rgya gar skad du/ ma mo tsit+ta yang snying/ bal mo'i skad du skrog zer/ saM skr-i ta'i skad du snying tig/ bod skad du/ srog tig dang snying tig gi rgyud ces bya'o// he ru ka la phyag 'tshal lo// de nas ma mo 'dul mdzad pa/ / 'jigs byed he ru ka yis ni// ma mo 'bum thig bka' stsal te// sngon las dkar nag 'dres pa las// snang srid ma mo 'bum du 'gyur// de la dbang chen ma mo ni/ khri dang chig stong dag tu srid/ / de las srog gcod bdag mo ste// byung ba'i yan lag snang ba ni// ma mo stong dang rtsa brgyad srid// 'gugs shing 'dren pa'i las mdzad ma// pho nya nyis brgya lnga bcu gnyis// gsod cig gsod pa'i las byed ma/ / bdud mo nyis brgya lnga bcu gnyis// mdzes pa'i tshul ston las byed pa// sman phran gnyis brgya lnga bcu gnyis// legs nyes rjes su las byed ma// nyul le nyis brgya lnga bcu gnyis// de yi nang nas gtso mo ni/ / nam mkha' rnam par sel byed ma/ khram kha stong gi dbang mo che// sa khams sha rus dbang byed ma// sa gzhi 'debs pa'i dbang mo che// chu khams khrag la dbang byed ma// rgya mtsho gling gi dbang mo che/ / rlung khams dbugs la dbang byed ma// ri rab gling bzhi dbang mo che// kun la khyab pa'i de bzhin nyid// thig le chen po mngon sangs rgyas// srid pa'i bde 'gro ma ru brjod// yang tig bkol ba'i rgyud las/ ma mo 'das pa'i bca' gzhi'i le'u ste dang po'o//// de nas sgrub pa'i gnas bstan pa/ dur khrod sa phug ri brag dang// nyams dga' ba yi sa phyogs su// chu klung nags tshal la sogs pa/ / sgrub pa'i gnas su rab tu bstan// gnas der drag po'i bsgrub bya ba// sngon 'gro bdud 'dul sa brtag cing// sa bslangs sa sbyang mtshams gcad bya// gnas der gsang ba'i dkyil 'khor ni// he ru ka yi dkyil 'khor bskyed/ / bskyed cing spyan drangs mchod bstod de// byin brlabs dbang bskur tshul bzhin bya// bzlas brjod dag kyang mthun byas nas// de nas dbang byed ma bsgrubs pa/ sa yi dkyil 'khor 'dom gang la/ / dbus su gru gsum mthing nag bri// de la zla gam gsum gyis bskor// zlum po zhi ba dkar po la// rgyas pa gru bzhi ser dmar ljang// tha ma lcags ri nag pos bskor// gsang ba'i dkyil 'khor bstan pa ni/ / zhi ba rab tu rgyas pa la// de la thig bzhi gru bzhir gdab// ma bzhi logs bzhir dgod par bya// mtshams bzhir las byed bzhi dgod bya// ma mo bzhi yi thod pa la// mthing nag gru gsum 'bar ba'i steng/ / dpal gyi phyag rgya dgod par bya// de ni dpal gsang ba'i dkyil 'khor ro// rgyal po gsum dang gson khrag gsum// chu sna gsum dang dug sna gsum// rdzas gsum drag po'i sha sna gsum/ / dgra bo'i ming rus bris nas ni// rabs chad thod pa'i nang du blug/ rgyu zhags dag gis dam du bcing// rgyus pa'i gzungs thags [[]thag []]rab tu gdags// gsang ba'i dkyil 'khor dam pa der/ / skyer rtsang khrag gis byug pa la/ kha ru tshon skud khrag btags brkyang// de la mthun rdzas rab tu gzhag/ de nas mtho gang rtsang rtse la// mthing nag gur gyi yol bas dgab// gnyen po'i lha yang sgom par byed/ / ma mo rnams kyi rdzas bstan pa// gzhong pa gru gsum nang du yang/ khrag sna gsum dang sha sna dang// sman sna tshogs pa blug par bya// gtor ma gru gsum bkod de gzhag/ g.yas kyi gru gsum zhal de la/ / zur gsum ming rus bris pa dgod// chang phud sman dang sha sna dang/ khrag sna stag dang glang po seng ge dang// spyang ki'i snying la sogs pa gzhag/ dmar chen gtor ma ma mo'i rdzas// zla gam zhal gyi gnyis pa la/ khrag sna stong dang sman sna 'bru// 'dza' [[]dza []]gad bkang bas thugs dam bskang// nyung dkar khrag gis byug pa la// nas kyi ngo bos gsod pa'i rdzas// zhing chen lhu dum bkram pa la// tshil chen dud pa rgyun mi gcad/ / thod nag bcing zhing gos nag gon// dpang gzugs ra mda' bzlog par byed// zhe sdang 'bar ba'i dkyil 'khor du// zhe sdang sol dum bzhin du bskyed// yang tig bkol ba las/ gnas dang sngon du bya ba dang rdzas bstan pa'i le'u ste gnyis pa'o//// de nas yang dag bshad par bya// rdzas bstan bsgrub pa po yis kyang// ting 'dzin rim pa dmigs pa yis// dbang chen rim pas dmigs par bya'o/ / ma gshin 'dus pa dkyil 'khor du// 'khor lo bzhi yi lte ba dbus// phyogs skyong khro bcu rigs lnga dang// 'dod pa'i dbang can nyal ba dang// steng du che mchog he ru dmigs// nyi shu rtsa gcig mdog ma nges/ / bzhi bcu rtsa gnyis bde gshegs 'dzin// steng zhal rdo rje mnyam sbyor bas// byang chub sems kyi rgyu las byung// gson gshin sgrol ba'i yum zhes bya'o// srid pa bde 'gro ma der dmigs/ / de yi 'byung ba bzhi po la// ma mo bzhi po bskyed par bya// stong rtsa brgyad kyang dmigs par bya// spyan drang dbang bskur byin brlab ste// bdag yang sems kyis dbul ba dang// drang dang rbad dang gsad pa'i sngags/ / gtso mo 'khor dang bcas pa yis// nyin gung mtshan gung ma nor bzlas// nyin gung mtshan gung la bskul zhing// dus der gtor ma gtang bar bya// ma nor dus su rim par bsgom// yang tig bkol ba las/ ma mo'i las bya thabs kyi le'u ste gsum pa'o//// de nas yang dag bshad bya ba// grub pa'i rtags mtshan byung ba dang// las la rab tu sbyar ba'i phyir/ khyim mam dur mchad phas 'ongs gdong/ khrag dang nyung dkar bsres pa de// rgya bkrol lag g.yang blugs te gtor// phyogs bskor g.yab mos gdul bya'o// drag po'i rdzas kyis mnan te gzhag/ ser ba thog mar 'bebs 'dod na/ / klu gnas chu mig brag dmar gnas// yul lha sogs la brdeg par bya'o// rdzas dang sngags kyi sbyor ba ni// so so tha dad gnod par bsam// las la btsud nas grub par 'gyur// yang tig bkol ba las/ so so las la sbyar ba'i le'u ste bzhi pa'o//// de nas sngags kyi sbyor ba ni// las la phan 'dogs yin phyir bstan// oM shrI he ru ka badzra hUM tra hUM phaT/ baM hUM e a ra li hUM dza/ ma hA srog shwa thun b+h+yo/ ma ma snying kha rag ma rag sha ma rag sha badzra badzra ting ting/ rag mo snying la rag ma ma trag sha dza/ snying dzra dza dun dun rag mo te kaM ma ma ru lu ru lu b+h+yo/ snying kha rag ma sa ma sa du dzra dza/ tsa ra nan ma ra shag ni du mA ra ya dza shag snying tsa ma rag mo thun thun/ ma ting rag mo thun/ snying khrag mA ra yad du/ dgra bo thun thun/ ma sha sha tri rag mo snying kha rag mor du che ge mo/ thun thun/ ma ma trag rag sha che ge mo snying du phyig yam/ che ge mos du mA ra ya phaT thun b+h+yo/ dgra bo klad pa la ya/ snying la ya/ dbang po la ya/ snying zan ma b+h+yo/ nA ga shig baM hUM/ baM hUM ya shig nA ga shig sod/ nA ga las myur du gyis shig/ btsan stan/ rma stan/ 'gri ma 'gri ma sha dza/ tshom tri mA ra ya rag sha dza/ btsan la las myur du mdzod cig tri ling sha ka du phyung/ tri tsa pa la shig/ zhung tri choM/ ma mo las myur du gyis shig/ de las bsam gtan sbyor ba ni/ sngags la phan 'dogs phyir na bstan// dang por gnas dang rim pa bsgom// gnyis pa rim pas gsal bar bsgom// gsum pas dbang du bsdu ba bsgom// 'od zer bye ba rab 'phros pas// srid gsum ma mo snying nas drangs/ / de nas mdun du rab bkug ste/ 'dar zhing srid gsum ba spu'i tshul du 'du// lus ngag yid gsum dbang du bsdu ba'i rtags// ting 'dzin gsal bas 'jigs par bya// srid pa'i ma mo bka' gnyan pas/ / las la 'phos te snying nas drangs// srog sgrol mig rtsa rig rig 'dug/ gdangs skad tshangs pa'i gnas su 'don// snga phyir bzung nas thun nang du/ khugs nas las la gsal bar dmigs par bya/ / 'ongs gza' 'od 'bar ni/ kha nas ngan sngags rab zlos shing// phrin las shin tu rlag mdzad dmigs// gang 'dod tshangs pa'i gnas su 'don// mtshon cha char 'bebs tshangs pa yi// tshe dang ldan pa myur du 'jig/ sngags dang dma' dang bsam gtan ldan// de dus rtags ni bstan pa yang// dkar dmar 'dres na dngos grub thob// bo na sgrib yod bshags pa bya// 'gul zhing ldeg na myur du khugs/ khol zhing rlabs byung myur bar gsod// gnag na pho nya 'khor bcas grub// dmar na bdud mo 'khor bcas grub// sna tshogs sman phran 'khor bcas grub// dkar na nyul le 'khor bcas grub// sgra ni gang nas byung ba yi/ / sna tshogs pa ni grub par bya// dri yang de bzhin shes par bshad// ma btsan brtag pa rab tu brtags// shar ram lho'am nub bam byang// de yang dbus su byung na bzang/ / nyams la gsal lam mthong na legs// ri mo ston na bsgrad par bya// mang po byung na 'khor mi yin// gtor ma spyi la sbyin par bya// bzhi ru byung na gtso mo ste// shin tu bcol ba drag tu bya// dmag tshogs ston na las byed yin/ / lus la sbrul gyis 'khril ba ni// 'khor gyi klu mo las byed yin// bud med byung na ma mo las byed yin// skya shar byung nas las byed na// bdud pho las byed yin par bshad/ / dgra rtags phogs dgu byung mod kyang// nges pa med par shin tu 'bad// the tshom za na 'di 'grub med// sbyor ba ma gtsang las mi grub// rtags la ltos las legs par sgrub// sems sran chung na las mi grub/ / de yi rtags kyi sgrub pa bshad// 'gyu ba'i dus la sgrub gzugs gzung// bco lnga nyer gnyis mar ngo la// tshes grangs bco lnga las byed dus// de dus grub mtha' las la gzud// grangs kyi grub mtha' bstan pa ni/ / stong ngam khri 'am 'bum gyi bar// 'bum mam bdun 'bum bya ba'i bar// dang po bsgrub pa sbyar ba bya// las la gzud pa'i las zin pas// gtor ma btang ste bshags par bya// rdzas dang dal la bsdus te sba/ / yang tig bkol pa las/ bsam gtan dang grangs dang/ dus dang bcas pa'i le'u ste lnga pa'o//// de nas yang dag bshad bya ba// cung zad grub pa'i rnal 'byor pas// bsgrub pa'i sbyor ba bcas pa sbyin/ / de yang rgyun gyi ting 'dzin ni// bcu tshan grub pa'i bsgrub pa ste// ru dam kha na dam po ru// gsad pa'i rdzas rnams thun du blug/ mi yis mi mthong gnas dag tu// gru gsum nang du gseng la gzhag/ gtor ma chen po rdzas ldan gzung// dus rnams kun tu sbyin par bya// stong las mar me 'bar hUM ste// 'od las 'dab bzhi las byed thams cad ldan par dmigs// steng gi nam mkha' nyi ma la/ / gnas pa'i steng du hUM dmigs te// de las 'jigs byed 'bar ba bsgom// spyan drang byin brlab dbang skur te// nyin mtshan bzlas pa thun re dbul// spyod lam dus bzhi thams cad du// lus la nyung dkar dgye ru btags la/ / he ru ka ru gdug pa'i gnas// de yi ma mo'i gsal dmigs shing// sngags sbrel zur ma chag par bzlas// thun snod nang du nges par blug/ las kyi sbyor ba bstan pa ni// sad dang ser ba la sogs kun/ / nya gsum bsgrubs la bdun la brdeg/ gnam stong tshes rnams nyi shu gnyis// bsgrub ste phyi de nub mo ni// sad ser dus su drag po'o// 'dis 'grub gzhan gyis 'grub pa min// yang tig bkol pa las/ sgrub pa dang las la sbyor ba'i le'u ste drug pa'o//// de nas yang dag bshad bya ba// shin tu drag po'i rnal 'byor pas// sbyor ba kho nas sgrol bar bya// de yang thabs mchog bdun du 'dus/ / bsgom pa'i gnyen po lha gsal dang// las su rung ba ma yengs dang// sku gsal dbang bsdu las gzud dang// btsud nas rbad pa'i sngags bzlas shing// zhe sdang 'bar ba'i dkyil 'khor nas/ / gsad pa'i zhe sdang 'bar dmigs shing// ma mos mtshon cha sna tshogs kyis// gsod par dmigs te thun du brdeg/ sgrol ba lung gi zhe sdang ngo// ma mos shin tu sgrol ba'i las/ khrag rtsa spyi bor la nas kyang/ / rnam par shes pa 'byed par bsgom// thod pas thod pa 'jigs par bsgom// ma mos 'khor ba lam la gnas// mdog dang mthun pa'i nad 'gyed na// 'jog pa khrag med zhes kyang brjod// snying nas mdun na bad kan rtsa/ / nam mkha'i ma mo rlung nag dang// bad kan de las skye bar dmigs// snying nas g.yas na khrag gi rtsa// sa yi dbang byed ma mo'i rtsa/ khrag ni de las 'byung bar dmigs// rgyab na gnas pa sa tshogs rtsa/ / 'byung ba rlung gi ma mo des// sna tshogs nad kyi gnyis 'byung dmigs// g.yon na gnas pa mkhris pa'i rtsa// 'byung ba chu yi dbang mo des// mkhris pa kun ka gnyis 'byung dmigs/ / yid kyi 'dzin phur 'debs pa la// zlog pa he ru kas mi bzlog/ drag po'i rgyu dus dal te bzlas// gsang ba'i dngos grub nges par 'byung// sngags ni rna dbang thos mi rung// yid dag lkugs pa'i tshul du bzlas/ / sgra ma nyams na dngos grub 'byung// bsgral ba ci ltar 'dod pa drug/ bskang ba byang chub sems dang ni// bdud rtsi dmar gyi ar+g+haM dang// zla shi nya dang tshes brgyad dang// nyi shu gnyis dgu gnam stong bskang/ / byes su 'gro na lus la bcang// dgra byung mdun du gtong bar bya// nub mo bag phab khyim la brgyag/ bred par gyur na mi 'grub ste// de ni bsgrub pa'i dgos pa ste// rtags ni mod la 'byung bar bshad/ / bdun dang ldan pa'i sbyor ba'i rdzas// 'phangs na tshangs pa nyid kyang dkrongs// yang tig bkol ba'i las sbyor ba'i le'u ste bdun pa'o//// de nas yang dag bshad bya ba// las res thams cad bsgrub pa la/ / las kyi sbyor bas grub pa yin// thun gyi sbyor ba mchog tu bshad// rnam par sbyar ba'i snying por bshad// sna la gtad pa'i sbyor ba ni// ma dang bdud la gtad par bya// gson khrag gsum la tshogs gsum gcad/ / snel gri'i thod par blugs la gnan// gcig la spyi gtor dag la gtang// nyung dkar bcas pa de// ma mo'i gtor ma dag la gtang/ ma ma sha sha b+h+yo/ ma ma hring hring b+h+yo/ ma ma tsit+ta dz+wa la yaM/ snying zan ma b+h+yo/ ma ma kha 'dar ma b+h+yo/ reg mo khrag tig ma ma b+h+yo/ reg mo snying kha rag mo b+h+yo/ reg mo kro ma tsa la kro ma tsa la b+h+yo/ reg mo ma shan ting ma b+h+yo/ reg mo dgra bo snying la b+h+yo/ reg mo dgra bo sha rgyud la b+h+yo/ snying rgyud dbugs la b+h+yo/ rtsa rgyud srog la b+h+yo/ yang tig khrag dang nyung dkar bcas// yag mo kro ma tsa la/ yag mo kro ma tsa la chum chum thum ri li ri li/ reg mo kha ri la b+h+yo/ reg mo chu ta dz+wa la ram b+h+yo/ reg mo kha gtang kha snying la ril/ reg mo his ta rbad/ thum ri li ri li b+h+yo/ reg mo sha la dza dza/ reg mo dbugs la dza dza/ reg mo snying la dza dza b+h+yo/ srog mo dza dza b+h+yo/ a baM tsa ra sa sbas pa yin/ snying po gyis sbas dgongs/ oM badzra rag sha thun de b+h+yo/ oM badzra murtan tra b+h+yo/ ma rak+sha b+h+yo/ snying rtsa ta ma b+h+yo// che ge mo'i snying la ya/ dun+ti reg mo dun b+h+yo// ru rag trag ma traM du b+h+yo// sha ma sha tri mar du b+h+yo// ru snying khag kha rag sha ni b+h+yo/ / ru snying khrag kha rag sha ni b+h+yo// nr-i sha ku ru ni ru ru rbad b+h+yo// trag rag sha mu tri ni b+h+yo// des kyang stong khram mthar phyin 'gyur// des kyang gal te ma grub na// nyams pa dgra bo 'dul la gtang/ / mi med lha khang stong pa ru// rin chen sna tshogs snod du ni// nas dang gro dang 'bru sna tshogs// rin chen sna tshogs sbyar ba yi// gtor ma byas la lug gi ni// rje ngar gtubs te blugs par bya// bag phye'i mi gzugs sor bcu gnyis/ / dbang po lags btod ming dang rus// shing shun dag la snying gar glan// gra phying gtsang ma mthing nag gur// nang du gzugs bcas gzhag par bya// stong dmigs de la rta mgrin bskyed/ / che ba'i nga rgyal bdud rnams bod// bdun tri mar zung/ hri du sang tri/ dri tri shom/ hri dan dza/ che ge mo dza dza/ ya ya thib thib/ ces stong bzlas/ de nas bdud 'ong bstim par bya// gtor ma byin brlabs bdud la gtad/ / gtor ma gzugs dang glud bdag gsum// bud med zhabs mas gtums nas kyang// chu dang grog po phug rdug dang/ lam gyi bzhi mdor gnan par bya// chu dang lung pa sab sub dang/ / ri rab grog po'i bar la mnan// mang 'dus sar ni shin tu 'bad// yang tig bkol ba'i le'u las/ dgra bo ma mo dang bdud la gtad pa'i le'u ste brgyad pa'o//// de nas yang dag bshad bya ba/ / bsdig dang dbang du bsdu ba'i phyir// ma dang bdud kyi ltas ngan dbab// mdun sa ldan pa dag gis blang// gro ba cog sa gsum bsres la// glud chen chag gang ba byas te// gang 'dod ltas ngan spu yis brgyan/ kha dog ming rus bsreg 'dod na// dgra yi ming rus dur mchad de// ma mo rgyu ba'i dus dag tu// dmar gyi gtor ma bdud rtsi dang// sngags pa kha ni byang phyogs bltas// ltas ngan rdzas kyang de ltar bstan/ / skur bskyed spyan drang mchod bstod de// ma mo'i snying po stong du bzlas// srog 'phrog ma dang dbugs 'phrog ma// tshe 'phrog ma yis ltas ngan 'bebs// ma ma snying kha rag ma snying la ka dang ri ma srog rtsa la ya/ ma sbugs tsit+ta la ya/ ma snying kha rag ma/ snying kang ka ba ri/ ma ma snying tsa ta la ya/ ma sbugs tsit+ta la ya/ ma ma tsi ta ya/ phyogs bzhir gtad/ ngan sngags dgos pa tshul bzhin bya// des kyang gal te ma phebs na/ / bdud kyi ltas ngan dbab pa bstan// nya gsum dus su bde ba yi// rgyal po'i mdun sar phye phud la// zan byas khrag sna snying sna gsum// rin chen sna bdun las byas pa'i// gtor ma dra phyir steng du gzhag/ smyug ma tshigs gsum srin byas bsgron// ltong de la ni ltas ngan bri// bdud rnams thams cad bskul ba ni// snying po bzlas la ltong du gzhug/ bdag nyid rta mgrin bsgom par bya// ti kha kha thun smyug tri bdud tri/ bdud ma te bskyol// mar dung bir ser ya chom// phong sa ma ya/ ma ma ya tra dza dza/ stong bzlas kha ni ba gzan gcad// gzhu bdungs dgra bo'i phyogs su 'phang// phyi nang gtor ma de bzhin btang/ / rang gis dmos kyang gzung// ya tri tri du na rag du myags// bdud la bsgo ba sna tshogs bya'o// srod dang tho rangs ltas ngan 'byung// smyo 'bog brgyal nas smyo bar 'gyur// yang tig bkol ba las/ dgra bo la ma mo dang bdud kyi ltas ngan dbab pa'i le'u ste dgu pa'o//// de nas gzhan yang bstan pa ni/ mthing nag gur chen phub pa la/ dra phying gtsang ma gding bya ste// 'khor lo rtsibs bzhi'i rtsibs mchan na/ / sa gzhi'i shwa na bzh-i po dgod// dgra bo'i gzugs kyang 'bru la bya// shing shun ming rus snying gar glan// gtor ma cha rkyen ldan par brtsam// de bzhin kun snang rgyu bsgom pas// 'od las mu kha le nyid dang/ / phyogs mtshams ma nor gsal bar bsogs// sngags bzlas sku yang gsal bar bsams// byin brlab dbang bskur mchod pa 'bul// gzugs la bstim nas snyoms 'jug bya'o// ru snying kha kha la rag sha rbad thum ri li li b+h+yo/ snying kha la rag shan sha sti sta rbad thum ri li li b+h+yo/ nr-i sha ku ru rag ta kha kha raM ku ru thum ri li li b+h+yo/ trag rag+sha kha mun tra ma b+h+yo/ grangs med bzlas la 'di ni dza gdab/ snyoms 'jug gsad po'i ma mo yis// thuM ril mdzes mA ra ya/ phung po sha rus za bar dmigs// rnam shes gtan gyi grogs byed bsgom// gzugs ni dug gtor bcug la mnan// gtor ma ma mo nyid la sbyin/ / des kyang mtshon par ma nus na// phung byed ma bzhi sna glan la// sngar bstan bzhi yi snying po bzlas// tsa tra tsa tra b+h+yo/ ru lu ru lu/ a kra ma b+h+yo/ ru lu ru lu/ ma kra ma kra b+h+yo/ ru lu ru lu/ sha kra ma b+h+yo/ ru lu ru lu/ de dus shan pa ma bzlas pa/ tsa le tsa le snying tsa la/ na ge na ge sha la nan/ rlams se rlam se/ khram rlam/ bya dus nyams bstan pa ni/ ra bzhi tshes brgyad sros la 'gyu// 'bring po bco lnga sros la 'gyu/ / tha chung bco lnga mtshams la 'gyu// dus der me khyo mi srid na/ kha dang tha chung lag sor dang// bi rdzi bzhi la srin mo 'gyu// dus der sna glan la sogs bya// las kyi sbyor ba bya bar bshad// sna glan pa dang/ bya thabs dang/ nyams len bstan pa'i le'u ste bcu pa'o//// yang tig bkol ba'i rgyud rdzogs so////

CLOSE WINDOW