rgya gar skad du/ shrI many+dzu tan tra du/ bod skad du/ 'jam dpal 'dus pa'i rgyud/ 'jam dpal ye shes sems dpa' la phyag 'tshal lo// 'di skad bdag gis thos pa'i dus gcig na/ 'og min du ni bzhugs nas ni/ sangs rgyas sems can rgyab gyes dus/ 'khor gyi rdo rje sems dpa' la/ yang ti nag po'i bstan pa shar/ sdud byed ro langs bde bas bsdus// gleng gzhi'i le'u ste dang po'o// de nas rdo rje sems dpa' yis/ / kye ston pa kun tu bzang po lags// rdzogs pa chen po'i don chen la// dbang la bskur ba'i don rnams dang// lam sbyang bgrod tshogs bsag pa dang// sgrib sbyang dam tshig dkyil 'khor dang/ / lha sgom sngags bzlas ting 'dzin dang// sbyin dang tshul khrims smon lam dang// de rnams don kyang bshad du gsol// ces zhus so// 'jam dpal 'dus pa'i rgyud las/ zhus pa'i le'u ste gnyis pa'o/ / kun tu bzang pos bka' stsal pa// nyon cig rdo rje sems dpa' che// bla ma'i ngag/ rig pa gcer bu bzung ba dang// rig pa gos dang nga bral ba dang// gzung 'dzin zhags pa bcad pa'o// 'bring dang tha ma'i man ngag go/ rab kyi dpe yang rnam gsum ste// rgya mtsho sbu ba nam mkha'i sprin// ut+pal yi mdog bzhin no// yang na dpe cig 'di lta ste// pa na se'i 'bras bu bzhin// gzhi las 'das pa med pa'o// zhes gsungs so/ / 'jam dpal 'dus pa'i rgyud las/ gnas lugs la ngo sprod pa dang ma grol ba grol bar bya ba'i le'u ste bco lnga pa'o// de nas rdo rje sems dpa' yis// bcom ldan kun tu bzang po la// legs so zhes ni rab bstod nas/ / bdag cag shin tu yi rangs te// rgyud chen 'di la ming 'dogs zhu// zhes gsungs so// kun tu bzang pos bka' stsal pa// nga'i byin bshad rgyud chen 'di// 'jam dpal ye shes 'dus par zung/ / tams cad gang yang ma lus rdzogs// thams cad 'dus pa'i rgyud du zung// sangs rgyas rang 'khrungs bstan pas na// sangs rgya 'dus pa'i rgyud du zung// ye shes rang la bstan pas na/ / ye shes khong shar rgyud du zung// lta sgom spyod pa sun 'don pas// lhun grub rang chas rgyud du zung// zhes gsungs so// zhu ba po rdo rje sems dpas zhus// bsdud pa po ro langs bde bas bsdus/ / 'jam dpal 'dul ba'i rgyud las// mtshan ma'i le'u ste bcu drug pa'o// yang ti nag po 'bru gcig pa rdzogs so// rgya gar skad du/ hri da ya dz+nyA na thu la du ta tra ta gu h+ya tan tra/ bod ska du/ snying po ye shes bcud 'dus thig le gsang ba'i rgyud/ thig le ka dag mthong brtol gsang ba'i ye shes la phyag 'tshal lo// 'di skad bdag gis ci yang ma thos gang du yang ma mtshon// bsam brjod dmigs las 'das pa yi/ / ming med mtha' stongs dus mtha' med pa na// chos dbyings ka dag klong na// snying po skye med ming med ston pa yis// ye shes gsal ba'i 'khor la thig le gsang rgyud bstan// dus kyi rgyal po thog mtha' med pa'i dus/ / sdud pa po ni gsal dag ni rin chen no// zhes phun sum tshogs pa'o// de nas ye shes gsal ba yis// thig le gsang ba'i ston la// phun sum tshogs pa'i don ni de ltar na// gnas lugs ming med ji ltar gnas pa yin/ / snying po bya ba'i rang bzhin gang// de la ye shes gsal ba'i ngo bo ji ltar bshad// bcud spungs zhes ni gang la bgyi// thig le'i ngo bo ji ltar lags// gsang ba shes pa gang ltar lags/ / rgyud kyi ngo bo nges tshig ji ltar lags// thig le'i gnas ni gang na bzhugs// thig le'i 'khor ni ci yis bskor// thig le gsang ba'i rang bzhin gang la bgyi// thig le gsang ba'i rtog thabs gang/ / thig le gsang ba'i don rtogs na// rtsol sgrub bya btsal mi 'tshal lam// de skad ces zhus pa'o// zhes gsungs so// snying po ye shes thig le gsang ba'i rgyud las// 'khor gyis gleng bslangs pa'i gleng gzhi'i le'u ste dang po'o/ /// de nas ye shes gsal ba yis// thig le gsang ba'i ston pa la// gnas lugs ming med ji ltar yin// zhes zhus pa dang/ ston pas 'khor la bka' stsal/ / ming med rang bzhin mtshan brjod las 'das kyang// 'khor gyi rtog pa bsal ba'i phyir// mun khung gser sgron lta bur bshad// de la gnas lugs mi med rang bzhin ni// thog ma tham med pa'i don/ / ming med blo 'das dngos po ci yang med// dngos med sna tshogs kun gzhi bskyod pa'i gzhi// rnam pa kun ldan gang du grub pa med// lhun grub phyogs lhung rgya chad med pa'o// rgyu yis ma bskyed rkyen gyis mi 'jig pa/ / gnyis snang brtags zhen mtshon pa'i tshig las 'das// mi mngon mi snang bstan du dngos po med// skye med chos sku'i ming yang yod ma yin// gang yang ma grub cing yang mi snang dus tsam na/ / gzhi dang rlung gi ming yang med// 'od dang zer gyi ming yang med// snying po dang yan lag gi ming yang med// chos nyid dang chos can ming yang med// gzhi dang rtsal gyi ming yang med// ngo bo dang mtshan nyid kyi ming yang med/ / shes pa dang snang tshul gyi ming yang med// ngo bo rang bzhin thugs rje gsum gyi ming yang med// sku gsum yid 'khor gsum gyi ming yang med// shes dang ma shes ming yang med// rgyu dang rkyen gyi ming yang med/ / rig pa dang ma rig pa ming yang med// rang sa zin dang ma zin ming yang med// 'khrul lugs gsum gyi ming yang med// sems dang rig yid ming yang med// sems kyi gsal cha lnga yi ming yang med/ / 'od gzugs rigs gzugs bag chags sha gzugs min yang med// dug lnga sku lnga ming yang med// sangs rgyas zhing khams khams gsum 'khor ba'i ming yang med// de ni gang yang med pa'i sngon rol na/ / ming med blo 'das thog ma'i gnas lugs yin// mtshon brjod tshig las 'das pa ste// rnam pa kun ldan gang du grub pa med// thig le chen po mi g.yo mi 'gyur ba// tshig tu brjod pa'i yul ma gyur/ / dper bya kun la 'das pa ste// sangs rgyas sems can gnyis kyi gzhi// thog ma'i gnas lugs ming med bstan pa'o// zhes gsungs so// snying po ye shes bcud spungs thig le gsang ba'i rgyud las/ / gnas lugs ming med bstan pa'i le'u ste gnyis pa'o//// de nas ye shes gsal ba yis// thig le gsang ba'i ston pa la// snying po ye shes rang bzhin ji ltar lags// zhes zhus pa dang// ston pas 'khor la bka' stsal pa/ / snying po rang bzhin brjod med kyang// 'khor gyi go ba bskyed pa'i phyir// dpe dang don du sbyar la bshad// 'khor rnams ma yengs yid la zung// dper na a ru ra dang mar gyi snying po bzhin/ / mar ni khal gcig bzhu brtul nas// bre bzhi bre gang dag tu bsdus pa mar gyi snying po yin// de bzhin nyon mongs brgyad khri bzhi btul nas/ skye med chos sku rtogs pa snying po yin// sman gyi rgyal po a ru ra'i snying po yin/ / a ru ra la phyi nang gsum yod de// de bzhin phyi nang gsang ba rnam pa gsum// phyi shun sprul pa'i sku yin no// nang shun longs spyod rdzogs pa'i sku// snying po gsang ba'i chos sku yin// skye med 'gyur med don gyi snying po 'o/ / rang bzhin ji ltar yin zhe na// skye ba med pa'i rang bzhin yin// ma 'gags rtsal zer rang bzhin yin// gnyis med rang grol rang bzhin yin// rgyu rkyen skye 'jig med pa yin/ / 'pho 'gyur bya btsal med pa rang bzhin yin// lhun grub brgya chad med pa yin// kun gyi 'byung gnas bskyed pa'i yin// 'khor 'das kun gyi bskyed gzhi ngo bo grub pa med// snying po rang bzhin ka dag chos sku'o/ / zhes gsungs so// snying po ye shes spyod spungs thig le gsang ba'i rgyud las// snying po rang bzhin bstan pa'i le'u ste gsum pa'o// de nas ye shes gsal ba yis// thig le gsang ba'i ston pa la/ / ye shes gsal ba'i ngo bo ji ltar shar ba lags// zhes zhus pa dang/ ston pas 'khor la bka' stsal pa// ming med blo 'das ngang la skye 'gag gnyis med kyang// snying po'i rtsal las gsal ba'i ye shes shar/ / gzhi yi rtsal la rlung gi 'od zer 'das so// 'od de kha dog lnga ru shar// dkar po ser po dmar po// ljang gu mthing nag lnga yi 'od// de la zer mdangs lngar shar ro// zer de 'od de'i rtsal yin te/ / mdangs ni ye shes lnga yi mdangs// 'od zer dkar po me long ste// ser po mnyam nyid ye shes so// 'od zer dmar po kun rtog ye shes te// ljang ku nan tan ye shes yin// 'od mthing chos dbyings ye shes yin/ / mdangs ni gsal dag mdangs lnga'o// de yang ji ltar shar ba yin zhe na// ye shes zang thal ngo bo ste// gsal mdangs chen po'i rtsal du shar// 'od gsal chen pa'i rtsal du shar// gsal dag chen po'i rtsal du shar/ / rang byung chen po'i rtsal du shar// rang slag ngang dwangs rtsal du shar// ngang dwangs rang sangs rtsal du shar// snang dag rang grol rtsal du shar// dbye bsal med pa'i rtsal du shar// gzung 'dzin med pa'i rtsal du shar/ / dgag sgrub spong len med pa'i rtsal du shar// snang srid 'khor 'das rtsis gdab med pa'i rtsal// snang brtags dngos po'i chos rnams nga'i ye shes rtsa du shar// zhes gsungs so// snying po ye shes bcud 'dus thig le gsang ba'i rgyud las/ ye shes gsal ba'i ngo bo ji ltar shar ba bstan pa'i le'u ste bzhi pa'o//// de nas ye shes gsal ba yis// thig le gsang ba'i ston pa la// bcud spungs zhes ni gang la bgyi/ / zhes zhus pa dang/ ston pas 'khor la bka' stsal pa// bcud ni snying po skye ba med// spungs ni ka dag chen por spungs// bcud ni ming med mtha' bral te// spungs ni 'byed pa med par spungs/ / bcud ni gting mtha' yas pa ste// spungs ni mtha' mtha' grol bar spungs// bcud ni dngos med zad ka ste// spungs ni byar med blo 'das spungs// bcud ni ming med mtha' stongs te// spungs ni blo 'das chen por spungs/ / bcud ni mkha' klong rnam dag ste// spungs ni snang srid 'khor 'das spungs// bcud ni kun gyi 'byung gnas te// spungs ni skye 'gul yod med rtag chad spungs// bcud ni kun gyi spyi khyab ste/ / spungs ni skye 'gro'i sems can spungs// bcud ni chos nyid 'dus ma byas// spungs ni chos can mtshan ma spungs// bcud ni snang rtags dngos po chos// spungs ni brtags snang grol bar spungs/ / bcud ni dngos po'i chos rnams gyi te// spungs ni dbye gsal dgag sgrub med par srungs// bcud ni yod med rtag chad snang ba'i chos rnams te// spungs ni rang grol rang sangs rtsis gdab med par spungs/ / bcud spungs zhes pa de la bgyi// zhes gsungs so// snying po ye shes bcud spungs pa'i thig le gsang ba'i rgyud las/ bcud spungs kyi nges tshig bstan pa'i le'u ste lnga pa'o//// de nas ye shes gsal ba yis/ / thig le gsang ba'i ston pa la// thig le'i ngo bo ji ltar gnas// zhes zhus pa dang// ston pas 'khor la bka' stsal pa// thig le'i ngo bo ngas bstan gyis// 'khor rnams ma yengs gus pas nyon/ / thig le'i ngo bo chos sku yin// thig le'i rang bzhin 'gyur ba med// thig le'i mtshan nyid phyogs ris med// thig le'i mtshan nyid mu mtha' grol// thig le las ni mtha' rnams gcod// thig le'i rtsal ni sna tshogs pa/ / thig le'i shugs ni rang grol sangs// thig le spros pa'i mtha' dang bral// thig le mtshon pa'i yul las 'das// thig le rang bzhin dngos med stong// thig le'ang ngo bo ka dag 'od rab gsal/ / thig le'i thugs rje 'gag pa med// thig le yon tan shugs la 'char// thig le'i 'phrin las thogs pa med// thig le stong pa chos kyi sku// thig le 'od gsal longs spyod rdzogs pa'i sku// thig le 'gag med sprul pa'i sku/ / thig le'i yon tan dbyer med sku// thig le'i phrin las don dam bde chen sku// rang bzhin ngo bo thugs rje las// mchog gi dang po sku gsum 'chang// sangs rgya sku lnga'i bdag nyid can/ / zhes gsungs so// snying po ye shes bcud spungs thig le gsang ba'i rgyud las/ thig le'i dngos po bstan pa'i le'u ste drug pa'o//// de nas ye shes gsal ba yis// thig le gsang ba'i ston pa la/ / gsang ba'i rang bzhin ji ltar lags// gsang ba zhes pa gang la gsang// zhes zhus pa dang/ ston pas 'khor la bka' stsal pa// gsang ba za ba mo'i bdag bstan pa// gsang ba'i bdag gam 'di bstan gyis/ / 'khor rnams ma yengs gus pas nyon// gsang ba ni bstan du med pa// mtshon du med pa/ tshig dang yi ge sa mtshon pa las 'das pa'o// gsang ba zhes pa'i rang bzhin ni ye gdod ma nyid nas dag pa/ gsal ba ma 'dres pa yongs su rdzogs pa'o// gsang ba zhes pa'i ngo bo ni// ye thog gdod ma nyid nas/ skye ba med pa ma 'gag pa/ mtshan nyid med pa/ dngos po med pa/ ngos gzung med pa/ ye dag pa/ ye gsal ba/ ngo bo med pa/ mtshan ma med pa/ rgyu med pa/ rkyen med pa/ gnyen po med pa/ 'pho ba med pa/ 'gyu ba med pa/ brlag pa med pa/ mi zhum pa/ mi rgud pa/ gzhan snang las grol ba/ bdag gzhan gzung 'dzin grol te dbye gsal rtsi gdab/ 'dod rlom ming tshig bsam brjod blo'i yul las 'das so// gsang ba zhes pa'i mtshan nyid ni// gzhi dang rtsal kyang gnyis su med// snying po yan lag gnyis su med/ / 'od dang zer kyang gnyis su med// shes pa snang tshul gnyis su med// shes dang ma shes gnyis su med// rig dang ma rig gnyis su med// rtog dang ma rtogs gnyis su med// sangs rgyas sems can gnyis su med/ / 'khor ba myang 'das gnyis su med// 'khrul dang ma 'khrul gnyis su med// yul sems gzung 'dzin gnyis su med// snang la bzang ngan spong len dgag sgrub med// yin min dbye bas rtsis gdab med/ / dgra gnyen phyogs ris chags sdang med// snang srid dngos po'i chos rnams dbye gsal rtsi gdab med// de ni thig le gsang ba'i mtshan nyid do// gsang ba 'di ni gang lags zhe na/ / ston pa la zhus pa dang/ ston pas 'khor la bka' stsal ba// thig le gsang ba'i gang zag ni// skal med shes rab chung ba dang// dad med brtson 'grus chung ba dang// dam med thos pa chung ba dang// blo ngan sdig sbyong khrel med dang/ / nga rgyal che la ser snas bcings// 'dod chags gti mug zhe sdang me ltar 'bar// g.yo sgyu zong 'tshong grogs mched slu// rin chen med par thabs kyis 'dod// de rnams ldan pa'i gang zag la/ / thig le gsang rgyud gsang zhing gdam par gsungs// slob ma dam nyams las log dang// 'khus dang 'dus par 'ongs ba dang// dam dgra ngan ba'i ngang tshul can// bsgral ba'i zhing bcur gyur ba dang/ / sdig spyod dge smod slob dpon la mi gus// bla ma gsang zhing rang che 'byin// dad dang dam tshig shes rab med// nams kyang sbyin par gsungs so// bsgral ba'i zhing bcur gyur pa la// ye shes gsang ba'i tig le gsang ba 'di/ / nam yang bstan par ma gsungs so// snying po ye shes bcud spungs thig le gsang ba'i rgyud las// gang la gsang ba'i yul ngan pa la mi bstan pa'i le'u ste bdun pa'o//// de nas ye shes gsang ba yis/ / thig ler gsal ba'i ston pa la// thig le'i gnas ni ga na bzhugs// de na thig le gang gi bzhugs// thig le'i rang bzhin ji ltar gnas// thig le'i 'khor ni gang gi bskor/ / thig les 'dul ba'i zhing khams gang// thig le'i yon tan ji ltar lags// ces ston pa la zhus pa dang// ston pas 'khor la bka' stsal pam// thig le bzhug pa'i gnas bstan pa// phyi nang gsang ba gsum yin no/ / phyi yi gnas ni mkha' klong rnam dag gzhal yas khang// nam mkhas gar khyab blo yis mkhyud tshad yul phyi gnas su bstan pa min// de na thig le rang byung zang thal rang grol bzhugs/ / 'od gsal rang sangs 'khor gyis bskor/ snang srid phyogs med rang grol 'dul// yon tan mu med mtha' yas stongs// 'bras bu mthong brtol snang dag go/ nang gi gnas ni bstan pa ni// tsit+ta rad na za ba ra'i gzhal yas khang/ / ngar dkar gur phub rtsa brgyad pad+ma'i dbus// chos nyid rtsa la rten bcas pa'i// thig le gsang ba'i yang snying bzhugs// ye shes lnga yi 'khor gyis bskor// dug lnga rnam rtog nyon mongs 'dul/ / yon tan thams cad sangs rgyas zhing// 'bras bu yang dag sangs rgyas yin// thig le gsang ba'i gnas bstan pa// gnas ni med gting mtha' yas// chos dbyings gsang ba'i pho brang yin/ / snying po ka dag gzhal yas khang// thig le snying po skye med ka dag mtha' bral bzhugs// phyi nang gsang ba 'khor gyis bskor// phyi yi 'khor ni rigs lnga ste// rnam par snang mdzad rdo rje sems dpa' dang/ / rin chen 'byung ldan dang// snang ba mtha' yas dang// don yod grub pa'i 'khor dang rnam pa lnga'o// nang gi 'khor ni 'od lnga ye shes lnga// mthing nag chos kyi dbyings kyi ye shes dang// 'od dkar po me long lta bu'i ye shes dang/ / 'od zer po mnyam pa nyid kyi ye shes dang// 'od dmar po so sor kun tu rtog pa'i ye shes dang// 'od ljang gu bya ba nan tan grub pa'i ye shes dang lnga ste// nang gi 'khor ro// gsang ba'i 'khor ni/ mdangs lnga dang/ dwangs ma lnga'i ye shes so// mdangs lnga'i 'khor ni/ chos sku'i mdangs dang/ longs sku'i mdangs dang/ sprul sku'i mdangs dang/ chos nyid kyi mdangs dang// snying po rang byung rol pa rtsal mdangs dang lnga'o/ / dwangs ma lnga yi ye shes kyi 'khor ni// rang dwangs kyi ye shes dang// rang sangs rgyas kyi ye shes dang// ngang dwangs kyi ye shes dang/ rang gsal dag rang grol gyi ye shes dang lnga'i 'khor te/ phyi nang gsang ba gsum gyi 'khor gyis bskor ro// 'dul ba'i zhing khams ni dug lnga nyon mongs kyi sems la sogs te/ mtha' yas mu mtha' grol gzhi snying pa'i klong du sdud cing/ rang sa zin pa la 'khrul pa thams cad sangs par gcod par byed cing snying po'i klong du sdud do/ / 'bras bu ni bsam gyis mi khyab ste// rang rang rtogs pa'i shugs sam/ las sam yon tan thams cad btsal ba med par grub pa'o/ / zhes gsungs so// snying po ye shes bcud spungs pa'i thig le'i bzhugs gnas 'kharo 'dul ba'i zhing khams yon tan 'bras bu ru bcas pa'i le'u ste brgyad pa'o//// de nas ye shes gsal ba yis/ / thig le gsang ba'i ston pa// thig le gsang ba'i rtogs thabs gang// zhes zhus pa dang/ ston pas rtogs thabs thugs kyi bcud phung bshad// 'khor rnams ma yengs gus pas nyon/ / rad na pra bar bi da dz+nya tra ta dz+nya na d+har du ya/ thig le gsang ba'i yang snying rtogs thabs la/ bya btsal bcas spyos mi bya ste// bya ba thams cad btang ba ni// ri khrod dgon par gcig pur bsdad// tha ma spun zla nye drung yul dang rdzas kyi 'brel ba bcad/ / rang tsho'i rdzas khyer chos dang sems su bsre// bsre ba'i gdams ngag g+h+ru ru dag la zhus// kye ma e ma skal ldan kun// rang sod dam// yul phyin nam/ brlag gam/ rlung skur ram/ phyags mas 'thebs sam/ ri snyil lam/ rdza phyogs sam/ me sod dam/ chu bo che rgal lam/ drang ba dang sgrog nas khrol lam/ mun pa'i smag ru sol lam// gsal ba'i nyi zla shar du chug/ mtshon cha'i 'khor lo bskor la gang 'phrad sbad na sa chod// khyi phag bya sbrul khra dang spre'u sod// ri bo spang gis thob la rgya mtsho 'khrogs chod kyis// nam mkha' gos su gyon la sa gzhi stan du thing// sgron ma lag par thogs pa 'dza' tshon rgyal mtshan gyis/ / nor bu rin chen chongs la bdud rtsi khrigs chod kyis// zas kyi bcud zo gos kyi thag chod cig/ de yis thig le gsang ba rtogs// zhes gsungs so// de rnams brda'i sgo nas rtogs thabs so/ / tshig gi sgo nas rtogs thabs ni// rnam pa gsum du shes par bya// snying po'i 'od dang rtsal zer ro// snying po skye med chos kyi sku// 'od 'di 'od gsal ka dag klong// rtsal zer ma 'gags kun tu khyab/ / de gsum ston yang 'di ltar ste// snying po'i dkyil 'khor na// thig le gsang ba'i nyi ma shar// 'od lnga gsal ba'i 'khor gyis bskor// rtsal zer gsal dag rang bzhin med// de yi gdams ngag ti ka 'di ltar ste/ / chos dbyings rnam dag gsang ba'i gzhal yas na// ka dag 'od lnga gsang ba'i gzhal yas na// thig le gsang ba'i yang snying bzhugs// 'od lnga gsal gdangs 'khor gyis bskor/ / yang snying gsang ba'i nyi ma rtogs pa las// rtsal lnga rang sar dwangs// gsal dag ngang dwangs gdams pa'i gnad mchog yin// zhes gsungs so// snying po ye shes bcud spungs thig le gsang ba'i rgyud las/ / tig le gsang ba'i yang snying rtogs thabs gdams ngag gi ti ka bstan pa'i le'u ste dgu pa'o//// de nas ye shes gsal ba yis// thig le gsang ba'i ston pa la// thig le gsang ba'i yang snying nges tshig ji ltar lags/ / zhes zhus ba dang// ston pas 'khor la bka' stsal pa// de yi nges tshig zab par bshad// 'khor rnams ma yengs gus pas nyon// thig ni snying po 'gyur ba med// le ni 'od gsal ka nas dag/ gsang ba bstan du med pa yin// yang snying ming yang med pas mu mtha' yas// de phyir thig le gsang ba'i yang snying yin// thig ni snying po skye ba med// le ni 'od gsal 'gag pa med/ / gsang ba de gnyis gnyis med yin// yang snying dngos med zang ka yin// de phyir thig le ga sang ba'i yang snying yin// thig le ni nyid 'pho 'gyur med// le ni rang byung rgyu rkyen med// gsang ba blo yi yul ma gyur/ / yang snying chos sku 'gyur med yin// thig ni skye med chos kyi sku// le ni 'gag med longs spyod sku// gsang ba ka dag dngos med sku// yang snying mtshon 'das blo'i 'das sku// de phyir sku bzhi dbyer med yin/ / thig ni mu med gting mtha' yas// le ni ngang dwangs snang grol// gsang ba chos nyid rtsis gdab med// yang snying bcud 'dus gtams pa'i gnad// de phyir thig le gsang ba'i yang snying yin/ / zhes gsungs so// snying po ye shes bcud spugs pa'i thig le gsang ba'i rgyud las// thig le nges pa'i tshig bshad pa'i le'u ste bcu pa'o//// de nas ye shes gsal ba yis// thig le gsang ba'i don rtogs na/ / bya rtsal rtsol sgrub mi 'tshal lam// zhes zhus pa dang/ ston pas 'khor la bka' stsal pa// gong ltar thig le gsang ba'i don rtogs na// bya btsal rtsol sgrub ci yang mi dgongs so// bya btsal byed na theg pa 'og ma yin/ / spyan 'dren phyag mchod byed na theg pa 'og ma yin// dkyil 'khor lha bskyed dbang bskur theg pa 'og ma yin// lta sgom spyod 'bras bsgrub pa theg pa 'og ma yin// de'i phyir gsang ba 'di la bya btsal rtsol ba'i nad dang bral/ / bya btsal rtsol sgrub ci yang mi dgos so// lta ba lta byed rtsol ba med// sgom pa sgom med rtsol ba med// spyad bya spyod byed bya btsal med// bsgrub bya sgrub byed rtsol sgrub med/ / gtor tshog sa mchod rtsol sgrub med// tsha tshwa chu gtor chos spyod rtsol sgrub med// 'khor ba bya ba'i las rnams la// bya btsal rtsol sgrub med de gcod la gzhag/ thig le gsang ba'i don rtogs na/ / bya ba btsal rtsol sgrub ci yang mi dgos so// zhes gsungs so// snying po ye shes bcud spungs thig le gsang ba'i rgyud las/ bya btsal rtsol sgrub ma dgos par bstan pa'i le'u ste bcu gcig pa'o//// de nas thig le gsang ba'i ston pa la/ / ye shes gsal ba'i 'khor gyis 'di skad zhus// rgyud kyi ngo bo nges tshig ji ltar lags// zhes zhus pa dang/ ston pas 'kharo la bka' stsal pa// rgyud kyi ngo bo nges tshig bstan pa ni/ / 'brel dang ma tshang med phyir dang// phun sum tshogs pa'i nges tshig dang// rgyud kyi rang bzhin ston pa ni// rang bzhin rgyun du gnas pa'i phyir// ye shes rgyun chad med pa'i rgyud// rgyud kyi dbye ba bstan pa ni/ / don gyi rgyud dang tshig rgyud rnam gnyis las// de las phye bas bsam gyis mi khyab rgyud// re zhig bgrang na 'di lta ste// bya ba'i rgyud dang spyod pa'i rgyud dang// rnal 'byor rgyud// bla na med pa'i rgyud dang/ / pha'i rgyud dang/ ma'i rgyud dang/ ma bla na med pa'i rgyud dang// snying po gong na med pa'i rgyud dang// sku'i rgyud dang/ gsung gi rgyud dang/ thugs kyi rgyud dang/ yon tan phrin las rgyud dang/ rtsa ba'i rgyud dang/ bshad pa'i rgyud dang/ yan lag rgyud dang/ bskol ba dum bu'i rgyud dang/ bskyed pa rgyal po'i rgyud dang// btud pa bram ze'i rgyud dang// dgags pa man ngag rgyud dang/ 'tshams sbyor gnyis med blon po'i rgyud dang/ / gsal ba nyi zla'i rgyud dang/ yangs pa nam mkha'i rgyud// dgos 'dod 'byung ba nor bu rin po che'i rgyud dang// spyi ti rdzogs chen gnya' gcod rgyud sde ni// nyi zla 'bar bas gnam sa go 'byed pa khams gsum yongs sgrol gyi rgyud dang/ / rin po che'i nyi zlas mkha' klong rnam dag snang srid gsal dag rgyud dang// nyi zla 'bar ba'i rgyud dang/ nyi zla sbyor ba kha mun dbyer med kyi rgyud dang// mkha' klong nyi zla'i 'od 'bar gti mug mun sel gyi rgyud dang/ / rgyud thams cad kyi spyi phud mkha' klong nyi zla'i 'od 'bar rgya mtsho'i klong gsal gyi rgyud dang// rgyud thams cad kyi spyi rjes nyi zla bkod pa nam mkha' dang mnyam pa'i rgyud dang/ / ma rig ye shes go 'byed snang gsal nyi zla'i rgyud dang// nyi zla rgyal po stong khams 'od 'bar ba'i rgyud dang/ nam mkha'i nyi zla rgyal po mu med mtha' yas kyi rgyu dang/ rin po che nyi zla brtsegs pa'i rgyud dang/ / rin po che nyi zla 'od 'bar sgrib g.yogs mun sel mkha' klong rnam par dag pa'i rgyud dang// rgyud kyi rgyal po nyi zla 'od gsal ba'i rgyud dang// mkha' klong nyi zla'i 'do 'bar gnas go 'byed pa'i rgyud dang/ / de rnams ni yang ti nyi zla'i snying po gong na med pa'i rgyud de// gsal ba nyi zla lta bu'i rgyud do// yangs pa nam mkha' lta bu'i rgyud ni// rgyud kyi rtse rgyal nam mkha' lta bu'i rgyud ni// rgyud kyi rtse rgyal nam mkha' klong 'dus byar med blo 'das kyi rgyud dang/ nam mkha' dbyings zab bdud rtsi bcud 'dus kyi rgyud dang// mkha' klong nyi zla'i 'od 'bar gnas sa pa'i go 'byed 'od nam mkha' dang mnyam pa'i rgyud dang/ mun snang go 'byed pa snang srid 'od 'bar khams gsum yongs sgrol gyi rgyud dang// nam mkha' klong yangs kyi rgyud dang// bka'i bcud 'dus rgya mtsho klong gsal gyi rgyud dang// gti mug ka dngas 'od nam mkha' dang mnyam pa'i rgyud dang/ mun snang ka dag 'gro drug rtsad gcod kyi rgyud dang/ ma rig sgrib g.yogs ka dag pa'i stong khams 'od du 'bar ba'i rgyud dang/ rgyud kyi rtse phud nam mkha' mtha' yas kyi rgyud dang/ rgyud kyi rgyal po nyi zla bkod pa'i stong khams bcud khengs kyi rgyud dang/ snying po ka dag thugs kyi bcud 'dus pa'i rgyud dang/ snying po ye shes bcud spungs thig le gsang ba'i rgyud dang/ sgron ma 'bar ba'i rgyud dang/ sgron ma brtsegs pa'i rgyud dang/ sangs rgyas kun gyi dgongs pa'i bcud 'dus ra po brtsegs pa'i rgyud dang/ snying po ye shes bcud 'dus spungs nam mkha' klong sa yangs kyi rgyud dang/ gnam thog klong rgya mtsho klong 'babs chu srin nor bu'i rgyud dang/ rin chen spungs pa'i rgyud dang/ rin po che gter snying rgyud dang/ rin po che spyi nad skyon sel gyi rgyud dang/ rin po che snang gsal spu gri 'bar bas 'khrul snang rtsad nas gcod pa nam mkha' dang mnyam pa'i rgyud dang/ rin po che rigs drug g.yang sa gcod pa'i rgyud dang/ rin po che bcud kyi yang snying spros gcod rtsa ba'i rgyud dang/ spros pa gcod pa sde lnga'i rgyud dang/ snang srid la sbyor bdud rtsi bcud thigs 'khor ba thog mtha' gcod pa'i rgyud la sogs te/ rgyud sde ji snyed cig bzhugs pa'i rgyud kyi dbye ba'o// rgyud kyi dgos pa na thog mtha' gnyis kyi gras thag bcad pa'o/ / rgyud kyi phan yon ni nyon mongs dug lnga 'khor ba'i sdug bsngal sel zhing thar pa dang bde 'gro sangs rgyas kyi zhing khams rnam par dag par skye'o// rgyud kyi ldang tshad ni brgyad do/ / rgyud kyi ngo bo ni snying po'i rang bzhin dus dang rnam pa thams cad du 'pho 'gyur med par gnas pa'o// rgyud kyi mtshan nyid ni khyab la 'brel ba nya'i rgya lta bu'o// dgos pa ni srang gi nyag ga lta bu'o/ / dbye ba ni lag pa'i sor mo lta bu'o// phan yon ni rtsi ma gi rta lta bu'o// rgyud mtshon pa'i dpe ni mi rgyud chu rgyud gzhung rgyud do// de rnams ni rgyud kyi rang bzhin bstan pa'o// zhes gsungs so// snying po ye shes bcud du spungs pa thig le gsang ba'i rgyud las/ / rgyud kyi ngo bo nges tshig dbye ba bstan pa'i le'u ste bcu gnyis pa'o//// de nas ye shes gsal ba yis// thig le gsang ba'i ston pa la// rgyud kyi mtshan dang gtan rgya ji ltar lags/ / zhes zhus pa dang/ ston pas 'khor la bka' stsal pa// chos rnams snying po yang ti yo gar gsungs// snying po bcud kyi yang snying spungs// de phyir snying po bcud spungs// de phyir snying po bcud spungs rgyud du zung/ / ye shes gsal ba'i ngo bo thig le gsang rgyud las// ye shes thig le gsang ba'i rgyud du gsungs// theg pa'i bcud rnams bsdus nas bstan pa'i phyir// theg pa bcud 'dus bya bar zung/ / dgu rtse bcud 'dus rje rgyal bas// theg pa gnya' stsol rtse rgyal bya bar zung// zhes gsungs so// rgyud ni gtad pa'i slob ma ni// bla ma la gus shes rab che// dam tshig gzhung bsrung rnam smin 'dzes/ / smras pa mi 'gyur gtong phod che// de la rgyud 'di gtad bar bya// slob ma snod dang mi ldan slob bu ni// nga rgyal che la dam tshig med// brtse gdung chung la shes rab med// chags sdang che la gtong phod chung/ / le lo che la sdig la rngam// log lta skye zhing sgro skur 'dogs// slob dpon gsang zhing rang che byin// g.yo sgyu chos brel zong du 'tshong// khrel med dam nyams sdig can la// gser g.yu gter yang ma byin cig/ de la byin na dmyal bar skye// de bas snod kyi khyad par gces// zhes gsungs so// snying po ye shes bcud spungs thig le gsang ba'i rgyud las/ snod bzang ngan gyi khyad par bstan pa'i le'u ste bcu gsum pa'o/ / de nas thig le gsang ba'i sgron ma yis// 'khor la bstan pa 'byung ba'i dus bstan pa// lnga brgya dus yi tha ma la// rtsod pa'i 'dab rgyas byed dus su// de dus yang ti yo ga 'byung/ / sangs rgyas sku dang gsung gi bstan pa nub// thugs kyi bstan pa dar ba'i tshe// de dus yang ti yo ga 'byung// ma thub rnam gsum byung dus su// 'byung ba sa yi gter ma thub// skye 'gros blo gtad gnyen ma thub/ / mkha' 'gros sbas pa'i gter ma thub// de dus yang ti yo ga 'byung// zhes gsungs so// snying po ye shes bcud spungs thig le gsang ba'i rgyud las/ bstan pa 'byung ba'i dus bstan pa'i le'u ste bcu bzhi pa'o/ / snying po ye shes bcud spungs pa thig le gsang ba'i rgyud rdzogs so//// / mkhyen pa'i rgyal po kun gzhi yin// zhes gsungs so// rin po che 'od 'bar ba'i rgyud las// kun gzhi drug la ngo sprad pa'i le'u ste drug pa'o// longs sku skyes bus bka' stsal pa// 'dod pa med pa'i sems dpa' nyon/ / phung po drug gi don bstan no// bag chags gzugs kyi phung po las// tshogs brgyad lhug pa'i ngo sprod gyis// rmi lam sgyu lus phung po la// 'gyur ba ye shes ngo sprod gyis// ting 'dzin nyams myong phung po la/ 'dzin pa'i ngang la ngo sprod kyis// phyi nas ye shes phung po la// ye shes rdung chen ngo sprod kyis// chaus nyid 'ong gsal sgyu lus phung po la// rgyas gdab a yi ngo sprod gyis// srid pa sngon blangs yid kyi phung po la/ / 'gag med rlung gi ngo sprod gyis// skyes bu nga yi phung po yin// ces gsungs so// rin po che 'od 'bar ba'i rgyud las// phung po drug la ngo sprad pa'i le'u ste bdun pa'o/ /// skyel bu dam pas bka' stsal pa// las kyis sems dpa' khyod nyon cig/ bar do drug gi don bstan no// rang bzhin bar do zhes bya ba// snang ba gzugs la rten pa 'di// thig le gcig tu ngo sprad do/ / ting 'dzin bar do zhes bya ba// yengs pa med par ngo sprad do// skye shi bar do zhes bya ba// gnyis snang med par ngo sprad do// skad cig bar do zhes bya ba// zang thal chen po'i ngo sbrad do// chos nyid bar do zhes bya ba/ / rang snang chen por ngo sprad do// srid pa'i bar do zhes bya ba// rgyu rkyen med par ngo sprad do// gnyan po med par ngo sprad do// skyes bu nga yi bar do yin// zhes gsungs so// bar do drug la ngo sprod drug bstan pa'i le'u ste brgyad pa'o/ /// chos kyi bdag pos bka' stsal pa// 'gro ba 'dul byed legs par nyon// snang ba drug drug gi don bstan no// sems kyi snang ba rnam gnyis te// bzang snang ngan snang gnyis su snang/ / snang ba med par ngo sprad do// shes rab snang ba gnyis yin te// phyi sprod snang dang nang spyod snang// rig pa'i snang ba gnyis nyid de// bdag rig snang dang gzhan rig snang/ / lta sgom spyod pa 'bras bu ni// ye shes chen po'i snang ba'o// chos kyi sku dang longs sku snang// ye shes rang snang yin// snang ba med par ngo sprad do// dang po srid pa lhun grub srid// stong ra chen por ngo sprod do/ / bar du srid pa rang rtsal srid// skye med stong bar ngo sprad do// 'gro drug srid pa 'gag med srid// rol pa chen por ngo sprad do// drang don nges don gnyis su srid// thig le gcig tu ngo sprad do// 'khor ba myang 'das gnyis su srid/ / gnyis sna med par ngo sprad do// tha ma 'bras bu 'dod srid// zang thal chen por ngo sprad do// chos kyi bdag po'i snang srid yin// ces gsungs so// rin po che 'od 'bar ba'i rgyud las/ / snang srid ngo sprod kyi le'u ste dgu pa'o//// sems nyid bdag pos bka' stsal pa// nyon cig sems dag skyes bu khyod// sems kyi ngo bo ma rig pa// rtsal ni gnyis 'dzin mi 'gag ma/ / las ni 'ga' mi 'ga' la spyod/ rig pa'i ngo bo zang thal lo// rtsal ni shes rab chen po yin// las ni gnyis su med par spyod// 'dus ma byas su ngo sprad do// rgyus ma bskyed par ngo sprad do// sems nyid bdag por ngau spra da do/ / zhes gsungs so// rin po che 'od 'bar ba'i rgyu las// sems dang rig pa ngo sprad pa'i le'u ste bcu pa'o//// mgon po sems dpas bka' stsal pa// rig pa'i sprul pa nga la nyon/ / yi ge drugadang sgra 'gyur ni// ma ni ye shes yi ge la// skyed byed chen por ngo sprad do// a ni dbyings kyi yi ge la// rol pa chen por ngo sprad do// ha ni gnyis med ye ge la// snang ba chen por ngo sprad do/ / sha ni dbyer med yi ge la// gcod byed chen por ngo sprad do// 'a ni rang snang yi ge la// 'gag med chen por ngo sprad do// sa ni 'gyur med yi ge la// 'gro drug 'gyur med ngo sprad do// gsal ba'i sgra dang stong pa'i sgra/ / 'gag med sgra dang 'gyur med sgra// rang gdangs sgra dang gnyis med sgra// mgon po sems dpa'i sgra 'gyur yin// ces gsungs so// rin po che 'od 'bar ba'i rgyud las// ye ge sgra 'gyur gyi le'u ste bcu gcig pa'o/ /// badzra sa twas bo d+hi sa twa la// brda 'gyur drug gi don bstan pa// chos nyid brda dang rang gdangs brda// rol pa'i brda dang gcod pa'i brda// thig le'i brda dang snang ba'i brda/ / brda 'gyur drug la a yi ngo spra da bstan// ces gsungs so// byang chub sems dpa' mi yi dga' rab rdo rje// badzra sarba la rin po che 'ong 'bar ba'i rgyud zhus pa// rdzogs par gsungs pas b+ho d+hi satwa rjes su yi rang ngo/ / ston pa rdo rje sems dpa' la/ zhu ba po mi yi byang chub sems pas zhus pa// rin po che 'od 'bar ba'i rgyu las// le'u ste bcu gnyis pa'o// rdzogs so//// rgya gar skad du/ bod skad du// ma ni bi ma la tan+t+ra nA ma// nor bu dri ma med pa'i rgyud// dpal ye shes gsang ba la phyag 'tshal lo// 'di skad bdag gis thos pa'i dus gcig na// 'og min gyi gnas chos kyi dbyings kyis pho brang na/ / gnas phun sum tshogs pa ye shes kyi gzhal med khang// rgya yongs su ma chad pa// phyi nang med par ye shes kyis gang ba'i gnas na// ston pa phun sum tshogs pa/ / 'jam dpal gsang ba// 'khor phun tshogs pa rigs lnga'i bde bar gshegs pa// mdzad spyaud phun sum tshogs pa byang chub sems dpa' bcu drug/ chos phun sum tshogs pa gsang ba'i rgyu lnga'o// de rnams kyi snying po bsdus pa byang chub kyi sems nor bu dri ma med pa'i rgyud ces bya ba/ / sangs rgyas kyi dgongs pa dang gnyis su med par bzhugs so// de nas ston pa 'jam dpal gsang bas// rig lnga'i bde bar gshegs pa rnams la bshad kyang ting nge 'dzin gyis bshad/ / mnyan kyang ting nge 'dzin gyis mnyan// de nas rdo rje dbyings kyi dkyil 'khor du// bde gshegs rnams kyis rigs kyis 'dul ba'i 'khor rnams dang ting nge 'dzin gyi sgo nas mnyan bshad do/ / de nas rdo rjes sems dpas rdo rje dbyings kyi dkyil 'khor du// rnam par snang mdzad kyi 'khor sa bcu'i byang chub sems dpa' rnams la byang chub mchog tu sems bskyed nas/ / rig pa'i ye shes kyis yar bltas pas// chos kyi dbyings kyi pho brang du rigs lnga bde bar gshegs pa'i zhal mthong// de nas rigs lnga'i bde bar gshegs pa rnams dang snyoms par zhugs nas/ / 'chi med rdo rje'i lung nod do// mnyam pa'i rgyal po kun rig chos kyi rje// 'og min rdo rje dbyings kyi dkyil 'khor du// rdo rje sems dpas rang sems rtogs bya'i phyir// bla med ngo mtshar che ba'i sangs rgyas 'di/ / rmad dang rtsa ba gcad pas sangs rgyas sems las byung// sems kyi dam pa bdag la bstan du gsol// zhes zhus so// rang byung dbyings nas rig pa rang shar bas// 'gro ba rnams la sems dang sems su snang/ / rig ba'i rtsal chen dz+nya na pany+tsa ka ra a// gang zhig sems kyi dam pa rtogs 'dod pa// sems dang ye shes chu dang rnyog ma bzhin// ma skul bzhag na dwangs snyigs 'byed ba bzhin// bde ba 'dod na bsam gtan ting 'dzin gces/ / sems dang ye shes chu dang 'o ma bzhin// brtan par mi bzhag pas phyed dang ma'i chu bzhin du// sems ye shes yod kyang bag chags nyid kyis bslad// 'gro ba rnams la ye shes sems kyis bslad/ / rten pa'i byang chub 'dod na chu dang rnyog pa gzhin// rtogs pa'i ye shes 'dod na chu dang 'o ma bzhin// sems dang ye shes dbye ba'i man ngag bstan// zhes ye shes drim med pa'i rgyud las/ / dus gsum gyi sangs rgyas dgongs pa rgyud pa'i le'u ste dang po'o//// de nas bcom ldan 'das dpal rdo rje sems dpas// 'og min lcang lo can gyi pho brang du seng ge lta bu'i sgras bshad/ / zhus ba po rdo rje 'dzin pas gsang chen rol pa'i dur khrod me ri 'bar bzhes bya ba// nyin zhing du ba 'thul pa// mtshan mo me 'bar ba ma mo dang// gshin rje dang// gnod sbyin mang po 'du ba'i gnas de nam mnyan no/ / kye rdo rje 'dzin pa nyon cig/ ngas phyogs bcu'i dus gsum gyi bde bar gshegs pa thams cad kyi thugs kyi klong brtol ba// nor bu dri ma med pa'i man ngag gi rgyud 'di bstan par bya'o/ / de yang dang por lung las 'das pa'i chos// gzhi'i 'dug tshul ngo bstan pa dang// gnyis pa'i lung dang man ngag gis yid ches par byed pa'i chos// sku gsum gyi 'dug tshul ngo bstan pa dang/ / gsum pas sangs rgyas kyi rgyud lngas blo'i the tshom dang shes pa'i thag gcad pa'i don du// rgyud kyi man ngag gi sbyor mtshams kyi don bstan pa'o// chos kyi sku ngo sprad pa la bzhi ste// gzhi shes pa chos kyi sku/ / 'bras bu longs spyod rdzogs pa'i sku// rdzogs sku ngo sprad pa la bzhi// sprul sku ngo sprad pa la gsum// de yi man ngag la yi ge drug/ ngo ma shes/ yid ma ches/ thag ma chod/ nge shes/ yid ches/ thag chaud/ yig ge drug la sgra 'gyur gnyis// de bzhin gshegs pa'i phyag rgya can// de las 'das na rnam par grol// rgyun klong du 'das/ lung klong du 'dus/ man ngag klong du 'das so// rig pa mi 'gegs/ snang ba mi sgrub sems can mi 'gegs/ / sangs rgyas mi sgrub/ dug lnga mi 'gegs/ ye shes mi sgrub/ 'dod yon mi sbong/ chos mi sgrub/ yod pa mi 'gegs/ yod pa la mngon par ma zhe na/ byas pa mi 'gegs/ byas pa la skyon du mi lta/ med pa mi sgru/ med pa la zhe 'dod mi bskyed/ ngo sprad pa dang rtogs pa thob pa dus mnyam mo// rtogs pa thob pa dang chos bom ba dus mnyam mo// dbugs chad pa dang sangs rgyas pa dus mnyam mo/ / sangs rgyas pa dang thugs rje 'byong ba dus mnyam mo// zhes nor bu dri ma med pa'i rgyud las// sangs rgyas kyi gdams par bzhag pa'i le'u ste gnyis pa'o//// de nas sdud pa po rdo rje chos kyi dbus 'gyur 'od ma'i tsha la/ / sangs rgyas 'byung ba'i byang chub shing drung du bsdu ba rnam pa bzhi zhus pa// kye rdo rje 'dzin pa chen po// bsdu ba'i dngos po bzhi bshad du gsol// zhes zhus pas// rigs kyi bu nyon cig/ yang dag pa'i sangs rgyas la/ sangs rgyas dang sems can gnyis med pas// sangs rgyas 'ba' zhig tu bsdu'o// byang chub sems dpa' rnams la rdzu 'phrul gyi rkang pa bzhi la sogs te/ / stobs dang mi 'jigs pa dpag tu med pa yod kyang// chos thams cad kyi de bzhin nyid ma mkhyen pas// sems can gyi sder bsdu'o// sems can rnams kyi rkyen khyad par can dang phrad na rtogs pa skad cig ma la skye ba'i thabs yod pas/ / sangs rgyas kyi sder bsdu'o// de bzhin gshegs pa'i bka' dri ma med pa'i rgyu 'di ni// ston pa rdo rje 'chang gis bstan// zhu ba po rdo rje 'dzin pas zhus te// bsdus pa po rdo rje chos bsdus pa/ / kye kye rdo rje 'chang thabs mchog tu gyur pa legs so legs so// zhes bsdus pa'o// kye sdud pa po rdo rje chos legs par nyon cig/ 'khor ba'i chos ni rgya chad pa yin no// chos kyi sku bde ba chen po ni rgya chad pa yin gyi/ / ci ste 'khor ba rgya chad pa mtha' la thug med// chos sku rgya chad rtogs na 'gyur ba med// sangs rgyas ye shes rang snang rtogs 'dzin mtha' las 'das// 'khor 'das gnyis med sems can don mi gzigs/ / sems can yul las snang nas sangs rgyas zag bcas yin// byang chub sems dpa' rnams ni sa nas sa ru bgrod pas rtsol sbyong don mi spong// sa nas sa ru bgrod kyang ye shes rang snang yin/ / bgrod tshe sgra dang sa g.yos 'byung// 'gro ba rnams kyi yang dag sangs rgyas gzigs// sangs rgyas mtshan ma'i yul las rang 'das kyang// rang gi shes rab blo la snang bas bla ma'i ngag/ de 'gro ba rnams kyis yang dag sangs rgyas gzigs/ / zhes bya'o// sdud pa po rdo rje chos gang zhig rtogs pa mngon du gyur pa'i dus su// rang mngon du gyur pa mtshan ma'i blo la snang na// snang ba'i dus de nyid du zag pa dang bcas pa'o/ / mngon du gyur pa'i dus na snang ba 'dzin med na/ rang byung dbyings rig pa'i ye shes brdal ba ceg gsungs so// thugs kyi rgyud dam pa rin po che sbungs pa'i rgyud kyi snying po'i bcud phyung ba/ / byang chub kyi sems nor bu dri med pa'i rgyud rdo rje sems dpa' 'jam dpal gsang ba'i thugs klong nas phyung ba las le'u ste gsum pa'o//// rdo rje 'chang chen pos thabs mchog tu gyur pa legs so legs so/ / zhes bsdus pa'o// rdzogs so//// rgya gar skad du/ badzra yo gi DA ni sa nu kro kro tan+t+ra nA ma/ bod skad du/ rdo rje rnal 'byor ma'i rgyud/ mkha' 'gro ma 'di skad ces bya ba// dpal rdo rje sems dpa' la phyag 'tshal lo// ston pa rdo rje sems dpa' zhes bya ba la/ / 'khor rgyal sras sprul pa'i 'khor dang/ nyid las mi zhan pa'i 'khor dang/ dbang med dad pas bsdus pa'i 'khor dang thabs cig tu bzhugs te// 'og min gyi zhing khams pad+ma can dang bde ba can zhes bya ba na gnas te/ / dus der byang chub sems dpa' dga' rab rdo rjes// ston pa rdo rje sems dpa' lags// bdag cag mkha' 'gro ma rnam pa lnga 'khor dang bcas pa la yang dag pa'i don thig le'i dgongs pa bstan du gsol/ zhes zhus so// bcom ldan 'das rdo rje sems dpas bka' stsal pa/ rgyu yi byang chub sems dpa' dpa' mo rnams// 'bras bu byang chub sems dpar la zla bar bya'o/ / dus nam zhig na dam pa'i chos nyi ma shar ba dang 'dra ba 'ong ste/ de nas dam pa'i chos thams cad nub ste mi snang bar 'gyur ro// de'i dus su mun snang gi bskal ba bya ba 'byung ngo// de nas nga'i bstan pa rgya theb shakya thub pa'i bstan pa nub kha ru dam pa'i rgyud de dar bar 'gyur/ / gyur nas kyang 'byor pa'i lam du re sngon slongs du 'gyur ro// zhes rdo rje sems dpa' bka' stsal pa lo// rdo rje rnam 'byor ma'i rgyud las/ / gleng gzhi'i le'u ste dang po'o//// de nas ro langs bde bas/ rdo rje sems dpa' la zhus pa// thog ma 'khrul pa ji ltar lags// zhes zhus pas// bka' stsal pa// thig le lhun grub mi 'gog 'od gsal ba/ / gzhi la 'gag med lhun grub rlung// rlung g.yos rang sar 'das pa dang// 'phrig dang 'gul dang 'gyu ba 'byung// de nas ma ning rlung zhes grags// 'dar 'phrig 'khrul pa yid du grags/ / rang nyams stong ba snang bar grags// de las ma dmigs 'gyur ba sna tshogs shar// rang snang ma mthong gzhan snang mthong/ rlung chen de las kyi rlung// lhun grub yi ge a las byung// mgo dang dpung pa lag pa dang/ / rkang pa rkang rten lnga ru snang// mtshon pa tsam du brdzod pa las// thig le chen po yi ge med// stong pa chen po yi ge lnga// a ni yig 'bru kun gyi mchog/ don chen yi ge dam pa yis// de yi rtsal las yi ge ha/ / rtsal gyi ye ge zhes su grags// de yi gdangs las yi ge ma// thams cad skyed par byed pa'o// de yi rol ba yi ge 'a// gcod par byed pa byed pa zhes su grags// gcod par byed pa de nyid 'gyur ba med pa'i phyir/ / ma nu zhes su rab tu grags// de la 'od lnga rab tu 'bar// ma ni 'od zer dkar por 'phro// a ni 'od zer mthing khar 'phro// ha ni 'od zer ljang khur 'phro// 'a ni 'od zer dmar po 'phro/ / sa ni 'od zer ser por 'phro// kha dog sna tshogs 'bar ba'i 'od// gzi brjid phung po lta na sdug// ces gsungs so// lhun grub rang sa bstan pa'o// rdo rje mkha' 'gro ma'i rgyud las/ / gzhi bstan pa'i le'u ste gnyis pa'o// de nas yang gsol pa// bcom ldan 'das rdo rje dpa'// thig le 'khrul pa'i 'od gsal de// ma ning rlung la ma shes rmongs pa ste// sems can chags pa ji ltar lags/ / zhes zhus pas// yang gsungs pa// las shes bya ba sna tshogs byed// dang po bskyed la tha mar grol// dper na dug sbrul mdud grol 'dra// snang ba chen po gsal pa che// 'od kyi sku dang yid kyi lus/ / mnyam byed mtshan dang dpe byad rdzogs// thog ma yid kyi sku yin snyam// byed de bstan pa mnyam byed 'dzin// de yang a yi ngo bor gnas// de las 'phros pas 'od du snang// 'od kyi lus la yid kyi 'dzin/ / 'od kyi gzugs brnyan zhes su grags// de las rtags pas 'od kyi sku// mtshan dang dpe byad rang chas la// 'dzin pa brag cha'i sgra ltar 'khrul// 'dod yon lnga la longs sbyad pas// lha dang lha ma yin du 'khrul/ / de ltar ma shes chags par 'khrul// yi dwags dag tu 'khrul pa'o// de yang rang ngo ma shes sdang bas chags// dmyal ba dag tu 'khrul pa'o// da lta nga rgyal chen po skyes// des na mi ru 'khrul pa'o/ / des ni chags ldang rlung chen byung// chags sdang lnga yang a las byung// brjod pa kun gyi rgyu yi mchog/ ces gsungs so// rdo rje rnal 'byor mi'i rgyud las 'gro drug tu 'khrul pa'i le'u ste gsum pa'o/ /// de nas rol langs bde ba yis// rdo rje sems dpa' la zhus pa// kun tu bzang pa'i rtogs tshad dang// khams gsum ma nu'i dgongs pa de// gcig gam tha dad ji ltar lags// zhes zhus pas/ rdo rje sems dpas bka' rtsal pa/ / kun bzang gzhi nas 'khrul pa ni// blo gros bzang ste grol ba dang// rdo rje sems dpa' sgyu ma lnga mkhyen pa// khams gsum ma nu'i 'khrul pa gnyis// rgyu las dbyer med lcags dang 'dra/ / rgyu las dbyer med gser dang 'dra// 'bras bu tha dad rang shar de// kun tu bzang po rnams gnyis yin// 'bras bu kun tu bzang po de// yid kyi gzugs brnyan sprul sku shes// 'od kyi gzugs brnyan longs skur shes/ / mtshan dang dpe byad chos skur shes// shes rig yul las 'das pa'i// snang la rang bzhin med pas yul las grol// gsal la rtogs pa med pas yid las grol// mi snang rang bzhin med pas lam las grol/ / dbyer med rang sar grol bas tha dad ngang du grol// ye shes sku ster rang byung bas// mtshan ma rang sar grol pas dbye ba med// rang sar grol ba tha dad ngang du gro zhes de la bya/ / rtogs pa mngon du gyur zhes de la bya// 'bras bu kun tu bzang po la ngo sprad pa'i le'u ste bzhi pa'o//// de nas longs sku'i ngo sprad bstan du gsol/ zhes zhus pas/ yang bka' stsal pa/ / mtshan dang dpe byad rdzogs pa la// sgyu ma lhun grub yul la rol// sku ni sgyu ma lta 'o// snang la rang bzhin med pa'i sku// kun tu zhal ni phyogs bcur gzigs// ye shes lus can de bzhin gshegs/ / gsung ni brag cha lta bu'i gsung// tshangs pa'i gsung 'dra snyan par sgrogs// thugs ni sgyu ma sprul par gsal// sgyu ma rang gsal gzhan yang gsal// ji rnyed pa dang ji lta mkhyen pa yin// shin tu 'du ba rnams pa thams cad mkhyen pa'o/ / yul ni snang la rang bzhin med pa ste// kha dog sna tshogs 'bar pa'i 'od// sgyu ma lta bu'i zhing khams gsal// bteg na phar la mnan nem// 'khor ni rang snang chen po ste/ / rdo rje skyil krung rdzogs sangs rgyas// shar phyogs zhal ni mthil kha'i rtsal// rdo rje sems dpa' la sogs pa// thams cad ma lus mthing khar snang// lho phyogs zhal ni ser pa'i gdangs// rin 'byung la sogs ser por snang/ / nub phyogs zhal ni dmar po ste// snang ba mtha' yas la sogs pa// thams cad ma lus dmar por snang// byang du zhal ni ljang khur gsal// kun tu lta ba mchog tu dga'// kun kyang 'od kyi phung por gnas/ / kha dog sna tshogs 'bar ba'i 'od// nyi ltar gsal zhing mkha' ltar dwangs// zhes gsungs so// sku yi 'od la bzhugs shing gsung gi zer la 'phro// zhes gsungs so// longs sku'i ngo sprad pas zhing khams rnam par dag par rang grol du bstan pa'o/ / ma bsgoms thug phrad kyi zhing khams// ma bskyed rang 'khrungs kyi sku// sku rgyan gyi 'khor lo// gsung rgyan gyi 'khor lo// thugs rgyan gyi 'khor lo/ / ngo sprad pa'i le'u ste lnga pa'o//// de nas yang bka' stsal pa// rgyu yi kun tu bzang po de la ngo sprad bstan pa ni// dpe ma nor ba dang// don ma nor ba dang// rtags ma nor bar ngo sprad pa'o/ / dpe ma nor ba ni rnam pa gsum ste// khyung dang seng ge rna ba yi// rnal 'byor rgyu yi dpe gsum yin// khyung phrug sgo nga'i nang du ni// gshog ru rgyal te phyir ma 'thon// dper na rnal 'byor rtogs ldan de/ / 'gyur ba 'gyur te 'gyur ba med// dper na khyung phrug phyir 'thon pas// sgong nga bcag pas ma dang mnyam// 'og ma rnams la nyam mi nga// 'bad rtsol med par mkha' la lding// ma dang mnyam ste dbye ba med/ / rno zhing gso yi khar ma lus// dper na nor bas don dang mjal// zhes gsungs so// dper na rtogs pa'i rnal 'byor de// rtags ma nor ba 'di lta ste// 'og ma'i chos rnams don la rdzogs// yang dag mtha' ste yi ge med/ / ma rig sgo nga'i sbubs 'byed pa// rtogs pa nang nas rgyas pa yis// phung po bor nas gzhi dang mjal// zhes gsungs so// seng phrug mngal nas ma dang mnyam// mnyam yang seng ger ming ma thogs/ / rtogs ldan rig pa khong nas grol// grol yang mnga' rgyas ming ma thogs// mngal sgor 'thon nas seng ger btags// gzhi la sleb pas sangs rgyas gral du thob// ces gsungs so/ / dpen na rna phrug mngal du gnas// bral la thar pa'i sgra ma zhugs// thar ta thar te phyin pa med// ma yi mngal nas 'thon pa dang// ma yis brag la phyin pa dang// thus kyang the tshom med par thar// des na rnal 'byor chen po de/ / rig pa don gyi tho grol bas// sangs rgyas sems can ming yang med// rtog pa yod de 'gyur pa med// sangs rgyas sems can spyi sa ba// 'khor ba myang 'das spyi sa pa// mngon 'gyur lhun grub spyi sa ba/ / de yi ming ni ma ning yin// rlung gi ming ni ma ning rlung// snang ba ma ning 'dzin pa ma ning yin// snang ba ma ning 'dzin pa spyi sa ba// dgongs pa sang rgyas sa ma sleb// ltar snang phung po na tsha yod/ / thugs kyi rtsal gyi bde sdug 'byung// go ba'i yul na bde ba che// 'di nyid 'jig rten rnam dag yin// grol na grol ba'i lam yang ston// zhes gsungs so// rdo rje mkha' 'gro ma'i rgyud las// rgyu'i kun tu bzang po la ngo sprad pa'i le'u ste drug pa'o/ /// de nas yang rdo rje sems dpas// rig pa khong grol gyi dgongs pa dang// rig pa gzhi thog tu grol ba'i dgongs pa bstan pa ni// rig pa khong du grol ba'i dgongs pa bstan pa ni/ / da ltar rang rig rang gsal 'di// ngo ma shes pas sangs rgyas dgrar langs// rig pa bdud du babs te rang gsal zhe sngang// de la chags pas 'dod chags gnyis med de/ / las gnyis su snang bas gti mug/ de la ngar bzung bas nga rgyal// nga de la 'gyur pas phrag dog/ des sangs rgyas dgrar langs// rig pa bdud du babs// chos sku rgyab log byas// sprul skus bslus/ / longs skur gol sar chud// e ma ho sems can snying re rje// de ni rig pa khong gsal du grol// rang gsal ma bcos chos kyi sku// rang shar de ni longs spyod sku// rang grol de ni sprul sku la// 'du 'bral med pas thig le'o/ / rig pa rang gsal lta ba'i mchog/ rang shar gnad du grol na sgom pa'i mchog/ cir snang rang byung shes pas sbyod pa'i mchog/ rgyun chad med pa 'bras bu'i mchog/ shugs 'byung rang shar shes pas rig pa khong du grol/ / zhes mkha' 'gro ma'i rgyud las// rig pa khong grol du bstan pa'i le'u ste bdun pa'o//// de nas yang rig pa gzhi thog tu grol ba ni// lus kyi mtha' dang bral te sngon du gyur pa'i dus/ / rnam 'byor rab ni rnam gsum ste// phung po lhag ma med pa ru// sgra dang chas te sangs rgyas so// 'bring ni 'di ru grol ba ste// dbugs chad pa yis grol pa'o// tha ma bar dor zhag gsum gnas/ / chos las 'das nas grol pa'o// 'bring ni rnam pa gsum yin te// rab ni rgyas gdab rnam gsum ste// chos nyid bar dor grol ba'o// 'bring ni srid pa'i 'khor lo la// snang ba 'khor lor grol ba'o/ / tha ma 'od gsal 'khor lo la// rang dbang med par grol pa'o// tha ma'i rab ni snang ba chen po la// 'od gsal mthong nas grol ba'o// 'bring ni 'od gsal 'khor lo la// rang dbang med par sangs rgyas pa'o/ / tha ma tshe gcig sum cu rtsa lnga la// rig pa rang grol rang rdol bas// de nyid du ni grol bar 'gyur// zhes gsungs so// rdo rje mkha' 'gro ma'i rgyud las// rig pa gzhi thog tu grol ba'i le'u ste brgyad pa'o/ /// de nas rdo rje sems dpas bka' stsal pa// sangs rgyas pa yi 'bras bu ni// nyi ma'i snying po lta bur gnas// zer la sprul sku 'gag med 'byung// 'od la longs sku 'gag med byung// de bzhin thig le nyag gcig de/ / gdangs gsal longs skur gsal ba'o// 'od la 'du 'bral med par rtsal// sprul sku zam ma chad par 'gyur// gnyis med 'du 'bral med pa las// chos sku rgyun chad med par 'gyur/ / thig le 'du 'bral med pa las// khams gsum ma lus 'khrul par bzung// e ma sems can las dang bag chags dang// bde gshegs sku dang ye shes mnyam// rtogs pa'i rnal 'byor rtsal du snang/ / thig le nyag gcig rang snang ba// thugs rje'i 'od zer sku ru snang// zhes gsungs so// rdo rje mkha' 'gro ma'i rgyud las// sa'i 'bras bu byung tshul bstan pa'i le'u ste dgu pa'o// de nas rje btsun rnal 'byor mas/ / ro langs bde ba dang// byang chub sems dpa' bsam gyis mi khyapa pa dang// thabs gcig pa'i byang chub sems dpa' dang// thams cad dang ldan pa'i 'khor de dag la// thig le'i brta rgyud kyi le'u 'di gsungs so/ / thod pa tshal gsum 'phreng ba la// ru tra pho ma'i dbyug pa btsugs// zhag gi zor ris thig ler bris// 'khor lo 'bar ba'i rang nan can// ral gre+i lta bu'i rgyan cha btags// kha T+wAM ga yis mtshon par bya/ / shing lo skam pos nam mkha' g.yogs// dung gis sems can sgrol bar byed// nya yis rgya mtsho lam du gcod// me long snang srid gsal bar byed// gdugs kyis me tog gsal ba'o/ / bum pas sems can skom pa sel// 'khor los thugs kyi dpal be'u gcod// rgyal mtshan gyis ni brda ston no// ba dan gyis ni skyel bar byed// ces gsungs so// rdo rje mkha' 'gro ma'i rgyud las/ / brta bstan pa'i le'u ste bcu pa'o//// de nas byang chub sems dpa' rab rdo rjes mkha' 'gro ma rnams la// nga'i rgyu 'di thams cad gsal ba'i rgyud du zung// snang ba zang thal 'dzin pa byang chub sems dpa'i dgongs pa ston/ / dgongs pa 'dus pa'i rgyud du bzung// bar do'i gdams ngag ston pa la// 'da' ka 'chi brod rgyud du bzung// snang ba zang thal// 'dzin pa rang grol/ / sems rang grol ye shes rang 'bar// sku gsum thug phrad// ye shes rang snang// mngal kha rgyas 'debs// 'khor ba dong sprugs// srid gsum rnam dag/ khams gsum yongs sgrol gyi rgyud gsungs pas/ / rdo rje mkha' 'gro ma rnams rjes su yi rangs so// rdzogs so// rgya gar skad du// kA ya tri de kalba pra b+ha tan+ta// bod skad du// sku gsum ja log bskal pa 'od ldan gyi rgyud// bcom ldan 'das rang snang dag ba'i rgyal po la phyag 'tshal lo/ / 'di skad bdag gis bshad pa'i dus gcig na// mkha' 'gro nye bar zhi ba dang// gsang ba'i bdag po dang// phyag na rdo rje la sogs rnams kyis bskor ro/ / rang snang rnam dag pad+ma brtsegs pa'i gdan la zhugs te// snang ba thams cad kyang rnam dag rang snang gi mkha'// nam mkha' lta bu rgya yongs chad pa// phyi nang med ba'i gnas chen po pad+ma brdal ba'i gzhal yas khang zhes bya ba na zhugs so/ / de'i tshe de'i dus na// gzigs snang rnam dag gi tshal ces bya'o// de nas gsang ba'i bdag pos// bcom ldan 'das la zhus pa// sku gsum ja log bskal pa 'od ldan gyi rgyu bshad du gsol/ / zhes zhus pas// nyid kyis zhus pa legs so legs so// nyon cig ngas bshad do// sku gsum ja log bstan pa dang// lta sgom ja log bstan pa dang/ thog pa ja log bstan pa dang/ / lus sems ja logs bstan pa thugs rje'i byin rlabs ja log bstan par bya// zhes gsungs so// bskal pa 'od ldan gyi rgyud las// gleng gzha'i rtsa ba'i le'u ste dang po'o//// de nas sku gsum ja log bstan pa thugs zhes gsungs so/ / ston pas bka' stsal pa// sems la rten pa'i sku gsum dang// chos la rten pa'i sku gsum dang// rig pa'i ye shes sku gsum mo// de la sems la rten pa'i chos sku ni/ / brjod pa dang bral ba yis// ngo bo nam mkha' lta bu'o// longs sku 'ja' tshon lta bu la// ngo bo rnam par snang mdzad do// sprul pa'i sku ni des med la// ngo bo thugs pa drug tu 'dod// sku gsum 'du 'bral med pa la/ / sems kyi gsum po rgya chad pas// phyogs su lhung ba'i gol sa yin// zhes gsungs so// bskal pa 'od ldan gyi rgyud las// sems kyi sku gsum 'brel ba med pa'i le'u ste gnyis pa'o/ /// yang bka' stsal pa'o//// chos kyi gsum 'bral med gsum po ja log dgos te// de yang nam mkha' lta bu dag la ja log pas// lta ba rang bzhin med do na// skye 'gag med cing dbri bkol med/ / mtha' dang dbus med yengs pa de// de ni chos kyi sku ru 'dod// de nas thabs dang shes rab kyis// nyams su blang ba'i sgom snang de// rnam snang ja log dag tu 'dod/ / gtan la 'bebs pa'i shes rig de// ngo bo thub drug ja log yin// gnyan po rtag pa'i chos yin pas// de yang yid smon blo chos yin// yul dang yul can yin pa'i phyir// ji ltar sbyad kyang 'dus par 'gyur/ / zhes gsungs so// bskal pa 'od ldan gyi rgyud las// chos las byas pa'i sku gsum yid smon 'dus byas su bstan pa'i le'u ste gsum pa'o//// de nas bka' stsal pa// 'dus byas 'dus ma byas su ja log ste/ / rig pa'i ngo bo chos gsum la// rgyu rkyen ka nas ma grub bas// chos sku ja log chen po yin// rig pa'i thig le chos min sku// 'gag pa med par rang shar bas// sprul sku ja log chen po yin// rig pa thig le chos min sku/ / bsam ngo'i yul las 'das bas gdangs// rang snang grol ba'i me long 'di// longs sku ja log chen po yin// ces gsungs so// bskal pa 'od ldan gyi rgyud las// rig pa'i sku gsum 'dus ma byas su ngo sprad pa'i le'u ste bzhi pa'o/ /// de nas yang bka' stsal pa// lam pa'i sku gsum bstan pa yi// rang grol sku gsum ja log ni// snang ba mi 'gag longs skur shar// 'dzin pa mi 'gag sprul skur shar/

CLOSE WINDOW