/ // rin po che gser gyi rgya mdud ces bya ba/ rang bzhin lhun gyis grub pa'i sku/ dbyings kyi kun tu bzang po sangs rgyas 'od dpag tu med pa la phyag 'tshal lo// dpal rdo rje sems dpa' zhes bya ba/ rnam pa thams cad mkhyen pa'i ye shes dang ldan pa des// dbyings kyi kun tu bzang po zhes bya ba/ kun gzhi lhun gyis grub pa'i klong// chos nyid kyi nam mkha' chen po// chos kyi pho brang/ / baiDUr+Ya zhun ma dang phyogs mthun ba/ tsan dan dkar po'i dri dang// gu gul dkar po'i dri dang// dkar gsum reng bu'i dri dang// dri zhim po de rnams dang phyogs mthun pa'i dri zhim po sna tshogs kyis brgyan pa/ gser la g.yu yis spras pa dang phyogs mthun pa'i chos nyid dag pa'i gzhal yas khang chen po de na// dpal kun tu bzang po chos nyid mnyam pa'i ngang la bzhugs pa la// dpal rdo rje sems dpa' zhes bya ba des/ / mos pa chen po sngon du btang nas// sems can gyi nyon mongs pa gzhom pa'i phyir bskor ba byas brkyang phyag 'tshal te// mdun du bzhug nas 'di skad ces zhus so// kye kye gsang ba'i bdag po lags/ / sems can dmyal ba'i sdug bsngal ha la mi bzad pa// rmi lam lta bu 'khrul pa'i snang ba la// khams gsum 'khor ba'i sdug bsngal mi bzad pa// dngos med dngos su snang ba 'di// thugs rje spyan gyis gzigs su gsol/ / ces zhus nas yang brkyang phyag 'tshal lo// rin po che gser gyi rgya mdud las// gleng gzhi'i le'u ste dang po'o//// de'i tshe de'i dus su/ gsang ba'i bdag po chen po de/ chos nyid mnyam pa'i ngang las bzhengs nas/ chos kyi sku'i pho brang/ chos nyid dag pa'i gzhal yas khang de ru/ zhabs brkyang bskum gyi tshul du bzhugs/ thugs rje chos brtags kyi phyag rgya mdzad pa/ sku rin po che las kyang 'od zer bye ba khrag khrig/ phyogs bzhi mtshams brgyad/ steng 'og rnams su sras so// gsal ba lnga yi ge ye shes 'phang bstod do// sku gsal pa'i gzi brjid dang ldan par bzhugs so/ / yang de'i tshe de'i dus su/ dpal rdo rje 'dzin pa zhes bya ba des// byin gyis brlabs kyi thugs kyi sprul par mdzad nas/ gsang ba'i bdag po de mnyes par bya ba'i phyi/ rin po che khyad par can brjod pas mi lang ba dang/ me tog khyad par can dbyangs dang ldan pa dang/ kha dog shin tu mdzes pa rnams dang/ tsan dan dkar po la sogs pa dri zhim po sna tshogs pa dang// chos nyid rang snang don gyi me long du/ thugs kyi byin brlabs chen po mdzad nas/ mchod pa khyad par can brjod pas mi lang ba dang/ thugs kyi sprul pa rnams kyis mdzad// bskor ba brjod kyis mi lang ba yang mdzod/ rkyang phyag btsal/ zhabs spyi bor blangs nas 'di skad zhus so/ / kye kye gsang ba'i bdag po lags// khams gsum 'khor ba'i sdug bsngal mi bzad pa/ gang las byung zhing ji ltar 'khrul ba lags// sangs rgyas che ba'i yon tan thams cad ma 'gags pa/ ji ltar byung zhing gang ltar 'khrul ba las/ mya ngan 'das pa'i byin brlabs 'gag med brjod pas mi lang bas/ gang las byung zhing ji ltar 'char ba lags/ gsang ba'i bdag pos bstan du gsol/ / zhes zhus so// 'khor 'das kyi gleng bslang ba'i le'u ste gnyis pa'o//// yang de'i tshe de'i dus na/ gsang ba'i bdag po des/ gsal ba rnam pa lnga'i 'phang bstod do// dpal rdo rje 'dzin pas zhus pa ltar gzigs nas/ gzigs stangs rnam pa gsum byung ste/ de yang gsum gang zhe na/ sems can gyi sdug bsngal la gzigs pa dang gcig/ sangs rgyas kyi che ba'i yon tan la gzigs pa dang gnyis/ mya ngan las 'das pa'i sku mnyam pa la bzhugs pa gzigs pa dang gsum/ de'i tshe de'i dus na/ gsang ba'i bdag po dpal kun tu bzang po de yis/ khams gsum 'khor ba'i sems can rnams la/ thugs rje'i spyan gyis gzigs nas// sdud pa'i gsang bdag rdo rje 'dzin pa la// gsang ba bas kyang che gsang ba'i rgyud 'di gsungs te/ rgyud gang zhe na/ rgya gar skad du/ A r+ya rad na rdo rje'i tan tra nA ma thig le/ bod skad du/ 'phags pa rin po che gser gyi rgya mdud ces bya ba/ rgyud thams cad kyi snying po/ man ngag thams cad kyi nyid khu/ lung thams cad kyi mdo mdud/ dgongs pa khyad par can kun tu bzang po'i dgongs pa/ sdud pa po khyad par can dpal rdo rje sems dpas bsdus pa/ sgrogs pa khyad par can slob dpon chen po dga' rab rdo rjes bsgrags pa/ gnas khyad par can byang chub kyi shing drung du/ nyan pa po khyad par can mkhas pa nyi shu rtsa gcig dang// bod kyi dge slong chen po/ brgyud pa khyad par can mnga' bdag khri slong lde btsan la brgyud nas 'phrin las khyad par can/ sku dang ye shes spyod pa'i spyod pa khyad par can/ shes rab lam du khyer ba sgom pa khyad par can/ ma bslad pa'i bzhag thabs/ lta ba khyad par can ting gsal la chen po ston pa/ man ngag khyad par can rtogs pa skad cig ma'i ye shes ston pa/ 'bras bu khyad par can rdo rje 'chang drug ston pa// yon tan khyad par can ma 'dres yongs su rdzogs par ston pa/ sa khyad par can gom pa gcig gis sa non pa// sku khyad par can sku gsum dbyer med par ston pa/ theg pa khyad par can tshegs chung la don che ba/ mtshan ma rang sar grol ba'i man ngag 'di/ de'i tshe de'i dus na/ gsang ba'i bdag po chen po des/ dpal rdo rje sems dpa' la gsungs so/ / rin po che gser gyi rgya mdud kyi mtshan bstan pa'i le'u ste gsum pa'o//// dpal bde ba chen po lhun gyis grub pa'i sku// dbyings kyi kun tu bzang po la phyag 'tshal lo/ / kye dpal rdo rje 'dzin pa khyod nyon cig/ rin po che gser gyi rgya mdud 'di la/ bka' chen gsum dang don gyi rkang grangs dgu/ rkang grangs dgu la theg pa'i nges 'byung gsum// gsum 'dus gcig po spros pa'i mtha' dang bral/ / ces gsungs so// yang dpal rdo rje 'dzin pas zhus pa/ kye kye gsang ba'i bdag po lags// bka' chen gsum gyi ngo bo dbye ba bstan du gsol/ zhes gsungs so// gsang ba'i bdag pos gsungs pa/ dpal rdo rje 'dzin pa nyon cig/ bka' chen gsum gyi ngo bo dbye ba bstan pa ni/ rgyud kyi bka' dang lung go bka'// man ngag bka' dang gsum du bstan pa'o// rgyud kyi nges pa ma hA yo gas bstan/ / lung gi nges pa a nu yo gas bstan// man ngag gi nges pa a ti yo gas bstan// rgyud lung man ngag gsum la theg pa gsum ston te// sprul pa'i sku'i theg pa dang/ longs spyod rdzogs pa sku'i theg pa dang/ chos kyi sku'i theg pa'o// sprul sku shan dbye ba ma hA yo gas bstan// longs spyod rdzogs pa'i sku la ngo sprad a nu yo gas bstan// chos kyi sku la la bzla a ti yo gas bstan/ gsum 'dus gcig pa brjod las 'das pa ni/ / chos nyid bya ba thongs pas spros pa'i mtha' dang bral// thams cad mnyam pa'i dkyil 'khor bde ba'i ngang la bzhugs// rang rig rag la gsal bas chad pa'i mtha' dang bral// reg bya'i thogs pa med pas dngos po'i mtha' dang bral/ / gsal bya gsal byed med pas yid kyi 'gyu ba chad// ngo bo stong par 'dug pas yon tan kun dang ldan// byin brlabs 'gag med 'char bas nyi ma'i snying po 'dra/ / gnyis med ngang la gnas na don gyi lta ba'o// zhes gsungs so// bka' chen gsum bstan pa'i le'u ste bzhi pa'o//// yang dpal rdo rje 'dzin pas zhus pa// kye kye gsang ba'i bdag po lags/ / bka' chen gsum la rkang grangs dgus ston pa// rkang grangs dgu yi dbye ba bstan du gsol// zhes zhus so// gsang ba'i bdag pos gsungs pa// dpal rdo rje 'dzin pa nyon cig/ chos nyid gsal ba'i me long du/ / ye shes gsal bas 'phangs bstod nas// gsang ba'i bdag pos phar bltas pas// mthong stangs rnam pa gsum yin te// de yang gsum gang zhe na// khams gsum 'khor ba'i sug bsngal mthong ba dang/ / sangs rgyas che ba'i yon tan mthong ba dang// myang 'das 'gyur ba med pa mthong ba'o// mthong lugs gsum la rgyud lung man ngag gsum du bstan// rgyud lung man ngag gsum la don gyi rkang grangs dgu/ / de yang dgu gang zhe na// rgyud kyis rgyud du bstan pa dang// rgyud kyi lung du bstan pa dang// rgyud kyi man ngag tu bstan pa'o// yang lung la rnam pa gsum yod de// gsum gang zhe na/ / lung gi rgyud du bstan pa dang// lung gi lung du bstan pa dang// lung gi man ngag tu bstan pa'o// yang man ngag la yang rnam pa gsum ste// de yang gsum gang zhe na// man ngag rgyud du bstan pa dang// man ngag lung du bstan pa dang/ / man ngag gis man ngag tu bstan pa'o// rdo rje 'dzin pa khyod nyon cig/ rgyud gsum ma hA yo ga ste// lung gsum a nu yo ga yin// man ngag gsum ni a ti yo ga'o// rgyud lung man ngag gsum gyis mtshan nyid ma rtogs na/ / dper na ljongs pa nam mkha' snyeg pa 'dra// sku dang ye shes chod pa shin tu dka' 'o zhes gsungs so// don gyi rkang grangs phye ba'i le'u ste lnga pa'o// yang dpal rdo rje 'dzin pas zhus pa/ / kye kye gsang ba'i bdag po lags// khams gsum 'khor ba'i sdug bsngal mi zad pa// gang gis byas nas ji ltar 'khrul pa lags// sku gsum ngo bo ji ltar lags pa dang// theg pa gsum po ji ltar 'byor ba lags/ / zhes zhus so// gsang ba'i bdag pos gsungs pa// kye kye rdo rje 'dzin pa khyod nyon cig/ khams gsum 'khor ba'i sdug bsngal ji ltar gang gis 'khrul pa dang// sku gsum ngo bo theg pa'i sbyor lugs bstan pa ni/ / sku gsum dbyer med rang gi ngo bo rig pa la// spyi dang rang gi mtshan nyid ma phyed pas// stong pa nyid la stong pas bltas// 'gag med ma 'gags dbyer med so sor brtags/ / btags pa'i bag chags mthu brtas nas// 'khor lo gsum du yid g.yos yid kyi rtsal shugs kyis// sku gsum sangs rgyas zhing khams sprul pa'o// sku gsum ngo bo thag pa'i sbyar thabs ni// sprul pa'i sku las chos sku logs na med/ / sku gsum ngo bo sprul pa'i sku la tshang// longs spyod rdzogs pa'i sku la sku gsum ngo bo tshang// chos kyi sku la sku gsum ngo bo tshang// 'khor 'das spyi yi ngo bo mi gcig kyang/ / rang rang chos kyi sku yi ngo bo la// sku gsum dus gsum gcig ste 'du 'bral med// 'khrul ba'i shes pas mig gi rab rib mtshungs// dper na mtshon pa'i dpe yi nam mkha' la// zla ba gcig las med de rab rib mig gis gnyis su mthong/ / 'khrul pas zin na brtags pas slar la gsum du mthong// gsum du mthong kyang don gyi snang ba gcig/ de bzhin sku gsum ngo bo yang// blo chung shes rab dman pa la/ / 'khrul pas sku gsum tha dad du snang kyang// rgyud lung 'di'i sgom zhugs gang zag dam pa la// rang gi sku gsum dbyer med ngo bo gcig pa'o// theg pa gsum gyi sbyor lugs bstan pa ni// rgyud gsum sprul pa'i sku la sbyar ba dang/ / lung gsum longs spyod rdzogs pa'i sku la sbyar ba dang// man ngag gsum ni chos kyi sku la sbyor ba'o// rgyud gsum sprul pa'i sku la ma sbyar na// sems can rgya chad phyogs cha can du 'gro/ / lung gsum longs spyod rdzogs pa'i sku la ma sbyar na// sangs rgyas ngo bo mi rnyed che ba'i yon tan stor// man ngag chos kyi sku la ma sbyar na// sku dang ye shes mi rtogs chos nyid rnyed pa dka' ba'o/ / zhes gsungs so// sku gsum theg pa gsum la sbyar ba'i le'u ste drug pa'o//// yang dpal rdo rje 'dzin pas zhus pa/ kye kye gsang ba'i bdag po lags// chos spyi dang rang gi mtshan nyid dang/ / sprul pa'i sku yi ngo bo la// rgyud kyi mtshan nyid ji ltar sbyar ba lag sa// zhes zhus so// gsang ba'i bdag pos gsungs pa// kye rdo rje 'dzin pa khyod nyon cig/ chos spyi dang rang gi mtshan nyid bstan pa ni/ / spyi dang khyad par la rnam pa gsum yod/ khyad par spyi dang gcig/ spyi'i khyad par gnyis/ khyad par gyi khyad par chen po dang gsum mo// de la khyad par gyi spyi ni chos nyid kyi nam mkha' chen po'o// spyi'i khyad par ni rang bzhin lhun gyis grub pa'i sku'o/ / khyad par gyi khyad par chen po ni// rtogs pa mngon du gyur pa'i sangs rgyas so// sprul pa'i sku la rgyud gsum sbyar ba'i bstan pa ni// nang gi rgyud a nu yo gas bstan pa dang/ phyi'i rgyud ma hA gsang ba'i a ti yo gas bstan pa'o// rgyud gsum po sprul pa'i sku la ji ltar sbyor zhe na// 'gro drug gi sprul pa'i sku la/ rgyud rnam pa gsum du ston te/ de yang gsum gang zhe na// phyi'i rgyud/ nang gi rgyud/ gsang ba'i rgyud gsum mo// yang phyi'i rgyud la rnam pa gsum ste// de yang gsum gang zhe na// sku'i rgyud/ gsung gi rgyud// yon tan gyi rgyud dang gsum mo// yang nang gi rgyud la rnam pa gsum/ / de yang gsum gang zhe na// gsung gi rgyud/ rtsa ba'i rgyud/ thig le'i rgyud dang gsum mo// yang gsang ba'i rgyud la rnam gsum ste// de yang gsum gang zhe na// sku dang ye shes kyi rgyud/ / gsal ba rnam pa lnga'i rgyud// yang dag pa'i 'phrin las kyi rgyud dang gsum mo// rgyud kyi dbye ba ma shes shing// mtshan ma rang sar ma khrol na// yang dag don dang 'jal ba dka'// zhes gsungs so/ / rgyud kyi dbye ba bstan pa'i le'u ste bdun pa'o//// yang dpal rdo rje 'dzin pas zhus pa// kye kye gsang ba'i bdag po lags// phyi yi rgyud gsum phra rags ji ltar lags// zhes zhus so// gsang ba'i bdag pos gsungs ba/ / dpal rdo rje 'dzin pa non cig/ phyi yi rgyud gsum phra rags bstan pa ni// phyi yi rgyud gsum gzhi ma chos nyid nam mkha' yin// gzhi yi lhun grub rol pa 'gag med de// snang srid 'khor 'das kun gyi gzhi ma yin/ / thog ma med pa'i dus nyid na// chos nyid nam mkha'i klong chen yangs pa na// rgyud rnams kun gyi ngo bo bzhugs pa ni// khyab brdal rgya ma chad du bzhugs pa la// stong pa rten med rlung gi g.yo 'gul gyis/ / gzhi dang 'bras bu sku yi ngo bo 'byung// gnas pa gsum gyis rtsal gsum sku la rdzogs// rtsal gsum lus la rdzogs pas 'ja' tshon sku// sku yi ngo bo de la gnas pa lnga byung ste/ / gsal ba lnga ru byung yang rang gsal rtog pa med// gsal la rtog med mnyam par bzhugs pa la// sku yi ngo bo de la gnas lugs rnam gsum byung// thog ma gnas pa rang gsal rtog pa med// rang gsal rtog med 'gyur ba med pa la/ / stong pa rtog med ye shes rlung gis g.yo 'gul byung// rlung gi yo 'gul de yis rkyen byas nas// ye shes chen pa'i rtsal shugs phra rab zer tsam g.yo// zer gyi g.yo 'gul lnga phyi phyi mar rags/ / rags pa'i dbang gis yid kyis 'gyub byung// 'gyu ba byung yang ming 'dogs ma nus thol gang ba// de ni yid du 'ong ba'i gnas lugs so// yang ye shes chen po'i rtsal shugs 'khor lo gsum g.yos pas/ / kun tu tshol ba'i yid dang gtan la 'bebs pa'i yid// nges par 'jog pa'i yid dang gsum po la// yid kyi ming 'dogs sems kyi snyam byed byung ba la// de ni sems su byung ba'i gnas lugs so/ / rang gsal yid dang sems kyi phra rags kyis// sku yi yon tan gting gsal chen por byung ba la// gting gsal de yi yon tan kha dog lnga ru shar// ye shes de yi yon tan sems nyid rno la gcod/ / 'gag med ma 'gags dbyer med yon tan de// yon tan chen po rang gis rang ma rig/ chos kyi sku la 'gyur ba med bzhin du// ma rig mun pa chen pos sdun bsu nas// khams gsum phra rags 'grims nas 'dod pa'i khams su 'khrul/ / 'dod pa'i khams su 'khrul kyang sku la chags grum med// 'dod pa'i khams su 'khrul kyang gsung la 'gag 'grib med// 'dod pa'i khams su 'khrul kyang thugs la skye shi med/ / 'dod pa'i khams su khrul kyang zhing khams stor ba med// chos kyi sku yi yon tan brjod pas mi lang ste// gti mug mun pa'i gling na rang nyid rang la gsang// rang gsang thabs kyis chod pas gti mug mun pa 'di/ / dpal rdau rje 'dzin pa khyod kyis khrol// ces gsungs so// phyi rgyud kyi yon tan gyi le'u ste brgyad pa'o//// yang dpal rdo rje 'dzin pas zhus pas// kye kye gsang ba'i bdag po lags/ / phyi rgyud yul gyi phra rags bstan du gsol// ces zhus so// gsang ba'i bdag pos gsungs pa// dpal rdo rje 'dzin pa nyon cig/ phyi rgyud yul gyi mtshan nyid brtan pa ni// sku dang ye shes gnyis med chen po de/ / gnyis med ngang la gnas na gzhi yi mtshan nyid yin// gnyis med rtog pa langs na sems can mtshan nyid yin// gnyis med mngon du gyur na 'bras bu chen po yin// sku dang ye shes gnyis med de/ / ma rtogs rang la gsang na 'khrul pa'i gzhi yang yin// sku dang ye shes gnyis med la// ming med ming du btags na 'khrul ba'i gzhi yang yin// ming gi bag chags brtas pa 'khrul ba'i 'bras bu yin/ / sku dang ye shes gnyis med la// 'gag med ma 'gags gnyis med kyis// snang tshul tha dad rang bzhin gcig pa la// 'gag med ming gi bye brag tha dad btags// de yang ji ltar btags pa ni// sku yi yon tan kha dog rnam lnga la/ / ye shes rtsal gyi 'khor lo gsum g.yos pas// 'khor lo gsum rtsol shugs ming gi bye brag lnga// de yang lnga gang zhe na// gsal dang mi g.yo rgya ma chad// mi 'gyur g.yo 'gul lta bur btags/ / g.yo 'gul de yi rtsal shugs kyis// dang po ci yin mno ba'i yid// rab tu yin min lta bu'i yid// tha ma yin gdeng yid du skyes pa'o// yang dang po ci yin yid la rnam pa gsum ste// de yang gsum gang zhe na/ / sku la ci yin skyes pa dang// yul la ci yin skyes pa dang// gsung la ci yin skyes pa'o// yang yin min yid la rnam gsum ste// de yang gsum gang zhe na// sku la yin min ming du lta ba dang/ / yul la yin min lta ba dang// gsung la yin min ming du lta ba'o// yang yin gdeng yid la rnam pa gsum// de yang gsum nga zhe na// sku la ming med ming du btagags pa la// ming la yin gdeng yid du skyes pa dang/ / yul la ming med ming du btags pa la// ming la yin gdeng yid du skyes pa dang// gsung la ming med ming du btags pa la// ming la yin gdeng yid du skyes pa'o// ming med ming du btags pas ming gi bag chags brtas/ / ming gi bag chags mthu brtas pas// dngos med dngos su snang ba ste// de yang ji ltar snang ba ni// sku'i yon tan dkyil 'khor chen po la// kha dog lnga yi ming btags ming du 'khrul/ / ming du 'khrul nas dang po ming la spyod// yang ye shes rtsal gyi 'khor lo gsum g.yos pas// yid kyi rang bzhin g.yo 'gul bzhag sa med pa yis// dkyil 'khor chen po de la ming med ming du btags/ / de yang ji ltar btags pa ni// dkar po dang ni sngon po dang// dmar po dang ni ser bo dang/ ljang ku'i ming dang kha dog lnga ru 'khrul// kha dog lnga la spyod cing de la 'khrul pa'o// yang ye shes rtsal gyi 'khor lo gsum g.yos pas/ / 'gyu ba rten med lnga 'khrul ma myong ste// rten med yid kyi bag chags cher brtas te// dkyil 'khor chen po gsal la dwangs pa la// dkar po shar la sngon po lho ru btags/ / dmar po nub la ser po byang du btags// ljang ku steng 'og phyogs mtshams bzhi yi ming btags pas// ming gi bag chags mthu brtas nas// de la gnas shing de la spyod pa'o// yang ye shes rtsal gyi 'khor lo gsum g.yos pas rtsal gyi bags chags cher rtas nas/ / skye mched mu bzhi'i gnas su 'khrul// mu bzhi'i gnas na gnas tsam na// ming gi bag chags cher brtas nas// ming gi mun pas sangs rgyas zhing khams 'gribs/ / dbang po lnga yi yul du da rung ma gyur pas// chos nyid nyan shad med pas don dang 'jal ba dga'// gzugs med khams kyis sku'i ngo bo med pas thub pa'i gsung mi thos// yid kyi spyod pa phra rags spyod cing rtog pa tha mar brdal/ / yid kyi rang bzhin gzugs brnyan rang gi rang la sku// gzugs med 'dod pa ches pas gzugs med khams// gzugs med khams kyi phyi yi snang ba ni// tha dad ma yin gnas rigs bzhi/ / gzugs med yid la spyod cing de la gnas pa'o// yang ye shes rtsal gyi 'khor lo gsum g.yos pas// yid kyi ming 'dogs bag chags cher rtas te// gzugs khams 'od dang chas par 'khrul gzugs khams na yang lha rigs drug tu gnas/ / tshad med dang ni dge rgyas dang// 'thab bral 'od kyi phung po dang// rgyal chen rigs bzhi sum cu rtsa gsum lha// thag bzangs rigs dang drug tu 'khrul/ / gzugs khams na gnas rigs bco brgyad de don la cig/ gzugs khams gnas rigs bco brgyad na// mi mthun khyad par bsod nams che chung yod// che chung ji ltar gnas pa ni// rgyal chen rigs bzhi yan chod phyi yi snang ba gcig/ dper na gser la g.yus spras dngos mtshan med// sum cu rtsa gsum gnas na phyi yi snang ba gcig/ de yang ji ltar gcig pa ni/ ye shes rtsal gyi 'khor lo gsum g.yos pas/ / yid kyi ming 'dogs bag chags cher rtas nas// kha dog lnga la ming btags dngos por smin// de yang ji ltar smin pa ni// dkar po dngul la sngon po lcags// dmar po zangs la ser po gser/ / sngon po baiDUr+Ya ru 'khrul// rin chen sna lngar 'khrul bas de la gnas shing spyod pa'o// yang thag bzang rigs kyi phyi yi snang ba ni// ri rab khong seng dpag bsam ljon pa'i shing// shin tu dri zhim rin chen gser gyi sa gzhi'o/ / yang ye shes rtsal gyis 'khor lo gsum g.yos pas// yid kyi ming 'dogs bag chags cher g.yos nas// 'dod khams gnas rigs nyi shu'i gnas su 'khrul// de yang ji ltar 'khrul zhe na/ / kha dog lnga la ming btags ming smin pas// ming gi bag chags brtas pas dngos med dngos su snang// de yang ji ltar snang ba ni// dkar po nam mkha' sngon po chu ru sna// dmar po me la ser pos ru snang/ / ljang ku rlung du btags pas 'degs shing g.yo ba de// 'byung ba lnga ru 'khrul nas lnga ru spyod pa'o// phyi rgyud yul gyi snang ba bstan pa'i le'u ste dgu pa'o// mang dpal rdo rje 'dzin pas zhus pa/ kye kye gsang ba'i bdag po lags/ / phyi yi 'khrul tshul ji ltar 'khrul ba lags/ gsang ba'i bdag pos bstan du gsol// gsang ba'i bdag pos gsungs pa dpal rdo rje 'dzin pa khyod nyon cig/ sku yi 'khrul tshul bstan pa ni/ / thog ma med pa'i dus nyid na// sangs rgyas sems can ming med de// rang byung sku yi ngo bo byung ba'i tshe// rang gsal rtog pa med pa la// che ba lnga yi yon tan rang byung tshang bar byung// che lnga tshang ba'i sku yi ngo bo la/ / 'gyu ba rten med ye shes rlung g.yos pas// g.yos pa de yi rtsal du yid kyi thol gang byung// thol gang ming med chu bur 'bur ba 'dra// thol gang ming med skad cig gang 'gyur te/ / grangs kyi snga phyi gnyis med gcig tu byung// gcig po de la yin men lta ba rnam gsum ste// dang po ci yin lta ba dang// bar du yin min lta ba dang// gzhug tu yin gdeng lta ba'o// de yang ji ltar bltas pa ni/ / yid bzhin sku yi ngo bo la// nang med nang na ye shes lnga ru gnas// ye shes lnga yi che ba'i yon tan la// ming med ming du btags pas ming gi bag chags brtas// de yang ji ltar brtas pa ni// ye shes rtsal gyi 'khor lo gsum g.yos pas/ / ye shes lnga yi ngo bo gsal ba la// yid kyi ming brtags ming gi bag chags brtas// me long lta bu'i ye shes la// gsal byed mgo ru btags pas yan lag mgo ru 'khrul/ / mnyam pa nyid kyi ye shes gsal ba la// mnyam pa'i lus su btags nas yan lag lus su 'khrul// so sor rtog pa'i ye shes gsal ba la// rgya ma chad du btags nas yan lag lag par 'khrul/ / bya ba grub pa'i ye shes 'gyur ba med pa la// 'gyur med mtshan mar btags nas srid pa'i mtshan mar 'khrul// dbyings stong pa'i ye shes gsal zhing yangs pa la// yangs zhing 'degs par btags pas 'degs pa rkang par 'khrul ba'o/ / kye dpal rdo rje 'dzin pa nyon cig/ sku dang ye shes gnyis med// gnas pa'i dus su gnas pa'i gzhi yang yin// 'khrul pa'i dus su 'khrul pa'i gzhi yang yin/ / rang nyid rangs spyod 'khrul ba ldog pa'i gzhi yang yin// rang nyid rang la bltam na rtog pa'i gzhi yang yin// sku dang ye shes chod nas 'bras bu mngon du gyur// rang gis rang bzhin mi rtogs blo yis bslad gyur na/ / gsal ba lnga yi yon tan ye shes rnam lnga la// snga bzhi btags pas dbang po lnga yang 'khrul// de yang ji ltar 'khrul ba ni// me long lta bu'i ye shes gsal ba la// gsal byed ming du btags pas dbang po mig tu 'khrul/ / mnyam pa nyid kyi ye shes gsal ba la// nyan byed rna ba btags pas rna ba'i dbang por 'khrul// so sor rtog pa'i ye shes sna yi dbang por 'khrul// bya ba grub pa'i ye shes lce yi dbang por 'khrul/ / dbyings stong pa'i ye shes lus kyi dbang por 'khrul ba'o// yang don snying lnga yi 'khrul tshul bstan pa ni// gsal ba dag pa snying du 'khrul// g.yo med dag pa glo bar 'khrul// rgya ma chad pa mchin par 'khrul/ / mi 'gyur ba las mcher par 'khrul// g.yo zhing 'gul ba mkhal mar 'khrul pa'o// yang gsal mi g.yo rgya ma chad// 'khrul ba kun gyi gzhi yin te// de'ang ji ltar yin pa ni/ / gsal ba dag las pho sul gnyis su 'khrul// mi g.yo ba las long brod gnyis su ni// rgya ma chad las rgyu ma'i ming du 'khrul// mi 'gyur ba las gnye ma'i ming du 'khrul// g.yo zhing 'gul ba sgang pa'i ming du 'khrul pa'o/ / yang gsal dang mi g.yo rgya ma chad// mi 'gyur g.yo zhing 'gul ba de// 'khrul pa kun gyi gzhi yin// de yang ji ltar yin pa ni// gsal ba lnga las nad lngar 'khrul// gting gsal chen po g.yas g.yon med par gsal ba la/ / gsal ba de las rlung gi nad du 'khrul// mi g.yo ba las bad kan nad du 'khrul// rgya ma chad las khrag gi nad du 'khrul// mi 'gyur ba las mkhris pa'i nad du 'khrul/ / mi 'gyur g.yo 'gul lta bu la// nad kyi bye brag 'dus pa'i nad du 'gyur// mi 'gyur g.yo 'gul lta bu de// che ba'i yon tan yin te don gyi snang ba cig/ de yang ji ltar cig pa ni// ye shes rtsal gyi 'khor lo gsum g.yos pas/ / gsum du g.yos kyang gcod lugs gnyis las med// gsal ba lnga las ming btags thu la g.yos pa'i tshe// yid kyi rnam rtog 'khrul pa'i lam yin no// lam gyi bag chags cher brtas ming la zhen pa ni/ / 'khrul pa'i 'bras bu dngos por smin pa'o// gsal ba lnga yi yon tan ye nas rgyas pa la// rgyud chen 'di yi sgor zhugs nas// 'khor lo gsum du yid g.yos don la g.yo ba ni/ / 'khrul ba ldog pa'i lam yin don dang 'jal bar nges// de yang ji ltar 'jal ba ni// gsal dang mi g.yo rgya ma chad// mi 'gyur 'gag pa med pa de// g.yo ba med na gzhi yi gnas lugs te/ / g.yo 'gul ming du btags na 'khrul ba'i lam// dngos po kun gyi bag chags dngos por smin pa de// rang sar khrol na 'bras bu chen po yin// rang sar khrol ba'i skyes bu chen po la// bsgom bya sgom byed gnyis med de/ / shes rab lam du khyer ba ni// rdo rje sems dpa' nyid dang mtshungs// gsal gdang dang la 'jog pa ni// kun tu bzang po nyid dang mtshungs// sangs rgyas che ba'i yon tan ni// nam mkha' bzhin du kun la khyab/ / kun la khyab kyang rang gsang thabs kyis chod// rang nyid rang la gsang ba'i mun pa 'di// rdo rje 'dzin pa khyod kyis sol// sprul pa sku'i phyi'i rgyud gsum// snang tshung tha dad don gyi ngo bo gcig/ ri'i mtho dman lung pa'i yangs dog/ rtsi shing nags tshal g.yang sa dang// rin chen sna lnga ri rab khong seng dang// bye tshan mo dang me mar mo// gling bzhi mun pa'i dkyil 'khor dang// shan ma ri dang spu gri so/ / tsha grangs la sogs ro myags 'dam la sogs// rtag pa ther zug don gyi snang ba min// smig sgyu'i cha rnams rab rib mig dang mtshungs// sku'i 'khrul pa'i snang ba ni// gzugs khams 'od dang chas ba dang/ / legs pa dang ni ma legs pa// phrad pa dang ni zlum pa dang// ring ba dang ni thung ba dang// rkang mangs dang ni rkang nyung dang// gnam la 'phur ba sa la 'dzul ba rnams// yang dag don gyi sku ma yin/ / 'gyur med don gyi ngo bo med// smig sgyu'i chu dang rab rib mig dang mtshungs// 'khrul snang mi bden don gyi snang ba 'gyur ba med// 'khrul snang mi bden sku la 'gyur ba med// 'khrul snang mi bden gsung la 'gag 'grib med/ / 'dod pa'i khams su ji ltar 'khor mod kyang// 'gyur med rgyan dang ldan pas na// yon tan rgya ma chad pa'i rgyud du bsten pa'o// phyi rgyud 'khrul snang sku dang sbyar ba'i le'u ste bcu pa'o/ /// dpal rdo rje 'dzin pas zhus pa// kye kye gsang ba'i bdag po lags// sprul pa'i sku yi ngo bo yi// nang rgyud 'khrul snang ji ltar lags// zhes zhus so// gsang ba'i bdag pos bka' stsal pa/ / dpal rdo rje 'dzin pa khyod nyon cig/ nang rgyud gsum gyi 'khrul tshul bstan pa ni// sku dang ye shes gnyis med chen po de// nang rgyud 'khrul pa'i gzhi yang yin// de yang ji ltar yin pa ni// gsal ba lnga yi yon tan rang la gnas pa la/ / 'khor la gsum du yid g.yos yid kyi rtsal shugs kyis// gsal ba lnga la ming btags ming gi bag chags brtas// de yang ji ltar btags pa ni// gsal ba'i rtsa dang mi g.yo ba yi rtsa/ / rgya ma chad kyi rtsa dang mi 'gyur rtsa// ma 'gags g.yo zhing ldog pa'i rtsa dang lngar btags pa'o// yang rtsa'i don la gnas lugs rnam lnga ste// de yang lnga gang zhe na// gsal ba'i rtsa ni spyi bo'i btsug na gnas/ / g.yo ba med pa'i rtsa ni snying gi dkyil na gnas// rgya ma chad kyi rtsa ni lte ba'i dkyil na gnas// mi 'gyur ba'i rtsa ni mtshan ma'i dkyil na gnas// g.yo zhing 'degs pa'i rtsa ni rkang pa'i dkyil na gnas/ / rtsa yi gnas lugs mdor bsdus rnam lnga la// 'khor lo gsum du yid g.yos yid kyi rtsal shugs kyis// rang gi rnam rtog g.yo zhing 'gul ba la// rtog pa skad cig rtsa grangs ming du btags/ / de yang ji ltar btags pa ni// nyi khri chig stong ming btags dngos por smin// rtsa yi yan lag brjod pas mi lang kyang// rtsa yi ming rnams mi bden rtsa rnams rang sar grol// rtsa rnams rang sar ji ltar dgrol ba ni/ / rtsa yi gnas lugs mdor bsdus rnam lnga'o// gsal ba'i rtsa ni gting gsal chen por grol// mi g.yo ba'i rtsa ni gsal ba'i ngang la gnas// rgya chad med pa'i rtsa ni thams cad dbyer med gnas lugs cig/ 'gyur ba med pa'i rtsa ni gnyis med 'bras bu che// g.yo zhing 'dogs pa'i rtsa ni ma 'gags yon tan che// rtsa yi rtsa ba che ba lnga ru 'dus// che ba lnga ni sangs rgyas kun gyi mtshan// che ba lnga yi don rtogs lnga la gnas gyur na/ / de ltar gnas na sangs rgyas kun gyi rje btsan yin// skyes bu'i gang zag blo dang rtsal ldan na// rtsa ba'i ming med rtsa ba'i ngang la zhog/ gsal ba'i ming med gsal ba'i ming yang blo yin pas/ / ming med gsal ba'i ming du myang 'das chen po'i sku// yang rdo rje 'dzin pa nyon cig/ yang dag don gyi 'bras bu ni// rtsa la sbyangs bas thob par mi 'gyur te// gting bsal chen po don rtogs 'gyur ba med pa la/ / bde stong gnyis med lam gyi phyag rgyar che// rtsa la 'byongs na nad kyi zug rngu choms// gtum mo lus la spar na grang ba'i sdug bsngal zhi// bde ba lus la rgyas na sdug bsngal zhen pa ldog/ thig le 'bebs 'dril bde ba'i mtha' rgyas na// khams kyi zas la ma brten lus kyi gzi mdangs rgyas// bde stong dbyer med rlung gis 'degs shes na// rkyen gyi sdug bsngal mi 'byung tshe yi dngos grub thob/ / dper na nyi ma'i snying po bzhin// me chu'i bskal pa dar ba'i tshe// 'gyur med mkha' la nyi zla bzhin du gnas// rtog pa ma bskyed nang nas shin tu gsal bar 'char// shes rab nang nas shar ba'i tshe/ / skad cig ma yis rdo rje 'dzin pa'i sa// rtsa yi 'dzin med bde ba'i chags med na// phung po lhag med mnyam pa chen po'i ngang// de yi phyi na rtsa dang thig le sbyar ba'o// nang rgyud rtsa'i gnas lugs bstan pa'i le'u ste bcu gcig pa'o/ /// yang dpal rdo rje 'dzin pas zhus pa// kye kye gsang ba'i bdag po lags// rtsa yi gnas lugs ji ltar gnas pa dang// gtum mo ji ltar spor ba dang/ / rlung gi gzhug lugs ji ltar bzhugs pa dang// thig le'i 'bebs 'dril ji ltar bgyid pa lags// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ ces pa rtsa yi gnas lugs ni/ / spyi bo'i gtsug na bde ba mi 'gyur ba'i rtsa// snying gi dkyil na g.yo med mnyam pa chen po rtsa// lte ba'i dkyil na rgya chad phyogs lhung med pa'i rtsa// mtshan ma'i dbyings na 'gyur med bde ba g.yo ba'i rtsa/ / rkang pa'i mthil na 'degs byed kun la khyab pa'i rtsa// rtsa lnga'i dbyings na thig le'i 'khor lo lnga gnas te// de yang ji ltar gnas pa ni// bde ba chen po 'khor lo spyi bo'i rtsa la gnas/ / longs spyod chen po'i 'khor lo'i tsit+ta'i rtsa la gnas// sprul pa chen po'i 'khor lo lte ba'i rtsa la gnas// sku gsum 'gyur med rtsa ni mtshan ma'i rtsa la gnas// sku gsum yon tan rtsa ni rkang pa'i mthil na gnas/ / 'khor lo lnga yi mtshan ldan don la sbyar ba ni// spyi bo bde ba chen po'i 'khor lo ni// sku la 'gyur med thig le chen por gnas// snying kha chos kyi 'khor lo longs spyod rdzogs pa na// thig le 'gyur med 'phrin las don dang ldan/ / lte ba sprul pa'i 'khor lo na// thams cad bskyed pa'i 'khor lo yum gyi mchog/ mtshan ma 'gyur med bde ba'i 'khor lo na// thig le 'bebs 'dril bde ba chen pa'i mchog/ 'degs byed rlung gi 'khor lo na// bskyod pa'i thig le gtum mo me ru 'bar// de yang ji ltar 'bar ba ni// rdo rje 'dzin pa khyod nyon cig/ sku dang ye shes gnyis med de// yig 'bru'i rgyu las bskyed pa ma yin te/ / phung po lhag med don dang sprad pa'i phyir// shes rab thabs la 'gags med don dang mi 'gal bas// thig le 'bebs 'dril gtum mo me ltar spar// bde stong dbyer med snang ba'i zhen pa bzlog/ rgyu rkyen tshigs las 'das par lta ba'i rgyab shad bcad// gnyis med dang la gnas pas sangs rgyas kun gyi rje// mtshan ma rang sar grol bas 'bras bu bla na med// ma 'dres yongs su rdzogs pas yon tan bla na med/ / gnyis med rdo rje 'chang dang mjal ba'o// thig le'i gnas bstan pa'i le'u ste bcu gnyis pa'o//// yang dpal rdo rje 'dzin pas zhus pa/ kye kye gsang ba'i bdag po lags// rlung gis ji ltar 'deg cing gtum mo ji ltar spar/ / thig le ji ltar dbab cing bde ba ji ltar rgyas// nyon mongs ji ltar gzhom zhing rig pa ji ltar 'phel ba lags// zhes zhus so// gsang ba'i bdag pos gsungs/ / rdo rje 'dzin pa khyod nyon cig/ thabs dang shes rab ma 'gags pas// 'khor lo lnga yi dbyings nyid du// dkar dmar ljang la sos pa'i yig 'bru sgom// de yang ji ltar sgom pa ni/ / 'byung ba'i dwangs ma rlung yin te// dang po chags kyang rlung gi rtsal las chags// tha ma 'jig kyang rlung gi rtsal gyis 'jig/ dper na seng ge'i 'khog pa rang gi 'jig pa bzhin// rlung gnad 'dis zin 'byung ba lnga yang 'jig/ 'byung ma zhig rang gis bshig pa ni// nyon mongs rtsad nas chod pas mtshan ma rang sar khrol// 'byung ba bshig pa'i man ngag bstan pa ni// 'byung ba kun gyi dwangs ma rlung yin pas/ / rtsa dang thig le rlung gi gnad zin nas// ji ltar dgug cing mda' ltar 'phang du yod// bsam gtan thabs kyi sbyor ba ni// rtsa yi yan lag brjod pas mi lang kyang// rtsa yi rgyal po a d+hU ti yin/ dper na dmangs dang rgyal po'i tshul du gnas/ / a wa d+hU ti'i gnas lugs ni// sog sbubs kha phye gzhung gi dbyings na ga nas// rtsa yi 'dab ma yan lag rtsa ba lnga// gnyis ni lag pa gnyis na gnas// gnyis ni rkang pa gnyis na gnas/ / gcig ni mtshan ma'i dbyings na gnas// rtsa la rlung gis bskyod ni thig le rgyas par nges// de yang ji ltar rgyas pa ni// rkang pa'i mthil gnyis lag pa'i mthil gnyis dang// mtshan ma'i rtse mo spyi bo'i yang stengs su/ / yi ge yam bsam kha dog ljang khu'o// rlung gi rgyu lugs brjod pas mi lang pas// rgyu lugs mdor bsdus rtsa rnam gsum ste// de yang gsum gang zhe na// gyen du rgyu'i rlung thur du sel ba'i rlung/ / rtsibs la rgya ba'i rlung du bstan pa'o// de yang gyen du rgyu ba'i rlung la rnam gnyis te// de yangag nyis gang zhe na// 'degs byed don gyi rlung dang snabs lud sel ba'i rlung// 'degs byed don gyi rlung ni shes rab chen po yin/ / snabs lud sel ba'i rlung ni kun la gnas pa'o// yang thur du rgyu ba'i rlung la rnam gnyis te// de yang gnyis gang zhe na/ zas rnams 'byed pa'i rlung dang ngan pa sel ba'i/ / yang rtsib la rgyu ba'i rlung ni rnams gnyis te// rlung gi rlung dang nad rnams sel ba'i rlung/ rlung gi mdor bsdus spyi bo'i gtsug tu drang// de yang ji ltar drang ba ni// tshangs pa'i bu ga ma 'gags yang stengs su/ / yi ge hU~M sgom kha dog ljang khu yin// yaM las rlung bskyod 'degs byed sdud pa'i rlung// rkang pa gnyis nas spar zhing lag pa gnyis nas spu// mtshan ma'i dbyings nas rlung bskyod me ru 'bar ba ni// spyi bo'i gtsug ni hU~M ni 'dren cing 'phen pa'i rlung/ / 'og nas me 'bar steng nas drags byas pas// me dang rlung du gnyis med chen po de// rtsa yi rgyal pa'i nang bzhugs me 'bar spyi bo'i gtsug/ gtum mo me 'bar byin brlabs chen po des/ / spyi bo a bzhu thig le dkar lag dang// thig le rgyas shing babs pa'i yon tan las// thugs kha'i mthing la skran par babs/ thig le gnyis med 'gyur ba'i yon tan las/ / 'phrin las brjod med gnyis med chen po'o// de las gnyis med thig le rgyas pa las// lte ba sprul pa'i 'khor lo dmar la gdangs par babs// gnyis med thig le chen po'i yon tan las// yab dang yum gyi tshul du byung ba ste/ / yab yum gnyis kyi byin brlabs las// sras kyi sprul pas 'gro ba'i sdug bsngal sbyang// yab yum gnyis med byin brlabs las// lus kyi yan lag bde ba phyogs bzhir rgyas/ / rtsa yi rgyal po thig le chen po'i dbus// yab yum gnyis med thig le rgyas pa las// mtshan ma'i thig le bde ba chen po'i rtsa// mtshan ma'i dbyings nas rtsa yi gnas lugs ni// ro ma dang ni rkyang ma dang/ / pad+ma can dang dung can ma// pho rtsa dang ni mo rtsa dang// rtsa'i shi sha ngan 'gro'i gnas// de ltar rtsa yi gnas lugs ni// rang sor bcu gnyis dbyings na ro ma gnas// ro ma mi slongs rnal 'byor don med pas/ / phyag rgya ma yi don dang mi ldan no// sor brgyad dbyings na pad+ma'i rtsa gnas pas// rtsa yi mgo blang rtsa mdud gso byas nas// rnal 'byor ba yis su rung ba'o// sor bzhi'i dbyings na rkyang ma'i rtsa gnas te/ / rnal 'byor mtshan ldan bde ba skyong bar nges// mtshon gang dbyigs na dung can rtsa gnas te// dung can rtsa dang ldan pa'i phyag rgya ma// rnam 'byor las su rung ba nyid dang phrad// skal ldan las dang skal bar ldan pa'i rnal 'byor te/ / gnyis med bde ba chen po spyod// lus kyi nus pa mi 'tshor bde ba phyogs bzhir rgyas// gnyis med bde chen bying rmugs kun dang bral// shin tu gsal dang chags pa'i 'dzin med de/ / phyag rgya chen po'i rigs 'dzin thob pa'o// shi sha drod med las su mi rung bas// phyag rgya'i don dang mi ldan thabs kyi spang bar bya// pho rtsa drag la myur ba dang// mo rtsa dal la 'jal pa gnyis// rtsa yi rigs chad ma ning ma yin pa/ / rtsa rnams kun gyi gnas lugs yin// drag la myur ba 'dug na pho rtsa ste// rnal 'byor lus kyi bya byed bskyung// dal la 'jam na mo rtsa yin// rnal 'byor lus po thabs kyis bsgul/ / bsgul ba drag na thig le 'chor// thig le lus dang bral gyur na// rnal 'byor las su rung ba min// thig le bzlog cing gnas su bstim// de yang ji ltar bstim pa ni// rang gi rtsal shugs ting 'dzin nyams dang sbyar/ / gtum mo lus la spar ba'i tshe// bde ba lus la rgyas tsam na// ting 'dzin gzhan na spyi bo'i gtsug tu bskyil// de bas drag na chos kyi 'khor lor bskyil// de bas drag na sprul pa'i 'khor lor bskyil/ / nyams su longs na rdo rje rtsa ba bskyil// tshad du skyol na bum pa'i kha nas bzlog/ thig le'i gnas lugs babs sar mi bzhag par// stod kyi 'khor lo rnam pa gsum du bskyal// de yang ji ltar bskyal ba ni/ / hU~M gi yon tan brjod mi lang// spyi bo'i gtsug gi yi ge hU~M gnas pa// hU~M gi yi ge sdud dang 'dren pa'i sgra// yam gyi yi ges 'degs dag spor ba'i sgra// yi ge gnyis kyi byin brlabs las/ / thig le 'bebs 'dril 'khor lo'i dbyings su bskyol// rtsa dang thigs le 'byongs shing nyams su long tsam na// phyag rgya mar rten rang gi bde ba spor// rdo rje 'dzin pa khyod nyon cig/ chos sku thig le nyag gcig po/ / gzhu ltar bkug la mda' ltar 'phang ba ni// spyi bo bde ba chen po'i 'khor lo na// yi ge a gnas thig le 'gyur med de// snying kha chos kyi 'khor lo yis// sku dang ye shes gcod pa'i phrin las mnga' bdag chen po des/ / thig le gzhu ltar bkug la steng gi rlung gis nan// tshangs pa'i bu ga'i yang stengs yi ge hU~M gnas pa// 'dren pa'i rtsal dang ldan pa khung khar su ru gzhug/ sprul pa'i 'khor lo byin brlabs chen po dang/ / rlung gi 'khor lo 'degs byed rtsal chen dang// 'khor lo lnga yi yon tan chen po dang// steng gi rlung drangs 'og gi rlung gis 'phang// chos kyi sku yi pho brang 'og min gnas dag tu/ / gting gsal chen po ngo bo gyur med de// gzhu ltar bkug la mda' ltar 'phang ba'o// nang rgyud rtsal dang thig le bstan pa'i le'u ste bcu gsum pa'o//// yang dpal rdo rje 'dzin pas zhus pa/ / gsang ba rgyud kyi ngo bo dbye ba bstan du gsol// gsang ba'i bdag pos gsungs pa// rdo rje 'dzin pa khyod nyon cig/ gsang ba'i rgyud gsum bstan pa ni// sku dang ye shes gnyis med 'di// gsang ba 'khrul pa'i gzhi yang yin/ / de yang ji ltar 'khrul zhe na// ye shes rtsal gyi 'khor lo gsum g.yos pas// yid kyi phra rags sems kyi rtog pa yis// gsang ba lnga yi yon tan 'gyur ba med pa la// ming med ming du btags pas ming gi bag chags brtas/ / gting gsal chen po yon tan rang gis rang la gsang// gting gsal g.yo ba med pa rang gis rang la gsang// gting gsal rgya chad med pa rang gis rang la gsang/ / gting gsal 'gyur ba med pa rang gis rang la gsang// gting gsal 'gag pa med pas rang gis rang la gsang// gting gsal chen po'i yon tan 'di// rgya chad phyogs lhung med pas kun la khyab pa ste/ / rang gis rang la gsang las yon tan ming gis bsgribs// ming gi grib ma mun pa spros pa las// sprul pa'i sku yi ngo bo gnas shing ming la spyod pa'o// chos kyi sku yi ngo bo ni// rmi lam 'khrul ba'i bag chags brtas mod kyang/ / ltar nang mi bden ming gi grib ma yin// sku la 'gyur med rdo rje sems dpa'i sku// gsung gi 'gag 'grib kun dang ye nas bral// thugs kyi skye shi kun dang bral/ / yul ni mtho dman kun dang bral// gnyis med 'du 'bral kun dang bral ba la// rnam rtog lnga'i spyod yul gyis// 'gyur med 'gyur ba ltar du snang// 'gyu ba ltar du snang mod kyang// yang dag don la 'gyur ba med pas na/ / gsal ba rgya ma chad du bstan pa yin// gsal ba rgya chad med pa'i don rtogs na// rgyud rnams kun gyi rtsa ba yin// zhes gsungs so// gsal ba rnam pa lnga'i rgyud bstan pa'i le'u ste bcu bzhi pa'o/ /// yang dpal rdo rje 'dzin pas zhus pa// kye kye gsang ba'i bdag po lags// ye shes rgyud kyi ngo bo dbye ba bstan du gsol// zhes zhus so// dpal gsang ba'i bdag pos gsungs ba// yang dpal rdo rje 'dzin pa nyon cig/ ye shes r+g+rud kyi ngo bor dbye ba bstan pa ni// sku dang ye shes ngo bo gnyis med de// snang tshul tha dad rang bzhin gcig pa la// ye shes rtsal gyi 'khor lo gsum g.yos pas// gnyis med gcig la tha dad ltar mthong bas/ / da lta tha dad tshul du 'bral ba ltar// 'bral ba ltar du snang yang don la 'gyur ba med// yid kyi phra rags sems kyi ming 'dogs kyis// ming gi phur pa ming gi 'dam la chags/ / ming gi 'khrul snang 'di la ma zhen na// chos kyi sku yi ye shes g.yo ba med pa dang// longs spyod rdzogs pa'i ye shes rno la gcod pa dang// sprul pa'i sku yi ye shes rtog pa'i dri ma gsum// dbyer med gcig ste rgya chad med pa la/ / rtog pa'i dbang gis ye shes tha dad ltar// tha dad ltar du snang yang don la 'gyur ba med pas// ye shes chen po'i rgyud du bstan pa'o// ye shes kyi rgyud bstan pa'i le'u ste bco lnga pa'o/ /// yang rdo rje 'dzin pas zhus pa// kye kye gsang ba'i bdag po lags// 'phrin las rgyud kyi ngo bo bstan du gsol// zhes zhus so// yang gsang ba'i bdag po gsungs pa// rdo rje 'dzin pa khyod nyon cig/ 'phrin las rgyud kyi ngo bo dbye ba bstan pa ni// sku dang ye shes gnyis med de// yang dag don dang sbyor ba la// gcod pa'i 'phrin las rnam lnga ste// de yang lnga gang zhe na// sku la lhag ma med par gcod pa'i 'phrin las dang/ / gsung la lhag ma med par gcod pa'i 'phrin las dang// thugs la lhag ma med par gcod pa'i 'phrin las dang// yul la lhag ma med par gcod pa'i 'phrin las dang// gnyis med lhag ma med par gcod pa'i 'phrin las bstan pa'o/ / rdo rje 'dzin pa khyod nyon cig/ sku'i 'phrin las la yang rnam gsum ste// de yang gsum gang zhe na// kha dog dbyibs ldan reg bya med pa ste/ me long nang gi sku dang mtshungs/ / byed pas ma byas rgyu rkyen kun dang bral// nyi ma'i snying po nyid dang mtshungs pa'o// sku dang ye shes gnyis med de// man shel me long bur dag pa ste// blo 'og mun khyab med par kun tu gsal/ / ye shes 'gyur med 'od kyi phung po la// nang med pa yi nang nyid nas// yon tan phyir ru 'char bas na// man shel dag pa nyid du mtshungs// yang gsung gi 'phrin las rnam pa gsum ste// de yang gsum gang zhe na/ / sku'i ngo bo ston pa'i gsung gi 'phrin las dang// yul gyi ngo bo ston pa'i gsung gi 'phrin las dang// gnyis med ngo bo ston pa'i gsung gi 'phrin las so// yul gyi 'phrin las la yang rnam pa gsum ste/ / de yang gsum gang zhe na// chos kyi sku yi zhing khams spyod pa'i 'phrin las ni// phyogs lhung rgya chad med pa'i chos nyid nam mkha' de// gzhi yi lhun grub yon tan kun dang ldan// gser la g.yus spras dag pa'i dbyings dang mtshungs/ / longs sku'i zhing khams gcod pa'i 'phrin las ni// ma bris dkyil 'khor ma 'dres yongs su rdzogs// shin tu gsal dang yon tan kun dang ldan// mkha' la 'ja' tshon dwangs pa nyid dang mtshungs/ / sprul pa'i sku yi zhing khams 'bod pa'i 'phrin las ni// 'byung chen lnga yi dkyil 'khor mtshan ma rang sar grol ba'o// yang thugs kyi 'phrin las rnam gsum ste// de yang gsum gang zhe na/ / chos kyi sku yi ye shes gcod pa'i 'phrin las ni// shin tu gsal zhing g.yo ba med pa dang// rag gsal 'gyur ba med pa'i yon tan te// dper na bum pa'i nang gi me dang mtshungs// yang longs sku ye shes gcod pa'i 'phrin las ni/ / dngos mtshan med pa'i ye shes skye ba ser rlung dang 'dra// shin tu gsal zhing gdang ba ni// dri med man shel dag pa 'dra ba ste// gcod kyi rang bzhin rang gri so dang mtshungs pa'o/ / sa bcu byang chub sems dpa' spyod pa'i 'phrin las ni// dad pa 'gyur med snying rje chen po dang// dge bcu gtsor byas nyon mongs gcod pa dang// lhang nge lhum me lhan ner gnas pa ni// me long g.ya' dag nyid dang mtshungs pa'o/ / yang gnyis med sprin pa'i 'phrin las rnam gsum ni// de yang gang zhe na// sku dang ye shes gcod pa'i 'phrin las ni// gnyis med ngang la gnas pa'i chos kyi sku// rang gsal rtog med sangs rgyas kun gyi rje/ / gnyis med sa le sbram dang mtshungs pa'o// yang lus sems gnyis med spyod pa'i 'phrin las ni// gnyis med gcod dang ldan pa yon tan kun gyi mchog rgya chad phyogs cha med pa sangs rgyas kun gyi thugs/ / gnyis med 'gyur ba med pa nyi ma'i snying po nyid dang mtshungs// yang sems dang bag chags gcod pa'i 'phrin las ni// rang byung lhun grub yon tan chen po de// rang nid rang la mi ltos par/ / 'bad rtsol blo yi rol sgrub kyis// tshogs drug bkag nas yid kyi bya byed skyung// tshogs drug khegs nas rnam rtog mi 'dug kyang// lnga 'khrul mchod dri med ma rtogs pas// rnam rtog bag la nyal ba chu'i rnyog ma dang mtshungs pa'o/ / yang rdo rje 'dzin pa nyon cig/ rgyud kyi ngo bo rgyud kyi dbye ba dang// rgyud kyi gtan tshigs rgyud kyi sgrub bya bstan pa ni// sku dang ye shes gnyis med rgyud kyi ngo bo yin/ / sku gsung thugs dang yon tan 'phrin las rgyud// de rnams kun gyi dbye ba yin// gnam la rdo rje zam ma chad pa dang// sa la dkyil 'khor bris ma yal ba dang// sems can kun gyi ngo bo la// don gyi snying pos kun la khyab pa ni/ / de rnams rgyud kyi nges tshig go/ gnyis med 'gyur ba med pa dang// sku gsum rang gi ngo bo cig pa'o// mtshan ma rang sar grol ba dang// rdo rje 'chang drug ma 'dres yongs rdzogs na/ / de rnams rgyud kyi bsgrub bya'o// sprul pa'i sku la rgyud gsum sbyar ba'i le'u ste bcu drug pa'o//// yang dpal rdo rje 'dzin pas zhus pa// lung gsum gyi ngo bo dbye ba bstan du gsol// gsang ba'i bdag pos gsungs pa/ / rdo rje 'dzin pa khyod nyon cig/ lung gi ngo bo bstan pa ni// lung gi ngo bo nges pa rnam gsum ste// de yang gsum gang zhe na// phyi ngas pa'i lung dang// nang nges pa'i lung dang// gsang ba chen po nges pa'i lung ngo/ / yang phyi nges pa'i lung la rnam pa gsum ste// de yang gsum gang zhe na// gsal gdangs ma 'dres dbus kyi mchog/ yang nang gsum ba'i lung la yang rnam pa gsum ste// de yang gsum gang zhe na/ / dbyings dang kha dog gnyis su med pa'o// yang gsang ba chen po gsal ba'i lung la yang rnam pa gsum ste// de yang gsum gang zhe na/ kha dog dbyibs med gcos dang ldan pa'o// dpal rdo rje 'dzin pa nyon cig/ lung gsum longs spyod rdzogs pa'i sku la sbyar ba ni// ma 'dres yongs rdzogs rgya yongs ma chad pa// 'gyur med rdo rje 'chang ba drug po la// yon tan brjod med nam mkha'i mtha' dang bral// gdod med mkha' la me long nang gi sku/ / snang med mkha' la 'ja' tshon lta bu'i yul// dngos med mkha' la skye shi med pa'i thugs// gcig dang tha dad dag las grol ba ni// sangs rgyas kun gyi 'bras bu'i mchog/ yon tan brjod med skyon gyi mtha' dang bral/ / 'gyur med rgyan gyi phyag rgya don gyi mchog/ ces gsungs so// lung gsum longs spyod rdzogs pa'i sku sbyar ba'i le'u ste bcu bdun pa'o//// de nas yang dpal rdo rje 'dzin pas zhus pa/ / kye kye gsang ba'i bdag po lags// man ngag ngo bo dbye ba bstan du gsol// ces zhus so// gsang ba'i bdag pos gsungs pa// rdo rje 'dzin pa khyod nyon cig/ man ngag ngo bo dbye ba bstan pa ni/ / gsang ba'i don la mdor bsdus rnam gnyis te// de yang gnyis gang zhe na// rang nyid rang la gsang ba'i rnam par rtog pa dang// rang gsang de nyid grol nas don dang 'dzal ba'o/ / rang gis rang la gsang ba ni rnam par rtog pa ni// sangs rgyas che ba'i yon tan don gyi snang ba gsang// de'ang ji ltar gsang ba ni// sku'i don gsang ba dang// gsung gi don gsang ba dang// lus kyi don gsang ba dang/ / yul gyi don gsang gnyis med don gsang ste// de yang gang gis gsang ba ni// ye shes rtsal gyi 'khor lo gsum g.yos pas// ming med ming du btags pas rang gsang thabs kyis chod/ / rang gsang thabs kyi mun pa yi// rnam rtog bag la nyal nas yang dag don dang 'jal ba dka'// chos kyi dbyings kyi pho brang 'di// 'gyur med ming gis bsgribs pa ltar// ltar snang mun pa gsal ba'i phyir/ / rgyud lung man ngag gsum gyi sgor zhugs nas// don gyi snang ba gsang ba thabs kyis dgrol// de yang ji ltar dgrol ba ni// thabs la rnam pa gsum yod de// de yang gsum gang zhe na// rgyud kyi thabs dang lung gi thabs/ / man ngag thabs dang gsum bstan pa'o// de yang don gyi gsang ba chen po ni// rang gsang thabs kyis chod pas rang sar dgrol ba ste// de yang ji ltar dgrol ba ni// sku la lhag ma med par rang sar dgrol ba dang/ / gsung la lhag ma med par rang sar dgrol ba dang// thugs lhag ma med par rang sar dgrol ba dang// gnyis med lhag ma med par rang sar dgrol ba dang// yul la lhag ma med par rang sar dgrol ba'o/ / gsang ba chen po don gyi go ba ni// gting gsang chen po'i ming las 'das pa dang// brag cha lta bu'i ming las 'das pa dang// ye shes chen po'i ming las 'das pa dang/ / dkyil 'khor chen po'i ming las 'das pa dang// gnyis med don gyi ming las 'das pa dang// thig le nyag gcig spros pa'i mtha' dang bral// dpe zla med pa'i nyag gcig po// dngos med don la stor ba med/ / mi gsal gsal ba'i bdag nyid can// kun tu bzang po'i dgongs pa de// shes rab can dang 'di mjal na// brjod med tshig gi smra ba dka'// don la stong med gsal ba chen po'i ngang// stos chos shigs na chos nyid dbyings na gnas pa'o/ / man ngag chen po don bstan pa'i le'u ste bco brgyad pa'o//// yang rdo rje 'dzin pas zhus pa// kye kye gsang ba'i bdag po lags// lung gi ngo bo dbye ba gtan tshigs bsgrub bya bstan du gsol/ / ces zhus so// gsang ba'i bdag pos gsungs pa// rdo rje 'dzin pa khyod nyon cig/ lung gi ngo bo bstan pa ni// kun tu bzang po dgongs pa dang// rdo rje sems dpa'i zhal chems dang/ / shel gyi khye tshung gsung bgros so// lung gi dbye ba bstan pa ni// sku yi lung dang gsung gi lung// thugs kyi lung dang yul gyi lung// gnyis med bde ba chen po'i lung bstan pa'o/ / lung gi nges tshig bstan pa ni// kun tu bzang po'i dgongs pa nges pa'i tshig tu bstan pa dang// rdo rje sems dpa'i zhal chems nges par 'dzin pa dang// shel gyi khye'u chung gsung bgros nges par 'dzin pa'o/ /// yang lung gi bsgrub bya bstan pa ni// kun tu bzang po'i dgongs pa ma bslad pa// ma btsal rang la bstan cing sgrub pa dang// rdo rje sems dpa'i mkhyen tshad ma bslad pa// ma btsal rang la ston cing sgrub pa dang/ / shel gyi bye chung gsung bgros ma bslad pa// ma btsal rang la ston cing sgrub pa'o// lung gi nges tshig bsgrub bya bstan pa'i le'u ste bcu dgu pa'o//// yang dpal rdo rje 'dzin pas zhus pas/ / kye kye gsang ba'i bdag po lags// man ngag gi ngo bo dbye ba gtan tshigs bsgrub bya bstan du gsol// ces zhus so// gsang ba'i bdag pos gsungs pa// dpal rdo rje 'dzin pa khyod nyon cig/ man ngag ngo bo bstan pa ni/ / sku la 'gyur ba med pa man ngag ngo bo yin// gsung la 'gag 'grib med pa man ngag ngo bo yin// thugs la skye shi med pa man ngag ngo bo yin// yul la mtho dman med pa man ngag ngo bo yin/ / gnyis med 'du 'bral med pa man ngag ngo bo yin pa'o// man ngag dbye ba bstan pa ni// snang med mkha' la gdos med dag pa'i sku// sku yi ngo bo reg bya med pa la// 'gag 'grib med pa'i gsung gnas/ / sku yi ngo bo reg bya med pa la// snang med mkha' la 'ja' tshon lta bu'i yul// sku yi ngo bo reg bya med pa la// dngos med dngos med skye ba ser lta ku'i thugs// sku yi ngo bo reg bya med pa la// sku dang ye shes yon tan kun ldan te/ / de rnams man ngag dbye ba'o// man ngag ngo bo bstan pa ni// yi ge drug pa'i sgra 'gyur gnyis// kun tu bzang po'i dgongs pa yin// rdo rje sems dpa'i zhal chems yin// shel gyi khye chu gsung bgros yin/ / sprul pa'i sku yi mun sel yin// longs spyod rdzogs pa'i yon tan yin// thos dkar gang zag kun gyi thun mong yin// thos na go bla man ngag kun gyi rje// de rnams man ngag kun gyi nges tshig go/ yang man ngag bsgrub bya bstan pa ni// dpe yi ye shes don bstan nas// tshig gi ye shes shan bye ste// don gyi ye shes rang la sbyor// rtogs pa'i ye shes nang nas 'char// longs spyod rdzogs pa'i ye shes sgrub/ / myang 'das chen po'i ngang la 'jog/ de rnams man ngag bsgrub bya'o// rdo rje 'dzin pa khyod nyon cig/ rgyud dang lung dang man ngag gsum// 'khor 'das gnyis kyi snying po yin// de yang ji ltar yin pa ni/ / ma ni thams cad bskyed pa'i yum// ha ni dgyes pa chen po'i tshig/ yo ni shin tu spros pa'i tshig/ ga ni don gyi snang ba cig/ yid ni thams cad 'brel ba'i tshig/ rgyud ni rgya chad med pa'o/ / de rnams rgyud yi mdor bstan yin// zhes gsungs so// yang rdo rje 'dzin pa khyod nyon cig/ yang lung ni nges pa 'dzin pa'i tshig/ a ni skye ba med pa'i tshig/ bu ni thams cad gso ba'i tshig/ yo ni shin tu spro ba'i tshig/ ga ni don gyi snang ba cig/ de rnams lung gi mdor bstan no// yang rdo rje 'dzin pa nyon cig/ yang ma ni shin tu 'gyur med dag pa'i tshig/ ngag ni spros med dag pa'i tshig/ a ni skye med dag pa'i tshig/ ti ni spros med gong na gzhan med tshig/ yo ni spros med mnyam pa'i tshig/ ga ni don gyi snang ba cig/ de rnams man ngag mdor bstan yin// zhes gsungs so// rgyud lung man ngag dbye ba'i le'u ste nyi shu pa'o/ /// yang dpal rdo rje 'dzin pas zhus pa/ kye kye gsang ba'i bdag po lags// khams gsum 'khor ba'i sdug bsngal mi bzad pa// gang gis bzlog cing ji ltar bstan pa dang// don gyi snang ba ji ltar 'char ba lags/ / zhes zhus so// gsang ba'i bdag pos gsungs pa// rdo rje 'dzin pa khyod nyon cig/ khams gsum 'khor ba'i sdug bsngal mi bzad pa// gang gis bzlog cing ji ltar bstan pa ni// man ngag 'di yi sgor zhugs nas/ / mtshan ma rang sar dgrol ba dang// srid pa rgyan sa gdeg pa dang// ltas ngan g.yang du gug pa dang// dri mo sman du bsdur ba dang// rnam rtog ye shes rgya ma chad pa'o// yang rdo rje 'dzin pa khyod nyon cig/ don gyi snang ba ji ltar bstan pa ni// ye shes gsum gyi sgor zhugs nas// yi ge drug pa sgra 'gyur gnyis// yi ge drug gi dbye ba dang// sgra 'gyur gnyis kyi bstan lugs kyis// yang dag don dang sbyar ba'o/ / de yang ji ltar sbyor ba ni// dpe yi ye shes ma bstan pas// yang dag don gyi snang ba ni// ngo ma shes/ yid ma ches/ thag ma chod pa'o// yang rdo rje 'dzin pa khyod nyon cig/ ngo shes yid ches thag chod pa'o/ / de rnams yi ge drug gi dbye ba bstan pa'o// yang sgra 'gyur gnyis kyi dbye ba bstan pa ni// ngo ma shes rtsol sgrub 'bad rtsol gyis// rang bzhin lhun gyis grub pa'i sku// rtsol sgrub kyi mtha' las 'das pa/ / yang dag don gyi snang ba// rang la rang chas su yod pa ngo ma shes// yid ma ches/ der snyams byed kyi shes pas// don gyi snang ba rtsol sgrub las 'das pa la// rnam par rtog pa blo yi yul na kha drag pas/ / rang gi shes pas rang sar ma khrol bas yid ma ches pa'o// de ltar rang gi chos kyi sku'i ngo bo// rang bzhin du lhun gyis grub pa'i sku// yon tan kun dang ldan pa de// ye nas rang la rang chas su til la mar gis khyab pa bzhin du/ kun la khyab par gnas kyang/ rnam par rtog pa blo'i bya byed kyis/ rang la rang yid ma ches pa'i dbang gis/ khams gsum du 'khor zhing rgyud drug tu smin pa'o/ / yang rdo rje 'dzin pa khyod nyon cig/ sgra thang log tu bsgyur nas don la sbyar ba ni// yang don gyi snang ba ngo shes/ snang ba de la yid ches/ yang snang ba de'i don thag chod pa'o// rdo rje 'dzin pa khyod nyon cig/ ngo gang gis shes par bstan pa ni// dpe yi ye shes kyis shes// yid gang gis ches par bstan pa ni// don gyi ye shes kyis ches// thag gang gis chod na ni// rtags kyi ye shes kyis chod pa'o// yang rdo rje 'dzin pa khyod nyon cig/ dpe'i ye shes kyis ji ltar shes par bstan pa ni// dpe'i ye shes la rnam pa drug pa ste/ de yang drug gang zhe na/ chos nyid mi 'gyur ba'i dpe dang/ chos kyi sku mi 'gyur ba'i dpe dang/ ye shes mi 'gyur ba'i dpe dang/ sku dang ye shes gnyis med mi phyed pa'i dpe dang/ gsung la 'gag pa med pa'i dpe dang/ yul la mtho dman med pa'i dpe rung bstan pa'o/ yang rdo rje 'dzin pa khyod nyon cig/ dpe'i ye shes kyis ngo shes la/ don gyi ye shes kyis yid ches pa yin te/ de yang ji ltar yid ches pa ni/ chos nyid la mi 'gyur ba'i dpe yis/ dang po byung sa la yid ches/ chos kyi sku mi 'gyur ba'i dpe yis/ chos kyi sku'i ngo bo rnyed/ ye shes chen po'i dpe yis/ sku dang ye shes kyi don byed/ sku dang ye shes dbyer mi phyed pa'i dpe yis// 'bras bu rang bzhin lhun gyis grub// gsung 'gag pa med pa'i dpe yis/ / skyon gyi mtha' bsal// yul la mtho dman med pa'i dpe yis// yon tan gyi mtha' rgyas// man ngag 'di dang phrad pa'i gang zag rnams// dpe phyi ma 'breng yang dag don la sbyor// tshig phyir ma 'breng dpe dang don dang sbyor/ / 'dra ba'i phyir na dngos ma yin// mi 'dra ba ni dpe ma yin// dpe yis don mtshon tshig gi shan phye na// yang dag don dang 'dral bar nges// dpe dang don du 'jal nas dpe la ltos med tshe/ / tshig dang ngan ya ma yin te/ yid ches nang nas 'char ba nges pa'o// yang yid ches nang nas shar ba'i tshe/ thag chod rtags kyi ye shes 'byong bar nges// de yang ji ltar 'byung ba ni// phyi'i rtags dang/ nang gi rtags dang/ gsang ba chen po rtags su bstan pa'o// yang rdo rje 'dzin pa khyod nyon cig/ phyi yi rtags la rnam gsum ste// de yang gsum gang zhe na/ snang ba gdos med na bun 'dra ba de// de ni zhen pa log pa'i rtags/ / snang ba dngos med 'ja' tshon 'dra ba de// de ni 'khrul ba chod pa'i rtags// snang la dngos med ming dang bral ba de// de ni ltos chos zhig pa'i rtags su bstan pa'o// yang na nang gi rtags la rnam gsum ste/ / de yang gsum gang zhe na/ dgra gnyen gnyis med mnyam par rtogs pa ni// de ni zhen pa log pa'i rtags// snang la dngos med reg bya med pa'i sku// de ni 'khrul pa chod pa'i rtags/ / gsal la 'dzin med mnyam pa'i ngang la gnas// de ni don dang mjal ba'i rtags su bstan pa'o// yang rdo rje 'dzin pa khyod nyon cig/ gsang ba'i rtags la rnam gsum ste// de yang gsum gang zhe na/ / bdud kyi bar chad 'jigs pa'i cha byad la// sems kyi snyam byed yid kyi rnam rtog mi 'jug na// de ni bdud kyi kha nas thar ba'i rtags// sems kyi rnam rtog rmi lam bya byed la// bzang ngan gnyis su mi 'dzin sems kyi 'dzin med de/ / de ni snang ba log pa'i rtags// chos skyong yul lha mkha' 'gros lung ston pa// ngas rtogs snyam pa'i nga rgyal mi rnyed na// rdo rje 'dzin pa'i gral thob rtags// yang rdo rje 'dzin pa nyon cig/ yang gsang ba chen po'i rtags la ranam pa gsum ste// phyi yi yul la 'dzin pa med par mnyam par 'jog pa dang// nang gi bcud la 'dzin med mnyam par 'jog pa dang// gnyis med 'dzin med mnyam pa'i yon tan las/ / gti mug gnyid dang bral ba ni// de ni gsang ba chen po'i rtags// yang rdo rje 'dzin pa khyod nyon cig/ yid ches nang nas ma shar na// yang dag don dang 'jal ba dka'// don gyi ye shes ma bstan na/ / sangs rgyas che ba'i yon tan stor// rtags kyi ye shes ma bstan na// yid ches nang nas 'char mi srid// nga rgyal med pa'i yid ches 'di// kun tu bzang po'i dgongs pa yin// rdo rje sems dpa'i mkhyen tshad yin/ / shel gyi khye chung gsum bgros yin// yin ched nang nas ma shar na// snyam byed blo yi 'bras bus sangs mi rgya// nga rgyal med pa'i yid ches 'di// kun tu bzang po'i zhal chems yin/ / yi ge drug pa'i sgra 'gyur gnyis// yang dag don gyi ngo sprod yin// rin chen gsar gyi rgya mdud 'di// kun tu bzang po'i dgongs rgyud yin// zhes gsungs so// yi ge drug gi ngo bo dang dbye ba bstan pa'i le'u ste nyi shu gcig pa'o/ /// yang dpal rdo rje 'dzin pas zhus pa// kye kye gsang ba'i bdag po lags// nyams su len pa'i gang zag rnams// gang zhig dpe dang ma 'jal na// yang dag don dang mjal mi srid/ / dpe yi ye shes rkang grangs drug/ de yi mtshon pa ming btags ji ltar lags// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ dpe yi ye shes mtshon pa'i ming btags ni/ chos nyid nam mkha' mi zad mngon chen te// rgya chad phyogs lhung kun dang bral// dngos med mtshan med phyogs mtshams kun dang bral// de lta bu yi nam mkha' ming med de/ / gang zhig dpe yis mtshon pa ni// mtshon pa dpe yi nam mkha' gang zag rnams la mtshon// chos la dpe don gnyis las med// yang dag don la sbyor ba la// dpe yang mi 'tshal don gyi mchog/ rang bzhin lhun grub 'gyur ba med pa'i sku/ / dpe yis don mtshon nyi ma'i snying pos bstan// byed pas ma byas nyi ma'i snying pos bstan// kha dog dbyibs ldan nyi ma'i snying pos bstan// rkyen gyis mi shigs nyi ma'i snying bos bstan/ / skyon med dag pa nyi ma'i snying pos bstan pa'o// ye shes chen po'i dpe yis don mtshon pa// rno la gcod pa spu gri so yis bstan// dngos mtshan med pa skye bser rlung gis bstan// byed bsam byas nyi ma'i zer gyis bstan/ / sku dang ye shes gnyis med dpe yis don mtshon bstan pa ni// dbyer mi phyed pa gser dang ser pos bstan// snang tshul tha dad zer dang snying pos bstan// rang bzhin gcig pa shes dang rgyud pas bstan/ / gzhi dang 'bras bu dar dang ser bus bstan// nyams su myong ba tshu dang lan tshwas bstan pa'o// yang gsung gi dpe yis don mtshon bstan pa ni// dngos med brda' ru mtshon pa brag cha'i skad kyis bstan/ / 'gag med dngos mtshan med pa nam mkha'i dbyings kyis bstan// brjod med mnyam par bzhag pas sangs rgyas kun gyi rje// sangs rgyas zhing khams dpe yis don mtshan pa// mtho dman med pa rgya mtsho'i dbyings kyis bstan/ / gsal la ma 'dres 'ja' tshon dwangs pas bstan// sku yi yon tan nyi zla'i 'od kyis bstan// 'gyur ba med pa rin chen gser gyis bstan pa'o// rdo rje 'dzin pa khyod nyon cig/ dpe yis ye shes rtogs tsam na// don gyi ye shes nyid dang 'jal// don gyi ye shes rang la 'byor tsam na// rtags kyi ye shes rang dbang med par 'byung// de yang 'di ltar shes par bya// dpe yis don mtshon tshigs gsum po/ / yon tan kun ldan man shel dag pa'i sku// snang la dngos med me long dag pa'i sku// byed pas ma byas nyi ma'i snying po mtshungs// yang dag don gyis dpe gsum po// dngos med gsal bar sbyor shes na/ / kun tu bzang po'i zhal cham yin// zhes gsungs so// dpe'i ye shes kyi ngo bo ming btags bstan pa'i le'u ste nyi shu rtsa gnyis pa'o//// yang dpal rdo rje 'dzin pas zhus pa// kye kye gsang ba'i bdag po lags/ / sku gsum ngo bo ji ltar gnas pa lags// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ sku gsum ngo bo bstan pa ni// a dang nam mkha'i rdo rje gsum gyi bstan/ / de yang ji ltar bstan pa ni// a ni rang byung gnyis su med// nam mkha' rgya chad med par kun la khyab// rdo rje 'gyur ba med pa chos kyi dbyings yang zer// sku dang ye shes 'gyur ba med pa'o/ / yang rdo rje 'dzin pa khyod nyon cig/ a ni rang byung gnyis med bzhin// chos sku rang byung gnyis su med// nam mkha' rgya chad med pa bzhin// gting gsal chen pos kun la khyab// rdo rje 'byor ba med pa bzhin/ / sku dang yon tan 'gyur ba med pa'o// yang rdo rje 'dzin pa khyod nyon cig/ longs spyod rdzogs pa'i sku yi ngo bo ni// nyi ma pad+ma rgya mtsho'i 'jings kyis bstan// de yang ji ltar bstan pa ni/ / nyi ma kun gyi ma ste phyogs ris kun dang bral// pad+ma byas pa med pa kha dog dbyings dang ldan// rgya mtsho mnyam pa med par mtho dman 'dzin pa med// yang rdo rje 'dzin pa khyod nyon cig/ nyi ma phyogs ris med pa bzhin/ / longs spyod rdzogs pa'i ye shes ni// phyogs ris kun dang bral ba'o// pad+ma kha dog dbyibs dang ldan pa bzhin// longs sku kha dog dbyibs dang ldan// pad+ma 'dam gyi skyon dang bral ba bzhin/ / longs sku ngo bo 'khor ba'i skyon dang bral// pad+ma ma byas rang byung bzhin// longs sku rtsol sgrub mtha' dang bral ba'o// yang rdo rje 'dzin pa khyod nyon cig/ sprul sku'i ngo bo bstan lugs ni// seng ge glang chen phag mo gsum gyis bstan/ / de yang ji ltar bstan pa ni// seng ge'i lus la rtsal gsum rdzogs// seng ge'i lus kyi rtsal gsum po// snga phyi bar gsum stong pa med// glang chen rtsal dang ldan pa la// bdag pos gang ltar bsgyur ba bzhin/ / glang chen rtsal la bri ba med// gti mug phag rgod nyal ba la// ye shes chen po 'char bar dka' 'o// yang rdo rje 'dzin pa khyod nyon cig/ seng ge la rtsal rnam pa gsum// sems kyi rtsal du nam mkha' la mchod pa snyam byed pa/ / lus kyi rtsal la gangs dkar rtse nas snyil snyam byed pa// skad kyi rtsal du sems can thams cad skrag par byed pa// rgya gar gyi yul na glang po che mdog ris can de/ / glang gi rtsal du glang khyu ru 'jug pa lta bu/ glang po che mdog ris can nyam nga ba dang bag tsha ba med pa lta bu/ glang po che chu ru 'jug pa lta bu/ 'khyer ba'i bag tsha med pa/ thal yang bag tsha med par gyen la gshog pa'o/ / de bzhin du sprul pa'i sku la rtsal gsum rdzogs pa'o// rlung dang nam mkha' rig pa gsum du gnas pa'o// seng ge'i rgyal po rtsal gsum rdzogs pa bzhin// thog ma med pa'i dus nyid na// chos nyid nam mkha'i rtsal gsum po/ / yid bzhin sku la rdzogs pa'o// seng ge'i rtsal la bri ba med pa bzhin// gdod ma rtsal gsum rdzogs pa ste// sprul pa'i sku la stor ba med pa'o// yang glang chen rtsal dang ldan pa bzhin/ / sprul pa'i sku yi ngo bo la// rtsal gsum stor ba med pas na// sprul sku rtsal dang ldan pa'o// glang chen rtsal dang ldan pa la// bdag pos gang ltar bsgyur ba bzhin// rtsal la theg pa med pa bzhin/ / de bzhin sprul pa'i ngo bo yang// shin tu rtsal dang ldan pa la// rkyen gyis gang ltar bsgyur ba bzhin// thogs pa med par spyod pa'o// yang gti mug phag rgod la yang rnam gnyis te// gti mug bag la nyal ba dang/ / man ngag 'di yi sgor zhugs nas// rtsol med mnyam par spyod pa'o// yang gti mug bag la nyal ba ni// dpe yi ye shes ma bstan par// don gyi ye shes ngo ma shes// don gyi ye shes ma shes pas/ / rtags kyi ye shes thag ma chod// yid ches nang nas ma shar na// sems kyi rnam rtog blo yi mun pa yin// blo yi mun pa'i bya byed kyis// lus kyi phung po mi sdod sdug bsngal spyod// lus kyi phung po ngal dub kyis/ / gti mug gnyid la spyod cig mun pa'i bag la nyal// des na gti mug phag pa'i cha dang ldan pa'o// yang man ngag 'di yi sgor zhugs nas// rtsol med phag rgod cha dang ldan pa ni// ye shes chen po shar ba'i yon tan gyis/ / shes shing rtogs pa'i sgo nas gtsang btsog med par spyod// des ni bstan pa thob pa'i ye shes yin// zhes gsungs so// sku gsum brda dang sbyar ba'i le'u ste nyer gsum pa'o/ /// dpal rdo rje 'dzin pas zhus pa// kye kye gsang ba'i bdag po lags// sku gsum khang bu ji ltar lags pa dang// sku gsum sbubs kyi ngo bo dang// sku gsum ye shes gnas lags dang// sku gsum gsung gi gnas lugs ji ltar lags/ / zhes zhus so// gsang ba'i bdag pos gsungs pa// rdo rje 'dzin pa khyod nyon cig/ sku gsum khang bu ji ltar lags pa ni// chos kyi sku yi khang bu'i don mtshon pa/ / bai DUr+Ya dang phyogs 'thun 'gyur med mthing la sgran// gser la g.yus spras me tog 'bur gyi tshul// rin chen khang bu dri zhim spos kyi tshul du gnas pa'o// longs spyod rdzogs pa'i sku yi khang bu ni// ma bris dkyil 'khor gsal zhing gdang pa la/ / gser la yus spras me tog 'bur gyi tshul// shin tu dri zhim spos kyi reng bu'i tshul// steng 'og phyogs mtshams bla 'og med pa na// spyan gyi rol mo sgyu ma'i tshul du gnas pa'o/ / sprul pa'i sku yi khang bu ni// 'byung ba lnga'i dkyil 'khor ri'i mthon dman dang// lung pa'i yangs dog thang gi che chung na// rtsi shing nags tshal 'byung ba'i me tog rgyan// nyams dga' ba yi pho brag dri zhim spos/ / che dkar brtso zhing sgrub par gnas pa'o// yang rdo rje 'dzin pa khyod nyon cig/ chos kyi sku yi sbubs kyi don mtshon pa// rang bzhin rnam dag gsal ba'i sbubs// rtog med mnyam pa ye shes nang na gsal/ / ma btsal rang byung 'od kyi phung por gnas pa'o// yang longs spyod rdzogs pa'i sbubs kyi gnas lugs ni// shin tu gsal gdang 'gyur ba med pa la// kha dog dbyibs ldan mdzes pa'i rgyan gyis brgyan/ / snyan cha mgur chu phyag gdub zhabs gdub dang// mtshan dang dpe byad ma btsal lhun gyis grub// yon tan kun ldan bde gshegs ye shes sbubs// zhes gsungs so// yang rdo rje 'dzin pa khyod nyon cig/ sprul pa'i sku yi sbubs kyi don mtshon pa// ming med ming du btags pa ming gi bag chags brtas// de yang ji ltar brtas pa ni// dbang po lnga dang yan lag lnga// don sning lnga dang nang khrol lnga/ / bdud rtsi lnga dang nad lnga yang// 'gro ba rigs drug sems can rnams// 'gro drug bag chags sbubs su gnas pa'o// yang rdo rje 'dzin pa khyod nyon cig/ rang bzhin rnam dag ye shes sbubs na gnas pa ni/ / mi g.yo mi 'gyur rang gsal chen po gnas// bde gshegs ye shes sbubs na ye shes gnas pa ni// shin tu gsal gdang rnal 'byor spyod par gnas// 'gro drug bag chags sbubs na ye shes gnas pa ni/ / gcod dang ldan te ye shes cha yis gnas// de yang ji ltar gnas pa ni// rang gsal cha chung gzhan gsal cha che bas// rang gsal ye shes lnga dang ldan// gzhan gsal rnam rtog ming yin no// zhes gsungs so/ / yang rdo rje 'dzin pa khyod nyon cig/ chos kyi gsung gi gnas lugs ni// smra bsam brjod med kun la khyab par gnas// longs spyod rdzogs pa sku yi gsung gi gnas lugs ni// brag cha lta bu'i gsung la 'gag 'grib med par gnas/ / sprul pa sku yi gsung gi gnas lugs ni// 'byung ba ma snyom 'gag 'grib can du gnas pa'o// yang rdo rje 'dzin pa khyod nyon cig/ ngo bo rang bzhin thugs rje gsum/ / kun gyi rang bzhin thugs rje gsum// kun gyi rang bzhin yin gyis de la nan tan bskyod// de yang ji ltar yin pa ni// ngo bo chas kyi sku yi rtsal// rang bzhin dngos med dag pa'i sku// thugs rje ye shes chen po'i rtsal/ / gsum 'dus pa ni gcig gi ngang// gcig po ni brjod las 'das pa'o// zhes gsungs so// sku gsum gyi khang bu dang sbubs bstan pa'i le'u ste rtsa bzhi pa'o//// yang dpal rdo rje 'dzin pas zhus pa/ / 'gro ba rigs drug sems can gyis// 'di bor phyi ma ma blangs pa'o// bar do'i gnas lugs ji ltar gnas pa lags// zhes zhus so// yang gsang ba'i bdag pos gsungs pa// dpal rdo rje 'dzin pa khyod nyon cig/ bar do la yang rnam bzhi ste// de yang bzhi gang zhe na// rang bzhin bar ma do dang rmi lam bar ma do// skye shi bar ma do dang srid pa bar ma do ru bstan pa'o// yang nyon cig rdo rje 'dzin pa khyod/ / rang bzhin bar ma do la 'khrul gzhi rtsad nas gcad// rmi lam bar ma do la lta ba'i thag gcad// skye shi bar ma do la ye shes ngos gzung// srid pa bar ma do la las kyi 'phro 'thud/ / yang dpal rdo rje 'dzin khyod nyon cig/ rang bzhin bar ma do la 'khrul gzhi rtsad nas gcad pa ni// sku yi 'khrul pa bcad pa dang// gsung gi 'khrul pa gcad pa dang// thugs kyi 'khrul pa bcad pa dang/ / gnyis med 'khrul pa gcad pa dang// yul gyi 'khrul pa bcad pa'o// 'khrul gzhi rtsad nas ma bcad na// nyon mongs kun dang bral ba dka'// nyon mongs kun dang ma bral na// sangs rgyas zhing khams rnyed pa dka' ba'o/ / de phyir nyon mongs rang sar dgrol// de yang ji ltar dgrol ba ni// sku yi nyon mongs zag pa can gyi lus// yid bzhin sku ru khrol la de la gnas par gyis// gsung gi nyon mongs 'gag 'grib can gyi skad/ / brag cha lta bur khrol la de la gnas par gyis// thugs kyi nyon mongs dga' mi dga' yi sems// ye shes chen por khrol la de la gnas par gyis// gnyis med 'khrul pa'i lus sems bral ba 'di/ / gnyis med chan por khrol la de la gnas par gyis// yul gyi 'khrul pa 'byung chen lnga po 'di// dkyil 'khor chen por khrol la de la gnas par gyis// rdo rje 'dzin pa khyod nyon cig/ 'khrul pa chod na don gyi dbyings su skyol/ / 'di ni bar do chen po ste// rang nyid rang gis thob pa'i lus// sangs rgyas sems can gnyis kyi bar// 'di ni 'khor 'das gnyis kyi bar// 'di ni mtho ris ngan song bar/ / bar do 'di la gang 'gro ba// rang dbang rang gis thob pa'i dus// des na bar do chen po'o// zhes gsungs so// rang bzhin bar do bstan pa'i le'u ste rtsa lnga pa'o//// yang dpal rdo rje 'dzin pas zhus pa/ / rmi lam bar do ji ltar char ba lags// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ rmi lam bar do rnam gnyis te// de yang gnyis gang zhe na// gnyid ma log pa'i rmi lam dang/ / gnyid log pa yi rmi lam bstan pa'o// gnyid ma log pa'i rmi lam ni// thog ma med pa'i dus nyid na// nam mkha' ming dang bral ba bzhin// rang gsal rtog pa med pa las// 'khor lo gsum du yid g.yos pas/ / dang thabs gcig la yid kyi ming 'dogs byung// dang thabs gnyis la sems kyi ming 'dogs byung// dang thabs gsum ngag gi ming 'dogs byung// yid kyi phra rags sems kyi rnam rtog gis/ / ming med ming du btags pas ming gi bag chags brtas// ming gi bag chags yang dag ming med pas// 'khrul pa'i dbang gis dngos med dngos po'i mthong// dngos med dngos su mthong ba rmi lam ltar snang ste/ / de yi phyir na gnyid ma log pa'i rmi lam mo// yang rdo rje 'dzin pa khyod nyon cig/ gnyid log pa yi rmi lam bstan pa ni// gnyid log rmi lam rang bzhin ni// 'khrul pa'i bag chags brtas pa ste/ / de yang ji ltar rtas pa ni/ bde ba'i mal du tshogs drug 'gags pa'i gnyid log pas// yid kyi bya byed sems kyi rnam rtog las// byed pa med de rang brtson rang gis zung// de yang ji ltar gzung ba ni/ / pha med pha ru mthong ba dang// ma med ma ru mthong ba dang// gnyen med gnyen du mthong ba dang// zas med zas su mthong ba dang// nor med nor du mthong ba dang// dngos med dngos su mthong ba 'di/ / ma sad bar du 'di dang rang bzhin cig/ sad nas de la rang bzhin med// de bzhin 'di yi snang ba la// srid pa'i ri bo ma brgal tshe// ltar snang tshul du snang mod kyang// srid pa'i ri bo brgal ba'i tshe/ / 'di yang mi bden rang bzhin med// rdo rje 'dzin pa khyod nyon cig/ de bzhin gnyid log rmi lam na// ri yi mtho dman ngam grog g.yangs sa dang// mi bde gcong rong chu bo chen po'i gzhung// dgra yi rnam pa ha la srin po'i tshogs/ / bde dang mi bde rmi lam snang ba rnams// byed mkhan med de rang gi rnam rtog brtas// dngos med dngos su snang ba yin// sad pa'i gting la de yi rang bzhin med// de bzhin 'di yi snang ba yang/ / dgra gnyen la sogs sems kyi sdug bsngal 'di// dngos med dngos su snang ba yin// ma rtogs tshe na bden pa ltar snang yang// man ngag 'di yi sgor zhugs nas// 'khrul pa chod pa'i gang zag dam pa la/ / 'di yi don rtogs 'khrul pa'i rang bzhin med// yang rdo rje 'dzin pa khyod nyon cig/ gnyid log rmi lam snang ba la// gri mdung la sogs mtshon cha yis// sems can srog gi phung po ji ltar bsad gyur kyang/ / ma sad bar du 'di la gnyis su med// bsad nas don du ma bsad dngos po med par rtogs// yang dag don la bsad med rmi lam lta bur rtogs// de ltar rtogs pa'i yon tan gyis// sgrib med rmi lam lta ba bzang po'o/ / de bzhin 'di yi snang ba la// khams gsum 'khor ba'i srog gi phung po rnams// rnal 'byor lta ba chun pa la// ji tsam bsad kyang sgrib pa'i skyon dang bral// de yang ji ltar bral ba ni/ / khams gsum 'khor ba'i sems can rnams// don la mi bden rmi lam snang bas mtshungs// yang dag don la bsad med rmi lam lta bur rtogs// mi bden pa yi snang ba la// dge bcu 'dzin par spyod pa dang/ / sdig bcu 'dzin par spyod pa gnyis// kun tu bzang po'i dgongs pa med// rdo rje sems dpa'i dka' dang 'gal// shel gyi khye'u chung gsung bgros min// bsgral ba bgrangs kyang sangs mi rgya// chags med 'dzin med sems kyi brtod phur phyung/ / zhes gsungs so// rmi lam bar do la lta ba'i thag gcad pa'i le'u ste nyer drug pa'o//// yang dpal rdo rje 'dzin pas zhus pa// kye kye gsang ba'i bdag po lags/ / skye shi bar ma do la ye shes ngo yis ji ltar 'dzin pa lags// zhes zhus so// gsang ba'i bdag pos gsungs pa// skye shi bar do'i man ngag bstan pa ni// lus kyi phung po snang ba'i zhing khams rnams/ / 'di la mi sdod 'bor ba'i tshe// ye shes ngos bzung ngo sprod gsal btab la// skye shi rtsad bcad chags pa med par 'gro// de yang ji ltar 'gro ba ni// yid bzhin sku dang 'grogs la 'gro// bra cha'i gsung dang 'grogs la 'gro/ / ye shes gsal dang 'grogs la 'gro// dkyil 'khor gsal dang 'grogs la 'gro// gnyis med don dang 'grogs la 'gro// 'khrul ba'i snang ba bzlog la 'gro// chags med 'khrul pa'i g.yag chags med par 'gro/ / mi gsal gsal ba'i dgongs pas 'gro ba'o//// skye shi bar do la ye shes ngos bzung ba bstan pa'i le'u ste nye bdun pa'o// yang dpal rdo rje 'dzin pas zhus pa/ / srid pa bar ma do'i mtshan nyid bstan du gsol// zhes zhus so// gsang ba'i bdag pos gsungs pa// rdo rje 'dzin pa khyod nyon cig/ srid pa bar ma do'i mtshan gnas lugs bstan pa ni// bar ma do la grol sa rnam gsum ste/ / de yang gsum gang zhe na/ srid pa'i 'khor lo brgyad nyid la// grol sa rnam pa gsum yod de// de yang ji ltar yod pa ni// kye rdo rje 'dzin pa khyod nyon cig/ sems can kun gyi ngo bo la/ / sku dang ye shes kun la khyab pa dang// mi 'gyur yon tan skye 'gag tshul// yon tan 'gag med kun gyi sngon du 'byung// de yang ji ltar 'byung ba ni// srid pa'i ri bo brgal ba'i tshe// gcig 'gag gcig skye gcig la gnas pa'o/ / rdo rje 'dzin pa khyod nyon cig/ snang zhing srid pa'i sems can kun// skye ba'i sgo rnams ma khegs pas// 'chi ba'i sgo la khegs pa med// sems can kun gyi yon tan ni// 'khrul pa mi rtag 'bor ba yin/ / ma rig 'khrul pa'i srog chags la// yon tan ji ltar yin pa ni// sgyu ma'i phung po 'bor ba'i tshe// khams gsum sems can thams cad ma lus pa// bde gshegs snying pos kun la khyab pa dang/ / gnyis med 'gyur ba med pa'i yon tan gyis// srid pa'i ri bo brgal ba'i tshe// 'khrul pa'i snang ba ri yi mtho dman dang// lung pa yangs dog ngam grog g.yang sa dang// thang gi che chung rtsi shing nags tshal dang/ / pha ma la sogs gnyen gyi gdung sems dang// dgra yis 'dzin pa rdzas kyi chags pa rnams// 'khrul pa bor nas chos nyid dang nyal bas// 'khrul ba'i snang ba 'gag par 'gyur// gcig gam gnyis dang gsum nyal nas/ / nyal ba de yi yon tan gyis// gcig pa nyal nas gnyis pa skyes pa'i tshe// 'khrul pa'i snang ba 'gags nas don gyi snang ba 'char// de yang ji ltar 'char ba ni/ / rig pa gnyis med skye 'gag tshul du gnas// dper na rmi lam snang ba'i gting gis mtshungs// skye 'gag bsnol mar kun la gnas pa yis// sangs rgyas zhing khams kun la lhag ma med par rdzogs/ / don gyi snang ba lhag ma med par rdzogs pa la// dbang po rab 'bring rnam pa gsum du gcod// de yang ji ltar spyod pa ni// ngo sprod byas pa'i dbang po yang rab la// snang ba de yis rkyen byas nas// skad cig tsam gyis ye shes chen por gcod/ / ngo sprod byas pa'i dbang po 'bring po rnams// skad cig tsam gyis grol bar ma gyur kyang// snang ba de la spyod cing mkha' 'gro'i gsung la nyan// zhag bdun bar du gdung ba'i sems kyis ngu gad ma byas na/ / zhag bdun 'das nas rdo rje lta bu'i ting 'dzin thob par nges// ngo sprod byas pa'i dbang po tha ma rnams// skye 'gag tshul gyis 'khor lo brgyad la 'grim// srid pa'i ri bo brgal pa'i tshe/ / zhag bdun tshun chad ngu gad byas pa na// rdo rje lta bu'i ting 'dzin ma thob pas// bar ma do ru 'khrul pa'i sa bon ldang// de yang ji ltar ldang ba ni// srid pa'i ri bo brgal ba'i gang zag la// nyon mongs thug po mi mnga' don gyi snang bas mtshungs/ / gdung ba'i sems dang ngu ba'i skad// gang zag de yis thos par 'gyur// gang zag de yis ngu ba'i skad thos nas// rdo rje lta bu'i ting 'dzin ma thos pas// gang zag ma yin gang zag tshul gyis bslus/ / ngu ba de yi skad kyis rkyen byas nas// pha dang ma dang bu dang zla grogs dang// dgra gnyen la sogs rdzas kyi rnam pa dran// 'khrul pa'i snang ba skad cig dran pa yis// don gyi snang ba 'gags nas 'khrul pa'i snang ba 'char/ / gang zag ma yin gang zag sems kyis bslus// ngo sprod byas pa'i dbang po 'bring dang tha ma gnyis// grol long med par ngu ba'i rkyen gyis 'khrul// man ngag 'di dang ma phrad ngo sprod ma byas na/ / skye shi ji tsam spyad kyang rang yul mi rtogs pas// mtho ris thob kyang don dang 'jal ba dka'// bskal ba bgrangs kyang don gyi snang ba stor ba'o// bar do'i grol sa dang po bstan pa'i le'u ste nyer brgyad pa'o/ /// yang dpal rdo rje 'dzin pas zhus pa// kye kye gsang ba'i bdag po lags// bar do'i grol sa rnam gsum la// grol sa 'bring po ji ltar lags// zhes zhus so/ / gsang ba'i bdag pos gsungs pa// rdo rje 'dzin pa khyod nyon cig/ srid pa bar do brgal ba'i tshe// skye 'gag tshul du 'khor lo brgyad la 'grim// de yang ji ltar 'grim pa ni// 'byung ba'i 'khor lo lnga dang yon tan 'khor lo gsum/ / 'byung ba'i dwangs ma snang ba'i 'khor lor thim par tshe// tshe 'das snyam byed phung po la// pha dang ma dang zla rogs bu dang tsha// zhing khams la sogs dgra gnyen 'khrul pa'i snang ba dang/ / rdo rje slob dpon mched lcam la sogs dang// snyam byed tsam la ma ltos shin tu mthong// shin tu gsal yang mig gi mun pa yis// dngos med dngos su snang bas snyam byed lus dang snyam byed yul gyis bslus/ / shi bar mi mthong sngar gyi dngos su mthong// sngar gyi dngos su mthong yang dngos med bag chags srab// bag chags srab pa'i yon tan chen po yis// rdo rje slob dpon mched lcam gtsang ma yis/ / sngar gyi gdams ngag bshad cing ngo sprod bskyar cing bya// de yang ji ltar bya ba ni// rnal 'byor de'i dgongs rgyud las// gtor ma la sogs tshogs kyi phung po dang// 'byor bshos mchod pa spyan gzigs sna tshogs bsag/ de ltar yo byad phun sum tshogs tsam na// rdo rje slob dpon la sogs mched lcam gdung ba'i tshogs// gting gsal chen po'i dgongs rgyud gsal bar bya// khams gsum 'khor ba'i sems can ma lus la/ / snying rje chen po'i sgom pa lhag ma med par sgom// mkha' 'gro rnam pa bzhi la 'phrin las drag tu bcol// de yang ji ltar bcol ba ni// chos nyid dag pa'i pho brang nas// dbyings kyi mkha' 'gro spyan drangs la/ / gtor tshogs la sogs mchod pa rnams yang dbul// tshe 'das de yi skyabs su gsol ba bya// dkyil 'khor 'di yi pho brang nas// ye shes mkha' 'gro spyan drangs la// sngar bzhin phul la tshe 'das skyab tu gsol/ / shar phyogs mnyam pa'i dkyil 'khor nas// rdo rje mkha' 'gro spyan drangs la// mchod pa sngar bzhin phul la tshe 'das skyab tu gsol// nub phyogs o rgyan pho brang nas// las kyi mkha' 'gro spyan drangs la/ / mchod pa dbul zhing tshe 'ad skyab tu gsol// slob dpon de yis byin brlabs drag tu bskyed// de yang ji ltar bskyed pa ni// mtshan dang ldan pa'i thod pa la// dkyil 'khor chen po'i gzhal yas khang du sgom/ / de yang ji ltar sgom pa ni// ma bris dkyil 'khor chen po la// gser la g.yus spras me tog 'bul ba sgom// me tog la sogs ri yi mchod pa bsam// rang gi thugs ka'i 'od zer las/ / dkyil 'khor de yi pho brang du// yi dam lha dang brgyud pa'i bla ma bsam// bde bar gshegs pa mkha' 'gro rnam bzhi bsam// yang rang gi thugs ka'i 'od zer las// bde gshegs la sogs bla ma'i byin brlabs dang/ / rang gi ting 'dzin sngags kyi 'du 'phro yis// tshe 'das bkug la thod pa'i dbyings su bstim// de yang ji ltar bstim pa ni// sngags kyi 'phro 'du dgug pa'i phyir mo ni// dza hU~M baM ho/ de ltar bzhi yis rnal 'byor ting 'dzin bskyed/ / de yang ji ltar bskyed pa ni// rnal 'byor de yi dgongs rgyud las// zhabs bskyang bskum pa'i tshul du bzhugs// phyag g.yas kyi 'dzu gu bkug la/ / lcags kyu'i tshul du bsam/ phyag g.yon chos brtags kyi phyag rgya mdzad la// rgyud drug gi sems can la snying rje chen pos zin par byas la// ting 'dzin gyis byin gyis brlabs la/ gting gsal chen po'i 'od zer la/ dza lcags kyu ma sku mdog gnag la 'tsher ba/ phyag g.yas na lcags kyu bsnams pa// phyag g.yon na gsal ba'i 'khor lo bsnams pa/ gcig thugs ka'i 'od zer las 'phros pas/ tshe 'das snyam byed kyi phung po can de/ lcags kyus gzung la 'khor los ngo sprod cing bkug par bsam mo// de nas yang rang gi thugs ka'i 'od zer las// hU~M zhes brjod pas tshe 'das de'i thugs kar yang/ hU~M mthing ka shin tu gsal ba cig krong gis bsam/ thod pa'i dbyings su yang hU~M de dang mthun pa cig bsam la/ yang hU~M zhes brjod pas/ thod pa'i dbyings kyi hU~M la thim par bsam/ de nas yang baM zhes brjod pas/ thod pa'i hU~M dag gnyis su med par bsdams la/ ngo sprod gdams ngag gis gsal gdab bo// de nas rnal 'byor ba de'i byin rlabs las/ dbang la rnam pa gnyis yod de// de yang gnyis gang zhe na// lha dbang lus la bskur ba dang/ / chos dbang sems la bskur ba'o// de nas rnal 'byor pa de'i byin brlabs las// tshe 'das snyam byed kyi phung po de la// lha dbang lus la bskur mi dgos// chos dbang sems la bskur la/ / 'og min gyi gnas chos kyi sku'i pho brang// chos kyi brdal ba'i gzhal yas khang de ru// mkha' 'gro rnam pa bzhi dang gnyis su med par// ho dgyes pa chen po'i sgras// gnyis su med par byin gyis brlabs la 'phang ngo/ / rdo rje 'dzin pa khyod nyon cig/ dza 'gugs pa'i sgra'o// hU~M stim pa'i sgra'o// baM sdom pa'i sgra'o// hor dgyes pa'i sgra'o// dza 'gugs pa'i phyag rgya'o//// hU~M stim pa'i phyag rgya'o// baM sdom pa'i phyag rgya'o/ / ho dgyes pa'i phyag rgya'o// rnal 'byor rtsal dang ldan pa yis// 'phrin las de ltar byas na// tshe 'das don dang 'jal ba'o// grol sa rnam pa gsum po'i grol sa 'bring po bstan pa'i le'u ste nye dgu pa'o/ / yang dpal rdo rje 'dzin pas zhus pa// srid pa'i 'khor lo brgyad po la// grol sa rnam pa gsum yod pa// grol sa tha ma ji ltar lags// zhes zhus so// gsang ba'i bdag pos gsungs pa/ rdo rje 'dzin pa khyod nyon cig/ grol sa tha ma bstan pa ni// srid pa'i ri bo brgal ba'i tshe// tshe 'das snyam byed phung po de// srid pa'i 'khor lo brgyad nyi la// snyam byed lus dang 'grogs nas 'grim// de yang ji ltar 'grim pa ni/ / don gyi snang ba gsum po la// yon tan rang byung chen po yis// tshe 'das snyam byed phung bo de// gcig pa la 'gag gnyis pa la skyes// gsum pa la gnas pa'o// yang rdo rje 'dzin pa khyod nyon cig/ gcig pa la ji ltar 'gag pa ni// snang ba reg pa'i 'khor lo la// tshe 'das phung po 'grim pa'i tshe// sems can gyis las kyi spyi thun gyis// rig pa rtog med pa la nyal// rtog med ngang la zhag bdun bsdad pa yis/ / rtog med ngang la bsad pa'i yon tan gyis// rtog med ngang la rig pa thol langs pas// 'khrul pa'i bag chags 'gags nas ming gi mun pa 'gribs// gnyis pa skye ba'i skye lugs bstan pa ni/ / chos nyid ngang la rig pa thol langs pas// 'khrul ba'i snang ba 'gags nas don gyi snang ba shar// de yang ji ltar shar ba ni// snang ba mched pa'i 'khor lo thim pa'i tshe// nyon mongs kun dang bral nas bde ba'i gling na gnas/ / bde ba chen po de yis rnal 'byor grogs byas nas// kun tu bzang po'i dgongs pa tshigs gsum po// rnal 'byor chen po de la shes rab chen por skye ba'o// gsum pa gnas pa'i gnas lugs bstan pa ni/ / gang zhig tshe 'das phung po de// de ltar de ru rtogs pa ma skyes kyang// 'od gsal 'khor lor thim pa'i tshe// don gyi snang ba lhag ma med par 'char// snang ba de yis tshe 'das rkyen byas nas/ / yang dag don gyi ngo sprod tshig gsum po// rang gi rang la ltam nas rang la 'tsher bar nges// rang la bltam nas rang la shar ba'i tshe// snang ba 'gyur med 'od gsal 'khor lor gnas// gsum pa gnas pa'i gnas lugs bstan pa'o/ / tshe 'das snyam byed phung po de// snang ba de yi rkyen gyis ma grol na// srid pa'i 'khor lo brgyad nyid la// skye 'gag tshul du sngar bzhin logs nas 'grim// sa yi 'khor lor thim pa'i tse/ / skye ba thogs pa med par len// ngo sprod byas pa'i gang zag de// dbang po dgu'i tha ma yin pas// grol sa gsum du grol bar nges// ngo sprod byas pa'i dbang po dgu tha de// de tshe rtogs pa ma shar kyang/ / man ngag 'di la mos pa'i yon tan gyis// dbang po lnga la skyon med par// yon tan mchog tu gyur pa'i mi lus gtsang ma thob// phyi mar gces pa'i 'bras bu chos dang 'jal bar nges// lo yi thun tshad bdun tsho lnga ru thub/ / bdud tsho lnga ru tshe la bar chad mi 'ong ngo// bdun tsho lnga po 'das nas su// srid pa'i 'khor lo rar brgal kyang// sngon gyi snang ba the tshom med par mthong ngo// rgyud lung man ngag gsum gyi sgor zhugs nas/ / ngo sprod 'di dang ma mjal na// bskal pa bgrangs kyang don dang 'jal ba dka'// srid pa'i 'khor lo brgyad nyid la// tshe 'das phung po 'khor ba'i tshe// ngo sprod kong du ma chud cing/ / gdams ngag 'di dang ma mjal na// tshe 'das yang dang yang du 'khor bar nges// grol sa thams cad bstan pa'i le'u ste sum cu pa'o//// yang dpal rdo rje sems dpas zhus pa/ / kye kye gsang ba'i bdag po lags// khams gsum 'khor ba'i sems can la// skye shi brjod pas mi lang ste// gang zhig rtog pa ma skyes pa// tshe la bar chod 'ong pa la// lus kyi na tshas snyam snyom 'ong ba la/ / dbang skur byin brlabs ji ltar bgyi// zhes zhus so// gsang ba'i bdag pos gsungs so// dpal rdo rje 'dzin pa khyod nyon cig/ tshe la bar chod 'ong ba dang// lus kyi na tshas nyams myong phrogs pa la/ / dbang bskur byin gyis brlabs pa ni// dbang la rnam pa gnyis yod do// de yang gnyis po gang zhe na// chos dbang sems la bskur ba dang// lha dbang lus la bskur ba'o// de la chos dbang sems la bskur ba ni/ / de yang dbang la rnam pa lnga'o// de yang lnga gang zhe na// yang dag don gyi dbang chen po lnga'o// yang dag don gyi dbang gis nges pa bstan pa ni// lha yi dbang dang bzhag thabs chen po'i dbang/ / spyod pa'i dbang dang 'bras bu chen po'i dbang// yon tan rgya chad med pa'i dbang du bstan pa'o// de yang dbang chen po lnga bstan pa ni// gting gsal chen po rang gsal mi 'gyur ba'i dbang// ting gsal chen po'i ngo bo la/ / rig pa mi g.yo ba ru bzhag pa ni// bzhag thabs mi g.yo rang gsal gyi dbang ngo// gting gsal chen po'i ngo bo mi 'gyur ba la// ma btsal shugs las byung ba ni// spyod pa mi 'gyur rang gsal gyi dbang ngo/ / gting gsal chen po mi 'gyur ba la// sku yi ngang la rig pa rang la rang gsal bas// 'bras bu mi 'gyur rang gsal gyi dbang ngo// ting gsal chen po mi 'gyur ba de// rgya chad phyogs lhung med pa la/ / nga rgyal med pa'i yid ches 'char ba ni// yon tan mi 'gyur ba rang gsal ba'i dbang ngo// yang rdo rje 'dzin pa nyon cig/ lta ba mi 'gyur rang gsal chen po'i dbang ni/ dpe ci dang 'dra na/ rtogs pa skad cig ma'i man ngag skyes bu snying bton pa dang 'dra'o// skyes bu chen po rnams kyis ni// yan lag dang sor mo la sogs pa// mtshon cha rnon pos bcad pa ni// mi 'chi yang srid pa la// mtshon rnon pos skyes bu'i snying bton na mi 'chi mi srid pa yin no/ / dpe de bzhin du/ rang gi rig pa rno la gcod pa des// 'bad rtsol dang rtsol sgrub kyi chos dang/ stong pa dang has po dang// dag pa phyogs gcig pas/ / sangs rgyas mi srid la/ ye shes chen po rno la gcod pa des// sku dang ye shes kyi don lhag ma med par bcad nas/ dper na skyes bu snying bton pa la mi 'chi mi srid pa bzhin du/ gting gsal chen po'i don rtogs nas/ rtog pa skad cig ma'i man ngag gis shes rab lam du khyer na// sangs mi rgya mi srid pa'o// yang rdo rje 'dzin pa khyod nyon cig/ gzhag thabs mi 'gyur ba rang gsal chen po'i dbang ni dpe ci dang 'dra na/ ye shes kyi spyi lugs kyi man ngag/ rtsol sgrub kyi mtha' las 'das pa// ma btsal lhun gyis grub pa'i ngang// bying rgod kyi dgra dang bral ba// gsal ba rnam pa lnga'i yon tan// lhag ma med par sangs rgyas nas/ / me long gi logs la nyi ma shar ba lta bu'o// yang rdo rje 'dzin pa khyod nyon cig/ spyod pa mi 'gyur bar rang gsal chen po'i dbang ni// dpe ci dang 'dra na// tshogs drug lhug pa'i man ngag byed pa pos ma byas pa/ / 'dus byas kyi tshul gyis ma bcos pa/ gang zag gi rkyen gyis mi 'gyur ba/ tha mal gyi ngos bsrungs kyi ye shes kyi mgo mi non pa/ nyam nga ba dang bag tsha ba med pa// bgegs ma zhugs pa'i smyon pa chen po/ skyes bu nad kyis gzir ba lta bu'o// yang rdo rje 'dzin pa khyod nyon cig/ 'bras bu mi 'gyur ba rang gsang chen po'i dbang ni/ dpe ci dang 'dra na/ ma btsal lhun gyis grub pa'i man ngag/ byed pa pos ma byas pa/ rtsol sgrub kyi mtha' las 'das pa/ gshig cig gzhom pa'i dbang du ma gyur pa/ mi 'gyur rdo rje lta bum/ dper na nyi ma'i snying po lta bu'o// yon tan mi 'gyur ba rang gsal chen po'i dbang ni/ / dpe ci dang 'dra na phyogs cha kun dang bral ba'i man ngag/ dper na nam mkha'i mtha' dang bral// yin min gnyis dang bral ba/ sangs rgyas dang sems can gnyis/ 'khor ba dang myang 'das gnyis/ blo dang dngos po gnyis/ zhi gnas dang lhag mthong gnyis sam/ gnyis 'dzin gyi dmigs pa'i mtha' dang bral nas/ dper na phyogs ris med pa nam mkha'i dbyings lta bu'o// yang rdo rje 'dzin pa khyod nyon cig/ sku dang ye shes gnyis med chen po de// sku gsum dbyer med rang gi ngo bo cig/ rang bzhin lhun grub bde ba chen po de// rgyu rkyen gyis ma bskyed pas rang byung du 'dug pa// rang byung du 'dug pas/ gzhan gang la yang ma ltos pa// byed pa po ma byas pas// 'dus byas min pa/ gnyen po gang gis kyang mi shigs pas/ ra ri ngo bos kyang mi 'jog pa'o// 'phral du ma bcos pas gshis su 'dug pa/ gshis su 'dug pas bsgyur du mi btub bo// shin tu gcod dang ldan pa ni// ral gri so ma lta bu ye shes gcod dang ldan pa des/ man ngag 'di yi sgor zhugs nas/ gnyis med lhag ma med par gcod pa'i tshe/ / chos sku thig le nyag gcig po// skyon yon gnis kyi mtha' dang bral// myang 'das chen po gsal ba'i ngang gnas pa// mi g.yo mi ldeg spros pa'i mtha' dang bral// rang gsal rtog pa med pa'i man ngag/ yang rdo rje 'dzin pa khyod nyon cig/ chos sku dbang gi mdor bsdus rnam pa lnga ste// dbang gi mdor bsdus rnam lnga'o// ji ltar phye nas gang ltar bskur ba ni// man ngag 'di yi sgor zhugs nas/ rnal 'byor rtsal dang ldan pa yis// skal ldan rigs kyi bu tsha la// chos nyid 'gyur ba med pa'i dbag sgyur nas// yang dag don dang sprad pa'i phyir// rnal 'byor de yi dgongs rgyud 'di ltar bya// ting gsal chen po'i sgor zhugs la/ / gnyis med lta bas chos par bya// yang dag don la yi ge mi bdog kyang// 'gro ba'i don du thugs rje ma 'gags pas// rnal 'byor pa yang yig 'bru'i phung por 'jug/ de yang ji ltar 'jug pa ni/ / rnal 'byor rtsal dang ldan pa de// lus la rtsa'i yig 'bru dgod// rtsa ba'i yig 'bru'i gnas bstan pa// spyi bo'i gtsug tu yig 'bru a// mgrin pa'i dbyings su yig 'bru oM// lte ba'i dbyings su yi ge maM/ / rkang pa'i mthil du yi ge yaM// rnal 'byor rtsal dang ldan pa des// rang gis lus la yig 'bru lnga sgoms la// yig 'bru'i yon tan de nyid ma'i 'od zer dang mtshungs par bsam/ rigs kyi bu dang bu mo yang/ / dbang bskur byin brlabs 'dod pa de// mdun du bzhag la rang nyid lhar sgom du gzhug/ yig 'bru bcu yi 'od zer 'phros pa yis// bgegs dang log 'dren 'du ba'i nang rnams dang/ / nyon mongs lhag ma med pa bsreg par bsam// yang rdo rje 'dzin pa khyod nyon cig/ rigs kyi bu dang rigs kyi bu mo de// dbang bskur byin brlabs nod pa'i tshe// rang gi mdun du bzhag la dbang bskur byin gyis brlabs pa ni/ / rtsa ba'i dbang chen yon tan kun dang ldan// gsal ba chen po'i dbang dang g.yo ba med pa'i dbang// rgya ma chad pa'i dbang dang mi 'gyur ba yid dbang// 'gag med yon tan chen po'i dbang dang lnga ru bstan pa'o/ / yang gsang ba chen pa'i dbang bskur byin brlabs bstan pa ni/ rigs kyi bu dang rigs su mo la// rnal 'byor rtsal dang ldan pa de'i// spyi bo'i gtsug tu phyag gi mthil bzhag la/ / sngags kyi byin brlabs 'di ltar brjod par bya// bud+d+ha rdo rje che ge mo a zhes brjod nas// rigs kyi bu dang rigs kyi bu mo des// chos nyid mi 'gyur ba'i dbang thob// de nas rnal 'byor pa de'i phyag gi khu tshur bud+d+ha rdo rje che ge mo oM zhes brjod pas/ rang bzhin lhun gyis grub pa'i ngo bo mi 'gyur ba'i dbang thob/ de nas rnal 'byor pa de'i phyag gi sor mo rnam pa lnga// rigs kyi bu'i snying khar bzhag nas/ bud+d+ha che ge mo hU~M zhes brjod pas/ sku gsung thugs yon tan 'phrin las kyi dbang thob nas/ gsal ba lnga bde ba chen por rgyas pa'o// de nas rnal 'byor pa de'i phyag gi mthe bong dang mdzub mo sprad de/ pad+ma'i tshul du byas te/ rigs kyi bu'i snying khar bzhag nas/ bud+d+ha rdo rje che ge mo aM zhes brjod pas/ thams cad skyed par byed pa'i ma// longs spyod rdzogs pa'i dbang thob pa'o// de nas rnal 'byor pa de'i phyag gi mthe'u chung rigs kyi bu'i bol tog tu bzhag nas/ bud+d+ha rdo rje che ge mo yaM zhes brjod pas/ 'degs byed rlung gi 'khor lo// rkang mgyogs kyi dngos grub thob pa'o// de ltar dbang gi byin brlabs kyis// rdo rje slob dpon mched dang lcam dral la/ / man ngag 'di yi sgor zhugs nas// dbang bskur byin brlabs byas pa rnams// tshe ring bde ba phun sum tshogs// nyon mongs sgribs g.yogs byang ba yis// shes rab chen po me ltar mched par nges/ / srid pa'i ri bo brgal ba'i tshe// yang dag don dam mjal bar nges pa'o// chos dbang sems la bskur ba'i le'u ste so gcig pa'o// yang rdo rje 'dzin pas zhus pa/ kye kye gsang ba'i bdag po lags/ / zhes zhus so// gsang ba'i bdag pos gsungs pa/ rdo rje 'dzin pa khyod nyon cig/ lha dbang lus la bskur ba la// lha yi rtsa ba gnyis yod de// de yang gnyis gang zhe na// sems kyi rnam rtog lha dang yang dag don gyi lha/ / rnam rtog sems kyi lha la rnam pa lnga yod de// de yang lnga gang zhe na// btags pa'i lha dang brten pa'i lha// 'go ba'i lha dang bsgrubs pa'i lha// sems kyi rtogs pa snga phyi la// snga ma lha ru gzung nas phyi ma 'dre ru gzung/ / rtog pas rtog pa mchod cing// dngos grub nod pa rnams yang dag don gyi lha ma yin// rdo rje 'dzin pa khyod nyon cig/ yang dag don gyi lha la rnam pa lnga yod de// de yang lnga gang zhe na/ rdo rje rigs kyi lha dang rin chen rigs kyi lha// pad+ma rigs kyi lha dang las kyi rigs kyi lha// de bzhin rigs kyi lha dang lnga ru bstan pa'o// rdo rje 'dzin pa khyod nyon cig/ rigs lnga lha'i sangs rgyas ni/ / rigs kyi khyad par so so ma yin te// 'go ba la tshig tu mtshon pa'i tshig tu mnga'// sku dang ye shes gnyis med chen po de// sku la 'gyur ba med pas rdo rje'i rigs su bstan// gnyis med 'gyur ba med pa'i yon tan de/ / brjod pas mi lang nor bu rin chen 'dra// de yi phyir na rin po che yi rigs// sku dang ye shes gnyis med chen po de// brjod pas mi lang bsam pa'i mtha' las 'das// rang bzhin lhun grub snang la rang bzhin med/ / me tog pad+ma 'dab brgyad la// 'dam gyi bseb nas 'khrungs kyang 'dam gyi skyon med bzhin// de bzhin khams gsum sems can gyi// rang bzhin lhun grub bde ba chen po de// 'khor ba'i bseb na 'dug kyang 'khor ba'i skyon gyis ma gos pas/ / des na pad+ma'i rigs kyi lha ru bstan pa'o// yang sku dang ye shes gnyis med chen po de// sems can kun gyi ngo bo la// bzang ngan che chung med par khyab pa'i yon tan gyi/ / gnyis med chen po de'i don lta nus na// ma rig rtog pa'i dbang gis sdig pa ci spyad kyang// gnyis med chen po 'di yi don rtogs na// las kyi dbang du mi 'gyur bas/ / las kyi rigs kyi lha dang mthun pa'o// sku dang ye shes gnyis med chen po de// lta bas thag chod nas gsal bar gnas pa'i tshe// yig 'bru la sogs thugs kha'i spro bsdu dang// lha yi sku dang khro bo'i cha byad rnams/ / 'gro ba'i don la cir yang mdzad pas na// rnam par snang mdzad de bzhin nyid kyi rigs// yang dag don gyi lha lnga 'di// tha dad ma yin rang gi ngo bor gcig/ sku la 'gyur ba med pas rdo rje sems dpa' yin/ / gnyis med gcod dang ldan pa la// ji ltar bsams pa 'byung bas na// des na rin chen 'byung ldan yin// chos sku kha dog dbyibs ldan te// dngos med mkha' la me long nang gi sku// snang la rang bzhin med pa de/ / ngo bo tha dad brjod pa'i mtha' las 'das// des na snang ba mtha' yas yin// sku dang ye shes gnyis med de// snyam byed med par chod gyur na// 'jig rten 'di yi don la rten pa ma yin te/ / gnyis med chen po rang la yod pa rang gis rtogs pa dang// yang dag don gyi 'bras bu grub pas na// des na don yod grub pa yin// gnyis med 'gyur ba med pa de rtogs nas// 'gro ba'i don la cir yang mdzad pas na/ / des na rnam par snang mdzad yin// rigs lnga'i sangs rgyas don gyi ngo bo lnga// rang la ye nas tshang bas yang dag don gyi lha// de ltar rtogs na lha dbang lus la bskur// mtshan ma'i lha tshogs sems kyi cho 'phrul rnams/ / rtogs pa'i dus med nam mkha'i mtha' ma tshol// de yang rang gi don du bsgrubs na 'khrul// gting gsal chen po mchod pa'i rnal 'byor rnams// dbang bskur byin brlabs byed pa dang/ / snying rje thugs rjes 'gro don byed pa rnams// ji ltar bsgoms kyang thugs rje 'gag pa med// rang don 'dzin pa 'dug na sangs rgyas dgongs pa min// 'gro ba rnams la byin brlabs 'phog mi srid/ / chags med 'dzin med sems kyi gtod phur phyung// bdag don lhun gyis grub na gzhan don lhun gyis grub// rang gi re dogs ma chod na// sems can skyabs kyang mi skyobs pas// dbang bskur byas kyang don med 'gyur/ / zhes gsungs so// lha dbang lus la bskur ba'i le'u ste so gnyis pa'o//// yang dpal rdo rje 'dzin pas zhus pa/ kye kye gsang ba'i bdag po lags// drag po'i dbang dang zhi ba'i dbang/ / rgyas pa'i dbang dang gsum pa 'di// dmigs pa'i mtshan ma gang gis bskur bar bgyi// zhes zhus so// gsang ba'i bdag pos gsungs pa/ rdo rje 'dzin pa khyod nyon cig/ drag po'i dbang dang zhi ba'i dbang/ / rgyas pa'i dbang dang rnam gsum gyi/ dmigs pa'i mtshan ma gang gis bskur ba ni// drag po'i dbang mi dmigs pa'i mtshan ma ni// rnal 'byor rtsal dang ldan pa des// yi dam lha dang khro bo'i sku ru sgom/ / shin tu 'jigs shing rngam pa'i sku// sku mdog rigs kyi khyad par bsam// thod pa dum bu gsum po la// mkha' 'gro mnyes pa'i gtor mas dgang// khro bo mnyes pa'i zhal zas dang// bdud rtsi dmar la dwangs par bsam/ / dgongs rgyud de ltar zin pa dang// rnal 'byor rtsal dang ldan pa des// slob ma'i tshogs kyang rang ltar sgom du gzhug/ gdug pa zil gyis non pa yis// khro bo sngags dgod 'di bgrang ngo/ / oM ha la ha la/ hu lu hu lu/ hU~M hU~M/ phaT phaT/ swA hA/ zhes brjod do// slob ma'i tshogs kyang brjod du gzhug/ de nas gtor ma mgo thog tu bzhag la/ drag po'i dbang bskur zhing oM hU~M phaT/ ces brjod la/ khro bo chen po'i dbang thob par shog cig/ ces pa'i smon lam gdab bo// des nas drag pa'i dbang thob par 'gyur ro// zhi ba'i dbang bskur ba ni// rnal 'byor pa rtsal dang ldan pa de nyid kyis/ / gnyis su med pas chod pa la// gting gsal chen po'i ngang bzhag ste// lag pa'i mthil gyis dbang bskur la// gong gi yig 'bru brjod cing ting 'dzin gsal bar sgom// chos nyid nyon mongs zhi ba'i dbang bskur ro/ / yang zhi ba'i dbang bskur dmigs pa'i mtshan ma ni// rin po che'i man shel dag pas bskur// yig 'bru dgongs rgyud gong dang mthun par byam// zhes gsungs so// dbang gsum nyid mnyam pa'i ngang la bzhugs nas/ chos rtags kyi phyag rgya mdzad nas/ tshig bshad 'di gsungs so// a a aHrin po che'i man shel dag pas bskur// yig 'bru dgongs rgyud dang mthun par bya// zhes gsungs so/ / dbang gsum gyi dmigs pa mtshan ma bstan pa'i le'u ste so gsum pa'o//// de nas yang gsang ba'i bdag po chen po dang/ chos kyi sku'i pho brang/ chos nyid brdal ba'i gzhal yas khang de ru/ chos nyid mnyam pa'i gang la bzhugs nas/ chos brtags kyi phyag rgya rgya mdzad mdzad nas// tshigs bcad 'di gsungs so// a a a/ rin chen gser gyi rgya mdud 'di// khams gsum 'khor ba'i sdug bsngal mi bzad pa/ / man ngag 'di yi byin brlabs kyis// kun gyi zug rngu choms par shog/ man ngag 'di yi byin brlabs kyis// sems can dmyal ba'i sdug bsngal mi bzad pa// skad cig tsam gyis rlag cing zhi bar shog/ yi dwags rnams kyi bkres skom dang// byol song rnams kyi gti mug dang// skye 'gro mi yi zhe sdang dang// lha ma yin gyi 'thab rtsod dang// 'don yon lha yi ltung ba rnams// skad cig tsam gyis zhi bar shog/ 'khrul pa gcod pa'i sgron ma 'dis// khams gsum 'khor ba'i mun pa sel bar shog/ ces gsungs nas chos nyid mnyam pa'i ngang la bzhugs so// gsang ba'i bdag po chen po des smon lam btab pa'i le'u ste so bzhi pa'o/ /// yang de'i tshe de'i dus na/ dpal rdo rje'i 'dzin pa des/ thugs kyi sprul pa brjod pas mi lang ba bkye nas/ rin po che brjod pas mi lang ba dang/ me tog brjod pas ming lang ba dang/ / mchod pa'i rdzas khyad par can brjod pas mi lang ba byin gyis brlabs nas/ sgra'i rol mo brjod pas mi lang ba sgrogs shing/ bstod pa 'di dag gsungs so// kye kye gang ba'i bdag po lags/ / rin chen gser gyi rgya mdud 'di// 'gro ba'i don du gsungs pa ngo mtshar shin tu che// a la la ho/ sangs rgyas 'od dpag med la phyag 'tshal lo// mgon po thugs rje can la phyag 'tshal bstod/ / dngos med dag pa'i sku la phyag 'tshal bstod// brjod med dag pa'i gsung la phyag 'tshal bstod// sgrib med dag pa'i thugs la phyag 'tshal bstod// gsang ba'i bdag po chen po yi// sku gsung thugs la phyag 'tshal bstod/ / ces gsungs nas dgyes pa chen po mdzad do// gsang ba'i bdag po la bstod pa'i le'u ste so lnga pa'o//// rin chen gser gyi rgya mdud 'di// kun tu bzang pa'i dgongs pa yin/ / rdo rje sems dpa'i zhal chems yin// shel gyi khye chung gsung bgros yin// bai ro tsa na'i yid dam yin// khri srong lde btsan phyag bzhes yin// spra dro skyer chu'i gter chos yin// dge bshes chos snying dngos grub yin/ / rnal 'byor nyi ma 'bar gyi rgyud pa yin// bskal ldan las 'phro can dang 'phrad par shog/ rin po che gser gyi rgya ma dud ces bya ba rdzogs so//// rlung lngar 'byung ba'i sgo lnga yin/ yul du byung ba'i sgo lnga yin/ pho mo gnyis su byung ba'i sgo yang yin no// ma ning du 'byung ba'i sgo yang yin no// dper na ga pur de sman dug kha zas gsum du byung ba yang/ rin po che de rin chen sna lngar 'byung ba bzhin/ sgo lngar snang yang thams cad 'byung ba'i gzhi yin no// gsang ba yang gter gyi rgyud las/ 'khrul pa'i dpe bstan pa'i le'u ste gsum pa'o//// de nas yang 'phags pa 'od zer rab tu 'phro bas/ sgo lnga'i bshad tshul bstan du gsol ces zhus pas/ bka' stsal pa/ rigs kyi bu nyon cig/ sgo lnga dag po lhun grub 'gag med sgo de nas/ lhun grub kyi rang bzhin rlung g.yos pas/ rnon po'i sgo rig pa gsal la rtog pa mad 'dra ba cig byung bas/ drod du byung bas rig pa gcod nus pas/ gcad rgyu ma rnyed do// bar der nga snyam pa cig skyes so// yid kyis wal gyis byung ngo/ / bar der shes par 'gyur ro// 'byung ba byung ste rang snang la lta nus so// rnon po'i sgo ma 'gags pas rang snang dmar por shar ro// rtul po'i sgo ma 'gags pas rang snang dkar por shar ro// lhun grub kyi sgo ma 'gags pas rang snang bas rang snang mthing khar shar ro/ / thams cad 'byung ba'i sgo ma 'gags pas rang snang ser por shar ro/ ma ning gi sgom 'gags pas rang snang ljang khur shar ro// de yi dus su rno ba las mig gi dbang po/ lhun grub las yid/ rtul po las rna ba/ lhun grub las lus/ thams cad byung ba las sna/ ma ning las lce/ dbang po lnga dang ldan pa de las/ rang snang 'od lngar mthong ste/ sgo lnga las ni 'di ltar 'khrul lo/ / gong du shar ba'i snang ba lnga las spyod nus so// 'od las spyad pas gzugs khams su skye'o// 'gyu ba ni 'dod pa'i khams su gnas so// yid ni gzugs med pa'i khams su gnas so/ / de ngo ma shes pas khams gsum du 'khor ro// rgyud drug tu 'khyams so// 'od la stong pa'i rgyas thebs na lam lnga las grol te/ dang po kun tu bzang pos lam ma sbyangs so// 'gyu ba 'od gsal 'khor lo bskor bas/ sgom pa'i ming ma thob bo// gzhi sgo lnga ngo shes pas 'khrul pa'i bzhi sad do// sgo bzhi la rgyas thebs so// sangs rgyas so// thams cad mkhyen pa thob bo// gsang ba yang gter gyi rgyud las/ 'khrul pa dmar khrid kyi le'u ste bzhi pa'o//// de nas 'od zer rab tu 'phro bas/ 'khrul pa'i gdams ngag bstan du gsol/ zhes zhus pas/ khams gsum snod dang bcud du 'khrul pa bstan par bya/ / zhes gsungs nas/ 'khrul pa lam gyi dus na ni// rang 'od lnga 'od du mthong// mthong bas chags pa rab tu skyes// des na 'dod chags zhes su 'khrul// rig pa gzhi la lhan gyis song// rang snang kha dog ma mthong bas/ / de la zhe sdang rab tu 'khrul// des na zhe sdang zhes su 'khrul// gnyis su med par ma shes pas// des na gti mug ces su 'khrul// de nga dang nga yi mnyam pa'i yul du bzung// des na nga rgyal zhes su 'khrul/ / nga rgyal cha las khong khro byung// 'gyu ba cha ni phra mo de// gzhi la thim nas 'od mi snang// de nas 'od mthong phrag dog dag tu 'khrul// rnon po'i sgo las pho ru bzung ste zhe sdang skyes/ / mngal du 'grims pas po ru 'khrul// rtul po'i sgo las pho ru bzung ste 'dod chags skyes// ma ning sgo las gnyis kar bzung// mngal du 'grims pas ma ning 'khrul// pho mo ma ning de nas 'khrul/ / chags pa skyes nas yi dwags dang// zhe sdang skyes pas dmyal ba dang// gti mug skyes pas byol song dang// khong khro phrag dog lha min lha// skyes pas 'gro drug 'khrul// 'dod chags zhe sdang gti mug sogs/ / sgo lnga dag las 'byung bar 'gyur// zhes gsungs so// sgo lnga snang ba ma 'gags pas// 'od du bzung bas gzugs kyi phung por 'khrul// nyams su myong bas tshor ba'i phung por 'khrul// dkar dmar lnga ru phye ba 'du shes phur por 'khrul/ / mngal du tshul pas 'du byed phung por 'khrul// sgo lnga chags pas rnam par shes pa'i phung por 'khrul// zhes gsungs so// de nas mngal nas skyes pa'i tshe// rig pa gsal bas ma 'gags pas/ / snang ba sal gyis byung mthong bas// 'byung ba lnga yi ming ma thogs// des na rnon po'i sgo las mthong mig tu 'khrul// kha dog sna tshogs 'bar ba'i 'od// thams cad 'dus pa'i rtags chen yin/ / rtul po'i sgo las sgra cig byung// da lta rna ba'i rnam shes 'khrul// 'dren pa'i sgo las dri ru byung// da lta sna yi rnam shes 'khrul// thams cad sgo nas ro ru byung// da lta lce yi rnam shes 'khrul/ / lhun grub sgo nas reg tu byung// da lta las su 'khrul pa'o// zhes gsungs so// gsang ba yang gter gyi rgyud las/ bcud du 'khrul pa bstan pa'i le'u ste lnga pa'o//// de nas yang 'od zer rab tu 'phro bas/ phyi'i snod 'di bstan du gsol/ zhes gsungs pas/ bka' stsal pa/ phyi'i 'byung ba lnga dang/ phyi'i ri rab dang/ phyi'i gzhal yas khang dang/ phyi'i 'dre dang/ nang gi 'dre dang/ phyi'i lha dang/ nang gi lha dang/ phyi'i lam dang/ nang gi lam dang/ phyi'i phung po lnga dang/ nang gi phung po lnga dang/ phyi'i sgo lnga dang/ nang gi sgo lnga dang/ gsang ba bla na med pa yang gter dmar khrid du bstan pa'o/ zhes gsungs so/ / dbang po yang rab de don gyis 'gyur yang// bdag gis ma go rgyas par bshad du gsol// zhes zhus pas/ yang bka' stsal pa/ phyi'i 'byung ba lnga ni/ sgo rnam pa lnga las/ bar gyi bskal pa la 'od lnga rang 'khrul lo/ / tha ma 'byung ba lnga ru 'khrul te// rnon po'i sgo las mer 'khrul// rtul po'i sgo las chur 'khrul// ma ning sgo las nam mkhar 'khrul// lhun grub kyi sgo las sa ru 'khrul lo// thams cad kyi sgo las rlung du 'khrul lo/ / phyi 'byung ba lnga'o// nang gi 'byung ba lnga ni/ rnon po drod/ rtul po las khrag/ ma ning las sems/ lhun grub las sa/ thams cad kyi sgo la dbugs su 'khrul lo// de nas ri rab gling bzhir 'khrul te/ rnon po las nub/ rtul po las shar/ ma ning las dbus/ lhun grub las lho/ thams cad las byung ngo// dbus kyi ri rab las kyang rnon po las kyang nub ra ga/ rtul po las shar gangs ri/ lhun grub las lho baiDUr+Ya/ thams cad las byang in+t+ra ni la/ de ni phyi'i ri rab bo// da ni nang gi ri rab ni/ mthil bzhi gling bzhi lus ri rab/ mgo bum pa'o// phyi'i lha khang ngo// rgyal ba rigs lnga la sogs pa 'bur dang ris su bris pa'o/ / nang gi lha khang ni/ rang lus rigs lnga'o// nang gi lam lnga ni/ sgo lnga'i rnam shes so// phyi'i 'dre lnga ni/ mgon po dang nag po'o// shar dang dkar mo/ dmu dang ser mo/ btsan dang dmar mo/ sna tshogs rgyu ba pho mo rnam pa lnga'o// nang gi 'dre lnga ni/ gzugs sdug pa mi sdug pa zhe sdang dug gsum gyi 'dre phung po'i bdud/ gcod pa'i 'dre/ sgra snyan pa dang mi snyan pa dug gsum gyi 'dre/ nyon mongs pa gti mug gi 'dre/ dri zhim pa dang mi zhim pa nga rgyal yid la byed pa'i bdud/ nga rgyal gyi 'dre/ ro zhim pa dang mi zhim pa 'dod chags lha'i bu'i bdud/ chags pa'i 'dre/ lus reg bya 'jam pa dang/ rtsub pa dang/ phrag dog dang/ khong khro'i bdud srog gcod pa'i bdu/ 'dre lnga phyi nang du bstan pas rig pa ngos bzung du bstan pa'o// phyi'i lam lnga 'od lnga/ nang gi lam lnga sgo lnga/ rnam shes lnga'o// phyi'i phung po lnga ni 'byung ba lnga/ nang gi phung po lnga ni gzugs la sogs pa'o// phyi'i gzhal yas khang ni phyi'i 'byung ba lnga/ nang gi gzhal yas khang dang 'og min gnas/ zhes gsungs so// gsang ba yang gter gyi rgyud las/ phyi nang snod bcud du 'khrul pa'i le'u ste drug pa'o//// de nas yang 'od zer rab tu 'phro bas/ 'byung ba lnga la ni rig par mi snang yang mdangs dang me tog 'byung ba la/ sems su mi snang ba ji lta bu lags/ phung po yang gdos par snang ba la/ gdos pa'i sgo nas mnyam na khyad che bas 'di ji ltar lags/ zhes zhus pas/ yang bka' stsal pa/ thog ma lhun gyis grub pa dbye ba med pa la/ rlung rnam pa lnga lhun gyis grub ste/ dper na nor bu rin po che dang 'dra ste/ thams cad 'byung ba'i gzhi ma de/ rlung rnam pa lnga ni skyed par byed pa'i rlung dang/ g.yo bar byed pa'i rlung dang/ smin par byed pa'i rlung dang/ 'gag pa med pa'i rlung dang/ sel ba'i rlung ngo// de yang rgya ma chad/ phyogs su ma lhung/ lhun gyis grub bo// de'i tshe de'i dus na/ rnon po'i rlung dang/ rtul po'i rlung dang/ 'dres pa'i rlung dang/ ma ning gi rlung dang/ sel ba thugs rje'i rlung dang lngar byung ngo// rnon po rlung las pho/ rtul po rlung las mo/ 'dres pa las gnyis ka/ ma ning las ma ning sel pa la gsum/ thugs rje la rnam pa de ltar 'khrul lo// de rnon po rlung ni sgo lnga la gnas so/ / rtul po ni 'byung ba lnga la gnas so// 'dres pa ni spyi sa la gnas so// ma ning ni kun gzhi la gnas so// sel ba ni yid la gnas so// de yang rgya chad phyogs su ma lhung ba'o// rnon po ni rig par byung ba'o/ / rtul po ni 'byung ba lngar snang ba ste/ de la yang smin pa me'i rlung gis mdog dang dbyibs legs/ sdud pa chu'i rlung gis bskyed nus/ g.yo ba'i rlung gis 'bras bu 'byin nus/ 'degs pa sa'i rlung gis rdzogs par bskyed nus/ yongs la khyab pa nam mkha'i rlung gis 'bras bu 'byin nus te/ dgun ni g.yo ba rlung gis g.yo ba'o// dpyid ni 'degs pa sa'i rlung gis bskyed nus dbyar ni sdud pa chu'i rlung gis lo 'dab rgyas nus/ ston ni smin pa me'i rlung gis 'bras bu 'byin nus/ thams cad 'dus pa nam mkha'i rlung gis 'bras bu gzhi la thim mo// gsang ba yang gter gyi rgyud las/ rlung lnga dus bzhi sbyor ba bstan pa'i le'u ste bdun pa'o/ /// de nas yang 'ong zer rab tu 'phro bas/ chos thams cad rang gi mtshan nyid du dril ba ste zhu/ zhes gsungs pas/ bka' stsal pa/ kye 'od zer rab tu 'phro ba nyon cig/ rang gi mtshan ma shes na// lung ston nang gi rlung po 'dra// rang gi mtshan nyid 'di lta ste/ rnon pos zhus nas bzhis bskor te/ rnon po ma'i mngal du 'jug/ g.yo ba'i rlung gis g.yos pas rig pa gsal nus/ smin pa'i rlung gis tshol nus/ sdud pa'i rlung gis nus/ 'deg pa'i rlung gis bskyed nus/ yongs la khyab pa'i rlung gis 'bras bu 'byin nus te/ sbrul pa'i skur snang ngo// bltam mo// des na ma nges te/ 'chi zhes bya ba 'byung ba'i dus su g.yo ba'i rlung grol bas 'gro ba'i stobs shor// smin pa'i rlung gtor bas drod stor/ sdud pa'i rlung shor bas mdangs shor dri ldog/ 'degs pa'i rlung shor bas mi ngo shes te/ yongs la khyab pa'i rlung gis 'bras bu dbyings su bskyal lo// de nas 'chi zhes bya ba'i sgra byung bas/ dmar khrid yang dag pa 'di dgos te/ rig pa zhes bya ba ni ye shes zang thal ngo shes pa la bya'o/ / ma rig pa zhes bya ba ni ye shes ngo ma shes pa la bya'o// ma zhes bya ba ni kun gzhi'o// ma rig pa ni thugs ka la gnas so// kun tu brtags pa dang lhan cig skyes pa'i ma rig pa gnyis ni/ blo sgang gnyis la gnas so/ / gnas dang lam dang sgo dang ni// skyon dang 'bras bu yon tan dag tu bshad// rig pa snying na gnas pa ste// shes rab ces su rab tu grags// ngo bo rtsal dang las dang ni// gnas dang lam dang sgo dang ni/ / yon tan 'bras bu rnam pa brgyad// ces gsungs so// yang bka' stsal pa/ de rnams ma shes ma rig pa// 'gro ba 'khrul pa ru smig sgyusnyeg pa 'dra// zhes gsungs so// gsang ba yang gter gyi rgyud las/ rig pa dang ma rig pa'i so mtshams bstan pa'i le'u ste brgyad pa'o//// de nas yang 'od zer rab tu 'phro bas/ rig pa ma'i lam du gzud pa dang/ 'bras bu ji ltar thob pa lags/ shes zhus pas/ bka' stsal pa/ rig pa 'od gsal bas 'khor lo bskor dang ye shes zang thal 'char// rgyus ma bskyed cing rkyen la rag ma lus// ye shes zang thal ye nas gnas pa la// mtshan ma'i yul gyis rnam pa skyes pa'i tshe/ / 'od gsal ngang du shes pas mtshan ma skor// gzung 'dzin spros pa chos na ye shes gsal// de yang dmar khri dag las shes par bya// gsal ba'i tshad ni til gyi mar me 'dra// gzung 'dzin spros pa slar la grogs su 'gro/ / dper na me la bud shing bsnan pa 'dra// dper na 'khor lo gyen du drag bskor na// 'khor lo'i nang du tshud pa'i sems can rnams// dngos med thal bar song nas 'khor lo'i grogs su 'gro/ / mtshan ma med na 'khor lo ci la bskor// 'khor lo bskor nas mtshan ma brlag par 'gyur// de bzhin gzung 'dzin ma skyes 'od gsal 'khor lo ci la bskor// gzung 'dzin 'od gsal bskor bas 'od gsal grogs su gyur/ / sgo lnga rnam shes bar na ye shes zang ma gnas// ye shes zang ma yin pas sangs rgyas dgongs pa thob// rnam shes yul gyi bar na ye shes zang thal gnas// ye shes zang thal mthong na tshogs drug bde ba rgyun mi 'chad/ / yid dang yid kyi rnam shes bar na// rang byung ye shes 'khor lo gnas// rang byung 'khor lo bskor na ye shes rgyun mi 'chad// yid dang rnam shes med na rang byung gang nas btsal/ / yid dang rnam shes rol na gzung 'dzin rgyun mi 'chad// 'bras bu 'gro drug 'khyams te thar ba'i dus mi mchi// snying po ye shes zang thal chos min sku// thogs pa med pa'i ye shes ma mthong na/ / spyod pa mang po 'bras bu mthar mi phyin// ces gsungs so// gsang ba yang gter gyi rgyud las/ rig pa lam khyer gyi le'u ste dgu pa'o//// de nas yang 'phags pa 'od zer rab tu 'phro bas/ rig pa lam du bkyer ba'i man ngag/ de'i 'bras bu bstan du gsol/ zhes zhus pas/ yang bka' stsal pa/ phyi yi sku gsum nang gi sku gsum gsang ba'i sku gsum dang// phyi yi shes rab nang gi shes rab dang/ / gsang ba'i shes rab rnam gsum mo// phyi yi sku gsum 'brel pa med// nang gi sku gsum 'dus byas yin// gsang ba'i sku gsum 'du 'bral med// phyi yi shes rab rnam gsum spros gcod yin/ / nang gi shes rab yid smon yin// gsang ba'i shes rab rang grol yin// de la gsang ba'i shes rab rnam gsum la// thogs pa med pa'i shes rab kyis// tsit+ta'i nang du lhag gis ltas pas/ myur ba'i shes rab glog lta bu de mthong ste/ ye shes khong gsal du lhangs kyis mthong ste/ zab pa'i shes rab rgya mtsho lta bu des khyab ste/ phyi nang med par lhang nge sang nge zang thal du gsal ba ni// nang gi sku gsum shes rab gsum mo/ / rig pa 'od gsal du lhag gis skor ba thog pa med pa'i shes rab/ ye shes zang thal du lhang nge gsal ba ni myur ba'i shes rab/ phyi nang med par zang thal du gsal ba ni zab pa'i shes rab bo/ / de la phyi'i sku gsum la snang ba 'od gsal du thogs pa med par hrig gis skor ba ni/ thogs pa med pa'i shes rab/ shes pa zang thal tu lhangs kyis gsal ba ni myur ba'i shes rab/ gnyis su med pa'i hrig ge ha le char phog pa lta bu ni zab pa'i shes rab bo/ / sku gsum lam du bkyer ba shes par bstan pa'o// zhes gsungs so// gsang ba yang gter gyi rgyud las/ man ngag dmar khrid kyi le'u ste bcu pa'o/ /// 'phags pa 'od zer rab tu 'phro ba dga' mgu rjes su yi rang ngo// sprul pa'i skur sprul pa'i sku la brgyud pa/ gdams pa yang dag pa/ yang ti nag po gser gyi 'bru gcig pa/ dmar khrid sde skor don skor ma lus par bstan pa/ sel med pa'i man ngag rdzogs so//// rgya gar skad du/ dz+nyA na ti la tan+t+ra/ bod skad du/ ye shes thig le zag thal gyi rgyud/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ ye shes zhing khams dag pa'i gnas/ / ston pa kun bzang rdzogs pa'i sku// gsang bdag rdo rje sems dpa' la// ye shes zang thal bstan pa la// bcom ldan 'das kyi sku bstan te// gsang bdag che la bka' stsal pa/ / gzhi ni phyogs med chen po la// rgyun du phyogs med 'char ba'i gzhi// ngo bo rang bzhin rol par shar// 'phrin las cir yang thogs pa med// sna tshogs snang zhing 'gyur ba med// thogs med 'gag pa med pa las/ / thams cad snang ba'i gzhi ma yin// zhes gsungs so// gsang ba'i bdag po chen po des// bde chen stan las bzhengs nas kyang// bcom ldan 'das la 'di skad zhus// ma dag 'khrul pa dag pa 'jig rten dang/ / yang dag ye shes snang ba gsum// de yi gnas lugs ji ltar lags// ngo sprod sdud pa ji ltar lags// ye shes dbye ba bshad par zhu// zhes gsol pas/ bcom ldan 'das kyis bka' stsal pa/ / legs par nyon cig gsang bdag che// ngas bshad pa la ma skrag cig/ ces gsungs so// ye shes zang thal gyi rgyud las/ gleng gzhi'i le'u ste dang po'o//// bcom ldan 'das kyis bka' stsal pa/ / legs par nyon cig gsang bdag che// kun gzhi spyi dbyings lhun grub la/ lhun grub gzhi mi rdung lnga las// rtsal shugs ma ni rdung 'gyu sreg/ rig pa'i shes pa phra ba la// rang sna stong pa'i snang ba ltas/ / yid la 'gyus pa'i rang snang gsal// kha dog sna tshogs rang gsal 'bar// 'bar ba'i klong na phyi nang snang byed gsal// 'od la rig pa'i ye shes rang shar nas// thig le ye shes zang thal chen por shar/ / rang shar yin pas chos las 'das pa'i sku// phyi nang med pa'i ye shes zang thal la// rgyu rkyen gnyen po rang sar grol bas na// khams gsum kun gyi gnyen gcig po// phyi nang med pa'i dur khrod du/ / kun tu bzang po dur du zhugs// dur gyi ming ni yangs pa can// khrod kyi ming ni pad+ma can// shing gi ming ni ljon pa ste// mkha' 'gro'i ming ni rdo rje mtsho// mchod rten ming ni rdo rje rtsegs// ri yi ming ni sa ri'i ro/ / sgom chen ming ni nor bu'i 'od// nor gyi ming ni rin po che// phyi nang med pa'i dur khrod yin// ces gsungs so// ye shes thig le zang thal gyi rgyud las/ sangs rgyas dur du zhugs pa'i le'u ste gnyis pa'o/ /// de nas bcom ldan 'das kyis ni// thugs rje chen po'i klong yangs na// sems dpa' che la bka' tsal pa// ming ma thogs kyi spyi dbyings nas// sems can 'khrul pa'i mtshan nyid ni// sna tshogs rang snang kha dog las/ / mthing kha dkar po ser le brgan// ye shes che ba'i rtsal snang bas// du ma yul dang 'khrul pas na// 'dod chags zhe sdang gti mug dang// nga rgyal khong khro phrag dog dang/ / gzhi yi dus na mtshan nyid 'dzin// lam gyi dus na dngos su shar// 'bras bu'i dus na mtshan ma grol// rang grol ma shes snang bas sgribs// mi shes rmongs pas 'dam du bying// 'khor ba'i chu bos rtag tu g.yeng/ / chu bo bzhi ni rtag tu 'bar// dug sogs sngon por grub pa yis// rang rang lhun gyis mtshan nyid 'dzin// zhen pa blo yi 'khrul pa brtas// nyams kyi snang bas lus su bzung// lus kyi ming ni 'gro drug lus/ / gnas kyi ming ni 'khor ba'i gnas// dur khrod ming ni mu kha'i dur// gnyis med pa la gnyis 'dzin pas// sgom chen grong kha yan du rtags// kha drag lam du tshogs pa'i tshe// ye shes gsang lam ma shes pas/ / de tshe ma rtogs ma rig rmongs pa yis// 'khor ba rnam par rtog las byung// rnam rtog med na sangs rgyas mig yang med// 'gro drug med na sku drug ming yang med// dug drug med na ye shes chen po drug/ ye shes bya ba ming yang mi thogs so// phung po lnga po'i snang ba dag/ med na rigs lnga'i ming yang ma grub// 'byung ba lnga po med pa na// yum chen lnga po ga la grub// bcings pa med na rgya chad yin// phyogs med rtogs na rang grol yin/ / tshogs brgyad tshogs drug med pa na// sems dpa' sems ma thub pa drug/ sgo ba sgo mar grub pa ci la rung// de la rang rgyud ma yi 'khrul ba ni// 'gro drug rang so'i mtshan nyid dbus gnas so/ / lnga lngas bskor bas 'khrul 'khor zhes su bstan// ces gsungs so// thig le ye shes zang thal gyi rgyud las/ 'gro drug rang sa ngo sprad pa'i le'u ste gsum pa'o//// de nas yang bka' stsal pa/ kye sems dpa' chen po nyon cig/ dag pa 'jig rten 'khrul pa rnam pa gnyis// yar ldan dag dang nges pa med pa yis// longs spyod rdzogs pa sku yi zhing khams bstan pa yang// 'byung lnga rang sar ma 'khrul ba'i/ / 'od lnga dang po'i dus yin te// spyod yul dang po 'jug pa'i dus yin te// 'byung pa lnga ru ming ma thogs pa yi// 'od gsal snang ba 'ja' tshon dwangs pa 'dra// 'gyu gcod yid smrir 'gyus pa 'dra/ / gzhi yi yon tan rgya mtsho dwangs pa 'dra// sgyu ma lta bu'i rdo rje sems dpa' de// la ka'i mi reng 'dra ste rtag pa dka'// chos nyid dang snang me long g.ya' dag 'dra// 'khrul snang longs sku chu zla'i dkyil 'khor lta/ / gsal la ma 'dres phyi nang med par gnas// 'gyu ba thogs med smig sgyu lta bu dang// sku yi che ba mtshan dang yon tan rgyas// de 'dra'i 'khrul snang longs spyod rdzogs sku yi// che ba'i yon tan rang rang 'khor gyis bskor/ / mtshan nyid 'dzin pa rang rang ste choms sbyor// rang rtags phyag mtshan tha dad so sor snor// 'khor lo pad+ma'i zhing khams bde ba gsal// shes rab dag pas rdo rje sems dpa' dang/ / 'bras bu mthar thug rdo rje sems dpa' dang// 'khrul snang longs sku rdo rje sems dpa' dang// ming du rdo rje sems dpar mnyam pa las// sgra mthun don la man ngag rgyas par ston// zhes gsungs so/ / ye shes thig le zang thal gyi rgyud las/ 'khrul snang rdo rje sems dpa'i zhing khams la ngo sprad pa'i le'u ste bzhi pa'o//// de nas yang bka' stsal pa// 'bras bu mthar thug rdo rje sems dpa' yi/ / de yi mtshon pa'i gdams ngag ngo sprad bstan// 'byung ba lnga ru ming du btags pa dang// tshogs brgyad drug dang sgo lnga phung po lnga// 'byung ba lnga ni rnam pa gnyis su snang// nang 'byung phyi 'byung rnam pa gnyis su snang/ / phyi yi 'byung ba rnam pa lnga po dang// mtshan nyid 'dzin pas brngas mtshon te// 'od lnga yul lnga re re la yang snang// rang snang rang grol yul dang gzhal yas khang// ma bris dkyil 'khor sgom mi dgos/ / phung po dag la rten bcas pa// sha khrag drodadabugs sems kyi mtshan nyid 'dzin// yum lnga 'od lnga dag tu ngo sprod pas// yum dang 'od du sgom pa bya mi dgos// phung po lnga po sku lnga rigs lngar ngo sprad pas/ / sku lnga rigs lnga sgom pa bya mi dgos// rnam shes tshogs brgyad sems dpa' brgyad// de yi ngo sprod byas pa yi// tshogs brgyad gnas gyur sems dpa' sgom du med// yul brgyad rang snang sems ma brgyad/ / sems ma'i ngo sprod byas pa yi// gnas 'gyur sems ma sgom du gdod nas med// tshogs drug thub pa drug tu ngo sprad pas// gnas su gyur thub pa sgom du ye nas med// de ltar bsgom bya sgom pa'i mtshan nyid kyang/ / phyin ci log bzhi rtag chad mu// gnas ma bsgyur bar ngo sprad pas// sgom pa sgom ma sgom du ye nas med// phra rab dag gi rdul la yang// dag pa 'jig rten snang ba ye nas rdzogs// rdzogs par shes nas bskyed du ye nas med/ / ma shes bskyed pas spang blang 'du 'bral can// mthar thug rdo rje sems dpa' zhes kyis de la bya// zhes gsungs so// thig le nyag gcig ye shes zang thal gyi rgyud las/ / 'bras bu rdzogs par ngo sprad pa dag pa 'jig rten pa'i snang ba bstan pa'i le'u ste lnga pa'o//// de nas yang bka' stsal pa/ yang dag ye shes snang ba bstan pa ni// phyi nang gnyis su dbyer med pas/ / ye shes zang thal chen po dug lnga rtsi ru rang sar grol// sku lnga rtsi ru dngos po med// dbyer med ye shes zang thal la// phyi nang med pa'i ye shes bsam// ma dag snang ba rang rgyud pa// rang rgyud mtshan mar rang sar grol/ / sprul gyi mdud pa lnga mdud 'dra// dri mas dri ma 'khru ba dang// kyus kus kyus ku 'byin pa ltar// dug lnga lam du phyer ba dang// dug lnga ngo sprod byas pa yis// ye shes zang thal khong nas 'bar/ / nam mkha' dag lar ral gri skor pa ltar// dug lnga phyogs med rang grol gyis// srog gi spu gri so brdebs kyis// bdag gsod gzhan sgrol shes par bya// nyi ma zla ba'i rta la zhon// thog gi zla ni brdeg par bya/ / glog gi zhags pas bcing bar bya// 'ja' tshon phub chung stan du bting// nam mkha' stong pa gos su gon// rlung gi 'khor lo gong du bskor// dmigs pa can la 'phrang bar bya// snang gsal ral gri phyag tu long/ / skye 'gro'i rtse shing gcad par bya'o// ye shes stong gsal chen po la// thugs rje nyi ma'i snying po ltar// thams cad sel ba'i 'od po che// bdag gsod gzhan sgrol thabs la mkhas// byang chub sems dpa' shes rab dag pa'i rdo rje sems dpa' la ngo sprad pa'o/ / zhes gsungs so// ye shes zang thal thig le'i rgyud las/ dag pa 'jig rten pa bskang la ngo sprod pa'i le'u ste drug pa'o/ /// de nas yang bcom ldan 'das kyis rdo rje sems dpar sku sprul nas/ nyid kyis nyid la bka' stsal pa// ye shes chen po zang thal la// 'dus byas dag gi sgra mi 'jug/ rang snang gsang mdzod snang ba la/ / bar do 'od kyi sgra mi 'jug/ blo dngos gnyis med rang grol la// sgom par bya ba'i blos mi bslad// shes rab dag pa'i ye shes yin// dbugs med spyan gsum rang grol la// bar dang do yi sgra mi 'jug/ chos las grol ba'i zang thal la// rgyud ces bya ba'i lhad kyis bslad// 'gyu ba rang grol ye shes la// bsam zhes bya ba tshig gis bcos// rang grol ye shes yin pa la// thob ces bya bas sbang blang byung/ / mtshan ma rang grol gyi dgongs pa de// rgyud las bskyed par bya ba min// lhag mthong rig pa'i ye shes shar// gzung 'dzin rnam rtog sgrib pa dag/ sgrib pa kun las rab tu grol// sku gsum shes rab ngang las 'khrungs/ / 'khrul pa'i mtshan ma rang sar grol// ma dag dag la 'jig rten pa'i// snang ba rnam gnyis rang sar grol// phyi nang med par thig les khyab// khyab brdal thig le ye nas brdal// ma rig pa yi rtsa ba ni/ / dang po thugs sar gtugs pa la// 'khrul pa ba das shes par bya// bar du 'dug sar gnas pa la// snang ba rnam gsum rab tu gces// tha ma 'grol bar btang ba la// 'gyu ba sna tshogs 'gro 'ong la/ / gnyis med shes rab khyer ka gces// dus gsum gcig tu bsre ba la// thig le chos chen klong chen du// bya btsal med pa'i rta pho la// 'gyu ba'i khye'u chung zhon nas su// nyi zla gnyis kyi lcags chen de/ / skad cig ma la rang sar thim// d+ha thim d+ha thim/ zhes gsungs so// ye shes zang thal thig le'u rgyud las// byin gyis brlabs kyis bshad pa'i tshul mtshon pa'i le'u ste bdun pa'o/ /// de nas yang bcom ldan 'das kyis bka' stsal pa/ gsang ba'i bdag po legs par nyon// ngo sprod bsdus pa bdag gis bstan// ngo sprod rnam pa gsum yin no// dpe dang rtags dang don du bsdu/ / dpe ni man shel dwangs pa ste// dang po spyi sa'i gzhi ru bzhag/ chos lnga dag dang ldan pa ste// kun gyi gzhi sa'i dpe mtshon bstan// snang ba rnam gsum de ru bsdu// de nas rtags la ngo sprad pa// 'od dang zer dang 'gyur ba'i dpe shel dang rnam pa bzhi ru mtshon/ / dag dang ma dag yang dag gsum// bar skabs de nas 'phros pas na// ngo sprod rnam gsum de ru 'dus// zhes gsungs so// ye shes thig le zang thal gyi rgyud las/ dpe'i ngo sprod kyi le'u ste brgyad pa'o//// sar a d+ha thim d+ha thim/ de nas yang bka' stsal pa/ phyi yi dpe don rtags kyi brda// gsang bdag che la bstan pa ni// rang lus dpe don rtags kyis brda/ / ngo sprod bdag gis bstan par bya// mig ni dpe yi ngo sprod yin// dag dang ma dag yang dag gsum// rnam shes 'od dang zang thal gsum// re re la yang lnga lngas bskor// ngo sprod gsum gyi dpe ru mtshon/ / zang thal thig le chos min sku// 'di ni longs sku'i zhing khams so// mtshon gang nang na sgyu ma'i sku// kun tu mi 'gag thugs yin te// de ni longs sku'i ngo sprod do// thig le nyag gcig ngo sprod yin/ / rnam shes 'gag pa med pa la// dug lnga rang bzhin rang shar ba// 'gro drug smin pa'i rgyu rkyen tshang// ma dag 'khrul pa'i dpes mtshon yin// zhes gsungs so// ye shes thig le zang thal gyi rgyud las/ nang rang lus kyi brda'i ngo sprod pa'i le'u ste dgu pa'o//// maha lha maha lha/ bcom ldan 'das kyis bka' stsal pa// sems dpa' chen po khyod nyon cig/ gsang ba rtags kyang ngo sprod bstan pa ni// rtsa yi rgyal po shel gyi sbug ma can/ / chos gsum 'gag pa med pa'i lam du shar// snang srid gsal ba 'od srungs chen pos mdzod// 'od gsal 'khor lo thig le rang la 'bar// thig le snang la phab tsam na/ / lce spyang mig 'dra e yi 'od gsal te// bar do'i mtshon pa brda yi ngo sprad de// phyi mar mi gdod da lta nyid du gsal// gsal ba zang thal 'di la 'du shes na// sangs rgyas sa yang skad cig gcig la rdzogs/ / 'od gsal 'khor lo skor ba dang// gnas kyi btsan thabs chen po bstan pa gces// de yang rtags kyi ngo sprod yin par shes// rtsa yig gnad dang phyag rgya'i gnad// sgom pa 'od gsal 'khor lo bskor shes na/ / bar do med pa'i ye shes zang thal 'char// zhes gsungs so// ye shes thig le zang thal gyi rgyud las/ thig le btsan thabs su bstan pa dang 'od gsal 'khor lo bskor ba'i le'u ste bcu pa'o/ /// de nas yang bka' stsal pa/ sems dpa' chen po nyon cig/ yang na rtags la ngo sprod 'di lta ste// rtsa yi rtsal po shel gyi sbug ma can// nyi ma zla ba'i nang na zug nas gnas// don gyi ngo bo thig le chos min sku/ / gangs ri brtsegs pa'i gnas dang 'brel ba yi// nub dus 'char dus thim dus ma shes na// chags sdang blo yi yul las 'da' mi srid// skye ba gcod pa gnas pa gsum// 'du 'bral med par 'khor ba'i rtsal du 'char/ / de yi rtsal du dbugs kyi 'gro 'ongs kyang// gsum du byung bas sems kyi rtags su shar// gangs ri gnyis la yob chen lta bu'i rtsa// snying dang rtsa yi bar na gong dang 'dra/ / de gnyis 'brel ba'i rtsa yi nang nas ni// 'gag med thogs med dbugs med pa'i// zang thal phyogs med 'gro ba yi// gnad kyi gdams pa yin par ma shes na// thig le nyag gcig khas len smon pa yin/ / dga' rab rdo rje'i rig pa'i gsang lam dang// rdo rje sems dpa' ye shes gsang lam du// kun tu bzang po'i thig le chos min sku// thag chod don gyi ye shes ma shar na// dpe yi ngo sprod tshig gi na ya yin/ / 'gro drug 'khrul pa'i 'dam nas thon pa dka'// rten gyi gsang lam rtags kyi gsang lam dang// ye shes gsang lam bzhi po ma phyed na// thig le ye brdal ci khyab blo yi yul// sems 'dzin sgom chags zhi des lha yi chos/ / rang rgyud chags sdang rang kha blo yi chos// chos spyod bcu dang mi dge kyang// thig le chos klong zhal mi mthong// shes rab rig pa ma rig yid dang bzhi// gnad kyi gdams ngag dam pa ma shes na/ / ye shes thug phrad 'char ba'i dus mi mchi// rnam rtog ye shes zang thal ngo sprod ma bstan na// sku gsum 'du 'bral med pa'i ngo mi 'phrad// gzung 'dzin zang thal 'gro ba'i gnad med na// thig le nyag gcig 'char ba'i dus mi mchi/ / zhes gsungs so// ye shes thig le zang thal gyi rgyud las/ rtags kyi ngo sprad dang don gyi ye shes ngo bo sprad pa'i le'u ste bcu gcig pa'o//// de nas yang bka' stsal pa/ nyon cig rdo rje sems dpa' che// ye shes dbye ba bstan pa ni// gzhi gnas ye shes lhun grub ni// rgya ma chad pa'i ye shes bzhi// 'gag pa med pa'i gzhi yin no// ma dag 'khrul pa'i ye shes ni// 'khrul pas ye shes ming ma thogs/ / lam gyi ye shes rnam pa bzhi// rang byung rang rig lhag mthong dang// ngo bo nyid kyi ye shes ni// shes rab dag pa'i ye shes yin// dag pa 'jig rten ye shes ni// me long ye shes la sogs lnga/ / ji lta ba dang ji snyed mkhyen// ngo bo nyid kyi ye shes dang// rnam pa brgyad du rig par bya// yang dag ye shes snang ba ni// yul dang ye shes zang thal dang// phyogs lhung med pa'i ye shes dang/ / ye shes khyab brdal chen po dang// ngo bo nyid kyi ye shes dang/ rnam pa bzhi ru 'dus pa yin// ye shes ye shes khyad par 'phags// ye shes zang thal khyad par che// phyi nang med par snang srid brdal/ / yangs so che y-i ye shes che// zhes gsungs so// ye shes thig le zang thal gyi rgyud las/ ye shes kyi dbye ba'i le'u ste bcu gnyis pa'o//// de nas yang bcom ldan 'das kyis ting nge 'dzin de las bzhengs te/ gsang ba'i bdag po la bka' stsal pa/ nyon cig sems dpa' rdo rje 'dzin// phyogs 'dzin med pa'i thig le de// 'gag pa med pa'i ye shes yin// ye shes ngo sprod bstan pa ni// ye shes zang thal chos las 'das/ / 'khor bar 'dogs par 'gyur pa yin// myang 'das 'dogs pa'ang 'gyu ba phye// blo dngos gnyis kyi bar mtshams su// phyi nang gnyis kyi ltang 'dzin pa// gzung 'dzin gcod pa'i shes rab kyis/ / phyi nang med pa'i zang thal la// phyi nang gnyis su 'byed pa ni// thig le nyag gcig kun khyab la// dus la ltos pa 'khrul pa'i blo// rdzogs chen thig le zang thal la// phyogs mtshams steng 'og 'dod pa gang/ / thams cad ma bsgrubs rdzogs chen la// dgag sgrub bya na gol ba yin// e ma ho rigs kyi bu// ngas bshad pa la ma skrag cig/ chos rnams thams cad thig le ye brdal yin// yin par shes pas 'khor du 'khor sa med/ / thams cad phyi nang med pa'i chos min klong// sangs rgyas 'khrul pas ming du btags pas nor// thig le phyogs med ye shes zang thal la// lta sgom 'dod pas kun tu brtags pas bslus/ / phyi nang med pa'i ye shes zang thal la// 'bras bu phyi dus mi 'debs da lta nyid du grub// thig le bar mtshams ma grub zang thal la// bar do'i gdams pa rdzogs chen lam pa'i chos// lam la reg na bag chags las la re/ / las la re na rang byung ye shes brdzun// sangs rgyas thugs rje dbri bkol med pa la// thub drug 'byung bar 'dod pa yid smon blo yi yul// rdzogs chen blo las grol ba'i chos min yin/ / thugs rje dbri bkol med pa yi// thams cad sku gsum rol par ma shes na// thugs rje dus la ltos na 'khrul pas 'khrul pa rgyud// ces gsungs so// ye shes thig le zang thal gyi rgyud las/ thig le'i rang sgo la ngo sprad pa'i le'u ste bcu gsum pa'o/ /// de nas bcom ldan 'das kyis/ yangs pa can gyi gnas nas bzhengs nas/ byang chub sems dpa' badzra satwa la bka' stsal pa/ sku gsum dbye ba bstan par bya yis/ sems dpa' chen po nyon cig/ chos sku'i chos sku longs sku dang// sprul pa'i sku ru dbye bar bya// longs sku'i chos sku longs sku dang// sprul pa'i sku yi dbye ba dang// sprul sku'i chos sku longs sku dang/ / sprul sku'i dbye ba bshad par bya// chos sku nam mkha' lta bu la// longs sku sprin gyi tshul du snang// sprul pa'i sku ni char lta bu// chos sku mkha' khyab zang thal yin// chos sku'i longs sku thig le rang gsal yin/ / chos sku'i sprul sku thugs rje phyogs med yin// 'gag med thig le sprul pa'i sku de// ngo sprod thugs rje can la gdab// thugs rje phyogs ris med pa yin// phyogs ris med pa'i zang thal chos min sku/ / thig le chos min yangs pa'i rang sa na// rig pa chos min ye shes chen po de// thig le ngo sprod 'di la spyad nus na// thig le sgrib med ye shes chos min sku// bar mtshams med pa'i thig le khong nas shar/ / lam gyi gdams ngag 'gyu ba mi dgag par// phyogs lhung med pa'i shes rab chen po yis// chos kyi sku gsum ngo sprod chen po yin// de las 'da' dus sangs rgyas yul med mthong/ / rig pa yul med 'di la ngo sprod na// sangs rgyas rang chas yin pas yul med yin// ces gsungs so// ye shes thig le zang thal gyi rgyud las/ sku gsum dbye ba'i le'u ste bcu bzhi pa'o/ /// kun tu bzang pos bka' stsal pa// sems dpa' chen po khyon nyon cig/ longs sku'i dbye ba 'di lta ste// nor bu rin chen lta bu de// thugs rje 'dod yon 'char ba'i gzhi// yon tan so sor snang ba ltar/ / longs sku'i chos sku bstan pa ni// ji lta ba yi ye shes yin// longs sku sgyu ma'i gzugs sku yin// sprul sku ji snyed ye shes yin// sgyu ma lhun grub 'od kyi phung po la// sku lnga la sogs bsam gyis mi khyab pa/ / 'jig rten 'di 'am thams cad na// til gyi gang bu bzhin du ni// yongs su gang zhing bar mtshams med// ye shes sgyu ma'i sbubs kyi ngo sprod 'dis// ma hA yo ga'i gol gzhi gol sa dang// a nu yo ga'i gol gzhi gol sa gnyis/ / dbyer med rang sar ma shes sgrib pa yin// rang lus thig le brdungs pas gol sa chod// phyi nang med pa'i thig le chos nyid klong// 'bras bu ma btsal rang la grub pas nor bu rin chen 'dra/ ye nas yod pa mthong bas dbul mo gter rnyed tshul// sangs rgyas thig le phyogs med sku// gzugs sku mnyam la ma 'dres pa// nor bu rin chen yon tan 'dra// sprul sku so sor shar ba ni// nor bu rin chen thugs rje 'dra/ / nor bu rin chen phyogs med de// gnyis med chos sku'i ngo sprod yin// ces gsungs so// ye shes thig le zang thal gyi rgyud las// longs sku'i dbye ba ngo sprad pa'i le'u ste bco lnga pa'o/ /// de nas yang bka' stsal pa/ sems dpa' chen po khyod nyon cig/ sprul pa sku yi dbye ba bstan pa ni// nyi ma 'od dang zer dang gsum// yon tan phyogs med mthun par grub// sprul pa sku yi chos sku ni/ / thig le chos min kun gyi gzhi// dmyal ba'i gnas na lhun gyis grub// rgya chad phyogs su ma lhung bas// don ni lhun gyis grub pa yin// 'gro drug chos kyi sku yi gzhir// lhun gyis grub par bshad pa yin/ / rgya ma chad pas lhun gyis grub// nyi ma'i snying po stong gsal de// shar gling la sogs rgyu ba'i dus// rgya ma chad pas gar yang snang// phyogs su ma lhung gar yang rgyu// ngo bo rtog med zang thal de/ / kun la dbri bkol 'byed pa med// rtog med mnyam par lhun gyis grub// zer ni phyogs med 'char ba'i rgyu// dbri bkol med pas yongs la snang// snang gsal yangs pa'i zer du shar// sprul pa'i sku yi longs sku ni/ / snang ba 'gag med rang du gsal// rang gsal rang gdangs chen po 'di// rtag tu 'di ltar lta spyod na// longs sku'i ngo sprod chen po yin// sprul pa'i ngo sprod bstan pa ni// nyi ma'i 'od kyi snang ba de/ / nyi ma phyed kyi dus dag na// rang rang mthongs kyi dbyings su grub// bsam ba mi 'dra sna tshogs shar// nyon mongs brgyad khri bzhi stong smin// rtsa ba dug lnga dag la 'dus// de yang gsum 'dus gsum po gcig/ gcig po ma rig de nyid ci las grub// rtsa gcad rtse gcad sked gcod kyi// thog ma bar dang mthar gcod pa'i// ye shes ngo bzung ngo sprod ston// gcig po mtshan ma rang sar grol// gnyis med thig le zang thal sku/ / phyogs lhung med pa'i ye shes shar// rgya ma chad kyi chos skur gsal// lhun gyis grub pas rang sar grol// rang snang dag las med tsam na// rig pa yul med ces kyang bya// chos la bdag med ces kyang bya/ / sangs rgyas yul med ces kyang bya// gzigs snang mtha' las grol ba yin// zhes gsungs so// ye shes thig le 'khor lo khong 'bar gyi rgyud las/ le'u skabs te bcu drug pa'o/ /// sarba ma la da dU a sing sha ShaM tsa la A/ de nas yang bcom ldan 'das kyis bde chen rang 'bar gyi ting nge 'dzin las bzhengs nas/ rdo rje sems dpa' la bka' stsal pa/ kye/ sems dpa' chen po khyod nyon cig/ sku gsum dbyer med bstan pa ni// rgya mtsho dwangs pa'i dus nyid na// dar dang rlabs dang sbu ba dang// chab rom sna tshogs cir snang yang// chu bo dag las 'das pa 'am// rgya chad phyogs su lhung ba ni/ / phra rab rdul tsam ma mthong ngo// de bzhin 'gro ba rigs drug dang// longs spyod rdzogs pa sgyu ma'i sku// sna tshogs mtshan mar snang ba rnams// thig le lhun grub ye brdal yin// dbye rgyu rdul yang mi rnyed de/ / rgya ma chad par rtogs tsam na// rtogs pa rang grol zhes kyang brjod// phyogs med ye shes rang la shar// rang shar rang snang zhes su bshad// dbyer med klong nas rang grol bas// phyi nang snang srid dub chub brdal/ / thig le kun khyab ces su bstan// dper na thag pa sbrul 'khrul grol// 'khrul pa 'jug ldog rang grol yin// dbyer med 'du 'bral med ces bya// snang srid thig ler brdal bas bar mtshams mtshon par dka'/ / thig le 'gag med yin par rol pa cir yang 'char// rol pa rang sar grol bas mtshan ma'i yul ma mthong// blo chung byis pas phyogs su bzung ba 'khrul// phyogs med rang grol snang srid thig ler 'bar/ / 'bar ba'i rgyal po 'di la dbye ba ye nas med// ces gsungs so// thig le 'khor lo 'bar ba zang thal gyi rgyud las/ sku gsum 'du 'bral med pa'i klong bya btsal dang bral bar bstan pa'i le'u ste bcu bdun pa'o/ /// maha lha a ste/ de nas yang bka' stsal pa/ sems dpa' chen po nyon cig/ ye shes rlung chen ngo sprod bstan pa ni// dpe don gnyis su ngo sprad de/ / khyung chen nam 'phangs gcod pa de// rtsol dang rlom pa ma yin te// gshog pa thang lhod med pa yin// skad cig ri rab khang steng ltar// ma rig 'gag med gzung 'dzin klong// chags zhen gnyis kyi rtsa ba can/ / rlung gis thams cad smin par byed// dngos po med pas dgung mtha' sleb// bgrod pa med par stong gsum 'gro// 'ong pa med par rang sar ldog/ 'gyu ba rlung gi rta pho can// rlung gi rta pho sgrol ba na/ / 'phye bo rta dang phrel ba yin// long ba rta dang bral ba ltar// ye shes rlung chen gcod pa'i yid// gzugs sogs len par byed pa de// 'phye bo rta bral man ngag gis// gzugs sogs rang snang dpal gyi mgon/ / ye shes lus la rig pa 'jug/ sbyong bar byed pa rlung yin pas// rlung gi ngo sprod bstan pa yin// ces gsungs so// ye shes thig le zang thal gyi rgyud las/ rlung gi ngo sprod bstan pa'i le'u ste bco brgyad pa'o/ /// ha ya kA rA/ de nas bcom ldan 'das kyis/ rdo rje sems dpa' khyod nyon cig/ rlung gi thams cad sbyong ba yin// rlung rtogs can gyi dpe bstan pa// gzhi dang lam dang 'bras bu dang/ / de nyid rang sar grol ba gzhi// de yi mtshon pa bstan pa ni// dper na bya khyung rum du 'jug pa'i dus// pha ma gnyis kyang rlung las grub// bu yang rlung gi rgyu ru gnas// pha ma sred len sbyor ba'i tshe/ / gzhi rlung 'dus pa bu yi rlung du sbyar// khyung mo'i mngal kha'i nang du ni// rlung gi sgo nga zhabs rdol grub// zhabs rdol ma yi mngal sgor gtad// sgo nga'i dbyibs ni rgya mdud 'dra// mdog ni ljang khu thal khar gnas/ / pha ma gnyis ni rlung za bas// gzan ma mi dgos de ltar yin// rtsol ba med par mkha' la lding// tshang gi ming ni ma thogs so// khyung la yul med de lta yin// bu yang rlung za chen por byung/ / mngal gyi sbug gu'i rlung gis ni// bu yi gsos su 'gyur bas na// khyung phrug mngal du gshog rdzogs pas// rlung chen 'goms pa byung pa yin// khyung phrug mngal nas tshar ba dang// bu gu'i nang nas ngam grog dang/ / bar snang stong pa'i g.yang mthong bas// khyung phrug gshog pa thang gcod pas// sgong rgya chag pa de ltar yin// khyung phrug ma dang mnyam pa dang// rtsol ba med par mkha' la lding// mis ma mthong ba de ltar yin/ / de yi don ni 'di lta ste// dang po lhun grub 'gag med rlung// 'khrul pa'i gzhi rlung zhes su bshad// de nas 'khrul pa lam gyi rlung// phyogs med g.yo ba'i rlung chen yin// 'jug pa'i rlung dang g.yo ba'i rlung/ / gcod pa'i rlung du byung bas ni// mtshan ma lam pa'i rlung zhes bya// khams gsum rlung gi srid pas na// lhun grub rlung ni 'khor ba yin// pha dang ma ni lhun grub 'gag med yin// de las bu ni phyogs med shar/ / gzung 'dzin gnyis su sbyor bas ni// rlung chen 'gag pa med pa des// 'khor ba'i sa bon bskyed pa yin// 'khor ba smin pa rlung gis bya// rlung gis sna tshogs grub par byed// khams gsum sems can dag tu 'grub/ / des na rlung la ngo sprad pas// rlung gsum rtsa ba gcig tu 'dus// gcig po ye shes zang thal rlung// zang thal rlung du ngo sprad pas// 'gyu ba zhabs rdol rlung bral des// dbugs med zang thal thogs med pas/ / 'byung ba lnga yi ma grub pas// ye shes zang thal yin pa'i rtags// phung po lngas ni ma bsgribs pas// thig le lhun grub yin pa'i rtags// chu bo bzhis ni khyer ma nus// ye shes 'ba' zhig yin pa'i rtags/ / rgyu rkyen ka nas ma grub pas// sku gsum 'du 'bral med pa'i rtags// rlung las ye shes ngo sprad nas// thig le nyag gcig rang 'bar bas// ye shes rang grol yin pa'i rtags/ / rgyu lam 'bras bu dbyer med pas// gzhi ni lhun gyis grub pa'i rlung// lam ni rang byung rlung du shar// 'bras bu mtshan ma sna tshogs gcod pa'i rlung// rlung chen de la ngo sprad na// gzhi lam 'bras bu dbyer med pas/ / ye shes ngos bzung rlung du bshad/ ces gsungs so// ye shes thig le zang thal gyi rgyud las// ye shes rlung la ngo sprad pa'i le'u ste bcu dgu pa'o//// bcom ldan 'das kyis bka' stsal pa/ / sems dpa' chen po khyod nyon cig/ go bar dka' ba brda yi don// zab mo dgra ru brjod pa nyams// ye shes zang thal phyi nang med pa'i mkha'// gzhan snang med pas sgrib pa'i ming yang med/ / lce spyang mig can rlung las grub pa'i sku// nyi zla'i 'od tsam byin rlabs 'gag med sku// seng ge'i rtsal can mtshan ma zil gyis gnon// rtsal gsum lus la rdzogs pas sku gsum 'du 'bral med/ / thog med dpa' ba stag mo tshang ma ltar// dpa' brtul ye shes thogs med gcad pa gces// dngos med g.yo ba las kyi rlung dang 'dra// 'jig rten chags 'dzin rlung gi rtsal las shar// 'khor ba mya ngan rtog pa rlung gis gdams/ / skye 'chi'i rgyun gyis rlung gis rtag tu 'debs// dbugs dang bral bas gnyis med zang thal 'char// yar ldan yon tan mar ldan skyon du 'char// gnyis med zang thal phyi nang thig ler brdal/ / ye shes zang thal 'ub chub 'du 'bral med// ces gsungs so// ye shes thig le zang thal gyi rgyud las/ gnas lugs la ngo sprad pa'i le'u ste nyi shu pa'o//// de nas yang bcom ldan 'das bde ba can gyi gnas/ rin po che pad+ma'i gdan las bzhengs nas/ rdo rje sems dpa' la bka' stsal pa/ kye kye ho/ ngas bshad pa yi rgyud chen 'di// ye shes thig le 'du 'bral med/ / zang thal yin pas chos min sku// phyi nang med pas thig le'i rgyud du zung// ye shes zang thal rang la shar// ye shes rang shar rgyud du zung// 'bras bu phyi nang dus mi 'debs pas// thob med nor bu'i rgyud du zung/ / zhes gsungs so// yang bka' stsal pa/ 'khor ba rang grol ye shes bstan// ye shes 'khor lo'i rgyud du zung// ye shes gsang ba rang la shar// 'khor ba mtshan ma rang sar grol// gsang ba 'khor lo'i rgyud du zung/ / zhes gsungs nas/ mya ngan las 'das so// de nas rdo rje sems dpa' thugs mya ngan gyi zin nas/ kye ma kye hud/ thugs rje chen po mya ngan las 'das so// bdag la ni skyabs med do/ / mgon dang dpung gnyen med do// kyi hud ces brjod pas/ rin po che'i shog bu la/ rin po ches bris pa'i rgyud 'di rang snang rnam dag gi nam mkha' la babs so// byin gyis brlabs nas bshad pa'i rgyud/ / ye shes thig le zang thal 'di// rdo rje sems dpa' la byin gyis brlabs kyis rjes su yi rang ba'i le'u ste nyer gcig pa'o//// rdzogs so//// missing m issing m issing rgya gar skad du/ ti la pra sa la ra d+ha du hi ma gu h+ya han+t+ra/ bod skad du/ thig le spros pa gcod pa'i rgyud/ gsang ba yang gter gyi rgyud ces bya ba/ bcom ldan 'das dpal kun tu bzang po la phyag 'tshal lo/ 'di skad bdag gis thos pa'i dus gcig na/ bcom ldan 'das thig le'i klong du gyur pa'i dgongs pa la zhugs te/ thams cad rang thig le rang grol gyi bstan ces bya/ 'od zer bye ba phrag mang po spros te chos 'chad pa'i dus de ru/ bcom ldan 'das snying sku rdo rje sems dpa' sprul nas sangs rgyas gang+gA'i klung gi bye ma snyed la chos bstan pas/ de'i tshe de'i dus na/ zhu ba po mi'i byang chub sems dpa' dga' rab rdo rje sa gsum gyi mnga' bdag ces bya ba des/ bcom ldan 'das bdag cag sangs rgyas sa la gnas pa'i byang chub sems dpa' bsam gyis mi khyab ste/ bdag gi la 'di la shin tu zab pa rgya che ba gcig gsungs so/ / thig le spros pa gcod pa'i rgyud las/ gleng gzhi'i le'u ste dang po'o//// de nas bcom ldan 'das ting nge 'dzin de las bzhengs nas 'di skad ces bka' stsal to// sangs rgyas dang byang chub sems dpa' thams cad nyon cig/ zang thal lnga dang gdangs dbyangs lnga// dbang dang dam tshig sdom pa la sogs te// bar do med dang bar do yod// dpang po rab sogs dang sbyar te// rgyun dang dum bu la sogs pa/ / de ni bdag gis bshad par bya// zhes gsungs so// thig le spros pa gcod pa'i rgyud las/ bsdus nas bka' stsal pa'i le'u ste gnyis pa'o//// de nas lag na rdo rjes zhus pa/ zang thal lnga po bshad du gsol// zhes zhus pas/ yang bka' stsal pa/ kun gzhi'i snying po yid// sgo lnga rang thal zang thal te// de ni bdag gis bshad par bya// kun gzhi zang thal gyi dpe ni// dpe rgya mtsho chen po dang 'dra ste/ rgya mtsho de la ni nyin mo rnyog pa med par dwangs// rnyog ma'i skyon gyis ma gos te/ mtshan mo zla ba dang gza' skar thams cad 'char te/ rgya mtsho dang gza' skar dbyer med phyed do// dpe de bzhin du mtshan mo dang 'dra ba'i kun gzhi'i dbugs dang bcas kyi bar du/ kun gzhi rgya mtsho 'dra ba de la/ bag chags gza' skar dang 'dra ba de dbye bas mi phyed do// gza' skar des kyang rgya mtsho zang thal du 'dug pa de la/ gza' skar gyis phan yang ma thogs gnod pa yang ma skyal lo// zhus pa/ bag chags dang kun gzhi dbyer mi phyed na/ khams gsum du 'khor ba las mo thar ro/ zhes zhus pas/ dper na nyin mo nyi ma shar ba'i dus na/ nyi ma shar ba tsam gyis gza' skar a cang yang ches/ zla ba'i 'od kyang shi nas/ rgya mtsho yang mi snang la rnyog ma thams cad dang bral te/ dpe de dang 'dra bar da lta ye shes sgrib pa dang/ dri ma thams cad dang bral ba'i ye shes thams cad mkhyen pa zang thal du shar bas/ dbugs chad pa'i dus dper na nyi ma shar ba dang 'dra ste/ rnam rtog thams cad sangs nas sangs rgyas so/ / zhes gsungs so// kun gzhi zang thal la ngo sprad pa'i le'u ste gsum pa'o//// yang bka' stsal pa/ snying po zang thal gyi dpe ni/ man shel dang mthun te/ man shel dwangs pa de la/ dper na zer ma 'gag pa dang/ 'od kha dog lnga mi 'gag ste/ zer du shar yang ni shes par mi gnas pa/ yid dang rtog par mi gnas/ 'od du shar yang ni gzung ba'i yul du mi gnas te shes pa zang thal zer yang thal/ 'od zang thal lo/ / dpe de bzhin du snying po'i ye shes de yang/ sgrib g.yogs kyis ma gos par zang thal/ zer dang 'dra bar yin du shar yang rtog pa med/ rang snang ma 'gags gzung ba'i yul du mi 'dzin/ de gang la ngo sprad pa zer phung 'tshengs kyi mkhan po de dmigs pa'i mig dang 'dra ste/ ma rtogs pa'i dus na zer te/ snang 'dzin thams cad dug lnga ru 'char ro// dmigs pa'i mig gis chu mthong ba// ngoms shing tshim pa dang 'dra ste/ / zer des snying po lta thabs kyis bltas pas mthong ste/ mthong ba tsam gyis grol lo/ zhes gsungs so// snying po zang thal la ngo sprad pa'i le'u ste bzhi pa'o//// yang bka' stsal pa/ yid zang thal ni/ dper na rlung dang smig sgyu dang 'dra ste/ dper na rlung de yang mi snang ste/ don byed nus te thams cad bskyod pa'i rlung yin pa dang 'dra bar/ yid ma g.yos na rtog pa med do// g.yos na phung 'tshengs la spyod do/ / phung 'tshengs de zang thal du gnas kyang thams cad la dbang sgyur nus te/ ngan ba sna tshogs kun gzhi las gsog go/ bsags kyang zang thal lo// ci dang 'dra ste/ smig sgyu de rta dang/ mi dang/ chur snang yang/ ngo bo shes nas 'dug pa'i dus thams cad zang thal du 'char ro// zhes gsungs so// yid zang thal du ngo sprad pa'i le'u ste lnga pa'o//// de nas yang bka' stsal pa/ sgo lnga rang dwangs zang thal gyi dpe/ me long du skyes bu'i byang ltas pa dang 'dra ste/ dper na me long gi nang sgo lnga yul me long gnyis wa le snang ste/ snang stong dbyer med du 'dug pa bzhin du/ de rang snang du shes pas/ sgo lnga zang thal du yul me long du snang ste/ zang thal lo// dpe dang 'dra bar/ sgo lnga zang thal rig pa'i ye shes rang snang rang byung ye shes gnyis dbyer med par shar bas/ sgo lnga rang thal zag thal ces bya'o// de yang bltas pa'i dus na 'char ro/ / zhes gsungs so// sgo lnga rang snang zang thal ngo sprad pa'i le'u ste drug pa'o//// de nas yang bka' stsal pa/ gdung zhes bya ba'i sreg pa yi// de ni bdag gis bshad par bya/ / gdung zhes bya ba ro sreg ste// kun gzhi bag chags kyi ro dang/ 'khrul pa rnam rtog gi ro dang/ bskyed rim ting nge 'dzin gyi ro dang/ rdzogs chen lta sgom spyod pa'i ro dang bzhi'o// de la kun gzhi bag chags kyi ro'i dpe ni/ dper na gnyid log pa'i dus na nor bsam gyis mi khyab pa rnyed nas longs spyad pa lta bu ste/ kun gzhi dngos po med pa'i gzhi de dag la/ rtog pa bzang ngan sna tshogs la longs spyod de/ de yang chags shing zhen pas 'khor ba las thar pa'i dus med pa/ kun gzhi bag chags kyi ro 'di/ thams cad mkhyen pa'i hom khung du shes rab chen po'i me sbar te/ bag chags kyi yam shing la rig pa ye shes kyi me sbar te/ thig le brdal khyab tu sbyangs nas btang ngo// de nas 'khrul pa rnam rtog gi ro bsreg par byas te/ 'khrul pa rnam rtog gi ro bsregs pas/ 'khrul pa'i sgyu ma rig pa ye she kyi hom khung du shes rab chen pos bsreg par bya'o/ / rnam par rtog pas 'khrul pa'i rkyen rang byung ye shes mes thig le hom khung du sreg/ thig le'i ngang du sbyang bar bya'o// bskyed rim gyi lha la chags pa/ sa bag chags mtshan ma'i ro ye shes khong gsal gyi hom khung du/ thabs 'gag pa med pa'i ro// thig le kun khyab tu bsreg byang bya'o// lta sgom spyod pa mtha' gsum gyi ro// lta ba rang bzhin med par chad pa'i ro// sgom pa nyams myong 'dod pa brtag pa'i ro/ / nyams la chags sdang skyes pa spyod pa dug lnga'i ro// lhag mthong rig pa'i ye shes kyi hom khung du/ rang 'bar ba thig le nyag gcig gis mes bsreg par bya'o// zhes gsungs so/ / sbyangs sa bstan pa'i le'u ste bdun pa'o//// de nas yang dbang gi gdams ngag bka' stsal pa/ bum pa thabs dang gsang sngags dang// tshig dbang rnam pa bzhi ru bstan// bum pa'i dbang la rnam pa bzhi/ / sems nyid 'od gsal phyi yi bum pa yin// rig pa 'od gsal nang gi bum pa yin// ye shes 'od gsal gsang ba'i bum pa yin// thig le 'od gsal dbyer med bum pa yin// zhes gsung so/ / thabs dang shes rab dbang du bstan pa ni// rang snang thabs su shes na thabs kyi dbang// snang ba rang grol du rtogs pa shes rab dbang// zhes gsungs so// gsang ba'i dbang la bzhi ste/ rig ma lam brten dga' ba bzhi/ / de ni phyi yi gsang ba'i dbang// rang snang gsal skyes bas dga' ba yin// rig pa zang thal skyes pa mchog dga' yin// gnyis med ye shes zang thal ba// lhan cig skyes pa'i dga' ba yin/ / dbyer med thig le grol ba dga' bral chen po yin// zhes gsungs so// tshig gi dbang ni rnam bzhi ste// 'byung ba lnga yis ngo sprad pas// rang byung ye shes tshig gi mchog/ dug lnga dag gis ngo sprad pas/ / rig pa'i ye shes tshig gi mchog tu brjod// 'gyu ba mi 'gag thol thol skye ba la// lhag mthong rig pa'i ye shes ngo sprod ngo sprod mtshon// tshig gi dbang po chos kyi spyan la sprad// bum pa'i dbang ni rang snang 'od la sprad/ / thabs dang shes rab dbang ni tsit+ta'i nang du sprad// ye shes chen po'i dbang ni ye shes spyan la sprad// thams cad rang la yod pas dbang zhes bya// de rnams bla mas ston pa'i tshig thob nas/ / rab tu gces pas dbang zhes bya// zhes gsungs so// dbang rang la sprad pa'i le'u ste brgyad pa'o//// yang bka' stsal pa/ dam tshig srung ba zhes bya ba// ma nor ma bcos dam tshig yin/ / shes rab chen po ma nor bas// thig le ma bcos rang sar grol// de ni dam tshig nyams med yin// bsrung bya byung na nyams te mchi// bde chen thig le rnam par dag/ de ni sdom pa rang dag yin/ / gzung rgyu byung na 'chor bar mchi// zhes gsungs so// dam tshig sdom pa la bzlas pa bstan pa'i le'u ste dgu pa'o//// de nas yang bka' stsal pa/ 'dus byas 'dus ma byas kyi bar// bar na rtog med chos sku gnas/ / rtog med rtogs na bar do med// sgyu ma 'ja' tshon gnyis kyi bar// bar na thig le nyag gcig gnas// nyag gcig rtog na bar do med// 'gro drug rang snang gnyis kyi bar// 'gro drug bar na rang byung sku/ / sprul sku rtogs na bar do med// sems dang chos dang rnam rtog chags sdang la sogs pa'i// gzung 'dzin thams cad sems yin pas// de sol yin pas rtogs pa'o// sems las 'byung bar yang ni rtogs/ / sems de mi rgyu dgu la rgyu// mi bsam dgu la bsam// dbyibs gzugs kha dog snang yang sems// thams cad sems su shes kyang sangs mi rgya// zhes te gzung 'dzin mi 'chad pa'i phyir/ / cis te ji srid sems yod sems la spyod na gzung 'dzin la spyod pa'i phyir// sangs rgyas gang la zer ces zhus pas/ thig le nyag gcig po de la gong ma rnams las log pa ste/ snang ba'i yul med pas/ 'dzin pa'i shes pas bzung du mi btub/ 'dzin pa'i shes pa rang byung bas/ shes rig blo las 'das pas thig le/ phyi nang dbye ba med pas nyag gcig/ thig le'i dgongs pa rang gnas so// sangs rgyas med pa rang yin pas/ chags sdang skyed med dug lnga rang gi lam du khyer/ ma rig pa dang 'dangs sangs ma rig pa med pas/ rig pa gzhi la 'gro sa med/ gzhi rang yin pas/ rnam rtog la rgyun du song/ chad sa med/ rnam rtog mi mnga' bas so// zhes gsungs so// bar do mnyam sbyor ngo sprod pa'i li'u ste bcu pa'o//// bar ma do yi don bshad kyang// rgyun dang dum bu bshad du gsol// zhes zhus pas/ bka' stsal pa/ dum bus rgyun mthong dum bur rgyun du song// rgyu ni dug lnga rang snang ma 'gags pas// dug lnga rgyun du snang ba'o// 'gyu ba phyogs med gcod pa dum bu'o// dum bus sangs pa med pas rgyun du song/ / dum bu spyad pas rgyun du 'khor ba la gnas// des na dum bu 'bras bu rgyun du grub// rgyun dang dum bu lam du khyer ba bstan pa ni// 'gyu ba phyogs med 'gyu ba'i dum bu ste// 'phags pa 'jam dpal lta stangs dang/ / thugs rje chen po'i lta stangs des// rdo rje 'chang gi lta stangs kyis// lta stangs phyogs med byas pa yi// dum bu phyogs med rgyun du song// rgyun ni thig le khong nas 'bar phyi 'bar// dbyer med du 'char nang du 'char ro/ / 'bar pa gsum la re lan gsum// gsum mnyam dus mnyam du 'char ro// 'bar chen po'i klong dang dug lnga 'gyu ba spangs so// thig le spros pa gcod pa'i rgyud/ khongs la du sangs rgyas so tsam du bstan pa'o/ / de nas bcom ldan 'das thig le'i ngang du nyid sangs rgyas nas/ mi snang bar gyur to// lag na rdo rje la sogs pa thams cad rjes su yi rang ngo// thig le spros pa gcod pa'i rgyud gsang ba yang gter zhes bya ba/ zhu ba po rdo rje sems dpas zhus/ sdud pa po phyag na rdo rjes bsdus/ thams cad rang gi 'dug tshul du bstan no// rdzogs so//// thog ma'i sangs rgyas 'od dpag tu med pa la phyag 'tshal lo// rgyud thams cad kyi snying po/ lung thams cad kyi rtsa ba/ man ngag thams cad kyi nying khu/ gsang ba bas kyang ches gsang ba/ kun tu bzang po ma 'khrul pa'i dgongs pa/ gzhi 'dug tshul 'khor ba dong sprugs su ston pa/ rgyud nyi shu rtsa lnga'i rtsa ba/ man ngag sum brgya rtsa gnyis kyi rtsa ba/ phyi nang gsang ba gsum gyi yang zhun/ thig le 'dus pa sangs rgyas 'od dpag tu med pa dang/ 'od srungs dang/ mar me mdzad gsum kyi dgongs pa gcig tu bstan pa/ sangs rgyas thams cad kyi dgongs pa bsdus pa/ thig le 'dus pa'i rgyud ces bya ba/ 'khor brgya theg tu bstan pa'i phyir/ sgrub pa ma hA yo ga la ngo sprad pa dang/ lung a nu yo ga la ngo sprad pa dang/ man ngag a ti yo ga la ngo sprad pa dang/ yang dag pa'i man ngag thig le 'dus pa ma bu la ngo sprad pa dang/ rtsa dang/ rlung dang/ thig le la ngo sprad pa dang/ brda'i ngo sprad pa dang/ 'khrul gzhi'i ngo sprad pa dang/ gnas pa'i ngo sprad pa dang/ ldog pa'i ngo sprad pa dang/ ldog pa rang gi mtshan nyid gnas lugs la ngo sprad pa'i ngo sprad pa'o/ / rtsa ba mdor bsdus pa'i le'u ste dang po'o//// thog ma med pa'i dus nyid na// gnas med ngo bo nyid kyi gnas// ston pa lhun grub 'bar ba ste// 'khor rnams rang gdangs chen po la/ / bstan pa rang shar chen po yin// zhes gsungs so// ngo bo rang bzhin thugs rje gsum du gnas// ngo bo ston pa 'od mi 'gyur ba zhes bya/ rang gsal brdal khyab 'dus ma byas su gnas so/ / thugs rje'i ston pa mar me mdzad ces bya ba/ 'gag med brdal khyab 'dus ma byas su gnas so// rang bzhin gyis ston pa 'od srungs zhes bya/ gnyis med brdal khyab 'dus ma byas su gnas so// gzhi gtan la dbab pa'i le'u ste gnyis po'o/ /// ston pa gsum la sras rnam pa gsum 'khrungs pa ya cha/ lhun grub rlung chen ma 'gags pas rig pa rang gsal chen por bskyod/ stong pa rang dngas 'od du bzung sras gsum dus med rtag tu 'thab pa ya cha/ 'byed pa med pa'i chos sku la sku gsum snang ba gsum du shar/ sku gsum rang bzhin 'dug tshul gcig pa la dug gsum dbang gi 'khor ba ya cha/ sras gsum 'gag pa med pa las/ rang gdangs yul la stod sha byed pa ya cha/ brda'i ngo sprod kyi le'u ste gsum pa'o//// sgrub pa ma hA yo ga'i ngo sprad pa ni/ snang la rag bzhin med pa'i sku me long logs la ngo sprad/ yul gsal la ma 'dres pas nam mkha'i 'ja' tshon la ngo sprad/ gnyis su med pa chu'i zla ba la ngo sprad/ ma hA yo ga'i ngo sprod gsum po 'dis ni ma bsgrubs par sangs rgyas par bstan pa'o// lung nu yo ga'i ngo sprad pa bstan pa ni/ 'dzin pa'i rig pa ni kun tu bzang po/ yul rang gdangs ni kun tu bzang mo/ gnyis su med pa ni bde ba 'gag med du ngo sprad pa rtsol ba med par sangs rgyas par bstan pa'o// ma hA dang a nu ngo sprad pa'i le'u ste bzhi pa'o/ /// man ngag rdzogs chen kha 'byam la ngo sprad pa ni/ rang bzhin lhun gyis grub pa'i sku/ brdal khyab chen po la sgom dang ma sgom gnyis su med ye shes sangs rgyas chen por bstan no/ / man ngag a ti yo ga kha 'byam gyi ngo sprad pa'o// yang dag pa'i ngo sprad pa'i thig le 'dus pa'i ngo sprad pa ni gsum ste/ phyi snang ba thams cad rang bzhin 'od gsal ba zhes bya ba gzhi'i rang gdangs su ngo sprad pas sgrub pa ma hA yo ga'i rtsol sgrub dang bral bar bstan no/ / rig pa sna tshogs su mi 'gag pa ye shes kyi rtsal las ma 'das par ngo sprad pas lung a nu'i rtsol sgrub dang bral bar bstan no/ / phyi nang snod bcud thams cad 'khrul ba'i dus su ye shes kyi btsal du snang la grol ba'i dus na btsal du snang ba ngos zin la/ 'chi kha'i dus su ye shes khong gsal du sangs rgyas par bstan pa'o// 'bras bu bar dor thob tu med par bstan pas thams cad rang grol rang sangs rang shar gnyis 'dzin las 'das te/ de'i tshe de'i dus na rang grol ba'i sangs rgyas kyi dgongs pa 'dus pa zhes bya'o// yang dag pa'i man ngag thig le 'dus pa'i ngo sprad bstan pa'i le'u ste lnga pa'o/ /// rtsa dang rlung la ngo sprad pa ni/ sems can dran zhing tsit+ta'i dkyil// chos gsum 'od kyi ngo bor shad// bskal pa bar ma la sangs rgyas 'od srungs kyis thog ma'i sangs rgyas 'od mi 'gyur ba'i zhal ma tshol ba ya cha/ rtsal yang phyi nang gsum du 'dus ste/ phyi chos nyid rang byung rang gdangs chen po'i rtsa dang/ nang rig pa stong pa'i rtsa dang/ gsang ba thig le rten pa'i rtsa'o// rgyas pa'i rtsa ni nyi khri chig stong yang// bsdus pas ngo sprod gsum du 'dus// rlung la yang phyi nang gsang ba gsum// phyi rlung thams cad nang rlung snang ba yin// nang rlung ye shes rlung gi rtsal/ / gsang ba'i rlung chen ngos zin na// 'khor ba dong nas sprugs pa yin// thig le la yang phyi nang gsang ba gsum// phyi yi thig le rang byung ye shes yin// nang gi thig le rig pa'i ye shes yin/ / gsang ba'i thig le chos sku mkha' khyab dwangs pa yin// yang gsang thig le ye shes khong gsal yin// gnad du 'dzin pa rig pa'i ye shes yin// gnyis med lhangs kyis rtogs pa ye shes rlung du shes/ / gzung 'dzin gnyis su spyod pa ma rig rlung du shes// rtsa rlung thig le la ngo sprad pa'i mtshan ma lam ba'i rtsol sgrub la mi rten pa'i le'u ste drug pa'o//// ston pa gsum 'khor bar dus gcig la 'khyams pa ya mtshan che/ 'byed pa med pa gti mug rang bzhin gyi ston pa/ 'gag pa med pa'i zhe sdang ngo bo nyid kyi ston pa/ rang snang chen po'i rtsal mi 'gag pa 'od chags thugs rje'i ston pa/ rtsal 'gag pa med pa dug lnga thugs rje'i rol pa ma 'gags pa 'gro drug/ rag bzhin chos sku/ ngo bo longs sku/ thugs rje sprul sku/ sku gsum 'khor bar 'khyams kyang snying po la 'gyur ba med/ 'gyur ba med par gnas pa'o/ / gnas lugs la ngo sprad pa'i le'u ste bdun pa'o//// bskal pa tha ma la sras gsum gyis 'thabs pas skad cig ma la 'khor ba thams cad dus gcig tu srog bcad nas me chen gyis bsregs/ rlung chen gyis phyags pa de ya cha/ ye shes chen po'i spyan gnyis 'dzin med par rang gsal/ chos kyi spyan bar do med par rang gdangs/ thabs dang shes rab kyi spyan cir snang cing 'dzin ye shes/ ma bsgrubs ma btsal yin pa'i spyan gsal lo/ / spyan gsum la sku gsum ngo sprad pa ni/ ye shes kyi spyan chos skur ngo sprad/ chos nyid kyi spyan longs skur ngo sprad/ thabs dang shes rab kyi spyan sprul skur ngo sprad/ ngo sprad pa man ngag gi rgyud kyi 'dug tshul ni/ ngo bo rang bzhin thugs rje gsum las ma 'das/ spyan gsum rang la gnas pa ni ye shes kyi spyan ni rig pa'i ye shes lhangs kyis rtogs pa'o// chos kyi spyan ni sgro 'dogs gcod pa'o/ / thabs dang shes rab kyi spyan ni thams cad rang gi 'dug tshul las ma 'das bar shes pa'o// spyan gsum khong du chud pas theg pa rim pa brgyad kyi rtsol sgrub kyi chos dang mu stegs rtag chad dang/ rdzogs chen kha 'byam bzhi la dgongs pa las kyi dbang mi btsan zer ba las shan phye ste/ chos sku mkha' khyab dwangs pa spyan gsum 'dug tshul gcig tu bstan pas grol ba mthar phyin pa'o/ / ldog pa'i ngo sprad pa'i le'u ste brgyad pa'o//// log pa rang gi mtshan nyid ni/ 'das pa gsum du ngo sprad pa ste/ sku las 'das pa'i ye shes khong gsum/ yul las 'das pa'i chos sku mkha' khyab dwangs pa/ gnyis med las 'das pa'i rin po che man shel dwangs pa'i mchod rten lta bu/ ston pa gsum gyi 'khor bar 'khyams pa tshor nas chos sku btsal bar bsam rdugs kyi lha khang du sleb nas 'gro sa ma rnyed pa de ya cha/ thog ma'i ston pa 'od mi 'gyur bas gcung po gnyis la bos pa/ kye kye grogs po bsam rdugs kyi lha khang du sleb pas 'gro sa med pa ya cha/ chos sku mkha' khyab dwangs pas btsal ba ya cha/ chos sku bsgrubs pas 'bras bu stor ba ya cha/ rtsol sgrub mang po byas pas dri mas gtums pa de ya cha/ de skad ces gsungs pas/ ston pa 'od srungs kyi zhal nas/ rang rig pa rang la shar bas chos las 'das pa ya cha/ ye shes khong gsal rtogs pas bsam du med pa ya cha/ chos sku mkha' khyab dwangs par chas yin pas btsal du med pa ya cha/ bsgrubs pas ma rnyed rang la yod pa ya cha/ ye shes rang grol du shar nas ston pa gsum dus gcig la rtsol sgrub pa ma rten par sangs rgyas pa ni ya cha gsung ngo/ / ston pa mar me mdzad kyi zhal nas/ nga ni mtha' gnyis zad pa ste 'byung ba 'od du snang ba ni rang gi gdangs yin pas/ nyon mongs bag chags las kyi sgrib pa'i mtha' zad pa de ya cha/ 'dzin pa ye shes khong gsal chen po'i rtsal du shes pas/ shes bya'i sgrib pa las kyi mtha' zad pa de ya cha/ chos sku mkha' khyab dwangs pa rang chas yin/ las kyi sgrib pa mtha' zad pa ya cha/ phung po bor bas dus kyi mtha' zad pa ya cha/ bar do med par ye shes khong gsal du thim pas/ las kyi mtha' zad pa ya cha gsungs so// ston pa gsum gyi dgongs pa mdor bsdus pa'i le'u ste dgu pa'o/ /// rtsa ba thams cad rang byung la 'dus pas rtsol sgrub las 'das pa bstan pa yin/ ye shes khong gsal du rtogs pas mtshan ma chos la 'das pa yin/ chos sku mkha' khyab tu 'dus pas 'bras bu ma bsgrubs par sangs rgyas par bstan pa'o/ / phyi'i snang ba lha dang lha mo/ bum pa bskyed pa'i rim pa rang snang thogs med du ngo sprad pas/ phyi'i dbang thams cad dus gcig tu thob pa yin/ nang rig pa khong gsal du shes pas thabs dang shes rab kyi spyan gsal bas/ thabs dang shes rab kyi dbang skad cig ma la thob pa yin/ gsang ba phyi nang med par chos sku mkha' khyab tu rtogs pas/ gsang ba ye shes kyi dbang skad cig ma la thob pa yin/ de rnams bla mas bstan na mi go mi srid par bstan pas tshig dbang rin po che'i dbang dus gcig la thob pa yin no// dbang bskur ba'i le'u ste bcu pa'o/ /// rang byung ye shes chen po la// rang gdangs sna tshogs rigs lnga snang// snang ba yin par thag chod pas// lha yi bskyed rim skad cig gis rdzogs// ma bris dkyil 'khor rang snang bas/ / dkyil 'khor gzhal yas khang sgom pa skad cig tsam la rdzogs// rdzogs pa'i ngang la mi 'da' bas// dam tshig thams cad dus gcig bsrungs// ye shes khong gsal mi 'gyur dran/ / sngags kyi 'dzab 'dren dus gcig thon// de yi don la ye gnas gsal// bsrung mtshams thams cad dus gcig bsrungs pa yin// lha rnams bskyed dang dkyil 'khor sgom pa dang// dam tshig bsrung dang sngags kyi 'phro 'du dang/ / bsrung ba mtshams kyi 'khor lo bstan pa'i le'u ste bcu gcig pa'o//// ston pa gsum gyi rdza mkhan gyi bu mo thams cad srog gcad nas gcig pu rab tu che ba'i lha'i gam du bskyal ba de ya cha/ srog gcad pa dang bdud gcad pa'o// kun tu bzang po la bdud zhugs pa'i dus su/ 'khrul snang longs skur 'khyams pa tshor nas/ ston pa 'od srungs dang bsgros pas mi thub par gzigs nas rang srog rang gis gcad/ rang bdud rang gis bcad nas mkha' khyab dngas pa'i dur sar nga phung po lhag ma med par mya ngan 'das phyi 'ong ma nus pa ya cha/ de nas dpal rdo rje sems dpa' zhes bya ba dang/ sangs rgya 'od srungs mjal nas bsgros pas khong gnyis grogs po byas pas ston pa'i sa bzung nas 'khor rigs lnga la chos ston pa ya cha/ de nas slob dpon dga' rab rdo rje zhes bya ba rdo rje sems dpa'i sprul pa khye'u snang ba dam pa zhes bya bas/ ston pa 'od srungs zhes bya ba de bar du ngo ma shes nas lta sgom zhe zhes spyad pas 'gro drug tu 'khyams pa ya cha/ de nas ston pa dga' rab rdo rjes kun tu bzang po'i lung bstan thob nas/ ston pa 'od srungs dang mar me mdzad gnyis kyi zhal gzigs nas ston pa gnyis la ma chags par spyad kyis song ba ya mtshan che/ sangs rgyas thams cad kyi dgongs pa 'dus pa/ thig le 'dus pa man ngag gi rgyud/ ston pa gsum drug gi bdar sha bcad pa/ khams gsum sems can la ngo sprod byas pas lta sgom la rag ma lus pa sku gsum bkog bzhengs 'khor ba dong sprugs/ mngal kha rgyas 'debs/ brda chos yang dag pa zang bcas phung po la sku gsum ngo sprod nas 'jog pa/ bar ma do med par sangs rgyas khong gsal du sangs rgya ba 'bras bu dus zad pas thob pa/ las kyi mtha' zad pas sangs rgya ba/ thams cad du ngo sprod du bstan pa/ gzhi dang/ 'khrul tshul/ gnas tshul/ ldog tshul/ log pa rang gi mtshan nyid bstan pa/ thig le 'dus pa'i rgyud rdzogs so//// rgya gar skad du/ ti la gu h+ya nA ma tan+t+ra bo d+hi sa twa tsak+Sha tan+t+ra nA ma/ bod skad du/ thig le gsang ba yang gter zhes bya ba'i rgyud/ byang chub sems dpa' spyan gyi rgyud ces bya ba/ dpal kun tu bzang po la phyag 'tshal lo/ / 'og min chos kyi dbyings bde ba can dang pad+ma can gyi gnas/ mngon par dga' ba'i tshal/ byang chub mtha' yas kyi phug/ 'jigs su rung ba skyi bung zhes bya ba na/ dpal rdo rje sems dpa' zhes bya ba de sprul nas/ rdo rje mkha' 'gro ma me long gdong zhes bya ba dang/ gtsug gi rgyan cig ma dang/ ti rti ka dag/ rdo rje mkha' 'gro ma 'od ldan dang/ ro za thod pa'i 'phreg dang/ zla ba'i 'od zer dang/ dri ma med dang/ dung skyong ma dang/ 'od 'bar ma dang/ kun gyi 'gram du byon nas/ la la ni slab pa 'dzin du bcug/ la la ni sangs rgyas kyi sa la bkod// la la ni 'gags pa'i rnal 'byor la bkod/ de'i tshe de'i dus na/ gnas kyang mkha' 'gro gling/ dur khrod 'bar ba'i gzhal yas khang du/ nyid mngon par sku sprul te/ chos nyid bden pas bka' bsgo ba mdzad pas/ thams cad chos nyid la bkod/ la la ni rdo rje mkha' 'gror sku ltam/ la la ni las kyi mkha' 'gror zhal gyis bzhes/ la la ni pad+ma'i mkha' 'gror zhal gyis bzhes/ la la ni sha za'i mkha' 'gror zhal gyis bzhes/ la la ni dam tshig mkha' 'gror zhal gyis bzhes so/ / de nas ston pa rdo rje sems dpa' yis dbang rim par bskur ro// oM bud+d+ha DA ki ni badzra oM AHhUM/ oM badzra DA ki ni oM AH hUM/ oM rat+na DA ki ni oM AH hUM/ oM pad+ma DA ki ni oM AH hUM/ oM karma DA ki ni oM AH hUM/ zhes dbang bskur ro// thams cad mkha' 'gro ma'i dbang dam pa dang ldan nas/ la la ni bro rdung/ la la ni gar byed do// rdo rje sems dpa' spyan gyi rgyud las/ mkha' 'gro ma la dbang bskur ba'i le'u ste dang po'o/ /// de nas mkha' 'gro ma rnams kyis yang zhus pa/ byang chub sems dpa' chen po nyid// brda dang brda ru brgyud pa'i chos// nyid kyi zhal nas byin rlabs su// bdag cag mkha' 'gro ma'i tshogs rnams la/ / nges par myur du bshad par zhu// zhes zhus pa dang/ rdo rje sems dpa' bka' stsal pa/ kye kye mkha' 'gro ma rnams nyon cig/ nyi ma 'bum du gsal ba'i dkyil 'khor na// rig pa'i khye'u chung nyi ma'i zer ltar 'phro/ / 'gag sgrib med par yong ba la// sprin nag chen po cig byung nas// khye'u chung gi rkang pa bkag zer ba de ya mtshan che// thig le khong gsal chos min sku/ / rig pa'i zer gyi thig le phyogs bcur 'phro// phyogs ris med par yongs la khyab pa la// ma rig 'khrul pas mun pa tsam du sgribs// bdag blo 'khrul pas 'khor ba'i 'dam du tshud// thig le chos min khong gsal ngo ma shes/ / sgom dang sgrub pa ka nas ma grub la// rgya chad phyogs lhung med pa blo re bde// zhes gsungs so// rdo rje sems dpa' spyan gyi rgyud las/ thig le khong nas gsal ba dang ma rig pa'i zer du ngo sprad pa'i le'u ste gnyis pa'o/ /// yang bka' stsal pa/ 'dod pa'i rgyal po bu drug ma ma gnyis/ rgya mtsho'i gling na nor bu rin po che 'od 'bar ba'i bseb na rta cig 'tsho yin yod pa la/ rta de pho spad kyis ma thub pas/ phyi'i lha mo lnga'i gam du shor bas/ phyi'i lha mos kyang ma thub/ der rta tshoms kyis 'tshoms pas/ khye'u lo gcig las ma lon pa gcig gis rta de thub nas nor du song ba de ya mtshan che'o// rin po che 'od 'bar ba'i thig le ngo ma sprad na tshogs drug lhug pa'i gdams pa chad do/ / tshogs drug rol pa'i gdams pa chad nas// zhi ba chos kyi sku'i ngang la sgom pa'i nyan thos 'gog pa dang khyad med do// rin po che 'od kyi thig le chos min gyi sku'i ye shes la/ sgom sgrub ka nas ma grub pa'o// rin po che yin pas thams cad rang la lhun gyis grub po// 'od kyi gong bu lta bu ni ma yin te yon tan thams cad rang la gnas so/ / thig le yin te rgya ma chad phyogs su ma lhung ngo// yid bzhin yin te mtshan ma rang sar grol lo// zhes gsungs so// rdo rje sems dpa' spyan gyi rgyud las/ rin po che 'od kyi thig le la ngo sprad pas tshogs drug lhug pa gdams pa'i le'u ste gsum pa'o/ /// yang bka' stsal pa/ rig pa dbugs med kyi thig le la ngo sprad pa bstan pa ni/ sngon tsam na drang srong dri ma med pa'i grong khyer na shel gyi mchod rten cig yod de/ 'od kyis phyogs thams cad khyab pa cig yod pa las/ drang srong de'i yul mis 'od la blta blta nas/ shel gyi mchod rten ma mthong zer te/ mig rdul lam de ji ltar yin de ngo mtshar che/ de nas ri rab tu song ba na drang srong de'i nye gnas pa cig byung nas/ mchod rten de yul mi kun la bstan pas de phan chad mchod rten mthong bas 'od zer thams cad mchod rten la tshur 'dus so// rig pa dbugs med chen po'i thig le la/ thig pa chos min gyi ye shes las/ 'gyu ba phyogs med du shar ba las/ snang ba 'gag pa med pa la yan pas sgom grub dge ba'i rtsa ba ci byas kyang yul yan pa yin te/ dngos chos can las ma 'das so/ / rig pa dbugs med kyi thig le de sgom sgrub 'dus byas kyi chos dang tshogs gnyis rdzogs pa ni ma yin te/ dus thams cad du chos las 'das pa'i sku yin no// 'byung ba chen po lngas mi bskyed pas rgyus ma bskyed pa yin pas na/ chos las 'das pa'i sku yin no// dus gsum du bde bar gshegs pa thams cad pas snga bas rigs lnga la sogs pa'i sangs rgyas thams cad kyis stong ma nus pas rang snang ba'i thig le yin no/ / dus gsum du chu bo'i rlabs kyis khyer ma nus pas rgyu rkyen gyis phan gnod ma nus pa yin no// sems kyis gtan la ma phebs pas sems las ma byung ba'i yin no// sems ni 'du 'bral skyon can yin no/ / ma rig pa yid rnam shes bag chags 'dus nas kun gzhi zhes bya ba dbugs can yin te/ kun gzhi chos can yin no// skye 'jig can yin no// des na gzhis dus thams cad du gnod pa bskyal lo/ / rig pa dbugs med la phan gnod cir mi btub bo// ce ste rkyen khar mi snang ba'i phyir ro// zhes gsungs so// rig pa dbugs med kyi thig le dang sems dbugs can du ngo sprad pa'i le'u ste bzhi pa'o/ /// yang bka' stsal pa/ rig pa 'od kyi thig le bstan pa ni/ pad+ma 'dab ma stong dang ldan pa'i yu ba la nyi zla gnyis kha sprad nas nyal bas/ bar nas gza' lhag pa cig byung nas bar snang stong pa bskor bas/ dus de thams cad du nyi mo dang mtshan mo ngo ma shes pa cig gi snang ba cig byung ngo// dus thams cad kyi mun pa skad cig ma la dngas te 'od kyi gdangs las ma 'das pa cig byung zer ba de ya mtshan che/ rig pa skyon med kyi ye shes la 'od zer gyi phung po phyogs thams cad du 'phro yo// de'i rtsa ba thabs shes rab zung du 'brel ba lhag mthong rang rig pa'i ye shes kyis brgyan pa cig ngo shes pas chog par bstan te/ de la ngo sprad na snang grags kyi chos chos kyi sgo mo brgyad khri bzhi stong thams cad rig pa 'od kyi thig ler 'dus te/ de yang thabs shes rab tu 'dus te/ de yang zung du 'brel bar 'dus/ de yang lhag mthong kho nar 'dus/ / lhag mthong su sgom su lta spyod// 'bras bu thob par 'dod mkhan 'khrul gyis/ 'dod mkhan 'khrul/ sgom mkhan 'khrul pa las/ 'o na gzhan du 'khrul/ mi sgom sgom na mnyam pa nyid las gol/ mi lta bltas na rig pa la zhe 'dod 'ong bas gol/ mi spyod spyad na dmigs bya byung bas gol/ 'bras bu mi 'dod 'dod na rang ma yin pas skyon du che bas gol/ re dogs kyi rta la nyams myong gi lcag gis brabs pas/ brtson 'grus kyi 'dun pa mngon du btang nas/ thig le yangs pa'i bya thang la/ phyogs ris su bcad pa'i thang ka la phyin te bor bas rang sdug rta chad nas yam khar shi nas dur rgyags med par 'chi'o/ / rig pa 'od kyi thig le la sgom ye nas shar bas/ yul snang du ma grub pas mi spyod/ rang yin pas 'bras bu mi 'dod/ chos min gyi sku la bogs mi 'byin/ dbyung du 'gyur sa med/ yod na thug med do/ zhes gsungs so// rig pa 'od kyi thig le rang grol du// ston pa'i dbugs med nyag cig dgongs pa'i mchog/ lta ru 'dod na rnam par dag/ sgom du blo yi yul las grol// spyad du gnyis snang mtha' las 'das/ / 'bras bu thob tu ye nas gtor bral med// snang srid khyur gyis ming du gre ba med// 'gro drug g.yang sa bcad du yul snang nyag gcig po la ye nas zhen pas 'dod rgyu med/ / bal nag ye nas gnag pa la// nag po 'phral la sgrub rgyu med// yod na nag po yin par thal// tha snyad tshig gis mtshon du med// tha snyad nyag gcig ngang du gtor// zhes gsungs so// rdo rje sems dpa'i spyan gyi rgyud las/ rig pa 'od kyi thig le ngo sprad pas/ nyag gcig rang snang du bstan pa'i le'u ste lnga pa'o//// yang bka' stsal pa/ rigs kyi bu 'khor 'das thig le rang gsal bstan par bya zhes gsungs te/ 'khor 'das thig le brda bstan pa/ o rgyan gyi yul 'don nags 'od ma'i tshal zhes bya ba ya ki na/ pha bong nag po gnam babs kyi 'og na/ mkha' 'gro ma mtsho skyes rdo rje zhes bya ba/ spyan mig g.yas pa chos nyid 'khrul gyi me long du 'bar ro/ / spyan mig g.yon par byung 'khrul gyi me long du 'bar te/ mkha' 'gro ma gzhan gyis bltas pa'i tshe/ res gang mthong res gang mthong lo// mo rag gis bltas tsam na res gang la lta res gang la lta/ gong ma la bltas tsam na snang srid thig le gcig tu mthong/ 'og ma la bltas tsam na 'khor ba'i snang ba mthong/ bsnol mar gcig gi nang du gcig la ltas tsam na/ 'dug pa gnyis ka 'dug pa la/ mos su dbyer ma phyed nas/ ci tsug yin the tshom zos/ res thig le nyag gcig bden pa ka 'dra/ res 'khor ba bden pa ka 'dra/ res gnyis ka bden pa 'dra nas mo the tshom zos pas/ dus nam zhig na o rgyan gyi yul gyi shar phyogs na/ ri kha la me 'bar gyi gnas na dur khrod kyi bdag mo lnga'i gtso mo me long gdong zhes bya ba cig byung nas/ mo la khyod the tshom zos pa bden no/ / de cis lan byas pas/ me long gdong na re/ khyod rang la me long gnyis yod pas lan/ nga yi byad la me long gnyis yod pas nga ni the tshom mi za/ nga'i me long la khyod ltos/ khyod kyi me long la ngas lta yis byas pas/ rung zer nas lta res byas pas/ me long gdong gis bltas pas/ me long gnyis po zil gyis non nas/ me long gcig tu grol bar mthong// mtsho skyes kyis bltas pa mo'i me long gcig po de'i nang na mo'i me long gnyis ka 'dug/ mo'i me long gnyis por mo'i me long gcig mi shong bar 'dug par mthong nas/ me long gcig po blangs nas byin nas/ phyis mo'i me long gnyis po ma dgos zer te/ de ngo mtshar che/ 'khor 'das gnyis po ltos chos la// ltos chos chos med thig le zang thal sku// thabs dang shes rab dag la rten bcas nas// gnyis snang yod do zer ba snying re rje// bya bral yul la mi rten zang thal sku/ / phyi nang med pa'i zang thal don gcig ma rtogs na// the tshom zos nas 'khor bar 'khyams par mchi'o// chos la ma rten shes rab bdag med sku// dbyer med zang thal chen por ma shes na/ / rtog sgom chos sku 'dod pa don mi rnyed// gnyen po med pa'i shes rab zang ma'i sku// re dogs med pa'i shes rab ma rtogs na// phyogs lhung rgya chad yul du song bar mchi// zhes gsungs so// rdo rje sems dpa' spyan gyi rgyud las/ 'khor 'das thig le 'od gsal du bstan pa'i le'u ste drug pa'o//// yang bka' stsal pa/ sangs rgyas 'od gsal thig le bstan pa ni// o rgyan gyi yul gyi byang phyogs na/ mkha' 'gro ma rdo rje'i 'od zer zhes bya ba gcig yod pa de la/ nor du lce sbyang nag po gcig yod de/ de ni mo'i rta yin no// dus nam zhig na mos tsan dan gyi pho brang du phyin nas mkha' 'gro ma'i tshogs ltar phyin nas/ tsan dan gyi gseb sleb pas/ rta'i mig la tsan dan gyi tsher ma gnyis zug nas rta shi/ mo rang thang stong pa la las nas/ mi rang gi gnas nas ni 'phags/ mkha' 'gro ma'i gseb tu ma slebs nas yod pa la/ sngun du bdud ha ling nag po byung nas/ bza' byas pas bu khye'u drug/ bu mo drug ste bcu gnyis zhag gcig la skyes te/ ha ling nag po dang mo gnyis la dpog pa'i nor med nas/ drug rdo rje gdan gyi steng du spyugs pas/ drug 'og klu'i yul du spyugs pas/ steng du 'ong ma nus 'thur la 'bab ma nus pa de ya mtshan che'o// rdo rje lta bu'i thig le chos min sku// 'od zer phyogs bcu kun tu 'phro ba la// ma rig dbang gis ye shes dri med bsrubs/ / 'dod chags zhe sdang gnyis su 'dus pa las// dug drug yul drug dag gi snang ba shar// ngan 'gro rnam gsum snang ba gsum du chad// mtho ris rnam gsum snang ba gsum du chad/ / 'gro drug snang ba logs na med de rang gi bsgos// thig le chos min sku yi klong de rang gis bsgribs// 'od gsal zang thal yod pa ma rig pas// dug lnga'i thang la thar pa'i dus kyang med// sangs rgyas sems can 'khrul pa'i thig le yin/ / rang 'khrul shes pas rang grol ma shes na// seng ge'i mig bzhin rgyun du mi sdod pa// las kyi lus blangs gar 'gro shes sam bya bral yul la kun tu rgyug/ 'byung ba rang byung yin te sprin gyi nam mkha' bsgribs/ / rgya mtsho kha ru dar chags 'dra bar 'khrul// 'dod pas gdungs pas phye leb mes tshig 'dra// 'gro drug g.yang la rtag tu rnam rtog ltung// nyams myong skyes te bzod pa'i glags med na/ / rnam par smin pa'i lus de yang bor yang len na// bor bas ma phan bag chags rtas pas lan// bag chags 'khrul par 'og ba ci las spros// nam mkha' sprin dang 'dra ste yang dang yang du dgos/ / zhes gsungs so// rdo rje sems dpa' spyan gyi rgyud las/ sangs rgyas 'od gsal 'khrul pa'i le'u ste bdun pa'o//// yang bka' stsal pa/ 'khrul ba yin pas grol bar bstan pa ni/ / o rgyan yul gyi lho phyogs na mkha' 'gro ma rdo rje 'od zer skyong gis 'khyam du phyin pa la/ lam ka na me tog legs pa gcig dang phrad nas/ mos snying du sdug grangs nas/ 'chos na phan snyam nas 'chos pas de ma tog tu mo nad kyis thebs so/ / der mos khyim du 'ongs nas za mo la nga na byas pas/ sman pa btsal lo// sman pa brgyad yod nas/ rim pa kas bstan pas so shi sha mdangs ma phyed do// de bas ring ba nas sman pa de tsho yi yang mes po gcig yod nas bkag nas bstan pas/ sman pa de na re/ khyod kyis zos pa'i me tog de lta bu zhig tshol cig zer nas/ gzhan gyis ma rnyed nas/ mo rang gi 'gogs te phyin pas/ snga ma'i sa nas me tog zos pa de la yang gcig skyes nas 'dug/ khyer 'ongs pas sman pa na re 'di dug yin pas spyad log dgos zer nas de min gyi dug kyang mang du sbyar nas btang bas/ 'di btang na nga 'chi sman pa de min kun mkhas par 'dug khyod kyis mi 'ong zer ro/ / 'o na nga'i tsha bo bsang mkhas kyin dug 'di la dum gcig 'thungs pas/ mo dang ka bde nas yid ches so// der yod tshad 'thungs pas skad cig ma la sos te/ rdo rje'i lus bzhin du gyur te// 'di ngo mtshar che// 'khrul pa rang gis rang grol ma shes na// gzhan gyis grol bar ci la nus// skye med rang byung rang grol ma shar na// rgyu rkyen 'dus pa'i 'bras bu'i 'ching bar 'gyur/ / dper na khyi khus khyi khu 'byin dang mtshungs// theg brgyad spang blang chos kyi 'bras bu 'byin mi nus// 'od zer gcig thob pa 'dra yang 'dus byas 'bras bu yin// 'dus byas 'bras bu btsan btsan 'dra ste yong mi btsan/ / rang grol 'ub chub 'bras bu ma rtogs na// phyogs rtogs tsam gyis yang dag don mi rnyed// 'khrul pa phyogs med shar ba'i sdug bsngal rnams// rang 'khrul rang grol nyid du ma shes na/ / mtshan ma lam pa'i chos kyi 'khrul pa ci la zlog/ bag chags tsham zlog pa 'dra ste gnyen po rten pa yin/ gnyen po ma rten 'khrul pa'i kha na 'dug/ yid smon blo chung rnams la rdzogs chen mi shong ste/ / thabs dang zur gyis rdzogs chen ma bstan na// re dogs kha nas sems can snying rje bas// thabs dang zer gyis dbang po chug g-in ston// 'dus byas dge rtsa bsam gyis mi khyab byas ba pas/ / skad cig rdzogs chen rna bar grags pas char mi phod// ces gsungs so// rdo rdo sems dpa' spyan gyi rgyud las/ thams cad rang grol du bstan pas sangs rgyas mngon du gyur pa bstan pa'i le'u ste brgyad pa'o/ /// 'bras bu rang grol bka' stsal pa/ nor bu rin po che de mi gcig gis rnyed pa dang 'dra'o// dbugs med rig pa chos min sku// thig le ye shes sku la thams cad rdzogs// rang grol nor bu rin chen rnyed pas rdzas la yid mi smon/ / thig le chos min shes pas 'bras bu zhe 'dod med// ces gsungs so// rdo rje sems dpa' spyan gyi rgyud las 'bras bu rang grol du bstan pas rjes su yi rang ngo/ / rdo rje sems dpa' spyan gyi rgyud las le'u dgu pa rdzogs so// rgya gar skad du/ ti la e ka tan+t+ra/ bod skad du/ thig le nyag gcig gi rgyud/ gsang ba yang gter zhes bya ba/ thig le rang byung chen po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang po/ ye shes kyi pho brang thig le chen po khyab brdal na bzhugs pa'i dus na/ rang snang bde ba chen po'i bstan pa la gnas so// de'i tshe de'i dus na/ mkha' 'gro ma 'od zer rab tu bkye ba zhes bya bas/ g.yas ngos nas lan gsum bskor nas mdun drang por bzhugs te/ thal mo rab tu sbyar te/ kun tu bzang po'i spyan snga na bzhugs so// de nas rdo rje mkha' 'gro ma dri ma med dang/ mkha' 'gro ma mtsho skyes dang/ bkrag ldan ma dang/ mkha' 'gro ma mdzes ma dang/ mkha' 'gro ma ye shes ldan dang/ gar ma dang 'phreng ma la sogs pa/ phyi'i mkha' 'gro lnga dang/ gsang ba'i mkha' 'gro lngas zhus pa/ kye kye bcom ldan 'das/ bdag cag mkha' 'gro ma rnams la/ thig le nyag gcig gsang ba yang gter bla na med pa bshad par zhu/ zhes gsol pas/ thig le nyag gcig gsang ba yang gter gyi rgyud las/ gleng gzhi'i le'u ste dang pa'o//// de nas bcom ldan 'das kyis/ thig le nyag gcig gi dgongs pa las bzhengs nas/ mkha' 'gro ma'i tshogs dang bcas pa la 'di skad ces bka' stsal pa/ kye ma rdo rje mkha' 'gro ma// slob dpon slob ma'i mtshan nyid dang// de la gdams pa'i man ngag dang// ngo sprod snyan rgyud bshad par bya// zhes gsungs so// thig le nyag gcig gsang ba yang gter gyi rgyud las/ lan btab pa'i le'u ste gnyis pa'o//// de nas mkha' 'gro ma 'od zer bkye bas/ slob dpon mtshan nyid ji ltar lags// zhes zhus pas/ thig le'i klong nas bka' stsal pa/ / rdo rje slob dpon lnga yin te// 'dren pa'i slob dpon pha ltar bkur// nyams chags skong ba'i slob dpon ma ltar bkur// rgyud smin dbang gi slob dpon ni// dpral gyi mig ltar bkur ba'o// gdams ngag ston pa'i slob dpon ni/ / khong gi snying ltar bkur bar bya// ngo sprod ston pa'i slob dpon ni// byang chub sems dang rin chen srog ltar bkur// ces gsungs so// thig le gsang ba yang gter gyi rgyud las/ slob dpon gyi mtshan nyid bstan pa'i le'u ste gsum pa'o//// de nas yang zhus pa/ mched kyi mtshan nyid ji ltar lags// bka' stsal pa/ dam tshig 'dres pa phyi yi mched// spun dang ming po sring mo ltar/ / rdo rje spun dang mar gyur med pas ni// de ni ma ltar bltar bar bya// de ni phyi yi mched lcam mo// dbang bzhi rdzogs pa'i rnal 'byor spun// de ni khong gi snying ltar lta// dbang la ma rten gdams pa'i mched/ / de ni dpral gyi mig ltar lta// de ni nang gi mched lcam mo// ngo sprod byas pa ye shes mched// de ni rin chen srog ltar lta// de ni gsang ba'i mched gsum yin// zhes gsungs so// thig le nyag gcig gsang ba yang gter gyi rgyud las/ / slob ma'i mtshan nyid bstan pa'i le'u ste bzhi pa'o//// yang zhus pa/ gdams pa'i man ngag bstan du gsol// zhes gsol pas/ bka' stsal pa/ gdams pa la ni rnam gnyis te/ / phyi pa dang ni nang pa'o// phyi yi mtshan nyid bstan par bya// mu stegs lta ba sum brgya drug cu yang// phung po bzhi ru 'dus pas te// snga ma rjes dpag shes pa dang// da lta'i rjes su dpag pa d ang/ / phyi ma rjes su dpag pa dang// mngon sum rjes dpag shes pas phung// de yang bsdus nas snga ma las// lto sa brgya dang nyi shu// da lta las ltos brgya dang nyi shu// phyi ma la ltos brgya nyi shu ste// sum brgya drug cu yin/ / de yang drug cu gnyis su 'dus pa ste// rtag pa dang ni chad pa'o// de yang bsdus na phung po rnam bzhi ste// mngon par shes pas phung ba dang// rgyu la gsum gyi phung ba dang// rtag chad gnyis kyi phung ba dang/ / dka' thub dag gi phung po'o// rgyu ltas sa gsum gyi phung po ni// phyi dang rang bzhin dngos po'i sdang pa 'di la rgyu ltas phung// thig le nyag gcig gsang ba yang gter gyi rgyud las/ phyi rol pa don log pas phung ba'i le'u ste lnga pa'o/ /// yang zhus pa/ nang pa'i gdams ngag bstan du gsol// ces zhus pas/ bka' stsal pa/ rtsa rlung thig le gdams pa dang// sna rtsa gsum gyi gdams pa dang/ / brtul zhugs spyod pa'i gdams pa dang// chos 'byung mdzod kyi gdams pa dang// thig le nyams kyi gdams pa dang// bsgrub bya thabs kyi gdams pa dang// thabs dang shes rab gdams pa dang/ / mthar thug 'bras bu'i gdams pa dang// byin brlab dbang gi nus pa bshad par bya// zhes gsungs pas// de la rtsa rlung thig le gdams pa dag bshad pa ni/ gnas pa rtsa'i dbang du byas nas bshad na/ rtsa bye ba phrag brgyar gnas kyang/ ming du btags pa rtsa stong phrag drug cu rtsa bzhir gnas/ de yang bsdus na 'khor lo bzhi dang/ rtsa 'dab brgya nyi shur 'dus/ de yang gsum du 'dus/ rkyang ma ro ma kun dar ro/ / de yang a ba d+hu tir 'dus te/ de la mi rtog pa'i ye shes gnas bde skye bar bya ba'i phyir/ rlung gis rtsa 'gengs pas na/ g.yo ba rlung gi dbang du bshad na/ spyir dbugs nyi khri chig stong drug brgya 'gyu yang/ rlung gsum du 'dus/ dwangs snyigs 'byed pa'i rlung/ shes pa rten srog 'dzin pa'i rlung/ lus zungs bcud kyi rlung ngo// dwangs snyigs 'byed pa'i rlung ni pho ba kha na gnas/ rgyu ba gyen du rgyu// zas dwangs snyigs 'byed de dwangs ma gsos su 'gyur ro/ / shes pa'i rten srog 'dzin pa'i rlung ni/ snyig khog 'od gsal na yum kun tu bzang mo gzugs kyi phung po 'byung ba nam mkha'/ yum kun tu bzang mo'i ngang du sangs rgyas so/ / gzugs kyi phung po kun tu bzang po'i ngang du sangs rgyas so// de gnyis ka chos kyi dbyings kyi ye shes su sangs rgyas so// me long lta bu'i ye shes kyi snang ba las/ rdo rje sems dpa' yab yum sangs rgyas spyan/ rnam par shes pa'i phung po 'byung ba sangs rgyas spyan du bud+d+ha/ rnam shes phung po rdo rje sems dpar bud+d+ha/ gnyis ka me long lta bur sangs rgyas so// mnyam pa nyid kyi ye shes kyi snang ba las/ rin chen 'byung ldan yum mA ma ki/ tshor ba'i phung po 'byung ba chu/ chu mA ma kir bud+d+ha/ tshor ba rin chen 'byung ldan du bud+d+ha/ gnyis ka mnyam pa nyid kyi ye shes su sangs rgyas so// so sor rtog pa'i snang ba las/ snang ba mtha' yas gos dkar mo/ 'du shes kyi phung po 'byung ba me/ me gos dkar mor bud+d+ha/ 'du shes snang ba mtha' yas su bud+d+ha/ gnyis ka so sor rtog pas sangs rgyas so// bya ba grub pa'i snang ba las/ don yod grub pa dam tshig sgrol ma 'du byed kyi phung por 'byung ba rlung sgrol mar bud+d+ha/ 'du byed don yod grub par sangs rgyas so/ zhes gsungs so// thig le gsang ba yang gter gyi rgyud las/ mdzod kyi le'u ste dgu pa'o/ /// thig le nyams kyi man ngag bstan du gsol// ces zhus pas/ bka' stsal pa/ gzhi'i thig le 'gag pa med pa// las kyi thig le rang rtsal yin// 'khrul pa'i thig le rang snang yin/ / rang grol thig le shes rab chen po yin// 'bras bu'i thig le khyab brdal yin// zhes gsungs so// thig le nyag gcig gsang ba yang gter gyi rgyud las/ thig le gtan la dbab pa'i le'u ste bcu pa'o/ /// yang zhus pa/ bsgrub pa bya thabs kyi man ngag bstan du gsol// ces zhus pas/ bka' stsal pa/ thabs kyi rnam pa bzhi yin te// shes rab thabs la brten pas 'grub// thabs la 'tsheng ba rnam pa bzhi byung ste/ / byed pa por rgyur lta ba las log ste// shes rab kyi ye shes ngos bzung bas 'tshengs// mngon par shes pa las log ste/ ye shes zang thal thig le nyag gcig tu shes pas 'tshengs/ rang bzhin rgyur lta ba las log ste/ rig par rang grol du rtogs pas 'tshengs/ chad pa rgyur lta ba las log ste/ rang byung ye shes lam du slongs pas 'tshengs zhes gsungs so// yang gter las/ bsgrub bya thabs kyi gdams ngag bstan pa'i le'u ste bcu gcig pa'o/ /// yang zhus pa thabs dang shes rab gdams ngag bstan du gsol// ces zhus pas/ bka' stsal pa/ thabs dang shes rab lam du bkyer ba ni/ / rnam spyod yongs gcod dbyer med gcod// rnam spyod thabs dang shes rab lam du bkyer ba bsten te/ bskyed pa'i rim pa 'khrul ba'i snang ba rnams// rang snang 'od gsal shes pa thabs kyi mchog/ de nyid zang thal shes pa shes rab chen po yin/ / yongs spyod thabs dang shes rab bstan pa ni// lta ba yongs su spyod pa dang// spyod pa sgom pa yongs su spyod pa'i phyir// ston pa chen po nga nyid chos kyang nga// nyan pa'i tshogs ldan nga yin te/ / lta sgom spyod pa po yang nga// lta sgom spyod pa rang grol shes na thabs kyi mchog/ de la chags pa med na shes rab chen po yin// zhes gsungs so// yang gter las/ thabs dang shes rab gdams ngag gi le'u ste bcu gnyis pa'o/ /// yang zhus pa/ mthar thug 'bras bu'i gdams ngag bstan du gsol// ces zhus pas/ bka' stsal pa/ 'bras bu'i don ni 'di ltas ste// snang ba 'od gsal shes pas chos kyi 'bras bu yin/ / rig pa 'od gsal shes pas shes rab 'bras bu yin// ye shes 'od gsal shes pas thig le'i 'bras bu yin// phyi nang med pas shes rab 'bras bu yin// de yi don la grol na dbang dang thugs rje rgyun mi 'chad/ / ces gsungs so// de nas b+ha ga wan gyis thig le khyab brdal du/ mkha' 'gro ma 'od zer 'phro ba dang bcas nas gshegs so// mkha' 'gro ma thams cad dga' mgu rjes su yi rang ngo/ / rdzogs so//// thig le nyag gcig sku la phyag 'tshal lo// shin tu rnal 'byor brgyud pa'i rgyud// man ngag thig le phyi rgyud las/ / thig le nyag gcig bstan pa ni// ston pa kun tu bzang po yis// rdo rje sems dpa' nyid la bshad// de nas dga' rab rdo rje la// tshig rgyud gsal bar byed pa'i don// byin gyis brlabs kyis bshad pa'i don/ / chos kyi dbyings dang 'og min gnas// rdo rje gdan du gsungs pa'i rgyud// nyid las mi zhan rgyal sras sprul// dbang med dad pas 'dus pa'i 'khor// ngo bo nyid kyi bstan pa dang// thugs rje rang shar bstan pa dang/ / tha dad mos pa'i bstan pa dang// rang snang 'byed pa med pa'i dus// thugs rje 'gag pa med pa'i dus// 'gro ba med pa'i dus gsum du// thig le 'dus pa'i rgyud du bstan pa'o// zhes gsungs so/ / de nas ro langs bde ba yis// rdo rje sems dpa' la/ ngo sprod rgyud phyi ma dang/ phyi ma'i phyi ma rnams su bshad pa'o// ngo sprod sbas pa bdag la zhu// zhes gsungs so// de'i tshe de'i dus na/ rnal 'byor dbang phyug dga' rab rdo rje la/ / rdo rje sems dpas lung bstan pa'i rgyud// dam pa'i ngo sprod yang dag bshad// ces gsungs so// thig le 'dus pa'i phyi ma'i rgyud las/ gleng gzhi'i le'u ste dang po'o/ /// de nas yang dag bshad bya ba// nyon cig thugs rje 'gro ba'i mgon// thig le 'dus pa'i phyi rgyud 'di// theg pa thams cad kyi yang rje// lta ba thams cad kyi yang rab// lung thams cad kyi rgyal po/ rgyud thams cad kyi spyi 'grel/ man ngag thams cad kyi bcud phyung ba/ theg pa thams cad kyi yang rtse'i/ gdams pa mthar thug rjen par ston pa'o// zhes gsungs so// de'i tshe ro langs bde ba rjes su yi rang nas/ gdams pa'i don 'di bshad du gsol// ces zhus pas/ theg pa kun gyi yang rtse ni// rgyud lung thams cad kyi don dam 'di'o// rdo rje sems dpa' ngo bos bshad// rgyud lung thams cad brda yi don/ / don 'di rtogs na theg pa thams cad kyi yang rtse'o// lta ba thams cad kyi yang rab ni/ theg pa 'og ma pa la sogs pa gzhan ni dmigs yul yin/ 'di ni dmigs par bya ba'i yul min pas// bsam pa'i yul las grol ba yi/ / rig pa'i ye shes rang du 'char// des na lta ba thams cad kyi yang rab// lung thams cad kyi rgyal po ni/ lung ni a nu yo ga la bya ste/ lung de 'dzin pa'i don rig pa'i ye shes su 'dus pas/ des na lung thams cad kyi yang rab bo// rgyud thams cad kyi spyi 'grel ni/ tan+t+ra sde bsam gyis mi khyab kyang/ thig le'i don 'du 'bral med pas na/ rgyud thams cad kyi spyi 'grel lo// man ngag thams cad kyi bcud ni/ nyams blangs rig pa'i ye shes su// thams cad ma lus 'dus ba na// man ngag thams cad kyi bcud do// theg pa'i yang rtse ni rim pa dgu'o// yang rtse ni rig pa phyi nang med pa'i don bstan pa'o/ / zhes gsungs so// thig le 'dus pa las/ yid ches nges pa lta ba'i le'u ste gnyis pa'o//// de nas yang dag bshad bya ba// nyon cig thugs rje 'gro ba'i mgon// ngo sprod rkang grangs bstan pa ni/ / sgrub pa ma hA yo ga lo ngo sprad pa dang// lung a nu yo ga la ngo sprad pa dang// rdzogs chen la ngo sprad pa dang// sems phyogs la ngo sprad pa dang// a ti la ngo sprad pa dang// 'khrul pa la ngo sprad pa dang/ / 'khrul pa gzhi la ngo sprad pa dang// kun tu bzang po la ngo sprad pa dang// rdo rje sems dpa' la ngo sprad pa dang// dga' rab rdo rje la ngo sprad pa dang// 'gro ba rigs drug la ngo sprad pa dang/ / thub pa drug la ngo sprad pa dang// sbugs gsum spyan gsum la ngo sprad pa dang// grol ba'i dgongs pa la ngo sprad pa dang// de nas yang de'i tshe de'i dus na/ rol langs bde ba rjes su yi rang ba skyes nas/ / legs par gdams pa bstan du gsol// ces zhus so// thig le 'dus pa'i phyi rgyud las/ dga' rab rdo rje la lung bstan pa ni// snang la rang bzhin med pa sgyu ma'i sku// sgyu ma'i sgra dang sgyu ma'i gsung/ / sgyu ma'i thugs la rol pas na// btsal ba med par lhun gyis grub// phyi nang du ye shes gsal// rgyu rkyen sgyu ma yul la rol pa ya cha// rdo rje sems dpa' yi dam lha med pas// rdo rje sems dpa' rtogs pa'i gang zag la/ / rtsol grub chos la ma brten pa ya cha// rig pa chos la ma rten sgyu ma'i sku// 'od la thogs rdugs med pa ya cha// zhes gsungs so// thig le 'dus pa'i phyi rgyud las/ sgrub pa ma hA yo ga la ngo sprad pa'i le'u ste bzhi pa'o/ /// de nas yang dag bshad bya ba// ro langs bde ba chen po nyon// a nu yo ga'i ngo sprod ni// rdo rje sems dpa' rang rig rtogs// btsal du med pas yul las grol/ / 'dzin pa med pas sems las grol// skye 'gag med pas rang sar grol// phyi nang med pas thig ler gsal// phyi nang med pa'i thig le la// rig par rang grol gnyis snang med// phyi nang med pas thig le chos min te/ / rgyu las ma byung ye shes gsal// lung las ma byung 'dzin pa med pa ya cha// zhes gsungs so// thig le 'dus pa'i phyi rgyud las/ lung a nu yo ga la ngo sprad pa'i le'u ste lnga pa'o/ /// de nas yang dag bshad bya ba// ro langs bde ba chen po nyon// rdzogs pa chen po'i ngo sprad pa// thig le 'gag med ma rtogs na// rnam par rtog pa ngo ma shes// yon tan chen por ngo sprad pas/ / thams cad rang la rdzogs par 'dod/ thig le brtal khyab ngo sprad pas// skyon dang yon tan rnam rtog ni/ thams cad rang la rdzogs par 'dod// bsgom bya sgom byed sun 'don te// so so skye bor gol te ya cha/ / skyon dang yon tan rnam btags te// skyon yon phye ba med pas lung ma bstan// ces gsungs so// thig le 'dus pa'i rgyud phyi ma las/ rdzogs pa chen po la ngo sprad pa'i le'u ste drug pa'o/ /// de nas yang dag bshad bya ba// nyon cig ro langs bde ba chen po khyod// sems phyogs ngo sprad bstan pa ni// sems can chu dang 'dra ste thams cad sdud// rig pa me dang 'dra ste thams cad gcod/ / shes rab rlung dang 'dra ste dngos med grol// sems ni dbugs la rten te mchi// rig pa yid la gnas te rang byung shes// skye 'chi med pas rang byung yin// sems la sangs rgyas re ba phung ba ya cha/ / rig pa skye 'chi med pa ya cha// sems kyi snang ba 'byung lnga yin pas ya cha// 'byung lnga 'chag 'jig yod pa ya cha// rig pa'i snang ba 'od lnga yin pa ya cha// 'od la thog rdug med pa ya cha// sems ni chags sdang lnga la brten pa ya cha/ / rig pa ye shes lnga la gnas pa ya cha// sems ni skye 'gag yod pa ya cha// rig pa 'du 'bral med pa ya cha// sems la ye shes zer nas bsgrub pa ya cha// bsgrubs pas gol ba ya cha/ / spyad pas 'chal pa ya cha// sems la brten pa ya cha// sems la brten pa'i 'bras bu ni// chags sdang lnga yi ngo bo ste// 'gro drug rgyu las thar pa ya cha// zhes gsungs so// thig le 'dus pa phyi ma'i rgyud las/ sems phyogs la ngo sprad pa'i le'u ste bdun pa'o//// de nas yang dag bshad bya ba// dga' rab rdo rje khyod nyon cig/ a ti'i don la ngo sprad pa// a ni skye med thig le la// ti ni 'gyur med 'od gsal bas/

CLOSE WINDOW