rtsa ba'i rgyud kyi rgyal po bzhugs/ bi rgya gar skad du/ b+ha ga bAn su ga ta sarba sa mu dA ya tan+t+ra ma hA rA dza nA ma/ bod skad du/ bcom ldan 'das bde bar gshegs pa thams cad 'dus pa zhes bya ba'i rtsa ba'i rgyud kyi rgyal po chen po/ bcom ldan 'das dkyil 'khor thams cad kyi mnga' bdag dpal kun tu bzang po la phyag 'tshal lo// 'di skad bdag gis thos pa'i dus gcig na/ 'og min gyi gnas chos kyi dbyings kyi pho brang/ sku gsung thugs gsang ba mchog gi gnas/ ye nas rnam par dag pa'i rgyan gyis brgyan pa/ dpe dang tshad las 'das pa'i sa/ phyi nang med par phyogs bcur 'khrigs pa/ rnam par dag pas bklubs pa/ thog ma dang mtha' ma med pa ye nas rang byung gi gnas na/ bcom ldan 'das dpal kun tu bzang po/ chos kyi sku skye ba med pa spros pa dang bral ba/ don dam pa ma bcos pa'i thig le chen po'i ngang la mnal te bzhugs so// de nas dbyings kyi yum kun tu bzang mo shes rab kyi ngang las bzhengs te/ bcom ldan 'das gsang ba mchog gi bdag po/ dgongs pa chos kyi dbyings na bzhugs pa la/ glu 'dis bskul lo// e ma ho/ stong nyid rnam par dag pa'i klong yangs nas// snyoms pa'i thugs rje 'byung bar mi dmigs kyang// shes rab don dam chos sku dag pa las/ / ma 'gags thabs kyi snying rje nam mkha' ston// hoHzhes bskul to// de nas bcom ldan 'das gsang ba mchog gi bdag po des/ chos thams cad de bzhin nyid mnyam pa chen po zhes bya ba'i ting nge 'dzin la snyoms par zhugs pa dang/ / yum kun tu bzang mos glu 'dis bskul to// e ma ho/ ma ltar byams pa'i snying rje chen po ni// mkha' ltar go yangs 'byed cing kun la khyab// rig pa'i snying rje nam mkha'i dbyings rum nas/ / longs spyod rdzogs pa'i sku mchog bstan du gsol// hoHzhes bskul to// de nas bcom ldan 'das gsang ba gsum gyi bdag po des/ chos thams cad thugs rjes kun la khyab pa zhes bya ba'i ting nge 'dzin la snyoms par zhugs so/ / de nas yang/ yum kun tu bzang mos glu 'dis bskul to// e ma ho// ye shes sku mchog nyi ma lta bu las// sprul pa'i cho 'phrul rdo rje'i gar mdzad cing/ / brjid pa'i sku mchog rdo rje 'bar ba las// thugs rje rol pa'i sku mchog bstan du gsol// hoHzhes bskul lo// de nas bcom ldan 'das gsang ba gsum gyi bdag po des/ chos kyi sku skye ba med pa las/ longs spyod rdzogs pa'i sku/ mtshan dang dpe byad kyis brgyan pa/ sprul pa'i sku dkyil 'khor thams cad kyi bdag por sku bzhengs pa dang/ yum kun tu bzang mo la slar glu 'dis bskul to// e ma ho nga ni rang byung ba'i/ / rigs kyi rigs te rigs kyis gtso// dkyil 'khor kun gyi byed pa po// sangs rgyas kun gyi bdag nyid yin// zhes gsungs so// de nas yum kun tu bzang mos glu 'dis bskul to// e ma ho/ bde mchog bde ba yis// byang chub sems ni rab spros pas// thugs bskul rgyud dbyangs dbyings su thim// byang chub sems kyi thig le gsal// hoH/ zhes bskul ba dang/ yab kyis bskul pa/ e ma ho sangs rgyas thams cad kyi/ / yi ge gsang gi phyag rgya'i tshogs// spros pas gsung bskul rang rgyud dang// bsdus pas chos kyi phyag rgya'i don// zhes bskul pas/ yum gyis bskul ba/ e ma ho/ bde gshegs kun gyi thugs kyi thugs/ / rtogs par dka' ba'i snying po'i don// bde gshegs rnams kyi thugs rgyud bskul// 'gro ba kun gyi shes sa 'grol// thugs kyi phyag rgyar bsan pa'o// zhes bskul nas/ yab yum gnyis su med pa'i mkha' nas/ bde bar gshegs pa'i 'khor rgyal ba rgya mtsho gzhal yas khang dang bcas pa sprul to// de yang bde bar gshegs pa thams cad kyi gnas pho brang lhun gyis grub pa/ rgyu bsod nams dang 'bras bu ye shes kyi tshogs rdzogs shing/ thugs rje chen pos thams cad la khyab pas mtha' dang dbus med pa kun tu rgyas shing/ rgya yongs su ma chad pa/ stong pa nyid dang/ mtshan ma med pa dang/ smon pa med pa dang/ 'dus ma byas pa'i phyir ye shes kyi sgo bzhi dang ldan pa/ rnam par thar pa brgyad kyi ka ba dang bcas pa/ gcig dang du ma dang bral zhing spros pa med pas dkyil 'khor zlum po/ chos kyi 'khor lo 'gro ba yongs la bskor ba'i phyir/ kun gyi pho brang ye shes kyi 'khor lor gnas pa/ yon tan gyi tshogs ma lus pa rgyas shing/ thugs rje'i rlabs dang ldan pas/ ye shes kyi dkyil 'khor las/ 'od zer sna tshogs 'phro ba/ ye shes chen po mnyam pa nyid las mi 'da' bas tA la'i ljon shing dang/ sems can gyi re ba yid bzhin du skong bas/ dpag bsam shing gis brgyan pa/ thams cad la dbang bsgyur ba'i phyir/ lha chen po rnams kyis bskor ba/ mi shigs shing mi 'gyur bas rdo rje'i ra ba dang/ nyon mongs pa bsreg pa'i me ri 'bar ba'i ra bas yongs su bskor ba sprul to// de lta bu'i ye shes lnga dang sku gsung thugs kyi yon tan bsam gyis mi khyab pa'i gzhal yas khang der/ lha thams cad kyi gnas su/ rang bzhin gyi ye nas 'od gsal ba'i nyi zla'i gdan dang/ ma chags pad+ma'i gdan/ sa bon gyi tshul gyis 'phros par gyur to/ / khyad par du mi 'jigs pa bzhis bdud bzhi 'joms pa'i rtags su/ dbus su seng ge'i khri dang// stobs bcu dang ldan zhing mi dge ba bcu 'dul ba'i rtags su/ shar du glang po che'i khri dang/ rdzu 'phrul gyi rkang pa bzhis 'gro ba 'dul ba'i rtags su/ lhor rta'i khri dang/ dbang bcu mthar phyin pas rgyal ba'i rtags su/ nub tu rma bya'i khri dang/ phrin las rnam bzhis 'gro ba 'dul ba'i rtags su/ byang du shang shang gi khri dag sprul zhing bkod do// der bde bar gshegs pa rigs lnga/ byang chub sems dpa'i tshogs dang bcas pa sprul te/ chos thams cad bdag med pa dang/ byang chub kyi sems dag pa'i phyir/ de bzhin gshegs pa'i rigs sku mdog dkar po/ de bzhin nyid la cis kyang bsgyur du med pas/ rdo rje rigs sku mdog mthing ga/ yon tan gyi gter zad mi shes shing/ thams cad 'byung gnas yin pas/ rin po che'i rigs sku mdog gser lta bu/ chos nyid chags pa dang/ chags par bya ba med pas/ pad+ma'i rigs sku mdog dmar po/ phrin las thams cad yongs su rdzogs par bya ba'i phyir/ las kyi rigs sku mdog ljang gur gnas pa'o/ / de bzhin gshegs pa de dag kyang// srin po'i 'khor lo rgyun gcod pas/ de bzhin gshegs pa'i rigs kyi phyag na ye shes kyi 'khor lo/ cis kyang mi shigs shing mi 'gyur bas/ rdo rje'i rigs kyi phyag na rdo rje/ dgos 'dod kyi re ba skong ba'i rin po che'i rigs phyag na rin po che dang/ 'khor ba'i skyon gyis ma gos pa'i pad+ma'i rigs kyi phyag na pad+ma/ mtha' bzhi gnon pas las kyi rigs kyis phyag na rdo rje rgya gram bsnams nas/ mnyam pa nyid kyi skyil krung dang/ rdo rje'i skyil krung dang/ rin po che'i skyil krung dang/ pad+ma'i skyil krung dang/ las kyi rigs kyis skyil krung gi bzhugs pa/ so so rang rang gi gdan gyi steng du sprul to// 'khor gyi byang chub sems dpa' dang sems ma rnams ni/ chos thams cad mnyam pa nyid du sbyor bas/ sems dpa'i skyil krung du bzhugs nas/ rang rang gi rigs kyi sku mdog dang phyag mtshan dang rtags rnams so sor 'dzin par sprul to/ / de dag thams cad kyang/ sku mnyen pa dang/ lhug pa dang/ 'khril ba dang/ ldem pa dang/ gzhon tshul can dang/ gsal ba dang/ 'tsher ba dang/ lhun sdug pa dang/ brjid chags pa dang/ gzhan yang thun mong gi rgyan/ dbu rgyan/ rin po che'i 'phreng ba dang/ me tog gi phreng ba dang/ snyan cha dang/ mgur chu dang/ do shal dang/ so mo do dang/ phyag gdub dang/ zhabs gdub dang/ dar gyi cod pan dang/ chos gos dang/ stod g.yogs dang/ smad g.yogs dang/ smad dkris dang/ mdzad pa dar gyi gsang gos dang bcas te/ 'od kyi dkyil 'khor kha dog sna tshogs las/ sna tshogs su 'phro ba lta bus brgyan nas phyogs su 'khod do// de ltar bde bar gshegs pa rdo rje'i rigs dang/ rin po che'i rigs dang/ pad+ma'i rigs dang/ las kyi rigs dang/ de bzhin gshegs pa'i rigs lnga/ so so'i btsun mo dang/ 'khor gyi sems dpa' dang/ sems ma dang/ so so'i 'khor tshogs til gyi gang bu bzhin du bsam gyis mi khyab pa yum kun tu bzang mo'i mkha' nas/ rang rang gi dkyil 'khor dgu rgyan dang bcas pa thon te/ ye shes rang gnas kyi lha tshogs/ snang la rang bzhin med pa/ lham me lhan ne lhang nger gsal bar gyur to// bde bar gshegs pa thams cad 'dus pa'i rgyud las gleng gzhi'i le'u ste dang po'o/ /// de nas bcom ldan 'das dpal rdo rje sems dpas/ bcom ldan 'das dpal kun tu bzang po la 'di skad ces gsol to// e ma ho bcom ldan gsang bdag che/ / rigs kyi rigs te rigs kyi gtso// dkyil 'khor kun gyi byed pa po// bde bar gshegs pa kun 'dus pa'i// zhi ba dam pa rigs brgya yi// sgrub thabs bdag la bshad du gsol// zhes gsol pa dang/ bcom ldan 'das dpal kun tu bzang pos bka' stsal pa// nyon cig khyab bdag rdo rje sems// 'du 'dzi spangs pa'i rnal 'byor pas// dam pa rigs brgya bsgrub 'dod pas// bkra shis yid 'ong dben pa'i gnas/ / shar ri dma' la lho ri gzhol// nub ri mtho la byang ri skyob// mdun na me tog snam bu yod// bya rgyal khu byug sgra yang grags// rtse shing me tog yal ga skye// dri zhim spos kyi ngad ldan pa/ / 'dod pa'i longs spyod bsgrub pa'i gnas// der ni zhi ba rigs brgya bsgrub par bya// dkyil 'khor stegs bu gru bzhi la// dri sna lnga yi chag chag gdab// tshon skud sna lnga'i srad bu yis// thig ni bcu drug dag tu gdab/ / de las dkyil 'khor chen po dgu// 'khor lo rtsibs brgyad gru chad dang// bar khyams sgo bzhi ldan pa la// phyi rim bar khyams sgo bzhi dang// rta babs rgyan dang khor yug ldan/ / tshon sna lnga yis legs par bri// de la phyag mtshan yig 'bru'am// yang na sku yi gzugs brnyan dgod// thog mar byang chub sems bskyed de// yan lag bdun gyi tshogs bsags te// ting 'dzin rnam gsum rim bsgoms shing/ / rgyu yi ting 'dzin 'bras bu las// de nyid byang chub sems su gyur// 'byung lnga yum lnga'i dkyil 'khor dag/ byang chub sems las rim bzhin bskyed// phyag rgya'i dkyil 'khor ldan pa yang/ / bde gshegs lha tshogs bcu phrag bcu// phyag rgya thig le ldan par bsgom// rang sems yi ge a dkar nyid// nyi zla pad+ma'i gdan la lhung// spro bsdu las ni 'khor lor gyur// de yi 'phro 'du'i rang bzhin las/ / dkyil 'khor kun gyi gtso bo la// rnam par snang mdzad kun bzang yum// rigs rnams kun gyi bdag por brtag/ mi bskyod pa dang sangs rgyas spyan// rin chen 'byung ldan gos dkar mo// de bzhin snang mtha' mA ma kI/ / 'dod pa'i don grub dam tshig sgrol// rang gi rigs kyi cha bzung ste// 'dud pa'i tshul gyis 'khor du bskyed// cho ga yongs rdzogs de nas ni// kun bzang rdo rje dbyings phyug ma// 'jam dpal dang ni rin chen dbyings/ / spyan ras gzigs dbang pad+ma'i dbyings// rdo rje 'chang dang las dbyings ma// shar lho nub byang go rim bzhin// dkyil 'khor gtso bor bskyed byas te// rdo rje rin chen pad+ma dang/ / sna tshogs rdo rje'i gzugs 'dzin pa'o// sa snying rdo rje sems ma dang// mkha' snying rin chen sems mar bcas// byams pa pad+ma'i sems mar bcas// sgrib sel las kyi sems ma ni// rin chen snye ma za ma tog/ klu shing pu ti mtshan mar 'dzin// shar lho la stsogs mtshams rnams kyi// dkyil 'khor gyis ni gtso bor brtag/ khyad par so so'i 'khor rnams kun// shar nas bzung ste gong bzhin bskyed// rdo rje sems dpa' rdo rje 'dzin/ / lha mo sgeg pa mo dag dang// rdo rje rgyal po lcags kyu 'dzin// de bzhin bdug pa mo dag dang// rdo rje chags pa mda' dang gzhu// 'dzin cing de bzhin lcags kyu ma// rdo rje legs pa rdo rje dag/ 'dzin mdzad rdo rje me sgron ma// shar gyi dkyil 'khor 'khor lo la// kun tu bzang po'i 'khor du bskyed// rdo rje rin chen rin chen 'dzin// de bzhin du ni phreng ba mo// rdo rje gzi brjid nyi ma'i 'od/ / 'dzin par mdzad dang me tog ma// rdo rje rgyal mtshan zhags pa ma// rdo rje bzhad pa so phreng 'dzin// bde ma rlung g.yab 'dzin pa ni// lho phyogs 'jam dpal dkyil 'khor la'o// rdo rje chos ni pad+ma 'dzin/ / dbyangs mkhan pi wang 'dzin ma dang// rdo rje rnon po gcod pa'i gri// 'dzin mdzad rdo rje mar me ma// rdo rje smra ba lce 'dzin cing// rdo rje lcags sgrog thogs ma dang// de bzhin rdo rje 'khor lo ni/ / 'khor lo 'dzin dag gsal bkra ma// rma bya 'dzin pa nub phyogs kyi// spyan ras gzigs dbang 'khor du'o// rdo rje las ni rgya gram 'dzin// de bzhin rdo rje gar bsgyur ma// rdo rje srung ba go cha 'dzin// phyug pa spos kyi chu 'dzin ma/ / rdo rje gnod sbyin zhes bya ba// mche ba 'dzin cing dril 'khrol ma// rdo rje khu tshur 'dzin ma dang// 'bebs ma bum pa'i chu 'dzin rnams// byang gi dkyil 'khor 'khor lo la// phyag na rdo rje'i 'khor du'o/ / rdo rje rgyal mtshan chu srin 'dzin// bde ba rgyas 'debs kha T+wAM ga/ dbang phyug rgyal po lcags kyu 'dzin// bde ba za byed mda' dang gzhu// bkod pa'i rgyan ni me tog 'dzin// bde ba rmongs byed phyag rgya bsnol/ / rin chen 'od 'phro rin chen dang// bde ba tshe 'phel dril 'khrol ma// shar lho mtshams kyi dkyil 'khor du// sa yi snying po'i 'khor du bskyed// snang ba'i 'od ni rdo rje 'dzin// khrus kyi lha mo bum pa 'dzin/ / phyag rgya'i rgyal po mda' gzhu nyid// 'dzin mdzad rgyal mtshan lha mo dang// spos kyi glang po za ma tog/ 'dzin mdzad bla bre'i lha mo dang// spobs brtsegs kun 'dren lcags kyu ni// 'dzin dang gdugs kyi lha mo rnams/ / lho nub mtshams kyi dkyil 'khor du// nam mkha' snying po'i 'khor du'o// pad+ma'i rgyal po pad+ma 'dzin// lha mo pad+ma dpal be'u ste// pad+ma dam pa kha phye ba'o// lha mo 'jigs byed 'khor lo 'dzin/ / rdo rje mi g.yo po ti 'dzin// skyon bral phyag na pad+ma'o// thogs med rgyal po lcags kyu dag/ 'dzin mdzad rnam rgyal lha mo ni// rgyal mtshan thogs pa nub byang gi// byams pa'i 'khor du bskyed par bya/ / rin chen dpang sdud rin po che// lha mo skyab can gdugs 'dzin cing// grub pa'i las kyi rgya gram gyis// rin chen 'dzin cing lha mo ni// dri med ma yi bum pa 'dzin// dga' ston me long rgya gram 'dzin// lha mo sgra sgrogs dung 'bud pa'o/ / mi g.yo'i mtha' ni bsam gtan mdzad// lha mo thogs med gser nya 'dzin// byang shar mtshams kyi dkyil 'khor du// sgrib pa rnam sel 'khor du bskyed// sems dpa'i dkyil 'khor 'di dag kun/ / gtso bo rigs kyi mdog yin te// dkyil 'khor bye brag re re la// rigs kyi sku mdog so sor bsgom// dkyil 'khor phyi yi bar khyams la// shar stod lha yi thub pa ni// dkar po pi wang 'dzin pa bskyed/ / shar smad lha min thub pa ni// sngon po phyag na go mtshon bsnams// lho phyogs mi yi thub pa ni// ser po gser shang par bu 'dzin// nub stod byol song thub pa ni// nag po po ti 'dzin par byed/ / nub smad yi dwags thub pa ni// dmar po rin chen sgrom bu 'dzin// byang du dmyal ba'i thub pa ni// ljang gu me dang chu bsnam pa'o// shar sgor rdo rje lcags kyu ma// lho sgor rdo rje zhags pa ma/ / nub sgor rdo rje lcags sgrog ma// byang du rdo rje dril 'khrol ma// rigs kyi mdog dang ldan pa ni// so so'i gnas su bskyed par bya// de ltar bde gshegs thams cad kyi// sku bskyed de nas spyan drangs la/ / bzhugs su gsol te phyag kyang 'tshal// phyi nang mchod pa ci 'byor dbul// bstod de gsol ba gdab nas ni/ sngags kyi bzlas pa'i 'phro 'du bya// A+oM A li kA li dz+nyA na pany+tsa sa twa kro ta mu na ye swA hA/ thog mtha' A+oM dang phaT bzhag nas/ / bar na yig 'bru bcu bzhi gnas// dam pa rigs brgya 'dus pa'i sngags// thams cad 'grub par byed pa yin// sku gsung thugs kyi dngos grub 'thob// phyogs bcu dus gsum bde gshegs rnams/ / nges don dam pa rigs brgyar 'dus// bde gshegs kun gyi dngos grub 'thob// ces gsungs so// bde bar gshegs pa thams cad 'dus pa'i rgyud las/ dam pa rigs brgyar sgrub pa'i thabs bstan pa'i le'u ste gnyis pa'o/ /// de nas dpal rdo rje sems dpas yang zhus pa// kye ma gsang bdag kun tu bzang// gdul bya 'dod chags can dag la// bde gshegs sangs rgyas bzhi bcu gnyis/ / ye shes bskyed pa'i sgrub thabs gang// bcom ldan 'das kyis bka' stsal pa// zhi ba sangs rgyas bzhi bcu gnyis// rnal 'byor skal ldan bsgrub 'dod na// dben zhing dgon pa'i gnas dag tu/ / dkyil 'khor 'khor lo rtsibs bzhi la// rin chen ka ba brgyad kyis mdzes// lhag pa'i ye shes glo bur can// khyams dang sgo khyud rnam par mdzes// dbus su pho brang zlum po la// chu shel dag la hUM gnas pa/ / dmigs pa'i rten du mkhas pas bzhag/ ras bal stan la 'dug nas ni// shar gyi phyogs su kha bltas te// yul gsum gsal bar gyur pa dang// rin chen 'bar ba'i gzhal yas khang// phyi nang med par kun tu gsal/ / seng+ge glang chen rta dang khyung// nam mkha' lding gi khri steng na// nyi zla pad+ma rin po cher// rnam snang rdo rje sems dpa' dang// rin chen 'byung ldan snang mtha' yas// don yod grub pa rigs mchog lnga/ / kun bzang yab yum 'dod las chags// sems dpa' sems ma mchod tshul can// sa snying nam mkha'i snying po dang// spyan ras gzigs dbang kun tu bzang// dung ltar dkar ba de dag kyang/ / rin chen myu gu ral gri dang// pad+ma rin chen snye ma 'dzin// phyag na rdo rje dril 'dzin ljang// byams pa dmar skya g+hu d+he'o// sgrib sel mdog sngon po ti 'dzin// 'jam dpal dkar ljang ut+pa la/ / lA s+ye sngon mo me long 'dzin// mA le ser mo rin chen phreng// pi wang rgyud 'dren gIrti dmar// nirti ljang gu cod pan 'chang// me tog ma dang bdug pa'o// mar me dag byed dri chab ma// gnyis med dbyings kyi ngang du 'khril/ / thub drug ta kr-ita sgo ba brgyad// thod dbyug rnam rgyal gshin rje gshed// stobs chen rdo rje rtse gsum mo// rta mgrin thod sprul pad+ma 'chang// sna tshogs rdo rje bdud rtsi 'khyil// ro langs mi pham ral gcig ma/ / khro gnyer ma ste yum 'di dag/ lcags kyu zhags pa lcags sgrog dril// rim bzhin thogs pa phyogs kyi mdog/ 'od zer 'bar ba'i tshogs chen po// 'bar ba'i phreng bas 'khrigs pa'i 'od/ / zhi ba'i tshul dgu bstan pa yis// chags pa can la dngos grub ster// A+oM bo d+hi tsit+ta ma hA su kha dz+nyA na d+hA tu a/ thog mtha' oM dang AHbzhag nas// bar na bcu gnyis grangs mdzes pa// bzhi bcu rtsa gnyis snying po yin/ / de nas stong nyid yin shes ni// rang gi sems su rnam par brtag/ rtag pa'i spyod lam la zhen pa// snang la ma zhen sgyu mar gnas// dag pa'i yul du longs spyod byed// rang gi sems las byung bar rdzogs/ / rnal 'byor yo byad rnam gnyis so// rang las byung zhing rang las spyod// des na rnal 'byor dbang phyug che// gsang ba'i sgra gsum sod pa dang// 'jigs pa'i bdud bzhi chom gyur nas// 'gro drug g.yang sa chod pa yi/ / tshad dang ldan par gyur pa na// sangs rgyas bzhi bcu rtsa gnyis brtag/ bde gshegs kun gyi ngo bo ste// rang las byung zhing rang las grol// zhes gsungs so// bde bar gshegs pa thams cad 'dus pa'i rgyud las/ zhi ba bzhi bcu rtsa gnyis sgrub pa'i thabs kyi le'u ste gsum pa'o//// rdo rje sems dpas yang zhus pa// e ma spyi dpal kun tu bzang// de nyid rigs lnga sgrub pa'i thabs// nyon mongs rnams kyis gnyen po che/ / legs pa nyid du bshad du gsol// spyi dpal chen pos bka' stsal pa// de nyid rigs lnga bsgrub 'dod pas// yid 'ong dben pa'i sa phyogs su// maN+Dal byi dor gnas nas su/ / bdud rtsi rnam lngas chag chag gdab// dpa' bo 'bru lnga'i dmigs rten dgod// yul gsum gsal bar gyur pa dang// dkyil 'khor 'khor lo rtsibs bzhi la// gru chad sgo bzhi rgyan gyis mdzes// phyi nang med par kun tu gsal/ / seng+ge glang rta rma bya khyung// nyi zla pad+ma'i gdan stengs su// dbus su rnam par snang mdzad de// shar du rdo rje sems dpa' la// lho ru rin chen 'byung ldan yin// nub tu snang ba mtha' yas so/ / byang du don yod grub pa ste// rang rang rigs kyi kha dog la// 'khor lo de bzhin rdo rje dang// rin po che dang pad+ma dang// ral gri g.yas ni rim bzhin 'dzin// g.yon pa kun ni dril bu bsnams/ / yum rnams yab dang gnyis med 'khril// de ltar brtan pa thob pa dang// gsang ba'i snying po lnga yis sbyangs// oM oM hUM swA AHhA yang byung hUM trAM hrIHa// phyogs bcu'i sangs rgyas thams cad ni// don mtshon rgyal ba rigs lngar 'dus/ / rigs lnga dbang po 'bru lngar 'dus// 'bru lnga yi ge ar 'dus shing// de nyid skye med klong du thim// bde gshegs dgongs bcud nges don 'dis// sku lnga ye shes rnam lnga yis/ / dngos grub dam pa 'thob par 'gyur// zhes gsungs so// bde bar gshegs pa thams cad 'dus pa'i rgyud las/ de kho na nyid rigs lnga sgrub pa'i le'u ste bzhi pa'o//// rdo rje sems dpas yang zhus pa/ / spyi dpal chen po kun tu bzang// bde bar gshegs pa kun 'dus pa'i// gsang chen rigs gcig sgrub pa'i thabs// legs pa nyid du bshad du gsol// spyi dpal chen pos bka' stsal pa// nyon cig rdo rje sems dpal che/ / gsang chen rigs gcig bsgrub 'dod pas// phun sum tshogs pa'i gnas dag tu// dkyil 'khor byi dor byas nas ni// dri zhim spos kyis chag chag gdab// mthing ga hUM yig dmigs pa'i rten/ / yul gsum gsal bar gyur pa dang// bdag nyid rdo rje sems dpa' ni// sku mdog dkar po shel ltar dwangs// g.yas pas rdo rje thugs kar 'dzin// g.yon pas dril bu dgu la brten/ / nyi zla pad+ma'i gdan la bzhugs// rgyan dang cha lugs ldan par bsgom// de yi spyi bo mgrin pa dang// snying ga gnas ni gsum po ru// 'khor lo pad+ma rdo rje'i steng// A+oM dang AH dang hUM dag gis// yig 'bru gsum gyi 'phro 'du yis/ / bde gshegs sku gsung thugs bskul zhing// khams gsum sems can thams cad kyi// sgrib pa rnam gsum sbyang phyir bzlas// phyogs bcu'i sangs rgyas de bzhin gshegs/ / rigs brgya rigs lnga ji snyed rnams// gsang chen rigs gcig 'di la 'dus// snying po yi ge 'bru gsum gyis// sku gsung thugs kyi dngos grub 'thob// zla gcig zla drug bcu gnyis kyis// lhun gyis grub pa'i sa la sbyor/ / gdeng chen thob pa zla ba gcig/ brtan pa thob par zla ba drug/ stobs su gyur pa bcu gnyis yin// mthun par kun la spyod la 'jug/ dngos grub 'thob par gdon mi za// zhes gsungs so/ / bde bar gshegs pa thams cad 'dus pa'i rgyud las/ gsang chen rigs gcig sgrub pa'i thabs kyi le'u ste lnga pa'o//// rdo rje sems dpas yang zhus pa// e ma spyi dpal kun tu bzang/ / rigs lnga'i bye brag de dag rnams// rnam par phye ste bsgrub pa gang// phyi ma'i don du rim bzhin gsungs// kun tu bzang pos bka' stsal pa// nyon cig rdo rje sems dpa' che// rnam par snang mdzad de bzhin gshegs/ / de bzhin rigs mchog bsgrub 'dod pas// hUM chen gser gyi mdog 'dra ba// de bzhin rigs kyi sa bon te// sna yi rtse la gtad par bya// dmigs pa yul gsum gsal ba dang/ / mkhas pa rnam par snang mdzad nyid// sku mdog dkar po 'od zer 'bar// gsal 'tsher lhun sdug gzi byin 'bar// phyag na gser gyi 'khor lo bsnams// glang chen seng yin nam bsnol ba'i gdan la bzhugs/ / de ltar gsal zhing brtan pa des// gsang ba'i dgra gsum sod pa dang// 'jig pa'i bdud bzhi chom ma chom// 'gro drug g.yang sa chod ma chod// tshad dang ldan nam mkhas pas brtags// tshad dang ldan par gyur pa na/ / rnam par snang mdzad nyid du brtag/ ces gsungs so// de bzhin rigs mchog bsgrub pa'o// rdo rje sems dpa' de bzhin gshegs// rdo rje'i rigs mchog bsgrub 'dod pas// tshon gang hUM yig shel gyi mdog/ rdo rje rigs kyi sa bon te// sna yi rtse la gtad par bya// de la dmigs pa gsal brtan nas// yul gsum gsal bar gyur pa dang// mkhas pas rdo rje sems dpa' nyid// sku mdog mthing ga 'od chen 'bar/ / g.yas g.yon rdo rje dril bu bsnams// glang chen bsnol ba'i gdan la bzhugs// de ltar gsal zhing brtan pa des// tshad dang ldan par gyur pa na// mkhas pas rdo rje sems dpar brtag/ ces gsungs so// rdo rje rigs mchog bsgrub pa'o// rin chen rigs mchog de bzhin gshegs// rin chen 'byung ldan bsgrub 'dod pas// hUM chen btso ma gser gyi mdog/ rin chen rigs kyi sa bon te/ / sna yi rtse la gtad par bya// de la dmigs pa gsal brtan nas// yul gsum gsal bar gyur pa dang// mkhas pas rin chen 'byung ldan nyid// sku mdog ser po 'od zer 'bar// phyag gnyis rin chen dril bu 'dzin/ / shugs 'chang rta yi khri la bzhugs// de ltar gsal zhing brtan pa des// tshad dang ldan par gyur pa na// rin chen 'byung ldan nyid du brtag/ ces gsungs so// rin chen rigs mchog 'grub pa'o/ / pad+ma rigs mchog de bzhin gshegs// snang ba mtha' yas bsgrub 'dod pas// dmar po hUM gi ngo bo las// pad+ma rigs kyi sa bon te// sna yi rtse la gtad par bya// de la dmigs pa rab brtan nas/ / yul gsum gsal bar gyur pa dang// mkhas pas snang ba mtha' yas nyid// sku mdog dmar la 'od zer 'bar// phyag gnyis pad+ma dril bu bsnams// rma bya bsnol ba'i gdan la bzhugs// de ltar gsal zhing brtan pa des/ / tshad dang ldan par gyur pa na// snang ba mtha' yas nyid du brtag/ ces gsungs so// pad+ma rigs mchog bsgrub pa'o// las kyi rigs mchog de bzhin gshegs// don yod grub pa bsgrub 'dod pas/ / ljang gu hUM gis sa bon las// las kyi rigs kyi sa bon te// sna yi rtse la gtad par bya// de la dmigs pa rab brtan nas// yul gsum gsal bar gyur pa dang// mkhas pas don yod grub pa nyid/ / sku mdog ljang gu 'bar ba la// g.yas pas rgya gram g.yon dril bu// gsal 'tsher lhun sdug gzi byin 'bar// mkha' lding shang shang khri steng na// nyi zla pad+ma'i gdan la bzhugs// de ltar gsal zhing brtan pa des/ / tshad dang ldan par gyur pa na// don yod grub pa nyid du brtag/ ces gsungs so// las kyi rigs mchog bsgrub pa'o// bde bar gshegs pa thams cad 'dus pa'i rgyud las/ zhi ba phyag rgya rkyang par bsgrub pa'i le'u ste drug pa'o//// zhi ba'i skabs te dang po'o// de nas dpal kun tu bzang po de// chos thams cad stong pa chen po/ sku gsung thugs mi dmigs pa mnyam pa nyid kyi ngang la bzhugs pa la/ yum kun tu bzang mo skad cig gis/ gsang ba'i yum khro mo gnam zhal mar gyur nas/ gsang ba'i glu 'di blangs te bskul to// ho yod med stong pa shin tu rnal 'byor mthus// chos kyi dbyings las dam tshig nye bar bzhengs/ / ye shes rgya mtsho rnam par grol ba'i klong// mi gnas mi dmigs chos kyi dbyings nas bzhengs// zhes bskul bas/ dpal kun tu bzang po stong pa nyid kyi ngang las/ che mchog he ru ka'i sku mngon par phyung nas/ gsang ba'i yum gnam zhal ma la gzigs te/ rol pa'i chos sna tshogs mdzad do// de nas yum gyi rol pa chen po'i glu 'dis gsol ba btab bo// tshogs chen gnyis rdzogs don dam dbyings kyi lha/ / longs spyod rdzogs mdzad rol pa chen po yis// che mchog he ru ka bzang dpal chen khyod// thabs kyi rol pas bde chen dbyings nas bzhengs// zhes bskul bas/ cho 'phrul chen po'i rnam pas kun la khyab par mdzad do/ / de nas yang/ yum gyis yab la cho 'phrul 'byung ba'i glu 'dis gsol ba btab bo// ho ye shes sgyu ma rnam par rol pa'i sku// thabs dang shes rab che la mnga' brnyes pa'i/ / thugs rje'i sprul pa mang po 'byung ba'i gnas// bde gshegs bde bar gshegs mdzad sku bzhengs shig/ ces bskul bas/ dpal chen po 'jigs byed 'bar ba'i skur bzhengs so// de nas yum kun tu bzang mo 'khor dang bcas pa de dag thams cad kyis mgrin gcig tu glu 'dis bskul te gsol ba btab bo/ / e ma ho yid bzhin sku mchog nyi ma lta bu las// byams pa'i byin rlabs che mchog gar mdzod cig/ gzi byin sprin phung rol pas bsgyings pa'i sku// thogs med che mchog rol pa'i cho 'phrul ston// e ma ho yid bzhin gsung mchog nyi ma lta bu las// bsnyen pa'i byin rlabs che mchog brjid mdzod cig/ yan lag rgya mtsho mi mdzad bkod pa'i gsungs// seng+ge'i sgra yis gsang sngags rgya mtsho ston// e ma ho ye shes snying po nyi ma lta bu las// ye shes byin rlabs che mchog de mdzod cig/ thig le spros bral rnam par mi rtog thugs// rnam grol de nyid nges pa'i cho 'phrul ston// mi shes blun rmongs 'dam byings 'khor ba rnams// sdug bsngal rgya mtshor bcings pa thabs kyis grol// ma rig mun pas ldongs pa don gyis phye/ / 'khor ba'i rgya mtsho rol pa'i rlung gis sgrol// nad dang mthun pa'i sman btang ji bzhin du// gdul bya'i don du sku bzhengs 'gro ba sgrol// zhes bskul lo// de nas 'jigs byed chen po dpal chen he ru kas/ chos nyid gdal ba chen po'i ngang// kun gzhi ye nas 'das pa'i dbyings nyid las/ skye ba'i cho 'phrul du ye shes lnga'i rang bzhin/ yum gyi mkha' klong rnam par dag pa 'byung ba rnam pa lnga brtsegs pa ni/ e yaM ra suM keM raM/ kun stong nam mkha'i rang bzhin yi ge e yis mtshan pa dang// 'jig rten 'degs byed rlung gi dkyil 'khor yaM gis mtshan pa dang/ thams cad skyed byed khrag gi rgya mtshor yis mtshan pa la 'dod khams gnas ris nyi shu rdzogs par gsal/ 'degs byed brtan pa'i zhing chen gyi sa gzhi sum gyis mtshan pa la gzugs khams gnas ris bcu bdun rdzogs par gsal ba/ / 'byung ba drod snyoms bskal pa'i me ri ram gyis mtshan pa dang/ 'jig rten rten byed kyi ri rab keM gyis mtshan pa la/ gzugs med skye mched mu bzhi rdzogs par gsal ba/ keng rus ri rab chen po'i kha bad la/ rin po che mu tig 'bar ba bkram pa la/ nyan thos kyi theg pa yongs su rdzogs pa/ rin po che asma gar b+ha 'khrigs pa la/ rang sangs rgyas gyi theg pa yongs su rdzogs pa/ nor bu rin po che 'bar ba'i brag gtams pa la/ byang chub sems dpa'i theg pa yongs su rdzogs pa/ de lta bu'i steng na ye shes lnga dang ldan pa b+han+d+ha 'bar ba'i gzhal yas khang/ mtha' dbus med par kun tu khyab pa/ tA la'i skyed shing dang gser gyi cong cong 'khrol ba/ dkyil 'khor chen po theg pa yongs su rdzogs pa dgu dang ldan pa/ brjod par dka' ba'i dur khrod chen po/ rak+ta'i rba klong 'khyil ba/ rus pa'i phung po 'khrol ba/ khrag zhag gi zham chu 'bab pa/ b+han+d+ha gsar rnying brtsegs pa/ lha chen po tshangs pa'i ka gdung/ lha bran gyi dral grab/ zhing gi rkang rtsib kyi dral bu/ zhing lpags kyi thog phub pa/ zhing chen rlon pa'i 'phan gdugs/ rgyu ma'i lda ldes brgyan pa/ dra ba dang dra ba phyed pa dang/ rta babs chen po bzhi pa/ dur khrod kyi me ri dmar nag dang/ rdo rje'i ra bas bskor ba la/ sngags kyi theg pa yongs su rdzogs pa/ dbus kyi pho brang rdo rje'i brag chen gtams pa la/ pad+ma dmar po 'dab ma stong du ldan pa la/ rnal 'byor gsum gyi theg pa yongs su rdzogs pa/ de ltar ma chags pad+ma 'bar ba'i khar/ thabs dang shes rab nyi zla'i steng du/ lha brgyad klu brgyad bsnol ba'i gdan la/ byol song gtso bo brgyad kyi khri bshams pa ni/ dpa' gtum chen po stag gi khri dang/ 'jigs byed chen po seng+ge'i khri dang/ gdug pa chen po gzig gi khri dang/ gtum pa chen po dom gyi khri dang/ stobs kyi rgyal po glang po che'i khri dang/ brjid pa'i rgyal po ma he'i khri dang/ 'jigs par byed pa chu srin gyi khri dang/ zhe sdang gi rgyal po sbrul gyi khri ste/ khyad par ngo mtshar rmad du byung ba'i byol song chen po brgyad kyi khri steng du/ srid pa'i 'khor lo log pa'i lam gyi dra ba gcod pa'i 'khor lo'i gdan la/ chos kyi sku las longs spyod rdzogs pa'i sku dpal che mchog he ru ka zhes bya ba/ dbu nyi shu rtsa gcig dus gsum gyi sangs rgyas kyi sa rnams yongs su gnon pa/ phyag bzhi bcu rtsa gnyis kyi g.yas dang g.yon zhi ba'i lha bzhi bcu rtsa gnyis/ yab yum thabs dang shes rab kyi tshul du bsnams pas/ sangs rgyas thams cad kyi yang rje bor gyur pa/ rgya bye chen po lcags kyi chas dang/ bse khrab dbang gi chas dang/ gcan gzan gzig gi chas dang/ sprul pa rdo rje chas dang/ bdug pa sbrul gyi chas dang/ dbang po stag gi chas dang/ gzi mdangs zhing lpags kyi chas dang/ dmar gsal khrag gi chas dang/ rtsal chen seng+ge'i chas dang/ gtum pa dom gyi chas te/ dpal gyi chas bcus brgyan pa'i skur yongs su bzhengs so// de ltar 'jigs byed chen po'i sku dang gzhal yas khang la chos thams cad yongs su rdzogs pa la yum dang 'khor rnams kyis 'di skad ces bstod do/ / e ma ho/ chos kun sku la yongs rdzogs chos kyi sku// sprin med mkha' la skar tshogs brgyan pa'i sku/ / rdzogs pa chen po'i che mchog he ru ka/ rdo rje phyag 'tshal he ru ka dpal la'o// zhes bstod pas/ yab che mchog gis yum khro mo gnam zhal ma la dgyes pa chen po'i mdangs kyis gzigs te/ yum gyis sku la dgyes pa'i mchod pa phul bas/ yum gyi mkha' las byang chub kyi sems kyi 'od zer las/ sprul pa'i khro bo bsam gyis mi khyab pa phyogs bcu thams cad du 'phros pas/ 'jig rten gyi dregs pa can lha chen po nyi shu rtsa gcig las stsogs pa thams cad bsgral te/ btul zhing tshar bcad nas/ slar phyogs mtshams brgyad du 'dus pa las/ shar du thugs las sprul pa badzra he ru ka zhes bya ba dang/ lhor sku las sprul pa'i gshin rje gshed po zhes bya ba dang/ nub tu gsung gi sprul pa dpal rta mgrin dang/ byang du phrin las kyi sprul pa rdo rje gzhon nu dang/ shar lhor brjid pa'i stobs can bla med he ru ka dang/ nub byang du 'jigs pa'i stobs can dregs pa kun 'dul ba dang/ byang shar du gyad kyi stobs chen gyi sprul pa stobs ldan nag po dang/ lho nub rig 'dzin rdo rje chos las stsogs/ so so'i 'khor tshogs yum dang bcas pa 'dus te/ khams gsum srid gsum thams cad 'jigs par byed pa khro bo'i tshogs pho brang dgu dang bcas pa/ yab yum gyi mkha' las sprul te gsal bar gyur to/ / bde bar gshegs pa thams cad 'dus pa'i rgyud las/ khro bo mngon byung gi dkyil 'khor sprul pa'i le'u ste bdun pa'o//// de nas rigs bzhi'i he ru kas/ dpal chen po la phyag dang bskor ba byas te zhus pa/ e ma spyi dpal he ru ka/ sangs rgyas kun gyi yang rje bo// shin tu khro zhing gtum pa yi// gdug byed log lta can rnams la// zhi bas phan par mi 'gyur te// sangs rgyas thugs rje khros pa yis/ / 'khor ba'i gnas ngan ji ltar 'dul// dpal chen yab kyis bka' stsol cig/ de skad gsol pa gsan nas kyang// che mchog yab kyis bka' stsal pa// nyon cig rigs bzhi'i he ru ka/ dregs pas khengs pa'i rU tra rnams/ / zhi bas thul bar ma gyur nas// sangs rgyas thugs rje khros pa ni// thams cad 'jigs pa'i mchog yin te// 'jigs byed chen po'i dkyil 'khor du// bka' bzhin du ni bsgrub par bya/ / gang zhig khro bo bsgrub pa'i gnas// dur khrod chen po rab 'jigs pa// gnam sa gru gsum bar gnas pa// ri ni sog po khros pa 'dra// shing dang gcan gzan rgyu ba'i gnas// rab tu 'jigs pa'i gnas de ru/ / dur khrod sa la maN+Dal bya// bdud rtsi lnga yis chag chag gdab// ba su ta yi skud pa yis// thig ni bcu drug dag tu gdab// de las dkyil 'khor chen po dgu// kun kyang 'khor lo rtsibs bzhi la// gru chad bar khyams sgo bzhir ldan/ / de dag phyi khyams sgo rnams dang// sgo rgyan lcags ri ldan pa ni// tshon sna lnga yis legs par bri// dur khrod rgyan dang mchod pa'i tshogs// dkyil 'khor rgyan rnams legs par dgod/ / rdul tshon dkyil 'khor de dag kyang// so so'i lha tshogs ldan par bsgom/ khyad par byol song khri steng du// ye shes sems dpa' 'bab gyur te// spro bsdu cho ga gsum sbyor bas// bdag nyid che mchog he ru ka/ sku mdog smug nag 'bar ba la// 'jigs pa'i dbu ni nyi shu gcig/ bde gshegs zhi ba bzhi bcu gnyis// phyag tu bsnams nas zhabs brgyad bgrad// dur khrod 'jigs pa'i chas kyis brgyan// rngam brjid skur bskyed mnyes pa'i yum/ khro mo gnam zhal dbyings phyug ma// dbu dgu phyag kyang bco brgyad de// stong pa bco brgyad dbyings dang sbyor// g.yas pa thabs mchog gtso la 'khyud// g.yon pa dung khrag stob byed pa'i/ / yab yum gnyis med sbyor byas te// mkha' las khro bo 'chol bar spro// slar yang khro bo'i sprin bsdus nas// phyogs bzhi mtshams bzhir 'dus pa las// so so'i dkyil 'khor gtso bor bskyed/ / rang rang rigs kyi 'khor rnams kun// gsal zhing ma 'dres rdzogs par dgod// dbus kyi dkyil 'khor chen po ru// gtso bo che mchog yab yum la// che mchog rigs bzhi yab yum dang/ / dregs pa 'dul byed khro bo bcu// ta kr-ita sgo ba bzhi dang bcas// shar gyi dkyil 'khor chen po ru// badzra he ru yab yum la// rigs bzhi khrag 'thung yab yum dang// kau ri ma brgyad phra men ma// gdong mo sgo ma bzhi dang bcas/ / lho yi dkyil 'khor chen po ru// gshin rje gshed po yab yum la// gshin rje gshed bzhi yab yum dang// phyogs skyong gshin rje pho mo dang// gshin rje'i sgo ba bzhi dang bcas// nub kyi phyogs kyi dkyil 'khor du/ / gtso bo rta mgrin yab yum la// bka' nyan phra men sprul pa dang// zil gnon khro brgyad yab yum dang/ pad+ma'i sgo ba bzhi dang bcas// byang gi dkyil 'khor chen po ru// rdo rje gzhon nu yab yum la/ / sra mchog rigs kyi phur pa bzhi/ khro bo bcu dang de yi yum// za byed bcu dang gsod byed de// phur pa'i sgo ba bzhi dang bcas// shar lho mtshams kyi dkyil 'khor du// bla med he ru yab yum la/ / rtag pa'i rgyal mo rnam pa lnga// ye shes las kyi rje mo dang// srid pa'i sman mor bcas pa dang// nub byang dkyil 'khor chen po ru// dregs pa kun 'dul yab yum la// dregs pa'i tshogs kyis bskor ba dang/ / byang shar mtshams kyi dkyil 'khor du// dpal chen stobs ldan yab yum la// sngags bdag 'khor gyis bskor bar byed// lho nub mtshams kyi dkyil 'khor du// rig 'dzin phyag na rdo rje la// sgrub pa'i rig 'dzin brgyad dang bcas/ / dkyil 'khor phyi yi khyams la ni// dbang mo nyi shu rtsa brgyad dang// phyi yi lcags ri dur khrod la// mkha' 'gro sum cu rtsa gnyis dang/ ging chen bco brgyad lang ka dang// ma bdun sring bzhi'i 'bar ma brgyad/ / sa bdag mo ni sum cu gnyis// pho nya drug cu rtsa bzhi dang// 'bum phrag yangs pa'i mkha' 'gro dang// dpal gyi bka' nyan thams cad dgod// de ltar ting 'dzin lha yi tshogs/ / sku bskyed spyan drang bzhugs su gsol// gus pa'i sgo nas phyag 'tshal te// mchod cing bstod la phrin las bcol// tshogs dang lhag ma'i mchod pas mchod// sngags kyi bzlas pa 'phro 'du bya// A+oM badzra tsan d+ha sarba duSh+taM ta ka ha na da ha pa tsa hUM phaT/ / thog mtha' A+oM dang phaT bzhag nas// bar na grong khyer bcu bdun gnas/ khro bo spyi yi snying po yin// sngags kyi dngos grub 'thob par byed// ces gsungs so/ / bde bar gshegs pa thams cad 'dus pa'i rgyud las/ khro bo 'jigs byed chen po'i dkyil 'khor yang dag par spros pa'i le'u ste brgyad pa'o//// de nas dkyil 'khor de dag gi/ bsgrub pa bsdus pa yang dag bshad/ / dben zhing dgon pa'i gnas de ru// bsgrub pa'i dkyil 'khor zhal phyes la// sngon du 'gro ba'i las rnams bya// de nas bskyed pa'i don la 'jug/ dang po de bzhin nyid kyi dbyings/ / gnyis pa kun tu snang ba'i ngang// rgyu yi ting 'dzin rim pa las// 'byung ba lnga yi dkyil 'khor brtseg/ de steng b+h+ruM las gzhal yas khang// rigs rnams so so'i dkyil 'khor kun// kun kyang 'khor lo rtsibs brgyad bcas/ / phyi rol khyams chen gcig nyid la// sgo bzhi rgyan dang dur khrod dang// rdo rje'i ra ba me 'od kyi// rim pa dag gis yongs su bskor// de nas gdan gyi dbye ba ni// dregs pa 'gro drug byol song ste/ / dkyil 'khor de yi dbus su gding// rgyu yi ye shes sems dpa' las// cho ga gsum gyi sbyor ba yis// che mchog he ru'i sku bskyed bya// dbu dgu phyag ni bco brgyad pa// zhabs kyang rnam par brgyad du bgrad/ / rtsa ba'i zhal gsum mthing nag rngams// lhag ma sna tshogs pa yi mdog/ rdo rje kha T+wAM rnge'u chung dang// 'khor lo rin chen pad+ma che// ral gri dgra s+t+wa zhags pa ni// g.yas pa'i phyag tu rim shes bya/ / b+han dmar zhing dbyug thog gshol dang// nyi ma zla ba ri rab dang// chu me rlung gi dkyil 'khor rnams// de bzhin g.yon pa'i phyag na'o// gnam zhal shes rab dgyes par 'khril// dur khrod chas kyis sku brgyan cing/ / 'bar ba'i gar dgur ldan par bskyed// yab yum gnyis med byin rlabs las// mkha' las khro bo 'chol par spro// slar 'dus dkyil 'khor brgyad pa dgod// gtso bo rnams kyi skur brtag bya/ / byang chub sems kyi 'od zer dang// so so'i sngags kyi phreng ba las// dkyil 'khor lha tshogs spro bar bya// gtso bo che mchog yab yum la/ dregs pa phyogs skyong 'dul byed bcu// badzrahe ru yab yum la/ / kau ri phra men brgyad rnams sprau// 'jam dpal gshin rje yab yum la// phyogs skyong bcu gnyis yum dang bcas// pad+ma dbang chen yab yum la// zil gnon khro bo yab yum brgyad// rdo rje gzhon nu yab yum la/ / 'jigs byed khro bo khro mor bcas// bla med he ru yab yum la// ye shes rje mo bcu bzhi'o// dregs pa kun 'dul yab yum la// dregs pa dbang chen sde brgyad bcas// stobs ldan nag po yab yum la/ / drag po sde brgyad 'khor gyis bskor// drug pa rdo rje 'dzin pa la// grub pa'i rig 'dzin rnam pa brgyad// phyi khyams dbang phyug nyi shu brgyad// phyi yi lcags ri khor yug la// mkha' 'gro ging dang lang ka dang/ / ma sring 'bar ma pho nya dang// mkha' 'gro 'bum phrag yangs pa dang// rang bzhin dpal gyi bka' sdod pa'o// de ltar ngo bo gsal bskyed nas/ sku dang gsung thugs byin brlabs shing// ye shes lnga yi dbang bskur la/ / rang bzhin gnas nas spyan drangs te// mchod bstod phrin las bcol bar bya// yang na chos nyid de bzhin nyid// ma bcos rang gsal ngang la bzhag/ yang dag pa yi lam 'di la/ / gang dag 'jug dang mos pa de// lhun gyi grub pa'i las la sbyor// tshe gcig nyid la the tshom med// bde bar gshegs pa thams cad 'dus pa'i rgyud las/ sgrub pa yang dag par bsdus pa'i le'u ste dgu pa'o/ /// de nas yang dag de nyid don// shin tu bsdus te bshad par bya// phun sum tshogs pa'i gnas de ru// 'du 'dzi spangs pa'i rnal 'byor pas// sngon du 'gro ba'i las byas nas// ting nge 'dzin gyi bye brag dang/ / 'byung ba yum lnga'i dkyil 'khor dang// keng rus ri rab rtse brgyad par// dur khrod 'bar ba'i gzhal yas khang// tshom bu dgu yi dkyil 'khor bsgom// dregs pa nyi zla pad+ma'i gdan// kun la khyab par shes par bya/ / gdan steng rgyu yi byin rlabs las// bdag nyid che mchog he ru ka/ mthing nag dbu gsum phyag drug pa// zhabs bzhi gyad kyi dor stabs bgrad// dbus kyi zhal ni sku dang mtshungs// g.yas dang g.yon pa dkar dang dmar/ / rdo rje de bzhin kA pA la'i// bye brag rnam pa gsum gsum nyid// phyag drug gis ni 'dzin par mdzad// dur khrod chas kyis lus la brgyan// gnyis med yum dang lhan cig sbyor/ / bskal pa'i me dpung klong na bzhugs// 'bar ba'i cha lugs 'jigs par bsgom// yab dang yum gyi thugs ka nas// phyogs bzhi mtshams bzhi'i dkyil 'khor du// mthing nag hUM gi 'phro 'du las/ / shar du badzra he ru ka/ gshin rje gshed ni de bzhin lho// nub tu rta mgrin rgyal po ste// byang du rdo rje gzhon nu'o// shar lhor bla med he ru ka/ nub byang dregs pa kun 'dul ba// stobs ldan nag po byang shar du/ / lho nub rig 'dzin grub pa yin// rtsa ba'i dkyil 'khor rtsibs bzhi la// che mchog rigs bzhi yab yum dang// rigs bzhi'i khrag 'thung chen po bzhi// gshed bzhi sbyor ba'i yum dang bcas// las kyi sras mchog bka' nyan dang/ / de bzhin rigs bzhi'i sras mchog dang// dbyings kyi yum dang rig 'dzin bzhi// dregs pa'i sde dpon bzhi bzhi dag/ me long nang gi gzugs bzhin du// snang la ma nges so sor brtag/ gang zhig de ltar goms pa da nga// phrin las rgya mtsho yongs la sbyar// mtshams med spyod pa'i skye bos kyang// bsgrubs na 'grub par gdon mi za// bde bar gshegs pa thams cad 'dus pa'i rgyud las/ bsgrub pa shin tu bsdus pa'i le'u ste bcu pa'o/// khro bo spyir bsgrub pa'i skabs te gnyis pa'o// de nas yang rigs bzhi'i he ru kas zhus pa/ e ma spyi dpal he ru ka/ phyogs bcu'i bde gshegs thams cad kyi/ / yon tan 'dus pa'i sgrub pa'i thabs// dpa' bo chen pos bshad du gsol// de skad gsol ba btab nas kyang// dpal chen yab kyis bka' stsal pa// che mchog yon tan bsgrub 'dod pas/ / dur khrod dben pa'i gnas chen du// dkyil 'khor byi dor byas nas kyang// bdud rtsi lnga yis chag chag gdab/ khrag chen thal chen bsres pa yis// mthig nag hUM yig mkhas pas bri// de nyid dmigs pa'i rten du gzhag/ yul gsum gsal bar gyur pa dang// dur khrod chen po'i gzhal yas khang// 'byung ba rnam pa lnga brtsegs shing// keng rus chen po'i ri rab steng// 'jigs pa'i dur khrod dkyil 'khor ni/ / rtsibs bzhi gru chad khyams dang bcas// sgo bzhi gru chad rgyan ldan la// phyi nang med par gsal ba'i nang// lha brgyad klu brgyad bsnol ba dang// byol song gtso bo brgyad kyi steng// hUM las che mchog he ru ka/ khro mo gnam zhal yum dang bcas// yon tan 'dus pa'i sku yin te// 'khor lo'i dbus su bskyed par bya// bcom ldan rak+sha he ru ka/ smug nag dkar dang dmar ba'i zhal// 'khor lo de bzhin pad+ma dang/ / ti ra'i rgyu zhags 'dab chags khyung// ba su 'dren cing yum dang bcas// shar gyi rtsibs la mkhas pas bskyed// dpal chen g+hu h+ya he ru ka/ ser nag mthing dang dmar ba'i zhal// rin chen thod khrag dgra s+t+wa dang/ / rgyu zhags stong gi 'jig rten rnams// bzung nas yum dang sbyor bar mdzad// lho yi rtsibs la bskyed par byed// bcom ldan b+hi shwa he ru ka/ dbu gsum dmar nag mthing ga dkar// pad+ma b+han dmar 'jig rten dang/ / dgra s+t+wa dang ni gshol bsnams nas// shes rab yum dang bcas pa ni// 'bad pas nub kyi rtsibs las bskyed// bcom ldan yak+sha he ru ka/ ljang nag dkar dang dmar ba'i zhal/ / sna tshogs rdo rje thod khrag bcas// ral gri zhags pa dgra s+t+wa dang// thong gshol thogs nas yum dang sbyor// byang gi rtsibs la bskyed par bya// phyi rim lha yi snam bu la// phyogs skyong 'dul ba'i khro bo bcu/ / 'khor lo tri shUl bsnams pa yi// dkar po'i mdog can shar du'o// dgra s+t+wa thod dbyug thogs pa yi// mthing nag 'jigs pa lho ru bskyed// dmar po spu gri zhags pa can// de bzhin nub kyi phyogs su'o/ / rdo rje rgya gram dril bu 'dzin// ljang gu byang du bskyed par bya// me dbal dbyug to bsnams pa yi// dmar po shar lho'i mtshams la'o// ral gri zhags ldan nag po che// lho dang nub kyi mtshams su ste/ / dmar skya b+han+d+ha rnga yab bsnams// nub byang dag gi mtshams su'o// dgra s+t+wa dang ni rtse gsum 'dzin// mthing ga byang shar mtshams su bskyed// sngo skya mda' gzhu 'gengs pa dang// dud kha tho ba zhags pa bsnams/ / steng dang 'og tu bskyed bya ste// rang gi phrin las mtshan dang ldan// lcags kyu zhags pa lcags sgrog dril// rim bzhin thogs pa'i ta kr-ita bzhi// 'bar gsal rngams pa bskyed byas la/ / gsang sngags 'di yang bzlas par bya// A+oM badzra kro ta ma hA shrI he ru ka hUM phaT/ thog mthar A+oM dang phaT bzhag nas// bar na grong khyer bcu gnas pa// che mchog 'khor bcas snying po yin// sku gsal 'od zer 'phro 'du bya/ / de nyid sems nyid yin shes nas// logs nas che mchog bsgrub tu med// dad ldan 'bad pa'i sgrub pa pos// yon tan rig 'dzin 'thob par 'gyur// bde bar gshegs pa thams cad 'dus pa'i rgyud las/ che mchog yon tan sgrub pa'i le'u ste bcu gcig pa'o//// de nas 'khor gyi nang nas badzra he ru ka bzhengs te 'di skad ces zhus so// e ma spyi dpal he ru ka/ thugs kyi sgrub pa bshad du gsol/ / dpal chen yab kyis bka' stsal pa// yang dag thugs kyi sgrub pa pos// dur khrod chen po rab 'jigs pa// dben pa'i gnas su 'dug nas ni// dkyil 'khor byi dor byas pa la/ khrag chen dag gis chag chag gdab/ / ro ras dag la hUM gnas pa// dmigs pa'i rten du mkhas pas bzhag/ yul gsum gsal bar gyur pa dang// dur khrod chen po rab 'jigs pa// khrag gi rgya mtsho 'jigs pa'i dkyil/ / keng rus chen po'i ri rab kyi// steng na 'bar ba'i klong dkyil na// ye shes chen po'i gzhal yas khang// phyi dang nang med kun tu gsal// 'bar ba'i 'khor lo rtsibs bzhi pa// gru chad khyams dang sgo bzhir ldan/ / thod sprul sna tshogs nyi zlas mdzes// 'bar ba'i khro bo mang po 'khrugs/ khyu mchog ma he stag dang gzig/ gtum pa'i dom gyis sbar bas ni// dbang phyug lha chen la sogs bzung// nyi zla pad+ma zhing gi gdan/ / rim gyis gsal bar bskyed steng du// hUM las badzra he ru ka/ mthing nag dkar dang dmar ba'i zhal// zhabs bzhi brkyangs bskums rab tu bgrad// rdo rje kha T+wAM rnge'u chung g.yas// ti ra'i dbyug pa thod khrag dang/ / rgyu ma'i zhags pa g.yon na bsnams// kro tI shwa rI dgyes par 'khril// de bzhin gshegs pa thams cad kyi// thugs kyi rang bzhin 'dus pa yis// dkyil 'khor gtso bor bskyed par bya/ / bcom ldan bud+d+ha he ru ka/ smug nag mthing ga dmar ba'i zhal// ti ra'i dbyug pa rdo rje khyung// rgyu zhags b+han dmar ba su 'dzin// bud+d+ha kro tI shwa rIr bcas// shar gyi rtsibs la bskyed par bya/ / bcom ldan rat+na he ru ka/ ser nag mthing ga dmar ba'i zhal// rin chen byis dbyug dgra s+t+wa g.yas// ri rab thod khrag thong gshol bsnams// rat+na kro tI shwa rIr bcas// lho yi phyogs su mkhas pas bskyed/ / bcom ldan pad+ma he ru ka/ dmar nag mthing ga dkar ba'i zhal// pad+ma be con dgra s+t+wa dang// ri rab stong gi 'jig rten dag/ 'dzin par mdzad cing yum dang ldan// nub kyi rtsibs la bskyed par bya/ / bcom ldan karma he ru ka/ ljang nag dkar dang dmar ba'i zhal// sna tshogs rdo rje ral gri dang// dgra s+t+wa la sogs de bzhin du// bzung nas karma kro tIr bcas// mos las byang gi phyogs su'o// dkyil 'khor lha yi snam bu la/ / kau seng phra men 'di dag dgod// gau rI b+han dmar byis dbyug sngo// tsau rI mda' gzhu 'gengs ma ser// pra mo chu srin rgyal mtshan 'phyar// be tA byi za rdo 'phyar nag/ puk+ka dmar ser byis rgyu 'dren/ / g+hasma dung dmar khrag 'thung ljang// sma sha mthing nag byi snying za// tsan d+ha ser skya byis lus 'brel// seng ha ser mo zhing za ser// byA grI dmar mo lag bsnol stag/ sri la nag mo byis ldag wa/ / shwa na mthing ga sha 'drad spyang// gr-i D+ha dmar mo dung gri rgod// kang ka dmar smug zhing khur dur// kA ka nag mo b+han gri bya// u lU mthing ga lcags kyu 'ug/ rta gdong dkar mo lcags kyu 'dren// phag gdong sngon mo mche zhags bsdam/ / sbrel gdong dmar mo lcags sgrog bsdam// thal byed ljang gu dril 'khrol spyang// 'bar 'phro gsal bas thams cad 'phros// dgra bgegs 'dul ba'i gnyen por brtag/ gsang ba'i snying po 'di yang bzlas/ / A+oM ru lu ru lu hUM b+h+yo hUM phaT// thog mtha' A+oM dang phaT bzhag nas// bar na 'bru bdun grong gnas pa/ khrag 'thung lha rgyud srog snying yin// zhe sdang can gyi snod dag gi/ 'bar ba gtum khro rngams pa'i gzugs/ / drag shul can gyis spyad pa'i phyir// dgra bgegs 'dul phyir bsgrub par bya// thugs kyi rig 'dzin thob par 'gyur// bde bar gshegs pa thams cad 'dus pa'i rgyud las/ yang dag thugs kyi bsgrub pa'i le'u ste bcu gnyis pa'o//// de nas 'jam dpal gshin rje gshed pos 'di skad ces zhus so// e ma spyi dpal kun tu bzang// sku yi sgrub thabs bshad du gsol// de skad gsol pa gsan nas kyang/ / dpal chen yab kyis bka' stsal pa// 'jam dpal sku yi sgrub pa la// dur khrod chen pa'i sa phyogs su// dkyil 'khor byi dor byas pa la// bdud rtsi lnga yis chag chag gdab/ khrag chen go ro tsa na yis/ / mthing nag hUM yig mkhas pas bri// dmigs pa'i steng du gzhag par bya// yul gsum gsal bar gyur pa dang// dur khrod chen po rab 'jigs pa/ khrag gi rgya mtsho 'jigs pa'i dkyil/ / keng rus chen po'i ri rab kyi// steng na dur khrod gzhal yas khang// rtsibs bzhi gru chad khyams dang bcas// sgo bzhi lcags rir bcas pa ni// phyi dang nang med chos kyi dbyings// ma he chu glang zhing gi gdan/ / steng du 'jam dpal gshin rje gshed// dus gsum bde gshegs thams cad kyi// sku yi sprul pa hUM las skyaid// dbu gsum phyag drug zhabs bzhir bgrad// g.yas dkar g.yon dmar dbus ser zhal/ / rdo rje ral gri dgra s+t+wa g.yas// sdigs mdzub mdung thung b+han dmar g.yon// dur khrod chas brgyad sku la brgyan// be tA nag mo sku la 'khril// dgra s+t+wa phyar nas thod khrag stong// sgrol yum e ka dza TI ma/ / bai DUr mdog sngon gsal la 'tsher// tri shUl g.yang gzhi g.yas na 'phyar// thod rlon tsit+ta g.yon na stob// 'jigs byed yab yum 'di dag kyang// dkyil 'khor gtso bor brtag par bya// ya ma rA dza gshin rje gshed/ / zhal gsum dkar dmar mthing gi mdog/ 'khor lo tri shUl lcags kyu dang/ kha T+wAM dgra s+t+wa rgyu zhags thogs// g.yu yi ral gcig sku la 'khril// sgrol ba'i yum mchog re ma ti// mdog nag ral gri ne le 'dzin/ / shar gyi rtsibs la bskyed par bya// myos byed 'bar ba gshin rje gshed// zhal gsum dkar sngo ser nag zhal// be con ral gri dgra s+t+wa dang// b+han dmar 'khor lo lcags kyu bsnams/ / gtum mo ser nag g.yon du 'khril// sgrol yum khrag gi bdag mo ni// spu gri tsit+ta zhags 'dzin nag/ lho yi rtsibs la bskyed par bya// gshin rje'i gshed po ma ru rtse// zhal gsum dkar sngo dmar ba can/ / be con dbyug to kha T+wAM dang// thod khrag 'khor lo rgyu zhags 'dzin// lha mo 'od zer sku la 'khril// sgrol yum gling bzhi gtsug 'byams ma// mi snying thod khrag thogs pa ni// nub kyi rtsibs la bskyed par bya/ / ral pa tshar dgu gshin rje gshed// dkar dang dmar dang dbus mthing zhal// be con gtun shin rgya gram dang// thod khrag rgyu zhags 'khor lo bsnams// sbyor ba'i yum dang gnyis su med// ljang nag sgrol byed mgo 'phyang ma/ / dgra s+t+wa thod khrag thogs pa ste// mkhas pas byang gi rtsibs la bskyed// de nas phyi yi snam bu la// phyogs skyong gshin rje bcu gnyis po// gshin rje nag 'joms mthing nag zhal/ / nag mo ral gcig g.yon nas 'khril// gshin rje phya sangs dkar ser mdog/ tshe bum rdo rje thong gshol 'dzin// shel gyi gdong dgu dgyes par 'khril// de bzhin kong tse brag 'joms ni// rdo rje brag nag me'i 'khor lo/ / shel mig khro mo yum dang sbyor// a ba glang mgo smug cing nag/ kha T+wAM ga dang lcags kyu dag/ bzung nas dkar skya mche gtsigs ldan// sngo nag 'jigs byed ya ba ti// ral gri lcags kyu thogs nas ni/ / dred kyi ab sham ma dang 'khril// gshin rje mig dmar smug nag mdog/ ral gri ti ra'i dbyug pa 'chang/ khrag gi ral gcig sku la 'khril// dmigs pa dud kha zhes bya ba// thod phreng lcags sgrog dmar po sdoms/ / pus 'gro nag mo yum dang bcas// gshin rje tel pa sngo nag mdog/ spu gri b+han+d+ha khrag bkang dag/ 'dzin cing spyan gsum yum la sbyor// bdud 'joms gshin rje smug cing nag/ rdung byed tho ba b+han d+har bcas// smug nag ral gcig dgyes par 'khril// chos kyi rgyal po dkar ser mdog/ rdo rje rtse gsum khram shing 'chang// rdo rje ral gcig ma dang sbyor// gshin rje 'bar ba dmar po che/ / rtsis byang gtun shing lag na thogs// sku la ma mo mgo dgu 'khril// thod dbyug ces bya gshin rje'i mtshan// mthing nag dbyug pa sho rde'u// bzung nas phag mgo ma dang sbyor// gshin rje'i gshed gyur 'di dag kyang/ / zhabs gnyis gyad kyi dor stabs kyis// rang gi gnas su legs bzhugs par/ khro chen gtso bos dgod par bya// de bzhin dkyil 'khor sgo rnams su// dkar zhing 'tsher ba bya rgod mgo/ rdo rje lcags kyu 'dzin pa dang// mthing nag 'bar ba stag gi mgo/ dbyug pa zhags pa thogs pa dang// le brgan 'bar ba kang ka'i mgo/ me yi pad+ma lcags sgrog bcas// spyang ki'i mgo can ljang zhing nag/ rgya gram shel gyi gri gug 'dzin// shar nas bzung ste bkod nas kyang// 'bar gsal sku yi 'phro 'du bya// gsang sngags snying po 'di yang bzlas// A+oM a kro te ka ya mAn ta ka ha na ma tha b+hany+dza hUM phaT/ thog mthar A+oM dang phaT bzhag nas/ / bar na bco lnga'i grong mdzes pa// gshin rje'i lha rgyud srog snying yin// skur gsal 'od zer 'phro 'du bya// ting 'dzin gyad du gyur pa dang// gshin rje gshed kyi lha rnams kun/ / mkhas pas rang gi sems su brtags// sku yi rig 'dzin 'thob par 'gyur// bde bar gshegs pa thams cad 'dus pa'i rgyud las/ 'jam dpal sku'i sgrub thabs kyi le'u ste bcu gsum pa'o/ /// de nas dpal rta mgrin gyis 'di skad ces gsol to// e ma spyi dpal khro bo'i rje// pad+ma gsung gi sgrub thabs gang// spyi dpal yab kyis bka' stsal pa// pad+ma gsung gi sgrub pa pos// ri bo 'dus pa'i sa phyogs su/ / dkyil 'khor byi dor byas pa la/ khrag chen mtshal gyis hUM yig bri// dmigs pa'i rten du mkhas pas gzhag/ yul gsum gsal bar gyur pa dang// dur khrod 'bar ba'i gzhal yas khang/ / lha chen brgyad kyi ka ba la// gza' chen brgyad kyi gdung ma bres// rgyu skar rnams kyi thog gis phub// sbrul nag klu yi bla bre dang// phyi nang med pa'i gzhal yas khang// klu chen brgyad kyi khri steng du/ / pad+ma dbang gi rgyal po ni// sku mdog bskal pa'i me ltar 'bar// g.yas dkar g.yon sngo dbus dmar zhal// rdo rje kha T+wAM sbrul zhags g.yas// dril bu b+han dmar lcags sgrog dag/ g.yon na bsnams te rta mgor bcas/ / zhabs bzhi gdug pa'i klu rnams gnon// yum chen e ka dza TI ma// dmar nag spyan gsum sdang mig bgrad// phyag g.yas kha T+wAM yab la 'khyud// g.yon pa thod khrag gtso la stob// bde bar gshegs pa kun gyi gsung/ / yang dag bsdus pa'i skur bskyed bya// rdo rje pad+ma gar gyi dbang// byi la dang ni pu shud mgo// sku mdog bskal pa'i me ltar 'bar// lcags kyu phur bu lag char 'dzin// shar nas bzung ste rim bzhin du/ / 'khor lo'i rtsibs la brtag par bya// lho yi dkyil 'khor phyi khyams la// ye shes zhi ba zil gnon pa'i/ khro bo phyag na rdo rje dang// 'khor lo de bzhin rin chen g.yas// pad+ma ral gri dril bu g.yon/ / de bzhin las kyi khro bo dag/ zil gnon pad+ma spu gri dang// dbyug to kha T+wAM dgra s+t+wa dang// sna tshogs rdo rje 'dzin pa'o// ye shes ma mo thams cad kun// zil gnon khro bo chen po ni// sdigs mdzub lcags kyu sbrul zhags g.yas/ / lcags sgrog kha T+wAM rnge'u chung g.yon// ye shes khyung chen zil gnon khro// rdo rje sa dang me khyung g.yas// nam mkha' chu rlung bya khyung g.yon// pho rgyud zil gnon khro rgyal gtso/ / rdo rje thod skam rgyu zhags dang// dung khrag thod pa rlon pa dang// zhing gi dbyug pa 'dzin pa'o// srid pa'i mo rgyud thams cad kun// zil gnon rdo rje ral gri mda'// zhags pa de bzhin sdigs mdzub dang/ / gzhu rnams phyag na go rim bzhin// 'jig rten srid pa'i klu rigs bzhi// zil gyis gnon pa'i khro bo ni// phyag na dkar ser dmar ba'i sbrul// de bzhin khra sngo nag po 'chang// gza' chen brgyad po zil gnon pa'i/ khro rgyal rtsa ba'i phyag nyid na// rdo rje ral gri zhags pa dang// dung khrag dbyug pa khyung bsnams pa'o// zil gnon khro bo 'di dag kun// g.yas dkar g.yon ljang dbus dmar zhal// sku ni bskal pa me yi 'od/ / dbu gtsug rta mgo ljang gu yi// skad ky-is gdug pa so sor 'dul// zhabs bzhi brkyang bskum gdul bya kun// ma lus zil gyis gnon par byed// rang rang yum dang mnyam par sbyor/ / dkar dang ser dang de bzhin dmar// ljang gu'i mdog can 'jigs pa'i gzugs// lcags kyu zhags pa lcags sgrog dril// rim bzhin thogs pa'i sgo bar bcas// 'bar gsal rngams pa lhan ner bsgom/ / gsang ba'i snying po 'di yang bzla// A+oM badzra ma hA kro ta ha ya grI wa hu lu hu lu hUM phaT/ thog mtha' A+oM dang phaT bzhag nas// bar na bcu bzhi'i grong mdzes pa// pad+ma'i lha rgyud snying po yin/ / dbang gi thugs dam rgyud bskul zhing// phrag 'thung lha tshogs dgyes pa dang// rnal 'byor nyams chag sdig sgrib sbyong// ye shes lha dang gnyis su med// gsung gi rig 'dzin thob par 'gyur// bde bar gshegs pa thams cad 'dus pa rtsa ba'i rgyud las/ pad+ma gsung gi sgrub thabs kyi le'u ste bcu bzhi pa'o//// de nas dpal rdo rje gzhon nus 'di skad ces gsol to// e ma spyi dpal khro bo'i rje// phrin las sgrub thabs bshad du gsol/ / dpal chen yab kyis bka' stsal pa// phur pa phrin las bsgrub 'dod pas// gnam sa gru gsum bar gnas pa// dkyil 'khor byi dor byas nas ni// bdud rtsi lnga yis chag chag gdab/ / mthing nag hUM yig mkhas pas dri// yul gsum gsal bar gyur pa dang// dur khrod chen po'i gzhal yas khang// rtsibs bzhi sgo bzhi khyams dang ldan// de nang dregs pa khyo shug dang// phyogs skyong nyi zla'i gdan steng du/ / hUM las rdo rje gzhon nu ni// g.yas dkar g.yon dmar dbus mthing zhal// sku mdog bai DUr+ya yi mdog/ rtse dgu rtse lnga'i rdo rje che// phyag g.yas de bzhin g.yon pa na/ kha T+wAM ga dang me dpung bsnams/ / mtha' gnyis ri rab phur pa 'dril// zhabs bzhi gyad kyi dor thabs bgrad// dur khrod chas kyis sku brgyan nas/ kha T+wAM thod pa khrag gis bkang// phyag tu bzung nas dgyes pa'i yum// rgyas 'debs ma dang lhan cig nyid/ / phrin las 'dus pa'i skur bsgom bya// gtso bo yab yum byin rlabs las// 'khor lo'i lha tshogs bskyed bya ba// shar du bud+d+ha kI la ya// zhal gsum dkar dmar mthing ga'i mdog/ rdo rje dgra s+t+wa rgyu zhags dang/ / ral gri thogs pa zlum zhing sgeg/ lho phyogs rat+na kI la ya// dkar dang de bzhin dmar ser zhal// bing dang dgra s+t+wa ral gri dang// be con bsnams te gru bzhi'i gzugs// nub tu pad+ma kI la ya/ / zhal gsum dkar ser dmar ba'i gzugs// ral gri mdung thung mda' dang gzhu// mtshan mar 'dzin pa dbang gi gzugs// byang phyogs karma kI la'i zhal// dkar dmar ljang gu'i mdog can te/ / mdung dang gri gug lcags kyu dang// ral gri thogs pa drag po'i sku// 'jigs byed chen po 'di dag kun// mtha' gnyis ri rab phur pa 'dril// rdo rje'i gshog pas nam mkha' khengs// gru gsum e yi gdan la bzhugs/ / phyi yi khyams la bskyed bya ba// 'jigs pa'i khro bcu yum dang ldan// kun kyang zhal gsum phyag drug pa// tshangs la stsogs pa zhabs bzhis mnan// rtsa ba'i phyag gis rdo rje dang// thod khrag dkrug cing mtha' gnyis kyis/ / ri rab phur bu 'dril mdzad cing// rdo rje'i gshog pas nam mkha' khyab// hUM mdzad sngo skya ser dmar zhal// mda' gzhu 'gengs shing sgra 'byin yum// be con thogs dang sprul pa yi/ / phra men phag dang rmig bu'i mgo/ rnam rgyal dkar po sngo ljang zhal// rdo rje dung khrag snyems ma ni// ral gri 'dzin cing sprul pa yi// phra men stag dang bya rgod mgo/ dbyug sngon dkar dang dmar ba'i zhal/ / me dbal dbyug to 'dzin mdzad cing// rdo rje sder mo lcags kyu'o// sprul pa g.yag dang bya rog mgo/ gshin rje sngo skya ljang sngon mdog/ thod pa'i dbyug pa dgra s+t+wa thogs// dur khrod bdag mo thod dbyug 'chang/ / sprul pa sha ba 'ug pa'i mgo/ ljang sngon smug nag mi g.yo mgon// ral gri dang ni zhags pa 'dzin// rdo rje gtun khung tho ba 'dzin// sprul pa gzigs dang khwa ta'i mgo// rta mgrin dkar dmar sngo ba'i zhal/ / spu gri zhags pa 'dzin mdzad cing// rdo rje gtum mo spu gri thogs// sprul pa byi la pu shud mgo/ 'dod rgyal dmar ser ljang gu'i mdog/ ba dan rnga yab 'chang dang yum// rdo rje mda' snyems tho ba 'dzin/ / sprul pa spyang dang khra yi mgo/ bdud rtsi 'khyil ba ljang dkar dmar// rdo rje rgya gram dril bu bsnams// rdo rje rlung 'byin dgra s+t+wa thogs// sprul pa seng+ge pha wang mgo/ dkar dmar nag pa'i zhal mdog can/ khams gsum rnam rgyal rdo rje sprul// rdo rje gsod byed yum gri gug/ phra men dom dang sre mo'i mgo/ stobs chen dud kha gnag dang ljang// tho ba zhags pa phyag na ste// rdo rje skul byed rtse gsum 'dzin/ / sprul pa dred dang byi la'i mgo/ lcags kyu 'dzin dkar pu shud mgo/ zhags 'dzin gser mdog skya ka'i gdong// srin bya'i gdong dmar lcags sgrog thogs// dril 'khrol ljang gu khra gdong ste// ma lus gsal bar sku bskyed la/ / gsang sngags snying po 'di yang bzla// A+oM badzra kI li kI la ya sarba big+h+nAn baM hUM phaT// thog mtha' A+oM dang phaT bzhag nas// bar na bcu gnyis grong mdzes pa// phur pa'i lha rgyud snying po yin/ / spro bsdus phur pa'i 'phro 'du bya// phrin las rnam bzhi las la sbyar// dgra bgegs gdug pa tshar bcad nas// phrin las rig 'dzin thob par 'gyur// bde bar gshegs pa thams cad 'dus pa rtsa ba'i rgyud las/ phur pa phrin las sgrub pa'i le'u ste bco lnga pa'o//// de nas bla med he ru kas 'di skad ces gsol to// e ma spyi dpal khro bo'i rje// ma mo rbod gtong sgrub pa'i thabs// phrin las las la bskul ba'i phyir/ / rim bzhin bdag la bshad du gsol// de skad gsol pa gsan nas kyang// dpal chen yab kyis bka' stsal pa// ma mo rbod gtong bsgrub 'dod pas// dur khrod chen po'i sa phyogs su/ / dkyil 'khor byi dor byas nas ni/ khrag chen dag gis chag chag gdab// thal chen gyis ni hUM bris la// dmigs pa'i rten du mkhas pas gzhag/ yul gsum gsal bar gyur pa dang// dur khrod 'bar ba'i gzhal yas khang/ / gru chad khyams dang sgo bzhir bcas// zhing chen bla res brgyan pa'o// zhing chen zhing chung gdan steng du// bdag nyid che mchog he ru ka/ sku ni mthing nag 'jigs tshul can/ / g.yas dkar g.yon dkar dbus mthing zhal// rdo rje sbrul khyung sbrul zhags g.yas// b+han+d+ha zhing g.yab gwa'u g.yon// dur khrod 'jigs pa'i chas kyis brgyan// srid pa'i ma mo zhabs bzhis gzir/ / yum chen kun tu bzang mo ni// bzhi zur zhabs brgyad phyogs mtshams gnon// mkha' bzhi bde klong gcig tu 'khril// dbu gcig zhal lnga srid pa gsal// pha rol phyin drug phyag rgya yis// rdo rje dril bu dril zhags dang/ / b+han+d+ha bdud rtsi g.yang gzhi bsnams// sna tshogs 'gyur ba'i sku mdog la// gnyis med bde bas yab dang sbyor// mkhas pas cho ga ji bzhin du// dkyil 'khor gtso bor bskyed par bya/ / rtag pa'i rgyal mo rnam pa lnga// dbu gsum phyag drug zhabs bzhi bgrad// phyag drug g.yas kyi dang po na// rigs kyi mtshan ma so sor 'dzin// de bzhin g.yon na thob pa'o// rnam snang gsal dang 'od gsal 'bar/ / snyan gsal 'bar dang yang gsal g.yos// bkra gsal 'bar zhes bya ba ni// ming gis mtha' dang yang dag ldan// shar gyi mkha' 'gro seng gdong ma// sku mdog dkar mo shel ltar dag/ dgra s+t+wa dang ni gtun shing brdeg/ seng+ge mchog chen tha mas snyod// lho yi mkha' 'gro ban glang gdong// sku mdog sngon mo 'bar ba la// me dbal dbyug pa'i tho ba dang// tha ma stag mo zhing chung snyod// nub kyi mkha' 'gro phywa dag yang pu dka'i gdong/ / sku mdog dmar mo mdzes tshul can// zhags pa dang ni tri shU la// ce spyang dang ni zhing chung snyod// byang gi mkha' 'gro rdo rje'i mchu// sku mdog ljang gu 'od du 'bar/ / dbyug to rdo rje rgyu phreng 'dzin// spyang mo'i kha ru zhing chung snyod// nam mkha'i mkha' 'gro rdo rje'i mchu// sku mdog btso ma'i gser ltar gdong// 'khor lo dang ni b+han+d+ha 'bar// rgyal mtshan dang ni spu gri 'dzin/ / tha ma 'ug pa zhing chung snyod// srid pa'i bde 'gro khams gsum yum// sku mdog mthing ga 'bar ba la// dbu gsum phyag drug zhabs bzhi bgrad// 'khor lo rin chen g.yang gzhi brdeb// thod khrag tshe bum lcags kyu thogs/ / dkar mo nyi zla'i thod phreng can// zangs lcags dkar nag zhags pa 'phen// rdo rje nyi ma mdog dkar zhing// phyag na shel gyi spu gri thogs// rdo rje khrag 'thung zhes bya ba// sngon po thod pa khrag can 'dzin/ / rdo rje bdud rtsi dmar mo ni// las na bdud rtsi'i bum pa 'dzin// ljang nag rdo rje srid gsum ma// lag na zhing lpags rgyal mtshan thogs// dkar mo srid pa'i rgyan byed ma// lag na srid pa'i zhags pa thogs/ / sngon mo dbyings phyug rgyal mo ni// lag na zhing gi dbyug pa'o// dmar mo bdag nyid chen mo ni// lag na zhing gi rgyu zhags 'dzin// ser mo chen mo gcig pu ma// lag na mi yi g.yang bzhi brdeb/ / dkar mo chen mo mig gcig ma// lag na b+han+d+ha zlum po thogs// mthing nag chen mo mche ba can// lag na b+han+d+ha sul mang bsnams// dmar mo dbang ni rgyal mo ni// lag na b+han+d+ha lcang lo can/ / ser mo chen mo las mkhan ma// lag na b+han+d+ha rgya gram thogs// srid pa'i ma mo chags byed ma// mthing nag mi snying rlon pa thogs// ting 'dzin de bzhin cha snyoms ma// dmar mo thod pa khrag gis bkang/ / 'dod pa'i khams kyi dbang phyug ma// mdog sngon bdud kyi khram bam thogs// e ka dza TI ral gcig ma// dkar mo kha T+wAM ga mi ro// gling bzhi kun gyi spyi phud ni// dkar mo lcags kyu 'od phreng can/ / rin chen srid 'degs mdog sngon mo// lag na g.yu yi ga'u'o// pad+ma gar dbang le brgan mdog/ thod pa khrag bkang thugs kar 'dzin// de bzhin rdo rje gar dbang phyug/ ser mo me yi dkyil 'khor can/ / har ting dkar mo chen mo ni// lag na me yi dkyil 'khor thogs// dun ting nag mo khro mo'i gzugs// lag na sa yi dkyil 'khor 'dzin// dngos po'i cha byad dmar mo la// lag na chu yi dkyil 'khor thogs/ / grub ting ser mo gser gyi mdog/ lag na rlung gi dkyil 'khor 'dzin// bdag nyid chen mo gcig pu ma// dbyings phyug brgyan gyi rgyal mo ni// zhing gi rgyu zhags g.yang gzhi brdeb// srad bu'i zhags pa thod pa 'dzin/ / sgam pa mo dang phor thogs ma// g.yang gzhi mo dang za ba dang// gsod byed ma dang za ba mo// de bzhin dri ma snom byed ma// srin mo chen mo 'di dag kyang// dkar sngo dmar dang ser ba'i gzugs/ / thod pa sna tshogs 'dzin ma'o// shar gyi dkar mo mche gtsigs ma// lag na b+han+d+ha dkar po thogs// lho yi nag mo kha 'byams ma// lag na b+han+d+ha sngon po thogs// nub kyi dmar mo mchu 'jib ma/ / lag na b+han+d+ha dmar po thogs// byang gi ser mo rkang ldag ma// lag na b+han+d+ha ser mo thogs// gling bzhi mgyogs ma lha yi sring// dkar mo rdo rje rtse gsum thogs// mkha' la khyung lding gshin rje'i sring/ / sngon mo mi thod dbyug pa thogs// dmar mo g.yag thod klu yi sring// dmar mo sbrul nag zhags pa thogs// nag mo sder thogs gnod sbyin sring// ser mo ne'u le'i rkyal pa thogs// mkha' 'gro'i tshogs bcas gsal bskyed la/ / gsang sngags snying po 'di yang bzla// oM gu h+ya dz+nyA na shrI he ru ka gu h+ya dz+nyA na kro tI shwa rI s+t+waM// ma ma yo gi ni ru lu ru lu hUM b+h+yo hUM phaT/ oM dang phaT kyi thog mtha' brten// bar na nyer brgyad grong gnas pa/ / ma mo 'khor bcas srog snying yin// ma mo rnams kyi zhal du yang// bdud rtsi blugs la las la dgye// rbod gtong las rnams 'grub par 'gyur// zhes gsungs so// bde bar gshegs pa thams cad 'dus pa rtsa ba'i rgyud las/ ma mo rbod gtong sgrub pa'i le'u ste bcu drug pa'o//// de nas dpal dregs pa kun 'dul gyis 'di skad ces gsol to// e ma dpal chen thabs la mkhas/ / 'jig rten mchod bstod sgrub pa'i thabs// ma rungs gdug pa 'dul ba'i phyir// dpa' bo chen pos bshad du gsol// de skad gsol ba gsan nas kyang// dpal chen yab kyis bka' stsal pa/ / 'jig rten mchod bstod bsgrub 'dod pas// gdub rtsub lha 'dre gnas pa'i sar// dkyil 'khor byi dor byas nas ni/ khrag sna tshogs pas chag chag gdab// sna tshogs khrag gis e dbyibs bri// dmigs pa'i rten du mkhas pas gzhag/ yul gsum gsal bar gyur pa dang// dur khrod 'bar ba'i gzhal yas khang// 'khor lo rtsibs bzhi bar khyams dang// sgo bzhir bcas pa gsal ba la// gdug pa'i gcan gzan 'dab chags 'khor/ / shin tu 'jigs pa bskyed nas ni// dpal chen dregs pa kun 'dul ni// dbu gsum phyag kyang drug pa ste/ kham nag smug nag mthing nag zhal// dang po rdo rje dung khrag dang// lha brgyad de bzhin klu brgyad kyi/ / mgo bo de bzhin phyag gnyis pa'i// 'og ma dag gis 'dzin pa'o// dregs pa'i snying ga zhabs kyis brdzis// yum chen khams gsum spyi 'dul ma// rdo rje dung khrag thogs pa ni/ / dregs pa 'dul ba'i g.yen por bsgom// ma rungs 'dul byed de yi 'khor// dregs pa'i sde rnams bskyed par bya// mthing nag ma hA de ba ni// gri gug dang ni tsit+ta 'dzin// rtse gsum thod pa khrag bcas pa'i/ / u ma de ba'i yum dang bcas// gshin rje nag po srog gi bdag/ be con thod pa'i dbyug pa 'chang// gsod byed nag mo'i lag pa na// srid pa'i 'khor lo bskor ba dang// mthing nag bdud rnams kun gyi bdag khram shing dang ni ti ra'o/ / bdud mo nag mo re ma ti/ khram bam dang ni nad rkyal thogs// nag po glog phreng srin gyi gtso// thog dang srid pa 'khrugs pa'i 'od// 'dzin dang srin mo khrag mig ma// dmar nag khrag phur thod pa 'chang/ / gnod sbyin me dbal mthing nag sku// rin po che dang mtshon 'dzin pa// ma mo nag mo de yi yum// spu gri spyang mo phyag gnyis na'o// gza' bdud chen po rA hu la// dud kha mda' gzhu sbrul zhags bsnams/ / gnam sman thog gi bu yug ma// dmar skya thogs dang ser ba 'bebs// klu bdud nag po mgo dgu po// dud kha sbrul zhags nad rkyal thogs// klu mo nag mo zhes bya ba/ / mo gzugs klu bdud cha lugs can// srid pa'i lha rnams kun gyi gtso// dkar po dar mdung shel gyi gri// gnam gyi lha chen skyes bu'i bdag/ dkar po lhan ldan yang dkar ral gri 'dzin// sku mdog dkar po spyi yi bdud/ / dar mdung ral gri phyag char 'chang// ma mo srid pa'i rgyal mo ni// me long tsakra 'dzin pa dkar// sngags srung e ka dza TI ma// mthing nag g.yu spyang tsit+ta 'dzin// dpal ldan nag mo mgyogs byed ma/ / tshon drug dang ni nad rkyal thogs// dmar nag rdo rje bdud 'dul ni/ khrag dang nyung dkar thun 'bebs pa'o// srog zan dmar po btsan gyi rje// bse mdung mda' dang gzhu yi mtshon// srid pa'i btson 'gong dmar po ni/ / shang lang zangs kyi zhags pa bsnams// mu stegs ka la nag po ni// rtse gsum thod pa khrag can 'dzin// mthing nag bgegs kyi rgyal po ni// kha T+wAM thod pa lag tu 'chang// dmu bdud yongs kyi rje bo ni/ / mthing nag shang lang mda' dang gzhu// tshangs pa lha rnams kun gyi gtso// spu gri nyi ma'i zer thogs pa'o// pho rgyud rgyal po yongs kyi bdag/ mdog dkar zhags pa spu gri 'dzin/ / gsang ba sku lha'i gtso bo dkar// rdo rje dang ni ru mtshon 'chang// mgon po ma hA kA la ni// mthing nag beng dang gri gug thogs// dregs pa'i ded dpon sum cu po// sna tshogs gos gon re re'ang/ / 'bum phrag gnyis gnyis 'khor dang bcas// sprul pa yang sprul bsam mi khyab// gsal 'tsher 'bar ba'i skur bsgoms te// snying po 'di yang bzlas par bya// A+oM badzra tsaN+Da sarba duSh+taM hUM phaT// thog mtha' oM dang phaT bzhag nas/ / bar na grong khyer brgyad gnas pa// 'jig rten mchod bstod bsgrub pa'i sngags// dregs pa can gyi sde brgyad kyi// bstan pa bsrung zhing sku dgra 'dul// 'gras pa'i dgra rnams sgrol bar 'gyur/ / bde bar gshegs pa thams cad 'dus pa rtsa ba'i rgyud las/ 'jig rten mchod bstod sgrub pa'i le'u ste bcu bdun pa'o//// de nas stobs ldan nag pos 'di skad ces gsol to/ / e ma dpal chen thabs la mkhas// dmod pa drag sngags sgrub pa'i thabs// gdug pa ma lus bsgral ba'i phyir// dpa' bo chen pos bshad du gsol// de skad gsol pa gsan nas kyang// dpal chen he rus bka' stsal pa/ / dmod pa drag sngags bsgrub 'dod pas// srog chags bsad pa'i ri shur 'dra'i ri yang 'dra'i sa// dmar po khrag gi mdog 'dra'i ngos// dkyil 'khor gru gsum 'bar ba la// srin po khros pa'i gzugs bris la/ / dmigs pa'i rten du mkhas pas gzhag/ yul gsum gsal bar gyur pa dang// shin tu 'jigs pa'i dkyil 'khor ni// tsakra rtsibs dang sgo bzhir bcas// rab tu gsal ba'i dbus nyid du/ / bdud bgegs nyi zla pad+ma'i khar// lha mchog stobs ldan nag po ni// dbu gsum phyag drug zhabs bzhir bgrad// sku mdog mthing nag 'jigs pa'i zhal// phyag na rdo rje dung khrag dang/ / lha brgyad klu brgyad tsit+ta bsnams// zhabs gnyis dregs pa pho mo gzir// 'byung ba lnga yi bdag mo ni// mkha' 'degs sa gzhi gnon pa'i phyag/ zhal nas 'byung ba lnga 'char ma// yum dang gnyis med sbyor byed pa'i/ / drag sngags gtso bo bskyed par bya// drag sngags sde dpon bco brgyad po// rang gi sngags las bskyed bya ste// 'chi bdag gshin rje nag po ni// thod pa gri gug 'dzin mdzad cing// thod pa gri gug 'dzin yum ldan/ / bdud nag me 'bar zhes bya ba/ khram shing bdud zhags thogs pa dang/ khram shing thod rlon 'dzin pa yi// yum dang srin po gsod byed ni// ral gri thod 'chang de yi yum// gri gug me mgo thogs pa'o/ / gnod sbyin gang ba bzang po ni// mdog sngon ral gri dar nag 'phyar// dar nag zhing lpags 'dzin pa'i yum// ma hA de wa sku mdog dkar// ba dan shel gri 'dzin pa dang// thar pa nag po zhes bya ba/ / mchod gtor thun gyi gtor ma 'chang// mthing nag btsan po zhes bya ba// dar nag dang ni zhing lpags thogs// mu stegs nag po zhes bya ba/ kha T+wAM ga dang tri shUl 'dzin// du ba mjug ring gza' yi gtso/ / nag po khram shing dgra s+t+wa 'chang// rgyal po har mdzes zhes bya ba// mdog dkar shel gr-i dar dkar 'dzin// mdog ser 'gong po yongs kyi gtso// sprul pa'i lag pa 'gyed pa dag/ mdog dkar rdo rje mdzes pa ni/ / dkar dang dmar ba'i ru mtshon thogs// 'jig rten btsan gyi rgyal po ni// btsan gyi mdung dang gri 'dzin pa'o// klu rgyal sog ma med ces pa// dmar po bum pa rus sbal ldan// dregs pa dmod pa'i mtshon cha can/ / srin po'i gzugs can mtshon cha thogs/ kha nas dmod pa'i drags sngags zlos// gang la dmigs pa'i srog lus gcod// de lta bu ni gsal ba dang// snying po 'di yang bzlas par bya'o/ / A+oM badzra sarba duSh+taM hUM phaT// thog mthar A+oM dang phaT bzhag nas// bar na grong khyer drug gnas pa// dmod pa drag sngags snying po yin// de nas drag sngags gang 'dod bsgrub// gdon mi za bar grub 'gyur te/ / rdo rje'i brag kyang tshal bar 'gas// zhes gsungs so// bde bar gshegs pa thams cad 'dus pa rtsa ba'i rgyud las/ dmod pa drag sngags bsgrub pa'i le'u ste bco brgyad pa'o//// de nas dpal chen po ting nge 'dzin las bzhengs pa dang/ der sprul zhing 'dus pa'i 'khor/ khro bo dang/ khro mo rnams dang/ grub pa'i rig 'dzin gyi tshogs lhun gyis grub pa dang/ phyag rgya chen po dang// tshe la dbang ba dang/ sa la gnas pa ste/ so so'i bsgrubs pas grub pa'i sku la rus pa'i rgyan dang/ rin po che'i dbu rgyan dang/ phyag gdub dang/ zhabs gdub dang/ dbu rgyan dang/ stod g.yogs dang/ smad g.yogs dang/ dbang gi thor tshugs dang bcas pa/ phyag na rdo rje dril bu bzung ba sha stag ste/ rgyal ba rgya mtsho'i rig 'dzin dang bcas pa de dag/ bcom ldan 'das kyis gsungs pa la rjes su yi rangs shing mngon par dga'o/ / khro bo sgos sgrub kyi skabs te gsum pa'o//// bcom ldan 'das bde bar gshegs pa thams cad 'dus pa zhes bya ba'i rtsa ba'i rgyud kyi rgyal po chen po/ le'u bco brgyad zhi khro 'dus pa'i rgyud rdzogs so/ /// rgya gar gyi mkhan po slob dpon chen po pad+ma 'byung gnas dang/ bod kyi lo tsA ba bdag bai ro tsa nas bsgyur zhing zhus te gtan la phab pa'o// shog ser gyi bu la lha brag tu bshus so zer ba 'dug/ /

CLOSE WINDOW