/ rdzogs so//// ! dpal chen mchog he ru ka la phyag 'tshal lo// 'das dang ma byon dus nyid na// lcang lo can gyi pho brang du// 'jigs byed chen po'i sku cir yang snang ba gnod sbyin 'dul ba'i rtse la/ dur khrod kyi rgyan sna tshogs dang ldan te/ ye shes dgu'i dbu dang/ stong pa bco brgyad kyi phyag dang/ thar pa brgyad kyi zhabs su ldan te/ gyad dang brjid pa'i tshul du bzhugs so// gnod sbyin lha'i 'dun sa phyi sho'i 'khor la/ bka' sdod chen po/ rgya gram 'bar ba'i gdan la mi 'jigs pa gsum dang bcas nas/ mi ldon par rtog pa'i tshul gyis/ bsdu ba chen po gzhan don du mdzad pa'o// mkha' lnga dbus kyi gting khung du bsdus te/ 'bar ba'i rwa lnga la/ mu tig 'bar bas 'dril ba/ rlung nag zla gam la/ smin pa chen pos brgyan pa khyams bzhi 'khor lo'i tshul du dbyings su dril ba/ spangs pa thams cad kyi pho brang/ thun mong ma yin par 'brel te bde ba chen po'i gnas pa'o// sprul pa'i cha byad mang po dang bcas pa/ mi 'gyur ba yab yum la/ shugs 'gro lnga yi mdangs kyis brgyan// mi 'gyur thig le'i 'od kyis mdzes/ / rdo rje 'bar ba'i bzhi ru ldan// shes pa brgyad kyi rten du gnas// bzhad par byed pa'i 'od du 'bar// dwangs ma yul gyi mkha' 'gro rnams// nye ba'i 'khor du gnas pa'o// bskyed dang rdzogs pa'i mkha' 'gro ni/ / bskyod dang smin pas 'degs par byed// za byed bdun gyi dkyil 'khor la// sku gsung thugs kyi mtha' brgya can// bdud rtsi bcud kyi mkha' 'gro drug/ rtse dang skyob pa brgyad du ldan// las byed bcu gnyis brgyad kyis bskor/ / sku yi ma dang gsung gi sring// thugs ni cho 'phrul ldan pa'o// bshad pa bzhi gnyis dus bzhir bcas// tshangs chen lha yi tshul khrims can// gnam gyi dkar po thugs rje can// brgya byin ser skya yon tan mdzod/ / b+h+ring gi ri ti mtshan bzhir ldan// 'khor lo khyab 'jug spu gri bsnams// stobs bzang chen po gnod sbyin 'joms// skos rje 'phrul gyi me long 'phyar// bdud kyi rgyal po srid pa shig/ 'byung rings spun dgu'i cho 'phrul 'gyed// phag chen po ni brtul zhugs ldan// phung byed bdun kyi sring mo 'dul// nor bdag chen po ne'u le bsnams// rgyal chen bzhi ni dmag dpon mdzod// gshin rje rU tra 'khor rnams bsdus/ / ging dang bse yi skye sa bstan// bdud dang gshin rje'i ma ru tse// de lta bu yi 'khor tshogs dang// rang bzhin thabs gcig bzhugs pa'i tshe// rang bzhin 'khor ni shugs kyis 'dul/ / las kyi 'khor ni sprul pas 'dul// srung byed 'khor ni thabs kyis 'dul// sgrol byed 'khor ni mdzad pas 'dul// thabs kyi 'khor ni rol pas 'dul// de yi 'dul thabs 'di lta ste// skye med mi g.yo chos kyi dbyings/ / rang bzhin shugs kyis 'dul thabs so// snang srid rig pa'i cho 'phrul gyis// snyigs ma'i ma mo 'jig par 'gyur// gnyis med sras kyis rol pa yis// sku gsung thugs kyi ma mo 'jig/ rig pa gar thabs sna tshogs kyi// bshan pa'i dpung rnams 'joms pa'i dpal// mngon spyod rig pa'i brtul zhugs kyis// srid pa'i pho rgyud mtshan mar 'joms// 'dul thabs lnga las ye shes shar/ / gsal la mi rtog ye shes dang// mnyam la ma 'dres ye shes dang// bye brag 'byed pa'i ye shes dang// phrin las rdzogs pa'i ye shes dang// lhun gyis grub pa'i ye shes dang// 'khor las 'phrul pa 'di lta ste/ / dang po lha dang gnyis pa mi// gsum pa yi dwags yin pa ste// bzhi pa byol song gnas rigs la// lnga pa dmyal ba'i 'khrul 'khor la'o// rtogs pa'i sa rnams 'di lta ste// tha ma bsgral bas dang po ste// kun tu 'od du shar ba'o/ / bzhi pa gnyis pa'i don du'o// pad+ma can du snang ba'o// gsum pa gnas su grol ba'o// 'khor lo tshogs chen don du ldan// gnyis pa dag pa bzhi pa la// ye shes bla ma non pa'o// gcig la lnga yi don du ste/ / rdzogs pa'i spyi cig don du shar// 'khor lnga smin pa'i 'bras bu lnga// dang po sa yi 'od yin te// gnyis pa me yi 'od du 'bar// gsum pa chu yi mdangs su ldan// bzhi pa spyod pa'i thabs yin te// lnga pa nam mkha'i ye shes so/ / dang po rtsa la gnyis pa khrag/ gsum pa dbugs la bzhi pa drod// lnga pa bkrag gi ngo bo'o// 'khor gyis bsdu ba 'di lta ste// dpal chen thugs kyi thig le rdzogs// hUM ni snying rje chen pos te/ / 'a ni byams pa'i rang bzhin la// ha ni dga' ba chen po ste// zla tshes btang snyoms bdag nyid bsam// nga ni brtson 'grus 'byung ba la// a ni shes rab chen po don// ma zhar bsdus par mya ngan bzlas// mi dmigs chos kyi dbyings su thim/ / rdo rje mkha' 'gro'i rgyud las gleng gzhi dang/ 'khor mya ngan las bzla ba'i le'u ste dang po'o//// rgyal mtshan rim pa gang lags pa// ngo mtshar lha la bdag nyan 'tshal/ / rdzogs sangs rgyas kyis bka' stsal pa// dben la gnyan pa'i chu klung du// ma mo 'du ba'i dur khrod du// gnod sbyin 'du ba'i mdung rtse dang// srin mo 'du ba'i sbar bshad dang// spel dang 'gugs dang dbrog pa dang/ / mnan dang sba ba de bzhin no// mchod dang bskang ba'i rdzas rnams dang// bum lnga rten du bcas pas te/ khru bzhi sbyangs pa'i man+Dal du// dbang gi skud pas phye nas ni// gdul byed lnga dang ldan par bya/ / dbus su zla gam sgo bzhi la// dbang gi dkyil 'khor gsum gyis brgyan// pad bzhi 'khor lo rtsibs brgyad ldan// snam bu sgo yis rnam par mdzes// che mchog yab yum gsal byas te// thugs las bum pa b+h+rUM gyis brlabs/ / nyi zla'i steng du lha lnga dgod// sgo bzhir glu 'degs snying po 'god// rgyal mo lnga yi snying po bskyed// lha mo lnga yi dkyil 'khor la// sgo ma bzhi yis mdzes par bskyed// gtso bo thugs las 'od 'phros pas/ / bskul bas dza dang nri ru drangs// yab yum bsnyen pa mkha' ru spros// bsnol mar drangs pas 'od du gsal// yab la rigs lnga dbu la rdzogs// yum lnga mkha' la shar ba'o// dkyil 'khor zhal ni bsgyur byas la/ / zhi ba nub sgo shar du ste// thig bzhi ldan pa'i dgur rdzogs pa// pad brgyad mu khyud rab mdzes pa'o// de tshe phyogs bzhir bskyed bya ba// ye shes gtum mo bzhi po dang// bzhad pa'i rgyal mo bzhi po gsal/ / zur bzhi dgyes sde rab tu bsam// sgo bzhi gru 'degs bsam byas te// 'khor gyi ma mo bcu drug dbus// yum gyi gnam zhal gdangs pa ru/ thig le bcud kyi thabs mtshams su// nyi zla 'bar ba'i ga 'u ru/ / nr-i yi rtse la ha lnga bsam// de ni rgyal mo lnga yi rgya// de steng rta mgrin dbang gi rgya// rdo rje rgya gram 'bar ba'i rgya// rwa la nyi zla 'bar ba'i rgya// de nas sngags kyi pho nya rgya// yab yum sngags la las sngags gdags/ / oM shrI he ru ka kro d+hI shwa ri phaT/ nr-i A yu sha dza/ gtso bo'i thugs las 'od 'phros pas// bcu drug ma mo brgyud bskul te// tshe rten nr-i ru drangs nas su// gtso bo'i thugs las bsdus byas pas/ / rdo rje'i lam byung gnam zhal mkha'// rta mgrin zhal nas ga 'ur 'khyil// tshig gi pho nya dgug byas pa// hUM che zhes che mo gsang ba'i yum// thig le sbyor ba'i yum gcig ma// dkar mo nyi zla thod phreng can/ / gru gsum 'bar ba'i mig gcig ma// g.yu yi ral pas srid pa sgrol// chags pa'i phyag gis pad+ma 'dzin// rin chen mche ma skye 'gro'i gsos// tsit+ta zhags pas mu stegs sgrol// rdzu 'phrul shugs kyi tshe drongs shig/ de nas spel bar bya ste// g+h+ri la mu ran hUM A yuShe hUM a b+hi sha san+ti A yu She hUM a bi yang lang ti A yu She hUM a/ ma hA lang ti hUM A yuShe hUM a/ che mchog kun gyi 'phro 'du yis// ga'u rgyal mo lnga bskul bas// 'phro 'du nyi ma'i 'od ltar spel/ / de nas tshe gnas bya ba ni// rgyal mo lnga po rten la bsdu// hUM mkha' mnyam pa yi ye shes ni// chos dbyings nyi ma lta bu la// 'phro 'du ye shes lnga ru shar// bag chags lnga yi rgyud sbyang nas/ / 'byung ba lnga yi bcud bsdus pas// mi 'gyur tshe yi dngos grub thob// bum pa bshig la tshe dbang bskur// gnon po'i sngags kyis bral byas la// smin mtshams sbas la rgya yis gdab// 'brang rgyas bkra shis gsal byas nas/ / mkha' 'gro tshogs kyi gtang rag gtong// rdo rje mkha' 'gro'i rgyud las rgyal po bsgyur ba'i le'u ste gnyis pa'o//// phra men rgya mtshos yang gsol pa// srid pa rgyud kyi byung tshul dang/ / grub pa'i don ni 'bras bu gnyis// ngo mtshar lha la bdag nyan 'tshal// bcu tsho bzhi rdzogs rgyal sogs de// lha mo yongs 'khyud bde ba mas// bka' don gtan tshigs gtan la phab// mi nub tshe yi gtan tshigs dag/ rtogs pa don gyi che ba dang// sa gzhi lta bu gcan 'phrang dang// rgyal po lta bu'i bka' nyan dang// mdzad pa thabs kyi thabs dang// gsal ba don gyi dkyil 'khor dang// lhun gyis grub pa'i bsgrub pa dang/ / mngon spyod las kyi mtha' rnams// nga yi gsang rgyud chen po'i don// gzhi gnyis don du ngas bstan gyis// 'khor gyi gtso bo sems gtod cig/ brjod bya rjod byed thabs tshul gyis// dgos dang dgos pa'i bye brag dang/ / 'brel ba thabs kyi gtan tshigs rnams// 'brel don gtan tshigs gtan la phab// rdo rje mkha' 'gro'i rgyud las/ gleng slong ba'i le'u ste gsum pa'o//// rtogs pa'i don ni 'di lta ste/ / skye med mi gnas gzung 'dzin bral// ma skyes phyir na skye ba med// dus gsum 'pho 'gyur med pa'i don// mi g.yo sems kyi bdag nyid la// 'pho 'gyur med pa'i rig pa gsal// 'byung lnga sems kyi sprul pa la/ / ye shes lnga yi mtha' rgya can// kun 'dus snang srid dbyings la 'dus// 'pho 'gyur dus gsum ngang du gsal// snang srid rang shar kun tu bzang// ye nas ma gshegs rang byung ba// snang srid phyag rgya chen po'i don/ / kun bzang klong gi dkyil 'khor la// rig pa thugs kyi 'od shar ba// mdzes pa yul gyi rgyan gyis brgyan// don kun rgyal ba'i thugs las rdzogs// rgyal ba thugs rje gnyis med don// skye 'gag ma lus sems la gsal/ / ma 'gags rig pa'i ye shes la// snod bcud kun gyi 'od 'dus pa// mkha' la rlung gi don du shar// ma ni ngang gi rang bzhin la// mo ni reg pa'i don shar ba// rig pa ma 'gags gtan tshigs kyis/ / skye med don kun gtan la phab// skye med don dam tshan ma yis// skye ba'i chos kun gtan la phab// dbyings dang ye shes rang bzhin las// snang srid ma mor rang bzhin 'char// rdzu 'phrul shugs kyi mkha' 'gro rnams/ / rgyal sras thugs kyi dkyil las byung// rang gis rang la brtags byas pas// snang dang stong pa'i don du rtogs// rang nyid tshad ma'i rgyal po ste// shar ba rang nyid stong par rtogs// skye 'gag med pa'i ngang nyid las/ / rol pa'i khyad par cir yang snang// mtshan ma'i gzung 'dzin sna tshogs kun// sprin phung mkhar la thim pa bzhin// ma skyes chos dbyings ngang du thim// thim pa'i rgyal po phyag rgya gsal/ / snang srid rig pa'i rgyan shes na// ma mo kun gyi re gnas yin// srid pa'i ma mo thams cad dang// rgyal ba'i thugs las bye brag med// de yi don ni 'di lta ste// mkha' la 'od du gsal rtogs na/ / 'byung ba lnga yi rnam rtog bral// ma skyes rig pa'i don la gsal// chos nyid 'dzin pa'i mtshan ma 'jig/ gser gyi thig le don gsal ba// phra men rgya mtsho spros dang bral// thig le chen po'i don rtogs na/ / thod phreng ma yi 'dzin rtog bral// ye shes bzhi yi don shar bas/ khros pa'i dbang chen mtshan ma 'jig/ rnam par shes pa'i ngang rtogs na// ma chen bzhi yi 'dzin rtog bral// don dang sems can rig gyur na/ / dges bad ma yi mya ngan 'das// skyed pa'i don nyid rtogs gyur na// chags byed ma yi mtshan ma 'jig/ snyoms byed byams pa'i ngang gnas pa// cha snyoms ma yi mtshan ma 'joms// las bslu med pa'i don gsal ba/ / nam mkha'i rgyal mo'i 'dzin rtog bral// dpag bsam shing gi bcud phyung bas// bu mo drug gi gti mug bsal// zangs kyi sbu gu'i ngang bskyod ma// 'dod khams gsum gyi 'dod chags sgrol// rgyu ba rlung gi don shes pas/ / srid bzhi dmag dpon mtshan ma 'jig/ dbang po 'dir bsdus rig gyur na// srin mo bdun gyis zhe sdang 'jig/ dga' ba bzhi yi dus shes na// dus bzhi'i rgyal mo rtogs pa 'jig/ rus pa'i ri rab don gsal na/ / nyi shu rtsa brgyad mtshan ma 'joms// srid pa mtshan ma'i las rtog kun// bdag med rtogs pa'i thabs kyis 'dul// snang srid snang ba'i ma mo kun// rig pa'i ye shes cho 'phrul te/ / rig pa mkha' la 'gro ba ni// sa rnams kun tu rgyu 'gro ma// rang bzhin gnas pa'i rdzu 'phrul can// mkha' la 'phyo zhing dbyings la nyal// snang srid gar thabs rgyal ba'i yum// 'pho 'gyur mi mnga' skye 'gro gsos/ / bde chen bcu yi don rtogs la// rtsa ba byang chub sems su gsal// spyi dpal bcu yi don gsal bas// mngon rdzogs yab kyi thugs la rdzogs// gsang chen bcu yi mkha' gsal bas// b+ha ga bcu yi dbyings 'du 'byung/ / rdzogs chen bcu yi don gsal bas// rgyal ba'i sku dang ye nas mnyam// mngon rdzogs yab kyi dkyil 'khor ro// bcu tsho bcu yi rgyan gyis brgyan// cho gas thugs kyi dkyil 'khor la// ye shes lnga yi rgyan gyis mdzes/ / nyon mongs lnga yi bag chags sbyongs/ khams gsum 'khor ba'i lam sgo gcad// rmad byung rol pa'i cir yang snang// kun bzang ngang du thams cad 'dus// mtshan ma bzang ngan thams cad kun/ / ci yang snang zhing ngo bo stong// stong pa'i ngang las rtag gnas na// dus gsum rgyal ba'i dgongs pa yin// rdo rje mkha' 'gro'i rgyud las/ lta ba rgya mtsho'i le'u ste bzhi pa'o//// phra men rgya mtshos yang gsol pa/ / spyod pa'i don chen ji ltar lags// rgyal po bde bas bka' stsal pa// spyod mchog dam pa 'di ltar te// rgyal po'i tshogs kyi pho brang du// 'byor pa'i yo byad ldan byas nas// sna tshogs yi ges gzhal yas brlab/ / drag po'i sa bon rdzas sbyangs nas// rgyal mo lnga yi sa bon gyis// bdud rtsi chen po longs spyod ldan// g.yas pa ta ka'i 'bras bu yin// g.yon pa ta ris bcad byas pas// hril sgo 'bar bas rol pa bstab/ / 'ba' ta bdud rtsi 'bar yang// phar stor tshur 'bar bar bya// lam dgu thig le thig pa yang// btab pa'i tshul ni gong ma bzhin// ta las ta yis rdzas rnams dang// bdud rtsi chen po'i thabs su rol/ / 'byung 'jug kun la ri kris bsrung// yab las rgyal ba rigs lnga bsrung// yum las rgyal mo lnga yi mdzes// rdo rje yi ge rdzogs pas brgyan// b+ha gar dbyings phyug rgyal mo ste// thabs kyi spyan ni brdeg byas te/ / na sa'i rtse mor hUM gzugs te// rta mchog g.yas nas g.yon du dril// 'ong ba'i sgra la hUM zhes brjod// 'gro ba'i sgra la phaT du bsgrags// de nas mkha' 'gro mchod byas te// rdo rje mkha' 'gro ma tshogs kun gyi rje/ / sangs rgyas rnal 'byor kun gyi mes gcig la// bde chen yum gyi dbyings nas gshegs su gsol// mkha' bzhi dbyings las bskyed pa'i sras mo lnga// 'byung ba lnga dang dus bzhi cha snyoms ma/ / mi 'gyur g.yu drung bskyed pa'i sa yi gnyis med sku// rgyal mo lnga la sogs pa gshegs su gsol// kun gzhi sems las bskyed pa khro mo tshogs// phyir mi 'ongs pa'i spun drung bcu bzhi yi// rus min spun drug tshogs rnams gshegs su gsol/ / phyi nang yul las bskyed pa'i lnga bcu lnga// mtshams med nam mkha' lta bu'i rang bzhin las// nyi zla gza' skar mang po shar ba ltar// gnas 'dir 'khor bcas ma lus gshegs su gsol/ sa ma yA du na s+t+wam/ rdo rje zhing chen bsnol ba'i gdan steng du// nyi zla pad+ma 'od kyi dkyil 'khor bcas// dbyings kyi spun drug bsgom bya ma mo'i tshogs// lnga bcu rtsa lnga'i tshogs kyi dkyil 'khor tshogs/ / mi g.yo mi 'gul brtan par bzhugs su gsol// spyod pa'i ngo bo 'di lta ste// u ma tshang nas nyal ba dang// bcu drug tshang nas sdod pa dang// phugs nas sram ltar 'then pa dang// mkhar la rlung ltar 'phyo ba dang/ / rngams pa'i drag shul byed pa dang// nam mkha'i skas la 'dzeg pa dang// glag chen gzan la dbab pa dang// 'phar ba dpyang thag chod pa dang// glang chen rol du zhugs pa dang// mgal me klad la bskor ba dang/ / 'di rnams dmigs kyis bsgral ba'o// pha dang khu bo mes po dang// lha dang bram ze mu stegs dang// bran dang g.yog po bdud dang ni// gshin rje dregs pa bsgral ba'o// nyon mongs yid dang rnam shes yid/ / kun gzhi sems dang 'dod chags sems// nga rgyal dang ni khong khro dang// ser sna dag dang rgyu dag dang// le lo dang ni phrag dog rnams// 'di rnams dmigs kyis sgrol ba'o// nyon mongs gzugs phung bshig pa'i phyir/ / g.yas pa spu gri 'bar ba la// g.yon pa gyad kyis brgyangs nas su// tra tha'i sngags kyis sgo phye nas// nya la bsdus la co la bstim// 'byung ba gsum gyis sbyangs byas nas// rdo rje lhags kyis bsdus byas nas/ kun nas bzang mo'i mkha' la bzhag/ gser dang dngul dang 'dres pa bzhin// bsdus nas rgyal ba'i phyag rgyar bskyed// zla rlung sbyor ba'i thabs kyis 'phang// rgyal ba'i rigs kyi sras su bskyed/ / dge sdig las kyi shan phyed nas// sdig pa byang nas ye shes 'bar// sbyor ba chen po'i dam tshig ni// ma dang sru mo phyi mo dang// lha mo klu mo rigs ngan mo// gdol pa mo dang phyal ba dang/ rma bya mdog sdug thabs kyis brlabs/ / da 'od ri ga dbye ba dang// sgra yi thal mo sbyar ba dang// mkha' la rlung gis bskyod pa dang// lcags sgrog phyag rgya bsdams pa dang// sreg pa'i me yis dbab pa dang// ye shes rlung gis bsgrags pa dang/ / las kyi rlung gis bzlog pa dang// dgyes pa'i sa bon spro ba ste// 'di rnams sbyor ba'i thabs su bstan// de las sa dgu don gyi rdzogs// ye shes dgu dang yang dag ldan// rdo rje mkha' 'gro'i rgyud las/ tshogs dang tan g+han gyi spyod pa bstan pa'i le'u ste lnga pa'o//// phra men rgya mtshos yang gsol pa// gcan 'phrang chu yi rang bzhin 'di// rim pa gang dang gang lags pa// ngo mtshar lha la bdag nyan 'tshal/ / yang dag rdzogs kyis bka' stsal pa// rgyal po'i bka' rtags mi bcag pa// ji ltar bsgo ba'i las bya zhing// lus kyi bsrung bya thub pa dang// ngag gi skyon sba yon tan brjod// sems kyi gya gyu med pa ni/ / rgyal po bka' yi dam tshig go/ rdo rje rig pa 'dzin rnams la// lus ngag yid kyi rtse sdom zhing/ skyo bas med pa'i dang ba yis// rtse gcig yid kyis mos par bya// 'di ni sku yi sa ma ya// rig pa'i phyag rgya gtan bsgom zhing/ / 'od kyi rgyan lha gsal ba// sku gsung thugs la gtan gnas te// nyi ma'i snying po gtan gsal ba// 'di ni tsit+ta sa ma ya// thig le 'bar ba'i sgra byung zhing// bskyed rdzogs sa bon rgyun mi gcad/ / spros pas lha brnyes ngan song sbyong// snang srid sngags kyis phreng bar gsal// 'di ni gsung gi sa ma ya// 'di yis bka' gzhung ma thub par/ phyin ci log du spyad pa na// 'di ru mi bde sna tshogs 'byung/ / 'bras bu rdo rje dmyal bar ltung/ nyams pa'i rgyu ni 'di lta ste// dad pa chung zhing ser sna che/ khro gtum che zhing bdag med pa// g.yo sgyu che la phrag dog pa// 'di ni nyams pa'i rgyu yin no/ / rtogs pa'i dam tshig gzhung thub na// 'jig rten 'das dang 'jin rten pa'i// mkha' 'gro rang bzhin nye ba la// bar chad rkyen rnams mi 'byung zhing// dgra bgegs kun la dben pa 'jug/ tshe ring ba dang rgyud 'phel 'gyur/ / rgyal po lta bur kun gyis bkur// ngan song gnas rnams stongs par 'gyur// nyams na skong thabs 'di lta ste// sku yi dam tshig gzhung nyams na// mkha' 'gro rnams kyis 'tshe gyur pas// lung ldan de la gso ru gzhug/ thugs kyi dam tshig nyams gyur na// rgyal ba'i yi dam spobs pa dbab// gsung gi dam tshig nyams gyur na// rang sngags phreng ba 'dab du bzlas// bskang gso'i cho ga gzhan yang bya// rgyud kyi rgyal po rdo rje mkha' 'gro'i rgyud las/ sa ma ya dam tshig le'u ste drug pa'o//// phra men rgya mtshos yang gsol pa// rgyal po bka' rtags ji ltar lags// ngo mtshar che ba bdag nyan 'tshal// mngon rdzogs yab kyis bka' stsal pa/ / rgyal po bka' rtags chen po ni/ ngas bstan pa la sems thud cig/ phyi dang nang dang gsang ba 'di// rab 'bring gsum gyi snod la bskur// zhing gi ru mtshon 'bar ba 'di// rgyal sras lag tu bskur byas pas/ / srid pa'i mkha' 'gro dbang du 'gyur// dpung bzhi tshogs las rgyal bar byed// ke ru rak+sha sa ma ya s+t+waM/ hUM ral gri 'dod chags 'bar ba 'dis// rgyal sras lag tu bskur byas pas/ nyon mongs 'khor ba'i dra ba gcod/ / srin po dregs pa'i khog pa bral// rak+sha la khad ga na hUM/ dar nag 'bar ba'i ru mtshon 'dis// rgyal sras cod pan 'phyo ba'i dbang// thabs dang shes rab dbang bskur bas// dus gsum gnas su bsgral ba'i dbang/ / ha ha na na na phaT hUM/ thod tshar 'bar ba'i dbu rgyan can// rgyal mo lnga yi pho brang ste// nyon mongs lnga yi bag chags sbyangs// ye shes lnga yi 'od du shar// dz+nyA na ha ta hUM/ nang gi don la 'di lta ste/ / rak+ta'i thig le 'bar ba 'dis// mkha' 'gro rigs pa gsal bas te// che mchog nu ma'i 'od du 'bar// lha mo rigs kyi bzhugs gnas so// mo ha la ma hAM/ rak+ta'i thig le rgya gong du// thal ba'i tshom bu kha dog kha/ / rig 'dzin rnam gsum pho brang nas// dug gsum rtsa nas gcod pa'i rtags// sku gsung thugs kyi don mtshon pa// pra tsa la hUM/ thal ba'i rtags kyi rgya gong du// zo ris 'bar ba'i thig le lnga/ / rgyal ba rigs kyi pho brang ste// dug lnga gnas su sbyangs nas ni// ye shes lnga yi rgya yis gdab// pany+tsa dz+nyA na hUM/ dam rdzas lha yi thig le la// rgyal mo lnga yi snying pos sbyongs// oM ldan dkar ba'i thig le yis/ / rnam snang dpal gyi ye shes don thob shog/ hUM lhan mthing la 'bar ba'i rang bzhin gyis// bkrag gsal snyan gyi ye shes don thob shog/ sra ldan ser la 'bar ba'i thig le yis// 'od gsal 'bar ba'i ye shes don thob shog/ oM ldan dmar la dwangs pa'i ngo bo yis// gnyen gsal 'bar ba'i ye shes don thob shog/ ha ldan ljang la ldem pa'i bdag nyid kyis// yang gsal g.yos kyi ye shes don thob shog/ gsang ba'i don la 'di lta ste// rdo rje rigs kyi mtshan ldan ma/ khrus kyi dri ldan lha mo rlab// seng ge stag gi g.yas phab nas// gyi ling rdzu 'phrul chen po dang// gcan gzan tha ma brtul zhugs dang/ rgyu ba'i rlung ni na sar gzung/ / las kyi rlung ni rgya gram bzung/ khyab byed rlung ni gti mug ste/ rlung gsum gzung bas brtul zhugs mchog/ re re la yang bzhi bzhi'i ste/ ye shes bcu drug ma ta ru// lhan cig skyes pa'i bde dbang bskur/ / oM rdo rje rigs kyi yum mchog ma// bde mchog ye shes skyed byed ma// g.yo ba lnga la ye shes lnga// 'dzin bzhi bcu drug rtogs pa'i thabs// yul mchog ma yis snang bar mdzod// rang rig gsal ba'i ye shes 'od/ / skad cig rtogs pa'i thabs mchog 'di// skye med yum dang rgyal po yab// bdag la smin pa'i don gsal ba// rgyal ba'i sku dang bka' dri gcig/ ho// rig pa'i rgyal po sras mdzes des// lus kyi bkur ba phun sum tshogs/ / ngag gi skyon sba yon tan brjod// sems kyi rtag tu 'dul bcas la// yum dang rgyal po thun mong bskur// srog lus man chod lus kyi rnams// rgyal mo mchod pas sangs rgyas mnyes/ / de ltar thob pa'i yon tan ni// lus la 'tshe ba mi 'byung zhing// skye bo kun gyis bkur ba dang/ mkha' 'gro ma rnams nye ba dang// brgya byin tshe dang mnyam par nges// he ru hUM sras 'khor rnams mnyes/ / rgyal ba nyid dang dgongs pa mnyam// de ltar ma thob gang zag dang// bsgrub pa'i las la 'bras med 'gyur// 'jig rten 'di la las log pas// phyi mar ngan 'gro'i sdug bsngal 'byung// rdo rje mkha' 'gro'i rgyud las/ dbang byin pa'i le'u ste bdun pa'o//// phra men rgya mtshos yang gsol pa// dkyil 'khor rim pa gang lags pa// mngon rdzogs dpal la bdag nyan 'tshal// rgyal sras de bas bka' stsal pa/ / bdag nyid byang chub thig le la// skye 'gag med pa'i ngo bos te// mi dmigs ma skyes dbyings nyid las// chos rnams 'byung ba'i rang bzhin te// snang srid ma 'gags rig pa'i rtsal// ma 'gags rig pa rang shar ba/ / nam mkha'i ngo bo snying rje mchog/ mtshams su sbyor ba'i snying rje ste// dbyings dang ye shes rang bzhin las// gnyis med rig pa thugs kyi mchog/ rig pa gsal ba ye shes brgyan// mthing ga hUM ni thugs kyi gtor/ / e mA kA sha ni A/ du kar ma rak+sha la/ raM dz+wa la maN+Da la/ ma tig ra ma/ king nr-i tr-i laM/ raM bi shud d+he/ pad+ma tsakra ti ra baM/ mthing ga hUM gi 'thor rlung la/ drag po nam mkha'i dkyil 'khor snang/ / skyod byed 'bar ba'i dbang gi dkyil 'khor 'byung// rak+ta dmar smug zhi ba'i dkyil 'khor chags// sha chen spungs pas rgyal ba'i dkyil 'khor la// keng rus khral krol rus pa'i ri rab brtsegs// sna tshogs b+h+rUM las pho brang gzhal yas shar/ / 'khor lo rtsibs la yum gyi mkha' bzhis brgyan// rtsibs chen bzhi las bzhi yi dkyil 'khor shar// dbus kyi shar nub nyi sha 'bar la// phyi khyams b+ha ga bzhi yi bar khyams la/ / dus bzhi 'byung ba bzhi yi gdan du gsal// gsum pa pad ma 'dab brgyad pa ru snang// bzhi 'dab pad+ma rtsibs su ldan// gru chad bzhi la snam bu khyams gsum ldan/ nang gi rtsig par rin chen rnam lnga la/ / phyi yi rtsig pa thod pa'i mkhar du gtams// lha brgyad gdung la klu brgyad phyam du bor// gza' brgyad kha bad rgyu skar dral bu byas// rgyal chen rigs bzhi sbrul nag rgyan gyis brgyan// zhing gi rgyal mtshan sgo bzhi brgyan/ / nyi zla pad+ma'i 'od kyi gdan du gsal// dbus su ru dra pho mo bsnol ba las/ lha yi dbang po rgya mtsho nyi ma'i gdan// rtsibs bzhi'i steng du bdud bzhi'i rgyal mo gdan// dus bzhi'i rgyal mo bzhi la smra'o lag ris gdan/ phyogs skyong brgyad ni dgyes sde khros pa'i gdan// slan mo thams cad skam rlon zhing gi gdan// dbang mo rtsa brgyad dar gyi blon gdan no// hUM chen dbus kyi gdan la shar ba la// oM shrI he ru ka kro d+hI shwa rI sa ma ya s+t+waM/ bcom ldan che mchog he ru ka/ kun tu bzang mo'i rol pa las// dgyes pa'i rol pa las// dgyes pa'i rol pa gar du bzhes su gsol// skye med kun tu bzang mo la// snang srid rdzas su dbul du gsol/ / mkha' la klong chen dbyings nas bzhengs// mkha' bzhi dbus kyi dkyil 'khor la// dgyes pa gar gyi thig le spro// 'khor lo pad+ma rim pa ni/ rim pa bzhi yi 'phar ba'i dbus// thig le spros pas yig 'bru shar/ / bskyed pa'i sngags kyis phyir ru gdon// bdag gi gser gyi nyi ma las// sa bon las kyi skur bskyed pa// badzra kro d+hI shwa rI g+ha ga pad+mar+ya hUM/ bdag gi 'od chen kha dog nas// sa bon las ni skur bskyed pa/ / badzra shan+ti pad+ma ga ru ti b+h+yo/ bdag gi 'byung ba lnga po las// sa bon las kyi skur bskyed pa// gi sa muM hUM ha dza la bar raM hUM ha// shi sha san ti ha ka si long he ha/ ma tsA lang he ha/ bdag gi dngas ma bzhi po las/ sa bon las ni skur bskyed pa/ mu tri ni a shan tri ni/ ba ga dun tri ni/ kha mun ngan tri ni/ bdag gi dngas ma bzhi po las// sa bon las ni skur bskyed pa/ raM dz+wa la ni/ paM ting ka la/ su tsit+ta ha/ yaM gar+b+he laM/ bdag gi dngas ma brgyad po las/ sa bon las ni skyur byed pa/ oM sur+Ya bi ti a to ye/ pad+ma bi to a to ye/ kha raM bi to a to ye/ srid 'gro bi to a to ye// badzra keM keM/ badzra ta ke badzra ta keM// badzra ni la badzra ni la/ badzra lan ta/ badzra lan ta/ bdag gi gsang ba bde chen las// sa bon las ni skur bskyed pa// za graM sa muM raM shwa ra za graM mur raM shwa ra badzra kha rag snying ka rag bdag gi zangs ma'i sbu gu las// sa bon las ni skur bskyed pa/ pra ban ka ri b+h+yo/ pra king wang gi ti b+h+yo/ bdag gi srid pa mdor bsdus las/ sa bon las ni skur bskyed pa// trag rag sha kha mun tsa ma dzag sha trag rag sha mu tra ba na/ bdag gi dpag bsam shing bu las/ / sa bon las ni skur bskyed pa/ kha mun pa rag pa tra rag sha/ sran waM ka ri ta b+h+yo/ bdag gi dbang po mdor 'dus las// sa bon las ni skur bskyed pa// hUM ka ba rod da rod/ ni la chu rang kha dong ka ta pa la/ tsa pa la/ pad+ma tsag sha/ ma ku rag ti/ dar paM ding paM/ e A ra li/ nu po ru lu nu po ru lu b+h+yo/ trag shag sha rag sha/ g.yas g.yon thabs dang shes rab las// sa bon las ni skur bskyed pa// ma taM b+h+yo/ b+h+yo ti b+h+yo/ puSh+tiM b+h+yo/ mu tiM byo/ badzra shan+tiM b+h+yo// dun tiM b+h+yo/ har tiM b+h+yau/ grub tiM b+h+yo/ a par la ta b+h+yo/ da la du na b+h+yo/ di na ma ma ya b+h+yo/ bdag gi srid pa dbang phyug las// sa bon las ni skur bskyed pa// b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ rdo rje mkha' 'gro'i rgyud las/ dkyil 'khor bskyed pa'i le'u ste brgyad pa'o//// hUM snang srid thams cad yum gyi b+ha ga'i klong// dus gsum bde gshegs 'byung ba lnga la rdzogs/ / 'byung ba lnga nyid yum gyi b+ha gas brgyan// 'das dang ma byon b+ha ga nyid kyis brgyan// bde chen yum gyi dbyings nas gshegs su gsol// mkha' bzhi dbyings las bskyed pa'i sras mo lnga/ / 'byung ba lnga yi rgyal mo gshegs su gsol// dngas ma yum las bskyed pa'i mkha' 'gro'i tshogs// rje mo bcu bzhi'i tshogs rnams gshegs su gsol// snyigs ma tsa las bskyed pa'i ma mo'i tshogs// lnga bcu drug gi tshogs bcas gshegs su gsol/ / 'byung ba bzhi dang dus bzhi cha snyoms ma// dus bzhi'i rgyal mo 'khor bcas gshegs su gsol// hUM snang srid thams cad 'khor lo rtsibs bzhi po// gru chad sgo bzhi b+ha ga'i tshul du brgyan/ / dbus ni mi 'gyur chos kyi bum pa la// 'dab brgyad dbyings las 'khor lo rtsibs bcu bcas// rtsig pa gnyis las snam bu sgo yi rgyan/ shar du rta khrag lho ru mi khrag dang/ nub tu mda' sbyar byang du bdud rtsi sogs/ / rang bzhin mtshan mo dus ni 'di nyid du// mda' bzhi rgyal mtshan gnam du ye re re// khrag dang zhag gi 'dam chu zu lu lu// ye shes bzhi yi me long lams se lam// ral gri rgyal chen dmag dpon chen po bzhi/ / 'gro ba'i don du brtan par bzhugs su gsol// bdud rtsi phyag gi bum pa'i rgyu dag gi/ hUM gis bstims shing rgyud sbyangs ha lnga 'bar// thugs las bzhi 'phros brtan par bzhugs/ / srid pa'i ri la 'gro ba'i mkha' 'gro rnams// swa gnyis lu gu rgyud byas hUM gnyis lcags kyu'i tshul du rten// oM shrI he ru ka yo gi dza dza sur+ya maN+Da la bi bam/ dam tshig gtso 'khor ldan pa yi// sprul pa re re gdan du bsgyel/ / mkha' yi gting khung dbur gnas pa// nam mkha'i mtha' la ral gri phab// tra ta phaT/ so so rang rig sgo dbye nas// hUM gis sbubs kyi le brgan drangs// che mchog le brgan 'bar ba smin// oM a mr-i ta u tsit+ta a hUM a/ shes rab snying rje dus gcig 'bar// nub pa'i gdan nas btags byas te// pho brang steng du zung ste bzhengs// zhal sbyor tshul du gnas pa'o// gnyis sbyor gtso la zur brtan pa'o// rdo rje mkha' 'gro las/ / spyan drangs shing dbang bskur ba'i le'u ste dgu pa'o//// hUM bcom ldan che mchog he ru ka/ mthing nag 'jigs pa'i cha lugs can// dkar nag 'bar ba'i zhal mnga' ba// g.yas kyi dang po rdo rje la/ / g.yon pa dung chen ga'u 'dzin// g.yas kyi bar ma g.yang gzhi la// g.yon pa rin chen srid dbang bskur// g.yas kyi tha ma rtse gsum la// g.yon gyi tha ma tshe 'dzin cing// mi zad gter gyi mchod par bzhes/ / kun tu bzang mo bde ba'i yum// bzhi zur zhabs brgyad phyag drug 'bar// g.yas kyi dang po srid rtse 'dzin// g.yon gyi dang po rgya mtsho rlob// g.yas kyi bar ma yab la 'khyud// g.yon gyi bar mas dung dmar stob/ / g.yas kyi tha ma ru mtshon 'phyar// g.yon gyi tha ma me dpung brdeg/ mi zad gter gyi mchod par bzhes// sbom me mthe'u chung rtse mnan nas// gung mo rtse sprad bzhi la sbrengs// rgyal mo lnga yi phyag rgya yin/ / g.yas pa mdzub mo bsgreng ba la// g.yon pa chags pa 'khyud pa ni// dus bzhi rgyal mo phyag rgya yin// g.yas pa khu tshur snying gar bsten// g.yon pa mtshon gyi byed pa yin// phra men rgya mtsho nyid kyi rgyu/ mtheb mdzub rtse so so sprad/ / spyan gyi thad kar 'dzin pa ni// de ni rdo rje nyi ma'i rgya// mthe mo gnyis dang mdzub gnyis bsgreng// gsum po phan tshun thabs su btags// de ni sbas pa'i ma bzhi'i rgya// gung mo srin lag so sor dgug/ mthe bong gnyis kyis so sor mnan// de ni khros pa'i rgyal mo'i rgya// mthe'u chung mthe bong rtse la mnan// lhag ma gsum po 'di ltar byas// thugs kyi dgyes sde rgya chen yin// phan tshun thabs su btags pa la/ / phyi ru 'gyed nas 'od 'phros pas// sman mo rnams kyi phyag rgya yin// nyi shu rtsa brgyad po yi phyag rgya ni// gzhan dang 'gre ste 'dir ma bshad// me tog rgyan gyi mchod pa 'di// snang srid mdzes pa'i mchod pa chen po bzhes/ / me bdug spos kyi dud pa chen po 'di// tshim pa'i mchod pa chen po bzhes su gsol// bdud rtsi chen po'i dam skong mchod par bzhes// 'dod chags khrag gi mchod pa dam par bzhes/ / rmad byung rgyan gyi gtor ma'i mchod par bzhes// zhe sdang ting 'dzin ram gyi mchod par bzhes// 'dod chags sbyor byed mchod par bzhes// la la dril chen sgra sgrogs khro lo lo// la la rol pa'i rta bro chems se chem/ / rol mo ye shes mchod pa chen po bzhes// gnam lcags ngur mo me yi mchod par bzhes// gnam la 'phur dang chu la 'phyo ba dang// sa la skyes pa'i mdangs kyi mchod par bzhes// ho dgongs su gsol/ ma mo mkha' 'gro phyi nang gi phyogs su bsgyur bar dang/ 'brug gi sgra sgrog pa dang/ glog gi lce 'byin pa dang/ gnam lcags kyi rkan rdebs pa dang/ rgyu 'byung ba lnga kha lo bsgyur ba'i rgyal mo lnga dang/ las mdzad srid pa khros pa'i dbang mo che bzhi/ / dwangs ma'i dbyings las shar ba'i ma chen bzhi dang/ rig pa rgyan gyi ma chen bzhi dang/ dman mor grags pa thams cad dang/ mkhyen pa dang ni byin gyis brlab tu gsol/ / de nas rig pa don la bzlas// oM shrI he ru ka/ badzra bo d+hi tsit+ta sa ma ya hUM ho/ kro d+hI shwa rI pad+ma ru lu ru lu b+h+yo/ thugs las ljags kyis rtse la 'phro// mkha' la 'du zhing dbyings su bsdu// dkyil 'khor gnyis sdebs zhal skor bzlas/ / rang rang rtsa ba'i snying po spro// rdo rje mkha' 'gro'i rgyud las/ mchod pa rim par bstan pa'i le'u ste bcu pa'o//// hUM thugs kyi kun mkhyen sku yi kun tu khyab// gsung gi sgra sgrogs yon tan cir yang snang/

CLOSE WINDOW