ba skyed// btang snyoms zhu sgo ma phyed pa'i// bde gsal mdangs dang ldan par gyur// de nyid lha dbang tshangs pas dran// 'jig rten mgon po'i drung du lhags/ / gser las logs grub dgyes par mdzad// ma dag pa yi 'jig rten du// dag pa ye shes sgo phye la// mun pa'i mdangs sol sgron me spor// sdug bsngal nad sel bdud rtsi phob/ / dpa' bo g.yul las rgyal ba yi// phyogs bcur chos kyi rnga sgra sgrogs// dga' mgu rangs pa'i bsam pa can// bstan pa'i mnga' bdag ston pa po/ / thams cad mkhyen pa dus 'dir byon// rkang gnyis gtso bo khyod mkhyen no// zhes pa'i zab zhi bskul ba dang// de nas bcom ldan 'dzum pa mdzad// 'dus pa'i 'khor gyi nang nas su/ / thugs rje las byung shA ri'i bu// skar ma zla ba'i 'od can gyis// mchod byas bla gos phrag par gzar// pus btsugs thal sbyar 'di skad gsol// mgon po bcom ldan lha yi lha// dri med zla zhal gser mdog can/ / rdul bral khyod 'dra gzhan ma mchis// mnyam med mkhyen chen rdzogs sangs rgyas// mi mchog rkang gnyis dam pa khyod// kun la khyab pa'i de bzhin nyid// rab rib mig la ma gsal ba'i/ / gzugs gnyis mthong ba'i sgrib gnyis can// mkhyen brtse'i thur mas ling tog bsal// sna tshogs tshul gcig bstan pa la// ye shes mig phye dkyil 'khor ston// ces gsol/ lhan cig rigs dang ldan pa rnams/ / ltas dang ngo mtshar cho 'phrul la// som nyi ma mchis yid ches pa'i// bde gshegs slob mar gyur pa yi// 'jig rten khams gnas gang su dag/ sgo gsum rtse gcig 'dud byas pas// lha dang mi yi gdan khri la/ / rang rang mdun na thub pa bzhugs// so so'i skad du tshangs pa'i gsung// srid gsum dga' ba chen po pa// sprin dkar dag pa bzhin du dkar// dran pa bzhi po ting 'dzin rgyal// byang chub yan lag me tog spos/ / skal ldan bung ba bcud kyis tshim// de nas lha mi 'dul ba 'dzin// ma mo'i sde las legs 'ongs rtsal// zas gtsang mi yi dbang po'i tshogs// dgra bcom nang gi mchog rnams pa/ / bstan pa ma snyings rgyud mchog 'khrungs// so so'i blo dang 'tsham pa yi// theg pa sna tshogs tshul gcig pa'i// brgyad khri bzhi stong grangs snyed kyang// rgyu dang 'bras bu'i khyad par las// tshul gsum don gyi snying po gcig/ gzhi lam 'bras bu'i rgyud mchog 'di// sde snod bstan pa'i gzhi ma yin// nam mkha' lta bu'i thugs rje yis// bstan pa nyi ma'i 'od zer gyis// kun gyi mun pa sel byas kyang/ / mi khom brgyad kyis 'gro ba mnar// rgyu dang rkyen gnyis ma dag pas// bstan pa'i mchod sbyin mi snang bar// de nyid mi shes mun par 'khyams// bde gshegs snying pos 'gro kun khyab// sa bon rul bas 'bras bu min/ / rigs chad yin zhes rgyal bas gsungs// sangs rgyas thams cad kyi bstan pa gzhi'i rgyud mchog rin chen spungs pa las// gleng gzhi gleng bslangs kyi le'u ste dang po'o//// de bzhin bdag med spros dang bral/ / kun la khyab pa'i stong pa nyid// kun tu gsal ba'i chos nyid de// ma rig lhan skyes bag la nyal// ci yang ma yin mun pa'i glong// mi shes blo bur ma dag pa'i// rang rig rtog tshogs ma 'gag pas/ / rab rib can gyi mig bzhin du// sna tshogs kun brtags ma rig 'khrul// nam mkha'i rang bzhin gcig nyid las// yang dag ma yin kun rtog pas// byed po gzhan ni med pa ru/ / nga med nga ru rtog pa dang// gzhan med yul du 'dzin pa yin// sna tshogs snod kyi nam mkha' bzhin// de bzhin nyid gcig gcig nyid las// yod ma myong la dngos po yi// blo bur 'khrul rtog sna tshogs la/ / ngo bo nyid du spros bral du// ma rtogs blo la so sor snang// gzung 'dzin gnyis kyi rang bzhin du// chags sdang gnyis kyi bde sdug grub// 'khor ba'i rtsa ba ma rig pa// 'khor ba'i mtshan nyid 'khrul pa dngos/ / 'khor ba'i 'bras bu sdug bsngal lo// ma rig kun gzhi rnam shes kyis/ khams gsum sems can thams cad la// sems su brtags pa'i dran pa de// 'du byed rtog pa gnyis 'dzin gyis// 'du shes yul la 'du 'phros nas/ / ma shes sna tshogs 'dus pa las// ming btags gzugs su zhen pa grub// skye mched phyi nang rnam rtog la// zag bcas tshor ba a 'thas te// de nyid srid pa'i nyer len gyis// len pa snang sems gnyis snang la/ / srid pa 'khor ba'i sdug bsngal byung// skye ba dang bcas mngon sum du// rga shi mi rtog pa yi skye 'gag la// ma rig 'khrul pa lu gu rgyud// rim pa bzhin du mya ngan dang// ngag gi smre sngags yid la ni/ / sdug bsngal mi bde sna tshogs pa'i// nyon mongs sna tshogs sems dkrugs shing// zad med 'phel med mun pa la// sems can tha 'bring mchog gyur rnams// rang rkyen las kyi dbang yin yang/ / rmi lam sgyu ma'i grong khyer na// dmus long ston pa lta bu rnams// rdzun la bden rdzun srid pa'i glong// nga dang bdag tu 'khor bar 'khyams// de nyid ma shes mu mtha' med// gtan sdug gnas nas thar mi 'gyur/ / rang snang ma rig 'khor ba dngos// rang rig ye shes mya ngan 'das// 'khor ba dang ni mya ngan 'das// gnyis med gnyis su med par ston// 'khrul dang ma 'khrul ngo bo gcig/ 'gro la sems rgyud gnyis mi 'chang/ / gcig pa nyid min tha dad min// rtog ge ba yis mi rtogs shing// bdag tu 'dzin pa log pa'i lam// bdag med chos la chos btags pas// ma rig pa la rmongs pas brgyan/ / phyin ci log gis mnar med 'gro// srid pa'i sdug bsngal mi bzad 'gyur// sna tshogs gzugs can yid las skyes// gzugs rnams der 'dzin rang gzugs yin// gzhi nyid min pa gzhan med de/ / nga yis kun la khyab pa ste// mi shes kun rdzob bden pa yin// gnas lugs don dam bden pa la// nam du nga ni 'da' ba med// 'byung bzhi nam mkha'i cho 'phrul la// ma gtogs 'byung ba so sor dgyes/ / srid pa snod bcud chags 'jig byung/ khams gsum rnam rtog bzang ngan la// sems can bde sdug so sor khyer// skye shi lan grangs zad pa med// byas pa med pa'i bcos ma yin// skye 'gag med pa'i 'gro 'ong can/ / shes pa bya sgro rlung khyer 'dra// bde sdug mtho dman rang gi sems// 'khrul pa'i snang ba blo bur ba// der snang der 'dzin de ru 'khrul// 'khrul rtog nam mkha'i sprin dang 'dra// skye ba med las skye med skyes/ / 'gag pa med las thams cad 'gags// 'khor ba mi rtag de yi gnad// kye ma 'khor ba'i rgya mtsho na// sdug bsngal sems can mtha' yas pa// bsam gyis mi khyab brjod las 'das// ma rig gcig gi rgyu las byung/ / gcig pu rang byung rang snang yin// rang snang 'khrul pas kun kyang 'khrul// skye med gzhi rtsa ma chod na// 'khor ba'i mtha' la thug pa med// sangs rgyas thams cad kyi bstan pa gzhi'i rgyud mchog rin po che spungs pa las/ ma rig srid pa byung khungs kyi le'u ste gnyis pa'o//// ci ste 'khor ba'i duHkha ni// ma rig pa yi zhing sa la// mi dge ba yi las tshogs ni// gzugs med yid kyi mi dge ba'i/ / gzugs khams lus kyi mi dge ba// 'dod khams ngag gi mi dge ba// rang 'dod bsgrub phyir gzhan gnod pas// mi dge ba yi tshig yin te// gnod pa phar la byas pa yin// sdig sems rang snang yin pa'i don/ / nyes byas sdug bsngal tshur la byung// phan gnod ltos pas 'khrul snang la// tshor ba rags pas 'dod khams pa// yid la ngan sems 'gyus pa de// ngag nas ngan pa'i khro tshig brjod// lus kyi spyod ngan gdug rtsub ston/ / rang rgyud ngan pas rang snang bsreg/ 'od zer 'phros pas gzhan rgyud bsreg/ de tshe de yi snang ba la// blo bur ba de ched du bsgrub// tshe 'di bde 'bras 'dod pa de/ / mi dge ba yi rang bzhin yin// sdig pa thams cad tshe 'di'i don// 'di ru zhen pas rtag tu 'khor// 'dod zhen can la mya ngan skye// phyi ma'i don la sdig mi byed// dus 'di spongs na 'khor ba spongs// ma spongs mi dge las kyi mnar/ / tshes gcig nor pas zla gang 'khrul// phyi ma don gnyer shin tu nyung// de rtogs pa la sdig bral yang// mig yod gzugs med dmus long bzhin// 'di phyi mi shes mun pa'i blo/ / 'khor ba pa la bde ba med// 'khor ba'i bde 'dod sdug bsngal dngos// dngos zhen a 'thas 'khrul pas bcings// sdug bsngal las kyi btson dong na// thar med gnas la chags pa de// bdud kyi dbang sgyur mi dge'i bdag/ 'dod sred can la byang chub med// 'di dang phyi ma rgyab bsnol yin// pha rol don gnyer dge ba dngos// 'dod pa dang bral mya ngan 'das// rgyal sras chags med gyur las byung/ / chags sdang 'khor ba'i rtsa ba yin// spang blang gnyis kyi dgag sgrub de// re dogs gnyis kyi sgrog dang bcas// rang gzhan gnyis kyi rtog pa la// rgyu rkyen gnyis kyi lag len te// 'dun pas rang nyid de la sbyor/ / stobs kyis gzhan la sbyor du 'jug/ sbyor bas gzhan la yi rang byed// sting nas 'du shes de sems pa// gsum po mnyam pa nyid kyi phyir// ci byas mi dge 'ba' zhig ste// rang bzhin sdig pa chen po na/ / ma rig pa la rgyun mi 'chad// grol dus med pa de yis nyes// ngos ma zin pa'i tha mal du// gti mug ngang la spyod pa de// mun nang rang bzhin mi snang bzhin// dge dang mi dge ngo mi shes// dmus long mig snang nam yang med/ / gti mug pa la dge med phyir// ma rungs pa de dngos kyis gsal// dngos 'dzin zhen pa rags pa na// mi dge rags po ngang gis 'phel// nam zla sos kyi myu gu bzhin// sdug bsngal mi 'dod bzhin du 'ong/ / der snang ma bral spang thabs med// tshong pa lam log srin mo'i gling// bde bar mthong nas ma spangs bsgrubs// blo gtad tshe na srog phral bzhin// 'khor ba bsgrubs pas 'dus byas zhig/ srid pa ngan song g.yang sar lhung// rim gyis cig car na rag spyod// 'khor ba'i gcong rong gting re ring// gnag mi bzod pa'i rgyun la spyod// kye ma kyi hud a tsa ma// 'khor ba'i rgyu rkyen rang la byung/ / phyi nang dngos po yul rnams las// 'dod chags yid kyis kun bslang nas// zhen cing chags pa'i bsgrub sems de// gzhan la gnod 'gyur mi dge yin// de bzhin zhe sdang kun slong gis// gdug rtsub sdang ba'i spong sems kyis/ / gzhan la gnod 'gyur mi dge ba// dug gsum kun nas bslang ba yi// rang dbang can ni chen po la// gzhan gyi dbang med chung ngu ste// gzhan rlabs byas pa 'bring po yin/ / nga rgyal phrag dog 'gran sems kyis// gzhan la gnod 'gyur lta ci smos// yan mi byed kyang sdig tu 'gyur// de bas kun la phan bde bsgrub// rang bde'i yon tan shugs la 'byung// sdig med pa de dge ba 'phel/ / sdug bsngal med na byang chub dngos// rang snang yin te ma rtogs pa// dmus long g.yang sran che ba bzhin// ma rig rmongs pa sdug sran che// mi dge dug la zhim zas byed// skye shi gnyis la sun pa med/ / ngon song gsum gyi rba la mchong// smyon pa rang gi srog gcod ltar// rang sdug rang gis las byas myong// gzhan rkyen mi dge byed pa'i yul// phan gnod las kyis gang sgrub pa// rnam smin yul gyi 'dzin pas grub/ / dge sdig byed yul bsam 'das kyang// mchod sbyin rang dang gsum la med// mchod 'os bstod 'os phyag gi gnas// phyag byar 'os pa bla ma'i rab// sangs rgyas chos dang dge 'dun dang/ / mkhan po slob dpon rig 'dzin grogs// dngos dang gzugs brnyan bkur bya'i 'os// pha ma la sogs drin ldan dang// bstan la gnod byed lci ba'i yul// phan dang brtse ba'i nus pa yis// dngos dang rgyud pa kun bu ru/ / sdug bsngal mgon med gyur pa yis// dbul 'phongs nyam thag dman pa'i rigs// nad pa la sogs snying rje'i yul// gshin po dri za'i sems can 'bring// rang dang mnyam nyid 'gran zla bcas/ / chung ngu yin par shes par bya// gzhan rkyen yul gyis bslang byas kyang// rang bzhin gnyis kyi mi dge chung// phung po tshe 'di'i bdud kyis bslus// lha bu bdud kyis tshe 'dir bcings// 'chi bdag bdud kyis tshe 'di phrogs/ / nyon mongs bdud kyis sdug bsngal mnar// thar pa'i bde la bar du bcad// mun pa'i smag la sangs dus med// rang bdun rang la langs pa yin// bdud ni ngar 'dzin rnam 'phrul te/ / bdag 'dzin gtang na bdud rnams choms// bdag med seng ge'i sgra dang ldan// mu stegs rigs dang ngan song 'joms// dpa' bo bdud las rnam par rgyal// bdud bzhi'i 'jigs pa sel bar byed/ / bcom ldan 'das kyi ye shes sku// ma rig rtogs tshogs las 'bras rnams// rgyu mthun gnas skabs de nyid du// log snang zhe sdang gdug rtsub che// rdo rje slob dpon bdud du babs// mgon dang bshes kyang gshed du che/ / nye ba 'khor kun dgra ru sdang// rang srog rang gis gcod par 'gyur// 'dod chags rgyu mthun sred zhen che// ser snas 'jungs pas dbul zhing 'phongs// gzhan las brnabs pas rang rdzas 'chor/ / dang khar mi 'ong zas la sred// gti mug rgyu 'thun dran pa nyams// rang gis mi shes gzhan mi nyan// rtag tu rmongs shing gnyid par 'gyur// mi dge dran pas sdug bsngal skye/ / dbang gis zhe sdang rigs can rnams// dgra choms 'ong ba'i yul 'dzin 'gyur// 'dod chags pa la zhag med yul// gti mug mtha' 'khob gcong rong du// grogs med pa la zhen chags skye// gzhan la byas pa'i rnam smin te/ / rang gis byas pas rang la 'ong// chen po dmyal ba'i dmyal bar skye// 'bring po yi dwags dmyal bar skye// chung ngu byol song yi dwags skye// phra mos dud 'gro lha min skye// mi dge'ang chung ngu byas gyur kyang/ / mi khom rigs las thar mi srid// mi dge rnam smin rang snang la// gzhan gyi yul du bros sa med// rang snang log pa sdug bsngal yin// nyon mongs las kyi sdug bsngal rnams// rab ni myur ba tshe 'dir 'byung/ / 'bring ni bar skabs phyi ma la// tha ma lan grangs gzhan la smin// smin par nges dang ma nges pa// rgyu rkyen tshogs dang ma tshogs byed// dge sdig sman dug lta bu la// gnyis kyis gcig bcom zad par byed/ / gcig gis gcig mnan smin mi nus// gcig zad gcig 'phel chen por 'gyur// snga phyi'i 'dus la snga phyi dang// che chung 'bras bu de dang mtshungs// mi dge 'khrul pa'i bya ba la// zhe sdang las skyed sbyor dngos tshang/ / mchod bya'i zhing du gyur rnams dang// de mthun pa la chen por brjod// 'dod la skyes shing gang rung tshang// snying rje can la 'bring du 'byung// snyoms las cha re tshang ba yin/ / phrag dog can rnams chung ba ste// rang 'dod med pa'i sdig pa rnams// rnam smin 'bras bu phra ba yin// rang bzhin kun gyi snang ba ru// gang byas las kyi 'bras bu de// che ba khrom gyi mi bzhin du// kun gyis snang zhing yongs su grags/ / 'bring po grong mi tha ma yang// dgon pa'i mi bzhin snang bar 'gyur// mi mngon mi dmigs ma mchis so// sdug bsngal las skyes sdug bsngal bdag/ sdug bsngal chu bo'i rgyun bzhin gnas/ / spros dang bral ba'i chos nyid de// rang gi sems su ma rig pas// med bzhin du ni gzung 'dzin gyi// bdag dang gzhan du 'khrul pa yis// rtog pa rnam pa sna tshogs pa// sems nyid gcig gi ri mo ste/ / tshon rtsi ri mo sna tshogs kyang// mkhan po gcig gis bris pa bzhin// sna tshogs sems kyi rang snang yin// rang las logs na byed mkhan med// med bzhin bdag 'dzin ma rtogs pas// rgyu ni ma rig gnyis 'dzin la/ / rang rkyen dug lnga'i lam chud nas// der zhen der gzung de yi gzugs// sems la snang zhing 'gro lnga skyes// gang skyes kun gzhi snam bu la// rang rkyen rtog pa'i bzo 'chos byas// de dang de yi snang ba la/ khams gsum sems can nyon mongs khams// gzhan dbang dbang po sgo lnga la// 'dod srid rags pas 'dod khams pa// rang gzhan 'od kyi gzugs brnyan la// nyon mongs phra ba gzugs khams yin/ / gzugs med 'du shes yid yul na// rang med gzhan snang yul rnams la// nyon mongs bag la nyal ba ni// gzugs med pa yi sems can khams/ khams gsum pa ni sems tsam ste/ / sems kyi rtog pa rnying pa la// a 'thas 'gag pa 'chi ba zhes// rtog pa gsar bu byung ba la// zhen pa 'phel ba skye bar rtags// skye shi gnyis ka ci la rgyud// mtshams sbyor bar ma do de la// skye ba snga phyi rang gzhan gyi/ / gnyis snang med pa'i gzung 'dzin can// bag la nyal ba'i sems can khams// rkyen gyis bsgyur na skye 'gag 'byung// sems nyid skye ba med pa la// skye med chos de sna tshogs ston// sprin med mkha' la sprin byung 'dra/ / sems can gcig gi rtog pa la// snang srid thams cad skye 'gag byed// gzhan du gyur pa ma yin par// sems kyis ri mo bris pa yin// ma rig 'khrul pa'i sems nyid de// rang gis rang la bzos byas pas/ / rang gzugs dbyibs dang kha dog sogs// khams gsum sems can spyi btsan la// thun mong ltar na ci 'dra ba// yul du snang ba'i rnam shes ni// go 'byed nam mkha'i klong dkyil du/ / dang po srid pa sems kyi rtsal// snod kyi 'jig rten mas kyis chags// rang bzhin mi g.yos rtog pa g.yos// rlung rngams sa ya drug 'bum la// rgya ni tshad med rdo rje 'dra// chu rngams 'bum phrag bcu gcig dang/ / stong phrag nyi shu rtsa lnga pa'o// de stengs gser gyi dkyil 'khor rngams// sum 'bum nyi khri chig stong dang// rgya ru sa ya 'bum phrag bcu gnyis dang// sum stong phyed dang lnga brgya'o// khor yug sum 'gyur lnga yis brgyan/ / rnam shes rin chen sprin las su// phyi nang char rgyun snod bcud gnyis// rin chen lnga las lhun po ni// tshangs pa'i gnas ni man chad nas// dmyal khams bcu drug yan chad la// 'og tu chu nang brgyad khri nub/ / steng du brgyad khri yang chags so// de yi phyi rim gser ri bdun// gnya' shing lhun po'i phyed nas su// rim bzhin 'phang du phyed phyed bri// de rnams 'phang dang zheng du mnyam// de bar rol mtsho bdun dang bcas/ / rol mtsho nang ma brgyad khri zhing// phyi ma rnams ni phyed phyed bri// khor yug sum 'bum sum khri'o// gling bzhi shar gyi lus 'phags so// shel las grub pa zla gam gzugs// dpag tshad stong dang lnga bcu ste/ / 'dzam gling gser la sogs kha'i dbyibs// dpag tshad nyis stong phyed dang bzhi// ba lang spyod ni rA ga las// zlum po stong phrag phyed dang brgyad// in dra ni la sgra mi snyan// gru bzhi dpag tshad stong phrag ni/ / bco lnga gnyis 'gyur mtha' skor ni// 'phang du dpag tshad stong stong ngo// gling bzhi bar gyi gling g.yog brgyad// lus dang lus 'phags shar gyi g.yog/ lho yi rnga yab rnga yab gling/ / nub kyi g.yog ldan lam mchog 'gro// byang gi sgra dang sgra mi snyan// kun la lcags ri nag pos bskor// 'og dang gling bar rgya mtshos bskor// dngas ma rin chen rnam lnga las// snyigs ma sa yi gling rnams grub/ / kha dog dkar ser dmar ljang la// nam mkha' baiDUr mdangs can 'od// mthor sdud smin byed skyed pa yis// rlung dang 'byung ba'i rang rtsal las// yan lag gnyis su gsal ba yi// ri rab lhun po'i phyed sked la/ / drod bsil 'od ldan nyi zla gnyis// dpag tshad lnga bcu rtsa gcig go/ sa bcud rin chen rtsi shing ni// me tog 'bras bu dri ro'i bdag/ mkha' la sprin phung skar tshogs dang// khu rlangs 'ja' tshon char gyis brgyan/ / 'byung ba stobs kyis zad 'phel gyis// dkar nag rgyu rkyen ring thung dang// che chung lo zla zhag za dang// dus gzugs tshig smras skad cig rdul// yi ge gcig ni rin che dang// mang po mtha' phyogs bye brag bstan/ / rnam shes srid pa'i rtse mo nas// bcud kyi sems can chags lugs ni// dang po 'od gsal gzugs med nas// gzugs khams yum la nyon mongs kyi// rnam rtog rags su song ba las/ / lhun po 'og na tsha ba'i mtsho// mnar med sems can dmyal ba'i gnas// de steng dmyal khams rim pa ru// chu bur can gyi bar du yod// dmyal ba'i sgo bzhi 'dzam gling gi// ma dros mtsho 'og dpag tshad ni/ / nyi khri dmyal ba'i 'jug sgo la// nyi tshe nye 'khor de yi lam// tshad med tsha grang sna tshogs snang// ri rab rmang dang thang 'khob na// yi dwags rigs tshogs sum cu drug/ bkres skom 'dod sred yid la gdangs/ / sa steng sa 'og mun pa'i gling// byol song bye ba so drug la// gti mug gsod rdung sdug bsngal snang// ri rab bseng na lha min rnams// 'thab rtsod smas pa'i duHkha spyod// gling bzhi mi la 'du byed rkyen/ / skye rgas na 'chi sdug bsngal snang// 'dod lha rigs drug 'chi 'pho dang// dang po chags nas bsam gtan gsum// man du me bdun chu gcig rlung// gtor nas bskal pa che chung gis// 'jig rten chags 'jig stong gnas kyi/ / mi rtag rkyen dbang bde sdug dang// gzugs khams bcu bdun gzugs med bzhi// khams gsum 'khor ba'i srid pa na// 'dod khams nyon mongs ye shes che// 'byung lnga yul lnga sgo lnga yis/ / 'gro lnga 'gro ba so so rnams// gzugs sgra dri ro reg bya chos// ma rig rnam shes sna tshogs 'di// rang snang bzhin du kun la snang// dbang po sngos dang yid 'gyu la// snang srid rtag pa nyid du 'dod/ / sems can rtog pa so sor gzung// 'gro kun spyi btsan de ltar bzhed// lha min la sogs 'ga' zhig la// rigs drug drang ba'i snang bar 'ong// dman pa'i rigs ni phal che la// rang snang min pa gzhan mi snang/ / rang snang log pa'i rtog tshogs de// gzhan snang 'khrul pa'i sems can la// yod do mnyam du rtog pa de// spyi mthun snang ba gcig tu med// rang snang bzhin du gzhan ma la// sems can rigs su gcig pa la/ / skye ba rnam pa bzhi ru byung// la la'i dug la la la'i sman// la la'i dgra la la la'i gnyen// la la'i nub la la la'i shar// la la'i mtshan la la la'i nyin// la la'i skyabs la la la'i gshed/ / la la'i snang ba la la'i mun// mdor na dbang po'i sgo rnams la// 'byung ba phyi nang skye 'gag rnams// don gcig nyid la tha dad pa// chu la rigs drug so so yis// mi gcig so sor mthong ba bzhin/ / kun kyang de bzhin nyid du shes// 'ga' zhig mnar med dmyal bar skye// 'ga' zhig bla med byang chub 'thob// 'ga' zhig 'khor ba'i gnas mthong ste// 'ga' zhig rgyal ba'i zhing du gsal// sems can blo rigs so so la/ / snang ba bden pa gcig tu med// ma nges rtog pa sna tshogs pa// gcig tu ma rig bden par gzung// 'khor 'das gyes pa de las byung// yang dag don la gnyis su med// rang rig ci 'dra 'gro ba kun/ / de 'dra chos kun thams cad shes// snod bcud gnyis po lhan cig skyes// rang 'khrul tsa na kun kyang 'khrul// 'khor ba min pa'i snang ba med// rang grol dus na kun kyang grol// 'od gsal min pa'i yul ma grub/ / sna tshogs gzugs can yid las skyes// gzugs rnams thams cad snang ba'i dpal// sna tshogs snang ba ngo mtshar che// 'khrul snang rtog pa tha dad yin// nyin mtshan gnyis kyi bye brag ltos/ / 'khor ba'i nyes pa de yis shes// mun pa'i gling na mthong lugs mang// 'od gsal ba la ci las med// 'khor 'das rtsa ba ci la spyod// khams gsum srid pa'i sdug bsngal las// tsha ba'i dmyal ba brgyad po ni/ / 'khor lo bcu drug sdug bsngal can// ma rig zhe sdang rgyu rkyen gyis// dud 'gro la sogs bsad pa yis// gcad gtubs bzhin du yang sos pa// lcags kyi dra ba me 'bar nang// mtshon cha'i char bab gshags gtubs byed/ / lus la me 'bar gzhob tu 'tshig/ bzhi brgya rtsa bzhi'i nad kun gyis// sdug bsngal dpag tu med pa myong// gshin rjes mun nag me la bsreg/ mi lus mdung thung sum brgya yis/ / btsugs pa'i sdug bsngal stong gi cha// mi phod rang lo lnga brgya thub// thig nag rgyu ni srog gcod dang// ma byin blangs pa lcags tshan gyis// thig btab sog le 'bar bas 'dra// sdug bsngal snga ma'i steng du yang/ / sta res gzhog cing gsor gyis 'bugs// lus la spu gri char bab gtub// yang sos sdug bsngal bcu 'gyur che// tshe ni rang lo stong thub bo// bsdus 'joms rgyu ni lus sdig gsum/ / 'dod log tshul khrims nyams pa yis// sdug bsngal snga ma'i steng du yang// 'jigs su rung ba'i gshin rje yis// lcags kyi pha bong bar du 'tshir// 'dod pa'i bud med gzugs mthong nas// shal ma ri la 'dzeg pas sdug/ phur bus 'debs shing tho bas brdung// lcags ri me 'bar logs la bsreg/ tshe ni rang lo nyis stong thub// ngu 'bod rgyu ni las gsum ste// bag med chang la spyod pas byung// snga ma'i steng du lcags bsregs pa/ / 'drud cing yan lag me ru 'bar// zangs khu khol ma khong du ldud// lus 'tshig khyi rgod nang khrol za// mtshon cha'i char babs srin bus za// kyi hud ngu 'bod sgra chen 'byin// tshe ni rang lo stong phrag bzhi/ / ngu 'bod chen po las gsum dang// chang 'byung rdzun smras rgyu las byung// sdug bsngal snga ma'i steng du ni// lcags bsregs sa gzhi me 'bar steng// lce la phur bu rgyang grangs rgyang// thong gshol 'bar bas rmod pa dang/ / khwa ta 'bu srin sbrul gdug za// gshin rjes zhe 'debs mtshon chas gtub// chu srin 'jigs pa'i kha ru 'dzud// rang sha za zhi ngu 'bod byed// de rnams rang lo brgya stong thub/ / tsha ba'i rgyu ni sngar las steng// log lta skur 'debs sngon sdug steng// nags me 'tshubs pa'i nang du bsregs// dug sbrul 'bar bas rkub nas za// brag bar btsir zhing gzong gis 'bigs// bum pa'i nang du khro chur 'tshod/ / gshed po rnams kyis gshog gtub byed// sngon pas bcu drug 'gyur gyis sdug/ rang lo khri dang drug stong thub// rab tu tsha bar skye ba'i rgyu// lus ngag mi dge bdun spyad dang// lta log dbang phyug rgyu smra yis/ / yid gsum sdug bsngal snga ma'i steng// lcags zangs nang du zangs khur 'tshod// skam pas lce 'dren nang khrol 'byin// bya khyis lus rnams dum bur gtong// mtshon snon dbang po gcod gtub byed/ / 'di yi sdug bsngal bsam mi khyab// rang lo 'bum khri stong phrag gnyis// mi bzad rab 'bar mnar med rgyu// mtshams med lnga sogs spyad pas su// lcags mkhar sgo med nang du ni// me 'bar bkres skom nad rnams dang/ / dmyal ba'i sdug bsngal thams cad tshang// sems can dmyal ba dpag med pa// 'di yi sgra ni thos pa na// dmyal ba gzhan kun bde mor mthong// dmyal ba gzhan gyi me kun ni/ / 'di yi drung na bsil bar 'gyur// steng nas mtshon cha'i char 'bab cing// 'og nas sa gzhi me ru 'bar// bar du dud 'khrigs khro chus 'tshod// gshed po rnams kyis rdeg gsod byed// tshe ni bskal pa grangs med do/ / de ltar dmyal ba'i mi de rnams// mi lo lnga bcu rgyal chen zhag/ de yi zla ba bcu gnyis la// lo bsgrangs lo ni lnga bcu la// yang sos rang lo gcig yin no// de la lnga bcu thig nag gi/ zhag tu byas nas bsgrangs pa yis// rim gyis de bzhin bsgrangs pa yin// mnar med tshe tshad bskal pa'i bar// las kyi rnam smin ma zad na// de bas bskal pa mang du bstan// tsha bas lus gdung mod la ni/ / shin tu grang ba'i dmyal ba brgyad// rgyu ni dge 'dun dkon mchog dang// mi dang dud 'gro la sogs la// gos bshus spu phyi 'khyags su bcug/ chur bskur bsdigs bsad mnan skyigs dang// skyabs gnas phral ba'i rnam smin gyis/ / lhags pa'i ngar gyis chu bur 'gyur// rnag khrag chu rdol so 'thams shing// khyab pas lus 'thums las shu zer// kyi hud sgra 'byin cho nges 'debs// pad+ma dmar ltar lus po gas/ / ut+pal lta bur lus tshal mang// grang ba'i sdug bsngal bsam mi khyab// chu bur tshe tshad til gzhong gang// lo brgya til re phyung zad yin// gzhan ma rnams ni nyi shu 'gyur// grang ba'i sdug bsngal bsran thabs med/ / nyi tshe ba yi dmyal ba ni// gling bar rnams dang mun pa'i gling// 'dzam bu'i mi dang dud 'gro'i khrod// yi dwags lha min khrod na gnas// rgyu ni mi dge'i rnam smin rnams// dge ba cung zad 'dres pa yis/ / nyon mongs dug gsum rkyen gyis su// dge sdig sngon la gang spyad de// 'bras bu sngon la 'ongs pa ste// sdig spyad nyin par sdug bsngal zhing// mtshan mo bde bar longs spyod phyed// dge ba nyin par bde spyod cing/ / mtshan mo mi bzad sdug bsngal spyod// nye 'khor lcags khang sgo med nang// rlung gis sgo phye phyi rol 'bros// shing rnams mtshon cha'i char du bab// ri brag thams cad spu gri'i so// chu rnams ro myags 'dam rdzab kyis/ / ri rnams dmyal srungs 'jigs pa'i gzugs// sa gzhi me mar mo yi 'obs// rang snang log pa'i sdug bsngal te// 'jigs pa bzhi la skor zlog ni// phyogs bzhi sgo bzhir 'byin 'jug byed/ / dmyal ba rnams ni rdzus skyes pas// skad cig de la sdug bsngal rdzogs// bde bar gnas skabs yud tsam med// dug lnga ser sna la sogs kyis// skyon pa'i mi dge bcu spyad cing// khyad par ma byin 'dod sred dang/ / brnab sems g.yo sgyu'i las spyad pas// yi dwags rigs ni dpag med kyang// bye brag sum cu drug sogs rnams// bsdus na sgrib pa can bzhi'o// gnas ni sa 'og sa stengs na// lus ni pho mo mo rigs mang/ / bzhi brgya rtsa bzhi nad kyis mnar// sdug bsngal dmyal ba'i rigs mthun yod// khyad par ser sna'i 'jur 'gegs kyis// gzhan gyi dge bsgrags rang la spyad// mi dge phyi yi sgrib pa can/ / gnas med bye ma'i thang stong la// tsha grang gnyis kyi sdug bsngal spyod// skyabs med mun pa'i glong na 'khyam// mgo bo che la mid pa phra// gsus pa gru tsam rkang lag phra// lus po mi theg 'tshig cing 'chag/ grang bas gos med chu bur can// tsha bas mes tshig bsil skyabs med// 'bros pa'i gnas med gshed mas bskor// nang gi sgrib can ltogs skom yid// las sgrib brgya mtsho'i chu yang skam/ / bza' btung gang yang mi snang zhing// gnas skabs tsam re zas mthong yang/ kha ru bsleb dus rul myags dang// lcags bsregs thu lum 'bar bar 'gyur/ kha la me 'bar khong par dug/ dmyal ba lta bu'i sdug bsngal myong/ / sgo khur zas skom gnas mthong tshe// 'jig pa'i lam bsgral spyin tsam na// stobs can mtshon cha thogs pa yis// rang snang log pas srung bar mthong// gsad dogs 'jigs pa'i sdug bsngal dang/ / ri rnams dgra dang rtsi shing mtshon// chu rnams me 'bar tshig dogs skrags// spyi thun zas nyid rnag khrag tu// mthong ste zos shing tshim pa med/ kha nas ngan skyugs lus khengs shing// rang sha za zhing cho nges 'debs/ / mkha' la rgyu dang 'brog dgon 'khyams// 'ga' zhig gzhan la gnod 'tshe ba// glags lta gtor ma dri za dang// bdud rigs rdzu 'phrul ldan pa la// sdug bsngal mi bzad 'jigs pa yod/ / skye gnas phal cher rdzus skyes la// tshe ni mi lo zhag byas pa'i// brtsis pa'i rang lo lnga brgya thub// ring shos bskal pa gcig thub bo// gti mug mi dge'i las bcu spyad// khyad par 'dod log g.yem pa dang/ / ngag 'khyal tshul khrims 'chal ba'i rgyus// dud 'gro rigs ni dpag med na/ kha 'thor klu dang lha min rigs// gzugs ni ma nges sna tshogs las// gnas ni sa chu me rlung mkha'// rtsi shing mi gtsang dri nga dang/ / srog chags lus dang mun par 'khyams// zas ni rigs pa yid dge sems/ kha zas sna tshogs 'tsho bar byed// tshe ni nges med skad cig nas// bskal pa'i bar du thub pa yod/ kha 'thor byol song rigs bzhi rgyu/ / gti mug btang snyoms mi dge dang// dge ba spyad pa'i mthu stobs las// mi shes mun pa'i bsam gtan gyis// bya dang glang po sa srungs sogs// lha yi rigs kyi dud 'gror skyes// dge ba phra mo dngos logs pas/ / mi yi khrod kyi dud 'gror 'gyur// gti mug gsod gcod rdzun tshig gis// dmyal bar gnas pa'i dud 'gro ste// de rnams sems med sprul pa dang// sems can blun rmongs gnyis yin no/ / phal cher gling bar mun pa dang// sa 'og chu dang rgya mtsho gnas// rkang mang rkang med rkang gnyis dang// rkang gcig rkang bzhi gzugs med yod// sdug bsngal mgon med dgra mang zhing// bkol spyod gsod gcod bran du 'khol/ / ma bu nying sha rang sha za// gcig gis gcig 'joms za ba dang// bkol spyod gsod rdung byed pa rnams// dngos su mthong yang mi go bas// glen zhing gti mug mun pas bsgribs/ / bya gcan ri dwags glang chen sogs// sha rus pags pa spu yi phyir// tshor ba'i sdug bsngal bsam mi khyab// nya thal chu srin sbrul gdug rnams// rang gis gzhan za gzhan gyis rang// mang du 'dus pas gcig la za/ / gcig gis mang po'i gshed du byed// bya rog 'ug pa byi la khyi// zhe sdang las skyes sha za'i tshogs// wa dang spre'u bya byi srin// 'dod chags brnab sems sred pas sdug/ nya dang phye leb bung ba bya/ / 'dod yon sdug bsngal grogs su mthong// rta glang phag pa lug gi rigs// srin bu mngal gnas gti mug can// ri dwags sa bdag dngang skrag brgyal// rang snang dgrar langs srog 'chad yod/ / lus nad yid la zug rngu ni// dud 'gro rnams la rgyun mi 'chad// mgo ni 'phred lta kha 'thur bstan// lha mi las byol ngan song rtags// lus kyi phra rags rdul phran tsam// ri rab tsam gyi khyad par gyis/ / gzugs dang kha dog stobs khyad che// 'dod log zhe sdang gdug rtsub dang// sbyin sogs phyin ci log song bas// dud 'gro'i rigs kyi gtso bo ni// klu bdag ba glang gdong pa can// mgo mjug sbrul la khog pa mi/ / klu brgyad 'khor tshogs 'bum dang bcas// rkyen sdug sbal sbrul 'jigs pas bskor// rgya mtsho chu mig ne'u gsing gnas// dkar phyogs dge ba bskyed pa rnams// bdud rtsi'i zas za longs spyod ldan/ / rdzu 'phrul stobs dang nus pa che// gnag phyogs gdug pa'i dug rlabs 'phro// gang dang lhan cig khros nas gnod// rang nad mdze sogs gzhan la dgod// na rag sdug bsngal cha re yod// zas su mi gtsang dri nga za/ / mkha' lding bye tshan char bab dang// lha min khros pa'i chad pa yis// dmyal ba lta bu'i sdug bsngal yod// snga dro rdzu 'phrul sems gsal ldan// lha mi'i snang ba skabs su 'char// phyi dro gti mug dud 'gro yis/ / mun nag dug chu khol mar 'tshod// rgyal bas bsngags pa'i mtsho// phrag dog mi dge'i rnam sems kyis// sha za khrag 'thung gzhan yul bcom// gnod sems dge dang 'dres par byed// gti mug smon pa phyin ci log/ rgyamatsho'i nang song ri rab kyis// khong seng mun pas 'thibs pa ru// lha min dbang po sgra gcan 'dzin// bu dang chung mar bcas pa dang// rin chen gzhal yas longs spyod dang// tshal dang me tog 'bab chu'i steng/ / bya dang bung ba'i tshogs kyis gang// de ru skyes pa'i lha min rnams// shas cher dud 'gro'i bsam pa la// gzugs kyang dud 'gro'i mgo bo can// rdzu 'phrul rgya mtsho 'khrug pa dang/ / ri rab g.yo nus 'thab rtsod dga'// sdang sems skyes dus dmyal ba dngos// mi yi lo la zhag byas pa'i// bsgrangs pa'i rang lo lnga stong thub// 'ga' zhig 'thab rtsod bar der 'chi/ / 'phos tshe dmyal bar ltung ba mang// de la sogs pa dud 'gro'i rigs// duHkha bshad pa brjod mi lang// sbyin sogs dge las spyad byas kyang// bsam pa ma rungs smon pas te// mi dge ba la bstod byas rgyus/ / lha min rigs ni rnam gnyis te// bdud rigs yi dwags rdzu 'phrul can// dud 'gro rigs su gtogs pa yin// grong khyer 'og nas 'phreng ldan ni// rgya mtsho mtshams kyi ri rab logs la ni// rin chen gzhal yas dga' ba'i tshal dang bcas/ / ljon shing rdzing bu longs spyod sna tshogs ldan// lha min rgyal po dbang ston chung 'khor tshogs// sna tshogs sde rigs khri phrag bcu gnyis ni// gzugs ni sna tshogs bde sdug 'dres par spyod/ / dregs pa'i nga rgyal lha la rtsod 'dod cing// rdzu 'phrul lus kyis nyi zla'i 'od kyang sgrib// ri bo g.yo dang gnam grum sgra skad sgrogs// rang lo drug stong dbang sgyur ba yin// sdig bcas mchod sbyin tshul chos rgyu yis skyed/ / grong khyer btses ldan ri rab log/ grong khyer gnyis rtses brgya stong na// sngon bas lhag pa'i khang bzangs dang// gser dang g.yer kha mi 'phreng tshal// 'dres pa'i tshal bzhi'i skyed tshal dang/ / rgyal po me tog 'phreng 'dzin la// lha min bu mo rnams kyis mchod// stobs dang longs spyod dga' bar byed// lha min rang lo bdun stong thub// 'jig rten dge ba'i longs spyod kyis/ / gsum pa gser gyi sa gzhi'i steng// grong khyer sum brtsegs can zhes pa// gser 'od ldan pa'i rin chen gyi// dpag tshad brgyad stong khang bzangs la// bkra shis rang mdzes chu rgyun dang// shing ljon skyed tshal du ma la/ / bya dang bung ba'i tshogs kyis gang// bdag nyid chen po thag bzangs rigs// lha min bu mo rab mdzes rnams// rin chen rgyan sras rtse dga' byed// 'jigs pa med pa'i rdzu 'phrul ston/ / stobs chen rab dgod nga rgyal rlom// lha min thams cad stags skyed cing// longs spyod rtse rgod bag med spyod// tshe 'di rang lo stong phrag brgyad// de ltar lha min rigs rnams ni// dud 'gro rigs man ngan song gnas/ / 'phos te lha dang mir skyes kyang// rang rang rgyu mthun 'bras bu 'byung// phral du dmyal bar ltung bar byed// chags sdang gnyis kyi sred pa yis// lha dang lha min 'thab rtsod rgyu// rkyen ni lha min bu mo yis/ / lha yi gnas su ltas pa las// lha yi bu rnams 'dod pa g.yos// lha yi bdud rtsi'i char phab pas// lha min rnams ni 'dod pa skyes// zas la chags shing mo la sred// mig ser phrag dog nga rgyal gyis/ / lha min sgra gcan dbang ldan khros// lha dang lha min g.yul 'gyed 'gyur// mi rnams dge spyod 'thab rtsod ni// dkar po'i klu rnams dga' ba yis// mi yul bkra shis bde legs 'byung/ / 'dres spyod lha min nag tshogs tsam// 'phreng thogs lha rnams rgyal bar 'gyur// mi rnams mi dge log spyad na// lha mi dpung skyed zhe khros nas// nag po'i klu dang ma mo yis// lo nyes nad yams 'khrug pa dang/ / gangs chad chu rdol glog gi sgras// gling bzhi'i mi la 'tshe bar byed// dang po lha min rnams tshogs nas// nag po klu yi phyogs byas te// sgra gcan dbang po g.yul 'gyed 'ong// de rnams rgyal chen rigs bzhis 'joms/ / pham pas grong khyer gnyis pa yi// rgyal pos me tog 'phreng 'dzin gyis// 'khor rnams sbran te go bgos nas// mi bzad g.yul 'gyed drag po la// rgyal chen bzhi yis pham par byas/ / de tshe grong khyer gsum pa yi// rab dgod thag bzangs dbang po khros// kye/ lha min rnams la stobs med cing// lha min bu mo g.yo sgyu can// lha yi yid ni mi sdud dam// nor rgyas klu sogs nag po'i tshogs/ / tshar gcad bya phyir chas so zhes// lha min dbang pos kun la bsgos// lha min grong khyer sum brtsegs kyis// shing rta mtshon cha go bgos nas// bu mos lha bu mgo skor zhing// rnga sgra lha min cha sgra yis/ / ri dang nags tshal mtsho rnams g.yos// de tshe lha rnams dga' ba'i tshal// lha dbang chos bzangs mdun sa nas// kun la bka' bsgos shing rta'i tshal// go cha 'dod phyir rgyug par byed// rtsub 'gyur tshal du g.yul 'gyed tshe/ / glang po chen po sa srungs bu// lus chen dpag tshad stong yod pa'i// mgo'i stong de stong ri rab stong// de stengs lha yi dmag tshogs 'bum// bu mo mdzes mas rtse dga' byed// lha yi bu rnams rin chen brgyan/ / shing rta zhon nas mtshon cha thogs// bar snang thams cad gang ba yis// sgra chen sgrog cing dong bar byed// de tshe stobs ldan nag po ma gtogs pa// lha min thams cad spu zing byed// lha min rnga sgras rgya mtsho 'gul/ / klu rnams rgyugs pas sa gzhi g.yos// gnod sbyin khros pas skar mda' ltung// 'jig rten skyong pas gling bzhi nyul// dang po klu rnams dug char 'phen// me 'od 'brug stong glog dmar 'gyed/ / de tshe lha min dga' ba'i sgra// ha ha 'byin cing rgyug par byed// de la kun tu rgyu ba'i lha// 'phreng thogs bcas pas g.yul 'gyed 'gyur// de la lha min ri bo 'phen// thams cad mtshon cha'i char 'bebs byed/ / de tshe lha rnams mtshon cha'i char// phab pas ri ldeg rgya mtsho 'khrug/ sgra ni gnam sa grum mnyam grag/ mtshon cha rdo rje ser ltar bab// glog 'phreng bskal pa'i me 'od 'phro// lha min rgya mtsho'i nang gnas rnams/ / snying 'gas dran med phyogs bcur rgyug/ de tshe rab dgod thag bzangs khros// lha yi dbang po'i thog tu mchongs// ral gri mtshon cha'i 'khor lo 'phangs// de la glang po sa srungs bus/ / sna yi dbugs kyis 'gyel du bcug/ rdo rje rmig pas phye mar brlags// lha dbang sprul pas nam mkha' khengs// gnam lcags char phab lha min bros// sngon gyi bsad bcad rnam smin gyis// la la smas shing la la shi/ / lha min bu mo mya ngan byed// smas shing mi dang mtshungs pa yin// phrag dog gdug pa'i las 'bras kyis// dngos po gang mthong go dang mtshon// lus kyi las su gsod dang rtsod// ngag tu rgyob dang sod sgra sgrogs/ / yid la rtag tu dgra dang 'khrug/ shi ba'i ro ni rgya mtshor skyur// mtsho ni khrag tu 'khrug par 'gyur// mgo dang sked pa ma chad na// lus la mtshon bsnun rma yis ni// las ngan yod pas 'chi mi 'gyur/ / rtag tu las kyi sdug bsngal spyod// lha rnams srog gcod spangs pa yis// mi 'chi rma byung de kar 'tsho// lha rnams dga' ba'i tshal du bzlog/ sdang sems med pas dga' bde spyod// lha min rang yul 'thab rtsod byed/ / ngan song sdug bsngal bsam mi khyab// ma rig 'khrul kyang sbyin pa dang// tshul khrims dge bas las grub phyir// gling bzhi dang ni gling phran gnas// sgra mi snyan na dge ba'i mthus// gzugs bzang khru ni sum cu gnyis/ / rdzus skyes tshe lo stong thub cing// longs spyod 'dod lha bzhin du yod// lus 'phags khru brgyad skyem byed legs// drod skyes nyis brgya lnga bcu thub// ba glang spyod pa khru bcu drug/ sgong skyes lnga brgya longs spyod che/ / 'dzam bu gling na khru bzhi pa// mngal skyes lus kyi rig rtsal che// tshe la nges med dpag med nas// bar du brgyad khri tha ma bcu// de las thung ba ma yi mngal// gling bzhi tsam nas mngal skyes mang/ / dbyibs dang kha dog sa gzhi 'dra// thun mong mi rtag skye shing can// bsod nams las grub 'dzam bu sras// las kyis sa par bshad pa 'di// bskal ba dang nas tha ma'i bar// dus kyi bzang ngan rim pa ru/ / bde sdug gnyis la rim par spyod// tshe lo dpag med brgyad khri'i dus// mi yi gzugs gzung chags sdang chung// sgra mi snyan bzhin longs spyod che// sa zhag ma rmos sa lu ljang// rtsol ba med pa'i longs spyod yod/ / sde rigs khyim thab med par bde// bar du las kyi chags sred kyis// gsog 'jog btsal bas longs spyod nyams// byang chub sems ldan kun don gyis// rgyal po byung nas sde rigs dgos/ / 'dod nyung btsun pas bram zer grags// mkhas pa rje'u rigs phal pa dmangs// ngan spyod snol bar grags pa bzhi// las kyi rtsol bas longs spyod ldan// khyim thab ngo tsha'i 'dzin rtog byung/ / bsod nams las la spyod pas bde// de nas chags sdang dge sdig dran// zug rngu las dbang cher song nas// brgyad khri bcu par thub pa yi// mu ge nad mtshon me chu rlung// lo zla zhag bdun go rims 'ong/ / dge bas dus kyi bskal pa bzang// bsod nams las byung gser zangs dngul// lcags las grub pa'i 'khor lo yis// sgyur rgyal mi yi dbang phyug po// 'khor lo nor bu bud med de/ / blon po dmag dpon glang chen bdun// nye ba ral gri pags chen dang// tshal dang gos snam mal cha bdun// longs spyod kun la dbang byed cing// sprul sku'i bstan pa rin chen sgron// dge slong rnams ni 'byung ba'i phyir/ / nyams pa med pa'i tshul khrims ldan// de nas las dbang mi dge mthus// tshe dang longs spyod stobs rnams bri// gdul dka' 'dul ba'i dus la bab// rgyal po sde dpon so sor 'byed/ / bston pa'i chos la sde rigs gyes// theg pa sna tshogs grub mtha' gcod// spang blang bde sdug sna tshogs 'byung// gnyen po mi thub ngan dbang 'chor// mi dge bcu sogs ngan spyod dus// lnga bcu'i tshe la rtags tsam 'dzin/ / bzhi bcu'i dus na bstan pa nub// bde skyid zad pas ngan 'gror mtshungs// de rnams dge sdig rnam smin gyis// dbang gi 'bras bu thun mong dang// thun mong ma yin gang byas myong// sna tshogs las kyis skyed pa'o/ / nyon mongs rags shing bsod nams phra// mi dge rtag tu sdug bsngal ba'i// rtsod ldan dus kyi snyigs ma lnga// nyon mongs che la gnyen po chung// rmongs pa phyin ci log la gsal/ / dus kyi snyigs ma 'gyur ldog che// tshe thung nad mang blo bur 'chi// zas la bcud med 'tsho bas 'phongs// nyon mongs dug lnga rang khar spyod// dbang phyug sgyur smra'i chad lta 'dzin// dge dman sdig pa dga' che bas/ / mi lus thob kyang mi khom gnas// skye rgas na 'chi'i rba la g.yeng// ma rig las kyi rnam shes de// mi gtsang khrag gi mngal nas su// tsha grang 'khyams rtags ris non pa'i// sdug bsngal myong zhing 'jur mig la/ / drangs pa'i tshul gyis skyes tsam na// gsar gyur pags bshus gshed mas khyer// sngangs skrag skye ba'i sdug bsngal myong// las kyi rnam smin lus po la// phyi rol ltogs 'khyams ngal dub dang/ / mtshon dang 'byung ba dug gi nad// rlung mkhris bad kan gdon 'dus kyi// rtag tu lus la 'tshe nad mang// bu dang chung ma gnyen bshes tshogs// 'brel pa dgra dang mnyam du gnod// byams gnyen phan btags bral dogs brtser/ / sdang dgra gnod skyal byas dogs dang// ma ldang ma phyid dogs pa yis// med pa 'tshol ba'i sdug bsngal spyod// yod pa 'tsho skyong zhen chags che// mnga' rigs che chung gang yod la/ / sred pas dud 'gro bas kyang gdug/ mi tshe ltogs dogs yid gdungs shing// yi dwags bzhin du bkres shing 'phongs// chog shes med pa'i sdug bsngal la// bde bar lta zhing sdug bsngal spyod/ / grogs bshes gshin yul rnams dang bral// dgra yi tshogs kyis bcom gyur te// mdza' yang 'bral la sdang yang 'grogs// dus rnams kun tu bde ba med// bzang po khengs shing grags pas myos/ / mtho la snyeg 'dod mnyam la 'gran// phrag dog sma la mnyam pa yi// sdug bsngal rgyu 'bras rang gzugs 'gyur// ngan pa kun nas 'phongs pas nyen// bde ba'i go skabs med pa la// thar pa bsgrub 'dod gser bas dkon/ / mi dge phra rags rdul bas mang// rnam rtog 'byung ba'i lus stobs bri// phyi nang bde skyid dman par gyur// lus nyams sems rmongs nad khams mang// mdangs shor tshe thung rgas pa'i dus/ / snum zad me bzhin pha rol tu// 'gro la khad de sdong rul bzhin// gso thabs med pas kun gyis mnyam// rgas pa'i sdug bsngal bsam mi khyab// rgas pa zhum zhing stobs zad nas// tshe dang srog dang drod 'gags pa/ / nad gcod sdug bsngal zug rngu ni// sha rus pags bral rtsa rgyus 'chang// srog snying rnam shes rten bur bral// 'jig rten zhig pa'i dngangs skrag gis// snying khrag po ste 'chi ba yi// sdug bsngal bshad na glo snying 'brum/ / rang snang rang rig ma shes pas// snang med mun pa'i bar dor 'khyams// dbang po kun tshang thogs med kyis// snga phyi'i rigs mthun kun mthong ngo// ngo mi shes pas mun par 'thums/ / khams gsum 'khor ba'i sdug bsngal spyod// 'chi ba las zad tshe ma zad// sdug bsngal blo bur rkyen gyis 'chi// las zad tshe zad mnar nas 'chi// de la bzlog thabs ma mchis pas// bsod nams ma zad tshe zad 'chi/ / nad med bde bar blo bur 'chi// las ngan zad nas tshe zad 'chi// tshe ring nad med bde bar 'chi// blo bur tshe zad dge bas bzlog/ lus sems rang bcud zad pa yi// dus kyi tshe zad 'chi ba la/ / sangs rgyas stong gi mthus kyang rdugs// mdor na 'tsho rkyen yod pa na// rgas kyang 'chi ba bsring du yod// 'tsho rkyen med na gzhon yang 'chi// tsho la nges med sprin dang 'dra// tshe 'di'i snang ba nub pa la/ / 'chi ba zhes ni tha dad rtags// 'chi 'pho'i sdug bsngal yod re 'khrul// mi lus don med glang gi snying// g.yeng bas mnar ba'i spre'u ste// yun rings nad par gcong can 'dra// 'du byed 'bad pa don re chung/ / khom ldan mi lus nyin mo'i dus// skar ma bas kyang shin tu nyung// dge ba brtson pa'i 'du shes kyis// tshul khrims sna re bsrungs pa yis// ri rab gser nas 'phang du med// 'bum dang drug khri brgyad stong ste/ / phyid ni lha min gnas su bstan// steng du bang rim bzhi po ni// rin chen bzhi las grub pa yi// khri phrag drug cu'i ri bo mdzes// phyi rim ri bdun rol mtsho bdun// gnya' shing 'dzin gyi rten gnas/ / phyogs kyi gtso bo rgyal chen bzhi'i// gnas bzhi gnas 'khor bcu bcu steng// bzhi bcu gnas kyi 'og ma ni// bang rim dang po'i 'phreng thogs nas// skyabs song mchod sbyin dang byas rgyus/ / phyogs dang zur dang mtha' gnas pa'i// nyer mtsho dkar po thams cad dga'// nags tshal yid 'ong nye ba'i tshal// gnas bcu skor ba'i yul de la// rin chen sna tshogs mdzes pa'i tshal// me tog ljon shing du mas brgyan/ / chu gtsang sbrang chang rgun 'brum chang// 'bab chu sna tshogs 'thungs pas myos// sgra snyan bya dang bung bas khengs// rgyan gos longs spyod bza' btung rnams// bsams pa tsam gyis 'byung ba dang/ / mdzes pa'i lha mo brgya phrag gis// sna tshogs mchod pas mgu bar byed// me long tshal du sngon gyi las// snang 'gyur dran pas dga' bde skye// rlung bzhin skad cig 'dod kun rgyug/ 'dod pa'i zhen pas dngos su 'khrig/ bu tsha pha ma'i mngal du ni// pha ma'i rtsib logs g.yas pa nas// zhag bdun gnas te lo lnga'i tshul// gos dang khang par bcas pa ru// skyes nas zhag bdun nang du rdzogs// 'phreng thogs la sogs lus kyi tshad/ / rgyang grags bzhi cha gcig yin la// rgyal chen bzhi ni rgyang grags phyed// skyes te bde bar ldan par 'gyur// gnyis pa lag na yol thogs ni// tshul khrims dkon mchog mchod pa dang/ / dman pa'i 'gro la sbyin byas rgyus// gzhan rnams sngon nas pad+ma'i nang// mdzes pa'i gzugs dang bung sgra snyan// rlung gis dri zhim ro reg dga'// yul lnga'i bde ba sbyor ba ni// sngon las lhag ste rdzus skyes ldan/ / 'khor lo sgyur ba dper bya min// lha mo rnams dang lhan cig rtse// sred pa 'phel bas gzhan du 'pho// de nas gsum pa rtag myos kyi// gnas bcu gzhan la snod yangs shing// sdom ldan sbyin gnas skyob pa'i rgyus/ / lha dga' ut+pal pad+ma'i tshal// 'dod pa lnga yi longs spyod la// snga ma gnyis pas bcu 'gyur lhag/ yid kyi bde ba longs spyod ldan// mdzes pa'i lha mo myos ma dang// bya dang bung ba bde bas myos/ / me tog char 'bebs glu gar gyi// sil snyan mchod pa bsam mi khyab// khyad par dga' ba rtag tu 'phel// de nas bzhi pa pi wang gnas// rgyal chen bzhi ru skye ba'i rgyu// kun dga' gnas dang mchod sbyin sogs/ / dge 'dun zhabs thog brtson pa yis// tshul ldan chos bkod pa las// dri dga' shar nas yul 'khor skyong// dga' ldan 'phags skyes lho yi phyogs// gzugs myos nub na mig mi bzang/ / lus ngan byang phyogs lcang lo can// rin chen gzhal yas 'od 'phro'i nang// yid 'ong mdzes pa'i lha mo yis// rtse zhing sgra snyan sgrogs par byed// mdzes pa'i ri bo sna tshogs la/ / mtshungs med me tog ljon pas brgyan// bya dang bung ba gsung snyan sgrog/ chu bsil 'bab chus ro bcur ldan// sna tshogs 'dres pa'i dge ba yis// sna tshogs mdangs ldan tshul du 'ong// tshal rnams kha dog spos so ste/ / rang lus de yi kha dog 'gyur// dper bya shel dang mtshungs pa yin// rnam pa du ma'i bde ba yis// yul drug myos par phyed pa yin// phyir zhing srid pa cher 'ong bas// srid pas ma tshim tshe zad nas/ / gzhan du 'phos te las kyis ltung// de 'khor kun tu rgya ba'i lha// bye ba gnas pa'i gzhal yas khang// sgron me phul ba'i sbyin stobs kyis// mkha' la nyi zla gza' skar grags// gling bzhi mun sel legs nyes ston/ / nyi ma me shel drod kyi 'od// dpag tshad lnga bcu rtsa gcig 'og/ zla ba chu shel bsil gyi 'od// dpag tshad lnga bcu gyen 'phang ste// nyi ma'i 'od kyis 'phel 'grib byed// nang na skyed tshal grong khyer dang/ / dga' bas brgyan pa'i longs spyod ldan// rang rtsal rlung gi shugs kyis 'khor// rgya mtshor gnas pa'i rdzings bzhin du// gzhal yas mi g.yo rlung nyid g.yo// nam phyed nyi ma nub pa dang// nyi ma phyed dang 'char dus gcig/ skar ma dpag tshad re re ste// thams cad gzhal yas khang yin yang// de'i lha tshe zad 'chi ba'i dus// gzhal yas khang zhig rgya mtsho'i nang// skar mda' ltung zhing klu rnams bkrag/ 'di rnams mi lo lnga bcu zhag/ gcig tu rtsis pa'i zla zhig ni// rang lo lnga brgya tshe yi tshad// de nas mi dang lha yi tshad// nyis 'gyur nyis 'gyur rim bzhin no// sum cu rtsa gsum skye ba'i rgyu// dgra bcom pha ma mchod byed cing/ / tshul khrims skyon med sbyin pas 'grub// brgya byin lha yi dbang po la// bye ba stong gi lha mos mchod// lhun po'i rtse mo brgyad khri'i steng// grong khyer chen po blta na sdug/ bye ba'i dbus na chos bzangs gnas/ / rnam par rgyal ba'i khang bzangs ni// dpag tshad lnga brgya rin chen gyi// gzhal yas nyi zla'i 'od bas gsal// dpag med dga' ba'i tshal rnams dang// rin chen rdzing bu du ma rnams// me tog tshogs kyi ra bas brgyan/ / bung ba bya rnams mang pos gang// dri zhim ngad ldan mtshungs pa med// rin chen bye ma brdal ba'i steng// khang bzangs brtsegs pa dpag tu med// tshal dang nye ba'i tshal rnams dang// dus dang dus min zas dang gos/ / lha yi rgyan rnams yid bzhin 'byung// rma bya ngang pa rta dang glang// lha yi byol song dga' bas rtse// lha yi bu mos dga' bas mchod// de sras lha kun bde bas khyab// nye dbang sum cu rtsa gnyis rnams/ / lha gnas grong khyer nyams dga' bar// kha dog gzugs mdzes phun sum tshogs// thams cad rin chen sa gzhi la// gzhal yas khang mdzes skyed tshal dang// rin chen rdzing bu spos dang ldan/ / me tog sna tshogs rab bkra zhing// ljon pa 'bab chu mdzes ldan dang// bza' btung rin chen snod rnams dang// rin chen khri gdan bkra ba'i gos// 'od ldan rgyan kun bsam pas 'grub/ / bu mo mdzes ma du mas mchod// dus 'da' yul lnga'i dga' bde spyod// nyi zla bas lhag 'od 'bar mas// nyin mtshan cha ni gnyid mi gnyid// me tog kha ni 'byed 'dzums dang// bya skad sgrog mi sgrog gis 'byed/ / lha dag gnas ni de rnams kyi// shar phyogs shing rta sna tshogs tshal// rtsub 'gyur lho la 'dres tshal nub// dga' bas brgyan pa byang na yod// byang shar yongs su sa brtol shing// lho nub khrus kyis rdzing bu dang/ / nub byang a mo la ki rdo// shar na chos bzangs mdun sa yod// mtha' la lag na rdo rje'i gnas// thugs rje las byung rnga bo che// lha min gdug rtsub bzlog pa yis// gzugs med chos kyi sgra sgrogs yod/ / gnyis gnyis 'khyud nas dbang po sprad// ma yi mngal du zhag bdun gnas// byis pa lo drug lta bu skye// de tshe ma mthong yul mthong bas// ngo mtshar yid g.yo brtags dpyad byed// rgyu de sngon gyi dge bar shes/ / dga' zhing yi rang bag dang ldan// lus kyi tshad ni rgyang grangs gcig/ skyes nas zhag drug bar du rdzogs// lha mo mdzes ma mang du 'byung// bde ba'i longs spyod tshogs kyis mchod// bag med sred pas skye gnas brjed/ / bslar zhing sred pas dus 'da' med// dge ba'i las zad tshul min gyis// lha yang sdug bsngal shin tu che// 'jig rten gnas kyi mchog yin yang// 'phags pa ma gtogs sdug bsngal bas/ / longs spyod sred pa'i le lo yis// thar lam bral te tshe zad dus// rang lo stong phrag gcig thub nas// lha yi nye ba'i 'chi ltas lnga// 'dod log skyes pas lha mo rnams// gzhan gyis khyer zhing 'bros par byed/ / khang bzangs rnams kyang 'jig la khad// mdzes pa'i me tog 'phreng ba brnyings// 'od kyang sngar bas chung du 'gro// gos dang rgyan gyi kha dog nyams// nges par 'chi ba'i rtags lnga las/ / bza' btung thams cad rul ba dang// lus la 'od med dri ngan 'byung// mi snyan sgra thos grogs kyis 'bor// khang bzangs bstan yang 'jig par 'gyur// mig mi phyed cing 'dzum par 'gyur// sngon chad med pa'i sdug bsngal 'byung/ / a tsa ma yi smre sngags 'don// kye ma kyi hud 'dre log byed// zhag bdun bar du sdug bsngal myong// dmyal ba bas kyang sdug bsngal che// sngon gyis bsod nams ma yin pa'i/ / las kyi 'bras bu 'thur du lhung// de mthong sdug bsngal bsran mi bzod// de phyir thar pa ma thob na// lha yi bde ba sdug bsngal dngos// 'di la su zhig smon par byed// lhag pa'i tshul khrims rnam pa bdun/ / khyad par 'dod log spangs nas su// pha ma nad pa chos smra la// longs spyod byin zhing chos 'tshol ba// ri rab nas ni drug 'bum khri// brgya stong steng gi nam mkha' la// rlung gis rin chen sprin phung bteg/ de stengs mtshe ma'i grong khyer ni// rab mdzes nyi shu rtsa bdun ni// thams cad rin chen ri mchog steng// sum cu rtsa gsum gnas gzhi la// de las bcu drug 'gyur gyis 'phags// dge ba'i las kyi mthu yin te/ / de bzhin gnas rim de dag kyang// rin chen lnga las grub pa ste// mtho ba dpag tshad stong phrag la// dri med shel ltar 'od gsal zhing// rin chen ljon pa bkra ba la// bza' btung gos dang rgyan rnams ni/ / bsams pa tsam gyis 'byung bar 'gyur// rin chen me tog du ma dang// bya dang bung ba sgra snyan 'byin// bsam gyis mi khyab tshal bcas dang// rin chen khang pa brtsegs pa'i nang// lha bu re la lha mo stong/ / mdzes pa'i rnam 'gyur sil snyan sgra// dri zhim ngad ldan bde ba myong// rma bya ngang pa shing rta zhon// ri bo'i ngos dang mkha' la 'gro// 'phags pa'i bya rnams chos sgra sgrogs// bskul yang sred pa'i dbang du 'gro/ / mi rtag de yi don mi rtogs// bag med 'dod pa lnga la zhen// de na rgyal ba'i thugs rje las// rabs bdun rgyal ba'i mchod ten yod// rin chen bdun las byas pa yi// mdo rnams lha dbang ston par byed/ / de yis bsod nams ldan pa'i lha// bag yod chos spyod gong du 'phags// lus sems can na myob pa las// mdzes ldan 'khyud pas 'khrig tshim byed// byis pa lo bdun lon 'dra skye// sngon gyi skye gnas rjes su dran/ / rgyang grags gcig dang bzhi cha gcig/ zhag lngas tshad lus rdzogs pa yin// bag med spyod pas skye gnas 'grib// bag med lha rnams longs spyod bslus// sngon gyi dge zad bde skyid nyams/ / ngal dub yul 'gags 'khor gyis spangs// lus 'dor yid skrag 'chi ltas 'byung// 'og tu ltung ste dmyal bas gtug/ lha la smon pa'i bsam gtan 'khrul// rang lo nyis stong tshe tshad rdzogs// de las khyad 'phags dga' ldan ni/ / sbyin sogs tshul khrims dag par bsrungs// chos la sems pa'i byams pa yis// lta bas yid smon byas pa yis// dga' ldan gnas nyid nyams dga' ba// dri med 'od kyi gzhal yas khang/ / sna tshogs mdzes pa reg na bde// lha'i bu dri med zla mdzes la// re re lha mo 'bum phrag bskor// yid 'ong mdzes pa'i sgra dbyangs kyis// mchod byas bde ba dpag tu med// rin chen sna tshogs sa gzhi la/ / bdud rtsi chu bsil rdzing bu mdzes// me tog kha dog dpe legs brgyan// tshal mchog dgos 'dod char bzhin 'bab// rin chen lhun po sna tshogs la// ljon shing bya tshogs du mas gang/ / snyan pa'i sgra 'byin bar snang las// sil snyan chos kyi rnga sgra sgrogs/ khang bzangs rin chen them skas can// dril bu g.yer kha'i dra bas mdzes// dri zhim spos kyi ngad ldan zhing// rin chen shing rta zhon nas su/ / glog 'gyu tsam gyis gar 'dod bgrod// tshe rabs snga ma dran pa yod// de na sngon gyi smon lam mthus// 'phags pas sprul pa'i lha rnams yod// rgyal sras mi 'pham mgon po bzhugs// byang chub lam la 'god par mdzad/ / phyogs bcur sprul pa bsam mi khyab// bde ba che la lha rnams bskul// 'khor lo bskor ba bla na med// 'dod pas myos pas lha rnams ni// lag bcangs reg pa tsam gyis tshim// zhag bzhi lo brgyad tshul gyis skyes/ / lus tshad rgyang grags phyed dang gnyis// mngal nas dus bzhin tshad lus rdzogs// de tshe sngon gyi dge dran spyod// bsod nams ldan rnams pad+ma la// rdzus skyes ting nge 'dzin la gnas/ / tshe lo stong phrag bzhi thub bo// rang gi rtsol ba'i nga rgyal gyis// rkyen las ma ltos rang 'khrul ba'i// sbyin sogs tshul khrims dge ba rnams// sngon las lhag pa'i 'bras bu yi// 'phrul dga'i lha dbang 'khor bcas rnams/ / brgya byin 'bum pas bde stobs lhag/ rin chen sna tshogs sa gzhi la// ri bo ljon shing me tog dang// skyed tshal sna tshogs mdzes par bskor// gzhal med khang chen khri stan dang// dri mchog gdugs dang ba dan dang/ / gos dang 'phreng ba rgyan rnam pa// rol mo sil snyan du ma dang// zhal zas ro brgya ldan pa'i bcud// rang gis bsams pa tsam las su// 'dod pa rang gi sprul pa ste// lha mo 'bum phrag mang po dang/ / rgod cing reg pas yid tshim byed// lag tu me tog gtad pa tsam// zhag gsum pad+ma'i nang nas su// lo dgu lon pa lta bu skye// lus tshad rgyang grags phyed dang gnyis// zhag gsum rdzogs te sngon la dran/ / dpag med 'dod yon lnga spyod cing// dregs pa'i nga rgyal zhen pa rnams// stobs ldan bdud dbang rigs su 'gyur// de rnams lha dbang zlog par byed// dga' ldan gnas las khyad 'phags kyang// 'phags pa ma yin lha rnams tshal// 'dod yon bde la sred pa yis// sngon gyi dge zad dus 'das te// nye dang ring ba'i 'chi ltas bcu// byung ste nyams nas ngan song lhung// tshe ni rang lo stong phrag brgyad/ / 'dod pa gzhan gyi ster ba yi// gzhan 'phrul dbang byed skye ba'i rgyu// sbyin dang tshul khrims bzod la sogs// ma nyams skyon med bsrungs ba'i mthus// 'chi kha dag pa'i sems ldan rnams/ / khyad 'phags lha yi rigs su skye// 'chi khar log ltas mtshams sbyor ba// bdud rigs rnams su skyes pa yis// de 'bras mnar med gnas su 'gro// log lta spangs pa'i dge ldan pa/ / gzhan la dbang byed stobs dang ldan// dbang sgyur lha yi gzhal yas khang// rin chen bye ma brdal ba'i ljongs// ri bo brtsegs pa'i steng na// kun gsal 'od kyi khang pa ni// gru bzhi gru mang them skas dang/ / skar khung ba gam du mas mdzes// lha yi rol mo du mas spras// gser dngul shel dang baiDUr+Ya// mar gad rA ga sbug la sogs// spel legs 'ja' tshon 'od kyis brgyan// skyed tshal rdzing bu me tog bcas/ / gar 'dod rdzu 'phrul yud kyis 'gro// bza' btung gos dang rgyan mchog dang// dri mchog phye ma 'phreng ba dang// sil snyan snyan pa'i sgra dbyangs kun// 'dod khams kun las 'di nyid lhag/ khang bzangs la sogs lha mo rnams/ / re re 'od dang kha dog gzugs// mdzes pa'i glu gar rtsed mo rnams// 'jig rten gsum na ma mchis pas// chags phral mgon po ma gtogs pa// 'di la mi sred su zhig 'ong/ / ltas pa tsam gyis 'khrig pas tshim// lag mthil me tog pad+ma'i nang// bu tsha lo bcu'i rnam pa skye// lus kyi tshad ni rgyang grags gnyis// zhag gnyis nang du tshad lus rdzogs// sngon shes sngon gyi dge ba dran/ / de nas gzhan dag lha mo yis// 'dod yon lnga gter bag med kyi// sred pa phyir 'phel dus 'da' ste// nam zhig sred pas chags sdang skye// mi dge bdud kyi bsam pa 'char// 'chi ltas lnga tshang bdud kyis dbang/ / las kyis mnar bas na rag spyod// de las ldog pa'i lha rnams ni// 'phags pa'i blo ldan bsam gtan gnas// zhen pa med pa'i bde la spyod// rang lo khri dang drug stong thub// pho mo'i gzugs can 'dod pas 'khrig/ 'dod chags bzhi yi srid pa la// 'dod yon lnga las 'dod chags pas// bde ba rags pas 'dod khams pa// de ru skye ba'i gzugs can rnams// kun rdzob gos dang khang par bcas/ / 'dod pas skye ba gsum yin no// 'chi ba ma gtogs lha rnams la// skye rgas na ba'i sdug bsngal med// sngon gyi dge ba'i 'bras bu yin// bsod nams zad pa'i rnam smin gyis// 'chi khar mnar med pas kyang sdug/ lhun po'i steng na gnas pa yi// 'dod lha'i bde ba sdug bsngal te// las kyi yid byed 'khrul pa yin// 'khor ba dag na bde ba med// bde bar 'dod pas sdug bsngal 'grub// gzugs kyi khams gnas bcu bdun la/ / gzugs la gzung bas gzugs khams pa// dug gsum 'dod zhen bral ba yi// sbyin dang tshul khrims gtsang ma'i gnas// bzod pa bsam gtan cher gnas pas// bsam gtan dang po 'thob pa'i rgyu/ / dge ba sngon pas dag par spyod// 'dod khams tshe 'di'i bde ba rnams// chags zhen sred pa'i rgyur mthong nas// de nyid spong 'dod bsam gtan la// zhen pas mtshams sbyar tshangs rigs skyes/ / spro bas tshangs pa'i mdun na 'don// gzhan phan yod pas tshangs chen du// chung 'bring chen po'i bsam gtan de// gti mug dang ldan 'khor ba ste// don rab 'byed shes 'phags pa'i lam/ / de rnams rdzus skyes gos dang bcas// bzod pas gzugs bzangs phun sum tshogs// tshangs rigs lus tshad dpag tshad phyed// dpag tshad gcig gnyis rim pas rdzogs// rin chen sna tshogs 'od kyi zhing/ / mtho dman med pa'i mnyam pa nyid// tshangs pa'i gzhal med khang chen ni// 'dod khams rin chen kun las lhag/ de 'od sus kyang sgrib mi nus// chos kyi sil snyan sgra mi 'chad// pho dang mo yi ming yang med/ / dpag med longs spyod ldan gyur yang// 'dod pa med de bde ba'i ngang// gnyid dang nyin mtshan rtog pa bral// bsam gtan zas kyi dga' ba spyod// kun kyang rdzu 'phrul 'od dang ldan/ / 'dod khams sdug bsngal gnas su mthong// nyi ma srin bu me khyer mtshungs// tshangs pa'i rgyal po 'di yis ni// rgyal ba rnams la chos gsung bskul// de phyir mi mjed bdag po zhes// khyad par 'phags pa'i lha yin no/ / phyin ci log rnams log par lta// gzugs khams lha rnams thun mong du// lus rdzogs gos dang gzhal yas khang// bcas pa 'og min bar du yin// thun mong ma yin bsam gtan khyad/ / gong mas gong ma khyad du 'phags// bsam gtan gnyis pa rtog med bsgom// 'od chung du skyes sngon pas lhag/ lus kyi tshad ni dpag tshad bzhi// spro dga' dang bcas bsgom pa las// dpag tshad brgyad gzugs tshad med 'od/ / phul du 'byung bas 'od gsal 'od// lus la dpag tshad bcu drug go/ 'di rnams gnas ni dngos 'dzin med// 'od snang las grub gzhal yas yin// shin tu dga' bde bsam gtan spyod/ / tshim par gyur pa'i zag bcas yod// de nas dga' bde zhen pa bral// shes bzhin rtse gcig rig pa las// bsgom pa bsam gtan gsum pa'i don// dge chung bstan byas tshad med dge// bstan pa thob pas dge rgyas skyes/ / lus tshad rim bzhin so gnyis dang// ro zhing brgya dang nyi shu brgyad// bsam gtan dben pas gang bsams 'grub// mtshungs med 'od kyi gzhal yas na// 'grib pa med pa'i bde ba 'tsho/ / rang bzhin rtogs pa ma bral bas// gzung 'dzin nyon mongs gting na zhen// zag pa zad na 'phags lam ste// bsam gtan bzhi par skye ba'i rgyu// rnam rtog tshogs la mi g.yo bsgom// smin med skye ste lus kyi tshad/ / dpag tshad nyis brgya lnga bcu'o// de nyid goms stobs bsod nams skyes// lus la dpag tshad lnga brgya yod// mi 'gyur gzhi che 'bras bu che// lus la dpag tshad lnga brgya yod/ / lus la dpag tshad stong gnas te// nyon mongs bag la nyal ba yod// 'jig rten kun rtog ma bral bas// nam zhig bsod nams las zad mthus// nyon mongs skyes nas dus 'da' byed// don shes bsam gtan 'phags lam bgrod/ / shes rab mi ldan bsam gtan ni// g.yang sar gnas pa'i dmus long de// gnas chos 'thur ma ltung ba bzhin// srid pa'i ngan song g.yang la ltung// bsam gtan gnas pa'i lha kun ni/ / gnas skabs tsam gyi bde ba ste// 'khor bar ldog pa'i bsam gtan yin// bsam gtan bzhi pa'i lha rigs cig/ 'du shes bkag nas dben pa byed// de yis mya ngan 'das par 'dod/ / nam zhig 'du shes sad pa dang// phyir zhing log ltas mtshams sbyar nas// mkha' la rgyu ba'i yi dwags te// tshe ring lha rnams mnar med skye// mi khom brgyad gnas 'gro ba yin// bsam gtan rdzun pas thar mi thob/ / gtsang ma rigs kyi lha lnga po// nyon mongs zag bcas bral ba yis// sbyin sogs dge bas skyed pa las// bsam gtan shes rab cha dang 'brel// nyon mongs cha che mi che ba// nyon mongs cha chung mi gdung ba/ / bral bas gya nom snang ba dang// bsam gtan gnas pas shin tu mthong// dbang thob 'og min lus kyi bar// nyis stong bzhi stong brgyad stong dang// khri dang drug stong sum khri dang// nyis stong lus kyi tshad yin no/ / tshe tshad tshangs rigs bskal chung ni// nyi shu de bzhin bzhi bcu dang// tshangs chen lnga bcu rtsa brgyad dang// 'od chung bskal chen gcig yin no// de nas yar la bcu bcur 'phel// sngon dge tshe tshad ring ba yin/ / de rnams rang snang gzhan snang gi// gzugs dang gzhal yas khang dang bcas// ri rab la brten lha gnas yin// gzugs med rten la ma chags par// bdag tu 'dzin la chags pa yi/ / bar snang sprin bzhin gnas pa ste// rgyu ni bsam gtan bzhi la brten// gzugs kyang nyon mongs rtog par mthong// gzugs kyi 'du shes bkag nas su// nam mkha' lta bur dmigs bcas pas// nam mkha' mtha' yas skye mched de/ / rang gzugs mi snang mkha' lta bu// rnam shes sna tshogs skye mched la// rtog tshogs 'du shes bshig pa yin// rnam shes mtha' yas skye mched de// rtog pa med pa'i 'du shes la/ / ci yang ma yin skye mched de// yod pa nyid la med dmigs nas// ci yang med rtog de bshig pas// yod min med min skye mched do// sems nyid mtha' bral lhun grub las// ma rig 'khrul pa'i bzo bcos kyis/ / nyon mongs can yid gang dang gang// goms pa'i snang ba de nyid la// gnas skabs de dang der snang ba// nyer dmigs zhi ba'i nga rgyal tsam// ji ltar lha yi bde ba yang// chab rom steng gi bzhin du/ / dus tshod gcig la ma tshor 'jig/ shes rab zin na 'phags pa'i lam// 'dod gzugs bral bas zhi yin yang// bag chags ma dag 'khor ba ste// shes rab med kun 'og tu ltung// tshe ni bskal pa nyi khri dang/ / bzhi khri drug khri brgyad khri thub// skyes pa de yi snang ba shar// 'chi ba de nyid 'gag pa yin// de ltar gang du skyes nas yang// skye shi'i las dang nyon mongs kyi// sdug bsngal rba la 'dzad pa med/ / sangs rgyas thams cad kyi bstan pa gzhi'i rgyud mchog rin po che sbungs pa las// 'khor ba'i nyes dmigs bstan pa'i le'u ste gsum pa'o//// ma rig 'du byed skyen pa yi// sdug bsngal srid pa'i rgya mtsho na/ / ma srid pa ni gang yang med// ma la bu skye kun gyi chos// bu la ma skye ka rta ste// chu las skyes nas zhag bdun ni// ma med tshe yi dus byed la// rang gi kha nas ma skyes te// ma yis khar mid khong du song/ / zhag bdun ma yi mngal du sdod// lus rdzogs spyir thon ma yis g.yos// ma dang mnyam du chu la 'phong// srid pa las kyi 'khrul pa 'di// kye ma 'dus byas rnam smin dag/ skye shi 'jig pa'i chos can te/ / snod bcud mi rtag chags 'jig stong// phyi yul mi rtag dus gzhi 'gyur// nang lus mi rtag skye rgas 'chi// snang ba mi rtag rmi lam 'dra// byas chos mi rtag sgyu ma bzhin// yul mkhar mi rtag dri za'i grong/ / dgra gnyen mi rtag tshong dus 'gron// zas nor mi rtag sbrang bu'i rtsi// sgyu lus mi rtag chu bur 'dra// bzhin mdog mi rtag bar snang 'ja'// tshe 'di mi rtag nam mkha'i glog/ btsan po mi rtag ri gzar dbab/ / dngos po mi rtag nam mkha'i sprin// 'dod yon mi rtag smi sgyu chu// gtan po mi rtag 'khyag thog mkhar// snga phyi mi rtag ston ka'i rab// skye shi mi rtag chu yi rba// rang gzhan mi rtag rtswa kha'i zil/ / bzang po mi rtag shi ba'i ro// mtho dman mi rtag chu khyer shing// 'du byed mi rtag gar mkhan bzhin// gcig tu mi rtag sna tshogs 'gyur// 'gyur zhing 'gyur zhing snying po med// 'jig rten mi rtag zog dang gsob/ / 'dus byas rkyen gyis sna tshogs bsgyur// sdug bsngal min pa gcig kyang med// ma rig rnam shes 'khyams po 'di// thog med dus nas da lta'i bar// nyon mongs dbang gis skye shi ni// yang nas yang du lus blangs pa/ / dpag med rdul gyi grangs pas mang// sems can gcig gi lus la yang// yang yang blangs pas bsgrang mi lang// sha rus bsags na sa rdo tsam// rnag khrag bsags na rgya mtsho bas// mang bar song yang don med yod/ / gzhan gyi lus blangs lta ci smos// snga ma shi ba'i ro mthong na// phyi ma skye ba glo snying 'dar// 'khrul pa'i rtsa ba ma chod na// las kyi skye ba chu rdol bzhin// srid pa'i skye sgo mi khegs pas/ / nyon mongs 'khor ba'i rgya mtsho 'dir// ma rig chu bos shugs kyis 'khyer// sdug bsngal skye shi'i rba la g.yeng// zad cing stongs pa'i dus mtha' med// sems can nam mkha'i mtha' dang mnyam/ / 'khrul pa'i glong na tshad gzung dka'// rkyen ngan 'khor ba'i 'khrul 'khor yin// rang gis rang 'khrul smyon pa bzhin// gcig tu mi gnas 'khrul pa'i blo// ma rig zhing gi sa bon la// 'du byed rnam shes blo 'ur ba/ / dge sdig las kyi so nam gyis// 'bras bu bde sdug mtho dman ni// nges med rnam pa sna tshogs pa// las kyi 'khrul 'khor rlung gis bteg/ rigs drug 'khor ba'i grong khyer du// mi dge las dang nyon mongs kyi/ / rgyu gnyis rkyen gsum mtshams sbyar nas// gnag pa'i rnam smin rgyu rkyen gyis// ngan song gsum du sdug bsngal spyod// mnar med gnas su yun rings 'khyams// dkar ba'i rgyu rkyen 'bras bu yi/ / lha mi'i gnas rnams ma lus skyes// lung ma bstan pa'i btang snyoms kyis// byol song mun pa'i gnas su 'khyams// rnam pa sna tshogs gzugs mang la// sdug bsngal mi 'dra dpag med myong// lhar skyes gson por ngan song ltung/ / lha min grong khyer rang gis bsreg/ mi yi rgyal po grong sprang byed// seng ger skyes nas gzhan gyis zos// yi dwags zas kyis brnangs nas shi// dmyal ba rang gi srog gcod byed/ / ma ni chu ru 'gyur ba yi// mi rtag 'gyur ba'i chos can la// nges med log pa'i sdug bsngal 'byung// 'khrul snang bya spu rlung khyer 'dra// res 'ga' mtho la res 'ga' dma'// mnar med gnas na zhen yun ring/ / las zad tshe na 'dam nas thon// skam sar snyogs pa srid pa tsam// 'khor ba'i chu bo gting zhen che// sdug bsngal rba glong sna tshogs 'khrul// 'khrul rtog blo la 'dzad pa med// sangs rgyas thams cad kyi bstan pa gzhi'i rgyud mchog rin chen spungs pa las/ / 'dus byas mi rtag par bstan pa'i le'u ste bzhi pa'o//// skye med gzhi rtsa ma chod pas// 'gag med 'khor ba'i skye shi la// gcig nas gcig rgyud lu gu rgyud/ / rgyun chad med pa chu bo'i rgyun// sdug bsngal chu bo'i gnyer ma 'dra// phyi ma skyes pas snga ma 'gag/ skye shi gnyis la zad pa med// gcig nas 'pho zhing gcig tu skye// 'chi kha'i shes pas mtshams sbyar nas/ / phyi ma de yi snang bar skye// dge sdig gnyis kyi bzang ngan la// sngar gyi bag chags sbyangs stobs kyis// goms pa 'chi khar des mtshams sbyar// blo bur rkyen gyis gzhan 'gyur na// de dang de snang skye ba 'thud/ / bzang po'i las ni bzang po 'thud// ngan pa las ni ngan pa 'thud// gnas skabs rkyen gyi 'khrul pa byung// mtha' bzhug las kyi 'phrod 'thud de// 'dres pa las ni 'dres pa 'byung/ / gzhi ma dkar po gcig nyid la// tshon rtsis kha dog bsgyur ba bzhin// kun gzhi rnam shes snam bu la// rgyu rkyen gnyis kyis snang ba bsgyur// chu bo chu bran lu ma rnams// drag 'bab dal 'bab skong mor 'khyil/ / gang byas chu gzhun gcig pa bzhin// bde sdug btang snyoms gang snang yang// ma rig 'khrul pa'i rgyun du gcig/ bde chen ye shes ma rtogs na// sdug bsngal chu bo rgyun mi 'chad// 'di phyi bar dos mtshams sbyar nas/ / 'khor ba zo chu'i khyud mo bzhin// rgyun chad med par khor yug byed// nam zla dros pa'i dus kyi tshe// drod gsher gnyis kyi rkyen las su// sa bon byed mkhan med par skye// myu gu 'bras bu skye ba bzhin/ / sems can rigs mthun 'dzom pa'i tshe// las dang nyon mongs rgyu rkyen gyis// bar do'i khams rnams thams cad kun// byed po gzhan nas med pa ru// rang gzhan 'dzin pa'i rnam shes kyis// mi gzugs srid pa'i skye ba zhes/ / blo bur dbang po gsar pa la// snang ba der 'dzin skye ba zhes// ming du btags te 'khrul snang yin// a 'thas zhen pas sdug bsngal te// rgas nas na ba zhum zhing 'gyur// tshe dang drod dang srog 'gag pa/ / snga ma nub pas 'chi ba zhes// tha snyad btags te 'khrul pa dngos// skye 'gag gnyis kyi so mtshams de// bar do zhes pas nying mtshams sbyor// snga ma'i bag chags rmi lam ltar/ / zhen pa ma dag chags sdang 'khrul// phyi ma'i nyer len sgyu ma ltar// sred pa'i 'phen pas skye ba len// 'di phyi bar do khor yug ste// sa bon las ni myu gu dang// myu gu 'bras bu sa bon 'khor// rang 'byung rang rkyen rang 'khor yin/ / rang sems dge dang mi dge'i rgyus// rang rkyen 'chi khar zhe sdang skyed// bar dor de yi lam du zhugs// phyi ma dmyal ba'i skye ba len// mi ru skyes kyang rgyu mthun 'ong// de bzhin 'dod chags mir skye la/ / ser snas yi dwags gti mug gis// byol song gnas skye phrag dog gis// lha min gnas la mngon pa yi// nga rgyal lha yi skye ba len// skye shi gnyis kyi bar de ru// phal cher yun ni zhag bdun srid/ / ring ba bdun phrag bdun yin la// gzugs med lha dang mnar med myur// bag chags dbang po kun tshang ba'i// thogs med rlung 'dra'i shes pa de// lhar skye steng la mi la g.yas// lha min mgo bo g.yon du lta/ / dud 'gro yi dwags 'thur la lta// dmyal ba spyi tshugs snang bas ltung// rgyud lnga'i lam la re mos 'khor// rigs mthun rkyen tshangs skye ba len// rkyen ma tshang ba bar do ste// 'gag rkyen byung bas 'chi ba yin/ / gcig nas gcig tu 'gro ba yi// yul la 'khor ba ma yin te/ kha chus 'thums pa'i srin bu bzhin// rang gis rang nyid gtums nas su// rang sems ma rig 'khor ba yin// 'khor ba logs na rdul tsam med/ / dge bas la 'thud bde ba 'khor// sdug bsngal las 'thud sdug bsngal 'khor// las dang rgyu rkyen gang 'dzom 'khor// ma rig pa la rgyun du 'khor// 'khor ba zad na mya ngan 'das/ / sems rgyud gcig la gnyis mi 'ong// gnyis med ye shes ma rig pas// kun nas nyon mongs 'khor bas te// 'khor ba'i sdug bsngal rang 'khrul yin// sangs rgyas thams cad kyi bstan pa gzhi'i rgyud mchog rin chen spungs pa las/ / ma rig pa la 'khor ba'i sdug bsngal rgyun mi 'chad par bstan pa'i le'u ste lnga pa'o//// thog med dus nas bag chags kyis// kun tu rtog pa sna tshogs te// dkar ser dmar ljang mthing ba'i mdog/ lci yang smin sdud go 'byed pa'i// sa chu me rlung nam mkha' dang// rnam par shes pa'i khams dang drug/ phyi nang nang du snang ba dag/ byed po med par rang nyid la// yul drug dbang po'i rnam shes kyis/ / rtog dpyod dgag sgrub btang snyoms pa// phyi nang bar gsum so so ru// rtog pa bco brgyad mthong gyur nas// nyon mongs khams rnams thams cad byung// spangs sems zug rngu zhe sdang ste/ / de yi rgyu rkyen rang snang las// dmyal ba'i 'gro ba des bskyed nas// sdug bsngal las kyi rang gzugs 'byung// bsgrub sems zhen pa 'dod chags la// rgyu rkyen de yi las 'bras ni// 'du byed mi yi grong rnams skyed/ / sred zhen nyon mongs ser sna'i mthus// rang gzugs yi dwags 'gro kun 'byung// btang snyoms gzung 'dzin gti mug las// dud 'gro'i khams rnams de las byung// bdag gi ba la nges shes skyed/ / nga rgyal lha yi 'gro kun bskyed// gzhan du rtog pa'i phrag dog gis// lha min 'gro kun de las skyed// kye ma gnyis snang rtog pa 'di// de la chags shing sdug bsngal ba// zhe sdang btang snyoms ma rig pas/ / nga dang bdag gi sred zhen gyi// kun tu 'ching byed nyon mongs drug/ gnas su rang rgyud ma rig 'khor// kun 'byung kun rdzob sdug bsngal 'di// don dam rang bzhin nyid ma yin// rnam par dag pa bdag med chos/ / kun la khyab pa'i chos nyid de// gal te nyon mongs de ma yin// sems can 'khor bar ci la 'khyam// gal te rnam dag de ma yin// sangs rgyas rnams ni ci phyir grol// lhun grub 'gyur ba med rtogs na/ / rnam dag ye shes chos kyi dbyings// ma dag kun nas nyon mongs pa// lha rnams 'chi 'pho ltung ba dang// mi rnams skye rgas na 'chi spyod// lha min 'thab rtsod las la mnar// dud 'gro bkol spyad gsod gcod dang/ / yi dwags bkres skom 'jur 'gegs spyod// dmyal ba tsha grang sdug bsngal spyod// las kyi sdug bsngal bsam mi khyab// nyon mongs mtshon rtse gzings pa 'dra// sdug bsngal chu bos khyer ba 'dra/ / chags zhen 'dam du bying ba 'dra// 'khrul pa ri dwags rgyar chud 'dra// byed po gzhan med dbang med pa'o// bdag med rig pa col re chung// sangs rgyas thams cad kyi bstan pa gzhi'i rgyud mchog rin chen spungs pa las/ / kun nas nyon mongs pa'i le'u ste drug pa'o//// thog med dus nas bdag gzhan gyi// gzung 'dzin rkyen dbang 'du byed kyis// kun slong ngan pa'i las bsags pas/ / srog gcod pa yi ngo bo ni// mtshon dug sngags dang stobs sogs kyis// lus sems srog dbang phral ba yin// dbye na zhe sdang dgra gsod pa// 'dod chags longs spyod 'dod phyir gsod// gti mug don ma rtogs phyir gsod/ / pha ma bkur 'os gsang chen yin// mi dang mir 'os gsod pa 'bring// dud 'gro la sogs chung bo yin// byas zin byed dang byed 'gyur la// rang dang gzhan la byed du 'jug/ yi rang phul ba rnam pa gsum/ / 'bras bu mnyam pa nyid thob ste// rgyu mthun 'bras bu gsod la dga'// dbang gi 'bras bus gsod par skye// rnam smin 'bras bu srog lan dang// dmyal ba'i gnas su skye bar 'gyur/ / phan sems kyis ni sman byin dang// bsam pa med par mtshon shor ba// dbang med shugs kyis shi ba rnams// sdig tu mi 'gyur srog gcod yin// gzhan rnams rang gi srog dang mtshungs// ma byin len pa'i ngo bo ni/ / pha rol bdag tu gzung ba'i rdzas// mi dga' bzhin du blangs pa'o// dbye ba stobs kyis phrogs pa dang// rgyu yis dkris par spyad pa dang// 'jab bu ma tshong blangs pa'o// dge 'dun dkor rdzas chen po ste/ / sman pa rnams ni 'bring yin la// lhag pa'i rdzas bsogs chung ngu'o// gzhan dag tshul ni gong ltar ro// bdag med nor dang sa yi gter// sdig tu mi 'gyur ma byin len// gzhan dag rang gi rdzas dang 'dra/ / rgyu mthun 'bras bu rku snying 'dod// dbang gis choms rkun gnas su skye// rnam smin rang nor gzhan la 'chor// yi dwags bkres skom gnas su skye// 'dod pas log par g.yem pa ni// rang ngam gzhan gyi chung ma la/ / gnas ma yin par spyod pa'o// dbye ba rigs dang chos dang khrims// bsrung ba rim pa gsum yin no// dgra bcom dge slong sun phyung che// bdag pos bzung ba 'bring pos te// phal pa rnams ni chung ngu'o/ / gzhan srog 'don pa sdig mi 'gyur// gzhan rnams rang gi lus dang mtshungs// rgyu mthun 'bras bu 'dod log che// dbang gis mi gtsang gnas su skye// rnam smin bud med gzhan dbang 'gro/ / dud 'gro 'am ni dmyal bar skye// chang ni nyes pa kun gyi rgyu// myos pas lha gsod 'byung ba 'khrug/ tshe yi bar chad bsod nams 'bri// nyon mongs kun skyed ngan song lhung// rdzun gyi ngo bo bdag gzhan bslu/ / dbye ba zhor 'byung gnod pa'i rdzun// mi chos bla ma mgo bskor rdzun// mchod 'os bslus pa rdzun chen la// phal pa rnams la 'bring pos te// ma brtsal brjod pa chung ngu'o// gzhan la phan na sdig mi 'byung/ / de min smra ru mi rung ngo// phra ma mdza' mthun 'byed la ngag/ dbye ba ngo 'phro lkog tu 'phro// thabs kyis phra mas 'byed pa yin// dge 'dun dbyen byas chen po ste// gang zag dkrugs pa 'bring yin la/ / mi mthun lab brjod tha ma'o// bstan la gnod bzlogs dbyen yang rung// de min skad cig byar mi rung// rgyu mthun 'bras bus dbyen ma dga'// dbang gis grogs po mi rnyed cing// rnam smin mdza' ba kun dang 'bral/ / lha min gnas dang dmyal bar ltung// tshig rtsub zhe la 'debs pa yin// dbye ba gdong du rtsub pa dang// zhor gyis gtam dang bsre ba dang// phyogs rigs med par rtsub pa'o/ / sems skyed byang sems sman pa che// dge la blo ldog 'bring po ste// phal pa rnams ni chung ba'o// ma rungs bzlog pa sdig mi 'gyur// de min zur tsam smra thabs med// rgyu mthun 'bras bu tshig rtsub cing/ / dbang gis kun gyis mi snyan brjod// rnam smin rtag tu 'thab zla mang// dmyal ba'am ni yi dwags skye// 'khyal tshig bag med tshig yin te// dbye ba bden la gshe ba dang// bre mo'i gtam gyis zlo ba dang/ / gzhan gyi rjes su 'jug pa'o// dkon mchog skur 'debs chen po la// gzhan la smod pa 'bring po ste// don ma rtogs pa chung ngu'o// ngag 'khyal snang ba'i skabs med do// rgyu mthun 'bras bu ngag 'khyal smra/ / dbang gis rang ma nyan mkhan med// gtan rnams ci smras chol bar 'gyur// ngan song gnas ni gsum char skye// rgod bag ngag gi nyes pas te// 'byung med 'khrug cing bar chad ldang// mi ma yin rnams khro bar 'gyur/ / bsgrub pa'i 'bras bu dus las 'gyangs// brnab sems rang gzhan bde ba la// 'dod sems chags par byed par yin// dbye ba rang la zhen chags dang// gzhan la yod pa thob 'dod dang/ / kun la ser snas bcings pa'o// dkon mchog dkor la brnab pa rdzi// rgyu mthun 'bras bu ser sna che// dbang gis 'bras bu dngul zhing 'phongs// rnam smin longs spyod don med mdzad// yi dwags gnas su sdug bsngal myong/ / gnod sems ngan byed zhe sdang ngo// dbye na rang gnod khro ba dang// gzhan la gnod pa skyel ba yin// spyi la gnod pa gdub rtsub bo// pha ma 'phags la gnod sems lci// rgyu mthun 'bras bu bsam ngan 'byung/ / dbang gi 'bras bu gnod pa byed// rnam smin rang la sdug bsngal 'byung// snang ba dgrar langs dmyal bar ltung// log lta lta ba phyin ci log/ dbye na chos dbyings bdag tu lta/ / dge sdig rgyu 'bras med par lta// thams cad phyin ci log tu lta// bden pa'i don la log lta ci// rgyu mthun log lta che ba dang// dbang gis gang la yid ches mos// rnam smin chos med mun par skye/ / yang na skad cig mnar med ltung// tha mal gti mug rang kha mar// byings rmugs gnyid kyis rig pa 'khrul// bag la nyal gyi las bsags pas// dud 'gro mun pa'i gling du 'khyam// gnyid ni 'khrul pa'i yang 'khrul lo/ / de ltar dug gsum nyon mongs rkyen// mi dge bcu yi las spyad pas// dug can khong du zos pa bzhin// mi dge rgyu 'bras smin dus su// ngan song gnas na bzod glags med/ / gnas skabs dge bas phan btags nas// lha mir skyes kyang sdug bsngal spyod// mi dge'i rnam smin bzur thabs med// rgyu gnag 'bras nag mi bzod do// sangs rgyas thams cad kyi bstan pa gzhi'i rgyud mchog rin chen spungs pa las/ / rnam spyod nag po phyogs kyi mi dge rgyu 'bras bstan pa'i le'u ste bdun pa'o//// dag pa la byung kun slong gis// mi dge las bzlog dkar ba'i las// rang bde gzhan phan dge ba bcu/ / gzhan srog 'don cing tshe la skyob// 'bras bu tshe ring nad med dang// mi dang lhar skye mtho rigs 'gro// mi mthun srog gcod spangs pa yin// gong 'og kun la mchod sbyin byed// 'di phyir mi 'dzad longs spyod 'phel/ / tshangs spyod don la gnas par byed// gtsang gnas bud med bzang mo 'thob// bden pa'i gtam gyis gzhan phan smra// ngag la kun nyan gtso bor 'gyur// mi mthun dgra zin mthun 'jug sbyor/ / kun gyis bkur zhing grags par 'gyur// 'jam zhing dngas pas kun tshim byed// lha dang mi yi dbyangs snyan thob// bden pa'i don la yid ches smras// dam chos longs spyod 'bral med 'byung/ / chog shes ser sna bral ba yis// chags bral longs spyod che bar 'gyur// phan sems gzhan la mgu che ba// 'gro kun byams shing yid 'ong 'gyur// dag pa'i chos la spyod pa yis// yang dag lta ba mchog 'thob 'gyur/ / mi mthun mi dge bcu sogs yang// mdun dang spyod dang yang dag blangs// khyad par chung 'bring chen po'o// byas dang 'god byed yi rang gsum// 'bras bu mnyam pa nyid du 'gyur// sngon byas da byed byed 'gyur gsum/ / sngar yod da lo phyi lo yis// so nam ston thog dpe mtshon te// 'bras bu che 'bring chung ba yis// 'phel dang ma 'phel ma grub pas// dge kun 'bad pas myur du sgrub// le lo mi dge'i bdud kyis khyer/ / brtson 'grus don kun myur du 'grub// dge ba yar ngo'i zla bzhin 'phel// so so 'bras bu bde bar smin// sems can nyon mongs las dbang song// mi dge ba la ngang gis 'bags/ / dge ba bcu po spyad ka yang// lha dang mi yi sa bon yin// nam mkha'i kha dog dbyibs bral la// nam mkha'i mdog ni sprin gyis 'byed// rnam shes dngos med stong pa la// rang rtsal las kyis kha dog bsgyur/ / mtho ris ngan song gzugs su grub// ma rig las kyi rang gzugs yin// mi dge spangs pas ngan song khegs// dge ba chung dus mi lus tsam// 'bring pos gtsang ma chen po yi// 'khor lo sgyur ba nyid du 'gyur/ / dge ba tshul khrims bzhi bsrungs pas// rgyal chen sum cu rtsa gsum 'thob// rang byung chos tshul bsrungs pa yis// mtshe ma dga' ldan gnas su 'gro// dge che gtsang ma'i khrims bsrungs pas/ / 'phrul dga' gzhan 'phrul dbang byed 'thob// khrims bsrungs byang chub thob pa'i gzhi// 'dul ba'i sde las byung bzhin bsrung// tshad med bzhi ldan gzugs khams ma// rnam par mi rtog gzugs med lha/ / shes rab ldan pa'i 'phags pa'i sa// zag med theg gsum 'bras bu thob// dge ba des mtshon dge ba kun// bsod nams ye shes bsngos pa na// dam pa gnyis kyang thob par 'gyur/ / gzhan gyi 'bras bu lta ci smos// sangs rgyas thams cad kyi bstan pa gzhi'i rgyud mchog rin chen spungs pa las/ rnam par dkar ba las kyi 'phen pa'i le'u ste brgyad pa'o//// snang ba sems las byung ba'i phyir/ / mdangs sum rmis pa'i rmi lam bzhin// bde sdug gnyis kyi legs nyes de// dge sdig rtog pa'i rang gzugs yin// sems dge chos rnams thams cad dge// sems mi dge na kun mi dge/ / mnar med dmyal ba su yis byas// sdig sems yin pas rnam smin byung// ma yin 'brel med rnam smin bral// mi dge gzhan la dgod du med// dge ba gzhan gyis 'phrog tu med// rang gis las byas rang la 'ong/ / rang nyid khong du dug zos pas// 'bras bu gzhan la mi smin te// rang dug rang la zug rngu ldang// che la che la 'bring la 'bring// chung ba chung ba'i dug bzhin du// rang gis mi dge gang byas pa/ / gzhan la mi 'byung rang la ni// de dang de 'bras sdug bsngal 'byung// rnam smin 'bras bu bcos su med// rgyu yi dus na yong ba yin// rang nyid tshad pas gdungs pa'i dus// btung bas skom pa sel ba yin/ / gzhan skom pa la de mi 'byung// de bzhin dge ba'i lan stobs kyang// rang gis byas pa rang la smin// rang sems dge bas thar pa thob// snga ma'i rgyu yis phyi ma'i don// 'bras bu rim gyis cig car 'byung/ / so nam sgyu ma'i ston thog mtshungs// dge sdig rgyu 'bras mi 'dre ste// rnam par smin pa so so yin// dkar po dang ni nag po gnyis// gcig pa ma yin so so min// dper na ldum ra gcig gi nang/ / sa bon dug btab dug tu skye// 'bras bu sman du 'gyur mi srid// de bzhin kun tu rtogs pa'i sems// mi dge ba las sdug bsngal 'byung// bde ba 'byung ba srid ma yin// sa bon sman las 'bras bu smin/ / dug tu skye bar ga la 'gyur// dge ba las ni bde ba thob// sdug bsngal ba ni yong mi 'gyur// sdig pa chung yang mi brnyas spang// rdul phran bsags pas ri rab tsam// dge ba chung yang mi spang blang/ / chu thigs bsags pas rgya mtsho tsam// nyi zla thang la lhung yang srid// chu ni me ru 'gyur yang srid// las kyi rgyu 'bras bslu mi srid// dge sdig rnam pa so so la// chung ngu nas ni chen po'i bar// zer sogs cha 'bring dpal sbyang 'bad/ / skyon gyis ma gos yon tan sgrub// dge sdig sman gyis dug 'joms bzhin// sdig pas dge ba stobs che'o// bzang ngan las kyi byed lugs la// rgyu 'bras mi bslu bden pa'i don/ / dper na dpag bsam sa bon ni// phra mo'i ljan ljen chu bran na// 'bras bu lo ma me tog dang// rtsa ba sdong po cher 'khrungs shing// sbyor dngos rjes gsum tshang ba yi// rgyu gnyis rkyen rnams tshogs pa na/ / 'di phyi gnas skabs ma lus par// bde sdug rnam smin chen po 'byung// mthar thug rgyal sras de bzhin gshegs// bdud sdig mnar med khyad par ltos// dkar nag rgyu rkyen so so la// dge sdig gnyis ni mnyam bshad pas/ / gcig gis gcig gi mgo mnan pas// thab nang gnas pa'i me bzhin du// 'bras bu smin par ma nus pa// gang zhig rkyen dang phrad gyur tshe// bskal pa brgyar song chud mi zos// lus can kun gyi las rnams kyi/ / dus la bab pa'i 'bras bu 'byung// bud med sbrum gang zla rdzogs bzhin// sus kyang 'gag par mi nus so// 'di dang phyi ma bar do ru// las ni grib ma bzhin du 'brang// sdig pa mi dge'i rnam smin te/ / phar la spangs pas tshul la 'khri// bros pa tsam gyis 'ded du 'ong// phyi nas 'ded cing sngon nas bskor// ga ru phyin cing gar bsdad kyang// med pa'i sa phyogs yod ma yin// ci la yang ni ma gtogs so/ / de phyir sdig dang bsngongs pa yi// las la bde ba ga la 'byung// rang srog gcod pa'i sdig gcod 'jigs// ngan song gnas na mu mtha' med// rang sdug rang gis myong ba la// 'phags pa'i thugs rjes skyabs thabs med/ / chos dbyings shin tu dri med kyang// dmyal sogs sdig pa rang snang ste// nyi ma'i 'od la dmus long gis// mun par mthong ba rang gi skyon// nyi ma'i 'od la 'pho 'gyur med/ / thub pa chos kyi sku can la// rag sha glang mgo dmyal ba'i gzugs// las kyi rang gzugs mthong ba yin// rag sha glang mgo dmyal snang med// me chu las kyi 'khrul snang la// rnam smin ma zad par de ru/ / gang gis kyang ni bzlog mi 'gyur// rnam par smin la re ba med// mi dge bya bar su yi phod// 'khor lo sgyur ba la sogs pa// smon cing bsngags pas bstod pa la// bdag nyid dge ba cis mi spel/ / las kyi rgyu 'bras dmigs bzhin rtsis// ngan song g.yang la nyam re nga// lha mi'i gnas na yid re spro// thar pa bsgrub 'dod gyen la snyegs// mig gnyis 'thur la ma dbab cig/ sngon byas las la 'gyod tshangs gyis/ / da byed sdig pa srog dang bsdos// dge sdig nyon mongs dang bral ba// 'khor ba 'di nas 'da' mi srid// srid pa'i gnas na g.yang sa che// sangs rgyas thams cad kyi bstan pa'i gzhi rgyud mchog rin po che spungs pa las/ rgyu 'bras dpe'i le'u ste dgu pa'o//// kun rdzob 'khor ba'i bden pa ni// ma rig bdag gi khang pa nas// ma tshor thang la 'khyams pa yis// srid pa'i g.yang la lhung nas su/ / sdug bsngal rgya mtsho'i chus khyer mtshungs// myang 'das don dam bden pa ni// sdug bsngal 'khrul rtog rba rlabs las// stobs ldan bla ma'i mnyen pa yis// bslab pa gsum gyi grur bcug nas// brtson 'grus skya bas skam sar bton/ / byang chub sems kyi khang par bcug/ dgos 'dod longs spyod gter dang sprad// mi 'gyur don gyi bden par brjod// srid pa'i rtse mo man chad nas// mnar med dmyal ba'i bar 'di ru/ / dug gsum ma rig rgyu skyed phyir// khyi yag 'bu srin yan chad kyi// lus blangs snga ma phan chad du// sdug bsngal 'ba' zhig yin par zad// sdug bsngal gnas las ma bzlog na/ 'khor ba rang zad mi 'gro zhing/ / rang ldog byed par mi 'gyur bas// sngar yang zhe sdang sna khrid nas// dmyal ba'i sdug bsngal sbyangs pa'i rtags// ma ning rigs snyam 'jigs pa'i gzugs// tshe thung nad mang gsod la dga'/ / tshig rtsub skad gyong lhang lhang po// skad che bag med sku tsher smra// rtag tu sdangs ltar spu zing byed// rmi lam me 'bar mtshon gyis btsog/ zangs chu khol mar 'tshod pa dang// dbyug pa mtshon cha thogs pas 'dod/ / gcan gzan khyi dang sbrul gyis gtso// rang gi lus la gsal shing 'dzugs// 'bros pa mi shes re nyil 'ong// de ni sngon du skyes pa'i rtags// sdig pa byang ba ma byas na// da dung rgyu mthun de ru 'gro/ / rtags su gsod gcod 'jigs sngangs rnams// je mang je spro 'bad pa la// blo mi ldog cing spyod par 'gyur// de las bzlog par bya ba ni// dmyal ba'i rgyu 'bras shes par bya// rgyu log lam nor 'bras bu gdug/ rgyu ni mi dge che chung 'bring// lam ni de la spyod pa yis// rgyu 'bras dmyal ba'i sdug bsngal 'byung// srog sdom byas pa'i dge spyod mthus// rgyu ldog lam dang 'bras bu 'gog/ de bzhin chags sems yi dwags 'khrid/ / gal te dge bas mir skyes kyang// bkres skom rigs nyams nyon mongs dang// dbang po ma tshang ltogs sred che// skra nag mig khung khro mig dmar// ser sna 'dod che rgyu la chags/ / 'dod pa mi rnyed re ba che// sbyin gnas mthong na log lta skye// rku 'dod mi gtsang zas la dga'// mdog ngan bzhin mi sdug par 'ong// rmi lam gnas med 'khyams pa dang// thang stong nyal zhing rlung gis 'khyer/ / zas skom nor gyis bkres par 'ong// de yi sgrib pa ma sbyangs na// rgyu mthun ma byin len snying 'dod// bzhugs dang sred pa che ru 'gro// phyi ma yi dwags skye ba'i rtags// rgyu ni mi dge 'gog pa dang/ / sbyin gtang dge bas yi dwags bzlog/ gti mug dud 'gro'i gnas su khrid// mi ru skyes kyang de yi rtags// sha che gzugs lhod sbu sna mang// gnyis dang le lo brjod ngas che// sa 'drud rtsa gcod sna bslud mang/ / dbyibs glen lce chung smra mi gsal// chu dang mun khung rdzab la dga'// lus la sbrang 'du bskum nas nyal// ma smin zas dang mang du za// mkha' la snom zhing bab col smra// rmi lam sa yi phug tu phyin/ / mun khung chu nang rdzab tu nyal// rtswa zos dud 'gro'i khrod du bsdad// sbrul dang sbal pas skor ba rmi// de sgrib ma sbyangs rgyu mthun gyis// gtsang sbra med par btsog la spyod// gnyid dang rmugs pa je cher 'gro/ / phyi ma dud 'gror skye ba'i rtags// zlog pa mi dge'i las smang zhing// gtsang ma'i tshul khrims rten 'brel 'gog/ phrag dog lha min gnas su 'khrid// mi ru skyes kyang bag chags kyis// khengs shing 'khon 'dzin 'thab la dga'/ / lus che mig dkar mche ba rno// nga rgyal che zhing gtum la hus// tshig ngan go cha mtshon la dga'// nyon mongs stobs che blo sna mang// rgyu mthun phrag dog gnod sems che// lha min gnas su 'phos rtags te/ / mi dge spang zhing dge che bsgom// rgyu spangs 'bras bu 'gag pa yin// ngan song gnas nas lha mi thog/ 'dod chags dge bas mi ru 'khrid// mi las 'phos rtags 'phags pa brten/ / dad pa che zhing ngo mtshar 'dzin// mngon rtags snyan grags dge la dga'// ngo tsha shes dang khrel bag che// nyon mongs chung zhing gtong la dga'// bzo dang rig pa'i gnas la mkhas// rgyu mthun dge ba dmigs bcas sgrub/ / de nyid 'gog pa bla ma rten// dge ba dmigs med bsgrub par bya// sbyin pa tshul khrims bzod pa yis// 'dod lha rigs drug gang rung ste// dge ba nga rgyal lha ru 'khrid// de las 'phos rtags spyod lam mdzes/ / rang bzhin 'jam zhing gtsang sbra che// byams sems che zhing glu la dga'// 'phreng byug spos dang rol mo dang// mang po tshogs pa'i khrom la spro// phyug cing longs spyod chos la gtong/ / rgyu mthun spyod lam mkhas su 'gro// skal bzangs chos kyi snod du 'gyur// de nyid chags bral dge ba dang// mi sdug byams dang dga' ba yis// bsam gtan bsgoms pas gzugs khams skye/ / de nyid ma gtogs rtse gcig gi// zhi gnas gzugs med khams su 'pho// 'gog pa'i bsam gtan 'khor ba 'gag/ khams gsum srid pa'i rgya mtsho nas// rigs chad mi khom gnas brgyad ni// sngon gyi dge ba chung ngu yis/ / mi lus thob kyang chos brgyad dga'// sdug bsngal mthong yang zhen mi bzlog/ rnam smin rgyu 'bras la mi 'jigs// sems can sdug la snying mi rje// sangs rgyas chos la yong mi dad// ngo tsha khrel med tshul mi gtsang/ / mi dge ba la ngang gis 'bag/ bla ma mi gus log snang che// yon tan mi dran skyon la rtog/ byas pa drin du mi gzo ba// mi khom gnas su skyes pa'i rtags// dmyal ba'i lam la zhugs pa yis/ / mi lus ngan song sems can yin// 'khor ba mu mtha' med par 'khyams// dper na gser dngul rin chen snod// mi gtsang dri mas gos pa na// snod bcud gnyis ka lcags pa bzhin// chos dbyings shin tu zab pa la/ / ma rig dri mas 'khor bar 'khyams// las kyi sgrib pas ngan song lhung// ngan song sbyang phyir sdig pa'i tshogs// dag byed stobs bzhi'i sgo nas bshags// bden stobs dkon mchog rjes dran dang/ / 'gro la snying rje'i bsam pas su// sngan chad 'khor bar 'khyams pa yi// sdig pa mi dge'i las rnams la// nyes pa slar ldog gnong 'gyod kyis// rnam par sun 'byin zhen log pa'i// 'jigs shing dngangs skrag gnyen po ste/ / btsan pos dbang med las la bskos// 'gal na gshed mas gsod pa la// 'jigs pas yengs thabs med pa bzhin// yengs med ngan song 'jigs pa la// sngar byas las la 'gyod pa bskyed/ / phyi ma mi byed dam bca' bsdam// rang bzhin bcas pa kha na yi// ma tho'i las sgrib dag pa'i rtags// lus sems bde zhing dge stobs 'phel// rmi lam khrus byas gyen la 'dzegs// gsar pa'i gos gyon nyi zla mthong/ / mkha' la 'phur dang bshal ba rmi// sdig pa dag rtags ngan song 'gags// dge ba spel zhing snying rje bsgom// nyon mongs rags bcom gtsang gnas 'thob// gtsang ma'i bzod brtson tshul khrims kyis/ / zhen log tshad med bzhi bsgoms pas// khams gsum srid pa'i gzugs 'gags nas// so sor rtogs pa'i 'gog pa yi// ting nge 'dzin la goms byas pas// las kyi sgrib pa zad byas nas/ / 'khor ba'i dgra bcom 'phags lam la// zhi ba'i don la bskal mang gnas// 'phags pa'i thugs rjes ma bskul na// myang 'das lam la phyin mi 'gyur// rang sangs rgyas kyis nyon mongs bcom/ / sangs rgyas thams cad kyi bstan pa'i gzhi rgyud mchog rin po che spungs pa las// 'bras bu 'gog pa'i le'u ste bcu pa'o//// lag mtha' med pa'i dus 'di ru// ma rig rgyu rkyen las byung ba'i/ / sems can nam mkha' mtha' dang mnyam// ming du btags pa khams gsum la// bde gshegs snying po 'gro rnams kun// mnyam pa nyid du yongs khyab kyang// mi yi gru la ma brten pa'i// sdug bsngal chu las mi sgrol bas/ / thar lam sgrub pa'i rten gcig pu// mi lus thob pa shin tu dka'// dge ba phra mo tsam dang ni// mkhar chen dag las 'byung ba yi// rmi lam tsam las thob pa dka'// sngon tshe bsod nams dge ba'i mthus/ / 'bras bu dus 'dir byung ba yin// gtsang ma'i mi lus ma thob na// ngan song gnas na thar lam bral// bsod nams ldan pa'i lha yis kyang// g.yeng bas thar pa thob pa min/ / longs spyod ldan pa'i rnam thos bu// rdzu 'phrul ldan pa'i dbang phyug kyang// thar pa thob pa'i rten ma yin// dus gsum sangs rgyas thams cad kun// mi lus la brten byang chub bgrod// mi yi lus tsam thob pas kyang/ / mnyen pa med pa'i gru bzhin du// 'khor ba mi bgrod gzugs brnyan yin// ngan song gsum dang tshe rings lha// mtha' 'khob dbang po ma tshang ba// log lta lkugs pa brgyad rnams sdud/ / khom ldan mi lus shin tu dkon// dal ba phun sum tshogs pa kun// grogs po sangs rgyas 'byung ba dkon// 'khor ba'i sdug bsngal mthong ba yi// zhen chags bral ba'i mig ldan dkon// sangs rgyas yon tan mthong ba yi/ / rig pa can gyi dad pa dkon// mi rtag rgyud la bskul ba ste// brtson 'grus ldan pa'i byang chub dkon// rang gzhan 'di phyi'i dgos 'dod 'byung// dal 'byor mi lus rin chen de/ / lhag bsam ldan pas don gnyis 'grub// nor bu rin chen dper byar min// sems can rdul phung tsam lus su// mi lus sor steng rdul bas nyung// ngan song gnas ngan gzhan dag las// rtsig logs gtor ba'i sran 'bru'am/ / me long ngos la gser phye gtor// chags pas mi lus thob pa nyung// mi lus nam mkha'i skar ma tsam// dal 'byor thob pa nyi zla dkon// rgya mtsho cher dbus gnya' shing bug/ mtha' yi rul sbal mgrin chud pas/ / dal 'byor mi lus thob pa dkon// thob kyang dus brgya'i za ma gcig/ lan cig thob pa srid pa tsam// phyi nas thob pa brgya la dka'// nor bu rin chen rnyed dus su// 'dam du ma bskur phyi bdar gyis/ / rgyal mtshan rtse la gsol ba thob// dgos 'dod 'byung ba'i sgrom du chug/ phyin ci log gi dgra kun la// ma bskur bstan pa'i sgron mes bsrungs// 'phongs pa'i sdug bsngal ma lus sol/ / bde legs phun sum tshogs kun 'byung// sangs rgyas thams cad kyi bstan pa'i gzhi rgyud mchog rin po che spungs pa las/ rten dal 'byor rnyed dka' ba'i le'u ste bcu gcig pa'o/ /// kye ma dal 'byor thob kyang ni// gal te phan pa ma bsgrubs na// phyis nas 'byor ldan mi 'gyur te// 'dus byas thams cad mi rtag cing// mi rtag 'jig chen ci bas te// dper na sbrul gdug chen po bzhi/ / snod nang bcug nas kha ma gcad// ma reg ma bltas bsrung du bcug/ shor na gshed mas ral gris gsod// sbrul rnams rang gnas dka' ba bzhin// rlung mkhris bad kan 'dus pa bzhin// ma 'phel ma zad rang sa ru/ / nad med so la sdod pa dka'// gal te 'phel zad cis kyang 'chi// sngon du ma shi'i dpe med dang// phyi ma mi 'chi'i khas len med// da lta 'chi bas mi 'jigs pa'i// sa phyogs de ni mthong thos dang/ / dran pa'i yul na med pa yis// 'di la dgag par bya thabs med// gnyen bshes brtse mang mtha' skor yang// nyin mtshan gcig kyang shol thabs med// brtse ba'i bu dang mdza' ba grogs/ / 'di la skad cig bsgo mi nus// zang zing nor dang mdun gros gtam// 'di la bsrung thabs gang la yod// che btsun dregs pa ldan gyur kyang// 'chi bdag bdud la bzlog mi tshugs// sangs rgyas stong gi mthu stobs kyang/ / 'di la skyob par mi nus na// thabs gzhan kun gyis lta ci smos// dper na ri bo chen po bzhi// skyes bu lag pa brkyang bskum tsam// 'jigs pa'i dbus nas 'bros thabs med// de bzhin skye rgas na 'chi las/ / sus kyang 'bros thabs ma mchis pas// skyes pa'i mtha' de 'chi nges yin// tshe 'di mi rtag myur du 'chi// ri gzar kha yi chu 'bab bzhin// nyin mtshan gcig gis gcig ded nas/ / 'chi ba'i phyogs su phar phar 'gro// rtsal po che yis mda' 'phangs bzhin// tshe 'di skad cig mi sdod par// 'chi la je nye je nye 'gro// 'di dang phyi ma 'brel nas yod// skye shi gnyis po lag 'brel ba/ / bsha' lug gshan pas khrid pa bzhin// gom gang phyin cing shi la nye// de bzhin long med pha rol 'gro// rmi lam glog dang sprin bar gyi// nyi ma lta bur yud tsam yin// rgyu rkyen mang po tshogs pa yi// 'dzam gling las kyi sa pa rnams/ / tshe la nges pa med pa dang// lus la snying po med pas su// nad dang gdon dang phyi nang gi// 'chi rkyen rnam pa mang ba'i don// mi tshe zas kyis gsos nas kyang// 'tsho bar mi 'gyur ltogs nas 'chi/ / 'chi ba'i rkyen ni shin tu mang// sang tsam 'chi'am sus shes na// rtag tu bsdad snyam mi byed par// de ring nyid la brtun te bya// snyoms las le lor sdod pa de// 'chi bdag bdud dang phrad tsam na/ / bzur thabs med de thog rgyab 'dra// yun ring 'dod la skad cig tshe// skye ba'i mthun rkyen thams cad zad// 'chi ba'i 'gal rkyen kun tshang nas// phyi yi 'byung ba thams cad 'khrug/ ngan skyugs rnams kyis lus khebs shing// stobs zad bag bzhi sa la lhung// ngal dub ldang dub lus kun na// dbugs ni ngar ngar dngang skrag byed// shes pa phyad phyod ban bun du// yi mug ga chad dus de ru/ / gnyen bshes tshogs kyis mtha' skor yang// srog gcod tshor ba rang gis myong// shi nas zla med gcig pur 'gro// gnyen gyis ma phan bshes mi phan// nye ba rnams la ci phyir chags// zas nor rnams kyis mdun gang yang/ / dang khar 'ong ba chu las med// pha rol nor med lag stong 'gro// bsags pa'i nor ni gzhan gyis khyer// rnam smin shi ba'i rjes su 'brang// nor phyir sdig pa ci la bsog/ btsan po dbang chen mdun ma yang/ / dbang med 'chi bdag gshin rjes khrid// rgyab rten mgon skyabs su la re// yul khyim mkhar sogs rmi lam bzhin// skad cig mi rtag zhig nas 'gro// lus dang kha dog stobs rnams kyang/ / kun nas mi mthun zug rngu ldang// rnam par bam zhing 'bus gzhigs dang// rul dang myags dang dngos po la// khyi dang phag kyang skyug bro ste// mi lus chos med phyi ma'i dgra// 'jig rten pha rol 'gro tsam na/ / skyabs gnas dkon mchog ma gtogs pa// cis kyang phan pa med pa la// bdag 'dzin can tsho'i ro brgya la// 'chi ba'i 'jigs pas bsam mi khyab// de bas kyang ni phyi ma 'jigs// chos med ngan song gnas su 'gro/ / mdo med gser gling stong log byas// rgyus yod bzhin du ltogs grir shi// don med mi lus sha thang chad// mtho sar bslebs nas g.yang la 'phyong// dug sbrul mtsho nas thon pa dka'/ / mun pa'i gling na nyi zla med// nor bu rin chen dus der stor// dbul po rnams kyi phun tshogs bral// las kyi gshin rje zhe re gnag/ 'khrul pa'i sems can nyon re mongs// sangs rgyas thams cad kyi bstan pa'i gzhi rgyud mchog rin po che spungs pa las/ 'chi ba mi rtag pa'i le'u ste bcu gnyis pa'o//// 'khor ba gting mtha' med pa nas// skye shi sdug bsngal zad med la// skyabs gnas nus pa shin tu dkon/ / 'jigs shing skrag pa'i mi rnams kun// bde ru re ba'i skyabs gnas su// ri dang nags tshal ljongs rnams dang// ljon shing skyed tshal khang pa dang// yo byad grogs bshes rgyal po la// skyabs su 'gro ste mchog ma yin/ / la la lha klu gnod sbyin dang// rdzu 'phrul ldan pa'i bdud rigs la// skyabs su 'gro ste phan mi thogs// kho rang yang ni sems can la// 'khor ba'i sdug bsngal ci la skyob/ / 'ga' zhig phyin ci log gi blos// phya dang dbang phyug la sogs la// skyabs song log pa'i gnas su 'gro// dgra 'ong mi la skyel ma bcol// sngon la skyel ma dgras khyer bzhin// mu stegs kho rang dmyal bar song/ / gzhan la bskyab thabs ga la yod// skyabs de mchod 'os ma yin pas// dad pa'i gnas min spang bar bya// sdug bsngal kun las thar pa las// skyab tu nus pa shin tu dkon// 'jig rten khams na 'byung dka' ba'i/ / sangs rgyas chos dang dge 'dun te// bla na med pa'i dkon mchog gsum// dad pas skyabs su 'gro byed cing// 'phags pa'i bden pa bzhi yi lam// shes rab kyis ni lta byed pa/ / skyabs gnas rnams kyi mchog yin la// snying nas blo phugs de la gtad// chung 'bring chen po'i blo ldan pa// dang po tshe 'dis bslus par mthong// 'jig rten chos brgyad blo log nas// ngan song sdug bsngal 'jigs pa la/ / tshe 'di ji srid 'tsho yi bar// gnas skabs skyabs su 'gro bar bya// nyams len mi dge bcu spang zhing// dge ba spyod cing mi rtag bsgom// legs smon sdom pa skye ba yin// 'bras bu lha mi'i go 'phang thob/ / de nas gnyis pa gang zag 'bring// 'dus byas thams cad 'jig par mthong// bde sdug kun la blo log nas// 'khor ba'i sdug bsngal shes pa yis// dus ni ji srid 'tsho yi bar// thun mong skyabs su 'gro ba dang/ / nyams len rang don bslab bya gsum// spyod cing bden pa stong pa bsgom// nges 'byung sdom pa skye ba ste// 'bras bu 'phags pa nyan rang thob// skyes bu mchog tu gyur pa rnams/ / sems can rnams kyi sdug bsngal mthong// rang gi don la blo log nas// theg pa dman la 'jigs pa yis// byang chub snying po ma mchis par// khyad par mchog gi skyabs 'gro byed// nyams len gzhan don phar phyin drug/ spyod cing stong nyid snying rje bsgom// byang chub sems kyi sdom pa skye// 'bras bu rdzogs pa'i byang chub 'thob// skyabs su 'gro ba'i byed lugs ni// 'khor ba'i sdug bsngal zad pa dang/ / sangs rgyas yon tan mthong ba yi// dad pa sgo gsum gus pa yis// rnam pa thams cad kun mkhyen dpal// rdzogs sangs rgyas dang de sras la// ston pa bya zhing de nyid kyi// go 'phang thob phyir skyabs 'gro bya/ / tshig tu brjod pa skyabs 'gro min// don gyi skyabs 'gro sangs rgyas mchod// sgom yang de la sgrub kyang de// gtad so de la 'phul ba de// gsol ba de la btab pa yis// byin rlabs de yi go 'phang thob/ / chos la skyabs 'gro de yi gsung// skyabs su mchi ba kha chos min// sangs rgyas 'dod phyir lam de nyid// gang zag rigs dang mthun pa ru// theg pa gsum gyi dam chos la// thos bsam sgom gsum shes rab kyi/ / blos sbyong bslab gsum nan tan skyed// skyon dag yon tan gong du 'phel// lam mthar phyin pas go 'phang thob// dge 'dun sangs rgyas mdzad pa la// tshig gi mi phan rjes su bsgrub/ / thar pa lam ston grogs nyid du// zag pa med pa'i skyabs 'gro la// mi dge'i khyim spangs rab tu byung// dge ba'i tshul khrims sdom pa gsum// 'bral ba med par grogs su bsten// dge slong dgon par rtsal rdzogs pas/ / go 'phang bla na med pa thob// dkon mchog rin chen rnam gsum la// dge 'dun skyabs song rab byung bas// mi dang mi lon log snang can// 'gran sems can kun mchod byed 'gyur/ / chos kyis 'khor ba'i skyon dag nas// mya ngan 'das pa'i yon tan 'byung// sangs rgyas nyon mongs sems can la// rnam kun mkhyen nyid sangs rgyas thob// dkon mchog gsum gyi bden pa de// tshe 'di'i nad gnod dgra bgegs kyis/ / 'tshe ba rnams ni zhi ba dang// sdig sgrib bral bas phyi ma ru// ngan song 'jigs pa kun las thar// tha mal 'gro ba 'khrul gnas nas// 'jigs tshogs log pa las skyabs te/ / sangs rgyas lam la rab zhugs pa'i// sdom pa kun gyi rten du 'gyur// sdom pa 'di gnas kun kyang yod// skyabs 'gro nyams na bslab kun nyams// skyabs 'gro bstan pa'i srog shing yin// skyabs gnas sangs rgyas nyag gcig ste/ / thub pa'i chos kun de la tshang// tshogs na de yi mthar thug go/ sangs rgyas kun ston skyabs rnyed nas// 'jig rten ngan la skyabs mi zhu// sangs rgyas gzugs brnyan gus byas kyang/ / de yis brgya yi char mi phod// lam mchog chos la skyabs song nas// sems can rnams la 'tshe mi bya// byas na lam de nyid las bzlog/ yig 'bru tsam la dad byas pas// 'gro ba kun la phan bde 'byung/ / dge 'dun skyabs song bstan pa ni// smad dgra mu stegs rnams mi 'grogs// sdigs dang 'grogs na dge ba stor// dri ngan 'gos pas mi gtsang ltung// rgyal mtshan 'dzin pa'i lam zhugs pa'i// ser ru gos tsam 'chang ba la/ / ston pa'i 'du shes gus pa blang// dkon mchog bka' drin ma brjed phyir// dus dang rgyun gyi mchod pa 'bul// tshogs rdzogs sgrib pa'i las rnams 'dag/ dog la drag po ci byung yang/ / thabs gzhan mi btsal mkhyen tshig gcig/ phyogs dang gnas ni gang 'dug kyang// dkon mchog zhing yin der shes bya// tshe dang 'gal ba chen po'i don// skyabs gsum mi spang srog ltar brtsi// bslab pa mtha' rdzogs yon tan ni/ / sangs rgyas kun gyis brjod par dka'// mtha' yas mu med bsam mi khyab// sangs rgyas thams cad kyi bstan pa'i gzhi rgyud mchog rin po che spungs pa las/ / skyabs gnas khyad par can gyi le'u ste bcu gsum pa'o//// yang dag ma yin kun rtog las// kun rdzob log pa'i bden pa de// sdug bsngal kun 'byung nyon mongs rnams// tshul bzhin ma yin lhan cig skyes/ / ma rig las byung kun brtags kyis// ma rig nyon mongs khams rnams las// dge bas lha mir skye ba'i las// mi dge ngan song skye ba'i las// rgyu 'bras shes kyang de yi ni// rang bzhin ma shes las 'bras la/ / rmongs pa'i ma rig las spyad pas// rten 'brel lus su 'byung ba la// don dam gnas lugs bden pa yin// mthar thug 'gog pa'i lam zhugs nas// srid pa'i lugs bzlog tshogs sbyor gyi/ / lam zhugs gnyen pos 'khor ba spangs// dmyal ba'i sdug bsngal shes pa la// lha mi gdug par mi shes pa'i// dge ba'i las la spyod pa yi// rgyu 'bras rmongs pa'i ma rig bcom// khams gsum gnas la chags zhen med/ / las kyi sgrib pa zad pa yis// 'bras bu dgra bcom rang rgyal thob// mthong ba'i lam zhugs gzung 'dzin spangs// kun brtags gzhan dbang sna tshogs kyi// ma rig pa yi rtog tshogs bcom/ / nyon mongs khams rnams sgrib pa zad// bdag gzhan gnyis kyi bdag med rtogs// 'bras bu sa bcu'i yon tan thob// sgom pa'i lam zhugs bag nyal spangs// de nyid kho na la rmongs pa'i/ / lhan cig skyes pa'i ma rig bcom// shes bya'i bzang zhen sgrib pa zad// mthar phyin mi slob pa yi lam// lhun grub sa la rdzogs sangs rgyas// thams cad don gcig nyid la rgyu// lam gyi mthar thug snying po'i don/ / gzhi rdog lam gyi 'bras bu'o// sangs rgyas thams cad kyi bstan pa'i gzhi rgyud mchog rin po che spungs pa las/ lam gyi bden pa la 'jug pa'i le'u ste bcu bzhi pa'o//// dper na sa gzhi dul ba yi/ / rgyu rkyen 'dzoms pa'i zhing sa la// sa bon tsha ba so nam drod// 'bras bu tsha ba skyur ba ste// sa bon mngar ba so nam bsil// 'bras bu mngar dang bska ba skye// de bzhin rnam rtog sems kyi gzugs/ / bsod nams las byung mi lus kyi// ngan rtog kun slong phyin ci log/ mi dge las spyod ngan song 'grub// bzang rtags kun slong byams pa yis// dge ba spyod pas bde 'gro gnas// yang dag lam zhugs byang chub thob/ / yang khar gnas pa'i 'phye bo bzhin// yan lag gnyis su gom gang 'khrul// yar la 'gro'am mar la ltung// so mtshams lam bzhin mi lus kyang// 'di nas lam log srid par ltung/ / bden pa'i lam zhugs zhi ba 'thob// 'khor 'das so 'gag dal 'byor te// 'khor ba spangs nas myang 'das don// dge 'dun rjes su dran pas 'byung// bstan pa'i rgyal mtshan 'dzin pa la/ / lus kyi bya ba gtso ba'i phyir// bya ba rgyud ces rgyal bas gsungs// theg pa sna tshogs gdul bya'i blo// sde snod ma mo'i tshogs rnams las// blo dman phal gyis rtogs bya'i phyir// bstan pa'i snying po rgyud 'di nyid/ / dgra bcom chos kyi spyan la gtad// gtsug lag khang skyong mchod byas nas// mi nub 'dzam bu gling du dar// de tshe lha dang lha ma yin// dri zar bcas pa'i 'jig rten nas// lhag pa'i 'khor rnams yi rangs te/ / bcom ldan 'das la mngon par bstod// mi mchog lha yi lhar gyur pa// rkang gnyis gtso bo chos kyi bdag/ dam pa'i bde ba 'byung gnas la// kun nas dang bas phyag 'tshal bstod// sangs rgyas thams cad kyi bstan pa'i gzhi rgyud mchog rin po che spungs pa las/ mtshan gtad rjes su yi rang phul ba'i le'u ste bco lnga pa'o//// sangs rgyas kyi bstan pa thams cad kyi gzhi'i rgyud mchog rin chen spungs pa zhes bya ba rdzogs so/ /// u rgyan gyi mkhan po pad+ma sam b+ha ba dang/ zhu chen gyi lo tsa ba ka ba dpal brtsegs kyis bsgyur cing zhus te gtan la phab pa'o// phyis u rgyan nyid kyis ma dag pa rnams rang 'gyur mdzad nas gsal bar byas pa'o/ /// e ma ho/ rgyal bas lung bstan pad+ma bdag gis su// smon lam stobs kyis rgya nas bod du phyin// gtsug lag khang skyong mnga' bdag bsam pa bsgrubs/ / sangs rgyas bstan pa bod du dar rgyas byas// khyad par lnga brgya'i dus su bstan pa'i rtsas// sangs rgyas bstan pa spyi yi thun mong du// bya ba gzhi rgyud rin chen spungs pa 'di// yi ger bris nas rin chen gter du sbas/ / skyes bu las can gcig dang phrad par shog/ mad+galaM//// rgya gar skad du/ ma hA pa na sa ma a bi bo d+hi sa ta ma hA tan tra kha ya ma la nA ma/

CLOSE WINDOW