/ rig pa'i ye shes kun tu bzang// yi ge med pa'i don du mthong// rang gsal rjes su rang bzhag na// ye shes gsang ba rjes su dpags// rang rig 'brel ba nyid la gsal// ye gsal rig pa'i 'khor lo la/ / dad pa'i blo yis gang rtsol pa// rang 'dod theg pa'i khyad par ni// gsang ba'i don la ma lus ston// 'dod pa'i stobs kyis 'phangs nas rtsol// rang gsal 'khor lo'i don dang 'gal/ / 'dod rgyud gsal ba'i ye shes kyang/ rtsol ba nyid las 'da' ba med// rdzogs pa'i ye shes bde chen ni// rang bzhag rig pa'i 'khor lor dag/ rnam dag rang byung 'od gsal ba// blo bur dri ma ngang gis dag/ rnam par rtog pa'i sems nyid ni// rang bzhin ma yin rkyen gyis snang// rang bzhin ngo bo gang dag ni// blo bur rkyen la rag las min// rang gsal rig pa'i rang bzhin dang// 'khor ba rtogs pa'i rang bzhin gcig/ gang la'ang spangs bya ma yin te// gang gi rnam pa de gang yin// de bzhin 'gyur ba de bzhin te// sems ni ji bzhin mnyam pa nyid// sangs rgyas thugs kyi rnal 'byor ro// yang dag lam la yi ge med/ / snying po nyid du bdag 'jug pas// thob pa med cing spangs pa med// rig pa'i thugs la gsal bar snang// byang chub sems kyi ye shes ni// rnam shes dmigs pa'i yul las 'das/ / rig pa'i 'od gsal gzung 'dzin med// byang chub snying por bzhugs pa'i tshe// ngo bo nyid ni dmigs su med// ye shes kun bzang rnam par dag/ 'bar ba'i ting 'dzin ngo mtshar che// rang gsal rig pa cir mi dgongs/ / bde gshegs 'khor lo ngo bo ni// mi 'gyur 'joms pa'i rdo rje 'chang// kun 'byung rin chen lta bu 'di// skyon med pad+ma'i rang bzhin dag/ 'du byed las kyi rdo rje 'chang// 'dul mdzad ting 'dzin 'bum phrag yas/ / bsam bral ting 'dzin 'od gsal sems// thabs kyi sgrib pa ma lus yin// rtsa ba mi g.yo thig le byang chub sems// rang byung yongs rdzogs ston pa'i ngo bo nyid// rang rig rdzogs pa mchog gi sku/ / sna tshogs 'dren pa mchog gi sku// rang byung rig pa mchog gi bstan pa ni// brjod med kun la rang bzhin ston// rnam dag rin chen lta bur gsungs// mi g.yo thig le nyid du gsal// yi ge tha snyad kun dang bral/ / de nyid rang snang don du bshad// sna tshogs snang ba'i rang bzhin dag/ rang rig nges don nyid du bstan// rnam bshad rang byung bstan pa'i mchog/ rang snang gsal ba'i rang bzhin gyis// de 'khor bsam pa ji bzhin bstan/ / bstan pa'i yan lag 'bum phrag yas// rang byung dag pa shugs kyis 'byung// 'dod rtsol blo la drang ba dang// thugs kyi dgongs pa nges pa'i don// gdul bya rab 'bring don du bshad/ / nges pa'i snying po 'gags pa nyid// dran pa'i don med rang byung bshad// chos sku rang byung ston pa'i mchog/ de 'dus 'khor dang bcas pa dang// nyid las mi gzhan rang byung nyid// rig pa mchog gi sbyor ba la/ / so so ma yin brjod bya gcig tha dad ma yin lam gyi sgron ma gang// kun bzang rig pa'i gser don ston// brjod pa'i don 'dzin dman pa'i sku yis bstan// rang byung rig pa mchog gi sku// rang byung mchog gi sku gsum rdzogs/ / ma bcos rang byung snying po la// 'dod pa'i rnams pa gang yang men// bsgrub byas ma lus kun gyi bdag/ ye shes nyi ma grub pas gsal// snang bas ma lus rang byung sems/ / rig pa mchog ldan bde gshegs bka'// rang byung tshad ma mngon sum gsal// 'khor ba'i rtog pa gcong snying dag/ ye shes rang rig nyid du gsal// spyi blugs tshangs pa thams kyis gsal/ / gsal ba'i don ming 'od gsal lus// gzer chen man ngag them pa'i skas// rig pa'i brda 'jal tshogs dang bral// mngon sum ye shes gsal ba yi// rjes su rang bzhag ye nas dpags// zhes gsungs so/ / a ho/ kha sa man ta nam mkha'i mtha' dang mnyam pa'i rgyud las/ rdzogs pa chen po rin po che gser gling ltar bstan pa'i le'u ste gsum pa'o//// de nas bcom ldan 'das dpal kun tu bzang po thams cad kun gyi bdag nyid des ye shes gsal ba snang ba zhes bya ba'i ting nge 'dzin la snyoms par zhugs so/ / de nas sems dpa' rdo rje 'di skad ces gsol to// phyi nang snang srid mi zad brgyan gyi 'khor lor gsal/ / dngos su gsal yang rang gi byad bzhin bral// 'dus pa'i tshogs la bshad du gsol// zhes glengs so// de nas bcom ldan 'das dpal kun tu bzang pos 'di skad ces gsungs so/ / rang byung ye shes bde chen ni// dman pa'i sems kyis mi rtogs te// skal dang ldan pa'i rnal 'byor pa// gtan tshigs gsum gyis rtogs par bya// nga ni rigs pa rang gsal te// rang bzhin rig pa chir yang snang/ / bdag nyid snang stong tha dad med// don gyi rang bzhin byang chub sems// bdag nyid chen po'i gtan tshigs kyis// thams cad byang chub sems su gsal// gang ltar snang yang chos nyid gsal/ / dbyings dang ye shes gtan tshigs ni// dbyings ni dag pa'i rgyu yin te// ye shes 'bras bu nyid du gsal// gcig tu 'dus pas gzung 'dzin med// ma spangs lhun gyis rdzogs pa ste// dbyer med pa ni chos kyi dbyings/ / lta ba med pa'i lta ba ni// lta ba'i dam pa kho na'o// snang ba thams cad rgyal ba'i sku// grags pa thams cad rgyal ba'i gsung// yid kyi snang ba rgyal ba'i thugs// mi zad rgyan gyi 'khor lor lta/ / rang byung ye shes rdzogs pa'i klong// mnyam pa'i ye shes rig pa'i sems// snang ba ye shes mtha' mnyam pa// nam mkha'i rdo rje lta bu'i mchog/ lta med rang byung sems la lta// btsal med rig pa'i rnal 'byor yin/ / 'jug pa gnyis med rig pa'i klong// ye shes mkha' mnyam sgra don med// rang gsal yul la mi rtog pas// ye shes thig le nyi mar shar// snang med ma 'gags cir mi dgongs// snang ba rig pa'i thig ler gsal/ / sdug bsngal bde ba'i lam du gnas// re dogs kun dang bral thob med// rang byung bde ba'i sems nyid la// snang ba nyid du grub pa yin// bde chen rig pa'i mtsho ltar zab// ye shes rig pa mkha' dang mnyam/ / dngos grub nam mkha'i mtha' dang mnyam// zhes gsungs so// bcom ldan 'das dpal kun tu bzang pos 'di skad ces gsungs so// nam mkha'i rgyal po ye shes kyi// skal dang ldan pa'i rnal 'byor la/ / chos nyid mngon du gyur pa bstan// skal med skur dang 'ching bar 'gyur// chos nyid bsam du med pa nam mkha' che// nam mkha' bsam pa de dag kun dang bral// bsam du med pas nam mkha'i bsam pa dag/ nam mkha' mi dmigs par yang dmigs su med// nam mkha'i mtshan nyid kun las rab 'das pa// med pas nam mkha' la yang nam mkha' med// nam mkha' de nyid bsgom du med pa ni/ / brjod med nam mkha' bsgom du med las 'das// 'das pa brjod du med de mi gnas na// nam mkha'i lus med nam mkha' sems dang bral// mnyam dang mi mnyam nam mkha' las 'das pa/ / nam mkha' med pas nam mkha' khyab pa med// chos nyid mtshon bar 'di zhes mi nus so// tshig med tshig kun khyab sgra med tshig bral// dge sdig snying po med pas dbus mtha' med// dbang po rang gi blo med spyod yul bral/ / yul med sgyu ma yul la spyod pas 'phrul// tshig nyid med de tshig phyir 'brangs pa med// gang zag sgyu mas bkri don bden gnyis med// bag chags stong sems de dag g.yang sa che/ / don de bral la sems med chad pa med// ting 'dzin chen pa'i lung don bral ba'i tshe// skye 'gag med pa 'di nyid mnyam pa yin// sems med ma skyes don dang bral ba med// don la mtshon par rgyal bas gang gsungs pa/ / mtshon cing rtogs par bya ba de nyid ni// tshad mar gzung phyir 'dzin pa de skyes te// de bas mtshon byed sems kyi rgyud kha 'khor// ting 'dzin bde ba'i ro la chags gnas pa// yod med rgyu la mi ltos chags gnas yin/ / de bas chags ba'i gnas la ting 'dzin na// zhi ba'i sa ste mya ngan de mi 'da'// rang sems ma bcos ma sbyangs chos nyid de// ting 'dzin sgyu mas sbyongs na sgyu mas nad// rang byung ye shes dbang la mi sten yang/ / re zhing dogs pa'i mtha' kun rnam par zhi// nam mkha' mtha' kun med de phyogs med na// zhi dang ma zhi med de chos rnams bral// ye nas dag dang ma dag zhi ba'ang med// zhi ba'i sgra med theg pa'i mtha' las 'das/ / re med dogs med ltar med mthong pa'ang med// dag dang ma dag ye shes tshig mtha' bral// tshig tu mtshon med ye shes ye nas dben// gcig dang du mas zhi bas rang bzhin med/ / de nas yang sems dpa' rdo rjes 'di skad ces zhus so// mkha' ltar mnyam pa'i lta ba la// skyon med yon tan ji ltar 'byung// 'dus pa'i tshogs la bstan du gsol// zhes glengs so// 'di thos 'di spangs gang goms nam mkha' ni/ / dngos po med cing zhi bas chad pa'ang med// kun tu khyab pas rtag pa'i ngo bo bral// rtag chad gnyis med snang stong gnyis med do// skye 'jig 'byung phyir bdag mtha' ye nas med/ / sku gsung thugs dang bral bas che ba'i mchog/ sngags dang phyag rgya bral yang nyams pa med// phyi nang sgo phugs bral bas rgya chen nyid// dbus mtha' kun dang bral bas snying po nyid// bde dang mi bde mnyam nyid ye nas med/ / 'dzin med blo ni gang yang mi skye na// bral dang ma bral gang yang gzung du med// chos nyid sems dpas chos la sku mi mnga'// sgra las 'das pas sgra nyid ye shes te/ / zhi ba'i 'od gsal gdod nas lhun gyis grub// byang chub sems can don ni bcos su med// mtshan nyid 'byung 'jug med par bstan te bcos su med// 'gyur bas chags pa'i yul med de// mi 'gyur sangs rgyas ye shes ngo bo med/ / stong pa'i mtshan nyid 'byung 'jug med par bstan// mi 'byung mi 'jug dbang pos stong// mtshan ma 'jil pa'i sku med dag nyan stong// rol gcig bde ba'i dbyings su rol ba dang/ / dbyer med bde ba chags dang bral bas nas// dus gsum mnyam pa nyid kyang 'byung 'jug go/ len med 'dzin dang yongs su bral bas na// dus gsum mnyam nyid rdo rje sems dpa' che// kun gyi bdag nyid dus gsum dbyings mi g.yo/ / lta ba 'di med spyod pa sgyu mas 'ching// lta ba 'di yis ma zin 'khor ba las mi 'da'// de nas kun tu bzang po bde ba chen po des 'di skad ces bka' stsal to// e ma ho/ sems dpa' chen po nyon cig/ phyin ci log dang ma log byang chub ste// byang chub nyid la log dang ma log med// yang kun tu bzang po bde ba chen pos 'di skad ces bka' stsal to// sems dpa' chen po nyon cig/ bsam dang bral ba'i sems de nam mkha' nyid// nam mkha' 'dra ba'i sems de nyid dang bral// yod med dbu ma'ang mi dmigs brjod med na// nam mkha' mi gnas brjod du med las 'das/ / sems la tshig tu brjod med sku yang med// sems nyid tshig las 'das par sbyor bas na// mngon sum mi dmigs mi 'byung stong pas dben// ye shes de nyid bsam las 'das zhes 'byung// ye shes rnam par dag pas gcig phyir te/ / grol pa'i lam kyi mtshan nyid sdom pa yis// gcig dang du ma'i mtha' las 'das pa ni// chos kyi dbyings kyi mtshan nyid bkra ba med// gzugs kyi mtshan nyid med na bkra ba gang/ / sgra dang rtog pa'i ngang du ma grub na// thos pa lam gyi smon lam de gang la// mi rtag chos kun gcig pas ci zhig bya// 'ja' tshon sgyu mar 'phags pa'i sku rgyud kyang// bsod nams skyed dang sgyu ma mi rtog na/ / rnam dag lam chen lhun gyis grub pa la// bsod nams med kyang grub ces rgyal bas gsungs// chos kyi dbyings las mi bskyod cig che ba// kun tu khyab pas sgra med nyid las 'das// sprul pa'i zhing khams rgya yangs tshogs chen yangs/ / bya med ngang la gdul bya mi nus bzhin// gzhi las 'phros te mngon sum rnyed dka' ba// rtog ge yul med 'khrul pas shes mi nus// bskyod dang mi sgyu sgyu ma mi rtag min/ / mtshan nyid nam mkha' las kyang 'das pa'o// ye nas lhun gyis grub pa'i thabs chen la// sgyu bcos spyod pa thabs chen ma yin te// sgyu 'chang thabs kyis spyod dang ma bral na// rnam dag lam chen de yis ci zhig bya/ / mtshan nyid med pa'i chos nyid chen po 'di// chos kyi dbyings kyi sgyu ma mtshan nyid med// chos kyi dbyings las sgyu ma gang sgyur yang// sgyu ma'i lam du rgyal bas rab gsungs so// mi gnas chos sku brjod med las 'das pa/ / dbu ma'ang brjod du med de don dang bral// yid bzhin ye shes dbyings kyi mtha' klas pa// snang med brjod du med las 'das pa'o// chos kyi dbyings su 'dus par rab bshad pa/ / skal ldan skyes bu the tshom med las grub// grol zhing rtogs pa'i blo ldan rnams kyis nyon// ces gsungs so/ kha sa man ta nam mkha'i mtha' dang mnyam pa'i rgyud las/ lta ba bstan pa'i le'u ste bzhi pa'o/ /// de nas bcom ldan 'das dpal kun tu bzang pos/ 'gag pa med pa'i cho 'phrul rang snang ba zhes bya ba'i ting nge 'dzin la mi gnas pa'i tshul gyis gnas nas sems dpa' rdo rje bos te/ 'dus pa'i 'khor la 'di skad ces bka' stsal to// lta ba nam mkha'i rgyal pos 'phangs chod pas// btang snyoms chen po lhun rdzogs chos kyi dbyings// ma skyes dbyings nas nam mkha'i rang bzhin la// thugs rje cho 'phrul ya mtshan chen po ston/ khyung chen gshog rdzogs mkha' la ldings pa bzhin// chu rlung ri rab gyen thur nyams mi nga// bar snang nam mkha'i khams kun lam du bde// gang du dmigs pa'i sa yul gcod par byed/ / de bzhin ye nas blo sbyangs rnal 'byor thugs// byang chub snying po'i 'gro ba'i skal ldan po// sangs rgyas mngon du 'grub pa'i man ngag can// byang chub sems rtogs yon tan khyad par 'phags/ / bdag dang gzhan don lhun grub ma spangs pas// spyod pa rgya mtsho sna tshogs cir bder spyod// pad+ma skye ba'i rgyu ni 'dam yin te// pad+ma la ni 'dam gyis gos pa med// chos nyid chags pa med pa rtogs gyur na/ / ye shes chags med nyams pa rdul tsam med// thugs rjes spyod pa bsam yas ji snyed pa// rnal 'byor thabs kyis spyod pa de bzhin sbyor// rnam rtog spros bral gzung 'dzin mi mnga' yang// mkha' mnyam rgyal po 'dod dgu re ba skong/ / skye med dbyings nas skye ba'i chos 'phrul rnams// rnam dag byang chub sems kyi dbyings nas 'phro// ye shes bde mchog kun tu bzang// rang byung nam mkha' rdo rje nyid/ / ci la spyad kyang chags pa med// sgo gsum bag yangs lhug pa nyid// snang med rang byung ye shes snang// snang bzhag ye shes spyod pa la// blang dor gnyis med bde chen dang// mnyam pa'i ye shes rang byung dang/ / dus gsum 'da' ba med par gnas// rang 'bar ye shes dkyil 'khor nas// dngos grub rin chen 'od ltar byung// ye shes rgya mtsho'i mu mtha' med// 'od gsal rig pa'i gdeng dang ldan/ / mtshon pa lam gyi rgyu dang bral// rang byung lung gi don mthong bas// lung chen tshad ma kun gyi gnas// rig pa'i ye shes brjod bral pas// brjod pa'i lung la sems mi 'jug/ sems nyid rig pa'i sgron ma yis/ / bde chen me shel ltar dag pas// rin chen man ngag kun gyi bdag/ kun gyi gsal ba'i me long mthong// rna rgyud sgra la rag ma lus// chos nyid nam mkha' lta bu la// rang byung gsal ba'i nyi ma shar/ / bsam sbyor blo yin dri ma dag/ 'dod 'jug rim brtsal kun dang bral// bsam med rang bzhag spyod par grags// sku gsum rig pa'i dkyil 'khor nas// thugs rje nyi ma'i zer shar bas// 'gro 'dul spyod pa ci bder spyod/ / thabs kyi rim pa rang shar nas// ye shes gsal ba'i 'gro don mdzad// ye shes rang byung 'dren sku gnas// sna tshogs sprul sku rin chen 'phro// gang dag dman pa'i 'khor dag la/ / blo dang 'thun pa'i bstan pa bkod// 'dod pa'i blo yis dpag med kyang// thig le gcig las 'da' ba med// dad sbyor blo yi thig pa rnams// ye shes thugs rje'i skur byung nas/ rang byung gcig la bstan par zad/ / rim 'jug blo yi thig pa rnams// 'dren pa'i sku yis drang don bstan// thig pa thig gcig snying po las// 'dod pa'i yan lag kun dang bral// ma lus bstan pa'i ldan pa kun// ye shes rig pa'i 'kha' la rdzogs/ / zhes gsungs so// yang gsungs pa/ mdor na nga yis don bstan gyis// sems dpa' rdo rje mos pa 'thud// ces gsungs so// de la nga ni kun gyi rang bzhin te// nga yis ma spyad gang yang med/ / 'gro drug skye bzhi ma lus kun// rdzogs te rang bzhin lhun gyis grub// 'dul ba mdo sde mngon pa dam tshig bsgrub pa dang// grub pa la sogs rdzogs te rang bzhin lhun gyi spyod// spyod par ma gyur gcig kyang med/ / ces gsungs so/ kha sa man ta nam mkha'i mtha' dang mnyam pa'i rgyud las/ spyod pa bstan pa'i le'u ste lnga pa'o//// de nas dpal kun tu bzang po des/ sems dpa' rdo rje bos te/ de bzhin gshegs pa thams cad kyi thugs ye shes kun tu bzang po nyid la 'dus pa 'di gsungs so// dus gsum sangs rgyas thams cad kyi// dgongs pa kun tu bzang la 'dus// nga yi rang bzhin 'di la ni/ / sku 'dus gsung 'dus dgongs pa 'dus// nga yi ngag nyon dgongs 'dus kyis// zhes gsungs so// de nas sems dpa' rdo rjes zhus pa/ chos kyi sku dang longs spyod rdzogs// kun bzang rdo rje sems dpa' la/ / rnam gzigs gtsugs tor la sogs te// rabs bdun shAkya thub pa dang// stong rtsa gnyis kyi sangs rgyas dang// lhun gyis grub pa rdul snyed kyi// dgongs pa khyod la 'dus pa yi/ / zhes zhus so// kun tu bzang pos 'di skad ces gsungs so// rtogs pa'i rgyal po da nyon cig/ dpe dang don dag rtags gsum gyis// dgongs pa 'dus pa'i don bstan pa// nga yi rang bzhin nam mkha' 'dra/ / nga yi don ni chos nyid yin// nga yi ngo bo byang chub sems// kye/ nga ni ma bsgribs rtogs pa med// rtog med nam mkha' chos kyi sku// nga ni mi rtog blang dor med// blang dor med de nam mkha' 'dra// nam mkha' blang dor med pa bzhin/ / kun tu bzang la blang dor med// blang dor med pa nga la 'dus// kye byang chub sems dpa' chen po nyon cig/ nga ni ma skyes nam mkha' 'dra// ma skyes pa ni nam mkha' bzhin// rdo rje sems la skye ba med/ / skye med dgongs pa nga la 'dus// rnam par gzigs dang shAkya thub dang// stong rtsa gnyis dang rdul snyed dang// lhun grub sangs rgyas thams cad dang// dgongs pa nam mkha'i rang bzhin te/ / skye med mi rtog blang dor med// dpe yis nga la 'dus par bstan// sems dpa' chen po nyon cig/ dgongs bshad sangs rgyas thams cad kyi// dgongs pa don gyis 'dus pa ni// kun tu bzang po rang bzhin la/ / skye ba med par bstan pa yin// sangs rgyas kun la skye med pas// skye med chos nyid 'dus par bstan// kun tu bzang po'i rang bzhin la// chos nyid skye 'gag med pa bzhin// gong bshad sangs rgyas thams cad kyi/ / chos nyid la ni 'gag pa med// des na chos nyid 'dus par bstan// kye sems dpa' chen po nyon cig/ rtags kyi 'dus par bstan pa ni// rtags ni kun rtags byang chub sems/ / kun tu bzang po'i thugs kyi ni// chos kyi sku dang kun tu bzang// rdo rje sems dpa' la sogs pa'i// dus gsum sangs rgyas ma lus pa'i// snying po rtags ni sems su 'dus// des na dpe don gsum du 'dus/ / kun tu bzang po nga nyid ni// spyi 'dus sgo 'dus dgongs pa 'dus// spyi don dpe don rtags 'dus pa// sgo 'dus rnam pa lnga yang 'dus// chos sku dgongs pa 'dus pa ni// mi rtogs mnyam nyid ngang la 'dus/ rgya gar skad du/ san ti ma hA bo d+hi tsi ta rad na u ba d+he sha gu h+ya nA ma tan+t+ra/ bod skad du/ rdzogs pa chen po byang chub kyi sems rin po che spungs pa gsang ba man ngag gi rgyud ces bya ba/ bcom ldan 'das dpal kun tu bzang po lhun grub bde ba chen po byang chub kyi sems la phyag 'tshal lo/ / 'di skad bshad pa'i dus gcig na/ 'og min gyi gnas chos kyi dbyings kyi pho brang/ yum gyi mkha' glong yangs pa'i gnas rgya yongs su ma chad par bdal ba na/ bcom ldan 'das dpal kun tu bzang po gsang ba mchog gi bdag po nyid/ rigs lnga'i sangs rgyas la sogs pa sangs rgyas dang sems can 'byed pa med pa'i 'khor gyis bskor te/ byang chub kyi sems rang byung gi ye shes kyi don la gnas shing/ dus gsum ji bzhin pa nyid du bzhugs so// de nas dpal rdo rje sems dpa' la sogs pa 'dus pa'i 'khor rnams dad pa'i sems kyis btud nas 'dzums pa'i mdangs phyung ste/ bcom ldan 'das kyi drung du ci yang mi smra bar 'khod par gyur to// de nas bcom ldan 'das dpal kun tu bzang po nyid kyis/ de dag 'khod par mkhyen nas bka' stsal pa/ kye sems dpa' chen po nyon cig/ khyed la sogs pa'i 'khor rnams kun// dad pa'i sems kyis rab btud cing// 'dzum pa'i mdangs kyis 'khod pa de// 'dod pa'i don ni dris gsol cig/ ces bka' stsal to// de nas dpal rdo rje sems dpas 'khor gyi nang nas langs te/ bcom ldan 'das la 'di skad bcas gsol to// kye kye bcom ldan 'das dpal kun tu bzang po/ gsang ba'i bdag po ye shes sku// chos nyid byang chub sems kyi don// bdag cag rnams la bshad du gsol// zhes zhus pas/ de nas bcom ldan 'das dpal kun tu bzang pos bka' stsal pa/ kye sems dpa' chen po khyed rnams legs par nyon cig/ chos nyid don gyi ngo bo de// tshig dang yi ge las 'das shing// brjod cing bstan du mi btub kyang// mthun pa'i tshig gis ma mtshon na// don gyi ngo bo rtogs mi 'gyur/ / de phyir chos rnams brdar bstan gyi// dper na me nyid 'dod pas kyang// me 'dod tshig tu ma brjod na// me dang phrad pa shin tu dka'// me 'dod tshig tu brjod pa ni// me dang phrad par 'gyur ba bzhin/ / de ltar chos nyid rtogs 'dod pas// rang bzhin med pa'i chos nyid la// rang bzhin med pas mtshon te bstan// brjod du med pa'i chos nyid la// brjod med tshig gis mtshon te bstan// ces gsungs so/ / rdzogs pa chen po byang chub kyi sems rin po che spungs pa man ngag gi rgyud las/ gleng gzhi dang gleng blang ba'i le'u ste dang po'o//// de nas dpal rdo rje sems dpas 'di skad ces gsol pa/ kye bcom ldan 'das dpal gsang ba'i bdag nyid kun bzang chos kyi sku/ chos nyid don gyi ngo bo de// de don rim par bshad du gsol// ces gsol bas/ bcom ldan 'das dpal kun tu bzang pos bka' stsal pa/ kye sems dpa' chen po nyon cig/ chos nyid byang chub sems kyi don// gzhi lam 'bras bu gsum du snang// gzhi nyid dus na'ang sku gsum nyid// lam yang sku gsum nyid du shar// 'bras bu rang snang sku gsum snang/ / sku gsum nyid kyis chos gsungs ba// chos skus byin gyis brlabs kyis bshad// longs skus rang gi ngo bos bshad// sprul skus tshigs sdebs sbyor legs bshad// ces gsungs so/ / rdzogs pa chen po byang chub kyi sems rin po che spungs pa gsang ba man ngag gi rgyud las/ don gyi ngo bo bshad lugs kyi le'u ste gnyis pa'o//// de nas yang rdo rje sems dpas gsol ba// sems nyid thig le nyag gcig la/ / ston pa sku gsum byin rlabs kyis// theg pa rim dgur gsungs pa'i don// bdag la rim par bshad du gsol// bcom ldan 'das kyis bka' stsal pa// kye sems dpa' chen po nyon cig/ sems kyi rang bzhin gcig mod kyang// gdul bya'i mtshan nyid mi 'dra bas// dbang po rab 'bring gsum du byung// dbang po rab kyi don du ni// nang gi bskyed rdzogs rnam gsum bstan/ / dbang po 'bring gi don du ni// phyi yi kri yog rnam gsum bstan// dbang po tha ma'i don du ni// sde snod gsum gyi theg pa bstan// de ltar theg pa rim dgu yang// rdzogs pa chen po gcig pur 'dus/ / brgyad ni bkri drangs don du ste// gcig ni nges pa kho na'o// rim pa brgyad kyi lta ba yis// rang la yod pa'i rin po che// rang rang lta spyod rtsol bas bsgribs// nor bu rin chen mthong ba med// brgyad kyis ma mthong rin po che/ / shin tu rnal 'byor a tis mthong// snang med sems kyi don mthong ba'o// mthong yang de la ngos gzung med// theg pa'i rim pa brgyad po yis// rang gam bzhag nas gzhan nas tshol/ / bskal par btsal yang rnyed mi 'gyur// long bas nam mkha' snyeg pa 'dra/ zhes gsungs so// byang chub kyi sems rin po che spungs pa gsang ba man ngag gi rgyud las/ rdzogs chen gcig pur 'dus par bstan pa'i le'u ste gsum pa'o/ /// de nas gzhan yang bka' stsal pa// theg pa rim dgur gsungs pa yang// mtshan nyid rgyu yi theg pa dang// 'bras bu rdo rje theg pa ste// theg pa gnyis kyi ngo bor 'dus/ / sde snod gsum gyi theg pa ni// sprul pa'i sku yis bstan pa ni// mtshan nyid rgyu yi theg pa yin// 'bras bu rdo rje theg pa la// phyi yi kri yog rnam pa gsum// longs spyod rdzogs skus bstan pa yin// nang gi bskyed rdzogs rnam pa gsum/ / chos kyi sku yis bstan pa yin// de dag thams cad don nyid kyang// a ti yo ga nyid du rdzogs// rdzogs pa chen po nyid las med// ces gsungs so// rdzogs pa chen po byang chub kyi sems rin po che spungs pa gsang ba man ngag gi rgyud las/ theg pa rim pa dgu theg pa gnyis su 'dus shing/ a tir rdzogs pa'i le'u ste bzhi pa'o//// de nas yang dpal rdo rje sems dpas gsol ba/ kye bcom ldan rdo rje gsang chen bdag/ sde snod gsum gyi theg pa la// mtshan nyid rgyu zhes ci phyir bstan// sngags kyi theg pa phyi nang la// 'bras bu rdo rje ci phyir gdags// gsang ba mchog gis bshad du gsol/ / zhes gsol pas/ bcom ldan 'das kyi bka' stsal pa/ kye sems dpa' chen po nyon cig/ mtshan nyid rgyu yi theg pa ni// chos spyod dge ba rgyu byas nas// de nyid lam du 'khyer ba'i phyir// rgyu yi theg par bstan pa ni/ / 'bras bu rdo rje theg pa ni// phyag rgya'i dkyil 'khor lam byas nas// 'bras bu de nyid lam du 'khyer// rang gi lus ngag yid gsum ni// sku gsung thugs kyi rdo rjer sbyor// de phyir rdo rje'i theg par btags/ / zhes gsungs so// rdzogs pa chen po byang chub kyi sems rin po che sbungs pa gsang ba man ngag gi rgyud las/ theg pa gnyis su bsdus pa'i nges tshig gi le'u ste lnga pa'o//// de nas yang dpal rdo rje sems dpas/ bcom ldan 'das la gsol ba/ kye bcom ldan 'das dpal kun tu bzang po gsang ba mchog gi bdag po nyid/ rdzogs pa chen po'i don nyid la// gol sa dang ni sgrib pa yang/ / rigs par bdag la bshad du gsol// ces gsol pas/ ston pas bka' stsal pa/ theg pa brgyad du zhen pa ni// de ni rdzogs chen gol sa yin// rang byung ye shes ma mthong bas// de ni rdzogs chen sgrib pa yin/ / gol sgrib ces ni de la bya// chos nyid rang gi ngo bo la// gol dang sgrib pa gdod nas med// rig pa byang chub sems nyid de// rnam rtog rlung gis ma bskyod na// de nyid rang byung ye shes yin// rnam rtog rlung gis bskyod tsam na/ / ma rig 'khrul dang nyon mongs snang// rig pa nyid la g.yos pa med// ces gsungs so// rdzogs pa chen po byang chub kyi sems rin po che spungs pa gsang ba man ngag gi rgyud las/ gol sgrib 'khrul snang bstan pa'i le'u ste drug pa'o//// de nas yang bcom ldan 'das kyis bka' stsal pa/ kye sems dpa' chen po nyon cig/ rim brgyad lta ba ma bshad na// rdzogs chen 'og mar gol srid pas/ / theg pa brgyad kyi lta ba bstan// nyan thos lta ba rnam gnyis te// bye brag pa dang mdo sde pa'o// bye brag don dam rdul phran cha// cha med phyogs dang bcas par 'dod// mdo sde g.yag rnga ne sing tshul// rang rgyal phyogs gcig de dang mthun/ / mdo sde lta ba rnam gsum ste// sems tsam dbu ma rnal 'byor spyod// rnam gsum bden pa'i 'dod pa ni// phyi yi yul dang nang gi sems// don dam du ni 'bral med kyang/ / kun rdzob tsam du 'brel bar 'dod// de ni gzung 'dzin stong ba yi// rang rig rang gsal 'dod pa'o// rnam rdzun rnam pa bag chags yin// shes pa rang rig gsal bar zhen// mdo sde spyod pa'i dbu ma ni/ / sgyu ma lta bur 'dod pa'o// rnal 'byor spyod pa'i dbu ma ni// phyi yi yul ltar snang ba 'di// stong zhing snang la snang zhing stong// snang stong dbyer med pa ru 'dod// de ltar mtshon tsam snang ba yang// phyogs 'dzin bcas pa'i gol sa yin/ / zhes gsungs so// rdzogs pa chen po byang chub kyi sems rin po che spungs pa gsang ba man ngag gi rgyud las/ mtshan nyid kyi lta ba gol ba'i le'u ste bdun pa'o//// de nas yang dag bshad bya ba/ sems dpa' chen po yang nyon cig/ gsang sngags phyi nang lta ba ni// de yang thun mong lta ba ni// bden pa gnyis kyis mu gzung nas// don dam skye 'gag med par 'dod// kun rdzob lha yi dkyil 'khor 'dod/ / cung zad phyogs cha mi 'thun pas// bya ba'i rgyud kyi theg pa ni// cho ga yan lag bcu gcig gis// byin gyis brlabs nas lha ru 'dod// de yang rje dang khol gyi tshul/ / gnyis ka rgyud 'di dpon g.yog tshul// rnal 'byor rgyud kyi theg pa ni// yo ga spun dang grogs po'i tshul// bskyed pa ma hA yo ga ni// ting 'dzin gsum dang bsnyen bsgrub bzhis// yongs su sbyangs nas lha ru 'dod/ / ye shes dam tshig tshul mi 'dzin// rdzogs pa a nu yo ga ni// phung po khams dang skye mched rnams// lha dang lha mo'i dkyil 'khor du// ma bskyed rdzogs pa'i tshul du 'dod// de rnams thams cad rtsol 'dzin bcas/ / a tis bltas pa'i gos sa yin// zhes gsungs so// rdzogs pa chen po byang chub kyi sems rin po che spungs pa gsang ba man ngag gi rgyud las/ gsang sngags pa gol bar bstan pa'i le'u ste brgyad pa'o/ /// de nas yang dpal rdo rje sems dpas gsol ba/ kye gsang ba'i bdag po kun bzang nyid// gol sgrib dag las 'das pa yis// rdzogs pa chen po a ti yi// lta ba yang dag bshad du gsol/ / ces zhus pas/ bcom ldan 'das dpal kun bzang gis bka' stsal pa/ kye sems dpa' chen po nyon cig/ rdzogs pa chen po'i lta ba ni// ma 'dres yongs su rdzogs pa yin// kun bral ji ma spangs pa yin/ / rgya chad phyogs lhung med pa yin// yin tshul nges pa med pa la// snang tshul cir yang snang ba yin// rang bzhin gcig tu ma nges pas// lta ba ngos bzung med pa yin// de lta bu ni rang byung ba'i// ye shes chen po zhes kyang bya/ / rgyu rkyen med pas rang byung yin// sgrib g.yogs med pas ye shes yin// rtsol sgrub med pas bya btsal 'das// de ltar rtogs na sgrib med pas// gol sgrib mtha' las 'das pa yin/ / zhes gsungs so// byang chub kyi sems rin po spungs pa gsang ba man ngag gi rgyud las/ rdzogs pa chen po lta ba dngos su bstan pa'i le'u ste dgu pa'o//// de nas yang ni nges gsungs pa// sems dpa' chen po gus pas nyon/ / theg brgyad lta ba ma 'dres pa// rdzogs chen don gyi ye shes la// de nyid ma 'dres yongs su rdzogs// blos btags chos ni kun bral bas// rang snang ngo bo ji ma spangs// 'di yin gang du rgya ma chad/ / gang gi phyogs su ma lhung ba'i// 'di ltar yin tshul nges med pas// mi mthun bsam ngo so so la// snang tshul cir yang snang ba'i tshul// rang bzhin 'di ltar ma nges pa// ngos gzung med pa'i don nyid do/ / de ltar rtogs pa'i lta ba ni// sgrib med lta ba dam pa'o/ zhes gsungs so// rdzogs pa chen po byang chub kyi sems rin po che spungs pa gsang ba man ngag gi rgyud las/ lta ba don nyid rgyas par bshad pa'i le'u ste bcu pa'o/ /// de nas yang rdo rje sems dpas gsol pa/ kye bcom ldan dpal gsang chen bdag/ chos nyid don gyi ngo bo de// ji ltar stong zhing gnas pa'i lugs// nyid kyis bdag la bstan du gsol/ / bcom ldan 'das kyis bka' stsal pa// kye sems dpa' chen po nyon cig/ chos nyid don gyi ngo bo dang// blos btags chos kyi stong pa las// rang snang ngo bos stong ma myong/ / chos nyid rang gi ngo bo de// stong dang mi stong gnyis su med// phyogs gcig spangs pa'i stong pa dang/ phyogs bral stong pa chen po gnyis// stong pa'i ming du 'dra mod kyang// mi mthun khyad par shin tu che/ / ma rig pa dang ye shes gnyis// kun gzhi sems kyi ngo bo la// gang du nges pa med pa la// rkyen gyis so sor bslad nas ni// ma rig ye shes gnyis kyi tshul// chos nyid rang gi ngo bo la// ma rig ye shes gnyis su med/ / chos sku thig le nyag gcig gis// ya tha rgyal ba'i dkyil 'khor nas// ma mtha' mnar med sems can la// til la mar gyis khyab pa bzhin// kun la khyab par gnas mod kyang// mi mthun khyad par shin tu che/ / sangs rgyas dbus na bzhugs tsam na// dri med chos kyi sku ru bzhugs// ming yang chos nyid byang chub sems// yod kyang rang gis ma mthong bas// dbul mo'i gter dang gyad nor 'dra/ / zhes gsungs so// rdzogs pa chen po byang chub kyi sems rin po che spungs pa gsang ba man ngag gi rgyud las/ lta ba'i gnas tshul bstan pa'i le'u ste bcu gcig pa'o//// de nas yang rdo rje sems dpas gsol ba/ de ltar lta ba'i don nyid la// sgom pa'i rim pa ji ltar gnas// zhes gsol pas/ dpal kun tu bzang pos bka' stsal pa/ kye sems dpa' chen po nyon cig/ chos nyid ji bzhin rnal ma la/ / blo ji bzhin par bzhag ste// dbang po rgya yan/ rig pa khyab bdal/ lus sems bcos pa med par gzhag go/ des na yang dbang po yul la bsdu mi bya/ yul dang dbang po mi dbye lhug par bzhag/ chos nyid ngo bo mi gzung rang snang ngo bor gzhag/ mnyam gzhag yengs la btsal zhing rjes thob da ltar btsa' zhes gsungs so// rdzogs pa chen po byang chub kyi sems rin po che spungs pa gsang ba man ngag gi rgyud las/ mnyam gzhag sgom pa'i le'u ste bcu gnyis pa'o//// de nas yang dpal rdo rje sems dpas gsol pa/ kye kye bcom ldan 'das/ de ltar lta sgom gsungs pa la// spyod pa'i rim pa ji ltar lags/ / zhes gsol bas/ dpal kun tu bzang pos bka' stsal pa/ kye sems dpa' chen po nyon cig/ spyod pa'i don ni sems nyid ma bcos pa rnal mar gzhag pa'o// dus gsum gyi sangs rgyas thams cad kyi ji bzhin pa la/ ma bcos te bcos ma mdzad/ bcos pa mdzad par mi 'gyur te/ de bas na sems dpa' chen po/ chu ma rnyogs na dngas/ sems ma bcos na gsal/ lam ma 'grod na nye/ 'bras bu ma dmigs na thob/ rang lugs su ma bcos pa de nyid kyi ngang du ma yengs par gnas shing spyad par bya'o// de la snying rje chen po 'char/ lta sgom spyod pas nyams su blangs na/ 'bras bu sku dang ye shes gnyis su med par lhun gyis grub par 'gyur ba'o/ / zhes gsungs so// rdzogs pa chen po byang chub kyi sems rin po che spungs pa gsang ba man ngag gi rgyud las/ spyod pa'i le'u ste bcu gsum pa'o//// de nas dpal rdo rje sems dpas/ bcom ldan 'das dpal kun tu bzang po la 'di skad ces gsol to// bcom ldan 'das bdag gis rgyud 'di ji ltar gzung bar bgyi/ zhes tshul// chos nyid rang gi ngo bo la/ / ma rig ye shes gnyis su med// chos sku thig le nyag gcig gis// ya tha rgyal ba'i dkyil 'khor nas// ma mtha' mnar med sems can la// til la mar gyis khyab pa bzhin// kun la khyab par gnas mod kyang/ / mi mthun khyad par shin tu che// sangs rgyas dbus na bzhugs tsam na// dri med chos kyi sku ru bzhugs// ming yang chos nyid byang chub sems// yod kyang rang gis ma mthong bas// dbul mo'i gter dang gyad nor 'dra/ / zhes gsungs so// rdzogs pa chen po byang chub kyi sems rin po che spungs pa gsang ba man ngag gi rgyud las/ lta ba'i gnas tshul bstan pa'i le'u ste bcu gcig pa'o//// de nas yang rdo rje sems dpas gsol ba/ de ltar lta ba'i don nyid la// sgom pa'i rim pa ji ltar gnas// zhes gsol pas/ dpal kun tu bzang pos bka' stsal pa/ kye sems dpa' chen po nyon cig/ chos nyid ji bzhin rnal ma la/ / blo ji bzhin par bzhag ste// dbang po rgya yan/ rig pa khyab bdal/ lus sems bcos pa med par gzhag go/ des na yang dbang po yul la bsdu mi bya/ yul dang dbang po mi dbye lhug par bzhag/ chos nyid ngo bo mi gzung rang snang ngo bor gzhag/ mnyam gzhag yengs la btsal zhing rjes thob da ltar btsa' zhes gsungs so// rdzogs pa chen po byang chub kyi sems rin po che spungs pa gsang ba man ngag gi rgyud las/ mnyam gzhag sgom pa'i le'u ste bcu gnyis pa'o//// de nas yang dpal rdo rje sems dpas gsol pa/ kye kye bcom ldan 'das/ de ltar lta sgom gsungs pa la// spyod pa'i rim pa ji ltar lags/ / zhes gsol bas/ dpal kun tu bzang pos bka' stsal pa/ kye sems dpa' chen po nyon cig/ spyod pa'i don ni sems nyid ma bcos pa rnal mar gzhag pa'o// dus gsum gyi sangs rgyas thams cad kyi ji bzhin pa la/ ma bcos te bcos ma mdzad/ bcos pa mdzad par mi 'gyur te/ de bas na sems dpa' chen po/ chu ma rnyogs na dngas/ sems ma bcos na gsal/ lam ma 'grod na nye/ 'bras bu ma dmigs na thob/ rang lugs su ma bcos pa de nyid kyi ngang du ma yengs par gnas shing spyad par bya'o// de la snying rje chen po 'char/ lta sgom spyod pas nyams su blangs na/ 'bras bu sku dang ye shes gnyis su med par lhun gyis grub par 'gyur ba'o/ / zhes gsungs so// rdzogs pa chen po byang chub kyi sems rin po che spungs pa gsang ba man ngag gi rgyud las/ spyod pa'i le'u ste bcu gsum pa'o//// de nas dpal rdo rje sems dpas/ bcom ldan 'das dpal kun tu bzang po la 'di skad ces gsol to// bcom ldan 'das bdag gis rgyud 'di ji ltar gzung bar bgyi/ zhes gsol bas/ dpal kun tu bzang pos bka' stsal pa/ kye sems dpa' chen po nyon cig/ rgyud 'di ni rgyud thams cad kyi yang snying lta bu yin te/ dus gsum gyi sangs rgyas thams cad la dgongs pa'i don nyid 'di las mi mnga' ba'i phyir/ rgyud 'di ni rin po che dang 'dra bas/ rin po che spungs pa gsang ba man ngag gi rgyud ces bya bar gzung zhing bcang bar bya'o// 'di bstan pa'i gnas kyang gang zag rin po che lta bu la gnag cing gdams pa las/ gzhan du ma yin par shes par bya'o// de ci'i phyir zhe na/ rgyud 'di ni shin tu zab ba'i phyir/ snod ngan la bstan pa ma yin te/ gsang bar bya'o/ zhes bka' stsal pa dang/ rdo rje sems dpa' la sogs pa'i 'khor rnams shin tu yi rangs te/ ngo mtshar ba'i sgo nas/ bcom ldan 'das dpal kun tu bzang po bstod pa dang mchod pa sna tshogs byas nas/ thams cad rdzogs par ma bgrod par spyir khyab kyi sa la phyin par gyur to/ / rdzogs pa chen po byang chub kyi sems rin po che spungs pa gsang ba man ngag gi rgyud las/ rgyud yongs su gzung ba'i le'u ste bcu bzhi pa'o//// rdzogs pa chen po byang chub kyi sems rin po che spungs pa gsang ba man ngag gi rgyud ces bya ba rdzogs so/ /// chos grwa'i slob dpon chen po shri sing ha dang/ rdo rje yang dbang gter gyis bsgyur cing zhus te gtan la phab pa'o//// / gzhi lhun grub kyi snying por rang byung// yon tan ye shes dkyil 'khor du rang shar// 'bras bu spyi spyod kyi ye shes su rang rdzogs so// rdo rje mgon po thugs kyi mchog/ rgyu gcig pa nyid sna tshogs te/ / kun 'byung rgyu yi ye shes yin// ma bcos rang byung dbyings nyid na// yig 'bru gcig gi yan lag las// thams cad rgyas par bstan pa ni// dam pa'i skyes bu dam pa bzhin// sangs rgyas kun gyi ngo bor shar/ / sku gsum rang lugs rnyog pa med// 'dzin med shes rab lcags kyu yis// nam mkha' las byung nam mkha' 'dzin// nam mkhas nam mkha' zin gyur na// nam mkha'i mkha' 'dra bde bar gnas/ / nga lus med pa'i sngon rol na// bdag gis bdag nyid chen po lta// bdag gis bdag nyid de mthong na// bdag med sku gsum shes rab mthong// shes rab rang bzhin gsum ldan pas// ltar med don la yang dag blta/ / kye sems dpa' chen po legs par nyon cig/ e ma'o// bde gshegs bcom ldan 'das// sangs rgyas kun gyi ye shes sku// rtogs par bka' ba snying po'i don// rab tu mi rtogs gnas med pa'o/ / zhes gsungs so// e maho// ye nas rnyog pa med pa'i sku// bsgoms pas mi zin chu zla 'dra// rtog pa med pa sgom pa'i mchog/ ces gsungs so// e ma'o// mi gnas ye shes dngos rtog mtha' dang bral/ / phyogs lhung med pa'i shes rab khong na gsal// sku gcig yig 'bru ma nyams so sor mkhyen// rang gi shes rab sna tshogs sprul pa'i sku// de ltar rtogs pa'i skyes bus thams cad mkhyen/ / mtshan mo'i yul bzung ci dgar bsgoms kyang 'grub// ces gsungs so// e ma'o// chos sku gcig las so sor don brjod kyang// rang rig rgyal po gdod nas che ste 'phags// ting 'dzin rtse gcig yid dam don brjod kyang/ / rtog pa med par rgyal ba mya ngan yongs mi 'da'// zhes gsungs nas/ dam pa'i skyes bu bzhi skye med kyi dbyings su gshegs so// sgo bzhi lde mig dang sbyar te bshad pa'o// sgo brgyad nang du sbyor ba ni/ / sangs rgyas kun gyi dgongs pa yin// sgo gcig phyir la bstan pa ni// ro langs bde ba bdag nyid kyis// rgyu 'bras gnyis kyi don gyi phyir// 'khor lo phyi nang gnyis su bskor/ / ces gsungs so// chos 'byung chen mo zhes kyang bya// gsang sngags kyi spyi khog chen mo chos thams cad kyi gung shing lta bu/ yan lag med pa'i rdo rjes bshad pa/ bcom ldan 'das bdag cag gis lung bstan pa 'dis bcom ldan 'das la mngon par bstod do/ / thig le gsang skor gyi mdzod kyi rtsa rgyud rdzogs so//// rgya gar skad du/ bud+d+ha sarba sa mi ti mang la A ta/ dz+nya na a lo ke ma hA tan tra nA ma/ bod skad du/ sangs rgyas thams cad kyi dgongs pa ma bcos ji bzhin ma'i don ye shes kyi mar me chen po'i rgyud ces bya ba/ dpal rdo rje sems dpa' la phyag 'tshal lo// 'di skad bdag gis bdag nyid chen po la thos pa'i dus gcig na/ 'og min gyi gnas rgyan ma bkod par snang ba/ yang dag par rdzogs pa'i sangs rgyas rdo rje 'chang chen po lhan cig skyes pa ye shes/ rang snang rtogs pa'i 'khor/ 'du 'bral med pa'i grogs/ rtag par bzhugs pa'i tshe/ gdul bya rang snang gi 'khor dang thabs cig tu bzhugs so// de'i tshe rdo rje sems dpas 'di skad ces gsol to// kye kye/ mi 'gyur lhun grub kun bzang rdo rje 'chang/ / sangs rgyas kun gyi sa na dgongs pa ji ltar bzhugs// 'khrul gsum sbubs nas ma 'khrul sangs rgyas ji ltar gnas// ma btsal ngang la bsdad pas rtogs ldan ji ltar grol// de rang gi mtshan nyid mngon du ji ltar 'gyur/ / 'dus pa'i tshogs dang ma 'ongs snod ldan rjes 'jug la// bstan pa'i sgron mar gyur pa ye shes mar me'i rgyud// brjod med don dang brda yi sgo nas gsung du gsol// ces zhus so// de nas rdo rje 'chang chen pos bka' stsal pa/ sangs rgyas sa dang 'gro ba'i rgyud las gnas lugs dang// rtogs ldan ma btsal mngon du ji ltar 'gyur// dris pa'i don dang dmigs rnams nges pa'i 'khor la bshad/ / ces gsungs so// sangs rgyas thams cad kyi dgongs pa ma bcos ji bzhin ma'i don ye shes kyi mar me chen po'i rgyud las/ gleng gzhi dang gleng slang ba'i le'u ste dang po'o/ /// de nas rdo rje sems dpas gsol pa/ kye kye bcom ldan rdo rje 'chang// dgongs pa'i gnas lugs gsung du gsol// ces zhus so// de nas ston pas bka' stsal pa/ rigs kyi bu kun nges par zungs shig/ yang dag par rdzogs pa'i sangs rgyas kyi dgongs pa dpag pa'i yul las 'das na yang/ ngas mdo tsam gcig bstan to// spyir sangs rgyas kyi dgongs pa ni thugs rje skur bzhugs so// mkhyen pa ye shes su gsal lo/ / rgyud tha dad med pas thig le nyag gcig tu bzhugs so// de logs na med pas so so rang rig pa'i ye shes su bzhugs so// thugs rje sku ru mi bzhugs na/ ston pa 'jig rten du mi 'byon te/ sangs rgyas kyi mdzad pa lhun grub kyis 'gags pas/ nyan thos rang rgyal dang khyad par med do// 'khor 'das 'brel chad do// mkhyen pa ye shes su mi gsal na/ mu stegs chad pa'i lta ba dang khyad par med do/ / de yang lhun grub kyi ye shes med na/ chad pa spyir gol lo// mngon gyur gyi ye shes med na/ las rgyu 'bras chad par lta ba mu thug pa la sogs par gol lo// rgyud tha dad med pa thig le nyag gcig tu mi bzhugs na/ grangs can dang bye brag pa gnyis su gol lo// logs na med pas thams cad so so rang rig tu mi bzhugs na/ mu stegs rig byed par gol lo// kye ma rigs kyi bu kun sangs rgyas kyi bstan pa la ma tshud pa'i log lta can/ yang dag pa'i lta ba la bar du gcod pa'i lta ba'i mu ngan pa grub mtha'i stegs bcas pa de lta bu sngon yang byung ngo// da lta yang yod do// phyis kyang 'byung bar 'gyur bas/ de'i 'dod pa las rab tu grol bar bya'o// sangs rgyas kyi bstan pa la zhugs pa dang/ bstan pa'i byin rlabs la spyod pa dang/ nyan thos dang rang rgyal pa la sogs lta ba dman pa/ gzhan don mi nus pa/ rang don gtso bor 'dzin pa dus gsum du 'byung bas/ de las rab tu grol bar bya'o// e ma'o rigs kyi bu kun/ thugs rje sku ru bzhugs pas/ mdzad pa 'phrin las kyi gol sa/ nyan thos dang rang rgyal gyi skyon ma spangs par ka nas dag go/ yon tan ma bsgrubs par sku gsum 'du 'bral med par ye nas lhun grub kyis grub bo// mkhyen pa ye shes su gsal bas/ mu stegs chad pa'i skyon gnyis ma spangs par ka nas dag go/ yon tan ma bsgrubs par ye shes gnyis su lhun gyis grub bo// rgyud tha dad med pas thig le nyag gcig tu gnas pas/ grangs gcig gi rdul dang/ mun pa dang/ chen po so sor gyur pa la sogs pa nyi shu rtsa lngas rdzas grub tu rtag par 'dzin pa dang/ 'bras bu'i chos nyi shu rtsa lngar 'dod pa dang gnyis grangs kyi sgo nas mthun pa dang/ bye brag pa rdzas dang/ yon tan las dang/ spyi bye brag 'du ba drug tu 'dod pa dang/ sku lnga ngo bo nyid du 'dod pa dang drug yul lnga bdag tu med par 'dod pa dang drug rigs lnga spyi gzugs su 'dod pa dang drug ye shes lnga mi gnas pa'i ye shes dang drug tu 'dod pa de/ grangs kyi sgo dang rang byung ye shes mi 'gyur zhing/ 'bras bu phyir mi ldog pa'i sgo nas phyogs gcig gis/ 'dra bzhi'i gol sa rnam par dag go/ so so rang rig pa'i ye shes su bzhugs pas/ thig le nyag gcig tu 'dod pa'i gol sa rnam par dag go/ thig le 'od du gsal ba yang rang bzhin spros dang bral bas/ rig byed sde lnga'i gol sa rang bzhin gyis rnam par dag go/ kye ho/ rang gis rang bzhin ma bcos de bzhin nyid/ / sprin bral mkha' la nyi ma'i snying po gsal// 'khrul rtog glo bur sprin gyis bsgribs par gyur pa bzhin// rang gi rang bzhin ma shes gol sar lhung// kun gyis spyod yul ma yin mthong bar mi 'gyur bas/ / so so kun la sgrib par rim par gnas pa yin// de phyir blo la gol sgrib snang bar gyur na yang// ka dag lhun grub don la gdod nas rnam par dag/ e maho// de'i phyir sangs rgyas kyi dgongs pa ni/ skyon ma spangs par ka nas dag pas ye nas sangs// yon tan ma bsgrubs par lhun gyis grub pas ye nas rgyas pa zhes bya'o// zhes gsungs so// sangs rgyas thams cad kyi dgongs pa ma bcos ji bzhin ma'i don ye shes kyi mar me chen po'i rgyud las/ sangs rgyas kyi dgongs pa mdor bstan pa'i le'u ste gnyis pa'o//// de nas yang rdo rje sems dpas zhus pa/ kye kye ston pa rdo rje 'chang// thugs rje sku ru ji ltar bzhugs/ / zhes zhus so// de nas rdo rje 'chang chen pos bka' stsal pa/ rigs kyi bu sku'i rnam grangs bsdus pas gsum du bzhugs so// gang zhe na/ rig pa ma 'gags pa gzhi chos kyi sku lhun grub ye shes kyi kha mig can no/ / shes rab la gsal ba 'bras bu longs spyod rdzogs pa'i sku shes rab kyi kha mig can du bzhugs so// gdul bya la snang la thugs rje sprul pa'i sku 'od kyi kha mig can no// des yang sprul zer gyi kha mig can du 'phros pa'i gzhi ma 'gags pa'o/ / kye ma chos kyi sku la ye shes kyi kha mig med na/ longs sku la shes rab kyi kha mig mi 'ong ngo// longs sku la shes rab kyi kha mig med na/ sprul sku 'od kyi kha mig mi 'ong ngo/ / sprul sku la 'od kyi kha mig med na/ yang sprul 'od zer gyi kha mig mi 'byung ngo// e maho de'i phyir ye shes kyi kha mig can du bzhugs lugs 'chad de/ lhun grub ye shes kyi kha mig can yin pas/ mngon 'gyur mtshan ma can med de/ sku thams cad kyi ngo bo nyid yin pas 'byung bzhir gnas te/ ye shes kyi kha mig la yon tan du grub pa'o// rigs kyi bu mngon gyur ye shes kyi kha mig med pas/ lus lnga'i mtshan mar ma grub pas stong ngo// de yang ji ltar stong zhe na/ gdos bcas sha khrag gi lus med pas/ pha'i rgyu dang ma'i rkyen gyis ma bskyed de/ chags sdang dang reg bya'i thogs pa las 'das so/ / 'gyu byed yid kyis gzugs las grol bas gzung 'dzin du mi 'gyu/ chags sdang du mi skye ste sgo lnga las yul lngar skye bas ngo bo nyid kyi rtog pa dang/ yid sgo lnga'i rjes su 'brangs shing gzung 'dzin du 'gyu bas mngon par spyod pa'i rtog pa dang/ nyon mongs pa'i yid lnga phyi'i bag chags 'dzin byed yin pas rjes su dran pa'i rtog pa skye'o// de gsum las grol ba'o// dmigs pa rnam par dag pa'i ting nge 'dzin gyi lus med pas/ cho ga'i yan lag gis lhar bskyed nas sgom pa bskyed pa rim pa'i bzang rtog dang/ dngos po bkag nas blos stong pa nyid du sgom pa rdzogs pa rim pa'i bzang rtog ste/ rigs kyi bu nga gdod ma nyid nas sems las 'das pa'i sangs rgyas/ rnam par mi rtog pa'i ye shes su bzhugs pas/ rtog pa'i ming yang med do// rig pa dngos med kyi ye shes la gzung 'dzin dang sdos pa'i chos yod ma myong ngo/ / mtshan ma 'od kyi lus med pas kha dog dang dbyibs su grub pa med de/ gdul bya la snang ba'i sku'i mtshan ma las grol lo// gcod byed shes rab kyi lus med pas yul dang yul can shes bya shes byed gnyis med de/ rang la rang gsal bas rang byung gi ye shes so// rigs kyi bu snying po ma 'gags pas gsal te/ snying po la skye med 'gag med pas dus gsum mnyam pa nyid du gsal/ gdangs la phyi nang med pas yul sems gnyis med du gsal/ sku la mdun rgyab med pas ye shes zang thal du gsal/ mkhyen pa la phyogs ris med pas chos thams cad dag pa la nyag gcig tu gsal lo// rigs kyi bu sgrib pa med pas zang thal te/ / snying po la skye 'gag med pa'i yon tan gyis dus kyis ma bsgribs te zang thal/ bag chags kyi rkyen gyis ma bsgribs pas zang thal te/ gdangs la phyi nang med pa'i yon tan no// lus lnga yis ma bsgribs pas zang thal te/ sku la mdun rgyab med pa'i yon tan no// mun snang gi rkyen gyis ma bsgribs pas zang thal te/ ye shes kyi spyan la gsal sgrib med pa'i yon tan no// de ltar lhun gyis grub pas thams cad du 'char gzhi ma 'gags te/ sku gsung thugs bde ba chen po rin po che gsang ba'i sbubs su lhun gyis grub pa'i yon tan no// e maho rigs kyi bu nyon cig/ sku rin po che gsang ba'i sbubs su ji ltar bzhugs na/ mtshan nyid bzhi dang ldan pa'i chos sku de// sku ru yod pas rin po che// yon tan sangs rgyas sku dang sems can lus su snang// gzugs brnyan med pas rang bzhin gsal ba yin/ / 'byung ba'i gnas dang rten du gyur pa'i don gyi sbubs// gsung du yod pas rin po che// yon tan sangs rgyas gsung dang sems can sgra skad 'byung// sgra dang tshig las rab tu 'dus pas rang bzhin gsal ba yin/ / sgra dang tha snyad ji snyed brjod pa gnas dang 'byung ba'i rten du gyur pa'i don gyi sbubs// thugs su yod pas rin po che// yon tan sangs rgyas thugs kyi mkhyen pa'i ye shes dang// sems can blo yi rnam rtog 'byung ba'o/ / 'byung ba'i gzhi dang bzhugs pa'i rten du gyur pa'i don gyi sbubs// de yang sku yi bzhugs tshul ni// stong la gsal ba chu'i lbu'i gzugs brnyan bzhin// de yi gsung gi gnas lugs ni/ / yan lag rlung bzhi me stag zer bzhin rig pa'i klong na gnas/ de yi thugs kyi gsal lugs ni// srog rlung rang gi ngo bos te// phyogs lhung med pa'i shes rab me stag dang// snying po'i snying po lnga bzhugs so/ / de yi bzhugs pa'i pho brang ni// chos kyi dbyings te stong khyab nam mkha' bzhin// stong pa ye shes snying po can// nam mkha' dang ni nyi ma'i tshul// stong gsal rin chen gdangs dang chas// de ni chos sku'i bzhugs gnas yin/ / zhes gsungs so// sangs rgyas thams cad kyi dgongs pa ma bcos ji bzhin ma'i don ye shes kyi mar me chen po'i rgyud las/ chos sku rgyas par bshad pa'i le'u ste gsum pa'o//// de nas bcom ldan 'das rdo rje 'chang gis longs sku'i mtshan nyid bka' stsal pa/ shes rab longs spyod rdzogs pa'i sku// mtshan ma med pa'i phyag rgya can// chos kyi sku yi shes rab yin// chos nyid me long lta bu la/ / shes rab zer mdangs sku lngar shar// gdul bya rang snang 'khor la snang// shes bya de nyid rtog med gsal// kha mig ma grub kha mig can du gsal// de phyir de la de skad btags// gzhi nyid 'bras bur smin byed shes rab ste/ / shes rab sku ru smin pa yis// ngo bo nyid kyi chos sku de// ye shes chos kyi sku ru smin// de yis ye shes rgyun ma chad// sku dang ye shes lhun grub gsal// shes rab sku la mtshan ma'i gzugs med pas/ / gsang sngags phyi nang gnyis pa'o// tha dad 'dzin gyi rtog las grol// ye shes chos sku'i yon tan la// ngo bo chos kyi sku ru gsal// lhun grub rang snang gzhan snang med// rang gsal sku la gnyis snang med/ / rkyen med rang byung ye shes gsal// sku dang ye shes 'dus ma byas// ye shes rlung lnga shes rab ltar// rtsal ma 'gags par rang byung bas// shes rab zer gdangs sku dang ye shes shar/ / shes rab sku la dbang sgyur bas// de yis sprul sku lnga yi bdag por gsal// nges 'byung med na mi 'byung ba'o// rdo rje gsang ba'i gtan tshigs so// zhes gsungs so// sangs rgyas thams cad kyi dgongs pa ma bcos ji bzhin ma'i don ye shes kyi mar me chen po'i rgyud las/ longs sku rgyas par bshad pa'i le'u ste bzhi pa'o//// de nas ston pas/ sprul sku bka' stsal pa/ gdul bya la sprul pa'i sku/ / sku dang ye shes smin khugs ni// dngas gsal mi g.yo chos nyid la// 'ja' tshon gzugs brnyan chu zla ji bzhin du// gdul bya gnyis la 'dul byed gnyis// zhi khro gnyis kyi snang ba shar// stobs lngas rang byung rang shar la/ / tshad lngas rang byung rang gsal lo// de ni 'od kyi kha mig can// zer gyi sku la nges pa med// mthun byas sku ni sna tshogs ston// mdor bsdus thub pa chen po drug mthun pa'i sems can las snang ba/ / ye shes drug po'i sgo nas 'byung// mthun snang sna tshogs ma nges yun thung ba// sprul pa'i sku yi gtan tshigs yin// yul dang lus ngag bsam mthun pas// snang ba ma log brda sprad de// so so'i skad du chos ston cing/ / gdul bya'i sems la dbang sgyur zhing// mos pa bskyod cing mdzes par snang// sprul sku rnam gnyis zhing khams la// bzhi dang drug shar phyogs rig med// gdul bya so sor sna tshogs snang/ / thugs rje phyogs dang ris med pas// mthun snang sprul sku sna tshogs shar// gdul thabs phyogs dang ris med pas// theg pa'i bye brag sna tshogs snang// ta la'i mgo bcad mes tshig ltar// mi 'gyur 'bras bu sna tshogs pa'o/ / zhing khams ma nges tha dad pas// gdul bya rnam gnyis tha dad snang// 'dul byed gcig tu ma nges pas// thugs rje sprul sku tha dad snang// gdul thabs gcig tu ma nges pas/ lam gyi bye brag tha dad snang/ / thun mong ma yin rigs bzhi rang snang la// 'dul byed rang snang rnam snang shar ba'i tshe// gzigs pas mkhyen pas skad cig don rnams rdzogs// brgyud med ldog cing 'du 'bral med na yang/ / don rnams mi mdzad mnyam nyid gcig tu bzhugs// thun mong rigs drug yul du snang ba yang// rtog med tshul du snang mkhyen yul du snang// 'od zer brgya la sprul pa stong// skad cig gcig la mdzad pa rdzogs/ / de bzhin sprul pa'i rgyu mtshan gzhan// thun mong khyad par so sor sbyar// bsdu na rnam pa gnyis su te// thun mong ma yin sprul pa'i sku// gzhon nu bum pa'i sku lnga yin// yang sprul zer gyi kha mig can/ / thub drug dgra bcom gser du sogs// so sor mthun par snang ba'o// zhes gsungs so// sangs rgyas thams cad kyi dgongs pa ma bcos// ji bzhin ma'i don ye shes kyi mar me chen po'i rgyud las/ sprul sku rgyas par bshad pa'i le'u ste lnga pa'o//// de nas rdo rje sems dpas zhus pa/ kye kye ston pa rdo rje 'chang// mkhyen pa'i ye shes gsal lugs gsung du gsol// ces zhus so// de nas rdo rje 'chang chen pos bka' stsal pa/ e maho 'dus pa'i tshogs chen po// ye shes rnam pa gnyis su gsal// lhun grub dang ni mngon gyur to// lhun grub ye shes rnam pa gnyis// gzhi gnas mtshan nyid 'dzin pa'o/ / gzhi 'dzin rig pa dngos med ye shes te// stong pa rig pa'i snying po can// mtshan nyid 'dzin pa'i ye shes lnga stong gsal// de ni chos dbyings ye shes yin// gsal ba me long ye shes yin// de ni rang gsal rgya mi chad/ / gsal stong mi phyed dus gsum skye 'gag med// mnyam nyid ye shes zhes su bya// mtshan nyid so sor ma 'dres pa// bder shes kun rtog ye shes yin// thogs pa gnyis med bya ba grub/ / mngon gyur ye shes gnyis yin te// rnam pa thams cad mkhyen pa dang// thams cad mkhyen pa'i ye shes so// dang po mtshan nyid gsum ldan te// me long ye shes mngon gyur pas// 'khor 'das ma 'gags gzugs brnyan bzhin/ / kun rtog ye shes mngon gyur pas// 'khor 'das ma 'dres so sor gsal// mtsho la gza' skar shar ba bzhin// bya ba grub pa mngon gyur pas// thogs med don rnams lhun gyis grub/ / dang po bzhi dang bag chags sbubs// gnyis ni lhun grub rang chas gnas// 'di ni rgyal ba gzugs sku'i mkhyen pa ste// 'od kyi sbubs nas rtog med 'char// mtshan nyid rnam gsum gtsor smos pa'o/ / lhun grub dngos nas kun kyang rdzogs// thams cad mkhyen pa'i ye shes te// mtshan nyid rnam pa gnyis dang ldan// chos dbyings ye shes mngon gyur pas// ye shes dbyings su thim pa yis// 'khor 'das gzigs snang rnam par dag/ sangs rgyas yul med rang bzhin rnam dag dang// mnyam nyid ye shes mngon gyur pas// sangs rgyas sems can gnyis med de// ye shes mig gcig dri ma med// rang gsal 'dzin med nyag gcig ma/

CLOSE WINDOW