rgya gar skad du/ bo d+ho tsit+ta a ti b+h+ra ma na ma/ bod skad du/ byang chub sems gsang ba'i thig pa zhes bya ba/ bcom ldan 'das dpal rdo rje sems dpa' la phyag 'tshal lo// bdag med gnyis med mi shes sangs rgyas pas/ / zhen pa bzlog phyir rkyen bshad bsam yas kyang// chos nyid ngang la brjod bya brjod byed med// rtog dang lta sgom la sogs pa'i// bslab pa ma lus kun 'jig pa/ gsang ba ba yi slab pa yin/ / rtog pa la sogs su 'dod pa// de la de bsog nam yang med// skyes na 'gag cig 'gag na skye// de ni bdag bcas 'khrul pa'i blo// bdag med gang skye skye rgyu ci// ma skye mi 'gagacir mi rig/ bus pa ma rabs rtogs par 'dod// gang gis gang rtogs ji ltar rtogs// rtog pa bdag med skye med cing// bdag skye 'khor ba ci phyir min// blo dang blo yul ma yin pa'i// 'khor ba skye 'gag rgyu ci zhig/ de bas rtogs pas 'khor bar 'chings// shes rtogs lta bu'i sdig pa ni// stong gsum ma lus srog bcad pas// sdig pas de brtul char mi phod// lta sgom 'bras bu de dang mtshungs// rtog bya rtog byed gnyis med cing/ / rtogs lta la sogs mi skye na// dgos chen rkyen du de bsogs gsungs// ma rtogs ma sgoms ma shes na// rdo rje kun tu bzang po yin// bdag med dmigs dang rnam shes ji ltar bskyed/ / dran bya dran byed med de shes dang mi shes bral// rtogs bya rtogs byed med de dgos ched de rtogs brjod// rtogs pa ma skyes pa ni rtogs pa'i mchog/ 'ching grol med pa grol ba'i dam pa yin/ / bcings na grol zhing grol na 'ching// yul sems gnyis su med pa ni// byang chub sems zhes bde gshegs gsung// yul sems gnyis su 'dod pa dang// yul med sems la gsal stong dang// yod med rtag chad 'khrul pa'i sems/ / 'khrul dang ma 'khrul gnyis med la// ma 'khrul dgos ched gnyis yod 'khrul// de de nyid dgos ched kyis// de mtshon 'khrul pa blo bur dang// med pa dang ni cir mi rung/ / skabs kyis re zhig brjod par zad// yul sems gnyis su med pa na// de man chos med gnyis su med// snod bcud rab 'bring tha ma yis// bshad du yod dang bshad du med// bshad bya bshad byed gnyis su med/ / rtogs su yod dang rtogs su med// rtogs bya rtogs byed gnyis su med/ sgom spyod 'bras bu la sogs mtshungs// bya ba med pas grol ba grol// bya med lhun grub rdzogs pa che// rtog sgom 'bras bu 'dod pa dang/ / thar par 'dod pa'i yid can la// byang chub nam yang yod ma yin// rdo rje sems dpa'i gsang ba'i thigs pa 'di// dga' rab rdo rje'i thugs la dbyer med thim// zhes lta ba lhag pa byang chub sems kyi gsang ba'i thigs pa zhes bya ba ste dang po'o/ /// bcom ldan 'das dpal rdo rje sems dpa' la phyag 'tshal lo// 'khor 'das rnam pa gnyis la yang// chos can rtogs dang chos nyid rtogs/ / bya ba yod dang lhun gyis grub// don rtogs rtags rtogs 'dus ma byas// byang chub sems dang 'phrul pa'i sems// rang byung rten byung la sogs kyis// 'khor 'das gnyis su shes med shes/ / sman bdo tsam na dug bdo spang// sman bdo tsam na dug mi gnas// sman bdo tsam na dug kyang med// sman bdo tsam na dug ma spangs// de bzhin chos rnams thams cad kyang// snang bdo tsam na stong bdo ste/ / snang bdo tsam na snang mi gnas// gnyis dang gnyis med la sogs dag/ kun yin gang yang ma yin dang// gang ma yin na kun mi gnas// kun yin na ni gang min man// de bas bya bral shes med dang/ / brjod med kun bzang rdo rje dgye// shes brjod lta bu'i sdig pa med// brjod bya rjod byed la sogs dang// shes bya shes byed gnyis med na// chad med thams cad lhun grub sku// mnyam nyid bsam 'das gnyis med du/ / rang nyid shes shing ma gyur na// tshig tu ji skad brjod gyur yang// dbul bos phyug po'i nor 'grangs 'dra// rang la ma phan gdung bas 'dzin// de bas rang nyid gnyis med na/ / shes bya shes byed la sogs med// sbyangs nas rtogs thob phyir 'dod dang// rtogs thob thabs la brten pa dang// bya ba ma bral thabs kyis kyang// yang dag 'bras bu thob pa med// bya med byed bral 'bras bu de/ / chos nyid don rtogs bde chen 'grub// 'dod pa ma zad 'bras bu dang// 'dod pas grub pa'i 'bras bu dang// 'dod pa med pas len pa ni// bya bral lhun grub shes par gyis// mdor na chos rnams thams cad ni/ / 'khor dang mya ngan 'das pa ste// 'khor ba'i sems rig 'khrul ba'i sems// mya ngan 'das rig byang chub sems// sems kyi yul dang rang rig yul// spyod yul dag dang ma dag gyis/ / 'khor 'das gnyis su rgyal bas man ngag// spyod yul dag pa'i rnal 'byor ni// 'khor bar nam yang mi 'khor te// rtogs pa brten par ma gyur na// rten ni khams gsum gnas gyur kyang// sems dgongs rnam dag rdzogs sangs rgyas/ / gal te brtan par ma gyur na// tshogs drug 'jug pa lhod pa yis// dmyal ba'i gnas su de mi skye// chos nyid rtogs dang ldan pa yis// byol song gnas su de mi skye/ / 'dod pa'i gdung ba lhod pa yis// yi dwags gnas su de mi skye// 'dod yon lnga la chags med cing// spyod kyang bstan por ma mthong ste// 'khrul zhig rang bzhin med rtogs pas// lha yi gnas su de mi skye/ / mi yi lus kyi rtogs mthu yis// gal te rten na mi lus te// gang du skyes kyang rnam dag gsal// gang du gsal yang mngon sangs rgyas// de la 'khor ba'i ming mi gdags// de bas gsang sngags bdag nyid che/ / don med sgra phyir de 'brangs nas// de ni 'thoms nas dmyal bar 'gro// de rtogs dmyal ba'i sa bon zad// de ring phan chod rgyal ba'i sras// gzung 'dzin dben pa rgyal ba ste// de na rtog pa'i sras zhes bya'o/ / rtog pa zad la rtogs zhes ste// rtog pa skyes na 'gag par nges// de ni skye 'jig 'khor ba'i chos// mngon par shes pa la yang gnyis// chos can mngon par shes pa dang// chos nyid mngon par shes pa ste/ / shes par bya byed gcig las med// gcig po'i don de 'di ltar ste// shes bya shes byed gnyis yod na// chos can yin de chos nyid min// de rang nyid la bye brag mang// theg pa re la lta ba re// de re sgom re mngon shes te/ / chaus nyid mngon par shes pa ni// shes dang shes bya gnyis med la// chos can shes bya yang dag ldan// de spangs na yang de med de// de yod na yang de med do// rnam pa dag na lam chen rnyed/ / gnyis su med na bde chen thob// gzung 'dzin dag na ye shes che// bya ba bral na rdzogs pa che// byed pa bral na lhun gyis grub// sems dang chos nyid ye nas gnyis med la// rtog par 'dod pas nam yang thar pa med/ / mdor na sems can sangs rgyas kyang// sems chos gnyis su yod med las// rdo rje kun bzang mi gsung ngo// sems dang chos ni gnis med na// lta rtogs la sogs gang gis kyang/ / de bas bya bral lhun rdzogs mod// de bas dman pa'i theg phran kun// sems kyi chos rtogs rtogs pas dman// de bas bya byed drang don mod// ces/ chos sems gnyis su med pa'i gsang thigs ste/ /// man ngag gnyis pa'o// bcom ldan 'das log par dad sel la phyag 'tshal lo// rtsod dang gdams dag bshad dang gsum// dbye ba 'di yis shes par bya// rang bzhin dag pa'i kun gzhi dang/ / rtogs pa dag pa'i kun gzhi dang// 'dzin pas bsags pa'i kun gzhi la// 'khor ba'i kun gzhi 'das pa'i gzhi// gnyis ka'i kun gzhi dbye ba yis// 'byung ba dang ni 'byung chen dang// 'byung chung gzhi ste so sor dbye/ / 'byung ba chos nyid 'byung chen nam mkha' la// 'byung chung re re la yang lnga// chos nyid 'khor 'das kun gyi gzhi// byang sems 'das pa kun gyi gzhi// 'khrul sems 'khor ba kun gyi gzhi/ / sems dag sems las byung ba dang// sems dang sems las thim pa dang// 'khor 'das gnyis su mkhas pas rig/ ci yi phyir na sems shes na// sems byung ba yi sems zhes dang// sems thim pa yi sems zhes dang/ / sems 'dzin pa yi sems zhes so// gang ltar byung yang de de nyid// de de nyid kyang 'khor 'das gnyis// phyi dang nang gi mu stegs te// 'khor ba yin par rgyal bas gsungs// 'das pa gnyis te don dang rtags/ / drang don nges don zhes kyang gsungs// lam dang lam gyi grogs kyang gsungs// lam ni rnam par dag pa ste// de mtshon gal te srid pa yis// lam grogs a nu man chod la// nang gi mu stegs zhes bya ste/ / bsam yas bsdu na bzhi ru 'dus// phyal dang rgyang 'phan mu rdug dang// mu stegs bzhi ste rtag chad gnyis// phyal ba dge sdig rgyu 'bras dang// snga phyi mi shes kun tu rmongs// rgyang 'phan rgyu 'bras mi shes te/ / 'di yi btsan phyug mthu stobs bsgrub// mu rdug pa yi rgyu 'bras med// snang srid 'di ni blo bur ba// dper na rlung tshub lta bu'o// de bas thams cad chad par 'dod// mu stegs pa ni rtag par 'dod/ / bdag rtag yod par 'dod pa dang// rgyu med 'bras yod 'dod pa dang// 'bras med rgyu yod 'dod pa dang// dbang phyug yod par 'dod pa'o// de ni ral pa can gyi lugs/ / dbang phyug mthu thogs med pa yis// 'gro ba dus gcig skyed par byed// bram ze grangs can gcer bu ba// dngos po rtag la rang bzhin 'gyur// skyes bu bdag gis gzhan mi skyed// gzhan gyis kyang ni bdag mi skyed/ / tsa ra ka pa rlung tshub 'dra// mu rdug pa de chad par 'dod// de la 'di ltar rtag pa ste// blo bur nam du 'byung ba'i phyir// 'khor ba'i mtha' la thug pa med// yang na thim pa de 'byung ngam// de las gzhan zhag 'byung ba yin/ / de nyid 'byung na rtag par thal// de mi+en 'byung na rgyu yod med// min par 'byung na rtsol don med// bem po las rig 'byung gyur na// rgyu 'bras mi mthun skyon bsam yas/ / ral can dbang phyug byed 'dod pa// dbang phyug de byed yod dam med// dbang phyug byed pa med pa ni// dbang phyug gis byed ci yi phyir// byed pa med la byed 'byung na// rtag pa las kyang chad 'byung zhing/ / chad pa las kyang rtag 'byung 'gyur// de 'byung nges med rtag mi btub// de la byed pa yod ca na// byed pa yod phyir mi rtog mod// grangs can dngos po rang mi rtag/ rang bzhin cir yang 'gyur ba ste/ / bde dang sdug bsngal myonga'agyur na// dngos po rtag pa ci la phan// gal te cir yang mi 'gyur na// 'khor ba myang 'das rgya chad de// myang 'das rtag gam 'khor ba rtag/ 'khor ba rtag na mngon sum 'gal/ / 'das rtag nam mkha' ci la phan// gal te 'khor 'das gnyis med nas// dngos rtag rang bzhin 'gyur ba na// dmyal yang sangs rgyas sangs rgyas dmyal// skye bo nyid de khyad par med// de phyir rtag chad la sogs 'khrul/ / 'khrul nas de sogs snang du zad// de sogs gnyis med don dam chos// kun bzang thugs thig skal ldan blo la shar// zhes phyir rgol gcod pa'i gsang thig ste gsum pa'o// bcom ldan 'das bya bral ngang la phyag 'tshal lo/ / chaus sku spros bral lhun gyi grub pa la// rnam rtog bdag tu 'dzin pa de nyid 'khrul// 'khrul pa de nyid rang bzhin dag pa las// gang gis gang yang sbyang zhing thob tu med/ / yang na dag pa nyid kyis de nyid rtogs pa las// rtog bya rtog byed med de ngang gis dag/ lhun grub bya bral rdzogs pa chen po'i ngang// ye nas ma bcos rang byung rang zhi ste// bya dang byed med 'du ma byas pa la/ / byis pa'i blo can ldongs pas ma rtogs te// 'khor ba spongs shing byang chub sgrub par mthong// don la btsal zhing bsgrub par gang mthong ba// ldongs pas nam mkha' tshol te rnyed ma yin// gal te rnyed na de nyid 'dus byas yin/ / ci phyir thob 'dod chos dang gang zag ste// don gyi don dam thob bam kun rdzob kyis// 'on te 'khrul gyis byang chub sa thob bam// byang chub kyi 'khrul pa thog/ don gyis don nyid thob na don ma yin/ / thob dang thob bya yod phyir rdzas yod mod// thob dang thob bya ngang gis dag pa la// byang chub thob ces rgyal bas gsungs pa las// sgra phyir 'brangs nas thob tu yod 'dod pa// ma rig de ni 'thoms te 'khor bar 'khyams/ / gal te kun rdzob nyid kyi don rtogs nas// rgyu 'bras mi mthun 'gal te rten 'brel yin// yang dag don rtogs nus phyir 'khrul ma yin// don la phan 'dogs kun rdzob ci phyir yin/ / gdags yod yang na don dam ci phyir yin// don dam nyid kyis kun rdzob rtogs gyur na// rtogs byed don dam ma yin rtogs yang kun rdzob mod// gal te kun rdzob cig gis rkyen byas nas/ / don de rtogs na de yang gnyen por 'jig/ kha cig rkyen med par ni rtogs 'gyur na// thog ma nyid du rtogs ci phyir min// rkyen la rkyen cig gam te yod min na// rkyen gyis med dus su zhig ci phyir min/ / de bas rtog bya rtogs byed dag pa la// yang dag don rtogs bde chen 'grub// ces gsungs/ byang sems chos rnams thams cad dbyer med la// ldongs pa bdag cig chos kyis sangs rgyas 'dod// rgyu rkyen rten 'brel gnyen pos ci phyir min/ / bdag dang chos dang 'bras bur dbyer med dang// shes dang gnas dang brtan pa thob pa la// gzhi dang lam dang 'bras bur rgyal bas bsngags// shes bya shes byed ngang gis dag pa dang/ / gnas bya gnas byed ngang gis dag pa dang// bdag gzhan 'du shes dag nas mi 'byung na// byang chub thob ces rgyal bas gsungs pa la// sgra phyir 'brangs nas thob dang rtogs 'dod pa/ / ldongs pas de yang 'khor ba'i chings mas bcings// de bas shes bya shes byed dag pa la// pha rol pyin dang sa bcu lam lnga rdzogs// sku dang ye shes yon tan ma lus rdzogs// ma spangs mtshan dang mi gnas dpe byad rdzogs/ / de las gzhan ni ye shes ma yin te// gzung 'dzin sgrib pa ye shes ga la yin// bya byed 'du byas byed ye shes ga la yin// re dog dug gsum ye shes ga la yin// spyan dang ye shes don ni ma sgrib pa'i/ / sgrib pa'i don ni gzung 'dzin gnyis las med// don la lta dang mthong ba yod ma yin// 'khrul pa'i blo la blta dang mthong ba yod// bya byed med pa lta sgom la sogs mchog/ rtag par 'dod na 'khrul de rtogs mi 'gyur/ / rtag yul med par rtogs 'gyur ga la srid// dga' rab rdo rje thugs kyi dkyil 'khor du// rdo rje sems dpa'i thugs kyi thig pa babs// zhes brten 'brel bcad pa'i gsang thig ste bzhi pa'o/ / bcom ldan 'das bde chen ngang la phyag 'tshal lo// e ma 'khrul pa zad pa'i mkhas pa ngo mtshar che// ye shes gnyis te mtshan nyid rtags// mtshan nyid thog mtha' skye 'jig med/ / brtags pas 'khrul pa zad pa'o// rang byung de nyid thog med dang// blo bur byung ba gnyis yin no// thog med mi 'gag blo bur 'gag/ rtog pa'i ye shes 'gag ce na// rtog pa'i ye shes zhes bya ba/ / 'khrul pa zad pa rtsa ma ste// gang la skye dang 'gag pa med// zad yod 'phel ba yod ce na// don mthong zad dang 'phel ba med// ji srid tshig yod 'khrul pa'i sems// nyan bshad dgos pa med ce na/ / byang chub sems la phan gnod med// 'khrul sems dgos med ci yi phyir// 'khrul pa zad cing 'khrul la phan// kha cig sngags pa 'di skad zer// nyon mongs mi spongs 'phags par 'dod// snying rje ldan phyir byams phyir dang/ / sems dge ba la nyes pa med// chos 'phags la sogs ci phyir min// de nas nyon mongs lam zhe na// sngags pa dam tshig bsrung mi bsrung// nyams na dmyal bar 'gro mi 'gro// 'gro na nyon mongs med 'gro'am/ / yod 'gro nyon mongs ci phyir lam// de la de yang yod ma yin// de bas gsang sngags zhes bya ba// 'khrul pa zad dang blo yul min// bya ba bral dang 'bras bu'am// 'bras bu lam du 'dod pa yang/ / 'dod na blo yul bya byed ni// brtags pa yin te yang dag med// bsam mi khyab la 'khrul pa byung// 'khrul pa zad la bsam mi khyab// de la 'bras bu zhes bya ste// mdor na bya bral 'bras bu ste/ / rnam par dag pa lam zhes te// 'bras bu lam zhes de la bya// bya byed yod pa ga la yin// dum bur gnas pa lam zhes te// dper na byol song kha cig gis// ma yi rum na gnyid log dang// ma rum phyir thon res 'jog dang/ / rdzus skyes lha 'ga' gnyid med bzhin// srod dang tho rangs nyin par bzhin// nam mkha' dwangs la sprin 'byung bzhin// nam du 'byung 'gyur zhes na yang// ji bzhin pa de khyad par che/ / rig pa yod med dag ma dag/ 'dra ste mi 'dra bas nad pa// 'khor ba sangs rgyas brtag pa dang// chos nyid mi sbyor mi 'byed de// ci phyir de la rang bzhin med// sbyor dang 'byed pa lta ci smos// rang bzhin shes pas gnyis med mthong/ / chos nyid gnyis su med pa la// sangs rgyas zhes kyang bstod mi bya// sems can zhes kyang skyon mi brjod// don la gnyis med rtags tha dad// drangs pa'i dron 'khor 'das gnyis gsungs te/ / nges don ye nas thig le dbyer med la// dbyer med rtogs pas dbye ba'i blo zad de// sangs rgyas zhes te nges par gzhan med do// sangs rgyas yon tan de la brtsir mi rung// sems can skyon kyang de la brtsi mi rung/ / sangs rgyas yon tan su 'dod pa// de la nam yang yon tan med// sems can skyon rnams su spongs ba// de ni skyon las grol mi srid// gnyis su med pas skyon yon brtag/ de la yon tan zhes bya'o// rmongs pa kha cig yon tan du// khas len pa de rmongs pa yin// chos nyid gnyis med spros bral la// skyon yon sus brjod rmongs pa yin// skyon yin dag na yon tan te/ / spros bral lhun grub chos kyi sku// de rtogs longs spyod rdzogs sku yin// ma spangs mi gnas sprul sku'o// gzung 'dzin dag pa sangs pa ste// gnyis med don rgyas rgyas pa'o// byed pa med pa'i chos yin te/ / bya ba med pa nyid yin no// ye nas dag pa zhi ma mya ngan 'das// de rtogs sgrub pa lam gyi chos// dbye ba med pa 'dun pa ste// ma gos pa ni dge ba yin// gzung 'dzin rang dag gnyis med chub// ye don rtogs pas nyon mongs bcom/ / rang gis rang rig rang sangs rgyas// nyan byed med pas yang dag nyan// thos pa med pas chos nyid thos// skyon yon dag pas thams cad rdzogs// zhes yon tan bsam gyis mi khyab pa'i gsang thig ste lnga pa'o/ /// bcom ldan 'das bde ba'i 'byung gnas de la phyag 'tshal lo// theg 'phran ma lus thams cad kun kyis kyang// bde legs ji snyed ma lus kun gyis bsngos// bde gshegs byang chub rtog pa nyid la 'dus/ / rtogs pa su 'dod de la byang chub med// rgyu rkyen 'dod pas nye ba'i sangs rgyas bsrings// kun kyang rtogs par 'dod pa khyad par med// thabs sgo du mas rtogs 'dod 'dod pas nyams/ / rgyu yi theg pa zhes kyang de la bya// theg chen 'di ni rtogs bya rtogs byed dang// thob bya thob byed la sogs dbyer med pas// bya bral lhun rdzogs bde ba chen po'i ngang// gnas dang dus ni gang dang gang du yang/ / rgyu dang rkyen ni ci dang ci byung ba// de ni rgyu yi theg par shes par gyis// rang byung ye shes gnyis med lhan cig skyes// gang la gang gis rag na ji ltar las// gang dang gang byung de de nyid/ / thams cad ma phyed yul dang bral// yul nyid yul bral rang gis ngang// de ni 'bras bu'i theg pa'o// che lnga ldan par 'bras bur brtags// 'khrul pa gnyen pos zhig pa la// rtogs pa rkyen gyis skyes par mthong/ / ma skyes mi 'gag don la gol// rkyen gyis skyes pa thams cad 'jig rtogs las sangs rgyas gzhan med pas// sangs rgyas skye 'jig can 'dod pa// de yang rgyu ste byang chub med// 'khrul blo gnyis su med ces bya ba las/ / don la skye 'jig ga la yod// gzung 'dzin gnyis su mi byed pas// chad pa ma yin rtag pa yang// gnyis su gnas pa ma yin te// gzung 'dzin gnyis kyis blo grol bas// chos nyid don rtogs bem po min/ / rig bya rig byed gnyis med pas// rig par mi 'gyur skyon ma gos// gzung 'dzin dag pa rang nyid la// sangs rgyas zhes su btags pa yin// 'khor 'das gnyis su med ces bya/ / sangs rgyas gang las ji ltar skye// rtog pa skye bar rmongs par 'dod// de ni 'bras bu'i theg pa min// rang gi gnyen por rang shar nas// gzung 'dzin rang dag lhun rdzogs che// de ni 'bras bu'i theg pa'o/ / 'khrul pa rang du rang zad dang// rtog pa 'khrul las skyes pa gnyis// ngo bo gcig ste khyad par che// gcig ni 'khor ba rang dag yin// gcig ni sangs rgyas rgyus bskyed yin// gcig ni khyad par shin tu che/ / 'khor ba rang nyid dag pa las// sangs rgyas 'dod pas blo chung bcings// dge ba dpag med byed pa dang// mtshams med lnga po byed pa yang// 'khrul pa gang dag nges med de// ma dag par du khyad par che/ / rgyu dang 'bras bu'i theg pa dang// rang nyid shar de byed pa med// thams cad du yang ngang gis byung// thams cad rang bzhin nyid kyis dag/ bdag nyid chen por lhun gyis grub// de ni gsang sngags zhes bya'o/ / ji srid blo ma zad par du// 'khor ba zad par su 'dod pa// de ni rgyu yi theg pa yin// rgyu yi theg pa gang yin pa// de ni rkyen gyi theg pa yin// rgyu rkyen gang dang gang yin pa// de la 'du byas zhes brjod do/ / de las gzhan pa'i 'dus byas ni// mkhas pas nam yang rnyed pa med// ji srid bya ba yod par du// de ni 'bras bu'i theg pa min// de bas bya bral rdzogs pa che// de bas spros bral lta ba che/ / de bas 'dzin bral bsgom pa che// de bas bya bral spyod pa che// de bas thob bral 'bras bu che// zhes rgyu 'bras khyad par gyi gsang thig ste drug pa'o//// legs pa'i 'byung gnas shes rab pha rol phyin mchog ngang la phyag 'tshal lo/ / legs pa'i 'byung gnas shes rab pha rol phyin 'di la// khyed bral shes rab pha rol phyin mchog med 'gyur na// pha rol phyin rgyu med cing lam med theg pa'ang med// phyag rgya sngags dang dka' thub sbyin sreg med/ / lha dang dkyil 'khor med cing dus gsum bde bde gshegs med// mchod bshags bstod pa med cing phyag dang bskor ba med// gzhi lam 'bras bu med cing lta sgom spyod pa med/ / thams cad yod pa ma yin 'khor ba'i 'ching ma yin// thams cad drang ba'i don te shes rab mchog la 'dren// shes rab pha rol phyin mchog ngo bo la// thams cad dus gcig rdzogs te lhun gyis grub/ / de yod kun yod de med kun med pas// pha rol phyin mchog rdzogs chen spags te che// mi 'byed mi g.yo mi 'dzin ma gos dang// skyon yon dag ste dus nyid thams cad pa'o// bya bral kun 'dus mi g.yo 'dod pa zad/ / de med bzlog pa'i sgo nas thams cad bral// shes rab pha rol phyin mchog nga nyid la// sa lam thams cad lhun grub nga nyid yin// mi 'gyur kun gzhi'i sems kyi sa gzhi la/ / de nyid yang dag mthong ba rab tu dga'// de la gzung 'dzin dag pa dri ma med// de nyid rgya ma chad pa 'od byed pa'o// rtogs pa'i ye shes 'byung ba 'od 'phro ba// blo yi spyod yul ma gyur sbyangs dka' ba/ / rang gis ngo bor gyur pa mngon gyur ba// 'dod pa'i blo ma skyes pas ring du song// mi skye mi 'gag g.yo ba med pa'i sa// skyon rnams kun gyis ma gos legs pa'i blo gros// thams cad chos kyi dbyings las mi phyed sprin/ / thog ma tha ma med pa kun tu 'od// gang yang ma spangs pad+ma can// rnam rtog mtshan ma spyod cing thog med 'khor// thams cad thig ler 'byed med dbye ba med// sems dang chos su 'dres pas lhun gyis grub/ / ye nas thig ler dbyer med tshogs kyi lam// rtogs pa'i ye shes dbyer med sbyor ba'i lam// chos nyid don rtogs bde chen mthong ba'i lam// yid kyi g.yo ba zad pa sgom pa'i lam// bya byed med pa mthar phyin pa yi lam/ / rnam dag lam chen shes rab mchog med pa// bgrod pas 'khor ba'i lam ste grol mi srid// bzlog pa'i sgo nas de med thams cad med// ces shes rab pha rol phyin pa'i gsang thig ste bdun pa'o/ /// rang rig lta ba'i ngang la phyag 'tshal lo// lta sgom spyod 'bras la sogs pa'i// byas pa'i chos rnams thams cad 'jig/ shes rab mchog gi chos rnams yin// de yod na ni chos rnams med/ / de med na ni chos rnams yod// bdag dang chos rnams nam mkha'i ngo bo shes// shes nas shes byed rnam dag na// shes rab pha rol phyin mchog ldan pa yin// chos ni byed pa bral ba yin/ / nyid ni bya ba bral ba yin// bya byed gnyis med chos kyi sku// bya bral dus su sku gsum rdzogs// de la mya ngan 'das zhes te// gzhan du theg smad bsam yas pas// rang rang 'bras bu sangs rgyas 'dod/ / 'dod pas 'khor ba ma rtogs te// 'khor ba'i mtha' las de ni mtha'// nges pa'i shes pa ma skyes shing// rang tshig tshad dang ma ldan te// gzung 'dzin mtshan ma ma grol bas// gang gi gar skye mi shes pa/ / 'ol phyir phyogs su gar bsgoms kyang// long ba'i gom pa bzhin te phyal bar gol// chos dang sems gnyis so sor mi 'gyur ba// de ni rtag pa'i mtha' ste grol ba med// thams cad gdod nas med pas blo yul med/ / de ni chad pa'i mtha' ste grol ba med// snang la rang bzhin med ces yul can nges med 'chings// nam mkha' lta bur chos rnams mtha' bral bsgom// mtha' bral 'dod pa mtha' ste nam mkha' mtha' yas skye/ / gnyis med ma rtogs dran rtog med pa bsgom// 'du shes med pa'i khrod du de nyid skye// 'di bsgoms nges med gcig dang du ma bral// bsgom med blo yul ci yang med par skye/ / thams cad sems yin cing snang cir med na// rnam shes mtha' yas gnas su de skye nges// byang chub don gnyer lha yi dkyil 'khor bsgom// gzugs khams lha yi gnas su de skye nges// 'dod pa'i mngon song zab mo'i bskyed rim gyis/ / sna tshogs ci sgom 'dod khams gnas su skye// 'dod pa ma zad bar du khams gsum ste// drang ba'i don du rang rang grol bar gsungs// re res 'bras bu'i ming re btags nas su/ / thams cad grol bar theg pa kun smra yang// bya byed ma bral 'khor ba las mi 'da'// 'khor 'das gnyis las med par thams cad dgongs pa mthun// bya ba bral bas lhun grub sangs rgyas la// nye ring yod ces blo dman kha cig smra/ / pha rab rdul gyis gzugs 'dzin zug rngus kyang// 'khor ba 'ba' zhig mya ngan de mi 'da'// shes rab bral te mya ngan 'das pa med// mya ngan 'das na shes rab spyi phyir bral/ / theg pa che chung bstan pa yang// theg pa'i ngo bo 'dzin med pas// 'dzin pa chung na theg pa che// 'dzin pa che na theg pa chung// che grol chung grol nges med de// dper na mar me 'bar ba yis// mun pa che chung 'joms par 'dra/ / dper na 'dod pa'i gnas su yang// nye 'gro ring 'gro nges med bzhin// theg sgo gang du zhugs gyur kyang// bya ba ma bral theg pa de// khams gsum gar skye nges med de// khams gsum rang rang khyad par che/ / gzugs 'dod gzugs med ji bzhin du// theg pa che chung re zhig 'dod// sde mtshan gsum gsum bstan pa yang// dug gsum lus ngag yid gsum dang// khams gsum sku gsum sku gsung thugs/ / de yi shes rab che chung ste// mdor na shes rab yod med gnyis// yod pa bya ba byed pa bral// med pa gzung 'dzin blo yul te// gzung 'dzin phra rags dbye na 'di'o// 'dzin pa bral ba shes rab ste/ / gzung ba lhod 'phra snying rje yin// gzung 'dzin gnyis med mtshan nyid la// 'phra ba tsam ni btags pa ste// btags pa'i grub mtha' thams cad kyis// yang dag rtogs la phan mi 'gyur/ / rang gi bde ba gnas skabs 'byin// kun rdzob shes pa shes pa ste// don dam shes pa shes rab yin// des zin mi rtog khyab pa rje// dbang po dman pa'i nyan thos kyis// yul ni phra rags shes pa skad cig rtogs/ / gang zag bdag med de yang rab 'bring gsum// khams gsum 'khor ba 'dod chags gzir// snying rje de yi gnyen por mi sdug sgom// 'bring gis rnam rtog gnyen por rlung 'gog pa'o/ / rab ni bdag tshol bdag med stong pa sgom// mdo sde yul gyi gzugs brnyan dngos su min// bdag 'tshol ba las khyad par sems 'tshol te// khyim par gyur kyang skyon med rtse gsum sgom/ / kun rdzob yul sems so sor 'gro don rab brtson pas// de dang tshul mthun pas na mdo sde'o// rnal 'byor spyod pa kun rdzob sems su lta// rang rgyal gang zag bdag med khyad par du// chos kyi bdag ni yod med bsam mi khyab/ / rang gi rig pa gsal la ma zhen bsgom/ sems tsam sems las yul yod ma yin te// sems gzhan ma ltos sna tshogs rang nyid gsal// de ni rnam bcas rnam med sna tshogs 'khrul/ / rang rig mtha' bral nam mkha' lta bur lta// gsal la mi rtog skyes la ma 'gags sgom// dbu ma yul sems so sor lta mi lta// mdo sde spyod dang rnal 'byor ba'i// rnal 'byor sgyu ma rab tu mi gnas pa'o/ / kun rdzob sems de don nam cir ma grub// gang du ma zhen mi 'dzin bsam gtan no// kri yas rang bzhin med par 'dra ba las// kun rdzob lha dang lha mor 'dod pa dang// de lta nyid du rtogs pas 'bras bu lam/ / de yang spyod pa'i sgo nas mngon sangs rgyas// gnyis kyi rgyud ni lta spyod 'dzom thob 'dod// rnal 'byor rtogs gtso spyod pa phan gnod med// ma hA thabs dang spyod pas rtogs pa btsan bcom spags/ / a nu chos sku ye nas gcig pa la// gnyis su rang shar gnyis med rang mchod do// a ti spangs pa de yi bsogs dang bral// song gyur rgyas grub thob byang dbye ba med// nyan thos rang rgyal don dam sems can dmigs/ / mdo sde sems tsam gzhan don chos la dmigs// dbu ma yan chod don la bdag gzhan med// dmigs pa med de gnyis su shes par bya// zhes lta ba'i khyad kyi gsang thig ste brgyad pa'o/ /// bcom ldan 'das bya bral ngang la phyag 'tshal lo// e ma bdag 'dzin ma bral bar du bu na// rtogs kyang 'ching la ma rtogs 'ching// sgoms kyang 'ching la ma sgoms 'ching// bdag 'dzin ma bral bar du ni/ / bskal pa'i bar du dka' spyad kyang// grol bar mi 'gyur rtsol bas rlags// gzung 'dzin gnyis su med pa na// sems chos 'dres te lhun gyis grub// bdag 'dzin grol ba rang nyid la/ / rtogs dang lta sgom la sogs rdzogs// gzhan ni ci yang yod ma yin// gal te yod na 'ching ba'i dngos// bdag med rtogs lta su yi sgom// bdag yod 'ching ba'i dngos po med// rang byung ngo bo bzhin gnas te/ / dang po ngang gis gnas pa'i gnas lugs kyang// gnas par bya dang byed med gnas rgyu med// gnyis pa 'khrul te 'khor ba sna tshogs kyang// 'khrul ba bya dang byed med 'khrul rgyu med// gsum pa rang bzhin 'khrul te rang byung rtogs pa yang/ / rtogs par bya dang byed med rtog rgyu med// bzhi pa bdag nyid chen po'i 'bras bu yang// thob brtan bya byed med de brtan rgyu med// de ltar bzhi po gang du yang/ / bya ba yod na rkyen cig yod// byed pa yod na thabs cig yod// de ltar yod na de yod pas// de yod 'dus byas gnyen pos 'jig/ gzhi la bya ba med pa bzhin du// lam la bya ba yod pa yis/ / de bzhin nyid kyi don las gol// gzhi la byed pa med bzhin du// lam la byed pa 'dod pa yis// de bzhin nyid kyi don las gol// gzhi la bya rgyu med pa la// lam la bya rgyud 'dod pa yis// de bzhin nyid kyi don las gol/ / gzhi la med pa ci byung yang// de bzhin nyid kyi don las gol// de bas bya bral rdzogs chen spags// de bas byed bral lhun grub spags// de bas rgyu med rkyen bral che// bya med rkyen de gang gi rkyen/ / byed med thabs de gang gi thabs// de yod bya bral ci phyir yin// de min sangs rgyas ga la yin// gzhi la rtogs med rtogs don go la// zhen na rtogs zhes bya yang// 'khrul pa zad pa tsam la ste/ / gang gis ci rtogs rtogs don ci// gal te yod na gol ba mod// de bas rang byung 'di lta ste// 'khrul pa po nga 'khrul bya nga// rtogs pa po nga rtogs bya nga// bshad pa po nga bshad pa nga// rang nyid rang shar rang nyid dag/ bya byed yod pa ga la yin// gal te yod do zhe na yang// byas pa thams cad mi rtag pas// sangs rgyas don med lhun grub cing// gzhi la med pa byung ba na// rang byung yin yang mi rtag ste// 'khrul pas bya byed rgyu rkyen mthong/ / gzhi nyid bsam gyis mi khyab pa// byung na ci byung mi rtag pa'o// rgyud ni gzhi yin 'brel bar ston// lung ni lam yin thog tu phebs// man ngag 'bras bu la zlos pa'o// gzung dang 'dzin pa'i rnam pa dag/ mtshan ma med cing rdul dang bral// de ni rdo rje sems dpa' yin// 'khor 'das kun gyi rang bzhin yang// ye nas mnyam nyid bya bral te// 'khrul nas dngos por snang ba yin// song gyur red pa ci yang med/ / dngos po'i gnas lugs 'gyur med yin// zhes de bzhin nyid las gol tshul gyi gsang thig ste dgu pa'o// bcom ldan 'das thams cad mkhyen pa'i ngang la phyag 'tshal lo// khams gtan gol sgrib bsal ba ni/ / rtag chad bem rig bzhi yin te// yul sems gnyis ka yod pa rtag/ yul med sems yod rig pa yin// gnyis ka ma grub chad pa yin// sems med yul yod bems po yin/ / bdag yod shes pa mi 'phro na// 'du shes med de bem po yin// shes pa sna tshogs dran pa yang// skye med skye ba ma 'gags pa// rig pa yin te de yang rtag/ mu rtug mu stegs rgyang 'phan phyal// skye mched mu bzhi'i gnas su skye/ / phyi'i bskyed rim gzugs khams skye// nang zab bskyed rim 'dod khams skye// de yang rim pas 'jug par bya// dang por mngon par byang chub lngas// he ru ka ni yab yum sgom/ / rjes la thig le na da bsgom// de ni phyi nang bskyed rim mo// rdzogs dang yongs rdzogs ngo bo nyid// rim lnga'i tshul du mi 'gal dgod// dang po sems nyid rtsad bcad pas// gang du ma grub ngang la bzhag/ 'du shes med de mu rtug chad// de nas shes pa sna tshogs te// skyed tsam nyid na rang bzhin med// thams cad sems te snang zhing stong// rnam shes mtha' yas mu stegs rtogs// chos rnams nam mkha' lta bu ste/ / sgro dang skur ba kun las 'das// sems su mi 'dzin yul mi rtog/ nam mkha' mtha' yas phyal ba chad// bdag gzhan yod med la sogs kyi// 'du shes gang du mi skye ste// mi skye bar kyang 'dod pa med/ / yod men med min mu rdug chad// gang yang yod pa ma yin te// ji skad smras kyang sgro btags yin// don gyi ngo bo ci yang med// ci med skye mchod phyal ba chad// bskyed rim phyi nang rgyang ma chad// gzhi gnyis gnyis bem rig pa'o/ / gnyis ni rtag ste gnyis ni chad// gzhi ma gnyis gnyis thun rgyang bslab// de nas yang dag 'di lta ste// dang po dngos po'i gnas lugs la// gnas dang gnas bya gnyis med de/ / thams cad de la dbyer med pas// gong gi thams cad blo yul yin// bdag 'dzin blo ni grol ba na// yod med gang gis gang la gdags// bdag gzhan yul sems gnyis med pas// rtag chad gnyis kyi mtha' las grol/ / bdag med bem po'i mtha' las grol// yul med rig pa'i mtha' las grol// de dag thams cad dbyer med pas// mtha' rnams ma spangs ngang gis dag/ lta sgom spyod 'bras lhun gyis grub/ / nam mkha' lta bu'i sgom pa dang// de tsam du med sgom pa dang// yod min med min sgom pa dang// bya bral lhun rdzogs de nyid do// e ma de dag thams cad 'khrul pa ste// sgom pa med du ma rung bas/ / kha cig gnyis ka yod par bsgom// kha cig yul yod sems med bsgom// kha cig yul med sems yod bsgom// kha cig gnyis ka med par bsgom// de yi bye brag mu bzhi ste// bdag med sgom pa dman pa ste/ / yul med sgom pa de bas dman// sems yod sgom pa de yang dman// gnyis ka med pa shin tu dman// lta sgom la sogs gang 'dod kyang// cung zam gnyis ka yod pa dge/ kha cig gnyis med zer nas sgom/ / de ni mun pa'i mtho yor yin// sgom dang bsgom bya grol ba yis// thams cad rang grol sgom pa'i mchog/ de dag thams cad kun grol na// de tshe mkhas pas sgom pa yin// skal ldan rang rig mngon sangs rgyas/ / rang rig grol ba bde ba'i mchog/ de las gzhan ni yod ma yin// blun pos khyad par med 'dra yang// yul med yang dag ma shes te// sems nyid ma rnyed ngang bzhag dang/ / thams cad sems de gang na gang// snang nyid stong la stong nyid snang// skyed tsam nyid na skye ba med// 'gro na thong la 'dug na zhog/ chos rnams nam mkha' lta bu la// sems nyid yul med sgro skur dang/ / snang stong gnyis dang gnyis med sogs// sgro skur thams cad 'di na med// nam mkha' lta bur su 'dod blo// kun rdzob yin te don dam min// skye med tsam yang ma yin te// 'dod dang mi 'dod ci yang min/ / ci yang min pa mtha' yin te// yon min med min gnyis ka dang// gnyis ka min pa yang min te// mkhas pas spyi yang ma dbye sgom// de kun sgom pa med ma rung// 'dir ni yod med gnyis kas 'ching/ / sems dang chos ni gnyis med na// sgom du yod med gnyis su med// yod dang med pa rmongs pa'i sgra// de yis yang dag don mi mthong// lta sgom la sogs bsam yas kyang// yang dag drug la yod ma yin/ / zhes rig pa'i nyi ma'i gsang thig ste bcu pa'o//// bcom ldan 'das yon tan lhun grub ngang la phyag 'tshal lo// srid gsum sems can thams cad la// rtogs dang yon tan bsam mi khyab// yod pa zang phyir rim pa yis/ / thig bsgom nga du gsung 'gyur yang// rtog dang sgom pa ma lus pa// thams cad gsang sngags 'di yis 'jig/ de bas gsang sngags bdag nyid che// zhig pa dag nas lhun gyis grub/ / de yod pas na de med do// mun pa sna ba ji bzhin no// kun gyis de ltar ma rtogs pas// rtogs dang sgom pa zab cing 'phel// de yi 'khor ba 'phel 'gyur te// 'khor ba'i rang bzhin shes rtogs nyid/ / shes rtogs lta bu'i sdig pa med// shes rtogs zad pas 'khor bzang// shes rtogs zad pas chos nyid mthong// 'khor ba'i chos kun shes rtogs yin// shes rtogs zad na mya ngan 'das// rdo rje sems pa'i bdag nyid tshe/ / rang rig thabs kyi rgyal por shar// theg pa gsungs pa'i don dang ldan// bde bar gshegs pas 'gro don grub// 'khrul pa zad dang ma zad kyis// 'khor 'das rtogs dang ma rtogs dang/ / gnyis dang gnyis med rgyun dang du ma// blo de zad dang ma zad dang// ldang mi ldang la byas pa las// thams cad de yin gzhan na med// dper na nam mkha'i rang bzhin la// dngas dang ma dngas ga la yod/ / sprin nyid byung dang ma byung gis// gsal dang mi gsal la sogs brjod// dper na nyi ma'i ngo bo la// grang dro la sogs med mod kyi// sprin nyid zad dang ma zad kyis// nyi ma grang dror mthong zhing brtags de bzhin rnam dag ye shes la/ / skye 'chi'i rgyu rkyen yod min te// yid kyi g.yo ba yod kyis// rtogs brtan 'khor ba la sogs kun// mkhas pas de ltar shes par gyis// de yang thams cad rang byung ba'o/ / 'khrul blo zad dang ma zad kyis// dpe don khyad par shin tu che// mdor na chos nyid ces bya ba// rtag tu yod na rdzas su gol// rtag tu med na chad pa nyid// rig na sems yod ma rig ste// ma rig bem po nyid du 'gyur/ / de bas tshul ni bzhi sgo nas// mkhas pas 'di bzhin shes par byos// gnas tshul 'khrul tshul rtogs tshul rtogs pa brtan tshul dang bzhi la/ mkhas pas lugs bzhin 'di lta ste// chos dang chos min dbyer med cing/ / sems dang sems min dbyer med na// chos kyi dbyings sam bya chub sems// yin pas kun gyi rtsa ba yod// dbyer mi phyed pas rdzogs chen che lngas spags// shes rig rdul tsam byung na che lnga sangs rgyas bral/ / rig pa yod pas ma rig sangs// yul sems gnyis gnas mi gnas shing// yul sogs ltos sam ma ltos shing// rtogs lta la sogs rag las dang// bsgom du yod pas bya bral min/ / de bas thams cad dbyer med pas// lhan cig skyes la ci ci spong// dbyer mi phyed la gang gang gnas// de de nyid la ji ltar ltos// gnyis su med la rag ci las// bsgom du med la sangs ci rgya/ / blo nyid rang grol 'khor bdag/ blun pos de ltar ma shes te// shes rig yod pa'i bdag med smra// bdag med shes pa su yi yin// yul med ci zhig nyams su myong// nyams myong spros pa ci phyir bral/ / blun po de ni mun pa 'jal// de ni nam yang tharang pa med// de bas skal ldan khyod kyis ni// ma bcos phyed lnga'i don la ltos// ma bsgribs ye shes don la ltos// 'gyur med gnas lugs don la ltos/ / sems med dmigs med don la ltos// zhes che ba lnga'i gsang thigs bstan pa ste bcu gcig pa'o// bcom ldan 'das bya bral gnyis med ngang la phyag 'tshal lo// bya bral gnyis su med pa yang/ / gtan la cis 'bebs ci ye shes// gzhan gyi blo la ci yis sgrub// sgrub tu yod na bya bral min// med na gte chad ngal don med// zhes na gtan la dbab dang shes yod na// bya bral gnyis med nam du med/ / blo la grub par 'dod pa yang// 'dod pas bye bral gnyis med bsrings// ma grub rnam rtogs 'khrul pas bcings// bcings pa ci grol zhes na yang// rnam rtog rang byung rang zhi ste// blun pas de ltar ma rtogs pas/ / lung dang man ngag rang rig tu// sems dpas yid ches bskyed phyir bshad// gnyis med mi gnod rang snang yin// de bas 'di ltar shes par gyis// lung ni ngang ste man rang bzhin// rang rig bdag nyid chen po'o/ / rang byung ngang ste rang bzhin ngang// gnyis med bdag nyid chen po'o// bya ba bral ba ngang nyid de// byed pa bral ba rang bzhin no// gnyis su med pas bdag nyid che// shes bya yod pas ngang dang bral/ / 'bebs po yod pas rang bzhin bral// de gnyis yod pas bdag nyid bral// sku gsum bral bar mkhas pas rig/ rang byung la yang rnam gnyis te// 'byung bya 'byung byed yod pa dang/ / 'byung bya 'byung byed med pa yis// 'khor 'das gnyis su mkhas pas rig/ 'khrul pa yin phyir mi bden dang// dngos gshis yin phyir bden pa so// ma byung rang byung ci phyir na// bya byed med pas rang byung yin/ / 'khrul pa yang de dang 'dra zhes na// 'khrul pa shes bya shes byed yod// mdor na skyes pa'i rang byung dang// ma skyes pa yi rang byung ngo// skyes pa 'gag dang skye 'gag med// rnam rtog rang 'byung rang zhig/ 'khor 'das gnyis su btags pa las// gzhan ni ci yang yod ma yin// ma skyes pa yi rang byung la// chos nyid rang byung ye shes yin// blo skyes pa yi rang byung la// 'khrul pa zhes te 'khor ba yin// rnam rtog rang nyid zhib la/ / rtogs pa'i ye shes mya ngan 'das// rtogs med rtogs pa ci phyir na// don dang yang dag yin pa'i phyir// lta ba med par lta ba dang// rig pa med par rig pa ni// yang dag rig par sems pas sngags/ / 'di ni sbrul gyi dug bzhin te// dbyung bar rig pa min par khog/ rang byung rang zhi ba rgyu dang gnyen po ci yang med// de bas mkhas pa blo ldan gyis// gcig po de nyid shes par gyis/ / gnyis pa thams cad 'khrul pa'i blo// rang gi ngo bo shes par gyis// de las gzhan yod ma yin no// zhes dang rang bzhin bdag nyid chen po'i gsang thig ste bcu gnyis pa'o//// bcom lan 'das sku bzhi'i bdag nyid che la phyag 'tshal lo/ / ma 'dres yongs rdzogs tshul bzhi 'di la ste// rdzogs chen gnas tshul 'khrul tshul rtogs tshul tshul brtan tshul bzhi// sku bzhi'i ngo bor 'byung ba'o// mtshon tshod mi spong mtshon pa 'dus/ / gnas tshul yod par gnas pa dang// med par gnas dang gnyis kar gnas// dbyer med gnas pa rdzogs pa che// 'khrul tshul rnam rtog kun rdzob ste// rang bzhin rtogs dang ched byas rtogs/ / yang dag kun rdzob log pa rdzob// shes rab rnam gsum la sogs pa'o// rtaugs tshul rtogs su yod pa dang// rtogs su med dang gnyis ka dang// gnyis ka med dang gnyis med do// rtogs yod rdzas de rtag pa nyid/ / rtogs med chad de rtug po'o// gcig yod gcig med bem po ste// gnyis ka yod na rig pa nyid// gnyis su med pa bya ba bral// de la mtshon na chos nyid rtogs// gzhan ni chos can rtogs pa'o/ / 'khrul pas chos nyid rtogs nus na// 'khrul pa nyid kyang ci phyir yin// chos nyid chos nyid ji ltar rtogs// rtogs na spros bral ji ltar yin// brtan tshul la yang rnam gnyis te// blo yod pa yi brtan pa dang/ / blo med pa yi brtan pa ste// mdor na brtan du yod pa dang// brtan du med dag gnyis ka dang// gnyis ka ma yin dbyer med la// mtshon tshod brtag ces mkhas pas rig/ mdor na chos rnams thams cad kun/ / kun rdzob rnam gnyis 'khrul pa ste// yang dag 'bras bu thob pa med// don dam bden pa rnam gnyis la// rjes thob mnyam bzhag rnam gnyis te// mnyam bzhag mi 'gyur rgyun du gnas/ / rjes thob dum bu rgyun la sbyor// khyed kyis de ltar shes par gyis// zhes ma 'dres tshul bzhi'i gsang thig ste bcu gsum pa'o//// bcom ldan 'das skye med rdo rje'i sku la phyag 'tshal lo// med dang skye med gcig gam tha dad yin/ / gcig na chad de tha dad ji ltar dang// mi skye ba yi rgyu gcig yod dam med// med na chad de yod na rtag par thal// med dang skye med mtshon tshod mi gcig ste// chos nyid yod med gnyis su med pa la/ / lhan skyes zhes te mtshon tshod gnyis su med// 'khrul blo sna tshogs skye bar snang ba 'di// don la mi bden phyir na skye ba med// 'khrul ba yin phyir yod med gnyis med la// mtshon tshod skye ba med ces de la gdags/ / skye ba'i rgyu yang ma rig gzung 'dzin te// de bas skye ba med pa las// thams cad skye ba 'khrul ba'i chos// skyes tsam nyid na don ma skyes// kha cig skye med rtogs skye zer// rtogs skye skye med ci zhig yin/ / rtogs med skye med yod dam med// med na skye med ci la gdags// yod na skye med rtag pa med// de bas mkhas pas 'di ltar ste// rtogs dang blo ma skyes pa skye med do// rtogs blo skyes na 'gag/ rtogs par byar yod bya bral na// nyan thos la sogs ci phyir min// bsgoms pas 'bras thob rdzogs chen na// nyan thos la sogs ci phyir min// brtan du byar yod brtan pa na// nyan thos la sogs ci phyir min/ / bya bral ngang brtan nam mkha' bzhin// brtan dang ma brtan gnyis med brtan// mi 'gyur don gyi mtshon tshod brtan// rmongs pa kha cig 'di skad zer// chos nyid mi skye rtogs skye zer// skye dang mi skye so so'i phyir/ / gnyis ka rdzas su yod par thal// gnyis skye chos skye su yi lugs// yang na chos nyid mi skye ba// yod nas med skye med mi skye// yod na rtag ste med na chad// gal te bsam gyis mi khyab na/ / rtogs dag skye med dam bca' 'gal// rmongs pa tshad mas chos rtogs 'dod// tshad dang chos nyid gcig tha dad// tha dad gnyis ka rdzas su thal// gcig na rang rtogs tshad mas byed// gang gi dam bca' 'gal ba'o/ / gal te gcig min tha dad min pa na// 'bebs min mi 'bebs min par 'gro// don min kun rdzob 'bebs zer na// kun rdzob don dam phan mi phan// phan gdags kun rdzob ci phyir yin/ / ming kun kun rdzob bden med thal// rtogs bya rtogs byed lhan skyes la// bya byed med pas skye med rtogs// chos rnams gnyis su med pa la// rtogs bya'i dus su rtogs byed med// rtogs byed dus su rtogs bya med/ / 'khor ba'i dus su myang 'das med// myang 'das dus su 'khor ba med// 'khrul dang ma 'khrul de dang mtshungs// rtogs bya rtogs byed tha dad la// rmongs pa gnyis med rang byung zer/ / 'byung rgyu yod pas 'gag rgyu yod// de ni 'khrul pa'i rang byung ngo// rtogs par bya byed gnyis byung nas// gnyis med zer ba'i rmongs pa dang// thabs sgo du mas rtogs byas nas// rang byung bya bral zer ba dang/ / rmongs pa kha cig 'di skad zer// rtogs pa rkyen dang thabs la rab// rtogs pa'i thab ni bya bral zhing// rang byung yin no zer ba yod// rtogs dang rtogs don so so la// gcig ni rang byug gcig rkyen byung ba dang/ / gcig ni bya bral gcig byas pa// zer te de la 'di skad brtag/ de gnyis gcig gam tha dad brtags// tha dad gcig bem gcig rig ste// yang na gnyis ka rdzas su thal lo// yang na 'dus byas 'dus ma byas/ / yang na rgyu 'bras 'gal ba'o// gcig ni rtogs rkyen rag las bzhin// chos nyid rkyen la rag las 'gyur// de la sogs pa'i rkyen rnams byung// de nas mi rtog zhes na ni// chos nyid ma rtogs grol med pas/ / 'khor ba ste chad nyid du 'gyur// don dam kun rdzob gnyis ka rtogs par med zer na// bem po nyid du 'gyur ba'o// yang na chos nyid bya ba bral ba bzhin du// rtogs pa yang bya ba bral bar thal/ / kun rdzob rtogs su yod dam med// don dam mi rtogs don dam kun rdzob gnyis kar bstan// e ma don nyid ye nas spros bral la// ltos pa gnyis la brten pa med// 'khrul yang 'khrul pa song 'gyur med/ / ltar snang rang ngor rang dag pas// 'das chos kun grub ltos pa med// khyod kyis de ltar shes par gyis// zhes skye ba med pa'i gsang thig ste bcu bzhi pa'o//// bcom ldan 'das rang rig ngang la phyag 'tshal lo/ / rang gis rang rig ye shes dang// gzhan gyis gzhan rig rnam rtog gnyis// blun pas nam yang shes mi 'gyur// rig tu yod pa'i rang rig dang// gnyis med bya bral rang rig gnyis/ / sems kyi yul dang rang rig yul// 'khrul pa'i sems dang byang chub sems// sems min logs nas sems 'dod dang// sems dang sems nyid rtag tu 'dres// 'byung rgyu yod pa'i rang byung ni/ / dung nyid dkar por rang byung la// bya dang byed pa ga la yod// chu nyid rang rlan la sogs la// bya dang byed pa yod dam med// yod na rang rlan ci phyir yin// blun po kha cig 'di skad zer/ / rig par bya dang byed pa yis// bya bral rtogs par byed do zer// bya dang byed po gnyis 'dus nas// bya ba la rtogs par byed pa na// 'dus nas byas te byas nas bya bral 'dod pa blun// rig pa byar med rig pa min zhe na/ / dper na dung gi dkar po yang// dkar bar byar med dkar min nam// de ni dkar po rang yod do// zhe na 'dir yang gnyis med ye shes dang// rnam par dag dang spyod yul dag/ la sogs mtshan tshod de la bya/ / rig par bya dang byed med na// bya ba bral phyir rang rig go/ gal te rig par bya yod na// rang byung rang rig ci phyir yin// rig pa rkyen gyis skyes pa na// rkyen zhes gnyen pos cis ma 'jig/ rang rig chos nyid don rtogs dang// rkyen rig chos can brtag rtogs gnyis// rtogs par 'dra ste 'khor 'das gnyis// rang rig rgyun tu ma gnas pas// rmongs pa kun la mi 'thad de// de la 'di skad brtag par bya/ / khyod rang nyid kyi gzhung ltar na// da ltar rtogs pa yod dam med// yod na rgyun du gnas mi gnas// gnas na gzung 'dzin yod dam med// yod na rtogs pa ci phyir yin// med na mngon sum nyid dang 'gal/ / rtogs dang sangs rgyas gcig mi gcig/ gcig na sangs rgyas skye rgas can// ma rgyas ci gnod rgyas ci phan// mi shes mkhas pa 'di skad zer// rkyen gyis rtogs te rang rig yin/ / rtogs dgos bya bral sgom dgos lhun gyis grub// dper na 'jig rten chos la ni// me yin 'di las grang ba med// tshig de khyod la 'thad mi 'thad// de bas rang byung rten 'byung gnyis// rgyu 'bras 'khor 'das mkhas pas rig/ rang byung tha snyad yang dag rig/ tha snyad 'byung rgyu 'byung bzhi yod// de las de byung de ltar byung// de ni rten cing 'brel par 'byung// yang dag rang byung 'di lta ste// 'khrul blo zad pa tsam nyid la'o/ / mdor na dngos po'i gnas lugs ni// blo dang blo yul ma yin pas// lta sgom spyod 'bras dam tshig dang// shes rab snying rje blo yul min// de nas dngos po'i gnas lugs te// blo dang blo yul dag pa yis/ / dag pa yin te yang dag min// blo yul byung nas dag pa ni// dag pa yin zhing yang dag yin// gal te bzhi la blo yod na// blo de ji lta bu zhig gis// yul ni ji lta bu zhig gis// de men lam la ci yod kyang/ / de nyid ma yin de las gol// skyes pa dang ni rang byung yang// tshig 'dra 'dra yang don mi 'dra// 'khrul ba'i rang byung dag skyes cig/ chos nyid rang byung zhes bya ba// ma byung ma skyes snying po ste/ / 'di las 'di 'byung 'di ltar 'byung// 'di yis 'di 'byung 'di dus 'byung// 'byung bya 'byung byed med pa yis// rgyu rkyen med par rang byung ste// gal te de rnams gang yod kyang// rang byung man te rten 'byung yin/ / mdor na rten 'byung dngos yin no// rang 'das chos yod ma srid cing// de bas blo bur blo dag pas// 'das pa'i chos rnams lhun grub ste// yul sems dmigs pa ci yang med// khyod kyis de ltar shes par gyis/ / zhes rang byung dang rten 'byung khyad par gyi gsang thig ste bco lnga pa'o//// bcom ldan 'das dang rig ngang la phyag 'tshal lo// theg pa'i bye brag bsam yas kyang// mdor bsdus gzhi lnga lam lnga yin/ / rig pa'i gzhi lnga 'di lta ste// shin tu so sor rig pa dang// so sor ma yin rang rig dang// so sor yang dag rang rig dang// so sor ma yin rang rig go/ gzhi ni bya ba'i rang rig ste/ / cig ni rang rig bya bral yin// gzhi ni 'dzin pas bsags pa ste// cig ni rtog pa dag pa'o// zhin bdag yod rang rig ste// gcig ni bdag med dngos zhi'i rig/ bdag dang rang dang rig dang gsum/ / chos nyid rig pa ma yin pa// gsum ni so so ma yin pa// blun pas bdag med rang rig 'dod// de ni mkhas te mi shes pa'o// de la lam lnga 'di lta ste// shin tu so so nyan thos spong// so so ma yin rang rgyal 'gegs/ / phyed spyod phyed sgrub sems tsam ste// yul sems ma grub dbu ma sbyangs// yul sems gnyis med bya bral bsngags// lam lnga de ltar shes par gyis// rang rig lnga ni 'di lta ste// shin tu so so'i rang rig ni/ / don dam kun rdzob gnyis kar ni// yul sems so sor 'brel ba yod// yul nyid so so sems so so// de kun 'brel ba mtshungs par ldan// sems ni yang dag yul brjod bral// de yi 'brel ba gong dang mtshungs/ / so so yang dag rang rig ni// yul ni kun rdzob 'khrul snang ste// sems ni rag rig yang dag gsal// de yi 'brel ba rgyun dang ldan// so so yang dag rang rig ni// rang ngam gzhan zhes btags pa kun/ / btags pas rang gis stong// thams cad spros bral bdag nyid cig/ so so ma yin rang rig ni// yul sems so so ma yin te// thams cad so so ma yin pas// rig dang rig bya so so min/ / ngo bo gnyis su med par 'brel// gnyis ni rang rig rig pa ste// theg pa sems tsam rang gi rig/ theg pa dbu ma rang gis rig/ gzhan ni gnyis kyi bye brag ste// rig pa bya ba bral ba ni// chos nyid don rig lhun gyis grub/ / de ni che ba lnga dang ldan// sa bcu pha rol phyin bcu rdzogs// lam lnga gzungs dang ting 'dzin rdzogs// gzhi ni chos can cig chos nyid// gzhi ni rten 'byung cig rang byung// gzhi ni skyes pa cig skye med/ / gzhi ni 'khor ba'i lam yin te// gcig ni rnam dag lam chen yin// re re la yang lam lnga ste// mdor sdus lnga ni 'di lta'o// shin tu so so tshogs kyi lam// so so ma ning sbyor ba'i lam/ / so so yang dag mthong ba'i lam// so so rang dag sgom pa'i lam// so so ma yin mthar phyin lam// 'bras bu lnga ni 'di lta ste// so so rang re'i 'bras bu lnga'o// so so'i 'bras bu dgra bcom pa'o/ / so so ma ning 'bras bu bse ru lta bu'o// so so yang dag 'bras bu shes dag pa ste// bla med byang chub pa'o// so so rang dag 'bras bu bdag nyid be ba'o// so so ma yin 'bras bu lhun grub pa'o// rig lnga lam lnga'i bye brag ni/ / nyon mongs lnga dang 'gro ba lnga// 'byung ba lnga dang phung po lnga// 'khor 'das kyi bsdus pa'i chos// rig pa'i gzhi lngar rgyal pas gsungs// de las gzhan pa'i chos med kyis// de yi bye brag shes par gyis/ / skal ldan blo la go bar gyis// zhes gzhi lnga lam lnga'i// gsang thig ste bcu drug pa'o//// bcom ldan 'das gcod byed rgyal po la phyag 'tshal lo// e ma 'ching bar ma byed dang// thong thong chags sdang thong/ / rtogs byed med kyis ma chags shig/ rtogs yul med kyis ma chags shig/ rtogs pa lta bu'i sdig pa med// sgom mkhan med pas ma chags shig/ sgom yul med kyis ma chags shig/ sgom pa lta bu'i sdig pa med/ / sangs rgyas med kyis ma chags shig/ sangs rgyas lta bu'i sdig pa med// thams cad chos ni gnyis med la// rgya ba'i bdag med ma chags shig/ rgya ba'i yul med ma chags shig/ ma sdang sdang bas thams cad 'ching/ / chos rnams thams cad dbyer med la// 'khor ba ma spongs spongs yul med// spong ba'i bdag kyang yod ma yin// don la yul dang rnam rtog med// yod na sdang bas ci zhig phan/ / nyon mongs med kyis ma sdang zhig/ yod na sdang bas ci zhig phan// med na sdang ba bya mi dgos// de kun 'khrul pa'i snang ba yin// 'khrul pa yan phyir spangs sgrubs med// bya dang byed pa 'khrul pa yin/ / 'khrul pa yin phyir bya byed med// bya dang byed pa 'khrul pa yin// 'khrul pa yin phyir bya byed med// thong 'khrul la dam par ma 'dzin dang// de kun dam par mi 'dzin na// yid kyi g.yo ba ji ltar 'byung/ / yid nyid dam pa ma yin na// g.yo dang mi g.yo su yi yin// yid gcig dam par yod mthong nas// g.yo la sdang zhing mi g.yo chags// blun po de yis don mi mthong// de bas chags sdag kun gyi gzhi/ / bdag gzhan legs par btang bar byos// don la btang bya btang byed med// de nyid legs par btang ba yin// thig le bdag gzhan yongs med kyis// yod na thig le yong min gyis// thong thong nyes pa'i rtsa ba thong/ / bdag nyid grol na sangs rgyas gzhan med de// bdag nyid grol ba'i dus nyid du// de ma thag tu chags pa zad// de ma thag tu 'khor ba dag/ de ma thag tu mngon sangs rgyas/ / de bas skal ldan skyes bu yis// bdag nyid thong la ma rtogs cig/ bdag nyid thong la ma sgom zhig/ bdag gis chags sdang ma spongs bar// bdag nyid btang bar byas na bde// de ni kun bzang rdo rje sems/ / chags sdang bral ba nam mkha' bzhin// bya bral lhun grub bde chen la// pha rol phyin bcu sa bcu rdzogs// lam lnga sku gsum ye shes rdzogs// dus gsum bde gshegs thams cad kyis// bya bral lhun grub rdzogs pas bsngags/ / e ma don la ye nas chags sdang med// chags sdang thams cad 'khrul ba'i blo// de bas chags sdang yod kyi bar// 'khor 'das gnyis su shes par gyis// zhes chags sdang gcod pa'i gsang thigs bstan pa ste bcu bdun pa'o/ /// bcom ldan 'das lhun grub bya bral ngang la phyag 'tshal lo// 'jam dpal bshes gnyen gyis rang gi 'dod pa zad pa'i tshig don du brjod pa// des 'tshal des 'tshal des 'tshal lo/ / ji srid bdag dang 'dzin pa yod kyi bar du na// thams cad 'ching ba'i dngos por bdag gis so// ji srid bdag gzhan gnyis su med pa na// bya bral lhun rdzogs chos sku nam mkha' bzhin/ / rang byung ye ses spros bral yin par go/ chos kyi sku la bdag gzhan med pa la// ma rig pa bdag dang gzhan du 'khrul par go/ bdag gzhan med pas 'khor ba zad par go/ de rang nyid la sangs rgyas gsung bar nges/ / de las gzhan pa'i sangs rgyas med par nges// lta sgom 'bras bu la sogs thams cad kyang// de rang yin ni gzhan ni min par rig/ de las gzhan pa thams cad grol bar nges/ / bya ba bral bas lhun gyis grub par nges// gzhan gyis rtogs mnyam bdag ni mi bgyid do// de ma rtogs na grol ba med par nges// de bas bya bral rdzogs chen che bar nges// yang dag don la rtogs 'bras sgrib par go/ sangs rgyas sems can gnyis su med pa la// sangs rgyas ming du btags pa yis// mi mkhas pa dag bcing bar nges// sangs rgyas med par bstan na yang// mi mkhas pa dag bkrag par nges/ / sangs rgyas sems can gnyis med la// bdag ni the tshom ma mchis so// bdag med the tshom su yi yin// yul med the tsom gang la za// de bas som nyi ma mchis so// bdag med chags dang rmongs pa 'dod/ / de ltar su 'dod bdag dang bcas// de lta bas na sangs rgyas dgongs pa yin// dug gi bum pa 'o ma'i kha// khro chu'i lus la btsan dug sems// rgyun can dmyal ba'i rgyu can la/ nam yang sprel ba bdag mi bgyid/ / ma rig rkyen gyis dbang song nas// gal te 'gal bar bstan gyur na// bdag 'jam dpal bshes gnyen gyis lus yang dum bur gyur cig/ mgo yang tshal ba stong du khos shig/ zas su khro chu skom du me mar du song zhig/ ces rang dam rang gis bcas te// chags sdang zad pa'i gsang thigs bstan pa ste bco brgyad pa'o// rdzogs so// #// / a ni snang lugs chen po ste// ti ni chos nyid snang lugs so// snang ba 'od gsal thogs rdugs med// rig pa 'gyur med rang bzhin snang// skye med rtogs pa'i rnal ma la// ngang gis ma bcos chos skur gsal/ / rig pa 'gyur med ti ru snang// skye ba med pas a ru snang// ti ni yin par gsal bar ya cha// a ni skye ba med pa ya cha// ti ni 'od gsal 'gag pa med pa ya cha// zhes gsungs so// thig le 'dus pa phyi ma'i rgyud las/ a ti la ngo sprad pa'i le'u ste brgyad pa'o//// de nas yang dag bshad bya ba// dga' rab rdo rje khyod nyon cig/ 'khrul ba'i gzhi la ngo sprad pa ni// thog ma med pa dus kyi dbyings/ / sgrub rtsal ming yang ma grub pa'i// chaus dbyings dam pa zad med pa'i// rol pa la 'gags pa med pa las// rang shar chen po'i ston pa 'khrungs pa ya cha// rang shar chen po'i ston de/ rnon po'i ston pa zhes su grags/ / rig pa rno la gcod pa ya cha// 'gyu ba thol gang ston par shar// ston pa 'od srungs su sku 'khrungs pa ya cha// ston pa 'od srungs kyis nang kyis bslus pa ya cha// 'dod la chags sdang skyes pa ya cha/ / 'dod la chags sdang 'khrul pa'i rgyu ru 'khrul pa ya cha// gzhi 'od gsal 'gag pa med pa ya cha// 'dod la chags pas lus su grub pa ya cha// skye med rang 'od yin pa la// dkar dmar lnga rgyur snang ba yis/ / bung ba me tog phye leb me ru ru smig sgyus bslus pa ya cha// zhes gsungs so// thig le 'dus pa phyi ma'i rgyud las/ 'khrul pa 'khrul gzhi la ngo sprad pa'i le'u ste dgu pa'o/ /// de nas yang dag bshad bya ba// nyon cig ro langs bde ba khyod// kun bzang ngo sprod bstan pa ni// phyi nang gsang ba gsum du ngo sprad ces gsungs so// phyi yi kun bzang ngo sprad pa// grags pa sgra yi kun bzang ngo/ / nang du kun bzang ngo sprad pa// rig pa'i ye shes kho na'o// gsang ba'i kun bzang ngo sprad pa// thig le gnyis snang med pa'o// rang gi mtshan nyid 'di lta ste// rna ba chos nyid kun bzang phyi/ / rig pa'i shes rab kun bzang nang// phyi nang med par shar ba la// kun tu bzang po gsang ba ste// phyi chos nyid 'dod pa des// kun bzang mthong ba med pa ya cha// mthong ba ma yin rang chas yin pa ya cha/ / thig le bar mtshams med pa ya cha// zhes gsungs so// thig le 'dus pa'i phyi rgyud las/ kun tu bzang po phyi nang gsum du ngo sprad pa'i le'u ste bcu pa'o//// de nas yang dag bshad bya ba// nyon cig ro langs bde ba khyod/ / rdo rje sems dpa'i ngo sprod bstan pa ni// phyi nang gsang ba gsum du bshad// phyi ltar bshad pa de nyid do// nang du rang byung ye shes la// gsang ba thig le rang shar ro// phyi yi chos la rtog spyod pa/ / de ni nga yi don med rnyed// rang grol shes nas rtogs pa ya cha// rang gi mtshan nyid lta ba ni// rtag gi ye shes sems dpa' phyi// don ni rang rig ye shes nang// phyi nang med de gsang ba'o// nga ni rang byung ye shes khyod nyon yin pa ya cha/ / zhes gsungs so// thig le 'dus pa'i phyi ma'i rgyud las/ rdo rje sems dpa' ngo sprod kyi le'u ste bcu gcig pa'o//// de nas yang dag bshad bya ba// nyon cig ro langs bde ba khyod/ / rang gi mtshan nyid ma shes na// spyi yi dgongs pa 'dug ge na// 'dug na spyi dang khyad par med// med na gcig rtogs kun kyang grol// des na rang gi mtshan nyid la// ngo sprod gser la nag tshur 'dra/ / dper na ne tsos chos bshad 'dra// mig ni kun tu bzang po la// rnam shes dga' rab rdo rje la// snang ba rdo rje sems dpa' 'o// rna ba kun tu bzang po la// rnam shes dga' rab rdo rje'o// dgra ni rdo rje sems dpa' la/ / sna ni kun tu bzang po'o// rnam shes dga' rab rdo rje la// dri ni rdo rje sems dpa' 'o// lce ni kun tu bzang po la// rnam shes dga' rab rdo rje'o// ro ni rdo rje sems dpa' la/ / lus ni kun tu bzang po'o// reg ni dga' rab rdo rje la// chos ni rdo rje sems dpa' 'o// yid kyi rnam shes dga' rab rdo rje la// yul ni rdo rje sems dpa' 'o// dbyer med kun tu bzang po la/ / yid ni dga' rab rdo rje 'o// rnam shes rdo rje sems dpal la// dbyer med kun tu bzang po'o// kun gzhi kun tu bzang po la// rnam shes dga' rab rdo rje ste// yid kyi rnam shes rdo rje sems dpa' 'o// sgo lnga ye shes rnam pa lnga/ / longs sku'i ngo sprod bstan pa'o// yid dang yid kyi rnam shes ni// sprul pa sku yi ngo sprod bstan pa'o// kun gzhi chos sku'i ngo sprod bstan pa'o// thod rang gi 'dug tshul yin pa la// snang ba la sgrub pa ya cha/ / sems la re ba snying re rje// zhes gsungs so// thig le 'dus pa'i rgyud phyi ma las/ kun tu bzang po// rdo rje sems dpa'/ dga' rab rdo rje/ ston pa gsum rang la ngo sprad pa'i le'u ste bcu gnyis pa'o/ /// de nas yang dag bshad bya ba// nyon cig ro langs bde ba khyod// 'gro ba rigs drug ngo sprad ni// dmigs pa'i yul dang mthun pa ni// dmigs pa'i 'od zer ser po la// chags pas mi yi lus su skye/ / dmigs bya'i 'od zer ljang khu la// chags pas lha dang lha ma yin// dmigs pa rang snang 'od zer mthing kha la// chags pas byol song skyes pa'o// dmigs pa rang snang dmar po la// chags pas yi dags skyes pa'o/ / dmigs pa 'od zer dkar po la// chags pas dmyal bar skyes pa'o// spyi yi mtshan nyid bstan pa ni// dug lnga chags pa'i rgyu yin te// 'od lnga 'byung ba lnga po'o// rang gi mtshan nyid bstan pa ni/ / lus ni 'od zer ljang khur 'phro// sna ni 'od zer ser por 'phro// mig ni 'od zer mthing khar 'phro// rna ba 'od zer dkar por 'phro// lce ni 'od zer dmar po'o// de la chags nas 'gro drug la/ / rol ba 'gag med bsam mi khyab// sgo lnga grol na 'od las grol// rnam shes grol na rgyud las grol// ngo bo grol na gzhi las grol// sgo lnga zang thal chen po yin pa ya cha// rnam shes rang grol yin pa ya cha/ / dbyer med thig le bsam bya min pa ya cha// zhes gsungs so// thig le 'dus pa phyi ma'i rgyud las/ 'gro drug rang grol ngo sprad pa'i le'u ste bcu gsum pa'o//// de nas yang dag bshad bya ba/ / nyon cig dga' rab rdo rje khyod// thub pa drug gi ngo sprad pa// dbang po brgya byin bya ba grub pa'o// thag bzangs ris ni rang rig ye shes so// shAkya thub pa mnyam nyid ye shes so// kha 'bar so sor rtog pa'o/ / rta mchog stong nyid ye shes so// glang mgo me long ye shes so// de yang spyi yi mtshan nyid yin pa ya cha// dbang po brgya byin rab lus yin pa ya cha// thag bzangs yid du snang ba ya cha/ / shAka thub sna ru snang ba ya cha// kha 'bar lce ru snang ba ya cha// rta mchog mig la gnas pa ya cha// glang mgo can rna ba yin pas ya cha// thub drug gzhan nas tshol ba de// de yang yid smon blo yi chos// zhes gsungs so/ / thig le 'dus pa'i rgyud phyi ma las// thub pa drug la ngo sprad pa'i le'u ste bcu bzhi pa'o//// de nas yang dag bshad bya ba// nyon cig dga' rab rdo rje khyod// sbubs gsum dag la ngo sprod bstan pa ni/ / phyi nang gsang ba gsum du bstan// ces gsungs so// phyi yi sbubs ni 'od gsal ba// longs sku'i sbubs ni snang ba'o// nang gi sbubs ni rang lugs so// snang gsum rang rtags snang ba'o/ / gsang ba'i sbubs ni rig pa la// ye shes gsung thugs rang grol lo// phyi yi spyan gsum bstan pa ni// g.yas pa thabs dang g.yon pa shes rab spyan// dbus na ye shes spyan gnas pa// de ni phyi yi spyan gsum bstan pa ni/ / nang gi spyan gsum bstan pa ni// snying khar thabs la dmar por shes// zung du 'brel ba ye shes spyan// gsang ba'i spyan gsum bstan pa ni// thig le ye gsal thabs kyi spyan// de nyid dngos med shes rab spyan/ / 'du 'bral med pa ye shes spyan// spyan gsum rang chas yin pa la// gzhan nas thob tu re ba ya cha// grol ba'i dgongs pa phyi nang gsang ba gsum// 'od las grol ba zal thal yul/ / lus las grol ba ye shes spyan// rig pa grol ba ye shes te// de ni sol ba rnam gsum yin// zhes gsungs so// thig le 'dus pa'i rgyud phyi ma las/ grol ba'i dgongs pa bstan pa'i le'u ste bco lnga pa'o/ /// de'i tshe de'i dus na/ ro langs bde bas// rdo rje sems dpa' la rgyud 'di ni yi ge ma bu la ma brten pas/ 'di la tshig tsam du ji ltar rtags par bgyi/ zhes zhus pas/ rgyud 'di ni srid gsum gsal bar byed pas thig le 'dus par zung zhig/ ye shes rab 'brangs rdo rje'i rgyud du zung// thig le zang thal rgyud du zung// thig le rjes ston rgyud du zung// zhes gsungs pas/ ro langs bde ba rjes su yi rang ba'i le'u ste bcu drug pa'o/ /// tshig dang yi ge la 'jam dpal shrI sing has bris pa'o// ngo bo'i rgyud/ thugs rje'i rgyud/ tshig dang yi ge'i rgyud la/ 'di tshig dang yi ge'i rgyud do// rdzogs so/ /// thig le 'dus pa'i rgyud phyi ma'i phyi ma/ thog ma'i ston pa 'od mi 'gyur ba la phyag 'tshal lo// 'od srungs zhes bya ba'i ston pas// ston pa mar me mdzad la gdams pa'i rgyud// thog ma med pa'i dus nyid na/ / ston pa 'od mi 'gyur ba mya ngan las 'das so// de'i zhal skyin du yang 'od srungs skyes so// kye ston pa mar me mdzad la gdams pa bstan te// thog ma sangs rgyas sems can dang// nyi ma zla ba'i ming yang med/ / 'khrul pa med pa'i dus nyid na// ston pa gsal ba thugs rje'i rang bzhin can// 'khrul pa smin pa'i thugs rje can// lhun grub g.yo ba'i rlung chen des// thams cad lhun grub skyod par byed/ / rgyab gyes pa yi dus nyid de// ma ning rlung du gcod par byed// snang ba srid pa bskal pa gsum// snang ba 'od du snang ba 'o// srid pa'i sgo nga lnga ru srid// bskal pa rnam pa gsum du srid// ces gsungs so/ / rtsa ba'i snang ba srid pa'i bskal ba dang// rlung gi snang ba srid pa'i bskal pa dang// thig le snang ba srid pa'i bskal pa dang// nga yis khyod la lung bstan no// zhes gsungs so// thig le 'dus pa'i rgyud phyi ma'i phyi ma las/ 'od srung kyi lung bstan pa'i le'u ste dang po'o//// de nas ston pa mar me mdzad ces bya ba des/ zhus pa ma yin par lung bstan pa 'di ltar ro// ye shes kyi snang ba ni 'od ma'i 'od mi 'gyur ba ste/ / snang ba ni 'od du snang ba'o// srid pa ni rtogs pa mngon du gyur pa srid pa'o// bskal pa ni lhun grub 'gag med kyi bskal pa'o// zhes gsungs so// thog ma'i snang ba srid pa bskal pa la ngo sprad pa'o/ / zhes gsungs so// thig le 'dus pa'i rgyud phyi ma'i phyi ma las/ thog ma'i sangs rgyas 'od mi 'gyur ba ngo sprad pa'i le'u ste gnyis pa'o//// de na ston pa 'od srungs kyi snang ba na/ 'od lnga snang la rang bzhin med pa'o/ / yid ni ji lta ba dang ji snyed pa mkhyen pa/ yid ni rnam shes lnga mi snang la rang bzhin yod pa'o// lus ni snang la rang bzhin med pa'o// de'i gdang las ye shes lnga'i snang ba/ rigs lnga'i snang ba khye'u lnga ni/ snang la rang bzhin med pa'o// yul lnga snang la rang bzhin med pa'o// yul 'od lnga snang la rang bzhin med pa'o// yid rang byung gi ye shes su rang shar ba'o// de ni ston pa 'od srungs nyid rang sa zin pa la ngo sprad pa'o/ / zhes gsungs so// thig le 'dus pa'i rgyud phyi ma'i phyi ma las/ ston pa 'od srungs la ngo sprad pa'i le'u ste gsum pa'o//// de'i byin rlabs las/ thugs rje'i ston pa rnam pa bdun 'khrungs pa ya cha/ 'dod chags kyi ston pa dang/ zhe sdang gi ston pa dang/ gti mug gi ston pa dang/ nga rgyal gyi ston pa dang/ khong khro'i ston pa dang/ phrag dog gi ston pa dang// dga' rab rdo rje dang bdun ni/ ston pa rnam bdun no// yang ston pa rnam pa bdun ni/ gti mug gi ston pa kun tu bzang po/ 'dod chags kyi ston pa snang ba mtha' yas/ zhe sdang gi ston pa rdo rje sems dpa'/ nga rgyal gyi ston pa rin chen 'byung ldan/ phrag dog gi ston pa don yod grub pa/ khong khro'i ston pa mi pham mgon po/ ngo bo nyid kyi ston pa dga' rab rdo rje dang bdun no// ma btsal lhun gyis grub pa'o// snang ba ni ye shes lnga'o/ / srid pa ni rigs drug ngo bau dang bdun/ bskal pa ni rang snang ngo ma shes pa'o// zhes gsungs so// ston pa drug 'gro drug nas thig le'i klong rang grol ba ya cha/ zhes gsungs so// thig le 'dus pa'i rgyud phyi ma'i phyi ma las/ 'gro drug ngo sprad kyi le'u ste bzhi pa'o//// de nas yang dag bshad bya ba// nyon cig ston pa mar me mdzad// sgo nga lnga yi don bshad pa// sha yi sgo nga gti mug phag dang sbrul// rus pa'i sgo nga bya yi rgyu/ / 'od kyi sgo nga gzugs kyi rgyu// thig le'i sgo nga mi yi rgyu// snang ba'i sgo nga dmyal ba'i rgyu// sgo nga lnga la ngo sprad pas// sha yi sgo nga thugs rje'i sku// rus pa'i sgo nga rdo rje'i sku// 'od kyi sgo nga mngon byang sku/ / yid kyi sgo nga longs spyod sku// thig le sgo nga chos sku'o// thig le gcig tu ngo sprad pas// sgo nga lnga po sku lngar grol// ces gsungs so// thig le 'dus pa'i rgyud phyi ma'i phyi ma las/ srid pa'i sgo nga rang grol ngo sprad pa'i le'u ste lnga pa'o/ /// de nas yang dag bshad bya ba// rtsa yi snang ba bstan pa ni// rtsa zhes bya ba stong pa'o// srid pa rnam pa lnga yin te// spyi gtsug bde ba chen po'i rtsa// 'khor lo lta bu'i dbyibs su srid/ / sum cu so gnyis dag tu skal// skal bar byed pa ma rig rlung// mgrin pa longs spyod chen po'i rtsa// rgya gram lta bu'i dbyibs su srid// grangs ni bcu drug dag tu srid// ma rig rmongs pas bcu drug bskal/ / snying kha chos kyi 'khor lo'i rtsa// rin chen zur brgyad dbyibs su srid// grangs ni rnam pa brgyad du grags// ngo ma shes pas brgyad du skal// lte ba sprul pa'i 'khor lo'i rtsa// pad+ma lta bu'i dbyings su srid/ / grangs ni drug cu rtsa bzhir grags// ma rig ngo ma shes te// drug cu re zhi bskal// gsang ba ye shes 'khor lo'i rtsa// dbyings ni rdo rje pad+mar srid// grangs ni rnam pa bzhi ru grags// ngo ma shes bas bzhi ru bskal/ / rlung gi rtsa ni spyi bo'i gtsug na gnas// sa yi rtsa ni mgrin pa na// chu yi rtsa ni snying kha na// nam mkha'i rtsa ni lte ba na// me yi rtsa ni gsang ba na// de las spros pa bsam mi khyab// rlung gi rtsa las 'khor lo lta bu'i rtsa/ / dbral ba'i 'ji'u rus pa la// grangs kyang sum cu rtsa gnyis yod// ltag khur 'gram pa g.yas g.yon na// gong dang 'dra ba rtsa dang rlung// thig le rnams ni rab tu gsal// shar na sa la lho na chu/ / nub na me la byang nas rlung// dbus na nam mkha' ji bzhin no// mgrin pa'i rtsa las 'phros nas ni// mkhur tshos g.yas na sa yi rtsa// g.yon na chu yi rtsa gnas so// ol skong g.yas na me yi rtsa/ / g.yon na rlung gi rtsa ste rgya gram 'dra// dbus na nam mkha' de bzhin no// snying kha'i rtsa las 'phros pa ni// an gong g.yas pa sa yi rtsa// g.yon pa chud de dpung g.yas me// dpung g.yon rlung la dbus na nam mkha'i rtsa/ / rin chen zur brgyad dbyibs su snang// zhes gsungs so// lte ba sprul pa'i rtsa bas ni// 'phro ste phyi g.yas sa yi rtsa// g.yon pa chu la dpung mo g.yas pa me'i rtsa// g.yon pa rlung gi rtsa/ / dbus na de bzhin nam mkha'i rtsa// gsang ba'i rtsa las 'phros pa ni// rtsi ba ma g.yas pa sa ste g.yon pa chu// bum pa'i rtse mo me yi rtsa// rtsa ba rlung gi rtsa ru snang// thig le brod 'bebs de nas byung// rlung la bde bas yod pas na/ / bde ba rgyas pa de las byung// rtsa yi ngo bo bstan pa ni// bde ba stong pa de nas byung// thig le'u ngo bo 'od gsal las// ye shes ngos bzung de nas byung// zhes gsungs so// thig le 'dus pa'i rgyud phyi ma'i phyi ma las/ rtsa dang rlung thig le spyi'i rnam par bstan pa'i le'u ste drug pa'o//// de nas yang dag bshad bya ba// rgyas pa'i rtsa la la bsam mi khyab// bsdus pa rnam pa lnga yin no/ / spyi gtsug bya ba grub pa'i rtsa// rlung yang bya ba grub pa'i rlung// thig le bya ba grub pa'o// mgrin pa me long lta bu'i rtsa// snying kha mnyam pa nyid kyi rtsa// lte ba stong pa nyid kyi rtsa// gsang ba so sor rtogs pa'i rtsa/ / thams cad 'dus pa'i ngo bo'i rtsa// gnyis po zung du 'brel ba'o// zhes gsungs so// thig le 'dus pa'i rgyud phyi ma'i phyi ma las/ rtsa rtags la ngo sprod pa'i le'u ste bdun pa'o//// de nas rang gi mtshan nyid bstan pa na/ / rig pa'i zang thal chen po'i thig le yin// de nyid stong pa rtsa zhes bya// de las g.yo ba rlung zhes bya// rgod na rtsa las ngo sprad kyis// byas pas bsam pa rdug pa ya cha// bying na rig pa'i rang sgo las/ / bsam rdug lha khang ltad mo che ba ya cha// 'phro na rig pa zang thal ltos// 'gro sa med pa ya cha// rtsol na rang byung ye shes ltos// rtsol bas gtor ba ya cha// sgrub na lhun grub 'phong ra ltos/ / bsgrub pas brlag pa ya cha// sgyur na rtsa dang rlung la ltos// rang grol yin pa ya cha// sbyong na kun bzang ltad mo ltos// sbyang bas stor ba ya cha// 'gegs na ye shes khong 'char ltos// bkag pas 'od gsal rtor pa ya cha/ / zhes gsungs so// thig le 'dus pa'i rgyud phyi ma'i phyi ma las/ rang gi mtshan nyid la ngo sprad pa'i le'u ste brgyad pa'o//// de nas yang dag bshad bya ba// thig le snang ba srid pa dang/ bskal pa rnams ni 'di lta ste// phyi nang gsang ba gsum du bshad// snang ba thig le lnga yin te// dbyings kyi thig le rnam lnga'o// srid pa nang gi thig le lnga// bskal pa chag sdang bcu ru bskal/ / ces gsungs so// thig le 'dus pa'i rgyud phyi ma'i phyi ma las/ thig le kha sbyor gyi gdams ngag gi le'u ste dgu pa'o//// gsang ba'i thig le bstan pa ni// snang ba zang thal thig ces bya/ / thugs rje mi 'gag lai zhes bya// gnyis su med pas nyag ces bya// lhun gyis grub pas thig ces bya// snang ba 'od gsal le zhes bya// rig pa zang thal thig ces bya// 'gyu ba mi 'gag le zhes bya// dbyer mi phyed pas nyag ces bya/ / lhun gyis grub pas gcig ces bya// zhes gsungs so// thig le 'dus pa'i rgyud phyi ma'i phyi ma las/ thig le nyag gcig ngo sprad pa'i le'u ste bcu pa'o//// de nas yang dag bshad bya ba/ / rig pa'i le dang sems kyi le// sems kyi le ni chags sdang ngo// blangs pas 'khor bar 'khyams pa ya cha// rig pa'i le ni shes rab chen po ste// sku gsum rol bar shes pa ya cha// blangs pas zang thal chen por gnas/ / zhes gsungs so// thig le 'dus pa'i rgyud phyi ma'i phyi ma las/ rig pa dang sems kyi snang ba bstan pa'i le'u ste bcu gcig pa'o//// de nas yang dag bshad bya ba// nyon cig ston pa mar me mdzad/ / rlung gi snang ba srid pa skal pa gsum// snang la ljang khu 'gag med la// dbyings ni 'od ma bkug par srid// skal pa phyi nang gsum du bskal// gling bzhi 'deg pa 'byung lnga'i rlung/ / yang zhing g.yo ba rlung gi rlung// rlan zhing sdud pa g.yo ba chu yi rlung// drod 'bebs g.yo ba med yi rlung// sra zhing g.yo ba sa yi rlung// stong khyab g.yo ba nam mkha'i rlung// lnga ni rtsa ba 'byung lnga'i rlung/ / zung du 'jug pa bcu ming can// rang byung ye shes 'gag med rlung// phyi yi rlung du bshad pa'o// zhes gsungs so// thig le 'dus pa'i rgyud phyi ma'i phyi ma las/ phyi rang 'byung gi rlung la ngo sprad pa'i le'u ste bcu gnyis pa'o/ /// nang gi rlung lnga bstan pa ni// 'khor lo lnga na rlung lnga gnas// sa yi rlung dang chu yi rlung// me yi rlung dang nam mkha'i rlung// rlung gi rlung ste rtsa ba yi// rlung lnga dag yan lag lnga// lnga yi bdag nyid bcu ming can/ / nang gi rlung la ngo sprad pa'i le'u ste bcu gsum pa'o//// gsang ba'i rlung la ngo sprad de// rig pa g.yo ba rlung gi rlung// de nyid sdud pa chu yi rlung// rig pa smin pa me yi rlung/ / rig pa bstan pa sa yi rlung// kun la khyab pa nam mkha'i rlung// zung du zhugs pas bcu min can// thugs rje mi 'gag rlung gi rlung// rig pa khong gsal me yi rlung// smin nas bstan pa sa yi rlung/ / thams cad sdud pa chu yi rlung// mkha' khyab dwangs pa nam mkha'i rlung// de ni gsang ba'i ngo sprod do// thig le 'dus pa'i rgyud phyi ma'i phyi ma las/ rlung lnga la ngo sprad pa'i le'u ste bcu bzhi pa'o/ /// de nas ston pa mar me mdzad kyis rjes su yi rang nas mngon par bstod pa// ston pa'i rgyal po 'od srungs kyis// rgyud kyi rgyal po rtsa rlung rgyud// thams cad phyi nang la bzla bstan pa// lta sgom spyod pa la bzlas nas/ / rang gi 'dug tshugs ngo sprad pa// e ma ho ngo mtshar che'o// zhes gsungs so// thig le 'dus pa'i rgyud phyi ma'i phyi ma las/ rjes su yi rang ba'i le'u ste bco lnga pa'o//// rdzogs so/ /// thig le 'dus pa'i bu'i man ngag/ gzhan don du bstan pa/ 'chi kha ma las kyi rin po che/ slob dpon dga' rab rdo rjes smras pa/ byang chub sems dpa' khyod lam du 'jug pa'i tshe/ gsang ba'i sgo dgu pa'i gnad dgu la// yi ge ma bu'i sbyor bas dgag/ gsang ba'i sgo dgu ni// snying kha lkog ma kha mig gnyis// nor 'bud sna yi rtse mo ru// sngags bris pa ni gdags par bya/ / bsam gtan ye shes khong gsal bskyed// da ni gsang ba'i sgo gsum dbye// 'jug pa de yi thor to nas// tshangs pa'i skud pa sum sgril la// bdag nyid lha yi srin lag la// btags te sngags 'di stong bzlas na/ / bcu gnyis bcu gnyis gsang sgo nas// bdag nyid ye shes sems dpa' la// me long lta bu'i gzugs brnyan no// de yang ye shes khong gsal du// sgom pa chos sku mkha' khyab thob// gsang gi sgra yis bos pa'i tshe/ / bdag dang gnyis med thugs khar thim// de yang ye shes khong gsal du// de ni skye ba med pa'i lam pa'o// rig pa lu gu rgyud du drang ba ni// gang zhig gnas nas thon pa'i tshe// sgo gsum sgo gsum sgo sprad de/ / dbugs re hUM re dran par bya/ 'jug pa'i dbugs ni a ru thim// a ni skye med chos kyi sku// mkha' khyab dngas par rab tu bstan// yeshes khong gsal ngang du bstim// de la gnyen po gzhig tu med/ / de ni yang dag rdogs pa'o// 'chi ka ma las kyi rin po che// rig pa lu gu rgyud du grang pa// thig le 'dus pa'i bu gzhan don rdzogs so// thig le 'dus pa'i bu/ kun tu bzang pos sku gsum bsre ba'i man ngag/ chos thams cad chos sku mkha' khyab dwa ngas par la bzla ba ni/ rig pa khong gsal gyi sgo nas ye shes yon tan du bstan pa dang/ ye shes yon tan gyi sgo nas thugs rje'i rtsal snang bar bstan pa'o/ / chos kyi sku la rig pa'i rtsal ma 'gags pas/ me long lta bu'i ye shes/ de las 'phro 'gyur med pas mi 'gyur bas// chos sku la thams cad mkhyen pa'i ye shes dang ldan pas/ / sangs rgyas spyan zhes bya ba'i spyan zhes bya'o// chos kyi sku'i shes rab mi g.yo bas mnyam pa nyid kyi ye shes// ye shes de thugs rje'i rlan dang ma bral bas chu// thams cad la thun mong khyab pas mA ma ki zhes bya'o/ / chos kyi sku kun la khyab pas so sor rtog pa'i ye shes// ye shes des thams cad skyob par byed cing thugs rje smin par byed pa me// sems can kun gyi drod la khyab par gnas pas na gos dkar mo zhes bya'o/ / chos kyi sku la ma btsal bar mkhyen pa'i ye shes lhun gyis grub pas// bya ba grub pa'i ye shes// ye shes de'i thugs rje'i dbang gis thams cad sgrol bas rlung// phyir mi ldog pas dam tshig sgrol ma zhes bya'o/ / chos kyi sku'i ye shes longs sku la rdzogs pas chos kyi sku'i ye shes// ye shes des kun la khyab pas thams cad kyi gzhi ma lta bu ste nam mkha' chos nyid de dus gsum du mi 'gyur bas kun tu bzang mo zhes bya'o/ / de chos kyi zung lnga ya bcu dang ldan pa de// rtsal gyi sgo nas yon tan du bstan pa'o// yon tan gyi sgo nas rtsal du bstan pa ni// longs spyod rdzogs pa'i sku lnga la// rigs re re la 'dul ba'i ngo gang tha dad pa re re byung bas ni/ / dper na nyi ma'i snying po gcig la yul gyi dbang du rtsis pa lta bu ste// yul re re na nyi ma re re snang ba dang 'dra ste// de bzhin du chos kyi sku gcig gi kun la khyab par bstan pa ni/ / yon tan gyi sgo nas rtsal du bstan pa'o// ye shes lnga lus lnga la thim pa'i dus na/ ye shes lus can no// ye shes lnga'i snang ba 'od lnga ru 'char ro// de la 'gro drug tu skye ba'i rgyu drug dang/ lam lnga dang/ yul drug dang/ 'bras bu drug tu smin pa ni// bar dor gdams ngag las shes par bya'o// bar dor 'khrul pa ldog pa'i rkyen gsum 'char te// bla ma'i gdams ngag rkyen du 'char ba dang// rang snang rkyen du 'char ba'o/ / de gsum yang gdams ngag las shes par bya'o// da lta ni chos sku mkha' khyam nyams su myong ba yin no// dper na khyung sgo nga na gnas pa 'dra'o// sgong rgya ral bas ma dang mnyam mo/ / dpe de bzhin du ye shes khong gsal nyams su myong ngo// dbugs chad nas rkyen gsum 'char bas dngos su sangs rgyas so// de yang gdams ngag las shes par bya'o// da ni sprin par nyi ma lta bu// da lta na nyams thogs na gnas so/ / mngon du bar ma dor 'gyur// 'khrul pa ldog pa'i thabs ni da lta yin// sangs rgyas mngon du 'gyur ba'i dus bar do yin// sangs rgyas nas 'bras bu ni gdams ngag las shes par bya'o/ / gzhi 'khrul gzhi gdeng// ldog pa'i thabs gsum gyis bstan// gnas lugs la mtha' yas// 'gro drug g.yang sa gcad// gnas lugs las 'dod khams gzugs// gzugs med khams gsum/ / longs spyod sku'i gnas lugs// spyi ni 'od srungs chen po yin// dgos ni 'od srungs chung ngu yin// thig le 'dus pa'i snyan brgyud 'di// ston pa gsum dang// rigs 'dzin gsum gyi byin rlabs/ / lce btsun bdag la thugs kyi bcud thigs pa// dbang chen thob pas chos smyo 'ong ste mchi// zas skom mi la tshaul yang gdams ngag gcig ma shor// dgos dgu mi la tshol yang gsang gter 'di ma shor/ / nyal sa mi la tshol yang thugs kyi bcud ma bstan// grong sbrang rtag tu byed kyang kha ru 'byin ma myong// thugs la gab bo// thig le 'dus pa'i snyan brgyud rdzogs so//// thig le 'dus pa'i man ngag/ 'chi ka ma las rin po che/ 'khor ba'i mtha' bcad pa/ skye ba'i sgo dgag pa mngal kha rgyas 'debs 'di mchog tu gsungs so// bdag nam 'chi ba'i dus su// rlung rnam pa lnga rim gyis zhi nas/ phyi 'byung ba lnga nang gi 'byung ba lnga la thim nas/ nang gi 'byung ba lnga yul lnga mkha' klong rnam pa lnga la thim/ yul lnga rigs kyi yum lnga la thim ste/ yab so so'i 'bras bu lnga la thim nas/ yig 'bru lnga ye shes lnga la thim/ ye shes lnga 'od kyi gong bu mtshon gyi gru gu brdogs pa bzhin du gnas so// de ye shes kyi rlung gis bskyod nas/ nas g.yas g.yon du 'byung ste/ 'chi ka ma'i gdams ngag dran par byas la/ 'dzub mo g.yon pa'i rtse la yi ge a gcig bsam zhing/ nas g.yas g.yon dgag par bya'o// de'i dus su phyir mi ldog pa'i gdams ngag dran par bya'o// bar do'i man ngag rkyen gsum dang ldan na mngon par rdzogs par sangs rgyas so/ / ye shes khong gsal dran par bya'o// de'i yon tan ni chos sku mkha' khyab dang ldan no// rdzogs so// sangs rgyas thig le nyag gcig la/ chos sku brdal khyab/ rtogs par bya ba'am/ btsal ba'i chos med do/ gang zag blo'i ngos nas gnyis su med par rtogs dgos pa las/ rtsa rlung thig le'i gdams pa bshad par bya/ de nas gdams pa ni/ rtsa dang thig le'i gnad gsum rang grol du shes dgos te/ thig le chen po'i rtsa rlung 'di ni phyi nang gsang ba gsum du 'dus pa'o// de la thig le phyi ltar bshad pa/ phyi 'byung ba lnga ni ngo bo'i 'od gsal de rag gsal du gnas rang byung ye shes so/ / de ni phyi'i thig le'o// nang gi thig le ni ngo bo rig pa'i ye shes rangashar ngo shes pa'o// gsang ba'i thig le ni sgom pas ma rnyed/ ma bsgoms pas ma gtor/ ye shes rang las ma rtogs pa med do/ / phyi gsal ba 'byung lnga ni rang snang chen po'o// nang rig pa'i ye shes kyi gdangs ni/ me long dang byad lta bu'o// gnyis su med pa'i chos sku brdal khyab chen po dang/ ye shes brdal khyab gnyis su med pa'o/ / thig le gsang ba gsum po 'di rtogs shig/ rtogs pa sangs rgyas kyi dgongs pa khong du chud pa zhes bya'o// rlung la yang phyi nang gsang ba gsum ste/ thog ma gnas nas rig pa bskyod pa gzhi la gnas so/ / phyi'i rlung ni gling bzhi 'degs pa dang/ rang byung du bskyod pa'i rlung ngo// nang gi rlung ni 'gro ba dang/ 'don pa dang/ bskyod pa'o// gsang ba'i rlung ni 'gyu ba dang/ mnyam byed dang/ dbugs 'byung ba'o// rlung gsum po de yang ye shes kyi rlung du rtogs na sku gsum thob bo// rtsa la yang phyi nang gsang ba gsum ste/ phyi'i rtsa ni chos nyid rang byung gi rtsa ste/ 'od lnga ste stong par rang snang du shes pa'o/ / nang gi rtsa ni rnam rtog rang rig pa'i ye shes rang shar ba ste/ rig pa'i ye shes so// gsang ba'i rtsa ni dbugs dang 'gyu ba stong pa nyid kyi ye shes dbyer med pa'i chos sku zag thal lo// rtsa dang rlung dang thig le gtan la phab pa/ sku gsum bkog gzhengs kyi dgongs pa/ bstan ma thog tu lta sgom la rag ma lus pa las/ sangs rgyas kyi dgongs pa skad cig ma la thob pa/ zag bcas phung po'i nang du sangs rgyas kyi dgongs pa dang mjal ba/ lam bgrod par rang sar sleb pa/ sku gsum gyi dgongs pa dus gcig la thob pa/ 'khor ba'i mngal kha dus gcig la rgyas thebs pa zhes bya ba'i man ngag/ mdzod kyi gdams pa/ rtsa rlung thig le gtan pa rtsa rlung gi rtsa ba rdzogs so//// gsang skor gyi man ngag la/ rtsa dang rlung dang thig le gsum lam du bkyer ba'i thabs la/ da ltar nga dang mthun pa'i chos gsum la/ snying stobs pa'i nang na khrag gi dwangs ma tig le 'od du gnas so// dbugs kyi dwangs ma drod la gnas so// thig le'i dwangs ma gsal la dwangs par gnas so// de gsum ni thams cad 'byung ba'i gzhi'o/ / de la rtsa bzhir gyes pa na/ chos nyid rang byung rtsa dang gcig/ gnyis su med pa ye shes kyi rtsa dang gnyis// blo bur rgyud la 'dzin pa'i rtsa dang gsum// skyon yon dbang po dwangs ma 'byed ces kyang bya/ / rtsa bzhir gyes so// rtsa de rnams kyi kha dog ni/ chos nyid rang byung gi rtsa ni dkar por gnas// gnyis su med pa ye shes kyi rtsa ni mthing kha ru gnas so// blo bur rgyud la 'dzin pa dmar por gnas/ / skyon yon dbang po dang 'byed kyi rtsa ba ni ser por gnas so// rtsa de rnams kyi rgyu lugs ni/ chos nyid kyi rtsa ba ni rlung la rgyu// blo bur rgyud la 'dzin pa'i rtsa ni bag chags la rgyu'o// skyon yon dwangs 'byed rtsa ni dbang po lnga la rgyu'o/ / de rnams rnam par shes pa la rgyu ba bstan pa ni// chos nyid kyi rtsa ni kun gzhi rnam shes la rgyu/ gnyis su med pa'i rtsa ni yid kyi rnam shes la rgyu/ blo bur rgyud la 'dzin pa'i rtsa ni nyon mongs pa'i yid la rgyu'o/ / skyon yon dbang po dwangs 'byed kyi rtsa ni sgo lnga'i rnam shes la rgyu/ rtsa de rnams kyi mdog chos gsum du 'dus so// de yang kha dog ni dar dkar gyi skud pa dang 'dra ba/ sbom phra'i tshad ni rta rnga bcur gshags pa tsam mo// de la nyon mongs pa can zhe sdang rgyu'o// 'od dmar po las 'dod chags rgyu'o// 'od ljang khu las phrag dog rgyu'o// 'od ser po las nga rgyal rgyu'o// 'od mthing ka las gti mug rgyu'o/ / de rnams kyi dbus na dran pa thams cad du 'char ba/ thig le 'dus pa'i rgyud las/ sems can dran zhi tsit+ta'i dkyil// sems nyid 'od kyi thig ler gsal// chos gsum ngo bo 'od du shar/ / zhes pas so// de ni kun gzhi'i rnam shes kyi rten yin// kun gzhi cha phra mo yang de las byung// nyon mongs pa'i yid kyang de las byung// rnam par shes pa'i tshogs kyang de'i cha las byung ngo// de rnams rig pa'i ye shes yin par rtogs na mngon du 'gyur ro/ / nga ni ngo sprad do/ chos nyid rang byung gi rtsa ni chos kyi dbyings kyi ye shes su ngo sprad/ gnyis su med pa ye shes rtsa ni rang rig pa'i ye shes su ngo sprad/ blo bur rgyud pa'i rtsa ni rig pa'i ye shes kho na'o/ / skyon yon dbang po dang dbye rtsa ni 'bras bu chos kyi sku'i ye shes su ngo sprad do// 'od lnga las rtsa lnga dug lnga 'byung ba'i ngo sprad pas/ 'od dkar po me long lta bu'i ye shes su ngo sprad/ 'od dmar po 'dod chags so sor rtog pa'i ye shes su ngo sprad/ 'od ser po nga rgyal mnyam pa nyid kyi ye shes su ngo sprad/ 'od ljang khu phrag dog bya ba grub pa'i ye shes su ngo sprad/ 'od mthing ka gti mug chos kyi dbyings su ngo sprad/ de nas phyi nang bar do ngo shes nas// tshe rten srog rten chod mchod pa zhes bya'o// don gsum du gnas pa de ni kun gzhi zhes bya ba'o// dbyings dang ye shes zhes bya'o/ / rtags thabs dang shes rab tu yang ldan la// 'bras bu sku gsung thugs rdzogs pas// chos kyi sku ru rtogs pa zhes kyang de la bya'o// thig le sgom pa'i rim pa la// a'i rgyas gdab sems can dbugs las rgyu/ / rtog pa sna tshogs skye// gzung ba'i yul du snang ngo// des 'gro drug tu 'khyams so// de la dbugs ltas 'gyu ba bgral// a'i rgyas gdab ngo sprad// de nas byang chub sems ni rtsal zhon nas phrag la rgyu/ / dbugs kyi rta la 'gyu ba rnam par rtog pa skye/ rtogs pas ma rig pa sna tshogs gcod ces gsungs so// da ni 'gyu ba klong dus bsad de/ chos gsum a'i gnas su dag/ 'gyu ba dbugs kyi bsgral/ / sems dang 'gyu ba klong du bsad ces bya'o// rnam rtog rig pa'i phug gtib// chos gsum a'i gnas su dag/ 'od la rnam rtog skye ba ma rig pas bcas pas// 'od lnga a'i rgyas gtab// gtab pas rig pa'i phug gtib pa'o/ / 'od gsum gyi rtsal la kha dog lnga ru snang bas// thams cad yul du snang bar byed// bsdus pas chos gsum a'i rgyas gdab// snang ba'i rtsa ba bcad ces bya'o// dug gsum chaus gsum du sbyor ba dang sgrol ba yang yin/ / dbugs dang 'gyu ba ye shes rlung du sbyor ba dang sgrol ba yang yin// rnam rtog dang rig pa'i ye shes kyi rtsal du sbyor bas sgrol ba yang yin// thob ma myong ba'i lus thob pa yang yin/ / ye shes rang sa zin pas// myong ma myong ba'i yul mthong ba yang yin// chos nyid ma dang mjal bas// shes ma myong ba'i gtam shes pa yang yin// rang dbang rang gis thob pas// rtogs ma myong ba'i don rtogs pa yang yin/ / sku gsum thig ler rdzogs pas// sbyor sgrol mchod pa chen po'i// thig le yang gsang sgor phra mo'i gdan bsdus pa// chos gsum lam du sdus pa/ yang gsang skor rdzogs chen a ti lam med lam chen po/ ston pa gsum gyi byin brlabs/ rigs 'dzin gsum gyi byin rgyud rdzogs so//// thig le skor dang ja nyog gi bsam pa ma bu ma lus pa snyan du rgyud pa'i dpe'i skor ro/ / snyan rgyud ye shes ngos bzung thig le rjen par ston no// dpe'i rgyud dang snyan rgyud ngo sprod gnyis// spang chen zho lhag bde chen gyi dben tsha ru// dpe yang rdzogs nas gdams pa gnang ba lags so// spel na rdo rje dmyal bar 'gro/ / rgyas btab po// rgya rgya rgya//// rgya gar skad du/ a ti san+d+hi ma hA tan+t+ra/ bod skad du/ a ti rdzogs pa chen po'i rgyud/ dpal kun tu bzang po la phyag 'tshal lo/ / 'di skad bdag gis thos pa'i dus gcig na/ byang chub shing drung gnas mchog tu// sprul sku dga' rab rdo rje ni// me tog pad+ma'i gdan la bzhugs// sangs rgyas lus kyi rgyan yang rdzogs// phyag mtshan 'gyur med rdo rje bsnams/ / zhi dang khro bo'i mtshan mchog mnga'// snying rje chen pos gzhan don mdzad// chos dang yul la dmigs pa yis// snying rjes 'gro ba'i don yang mdzad// thabs kyi sgau nas thams cad 'dul/ / byin brlabs nyi ma'i 'od ltar 'tshar// khu byug gsung 'dra dus tshod 'dzin// thams cad rang la rdzogs pa'i dus// brda dang sgra dang tshig dang don gyis bsdus// e ma ho yang gsang rmad du byung ba'o/ / a ti rdzogs pa'i rgyud las/ ston pas gleng slang ba'i le'u ste dang pa'o//// de nas 'jam dpal bshes gnyen gyis// kye ston pa dga' rab rdo rje lags// rgyud kyi ngo bo bstan du gsol// ces zhus pas/ thugs rgyud zhal brgyud zhus lan gsum gsal// dgongs te gsum nyid rnam par gsungs// chos gsum phun sum tshogs pas rgyud ces bya// zhes gsungs pas/ de'i don 'di bstan du gsol/ / ces zhus pas/ thugs su rgyud pa kun bzang rgyud// zhal nas gsungs pa'i rgyud dag ni// rdo rje sems dpas gsungs pa'o// zhus lan phra med 'phel rgyas rgyud// dga' rab rdo rje bdag gis bshad/ / byin rlabs nyi ma'i 'od ltar shar// skyes bu'i thugs la gang shar ba// kun tu bzang po'i thugs rgyud rdzogs// snang la rang bzhin med pa'i don// chu zla'i dkyil 'khor lta bur bshad// sgyu ma lta bu'i gsung gi brgyud/ / rdo rje sems dpa'i zhal brgyud rdzogs// dpal ldan sangs rgyas pad+ma'i nang// skyes pa'i tshul gyis skur bstan pa// byin rlabs dug la sngags ltar shar// 'phel rgyas phra min rgyud 'di rdzogs/ / zhes gsungs so// a ti rdzogs pa'i rgyud las/ rgyud kyi zhus lan gyi le'u ste gnyis pa'o//// de nas yang zhus pa/ rgyud lung 'brel bar bshad par zhu// zhes gsungs pas/ gsung gi bsgyur zhing gang mtshon pa/ / skyes bu rgyal po'i bka' lung rdzogs// byin gyis brlabs kyi thugs dag la// nges pa'i shes pa skyes pa 'di// skyes bu'i rgyal po'i byin lung rdzogs// skyes bus gdams pa'i lung phog pas/ / nges par byin rlabs phran min lung yang rdzogs// snying po'i don la bkol ba med// rang byung ye shes 'pho 'gyur med// rig pa'i ye shes g.yo ba med// rang rig ye shes 'gag pa med// thig le'i ye shes skye 'gag med/ / don de thugs la gang 'dzin pa// skyes bu nga yi bka' lung rdzogs// rgya chen lung la zab pa rgyud// rgya che rig pa'i snang ba la// zab pa ye shes ngos bzung bshad pa yi// de don nges par bstan pa yin/ / zhes gsungs so// a ti rdzogs pa'i rgyud las/ rgyud lung sbag tu bshad pa'i le'u ste gsum pa'o//// de nas bka' stsal pa/ thig le nyag gcig tu bshad pa dang/ gnyis su bshad pa dang/ gsum du bshad pa dang/ bzhi dang lnga ru bshad pa bstan du gsol// zhes zhus pas/ bka' stsal pa/ thig le nyag gcig gcig tu bshad pa ni// thig le nyag gcig ye shes chen po ste// rgya che lta ba la zla'i don du bshad pa yang/ / gzhi ma dngos po'i gnas lugs la// rtogs dang ma rtogs gnyis su med// sangs rgyas sems can gnyis su med/ dag dang ma dag gnyis su med// snang dang ma snang gnyis su med/ / bsgom dang ma bsgom gnyis su med// skyon dang yon tan gnyis su med// thabs dang thig le rang snang la// gnyis su 'dzin pa 'khrul ba yin// rgya che nam mkha' lta bu yin// phyogs mtshams bsgrubs pas ga la grub/ / thams cad phyogs med khyab brdal la// rnam rtog blo yi ga la smod// ldongs pas nam mkha' ga la snyegs// grang nad can gyi skyes bu la// ga pur dug tu nges par 'gyur// blo chung shes rab chung ba la/ / nyag gcig bstan pas skur par 'gyur// e ma'o thams cad gcig pa la// sgro btags chos kun thig ler gcig/ sna tshogs thig le nyag gcig ngang// zhes gsungs so// a ti rdzogs pa'i rgyud las/ thig le rgya che ba ru bshad pa'i le'u ste bzhi pa'o//// thig le zab par bshad par zhu// zhes zhus pas/ bka' stsal pa/ zab cing yangs la rgya che ba// zab mo sangs rgyas dgongs pa ste/ / de dag nyams su len pa la// thig le gnyis su bshad par bya// snang ba ma 'gags thig le'i rgyan// rol pa yin par shes par bya// rig pa ye shes ma 'gags rtsal// 'gag pa med par shes par bya/ / snang ba thig le'i gnad du ma shes pa// mngal kha rgya yis gang la thebs// snang ba stong par bsgoms pas bsam ngo yid smon yul// rig pa ye shes gnad du ma shes na// 'gyu ba stong par bsgoms pas rig pa rkyang sgoms yin/ / nyan thos gang zag bdag med rtogs dang khyad par med// 'gro drug g.yang sa chod par ga la 'gyur// rta brgyugs 'drog la me tog chod pa bzhin// gang ltar bltas pas ye shes shar na sangs rgyas dgongs pa yin/ / thabs dang shes rab gnyis ni btsun mo zo chu khyud mo 'dra// rnam rtog ye shes gnyis ni me la shing bsnan 'dra// ye shes gnad du gzir na rgya mtsho nya mo 'dra// ye shes byin rlabs mun pa nyi ma 'dra/ / ma 'dres rang sar gnas pa za 'og snal bu 'dra/ zhes gsungs so// a ti rdzogs pa'i rgyud las/ ye shes dang rnam rtog gnyis brdar bstan pa'i le'u ste lnga pa'o//// thig le gsum du bshad pa ni/ / gzhi dang lam dang 'bras bu gsum// gzhi lam rnam gsum shes bya ste// dbyings kyi thig le stong pa la// ye shes thig le gsal la 'tsher// rtsal gyi thig le ljang la sgram// 'du 'gro las kyi thig le/ / dkod pa rgyan gyi thig le// gnyis med rang gsal gyi thig le// lam gyi thig le rnam gsum ste// rang snang 'od zer gyi thig le la// chags pa sna tshogs skye ba e ma ho// rig pa rtsal gyi thig le la/ / zhen pa dngos por shar ba e ma ho// dbyer med snying po'i thig le la// gnyis snang nyams su myong bas 'bras bu sna tshogs su grub pa e ma ho// 'bras bu'i thig le rnam gsum ste// lhun grub rtogs pa'i thig les thams cad mkhyen/ / rang byung rang la snang ba'i thig les bde chen rang la shar// rang rig ye shes rgyun gyi thig les byin rlabs la rgyun chad med// snang ba rnam shes yid dang gsum// 'khor ba sangs rgyas gnas lugs gsum/ / rgyud dang lam dang 'bras bu gsum// byin brgyud snyan brgyud thugs brgyud gsum// snying po 'od dang zer dang gsum// rno dang myur dang zab dang gsum// bstan dang rgya che phra dang gsum/ / man ngag gdams ngag snyan rgyud gsum// thig le gsum du bshad pa'o// zhes gsungs so// a ti rdzogs pa'i rgyud las/ zab mo gsum du bshad pa'i le'u ste drug pa'o/ /// yang bka' stsal pa/ zab mo bzhi ru bstan pa bshad du gsol// zhes zhus pas/ bka' stsal pa/ dngos po gcig la bzhir dbye ba// le'u dag gi dpe bzhin no// dpe dang don dang tshig dang ni/ / brda yi nga grol bar bshad pa'o// chos kyi sku yi don dang ni// rang snang longs spyod rdzogs pa'i sku// spyir yang sprul pa'i sku la ngo sprad pas// de yi yon tan ngo bo nyid kyi sku// ye shes bzhi yi don kyang rang sor 'brel/ / 'byung ba lnga ni chos sku'i brda// shing spangs ma ni ga la 'byung// rnam rtog med na ye shes ga la skye// rnam rtog ye shes yin na bka' rgyud zab mo gang la dgos// 'bad pa med par ye nas grol/ / sprul pa'i sku la rnam rtog skyes nas ye shes gsal// dper na me la shing bsnan 'dra// zung du zhugs pas longs spyod rdzogs pa'i sku// ji ltar sbyang kyang zad pa med// ngo bo nyid kyi sku yi gang du gnas/ / ye grol bzhi yi sku bzhi de// rgya che ba yi don du bshad pa yin// zab mo nyams su len na rang grol sku bzhi'i ngo sprod na// rnam rtog wal gyi skyes pa'i dus nyid na// rang rig ye shes ngo sprod kyis// rnam rtog dwangs nas ye shes gsal/ / 'gyu ba med na ye shes ga la gsal// 'gyu ba dwangs pas ye shes gsal// rang grol sprul pa'i sku yi ngo sprod yin// rang grol longs sku'i ngo sprod ni// 'gyu ba dwangs nas 'od gsal la/ / lhan ne brtan par gnas pa de// de ni longs sku'i ngo sprod do// 'gyu ba 'od gsal gnyis su med// gang gi phyogs su ma lhung ba// de ni chos sku'i ngo sprod yin// thig le ye shes zang thal la// rgyu dang rkyen gyis ma bskyed par/ / rang bzhin shugs kyi shar ba de// ngo bo nyid kyi sku yi ngo sprod yin// zhes gsungs so// a ti rdzogs pa'i rgyud las/ thig le bzhi sbyor ngo sprod kyi le'u ste bdun pa'o//// de nas yang bka' stsal pa/ thig le lnga sbyor bshad pa ni// dbyings kyi thig le 'od gsal ba// rang byung ye shes lam du gzhug/ ye shes thig le chen po de// rig pa'i ye shes ma bu smad// gnyis su snang ba'i ye shes de/ / lhag mthong rig pa'i ye shes kyis// gzung 'dzin thag pa gcad par bya// de ni lhun grub thig le yin// snying po g.yo med ye shes kyis// dang du phrad na gzung 'dzin 'chad// dbyings nyid rnam dag thig le yin/ / ye shes zang thal chen por bzla// blta ba'i sgong rgya ral pa yin// lhun gyi gnas pa'i thig le yin// sgo lnga chags sdang mdud ba la// lhag mthong rig pa'i ye shes kyis// ral gis bcad de gtang bar bya/ / snang ba 'od gsal gi ngo sprod do// dkar dmar 'dod chags kyi mdud pa la// rang byung rang snang gi ye shes kyis// lcags kyus bzung ba gtang bar bya// chos sku 'od gsal gyi ngo sprod do/ / sems 'gyu ba rnam rtog gi mdud pa las// nyams myong sgom pa'i sgong rgya ral// rang rig ye shes kyi ngo sprod byas// snying po ye shes snang med kyis// chags 'dzin sgom pa'i zhen pa spangs// rang snang thig le'i ngo sprod do/ / yid 'gyus bag chags kyi mdud pa la// 'od gsal gsang lam gyi ngo sprod kyis// rgyas 'debs spyod pa'i sgong rgya ra la// rang la shar ba'i 'od gsal skyes// mtshan ma lam gyi gol sa chod/ / kun gzhi zang thal gyi thig le dang// mtshan ma rang snang gi thig le gnyis// bsres pa med par dkrug gis 'dres// 'bras bu spangs thob dus kyi sgong rgyal e ma ho// zhes gsungs so// a ti rdzogs pa'i rgyud las/ thig le lnga sbyor du bshad pa'i le'u ste brgyad pa'o//// de nas yang bka' stsal pa/ 'gag gi rnam pa bstan par bya// zhes gsungs so// sems 'dzin phra mo rtsom pa ni// ye shes zang thal skye ba'i 'gag/ tshogs drug bkag nas dbugs la gtong// chos nyid 'od gsal skye ba 'gag/ dbugs la gtod cing rlung la sbyong// rang byung ye shes skye ba 'gag/ phung po lha dang lha mor bsgom// sku yis dam tshig rten pa des/ / chos sku 'od gsal skye med 'gag/ ngag gi bzlas brjod 'phro 'du sbyong// gsung gi dam tshig rgyun du spyod// des ni rang rig ye shes 'gag/ dam rdzas rnam lnga rgyun du rten// thugs kyi dam tshig rgyun mi gcod/ / lhag mthong rig pa'i ye shes 'gag/ rgya che lta ba kha 'gyang khyer// 'gyu dwangs ye shes skye ba 'gag/ 'gag med thig le le 'di yin gyis// thub par mos la sbyar par gyis// zhes gsungs nas/ chos nyid rang snang gi dbyings su gshegs so// a ti rdzogs pa'i rgyud las le'u dgu pa'o//// a ti rdzogs pa'i rgyud rdzogs so//// rgya gar skad du/ a ti la b+he da/ bod skad du/ a ti spyi gcod kyi rgyud/ dpal rdo rje sems dpa' la phyag 'tshal lo// ro langs bde ba rangs pa na// pan tsa a mri ta bin du pra sha bin tu/ nam shrI pha la mun+t+ra man+t+ra e ka 'du ti ha li na ma/ rol ba rgyun gyi thig le'i klong nas// byang chub shing drung du sku sprul nas// de yis 'jam dpal bshes gnyen dag la brgyud// mthing ka shu gu dag la bris pa'i glegs bam 'di// 'jam dpal bshes gnyen khyod la gdams par bya/ / zhes gsungs so// gleng gzhi'i le'u ste dang po'o//// thog ma'i sangs rgyas 'od mi 'gyur ba/ rtogs te sangs rgyas ma byung/ ma rtogs te sems can ma byung ba'i dus na/ gzhi dngos po'i gnas lugs ji ltar lags/ snang ba ni ji ltar snang/ ming du 'dogs na ji ltar 'dogs/ de las 'khrul pa ji ltar lags/ zhes zhus pas/ a ti spyi gcod bstan par bya// zhes gsungs so/ / a ti spyi gcod kyi rgyud las/ gleng gzhi'i le'u ste gnyis pa'o//// de nas bka' stsal pa/ snang ba ni rang bzhin gyi snang ba zhes bya'o// dus de tsam na gnas pa'i rtogs med kun gzhi zhes kyang bya'o/ / ming du 'dogs na mi zad pa'i mdzod kyang bya'o// spyi sa chen mo 'khor ba'i gzhi la/ sems can gyi thug pa/ chos nyid spangs pa'i klong zhes kyang bya/ rang snang gi nam mkha' zhes kyang bya'o// de'i rtsal las shes pa rkyang pa khyab pa'i shes pa/ rgyu ba'i shes pa/ mi rgyu ba'i shes pa/ lung ma bstan gyi shes pa zhes kyang bya ste/ dus de tsam na thog mtha' med pa'i snying po zhes kyang bya'o// zhes gsungs so// a ti spyi gcod kyi rgyud las/ gleng gzhi'i le'u ste gsum pa'o//// g.yo ba ni spyi sa chos kyi sku rtog med kyi sbubs nas g.yos/ sgo ni gsum nas 'byung ste/ gsal ba rtog med kyi sgo/ stong pa mtshan med kyi sgo/ gsal stong btsad med kyi sgo nas/ rnon po'i sgo byed nas khyab pa'i rig pa byung ste/ rig pa rkyang pa de la 'gro ba'i sgo med pas/ ma ning gi sgo bya/ rgyu ba'i rig pa'i phyir thon/ rtul po'i sgo phye/ mtshan ma'i rig pa shar/ rno btul gnyis med kyi sgo 'gags pas// myong ba'i rig pa smin no// yan lag sgo dbye/ rig pa smin te/ chos dbyings rang byung gi sbubs zhes bya ste// sna tshogs la 'jug go/ zhes gsungs so// a ti spyi gcod kyi rgyud las/ rig pa dngos su smin nas 'khrul pa'i dpe ste le'u bzhi pa'o//// de nas mtshan dang dpe byad longs skur 'khrul pa bka' stsal pa/ gsal ba snod kyi sgo/ stong pa bcud kyi sgo/ 'dzin pa ma zhugs pa'i sgo/ kha dog gsal ba yan lag gi sgo/ mtshan ma rig par shar/ myong ba'i rig pa skyes/ rgyu ba'i rig pa yul 'od lnga la shar te/ dang po ci yin mnyam du shes pas/ bar du yin min gyi shes pa/ tha mar yin gdengs kyi shes pas gcad pas/ yid 'khor lo gsum zhes te de la bya'o// dus de tsam na yar sangs ma rgyas/ mar 'khor bar ma 'khyams pas lung ma bstan gyi sgo zhes bya'o// bar der kun tu bzang pos rig pa ye shes kyi lde mig cig/ 'phags pa blo gros mi zad pa zhes bya ba mun pa smag tu gyur pa khang pa dgu rim gyi nang na yod do// de lta ru phyin pa/ khang pa dag po na mun pa gnag la 'jigs/ / gnyis pa na yam nag po za tshul gyi dbu// gsum pa na bdud lha sbyin gyis srog gcod/ bzhi pa na srin po'i rgyal po'i dbugs len/ lnga pa na ging la dkar po phyag na dung gi 'khar ba bsnams nas brdeg cing gsod/ drug pa mun pa'i nang na me rlung gi ma bskyod par 'dug/ bdun pa nyi zla phrug gcig la shar nub med par 'dug/ brgyad pa na nor bu rin po che lha'i bu rnams rtse zhing snang/ dgu par phyin pas yid bzhin gyi nor bu rin po che 'od 'bar ba'i rtsar 'phags pa blo gros mi zad pa zhugs nas/ kun tu bzang pos bka' stsal pa/ 'gro ba'i lam nor thar pa'i go yang 'gag/ ma rig rmongs pa thugs rje'i zhags pa bzung/ / 'phrul gyi sgo ma phyed pas mun pa'i nang du 'khyams// zhes zhus pas/ 'phags pa blo gros mi zad pas bka' stsal pa/ thams cad 'byed pa 'khrul gyi lde mig 'di// yid bzhin nor bu'i nang nas ston la sbyin/ / nyi zla'i sgo phye snang stong dbyer med 'byung// shes rig sgrau btags dgra la ltos// me mar 'od la lta nam mkha' gser gyi sgron ma ltos// zhes gsungs nas/ 'phags pa blo gros mi zad pa mi snang bar 'gyur ro/ / mtshan dang dpe byad las kun tu bzang por sangs rgyas pa'i le'u ste lnga pa'o//// khams gsum gyi sems can sems can du 'khrul pa gsungs pa ni/ gzhi rin po che gser gyi sgron ma nas/ mi zad pa'i nor la spyad pas/ kun la snyoms pa'i zang ma la sbyin/ las kyi lus blangs rgyu rkyen dus kyang mtshungs// ma rig le los snyoms las dmar la sbyar// srid len gnyis kyi dus mtshungs rig pa yul dang mtshungs/ / 'byung du thabs med ri dwags rgyar tshud 'dra// ma rig rmongs pa'i sems chags sdug bsngal med skyes dang// las kyi phyir thon bag chags sna tshogs ltas// pha dang mar bltas dgra dang gnyen du bzung/ / yul khang khyim khang dag la rten bcas nas// ma bcad yul la nga dang bdag gir gzung 'dzin// mi sdod dbugs chad gar 'gro shes par gyis// 'gro drug las kyi sdug bsngal cha mchis sam/ / 'gro drug rtag tu 'khyams pas don dang rtsang phrad de// de bas man ngag gdams pa 'di la ltos// zhes gsungs so// a ti spyi gcod kyi rgyud las/ khams gsum du 'khrul ba'i le'u ste drug pa'o/ /// man ngag gdams pa bstan du gsol// bka' stsal pa/ phyi'i me long ltas tsam na// 'gro drug srid pa wa le gsal// 'gro drug snying po sbubs na gnas// ma dag 'khrul pa'i snang ba de// rang grol yin par rtogs tsam na/ / rang byung ye shes dgongs pa thob// nang gi me long ltas tsam na// rgyud drug chags sdang wa le gsal// rgyud drug rang gi sbubs su gsal// rgyud drug rang grol du shes tsam na/ / rang rig ye shes kyi dgongs pa thob// gsal ba'i me long ltas tsam na// 'gyu ba thogs med du wa le gsal// rang shar ye shes kyi sbubs su gsal// 'gyu ba rang grol du shes tsam na// lhag mthong ye shes kyi dgongs pa shar/ / lhun grub srid pa'i me long gi nang na thams cad gsal// ye shes dri med kyi dkyil 'khor du thams cad rgyas// mtshan ma sna tshogs kyi me long du thams cad mchi// chos sku me long gi nang na rtog pa skye mi srid/ / sprul sku me long gi nang nas// 'gyu ba med na ye shes gsal mi srid// 'bras bu thig le nyag gcig la// sku gsum 'grub mi srid// rnal 'byor ye shes ngos zin dus su shes pa rgyun gnyis su 'char mi srid do/ / zhes gsungs so// a ti spyi gcod kyi rgyud las/ me long gnad du brdeg pa'i le'u ste bdun pa'o//// yang bka' stsal pa/ rig pa chos nyid kyi sku'i don rtogs na/ / 'gyu ba nyag thal bcad pas dmyal ba yang rdzogs pas phyir gcad// thig le rang grol du shar bas lha ma yin rdzogs te spyir bcad// byang chub sems kyi 'od gsal rin po che la longs spyad pas lha rdzogs te spyir bcad/ 'gro drug rang grol du shes na/ khams gsum lus dang bag chags 'khrul te mchi'o// zhes gsungs so// a ti spyi gcod kyi rgyud las/ 'gro drug g.yang sa bcad pa'i le'u ste brgyad pa'o/ /// yang bka' stsal pa/ 'od gsal du bu bcad nas rig pa la stegs bcas pas/ mu stegs kyi lta ba spyir bcad/ thig le zang thal yid la 'dogs pas/ yi dags rdzogs te phyir bcad/ thig le sbyor ba las byol nas zang thal du song bas/ byol song rdzogs te phyir bcad/ de la zhen pa mi mnga' bas/ mi yang rdzogs te phyir bcad/ rang don 'od gsal zab mo la spyad pas/ rang sangs rgyas sangs rgyas kyi lta ba spyir bcad/ sgrib pa thams cad zang thal du byang nas/ 'od gsal du sems dpa' byang chub sems dpa'i lta ba spyi bcad/ kri ya ni 'od gsal du bkri nas yang dag pa'i don rtogs pas/ kri ya'i lta bu spyir bcad/ 'od gsal rgya chung du ma yin te snang srid yo ga 'od gsal du rtogs pas/ yo ga'i lta ba spyir bcad// thams cad ma lus par 'od gsal chen po'i ngang du rdzogs pas yo gsal bas// ma hA yo ga'i lta ba spyi bcad/ skye ba med pas a gnyis su med pas nu rtses byas te/ thams cad gnyis su med pas/ a nu'i lta ba spyir bcad/ thams cad 'od gsal ngang rdzogs pas// lta ba thams cad che bas na/ / rdzogs chen gyi lta ba spyir bcad pas// bde bar gshegs pa sku dang ye shes su 'khrul pa'i gol sa bcad/ ces gsungs so// a ti spyi gcod kyi rgyud las/ mtshan ma lam gyi gol sa bcad pa'i le'u ste dgu pa'o/ /// yang bka' stsal pa/ ye shes ngos bzung bshad par bya// zhes gsungs so// de nas 'gag pa med pas ye shes kyi skye ba bshad pa/ dang po ye shes ngos bzung ba la gsum ste/ 'gyu ba de la zhag gcig tu blta ba dang gcig/ nub gnyis pa 'od gsal thun du bcug la bskor ba dang gnyis/ nub gsum pa 'od gsal gyi lam du gzud pa dag gsum mo// dang po zhag gcig tu ltas pas/ 'gyu ba bun long gi song nas/ mtshan ma zhi ba ni zhi gnas rtse gcig gi bsam gtan zhes bya ste/ gang zag bdag med nyan thos dang khyad med do// snang ba 'di stong pa la me long gi skor ma ltar mthong ba ni/ chos kyi bdag med kyi bsam gtan de/ des kyang sangs mi rgya bas/ phal cher lta ba kha rkyangs dang de gnyis na gnas so// dbu ma'i lta bar kyang ma bslebs so// nub gnyis pa 'od gsal du bskor ba la gsum ste/ / snang ba 'od gsal du thun gsum du bskor bas ni phyi nang rang snang du ngo sprad de/ rta dkyus pa'i 'drog la me tog chad pa dang 'dra'o// thun gsum tshogs bdun bskor bas nang snang bar rang grol te/ dug la sngags kyi thebs pa dang 'dra'o// thun gsum du 'gyu ba gsang lam 'od gsal du bskor bas gsung snang bar grol du shar te/ ga pur tsha ba nad kyis zos pa dang 'dra'o// de ni thun tshad bzung ba bstan pa'o/ / da ni 'od gsal lam du bzud pa bstan te/ nub tha ma la thun gong du bshad pa 'khor lo de bskor ba'i gting la ji tsam gnas lta ba shin tu gces te/ 'khor lo dang gnas pa gsum cha gsum gnyis mgo la 'char ram/ phyed 'char ram/ bzhi car 'char ram/ lnga cha 'am/ drug cha'am/ ji tsam 'char ba ni/ lam du 'dzud pa yin te/ dbang po rab 'bring rtags dang sbyar/ mi 'khor ba'i dbang med pa'i thabs ni gong ma snang ba bun ne bde lam bzhag par/ mig rtsa mthong byed du gyur pa la snang ba gtad pas/ 'gyu ba de kyus tser byung ba'i dus su/ 'bras bu dril sku la bskor bskul/ snang ba la yan du chug/ yang bskul gyin bskor/ btsun mo zo chu rgyud ma 'dra ba mi dmigs// skyi ser 'dra ba'i 'gyu ba/ 'khor lo lta bu'i nyams/ nyi zla lta bu'i don/ dper na 'khor lo sgyur ba'i rgyal po de rin po che gser gyi khang pa la sogs pa dang/ rin po che'i steng rnams nas 'gro ba las thog mi 'gro ba bzhin/ 'gyu ba 'od gsum du bskor na 'od gsal gyi ma la las mi 'dra'o// gsal gdab sgrar 'gyur du bskor/ wal gyi byung ba'i dus su mal du gzhug/ chu bo rgyun gyi rnal 'byor ces kyang de la bya// rdzogs pa spyi gcod ces kyang de la bya// zhes gsungs so// ye shes ngos bzung ba'i le'u ste bcu pa'o//// yang bka' stsal pa/ rtags kyi rim pa bshad par bya/ 'gyu ba ngos zin na ye shes mi 'char mi srid de/ dang po lus 'dar snyam byed pa dang/ 'gyu ba de ngos zin pa'i rtags/ de nas lus 'gul mi shes pa snyam byed pa 'am thang nga ma 'ong ste/ 'gyu ba de sangs te 'ong ba'i rtags/ de nas 'dag pa la sgor phor btab pa'am/ spos dang spos rgya lta bu 'ong ste/ ye shes 'char ba'i rtags// 'gyu ba de la 'khor lo ma bskor kyang 'od gsal skam du zhugs pa ni/ 'od gsal lam du tshud nas brtan pa thob pa'o// bkrag shes mdangs gsal rig pa khong nas grol// skran dang nad kyang 'byang bar byed pa'i gdams pa 'di// rnal 'byor nyams su len pa 'ga' rnams la/ / bla ma dam pa'i rkyen du shar nas kyang// myur du gdams pa 'di dang phrad par shog/ ces gsungs so// 'jam dpal bshes gnyen rjes su yi rang ba'i le'u ste bcu gcig pa'o//// a ti rdzogs pa gsang ba spyi gcod kyi rgyud las/ nyams kyi gdams ngag lhug pa rin po che sgron me zhes bya ba a ti spyi rgyud de rdzogs so//// rgya gar skad du/ be hU te tsakra tan+t+ra/ bod skad du/ rtsod pa'i 'khor lo'i rgyud/ bcom ldan 'das ro langs bde ba la phyag 'tshal lo// rin po che rtsod pa sgra'i 'khor lo/ 'jam dpal bshes gnyen la bshad pa// gnas ni byang chub shing drung du/ / ston pa dga' rab rdo rje yis// 'khor ni paN+Di ta nyis brgya la// dus ni rtsod pa sgra yi dus// bstan pa d+ha he na'i 'du khang du// rtsod pa'i 'khor lo 'di bstan to// rtsod pa'i gzhi la gnyis su 'dus// gzhi yi don la rtsod pa dang/ / lam gyi chos la rtsod pa'o// rdzogs pa chen po'i rtsod pa 'di gzhi chos nyid thig le nyag gcig tu dam bca'// gtan tshigs ci yi phyir zhe na// gnyis snang med pa'i phyir zhes bya// gnyis su snang ba'i skyon gtong la/ / khyod rang la gnyis su snang ngam// nga yi grub mtha' la skyon gtong// nga la skyon gtong na// rig pas gtong ngam// tshad ma'i gzhal byas gtong// rig pas gtong na// chos nyid kyi rig pas gtong ngam/ / 'thad pa sgub pa'i rig pas gtong ngam// bya ba byed pa'i rig pas gtong ngam// ltos pa'i rig pas gtong// chos nyid kyi rig pas gtong zer na// chos dang chos nyid rig pa gsum du 'dod dam/ / gcig tu 'dod dam// zhes phar 'bri'i// rig pa'i rgyab gnon phar la bya'o// gsum du 'dod na// rig pa las chos byung ngam// chos las rig pa byung// nyid las rig pa dang chos byung// de gsum khyod rang yin nam logs pa yin/ / zhes 'dri ste/ gang yang khas mi len na// gong du ma bcas// swA hA/ chos las rig pa byung zer na rgya chad ba dang// yul las rig pa byung ba'i skyon// 'gal lo nyid las rig pa byung zer na/ / rgya chad pa'i skyon btang ngo// ci ste zer na/ nyid kyi go ba 'dri'o// nyid la rgyu rkyen yod nas byung ngam med na byung 'dri'o// rgyu rkyen yod na nyid ma yin pa'i skyon 'byung ngo// rgyu rkyen med na med nas 'byung na/ / nam mkha' la me gtong bar 'byung bar thal lo// ci ste gzhi med pa las 'byung ba'i phyir ro// de bas kyang 'di lta phar 'dri'o// rig pa khyod gnyis gcig nas gtan la 'bebs sam/ / mi gcig kyang gtan la 'bebs// gcig zer na rig pas rig pa gtan la 'bebs// 'bebs na thug med du thal lo// rig pas rang gtan la 'bebs na 'brel med du thal lo// gcig la 'bebs mkhan med par thal lo/

CLOSE WINDOW