/// rgya gar skad du/ dz+nyA na ga ya hi pa re/ bod skad du/ ye shes snang ba'i mdangs rang 'bar ba'o// bcom ldan 'das dpal kun tu bzang po la phyag 'tshal lo/ / 'di skad bshad pa'i dus na// thams cad mnyam pa nyid dbyer med par shar ba'o// brdal ba ye shes klong du dag/ 'gyur med chos kyi sku ru snang// dbyer med rang grol chen po dag/ thams cad ye shes rol bar gnas pa'o/ / de nas de bzhin gshegs pa thams cad kyis// thams cad ye shes kyi nyi mar lus pa med par sangs rgyas pa'o// de nas rdo rje kun tu bzang pos ye shes kyi mdangs phyung nas/ / kye kye phyogs bcu'i ngo bo ye nas stong// 'khor ba thams cad dag pa'i zhing// sangs rgyas thams cad 'khor ba'i lam// bde ba thams cad sdug bsngal rgyu// lha sgom thams cad 'khrul pa'i gzhi/ / rtogs pa'i nyams myong thams cad bslu ba'i bdud// sa la thams cad 'khrul ba'i gnas// sku gsum 'bras bu ngan song rgyu// zhes gsungs so// de nas de bzhin gshegs pa thams cad kyis// yang dag pa 'di brjod do/ / 'gyur med snying po chos kyi sku// 'khor 'das kun gyi snying por shar// lta ru dngos po grub pa med// gtan du kha dog dbyibs las 'das// rtogs su snying po rang bzhin med// spyad du rdzas su grub pa med/ / des na 'gyur med chos kyi sku// ye shes snang ba'i mdangs las// gnad bstan pa'i le'u ste dang po'o//// de nas kun tu bzang pos brjod pas// chos sku'i rang 'od brdal ba che/ / ye shes nyi ma sgrib med shar// dbyings kyi rnam pa phyogs dang bral// klong chen yangs pa kun gnas ces brjod// de nas kun tu bzang pos brjod pa// phyogs ris med pas mtha' dang bral/ / yangs dog med pas tha snyad bral// ngos bzung med pas gnyis snang bral// byas pa med pas 'dus byas bral// zhes gsungs so// de nas rdo rje sems dpa' brjod pas// kun gzhi stong pa'i ngang nyid las/ / dngos po snang ba ci ltar lags// chos sku snang ba 'gyur ba med pa la// skye shi 'byung ba ji ltar lags// ye shes kha dog med pa la// snang ba 'char ba ji ltar lags// sems nyid spros pa med pa la/ / 'khor 'das 'byung ba ji ltar lags// rig pa dngos po med pa la// gnyis snang 'byung ba ji ltar lags// chos nyid 'du 'bral med pa la// zhen chags 'byung ba ji ltar lags// kun gzhi stong pa'i ngang nyid las/ / bag chags sog pa ji ltar lags// ye shes snying po zang thal la// ma rig 'byung ba ji ltar lags// chos sku chos dbyings chen po la// dug lnga 'byung ba ji ltar lags// chos sku thig le nyag gcig la/ / sa lam 'byung ba ji ltar lags// ye shes snying po rang byung la// sdug bsngal 'byung ba ji ltar lags// ye nas snying po dbyer med la// 'bras bu 'byung ba ji ltar lags// zhes brjod do// ye shes snang ba'i mdangs las/ / dris pa'i le'u ste gnyis pa'o//// de nas kun tu bzang pos brjod pa// dngos po chos sku'i rang 'od yin// dngos po logs na yod gyur na// rig drug so la tha dad med/ / byang chub sems kyi rtsal snang yin// rang 'od sgro lnga'i ngo la snang// skye med ye shes rtsal shar la// sems nyid dbugs la rlangs su 'gyus// las rlung rtsal snang tha dad la// sha khrag chos sku'i rang 'od yin/ / rang byung ye shes sgrib med la// snang ba sems kyi rtsal shar yin// sgo lnga'i ngo la tha dad kyang// sgo lnga ye shes rang 'od yin// ye shes 'od la tha dad med// byang chub sems la dngos po med// ye shes bkrag la las 'gyus/ / 'byung ba 'khor 'das tha dad kyang// sems nyid dbyings la dbye ba med// dngos med rig pa ye shes zer// ye shes zer la gnyis snang med// gnyis snang 'char ba rang 'od yin/ / chos nyid dbyings la 'du 'bral med// ye shes bkrag las zhen chags med// ye shes 'od la zhen chags kyang// thams cad ye shes rang 'od yin// stong nyid ye shes brdal khyab 'bar// ye shes rang 'od 'bar ba che/ / nam mkha'i sprin ltar dngos med par// tha dad med de chos kyi dbyings// ye shes snying po zang thal yin// ma rig ye shes 'od zer yin// tha dad med de ye shes rang// ye shes rgyal ba chos kyi sku/ / ye shes lnga yi rtsal shar yin// dug lnga ye shes rlangs chen yin// tha dad med de ye shes 'bar// ye shes snying po bgrod med la// sa lam snang ba rig pa'i bkrag/ bgrod 'jug med pa ye shes zer/ / dper na nam mkha'i bya lam 'dra// ma bcos ye shes snying po yin// sdug bsngal snang ba chos nyid klong// tha dad med de ye shes zer// dper na thag pa sprul mthong bzhin// ye shes 'bras bu chos kyi sku/ / spangs thob med pa chos kyi dbyings// tha dad med pa ye shes lngas// 'du 'bral med pa chos kyi klong// tha dad 'dod pa ye shes rtsal// dbye ba med pa kun gzhi'i klong// dang po byung yang chos sku'i rtsal las byung/ / da lta snang yang ye shes zung du snang// tha ma grol kyang chos kyi dbyings su grol// chos sku 'gyur med ye shes de// ye nas rang byung rang shar la// bshad pas go ba ma yin no// ye shes snang ba rang dwangs la/ / lan btab pa'i le'u ste gsum pa'o// de nas kun bzang mos gnyis su med pa 'di brjod do// kun gzhi stong pa'i ngang nyid la// dngos po sems nyid rtsal shar yin// dper na nam mkha' stong bzhin no/ / chos sku 'gyur ba med pa las// skye shi 'od gsal rlangs pa yin// dpe ni rgya mtsho'i rba rlabs 'dra// ye shes sgrib byed med pa la// snang ba rig pa'i rtsal shar yin// dpe ni me long gzugs brnyan 'dra/ / sems nyid spros pa med pa la// 'khor 'das 'char ba 'bru lnga'i rlangs// dpe ni rgya mtsho'i chu gzugs 'dra// rig pa dngos po med pa la// gnyis snang 'byung ba'i sgo lnga'i 'od// dpe ni chu dang 'khyag pa 'dra/ / chos nyid 'du 'bral med pa la// zhen chags 'byung ba ye shes bkrag/ dper bar snang la 'ja' shar ba dang 'dra// kun gzhi stong pa rang nyid la// bag chags 'byung ba rig pa'i zer// dpe rmi lam bu snang la dang 'dra/ / ye shes sgrib med zang thal la// ma rig 'byung ba rig pa'i 'od// dpe thag pa sprul du mtho ba 'dra// chos sku snying po 'gyur med la// dug lnga 'byung ba ye shes rtsal// dpe nam mkha'i sprin dang 'dra'o/ / chos sku'i thig le nyag gcig la// sa lam 'byung ba 'bru lnga'i bkrag/ dpe nam mkha'i bya lam dang 'dra// ye shes snying po rang 'byung la// sdug bsngal 'byung ba chos nyid bkrag/ dper na smig sgyu'i snang ba 'dra/ / chos sku 'gyur ba med pa la// 'bras bu 'byung ba rig pa'i rtsal// dpe nam mkha'i thog dang 'dra// zhes gsungs so// de nas ye shes de bzhin gshegs pa thams cad kyis gsungs pa/ / yangs so che'i chos chen po// rtogs so ye shes snying po'i sku// stong ngo byang chub sems kyi ngang// snang ngo ye shes rig pa'i gdangs// shar ro ye shes rig pa'i tshogs// gsal lo ye shes 'od gsal bkrag/ grol lo ye shes rtsa lnga'i lam// 'byung ngo las kyi rtsa bran bcu// rdo rje sems dpas brjod pa// dngos po gtan la ma phebs pa// 'gyur med rang 'byung kun gzhi'i klong// ye shes gtan la ma phebs pa/ / mchog gi 'od zer gsal sgrib byed med// sems nyid gtan la ma phebs pa// ye shes rtsa lnga dngas la sangs// rig pa gtan la ma phebs pa// rtsa bran bar snang rtsa ru shar// kun gzhi'i klong la yangs dog med/ / ye shes gdangs la phyi nang med// chos kyi sku la 'gyur ba med// rig pa'i mdangs la gsal 'grib med// sems nyid klong la 'du 'bral med// rang byung sku la rgyu rkyen med// chos sku'i bkrag la kha dog med/ / ye shes zer la spros pa med// chos sku'i rtsal la 'gag pa med// ye shes bkrag la sgrib byed med// rig pa'i rtsal la phyi nang med// sems nyid rtsal la tha dad med// chos sku'i 'gros la 'gyur ba med/ / ye shes 'gros la yangs dog med// rig pa'i 'gros la thog sdug med// kun gzhi'i 'gros la dbye gsal med// chos sku'i 'od las sna tshogs 'byung// ye shes 'od las sna tshogs gsal/ / sems nyid 'od las snang tshogs 'byed// rig pa'i 'od las tha dad byung// kun gzhi'i 'od las klong du 'khyil// ye shes rin chen rang 'bar ba las// theg pa chen po la bzla ba 'bras bu'i chos so/ / rdzogs so//// rgya gar skad du/ dz+nyA na dz+wa la b+ha mA la A hi b+ha A/ bod skad du/ ye shes bkod pa rang 'bar ba'o// bcom ldan 'das dpal kun tu bzang po la phyag 'tshal lo/ / rlung rin po che'i mdzod ja log rang snang gi 'od ljang khu// nam mkha' rin po che'i mdzod ja log rang snang gi 'od mthing kha// mdzod rnam pa lnga ja log/ rang snang dbyed med kun khyab kyi dkyil 'khor chen po/ / mdzod ja log gi le'u ste drug pa'o// ngo sprod ja log tu bstan pa ni// ngo sprad du med par ye nas ja log pas// mdzod la ngo sprad du med par ja log/ snang ba med pa'i chos nyid// rig pa la ngo sprad du med par ja log/ rig pa khong gsal chen po// gnyis med la ngo sprad du med par ja log/ ye nas dbyer med mi phyed pa ngo sprad pa'i le'u ste bdun pa'o//// gzhi'i ja log bstan pa ni// gzhi ja log pas bzang du ma song/ / lam ja log pas bgrod du med pa// 'bras bu ja log thob tu med pa'o// khrul pa ja log/ 'khrul ma myong rang rtsal rang shar ba yin pas so// de ltar rang rtsal yin pas so// de ltar rang rtsal yin pas 'khrul myong bar ja log ste/ / thams cad rol pa'i rol lugs shes pas// thog mar ma 'khrul// bar du ma 'khrul// tha mar 'khrul// phyis kyang 'khrul bar mi 'gyur ro// 'khrul pa ja log tu bstan pa'i le'u ste rgyad pa'o/ /// lta ba ja log bstan pa ni// lta ba ja log lta ba'i lta stangs ja log/ ye lta chen po'i sgom pa ja log sgom nyams ja log ste// ye sgom nyams chen po spyod pa ja log gnyis snang med par ja log/ dbyer med kyi gnas lugs chen po// 'bras bu ja log thob sa med pas ja log ste ye nas thob zin pa chen po// lta sgom ja log gi le'u ste dgu pa'o//// 'bras bu ja log bstan pa ni/ / dmyal ba ja log me long lta bu'i ye shes// yi dwags ja log kun rtog ye shes// byol song ja log dbyings stong pa'i ye shes// mi ja log mnyam pa nyid kyi ye shes// lha dang lha ma yin ja log rang gsal la mi gnas ye shes/ / snang ba rnam pa lnga ja log dbyings rnam par dag pa'i ye shes// rgyu rnam pa lnga ja log gzhi gnas kyi ye shes chen po// bzhi rnam pa lnga ja log ye shes chen po'i thig le/ / 'khrul pa ja log gi le'u ste bcu pa'o//// dug lnga ja log bstan pa ni// gti mug ja log chos kyi sku// 'dod chags ja log sprul sku// zhe sdang ja log longs sku// nga rgyal ja log rdo rje lta bu'i sku/ / phrag dog ja log mngaun par byang chub pa'i sku// gti mug chos kyi sku'i ye shes// 'dod chags rang byung gi ye shes// zhe sdang snying po'i ye shes// nga rgyal rig pa'i ye shes// phrag dog kun tu mi 'gag par rang shar chen po/ / rig khong gsal chen po// dug lnga ja log tu bstan pa'i le'u bcu gcig pa'o//// sku gsum ja log gi rgyud chen po 'di// phyag nas phyag tu rim brgyud pa'i// gang zag blo yis ma shigs pas/ / kun la bstan na skur pa 'debs// de yi 'bras bu don nyid la// skur pa btab pa'i dbang gis ni// ngan song gsum du 'khyam par mchi// de bas blo lngan brtags la sbyin// snod med gcig dang ma sprad cig/ ro langs bde bas tshigs su bcad pa'o// le'u bcu gnyis pa'o//// rdzogs so//// missing m issing m issing m

CLOSE WINDOW