/ rdzogs so//// rgya gar skad du/ dz+nyA na dz+wa la e d+harmA d+hA tu// bod skad du// ye shes 'bar ba chos kyi dbyings// dpal rdo rje sems dpa' la phyag 'tshal lo// skye med spros dang bral ba'i skabs/ / gdod nas gnyis med snying po a// blang dor rtog pa kun dang bral// skye med don dam chos nyid klong// spyod pa'i dam pa kho na'o// 'gro 'chag nyal dang 'dug pa rnams// ci spyod don las ma g.yos shing/ / don dam bde ba'i rtsis zin na// spyod pa zhes ni de la bya// phyi nang gsang ba kho na nyid// phyi rtog nang du sdu ba dang// nang rtog gsang bar bstim pa ste// gsang rtog kho na nyid du grol/ / sgo gsum ye shes rol ba'i skabs//// lus ngag yid gsum spyod pa ni// lus ni 'byung lnga 'dus pa'i lus// sku lnga ye shes rol ba yis// rtog med brtul zhugs chen por spyad// nyam nga med pa'i seng ge bzhin/ / 'bar ba chen po sprul ba'i sku// 'gag med rol ba cir yang snang// snang ba rang rig gnyis med rdzogs// ngag ni sngags dang sgra dbyangs bsgrags// 'jig rten 'chal tshig sna tshogs kyang/ / dper na bin da'i skad bzhin du// 'gag med grag stong rdzogs pa'i sku// sems ni ye nas rnam par dag/ nyon mongs lnga yi skyon dang bral// e ma rang la gnas bzhin du// spyad pas thob 'dod e ma 'khrul/ / gnyis med don dam mchog gi skabs//// spyod byed bral ba'i ye shes la// sangs rgyas sems can gnyis med de// lam gyis spyad du ga la yod// ci ste dgag bsgrub med pa la// rtsa la sprugs smon chags yul las 'das/ / zab mo bdud rtsi tshig gsum skabs//// dge sdig rdzogs pa'i chos chen po// rtogs ldan 'ga' yi spyod yul yin// blun po rnams ni skrag par 'gyur// dper na dug gi rang bzhin la/ / rma bya dag la rgyan gyis mdzes// gzhan rnams la ni dug gis 'jigs// sangs rgyas dgongs pa nyid kyi skabs//// thams cad rdzogs pa'i chos chen po// skye 'gag med par lhun gyis grub/ khyab brdal ma bcos ye sangs rgyas// mtha' bral gnyis med kho na'o// don 'di nges par rtogs na ni// rgyal ba nyid dang mnyam pa yin// bya btsal thams cad bral ba'i skabs//// sems nyid don gyi ye shes la/ / spyad par bya ba'i gnas dang bral// bya bral ngang la rnam par rol// ming tsam spyod ces de la bya// rtogs ldan rnal 'byor mchog gi skabs//// 'bar ba chen po'i spyod pa ni// cir snang byang chub sems su spyad/ / sems nyid chos kyi skur ru spyad// sku nyid spyad bya spyod byed bral// bya bral ngang la rnam par gnas// skye med don gyi rnal 'byor ro// thugs rje rol pa gdams pa'i skabs/ /// ye shes 'bar ba rnal ma'i chos// yang dag don la mi spyod par// tshig la zhen gyin grags phyir slob// nga mkhas smra zhing don ma rtogs// shes tshul 'chos pa'i khong zog can// rang rig rang bslus snying re rje/ / de bas snying po'i don la spyod// ye shes 'bar ba chos kyi dbyings// rdo rje sems dpas gsungs pa'o// rdzogs so//// rgya gar skad du/ dz+nyA na d+harba e d+harmA// bod skad du// ye shes sa gcig chos kyi dbyings/

CLOSE WINDOW