བོད་ཡིག

e-texts based on the Esukhia Input

@##/ /rgya gar skad du/ pany+tsa bing sha ti sA ha sri kA pra dz+nyA pA ra mi tA/ bod skad du/ shes rab kyi pha rol tu phyin pa stong phrag nyi shu lnga pa/ dum bu dang po/ bam po gcig pa/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab kyi ri bya rgod 'phungs po la/ dge slong lnga stong tsam gyi dge slong gi dge 'dun chen po dang thabs gcig ste/ thams cad kyang dgra bcom pa/ zag pa zad pa/ nyon mongs pa med pa/ dbang du gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ rang gi don rab tu thob pa/ srid par sbyor ba yongs su zad pa/ bka' yang dag pas sems shin tu rnam par grol ba/ sems kyi dbang thams cad la pha rol tu phyin pa'i mchog thob pa sha stag ste/ gang zag gcig ma gtogs pa ni/ 'di ltar slob pa rgyun tu zhugs pa tshe dang ldan pa dga' bo'o/ /dge slong ma grags 'dzin dang / skye dgu'i bdag mo chen mo la sogs pa lnga brgya tsam dang / dge bsnyen dang / dge bsnyen ma shin tu mang ba kun kyang chos mthong ba sha stag dang / byang chub sems dpa' sems dpa' chen po tshad med grangs med pa thams cad kyang gzungs rab tu thob pa/ ting nge 'dzin rab tu thob pa/ stong pa nyid kyis rnam par spyod pa/ mtshan ma med pa'i spyod yul can/ rtog pa med pa'i smon lam dang ldan pa/ chos thams cad la mnyam pa nyid kyi bzod pa rab tu thob pa/ chags pa med pa'i gzungs rab tu thob pa/ thogs pa med pa'i spobs pa dang ldan pa/ bstan pa zad mi shes pa la so so yang dag par rig pa'i tshul khong du chud pa/ mngon par shes pa chen pos rnam par rtse ba/ mngon par shes pa shin tu ma nyams pa/ mnyan par 'os pa'i tshig dang ldan pa/ le lo med cing brtson 'grus brtsams pa/ lus dang srog la mi lta ba/ tshul 'chos pa med pa/ kha gsag med pa/ grags pa dang / khe dang / bkur sti'i sems med pa/ zang zing med pa'i chos ston pa/ chos zab mo'i bzod pa dam pa rtogs par khong du chud pa/ mi 'jigs pa chen po thob pa/ yid yongs su zhum pa med pa/ bdud kyi las thams cad las yang dag par 'das pa/ las kyi sgrib pa rgyun chad pa/ las dang nyon mongs pa dang / phyir rgol ba rab tu bcom pa/ pha rol po'i rgol ba thams cad kyis zil gyis mi non pa/ nyan thos dang rang sangs rgyas thams cad kyis rtogs par dka' ba/ chos rab tu rtogs pas rnam par dbye zhing bstan pa la mkhas pa bskal pa grangs med pa nas smon lam shin tu brtsams pa/ bzhin 'dzum pa dang ldan pa/ sngon du smra ba/ khro gnyer med pa/ snyan cing 'jam pa'i tshig dang ldan pa/ pha rol la tshigs su bcad pa'i dbyangs su brjod pa la mkhas pa/ spobs pa mi chod pa/ 'khor mtha' yas pa zil gyis gnon pa'i mi 'jigs pa dang ldan pa/ bskal pa bye ba mtha' yas par bstan pa'i ye shes kyis 'byung ba la mkhas pa/ chos thams cad sgyu ma dang / smig rgyu dang / chu zla dang / rmi lam dang / sgra brnyan dang / mig yor dang / nam mkha' dang / dri za'i grong khyer dang / sprul pa dang / gzugs brnyan lta bur khong du chud pa/ sems yongs su zhum ba med pa/ sems can thams cad kyi sems kyi rgyud dang / shes pa phra ba dang / spyod pa dang / mos pa khong du chud par bya ba la mkhas pa/ sems can thams cad la sdang ba med pa'i sems dang ldan pa/ bzod pa rlabs po che dang ldan pa/ chos thams cad mnyam pa nyid du rtogs par bya ba'i ye shes la mkhas pa/ chos nyid zab mo dang ldan pas gting dpag dka' ba/ rang gi sems la dbang rab tu thob pa/ chos thams cad la dbang shin tu thob pa/ las dang nyon mongs pa dang lta ba'i sgrib pa thams cad las rnam par grol ba/ brten pa rtogs par bstan pa la mkhas pa/ rten cing 'brel bar 'byung ba'i tshul zad mi shes pa la zhugs pa/ lta ba dang / bag la nyal ba dang / kun nas ldang ba thams cad dang bral ba/ kun tu sbyor ba thams cad spangs pa/ las dang / nyon mongs pa thams cad rab tu zhi bar bya ba la mkhas pa/ bden pa rab tu rtogs par bya ba'i ye shes la mkhas pa/ chos thams cad sgra brnyan dang 'dra bar rtag tu rgyun mi chad par mos pa/ chos kyi tshul bstan pa tshad med pa la 'jigs pa med pa/ bdag nyid ji lta ba bzhin du khong du chud par bya ba la mkhas pa/ sangs rgyas kyi zhing mtha' yas pa rnam par dgod pa'i smon lam gyis 'gro ba yongs su zin pa/ 'jig rten gyi khams grangs med pa na bzhugs pa'i sangs rgyas rjes su dran pa'i ting nge 'dzin rtag tu rgyun mi chad par mngon du gyur pa/ sangs rgyas 'byung ba thams cad du nye bar 'gro ba la mkhas pa/ sangs rgyas dpag tu med pa la gsol ba gdab par mkhas pa/ sems can gyi lta ba sna tshogs kyis yongs su bskyed pa'i nyon mongs pa zhi bar bya ba la mkhas pa/ ting nge 'dzin brgya stong mngon par bsgrub pa la rnam par rtse ba'i ye shes rtogs par bya ba la mkhas pa/ yon tan brjod pa bskal pa mtha' yas par mi zad pa dang ldan pa sha stag dang thabs gcig ste/ 'di ltar byang chub sems dpa' sems dpa' chen po bzang skyong dang / rin chen 'byung gnas dang / rin chen snying po dang / rin chen byin pa dang / ded dpon dam pa dang / skyes bus byin dang / skyob sbed dang / chu bdag lha dang / dbang pos byin dang / bzang po'i stobs dang / blo gros dam pa dang / 'phags pa'i blo gros dang / blo gros 'phel ba dang / blo gros mtha' yas dang / don yod mthong ba dang / sgrib med blo gros dang / rab tu zhugs pa dang / mthu dam pas rnam par gnon pa dang / brtson 'grus mtha' yas dang / rtag tu brtson pa dang / rtag tu sbyor ba dang / mi gtong brtson pa dang / nyi ma'i snying po dang / zla ba'i snying po dang / blo gros dpe med pa dang / spyan ras gzigs kyi dbang po dang / mthu chen po thob pa dang / 'jam dpal gzhon nur gyur pa dang / bdud kyi stobs rab tu 'joms pa dang / rdo rje blo gros dang / lag na rin chen phyag rgya dang / rtag tu lag brkyang dang / snying rje cher sems dang / rgyan chen po dang / rnam par bkod pa'i rgyal po dang / ri bo'i zom dang / byang chub sems dpa' sems dpa' chen po byams pa dang / de dag la sogs pa gzhan yang byang chub sems dpa' bye ba khrag khrig brgya stong du ma dag dang thabs gcig tu bzhugs so/ / de nas de'i tshe bcom ldan 'das nyid kyis gdan seng ge'i khri bshams nas sku drang por bsrang ste/ dgongs pa mngon du bzhag nas skyil mo krung bcas te bzhugs so/ /der bzhugs nas ting nge 'dzin gang du ting nge 'dzin thams cad 'du ba dang / khongs su chud pa dang / rjes su 'brang ba dang / 'du bar 'gyur ba'i ting nge 'dzin ting nge 'dzin gyi rgyal po zhes bya ba la mnyam par bzhag go /de nas bcom ldan 'das dgongs shing yang dag par mkhyen pas ting nge 'dzin de las bzhengs te/ 'phrul gyi spyan gyis sangs rgyas kyi zhing 'di la rnam par gzigs so/ /de ltar gzigs nas sku thams cad nas 'od rab tu bkye ste/ de'i zhabs kyi mthil gnyis kyi 'khor lo rtsibs stong dang ldan pa gnyis las 'od zer bye ba khrag khrig brgya stong drug cu drug cu byung ngo / /zhabs gnyis kyi sor mo bcu las kyang 'od zer bye ba khrag khrig brgya stong drug cu drug cu byung ngo / /zhabs kyi long bu gnyis dang / zhabs byin pa gnyis dang / zhabs pus mo gnyis dang / zhabs brla gnyis dang / sku sta zur gnyis dang / sku lte ba'i dkyil 'khor dang / sku rtsib logs gnyis dang / thugs ka'i skyes bu chen po'i mtshan dpal gyi be'u las kyang 'od zer bye ba khrag khrig brgya stong drug cu drug cu byung ngo / /phyag gi sor mo bcu las kyang 'od zer bye ba khrag khrig brgya stong drug cu drug cu byung ngo / / de bzhin du phyag lag ngar gnyis dang / sku phrag pa gnyis dang / mgur dang / tshems mche ba bzhi dang / tshems bzhi bcu dang / spyan gnyis dang / snyan gnyis dang / shangs kyi sbubs gnyis dang / smin mtshams kyi mdzod spu dang / steng gi spyi gtsug dang / zhal gyi sgo nas kyang 'od zer bye ba khrag khrig brgya stong drug cu drug cu byung ste/ 'od zer bye ba khrag khrig brgya stong drug cu po de dag thams cad kyis/ stong gsum gyi stong chen po'i 'jig rten gyi khams 'di dag thams cad snang ba chen pos khyab par byas te/ shar phyogs kyi 'jig rten gyi khams gang gA'i klung gi bye ma snyed snang ba chen pos khyab par byas so/ /lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs su phyogs re re zhing 'jig rten gyi khams gang gA'i klung gi bye ma snyed snang ba chen pos khyab par byas so/ /sems can gang gis 'od zer de mthong ba dang / 'od des gang la reg par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ / de nas yang bcom ldan 'das kyi ba spu'i sgo thams cad nas 'od zer rab tu dgye ba mdzad de/ 'od des kyang stong gsum gyi stong chen po'i 'jig rten gyi khams 'di snang ba chen pos khyab par byas so/ /shar phyogs su 'jig rten gyi khams gang gA'i klung gi bye ma snyed snang ba chen pos khyab par byas so/ /lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs su phyogs re re zhing yang 'jig rten gyi khams gang gA'i klung gi bye ma snyed snang ba chen pos khyab par byas so/ /sems can gang gis 'od de mthong ba dang 'od des gang la reg par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /de nas yang bcom ldan 'das kyis de bzhin gshegs pa'i rang bzhin gyi 'od kyis stong gsum gyi stong chen po'i 'jig rten gyi khams 'di snang ba chen pos khyab par mdzad de/ shar phyogs su 'jig rten gyi khams gang gA'i klung gi bye ma snyed snang ba chen pos khyab par mdzad do/ /lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs su phyogs re re zhing 'jig rten gyi khams gang gA'i klung gi bye ma snyed snang ba chen pos khyab par mdzad do/ /sems can gang gis 'od de mthong ba dang / 'od des gang la reg par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /de nas bcom ldan 'das kyis zhal gyi sgo nas ljags kyi dbang po bkram ste/ stong gsum gyi stong chen po'i 'jig rten gyi khams 'di thams cad ljags kyi dbang pos khyab par mdzad nas zhal 'dzum pa mdzad do/ /ljags kyi dbang po de las kyang 'od zer kha dog sna tshogs bye ba khrag khrig brgya stong du ma 'thon te/ 'od zer de dag thams cad la pad mo mang po/ rin po che sna tshogs kyi rgyu las byung ba/ gser gyi mdog tu snang ba/ 'dab ma stong dang ldan pa/ sna tshogs su 'dug pa/ blta na sdug pa/ yid du 'ong ba/ kha dog bzang ba/ dri zhim pa/ 'jam pa/ ka tsa lin di ka ltar reg na bde bar 'gyur ba sha stag kun nas gnas par gyur te/ pad mo de dag la yang de bzhin gshegs pa'i sku mang po bzhugs shing / 'di lta ste/ pha rol tu phyin pa drug dang ldan pa'i chos bstan pa 'di nyid kyi chos ston pa mdzad de/ de dag shar phyogs kyi 'jig rten gyi khams gang gA'i klung gi bye ma snyed du gshegs shing de dag tu byon nas 'di lta ste/ pha rol tu phyin pa drug dang ldan pa'i chos bstan pa 'di nyid kyi chos ston to/ /de dag lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs su phyogs re re zhing 'jig rten gyi khams gang gA'i klung gi bye ma snyed du gshegs shing / de dag tu byon nas kyang 'di lta ste/ pha rol tu phyin pa drug dang ldan pa'i chos bstan pa 'di nyid kyi chos ston to/ /sems can gang gis chos de dag thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /de nas bcom ldan 'das kyis gdan seng ge'i khri de la bzhugs bzhin du sangs rgyas kyi ting nge 'dzin seng ge rnam par rol pa zhes bya ba la mnyam par bzhag ste/ rdzu 'phrul mngon par 'du mdzad do/ /rdzu 'phrul de mngon par 'du mdzad pas/ stong gsum gyi stong chen po'i 'jig rten gyi khams 'di rnam pa drug tu g.yos te/ g.yos so/ /rab tu g.yos so/ /kun tu g.yos so/ /'gul to/ /rab tu 'gul to/ /kun tu 'gul to/ /ldeg go /rab tu ldeg go /kun tu ldeg go /chem chem/ rab tu chem chem/ kun du chem chem mo/ /'ur 'ur/ rab tu 'ur 'ur/ kun du 'ur 'ur ro/ /shig shig /rab tu shig shig /kun du shig shig go / shar mtho na ni nub dma'/ nub mtho na ni shar dma'/ byang mtho na ni lho dma'/ lho mtho na ni byang dma'/ mtha' mtho na ni dbus dma'/ dbus mtho na ni mtha' dma' ste/ dal bus bags kyis nyams su bde bar sems can thams cad la phan pa dang bde ba skyed par gyur to/ /de nas de'i tshe skad cig yud tsam thang cig la/ stong gsum gyi stong chen po'i 'jig rten gyi khams 'di na sems can dmyal ba dang / byol song gi skye gnas dang / gshin rje'i 'jig rten dang / mi khom pa dang / ngan song dang / ngan 'gro dang / log par ltung ba gang ji snyed yod pa de dag thams cad rgyun chad cing stongs par gyur te/ sems can de dag thams cad kyang / mi dang skal ba mnyam par skyes par gyur to/ /de bzhin du rgyal chen bzhi'i ris kyi lha dang / sum cu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha dang / skal ba mnyam par skyes par gyur to/ /de nas lha de dag dang / mi de dag dga' ba dang / mos pa dang / nyams bde ba de nyid kyis sngon gyi tshe rabs rjes su dran par gyur te/ rjes su dran nas kyang dga' ba dang / mos pa dang nyams bde ba thob par gyur pa de dag bcom ldan 'das gang na ba der dong zhing phyin nas zhabs la phyag 'tshal te/ de bzhin gshegs pa dgra bcom pa yang dag par rdzogs pa'i sangs rgyas de dag la thal mo sbyor zhing 'dud par gyur to/ /shar phyogs kyi 'jig rten gyi khams gang gA'i klung gi bye ma snyed dang / lho phyogs dang / nub phyogs dang / byang phyogs dang / phyogs mtshams rnams dang / 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed kyi sems can dmyal ba thams cad dang / byol song gi skye gnas thams cad dang / gshin rje'i 'jig rten thams cad kyang rgyun chad/ mi khom pa thams cad kyang nub par gyur te/ sems can de dag thams cad kyang mi dang lhar skal ba mnyam par skyes so/ /de nas mi de dag dang / lha de dag dga' ba dang / mos pa dang / nyams bde ba de nyid kyis sngon gyi tshe rabs rjes su dran par gyur te/ rjes su dran nas kyang dga' ba dang / mos pa dang / nyams bde ba thob par gyur pa de dag / rang rang gi sangs rgyas kyi zhing de dag na/ de bzhin gshegs pa dgra bcom pa yang dag par rdzogs pa'i sangs rgyas gang bzhugs pa de dag gi drung du dong zhing phyin nas/ zhabs la phyag 'tshal te/ de bzhin gshegs pa dgra bcom pa yang dag par rdzogs pa'i sangs rgyas de dag la thal mo sbyor zhing 'dud par gyur to/ /de nas de'i tshe stong gsum gyi stong chen po'i 'jig rten gyi khams 'di na/ sems can dmus long ji snyed cig yod pa de dag thams cad kyang / mig gis gzugs mthong bar gyur to/ /'on pa rnams kyang rna bas sgra thos par gyur to/ /smyon pa rnams kyang dran pa thob par gyur to/ /sems 'khrugs pa rnams kyang 'khrug pa med pa'i sems thob par gyur to/ /gos med pa rnams kyang gos thob par gyur to/ /dbul po rnams kyang nor thob par gyur to/ /bkres pa rnams kyang zas thob par gyur to/ /skom pa rnams kyang btung ba thob par gyur to/ /nad kyis btab pa rnams kyang nad med par gyur to/ /lus nyams pa dang dbang po ma tshang ba rnams kyang lus dang dbang po tshang zhing rgyas par gyur to/ /ngal ba rnams kyang ngal sos par gyur te/ lus dang ngag dang / yid kyi las kyi mtha' dang / 'tsho ba mi dge ba ma spangs pa rnams kyang / lus dang ngag dang yid kyi las kyi mtha' dang 'tsho ba mi dge ba spangs par gyur to/ /sems can thams cad kyang sems can thams cad la/ dper na pha dang / ma dang / phu nu dang / sring mo dang / mdza' ba dang / gnyen pa dang / grogs po dang / mtshungs pa'i sems kyis phan tshun sems mnyam pa nyid du gyur to/ /sems can thams cad kyang dge ba bcu'i las kyi lam dang ldan zhing tshangs par spyod pa dang / gtsang ba dang / nyes pa'i dri nga ba med de/ mi dge ba'i rtogs pa thams cad dang bral bar gyur to/ /de'i tshe sems can thams cad bde ba'i rnam pa 'di lta bu dang ldan par gyur te/ dper na dge slong bsam gtan gsum pa la snyoms par zhugs pa'i bde ba de lta bu'i bde ba thams cad dang ldan par gyur to/ /de'i tshe sems can thams cad rnam pa 'di lta bu'i shes rab dang ldan par gyur te/ 'di ltar sbyin pa ni dge ba'o/ /zhi ba ni dge ba'o/ /dul ba ni dge ba'o/ /sdom pa ni dge ba'o/ /bden pa ni dge ba'o/ /bag byed pa ni dge ba'o/ /byams pa ni dge ba'o/ /snying rje ni dge ba'o/ /tshangs par spyod pa spyad pa ni dge ba'o/ /srog chags su gyur pa thams cad la mi 'tshe ba 'di ni dge ba'o/ /zhes bya bar shes par gyur to/ /de'i tshe bcom ldan 'das gdan seng ge'i khri de nyid la bzhugs pas 'di lta ste/ dper na nyi ma bsgribs pa med pa nam mkha'i dbyings yongs su dag pa la 'dug pa'am/ zla ba nya ba'i zla ba'i dkyil 'khor ltar stong gsum gyi stong chen po'i 'jig rten gyi khams 'di ri rab dang bcas pa/ khor yug dang bcas pa/ lha'i gnas dang bcas pa/ dbang po dang bcas pa/ dbang byed dang bcas pa/ lha dang / lha ma yin gyi ris dang bcas pa/ tshangs pa dang bcas pa/ gtsang ma'i gnas dang bcas pa 'di zil gyis mnan te bzhugs na/ 'od dang sku mdog dang / gzi brjid dang dpal gyis mdzes shing / lham me/ lhan ne/ lhang nge'o/ /ji ltar bcom ldan 'das kyis stong gsum gyi stong chen po'i 'jig rten gyi khams 'di zil gyis mnan te/ 'od dang / sku mdog dang / gzi brjid dang / dpal gyis mdzes shing / lham me/ lhan ne/ lhang nger bzhugs pa de bzhin du/ shar phyogs kyi 'jig rten gyi khams gang gA'i klung gi bye ma snyed zil gyis mnan te/ 'od dang / sku mdog dang / gzi brjid dang dpal gyis mdzes shing lham me lhan ne lhang nger bzhugs so/ /de bzhin du lho dang nub dang byang dang byang shar dang shar lho dang / lho nub dang nub byang gi phyogs mtshams dang / 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed zil gyis mnan te/ 'od dang / sku mdog dang / gzi brjid dang / dpal gyis mdzes shing / lham me lhan ne/ lhang nger bzhugs so/ /'di lta ste dper na/ ri'i rgyal po ri rab ri nag po gzhan thams cad zil gyis non par gnas pa ni mdzes shing lham me/ lhan ne/ lhang nge'o/ /'di lta ste dper na/ zla ba'i dkyil 'khor skar ma'i gzugs thams cad zil gyis non par gnas pa ni mdzes shing lham me/ lhan ne/ lhang nge'o/ /'di lta ste dper na/ nyi ma'i dkyil 'khor 'od gzhan thams cad zil gyis non par gnas pa ni mdzes shing / lham me/ lhan ne/ lhang nge'o/ /de bzhin du bcom ldan 'das phyogs bcu'i 'jig rten lha dang bcas pa/ dbang po dang bcas pa/ tshangs pa dang bcas pa/ gtsang ma'i gnas dang bcas pa/ zil gyis non par bzhugs pa yang 'od dang / sku mdog dang / gzi brjid dang dpal gyis mdzes shing / lham me/ lhan ne/ lhang nge'o/ /de nas yang bcom ldan 'das kyis stong gsum gyi stong chen po'i 'jig rten gyi khams 'dir/ bcom ldan 'das kyis rang bzhin gyi sku ci 'dra ba de bzhin du bstan to/ /de nas stong gsum gyi stong chen po'i 'jig rten gyi khams 'di'i gtsang ma'i gnas kyi lha'i ris dang / kun snang dang ba dang / tshangs ris dang / gzhan 'phrul dbang byed dang / 'phrul dga' dang / dga' ldan dang / mtshe ma dang / sum cu rtsa gsum dang / rgyal chen bzhi'i ris kyi lha gang ji snyed pa de thams cad kyis/ de bzhin gshegs pa dgra bcom pa yang dag par rdzogs pa'i sangs rgyas gdan seng ge'i khri la bzhugs pa mthong nas/ dga' zhing spro ba dang / yid bde zhing rab tu dga' la nyams bde ba dang yid bde ba skyes nas lha rdzas kyi me tog dang / phreng ba dang / spos dang / byug pa dang / phye ma dang / lha rdzas kyi byug spos dang / lha rdzas kyi ut+pal dang / pad mo dang / ku mud dang / pun da ri ka dang / na li na dang / sau gan d+hi dang / lha rdzas kyi me tog ge sar dang / ta ma la'i lo ma dang / lha rdzas kyi na bza' dang / rgyan dang / gdugs dang / rgyal mtshan dang / lha rdzas kyi ba dan mang po thogs nas/ bcom ldan 'das gang na ba der dong ste phyin nas/ me tog dang / phreng ba dang / spos dang / byug pa dang / phye ma dang / byug spos dang / ut+pal dang / pad mo dang / ku mud dang / pun da ri ka dang / na li na dang / sau gan d+hi dang / me tog ge sar dang / ta ma la'i lo ma dang / lha rdzas kyi na bza' dang / rgyan dang / gdugs dang / rgyal mtshan dang / lha'i ba dan dag gis bcom ldan 'das la gtor to/ mngon par gtor to/ /mngon par rab tu gtor to/ /stong gsum gyi stong chen po'i 'jig rten gyi khams 'di na 'dul ba dang / snod du gyur pa'i mi ji snyed cig yod pa de dag kyang me tog chu las skyes pa dang / thang las skyes pa mang po khyer nas/ bcom ldan 'das gang na ba der dong ste phyin nas/ bcom ldan 'das la mchod pa byed par gyur to/ /me tog dang / phreng ba dang / spos dang / byug pa dang / phye ma la sogs pa dang / na bza' dang / rgyan dang / gdugs dang / rgyal mtshan dang / ba dan de dag thams cad kyang de ma thag tu/ bcom ldan 'das kyi byin gyi rlabs kyis/ bcom ldan 'das kyi dbu'i steng gi nam mkha' la me tog la sogs pa'i khang pa brtsegs pa/ stong gsum gyi stong chen po'i 'jig rten gyi khams tsam du red de gnas par gyur to/ /khang pa brtsegs pa de las kyang lha rdzas kyi me tog dang / dar gyi lda ldi mang po 'phyang bar gyur to/ /mngon par 'phyang bar gyur to/ /rab tu 'phyang bar gyur to/ /me tog dang / dar gyi lda ldi de dag gis stong gsum gyi stong chen po'i 'jig rten gyi khams 'di shin tu mdzes par gyur to/ /bcom ldan 'das kyi 'od snang ba gser gyi kha dog lta bu des kyang shin tu mdzes shing / lham me/ lhan ne/ lhang nger gyur to/ /stong gsum gyi stong chen po'i 'jig rten gyi khams 'dir ji lta ba de bzhin du/ shar phyogs kyi 'jig rten gyi khams gang gA'i klung gi bye ma snyed kyang / bcom ldan 'das kyi 'od snang ba des khyab cing gsal bar gyur to/ /lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed kyang / bcom ldan 'das kyi 'od snang ba des khyab cing gsal bar gyur to/ /de la 'dzam bu'i gling gi mi rnams kyis de bzhin gshegs pa'i sku blta bas chog mi shes pa mthong nas/ 'di snyam du sems par gyur te/ /de bzhin gshegs pa bdag cag gi mdun na bzhugs shing chos ston to snyam mo/ /'dzam bu'i gling gi mi rnams ji ltar sems pa de bzhin du/ nub kyi ba lang spyod dang / shar gyi lus 'phags po dang / byang gi sgra mi snyan dang / rgyal chen bzhi'i ris kyi lha rnams dang / 'og min gyi lha rnams kyi bar dang / de bzhin du stong gi 'jig rten gyi khams dang / stong gnyis kyi 'jig rten gyi khams dang / stong gsum gyi stong chen po'i 'jig rten gyi khams kyi mi thams cad dang lha thams cad kyis/ de bzhin gshegs pa'i sku blta bas chog mi shes pa mthong nas 'di snyam du sems par gyur te/ de bzhin gshegs pa bdag cag gi mdun na bzhugs shing chos ston to snyam mo/ /de nas yang bcom ldan 'das kyis gdan seng ge'i khri de la bzhugs bzhin du/ 'od rab tu dgye ba mdzad de/ yang 'od des stong gsum gyi stong chen po'i 'jig rten gyi khams 'di rab tu snang bar gyur to/ /shar phyogs dang / lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed rab tu snang bar gyur to/ /'od des stong gsum gyi stong chen po'i 'jig rten gyi khams 'di na sems can gang ji snyed cig yod pa de dag thams cad kyis/ shar phyogs kyi 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa/ byang chub sems dpa'i 'khor dang bcas pa mang po mthong bar gyur to/ /shar phyogs kyi 'jig rten gyi khams gang gA'i klung gi bye ma snyed po de dag na/ sems can gang ji snyed 'khod pa de dag gis kyang / stong gsum gyi stong chen po'i 'jig rten gyi khams 'di na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dge slong gi dge 'dun dang bcas pa byang chub sems dpa'i 'khor dang thabs gcig tu bzhugs pa mthong bar gyur to/ /lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed po de dag na/ sems can gang ji snyed 'khod pa de dag gis kyang stong gsum gyi stong chen po'i 'jig rten gyi khams 'di na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dge slong gi dge 'dun dang bcas pa/ byang chub sems dpa'i 'khor dang thabs gcig tu bzhugs pa mthong bar gyur to/ /de nas shar phyogs logs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams rin chen yod pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po 'od zer kun nas 'byung ba zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas gang na ba der song ste phyin nas/ bcom ldan 'das de bzhin gshegs pa rin chen 'byung gnas de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dogs 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol ba dang / bcom ldan 'das de bzhin gshegs pa rin chen 'byung gnas kyis/ byang chub sems dpa' sems dpa' chen po 'od zer kun nas 'byung ba la 'di skad ces bka' stsal to/ /rigs kyi bu 'di nas nub phyogs logs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po 'od zer kun nas 'byung bas/ bcom ldan 'das de bzhin gshegs pa rin chen 'byung gnas la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa rin chen 'byung gnas kyis bka' stsal pa/ rigs kyi bu de ltar de'i dus la bab par shes na song shig / de nas de bzhin gshegs pa rin chen 'byung gnas kyis byang chub sems dpa' sems dpa' chen po 'od zer kun nas 'byung ba la pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo bdog bde'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa rin chen 'byung gnas kyis/ bcom ldan 'das la mchod pa'i slad du bskur ro zhes kyang gyis la pad mo 'di dag gis gtor cig / rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po 'od zer kun nas 'byung bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ shar phyogs kyi sangs rgyas bcom ldan 'das gang ji snyed bzhugs shing 'tsho skyong ba de dag thams cad la/ me tog dang / spos dang / bdug spos dang / phreng ba dang / byug pa dang / phye ma dang / na bza' dang / rgyan dang / gdugs dang / rgyal mtshan dang / ba dan dag gis rim gror bya ba dang / bkur stir bya ba dang / bsti stang du bya ba dang / mchod pa byed cing / byang chub sems dpa'i rdzu 'phrul chen po dang / byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po 'od zer kun nas 'byung bas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas/ bcom ldan 'das la snyun mi mnga' 'am/ gnod pa ma mchis sam/ zo bdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa rin chen 'byung gnas kyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa shAkya thub pas pad mo de dag bzhes nas/ shar phyogs kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur to/ /pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa de dag gis kyang / rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du byas so/ /mchod pa byas nas phyogs gcig tu 'khod do/ /de nas lho phyogs logs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams mya ngan med pa zhes bya ba yod do/ de na de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po mya ngan med pa zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal gang na ba der song ste phyin nas/ bcom ldan 'das de bzhin gshegs pa mya ngan med pa'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa mya ngan med pa'i dpal gyis/ byang chub sems dpa' sems dpa' chen po mya ngan med pa la 'di skad ces bka' stsal to/ /rigs kyi bu 'di nas byang phyogs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol du phyin pa ston te/ 'di ni de'i mthu yin te de 'dra'o/ / de nas byang chub sems dpa' sems dpa' chen po mya ngan med pas bcom ldan 'das de bzhin gshegs pa mya ngan med pa'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa mya ngan med pa'i dpal gyis bka' stsal pa/ rigs kyi bu de ltar de'i dus la bab par shes na song shig / de nas de bzhin gshegs pa mya ngan med pa'i dpal gyis/ byang chub sems dpa' sems dpa' chen po mya ngan med pa la pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo bdog bde 'am/ sku nyams dang ldan nam/ bde ba dang dgyes par spyod dam zhes 'dri ste pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa mya ngan med pa'i dpal gyis/ bcom ldan 'das la mchod pa'i slad du bskur ro/ /zhes gyis la pad mo 'di dag gis gtor cig /rigs kyi bu sangs rgyas kyi zhing der bag yod par spyod cig / de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po mya ngan med pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ lho phyogs kyi sangs rgyas bcom ldan 'das gang ji snyed bzhugs shing 'tsho skyong ba de dag thams cad la/ me tog dang spos dang bdug spos dang phreng ba dang byug pa dang phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang bkur stir bya ba dang / bsti stang du bya ba dang mchod pa byed cing byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas byang chub sems dpa' sems dpa' chen po mya ngan med pas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal/ bcom ldan 'das la snyun mi mnga' 'am/ gnod pa ma mchis sam/ zo bdog bde'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa mya ngan med pa'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa shAkya thub pas pad mo de dag bzhes nas/ lho phyogs kyi 'jig rten gyi khams gang gA'i klung gi bye ma snyed po de dag gi sangs rgyas bcom ldan 'das gang na ba der gtor to/ / de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du byas so/ /mchod pa byas nas phyogs gcig tu 'khod do/ /de nas nub phyogs logs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams nye bar zhi ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po spyod pa'i blo gros zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro gang na ba der song ste phyin nas/ bcom ldan 'das de bzhin gshegs pa rin chen 'od 'phro de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol ba dang / bcom ldan 'das rin chen 'od 'phros/ byang chub sems dpa' sems dpa' chen po spyod pa'i blo gros la 'di skad ces bka' stsal to/ /rigs kyi bu 'di nas shar phyogs logs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po spyod pa'i blo gros kyis/ bcom ldan 'das de bzhin gshegs pa rin chen 'od 'phro la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa rin chen 'od 'phros bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa rin chen 'od 'phros/ byang chub sems dpa' sems dpa' chen po spyod pa'i blo gros la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ / gnod pa ma mchis sam/ zo bdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa rin chen 'od 'phros/ bcom ldan 'das la mchod pa'i slad du bskur ro zhes kyang gyis la/ pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po spyod pa'i blo gros kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ nub phyogs kyi sangs rgyas bcom ldan 'das gang ji snyed bzhugs shing 'tsho skyong ba de dag thams cad la me tog dang spos dang bdug spos dang phreng ba dang byug pa dang / phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang bkur stir bya ba dang bsti stang du bya ba dang / mchod pa byed cing / byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po spyod pa'i blo gros kyis/ bcom ldan 'das shAkya thub pa la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro bcom ldan 'das la snyun mi mnga' 'am/ gnod pa ma mchis sam/ zo bdog bde'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa rin chen 'od 'phros/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa shAkya thub pas pad mo de dag bzhes nas/ nub phyogs kyi 'jig rten gyi khams gang gA'i klung gi bye ma snyed po de dag gi / de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur to/ /pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang / khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du byas so/ /mchod pa byas nas phyogs gcig tu 'khod do/ /de nas byang phyogs logs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams rgyal ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang po zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol du phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po rgyal bas byin zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang po gang na ba der song ste phyin nas/ bcom ldan 'das de bzhin gshegs pa rgyal ba'i dbang po de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol ba dang / bcom ldan 'das de bzhin gshegs pa rgyal ba'i dbang pos/ byang chub sems dpa' sems dpa' chen po rgyal bas byin la 'di skad ces bka' stsal to/ /rigs kyi bu 'di nas lho phyogs logs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po rgyal bas byin gyis/ bcom ldan 'das de bzhin gshegs pa rgyal ba'i dbang po la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa rgyal ba'i dbang pos bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa rgyal ba'i dbang pos/ byang chub sems dpa' sems dpa' chen po rgyal bas byin la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo bdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa rgyal ba'i dbang pos/ bcom ldan 'das la mchod pa'i slad du bskur ro zhes kyang gyis la/ pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po rgyal bas byin gyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang po de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang rab tu byung ba dang khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ byang phyogs kyi sangs rgyas bcom ldan 'das gang ji snyed bzhugs shing 'tsho skyong ba de dag thams cad la me tog dang spos dang bdug spos dang phreng ba dang byug pa dang phye ma dang na bza' dang rgyan dang gdugs dang rgyal mtshan dang / ba dan dag gis rim gror bya ba dang / bkur stir bya ba dang bsti stang du bya ba dang mchod pa byed cing / byang chub sems dpa'i rdzu 'phrul chen po dang / byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po rgyal bas byin gyis/ bcom ldan 'das shAkya thub pa la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang pos/ bcom ldan 'das la snyun mi mnga' 'am/ gnod pa ma mchis sam/ zo bdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa rgyal ba'i dbang pos/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa shAkya thub pas pad mo de dag bzhes nas/ byang phyogs kyi 'jig rten gyi khams gang gA'i klung gi bye ma snyed po de dag gi sangs rgyas bcom ldan 'das gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang khye'u dang bu mo'i gzugs su 'dug pa de dag gis kyang / rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du byas so/ /mchod pa byas nas phyogs gcig tu 'khod do/ /de nas byang shar gyi phyogs 'tshams su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams ting nge 'dzin gyis brgyan pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po rnam par rgyal bas rnam par gnon pa zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal gang na ba der song ste phyin nas/ bcom ldan 'das de bzhin gshegs pa ting nge 'dzin gyi glang po dam pa'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa ting nge 'dzin gyi glang po dam pa'i dpal gyis/ byang chub sems dpa' sems dpa' chen po rnam par rgyal bas rnam par gnon pa la 'di skad ces bka' stsal to/ /rigs kyi bu 'di nas lho nub kyi phyogs mtshams logs su 'jig rten gyi khams gang ga'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po rnam par rgyal bas rnam par gnon pas/ bcom ldan 'das de bzhin gshegs pa ting nge 'dzin gyi glang po dam pa'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa gzungs dang / so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das ting nge 'dzin gyi glang po dam pa'i dpal gyis bka' stsal pa/ rigs kyi bu de ltar de'i dus la bab par shes na song shig/ /shes rab kyi pha rol tu phyin pa stong phrag nyi shu lnga pa/ bam po gnyis pa/ de nas de bzhin gshegs pa ting nge 'dzin gyi glang po dam pa'i dpal gyis/ byang chub sems dpa' rnam par rgyal bas rnam par gnon pa la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo bdog bde'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa ting nge 'dzin gyi glang po dam pa'i dpal gyis/ bcom ldan 'das la mchod pa'i slad du bskur ro/ /zhes kyang gyis la pad mo 'di dag gis gtor cig /rigs kyi bu sangs rgyas kyi zhing de la bag yod par spyod cig / de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis der nyams par gyur ta re/ de nas byang chub sems dpa' sems dpa' chen po rnam par rgyal bas rnam par gnon pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ byang shar gyi phyogs mtshams kyi sangs rgyas bcom ldan 'das gang ji snyed bzhugs shing 'tsho skyong ba de dag thams cad la me tog dang / spos dang bdug spos dang phreng ba dang byug pa dang phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang bkur stir bya ba dang bsti stang du bya ba dang mchod pa byed cing / byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po rnam par rgyal bas rnam par gnon pas/ bcom ldan 'das shAkya thub pa la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal/ bcom ldan 'das la snyun mi mnga' 'am/ gnod pa ma mchis sam/ zo bdog bde'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa ting nge 'dzin gyi glang po dam pa'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa shAkya thub pas pad mo de dag bzhes nas/ byang shar gyi phyogs mtshams kyi 'jig rten gyi khams gang gA'i klung gi bye ma snyed po de dag gi /de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing 'di ltar pha rol tu phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ bsti stang du byas so/ /mchod pa byas nas phyogs gcig tu 'khod do/ de nas shar lho'i phyogs mtshams kyi 'jig rten gyi khams gang+gA'i klung gi bye ma snyed 'das pa kun gyi pha rol na/ 'jig rten gyi khams snying po byang chub kyi rgyan shin tu yid du 'ong ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas pad mo dam pa'i dpal zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po lag na pad mo zhes bya ba 'dug 'dug pas/ snang ba chen po de dang sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo dam pa'i dpal gang na ba der song ste phyin nas/ bcom ldan 'das de bzhin gshegs pa pad mo dam pa'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol ba dang / bcom ldan 'das de bzhin gshegs pa pad mo dam pa'i dpal gyis/ byang chub sems dpa' sems dpa' chen po lag na pad mo la 'di skad ces bka' stsal to/ /rigs kyi bu 'di nas nub byang gi phyogs mtshams logs su 'jig rten gyi khams gang+gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po lag na pad mos/ bcom ldan 'das de bzhin gshegs pa pad mo dam pa'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das pad mo dam pa'i dpal gyis bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa pad mo dam pa'i dpal gyis/ byang chub sems dpa' sems dpa' chen po lag na pad mo la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la bcom ldan 'das snyun mi mnga'a'am/ gnod pa ma mchis sam/ zo bdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa pad mo dam pa'i dpal gyis/ bcom ldan 'das la mchod pa'i slad du bskur ro/ /zhes kyang gyis la pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po lag na pad mos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo dam pa'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ shar lho'i phyogs mtshams kyi sangs rgyas bcom ldan 'das gang ji snyed bzhugs shing 'tsho skyong ba de dag thams cad la me tog dang / spos dang / bdug spos dang / 'phreng ba dang / byug pa dang / phye ma dang na bza' dang / rgyan dang gdugs dang rgyal mtshan dang ba dan dag gis rim gror bya ba dang / bkur stir bya ba dang / bsti stang du bya ba dang / mchod pa byed cing / byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das kyi zhabs gnyis la spyi bos phyag 'tshal te phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po lag na pad mos/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo dam pa'i dpal/ bcom ldan 'das la snyun mi mnga'a'am/ gnod pa ma mchis sam/ zo bdog bde'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo dam pa'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad mo de dag bzhes nas/ shar lho'i phyogs mtshams kyi 'jig rten gyi khams gang+gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing / 'di ltar pha rol tu phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang khye'u dang / bu mo'i gzugs su 'dug pa de dag gis kyang / rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du byas so/ /mchod pa byas nas phyogs gcig tu 'khod do/ /de nas lho nub kyi phyogs mtshams su 'jig rten gyi khams gang+gA'i klung gi bye ma snyed 'das pa kun gyi pha rol na/ 'jig rten gyi khams rdul gyi tshogs dang bral ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po nyi ma rab tu snang ba zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal gang na ba der song ste phyin nas/ bcom ldan 'das de bzhin gshegs pa nyi ma'i dkyil 'khor snang ba dam pa'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal gyis/ byang chub sems dpa' sems dpa' chen po nyi ma rab tu snang ba de la 'di skad ces bka' stsal to/ /rigs kyi bu 'di nas byang shar gyi phyogs mtshams logs su 'jig rten gyi khams gang+gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po nyi ma rab tu snang bas/ bcom ldan 'das nyi ma'i dkyil 'khor snang ba dam pa'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa nyi ma'i dkyil 'khor snang ba dam pa'i dpal gyis bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal gyis/ byang chub sems dpa' sems dpa' chen po nyi ma rab tu snang ba la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das la snyun mi mnga' 'am/ gnod pa ma mchis sam/ zo bdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa nyi ma'i dkyil 'khor snang ba dam pa'i dpal gyis/ bcom ldan 'das la mchod pa'i slad du bskur ro zhes kyang gyis la/ pad mo 'di dag gis gtor cig / rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po nyi ma rab tu snang bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang rab tu byung ba dang khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ lho nub kyi phyogs mtshams kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang / spos dang / bdug spos dang / phreng ba dang / byug pa dang / phye ma dang na bza' dang / rgyan dang gdugs dang rgyal mtshan dang / ba dan dag gis rim gror bya ba dang / bkur stir bya ba dang / bsti stang du bya ba dang / mchod pa byed cing / byang chub sems dpa'i rdzu 'phrul chen po dang / byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po nyi ma rab tu snang bas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal/ bcom ldan 'das la snyun mi mnga' 'am/ gnod pa ma mchis sam/ zo bdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad mo de dag bzhes nas/ lho nub kyi phyogs mtshams kyi 'jig rten gyi khams gang+gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing / 'di ltar pha rol tu phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang / khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du byas so/ / mchod pa byas nas phyogs gcig tu 'khod do/ /de nas nub byang gi phyogs mtshams su 'jig rten gyi khams gang+gA'i klung gi bye ma snyed 'das pa kun gyi pha rol na/ 'jig rten gyi khams dbang du gyur pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas gdugs dam pa zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po rin chen mchog ces bya ba 'dug 'dug pas/ snang ba chen po de dang sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das gdugs dam pa gang na ba der song ste phyin nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pa de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa gdugs dam pas/ byang chub sems dpa' sems dpa' chen po rin chen mchog la 'di skad ces bka' stsal to/ /rigs kyi bu 'di nas shar lho'i phyogs mtshams logs su 'jig rten gyi khams gang+gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po rin chen mchog gis/ bcom ldan 'das de bzhin gshegs pa gdugs dam pa la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa gdugs dam pas bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa dgra bcom pa yang dag par rdzogs pa'i sangs rgyas gdugs dam pas/ byang chub sems dpa' sems dpa' chen po rin chen mchog la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das la snyun mi mnga' 'am/ gnod pa ma mchis sam/ zo bdog bde'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa gdugs dam pas/ bcom ldan 'das la mchod pa'i slad du bskur ro/ /zhes kyang gyis la pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po rin chen mchog gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pa de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ nub byang gi phyogs mtshams kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang / spos dang bdug spos dang phreng ba dang byug pa dang / phye ma dang na bza' dang rgyan dang gdugs dang rgyal mtshan dang / ba dan dag gis rim gror bya ba dang / bkur stir bya ba dang bsti stang du bya ba dang mchod pa byed cing / byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po rin chen mchog gis/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pa/ bcom ldan 'das la snyun mi mnga' 'am/ gnod pa ma mchis sam/ zo bdog bde'am/ sku nyams dang ldan nam/ bde ba dang dgyes par spyod ngam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pas/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad mo de dag bzhes nas/ nub byang gi phyogs mtshams kyi 'jig rten gyi khams gang+gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing / 'di ltar pha rol tu phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang / khye'u dang bu mo'i gzugs su 'dug pa de dag gis kyang / rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du byas so/ /mchod pa byas nas phyogs gcig tu 'khod do/ /de nas 'og gi phyogs su 'jig rten gyi khams gang+gA'i klung gi bye ma snyed 'das pa kun gyi pha rol na/ 'jig rten gyi khams pad mo zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas pad mo'i dpal zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po pad mo dam pa zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal gang na ba der song ste phyin nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal gyis/ byang chub sems dpa' sems dpa' chen po pad mo dam pa la 'di skad ces bka' stsal to/ /rigs kyi bu 'di nas steng gi phyogs su 'jig rten gyi khams gang+gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po pad mo dam pas/ bcom ldan 'das de bzhin gshegs pa pad mo'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa pad mo'i dpal gyis bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa dgra bcom pa yang dag par rdzogs pa'i sangs rgyas pad mo'i dpal gyis/ byang chub sems dpa' sems dpa' chen po pad mo dam pa la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo bdog bde'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa pad mo'i dpal gyis bcom ldan 'das la mchod pa'i slad du bskur ro/ /zhes kyang gyis la pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po pad mo dam pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ 'og gi phyogs kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang spos dang bdug spos dang phreng ba dang byug pa dang phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang / bkur stir bya ba dang bsti stang du bya ba dang / mchod pa byed cing / byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po pad mo dam pas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal/ bcom ldan 'das la snyun mi mnga' 'am/ gnod pa ma mchis sam/ zo bdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad mo de dag bzhes nas/ 'og gi phyogs kyi 'jig rten gyi khams gang+gA'i klung gi bye ma snyed po de dag gi / de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing / 'di ltar pha rol tu phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang / khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du byas so/ mchod pa byas nas phyogs gcig tu 'khod do/ /de nas steng gi phyogs su 'jig rten gyi khams gang+gA'i klung gi bye ma snyed 'das pa kun gyi pha rol na/ 'jig rten gyi khams mdangs dga' ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po dga' bas byin pa zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das dga' ba'i dpal gang na ba der song ste phyin nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal gyis/ byang chub sems dpa' sems dpa' chen po dga' bas byin pa la 'di skad ces bka' stsal to/ /rigs kyi bu 'di nas 'og gi phyogs su 'jig rten gyi khams gang+gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po dga' bas byin pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa dga' ba'i dpal gyis bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal gyis/ byang chub sems dpa' sems dpa' chen po dga' bas byin pa la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das la snyun mi mnga' 'am/ gnod pa ma mchis sam/ zo bdog bde'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dga' ba'i dpal gyis/ bcom ldan 'das la mchod pa'i slad du bskur ro/ /zhes kyang gyis la pad mo 'di dag gis gtor cig / rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po dga' bas byin pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ steng gi phyogs kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang / spos dang / bdug spos dang / phreng ba dang / byug pa dang / phye ma dang / na bza' dang / rgyan dang / gdugs dang rgyal mtshan dang / ba dan dag gis rim gror bya ba dang bkur stir bya ba dang bsti stang du bya ba dang mchod pa byed cing / byang chub sems dpa'i rdzu 'phrul chen po dang / byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po dga' bas byin pas/ bcom ldan 'das la 'di skad ces gsol to/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal/ bcom ldan 'das la snyun mi mnga' 'am/ gnod pa ma mchis sam/ zo bdog bde'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dga' ba'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ pad mo de dag bzhes nas/ steng gi phyogs kyi 'jig rten gyi khams gang+gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim ba dang rab tu byung ba dang / khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du byas so/ /mchod pa byas nas phyogs gcig tu 'khod do/ /de nas de'i tshe skad cig yud tsam thang cig la/ stong gsum gyi stong chen po'i 'jig rten gyi khams 'di rin po che'i rang bzhin du kun nas gnas par gyur te/ me tog sil ma sna tshogs kyis kun nas gang ba dang / dar gyi lda ldi dang / chun po kun nas bres pa dang / snod sna tshogs nas bdug spos sna tshogs 'thul ba dang / dpag bsam gyi shing rgyan dang 'bras bu sna tshogs kyis yal ga'i rtse mo g.yur za ba dang / me tog gi shing dang 'bras bu'i shing dang spos kyi shing dang phreng ba'i shing dang phye ma'i shing dang / bdug spos kyi shing sna tshogs kyis rab tu brgyan pa kun nas gnas par gyur te/ 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas me tog kun nas rgyas pa'i sangs rgyas kyi zhing gang na/ 'jam dpal gzhon nur gyur pa 'dug pa dang / lha'i bu blo gros shin tu brtan pa dang / byang chub sems dpa' sems dpa' chen po gzhan yang gzi brjid chen po dag 'khod pa'i 'jig rten gyi khams pad mo can bzhin du gyur to/ /shes rab kyi pha rol tu phyin pa stong phrag nyi shu lnga pa las gleng gzhi'i le'u ste dang po'o// //de'i tshe de ltar bcom ldan 'das kyis 'jig rten lha dang bcas pa bdud dang bcas pa/ tshangs pa dang bcas pa/ dge sbyong dang bram ze'i skye dgu dang bcas pa/ lha dang mi dang lha ma yin du bcas pa mang po tshogs pa dang / byang chub sems dpa' sems dpa' chen po phal cher gzhon nur gyur pa mang po de dag 'dus par thugs su chud nas/ bcom ldan 'das kyis tshe dang ldan pa sha ra dwa ti'i bu la bka' stsal pa/ sha ra dwa ti'i bu 'di la byang chub sems dpa' sems dpa' chen po chos thams cad rnam pa thams cad du mngon par rdzogs par 'tshang rgya bar 'dod pas shes rab kyi pha rol du phyin pa la brtson par bya'o/ /de skad ces bka' stsal pa dang / tshe dang ldan pa sha ra dwa ti'i bus/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po chos thams cad rnam pa thams cad du mngon par rdzogs par 'tshang rgya bar 'tshal bas ji ltar shes rab kyi pha rol du phyin pa la brtson par bgyi/ de skad ces gsol ba dang / bcom ldan 'das kyis tshe dang ldan pa sha ra dwa ti'i bu la 'di skad ces bka' stsal to/ /sha ra dwa ti'i bu 'di la byang chub sems dpa' sems dpa' chen pos gnas pa med pa'i tshul du shes rab kyi pha rol du phyin pa la gnas te/ sbyin pa dang gtong ba dang yongs su len pa mi dmigs pa'i phyir/ yongs su gtong ba med pa'i tshul gyis/ sbyin pa'i pha rol du phyin pa yongs su rdzogs par bya'o/ /ltung ba dang mi ltung ba bya ba med pa'i phyir/ tshul khrims kyi pha rol du phyin pa yongs su rdzogs par bya'o/ /'khrug pa med pa'i phyir/ bzod pa'i pha rol tu phyin pa yongs su rdzogs par bya'o/ /lus dang sems kyi brtson 'grus nyams pa med pa'i phyir/ brtson 'grus kyi pha rol du phyin pa yongs su rdzogs par bya'o/ /ro myong ba med pa'i phyir/ bsam gtan gyi pha rol du phyin pa yongs su rdzogs par bya'o/ /chos thams cad mi dmigs pa'i phyir/ shes rab kyi pha rol du phyin pa yongs su rdzogs par bya'o/ /sha ra dwa ti'i bu byang chub sems dpa' sems dpa' chen pos shes rab kyi pha rol du phyin pa la gnas te/ dran pa mi dmigs pa'i phyir/ dran pa nye bar gzhag pa bzhi yongs su rdzogs par bya'o/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa yongs su rdzogs par bya'o/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin yongs su rdzogs par bya'o/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa lnga dang / rnam par bam pa'i 'du shes dang / 'bu can gyi 'du shes dang / rnam par rnags pa'i 'du shes dang / rnam par dmar ba'i 'du shes dang / rnam par sngos pa'i 'du shes dang / rnam par zos pa'i 'du shes dang / rnam par 'thor ba'i 'du shes dang / rus pa'i 'du shes dang / rnam par tshig pa'i 'du shes dang / zas mi mthun pa'i 'du shes bsgom par bya'o/ /sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / dbugs phyi nang du rgyu ba rjes su dran pa dang / skyo ba rjes su dran pa dang / 'chi ba rjes su dran pa dang / lus kyi rnam pa rjes su dran pa dang / mi rtag pa'i 'du shes dang / sdug bsngal gyi 'du shes dang / bdag med pa'i 'du shes dang / mi sdug pa'i 'du shes dang / 'chi ba'i 'du shes dang / 'jig rten thams cad la dga' bar mi bya ba'i 'du shes dang / 'jig rten thams cad la yid brtan du mi rung ba'i 'du shes dang / sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su 'gro ba shes pa dang / kun rdzob shes pa dang / 'dris pa shes pa dang / sgra ji bzhin shes pa bsgom par bya'o/ /rnam par rtog pa dang bcas/ rnam par dpyod pa dang bcas pa'i ting nge 'dzin dang / rnam par rtog pa med cing rnam par dpyod pa tsam gyi ting nge 'dzin dang / rnam par rtog pa med cing rnam par dpyod pa med pa'i ting nge 'dzin dang / yongs su ma shes pa yongs su shes par bya ba'i dbang po dang / kun shes pa'i dbang po dang / kun shes pa rig pa'i dbang po dang / zil gyis gnon pa'i skye mched dang / chub pa'i skye mched dang / bsdu ba'i dngos po bzhi dang / rnam par dgod pa bzhi dang / sa bcu dang / spyod pa bcu dang / bzod pa bcu dang / lhag pa'i bsam pa nyi shu dang / thams cad mkhyen pa'i ye shes dang / zhi gnas dang / lhag mthong shes pa dang / rig pa gsum dang / so so yang dag par rig pa bzhi dang / mi 'jigs pa bzhi dang / mnyams pa'i mngon par shes pa lnga dang / pha rol du phyin pa drug dang / nor bdun dang / skyes bu chen po'i rnam par rtog pa brgyad dang / sems can gyi gnas dgu dang / de bzhin gshegs pa'i stobs bcu dang / sangs rgyas kyi chos ma 'dres pa brgyad dang / byams pa chen po dang / snying rje chen po dang / dga' ba chen po dang / btang snyoms chen po yongs su rdzogs par bya'o/ /rnam pa thams cad mkhyen pa'i ye shes rnam pa'i mchog thams cad dang ldan pa mngon par rdzogs par 'tshang rgya bar 'dod pa dang / lam gyi rnam pa shes pa dang / thams cad shes pa dang / sems can thams cad kyi sems dang / spyod pa dang / shes pa'i rnam pa'i shes pa nyid yongs su rdzogs par bya bar 'dod pa'i byang chub sems dpa' sems dpa' chen pos shes rab kyi pha rol du phyin pa la brtson par bya'o/ /bag chags kyi mtshams sbyor ba'i nyon mongs pa thams cad spang bar 'dod pa'i byang chub sems dpa' sems dpa' chen pos shes rab kyi pha rol du phyin pa la brtson par bya ste/ sha ra dwa ti'i bu de ltar byang chub sems dpa' sems dpa' chen pos shes rab kyi pha rol du phyin pa la bslab par bya'o/ /sha ra dwa ti'i bu byang chub sems dpa'i skyon med par 'jug par 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /nyan thos dang / rang sangs rgyas kyis shes par 'dod pa dang / sa de dag las 'da' bar 'dod pa dang / phyir mi ldog pa'i sa la gnas par 'dod pa dang / mngon par shes pa drug la gnas par 'dod pa dang / sems can thams cad kyi sems dang spyod pa rnam par g.yo ba shes par 'dod pa dang / nyan thos dang rang sangs rgyas thams cad kyi shes pa zil gyis gnon par 'dod pa dang / gzungs kyi sgo dang ting nge 'dzin gyi sgo mang po thob par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /nyan thos dang rang sangs rgyas kyi theg pa pa'i rigs kyi bu dang rigs kyi bu mo sbyin pa gtong ba thams cad kyi dge ba'i rtsa ba thams cad rjes su yi rang ba dang ldan pa'i sems bskyed pa gcig gis zil gyis gnan par 'dod pa dang / nyan thos dang rang sangs rgyas thams cad kyi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba rjes su yi rang ba dang ldan pa'i sems bskyed pa gcig gis zil gyis gnan par 'dod pa dang / nyan thos dang rang sangs rgyas thams cad kyi bsam gtan dang / rnam par thar pa dang / ting nge 'dzin dang / snyoms par 'jug pa thams cad rjes su yi rang ba dang ldan pa'i sems bskyed pa gcig gis zil gyis gnan par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /gzhan yang sha ra dwa ti'i bu byang chub sems dpa' sems dpa' chen po sems can thams cad kyi don du sbyin pa chung ngu byin yang / thabs mkhas pas yongs su bsngo ba'i tshul gyis/ ji lta bur na tshad med grangs med dpag tu med par 'gyur snyam na'ang / byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /de bzhin du sems can thams cad kyi don du tshul khrims chung ngu bsrungs/ bzod pa chung ngu bsgoms brtson 'grus chung ngu brtsams/ bsam gtan chung ngu la mnyam par bzhag /shes rab chung ngu bsgoms kyang / thabs mkhas pas yongs su bsngo ba'i tshul gyis/ ji lta bur na tshad med grangs med dpag tu med par 'gyur snyam na yang byang chub sems dpa' sems dpa' chen pos shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po sbyin pa'i pha rol du phyin pa la gnas par 'dod pa dang / sbyin pa'i pha rol du phyin pa yongs su rdzogs par bya bar 'dod pa dang / de bzhin du tshul khrims kyi pha rol du phyin pa la spyod par 'dod pa dang / tshul khrims kyi pha rol du phyin pa yongs su rdzogs par bya bar 'dod pa dang / bzod pa'i pha rol tu phyin pa la spyod par 'dod pa dang / bzod pa'i pha rol tu phyin pa yongs su rdzogs par bya bar 'dod pa dang / brtson 'grus kyi pha rol du phyin pa la spyod par 'dod pa dang / brtson 'grus kyi pha rol du phyin pa yongs su rdzogs par bya bar 'dod pa dang / bsam gtan gyi pha rol du phyin pa la spyod par 'dod pa dang / bsam gtan gyi pha rol du phyin pa yongs su rdzogs par bya bar 'dod pa dang / shes rab kyi pha rol du phyin pa la spyod par 'dod pa dang / shes rab kyi pha rol du phyin pa yongs su rdzogs par bya bar 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po ji ltar na tshe rabs thams cad du bdag gis sangs rgyas kyi sku mthong bar 'gyur/ ji ltar na sangs rgyas kyis bskul bar 'gyur/ ji ltar na sangs rgyas kyis dgongs par 'gyur/ ji ltar na sangs rgyas mnyes par 'gyur/ ji ltar na sangs rgyas kyis yongs su gzung bar 'gyur snyam na yang / shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po sangs rgyas kyi sku yongs su bsgrub par 'dod pa dang / mi chen po'i mtshan sum cu rtsa gnyis thob par 'dod pas/ shes rab kyi pha rol tu phyin pa la bslab par bya'o/ /byang chub sems dpa' sems dpa' chen po dpe byad bzang po brgyad cu thob par 'dod pa dang / tshe rabs thams cad du tshe rabs dran pa dang / byang chub kyi sems mi stor ba dang / byang chub sems dpa'i spyod pa mi nyams pa thob par 'dod pa dang / sdig to'i mdza' bo dang / sdig to'i grogs po thams cad spang bar 'dod pa dang / dge ba'i bshes gnyen sangs rgyas dang byang chub sems dpa' thams cad bsnyen bkur bar 'dod pa dang / bdud dang bdud kyi ris su gtogs pa'i lha thams cad pham par bya bar 'dod pa dang / sgrib pa thams cad rnam par sbyang bar 'dod pa dang / chos thams cad la bsgribs pa med pa thob par 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po byang chub sems dpa'i rigs yongs su bsgrub par 'dod pa dang / sangs rgyas kyi rigs bsgrub par 'dod pa dang / dkon mchog gsum gyi gdung rgyun mi gcad pa'i don du gnas par 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po gzhon nu'i sa thob par 'dod pa dang / sangs rgyas dang byang chub sems dpa' thams cad dang mi 'bral bar 'dod pa dang / byang chub sems dpa'i sa las 'da' bar 'dod pa dang / myur du de bzhin gshegs pa'i sa yongs su rdzogs par bya bar 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po dge ba'i rtsa ba rnam pa gang dang gang gis sangs rgyas bcom ldan 'das rnams la rim gror bya ba dang / bkur stir bya ba dang / bsti stang du bya ba dang / mchod pa byed pa de lta bu'i dge ba'i rtsa ba de dag dang / rnam pa de dag phun sum tshogs par 'gyur bar dga' bas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po sems can thams cad yongs su dga' bar bya bar 'dod pa dang / sems can thams cad kyi bsam pa yongs su rdzogs par bya bar 'dod pa dang / zas dang skom dang gos dang rgyan dang me tog dang bdug spos dang phreng ba dang byug pa dang phye ma dang mal cha dang stan dang gnas dang nad kyi rkyen rtsi dang yo byad dang nor dang 'bru dang lhab lhub dang nor bu dang mu tig dang baiDUr+ya dang dung dang man shel dang / byi ru dang sa le sbram dang dngul dang bza' shing gi ra ba dang / rgyal po'i srid la sogs pa yo byad dang / longs spyod thams cad kyis sems can thams cad yongs su tshim par bya'o snyam na yang / shes rab kyi pha rol tu phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po phyogs thams cad kyi 'jig rten gyi khams gang+gA'i klung gi bye ma snyed dag na/ sems can gang ji snyed cig yod pa de dag thams cad dge ba bcu'i las kyi lam la dgod par 'dod pa dang / bsam gtan bzhi dang / tshad med pa bzhi dang / mngon par shes pa lnga dang / gsum la skyabs su 'gro ba dang / sangs rgyas dang / chos dang / dge 'dun la mos pa thob pa la dgod par 'dod pas shes rab kyi pha rol du phyin pa la bslab par bya'o// //shes rab kyi pha rol tu phyin pa stong phrag nyi shu lnga pa/ bam po gsum pa/ sha ra dwa ti'i bu gzhan yang byang chub sems dpa' sems dpa' chen po 'jig rten gyi khams chos kyi dbyings kyis klas pa/ nam mkha'i dbyings kyi mthas gtugs pa'i sems can thams cad theg pa chen po la gzud par 'dod pa dang / sbyin pa'i pha rol du phyin pa la dgod par 'dod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol tu phyin pa dang / bsam gtan gyi pha rol du phyin pa dang / shes rab kyi pha rol tu phyin pa la dgod par 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po dge ba'i sems bskyed pa gcig 'ga' yang snying po byang chub la nam 'dug gi bar du mi zad par bya bar 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang shar phyogs kyi 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag thams cad bdag gi yon tan brjod par dga' ba'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /de bzhin du lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag thams cad bdag gi yon tan brjod par dga' ba'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /sha ra dwa ti'i bu gzhan yang shar phyogs kyi sangs rgyas kyi zhing gang+gA'i klung gi bye ma snyed po de dag thams cad du sems bskyed pa gcig gis 'gro bar 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /de bzhin du lho dang nub dang byang dang byang shar dang shar lho dang lho nub dang nub byang dang / 'og dang steng gi phyogs kyi phyogs re re zhing sangs rgyas kyi zhing gang+gA'i klung gi bye ma snyed po de dag thams cad du sems bskyed pa gcig gis 'gro bar 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /sha ra dwa ti'i bu gzhan yang shar phyogs kyi sangs rgyas kyi zhing gang+gA'i klung gi bye ma snyed po de dag thams cad du sgra gcig gi dbyangs kyis go bar bya bar 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /de bzhin du lho dang nub dang byang dang byang shar dang shar lho dang lho nub dang nub byang dang / 'og dang steng gi phyogs kyi phyogs re re zhing sangs rgyas kyi zhing gang+gA'i klung gi bye ma snyed po de dag thams cad du sgra gcig gi dbyangs kyis go bar bya bar 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po sangs rgyas kyi skye ba rgyun mi gcad pa'i don du gnas par 'dod pa dang / byang chub sems dpa'i rigs yongs su bsgrub par 'dod pa dang / sangs rgyas kyi rigs rgyun mi gcad pa'i don du gnas par 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang nang stong pa nyid la gnas par 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /de bzhin du phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong ba nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid la gnas par 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po dmigs pa dang / dbang dang / de ma thag pa dang / rgyu'i rkyen khong du chud par 'dod pa dang / de bzhin nyid kyi rnam pa dang / mtshan nyid khong du chud par 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po chos thams cad kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / 'gyur ba med pa'i de bzhin nyid dang / yang dag pa ji lta ba'i de bzhin nyid khong du chud par 'dod pas shes rab kyi pha rol du phyin pa la bslab par bya'o/ /byang chub sems dpa' sems dpa' chen po chos thams cad kyi chos kyi dbyings khong du chud par 'dod pa dang / chos thams cad kyi yang dag pa'i mtha' khong du chud par 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams gang+gA'i klung gi bye ma ji snyed cig yod pa de dag thams cad shes par 'dod pas shes rab kyi pha rol du phyin pa la bslab par bya'o/ /byang chub sems dpa' sems dpa' chen po stong gsum gyi stong chen po'i 'jig rten gyi khams kyi rgya mtsho chen po dang / chu klung dang / chu klung chen po dang / chu bran dang / lteng ka dang / mtsho dang / rdzing bu dang / lu ma dag gi chu'i phung po de dag thams cad skra'i rtse mo brgyar gshegs pas gyen du blang bar 'dod pa dang / de la gnas pa'i srog chags rnams la yang gnod par mi 'gyur bar 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams na me'i phung po ji snyed cig yod pa de dag thams cad 'di lta ste dper na/ bskal pa'i me ltar me lce gcig tu 'bar bar gyur na'ang / de ltar 'bar ba de kha'i dbugs gcig gis zhi bar bya bar 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams na/ rlung gi dkyil 'khor ji snyed cig yod pa stong gsum gyi stong chen po'i 'jig rten gyi khams 'di yang / 'di lta ste dper na/ phub ma spar gang la bya ba ltar gtor g.yad de/ rnam par 'jig par byed pa de lta bur rnam par 'thor ba chen po'i rlung gi dkyil 'khor sor mo gcig gi rtse mos yongs su khebs par bya bar 'dod pa dang / gzhil bar 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams kyi nam mkha'i dbyings ji tsam pa de thams cad skyil mo krung gcig gis rgyas par dgang bar 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams na/ ri'i rgyal po ri rab dang khor yug dang khor yug chen po ji snyed cig yod pa de dag thams cad skra nyag ma gcig gis sbams te gyen du bteg nas/ 'jig rten gyi khams tshad med grangs med par 'phang ngo snyam na yang / shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams kyi shing dang rtswa dang gel ba dang rtsi dang nags tshal mang po dang rdo dang bong ba dang gyo mo dang ri dang sa chen po'i lhun de dag thams cad rdul shin du phra ba'i tshul du shes par 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das byang chub sems dpa'i 'khor dang bcas pa/ nyan thos kyi dge 'dun dang bcas pa ji snyed cig bzhugs pa de dag thams cad bsod snyoms gcig gis khyed par bya bar 'dod pa dang / de bzhin du me tog gcig dang / phreng ba gcig dang spos gcig dang byug pa gcig dang phye ma gcig dang / na bza' gcig dang rgyan gcig dang gdugs gcig dang rgyal mtshan gcig dang ba dan gcig gis rim gror bya bar 'dod pa dang / bkur stir bya bar 'dod pa dang / bsti stang du bya bar 'dod pa dang / mchod par bya bar 'dod pas/ shes rab kyi pha rol du phyin pa la bslab par bya'o/ /de bzhin du byang chub sems dpa' sems dpa' chen po lho dang nub dang byang dang byang shar dang shar lho dang lho nub dang nub byang dang / 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das byang chub sems dpa'i 'khor dang bcas pa/ nyan thos kyi dge 'dun dang bcas pa ji snyed cig bzhugs pa de dag thams cad bsod snyoms gcig gis khyed par bya bar 'dod pa dang / de bzhin du me tog gcig dang phreng ba gcig dang / spos gcig dang / byug pa gcig dang phye ma gcig dang / na bza' gcig dang / rgyan gcig dang gdugs gcig dang / rgyal mtshan gcig dang / ba dan gcig gis rim gror bya bar 'dod pa dang / bkur stir bya bar 'dod pa dang / bsti stang du bya bar 'dod pa dang / mchod par bya bar 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang+gA'i klung gi bye ma snyed dag na/ sems can ji snyed cig 'khod pa de dag thams cad tshul khrims kyi phung po la dgod par 'dod pa dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po la dgod par 'dod pa dang / rgyun tu zhugs pa'i 'bras bu la dgod par 'dod pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / phung po ma lus pa'i mya ngan las 'das pa'i dbyings kyi bar la dgod par 'dod pas/ shes rab kyi pha rol du phyin pa la bslab par bya'o/ /de bzhin du byang chub sems sems dpa' chen po lho dang nub dang byang dang byang shar dang shar lho dang lho nub dang nub byang dang / 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na/ sems can ji snyed cig 'khod pa de dag thams cad tshul khrims kyi phung po la dgod par 'dod pa dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po la dgod par 'dod pa dang / rgyun tu zhugs pa'i 'bras bu la dgod par 'dod pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la dgod par 'dod pa dang / phung po ma lus pa'i mya ngan las 'das pa'i dbyings kyi bar la dgod par 'dod pas/ shes rab kyi pha rol tu phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po phyogs bcu'i 'jig rten gyi khams thams cad na/ sems can ji snyed cig yod pa de dag thams cad nyan thos dang / rang sangs rgyas kyi theg pa dang / theg pa chen pos yongs su mya ngan las bzla bar 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / sbyin pa gtong ba'i tshe 'di ltar bslab par bya ste/ sbyin pa rnam pa 'di ltar byin na ni 'bras bu chen por 'gyur/ sbyin pa 'di ltar byin na ni rgyal rigs che zhing mtho ba'i rigs su skye/ sbyin pa 'di ltar byin na ni bram ze che zhing mtho ba'i rigs su skye/ sbyin pa 'di ltar byin na ni/ khyim bdag che zhing mtho ba'i rigs su skye/ sbyin pa 'di ltar byin na ni/ sbyin pa de nyid la gnas pas/ rgyal po chen po bzhi'i ris kyi lha'i nang du skye/ sbyin pa 'di ltar byin na ni/ sbyin pa de nyid la gnas pas/ sum cu rtsa gsum dang / mtshe ma dang dga' ldan dang / 'phrul dga' dang gzhan 'phrul dbang byed kyi lha'i nang du skye/ sbyin pa 'di ltar byin na ni sbyin pa de nyid la gnas pas/ bsam gtan dang po 'grub par 'gyur/ bsam gtan gnyis pa dang / gsum pa dang / bzhi pa 'grub par 'gyur/ nam mkha' mtha' yas skye mched kyi mnyam par gzhag pa la snyoms par 'jug par 'gyur/ rnam shes mtha' yas skye mched kyi mnyam par gzhag pa dang / cung zad med pa'i skye mched kyi mnyam par gzhag pa dang / 'du shes med 'du shes med min skye mched kyi mnyam par gzhag pa la snyoms par 'jug par 'gyur/ sbyin pa 'di ltar byin na ni/ byang chub kyi phyogs kyi chos sum cu rtsa bdun 'byung bar 'gyur/ sbyin pa 'di ltar byin na ni/ stong pa nyid dang / mtshan ma med pa dang / smon pa med pa 'byung bar 'gyur/ sbyin pa 'di ltar byin na ni rgyun tu zhugs pa'i 'bras bu thob par 'gyur/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub thob par 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sbyin pa 'di ltar byin na ni/ sbyin pa'i pha rol du phyin pa yongs su rdzogs par byed do/ /de bzhin du/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol tu phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par byed do zhes bya bar bslab par bya'o/ /de nas tshe dang ldan pa sha ra dwa ti'i bus/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen pos sbyin pa rnam pa ji lta bur stsal na/ sbyin pa'i pha rol du phyin pa yongs su rdzogs par bgyis pa lags/ ji ltar na tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bgyis pa lags/ bcom ldan 'das kyis bka' stsal pa/ sha ra dwa ti'i bu sbyin pa dang / gtong ba dang / yongs su len pa mi dmigs pa'i tshul gyis 'khor gsum yongs su dag pas/ sbyin pa'i pha rol tu phyin pa yongs su rdzogs par byas pa yin/ de bzhin du ltung ba dang mi ltung ba bya ba med pa'i phyir/ tshul khrims kyi pha rol du phyin pa yongs su rdzogs par byas pa yin/ 'khrug pa med pa'i phyir/ bzod pa'i pha rol du phyin pa yongs su rdzogs par byas pa yin/ lus dang sems kyi brtson 'grus 'jig pa med pa'i phyir/ brtson 'grus kyi pha rol du phyin pa yongs su rdzogs par byas pa yin/ 'khrugs pa dang rtog pa med pa'i phyir/ bsam gtan gyi pha rol du phyin pa yongs su rdzogs par byas pa yin/ chos thams cad rab tu shes pa mi dmigs pa'i tshul gyis/ shes rab kyi pha rol du phyin pa yongs su rdzogs par byas pa yin no/ /sha ra dwa ti'i bu gzhan yang byang chub sems dpa' sems dpa' chen po sangs rgyas bcom ldan 'das 'das pa dang ma byon pa dang ltar byung ba rnams kyi sangs rgyas kyi yon tan thams cad shes par 'dod pa dang thob par 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po chos 'dus byas dang / 'dus ma byas rnams kyi pha rol tu phyin par 'dod pas/ shes rab kyi pha rol tu phyin pa la bslab par bya'o/ /byang chub sems dpa' sems dpa' chen po chos gang zag pa dang bcas pa dang / zag pa med pa dang dge ba dang mi dge ba dang 'jig rten pa dang 'jig rten las 'das pa dang gzugs yod pa dang gzugs med pa dang lung bstan du yod pa dang / lung bstan du med pa dang / nges pa dang / ma nges pa dang / 'byung ba dang / mi 'byung ba dang / 'grib pa'i tshul can dang / khyad par gyi tshul can dang / so so'i skye bo'i chos dang 'phags pa'i chos dang / slob pa'i chos dang / mi slob pa'i chos dang nyan thos dang rang sangs rgyas kyi chos dang / byang chub sems dpa'i chos dang sangs rgyas kyi chos dang / chos thams cad kyi pha rol du phyin par 'gro bar 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po chos 'das pa dang ma 'ongs pa dang da ltar byung ba thams cad kyi de bzhin nyid khong du chud par 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po de bzhin du chos thams cad kyi mi skye ba'i mthar phyin par 'dod pa dang / chos thams cad kyi yang dag pa'i mtha' rtogs par 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po nyan thos dang / rang sangs rgyas thams cad kyi sngon du 'gro bar 'dod pas shes rab kyi pha rol tu phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po sangs rgyas bcom ldan 'das thams cad la rim gror bya bar 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po sangs rgyas bcom ldan 'das thams cad kyi nang gi 'khor du 'gyur bar 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po 'khor mang po dang ldan par 'dod pa dang / byang chub sems dpa'i 'khor thob par 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po sbyin bdag thams cad kyi sbyin pa yongs su dag par bya bar 'dod pas/ shes rab kyi pha rol du phyin pa la bslab par bya'o/ / sha ra dwa ti'i bu gzhan yang byang chub sems dpa' sems dpa' chen po sbyin pa la thogs pa med pa'i sems dang ldan par 'dod pa dang / tshul khrims ngan pa'i sems spang bar 'dod pa dang / gnod par sems pa'i yid dor bar 'dod pa dang / le lo'i sems dang / 'khrug pa'i sems dang / shes rab 'chal pa'i sems mi skyed par 'dod pas shes rab kyi pha rol tu phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po sems can thams cad sbyin pa las byung ba'i bsod nams bya ba'i dngos po la dgod par 'dod pa dang / tshul khrims las byung ba dang / bsgoms pa las byung ba dang / rim gro las byung ba dang / dngos po thams cad las byung ba'i bsod nams bya ba'i dngos po la dgod par 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po mig lnga rnam pa thams cad du yongs su bsgrub par 'dod pas shes rab kyi pha rol du phyin pa la bslab par bya'o/ /'di lta ste/ sha'i mig dang / lha'i mig dang / shes rab kyi mig dang / chos kyi mig dang / sangs rgyas kyi mig yongs su bsgrub par 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das gang ji snyed cig bzhugs pa de dag thams cad dang lho dang nub dang byang dang byang shar dang / shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das ji snyed cig bzhugs pa de dag thams cad lha'i mig gis blta bar 'dod pa dang / sangs rgyas bcom ldan 'das de dag chos gang ston pa de thams cad lha'i rna bas mnyan par 'dod pa dang / sangs rgyas bcom ldan 'das de dag gi thugs sems kyis khong du chud par 'dod pa dang / sangs rgyas bcom ldan 'das de dag gi sngon gyi sbyor ba dang ldan pa'i byang chub sems dpa'i spyod pa rjes su dran par 'dod pa dang / sangs rgyas bcom ldan 'das de dag gi rdzu 'phrul dang / rnam par 'phrul pa rnam pa mang po mthong bar 'dod pas/ shes rab kyi pha rol tu phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po sangs rgyas bcom ldan 'das de dag phyogs bcu kun gyi 'jig rten gyi khams su chos gang ston pa de dag thams cad dran pa'i stobs dang shugs gcad du mi chod pas yang dag par gzung bar 'dod pa dang / bla na med pa yang dag par rdzogs pa'i byang chub tu mngon par rdzogs par sangs rgyas kyi bar du de thams cad chud mi za bar bya bar 'dod pas/ shes rab kyi pha rol du phyin pa la bslab par bya'o/ / sha ra dwa ti'i bu gzhan yang byang chub sems dpa' sems dpa' chen po sangs rgyas bcom ldan 'das 'das pa dang ma byon pa dang da ltar byung ba rnams kyi sangs rgyas kyi zhing dang / sangs rgyas kyi zhing yongs su dag pa mang po mthong bar 'dod pa dang yongs su bsgrub par 'dod pas shes rab kyi pha rol tu phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po de bzhin gshegs pa rnams kyi mdo dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / 'di ltar 'das pa dang / skyes pa'i rabs dang / shin tu rgyas pa dang / rtogs pa brjod pa dang / gtan la dbab par bstan pa dang / chos rmad du byung ba nyan thos dang rang sangs rgyas kyi ma thos pa gang ji bstan kyang rung ste/ de dag thams cad thos par 'dod pa dang / gzung bar 'dod pa dang / bcang bar 'dod pa dang / klag par 'dod pa dang / yongs su chub par bya bar 'dod pa dang / ma nor bar nan tan du bya bar 'dod pa dang / gzhan la yang rgya cher bstan par 'dod pa dang / yang dag par bstan par 'dod pas/ shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po shar phyogs su sangs rgyas bcom ldan 'das thams cad kyi gsungs pa dang gsung ba dang / gsung bar 'gyur ba dang / de bzhin du lho dang nub dang byang dang byang shar dang shar lho dang lho nub dang nub byang dang 'og dang steng gi phyogs su sangs rgyas bcom ldan 'das thams cad kyis gsungs pa dang gsung ba dang gsung bar 'gyur ba gang ci yang rung ste/ de thams cad mnyan par 'dod pa dang / gzung bar 'dod pa dang / bcang bar 'dod pa dang / klag par 'dod pa dang / yongs su chub par bya bar 'dod pa dang / gzhan la yang dag par rgya cher bstan par 'dod pa dang / de la yang ma nor bar nan tan du bya bar 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang+gA'i klung gi bye ma snyed dag na/ mun pa mun nag smag tu gyur pa/ smag gis khyab pa/ nyi ma dang zla ba 'di ltar rdzu 'phrul che zhing 'di ltar gzi brjid che la/ 'di ltar mthu che ba gnyis kyis kyang lham mer mi rung / lhan ner mi rung / lhang nger mi rung ba de lta bu thams cad snang bar bya bar 'dod pas shes rab kyi pha rol du phyin pa la bslab par bya'o/ /de bzhin du lho dang nub dang byang dang / byang shar dang shar lho dang / lho nub dang / nub byang dang / 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma snyed dag na/ mun pa mun nag smag du gyur pa/ smag gis khyab pa/ nyi ma dang zla ba 'di ltar rdzu 'phrul che zhing / 'di ltar gzi brjid che la/ 'di ltar mthu che ba gnyis kyis kyang lham mer mi rung / lhan ner mi rung / lhang nger mi rung ba de lta bu thams cad snang bar bya bar 'dod pas/ shes rab kyi pha rol du phyin pa la bslab par bya'o/ / sha ra dwa ti'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang+gA'i klung gi bye ma ji snyed pa gang du sangs rgyas kyi sgra dang chos kyi sgra dang dge 'dun gyi sgra sems can rnams kyis mi thos pa de lta bu'i 'jig rten gyi khams dag tu sems can de dag thams cad kyis/ sangs rgyas dang chos dang dge 'dun gyi sgra thos par bya bar 'dod pa dang / yang dag pa'i lta ba la dgod par 'dod pas shes rab kyi pha rol du phyin pa la bslab par bya'o/ /de bzhin du/ byang chub sems dpa' sems dpa' chen po lho dang nub dang byang dang byang shar dang / shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma ji snyed pa gang du/ sangs rgyas kyi sgra dang chos kyi sgra dang dge 'dun gyi sgra sems can rnams kyis mi thos pa de lta bu'i 'jig rten gyi khams dag tu sems can de dag thams cad kyis sangs rgyas dang chos dang dge 'dun gyi sgra thos par bya bar 'dod pa dang / yang dag pa'i lta ba la dgod par 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po shar phyogs dang / lho dang nub dang byang dang / byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma snyed dag na/ sems can long ba ji snyed cig yod pa de dag thams cad bdag gi mthus/ mig gis gzugs mthong ba dang / 'on pa rnams rna bas sgra thos pa dang / smyon pa rnams dran pa thob pa dang / gos med pa rnams gos thob pa dang / bkres pa dang skom pa rnams zas dang skom thob pa dang / nad pa rnams nad 'tsho bar 'gyur ba dang / btson ra dang khri mon na 'khod pa rnams bdag gis rdzu 'phrul dang bdag gi mthus dga' mgur 'dong du yod par bya'o snyam na yang / shes rab kyi pha rol du phyin pa la bslab par bya'o/ /ji ltar na phyogs bcu kun gyi phyogs re re'i 'jig rten gyi khams gang+gA'i klung gi bye ma snyed dag na/ sems can mi khom pa dang / ngan song du lhung pa sems can dmyal ba pa'am/ byol song gi skye gnas pa'am/ gshin rje'i 'jig rten pa ji snyed cig yod pa de dag thams cad bdag gis mthus/ de nas shi 'phos nas mi'i lus thob par bya snyam ste/ sems can de dag thams cad tshul khrims la dgod par 'dod pa dang ting nge 'dzin dang shes rab dang rnam par grol ba dang / rnam par grol ba'i ye shes mthong ba la dgod par 'dod pa dang / rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la dgod par 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po de bzhin gshegs pa'i spyod lam la bslab par 'dod pa dang / de bzhin gshegs pa'i spyod pa dang / tshul rnam par dag pa dang / de bzhin gshegs pa'i sku'i phrin las dang gsung gi phrin las dang thugs kyi phrin las ye shes sngon du 'gro ba yongs su dag pa la bslab par 'dod pas shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe 'di ltar yongs su brtag par bya ste/ ji ltar na bdag gis glang po chen po'i lta stangs kyis bltas te/ sems can rnams la thogs pa med par chos bstan par 'gyur/ ji ltar na bdag seng ge chen po'i rnam par bsgyings pas rnam par sgying bar 'gyur/ ji ltar na bdag gis don yod pa'i rnam par gnas pas rnam par gnas par bya/ ji ltar na bdag sa chen po la sor bzhi tsam gyis rkang pas mi reg par 'gro bar 'gyur/ ji ltar na bdag gis pad mo 'dab ma stong dang ldan pa la rkang pa gnyis kyi mthil gzhag cing / rkang pa'i 'og na gnas pa'i srog chags rnams la mi gnod par 'gro bar bya/ ji ltar na bdag rkang pa'i mthil 'khor lo'i rtsibs stong dang ldan pa gnyis kyis sa chen po la rnam par bris te 'gro bar 'gyur/ ji ltar na bdag sa chen po la 'khor kun du 'khor lo tsam gyi khyon yongs su bskor cing 'chags na 'chag par 'gyur/ ji ltar na bdag sa chen po thams cad du rgyu zhing song yang / sa'i rdul gyis mi gos par 'gyur/ ji ltar na bdag dpag tshad gcig gam gnyis sam gsum 'am bzhi 'am lnga 'am bcu 'am nyi shu 'am sum cu 'am bzhi bcu 'am lnga bcu 'am dpag tshad brgya 'am dpag tshad stong ngam dpag tshad brgya phrag stong nas dpag tshad tshad med pa'am grangs med pa 'am/ bsam gyis mi khyab pa'am/ mtshungs pa med pa'am/ mtha' yas pa'am/ kun du mtha' yas pa'am/ gzhal du med pa'am/ brjod du med pa'i yang brjod du med pa'i bar gyi sangs rgyas kyi zhing dag tu rgyus te song yang / lus dang sems la dub pa med par 'gyur snyam na yang / shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po ji ltar na bdag gis rkang pa'i mthil 'khor lo'i rtsibs stong dang ldan pa gnyis nas 'od zer bye ba khrag khrig brgya phrag stong bkye ste/ mi khom pa dang ngan song gi sdug bsngal thams cad rab tu zhi bar byas nas/ sems can thams cad bde bar bya bar 'gyur snyam na yang shes rab kyi pha rol tu phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe 'di ltar yongs su brtag par bya ste/ ji ltar na bdag rgyal po chen po bzhi'i ris kyi lha rnams dang / sum cu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / gya nom snang ba dang / shin tu mthong ba dang / 'og min gyi lha bye ba khrag khrig brgya stong du mas bskor cing mdun du bdar te snying po byang chub kyi shing drung du 'gro bar bya snyam na yang shes rab kyi pha rol tu phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ 'di ltar yongs su brtag par bya ste/ ji ltar na bdag byang chub kyi shing drung du 'dug pa'i tshe/ rgyal po chen po bzhi'i ris kyi lha dang / sum cu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / gya nom snang ba dang / shin tu mthong ba dang / 'og min gyi lha rnams stan gding bar 'gyur snyam na yang shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ 'di ltar yongs su brtag par bya ste/ ji ltar na bdag snying po byang chub la 'dug ste/ mtshan gyis legs par brgyan pa'i lag gis sa chen po la brdabs nas/ nag po'i phyogs bdud 'khor dang bcas pa shin tu pham par bya snyam na yang shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ 'di ltar yongs su brtag par bya ste/ ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas nas/ 'gro ba dang / 'greng ba dang 'dug pa dang / nyal ba'i sa phyogs de dag rdo rje'i rang bzhin du 'dug par 'gyur snyam na yang shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe 'di ltar yongs su brtag par bya ste/ ji ltar na bdag nyi ma gang la mngon par byung ba de nyid kyi nyi ma la/ nag po'i phyogs 'khor dang bcas pa pham par byas te/ bla na med pa yang dag par rdzogs pa'i byang chub tu mngon par 'tshang rgya bar bya/ mngon par sangs rgyas nas ni ji ltar nyi ma de nyid la chos kyi 'khor lo bskor bar bya/ 'khor lo bskor nas ni ji ltar tshad med grangs med pa'i sems can rnams rdul dang bral te/ dri ma dang bral nas chos la chos kyi mig rnam par dag par bya/ tshad med grangs med pa'i sems can rnams ni ji ltar nye bar len pa med par zag pa rnams las sems rnam par grol bar bya/ tshad med grangs med pa'i sems can rnams ni ji ltar bla na med pa yang dag par rdzogs pa'i byang chub las phyir mi ldog par bya snyam na yang shes rab kyi pha rol tu phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ 'di ltar sems bskyed par bya ste/ ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ nyan thos kyi dge 'dun ni tshad med grangs med par 'gyur/ chos bstan pa gcig gis stan gcig pa'i dgra bcom pa ni tshad med grangs med par 'gyur/ byang chub sems dpa' sems dpa' chen po rnams ni bla na med pa yang dag par rdzogs pa'i byang chub las phyir mi ldog par 'gyur/ byang chub sems dpa'i dge 'dun ni tshad med grangs med par 'gyur/ tshe'i tshad ni dpag tu med par 'gyur/ 'od dpag tu med pa ni phun sum tshogs par 'gyur snyam na yang shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ sangs rgyas kyi zhing der 'dod chags dang zhe sdang dang gti mug gi sgra yang mi grag par bya snyam na yang shes rab kyi pha rol du phyin pa la bslab par bya'o/ /sha ra dwa ti'i bu gzhan yang byang chub sems dpa' sems dpa' chen po ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ sangs rgyas kyi zhing de'i sems can thams cad la 'di ltar sbyin pa ni dge ba'o/ /dul ba ni dge ba'o/ /sdom pa ni dge ba'o/ /tshangs pa'i spyod pa ni dge ba'o/ /srog chags su gyur pa thams cad la 'tshe ba med pa ni dge ba'o zhes bya bar shes pa'i shes rab de lta bu dang ldan par 'gyur snyam na yang shes rab kyi pha rol du phyin pa la bslab par bya'o/ /byang chub sems dpa' sems dpa' chen po ji ltar na bdag yongs su mya ngan las 'das kyang / dam pa'i chos nub ces bya ba'i sgra yang mi grag par 'gyur snyam na yang shes rab kyi pha rol du phyin pa la bslab par bya'o/ /byang chub sems dpa' sems dpa' chen po ji ltar na bdag gi ming thos pa tsam gyis/ 'jig rten gyi khams gang+gA'i klung gi bye ma snyed kyi sems can mang po bla na med pa yang dag par rdzogs pa'i byang chub tu nges par 'gyur snyam na yang / shes rab kyi pha rol du phyin pa la bslab par bya'o/ /sha ra dwa ti'i bu gang gi tshe de ltar byang chub sems dpa' sems dpa' chen po shes rab kyi pha rol du phyin pa la spyod cing / yon tan 'di dag bsgrub par 'gyur ba de'i tshe/ rgyal po chen po bzhi yang gang sngon gyi de bzhin gshegs pa rnams la/ sngon gyi rgyal po chen po rnams kyis phul ba'i lhung bzed rnams bdag cag gis kyang 'di la dbul bar bya'o zhes dga' bar 'gyur ro/ /bdag cag gis 'di la rim gro dang bsti stang du bya'o zhes sum cu rtsa gsum pa'i lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams kyang dga' bar 'gyur ro/ /de ltar lha ma yin gyi ris rnams ni 'grib par 'gyur/ lha'i ris rnams ni 'phel bar 'gyur te/ 'di mngon par sangs rgyas nas chos kyi 'khor lo bskor ba'i don du bdag cag gis gsol ba gdab par bya'o zhes tshangs ris kyi lha rnams dang / kun snang dang ba dang / dge rgyas dang / 'bras bu che ba dang mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams kyang dga' bar 'gyur ro/ /sha ra dwa ti'i bu gang gi tshe/ byang chub sems dpa' sems dpa' chen po shes rab kyi pha rol du phyin pa la spyod cing / pha rol du phyin pa drug gis rnam par 'phel bar 'gyur ba de'i tshe/ byang chub sems dpa'i theg pa pa'i rigs kyi bu dang rigs kyi bu mo rnams kyang / bdag cag ni sems can chen po 'di'i pha dang ma dang phu nu dang / sring mo dang / chung ma dang / bu dang bu mo dang mdza' bo dang blon po dang gnyen bshes dang grogs po dang bshes par 'gyur ro snyam ste/ dga' bar 'gyur ro/ /byang chub sems dpa' sems dpa' chen po de la btsun mo'i 'khor dbul lo zhes/ rgyal po chen po bzhi dang / rgyal po chen po bzhi'i ris kyi lha dang / sum cu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / gya nom snang ba dang / shin tu mthong ba dang / 'og min gyi lha rnams kyang dga' bar 'gyur te/ de ni sems can rnams byang chub la 'god pa'i phyir tshangs par spyod pa yin te/ 'du ba'i chos rnams kyis yongs su bsdu ba ma yin no/ /de ni 'di ltar smon te bdag gis sems dang po bskyed nas tshangs par spyad de/ tshangs par mi spyod pa med par bya'o/ /de ci'i phyir zhe na/ 'dod pa la bsten pa ni/ tshangs pa'i 'jig rten du skye ba la yang bar du gcod na/ bla na med pa yang dag par rdzogs pa'i byang chub la lta ci smos/ de bas na byang chub sems dpa' sems dpa' chen pos ni mngon par byung nas tshangs par spyad de/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'i/ tshangs par mi spyod par mi bya'o/ /de skad ces bka' stsal pa dang / tshe dang ldan pa sha ra dwa ti'i bus bcom ldan 'das la 'di skad ces gsol to/ /ci lags/ bcom ldan 'das byang chub sems dpa' sems dpa' chen po la pha dang / ma dang mchis brang dang bu dang bu mo gdon mi 'tshal bar 'tshal lam/ bcom ldan 'das kyis bka' stsal pa/ sha ra dwa ti'i bu byang chub sems dpa' sems dpa' chen po la la la ni pha dang ma gdon mi za bar dgos kyi bu dang bu mo dang chung ma mi dgos so/ /la la la ni pha dang ma dang chung ma dang bu dang bu mo dag kyang gdon mi za bar dgos so/ /sha ra dwa ti'i bu byang chub sems dpa' sems dpa' chen po la la ni sems dang po bskyed phyin chad tshangs par spyod pa yang dag par len te/ bla na med pa yang dag par rdzogs pa'i byang chub tu mngon par sangs rgyas kyi bar du gzhon nur gyur par 'khod do/ /byang chub sems dpa' sems dpa' chen po la la ni thabs mkhas pas sems can yongs su smin par bya ba'i phyir/ 'dod pa'i yon tan lnga la yongs su spyad de/ chung ma'i 'khor gyi nang nas mngon par byung nas/ bla na med pa yang dag par rdzogs pa'i byang chub tu mngon par 'tshang rgya'o/ /sha ra dwa ti'i bu byang chub sems dpa' sems dpa' chen po shes rab kyi pha rol du phyin pa zab mo la rnam par spyod pa/ 'dod pa'i nyon mongs pa dang bral ba/ la la ni sems can yongs su smin par bya ba'i phyir/ 'dod pa'i yon tan la yongs su spyod pa yang ston te nyams kyis yongs su spyod pa med do/ /sha ra dwa ti'i bu 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa/ sgyu ma'i sngags dang sbyor thabs kyi tshul la shin tu bslabs pa de lta bu zhig gis/ 'dod pa'i yon tan lnga mngon par sprul te/ 'dod pa'i yon tan lnga po de dag la bdag nyid rtse zhing dga' ba dang yongs su spyod pa bstan na/ sha ra dwa ti'i bu de la ji snyam du sems/ sgyu ma'i mkhan po dang / sgyu ma'i mkhan po'i mchan bu des 'dod pa'i yon tan lnga la yongs su spyod pa yod dam/ gsol pa/ bcom ldan 'das de lta bu ma mchis so/ /bcom ldan 'das kyis bka' stsal pa/ sha ra dwa ti'i bu de bzhin du byang chub sems dpa' sems dpa' chen po theg pa chen po'i sgyu ma la shin tu bslabs pa/ chos nyid sgyu ma lta bus rnam par spyod pa rab tu thob pa/ nyon mongs pa thams cad dang bral ba dag kyang / 'dul ba'i sems can yongs su smin par bya ba'i phyir/ snying rje chen po'i dbang gis 'dod pa'i yon tan la yongs su spyod pa yang ston te/ de dag de dang 'grogs pa yang med/ des 'gro bar 'gyur ba yang med do/ /sha ra dwa ti'i bu byang chub sems dpa' sems dpa' chen po rnams ni rnam grangs du mas 'dod pa rnams la skyon du brjod de/ 'dod pa rnams ni kun nas 'bar ba'o/ /'dod pa rnams ni rab tu smad pa'o/ /'dod pa rnams ni gsod pa'o/ / 'dod pa rnams ni dgra'o/ /'dod pa rnams ni phyir rgol ba'o/ /'dod pa rnams ni rtswa'i sgron ma lta bu'o/ /'dod pa rnams ni kim pa ka'i 'bras bu lta bu'o/ /'dod pa rnams ni ral gri'i so lta bu'o/ /'dod pa rnams ni me mdag spungs pa lta bu'o/ /'dod pa rnams ni dug gi lo ma lta bu'o/ /'dod pa rnams ni mchil pa lta bu'o/ /'dod pa rnams ni mi gtsang ba'i rlubs lta bu'o zhes de ltar sha ra dwa ti'i bu byang chub sems dpa' sems dpa' chen po rnams 'dod pa rnams yongs su shes kyang sems can thabs mkhas pa ma yin pa rnams yongs su smin par bya ba'i don du 'dod pa'i yon tan lnga las skyo bar bya ba dang / 'dod pa'i yon tan lnga dang bral ba'i phyir 'dod pa'i yon tan lnga nye bar ston te/ de dag gis myos par 'gyur ba yang med/ bag med par 'gyur ba yang med/ 'dod pa'i rgyu dang 'dod pa'i gzhis sdig to'i las byed par 'gyur ba yang med do/ /de skad ces bka' stsal pa dang / tshe dang ldan pa sha ra dwa ti'i bus/ bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen pos shes rab kyi pha rol du phyin pa la spyad par bgyi/ bcom ldan 'das kyis bka' stsal pa/ sha ra dwa ti'i bu 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ byang chub sems dpa' yang dag par rjes su mi mthong ngo / /byang chub sems dpa'i ming yang yang dag par rjes su mi mthong ngo / /byang chub sems dpa'i spyod pa yang yang dag par rjes su mi mthong ngo / /shes rab kyi pha rol du phyin pa yang yang dag par rjes su mi mthong ngo / /shes rab kyi pha rol du phyin pa'i ming yang yang dag par rjes su mi mthong ngo / /spyod ces bya bar yang yang dag par rjes su mi mthong ngo / /mi spyod ces bya bar yang yang dag par rjes su mi mthong ngo / /spyod pa dang mi spyod pa zhes bya bar yang yang dag par rjes su mi mthong ngo / /spyod pa yang ma yin mi spyod pa yang ma yin zhes bya bar yang yang dag par rjes su mi mthong ngo / /gzugs kyang yang dag par rjes su mi mthong ngo / /tshor ba yang yang dag par rjes su mi mthong ngo / /'du shes kyang yang dag par rjes su mi mthong ngo / /'du byed kyang yang dag par rjes su mi mthong ngo / /rnam par shes pa yang yang dag par rjes su mi mthong ngo / /de ci'i phyir zhe na/ sha ra dwa ti'i bu de ni 'di ltar byang chub sems dpa' yang byang chub sems dpa'i rang bzhin gyis stong ngo / /byang chub sems dpa'i ming yang byang chub sems dpa'i ming gis stong ngo / /de ci'i phyir zhe na/ de'i rang bzhin ni de yin te/ de ni 'di ltar stong pa nyid kyis gzugs stong pa ma yin/ gzugs las gud na yang stong pa nyid med de/ gzugs nyid kyang stong pa nyid do/ /stong pa nyid kyang gzugs so/ /stong pa nyid kyis tshor ba stong pa ma yin/ tshor ba las gud na yang stong pa nyid med de/ tshor ba nyid kyang stong pa nyid do/ /stong pa nyid kyang tshor ba'o/ /stong pa nyid kyis 'du shes stong pa ma yin/ 'du shes las gud na yang stong pa nyid med de/ 'du shes nyid kyang stong pa nyid do/ /stong pa nyid kyang 'du shes so/ /stong pa nyid kyis 'du byed stong pa ma yin/ 'du byed las gud na yang stong pa nyid med de/ 'du byed nyid kyang stong pa nyid do/ /stong pa nyid kyang 'du byed do/ /stong pa nyid kyis rnam par shes pa stong pa ma yin/ rnam par shes pa las gud na yang stong pa nyid med de/ rnam par shes pa nyid kyang stong pa nyid do/ /stong pa nyid kyang rnam par shes pa'o/ /de ci'i phyir zhe na/ de ni 'di lta ste/ byang chub ces bya ba 'di yang ming tsam mo/ /'di lta ste/ byang chub sems dpa' zhes bya ba 'di yang ming tsam mo/ /'di lta ste/ stong pa nyid ces bya ba 'di yang ming tsam mo/ /'di lta ste/ gzugs dang / tshor ba dang / 'du shes dang / 'du byed dang / rnam par shes pa zhes bya ba 'di yang ming tsam mo/ /de yang 'di ltar gzugs ni sgyu ma lta bu'o/ /tshor ba dang 'du shes dang 'du byed dang rnam par shes pa ni sgyu ma lta bu'o/ /sgyu ma ni ming tsam ste/ phyogs na gnas pa yang ma yin/ yul na gnas pa yang ma yin pas/ sgyu ma mthong ba ni yod pa ma yin te/ byung ba ma yin/ log par gyur pa/ rang bzhin med pa/ ngo bo nyid med pa/ ma skyes pa/ ma 'gags pa/ gnas med pa/ 'phel ba med pa/ 'grib pa med pa/ kun nas nyon mongs pa med pa/ rnam par byang ba med pa ste/ de ltar spyod pa'i byang chub sems dpa' sems dpa' chen po ni chos gang yang skye ba yang dag par rjes su mi mthong ngo / /'gag pa yang dag par rjes su mi mthong ngo / /gnas pa yang dag par rjes su mi mthong ngo / /'phel ba yang dag par rjes su mi mthong ngo / /'grib pa yang dag par rjes su mi mthong ngo / /kun nas nyon mongs pa yang dag par rjes su mi mthong ngo / /rnam par byang ba yang dag par rjes su mi mthong ngo / /gzugs yang dag par rjes su mi mthong ngo / /tshor ba dang 'du shes dang 'du byed dang rnam par shes pa yang dag par rjes su mi mthong ngo / /gang la byang chub ces bya ba 'am byang chub sems dpa' zhes bya ba de yang yang dag par rjes su mi mthong ngo / /de ci'i phyir zhe na/ de ni 'di ltar chos rnams so so'i ming sgyu ma ste/ rnam par brtags pa de dag 'phral du byung ba'i ming yang yang dag pa ma yin pa las yongs su brtags pa tha snyad du brjod do/ /tha snyad kyi rgyus mngon bar zhen par gyur pas/ de'i phyir byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad yang dag par rjes su mi mthong ste dmigs pa med do/ /yang dag par rjes su ma mthong la dmigs pa med pas rlom sems med do/ /mngon par zhen pa med do/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di ltar yongs su rtog ste/ 'di ltar byang chub sems dpa' zhes bya ba 'di ni ming tsam mo/ /'di lta ste/ byang chub ces bya ba 'di ni ming tsam mo/ /'di lta ste/ sangs rgyas shes bya ba 'di ni ming tsam mo/ /'di lta ste/ shes rab kyi pha rol du phyin pa zhes bya ba 'di ni ming tsam mo/ /'di lta ste/ shes rab kyi pha rol du phyin pa la spyod do zhes bya ba 'di ni ming tsam mo/ /'di lta ste/ gzugs shes bya ba 'di ni ming tsam mo/ /'di lta ste/ tshor ba dang 'du shes dang 'du byed dang rnam par shes pa zhes bya ba 'di ni ming tsam mo/ /sha ra dwa ti'i bu 'di lta ste/ dper na bdag bdag ces bya ba ni tha snyad du brjod mod kyi/ de la yang dag pa ji lta ba bzhin du yongs su brtags na dmigs su med do/ /sems can sems can zhes bya ba ni tha snyad du brjod mod kyi/ de la yang dag pa ji lta ba bzhin du yongs su brtags na dmigs su med do/ /srog srog ces bya ba ni tha snyad du brjod mod kyi/ de la yang dag pa ji lta ba bzhin du yongs su brtags na mi dmigs pa stong pa nyid kyi phyir dmigs su med do/ /de bzhin du 'di lta ste dper na/ gso ba dang skyes bu dang gang zag dang shed can dang shed bdag dang byed pa po dang byed du 'jug pa po dang tshor ba po dang tshor bar byed pa po dang slong ba po dang kun du slong ba po dang shes pa po dang mthong ba po dang reg pa po dang / rnam par shes pa po zhes bya ba ni tha snyad du brjod mod kyi/ de la yang dag pa ji lta ba bzhin du yongs su brtags na/ mi dmigs pa stong pa nyid kyi phyir dmigs su med de/ ming dang brda tsam du tha snyad du brjod do/ /de bzhin du byang chub sems dpa' sems dpa' chen pos kyang shes rab kyi pha rol du phyin pa la spyod pa'i tshe/ byang chub sems dpa' yang dag par rjes su mi mthong ngo / /byang chub yang dag par rjes su mi mthong ngo / /sangs rgyas yang dag par rjes su mi mthong ngo / /shes rab kyi pha rol du phyin pa yang dag par rjes su mi mthong ngo / /shes rab kyi pha rol du phyin pa la spyod do zhes bya bar yang dag par rjes su mi mthong ngo / /gzugs yang dag par rjes su mi mthong ngo / /tshor ba dang 'du shes dang 'du byed dang rnam par shes pa yang dag par rjes su mi mthong ngo / /ming gang gis tha snyad du brjod pa'i ming de yang yang dag par rjes su mi mthong ste/ de ltar na shes rab kyi pha rol tu phyin pa la spyod pa'i byang chub sems dpa' sems dpa' chen po ni/ de bzhin gshegs pa'i shes rab ma gtogs par de ma yin pa'i shes rab nyan thos dang rang sangs rgyas thams cad kyi shes rab kyi bar du dmigs su med pa'i stong pa nyid nye bar bzung bas zil gyis gnon to/ /de ci'i phyir zhe na/ 'di ltar des gang gis mngon par chags par 'gyur ba de yang nye bar mi dmigs te/ sha ra dwa ti'i bu de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la spyod pa yin no/ /sha ra dwa ti'i bu gal te 'dzam bu'i gling 'di dge slong sha ra dwa ti'i bu dang / maud gal gyi bu lta bu sha stag gis 'di lta ste dper na/ 'dam bu'i tshal lam/ sba'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing ltar yongs su gang bar gyur kyang / de dag gi shes rab kyis byang chub sems dpa' sems dpa' chen po shes rab kyi pha rol du phyin pa la spyod pa'i shes rab kyi brgya'i char yang nye bar mi 'gro/ stong gi cha dang brgya stong nas bye ba brgya stong gi cha dang grangs dang cha dang bgrang ba dang dpe dang rgyur yang mi phod do/ /de ci'i phyir zhe na/ sha ra dwa ti bu de ni 'di ltar byang chub sems dpa' sems dpa' chen po'i shes rab ni/ sems can thams cad yongs su mya ngan las bzla ba'i don du nye bar gnas pa yin te/ nyan thos dang rang sangs rgyas kyi shes rab ni de lta ma yin no/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ nyin gcig tu yongs su bsgoms pa'i shes rab ji tsam pa des kyang nyan thos dang rang sangs rgyas thams cad kyi shes rab zil gyis mnan cing gnas te/ sha ra dwa ti'i bu 'dzam bu'i gling 'di dge slong sha ra dwa ti'i bu dang / maud gal gyi bu lta bu sha stag gis yongs su gang ba lta zhog gi/ sha ra dwa ti'i bu gal te stong gsum gyi stong chen po'i 'jig rten gyi khams dge slong khyed 'dra ba sha stag gis yongs su gang bar gyur kyang / de dag gis shes rab kyis ni byang chub sems dpa' sems dpa' chen po shes rab kyi pha rol du phyin pa la spyod pa'i shes rab kyi brgya'i char yang nye bar mi 'gro/ stong gi cha dang / brgya phrag stong gi cha dang bye ba brgya'i cha dang bye ba stong gi cha dang bye ba brgya phrag stong gi cha dang bye ba khrag khrig brgya'i cha dang bye ba khrag khrig stong gi cha dang bye ba khrag khrig brgya phrag stong gi cha dang / grangs dang / cha dang bgrang ba dang dper yang nye bar mi 'gro ste/ rgyur yang mi phod do/ /sha ra dwa ti'i bu stong gsum gyi stong chen po'i 'jig rten gyi khams lta zhog gi/ sha ra dwa ti'i bu shar phyogs kyi 'jig rten gyi khams gang+gA'i klung gi bye ma snyed cig dge slong sha ra dwa ti'i bu dang / maud gal gyi bu lta bu sha stag gis yongs su gang bar gyur pa dang / lho dang nub dang byang dang byang shar dang shar lho dang lho nub dang nub byang dang / 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma snyed cig /dge slong sha ra dwa ti'i bu dang / maud gal gyi bu lta bu sha stag gis yongs su gang bar gyur kyang / de dag gi shes rab kyis ni byang chub sems dpa' sems dpa' chen po shes rab kyi pha rol du phyin pa la spyod pa'i shes rab nyin gcig tu bsgoms pa'i brgya'i char yang nye bar mi 'gro'o/ /stong gi cha dang brgya stong gi cha dang bye ba brgya stong gi cha dang / bye ba brgya phrag stong gi cha dang bye ba khrag khrig brgya'i cha dang bye ba khrag khrig stong gi cha dang / bye ba khrag khrig brgya phrag stong gi cha dang / grangs dang cha dang bgrang ba dang dper yang nye bar mi 'gro ste rgyur yang mi phod do/ /sha ra dwa ti'i bus gsol pa/ bcom ldan 'das gang 'di nyan thos rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa'i shes rab dang / gang yang rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas kyi shes rab dang / shes rab de dag thams cad tha mi dad pa ste/ dbyer ma mchis/ stong pa dben pa rang bzhin gyis ma byung ba ngo bo nyid kyis stong pa ste/ bcom ldan 'das dbyer ma mchis shing / dben la ma skyes pa dang / rang bzhin gyis stong pa la ni khyad par ram bye brag tu bgyi ba mi dmigs na/ bcom ldan 'das de la ji ltar byang chub sems dpa' sems dpa' chen po shes rab kyi pha rol du phyin pa la spyod pas/ gdugs gcig tu bsgoms pa'i shes rab kyis nyan thos dang / rang sangs rgyas thams cad kyi shes rab zil gyis gnon par 'gyur ba lags/ bcom ldan 'das kyis bka' stsal pa/ sha ra dwa ti'i bu de ji snyam du sems/ byang chub sems dpa' sems dpa' chen po shes rab kyi pha rol du phyin pa la spyod pa'i shes rab nyin gcig tu bsgoms pas/ bdag gis lam gyi rnam pa shes pa nyid la spyad de/ sems can thams cad kyi don byas la chos thams cad rnam pa thams cad du mngon par sangs rgyas par byas te/ sems can thams cad yongs su mya ngan las bzla'o zhes don gang gi phyir sta gon du gnas pa de lta bu'i don du/ nyan thos dang rang sangs rgyas thams cad kyi shes rab sta gon du gnas sam/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ sha ra dwa ti'i bu de ji snyam du sems/ ji ga nyan thos dang rang sangs rgyas rnams 'di snyam du bdag cag gis/ bla na med pa yang dag par rdzogs pa'i byang chub tu mngon par rdzogs par sangs rgyas par byas te/ sems can thams cad phung po ma lus par mya ngan las 'das pa'i dbyings su yongs su mya ngan las bzla'o snyam du sems sam/ gsol pa/ bcom ldan 'das de ltar sems pa ma mchis so/ /bcom ldan 'das kyis bka' stsal pa/ de ltar sha ra dwa ti'i bu rnam grangs 'dis kyang de ltar khong du chud par bya ste/ gang 'di nyan thos dang rang sangs rgyas thams cad kyi shes rab dang / gang yang byang chub sems dpa' sems dpa' chen po'i shes rab las shes rab 'di nye bar bzung na/ gang 'di nyan thos dang rang sangs rgyas thams cad kyi shes rab kyis brgya'i char yang nye bar mi 'gro'o/ /stong gi cha dang brgya phrag stong gi cha dang bye ba khrag khrig brgya'i cha dang bye ba khrag khrig stong gi cha dang bye ba khrag khrig brgya phrag stong gi cha dang grangs dang cha dang bgrang ba dang dper yang nye bar mi 'gro ste rgyur yang mi phod do/ /sha ra dwa ti'i bu 'di ji snyam du sems/ ji ga nyan thos dang rang sangs rgyas thams cad 'di snyam du bdag cag gis pha rol du phyin pa drug la spyad de/ sems can yongs su smin par byas la/ sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas la/ mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can tshad med grangs med pa yongs su mya ngan las bzla'o snyam du sems sam/ gsol pa/ bcom ldan 'das de ltar sems pa ma mchis so/ /bcom ldan 'das kyis bka' stsal pa/ sha ra dwa ti'i bu byang chub sems dpa' sems dpa' chen po ni 'di snyam du sems te/ bdag gis pha rol du phyin pa drug la spyad de/ sems can yongs su smin par byas la/ sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas la/ mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can tshad med grangs med pa yongs su mya ngan las bzla'o snyam du sems so/ /sha ra dwa ti'i bu 'di lta ste dper na/ srog chags kyi rigs me khyer ni 'di ltar bdag gi snang bas 'dzam bu'i gling kun du snang bar bya'o/ /bdag gi 'od kyis 'dzam bu'i gling rgyas par dgang bar bya'o snyam du mi sems so/ /sha ra dwa ti'i bu de bzhin du nyan thos dang rang sangs rgyas thams cad kyang / 'di ltar bdag cag gis pha rol tu phyin pa drug la spyad de/ sems can yongs su smin par byas la/ sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas la/ mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can tshad med grangs med pa yongs su mya ngan las bzla bar bya'o snyam du mi sems so// // shes rab kyi pha rol tu phyin pa stong phrag nyi shu lnga pa/ bam po bzhi pa/ sha ra dwa ti'i bu 'di lta ste dper na/ nyi ma'i dkyil 'khor 'char ba ni 'dzam bu'i gling thams cad snang bas rgyas par byed do/ /'dzam bu'i gling thams cad snang bas gsal bar byed do/ /sha ra dwa ti'i bu de bzhin du byang chub sems dpa' sems dpa' chen po pha rol tu phyin pa drug la spyod pa yang / sems can yongs su smin par byas shing / sangs rgyas kyi zhing yongs su dag par byas nas/ de bzhin gshegs pa'i stobs bcu yongs su rdzogs par byas te/ mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can tshad med grangs med pa yongs su mya ngan las bzla'o/ /de skad ces bka' stsal pa dang / tshe dang ldan pa sha ra dwa ti'i bus/ bcom ldan 'das la 'di skad ces gsol to/ /bcom ldan 'das ji ltar byang chub sems dpa' sems dpa' chen po nyan thos dang rang sangs rgyas kyis las 'das shing / phyir mi ldog pa'i byang chub sems dpa'i sa 'thob pa dang / byang chub kyi lam yongs su sbyong ba lags/ de skad ces gsol pa dang / bcom ldan 'das kyis tshe dang ldan pa sha ra dwa ti'i bu la 'di skad ces bka' stsal to/ /sha ra dwa ti'i bu 'di la byang chub sems dpa' sems dpa' chen po ni sems dang po bskyed pa nye bar bzung nas pha rol tu phyin pa drug la spyod pa'i tshe/ stong pa nyid dang / mtshan ma pa dang / smon pa med pa'i chos la gnas te/ thabs mkhas pas/ nyan thos dang / rang sangs rgyas kyis las 'das nas/ phyir mi ldog pa'i byang chub sems dpa'i sa 'thob ste/ byang chub kyi lam yang spyod do/ /sha ra dwa ti'i bus gsol pa/ bcom ldan 'das sa gang la gnas pa'i byang chub sems dpa' sems dpa' chen po nyan thos dang / rang sangs rgyas thams cad kyi sbyin pa'i gnas su 'gyur ba lags/ bcom ldan 'das kyis bka' stsal pa/ sha ra dwa ti'i bu thog ma sems bskyed phyin chad/ byang chub sems dpa' sems dpa' chen po pha rol du phyin pa drug la spyod pa ni/ snying po byang chub la 'dug gi bar du nyan thos dang rang sangs rgyas thams cad kyi sbyin pa'i gnas su gyur pa yin no/ /de ci'i phyir zhe na/ de ni sha ra dwa ti'i bu byang chub sems dpa' sems dpa' chen po yod pas/ dge ba'i chos thams cad 'jig rten du 'byung bar 'gyur te/ 'di ltar dge ba bcu'i las kyi lam rnams dang / bslab pa'i gnas lnga dang / yan lag brgyad dang ldan pa'i gso sbyin dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / rjes su dran pa drug dang / pha rol du phyin pa rnams dang / stong pa nyid thams cad dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa 'jig rten du 'byung bar 'gyur ro/ /'phags pa'i bden pa bzhi dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / ting nge 'dzin thams cad dang / gzungs kyi sgo thams cad 'jig rten du 'byung bar 'gyur ro/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad 'jig rten du 'byung bar 'gyur ro/ / sha ra dwa ti'i bu dge ba'i chos de dag la sogs pa mang po 'jig rten du 'byung bar 'gyur te/ dge ba'i chos de dag 'jig rten du byung bas/ rgyal rigs che zhing mtho ba dag yod pa yin/ bram ze'i rigs che zhing mtho ba dag yod pa yin/ khyim bdag gi rigs che zhing mtho ba dag yod pa yin/ rgyal po chen po bzhi'i ris kyi lha rnams yod pa yin/ sum cu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams yod pa yin/ tshangs ris kyi lha rnams yod pa yin/ tshangs lha nye phan gyi lha rnams dang / tshangs pa kun 'khor gyi lha rnams dang / tshangs chen gyi lha rnams dang / snang ba'i lha rnams dang / chung snang gi lha rnams dang / tshad med snang ba'i lha rnams dang / kun snang dang ba'i lha rnams dang / dge ba'i lha rnams dang / chung dge'i lha rnams dang / tshad med dge ba'i lha rnams dang / dge rgyas kyi lha rnams dang / che ba'i lha rnams dang / chung che'i lha rnams dang / tshad med che ba'i lha rnams dang / 'bras bu che ba'i lha rnams dang / mi che ba'i lha rnams dang / mi gdung ba'i lha rnams dang / shin tu mthong ba'i lha rnams dang / gya nom snang ba'i lha rnams dang / 'og min gyi lha rnams yod pa yin/ nam mkha' mtha' yas skye mched kyi lha rnams dang / rnam shes mtha' yas skye mched kyi lha rnams dang / cung zad med pa'i skye mched kyi lha rnams dang / 'du shes med 'du shes med min skye mched kyi lha rnams yod pa yin/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas rnams 'jig rten na yod pa yin no/ /gsol pa bcom ldan 'das de lta lags na/ byang chub sems dpa' sems dpa' chen po rnams sbyin pa yongs su sbyong ba lags sam/ bcom ldan 'das kyis bka' stsal pa/ sha ra dwa ti'i bu byang chub sems dpa' sems dpa' chen po rnams ni sbyin pa rnam grangs kyis yongs su sbyong ste/ de ci'i phyir zhe na/ byang chub sems dpa' sems dpa' chen po la ni sbyin pa kun kyang shin tu dag pa ste/ de yang 'di ltar sha ra dwa ti'i bu byang chub sems dpa' sems dpa' chen po ni sbyin pa yongs su gtong ste/ ci'i sbyin pa yongs su gtong zhe na/ dge ba'i chos du ma'i sbyin pa yongs su gtong ste/ 'di ltar dge ba bcu'i las kyi lam rnams dang / bslab pa'i gnas lnga dang / yan lag brgyad dang ldan pa'i gso sbyin dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / rjes su dran pa drug dang / pha rol du phyin pa rnams dang / stong pa nyid thams cad dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad kyi sbyin pa yongs su gtong ngo / /gsol pa/ bcom ldan 'das byang chub sems dpa' sems dpa' chen pos ji ltar shes rab kyi pha rol du phyin pa la brtson par bgyis na brtson zhes bgyi ba lags/ bcom ldan 'das kyis bka' stsal pa/ sha ra dwa ti'i bu 'di la byang chub sems dpa' sems dpa' chen po gzugs stong pa nyid la brtson na brtson zhes bya'o/ /tshor ba stong pa nyid dang / 'du shes stong pa nyid dang / 'du byed stong pa nyid dang / rnam par shes pa stong pa nyid la brtson na brtson zhes bya'o/ /mig stong pa nyid la brtson na brtson zhes bya'o/ /rna ba stong pa nyid dang / sna stong pa nyid dang / lce stong pa nyid dang / lus stong pa nyid dang / yid stong pa nyid la brtson na brtson zhes bya'o/ /gzugs stong pa nyid la brtson na brtson zhes bya'o/ /sgra stong pa nyid dang / dri stong pa nyid dang / ro stong pa nyid dang / reg stong pa nyid dang / chos stong pa nyid la brtson na brtson zhes bya'o/ /mig gi khams stong pa nyid dang / gzugs kyi khams stong pa nyid dang / mig gi rnam par shes pa'i khams stong pa nyid la brtson na brtson zhes bya'o/ /rna ba'i khams stong pa nyid dang / sgra'i khams stong pa nyid dang / rna ba'i rnam par shes pa'i khams stong pa nyid dang / sna'i khams stong pa nyid dang / dri'i khams stong pa nyid dang / sna'i rnam par shes pa'i khams stong pa nyid dang / lce'i khams stong pa nyid dang / ro'i khams stong pa nyid dang / lce'i rnam par shes pa'i khams stong pa nyid dang / lus kyi khams stong pa nyid dang / reg bya'i khams stong pa nyid dang / lus kyi rnam par shes pa'i khams stong pa nyid dang / yid kyi khams stong pa nyid dang / chos kyi khams stong pa nyid dang / yid kyi rnam par shes pa'i khams stong pa nyid la brtson na brtson zhes bya'o/ /sdug bsngal stong pa nyid dang / kun 'byung ba stong pa nyid dang / 'gog pa stong pa nyid dang / lam stong pa nyid la brtson na brtson zhes bya'o/ /ma rig pa stong pa nyid la brtson na brtson zhes bya'o/ /'du byed stong pa nyid dang / rnam par shes pa stong pa nyid dang / ming dang gzugs stong pa nyid dang / skye mched drug stong pa nyid dang / reg pa stong pa nyid dang / tshor ba stong pa nyid dang / sred pa stong pa nyid dang / len pa stong pa nyid dang / srid pa stong pa nyid dang / skye ba stong pa nyid dang / rga shi stong pa nyid la brtson na brtson zhes bya'o/ /chos thams cad stong pa nyid la brtson na brtson zhes bya'o/ /'dus byas dang / 'dus ma byas kyi chos gang ji snyed ming gdags su yod pa de dag thams cad stong pa nyid la brtson na brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rang bzhin stong pa nyid la brtson na brtson zhes bya ste/ sha ra dwa ti'i bu de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ stong pa nyid bdun po 'di dag la brtson na brtson zhes bya'o/ /de stong pa nyid bdun po 'di dag gis shes rab kyi pha rol du phyin pa la brtson par byed kyang brtson zhe'am mi brtson zhes mi brjod de/ de ci'i phyir zhe na/ 'di ltar des gzugs brtson zhes bya ba'am mi brtson zhes bya bar yang dag par rjes su mi mthong ngo / /tshor ba dang 'du shes dang 'du byed dang rnam par shes pa brtson zhe 'am mi brtson zhes bya bar yang dag par rjes su mi mthong ngo / /gzugs skye ba'i chos can nam 'gag pa'i chos can du yang dag par rjes su mi mthong ngo / /tshor ba dang 'du shes dang 'du byed dang rnam par shes pa skye ba'i chos can nam 'gag pa'i chos can du yang dag par rjes su mi mthong ngo / /gzugs kun nas nyon mongs pa'i chos can nam/ rnam par byang ba'i chos can du yang dag par rjes su mi mthong ngo / /tshor ba dang 'du shes dang 'du byed dang rnam par shes pa kun nas nyon mongs pa'i chos can nam rnam par byang ba'i chos can du yang dag par rjes su mi mthong ngo / /gzugs ni tshor ba dang lhan cig kun du rgyu zhes bya bar yang dag par rjes su mi mthong ngo / /tshor ba dang 'du shes dang 'du byed ni/ rnam par shes pa dang lhan cig kun du rgyu zhes bya bar yang dag par rjes su mi mthong ngo / /rnam par shes pa ni 'du byed dang lhan cig kun du rgyu zhes bya bar yang dag par rjes su mi mthong ngo / /de ci'i phyir zhe na/ de ni 'di ltar chos gang yang chos gang dang yang lhan cig kun du rgyu ba med de/ rang bzhin gyis stong pa'i phyir 'gro ba med do/ /rnam par 'gro ba med do/ /'du ba med do/ /rnam par 'du ba med do/ /sha ra dwa ti'i bu gzugs kyi stong pa nyid gang yin pa de ni gzugs ma yin/ tshor ba'i stong pa nyid gang yin pa de ni tshor ba ma yin/ 'du shes kyi stong pa nyid gang yin pa de ni 'du shes ma yin/ 'du byed kyi stong pa nyid gang yin pa de ni 'du byed ma yin/ rnam par shes pa'i stong pa nyid gang yin pa de ni rnam par shes pa ma yin te/ 'di ltar gzugs kyi stong pa nyid gang yin pa de thogs par byed pa med do/ /tshor ba'i stong pa nyid gang yin pa de tshor bar mi byed do/ /'du shes kyi stong pa nyid gang yin pa de 'du shes su mi byed do/ /'du byed kyi stong pa nyid gang yin pa de mngon par 'du mi byed do/ /rnam par shes pa'i stong pa nyid gang yin pa de rnam par shes par mi byed do/ /de ci'i phyir zhe na/ sha ra dwa ti'i bu gzugs kyang gzhan ma yin la/ stong pa nyid kyang gzhan ma yin/ stong pa nyid kyang gzhan ma yin la/ gzugs kyang gzhan ma yin te/ gzugs nyid kyang stong pa nyid la/ stong pa nyid kyang gzugs so/ /tshor ba yang gzhan ma yin la stong pa nyid kyang gzhan ma yin/ stong pa nyid kyang gzhan ma yin la tshor ba yang gzhan ma yin te/ tshor ba nyid kyang stong pa nyid la/ stong pa nyid kyang tshor ba'o/ /'du shes kyang gzhan ma yin la/ stong pa nyid kyang gzhan ma yin/ stong pa nyid kyang gzhan ma yin la/ 'du shes kyang gzhan ma yin te/ 'du shes nyid kyang stong pa nyid la/ stong pa nyid kyang 'du shes so/ /'du byed rnams kyang gzhan ma yin la/ stong pa nyid kyang gzhan ma yin/ stong pa nyid kyang gzhan ma yin la/ 'du byed rnams kyang gzhan ma yin te/ 'du byed rnams kyang stong pa nyid la/ stong pa nyid kyang 'du byed rnams so/ /rnam par shes pa yang gzhan ma yin la/ stong pa nyid kyang gzhan ma yin/ stong pa nyid kyang gzhan ma yin la/ rnam par shes pa yang gzhan ma yin te/ rnam par shes pa nyid kyang stong pa nyid la/ stong pa nyid kyang rnam par shes pa'o/ /sha ra dwa ti'i bu stong pa nyid gang yin pa de ni mi skye mi 'gag cing / kun nas nyon mongs par 'gyur ba med/ rnam par byang ba med la/ 'grib pa med cing 'phel ba med pa ste/ de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /gang mi skye mi 'gag cing kun nas nyon mongs par 'gyur ba med/ rnam par byang ba med pa la/ mi 'grib mi 'phel te/ 'das pa yang ma yin/ ma 'ongs pa yang ma yin/ da ltar byung ba yang ma yin pa de la ni gzugs med do/ /tshor ba med do/ /'du shes med do/ /'du byed med do/ /rnam par shes pa med do/ /de la ni mig med do/ /rna ba med do/ /sna med do/ /lce med do/ /lus med do/ /yid med do/ /de la ni gzugs med do/ /sgra med do/ /dri med do/ /ro med do/ /reg bya med do/ /chos med do/ /de la ni sa'i khams med do/ /chu'i khams med do/ / me'i khams med do/ /rlung gi khams med do/ /nam mkha'i khams med do/ /rnam par shes pa'i khams med do/ /de la ni mig gi khams med do/ /gzugs kyi khams med do/ /mig gi rnam par shes pa'i khams med do/ /rna ba'i khams med do/ /sgra'i khams med do/ /rna ba'i rnam par shes pa'i khams med do/ /sna'i khams med do/ /dri'i khams med do/ /sna'i rnam par shes pa'i khams med do/ /lce'i khams med do/ /ro'i khams med do/ /lce'i rnam par shes pa'i khams med do/ /lus kyi khams med do/ /reg bya'i khams med do/ /lus kyi rnam par shes pa'i khams med do/ /yid kyi khams med do/ /chos kyi khams med do/ /yid kyi rnam par shes pa'i khams med do/ /de la ni ma rig pa med do/ /ma rig pa 'gag pa med do/ /'du byed med do/ /'du byed 'gag pa med do/ /rnam par shes pa med do/ /rnam par shes pa 'gag pa med do/ /ming dang gzugs med do/ /ming dang gzugs 'gag pa med do/ /skye mched drug med do/ /skye mched drug 'gag pa med do/ /reg pa med do/ /reg pa 'gag pa med do/ /tshor ba med do/ /tshor ba 'gag pa med do/ /sred pa med do/ /sred pa 'gag pa med do/ /len pa med do/ /len pa 'gag pa med do/ /srid pa med do/ /srid pa 'gag pa med do/ /skye ba med do/ /skye ba 'gag pa med do/ /rga shi med do/ /rga shi 'gag pa med do/ /de la ni sdug bsngal med do/ /sdug bsngal yongs su shes pa med do/ /kun 'byung ba med do/ /kun 'byung ba spang ba med do/ /'gog pa med do/ /'gog pa mngon du bya ba med do/ /lam med do/ /lam bsgom pa med do/ /de la ni thob par bya ba med do/ /mngon du shes par bya ba med do/ /rgyun tu zhugs pa med do/ /rgyun tu zhugs pa'i 'bras bu med do/ /lan cig phyir 'ong ba med do/ /lan cig phyir 'ong ba'i 'bras bu med do/ /phyir mi 'ong ba med do/ /phyir mi 'ong ba'i 'bras bu med do/ /dgra bcom pa med do/ /dgra bcom pa'i 'bras bu med do/ /rang sangs rgyas med do/ /rang byang chub med do/ /de la ni byang chub sems dpa' med do/ /lam gyi rnam pa shes pa nyid med do/ /de la ni sangs rgyas med do/ /byang chub med do/ /sha ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol tu phyin pa la brtson zhes bya ste/ de de ltar shes rab kyi pha rol tu phyin pa la spyod kyang / gzugs la brtson zhes bya ba'am mi brtson zhes bya bar yang dag par rjes su mi mthong ngo / /tshor ba dang 'du shes dang 'du byed dang / rnam par shes pa la brtson zhes bya ba'am mi brtson zhes bya bar yang dag par rjes su mi mthong ngo / /mig la brtson zhes bya ba'am mi brtson zhes bya bar yang dag par rjes su mi mthong ngo / /rna ba dang sna dang lce dang lus dang yid la brtson zhes bya ba'am mi brtson zhes bya bar yang dag par rjes su mi mthong ngo / /gzugs la brtson zhes bya ba'am mi brtson zhes bya bar yang dag par rjes su mi mthong ngo / /sgra dang dri dang ro dang reg bya dang chos la brtson zhes bya ba 'am mi brtson zhes bya bar yang dag par rjes su mi mthong ngo / / mig gi khams la brtson zhes bya ba 'am mi brtson zhes bya bar yang dag par rjes su mi mthong ngo / /gzugs kyi khams dang / mig gi rnam par shes pa'i khams la brtson zhes bya ba'am mi brtson zhes bya bar yang dag par rjes su mi mthong ngo / /yid kyi khams kyi bar la brtson zhes bya ba'am mi brtson zhes bya bar yang dag par rjes su mi mthong ngo / /chos kyi khams dang yid kyi rnam par shes pa'i khams la brtson zhes bya ba'am mi brtson zhes bya bar yang dag par rjes su mi mthong ngo / /sa'i khams la brtson zhes bya ba 'am mi brtson zhes bya bar yang dag par rjes su mi mthong ngo / /chu'i khams dang me'i khams dang rlung gi khams dang nam mkha'i khams dang rnam par shes pa'i khams la brtson zhes bya ba'am mi brtson zhes bya bar yang dag par rjes su mi mthong ngo / /ma rig pa la brtson zhes bya ba 'am mi brtson zhes bya bar yang dag par rjes su mi mthong ngo / /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi la brtson zhes bya ba'am mi brtson zhes bya bar yang dag par rjes su mi mthong ngo / /sbyin pa'i pha rol tu phyin pa la brtson zhes bya ba 'am mi brtson zhes bya bar yang dag par rjes su mi mthong ngo / /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la brtson zhes bya ba 'am mi brtson zhes bya bar yang dag par rjes su mi mthong ngo / /nang stong pa nyid la brtson zhes bya ba'am mi brtson zhes bya bar yang dag par rjes su mi mthong ngo / /phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid la brtson zhes bya ba'am mi brtson zhes bya bar yang dag par rjes su mi mthong ngo / /dran pa nye bar gzhag pa rnams la brtson zhes byaba'am/ mi brtson zhes bya bar yang dag par rjes su mi mthong ngo / /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams la brtson zhes bya ba 'am mi brtson zhes bya bar yang dag par rjes su mi mthong ngo / /ting nge 'dzin thams cad dang / gzungs kyi sgo thams cad la brtson zhes bya ba 'am mi brtson zhes bya bar yang dag par rjes su mi mthong ngo / /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad la brtson zhes bya ba 'am mi brtson zhes bya bar yang dag par rjes su mi mthong ngo / /rnam pa thams cad mkhyen pa nyid kyi bar la brtson zhes bya ba 'am mi brtson zhes bya bar yang dag par rjes su mi mthong ngo / /sha ra dwa ti'i bu rnam grangs de lta bus na/ chos thams cad 'du ba dang 'bral ba med pa'i phyir/ byang chub sems dpa' sems dpa' chen po shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ stong pa nyid dang stong pa nyid du mi bsdud mi 'byed de/ stong pa nyid kyi rnal 'byor dang yang ma yin no/ /mtshan ma med pa dang / mtshan ma med par mi bsdud mi 'byed de/ mtshan ma med pa'i rnal 'byor dang yang ma yin no/ /smon pa med pa dang smon pa med par mi bsdud mi 'byed de/ smon pa med pa'i rnal 'byor dang yang ma yin no/ /de ci'i phyir zhe na/ de ni 'di ltar stong pa nyid la 'du ba'am 'bral ba med do/ /mtshan ma med pa dang / smon pa med pa la 'du ba'am 'bral ba med do/ /sha ra dwa ti'i bu de ltar brtson pa'i byang chub sems dpa' sems dpa' chen po ni shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos rnams kyi rang gi mtshan nyid stong pa nyid la 'jug ste/ de de ltar khong du chud par byed pas gzugs mi sbyor mi 'byed do/ /tshor ba dang 'du shes dang 'du byed dang rnam par shes pa mi sbyor mi 'byed do/ /rnam pa thams cad mkhyen pa nyid kyi bar du mi sbyor mi 'byed do/ /de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs dang sngon gyi mthar mi sbyor mi 'byed de/ de ni 'di ltar sngon gyi mtha' nyid kyang yang dag par rjes su mi mthong ngo / /gzugs dang phyi ma'i mthar mi sbyor mi 'byed de/ de ni 'di ltar phyi ma'i mtha' nyid kyang yang dag par rjes su mi mthong ngo / /gzugs dang da ltar byung bar mi sbyor mi 'byed de/ de ni 'di ltar da ltar byung ba nyid kyang yang dag par rjes su mi mthong ngo / /tshor ba dang 'du shes dang 'du byed dang rnam par shes pa dang sngon gyi mthar mi sbyor mi 'byed de/ de ni 'di ltar sngon gyi mtha' nyid kyang yang dag par rjes su mi mthong ngo / /rnam par shes pa dang phyi ma'i mthar mi sbyor mi 'byed de/ de ni 'di ltar phyi ma'i mtha' nyid kyang yang dag par rjes su mi mthong ngo / /rnam par shes pa dang da ltar byung bar mi sbyor mi 'byed de/ de ni 'di ltar da ltar byung ba nyid kyang yang dag par rjes su mi mthong ngo / /rnam pa thams cad mkhyen pa nyid kyi bar dang sngon gyi mthar mi sbyor mi 'byed de/ de ni 'di ltar sngon gyi mtha' nyid kyang yang dag par rjes su mi mthong ngo / /rnam pa thams cad mkhyen pa nyid dang phyi ma'i mthar mi sbyor mi 'byed de/ de ni 'di ltar phyi ma'i mtha' nyid kyang yang dag par rjes su mi mthong ngo / /rnam pa thams cad mkhyen pa nyid dang da ltar byung bar mi sbyor mi 'byed de/ de ni 'di ltar da ltar byung ba nyid kyang yang dag par rjes su mi mthong ngo / /sha ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ dus gsum mnyam pa nyid du stong pa nyid kyi phyir/ sngon gyi mtha' dang phyi ma'i mthar mi sbyor mi 'byed do/ /phyi ma'i mtha' dang sngon gyi mthar mi sbyor mi 'byed do/ /da ltar byung ba dang sngon gyi mtha' 'am phyi ma'i mthar mi sbyor mi 'byed do/ /sngon gyi mtha' 'am phyi ma'i mtha' dang da ltar byung bar mi sbyor mi 'byed do/ /sha ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rnam pa 'di ltar brtson par byed de/ brtson pa des rnam pa thams cad mkhyen pa nyid 'das pa dang / mi sbyor mi 'byed do/ /de ni 'di ltar 'das pa nyid kyang yang dag par rjes su mi mthong ste/ yang dag par rjes su ma mthong na thams cad mkhyen pa nyid 'das pa dang sbyor ba'am 'byed pa lta ga la yod/ thams cad mkhyen pa nyid ma 'ongs pa dang mi sbyor mi 'byed do/ /de ni 'di ltar ma 'ongs pa nyid kyang yang dag par rjes su mi mthong ste/ yang dag par rjes su ma mthong na/ thams cad mkhyen pa nyid ma 'ongs pa dang sbyor ba'am 'byed pa lta ga la yod/ thams cad mkhyen pa nyid da ltar byung ba dang mi sbyor mi 'byed do/ /de ni 'di ltar da ltar byung ba nyid kyang yang dag par rjes su mi mthong ste yang dag par rjes su ma mthong na/ thams cad mkhyen pa nyid da ltar byung ba dang sbyor ba'am 'byed pa lta ga la yod/ sha ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol tu phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs dang thams cad mkhyen pa nyid du mi sbyor mi 'byed do/ /de ni 'di ltar gzugs nyid kyang yang dag par rjes su mi mthong ste/ yang dag par rjes su ma mthong na/ gzugs dang thams cad mkhyen pa nyid du sbyor ba'am 'byed pa lta ga la yod/ tshor ba dang 'du shes dang 'du byed dang rnam par shes pa dang thams cad mkhyen pa nyid du sbyor 'byed do/ /de ni 'di ltar/ rnam par shes pa nyid kyang yang dag par rjes su mi mthong ste/ yang dag par rjes su ma mthong na/ rnam par shes pa dang thams cad mkhyen pa nyid du sbyor ba 'am 'byed pa lta ga la yod/ mig dang thams cad mkhyen pa nyid du mi sbyor mi 'byed do/ /mig nyid kyang yang dag par rjes su mi mthong ngo / /rna ba dang sna dang lce dang lus dang yid dang thams cad mkhyen pa nyid du mi sbyor mi 'byed do/ /yid nyid kyang yang dag par rjes su mi mthong ngo / /gzugs dang thams cad mkhyen pa nyid du mi sbyor mi 'byed do/ /gzugs nyid kyang yang dag par rjes su mi mthong ngo / /sgra dang dri dang ro dang reg bya dang chos dang thams cad mkhyen pa nyid du mi sbyor mi 'byed do/ /chos nyid kyang yang dag par rjes su mi mthong ngo / /mig gi khams dang thams cad mkhyen pa nyid du mi sbyor mi 'byed do/ /mig gi khams nyid kyang yang dag par rjes su mi mthong ngo / / gzugs kyi khams dang thams cad mkhyen pa nyid du mi sbyor mi 'byed do/ /gzugs kyi khams nyid kyang yang dag par rjes su mi mthong ngo / /mig gi rnam par shes pa'i khams dang thams cad mkhyen pa nyid du mi sbyor mi 'byed do/ /mig gi rnam par shes pa'i khams nyid kyang yang dag par rjes su mi mthong ngo / /yid kyi khams kyi bar dang thams cad mkhyen pa nyid du mi sbyor mi 'byed do/ /yid kyi khams nyid kyang yang dag par rjes su mi mthong ngo / /chos kyi khams dang thams cad mkhyen pa nyid du mi sbyor mi 'byed do/ /chos kyi khams nyid kyang yang dag par rjes su mi mthong ngo / /yid kyi rnam par shes pa'i khams dang thams cad mkhyen pa nyid du mi sbyor mi 'byed do/ /de ni 'di ltar yid kyi rnam par shes pa'i khams nyid kyang yang dag par rjes su mi mthong ste/ yang dag par rjes su ma mthong na/ yid kyi rnam par shes pa'i khams dang thams cad mkhyen pa nyid du sbyor ba 'am 'byed pa lta ga la yod/ sa'i khams dang / chu'i khams dang me'i khams dang / rlung gi khams dang nam mkha'i khams dang / rnam par shes pa'i khams dang thams cad mkhyen pa nyid du mi sbyor mi 'byed do/ /de ni 'di ltar rnam par shes pa'i khams nyid kyang yang dag par rjes su mi mthong ste/ yang dag par rjes su ma mthong na/ rnam par shes pa'i khams dang thams cad mkhyen pa nyid du sbyor ba'am 'byed pa lta ga la yod/ ma rig pa dang thams cad mkhyen pa nyid du mi sbyor mi 'byed do/ /de ni 'di ltar ma rig pa nyid kyang yang dag par rjes su mi mthong ste/ yang dag par rjes su ma mthong na/ ma rig pa dang thams cad mkhyen pa nyid du sbyor ba'am 'byed pa lta ga la yod/ 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi dang / thams cad mkhyen pa nyid du mi sbyor mi 'byed do/ /de ni 'di ltar rga shi nyid kyang yang dag par rjes su mi mthong ste/ yang dag par rjes su ma mthong na/ rga shi dang thams cad mkhyen pa nyid du sbyor ba'am 'byed pa lta ga la yod/ sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa dang / thams cad mkhyen pa nyid du mi sbyor mi 'byed do/ /sbyin pa'i pha rol du phyin pa nyid kyang yang dag par rjes su mi mthong ngo / /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / thams cad mkhyen pa nyid du mi sbyor mi 'byed do/ / shes rab kyi pha rol du phyin pa nyid kyang yang dag par rjes su mi mthong ngo / /nang stong pa nyid dang / dngos po med pa'i ngo bo nyid stong pa nyid kyi bar dang / thams cad mkhyen pa nyid du mi sbyor mi 'byed do/ /dngos po med pa'i ngo bo nyid stong pa nyid kyang yang dag par rjes su mi mthong ngo / /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams dang / thams cad mkhyen pa nyid du mi sbyor mi 'byed do/ /lam nyid kyang yang dag par rjes su mi mthong ngo / /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / thams cad mkhyen pa nyid du mi sbyor mi 'byed do/ /mngon par shes pa nyid kyang yang dag par rjes su mi mthong ngo / /ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bco brgyad dang thams cad mkhyen pa nyid du mi sbyor mi 'byed do/ /de ni 'di ltar sangs rgyas kyi chos ma 'dres pa nyid kyang yang dag par rjes su mi mthong ste/ yang dag par rjes su ma mthong na/ sangs rgyas kyi chos ma 'dres pa dang / thams cad mkhyen pa nyid du sbyor ba 'am 'byed pa lta ga la yod/ sha ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sangs rgyas dang thams cad mkhyen pa nyid du mi sbyor mi 'byed do/ /thams cad mkhyen pa nyid dang / sangs rgyas su mi sbyor mi 'byed do/ /de ni 'di ltar sangs rgyas nyid kyang yang dag par rjes su mi mthong ngo / /thams cad mkhyen pa nyid kyang yang dag par rjes su mi mthong ste/ yang dag par rjes su ma mthong na/ sbyor ba'am 'byed pa lta ga la yod/ byang chub dang thams cad mkhyen pa nyid du mi sbyor mi 'byed do/ /thams cad mkhyen pa nyid dang byang chub tu mi sbyor mi 'byed do/ /de ni 'di ltar byang chub nyid kyang yang dag par rjes su mi mthong ngo / /rnam pa thams cad mkhyen pa nyid kyang yang dag par rjes su mi mthong ste/ yang dag par rjes su ma mthong na/ sbyor ba'am 'byed pa lta ga la yod/ sha ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs dngos po yod ces bya bar mi sbyor ro/ /gzugs dngos po med ces bya bar mi sbyor ro/ /tshor ba dang 'du shes dang 'du byed dang rnam par shes pa dngos po yod ces bya bar mi sbyor ro/ /rnam par shes pa dngos po med ces bya bar mi sbyor ro/ /byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs rtag ces bya bar mi sbyor ro/ /gzugs mi rtag ces bya bar mi sbyor ro/ /tshor ba dang 'du shes dang 'du byed dang rnam par shes pa rtag ces bya bar mi sbyor ro/ /rnam par shes pa mi rtag ces bya bar mi sbyor ro/ /gzugs bde zhes bya bar mi sbyor ro/ /gzugs sdug bsngal zhes bya bar mi sbyor ro/ /tshor ba dang 'du shes dang 'du byed dang rnam par shes pa bde zhes bya bar mi sbyor ro/ /rnam par shes pa sdug bsngal zhes bya bar mi sbyor ro/ /gzugs bdag ces bya bar mi sbyor ro/ /gzugs bdag med ces bya bar mi sbyor ro/ /tshor ba dang 'du shes dang 'du byed dang rnam par shes pa bdag ces bya bar mi sbyor ro/ /rnam par shes pa bdag med ces bya bar mi sbyor ro/ /gzugs zhi zhes bya bar mi sbyor ro/ /gzugs ma zhi zhes bya bar mi sbyor ro/ /tshor ba dang 'du shes dang 'du byed dang rnam par shes pa zhi zhes bya bar mi sbyor ro/ /rnam par shes pa ma zhi zhes bya bar mi sbyor ro/ /gzugs stong zhes bya ba'am mi stong zhes bya bar mi sbyor ro/ /tshor ba dang 'du shes dang 'du byed dang rnam par shes pa stong zhes bya ba 'am mi stong zhes bya bar mi sbyor ro/ /gzugs mtshan ma yod ces bya ba 'am mtshan ma med ces bya bar mi sbyor ro/ /tshor ba dang 'du shes dang 'du byed dang rnam par shes pa mtshan ma yod ces bya ba'am mtshan ma med ces bya bar mi sbyor ro/ /gzugs smon pa yod ces bya ba 'am smon pa med ces bya bar mi sbyor ro/ /tshor ba dang 'du shes dang 'du byed dang rnam par shes pa smon pa yod ces bya ba'am smon pa med ces bya bar mi sbyor ro/ /gzugs skye zhes bya ba 'am 'gag ces bya bar mi sbyor ro/ /tshor ba dang 'du shes dang 'du byed dang rnam par shes pa skye zhes bya ba 'am 'gag ces bya bar mi sbyor ro/ /gzugs 'das pa zhes bya bar mi sbyor ro/ /gzugs ma 'ongs pa zhes bya bar mi sbyor ro/ /gzugs da ltar byung ba zhes bya bar mi sbyor ro/ /tshor ba dang 'du shes dang 'du byed dang rnam par shes pa 'das pa zhes bya bar mi sbyor ro/ /rnam par shes pa ma 'ongs pa zhes bya bar mi sbyor ro/ /rnam par shes pa da ltar byung ba zhes bya bar mi sbyor ro/ /gzugs brtan zhes bya ba 'am mi brtan zhes bya bar mi sbyor ro/ /tshor ba dang 'du shes dang 'du byed dang rnam par shes pa brtan zhes bya ba 'am mi brtan zhes bya bar mi sbyor ro/ / de ni gzugs yod ces bya ba'am med ces bya bar mi sbyor mi 'byed do/ /tshor ba dang 'du shes dang 'du byed dang rnam par shes pa yod ces bya ba'am med ces bya bar mi sbyor mi 'byed do/ /rnam pa thams cad mkhyen pa nyid kyi bar du yod ces bya ba 'am med ces bya bar mi sbyor mi 'byed do/ /shes rab kyi pha rol du phyin pa la spyod pa'i tshe/ spyod ces bya bar mi dmigs so/ /mi spyod ces bya bar mi dmigs so/ /spyod kyang spyod la mi spyod kyang mi spyod ces bya bar mi dmigs so/ /spyod pa yang ma yin/ mi spyod pa yang ma yin zhes bya bar mi dmigs so/ /sha ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa'i don du shes rab kyi pha rol du phyin pa la mi spyod do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i don du/ shes rab kyi pha rol du phyin pa la mi spyod do/ /nang stong pa nyid nas/ dngos po med pa'i ngo bo nyid stong pa nyid kyi bar gyi don du shes rab kyi pha rol du phyin pa la mi spyod do/ /skye ba med pa stong pa nyid dang 'gag pa med pa stong pa nyid kyi don du shes rab kyi pha rol du phyin pa la mi spyod do/ /phyir mi ldog pa'i sa'i don du shes rab kyi pha rol du phyin pa la mi spyod do/ /sems can yongs su smin par bya ba dang / sangs rgyas kyi zhing yongs su dag par bya ba'i don du shes rab kyi pha rol du phyin pa la mi spyod do/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i don du shes rab kyi pha rol du phyin pa la mi spyod do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams kyi don du shes rab kyi pha rol du phyin pa la mi spyod do/ / ting nge 'dzin rnams dang / gzungs kyi sgo rnams kyi don du shes rab kyi pha rol du phyin pa la mi spyod do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad kyi don du shes rab kyi pha rol du phyin pa la mi spyod do/ /de bzhin nyid dang chos kyi dbyings dang yang dag pa'i mtha'i don du shes rab kyi pha rol tu phyin pa la mi spyod do/ /de ci'i phyir zhe na/ byang chub sems dpa' sems dpa' chen po shes rab kyi pha rol tu phyin pa la spyod pa ni/ chos gang la yang tha dad pa'am/ bye brag gam/ khyad par du lta ba med de/ sha ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol du phyin pa la brtson zhes bya'o/ /de lha'i mig gi don du shes rab kyi pha rol du phyin pa la mi spyod do/ /lha'i rna ba dang / gzhan gyi sems shes pa dang / sngon gyi gnas dran pa dang / rdzu 'phrul gyi rnam pa dang / zag pa zad pa'i ye shes kyi don du shes rab kyi pha rol du phyin pa la mi spyod do/ /de ci'i phyir zhe na/ 'di ltar de shes rab kyi pha rol du phyin pa la spyod pa'i tshe/ shes rab kyi pha rol tu phyin pa nyid kyang yang dag par rjes su mi mthong na/ byang chub sems dpa' lta ci smos te/ rnam pa thams cad du thams cad mngon par shes pa dmigs pa lta ga las 'ong / sha ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di snyam du bdag gis rdzu 'phrul gyi rkang pa rnams la gnas te/ shar phyogs kyi 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag thams cad la rim gror bya'o/ /bkur stir bya'o/ /bsti stang du bya'o/ /mchod par bya'o snyam du mi sems so/ /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag thams cad la rim gror bya'o/ /bkur stir bya'o/ /bsti stang du bya'o/ /mchod par bya'o snyam du mi sems so/ /de 'di ltar sangs rgyas bcom ldan 'das gang ci ston pa de dag thams cad lha'i rna bas mnyan par bya'o/ /'jig rten gyi khams de dag gi sems can rnams kyi sems sems kyis shes par bya'o/ /de dag gi sngon gyi gnas bdag gis rjes su dran par bya'o/ /lha'i mig gis sems can de dag 'chi 'pho ba dang skye ba dang / skyes par gyur pa rnams bdag gis mthong bar bya'o/ /sems can grangs med tshad med pa dag bdag gis yongs su mya ngan las bzla bar bya'o snyam du mi sems te/ sha ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bdud glags tshol zhing nyams bskyong pa rnams kyis kyang glags mi rnyed de/ 'jig rten pa dang / 'jig rten las 'das pa'i bya ba gang ji snyed cig yod pa de dag thams cad kyang lhun gyis grub pa dang / yongs su brtag pa med par 'thun par 'grub po/ /'jig rten pa'i nyon mongs pa gang ji snyed yod pa de dag thams cad kyang rab tu bsal bar 'gyur ro/ /shar phyogs kyi 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag kyang / byang chub sems dpa' sems dpa' chen po de la/ nyan thos kyi sa 'am rang sangs rgyas kyi sar ltung du 'ong ngo zhes bsrung ba mdzad do/ /rgyal po chen po bzhi dang / sum cu rtsa gsum gyi lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams dang / tshangs ris kyi lha rnams dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams kyang byang chub sems dpa' sems dpa' chen po de la/ la la zhig bar chad byed par 'gyur du 'ong ngo zhes yongs su bsrung ba byed do/ /de la lus kyi skyon du bya ba gang ji snyed cig yod pa de dag kyang tshe 'di nyid la thams cad du thams cad med par 'gyur ro/ /de ci'i phyir zhe na/ de ni 'di ltar byang chub sems dpa' sems dpa' chen po de sems can thams cad la byams pas khyab par byed pa'i phyir ro/ /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag kyang / byang chub sems dpa' sems dpa' chen po de la nyan thos kyi sa 'am rang sangs rgyas kyi sar ltung du 'ong ngo zhes yongs su bsrung ba mdzad do/ / rgyal po chen po bzhi dang / sum cu rtsa gsum gyi lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams dang / tshangs ris kyi lha rnams dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams kyang byang chub sems dpa' sems dpa' chen po de la/ la la zhig bar chad byed par 'gyur du 'ong ngo zhes yongs su bsrung ba byed do/ /de la lus kyi skyon du bya ba gang ji snyed cig yod pa de dag thams cad kyang / tshe 'di nyid la thams cad du thams cad med par 'gyur ro/ /de ci'i phyir zhe na/ de ni 'di ltar byang chub sems dpa' sems dpa' chen po de sems can thams cad la byams pas khyab par byed pa'i phyir ro/ /sha ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzungs kyi sgo dang / ting nge 'dzin gyi sgo dang / spobs pa dang / so so yang dag par rig pa'i sgo dag kyang tshegs mi che bar mngon du 'gyur ro/ /skye ba'i skye mched thams cad du yang de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur te/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du/ sangs rgyas bcom ldan 'das de dag dang nam yang 'bral bar mi 'gyur ro/ /sha ra dwa ti'i bu gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa ni/ 'di snyam du chos gang la la chos rnams la 'du ba'am 'bral bar 'gyur ba 'am/ 'phrad pa 'am mi 'phrad par 'gyur ba de lta bu yod dam zhes bya bar mi sems so/ /de ci'i phyir zhe na/ 'di ltar des chos gang yang 'du ba'am 'bral bar 'gyur ba'am/ 'phrad pa 'am mi 'phrad par 'gyur ba de lta bu yang dag par rjes su mi mthong ngo / /sha ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni 'di snyam du bdag gis chos kyi dbyings mngon par sangs rgyas par 'gyur ram/ 'on tam mi 'gyur zhes bya bar mi sems te/ de ci'i phyir zhe na/ chos kyi dbyings kyi chos kyi dbyings mngon par sangs rgyas pa med do/ /mngon par 'tshang rgya ba med do/ /mngon par 'tshang rgya bar 'gyur ba med do/ /sha ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos gang yang chos kyi dbyings dang / tha dad par yang dag par rjes su mi mthong ste/ sha ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos kyi dbyings dang / chos rnams su bye brag tu bya ba mi byed de/ sha ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa ni/ 'di snyam du chos kyi dbyings khong du chud par 'gyur ram 'on tam khong du chud par mi 'gyur zhes bya bar mi sems te/ de ni 'di ltar des chos gang gis chos gang khong du chud par bya ba de lta bu'i chos gang yang yang dag par rjes su mthong ba med do/ /de yang 'di ltar de ni chos kyi dbyings stong zhes bya bar mi sbyor/ mi stong zhes bya bar mi sbyor ro/ /sha ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol du phyin pa la brtson zhes bya'o/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs dang stong pa nyid du mi sbyor/ stong pa nyid dang gzugs su mi sbyor ro/ /tshor ba dang 'du shes dang 'du byed dang / rnam par shes pa dang stong pa nyid du mi sbyor/ stong pa nyid dang rnam par shes par mi sbyor ro/ /mig dang stong pa nyid du mi sbyor/ stong pa nyid dang mig tu mi sbyor ro/ /rna ba dang sna dang lce dang lus dang yid dang stong pa nyid du mi sbyor/ stong pa nyid dang yid du mi sbyor ro/ /gzugs dang stong pa nyid du mi sbyor/ stong pa nyid dang gzugs su mi sbyor ro/ /sgra dang / dri dang ro dang reg bya dang chos dang stong pa nyid du mi sbyor/ stong pa nyid dang chos su mi sbyor ro/ /mig gi khams dang stong pa nyid du mi sbyor/ stong pa nyid dang mig gi khams su mi sbyor ro/ /gzugs kyi khams dang stong pa nyid du mi sbyor/ stong pa nyid dang gzugs kyi khams su mi sbyor ro/ /mig gi rnam par shes pa'i khams dang stong pa nyid du mi sbyor/ stong pa nyid dang mig gi rnam par shes pa'i khams su mi sbyor ro/ /rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / stong pa nyid du mi sbyor/ stong pa nyid dang yid kyi khams su mi sbyor ro/ /chos kyi khams dang stong pa nyid du mi sbyor/ stong pa nyid dang chos kyi khams su mi sbyor ro/ /yid kyi rnam par shes pa'i khams dang stong pa nyid du mi sbyor/ stong pa nyid dang yid kyi rnam par shes pa'i khams su mi sbyor ro/ /rnam pa thams cad mkhyen pa nyid kyi bar dang / stong pa nyid du mi sbyor/ stong pa nyid dang rnam pa thams cad mkhyen pa nyid du mi sbyor ro/ /de ci'i phyir zhe na/ sha ra dwa ti'i bu 'di lta ste/ stong pa nyid kyi rnal 'byor 'di ni rnal 'byor dam pa ste/ sha ra dwa ti'i bu byang chub sems dpa' sems dpa' chen po stong pa nyid la spyod pa ni nyan thos kyis 'am/ rang sangs rgyas kyi sar mi ltung ngo / /sangs rgyas kyi zhing yang yongs su dag par byed do/ / sems can rnams kyang yongs su smin par byed do/ /bla na med pa yang dag par rdzogs pa'i byang chub tu 'ang myur du mngon par 'tshang rgya'o/ /sha ra dwa ti'i bu rnal 'byor du bya ba gang ci yang rung ste/ de dag gi nang na shes rab kyi pha rol du phyin pa'i rnal 'byor de ni rab ces bya'o/ mchog dang / dam pa dang / phul dang / gtso bo dang / gya nom pa zhes bya'o/ /de ci'i phyir zhe na/ 'di lta ste/ shes rab kyi pha rol tu phyin pa'i rnal 'byor 'di ni/ stong pa nyid dang mtshan ma med pa dang smon pa med pa'i rnal 'byor te/ bla na med pa'i rnal 'byor to/ /sha ra dwa ti'i bu de ltar brtson pa'i byang chub sems dpa' sems dpa' chen po ni lung bstan pa zhes bya ste/ bla na med pa yang dag par rdzogs pa'i byang chub tu nye bar gyur pa'o/ /sha ra dwa ti'i bu de ltar brtson pa'i byang chub sems dpa' sems dpa' chen po ni sems can tshad med grangs med pa'i don byed kyang / de 'di snyam du bdag ni shes rab kyi pha rol du phyin pa la brtson pa yin no zhe 'am brtson pa ma yin no zhes bya bar mi sems so/ /bdag la ni sangs rgyas bcom ldan 'das rnams lung ston pa mdzad do/ /bdag ni lung bstan pa la nye bar gyur to/ /bdag gis ni sangs rgyas kyi zhing yongs su sbyang bar bya'o/ /bdag gis ni sems can rnams yongs su smin par bya'o/ /bdag gis ni bla na med pa yang dag par rdzogs pa'i byang chub tu mngon par sangs rgyas te/ chos kyi 'khor lo bskor bar bya'o snyam du mi sems so/ /de ci'i phyir zhe na/ de ni 'di ltar de chos kyi dbyings la bye brag tu byed pa med do/ /de ni chos kyi dbyings las chos gang shes rab kyi pha rol du phyin pa la spyod pa'am/ gang la sangs rgyas bcom ldan 'das rnams kyis lung bstan par bya ba 'am/ gang bla na med pa yang dag par rdzogs pa'i byang chub tu mngon par 'tshang rgya ba de lta bu'i chos gzhan gang yang yang dag par rjes su mi mthong ngo / /de ci'i phyir zhe na/ byang chub sems dpa' sems dpa' chen po de shes rab kyi pha rol du phyin pa la spyod pa'i tshe/ sems can gyi 'du shes mi skye'o/ /bdag dang srog dang 'gro ba dang gso ba dang skyes bu dang gang zag dang shed can dang shed bdag dang byed pa po dang tshor ba po dang shes pa po dang mthong ba po'i 'du shes mi skye'o/ / de ci'i phyir zhe na/ de ni 'di ltar sems can shin tu skye ba med cing 'gag pa med pa'i phyir te/ sems can la ni skye ba dang 'gag pa med do/ /gang la skye ba dang 'gag pa med pa de/ shes rab kyi pha rol du phyin pa la spyod par yang ji ltar 'gyur te/ sha ra dwa ti'i bu de ltar spyod pa'i byang chub sems dpa' sems dpa' chen po ni sems can skye ba med pas shes rab kyi pha rol tu phyin pa la spyod pa yin/ sems can stong pa nyid kyis shes rab kyi pha rol du phyin pa la spyod pa yin/ sems can mi dmigs pa dang / sems can dben pa dang / sems can rang bzhin med pa dang / sems can ngo bo nyid med pas shes rab kyi pha rol du phyin pa la spyod pa yin te/ sha ra dwa ti'i bu 'di ni byang chub sems dpa' sems dpa' chen po rnams kyi rnal 'byor dam pa ste/ 'di ltar stong pa nyid kyi rnal 'byor to/ /sha ra dwa ti'i bu 'di ni byang chub sems dpa' sems dpa' chen po shes rab kyi pha rol tu phyin pa la spyod pa'i rnal 'byor te/ des de ma yin pa'i rnal 'byor rnams zil gyis mnan te gnas so/ /sha ra dwa ti'i bu rnal 'byor 'di la spyod pa'i byang chub sems dpa' sems dpa' chen po ni/ de bzhin gshegs pa'i stobs bcu mngon par bsgrub bo/ /mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa brgyad mngon par bsgrub bo/ /sha ra dwa ti'i bu byang chub sems dpa' sems dpa' chen po rnal 'byor 'di la spyod pa ni ser sna'i sems mi bskyed do/ /tshul khrims ngan pa'i sems dang / gnod par sems pa'i sems dang / le lo'i sems dang / 'khrug pa'i sems dang / shes rab 'chal pa'i sems mi bskyed do/ /de skad ces bka' stsal pa dang / sha ra dwa ti'i bus bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po gang shes rab kyi pha rol du phyin pa'i rnal 'byor 'dis spyod pa de gang nas shi 'phos te 'dir skyes pa lags/ 'di nas shi 'phos nas ni gang du skye bar 'gyur/ bcom ldan 'das kyis bka' stsal pa/ sha ra dwa ti'i bu byang chub sems dpa' sems dpa' chen po gang shes rab kyi pha rol tu phyin pa'i rnal 'byor 'dis rnam par spyod pa de ni sangs rgyas kyi zhing gzhan nas shi 'phos te 'dir skyes pa'am/ dga' ldan gyi lha'i ris dang mi'i nang nas shi 'phos te 'dir skyes par shes par bya'o/ /sha ra dwa ti'i bu de la byang chub sems dpa' sems dpa' chen po gang sangs rgyas kyi zhing gzhan nas shi 'phos te 'dir skyes pa de ni/ 'di ltar shes rab kyi pha rol tu phyin pa'i rnal 'byor la/ rnal 'byor myur du 'grub pa ste/ tshe rabs 'di 'das nas kyang chos zab mo 'di dag de la mngon du 'gyur ro/ /de nas kyang shes rab kyi pha rol du phyin pa'i rnal 'byor la mnyam par gzhag go /sangs rgyas kyi zhing gang dang gang na/ de bzhin gshegs pa dgra bcom pa yang dag par rdzogs pa'i sangs rgyas rnams bzhugs shing 'tsho skyong ba de dang de dag tu yang skye bar 'gyur te/ de de bzhin gshegs pa dgra bcom pa yang dag par rdzogs pa'i sangs rgyas de dag la yang bsnyen bkur byed par 'gyur ro/ /sha ra dwa ti'i bu de la byang chub sems dpa' sems dpa' chen po gang dga' ldan gyi lha'i ris nas shi 'phos nas 'dir skyes pa de ni tshe gcig gis thogs pa ste/ de ni pha rol tu phyin pa drug la nyams pa med pa'o/ /gzungs kyi sgo dang ting nge 'dzin gyi sgo thams cad kyang der ma 'dus pa med do/ /sha ra dwa ti'i bu byang chub sems dpa' sems dpa' chen po gang mi'i nang nas shi 'phos nas/ mi dang skal ba mnyam pa nyid du skyes pa de ni/ phyir mi ldog pa'i byang chub sems dpa' sems dpa' chen po ma gtogs par dbang po rtul ba yin te/ shes rab kyi pha rol tu phyin pa'i rnal 'byor la yang myur du mnyam par gzhog pa ma yin no/ /de la gzungs kyi sgo dang / ting nge 'dzin gyi sgo rnams kyang myur du mngon du mi 'gyur ro/ /sha ra dwa ti'i bu gang khyod kyis de skad du/ byang chub sems dpa' sems dpa' chen po gang shes rab kyi pha rol du phyin pa'i rnal 'byor 'di la snyoms par 'jug pa de/ 'di nas shi 'phos nas gang du skye bar 'gyur zhes smras pa ni/ sha ra dwa ti'i bu byang chub sems dpa' sems dpa' chen po de sangs rgyas kyi zhing 'di nas shi 'phos nas/ gang na sangs rgyas bcom ldan 'das rnams bzhugs shing 'tsho skyong ba'i sangs rgyas kyi zhing de nas der 'gro ste/ nam bla na med pa yang dag par rdzogs pa'i byang chub tu mngon par sangs rgyas kyi bar du/ nam yang sangs rgyas bcom ldan 'das rnams dang 'bral bar mi 'gyur ro// // shes rab kyi pha rol du phyin pa stong phrag nyi shu lnga pa/ bam po lnga pa/ sha ra dwa ti'i bu byang chub sems dpa' sems dpa' chen po thabs la mi mkhas pa dag bsam gtan bzhi po la mnyam par gzhog cing / pha rol du phyin pa drug la yang spyod de/ de dag bsam gtan thob pas lha tshe rings po'i nang du skyes shing / gal te mi'i nang du skye ba thob nas/ sangs rgyas bcom ldan 'das de dag la bsnyen bkur byed na yang / de dag dbang po rtul zhing dbang po mi rno ba yang yod do/ /sha ra dwa ti'i bu gzhan yang byang chub sems dpa' sems dpa' chen po bsam gtan la yang mnyam par gzhog la/ shes rab kyi pha rol du phyin pa la yang spyod de/ de dag thabs la mi mkhas pas bsam gtan rnams spangs nas phyir 'dod pa'i khams su skye ba yang yod de/ sha ra dwa ti'i bu byang chub sems dpa' sems dpa' chen po de dag kyang dbang po rtul ba yin te/ dbang po rno ba ma yin no/ /sha ra dwa ti'i bu 'di ltar yang byang chub sems dpa' sems dpa' chen po bsam gtan dang po nas/ bzhi pa la yang snyoms par 'jug /byams pa la yang snyoms par 'jug snying rje dang dga' ba dang btang snyoms la yang snyoms par 'jug / nam mkha' mtha' yas skye mched la yang snyoms par 'jug /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la yang snyoms par 'jug / dran pa nye bar gzhag pa bzhi la yang snyoms par 'jug /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la yang snyoms par 'jug / snying rje chen po la yang snyoms par 'jug ste/ snying rje chen po dang ldan pa de dag thabs mkhas pas/ bsam gtan gyi dbang gis mi skye/ tshangs pa'i rnam par spyod pa'i dbang gis mi skye/ gzugs med pa'i snyoms par 'jug pa'i dbang gis mi skye ste/ sangs rgyas bcom ldan 'das rnams gang na bzhugs shing 'tsho skyong ba de dang de dag tu skye bar 'gyur ba yod do/ /de dag ni shes rab kyi pha rol du phyin pa'i rnal 'byor dang yang ma bral bas/ bskal pa bzang po 'di nyid la bla na med pa yang dag par rdzogs pa'i byang chub tu mngon par 'tshang rgya'o/ /sha ra dwa ti'i bu gzhan yang byang chub sems dpa' sems dpa' chen po bsam gtan bzhi po la yang snyoms par 'jug /byams pa dang / snying rje dang / dga' ba dang / btang snyoms la yang snyoms par 'jug /nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la yang snyoms par 'jug cing de dag thabs mkhas pas/ bsam gtan dang / ting nge 'dzin dang / snyoms par 'jug pa'i dbang gis mi skye ba yang yod de/ de dag ni phyir 'dod pa'i khams 'dir skyes kyang / rgyal rigs che zhing mtho ba'am/ bram ze'i rigs che zhing mtho ba 'am/ khyim bdag gi rigs che zhing mtho ba'i rigs su skye ste/ de yang srid pa la brkam pa'i phyir ma yin gyi/ sems can yongs su smin par bya ba'i phyir ro/ sha ra dwa ti'i bu 'di ltar yang byang chub sems dpa' sems dpa' chen po bsam gtan bzhi po la yang snyoms par 'jug / byams pa dang snying rje dang dga' ba dang btang snyoms la yang snyoms par 'jug /nam mkha' mtha' yas skye mched la yang snyoms par 'jug /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la yang snyoms par 'jug cing / de dag thabs mkhas pas bsam gtan dang ting nge 'dzin dang / snyoms par 'jug pa'i dbang gis mi skye ba yang yod de/ de dag ni rgyal po chen po bzhi'i ris kyi lha rnams dang / skal ba mnyam par bya'o/ /sum cu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams dang / skal ba mnyam par skyes te/ de dag na gnas shing sems can rnams yongs su smin par byed do/ /sangs rgyas kyi zhing yongs su dag par byed do/ /sangs rgyas bcom ldan 'das rnams kyang mnyes par byed do/ /sha ra dwa ti'i bu 'di ltar yang byang chub sems dpa' sems dpa' chen po shes rab kyi pha rol tu phyin pa la spyod pa dag thabs mkhas pas/ bsam gtan bzhi po la yang snyoms par 'jug /byams pa dang snying rje dang dga' ba dang btang snyoms la yang snyoms par 'jug /nam mkha' mtha' yas skye mched la yang snyoms par 'jug /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la yang snyoms par 'jug pa yod de/ de dag ni 'di nas shi 'phos nas tshangs pa'i 'jig rten du skye'o/ /de dag de na yang tshangs pa tshangs chen dbang chen po dang ldan pa brgya phrag bcu la dbang sgyur ba de lta bu'i sems can gyi nang na yang mchog dam pa phul du bya bar 'gyur te/ de dag de na 'khod cing gang na de bzhin gshegs pa dgra bcom pa yang dag par rdzogs pa'i sangs rgyas rnams mngon par sangs rgyas shing chos kyi 'khor lo bskor ba bzhugs pa de lta bu'i sangs rgyas kyi zhing nas sangs rgyas kyi zhing du rgyu zhing dong ngo / /de bzhin gshegs pa dgra bcom pa yang dag par rdzogs pa'i sangs rgyas de dag la yang chos kyi 'khor lo bskor ba'i don du gsol ba gdab pa byed do/ /sha ra dwa ti'i bu 'di ltar yang byang chub sems dpa' sems dpa' chen po tshe gcig gis thogs pa/ shes rab kyi pha rol du phyin pa la spyod pa dag thabs mkhas pas/ bsam gtan bzhi po la yang snyoms par 'jug / byams pa dang snying rje dang dga' ba dang btang snyoms la yang snyoms par 'jug /nam mkha' mtha' yas skye mched la yang snyoms par 'jug /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la yang snyoms par 'jug / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la yang bsgom/ stong pa nyid dang / mtshan ma med pa dang / smon pa med pa'i ting nge 'dzin la yang snyoms par 'jug cing / de dag gi dbang gis mi skye ba yang yod de/ de dag sangs rgyas bcom ldan 'das mngon du gyur pa rnams bsnyen bkur cing / de dag tu tshangs pa'i spyod pa spyad de/ dga' ldan gyi lha dang skal ba mnyam par skye ste/ de dag der tshe'i tshul bzhin du gnas nas/ dbang po ma nyams pa dang dran zhing shes bzhin du lha bye ba khrag khrig brgya stong du mas bskor te mdun du byas nas 'dir skye ba bstan ste/ bla na med pa yang dag par rdzogs pa'i byang chub tu mngon par sangs rgyas nas sangs rgyas kyi zhing sna tshogs dag tu chos kyi 'khor lo bskor ba dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po mngon par shes pa drug thob pa dag 'dod pa'i khams su yang mi skye/ gzugs kyi khams dang gzugs med pa'i khams su yang mi skye bar/ de dag de bzhin gshegs pa dgra bcom pa yang dag par rdzogs pa'i sangs rgyas rnams la rim gro dang bkur sti dang bsti stang dang mchod pa byed cing sangs rgyas kyi zhing nas sangs rgyas kyi zhing du 'dong ba dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po mngon par shes pa drug thob pa dag /mngon par shes pa drug po de dag gis rnam par rtse zhing sangs rgyas kyi zhing gang na/ theg pa chen po ma gtogs par nyan thos kyi theg pa dang rang sangs rgyas kyi theg pa'i sgra yang mi grag pa de lta bu'i sangs rgyas kyi zhing nas sangs rgyas kyi zhing du 'dong ba dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po mngon par shes pa drug thob pa dag /mngon par shes pa de dag gis rnam par rtse zhing sangs rgyas kyi zhing gang na/ sems can rnams kyi tshe dpag tu med pa de lta bu'i sangs rgyas kyi zhing nas/ sangs rgyas kyi zhing du 'dong ba dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po mngon par shes pa drug thob pa dag /'jig rten gyi khams gang na sangs rgyas kyi sgra mi grag pa dang / chos kyi sgra mi grag pa dang / dge 'dun gyi sgra mi grag pa de lta bu'i 'jig rten gyi khams nas/ 'jig rten gyi khams su 'dong zhing sangs rgyas kyi legs pa brjod/ chos kyi legs pa brjod/ dge 'dun gyi legs pa brjod cing / sems can de dag kyang / sangs rgyas kyi sgra dang / chos kyi sgra dang / dge 'dun kyi sgra des sems dang bar gyur te/ gang na sangs rgyas bcom ldan 'das rnams bzhugs pa de dag tu skye bar 'gyur bar byed pa dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po dang po sems bskyed phyin chad/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad dag kyang thob nas/ de dag nam yang 'dod pa'i khams su yang mi skye/ gzugs kyi khams dang / gzugs med pa'i khams su yang mi skye zhing / de dag tu yang sems can rnams kyi don byed pa yod do/ /sha ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la spyod pa dag /dang po sems bskyed pa nyid kyis byang chub sems dpa'i skyon med par zhugs nas/ phyir mi ldog pa'i sa 'thob pa yang yod do/ /sha ra dwa ti'i bu 'di ltar yang byang chub sems dpa' sems dpa' chen po dang po sems bskyed pa nyid kyis/ bla na med pa yang dag par rdzogs pa'i byang chub tu mngon par 'tshang rgya zhing / mngon par sangs rgyas nas chos kyi 'khor lo bskor te/ sems can tshad med grangs med pa'i don byas nas/ phung po ma lus pa'i mya ngan las 'das pa'i dbyings su yongs su mya ngan las 'da' zhing / de dag yongs su mya ngan las 'das nas kyang dam pa'i chos bskal pa 'am/ bskal pa bas lhag par gnas pa dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po dang po sems bskyed pa nyid kyis/ shes rab kyi pha rol du phyin pa'i rnal 'byor la snyoms par 'jug cing / de dag byang chub sems dpa' bye ba khrag khrig brgya stong du ma dang lhan cig / sangs rgyas kyi zhing nas sangs rgyas kyi zhing du/ sangs rgyas bcom ldan 'das rnams blta ba dang / sems can yongs su smin par bya ba dang / sangs rgyas kyi zhing yongs su dag par bya ba'i don du 'dong ba dag kyang yod do/ /sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa/ bsam gtan bzhi thob pa tshad med pa bzhi dang gzugs med pa'i snyoms par 'jug pa bzhi thob pa dag /bsam gtan dang tshad med pa dang / gzugs med pa'i snyoms par 'jug pa de dag gis tshul du mar rnam par rtse zhing / 'di lta ste/ bsam gtan dang po la snyoms par 'jug go /de dag bsam gtan dang po de las langs nas/ 'gog pa'i snyoms par 'jug pa la mnyam par gzhog go /'gog pa'i snyoms par 'jug pa las langs nas/ bsam gtan gnyis pa la snyoms par 'jug go /bsam gtan gnyis pa las langs nas/ 'gog pa'i snyoms par 'jug pa la mnyam par gzhog go /de las langs nas bsam gtan gsum pa la snyoms par 'jug go / de las langs nas 'gog pa'i snyoms par 'jug pa la mnyam par gzhog go /de las langs nas bsam gtan bzhi pa la snyoms par 'jug go /de las langs nas 'gog pa'i snyoms par 'jug pa la mnyam par gzhog go / de las langs nas nam mkha' mtha' yas skye mched la yang snyoms par 'jug go /de las langs nas 'gog pa'i snyoms par 'jug pa la mnyam par gzhog go /de las langs nas rnam shes mtha' yas skye mched la snyoms par 'jug go /de las langs nas 'gog pa'i snyoms par 'jug pa la mnyam par gzhog go / de las langs nas cung zad med pa'i skye mched la snyoms par 'jug go /de las langs nas 'gog pa'i snyoms par 'jug pa la mnyam par gzhog go /de las langs nas 'du shes med 'du shes med min skye mched la snyoms par 'jug go / de las langs nas 'gog pa'i snyoms par 'jug pa la mnyam par gzhog go /sha ra dwa ti'i bu de ltar byang chub sems dpa' sems dpa' chen po shes rab kyi pha rol du phyin pa la spyod pa thabs mkhas pa dang ldan pa rnams bsam gtan dang / tshad med pa dang ting nge 'dzin dang snyoms par 'jug pa 'di dag yang dang yang du rnam par mnan cing snyoms par 'jug pa dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa thob pa/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams thob pa/ ting nge 'dzin rnams dang / gzungs kyi sgo rnams thob pa/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad thob pa dag rnam par thar pa'i sgo gsum po thob kyang rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par mi byed kyi/ shes rab kyi pha rol du phyin pa la spyod cing / thabs mkhas pas yongs su bzung bas 'phags pa'i lam yan lag brgyad pa sems can rnams la ston par byed de/ sems can de dag des rgyun du zhugs pa'i 'bras bu thob par 'gyur ba dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par 'gyur bar byed pa dag kyang yod de/ sha ra dwa bu nyan thos dang rang sangs rgyas rnams kyi 'bras bu thob par bya ba'i ye shes gang yin pa de ni byang chub sems dpa' sems dpa' chen po'i bzod pa yin te/ sha ra dwa ti'i bu byang chub sems dpa' sems dpa' chen po gang shes rab kyi pha rol du phyin pa de lta bus de ltar rnam par spyod pa de dag ni phyir mi ldog pa yin par shes par bya'o/ /sha ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing / dga' ldan gyi gnas yongs su sbyong ba dag kyang yod de/ sha ra dwa ti'i bu byang chub sems dpa' sems dpa' chen po de dag ni bskal pa bzang po par shes par bya'o/ /sha ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa/ bsam gtan bzhi thob pa/ tshad med pa bzhi dang / gzugs med pa'i snyoms par 'jug pa bzhi dang / byang chub kyi phyogs kyi chos sum cu rtsa bdun thob pa/ mngon par shes pa drug thob pa/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad thob pa dag 'phags pa'i bden pa bzhi khong du chud par bya ba'i don du spyod kyang / bden pa bzhi rtogs par mi byed pa dag kyang yod de/ sha ra dwa ti'i bu byang chub sems dpa' sems dpa' chen po de dag ni tshe gcig gis thogs par shes par bya'o/ /sha ra dwa ti'i bu 'di ltar yang byang chub sems dpa' sems dpa' chen po pha rol tu phyin pa drug la spyod pa dag 'jig rten gyi khams nas 'jig rten gyi khams su 'dong zhing / de dag gi sems can rnams byang chub tu yang dag par bskul ba byed cing / sangs rgyas kyi zhing yongs su dag par byed pa dag kyang yod de/ sha ra dwa ti'i bu byang chub sems dpa' sems dpa' chen po de dag ni bskal pa grangs med tshad med pas bla na med pa yang dag par rdzogs pa'i byang chub tu mngon par 'tshang rgya'o/ /sha ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing sems can rnams kyi don du rtag par brtson te/ nam yang gnod par 'gyur ba'i tshig mi smra/ gnod pa dang ldan pa'i lus kyi las dang / yid kyi las mi byed pa dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing sems can gyi don du rtag tu brtson pas/ sangs rgyas kyi zhing nas sangs rgyas kyi zhing du 'dong zhing / sems can rnams kyi ngan song gi lam gsum po rgyun gcod pa dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing sbyin pa'i pha rol tu phyin pa lhur byas te/ sems can rnams kyi bde ba'i yo byad thams cad nye bar bsgrub cing / zas 'dod pa rnams la zas dang skom 'dod pa rnams la skom dang / bzhon pa 'dod pa rnams la bzhon pa dang / me tog dang / spos dang / phreng ba dang / byug pa dang mal stan dang gos dang rgyan dang 'tsho ba dang khyim 'dod pa rnams la khyim gyis yongs su sdud cing 'tsho ba'i yo byad skyon med pa yongs su sgrub pa dag kyang yod do/ /tshul khrims kyi pha rol du phyin pa lhur byas te/ sems can rnams lus dang ngag dang yid kyi sdom pa la rab tu 'god pa dag kyang yod do/ /bzod pa'i pha rol du phyin pa lhur byas te/ sems can rnams khro ba med pa dang / gnod sems med pa la rab tu 'god pa dag kyang yod do/ /brtson 'grus kyi pha rol du phyin pa lhur byas te/ sems can rnams dge ba'i chos thams cad la mngon par brtson pa la rab tu 'god pa dag kyang yod do/ /bsam gtan gyi pha rol du phyin pa lhur byas te/ sems can rnams zhi gnas rtse gcig tu bya ba dang / 'dod pa las dben pa la rab tu 'god pa dag kyang yod do/ /shes rab kyi pha rol tu phyin pa lhur byas te/ sems can rnams chos thams cad la mngon par zhen pa med par 'god pa dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing / shes rab kyi pha rol du phyin pa lhur byas te/ de bzhin gshegs pa'i sku ci 'dra ba de 'dra ba'i lus su mngon par sprul te/ sems can dmyal ba pa'i sems can rnams dang / byol song gi skye gnas pa'i sems can rnams dang / gshin rje'i 'jig rten pa'i sems can rnams la ngan song thams cad las yang dag par bzla ba'i phyir chos ston pa dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing / sangs rgyas kyi sku ci 'dra ba de 'dra ba'i lus su mngon par sprul nas/ shar phyogs kyi sangs rgyas kyi zhing gang+gA'i klung gi bye ma snyed dag tu dong zhing sems can rnams la chos ston pa dang / de bzhin gshegs pa rnams la bsnyen bkur byed pa dang / chos nyan cing byang chub sems dpa'i dge 'dun dang / sangs rgyas kyi zhing gi yon tan rnam par phye ba dag kyang mthong bar byed cing de dag sangs rgyas kyi zhing de dag gi mtshan ma yongs su bzung ste/ de bas kyang rgya che ba khyad par du 'phags pa'i sangs rgyas kyi zhing mang po yongs su sgrub cing / sangs rgyas kyi zhing de dag tu byang chub sems dpa' sems dpa' chen po tshe gcig gis thogs pa sha stag skye bar byed pa dag kyang yod do/ /de bzhin du lho dang nub dang byang dang byang shar dang shar lho dang lho nub dang nub byang dang / 'og dang steng gi phyogs kyi phyogs re re zhing / sangs rgyas kyi zhing gang+gA'i klung gi bye ma snyed dag tu dong zhing / sems can rnams la chos ston pa dang / de bzhin gshegs pa rnams la bsnyen bkur byed pa dang / chos nyan cing byang chub sems dpa'i dge 'dun dang / sangs rgyas kyi zhing gi yon tan rnam par bye ba dag kyang mthong bar byed cing / de dag sangs rgyas kyi zhing de dag gi mtshan ma yongs su bzung ste/ de bas kyang rgya che ba khyad par du 'phags pa'i sangs rgyas kyi zhing mang po yongs su sgrub cing / sangs rgyas kyi zhing de dag tu byang chub sems dpa' sems dpa' chen po tshe gcig gis thogs pa sha stag skye bar byed pa dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la spyod pa'i tshe/ mi chen po'i mtshan sum cu rtsa gnyis dang ldan par byas te/ dbang po gsal zhing yongs su dag pa dang ldan par gyur nas/ de dag lus yongs su dag pa de dag gis skye bo mang po dga' ba dang mos pa skyed de/ de dag 'gro ba mang po'i snying du sdug cing yid du 'ong ba dang / sems can de dag kyang sems mos par gyur pa'i dge ba'i rtsa ba de nyid kyis mthar gyis theg pa gsum gyis yongs su mya ngan las 'da' bar byed pa dag kyang yod do/ /sha ra dwa ti'i bu byang chub sems dpa' sems dpa' chen po 'di ltar shes rab kyi pha rol du phyin pa la spyod pa'i tshe/ lus yongs su dag pa dang ngag yongs su dag pa dang yid yongs su dag pa la bslab par bya'o/ /sha ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la spyod pa dag dbang po shin tu gsal ba thob nas/ de dag dbang po shin tu gsal ba de dag gis bdag mi bstod cing gzhan mi smod pa dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po dang po sems bskyed phyin chad/ sbyin pa'i pha rol du phyin pa dang / tshul khrims kyi pha rol du phyin pa la gnas shing / phyir mi ldog pa'i sa ma thob kyi bar du nam yang dbul bar mi 'gyur zhing / log par 'gro ba dang ngan song du mi ltung ba dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po dang po sems bskyed phyin chad/ phyir mi ldog pa'i sa ma thob kyi bar du/ nam yang dge ba bcu'i las kyi lam mi gtong ba dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po sbyin pa'i pha rol du phyin pa dang / tshul khrims kyi pha rol du phyin pa la gnas shing / 'khor los sgyur ba'i rgyal por gyur nas de dag dge ba bcu'i las kyi lam rnams la sems can rab tu 'god pa dang / sbyin pa dang ngag snyan pas sems can yongs su sdud pa dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po sbyin pa'i pha rol du phyin pa dang / tshul khrims kyi pha rol du phyin pa la gnas shing / 'khor los sgyur ba'i rgyal srid yongs su bzung ste/ 'khor los sgyur ba'i rgyal srid brgya stong du ma la gnas shing de dag la gnas nas sangs rgyas bye ba khrag khrig brgya stong du ma mnyes par byed de/ sangs rgyas bcom ldan 'das de dag la yo byad thams cad dang / mchod pa sna tshogs kyis/ rim gro dang bkur sti dang bsti stang dang mchod pa byed pa dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing / sems can log par lta ba'i mun pa can rnams la/ sangs rgyas kyi chos kyis snang bar byed cing bdag nyid kyang nam bla na med pa yang dag par rdzogs pa'i byang chub tu mngon par sangs ma rgyas kyi bar du/ sangs rgyas kyi chos snang ba de dang nam yang 'bral bar mi byed pa dag kyang yod de/ sha ra dwa ti'i bu 'di ni byang chub sems dpa' sems dpa' chen po sangs rgyas kyi chos la yang dag par byung ba yin no/ /sha ra dwa ti'i bu de lta bas na byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ kha na ma tho ba dang bcas pa'i lus dang ngag dang yid kyi las rnams kyi go mi dbye'o/ /de skad ces bka' stsal pa dang / tshe dang ldan pa sha ra dwa ti'i bus/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po'i lus kyi las kha na ma tho ba dang bcas pa dang / ngag gi las kha na ma tho ba dang bcas pa dang / yid kyi las kha na ma tho ba dang bcas pa gang lags/ bcom ldan 'das kyis bka' stsal pa/ sha ra dwa ti'i bu byang chub sems dpa' sems dpa' chen po 'di snyam du sems shing / 'di ni lus yin gyis des ni lus kyi las shig brtsam/ 'di ni ngag yin gyis des ni ngag gi las shig brtsam/ 'di ni yid yin gyis des ni yid kyi las shig brtsam snyam na/ de ni sha ra dwa ti'i bu byang chub sems dpa' sems dpa' chen po'i lus dang ngag dang yid kyi las rtsom pa kha na ma tho ba dang bcas pa'o/ /sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pas ni lus gang dang ngag gang dang yid gang gis 'jungs pa'i sems bskyed pa 'am/ tshul khrims ngan pa'i sems bskyed pa 'am/ gnod sems kyi sems bskyed pa'am/ le lo'i sems bskyed pa 'am/ 'khrug pa'i sems bskyed pa 'am/ shes rab 'chal pa'i sems bskyed par bya ba de lta bu'i lus mi dmigs so/ /ngag mi dmigs so/ /sems mi dmigs so/ /sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i tshe/ lus dang ngag dang yid kyi gnas ngan len skyed pa tsam du yang shes par mi bya ste/ de ni gnas med do/ /de ci'i phyir zhe na/ sha ra dwa ti'i bu de ni 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ lus dang ngag dang yid kyi gnas ngan len yongs su sbyong ste/ sha ra dwa ti'i bu 'di ni/ byang chub sems dpa' sems dpa' chen po rnams kyi lus dang ngag dang yid kyi las kha na ma tho ba med pa'o/ /gsol pa/ bcom ldan 'das ji ltar na byang chub sems dpa' sems dpa' chen po lus kyi gnas ngan len sbyong ba dang / ngag gi gnas ngan len sbyong ba dang / yid kyi gnas ngan len sbyong ba lags/ bcom ldan 'das kyis bka' stsal pa/ sha ra dwa ti'i bu gang gi tshe byang chub sems dpa' sems dpa' chen po lus mi dmigs pa dang / ngag dang sems mi dmigs pa de'i tshe na/ byang chub sems dpa' sems dpa' chen po lus dang ngag dang yid kyi gnas ngan len yongs su sbyong ba yin no/ /sha ra dwa ti'i bu gzhan yang byang chub sems dpa' sems dpa' chen po sems dang po bskyed phyin chad/ dge ba bcu'i las kyi lam rnams yang dag par blangs te gnas shing / nyan thos kyi sems sam rang sangs rgyas kyi sems bskyed pa med par de rtag tu rgyun mi chad par sems can thams cad la snying rje chen po'i sems nye bar gzhog na/ de ni byang chub sems dpa' sems dpa' chen po'i lus dang ngag dang yid kyi gnas ngan len yongs su dag pa zhes ngas bshad do/ /sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa byang chub kyi lam yongs su sbyong zhing / sbyin pa'i pha rol du phyin pa la spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa dag kyang yod do/ /gsol pa/ bcom ldan 'das byang chub sems dpa' sems dpa' chen po'i byang chub kyi lam gang lags/ bcom ldan 'das kyis bka' stsal pa/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam lus la dmigs pa med pa dang / ngag dang yid la dmigs pa med pa dang / sbyin pa'i pha rol du phyin pa la dmigs pa med pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la dmigs pa med pa dang / nyan thos kyi theg pa la dmigs pa med pa dang / rang sangs rgyas kyi theg pa la dmigs pa med pa dang / byang chub sems dpa'i theg pa dang / yang dag par rdzogs pa'i sangs rgyas kyi theg pa la dmigs pa med par gyur pa de ni/ sha ra dwa ti'i bu byang chub sems dpa' sems dpa' chen po'i byang chub kyi lam yin te/ de ltar chos thams cad la dmigs pa med cing blang ba med pa dang dor ba med pa'o/ /sha ra dwa ti'i bu byang chub sems dpa' sems dpa' chen po lam de lta bus pha rol du phyin pa drug la spyod cing nan tan du byed pa de dag ni sus kyang thub pa med do/ /gsol pa/ bcom ldan 'das byang chub sems dpa' sems dpa' chen po tshul ji lta bur spyod pa rnams thub pa ma mchis pa lags/ bcom ldan 'das kyis bka' stsal pa/ nam byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs la rlom sems med pa dang / tshor ba dang 'du shes dang 'du byed dang rnam par shes pa la rlom sems med pa dang / mig dang gzugs la rlom sems med pa dang / rna ba dang sgra dang sna dang dri dang lce dang ro dang lus dang reg bya dang / yid dang chos la rlom sems med pa dang / sa'i khams la rlom sems med pa dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la rlom sems med pa dang / mig gi khams la rlom sems med pa dang / gzugs kyi khams dang / mig gi rnam par shes pa'i khams la rlom sems med pa dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams la rlom sems med pa dang / chos kyi khams la rlom sems med pa dang / yid kyi rnam par shes pa'i khams la rlom sems med pa dang / rten cing 'brel par 'byung ba la rlom sems med pa dang / sbyin pa'i pha rol tu phyin pa la rlom sems med pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol tu phyin pa dang / shes rab kyi pha rol du phyin pa la rlom sems med pa dang / nang stong pa nyid la rlom sems med pa dang / dngos po med pa'i ngo bo nyid stong pa nyid kyi bar la rlom sems med pa dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la rlom sems med pa dang / 'phags pa'i bden pa bzhi la rlom sems med pa dang / bsam gtan bzhi la rlom sems med pa dang / tshad med pa bzhi dang / gzugs med pa'i snyoms par 'jug pa bzhi la rlom sems med pa dang / rnam par thar ba brgyad dang / mthar gyis gnas pa'i snyoms par 'jug pa dgu la rlom sems med pa dang / stong pa nyid dang / mtshan ma med pa dang / smon pa med pa la rlom sems med pa dang / mngon par shes pa rnams la rlom sems med pa dang / ting nge 'dzin rnams dang / gzungs kyi sgo rnams la rlom sems med pa dang / de bzhin gshegs pa'i stobs bcu la rlom sems med pa dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad la rlom sems med pa dang / rgyun tu zhugs pa'i 'bras bu la rlom sems med pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la rlom sems med pa dang / rang byang chub la rlom sems med pa dang / lam gyi rnam pa shes pa nyid la rlom sems med pa dang / bla na med pa yang dag par rdzogs pa'i byang chub la rlom sems med pa dang / 'khor ba dang mya ngan las 'das pa la rlom sems med par gyur pa de'i tshe/ byang chub sems dpa' sems dpa' chen po de ni pha rol du phyin pa drug gis rnam par 'phel ba yin te sus kyang thub pa med do/ /sha ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas te/ thams cad mkhyen pa nyid kyi ye shes yongs su rdzogs par byed cing / ye shes de dang ldan pas nam yang ngan song rnams su mi skye/ mi dbul zhing phongs pa nyams su myong bar mi 'gyur te/ lus gang dang ldan pas/ lha dang mi dang lha ma yin du bcas pa'i 'jig rten gyi nang na smad par 'gyur ba de lta bu'i lus yongs su 'dzin par mi 'gyur ba dag kyang yod do/ /de nas tshe dang ldan pa sha ra dwa ti'i bus bcom ldan 'das la 'di skad ces gsol to/ /bcom ldan 'das de lta bu'i ye shes dang ldan pas/ byang chub sems dpa' sems dpa' chen po nam yang ngan song rnams su skye bar mi 'gyur ba dang / mi dbul zhing phongs pa nyams su myong bar mi 'gyur ba dang / lus gang dang ldan pas lha dang mi dang lha ma yin gyi nang na/ smad par 'gyur ba de lta bu'i lus yongs su 'dzin par mi 'gyur ba'i thams cad mkhyen pa'i ye shes de gang lags/ bcom ldan 'das kyis bka' stsal pa/ sha ra dwa ti'i bu byang chub sems dpa' sems dpa' chen po ye shes de lta bu dang ldan pas ni/ shar phyogs kyi 'jig rten gyi khams gang+gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed kyang mthong ngo / /chos kyang nyan to/ /byang chub sems dpa'i dge 'dun dang / sangs rgyas kyi zhing gi yon tan rnam par phye ba dag kyang mthong ngo / /lho dang nub dang byang dang byang shar dang shar lho dang lho nub dang nub byang dang / 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed kyang mthong ngo / /chos kyang nyan to/ /byang chub sems dpa'i dge 'dun dang / sangs rgyas kyi zhing gi yon tan rnam par phye ba dag kyang mthong ngo / /ye shes de lta bu dang ldan pa'i byang chub sems dpa' sems dpa' chen po ni sangs rgyas kyi 'du shes mi skyed do/ /chos kyi 'du shes dang dge 'dun gyi 'du shes mi skyed do/ /nyan thos kyi 'du shes dang rang sangs rgyas kyi 'du shes dang / byang chub sems dpa'i 'du shes dang / sangs rgyas kyi 'du shes mi skyed do/ /bdag gi 'du shes mi skyed do/ /gzhan gyi 'du shes mi skyed do/ /sangs rgyas kyi zhing gi 'du shes mi skyed do/ /ye shes de lta bu dang ldan pa'i byang chub sems dpa' sems dpa' chen po ni sbyin pa'i pha rol du phyin pa la spyod de/ sbyin pa'i pha rol tu phyin pa mi dmigs so/ /tshul khrims kyi pha rol du phyin pa la spyod de/ tshul khrims kyi pha rol du phyin pa mi dmigs so/ / bzod pa'i pha rol tu phyin pa la spyod de/ bzod pa'i pha rol tu phyin pa mi dmigs so/ /brtson 'grus kyi pha rol du phyin pa la spyod de/ brtson 'grus kyi pha rol du phyin pa mi dmigs so/ /bsam gtan gyi pha rol du phyin pa la spyod de/ bsam gtan gyi pha rol du phyin pa mi dmigs so/ /shes rab kyi pha rol du phyin pa la spyod de/ shes rab kyi pha rol du phyin pa mi dmigs so/ /nang stong pa nyid sgom ste/ nang stong pa nyid mi dmigs so/ /dngos po med pa'i ngo bo nyid stong pa nyid kyi bar du sgom ste/ /dngos po med pa'i ngo bo nyid stong pa nyid mi dmigs so/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa sgom ste/ 'phags pa'i lam yan lag brgyad pa mi dmigs so/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams sgom ste/ mngon par shes pa rnams mi dmigs so/ /ting nge 'dzin rnams dang / gzungs kyi sgo rnams sgom ste/ gzungs kyi sgo rnams mi dmigs so/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad sgom ste/ sangs rgyas kyi chos ma 'dres pa brgyad mi dmigs so/ /rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa nyid dang / rang byang chub dang rnam pa thams cad mkhyen pa nyid kyi bar la sgom ste/ rnam pa thams cad mkhyen pa nyid mi dmigs so/ /sha ra dwa ti'i bu 'di ni byang chub sems dpa' sems dpa' chen po'i ye shes te/ ye shes de dang ldan pa'i byang chub sems dpa' sems dpa' chen po ni sangs rgyas kyi chos thams cad kyang yongs su rdzogs par byed de/ sangs rgyas kyi chos thams cad kyang yang dag par rjes su mi mthong ngo / /sha ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mig lnga rab tu 'thob pa dang / yongs su sbyong ba yod do/ /lnga gang zhe na/ 'di lta ste/ sha'i mig dang / lha'i mig dang / shes rab kyi mig dang / chos kyi mig dang / sangs rgyas kyi mig go/ /gsol pa/ bcom ldan 'das byang chub sems dpa' sems dpa' chen po'i sha'i mig yongs su dag pa gang lags/ bcom ldan 'das kyis bka' stsal pa/ sha ra dwa ti'i bu byang chub sems dpa' sems dpa' chen po sha'i mig gis dpag tshad brgya mthong ba yod do/ /sha ra dwa ti'i bu byang chub sems dpa' sems dpa' chen po'i sha'i mig gis dpag tshad nyis brgya dang / sum brgya dang / bzhi brgya dang / lnga brgya dang / stong gi bar du mthong ba yod do/ /sha ra dwa ti'i bu byang chub sems dpa' sems dpa' chen po'i sha'i mig gis 'dzam bu'i gling mthong ba yod do/ /sha'i mig gis gling gnyis dang / gling gsum dang / gling chen po bzhi pa'i 'jig rten gyi khams mthong ba yod do/ /sha'i mig gis stong gi 'jig rten gyi khams mthong ba yod do/ /sha'i mig gis stong gnyis kyi 'jig rten gyi khams mthong ba yod do/ /sha ra dwa ti'i bu byang chub sems dpa' sems dpa' chen po'i sha'i mig gis stong gsum gyi stong chen po'i 'jig rten gyi khams mthong ba yod do/ /sha ra dwa ti'i bu 'di ni byang chub sems dpa' sems dpa' chen po'i sha'i mig yongs su dag pa'o/ /gsol pa/ bcom ldan 'das byang chub sems dpa' sems dpa' chen po'i lha'i mig yongs su dag pa gang lags/ bcom ldan 'das kyis bka' stsal pa/ sha ra dwa ti'i bu rgyal po chen po bzhi'i ris kyi lha rnams kyi lha'i mig gang yin pa de ni byang chub sems dpas rab tu shes so/ /sum cu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams kyi lha'i mig gang yin pa de ni byang chub sems dpas rab tu shes so/ /sha ra dwa ti'i bu byang chub sems dpa' sems dpa' chen po'i lha'i mig gang yin pa de ni rgyal po chen po bzhi'i ris kyi lha rnams kyis mi shes so/ /sum cu rtsa gsum gyi lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams kyis mi shes te/ lha'i mig de lta bu dang ldan pa'i byang chub sems dpa' sems dpa' chen po ni/ shar phyogs kyi 'jig rten gyi khams gang+gA'i klung gi bye ma snyed kyi sems can rnams kyi 'chi 'pho dang skye ba rab tu shes so/ /lho dang nub dang byang dang / byang shar dang shar lho dang lho nub dang nub byang dang 'og dang steng gi phyogs kyi phyogs re re zhing / 'jig rten gyi khams gang+gA'i klung gi bye ma snyed kyi sems can rnams kyi 'chi 'pho dang skye ba rab tu shes so/ /sha ra dwa ti'i bu 'di ni byang chub sems dpa' sems dpa' chen po'i lha'i mig yongs su dag pa'o/ /gsol pa/ bcom ldan 'das byang chub sems dpa' sems dpa' chen po'i shes rab kyi mig yongs su dag pa gang lags/ bcom ldan 'das kyis bka' stsal pa/ sha ra dwa ti'i bu byang chub sems dpa' sems dpa' chen po'i shes rab kyi mig gang dang ldan pas/ 'dus byas sam/ 'dus ma byas sam/ dge ba 'am mi dge ba 'am/ kha na ma tho ba dang bcas pa 'am/ kha na ma tho ba med pa 'am/ kun nas nyon mongs pa 'am/ kun nas nyon mongs pa med pa 'am/ 'jig rten pa'am 'jig rten las 'das pa 'am/ zag pa dang bcas pa 'am/ zag pa med pa'i chos gang yang mi shes pa med pa dang / shes rab kyi mig gang dang ldan pas/ chos gang yang ma mthong ba 'am/ ma thos pa 'am/ ma bsams pa 'am/ khong du ma chud pa med pa 'di ni/ sha ra dwa ti'i bu byang chub sems dpa' sems dpa' chen po'i shes rab kyi mig yongs su dag pa'o/ /gsol pa/ bcom ldan 'das byang chub sems dpa' sems dpa' chen po'i chos kyi mig yongs su dag pa gang lags/ bcom ldan 'das kyis bka' stsal pa/ sha ra dwa ti'i bu 'di la byang chub sems dpa' sems dpa' chen po'i chos kyi mig gis/ gang zag 'di ni dad pa'i rjes su 'gro ba/ gang zag 'di ni chos kyi rjes su 'gro ba/ gang zag 'di ni stong pa nyid la gnas pa ste/ gang zag 'di'i dbang po lnga ni rnam par thar ba'i sgo stong pa nyid kyis skye bar 'gyur ro/ /dbang po lngas de ma thag pa'i ting nge 'dzin thob par 'gyur ro/ /de ma thag pa'i ting nge 'dzin gyis rnam par grol ba'i ye shes mthong ba skye bar 'gyur ro/ /rnam par grol ba'i ye shes mthong bas/ 'jig tshogs la lta ba dang / the tshom dang tshul khrims dang / brtul zhugs snyems pa'i kun du sbyor ba gsum rab tu spong bar 'gyur te/ gang zag 'di ni rgyun du zhugs pa zhes bya'o/ /des bsgom pa'i lam rab tu thob nas/ 'dod pa'i 'dod chags dang / gnod sems rab tu srabs par byed de/ gang zag 'di ni lan cig phyir 'ong ba'o/ /de lam de nyid de bas kyang shin tu bsgoms nas/ 'dod pa'i 'dod chags dang / gnod sems rab tu spong ba thob par byed de/ gang zag 'di ni phyir mi 'ong ba'o/ /de lam de nyid de bas kyang shin tu bsgoms pas/ gzugs kyi 'dod chags dang / gzugs med pa'i 'dod chags dang / ma rig pa dang / nga rgyal dang rgod pa rab tu spong ste/ gang zag 'di ni dgra bcom pa'o/ /gang zag 'di ni mtshan ma med pa la gnas pa ste/ gang zag 'di'i dbang po lnga ni rnam par thar pa'i sgo mtshan ma med pas skye bar 'gyur ro/ /dbang po lngas de ma thag pa'i ting nge 'dzin thob par 'gyur ro/ /de ma thag pa'i ting nge 'dzin gyis/ rnam par grol ba'i ye shes mthong ba skye bar 'gyur ba nas/ gang zag 'di ni dgra bcom pa'i bar zhes bya'o/ /gang zag 'di ni smon pa med pa la gnas pas/ 'di'i dbang po lnga ni rnam par thar pa'i sgo smon pa med pas skye bar 'gyur ro/ /dbang po lngas de ma thag pa'i ting nge 'dzin thob par 'gyur ro/ /de ma thag pa'i ting nge 'dzin gyis rnam par grol ba'i ye shes mthong ba skye bar 'gyur ba nas/ gang zag 'di ni dgra bcom pa'o zhes bya ba'i bar du rab tu shes te/ sha ra dwa ti'i bu 'di ni byang chub sems dpa' sems dpa' chen po'i chos kyi mig yongs su dag pa'o/ /sha ra dwa ti'i bu gzhan yang byang chub sems dpa' sems dpa' chen pos gang ci yang rung ste/ kun 'byung ba'i chos can de thams cad ni 'gag pa'i chos can no zhes bya bar shes pas/ dbang po lnga thob par 'gyur te/ 'di ni sha ra dwa ti'i bu byang chub sems dpa' sems dpa' chen po'i chos kyi mig yongs su dag pa'o/ /sha ra dwa ti'i bu gzhan yang byang chub sems dpa' sems dpa' chen po'i chos kyi mig gis byang chub sems dpa' sems dpa' chen po 'di ni sems dang po bskyed pa ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod do/ /de'i rgyus dad pa'i dbang po dang / brtson 'grus kyi dbang po dang ldan te/ thabs mkhas pas ched du bsams te lus yongs su 'dzin to/ /dge ba'i rtsa bas brtan pas byang chub sems dpa' sems dpa' chen po 'di ni rgyal rigs che zhing mtho ba'i rigs su skye'o/ /bram ze che zhing mtho ba'i rigs dang / khyim bdag che zhing mtho ba'i rigs su skye'o/ /rgyal chen bzhi'i rigs kyi lha'i nang du skye'o/ /sum cu rtsa gsum gyi lha'i nang du skye'o/ /mtshe ma'i lha'i nang du skye'o/ /dga' ldan gyi lha'i nang du skye'o/ /'phrul dga'i lha'i nang du skye'o/ /gzhan 'phrul dbang byed kyi lha'i nang du skye'o/ /de dag na gnas shing sems can rnams yongs su smin par byed par 'gyur te/ bde ba'i yo byad thams cad kyis de dag la rim gro byed par 'gyur ro/ /sangs rgyas kyi zhing yongs su dag par byed do/ /de bzhin gshegs pa dgra bcom pa yang dag par rdzogs pa'i sangs rgyas rnams la yang bsnyen bkur byed par 'gyur ro/ /rim gro dang bkur sti dang bsti stang dang mchod pa byed par 'gyur ro/ /nyan thos kyi sa 'am rang sangs rgyas kyi sar yang mi ltung ngo / /byang chub sems dpa' sems dpa' chen po 'di ni bla na med pa yang dag par rdzogs pa'i byang chub tu mngon par sangs rgyas kyi bar du phyir ldog par mi 'gyur ro/ /zhes bya bar rab tu shes te/ sha ra dwa ti'i bu 'di yang byang chub sems dpa' sems dpa' chen po'i chos kyi mig yongs su dag pa'o/ /sha ra dwa ti'i bu gzhan yang byang chub sems dpa' sems dpa' chen pos/ byang chub sems dpa' sems dpa' chen po 'di ni/ bla na med pa yang dag par rdzogs pa'i byang chub tu lung bstan pa'o/ /'di ni lung ma bstan pa'o/ /'di ni nges pa'o/ 'di ni ma nges pa'o/ /'di ni lung bstan par 'gyur ba'o/ /'di ni lung bstan par mi 'gyur ba'o/ /'di dag ni phyir mi ldog pa ste dbang thob pa'o/ /'di dag ni phyir mi ldog pa ma yin pa ste dbang ma thob pa'o/ /'di ni mngon par shes pa yongs su rdzogs pa'o/ /'di ni mngon par shes pa yongs su ma rdzogs pa'o/ /byang chub sems dpa' sems dpa' chen po 'di ni mngon par shes pa yongs su rdzogs pas shar phyogs kyi 'jig rten gyi khams gang+gA'i klung gi bye ma snyed dag tu song zhing / de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed do/ /rim gro dang bkur sti dang bsti stang dang mchod pa byed do/ /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma snyed dag tu song zhing / de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed do/ /rim gro dang bkur sti dang / bsti stang dang mchod pa byed de/ 'dis ni mngon par shes pa thob par 'gyur ro/ /'dis ni mngon par shes pa 'thob par mi 'gyur ro/ /'di ni bzod pa thob pa'o/ /'di ni bzod pa thob pa ma yin no/ /'di ni dbang thob pa'o/ /'di ni dbang thob pa ma yin no/ /byang chub sems dpa' sems dpa' chen po 'di'i sangs rgyas kyi zhing ni yongs su dag par 'gyur ro/ /'di'i sangs rgyas kyi zhing ni yongs su dag par mi 'gyur ro/ /byang chub sems dpa' sems dpa' chen po 'di ni smon lam chen po dang ldan pa'o/ /'di ni smon lam chen po dang mi ldan pa'o/ /'dis ni sems can yongs su smin par byas so/ /'dis ni sems can yongs su smin par ma byas so/ /byang chub sems dpa' sems dpa' chen po 'di la ni phyogs bcu'i 'jig rten gyi khams gang+gA'i klung gi bye ma snyed dag na sangs rgyas bcom ldan 'das rnams legs par brjod pa mdzad do/ /'di la ni legs par brjod pa mi mdzad do/ /byang chub sems dpa' sems dpa' chen po 'di dag ni sangs rgyas bcom ldan 'das rnams dang nye bar gnas par 'gyur ro/ /'di dag ni nye bar gnas par mi 'gyur ro/ /byang chub sems dpa' sems dpa' chen po 'di ni byang chub thob nas tshe dpag tu med par 'gyur ro/ /'di ni tshe dpag tu yod par 'gyur ro/ /'di'i 'od dang dbyangs dang dge slong gi dge 'dun ni tshad med par 'gyur ro/ /'di ni tshad yod par 'gyur ro/ /byang chub sems dpa' sems dpa' chen po 'di ni bla na med pa yang dag par rdzogs pa'i byang chub tu mngon par rdzogs par sangs rgyas nas/ byang chub sems dpa'i dge 'dun dang ldan par 'gyur ro/ /'di ni ldan par mi 'gyur ro/ /'di ni dka' ba spyod par 'gyur ro/ /'di ni spyod par mi 'gyur ro/ /'di ni srid pa tha ma pa'o/ /'di ni srid pa tha ma pa ma yin no/ /'di ni snying po byang chub la 'dug par 'gyur ro/ /'di ni 'dug par mi 'gyur ro/ /byang chub sems dpa' sems dpa' chen po 'di dag la ni bdud yod par 'gyur ro/ /'di dag la ni bdud yod par mi 'gyur ro zhes bya bar rab tu shes te/ de ltar na sha ra dwa ti'i bu byang chub sems dpa' sems dpa' chen po'i chos kyi mig yongs su dag pa yin no/ /gsol pa/ bcom ldan 'das byang chub sems dpa' sems dpa' chen po'i sangs rgyas kyi mig yongs su dag pa gang lags/ bcom ldan 'das kyis bka' stsal pa/ sha ra dwa ti'i bu byang chub sems dpa' sems dpa' chen po byang chub kyi sems kyi rjes la/ rdo rje lta bu'i ting nge 'dzin la mnyam par bzhag nas/ rnam pa thams cad mkhyen pa nyid thob par byed de de ni de bzhin gshegs pa'i stobs bcu dang ldan pa yin/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi rnam par thar ba bsgribs pa med pa dang ldan pa yin/ de ni de'i mig ste/ byang chub sems dpa' sems dpa' chen po'i mig de dang ldan pas/ rnam pa thams cad du ma mthong ba 'am/ ma thos pa 'am/ ma shes pa 'am/ khong du ma chud pa gang yang med de/ sha ra dwa ti'i bu 'di ni byang chub sems dpa' sems dpa' chen po bla na med pa yang dag par rdzogs pa'i byang chub tu mngon par sangs rgyas pa'i sangs rgyas kyi mig yongs su dag pa'o/ /sha ra dwa ti'i bu de ltar byang chub sems dpa' sems dpa' chen po mig lnga yongs su sbyang bar 'dod pa dang / thob par 'dod pas/ pha rol du phyin pa drug la brtson par bya'o/ /sha ra dwa ti'i bu de ci'i phyir zhe na/ 'di ltar pha rol du phyin pa drug tu dge ba'i chos thams cad ma 'dus pa med de/ nyan thos kyi chos dang rang sangs rgyas kyi chos dang / byang chub sems dpa'i chos dang / sangs rgyas kyi chos thams cad ma 'dus pa med do/ /sha ra dwa ti'i bu la la zhig yang dag par smra bas dge ba'i chos thams cad 'dus par brjod pa zhig du dgos na/ shes rab kyi pha rol du phyin pa yang dag par smra bas brjod do/ /de ci'i phyir zhe na/ sha ra dwa ti'i bu shes rab kyi pha rol tu phyin pa ni mig lnga bskyed pa'o/ /mig lnga po de dag la bslabs pa'i byang chub sems dpa' sems dpa' chen po rnams ni bla na med pa yang dag par rdzogs pa'i byang chub tu mngon par 'tshang rgya'o/ /sha ra dwa ti'i bu shes rab kyi pha rol du phyin pa 'di la spyod pa'i byang chub sems dpa' sems dpa' chen po ni mngon par shes pa'i pha rol du phyin pa rab tu 'thob ste/ rdzu 'phrul gyi rnam pa du ma nyams su myong bar byed do/ /de ni sa chen po 'di yang rab tu g.yo bar byed do/ /gcig tu gyur cing mang por 'gyur ro/ /mang por gyur cing gcig tu 'gyur ro/ /snang ba dang mi snang ba yang nyams su myong bar byed do/ /rtsig pa las thal ba dang ra ba las thal ba dang / ri las thal bar thogs pa med pa'i lus kyis 'gro ste/ dper na nam mkha' la bya ba bzhin no/ /nam mkha' la yang skyil mo krung gis 'gro ste/ dper na 'dab chags bya bzhin no/ /sa la yang gyen du 'byung ba dang / 'og tu 'dzul ba byed de/ dper na chu la bya ba bzhin no/ /chu la yang 'bying ba med par 'gro ste/ dper na sa la bya ba bzhin no/ /du bar 'thul zhing mer 'bar te/ dper na me'i phung po chen po bzhin no/ /nyi ma dang zla ba 'di dag 'di ltar rdzu 'phrul che la/ 'di ltar mthu che zhing / 'di ltar dbang che ba dag kyang lag pas byugs shing / tshangs pa'i 'jig rten gyi bar du lus kyis dbang sgyur te/ rdzu 'phrul des rlom sems su 'gyur ba med do/ /de ci'i phyir zhe na/ rang bzhin gyis stong pa dang rang bzhin gyis dben pa dang / rang bzhin gyis ma skyes pa'i phyir/ des rdzu 'phrul gang gis rlom sems su 'gyur pa'i rdzu 'phrul de lta bu mi dmigs te/ de thams cad mkhyen pa nyid yid la bya ba ma gtogs par rdzu 'phrul lam/ rdzu 'phrul mngon par bsgrub pa'i bsam pa tsam yang mi skyed do/ /sha ra dwa ti'i bu de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rdzu 'phrul gyi rnam pa mngon du bya ba'i mngon par shes pa'i ye shes mngon par sgrub pa yin no/ /de lha'i rna ba'i khams rnam par dag pa mi las 'das pas/ lha dang mi gnyis ka'i sgra thos te/ lha'i rna ba'i khams des bdag ni sgra nyan ces bya bar rlom sems su 'gyur ba med do/ /de ni 'di ltar des rang bzhin stong pa dang / rang bzhin dben pa dang / rang bzhin ma skyes pa'i phyir/ rna ba dang sgra dmigs pa med de/ de thams cad mkhyen pa nyid yid la bya ba ma gtogs par lha'i rna ba'i khams la bsam pa yang mi skyed do/ /sha ra dwa ti'i bu de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ lha'i rna ba'i khams mngon du bya ba'i mngon par shes pa'i ye shes mngon par sgrub pa yin no/ / //shes rab kyi pha rol du phyin pa stong phrag nyi shu lnga pa/ bam po drug pa/ des sems can pha rol dang / gang zag pha rol gyi sems sems kyis yang dag pa ji lta ba bzhin du rab tu shes so/ /'dod chags dang ldan pa'i sems la/ 'dod chags dang ldan pa'i sems shes bya bar yang dag pa ji lta ba bzhin du rab tu shes so/ /'dod chags dang bral ba'i sems la/ 'dod chags dang bral ba'i sems shes bya bar yang dag pa ji lta ba bzhin du rab tu shes so/ /zhe sdang dang ldan pa'i sems la zhe sdang dang ldan pa'i sems shes bya bar yang dag pa ji lta ba bzhin du rab tu shes so/ /zhe sdang med pa'i sems la zhe sdang med pa'i sems zhes bya bar yang dag pa ji lta ba bzhin du rab tu shes so/ /gti mug dang ldan pa'i sems la gti mug dang ldan pa'i sems shes bya bar yang dag pa ji lta ba bzhin du rab tu shes so/ /gti mug dang bral ba'i sems la gti mug dang bral ba'i sems shes bya bar yang dag pa ji lta ba bzhin du rab tu shes so/ /sred pa dang ldan pa'i sems la sred pa dang ldan pa'i sems zhes bya bar yang dag pa ji lta ba bzhin du rab tu shes so/ /sred pa dang bral ba'i sems la sred pa dang bral ba'i sems zhes bya bar yang dag pa ji lta ba bzhin du rab tu shes so/ /nye bar len pa dang bcas pa'i sems la nye bar len pa dang bcas pa'i sems zhes bya bar yang dag pa ji lta ba bzhin du rab tu shes so/ /nye bar len pa med pa'i sems la nye bar len pa med pa'i sems zhes bya bar yang dag pa ji lta ba bzhin du rab tu shes so/ /kun nas 'dus pa'i sems la kun nas 'dus pa'i sems zhes bya bar yang dag pa ji lta ba bzhin du rab tu shes so/ /rnam par 'phros pa'i sems la rnam par 'phros pa'i sems zhes bya bar yang dag pa ji lta ba bzhin du rab tu shes so/ /rgya chung ngu'i sems la rgya chung ngu'i sems zhes bya bar yang dag pa ji lta ba bzhin du rab tu shes so/ /rgya che ba'i sems la rgya che ba'i sems zhes bya bar yang dag pa ji lta ba bzhin du rab tu shes so/ /yangs pa'i sems la yangs pa'i sems zhes bya bar yang dag pa ji lta ba bzhin du rab tu shes so/ /dog pa'i sems la dog pa'i sems zhes bya bar yang dag pa ji lta ba bzhin du rab tu shes so/ /che bar gyur pa'i sems la che bar gyur pa'i sems zhes bya bar yang dag pa ji lta ba bzhin du rab tu shes so/ /tshad med pa'i sems la tshad med pa'i sems zhes bya bar yang dag pa ji lta ba bzhin du rab tu shes so/ /mnyam par bzhag pa'i sems la mnyam par bzhag pa'i sems zhes bya bar yang dag pa ji lta ba bzhin du rab tu shes so/ /mnyam par ma bzhag pa'i sems la mnyam par ma bzhag pa'i sems zhes bya bar yang dag pa ji lta ba bzhin du rab tu shes so/ /rnam par grol ba'i sems la rnam par grol ba'i sems zhes bya bar yang dag pa ji lta ba bzhin du rab tu shes so/ /rnam par ma grol ba'i sems la rnam par ma grol ba'i sems zhes bya bar yang dag pa ji lta ba bzhin du rab tu shes so/ /zag pa dang bcas pa'i sems la zag pa dang bcas pa'i sems zhes bya bar yang dag pa ji lta ba bzhin du rab tu shes so/ /zag pa med pa'i sems la zag pa med pa'i sems zhes bya bar yang dag pa ji lta ba bzhin du rab tu shes so/ /nyon mongs pa dang bcas pa'i sems la nyon mongs pa dang bcas pa'i sems zhes bya bar yang dag pa ji lta ba bzhin du rab tu shes so/ /nyon mongs pa med pa'i sems la nyon mongs pa med pa'i sems zhes bya bar yang dag pa ji lta ba bzhin du rab tu shes so/ / bla na yod pa'i sems la bla na yod pa'i sems zhes bya bar yang dag pa ji lta ba bzhin du rab tu shes so/ /bla na med pa'i sems la bla na med pa'i sems zhes bya bar yang dag pa ji lta ba bzhin du rab tu shes te/ gzhan gyi sems shes pa des rlom sems su 'gyur ba yang med do/ /de ni 'di ltar sems de nyid bsam gyis mi khyab pa'i phyir te/ de ni bdag gis shes so zhes bya bar rlom sems med do/ /'di ltar rang bzhin stong pa dang / rang bzhin dben pa dang / rang bzhin ma skyes pa'i phyir/ gang gis rlom sems su 'gyur ba de lta bu'i sems mi dmigs te/ thams cad mkhyen pa nyid yid la bya ba ma gtogs par sems shes par bya ba'i bsam pa'am/ sems shes pa mngon par bsgrub pa'i bsam pa tsam yang mi skyed do/ /sha ra dwa ti'i bu de ltar na byang chub sems dpa' sems dpa' chen po shes rab kyi pha rol tu phyin pa la spyod cing / sems can thams cad kyi sems dang spyod pa mngon du bya ba'i mngon par shes pa'i ye shes mngon par sgrub pa yin no/ /de ni sngon gyi gnas rjes su dran pa mngon du bya ba'i mngon par shes pa'i ye shes rnam pa du ma mngon par sgrub ste/ sems gcig kyang rjes su dran pa nas/ sems brgya'i bar du yang rjes su dran no/ /nyi ma gcig nas nyi ma brgya dang / zla ba gcig nas zla ba brgya dang / lo gcig nas lo brgya dang / bskal ba gcig nas bskal ba brgya dang / bskal ba brgya phrag du ma nas bskal ba stong phrag du ma dang / bskal ba bye ba khrag khrig brgya stong du ma rjes su dran te/ bdag ni de lta bu zhig na 'dug 'dug ste/ ming ni 'di zhes bya/ rus ni 'di zhes bya/ rigs ni 'di zhes bya/ kha zas ni 'di lta bu zhig za za/ yun ni 'di srid cig tu 'dug 'dug /tshe'i mtha' ni 'di tsam zhig tu gyur te/ de ltar bdag de nas shi 'phos nas/ che ge mo zhig tu skyes so zhes bya ba nas/ de nas shi 'phos nas ni 'dir skyes so zhes bya ba'i bar du rnam pa dang bcas/ gtan tshigs dang bcas/ ngan rtags dang bcas par bdag dang gzhan gyi sngon gyi gnas rnam pa du mar rjes su dran te/ sngon gyi gnas rjes su dran pa mngon du bya ba'i mngon par shes pa'i ye shes des kyang rlom sems su 'gyur ba med do/ /de ni 'di ltar ye shes de ye shes ma yin te bsam gyis mi khyab pa'i phyir/ de ni bdag gis rab tu shes so zhes bya bar rlom sems med de/ 'di ltar des ye shes de nyid kyang rang bzhin stong pa dang / rang bzhin dben pa dang / rang bzhin ma skyes pa'i phyir/ gang gis rlom sems su 'gyur ba de lta bu'i ye shes mi dmigs so/ /de ni thams cad mkhyen pa nyid yid la bya ba ma gtogs par rjes su dran pa'i ye shes kyi don du bsam pa tsam yang mi skyed do/ /sha ra dwa ti'i bu de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sngon gyi gnas rjes su dran pa mngon du bya ba'i mngon par shes pa'i ye shes mngon par sgrub pa yin no/ /de ni lha'i mig rnam par dag pa mi las 'das pas/ sems can 'chi 'pho ba dang / skye ba dang / kha dog sdug pa dang / kha dog mi sdug pa dang / bzang ba dang / ngan pa dang / ngan song na gnas pa dang / bde 'gro na gnas pa dag kyang rab tu shes te/ sems can 'di dag ni lus kyis ngan du spyod pa dang ldan/ ngag gis ngan du spyod pa dang ldan/ yid kyis ngan du spyod pa dang ldan pa/ 'phags pa rnams la skur pa 'debs pa log par lta ba rnams te/ de'i rgyu de'i rkyen gyis lus zhig nas ngan song dang ngan 'gro log par ltung ba sems can dmyal bdag tu skye'o/ /sems can 'di dag ni lus kyis legs par spyod pa dang ldan/ ngag gis legs par spyod pa dang ldan/ yid kyis legs par spyod pa dang ldan pa/ 'phags pa la skur pa mi 'debs pa yang dag par lta ba rnams te/ de'i rgyu de'i rkyen gyis lus zhig nas/ bde 'gro mtho ris kyi 'jig rten du skye bar 'gyur ro/ /zhes bya bar rab tu shes te/ de ltar phyogs bcu kun gyi 'jig rten gyi khams chos kyi dbyings kyis klas pa/ nam mkha'i mthas gtugs pa dag gi 'gro ba drug tu gtogs pa rnams kyi skye ba dang 'chi 'pho yang dag pa ji lta ba bzhin du rab tu shes te/ des kyang rlom sems su 'gyur ba med do/ /de ni 'di ltar mig de mig ma yin zhing bsam gyis mi khyab pa'i phyir te/ de bdag gis mthong ngo zhes bya bar rlom sems med do/ /de yang 'di ltar rang bzhin stong pa dang / rang bzhin dben pa dang / rang bzhin ma skyes pa'i phyir/ gang gis rlom sems su 'gyur ba'i mig de lta bu des mi dmigs te/ de ni thams cad mkhyen pa nyid yid la byed pa ma gtogs par lha'i mig bsam pa'am/ lha'i mig mngon par bsgrub pa'i bsam pa tsam yang mi skyed do/ /sha ra dwa ti'i bu de ltar na byang chub sems dpa' sems dpa' chen po shes rab kyi pha rol du phyin pa la spyod cing / lha'i mig mngon du bya ba'i mngon par shes pa'i ye shes mngon par sgrub pa yin no/ /de ni zag pa zad pa mngon du bya ba'i mngon par shes pa'i ye shes mngon par sgrub kyang / nyan thos kyi sa'am rang sangs rgyas kyi sa thob par mi byed do/ /gang bla na med pa yang dag par rdzogs pa'i byang chub tu 'gyur ba de lta bu'i chos kyang gang yang mi mthong ngo / /de mngon par shes pa des rdo rje lta bu'i ting nge 'dzin thob par byas nas/ bag chags kyi mtshams sbyor ba'i nyon mongs pa thams cad rab tu spong bar byed de/ zag pa zad pa mngon du bya ba'i mngon par shes pa des rlom sems su 'gyur ba med do/ /de ni 'di ltar ye shes de nyid ye shes ma yin zhing bsam gyis mi khyab pa'i phyir te/ de bdag gis rab tu shes so zhes bya bar rlom sems med do/ / de yang 'di ltar rang bzhin stong pa dang / rang bzhin dben pa dang / rang bzhin ma skyes pa'i phyir gang gis rlom sems su 'gyur ba'i zag pa zad pa'i ye shes mngon du bya ba'i mngon par shes pa de lta bu mi dmigs so/ /de ni thams cad mkhyen pa nyid yid la bya ba ma gtogs par zag pa zad pa'i ye shes kyi bsam pa'am/ zag pa zad pa mngon du bya ba'i ye shes mngon par bsgrub pa'i bsam pa tsam yang mi skyed do/ /de ltar sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i tshe/ zag pa zad pa mngon du bya ba mngon par shes pa'i ye shes mngon par bsgrub pa yin no/ /sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod cing / mngon par shes pa drug yongs su rdzogs par byed pa ni/ bla na med pa yang dag par rdzogs pa'i byang chub kyis rnam par 'phel lo/ /sha ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa la gnas shing / mtha' las 'das pa stong pa nyid kyi phyir chags pa med pa'i sems nye bar bzung bas rnam pa thams cad mkhyen pa nyid kyi lam sbyong ba dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ tshul khrims kyi pha rol du phyin pa la gnas shing / mtha' las 'das pa stong pa nyid kyi phyir/ ltung ba bya ba med par nye bar bzung bas rnam pa thams cad mkhyen pa nyid kyi lam sbyong ba dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bzod pa'i pha rol du phyin pa la gnas shing / mtha' las 'das pa stong pa nyid kyi phyir/ mi 'khrug pa nye bar bzung bas rnam pa thams cad mkhyen pa nyid kyi lam sbyong ba dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ brtson 'grus kyi pha rol du phyin pa la gnas shing / mtha' las 'das pa stong pa nyid kyi phyir/ lus dang sems kyi brtson 'grus mi gzhig pa nye bar bzung bas/ rnam pa thams cad mkhyen pa nyid kyi lam sbyong ba dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bsam gtan gyi pha rol du phyin pa la gnas shing / mtha' las 'das pa stong pa nyid kyi phyir/ 'khrug pa med pa'i sems nye bar bzung bas rnam pa thams cad mkhyen pa nyid kyi lam sbyong ba dag kyang yod do/ /sha ra dwa ti'i bu 'di ltar yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ shes rab kyi pha rol tu phyin pa la gnas shing / mtha' las 'das pa stong pa nyid kyi phyir/ shes rab 'chal pa'i sems mi dmigs pa nye bar bzung bas rnam pa thams cad mkhyen pa nyid kyi lam sbyong ba dag kyang yod do/ /sha ra dwa ti'i bu de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ pha rol du phyin pa drug la gnas shing / mtha' las 'das pa stong pa nyid kyi phyir/ 'ong ba med pa dang 'gro ba med pa nye bar bzung ba dang / yongs su 'dzin pa med pa nye bar bzung bas rnam pa thams cad mkhyen pa nyid kyi lam yongs su sbyong ba yin no/ /de la sbyin pa ni yongs su 'dzin pa nye bar bzung ba las gdags so/ /tshul khrims ni tshul khrims ngan pa nye bar bzung ba las gdags so/ /bzod pa ni 'khrug pa nye bar bzung ba las gdags so/ /brtson 'grus ni le lo nye bar bzung ba las gdags so/ /ting nge 'dzin ni mnyam par ma bzhag pa nye bar bzung ba las gdags so/ /shes rab ni shes rab 'chal ba nye bar bzung ba las gdags so/ /de ni rgal to zhes bya bar rlom sems med do/ /ma rgal to zhes bya bar rlom sems med do/ / sbyin pa byed do zhes bya bar rlom sems med do/ /sbyin pa mi byed do zhes bya bar rlom sems med do/ /tshul khrims dang ldan no zhes bya bar rlom sems med do/ /tshul khrims ngan pa can no zhes bya bar rlom sems med do/ /bzod pa phun sum tshogs so zhes bya bar rlom sems med do/ /khro ba can no zhes bya bar rlom sems med do/ /brtson 'grus brtsams pa'o zhes bya bar rlom sems med do/ /le lo can no zhes bya bar rlom sems med do/ /mnyam par bzhag pa'o zhes bya bar rlom sems med do/ / mnyam par ma bzhag pa'o zhes bya bar rlom sems med do/ /shes rab dang ldan no zhes bya bar rlom sems med do/ /shes rab 'chal ba can no zhes bya bar rlom sems med do/ /spyos so zhes bya bar rlom sems med do/ /phyag byas so zhes bya bar rlom sems med do/ /rim gro byas so zhes bya bar rlom sems med do/ /rim gro ma byas so zhes bya bar rlom sems med do/ /de ci'i phyir zhe na/ sha ra dwa ti'i bu ma skyes pa ni spyos so zhes bya bar rlom sems med do/ /phyag byas so zhes bya bar rlom sems med do/ / rim gro byas so zhes bya bar rlom sems med do/ /rim gro ma byas so zhes bya bar rlom sems med do/ /de ci'i phyir zhe na/ 'di ltar shes rab kyi pha rol du phyin pa ni rlom sems thams cad yang dag par gcod pa'i phyir te/ 'di la sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i tshe/ yon tan ji snyed cig yod pa de dag ni nyan thos dang rang sangs rgyas thams cad la med de/ de yon tan 'di dag yongs su rdzogs par byed pa'i tshe/ sems can rnams kyang yongs su smin par byed/ sangs rgyas kyi zhing yang yongs su dag par byed/ rnam pa thams cad mkhyen pa nyid kyang thob par byed do/ /sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sems can thams cad la snyoms pa'i sems bskyed de/ sems can thams cad la mnyam pa'i sems bskyed nas chos thams cad mnyam pa nyid rab tu 'thob bo/ /chos thams cad mnyam pa nyid rab tu thob nas/ chos thams cad mnyam pa nyid la sems can thams cad rab tu 'god do/ /de ni tshe 'di nyid la yang sangs rgyas bcom ldan 'das rnams kyi thugs su byon cing dben par bya ba yin te/ byang chub sems dpa' thams cad dang / nyan thos thams cad dang rang sangs rgyas thams cad kyis kyang yid du 'ong zhing dben par bya ba yin te/ de ni skye ba gang dang gang du skyes kyang / de dang de dag tu nam yang mig gis yid du mi 'ong ba'i gzugs mi mthong ngo / /rna bas yid du mi 'ong ba'i sgra mi thos so/ /snas yid du mi 'ong ba'i dri mi tshor ro/ /lces yid du mi 'ong ba'i ro mi myong ngo / /lus kyis yid du mi 'ong ba'i reg bya mi reg go/ /yid kyis yid du mi 'ong ba'i chos rnam par rig pa med do/ /sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ bla na med pa yang dag par rdzogs pa'i byang chub las yongs su nyams par mi 'gyur ro/ /shes rab kyi pha rol du phyin pa bstan pa 'di bstan pa'i tshe/ dge slong sum brgyas gos gyon gyon pa/ bcom ldan 'das la yon du gsol te/ bla na med pa yang dag par rdzogs pa'i byang chub tu sems bskyed do/ / de nas bcom ldan 'das kyis de'i tshe/ dge slong rnams kyi bsam pa mkhyen nas zhal 'dzum pa mdzad do/ /de nas tshe dang ldan pa kun dga' bo stan de las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu dang rkyen ma mchis par bzhad pa mi mdzad na/ ci'i rgyu ci'i rkyen gyis zhal 'dzum pa mdzad/ de skad ces gsol ba dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo dge slong sum brgya po 'di dag ni bskal pa drug cu rtsa gcig 'das nas/ bskal pa dpe skar ma lta bu la de bzhin gshegs pa dgra bcom pa yang dag par rdzogs pa'i sangs rgyas dpal chen po zhes bya ba sha stag 'jig rten du 'byung ngo / /'di dag ni 'di nas shi 'phos nas/ de bzhin gshegs pa dgra bcom pa yang dag par rdzogs pa'i sangs rgyas mi sgul ba'i sangs rgyas kyi zhing du skye'o/ /'dod pa na spyod pa'i lha'i bu stong phrag drug cus kyang / bla na med pa yang dag par rdzogs pa'i byang chub tu sems bskyed de/ de dag kyang de bzhin gshegs pa dgra bcom pa yang dag par rdzogs pa'i sangs rgyas byams pa mnyes par byed par 'gyur ro/ /de nyid du rab tu byung nas tshangs par spyad pa spyod par 'gyur te/ de bzhin gshegs pa byams pa des kyang / de dag bla na med pa yang dag par rdzogs pa'i byang chub tu lung bstan par 'gyur ro/ /de nas sangs rgyas kyi mthus/ de'i tshe 'khor bzhi po de dag 'di na 'khod bzhin du/ shar phyogs kyi sangs rgyas kyi zhing stong mthong bar gyur to/ /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi sangs rgyas kyi zhing stong mthong bar gyur to/ /'jig rten gyi khams de dag na sangs rgyas bcom ldan 'das de dag gi sangs rgyas kyi zhing gi yon tan rnam par phye ba gang ji lta bur mthong ba'i sangs rgyas kyi zhing gi yon tan rnam par phye ba de dag kyang / mi mjed kyi 'jig rten gyi khams 'di na yod par ma mthong ngo / /de nas 'khor de'i nang nas srog chags stong phrag bcus bdag cag gis las gang byas pas sangs rgyas kyi zhing de dag tu skye bar 'gyur ba de lta bu'i las spyad par bya'o zhes smon lam btab po/ /de nas bcom ldan 'das kyis rigs kyi bu de dag gi bsam pa thugs su chud nas zhal 'dzum pa mdzad do/ /de nas tshe dang ldan pa kun dga' bo stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar bas btud de/ bcom ldan 'das la 'di skad ces gsol to/ /bcom ldan 'das sangs rgyas bcom ldan 'das rnams ni rgyu dang rkyen ma mchis par bzhad pa mi mdzad na/ ci'i rgyu ci'i rkyen gyis zhal 'dzum pa mdzad/ bcom ldan 'das kyis bka' stsal pa/ kun dga' bo srog chags stong phrag bcu po 'di dag mthong ngam/ gsol pa/ bcom ldan 'das mthong ngo / /bcom ldan 'das kyis bka' stsal pa/ kun dga' bo srog chags stong phrag bcu po 'di dag ni 'di nas shi 'phos nas/ sangs rgyas kyi zhing de dag tu skye bar 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas rnams dang yang nam du yang mi 'bral te/ phyi ma'i dus na de bzhin gshegs pa dgra bcom pa yang dag par rdzogs pa'i sangs rgyas rgyan gyi rgyal po zhes bya ba sha stag 'jig rten du 'byung bar 'gyur ro/ /de nas tshe dang ldan pa sha ra dwa ti'i bu dang / tshe dang ldan pa maud gal chen po'i bu dang / tshe dang ldan pa rab 'byor dang / tshe dang ldan pa shes pa'i bu gang po dang / tshe dang ldan pa 'od srungs chen po dang / dge slong gzhan dag kyang kun gyis mngon par shes pa shin tu mang ba dag dang / byang chub sems dpa' sems dpa' chen po shin tu mang ba dag dang / dge slong dang / dge slong ma dang / dge bsnyen dang / dge bsnyen ma shin tu mang ba dag gis/ bcom ldan 'das la 'di skad ces gsol to/ /bcom ldan 'das 'di lta ste/ shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol tu phyin pa chen po'o/ /bcom ldan 'das 'di lta ste/ shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol du phyin pa yangs pa'o/ /pha rol du phyin pa 'di ni dam pa'o/ /pha rol du phyin pa 'di ni rab po/ /pha rol du phyin pa 'di ni phul lo/ /pha rol du phyin pa 'di ni mchog go/ /pha rol du phyin pa 'di ni gya nom pa'o/ /pha rol du phyin pa 'di ni bzang po'o/ /pha rol du phyin pa 'di ni bla na ma mchis pa'o/ /pha rol du phyin pa 'di ni ltag na ma mchis pa'o/ /pha rol du phyin pa 'di ni mnyam pa ma mchis pa'o/ /pha rol du phyin pa 'di ni mi mnyam pa dang mnyam pa'o/ /pha rol du phyin pa 'di ni 'dra ba ma mchis pa'o/ /pha rol du phyin pa 'di ni mtshungs pa ma mchis pa'o/ /pha rol du phyin pa 'di ni nam mkha' 'o/ /bcom ldan 'das byang chub sems dpa' sems dpa' chen po rnams kyi pha rol du phyin pa 'di ni rang gi mtshan nyid stong pa nyid do/ /bcom ldan 'das byang chub sems dpa' sems dpa' chen po rnams kyi pha rol tu phyin pa 'di ni chos thams cad stong pa nyid do/ /bcom ldan 'das byang chub sems dpa' sems dpa' chen po rnams kyi pha rol du phyin pa 'di ni dngos po ma mchis pa'i ngo bo nyid stong pa nyid do/ /bcom ldan 'das byang chub sems dpa' sems dpa' chen po rnams kyi pha rol du phyin pa 'di ni yon tan thams cad yongs su rdzogs pa'o/ /bcom ldan 'das byang chub sems dpa' sems dpa' chen po rnams kyi pha rol du phyin pa 'di ni yon tan thams cad dang ldan pa'o/ /bcom ldan 'das 'di lta ste/ shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol du phyin pa thub pa ma mchis pa'o/ /bcom ldan 'das shes rab kyi pha rol du phyin pa 'di la spyod pa'i byang chub sems dpa' sems dpa' chen po rnams kyis ni/ mi mnyam pa dang mnyam pa'i sbyin pa yongs su btang ngo / /yongs su gtong ngo / /yongs su gtong bar 'gyur ro/ /de'i slad du mi mnyam pa dang mnyam pa'i sbyin pa'i pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob po/ /'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob po/ 'thob par 'gyur ro/ /bcom ldan 'das shes rab kyi pha rol tu phyin pa 'di la spyod pa'i byang chub sems dpa' sems dpa' chen po rnams kyis ni/ mi mnyam pa dang mnyam pa'i tshul khrims bsrungs so/ /srung ngo / /srung bar 'gyur ro/ /de'i slad du mi mnyam pa dang mnyam pa'i tshul khrims kyi pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob po/ 'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob po/ 'thob par 'gyur ro/ /bcom ldan 'das shes rab kyi pha rol du phyin pa 'di la spyod pa'i byang chub sems dpa' sems dpa' chen po rnams kyis ni/ mi mnyam pa dang mnyam pa'i bzod pa bsgoms so/ /sgom mo/ /sgom par 'gyur ro/ /de'i slad du mi mnyam pa dang mnyam pa'i bzod pa'i pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob po/ /'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob po/ /'thob par 'gyur ro/ /bcom ldan 'das shes rab kyi pha rol du phyin pa 'di la spyod pa'i byang chub sems dpa' sems dpa' chen po rnams kyis ni mi mnyam pa dang mnyam pa'i brtson 'grus brtsams so/ /rtsom mo/ /rtsom par 'gyur ro/ /de'i slad du mi mnyam pa dang mnyam pa'i brtson 'grus kyi pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob po/ 'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob po/ 'thob par 'gyur ro/ /bcom ldan 'das shes rab kyi pha rol du phyin pa 'di la spyod pa'i byang chub sems dpa' sems dpa' chen po rnams kyis ni mi mnyam pa dang mnyam pa'i bsam gtan bskyed do/ /skyed do/ /skyed par 'gyur ro/ /de'i slad du mi mnyam pa dang mnyam pa'i bsam gtan gyi pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob po/ /'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob po/ 'thob par 'gyur ro/ /bcom ldan 'das shes rab kyi pha rol du phyin pa 'di la spyod pa'i byang chub sems dpa' sems dpa' chen po rnams kyis ni/ mi mnyam pa dang mnyam pa'i shes rab kyi pha rol du phyin pa bsgoms so/ /sgom mo/ /sgom par 'gyur ro/ /de'i slad du mi mnyam pa dang mnyam pa'i shes rab kyi pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob po/ 'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob po/ 'thob par 'gyur ro/ /bcom ldan 'das/ bcom ldan 'das kyis kyang shes rab kyi pha rol du phyin pa 'di nyid la spyad pas mi mnyam pa dang mnyam pa'i gzugs brnyes par gyur to/ /mi mnyam pa dang mnyam pa'i tshor ba dang 'du shes dang 'du byed dang mi mnyam pa dang mnyam pa'i rnam par shes pa brnyes par gyur to/ /mi mnyam pa dang mnyam pa'i byang chub tu mngon par byang chub nas/ mi mnyam pa dang mnyam pa'i chos kyi 'khor lo bskor bar gyur to/ /'das pa'i sangs rgyas bcom ldan 'das rnams dang / ma byon pa'i sangs rgyas bcom ldan 'das rnams dang / da ltar byung ba'i sangs rgyas bcom ldan 'das rnams kyis kyang shes rab kyi pha rol tu phyin pa 'di nyid la spyad pas/ mi mnyam pa dang mnyam pa'i gzugs brnyes par gyur to/ /brnyes so/ /brnyes par 'gyur ro/ /mi mnyam pa dang mnyam pa'i tshor ba dang 'du shes dang 'du byed dang mi mnyam pa dang mnyam pa'i rnam par shes pa brnyes par gyur to/ /brnyes so/ /brnyes par 'gyur ro/ /mi mnyam pa dang mnyam pa'i byang chub tu mngon par sangs rgyas nas/ mi mnyam pa dang mnyam pa'i chos kyi 'khor lo bskor bar gyur to/ /skor ro/ /skor bar 'gyur ro/ /de lta lags pas/ bcom ldan 'das byang chub sems dpa' sems dpa' chen po chos thams cad kyi pha rol du phyin par 'tshal bas/ shes rab kyi pha rol du phyin pa la brtson par bgyi'o/ /bcom ldan 'das byang chub sems dpa' sems dpa' chen po gang shes rab kyi pha rol du phyin pa 'di la spyod pa de dag ni lha dang mi dang lha ma yin du bcas pa'i 'jig rten gyis phyag bgyi ba lags so/ /de skad ces gsol ba dang / bcom ldan 'das kyis nyan thos chen po de dag thams cad dang / byang chub sems dpa' sems dpa' chen po de dag thams cad la 'di skad ces bka' stsal to/ /rigs kyi bu dag de de bzhin no/ /de de bzhin te/ ji skad du smras pa bzhin no/ /byang chub sems dpa' sems dpa' chen po shes rab kyi pha rol du phyin pa 'di la spyod pa de dag ni/ lha dang / mi dang / lha ma yin du bcas pa'i 'jig rten gyis phyag bya bar 'os pa'o/ /de ci'i phyir zhe na/ byang chub sems dpa' sems dpa' chen po yod na/ mi'i 'jig rten 'jig rten du 'byung bar 'gyur ro/ /lha'i 'jig rten 'jig rten du 'byung bar 'gyur ro/ /rgyal rigs che zhing mtho ba'i rigs dang / bram ze che zhing mtho ba'i rigs dang / khyim bdag che zhing mtho ba'i rigs dang / 'khor los sgyur ba'i rgyal po dang / rgyal chen bzhi'i ris kyi lha rnams dang / sum cu rtsa gsum pa dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams 'jig rten du 'byung bar 'gyur ro/ /rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas rnams 'jig rten du 'byung bar 'gyur ro/ /byang chub sems dpa' sems dpa' chen po rnams dang / de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung bar 'gyur ro/ /rigs kyi bu dag byang chub sems dpa' sems dpa' chen po yod na/ bza' ba dang / btung ba dang / bzhon pa dang / gos dang / mal cha dang / khyim dang 'tsho ba dang nor bu dang mu tig dang dung dang man shel dang / byi ru dang gser dang / dngul dag kyang 'jig rten du 'byung bar 'gyur ro/ / rigs kyi bu dag sems can rnams kyi bde ba'i yo byad mi'i rkyen dang / lha rdzas su bya ba 'am yang dag par bral ba'i bde ba'ang rung ste/ de dag thams cad kyang byang chub sems dpa' sems dpa' chen po yod na 'jig rten du 'byung bar 'gyur ro/ /de ci'i phyir zhe na/ rigs kyi bu dag byang chub sems dpa' ni byang chub sems dpa'i spyad pa spyod pa'i tshe pha rol du phyin pa drug la gnas te/ bdag sbyin pa yongs su gtong zhing gzhan yang sbyin pa la sbyor ro/ /bdag tshul khrims srung zhing gzhan yang tshul khrims la sbyor ro/ bdag bzod pa sgom zhing gzhan yang bzod pa la sbyor ro/ /bdag brtson 'grus rtsom zhing gzhan yang brtson 'grus la sbyor ro/ /bdag bsam gtan skyed cing gzhan yang bsam gtan la sbyor ro/ /bdag shes rab sgom zhing gzhan yang shes rab sgom pa la sbyor ro/ /byang chub sems dpa' sems dpa' chen po la rten cing sems can rnams pha rol du phyin pa drug la spyod de/ de dag pha rol du phyin pa drug la spyod pas/ 'jig rten dang 'jig rten las 'das pa'i phun sum tshogs pa thams cad 'thob po/ /rigs kyi bu dag de bas na byang chub sems dpa' sems dpa' chen po ni sems can thams cad la phan pa dang bde ba'i don du zhugs pa yin no/ /de nas bcom ldan 'das kyis de'i tshe zhal gyi sgo nas ljags kyi dbang po bkram ste stong gsum gyi stong chen po'i 'jig rten gyi khams 'di khyab par mdzad do/ /de nas de'i tshe ljags kyi dbang po de las 'od 'phro ba kha dog du ma dang kha dog sna tshogs su ldan pa mang po byung bar gyur to/ /de byung nas shar phyogs kyi 'jig rten gyi khams gang+gA'i klung gi bye ma snyed snang ba chen pos rgyas par gyur to/ /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing / 'jig rten gyi khams gang+gA'i klung gi bye ma snyed snang ba chen pos rgyas par gyur to/ / de nas shar phyogs kyi 'jig rten gyi khams gang+gA'i klung gi bye ma snyed po de dag gi byang chub sems dpa' sems dpa' chen po dag gis 'od rnam par phye ba de mthong nas/ rang rang gi sangs rgyas kyi zhing gi /sangs rgyas bcom ldan 'das la zhus te/ bcom ldan 'das 'di ltar 'jig rten gyi khams 'di dag snang ba chen pos bltam pa 'di su'i mthu lags zhes yongs su dris so/ /sangs rgyas bcom ldan 'das de dag gis bka' stsal pa/ rigs kyi bu dag 'di nas nub phyogs logs na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te/ des zhal gyi sgo nas ljags kyi dbang po bkram ste/ byang chub sems dpa' sems dpa' chen po rnams la shes rab kyi pha rol du phyin pa bstan pa'i phyir/ 'jig rten gyi khams gang+gA'i klung gi bye ma snyed po 'di dag snang ba chen pos khyab par mdzad do/ /byang chub sems dpa' sems dpa' chen po rnams la shes rab kyi pha rol tu phyin pa bstan pa'i phyir/ phyogs bcu'i phyogs re re'i bar du 'jig rten gyi khams gang+gA'i klung gi bye ma snyed po 'di dag snang ba chen pos khyab par mdzad do/ /de nas byang chub sems dpa' sems dpa' chen po de dag gis sangs rgyas bcom ldan 'das de dag la 'di skad ces gsol to/ /bcom ldan 'das de lta lags na bdag cag kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang de la phyag bgyi ba dang bsnyen bkur ba dang / byang chub sems dpa' sems dpa' chen po phyogs bcu nas 'dus pa de dag kyang blta ba dang / shes rab kyi pha rol du phyin pa de yang mnyan pa'i slad du mchi'o/ /sangs rgyas bcom ldan 'das de dag gis bka' stsal pa/ rigs kyi bu dag de'i dus la bab par shes na deng shig / de nas byang chub sems dpa' sems dpa' chen po de dag gis/ de bzhin gshegs pa dgra bcom pa yang dag par rdzogs pa'i sangs rgyas de dag gi zhabs la spyi bos phyag 'tshal nas/ lan bdun du g.yas phyogs nas bskor ba byas te/ phyogs bcu nas gdugs dang rgyal mtshan dang lha'i ba dan dang / me tog dang phreng ba dang spos dang byug pa dang bdug pa dang / phye ma dang na bza' dang gser gyi me tog dang dngul gyi me tog la sogs pa rnam pa du ma khyer te/ glu dang rol mo brdung ba dang dkrol ba mang pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de gang na ba der 'dong ngo / /de nas rgyal chen bzhi'i ris kyi lha rnams dang / sum cu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / gnas gtsang ma pa shin tu mthong ba dang / gya nom snang ba dang / mi che ba dang / mi gdung ba dang / 'og min gyi lha rnams kyang lha rdzas kyi me tog dang / phreng ba dang / spos dang / byug pa dang / bdug pa dang / phye ma dang / lha rdzas kyi me tog ut+pal dang / pad mo dang / ku mud dang / bun da ri ka dang / lha rdzas kyi me tog man dA ra ba dang man dA ra ba chen po dang / ke sa ra dang ta ma la'i lo ma mang po khyer te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste/ de nas byang chub sems dpa' sems dpa' chen po de dag dang / lha de dag gis me tog dang phreng ba dang spos dang byug pa dang bdug pa dang phye ma dang na bza' dang gdugs dang rgyal mtshan dang lha'i ba dan de dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la gtor to/ /mngon par gtor to/ / de nas me tog la sogs pa de dag stong gsum gyi stong chen po'i 'jig rten gyi khams 'di'i steng gi nam mkha' la mngon par 'phags te/ me tog gi khang pa brtsegs pa/ gru bzhi ka ba bzhi dang ldan pa/ cha kun du mnyam pa/ shin tu rnam par phye ba/ mdangs dga' zhing yid du 'ong bar red de 'dug go / de nas 'khor de'i nang nas srog chags bye ba khrag khrig brgya stong du mas mi skye ba'i chos la bzod pa rab tu thob po/ /de nas de dag stan las langs nas/ bcom ldan 'das gang na ba der thal mo sbyar bas btud de/ bcom ldan 'das la 'di skad ces gsol to/ /bcom ldan 'das bdag cag kyang ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas kyis gang brnyes par gyur pa'i chos kyi rnam pa de lta bu thams cad thob par gyur te/ nyan thos kyi dge 'dun ni 'di lta bu yongs su bsdu bar bgyi'o/ /da ltar 'dir de bzhin gshegs pas chos ji ltar bstan pa de bzhin du/ 'khor 'di dang 'dra bar ni chos bstan par bgyi'o/ /zhes smon lam btab po/ /de nas bcom ldan 'das kyis rigs kyi bu de dag gi bsam pa thugs su chud de/ chos thams cad la skye ba med pa dang / 'gag pa med pa dang / mngon par 'du bya ba med pa dang / 'byung ba med pa la bzod par gyur pa mkhyen nas zhal 'dzum pa mdzad do/ /de nas tshe dang ldan pa kun dga' bo stan las langs te/ bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das gang na ba der thal mo sbyar bas btud de/ bcom ldan 'das la 'di skad ces gsol to/ /bcom ldan 'das sangs rgyas bcom ldan 'das rnams ni rgyu dang rkyen ma mchis par bzhad pa mi mdzad na/ ci'i rgyu ci'i rkyen gyis zhal 'dzum pa mdzad/ bcom ldan 'das kyis bka' stsal pa/ kun dga' bo 'khor 'di'i nang nas srog chags bye ba khrag khrig brgya phrag stong gis mi skye ba'i chos la bzod pa thob par gyur to/ /de dag ni ma 'ongs pa'i dus na bskal pa bye ba khrag khrig phrag drug cu rtsa brgyad na bskal pa me tog gi 'byung gnas zhes bya ba la/ de bzhin gshegs pa dgra bcom pa yang dag par rdzogs pa'i sangs rgyas byang chub kyi yan lag me tog ces bya ba sha stag 'jig rten du 'byung bar 'gyur ro/ /shes rab kyi pha rol du phyin pa stong phrag nyi shu lnga pa las/ shA ri'i bu'i le'u ste gnyis pa'o// //de nas bcom ldan 'das kyis tshe dang ldan pa rab 'byor la bka' stsal pa/ rab 'byor khyod byang chub sems dpa' sems dpa' chen po rnams la shes rab kyi pha rol tu phyin pa las rtsom ste/ ci nas byang chub sems dpa' sems dpa' chen po rnams shes rab kyi pha rol tu phyin pa la 'byung bar 'gyur ba de lta bu'i chos kyi gtam bya bar spobs pa skyed cig / de nas byang chub sems dpa' sems dpa' chen po de dag dang / nyan thos chen po de dag dang / lha'i bu de dag 'di snyam du sems te/ tshe dang ldan pa rab 'byor 'di rang gi shes rab dang spobs pa tsam gyi stobs dang shugs kyi go cas/ byang chub sems dpa' sems dpa' chen po rnams la shes rab kyi pha rol du phyin pa ston tam/ 'on te sangs rgyas kyi mthus ston par 'gyur snyam pa dang / de nas tshe dang ldan pa rab 'byor gyis/ sangs rgyas kyi mthus byang chub sems dpa' sems dpa' chen po de dag dang / nyan thos chen po de dag dang / lha'i bu de dag gi sems kyi kun tu rtog pa sems kyis yongs su shes nas/ tshe dang ldan pa sha ra dwa ti'i bu la smras pa/ tshe dang ldan pa sha ra dwa ti'i bu bcom ldan 'das kyi nyan thos rnams ni gang ci smra yang rung / gang ci ston kyang rung / gang ci rjod kyang rung ste/ de thams cad de bzhin gshegs pa'i mthu'o/ /de bzhin gshegs pas chos gang bstan pa de thams cad kyang chos nyid dang mi 'gal lo/ /de ltar rigs kyi bu de dag ni chos bstan pa de la slob cing / chos nyid de lta bu mngon du byed do/ /sha ra dwa ti'i bu 'di ni de bzhin gshegs pa nyid byang chub sems dpa' sems dpa' chen po rnams la/ shes rab kyi pha rol du phyin pa thabs kyis ston pa mdzad kyi/ tshe dang ldan pa sha ra dwa ti'i bu byang chub sems dpa' sems dpa' chen po rnams la/ shes rab kyi pha rol du phyin pa bstan pa ni/ nyan thos dang rang sangs rgyas thams cad kyi yul ma yin no/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' byang chub sems dpa' zhes bgyi na/ 'di lta ste/ byang chub sems dpa' zhes bgyi ba'am/ shes rab kyi pha rol du phyin pa zhes bgyi ba 'di chos gang gi tshig lags/ bcom ldan 'das byang chub sems dpa' zhes bgyi ba'am/ shes rab kyi pha rol du phyin pa zhes bgyi ba de lta bu bdag gis yang dag par rjes su ma mthong ngo / /bcom ldan 'das de ltar bdag gis byang chub sems dpa' de dang / shes rab kyi pha rol tu phyin pa de dang / byang chub sems dpa'i ming de yang yang dag par rjes su ma mthong na/ byang chub sems dpa' sems dpa' chen po ni su zhig /shes rab kyi pha rol du phyin pa ni gang zhig la gdams shing rjes su bstan par bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di lta ste/ shes rab kyi pha rol du phyin pa dang / byang chub sems dpa' dang / byang chub sems dpa'i ming du bya ba de dag ni ming tsam ste/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste dper na/ sems can sems can zhes bya bar ming du gdags pa'i ming de ni btags pa tsam ste/ btags pa'i chos gang yin pa de la ni/ ming dang brda tsam du tha snyad kyis gdags pa ma gtogs par skye pa 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /bdag dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / byed du 'jug pa po dang / slong ba po dang / yongs su slong ba po dang / tshor ba po dang / tshor bar byed pa po dang / shes pa po dang / mthong ba po de dag thams cad kyang btags pa tsam ste/ btags pa'i chos gang yin pa de la ni ming dang brda tsam du tha snyad kyis gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du shes rab kyi pha rol du phyin pa gang yin pa dang / byang chub sems dpa' gang yin pa dang / byang chub sems dpa'i ming gang yin pa de dag thams cad kyang btags pa tsam ste/ btags pa'i chos gang yin pa de la ni/ ming dang brda tsam du tha snyad kyis gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste/ dper na nang gi gzugs zhes ming du bya ba ni chos su btags pa tsam du zad de/ chos su btags pa de la ni ming dang brda tsam du tha snyad kyis gdags pa ma gtogs par skye ba'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor tshor ba dang / 'du shes dang / 'du byed dang / rnam par shes pa zhes ming du bya ba ni chos su gdags pa tsam du zad de/ chos su btags pa de la ni ming dang brda tsam du tha snyad kyis gdags pa ma gtogs par skye ba'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du shes rab kyi pha rol tu phyin pa dang / byang chub sems dpa' dang / byang chub sems dpa'i ming dang chos de dag thams cad ni chos su gdags pa tsam du zad de/ chos su btags pa de la ni ming dang brda tsam du tha snyad kyis gdags pa ma gtogs par/ skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ / rab 'byor mig ces bya ba 'di ni chos su gdags pa tsam du zad de/ chos su btags pa de la ni 'di lta ste mig ces ming dang brda tsam du tha snyad kyis gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor rna ba dang / sna dang / lce dang / lus dang / yid ces bya ba 'di ni chos su gdags pa tsam du zad de/ chos su btags pa de la ni 'di lta ste/ yid ces ming dang brda tsam du tha snyad kyis gdags pa ma gtogs par skyes pa 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor gzugs zhes bya ba 'di ni chos su gdags pa tsam du zad de/ chos su btags pa de la ni 'di lta ste/ gzugs zhes ming dang brda tsam du tha snyad kyis gdags pa ma gtogs par skye ba'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du sgra dang / dri dang / ro dang / reg bya dang / chos zhes bya ba 'di ni chos su gdags pa tsam du zad de/ chos su btags pa de la ni 'di lta ste/ chos zhes ming dang brda tsam du tha snyad kyis gdags pa ma gtogs par/ skye ba'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor mig gi khams zhes bya ba 'di ni chos su gdags pa tsam du zad de/ chos su btags pa de la ni/ 'di lta ste/ mig gi khams zhes ming dang brda tsam du tha snyad kyis gdags pa ma gtogs par/ skye ba'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor gzugs kyi khams zhes bya ba 'di ni chos su gdags pa tsam du zad de/ chos su btags pa de la ni 'di lta ste/ gzugs kyi khams zhes ming dang brda tsam du tha snyad kyis gdags pa ma gtogs par skye ba'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor mig gi rnam par shes pa'i khams zhes bya ba 'di ni chos su gdags pa tsam du zad de/ chos su btags pa de la ni 'di lta ste/ mig gi rnam par shes pa'i khams zhes ming dang brda tsam du tha snyad kyis gdags pa ma gtogs par skye ba'am/ 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ / rab 'byor rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams zhes bya ba 'di ni chos su gdags pa tsam du zad de/ chos su btags pa de la ni 'di lta ste/ yid kyi rnam par shes pa'i khams zhes ming dang brda tsam du tha snyad kyis gdags pa ma gtogs par skye ba'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du gang 'di shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya ba dag kyang chos su gdags pa tsam du zad de/ chos su btags pa de la ni 'di lta ste/ shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya bar ming dang brda tsam du tha snyad kyis gdags pa ma gtogs par/ skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste dper na/ nang gi lus zhes bya ba 'di ni ming tsam du/ tha snyad kyis gdags pa ste/ mgo'i rus pa zhes ming du tha snyad kyis gdags pa dang / mjing pa'i rus pa zhes ming du tha snyad kyis gdags pa dang / phrag pa'i rus pa dang / dpung pa'i rus pa dang / tshigs pa'i rus pa dang / rtsib ma'i rus pa dang / dpyi'i rus pa dang / brla'i rus pa dang / rje ngar gyi rus pa dang / rkang pa'i rus pa zhes ming du tha snyad kyis gdags pa de dag kyang / chos su gdags pa tsam du zad de/ chos su btags pa de la ni 'di lta ste/ mgo'i rus pa zhes bya ba dang / rkang pa'i rus pa zhes bya ba'i bar du ming dang brda tsam du tha snyad kyis gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du gang 'di shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming du bya ba dag kyang chos su gdags pa tsam du zad de/ chos su btags pa de la ni ming dang brda tsam du tha snyad kyis gdags pa ma gtogs par skye ba'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste dper na/ gang 'di phyi rol gyi rtswa dang / shing dang / yal ga dang / lo ma dang / 'dab ma zhes bya ba de dag thams cad kyang ming sna tshogs kyis tha snyad du brjod de/ de dag kyang ming dang brda tsam du tha snyad kyis gdags pa ma gtogs par skye ba'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du gang 'di shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya ba de dag kyang chos su gdags pa tsam du zad de/ chos su btags pa de la ni ming dang brda tsam du tha snyad kyis gdags pa ma gtogs par skye ba'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste dper na/ 'das pa'i sangs rgyas bcom ldan 'das rnams kyi mtshan tsam zhig yod pa yang / mtshan de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste dper na/ rmi lam dang / sgra brnyan dang / gzugs brnyan dang / sgyu ma dang / smig rgyu dang / chu zla dang / de bzhin gshegs pa'i sprul pa'i chos de dag thams cad ni chos su gdags pa tsam du zad de/ chos su btags pa de ni ming dang brda tsam du tha snyad kyis gdags pa ma gtogs par skye ba 'am/ 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du gang 'di shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya ba'i chos de dag thams cad ni chos su gdags pa tsam du zad de/ chos su btags pa de la ni ming dang brda tsam du tha snyad kyis gdags pa ma gtogs par/ skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ ming dang brdar btags pa dang / gdams ngag tu btags pa dang / chos su btags pa la bslab par bya'o/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pa ni gzugs zhes bya ba rtag par yang dag par rjes su mi mthong ngo / /gzugs zhes bya ba mi rtag par yang dag par rjes su mi mthong ngo / /gzugs zhes bya ba bde bar yang dag par rjes su mi mthong ngo / /gzugs zhes bya ba sdug bsngal bar yang dag par rjes su mi mthong ngo / /gzugs zhes bya ba bdag tu yang dag par rjes su mi mthong ngo / /gzugs zhes bya ba bdag med par yang dag par rjes su mi mthong ngo / / gzugs zhes bya ba zhi bar yang dag par rjes su mi mthong ngo / /gzugs zhes bya ba ma zhi bar yang dag par rjes su mi mthong ngo / /gzugs zhes bya ba stong bar yang dag par rjes su mi mthong ngo / /gzugs zhes bya ba mi stong bar yang dag par rjes su mi mthong ngo / /gzugs zhes bya ba mtshan ma yod par yang dag par rjes su mi mthong ngo / /gzugs zhes bya ba mtshan ma med par yang dag par rjes su mi mthong ngo / /gzugs zhes bya ba smon pa yod par yang dag par rjes su mi mthong ngo / /gzugs zhes bya ba smon pa med par yang dag par rjes su mi mthong ngo / /gzugs zhes bya ba 'dus byas su yang dag par rjes su mi mthong ngo / /gzugs zhes bya ba 'dus ma byas su yang dag par rjes su mi mthong ngo / /gzugs zhes bya ba kun nas nyon mongs par yang dag par rjes su mi mthong ngo / /gzugs zhes bya ba rnam par byang bar yang dag par rjes su mi mthong ngo / /gzugs zhes bya ba skye bar yang dag par rjes su mi mthong ngo / /gzugs zhes bya ba 'gag par yang dag par rjes su mi mthong ngo / /gzugs zhes bya ba dben par yang dag par rjes su mi mthong ngo / /gzugs zhes bya ba mi dben par yang dag par rjes su mi mthong ngo / /gzugs zhes bya ba dge bar yang dag par rjes su mi mthong ngo / /gzugs zhes bya ba mi dge bar yang dag par rjes su mi mthong ngo / /gzugs zhes bya ba kha na ma tho ba dang bcas par yang dag par rjes su mi mthong ngo / /gzugs zhes bya ba kha na ma tho ba med par yang dag par rjes su mi mthong ngo / /gzugs zhes bya ba zag pa dang bcas par yang dag par rjes su mi mthong ngo / /gzugs zhes bya ba zag pa med par yang dag par rjes su mi mthong ngo / /gzugs zhes bya ba nyon mongs pa dang bcas par yang dag par rjes su mi mthong ngo / /gzugs zhes bya ba nyon mongs pa med par yang dag par rjes su mi mthong ngo / / gzugs zhes bya ba 'jig rten par yang dag par rjes su mi mthong ngo / /gzugs zhes bya ba 'jig rten las 'das par yang dag par rjes su mi mthong ngo / /gzugs zhes bya ba 'khor bar yang dag par rjes su mi mthong ngo / / gzugs zhes bya ba mya ngan las 'das par yang dag par rjes su mi mthong ngo / /tshor ba zhes bya ba dang / 'du shes zhes bya ba dang / 'du byed ces bya ba dang / rnam par shes pa zhes bya ba rtag par yang dag par rjes su mi mthong ngo / /rnam par shes pa zhes bya ba mi rtag par yang dag par rjes su mi mthong ngo / /rnam par shes pa zhes bya ba bde bar yang dag par rjes su mi mthong ngo / /rnam par shes pa zhes bya ba sdug bsngal bar yang dag par rjes su mi mthong ngo / /rnam par shes pa zhes bya ba bdag tu yang dag par rjes su mi mthong ngo / /rnam par shes pa zhes bya ba bdag med par yang dag par rjes su mi mthong ngo / /rnam par shes pa zhes bya ba zhi bar yang dag par rjes su mi mthong ngo / /rnam par shes pa zhes bya ba ma zhi bar yang dag par rjes su mi mthong ngo / /rnam par shes pa zhes bya ba stong par yang dag par rjes su mi mthong ngo / /rnam par shes pa zhes bya ba mi stong par yang dag par rjes su mi mthong ngo / /rnam par shes pa zhes bya ba mtshan ma yod par yang dag par rjes su mi mthong ngo / / rnam par shes pa zhes bya ba mtshan ma med par yang dag par rjes su mi mthong ngo / /rnam par shes pa zhes bya ba smon pa yod par yang dag par rjes su mi mthong ngo / /rnam par shes pa zhes bya ba smon pa med par yang dag par rjes su mi mthong ngo / / rnam par shes pa zhes bya ba 'dus byas su yang dag par rjes su mi mthong ngo / /rnam par shes pa zhes bya ba 'dus ma byas su yang dag par rjes su mi mthong ngo / /rnam par shes pa zhes bya ba kun nas nyon mongs par yang dag par rjes su mi mthong ngo / / rnam par shes pa zhes bya ba rnam par byang bar yang dag par rjes su mi mthong ngo / /rnam par shes pa zhes bya ba skye bar yang dag par rjes su mi mthong ngo / /rnam par shes pa zhes bya ba 'gag par yang dag par rjes su mi mthong ngo / /rnam par shes pa zhes bya ba dben par yang dag par rjes su mi mthong ngo / /rnam par shes pa zhes bya ba mi dben par yang dag par rjes su mi mthong ngo / /rnam par shes pa zhes bya ba dge bar yang dag par rjes su mi mthong ngo / /rnam par shes pa zhes bya ba mi dge bar yang dag par rjes su mi mthong ngo / /rnam par shes pa zhes bya ba kha na ma tho ba dang bcas par yang dag par rjes su mi mthong ngo / /rnam par shes pa zhes bya ba kha na ma tho ba med par yang dag par rjes su mi mthong ngo / /rnam par shes pa zhes bya ba zag pa dang bcas par yang dag par rjes su mi mthong ngo / /rnam par shes pa zhes bya ba zag pa med par yang dag par rjes su mi mthong ngo / /rnam par shes pa zhes bya ba nyon mongs pa dang bcas par yang dag par rjes su mi mthong ngo / /rnam par shes pa zhes bya ba nyon mongs pa med par yang dag par rjes su mi mthong ngo / /rnam par shes pa zhes bya ba 'jig rten par yang dag par rjes su mi mthong ngo / /rnam par shes pa zhes bya ba 'jig rten las 'das par yang dag par rjes su mi mthong ngo / /rnam par shes pa zhes bya ba 'khor bar yang dag par rjes su mi mthong ngo / /rnam par shes pa zhes bya ba mya ngan las 'das par yang dag par rjes su mi mthong ngo // //shes rab kyi pha rol du phyin pa stong phrag nyi shu lnga pa/ bam po bdun pa/ mig ces bya ba rtag par yang dag par rjes su mi mthong ngo / /mig ces bya ba mi rtag par yang dag par rjes su mi mthong ngo / /mig ces bya ba bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong ba dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /gzugs zhes bya ba rtag par yang dag par rjes su mi mthong ngo / /gzugs zhes bya ba mi rtag par yang dag par rjes su mi mthong ngo / /gzugs zhes bya ba bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong ba dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /mig gi rnam par shes pa zhes bya ba rtag par yang dag par rjes su mi mthong ngo / /mig gi rnam par shes pa zhes bya ba mi rtag par yang dag par rjes su mi mthong ngo / /mig gi rnam par shes pa zhes bya ba bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /mig gi 'dus te reg pa zhes bya ba rtag par yang dag par rjes su mi mthong ngo / /mig gi 'dus te reg pa zhes bya ba mi rtag par yang dag par rjes su mi mthong ngo / /mig gi 'dus te reg pa zhes bya ba bde ba dang / sdug bsngal ba dang / bdag dang bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /gang yang mig dang / gzugs dang / mig gi rnam par shes pa 'dus te reg pa'i rkyen gyis byung ba'i tshor ba bde ba'am sdug bsngal ba'am/ bde ba yang ma yin sdug bsngal ba yang ma yin pa 'byung zhes bya ba de yang rtag pa dang mi rtag par yang dag par rjes su mi mthong ngo / /bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang mya ngan las 'das par yang dag par rjes su mi mthong ngo / /rna ba zhes bya ba rtag par yang dag par rjes su mi mthong ngo / / rna ba zhes bya ba mi rtag par yang dag par rjes su mi mthong ngo / /rna ba zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /sgra zhes bya ba rtag par yang dag par rjes su mi mthong ngo / /sgra zhes bya ba mi rtag par yang dag par rjes su mi mthong ngo / /sgra zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /rna ba'i rnam par shes pa zhes bya ba rtag par yang dag par rjes su mi mthong ngo / /rna ba'i rnam par shes pa zhes bya ba mi rtag par yang dag par rjes su mi mthong ngo / /rna ba'i rnam par shes pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /rna ba'i 'dus te reg pa zhes bya ba rtag par yang dag par rjes su mi mthong ngo / /rna ba'i 'dus te reg pa zhes bya ba mi rtag par yang dag par rjes su mi mthong ngo / /rna ba'i 'dus te reg pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /gang yang rna ba dang / sgra dang / rna ba'i rnam par shes pa 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa 'byung zhes bya ba de yang rtag pa dang mi rtag par yang dag par rjes su mi mthong ngo / /bde ba dang sdug bsngal ba dang / bdag dang bdag med pa dang / zhi ba dang ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /sna zhes bya ba rtag par yang dag par rjes su mi mthong ngo / /sna zhes bya ba mi rtag par yang dag par rjes su mi mthong ngo / /sna zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /dri zhes bya ba rtag par yang dag par rjes su mi mthong ngo / /dri zhes bya ba mi rtag par yang dag par rjes su mi mthong ngo / /dri zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /sna'i rnam par shes pa zhes bya ba rtag par yang dag par rjes su mi mthong ngo / /sna'i rnam par shes pa zhes bya ba mi rtag par yang dag par rjes su mi mthong ngo / /sna'i rnam par shes pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /sna'i 'dus te reg pa zhes bya ba rtag par yang dag par rjes su mi mthong ngo / /sna'i 'dus te reg pa zhes bya ba mi rtag par yang dag par rjes su mi mthong ngo / /sna'i 'dus te reg pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /gang yang sna dang / dri dang / sna'i rnam par shes pa 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa 'byung zhes bya ba de yang rtag pa dang / mi rtag par yang dag par rjes su mi mthong ngo / /bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang mya ngan las 'das par yang dag par rjes su mi mthong ngo / /lce zhes bya ba rtag par yang dag par rjes su mi mthong ngo / /lce zhes bya ba mi rtag par yang dag par rjes su mi mthong ngo / /lce zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /ro zhes bya ba rtag par yang dag par rjes su mi mthong ngo / /ro zhes bya ba mi rtag par yang dag par rjes su mi mthong ngo / /ro zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /lce'i rnam par shes pa zhes bya ba rtag par yang dag par rjes su mi mthong ngo / /lce'i rnam par shes pa zhes bya ba mi rtag par yang dag par rjes su mi mthong ngo / /lce'i rnam par shes pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /lce'i 'dus te reg pa zhes bya ba rtag par yang dag par rjes su mi mthong ngo / /lce'i 'dus te reg pa zhes bya ba mi rtag par yang dag par rjes su mi mthong ngo / /lce'i 'dus te reg pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /gang yang lce dang / ro dang / lce'i rnam par shes pa 'dus te reg pa'i rkyen gyis byung ba'i tshor ba bde ba'am/ sdug bsngal ba'am/ bde ba yang ma yin sdug bsngal ba yang ma yin pa 'byung zhes bya ba de yang rtag pa dang / mi rtag par yang dag par rjes su mi mthong ngo / /bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang mya ngan las 'das par yang dag par rjes su mi mthong ngo / /lus shes bya ba rtag par yang dag par rjes su mi mthong ngo / /lus shes bya ba mi rtag par yang dag par rjes su mi mthong ngo / /lus zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /reg bya zhes bya ba rtag par yang dag par rjes su mi mthong ngo / /reg bya zhes bya ba mi rtag par yang dag par rjes su mi mthong ngo / /reg bya zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /lus kyi rnam par shes pa zhes bya ba rtag par yang dag par rjes su mi mthong ngo / /lus kyi rnam par shes pa zhes bya ba mi rtag par yang dag par rjes su mi mthong ngo / /lus kyi rnam par shes pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /lus kyi 'dus te reg pa zhes bya ba rtag par yang dag par rjes su mi mthong ngo / /lus kyi 'dus te reg pa zhes bya ba mi rtag par yang dag par rjes su mi mthong ngo / /lus kyi 'dus te reg pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /gang yang lus dang / reg bya dang / lus kyi rnam par shes pa 'dus te reg pa'i rkyen gyis byung ba'i tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa 'byung zhes bya ba de yang rtag pa dang / mi rtag par yang dag par rjes su mi mthong ngo / /bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong ba dang / mi stong ba dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /yid ces bya ba rtag par yang dag par rjes su mi mthong ngo / /yid ces bya ba mi rtag par yang dag par rjes su mi mthong ngo / /yid ces bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /chos zhes bya ba rtag par yang dag par rjes su mi mthong ngo / /chos zhes bya ba mi rtag par yang dag par rjes su mi mthong ngo / /chos zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /yid kyi rnam par shes pa zhes bya ba rtag par yang dag par rjes su mi mthong ngo / /yid kyi rnam par shes pa zhes bya ba mi rtag par yang dag par rjes su mi mthong ngo / /yid kyi rnam par shes pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /yid kyi 'dus te reg pa zhes bya ba rtag par yang dag par rjes su mi mthong ngo / /yid kyi 'dus te reg pa zhes bya ba mi rtag par yang dag par rjes su mi mthong ngo / /yid kyi 'dus te reg pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /gang yang yid dang chos dang / yid kyi rnam par shes pa 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa 'byung zhes bya ba de yang rtag pa dang / mi rtag par yang dag par rjes su mi mthong ngo / /bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong ba dang / mi stong ba dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang mya ngan las 'das par yang dag par rjes su mi mthong ngo / /de ci'i phyir zhe na/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ shes rab kyi pha rol du phyin pa de dang / byang chub sems dpa' de dang / byang chub sems dpa'i ming de 'dus byas kyi khams na yod par yang dag par rjes su mi mthong ngo / / 'dus ma byas kyi khams na yod par yang dag par rjes su mi mthong ngo / /de ci'i phyir zhe na/ de ni 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos de dag thams cad la mi rtog rnam par mi rtog ste/ de shes rab kyi pha rol du phyin pa la spyod pa'i tshe/ rnam par mi rtog pa'i chos la gnas shing / dran pa nye bar bzhag pa rnams bsgom pa'i phyir/ shes rab kyi pha rol du phyin pa la spyod de/ rnam pa thams cad mkhyen pa nyid yid la bya ba ma gtogs par/ shes rab kyi pha rol du phyin pa nyid kyang yang dag par rjes su mi mthong ngo / /shes rab kyi pha rol du phyin pa'i ming yang yang dag par rjes su mi mthong ngo / /byang chub sems dpa' yang yang dag par rjes su mi mthong ngo / /byang chub sems dpa'i ming yang yang dag par rjes su mi mthong ngo / /sangs rgyas kyang yang dag par rjes su mi mthong ngo / /sangs rgyas kyi ming yang yang dag par rjes su mi mthong ngo / /yang dag par spong ba dang / rdzu 'phrul gyi rkang pa dang / dbang bo dang / stobs dang / byang chub kyi yan lag dang / lam dang / pha rol du phyin pa rnams dang / stong pa nyid thams cad dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyi gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa brgyad bsgom pa'i phyir/ shes rab kyi pha rol du phyin pa la spyod de/ shes rab kyi pha rol du phyin pa nyid kyang yang dag par rjes su mi mthong ngo / /shes rab kyi pha rol du phyin pa'i ming yang yang dag par rjes su mi mthong ngo / /byang chub sems dpa' yang yang dag par rjes su mi mthong ngo / /byang chub sems dpa'i ming yang yang dag par rjes su mi mthong ngo / /sangs rgyas kyang yang dag par rjes su mi mthong ngo / /sangs rgyas kyi ming yang yang dag par rjes su mi mthong ngo / /de ci'i phyir zhe na/ byang chub sems dpa' sems dpa' chen po des shes rab kyi pha rol du phyin pa la spyod pa'i tshe/ chos rnams kyi chos kyi mtshan nyid shin du rtogs pa yin te/ chos rnams kyis chos kyi mtshan nyid gang yin pa de ni/ kun nas nyon mongs par mi 'gyur ro/ /rnam par byang bar mi 'gyur ro/ /rab 'byor de ltar byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ ming dang brdar bya ba'i chos su gdags pa khong du chud par byas te/ de ltar des ming dang brdar bya ba'i chos su gdags pa khong du chud na/ gzugs la chags par 'gyur ba med do/ / tshor ba dang / 'du shes dang / 'du byed dang / rnam par shes pa la chags par 'gyur ba med do/ /mig la chags par 'gyur ba med do/ /gzugs la chags par 'gyur ba med do/ /mig gi rnam par shes pa la chags par 'gyur ba med do/ / mig gi 'dus te reg pa la chags par 'gyur ba med do/ /gang yang mig dang gzugs dang / mig gi rnam par shes pa 'dus te reg pa'i rkyen gyis tshor ba/ bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa skye ba de la yang chags par 'gyur ba med do/ /rna ba la chags par 'gyur ba med do/ /sgra la chags par 'gyur ba med do/ /rna ba'i rnam par shes pa la chags par 'gyur ba med do/ /rna ba'i 'dus te reg pa la chags par 'gyur ba med do/ /gang yang rna ba dang / sgra dang / rna ba'i rnam par shes pa 'dus te reg pa'i rkyen gyis tshor ba bde ba'am/ sdug bsngal ba'am/ bde ba yang ma yin/ sdug bsngal ba yang ma yin pa skye ba de la yang chags par 'gyur ba med do/ /sna la chags par 'gyur ba med do/ /dri la chags par 'gyur ba med do/ /sna'i rnam par shes pa la chags par 'gyur ba med do/ /sna'i 'dus te reg pa la chags par 'gyur ba med do/ /gang yang sna dang / dri dang / sna'i rnam par shes pa 'dus te reg pa'i rkyen gyis tshor ba bde ba'am/ sdug bsngal ba 'am/ bde ba yang ma yin/ sdug bsngal ba yang ma yin pa skye ba de la yang chags par 'gyur ba med do/ /lce la chags par 'gyur ba med do/ /ro la chags par 'gyur ba med do/ /lce'i rnam par shes pa la chags par 'gyur ba med do/ /lce'i 'dus te reg pa la chags par 'gyur ba med do/ /gang yang lce dang / ro dang / lce'i rnam par shes pa 'dus te reg pa'i rkyen gyis tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa skye ba de la yang chags par 'gyur ba med do/ /lus la chags par 'gyur ba med do/ /reg bya la chags par 'gyur ba med do/ /lus kyi rnam par shes pa la chags par 'gyur ba med do/ /lus kyi 'dus te reg pa la chags par 'gyur ba med do/ /gang yang lus dang / reg bya dang / lus kyi rnam par shes pa 'dus te reg pa'i rkyen gyis tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa skye ba de la yang chags par 'gyur ba med do/ /yid la chags par 'gyur ba med do/ /chos la chags par 'gyur ba med do/ /yid kyi rnam par shes pa la chags par 'gyur ba med do/ /yid kyi 'dus te reg pa la chags par 'gyur ba med do/ /gang yang yid dang chos dang / yid kyi rnam par shes pa 'dus te reg pa'i rkyen gyis tshor ba bde ba'am/ sdug bsngal ba 'am/ bde ba yang ma yin/ sdug bsngal ba yang ma yin pa skye ba de la yang chags par 'gyur ba med do/ /'dus byas kyi khams la chags par 'gyur ba med do/ /'dus ma byas kyi khams la chags par 'gyur ba med do/ /sbyin pa'i pha rol tu phyin pa la chags par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la chags par 'gyur ba med do/ / de dag gi ming dang mtshan nyid la yang chags par 'gyur ba med do/ /byang chub sems dpa'i lus la yang chags par 'gyur ba med do/ /sha'i mig la chags par 'gyur ba med do/ /lha'i mig dang / shes rab kyi mig dang / chos kyi mig dang / sangs rgyas kyi mig la chags par 'gyur ba med do/ /mngon par shes pa rnams la chags par 'gyur ba med do/ /nang stong pa nyid la chags par 'gyur ba med do/ /phyi stong pa nyid la chags par 'gyur ba med do/ /phyi nang stong pa nyid la chags par 'gyur ba med do/ /dngos po med pa'i ngo bo nyid stong pa nyid kyi bar la chags par 'gyur ba med do/ /dran pa nye bar gzhag pa rnams la chags par 'gyur ba med do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la chags par 'gyur ba med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams la chags par 'gyur ba med do/ /ting nge 'dzin rnams dang / gzungs kyi sgo rnams la chags par 'gyur ba med do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad la chags par 'gyur ba med do/ /de bzhin nyid la chags par 'gyur ba med do/ /yang dag pa'i mtha' la chags par 'gyur ba med do/ /chos kyi dbyings la chags par 'gyur ba med do/ /sems can yongs su smin par bya ba la chags par 'gyur ba med do/ /sangs rgyas kyi zhing yongs su dag par bya ba la chags par 'gyur ba med do/ /thabs mkhas pa la chags par 'gyur ba med do/ /de ci'i phyir zhe na/ de ni 'di ltar gang chags par byed pa 'am/ gang gis chags par byed pa 'am/ gang la chags par bya ba de lta bu'i chos thams cad med pa'i phyir ro/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa ni/ sbyin pa'i pha rol du phyin pas rnam par 'phel lo/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pas rnam par 'phel lo/ /byang chub sems dpa'i skyon med par yang dag par 'jug par 'gyur ro/ /phyir mi ldog pa'i sa yongs su gnon par 'gyur ro/ /mngon par shes pa rnams yongs su rdzogs par 'gyur ro/ /mngon par shes pa rnams yongs su rdzogs par byas nas kyang / sems can yongs su smin par byed cing / sangs rgyas bcom ldan 'das rnams la rim gror bya ba dang / bkur stir bya ba dang / bsti stang du bya ba dang / mchod pa byed cing / sangs rgyas kyi zhing yongs su dag par bya ba dang / sangs rgyas bcom ldan 'das rnams blta ba'i phyir/ sangs rgyas kyi zhing nas sangs rgyas kyi zhing du 'gro bar 'gyur ro/ /sangs rgyas bcom ldan 'das de dag mthong nas kyang / dge ba'i rtsa ba gang gis sangs rgyas bcom ldan 'das de dag la rim gror bya ba dang / bkur stir bya ba dang / bsti stang du bya ba dang / mchod par bya bar 'dod pa'i dge ba'i rtsa ba de dag kyang mngon par 'byung bar 'gyur te/ dge ba'i rtsa ba de dag gis kyang / sangs rgyas bcom ldan 'das de dag gi drung du skye bar 'gyur ro/ /sangs rgyas bcom ldan 'das de dag las chos kyang thos par 'gyur te/ ji skad du thos pa'i chos de dag kyang / nam bla na med pa yang dag par rdzogs pa'i byang chub tu mngon par sangs rgyas kyi bar du rgyun mi chad par 'gyur ro/ /gzungs kyi sgo rnams kyang thob par 'gyur ro/ /ting nge 'dzin gyi sgo rnams kyang thob par 'gyur ro/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pas/ ming dang brdar bya ba'i chos su gdags pa rnams de ltar khong du chud par bya'o/ /rab 'byor gang yang khyod kyis bcom ldan 'das byang chub sems dpa' byang chub sems dpa' zhes bgyi na/ zhes smras pa de la/ rab 'byor de ji snyam du sems/ gzugs byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ tshor ba dang / 'du shes dang / 'du byed dang / rnam par shes pa byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ tshor ba dang / 'du shes dang / 'du byed dang / rnam par shes pa ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs la byang chub sems dpa' yod snyam 'am/ tshor ba dang / 'du shes dang / 'du byed dang / rnam par shes pa la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la gzugs yod snyam 'am/ byang chub sems dpa' la tshor ba dang / 'du shes dang / 'du byed dang / rnam par shes pa yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs med pa zhig byang chub sems dpa' yin snyam 'am/ tshor ba dang / 'du shes dang / 'du byed dang / rnam par shes pa med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ / bcom ldan 'das kyis bka' stsal pa/ rab 'byor de ji snyam du sems/ mig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ rna ba dang / sna dang / lce dang / lus dang / yid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig ma yin pa gzhan zhig byang chub sems dpa' yin snyam 'am/ rna ba dang / sna dang / lce dang / lus dang / yid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig la byang chub sems dpa' yod snyam 'am/ rna ba dang / sna dang / lce dang / lus dang / yid la byang chub sems dpa' yod snyam 'am/ gsol ba bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig byang chub sems dpa' la yod snyam 'am/ rna ba dang / sna dang / lce dang / lus dang / yid byang chub sems dpa' la yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig med pa zhig byang chub sems dpa' yin snyam 'am/ rna ba dang / sna dang / lce dang / lus dang / yid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal ba/ rab 'byor de ji snyam du sems/ gzugs byang chub sems dpa' yin snyam 'am/ sgra dang / dri dang / ro dang / reg bya dang / chos byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs ma yin pa gzhan zhig byang chub sems dpa' yin snyam 'am/ sgra dang / dri dang / ro dang / reg bya dang / chos ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs la byang chub sems dpa' yod snyam 'am/ sgra dang / dri dang / ro dang / reg bya dang / chos la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la gzugs yod snyam 'am/ byang chub sems dpa' la sgra dang / dri dang / ro dang / reg bya dang / chos yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs med pa zhig byang chub sems dpa' yin snyam 'am/ sgra dang / dri dang / ro dang / reg bya dang / chos med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams byang chub sems dpa' yin snyam 'am/ gzugs kyi khams byang chub sems dpa' yin snyam 'am/ /mig gi rnam par shes pa'i khams byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ rna ba'i khams dang / sgra'i khams dang / rna ba'i rnam par shes pa'i khams byang chub sems dpa' yin snyam 'am/ sna'i khams dang / dri'i khams dang / sna'i rnam par shes pa'i khams byang chub sems dpa' yin snyam 'am/ lce'i khams dang / ro'i khams dang / lce'i rnam par shes pa'i khams byang chub sems dpa' yin snyam 'am/ lus kyi khams dang / reg bya'i khams dang / lus kyi rnam par shes pa'i khams byang chub sems dpa' yin snyam 'am/ yid kyi khams dang / chos kyi khams dang / yid kyi rnam par shes pa'i khams byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams ma yin pa gzhan zhig byang chub sems dpa' yin snyam 'am/ gzugs kyi khams ma yin pa gzhan zhig byang chub sems dpa' yin snyam 'am/ mig gi rnam par shes pa'i khams ma yin pa gzhan zhig byang chub sems dpa' yin snyam 'am/ rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams ma yin pa gzhan zhig byang chub sems dpa' yin snyam 'am/ chos kyi khams ma yin pa gzhan zhig byang chub sems dpa' yin snyam 'am/ yid kyi rnam par shes pa'i khams ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams la byang chub sems dpa' yod snyam 'am/ gzugs kyi khams la byang chub sems dpa' yod snyam 'am/ mig gi rnam par shes pa'i khams la byang chub sems dpa' yod snyam 'am/ rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams la byang chub sems dpa' yod snyam 'am/ chos kyi khams la byang chub sems dpa' yod snyam 'am/ yid kyi rnam par shes pa'i khams la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la mig gi khams yod snyam 'am/ byang chub sems dpa' la gzugs kyi khams yod snyam 'am/ byang chub sems dpa' la mig gi rnam par shes pa'i khams yod snyam 'am/ byang chub sems dpa' la rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / byang chub sems dpa' la yid kyi khams yod snyam 'am/ byang chub sems dpa' la chos kyi khams yod snyam 'am/ byang chub sems dpa' la yid kyi rnam par shes pa'i khams yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems mig gi khams med pa zhig byang chub sems dpa' yin snyam 'am/ gzugs kyi khams med pa zhig byang chub sems dpa' yin snyam 'am/ mig gi rnam par shes pa'i khams med pa zhig byang chub sems dpa' yin snyam 'am/ rna ba'i khams med pa dang / sgra'i khams med pa dang / rna ba'i rnam par shes pa'i khams med pa dang / sna'i khams med pa dang / dri'i khams med pa dang / sna'i rnam par shes pa'i khams med pa dang / lce'i khams med pa dang / ro'i khams med pa dang / lce'i rnam par shes pa'i khams med pa dang / lus kyi khams med pa dang / reg bya'i khams med pa dang / lus kyi rnam par shes pa'i khams med pa dang / yid kyi khams med pa zhig byang chub sems dpa' yin snyam 'am/ chos kyi khams med pa zhig byang chub sems dpa' yin snyam 'am/ yid kyi rnam par shes pa'i khams med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ chu'i khams byang chub sems dpa' yin snyam 'am/ me'i khams dang / rlung gi khams dang / nam mkha'i khams dang / rnam par shes pa'i khams byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams ma yin pa gzhan zhig byang chub sems dpa' yin snyam 'am/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ma yin ba gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams la byang chub sems dpa' yod snyam 'am/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la sa'i khams yod snyam 'am/ byang chub sems dpa' la chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams med pa zhig byang chub sems dpa' yin snyam 'am/ chu'i khams med pa dang / me'i khams med pa dang / rlung gi khams med pa dang / nam mkha'i khams med pa dang / rnam par shes pa'i khams med pa zhig byang chub sems dpa' yin snyam 'am/ gsol ba bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa byang chub sems dpa' yin snyam 'am/ 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa ma yin pa gzhan zhig byang chub sems dpa' yin snyam 'am/ 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa la byang chub sems dpa' yod snyam 'am/ rga shi'i bar la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la ma rig pa yod snyam 'am/ byang chub sems dpa' la rga shi'i bar du yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa med pa zhig byang chub sems dpa' yin snyam 'am/ rga shi'i bar du med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid byang chub sems dpa' yin snyam 'am/ tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / rnam par shes pa'i de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid ma yin pa gzhan zhig byang chub sems dpa' yin snyam 'am/ tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / rnam par shes pa'i de bzhin nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid la byang chub sems dpa' yod snyam 'am/ tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / rnam par shes pa'i de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la gzugs kyi de bzhin nyid dang / tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid yod snyam 'am/ byang chub sems dpa' la rnam par shes pa'i de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid med pa zhig byang chub sems dpa' yin snyam 'am/ tshor ba'i de bzhin nyid med pa dang / 'du shes kyi de bzhin nyid med pa dang / 'du byed kyi de bzhin nyid med pa dang / rnam par shes pa'i de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi de bzhin nyid byang chub sems dpa' yin snyam 'am/ rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi de bzhin nyid ma yin pa gzhan zhig byang chub sems dpa' yod snyam 'am/ rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi de bzhin nyid la byang chub sems dpa' yod snyam 'am/ rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la mig gi de bzhin nyid yod snyam 'am/ byang chub sems dpa' la rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi de bzhin nyid med pa zhig byang chub sems dpa' yin snyam 'am/ rna ba'i de bzhin nyid med pa dang / sna'i de bzhin nyid med pa dang / lce'i de bzhin nyid med pa dang / lus kyi de bzhin nyid med pa dang / yid kyi de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid byang chub sems dpa' yin snyam 'am/ sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid dang / chos kyi de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid ma yin pa gzhan zhig byang chub sems dpa' yin snyam 'am/ sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid dang / chos kyi de bzhin nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid la byang chub sems dpa' yod snyam 'am/ sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid dang / chos kyi de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la gzugs kyi de bzhin nyid yod snyam 'am/ byang chub sems dpa' la sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid yod snyam 'am/ byang chub sems dpa' la chos kyi de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid med pa zhig byang chub sems dpa' yin snyam 'am/ sgra'i de bzhin nyid med pa dang / dri'i de bzhin nyid med pa dang / ro'i de bzhin nyid med pa dang / reg gi de bzhin nyid med pa dang / chos kyi de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams kyi de bzhin nyid byang chub sems dpa' yin snyam 'am/ gzugs kyi khams kyi de bzhin nyid byang chub sems dpa' yin snyam 'am/ mig gi rnam par shes pa'i khams kyi de bzhin nyid byang chub sems dpa' yin snyam 'am/ rna ba'i khams kyi de bzhin nyid dang / sgra'i khams kyi de bzhin nyid dang / rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid byang chub sems dpa' yin snyam 'am/ chos kyi khams kyi de bzhin nyid byang chub sems dpa' yin snyam 'am/ yid kyi rnam par shes pa'i khams kyi de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams kyi de bzhin nyid ma yin pa gzhan zhig byang chub sems dpa' yin snyam 'am/ gzugs kyi khams kyi de bzhin nyid dang / mig gi rnam par shes pa'i khams kyi de bzhin nyid dang / rna ba'i khams kyi de bzhin nyid dang / sgra'i khams kyi de bzhin nyid dang / rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid ma yin pa gzhan zhig byang chub sems dpa' yin snyam 'am/ chos kyi khams kyi de bzhin nyid ma yin pa gzhan zhig byang chub sems dpa' yin snyam 'am/ yid kyi rnam par shes pa'i khams kyi de bzhin nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams kyi de bzhin nyid la byang chub sems dpa' yod snyam 'am/ gzugs kyi khams kyi de bzhin nyid la byang chub sems dpa' yod snyam 'am/ mig gi rnam par shes pa'i khams kyi de bzhin nyid la byang chub sems dpa' yod snyam 'am/ rna ba'i khams kyi de bzhin nyid dang / sgra'i khams kyi de bzhin nyid dang / rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid la byang chub sems dpa' yod snyam 'am/ chos kyi khams kyi de bzhin nyid la byang chub sems dpa' yod snyam 'am/ yid kyi rnam par shes pa'i khams kyi de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la mig gi khams kyi de bzhin nyid yod snyam 'am/ byang chub sems dpa' la gzugs kyi khams kyi de bzhin nyid yod snyam 'am/ byang chub sems dpa' la mig gi rnam par shes pa'i khams kyi de bzhin nyid yod snyam 'am/ byang chub sems dpa' la rna ba'i khams kyi de bzhin nyid dang / sgra'i khams kyi de bzhin nyid dang / rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid yod snyam 'am/ byang chub sems dpa' la chos kyi khams kyi de bzhin nyid yod snyam 'am/ byang chub sems dpa' la yid kyi rnam par shes pa'i khams kyi de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams kyi de bzhin nyid med pa zhig byang chub sems dpa' yin snyam 'am/ gzugs kyi khams kyi de bzhin nyid med pa zhig byang chub sems dpa' yin snyam 'am/ mig gi rnam par shes pa'i khams kyi de bzhin nyid med pa zhig byang chub sems dpa' yin snyam 'am/ rna ba'i khams kyi de bzhin nyid med pa dang / sgra'i khams kyi de bzhin nyid med pa dang / rna ba'i rnam par shes pa'i khams kyi de bzhin nyid med pa dang / sna'i khams kyi de bzhin nyid med pa dang / dri'i khams kyi de bzhin nyid med pa dang / sna'i rnam par shes pa'i khams kyi de bzhin nyid med pa dang / lce'i khams kyi de bzhin nyid med pa dang / ro'i khams kyi de bzhin nyid med pa dang / lce'i rnam par shes pa'i khams kyi de bzhin nyid med pa dang / lus kyi khams kyi de bzhin nyid med pa dang / reg bya'i khams kyi de bzhin nyid med pa dang / lus kyi rnam par shes pa'i khams kyi de bzhin nyid med pa dang / yid kyi khams kyi de bzhin nyid med pa zhig byang chub sems dpa' yin snyam 'am/ chos kyi khams kyi de bzhin nyid med pa zhig byang chub sems dpa' yin snyam 'am/ yid kyi rnam par shes pa'i khams kyi de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams kyi de bzhin nyid byang chub sems dpa' yin snyam 'am/ chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid dang / rnam par shes pa'i khams kyi de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams kyi de bzhin nyid ma yin pa gzhan zhig byang chub sems dpa' yin snyam 'am/ chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid dang / rnam par shes pa'i khams kyi de bzhin nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams kyi de bzhin nyid la byang chub sems dpa' yod snyam 'am/ chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid dang / rnam par shes pa'i khams kyi de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la sa'i khams kyi de bzhin nyid dang / chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid yod snyam 'am/ byang chub sems dpa' la rnam par shes pa'i khams kyi de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams kyi de bzhin nyid med pa zhig byang chub sems dpa' yin snyam 'am/ chu'i khams kyi de bzhin nyid med pa dang / me'i khams kyi de bzhin nyid med pa dang / rlung gi khams kyi de bzhin nyid med pa dang / nam mkha'i khams kyi de bzhin nyid med pa dang / rnam par shes pa'i khams kyi de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa'i de bzhin nyid byang chub sems dpa' yin snyam 'am/ 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa'i de bzhin nyid ma yin pa gzhan zhig byang chub sems dpa' yin snyam 'am/ 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa'i de bzhin nyid la byang chub sems dpa' yod snyam 'am/ 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la ma rig pa'i de bzhin nyid dang / 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa'i de bzhin nyid med pa zhig byang chub sems dpa' yin snyam 'am/ 'du byed kyi de bzhin nyid med pa dang / rnam par shes pa'i de bzhin nyid med pa dang / ming dang gzugs kyi de bzhin nyid med pa dang / skye mched drug gi de bzhin nyid med pa dang / reg pa'i de bzhin nyid med pa dang / tshor ba'i de bzhin nyid med pa dang / sred pa'i de bzhin nyid med pa dang / len pa'i de bzhin nyid med pa dang / srid pa'i de bzhin nyid med pa dang / skye ba'i de bzhin nyid med pa dang / rga shi'i de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor khyod kyis don gyi dbang gang zhig mthong na/ de skad du gzugs kyang byang chub sems dpa' ma yin/ gzugs ma yin pa gzhan yang byang chub sems dpa' ma yin/ gzugs la byang chub sems dpa' yod pa ma yin/ byang chub sems dpa' la yang gzugs yod pa ma yin/ gzugs med pa yang byang chub sems dpa' ma yin/ tshor ba dang / 'du shes dang / 'du byed dang / rnam par shes pa yang byang chub sems dpa' ma yin/ rnam par shes pa ma yin pa gzhan yang byang chub sems dpa' ma yin/ rnam par shes pa la yang byang chub sems dpa' yod pa ma yin/ byang chub sems dpa' la yang rnam par shes pa yod pa ma yin/ rnam par shes pa med pa yang byang chub sems dpa' ma yin/ mig dang / rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg dang / chos dang / mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams dang / sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams dang / ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi byang chub sems dpa' ma yin/ rga shi ma yin pa gzhan yang byang chub sems dpa' ma yin/ rga shi la byang chub sems dpa' yongs pa ma yin/ byang chub sems dpa' la yang rga shi yod pa ma yin/ rga shi med pa yang byang chub sems dpa' ma yin/ gzugs kyi de bzhin nyid dang / tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / rnam par shes pa'i de bzhin nyid dang / mig gi de bzhin nyid dang / rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid dang / gzugs kyi de bzhin nyid dang / sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid dang / chos kyi de bzhin nyid dang / mig gi khams kyi de bzhin nyid dang / gzugs kyi khams kyi de bzhin nyid dang / mig gi rnam par shes pa'i khams kyi de bzhin nyid dang / rna ba'i khams kyi de bzhin nyid dang / sgra'i khams kyi de bzhin nyid dang / rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid dang / chos kyi khams kyi de bzhin nyid dang / yid kyi rnam par shes pa'i khams kyi de bzhin nyid dang / sa'i khams kyi de bzhin nyid dang / chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid dang / rnam par shes pa'i khams kyi de bzhin nyid dang / ma rig pa'i de bzhin nyid dang / 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid kyang byang chub sems dpa' ma yin/ rga shi'i de bzhin nyid ma yin pa gzhan yang byang chub sems dpa' ma yin/ rga shi'i de bzhin nyid la yang byang chub sems dpa' yod pa ma yin/ byang chub sems dpa' la yang rga shi'i de bzhin nyid yod pa ma yin/ rga shi'i de bzhin nyid med pa yang byang chub sems dpa' ma yin no zhes zer// //shes rab kyi pha rol du phyin pa stong phrag nyi shu lnga pa/ bam po brgyad pa/ rab 'byor gyis gsol pa/ bcom ldan 'das byang chub sems dpa' shin du ma mchis shing mi dmigs na/ de la gzugs kyi tshig byang chub sems dpar 'gyur ba lta ga la mchis/ gzugs ma lags pa gzhan byang chub sems dpar 'gyur ba lta yang ga la mchis/ gzugs la byang chub sems dpa' mchis par yang ga la 'gyur/ byang chub sems dpa' la gzugs ma mchis par yang ga la 'gyur/ gzugs ma mchis pa byang chub sems dpar 'gyur ba lta yang ga la mchis/ tshor ba dang / 'du shes dang / 'du byed dang / rnam par shes pa'i tshig byang chub sems dpar 'gyur ba lta ga la mchis/ rnam par shes pa ma lags pa gzhan byang chub sems dpar 'gyur ba lta yang ga la mchis/ rnam par shes pa la byang chub sems dpa' mchis par yang ga la 'gyur/ byang chub sems dpa' la rnam par shes pa mchis par yang ga la 'gyur/ rnam par shes pa ma mchis pa byang chub sems dpar 'gyur ba lta yang ga la mchis/ bcom ldan 'das byang chub sems dpa' shin du ma mchis shing mi dmigs na/ de la mig dang / rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg dang / chos dang / mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams dang / sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams dang / ma rig pa dang / 'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi'i tshig byang chub sems dpar 'gyur ba lta ga la mchis/ rga shi ma lags pa gzhan byang chub sems dpar 'gyur ba lta yang ga la mchis/ rga shi la byang chub sems dpa' mchis par yang ga la 'gyur/ byang chub sems dpa' la rga shi mchis par yang ga la 'gyur/ rga shi ma mchis pa byang chub sems dpar 'gyur ba lta yang ga la mchis/ bcom ldan 'das byang chub sems dpa' shin tu ma mchis shing mi dmigs na/ gzugs kyi de bzhin nyid kyi tshig byang chub sems dpar 'gyur ba lta ga la mchis/ gzugs kyi de bzhin nyid ma lags pa gzhan byang chub sems dpar 'gyur ba lta yang ga la mchis/ gzugs kyi de bzhin nyid la byang chub sems dpa' mchis par yang ga la 'gyur/ byang chub sems dpa' la gzugs kyi de bzhin nyid mchis par yang ga la 'gyur/ gzugs kyi de bzhin nyid ma mchis pa byang chub sems dpar 'gyur ba lta yang ga la mchis/ tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / rnam par shes pa'i de bzhin nyid dang / mig gi de bzhin nyid dang / rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid dang / gzugs kyi de bzhin nyid dang / sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid dang / chos kyi de bzhin nyid dang / mig gi khams kyi de bzhin nyid dang / gzugs kyi khams kyi de bzhin nyid dang / mig gi rnam par shes pa'i khams kyi de bzhin nyid dang / rna ba'i khams kyi de bzhin nyid dang / sgra'i khams kyi de bzhin nyid dang / rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid dang / chos kyi khams kyi de bzhin nyid dang / yid kyi rnam par shes pa'i khams kyi de bzhin nyid dang / sa'i khams kyi de bzhin nyid dang / chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid dang / rnam par shes pa'i khams kyi de bzhin nyid dang / ma rig pa'i de bzhin nyid dang / 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid kyi tshig byang chub sems dpar 'gyur ba lta ga la mchis/ rga shi'i de bzhin nyid ma lags pa gzhan byang chub sems dpar 'gyur ba lta yang ga la mchis/ rga shi'i de bzhin nyid la byang chub sems dpa' mchis par yang ga la 'gyur/ byang chub sems dpa' la rga shi'i de bzhin nyid mchis par yang ga la 'gyur/ rga shi'i de bzhin nyid ma mchis pa byang chub sems dpar 'gyur ba lta yang ga la mchis te/ de ni gnas ma mchis so/ /bcom ldan 'das kyis bka' stsal pa/ rab 'byor legs so legs so/ /rab 'byor byang chub sems dpa' sems dpa' chen pos sems can mi dmigs pas shes rab kyi pha rol tu phyin pa mi dmigs pa la de ltar bslab par bya'o/ /rab 'byor gang yang 'di skad du 'di lta ste/ byang chub sems dpa' zhes bya ba de chos gang gi tshig yin zhes zer ba ni/ rab 'byor de ji snyam du sems/ byang chub sems dpa' zhes bya ba 'di gzugs kyi tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba dang / 'du shes dang / 'du byed dang / rnam par shes pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs rtag pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs mi rtag pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba rtag pa dang / tshor ba mi rtag pa dang / 'du shes rtag pa dang / 'du shes mi rtag pa dang / 'du byed rtag pa dang / 'du byed mi rtag pa dang / rnam par shes pa rtag pa dang / rnam par shes pa mi rtag pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs bde ba'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs sdug bsngal ba'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba bde ba dang / tshor ba sdug bsngal ba dang / 'du shes bde ba dang / 'du shes sdug bsngal ba dang / 'du byed bde ba dang / 'du byed sdug bsngal ba dang / rnam par shes pa bde ba dang / rnam par shes pa sdug bsngal ba'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs bdag yod pa'i tshig yin snyam 'am/ gsol ba/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs bdag med pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba bdag yod pa dang / tshor ba bdag med pa dang / 'du shes bdag yod pa dang / 'du shes bdag med pa dang / 'du byed bdag yod pa dang / 'du byed bdag med pa dang / rnam par shes pa bdag yod pa dang / rnam par shes pa bdag med pa'i tshig yin snyam 'am/ gsol pa/ bcom ldan 'das de lta ma lags so/ / bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs zhi ba'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs ma zhi ba'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba zhi ba dang / tshor ba ma zhi ba dang / 'du shes zhi ba dang / 'du shes ma zhi ba dang / 'du byed zhi ba dang / 'du byed ma zhi ba dang / rnam par shes pa zhi ba dang / rnam par shes pa ma zhi ba'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyams du sems/ byang chub sems dpa' zhes bya ba 'di gzugs stong pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs mi stong pa'i tshig yin snyam 'am/ gsol pa/ bcom ldan 'das de lta ma lags so/ bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba stong ba dang / tshor ba mi stong pa dang / 'du shes stong pa dang / 'du shes mi stong ba dang / 'du byed stong pa dang / 'du byed mi stong pa dang / rnam par shes pa stong ba dang / rnam par shes pa mi stong ba'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs mtshan ma yod pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs mtshan ma med pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba mtshan ma yod pa dang / tshor ba mtshan ma med pa dang / 'du shes mtshan ma yod pa dang / 'du shes mtshan ma med pa dang / 'du byed mtshan ma yod pa dang / 'du byed mtshan ma med pa dang / rnam par shes pa mtshan ma yod pa dang / rnam par shes pa mtshan ma med pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs smon pa yod pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs smon pa med pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba smon pa yod pa dang / tshor ba smon pa med pa dang / 'du shes smon pa yod pa dang / 'du shes smon pa med pa dang / 'du byed smon pa yod pa dang / 'du byed smon pa med pa dang / rnam par shes pa smon pa yod pa dang / rnam par shes pa smon pa med pa'i tshig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor khyod don gyi dbang ci zhig la brten nas/ 'di skad du gzugs kyi tshig byang chub sems dpa' ma yin zhes zer/ de bzhin du tshor ba dang / 'du shes dang / 'du byed dang / rnam par shes pa'i tshig byang chub sems dpa' ma yin zhes zer/ de bzhin du gzugs rtag pa'i tshig ma yin/ gzugs mi rtag pa'i tshig ma yin/ gzugs bde ba'i tshig ma yin/ gzugs sdug bsngal ba'i tshig ma yin/ gzugs bdag yod pa'i tshig ma yin/ gzugs bdag med pa'i tshig ma yin/ gzugs zhi ba'i tshig ma yin/ gzugs ma zhi ba'i tshig ma yin/ gzugs stong ba'i tshig ma yin/ gzugs mi stong ba'i tshig ma yin/ gzugs mtshan ma yod pa'i tshig ma yin/ gzugs mtshan ma med pa'i tshig ma yin/ gzugs smon pa yod pa'i tshig ma yin/ gzugs smon pa med pa'i tshig ma yin/ de bzhin du/ tshor ba dang / 'du shes dang / 'du byed dang / rnam par shes pa rtag pa'i tshig ma yin/ rnam par shes pa mi rtag pa'i tshig ma yin/ rnam par shes pa bde ba'i tshig ma yin/ rnam par shes pa sdug bsngal ba'i tshig ma yin/ rnam par shes pa bdag yod pa'i tshig ma yin/ rnam par shes pa bdag med pa'i tshig ma yin/ rnam par shes pa zhi ba'i tshig ma yin/ rnam par shes pa ma zhi ba'i tshig ma yin/ rnam par shes pa stong ba'i tshig ma yin/ rnam par shes pa mi stong ba'i tshig ma yin/ rnam par shes pa mtshan ma yod pa'i tshig ma yin/ rnam par shes pa mtshan ma med pa'i tshig ma yin/ rnam par shes pa smon pa yod pa'i tshig ma yin/ rnam par shes pa smon pa med pa'i tshig byang chub sems dpa' ma yin zhes zer/ rab 'byor gyis gsol pa/ bcom ldan 'das gzugs shin du ma mchis shing mi dmigs na/ byang chub sems dpa' gzugs kyi tshig su 'gyur ba lta ga la mchis/ tshor ba shin tu ma mchis shing mi dmigs na/ byang chub sems dpa' tshor ba'i tshig su 'gyur ba lta ga la mchis/ 'du shes shin du ma mchis shing mi dmigs na/ byang chub sems dpa' 'du shes kyi tshig su 'gyur ba lta ga la mchis/ 'du byed shin tu ma mchis shing mi dmigs na/ byang chub sems dpa' 'du byed kyi tshig su 'gyur ba lta ga la mchis/ rnam par shes pa shin du ma mchis shing mi dmigs na/ byang chub sems dpa' rnam par shes pa'i tshig su 'gyur ba lta ga la mchis/ bcom ldan 'das rtag pa shin du ma mchis shing mi dmigs/ mi rtag pa shin du ma mchis shing mi dmigs na/ byang chub sems dpa' gzugs rtag pa'i tshig su 'gyur ba lta ga la mchis/ byang chub sems dpa' gzugs mi rtag pa'i tshig su 'gyur ba lta ga la mchis/ byang chub sems dpa' tshor ba rtag pa'i tshig su 'gyur ba lta ga la mchis/ tshor ba mi rtag pa'i tshig su 'gyur ba lta ga la mchis/ 'du shes rtag pa'i tshig su 'gyur ba lta ga la mchis/ 'du shes mi rtag pa'i tshig su 'gyur ba lta ga la mchis/ 'du byed rtag pa'i tshig su 'gyur ba lta ga la mchis/ 'du byed mi rtag pa'i tshig su 'gyur ba lta ga la mchis/ rnam par shes pa rtag pa'i tshig su 'gyur ba lta ga la mchis/ rnam par shes pa mi rtag pa'i tshig su 'gyur ba lta ga la mchis/ bcom ldan 'das de bzhin du bde ba shin du ma mchis shing mi dmigs/ sdug bsngal shin du ma mchis shing mi dmigs na/ byang chub sems dpa' gzugs bde ba'i tshig su 'gyur ba lta ga la mchis/ byang chub sems dpa' gzugs sdug bsngal ba'i tshig su 'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa bde ba'i tshig su 'gyur ba lta ga la mchis/ byang chub sems dpa' rnam par shes pa sdug bsngal ba'i tshig su 'gyur ba lta ga la mchis/ bcom ldan 'das bdag shin du ma mchis shing mi dmigs/ bdag med pa shin tu ma mchis shing mi dmigs na/ byang chub sems dpa' gzugs bdag yod pa'i tshig su 'gyur ba lta ga la mchis/ byang chub sems dpa' gzugs bdag med pa'i tshig su 'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa bdag yod pa'i tshig su 'gyur ba lta ga la mchis/ byang chub sems dpa' rnam par gshegs pa bdag med pa'i tshig su 'gyur ba lta ga la mchis/ bcom ldan 'das zhi ba shin tu ma mchis shing mi dmigs/ ma zhi ba shin du ma mchis shing mi dmigs na/ byang chub sems dpa' gzugs zhi ba'i tshig su 'gyur ba lta ga la mchis/ byang chub sems dpa' gzugs ma zhi ba'i tshig su 'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa zhi ba'i tshig su 'gyur ba lta ga la mchis/ byang chub sems dpa' rnam par shes pa ma zhi ba'i tshig su 'gyur ba lta ga la mchis/ bcom ldan 'das stong pa shin du ma mchis shing mi dmigs/ mi stong ba shin du ma mchis shing mi dmigs na/ byang chub sems dpa' gzugs stong ba'i tshig su 'gyur ba lta ga la mchis/ byang chub sems dpa' gzugs mi stong ba'i tshig su 'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa stong ba'i tshig su 'gyur ba lta ga la mchis/ byang chub sems dpa' rnam par shes pa mi stong ba'i tshig su 'gyur ba lta ga la mchis/ bcom ldan 'das mtshan ma yod pa shin du ma mchis shing mi dmigs/ mtshan ma med pa shin du ma mchis shing mi dmigs na/ byang chub sems dpa' gzugs mtshan ma yod pa'i tshig su 'gyur ba lta ga la mchis/ byang chub sems dpa' gzugs mtshan ma med pa'i tshig su 'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa mtshan ma yod pa'i tshig su 'gyur ba lta ga la mchis/ byang chub sems dpa' rnam par shes pa mtshan ma med pa'i tshig su 'gyur ba lta ga la mchis/ bcom ldan 'das smon pa yod pa shin du ma mchis shing mi dmigs/ smon pa med pa shin du ma mchis shing mi dmigs na/ byang chub sems dpa' gzugs smon pa yod pa'i tshig su 'gyur ba lta ga la mchis/ byang chub sems dpa' gzugs smon pa med pa'i tshig su 'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa smon pa yod pa'i tshig su 'gyur ba lta ga la mchis/ byang chub sems dpa' rnam par shes pa smon pa med pa'i tshig su 'gyur ba lta ga la mchis/ bcom ldan 'das kyis bka' stsal pa/ rab 'byor legs so legs so/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pa'i tshe/ gzugs kyi tshig mi dmigs pa dang / tshor ba dang / 'du shes dang / 'du byed dang / rnam par shes pa'i tshig mi dmigs pa dang / gzugs rtag pa'i tshig mi dmigs pa dang / gzugs mi rtag pa'i tshig mi dmigs pa dang / tshor ba dang / 'du shes dang / 'du byed dang / rnam par shes pa rtag pa'i tshig mi dmigs pa dang / rnam par shes pa mi rtag pa'i tshig mi dmigs pa dang / gzugs bde ba'i tshig mi dmigs pa dang / gzugs sdug bsngal ba'i tshig mi dmigs pa dang / tshor ba dang / 'du shes dang / 'du byed dang / rnam par shes pa bde ba'i tshig mi dmigs pa dang / rnam par shes pa sdug bsngal ba'i tshig mi dmigs pa dang / gzugs bdag yod pa'i tshig mi dmigs pa dang / gzugs bdag med pa'i tshig mi dmigs pa dang / tshor ba dang / 'du shes dang / 'du byed dang / rnam par shes pa bdag yod pa'i tshig mi dmigs pa dang / rnam par shes pa bdag med pa'i tshig mi dmigs pa dang / gzugs zhi ba'i tshig mi dmigs pa dang / gzugs ma zhi ba'i tshig mi dmigs pa dang / tshor ba dang / 'du shes dang / 'du byed dang / rnam par shes pa zhi ba'i tshig mi dmigs pa dang / rnam par shes pa ma zhi ba'i tshig mi dmigs pa dang / gzugs stong pa'i tshig mi dmigs pa dang / gzugs mi stong pa'i tshig mi dmigs pa dang / tshor ba dang / 'du shes dang / 'du byed dang / rnam par shes pa stong pa'i tshig mi dmigs pa dang / rnam par shes pa mi stong ba'i tshig bla dgas mi dmigs pa dang / gzugs mtshan ma yod pa'i tshig mi dmigs pa dang / gzugs mtshan ma med pa'i tshig mi dmigs pa dang / tshor ba dang / 'du shes dang / 'du byed dang / rnam par shes pa mtshan ma yod pa'i tshig mi dmigs pa dang / rnam par shes pa mtshan ma med pa'i tshig mi dmigs pa dang / gzugs smon pa yod pa'i tshig mi dmigs pa dang / gzugs smon pa med pa'i tshig mi dmigs pa dang / tshor ba dang / 'du shes dang / 'du byed dang / rnam par shes pa smon pa yod pa'i tshig mi dmigs pa dang / rnam par shes pa smon pa med pa'i tshig mi dmigs par shes rab kyi pha rol du phyin pa la bslab par bya'o/ /rab 'byor gang yang khyod 'di skad du bdag gis 'di lta ste/ byang chub sems dpa' zhes bya ba'i chos de lta bu yang dag par rjes su mi mthong ngo / /zhes zer ba ni/ rab 'byor chos kyis chos kyi dbyings yang dag par rjes su mi mthong ngo / /chos kyi dbyings kyis chos yang dag par rjes su mi mthong ste/ rab 'byor gzugs kyi dbyings kyis chos kyi dbyings yang dag par rjes su mi mthong ngo / /chos kyi dbyings kyis gzugs kyi dbyings yang dag par rjes su mi mthong ngo / /tshor ba'i dbyings kyis chos kyi dbyings yang dag par rjes su mi mthong ngo / /chos kyi dbyings kyis tshor ba'i dbyings yang dag par rjes su mi mthong ngo / /'du shes kyi dbyings kyis chos kyi dbyings yang dag par rjes su mi mthong ngo / / chos kyi dbyings kyis 'du shes kyi dbyings yang dag par rjes su mi mthong ngo / /'du byed kyi dbyings kyis chos kyi dbyings yang dag par rjes su mi mthong ngo / /chos kyi dbyings kyis 'du byed kyi dbyings yang dag par rjes su mi mthong ngo / /rnam par shes pa'i dbyings kyis chos kyi dbyings yang dag par rjes su mi mthong ngo / /chos kyi dbyings kyis rnam par shes pa'i dbyings yang dag par rjes su mi mthong ngo / /mig gi dbyings kyis chos kyi dbyings yang dag par rjes su mi mthong ngo / / chos kyi dbyings kyis mig gi dbyings yang dag par rjes su mi mthong ngo / /rna ba'i dbyings dang / sna'i dbyings dang / lce'i dbyings dang / lus kyi dbyings dang / yid kyi dbyings kyis chos kyi dbyings yang dag par rjes su mi mthong ngo / /chos kyi dbyings kyis yid kyi dbyings yang dag par rjes su mi mthong ngo / /rab 'byor 'dus byas kyi dbyings kyis 'dus ma byas kyi dbyings yang dag par rjes su mi mthong ngo / /'dus ma byas kyi dbyings kyis 'dus byas kyi dbyings yang dag par rjes su mi mthong ngo / / de ci'i phyir zhe na/ 'dus byas kyi dbyings ma yin par yang / 'dus ma byas kyi dbyings gdags par mi nus so/ /'dus ma byas kyi dbyings ma yin par yang 'dus byas kyi dbyings gdags par mi nus te/ rab 'byor de ltar na/ yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos gang yang yang dag par rjes su mi mthong ste/ /yang dag par rjes su ma mthong bas/ mi 'jigs mi sngang skrag par mi 'gyur zhing / de'i sems chos gang la yang zhum par mi 'gyur/ kun tu zhum par mi 'gyur/ yid 'gyod par mi 'gyur ro/ /rab 'byor de ci'i phyir zhe na/ 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs yang dag par rjes su mi mthong ngo / /tshor ba dang / 'du shes dang / 'du byed dang / rnam par shes pa yang dag par rjes su mi mthong ngo / /mig yang dag par rjes su mi mthong ngo / /rna ba dang / sna dang / lce dang / lus dang / yid yang dag par rjes su mi mthong ngo / /gzugs yang dag par rjes su mi mthong ngo / / sgra dang / dri dang / ro dang / reg dang / chos yang dag par rjes su mi mthong ngo / /sa'i khams yang dag par rjes su mi mthong ngo / /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams yang dag par rjes su mi mthong ngo / /ma rig pa yang dag par rjes su mi mthong ngo / /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi yang dag par rjes su mi mthong ngo / /'dod chags yang dag par rjes su mi mthong ngo / /zhe sdang dang / gti mug yang dag par rjes su mi mthong ngo / /bdag yang dag par rjes su mi mthong ngo / /sems can dang / srog dang / gso ba dang / skyes bu dang / gang zag dang / shed can dang / shed bdag dang / byed pa po dang / byed du 'jug pa po dang / tshor ba po dang / tshor bar byed pa po dang / shes pa po dang / mthong ba po yang dag par rjes su mi mthong ngo / /'dod pa'i khams yang dag par rjes su mi mthong ngo / /gzugs kyi khams yang dag par rjes su mi mthong ngo / /gzugs med pa'i khams yang dag par rjes su mi mthong ngo / /nyan thos kyi sems yang dag par rjes su mi mthong ngo / /rang sangs rgyas kyi sems yang dag par rjes su mi mthong ngo / byang chub sems dpa'i sems yang dag par rjes su mi mthong ngo / /nyan thos yang dag par rjes su mi mthong ngo / /nyan thos kyi chos yang dag par rjes su mi mthong ngo / /rang sangs rgyas yang dag par rjes su mi mthong ngo / /rang sangs rgyas kyi chos yang dag par rjes su mi mthong ngo / /byang chub sems dpa' yang dag par rjes su mi mthong ngo / /byang chub sems dpa'i chos yang dag par rjes su mi mthong ngo / /sangs rgyas yang dag par rjes su mi mthong ngo / /sangs rgyas kyi chos yang dag par rjes su mi mthong ngo / /byang chub yang dag par rjes su mi mthong ngo / /byang chub kyi chos yang dag par rjes su mi mthong ste/ 'jig rten pa dang / 'jig rten las 'das pa'i chos thams cad kyi bar du yang dag par rjes su mi mthong ngo / /de chos thams cad yang dag par rjes su ma mthong bas/ mi 'jigs mi sngang skrag par mi 'gyur ro/ /gsol pa/ bcom ldan 'das ci'i slad du byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad la sems zhum par mi 'gyur/ yongs su zhum par mi 'gyur ba lags/ bcom ldan 'das kyis bka' stsal pa/ rab 'byor de ni 'di ltar byang chub sems dpa' sems dpa' chen pos sems dang sems las byung ba'i chos yang dag par rjes su mi mthong ste/ rab 'byor de'i phyir byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad la sems zhum pa med cing yongs su zhum pa med do/ /gsol pa/ bcom ldan 'das ji ltar byang chub sems dpa' sems dpa' chen po yid yongs su skrag par mi 'gyur ba lags/ bcom ldan 'das kyis bka' stsal pa/ rab 'byor de ni 'di ltar byang chub sems dpa' sems dpa' chen pos yid dang / yid kyi khams yang dag par rjes su mi mthong ste/ rab 'byor de ltar na byang chub sems dpa' sems dpa' chen po'i yid yongs su skrag par mi 'gyur ro/ /rab 'byor byang chub sems dpa' sems dpa' chen pos de ltar chos thams cad mi dmigs pas/ shes rab kyi pha rol du phyin pa la bslab par bya ste/ rab 'byor gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab kyi pha rol du phyin pa de yang mi dmigs/ byang chub sems dpa' de yang mi dmigs/ byang chub sems dpa'i ming de yang mi dmigs/ byang chub kyi sems de yang mi dmigs na/ de nyid byang chub sems dpa' sems dpa' chen po'i gdams ngag yin te/ de nyid rjes su bstan pa yin no/ /shes rab kyi pha rol du phyin pa stong phrag nyi shu lnga pa las le'u gsum pa'o/ / //de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gzugs yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das tshor ba dang / 'du shes dang / 'du byed dang / rnam par shes pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das mig yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /rna ba dang / sna dang / lce dang / lus dang / yid yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das gzugs yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /sgra dang / dri dang / ro dang / reg dang / chos yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das mig gi rnam bar shes pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam bar shes pa dang / yid kyi rnam par shes pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das mig gi 'dus te reg pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das mig gi 'dus te reg pa'i rkyen gyis tshor ba yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yongs su rtogs par 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /bcom ldan 'das ma rig pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das 'dod chags dang / zhe sdang dang / gti mug spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /'jig tshogs su lta ba spang bar 'tshal ba dang / the tshom dang / tshul khrims dang / brtul zhugs snyems pa spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /'dod pa'i 'dod chags dang / gnod sems snang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /gzugs kyi 'dod chags dang / gzugs med pa'i 'dod chags spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /kun du sbyor ba dang / bag la nyal ba dang / kun nas ldang ba spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ / zas bzhi yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /sbyor ba bzhi dang / chu bo bzhi dang / mdud pa bzhi dang / nye bar len pa bzhi dang / phyin ci log bzhi spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /mi dge ba bcu'i las kyi lam spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /dge ba bcu'i las kyi lam yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bsam gtan bzhi yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /tshad med pa bzhi yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /gzugs med pa'i snyoms par 'jug pa bzhi yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /mngon par shes pa lnga yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /sbyin pa'i pha rol du phyin pa yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /nang stong pa nyid yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /dran pa nye bar gzhag pa bzhi yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /stong pa nyid dang / mtshan ma med pa dang / smon pa med pa yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /de bzhin gshegs pa'i stobs bcu yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /byang chub kyi yan lag dang ldan pa'i ting nge 'dzin la gnas te/ bsam gtan dang po las langs nas 'gog pa la mnyam par gzhag pa dang / de las langs nas/ bsam gtan gnyis pa la mnyam par gzhag pa dang / de las langs nas 'gog pa la mnyam par gzhag pa dang / de las langs nas bsam gtan gsum pa la mnyam par gzhag pa dang / de las langs nas 'gog pa la mnyam par gzhag pa dang / de las langs nas bsam gtan bzhi pa la mnyam par gzhag pa dang / de las langs nas 'gog pa la mnyam par gzhag pa dang / de las langs nas byams pa'i ting nge 'dzin la mnyam par gzhag pa dang / de las langs nas 'gog pa la mnyam par gzhag pa dang / de las langs nas snying rje'i ting nge 'dzin la mnyam par gzhag pa dang / de las langs nas 'gog pa la mnyam par gzhag pa dang / de las langs nas dga' ba'i ting nge 'dzin la mnyam par gzhag pa dang / de las langs nas 'gog pa la mnyam par gzhag pa dang / de las langs nas btang snyoms kyi ting nge 'dzin la mnyam par gzhag pa dang / de las langs nas 'gog pa la mnyam par gzhag pa dang / de las langs nas nam mkha' mtha' yas skye mched la mnyam par gzhag pa dang / de las langs nas 'gog pa la mnyam par gzhag pa dang / de las langs nas cung zad med pa'i skye mched la mnyam par gzhag pa dang / de las langs nas 'gog pa la mnyam par gzhag pa dang / de las langs nas rnam shes mtha' yas skye mched la mnyam par gzhag pa dang / de las langs nas 'gog pa la mnyam par gzhag pa dang / de las langs nas 'du shes med 'du shes med min skye mched la mnyam par gzhag par 'tshal ba dang / de las langs nas 'gog pa la mnyam par gzhag par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /seng ge rnam par bsgyings pa'i ting nge 'dzin la mnyam par gzhag par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /seng ge rnam par rtse ba'i ting nge 'dzin la mnyam par gzhag par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ / gzungs kyi sgo dang / ting nge 'dzin gyi sgo thams cad thob par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /dpa' bar 'gro ba'i ting nge 'dzin la mnyam par gzhag par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /rin chen phyag rgya'i ting nge 'dzin dang / zla ba'i 'od kyi ting nge 'dzin dang / zla ba'i rgyal mtshan dpal gyi ting nge 'dzin dang / chos thams cad kyi phyag rgyar gyur pa'i ting nge 'dzin dang / spyan ras gzigs kyi phyag rgya'i ting nge 'dzin dang / chos thams cad kyi dbyings su nges pa'i ting nge 'dzin dang / nges pa'i rgyal mtshan dpal gyi ting nge 'dzin dang / rdo rje lta bu'i ting nge 'dzin dang / chos thams cad la 'jug pa'i sgo'i ting nge 'dzin dang / ting nge 'dzin gyi rgyal po'i ting nge 'dzin dang / rgyal po'i phyag rgya'i ting nge 'dzin dang / dpung rnam par bkod pa'i ting nge 'dzin dang / yang dag par 'phags pa'i ting nge 'dzin dang / chos thams cad kyi nges pa'i tshig gdon mi za bar 'jug pa'i ting nge 'dzin dang / chos thams cad shes par gnas pa la 'jug pa'i ting nge 'dzin dang / phyogs bcur rnam par lta ba'i ting nge 'dzin dang / gzungs kyi sgo thams cad kyi phyag rgya'i ting nge 'dzin dang / chos thams cad mnyam pa med pa'i ting nge 'dzin dang / chos thams cad yang dag par 'du ba'i rang bzhin phyag rgya'i ting nge 'dzin dang / nam mkha'i gnas la gnas pa'i ting nge 'dzin dang / 'khor gsum yongs su dag pa'i ting nge 'dzin dang / mngon par shes pa mi nyams pa'i ting nge 'dzin dang / snod du gyur pa'i ting nge 'dzin dang / rgyal mtshan rtse mo'i dpung rgyan gyi ting nge 'dzin dang / nyon mongs pa thams cad ma lus par sreg pa'i ting nge 'dzin dang / bdud bzhi'i dpung sel ba'i ting nge 'dzin dang / ye shes sgron ma'i ting nge 'dzin dang / stobs bcu'i stobs kyis 'phags pa'i ting nge 'dzin dang / nam mkha' ltar chags pa med pa'i rnam par grol ba gos pa med pa'i ting nge 'dzin la mnyam par gzhag par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /de ltar de dag dang / ting nge 'dzin gyi sgo gzhan dag thob par 'tshal ba'i byang chub sems dpa' sems dpa' chen pos kyang shes rab kyi pha rol du phyin pa la bslab par bgyi'o/ /bcom ldan 'das gzhan yang sems can thams cad kyi bsam pa yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das gzhan yang dge ba'i rtsa ba gang yongs su rdzogs pas ngan song rnams su mi ltung zhing / rigs dma' bar mi skye ba dang / nyan thos kyis dang / rang sangs rgyas kyi sa la mi gnas pa dang / byang chub sems dpa'i skyon chen por mi ltung ba de lta bu'i dge ba'i rtsa ba yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /de nas tshe dang ldan pa sha ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor ji ltar na byang chub sems dpa' sems dpa' chen po skyon chen por ltung ba yin/ de skad ces smras pa dang / tshe dang ldan pa rab 'byor gyis/ tshe dang ldan pa sha ra dwa ti'i bu la 'di skad ces smras so/ /tshe dang ldan pa sha ra dwa ti'i bu nam byang chub sems dpa' sems dpa' chen po thabs mi mkhas pas pha rol du phyin pa drug la spyod cing / thabs mi mkhas pas/ stong pa nyid dang / mtshan ma med pa dang / smon pa med pa'i ting nge 'dzin la brten te/ nyan thos dang / rang sangs rgyas kyi sar yang mi ltung la/ byang chub sems dpa'i skyon med par yang mi 'jug pa 'di ni/ byang chub sems dpa' sems dpa' chen po'i skyon no/ /smras pa/ tshe dang ldan pa rab 'byor ci'i phyir na de byang chub sems dpa' sems dpa' chen po'i skyon du 'gyur/ rab 'byor gyis smras pa/ tshe dang ldan pa sha ra dwa ti'i bu/ byang chub sems dpa' sems dpa' chen po'i skyon zhes bya ba ni/ 'di lta ste/ chos la sred pa'o/ /smras pa/ tshe dang ldan pa rab 'byor chos la sred pa gang yin/ rab 'byor gyis smras pa/ tshe dang ldan pa sha ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs stong zhes bya bar mngon par chags shing gnas te 'du shes pa dang / tshor ba dang / 'du shes dang / 'du byed dang / rnam par shes pa stong zhes bya bar mngon par chags shing gnas te 'du shes pa 'di ni/ tshe dang ldan pa sha ra dwa ti'i bu byang chub sems dpa' sems dpa' chen po 'thun pa'i chos la sred pa ste/ skyon du 'gyur ba'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po gzugs mi rtag ces bya bar mngon par chags shing gnas te 'du shes pa dang / tshor ba dang / 'du shes dang / 'du byed dang / rnam par shes pa mi rtag ces bya bar mngon par chags shing gnas te 'du shes pa dang / gzugs sdug bsngal ba'o zhes bya ba dang / tshor ba dang / 'du shes dang / 'du byed dang / rnam par shes pa sdug bsngal ba'o zhes bya ba dang / gzugs bdag med ces bya ba dang / tshor ba dang / 'du shes dang / 'du byed dang / rnam par shes pa bdag med ces bya ba dang / gzugs zhi zhes bya ba dang / tshor ba dang / 'du shes dang / 'du byed dang / rnam par shes pa zhi zhes bya ba dang / gzugs stong zhes bya ba dang / tshor ba dang / 'du shes dang / 'du byed dang / rnam par shes pa stong zhes bya ba dang / gzugs mtshan ma med ces bya ba dang / tshor ba dang / 'du shes dang / 'du byed dang / rnam par shes pa mtshan ma med ces bya ba dang / gzugs smon pa med ces bya bar mngon par chags shing gnas te 'du shes pa dang / tshor ba dang / 'du shes dang / 'du byed dang / rnam par shes pa smon pa med ces bya bar mngon par chags shing gnas te 'du shes pa 'di ni/ tshe dang ldan pa sha ra dwa ti'i bu byang chub sems dpa' sems dpa' chen po'i 'thun pa'i chos la sred pa ste/ skyon du 'gyur ba'o/ /gzugs 'di spang bar bya'o/ /'dis gzugs spang bar bya'o/ /tshor ba dang / 'du shes dang / 'du byed dang / rnam par shes pa 'di spang bar bya'o/ /'dis rnam par shes pa spang bar bya'o/ /sdug bsngal 'di yongs su shes par bya'o/ /'dis sdug bsngal yongs su shes par bya'o/ /kun 'byung ba 'di spang bar bya'o/ /'dis kun 'byung ba spang bar bya'o/ /'gog pa 'di mngon du bya'o/ /'dis 'gog pa mngon du bya'o/ /lam 'di bsgom par bya'o/ /'dis lam bsgom par bya'o/ /'di ni kun nas nyon mongs pa'o/ /'di ni rnam par byang ba'o/ /chos 'di dag ni bsten par bya ba'o/ /chos 'di dag ni bsten par mi bya ba'o/ /'di la ni byang chub sems dpa' sems dpa' chen pos spyad par bya'o/ /'di la ni spyad par mi bya'o/ /'di ni byang chub sems dpa'i lam mo/ /'di ni lam ma yin no/ /'di ni byang chub sems dpa'i bslab pa'o/ /'di ni bslab pa ma yin no/ /'di ni byang chub sems dpa'i sbyin pa'i pha rol du phyin pa'o/ /'di ni sbyin pa'i pha rol du phyin pa ma yin no/ /'di ni tshul khrims kyi pha rol du phyin pa'o/ /'di ni tshul khrims kyi pha rol du phyin pa ma yin no/ / 'di ni bzod pa'i pha rol du phyin pa'o/ /'di ni bzod pa'i pha rol du phyin pa ma yin no/ /'di ni brtson 'grus kyi pha rol du phyin pa'o/ /'di ni brtson 'grus kyi pha rol du phyin pa ma yin no/ /'di ni bsam gtan gyi pha rol du phyin pa'o/ /'di ni bsam gtan gyi pha rol du phyin pa ma yin no/ /'di ni byang chub sems dpa'i shes rab kyi pha rol du phyin pa'o/ /'di ni shes rab kyi pha rol du phyin pa ma yin no/ /'di ni byang chub sems dpa'i thabs mkhas pa'o/ /'di ni thabs mkhas pa ma yin no/ / 'di ni byang chub sems dpa'i skyon med pa'o/ /'di ni skyon du 'gyur ba'o/ /zhes bya bar chos de dag la mngon par chags shing gnas te 'du shes pa 'di ni/ byang chub sems dpa' sems dpa' chen po'i 'thun pa'i chos la sred pa ste/ skyon du 'gyur ba'o/ /smras pa tshe dang ldan pa rab 'byor byang chub sems dpa' sems dpa' chen po'i skyon med pa gang yin/ rab 'byor gyis smras pa/ tshe dang ldan pa sha ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nang stong pa nyid la phyi stong pa nyid yang dag par rjes su mi mthong / phyi stong pa nyid la nang stong pa nyid yang dag par rjes su mi mthong / phyi stong pa nyid la phyi nang stong pa nyid yang dag par rjes su mi mthong / phyi nang stong pa nyid la phyi stong pa nyid yang dag par rjes su mi mthong / phyi nang stong pa nyid la stong pa nyid stong pa nyid yang dag par rjes su mi mthong / stong pa nyid stong pa nyid la phyi nang stong pa nyid yang dag par rjes su mi mthong / stong pa nyid stong pa nyid la chen po stong pa nyid yang dag par rjes su mi mthong / chen po stong pa nyid la stong pa nyid stong pa nyid yang dag par rjes su mi mthong / chen po stong pa nyid la don dam pa stong pa nyid yang dag par rjes su mi mthong / don dam pa stong pa nyid la chen po stong pa nyid yang dag par rjes su mi mthong / don dam pa stong pa nyid la 'dus byas stong pa nyid yang dag par rjes su mi mthong / 'dus byas stong pa nyid la don dam pa stong pa nyid yang dag par rjes su mi mthong / 'dus byas stong pa nyid la 'dus ma byas stong pa nyid yang dag par rjes su mi mthong / 'dus ma byas stong pa nyid la 'dus byas stong pa nyid yang dag par rjes su mi mthong / 'dus ma byas stong pa nyid la thog ma dang tha ma med pa stong pa nyid yang dag par rjes su mi mthong / thog ma dang tha ma med pa stong pa nyid la 'dus ma byas stong pa nyid yang dag par rjes su mi mthong / thog ma dang tha ma med pa stong pa nyid la dor ba med pa stong pa nyid yang dag par rjes su mi mthong / dor ba med pa stong pa nyid la thog ma dang tha ma med pa stong pa nyid yang dag par rjes su mi mthong / dor ba med pa stong pa nyid la mtha' las 'das pa stong pa nyid yang dag par rjes su mi mthong / mtha' las 'das pa stong pa nyid la dor ba med pa stong pa nyid yang dag par rjes su mi mthong / mtha' las 'das pa stong pa nyid la rang bzhin stong pa nyid yang dag par rjes su mi mthong / rang bzhin stong pa nyid la mtha' las 'das pa stong pa nyid yang dag par rjes su mi mthong / rang bzhin stong pa nyid la rang gi mtshan nyid stong pa nyid yang dag par rjes su mi mthong / rang gi mtshan nyid stong pa nyid la rang bzhin stong pa nyid yang dag par rjes su mi mthong / rang gi mtshan nyid stong pa nyid la chos thams cad stong pa nyid yang dag par rjes su mi mthong / chos thams cad stong pa nyid la rang gi mtshan nyid stong pa nyid yang dag par rjes su mi mthong / chos thams cad stong pa nyid la mi dmigs pa stong pa nyid yang dag par rjes su mi mthong / mi dmigs pa stong pa nyid la chos thams cad stong pa nyid yang dag par rjes su mi mthong / mi dmigs pa stong pa nyid la dngos po med pa stong pa nyid yang dag par rjes su mi mthong / dngos po med pa stong pa nyid la mi dmigs pa stong pa nyid yang dag par rjes su mi mthong / dngos po med pa stong pa nyid la ngo bo nyid stong pa nyid yang dag par rjes su mi mthong / ngo bo nyid stong pa nyid la dngos po med pa stong pa nyid yang dag par rjes su mi mthong / ngo bo nyid stong pa nyid la dngos po med pa'i ngo bo nyid stong pa nyid yang dag par rjes su mi mthong / dngos po med pa'i ngo bo nyid stong pa nyid la/ ngo bo nyid stong pa nyid yang dag par rjes su mi mthong ste/ tshe dang ldan pa sha ra dwa ti'i bu byang chub sems dpa' sems dpa' chen po de ltar shes rab kyi pha rol tu phyin pa la spyod na/ byang chub sems dpa'i skyon med par 'jug go /tshe dang ldan pa sha ra dwa ti'i bu gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam pa 'di ltar bslab par bya ste/ slob pa'i tshe ci nas kyang gzugs shes par byas te/ gzugs des rlom sems su mi bya'o/ /tshor ba dang / 'du shes dang / 'du byed dang / rnam par shes pa shes par bya ste/ tshor ba de dang / 'du shes de dang / 'du byed de dang / rnam par shes pa des rlom sems su mi bya'o/ /mig shes par byas te mig des rlom sems su mi bya'o/ /rna ba dang / sna dang / lce dang / lus dang / yid shes par byas te/ des rlom sems su mi bya'o/ /gzugs shes par byas te/ des rlom sems su mi bya'o/ /sgra dang / dri dang / ro dang / reg dang / chos shes par byas te/ des rlom sems su mi bya'o/ /mig gi rnam par shes pa shes par byas te/ des rlom sems su mi bya'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa shes par byas te/ des rlom sems su mi bya'o/ /mig gi 'dus te reg pa shes par byas te/ des rlom sems su mi bya'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa shes par byas te/ des rlom sems su mi bya'o/ /mig gi 'dus te reg pa'i rkyen gyis tshor ba shes par byas te/ des rlom sems su mi bya'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba shes par byas te/ des rlom sems su mi bya'o/ /sa'i khams shes par byas te/ des rlom sems su mi bya'o/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams shes par byas te/ des rlom sems su mi bya'o/ /ma rig pa shes par byas te/ des rlom sems su mi bya'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi shes par byas te/ des rlom sems su mi bya'o/ /sbyin pa'i pha rol du phyin pa shes par byas te/ des rlom sems su mi bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol tu phyin pa shes par byas te/ shes rab kyi pha rol du phyin pa des rlom sems su mi bya'o/ /nang stong pa nyid shes par bya ste/ nang stong pa nyid des rlom sems su mi bya'o/ /dngos po med pa'i ngo bo nyid stong pa nyid kyi bar du shes par byas te/ dngos po med pa'i ngo bo nyid stong pa nyid des rlom sems su mi bya'o/ /bsam gtan dang / tshad med pa dang / gzugs med pa'i snyoms par 'jug pa shes par byas te/ de dag gis lo rlom sems su mi bya'o/ /mngon par shes pa rnams shes par byas te/ de dag gis rlom sems su mi bya'o// //shes rab kyi pha rol du phyin pa stong phrag nyi shu lnga pa/ bam po dgu pa/ mig lnga shes par byas te/ de dag gis rlom sems su mi bya'o/ /dran pa nye bar gzhag pa rnams shes par byas te/ de dag gis rlom sems su mi bya'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa shes par byas te/ de dag gis rlom sems su mi bya'o/ /'phags pa'i bden pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / ting nge 'dzin rnams dang / gzungs kyi sgo rnams shes par byas te/ de dag gis rlom sems su mi bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad shes par byas te/ de dag gis rlom sems su mi bya'o/ /tshe dang ldan pa sha ra dwa ti'i bu byang chub sems dpa' sems dpa' chen po de ltar shes rab kyi pha rol du phyin pa la spyod pa'i tshe/ byang chub kyi sems des kyang rlom sems su mi bya'o/ /mi mnyam pa dang mnyam pa'i sems kyis rlom sems su mi bya'o/ /rlabs po che'i sems kyis rlom sems su mi bya'o/ /de ci'i phyir zhe na/ 'di ltar sems de sems ma yin te/ sems kyi rang bzhin 'od gsal ba'i phyir ro/ /smras pa/ tshe dang ldan pa rab 'byor sems kyi rang bzhin 'od gsal ba gang yin/ rab 'byor gyis smras pa/ tshe dang ldan pa sha ra dwa ti'i bu sems gang 'dod chags dang yang mi ldan ma bral/ zhe sdang dang / gti mug dang / kun nas ldang ba dang / sgrib pa dang / gcod pa dang / bag la nyal ba dang / kun du sbyor ba dang / lta ba'i rnam pa dang / nyan thos dang / rang sangs rgyas kyi sems dang yang mi ldan ma bral ba 'di ni/ tshe dang ldan pa sha ra dwa ti'i bu byang chub sems dpa' sems dpa' chen po'i sems kyi rang bzhin 'od gsal ba'o/ /smras pa/ tshe dang ldan pa rab 'byor sems gang la sems ma yin no zhes bya ba de yod dam/ rab 'byor gyis smras pa/ tshe dang ldan pa sha ra dwa ti'i bu de ltar sems ma yin pa de la yod pa'am med pa dmigs pa yod par 'gyur ram/ smras pa/ tshe dang ldan pa rab 'byor de lta ma yin no/ /rab 'byor gyis smras pa/ tshe dang ldan pa sha ra dwa ti'i bu gal te de ltar sems ma yin pa de la yod pa'am med pa zhes bya ba med cing mi dmigs na/ tshe dang ldan pa sha ra dwa ti'i bu khyod kyis de skad du sems gang la sems ma yin pa zhes bya ba de yod dam zhes phyir dris pa de 'thad par 'gyur ram/ smras pa/ tshe dang ldan pa rab 'byor sems ma yin pa gang yin/ rab 'byor gyis smras pa/ tshe dang ldan pa sha ra dwa ti'i bu sems ma yin pa ni 'gyur ba med cing rnam par rtog pa med pa ste/ de ni chos thams cad kyi de bzhin nyid de/ de la ni sems med pa/ bsam gyis mi khyab pa zhes bya'o/ /smras pa/ tshe dang ldan pa rab 'byor ci/ ji ltar sems la 'gyur ba med cing rnam par rtog pa med pa de bzhin du gzugs la yang 'gyur ba med cing rnam par rtog pa med pa yin nam/ de bzhin du tshor ba dang / 'du shes dang / 'du byed dang / rnam par shes pa la yang 'gyur ba med cing rnam par rtog pa med pa yin nam/ ji ltar sems la 'gyur ba med cing rnam par rtog pa med pa de bzhin du/ mig gi khams la yang 'gyur ba med cing rnam par rtog pa med pa yin nam/ gzugs kyi khams dang / mig gi rnam par shes pa'i khams la yang 'gyur ba med cing rnam par rtog pa med pa yin nam/ rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams la yang 'gyur ba med cing rnam par rtog pa med pa yin nam/ skye mched dang / phung po dang / khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams la yang 'gyur ba med cing rnam par rtog pa med pa yin nam/ byams pa chen po dang / snying rje chen po dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad la yang 'gyur ba med cing rnam par rtog pa med pa yin nam/ rnam pa thams cad mkhyen pa nyid kyi bar la yang 'gyur ba med cing rnam par rtog pa med pa yin nam/ rab 'byor gyis smras pa/ tshe dang ldan pa sha ra dwa ti'i bu de de bzhin te/ ji ltar sems la 'gyur ba med cing rnam par rtog pa med pa de bzhin du/ phung po dang / khams dang / skye mched drug dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa bzhi dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / byams pa chen po dang / snying rje chen po dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad dang / rnam pa thams cad mkhyen pa nyid kyi bar la yang 'gyur ba med cing rnam par rtog pa med do/ /de nas tshe dang ldan pa sha ra dwa ti'i bus/ tshe dang ldan pa rab 'byor la legs so zhes bya ba byin te/ tshe dang ldan pa rab 'byor legs so legs so/ /khyod ni bcom ldan 'das kyi sras thugs las skyes pa/ zhal nas byung ba/ chos las skyes pa/ chos kyis sprul pa/ chos kyi bgo skal ba/ zang zing gi bgo skal pa ma yin pa/ chos rnams la mngon sum gyi mig dang ldan pa/ lus mngon du gyur pa ste/ nyan thos nyon mongs pa med par rnam par spyod pa rnams kyi mchog tu/ bcom ldan 'das kyis gsungs te/ bstan pa 'di yang de'i tshul dang 'dra'o/ /tshe dang ldan pa rab 'byor byang chub sems dpa' sems dpa' chen pos kyang shes rab kyi pha rol du phyin pa la de bzhin du bslab par bya'o/ /byang chub sems dpa' sems dpa' chen po phyir mi ldog pa yang 'di las yongs su shes par bya'o/ /de ltar na byang chub sems dpa' sems dpa' chen po shes rab kyi pha rol du phyin pa dang ma bral bar shes par bya ste/ tshe dang ldan pa rab 'byor nyan thos kyi sa la slob par 'dod pas kyang / shes rab kyi pha rol du phyin pa 'di nyid nan tan du mnyan par bya'o/ /gzung bar bya'o/ /bcang bar bya'o/ / klag par bya'o/ /yongs su chub par bya'o/ /tshul bzhin du yid la bya'o/ /rang sangs rgyas kyi sa la slob par 'dod pas kyang / shes rab kyi pha rol du phyin pa 'di nyid nan tan du mnyan par bya'o/ /gzung bar bya'o/ /bcang bar bya'o/ /klag par bya'o/ / yongs su chub par bya'o/ /tshul bzhin du yid la bya'o/ /byang chub sems dpa'i sa dang / sangs rgyas kyi sa la slob par 'dod pa'i byang chub sems dpa' sems dpa' chen pos kyang shes rab kyi pha rol du phyin pa 'di nyid nan tan du mnyan par bya'o/ / gzung bar bya'o/ /bcang bar bya'o/ /klag par bya'o/ /yongs su chub par bya'o/ /tshul bzhin du yid la bya'o/ /de ci'i phyir zhe na/ shes rab kyi pha rol du phyin pa 'di las gang la byang chub sems dpa' sems dpa' chen po rnams dang / nyan thos dang / rang sangs rgyas rnams kyis rtag tu rgyun mi chad par bslab par bya ba'i theg pa gsum rgya cher bstan to/ /shes rab kyi pha rol du phyin pa stong phrag nyi shu lnga pa las le'u bzhi pa'o// //de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das de ltar bdag gis byang chub sems dpa' dang / shes rab kyi pha rol du phyin pa ma dmigs ma 'tshal te/ bcom ldan 'das de ltar bdag gis byang chub sems dpa' sems dpa' chen po dang / shes rab kyi pha rol du phyin pa ma dmigs/ ma 'tshal na/ byang chub sems dpa' sems dpa' chen po gang zhig shes rab kyi pha rol du phyin pa gang la gdams shing rjes su bstan par bgyi/ bcom ldan 'das de ltar bdag gis chos thams cad la 'phel ba dang 'grib pa ma dmigs ma 'tshal bar 'di lta ste/ ming tsam du byang chub sems dpa' zhe'am/ shes rab kyi pha rol du phyin pa zhes bgyi bar 'phel ba dang 'grib par bgyis na/ de nyid bdag gi 'gyod par 'gyur ro/ /bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis te/ bcom ldan 'das bdag gis gzugs kyi 'phel ba dang / 'grib pa ma dmigs yang dag par rjes su ma mthong / tshor ba dang / 'du shes dang / 'du byed dang / rnam par shes pa'i 'phel ba dang 'grib pa ma dmigs yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das rnam par shes pa'i ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis mig gi 'phel ba dang 'grib pa ma dmigs/ yang dag par rjes su ma mthong ste/ bcom ldan 'das de ltar bdag gis mig gi 'phel ba dang / 'grib pa ma dmigs yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das mig gi ming de yang gnas pa ma mchis thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis rna ba dang / sna dang / lce dang / lus dang / yid kyi 'phel ba dang 'grib pa ma dmigs/ yang dag par rjes su ma mthong ste/ bcom ldan 'das de ltar bdag gis yid kyi 'phel ba dang 'grib pa ma dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das yid kyi ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis gzugs kyi 'phel ba dang 'grib pa ma dmigs/ yang dag par rjes su ma mthong / sgra dang / dri dang / ro dang / reg dang / chos kyi 'phel ba dang / 'grib pa ma dmigs yang dag par rjes su ma mthong ste/ bcom ldan 'das de ltar bdag gis gzugs dang / sgra dang / dri dang / ro dang / reg dang / chos kyi 'phel ba dang 'grib pa ma dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis mig gi rnam par shes pa'i 'phel ba dang 'grib pa ma dmigs/ yang dag par rjes su ma mthong / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i 'phel ba dang 'grib pa ma dmigs/ yang dag par rjes su ma mthong ste/ bcom ldan 'das de ltar bdag gis mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i 'phel ba dang 'grib pa ma dmigs yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis mig gi 'dus te reg pa'i 'phel ba dang 'grib pa ma dmigs/ yang dag par rjes su ma mthong / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i 'phel ba dang / 'grib pa ma dmigs yang dag par rjes su ma mthong ste/ bcom ldan 'das de ltar bdag gis mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i 'phel ba dang / 'grib pa ma dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis mig gi 'dus te reg pa'i rkyen gyis tshor ba'i 'phel ba dang / 'grib pa ma dmigs/ yang dag par rjes su ma mthong / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor pa'i 'phel ba dang / 'grib pa ma dmigs yang dag par rjes su ma mthong ste/ bcom ldan 'das bdag gis de ltar mig gi 'dus te reg pa'i rkyen gyis tshor ba'i 'phel ba dang 'grib pa ma dmigs yang dag par rjes su ma mthong / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i 'phel ba dang / 'grib pa ma dmigs yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas de ltar na ming de gnas pa ma mchis thug pa ma mchis byin gyis brlabs pa ma mchis so/ /bcom ldan 'das bdag gis sa'i khams kyi 'phel ba dang / 'grib pa ma dmigs/ yang dag par rjes su ma mthong / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis ma rig pa'i 'phel ba dang 'grib pa ma dmigs yang dag par rjes su ma mthong / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi'i 'phel ba dang 'grib pa ma dmigs yang dag par rjes su ma mthong / ma rig pa 'gag pa'i 'phel ba dang / 'grib pa ma dmigs/ yang dag par rjes su ma mthong / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi 'gag pa'i 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis 'dod chags dang / zhe sdang dang / gti mug gis 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis lta ba'i rnam pa drug cu rtsa gnyis kyi 'phel ba dang / 'grib pa ma dmigs/ yang dag par rjes su ma mthong / bcom ldan 'das de ltar na bdag gis bdag gi 'phel ba dang 'grib pa ma dmigs/ yang dag par rjes su ma mthong / sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po'i 'phel ba dang 'grib pa ma dmigs/ yang dag par rjes su ma mthong ste/ bcom ldan 'das de ltar na bdag gis mthong ba po'i 'phel ba dang / 'grib pa ma dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis sbyin pa'i pha rol du phyin pa'i 'phel ba dang / 'grib pa ma dmigs/ yang dag par rjes su ma mthong / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i 'phel ba dang 'grib pa ma dmigs yang dag par rjes su ma mthong / bcom ldan 'das bdag gis nang stong pa nyid kyi 'phel ba dang 'grib pa ma dmigs/ yang dag par rjes su ma mthong / dngos po med pa'i ngo bo nyid stong pa nyid kyi bar gyi 'phel ba dang / 'grib pa ma dmigs/ yang dag par rjes su ma mthong / bcom ldan 'das bdag gis dran pa nye bar gzhag pa rnams kyi 'phel ba dang 'grib pa ma dmigs/ yang dag par rjes su ma mthong / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa'i 'phel ba dang 'grib pa ma dmigs yang dag par rjes su ma mthong / bcom ldan 'das bdag gis stong pa nyid dang / mtshan ma med pa dang / smon pa med pa'i 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi'i 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / lus kyi rnam pa rjes su dran pa dang / skyo ba rjes su dran pa'i 'phel ba dang 'grib pa ma dmigs yang dag par rjes su ma mthong / dbugs phyi nang du rgyu ba rjes su dran pa dang / 'chi ba rjes su dran pa'i 'phel ba dang 'grib pa ma dmigs yang dag par rjes su ma mthong / bcom ldan 'das bdag gis mig lnga dang / mngon par shes pa drug dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad kyi 'phel ba dang 'grib pa ma dmigs/ yang dag par rjes su ma mthong ste/ bcom ldan 'das de ltar bdag gis sangs rgyas kyi chos ma 'dres pa rnams kyi 'phel ba dang 'grib pa ma dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis thug pa ma mchis byin gyis brlabs pa ma mchis so/ /bcom ldan 'das bdag gis rmi lam lta bu'i nye bar len pa'i phung po lnga'i 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis dben pa'i 'phel ba dang 'grib pa ma dmigs/ yang dag par rjes su ma mthong / sgyu ma lta bu dang / sgra brnyan lta bu dang / mig yor lta bu dang / gzugs brnyan lta bu dang / smig rgyu lta bu dang / chu zla lta bu dang / sprul pa lta bu'i nye bar len pa'i phung po lnga'i 'phel ba dang 'grib pa ma dmigs yang dag par rjes su ma mthong / zhi ba dang / skye ba ma mchis pa dang / 'gag pa ma mchis pa dang / 'byung ba ma mchis pa dang / mngon par 'du bgyi ba ma mchis pa dang / kun nas nyon mongs pa ma mchis pa dang / rnam par byang ba ma mchis pa'i 'phel ba dang 'grib pa ma dmigs/ yang dag par rjes su ma mthong bcom ldan 'das bdag gis chos kyi dbyings kyi 'phel ba dang / 'grib pa ma dmigs/ yang dag par rjes su ma mthong / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings kyi 'phel ba dang 'grib pa ma dmigs yang dag par rjes su ma mthong / bcom ldan 'das bdag gis dge ba dang mi dge ba'i chos kyi 'phel ba dang 'grib pa ma dmigs yang dag par rjes su ma mthong / 'jig rten dang 'jig rten las 'das pa'i chos rnams kyi 'phel ba dang 'grib pa ma dmigs yang dag par rjes su ma mthong / 'dus byas dang 'dus ma byas kyi chos rnams kyi 'phel ba dang 'grib pa ma dmigs/ yang dag par rjes su ma mthong / zag pa dang bcas pa dang / zag pa ma mchis pa'i 'phel ba dang 'grib pa ma dmigs/ yang dag par rjes su ma mthong / 'das pa dang ma 'ongs pa dang da ltar byung ba'i chos rnams kyi 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis 'das pa ma mchis pa dang / ma 'ongs pa ma mchis pa dang / da ltar byung ba ma mchis pa'i 'phel ba dang / 'grib pa ma dmigs/ yang dag par rjes su ma mthong ste/ de la ci zhes bgyi zhe na/ de ni 'dus ma bgyis te/ 'dus ma bgyis pa ni 'das pa ma lags/ ma 'ongs pa ma lags/ da ltar byung ba ma lags so/ /bcom ldan 'das bdag gis 'dus ma bgyis kyi 'phel ba dang 'grib pa ma dmigs/ yang dag par rjes su ma mthong ste/ 'dus ma bgyis de yang gang zhe na/ gang la skye ba ma mchis/ gnas pa ma mchis/ 'jig pa ma mchis pa ste/ bcom ldan 'das bdag gis bcom ldan 'das kyi 'phel ba dang 'grib pa ma dmigs/ yang dag par rjes su ma mthong ngo / /bcom ldan 'das b dag gis shar phyogs kyi 'jig rten gyi khams gang+gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa byang chub sems dpa' dang bcas pa'i 'phel ba dang 'grib pa ma dmigs yang dag par rjes su ma mthong ngo / /bcom ldan 'das bdag gis lho dang / nub dang / byang dang / byang shar dang / shar lho dang / lho nub dang / nub byang dang / 'og dang steng gi phyogs kyi phyogs re re zhing 'jig rten gyi khams gang+gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa/ byang chub sems dpa' dang bcas pa'i 'phel ba dang 'grib pa ma dmigs yang dag par rjes su ma mthong ngo / /bcom ldan 'das de ltar bdag gis de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa/ byang chub sems dpa' dang bcas pa rnams kyi 'phel ba dang 'grib pa ma dmigs yang dag par rjes su ma mthong na/ byang chub sems dpa' gang zhig shes rab kyi pha rol du phyin pa gang la gdams shing rjes su bstan par bgyi/ shes rab kyi pha rol du phyin pa ni gang zhig btags par bstan par bgyi/ bcom ldan 'das de bzhin gshegs pa'i mtshan de yang gnas pa ma mchis/ thug pa ma mchis/ byin gyis brlabs pa ma mchis/ dge 'dun gyi ming de dang / byang chub sems dpa'i ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis chos thams cad kyi de bzhin nyid kyi 'phel ba dang 'grib pa mi dmigs yang dag par rjes su ma mthong ste/ bcom ldan 'das de ltar bdag gis chos thams cad kyi de bzhin nyid kyi 'phel ba dang 'grib pa ma dmigs yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das chos thams cad kyi de bzhin nyid kyi ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das gang yang 'di ltar 'di lta ste/ byang chub sems dpa' zhes chos kyi brdar bgyi ba dang / chos su gdags pa de yang phung po 'am/ khams sam/ skye mched dam/ sangs rgyas kyi chos ma 'dres pa brgyad kyi bar du gang du yang brjod du ma mchis te/ chos su gdags pa tsam du bas so/ /bcom ldan 'das 'di lta ste dper na/ rmi lam zhes bgyi ba'i ming ni gang gis kyang brjod du ma mchis so/ /sgyu ma dang / sgra brnyan dang / mig yor dang / smig rgyu dang / chu zla dang / de bzhin gshegs pa'i sprul pa zhes bgyi ba'i ming ni gang gis kyang brjod du ma mchis so/ /bcom ldan 'das 'di lta ste dper na/ nam mkha' zhes bgyi ba'i ming ni gang gis kyang brjod du ma mchis so/ /sa zhes bgyi ba'i ming ni gang gis kyang brjod du ma mchis so/ /chu dang / me dang / rlung zhes bgyi ba'i ming ni gang gis kyang brjod du ma mchis so/ /de bzhin nyid ces bgyi ba'i ming ni gang gis kyang brjod du ma mchis so/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' zhes bgyi ba'i ming ni gang gis kyang brjod du ma mchis so/ /sbyin pa'i pha rol du phyin pa zhes bgyi ba'i ming ni gang gis kyang brjod du ma mchis so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa zhes bgyi ba'i ming ni gang gis kyang brjod du ma mchis so/ /tshul khrims zhes bgyi ba'i ming ni gang gis kyang brjod du ma mchis so/ /ting nge 'dzin dang / shes rab dang / rnam par grol ba dang / rnam par grol ba'i ye shes mthong ba zhes bgyi ba'i ming ni gang gis kyang brjod du ma mchis so/ /rgyun du zhugs pa zhes bgyi ba'i ming ni gang gis kyang brjod du ma mchis so/ /rgyun du zhugs pa'i chos zhes bgyi ba'i ming ni gang gis kyang brjod du ma mchis so/ /lan cig phyir 'ong ba dang / phyir mi 'ong ba dang / dgra bcom pa zhes bgyi ba'i ming ni gang gis kyang brjod du ma mchis so/ /dgra bcom pa'i chos zhes bgyi ba'i ming ni gang gis kyang brjod du ma mchis so/ /rang sangs rgyas zhes bgyi ba'i ming ni gang gis kyang brjod du ma mchis so/ /rang sangs rgyas kyi chos zhes bgyi ba'i ming ni gang gis kyang brjod du ma mchis so/ /byang chub sems dpa' zhes bgyi ba'i ming ni gang gis kyang brjod du ma mchis so/ /byang chub sems dpa'i chos zhes bgyi ba'i ming ni gang gis kyang brjod du ma mchis so/ /yang dag par rdzogs pa'i sangs rgyas zhes bgyi ba'i ming ni gang gis kyang brjod du ma mchis te/ yang dag par rdzogs pa'i sangs rgyas kyi chos zhes bgyi ba'i ming de yang dge ba 'am mi dge ba 'am/ kha na ma tho ba dang bcas pa 'am/ kha na ma tho ba ma mchis pa 'am/ rtag pa'am mi rtag pa 'am/ bde ba'am sdug bsngal ba 'am/ bdag gi 'am/ bdag ma mchis pa 'am/ zhi ba 'am/ ma zhi ba 'am/ dben pa 'am/ mi dben pa 'am/ dngos po 'am/ dngos po ma mchis pa gang gis kyang brjod du ma mchis pas/ bcom ldan 'das bdag gis don gyi dbang de lta bu mthong ba'i slad du/ de skad du bdag gis chos thams cad kyi 'phel ba dang 'grib pa ma dmigs/ yang dag par rjes su ma mthong bzhin du 'di lta ste/ byang chub sems dpa' zhes bgyi ba'am/ shes rab kyi pha rol tu phyin pa zhes bgyi bar ming du gdags pa ni bdag gi 'gyod par 'gyur ro zhes gsol to/ /bcom ldan 'das de ltar ming de ni gnas pa ma mchis/ thug pa ma mchis/ byin gyis brlabs pa ma mchis pa ste/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis pa'o/ /bcom ldan 'das de ltar na byang chub sems dpa' sems dpa' chen po la shes rab kyi pha rol du phyin pa brjod de/ rnam pa 'di dag dang / tshul 'di dag dang / mtshan ma 'di dag gis bstan pa'i tshe/ sems zhum par mi 'gyur/ yongs su zhum par mi 'gyur zhing / 'gyod pa ma mchis la/ mi 'jigs/ mi sdang zhing / skrag par mi 'gyur na/ byang chub sems dpa' sems dpa' chen po de ni nges par phyir mi ldog pa'i byang chub sems dpa'i sa la gnas par rtogs par bgyi ste/ gnas pa zhes bgyi ba ni/ gnas pa ma mchis pa'i tshul lo/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ des gzugs la gnas par mi bgyi'o/ /tshor ba dang / 'du shes dang / 'du byed dang / rnam par shes pa la gnas par mi bgyi'o/ /des mig la gnas par mi bgyi'o/ /rna ba dang / sna dang / lce dang / lus dang / yid la gnas par mi bgyi'o/ /des gzugs la gnas par mi bgyi'o/ /sgra dang / dri dang / ro dang / reg dang / chos la gnas par mi bgyi'o/ /des mig gi rnam par shes pa la gnas par mi bgyi'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la gnas par mi bgyi'o/ /des mig gi 'dus te reg pa la gnas par mi bgyi'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la gnas par mi bgyi'o/ /des mig gi 'dus te reg pa'i rkyen gyis tshor ba la gnas par mi bgyi'o/ /des rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la gnas par mi bgyi'o/ /des sa'i khams la gnas par mi bgyi'o/ /des chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la gnas par mi bgyi'o/ /des ma rig pa la gnas par mi bgyi'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la gnas par mi bgyi'o/ /de ci'i slad du zhe na/ bcom ldan 'das de ni 'di ltar gzugs gzugs kyis stong ste/ gzugs kyi stong pa nyid gang lags pa de yang gzugs ma lags/ gzugs las gung na yang stong pa nyid ma mchis te/ gzugs nyid kyang stong pa nyid/ stong pa nyid kyang gzugs so/ /tshor ba tshor bas stong ste/ tshor ba'i stong pa nyid gang lags pa de yang tshor ba ma lags/ tshor ba las gung na yang stong pa nyid ma mchis te/ tshor ba nyid kyang stong pa nyid/ stong pa nyid kyang tshor ba'o/ /'du shes 'du shes kyis stong ste/ 'du shes kyi stong pa nyid gang lags pa de yang 'du shes ma lags/ 'du shes las gung na yang stong pa nyid ma mchis te/ 'du shes nyid kyang stong pa nyid/ stong pa nyid kyang 'du shes so/ /'du byed 'du byed kyis stong ste/ 'du byed kyi stong pa nyid gang lags pa de yang 'du byed ma lags/ 'du byed las gud na yang stong pa nyid ma mchis te/ 'du byed nyid kyang stong pa nyid stong pa nyid kyang 'du byed do/ /rnam par shes pa rnam par shes pas stong ste/ rnam par shes pa'i stong pa nyid gang lags pa de yang rnam par shes pa ma lags/ rnam par shes pa las gung na yang stong pa nyid ma mchis te/ rnam par shes pa nyid kyang stong pa nyid stong pa nyid kyang rnam par shes pa'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol tu phyin pa la gnas pa'i tshe/ des gzugs la gnas par mi bgyi'o/ tshor ba dang / 'du shes dang / 'du byed dang / rnam par shes pa la gnas par mi bgyi'o/ /bcom ldan 'das de yang 'di ltar mig mig gis stong ste/ mig gi stong pa nyid gang lags pa de yang mig ma lags/ mig las gung na yang stong pa nyid ma mchis te/ mig nyid kyang stong pa nyid/ stong pa nyid kyang mig go /rna ba rna bas stong ste/ rna ba'i stong pa nyid gang lags pa de yang rna ba ma lags/ rna ba las gud na yang stong pa nyid ma mchis te/ rna ba nyid kyang stong pa nyid/ stong pa nyid kyang rna ba'o/ /sna snas stong ste/ sna'i stong pa nyid gang lags pa de yang sna ma lags/ sna las gud na yang stong pa nyid ma mchis te/ sna nyid kyang stong pa nyid/ stong pa nyid kyang sna'o/ /lce lces stong ste/ lce'i stong pa nyid gang lags pa de yang lce ma lags/ lce las gud na yang stong pa nyid ma mchis te/ lce nyid kyang stong pa nyid/ stong pa nyid kyang lce'o/ /lus lus kyis stong ste/ lus kyi stong pa nyid gang lags pa de yang lus ma lags/ lus las gung na yang stong pa nyid ma mchis te/ lus nyid kyang stong pa nyid/ stong pa nyid kyang lus so/ /yid yid kyis stong ste/ yid kyi stong pa nyid gang lags pa de yang yid ma lags/ yid las gud na yang stong pa nyid ma mchis te/ yid nyid kyang stong pa nyid/ stong pa nyid kyang yid do/ /gzugs gzugs kyis stong ste/ gzugs kyi stong pa nyid gang lags pa de yang gzugs ma lags/ gzugs las gud na yang stong pa nyid ma mchis te/ gzugs nyid kyang stong pa nyid/ stong pa nyid kyang gzugs so/ / sgra sgras stong ste/ sgra'i stong pa nyid gang lags pa de yang sgra ma lags/ sgra las gud na yang stong pa nyid ma mchis te/ sgra nyid kyang stong pa nyid/ stong pa nyid kyang sgra'o/ /dri dris stong ste/ dri'i stong pa nyid gang lags pa de yang dri ma lags/ dri las gud na yang stong pa nyid ma mchis te/ dri nyid kyang stong pa nyid/ stong pa nyid kyang dri'o/ /ro ros stong ste/ ro'i stong pa nyid gang lags pa de yang ro ma lags/ ro las gud na yang stong pa nyid ma mchis te/ ro nyid kyang stong pa nyid stong pa nyid kyang ro'o/ /reg reg gis stong ste/ reg gi stong pa nyid gang lags pa de yang reg ma lags/ reg las gud na yang stong pa nyid ma mchis te/ reg nyid kyang stong pa nyid/ stong pa nyid kyang reg go /chos chos kyis stong ste/ chos kyi stong pa nyid gang lags pa de yang chos ma lags/ chos las gud na yang stong pa nyid ma mchis te/ chos nyid kyang stong pa nyid stong pa nyid kyang chos so/ /mig gi rnam par shes pa mig gi rnam par shes pas stong ste/ mig gi rnam par shes pa'i stong pa nyid gang lags pa de yang mig gi rnam par shes pa ma lags/ mig gi rnam par shes pa las gud na yang stong pa nyid ma mchis te/ mig gi rnam par shes pa nyid kyang stong pa nyid/ stong pa nyid kyang mig gi rnam par shes pa'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yid kyi rnam par shes pas stong ste/ yid kyi rnam par shes pa'i stong pa nyid gang lags pa de yang yid kyi rnam par shes pa ma lags/ yid kyi rnam par shes pa las gud na yang stong pa nyid ma mchis te/ yid kyi rnam par shes pa nyid kyang stong pa nyid/ stong pa nyid kyang yid kyi rnam par shes pa'o/ /mig gi 'dus te reg pa mig gi 'dus te reg pas stong ste/ mig gi 'dus te reg pa'i stong pa nyid gang lags pa de yang mig gi 'dus te reg pa ma lags/ mig gi 'dus te reg pa las gud na yang stong pa nyid ma mchis te/ mig gi 'dus te reg pa nyid kyang stong pa nyid/ stong pa nyid kyang mig gi 'dus te reg pa'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yid kyi 'dus te reg pas stong ste/ yid kyi 'dus te reg pa'i stong pa nyid gang lags pa de yang yid kyi 'dus te reg pa ma lags/ yid kyi 'dus te reg pa las gud na yang stong pa nyid ma mchis te/ yid kyi 'dus te reg pa stong pa nyid kyang stong pa nyid/ stong pa nyid kyang yid kyi 'dus te reg pa'o/ /mig gi 'dus te reg pa'i rkyen gyis tshor ba mig gi 'dus te reg pa'i rkyen gyis tshor bas stong ste/ mig gi 'dus te reg pa'i rkyen gyis tshor ba'i stong pa nyid gang lags pa de yang mig gi 'dus te reg pa'i rkyen gyis tshor ba ma lags/ mig gi 'dus te reg pa'i rkyen gyis tshor ba las gud na yang stong pa nyid ma mchis te/ mig gi 'dus te reg pa'i rkyen gyis tshor ba nyid kyang stong pa nyid stong pa nyid kyang mig gi 'dus te reg pa'i rkyen gyis tshor ba'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yid kyi 'dus te reg pa'i rkyen gyis tshor bas stong ste/ yid kyi 'dus te reg pa'i rkyen gyis tshor ba'i stong pa nyid gang lags pa de yang / yid kyi 'dus te reg pa'i rkyen gyis tshor ba ma lags/ yid kyi 'dus te reg pa'i rkyen gyis tshor ba las gud na yang stong pa nyid ma mchis te/ yid kyi 'dus te reg pa'i rkyen gyis tshor ba nyid kyang stong pa nyid/ stong pa nyid kyang yid kyi 'dus te reg pa'i rkyen gyis tshor ba'o/ /sa'i khams sa'i khams kyis stong ste/ sa'i khams kyi stong pa nyid gang lags pa de yang sa'i khams ma lags/ sa'i khams las gud na yang stong pa nyid ma mchis te/ sa'i khams nyid kyang stong pa nyid/ stong pa nyid kyang sa'i khams so/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rnam par shes pa'i khams kyis stong ste/ rnam par shes pa'i khams kyi stong pa nyid gang lags pa de yang rnam par shes pa'i khams ma lags/ rnam par shes pa'i khams las gud na yang stong pa nyid ma mchis te/ rnam par shes pa'i khams nyid kyang stong pa nyid/ stong pa nyid kyang rnam par shes pa'i khams so/ /bcom ldan 'das ma rig pa ma rig pas stong ste/ ma rig pa'i stong pa nyid gang lags pa de yang ma rig pa ma lags/ ma rig pa las gud na yang stong pa nyid ma mchis te/ ma rig pa nyid kyang stong pa nyid/ stong pa nyid kyang ma rig pa'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi rga shis stong ste/ rga shi'i stong pa nyid gang lags pa de yang rga shi ma lags/ rga shi las gud na yang stong pa nyid ma mchis te/ rga shi nyid kyang stong pa nyid/ stong pa nyid kyang rga shi'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ ma rig pa la gnas par mi bgyi'o/ / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa la gnas par mi bgyi ste/ de ci'i slad du zhe na/ bcom ldan 'das de ni 'di ltar sbyin pa'i pha rol du phyin pa/ sbyin pa'i pha rol du phyin pas stong ste/ sbyin pa'i pha rol du phyin pa'i stong pa nyid gang lags pa de yang sbyin pa'i pha rol du phyin pa ma lags/ sbyin pa'i pha rol du phyin pa las gud na yang stong pa nyid ma mchis te/ sbyin pa'i pha rol du phyin pa nyid kyang stong pa nyid/ stong pa nyid kyang sbyin pa'i pha rol du phyin pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas par mi bgyi ste/ de ci'i slad du zhe na/ de ni 'di ltar shes rab kyi pha rol du phyin pa shes rab kyi pha rol du phyin pas stong ste/ shes rab kyi pha rol du phyin pa'i stong pa nyid gang lags pa de yang shes rab kyi pha rol du phyin pa ma lags/ shes rab kyi pha rol du phyin pa las gud na yang stong pa nyid ma mchis te/ shes rab kyi pha rol du phyin pa nyid kyang stong pa nyid/ stong pa nyid kyang shes rab kyi pha rol du phyin pa'o/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ pha rol du phyin pa drug la gnas par mi bgyi'o/ / bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ dran pa nye bar gzhag pa bzhi la gnas par mi bgyi ste/ de ci'i slad du zhe na/ bcom ldan 'das de ni 'di ltar dran pa nye bar gzhag pa rnams/ dran pa nye bar gzhag pa rnams kyis stong ste/ dran pa nye bar gzhag pa'i stong pa nyid gang lags pa de yang dran pa nye bar gzhag pa rnams ma lags/ dran pa nye bar gzhag pa rnams las gud na yang stong pa nyid ma mchis te/ dran pa nye bar gzhag pa rnams kyang stong pa nyid/ stong pa nyid kyang dran pa nye bar gzhag pa rnams so/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / ting nge 'dzin dang / mngon par shes pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad la gnas par mi bgyi ste/ de ci'i slad du zhe na/ bcom ldan 'das de ni 'di ltar sangs rgyas kyi chos ma 'dres pa rnams sangs rgyas kyi chos ma 'dres pa rnams kyis stong ste/ sangs rgyas kyi chos ma 'dres pa rnams kyi stong pa nyid gang lags pa de yang sangs rgyas kyi chos ma 'dres pa rnams ma lags/ sangs rgyas kyi chos ma 'dres pa rnams las gud na yang stong pa nyid ma mchis te/ sangs rgyas kyi chos ma 'dres pa rnams kyang stong pa nyid/ stong pa nyid kyang sangs rgyas kyi chos ma 'dres ba rnams so/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ sangs rgyas kyi chos ma 'dres pa rnams la gnas par mi bgyi'o/ /bcom ldan 'das gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ yi ge rnams la gnas par mi bgyi ste/ yi ge mngon par bsgrub pa la gnas par mi bgyi'o/ /gcig tu brjod pa la gnas par mi bgyi/ gnyis su brjod pa la gnas par mi bgyi/ tha dad tu brjod pa la gnas par mi bgyi'o/ /de ci'i slad du zhe na/ bcom ldan 'das de ni 'di ltar yi ge rnams yi ge rnams kyis stong ste/ yi ge rnams kyi stong pa nyid gang lags pa de yang yi ge rnams ma lags/ yi ge rnams las gud na yang stong pa nyid ma mchis te/ yi ge rnams kyang stong pa nyid/ stong pa nyid kyang yi ge rnams so/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ yi ge rnams la gnas par mi bgyi'o/ /bcom ldan 'das gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ mngon par shes pa rnams la gnas par mi bgyi ste/ de ci'i slad du zhe na/ bcom ldan 'das de ni 'di ltar mngon par shes pa rnams mngon par shes pa rnams kyis stong ste/ mngon par shes pa rnams kyi stong pa nyid gang lags pa de yang / mngon par shes pa rnams ma lags/ mngon par shes pa rnams las gud na yang stong pa nyid ma mchis te/ mngon par shes pa nyid kyang stong pa nyid/ stong pa nyid kyang mngon par shes pa rnams so/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ mngon par shes pa rnams la gnas par mi bgyi'o/ /ting nge 'dzin dang / gzungs kyi sgo rnams la gnas par mi bgyi ste/ de ci'i slad du zhe na/ bcom ldan 'das de ni 'di ltar gzungs kyi sgo rnams gzungs kyi sgo rnams kyis stong ste/ gzungs kyi sgo rnams kyi stong pa nyid gang lags pa de yang gzungs kyi sgo rnams ma lags/ gzungs kyi sgo rnams las gud na yang stong pa nyid ma mchis te/ gzungs kyi sgo rnams kyang stong pa nyid/ stong pa nyid kyang gzungs kyi sgo rnams so/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzungs kyi sgo rnams la gnas par mi bgyi'o/ /bcom ldan 'das gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs mi rtag go zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs mi rtag pa/ gzugs mi rtag pa nyid kyis stong ste/ gzugs mi rtag pa nyid kyi stong pa nyid gang lags pa de yang gzugs mi rtag pa nyid ma lags/ gzugs mi rtag pa nyid las gud na yang stong pa nyid ma mchis te/ gzugs mi rtag pa nyid kyang stong pa nyid/ stong pa nyid kyang gzugs mi rtag pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs mi rtag go zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa mi rtag go zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar rnam par shes pa mi rtag pa/ rnam par shes pa mi rtag pa nyid kyis stong ste/ rnam par shes pa mi rtag pa nyid kyi stong pa nyid gang lags pa de yang rnam par shes pa mi rtag pa nyid ma lags/ rnam par shes pa mi rtag pa nyid las gud na yang stong pa nyid ma mchis te/ rnam par shes pa mi rtag pa nyid kyang stong pa nyid/ stong pa nyid kyang rnam par shes pa mi rtag pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa mi rtag go zhes bgyi bar gnas par mi bgyi'o/ /gzugs sdug bsngal lo zhes bgyi bar gnas par mi bgyi ste/ de ci'i slad du zhe na/ de ni 'di ltar gzugs sdug bsngal ba nyid/ gzugs sdug bsngal ba nyid kyis stong ste/ gzugs sdug bsngal ba nyid kyi stong pa nyid gang lags pa de yang gzugs sdug bsngal ba nyid ma lags/ gzugs sdug bsngal ba nyid las gud na yang / stong pa nyid ma mchis te/ gzugs sdug bsngal ba nyid kyang stong pa nyid/ stong pa nyid kyang gzugs sdug bsngal ba nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs sdug bsngal lo zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa sdug bsngal lo zhes bgyi bar gnas par mi bgyi ste/ de ci'i slad du zhe na/ de ni 'di ltar rnam par shes pa sdug bsngal ba nyid/ rnam par shes pa sdug bsngal ba nyid kyis stong ste/ rnam par shes pa sdug bsngal ba nyid kyi stong pa nyid gang lags pa de yang / rnam par shes pa sdug bsngal ba nyid ma lags/ rnam par shes pa sdug bsngal ba nyid las gud na yang stong pa nyid ma mchis te/ rnam par shes pa sdug bsngal ba nyid kyang stong pa nyid/ stong pa nyid kyang rnam par shes pa sdug bsngal ba nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa sdug bsngal lo zhes bgyi bar gnas par mi bgyi'o/ /gzugs bdag med do zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs bdag med pa nyid/ gzugs bdag med pa nyid kyis stong ste/ gzugs bdag med pa nyid kyi stong pa nyid gang lags pa de yang / gzugs bdag med pa nyid ma lags/ gzugs bdag med pa nyid las gud na yang stong pa nyid ma mchis te/ gzugs bdag med pa nyid kyang stong pa nyid/ stong pa nyid kyang gzugs bdag med pa nyid do/ /bcom ldan 'das rnam grangs des na/ byang chub sems dpa' sems dpa' chen pos/ shes rab kyi pha rol du phyin pa la spyod pa'i tshe/ gzugs bdag med do zhes bgyi bar gnas par mi bgyi'o/ / tshor ba dang / 'du shes dang / 'du byed dang / rnam par shes pa bdag med do zhes bgyi bar gnas par mi bgyi ste/ de ci'i slad du zhe na/ de ni 'di ltar rnam par shes pa bdag med pa nyid/ rnam par shes pa bdag med pa nyid kyis stong ste/ rnam par shes pa bdag med pa nyid kyi stong pa nyid gang lags pa de yang / rnam par shes pa bdag med pa nyid ma lags/ rnam par shes pa bdag med pa nyid las gud na yang stong pa nyid ma mchis te/ rnam par shes pa bdag med pa nyid kyang stong pa nyid/ stong pa nyid kyang rnam par shes pa bdag med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa bdag med do/ /zhes bgyi bar gnas par mi bgyi'o/ / //shes rab kyi pha rol du phyin pa stong phrag nyi shu lnga pa/ bam po bcu pa/ gzugs zhi'o zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs zhi ba nyid gzugs zhi ba nyid kyis stong ste/ gzugs zhi ba nyid kyi stong pa nyid gang lags pa de yang / gzugs zhi ba nyid ma lags/ gzugs zhi ba nyid las gud na yang stong pa nyid ma mchis te/ gzugs zhi ba nyid kyang stong pa nyid/ stong pa nyid kyang gzugs zhi ba nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs zhi'o zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa zhi'o zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar rnam par shes pa zhi ba nyid/ rnam par shes pa zhi ba nyid kyis stong ste/ rnam par shes pa zhi ba'i stong pa nyid gang lags pa de yang / rnam par shes pa zhi ba nyid ma lags/ rnam par shes pa zhi ba nyid las gud na yang stong pa nyid ma mchis te/ rnam par shes pa zhi ba nyid kyang stong pa nyid/ stong pa nyid kyang rnam par shes pa zhi ba nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa zhi ba'o zhes bgyi bar gnas par mi bgyi'o/ /gzugs stong ngo zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs stong pa nyid/ gzugs stong pa nyid kyis stong ste/ gzugs stong pa nyid kyi stong pa nyid gang lags pa de yang gzugs stong pa nyid ma lags/ gzugs stong pa nyid las gud na yang stong pa nyid ma mchis te/ gzugs stong pa nyid kyang stong pa nyid/ stong pa nyid kyang gzugs stong pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs stong ngo zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa stong ngo zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar rnam par shes pa stong pa nyid/ rnam par shes pa stong pa nyid kyis stong ste/ rnam par shes pa stong pa nyid kyi stong pa nyid gang lags pa de yang / rnam par shes pa stong pa nyid ma lags/ rnam par shes pa stong pa nyid las gud na yang stong pa nyid ma mchis te/ rnam par shes pa stong pa nyid kyang stong pa nyid/ stong pa nyid kyang rnam par shes pa stong pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa stong ngo zhes bgyi bar gnas par mi bgyi'o/ /gzugs mtshan ma med do zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs mtshan ma med pa nyid/ gzugs mtshan ma med pa nyid kyis stong ste/ gzugs mtshan ma med pa nyid kyi stong pa nyid gang lags pa de yang gzugs mtshan ma med pa nyid ma lags/ gzugs mtshan ma med pa nyid las gud na yang stong pa nyid ma mchis te/ gzugs mtshan ma med pa nyid kyang stong pa nyid/ stong pa nyid kyang gzugs mtshan ma med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs mtshan ma med do zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa mtshan ma med do zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar rnam par shes pa mtshan ma med pa nyid/ rnam par shes pa mtshan ma med pa nyid kyis stong ste/ rnam par shes pa mtshan ma med pa nyid kyi stong pa nyid gang lags pa de yang / rnam par shes pa mtshan ma med pa nyid ma lags/ rnam par shes pa mtshan ma med pa nyid las gud na yang / stong pa nyid ma mchis te/ rnam par shes pa mtshan ma med pa nyid kyang stong pa nyid/ stong pa nyid kyang rnam par shes pa mtshan ma med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa mtshan ma med do zhes bgyi bar gnas par mi bgyi'o/ /gzugs smon pa med do zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs smon pa med pa nyid/ gzugs smon pa med pa nyid kyis stong ste/ gzugs smon pa med pa nyid kyi stong pa nyid gang lags pa de yang / gzugs smon pa med pa nyid ma lags/ gzugs smon pa med pa nyid las gud na yang stong pa nyid ma mchis te/ gzugs smon pa med pa nyid kyang stong pa nyid/ stong pa nyid kyang gzugs smon pa med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs smon pa med do zhes bgyi bar gnas par mi bgyi'o/ /tshor ba dang / 'du shes dang 'du byed dang / rnam par shes pa smon pa med do zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar rnam par shes pa smon pa med pa nyid/ rnam par shes pa smon pa med pa nyid kyis stong ste/ rnam par shes pa smon pa med pa nyid kyi stong pa nyid gang lags pa de yang / rnam par shes pa smon pa med pa nyid ma lags/ rnam par shes pa smon pa med pa nyid las gud na yang / stong pa nyid ma mchis te/ rnam par shes pa smon pa med pa nyid kyang stong pa nyid/ stong pa nyid kyang rnam par shes pa smon pa med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ rnam par shes pa smon pa med do zhes bgyi bar gnas par mi bgyi'o/ /gzugs dben no zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs dben pa nyid/ gzugs dben pa nyid kyis stong ste/ gzugs dben pa nyid kyi stong pa nyid gang lags pa de yang / gzugs dben pa nyid ma lags/ gzugs dben pa nyid las gud na yang stong pa nyid ma mchis te/ gzugs dben pa nyid kyang stong pa nyid/ stong pa nyid kyang gzugs dben pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ gzugs dben no zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa dben no zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar rnam par shes pa dben pa nyid/ rnam par shes pa dben pa nyid kyis stong ste/ rnam par shes pa dben pa nyid kyi stong pa nyid gang lags pa de yang / rnam par shes pa dben pa nyid ma lags/ rnam par shes pa dben pa nyid las gud na yang / stong pa nyid ma mchis te/ rnam par shes pa dben pa nyid kyang stong pa nyid/ stong pa nyid kyang rnam par shes pa dben pa nyid do/ /bcom ldan 'das rnam grangs des na/ byang chub sems dpa' sems dpa' chen pos/ shes rab kyi pha rol du phyin pa la spyod pa'i tshe/ rnam par shes pa dben no zhes bgyi bar gnas par mi bgyi'o/ /bcom ldan 'das gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ de bzhin nyid la gnas par mi bgyi ste/ de ci'i slad du zhe na/ bcom ldan 'das de ni 'di ltar de bzhin nyid de bzhin nyid kyis stong ste/ de bzhin nyid kyi stong pa nyid gang lags pa de yang de bzhin nyid ma lags/ de bzhin nyid las gud na yang stong pa nyid ma mchis te/ de bzhin nyid kyang stong pa nyid/ stong pa nyid kyang de bzhin nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ de bzhin nyid la gnas par mi bgyi'o/ /chos nyid la gnas par mi bgyi ste/ de ci'i slad du zhe na/ bcom ldan 'das de ni 'di ltar chos nyid chos nyid kyis stong ste/ chos nyid kyi stong pa nyid gang lags pa de yang chos nyid ma lags/ chos nyid las gud na yang stong pa nyid ma mchis te/ chos nyid kyang stong pa nyid/ stong pa nyid kyang chos nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ chos nyid la gnas par mi bgyi'o/ /chos kyi dbyings la gnas par mi bgyi ste/ de ci'i slad du zhe na/ bcom ldan 'das de ni 'di ltar chos kyi dbyings/ chos kyi dbyings kyis stong ste/ chos kyi dbyings kyi stong pa nyid gang lags pa de yang chos kyi dbyings ma lags/ chos kyi dbyings las gud na yang stong pa nyid ma mchis te/ chos kyi dbyings kyang stong pa nyid/ stong pa nyid kyang chos kyi dbyings so/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ chos kyi dbyings la gnas par mi bgyi'o/ /chos skyon med pa nyid la gnas par mi bgyi ste/ de ci'i slad du zhe na/ bcom ldan 'das de ni 'di ltar chos skyon med pa nyid chos skyon med pa nyid kyis stong ste/ chos skyon med pa nyid kyi stong pa nyid gang lags pa de yang / chos skyon med pa nyid ma lags/ chos skyon med pa nyid las gud na yang stong pa nyid ma mchis te/ chos skyon med pa nyid kyang stong pa nyid/ stong pa nyid kyang chos skyon med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ chos skyon med pa nyid la gnas par mi bgyi'o/ /yang dag pa'i mtha' la gnas par mi bgyi ste/ de ci'i slad du zhe na/ bcom ldan 'das de ni 'di ltar yang dag pa'i mtha' yang dag pa'i mthas stong ste/ yang dag pa'i mtha'i stong pa nyid gang lags pa de yang / yang dag pa'i mtha' ma lags/ yang dag pa'i mtha' las gud na yang stong pa nyid ma mchis te/ yang dag pa'i mtha' nyid kyang stong pa nyid/ stong pa nyid kyang yang dag pa'i mtha' nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ yang dag pa'i mtha' la gnas par mi bgyi'o/ /bcom ldan 'das gal te byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ thabs mi mkhas pas/ bdag tu bgyi ba dang / bdag gir bgyi ba la gnas pa'i yid kyis gzugs la gnas na/ de gzugs mngon par 'du bgyi ba la spyod kyi/ shes rab kyi pha rol du phyin pa la mi spyod do/ /gal te tshor ba dang / 'du shes dang / 'du byed dang / rnam par shes pa la gnas na/ de rnam par shes pa mngon par 'du bgyi ba la spyod kyi/ shes rab kyi pha rol du phyin pa la mi spyod do/ /de ci'i slad du zhe na/ mngon par 'du bgyi ba la spyod pa'i byang chub sems dpa' sems dpa' chen pos ni/ shes rab kyi pha rol du phyin pa yongs su zin par mi 'gyur/ shes rab kyi pha rol du phyin pa'i rnal 'byor la snyoms par 'jug par mi 'gyur te/ shes rab kyi pha rol du phyin pa yongs su rdzogs par ma gyur par/ rnam pa thams cad mkhyen pa nyid du 'byung bar mi 'gyur ro/ /bcom ldan 'das gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mi mkhas pas/ bdag tu bgyi ba dang / bdag gir bgyi ba la gnas pa'i yid kyis/ yang dag pa'i mtha'i bar la gnas na/ de yang dag pa'i mtha'i mngon par 'du bgyi ba la spyod kyi/ shes rab kyi pha rol du phyin pa la mi spyod do/ /de ci'i slad du zhe na/ mngon par 'du bgyi ba la spyod pa'i byang chub sems dpa' sems dpa' chen pos ni/ shes rab kyi pha rol du phyin pa yongs su zin par mi 'gyur/ shes rab kyi pha rol du phyin pa'i rnal 'byor la snyoms par 'jug par mi 'gyur te/ shes rab kyi pha rol du phyin pa yongs su rdzogs par ma gyur par/ rnam pa thams cad mkhyen pa nyid du 'byung bar mi 'gyur ro/ /de ci'i slad du zhe na/ bcom ldan 'das 'di ltar gzugs ni yongs su bzung ba ma mchis pa ste/ gzugs kyi yongs su bzung ba ma mchis pa gang lags pa de yang rang bzhin gyis stong pa'i slad du gzugs ma lags/ tshor ba dang / 'du shes dang / 'du byed dang / rnam par shes pa ni yongs su bzung ba ma mchis pa ste/ rnam par shes pa'i yongs su bzung ba ma mchis pa gang lags pa de yang rang bzhin gyis stong pa'i slad du/ rnam par shes pa ma lags/ yang dag pa'i mtha'i bar du yongs su bzung ba ma mchis pa ste/ yang dag pa'i mtha'i yongs su bzung ba ma mchis pa gang lags pa de yang rang bzhin gyis stong pa'i slad du yang dag pa'i mtha' ma lags te/ shes rab kyi pha rol tu phyin pa de yang rang bzhin gyis stong ba'i slad du yongs su bzung ba ma mchis so/ /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ de ltar chos thams cad rang bzhin gyis stong pa nyid du yongs su brtag par bgyi ste/ ci nas kyang chos gang la yang yid rnam par mi rgyu ba de ltar yongs su brtag par bgyi'o/ /bcom ldan 'das 'di ni byang chub sems dpa' sems dpa' chen po'i ting nge 'dzin gyi dkyil 'khor chos thams cad yongs su ma bzung ba zhes bgyi ba ste/ rgya che ba/ phul du bgyi ba/ tshad ma mchis pa/ tshad ma mchis par nges pa/ nyan thos dang / rang sangs rgyas thams cad kyis mi 'phrogs shing / de dag dang thun mong ma lags pa ste/ ting nge 'dzin gyi dkyil 'khor de la spyod pa'i byang chub sems dpa' sems dpa' chen po ni/ rnam pa thams cad mkhyen pa nyid du 'byung bar 'gyur te/ rnam pa thams cad mkhyen pa nyid de yang nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi slad du/ yongs su bzung ba ma mchis pa'o/ /de ci'i slad du zhe na/ de ni mtshan mas brjod pa ma lags pa ste/ de ni 'di ltar mtshan ma las nyon mongs pa 'byung ste/ mtshan ma de dag gang zhe na/ gzugs ni mtshan ma'o/ /tshor ba ni mtshan ma'o/ /'du shes ni mtshan ma'o/ /'du byed ni mtshan ma'o/ /rnam par shes pa ni mtshan ma'o/ /mig ni mtshan ma'o/ /rna ba dang / sna dang / lce dang / lus dang / yid ni mtshan ma'o/ /gzugs ni mtshan ma'o/ /sgra dang / dri dang / ro dang / reg dang / chos ni mtshan ma'o/ /mig gi rnam par shes pa ni mtshan ma'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni mtshan ma'o/ /mig gi 'dus te reg pa ni mtshan ma'o/ /rna ba'i 'dus te reg pa dang / sna'i 'dus te reg padang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni mtshan ma'o/ /mig gi 'dus te reg pa las byung ba'i tshor ba ni mtshan ma'o/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba ni mtshan ma'o/ /sa'i khams ni mtshan ma'o/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni mtshan ma'o/ /ma rig pa ni mtshan ma'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi ni mtshan ma'o/ /sbyin pa'i pha rol du phyin pa ni mtshan ma'o/ / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni mtshan ma'o/ /nang stong pa nyid ni mtshan ma'o/ /phyi stong pa nyid dang / phyi nang stong pa nyid ni mtshan ma'o/ /dngos po med pa'i ngo bo nyid stong pa nyid kyi bar ni mtshan ma'o/ /dran pa nye bar gzhag pa rnams ni mtshan ma'o/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad ni mtshan ma'o/ /yi ge rnams ni mtshan ma'o/ /gcig tu brjod pa ni mtshan ma'o/ /gnyis su brjod pa ni mtshan ma'o/ /tha dad du brjod pa ni mtshan ma ste/ de ni nyon mongs pa zhes bgyi'o/ /gal te de shes rab kyi pha rol du phyin pa de mtshan mar bzung ba zhig lags na ni/ kun du rgyu ba phreng ba can yang thams cad mkhyen pa'i ye shes 'di la dad pa thob par mi 'gyur ro/ /dad pa gang zhe na/ 'di lta ste/ shes rab kyi pha rol du phyin pa la yid ches pa dang / rtog pa dang / mos pa dang / rten pa dang / sems pa dang / 'jal ba dang dpyod pa ste/ de yang mtshan ma'i tshul du ma lags/ mtshan ma mchis pa'i tshul du yang ma lags so/ /de ltar na de ni mtshan ma dang mtshan ma mchis pa dang / yongs su gzung ba ma mchis pas yongs su bzung ba lags te/ kun tu rgyu ba phreng ba can des kyang thams cad mkhyen pa'i ye shes 'di la mos par gyur nas/ dad pa'i rjes su 'brang bas nyi tshe ba'i ye shes kyis zhugs te/ de ltar zhugs nas gzugs yongs su ma bzung / tshor ba dang / 'du shes dang / 'du byed dang / rnam par shes pa yongs su ma bzung ngo / /de ni 'di ltar des rang gi mtshan nyid kyis stong pa'i chos thams cad la yongs su 'dzin pa ma dmigs te/ de ci'i slad du zhe na/ 'di ltar des ye shes de rtogs pa dang / thob par bgyi ba'i tshul gyis nang du yang dag par rjes su ma mthong / ye shes de rtogs pa dang / thob par bgyi ba'i tshul gyis phyi rol du yang dag par rjes su ma mthong / ye shes de rtogs pa dang / thob par bgyi ba'i tshul gyis phyi nang du yang dag par rjes su ma mthong / ye shes de rtogs pa dang / thob par bgyi ba'i tshul gyis de las gzhan du yang yang dag par rjes su ma mthong ngo / /de ci'i slad du zhe na/ 'di ltar des chos gang gis rtogs par bgyi ba dang / gang rtogs par bgyid pa dang / gang rtogs par bgyi ba de lta bu'i chos yang dag par rjes su ma mthong ste/ des ye shes de gzugs kyi nang du yang dag par rjes su ma mthong / ye shes de tshor ba dang / 'du shes dang / 'du byed dang / rnam par shes pa'i nang du yang dag par rjes su ma mthong / ye shes de gzugs kyi phyi rol du yang dag par rjes su ma mthong / ye shes de tshor ba dang / 'du shes dang / 'du byed dang / rnam par shes pa'i phyi rol du yang dag par rjes su ma mthong / ye shes de gzugs kyi phyi nang du yang dag par rjes su ma mthong / ye shes de tshor ba dang / 'du shes dang / 'du byed dang / rnam par shes pa'i phyi nang du yang dag par rjes su ma mthong / ye shes de gzugs ma lags pa gzhan du yang yang dag par rjes su ma mthong / ye shes de tshor ba dang / 'du shes dang / 'du byed dang / rnam par shes pa ma lags pa gzhan du yang yang dag par rjes su ma mthong / ye shes de yang dag pa'i mtha'i bar gyi nang du yang yang dag par rjes su ma mthong / ye shes de yang dag pa'i mtha'i phyi rol du yang dag par rjes su ma mthong / ye shes de yang dag pa'i mtha'i phyi nang du yang dag par rjes su ma mthong / ye shes de yang dag pa'i mtha' ma lags pa gzhan du yang yang dag par rjes su ma mthong ngo / /rnam grangs 'di la kun tu rgyu ba phreng ba can mos par gyur te/ de ltar mos par gyur na/ dad pa'i rjes su 'brang bas chos nyid tshad mar bgyis te/ chos thams cad mi dmigs pa'i slad du rnam pa thams cad mkhyen pa nyid kyi ye shes la zhugs par gyur te/ de de ltar mos par gyur nas/ des chos gang yang mtshan ma mchis pa dang / yid la bgyi ba ma mchis pa'i slad du yongs su gzung ba ma mchis te/ chos thams cad gzung du ma mchis/ gtang du ma mchis pa'i slad du/ yongs su gzung bar bgyi ba'am/ gtang bar bgyi ba de lta bu'i chos gang yang des ma dmigs te/ chos thams cad la rlom sems ma mchis pa'i slad du/ de ni mya ngan las 'das pas kyang rlom sems su 'gyur ba ma mchis so/ /bcom ldan 'das de ltar gang chos thams cad yongs su gzung ba ma mchis pa'i slad du/ gzugs yongs su mi 'dzin pa dang / tshor ba dang / 'du shes dang / 'du byed dang / rnam par shes pa yongs su mi 'dzin pa dang / chos thams cad yongs su gzung ba ma mchis pa'i slad du/ skye mched dang / khams dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad dang / mngon par 'du bgyi ba ma mchis pa dang / de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' yongs su mi 'dzin pa 'di ni pha rol ma mchis pa'i pha rol du phyin pas/ byang chub sems dpa' sems dpa' chen po rnams kyi pha rol du phyin pa'o/ /'on kyang smon lam yongs su ma rdzogs kyi bar du bar ma dor yongs su mya ngan las mi 'da' ste/ dran pa nye bar gzhag pa bzhi yongs su ma rdzogs/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag bdun dang / 'phags pa'i lam yan lag brgyad pa yongs su ma rdzogs/ 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad yongs su ma rdzogs par bar ma dor yongs su mya ngan las mi 'da'o/ /de ci'i slad du zhe na/ 'di ltar smon lam rnams ni smon lam ma lags/ dran pa nye bar gzhag pa rnams ni/ dran pa nye bar gzhag pa rnams ma lags/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad ni/ sangs rgyas kyi chos ma 'dres pa ma lags te/ de dag ni chos kyang ma lags/ chos ma lags pa yang ma lags so/ /bcom ldan 'das de ltar gang chos thams cad yongs su ma bzung ba'i slad du/ gzugs yongs su mi 'dzin pa dang / tshor ba dang / 'du shes dang / 'du byed dang / rnam par shes pa yongs su mi 'dzin pa dang / chos thams cad yongs su ma gzung ba'i slad du/ yang dag pa'i mtha'i bar du yongs su mi 'dzin pa 'di ni/ byang chub sems dpa' sems dpa' chen po'i shes rab kyi pha rol du phyin pa'o/ /bcom ldan 'das gzhan yang byang chub sems dpa' sems dpa' chen po/ shes rab kyi pha rol du phyin pa la spyod pa'i tshe/ rnam pa 'di ltar shes rab kyi pha rol du phyin pa ni gang / shes rab kyi pha rol du phyin pa 'di ni gang gi/ shes rab kyi pha rol du phyin pa 'di ni ci zhig /ci'i phyir na de la shes rab kyi pha rol du phyin pa zhes bya zhes yongs su brtag par bgyi ste/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ de de ltar yongs su rtog cing nye bar sems pa'i tshe/ chos gang med cing mi dmigs pa de ni shes rab kyi pha rol du phyin pa'o zhes gal te/ de ltar yang dag par rjes su mthong na/ de yang dag par rjes su mthong ba zhes bya ste/ de ci'i phyir zhe na/ bcom ldan 'das 'di ltar chos thams cad ni ma mchis/ mi dmigs so/ /gal te 'di ltar chos gang yod pa ma yin zhing mi dmigs pa de/ shes rab kyi pha rol du phyin pa yin nam zhes spyod na/ shes rab kyi pha rol du phyin pa la mi spyod do/ /de nas tshe dang ldan pa sha ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor chos gang rnams med cing mi dmigs pa yin/ rab 'byor gyis smras pa/ tshe dang ldan pa sha ra dwa ti'i bu/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi phyir/ shes rab kyi pha rol du phyin pa med cing mi dmigs so/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang med cing mi dmigs so/ /tshe dang ldan pa sha ra dwa ti'i bu/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi phyir/ gzugs med cing mi dmigs so/ /tshor ba dang 'du shes dang 'du byed dang rnam par shes pa med cing mi dmigs so/ /tshe dang ldan pa sha ra dwa ti'i bu/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi phyir/ skye mched rnams dang / khams rnams dang / rten cing 'brel bar 'byung ba med cing mi dmigs so/ /tshe dang ldan pa sha ra dwa ti'i bu/ nang stong pa nyid dang / dngos po med pa'i ngo bo nyid stong pa nyid kyi bar gyi phyir/ pha rol du phyin pa rnams med cing mi dmigs so/ /byang chub kyi phyogs kyi chos sum cu rtsa bdun med cing mi dmigs so/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad med cing mi dmigs so/ /nang stong pa nyid dang / dngos po med pa'i ngo bo nyid stong pa nyid kyi bar gyi phyir rgyun du zhugs pa'i 'bras bu med cing mi dmigs so/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid med cing mi dmigs so/ /nang stong pa nyid dang / dngos po med pa'i ngo bo nyid stong pa nyid kyi bar gyi phyir/ de bzhin nyid med cing mi dmigs so/ /chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' med cing mi dmigs so/ /nang stong pa nyid dang / dngos po med pa'i ngo bo nyid stong pa nyid kyi bar gyi phyir/ rgyun du zhugs pa yang med cing mi dmigs so/ / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / sangs rgyas kyang med cing mi dmigs so/ /tshe dang ldan pa sha ra dwa ti'i bu nang dmigs su med pa'i phyir/ nang stong pa nyid med cing mi dmigs so/ /phyi dmigs su med pa'i phyir/ phyi stong pa nyid med cing mi dmigs so/ /phyi nang dmigs su med pa'i phyir/ phyi nang stong pa nyid med cing mi dmigs so/ /dngos po med pa'i ngo bo nyid stong pa nyid kyi bar du dmigs su med pa'i phyir/ dngos po med pa'i ngo bo nyid stong pa nyid med cing mi dmigs so/ /tshe dang ldan pa sha ra dwa ti'i bu/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te de ltar rtog cing sems pa dang / de ltar rtog cing sems pa'i tshe/ sems zhum pa med cing yongs su zhum pa med la/ mi 'jigs mi sngang skrag par mi 'gyur na/ byang chub sems dpa' sems dpa' chen po/ shes rab kyi pha rol du phyin pa dang ma bral bar shes par bya'o/ /smras pa/ tshe dang ldan pa rab 'byor ci'i phyir na/ byang chub sems dpa' sems dpa' chen po/ shes rab kyi pha rol du phyin pa dang ma bral bar shes par bya/ rab 'byor gyis smras pa/ tshe dang ldan pa sha ra dwa ti'i bu/ gzugs ni gzugs kyi rang bzhin dang bral ba ste/ de byang chub sems dpa' sems dpa' chen po/ shes rab kyi pha rol du phyin pa la spyod pa'i tshe/ yang dag pa ji lta ba bzhin du rab tu shes so/ /tshor ba ni tshor ba'i rang bzhin dang bral ba/ 'du shes ni 'du shes kyi rang bzhin dang bral ba/ 'du byed ni 'du byed kyi rang bzhin dang bral ba/ rnam par shes pa ni rnam par shes pa'i rang bzhin dang bral ba ste/ de byang chub sems dpa' sems dpa' chen po shes rab kyi pha rol du phyin pa la spyod pa'i tshe/ yang dag pa ji lta ba bzhin du rab tu shes so/ /tshe dang ldan pa sha ra dwa ti'i bu/ skye mched dang / khams dang / rten cing 'brel bar 'byung ba ni/ rten cing 'brel bar 'byung ba'i rang bzhin dang bral ba/ sbyin pa'i pha rol du phyin pa ni/ sbyin pa'i pha rol du phyin pa'i rang bzhin dang bral ba/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni/ shes rab kyi pha rol du phyin pa'i rang bzhin dang bral ba/ nang stong pa nyid ni nang stong pa nyid kyi rang bzhin dang bral ba/ dngos po med pa'i ngo bo nyid stong pa nyid kyi bar du/ dngos po med pa'i ngo bo nyid stong pa nyid kyi rang bzhin dang bral ba/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden ba rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad ni/ sangs rgyas kyi chos ma 'dres pa brgyad kyi rang bzhin dang bral ba/ rgyun du zhugs pa ni rgyun du zhugs pa'i rang bzhin dang bral ba/ lan cig phyir 'ong ba dang / phyir mi 'ong ba dang / dgra bcom pa dang / rang byang chub dang / rnam pa thams cad mkhyen pa nyid kyi bar ni/ rnam pa thams cad mkhyen pa nyid kyi rang bzhin dang bral ba/ de bzhin nyid ni de bzhin nyid kyi rang bzhin dang bral ba/ ma nor ba de bzhin nyid dang gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' ni yang dag pa'i mtha' rang bzhin dang bral ba ste/ de byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ yang dag pa ji lta ba bzhin du rab tu shes so/ /tshe dang ldan pa sha ra dwa ti'i bu de'i phyir byang chub sems dpa' sems dpa' chen po shes rab kyi pha rol du phyin pa dang ma bral bar shes par bya'o/ /smras pa/ tshe dang ldan pa rab 'byor gzugs kyi rang bzhin ni ji lta bu/ tshor ba dang 'du shes dang 'du byed dang rnam par shes pa'i rang bzhin ni ji lta bu/ skye mched dang / khams dang / rten cing 'brel bar 'byung ba'i rang bzhin ni ji lta bu/ yang dag pa'i mtha'i bar gyi rang bzhin ni ji lta bu/ rab 'byor gyis smras pa/ tshe dang ldan pa sha ra dwa ti'i bu gzugs kyi rang bzhin ni dngos po med pa'o/ / tshor ba dang / 'du shes dang / 'du byed dang / rnam par shes pa'i rang bzhin ni dngos po med pa'o/ /skye mched dang / khams dang / rten cing 'brel par 'byung ba'i rang bzhin ni dngos po med pa'o/ /yang dag pa'i mtha'i bar gyi rang bzhin ni dngos po med pa'o/ /tshe dang ldan pa sha ra dwa ti'i bu rnam grangs des na/ 'di ltar gzugs la gzugs kyi rang bzhin med pa dang / tshor ba dang / 'du shes dang / 'du byed dang / rnam par shes pa la rnam par shes pa'i rang bzhin med pa dang / skye mched rnams la skye mched kyi/ rang bzhin med pa dang / khams rnams la khams kyi rang bzhin med pa dang / rten cing 'brel bar 'byung ba la/ rten cing 'brel bar 'byung ba'i rang bzhin med pa dang / yang dag pa'i mtha'i bar la yang dag pa'i mtha'i rang bzhin med par shes par bya'o/ /tshe dang ldan pa sha ra dwa ti'i bu gzhan yang gzugs la gzugs kyi mtshan nyid med do/ /tshor ba dang / 'du shes dang / 'du byed dang / rnam par shes pa la rnam par shes pa'i mtshan nyid med do/ /skye mched rnams la skye mched kyi mtshan nyid med do/ /khams rnams la khams kyi mtshan nyid med do/ /rten cing 'brel bar 'byung ba la rten cing 'brel bar 'byung ba'i mtshan nyid med do/ /yang dag pa'i mtha'i bar la yang dag pa'i mtha'i mtshan nyid med do/ /mtshan nyid la yang mtshan nyid kyi rang bzhin med do/ /mtshan nyid kyi rang bzhin la yang mtshan nyid kyi rang bzhin med do/ /smras pa/ tshe dang ldan pa rab 'byor byang chub sems dpa' sems dpa' chen po gang bslab pa 'di la slob pa de/ rnam pa thams cad mkhyen pa nyid du 'byung bar 'gyur ram/ rab 'byor gyis smras pa/ tshe dang ldan pa sha ra dwa ti'i bu de de bzhin te/ byang chub sems dpa' sems dpa' chen po gang bslab pa 'di la slob pa de ni rnam pa thams cad mkhyen pa nyid du 'byung bar 'gyur ro/ /de ci'i phyir zhe na/ tshe dang ldan pa sha ra dwa ti'i bu de ni 'di ltar chos thams cad ma skyes ma byung ba'i phyir ro/ /smras pa/ tshe dang ldan pa rab 'byor ji ltar na chos thams cad ma skyes ma byung ba yin/ rab 'byor gyis smras pa/ tshe dang ldan pa sha ra dwa ti'i bu gzugs gzugs kyis stong ste/ de la skye ba yang mi dmigs/ 'byung ba yang mi dmigs so/ /tshor ba dang / 'du shes dang / 'du byed dang / rnam par shes pa rnam par shes pas stong ste/ de la skye ba yang mi dmigs/ 'byung ba yang mi dmigs so/ /yang dag pa'i mtha'i bar du yang dag pa'i mthas stong ste/ de la skye ba yang mi dmigs/ 'byung ba yang mi dmigs so/ /tshe dang ldan pa sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ rnam pa thams cad mkhyen pa nyid dang nye ba yin te/ de ji lta ji ltar rnam pa thams cad mkhyen pa nyid du nye bar gyur pa de lta de ltar/ lus yongs su dag pa dang / ngag yongs su dag pa dang / sems yongs su dag pa dang / mtshan yongs su dag pa 'thob par 'gyur ro/ /de ji lta ji ltar lus yongs su dag pa dang / ngag yongs su dag pa dang / sems yongs su dag pa dang / mtshan yongs su dag pa thob par 'gyur ba de lta de ltar byang chub sems dpa' sems dpa' chen po de ni 'dod chags dang ldan pa'i sems mi skyed do/ /zhe sdang dang ldan pa dang / gti mug dang ldan pa dang / nga rgyal dang ldan pa dang / g.yo dang sgyu dang ldan pa dang / phrag dog dang ser sna dang ldan pa dang / sred pa dang ldan pa dang / lta ba dang ldan pa'i sems mi skyed do/ /de 'dod chags kyi sems mi skyed cing / zhe sdang dang / gti mug dang / nga rgyal dang / g.yo dang / sgyu dang / phrag dog dang ser sna dang / sred pa dang / lta ba dang ldan pa'i sems mi skyed pas/ nam yang ma'i mngal du skye bar mi 'gyur te/ khor zug rtag par rdzus te skye bar 'gyur ro/ /sems can yongs su smin par bya ba'i don ma gtogs par nam yang ngan song rnams su skye bar mi 'gyur ro/ /de sems can yongs su smin par bya ba dang / sangs rgyas kyi zhing yongs su dag par byed cing sangs rgyas kyi zhing nas sangs rgyas kyi zhing du 'gro ste nam bla na med pa yang dag par rdzogs pa'i byang chub tu mngon par rdzogs par sangs rgyas par gyur gyi bar du nam yang sangs rgyas bcom ldan 'das rnams dang bral bar mi 'gyur ro/ /de bas na tshe dang ldan pa sha ra dwa ti'i bu/ byang chub sems dpa' sems dpa' chen po yon tan dang legs pa 'di dag thob par 'dod pas/ shes rab kyi pha rol du phyin pa 'di nyid la brtson 'grus mi btang bar spyad par byas te/ tshe dang ldan pa sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ rnam pa thams cad mkhyen pa nyid du nye bar gyur pa yin no/ /shes rab kyi pha rol du phyin pa stong phrag nyi shu lnga pa las le'u lnga pa'o// //de nas tshe dang ldan pa rab 'byor gyis/ bcom ldan 'das la 'di skad ces gsol to/ / bcom ldan 'das gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mi mkhas pas/ gzugs la spyod na mtshan ma la spyod de/ shes rab kyi pha rol du phyin pa la spyod pa ma yin no/ /de bzhin du gal te tshor ba dang / 'du shes dang / 'du byed dang / rnam par shes pa la spyod na mtshan ma la spyod do/ /gal te gzugs rtag ces bgyi bar spyod na mtshan ma la spyod do/ /gal te tshor ba dang / 'du shes dang / 'du byed dang / rnam par shes pa rtag ces bgyi bar spyod na/ mtshan ma la spyod do/ /gal te gzugs mi rtag ces bgyi bar spyod na mtshan ma la spyod do/ /gal te tshor ba dang / 'du shes dang / 'du byed dang / rnam par shes pa mi rtag ces bgyi bar spyod na mtshan ma la spyod do/ /gal te gzugs bde zhes bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa bde zhes bgyi bar spyod na mtshan ma la spyod do/ /gal te gzugs sdug bsngal zhes bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa sdug bsngal zhes bgyi bar spyod na mtshan ma la spyod do/ /gal te gzugs bdag ces bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa bdag ces bgyi bar spyod na mtshan ma la spyod do/ /gal te gzugs bdag med ces bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa bdag med ces bgyi bar spyod na mtshan ma la spyod do/ /gal te gzugs zhi zhes bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa zhi zhes bgyi bar spyod na mtshan ma la spyod do/ /gal te gzugs ma zhi zhes bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa ma zhi zhes bgyi bar spyod na mtshan ma la spyod do/ /gal te gzugs dben zhes bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa dben zhes bgyi bar spyod na mtshan ma la spyod do/ /gal te gzugs mi dben zhes bgyi bar spyod na mtshan ma la spyod do/ /tshor ba dang 'du shes dang / 'du byed dang / rnam par shes pa mi dben zhes bgyi bar spyod na mtshan ma la spyod do/ /bcom ldan 'das gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mi mkhas pas/ skye mched dang / khams dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum cu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon bar shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad rtag pa dang / mi rtag pa dang / bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / dben ba dang / mi dben pa zhes bgyi bar spyod na mtshan ma la spyod do/ /shes rab kyi pha rol du phyin pa la spyod pa ma lags so/ /bcom ldan 'das gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di snyam du bdag ni shes rab kyi pha rol du phyin pa la spyod do zhes bgyi bar spyod na dmigs pa la spyod pa ste/ byang chub sems dpa' sems dpa' chen po de ni mtshan ma la spyod do/ /bcom ldan 'das gal te byang chub sems dpa' sems dpa' chen po 'di snyam du gang de ltar spyod pa ni/ shes rab kyi pha rol du phyin pa la spyod do/ /de ni shes rab kyi pha rol du phyin pa bsgom mo zhes bgyi bar spyod na yang mtshan ma nyid la spyod pa ste/ de ni byang chub sems dpa' sems dpa' chen po'i thabs mi mkhas par rig par bgyi'o/ /de nas tshe dang ldan pa sha ra dwa ti'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po'i thabs mi mkhas pa ji ltar rig par bya ba yin/ rab 'byor gyis smras pa/ tshe dang ldan pa sha ra dwa ti'i bu 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs la mos shing 'du shes te byin gyis rlob na/ de gzugs la mos shing 'du shes te byin gyis rlob pas/ gzugs mngon par 'du bya ba la spyod de/ de ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su mi 'grol/ sdug bsngal chen po las yongs su mi 'grol bar brjod do/ /tshor ba dang / 'du shes dang / 'du byed dang / rnam par shes pa la mos shing 'du shes te byin gyis rlob na/ de rnam par shes pa la mos shing 'du shes te byin gyis rlob pas/ rnam par shes pa mngon par 'du bya ba la spyod de/ de ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang sdug bsngal ba dang / yid mi bde ba dang / 'khrug pa las yongs su mi 'grol/ sdug bsngal chen po las yongs su mi 'grol bar brjod do/ /gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mig la mos shing 'du shes te byin gyis rlob/ rna ba dang / sna dang / lce dang / lus dang / yid la mos shing 'du shes te byin gyis rlob/ gzugs la mos shing 'du shes te byin gyis rlob/ sgra dang / dri dang / ro dang / reg dang / chos la mos shing 'du shes te byin gyis rlob/ mig gi rnam par shes pa la mos shing 'du shes te byin gyis rlob/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la mos shing 'du shes te byin gyis rlob/ mig gi 'dus te reg pa la mos shing 'du shes te byin gyis rlob/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la mos shing 'du shes te byin gyis rlob/ mig gi 'dus te reg pa'i rkyen gyis tshor ba la mos shing 'du shes te byin gyis rlob/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la mos shing 'du shes te byin gyis rlob/ ma rig pa la mos shing 'du shes te byin gyis rlob/ 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang len pa dang / srid pa dang skye ba dang / rga shi la mos shing 'du shes te byin gyis rlob/ pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams dang / mig lnga dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad la mos shing 'du shes te byin gyis rlob na/ de sangs rgyas kyi chos ma 'dres pa brgyad la mos shing 'du shes te byin gyis rlobs pas sangs rgyas kyi chos ma 'dres pa brgyad mngon par 'du bya ba la spyod de/ de ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su mi 'grol/ sdug bsngal chen po las yongs su mi 'grol bar brjod do/ /tshe dang ldan pa sha ra dwa ti'i bu byang chub sems dpa' sems dpa' chen po de ni nyan thos kyis 'am/ rang sangs rgyas kyis yang mngon du bya ba'i skal pa med na/ bla na med pa yang dag par rdzogs pa'i byang chub tu mngon par 'tshang rgya ba lta ci smos te de ni gnas med do/ / tshe dang ldan pa sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod na/ thabs mi mkhas par shes par bya'o/ /smras pa/ tshe dang ldan pa rab 'byor byang chub sems dpa' sems dpa' chen po shes rab kyi pha rol du phyin pa la ji ltar spyod na thabs mkhas par shes par bya/ rab 'byor gyis smras pa/ tshe dang ldan pa sha ra dwa ti'i bu nam byang chub sems dpa' sems dpa' chen po shes rab kyi pha rol du phyin pa la spyod cing / gzugs la mi spyod/ tshor ba dang / 'du shes dang / 'du byed dang / rnam par shes pa la yang mi spyod/ gzugs kyi mtshan ma la mi spyod/ tshor ba dang / 'du shes dang / 'du byed dang / rnam par shes pa'i mtshan ma la mi spyod/ gzugs rtag ces bya bar mi spyod/ gzugs mi rtag ces bya ba dang / gzugs bde zhes bya ba dang / gzugs sdug bsngal zhes bya ba dang / gzugs bdag ces bya ba dang / gzugs bdag med ces bya ba dang / gzugs zhi zhes bya ba dang / gzugs ma zhi zhes bya ba dang / gzugs stong zhes bya ba dang / gzugs mi stong zhes bya ba dang / gzugs mtshan ma yod ces bya ba dang / gzugs mtshan ma med ces bya ba dang / gzugs smon pa yod ces bya ba dang / gzugs smon pa med ces bya ba dang / gzugs dben zhes bya ba dang / gzugs mi dben zhes bya bar mi spyod pa dang / tshor ba dang / 'du shes dang / 'du byed dang / rnam par shes pa rtag ces bya bar mi spyod/ mi rtag ces bya ba dang / bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya ba dang / stong zhes bya ba dang / mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya ba dang / dben zhes bya ba dang / mi dben zhes bya bar mi spyod pa de'i tshe/ byang chub sems dpa' sems dpa' chen po thabs mkhas par shes par bya'o/ /de ci'i phyir zhe na/ tshe dang ldan pa sha ra dwa ti'i bu gzugs kyi stong pa nyid gang yin pa de yang gzugs ma yin/ stong pa nyid las gud na yang gzugs med/ gzugs las gud na yang stong pa nyid med de/ stong pa nyid kyang gzugs/ gzugs nyid kyang stong pa nyid do/ /tshor ba dang / 'du shes dang / 'du byed dang / rnam par shes pa'i stong pa nyid gang yin pa de yang rnam par shes pa ma yin/ stong pa nyid las gud na yang rnam par shes pa med/ rnam par shes pa las gud na yang stong pa nyid med de/ stong pa nyid kyang rnam par shes pa/ rnam par shes pa nyid kyang stong pa nyid do/ /skye mched dang / khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad kyi stong pa nyid gang yin pa de yang / sangs rgyas kyi chos rnams ma yin/ stong pa nyid las gud na yang sangs rgyas kyi chos rnams med/ sangs rgyas kyi chos rnams las gud na yang stong pa nyid med de/ stong pa nyid kyang sangs rgyas kyi chos rnams/ sangs rgyas kyi chos rnams kyang stong pa nyid do/ / tshe dang ldan pa sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ thabs mkhas par shes par bya'o// //shes rab kyi pha rol du phyin pa stong phrag nyi shu lnga pa/ bam po bcu gcig pa/ tshe dang ldan pa sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ bla na med pa yang dag par rdzogs pa'i byang chub tu mngon par 'tshang rgya ba'i skal ba yod do/ /de ni shes rab kyi pha rol du phyin pa la spyod kyang spyod do zhes bya bar mi dmigs so/ /mi spyod kyang mi spyod do zhes bya bar mi dmigs so/ /spyod kyang spyod la mi spyod kyang mi spyod ces bya bar mi dmigs so/ /spyod pa 'ang ma yin mi spyod pa 'ang ma yin zhes bya bar mi dmigs so/ /smras pa tshe dang ldan pa rab 'byor ci'i phyir na/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ spyod ces bya bar yang mi dmigs mi spyod ces bya bar yang mi dmigs/ spyod kyang spyod la mi spyod kyang mi spyod ces bya bar yang mi dmigs/ spyod pa yang ma yin/ mi spyod pa yang ma yin zhes bya bar yang mi dmigs pa yin/ rab 'byor gyis smras pa/ tshe dang ldan pa sha ra dwa ti'i bu de ni 'di ltar shes rab kyi pha rol du phyin pa'i rang bzhin mi dmigs pa'i phyir te/ de ci'i phyir zhe na/ 'di ltar shes rab kyi pha rol du phyin pa ni dngos po med pa'i rang bzhin te/ tshe dang ldan pa sha ra dwa ti'i bu rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ spyod do zhes bya bar yang mi dmigs so/ /mi spyod do zhes bya bar yang mi dmigs so/ /spyod kyang spyod la mi spyod kyang mi spyod do zhes bya bar yang mi dmigs so/ /spyod pa 'ang ma yin/ mi spyod pa 'ang ma yin no zhes bya bar yang mi dmigs so/ /de ci'i phyir zhe na/ 'di ltar des chos thams cad dngos po med pa'i rang bzhin du khong du chud cing ma blangs pa'i phyir te/ de ltar byang chub sems dpa' sems dpa' chen po shes rab kyi pha rol du phyin pa la spyod pa na/ gal te sems ma zhum/ kun tu ma zhum/ mi skrag /kun tu mi skrag /kun tu skrag par mi 'gyur na/ tshe dang ldan pa sha ra dwa ti'i bu byang chub sems dpa' sems dpa' chen po de ni rnam pa thams cad mkhyen pa nyid dang nye bar gyur par rig par bya'o/ /rnam pa thams cad mkhyen pa nyid de yang chos thams cad ngo bo nyid med pa'i phyir/ gnyis su med gnyis su byar med do/ /de ni byang chub sems dpa' sems dpa' chen po rnams kyi ting nge 'dzin chos thams cad skye ba med pa zhes bya ba ste/ rgya che ba mchog tu bya ba tshad med par nges pa/ nyan thos dang rang sangs rgyas thams cad kyis mi 'phrogs pa ste/ ting nge 'dzin des rnam par spyod pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /smras pa/ tshe dang ldan pa rab 'byor ting nge 'dzin 'di 'ba' zhig gis rnam par spyod pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par 'tshang rgya'am/ 'on te de lta bu'i ting nge 'dzin gzhan dag kyang yod/ rab 'byor gyis smras pa/ tshe dang ldan pa sha ra dwa ti'i bu ting nge 'dzin gzhan dag la rnam par spyod pas kyang byang chub sems dpa' sems dpa' chen po myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba yod do/ /smras pa/ tshe dang ldan pa rab 'byor ting nge 'dzin gzhan gang dag gis rnam par spyod pa'i byang chub sems dpa' sems dpa' chen po myur du bla na med pa yang dag par rdzogs pa'i byang chub tu mngon par rdzogs par 'tshang rgya ba yin rab 'byor gyis smras pa/ tshe dang ldan pa sha ra dwa ti'i bu byang chub sems dpa' sems dpa' chen po rnams kyi ting nge 'dzin dpa' bar 'gro ba zhes bya ba yod de/ ting nge 'dzin des rnam par spyod pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /de bzhin du rin chen phyag rgya zhes bya ba'i ting nge 'dzin yod do/ /seng ge rnam par rtse ba zhes bya ba'i ting nge 'dzin yod do/ /zla ba bzang po zhes bya ba'i ting nge 'dzin yod do/ /zla ba'i rgyal mtshan dpal zhes bya ba'i ting nge 'dzin yod do/ /chos thams cad las shin du 'phags pa zhes bya ba'i ting nge 'dzin yod do/ /chos thams cad kyi phyag rgya zhes bya ba'i ting nge 'dzin yod do/ /spyi gtsug rnam par lta ba zhes bya ba'i ting nge 'dzin yod do/ /chos kyi dbyings su nges pa zhes bya ba'i ting nge 'dzin yod do/ /nges pa'i rgyal mtshan dpal zhes bya ba'i ting nge 'dzin yod do/ /rdo rje zhes bya ba'i ting nge 'dzin yod do/ /chos thams cad la 'jug pa'i phyag rgya zhes bya ba'i ting nge 'dzin yod do/ /ting nge 'dzin la rgyal po ltar rab tu gnas pa zhes bya ba'i ting nge 'dzin yod do/ / 'od zer rab tu 'gyed pa zhes bya ba'i ting nge 'dzin yod do/ /dpung rnam par bkod pa zhes bya ba'i ting nge 'dzin yod do/ /yang dag par 'phags pa zhes bya ba'i ting nge 'dzin yod do/ /nges pa'i tshig la gdon mi za bar 'jug pa zhes bya ba'i ting nge 'dzin yod do/ /tshig la yang dag par 'jug pa zhes bya ba'i ting nge 'dzin yod do/ /phyogs rnam par lta ba zhes bya ba'i ting nge 'dzin yod do/ /phyag rgya yongs su 'dzin pa zhes bya ba'i ting nge 'dzin yod do/ /nyam pa med pa zhes bya ba'i ting nge 'dzin yod do/ /chos thams cad yang dag par 'du ba rgya mtsho'i phyag rgya zhes bya ba'i ting nge 'dzin yod do/ /nam mkha' rgyas par 'gengs pa zhes bya ba'i ting nge 'dzin yod do/ /rdo rje'i dkyil 'khor zhes bya ba'i ting nge 'dzin yod do/ /rgyal mtshan rtse mo'i dpung rgyan zhes bya ba'i ting nge 'dzin yod do/ /dbang po'i dpal zhes bya ba'i ting nge 'dzin yod do/ /rgyun gyi rjes su song ba zhes bya ba'i ting nge 'dzin yod do/ /seng ge rnam par bsgyings pa zhes bya ba'i ting nge 'dzin yod do/ /snrel zhi zhes bya ba'i ting nge 'dzin yod do/ /nyon mongs pa spong ba zhes bya ba'i ting nge 'dzin yod do/ /rnam par snang ba zhes bya ba'i ting nge 'dzin yod do/ /tshol ba med pa zhes bya ba'i ting nge 'dzin yod do/ /gnas la rten pa med pa zhes bya ba'i ting nge 'dzin yod do/ /sems med pa zhes bya ba'i ting nge 'dzin yod do/ /dri ma med pa'i sgron ma zhes bya ba'i ting nge 'dzin yod do/ /'od mtha' yas zhes bya ba'i ting nge 'dzin yod do/ /'od byed pa zhes bya ba'i ting nge 'dzin yod do/ /kun tu snang ba zhes bya ba'i ting nge 'dzin yod do/ /dag pa dam pa zhes bya ba'i ting nge 'dzin yod do/ /'od dri ma med pa zhes bya ba'i ting nge 'dzin yod do/ / dga' ba byed pa zhes bya ba'i ting nge 'dzin yod do/ /glog gi sgron ma zhes bya ba'i ting nge 'dzin yod do/ /zad mi shes pa zhes bya ba'i ting nge 'dzin yod do/ /mi pham pa zhes bya ba'i ting nge 'dzin yod do/ /gzi brjid yod pa zhes bya ba'i ting nge 'dzin yod do/ /zad pa dang bral ba zhes bya ba'i ting nge 'dzin yod do/ /mi g.yo ba zhes bya ba'i ting nge 'dzin yod do/ /'jigs pa med pa zhes bya ba'i ting nge 'dzin yod do/ /nyi ma'i sgron ma zhes bya ba'i ting nge 'dzin yod do/ /zla ba dri ma med pa zhes bya ba'i ting nge 'dzin yod do/ /shes rab sgron ma zhes bya ba'i ting nge 'dzin yod do/ /snang ba gsal ba zhes bya ba'i ting nge 'dzin yod do/ /snang ba byed pa zhes bya ba'i ting nge 'dzin yod do/ /bya ba byed pa zhes bya ba'i ting nge 'dzin yod do/ /ye shes dpal zhes bya ba'i ting nge 'dzin yod do/ /rdo rje lta bu zhes bya ba'i ting nge 'dzin yod do/ /sems gnas pa zhes bya ba'i ting nge 'dzin yod do/ /kun tu snang ba zhes bya ba'i ting nge 'dzin yod do/ /rab tu gnas pa zhes bya ba'i ting nge 'dzin yod do/ /rin chen mtha' zhes bya ba'i ting nge 'dzin yod do/ /chos dam pa'i phyag rgya zhes bya ba'i ting nge 'dzin yod do/ / chos thams cad mnyam pa nyid ces bya ba'i ting nge 'dzin yod do/ /dga' ba spong ba zhes bya ba'i ting nge 'dzin yod do/ /chos kyi 'phags pa zhes bya ba'i ting nge 'dzin yod do/ /rnam par 'thor ba zhes bya ba'i ting nge 'dzin yod do/ /chos thams cad kyi tshig rab tu 'byed pa zhes bya ba'i ting nge 'dzin yod do/ /yi ge mnyam par 'god pa zhes bya ba'i ting nge 'dzin yod do/ /yi ge dang bral ba zhes bya ba'i ting nge 'dzin yod do/ /dmigs pa gcod pa zhes bya ba'i ting nge 'dzin yod do/ /'gyur ba med pa zhes bya ba'i ting nge 'dzin yod do/ /rnam pa med pa zhes bya ba'i ting nge 'dzin yod do/ /ming nges par 'jug pa zhes bya ba'i ting nge 'dzin yod do/ /gnas med par spyod pa zhes bya ba'i ting nge 'dzin yod do/ /rab rib med pa zhes bya ba'i ting nge 'dzin yod do/ /spyod pa dang ldan pa zhes bya ba'i ting nge 'dzin yod do/ / g.yo ba med pa zhes bya ba'i ting nge 'dzin yod do/ /yul las rgal ba zhes bya ba'i ting nge 'dzin yod do/ /yon tan thams cad kyi tshogs su gyur pa zhes bya ba'i ting nge 'dzin yod do/ /sems med par gnas pa zhes bya ba'i ting nge 'dzin yod do/ /dge ba'i me tog rgyas shing gsal ba zhes bya ba'i ting nge 'dzin yod do/ /byang chub kyi yan lag yod pa zhes bya ba'i ting nge 'dzin yod do/ /spobs pa mtha' yas pa zhes bya ba'i ting nge 'dzin yod do/ /mi mnyam pa dang mnyam pa zhes bya ba'i ting nge 'dzin yod do/ /chos thams cad las 'da' ba zhes bya ba'i ting nge 'dzin yod do/ /yongs su gcod pa zhes bya ba'i ting nge 'dzin yod do/ /nem nur rnam par sel ba zhes bya ba'i ting nge 'dzin yod do/ /gnas su bya ba med pa zhes bya ba'i ting nge 'dzin yod do/ /gcig tu rnam par bkod pa zhes bya ba'i ting nge 'dzin yod do/ /rnam pa mngon par bsgrub pa zhes bya ba'i ting nge 'dzin yod do/ /rnam pa gcig tu 'gyur ba zhes bya ba'i ting nge 'dzin yod do/ /rnam par 'dor ba med pa zhes bya ba'i ting nge 'dzin yod do/ /srid pa'i gzhi thams cad rtogs par khong du chud pa zhes bya ba'i ting nge 'dzin yod do/ /brda dang sgra la 'jug pa zhes bya ba'i ting nge 'dzin yod do/ /sgra dbyangs kyi yi ge dang bral ba zhes bya ba'i ting nge 'dzin yod do/ /sgron ma 'bar ba zhes bya ba'i ting nge 'dzin yod do/ /mtshan nyid yongs su sbyong ba zhes bya ba'i ting nge 'dzin yod do/ /mngon par dmigs pa med pa zhes bya ba'i ting nge 'dzin yod do/ /rnam pa'i mchog thams cad dang ldan pa zhes bya ba'i ting nge 'dzin yod do/ /bde ba dang sdug bsngal thams cad la mngon par dga' ba med pa zhes bya ba'i ting nge 'dzin yod do/ /zad mi shes pa'i za ma tog ces bya ba'i ting nge 'dzin yod do/ /gzungs kyi blo gros zhes bya ba'i ting nge 'dzin yod do/ /yang dag pa dang log pa thams cad yang dag par sel ba zhes bya ba'i ting nge 'dzin yod do/ /'gal ba dang 'gog pa thams cad yang dag par zhi bar byed pa zhes bya ba'i ting nge 'dzin yod do/ /'thun pa dang 'gal ba med pa zhes bya ba'i ting nge 'dzin yod do/ /'od dri ma med pa zhes bya ba'i ting nge 'dzin yod do/ /snying po dang ldan pa zhes bya ba'i ting nge 'dzin yod do/ /zla ba dri ma med par rgyas pa'i 'od ces bya ba'i ting nge 'dzin yod do/ /glog gi 'od ces bya ba'i ting nge 'dzin yod do/ /rgyan chen po zhes bya ba'i ting nge 'dzin yod do/ /rnam pa thams cad du 'od byed pa zhes bya ba'i ting nge 'dzin yod do/ /ting nge 'dzin mnyam pa nyid ces bya ba'i ting nge 'dzin yod do/ /rdul med cing rdul dang bral ba'i tshul dang ldan pa zhes bya ba'i ting nge 'dzin yod do/ / nyon mongs pa med par yang dag par gzhol ba zhes bya ba'i ting nge 'dzin yod do/ /nyon mongs pa dang bcas pa thams cad nyon mongs pa med par yang dag par gzhol ba zhes bya ba'i ting nge 'dzin yod do/ /gnas dmigs su med pa la brtson pa zhes bya ba'i ting nge 'dzin yod do/ /de bzhin nyid la gnas shing sems med pa zhes bya ba'i ting nge 'dzin yod do/ /lus kyi skyon yang dag par sel bas rab tu 'dul ba zhes bya ba'i ting nge 'dzin yod do/ /ngag gi skyon rnam par 'jig pas nam mkha' ltar gyur pa med pa zhes bya ba'i ting nge 'dzin yod do/ / sha ra dwa ti'i bu nam mkha' ltar chags pa med pas rnam par grol zhing gos pa med pa zhes bya ba'i ting nge 'dzin yod de/ ting nge 'dzin des rnam par spyod pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /tshe dang ldan pa sha ra dwa ti'i bu de dag ni byang chub sems dpa' sems dpa' chen po rnams kyi ting nge 'dzin te/ ting nge 'dzin de dag gis rnam par spyod pa'i byang chub sems dpa' sems dpa' chen po rnams ni myur du bla na med pa yang dag par rdzogs pa'i byang chub tu mngon par rdzogs par 'tshang rgya ste/ de ltar ting nge 'dzin dang / gzungs kyi sgo gang la bslabs pas/ byang chub sems dpa' sems dpa' chen po rnams myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba de lta bu tshad med grangs med pa gzhan dag kyang yod de/ de nas sangs rgyas kyi mthus tshe dang ldan pa rab 'byor gyis yang 'di skad ces smras so/ /tshe dang ldan pa sha ra dwa ti'i bu byang chub sems dpa' sems dpa' chen po gang ting nge 'dzin de dag gis rnam par spyod pa de ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang / bla na med pa yang dag par rdzogs pa'i byang chub tu lung bstan to/ /da ltar phyogs bcu'i 'jig rten gyi khams gang gA'i klung gi bye ma snyed dag na/ de bzhin gshegs pa dgra bcom pa yang dag par rdzogs pa'i sangs rgyas bzhugs shing 'tsho skyong ba ji snyed cig bzhugs pa de dag gis kyang / byang chub sems dpa' sems dpa' chen po de bla na med pa yang dag par rdzogs pa'i byang chub tu lung bstan te/ byang chub sems dpa' sems dpa' chen po des ni ting nge 'dzin kyang yang dag par rjes su mi mthong ngo / /bdag ni snyoms par zhugs so zhes bya bar ting nge 'dzin des rlom sems su 'gyur ba yang med do/ /bdag ni snyoms par 'jug go /bdag gis mnyam par gzhag par bya'o/ /bdag ni mnyam par gzhag par gyur to zhes rlom sems su 'gyur ba med de/ de la rnam par rtog pa de dag thams cad med cing mi rgyu'o/ /smras pa/ tshe dang ldan pa rab 'byor ting nge 'dzin 'di dag la gnas pa'i byang chub sems dpa' sems dpa' chen po la de bzhin gshegs pa dgra bcom pa yang dag par rdzogs pa'i sangs rgyas rnams kyis lung bstan pa yod dam/ rab 'byor gyis smras pa/ tshe dang ldan pa sha ra dwa ti'i bu de ni med do/ /de ci'i phyir zhe na/ tshe dang ldan pa sha ra dwa ti'i bu shes rab kyi pha rol du phyin pa yang gzhan la/ ting nge 'dzin kyang gzhan byang chub sems dpa' yang gzhan zhes bya ba med kyi/ shes rab kyi pha rol du phyin pa nyid kyang ting nge 'dzin to/ /ting nge 'dzin nyid kyang byang chub sems dpa'o/ /byang chub sems dpa' nyid kyang ting nge 'dzin to/ /smras pa/ tshe dang ldan pa rab 'byor gal te de ltar ting nge 'dzin kyang gzhan la/ byang chub sems dpa' yang gzhan zhes bya ba med/ byang chub sems dpa' yang gzhan la ting nge 'dzin kyang gzhan zhes bya ba med de/ chos thams cad mnyam pa nyid kyi phyir ting nge 'dzin nyid kyang byang chub sems dpa'/ byang chub sems dpa' nyid kyang ting nge 'dzin yin na/ de la ting nge 'dzin bstan par nus sam/ rab 'byor gyis smras pa/ tshe dang ldan pa sha ra dwa ti'i bu de ni ma yin no/ /smras pa/ tshe dang ldan pa rab 'byor rigs kyi bu de ting nge 'dzin de la 'du shes su byed dam/ rab 'byor gyis smras pa/ tshe dang ldan pa sha ra dwa ti'i bu 'du shes su byed pa med do/ /smras pa/ ji ltar de la 'du shes su byed par mi 'gyur/ rab 'byor gyis smras pa/ rtog pa med pa'i phyir ro/ /smras pa/ de la ji ltar rtog pa med pa yin/ rab 'byor gyis smras pa/ chos thams cad med pa'i phyir rtog pa med de/ de ltar na rigs kyi bu de ting nge 'dzin de la rtog pa med do/ /tshe dang ldan pa sha ra dwa ti'i bu rnam grangs des na/ rigs kyi bu de ting nge 'dzin de la rnam par shes par byed pa med do/ /'du shes su byed pa med do/ /smras pa/ ci'i phyir rnam par shes par byed pa med cing / 'du shes su 'gyur ba med/ rab 'byor gyis smras pa/ ting nge 'dzin de yang med la/ byang chub sems dpa' sems dpa' chen po de yang med pa'i phyir rnam par shes par byed pa med do/ /'du shes su 'gyur ba med do/ /de nas bcom ldan 'das kyis tshe dang ldan pa rab 'byor la legs so zhes bya ba gnang ste rab 'byor legs so legs so/ /tshig 'di ni legs par bshad do/ /ji ltar ngas nyon mongs pa med pa la rnam par spyod pa'i nyan thos kyi nang na mchog tu bshad pa des bshad pa ni 'di yin no/ /byang chub sems dpa' sems dpa' chen pos kyang de ltar shes rab kyi pha rol du phyin pa la bslab par bya'o/ / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la bslab par bya'o/ /byang chub kyi phyogs kyi chos rnams dang / sangs rgyas kyi chos ma 'dres pa brgyad kyi bar la bslab par bya'o/ /de nas tshe dang ldan pa sha ra dwa ti'i bus bcom ldan 'das la 'di skad ces gsol to/ /bcom ldan 'das de ltar slob pa'i byang chub sems dpa' sems dpa' chen po ni shes rab kyi pha rol du phyin pa la mi dmigs pa'i tshul gyis slob po/ / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la mi dmigs pa'i tshul gyis slob po/ /byang chub kyi phyogs kyi chos rnams dang / sangs rgyas kyi chos ma 'dres pa rnams kyi bar la mi dmigs pa'i tshul gyis slob po/ /bcom ldan 'das kyis bka' stsal pa/ sha ra dwa ti'i bu byang chub sems dpa' sems dpa' chen po de ltar slob pa ni shes rab kyi pha rol du phyin pa la mi dmigs pa'i tshul gyis slob pa yin/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la mi dmigs pa'i tshul gyis slob pa yin/ byang chub kyi phyogs kyi chos rnams dang / sangs rgyas kyi chos ma 'dres pa rnams kyi bar la mi dmigs pa'i tshul gyis slob pa yin no/ /sha ra dwa ti'i bus gsol pa/ bcom ldan 'das ci'i slad du mi dmigs pa lags/ bcom ldan 'das kyis bka' stsal pa/ sha ra dwa ti'i bu shin du rnam par dag pa'i phyir bdag mi dmigs so/ /sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po mi dmigs so/ /shin tu rnam par dag pa'i phyir/ phung po dang / skye mched dang / khams dang / rten cing 'brel par 'byung ba mi dmigs so/ /shin du rnam par dag pa'i phyir sdug bsngal mi dmigs so/ /shin tu rnam par dag pa'i phyir kun 'byung ba dang / 'gog pa dang / lam mi dmigs so/ /shin tu rnam par dag pa'i phyir 'dod pa'i khams mi dmigs so/ /shin du rnam par dag pa'i phyir gzugs kyi khams mi dmigs so/ /shin du rnam par dag pa'i phyir gzugs med pa'i khams mi dmigs so/ /shin du rnam par dag pa'i phyir pha rol du phyin pa rnams mi dmigs so/ /shin du rnam par dag pa'i phyir byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams mi dmigs so/ /shin du rnam par dag pa'i phyir rgyun du zhugs pa mi dmigs so/ /shin du rnam par dag pa'i phyir lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas mi dmigs so/ / shin du rnam par dag pa'i phyir byang chub sems dpa' mi dmigs so/ /shin du rnam par dag pa'i phyir byang chub mi dmigs so/ /shin tu rnam par dag pa'i phyir sangs rgyas mi dmigs so/ /gsol pa/ bcom ldan 'das rnam par dag pa gang lags/ bcom ldan 'das kyis bka' stsal pa/ chos thams cad ma skyes pa dang / mi 'gag pa dang / kun nas nyon mongs pa med pa dang / rnam par byang ba med pa dang / 'byung ba med pa dang / dmigs pa med pa dang / mngon par 'du bya ba med pa 'di ni rnam par dag pa zhes bya ste/ sha ra dwa ti'i bu de ltar na byang chub sems dpa' sems dpa' chen po chos thams cad mi dmigs pa'i tshul gyis slob pa yin no/ /gsol pa/ bcom ldan 'das de ltar slob pa'i byang chub sems dpa' sems dpa' chen po chos gang dang gang la slob pa lags/ bcom ldan 'das kyis bka' stsal pa/ sha ra dwa ti'i bu de ltar slob pa'i byang chub sems dpa' sems dpa' chen po ni chos gang la yang slob pa med do/ /de ci'i phyir zhe na/ sha ra dwa ti'i bu chos 'di dag ni byis pa so so'i skye bos ji ltar mngon par chags par bya ba de lta bu'i rnam par yod pa ma yin no/ /gsol pa/ bcom ldan 'das 'o na chos 'di dag rnam pa gang gis mchis pa lags/ bcom ldan 'das kyis bka' stsal pa/ ji ltar med pa de ltar yod de/ de ltar yod pa ma yin pas/ de'i phyir med ces bya'o/ /gsol pa/ bcom ldan 'das de ci'i slad du mchis pa ma lags pa de la mchis pa zhes bgyi/ bcom ldan 'das kyis bka' stsal pa/ sha ra dwa ti'i bu gzugs nang stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no/ /tshor ba dang / 'du shes dang / 'du byed dang / rnam par shes pa na nga stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no/ /byang chub kyi phyogs kyi chos rnams kyi bar du nang stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no/ /sangs rgyas kyi chos ma 'dres pa brgyad kyi bar du nang stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no/ /de la byis pa so so'i skye bo rnams med pa la mngon par zhen pas/ srid pa la mngon par zhen te/ de dag gis med pa yongs su brtags pas/ med pa la mngon par zhen cing 'di lta ste/ chad pa dang / rtag pa'i mtha' gnyis la chags pas/ de dag mi shes mi mthong ste/ gang med pa'i chos de dag yongs su brtags nas/ ming dang gzugs la mngon par zhen pa de dag dran pa nye bar gzhag pa rnams la mngon par zhen cing / sangs rgyas kyi chos ma 'dres pa rnams kyi bar la mngon par zhen to/ /de dag de ltar mngon par zhen pas yod pa ma yin pa'i chos rnams la yongs su rtog ste/ de dag mi shes mi mthong ngo / /ci mi shes mi mthong zhe na/ gzugs mi shes mi mthong ngo / /tshor ba dang / 'du shes dang / 'du byed dang / rnam par shes pa mi shes mi mthong ngo / /skye mched dang / khams dang / rten cing 'brel par 'byung ba mi shes mi mthong ngo / /byang chub kyi phyogs kyi chos sum cu rtsa bdun mi shes mi mthong ngo / /sangs rgyas kyi chos ma 'dres pa rnams kyi bar du mi shes mi mthong ngo / /de ltar de dag ni byis pa zhes bya ba'i grangs su 'dong ba ste/ de dag 'byung ba ma yin no/ /gang nas 'byung ba ma yin zhe na/ 'dod pa'i khams nas 'byung ba ma yin no/ /gzugs kyi khams nas 'byung ba ma yin no/ /gzugs med pa'i khams nas 'byung ba ma yin no/ /nyan thos dang rang sangs rgyas kyi sa nas 'byung ba ma yin no/ /de dag ni yid mi ches pa ste/ ji ltar yid mi ches zhe na/ gzugs gzugs kyis stong zhes bya bar yid mi ches so/ /byang chub kyi bar du byang chub kyis stong zhes bya bar yid mi ches so/ /de dag ni gnas pa ma yin pa ste/ ji ltar gnas pa ma yin zhe na/ sbyin pa'i pha rol du phyin pa la gnas pa ma yin/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas pa ma yin/ phyir mi ldog pa'i sa la gnas pa ma yin/ sangs rgyas kyi chos ma 'dres pa rnams kyi bar la gnas pa ma yin no/ /de dag ni mngon par zhen pa ma yin te/ ji ltar mngon par zhen pa yin zhe na/ gzugs la mngon par zhen pa yin/ tshor ba dang / 'du shes dang / 'du byed dang / rnam par shes pa la mngon par zhen pa yin/ mig la mngon par zhen pa yin/ rna ba dang / sna dang / lce dang / lus dang / yid la mngon par zhen pa yin/ skye mched dang / khams dang / rten cing 'brel bar 'byung ba la mngon par zhen pa yin/ 'dod chags dang / zhe sdang dang / gti mug la mngon par zhen pa yin/ lta bar gyur pa rnams la mngon par zhen pa yin/ byang chub kyi bar la mngon par zhen pa yin te/ de'i phyir na byis pa zhes bya'o/ /gsol pa/ bcom ldan 'das de ltar slob pa'i byang chub sems dpa' sems dpa' chen po shes rab kyi pha rol du phyin pa la mi slob cing / rnam pa thams cad mkhyen pa nyid du mi 'byung ba lags sam/ bcom ldan 'das kyis bka' stsal pa/ sha ra dwa ti'i bu de ltar slob pa'i byang chub sems dpa' sems dpa' chen po shes rab kyi pha rol du phyin pa la mi slob pa yin/ rnam pa thams cad mkhyen pa nyid du mi 'byung ba yin no/ /gsol pa/ bcom ldan 'das ci'i slad du byang chub sems dpa' de shes rab kyi pha rol du phyin pa la mi slob pa lags/ rnam pa thams cad mkhyen pa nyid du mi 'byung ba lags/ bcom ldan 'das kyis bka' stsal pa/ sha ra dwa ti'i bu 'di la byang chub sems dpa' sems dpa' chen po thabs mi mkhas pas shes rab kyi pha rol du phyin pa la brtags shing mngon par zhe na/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la brtags shing mngon par zhe na/ stong pa nyid thams cad dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la brtags shing mngon par zhe na/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad la brtags shing mngon par zhen/ rnam pa thams cad mkhyen pa nyid kyi bar la brtags shing mngon par zhen pas/ sha ra dwa ti'i bu rnam grangs des na/ byang chub sems dpa' sems dpa' chen po de ni shes rab kyi pha rol du phyin pa la mi slob pa yin/ rnam pa thams cad mkhyen pa nyid du mi 'byung ba yin no/ /gsol pa/ bcom ldan 'das de lta lags na/ byang chub sems dpa' sems dpa' chen po shes rab kyi pha rol du phyin pa la rnam pa gang gis slob par 'gyur ba lags/ ji ltar bslabs na rnam pa thams cad mkhyen pa nyid du 'byung ba lags/ bcom ldan 'das kyis bka' stsal pa/ sha ra dwa ti'i bu nam byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab kyi pha rol du phyin pa de mi dmigs/ yang dag par rjes su mi mthong zhing / sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod na/ rnam pa thams cad mkhyen pa nyid du mi dmigs pa'i tshul gyis 'byung ba yin no/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la spyod pa'i tshe/ sbyin pa'i pha rol du phyin pa de mi dmigs shing yang dag par rjes su mi mthong / rnam pa thams cad mkhyen pa nyid kyi bar la spyod pa'i tshe/ rnam pa thams cad mkhyen pa nyid de mi dmigs/ yang dag par rjes su mi mthong zhing / sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar slob pa ni/ mi dmigs pa'i tshul gyis rnam pa thams cad mkhyen pa nyid du 'byung ngo / /sha ra dwa ti'i bu byang chub sems dpa' sems dpa' chen po de ltar shes rab kyi pha rol du phyin pa la spyod pa dang / de ltar shes rab kyi pha rol du phyin pa la slob pa ni/ mi dmigs pa'i tshul gyis rnam pa thams cad mkhyen pa nyid du 'byung ngo / / gsol pa/ bcom ldan 'das gang mi dmigs pa'i tshul gyis rnam pa thams cad mkhyen pa nyid du 'byung ba lags/ bcom ldan 'das kyis bka' stsal pa/ nang stong pa nyid mi dmigs pa'i tshul dang / dngos po med pa'i ngo bo nyid stong pa nyid kyi bar du mi dmigs pa'i tshul gyis rnam pa thams cad mkhyen pa nyid du 'byung bar shes par bya'o/ /shes rab kyi pha rol tu phyin pa stong phrag nyi shu lnga pa las le'u drug pa'o// //de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das la la zhig 'di skad du 'dri zhing / ci sgyu ma'i skyes bu 'di shes rab kyi pha rol du phyin pa la bslabs shing rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram zhes mchi na/ bcom ldan 'das de skad du 'dri ba de la ji skad du bstan par bgyi/ ci sgyu ma'i skyes bu 'di bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la bslabs shing / rnam pa thams cad mkhyen pa nyid du 'byung bar 'gyur ram/ ci sgyu ma'i skyes bu 'di byang chub kyi phyogs kyi chos rnams kyi bar la bslabs shing / rnam pa thams cad mkhyen pa nyid du 'byung bar 'gyur ram/ sgyu ma'i skyes bu 'di sangs rgyas kyi chos ma 'dres pa rnams kyi bar la bslabs shing / rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram zhes mchi na/ bcom ldan 'das de skad du 'dri ba de la ji skad du bstan par bgyi/ bcom ldan 'das kyis bka' stsal pa/ rab 'byor de lta bas na/ de khyod nyid la dris khyod kyis ji ltar bzod pa de ltar lung ston cig / rab 'byor de ji snyam du sems/ gzugs kyang gzhan la/ sgyu ma yang gzhan zhig yin snyam 'am/ tshor ba'am/ 'du shes dang / 'du byed dang / rnam par shes pa yang gzhan la/ sgyu ma yang gzhan zhig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig kyang gzhan la/ sgyu ma yang gzhan zhig yin snyam 'am/ rna ba dang / sna dang / lce dang / lus dang / yid kyang gzhan la/ sgyu ma yang gzhan zhig yin snyam 'am/ gzugs kyang gzhan la/ sgyu ma yang gzhan zhig yin snyam 'am/ sgra dang / dri dang / ro dang / reg dang / chos kyang gzhan la/ sgyu ma yang gzhan zhig yin snyam 'am/ mig gi rnam par shes pa yang gzhan la/ sgyu ma yang gzhan zhig yin snyam 'am/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yang gzhan la/ sgyu ma yang gzhan zhig yin snyam 'am/ mig gi 'dus te reg pa yang gzhan la/ sgyu ma yang gzhan zhig yin snyam 'am/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yang gzhan la/ sgyu ma yang gzhan zhig yin snyam 'am/ mig gi 'dus te reg pa'i rkyen gyis tshor ba yang gzhan la/ sgyu ma yang gzhan zhig yin snyam 'am/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yang gzhan la/ sgyu ma yang gzhan zhig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub kyi phyogs kyi chos rnams kyi bar yang gzhan la/ sgyu ma yang gzhan zhig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sangs rgyas kyi chos ma 'dres pa brgyad kyi bar yang gzhan la/ sgyu ma yang gzhan zhig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub kyang gzhan la/ sgyu ma yang gzhan zhig yin snyam 'am/ gsol pa/ bcom ldan 'das de lta ma lags so/ /bcom ldan 'das gzugs kyang gzhan ma lags/ sgyu ma yang gzhan ma lags te/ gzugs nyid kyang sgyu ma/ sgyu ma nyid kyang gzugs so/ /bcom ldan 'das tshor ba dang / 'du shes dang / 'du byed dang / rnam par shes pa yang gzhan ma lags/ sgyu ma yang gzhan ma lags te/ rnam par shes pa nyid kyang sgyu ma/ sgyu ma nyid kyang rnam par shes pa'o/ /bcom ldan 'das mig kyang gzhan ma lags/ sgyu ma yang gzhan ma lags te/ mig nyid kyang sgyu ma/ sgyu ma nyid kyang mig go/ /bcom ldan 'das rna ba dang / sna dang / lce dang / lus dang / yid kyang gzhan ma lags/ sgyu ma yang gzhan ma lags te/ yid nyid kyang sgyu ma/ sgyu ma nyid kyang yid do/ /bcom ldan 'das gzugs kyang gzhan ma lags/ sgyu ma yang gzhan ma lags te/ gzugs nyid kyang sgyu ma/ sgyu ma nyid kyang gzugs so/ /bcom ldan 'das sgra dang / dri dang / ro dang / reg dang / chos kyang gzhan ma lags/ sgyu ma yang gzhan ma lags te/ chos nyid kyang sgyu ma/ sgyu ma nyid kyang chos so/ / bcom ldan 'das mig gi rnam par shes pa yang gzhan ma lags/ sgyu ma yang gzhan ma lags te/ mig gi rnam par shes pa nyid kyang sgyu ma/ sgyu ma nyid kyang mig gi rnam par shes pa'o/ /bcom ldan 'das rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yang gzhan ma lags/ sgyu ma yang gzhan ma lags te/ yid kyi rnam par shes pa nyid kyang sgyu ma/ sgyu ma nyid kyang yid kyi rnam par shes pa'o/ /bcom ldan 'das mig gi 'dus te reg pa yang gzhan ma lags/ sgyu ma yang gzhan ma lags te/ mig gi 'dus te reg pa nyid kyang sgyu ma/ sgyu ma nyid kyang mig gi 'dus te reg pa'o/ /bcom ldan 'das rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yang gzhan ma lags/ sgyu ma yang gzhan ma lags te/ yid kyi 'dus te reg pa nyid kyang sgyu ma/ sgyu ma nyid kyang yid kyi 'dus te reg pa'o/ /bcom ldan 'das mig gi 'dus te reg pa'i rkyen gyis tshor ba yang gzhan ma lags/ sgyu ma yang gzhan ma lags te/ mig gi 'dus te reg pa'i rkyen gyis tshor ba nyid kyang sgyu ma/ sgyu ma nyid kyang mig gi 'dus te reg pa'i rkyen gyis tshor ba'o/ /bcom ldan 'das rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yang gzhan ma lags/ sgyu ma yang gzhan ma lags te/ yid kyi 'dus te reg pa'i rkyen gyis tshor ba nyid kyang sgyu ma/ sgyu ma nyid kyang yid kyi 'dus te reg pa'i rkyen gyis tshor ba'o/ /bcom ldan 'das byang chub kyi phyogs kyi chos rnams kyi bar yang gzhan ma lags/ sgyu ma yang gzhan ma lags te/ byang chub kyi phyogs kyi chos nyid kyang sgyu ma/ sgyu ma nyid kyang byang chub kyi phyogs kyi chos rnams so/ /bcom ldan 'das sangs rgyas kyi chos ma 'dres pa brgyad kyi bar yang gzhan ma lags/ sgyu ma yang gzhan ma lags te/ sangs rgyas kyi chos ma 'dres pa nyid kyang sgyu ma/ sgyu ma nyid kyang sangs rgyas kyi chos ma 'dres pa rnams so/ /bcom ldan 'das byang chub kyi bar yang gzhan ma lags/ sgyu ma yang gzhan ma lags te/ byang chub nyid kyang sgyu ma/ sgyu ma nyid kyang byang chub bo/ /bcom ldan 'das kyis bka' stsal pa/ rab 'byor de ji snyam du sems/ sgyu ma la skye ba'am/ 'gag pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de ji snyam du sems/ sgyu ma la kun nas nyon mongs pa'am/ rnam par byang ba yod dam/ gsol pa/ bcom ldan 'das de ni ma mchis so bcom ldan 'das kyis bka' stsal pa/ rab 'byor de ji snyam du sems/ gang la skye ba med cing 'gag pa med pa dang / kun nas nyon mongs pa med cing rnam par byang ba med pa de/ shes rab kyi pha rol du phyin pa la slob par 'gyur ram/ rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram/ de bzhin du bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum cu rtsa bdun nas/ sangs rgyas kyi chos ma 'dres pa brgyad kyi bar du bslabs nas/ rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram/ gsol pa/ bcom ldan 'das de ni mi 'gyur ro/ /bcom ldan 'das kyis bka' stsal pa/ rab 'byor de ji snyam du sems/ nye bar len pa'i phung po lnga po 'di dag dang / sangs rgyas kyi chos ma 'dres pa brgyad kyi bar la/ 'di lta ste/ byang chub sems dpa' zhes bya bar 'du shes pa dang / brda dang / gdags pa dang / tha snyad du bya ba yin nam/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ 'du shes dang / brda dang / gdags pa dang / tha snyad tsam gyis nye bar len pa'i phung po lnga po dang / sangs rgyas kyi chos ma 'dres pa brgyad kyi bar la skye ba'am/ 'gag pa'am/ kun nas nyon mongs pa'am/ rnam par byang bar dmigs par 'gyur ram/ gsol pa/ bcom ldan 'das de ni mi 'gyur ro/ /bcom ldan 'das kyis bka' stsal pa/ rab 'byor de ji snyam du sems/ gang la 'du shes med cing brda med pa dang / gdags pa med pa dang / tha snyad med pa dang / ming med pa dang / ming du gdags pa med pa dang / lus med pa dang / lus kyi las med pa dang / ngag med pa dang / ngag gi las med pa dang / yid med pa dang / yid kyi las med pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa shes rab kyi pha rol du phyin pa la bslabs shing / rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram/ de bzhin du bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pa dang nang stong pa nyid nas/ dngos po med pa'i ngo bo nyid stong pa nyid kyi par dang / byang chub kyi phyogs kyi chos sum cu rtsa bdun nas/ sangs rgyas kyi chos ma 'dres pa brgyad kyi bar du bslabs nas/ rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram/ gsol pa/ bcom ldan 'das de ni mi 'gyur ro/ /bcom ldan 'das kyis bka' stsal pa/ rab 'byor de ltar byang chub sems dpa' sems dpa' chen po shes rab kyi pha rol du phyin pa la bslabs shing / mi dmigs pa'i tshul gyis rnam pa thams cad mkhyen pa nyid du 'byung ngo / /rnam pa thams cad mkhyen pa nyid thob par 'gyur ro/ /gsol pa/ bcom ldan 'das de ltar shes rab kyi pha rol du phyin pa la slob pa'i byang chub sems dpa' sems dpa' chen pos ni/ sgyu ma'i skyes bus bslab pa ltar bla na med pa yang dag par rdzogs pa'i byang chub tu bslab par bgyi'o/ /de ci'i slad du zhe na/ bcom ldan 'das de ni 'di lta ste/ phung po lnga po de nyid sgyu ma'i skyes bur rig par bgyi ba sha stag go/ /bcom ldan 'das kyis bka' stsal pa/ rab 'byor de ji snyam du sems/ phung po lnga po 'di dag shes rab kyi pha rol du phyin pa la bslabs shing / rnam pa thams cad mkhyen pa nyid du 'byung bar 'gyur ram/ gsol pa/ bcom ldan 'das de ni mi 'gyur ro/ /de ci'i slad du zhe na/ bcom ldan 'das de ni 'di ltar phung po lnga rnams ni dngos po ma mchis pa'i rang bzhin te/ dngos po ma mchis pa'i rang bzhin de ni dmigs su ma mchis so/ /bcom ldan 'das kyis bka' stsal pa/ rab 'byor de ji snyam du sems/ rmi lam lta bu'i phung po lnga po de dag shes rab kyi pha rol du phyin pa la bslabs shing / rnam pa thams cad mkhyen pa nyid du 'byung bar 'gyur ram/ gsol pa/ bcom ldan 'das de ni mi 'gyur ro/ /de ci'i slad du zhe na/ bcom ldan 'das de ni 'di ltar rmi lam ni dngos po ma mchis pa'i rang bzhin te/ dngos po ma mchis pa'i rang bzhin de ni dmigs su ma mchis so/ /bcom ldan 'das kyis bka' stsal pa/ rab 'byor de ji snyam du sems/ sgyu ma lta bu dang / sgra brnyan lta bu dang / mig yor lta bu dang / chu zla lta bu dang / smig rgyu lta bu dang / sprul pa lta bu'i phung po lnga po de dag shes rab kyi pha rol du phyin pa la bslabs shing / rnam pa thams cad mkhyen pa nyid du 'byung bar 'gyur ram/ gsol pa/ bcom ldan 'das de ni mi 'gyur ro/ /de ci'i slad du zhe na/ bcom ldan 'das de ni 'di ltar sgyu ma ni dngos po ma mchis pa'i rang bzhin/ sgra brnyan ni dngos po ma mchis pa'i rang bzhin/ mig yor ni dngos po ma mchis pa'i rang bzhin/ chu zla ni dngos po ma mchis pa'i rang bzhin/ smig rgyu ni dngos po ma mchis pa'i rang bzhin/ sprul pa ni dngos po ma mchis pa'i rang bzhin te/ dngos po ma mchis pa'i rang bzhin de ni dmigs su ma mchis so/ /bcom ldan 'das kyis bka' stsal pa/ rab 'byor de ni 'di ltar gzugs ni rmi lam lta bu/ tshor ba ni rmi lam lta bu/ 'du shes ni rmi lam lta bu/ 'du byed ni rmi lam lta bu/ rnam par shes pa ni rmi lam lta bu ste/ rnam par shes pa gang yin pa de ni dbang po drug go /de ni phung po lnga'o/ /rab 'byor gzugs ni sgyu ma lta bu'o/ /tshor ba dang / 'du shes dang / 'du byed dang / rnam par shes pa ni sgyu ma lta bu ste/ rnam par shes pa gang yin pa de ni dbang po drug go /de ni phung po lnga'o/ /rab 'byor gzugs ni sgra brnyan lta bu'o/ /tshor ba dang / 'du shes dang / 'du byed dang / rnam par shes pa ni sgra brnyan lta bu ste/ rnam par shes pa gang yin pa de ni dbang po drug go /de ni phung po lnga'o/ /rab 'byor gzugs ni mig yor lta bu'o/ /tshor ba dang / 'du shes dang / 'du byed dang / rnam par shes pa ni mig yor lta bu ste/ rnam par shes pa gang yin pa de ni dbang po drug go /de ni phung po lnga'o/ /rab 'byor gzugs ni chu zla lta bu'o/ /tshor ba dang / 'du shes dang / 'du byed dang / rnam par shes pa ni chu zla lta bu ste/ rnam par shes pa gang yin pa de ni dbang po drug go /de ni phung po lnga'o rab 'byor gzugs ni smig rgyu lta bu'o/ /tshor ba dang / 'du shes dang / 'du byed dang / rnam par shes pa ni smig rgyu lta bu ste/ rnam par shes pa gang yin pa de ni dbang po drug go /de ni phung po lnga'o/ /rab 'byor gzugs ni sprul pa lta bu'o/ /tshor ba dang / 'du shes dang / 'du byed dang / rnam par shes pa ni sprul pa lta bu ste/ rnam par shes pa gang yin pa de ni dbang po drug go /de ni phung po lnga'o/ /de dag ni nang stong pa nyid kyi phyir mi dmigs so/ /dngos po med pa'i ngo bo nyid stong pa nyid kyi bar gyi phyir mi dmigs so/ /gsol pa/ bcom ldan 'das de lta lags na/ byang chub sems dpa' sems dpa' chen po theg pa la gsar du zhugs pas bstan pa 'di thos na/ 'jigs shing sngang ba dang / skrag par mi 'gyur lags grang / bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po theg pa la gsar du zhugs pa yang yin la/ shes rab kyi pha rol du phyin pa la thabs kyang mi mkhas pa zhig ste/ dge ba'i bshes gnyen gyi lag tu yang ma 'ongs na/ 'jigs shing dngang ba dang / skrag par yang 'gyur ro/ / gsol pa/ bcom ldan 'das byang chub sems dpa' sems dpa' chen pos bstan pa 'di thos na mi 'jigs/ mi dang mi skrag pa'i shes rab kyi pha rol du phyin pa la spyod pa'i thabs mkhas pa de gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i sems kyis gzugs mi rtag ces bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa mi rtag ces bya bar rtog ste/ de mi dmigs so/ /rab 'byor de ni byang chub sems dpa' sems dpa' chen po shes rab kyi pha rol du phyin pa la spyod pa'i thabs mkhas pa'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i sems kyis/ gzugs sdug bsngal zhes bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa sdug bsngal zhes bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyi gzugs bdag med ces bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa bdag med ces bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs zhi zhes bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa zhi zhes bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs stong zhes bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa stong zhes bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs mtshan ma med ces bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa mtshan ma med ces bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs smon pa med ces bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa smon pa med ces bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs mngon par 'du bya ba med ces bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa mngon par 'du bya ba med ces bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs dben zhes bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa dben zhes bya bar rtog ste/ de mi dmigs so/ /rab 'byor 'di ni byang chub sems dpa' sems dpa' chen po shes rab kyi pha rol du phyin pa la spyod pa'i thabs mkhas pa'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya bas gzugs mi rtag pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ tshor ba dang / 'du shes dang / 'du byed dang / rnam par shes pa mi rtag pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs sdug bsngal ba'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa sdug bsngal ba'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs bdag med pa'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa bdag med pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs zhi ba'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa zhi ba'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs stong pa'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa stong pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs mtshan ma med pa'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa mtshan ma med pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs smon pa med pa'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa smon pa med pa'i rnam par rtog par byed de/ de mi dmigs so/ /rnam pa thams cad mkhyen pa nyid dang / ldan pa'i yid la bya bas/ gzugs mngon par 'du bya ba med pa'i rnam par/ rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa/ mngon par 'du bya ba med pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs dben pa'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa dben pa'i rnam par rtog par byed de/ de mi dmigs so/ /rab 'byor 'di ni byang chub sems dpa' sems dpa' chen po shes rab kyi pha rol du phyin pa la spyod pa'i thabs mkhas pa'o/ /rab 'byor byang chub sems dpa' sems dpa' chen po de ltar rtog pa de 'di snyam du sems te/ sems can thams cad la gzugs mi rtag ces bya bar de mi dmigs pa'i tshul gyis chos bstan to/ /tshor ba dang / 'du shes dang / 'du byed dang / rnam par shes pa mi rtag ces bya bar de mi dmigs pa'i tshul gyis chos bstan to/ /gzugs sdug bsngal ba dang / bdag med pa dang / zhi ba dang / stong ba dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar de mi dmigs pa'i tshul gyis chos bstan to/ /tshor ba dang / 'du shes dang / 'du byed dang / rnam par shes pa sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar de mi dmigs pa'i tshul gyis chos bstan to snyam mo/ /rab 'byor 'di ni byang chub sems dpa' sems dpa' chen po'i sbyin pa'i pha rol tu phyin pa nyams pa med pa ste/ de yod pas byang chub sems dpa' sems dpa' chen po mi 'jigs/ mi sngang skrag par mi 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ nyan thos dang / rang sangs rgyas kyi yid la bya ba dang mi ldan pas/ gzugs gang mi rtag pa'i rnam par yid la byed pa de mi dmigs pa'i tshul gyis yid la byed do/ /nyan thos dang rang sangs rgyas kyi yid la bya ba dang mi ldan pas/ tshor ba dang / 'du shes dang / 'du byed dang / rnam par shes pa mi rtag pa'i rnam par yid la byed pa de mi dmigs pa'i tshul gyis yid la byed do/ /nyan thos dang / rang sangs rgyas kyi yid la bya ba dang mi ldan pas/ gzugs gang sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben pa'i rnam par yid la byed pa de mi dmigs pa'i tshul gyis yid la byed do/ /tshor ba dang / 'du shes dang / 'du byed dang / rnam par shes pa sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben pa'i rnam par yid la byed pa de mi dmigs pa'i tshul gyis yid la byed do/ /rab 'byor 'di ni byang chub sems dpa' sems dpa' chen po'i tshul khrims kyi pha rol du phyin pa nyams pa med pa ste/ de yod pas/ byang chub sems dpa' sems dpa' chen po mi 'jigs mi dngang skrag par mi 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos de dag la mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa nyid kyi rnam pa dang / mtshan ma med pa'i rnam pa dang / smon pa med pa'i rnam pa dang / mngon par 'du bya ba med pa'i rnam pa dang / dben pa'i rnam par rtog par byed pa dang / bzod pa dang / mos pa 'di ni byang chub sems dpa' sems dpa' chen po'i bzod pa'i pha rol du phyin pa ste/ de yod pas byang chub sems dpa' sems dpa' chen po mi 'jigs mi dngang / skrag par mi 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya bas/ gzugs mi rtag ces bya bar de mi dmigs pa'i tshul gyis rab tu rtog go / tshor ba dang / 'du shes dang / 'du byed dang / rnam par shes pa mi rtag ces bya bar de mi dmigs pa'i tshul gyis rab tu rtog go /gzugs sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis rab tu rtog go /tshor ba dang / 'du shes dang / 'du byed dang / rnam par shes pa mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis rab tu rtog go /de ltar de dag la rnam pa thams cad mkhyen pa nyid dang ldan pa'i yid la bya bas mi gtong zhing / brtson 'grus mi 'dor ba 'di ni byang chub sems dpa' sems dpa' chen po de'i brtson 'grus kyi pha rol du phyin pa ste/ de yod pas byang chub sems dpa' sems dpa' chen po de mi 'jigs/ mi dngang skrag par mi 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam rnam pa thams cad mkhyen pa nyid dang ldan pa'i yid la bya bas/ gzugs mi rtag ces bya bar de mi dmigs pa'i tshul gyis rtog cing / nyan thos dang rang sangs rgyas dang ldan pa'i yid la bya ba dang / mi dge ba'i chos de ma yin pa byang chub kyi gegs su 'gyur ba gzhan gyi skabs mi 'byed pa dang / gzugs sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis rtog cing / nyan thos dang rang sangs rgyas dang ldan pa'i yid la bya ba dang / mi dge ba de ma yin pa byang chub kyi gegs su 'gyur ba gzhan gyi go mi 'byed pa dang / tshor ba dang / 'du shes dang / 'du byed dang / rnam par shes pa mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis rtog cing / nyan thos dang / rang sangs rgyas dang ldan pa'i yid la bya ba dang / mi dge ba de ma yin pa byang chub kyi gegs su 'gyur ba gzhan gyi go mi 'byed pa 'di ni/ byang chub sems dpa' sems dpa' chen po'i bsam gtan gyi pha rol du phyin pa ste/ de yod pas byang chub sems dpa' sems dpa' chen po de mi 'jigs mi dngang skrag par mi 'gyur ro// //shes rab kyi pha rol du phyin pa stong phrag nyi shu lnga pa/ bam po bcu gnyis pa/ rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam rnam pa thams cad mkhyen pa nyid dang ldan pa'i yid la bya bas rnam pa 'di ltar rab tu rtog ste/ gzugs kyi stong pa nyid kyis gzugs stong pa ma yin gyi/ gzugs nyid kyang stong pa nyid do/ /stong pa nyid kyang gzugs so/ /tshor ba dang / 'du shes dang / 'du byed dang / rnam par shes pa'i stong pa nyid kyis/ rnam par shes pa stong pa ma yin gyi/ rnam par shes pa nyid kyang stong pa nyid do/ /stong pa nyid kyang rnam par shes pa'o/ /mig gi stong pa nyid kyis mig stong pa ma yin gyi/ mig nyid kyang stong pa nyid do/ /stong pa nyid kyang mig go /rna ba dang / sna dang / lce dang / lus dang / yid kyi stong pa nyid kyis/ yid stong pa ma yin gyi/ yid nyid kyang stong pa nyid do/ /stong pa nyid kyang yid do/ gzugs kyi stong pa nyid kyis gzugs stong pa ma yin gyi/ gzugs nyid kyang stong pa nyid do/ /stong pa nyid kyang gzugs so/ /sgra dang / dri dang / ro dang / reg dang / chos kyi stong pa nyid kyis/ chos stong pa ma yin gyi/ chos nyid kyang stong pa nyid do/ /stong pa nyid kyang chos so/ /mig gi rnam par shes pa'i stong pa nyid kyis/ mig gi rnam par shes pa stong pa ma yin gyi/ mig gi rnam par shes pa nyid kyang stong pa nyid do/ /stong pa nyid kyang mig gi rnam par shes pa'o/ / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i stong pa nyid kyis/ yid kyi rnam par shes pa stong pa ma yin gyi/ yid kyi rnam par shes pa nyid kyang stong pa nyid do/ / stong pa nyid kyang yid kyi rnam par shes pa'o/ /mig gi 'dus te reg pa'i stong pa nyid kyis/ mig gi 'dus te reg pa stong pa ma yin gyi/ mig gi 'dus te reg pa nyid kyang stong pa nyid do/ /stong pa nyid kyang mig gi 'dus te reg pa'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i stong pa nyid kyis/ yid kyi 'dus te reg pa stong pa ma yin gyi/ yid kyi 'dus te reg pa nyid kyang stong pa nyid do/ /stong pa nyid kyang yid kyi 'dus te reg pa'o/ / mig gi 'dus te reg pa'i rkyen gyis tshor ba'i stong pa nyid kyi/ mig gi 'dus te reg pa'i rkyen gyis tshor ba stong pa ma yin gyi/ mig gi 'dus te reg pa'i rkyen gyis tshor ba nyid kyang stong pa nyid do/ /stong pa nyid kyang mig gi 'dus te reg pa'i rkyen gyis tshor ba'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i stong pa nyid kyis/ yid kyi 'dus te reg pa'i rkyen gyis tshor ba stong pa ma yin gyis/ yid kyi 'dus te reg pa'i rkyen gyis tshor ba nyid kyang stong pa nyid do/ /stong pa nyid kyang yid kyi 'dus te reg pa'i rkyen gyis tshor ba'o/ /dran pa nye bar gzhag pa'i bar gyi stong pa nyid kyis/ dran pa nye bar gzhag pa stong pa ma yin gyi/ dran pa nye bar gzhag pa nyid kyang stong pa nyid do/ /stong pa nyid kyang dran pa nye bar gzhag pa'o/ /sangs rgyas kyi chos ma 'dres pa'i bar gyi stong pa nyid kyis/ sangs rgyas kyi chos ma 'dres pa stong pa ma yin gyi/ sangs rgyas kyi chos ma 'dres pa nyid kyang stong pa nyid do/ /stong pa nyid kyang sangs rgyas kyi chos ma 'dres pa'o/ /rab 'byor 'di ni byang chub sems dpa' sems dpa' chen po'i shes rab kyi pha rol du phyin pa ste/ rab 'byor 'di ni byang chub sems dpa' sems dpa' chen po shes rab kyi pha rol du phyin pa la spyod pa'i thabs mkhas pa'o/ /thabs mkhas pa de dang ldan pa'i byang chub sems dpa' sems dpa' chen po ni bstan pa 'di thos na/ mi 'jigs mi dngang skrag par mi 'gyur ro/ /rab 'byor gyis gsol pa/ bcom ldan 'das dge ba'i bshes gnyen gyis yongs su zin pa'i byang chub sems dpa' sems dpa' chen pos/ shes rab kyi pha rol du phyin pa bstan pa 'di thos na/ mi 'jigs mi dngang / skrag par mi 'gyur ba'i dge ba'i bshes gnyen de gang lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po'i dge ba'i bshes gnyen ni gang / de la gzugs mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang / rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa'o/ /tshor ba dang / 'du shes dang / 'du byed dang / rnam par shes pa mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang / rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa ste/ rab 'byor 'di ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ gzugs sdug bsngal zhes bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa sdug bsngal zhes bya bar/ de mi dmigs pa'i tshul gyis chos ston pa dang / gzugs bdag med ces bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa bdag med ces bya bar de mi dmigs pa'i tshul gyis chos ston pa dang / gzugs zhi zhes bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa zhi zhes bya bar de mi dmigs pa'i tshul gyis chos ston pa dang / gzugs stong zhes bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa stong zhes bya bar de mi dmigs pa'i tshul gyis chos ston pa dang / gzugs mtshan ma med ces bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa mtshan ma med ces bya bar de mi dmigs pa'i tshul gyis chos ston pa dang / gzugs smon pa med ces bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa smon pa med ces bya bar/ de mi dmigs pa'i tshul gyis chos ston pa dang / gzugs mngon par 'du bya ba med ces bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa mngon par 'du bya ba med ces bya bar de mi dmigs pa'i tshul gyis chos ston pa dang / gzugs dben zhes bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa dben zhes bya bar de mi dmigs pa'i tshul gyis chos ston cing / dge ba'i rtsa ba thams cad kyang / rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa ste/ rab 'byor 'di ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ mig mi rtag ces bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid mi rtag ces bya bar de mi dmigs pa'i tshul gyis chos ston pa dang / mig sdug bsngal zhes bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid sdug bsngal zhes bya bar de mi dmigs pa'i tshul gyis chos ston pa dang / mig bdag med ces bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid bdag med ces bya bar de mi dmigs pa'i tshul gyis chos ston pa dang / mig zhi zhes bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid zhi zhes bya bar de mi dmigs pa'i tshul gyis chos ston pa dang / mig stong zhes bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid stong zhes bya bar de mi dmigs pa'i tshul gyis chos ston pa dang / mig mtshan ma med ces bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid mtshan ma med ces bya bar de mi dmigs pa'i tshul gyis chos ston pa dang / mig smon pa med ces bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid smon pa med ces bya bar de mi dmigs pa'i tshul gyis chos ston pa dang / mig mngon par 'du bya ba med ces bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid mngon par 'du bya ba med ces bya bar de mi dmigs pa'i tshul gyis chos ston pa dang / mig dben zhes bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid dben zhes bya bar de mi dmigs pa'i tshul gyis chos ston cing dge ba'i rtsa ba de dag kyang / rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa'o/ /rab 'byor gzhan yang byang chub sems dpa' sems dpa' chen po dge ba'i bshes gnyen ni gang de la/ gzugs mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / sgra dang / dri dang / ro dang / reg dang / chos mi rtag ces bya bar de mi dmigs pa'i tshul gyis chos ston cing / dge ba'i rtsa ba de dag kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / gzugs sdug bsngal zhes bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos sdug bsngal zhes bya bar de mi dmigs pa'i tshul gyis chos ston pa dang / gzugs bdag med ces bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos bdag med ces bya bar de mi dmigs pa'i tshul gyis chos ston pa dang / gzugs zhi zhes bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos zhi zhes bya bar de mi dmigs pa'i tshul gyis chos ston pa dang / gzugs stong zhes bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos stong zhes bya bar de mi dmigs pa'i tshul gyis chos ston pa dang / gzugs mtshan ma med ces bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos mtshan ma med ces bya bar de mi dmigs pa'i tshul gyis chos ston pa dang / gzugs smon pa med ces bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos smon pa med ces bya bar de mi dmigs pa'i tshul gyis chos ston pa dang / gzugs mngon par 'du bya ba med ces bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos mngon par 'du bya ba med ces bya bar de mi dmigs pa'i tshul gyis chos ston pa dang / gzugs dben zhes bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos dben zhes bya bar de mi dmigs pa'i tshul gyis chos ston cing / dge ba'i rtsa ba de dag kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ mig gi rnam par shes pa mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / mig gi rnam par shes pa sdug bsngal zhes bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa sdug bsngal zhes bya bar de mi dmigs pa'i tshul gyis chos ston pa dang / mig gi rnam par shes pa bdag med ces bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa bdag med ces bya bar de mi dmigs pa'i tshul gyis chos ston pa dang / mig gi rnam par shes pa zhi zhes bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa zhi zhes bya bar de mi dmigs pa'i tshul gyis chos ston pa dang / mig gi rnam par shes pa stong zhes bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa stong zhes bya bar de mi dmigs pa'i tshul gyis chos ston pa dang / mig gi rnam par shes pa mtshan ma med ces bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mtshan ma med ces bya bar de mi dmigs pa'i tshul gyis chos ston pa dang / mig gi rnam par shes pa smon pa med ces bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa smon pa med ces bya bar de mi dmigs pa'i tshul gyis chos ston pa dang / mig gi rnam par shes pa mngon par 'du bya ba med ces bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mngon par 'du bya ba med ces bya bar de mi dmigs pa'i tshul gyis chos ston pa dang / mig gi rnam par shes pa dben zhes bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa dben zhes bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su bsngor mi 'jug pa ste/ rab 'byor 'di ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ mig gi 'dus te reg pa mi rtag ces bya bar de mi dmigs pa'i tshul gyis chos ston cing / dge ba'i rtsa ba de dag kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / mig gi 'dus te reg pa sdug bsngal zhes bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa sdug bsngal zhes bya bar de mi dmigs pa'i tshul gyis chos ston pa dang / mig gi 'dus te reg pa bdag med ces bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa bdag med ces bya bar de mi dmigs pa'i tshul gyis chos ston pa dang / mig gi 'dus te reg pa zhi zhes bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa zhi zhes bya bar de mi dmigs pa'i tshul gyis chos ston pa dang / mig gi 'dus te reg pa stong zhes bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus reg pa stong zhes bya bar de mi dmigs pa'i tshul gyis chos ston pa dang / mig gi 'dus te reg pa mtshan ma med ces bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mtshan ma med ces bya bar de mi dmigs pa'i tshul gyis chos ston pa dang / mig gi 'dus te reg pa smon pa med ces bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa smon pa med ces bya bar de mi dmigs pa'i tshul gyis chos ston pa dang / mig gi 'dus te reg pa mngon par 'du bya ba med ces bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mngon par 'du bya ba med ces bya bar de mi dmigs pa'i tshul gyis chos ston pa dang / mig gi 'dus te reg pa dben zhes bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa dben zhes bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ mig gi 'dus te reg pa las byung ba'i tshor ba mi rtag ces bya bar de mi dmigs pa'i tshul gyis chos ston cing / dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su bsngor mi 'jug pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang / rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / mig gi 'dus te reg pa las byung ba'i tshor ba sdug bsngal zhes bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba sdug bsngal zhes bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba bdag med ces bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba bdag med ces bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba zhi zhes bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba zhi zhes bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba stong zhes bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba stong zhes bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba mtshan ma med ces bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba mtshan ma med ces bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba smon pa med ces bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba smon pa med ces bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba mngon par 'du bya ba med ces bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba mngon par 'du bya ba med ces bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba dben zhes bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba dben zhes bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ byang chub kyi phyogs kyi chos rnams kyi bar du mi rtag ces bya bar de mi dmigs pa'i tshul gyis chos ston pa dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis chos ston pa dang / byang chub kyi phyogs kyi chos rnams bsgom pa'i phyir de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / sangs rgyas kyi chos ma 'dres pa rnams kyi bar du mi rtag ces bya bar de mi dmigs pa'i tshul gyis chos ston pa dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis chos ston pa dang / sangs rgyas kyi chos ma 'dres pa bsgom pa'i phyir/ de mi dmigs pa'i tshul gyis chos ston pa dang / rnam pa thams cad mkhyen pa nyid kyi bar du bsgom pa'i phyir/ de mi dmigs pa'i tshul gyis chos ston pa dang / byang chub kyi bar du bsgom pa'i phyir/ de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa'o/ /rab 'byor 'di ni byang chub sems dpa' sems dpa' chen po'i dge ba'i bshes gnyen du shes par bya ste/ dge ba'i bshes gnyen des yongs su zin pa'i byang chub sems dpa' sems dpa' chen po de ni shes rab kyi pha rol du phyin pa 'di thos na/ mi 'jigs mi sngang / skrag par mi 'gyur ro/ /rab 'byor gyis gsol pa/ bcom ldan 'das ji ltar na/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab kyi pha rol du phyin pa bstan pa 'di thos na/ 'jigs shing dngang la skrag par 'gyur zhing / thabs mi mkhas te/ sdig pa'i grogs po'i sug par lhung zhing / dge ba'i bshes gnyen gyis yongs su spangs pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya ba med par/ shes rab kyi pha rol du phyin pa bsgom zhing dmigs te/ shes rab kyi pha rol du phyin pa des rlom sems su byed pa dang / bsam gtan gyi pha rol du phyin pa bsgom zhing dmigs te/ bsam gtan gyi pha rol du phyin pa des rlom sems su byed pa dang / brtson 'grus kyi pha rol du phyin pa bsgom zhing dmigs te/ brtson 'grus kyi pha rol du phyin pa des rlom sems su byed pa dang / bzod pa'i pha rol du phyin pa bsgom zhing dmigs te/ bzod pa'i pha rol du phyin pa des rlom sems su byed pa dang / tshul khrims kyi pha rol du phyin pa bsgom zhing dmigs te/ tshul khrims kyi pha rol du phyin pa des rlom sems su byed pa dang / sbyin pa'i pha rol du phyin pa bsgom zhing dmigs te/ sbyin pa'i pha rol du phyin pa des rlom sems su byed pa de lta bu ni/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i thabs mi mkhas par rig par bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya ba med par/ gzugs nang stong pa zhes bya bar yid la byed/ gzugs phyi stong pa zhes bya bar yid la byed/ gzugs phyi nang stong pa zhes bya bar yid la byed/ gzugs dngos po med pa'i ngo bo nyid stong pa nyid kyi bar zhes bya bar yid la byed/ tshor ba dang / 'du shes dang / 'du byed dang / rnam par shes pa nang stong pa zhes bya bar yid la byed/ rnam par shes pa phyi stong pa zhes bya bar yid la byed/ rnam par shes pa phyi nang stong pa zhes bya bar yid la byed/ rnam par shes pa dngos po med pa'i ngo bo nyid stong pa nyid kyi bar zhes bya bar yid la byed cing / dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar du yang dmigs la/ stong pa nyid de dag gis kyang rlom sems su byed do/ /mig nang stong pa zhes bya bar yid la byed/ mig phyi stong pa zhes bya bar yid la byed/ mig phyi nang stong pa zhes bya bar yid la byed/ mig dngos po med pa'i ngo bo nyid stong pa nyid kyi bar zhes bya bar yid la byed/ rna ba dang sna dang / lce dang / lus dang / yid nang stong pa zhes bya bar yid la byed/ yid phyi stong pa zhes bya bar yid la byed/ yid phyi nang stong pa zhes bya bar yid la byed/ yid dngos po med pa'i ngo bo nyid stong pa nyid kyi bar zhes bya bar yid la byed cing / dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /gzugs nang stong pa zhes bya bar yid la byed/ gzugs phyi stong pa zhes bya bar yid la byed/ gzugs phyi nang stong pa zhes bya bar yid la byed/ gzugs dngos po med pa'i ngo bo nyid stong pa nyid kyi bar zhes bya bar yid la byed/ sgra dang dri dang / ro dang reg dang / chos nang stong pa zhes bya bar yid la byed/ chos phyi stong pa zhes bya bar yid la byed/ chos phyi nang stong pa zhes bya bar yid la byed/ chos dngos po med pa'i ngo bo nyid stong pa nyid kyi bar zhes bya bar yang yid la byed de/ dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /mig gi rnam par shes pa nang stong pa zhes bya bar yid la byed/ mig gi rnam par shes pa phyi stong pa zhes bya bar yid la byed/ mig gi rnam par shes pa phyi nang stong pa zhes bya bar yid la byed/ mig gi rnam par shes pa dngos po med pa'i ngo bo nyid stong pa nyid kyi bar zhes bya bar yid la byed/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa nang stong pa zhes bya bar yid la byed/ yid kyi rnam par shes pa phyi stong pa zhes bya bar yid la byed/ yid kyi rnam par shes pa phyi nang stong pa zhes bya bar yid la byed/ yid kyi rnam par shes pa dngos po med pa'i ngo bo nyid stong pa nyid kyi bar zhes bya bar yid la byed cing / dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /mig gi 'dus te reg pa nang stong pa zhes bya bar yid la byed/ mig gi 'dus te reg pa phyi stong pa zhes bya bar yid la byed/ mig gi 'dus te reg pa phyi nang stong pa zhes bya bar yid la byed/ mig gi 'dus te reg pa dngos po med pa'i ngo bo nyid stong pa nyid kyi bar zhes bya bar yid la byed/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa nang stong pa zhes bya bar yid la byed/ yid kyi 'dus te reg pa phyi stong pa zhes bya bar yid la byed/ yid kyi 'dus te reg pa phyi nang stong pa/ zhes bya bar yid la byed/ yid kyi 'dus te reg pa dngos po med pa'i ngo bo nyid stong pa nyid kyi bar zhes bya bar yid la byed cing / dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /mig gi 'dus te reg pa'i rkyen gyis tshor ba nang stong pa zhes bya bar yid la byed/ mig gi 'dus te reg pa'i rkyen gyis tshor ba phyi stong pa zhes bya bar yid la byed/ mig gi 'dus te reg pa'i rkyen gyis tshor ba phyi nang stong pa zhes bya bar yid la byed/ mig gi 'dus te reg pa'i rkyen gyis tshor ba dngos po med pa'i ngo bo nyid stong pa nyid kyi bar zhes bya bar yid la byed/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba nang stong pa zhes bya bar yid la byed/ yid kyi 'dus te reg pa'i rkyen gyis tshor ba phyi stong pa zhes bya bar yid la byed/ yid kyi 'dus te reg pa'i rkyen gyis tshor ba phyi nang stong pa zhes bya bar yid la byed/ yid kyi 'dus te reg pa'i rkyen gyis tshor ba dngos po med pa'i ngo bo nyid stong pa nyid kyi bar zhes bya bar yid la byed cing / dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /sa'i khams nang stong pa nyid ces bya bar yid la byed/ sa'i khams phyi stong pa nyid ces bya bar yid la byed/ sa'i khams phyi nang stong pa nyid ces bya bar yid la byed/ sa'i khams dngos po med pa'i ngo bo nyid stong pa nyid kyi bar zhes bya bar yid la byed/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams nang stong pa nyid ces bya bar yid la byed/ rnam par shes pa'i khams phyi stong pa nyid ces bya bar yid la byed/ rnam par shes pa'i khams phyi nang stong pa nyid ces bya bar yid la byed/ rnam par shes pa'i khams dngos po med pa'i ngo bo nyid stong pa nyid kyi bar zhes bya bar yid la byed/ ma rig pa na nga stong pa nyid ces bya bar yid la byed/ ma rig pa phyi stong pa nyid ces bya bar yid la byed/ ma rig pa phyi nang stong pa nyid ces bya bar yid la byed/ ma rig pa dngos po med pa'i ngo bo nyid stong pa nyid kyi bar zhes bya bar yid la byed/ 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi nang stong pa nyid ces bya bar yid la byed/ rga shi phyi stong pa nyid ces bya bar yid la byed/ rga shi phyi nang stong pa nyid ces bya bar yid la byed/ rga shi dngos po med pa'i ngo bo nyid stong pa nyid kyi bar zhes bya bar yid la byed cing / dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /rab 'byor gzhan yang byang chub sems dpa' sems dpa' chen po de shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya ba med par/ dran pa nye bar gzhag pa rnams bsgom ste/ dmigs pa'i tshul gyis dran pa nye bar gzhag pa de dag kyang dmigs la/ dran pa nye bar gzhag pa de dag gis kyang rlom sems su byed do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad bsgom ste/ dmigs pa'i tshul gyis sangs rgyas kyi chos ma 'dres pa de dag kyang dmigs la/ sangs rgyas kyi chos ma 'dres pa de dag gis kyang rlom sems su byed do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ de ltar thabs mi mkhas pas ni/ shes rab kyi pha rol du phyin pa bstan pa 'di thos na/ 'jigs shing dngang la skrag par 'gyur ro/ /gsol pa/ bcom ldan 'das ji ltar na byang chub sems dpa' sems dpa' chen po sdig pa'i grogs pos yongs su zin cing / shes rab kyi pha rol du phyin pa bstan pa 'di thos na 'jigs shing dngang la skrag par 'gyur zhing / sdig pa'i grogs po'i sug par lhung ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po'i sdig pa'i grogs po ni/ shes rab kyi pha rol du phyin pa la spyod pa mos pa med par byed cing zlog par byed pa'o/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la spyod pa mos pa med par byed cing zlog par byed pa ste/ 'di ni de bzhin gshegs pas gsungs pa ma yin/ 'di ni chos ma yin/ 'di ni 'dul ba ma yin gyis/ 'di ni bslab par bya ba'i mi cha'o/ /mdo sde 'di dag ni rang bzor byas pa ste/ 'di dag ni mnyan par mi bya'o/ /gzung bar mi bya'o/ /bcang bar mi bya'o/ /klag par mi bya'o/ /kun chub par mi bya'o/ /tshul bzhin du yid la mi bya'o/ /'di dag ni gzhan la bstan par mi bya'o/ /zhes zer ba 'di ni/ rab 'byor byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang byang chub sems dpa' sems dpa' chen po'i sdig pa'i grogs po ni/ 'di ltar bdud sdig to can sangs rgyas kyi cha byad du byas pa dag / byang chub sems dpa' sems dpa' chen po'i drung du 'ongs nas/ pha rol du phyin pa drug las zlog cing / mos pa med par byed de rigs kyi bu shes rab kyi pha rol du phyin pa bsgoms pas khyod la ci zhig bya/ bsam gtan gyi pha rol du phyin pa bsgoms pas khyod la ci zhig bya/ brtson 'grus kyi pha rol du phyin pa bsgoms pas khyod la ci zhig bya/ bzod pa'i pha rol du phyin pa bsgoms pas khyod la ci zhig bya/ tshul khrims kyi pha rol du phyin pa bsgoms pas khyod la ci zhig bya/ sbyin pa'i pha rol du phyin pa bsgoms pas khyod la ci zhig bya zhes zer ba 'ong ngo / /zhes bdud kyi las mi ston bdud kyi nyes pa mi ston pa 'di dag ni/ rab 'byor byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag sangs rgyas kyi cha byad du byas shing / byang chub sems dpa' sems dpa' chen po'i drung du phyin te/ nyan thos dang ldan pa'i mdo dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gling gzhi dang / 'di ltar 'das pa dang / skyes pa'i rabs dang / shin du rgyas pa dang / chos rmad du byung ba dang / rtogs pa brjod pa dang / gtan la bab par bstan pa dag ston to/ /'grel to/ /rnam par 'byed do/ /yongs su ston to/ /zhes bdud kyi las rnam pa 'di lta bu dag mi smra mi ston pa ni/ byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag sangs rgyas kyi cha byad du byas shing / byang chub sems dpa' sems dpa' chen po'i drung du phyin te/ 'di skad du rigs kyi bu khyod la ni byang chub kyi sems kyang cung zad kyang med/ khyod ni phyir mi ldog pa yang ma yin khyod kyis ni bla na med pa yang dag par rdzogs pa'i byang chub tu mngon par rdzogs par 'tshang rgya bar yang mi nus so/ /zhes zer ba 'di lta bu'i bdud kyi las dag mi smra mi ston pa ni/ rab 'byor byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag sangs rgyas kyi cha byad du byas shing / byang chub sems dpa' sems dpa' chen po'i drung du phyin te/ 'di skad du rigs kyi bu mig gi bdag gam bdag gis stong ngo / /rna ba dang / sna dang / lce dang / lus dang / yid ni bdag gam bdag gis stong ngo / /gzugs ni bdag gam bdag gis stong ngo / /sgra dang / dri dang / ro dang / reg dang / chos ni bdag gam bdag gis stong ngo / /mig gi rnam par shes pa ni bdag gam bdag gis stong ngo / /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni bdag gam bdag gis stong ngo / /mig gi 'dus te reg pa ni bdag gam bdag gis stong ngo / /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni bdag gam bdag gis stong ngo / /mig gi 'dus te reg pa'i rkyen kyis tshor ba ni bdag gam bdag gis stong ngo / /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ni bdag gam bdag gis stong ngo / /sbyin pa'i pha rol du phyin pa ni bdag gam bdag gis stong ngo / /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni bdag gam bdag gis stong ngo / /byang chub kyi phyogs kyi chos rnams kyi bar du ni bdag gam bdag gis stong ngo / /sangs rgyas kyi chos ma 'dres pa rnams kyi bar du ni bdag gam bdag gis stong na/ bla na med pa yang dag par rdzogs pa'i byang chub tu mngon par rdzogs par sangs rgyas te yang ci zhig bya zhes zer ba de lta bu'i bdud kyi las dag mi smra mi ston pa 'di ni/ byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag sangs rgyas kyi cha byad du byas shing / byang chub sems dpa' sems dpa' chen po'i drung du phyin te/ 'di skad du rigs kyi bu shar phyogs ni sangs rgyas bcom ldan 'das dang / byang chub sems dpa' dang / nyan thos rnams kyis stong ste/ 'di la sangs rgyas zhes bya ba yang med do/ / byang chub sems dpa' zhes bya ba yang med do/ /nyan thos zhes bya ba yang med do/ /lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs bcu kun kyang sangs rgyas bcom ldan 'das dang / byang chub sems dpa' dang / nyan thos rnams kyis stong ste/ 'di la sangs rgyas zhes bya ba yang med do/ /byang chub sems dpa' zhes bya ba yang med do/ /nyan thos zhes bya ba yang med do zhes zer ba de lta bu'i bdud kyi las dag mi smra mi ston pa 'di ni/ byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag nyan thos kyi cha byad du byas shing / byang chub sems dpa' sems dpa' chen po'i drung du phyin te/ rnam pa thams cad mkhyen pa nyid dang ldan pa'i yid la bya ba las zlog cing / nyan thos dang / rang sangs rgyas dang ldan pa'i yid la bya bas 'dems pa dang / rjes su ston pa de lta bu'i bdud kyi las dag mi smra mi ston pa 'di ni/ byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag /mkhan po dang slob dpon gyi cha byad du byas shing / byang chub sems dpa' sems dpa' chen po'i drung du phyin te/ byang chub sems dpa'i spyod pa las zlog cing / rnam pa thams cad mkhyen pa nyid dang ldan pa'i yid la bya ba las zlog ste/ dran pa nye bar gzhag pa rnams la sbyor ba dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la sbyor ba dang / stong pa nyid dang / mtshan ma med pa dang / smon pa med pa'i bar gyi chos rnams la sbyor zhing / de ltar rigs kyi bu khyod kyis chos de dag yongs su bsgoms la/ nyan thos kyis mngon du gyis shig /bla na med pa yang dag par rdzogs pa'i byang chub kyis khyod la ci zhig bya zhes zer ba de lta bu'i bdud kyi las dag mi smra mi ston pa 'di ni/ byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag pha dang ma'i cha byad du byas shing / byang chub sems dpa' sems dpa' chen po'i drung du phyin te/ 'di skad du bla na med pa yang dag par rdzogs pa'i byang chub tu mngon par sangs rgyas pas khyod la ci zhig bya/ de'i don du ni bskal pa tshad med grangs med par 'khor ba na 'khor zhing / rkang lag dang mgo bcad pa tshad med pas nyon mongs par 'gyur gyis/ gang la rgyun du zhugs pa'i 'bras bu mngon du byar yod pa dang / lan cig phyir 'ong ba'i 'bras bu mngon du byar yod pa dang / phyir mi 'ong ba'i 'bras bu mngon du byar yod pa dang / dgra bcom pa'i 'bras bu mngon du byar yod pa de la brtson par gyis shig ces zer ba de lta bu'i bdud kyi las dag mi smra mi ston pa 'di ni byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag dge slong gi cha byad du byas shing / byang chub sems dpa' sems dpa' chen po'i drung du phyin te/ gzugs mi rtag ces bya bar dmigs pa'i tshul gyis ston pa dang / gzugs sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / tshor ba dang / 'du shes dang / 'du byed dang / rnam par shes pa mi rtag ces bya bar dmigs pa'i tshul gyis ston pa dang / rnam par shes pa sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / mig mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / rna ba dang / sna dang / lce dang / lus dang / yid mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / gzugs mi rtag ces bya ba dang / gzugs sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / sgra dang / dri dang / ro dang / reg dang / chos mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / mig gi rnam par shes pa mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / mig gi 'dus te reg pa mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / mig gi 'dus te reg pa'i rkyen gyis tshor ba mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / dran pa nye bar gzhag pa rnams kyi bar du mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / sangs rgyas kyi chos ma 'dres pa rnams kyi bar du mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa de lta bu'i 'dud kyi las kyi rnam pa dag mi smra mi ston pa 'di ni byang chub sems dpa' sems dpa' chen po'i sdig pa'i grogs por rig par bya'o/ /de ltar byang chub sems dpa' sems dpa' chen pos sdig pa'i grogs po dag rig par bya ste/ de ltar shes nas kyang yongs su spong bar bya'o/ /shes rab kyi pha rol du phyin pa stong phrag nyi shu lnga pa las le'u bdun pa'o// //de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das byang chub sems dpa' byang chub sems dpa' zhes bgyi ba'i tshig 'di'i don gang lags/ de skad ces gsol ba dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa'i tshig gi don ni/ tshig gi don med pa ste/ de ci'i phyir zhe na/ byang chub kyang ma skyes la/ sems can yang ma skyes pa'i phyir te/ rab 'byor byang chub la yang tshig med/ sems can la yang tshig med pas de'i phyir byang chub sems dpa'i tshig gi don ni tshig gi don med pa'o/ /rab 'byor 'di lta ste dper na nam mkha' la bya'i rjes med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na rmi lam la gnas med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na sgyu ma la gnas med do/ / rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na smig rgyu la gnas med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na chu zla dang sgra brnyan dang mig yor dang / gzugs brnyan dang / de bzhin gshegs pa'i sprul ba la gnas med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na/ yang dag pa'i mtha' la gnas med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings nyid dang / chos kyi gnas nyid dang / chos skyon med pa nyid la gnas med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i gzugs la gnas med do/ /tshor ba dang / 'du shes dang / 'du byed dang / rnam par shes pa la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i mig la gnas med do/ /rna ba dang / sna dang / lce dang / lus dang / yid la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na sgyu ma'i skyes bu'i gzugs la gnas med do/ /sgra dang / dri dang / ro dang / reg dang / chos la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na sgyu ma'i skyes bu'i mig gi rnam par shes pa la gnas med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na sgyu ma'i skyes bu'i mig gi 'dus te reg pa la gnas med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i mig gi 'dus te reg pa'i rkyen gyis tshor ba la gnas med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i ma rig pa la gnas med do/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ / rab 'byor 'di lta ste dper na/ sgyu ma'i skyes bu'i sbyin pa'i pha rol du phyin pa la spyod pa'i tshig gi don med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa'i tshig gi don med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do// // shes rab kyi pha rol du phyin pa stong phrag nyi shu lnga pa/ bam po bcu gsum pa/ rab 'byor 'di lta ste dper na/ sgyu ma'i skyes bu'i nang stong pa nyid la spyod pa'i tshig gi don med do/ /phyi stong pa nyid dang / phyi nang stong pa nyid la spyod pa'i tshig gi don med do/ /dngos po med pa'i ngo bo nyid stong pa nyid kyi bar la spyod pa'i tshig gi don med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na sgyu ma'i skyes bu'i dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad la spyod pa'i tshig gi don med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi gzugs la gnas med do/ /de ci'i phyir zhe na/ gzugs de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi tshor ba dang / 'du shes dang / 'du byed dang / rnam par shes pa la gnas med do/ /de ci'i phyir zhe na/ rnam par shes pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi mig la gnas med do/ /de ci'i phyir zhe na/ mig de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi rna ba dang / sna dang lce dang / lus dang yid la gnas med do/ /de ci'i phyir zhe na yid de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na de bzhin gshegs pa dgra bcom pa yang dag par rdzogs pa'i sangs rgyas kyi gzugs la gnas med do/ /de ci'i phyir zhe na gzugs de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi sgra dang / dri dang / ro dang / reg dang / chos la gnas med do/ /de ci'i phyir zhe na/ chos de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi mig gi rnam par shes pa la gnas med do/ / de ci'i phyir zhe na/ mig gi rnam par shes pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la gnas med do/ /de ci'i phyir zhe na/ yid kyi rnam par shes pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ mig gi 'dus te reg pa la gnas med do/ /de ci'i phyir zhe na/ mig gi 'dus te reg pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i/ byang chub sems dpa'i tshig gi don med do/ / rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la gnas med do/ / de ci'i phyir zhe na/ yid kyi 'dus te reg pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyis/ mig gi 'dus te reg pa'i rkyen gyis tshor ba la gnas med do/ /de ci'i phyir zhe na/ mig gi 'dus te reg pa'i rkyen gyis tshor ba de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la gnas med do/ /de ci'i phyir zhe na/ yid kyi 'dus te reg pa'i rkyen gyis tshor ba de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ ma rig pa la gnas med do de ci'i phyir zhe na ma rig pa de med pa'i phyir te rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la gnas med do/ /de ci'i phyir zhe na rga shi de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ sbyin pa'i pha rol du phyin pa la gnas med do/ /de ci'i phyir zhe na/ sbyin pa'i pha rol du phyin pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na de bzhin gshegs pa dgra bcom pa yang dag par rdzogs pa'i sangs rgyas kyi/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas med do/ /de ci'i phyir zhe na/ shes rab kyi pha rol du phyin pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ / rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ nang stong pa nyid la gnas med do/ /de ci'i phyir zhe na/ nang stong pa nyid de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ dngos po med pa'i ngo bo nyid stong pa nyid kyi bar la gnas med do/ /de ci'i phyir zhe na/ dngos po med pa'i ngo bo nyid stong pa nyid de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi byang chub kyi phyogs kyi chos sum cu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad la gnas med do/ /de ci'i phyir zhe na/ sangs rgyas kyi chos ma 'dres pa de dag med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ 'dus ma byas kyi dbyings la 'dus byas kyi khams kyi gnas med do/ /'dus byas kyi khams la 'dus ma byas kyi dbyings kyi gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ skye ba med pa la gnas med do/ /'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa dang 'byung ba med pa dang / dmigs pa med pa la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /gsol pa/ bcom ldan 'das gang gi skye ba ma mchis pa la gnas ma mchis/ 'gag pa ma mchis pa dang / kun nas nyon mongs pa ma mchis pa dang / rnam par byang ba ma mchis pa dang / mngon par 'du bgyi ba ma mchis pa dang / 'byung ba ma mchis pa dang / gang gi mi dmigs pa la gnas ma mchis pa lags/ bcom ldan 'das kyis bka' stsal pa/ rab 'byor gzugs skye ba med pa la gnas med do/ /gzugs 'gag pa med pa dang / gzugs kun nas nyon mongs pa med pa dang / gzugs rnam par byang ba med pa dang / gzugs mngon par 'du bya ba med pa dang / gzugs 'byung ba med pa dang / gzugs mi dmigs pa la gnas med do/ /tshor ba dang / 'du shes dang / 'du byed dang / rnam par shes pa skye ba med pa la gnas med do/ /rnam par shes pa 'gag pa med pa dang / rnam par shes pa kun nas nyon mongs pa med pa dang / rnam par shes pa rnam par byang ba med pa dang / rnam par shes pa mngon par 'du bya ba med pa dang / rnam par shes pa 'byung ba med pa dang / rnam par shes pa mi dmigs pa la gnas med do/ /skye mched dang / khams dang / rten cing 'brel par 'byung ba skye ba med pa la gnas med do/ /skye mched dang / khams dang / rten cing 'brel par 'byung ba 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa dang / 'byung ba med pa dang / mi dmigs pa la/ gnas med do/ /byang chub kyi phyogs kyi chos rnams kyi bar dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams skye ba med pa la gnas med do/ /sangs rgyas kyi chos ma 'dres pa rnams 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa dang 'byung ba med pa dang / mi dmigs pa la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ gzugs shin du rnam par dag pa la mtshan ma'i gnas med do/ /tshor ba dang / 'du shes dang / 'du byed dang / rnam par shes pa shin du rnam par dag pa la mtshan ma'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ skye mched dang / khams dang / rten cing 'brel par 'byung ba shin tu rnam par dag pa la mtshan ma'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /dran pa nye bar gzhag pa'i bar du shin du rnam par dag pa la mtshan ma'i gnas med do/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa shin du rnam par dag pa la mtshan ma'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ bdag med pa'i phyir bdag shin du rnam par dag pa la mtshan ma'i gnas med do/ /sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po med pa'i phyir/ sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po shin du rnam par dag pa la mtshan ma'i gnas med do/ /rab 'byor de bzhin du/ byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ nyi ma'i dkyil 'khor mngon par 'char ba'i tshe/ mun pa'i gnas med do/ /rab 'byor de bzhin du/ byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ bskal pa'i me 'bar ba'i tshe/ 'du byed kyi rnam pa thams cad kyi gnas med do/ / rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi tshul khrims la/ tshul khrims ngan pa'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi ting nge 'dzin la 'khrug pa'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi shes rab la/ shes rab 'chal pa'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi rnam par grol ba la/ rnam par ma grol ba'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi rnam par grol ba'i ye shes gzigs pa la/ rnam par grol ba'i ye shes ma gzigs pa'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ nyi ma dang zla ba'i 'od la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ gza' dang / skar ma dang / nor bu rin po che dang / glog gi 'od la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ rgyal chen bzhi'i ris kyi lha rnams kyi 'od la gnas med do/ /sum cu rtsa gsum gyi lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / 'og min gyi bar gyi lha rnams kyi 'od la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ byang chub sems dpa' sems dpa' chen po rnams kyi 'od la gnas med do/ /de bzhin gshegs pa dgra bcom pa yang dag par rdzogs pa'i sangs rgyas rnams kyi 'od la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /de ci'i phyir zhe na/ rab 'byor 'di ltar byang chub gang yin pa dang / byang chub sems dpa' dang / byang chub sems dpa'i tshig gi don gang yin pa'i chos de dag thams cad kyang ldan pa yang ma yin/ mi ldan pa yang ma yin te/ gzugs med pa/ bstan du med pa/ thogs pa med pa/ 'di ltar mtshan nyid med par mtshan nyid gcig pa sha stag ste/ rab 'byor byang chub sems dpa' sems dpa' chen po chos thams cad la ma chags pa dang / med pa yang dag pa nyid la bslab par bya'o/ /rab 'byor byang chub sems dpa' sems dpa' chen pos chos thams cad la rtog pa med cing / rnam par rtog pa med par yang rig par bya'o/ /gsol pa/ bcom ldan 'das chos thams cad ni gang lags/ bcom ldan 'das byang chub sems dpa' sems dpa' chen pos chos gang rnams kyi ma chags pa dang mchis pa ma lags pa yang dag pa nyid la ji ltar bslab par bgyi/ byang chub sems dpa' sems dpa' chen pos chos thams cad ni gang rnams rig par bgyi/ bcom ldan 'das kyis bka' stsal pa/ rab 'byor chos thams cad ces bya ba ni dge ba dang mi dge ba dang lung du bstan pa dang / lung du ma bstan pa dang / 'jig rten pa dang 'jig rten las 'das pa dang / zag pa dang bcas pa dang / zag pa med pa dang / 'dus byas dang / 'dus ma byas dang / kha na ma tho ba dang bcas pa dang / kha na ma tho ba med pa dang / thun mong dang / thun mong ma yin pa dag ste/ rab 'byor de dag ni chos thams cad ces bya ste/ byang chub sems dpa' sems dpa' chen pos kyang chos de dag thams cad la ma chags pa dang / med pa nyid la bslab par bya'o/ /byang chub sems dpa' sems dpa' chen pos shes par bya ba yang chos thams cad po de dag nyid do/ /gsol pa/ bcom ldan 'das 'jig rten pa'i dge ba'i chos gang lags/ bcom ldan 'das kyis bka' stsal pa/ rab 'byor 'jig rten pa'i chos dge ba zhes bya ba ni/ phar shes pa/ mar shes pa/ dge sbyong du shes pa/ bram zer shes pa/ rigs kyi nang na rgan pa la rim gro byed pa dang / sbyin pa las byung ba'i bsod nams kyi las kyi dngos po dang / tshul khrims las byung ba dang / bsgom pa las byung ba'i bsod nams kyi las kyi dngos po dang / nyams su blang ba dang ldan pa'i dngos po dang / dge ba bcu'i las kyi lam rnams dang / 'jig rten pa'i 'du shes dgu ste/ 'di ltar rnam par bam pa'i 'du shes dang / 'bu can gyi 'du shes dang / rnam par rnags pa'i 'du shes dang / rnam par dmar ba'i 'du shes dang / rnam par sngos pa'i 'du shes dang / rnam par zos pa'i 'du shes dang / rnam par 'thor ba'i 'du shes dang / rus pa'i 'du shes dang / rnam par tshig pa'i 'du shes dang / 'jig rten pa'i bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / 'jig rten pa'i rjes su dran pa bcu ste/ 'di ltar sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / dbugs phyi nang du rgyu ba rjes su dran pa dang / lus kyi rnam pa rjes su dran pa dang / skyo ba rjes su dran pa dang / 'chi ba rjes su dran pa dag ste/ de dag ni 'jig rten pa'i chos dge ba zhes bya'o/ /gsol pa/ bcom ldan 'das 'jig rten pa'i chos mi dge ba gang lags/ bcom ldan 'das kyis bka' stsal pa/ mi dge ba bcu'i las kyi lam dag ste/ 'di ltar rab 'byor srog gcod pa ni 'jig rten pa'i chos mi dge ba'o/ /ma byin par len pa dang / 'dod pas log par g.yem pa dang / du smra ba dang / phra ma dang / zhe gcod pa dang / tshig kyal pa dang / chags sems dang / gnod sems dang / log par lta ba dang / khro ba dang / mdud par 'dzin pa dang / 'chab pa dang / 'tshig pa dang / 'tshe ba dang / phrag dog dang / ser sna dang / nga rgyal dang / log pa'i nga rgyal ste/ rab 'byor de dag ni 'jig rten pa'i chos mi dge ba'o/ /gsol pa/ bcom ldan 'das lung du ma bstan pa'i chos gang lags/ bcom ldan 'das kyis bka' stsal pa/ lus kyi las ni lung ma bstan pa'o/ /ngag gi las ni lung ma bstan pa'o/ /yid kyi las ni lung ma bstan pa'o/ /'byung ba chen po bzhi ni lung ma bstan pa'o/ / dbang po lnga ni lung ma bstan pa'o/ /skye mched drug ni lung ma bstan pa'o/ /gzugs med pa bzhir skyes pa ni lung ma bstan pa'o/ /phung po dang / khams dang / skye mched ni lung ma bstan pa'o/ /rnam par smin pa thams cad ni lung ma bstan pa ste/ rab 'byor de dag ni lung ma bstan pa'i chos su shes par bya'o/ /gsol ba/ bcom ldan 'das 'jig rten pa'i chos gang lags/ bcom ldan 'das kyis bka' stsal pa/ rab 'byor 'jig rten pa'i chos zhes bya ba ni/ phung po dang / skye mched dang / khams dang / dge ba bcu'i las kyi lam dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / 'jig rten las 'das pa'i chos ma gtogs par/ de ma yin par 'jig rten pa'i chos gang ji snyed pa de dag ni 'jig rten pa'i chos zhes bya'o/ /gsol pa/ bcom ldan 'das 'jig rten las 'das pa'i chos gang lags/ bcom ldan 'das kyis bka' stsal pa/ rab 'byor 'jig rten las 'das pa'i chos zhes bya ba ni/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / ma shes pa yongs su shes par bya ba'i dbang po dang / yongs su shes pa'i dbang po dang / yongs su shes par rtogs pa'i dbang po dang / rtog pa dang bcas dpyod pa dang bcas pa'i ting nge 'dzin dang / rtog pa med pa la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin dang / rig pa dang / rnam par grol ba dang / dran pa dang / shes bzhin dang / tshul bzhin du yid la bya ba dang / rnam par thar pa brgyad de/ brgyad gang zhe na/ gzugs dang ldan pa gzugs mthong ba 'di ni/ rnam par thar ba dang po'o/ / nang gzugs med pa'i 'du shes dang ldan pas/ phyi rol gyi gzugs mthong ba 'di ni rnam par thar ba gnyis pa'o/ /sdug par mos par gyur pa 'di ni rnam par thar pa gsum pa'o/ /gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas pa 'di ni rnam par thar pa bzhi pa'o/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes/ rnam shes mtha' yas skye mched la nye bar bsgrubs te gnas pa 'di ni rnam par thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes/ cung zad med pa'i skye mched la nye bar bsgrubs te gnas pa 'di ni rnam par thar pa drug pa'o/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas pa 'di ni rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das te 'du shes dang tshor ba 'gog pa la nye bar bsgrubs te gnas pa 'di ni rnam par thar pa brgyad pa'o/ /rnam par thar ba brgyad po de dag dang / mthar gyis gnas pa'i snyoms par 'jug pa dgu ste/ dgu gang zhe na/ 'di lta ste/ de 'dod pas dben/ sdig to mi dge ba'i chos kyis dben/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang / rnam par dpyod pa nye bar zhi nas/ nang yongs su dang ste/ sems kyi rgyud gcig tu gyur pas/ rnam par rtog pa med pa/ rnam par dpyod pa med pa/ ting nge 'dzin las skyes pa'i dga' ba dang / bde ba can bsam gtan gnyis pa la nye bar bsgrubs te gnas so/ /de dga' ba las 'dod chags dang bral bas/ dran pa dang ldan zhing / shes bzhin du btang snyoms su gnas te/ bde ba lus kyis myong la/ 'phags pa rnams kyis de la dran pa dang ldan pa/ bde ba la rnam par spyod pa btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs/ sdug bsngal ba yang spangs shing / yid bde ba dang / yid mi bde ba snga nas kyang nub pas/ bde ba yang med/ sdug bsngal ba yang med pa/ btang snyoms dang dran pas yongs su dag pa'i bsam gtan bzhi pa la nye bar bsgrubs te gnas so/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas so/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes/ rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes/ cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang / tshor ba 'gog pa la nye bar bsgrubs te gnas so/ /de ltar mthar gyis gnas pa'i snyoms par 'jug pa dgu po de dag dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad dag ste/ de dag ni 'jig rten las 'das pa'i chos shes bya'o/ /gsol pa/ bcom ldan 'das zag pa dang bcas pa'i chos gang lags/ bcom ldan 'das kyis bka' stsal pa/ rab 'byor zag pa dang bcas pa'i chos zhes bya ba ni/ 'di lta ste/ phung po dang / skye mched dang / khams dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dag ste/ de dag ni zag pa dang bcas pa'i chos zhes bya'o/ /gsol pa/ bcom ldan 'das zag pa ma mchis pa'i chos gang lags/ bcom ldan 'das kyis bka' stsal pa/ rab 'byor zag pa med pa'i chos ni/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad dag ste/ de dag ni zag pa med pa'i chos zhes bya'o/ /gsol pa/ bcom ldan 'das 'dus byas kyi chos gang lags/ bcom ldan 'das kyis bka' stsal pa/ rab 'byor 'dus byas kyi chos zhes bya ba ni/ 'dod pa'i khams dang / gzugs kyi khams dang / gzugs med pa'i khams dang / gzhan yang de ma yin pa 'dus byas su gtogs pa'i chos rnams/ byang chub kyi phyogs kyi chos sum cu rtsa bdun dang / sangs rgyas kyi chos ma 'dres pa brgyad kyi bar dag ste/ de dag ni 'dus byas kyi chos zhes bya'o/ /gsol pa/ bcom ldan 'das 'dus ma byas kyi chos gang lags/ bcom ldan 'das kyis bka' stsal pa/ rab 'byor 'dus ma byas kyi chos zhes bya ba ni/ gang la skye ba med cing 'jig pa med pa dang / gnas pa las gzhan du 'gyur ba med pa ste/ 'dod chags zad pa/ zhe sdang zad pa/ gti mug zad pa/ de bzhin nyid ma nor ba de bzhin nyid/ gzhan ma yin pa de bzhin nyid/ chos nyid chos kyi dbyings nyid/ chos skyon med pa nyid/ bsam gyis mi khyab pa'i dbyings/ yang dag pa'i mtha' ste/ rab 'byor de dag ni 'dus ma byas kyi chos zhes bya'o/ /gsol pa/ bcom ldan 'das thun mong gi chos gang lags/ bcom ldan 'das kyis bka' stsal pa/ rab 'byor thun mong gi chos zhes bya ba ni/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dag ste/ de dag ni byis pa so so'i skye bo rnams dang / thun mong gi chos zhes bya'o/ /gsol pa/ bcom ldan 'das thun mong ma lags pa'i chos gang lags/ bcom ldan 'das kyis bka' stsal pa/ rab 'byor thun mong ma yin pa'i chos zhes bya ba ni/ byang chub kyi phyogs kyi chos sum cu rtsa bdun dang / sangs rgyas kyi chos ma 'dres pa brgyad kyi bar dag ste/ de dag ni thun mong ma yin pa'i chos zhes bya'o/ /de la byang chub sems dpa' sems dpa' chen po shes rab kyi pha rol du phyin pa la spyod pas/ rang gi mtshan nyid kyis stong pa'i chos thams cad la rtog pa med pas/ chags par mi bya'o/ /chos thams cad gnyis su med pa'i tshul gyis rtog pa med cing / rnam par rtog pa med pa'i phyir/ chos thams cad khong du chud par bya'o/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gang 'di byang chub sems dpa' sems dpa' chen po zhes bgyi ba de ci'i slad du/ byang chub sems dpa' la sems dpa' chen po zhes bgyi/ bcom ldan 'das kyis bka' stsal pa/ rab 'byor sems can gyi phung po chen po nges pa'i phul byed par 'gyur bas/ de'i phyir byang chub sems dpa' la sems dpa' chen po zhes bya'o/ /gsol pa/ bcom ldan 'das sems can gyi phung po chen po nges pa de lta bu'i phul/ byang chub sems dpa' sems dpa' chen po bgyid par 'gyur ba/ de lta bu'i sems can gyi phung po chen po nges pa gang lags/ bcom ldan 'das kyis bka' stsal pa/ rab 'byor sems can gyi phung po chen po zhes bya ba ni/ 'di lta ste/ rigs kyis dang / brgyad pa dang / rgyun tu zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / sems dang po bskyed pa'i byang chub sems dpa' dang / phyir mi ldog pa'i sa la gnas pa'i byang chub sems dpa' sems dpa' chen po'i bar dag ste/ rab 'byor de ni sems can gyi phung po nges pa zhes bya ste/ byang chub sems dpa' sems dpa' chen po ni de lta bu'i phul byed par 'gyur ro/ /de la byang chub sems dpa' sems dpa' chen pos rdo rje lta bu'i sems bskyed de/ sems can gyi phung po chen po nges pa'i phul zhes bya'o/ /gsol pa/ bcom ldan 'das rdo rje lta bu'i sems bskyed pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po 'di ltar sems bskyed de/ 'khor ba dpag tu med par sems can thams cad kyi don du bdag gis go cha bgo bar bya'o/ /bdag gis bdog pa thams cad yongs su gtong bar bya'o/ /bdag gis sems can thams cad la sems mnyam pa nyid bskyed par bya'o/ /bdag gis sems can thams cad theg pa gsum gyis yongs su mya ngan las bzla bar bya'o/ /de ltar sems can thams cad yongs su mya ngan las bzlas kyang / sems can gang yang yongs su mya ngan las 'das pa med pas/ chos thams cad skye ba med pa dang / 'gag pa med pa bdag gis shes par bya'o/ /bdag gis ma 'dres pa'i rnam pa thams cad mkhyen pa nyid kyi sems kyis pha rol du phyin pa drug la spyod par bya'o/ /bdag gis chos rtogs pa thams cad kyi rjes su 'gro ba phun sum tshogs pa la bslab par bya'o/ /bdag gis chos kyi tshul gcig tu bsgrub pa khong du chud par bya'o/ /bdag gis phung po nas brtsams te pha rol du phyin pa rnams dang / byang chub kyi phyogs kyi chos rnams dang / bsam gtan dang / tshad med pa dang / gzugs med pa'i snyoms par 'jug pa dang / mngon par shes pa dang / stobs bcu dang / mi 'jigs pa bzhi dang / so so yang dag par rig pa dang / sangs rgyas kyi chos ma 'dres pa'i bar bsgrub pa khong du chud pa la bslab par bya'o/ /bdag gis chos dpag tu med pa thams cad yongs su bsgrub par bslab par bya'o/ /snyam du sems bskyed de/ rab 'byor 'di ni byang chub sems dpa' sems dpa' chen po'i sems bskyed pa rdo rje lta bu ste/ de de la gnas shing byang chub sems dpa' sems dpa' chen po sems can gyi phung po chen po nges pa'i phul mi dmigs pa'i tshul gyis byed do/ /rab 'byor gzhan yang byang chub sems dpa' sems dpa' chen po 'di ltar sems bskyed de/ sems can dmyal ba pa dang / byol song gi skye gnas pa dang / gshin rje'i 'jig rten pa'i sems can ji snyed cig sdug bsngal gyi tshor ba nyams su myong bar gyur pa'i sdug bsngal gyi tshor ba de dag thams cad sems can de dag gi don du bdag gis nyams su myong bar bya'o snyam du sems bskyed do/ /de la byang chub sems dpa' sems dpa' chen pos gang du 'di ltar sems bskyed par bya ste/ bdag gis sems can re re'i don du yang bskal pa bye ba khrag khrig brgya stong mang por sems can gang yang phung po ma lus pa'i mya ngan las 'das pa'i dbyings su yongs su mya ngan las ma bzlas kyi bar du/ sems can dmyal ba'i sdug bsngal de dag kyang / bdag gis nyams su myong bar bya'o zhes thabs de lta bus sems can thams cad kyi don tu/ sems can thams cad phung po ma lus pa'i mya ngan las 'das pa'i dbyings su yongs su mya ngan las ma bzlas kyi bar du/ sems can dmyal ba'i sdug bsngal de dag thams cad kyang bdag gis nyams su myong bar bya'o/ /de nas gdod bdag gi don du dge ba'i rtsa ba bskyed de/ bskal pa bye ba khrag khrig brgya stong du mas byang chub kyi tshogs mang po bsags te/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o snyam du sems bskyed par bya ste/ rab 'byor 'di ni byang chub sems dpa' sems dpa' chen po'i sems bskyed pa rdo rje lta bu ste/ de la gnas shing byang chub sems dpa' sems dpa' chen po sems can gyi phung po chen po nges pa'i phul mi dmigs pa'i tshul gyis byed do/ /rab 'byor gzhan yang byang chub sems dpa' sems dpa' chen pos rgyun mi 'chad par rlabs po che'i sems gang gis sems can thams cad kyi phul du 'gyur ba de lta bu'i sems rlabs po che bskyed par bya'o/ /de la byang chub sems dpa' sems dpa' chen po'i sems rlabs po che ni sems dang po bskyed phyin chad/ 'dod chags kyi sems mi bskyed/ zhe sdang gi sems mi bskyed/ gti mug gi sems mi bskyed/ gtse ba'i sems mi bskyed/ nyan thos kyi sems dang / rang sangs rgyas kyi sems kyang mi bskyed pa ste/ 'di ni byang chub sems dpa' sems dpa' chen po'i sems rlabs po che'o/ /des sems can thams cad kyi phul byed kyang / sems rlabs po che des rlom sems su mi bya'o/ /rab 'byor gzhan yang byang chub sems dpa' sems dpa' chen pos mi sgul ba'i sems dang ldan par bya ste/ de la byang chub sems dpa' sems dpa' chen po'i sems mi sgul ba ni/ rnam pa thams cad mkhyen pa nyid dang ldan par yid la byed cing / des rlom sems su mi byed pa ste/ 'di ni byang chub sems dpa' sems dpa' chen po'i sems mi sgul ba'o/ /sems des sems can thams cad kyi phul du mi dmigs pa'i tshul gyis 'gyur ro/ /rab 'byor gzhan yang byang chub sems dpa' sems dpa' chen pos sems can thams cad la phan pa dang / bde ba'i sems bskyed par bya'o/ /de la byang chub sems dpa' sems dpa' chen po'i phan pa dang bde ba'i sems ni/ sems can thams cad skyob cing / sems can thams cad yongs su mi gtong la/ des rlom sems su 'gyur ba med pa ste/ rab 'byor 'di ni byang chub sems dpa' sems dpa' chen po'i phan pa dang bde ba'i sems te/ de la gnas shing sems can gyi phung po chen po nges pa'i phul mi dmigs pa'i tshul gyis byed do/ /rab 'byor gzhan yang byang chub sems dpa' sems dpa' chen pos rtag tu rgyun mi chad par chos 'dod par bya'o/ /chos la dga' bar bya'o/ /chos la mos par bya'o/ /chos la mos pa'i rnal 'byor la brtson par bya'o/ /de la chos gang zhe na/ chos thams cad dbyer med pa ste/ 'di ni chos zhes bya'o/ /de la chos 'dod pa gang zhe na/ gang chos de la 'dod cing mos pa ste/ 'di ni chos 'dod pa zhes bya'o/ /de la chos la dga' ba gang zhe na/ chos de la dga' zhing mngon par dga' ba ste/ 'di ni chos la dga' ba zhes bya'o/ /de la chos la mos pa gang zhe na/ gang chos de la yon tan du lta ba ste/ 'di ni chos la mos pa zhes bya'o/ /de la chos la mos pa'i rnal 'byor la brtson pa gang zhe na/ chos de nyid la bsgom zhing mang du byed pa ste/ 'di ni chos la mos pa'i rnal 'byor la brtson pa zhes bya'o/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pas/ sems can gyi phung po chen po nges pa'i phul du mi dmigs pa'i tshul gyis bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ nang stong pa nyid la gnas/ phyi stong pa nyid la gnas/ phyi nang stong pa nyid la gnas/ dngos po med pa'i ngo bo nyid stong pa nyid kyi bar la gnas te/ sems can gyi phung po chen po nges pa'i phul du 'gyur bar bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ byang chub kyi phyogs kyi chos rnams la gnas/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa brgyad kyi bar la gnas te/ sems can gyi phung po chen po nges pa'i phul du mi dmigs pa'i tshul gyis 'gyur par bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ dpa' bar 'gro ba'i ting nge 'dzin la gnas/ nam mkha' ltar chags pa med pas rnam par grol zhing gos pa med pa'i ting nge 'dzin gyi bar la gnas te/ sems can gyi phung po chen po nges pa'i phul du mi dmigs pa'i tshul gyis 'gyur bar bya'o/ /rab 'byor chos de dag la gnas shing / byang chub sems dpa' sems dpa' chen po shes rab kyi pha rol du phyin pa la spyod pa de/ sems can gyi phung po chen po nges pa'i phul du byed pas/ de'i phyir byang chub sems dpa' sems dpa' chen po zhes bya'o/ /de nas tshe dang ldan pa sha ra dwa ti'i bus/ bcom ldan 'das la 'di skad ces gsol to/ /bcom ldan 'das don gang gi slad du/ byang chub sems dpa' sems dpa' chen po zhes bgyi ba 'di la bdag kyang spobs pa skye'o/ /bcom ldan 'das kyis bka' stsal pa/ sha ra dwa ti'i bu de la spobs pa skyed cig /sha ra dwa ti'i bus gsol pa/ bcom ldan 'das bdag tu lta ba dang / sems can du lta ba dang / srog tu lta ba dang / gang zag tu lta ba dang / gso ba dang / skyes bu dang / shed can dang / shed bdag dang / byed pa po dang / tshor ba po dang / shes pa po dang / mthong ba por lta ba dang / chad par lta ba dang / rtag par lta ba dang / yod par lta ba dang / med par lta ba dang / phung por lta ba dang / khams su lta ba dang / skye mched du lta ba dang / rten cing 'brel bar 'byung bar lta ba dang / pha rol du phyin pa dang / byang chub kyi phyogs kyi chos su lta ba dang / sangs rgyas kyi chos ma 'dres pa'i bar du lta ba dang / sems can yongs su smin par bya bar lta ba dang / sangs rgyas kyi zhing yongs su dag par bya bar lta ba dang / byang chub tu lta ba dang / sangs rgyas su lta ba dang / chos su lta ba dang / dge 'dun du lta ba dang / chos kyi 'khor lo bskor bar lta ba dang / yongs su mya ngan las 'da' bar lta ba rab tu spang ba'i slad du sems can rnams la chos ston pa bgyid kyang / de mi dmigs pa'i tshul gyis bgyid de/ de'i slad du byang chub sems dpa' sems dpa' chen po zhes bgyi'o/ /de nas tshe dang ldan pa rab 'byor gyis/ tshe dang ldan pa sha ra dwa ti'i bu la 'di skad ces smras so/ /tshe dang ldan pa sha ra dwa ti'i bu ci'i phyir na/ byang chub sems dpa' sems dpa' chen po gzugs su lta bar 'gyur ba yin/ tshor ba dang / 'du shes dang / 'du byed dang / rnam par shes par lta bar 'gyur ba yin/ mya ngan las 'da' ba'i bar du lta bar 'gyur ba yin/ smras pa/ tshe dang ldan pa rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod cing / thabs mi mkhas pas/ gzugs la dmigs shing / dmigs pa'i tshul gyis lta ba skyed do/ /tshor ba dang / 'du shes dang / 'du byed dang / rnam par shes par dmigs shing / dmigs pa'i tshul gyis lta ba skyed do/ /skye mched dang / khams dang / rten cing 'brel bar 'byung bar dmigs shing / dmigs pa'i tshul gyis lta ba skyed do/ /pha rol du phyin pa rnams dang / stong pa nyid thams cad dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug par dmigs shing / dmigs pa'i tshul gyis lta ba skyed do/ /rnam par thar pa dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres par dmigs shing / dmigs pa'i tshul gyis lta ba skyed do/ /yongs su mya ngan las 'da' ba'i bar du dmigs shing / dmigs pa'i tshul gyis lta ba skyed do/ /tshe dang ldan pa rab 'byor de'i phyir byang chub sems dpa' sems dpa' chen po gzugs su lta bar 'gyur ba yin/ tshor ba dang / 'du shes dang / 'du byed dang / rnam par shes par lta bar 'gyur ba yin/ yongs su mya ngan las 'da' ba'i bar du lta bar 'gyur ba yin te/ de la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas/ lta ba'i rnam pa de dag spang ba'i phyir/ mi dmigs pa'i tshul gyis chos ston to/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das don gang gi slad du/ byang chub sems dpa' sems dpa' chen po zhes bgyi ba de la bdag kyang spobs pa skye'o/ /bcom ldan 'das kyis bka' stsal pa/ rab 'byor khyod kyis spobs pa skyed cig /rab 'byor gyis gsol pa/ bcom ldan 'das byang chub kyi sems mi mnyam pa dang mnyam pa'i sems/ nyan thos dang / rang sangs rgyas thams cad dang thun mong ma lags pa'i sems de lta bu la yang chags pa ma mchis pas/ de'i slad du byang chub sems dpa' sems dpa' chen po zhes bgyi'o/ /de ci'i slad du zhe na/ 'di ltar thams cad mkhyen pa nyid kyi sems de ni/ zag pa ma mchis shing khams gsum gyi khongs su chud pa ma mchis pa ste/ de ltar thams cad mkhyen pa nyid kyi sems zag pa ma mchis shing / khams gsum gyi khongs su chud pa ma mchis pa'i sems de la yang / rang bzhin stong pa nyid kyi slad du chags pa ma mchis pas/ de'i slad du byang chub sems dpa' ni sems dpa' chen po'i grangs su mchi'o/ /de ci'i slad du zhe na/ 'di ltar sems ni sems ma mchis pa ste/ sems ma mchis pa de la yang chags pa ma mchis so/ /de nas tshe dang ldan pa sha ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po'i sems mi mnyam pa dang mnyam pa'i sems/ nyan thos dang / rang sangs rgyas thams cad dang thun mong ma yin pa'i sems gang yin/ rab 'byor gyis smras pa/ tshe dang ldan pa sha ra dwa ti'i bu 'di la byang chub sems dpa' sems dpa' chen po sems dang po bskyed phyin chad chos gang yang skye bar yang dag par rjes su mi mthong / 'gag pa dang / 'phel ba dang / 'grib pa dang / 'ong ba dang / 'gro ba dang / kun nas nyon mongs pa dang / rnam par byang bar yang dag par rjes su mi mthong ste/ tshe dang ldan pa sha ra dwa ti'i bu gang la skye ba med cing / 'gag pa med pa dang / 'phel ba med cing 'grib pa med pa dang / 'ong ba med cing 'gro ba med pa dang / kun nas nyon mongs pa med cing rnam par byang ba med pa de la/ nyan thos kyi sems med do/ /rang sangs rgyas kyi sems med do/ / byang chub sems dpa'i sems med do/ /yang dag par rdzogs pa'i sangs rgyas kyi sems med do/ /tshe dang ldan pa sha ra dwa ti'i bu 'di ni byang chub sems dpa' sems dpa' chen po'i sems mi mnyam pa dang mnyam pa ste/ nyan thos dang / rang sangs rgyas thams cad dang thun mong ma yin pa'i sems so/ /smras pa/ tshe dang ldan pa rab 'byor gang khyod kyis 'di skad du thams cad mkhyen pa nyid kyi sems zag pa med pa/ khongs su chud pa med pa/ de lta bu'i sems la yang chags pa med do zhes smras pa ni de lta yin te/ tshe dang ldan pa rab 'byor de bas gzugs kyang chags pa med do/ /tshor ba dang / 'du shes dang / 'du byed dang / rnam par shes pa yang chags pa med do/ /rnam pa thams cad mkhyen pa nyid kyi bar yang chags pa med do/ /smras pa/ tshe dang ldan pa sha ra dwa ti'i bu de de bzhin te/ gzugs kyang chags pa med do/ /tshor ba dang / 'du shes dang / 'du byed dang / rnam par shes pa yang chags pa med do/ /skye mched dang / khams dang / rten cing 'brel bar 'byung ba yang chags pa med do/ /byang chub kyi phyogs kyi chos rnams kyi bar yang chags pa med do/ /sangs rgyas kyi chos ma 'dres pa brgyad kyi bar yang chags pa med do/ /rnam pa thams cad mkhyen pa nyid kyi bar yang chags pa med do/ /smras pa/ tshe dang ldan pa rab 'byor khyod kyis 'di skad du/ thams cad mkhyen pa nyid kyi sems de yang zag pa med cing / khongs su chud pa med de zhes smras pa ni de lta yin te/ tshe dang ldan pa rab 'byor der yang mi zad de/ byis pa so so'i skye bo rnams kyi sems kyang / rang bzhin stong pa nyid kyi phyir zag pa med cing khongs su chud pa med do/ /nyan thos dang / rang sangs rgyas rnams kyi sems dang / sangs rgyas bcom ldan 'das rnams kyi thugs kyang / rang bzhin stong pa nyid kyi phyir zag pa med cing khongs su chud pa med do/ /rab 'byor gyis smras pa/ de yin te tshe dang ldan pa sha ra dwa ti'i bu byis pa so so'i skye bo rnams kyi sems kyang / rang bzhin stong pa nyid kyi phyir/ zag pa med cing khongs su chud pa med do/ /nyan thos dang / rang sangs rgyas rnams kyi sems kyang rang bzhin stong pa nyid kyi phyir zag pa med cing khongs su chud pa med do/ /sangs rgyas bcom ldan 'das rnams kyi thugs kyang / rang bzhin stong pa nyid kyi phyir zag pa med cing khongs su chud pa med do/ /smras pa/ tshe dang ldan pa rab 'byor de lta yin na/ gzugs kyang rang bzhin stong pa nyid kyi phyir/ zag pa med cing khongs su chud pa med do/ /tshor ba dang / 'du shes dang / 'du byed dang / rnam par shes pa yang rang bzhin stong pa nyid kyi phyir zag pa med cing khongs su chud pa med do/ /sangs rgyas kyi chos ma 'dres pa brgyad kyi bar yang rang bzhin stong pa nyid kyi phyir zag pa med cing khongs su chud pa med do/ /rnam pa thams cad mkhyen pa nyid kyi bar yang rang bzhin stong pa nyid kyi phyir zag pa med cing khongs su chud pa med do/ /rab 'byor gyis smras pa/ tshe dang ldan pa sha ra dwa ti'i bu ji skad du smras pa de bzhin te/ gzugs kyang rang bzhin stong pa nyid kyi phyir zag pa med cing khongs su chud pa med do/ /tshor ba dang / 'du shes dang / 'du byed dang / rnam par shes pa yang rang bzhin stong pa nyid kyi phyir zag pa med cing khongs su chud pa med do/ /sangs rgyas kyi chos ma 'dres pa rnams kyi bar yang rang bzhin stong pa nyid kyi phyir zag pa med cing khongs su chud pa med do/ /rnam pa thams cad mkhyen pa nyid kyi bar yang rang bzhin stong pa nyid kyi phyir zag pa med cing khongs su chud pa med do/ /smras pa/ tshe dang ldan pa rab 'byor gang yang khyod kyis 'di skad du/ sems med pa'i phyir/ sems de la yang chags pa med do zhes smras pa ni de lta yin te/ tshe dang ldan pa rab 'byor der yang ma zad de/ gzugs med pa yang gzugs la chags pa med do/ /tshor ba med pa dang / 'du shes med pa dang / 'du byed med pa dang / rnam par shes pa med pa yang rnam par shes pa la chags pa med do/ /byang chub kyi phyogs kyi chos rnams kyi bar du med pa yang byang chub kyi phyogs kyi chos rnams la chags pa med do/ /sangs rgyas kyi chos ma 'dres pa rnams kyi bar du med pa yang / sangs rgyas kyi chos ma 'dres pa rnams la chags pa med do/ /rnam pa thams cad mkhyen pa nyid kyi bar du med pa yang / rnam pa thams cad mkhyen pa nyid la chags pa med do/ /smras pa/ tshe dang ldan pa sha ra dwa ti'i bu de de bzhin te/ gzugs med pa yang gzugs la chags pa med do/ /tshor ba med pa dang / 'du shes med pa dang / 'du byed med pa dang / rnam par shes pa med pa yang rnam par shes pa la chags pa med do/ / byang chub kyi phyogs kyi chos rnams kyi bar du med pa yang / byang chub kyi phyogs kyi chos rnams la chags pa med do/ /sangs rgyas kyi chos ma 'dres pa rnams kyi bar du med pa yang / sangs rgyas kyi chos ma 'dres pa rnams la chags pa med do/ /rnam pa thams cad mkhyen pa nyid kyi bar du med pa yang / rnam pa thams cad mkhyen pa nyid la chags pa med do/ /tshe dang ldan pa sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ byang chub kyi sems mi mnyam pa dang mnyam pa'i sems/ nyan thos dang / rang sangs rgyas thams cad dang thun mong ma yin pa'i sems des kyang / chos thams cad la chags pa med pa'i tshul gyis rlom sems su 'gyur ba med do/ /mngon par chags par 'gyur ba med pas/ de'i phyir byang chub sems dpa' sems dpa' chen po zhes bya'o/ /de nas tshe dang ldan pa byams gang gi bus/ bcom ldan 'das la 'di skad ces gsol to/ /bcom ldan 'das don gang gi slad du/ byang chub sems dpa' sems dpa' chen po zhes bgyi ba de la/ bdag kyang spobs pa skye'o/ /bcom ldan 'das kyis bka' stsal pa/ gang po khyod kyis spobs pa skyed cig /gang pos gsol pa/ bcom ldan 'das de ni go cha chen po bgos pa'i sems can lags te/ bcom ldan 'das de ni theg pa chen po la yang dag par zhugs pa'i sems can lags la/ de ni theg pa chen po la yang dag par gnas pa'i sems can lags pas/ de'i slad du byang chub sems dpa' sems dpa' chen po zhes bgyi'o/ /de nas tshe dang ldan pa sha ra dwa ti'i bus/ tshe dang ldan pa byams gang gi bu la 'di skad ces smras so/ / tshe dang ldan pa gang po ji tsam gyis na byang chub sems dpa' sems dpa' chen pos go cha chen po bgos shes bya/ gang pos smras pa/ tshe dang ldan pa sha ra dwa ti'i bu 'di la byang chub sems dpa' sems dpa' chen po ni sems can nyung zad nyi tshe zhig gi don du sbyin pa'i pha rol du phyin pa la gnas shing / sbyin pa yongs su gtong ba ma yin gyi/ sems can thams cad kyi don du sbyin pa'i pha rol du phyin pa la spyod cing / sbyin pa yongs su gtong ngo / /sems can nyung zad nyi tshe'i phyir/ tshul khrims kyi pha rol du phyin pa la gnas shing / tshul khrims srung ba ma yin gyi/ sems can thams cad kyi don du tshul khrims kyi pha rol du phyin pa la spyod cing / tshul khrims srung ngo / /sems can nyung zad nyi tshe'i phyir/ bzod pa'i pha rol du phyin pa la gnas shing / bzod pa sgom pa ma yin gyi/ sems can thams cad kyi don tu bzod pa'i pha rol du phyin pa la spyod cing / bzod pa sgom mo/ /sems can nyung zad nyi tshe'i phyir/ brtson 'grus kyi pha rol du phyin pa la gnas shing / brtson 'grus rtsom pa ma yin gyi/ sems can thams cad kyi don tu/ brtson 'grus kyi pha rol du phyin pa la spyod cing / brtson 'grus rtsom mo/ /sems can nyung zad nyi tshe'i phyir/ bsam gtan gyi pha rol du phyin pa la gnas shing / bsam gtan skyed pa ma yin gyi/ sems can thams cad kyi don tu bsam gtan gyi pha rol du phyin pa la spyod cing / bsam gtan skyed do/ / sems can nyung zad nyi tshe'i phyir/ shes rab kyi pha rol du phyin pa la gnas shing / shes rab sgom pa ma yin gyi/ sems can thams cad kyi don tu/ shes rab kyi pha rol du phyin pa la spyod cing / shes rab sgom mo/ /byang chub sems dpa' sems dpa' chen po ni sems can 'di snyed cig phung po ma lus pa'i mya ngan las 'das pa'i dbyings su yongs su mya ngan las bzla bar bya'o/ /sems can 'di snyed cig ni yongs su mya ngan las bzla bar mi bya'o zhe'am/ sems can 'di snyed cig ni byang chub tu dgod par bya'o/ /sems can 'di snyed ni byang chub tu dgod par mi bya'o zhes sems can yongs su dpag pas go cha mi gyon gyi/ byang chub sems dpa' sems dpa' chen po ni sems can thams cad kyi don tu go cha chen po gyon to/ /de 'di snyam du sems te/ bdag gis kyang sbyin pa'i pha rol du phyin pa yongs su rdzogs par bya'o/ /sems can thams cad kyang sbyin pa'i pha rol du phyin pa la sbyar bar bya'o/ /bdag gis kyang tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bya'o/ /sems can thams cad kyang shes rab kyi pha rol du phyin pa la sbyor bar bya'o/ /bdag kyang stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams la gnas par bya'o/ /sems can thams cad kyang gzugs med pa'i snyoms par 'jug pa la sbyar bar bya'o/ /bdag kyang rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad la gnas par bya'o/ /sems can thams cad kyang sangs rgyas kyi chos ma 'dres pa brgyad la sbyar bar bya'o zhes bya bar sems skyed de/ tshe dang ldan pa sha ra dwa ti'i bu de tsam gyis na/ byang chub sems dpa' sems dpa' chen po go cha chen po bgos pa zhes bya'o/ / //shes rab kyi pha rol du phyin pa stong phrag nyi shu lnga pa/ bam po bcu bzhi pa/ tshe dang ldan pa sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa spyod pa'i tshe/ sbyin pa gang yongs su gtong ba de dag nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas yongs su gtong ste/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ste/ 'di ni byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i/ sbyin pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ sbyin pa yongs su gtong zhing nyan thos dang / rang sangs rgyas kyi sa'i don du yongs su mi bsngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i tshul khrims kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ chos de dag la bzod pa dang / mos pa dang / rten pa 'di ni byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i bzod pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po sbyin pa yongs su gtong ba'i tshe/ rnam pa thams cad mkhyen pa nyid dang ldan pa'i yid la bya bas/ brtson 'grus nyam par mi byed pa 'di ni/ byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i brtson 'grus kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po sbyin pa yongs su gtong ba'i tshe/ 'di ltar rnam pa thams cad mkhyen pa nyid dang ldan pa'i yid la bya bas/ sems rtse gcig tu byed cing / de la dmigs pa gcig pas nyan thos dang / rang sangs rgyas dang ldan pa'i sems bskyed pa rnams kyi go mi 'byed pa 'di ni/ byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i/ bsam gtan gyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i tshe/ rnam pa thams cad mkhyen pa nyid dang ldan pa'i yid la bya bas/ chos thams cad sgyu mar byas pa'i 'du shes nye bar gnas te/ sbyin pa yang mi dmigs/ gtong ba yang mi dmigs/ len pa yang mi dmigs par/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu mi dmigs pa'i tshul gyis yongs su sngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i/ shes rab kyi pha rol du phyin pa'i go cha ste/ tshe dang ldan pa sha ra dwa ti'i bu nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ pha rol du phyin pa de dag dang / sems can dang / byang chub la mtshan mar mi byed cing mi dmigs pa de ni/ byang chub sems dpa' sems dpa' chen po shes rab kyi pha rol du phyin pa la spyod cing / sbyin pa'i pha rol du phyin pa la spyod pa'i pha rol du phyin pa drug gi go cha chen po bgos par shes par bya'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod cing / rnam pa thams cad mkhyen pa nyid dang ldan pa'i yid la bya bas/ sbyin pa gang yongs su gtong ba de dag thams cad sems can thams cad dang thun mong du byas shing / bla na med pa yang dag par rdzogs pa'i byang chub tu mi dmigs pa'i tshul gyis yongs su sngo ba 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i/ sbyin pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po/ rnam pa thams cad mkhyen pa nyid dang ldan pa'i yid la bya bas/ tshul khrims kyi pha rol du phyin pa la spyod cing / nyan thos dang / rang sangs rgyas kyi sa la yang mos pa mi skyed na so so'i skye bo'i sa lta smos kyang ci dgos pa 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i/ tshul khrims kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ tshul khrims kyi pha rol du phyin pa la spyod cing / chos de dag la bzod pa dang / mos pa dang / rten pa 'di ni byang chub sems dpa' sems dpa' chen po tshul khrims kyi pha rol du phyin pa la spyod pa'i bzod pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ tshul khrims kyi pha rol du phyin pa la spyod cing / brtson 'grus nyam par mi byed pa 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i/ brtson 'grus kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ tshul khrims kyi pha rol du phyin pa la spyod cing gnas pa'i tshe/ nyan thos dang / rang sangs rgyas kyi sems kyi go mi 'byed cing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i/ bsam gtan gyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ tshul khrims kyi pha rol du phyin pa la spyod pa'i tshe/ chos thams cad sgyu mar byas pa'i 'du shes nye bar gnas shing / tshul khrims des rlom sems su mi byed de/ rang bzhin stong pa nyid kyi phyir/ tshul khrims de yang mi dmigs shing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i/ shes rab kyi pha rol du phyin pa'i go cha'o/ /tshe dang ldan pa sha ra dwa ti'i bu gang byang chub sems dpa' sems dpa' chen po tshul khrims kyi pha rol du phyin pa la de ltar spyod pa ni/ pha rol du phyin pa drug po thams cad yongs su 'dzin te/ de'i phyir go cha chen po bgos zhes bya'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po bzod pa'i pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ sbyin pa yongs su gtong zhing dge ba'i rtsa ba de yang / sems can thams cad dang thun mong du byas shing / bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po bzod pa'i pha rol du phyin pa la spyod pa'i/ sbyin pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po bzod pa'i pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ tshul khrims yongs su srung zhing / dge ba'i rtsa ba de yang / sems can thams cad dang thun mong du byas shing / bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po bzod pa'i pha rol du phyin pa la spyod pa'i/ tshul khrims kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po bzod pa'i pha rol du phyin pa la spyod cing / rnam pa thams cad mkhyen pa nyid dang ldan pa'i yid la bya bas/ chos de dag la bzod pa dang / mos pa dang / rten pa 'di ni byang chub sems dpa' sems dpa' chen po bzod pa'i pha rol du phyin pa la spyod pa'i/ bzod pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ bzod pa'i pha rol du phyin pa la spyod cing / brtson 'grus nyams par mi byed pa 'di ni/ byang chub sems dpa' sems dpa' chen po bzod pa'i pha rol du phyin pa la spyod pa'i/ brtson 'grus kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po/ nyan thos dang rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ bzod pa'i pha rol du phyin pa la spyod cing / sems rtse gcig tu byed pa 'di ni/ byang chub sems dpa' sems dpa' chen po bzod pa'i pha rol du phyin pa la spyod pa'i/ bsam gtan gyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ bzod pa'i pha rol du phyin pa la spyod cing / chos thams cad sgyu mar byas pa'i 'du shes nye bar gnas te/ bzod pa des rlom sems su mi byed cing bzod pa la mi dmigs pa 'di ni/ byang chub sems dpa' sems dpa' chen po bzod pa'i pha rol du phyin pa la spyod pa'i/ shes rab kyi pha rol du phyin pa'i go cha'o/ /tshe dang ldan pa sha ra dwa ti'i bu gang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ pha rol du phyin pa de dag dang / sems can dang / byang chub la mtshan mar mi byed cing / mi dmigs pa 'di ni/ byang chub sems dpa' sems dpa' chen po bzod pa'i pha rol du phyin pa la spyod pa'i/ pha rol du phyin pa drug gi go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po brtson 'grus kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ sbyin pa yongs su gtong zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po brtson 'grus kyi pha rol du phyin pa la spyod pa'i/ sbyin pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po brtson 'grus kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ tshul khrims srung zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po brtson 'grus kyi pha rol tu phyin pa la spyod pa'i/ tshul khrims kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas brtson 'grus kyi pha rol tu phyin pa la spyod cing / chos de dag la de ltar bzod pa dang / mos pa dang / rten pa 'di ni byang chub sems dpa' sems dpa' chen po brtson 'grus kyi pha rol du phyin pa la spyod pa'i/ bzod pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ brtson 'grus kyi pha rol du phyin pa la spyod cing / sems can thams cad kyi don du/ brtson 'grus nyam par mi byed cing brtun mi ngas pa 'di ni/ byang chub sems dpa' sems dpa' chen po brtson 'grus kyi pha rol du phyin pa la spyod pa'i/ brtson 'grus kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ sems rtse gcig tu byed pa 'di ni/ byang chub sems dpa' sems dpa' chen po brtson 'grus kyi pha rol du phyin pa la spyod pa'i/ bsam gtan gyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ chos thams cad la sgyu mar byas pa'i 'du shes nye bar gnas te/ brtson 'grus des rlom sems su mi byed cing / brtson 'grus de yang mi dmigs te/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po brtson 'grus kyi pha rol du phyin pa la spyod pa'i/ shes rab kyi pha rol du phyin pa'i go cha'o/ /tshe dang ldan pa sha ra dwa ti'i bu gang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ pha rol du phyin pa de dag dang / sems can dang / byang chub la mtshan mar mi byed cing / mi dmigs pa 'di ni/ byang chub sems dpa' sems dpa' chen po brtson 'grus kyi pha rol du phyin pa la spyod pa'i/ pha rol du phyin pa drug gi go cha'o/ / tshe dang ldan pa sha ra dwa ti'i bu gzhan yang byang chub sems dpa' sems dpa' chen po bsam gtan gyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ sbyin pa yongs su gtong zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po/ bsam gtan gyi pha rol du phyin pa la spyod pa'i/ sbyin pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po/ bsam gtan gyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ tshul khrims srung zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po bsam gtan gyi pha rol du phyin pa la spyod pa'i/ tshul khrims kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po bsam gtan gyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ bzod pa yongs su sgom ste/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po/ bsam gtan gyi pha rol du phyin pa la spyod pa'i/ bzod pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po/ nyan thos dang / rang sangs rgyas dang ldan pa'i yid bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ bsam gtan gyi pha rol du phyin pa la spyod cing / brtson 'grus nyam par mi byed de de'i dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po'i bsam gtan gyi pha rol du phyin pa la spyod pa'i/ brtson 'grus kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po bsam gtan gyi pha rol du phyin pa la spyod cing / rnam pa thams cad mkhyen pa nyid dang ldan pa'i yid la bya ba la/ sems rtse gcig tu byed de/ de la dmigs pa gcig pa'i phyir/ nyan thos dang / rang sangs rgyas dang ldan pa'i yid la bya ba rnams kyi go mi 'byed cing dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po bsam gtan gyi pha rol du phyin pa la spyod pa'i/ bsam gtan gyi pha rol du phyin pa'i go cha'o/ / tshe dang ldan pa sha ra dwa ti'i bu gzhan yang byang chub sems dpa' sems dpa' chen po bsam gtan gyi pha rol du phyin pa la spyod cing / chos thams cad la sgyu mar byas pa'i 'du shes nye bar gnas te/ bsam gtan des kyang rlom sems su mi byed cing / bsam gtan de yang mi dmigs te/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po bsam gtan gyi pha rol du phyin pa la spyod pa'i/ shes rab kyi pha rol du phyin pa'i go cha'o/ /tshe dang ldan pa sha ra dwa ti'i bu gang byang chub sems dpa' sems dpa' chen po/ rnam pa thams cad mkhyen pa nyid dang ldan pa'i yid la bya bas/ pha rol du phyin pa de dag dang / sems can dang / byang chub la mtshan mar mi byed cing / mi dmigs pa 'di ni/ byang chub sems dpa' sems dpa' chen po bsam gtan gyi pha rol du phyin pa la spyod pa'i/ pha rol du phyin pa drug gi go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ 'khor gsum yongs su dag pa'i sbyin pa yongs su gtong zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po/ shes rab kyi pha rol du phyin pa la spyod pa'i/ sbyin pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ tshul khrims yongs su srung zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ tshul khrims kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po/ shes rab kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ chos de dag la de ltar bzod pa la gnas shing rten te/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ bzod pa'i pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ brtson 'grus nyam par mi byed cing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ brtson 'grus kyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ sems rtse gcig tu byed cing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ bsam gtan gyi pha rol du phyin pa'i go cha'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / chos thams cad la sgyu mar byas pa'i 'du shes nye bar gnas te/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ shes rab kyi pha rol du phyin pa la rlom sems su mi byed de/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su sngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ shes rab kyi pha rol du phyin pa'i go cha ste/ tshe dang ldan pa sha ra dwa ti'i bu gang byang chub sems dpa' sems dpa' chen po rnam pa thams cad mkhyen pa nyid dang ldan pa'i sems kyis/ pha rol du phyin pa 'di dag dang / sems can dang / byang chub la mtshan mar mi byed cing / mi dmigs pa 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ pha rol du phyin pa drug gi go cha chen po'o/ /tshe dang ldan pa sha ra dwa ti'i bu de ltar byang chub sems dpa' sems dpa' chen po/ pha rol du phyin pa re re la gnas shing / pha rol du phyin pa drug po thams cad yongs su rdzogs par byed do/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po bsam gtan dang / tshad med pa dang / gzugs med pa'i snyoms par 'jug pa rnams la yang mnyam par gzhog ste/ bsam gtan dang / tshad med pa dang / gzugs med pa'i snyoms par 'jug pa rnams kyi ro yang myong bar mi byed do/ /bsam gtan dang / tshad med pa dang / gzugs med pa de dag gis kyang mi 'phrogs te/ bsam gtan dang / tshad med pa dang / gzugs med pa'i snyoms par 'jug pa'i dbang gis kyang mi skye'o/ /tshe dang ldan pa sha ra dwa ti'i bu 'di ni byang chub sems dpa' sems dpa' chen po'i shes rab kyi pha rol du phyin pa/ thabs mkhas pa dang 'grogs pa'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po/ bsam gtan dang / tshad med pa dang / gzugs med pa'i snyoms par 'jug pa dag la dben pa mthong ba dang / stong pa nyid dang / mtshan ma med pa dang / smon pa med pa mthong bas mnyam par gzhog ste/ de dag gi dbang gis kyang mi skye/ yang dag pa'i mtha' mngon du yang mi byed de/ nyan thos dang / rang sangs rgyas thams cad kyang zil gyis gnon to/ /tshe dang ldan pa sha ra dwa ti'i bu 'di ni byang chub sems dpa' sems dpa' chen po shes rab kyi pha rol du phyin pa la spyod pa'i thabs mkhas pa'i go cha chen po ste/ tshe dang ldan pa sha ra dwa ti'i bu de ltar na/ byang chub sems dpa' sems dpa' chen po go cha chen po bgos pa zhes bya'o/ /tshe dang ldan pa sha ra dwa ti'i bu byang chub sems dpa' sems dpa' chen po de ltar go cha chen po bgos pa la/ shar phyogs dang / lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re'i 'jig rten gyi khams gang gA'i klung gi bye ma snyed dag na/ sangs rgyas bcom ldan 'das bzhugs pa rnams kyang ched du brjod pa ched du brjod cing / ming yongs su sgrog pa mdzad de/ 'jig rten gyi khams che ge mo zhig na/ byang chub sems dpa' sems dpa' chen po go cha chen po bgos pa 'di lta bu zhig sems can yongs su smin par byed do/ /sangs rgyas kyi zhing yongs su dag par byed do/ /rdzu 'phrul gyis rnam par rtse'o zhes sgra rjod pa mdzad de/ dbyangs rjes su sgrog go /smras pa/ tshe dang ldan pa gang po ji tsam gyis na/ byang chub sems dpa' sems dpa' chen po theg pa chen po la yang dag par zhugs zhes bya/ byang chub sems dpa' sems dpa' chen po'i theg pa chen po ni gang yin/ gang pos smras pa/ tshe dang ldan pa sha ra dwa ti'i bu 'di la byang chub sems dpa' sems dpa' chen po/ pha rol du phyin pa drug la spyod de/ de sbyin pa'i pha rol du phyin pa la spyod cing / 'dod pas dben/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po la nye bar bsgrubs te gnas so/ /de bzhin du bsam gtan gnyis pa dang / gsum pa dang / bzhi pa la nye bar bsgrubs te gnas so/ /de byams pa dang ldan pa'i sems rgya chen po/ shin du yangs pa/ mi gnyis pa/ tshad med pa/ gcugs med pa/ gnod pa med pa/ ltod pa med pa/ yongs su rdzogs pa shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcur rgyas par bkang ste/ mos par byas shing / rnam par spyod do/ /de snying rje dang ldan pa dang / dga' ba dang ldan pa dang / btang snyoms dang ldan pa'i sems rgya chen po shin du yangs pa/ mi gnyis pa/ tshad med pa/ gcugs med pa/ gnod pa med pa/ ltod pa med pa/ yongs su rdzogs pa/ shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcu rgyas par bkang ste/ mos par byas shing rnam par spyod do/ /de tshad med pa 'di dag dang / gzugs med pa na yod pa 'di dag la/ nam mkha'i rnam pa dang / tshul dang / mtshan mas mnyam par gzhog cing / rnam pa thams cad mkhyen pa nyid du yongs su sngo ba 'di ni/ byang chub sems dpa' sems dpa' chen po'i sbyin pa'i pha rol du phyin pa'o/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ste/ tshe dang ldan pa sha ra dwa ti'i bu de ltar na/ byang chub sems dpa' sems dpa' chen po theg pa chen po la yang dag par zhugs pa zhes bya'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po byams pa dang ldan pa'i sems rgya chen po/ shin du yangs pa/ mi gnyis pa/ tshad med pa/ gcugs med pa/ gnod pa med pa/ ltod pa med pa/ yongs su rdzogs pa/ shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcu rgyas par bkang ste/ mos par byas shing rnam par spyod do/ / snying rje dang ldan pa dang / dga' ba dang ldan pa dang / btang snyoms dang ldan pa'i sems rgya chen po/ shin du yangs pa/ mi gnyis pa/ tshad med pa/ gcugs med pa/ gnod pa med pa/ ltod pa med pa/ yongs su rdzogs pa/ shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcu rgyas par bkang ste/ mos par byas shing rnam par spyod do/ /de 'dod pas dben/ sdig to mi dge ba'i chos kyis dben pa/ rtog pa dang bcas/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de bzhin du bsam gtan gnyis pa dang / gsum pa dang / bzhi pa la nye bar bsgrubs te gnas so/ /nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la nye bar bsgrubs te gnas so/ /'di ni byang chub sems dpa' sems dpa' chen po'i ting nge 'dzin to/ /byang chub sems dpa' sems dpa' chen po de rnam pa thams cad mkhyen pa nyid dang ldan pa'i sems snying rje chen po sngon du 'gro bas/ nyon mongs pa rab tu spang ba'i phyir/ bsam gtan dang / tshad med pa dang / gzugs med pa'i snyoms par 'jug pa de dag gzhan la rjod cing / 'chad pa dang / ston cing 'grel la/ rnam par 'byed cing gsal bar byed de/ de dag gi ro dang / de dag gi skyon dang / 'byung ba yang tshul bzhin du ston pa 'di ni/ byang chub sems dpa' sems dpa' chen po'i sbyin pa'i pha rol du phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba de dag gis/ bsam gtan dang / tshad med pa dang / gzugs med pa'i snyoms par 'jug pa de dag la mnyam par gzhog cing / rnam par ldang yang / 'di lta ste/ nyan thos sam/ rang sangs rgyas kyi sems sam/ sems bskyed pa gzhan gyi go mi 'byed pa 'di ni/ byang chub sems dpa' sems dpa' chen po'i tshul khrims kyi pha rol du phyin pa mnyams pa'o/ /de ltar byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ bsam gtan dang / tshad med pa dang / gzugs med pa'i snyoms par 'jug pa de dag gis rnam par spyod pa'i tshe 'di snyam ste/ sems can thams cad kyi nyon mongs pa zad par bya ba'i phyir/ chos bstan to snyam du sems shing / yid la bya ba de dag la bzod pa dang / mos pa dang / rtog pa dang / sems shing khong du chud par byed pa 'di ni/ byang chub sems dpa' sems dpa' chen po'i bzod pa'i pha rol du phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ bsam gtan dang / tshad med pa dang / gzugs med pa'i snyoms par 'jug pa de dag gis rnam par spyod pa'i tshe/ sems can thams cad kyi don dang / rnam pa thams cad mkhyen pa nyid kyi phyir/ brtson 'grus nyam par mi byed pa 'di ni/ byang chub sems dpa' sems dpa' chen po'i brtson 'grus kyi pha rol du phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ bsam gtan dang / rnam par thar pa dang / ting nge 'dzin dang / snyoms par 'jug pa rnams la mnyam par gzhog cing / rnam par ldang yang / nyan thos kyi sa 'am/ rang sangs rgyas kyi sar mi ltung ba 'di ni/ byang chub sems dpa' sems dpa' chen po'i bsam gtan gyi pha rol du phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ bsam gtan dang po'i yan lag dang / bsam gtan gnyis pa dang / gsum pa dang / bzhi pa'i yan lag dang / bsam gtan gyi yan lag mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam pa rab tu rtog kyang / bsam gtan dang / tshad med pa dang / gzugs med pa'i snyoms par 'jug pa de dag mi dmigs shing / de dag gis rlom sems med pa 'di ni/ byang chub sems dpa' sems dpa' chen po'i shes rab kyi pha rol du phyin pa ste/ tshe dang ldan pa sha ra dwa ti'i bu 'di ni byang chub sems dpa' sems dpa' chen po/ shes rab kyi pha rol du phyin pa la spyod pa'i theg pa chen po'o/ /de ltar na byang chub sems dpa' sems dpa' chen po theg pa chen po la yang dag par zhugs pa yin no/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po'i theg pa chen po ni/ rnam pa thams cad du byang chub kyi phyogs kyi chos sum cu rtsa bdun sgom pa dang / rnam pa thams cad du 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams sgom pa dang / rnam pa thams cad du/ rnam pa thams cad mkhyen pa nyid kyi bar du sgom pa ste/ tshe dang ldan pa sha ra dwa ti bu 'di ni/ byang chub sems dpa' sems dpa' chen po'i theg pa chen po'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po byams pa'i ting nge 'dzin la mnyam par gzhog cing / bdag gis sems can thams cad yongs su bskyab par bya'o zhes/ de la gzhol bar byed do/ /snying rje'i ting nge 'dzin la mnyam par gzhog cing / sems can rnams la snying rje ba dang / snying brtse ba'i nyams su byed do/ /dga' ba'i ting nge 'dzin la mnyam par gzhog cing / bdag nyid kyis sems can thams cad dgrol bar bya'o zhes sems can rnams la sems so/ /btang snyoms kyi ting nge 'dzin la mnyam par gzhog cing / sems can rnams kyi zag pa zad par bya ba la rab tu gzhol bar byed de/ 'di ni byang chub sems dpa' sems dpa' chen po tshad med pa rnams la spyod pa'i sbyin pa'i pha rol du phyin pa'o/ /nam byang chub sems dpa' sems dpa' chen po/ bsam gtan dang / tshad med pa rnams kyi rnam pa dang / tshul dang / mtshan ma la mnyam par gzhog cing / rnam par ldang yang / rnam pa thams cad mkhyen pa nyid du bsngo ba ma gtogs par nyan thos kyi sa dang / rang sangs rgyas kyi sar yongs su mi sngo ba 'di ni/ byang chub sems dpa' sems dpa' chen po tshad med pa rnams la spyod pa'i/ tshul khrims kyi pha rol du phyin pa yongs su ma nyams pa'o/ /nam byang chub sems dpa' sems dpa' chen po bsam gtan dang / tshad med pa dang / gzugs med pa'i snyoms par 'jug pa de dag gis ma 'dres par rnam par spyod cing / sa gnyis po/ nyan thos kyi sa 'am/ rang sangs rgyas kyi sar 'dod pa mi skyed kyi/ rnam pa thams cad mkhyen pa nyid du mos shing dga' ba 'di ni/ byang chub sems dpa' sems dpa' chen po tshad med pa rnams la spyod pa'i/ bzod pa'i pha rol du phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ mi dge ba'i chos rnams rab tu spang ba dang / dge ba'i chos phun sum tshogs par bya ba'i don du/ brtson 'grus mi gtong bas rnam par spyod pa 'di ni/ byang chub sems dpa' sems dpa' chen po tshad med pa rnams la spyod pa'i brtson 'grus kyi pha rol du phyin pa'o/ /nam byang chub sems dpa' sems dpa' chen po bsam gtan dang / tshad med pa dang / gzugs med pa'i snyoms par 'jug pa 'di dag la yang mnyam par gzhog la/ bsam gtan dang / tshad med pa dang / gzugs med pa'i snyoms par 'jug pa'i dbang gis kyang mi skye zhing / de dag gi ro myong bar byed pa yang med la/ de dag gis 'phrogs par yang mi 'gyur ba 'di ni/ byang chub sems dpa' sems dpa' chen po tshad med pa rnams la spyod pa'i/ bsam gtan gyi pha rol du phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ bsam gtan dang / tshad med pa dang / gzugs med pa'i snyoms par 'jug pa de dag la yang mnyam par gzhog cing / rnam par ldang la/ de dag la mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam par rab tu rtog kyang / nyan thos dang / rang sangs rgyas kyi skyon med par yang 'jug par mi byed pa 'di ni/ byang chub sems dpa' sems dpa' chen po tshad med pa rnams la spyod pa'i shes rab kyi pha rol du phyin pa ste/ tshe dang ldan pa sha ra dwa ti'i bu 'di ni byang chub sems dpa' sems dpa' chen po'i theg pa chen po'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po'i theg pa chen po na/ nang stong pa nyid shes kyang / dmigs pa'i tshul gyis ma yin/ phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du shes kyang / dmigs pa'i tshul gyis ma yin pa ste/ tshe dang ldan pa sha ra dwa ti'i bu 'di ni byang chub sems dpa' sems dpa' chen po'i theg pa chen po'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po'i theg pa chen po ni/ chos thams cad la sems rnam par mi 'khrug cing / mnyam par gzhag par shes pa ste/ tshe dang ldan pa sha ra dwa ti'i bu 'di ni byang chub sems dpa' sems dpa' chen po'i theg pa chen po'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po'i theg pa chen po ni/ rtag ces bya bas shes pa mi 'jug /mi rtag pa dang / bde ba dang / sdug bsngal ba dang / bdag dang / bdag med pa dang / sdug pa dang / mi sdug ces bya bar shes pa mi 'jug pa ste/ tshe dang ldan pa sha ra dwa ti'i bu 'di ni/ de mi dmigs pa'i tshul du/ byang chub sems dpa' sems dpa' chen po'i theg pa chen po'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po'i theg pa chen po ni/ gang 'das pa'i dus la ye shes mi 'jug pa dang / ma 'ongs pa'i dus la ye shes mi 'jug pa dang / da ltar byung ba'i dus la ye shes mi 'jug pa ste/ de yang mi dmigs pa'i tshul gyis/ dus gsum la ye shes mi 'jug pa 'di ni/ tshe dang ldan pa sha ra dwa ti'i bu 'di yang byang chub sems dpa' sems dpa' chen po'i theg pa chen po'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po'i theg pa chen po ni/ 'dod pa'i khams su shes pa 'jug par mi byed/ gzugs dang / gzugs med pa'i khams su shes pa 'jug par mi byed la/ 'dod pa dang / gzugs dang / gzugs med pa'i khams mi shes pa yang med pa ste/ tshe dang ldan pa sha ra dwa ti'i bu 'di yang / de mi dmigs pa'i tshul gyis/ byang chub sems dpa' sems dpa' chen po'i theg pa chen po'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po'i theg pa chen po ni/ 'jig rten pa dang / 'jig rten las 'das pa'i chos la yang shes pa 'jug par mi byed/ zag pa dang bcas pa dang / zag pa med pa dang / 'dus byas dang / 'dus ma byas kyi chos la yang shes pa 'jug par mi byed kyang / 'jig rten pa dang / 'jig rten las 'das pa'i chos mi shes pa yang med/ zag pa dang bcas pa dang / zag pa med pa dang / 'dus byas dang / 'dus ma byas kyi chos rnams kyang mi shes pa med pa ste/ tshe dang ldan pa sha ra dwa ti'i bu 'di yang de mi dmigs pa'i tshul du/ byang chub sems dpa' sems dpa' chen po'i theg pa chen po'o/ /smras pa/ tshe dang ldan pa gang po ji tsam gyis na/ byang chub sems dpa' sems dpa' chen po theg pa chen po la gnas zhes bya/ gang pos smras pa/ tshe dang ldan pa sha ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa la yang dag par gnas kyang / des sbyin pa yang mi dmigs/ sbyin pa'i pha rol du phyin pa la yang mi dmigs/ byang chub sems dpa' yang mi dmigs/ len pa yang mi dmigs/ yid la byed pa de dag kyang mi dmigs te/ de ltar na byang chub sems dpa' sems dpa' chen po mi dmigs pa'i tshul gyis/ sbyin pa'i pha rol du phyin pa la yang dag par gnas zhes bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa'i tshe/ shes rab kyi pha rol du phyin pa la yang dag par gnas kyang / des dge ba'i chos kyang mi dmigs/ mi dge ba dang / 'jig rten pa dang / 'jig rten las 'das pa dang / 'dus byas dang / 'dus ma byas dang / zag pa dang bcas pa dang / zag pa med pa'i chos kyang mi dmigs shing / shes rab kyang mi dmigs/ shes rab kyi pha rol du phyin pa yang mi dmigs/ byang chub sems dpa' yang mi dmigs/ yid la bya ba de dag kyang mi dmigs te/ de ltar na byang chub sems dpa' sems dpa' chen po mi dmigs pa'i tshul gyis/ shes rab kyi pha rol du phyin pa la yang dag par gnas zhes bya'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du de mi dmigs pa'i tshul gyis/ nang stong pa nyid sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du/ de mi dmigs pa'i tshul gyis phyi stong pa nyid sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du/ de mi dmigs pa'i tshul gyis phyi nang stong pa nyid sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du de mi dmigs pa'i tshul gyis dngos po med pa'i ngo bo nyid stong pa nyid kyi bar du sgom mo/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du/ de mi dmigs pa'i tshul gyis/ byang chub kyi phyogs kyi chos rnams sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du/ de mi dmigs pa'i tshul gyis/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa'i ting nge 'dzin sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du/ de mi dmigs pa'i tshul gyis/ mngon par shes pa rnams dang / ting nge 'dzin rnams dang / gzungs kyi sgo rnams sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du/ de mi dmigs pa'i tshul gyis/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad sgom mo/ /tshe dang ldan pa sha ra dwa ti'i bu de ltar na byang chub sems dpa' sems dpa' chen po theg pa chen po la yang dag par gnas zhes bya'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen pos 'di ltar byang chub sems dpa' dmigs su med pa'i phyir/ 'di lta ste/ byang chub sems dpa' zhes bya ba 'di ni tha snyad tsam du zad do zhes bya bar shes so/ /gzugs dmigs su med pa'i phyir gzugs zhes bya ba 'di ni ming tsam du zad do/ /tshor ba dang / 'du shes dang / 'du byed dang / rnam par shes pa dmigs su med pa'i phyir/ rnam par shes pa zhes bya ba 'di ni ming tsam du zad do/ /mig mi dmigs pa'i phyir/ mig ces bya ba 'di ni ming tsam du zad do/ /de bzhin du rna ba dang / sna dang / lce dang / lus dang / yid mi dmigs pa'i phyir/ yid ces bya ba 'di ni ming tsam du zad do/ /skye mched dang / khams dang / rten cing 'brel bar 'byung ba dmigs su med pa'i phyir/ rten cing 'brel bar 'byung ba zhes bya ba 'di ni ming tsam du zad do/ /sbyin pa'i pha rol du phyin pa dmigs su med pa'i phyir/ sbyin pa'i pha rol du phyin pa zhes bya ba 'di ni ming tsam du zad do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dmigs su med pa'i phyir/ shes rab kyi pha rol du phyin pa zhes bya ba 'di ni ming tsam du zad do/ /nang stong pa nyid dmigs su med pa'i phyir/ nang stong pa nyid ces bya ba 'di ni ming tsam du zad do/ /phyi stong pa nyid dmigs su med pa'i phyir/ phyi stong pa nyid ces bya ba 'di ni ming tsam du zad do/ /phyi nang stong pa nyid dmigs su med pa'i phyir/ phyi nang stong pa nyid ces bya ba 'di ni ming tsam du zad do/ /dngos po med pa'i ngo bo nyid stong pa nyid kyi bar du dmigs su med pa'i phyir/ dngos po med pa'i ngo bo nyid stong pa nyid ces bya ba 'di ni ming tsam du zad do/ /byang chub kyi phyogs kyi chos rnams dmigs su med pa'i phyir/ byang chub kyi phyogs kyi chos rnams zhes bya ba 'di ni ming tsam du zad do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dmigs su med pa'i phyir/ sangs rgyas kyi chos ma 'dres pa brgyad ces bya ba 'di ni ming tsam du zad do/ /de bzhin nyid dmigs su med pa'i phyir/ de bzhin nyid ces bya ba 'di ni ming tsam du zad do/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings nyid dang / chos kyi gnas nyid dang / chos skyon med pa nyid dang / yang dag pa'i mtha' dmigs su med pa'i phyir/ yang dag pa'i mtha' zhes bya ba 'di ni ming tsam du zad do/ /byang chub dmigs su med pa'i phyir/ byang chub ces bya ba 'di ni ming tsam du zad do/ /sangs rgyas dmigs su med pa'i phyir/ sangs rgyas zhes bya ba 'di ni ming tsam du zad do/ /zhes bya bar yang dag par shes te/ tshe dang ldan pa sha ra dwa ti'i bu de ltar na/ byang chub sems dpa' sems dpa' chen po theg pa chen po la yang dag par gnas zhes bya'o/ /tshe dang ldan pa sha ra dwa ti'i bu/ gzhan yang byang chub sems dpa' sems dpa' chen po sems dang po bskyed pa nas/ snying po byang chub la 'dug gi bar du/ mngon par shes pa thams cad yongs su rdzogs par byas shing / sems can yongs su smin par byed do/ /sangs rgyas bcom ldan 'das rnams la mchod pa dang / rim gro bya ba'i phyir/ tshul gang la gang 'os pa de dag gis/ sangs rgyas bcom ldan 'das rnams la rim gror bya ba dang / bkur stir bya ba dang / bsti stang du bya ba dang / mchod pa'i phyir/ sangs rgyas kyi zhing nas sangs rgyas kyi zhing du 'gro'o/ /sangs rgyas bcom ldan 'das de dag las kyang / 'di lta ste/ byang chub sems dpa'i theg pa 'di nyid kyi chos nyan to/ /de byang chub sems dpa'i theg pa la gnas te/ sangs rgyas kyi zhing nas sangs rgyas kyi zhing du 'gro zhing / sangs rgyas kyi zhing yongs su dag par byed sems can rnams yongs su smin par byed kyang de la sangs rgyas kyi zhing gi 'du shes kyang mi 'byung / sems can gyi 'du shes kyang mi 'byung / sangs rgyas kyi 'du shes kyang mi 'byung ngo / /de gnyis su med pa'i sa la gnas shing / lus ji lta bus sems can rnams kyi don bya ba'i mthu yod pa de lta bu'i lus ched du bsams shing yongs su 'dzin to/ /de nam rnam pa thams cad mkhyen pa nyid kyi ye shes thob par ma gyur gyi bar du/ theg pa de dang nam du yang mi 'bral te/ des rnam pa thams cad mkhyen pa nyid kyi ye shes thob nas kyang / nyan thos dang / rang sangs rgyas thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dang bcas pa'i 'jig rten gyis bskor bar mi nus pa'i chos kyi 'khor lo rab tu skor ro/ /de bla na med pa yang dag par rdzogs pa'i byang chub tu mngon par rdzogs par sangs rgyas nas/ shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das bzhugs pa rnams yon tan brjod pa mdzad cing / 'jig rten gyi khams che ge mo zhig tu/ byang chub sems dpa' sems dpa' chen po/ theg pa chen po bla na med pa'i theg pa/ theg pa'i mchog la gnas pa 'di zhes bya ba zhig /rnam pa thams cad mkhyen pa nyid thob ste/ rnam pa thams cad mkhyen pa nyid thob nas kyang / chos kyi 'khor lo bskor bar byed do/ /zhes grags pa sgrog cing / dbyangs su brjod pa mdzad do/ /lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing / 'jig rten gyi khams gang gA'i klung gi bye ma snyed dag na/ sangs rgyas bcom ldan 'das bzhugs pa rnams yon tan brjod pa mdzad cing / 'jig rten gyi khams che ge mo zhig tu/ byang chub sems dpa' sems dpa' chen po theg pa chen po/ bla na med pa'i theg pa/ theg pa'i mchog la gnas pa 'di zhes bya ba zhig /rnam pa thams cad mkhyen pa nyid thob ste/ rnam pa thams cad mkhyen pa nyid thob nas kyang / chos kyi 'khor lo bskor bar byed do zhes grags pa sgrog cing / dbyangs su brjod pa mdzad do/ /de ltar na tshe dang ldan pa sha ra dwa ti'i bu byang chub sems dpa' sems dpa' chen po theg pa chen po la yang dag par gnas zhes bya'o/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das go cha chen po bgos so/ /go cha chen po bgos so zhes bgyi na/ bcom ldan 'das ci tsam gyis na/ byang chub sems dpa' sems dpa' chen po go cha chen po bgos zhes bgyi ba lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po theg pa chen po'i go cha chen po gyon cing / 'di lta ste/ sbyin pa'i pha rol du phyin pa'i go cha bgos/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i go cha bgos/ nang stong pa nyid kyi go cha bgos/ phyi stong pa nyid kyi go cha bgos/ phyi nang stong pa nyid kyi go cha bgos/ dngos po med pa'i ngo bo nyid stong pa nyid kyi bar gyi go cha bgos/ dran pa nye bar gzhag pa'i go cha bgos/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyi go cha bgos/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa brgyad kyi go cha bgos/ rnam pa thams cad mkhyen pa nyid kyi go cha bgos/ sangs rgyas kyi sku'i go cha bgos nas/ stong gsum gyi stong chen po'i 'jig rten gyi khams 'di snang bas rgyas par bkang ste/ shar phyogs kyi 'jig rten gyi khams gang+gA'i klung gi bye ma snyed snang bas rgyas par 'gengs so/ /lho phyogs dang / nub phyogs dang / byang phyogs dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing / 'jig rten gyi khams gang+gA'i klung gi bye ma snyed snang bas rgyas par 'gengs so/ /stong gsum gyi stong chen po'i 'jig rten gyi khams 'di rnam pa drug tu rab tu skyod de/ shar phyogs kyi 'jig rten gyi khams gang gA'i klung gi bye ma snyed rnam pa drug tu rab tu skyod do/ /lho phyogs dang / nub phyogs dang / byang phyogs dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing / 'jig rten gyi khams gang gA'i klung gi bye ma snyed rnam pa drug tu rab tu skyod do/ /des stong gsum gyi stong chen po'i 'jig rten gyi khams 'di na/ sems can dmyal ba'i me'i phung po ji snyed cig yod pa de dag thams cad med par byas te/ de bzhin gshegs pa dgra bcom pa yang dag par rdzogs pa'i sangs rgyas de la phyag 'tshal lo zhes bya ba'i sgra rjod do/ /dbyangs sgrog go /de'i tshe sems can dmyal ba pa'i sems can de dag kyang / sangs rgyas kyi sgra de thos nas/ dga' ba dang / bde ba thob ste/ de dag dga' ba dang / bde ba des sems can dmyal ba de dag nas rnam par ldang ngo / /de dag sems can dmyal ba de dag nas rnam par langs nas/ sangs rgyas kyi zhing gang dang gang na/ sangs rgyas bcom ldan 'das rnams bzhugs shing 'tsho skyong ba de dang de dag du skye'o/ /de bzhin du byol song gi skye gnas pa'i sems can rnams dang / gshin rje'i 'jig rten pa'i sems can de dag nas rnam par ldang ngo / /de dag byol song gi skye gnas dang / gshin rje'i 'jig rten de dag nas rnam par langs nas/ sangs rgyas kyi zhing gang dang gang na sangs rgyas bcom ldan 'das rnams bzhugs shing 'tsho skyong ba de dang de dag tu skye'o/ /rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ sems can dmyal ba dang / byol song gi skye gnas dang / gshin rje'i 'jig rten dag cig mngon par sprul la/ de ltar mngon par sprul nas/ ngan song gi sems can de dag la sangs rgyas kyi sgra dang / chos kyi sgra dang / dge 'dun gyi sgra sgrog par 'gyur te/ de nas sprul pa de dag sangs rgyas kyi sgra dang / chos kyi sgra dang / dge 'dun gyi sgra des sems can dmyal ba dang / byol song gi skye gnas dang / gshin rje'i 'jig rten de dag nas rnam par langs par gyur na/ rab 'byor de la ji snyam du sems/ sgyu ma'i mkhan po dang / sgyu ma'i mkhan po'i mchan bu des/ sems can gang yang sems can dmyal ba dang / byol song gi skye gnas dang / gshin rje'i 'jig rten de dag nas rnam par bslang ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos phyogs bcu'i 'jig rten gyi khams tshad med grangs med pa'i sems can rnams/ ngan song gsum las yongs su bkrol yang / sems can gang yang yongs su grol bar byas pa med do/ /de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid kyis/ de bzhin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos zhes bya'o/ /rab 'byor gzhan yang byang chub sems dpa' sems dpa' chen po go cha chen po bgos pa ni/ sbyin pa'i pha rol du phyin pa la gnas shing / stong gsum gyi stong chen po'i 'jig rten gyi khams bai DUr+ya'i rgyu las byung ba/ mngon par sprul par byed do/ /de ltar bai DUr+ya'i rgyu las byung ba mngon par sprul nas/ 'khor los sgyur ba'i srid mngon par sprul par byed do/ /de ltar 'khor los sgyur ba'i srid mngon par sprul nas/ zas 'dod pa rnams la zas kyi sbyin pa byed do/ /skom 'dod pa rnams la skom/ bzhon pa 'dod pa rnams la bzhon pa/ gos 'dod pa rnams la gos/ me tog 'dod pa rnams la me tog /phreng ba 'dod pa rnams la phreng ba/ spos 'dod pa rnams la spos/ byug pa 'dod pa rnams la byug pa/ mal cha 'dod pa rnams la mal cha/ khyim 'dod pa rnams la khyim/ 'tsho ba 'dod pa rnams la 'tsho ba/ yo byad 'dod pa rnams la yo byad/ nad kyi rkyen rtsi dang yo byad 'dod pa rnams la/ rtsi dang yo byad kyi sbyin pa byed do/ /nor bu dang / mu tig dang / baiDUr+ya dang / dung dang / man shel dang / byi ru dang / gser dang / dngul 'dod pa rnams la/ nor bu dang / mu tig dang / baiDUr+ya dang / dung dang / man shel dang / byi ru dang / gser dang / dngul gyi sbyin pa byed cing / mi'i yo byad gang ci yang rung ba'i bar du sbyin pa byed de/ des de ltar zas 'dod pa rnams la ni zas byin/ mi'i yo byad gang ci yang rung ba'i bar du byin nas/ sems can de dag la 'di lta ste/ pha rol du phyin pa drug dang ldan pa'i chos bstan pa 'di nyid kyi chos ston to/ /sems can de dag gis kyang chos bstan pa de thos nas/ bla na med pa yang dag par rdzogs pa'i byang chub tu sangs ma rgyas kyi bar du/ pha rol du phyin pa drug dang nam yang 'bral bar mi 'gyur ro/ /rab 'byor 'di lta ste dper na/ sgyu ma'i mkhan po'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ zas 'dod pa rnams la zas byin/ mi'i yo byad gang ci yang rung ba'i bar du byin na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu des sems can gang la yang ci yang byin pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos/ 'khor los sgyur ba'i rgyal srid mngon par sprul te/ zas 'dod pa rnams la ni zas byin/ mi'i yo byad gang ci yang rung ba'i bar du byin yang / sems can gang la yang ci yang byin pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po tshul khrims kyi pha rol du phyin pa la gnas shing / ched du bsams te/ skye bo yongs su bzung bas/ 'khor los sgyur ba'i rigs su skye zhing / de 'khor los sgyur ba'i dbang phyug de la gnas nas/ sems can rnams dge ba bcu'i las kyi lam la rab tu 'god do/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / byang chub kyi phyogs kyi chos rnams dang / stong pa nyid dang / mtshan ma med pa dang / smon pa med pa dang / rnam par thar ba brgyad dang / mthar gyis gnas pa'i snyoms par 'jug pa dgu dang / 'phags pa'i bden pa bzhi dang / ting nge 'dzin dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad la sems can rnams rab tu 'god de/ sems can de dag kyang bla na med pa yang dag par rdzogs pa'i byang chub tu mngon par sangs rgyas par ma gyur gyi bar du/ chos bstan pa de dang nam yang 'bral bar mi 'gyur ro/ /rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ sems can de dag dge ba bcu'i las kyi lam la bkod dam/ sangs rgyas kyi chos ma 'dres pa brgyad kyi bar la bkod na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu mkhas pa des/ sems can gang yang dge ba bcu'i las kyi lam la bkod pa yod dam/ sangs rgyas kyi chos ma 'dres pa brgyad kyi bar la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can tshad med grangs med pa dge ba bcu'i las kyi lam la rab tu bkod de/ sangs rgyas kyi chos ma 'dres pa brgyad kyi bar la bkod kyang / sems can gang yang de dag la bkod pa med do/ rab 'byor de ci'i phyir zhe na/ de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po go cha chen po bgos pa zhes bya'o// //shes rab kyi pha rol du phyin pa stong phrag nyi shu lnga pa/ bam po bco lnga pa/ rab 'byor gzhan yang byang chub sems dpa' sems dpa' chen po bzod pa'i pha rol du phyin pa la gnas te/ sems can thams cad bzod pa'i pha rol tu phyin pa la sbyor zhing rab tu 'god do/ /rab 'byor ji ltar na byang chub sems dpa' sems dpa' chen po bzod pa'i pha rol tu phyin pa la gnas shing / sems can thams cad bzod pa'i pha rol du phyin pa la sbyor zhing rab tu 'god pa yin zhe na/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ brgya la sems can thams cad bdag la rdo dang / dbyig pas rdeg cing / mtshon gyis 'debs kyang / de la bdag gis 'khrug pa'i sems 'ga' tsam yang bskyed par mi bya'o/ /zhes go cha gyon cing / sems can thams cad kyang bzod pa de 'dra ba la rab tu 'god do/ /rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ bzod pa'i pha rol du phyin pa la sbyar ba dang / rab tu dgod par byas na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu mkhas pa des/ sems can gang yang bzod pa'i pha rol du phyin pa la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can tshad med/ grangs med pa/ bzod pa'i pha rol du phyin pa la bkod kyang / sems can gang yang bzod pa'i pha rol du phyin pa la bkod pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po brtson 'grus kyi pha rol du phyin pa la gnas shing / sems can thams cad brtson 'grus kyi pha rol du phyin pa la yang dag par skul zhing gzhog go /'god do/ /rab 'byor ji ltar na byang chub sems dpa' sems dpa' chen po brtson 'grus kyi pha rol du phyin pa la gnas shing / sems can thams cad brtson 'grus kyi pha rol du phyin pa la yang dag par bskul ba dang / gzhog cing 'god pa yin zhe na/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ sems can thams cad lus dang / sems kyi brtson 'grus la yang dag par bskul zhing gzhog go /'god do/ /rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ lus dang sems kyi brtson 'grus la bkod na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu mkhas pa des/ sems can gang yang lus dang sems kyi brtson 'grus la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can tshad med grangs med pa/ lus dang sems kyi brtson 'grus la bkod kyang / sems can gang yang lus dang / sems kyi brtson 'grus la bkod pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po bsam gtan gyi pha rol du phyin pa la gnas shing / sems can thams cad bsam gtan gyi pha rol du phyin pa la yang dag par skul zhing gzhog go /'god do/ /rab 'byor ji ltar na byang chub sems dpa' sems dpa' chen po bsam gtan gyi pha rol du phyin pa la gnas te/ sems can thams cad bsam gtan gyi pha rol du phyin pa la yang dag par bskul ba dang / gzhog cing 'god pa yin zhe na/ rab 'byor 'di la byang chub sems dpa' sems dpa' chen po chos thams cad kyi chos nyid la gnas shing / chos gang la yang 'khrug pa 'am/ 'khrug pa med par yang dag par rjes su mi mthong na/ bsam gtan gyi pha rol du phyin pa la gnas pa yin te/ de bzhin du sems can thams cad kyang bsam gtan gyi pha rol du phyin pa la yang dag par skul zhing gzhog pa dang / 'god pa byed de/ de ltar yang dag par bskul ba rnams kyang / nam bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar du/ nam yang bsam gtan gyi pha rol du phyin pa dang bral bar mi 'gyur ro/ /rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs shig mngon par sprul te/ bsam gtan gyi pha rol du phyin pa la bkod na/ rab 'byor 'di la ji snyam du sems/ sgyu ma'i mkhan po 'am/ sgyu ma'i mkhan po'i mchan bu mkhas pa des/ sems can gang yang bsam gtan gyi pha rol du phyin pa la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po/ sems can thams cad bsam gtan gyi pha rol du phyin pa la bkod kyang / sems can gang yang bsam gtan gyi pha rol du phyin pa la bkod pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o/ / rab 'byor gzhan yang byang chub sems dpa' sems dpa' chen po shes rab kyi pha rol du phyin pa la gnas shing / sems can thams cad shes rab kyi pha rol du phyin pa la yang dag par skul shing gzhog go /'god do/ /rab 'byor ji ltar na byang chub sems dpa' sems dpa' chen po shes rab kyi pha rol du phyin pa la gnas shing / sems can thams cad shes rab kyi pha rol du phyin pa la yang dag par skul ba dang / gzhog cing 'god pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos gang yang skye ba'am/ 'gag pa'am/ kun nas nyon mongs pa'am/ rnam par byang ba'am/ tshu rol tam/ pha rol mi dmigs te/ rab 'byor de ltar na byang chub sems dpa' sems dpa' chen po/ shes rab kyi pha rol du phyin pa la gnas pa yin te/ de de bzhin du sems can thams cad kyang shes rab kyi pha rol du phyin pa la yang dag par skul zhing gzhog go /'god do/ /rab 'byor 'di lta ste dper na/ sgyu ma'i mkhan po'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ shes rab kyi pha rol du phyin pa la yang dag par bskul te/ bzhag cing bkod na/ rab 'byor de la ji snyam du sems/ sgyu ma'i mkhan po'am/ sgyu ma'i mkhan po'i mchan bu des/ sems can gang yang shes rab kyi pha rol du phyin pa la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can thams cad shes rab kyi pha rol du phyin pa la bkod kyang / sems can gang yang shes rab kyi pha rol tu phyin pa la bkod pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po go cha chen po bgos shing / shar phyogs kyi 'jig rten gyi khams gang+gA'i klung gi bye ma snyed dag du song zhing / ji ltar bdag sbyin pa'i pha rol du phyin pa la gnas pa de bzhin du/ 'jig rten gyi khams de dag na/ sems can ji snyed cig 'khod pa de dag thams cad kyang / sbyin pa'i pha rol du phyin pa la yang dag par skul zhing gzhog go /'god do/ /ji ltar bdag tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas pa de bzhin du/ 'jig rten gyi khams de dag na/ sems can ji snyed cig 'khod pa de dag thams cad kyang / shes rab kyi pha rol du phyin pa la yang dag par skul zhing gzhog go /'god do/ /'di lta ste/ pha rol du phyin pa drug po 'di nyid kyis chos kyang ston te/ sems can de dag kyang chos de thos nas/ bla na med pa yang dag par rdzogs pa'i byang chub tu mngon par sangs ma rgyas kyi bar du/ pha rol du phyin pa drug dang nam yang 'bral bar mi 'gyur ro/ /lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing / 'jig rten gyi khams gang+gA'i klung gi bye ma snyed dag tu song zhing / ji ltar bdag sbyin pa'i pha rol du phyin pa la gnas pa dang / shes rab kyi pha rol du phyin pa'i bar la gnas pa de bzhin du/ 'jig rten gyi khams de dag na sems can ji snyed cig yod pa de dag thams cad kyang / sbyin pa'i pha rol du phyin pa la yang dag par skul zhing gzhog go / 'god do/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la yang dag par skul zhing gzhog go / 'god do/ /'di lta ste/ pha rol du phyin pa drug po 'di nyid kyi chos kyang ston to/ /sems can de dag kyang chos de thos nas/ bla na med pa yang dag par rdzogs pa'i byang chub tu mngon par sangs ma rgyas kyi bar du/ pha rol du phyin pa drug dang / nam yang 'bral bar mi 'gyur ro/ /rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ pha rol du phyin pa drug la yang dag par bskul zhing bzhag ste/ bkod par gyur na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu des/ sems can gang yang pha rol du phyin pa drug la yang dag par bskul zhing bzhag ste/ bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos/ shar phyogs kyi 'jig rten gyi khams gang+gA'i klung gi bye ma snyed dang / lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing / 'jig rten gyi khams gang gA'i klung gi bye ma snyed kyi sems can gang ji snyed yod pa de dag thams cad pha rol du phyin pa drug la bkod kyang / sems can gang yang pha rol du phyin pa drug la bkod pa med do/ /de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de ltar na/ byang chub sems dpa' sems dpa' chen po go cha chen po bgos pa zhes bya'o/ /rab 'byor gzhan yang byang chub sems dpa' chen po go cha chen po bgos pa ni/ rnam pa thams cad mkhyen pa nyid dang ldan pa'i sems kyis rnam par spyod cing / sems bskyed pa gzhan gyi go mi 'byed de/ bdag gis sems can 'di snyed cig ni sbyin pa'i pha rol du phyin pa la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la da god par bya'o/ /'di snyed cig ni da god par mi bya'o/ /bdag gis sems can 'di snyed cig ni byang chub kyi phyogs kyi chos sum cu rtsa bdun la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni sangs rgyas kyi chos ma 'dres pa brgyad kyi bar la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni rgyun du zhugs pa'i 'bras bu la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni rang byang chub la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni rnam pa thams cad mkhyen pa nyid la dgod par bya'o/ /'di snyed cig ni dgod par mi bya'o zhes bya bar sems bskyed pa'i go mi 'byed kyi de 'di snyam du sems te/ bdag gis sems can tshad med grangs med pa/ sbyin pa'i pha rol du phyin pa la dgod par bya'o/ /bdag gis sems can tshad med grangs med pa/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la dgod par bya'o/ /nang stong pa nyid la dgod par bya'o/ /phyi stong pa nyid la dgod par bya'o/ /dngos po med pa'i ngo bo nyid stong pa nyid kyi bar la dgod par bya'o/ /byang chub kyi phyogs kyi chos sum cu rtsa bdun la dgod par bya'o/ /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa lnga dang / ting nge 'dzin thams cad dang / gzungs kyi sgo thams cad la dgod par bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad la dgod par bya'o/ /rgyun du zhugs pa'i 'bras bu la dgod par bya'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o/ /rang byang chub la dgod par bya'o/ /rnam pa thams cad mkhyen pa nyid la dgod par bya'o zhes bya bar sems bskyed do/ /rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ 'di snyam du bdag gis sems can tshad med grangs med pa 'di dag pha rol du phyin pa drug la dgod par bya'o/ / rnam pa thams cad mkhyen pa nyid kyi bar la dgod par bya'o snyam du sems bskyed par gyur na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu des/ sems can gang yang pha rol du phyin pa drug la dgod par byas pa yod dam/ rnam pa thams cad mkhyen pa nyid kyi bar la dgod par byas pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos/ sems can tshad med grangs med pa/ pha rol du phyin pa drug dang / rnam pa thams cad mkhyen pa nyid kyi bar la dgod par sems bskyed kyang / sems can gang gi don du yang sems bskyed pa med de/ de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos pa zhes bya'o/ /rab 'byor gyis gsol pa/ bcom ldan 'das bdag gis bcom ldan 'das kyis gsungs pa'i don 'tshal te/ byang chub sems dpa' sems dpa' chen pos ni/ rang gi mtshan nyid stong pa nyid kyi slad du/ go cha ma mchis pa'i go cha bgos par rig par bgyi'o/ /de ci'i slad du zhe na/ bcom ldan 'das de ni 'di ltar gzugs gzugs kyis stong ngo / /tshor ba dang / 'du shes dang / 'du byed dang / rnam par shes pa rnam par shes pas stong ngo / /mig mig gis stong ngo / /de bzhin du rna ba dang / sna dang / lce dang / lus dang / yid yid kyis stong ngo / /gzugs gzugs kyis stong ngo / /sgra dang / dri dang / ro dang / reg dang / chos chos kyis stong ngo / /mig gi rnam par shes pa mig gi rnam par shes pas stong ngo / /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yid kyi rnam par shes pas stong ngo / /mig gi 'dus te reg pa mig gi 'dus te reg pas stong ngo / /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yid kyi 'dus te reg pas stong ngo / /mig gi 'dus te reg pa'i rkyen gyis tshor ba/ mig gi 'dus te reg pa'i rkyen gyis tshor bas stong ngo / / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba/ yid kyi 'dus te reg pa'i rkyen gyis tshor bas stong ngo / /sbyin pa'i pha rol du phyin pa ni/ sbyin pa'i pha rol du phyin pas stong ngo / /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa/ shes rab kyi pha rol du phyin pas stong ngo / /nang stong pa nyid nang stong pa nyid kyis stong ngo / /dngos po med pa'i ngo bo nyid stong pa nyid kyi bar/ dngos po med pa'i ngo bo nyid stong pa nyid kyis stong ngo / /byang chub kyi phyogs kyi chos sum cu rtsa bdun/ byang chub kyi phyogs kyi chos sum cu rtsa bdun gyis stong ngo / /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams/ sangs rgyas kyi chos ma 'dres pa rnams kyis stong ngo / /bcom ldan 'das byang chub sems dpa' yang byang chub sems dpas stong ngo / /go cha chen po yang go cha chen pos stong ste/ bcom ldan 'das rnam grangs des na/ byang chub sems dpa' sems dpa' chen pos/ go cha ma mchis pa'i go cha bgos par rig par bgyi'o/ /bcom ldan 'das kyis bka' stsal pa/ rab 'byor ji skad du smras pa de bzhin te/ de de bzhin no/ /de ci'i phyir zhe na/ rab 'byor de ni rnam pa thams cad mkhyen pa nyid kyang ma byas/ rnam par ma byas/ mngon par ma byas/ byang chub sems dpa' sems dpa' chen pos gang gi don du go cha chen po bgos pa'i sems can de dag kyang ma byas/ rnam par ma byas/ mngon par ma byas so/ /gsol pa/ bcom ldan 'das ci'i slad du rnam pa thams cad mkhyen pa nyid ma bgyis/ rnam par ma bgyis/ mngon par ma bgyis pa lags/ byang chub sems dpa' sems dpa' chen pos gang gi don du go cha bgos pa'i sems can de dag kyang ci'i slad du ma bgyis/ rnam par ma bgyis/ mngon par ma bgyis pa lags/ bcom ldan 'das kyis bka' stsal pa/ rab 'byor byed pa po dmigs su med pa'i phyir/ rnam pa thams cad mkhyen pa nyid ma byas/ rnam par ma byas/ mngon par ma byas so/ /byang chub sems dpa' sems dpa' chen pos gang gi don du go cha chen po bgos pa'i sems can de dag kyang ma byas/ rnam par ma byas/ mngon par ma byas so/ /de ci'i phyir zhe na/ rab 'byor 'di ltar gzugs mi byed/ rnam par mi byed/ mngon par mi byed do/ /tshor ba dang / 'du shes dang / 'du byed dang / rnam par shes pa mi byed/ rnam par mi byed/ mngon par mi byed do/ /rab 'byor mig mi byed/ rnam par mi byed/ mngon par mi byed do/ /rna ba dang / sna dang / lce dang / lus dang / yid mi byed/ rnam par mi byed/ mngon par mi byed do/ /rab 'byor gzugs mi byed/ rnam par mi byed/ mngon par mi byed do/ /sgra dang / dri dang / ro dang / reg dang / chos mi byed rnam par mi byed mngon par mi byed do/ /rab 'byor mig gi rnam par shes pa mi byed rnam par mi byed mngon par mi byed do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi byed/ rnam par mi byed/ mngon par mi byed do/ /rab 'byor mig gi 'dus te reg pa mi byed/ rnam par mi byed/ mngon par mi byed do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi byed/ rnam par mi byed/ mngon par mi byed do/ /rab 'byor mig gi 'dus te reg pa'i rkyen gyis tshor ba mi byed/ rnam par mi byed/ mngon par mi byed do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba mi byed/ rnam par mi byed/ mngon par mi byed do/ /rab 'byor bdag ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor sems can ni mi byed rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor rmi lam ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /sgyu ma dang / sgra brnyan dang / mig yor dang / gzugs brnyan dang / smig rgyu dang / sprul pa ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor sbyin pa'i pha rol du phyin pa ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni mi byed/ rnam par mi byed/ mngon par mi byed de/ de ci'i phyir zhe na/ de shin tu mi dmigs pa'i phyir ro/ /rab 'byor nang stong pa nyid ni mi byed rnam par mi byed mngon par mi byed de/ de ci'i phyir zhe na/ de shin tu mi dmigs pa'i phyir ro/ /rab 'byor dngos po med pa'i ngo bo nyid stong pa nyid kyi bar du mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor byang chub kyi phyogs kyi chos sum cu rtsa bdun ni mi byed/ rnam par mi byed mngon par mi byed de/ de ci'i phyir zhe na/ de shin du mi dmigs pa'i phyir ro/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor de bzhin nyid ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /ma nor pa de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor byang chub ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor rnam pa thams cad mkhyen pa nyid ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor rnam grangs des na/ 'di ltar rnam pa thams cad mkhyen pa nyid de ma byas/ rnam par ma byas/ mngon par ma byas par rig par bya'o/ /byang chub sems dpa' sems dpa' chen pos gang gi don du go cha chen po bgos pa'i sems can de dag kyang ma byas/ rnam par ma byas/ mngon par ma byas par rig par bya'o/ /rab 'byor de ltar na byang chub sems dpa' sems dpa' chen po go cha chen po bgos pa ni/ go cha med pa'i go cha chen po bgos pa zhes bya'o/ /gsol pa/ bcom ldan 'das bdag gis bcom ldan 'das kyis gsungs pa'i don 'tshal te/ bcom ldan 'das gzugs ni ma bcings ma grol ba'o/ /tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /de nas tshe dang ldan pa byams gang gi bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor gzugs ma bcings ma grol ba yin nam/ tshor ba dang / 'du shes dang / 'du byed dang / rnam par shes pa ma bcings ma grol ba yin nam/ smras pa tshe dang ldan pa gang po de de bzhin te/ tshe dang ldan pa gang po gzugs ni ma bcings ma grol ba'o/ /tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /gang pos smras pa/ tshe dang ldan pa rab 'byor de ltar ma bcings ma grol ba'i gzugs gang yin/ de ltar ma bcings ma grol ba'i tshor ba dang / 'du shes dang / 'du byed dang / rnam par shes pa gang yin/ smras pa/ tshe dang ldan pa gang po/ gang 'di rmi lam lta bu'i gzugs de ni ma bcings ma grol ba'o/ /gang 'di rmi lam lta bu'i tshor ba dang / 'du shes dang / 'du byed dang / rnam par shes pa de ni ma bcings ma grol ba'o/ /gang 'di sgyu ma lta bu dang / sgra brnyan lta bu dang / mig yor lta bu dang / gzugs brnyan lta bu dang / smig rgyu lta bu dang / sprul pa lta bu'i gzugs de ni ma bcings ma grol ba'o/ /gang 'di sprul pa lta bu'i tshor ba dang / 'du shes dang / 'du byed dang / sprul pa lta bu'i rnam par shes pa de ni ma bcings ma grol ba'o/ /tshe dang ldan pa gang po 'das pa'i gzugs ni ma bcings ma grol ba'o/ /'das pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po ma 'ongs pa'i gzugs ni ma bcings ma grol ba'o/ /ma 'ongs pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po da ltar byung ba'i gzugs ni ma bcings ma grol ba'o/ /da ltar byung ba'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /de ci'i phyir zhe na/ tshe dang ldan pa gang po gzugs med pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / rnam par shes pa med pa'i phyir/ rnam par shes pa ma bcings ma grol ba'o/ /tshe dang ldan pa gang po gzugs dben pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / rnam par shes pa dben pa'i phyir/ rnam par shes pa ma bcings ma grol ba'o/ /tshe dang ldan pa gang po gzugs ma skyes pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / rnam par shes pa ma skyes pa'i phyir/ rnam par shes pa ma bcings ma grol ba'o/ /tshe dang ldan pa gang po dge ba'i gzugs ni ma bcings ma grol ba'o/ /dge ba'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po mi dge ba'i gzugs ni ma bcings ma grol ba'o/ /mi dge ba'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po lung du ma bstan pa'i gzugs ni ma bcings ma grol ba'o/ /lung du ma bstan pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po 'jig rten pa'i gzugs ni ma bcings ma grol ba'o/ /'jig rten pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po 'jig rten las 'das pa'i gzugs ni ma bcings ma grol ba'o/ /'jig rten las 'das pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po zag pa dang bcas pa'i gzugs ni ma bcings ma grol ba'o/ /zag pa dang bcas pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po zag pa med pa'i gzugs ni ma bcings ma grol ba'o/ /zag pa med pa'i tshor ba dang / 'du shes dang / 'du byed dang / rnam par shes pa ni ma bcings ma grol ba ste/ tshe dang ldan pa gang po/ de ci'i phyir zhe na/ gzugs med pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / rnam par shes pa med pa'i phyir/ rnam par shes pa ma bcings ma grol ba'o/ /gzugs dben pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / rnam par shes pa dben pa'i phyir/ rnam par shes pa ma bcings ma grol ba'o/ /gzugs ma skyes pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / rnam par shes pa ma skyes pa'i phyir/ rnam par shes pa ma bcings ma grol ba'o/ /tshe dang ldan pa gang po chos thams cad kyang ma bcings ma grol ba ste/ med pa'i phyir ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba ste/ tshe dang ldan pa gang po sbyin pa'i pha rol tu phyin pa ni ma bcings ma grol ba'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni ma bcings ma grol ba ste/ tshe dang ldan pa gang po med pa'i phyir/ sbyin pa'i pha rol du phyin pa ni ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /med pa'i phyir tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni ma bcings ma grol ba ste/ dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po nang stong pa nyid kyang ma bcings ma grol ba'o/ /phyi stong pa nyid kyang ma bcings ma grol ba'o/ /phyi nang stong pa nyid kyang ma bcings ma grol ba'o/ /dngos po med pa'i ngo bo nyid stong pa nyid kyi bar yang ma bcings ma grol ba'o/ /tshe dang ldan pa gang po med pa'i phyir nang stong pa nyid ma bcings ma grol ba'o/ / dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /med pa'i phyir phyi stong pa nyid ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /med pa'i phyir phyi nang stong pa nyid ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /med pa'i phyir dngos po med pa'i ngo bo nyid stong pa nyid kyi bar du ma bcings ma grol ba'o/ /dben pa'i phyir ma bcings ma grol ba'o/ / ma skyes pa'i phyir ma bcings ma grol ba'o/ /tshe dang ldan pa gang po byang chub kyi phyogs kyi chos sum cu rtsa bdun yang ma bcings ma grol ba ste/ tshe dang ldan pa gang po med pa'i phyir byang chub kyi phyogs kyi chos sum cu rtsa bdun ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po de bzhin gshegs pa'i stobs bcu'i bar dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams ma bcings ma grol ba ste/ tshe dang ldan pa gang po med pa'i phyir/ sangs rgyas kyi chos ma 'dres pa ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po rnam pa thams cad mkhyen pa nyid kyi bar du ma bcings ma grol ba ste/ tshe dang ldan pa gang po med pa'i phyir rnam pa thams cad mkhyen pa nyid ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po byang chub sems dpa' yang ma bcings ma grol ba ste/ tshe dang ldan pa gang po med pa'i phyir ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po de bzhin nyid kyang ma bcings ma grol ba'o/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' yang ma bcings ma grol ba ste/ tshe dang ldan pa gang po med pa'i phyir/ de bzhin nyid ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /med pa'i phyir yang dag pa'i mtha'i bar du ma bcings ma grol ba'o/ /dben pa'i phyir ma bcings ma grol ba'o/ / ma skyes pa'i phyir ma bcings ma grol ba'o/ /tshe dang ldan pa gang po 'dus ma byas kyang ma bcings ma grol ba ste/ tshe dang ldan pa gang po med pa'i phyir 'dus ma byas ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po 'di ni byang chub sems dpa' sems dpa' chen po rnams kyi ma bcings ma grol ba zhes bya ba'i chos kyi sgo ste/ de ni sbyin pa'i pha rol du phyin pa ma bcings ma grol ba'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ma bcings ma grol ba'o/ /rnam pa thams cad mkhyen pa nyid kyi bar du ma bcings ma grol ba'o/ /byang chub sems dpa' ma bcings ma grol ba'o/ /sangs rgyas ma bcings ma grol ba'o/ /de bzhin nyid ma bcings ma grol ba'o/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' ma bcings ma grol ba'o/ /'dus ma byas ma bcings ma grol ba'o/ /de ma bcings ma grol ba'i sbyin pa'i pha rol du phyin pa la gnas/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas nas/ ma bcings ma grol ba'i rnam pa thams cad mkhyen pa nyid kyi bar la gnas/ ma bcings ma grol ba'i de bzhin nyid la gnas/ ma bcings ma grol ba'i ma nor ba de bzhin nyid dang / ma bcings ma grol ba'i gzhan ma yin pa de bzhin nyid dang / ma bcings ma grol ba'i chos nyid dang / ma bcings ma grol ba'i chos kyi dbyings dang / ma bcings ma grol ba'i chos skyon med pa nyid dang / ma bcings ma grol ba'i yang dag pa'i mtha' la gnas/ ma bcings ma grol ba'i 'dus ma byas pa la gnas te ma bcings ma grol ba de/ ma bcings ma grol ba'i sems can rnams yongs su smin par byed do/ /ma bcings ma grol ba de/ sangs rgyas kyi zhing yongs su dag par byed do/ /ma bcings ma grol ba de/ ma bcings ma grol ba'i sangs rgyas bcom ldan 'das rnams la bsnyen bkur byed do/ /ma bcings ma grol ba de/ ma bcings ma grol ba'i chos nyan to/ /ma bcings ma grol ba de ma bcings ma grol ba'i sangs rgyas bcom ldan 'das rnams dang nam yang 'bral bar mi 'gyur ro/ /ma bcings ma grol ba de/ ma bcings ma grol ba'i mngon par shes pa rnams dang nam yang 'bral bar mi 'gyur ro/ /ma bcings ma grol ba de/ ma bcings ma grol ba'i mig lnga dang nam yang 'bral bar mi 'gyur ro/ /ma bcings ma grol ba de/ ma bcings ma grol ba'i gzungs rnams dang nam yang 'bral bar mi 'gyur ro/ /ma bcings ma grol ba de/ ma bcings ma grol ba'i ting nge 'dzin rnams dang nam yang 'bral bar mi 'gyur ro/ /ma bcings ma grol ba de/ ma bcings ma grol ba'i lam gyi rnam pa shes pa nyid grol bar mi 'gyur ro/ /ma bcings ma grol ba de/ ma bcings ma grol ba'i rnam pa thams cad mkhyen pa nyid du mngon par rdzogs par 'tshang rgya bar 'gyur ro/ /ma bcings ma grol ba de/ ma bcings ma grol ba'i chos kyi 'khor lo skor bar 'gyur ro/ /ma bcings ma grol ba de/ ma bcings ma grol ba'i sems can rnams theg pa gsum la rab tu 'god par 'gyur te/ tshe dang ldan pa gang po de ltar na/ byang chub sems dpa' sems dpa' chen po ma bcings ma grol ba de pha rol du phyin pa drug po ma bcings ma grol bas/ med pa dang / dben pa dang / skye ba med pa nye bar bzung zhing / chos thams cad khong du chud par byed do/ /tshe dang ldan pa gang po de ltar na byang chub sems dpa' sems dpa' chen po ma bcings ma grol ba theg pa chen po'i go cha chen po bgos par rig par bya'o/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po'i theg pa chen po gang lags/ bcom ldan 'das ji tsam gyis na/ byang chub sems dpa' sems dpa' chen po theg pa chen po la yang dag par zhugs par rig par bgyi ba lags/ theg pa chen po de ni gang nas byung ba lags/ theg pa de ni gang du gnas par 'gyur ba lags/ theg pa des ni su zhig 'byung bar 'gyur/ de skad ces gsol ba dang / bcom ldan 'das kyis tshe dang ldan pa rab 'byor la 'di skad ces bka' stsal to/ / rab 'byor gang khyod de skad du/ byang chub sems dpa' sems dpa' chen po'i theg pa chen po gang zhes zer ba ni/ rab 'byor pha rol du phyin pa drug ni/ byang chub sems dpa' sems dpa' chen po'i theg pa chen po ste/ drug gang zhe na/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'o/ /gsol pa/ bcom ldan 'das byang chub sems dpa' sems dpa' chen po'i sbyin pa'i pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas don du gnyer ba rnams la/ phyi nang gi dngos po'i sbyin pa yongs su gtong ste/ sbyin pa de yang sems can thams cad dang thun mong du byas shing / bla na med pa yang dag par rdzogs pa'i byang chub tu mi dmigs pa'i tshul gyis yongs su bsngo ba 'di ni/ byang chub sems dpa' sems dpa' chen po'i sbyin pa'i pha rol du phyin pa'o/ /gsol pa/ bcom ldan 'das byang chub sems dpa' sems dpa' chen po'i tshul khrims kyi pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ bdag kyang dge ba bcu'i las kyi lam yang dag par blangs shing gnas la/ sems can pha rol kyang dge ba bcu'i las kyi lam la mi dmigs pa'i tshul gyis yang dag par skul ba dang / gzhog pa dang / rab tu 'god pa 'di ni byang chub sems dpa' sems dpa' chen po'i tshul khrims kyi pha rol du phyin pa yongs su ma nyams pa'o/ /gsol pa/ bcom ldan 'das byang chub sems dpa' sems dpa' chen po'i bzod pa'i pha rol tu phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po/ rnam pa thams cad mkhyen pa nyid dang ldan pa'i sems bskyed pas/ bdag kyang bzod pa phun sum tshogs pa yin la/ gzhan yang mi dmigs pa'i tshul gyis bzod pa la yang dag par skul ba 'di ni/ byang chub sems dpa' sems dpa' chen po'i bzod pa'i pha rol du phyin pa'o/ /gsol pa/ bcom ldan 'das byang chub sems dpa' sems dpa' chen po'i brtson 'grus kyi pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ bdag kyang pha rol du phyin pa drug la brtson pa mi 'dor zhing / gzhan yang pha rol du phyin pa drug la mi dmigs pa'i tshul gyis sbyor ba 'di ni/ byang chub sems dpa' sems dpa' chen po'i brtson 'grus kyi pha rol du phyin pa'o/ /gsol pa/ bcom ldan 'das byang chub sems dpa' sems dpa' chen po'i bsam gtan gyi pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bdag kyang rnam pa thams cad mkhyen pa nyid dang ldan pa'i sems bskyed pas/ bsam gtan rnams la thabs mkhas par mnyam par gzhog kyang / de dag gi dbang gis mi skye zhing / gzhan yang bsam gtan rnams la mi dmigs pa'i tshul gyis yang dag par skul ba 'di ni/ byang chub sems dpa' sems dpa' chen po'i bsam gtan gyi pha rol du phyin pa'o/ /gsol pa/ bcom ldan 'das byang chub sems dpa' sems dpa' chen po'i shes rab kyi pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ bdag kyang chos thams cad la mngon par chags pa med par/ chos thams cad kyi rang bzhin yang dmigs pa med pa'i tshul gyis rtogs par byed cing / sems can rnams kyang chos thams cad la mngon par chags pa med pa dang / chos thams cad kyi rang bzhin rtogs par bya ba la/ mi dmigs pa'i tshul gyis yang dag par skul zhing gzhog pa dang / rab tu 'god pa 'di ni byang chub sems dpa' sems dpa' chen po'i shes rab kyi pha rol du phyin pa ste/ de ni rab 'byor byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di lta ste/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang ngo bo nyid stong pa nyid dang / dngos po med pa'i ngo bo nyid stong pa nyid de/ de la nang stong pa nyid gang zhe na/ nang gi chos zhes bya ba ni/ mig dang / rna ba dang / sna dang / lce dang / lus dang / yid de/ de la mi rtag mi 'jig pa'i phyir te/ mig mig gis stong ngo / / de ci'i phyir zhe na/ de'i rang bzhin de yin pa'i phyir ro/ /mi rtag mi 'jig pa'i phyir/ rna ba dang / sna dang / lce dang / lus dang / yid yid kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni nang stong pa nyid do/ /de la phyi stong pa nyid gang zhe na/ phyi'i chos zhes bya ba ni/ gzugs dang / sgra dang / dri dang / ro dang / reg dang / chos rnams te/ de la mi rtag mi 'jig pa'i phyir/ gzugs gzugs kyis stong ngo / /de ci'i phyir zhe na/ de'i rang bzhin de yin pa'i phyir ro/ /de bzhin du mi rtag mi 'jig pa'i phyir/ sgra dang / dri dang / ro dang / reg dang / chos chos kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni phyi stong pa nyid ces bya'o/ /de la phyi nang stong pa nyid gang zhe na/ nang gi skye mched drug dang / phyi'i skye mched drug dang / 'di dag ni phyi nang gi chos zhes bya ste/ de la mi rtag mi 'jig pa'i phyir/ nang gi chos rnams phyi'i chos rnams kyis stong ngo / /de ci'i phyir zhe na/ de'i rang bzhin de yin pa'i phyir ro/ /phyi'i chos rnams nang gi chos rnams kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni phyi nang stong pa nyid ces bya'o/ /de la stong pa nyid stong pa nyid gang zhe na/ mi rtag mi 'jig pa'i phyir/ chos rnams kyi stong pa nyid gang yin pa'i stong pa nyid des stong pa nyid stong ngo / /de ci'i phyir zhe na/ de'i rang bzhin de yin pa'i phyir te/ 'di ni stong pa nyid stong pa nyid ces bya'o/ /de la chen po stong pa nyid gang zhe na/ mi rtag mi 'jig pa'i phyir/ shar phyogs shar phyogs kyis stong / lho phyogs lho phyogs kyis stong / nub phyogs nub phyogs kyis stong / byang phyogs byang phyogs kyis stong / 'og gi phyogs 'og gi phyogs kyis stong / steng gi phyogs steng gi phyogs kyis stong / phyogs mtshams rnams phyogs mtshams rnams kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni chen po stong pa nyid ces bya'o/ /de la don dam pa stong pa nyid gang zhe na/ don dam pa ni mya ngan las 'das pa ste/ mi rtag mi 'jig pa'i phyir/ mya ngan las 'das pa de yang mya ngan las 'das pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni don dam pa stong pa nyid ces bya'o/ /de la 'dus byas stong pa nyid gang zhe na/ 'dus byas zhes bya ba ni 'dod pa'i khams dang / gzugs kyi khams dang / gzugs med pa'i khams te/ de la mi rtag mi 'jig pa'i phyir/ 'dod pa'i khams 'dod pa'i khams kyis stong ngo / /gzugs kyi khams gzugs kyi khams kyis stong ngo / /gzugs med pa'i khams gzugs med pa'i khams kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni 'dus byas stong pa nyid ces bya'o/ /de la 'dus ma byas stong pa nyid gang zhe na/ 'dus ma byas zhes bya ba ni gang la skye ba med pa dang / 'gag pa med pa dang / gnas pa las gzhan du 'gyur ba med pa 'di ni 'dus ma byas zhes bya ste/ mi rtag mi 'jig pa'i phyir/ 'dus ma byas de ni 'dus ma byas kyis stong ngo / / de ci'i phyir zhe na/ de'i rang bzhin de yin pa'i phyir te/ 'di ni 'dus ma byas stong pa nyid ces bya'o/ /de la mtha' las 'das pa stong pa nyid gang zhe na/ gang la mtha' mi dmigs pa de ni mtha' las 'das pa ste/ mi rtag mi 'jig pa'i phyir/ mtha' las 'das pa mtha' las 'das pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni mtha' las 'das pa stong pa nyid ces bya'o/ /de la thog ma dang tha ma med pa stong pa nyid gang zhe na/ gang la thog ma mi dmigs shing / tha ma yang mi dmigs pa de la 'gro ba mi dmigs/ 'ong ba yang mi dmigs te/ mi rtag mi 'jig pa'i phyir/ thog ma dang tha ma med pa thog ma dang tha ma med pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni thog ma dang tha ma med pa stong pa nyid ces bya'o/ /de la dor ba med pa stong pa nyid gang zhe na/ gang la gang yang dor ba med pa ste/ mi rtag mi 'jig pa'i phyir/ dor ba med pa dor ba med pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni dor ba med pa stong pa nyid ces bya'o/ /de la rang bzhin stong pa nyid gang zhe na/ 'dus byas sam/ 'dus ma byas kyang rung ste/ chos thams cad kyi rang bzhin gang yin pa de ni/ nyan thos rnams kyis ma byas/ rang sangs rgyas rnams kyis ma byas/ byang chub sems dpa' sems dpa' chen po rnams kyis ma byas/ de bzhin gshegs pa dgra bcom pa yang dag par rdzogs pa'i sangs rgyas rnams kyis ma byas te/ mi rtag mi 'jig pa'i phyir rang bzhin rang bzhin gyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni rang bzhin stong pa nyid ces bya'o/ /de la chos thams cad stong pa nyid gang zhe na/ chos thams cad ces bya ba ni/ gzugs dang / tshor ba dang / 'du shes dang / 'du byed dang / rnam par shes pa dang / mig dang / rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg dang / chos dang / mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa dang / mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa dang / mig gi 'dus te reg pa'i rkyen gyis tshor ba dang / rna ba'i 'dus te reg pa'i rkyen kyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba dang / gzugs yod pa'i chos dang / gzugs med pa'i chos dang / 'dus byas kyi chos dang / 'dus ma byas kyi chos te/ 'di dag ni chos thams cad ces bya'o/ /de la mi rtag mi 'jig pa'i phyir/ chos thams cad chos thams cad kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni chos thams cad stong pa nyid ces bya'o/ /de la rang gi mtshan nyid stong pa nyid gang zhe na/ gzugs ni 'jig pa'i mtshan nyid/ tshor ba ni myong ba'i mtshan nyid/ 'du shes ni 'dzin pa'i mtshan nyid/ 'du byed ni mngon par 'du byed pa'i mtshan nyid/ rnam par shes pa ni rnam par rig pa'i mtshan nyid de/ mi rtag mi 'jig pa'i phyir/ 'dus byas kyi chos rnams kyi mtshan nyid gang yin pa dang / 'dus ma byas kyi chos rnams kyi mtshan nyid gang yin pa'i rang rang gi mtshan nyid de dag gis/ chos de dag thams cad stong ngo / /de ci'i phyir zhe na/ de dag gi rang bzhin ni de yin pa'i phyir te/ 'di ni rang gi mtshan nyid stong pa nyid ces bya'o/ /de la mi dmigs pa stong pa nyid gang zhe na/ gang la 'das pa mi dmigs pa dang / ma 'ongs pa mi dmigs pa dang / da ltar byung ba'i gnas mi dmigs pa ste/ mi rtag mi 'jig pa'i phyir/ mi dmigs pa mi dmigs pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni mi dmigs pa stong pa nyid ces bya'o/ /de la dngos po med pa'i ngo bo nyid stong pa nyid gang zhe na/ chos thams cad rten cing 'brel par 'byung ba'i phyir/ 'dus pa'i ngo bo nyid med de/ mi rtag mi 'jig pa'i phyir/ 'dus pa 'dus pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni dngos po med pa'i ngo bo nyid stong pa nyid ces bya'o// //shes rab kyi pha rol du phyin pa stong phrag nyi shu lnga pa/ bam po bcu drug pa/ rab 'byor gzhan yang dngos po ni dngos pos stong ngo / /dngos po med pa ni dngos po med pas stong ngo / /rang bzhin ni rang bzhin gyis stong ngo / /gzhan gyi dngos po ni gzhan gyi dngos pos stong ngo / /de la dngos po dngos po zhes bya ba gang zhe na/ phung po lnga ste/ phung po de dag kyang phung po rnams kyis stong pas/ de ltar na dngos po dngos pos stong ngo / /ji ltar na dngos po med pa dngos po med pas stong zhe na/ dngos po med pa zhes bya ba ni/ 'dus ma byas ste/ 'dus ma byas de yang 'dus ma byas kyis stong pas/ de ltar na dngos po med pa dngos po med pas stong ngo / /ji ltar na rang bzhin rang bzhin gyis stong zhe na/ rang bzhin zhes bya ba ni/ ngo bo nyid ma nor ba ste/ de la stong pa nyid gang yin pa de ni shes pas ma byas/ mthong bas ma byas te/ 'di ni rang bzhin stong pa nyid do/ /de la gzhan gyi dngos po stong pa nyid gang zhe na/ de bzhin gshegs pa rnams byung yang rung / de bzhin gshegs pa rnams ma byung yang rung ste/ chos kyi gnas nyid dang / chos nyid dang / chos kyi dbyings dang / chos skyon med pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / yang dag pa'i mtha' ni de bzhin du gnas pa ste/ de ltar chos de dag gzhan gyis stong pa gang yin pa de ni gzhan gyi dngos po stong pa nyid ces bya ste/ rab 'byor 'di ni byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po ni/ 'di lta ste/ dpa' bar 'gro ba zhes bya ba'i ting nge 'dzin dang / rin chen phyag rgya zhes bya ba'i ting nge 'dzin dang / seng ge rnam par rtse ba zhes bya ba'i ting nge 'dzin dang / zla ba bzang po zhes bya ba'i ting nge 'dzin dang / zla ba'i rgyal mtshan dpal zhes bya ba'i ting nge 'dzin dang / chos thams cad las shin du 'phags pa zhes bya ba'i ting nge 'dzin dang / chos thams cad kyi phyag rgya zhes bya ba'i ting nge 'dzin dang / spyi gtsug rnam par lta ba zhes bya ba'i ting nge 'dzin dang / chos kyi dbyings su nges pa zhes bya ba'i ting nge 'dzin dang / nges pa'i rgyal mtshan dpal zhes bya ba'i ting nge 'dzin dang / rdo rje zhes bya ba'i ting nge 'dzin dang / chos thams cad la 'jug pa'i phyag rgya zhes bya ba'i ting nge 'dzin dang / ting nge 'dzin gyi rgyal po ltar rab tu gnas pa zhes bya ba'i ting nge 'dzin dang / 'od zer rab tu 'gyed pa zhes bya ba'i ting nge 'dzin dang / dpung rnam par bkod pa zhes bya ba'i ting nge 'dzin dang / yang dag par 'phags pa zhes bya ba'i ting nge 'dzin dang / nges pa'i tshig la gdon mi za bar 'jug pa zhes bya ba'i ting nge 'dzin dang / tshig la yang dag par 'jug pa zhes bya ba'i ting nge 'dzin dang / phyogs la rnam par lta ba zhes bya ba'i ting nge 'dzin dang / phyag rgya yongs su 'dzin pa zhes bya ba'i ting nge 'dzin dang / nyam pa med pa zhes bya ba'i ting nge 'dzin dang / chos thams cad yang dag par 'du ba rgya mtsho'i phyag rgya zhes bya ba'i ting nge 'dzin dang / nam mkha' rgyas par 'gengs pa zhes bya ba'i ting nge 'dzin dang / rdo rje'i dkyil 'khor ces bya ba'i ting nge 'dzin dang / rgyal mtshan rtse mo'i dpung rgyan ces bya ba'i ting nge 'dzin dang / dbang po'i dpal zhes bya ba'i ting nge 'dzin dang / rgyun gyi rjes su song ba zhes bya ba'i ting nge 'dzin dang / seng ge rnam par bsgyings pa zhes bya ba'i ting nge 'dzin dang / snrel zhi zhes bya ba'i ting nge 'dzin dang / nyon mongs pa spong ba zhes bya ba'i ting nge 'dzin dang / rnam par snang ba zhes bya ba'i ting nge 'dzin dang / tshol ba med pa zhes bya ba'i ting nge 'dzin dang / gnas la rten pa med pa zhes bya ba'i ting nge 'dzin dang / sems med pa zhes bya ba'i ting nge 'dzin dang / dri ma med pa'i sgron ma zhes bya ba'i ting nge 'dzin dang / 'od mtha' yas pa zhes bya ba'i ting nge 'dzin dang / 'od byed pa zhes pa'i ting nge 'dzin dang / kun tu snang ba zhes bya ba'i ting nge 'dzin dang / dag pa dam pa zhes bya ba'i ting nge 'dzin dang / 'od dri ma med pa zhes bya ba'i ting nge 'dzin dang / dga' ba byed pa zhes bya ba'i ting nge 'dzin dang / glog gi sgron ma zhes bya ba'i ting nge 'dzin dang / zad mi shes pa zhes bya ba'i ting nge 'dzin dang / mi 'pham pa zhes bya ba'i ting nge 'dzin dang / gzi brjid yod pa zhes bya ba'i ting nge 'dzin dang / zad pa dang bral ba zhes bya ba'i ting nge 'dzin dang / mi g.yo ba zhes bya ba'i ting nge 'dzin dang / 'jig pa med pa zhes bya ba'i ting nge 'dzin dang / nyi ma'i sgron ma zhes bya ba'i ting nge 'dzin dang / zla ba dri ma med pa zhes bya ba'i ting nge 'dzin dang / shes rab sgron ma zhes bya ba'i ting nge 'dzin dang / snang ba gsal ba zhes bya ba'i ting nge 'dzin dang / snang ba byed pa zhes bya ba'i ting nge 'dzin dang / bya ba byed pa zhes bya ba'i ting nge 'dzin dang / ye shes dpal zhes bya ba'i ting nge 'dzin dang / rdo rje lta bu zhes bya ba'i ting nge 'dzin dang / sems gnas pa zhes bya ba'i ting nge 'dzin dang / kun du snang ba zhes bya ba'i ting nge 'dzin dang / rab tu gnas pa zhes bya ba'i ting nge 'dzin dang / rin chen mtha' zhes bya ba'i ting nge 'dzin dang / chos dam pa'i phyag rgya zhes bya ba'i ting nge 'dzin dang / chos thams cad mnyam pa nyid ces bya ba'i ting nge 'dzin dang / dga' ba spong ba zhes bya ba'i ting nge 'dzin dang / chos kyis 'phags pa zhes bya ba'i ting nge 'dzin dang / rnam par 'thor ba zhes bya ba'i ting nge 'dzin dang / chos thams cad kyi tshig rab tu 'byed pa zhes bya ba'i ting nge 'dzin dang / yi ge mnyam par 'god pa zhes bya ba'i ting nge 'dzin dang / yi ge dang bral ba zhes bya ba'i ting nge 'dzin dang / dmigs pa gcod pa zhes bya ba'i ting nge 'dzin dang / 'gyur ba med pa zhes bya ba'i ting nge 'dzin dang / rnam pa med pa zhes bya ba'i ting nge 'dzin dang / ming nges par 'jug pa zhes bya ba'i ting nge 'dzin dang / gnas med par spyod pa zhes bya ba'i ting nge 'dzin dang / rab rib med pa zhes bya ba'i ting nge 'dzin dang / spyod pa dang ldan pa zhes bya ba'i ting nge 'dzin dang / g.yo ba med pa zhes bya ba'i ting nge 'dzin dang / yul las rgal ba zhes bya ba'i ting nge 'dzin dang / yon tan thams cad kyi tshogs su gyur pa zhes bya ba'i ting nge 'dzin dang / sems med par gnas pa zhes bya ba'i ting nge 'dzin dang / dge ba'i me tog rgyas shing gsal ba zhes bya ba'i ting nge 'dzin dang / byang chub kyi yan lag yod pa zhes bya ba'i ting nge 'dzin dang / spobs pa mtha' yas pa zhes bya ba'i ting nge 'dzin dang / mi mnyam pa dang mnyam pa zhes bya ba'i ting nge 'dzin dang / chos thams cad las 'da' ba zhes bya ba'i ting nge 'dzin dang / yongs su gcod pa zhes bya ba'i ting nge 'dzin dang / nem nur rnam par sel ba zhes bya ba'i ting nge 'dzin dang / gnas su bya ba med pa zhes bya ba'i ting nge 'dzin dang / gcig tu rnam par bkod pa zhes bya ba'i ting nge 'dzin dang / rnam pa mngon par sgrub pa zhes bya ba'i ting nge 'dzin dang / rnam pa gcig tu gyur pa zhes bya ba'i ting nge 'dzin dang / rnam pa 'dor ba med pa zhes bya ba'i ting nge 'dzin dang / rtogs pas srid pa'i gzhi thams cad khong du chud pa zhes bya ba'i ting nge 'dzin dang / brda dang sgra la 'jug pa zhes bya ba'i ting nge 'dzin dang / sgra dbyangs kyi yi ge dang bral ba zhes bya ba'i ting nge 'dzin dang / sgron ma 'bar ba zhes bya ba'i ting nge 'dzin dang / mtshan nyid yongs su sbyong ba zhes bya ba'i ting nge 'dzin dang / mngon par dmigs pa med pa zhes bya ba'i ting nge 'dzin dang / rnam pa'i mchog thams cad dang ldan pa zhes bya ba'i ting nge 'dzin dang / bde ba dang sdug bsngal thams cad la mngon par dga' ba med pa zhes bya ba'i ting nge 'dzin dang / zad mi shes pa'i za ma tog ces bya ba'i ting nge 'dzin dang / gzungs kyi blo gros zhes bya ba'i ting nge 'dzin dang / yang dag pa dang log pa thams cad yang dag par sel ba zhes bya ba'i ting nge 'dzin dang / 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin dang / 'thun pa dang 'gal ba med pa zhes bya ba'i ting nge 'dzin dang / 'od dri ma med pa zhes bya ba'i ting nge 'dzin dang / snying po dang ldan pa zhes bya ba'i ting nge 'dzin dang / zla ba dri ma med par rgyas pa'i 'od ces bya ba'i ting nge 'dzin dang / glog gi 'od ces bya ba'i ting nge 'dzin dang / rgyan chen po zhes bya ba'i ting nge 'dzin dang / rnam pa thams cad du 'od byed pa zhes bya ba'i ting nge 'dzin dang / ting nge 'dzin mnyam pa nyid ces bya ba'i ting nge 'dzin dang / rdul med cing rdul dang bral ba'i tshul dang ldan pa zhes bya ba'i ting nge 'dzin dang / nyon mongs pa med par yang dag par gzhol ba zhes bya ba'i ting nge 'dzin dang / nyon mongs pa dang bcas pa thams cad nyon mongs pa med par yang dag par gzhol ba zhes bya ba'i ting nge 'dzin dang / gnas dmigs su med pa la brtson pa zhes bya ba'i ting nge 'dzin dang / de bzhin nyid la gnas shing sems med pa zhes bya ba'i ting nge 'dzin dang / lus kyi skyon yang dag par sel ba zhes bya ba'i ting nge 'dzin dang / ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin dang / nam mkha' ltar chags pa med pas rnam par grol zhing gos pa med pa zhes bya ba'i ting nge 'dzin to/ /de la dpa' bar 'gro ba zhes bya ba'i ting nge 'dzin gang zhe na/ ting nge 'dzin de ni ting nge 'dzin thams cad kyi spyod yul la spyod pa ste/ 'di ni dpa' bar 'gro ba zhes bya ba'i ting nge 'dzin to/ /de la rin chen phyag rgya zhes bya ba'i ting nge 'dzin gang zhe na/ ting nge 'dzin des ting nge 'dzin thams cad rgyas btab pa lta bur 'gyur ba ste/ 'di ni rin chen phyag rgya zhes bya ba'i ting nge 'dzin to/ /de las seng ge rnam par rtse ba zhes bya ba'i ting nge 'dzin gang zhe na/ ting nge 'dzin de la gnas shing ting nge 'dzin thams cad kyis rnam par rtse ba ste/ 'di ni seng ge rnam par rtse ba zhes bya ba'i ting nge 'dzin to/ /de la zla ba bzang po zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad snang bar byed pa ste/ 'di ni zla ba bzang po zhes bya ba'i ting nge 'dzin to/ /de la zla ba'i rgyal mtshan dpal zhes bya ba'i ting nge 'dzin gang zhe na/ ting nge 'dzin de ni ting nge 'dzin thams cad kyi rgyal mtshan 'dzin pa ste/ 'di ni zla ba'i rgyal mtshan dpal zhes bya ba'i ting nge 'dzin to/ /de la chos thams cad las shin du 'phags pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyis mngon par 'phags pa ste/ 'di ni chos thams cad las shin du 'phags pa zhes bya ba'i ting nge 'dzin to/ /de la chos thams cad kyi phyag rgya zhes bya ba'i ting nge 'dzin gang zhe na/ ting nge 'dzin de la gnas shing / chos thams cad mi 'gyur ba'i phyag rgyas btab pa ste/ 'di ni chos thams cad kyi phyag rgya zhes bya ba'i ting nge 'dzin to/ /de la spyi gtsug rnam par lta ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi spyi gtsug rnam par lta ba ste/ 'di ni spyi gtsug rnam par lta ba zhes bya ba'i ting nge 'dzin to/ /de la chos kyi dbyings su nges pa zhes bya ba'i ting nge 'dzin gang zhe na/ ting nge 'dzin de la gnas shing / chos kyi dbyings su rtogs par 'gro ba ste/ 'di ni chos kyi dbyings su nges pa zhes bya ba'i ting nge 'dzin to/ /de la nges pa'i rgyal mtshan dpal zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi rgyal mtshan nges pa 'dzin pa ste/ 'di ni nges pa'i rgyal mtshan dpal zhes bya ba'i ting nge 'dzin to/ /de la rdo rje zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad 'jig par mi 'gyur ba ste/ 'di ni rdo rje zhes bya ba'i ting nge 'dzin to/ /de la chos thams cad la 'jug pa'i phyag rgya zhes bya ba'i ting nge 'dzin gang zhe na/ ting nge 'dzin de la gnas shing / chos thams cad kyi phyag rgya la 'jug pa ste/ 'di ni chos thams cad la 'jug pa'i phyag rgya zhes bya ba'i ting nge 'dzin to/ /de la ting nge 'dzin la rgyal po ltar rab tu gnas pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la rgyal po ltar rab tu gnas pa ste/ 'di ni ting nge 'dzin la rgyal po ltar rab tu gnas pa zhes bya ba'i ting nge 'dzin to/ /de la 'od zer rab tu 'gyed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi 'od zer rab tu 'gyed pa ste/ 'di ni 'od zer rab tu 'gyed pa zhes bya ba'i ting nge 'dzin to/ /de la dpung rnam par bkod pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi stobs rnam par 'god pa ste/ 'di ni dpung rnam par bkod pa zhes bya ba'i ting nge 'dzin to/ /de la yang dag par 'phags pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad yang dag par 'phags par 'gyur ba ste/ 'di ni yang dag par 'phags pa zhes bya ba'i ting nge 'dzin to/ /de la nges pa'i tshig la gdon mi za bar 'jug pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi nges pa'i tshig bstan pa la 'jug pa ste/ 'di ni nges pa'i tshig la gdon mi za bar 'jug pa zhes bya ba'i ting nge 'dzin to/ /de la tshig la yang dag par 'jug pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi tshig la 'jug pa ste/ 'di ni tshig la yang dag par 'jug pa zhes bya ba'i ting nge 'dzin to/ /de la phyogs rnam par lta ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi phyogs rnam par lta ba ste/ 'di ni phyogs rnam par lta ba zhes bya ba'i ting nge 'dzin to/ /de la phyag rgya yongs su 'dzin pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi phyag rgya yongs su 'dzin pa ste/ 'di ni phyag rgya yongs su 'dzin pa zhes bya ba'i ting nge 'dzin to/ /de la nyam pa med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad nyam par mi 'gyur ba ste/ 'di ni nyam pa med pa zhes bya ba'i ting nge 'dzin to/ /de la chos thams cad yang dag par 'du ba rgya mtsho'i phyag rgya zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad 'du zhing khongs su chud par 'dod pa ste/ 'di ni chos thams cad yang dag par 'du ba rgya mtsho'i phyag rgya zhes bya ba'i ting nge 'dzin to/ /de la nam mkha' rgyas par 'gengs pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi nam mkha' rgyas par 'gengs pa ste/ 'di ni nam mkha' rgyas par 'gengs pa zhes bya ba'i ting nge 'dzin to/ /de la rdo rje'i dkyil 'khor zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dkyil 'khor yongs su 'dzin pa ste/ 'di ni rdo rje'i dkyil 'khor ces bya ba'i ting nge 'dzin to/ /de la rgyal mtshan gyi rtse mo'i dpung rgyan ces bya ba'i ting nge 'dzin gang zhe na/ ting nge 'dzin de la gnas shing / ji ltar rgyal mtshan dam pa bzhin/ ting nge 'dzin thams cad las 'phags pa ste/ 'di ni rgyal mtshan gyi rtse mo'i dpung rgyan ces bya ba'i ting nge 'dzin to/ /de la dbang po'i dpal zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dbang dam pa thob pa ste/ 'di ni dbang po'i dpal zhes bya ba'i ting nge 'dzin to/ /de la rgyun gyi rjes su song ba zhes bya ba'i ting nge 'dzin gang zhe na/ ting nge 'dzin de la gnas shing / rgyun gyi rjes su ma log par yang dag par zhugs pa ste/ 'di ni rgyun gyi rjes su song ba zhes bya ba'i ting nge 'dzin to/ /de la seng ge rnam par bsgyings pa zhes bya ba'i ting nge 'dzin gang zhe na/ ting nge 'dzin de la gnas shing / rdul dang dri ma thams cad rab tu spang ba'i dbang du gyur cing / ji ltar seng ge'i rgyal po bzhin dbang thob pas bsgyings pa lta bu ste/ 'di ni seng ge rnam par bsgyings pa zhes bya ba'i ting nge 'dzin to/ /de la snrel zhi zhes bya ba'i ting nge 'dzin gang zhe na/ ting nge 'dzin de la gnas shing / 'khor ba'i chos rnams rgyun gcod par byed pa ste/ 'di ni snrel zhi zhes bya ba'i ting nge 'dzin to/ /de la nyon mongs pa spong ba zhes bya ba'i ting nge 'dzin gang zhe na/ ting nge 'dzin de la gnas shing / nyon mongs pa thams cad kyi dri ma rab tu sel ba ste/ 'di ni nyon mongs pa spong ba zhes bya ba'i ting nge 'dzin to/ /de la rnam par snang ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad lham me/ lhan ne/ lhang nger byed pa ste/ 'di ni rnam par snang ba zhes bya ba'i ting nge 'dzin to/ / de la tshol ba med pa zhes bya ba'i ting nge 'dzin gang zhe na/ ting nge 'dzin de la gnas shing / chos gang yang tshol ba med pa ste/ 'di ni tshol ba med pa zhes bya ba'i ting nge 'dzin to/ /de la gnas la rten pa med pa zhes bya ba'i ting nge 'dzin gang zhe na/ ting nge 'dzin de la gnas shing / chos gang yang gnas la rten par yang dag par rjes su mi mthong ba ste/ 'di ni gnas la rten pa med pa zhes bya ba'i ting nge 'dzin to/ /de la sems med pa zhes bya ba'i ting nge 'dzin gang zhe na/ ting nge 'dzin de la gnas shing / sems kyang mi 'byung / sems las byung ba rnams kyang mi rgyu ba ste/ 'di ni sems med pa zhes bya ba'i ting nge 'dzin to/ /de la dri ma med pa'i sgron ma zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi sgron ma dri ma med par byed pa ste/ 'di ni dri ma med pa'i sgron ma zhes bya ba'i ting nge 'dzin to/ /de la 'od mtha' yas pa zhes bya ba'i ting nge 'dzin gang zhe na/ ting nge 'dzin de la gnas shing / 'od mtha' yas par byed pa ste/ 'di ni 'od mtha' yas pa zhes bya ba'i ting nge 'dzin to/ /de la 'od byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin 'di thob ma thag tu/ ting nge 'dzin thams cad kyi 'od byed pa ste/ 'di ni 'od byed pa zhes bya ba'i ting nge 'dzin to/ /de la kun du snang ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin de thob ma thag tu ting nge 'dzin thams cad kyi sgo snang bar byed pa ste/ 'di ni kun du snang ba zhes bya ba'i ting nge 'dzin to/ /de la dag pa dam pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dag pa mnyam pa nyid 'thob pa ste/ 'di ni dag pa dam pa zhes bya ba'i ting nge 'dzin to/ /de la 'od dri ma med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dri ma sel ba ste/ 'di ni 'od dri ma med pa zhes bya ba'i ting nge 'dzin to/ /de la dga' ba byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dga' ba nyams su myong bar 'gyur ba ste/ 'di ni dga' ba byed pa zhes bya ba'i ting nge 'dzin to/ /de la glog gi sgron ma zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi sgron ma byed pa ste/ 'di ni glog gi sgron ma zhes bya ba'i ting nge 'dzin to/ /de la zad mi shes pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad zad shes pa dang / zad mi shes pa yang dag par rjes su mi mthong ba ste/ 'di ni zad mi shes pa zhes bya ba'i ting nge 'dzin to/ /de la mi 'pham pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi stobs rab tu thob pa ste/ 'di ni mi 'pham pa zhes bya ba'i ting nge 'dzin to/ /de la gzi brjid yod pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi gzi brjid dang / dpal gyis 'bar bar 'gyur ba ste/ 'di ni gzi brjid yod pa zhes bya ba'i ting nge 'dzin to/ /de la zad pa dang bral ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad zad mi shes par rjes su mthong nas/ rdul tsam yang yang dag par rjes su mi mthong ba de ltar mthong ba ste/ 'di ni zad pa dang bral ba zhes bya ba'i ting nge 'dzin to/ /de la mi g.yo ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad mi g.yo/ mi 'gul/ rab tu mi 'byed/ rlom sems su mi byed pa ste/ 'di ni mi g.yo ba zhes bya ba'i ting nge 'dzin to/ /de la 'jig pa med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad 'jig par yang dag par rjes su mi mthong ba ste/ 'di ni 'jig pa med pa zhes bya ba'i ting nge 'dzin to/ /de la nyi ma'i sgron ma zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi sgo snang bar byed pa ste/ 'di ni nyi ma'i sgron ma zhes bya ba'i ting nge 'dzin to/ /de la zla ba dri ma med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi mun pa med par byed pa ste/ 'di ni zla ba dri ma med pa zhes bya ba'i ting nge 'dzin to/ /de la shes rab sgron ma zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi shes rab kyi 'od kyis ma rig pa'i mun pa thams cad bsal bar byed pa ste/ 'di ni shes rab sgron ma zhes bya ba'i ting nge 'dzin to/ /de la snang ba gsal ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi so so yang dag par rig pa bzhi rab tu 'thob pa ste/ 'di ni snang ba gsal ba zhes bya ba'i ting nge 'dzin to/ /de la snang ba byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi sgo snang bar byed pa ste/ 'di ni snang ba byed pa zhes bya ba'i ting nge 'dzin to/ /de la bya ba byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi bya ba rnams byed pa ste/ 'di ni bya ba byed pa zhes bya ba'i ting nge 'dzin to/ /de la ye shes dpal zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi ye shes dpal yang dag par rjes su mthong ba ste/ 'di ni ye shes dpal zhes bya ba'i ting nge 'dzin to/ /de la rdo rje lta bu zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la ting nge 'dzin nyid kyang / yang dag par rjes su mi mthong bar khong du chud par byed pa ste/ 'di ni rdo rje lta bu zhes bya ba'i ting nge 'dzin to/ /de la sems gnas pa zhes bya ba'i ting nge 'dzin gang zhe na/ ting nge 'dzin de la gnas shing / sems mi g.yo/ rnam par mi g.yo/ rnam par mi ldog yongs su yid 'chad par mi 'gyur/ nyams su mi bde ba med la/ de la sems zhes bya ba ni 'di yin zhes bya bar sems mi 'byung ba ste/ 'di ni sems gnas pa zhes bya ba'i ting nge 'dzin to/ /de la kun du snang ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad snang bar yang dag par rjes su mthong ba ste/ 'di ni kun du snang ba zhes bya ba'i ting nge 'dzin to/ /de la rab tu gnas pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la rab tu gnas par 'gyur ba ste/ 'di ni rab tu gnas pa zhes bya ba'i ting nge 'dzin to/ /de la rin chen mtha' zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad rin chen mtha' ltar kun nas snang ba ste/ 'di ni rin chen mtha' zhes bya ba'i ting nge 'dzin to/ /de la chos dam pa'i phyag rgya zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad phyag rgya med pa'i mthas phyag rgyas btab par nye bar bzung bas phyag rgyas btab par 'gyur ba ste/ 'di ni chos dam pa'i phyag rgya zhes bya ba'i ting nge 'dzin to/ /de la chos thams cad mnyam pa nyid ces bya ba'i ti nga nge 'dzin gang zhe na/ ting nge 'dzin de la gnas shing / chos gang yang mnyam pa nyid du ma chud pa med par yang dag par rjes su mthong ba ste/ 'di ni chos thams cad mnyam pa nyid ces bya ba'i ting nge 'dzin to/ /de la dga' ba spong ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad dang chos thams cad kyi dga' ba spong ba ste/ 'di ni dga' ba spong ba zhes bya ba'i ting nge 'dzin to/ /de la chos kyis 'phags pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad kyi mun pa sel ba dang / ting nge 'dzin thams cad kyis mngon par 'phags par 'gyur ba ste/ 'di ni chos kyis 'phags pa zhes bya ba'i ting nge 'dzin to/ /de la rnam par 'thor ba zhes bya ba'i ting nge 'dzin gang zhe na/ ting nge 'dzin de la gnas shing / chos thams cad rnam par 'thor ba ste/ 'di ni rnam par 'thor ba zhes bya ba'i ting nge 'dzin to/ /de la chos thams cad kyi tshig rab tu 'byed pa zhes bya ba'i ting nge 'dzin gang zhe na/ tinga'adzin de la gnas shing / ting nge 'dzin thams cad dang / chos thams cad kyi tshig rab tu 'byed pa ste/ 'di ni chos thams cad kyi tshig rab tu 'byed pa zhes bya ba'i ting nge 'dzin to/ /de la yi ge mnyam par 'god pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi yi ge mnyam pa nyid rab tu 'thob pa ste/ 'di ni yi ge mnyam par 'god pa zhes bya ba'i ting nge 'dzin to/ /de la yi ge dang bral ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi yi ge gcig kyang dmigs su med pa ste/ 'di ni yi ge dang bral ba zhes bya ba'i ting nge 'dzin to/ /de la dmigs pa gcod pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dmigs pa 'chad par 'gyur ba ste/ 'di ni dmigs pa gcod pa zhes bya ba'i ting nge 'dzin to/ /de la 'gyur ba med pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad 'gyur bar mi dmigs pa ste/ 'di ni 'gyur ba med pa zhes bya ba'i ting nge 'dzin to/ /de la rnam pa med pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad kyi rnam pa tsam yang dmigs pa med pa ste/ 'di ni rnam pa med pa zhes bya ba'i ting nge 'dzin to/ /de la ming nges par 'jug pa zhes bya ba'i ting nge 'dzin gang zhe na/ ting nge 'dzin de la gnas shing / nges pa'i tshig thams cad ni yang dag par dmigs su med cing / tha snyad la ltos pa tsam mo/ /zhes rtogs par 'jug pa ste/ 'di ni ming nges par 'jug pa zhes bya ba'i ting nge 'dzin to/ /de la gnas med par spyod pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin de thams cad kyi gnas dmigs pa med pa ste/ 'di ni gnas med par spyod pa zhes bya ba'i ting nge 'dzin to/ /de la rab rib med pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad kyi rab rib rnam par sel ba ste/ 'di ni rab rib med pa zhes bya ba'i ting nge 'dzin to/ /de la spyod pa dang ldan pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi spyod pa yang dag par rjes su mi mthong ba ste/ 'di ni spyod pa dang ldan pa zhes bya ba'i ting nge 'dzin to/ /de la g.yo ba med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad g.yo ba med par yang dag par rjes su mthong ba ste/ 'di ni g.yo ba med pa zhes bya ba'i ting nge 'dzin to/ /de la yul las rgal ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi spyod yul las yang dag par 'da' ba ste/ 'di ni yul las rgal ba zhes bya ba'i ting nge 'dzin to/ /de la yon tan thams cad kyi tshogs su gyur pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad dang / ting nge 'dzin thams cad kyi yon tan gyi tshogs rjes su 'thob pa ste/ 'di ni yon tan thams cad kyi tshogs su gyur pa zhes bya ba'i ting nge 'dzin to/ /de la sems med par gnas pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la sems mi 'jug pa ste/ 'di ni sems med par gnas pa zhes bya ba'i ting nge 'dzin to/ /de la dge ba'i me tog rgyas shing gsal ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dge ba'i me tog rgyas shing gsal ba rab tu 'thob pa ste/ 'di ni dge ba'i me tog rgyas shing gsal ba zhes bya ba'i ting nge 'dzin to/ /de la byang chub kyi yan lag yod pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi byang chub kyi yan lag rab tu 'thob pa ste/ 'di ni byang chub kyi yan lag yod pa zhes bya ba'i ting nge 'dzin to/ /de la spobs pa mtha' yas pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la spobs pa mtha' yas pa rab tu 'thob pa ste/ 'di ni spobs pa mtha' yas pa zhes bya ba'i ting nge 'dzin to/ /de la mi mnyam pa dang mnyam pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la mi mnyam pa dang mnyam pa rab tu 'thob pa ste/ 'di ni mi mnyam pa dang mnyam pa zhes bya ba'i ting nge 'dzin to/ /de la chos thams cad las 'da' ba zhes bya ba'i ting nge 'dzin gang zhe na/ ting nge 'dzin de la gnas shing khams gsum pa thams cad las yang dag par 'da' ba ste/ 'di ni chos thams cad las 'da' ba zhes bya ba'i ting nge 'dzin to/ /de la yongs su gcod pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad dang / ting nge 'dzin thams cad kyi rgyud mthong ba ste/ 'di ni yongs su gcod pa zhes bya ba'i ting nge 'dzin to/ /de la nem nur rnam par sel ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad dang / chos thams cad la nem nur rnam par sel ba rab tu 'thob pa ste/ 'di ni nem nur rnam par sel ba zhes bya ba'i ting nge 'dzin to/ /de la gnas su bya ba med pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad kyi gnas yang dag par rjes su mi mthong ba ste/ 'di ni gnas su bya ba med pa zhes bya ba'i ting nge 'dzin to/ /de la gcig tu rnam par bkod pa zhes bya ba'i ting nge 'dzin gang zhe na/ ting nge 'dzin de la gnas shing / chos gang yang gnyis su yang dag par rjes su mi mthong ba ste/ 'di ni gcig tu rnam par bkod pa zhes bya ba'i ting nge 'dzin to/ /de la rnam pa mngon par sgrub pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad dang / ting nge 'dzin thams cad kyi rnam pa mngon par sgrub pa yang dag par rjes su mi mthong ba ste/ 'di ni rnam pa mngon par sgrub pa zhes bya ba'i ting nge 'dzin to/ /de la rnam pa gcig tu gyur pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi rnam pa yang dag par rjes su mi mthong ba ste/ 'di ni rnam pa gcig tu gyur pa zhes bya ba'i ting nge 'dzin to/ /de la rnam pa 'dor ba med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad gnyis su med par yang dag par rjes su mthong ba ste/ 'di ni rnam pa 'dor ba med pa zhes bya ba'i ting nge 'dzin to/ /de la rtogs pas srid pa'i gzhi thams cad khong du chud pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad rtogs par byed pa'i ye shes la zhugs nas/ de la zhugs pa'i phyir khong du mi chud pa gang yang med pa ste/ 'di ni rtogs pas srid pa'i gzhi thams cad khong du chud pa zhes bya ba'i ting nge 'dzin to/ /de la brda dang sgra la 'jug pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi brda dang sgra la 'jug pa ste/ 'di ni brda dang sgra la 'jug pa zhes bya ba'i ting nge 'dzin to/ /de la sgra dbyangs kyi yi ge dang bral ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi yi ge dang bral bar rjes su mthong ba ste/ 'di ni sgra dbyangs kyi yi ge dang bral ba zhes bya ba'i ting nge 'dzin to/ /de la sgron ma 'bar ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi gzi brjid kyis lham me/ lhan ne/ lhang nger byed pa ste/ 'di ni sgron ma 'bar ba zhes bya ba'i ting nge 'dzin to/ /de la mtshan nyid yongs su sbyong ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi mtshan nyid yongs su dag par 'gyur bar byed pa ste/ 'di ni mtshan nyid yongs su sbyong ba zhes bya ba'i ting nge 'dzin to/ /de la mngon par dmigs pa med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad mngon par dmigs pa med par yang dag par rjes su mthong ba ste/ /'di ni mngon par dmigs pa med pa zhes bya ba'i ting nge 'dzin to/ /de la rnam pa'i mchog thams cad dang ldan pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad rnam pa'i mchog thams cad dang ldan par 'gyur ba ste/ 'di ni rnam pa'i mchog thams cad dang ldan pa zhes bya ba'i ting nge 'dzin to/ /de la bde ba dang sdug bsngal thams cad la mngon par dga' ba med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la bde ba dang / sdug bsngal yang dag par rjes su mi mthong ba ste/ 'di ni bde ba dang sdug bsngal thams cad la mngon par dga' ba med pa zhes bya ba'i ting nge 'dzin to/ /de la zad mi shes pa'i za ma tog ces bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad zad du rung bar yang dag par rjes su ma mthong ba ste/ 'di ni zad mi shes pa'i za ma tog ces bya ba'i ting nge 'dzin to/ /de la gzungs kyi blo gros zhes bya ba'i ting nge 'dzin gang zhe na/ ting nge 'dzin de la gnas shing / gzungs thams cad yongs su 'dzin pa ste/ 'di ni gzungs kyi blo gros zhes bya ba'i ting nge 'dzin to/ /de la yang dag pa dang log pa thams cad yang dag par sel ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad yang dag pa dang log par yang dag par rjes su mi mthong ba ste/ 'di ni yang dag pa dang log pa thams cad yang dag par sel ba zhes bya ba'i ting nge 'dzin to/ /de la 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad 'gal ba dang 'gog pa yang dag par rjes su mi mthong ba ste/ 'di ni 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin to/ /de la 'thun pa dang 'gal ba med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la 'thun pa dang 'gal ba yang dag par rjes su mi mthong ba ste/ 'di ni 'thun pa dang 'gal ba med pa zhes bya ba'i ting nge 'dzin to/ /de la 'od dri ma med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi 'od kyi dkyil 'khor mi dmigs pa ste/ 'di ni 'od dri ma med pa zhes bya ba'i ting nge 'dzin to/ /de la snying po dang ldan pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi snying po yang dag par rjes su mi mthong ba ste/ 'di ni snying po dang ldan pa zhes bya ba'i ting nge 'dzin to/ /de la zla ba dri ma med par rgyas pa'i 'od ces bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad 'di lta ste/ dper na zla ba nya ba'i dkyil 'khor ltar yongs su rgyas par 'gyur ba ste/ 'di ni zla ba dri ma med par rgyas pa'i 'od ces bya ba'i ting nge 'dzin to/ /de la glog gi 'od ces bya ba'i ting nge 'dzin gang zhe na/ ting nge 'dzin de la gnas shing / dag cing gsal ba'i 'od kyis sems can gyi ris snang bar byas shing / mun pa mun nag gi tsha ba gdug pa sel bar byed pa ste/ 'di ni glog gi 'od ces bya ba'i ting nge 'dzin to/ /de la rgyan chen po zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad rgyan chen po dang ldan par 'gyur ba ste/ 'di ni rgyan chen po zhes bya ba'i ting nge 'dzin to/ /de la rnam pa thams cad du 'od byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad snang bar byed pa ste/ 'di ni rnam pa thams cad du 'od byed pa zhes bya ba'i ting nge 'dzin to/ /de la ting nge 'dzin mnyam pa nyid ces bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la 'khrug pa yang mi dmigs/ rtse gcig kyang mi dmigs pa ste/ 'di ni ting nge 'dzin mnyam pa nyid ces bya ba'i ting nge 'dzin to/ /de la rdul med cing rdul dang bral ba'i tshul dang ldan pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin dang chos thams cad rdul can dang / rdul dang bral bar mnyam pa nyid du rtogs pa ste/ 'di ni rdul med cing rdul dang bral ba'i tshul dang ldan pa zhes bya ba'i ting nge 'dzin to/ /de la nyon mongs pa med par yang dag par gzhol ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad nyon mongs pa med par 'gyur ba ste/ 'di ni nyon mongs pa med par yang dag par gzhol ba zhes bya ba'i ting nge 'dzin to/ /de la nyon mongs pa dang bcas pa thams cad nyon mongs pa med par yang dag par gzhol ba zhes bya ba'i ting nge 'dzin gang zhe na/ ting nge 'dzin de la gnas shing / nyon mongs pa dang bcas pa thams cad nyon mongs pa med par yang dag par gzhol ba 'thob par 'gyur ba ste/ 'di ni nyon mongs pa dang bcas pa thams cad nyon mongs pa med par yang dag par gzhol ba zhes bya ba'i ting nge 'dzin to/ /de la gnas dmigs su med pa la brtson pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi kun gzhi nye bar mi dmigs pa ste/ 'di ni gnas dmigs su med pa la brtson pa zhes bya ba'i ting nge 'dzin to/ /de la de bzhin nyid la gnas shing / sems med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi de bzhin nyid las phyir mi ldog pa ste/ 'di ni de bzhin nyid la gnas shing / sems med pa zhes bya ba'i ting nge 'dzin to/ /de la lus kyi skyon yang dag par sel ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi lus mi dmigs pa ste/ 'di ni lus kyi skyon yang dag par sel ba zhes bya ba'i ting nge 'dzin to/ /de la ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi ngag gi las mi dmigs pa ste/ 'di ni ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin to/ /de la nam mkha' ltar chags pa med pas/ rnam par grol zhing gos pa med pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad nam mkha' ltar chags pa med pas/ rnam par grol zhing gos pa med pa 'thob pa ste/ 'di ni nam mkha' ltar chags pa med pas/ rnam par grol zhing gos pa med pa zhes bya ba'i ting nge 'dzin te/ rab 'byor 'di ni byang chub sems dpa' sems dpa' chen po shes rab kyi pha rol du phyin pa la spyod pa'i theg pa chen po'o/ /shes rab kyi pha rol du phyin pa stong phrag nyi shu lnga pa las/ le'u brgyad pa'o// //rab 'byor gzhan yang byang chub sems dpa' sems dpa' chen po'i theg pa chen po 'di lta ste/ dran pa nye bar gzhag pa bzhi ste/ bzhi gang zhe na/ lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa'o/ /de la lus dran pa nye bar gzhag pa gang zhe na/ rab 'byor 'di la byang chub sems dpa' sems dpa' chen po nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod kyang / lus dang ldan pa'i rnam par rtog pa rnams la rnam par mi rtog go /phyi'i lus la de mi dmigs pa'i tshul gyis/ lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing / rnam par spyod kyang / lus dang ldan pa'i rnam par rtog pa rnams la rnam par mi rtog go /phyi nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod kyang / lus dang ldan pa'i rnam par rtog pa rnams la rnam par mi rtog go /nang gi tshor ba dang / sems dang / chos la de mi dmigs pa'i tshul gyis chos kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten kyi chags sems dang / yid mi bde ba rnam par bsal cing rnam par spyod kyang / chos dang ldan pa'i rnam par rtog pa rnams la rnam par mi rtog go /phyi'i tshor ba dang / sems dang / chos la de mi dmigs pa'i tshul gyis chos kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod kyang / chos dang ldan pa'i rnam par rtog pa rnams la rnam par mi rtog go / phyi nang gi tshor ba dang / sems dang / chos la de mi dmigs pa'i tshul gyis chos kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod kyang / chos dang ldan pa'i rnam par rtog pa rnams la rnam par mi rtog go /rab 'byor ji ltar na byang chub sems dpa' sems dpa' chen po nang gi lus la lus kyi rjes su lta zhing rnam par spyod pa yin zhe na/ rab 'byor 'di la byang chub sems dpa' sems dpa' chen po 'gro na 'gro'o zhes bya bar rab tu shes so/ /'greng na 'greng ngo zhes bya bar rab tu shes so/ /'dug na 'dug go zhes bya bar rab tu shes so/ /nyal na nyal lo zhes bya bar rab tu shes te/ de'i lus nyams bde ba 'am/ mi bde yang rung / lus ji lta ji ltar gnas pa/ de lta de ltar des rab tu shes so/ /rab 'byor de ltar na byang chub sems dpa' sems dpa' chen po nang gi lus la de mi dmigs pa'i tshul gyis/ lus kyi rjes su lta zhing brtson 'grus can/ shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bstsal cing rnam par spyod do/ /rab 'byor gzhan yang byang chub sems dpa' sems dpa' chen po nang gi lus la de mi dmigs pa'i tshul gyis/ lus kyi rjes su lta zhing rnam par spyod do/ /de 'gro 'am 'ong yang shes bzhin du spyod pa yin/ lta'am/ rnam par lta yang / shes bzhin du spyod pa yin/ bskum 'am/ brkyang yang shes bzhin du spyod pa yin/ sbyar ma dang / lhung bzed 'chang zhing spyod kyang shes bzhin du spyod pa yin/ zos pa dang / 'chos pa dang / 'thungs pa dang / myangs pa la yang shes bzhin du spyod pa yin/ nyal ba dang / gnyid kyi mya myo bsal ba yang shes bzhin du spyod pa yin/ 'gro ba dang / 'ong ba dang / 'greng ba dang / 'dug pa dang / gnyid kyis log pa dang / ma log pa dang / smra ba dang / mi smra ba dang / nang du yang dag 'jog la yang shes bzhin du spyod pa yin te/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bstsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ dran zhing dbugs nang du rgyu na yang / dran zhing dbugs nang du rgyu'o/ /zhes bya bar rab tu shes so/ /dran zhing dbugs phyir rgyu na yang / dran zhing dbugs phyir rgyu'o zhes bya bar rab tu shes so/ /dbugs nang du ring du rgyu na yang / dbugs nang du ring du rgyu'o zhes bya bar rab tu shes so/ /dbugs phyir ring du rgyu na yang / dbugs phyir ring du rgyu'o zhes bya bar rab tu shes so/ /dbugs nang du thung du rgyu na yang / dbugs nang du thung du rgyu'o zhes bya bar rab tu shes so/ /dbugs phyir thung du rgyu na yang / dbugs phyir thung du rgyu'o zhes bya bar rab tu shes ste/ rab 'byor 'di lta ste/ dper na/ rdza mkhan 'khor lo bskor ba 'am/ rdza mkhan 'khor lo bskor ba'i mchan bu mkhas pa ni ring du bskor na ring du bskor ro zhes bya bar rab tu shes so/ /thung du bskor na thung du bskor ro zhes bya bar rab tu shes so/ /rab 'byor de bzhin du byang chub sems dpa' sems dpa' chen po yang shes rab kyi pha rol du phyin pa la spyod pa'i tshe/ dran par dbugs nang du rgyus na yang / dran par dbugs nang du rgyus so zhes bya bar rab tu shes so/ /dran par dbugs phyir rgyus na yang / dran par dbugs phyir rgyus so zhes bya bar rab tu shes so/ /dbugs ring du nang du rgyus na yang / dbugs ring du nang du rgyus so zhes bya bar rab tu shes so/ /dbugs ring du phyir rgyus na yang / dbugs ring du phyir rgyus so zhes bya bar rab tu shes so/ /dbugs thung du nang du rgyus na yang / dbugs thung du nang du rgyus so zhes bya bar rab tu shes so/ /dbugs thung du phyir rgyus na yang / dbugs thung du phyir rgyus so zhes bya bar rab tu shes te/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal zhing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ lus 'di la sa'i khams dang / chu'i khams dang / me'i khams dang / rlung gi khams kyang yod do/ /zhes bya bar khams kyi rnam pa yang dag pa ji lta ba bzhin du rab du rtog ste/ rab 'byor 'di lta ste/ dper na/ ba lang gi shen pa'am/ ba lang gi shen pa'i mchan bu mkhas pas/ mtshon rnon po thogs te/ ba lang bsad cing bag bzhir gshegs te/ so sor phye nas 'greng ngam 'dug ste/ de la rab tu rtog pa de bzhin du/ byang chub sems dpa' sems dpa' chen po shes rab kyi pha rol du phyin pa la spyod pa yang / lus 'di la sa'i khams dang / chu'i khams dang / me'i khams dang / rlung gi khams kyang yod do zhes bya bar khams kyi rnam pa yang dag pa ji lta ba bzhin du rtog ste/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod cing / 'greng ngam 'dug ste/ nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ / rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ lus 'di nyid la rkang pa'i mthil yan cad/ skra dang / klad pa man cad/ sen mo dang / spu dang / pags pa yan cad/ mi gtsang ba sna tshogs kyis gang bar yang dag pa ji lta ba bzhin du rtog ste/ lus 'di la skra dang / spu dang / sen mo dang / pags pa dang / glog pa dang / sha dang / chu ba dang / khrag dang / rus pa dang / rkang dang / snying dang / mkhal ma dang / mchin pa dang / glo ba dang / mtsher pa dang / long ka dang / rgyu ma dang / gnye ma dang / nang grol dang / gcin dang / phyi sa dang / mchi ma dang / rngul dang / tshil dang / snabs dang / ngar snabs dang / rnag dang / mkhris pa dang / bad kan dang / chu ser dang / kha chu dang / dri ma dang / klad pa dang / klad rgyas dang / rngu ma dang / rna spabs dag kyang yod do zhes bya bar yang dag pa ji lta ba bzhin du rab du rtog ste/ rab 'byor 'di lta ste dper na/ chun pa'i sgye snod til dang / yungs kar dang / sran chung dang / bal sran dang / nas dang / gro dang / 'bras dang / 'bru sna tshogs kyis gang ba/ mig dang ldan pa'i mi zhig gis phye ste bltas na/ 'di ni til lo/ /'di ni yungs kar ro/ /'di ni sran chung ngo / /'di ni bal sran no/ /'di ni nas so/ /'di ni gro'o/ /'di ni 'bras so/ /'di dag ni de ma yin pa'i 'bru gzhan no zhes bya bar rab tu shes so/ /rab 'byor de bzhin du byang chub sems dpa' sems dpa' chen po yang lus 'di nyid la rkang pa'i mthil yan cad/ skra dang / spyi bo man cad/ sen mo dang / spu dang / pags pa yan chad/ mi gtsang ba sna tshogs kyis gang bar yang dag pa ji lta ba bzhin du rab tu rtog ste/ lus 'di la skra dang / spu dang / sen mo dang pags pa dang / glog pa dang / sha dang / chu ba dang / khrag dang / rus pa dang / rkang dang / snying dang / mkhal ma dang / mchin pa dang / glo ba dang / mtsher pa dang / long ka dang / rgyu ma dang / gnye ma dang / nang grol dang / gcin dang / phyi sa dang / mchi ma dang / rngul dang / tshil dang / snabs dang / ngar snabs dang / rnag dang / mkhris pa dang / bad kan dang / chu ser dang / kha chu dang / dri ma dang / klad pa dang / klad rgyas dang / rngu ma dang / rna spabs dag kyang yod do zhes bya bar yang dag pa ji lta ba bzhin du rab tu rtog go /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyad pa'i tshe/ nam dur khrod na yod pa'i gzugs sna tshogs dur khrod du bor ba/ ro'i mal du bsnyal ba/ shi nas zhag gcig lon pa 'am/ shi nas zhag gnyis lon pa 'am/ shi nas zhag gsum lon pa 'am/ shi nas zhag bzhi lon pa 'am/ shi nas zhag lnga lon pa 'am/ rnam par bam pa 'am/ rnam par sngos pa 'am/ rnam par rnags pa 'am/ rnam par gzhigs pa 'am/ rnam par zos pa 'am/ rnam par 'thor ba mthong na/ de lus 'di nyid kyi tshul yang de dang sbyor te/ lus 'di yang 'di lta bu'i chos can/ 'di lta bu'i rang bzhin can te/ chos nyid 'di las ma 'das pa'o zhes bya bar nye bar sbyor ro/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod du bor ba'i ro shi nas zhag drug lon pa'am/ shi nas zhag bdun lon pa bya rog gam/ khwa'am/ 'ol ba'am/ bya rgod ngam/ spyang ki 'am/ wa 'am/ khyi 'am/ de ma yin pa'i srog chags kyi rigs sna tshogs kyis bza' ba mthong ba de'i tshe de lus 'di nyid kyi tshul yang de dang sbyor te/ lus 'di nyid kyang 'di lta bu'i chos can/ 'di lta bu'i rang bzhin can te/ chos nyid 'di lta bu las ma 'das so/ /zhes bya bar nye bar rtog go /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod du bor ba'i ro rnam par zos pa/ mi gtsang ba/ rnags pa/ rnam par srungs pa mthong ba de'i tshe/ lus 'di nyid kyi tshul yang de dang sbyor te/ lus 'di yang 'di lta bu'i chos can/ 'di lta bu'i rang bzhin can te/ 'di lta bu'i chos nyid las ma 'das pa'o/ /zhes bya bar nye bar rtog go /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa/ keng rus sha ra ri dang / khrag ra ri chags pa/ rgyus pas brang breng du 'brel pa mthong ba de'i tshe/ de lus 'di nyid kyi tshul yang de dang sbyor te/ lus 'di yang 'di lta bu'i chos can/ 'di lta bu'i rang bzhin can te/ 'di lta bu'i chos nyid las ma 'das pa'o zhes bya bar nye bar rtog go /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyad do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa keng rus sha dang / khrag med pa/ rgyus pa'i gzungs med pa/ dung gi mdog ltar gyur pa mthong ba de'i tshe/ de lus 'di nyid kyi tshul yang de dang nye bar sbyor te/ lus 'di nyid kyang 'di lta bu'i chos can 'di lta bu'i rang bzhin can te/ 'di lta bu'i chos nyid las ma 'das pa'o/ /zhes bya bar nye bar rtog go /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do// //shes rab kyi pha rol du phyin pa stong phrag nyi shu lnga pa/ bam po bcu bdun pa/ rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa/ keng rus gzungs med pa/ gyes pa/ dung gi mdog ltar gyur pa/ sa la rnam par 'thor ba mthong ba de'i tshe/ de lus 'di nyid kyi tshul yang de dang nye bar sbyor te/ lus 'di yang 'di lta bu'i chos can/ 'di lta bu'i rang bzhin can te/ 'di lta bu'i chos nyid las ma 'das pa'o zhes bya bar nye bar rtog go /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa sa la/ phyogs dang phyogs mtshams su rnam par 'thor ba/ rkang pa'i rus pa rnams kyang gzhan du 'thor/ byin pa'i rus pa rnams kyang gzhan du 'thor/ brla'i rus pa rnams kyang gzhan du 'thor/ dpyi'i rus pa rnams kyang gzhan du 'thor/ tshigs pa'i rus pa rnams kyang gzhan du 'thor/ rtsib ma'i rus pa rnams kyang gzhan du 'thor/ mjing pa'i rus pa rnams kyang gzhan du 'thor/ mgo'i rus pa rnams kyang gzhan du 'thor ba mthong na/ de lus 'di nyid kyi tshul yang de dang sbyor te/ lus 'di yang 'di lta bu'i chos can/ 'di lta bu'i rang bzhin can te/ chos nyid 'di lta bu las ma 'das pa'o/ /zhes bya bar nye bar rtog go /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa lo du ma lon pa/ rlung dang nyi mas gdungs pa/ dung gi mdog ltar gyur pa mthong ba de'i tshe/ de lus 'di nyid kyang de dang nye bar sbyor te/ lus 'di yang 'di lta bu'i chos can te/ 'di lta bu'i chos nyid las ma 'das pa'o zhes bya bar nye bar rtog go /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa lo du ma lon pa/ rab rib snang ba/ sngon por gyur pa/ thi ba'i mdog ltar gyur pa/ zegs pa/ brul ba/ sa'i rdul dang 'dren 'dren du gyur pa mthong ba de'i tshe/ de lus 'di nyid kyi tshul yang de dang sbyor te/ lus 'di nyid kyang 'di lta bu'i chos can/ 'di lta bu'i rang bzhin can te/ 'di lta bu'i chos nyid las ma 'das pa'o zhes bya bar nye bar rtog go /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nang gi lus la de mi dmigs pa'i tshul gyis lus kyi rjes su lta/ phyi'i lus dang / phyi nang gi lus 'di la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /nang gi tshor ba dang / phyi'i tshor ba dang / phyi nang gi tshor ba la de mi dmigs pa'i tshul gyis tshor ba'i rjes su lta/ nang gi sems dang / phyi'i sems dang / phyi nang gi sems la de mi dmigs pa'i tshul gyis sems kyi rjes su lta/ nang gi chos dang / phyi'i chos dang / phyi nang gi chos la de mi dmigs pa'i tshul gyis chos kyi rjes su lta zhing / brtson 'grus can/ shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bstsal cing rnam par spyod do/ /rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di ltar yang dag par spong ba bzhi ste/ bzhi gang zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sdig to mi dge ba'i chos ma skyes pa rnams mi bskyed pa'i phyir/ de mi dmigs pa'i tshul gyis mos par skyed cing rtsol lo/ /brtson 'grus rtsom mo/ /sems kyi mthu skyed do/ /yang dag par smon lam 'debs so/ /sdig to mi dge ba'i chos skyes pa rnams spang ba'i phyir/ de mi dmigs pa'i tshul gyis mos pa skyed cing rtsol lo/ /brtson 'grus rtsom mo/ /sems kyi mthu skyed do/ /yang dag par smon lam 'debs so/ /dge ba'i chos ma skyes pa rnams bskyed pa'i phyir/ de mi dmigs pa'i tshul gyis mos pa skyed cing rtsol lo/ /brtson 'grus rtsom mo/ /sems kyi mthu skyed do/ /yang dag par smon lam 'debs so/ /dge ba'i chos skyes pa'i rnams gnas pa dang / phyir zhing bsgom pa dang / nyams par mi 'gyur ba dang / yongs su rdzogs par bya ba'i phyir/ de mi dmigs pa'i tshul gyis mos pa skyed cing rtsol lo/ /brtson 'grus rtsom mo/ sems kyi mthu skyed do/ /yang dag par smon lam 'debs te/ /rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar rdzu 'phrul gyi rkang pa bzhi ste/ bzhi gang zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mos pa'i ting nge 'dzin spong ba'i 'du byed dang / ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su grub pa sgom mo/ /brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su grub pa sgom mo/ /sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su grub pa sgom mo/ /dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su grub pa sgom ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar dbang po lnga ste/ lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar stobs lnga ste/ /lnga gang zhe na/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs te/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar byang chub kyi yan lag bdun te/ bdun gang zhe na/ dran pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas/ yongs su grub pa de mi dmigs pa'i tshul gyis sgom mo/ /chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin du sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas/ yongs su grub pa de mi dmigs pa'i tshul gyis sgom ste/ rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar 'phags pa'i lam yan lag brgyad pa ste/ de yang gang zhe na/ yang dag pa'i lta ba dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas/ yongs su grub pa de mi dmigs pa'i tshul gyis sgom mo/ /yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas/ yongs su grub pa de mi dmigs pa'i tshul gyis sgom ste/ rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' chen po'i theg pa chen po ni 'di ltar/ ting nge 'dzin gsum ste/ gsum gang zhe na/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin to/ /de la stong pa nyid kyi ting nge 'dzin gang zhe na/ chos thams cad rang gi mtshan nyid kyis stong pa nyid du rtog pa'i tshe/ sems gnas pa stong pa nyid rnam par thar pa'i sgo ste/ 'di ni stong pa nyid kyi ting nge 'dzin ces bya'o/ /de la mtshan ma med pa'i ting nge 'dzin gang zhe na/ chos thams cad mtshan ma med par rtog pa'i tshe/ sems gnas pa mtshan ma med pa rnam par thar pa'i sgo ste/ 'di ni mtshan ma med pa'i ting nge 'dzin ces bya'o/ /de la smon pa med pa'i ting nge 'dzin gang zhe na/ chos thams cad mngon par 'du bya ba med do/ /zhes mngon bar 'du mi byed pa'i tshe/ sems gnas pa smon pa med pa rnam par thar pa'i sgo ste/ 'di ni smon pa med pa'i ting nge 'dzin ces bya'o/ /rnam par thar pa'i sgo gsum po de dag la zhum pa med par dran par bya ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar shes pa bcu gcig ste/ bcu gcig gang zhe na/ sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su rtogs pa shes pa dang / kun rdzob shes pa dang / 'dris pa shes pa dang / sgra ji bzhin shes pa'o/ /de la sdug bsngal shes pa gang zhe na/ sdug bsngal mi skye bar shes pa'o/ /de la kun 'byung ba shes pa gang zhe na/ kun 'byung ba spong bar shes pa'o/ /de la 'gog pa shes pa gang zhe na/ sdug bsngal 'gog par shes pa'o/ /de la lam shes pa gang zhe na/ 'phags pa'i lam yan lag brgyad pa shes pa'o/ /de la zad pa shes pa gang zhe na/ 'dod chags dang / zhe sdang dang / gti mug zad par shes pa'o/ /de la mi skye ba shes pa gang zhe na/ srid pa'i rgyud skye ba med par shes pa'o/ /de la chos shes pa gang zhe na/ phung po lnga sgyu mar yongs su rtogs shing shes pa'o/ /de la rjes su rtogs pa shes pa gang zhe na/ skye mched dang / khams dang / rten cing 'brel par 'byung ba mi rtag ces bya bar shes pa'o/ /de la kun rdzob shes pa gang zhe na/ sems can gzhan dang gang zag gzhan gyi sems sems kyis shes pa'o/ /de la 'dris pa shes pa gang zhe na/ gang gis lam shes pa dang / yongs su byang ba shes pa'o/ /de la sgra ji bzhin shes pa gang zhe na/ de bzhin gshegs pa'i rnam pa thams cad mkhyen pa nyid kyi ye shes te/ rab 'byor 'di yang de mi dmigs pa'i tshul gyis/ byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar dbang po gsum ste/ gsum gang zhe na/ yongs su ma shes pa yongs su shes par bya'o/ /zhes bya ba'i dbang po dang / yongs su shes pa'i dbang po dang / yongs su shes pas rtogs pa'i dbang po'o/ /de la yongs su ma shes par yongs su shes par bya'o/ /zhes bya ba'i dbang po gang zhe na/ slob pa'i gang zag mngon par rtogs par ma gyur pa rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po yongs su snang bar ma gyur pa 'di ni/ yongs su ma shes pa yongs su shes par bya'o zhes bya ba'i dbang po'o/ /de la yongs su shes pa'i dbang po gang zhe na/ gang zag slob pa yongs su shes par gyur pa rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ 'di ni yongs su shes pa'i dbang po zhes bya'o/ /de la yongs su shes pas rtogs pa'i dbang po gang zhe na/ gang zag mi slob pa dgra bcom pa dang / rang sangs rgyas dang / byang chub sems dpa' dang / de bzhin gshegs pa rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ rab 'byor 'di ni yongs su shes pas rtogs pa'i dbang po zhes bya ste/ rab 'byor 'di yang mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar ting nge 'dzin gsum ste/ gsum gang zhe na/ rtog pa dang bcas shing dpyod pa dang bcas pa'i ting nge 'dzin dang / rtog pa med la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin to/ /de la rtog pa dang bcas shing dpyod pa dang bcas pa'i ting nge 'dzin gang zhe na/ rab 'byor 'di la byang chub sems dpa' sems dpa' chen po 'dod pas dben/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po la nye bar bsgrubs shing gnas pa 'di ni/ rtog pa dang bcas shing dpyod pa dang bcas pa'i ting nge 'dzin to/ /de la rtog pa med pa la dpyod pa tsam gyi ting nge 'dzin gang zhe na/ bsam gtan dang po dang / bsam gtan gnyis pa'i bar te/ 'di ni rtog pa pa la dpyod pa tsam gyi ting nge 'dzin ces bya'o/ /de la rtog pa cing dpyod pa med pa'i ting nge 'dzin gang zhe na/ bsam gtan gnyis pa dang / gsum pa dang / bzhi pa dang / nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched dang / 'du shes dang tshor ba 'gog pa'i snyoms par 'jug pa ste/ 'di ni mi rtog mi dpyod pa'i ting nge 'dzin ces bya'o/ /rab 'byor 'di yang mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar rjes su dran pa bcu ste/ bcu gang zhe na/ 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / dbugs phyi nang du rgyu ba rjes su dran pa dang / skye ba rjes su dran pa dang / 'chi ba rjes su dran pa dang / lus kyi rnam pa rjes su dran pa ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di lta ste/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar ba brgyad dang / mthar gyis gnas pa'i snyoms par 'jug pa dgu ste/ de la bsam gtan bzhi gang zhe na/ 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'dod pas dben/ sdig to mi dge ba'i chos kyis dben pa/ rtog pa dang bcas dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang rnam par dpyod pa nye bar zhi nas/ nang yongs su dang ste/ sems kyi rgyud gcig tu gyur pas/ rtog pa med pa/ dpyod pa med pa'i ting nge 'dzin las skyes pa'i dga' ba dang bde ba can/ bsam gtan gnyis pa la nye bar bsgrubs te gnas so/ /de dga' ba las 'dod chags dang bral bas dran pa dang ldan zhing / shes bzhin du btang snyoms la gnas te/ bde ba lus kyis myong la/ 'phags pa rnams kyis de la dran pa dang ldan pa/ bde ba la rnam par spyod pa/ btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs sdug bsngal ba yang spangs shing / yid bde ba dang yid mi bde ba snga nas kyang nub pas/ bde ba yang med sdug bsngal ba yang med pa/ btang snyoms dang dran pas yongs su dag pa'i bsam gtan bzhi ba la mi dmigs pa'i tshul gyis nye bar bsgrubs shing gnas te/ de dag ni bsam gtan bzhi pa'o/ /de la tshad med pa bzhi gang zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ byams pa dang ldan pa'i sems rgya chen po shin du yangs pa/ mi gnyis pa/ tshad med pa/ gcugs med pa/ gnod pa med pa/ ltod pa med pa/ yongs su rdzogs pa/ shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcu rgyas par bkang ste mos par byas shing / mi pa'i tshul gyis rnam par spyod do/ /snying rje dang ldan pa dang / dga' ba dang ldan pa dang / btang snyoms dang ldan pa'i sems rgya chen po shin du yangs pa/ mi gnyis pa/ tshad med pa/ gcugs med pa/ gnod pa med pa/ ltod pa med pa yongs su rdzogs pa/ shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcu rgyas par bkang ste/ mos par byas shing / mi dmigs pa'i tshul gyis rnam par spyod de/ de dag ni tshad med pa bzhi'o/ /de la gzugs med pa'i snyoms par 'jug pa bzhi gang zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas so/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes/ rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ /de dag ni gzugs med pa'i snyoms par 'jug pa bzhi'o/ /de la rnam par thar pa brgyad gang zhe na/ gzugs can gyis gzugs rnams mthong ba 'di ni rnam par thar ba dang po'o/ /nang gzugs med pa'i 'du shes dang ldan pas/ phyi rol gyi gzugs rnams mthong ba 'di ni/ rnam par thar pa gnyis pa'o/ /bzang bar mos pa 'di ni rnam par thar ba gsum pa'o/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas so/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes/ rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa'i bar la de mi dmigs pa'i tshul gyis nye bar bsgrubs te gnas so/ /de dag ni rnam par thar pa brgyad do/ /de la mthar gyis gnas pa'i snyoms par 'jug pa dgu gang zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'dod pas dben/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang / rnam par spyod pa nye bar zhi nas/ nang yongs su dang ste/ sems kyi rgyud gcig tu gyur pas/ rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can/ bsam gtan gnyis pa la nye bar bsgrubs te gnas so/ /de dga' ba las 'dod chags dang bral ba dang / dran pa dang ldan zhing shes bzhin du btang snyoms su gnas te/ bde ba lus kyis myong la/ 'phags pa rnams kyis de la dran pa dang ldan pa bde ba la rnam par spyod pa/ btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs/ sdug bsngal ba yang spangs shing yid bde ba dang / yid mi bde ba snga nas kyang nub pas/ bde ba yang med/ sdug bsngal ba yang med pa/ btang snyoms dang dran pas yongs su dag pa/ bsam gtan bzhi pa la nye bar bsgrubs te gnas so/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas so/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ / de rnam pa thams cad du 'du shes med 'du shes med min skye mched las yang dag par 'das te/ 'du shes dang / tshor ba 'gog pa'i bar la de mi dmigs pa'i tshul gyis nye bar bsgrubs shing gnas te/ de dag ni mthar gyis gnas pa'i snyoms par 'jug pa dgu'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di ltar de bzhin gshegs pa'i stobs bcu ste/ bcu gang zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gnas la yang gnas su yang dag pa ji lta ba bzhin du rab tu shes so/ /gnas ma yin pa la yang gnas ma yin par yang dag pa ji lta ba bzhin du rab tu shes so/ /'das pa dang / ma 'ongs pa dang / da ltar byung ba'i las dang / las yongs su len pa'i rnam par smin pa gnas kyi rnam pa dang / rgyu'i rnam pa yang dag pa ji lta ba bzhin du rab tu shes so/ /'jig rten gyi khams ni sna tshogs can te/ 'jig rten gyi khams ni du ma pa'o zhes bya bar yang dag pa ji lta ba bzhin du rab tu shes so/ /sems can gzhan dang / gang zag gzhan gyi mos pa sna tshogs dang / mos pa du ma yang dag pa ji lta ba bzhin du rab tu shes so/ /sems can gzhan yang / gang zag gzhan gyi dbang po rab dang / tha ma shes par bya ba yang dag pa ji lta ba bzhin du rab tu shes so/ /kun du 'gro ba'i lam yang dag pa ji lta ba bzhin du rab tu shes so/ /dbang po dang / stobs dang / byang chub kyi yan lag dang / bsam gtan dang / rnam par thar ba dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba rnam par dgod pa yang dag pa ji lta ba bzhin du rab tu shes so/ /de rnam pa du mar sngon gyi gnas rjes su dran te/ tshe rabs gcig kyang rjes su dran pa nas/ rnam pa dang bcas/ sa mal dang bcas/ gtan tshigs dang bcas pa'i bar du/ rnam pa du mar sngon gyi gnas rjes su dran no/ /de lha'i mig rnam par dag pa mi las 'das pas sems can 'chi 'pho dang / skye ba dag kyang yang dag pa ji lta ba bzhin du rab tu shes so/ /zag pa zad pa'i phyir sems rnam par grol ba dang / shes rab rnam par grol ba/ zag pa med pa/ rang gi mngon par shes pas mngon par byas te/ nye bar bsgrubs shing rnam par spyod do/ /bdag gi skye ba ni zad do/ /bdag gis tshangs par spyod pa ni spyad do/ /bya ba ni byas so/ /rnam pa 'di lta bu gzhan ni med do zhes bya bar rab tu shes te/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di ltar mi 'jigs pa bzhi ste/ bzhi gang zhe na/ bdag gis yang dag par rdzogs par sangs rgyas so zhes dam bcas na/ de la chos 'di rnams mngon par sangs ma rgyas so zhes bya bar bdag la dge sbyong ngam/ bram ze'am/ lha 'am/ bdud dam/ tshangs pa'am/ gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang yang dag par rjes su mi mthong ste/ rgyu yang yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go / tshangs pa'i 'khor lo 'jig rten na/ dge sbyong ngam/ bram ze 'am/ lha 'am/ bdud dam/ tshangs pa'am/ gzhan sus kyang rung ste/ chos dang ldan par bskor bar mi nus pa/ bdag gis rab tu bskor bar bya'o/ /bdag zag pa zad do zhes dam bcas na/ de la zag pa 'di rnams yongs su zad par ma gyur to/ /zhes bya bar bdag la dge sbyong ngam/ bram ze 'am/ lha 'am/ bdud dam/ tshangs pa'am gzhan su yang rung ste 'jig rten na chos dang ldan par rgol bar 'gyur ro/ /zhes bya ba'i rgyu yang yang dag par rjes su mi mthong ste/ rgyu yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go / tshangs pa'i 'khor lo 'jig rten na dge sbyong ngam/ bram ze'am/ lha 'am/ bdud dam/ tshangs pa'am/ gzhan sus kyang rung ste/ chos dang ldan par bskor bar mi nus pa/ bdag gis rab tu bskor bar bya'o/ /gang yang bdag gis bar chad kyi chos su bstan pa de dag la bstan nas/ bar chad kyi chos su mi 'gyur ba de lta bu'i gnas med de/ de'i phyir bdag la dge sbyong ngam/ bram ze 'am/ lha 'am/ bdud dam/ tshangs pa'am/ gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang yang dag par rjes su mi mthong ste/ rgyu yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go / tshangs pa'i 'khor lo 'jig rten na dge sbyong ngam/ bram ze 'am/ lha 'am/ bdud dam/ tshangs pa'am/ gzhan sus kyang rung ste/ chos dang ldan par bskor bar mi nus pa/ bdag gis rab tu bskor bar bya'o/ /gang yang bdag gis lam 'phags pa'i 'byung ba rtogs par 'gyur ba/ de byed pa'i sdug bsngal yang dag par zad par 'gyur bar bstan pa de dag la nan tan byas na/ sdug bsngal yang dag par zad par 'gyur bar mi 'byung ngo zhes bya ba de lta bu'i gnas med do/ /de'i phyir bdag la dge sbyong ngam/ bram ze 'am/ lha 'am/ bdud dam/ tshangs pa'am/ gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang yang dag par rjes su mi mthong ste/ rgyu yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob par rnam par spyad de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go /tshangs pa'i 'khor lo 'jig rten na dge sbyong ngam/ bram ze 'am/ lha 'am/ bdud dam/ tshangs pa 'am/ gzhan sus kyang rung ste/ chos dang ldan par bskor bar mi nus pa bdag gis rab tu bskor bar bya'o zhes bya ba ste/ rab 'byor 'di yang de mi dmigs pa'i tshul gyis/ byang chub sems dpa' sems dpa' chen po'i theg pa chen po'o/ / rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar so so yang dag par rig pa bzhi ste/ bzhi gang zhe na/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar sangs rgyas kyi chos ma 'dres pa brgyad de/ brgyad gang zhe na/ gang gi nam la de bzhin gshegs pa bla na med pa yang dag par rdzogs pa'i byang chub tu mngon par rdzogs par sangs rgyas pa dang / gang gi nam la lha dang bcas pa'i 'jig rten bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dang / lha dang mi dang / lha ma yin du bcas pa/ sdug bsngal zad par 'gyur ba'i lam gyis rjes su bstan te/ phung po ma lus pa'i mya ngan las 'das pa'i dbyings su yongs su mya ngan las 'das par gyur pa de'i bar du/ de bzhin gshegs pa la 'khrul pa mi mnga'o/ /ca co mi mnga'o/ /dgongs pa nyams pa mi mnga'o/ /'du shes sna tshogs mi mnga'o/ /thugs mnyam par ma bzhag pa mi mnga'o/ /ma brtags pa'i btang snyoms mi mnga'o/ /mos pa yongs su nyams pa mi mnga'o/ /brtson 'grus yongs su nyams pa mi mnga'o/ /dgongs pa yongs su nyams pa mi mnga'o/ /ting nge 'dzin yongs su nyams pa mi mnga'o/ / shes rab yongs su nyams pa mi mnga'o/ /rnam par grol ba yongs su nyams pa mi mnga'o/ /rnam par grol ba'i ye shes gzigs pa yongs su nyams pa mi mnga'o/ /sku'i phrin las thams cad ye shes sngon du 'gro ba ste/ ye shes kyi rjes su 'brang ngo / / gsung gi phrin las thams cad ye shes sngon du 'gro ba ste/ ye shes kyi rjes su 'brang ngo / /thugs kyi phrin las thams cad ye shes sngon du 'gro ba ste/ ye shes kyi rjes su 'brang ngo / /'das pa'i dus la ma thogs ma chags pa'i ye shes gzigs pa 'jug go /ma 'ongs pa'i dus la ma thogs ma chags pa'i ye shes gzigs pa 'jug go / da ltar byung ba'i dus la ma thogs ma chags pa'i ye shes gzigs pa 'jug pa ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar gzungs kyi sgo rnams te/ de yang yi ge mnyam pa nyid dang / brjod pa mnyam pa nyid dang / yi ge'i sgo dang / yi ge la 'jug pa ste/ de la yi ge'i sgo dang / yi ge la 'jug pa gang zhe na/ a zhes bya ba ni ma skyes pa'i phyir chos thams cad kyi sgo'o/ /ra zhes bya ba ni rdul dang bral ba'i phyir chos thams cad kyi sgo'o/ /pa zhes bya ba ni don dam pa stong pa'i phyir chos thams cad kyi sgo'o/ /tsa zhes bya ba ni 'chi 'pho dang skye ba mi dmigs pa'i phyir/ chos thams cad 'chi 'pho dang skye ba med pas/ chos thams cad kyi sgo'o/ /na zhes bya ba ni ming dang bral zhing / ming gi rang bzhin ma thob ma stor bas/ chos thams cad kyi sgo'o/ /lA zhes bya ba ni 'jig rten las 'das shing / srid pa'i 'khri shing dang rgyu dang / rkyen yang dag par bcom pa'i phyir chos thams cad kyi sgo'o/ /dA zhes bya ba ni dul ba dang dul ba'i gnas su yongs su nges pa'i phyir chos thams cad kyi sgo'o/ /bA zhes bya ba ni bcings pa dang bral ba'i phyir chos thams cad kyi sgo'o/ /Ta zhes bya ba ni dkrugs ma dang bral ba'i phyir chos thams cad kyi sgo'o/ /sa zhes bya ba ni chags pa mi dmigs pas chags par mi 'gyur ro/ /'ching bar mi 'gyur ba'i phyir chos thams cad kyi sgo'o/ /ba zhes bya ba ni ngag gi lam dang sgra yang dag par chad pa'i phyir chos thams cad kyi sgo'o/ /ta zhes bya ba ni de bzhin nyid las ma g.yos pa'i phyir/ chos thams cad kyi sgo'o/ /ya zhes bya ba ni yang dag pa ji lta ba bzhin du dmigs su med pa'i phyir chos thams cad kyi sgo'o/ /sta zhes bya ba ni khengs pa dmigs su med pa'i phyir chos thams cad kyi sgo'o/ /ka zhes bya ba ni byed pa po mi dmigs pa'i phyir/ chos thams cad kyi sgo'o/ /sa zhes bya ba ni mnyam pa nyid mi dmigs pas/ mnyam pa nyid las mi 'da' ba'i phyir chos thams cad kyi sgo'o/ /ma zhes bya ba ni bdag gir bya ba mi dmigs pa'i phyir chos thams cad kyi sgo'o/ / ga zhes bya ba ni 'gro ba mi dmigs pa'i phyir chos thams cad kyi sgo'o/ /tha zhes bya ba ni gnas mi dmigs pa'i phyir chos thams cad kyi sgo'o/ /dzA zhes bya ba ni skye ba mi dmigs pa'i phyir chos thams cad kyi sgo'o/ /shwa zhes bya ba ni dbugs dmigs su med pa'i phyir chos thams cad kyi sgo'o/ /d+ha zhes bya ba ni chos kyi dbyings dmigs su med pa'i phyir chos thams cad kyi sgo'o/ /sha zhes bya ba ni zhi gnas dmigs su med pa'i phyir chos thams cad kyi sgo'o/ /kha zhes bya ba ni nam mkha' dang mnyam pas dmigs su med pa'i phyir chos thams cad kyi sgo'o/ /k+Sha zhes bya ba ni zad pa mi dmigs pa'i phyir chos thams cad kyi sgo'o/ /sta zhes bya ba ni bstod pa mi dmigs pa'i phyir chos thams cad kyi sgo'o/ /dz+nya zhes bya ba ni ye shes mi dmigs pa'i phyir chos thams cad kyi sgo'o/ /rta zhes bya ba ni nyon mongs pa mi dmigs pa'i phyir/ chos thams cad kyi sgo'o/ /ha zhes bya ba ni rgyu mi dmigs pa'i phyir chos thams cad kyi sgo'o/ /b+ha zhes bya ba ni 'jigs pa med pa'i phyir chos thams cad kyi sgo'o/ /tsha zhes bya ba ni mdog mi dmigs pa'i phyir chos thams cad kyi sgo'o/ /sma zhes bya ba ni dran pa mi dmigs pa'i phyir chos thams cad kyi sgo'o/ /hwa zhes bya ba ni bod pa mi dmigs pa'i phyir chos thams cad kyi sgo'o/ /t+sa zhes bya ba ni mos pa mi dmigs pa'i phyir chos thams cad kyi sgo'o/ / g+ha zhes bya ba ni stug po mi dmigs pa'i phyir chos thams cad kyi sgo'o/ /Tha zhes bya ba ni bsgrub pa mi dmigs pa'i phyir chos thams cad kyi sgo'o/ /Na zhes bya ba ni nyon mongs pa med pas gang yang 'gro ba med cing 'ong ba med de/ gnas pa med cing 'dug pa med la/ nyal bar 'gyur ba med pas/ rnam par mi rtog pa'i phyir chos thams cad kyi sgo'o/ /pha zhes bya ba ni 'bras bu dmigs su med pa'i phyir chos thams cad kyi sgo'o/ /ska zhes bya ba ni phung po dmigs su med pa'i phyir/ chos thams cad kyi sgo'o/ /yas zhes bya ba ni mi bde ba mi dmigs pa'i phyir chos thams cad kyi sgo'o/ /tsa zhes bya ba ni spyod pa mi dmigs pa'i phyir chos thams cad kyi sgo'o/ /Ta zhes bya ba ni sdug bsngal mi dmigs pa dang / mthar thug par gnas par 'chi 'pho med cing / skye ba med pa'i phyir chos thams cad kyi sgo'o/ /D+ha zhes bya ba ni g.yog pa mi dmigs pa'i phyir chos thams cad kyi sgo ste/ de yan cad ni yi ge'i tha snyad med do/ /de ci'i phyir zhe na/ de ni 'di ltar gang la yang gang gis tha snyad du bya ba dang / gang gis brjod pa dang / gang gis bstan pa dang / gang bri ba dang / gang snang ba dang / gang klag par bya ba de lta bu'i ming gang yang med do/ /rab 'byor 'di lta ste/ chos thams cad ni dper na/ nam mkha' bzhin du khong du chud par bya ste/ rab 'byor 'di ni gzungs kyi sgo la 'jug pa/ a la sogs pa'i yi ge bstan pa la 'jug pa'o/ /rab 'byor byang chub sems dpa' sems dpa' chen po gang gis/ a la pa'i yi ge la mkhas par bya ba 'di yongs su shes na/ de ni sgra gang la yang chags par mi 'gyur zhing / thams cad chos nyid kyis yang dag par sgrub par 'gyur te/ sgra shes par bya ba la mkhas pa thob par 'gyur ro/ /rab 'byor byang chub sems dpa' gang gis/ a la sogs pa'i yi ge la 'jug pa'i phyag rgya 'di dang / a la sogs pa'i yi ge la 'jug pa'i phyag rgya'i tshig 'di dag thos te/ thos nas kyang 'dzin pa dang / 'chang ba dang / klog pa dang / kun chub par byed cing / gzhan la yang tshul dang ldan pa'i blos ston na/ de la legs pa nyi shu yod par shes par bya'o/ /nyi shu gang zhe na/ 'di lta ste/ dran pa dang ldan/ blo gros dang ldan/ rtogs pa dang ldan/ blo dang ldan/ dga' ba dang ldan/ ngo tsha shes pa dang ldan/ spobs pa dang ldan par 'gyur ba dang / gzungs kyi sgo 'di yang nyon mongs pa med par 'thob cing / the tshom med par 'gyur la/ gzhan las sgra'i ngag snyan pa thos kyang chags par 'gyur ba med cing / zhe gcod pa'i tshig thos kyang khong khro bar mi 'gyur bas/ mtho ba med cing dma' ba med de/ tshul bzhin du gnas par 'gyur ba dang / sgra la mkhas par 'gyur ba dang / phung po la mkhas par 'gyur ba dang / khams la mkhas par 'gyur ba dang / skye mched la mkhas par 'gyur ba dang / bden pa la mkhas par 'gyur ba dang / rten cing 'brel par 'byung ba la mkhas te/ rgyu la mkhas shing rkyen la mkhas par 'gyur ba dang / chos nyid la mkhas par 'gyur ba dang / dbang po rab dang tha ma shes par bya ba la mkhas par 'gyur ba dang / 'chi 'pho ba dang / skye ba shes par bya ba la mkhas par 'gyur ba dang / lha'i rna ba'i shes pa la mkhas par 'gyur ba dang / pha rol gyi sems shes par bya ba la mkhas par 'gyur ba dang / sngon gyi gnas rjes su dran pa shes par bya ba la mkhas par 'gyur ba dang / rdzu 'phrul gyi rnam pa shes par bya ba la mkhas par 'gyur ba dang / zag pa zad pa shes par bya ba la mkhas par 'gyur ba dang / gnas dang gnas ma yin pa bstan pa shes par bya ba mkhas par 'gyur ba dang / 'gro ba la mkhas shing ldog pa la mkhas par 'gyur ba dang / spyod lam la mkhas par 'gyur ba dang / khrel yod pa dang / ngo tsha shes pa la mkhas pa yang 'thob par 'gyur te/ rab 'byor gzungs kyi sgo a la sogs pa'i yi ge la 'jug pa 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /shes rab kyi pha rol tu phyin pa stong phrag nyi shu lnga pa las/ le'u dgu pa'o// //rab 'byor gang yang khyod 'di skad du ji ltar na/ byang chub sems dpa' sems dpa' chen po theg pa chen po la yang dag par zhugs pa yin zhes zer ba ni/ rab 'byor 'di la byang chub sems dpa' sems dpa' chen po pha rol du phyin pa drug la spyod cing / sa nas sar 'phar te/ rab 'byor ji ltar na byang chub sems dpa' sems dpa' chen po pha rol du phyin pa drug la spyod cing / sa nas sar 'phar ba yin zhe na/ 'di lta ste/ chos thams cad 'pho ba med pas/ chos gang yang 'ong ba med cing / 'gro ba med de/ 'pho ba'am nye bar 'pho ba med do/ /'on kyang chos thams cad kyis gang yin pa de la rlom sems su byed pa 'am/ sems pa med par sa yongs su sbyong ba yang mi byed pa ma yin la sa de yang yang dag par rjes su mi mthong ngo / /de la byang chub sems dpa' sems dpa' chen po'i sa yongs su sbyong ba gang zhe na/ rab 'byor sa dang po la gnas pa'i byang chub sems dpa' sems dpa' chen pos sa yongs su sbyang ba bcu po 'di dag bya ste/ bcu gang zhe na/ de mi dmigs pa'i tshul gyis lhag pa'i bsam pa la sogs pa yongs su sbyang ba dang / mtshan ma mi dmigs pa'i phyir/ phan pa'i dngos po yongs su sbyang zhing / sems can mi dmigs pa'i phyir/ sems can thams cad la sems mnyam pa nyid yongs su sbyang ba dang / sbyin pa dang / gtong ba dang / len pa mi dmigs pa'i phyir/ gtong ba yongs su sbyang ba dang / des rlom sems su mi bya ba'i phyir/ dge ba'i bshes gnyen bsten pa yongs su sbyang ba dang / chos thams cad mi dmigs pa'i phyir/ chos btsal ba yongs su sbyang ba dang / khyim mi dmigs pa'i phyir yang dang yang 'byung ba yongs su sbyang ba dang / mtshan dang / dpe byad bzang po'i mtshan ma mi dmigs pa'i phyir/ sangs rgyas kyi sku la mos pa yongs su sbyang ba dang / chos kyi rnam pa mi dmigs pa'i phyir/ chos rnam par dbye ba yongs su sbyang ba dang / chos kyi yang dag pa nyid mi dmigs pa'i phyir/ nga rgyal dang khengs pa bsal ba yongs su sbyang ba dang / tshig mi dmigs pa'i phyir bden pa'i tshig yongs su sbyang ba ste/ rab 'byor yongs su sbyang ba bcu po de dag ni/ byang chub sems dpa' sems dpa' chen po/ sa dang po la gnas pas bya ba dag go /rab 'byor gzhan yang byang chub sems dpa' sems dpa' chen po'i sa gnyis pa la gnas pas/ chos brgyad po 'di dag yang dang yang yid la bya zhing / de dag la nan tan du bya'o/ /brgyad gang zhe na/ 'di lta ste/ tshul khrims yongs su dag pa dang / byas pa shes shing drin du gzo ba dang / bzod pa'i mthu la gnas pa dang / rab tu dga' zhing spro ba myong bar bya ba dang / sems can thams cad yongs su mi gtong ba dang / snying rje chen po mngon du bya ba dang / bla ma la bsnyen bkur zhing dad pas gus par bya ba dang / pha rol du phyin pa rnams la brtson zhing tshol ba ste/ rab 'byor chos brgyad po de dag ni/ byang chub sems dpa' sems dpa' chen po sa gnyis pa la gnas pas/ yang dang yang yid la bya zhing / de dag la nan tan du bya ba dag go /rab 'byor gzhan yang byang chub sems dpa' sems dpa' chen po/ sa gsum pa la gnas pas/ chos lnga la gnas par bya ste/ lnga gang zhe na/ 'di lta ste/ mang du thos pas mi ngoms shing / de la yang yi ge la mngon par ma zhen pa dang / zang zing med par chos kyi sbyin pa rnam par 'byed cing / des kyang rlom sems su mi 'gyur ba dang / sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo yang / des rlom sems su mi 'gyur ba dang / dpag tu med pa'i 'khor bas yongs su skyo ba med cing / des kyang rlom sems su mi 'gyur ba dang / ngo tsha shes shing khrel yod pa la gnas kyang / des rlom sems su mi 'gyur ba ste/ rab 'byor chos lnga po de dag ni/ byang chub sems dpa' sems dpa' chen po sa gsum pa la gnas par bya ba dag go /rab 'byor gzhan yang byang chub sems dpa' sems dpa' chen po sa bzhi pa la gnas pas/ chos bcu po 'di dag yongs su blangs shing gnas par bya ste/ de dag yongs su btang bar mi bya'o/ /bcu gang zhe na/ 'di lta ste/ dgon pa la gnas pa dang / 'dod pa chung ba dang / chog shes pa dang / sbyangs pa'i yon tan gyi sdom pa mi btang ba dang / bslab pa yongs su mi btang ba dang / 'dod pa'i yon tan la smad pa dang / mya ngan las 'da' ba dang ldan pa'i sems bskyed pa dang / rdzas thams cad yongs su btang ba dang / sems zhum pa med pa dang / dngos po thams cad la ltos pa med pa ste/ rab 'byor chos bcu po de dag ni/ byang chub sems dpa' sems dpa' chen po sa bzhi pa la gnas pas/ yongs su gtang bar mi bya zhing / yang dag par blangs te gnas par bya ba dag go /rab 'byor gzhan yang byang chub sems dpa' sems dpa' chen po sa lnga pa la gnas pas/ chos drug po 'di dag yongs su spang bar bya ste/ drug gang zhe na/ 'di ltar khyim pa dang bsten pa yongs su spang bar bya ba dang / dge slong ma dang bsten pa dang / rigs la ser sna byed pa dang / 'du 'dzi'i gnas dang / gnod sems dang / bdag bstod cing gzhan smod pa ste/ chos drug po de dag ni yongs su spang bar bya'o/ /yang chos brgyad yongs su spang bar bya ste/ 'di ltar mi dge ba bcu'i las kyi lam rnams yongs su spang bar bya'o/ /lhag pa'i nga rgyal dang khengs pa dang / phyin ci log rnams dang / tho tsam dang 'dod chags dang / zhe sdang dang / gti mug nyam rang su gzhag pa yongs su spang bar bya'o/ /chos brgyad po de dag ni byang chub sems dpa' sems dpa' chen po sa lnga pa la gnas pas yongs su spang bar bya'o/ /rab 'byor gzhan yang byang chub sems dpa' sems dpa' chen po sa drug pa la gnas pas/ chos drug yongs su rdzogs par bya ste/ 'di ltar pha rol du phyin pa drug go /gzhan yang chos drug yongs su spang bar bya ste/ drug gang zhe na/ nyan thos kyi sems yongs su spang bar bya'o/ /rang sangs rgyas kyi sems yongs su spang bar bya'o/ /sred pa'i sems yongs su spang bar bya'o/ /slong mo pa mthong na zhum pa med par bya ste/ zhum pa'i sems yongs su spang bar bya'o/ /dngos po thams cad yongs su btang bas yid mi bde bar mi bya ste/ yid mi bde ba yongs su spang bar bya'o/ /slongs mo pa mthong na slongs mo pas 'khrug par mi bya ste/ 'khrug pa'i sems yongs su spang bar bya'o/ /rab 'byor chos drug po de dag ni byang chub sems dpa' sems dpa' chen po sa drug pa la gnas pas yongs su spang bar bya'o/ /rab 'byor gzhan yang byang chub sems dpa' sems dpa' chen po sa bdun pa la gnas pas chos nyi shu mi bya ste/ nyi shu gang zhe na/ 'di lta ste/ bdag tu 'dzin par mi bya'o/ /sems can du 'dzin pa dang / srog tu 'dzin pa dang / gang zag tu 'dzin pa dang / chad par 'dzin pa dang / rtag par 'dzin pa dang / mtshan ma'i 'du shes dang / rgyur lta ba dang / ming dang gzugs la mngon par chags pa dang / phung po la mngon par chags pa dang / khams la mngon par chags pa dang / skye mched la mngon par chags pa dang / khams gsum la mngon par chags pa dang / khams gsum la mngon par zhen pa dang / khams gsum la rten pa dang / khams gsum la gnas pa dang / sangs rgyas la rten pa'i lta ba la mngon par chags pa dang / chos la rten pa'i lta ba la mngon par chags pa dang / dge 'dun la rten pa'i lta ba la mngon par chags pa dang / tshul khrims la rten pa'i lta ba la mngon par chags pa dang / chos rnams stong ngo zhes zhum par 'gyur ba dang / stong pa nyid dang 'gal ba ste/ rab 'byor chos nyi shu po de dag ni byang chub sems dpa' sems dpa' chen po sa bdun pa la gnas pas mi bya'o des chos nyi shu po 'di dag yongs su rdzogs par bya ste/ nyi shu gang zhe na/ 'di lta ste stong pa nyid rdzogs par bya ba dang / mtshan ma med pa mngon du bya ba dang / smon pa med pa shes par bya ba dang / 'khor gsum yongs su dag pa dang / sems can thams cad la snying rje zhing snying brtse ba dang / sems can de dag la brnyas par mi bya ba dang / chos thams cad mnyam pa nyid du lta ba yang dag pa'i tshul rab tu rtogs shing / des rlom sems su mi bya ba dang / mi skye ba la bzod pa dang / mi skye ba shes pa dang / chos thams cad tshul gcig tu bstan pa dang / rtog pa yang dag par bsal ba dang / lta ba rnam par zlog pa dang / nyon mongs pa rnam par zlog pa dang / zhi gnas dang lhag mthong gis dang / dul ba'i sems dang / zhi ba'i sems dang / thogs pa med pa dang / byams pa'i skabs shes pa dang / gang du 'dod pa'i zhing du 'gro ba ste/ rab 'byor chos nyi shu po de dag ni byang chub sems dpa' sems dpa' chen po sa bdun pa la gnas pas yongs su rdzogs par bya'o/ /rab 'byor gzhan yang byang chub sems dpa' chen po sa brgyad pa la gnas pas/ chos bzhi po 'di dag yongs su rdzogs par bya ste/ bzhi gang zhe na/ 'di ltar sems can thams cad kyi sems khong du chud par bya ba dang / mngon par shes pas rnam par rtse ba dang / sangs rgyas kyi zhing blta zhing / sangs rgyas kyi zhing ji ltar mthong ba de dag yongs su bsgrub pa dang / sangs rgyas bsnyen bkur zhing / sangs rgyas kyi sku yang dag pa ji lta ba bzhin du rtag pa ste/ rab 'byor chos bzhi po de dag ni byang chub sems dpa' sems dpa' chen po sa brgyad pa la gnas pas yongs su rdzogs par bya'o/ /rab 'byor gzhan yang byang chub sems dpa' sems dpa' chen po sa brgyad pa la gnas pas chos bzhi yongs su rdzogs par bya ste/ bzhi gang zhe na/ 'di lta ste/ dbang po rab dang / tha ma shes pa dang / sangs rgyas kyi zhing yongs su sbyang ba dang / sgyu ma lta bu'i ting nge 'dzin la yang dang yang mnyam par gzhag pa dang / sems can rnams kyi dge ba'i rtsa ba ji lta ji ltar 'grub par 'gyur ba de lta de ltar lus yongs su bsgrub pa'i phyir/ ched du bsams shing srid pa nye bar len pa ste/ rab 'byor chos bzhi po de dag ni byang chub sems dpa' sems dpa' chen po sa brgyad pa la gnas pas yongs su rdzogs par bya'o/ /rab 'byor gzhan yang byang chub sems dpa' sems dpa' chen po sa dgu pa la gnas pas/ chos bcu gnyis yongs su rdzogs par bya ste/ bcu gnyis gang zhe na/ 'di ltar smon lam mtha' yas pa yongs su bzung ste/ ji lta ji ltar smon pa de lta de ltar phun sum tshogs par 'gyur ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i skad shes pa dang / yongs su rdzogs pa'i spobs pas nges par bstan pa shes pa dang / ma'i mngal du 'gro ba phun sum tshogs pa dang / rigs phun sum tshogs pa dang / rgyud phun sum tshogs pa dang / rus phun sum tshogs pa dang / 'khor phun sum tshogs pa dang / tshe phun sum tshogs pa dang / mngon par 'byung ba phun sum tshogs pa dang / byang chub kyi shing gi rgyan phun sum tshogs pa dang / yon tan thams cad yongs su rdzogs pa phun sum tshogs pa ste/ rab 'byor chos bcu gnyis po de dag ni byang chub sems dpa' sems dpa' chen po sa dgu pa la gnas pas yongs su rdzogs par bya'o/ /rab 'byor sa bcu pa la gnas pa'i byang chub sems dpa' sems dpa' chen po ni de bzhin gshegs pa nyid du brjod do/ /de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po sa dang po la gnas pa'i lhag pa'i bsam pa la pa yongs su sbyang ba gang lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ dge ba'i rtsa ba mang po yongs su dag par sdud pa 'di ni/ byang chub sems dpa' sems dpa' chen po'i lhag pa'i bsam pa yongs su sbyang ba'o/ /de la byang chub sems dpa' sems dpa' chen po'i sems can thams cad la sems mnyam pa nyid yongs su sbyang ba gang zhe na/ rnam pa thams cad mkhyen pa nyid dang ldan pa'i sems bskyed pas/ tshad med pa bzhi po byams pa dang / snying rje dang / dga' ba dang / btang snyoms mngon par bsgrub pa 'di ni/ byang chub sems dpa' sems dpa' chen po'i sems can thams cad la sems mnyam pa nyid yongs su sbyang ba'o/ /de la byang chub sems dpa' sems dpa' chen po'i gtong ba yongs su sbyang ba gang zhe na/ sems can thams cad la rnam par rtog pa med par sbyin pa yongs su gtong ba ste/ 'di ni byang chub sems dpa' sems dpa' chen po'i gtong ba yongs su sbyang ba'o/ /de la byang chub sems dpa' sems dpa' chen po'i dge ba'i bshes gnyen bsten pa yongs su sbyang ba gang zhe na/ 'di lta ste/ gang de la rnam pa thams cad mkhyen pa nyid du yang dag par bskul ba dang / gzhog pa dang / rab tu gzhog par byed pa de dag ni/ byang chub sems dpa' sems dpa' chen po'i dge ba'i bshes gnyen te/ dge ba'i bshes gnyen de dag la bsten pa dang / rim gror bya ba dang / bkur stir bya ba dang bsti stang du bya ba ste/ 'di ni byang chub sems dpa' sems dpa' chen po'i dge ba'i bshes gnyen bsten pa yongs su sbyang ba'o/ /de la byang chub sems dpa' sems dpa' chen po'i chos btsal ba yongs su sbyang ba gang zhe na/ rnam pa thams cad mkhyen pa nyid dang ldan pa'i sems bskyed pas chos tshol zhing / nyan thos kyis dang / rang sangs rgyas kyi sar mi ltung ba 'di ni/ byang chub sems dpa' sems dpa' chen po'i chos btsal ba yongs su sbyang ba'o/ /de la byang chub sems dpa' sems dpa' chen po'i yang dang yang 'byung ba yongs su sbyang ba gang zhe na/ tshe rabs thams cad du 'du 'dzi med par 'byung zhing / de bzhin gshegs pa'i bstan pa la rab tu 'byung yang / de la bar chad byed pa gang yang med pa 'di ni/ byang chub sems dpa' sems dpa' chen po'i yang dang yang 'byung ba yongs su sbyang ba'o/ /de la byang chub sems dpa' sems dpa' chen po'i sangs rgyas kyi sku la mos pa yongs su sbyang ba gang zhe na/ sangs rgyas kyi sku mthong nas/ nam rnam pa thams cad mkhyen pa nyid thob par ma gyur gyi bar du/ sangs rgyas yid la bya ba dang nam yang 'bral bar mi 'gyur ba ste/ 'di ni byang chub sems dpa' sems dpa' chen po'i sangs rgyas kyi sku la mos pa yongs su sbyang ba'o/ /de la byang chub sems dpa' sems dpa' chen po'i chos rnam par dbye ba yongs su sbyang ba gang zhe na/ byang chub sems dpa' sems dpa' chen po de de bzhin gshegs pa mngon du gyur pa yongs su mya ngan las 'das pa'i tshe/ sems can rnams la chos ston cing / thog mar yang dge /bar du yang dge /tha mar yang dge /yi ge bzang po/ don bzang po/ ma 'dres pa/ yongs su rdzogs pa/ yongs su dag pa/ yongs su byang ba/ tshangs pa'i spyod pa 'di lta ste/ mdo dang dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / 'di ltar 'das pa dang / skyes pa'i rabs dang / shin du rgyas pa dang / rmad du byung ba dang / rtogs pa brjod pa dang / gtan la phab par bstan pa dag yang dag par ston pa ste/ 'di ni byang chub sems dpa' sems dpa' chen po'i chos rnam par dbye ba yongs su sbyang ba'o/ / de la byang chub sems dpa' sems dpa' chen po'i nga rgyal dang / khengs pa bsal ba yongs su sbyang ba gang zhe na/ nga rgyal dang khengs pa ji ltar bsal ba des/ nam yang rigs dma' bar mi skye ba 'di ni/ byang chub sems dpa' sems dpa' chen po'i nga rgyal dang khengs pa bsal ba yongs su sbyang ba'o/ / //shes rab kyi pha rol du phyin pa stong phrag nyi shu lnga pa/ bam po brgyad pa/ de la byang chub sems dpa' sems dpa' chen po'i bden pa'i tshig yongs su sbyang ba gang zhe na/ 'di lta ste/ ji skad du smras pa de ltar byed pa ste/ 'di ni byang chub sems dpa' sems dpa' chen po'i bden pa'i tshig yongs su sbyang ba'o/ /rab 'byor de dag ni byang chub sems dpa' sems dpa' chen po sa dang po la gnas pa'i yongs su sbyang ba bcu'o/ /rab 'byor de la byang chub sems dpa' sems dpa' chen po'i/ tshul khrims yongs su dag pa gang zhe na/ 'di lta ste/ nyan thos dang / rang sangs rgyas kyi sems yid la mi byed cing / de ma yin pa'i tshul khrims ngan par byed pa dang / byang chub kyi gegs su 'gyur ba'i chos gzhan dag kyang yid la mi byed pa ste/ 'di ni byang chub sems dpa' sems dpa' chen po'i tshul khrims yongs su dag pa'o/ /de la byang chub sems dpa' sems dpa' chen po'i byas pa shes shing drin du gzo ba gang zhe na/ byang chub sems dpa' sems dpa' chen po byang chub sems dpa'i spyad pa spyod pa'i tshe/ phan pa chung ngu zhig byas kyang 'khor ba zad kyi bar du chud mi gzon na mang po lta ci smos te/ 'di ni byang chub sems dpa' sems dpa' chen po'i byas pa shes shing drin du gzo ba'o/ /de la byang chub sems dpa' sems dpa' chen po'i bzod pa'i mthu la gnas pa gang zhe na/ sems can thams cad la gnod sems med cing / 'tshe ba med pa'i sems te/ 'di ni byang chub sems dpa' sems dpa' chen po'i bzod pa'i mthu la gnas pa'o/ /de la byang chub sems dpa' sems dpa' chen po'i rab tu dga' zhing spro ba myong bar bya ba gang zhe na/ 'di lta ste/ sems can thams cad theg pa gsum la yongs su smin par byed pa ste/ 'di ni byang chub sems dpa' sems dpa' chen po'i rab tu dga' zhing spro ba myong bar bya'o/ /de la byang chub sems dpa' sems dpa' chen po'i sems can thams cad yongs su mi gtong ba gang zhe na/ 'di ltar sems can thams cad yongs su skyob pa ste/ 'di ni byang chub sems dpa' sems dpa' chen po'i sems can thams cad yongs su mi gtong ba'o/ /de la byang chub sems dpa' sems dpa' chen po'i snying rje chen po mngon du bya ba gang zhe na/ byang chub sems dpa' sems dpa' chen po byang chub sems dpa'i spyad pa spyod pa'i tshe/ 'di snyam du sems shing bdag gis sems can re re'i don du yang bskal pa gang+gA'i klung gi bye ma snyed du sems can dmyal bar gnas par bya ste/ sems can thams cad sangs rgyas kyi ye shes la ma bkod kyi bar du de dag du gtub cing gshegs pa dang / brdung zhing btso ba dang / bsreg pa la sogs pa nyams su myong bar bya'o snyam nas/ de bzhin du sems can thams cad kyi don du spro zhing skyo ba med pa ste/ 'di ni byang chub sems dpa' sems dpa' chen po'i snying rje chen po mngon du bya ba'o/ /de la byang chub sems dpa' sems dpa' chen po'i bla ma bsnyen bkur zhing / dad pas gus par bya ba gang zhe na/ 'di ltar bla ma rnams la ston pa'i 'du shes su byed pa ste/ 'di ni byang chub sems dpa' sems dpa' chen po'i bla ma la bsnyen bkur zhing dad pas gus par bya ba'o/ /de la byang chub sems dpa' sems dpa' chen po'i pha rol du phyin pa rnams la brtson zhing tshol ba gang zhe na/ 'di lta ste/ las gzhan med par sems can thams cad yongs su smin par bya ba'i phyir/ las gzhan med par pha rol du phyin pa rnams yongs su tshol ba ste/ 'di ni byang chub sems dpa' sems dpa' chen po'i pha rol du phyin pa rnams la brtson zhing tshol ba'o/ /de la byang chub sems dpa' sems dpa' chen po'i mang du thos pas mi ngoms pa gang zhe na/ 'di lta ste/ sangs rgyas bcom ldan 'das rnams kyis 'jig rten gyi khams 'di'am/ phyogs bcu kun gyi 'jig rten gyi khams su gang ci bstan pa de dag thams cad yongs su gzung bar bya'o/ /zhes mi ngoms pa ste/ 'di ni byang chub sems dpa' sems dpa' chen po'i mang du thos pas mi ngoms pa'o/ /de la byang chub sems dpa' sems dpa' chen po'i zang zing med par chos kyi sbyin pa rnam par 'byed pa gang zhe na/ byang chub sems dpa' sems dpa' chen po chos ston pa'i tshe/ chos kyi sbyin pa des chung ngu na byang chub tu yang re ba med pa ste/ 'di ni byang chub sems dpa' sems dpa' chen po'i zang zing med par chos kyi sbyin pa rnam par 'byed pa'o/ /de la byang chub sems dpa' sems dpa' chen po'i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba gang zhe na/ dge ba'i rtsa ba gang dang gang gis/ sangs rgyas kyi zhing yongs su dag par byed cing / bdag dang gzhan gyi sems kyi zhing yongs su spyod pa'i tshe/ dge ba'i rtsa ba de dag yongs su bsngo ba ste/ 'di ni byang chub sems dpa' sems dpa' chen po'i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba'o/ /de la byang chub sems dpa' sems dpa' chen po'i dpag tu med pa'i 'khor bas yongs su skyo ba med pa gang zhe na/ dge ba'i rtsa ba gang gis nye bar brten na/ sems can yongs su smin par 'gyur ba dang / sangs rgyas kyi zhing yongs su dag par 'gyur ba de lta bu'i dge ba'i rtsa ba nye bar rton cing / rnam pa thams cad mkhyen pa nyid yongs su ma rdzogs kyi bar du/ nam yang skyo bar mi 'gyur ba 'di ni/ byang chub sems dpa' sems dpa' chen po'i dpag tu med pa'i 'khor bas yongs su skyo ba med pa'o/ / de la byang chub sems dpa' sems dpa' chen po'i ngo tsha shes shing khrel yod pa la gnas pa gang zhe na/ 'di lta ste/ nyan thos dang / rang sangs rgyas kyi sems la smod pa ste/ 'di ni byang chub sems dpa' sems dpa' chen po'i ngo tsha shes shing khrel yod pa la gnas pa'o/ / de la byang chub sems dpa' sems dpa' chen po'i dgon pa la gnas pa yongs su mi gtong ba gang zhe na/ nyan thos dang / rang sangs rgyas kyis las 'da' ba ste/ 'di ni byang chub sems dpa' sems dpa' chen po'i dgon pa la gnas pa yongs su mi gtang ba'o/ / de la byang chub sems dpa' sems dpa' chen po'i 'dod pa chung ba gang zhe na/ byang chub sems dpa' sems dpa' chen po'i byang chub la yang 'dod pa mi skyed pa ste/ 'di ni byang chub sems dpa' sems dpa' chen po'i 'dod pa chung ba'o/ /de la byang chub sems dpa' sems dpa' chen po'i chog shes pa gang zhe na/ rnam pa thams cad mkhyen pa nyid thob kyang rlom sems su mi byed pa ste/ 'di ni byang chub sems dpa' sems dpa' chen po'i chog shes pa'o/ /de la byang chub sems dpa' sems dpa' chen po'i sbyangs pa'i yon tan gyi sdom pa mi gtang ba gang zhe na/ 'di ltar chos zab mo rnams la rtogs par gzhog pa'i bzod pa ste/ 'di ni byang chub sems dpa' sems dpa' chen po'i sbyangs pa'i yon tan gyi sdom pa mi gtang ba'o/ /de la byang chub sems dpa' sems dpa' chen po'i bslab pa yongs su mi gtong ba gang zhe na/ bslab pa thams cad rgyu ba med pa ste/ 'di ni byang chub sems dpa' sems dpa' chen po'i bslab pa yongs su mi gtang ba'o/ /de la byang chub sems dpa' sems dpa' chen po'i 'dod pa'i yon tan la smad pa gang zhe na/ 'dod pa'i sems mi skyed pa ste/ 'di ni byang chub sems dpa' sems dpa' chen po'i 'dod pa'i yon tan la smad pa'o/ /de la byang chub sems dpa' sems dpa' chen po'i mya ngan las 'da' ba dang ldan pa'i sems bskyed pa gang zhe na/ 'di ltar chos thams cad mngon par 'du byed pa med pa ste/ 'di ni byang chub sems dpa' sems dpa' chen po'i mya ngan las 'da' ba dang ldan pa'i sems bskyed pa'o/ /de la byang chub sems dpa' sems dpa' chen po'i rdzas thams cad yongs su gtang ba gang zhe na/ phyi nang gi chos thams cad la 'dzin pa med pa ste/ 'di ni byang chub sems dpa' sems dpa' chen po'i rdzas thams cad yongs su gtang ba'o/ /de la byang chub sems dpa' sems dpa' chen po'i sems zhum pa med pa gang zhe na/ rnam par shes pa gnas pa la/ de'i sems mi gnas pa ste/ 'di ni byang chub sems dpa' sems dpa' chen po'i sems zhum pa med pa'o/ /de la byang chub sems dpa' sems dpa' chen po'i dngos po thams cad la ltos pa med pa gang zhe na/ dngos po thams cad yid la mi byed pa ste/ 'di ni byang chub sems dpa' sems dpa' chen po'i dngos po thams cad la ltos pa med pa'o/ /de la byang chub sems dpa' sems dpa' chen po'i khyim pa dang bsten pa yongs su spang bar bya ba gang zhe na/ 'di lta ste/ sangs rgyas kyi zhing nas sangs rgyas kyi zhing du 'gro zhing rdzus te skye ba dang / mgo bregs shing / ngur smrig gi gos bgo ba ste/ 'di ni byang chub sems dpa' sems dpa' chen po'i khyim pa dang bsten pa yongs su spang bar bya ba'o/ /de la byang chub sems dpa' sems dpa' chen po'i dge slong ma dang bsten pa yongs su spang ba gang zhe na/ dge slong ma dang se gol gtogs pa tsam du yang lhan cig mi gnas shing / de'i rgyus yongs su skom pa'i sems mi skyed de/ de'i rgyus gos 'thob par mi byed pa 'di ni/ byang chub sems dpa' sems dpa' chen po'i dge slong ma dang bsten pa yongs su spang bar bya ba'o/ /de la byang chub sems dpa' sems dpa' chen po'i rigs la ser sna byed pa yongs su spang ba gang zhe na/ rab 'byor 'di la byang chub sems dpa' sems dpa' chen po'i 'di ltar sems bskyed par bya ste/ gang bdag gis sems can thams cad la bde ba'i rnam pa bsgrub par bya ba de dang / sems can 'di dag rang rang gi bsod nams kyis bde bar gyur na/ de la bdag gis ser sna'i sems bskyed par mi bya'o zhes bya ba 'di ni/ byang chub sems dpa' sems dpa' chen po'i rigs la ser sna byed pa yongs su spang bar bya'o/ /de la ji ltar na byang chub sems dpa' sems dpa' chen pos 'du 'dzi'i gnas yongs su spang bar bya ba yin zhe na/ byang chub sems dpa' sems dpa' chen po'i 'du 'dzi'i gnas gang du gnas pas/ nyan thos sam/ rang sangs rgyas yod pa'am/ de dang ldan pa'i gtam 'byung bar 'gyur ba'am/ de dang ldan pa'i sems bskyed pa skye bar 'gyur ba de lta bur/ byang chub sems dpa' sems dpa' chen pos gnas par mi bya ste/ 'di ni byang chub sems dpa' sems dpa' chen po'i 'du 'dzi'i gnas yongs su spang ba'o/ /de la ji ltar na byang chub sems dpa' sems dpa' chen pos gnod sems yongs su spang bar bya ba yin zhe na/ gnod sems dang / 'tshe ba'i sems kyi skabs mi 'byed cing / thab mo'i sems sam/ rtsod pa'i sems kyi go mi 'byed pa ste/ 'di ni byang chub sems dpa' sems dpa' chen po'i gnod sems yongs su spang ba'o/ /de la byang chub sems dpa' sems dpa' chen po'i bdag bstod pa yongs su spang ba gang zhe na/ nang gi chos rnams yang dag par rjes su mi mthong ba ste/ 'di ni byang chub sems dpa' sems dpa' chen po'i bdag bstod pa yongs su spang ba'o/ /de la byang chub sems dpa' sems dpa' chen po'i gzhan smod pa yongs su spong ba gang zhe na/ 'di lta ste/ phyi rol gyi chos rnams yang dag par rjes su mi mthong ba ste/ 'di ni byang chub sems dpa' sems dpa' chen po'i gzhan smod pa yongs su spang ba'o/ /de la ji ltar na byang chub sems dpa' sems dpa' chen pos mi dge ba bcu'i las kyi lam yongs su spang bar bya ba yin zhe na/ de dag ni 'di ltar bde 'gro la yang bar du gcod na/ 'phags pa'i lam la lta ci smos te/ bla na med pa yang dag par rdzogs pa'i byang chub la lta smos kyang ci dgos kyis/ spang bar bya'o zhes spong ba ste/ 'di ni byang chub sems dpa' sems dpa' chen po'i mi dge ba bcu'i las kyi lam yongs su spang bar bya ba'o/ /de la ji ltar na byang chub sems dpa' sems dpa' chen pos lhag pa'i nga rgyal yongs su spang bar bya ba yin zhe na/ de ni 'di ltar des chos gang yang yang dag par rjes su mthong ba med na/ gang gis nga rgyal du 'gyur ba'i lhag pa lta ci smos shes nga rgyal du mi byed pa ste/ 'di ni byang chub sems dpa' sems dpa' chen po'i lhag pa'i nga rgyal yongs su spang bar bya ba'o/ /de la ji ltar na byang chub sems dpa' sems dpa' chen pos khengs pa yongs su spang bar bya ba yin zhe na/ de ni 'di ltar des gang la khengs pa skye bar 'gyur ba de lta bu'i dngos po yang yang dag par rjes su mi mthong ste/ 'di ni byang chub sems dpa' sems dpa' chen po'i khengs pa yongs su spang bar bya ba'o/ /de la ji ltar na byang chub sems dpa' sems dpa' chen pos phyin ci log rnams yongs su spang bar bya ba yin zhe na/ dngos por mi dmigs pa ste/ 'di ni byang chub sems dpa' sems dpa' chen po'i phyin ci log rnams yongs su spang bar bya ba'o/ /de la ji ltar na byang chub sems dpa' sems dpa' chen po'i 'dod chags dang / zhe sdang dang / gti mug nyam rangs su mi 'dor ba yin zhe na/ de ni 'di ltar des 'dod chags dang / zhe sdang dang gti mug yang dag par rjes su mi mthong ba ste/ 'di ni byang chub sems dpa' sems dpa' chen po'i 'dod chags dang zhe sdang dang / gti mug nyam rangs su mi 'dor ba'o/ /de las drug la chos drug yongs su rdzogs par bya ba gang zhe na/ 'di ltar pha rol du phyin pa drug ste/ sbyin pa'i pha rol tu phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bya ste/ de ci'i phyir zhe na/ de ni 'di ltar pha rol du phyin pa drug po 'di dag la gnas te/ sangs rgyas bcom ldan 'das rnams dang / nyan thos dang / rang sangs rgyas rnams shes par bya ba'i rgya mtsho lnga'i pha rol du phyin par gyur to/ /phyin to/ /phyin par 'gyur ro/ /lnga gang zhe na/ 'di lta ste/ 'das pa dang / ma 'ongs pa dang / da ltar byung ba dang / brjod du med pa dang / 'dus ma byas te/ de ltar byang chub sems dpa' sems dpa' chen po pha rol du phyin pa drug yongs su rdzogs par bya'o/ /de la ji ltar na byang chub sems dpa' sems dpa' chen pos chos drug yongs su spang bar bya ba yin zhe na/ 'di ltar de ni byang chub kyi lam ma yin pas/ nyan thos kyi sems yongs su spang bar bya'o/ /'di ltar de ni byang chub kyi lam ma yin pas rang sangs rgyas kyi sems yongs su spang bar bya'o/ /'di ltar de ni byang chub kyi lam ma yin pas srid pa'i sems yongs su spang bar bya'o/ /'di ltar de ni byang chub kyi lam ma yin pas slong mo ba mthong na sems zhum pa mi bskyed do/ /'di ltar de ni byang chub kyi lam ma yin pas dngos po thams cad yongs su btang bas yid mi bde bar mi bya'o/ /'di ltar de ni byang chub kyi lam ma yin pas thog ma sems bskyed nas kha za yag gi sems su mi bya'i/ sbyin pa yongs su gtang bar bya'o zhes bya ba ste/ de ltar byang chub sems dpa' sems dpa' chen pos chos drug yongs su spang bar bya'o/ /de la ji ltar na byang chub sems dpa' sems dpa' chen pos bdag tu 'dzin par mi bya zhe na/ de ni 'di ltar bdag shin du med pa'i phyir te/ de ltar byang chub sems dpa' sems dpa' chen pos bdag tu 'dzin par mi bya'o/ /de la ji ltar na sems can dang srog dang / gang zag tu 'dzin par mi bya zhe na/ de ni 'di ltar de dag shin du med pa'i phyir te/ de ltar byang chub sems dpa' sems dpa' chen pos sems can dang srog dang / gang zag tu 'dzin par mi bya'o/ /de la ji ltar na byang chub sems dpa' sems dpa' chen pos chad par 'dzin par mi bya zhe na/ de ni 'di ltar chos thams cad shin du ma skyes pa'i phyir/ chos gang yang chad pa med pa'i phyir te/ de ltar byang chub sems dpa' sems dpa' chen pos chad par 'dzin par mi bya'o/ /de la ji ltar na byang chub sems dpa' sems dpa' chen pos rtag par 'dzin par mi bya zhe na/ de ni 'di ltar chos gang la skye ba med pa de la/ rtag pa dang chad pa med pa'i phyir te/ de ltar byang chub sems dpa' sems dpa' chen pos rtag par 'dzin par mi bya'o/ /de la ji ltar na byang chub sems dpa' sems dpa' chen pos mtshan ma'i 'du shes su mi bya zhe na/ de ni 'di ltar kun nas nyon mongs pa shin du med pa'i phyir te/ de ltar byang chub sems dpa' sems dpa' chen pos mtshan ma'i 'du shes su mi bya'o/ /de la ji ltar na byang chub sems dpa' sems dpa' chen pos rgyur blta bar mi bya zhe na/ de ni 'di ltar lta ba de yang dag par rjes su mi mthong ba'i phyir te/ de ltar byang chub sems dpa' sems dpa' chen pos rgyur blta bar mi bya'o/ /de la ji ltar na byang chub sems dpa' sems dpa' chen pos ming dang gzugs la mngon par chags par mi bya zhe na/ de ni 'di ltar des de'i dngos po yang dag par rjes su mi mthong ba'i phyir te/ de ltar byang chub sems dpa' sems dpa' chen pos ming dang gzugs la mngon par chags par mi bya'o/ /de la ji ltar na byang chub sems dpa' sems dpa' chen pos/ phung po dang / skye mched dang / khams la mngon par chags par mi bya zhe na/ de ni 'di ltar chos de dag shin du med pa'i phyir te/ de ltar byang chub sems dpa' sems dpa' chen pos/ phung po dang / skye mched dang / khams la mngon par chags par mi bya'o/ /de la ji ltar na byang chub sems dpa' sems dpa' chen pos khams gsum la mngon par chags par mi bya zhe na/ de ni 'di ltar de'i rang bzhin med pa'i phyir te/ de ltar byang chub sems dpa' sems dpa' chen pos/ khams gsum la mngon par chags par mi bya'o/ /de la ji ltar na byang chub sems dpa' sems dpa' chen pos khams gsum la mngon par zhen par mi bya zhe na/ de ni 'di ltar de'i dngos po med cing mi dmigs pa'i phyir te/ de ltar byang chub sems dpa' sems dpa' chen pos khams gsum la mngon par zhen par mi bya'o/ /de la ji ltar na byang chub sems dpa' sems dpa' chen pos khams gsum la brten pa dang gnas par mi bya zhe na/ de ni 'di ltar de'i dngos po med pa'i phyir te/ de ltar byang chub sems dpa' sems dpa' chen pos khams gsum la brten pa dang gnas par mi bya'o/ /de la ji ltar na byang chub sems dpa' sems dpa' chen pos sangs rgyas la brten pa'i lta ba la mngon par chags par mi bya zhe na/ de ni 'di ltar sangs rgyas su lta ba la brten pas/ sangs rgyas mthong bar mi 'gyur ba'i phyir te/ de ltar byang chub sems dpa' sems dpa' chen pos sangs rgyas la brten pa'i lta ba la mngon par chags par mi bya'o/ /de la ji ltar na byang chub sems dpa' sems dpa' chen pos chos la rten pa'i lta ba la mngon par chags par mi bya zhe na/ de ni 'di ltar chos su lta ba la brten pas/ chos mthong bar mi 'gyur ba'i phyir te/ de ltar byang chub sems dpa' sems dpa' chen pos chos la brten pa'i lta ba la mngon par chags par mi bya'o/ /de la ji ltar na byang chub sems dpa' sems dpa' chen pos dge 'dun la brten pa'i lta ba la mngon par chags par mi bya zhe na/ de ni 'di ltar dge 'dun du lta ba la brten pas/ dge 'dun mthong bar mi 'gyur ba'i phyir te/ de ltar na byang chub sems dpa' sems dpa' chen pos dge 'dun la brten pa'i lta ba la mngon par chags par mi bya'o/ /de la ji ltar na byang chub sems dpa' sems dpa' chen pos tshul khrims la brten pa'i lta ba la mngon par chags par mi bya zhe na/ de ni 'di ltar tshul khrims su lta ba la brten pas/ tshul khrims rnam par dag par mi 'gyur ba'i phyir te/ de ltar byang chub sems dpa' sems dpa' chen pos tshul khrims la brten pa'i lta ba la mngon par chags par mi bya'o/ /de la ji ltar na byang chub sems dpa' sems dpa' chen pos chos rnams stong ngo zhes zhum par mi bya zhe na/ de ni 'di ltar chos thams cad stong pa nyid kyis stong pa ma yin gyis/ rang gi mtshan nyid kyis stong pa'i phyir te/ de ltar byang chub sems dpa' sems dpa' chen pos chos rnams stong ngo zhes zhum par mi bya'o/ /de la ji ltar na byang chub sems dpa' sems dpa' chen pos stong pa nyid dang 'gal bar mi bya zhe na/ de ni 'di ltar chos thams cad stong pa bas/ stong pa nyid ni stong pa nyid dang 'gal bar mi byed pa'i phyir te/ de ltar byang chub sems dpa' sems dpa' chen pos stong pa nyid dang 'gal bar mi bya'o/ /de la ji ltar na byang chub sems dpa' sems dpa' chen pos stong pa nyid yongs su rdzogs par bya ba yin zhe na/ rang gi mtshan nyid stong pa nyid yongs su rdzogs pa ni/ byang chub sems dpa' sems dpa' chen po'i stong pa nyid yongs su rdzogs pa'o/ /de la ji ltar na byang chub sems dpa' sems dpa' chen pos mtshan ma med pa mngon du bya ba yin zhe na/ 'di lta ste/ mtshan ma thams cad yid la mi byed pa'i phyir te/ de ni byang chub sems dpa' sems dpa' chen po'i mtshan ma med pa mngon du bya ba'o/ /de la ji ltar na byang chub sems dpa' sems dpa' chen po'i smon pa med pa shes pa yin zhe na/ de ni khams gsum thams cad du sems mi 'jug pa ste/ de ni byang chub sems dpa' sems dpa' chen po'i smon pa med pa shes pa'o/ /de la ji ltar na byang chub sems dpa' sems dpa' chen po'i 'khor gsum yongs su dag pa yin zhe na/ dge ba bcu'i las kyi lam yongs su rdzogs pa ste/ de ni byang chub sems dpa' sems dpa' chen po'i 'khor gsum yongs su dag pa'o/ /de la ji ltar na byang chub sems dpa' sems dpa' chen po'i sems can thams cad la snying rje zhing snying brtse ba yongs su rdzogs pa yin zhe na/ snying rje chen po rab tu 'thob pa ste/ de ltar byang chub sems dpa' sems dpa' chen pos/ sems can thams cad la snying rje zhing snying brtse ba yongs su rdzogs par bya'o/ /de la ji ltar na byang chub sems dpa' sems dpa' chen pos sems can thams cad la brnyas par mi bya zhe na/ byams pa yongs su rdzogs pa'i phyir te/ de ltar byang chub sems dpa' sems dpa' chen pos sems can thams cad la brnyas par mi bya'o/ /de la ji ltar byang chub sems dpa' sems dpa' chen pos chos thams cad la mnyam pa nyid du lta ba gang zhe na/ chos thams cad la bsnan pa dang / dbri ba med pa ste/ de ni byang chub sems dpa' sems dpa' chen po'i chos thams cad la mnyam pa nyid du lta bas so/ /de la byang chub sems dpa' sems dpa' chen po'i yang dag pa'i tshul rab tu rtogs pa gang zhe na/ chos thams cad tshul gcig tu rtogs kyang / rtogs pa med pa de ni/ byang chub sems dpa' sems dpa' chen po'i yang dag pa'i tshul rab tu rtogs pa'o/ /de la byang chub sems dpa' sems dpa' chen po'i mi skye ba la bzod pa gang zhe na/ chos thams cad skye ba med pa dang / 'gag pa med pa dang / mngon par 'du bya ba med pa la bzod pa ste/ de ni byang chub sems dpa' sems dpa' chen po'i mi skye ba la bzod pa'o/ /de la byang chub sems dpa' sems dpa' chen po'i mi skye ba shes pa gang zhe na/ ming dang gzugs mi skye ba shes pa ste/ de ni byang chub sems dpa' sems dpa' chen po'i mi skye ba shes pa'o/ /de la byang chub sems dpa' sems dpa' chen po'i chos thams cad tshul gcig tu bstan pa gang zhe na/ gnyis la yongs su rgyu ba med pa ste/ de ni byang chub sems dpa' sems dpa' chen po'i chos thams cad tshul gcig tu bstan pa'o/ /de la byang chub sems dpa' sems dpa' chen po'i rtogs pa yang dag par bsal ba gang zhe na/ chos thams cad la rnam par rtog pa med pa ste/ de ni byang chub sems dpa' sems dpa' chen po'i rtog pa yang dag par bsal ba'o/ /de la byang chub sems dpa' sems dpa' chen po'i lta ba rnam par bzlog pa gang zhe na/ nyan thos kyi sa dang / rang sangs rgyas kyi sa rnam par spong ba ste/ de ni byang chub sems dpa' sems dpa' chen po'i lta ba rnam par bzlog pa'o/ /de la byang chub sems dpa' sems dpa' chen po'i nyon mongs pa rnam par bzlog pa gang zhe na/ bag chags kyi mtshams sbyor ba'i/ nyon mongs pa thams cad zad pa ste/ de ni byang chub sems dpa' sems dpa' chen po'i/ nyon mongs pa rnam par bzlog pa'o/ /de la byang chub sems dpa' sems dpa' chen po'i/ zhi gnas dang lhag mthong gi sa gang zhe na/ 'di lta ste/ rnam pa thams cad mkhyen pa nyid kyi ye shes te/ de ni byang chub sems dpa' sems dpa' chen po'i zhi gnas dang lhag mthong gi sa'o/ /de la byang chub sems dpa' sems dpa' chen po'i dul ba'i sems gang zhe na/ khams gsum la dga' bar sems pa med pa ste/ de ni byang chub sems dpa' sems dpa' chen po'i dul ba'i sems so/ /de la byang chub sems dpa' sems dpa' chen po'i zhi ba'i sems gang zhe na/ dbang po drug yang dag par 'dus pa ste/ de ni byang chub sems dpa' sems dpa' chen po'i/ zhi ba'i sems so/ /de la byang chub sems dpa' sems dpa' chen po'i thogs pa med pa'i ye shes gang zhe na/ 'di lta ste/ sangs rgyas kyi spyan thob pa ste/ de ni byang chub sems dpa' sems dpa' chen po'i thogs pa med pa'i ye shes so/ /de la byang chub sems dpa' sems dpa' chen po'i byams pa'i skabs shes pa gang zhe na/ skye mched drug gi btang snyoms te/ de ni byang chub sems dpa' sems dpa' chen po'i byams pa'i skabs shes pa'o/ /de la byang chub sems dpa' sems dpa' chen po'i gang du 'dod pa'i zhing du 'gro ba gang zhe na/ 'khor gyi dkyil 'khor de dang de dag tu lus ston pa ste/ de ni byang chub sems dpa' sems dpa' chen po'i gang du 'dod pa'i zhing du 'gro ba'o/ /de la byang chub sems dpa' sems dpa' chen po'i/ sems can thams cad kyi sems khong du chud pa gang zhe na/ sems gcig gis sems can thams cad kyi sems dang sems las byung ba rab tu shes pa'o/ /de la byang chub sems dpa' sems dpa' chen po'i mngon par shes pas rnam par rtse ba gang zhe na/ mngon par shes pa rnams kyis rnam par rtse zhing / sangs rgyas kyi zhing nas sangs rgyas kyi zhing du/ sangs rgyas blta ba'i don du 'gro yang / de la sangs rgyas kyi 'du shes su mi 'gyur ba ste/ 'di ni byang chub sems dpa' sems dpa' chen po'i mngon par shes pas rtse ba'o/ /de la byang chub sems dpa' sems dpa' chen po'i sangs rgyas kyi zhing blta ba gang zhe na/ sangs rgyas kyi zhing gcig na 'dug cing dpag tu med pa'i sangs rgyas kyi zhing mthong yang / de la sangs rgyas kyi zhing gi 'du shes su mi 'gyur ba ste/ de ni byang chub sems dpa' sems dpa' chen po'i sangs rgyas kyi zhing blta ba'o/ /de la byang chub sems dpa' sems dpa' chen po'i/ sangs rgyas kyi zhing de dag ji ltar mthong ba bzhin du yongs su bsgrub pa gang zhe na/ stong gsum gyi stong chen po'i 'jig rten gyi khams kyi dbang phyug 'khor los sgyur ba'i sa la gnas te/ stong gsum gyi stong chen po'i 'jig rten gyi khams yongs su gtong zhing / des rlom sems su mi byed pa ste/ de ni byang chub sems dpa' sems dpa' chen po'i/ sangs rgyas kyi zhing ji ltar mthong ba bzhin du bsgrub pa'o/ /de la byang chub sems dpa' sems dpa' chen po'i sangs rgyas bsnyen bkur ba gang zhe na/ sems can thams cad la phan gdags pa'i don du chos la bsnyen bkur ba ste/ de ni byang chub sems dpa' sems dpa' chen po'i sangs rgyas bsnyen bkur ba'o/ /de la byang chub sems dpa' sems dpa' chen po'i/ sangs rgyas kyi sku yang dag pa ji lta ba bzhin du brtag pa gang zhe na/ chos kyi sku yang dag pa ji lta ba bzhin du rtogs par byed pa ste/ de ni byang chub sems dpa' sems dpa' chen po'i/ sangs rgyas kyi sku yang dag pa ji lta ba bzhin du brtag pa'o/ /de la byang chub sems dpa' sems dpa' chen po'i/ dbang po rab dang tha ma shes pa gang zhe na/ stobs bcu la gnas shing / sems can thams cad kyi dbang po yongs su rdzogs par shes pa ste/ de ni byang chub sems dpa' sems dpa' chen po'i/ dbang po rab dang tha ma shes pa'o/ /de la byang chub sems dpa' sems dpa' chen po'i/ sangs rgyas kyi zhing yongs su sbyang ba gang zhe na/ mi dmigs pa'i tshul gyis/ sems can thams cad kyi sems yongs su sbyong ba ste/ de ni byang chub sems dpa' sems dpa' chen po'i/ sangs rgyas kyi zhing yongs su sbyang ba'o/ /de la byang chub sems dpa' sems dpa' chen po'i/ sgyu ma lta bu'i ting nge 'dzin gang zhe na/ ting nge 'dzin gang la gnas pas/ byang chub sems dpa' sems dpa' chen po'i bya ba thams cad byed kyang / de'i sems chos gang la yang mi 'jug pa ste/ de ni byang chub sems dpa' sems dpa' chen po'i/ sgyu ma lta bu'i ting nge 'dzin to/ /de la byang chub sems dpa' sems dpa' chen po'i/ yang dang yang mnyam par gzhag pa gang zhe na/ byang chub sems dpa' sems dpa' chen po'i rnam par smin pa las skyes pa'i ting nge 'dzin te/ de ni byang chub sems dpa' sems dpa' chen po'i/ yang dang yang mnyam par gzhag pa'o/ /de la ji ltar na byang chub sems dpa' sems dpa' chen po'i/ sems can rnams kyi dge ba'i rtsa ba/ ji lta ji ltar 'grub pa de lta de ltar lus yongs su grub pa yin zhe na/ 'di la byang chub sems dpa' sems dpa' chen po sems can rnams/ ji lta ji ltar yongs su smin par 'gyur ba/ de lta de ltar ched du bsams shing / lus yongs su 'dzin pa ste/ de ni byang chub sems dpa' sems dpa' chen po'i sems can rnams kyi dge ba'i rtsa ba/ ji lta ji ltar 'grub pa/ de lta de ltar lus yongs su grub pa'o/ /de la ji ltar na byang chub sems dpa' sems dpa' chen po'i/ ched du bsams shing srid pa nye bar len pa yin zhe na/ 'di lta ste/ sems can yongs su smin par bya ba'i phyir te/ de ni byang chub sems dpa' sems dpa' chen po'i ched du bsams shing srid pa nye bar len pa'o/ /de la ji ltar na byang chub sems dpa' sems dpa' chen po/ /ji lta ji ltar smon pa/ de lta de ltar phun sum tshogs par 'gyur ba yin zhe na/ de la byang chub sems dpa' sems dpa' chen po/ pha rol du phyin pa drug yongs su rdzogs pa'i phyir te/ de ni byang chub sems dpa' sems dpa' chen po'i/ ji lta ji ltar smon pa/ de lta de ltar phun sum tshogs par 'gyur ba'o/ /de la ji ltar na byang chub sems dpa' sems dpa' chen po/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i skad shes par bya ba khong du chud par bya ba yin zhe na/ 'di lta ste/ nges pa'i tshig so so yang dag par rig pas khong du chud pa ste/ de ni byang chub sems dpa' sems dpa' chen po'i/ sems can thams cad kyi skad shes par bya ba khong du chud pa'o/ /de la ji ltar na byang chub sems dpa' sems dpa' chen pos/ yongs su rdzogs pa'i spobs pas nges par bstan pa shes par bya ba rtogs pa yin zhe na/ 'di lta ste/ spobs pa so so yang dag par rig pas khong du chud pa ste/ de ni byang chub sems dpa' sems dpa' chen po'i/ yongs su rdzogs pa'i spobs pas nges par bstan pa shes par bya ba rtogs pa'o/ / de la byang chub sems dpa' sems dpa' chen po'i/ ma'i mngal du 'gro ba phun sum tshogs pa gang zhe na/ 'di la byang chub sems dpa' sems dpa' chen po tshe rabs thams cad du rdzus shing skye ba ste/ de ni byang chub sems dpa' sems dpa' chen po'i/ ma'i mngal du 'gro ba phun sum tshogs pa'o/ /de la byang chub sems dpa' sems dpa' chen po'i/ rigs phun sum tshogs pa gang zhe na/ byang chub sems dpa' sems dpa' chen po'i rigs chen por skye ba ste/ de ni byang chub sems dpa' sems dpa' chen po'i rigs phun sum tshogs pa'o/ /de la byang chub sems dpa' sems dpa' chen po'i/ rgyud phun sum tshogs pa gang zhe na/ byang chub sems dpa' sems dpa' chen po rgyal rigs che zhing mtho ba 'am/ bram ze'i rigs che zhing mtho bar skye ba ste/ de ni byang chub sems dpa' sems dpa' chen po'i/ rgyud phun sum tshogs pa'o/ /de la byang chub sems dpa' sems dpa' chen po'i/ rus phun sum tshogs pa gang zhe na/ byang chub sems dpa' sems dpa' chen po gang gi rigs sngon gyi/ byang chub sems dpa' rnams byung bar gyur pa de'i rigs su skye ba ste/ de ni byang chub sems dpa' sems dpa' chen po'i/ rus phun sum tshogs pa'o/ /de la byang chub sems dpa' sems dpa' chen po'i 'khor phun sum tshogs pa gang zhe na/ byang chub sems dpa' sems dpa' chen po byang chub la sems can rnams bkod cing byang chub sems dpa'i 'khor dang ldan pa nyid du 'gyur ba de ni byang chub sems dpa' sems dpa' chen po'i 'khor phun sum tshogs pa'o/ /de la byang chub sems dpa' sems dpa' chen po'i tshe phun sum tshogs pa gang zhe na/ byang chub sems dpa' sems dpa' chen po skyes ma thag tu/ 'jig rten gyi khams snang bas rgyas par bkang ste/ de dag rnam pa drug tu g.yo bar byed pa ste/ de ni byang chub sems dpa' sems dpa' chen po'i/ tshe phun sum tshogs pa'o/ /de la byang chub sems dpa' sems dpa' chen po'i/ mngon par 'byung ba phun sum tshogs pa gang zhe na/ byang chub sems dpa' sems dpa' chen po rab tu 'byung ba'i phyir/ sems can bye ba khrag khrig brgya stong du ma dang / lhan cig tu mngon par 'byung zhing / sems can de dag kyang theg pa gsum la nges par 'byung ba ste/ de ni byang chub sems dpa' sems dpa' chen po'i/ mngon par 'byung ba phun sum tshogs pa'o/ /de la byang chub sems dpa' sems dpa' chen po'i/ byang chub kyi shing gi rgyan phun sum tshogs pa gang zhe na/ byang chub sems dpa' sems dpa' chen po'i/ byang chub kyi shing gi rtsa ba/ gser gyi rgyu las byung ba yin/ lhun bai DUr+yar 'jug pa yin/ yal ga rin po che bdun gyi rang bzhin las grub pa yin/ me tog dang / lo ma rin po che thams cad las gyur pa yin/ shing de'i dri zhim po dang / 'od bzang pos 'jig rten gyi khams mtha' yas pa/ rgyas par 'geng ba yin te/ de ni byang chub sems dpa' sems dpa' chen po'i/ byang chub kyi shing gi rgyan phun sum tshogs pa'o/ /de la byang chub sems dpa' sems dpa' chen po'i/ yon tan thams cad yongs su rdzogs pa phun sum tshogs pa gang zhe na/ byang chub sems dpa' sems dpa' chen po'i/ sems can yongs su smin par bya ba rnam par dag pa dang / sangs rgyas kyi zhing rnam par dag pa ste/ de ni byang chub sems dpa' sems dpa' chen po'i/ yon tan thams cad yongs su rdzogs pa phun sum tshogs pa'o/ /de la byang chub sems dpa' sems dpa' chen po'i/ sa bcu la gnas pa de bzhin gshegs pa nyid ces bya ba gang zhe na/ byang chub sems dpa' sems dpa' chen po/ gang gis pha rol du phyin pa thams cad yongs su rdzogs par gyur pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad dang / rnam pa thams cad mkhyen pa nyid kyi ye shes dang / bag chags kyi mtshams sbyor ba'i nyon mongs pa thams cad spangs pa dang / snying rje chen po dang / sangs rgyas kyi chos thams cad kyang yongs su rdzogs par gyur pa dag ste/ rab 'byor de ltar na/ byang chub sems dpa' sems dpa' chen po/ sa bcu la gnas pa ni de bzhin gshegs pa nyid ces bya'o/ /rab 'byor de la byang chub sems dpa' sems dpa' chen po'i sa bcu gang zhe na/ rab 'byor de ni byang chub sems dpa' sems dpa' chen po/ thabs mkhas pas/ pha rol du phyin pa rnams la spyod pa dang / stong pa nyid thams cad dang / byang chub kyi phyogs kyi chos sum cu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad la spyod pa'i tshe/ dkar po rnam par mthong ba'i sa las yang dag par 'da'/ rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / nyan thos kyi sa dang / rang sangs rgyas kyi sa dang / byang chub sems dpa'i sa las yang dag par 'das te/ rab 'byor de ltar na/ byang chub sems dpa' sems dpa' chen pos/ sa dgu las yongs su 'das pa nas/ sangs rgyas kyi sa la gnas pa ste/ rab 'byor de ni byang chub sems dpa' sems dpa' chen po'i sa bcu pa'o/ /rab 'byor de ltar na/ byang chub sems dpa' sems dpa' chen po/ theg pa chen po la yang dag par zhugs par rig par bya'o/ /rab 'byor khyod kyis gang yang 'di skad du/ theg pa de gang nas 'byung bar 'gyur zhes smras pa de ni/ de mi dmigs pa'i tshul gyis/ khams gsum nas 'byung bar 'gyur ro/ /rnam pa thams cad mkhyen pa nyid du gnas par 'gyur ro/ /de ci'i phyir zhe na/ rab 'byor de ni 'di ltar/ theg pa chen po gang yin pa dang / rnam pa thams cad mkhyen pa nyid gang yin pa'i chos de gnyis ka yang / ldan pa yang ma yin/ mi ldan pa yang ma yin/ gzugs med pa/ bstan du med pa/ thogs pa med pa ste/ 'di ltar mtshan nyid med par/ mtshan nyid gcig pa'o/ /de ci'i phyir zhe na/ rab 'byor mtshan nyid med pa'i chos ni 'byung ba'am/ 'byung bar 'gyur ba'am/ byung bar gyur pa med de/ rab 'byor gang mtshan nyid med pa'i chos rnams 'byung bar 'dod pa de ni/ chos kyi dbyings 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ de bzhin nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ yang dag pa'i mtha' 'byung bar 'dod du zad do/ /rab 'byor gang / mtshan nyid med pa'i chos rnams 'byung bar 'dod pa de ni/ bsam gyis mi khyab pa'i dbyings 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ nam mkha'i dbyings 'byung bar 'dod du zad do/ /rab 'byor gang mtshan nyid med pa'i chos rnams/ 'byung bar 'dod pa de ni/ 'dod chags zad pa'i dbyings 'byung bar 'dod du zad do/ /rab 'byor gang mtshan nyid med pa'i chos rnams/ 'byung bar 'dod pa de ni/ rab tu byang ba'i dbyings 'byung bar 'dod du zad do/ /rab 'byor gang mtshan nyid med pa'i/ chos rnams 'byung bar 'dod pa de ni/ 'dod chags dang bral ba'i dbyings 'byung bar 'dod du zad do/ /rab 'byor gang / mtshan nyid med pa'i chos rnams 'byung bar 'dod pa de ni/ 'gog pa'i dbyings 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ gzugs stong pa nyid 'byung bar 'dod du zad do/ /rab 'byor gang / mtshan nyid med pa'i chos rnams 'byung bar 'dod pa de ni/ tshor ba stong pa nyid dang / 'du shes stong pa nyid dang / 'du byed stong pa nyid dang / rnam par shes pa stong pa nyid 'byung bar 'dod du zad do/ /de ci'i phyir zhe na/ rab 'byor gzugs stong pa nyid ni/ khams gsum nas 'byung ba med do/ /rnam pa thams cad mkhyen pa nyid du gnas pa med do/ /tshor ba stong pa nyid dang / 'du shes stong pa nyid dang / 'du byed stong pa nyid dang / rnam par shes pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /de ci'i phyir zhe na/ 'di ltar gzugs gzugs kyis stong ba'i phyir ro/ /tshor ba dang / 'du shes dang 'du byed dang rnam par shes pa rnam par shes pas stong ba'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ mig stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ rna ba stong pa nyid dang / sna stong pa nyid dang / lce stong pa nyid dang / lus stong pa nyid dang / yid stong pa nyid 'byung bar 'dod du zad do/ /de ci'i phyir zhe na/ rab 'byor mig stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rna ba stong pa nyid dang / sna stong pa nyid dang / lce stong pa nyid dang / lus stong pa nyid dang / yid stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar mig mig gis stong pa'i phyir ro/ /rna ba dang / sna dang / lce dang / lus dang / yid yid kyis stong ba'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni gzugs stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ sgra stong pa nyid dang / dri stong pa nyid dang / ro stong pa nyid dang / reg stong pa nyid dang / chos stong pa nyid 'byung bar 'dod du zad do/ /de ci'i phyir zhe na/ rab 'byor gzugs stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /sgra dang / dri dang / ro dang reg dang / chos stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar gzugs gzugs kyis stong ba'i phyir ro/ /sgra dang dri dang ro dang reg dang / chos chos kyis stong ba'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni mig gi rnam par shes pa stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni rna ba'i rnam par shes pa stong pa nyid dang / sna'i rnam par shes pa stong pa nyid dang / lce'i rnam par shes pa stong pa nyid dang / lus kyi rnam par shes pa stong pa nyid dang / yid kyi rnam par shes pa stong pa nyid 'byung bar 'dod du zad do/ /de ci'i phyir zhe na rab 'byor mig gi rnam par shes pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rna ba'i rnam par shes pa stong pa nyid dang / sna'i rnam par shes pa stong pa nyid dang / lce'i rnam par shes pa stong pa nyid dang / lus kyi rnam par shes pa stong pa nyid dang / yid kyi rnam par shes pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar mig gi rnam par shes pa mig gi rnam par shes pas stong pa'i phyir ro/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yid kyi rnam par shes pas stong ba'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni mig gi 'dus te reg pa stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni rna ba'i 'dus te reg pa stong pa nyid dang / sna'i 'dus te reg pa stong pa nyid dang / lce'i 'dus te reg pa stong pa nyid dang / lus kyi 'dus te reg pa stong pa nyid dang / yid kyi 'dus te reg pa stong pa nyid 'byung bar 'dod du zad do/ /de ci'i phyir zhe na/ rab 'byor mig gi 'dus te reg pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rna ba'i 'dus te reg pa stong pa nyid dang / sna'i 'dus te reg pa stong pa nyid dang / lce'i 'dus te reg pa stong pa nyid dang / lus kyi 'dus te reg pa stong pa nyid dang / yid kyi 'dus te reg pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar mig gi 'dus te reg pa mig gi 'dus te reg pas stong pa'i phyir ro/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yid kyi 'dus te reg pas stong ba'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ mig gi 'dus te reg pa'i rkyen gyis tshor ba stong pa nyid/ 'byung bar 'dod du zad do/ /rab 'byor gang mtshan nyid med pa'i chos rnams/ 'byung bar 'dod pa de ni/ rna ba'i 'dus te reg pa'i rkyen gyis tshor ba stong pa nyid dang / sna'i 'dus te reg pa'i rkyen gyis tshor ba stong pa nyid dang / lce'i 'dus te reg pa'i rkyen gyis tshor ba stong pa nyid dang / lus kyi 'dus te reg pa'i rkyen gyis tshor ba stong pa nyid dang / yid kyi 'dus te reg pa'i rkyen gyis tshor ba stong pa nyid 'byung bar 'dod du zad do/ /de ci'i phyir zhe na/ rab 'byor de ni mig gi 'dus te reg pa'i rkyen gyis tshor ba stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rna ba'i 'dus te reg pa'i rkyen gyis tshor ba stong pa nyid dang / sna'i 'dus te reg pa'i rkyen gyis tshor ba stong pa nyid dang / lce'i 'dus te reg pa'i rkyen gyis tshor ba stong pa nyid dang / lus kyi 'dus te reg pa'i rkyen gyis tshor ba stong pa nyid dang / yid kyi 'dus te reg pa'i rkyen gyis tshor ba stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar mig gi 'dus te reg pa'i rkyen gyis tshor ba mig gi 'dus te reg pa'i rkyen gyis tshor bas stong pa'i phyir ro/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yid kyi 'dus te reg pa'i rkyen gyis tshor bas stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ rmi lam 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ sgyu ma dang / smig rgyu dang / sgra brnyan dang / mig yor dang / de bzhin gshegs pa'i sprul pa 'byung bar 'dod du zad do/ /de ci'i phyir zhe na/ rab 'byor rmi lam ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /sgyu ma dang smig rgyu dang / sgra brnyan dang / mig yor dang / de bzhin gshegs pa'i sprul pa ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar rmi lam ni rmi lam gyis stong ba'i phyir ro/ /sgyu ma dang / smig rgyu dang / sgra brnyan dang / mig yor dang / de bzhin gshegs pa'i sprul pa ni de bzhin gshegs pa'i sprul pas stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni sbyin pa'i pha rol du phyin pa 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa 'byung bar 'dod du zad do/ / de ci'i phyir zhe na/ rab 'byor sbyin pa'i pha rol du phyin pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar sbyin pa'i pha rol du phyin pa'i ngo bo nyid ni/ sbyin pa'i pha rol du phyin pa'i ngo bo nyid kyis stong pa'i phyir ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ngo bo nyid ni/ shes rab kyi pha rol du phyin pa'i ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni nang stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ phyi stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ phyi nang stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ dngos po med pa'i ngo bo nyid stong pa nyid kyi bar du 'byung bar 'dod du zad do/ /de ci'i phyir zhe na/ rab 'byor nang stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /phyi stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /phyi nang stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /dngos po med pa'i ngo bo nyid stong pa nyid kyi bar ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar nang stong pa nyid nang stong pa nyid kyis stong pa'i phyir ro/ /phyi stong pa nyid phyi stong pa nyid kyis stong pa'i phyir ro/ /phyi nang stong pa nyid phyi nang stong pa nyid kyis stong pa'i phyir ro/ /dngos po med pa'i ngo bo nyid stong pa nyid kyi bar du/ dngos po med pa'i ngo bo nyid stong pa nyid kyis stong pa'i phyir ro/ / rab 'byor gang mtshan nyid med pa'i chos rnams 'byung bar 'dod pa de ni/ dran pa nye bar gzhag pa rnams 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa 'byung bar 'dod du zad do/ /de ci'i phyir zhe na/ rab 'byor dran pa nye bar gzhag pa rnams kyi ngo bo nyid ni khams gsum nas 'byung ba med do/ / rnam pa thams cad mkhyen pa nyid du gnas pa med do/ /yang dag par spong ba rnams dang / rdzu 'phrul gyi rkang pa rnams dang / /dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar dran pa nye bar gzhag pa rnams kyi ngo bo nyid ni/ dran pa nye bar gzhag pa rnams kyis stong pa'i phyir ro/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ngo bo nyid ni/ 'phags pa'i lam yan lag brgyad pa'i ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa 'byung bar 'dod du zad do/ /de ci'i phyir zhe na/ rab 'byor 'phags pa'i bden pa rnams kyi ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /bsam gtan rnams kyi ngo bo nyid dang / tshad med pa rnams kyi ngo bo nyid dang / gzugs med pa'i snyoms par 'jug pa rnams kyi ngo bo nyid dang / rnam par thar pa brgyad kyi ngo bo nyid dang / mthar gyis gnas pa'i snyoms par 'jug pa dgu'i ngo bo nyid dang / stong pa nyid dang / mtshan ma med pa dang / smon pa med pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /de ci'i phyir zhe na/ 'di ltar 'phags pa'i bden pa rnams kyi ngo bo nyid ni/ 'phags pa'i bden pa rnams kyi ngo bo nyid kyis stong pa'i phyir ro/ / bsam gtan gyi ngo bo nyid dang / tshad med pa rnams kyi ngo bo nyid dang / gzugs med pa'i snyoms par 'jug pa rnams kyi ngo bo nyid dang / rnam par thar pa brgyad dang / mthar gyis gnas pa'i snyoms par 'jug pa dgu dgu'i ngo bo nyid dang / stong ba nyid dang / mtshan ma med pa dang / smon pa med pa'i ngo bo nyid ni/ smon pa med pa'i ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ mngon par shes pa rnams dang / ting nge 'dzin rnams dang / gzungs kyi sgo rnams 'byung bar 'dod du zad do/ /rab 'byor mngon par shes pa rnams kyi ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /ting nge 'dzin rnams dang / gzungs kyi sgo rnams kyi ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar mngon par shes pa rnams kyi ngo bo nyid ni/ mngon par shes pa rnams kyi ngo bo nyid kyis stong pa'i phyir ro/ /ting nge 'dzin rnams kyi ngo bo nyid dang / gzungs kyi sgo rnams kyi ngo bo nyid ni/ gzungs kyi sgo rnams kyi ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ de bzhin gshegs pa'i stobs bcu 'byung bar 'dod du zad do/ /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad 'byung bar 'dod du zad do/ /de ci'i phyir zhe na/ rab 'byor de bzhin gshegs pa'i stobs bcu'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /mi 'jigs pa bzhi'i ngo bo nyid dang / so so yang dag par rig pa bzhi'i ngo bo nyid dang / sangs rgyas kyi chos ma 'dres pa brgyad kyi ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ de ni 'di ltar de bzhin gshegs pa'i stobs rnams kyi ngo bo nyid ni/ de bzhin gshegs pa'i stobs rnams kyi ngo bo nyid kyis stong pa'i phyir ro/ /mi 'jigs pa bzhi'i ngo bo nyid dang / so so yang dag par rig pa bzhi'i ngo bo nyid dang / sangs rgyas kyi chos ma 'dres pa brgyad kyi ngo bo nyid ni/ sangs rgyas kyi chos ma 'dres pa brgyad kyi ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ dgra bcom pa zag pa zad pa skye bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ rang sangs rgyas skye bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ byang chub sems dpa' skye bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ de bzhin gshegs pa dgra bcom pa yang dag par rdzogs pa'i sangs rgyas 'byung bar 'dod du zad do/ /de ci'i phyir zhe na/ rab 'byor dgra bcom pa zag pa zad pa ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar dgra bcom pa'i ngo bo nyid ni dgra bcom pa'i ngo bo nyid kyis stong ba'i phyir ro/ /rang sangs rgyas dang / byang chub sems dpa' dang / de bzhin gshegs pa'i ngo bo nyid ni/ de bzhin gshegs pa'i ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ rgyun du zhugs pa'i 'bras bu 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid 'byung bar 'dod du zad do/ /de ci'i phyir zhe na/ rab 'byor rgyun du zhugs pa'i 'bras bu ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar rgyun tu zhugs pa'i 'bras bu'i ngo bo nyid ni/ rgyun du zhugs pa'i 'bras bu'i ngo bo nyid kyis stong pa'i phyir ro/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid kyi ngo bo nyid ni/ rnam pa thams cad mkhyen pa nyid kyi ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ ming 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ mtshan ma 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ brda 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ tha snyad 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ gdags pa 'byung bar 'dod du zad do/ /de ci'i phyir zhe na/ rab 'byor ming stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /mtshan ma stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /brda stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /tha snyad stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /gdags pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar ming stong pa nyid ni ming stong pa nyid kyi ngo bo nyid kyis stong pa'i phyir ro/ /mtshan ma stong pa nyid mtshan ma stong pa nyid kyi ngo bo nyid kyis stong pa'i phyir ro/ /brda stong pa nyid brda stong pa nyid kyi ngo bo nyid kyis stong pa'i phyir ro/ /tha snyad stong pa nyid tha snyad stong pa nyid kyi ngo bo nyid kyis stong pa'i phyir ro/ / gdags pa stong pa nyid gdags pa stong pa nyid kyi ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ skye ba med pa 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa 'byung bar 'dod du zad do/ /de ci'i phyir zhe na/ rab 'byor skye ba med pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ / rab 'byor de ci'i phyir zhe na/ 'di ltar skye ba med pa ni skye ba med pa'i ngo bo nyid kyis stong pa'i phyir ro/ /'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa ni/ mngon par 'du bya ba med pa'i ngo bo nyid kyis stong pa'i phyir ro/ /rab 'byor de ltar rnam grangs des na/ 'di ltar theg pa chen po ni khams gsum nas byung nas/ rnam pa thams cad mkhyen pa nyid du gnas pa med par shes par bya ste/ gnas de ni bskyod du med pa'o// //shes rab kyi pha rol du phyin pa stong phrag nyi shu lnga pa/ /bam po bcu dgu pa/ /rab 'byor gzhan yang khyod kyis gang 'di skad du/ theg pa chen po de gang du gnas par 'gyur zhes smras pa de/ theg pa chen po de gang du yang gnas par 'gyur ba med de/ de ci'i phyir zhe na/ 'di ltar chos thams cad ni gnas mi dmigs pa'i phyir mi gnas pa ste/ rab 'byor de ltar theg pa chen po de ni mi gnas pa'i tshul gyis gnas so/ /rab 'byor 'di lta ste/ dper na/ chos kyi dbyings ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ de bzhin nyid dang / yang dag pa'i mtha' dang / bsam gyis mi khyab pa'i dbyings ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor chos kyi dbyings kyi ngo bo nyid la gnas pa 'am/ mi gnas pa med do/ /de bzhin nyid dang / yang dag pa'i mtha' dang / bsam gyis mi khyab pa'i dbyings kyi ngo bo nyid la ni gnas pa 'am/ mi gnas pa med do/ /de ci'i phyir zhe na/ rab 'byor de ni 'di ltar chos kyi dbyings chos kyi dbyings kyi ngo bo nyid kyis stong ba'i phyir ro/ /de bzhin nyid de bzhin nyid kyi ngo bo nyid kyis stong pa'i phyir ro/ /yang dag pa'i mtha' yang dag pa'i mtha'i ngo bo nyid kyis stong ba'i phyir ro/ /bsam gyis mi khyab pa'i dbyings bsam gyis mi khyab pa'i dbyings kyi ngo bo nyid kyis stong ba'i phyir ro/ /rab 'byor 'di lta ste/ dper na/ nam mkha'i dbyings ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ 'dod chags zad pa'i dbyings ni gnas pa yang ma yin/ mi gnas pa yang ma yin no/ /de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste/ dper na/ rab tu byang ba'i dbyings dang / 'dod chags dang bral ba'i dbyings dang / 'gog pa'i dbyings la ni gnas pa'am/ mi gnas pa med do/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ nam mkha'i dbyings kyi ngo bo nyid la ni gnas pa'am/ mi gnas pa med do/ /'dod chags zad pa'i dbyings dang / rab tu byang ba'i dbyings dang / 'dod chags dang bral ba'i dbyings dang / 'gog pa'i dbyings kyi ngo bo nyid la ni gnas pa'am/ mi gnas pa med do/ /de ci'i phyir zhe na/ rab 'byor de ni 'di ltar nam mkha'i dbyings nam mkha'i dbyings kyi rang bzhin gyis stong ba'i phyir ro/ /'dod chags zad pa'i dbyings 'dod chags zad pa'i dbyings kyi rang bzhin gyis stong ba'i phyir ro/ /rab tu byang ba'i dbyings rab tu byang ba'i dbyings kyi rang bzhin gyis stong ba'i phyir ro/ /'dod chags dang bral ba'i dbyings 'dod chags dang bral ba'i dbyings kyi rang bzhin gyis stong ba'i phyir ro/ /'gog pa'i dbyings 'gog pa'i dbyings kyi rang bzhin gyis stong ba'i phyir ro/ /rab 'byor 'di lta ste/ dper na/ gzugs stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ tshor ba stong pa nyid dang / 'du shes stong pa nyid dang / 'du byed stong pa nyid dang / rnam par shes pa stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor gzugs kyi ngo bo nyid la ni gnas pa'am/ mi gnas pa med do/ /tshor ba dang / 'du shes dang / 'du byed dang / rnam par shes pa'i ngo bo nyid la ni gnas pa 'am/ mi gnas pa med do/ /de ci'i phyir zhe na/ rab 'byor de ni 'di ltar gzugs gzugs kyis stong pa'i phyir ro/ /tshor ba dang / 'du shes dang / 'du byed dang / rnam par shes pa rnam par shes pas stong pa'i phyir ro/ /rab 'byor 'di lta ste/ dper na/ mig stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste/ dper na/ rna ba stong pa nyid dang / sna stong pa nyid dang / lce stong pa nyid dang / lus stong pa nyid dang / yid stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor mig gi ngo bo nyid la ni gnas pa'am/ mi gnas pa med do/ /rna ba dang / sna dang / lce dang / lus dang / yid kyi ngo bo nyid la ni gnas pa'am mi gnas pa med do/ /de ci'i phyir zhe na/ rab 'byor de ni 'di ltar mig mig gis stong pa'i phyir ro/ /rna ba dang / sna dang / lce dang / lus dang / yid ni yid kyis stong pa'i phyir ro/ /rab 'byor 'di lta ste/ dper na/ gzugs stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na/ sgra stong pa nyid dang / dri stong pa nyid dang / ro stong pa nyid dang / reg stong pa nyid dang / chos stong pa nyid ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor gzugs kyi ngo bo nyid la ni gnas pa'am mi gnas pa med do/ /sgra dang / dri dang / ro dang / reg dang / chos kyi ngo bo nyid la ni gnas pa'am mi gnas pa med do/ /de ci'i phyir zhe na/ rab 'byor de ni 'di ltar gzugs gzugs kyis stong pa'i phyir ro/ /sgra dang / dri dang / ro dang / reg dang / chos chos kyis stong pa'i phyir ro/ /rab 'byor 'di lta ste dper na/ mig gi rnam par shes pa stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste dper na/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor mig gi rnam par shes pa'i ngo bo nyid la ni gnas pa'am mi gnas pa med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i ngo bo nyid la ni gnas pa'am mi gnas pa med do/ /de ci'i phyir zhe na/ rab 'byor de ni 'di ltar mig gi rnam par shes pa mig gi rnam par shes pas stong pa'i phyir ro/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yid kyi rnam par shes pas stong pa'i phyir ro/ /rab 'byor 'di lta ste/ dper na/ mig gi 'dus te reg pa stong pa nyid ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste/ dper na/ rna ba'i 'dus te reg pa stong pa nyid dang / sna'i 'dus te reg pa stong pa nyid dang / lce'i 'dus te reg pa stong pa nyid dang / lus kyi 'dus te reg pa stong pa nyid dang / yid kyi 'dus te reg pa stong pa nyid ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor mig gi 'dus te reg pa'i ngo bo nyid la ni gnas pa'am mi gnas pa med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i ngo bo nyid la ni gnas pa'am mi gnas pa med do/ /rab 'byor de ci'i phyir zhe na/ de ni 'di ltar mig gi 'dus te reg pa mig gi 'dus te reg pas stong pa'i phyir ro/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yid kyi 'dus te reg pas stong pa'i phyir ro/ /rab 'byor 'di lta ste/ dper na/ mig gi 'dus te reg pa'i rkyen gyis tshor ba stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste dper na/ rna ba'i 'dus te reg pa'i rkyen gyis tshor ba stong pa nyid dang / sna'i 'dus te reg pa'i rkyen gyis tshor ba stong pa nyid dang / lce'i 'dus te reg pa'i rkyen gyis tshor ba stong pa nyid dang / lus kyi 'dus te reg pa'i rkyen gyis tshor ba stong pa nyid dang / yid kyi 'dus te reg pa'i rkyen gyis tshor ba stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor mig gi 'dus te reg pa'i rkyen gyis tshor ba'i ngo bo nyid la ni gnas pa'am mi gnas pa med do/ /rna ba'i 'dus te reg pa'i rkyen gyis tshor ba'i ngo bo nyid dang / sna'i 'dus te reg pa'i rkyen gyis tshor ba'i ngo bo nyid dang / lce'i 'dus te reg pa'i rkyen gyis tshor ba'i ngo bo nyid dang / lus kyi 'dus te reg pa'i rkyen gyis tshor ba'i ngo bo nyid dang / yid kyi 'dus te reg pa'i rkyen gyis tshor ba'i ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar mig gi 'dus te reg pa'i rkyen gyis tshor ba/ mig gi 'dus te reg pa'i rkyen gyis tshor bas stong pa'i phyir ro/ / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yid kyi 'dus te reg pa'i rkyen gyis tshor bas stong pa'i phyir ro/ /rab 'byor 'di lta ste dper na/ rmi lam ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ sgyu ma dang / smig rgyu dang / sgra brnyan dang / mig yor dang / gzugs brnyan dang / sprul pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ / de ci'i phyir zhe na/ rab 'byor rmi lam gyi ngo bo nyid la ni gnas pa'am mi gnas pa med do/ /sgyu ma'i ngo bo nyid dang / smig rgyu'i ngo bo nyid dang / sgra brnyan gyi ngo bo nyid dang / mig yor gyi ngo bo nyid dang / gzugs brnyan gyi ngo bo nyid dang / de bzhin gshegs pa'i sprul pa'i ngo bo nyid la ni gnas pa 'am/ mi gnas pa med do/ /de ci'i phyir zhe na/ rab 'byor de ni 'di ltar rmi lam rmi lam gyis stong pa'i phyir ro/ /sgyu ma sgyu mas stong pa'i phyir ro/ /smig rgyu smig rgyus stong pa'i phyir ro/ /sgra brnyan sgra brnyan gyis stong pa'i phyir ro/ /mig yor mig yor gyis stong pa'i phyir ro/ /gzugs brnyan gzugs brnyan gyis stong pa'i phyir ro/ /de bzhin gshegs pa'i sprul pa de bzhin gshegs pa'i sprul pas stong pa'i phyir ro/ /rab 'byor 'di lta ste/ dper na/ sbyin pa'i pha rol du phyin pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor de ci'i phyir zhe na/ sbyin pa'i pha rol du phyin pa'i ngo bo nyid la ni gnas pa'am/ mi gnas pa med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ngo bo nyid la ni gnas pa 'am mi gnas pa med do/ /rab 'byor de ci'i phyir zhe na/ de ni 'di ltar sbyin pa'i pha rol du phyin pa/ sbyin pa'i pha rol du phyin pas stong pa'i phyir ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa/ shes rab kyi pha rol du phyin pas stong pa'i phyir ro/ /rab 'byor 'di lta ste dper na/ nang stong pa nyid ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste dper na/ dngos po med pa'i ngo bo nyid stong pa nyid kyi bar ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor nang stong pa nyid kyi ngo bo nyid la ni gnas pa'am mi gnas pa med do/ /dngos po med pa'i ngo bo nyid stong pa nyid kyi bar gyi ngo bo nyid la ni gnas pa'am mi gnas pa med do/ /de ci'i phyir zhe na/ rab 'byor de ni 'di ltar nang stong pa nyid nang stong pa nyid kyis stong pa'i phyir ro/ /dngos po med pa'i ngo bo nyid stong pa nyid kyi bar du/ dngos po med pa'i ngo bo nyid stong pa nyid kyis stong pa'i phyir ro/ /rab 'byor 'di lta ste dper na/ dran pa nye bar gzhag pa rnams ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste/ dper na/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor dran pa nye bar gzhag pa rnams kyi ngo bo nyid la ni gnas pa'am mi gnas pa med do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ngo bo nyid la ni gnas pa'am mi gnas pa med do/ /de ci'i phyir zhe na/ rab 'byor de ni 'di ltar dran pa nye bar gzhag pa rnams/ dran pa nye bar gzhag pa rnams kyis stong pa'i phyir ro/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni/ 'phags pa'i lam yan lag brgyad pas stong pa'i phyir ro/ /rab 'byor 'di lta ste/ dper na/ 'phags pa'i bden pa rnams ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor 'phags pa'i bden pa'i ngo bo nyid la ni gnas pa'am mi gnas pa med do/ /bsam gtan dang / tshad med pa dang / gzugs med pa'i snyoms par 'jug pa dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyi ngo bo nyid la ni gnas pa'am mi gnas pa med do/ /de ci'i phyir zhe na/ rab 'byor de ni 'di ltar 'phags pa'i bden pa rnams/ 'phags pa'i bden pa rnams kyis stong pa'i phyir ro/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams/ gzungs kyi sgo rnams kyis stong pa'i phyir ro/ /rab 'byor 'di lta ste dper na/ de bzhin gshegs pa'i stobs bcu ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ / de ci'i phyir zhe na/ rab 'byor de bzhin gshegs pa'i stobs bcu'i ngo bo nyid la ni gnas pa 'am mi gnas pa med do/ /mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa brgyad kyi ngo bo nyid la ni gnas pa'am mi gnas pa med do/ /de ci'i phyir zhe na/ rab 'byor de ni 'di ltar de bzhin gshegs pa'i stobs bcu de bzhin gshegs pa'i stobs rnams kyis stong pa'i phyir ro/ /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad/ sangs rgyas kyi chos ma 'dres pa rnams kyis stong pa'i phyir ro/ /rab 'byor 'di lta ste/ dper na/ dgra bcom pa zag pa zad pa ni gnas pa yang ma yin/ mi gnas pa yang ma yin no/ /rang sangs rgyas ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor dgra bcom pa'i ngo bo nyid la ni gnas pa'am mi gnas pa med do/ /rang sangs rgyas kyi ngo bo nyid la ni gnas pa'am mi gnas pa med do/ /de ci'i phyir zhe na/ rab 'byor de ni 'di ltar dgra bcom pa'i ngo bo nyid/ dgra bcom pa'i ngo bo nyid kyis stong pa'i phyir ro/ /rang sangs rgyas kyi ngo bo nyid/ rang sangs rgyas kyi ngo bo nyid kyis stong pa'i phyir ro/ /rab 'byor 'di lta ste/ dper na/ byang chub sems dpa' ni gnas pa yang ma yin/ mi gnas pa yang ma yin no/ /de bzhin gshegs pa dgra bcom pa yang dag par rdzogs pa'i sangs rgyas ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor byang chub sems dpa'i ngo bo nyid la ni gnas pa'am mi gnas pa med do/ /de bzhin gshegs pa'i ngo bo nyid la ni gnas pa'am mi gnas pa med do/ /de ci'i phyir zhe na/ rab 'byor de ni 'di ltar byang chub sems dpa'i ngo bo nyid/ byang chub sems dpa'i ngo bo nyid kyis stong pa'i phyir ro/ /de bzhin gshegs pa'i ngo bo nyid de bzhin gshegs pa'i ngo bo nyid kyis stong pa'i phyir ro/ /rab 'byor 'di lta ste dper na/ rgyun du zhugs pa'i 'bras bu ni gnas pa yang ma yin/ mi gnas pa yang ma yin no/ /lan cig phyir 'ong ba dang / phyir mi 'ong ba dang / dgra bcom pa nyid ni gnas pa yang ma yin/ mi gnas pa yang ma yin no/ /rang byang chub ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor rgyun tu zhugs pa'i 'bras bu'i ngo bo nyid la ni gnas pa'am mi gnas pa med do/ /lan cig phyir 'ong ba dang / phyir mi 'ong ba dang / dgra bcom pa nyid kyi ngo bo nyid la ni gnas pa'am mi gnas pa med do/ /rang byang chub kyi ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar rgyun du zhugs pa'i 'bras bu'i ngo bo nyid/ rgyun du zhugs pa'i 'bras bu'i ngo bo nyid kyis stong ba'i phyir ro/ /lan cig phyir 'ong ba dang / phyir mi 'ong ba dang / dgra bcom pa nyid kyi ngo bo nyid/ dgra bcom pa nyid kyi ngo bo nyid kyis stong ba'i phyir ro/ /rang byang chub kyi ngo bo nyid rang byang chub kyi ngo bo nyid kyis stong pa'i phyir ro/ /rab 'byor 'di lta ste/ dper na/ lam gyi rnam pa shes pa nyid ni gnas pa yang ma yin mi gnas pa yang ma yin no/ /rnam pa thams cad mkhyen pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor lam gyi rnam pa shes pa nyid kyi ngo bo nyid la ni gnas pa'am mi gnas pa med do/ /rnam pa thams cad mkhyen pa nyid kyi ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar lam gyi rnam pa shes pa nyid kyi ngo bo nyid/ lam gyi rnam pa shes pa'i ngo bo nyid kyis stong pa'i phyir ro/ /rnam pa thams cad mkhyen pa nyid kyi ngo bo nyid/ rnam pa thams cad mkhyen pa nyid kyi ngo bo nyid kyis stong ba'i phyir ro/ /rab 'byor 'di lta ste dper na/ ming ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na/ mtshan ma dang / brda dang / tha snyad dang / gdags pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor ming gi ngo bo nyid la ni gnas pa'am mi gnas pa med do/ /mtshan ma dang / brda dang / tha snyad dang / gdags pa'i ngo bo nyid la ni gnas pa'am mi gnas pa med do/ /de ci'i phyir zhe na/ rab 'byor ming gi ngo bo nyid ming gi ngo bo nyid kyis stong pa'i phyir ro/ /mtshan ma'i ngo bo nyid mtshan ma'i ngo bo nyid kyis stong pa'i phyir ro/ /brda'i ngo bo nyid/ brda'i ngo bo nyid kyis stong pa'i phyir ro/ /tha snyad kyi ngo bo nyid/ tha snyad kyi ngo bo nyid kyis stong pa'i phyir ro/ /gdags pa'i ngo bo nyid/ gdags pa'i ngo bo nyid kyis stong pa'i phyir ro/ /rab 'byor 'di lta ste dper na/ skye ba med pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste dper na/ 'gag pa med pa dang / kun nas nyon mongs pa med pa dang / rnam par byang ba med pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor skye ba med pa'i ngo bo nyid la ni gnas pa'am mi gnas pa med do/ /'gag pa med pa dang / kun nas nyon mongs pa med pa dang / rnam par byang ba med pa'i ngo bo nyid la gnas pa'am mi gnas pa med do/ /de ci'i phyir zhe na/ rab 'byor de ni 'di ltar skye ba med pa'i ngo bo nyid skye ba med pa'i ngo bo nyid kyis stong pa'i phyir ro/ /'gag pa med pa'i ngo bo nyid 'gag pa med pa'i ngo bo nyid kyis stong pa'i phyir ro/ /kun nas nyon mongs pa med pa'i ngo bo nyid kun nas nyon mongs pa med pa'i ngo bo nyid kyis stong pa'i phyir ro/ /rnam par byang ba med pa'i ngo bo nyid rnam par byang ba med pa'i ngo bo nyid kyis stong pa'i phyir ro/ /rab 'byor 'di lta ste dper na/ mngon par 'du bya ba med pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor mngon par 'du bya ba med pa'i ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar mngon par 'du bya ba med pa'i ngo bo nyid mngon par 'du bya ba med pa'i ngo bo nyid kyis stong pa'i phyir ro/ /rab 'byor rnam grangs des na/ theg pa chen po de ni mi gnas par gnas pa'i tshul dang / bskyod du med pa'i tshul gyis gang du yang gnas par 'gyur ba med do/ /rab 'byor gang yang khyod kyis 'di skad du theg pa des su zhig 'byung bar 'gyur zhes smras pa ni/ theg pa des su yang 'byung bar 'gyur ba med do/ /de ci'i phyir zhe na/ rab 'byor de ni 'di ltar theg pa de gang yin pa dang / gang 'byung bar 'gyur ba dang / gang gis 'byung bar 'gyur ba dang / gang nas 'byung bar 'gyur ba'i chos de dag thams cad med cing mi dmigs pa'i phyir te/ de ltar chos thams cad med cing mi dmigs na/ chos gang zhig chos gang gis 'byung bar 'gyur/ de ci'i phyir zhe na/ rab 'byor de ni 'di ltar bdag shin du rnam par dag pa dang / sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po shin du rnam par dag pa'i phyir ro/ /mtha' las 'das pas bdag su med do/ /mtha' las 'das pas sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po su med do/ /shin du rnam par dag pa'i phyir/ chos kyi dbyings su med do/ /shin du rnam par dag pa'i phyir/ de bzhin nyid dang / yang dag pa'i mtha' dang / bsam gyis mi khyab pa'i dbyings su med do/ / shin du rnam par dag pa'i phyir/ phung po rnams su med do/ /shin du rnam par dag pa'i phyir/ skye mched dang / khams rnams su med do/ shin du rnam par dag pa'i phyir/ rten cing 'brel bar 'byung ba su med do/ /shin du rnam par dag pa'i phyir/ sbyin pa'i pha rol du phyin pa su med do/ /shin du rnam par dag pa'i phyir/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol tu phyin pa su med do/ /shin du rnam par dag pa'i phyir/ nang stong pa nyid su med do/ /shin du rnam par dag pa'i phyir/ dngos po med pa'i ngo bo nyid stong pa nyid kyi bar du su med do/ /shin du rnam par dag pa'i phyir/ dran pa nye bar gzhag pa rnams dmigs su med do/ /shin du rnam par dag pa'i phyir/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa su med do/ /shin du rnam par dag pa'i phyir/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams su med do/ /shin du rnam par dag pa'i phyir/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad su med do/ /shin du rnam par dag pa'i phyir/ rgyun du zhugs pa su med do/ /shin du rnam par dag pa'i phyir/ lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas su med do/ /shin du rnam par dag pa'i phyir/ byang chub sems dpa' su med do/ /shin du rnam par dag pa'i phyir/ de bzhin gshegs pa dgra bcom pa yang dag par rdzogs pa'i sangs rgyas su med do/ /shin du rnam par dag pa'i phyir/ rgyun du zhugs pa'i 'bras bu su med do/ /shin du rnam par dag pa'i phyir/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub su med do/ /shin du rnam par dag pa'i phyir/ lam gyi rnam pa shes pa nyid dang / rnam pa thams cad mkhyen pa nyid su med do/ /shin du rnam par dag pa'i phyir/ skye ba med pa su med do/ /shin du rnam par dag pa'i phyir/ 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa su med do/ /shin du rnam par dag pa'i phyir/ sngon gyi mtha' su med do/ /shin du rnam par dag pa'i phyir/ phyi ma'i mtha' su med do/ /shin du rnam par dag pa'i phyir/ da ltar byung ba su med do/ /shin du rnam par dag pa'i phyir/ 'ong ba dang / 'gro ba dang / gnas pa dang / 'chi 'pho dang / skye ba dang / 'grib pa dang / 'phel ba su med do/ /gang mi pas thams cad su med pa yin zhe na/ chos kyi dbyings mi pas chos kyi dbyings su med do/ / de ci'i phyir zhe na/ rab 'byor chos kyi dbyings su med pa ni/ pa yang ma yin/ mi pa yang ma yin no/ /de bzhin nyid mi pas/ de bzhin nyid su med do/ /de ci'i phyir zhe na/ rab 'byor de bzhin nyid su med pa ni/ pa yang ma yin/ mi pa yang ma yin no/ /yang dag pa'i mtha' mi pas/ yang dag pa'i mtha' su med do/ /de ci'i phyir zhe na/ rab 'byor yang dag pa'i mtha' su med pa ni/ pa yang ma yin/ mi pa yang ma yin no/ /bsam gyis mi khyab pa'i dbyings mi pas/ bsam gyis mi khyab pa'i dbyings su med do/ /de ci'i phyir zhe na/ rab 'byor bsam gyis mi khyab pa'i dbyings su med pa ni/ pa yang ma yin/ mi pa yang ma yin no/ / phung po dang / skye mched dang / khams mi pas/ phung po dang / skye mched dang / khams su med do/ /de ci'i phyir zhe na/ rab 'byor phung po dang / skye mched dang / khams su med pa ni/ pa yang ma yin/ mi pa yang ma yin no/ /rten cing 'brel bar 'byung ba mi pas/ rten cing 'brel bar 'byung ba su med do/ /de ci'i phyir zhe na/ rab 'byor rten cing 'brel bar 'byung ba su med pa ni/ pa yang ma yin/ mi pa yang ma yin no/ /sbyin pa'i pha rol du phyin pa mi pas/ sbyin pa'i pha rol du phyin pa su med do/ /de ci'i phyir zhe na/ rab 'byor sbyin pa'i pha rol du phyin pa su med pa ni/ pa yang ma yin/ mi pa yang ma yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa mi pas/ shes rab kyi pha rol du phyin pa su med do/ /de ci'i phyir zhe na/ rab 'byor shes rab kyi pha rol du phyin pa su med pa ni/ pa yang ma yin/ mi pa yang ma yin no/ /nang stong pa nyid mi pas/ nang stong pa nyid su med do/ /de ci'i phyir zhe na/ rab 'byor nang stong pa nyid su med pa ni/ pa yang ma yin/ mi pa yang ma yin no/ /dngos po med pa'i ngo bo nyid stong pa nyid kyi bar du mi pas dngos po med pa'i ngo bo nyid stong pa nyid su med do/ /de ci'i phyir zhe na/ rab 'byor dngos po med pa'i ngo bo nyid stong pa nyid su med pa ni/ pa yang ma yin/ mi pa yang ma yin no/ /dran pa nye bar gzhag pa rnams mi pas/ dran pa nye bar gzhag pa rnams su med do/ /de ci'i phyir zhe na/ rab 'byor dran pa nye bar gzhag pa rnams su med pa ni/ pa yang ma yin/ mi pa yang ma yin no/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa mi pas/ 'phags pa'i lam yan lag brgyad pa su med do/ /de ci'i phyir zhe na/ rab 'byor 'phags pa'i lam yan lag brgyad pa su med pa ni/ pa yang ma yin/ mi pa yang ma yin no/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams mi pas/ gzungs kyi sgo rnams su med do/ /de ci'i phyir zhe na/ rab 'byor gzungs kyi sgo rnams su med pa ni/ pa yang ma yin/ mi pa yang ma yin no/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad mi pas/ sangs rgyas kyi chos ma 'dres pa rnams su med do/ / de ci'i phyir zhe na/ rab 'byor sangs rgyas kyi chos ma 'dres pa rnams su med pa ni/ pa yang ma yin/ mi pa yang ma yin no/ /rgyun du zhugs pa mi pas/ rgyun du zhugs pa su med do/ /de ci'i phyir zhe na/ rab 'byor rgyun du zhugs pa su med pa ni/ pa yang ma yin/ mi pa yang ma yin no/ lan cig phyir 'ong ba dang / phyir mi 'ong ba dang / dgra bcom pa mi pas/ dgra bcom pa su med do/ /de ci'i phyir zhe na/ rab 'byor dgra bcom pa su med pa ni/ dmigs pa yang ma yin/ mi dmigs pa yang ma yin no/ /rang sangs rgyas mi dmigs pas/ rang sangs rgyas dmigs su med do/ /de ci'i phyir zhe na/ rab 'byor rang sangs rgyas dmigs su med pa ni/ dmigs pa yang ma yin/ mi dmigs pa yang ma yin no/ /byang chub sems dpa' mi dmigs pas/ byang chub sems dpa' dmigs su med do/ /de ci'i phyir zhe na/ rab 'byor byang chub sems dpa' dmigs su med pa ni/ dmigs pa yang ma yin/ mi dmigs pa yang ma yin no/ / de bzhin gshegs pa mi dmigs pas/ de bzhin gshegs pa dmigs su med do/ /de ci'i phyir zhe na/ rab 'byor de bzhin gshegs pa dmigs su med pa ni/ dmigs pa yang ma yin/ mi dmigs pa yang ma yin no/ /rgyun du zhugs pa'i 'bras bu mi dmigs pas/ rgyun du zhugs pa'i 'bras bu dmigs su med do/ /de ci'i phyir zhe na/ rab 'byor rgyun du zhugs pa'i 'bras bu dmigs su med pa ni/ dmigs pa yang ma yin/ mi dmigs pa yang ma yin no/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid mi dmigs pas/ dgra bcom pa nyid dmigs su med do/ /de ci'i phyir zhe na/ rab 'byor dgra bcom pa nyid dmigs su med pa ni/ dmigs pa yang ma yin/ mi dmigs pa yang ma yin no/ /rang byang chub mi dmigs pas/ rang byang chub dmigs su med do/ /de ci'i phyir zhe na/ rab 'byor rang byang chub dmigs su med pa ni/ dmigs pa yang ma yin/ mi dmigs pa yang ma yin no/ /lam gyi rnam pa shes pa nyid mi dmigs pas/ lam gyi rnam pa shes pa nyid dmigs su med do/ /de ci'i phyir zhe na/ rab 'byor lam gyi rnam pa shes pa nyid dmigs su med pa ni/ dmigs pa yang ma yin/ mi dmigs pa yang ma yin no/ /rnam pa thams cad mkhyen pa nyid mi dmigs pas/ rnam pa thams cad mkhyen pa nyid dmigs su med do/ /de ci'i phyir zhe na/ rab 'byor rnam pa thams cad mkhyen pa nyid dmigs su med pa ni/ dmigs pa yang ma yin/ mi dmigs pa yang ma yin no/ /skye ba med pa mi dmigs pas/ skye ba med pa dmigs su med do/ /de ci'i phyir zhe na/ rab 'byor skye ba med pa dmigs su med pa ni/ dmigs pa yang ma yin/ mi dmigs pa yang ma yin no/ /'gag pa med pa mi dmigs pas/ 'gag pa med pa dmigs su med do/ /de ci'i phyir zhe na/ rab 'byor 'gag pa med pa dmigs su med pa ni/ dmigs pa yang ma yin/ mi dmigs pa yang ma yin no/ /kun nas nyon mongs pa med pa mi dmigs pas/ kun nas nyon mongs pa med pa dmigs su med do/ /de ci'i phyir zhe na/ rab 'byor kun nas nyon mongs pa med pa dmigs su med pa ni/ dmigs pa yang ma yin/ mi dmigs pa yang ma yin no/ /rnam par byang ba med pa mi dmigs pas/ rnam par byang ba med pa dmigs su med do/ /de ci'i phyir zhe na/ rab 'byor rnam par byang ba med pa dmigs su med pa ni/ dmigs pa yang ma yin/ mi dmigs pa yang ma yin no/ /mngon par 'du bya ba mi dmigs pas/ mngon par 'du bya ba med pa dmigs su med do/ /de ci'i phyir zhe na/ rab 'byor mngon par 'du bya ba med pa dmigs su med pa ni/ dmigs pa yang ma yin/ mi dmigs pa yang ma yin no/ /de bzhin du sngon gyi mtha' dang / phyi ma'i mtha' dang / da ltar byung ba dang / 'ong ba dang / 'gro ba dang / gnas pa dang / 'chi 'pho dang / skye ba dang 'grib pa dang / 'phel ba mi dmigs pas/ 'phel ba dmigs su med do/ /de ci'i phyir zhe na/ rab 'byor 'phel ba dmigs su med pa ni/ dmigs pa yang ma yin/ mi dmigs pa yang ma yin no/ /sa dang po mi dmigs pas/ sa dang po dmigs su med do/ /de ci'i phyir zhe na/ rab 'byor sa dang po dmigs su med pa ni/ dmigs pa yang ma yin/ mi dmigs pa yang ma yin no/ /sa gnyis pa dang / sa gsum pa dang / sa bzhi pa dang / sa lnga pa dang / sa drug pa dang / sa bdun pa dang / sa brgyad pa dang / sa dgu pa dang / sa bcu pa mi dmigs pas/ sa bcu pa dmigs su med do/ /de ci'i phyir zhe na/ rab 'byor sa bcu pa dmigs su med pa ni/ dmigs pa yang ma yin/ mi dmigs pa yang ma yin no/ /de la sa dang po ni gang / sa gnyis pa dang / sa gsum pa dang / sa bzhi pa dang / sa lnga pa dang / sa drug pa dang / sa bdun pa dang / sa brgyad pa dang / sa dgu pa dang / sa bcu pa ni gang zhe na/ 'di lta ste/ dkar po rnam par mthong ba'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / rang sangs rgyas kyi sa dang / byang chub sems dpa'i sa dang / sangs rgyas kyi sa ste/ nang stong pa nyid kyi phyir/ sa dang po dmigs su med do/ /dngos po med pa'i ngo bo nyid stong pa nyid kyi bar gyi phyir/ sa dang po dmigs su med do/ /nang stong pa nyid kyi phyir sa bcu'i bar du dmigs su med do/ /dngos po med pa'i ngo bo nyid stong pa nyid kyi bar gyi phyir/ sa bcu'i bar du dmigs su med do/ /de ci'i phyir zhe na/ rab 'byor shin du rnam par dag pa'i phyir/ sa dang po dmigs su med pa ni/ dmigs pa yang ma yin/ mi dmigs pa yang ma yin no/ /sa bcu pa'i bar du dmigs su med pa ni/ dmigs pa yang ma yin/ mi dmigs pa yang ma yin no/ /shin du rnam par dag pa nye bar bzung na/ nang stong pa nyid kyi phyir/ sems can yongs su smin par bya ba dmigs su med do/ /shin du rnam par dag pa nye bar bzung na/ dngos po med pa'i ngo bo nyid stong pa nyid kyi bar gyi phyir/ sems can yongs su smin par bya ba dmigs su med do/ /shin du rnam par dag pa nye bar bzung na/ nang stong pa nyid kyi phyir/ sangs rgyas kyi zhing yongs su dag par bya ba dmigs su med do/ /shin du rnam par dag pa nye bar bzung na/ dngos po med pa'i ngo bo nyid stong pa nyid kyi bar gyi phyir/ sangs rgyas kyi zhing yongs su dag par bya ba dmigs su med do/ /shin du rnam par dag pa nye bar bzung na/ nang stong pa nyid kyi phyir/ mig lnga dmigs su med do/ /shin du rnam par dag pa nye bar bzung na/ dngos po med pa'i ngo bo nyid stong pa nyid kyi bar gyi phyir/ mig lnga dmigs su med do/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod cing / chos thams cad mi dmigs pa'i tshul gyis/ theg pa chen pos rnam pa thams cad mkhyen pa nyid du 'byung bar 'gyur ro/ /shes rab kyi pha rol du phyin pa stong phrag nyi shu lnga pa las le'u bcu pa'o// //de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das theg pa chen po theg pa chen po zhes bgyi ba ni/ lha dang mi dang lha ma yin du bcas pa'i 'jig rten zil gyis mnan te 'byung bar 'gyur bas/ de'i slad du theg pa chen po zhes bgyi'o/ /bcom ldan 'das theg pa de ni nam mkha' dang mnyam pa ste/ ji ltar nam mkha' sems can grangs dang tshad ma mchis pa'i go 'byed pa de bzhin du theg pa chen po 'di yang sems can grangs dang tshad ma mchis pa'i go 'byed pas/ bcom ldan 'das rnam grangs des na/ byang chub sems dpa' sems dpa' chen po rnams kyi theg pa chen po ste/ theg pa chen po de la 'gro ba dang / 'ong ba zhes bgyi ba'am/ gnas pa yang ma mchis/ sngon gyi mtha' dang / phyi ma'i mtha' dang / dbus zhes bgyi ba yang ma mchis so/ /bcom ldan 'das 'di lta ste/ dper na/ nam mkha' la 'gro ba'am 'ong ba zhes bgyi ba yang ma mchis la/ gnas pa yang ma mchis pa de bzhin du/ theg pa chen po 'di la yang 'gro ba mi dmigs/ 'ong ba mi dmigs/ gnas pa mi dmigs so/ /bcom ldan 'das 'di lta ste dper na/ nam mkha' ni dus gsum mnyam pa nyid kyi slad du/ sngon gyi mtha' mi dmigs/ phyi ma'i mtha' mi dmigs/ dbus mi dmigs so/ /de bzhin du theg pa chen po 'di yang dus gsum mnyam pa nyid kyi slad du/ sngon gyi mtha' mi dmigs/ phyi ma'i mtha' mi dmigs/ dbus mi dmigs so/ /bcom ldan 'das 'di lta ste/ theg pa chen po 'di ni dus gsum mnyam pa nyid kyi theg pa pas/ de'i slad du theg pa chen po theg pa chen po zhes bgyi'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ 'di lta ste/ pha rol du phyin pa drug po 'di dag ni/ byang chub sems dpa' sems dpa' chen po'i theg pa chen po ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ste/ 'di ni byang chub sems dpa' sems dpa' chen po'i theg pa chen po zhes bya'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di lta ste/ gzungs kyi sgo rnams dang / ting nge 'dzin gyi sgo thams cad de/ dpa' bar 'gro ba'i ting nge 'dzin dang / nam mkha' ltar chags pa med pas/ rnam par grol zhing gos pa med pa'i ting nge 'dzin gyi bar du ste/ 'di ni byang chub sems dpa' sems dpa' chen po'i theg pa chen po zhes bya'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di lta ste/ nang stong pa nyid dang / dngos po med pa'i ngo bo nyid stong pa nyid kyi bar du ste/ 'di ni byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa brgyad dag ste/ 'di ni byang chub sems dpa' sems dpa' chen po'i theg pa chen po'o/ /rab 'byor gang yang khyod kyis 'di skad du theg pa de ni lha dang / mi dang lha ma yin du bcas pa'i 'jig rten zil gyis mnan te/ 'byung bar 'gyur ro/ /zhes smras pa ni/ lha dang mi dang lha ma yin du bcas pa'i 'jig rten gang zhe na/ 'di lta ste/ 'dod pa'i khams dang / gzugs yod pa'i khams dang / gzugs med pa'i khams te/ rab 'byor gal te 'dod pa'i khams de bzhin/ ma nor ba de bzhin gzhan ma yin pa de bzhin te/ phyin ci log ma yin la bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor 'dod pa'i khams de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te gzugs kyi khams de bzhin/ ma nor ba de bzhin gzhan ma yin pa de bzhin te/ phyin ci log ma yin la bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor gzugs kyi khams de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang / lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te gzugs med pa'i khams de bzhin ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor gzugs med pa'i khams de rnam par brtags pa rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te gzugs de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor gzugs de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /tshor ba dang / 'du shes dang / 'du byed dang / rnam par shes pa de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang / mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor rnam par shes pa de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas/ de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te mig de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor mig de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te rna ba dang / sna dang lce dang lus dang / yid de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor yid de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te gzugs de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor gzugs de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang / lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te sgra dang / dri dang / ro dang reg dang chos de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor chos de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te mig gi rnam par shes pa de bzhin/ ma nor ba de bzhin/ gzhan ma yin pa de bzhin te/ phyin ci log ma yin la bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor mig gi rnam par shes pa de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa de bzhin/ ma nor ba de bzhin gzhan ma yin pa de bzhin te/ phyin ci log ma yin la bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang / mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor yid kyi rnam par shes pa de rnam par brtags pa/ rnam par bskyed pa/ yongs su bsgrubs pa ste mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no// //shes rab kyi pha rol du phyin pa stong phrag nyi shu lnga pa/ bam po nyi shu pa/ rab 'byor gal te mig gi 'dus te reg pa de bzhin ma nor ba de bzhin/ gzhan ma yin pa de bzhin te/ phyin ci log ma yin la bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor mig gi 'dus te reg pa de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la ther zug ma yin 'gyur ba'i chos can te dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te rna ba'i 'dus te reg pa dang sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa de bzhin ma nor ba de bzhin gzhan ma yin pa de bzhin te/ phyin ci log ma yin la bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor yid kyi 'dus te reg pa de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te mig gi 'dus te reg pa'i rkyen gyis tshor ba de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor mig gi 'dus te reg pa'i rkyen kyis tshor ba de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor yid kyi 'dus te reg pa'i rkyen gyis tshor ba de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis kyang / lha dang / mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te sa'i khams de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor sa'i khams de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis lha dang mi dang lha ma yin du bcas pa'i 'jig rten zil gyis mnan te/ 'byung ba yin no/ /rab 'byor gal te chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor rnam par shes pa'i khams de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te/ 'byung ba yin no/ /rab 'byor gal te ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor rga shi de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te sbyin pa'i pha rol du phyin pa dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor sbyin pa'i pha rol du phyin pa dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol tu phyin pa dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor shes rab kyi pha rol du phyin pa dngos po med la/ dngos po ma yin pas de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te nang stong pa nyid dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor nang stong pa nyid dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te phyi stong pa nyid dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor phyi stong pa nyid dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te phyi nang stong pa nyid dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor phyi nang stong pa nyid dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te dngos po med pa'i ngo bo nyid stong pa nyid kyi bar du/ dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor dngos po med pa'i ngo bo nyid stong pa nyid dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te dran pa nye bar gzhag pa rnams dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor dran pa nye bar gzhag pa rnams dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor 'phags pa'i lam yan lag brgyad pa dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor gzungs kyi sgo rnams dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor sangs rgyas kyi chos ma 'dres pa brgyad dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te rigs kyi sa'i chos dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor rigs kyi sa'i chos dngos po med la dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te brgyad pa'i sa'i chos dang / rgyun du zhugs pa'i chos dang / lan cig phyir 'ong ba'i chos dang / phyir mi 'ong ba'i chos dang / dgra bcom pa'i chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor sangs rgyas kyi chos dngos po med la/ dngos po yod pa ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te rigs kyis dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor rigs kyis dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas dngos po yod pa zhig yin te/ dngos po med pa ma yin na ni theg pa chen po 'dis kyang / lha dang mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor de bzhin gshegs pa dgra bcom pa yang dag par rdzogs pa'i sangs rgyas dngos po med la/ dngos po ma yin pas/ de'i phyir theg pa chen po 'dis/ lha dang / mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te chos kyi dbyings dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor chos kyi dbyings dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te de bzhin nyid dang / yang dag pa'i mtha' dang / bsam gyis mi khyab pa'i dbyings dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor bsam gyis mi khyab pa'i dbyings dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te lha dang / mi dang lha ma yin du bcas pa'i 'jig rten dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor lha dang mi dang lha ma yin du bcas pa'i 'jig rten dngos po med la/ dngos po ma yin pas/ de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te byang chub sems dpa' sems dpa' chen pos sems dang po bskyed phyin chad snying po byang chub la 'dug gi bar du/ sems bskyed pa ji snyed cig byung ba de dag dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor byang chub sems dpa' sems dpa' chen pos/ sems dang po bskyed phyin cad snying po byang chub la 'dug gi bar du/ sems bskyed pa ji snyed cig byung ba de dag dngos po med la/ dngos po ma yin pas/ de'i phyir theg pa chen po 'dis/ lha dang / mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te byang chub sems dpa' sems dpa' chen po'i/ ye shes rdo rje lta bu dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor byang chub sems dpa' sems dpa' chen po'i ye shes rdo rje lta bu dngos po med la/ dngos po ma yin pas/ de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te byang chub sems dpa' sems dpa' chen po'i ye shes rdo rje lta bu dngos po yod pa zhig yin te/ dngos po med pa ma yin na ni/ byang chub sems dpa' sems dpa' chen pos kyang bag chags kyi mtshams sbyor ba'i nyon mongs pa thams cad dngos po med par khong du chud cing / rnam pa thams cad mkhyen pa nyid thob par yang mi 'gyur/ lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor byang chub sems dpa' sems dpa' chen po'i ye shes rdo rje lta bu dngos po med la/ dngos po ma yin pas/ de'i phyir byang chub sems dpa' sems dpa' chen pos bag chags kyi mtshams sbyor ba'i nyon mongs pa thams cad dngos po med par khong du chud de/ rnam pa thams cad mkhyen pa nyid kyang 'thob/ /lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi mi chen po'i mtshan sum cu rtsa gnyis dngos po med pa ma yin te/ dngos po yod pa zhig yin na ni/ de bzhin gshegs pa dgra bcom pa yang dag par rdzogs pa'i sangs rgyas kyis kyang / lha dang mi dang lha ma yin du bcas pa'i 'jig rten zil gyis mnan cing gzi brjid dang / dpal gyis lham mer mi 'gyur/ lhan ner mi 'gyur/ lhang nger mi 'gyur te/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi mi chen po'i mtshan sum cu rtsa gnyis dngos po med la dngos po ma yin pas/ de bzhin gshegs pa dgra bcom pa yang dag par rdzogs pa'i sangs rgyas kyis/ lha dang mi dang lha ma yin du bcas pa'i 'jig rten zil gyis mnan te/ gzi brjid dang / dpal gyis/ lham me/ lhan ne/ lhang nger gyur pa yin no/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi 'od dngos po yod pa zhig yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyis 'jig rten gyi khams gang gA'i klung gi bye ma snyed snang bas rgyas par mi mdzad de/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi 'od dngos po med de/ dngos po ma yin pas/ de'i phyir de bzhin gshegs pa dgra bcom pa yang dag par rdzogs pa'i sangs rgyas 'jig rten gyi khams gang gA'i klung gi bye ma snyed dag 'od kyis rgyas par 'gengs pa mdzad do/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi gsung yan lag drug cu dang ldan pa dngos po yod pa zhig yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas/ phyogs bcu'i 'jig rten gyi khams gang gA'i klung gi bye ma snyed gsung gis mngon par go bar yang mi mdzad de/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi gsung yan lag drug cu dang ldan pa dngos po med la/ dngos po ma yin pas/ de'i phyir de bzhin gshegs pa dgra bcom pa yang dag par rdzogs pa'i sangs rgyas phyogs bcu'i 'jig rten gyi khams gang gA'i klung gi bye ma snyed gsung gis mngon par go bar mdzad do/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dngos po yod pa zhig yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dge sbyong ngam/ bram ze'am/ lha'am/ bdud dam/ tshangs pa'am sus kyang rung ste/ 'jig rten du chos dang ldan par bskor bar mi nus pa bskor bar yang mi 'gyur te/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dngos po med de dngos po ma yin pas/ de'i phyir de bzhin gshegs pa dgra bcom pa yang dag par rdzogs pa'i sangs rgyas kyis chos kyi 'khor lo dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang rung ste/ 'jig rten du chos dang ldan par bskor bar mi nus pa rab tu bskor ro/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyis gang gi don du chos kyi 'khor lo bskor ba'i sems can de dag dngos po yod pa zhig yin te/ dngos po med pa ma yin na ni/ sems can de dag phung po ma lus pa'i mya ngan las 'das pa'i dbyings su yongs su mya ngan 'da' bar yang mi 'gyur te/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis gang gi don du chos kyi 'khor lo bskor ba'i sems can de dag dngos po med de/ dngos po ma yin pas/ de'i phyir sems can rnams phung po ma lus pa'i mya ngan las 'das pa'i dbyings su yongs su mya ngan las 'das so/ / yongs su mya ngan las 'da'o/ /yongs su mya ngan las 'da' bar 'gyur ro/ /rab 'byor gang yang khyod kyis 'di skad du theg pa de ni nam mkha' dang mnyam pa'o zhes smras pa ni/ de de bzhin no/ /rab 'byor de de bzhin te/ theg pa de ni nam mkha' dang mnyam pa'o/ / rab 'byor 'di lta ste/ dper na/ nam mkha' la ni shar phyogs dmigs su med do/ /lho dang nub dang byang dang bla dang 'og dang / phyogs mtshams dmigs su med do/ /rab 'byor de bzhin du theg pa chen po de ni shar phyogs dmigs su med do/ /lho dang nub dang byang dang bla dang 'og dang phyogs mtshams dmigs su med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni ring po ma yin/ thung ngu ma yin/ zlum po ma yin/ gru bzhi ma yin/ mnyam pa ma yin/ mi mnyam pa ma yin no/ /rab 'byor de bzhin theg pa chen po de yang ring po ma yin/ thung ngu ma yin/ zlum po ma yin/ gru bzhi ma yin/ mnyam pa ma yin/ mi mnyam pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni sngon po ma yin/ ser po ma yin/ dmar po ma yin/ dkar po ma yin/ le brgan ma yin/ shel dang dngul gyi mdog ma yin no/ /rab 'byor de bzhin du theg pa chen po de yang sngon po ma yin/ ser po ma yin/ dmar po ma yin/ dkar po ma yin/ le brgan ma yin/ shel dang dngul gyi mdog ma yin te/ de'i phyir theg pa chen po de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni 'das pa ma yin/ ma 'ongs pa ma yin/ da ltar byung ba ma yin no/ /rab 'byor de bzhin du theg pa chen po de yang 'das pa ma yin/ ma 'ongs pa ma yin/ da ltar byung ba ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni 'grib pa med do/ /'phel ba med do/ /'bri ba med do/ /gang ba med do/ /rab 'byor de bzhin du theg pa chen po de yang 'grib pa med 'phel ba med 'bri ba med gang ba med de/ de'i phyir theg pa chen po de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la kun nas nyon mongs pa med do/ /rnam par byang ba med do/ /rab 'byor de bzhin du theg pa chen po de la yang kun nas nyon mongs pa med/ rnam par byang ba med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la skye ba med do/ /'gag pa med do/ /gnas pa med do/ / mthar thug pa med do/ /gnas pa las gzhan du 'gyur ba mi dmigs so/ /rab 'byor de bzhin du theg pa chen po de la yang skye ba med do/ /'gag pa med do/ /gnas pa med do/ /mtha' thug pa med do/ /gnas pa las gzhan du 'gyur ba mi dmigs te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni dge ba ma yin/ mi dge ba ma yin/ lung du bstan pa ma yin/ lung du ma bstan pa ma yin no/ /rab 'byor de bzhin du theg pa chen po de yang dge ba ma yin mi dge ba ma yin lung du bstan pa ma yin lung du ma bstan pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni mthong ba ma yin/ thos pa ma yin/ rig pa ma yin/ rnam par shes pa ma yin no/ /rab 'byor de bzhin du theg pa chen po de yang mthong ba ma yin/ thos pa ma yin/ rig pa ma yin/ rnam par shes pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste/ dper na/ nam mkha' ni shes par bya ba yang ma yin/ shes par mi bya ba yang ma yin/ rnam par shes par bya ba yang ma yin/ yongs su shes par bya ba yang ma yin/ mngon du bya ba yang ma yin/ spang ba yang ma yin/ sgom pa yang ma yin no/ /rab 'byor de bzhin du theg pa chen po de yang shes par bya ba yang ma yin/ shes par mi bya ba yang ma yin/ rnam par shes par bya ba yang ma yin/ yongs su shes par bya ba yang ma yin/ mngon du bya ba yang ma yin/ spang ba yang ma yin/ sgom pa yang ma yin te/ de'i phyir theg pa de ni/ nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni rnam par smin pa yang ma yin no/ /rnam par smin pa'i chos can yang ma yin no/ /rab 'byor de bzhin du theg pa chen po de yang rnam par smin pa yang ma yin/ rnam par smin pa'i chos can yang ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni 'dod pa'i khams kyi khongs su chud pa ma yin/ gzugs kyi khams kyi khongs su chud pa ma yin/ gzugs med pa'i khams kyi khongs su chud pa ma yin no/ /rab 'byor de bzhin du theg pa chen po de yang 'dod pa'i khams kyi khongs su chud pa ma yin/ gzugs kyi khams kyi khongs su chud pa ma yin/ gzugs med pa'i khams kyi khongs su chud pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni 'dod chags dang ldan pa ma yin/ 'dod chags dang bral ba ma yin/ zhe sdang dang ldan pa ma yin/ zhe sdang dang bral ba ma yin/ gti mug dang ldan pa ma yin/ gti mug dang bral ba ma yin no/ /rab 'byor de bzhin du theg pa chen po de yang 'dod chags dang ldan pa ma yin/ 'dod chags dang bral ba ma yin/ zhe sdang dang ldan pa ma yin/ zhe sdang dang bral ba ma yin/ gti mug dang ldan pa ma yin/ gti mug dang bral ba ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni sems dang po bskyed pa med do/ /gnyis pa med do/ /gsum pa med do/ /bzhi pa med do/ /lnga pa med do/ /drug pa med do/ /bdun pa med do/ /brgyad pa med do/ /dgu pa med do/ /sems bcu pa bskyed pa med do/ /rab 'byor de bzhin du theg pa chen po de yang sems dang po bskyed pa med do/ /gnyis pa med do/ /gsum pa med do/ /bzhi pa med do/ /lnga pa med do/ /drug pa med do/ /bdun pa med do/ /brgyad pa med do/ /dgu pa med do/ /sems bcu pa bskyed pa med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni dkar po rnam par mthong ba'i sa med do/ /rigs kyi sa med do/ /brgyad pa'i sa med do/ /mthong ba'i sa med do/ /bsrabs pa'i sa med do/ /'dod chags dang bral ba'i sa med do/ /byas pa rtogs pa'i sa med do/ /rab 'byor de bzhin du theg pa chen po de la yang dkar po rnam par mthong ba'i sa med do/ /rigs kyi sa med do/ /brgyad pa'i sa med do/ /mthong ba'i sa med do/ /bsrabs pa'i sa med do/ /'dod chags dang bral ba'i sa med do/ /byas pa rtogs pa'i sa med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni rgyun du zhugs pa'i 'bras bu med do/ /lan cig phyir 'ong ba'i 'bras bu med do/ /phyir mi 'ong ba'i 'bras bu med do/ /dgra bcom pa nyid med do/ /rang sangs rgyas med do/ /sangs rgyas med do/ /rab 'byor de bzhin du theg pa chen po de la yang rgyun du zhugs pa'i 'bras bu med do/ /lan cig phyir 'ong ba'i 'bras bu med do/ /phyir mi 'ong ba'i 'bras bu med do/ /dgra bcom pa nyid med do/ /rang sangs rgyas med do/ /sangs rgyas med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste/ dper na/ nam mkha' la ni nyan thos kyi sa med do/ /rang sangs rgyas kyi sa med do/ /byang chub sems dpa'i sa med do/ /yang dag par rdzogs pa'i sangs rgyas kyi sa med do/ /rab 'byor de bzhin du theg pa chen po de la yang nyan thos kyi sa med do/ /rang sangs rgyas kyi sa med do/ /byang chub sems dpa'i sa med do/ /yang dag par rdzogs pa'i sangs rgyas kyi sa med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni gzugs dang ldan pa ma yin/ gzugs med pa ma yin/ bstan du yod pa ma yin/ bstan du med pa ma yin/ thogs pa yod pa ma yin/ thogs pa med pa ma yin/ ldan pa ma yin/ mi ldan pa ma yin no/ /rab 'byor de bzhin du theg pa chen po de yang gzugs dang ldan pa ma yin/ gzugs med pa ma yin/ bstan du yod pa ma yin/ bstan du med pa ma yin/ thogs pa yod pa ma yin/ thogs pa med pa ma yin/ ldan pa ma yin/ mi ldan pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni rtag pa ma yin/ mi rtag pa ma yin/ bde ba ma yin/ sdug bsngal ba ma yin/ bdag yod pa ma yin/ bdag med pa ma yin/ sdug pa ma yin/ mi sdug pa ma yin no/ /rab 'byor de bzhin du theg pa chen po de yang rtag pa ma yin/ mi rtag pa ma yin/ bde ba ma yin/ sdug bsngal ba ma yin/ bdag yod pa ma yin/ bdag med pa ma yin/ sdug pa ma yin/ mi sdug pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni stong pa ma yin/ mi stong pa ma yin/ mtshan ma yod pa ma yin/ mtshan ma med pa ma yin/ smon pa yod pa ma yin/ smon pa med pa ma yin no/ /rab 'byor de bzhin du theg pa chen po de yang stong pa ma yin/ mi stong pa ma yin/ mtshan ma yod pa ma yin/ mtshan ma med pa ma yin/ smon pa yod pa ma yin/ smon pa med pa ma yin/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni zhi ba ma yin/ ma zhi ba ma yin/ dben pa ma yin/ mi dben pa ma yin no/ /rab 'byor de bzhin du theg pa chen po de yang zhi ba ma yin/ ma zhi ba ma yin/ dben pa ma yin/ mi dben pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni snang ba ma yin/ mun pa ma yin no/ /rab 'byor de bzhin du theg pa chen po de yang snang ba ma yin/ mun pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni dmigs su yod pa ma yin/ dmigs su med pa ma yin no/ /rab 'byor de bzhin du theg pa chen po de yang dmigs su yod pa ma yin/ dmigs su med pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni brjod du yod pa ma yin/ brjod du med pa ma yin no/ /rab 'byor de bzhin du theg pa chen po de yang brjod du yod pa yang ma yin/ brjod du med pa yang ma yin te/ de'i phyir theg pa chen po de ni nam mkha' dang mnyam pa zhes bya'o/ /rab 'byor rnam grangs des kyang theg pa de ni nam mkha' dang mnyam pa ste/ 'di ltar theg pa chen po'o/ /rab 'byor gang yang khyod kyis 'di skad du/ ji ltar na nam mkha' sems can tshad med grangs med pa'i go 'byed pa de bzhin du theg pa chen po de yang sems can tshad med grangs med pa'i go 'byed do zhes smras pa ni/ de de bzhin no/ /rab 'byor de de bzhin te/ ji ltar nam mkha' sems can tshad med grangs med pa'i go 'byed pa de bzhin du/ theg pa chen po 'di yang sems can tshad med grangs med pa'i go 'byed do/ /de ci'i phyir zhe na/ rab 'byor sems can med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya ste/ rab 'byor rnam grangs 'dis kyang theg pa chen po de/ sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar sems can gang yin pa dang / nam mkha' gang yin pa dang / theg pa chen po gang yin pa de dag thams cad kyang dmigs su med pa'i phyir ro/ /de ci'i phyir zhe na/ rab 'byor sems can tshad med pa'i phyir/ nam mkha' tshad med par rig par bya'o/ /nam mkha' tshad med pa'i phyir/ theg pa chen po tshad med par rig par bya ste/ rab 'byor rnam grangs 'dis kyang theg pa chen po de/ sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar sems can gang yin pa dang / nam mkha' gang yin pa dang / theg pa chen po gang yin pa de dag thams cad kyang dmigs su med pa'i phyir ro/ /de ci'i phyir zhe na/ rab 'byor sems can dpag tu med pa'i phyir/ nam mkha' dpag tu med par rig par bya'o/ /nam mkha' dpag tu med pa'i phyir/ theg pa chen po dpag tu med par rig par bya ste/ rab 'byor rnam grangs 'dis kyang theg pa chen po de/ sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar sems can gang yin pa dang / nam mkha' gang yin pa dang theg pa chen po gang yin pa de dag thams cad kyang dmigs su med pa'i phyir ro/ /rab 'byor gzhan yang sems can med pa'i phyir/ chos kyi dbyings med par rig par bya'o/ /chos kyi dbyings med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar sems can gang yin pa dang / chos kyi dbyings gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang sems can med pa'i phyir/ de bzhin nyid med par rig par bya'o/ /de bzhin nyid med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya ste/ rnam grangs des kyang theg pa chen po de/ sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar sems can gang yin pa dang / de bzhin nyid gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po med par rig par bya'o/ /mthong ba po med pa'i phyir/ yang dag pa'i mtha' med par rig par bya'o/ /yang dag pa'i mtha' med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de ni/ sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / shes pa po dang / mthong ba po'i bar du gang yin pa dang / yang dag pa'i mtha' gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ gzugs med par rig par bya'o/ /gzugs med pa'i phyir/ tshor ba dang / 'du shes dang / 'du byed dang / rnam par shes pa med par rig par bya'o/ /rnam par shes pa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de ni sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings/ gang yin pa dang / gzugs gang yin pa dang / tshor ba dang / 'du shes dang / 'du byed dang / rnam par shes pa/ gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ mig med par rig par bya'o/ /mig med pa'i phyir/ rna ba dang / sna dang / lce dang / lus dang / yid med par rig par bya'o/ /yid med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / mig gang yin pa dang / rna ba dang / sna dang / lce dang / lus dang / yid gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ gzugs med par rig par bya'o/ / gzugs med pa'i phyir/ sgra dang / dri dang / ro dang / reg dang / chos med par rig par bya'o/ /chos med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / gzugs gang yin pa dang / sgra dang / dri dang / ro dang / reg dang / chos gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ /mig gi rnam par shes pa med par rig par bya'o/ /mig gi rnam par shes pa med pa'i phyir/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa med par rig par bya'o/ /yid kyi rnam par shes pa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / mig gi rnam par shes pa gang yin pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang / dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ mig gi 'dus te reg pa med par rig par bya'o/ /mig gi 'dus te reg pa med pa'i phyir/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa med par rig par bya'o/ /yid kyi 'dus te reg pa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / mig gi 'dus te reg pa gang yin pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ mig gi 'dus te reg pa'i rkyen gyis tshor ba med par rig par bya'o/ /mig gi 'dus te reg pa'i rkyen gyis tshor ba med pa'i phyir/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba med par rig par bya'o/ /yid kyi 'dus te reg pa'i rkyen gyis tshor ba med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi da pogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / mig gi 'dus te reg pa'i rkyen gyis tshor ba gang yin pa dang / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ sa'i khams med par rig par bya'o/ /sa'i khams med pa'i phyir/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams med par rig par bya'o/ /rnam par shes pa'i khams med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / sa'i khams gang yin pa dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang / dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ ma rig pa med par rig par bya'o/ /ma rig pa med pa'i phyir/ 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi med par rig par bya'o/ /rga shi med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ / mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi da pogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / ma rig pa gang yin pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi da pogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro// // shes rab kyi pha rol du phyin pa stong phrag nyi shu lnga pa/ bam po nyi shu gcig pa/ rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ /shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ sbyin pa'i pha rol du phyin pa med par rig par bya'o/ /sbyin pa'i pha rol du phyin pa med pa'i phyir/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med par rig par bya'o/ /shes rab kyi pha rol du phyin pa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi da pogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang mthong ba po'i bar du gang yin pa dang / bsam gyis mi khyab pa'i dbyings gang yin pa dang / sbyin pa'i pha rol du phyin pa gang yin pa dang / tshul khrims kyi pha rol du phyin pa gang yin pa dang / bzod pa'i pha rol du phyin pa gang yin pa dang / brtson 'grus kyi pha rol du phyin pa gang yin pa dang / bsam gtan gyi pha rol du phyin pa gang yin pa dang / shes rab kyi pha rol du phyin pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ nang stong pa nyid med par rig par bya'o/ /nang stong pa nyid med pa'i phyir/ phyi stong pa nyid med par rig par bya'o/ /phyi stong pa nyid med pa'i phyir/ phyi nang stong pa nyid med par rig par bya'o/ /phyi nang stong pa nyid med pa'i phyir/ dngos po med pa'i ngo bo nyid stong pa nyid kyi bar du med par rig par bya'o/ /dngos po med pa'i ngo bo nyid stong pa nyid med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ / rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / nang stong pa nyid gang yin pa dang / phyi stong pa nyid gang yin pa dang / phyi nang stong pa nyid gang yin pa dang / dngos po med pa'i ngo bo nyid stong pa nyid kyi bar du gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ dran pa nye bar gzhag pa med par rig par bya'o/ /dran pa nye bar gzhag pa med pa'i phyir/ yang dag par spong ba med par rig par bya'o/ /yang dag par spong ba med pa'i phyir/ rdzu 'phrul gyi rkang pa med par rig par bya'o/ /rdzu 'phrul gyi rkang pa med pa'i phyir/ dbang po med par rig par bya'o/ /dbang po med pa'i phyir/ stobs med par rig par bya'o/ /stobs med pa'i phyir/ byang chub kyi yan lag med par rig par bya'o/ /byang chub kyi yan lag med pa'i phyir/ lam med par rig par bya'o/ /lam med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / dran pa nye bar gzhag pa gang yin pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ 'phags pa'i bden pa med par rig par bya'o/ /'phags pa'i bden pa med pa'i phyir/ bsam gtan med par rig par bya'o/ /bsam gtan med pa'i phyir/ tshad med pa med par rig par bya'o/ /tshad med pa med pa'i phyir/ gzugs med pa'i snyoms par 'jug pa med par rig par bya'o/ /gzugs med pa'i snyoms par 'jug pa med pa'i phyir/ rnam par thar pa med par rig par bya'o/ /rnam par thar pa med pa'i phyir/ mthar gyis gnas pa'i snyoms par 'jug pa med par rig par bya'o/ /mthar gyis gnas pa'i snyoms par 'jug pa med pa'i phyir/ rnam par thar pa'i sgo stong pa nyid dang / mtshan ma med pa dang / smon pa med pa med par rig par bya'o/ /rnam par thar pa'i sgo stong pa nyid dang / mtshan ma med pa dang / smon pa med pa med pa'i phyir/ mngon par shes pa med par rig par bya'o/ /mngon par shes pa med pa'i phyir/ ting nge 'dzin med par rig par bya'o/ /ting nge 'dzin med pa'i phyir/ gzungs kyi sgo med par rig par bya'o/ /gzungs kyi sgo med pa'i phyir/ de bzhin gshegs pa'i stobs med par rig par bya'o/ / de bzhin gshegs pa'i stobs med pa'i phyir/ mi 'jigs pa med par rig par bya'o/ /mi 'jigs pa med pa'i phyir/ so so yang dag par rig pa med par rig par bya'o/ /so so yang dag par rig pa med pa'i phyir/ snying rje chen po med par rig par bya'o/ /snying rje chen po med pa'i phyir/ sangs rgyas kyi chos ma 'dres pa med par rig par bya'o/ /sangs rgyas kyi chos ma 'dres pa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ / rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po gang yin pa dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / 'phags pa'i bden pa gang yin pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / snying rje chen po dang / sangs rgyas kyi chos ma 'dres pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang / dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ rigs kyi sa med par rig par bya'o/ /rigs kyi sa med pa'i phyir/ brgyad pa'i sa med par rig par bya'o/ /brgyad pa'i sa med pa'i phyir/ mthong ba'i sa med par rig par bya'o/ /mthong ba'i sa med pa'i phyir/ bsrabs pa'i sa med par rig par bya'o/ /bsrabs pa'i sa med pa'i phyir/ 'dod chags dang bral ba'i sa med par rig par bya'o/ /'dod chags dang bral ba'i sa med pa'i phyir/ byas pa rtogs pa'i sa med par rig par bya'o/ /byas pa rtogs pa'i sa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ / theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang mthong ba po'i bar du gang yin pa dang / bsam gyis mi khyab pa'i dbyings gang yin pa dang / rigs kyi sa gang yin pa dang / brgyad pa'i sa gang yin pa dang / mthong ba'i sa gang yin pa dang / bsrabs pa'i sa gang yin pa dang / 'dod chags dang bral ba'i sa gang yin pa dang / byas pa rtogs pa'i sa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings/ med pa'i phyir/ rgyun du zhugs pa med par rig par bya'o/ /rgyun du zhugs pa med pa'i phyir/ lan cig phyir 'ong ba med par rig par bya'o/ /lan cig phyir 'ong ba med pa'i phyir/ phyir mi 'ong ba med par rig par bya'o/ /phyir mi 'ong ba med pa'i phyir/ dgra bcom pa med par rig par bya'o/ /dgra bcom pa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / rgyun du zhugs pa gang yin pa dang / lan cig phyir 'ong ba gang yin pa dang / phyir mi 'ong ba gang yin pa dang / dgra bcom pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ rang sangs rgyas med par rig par bya'o/ /rang sangs rgyas med pa'i phyir/ yang dag par rdzogs pa'i sangs rgyas med par rig par bya'o/ /yang dag par rdzogs pa'i sangs rgyas med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang mthong ba po'i bar du gang yin pa dang / bsam gyis mi khyab pa'i dbyings gang yin pa dang / rang sangs rgyas gang yin pa dang / yang dag par rdzogs pa'i sangs rgyas gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ nyan thos kyi theg pa med par rig par bya'o/ /nyan thos kyi theg pa med pa'i phyir/ rang sangs rgyas kyi theg pa med par rig par bya'o/ /rang sangs rgyas kyi theg pa med pa'i phyir/ rnam pa thams cad mkhyen pa nyid med par rig par bya'o/ /rnam pa thams cad mkhyen pa nyid med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang mthong ba po'i bar du gang yin pa dang / bsam gyis mi khyab pa'i dbyings gang yin pa dang / nyan thos kyi theg pa gang yin pa dang / rang sangs rgyas kyi theg pa gang yin pa dang / rnam pa thams cad mkhyen pa nyid gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor 'di lta ste dper na/ mya ngan las 'das pa'i dbyings ni/ sems can grangs med tshad med dpag tu med pa'i go 'byed do/ /de bzhin du theg pa chen po de yang sems can grangs med tshad med dpag tu med pa'i go 'byed do/ /rab 'byor nam mkha' ni sems can grangs med tshad med dpag tu med pa'i go 'byed do/ /de bzhin du theg pa chen po de yang sems can grangs med tshad med dpag tu med pa'i go 'byed do/ /rab 'byor gang yang khyod kyis 'di skad du theg pa chen po de la 'ong ba'am/ 'gro ba zhes bya ba yang med/ gnas pa zhes bya ba yang med do/ /zhes smras pa ni/ rab 'byor de de bzhin no de de bzhin te/ theg pa chen po de la 'gro ba'am 'ong ba yang med de gnas pa yang med do/ /de ci'i phyir zhe na/ rab 'byor chos thams cad ni g.yo ba med pa ste/ de dag gang nas kyang 'ong ba med do/ /gang du yang 'dong ba med do/ /gar yang gnas par 'gyur ba med do/ /de ci'i phyir zhe na/ rab 'byor de ni 'di ltar gzugs ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshor ba dang / 'du shes dang / 'du byed dang / rnam par shes pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor gzugs kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshor ba dang 'du shes dang / 'du byed dang rnam par shes pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor gzugs kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshor ba dang 'du shes dang / 'du byed dang / rnam par shes pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshor ba dang / 'du shes dang / 'du byed dang / rnam par shes pa'i ngo bo nyid ni gang nas kyang 'ong ba med/ gang du yang 'gro ba med gar yang gnas par 'gyur ba med do/ /gzugs kyi mtshan nyid ni gang nas kyang 'ong ba med gang du yang 'gro ba med gar yang gnas par 'gyur ba med do/ / tshor ba dang 'du shes dang 'du byed dang / rnam par shes pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba dang / sna dang / lce dang / lus dang / yid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor mig gi rang bzhin ni/ gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba dang sna dang lce dang lus dang yid kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba dang sna dang lce dang lus dang / yid kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba dang sna dang lce dang lus dang yid kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba dang sna dang lce dang lus dang yid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ / sgra dang dri dang ro dang reg dang chos ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor gzugs kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sgra dang dri dang ro dang reg dang chos kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sgra dang dri dang ro dang reg dang chos kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sgra dang dri dang ro dang reg dang chos kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sgra dang dri dang ro dang reg dang chos kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi rnam par shes pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor mig gi rnam par shes pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi rnam par shes pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi rnam par shes pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi rnam par shes pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor mig gi 'dus te reg pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i rkyen gyis tshor ba ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor mig gi 'dus te reg pa'i rkyen gyis tshor ba'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i rkyen gyis tshor ba'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i rkyen gyis tshor ba'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i rkyen gyis tshor ba'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sa'i khams ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor sa'i khams kyi rang bzhin ni gang nas kyang 'ong ba med gang du yang 'gro ba med/ gar yang gnas par 'gyur ba med do/ /chu'i khams dang / me'i khams dang / rlung gi khams dang / nam mkha'i khams dang rnam par shes pa'i khams kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sa'i khams kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chu'i khams dang me'i khams dang rlung gi khams dang / nam mkha'i khams dang rnam par shes pa'i khams kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sa'i khams kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chu'i khams dang me'i khams dang rlung gi khams dang nam mkha'i khams dang / rnam par shes pa'i khams kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sa'i khams kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chu'i khams dang me'i khams dang rlung gi khams dang nam mkha'i khams dang rnam par shes pa'i khams kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /ma rig pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'du byed dang rnam par shes pa dang / ming dang gzugs dang skye mched drug dang / reg pa dang tshor ba dang sred pa dang / len pa dang srid pa dang skye ba dang / rga shi ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor ma rig pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'du byed dang rnam par shes pa dang / ming dang gzugs dang skye mched drug dang / reg pa dang tshor ba dang / sred pa dang len pa dang / srid pa dang skye ba dang / rga shi'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /ma rig pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'du byed dang rnam par shes pa dang ming dang gzugs dang skye mched drug dang reg pa dang / tshor ba dang sred pa dang len pa dang srid pa dang skye ba dang rga shi'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /ma rig pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'du byed dang rnam par shes pa dang ming dang gzugs dang / skye mched drug dang reg pa dang tshor ba dang sred pa dang len pa dang srid pa dang skye ba dang / rga shi'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /ma rig pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'du byed dang rnam par shes pa dang / ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang / rga shi'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sbyin pa'i pha rol du phyin pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor sbyin pa'i pha rol du phyin pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i rang bzhin ni gang nas kyang 'ong ba med gang du yang 'gro ba med/ gar yang gnas par 'gyur ba med do/ /sbyin pa'i pha rol du phyin pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sbyin pa'i pha rol du phyin pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sbyin pa'i pha rol du phyin pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /nang stong pa nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi stong pa nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi nang stong pa nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dngos po med pa'i ngo bo nyid stong pa nyid kyi bar du ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor nang stong pa nyid kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi stong pa nyid kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi nang stong pa nyid kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dngos po med pa'i ngo bo nyid stong pa nyid kyi bar gyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /nang stong pa nyid kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi stong pa nyid kyi de bzhin nyid ni/ gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi nang stong pa nyid kyi de bzhin nyid ni/ gang nas kyang 'ong ba med/ gang du yang 'gro ba med/ gar yang gnas par 'gyur ba med do/ / dngos po med pa'i ngo bo nyid stong pa nyid kyi bar gyi de bzhin nyid ni/ gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /nang stong pa nyid kyi ngo bo nyid ni/ gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi stong pa nyid kyi ngo bo nyid ni/ gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi nang stong pa nyid kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dngos po med pa'i ngo bo nyid stong pa nyid kyi bar gyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /nang stong pa nyid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi stong pa nyid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi nang stong pa nyid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dngos po med pa'i ngo bo nyid stong pa nyid kyi bar gyi mtshan nyid ni gang nas kyang 'ong ba med/ gang du yang 'gro ba med gar yang gnas par 'gyur ba med do/ /dran pa nye bar gzhag pa rnams ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni gang nas kyang 'ong ba med/ gang du yang 'gro ba med gar yang gnas par 'gyur ba med do/ /de ci'i phyir zhe na/ rab 'byor dran pa nye bar gzhag pa rnams kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'phags pa'i lam yan lag brgyad pa'i bar gyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dran pa nye bar gzhag pa rnams kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'phags pa'i lam yan lag brgyad pa'i bar gyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dran pa nye bar gzhag pa rnams kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'phags pa'i lam yan lag brgyad pa'i bar gyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dran pa nye bar gzhag pa rnams kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'phags pa'i lam yan lag brgyad pa'i bar gyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa dang mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang mngon par shes pa dang / ting nge 'dzin rnams ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor ting nge 'dzin rnams kyi rang bzhin dang / ting nge 'dzin rnams kyi de bzhin nyid dang / ting nge 'dzin rnams kyi ngo bo nyid dang / ting nge 'dzin rnams kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzungs kyi sgo rnams dang / de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa brgyad ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor sangs rgyas kyi chos ma 'dres pa rnams kyi rang bzhin dang / sangs rgyas kyi chos ma 'dres pa rnams kyi de bzhin nyid dang / sangs rgyas kyi chos ma 'dres pa rnams kyi ngo bo nyid dang / sangs rgyas kyi chos ma 'dres pa rnams kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor chos kyi dbyings ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor chos kyi dbyings kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chos kyi dbyings kyi de bzhin nyid dang / chos kyi dbyings kyi ngo bo nyid dang / chos kyi dbyings kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor de bzhin nyid kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de bzhin nyid kyi de bzhin nyid dang / de bzhin nyid kyi ngo bo nyid dang / de bzhin nyid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor yang dag pa'i mtha' ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor yang dag pa'i mtha'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /yang dag pa'i mtha'i de bzhin nyid dang / yang dag pa'i mtha'i ngo bo nyid dang / yang dag pa'i mtha'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor bsam gyis mi khyab pa'i dbyings ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor bsam gyis mi khyab pa'i dbyings kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /bsam gyis mi khyab pa'i dbyings kyi de bzhin nyid dang bsam gyis mi khyab pa'i dbyings kyi ngo bo nyid dang / bsam gyis mi khyab pa'i dbyings kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor byang chub ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor byang chub kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /byang chub kyi de bzhin nyid dang / byang chub kyi ngo bo nyid dang / byang chub kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor sangs rgyas ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor sangs rgyas kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sangs rgyas kyi de bzhin nyid dang / sangs rgyas kyi ngo bo nyid dang / sangs rgyas kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor 'dus byas ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor 'dus byas kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'dus byas kyi de bzhin nyid dang / 'dus byas kyi ngo bo nyid dang / 'dus byas kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor 'dus ma byas ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor 'dus ma byas kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'dus ma byas kyi de bzhin nyid dang / 'dus ma byas kyi ngo bo nyid dang / 'dus ma byas kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor de ltar theg pa chen po de ni/ 'ong ba med/ 'gro ba yang med/ gnas pa yang med do/ /rab 'byor gang yang khyod kyis 'di skad du theg pa de la sngon gyi mtha' yang mi dmigs so/ /phyi ma'i mtha' yang mi dmigs/ dbus kyang mi dmigs te/ 'di ni dus gsum mnyam pa nyid ces bya ba'i theg pa ste/ theg pa chen po zhes bya'o/ /zhes smras pa ni de de bzhin no/ /de de bzhin te/ theg pa 'di la sngon gyi mtha' yang mi dmigs/ phyi ma'i mtha' yang mi dmigs/ dbus kyang mi dmigs te/ dus gsum mnyam pa nyid ces bya ba'i theg pa ste/ de'i phyir na theg pa chen po zhes bya'o/ /de ci'i phyir zhe na/ rab 'byor de ni 'di ltar 'das pa'i dus kyang 'das pa'i dus kyis stong ngo / /ma 'ongs pa'i dus kyang ma 'ongs pa'i dus kyis stong ngo / /da ltar byung ba'i dus kyang da ltar byung ba'i dus kyis stong ngo / /dus gsum mnyam pa nyid kyang dus gsum mnyam pa nyid kyis stong ngo / /theg pa chen po de yang bka' 'gyur de yang stong ngo / /byang chub sems dpa' yang byang chub sems dpas stong ngo / /rab 'byor stong pa nyid la gcig ces bya ba med do/ /gnyis sam gsum 'am bzhi 'am lnga 'am drug gam bdun nam brgyad dam dgu 'am bcu zhes bya ba med do/ /tha dad ces bya ba med do/ /de lta bas na 'di ni byang chub sems dpa' sems dpa' chen po rnams kyi mnyam pa nyid kyi theg pa ste/ de la mnyam pa dang mi mnyam pa mi dmigs so/ /de la 'dod chags dang / 'dod chags dang bral ba yang mi dmigs so/ /zhe sdang dang zhe sdang med pa yang mi dmigs so/ /gti mug dang gti mug med pa yang mi dmigs so/ /ming dang ming med pa yang mi dmigs so/ /'dus byas dang 'dus ma byas kyang mi dmigs so/ /dge ba dang mi dge ba yang mi dmigs so/ /kha na ma tho ba yod pa dang kha na ma tho ba med pa yang mi dmigs so/ /zag pa dang bcas pa dang / zag pa med pa yang mi dmigs so/ /kun nas nyon mongs pa dang / kun nas nyon mongs pa med pa yang mi dmigs so/ /'jig rten pa dang / 'jig rten las 'das pa yang mi dmigs so/ /skye ba dang / 'gag pa yang mi dmigs so/ /kun nas nyon mongs pa dang / rnam par byang ba yang mi dmigs so/ /de la rtag pa dang / mi rtag pa yang mi dmigs so/ /bde ba dang / sdug bsngal ba yang mi dmigs so/ /bdag dang / bdag med pa yang mi dmigs so/ /zhi ba dang / ma zhi ba yang mi dmigs so/ /'dod pa'i khams dang / 'dod pa'i khams las yang dag par 'da' ba yang mi dmigs so/ /gzugs kyi khams dang / gzugs kyi khams las yang dag par 'da' ba yang mi dmigs so/ /gzugs med pa'i khams dang / gzugs med pa'i khams las yang dag par 'da' ba yang mi dmigs so/ /'khor ba dang / mya ngan las 'das pa yang mi dmigs so/ /de ci'i phyir zhe na/ 'di ltar de'i rang bzhin mi dmigs pa'i phyir te/ rab 'byor 'das pa'i gzugs ni 'das pa'i gzugs kyis stong ngo / /rab 'byor 'das pa'i tshor ba dang / 'du shes dang 'du byed dang 'das pa'i rnam par shes pa ni 'das pa'i rnam par shes pas stong ngo / /rab 'byor ma 'ongs pa'i gzugs ni ma 'ongs pa'i gzugs kyis stong ngo / /rab 'byor ma 'ongs pa'i tshor ba dang / 'du shes dang 'du byed dang ma 'ongs pa'i rnam par shes pa ni ma 'ongs pa'i rnam par shes pas stong ngo / / rab 'byor da ltar byung ba'i gzugs ni da ltar byung ba'i gzugs kyis stong ngo / /rab 'byor da ltar byung ba'i tshor ba dang 'du shes dang 'du byed dang da ltar byung ba'i rnam par shes pa ni da ltar byung ba'i rnam par shes pas stong ngo / /de ci'i phyir zhe na/ stong pa nyid la 'das pa'i gzugs dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la 'das pa'i gzugs dmigs par 'gyur ba lta ci zhig smos/ stong pa nyid la 'das pa'i tshor ba dang / 'du shes dang 'du byed dang stong pa nyid la 'das pa'i rnam par shes pa dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la 'das pa'i tshor ba dang 'du shes dang 'du byed dang rnam par shes pa dmigs par 'gyur ba lta ci zhig smos/ stong pa nyid la ma 'ongs pa'i gzugs dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la ma 'ongs pa'i gzugs dmigs par 'gyur ba lta ci zhig smos/ stong pa nyid la ma 'ongs pa'i tshor ba dang 'du shes dang 'du byed dang stong pa nyid la ma 'ongs pa'i rnam par shes pa dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la ma 'ongs pa'i tshor ba dang 'du shes dang 'du byed dang rnam par shes pa dmigs par 'gyur ba lta ci zhig smos/ stong pa nyid la da ltar byung ba'i gzugs dmigs su med do/ /stong pa nyid kyang stong pa nyid kyis stong pas dmigs su med na/ stong pa nyid la da ltar byung ba'i gzugs dmigs par 'gyur ba lta ci zhig smos/ stong pa nyid la da ltar byung ba'i tshor ba dang 'du shes dang 'du byed dang rnam par shes pa dmigs su med do/ /stong pa nyid kyang stong pa nyid kyis stong pas dmigs su med na/ stong pa nyid la da ltar byung ba'i tshor ba dang 'du shes dang 'du byed dang / rnam par shes pa dmigs par 'gyur ba lta ci zhig smos/ rab 'byor sbyin pa'i pha rol tu phyin pa ni sngon gyi mthar mi dmigs/ sbyin pa'i pha rol tu phyin pa ni phyi ma'i mthar mi dmigs/ sbyin pa'i pha rol tu phyin pa ni da ltar byung bar mi dmigs/ sbyin pa'i pha rol tu phyin pa ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni sngon gyi mthar mi dmigs/ shes rab kyi pha rol tu phyin pa ni phyi ma'i mthar mi dmigs/ shes rab kyi pha rol tu phyin pa ni da ltar byung bar mi dmigs/ shes rab kyi pha rol tu phyin pa ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs/ pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor nang stong pa nyid ni sngon gyi mthar mi dmigs/ nang stong pa nyid ni phyi ma'i mthar mi dmigs/ nang stong pa nyid ni da ltar byung bar mi dmigs/ nang stong pa nyid ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor dngos po med pa'i ngo bo nyid stong pa nyid kyi bar ni sngon gyi mthar mi dmigs/ dngos po med pa'i ngo bo nyid stong pa nyid ni phyi ma'i mthar mi dmigs/ dngos po med pa'i ngo bo nyid stong pa nyid ni da ltar byung bar mi dmigs/ dngos po med pa'i ngo bo nyid stong pa nyid ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor dran pa nye bar gzhag pa rnams ni sngon gyi mthar mi dmigs/ dran pa nye bar gzhag pa rnams ni phyi ma'i mthar mi dmigs/ dran pa nye bar gzhag pa rnams ni da ltar byung bar mi dmigs/ dran pa nye bar gzhag pa rnams ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni sngon gyi mthar mi dmigs/ 'phags pa'i lam yan lag brgyad pa ni phyi ma'i mthar mi dmigs/ 'phags pa'i lam yan lag brgyad pa ni da ltar byung bar mi dmigs/ 'phags pa'i lam yan lag brgyad pa ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad ni sngon gyi mthar mi dmigs/ sangs rgyas kyi chos ma 'dres pa brgyad ni phyi ma'i mthar mi dmigs/ sangs rgyas kyi chos ma 'dres pa brgyad ni da ltar byung bar mi dmigs/ sangs rgyas kyi chos ma 'dres pa bco brgyad ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor gzhan yang so so'i skye bo ni sngon gyi mthar mi dmigs/ so so'i skye bo ni phyi ma'i mthar mi dmigs/ so so'i skye bo ni da ltar byung bar mi dmigs/ so so'i skye bo ni/ dus gsum mnyam pa nyid la mi dmigs te/ de ci'i phyir zhe na/ sems can dmigs su med pa'i phyir ro/ /rab 'byor gzhan yang nyan thos ni sngon gyi mthar mi dmigs/ nyan thos ni phyi ma'i mthar mi dmigs/ nyan thos ni da ltar byung bar mi dmigs/ nyan thos ni dus gsum mnyam pa nyid la mi dmigs te/ de ci'i phyir zhe na/ sems can dmigs su med pa'i phyir ro/ /rab 'byor gzhan yang rang sangs rgyas ni sngon gyi mthar mi dmigs/ rang sangs rgyas ni phyi ma'i mthar mi dmigs/ rang sangs rgyas ni da ltar byung bar mi dmigs/ rang sangs rgyas ni dus gsum mnyam pa nyid la mi dmigs te/ de ci'i phyir zhe na/ sems can dmigs su med pa'i phyir ro/ /rab 'byor gzhan yang byang chub sems dpa' ni sngon gyi mthar mi dmigs/ byang chub sems dpa' ni phyi ma'i mthar mi dmigs/ byang chub sems dpa' ni da ltar byung bar mi dmigs/ byang chub sems dpa' ni dus gsum mnyam pa nyid la mi dmigs te/ de ci'i phyir zhe na/ sems can dmigs su med pa'i phyir ro// //shes rab kyi pha rol tu phyin pa stong phrag nyi shu lnga pa/ bam po nyi shu gnyis pa/ rab 'byor gzhan yang de bzhin gshegs pa ni sngon gyi mthar mi dmigs/ de bzhin gshegs pa ni phyi ma'i mthar mi dmigs/ de bzhin gshegs pa ni da ltar byung bar mi dmigs/ de bzhin gshegs pa ni dus gsum mnyam pa nyid la mi dmigs te/ de ci'i phyir zhe na/ sems can dmigs su med pa'i phyir ro/ /rab 'byor de ltar na byang chub sems dpa' sems dpa' chen pos shes rab kyi pha rol tu phyin pa la gnas te/ dus gsum mnyam pa nyid la bslabs shing / rnam pa thams cad mkhyen pa nyid yongs su rdzogs par bya ste/ rab 'byor 'di ni byang chub sems dpa' sems dpa' chen po'i theg pa chen po dus gsum mnyam pa nyid ces bya ba ste/ de la gnas shing byang chub sems dpa' sems dpa' chen po lha dang mi dang lha ma yin du bcas pa'i 'jig rten zil gyis mnan te/ rnam pa thams cad mkhyen pa nyid du 'byung ngo / /de nas tshe dang ldan pa rab 'byor kyis bcom ldan 'das la 'di skad ces gsol to/ /bcom ldan 'das bcom ldan 'das kyis de ltar byang chub sems dpa' sems dpa' chen po rnams kyi theg pa chen po dus gsum mnyam pa nyid ces bgyi ba 'di legs par gsungs pa ni legs shing dge ba ste/ bcom ldan 'das theg pa chen po 'di la bslabs shing / 'das pa'i byang chub sems dpa' sems dpa' chen po rnams kyis kyang / rnam pa thams cad mkhyen pa nyid thob bo/ /bcom ldan 'das ma 'ongs pa'i byang chub sems dpa' sems dpa' chen po rnams kyis kyang / shes rab kyi pha rol tu phyin pa 'di nyid la bslabs shing / rnam pa thams cad mkhyen pa nyid thob par 'gyur ro/ /bcom ldan 'das phyogs bcu'i 'jig rten gyi khams tshad dang grangs ma mchis pa dag na/ dpag tu ma mchis pa'i byang chub sems dpa' sems dpa' chen po mchis pa rnams kyang / theg pa chen po 'di nyid la bslabs shing / rnam pa thams cad mkhyen pa nyid thob par 'gyur ro/ /bcom ldan 'das de'i slad du dus gsum mnyam pa nyid ces bgyi ba 'di ni/ byang chub sems dpa' sems dpa' chen po rnams kyi theg pa chen po'o/ /de skad ces gsol ba dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ theg pa chen po 'di nyid la bslabs shing / 'das pa dang ma byon pa dang da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis rnam pa thams cad mkhyen pa nyid brnyes par gyur to/ /brnyes so/ /brnyes par 'gyur ro/ /shes rab kyi pha rol tu phyin pa stong phrag nyi shu lnga pa las le'u bcu gcig pa'o// //de nas tshe dang ldan pa byams gang gi bus/ bcom ldan 'das la 'di skad ces gsol to/ /bcom ldan 'das gnas brtan rab 'byor 'di ni/ de bzhin gshegs pa dgra bcom pa yang dag par rdzogs pa'i sangs rgyas kyis shes rab kyi pha rol tu phyin pa'i slad du bsko ba mdzad pas/ 'di ni theg pa chen po bstan pa tsam du sems so/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das bdag cag gis shes rab kyi pha rol tu phyin pa dang 'gal bar theg pa chen po bstan par ma gyur lags grang / bcom ldan 'das kyis bka' stsal pa/ rab 'byor de ltar gyur pa med de/ rab 'byor khyod ni shes rab kyi pha rol du phyin pa dang rjes su 'thun par theg pa chen po ston to/ /de ci'i phyir zhe na/ rab 'byor de ni 'di ltar dge ba'i chos gang yang rung ste/ nyan thos kyi chos sam/ rang sangs rgyas kyi chos sam/ byang chub sems dpa'i chos sam/ sangs rgyas kyi chos de dag thams cad kyang shes rab kyi pha rol du phyin pa'i nang du 'dus shing khongs su chud do/ /rab 'byor gyis gsol pa/ bcom ldan 'das dge ba'i chos byang chub kyi phyogs gang shes rab kyi pha rol du phyin pa'i nang du 'dus shing khongs su chud pa de lta bu'i nyan thos kyi chos dang / rang sangs rgyas kyi chos dang byang chub sems dpa'i chos dang / sangs rgyas kyi chos de dag gang lags/ bcom ldan 'das kyis bka' stsal pa/ 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / rnam par thar pa'i sgo stong pa nyid dang / mtshan ma med pa dang / smon pa med pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa drug dang / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi chos ma 'dres pa brgyad dang / mi mnyam pa'i chos nyid dang / rtag tu btang snyoms kyi rnam par spyod pa ste/ rab 'byor de dag ni dge ba'i chos byang chub kyi phyogs gang shes rab kyi pha rol du phyin pa'i nang du 'du zhing khongs su chud par 'dod pa ste/ nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos so/ /de ci'i phyir zhe na/ rab 'byor 'di ltar theg pa chen po gang yin pa dang / shes rab kyi pha rol du phyin pa gang yin pa dang / bsam gtan gyi pha rol du phyin pa gang yin pa dang / brtson 'grus kyi pha rol du phyin pa gang yin pa dang / bzod pa'i pha rol du phyin pa gang yin pa dang / tshul khrims kyi pha rol du phyin pa gang yin pa dang / sbyin pa'i pha rol du phyin pa gang yin pa dang / gzugs gang yin pa dang / tshor ba gang yin pa dang / 'du shes gang yin pa dang / 'du byed gang yin pa dang / rnam par shes pa gang yin pa dang / mig gang yin pa dang / gzugs gang yin pa dang / mig gi rnam par shes pa gang yin pa dang / mig gi 'dus te reg pa gang yin pa dang / mig gi 'dus te reg pa'i rkyen gyis tshor ba gang yin pa dang / rna ba gang yin pa dang / sgra gang yin pa dang / rna ba'i rnam par shes pa gang yin pa dang / rna ba'i 'dus te reg pa gang yin pa dang / rna ba'i 'dus te reg pa'i rkyen gyis tshor ba gang yin pa dang / sna gang yin pa dang / dri gang yin pa dang / sna'i rnam par shes pa gang yin pa dang / sna'i 'dus te reg pa gang yin pa dang / sna'i 'dus te reg pa'i rkyen gyis tshor ba gang yin pa dang / lce gang yin pa dang / ro gang yin pa dang / lce'i rnam par shes pa gang yin pa dang / lce'i 'dus te reg pa gang yin pa dang / lce'i 'dus te reg pa'i rkyen gyis tshor ba gang yin pa dang / lus gang yin pa dang / reg gang yin pa dang / lus kyi rnam par shes pa gang yin pa dang / lus kyi 'dus te reg pa gang yin pa dang / lus kyi 'dus te reg pa'i rkyen gyis tshor ba gang yin pa dang / yid gang yin pa dang / chos gang yin pa dang / yid kyi rnam par shes pa gang yin pa dang / yid kyi 'dus te reg pa gang yin pa dang / yid kyi 'dus te reg pa'i rkyen gyis tshor ba gang yin pa dang / ma rig pa gang yin pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi gang yin pa dang / sbyin pa'i pha rol du phyin pa gang yin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa gang yin pa dang / nang stong pa nyid gang yin pa dang / phyi stong pa nyid gang yin pa dang / phyi nang stong pa nyid gang yin pa dang / dngos po med pa'i ngo bo nyid stong pa nyid kyi bar du gang yin pa dang / dran pa nye bar gzhag pa rnams gang yin pa dang / yang dag par spong ba rnams gang yin pa dang / rdzu 'phrul gyi rkang pa rnams gang yin pa dang / dbang po rnams gang yin pa dang / stobs rnams gang yin pa dang / byang chub kyi yan lag rnams gang yin pa dang / 'phags pa'i lam yan lag brgyad pa gang yin pa dang / 'phags pa'i bden pa rnams gang yin pa dang / bsam gtan rnams gang yin pa dang / tshad med pa rnams gang yin pa dang / gzugs med pa'i snyoms par 'jug pa rnams gang yin pa dang / mngon par shes pa drug gang yin pa dang / zil gyis gnon pa'i skye mched brgyad gang yin pa dang / rgyas pa'i skye mched bcu gang yin pa dang / rnam par thar pa brgyad gang yin pa dang / mthar gyis gnas pa'i snyoms par 'jug pa dgu gang yin pa dang / sdug bsngal gang yin pa dang / kun 'byung ba gang yin pa dang / 'gog pa gang yin pa dang / lam gang yin pa dang / rnam par thar pa'i sgo stong pa nyid dang / mtshan ma med pa dang / smon pa med pa gang yin pa dang / ting nge 'dzin gang yin pa dang / gzungs kyi sgo gang yin pa dang / de bzhin gshegs pa'i stobs bcu gang yin pa dang / mi 'jigs pa bzhi gang yin pa dang / so so yang dag par rig pa bzhi gang yin pa dang / snying rje chen po gang yin pa dang / sangs rgyas kyi chos ma 'dres pa brgyad gang yin pa dang / 'dod pa'i khams gang yin pa dang / gzugs kyi khams gang yin pa dang / gzugs med pa'i khams gang yin pa dang / dge ba'i chos gang yin pa dang / mi dge ba'i chos gang yin pa dang / zag pa dang bcas pa'i chos gang yin pa dang / zag pa med pa'i chos gang yin pa dang / 'jig rten pa'i chos gang yin pa dang / 'jig rten las 'das pa'i chos gang yin pa dang / 'dus byas kyi chos gang yin pa dang / 'dus ma byas kyi chos gang yin pa dang / de bzhin gshegs pa gang yin pa dang / de bzhin gshegs pas bstan pa'i chos gang yin pa dang / 'dul ba gang yin pa dang / chos kyi dbyings gang yin pa dang / de bzhin nyid gang yin pa dang / yang dag pa'i mtha' gang yin pa dang / bsam gyis mi khyab pa'i dbyings gang yin pa dang / mya ngan las 'das pa'i dbyings gang yin pa'i chos de dag thams cad ni ldan pa yang ma yin/ mi ldan pa yang ma yin te/ gzugs med pa/ bstan tu med pa/ thogs pa pa/ 'di ltar mtshan nyid med par mtshan nyid gcig pa sha stag ste/ rab 'byor rnam grangs 'dis na/ khyod shes rab kyi pha rol tu phyin pa dang 'thun par theg pa chen po ston to/ /de ci'i phyir zhe na/ theg pa chen po yang gzhan la/ shes rab kyi pha rol du phyin pa yang gzhan zhes bya ba med de/ de ltar na theg pa chen po dang / shes rab kyi pha rol du phyin pa yang gnyis su med de gnyis su byar med do/ /theg pa chen po yang gzhan la/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang gzhan zhes bya ba med de/ de ltar na theg pa chen po dang / sbyin pa'i pha rol du phyin pa yang gnyis su med de gnyis su byar med do/ /theg pa chen po yang gzhan la/ nang stong pa nyid kyang gzhan zhes bya ba med/ dngos po pa'i ngo bo nyid stong pa nyid kyi bar du yang gzhan zhes bya ba med de/ de ltar na theg pa chen po dang / nang stong pa nyid dang / dngos po med pa'i ngo bo nyid stong pa nyid kyi bar yang gnyis su med de gnyis su byar med do/ /theg pa chen po yang gzhan la/ dran pa nye bar gzhag pa rnams kyang gzhan zhes bya ba med de/ de ltar na theg pa chen po dang / dran pa nye bar gzhag pa rnams kyang gnyis su med de gnyis su byar med do/ /theg pa chen po yang gzhan la/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yang gzhan zhes bya ba med de/ de ltar na theg pa chen po dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yang gnyis su med de gnyis su byar med do/ /theg pa chen po yang gzhan la/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyang gzhan zhes bya ba med de/ de ltar na theg pa chen po dang / gzungs kyi sgo rnams kyang gnyis su med de gnyis su byar med do/ /theg pa chen po yang gzhan la/ de bzhin gshegs pa'i stobs bcu yang gzhan/ mi 'jigs pa dang / so so yang dag par rig pa dang / sangs rgyas kyi chos ma 'dres pa brgyad kyang gzhan zhes bya ba med de/ de ltar na theg pa chen po dang / sangs rgyas kyi chos ma 'dres pa yang gnyis su med de gnyis su byar med do/ /rab 'byor rnam grangs des na theg pa chen po bstan pas shes rab kyi pha rol du phyin pa bstan par 'gyur ro/ /shes rab kyi pha rol du phyin pa bstan pas theg pa chen po bstan par 'gyur ro/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das 'di ltar yang byang chub sems dpa' ni sngon gyi mthar mi dmigs so/ /byang chub sems dpa' ni phyi ma'i mthar mi dmigs so/ /byang chub sems dpa' ni dbus su mi dmigs te/ gzugs kun tu mtha' yas pa'i slad du/ byang chub sems dpa' kun tu mtha' yas par rig par bgyi'o/ /tshor ba dang 'du shes dang 'du byed dang rnam par shes pa kun tu mtha' yas pa'i slad du byang chub sems dpa' kun tu mtha' yas par rig par bgyi ste/ gzugs byang chub sems dpa' zhes bgyi ba de lta bu yang ma mchis mi dmigs so/ /tshor ba dang 'du shes dang 'du byed dang rnam par shes pa zhes bgyi ba de lta bu yang ma mchis mi dmigs te/ bcom ldan 'das de ltar bdag gis byang chub sems dpa' thams cad du thams cad/ rnam pa thams cad du thams cad yang dag par rjes su ma mthong ste ma dmigs na/ byang chub sems dpa' gang zhig shes rab kyi pha rol du phyin pa la gdams shing rjes su bstan par bgyi/ byang chub sems dpa' nyid kyang ril gyis yang dag par rjes su ma mthong ma dmigs na/ byang chub sems dpa' gang zhig shes rab kyi pha rol du phyin pa la gdams shing rjes su bstan par bgyi/ bcom ldan 'das byang chub sems dpa' zhes bgyi ba 'di ni ming tsam du bas te/ bcom ldan 'das ji ltar bdag bdag ces bgyi yang bdag la mngon par 'grub pa ma mchis so/ /bcom ldan 'das de bzhin du byang chub sems dpa' byang chub sems dpa' zhes bgyi yang / byang chub sems dpa' la mngon par 'grub pa ma mchis so/ /de ltar rang bzhin ma mchis pa'i chos rnams la gang mngon par 'grub pa'i gzugs lta yang ga la zhig mchis/ gang mngon par 'grub pa'i tshor ba dang 'du shes dang 'du byed dang rnam par shes pa lta yang ga la zhig mchis/ bcom ldan 'das gang mngon par ma grub pa de ni/ gzugs ma lags/ gang mngon par ma grub pa de ni tshor ba dang 'du shes dang 'du byed dang rnam par shes pa ma lags te/ bcom ldan 'das de lta lags la/ mngon par ma grub pa las gud na yang gang byang chub tu spyod par 'gyur ba'i byang chub sems dpa' sems dpa' chen po dmigs su ma mchis na mngon par ma grub pa mngon par ma grub pa'i shes rab kyi pha rol du phyin pa la gdams su mchis sam/ gal te de ltar bstan pa'i tshe byang chub sems dpa' sems dpa' chen po'i sems mi 'jum/ yongs su mi 'jum/ 'gyod par mi 'gyur zhing / yid mi 'jigs/ mi sngang skrag par mi 'gyur na/ byang chub sems dpa' sems dpa' chen po de ni shes rab kyi pha rol du phyin pa la spyod do/ /de nas tshe dang ldan pa sha ra dwa ti'i bus/ tshe dang ldan pa rab 'byor la 'di skad ces smras so/ tshe dang ldan pa rab 'byor ci'i phyir na/ byang chub sems dpa' sems dpa' chen po sngon gyi mthar dmigs su med pa yin/ phyi ma'i mthar dmigs su med pa yin/ dbus su dmigs su med pa yin/ tshe dang ldan pa rab 'byor ci'i phyir na/ gzugs kun tu mtha' yas pa'i phyir/ byang chub sems dpa' kun tu mtha' yas par rig par bya ba yin/ tshor ba dang 'du shes dang 'du byed dang / rnam par shes pa kun tu mtha' yas pa'i phyir byang chub sems dpa' kun tu mtha' yas par rig par bya ba yin/ tshe dang ldan pa rab 'byor ci'i phyir na gzugs byang chub sems dpa' zhes bya ba de lta bu yang med cing mi dmigs pa yin/ tshor ba dang 'du shes dang 'du byed dang / rnam par shes pa byang chub sems dpa' zhes bya ba de lta bu yang med cing mi dmigs pa yin/ tshe dang ldan pa rab 'byor ci'i phyir na/ de skad du de ltar byang chub sems dpa' sems dpa' chen po thams cad du thams cad rnam pa thams cad du thams cad yang dag par rjes su ma mthong ma dmigs na/ byang chub sems dpa' gang zhig shes rab kyi pha rol du phyin pa la gdams shing rjes su bstan par bgyi zhes smra/ tshe dang ldan pa rab 'byor ci'i phyir na/ de skad du byang chub sems dpa' nyid kyang ril gyis yang dag par rjes su ma mthong ma dmigs na/ byang chub sems dpa' sems dpa' chen po gang zhig shes rab kyi pha rol du phyin pa gang la gdams shing rjes su bstan par bgyi zhes smra/ tshe dang ldan pa rab 'byor ci'i phyir na/ de skad du bcom ldan 'das byang chub sems dpa' sems dpa' chen po zhes bgyi ba 'di ni ming tsam du bas so zhes smra/ tshe dang ldan pa rab 'byor ci'i phyir na/ de skad du ji ltar bdag bdag ces bgyi ba yang / bdag ni mngon par grub pa ma mchis so/ /bcom ldan 'das de bzhin du byang chub sems dpa' byang chub sems dpa' zhes bgyi ba yang / byang chub sems dpa' ni mngon par grub pa ma mchis so/ /de ltar chos thams cad dngos po ma mchis pa'i rang bzhin la/ gzugs mngon par grub pa lta yang gang zhig mchis/ tshor ba dang 'du shes dang 'du byed dang rnam par shes pa mngon par grub pa lta yang gang zhig mchis/ gang mngon par ma grub pa de ni gzugs ma lags so/ /gang mngon par ma grub pa de ni tshor ba dang 'du shes dang 'du byed dang rnam par shes pa ma lags so/ /zhes smra/ tshe dang ldan pa rab 'byor ci'i phyir na/ de skad du mngon par ma grub pa zhig mngon par ma grub pa'i shes rab kyi pha rol du phyin pa la gdams shing rjes su bstan par bgyi'am zhes smra/ tshe dang ldan pa rab 'byor ci'i phyir na/ de skad du mngon par ma grub pa las gud na yang byang chub sems dpa' sems dpa' chen po zhes bgyi ba dmigs su ma mchis so zhes smra/ tshe dang ldan pa rab 'byor ci'i phyir na/ de skad du gal te de ltar bstan pa'i tshe/ byang chub sems dpa' sems dpa' chen po'i sems mi 'jum/ yongs su mi 'jum/ 'gyod par mi 'gyur zhing / yid mi 'jigs mi sngang skrag par mi 'gyur na/ byang chub sems dpa' sems dpa' chen po de ni shes rab kyi pha rol du phyin pa de la spyod do zhes smra/ de skad ces smras pa dang / tshe dang ldan pa rab 'byor gyis/ tshe dang ldan pa sha ra dwa ti'i bu la 'di skad ces smras so/ /tshe dang ldan pa sha ra dwa ti'i bu sems can med pa'i phyir/ byang chub sems dpa' sngon gyi mthar mi dmigs so/ /sems can stong pa dang / sems can dben pa dang / sems can rang bzhin med pa'i phyir/ byang chub sems dpa' sngon gyi mthar mi dmigs so/ /tshe dang ldan pa sha ra dwa ti'i bu sems can med pa'i phyir/ byang chub sems dpa' phyi ma'i mthar mi dmigs so/ /sems can stong pa dang / sems can dben pa dang / sems can rang bzhin med pa'i phyir/ byang chub sems dpa' phyi ma'i mthar mi dmigs so/ /tshe dang ldan pa sha ra dwa ti'i bu sems can med pa'i phyir/ byang chub sems dpa' dbus su mi dmigs so/ /sems can stong pa dang / sems can dben pa dang / sems can rang bzhin med pa'i phyir/ byang chub sems dpa' dbus su mi dmigs so/ /tshe dang ldan pa sha ra dwa ti'i bu/ de ci'i phyir zhe na/ sems can med pa dang / sems can stong pa dang / sems can dben pa dang / sems can rang bzhin med pa la sngon gyi mtha' mi dmigs so phyi ma'i mtha' mi dmigs so/ /dbus su mi dmigs so/ /sems can med pa yang gzhan/ sems can stong ba yang gzhan/ sems can dben pa yang gzhan/ sems can rang bzhin med pa yang gzhan zhig yin la/ byang chub sems dpa' yang gzhan zhig ste/ sngon gyi mtha' yang gzhan/ phyi ma'i mtha' yang gzhan/ dbus kyang gzhan zhes bya ba med de/ tshe dang ldan pa sha ra dwa ti'i bu de ltar na sems can med pa gang yin pa dang / sems can stong ba gang yin pa dang / sems can dben pa gang yin pa dang / sems can rang bzhin med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa sha ra dwa ti'i bu gzugs med pa'i phyir/ byang chub sems dpa' sngon gyi mthar mi dmigs so/ /tshor ba dang 'du shes dang 'du byed dang / rnam par shes pa med pa'i phyir/ byang chub sems dpa' sngon gyi mthar mi dmigs so/ /gzugs stong pa nyid kyi phyir/ byang chub sems dpa' sngon gyi mthar mi dmigs so/ /tshor ba dang 'du shes dang 'du byed dang / rnam par shes pa stong pa nyid kyi phyir byang chub sems dpa' sngon gyi mthar mi dmigs so/ /gzugs dben pa'i phyir/ byang chub sems dpa' sngon gyi mthar mi dmigs so/ /tshor ba dang 'du shes dang 'du byed dang rnam par shes pa dben pa'i phyir/ byang chub sems dpa' sngon gyi mthar mi dmigs so/ / gzugs ngo bo nyid med pa'i phyir/ byang chub sems dpa' sngon gyi mthar mi dmigs so/ /tshor ba dang 'du shes dang 'du byed dang rnam par shes pa ngo bo nyid med pa'i phyir/ byang chub sems dpa' sngon gyi mthar mi dmigs so/ /gzugs med pa'i phyir/ byang chub sems dpa' phyi ma'i mthar mi dmigs so/ /tshor ba dang 'du shes dang 'du byed dang rnam par shes pa med pa'i phyir/ byang chub sems dpa' phyi ma'i mthar mi dmigs so/ /gzugs stong pa nyid kyi phyir/ byang chub sems dpa' phyi ma'i mthar mi dmigs so/ /tshor ba dang 'du shes dang 'du byed dang rnam par shes pa stong pa nyid kyi phyir/ byang chub sems dpa' phyi ma'i mthar mi dmigs so/ /gzugs dben pa'i phyir/ byang chub sems dpa' phyi ma'i mthar mi dmigs so/ /tshor ba dang 'du shes dang 'du byed dang rnam par shes pa dben pa'i phyir/ byang chub sems dpa' phyi ma'i mthar mi dmigs so/ /gzugs ngo bo nyid med pa'i phyir/ byang chub sems dpa' phyi ma'i mthar mi dmigs so/ /tshor ba dang 'du shes dang 'du byed dang / rnam par shes pa ngo bo nyid med pa'i phyir/ byang chub sems dpa' phyi ma'i mthar mi dmigs so/ /gzugs med pa'i phyir/ byang chub sems dpa' dbus su mi dmigs so/ /tshor ba dang 'du shes dang 'du byed dang rnam par shes pa med pa'i phyir/ byang chub sems dpa' dbus su mi dmigs so/ /gzugs stong pa nyid kyi phyir/ byang chub sems dpa' dbus su mi dmigs so/ /tshor ba dang 'du shes dang 'du byed dang rnam par shes pa stong pa nyid kyi phyir/ byang chub sems dpa' dbus su mi dmigs so/ /gzugs dben pa'i phyir/ byang chub sems dpa' dbus su mi dmigs so/ /tshor ba dang 'du shes dang 'du byed dang rnam par shes pa dben pa'i phyir/ byang chub sems dpa' dbus su mi dmigs so/ /gzugs ngo bo nyid med pa'i phyir/ byang chub sems dpa' dbus su mi dmigs so/ /tshor ba dang 'du shes dang 'du byed dang rnam par shes pa ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa sha ra dwa ti'i bu gzugs dang / tshor ba dang 'du shes dang 'du byed dang rnam par shes pa med pa dang / gzugs dang tshor ba dang 'du shes dang 'du byed dang / rnam par shes pa stong pa nyid dang / gzugs dang tshor ba dang 'du shes dang 'du byed dang rnam par shes pa dben pa dang / gzugs dang tshor ba dang 'du shes dang 'du byed dang / rnam par shes pa ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ gzugs dang tshor ba dang 'du shes dang 'du byed dang rnam par shes pa med pa dang / stong pa nyid dang dben pa dang ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa sha ra dwa ti'i bu de ltar na gzugs dang / tshor ba dang 'du shes dang 'du byed dang rnam par shes pa med pa dang / stong pa nyid dang dben pa dang ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa sha ra dwa ti'i bu skye mched dang / khams dang rten cing 'brel bar 'byung ba med pa'i phyir/ byang chub sems dpa' sngon gyi mthar mi dmigs so/ /skye mched dang / khams dang / rten cing 'brel bar 'byung ba stong pa nyid kyi phyir/ byang chub sems dpa' sngon gyi mthar mi dmigs so/ /skye mched dang / khams dang / rten cing 'brel bar 'byung ba dben pa'i phyir/ byang chub sems dpa' sngon gyi mthar mi dmigs so/ /skye mched dang / khams dang / rten cing 'brel bar 'byung ba ngo bo nyid med pa'i phyir/ byang chub sems dpa' sngon gyi mthar mi dmigs so/ /skye mched dang / khams dang / rten cing 'brel bar 'byung ba med pa'i phyir/ byang chub sems dpa' phyi ma'i mthar mi dmigs so/ /skye mched dang / khams dang / rten cing 'brel bar 'byung ba stong pa nyid kyi phyir/ byang chub sems dpa' phyi ma'i mthar mi dmigs so/ /skye mched dang khams dang / rten cing 'brel bar 'byung ba dben pa'i phyir/ byang chub sems dpa' phyi ma'i mthar mi dmigs so/ /skye mched dang khams dang / rten cing 'brel bar 'byung ba ngo bo nyid med pa'i phyir/ byang chub sems dpa' phyi ma'i mthar mi dmigs so/ / skye mched dang khams dang / rten cing 'brel bar 'byung ba med pa'i phyir/ byang chub sems dpa' dbus su mi dmigs so/ /skye mched dang khams dang / rten cing 'brel bar 'byung ba stong pa nyid kyi phyir/ byang chub sems dpa' dbus su mi dmigs so/ / skye mched dang khams dang / rten cing 'brel bar 'byung ba dben pa'i phyir/ byang chub sems dpa' dbus su mi dmigs so/ /skye mched dang khams dang / rten cing 'brel bar 'byung ba ngo bo nyid med pa'i phyir/ byang chub sems dpa' dbus su mi dmigs so/ / de ci'i phyir zhe na/ tshe dang ldan pa sha ra dwa ti'i bu skye mched dang khams dang / rten cing 'brel bar 'byung ba med pa dang / stong pa nyid dben pa dang ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ skye mched dang khams dang / rten cing 'brel bar 'byung ba med pa dang / stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa sha ra dwa ti'i bu de ltar na/ skye mched dang khams dang / rten cing 'brel bar 'byung ba med pa dang / stong pa nyid dang dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa sha ra dwa ti'i bu sbyin pa'i pha rol du phyin pa med pa'i phyir/ byang chub sems dpa' sngon gyi mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa'i phyir/ byang chub sems dpa' sngon gyi mthar mi dmigs so/ /sbyin pa'i pha rol du phyin pa stong pa nyid kyi phyir/ byang chub sems dpa' sngon gyi mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa stong pa nyid kyi phyir/ byang chub sems dpa' sngon gyi mthar mi dmigs so/ /sbyin pa'i pha rol du phyin pa dben pa'i phyir/ byang chub sems dpa' sngon gyi mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dben pa'i phyir/ byang chub sems dpa' sngon gyi mthar mi dmigs so/ / sbyin pa'i pha rol du phyin pa ngo bo nyid med pa'i phyir/ byang chub sems dpa' sngon gyi mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ngo bo nyid med pa'i phyir/ byang chub sems dpa' sngon gyi mthar mi dmigs so/ /sbyin pa'i pha rol du phyin pa med pa'i phyir/ byang chub sems dpa' phyi ma'i mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa'i phyir/ byang chub sems dpa' phyi ma'i mthar mi dmigs so/ /sbyin pa'i pha rol du phyin pa stong pa nyid kyi phyir/ byang chub sems dpa' phyi ma'i mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa stong pa nyid kyi phyir/ byang chub sems dpa' phyi ma'i mthar mi dmigs so/ /sbyin pa'i pha rol du phyin pa dben pa'i phyir/ byang chub sems dpa' phyi ma'i mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dben pa'i phyir/ byang chub sems dpa' phyi ma'i mthar mi dmigs so/ /sbyin pa'i pha rol du phyin pa ngo bo nyid med pa'i phyir/ byang chub sems dpa' phyi ma'i mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ngo bo nyid med pa'i phyir/ byang chub sems dpa' phyi ma'i mthar mi dmigs so/ /sbyin pa'i pha rol du phyin pa med pa'i phyir/ byang chub sems dpa' dbus su mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa'i phyir/ byang chub sems dpa' dbus su mi dmigs so/ /sbyin pa'i pha rol du phyin pa stong pa nyid kyi phyir/ byang chub sems dpa' dbus su mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa stong pa nyid kyi phyir/ byang chub sems dpa' dbus su mi dmigs so/ /sbyin pa'i pha rol du phyin pa dben pa'i phyir/ byang chub sems dpa' dbus su mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dben pa'i phyir/ byang chub sems dpa' dbus su mi dmigs so/ /sbyin pa'i pha rol du phyin pa ngo bo nyid med pa'i phyir/ byang chub sems dpa' dbus su mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa sha ra dwa ti'i bu sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa dang / stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa dang stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa sha ra dwa ti'i bu de ltar na/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa sha ra dwa ti'i bu nang stong pa nyid med pa'i phyir/ byang chub sems dpa' sngon gyi mthar mi dmigs so/ / dngos po med pa'i ngo bo nyid stong pa nyid kyi bar du med pa'i phyir/ byang chub sems dpa' sngon gyi mthar mi dmigs so/ /nang stong pa nyid stong pa nyid kyi phyir/ byang chub sems dpa' sngon gyi mthar mi dmigs so/ /dngos po med pa'i ngo bo nyid stong pa nyid kyi bar du stong pa nyid kyi phyir/ byang chub sems dpa' sngon gyi mthar mi dmigs so/ /nang stong pa nyid dben pa'i phyir/ byang chub sems dpa' sngon gyi mthar mi dmigs so/ /dngos po med pa'i ngo bo nyid stong pa nyid kyi bar du dben pa'i phyir/ byang chub sems dpa' sngon gyi mthar mi dmigs so/ /nang stong pa nyid ngo bo nyid med pa'i phyir byang chub sems dpa' sngon gyi mthar mi dmigs so/ /dngos po med pa'i ngo bo nyid stong pa nyid kyi bar du ngo bo nyid med pa'i phyir/ byang chub sems dpa' sngon gyi mthar mi dmigs so/ /nang stong pa nyid med pa'i phyir/ byang chub sems dpa' phyi ma'i mthar mi dmigs so/ /dngos po med pa'i ngo bo nyid stong pa nyid kyi bar du med pa'i phyir/ byang chub sems dpa' phyi ma'i mthar mi dmigs so/ /nang stong pa nyid stong pa nyid kyi phyir/ byang chub sems dpa' phyi ma'i mthar mi dmigs so/ /dngos po med pa'i ngo bo nyid stong pa nyid kyi bar du stong pa nyid kyi phyir/ byang chub sems dpa' phyi ma'i mthar mi dmigs so/ /nang stong pa nyid dben pa'i phyir/ byang chub sems dpa' phyi ma'i mthar mi dmigs so/ /dngos po med pa'i ngo bo nyid stong pa nyid kyi bar du dben pa'i phyir/ byang chub sems dpa' phyi ma'i mthar mi dmigs so/ /nang stong pa nyid ngo bo nyid med pa'i phyir/ byang chub sems dpa' phyi ma'i mthar mi dmigs so/ /dngos po med pa'i ngo bo nyid stong pa nyid kyi bar du ngo bo nyid med pa'i phyir/ byang chub sems dpa' phyi ma'i mthar mi dmigs so/ /nang stong pa nyid med pa'i phyir/ byang chub sems dpa' dbus su mi dmigs so/ /dngos po med pa'i ngo bo nyid stong pa nyid kyi bar du med pa'i phyir/ byang chub sems dpa' dbus su mi dmigs so/ /nang stong pa nyid stong pa nyid kyi phyir/ byang chub sems dpa' dbus su mi dmigs so/ /dngos po med pa'i ngo bo nyid stong pa nyid kyi bar du stong pa nyid kyi phyir/ byang chub sems dpa' dbus su mi dmigs so/ /nang stong pa nyid dben pa'i phyir/ byang chub sems dpa' dbus su mi dmigs so/ /dngos po med pa'i ngo bo nyid stong pa nyid kyi bar du dben pa'i phyir/ byang chub sems dpa' dbus su mi dmigs so/ /nang stong pa nyid ngo bo nyid med pa'i phyir/ byang chub sems dpa' dbus su mi dmigs so/ /dngos po med pa'i ngo bo nyid stong pa nyid kyi bar du ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa sha ra dwa ti'i bu/ nang stong pa nyid dang / dngos po med pa'i ngo bo nyid stong pa nyid kyi bar du med pa dang / stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ nang stong pa nyid dang / dngos po med pa'i ngo bo nyid stong pa nyid kyi bar du med pa dang / stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa sha ra dwa ti'i bu de ltar na/ nang stong pa nyid dang / dngos po med pa'i ngo bo nyid stong pa nyid kyi bar du med pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa sha ra dwa ti'i bu/ dran pa nye bar gzhag pa med pa'i phyir/ byang chub sems dpa' sngon gyi mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa'i phyir/ byang chub sems dpa' sngon gyi mthar mi dmigs so/ /dran pa nye bar gzhag pa stong pa nyid kyi phyir/ byang chub sems dpa' sngon gyi mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar ba dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa stong pa nyid kyi phyir/ byang chub sems dpa' sngon gyi mthar mi dmigs so/ /dran pa nye bar gzhag pa dben pa'i phyir/ byang chub sems dpa' sngon gyi mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar ba dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dben pa'i phyir/ byang chub sems dpa' sngon gyi mthar mi dmigs so/ /dran pa nye bar gzhag pa ngo bo nyid med pa'i phyir/ byang chub sems dpa' sngon gyi mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa ngo bo nyid med pa'i phyir/ byang chub sems dpa' sngon gyi mthar mi dmigs so/ /dran pa nye bar gzhag pa med pa'i phyir/ byang chub sems dpa' phyi ma'i mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa'i phyir/ byang chub sems dpa' phyi ma'i mthar mi dmigs so/ /dran pa nye bar gzhag pa stong pa nyid kyi phyir/ byang chub sems dpa' phyi ma'i mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa stong pa nyid kyi phyir/ byang chub sems dpa' phyi ma'i mthar mi dmigs so/ /dran pa nye bar gzhag pa dben pa'i phyir/ byang chub sems dpa' phyi ma'i mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dben pa'i phyir/ byang chub sems dpa' phyi ma'i mthar mi dmigs so/ /dran pa nye bar gzhag pa ngo bo nyid med pa'i phyir/ byang chub sems dpa' phyi ma'i mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa ngo bo nyid med pa'i phyir/ byang chub sems dpa' phyi ma'i mthar mi dmigs so/ /dran pa nye bar gzhag pa med pa'i phyir/ byang chub sems dpa' dbus su mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar ba dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa'i phyir/ byang chub sems dpa' dbus su mi dmigs so/ /dran pa nye bar gzhag pa stong pa nyid kyi phyir/ byang chub sems dpa' dbus su mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa stong pa nyid kyi phyir/ byang chub sems dpa' dbus su mi dmigs so/ /dran pa nye bar gzhag pa dben pa'i phyir/ byang chub sems dpa' dbus su mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dben pa'i phyir/ byang chub sems dpa' dbus su mi dmigs so/ /dran pa nye bar gzhag pa ngo bo nyid med pa'i phyir/ byang chub sems dpa' dbus su mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar ba dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa sha ra dwa ti'i bu dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa dang / stong pa nyid dang dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa sha ra dwa ti'i bu de ltar na/ sangs rgyas kyi chos ma 'dres pa'i bar du med pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa sha ra dwa ti'i bu gzhan yang chos kyi dbyings med pa'i phyir/ byang chub sems dpa' sngon gyi mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings med pa'i phyir/ byang chub sems dpa' sngon gyi mthar mi dmigs so/ /chos kyi dbyings stong pa nyid kyi phyir/ byang chub sems dpa' sngon gyi mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid kyi phyir/ byang chub sems dpa' sngon gyi mthar mi dmigs so/ /chos kyi dbyings dben pa'i phyir/ byang chub sems dpa' sngon gyi mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings dben pa'i phyir/ byang chub sems dpa' sngon gyi mthar mi dmigs so/ /chos kyi dbyings ngo bo nyid med pa'i phyir/ byang chub sems dpa' sngon gyi mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings ngo bo nyid med pa'i phyir/ byang chub sems dpa' sngon gyi mthar mi dmigs so/ / chos kyi dbyings med pa'i phyir/ byang chub sems dpa' phyi ma'i mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings med pa'i phyir/ byang chub sems dpa' phyi ma'i mthar mi dmigs so/ /chos kyi dbyings stong pa nyid kyi phyir/ byang chub sems dpa' phyi ma'i mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid kyi phyir/ byang chub sems dpa' phyi ma'i mthar mi dmigs so/ /chos kyi dbyings dben pa'i phyir/ byang chub sems dpa' phyi ma'i mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings dben pa'i phyir/ byang chub sems dpa' phyi ma'i mthar mi dmigs so/ / chos kyi dbyings ngo bo nyid med pa'i phyir/ byang chub sems dpa' phyi ma'i mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings ngo bo nyid med pa'i phyir/ byang chub sems dpa' phyi ma'i mthar mi dmigs so/ / chos kyi dbyings med pa'i phyir/ byang chub sems dpa' dbus su mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings med pa'i phyir/ byang chub sems dpa' dbus su mi dmigs so/ /chos kyi dbyings stong pa nyid kyi phyir/ byang chub sems dpa' dbus su mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid kyi phyir/ byang chub sems dpa' dbus su mi dmigs so/ /chos kyi dbyings dben pa'i phyir/ byang chub sems dpa' dbus su mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings dben pa'i phyir/ byang chub sems dpa' dbus su mi dmigs so/ /chos kyi dbyings ngo bo nyid med pa'i phyir/ byang chub sems dpa' dbus su mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa sha ra dwa ti'i bu/ chos kyi dbyings med pa dang / de bzhin nyid dang / yang dag pa'i mtha' dang / bsam gyis mi khyab pa'i dbyings med pa dang / chos kyi dbyings dang / de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ chos kyi dbyings med pa yang gzhan ma yin/ de bzhin nyid dang / yang dag pa'i mtha' dang / bsam gyis mi khyab pa'i dbyings med pa yang gzhan ma yin/ chos kyi dbyings dang / de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa sha ra dwa ti'i bu de ltar na/ chos kyi dbyings med pa gang yin pa dang / de bzhin nyid dang / yang dag pa'i mtha' dang / bsam gyis mi khyab pa'i dbyings med pa gang yin pa dang / chos kyi dbyings dang / de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa sha ra dwa ti'i bu gzhan yang nyan thos med pa'i phyir/ byang chub sems dpa' sngon gyi mthar mi dmigs so/ /nyan thos stong pa nyid dang / dben pa dang / ngo bo nyid med pa'i phyir/ byang chub sems dpa' sngon gyi mthar mi dmigs so/ /nyan thos med pa'i phyir byang chub sems dpa' phyi ma'i mthar mi dmigs so/ /nyan thos stong pa nyid dang / dben pa dang / ngo bo nyid med pa'i phyir/ byang chub sems dpa' phyi ma'i mthar mi dmigs so/ /nyan thos med pa'i phyir/ byang chub sems dpa' dbus su mi dmigs so/ /nyan thos stong pa nyid dang / dben pa dang / ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa sha ra dwa ti'i bu nyan thos med pa dang / nyan thos stong pa nyid dang / nyan thos dben pa dang / nyan thos ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ nyan thos med pa yang gzhan ma yin/ nyan thos stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa sha ra dwa ti'i bu de ltar na/ nyan thos med pa gang yin pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa sha ra dwa ti'i bu gzhan yang rang sangs rgyas med pa'i phyir/ byang chub sems dpa' sngon gyi mthar mi dmigs so/ /rang sangs rgyas stong pa nyid dang / dben pa dang / ngo bo nyid med pa'i phyir/ byang chub sems dpa' sngon gyi mthar mi dmigs so/ /rang sangs rgyas med pa'i phyir/ byang chub sems dpa' phyi ma'i mthar mi dmigs so/ /rang sangs rgyas stong pa nyid dang / dben pa dang / ngo bo nyid med pa'i phyir/ byang chub sems dpa' phyi ma'i mthar mi dmigs so/ /rang sangs rgyas med pa'i phyir/ byang chub sems dpa' dbus su mi dmigs so/ /rang sangs rgyas stong pa nyid dang / dben pa dang / ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa sha ra dwa ti'i bu rang sangs rgyas med pa dang / rang sangs rgyas stong pa nyid dang / rang sangs rgyas dben pa dang / rang sangs rgyas ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ rang sangs rgyas med pa yang gzhan ma yin/ rang sangs rgyas stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa sha ra dwa ti'i bu de ltar na/ rang sangs rgyas med pa gang yin pa dang / rang sangs rgyas stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ / //shes rab kyi pha rol du phyin pa stong phrag nyi shu lnga pa/ bam po nyi shu gsum pa/ tshe dang ldan pa sha ra dwa ti'i bu/ gzhan yang byang chub sems dpa' med pa'i phyir/ byang chub sems dpa' sngon gyi mthar mi dmigs so/ /byang chub sems dpa' stong pa nyid dang / dben pa dang / ngo bo nyid med pa'i phyir/ byang chub sems dpa' sngon gyi mthar mi dmigs so/ /byang chub sems dpa' med pa'i phyir/ byang chub sems dpa' phyi ma'i mthar mi dmigs so/ /byang chub sems dpa' stong pa nyid dang / dben pa dang / ngo bo nyid med pa'i phyir/ byang chub sems dpa' phyi ma'i mthar mi dmigs so/ /byang chub sems dpa' med pa'i phyir/ byang chub sems dpa' dbus su mi dmigs so/ /byang chub sems dpa' stong pa nyid dang / dben pa dang / ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa sha ra dwa ti'i bu byang chub sems dpa' med pa dang / byang chub sems dpa' stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ byang chub sems dpa' med pa yang gzhan ma yin/ byang chub sems dpa' stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa sha ra dwa ti'i bu de ltar na/ byang chub sems dpa' med pa gang yin pa dang / byang chub sems dpa' stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa sha ra dwa ti'i bu gzhan yang thams cad mkhyen pa med pa'i phyir/ byang chub sems dpa' sngon gyi mthar mi dmigs so/ /thams cad mkhyen pa stong pa nyid dang / dben pa dang / ngo bo nyid med pa'i phyir/ byang chub sems dpa' sngon gyi mthar mi dmigs so/ /thams cad mkhyen pa med pa'i phyir/ byang chub sems dpa' phyi ma'i mthar mi dmigs so/ /thams cad mkhyen pa stong pa nyid dang / dben pa dang / ngo bo nyid med pa'i phyir/ byang chub sems dpa' phyi ma'i mthar mi dmigs so/ /thams cad mkhyen pa med pa'i phyir/ byang chub sems dpa' dbus su mi dmigs so/ /thams cad mkhyen pa stong pa nyid dang / dben pa dang / ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa sha ra dwa ti'i bu/ thams cad mkhyen pa med pa dang / thams cad mkhyen pa stong pa nyid dang / dben pa dang / ngo bo nyid med pa la sngon gyi mtha' mi dmigs so/ phyi ma'i mtha' mi dmigs/ dbus mi dmigs te/ thams cad mkhyen pa nyid med pa yang gzhan ma yin/ thams cad mkhyen pa nyid stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa sha ra dwa ti'i bu de ltar na/ thams cad mkhyen pa med pa gang yin pa dang / thams cad mkhyen pa stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa sha ra dwa ti'i bu rnam grangs des na/ byang chub sems dpa' sngon gyi mthar mi dmigs so/ /byang chub sems dpa' phyi ma'i mtha' dang / dbus su mi dmigs so/ /tshe dang ldan pa sha ra dwa ti'i bu gang yang 'di skad du ci'i phyir na/ gzugs kun tu mtha' yas pa'i phyir/ byang chub sems dpa' kun tu mtha' yas par rig par bya'o/ /tshor ba dang 'du shes dang 'du byed dang rnam par shes pa kun tu mtha' yas pa'i phyir/ byang chub sems dpa' kun tu mtha' yas par rig par bya zhes zer ba ni/ tshe dang ldan pa sha ra dwa ti'i bu gzugs ni nam mkha' dang mnyam/ tshor ba dang 'du shes dang 'du byed dang rnam par shes pa ni nam mkha' dang mnyam pa ste/ de ci'i phyir zhe na/ tshe dang ldan pa sha ra dwa ti'i bu 'di lta ste dper na/ nam mkha' la ni sngon gyi mtha' mi dmigs/ phyi ma'i mtha' dang dbus mi dmigs te/ mtha' yas kun tu mtha' yas pa'i phyir/ nam mkha' zhes ming du brjod do/ /tshe dang ldan pa sha ra dwa ti'i bu de bzhin du gzugs stong pa nyid kyi phyir/ gzugs kyi sngon gyi mtha' mi dmigs/ phyi ma'i mtha' dang dbus mi dmigs/ tshor ba dang 'du shes dang 'du byed dang / rnam par shes pa stong pa nyid kyi phyir/ rnam par shes pa'i sngon gyi mtha' mi dmigs/ phyi ma'i mtha' dang / dbus mi dmigs te/ stong pa nyid la mtha' 'am/ dbus mi dmigs so/ /tshe dang ldan pa sha ra dwa ti'i bu rnam grangs des na/ gzugs kun tu mtha' yas/ tshor ba dang 'du shes dang 'du byed dang rnam par shes pa kun tu mtha' yas pa'i phyir/ byang chub sems dpa' kun tu mtha' yas par rig par bya'o/ /tshe dang ldan pa sha ra dwa ti'i bu skye mched rnams dang / khams rnams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams ni nam mkha' dang mnyam pa ste/ de ci'i phyir zhe na/ tshe dang ldan pa sha ra dwa ti'i bu 'di ltar dper na/ nam mkha' la ni sngon gyi mtha' mi dmigs/ phyi ma'i mtha' mi dmigs/ dbus mi dmigs te/ mtha' yas kun tu mtha' yas pa'i phyir/ nam mkha' zhes ming du brjod do/ /tshe dang ldan pa sha ra dwa ti'i bu de bzhin du sangs rgyas kyi chos ma 'dres pa stong pa nyid kyi phyir/ sangs rgyas kyi chos ma 'dres pa rnams sngon gyi mtha' mi dmigs/ phyi ma'i mtha' mi dmigs/ dbus mi dmigs te/ stong pa nyid la mtha' 'am dbus mi dmigs so/ /tshe dang ldan pa sha ra dwa ti'i bu rnam grangs des na/ sangs rgyas kyi chos ma 'dres pa kun tu mtha' yas pa'i phyir/ byang chub sems dpa' kun tu mtha' yas par rig par bya'o/ /tshe dang ldan pa sha ra dwa ti'i bu gang yang 'di skad du ci'i phyir na/ gzugs byang chub sems dpa' zhes bya ba de lta bu yang med cing mi dmigs/ tshor ba dang 'du shes dang 'du byed dang rnam par shes pa byang chub sems dpa' zhes bya ba de lta bu yang med cing mi dmigs shes zer ba ni/ tshe dang ldan pa sha ra dwa ti'i bu gzugs ni gzugs kyis stong / tshor ba dang 'du shes dang 'du byed dang rnam par shes pa ni rnam par shes pas stong ste/ de ci'i phyir zhe na/ stong pa nyid la gzugs med/ stong pa nyid la byang chub sems dpa' med/ stong pa nyid la tshor ba dang 'du shes dang 'du byed dang rnam par shes pa med/ stong pa nyid la byang chub sems dpa' med do/ /tshe dang ldan pa sha ra dwa ti'i bu rnam grangs des na/ gzugs byang chub sems dpa' zhes bya ba de lta bu yang med cing mi dmigs so/ /tshor ba dang 'du shes dang 'du byed dang rnam par shes pa byang chub sems dpa' zhes bya ba de lta bu yang med cing mi dmigs so/ /tshe dang ldan pa sha ra dwa ti'i bu gzhan yang sbyin pa'i pha rol du phyin pa ni/ sbyin pa'i pha rol du phyin pas stong ste/ de ci'i phyir zhe na/ stong pa nyid la sbyin pa'i pha rol du phyin pa med/ byang chub sems dpa' med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni shes rab kyi pha rol du phyin pas stong ste/ de ci'i phyir zhe na/ stong pa nyid la shes rab kyi pha rol du phyin pa med/ byang chub sems dpa' med do/ /tshe dang ldan pa sha ra dwa ti'i bu gzhan yang nang stong pa nyid ni nang stong pa nyid kyis stong ste/ de ci'i phyir zhe na/ stong pa nyid la nang stong pa nyid med/ byang chub sems dpa' med do/ /phyi stong pa nyid dang phyi nang stong pa nyid dang / dngos po med pa'i ngo bo nyid stong pa nyid kyi bar du/ dngos po med pa'i ngo bo nyid stong pa nyid kyis stong ste/ de ci'i phyir zhe na/ stong pa nyid la dngos po med pa'i ngo bo nyid stong pa nyid med/ byang chub sems dpa' med do/ /tshe dang ldan pa sha ra dwa ti'i bu gzhan yang dran pa nye bar gzhag pa rnams ni/ dran pa nye bar gzhag pa rnams kyis stong / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni/ 'phags pa'i lam yan lag brgyad pas stong ste/ de ci'i phyir zhe na/ stong pa nyid la dran pa nye bar gzhag pa med/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa med/ byang chub sems dpa' med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams ni sangs rgyas kyi chos ma 'dres pa rnams kyis stong ste/ de ci'i phyir zhe na/ stong pa nyid la 'phags pa'i bden pa dang / sangs rgyas kyi chos ma 'dres pa rnams kyi bar du med/ byang chub sems dpa' med do/ /chos kyi dbyings ni chos kyi dbyings kyis stong / de bzhin nyid ni de bzhin nyid kyis stong / yang dag pa'i mtha' ni yang dag pa'i mthas stong / bsam gyis mi khyab pa'i dbyings ni bsam gyis mi khyab pa'i dbyings kyis stong / thams cad shes pa nyid ni thams cad shes pa nyid kyis stong / lam gyi rnam pa shes pa nyid ni lam gyi rnam pa shes pa nyid kyis stong rnam pa thams cad mkhyen pa nyid ni rnam pa thams cad mkhyen pa nyid kyis stong ste/ de ci'i phyir zhe na/ stong pa nyid la chos kyi dbyings dang / rnam pa thams cad mkhyen pa nyid kyi bar du med/ byang chub sems dpa' med do/ /nyan thos kyi theg pa ni nyan thos kyi theg pas stong / rang sangs rgyas kyi theg pa ni rang sangs rgyas kyi theg pas stong / sangs rgyas kyi theg pa ni sangs rgyas kyi theg pas stong / nyan thos ni nyan thos kyis stong / rang sangs rgyas ni rang sangs rgyas kyis stong / de bzhin gshegs pa ni de bzhin gshegs pas stong ste/ de ci'i phyir zhe na/ stong pa nyid la nyan thos kyi theg pa med/ sangs rgyas kyi theg pa'i bar du med/ nyan thos med/ de bzhin gshegs pa'i bar du med/ byang chub sems dpa' med do/ /tshe dang ldan pa sha ra dwa ti'i bu rnam grangs des na/ gzugs byang chub sems dpa' zhes bya ba de lta bu yang med cing mi dmigs so/ /tshor ba dang 'du shes dang 'du byed dang rnam par shes pa byang chub sems dpa' zhes bya ba de lta bu yang med cing mi dmigs so/ /tshe dang ldan pa sha ra dwa ti'i bu gang yang 'di skad du bdag gis byang chub sems dpa' thams cad du thams cad rnam pa thams cad du thams cad mi dmigs na/ byang chub sems dpa' ni gang zhig /shes rab kyi pha rol du phyin pa ni gang zhig la gdams shing rjes su bstan par bya zhes zer ba/ ci'i phyir de skad du smra zhes zer ba ni/ tshe dang ldan pa sha ra dwa ti'i bu gzugs ni gzugs la med cing mi dmigs so/ /gzugs ni tshor ba la med cing mi dmigs so/ /tshor ba ni tshor ba la med cing mi dmigs so/ /tshor ba ni gzugs la med cing mi dmigs so/ /gzugs dang / tshor ba ni 'du shes la med cing / mi dmigs so/ /'du shes ni 'du shes la med cing mi dmigs so/ /'du shes ni gzugs dang / tshor ba la med cing mi dmigs so/ /gzugs dang / tshor ba dang / 'du shes ni 'du byed rnams la med cing mi dmigs so/ /'du byed rnams ni 'du byed rnams la med cing mi dmigs so/ /'du byed rnams ni gzugs dang tshor ba dang 'du shes la med cing mi dmigs so/ /gzugs dang tshor ba dang 'du shes dang 'du byed rnams ni rnam par shes pa la med cing mi dmigs so/ /rnam par shes pa ni rnam par shes pa la med cing mi dmigs so/ /rnam par shes pa ni gzugs dang tshor ba dang 'du shes dang 'du byed rnams la med cing mi dmigs so/ /tshe dang ldan pa sha ra dwa ti'i bu mig ni mig la med cing mi dmigs so/ /mig ni rna ba la med cing mi dmigs so/ /rna ba ni rna ba la med cing mi dmigs so/ /rna ba ni mig la med cing mi dmigs so/ /mig dang rna ba ni sna la med cing mi dmigs so/ /sna ni sna la med cing mi dmigs so/ /sna ni mig dang rna ba la med cing mi dmigs so/ /mig dang rna ba dang sna ni lce la med cing mi dmigs so/ /lce ni lce la med cing mi dmigs so/ /lce ni mig dang rna ba dang / sna la med cing mi dmigs so/ /mig dang rna ba dang sna dang lce ni lus la med cing mi dmigs so/ /lus ni lus la med cing mi dmigs so/ /lus ni mig dang rna ba dang sna dang lce la med cing mi dmigs so/ / mig dang rna ba dang sna dang / lce dang lus ni yid la med cing mi dmigs so/ /yid ni yid la med cing mi dmigs so/ /yid ni mig dang rna ba dang sna dang lce dang lus la med cing mi dmigs so/ /gzugs ni gzugs la med cing mi dmigs so/ /gzugs ni sgra la med cing mi dmigs so/ /sgra ni sgra la med cing mi dmigs so/ /sgra ni gzugs la med cing mi dmigs so/ /gzugs dang sgra ni dri la med cing mi dmigs so/ /dri ni dri la med cing mi dmigs so/ /dri ni gzugs dang sgra la med cing mi dmigs so/ gzugs dang sgra dang dri ni ro la med cing mi dmigs so/ /ro ni ro la med cing mi dmigs so/ /ro ni gzugs dang sgra dang dri la med cing mi dmigs so/ /gzugs dang sgra dang dri dang ro ni reg la med cing mi dmigs so/ /reg ni reg la med cing mi dmigs so/ /reg ni gzugs dang / sgra dang dri dang ro la med cing mi dmigs so/ /gzugs dang sgra dang dri dang ro dang reg ni chos la med cing mi dmigs so/ /chos ni chos la med cing mi dmigs so/ /chos ni gzugs dang / sgra dang dri dang ro dang reg la med cing mi dmigs so/ /mig gi rnam par shes pa ni mig gi rnam par shes pa la med cing mi dmigs so/ /mig gi rnam par shes pa ni rna ba'i rnam par shes pa la med cing mi dmigs so/ /rna ba'i rnam par shes pa ni rna ba'i rnam par shes pa la med cing mi dmigs so/ /rna ba'i rnam par shes pa ni mig gi rnam par shes pa la med cing mi dmigs so/ /mig gi rnam par shes pa dang / rna ba'i rnam par shes pa ni sna'i rnam par shes pa la med cing mi dmigs so/ /sna'i rnam par shes pa ni sna'i rnam par shes pa la med cing mi dmigs so/ /sna'i rnam par shes pa ni mig gi rnam par shes pa dang / rna ba'i rnam par shes pa la med cing mi dmigs so/ /mig gi rnam par shes pa dang / rna ba'i rnam par shes pa dang / sna'i rnam par shes pa ni lce'i rnam par shes pa la med cing mi dmigs so/ /lce'i rnam par shes pa ni lce'i rnam par shes pa la med cing mi dmigs so/ /lce'i rnam par shes pa ni mig gi rnam par shes pa dang / rna ba'i rnam par shes pa dang / sna'i rnam par shes pa la med cing mi dmigs so/ /mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa ni lus kyi rnam par shes pa la med cing mi dmigs so/ /lus kyi rnam par shes pa ni lus kyi rnam par shes pa la med cing mi dmigs so/ /lus kyi rnam par shes pa ni mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa la med cing mi dmigs so/ /mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa ni yid kyi rnam par shes pa la med cing mi dmigs so/ /yid kyi rnam par shes pa ni yid kyi rnam par shes pa la med cing mi dmigs so/ /yid kyi rnam par shes pa ni mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa la med cing mi dmigs so/ /mig gi 'dus te reg pa ni/ mig gi 'dus te reg pa la med cing mi dmigs so/ /mig gi 'dus te reg pa ni rna ba'i 'dus te reg pa la med cing mi dmigs so/ /rna ba'i 'dus te reg pa ni rna ba'i 'dus te reg pa la med cing mi dmigs so/ /rna ba'i 'dus te reg pa ni/ mig gi 'dus te reg pa la med cing mi dmigs so/ /mig gi 'dus te reg pa dang / rna ba'i 'dus te reg pa ni/ sna'i 'dus te reg pa la med cing mi dmigs so/ /sna'i 'dus te reg pa ni/ sna'i 'dus te reg pa la med cing mi dmigs so/ /sna'i 'dus te reg pa ni/ mig gi 'dus te reg pa dang / rna ba'i 'dus te reg pa la med cing mi dmigs so/ /mig gi 'dus te reg pa dang / rna ba'i 'dus te reg pa dang / sna'i 'dus te reg pa ni/ lce'i 'dus te reg pa la med cing mi dmigs so/ /lce'i 'dus te reg pa ni/ lce'i 'dus te reg pa la med cing mi dmigs so/ /lce'i 'dus te reg pa ni/ mig gi 'dus te reg pa dang / rna ba'i 'dus te reg pa dang / sna'i 'dus te reg pa la med cing mi dmigs so/ /mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa ni/ lus kyi 'dus te reg pa la med cing mi dmigs so/ /lus kyi 'dus te reg pa ni/ lus kyi 'dus te reg pa la med cing mi dmigs so/ /lus kyi 'dus te reg pa ni/ mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa la med cing mi dmigs so/ / mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa ni/ yid kyi 'dus te reg pa la med cing mi dmigs so/ /yid kyi 'dus te reg pa ni/ yid kyi 'dus te reg pa la med cing mi dmigs so/ /yid kyi 'dus te reg pa ni/ mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa la med cing mi dmigs so/ /mig gi 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba ni/ rna ba'i 'dus te reg pa las byung ba'i tshor ba la med cing mi dmigs so/ /rna ba'i 'dus te reg pa las byung ba'i tshor ba ni/ rna ba'i 'dus te reg pa las byung ba'i tshor ba la med cing mi dmigs so/ /rna ba'i 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba ni/ sna'i 'dus te reg pa las byung ba'i tshor ba la med cing mi dmigs so/ /sna'i 'dus te reg pa las byung ba'i tshor ba ni/ sna'i 'dus te reg pa las byung ba'i tshor ba la med cing mi dmigs so/ /sna'i 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba ni/ lce'i 'dus te reg pa las byung ba'i tshor ba la med cing mi dmigs so/ /lce'i 'dus te reg pa las byung ba'i tshor ba ni/ lce'i 'dus te reg pa las byung ba'i tshor ba la med cing mi dmigs so/ /lce'i 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba ni/ lus kyi 'dus te reg pa las byung ba'i tshor ba la med cing mi dmigs so/ /lus kyi 'dus te reg pa las byung ba'i tshor ba ni/ lus kyi 'dus te reg pa las byung ba'i tshor ba la med cing mi dmigs so/ /lus kyi 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba dang / rna ba'i 'dus te reg pa las byu nga ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba ni yid kyi 'dus te reg pa las byung ba'i tshor ba la med cing mi dmigs so/ /yid kyi 'dus te reg pa las byung ba'i tshor ba ni/ yid kyi 'dus te reg pa las byung ba'i tshor ba la med cing mi dmigs so/ /yid kyi 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba la med cing mi dmigs so/ /sbyin pa'i pha rol du phyin pa ni/ sbyin pa'i pha rol du phyin pa la med cing mi dmigs so/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni/ shes rab kyi pha rol du phyin pa la med cing mi dmigs so/ /sbyin pa'i pha rol du phyin pa la yang / shes rab kyi pha rol du phyin pa'i bar med cing mi dmigs so/ /shes rab kyi pha rol du phyin pa la yang / sbyin pa'i pha rol du phyin pa'i bar du med cing mi dmigs so/ /nang stong pa nyid ni nang stong pa nyid la med cing mi dmigs so/ /nang stong pa nyid ni dngos po med pa'i ngo bo nyid stong pa nyid kyi bar la med cing mi dmigs so/ /dngos po med pa'i ngo bo nyid stong pa nyid ni/ dngos po med pa'i ngo bo nyid stong pa nyid la med cing mi dmigs so/ /dngos po med pa'i ngo bo nyid stong pa nyid stong pa nyid ni nang stong pa nyid kyi bar la med cing mi dmigs so/ /dran pa nye bar gzhag pa rnams ni/ dran pa nye bar gzhag pa rnams la med cing mi dmigs so/ /dran pa nye bar gzhag pa ni/ yang dag par spong ba la med cing mi dmigs so/ /lam gyi bar ni lam la med cing mi dmigs so/ /lam ni dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag la med cing mi dmigs so/ / 'phags pa'i bden pa rnams ni 'phags pa'i bden pa rnams la med cing mi dmigs so/ /'phags pa'i bden pa rnams ni/ bsam gtan rnams la med cing mi dmigs so/ /gzungs kyi sgo rnams kyi bar ni/ gzungs kyi sgo rnams la med cing mi dmigs so/ /gzungs kyi sgo rnams ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin rnams la med cing mi dmigs so/ /de bzhin gshegs pa'i stobs bcu ni/ de bzhin gshegs pa'i stobs bcu la med cing mi dmigs so/ /de bzhin gshegs pa'i stobs bcu ni/ mi 'jigs pa bzhi la med cing mi dmigs so/ /sangs rgyas kyi chos ma 'dres pa brgyad kyi bar ni/ sangs rgyas kyi chos ma 'dres pa brgyad la med cing mi dmigs so/ /sangs rgyas kyi chos ma 'dres pa brgyad ni/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi la med cing mi dmigs so/ /rigs kyi sa'i chos ni/ rigs kyi sa'i chos la med cing mi dmigs so/ /rigs kyi sa'i chos ni/ brgyad pa'i chos la med cing mi dmigs so/ /dgra bcom pa'i bar gyi chos ni/ dgra bcom pa'i bar gyi chos la med cing mi dmigs so/ /dgra bcom pa'i chos ni/ rigs kyi sa'i chos dang / brgyad pa'i chos dang / rgyun du zhugs pa'i chos dang / lan cig phyir 'ong ba'i chos dang / phyir mi 'ong ba'i chos la med cing mi dmigs so/ /so so'i skye bo'i sa ni/ so so'i skye bo'i sa la med cing mi dmigs so/ /so so'i skye bo'i sa ni/ rigs kyi sa la med cing mi dmigs so/ /yang dag par rdzogs pa'i sangs rgyas kyi sa'i bar ni yang dag par rdzogs pa'i sangs rgyas kyi sa la med cing mi dmigs so/ /yang dag par rdzogs pa'i sangs rgyas kyi sa ni/ so so'i skye bo'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / rang sangs rgyas kyi sa dang / byang chub sems dpa'i sa la med cing mi dmigs so/ /thams cad shes pa nyid ni thams cad shes pa nyid la med cing mi dmigs so/ /thams cad shes pa nyid ni/ lam gyi rnam pa shes pa nyid la med cing mi dmigs so/ /rnam pa thams cad mkhyen pa nyid kyi bar ni/ rnam pa thams cad mkhyen pa nyid la med cing mi dmigs so/ /rnam pa thams cad mkhyen pa nyid ni/ thams cad shes pa nyid dang / lam gyi rnam pa shes pa nyid la med cing mi dmigs so/ / rgyun du zhugs pa ni rgyun du zhugs pa la med cing mi dmigs so/ /rgyun du zhugs pa ni lan cig phyir 'ong ba la med cing mi dmigs so/ /de bzhin gshegs pa'i bar ni de bzhin gshegs pa la med cing mi dmigs so/ /de bzhin gshegs pa ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' la med cing mi dmigs so/ /byang chub sems dpa' ni byang chub sems dpa' la med cing mi dmigs so/ /byang chub sems dpa' ni shes rab kyi pha rol du phyin pa la med cing mi dmig sa so/ /shes rab kyi pha rol du phyin pa ni/ shes rab kyi pha rol du phyin pa la med cing mi dmigs so/ /shes rab kyi pha rol du phyin pa ni/ byang chub sems dpa' la med cing mi dmigs so/ /byang chub sems dpa' dang / shes rab kyi pha rol du phyin pa ni/ gdams shing rjes su bstan pa la med cing mi dmigs so/ /gdams shing rjes su bstan pa ni/ gdams shing rjes su bstan pa la med cing mi dmigs so/ /gdams shing rjes su bstan pa ni/ byang chub sems dpa' dang / shes rab kyi pha rol du phyin pa la med cing mi dmigs so/ /tshe dang ldan pa sha ra dwa ti'i bu de ltar na chos thams cad med cing dmigs su med pas/ byang chub sems dpa' med cing dmigs su med do/ /tshe dang ldan pa sha ra dwa ti'i bu gang yang 'di skad du ci'i phyir na/ 'di lta ste/ byang chub sems dpa' zhes bya ba 'di ni ming tsam yin zhes zer ba ni/ tshe dang ldan pa sha ra dwa ti'i bu 'di lta ste/ byang chub sems dpa' zhes bya ba 'di ni glo bur du ming du btags pa ste/ de'i phyir na 'di lta ste/ byang chub sems dpa' zhes bya ba 'di ni ming tsam zhes bya'o/ /tshe dang ldan pa sha ra dwa ti'i bu 'di lta ste/ gzugs shes bya ba dang / tshor ba zhes bya ba dang / 'du shes shes bya ba dang / 'du byed ces bya ba dang / rnam par shes pa zhes bya ba 'di ni glo bur du ming du btags pa ste/ 'di ltar ming ni gang nas kyang mi 'ong / gang du yang mi 'gro/ gang na yang mi gnas so/ /ming tsam zhes bya ba gang yin pa de ni gzugs ma yin/ tshor ba ma yin/ 'du shes ma yin/ 'du byed ma yin/ rnam par shes pa ma yin no/ /de ci'i phyir zhe na/ 'di ltar ming ni ming gi rang bzhin gyis stong ngo / /stong pa gang yin pa de ni ming ma yin te/ de'i phyir 'di lta ste/ byang chub sems dpa' zhes bya ba 'di ni ming tsam zhes bya'o/ /tshe dang ldan pa sha ra dwa ti'i bu 'di lta ste/ skye mched ces bya ba dang / khams shes bya ba dang / rten cing 'brel bar 'byung ba zhes bya ba 'di ni/ glo bur du ming du btags pa ste/ 'di ltar ming ni gang nas kyang mi 'ong / gang du yang mi 'gro/ gang na yang mi gnas so/ /ming tsam zhes bya ba gang yin pa de ni skye mched ma yin/ khams ma yin/ rten cing 'brel bar 'byung ba ma yin no/ /de ci'i phyir zhe na/ 'di ltar ming ni ming gi rang bzhin gyis stong ngo / /stong pa gang yin pa de ni ming ma yin te/ de'i phyir 'di lta ste/ byang chub sems dpa' zhes bya ba 'di ni ming tsam zhes bya ba'o/ /tshe dang ldan pa sha ra dwa ti'i bu gzhan yang 'di lta ste/ sbyin pa'i pha rol du phyin pa 'di ni ming tsam ste/ ming la yang sbyin pa'i pha rol du phyin pa med/ sbyin pa'i pha rol du phyin pa la yang ming med do/ /de ci'i phyir zhe na/ 'di ltar ming gang yin pa dang / sbyin pa'i pha rol du phyin pa gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa 'di ni ming tsam ste/ ming la yang shes rab kyi pha rol du phyin pa med/ shes rab kyi pha rol du phyin pa la yang ming med do/ /de ci'i phyir zhe na/ 'di ltar ming gang yin pa dang / shes rab kyi pha rol du phyin pa gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /'di lta ste/ nang stong pa nyid 'di ni ming tsam ste/ ming la yang nang stong pa nyid med/ nang stong pa nyid la yang ming med do/ /de ci'i phyir zhe na/ 'di ltar ming gang yin pa dang / nang stong pa nyid gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /dngos po med pa'i ngo bo nyid stong pa nyid kyi bar 'di ni ming tsam ste/ ming la yang dngos po med pa'i ngo bo nyid stong pa nyid med/ dngos po med pa'i ngo bo nyid stong pa nyid la yang ming med do/ /de ci'i phyir zhe na/ 'di ltar ming gang yin pa dang / dngos po med pa'i ngo bo nyid stong pa nyid gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa sha ra dwa ti'i bu/ rnam grangs des na/ 'di lta ste/ byang chub sems dpa' zhes bya ba 'di ni ming tsam zhes bya'o/ /tshe dang ldan pa sha ra dwa ti'i bu 'di lta ste/ dran pa nye bar gzhag pa rnams shes bya ba 'di ni glo bur du ming du btags pa ste/ ming la yang dran pa nye bar gzhag pa rnams med/ dran pa nye bar gzhag pa rnams la yang ming med do/ /de ci'i phyir zhe na/ 'di ltar ming gang yin pa dang / dran pa nye bar gzhag pa rnams gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ / tshe dang ldan pa sha ra dwa ti'i bu 'di lta ste/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa zhes bya ba 'di ni glo bur du ming du btags pa ste/ ming la yang 'phags pa'i lam yan lag brgyad pa med/ 'phags pa'i lam yan lag brgyad pa la yang ming med do/ /de ci'i phyir zhe na/ 'di ltar ming gang yin pa dang / 'phags pa'i lam yan lag brgyad pa gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa sha ra dwa ti'i bu 'di lta ste/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad ces bya ba 'di ni glo bur du ming du btags pa ste/ ming la yang sangs rgyas kyi chos ma 'dres pa rnams med/ sangs rgyas kyi chos ma 'dres pa rnams la yang ming med do/ /de ci'i phyir zhe na/ 'di ltar ming gang yin pa dang / sangs rgyas kyi chos ma 'dres pa rnams gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa sha ra dwa ti'i bu 'di lta ste/ rnam pa thams cad mkhyen pa nyid ces bya ba 'di ni glo bur du ming du btags pa ste/ ming la yang rnam pa thams cad mkhyen pa nyid med/ rnam pa thams cad mkhyen pa nyid la yang ming med do/ /de ci'i phyir zhe na/ 'di ltar ming gang yin pa dang / rnam pa thams cad mkhyen pa nyid gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa sha ra dwa ti'i bu gang yang 'di skad du/ 'di ltar bdag bdag ces bya ste/ bdag shin du mngon par ma grub bo/ /'di lta ste/ sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po mthong ba po zhes bya ste/ mthong ba po shin du mngon par ma grub po zhes/ ci'i phyir de skad ces smras shes zer ba ni/ tshe dang ldan pa sha ra dwa ti'i bu bdag shin du med cing mi dmigs na/ de mngon par 'grub par 'gyur ba lta ga la yod/ mthong ba po'i bar du shin du med cing mi dmigs na/ de mngon par 'grub par 'gyur ba lta ga la yod/ gzugs shin du med cing mi dmigs na/ de mngon par 'grub par 'gyur ba lta ga la yod/ tshor ba dang 'du shes dang 'du byed dang rnam par shes pa shin du med cing mi dmigs na/ de mngon par 'grub par 'gyur ba lta ga la yod/ mig shin du med cing mi dmigs na/ de mngon par 'grub par 'gyur ba lta ga la yod/ rna ba dang sna dang lce dang lus dang yid shin du med cing mi dmigs na/ de mngon par 'grub par 'gyur ba lta ga la yod/ gzugs shin du med cing mi dmigs na/ de mngon par 'grub par 'gyur ba lta ga la yod/ /sgra dang dri dang ro dang reg dang / chos shin du med cing mi dmigs na/ de mngon par 'grub par 'gyur ba lta ga la yod/ mig gi rnam par shes pa shin du med cing mi dmigs na/ de mngon par 'grub par 'gyur ba lta ga la yod/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa shin du med cing mi dmigs na/ de mngon par 'grub par 'gyur ba lta ga la yod/ mig gi 'dus te reg pa shin du med cing mi dmigs na/ de mngon par 'grub par 'gyur ba lta ga la yod/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa shin du med cing mi dmigs na/ de mngon par 'grub par 'gyur ba lta ga la yod/ mig gi 'dus te reg pa las byung ba'i tshor ba shin du med cing mi dmigs na/ de mngon par 'grub par 'gyur ba lta ga la yod/ rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'du sa te reg pa las byung ba'i tshor ba shin du med cing mi dmigs na/ de mngon par 'grub par 'gyur ba lta ga la yod/ sa'i khams shin du med cing mi dmigs na/ de mngon par 'grub par 'gyur ba lta ga la yod/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams shin du med cing mi dmigs na/ de mngon par 'grub par 'gyur ba lta ga la yod/ ma rig pa shin du med cing mi dmigs na/ de mngon par 'grub par 'gyur ba lta ga la yod/ 'du byed dang / rnam par shes pa dang / ming dang gzugs dang / skye mched drug dang reg pa dang tshor ba dang / sred pa dang / len pa dang / srid pa dang / skye ba dang / rga shi shin du med cing mi dmigs na/ de mngon par 'grub par 'gyur ba lta ga la yod/ sbyin pa'i pha rol du phyin pa shin du med cing mi dmigs na/ de mngon par 'grub par 'gyur ba lta ga la yod/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa shin du med cing mi dmigs na/ de mngon par 'grub par 'gyur ba lta ga la yod/ nang stong pa nyid shin du med cing mi dmigs na/ de mngon par 'grub par 'gyur ba lta ga la yod/ dngos po med pa'i ngo bo nyid stong pa nyid kyi bar du shin du med cing mi dmigs na/ de mngon par 'grub par 'gyur ba lta ga la yod/ dran pa nye bar gzhag pa rnams shin du med cing mi dmigs na/ de mngon par 'grub par 'gyur ba lta ga la yod/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa shin du med cing mi dmigs na/ de mngon par 'grub par 'gyur ba lta ga la yod/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad shin du med cing mi dmigs na/ de mngon par 'grub par 'gyur ba lta ga la yod/ nyan thos shin du med cing mi dmigs na/ de mngon par 'grub par 'gyur ba lta ga la yod/ rang sangs rgyas shin du med cing mi dmigs na/ de mngon par 'grub par 'gyur ba lta ga la yod/ byang chub sems dpa' shin du med cing mi dmigs na/ de mngon par 'grub par 'gyur ba lta ga la yod/ de bzhin gshegs pa dgra bcom pa yang dag par rdzogs pa'i sangs rgyas shin du med cing mi dmigs na/ de mngon par 'grub par 'gyur ba lta ga la yod/ tshe dang ldan pa sha ra dwa ti'i bu rnam grangs des na/ bdag bdag ces kyang bya ste/ bdag shin du mngon par grub pa med do/ /tshe dang ldan pa sha ra dwa ti'i bu gzhan yang gang chos thams cad kyang de bzhin du dngos po med pa'i ngo bo nyid yin nam zhes zer ba de ni/ tshe dang ldan pa sha ra dwa ti'i bu de de bzhin te/ de ci'i phyir zhe na/ 'di lta ste/ tshe dang ldan pa sha ra dwa ti'i bu 'du ba las byung ba'i ngo bo nyid med do/ /sha ra dwa ti'i bus smras pa/ tshe dang ldan pa rab 'byor gang la 'du ba las byung ba'i ngo bo nyid med pa yin/ smras pa/ gzugs la 'du ba las byung ba'i ngo bo nyid med do/ /tshor ba dang 'du shes dang 'du byed dang / rnam par shes pa la 'du ba las byung ba'i ngo bo nyid med do/ /tshe dang ldan pa sha ra dwa ti'i bu mig la 'du ba las byung ba'i ngo bo nyid med do/ /rna ba dang sna dang lce dang lus dang / yid la 'du ba las byung ba'i ngo bo nyid med do/ /gzugs la 'du ba las byung ba'i ngo bo nyid med do/ /sgra dang dri dang ro dang reg dang / chos la 'du ba las byung ba'i ngo bo nyid med do/ /mig gi rnam par shes pa la 'du ba las byung ba'i ngo bo nyid med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la 'du ba las byung ba'i ngo bo nyid med do/ /mig gi 'dus te reg pa la 'du ba las byung ba'i ngo bo nyid med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la 'du ba las byung ba'i ngo bo nyid med do/ /mig gi 'dus te reg pa las byung ba'i tshor ba la 'du ba las byung ba'i ngo bo nyid med do/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba la 'du ba las byung ba'i ngo bo nyid med do/ /sa'i khams la 'du ba las byung ba'i ngo bo nyid med do/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la 'du ba las byung ba'i ngo bo nyid med do/ /ma rig pa la 'du ba las byung ba'i ngo bo nyid med do/ /'du byed dang rnam par shes pa dang / ming dang gzugs dang skye mched drug dang / reg pa dang tshor ba dang sred pa dang len pa dang srid pa dang / skye ba dang rga shi la 'du ba las byung ba'i ngo bo nyid med do/ /sbyin pa'i pha rol du phyin pa la 'du ba las byung ba'i ngo bo nyid med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la 'du ba las byung ba'i ngo bo nyid med do/ /nang stong pa nyid la 'du ba las byung ba'i ngo bo nyid med do/ /phyi stong pa nyid la 'du ba las byung ba'i ngo bo nyid med do/ /phyi nang stong pa nyid la 'du ba las byung ba'i ngo bo nyid med do/ /dngos po med pa'i ngo bo nyid stong pa nyid kyi bar la 'du ba las byung ba'i ngo bo nyid med do/ /dran pa nye bar gzhag pa rnams la 'du ba las byung ba'i ngo bo nyid med do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la 'du ba las byung ba'i ngo bo nyid med do/ / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams la 'du ba las byung ba'i ngo bo nyid med do/ /de ci'i phyir zhe na/ tshe dang ldan pa sha ra dwa ti'i bu rnam grangs des na/ chos thams cad ni dngos po med pa'i ngo bo nyid do/ /tshe dang ldan pa sha ra dwa ti'i bu gzhan yang chos thams cad ni mi rtag pa ste/ gang dang yang bral bas ma yin no/ /smras pa/ tshe dang ldan pa rab 'byor chos thams cad mi rtag pa ste/ gang dang yang bral bas ma yin pa de dag gang yin/ smras pa/ tshe dang ldan pa sha ra dwa ti'i bu gzugs mi rtag pa ste/ gang dang yang bral bas ma yin no/ /tshor ba dang 'du shes dang 'du byed dang rnam par shes pa mi rtag pa ste/ gang dang yang bral bas ma yin no/ /mig mi rtag pa ste/ gang dang yang bral bas ma yin no/ /rna ba dang sna dang lce dang lus dang yid mi rtag pa ste/ gang dang yang bral bas ma yin no/ /gzugs mi rtag pa ste/ gang dang yang bral bas ma yin no/ /sgra dang dri dang ro dang reg dang chos mi rtag pa ste/ gang dang yang bral bas ma yin no/ /mig gi rnam par shes pa mi rtag pa ste/ gang dang yang bral bas ma yin no/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi rtag pa ste/ gang dang yang bral bas ma yin no/ /mig gi 'dus te reg pa mi rtag pa ste/ gang dang yang bral bas ma yin no/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi rtag pa ste/ gang dang yang bral bas ma yin no/ /mig gi 'dus te reg pa'i rkyen gyis tshor ba mi rtag pa ste/ gang dang yang bral bas ma yin no/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba mi rtag pa ste/ gang dang yang bral bas ma yin no/ /sa'i khams mi rtag pa ste/ gang dang yang bral bas ma yin no/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mi rtag pa ste/ gang dang yang bral bas ma yin no/ /ma rig pa mi rtag pa ste/ gang dang yang bral bas ma yin no/ /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi mi rtag pa ste/ gang dang yang bral bas ma yin no/ /sbyin pa'i pha rol du phyin pa mi rtag pa ste/ gang dang yang bral bas ma yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa mi rtag pa ste/ gang dang yang bral bas ma yin no/ /nang stong pa nyid mi rtag pa ste/ gang dang yang bral bas ma yin no/ /phyi stong pa nyid mi rtag pa ste/ gang dang yang bral bas ma yin no/ /phyi nang stong pa nyid mi rtag pa ste/ gang dang yang bral bas ma yin no/ /dngos po med pa'i ngo bo nyid stong pa nyid kyi bar du mi rtag pa ste/ gang dang yang bral bas ma yin no/ /dran pa nye bar gzhag pa rnams mi rtag pa ste/ gang dang yang bral bas ma yin no/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa mi rtag pa ste/ gang dang yang bral bas ma yin no/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad mi rtag pa ste/ gang dang yang bral bas ma yin no/ /de ci'i phyir zhe na/ tshe dang ldan pa sha ra dwa ti'i bu 'di ltar mi rtag pa gang yin pa de ni dngos po med pa dang zad pa ste/ tshe dang ldan pa sha ra dwa ti'i bu rnam grangs des na/ chos thams cad ni mi rtag pa ste/ gang dang yang bral bas ma yin no/ /tshe dang ldan pa sha ra dwa ti'i bu gzhan yang chos thams cad ni sdug bsngal ba/ chos thams cad ni bdag med pa/ chos thams cad ni zhi ba/ chos thams cad ni stong pa/ chos thams cad ni mtshan ma med pa/ chos thams cad ni smon pa med pa ste/ gang dang yang bral bas ma yin no/ /de ci'i phyir zhe na/ tshe dang ldan pa sha ra dwa ti'i bu 'di ltar smon pa med pa gang yin pa de ni dngos po med pa dang zad pa ste/ tshe dang ldan pa sha ra dwa ti'i bu rnam grangs des na/ chos thams cad ni smon pa med pa ste/ gang dang yang bral bas ma yin no/ /tshe dang ldan pa sha ra dwa ti'i bu gzhan yang chos thams cad ni dge ba/ chos thams cad ni kha na ma tho ba med pa/ chos thams cad ni zag pa med pa/ chos thams cad ni nyon mongs pa med pa/ chos thams cad ni rnam par byang ba/ chos thams cad ni 'jig rten las 'das pa/ chos thams cad ni 'dus ma byas pa ste/ gang dang yang bral bas ma yin no/ /de ci'i phyir zhe na/ tshe dang ldan pa sha ra dwa ti'i bu 'di ltar gang 'dus ma byas pa de ni dngos po med pa dang zad pa ste/ tshe dang ldan pa sha ra dwa ti'i bu rnam grangs des na/ chos thams cad ni 'dus ma byas pa ste/ gang dang yang bral bas ma yin no/ /tshe dang ldan pa sha ra dwa ti'i bu gzhan yang chos thams cad ni rtag pa ma yin 'jig pa ma yin no/ /smras pa/ tshe dang ldan pa rab 'byor ci'i phyir/ chos thams cad rtag pa ma yin 'jig pa ma yin/ rab 'byor gyis smras pa/ tshe dang ldan pa sha ra dwa ti'i bu gzugs rtag pa ma yin 'jig pa ma yin te/ de ci'i phyir zhe na/ de'i rang bzhin ni de yin no/ /tshor ba dang 'du shes dang 'du byed dang rnam par shes pa rtag pa ma yin 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu mig rtag pa ma yin 'jig pa ma yin te/ de ci'i phyir zhe na/ de'i rang bzhin ni de yin no/ /rna ba dang sna dang lce dang lus dang yid rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu gzugs rtag pa ma yin 'jig pa ma yin te/ de ci'i phyir zhe na/ de'i rang bzhin ni de yin no/ /sgra dang dri dang ro dang reg dang chos rtag pa ma yin 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu mig gi rnam par shes pa rtag pa ma yin 'jig pa ma yin te/ de ci'i phyir zhe na/ de'i rang bzhin ni de yin no/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu mig gi 'dus te reg pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu mig gi 'dus te reg pa'i rkyen gyis tshor ba rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu sa'i khams rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu ma rig pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /'du byed dang rnam par shes pa dang / ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu sbyin pa'i pha rol du phyin pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu nang stong pa nyid rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /phyi stong pa nyid rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /phyi nang stong pa nyid rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /dngos po med pa'i ngo bo nyid stong pa nyid kyi bar du rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu byang chub kyi phyogs kyi chos sum cu rtsa bdun rtag pa ma yin 'jig pa ma yin te/ de ci'i phyir zhe na/ de'i rang bzhin ni de yin no/ / sangs rgyas kyi chos ma 'dres pa brgyad kyi bar du rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu dge ba'i chos dang / mi dge ba'i chos dang / 'dus byas kyi chos dang / 'dus ma byas kyi chos dang / zag pa dang bcas pa'i chos dang / zag pa med pa'i chos rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa sha ra dwa ti'i bu rnam grangs des na chos thams cad ni dngos po med pa'i ngo bo nyid do/ / //shes rab kyi pha rol du phyin pa stong phrag nyi shu lnga pa/ bam po nyi shu bzhi pa/ tshe dang ldan pa sha ra dwa ti'i bu gang yang 'di skad du/ ci'i phyir gzugs mngon par ma grub/ ci'i phyir tshor ba dang / 'du shes dang / 'du byed dang / rnam par shes pa mngon par ma grub ces smras shes zer ba ni/ tshe dang ldan pa sha ra dwa ti'i bu de ni de bzhin te/ de ci'i phyir zhe na/ tshe dang ldan pa sha ra dwa ti'i bu 'di ltar gzugs ni mngon par 'du ma byas pa'o/ /tshor ba dang 'du shes dang 'du byed dang / rnam par shes pa ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa sha ra dwa ti'i bu mig ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /rna ba dang sna dang lce dang lus dang yid ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /gzugs ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /sgra dang dri dang ro dang reg dang chos ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa sha ra dwa ti'i bu mig gi rnam par shes pa ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /mig gi 'dus te reg pa ni mngon par 'du ma byas pa ste/ de ci'i phyir zhe na/ de ni 'di ltar de la mngon par 'du byed pa med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa sha ra dwa ti'i bu mig gi 'dus te reg pa'i rkyen gyis tshor ba ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa sha ra dwa ti'i bu sa'i khams ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa sha ra dwa ti'i bu ma rig pa ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang / srid pa dang skye ba dang rga shi ni mngon par 'du ma byas pa ste/ de ci'i phyir zhe na/ de ni 'di ltar de dag la mngon par 'du byed pa med do/ /tshe dang ldan pa sha ra dwa ti'i bu sbyin pa'i pha rol du phyin pa ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa sha ra dwa ti'i bu nang stong pa nyid ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /dngos po med pa'i ngo bo nyid stong pa nyid kyi bar ni mngon par 'du ma byas pa ste/ de ci'i phyir zhe na/ 'di ltar de dag mngon par 'du byed pa med do/ /tshe dang ldan pa sha ra dwa ti'i bu byang chub kyi phyogs kyi chos sum cu rtsa bdun ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /sangs rgyas kyi chos ma 'dres pa brgyad kyi bar ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa sha ra dwa ti'i bu rnam grangs des na/ gzugs mngon par ma grub bo/ /tshor ba dang 'du shes dang 'du byed dang rnam par shes pa mngon par ma grub bo/ /tshe dang ldan pa sha ra dwa ti'i bu gang yang 'di skad du ci'i phyir na/ tshe dang ldan pa rab 'byor mngon par ma grub pa de gzugs ma yin tshor ba dang 'du shes dang 'du byed dang rnam par shes pa ma yin zhes smras shes zer ba ni/ tshe dang ldan pa sha ra dwa ti'i bu de ni de bzhin te/ de ci'i phyir zhe na/ 'di ltar tshe dang ldan pa sha ra dwa ti'i bu gzugs rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /tshor ba dang 'du shes dang 'du byed dang rnam par shes pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /mig rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /rna ba dang sna dang lce dang lus dang yid rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /gzugs rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /sgra dang dri dang ro dang reg dang chos rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /mig gi rnam par shes pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /na ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /mig gi 'dus te reg pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /mig gi 'dus te reg pa'i rkyen gyis tshor ba rang bzhin gyis stong pa ste/ rang bzhin gyis stong pa gang yin pa de la/ skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /sa'i khams rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /ma rig pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /'du byed dang rnam par shes pa dang ming dang gzugs dang skye mched drug dang / reg pa dang tshor ba dang sred pa dang len pa dang srid pa dang skye ba dang rga shi rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /sbyin pa'i pha rol du phyin pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /nang stong pa nyid rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /dngos po med pa'i ngo bo nyid stong pa nyid kyi bar du rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /byang chub kyi phyogs kyi chos sum cu rtsa bdun rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /sangs rgyas kyi chos ma 'dres pa brgyad kyi bar du rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ / tshe dang ldan pa sha ra dwa ti'i bu rnam grangs des na/ gang mngon par 'du ma byas pa de gzugs ma yin no/ /gang mngon par 'du ma byas pa de tshor ba dang 'du shes dang 'du byed dang rnam par shes pa ma yin no/ /gang mngon par 'du ma byas pa de mig ma yin no/ / gang mngon par 'du ma byas pa de rna ba dang sna dang lce dang lus dang yid ma yin no/ /gang mngon par 'du ma byas pa de gzugs ma yin no/ /gang mngon par 'du ma byas pa de sgra dang dri dang ro dang reg dang chos ma yin no/ /gang mngon par 'du ma byas pa de mig gi rnam par shes pa ma yin no/ /gang mngon par 'du ma byas pa de rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ma yin no/ /gang mngon par 'du ma byas pa de mig gi 'dus te reg pa ma yin no/ /gang mngon par 'du ma byas pa de rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ma yin no/ /gang mngon par 'du ma byas pa de mig gi 'dus te reg pa'i rkyen gyis tshor ba ma yin no/ /gang mngon par 'du ma byas pa de rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ma yin no/ /gang mngon par 'du ma byas pa de sa'i khams ma yin no/ /gang mngon par 'du ma byas pa de chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ma yin no/ /gang mngon par 'du ma byas pa de ma rig pa ma yin no/ /gang mngon par 'du ma byas pa de 'du byed dang rnam par shes pa dang / ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi ma yin no/ /gang mngon par 'du ma byas pa de sbyin pa'i pha rol du phyin pa ma yin no/ /gang mngon par 'du ma byas pa de tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ma yin no/ /gang mngon par 'du ma byas pa de nang stong pa nyid ma yin no/ /gang mngon par 'du ma byas pa de dngos po med pa'i ngo bo nyid stong pa nyid kyi bar du ma yin no/ /gang mngon par 'du ma byas pa de byang chub kyi phyogs kyi chos sum cu rtsa bdun ma yin no/ /gang mngon par 'du ma byas pa de sangs rgyas kyi chos ma 'dres pa rnams kyi bar du ma yin no/ /gang mngon par 'du ma byas pa de rnam pa thams cad mkhyen pa nyid ma yin no/ /tshe dang ldan pa sha ra dwa ti'i bu gang yang 'di skad du ci'i phyir na mngon par ma grub pa/ shes rab kyi pha rol du phyin pa mngon par ma grub pa la ji ltar gdams shing rjes su bstan par bya zhes smras zhes zer ba ni/ tshe dang ldan pa sha ra dwa ti'i bu 'di ltar mngon par ma grub pa gang yin pa de shes rab kyi pha rol du phyin pa'o/ /shes rab kyi pha rol du phyin pa gang yin pa de mngon par ma grub pa ste/ de ltar na mngon par ma grub pa dang / shes rab kyi pha rol du phyin pa zhes bya ba'i chos de gnyis ni gnyis su med de gnyis su byar do/ /tshe dang ldan pa sha ra dwa ti'i bu rnam grangs des na/ 'di skad du mngon par ma grub pa/ shes rab kyi pha rol du phyin pa mngon par ma grub pa la ji ltar gdams shing rjes su bstan par bya zhes smras so/ /tshe dang ldan pa sha ra dwa ti'i bu gang yang 'di skad du ci'i phyir na/ mngon par ma grub pa ma gtogs par gang byang chub tu spyod pa'i byang chub sems dpa' de lta bu mi dmigs so/ /zhes smras/ shes zer ba ni/ tshe dang ldan pa sha ra dwa ti'i bu 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mngon par ma grub pa yang gzhan la/ byang chub sems dpa' yang gzhan du yang dag par rjes su mi mthong ste/ de ltar na mngon par ma grub pa dang / byang chub sems dpa' zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par gzugs yang dag par rjes su mi mthong ste/ de ltar na mngon par ma grub pa dang / gzugs shes bya ba'i chos de gnyis ni gnyis su med de gnyis su byar med do/ / mngon par ma grub pa ma gtogs par tshor ba dang 'du shes dang 'du byed dang / rnam par shes pa yang dag par rjes su mi mthong ste/ de ltar na mngon par ma grub pa dang / rnam par shes pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs pa mig yang dag par rjes su mi mthong ste/ de ltar na mngon par ma grub pa dang / mig ces bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par rna ba dang sna dang lce dang lus dang yid yang dag par rjes su mi mthong ste/ de ltar na mngon par ma grub pa dang / yid ces bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par gzugs yang dag par rjes su mi mthong ste/ de ltar na mngon par ma grub pa dang / gzugs shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ sgra dang dri dang ro dang reg dang chos yang dag par rjes su mi mthong ste/ de ltar na mngon par ma grub pa dang / chos shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ mig gi rnam par shes pa yang dag par rjes su mi mthong ste/ de ltar na mngon par ma grub pa dang / mig gi rnam par shes pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yang dag par rjes su mi mthong ste/ de ltar na mngon par ma grub pa dang / yid kyi rnam par shes pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ mig gi 'dus te reg pa yang dag par rjes su mi mthong ste/ de ltar na mngon par ma grub pa dang / mig gi 'dus te reg pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yang dag par rjes su mi mthong ste/ de ltar na mngon par ma grub pa dang / yid kyi 'dus te reg pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ mig gi 'dus te reg pa'i rkyen gyis tshor ba yang dag par rjes su mi mthong ste/ de ltar na mngon par ma grub pa dang / mig gi 'dus te reg pa'i rkyen gyis tshor ba zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yang dag par rjes su mi mthong ste/ de ltar na mngon par ma grub pa dang / yid kyi 'dus te reg pa'i rkyen gyis tshor ba zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ sa'i khams yang dag par rjes su mi mthong ste/ de ltar na mngon par ma grub pa dang / sa'i khams shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams yang dag par rjes su mi mthong ste/ de ltar na mngon par ma grub pa dang / rnam par shes pa'i khams shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ ma rig pa yang dag par rjes su mi mthong ste/ de ltar na mngon par ma grub pa dang / ma rig pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ 'du byed dang rnam par shes pa dang ming dang gzugs dang skye mched drug dang / reg pa dang tshor ba dang sred pa dang len pa dang srid pa dang skye ba dang / rga shi yang dag par rjes su mi mthong ste/ de ltar na mngon par ma grub pa dang / rga shi zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ sbyin pa'i pha rol du phyin pa yang dag par rjes su mi mthong ste/ de ltar na mngon par ma grub pa dang / sbyin pa'i pha rol du phyin pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang dag par rjes su mi mthong ste/ de ltar na mngon par ma grub pa dang / shes rab kyi pha rol du phyin pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ nang stong pa nyid yang dag par rjes su mi mthong ste/ de ltar na mngon par ma grub pa dang / nang stong pa nyid ces bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ dngos po med pa'i ngo bo nyid stong pa nyid kyi bar du yang dag par rjes su mi mthong ste/ de ltar na mngon par ma grub pa dang / dngos po med pa'i ngo bo nyid stong pa nyid ces bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ dran pa nye bar gzhag pa rnams yang dag par rjes su mi mthong ste/ de ltar na mngon par ma grub pa dang / dran pa nye bar gzhag pa rnams shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa yang dag par rjes su mi mthong ste/ de ltar na mngon par ma grub pa dang / 'phags pa'i lam yan lag brgyad pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar ba dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams yang dag par rjes su mi mthong ste/ de ltar na mngon par ma grub pa dang / sangs rgyas kyi chos ma 'dres pa rnams shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ rnam pa thams cad mkhyen pa nyid kyi bar du yang dag par rjes su mi mthong ste/ de ltar na mngon par ma grub pa dang / rnam pa thams cad mkhyen pa nyid ces bya ba'i chos de gnyis ni gnyis su med de gnyis su byar med do/ /tshe dang ldan pa sha ra dwa ti'i bu rnam grangs des na/ mngon par ma grub pa ma gtogs par/ gang byang chub tu spyod pa'i byang chub sems dpa' de lta bu mi dmigs so/ /tshe dang ldan pa sha ra dwa ti'i bu gang yang 'di skad du ci'i phyir na/ de ltar bstan pa'i tshe/ byang chub sems dpa' sems dpa' chen po gal te mi 'jigs mi sngang skrag par mi 'gyur na/ byang chub sems dpa' sems dpa' chen po shes rab kyi pha rol du phyin pa la spyod do/ /zhes smras shes zer ba ni/ tshe dang ldan pa sha ra dwa ti'i bu de ltar byang chub sems dpa' sems dpa' chen pos/ chos thams cad byed pa med par yang dag par rjes su mthong la/ chos thams cad rmi lam dang 'dra bar yang dag par rjes su mthong ngo / /chos thams cad sgyu ma dang 'dra ba/ smig rgyu dang 'dra ba sgra brnyan dang 'dra ba mig yor dang 'dra ba/ sprul pa dang 'dra bar yang dag par rjes su mthong bas tshe dang ldan pa sha ra dwa ti'i bu rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bstan pa 'di thos na mi 'jigs mi sngang skrag par mi 'gyur ro/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gang gi tshe/ byang chub sems dpa' sems dpa' chen po shes rab kyi pha rol du phyin pa la spyod cing / chos de dag la 'di ltar yongs su rtog pa de'i tshe 'di ni gzugs shes bgyi bar gzugs la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni tshor ba dang 'du shes dang 'du byed dang rnam par shes pa zhes bgyi bar rnam par shes pa la mi dmigs shing / mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni mig ces bgyi bar mig la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni rna ba dang sna dang lce dang lus dang yid ces bgyi bar yid la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni gzugs shes bgyi bar gzugs la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni sgra dang dri dang ro dang reg dang chos shes bgyi bar chos la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni mig gi rnam par shes pa zhes bgyi bar mig gi rnam par shes pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa zhes bgyi bar/ yid kyi rnam par shes pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni mig gi 'dus te reg pa zhes bgyi bar mig gi 'dus te reg pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa zhes bgyi bar yid kyi 'dus te reg pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni mig gi 'dus te reg pa'i rkyen gyis tshor ba zhes bgyi bar/ mig gi 'dus te reg pa'i rkyen gyis tshor ba la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba zhes bgyi bar/ yid kyi 'dus te reg pa'i rkyen gyis tshor ba la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /bcom ldan 'das gang gi tshe byang chub sems dpa' sems dpa' chen po shes rab kyi pha rol du phyin pa la spyod cing / chos de dag la 'di ltar yongs su rtog pa de'i tshe 'di ni sbyin pa'i pha rol du phyin pa zhes bgyi ba sbyin pa'i pha rol du phyin pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa zhes bgyi bar shes rab kyi pha rol du phyin pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni nang stong pa nyid ces bgyi bar nang stong pa nyid la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni dngos po med pa'i ngo bo nyid stong pa nyid kyi bar zhes bgyi bar dngos po med pa'i ngo bo nyid stong pa nyid la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod cing / chos de dag la 'di ltar yongs su rtag pa de'i tshe/ 'di ni dran pa nye bar gzhag pa rnams shes bgyi bar/ dran pa nye bar gzhag pa rnams la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa zhes bgyi bar/ 'phags pa'i lam yan lag brgyad pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar ba dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang mngon par shes pa rnams shes bgyi bar mngon par shes pa rnams la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad ces bgyi bar sangs rgyas kyi chos ma 'dres pa rnams la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di dag ni ting nge 'dzin dang / gzungs kyi sgo zhes bgyi bar ting nge 'dzin dang / gzungs kyi sgo thams cad la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de ci'i slad du zhe na/ 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs yang dag par rjes su mi mthong / tshor ba dang 'du shes dang 'du byed dang rnam par shes pa yang dag par rjes su mi mthong ngo / /mig yang dag par rjes su mi mthong / /skye mched dang khams dang rten cing 'brel bar 'byung ba yang dag par rjes su mi mthong / pha rol du phyin pa rnams yang dag par rjes su mi mthong / stong pa nyid thams cad yang dag par rjes su mi mthong / byang chub kyi phyogs kyi chos thams cad yang dag par rjes su mi mthong / 'phags pa'i bden pa dang / bsam gtan dang tshad med pa dang gzugs med pa'i snyoms par 'jug pa dang / rnam par thar pa dang mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad yang dag par rjes su mi mthong / rnam pa thams cad mkhyen pa nyid kyi bar du yang dag par rjes su mi mthong ngo / /bcom ldan 'das de ci'i slad du zhe na/ de ni 'di ltar gzugs kyi ma skyes pa gang lags pa de gzugs ma lags te/ de ltar na gzugs dang ma skyes pa de gnyis su ma mchis te/ gnyis su bgyir ma mchis so/ / de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags/ mang ba ma lags tha dad pa ma lags te/ de'i slad du gzugs kyi ma skyes pa gang lags pa de gzugs ma lags so/ /bcom ldan 'das tshor ba dang 'du shes dang 'du byed dang rnam par shes pa'i ma skyes pa gang lags pa de/ rnam par shes pa ma lags te de ltar na rnam par shes pa dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du rnam par shes pa'i ma skyes pa gang lags pa de rnam par shes pa ma lags so/ /bcom ldan 'das mig gi ma skyes pa gang lags pa de mig ma lags te/ de ltar na mig dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi ma skyes pa gang lags pa de mig ma lags so/ /bcom ldan 'das rna ba dang sna dang lce dang lus dang yid kyi ma skyes pa gang lags pa de yid ma lags te/ de ltar na yid dang ma skyes pa de gnyis su ma mchis te/ gnyis su bgyir ma mchis so/ / de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi ma skyes pa gang lags pa de yid ma lags so/ /bcom ldan 'das gzugs kyi ma skyes pa gang lags pa de gzugs ma lags te/ de ltar na gzugs dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du gzugs kyi ma skyes pa gang lags pa de gzugs ma lags so/ /bcom ldan 'das sgra dang dri dang ro dang reg dang chos kyi ma skyes pa gang lags pa de/ chos ma lags te de ltar na chos dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du chos kyi ma skyes pa gang lags pa de chos ma lags so/ / bcom ldan 'das mig gi rnam par shes pa'i ma skyes pa gang lags pa de mig gi rnam par shes pa ma lags te de ltar na mig gi rnam par shes pa dang / ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi rnam par shes pa'i ma skyes pa gang lags pa de mig gi rnam par shes pa ma lags so/ / bcom ldan 'das rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i ma skyes pa gang lags pa de yid kyi rnam par shes pa ma lags te/ de ltar na yid kyi rnam par shes pa dang / ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi rnam par shes pa'i ma skyes pa gang lags pa de yid kyi rnam par shes pa ma lags so/ /bcom ldan 'das mig gi 'dus te reg pa'i ma skyes pa gang lags pa de mig gi 'dus te reg pa ma lags te/ de ltar na mig gi 'dus te reg pa dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi 'dus te reg pa'i ma skyes pa gang lags pa de mig gi 'dus te reg pa ma lags so/ /bcom ldan 'das rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i ma skyes pa gang lags pa de/ yid kyi 'dus te reg pa ma lags te/ de ltar na yid kyi 'dus te reg pa dang / ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi 'dus te reg pa'i ma skyes pa gang lags pa de/ yid kyi 'dus te reg pa ma lags so/ /bcom ldan 'das mig gi 'dus te reg pa'i rkyen gyis tshor ba'i ma skyes pa gang lags pa de/ mig gi 'dus te reg pa'i rkyen gyis tshor ba ma lags te/ de ltar na mig gi 'dus te reg pa'i rkyen gyis tshor ba dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi 'dus te reg pa'i rkyen gyis tshor ba'i ma skyes pa gang lags pa de mig gi 'dus te reg pa'i rkyen gyis tshor ba ma lags so/ /bcom ldan 'das rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i ma skyes pa gang lags pa de/ yid kyi 'dus te reg pa'i rkyen gyis tshor ba ma lags te/ de ltar na yid kyi 'dus te reg pa'i rkyen gyis tshor ba dang / ma skyes pa de gnyis su ma mchis te gnyis su bgyir ma mchis so/ / de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi 'dus te reg pa'i rkyen gyis tshor ba'i ma skyes pa gang lags pa de yid kyi 'dus te reg pa'i rkyen gyis tshor ba ma lags so/ /bcom ldan 'das sa'i khams kyi ma skyes pa gang lags pa de sa'i khams ma lags te/ de ltar na sa'i khams dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du sa'i khams kyi ma skyes pa gang lags pa de sa'i khams ma lags so/ /bcom ldan 'das chu'i khams dang me'i khams dang rlung gi khams dang / nam mkha'i khams dang / rnam par shes pa'i khams kyi ma skyes pa gang lags pa de rnam par shes pa'i khams ma lags te/ de ltar na rnam par shes pa'i khams dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du rnam par shes pa'i khams kyi ma skyes pa gang lags pa de rnam par shes pa'i khams ma lags so/ /bcom ldan 'das ma rig pa'i ma skyes pa gang lags pa de/ ma rig pa ma lags te de ltar nam rig pa dang ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du ma rig pa'i ma skyes pa gang lags pa de ma rig pa ma lags so/ /bcom ldan 'das 'du byed dang rnam par shes pa dang ming dang gzugs dang skye mched drug dang reg pa dang tshor ba dang / sred pa dang len pa dang srid pa dang skye ba dang rga shi'i ma skyes pa gang lags pa de/ rga shi ma lags te de ltar na rga shi dang ma skyes pa de gnyis su ma mchis te gnyis su bgyir ma mchis so/ / de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du rga shi'i ma skyes pa gang lags pa de rga shi ma lags so/ /bcom ldan 'das sbyin pa'i pha rol du phyin pa'i ma skyes pa gang lags pa de/ sbyin pa'i pha rol du phyin pa ma lags te/ de ltar na sbyin pa'i pha rol du phyin pa dang / ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du sbyin pa'i pha rol tu phyin pa'i ma skyes pa gang lags pa de sbyin pa'i pha rol du phyin pa ma lags so/ /bcom ldan 'das tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ma skyes pa gang lags pa de/ shes rab kyi pha rol du phyin pa ma lags te/ de ltar na shes rab kyi pha rol du phyin pa dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du shes rab kyi pha rol du phyin pa'i ma skyes pa gang lags pa de shes rab kyi pha rol du phyin pa ma lags so/ /bcom ldan 'das nang stong pa nyid kyi ma skyes pa gang lags pa de nang stong pa nyid ma lags te/ de ltar na nang stong pa nyid dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du nang stong pa nyid kyi ma skyes pa gang lags pa de nang stong pa nyid ma lags so/ /bcom ldan 'das dngos po med pa'i ngo bo nyid stong pa nyid kyi bar gyi ma skyes pa gang lags pa de dngos po med pa'i ngo bo nyid stong pa nyid ma lags te/ de ltar na dngos po med pa'i ngo bo nyid stong pa nyid dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags/ mang ba ma lags tha dad pa ma lags te/ de'i slad du dngos po med pa'i ngo bo nyid stong pa nyid kyi ma skyes pa gang lags pa de dngos po med pa'i ngo bo nyid stong pa nyid ma lags so/ /bcom ldan 'das dran pa nye bar gzhag pa rnams kyi ma skyes pa gang lags pa de dran pa nye bar gzhag pa rnams ma lags te/ de ltar na dran pa nye bar gzhag pa rnams dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du dran pa nye bar gzhag pa rnams kyi ma skyes pa gang lags pa de dran pa nye bar gzhag pa rnams ma lags so/ /bcom ldan 'das yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ma skyes pa gang lags pa de/ 'phags pa'i lam yan lag brgyad pa ma lags te/ de ltar na 'phags pa'i lam yan lag brgyad pa dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du 'phags pa'i lam yan lag brgyad pa'i ma skyes pa gang lags pa de 'phags pa'i lam yan lag brgyad pa ma lags so/ /bcom ldan 'das 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa brgyad kyi ma skyes pa gang lags pa de sangs rgyas kyi chos ma 'dres pa rnams ma lags te/ de ltar na sangs rgyas kyi chos ma 'dres pa rnams dang / ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du sangs rgyas kyi chos ma 'dres pa rnams kyi ma skyes pa gang lags pa de sangs rgyas kyi chos ma 'dres pa rnams ma lags so/ /bcom ldan 'das de bzhin nyid kyi ma skyes pa gang lags pa de de bzhin nyid ma lags te/ de ltar na de bzhin nyid dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du de bzhin nyid kyi ma skyes pa gang lags pa de de bzhin nyid ma lags so/ /bcom ldan 'das chos nyid dang chos kyi dbyings dang / chos skyon med pa nyid dang / yang dag pa'i mtha' dang bsam gyis mi khyab pa'i dbyings dang / thams cad shes pa nyid dang / lam gyi rnam pa shes pa nyid dang rnam pa thams cad mkhyen pa nyid kyi ma skyes pa gang lags pa de rnam pa thams cad mkhyen pa nyid ma lags te/ de ltar na rnam pa thams cad mkhyen pa nyid dang ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du rnam pa thams cad mkhyen pa nyid kyi ma skyes pa gang lags pa dang / rnam pa thams cad mkhyen pa nyid ma lags so/ /bcom ldan 'das gzugs kyi 'grib pa gang lags pa de ni gzugs ma lags te/ de ltar na gzugs dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni/ gcig ma lags gnyis ma lags mang ba ma lags tha dad pa ma lags te/ de'i slad du gzugs kyi 'grib pa gang lags pa de gzugs ma lags so/ /bcom ldan 'das tshor ba dang 'du shes dang 'du byed dang rnam par shes pa'i 'grib pa gang lags pa de ni rnam par shes pa ma lags te/ de ltar na rnam par shes pa dang / 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du rnam par shes pa'i 'grib pa gang lags pa de rnam par shes pa ma lags so/ /bcom ldan 'das mig gi 'grib pa gang lags pa de ni mig ma lags te/ de ltar na mig dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi 'grib pa gang lags pa de mig ma lags so/ /bcom ldan 'das rna ba dang sna dang lce dang lus dang yid kyi 'grib pa gang lags pa de ni yid ma lags te/ de ltar na yid dang 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi 'grib pa gang lags pa de yid ma lags so/ /bcom ldan 'das gzugs kyi 'grib pa gang lags pa de ni gzugs ma lags te/ de ltar na gzugs dang 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du gzugs kyi 'grib pa gang lags pa de gzugs ma lags so/ /bcom ldan 'das sgra dang dri dang ro dang reg dang chos kyi 'grib pa gang lags pa de ni chos ma lags te/ de ltar na chos dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du chos kyi 'grib pa gang lags pa de chos ma lags so/ /bcom ldan 'das mig gi rnam par shes pa'i 'grib pa gang lags pa de ni mig gi rnam par shes pa ma lags te/ de ltar na mig gi rnam par shes pa dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi rnam par shes pa'i 'grib pa gang lags pa de mig gi rnam par shes pa ma lags so/ /bcom ldan 'das rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i 'grib pa gang lags pa de ni yid kyi rnam par shes pa ma lags te/ de ltar na yid kyi rnam par shes pa dang 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi rnam par shes pa'i 'grib pa gang lags pa de yid kyi rnam par shes pa ma lags so/ /bcom ldan 'das mig gi 'dus te reg pa'i 'grib pa gang lags pa de ni mig gi 'dus te reg pa ma lags te/ de ltar na mig gi 'dus te reg pa dang / 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi 'dus te reg pa'i 'grib pa gang lags pa de mig gi 'dus te reg pa ma lags so/ /bcom ldan 'das rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i 'grib pa gang lags pa de ni yid kyi 'dus te reg pa ma lags te/ de ltar na yid kyi 'dus te reg pa dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi 'dus te reg pa'i 'grib pa gang lags pa de yid kyi 'dus te reg pa ma lags so/ /bcom ldan 'das mig gi 'dus te reg pa'i rkyen gyis tshor ba'i 'grib pa gang lags pa de ni mig gi 'dus te reg pa'i rkyen gyis tshor ba ma lags te/ de ltar na mig gi 'dus te reg pa'i rkyen gyis tshor ba dang / 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi 'dus te reg pa'i rkyen gyis tshor ba'i 'grib pa gang lags pa de/ mig gi 'dus te reg pa'i rkyen gyis tshor ba ma lags so/ /bcom ldan 'das rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i 'grib pa gang lags pa de ni yid kyi 'dus te reg pa'i rkyen gyis tshor ba ma lags te/ de ltar na yid kyi 'dus te reg pa'i rkyen gyis tshor ba dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi 'dus te reg pa'i rkyen gyis tshor ba'i 'grib pa gang lags pa de yid kyi 'dus te reg pa'i rkyen gyis tshor ba ma lags so/ /bcom ldan 'das sa'i khams kyi 'grib pa gang lags pa de ni/ sa'i khams ma lags te/ de ltar na sa'i khams dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du sa'i khams kyi 'grib pa gang lags pa de sa'i khams ma lags so/ /bcom ldan 'das chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi 'grib pa gang lags pa de ni rnam par shes pa'i khams ma lags te/ de ltar na rnam par shes pa'i khams kyi 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du rnam par shes pa'i khams kyi 'grib pa gang lags pa de rnam par shes pa'i khams ma lags so/ /bcom ldan 'das ma rig pa'i 'grib pa gang lags pa de ni ma rig pa ma lags te/ de ltar na ma rig pa dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du ma rig pa'i 'grib pa gang lags pa de ma rig pa ma lags so/ /bcom ldan 'das 'du byed dang / rnam par shes pa dang ming dang gzugs dang skye mched drug dang / reg pa dang tshor ba dang sred pa dang len pa dang srid pa dang skye ba dang rga shi'i 'grib pa gang lags pa de ni rga shi ma lags te/ de ltar na rga shi dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du rga shi'i 'grib pa gang lags pa de rga shi ma lags so// //shes rab kyi pha rol du phyin pa stong phrag nyi shu lnga pa/ bam po nyi shu lnga pa/ bcom ldan 'das sbyin pa'i pha rol tu phyin pa'i 'grib pa gang lags pa de ni/ sbyin pa'i pha rol du phyin pa ma lags te/ de ltar na sbyin pa'i pha rol du phyin pa dang 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du sbyin pa'i pha rol du phyin pa'i 'grib pa gang lags pa de/ sbyin pa'i pha rol du phyin pa ma lags so/ /bcom ldan 'das tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i 'grib pa gang lags pa de ni/ shes rab kyi pha rol du phyin pa ma lags te/ de ltar na shes rab kyi pha rol du phyin pa dang / 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du shes rab kyi pha rol du phyin pa'i 'grib pa gang lags pa de/ shes rab kyi pha rol du phyin pa ma lags so/ /bcom ldan 'das nang stong pa nyid kyi 'grib pa gang lags pa de ni nang stong pa nyid ma lags te/ de ltar na nang stong pa nyid dang / 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du nang stong pa nyid kyi 'grib pa gang lags pa de nang stong pa nyid ma lags so/ /bcom ldan 'das dngos po med pa'i ngo bo nyid stong pa nyid kyi bar gyi 'grib pa gang lags pa de ni/ dngos po med pa'i ngo bo nyid stong pa nyid ma lags te/ de ltar na dngos po med pa'i ngo bo nyid stong pa nyid dang / 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du dngos po med pa'i ngo bo nyid stong pa nyid kyi 'grib pa gang lags pa de/ dngos po med pa'i ngo bo nyid stong pa nyid ma lags so/ /bcom ldan 'das dran pa nye bar gzhag pa rnams kyi 'grib pa gang lags pa de ni dran pa nye bar gzhag pa rnams ma lags te/ de ltar na dran pa nye bar gzhag pa rnams dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du dran pa nye bar gzhag pa'i 'grib pa gang lags pa de/ dran pa nye bar gzhag pa rnams ma lags so/ /bcom ldan 'das yang dag par spong ba rnams dang / rdzu 'phrul kyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i 'grib pa gang lags pa de ni/ 'phags pa'i lam yan lag brgyad pa ma lags te/ de ltar na 'phags pa'i lam yan lag brgyad pa dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du 'phags pa'i lam yan lag brgyad pa'i 'grib pa gang lags pa de 'phags pa'i lam yan lag brgyad pa ma lags so/ / bcom ldan 'das 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa dang mthar gyis gnas pa'i snyoms par 'jug pa dang stong pa nyid dang mtshan ma med pa dang smon pa med pa dang mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa dang so so yang dag par rig pa dang / sangs rgyas kyi chos ma 'dres pa brgyad kyi 'grib pa gang lags pa de ni/ sangs rgyas kyi chos ma 'dres pa brgyad ma lags te/ de ltar na sangs rgyas kyi chos ma 'dres pa rnams dang / 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du sangs rgyas kyi chos ma 'dres pa rnams kyi 'grib pa gang lags pa de ni/ sangs rgyas kyi chos ma 'dres pa rnams ma lags so/ /bcom ldan 'das de bzhin du de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang chos kyi dbyings dang chos kyi gnas nyid dang / chos mi 'gyur ba nyid dang yang dag pa'i mtha' dang bsam gyis mi khyab pa'i dbyings nas/ rnam pa thams cad mkhyen pa nyid kyi bar gyi 'grib pa gang lags pa de ni rnam pa thams cad mkhyen pa nyid ma lags te/ de ltar na rnam pa thams cad mkhyen pa nyid dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du rnam pa thams cad mkhyen pa nyid 'grib pa gang lags pa de/ rnam pa thams cad mkhyen pa nyid ma lags so/ / bcom ldan 'das gang yang gzugs shes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang tshor ba dang 'du shes dang 'du byed dang rnam par shes pa zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang mig ces bgyi ba 'di ni gnyis su ma mchis shing nyam pa ma mchis pa'i chos kyi rnam grangs su bgyis pa'o/ /gang yang rna ba dang sna dang lce dang lus dang yid ces bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang gzugs shes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang sgra dang dri dang ro dang reg dang chos shes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang mig gi rnam par shes pa zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang mig gi 'dus te reg pa zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang mig gi 'dus te reg pa'i rkyen gyis tshor ba zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang dran pa nye bar gzhag pa rnams shes bgyi ba'i bar 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang 'phags pa'i lam yan lag brgyad pa zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang sangs rgyas kyi chos ma 'dres pa brgyad ces bgyi ba'i bar 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang rnam pa thams cad mkhyen pa nyid ces bgyi ba'i bar 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /shes rab kyi pha rol du phyin pa stong phrag nyi shu lnga pa las le'u bcu gnyis pa'o// //de nas tshe dang ldan pa sha ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos 'di dag la ni ji ltar yongs su rtog / tshe dang ldan pa rab 'byor byang chub sems dpa' ni gang / shes rab kyi pha rol du phyin pa ni gang / yongs su brtag pa ni gang de skad ces smras pa dang / tshe dang ldan pa rab 'byor gyis tshe dang ldan pa sha ra dwa ti'i bu la 'di skad ces smras so/ /tshe dang ldan pa sha ra dwa ti'i bu gang yang 'di skad du byang chub sems dpa' gang zhes zer ba ni gang gi phyir sems can byang chub yin pa de'i phyir byang chub sems dpa' zhes bya'o/ /byang chub des kyang chos thams cad kyi rnam pa shes te chos de dag la mngon par chags pa med do/ /chos gang gi rnam pa shes she na/ gzugs kyi rnam pa shes te/ de la mngon par chags pa med do/ /tshor ba dang 'du shes dang 'du byed dang / rnam par shes pa'i rnam pa shes te/ de la mngon par chags pa med do/ /skye mched dang khams dang rten cing 'brel bar 'byung ba'i rnam pa shes te/ de la mngon par chags pa med do/ /pha rol du phyin pa rnams dang / stong pa nyid thams cad dang / byang chub kyi phyogs kyi chos sum cu rtsa bdun kyi rnam pa shes te/ de la mngon par chags pa med do/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang rnam par thar ba dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang smon pa med pa dang mngon par shes pa dang / ting nge 'dzin dang gzungs kyi sgo dang de bzhin gshegs pa'i stobs bcu dang / mi 'jigs pa rnams dang so so yang dag par rig pa rnams dang / sangs rgyas kyi chos ma 'dres pa brgyad kyi rnam pa shes te/ de la mngon par chags pa med do/ /smras pa tshe dang ldan pa rab 'byor chos thams cad kyi rnam pa gang yin/ rab 'byor gyis smras pa/ tshe dang ldan pa sha ra dwa ti'i bu rnam pa gang dang tshul gang dang mtshan ma gang gis chos rnams rnam pa yod par bya ba ste/ 'di ltar 'dus byas dang 'dus ma byas kyi chos rnams gzugs sam sgra'am dri'am ro'am reg gam phyi nang gi chos kyang shes te/ rnam pa gang dang tshul gang dang mtshan ma gang gis rnam par yod par bya ba 'di dag ni chos thams cad kyi rnam pa zhes bya'o/ /tshe dang ldan pa sha ra dwa ti'i bu gang yang 'di skad du/ shes rab kyi pha rol du phyin pa gang zhes zer ba ni/ tshe dang ldan pa sha ra dwa ti'i bu gang la shes rab kyi pha rol du phyin pa zhes bya ba de ni ring du song ba ste/ gang las ring du song ba zhes bya zhe na/ tshe dang ldan pa sha ra dwa ti'i bu phung po rnams las ring du song bas na/ de'i phyir ring du song ba zhes bya'o/ /skye mched rnams dang / khams rnams las ring du song bas na/ de'i phyir ring du song ba zhes bya'o/ /nyon mongs pa thams cad dang / lta ba'i rnam pa thams cad dang / 'gro ba drug las ring du song bas na/ de'i phyir ring du song ba zhes bya'o/ /sbyin pa'i pha rol du phyin pa las ring du song bas na/ de'i phyir ring du song ba zhes bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa las ring du song bas na/ de'i phyir ring du song ba zhes bya'o/ /nang stong pa nyid las ring du song bas na/ de'i phyir ring du song ba zhes bya'o/ /phyi stong pa nyid las ring du song bas na/ de'i phyir ring du song ba zhes bya'o/ /phyi nang stong pa nyid las ring du song bas na/ de'i phyir ring du song ba zhes bya'o/ /dngos po med pa'i ngo bo nyid stong pa nyid kyi bar las ring du song bas na/ de'i phyir ring du song ba zhes bya'o/ /dran pa nye bar gzhag pa rnams las ring du song bas na/ de'i phyir ring du song ba zhes bya'o/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa las ring du song bas na/ de'i phyir ring du song ba zhes bya'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams las ring du song bas na/ de'i phyir ring du song ba zhes bya'o/ /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams las/ ring du song bas na/ de'i phyir ring du song ba zhes bya'o/ /rnam pa thams cad mkhyen pa nyid kyi bar las ring du song bas na/ de'i phyir ring du song ba zhes bya'o/ /tshe dang ldan pa sha ra dwa ti'i bu rnam grangs des na/ ring du song ba ste/ de ni shes rab kyi pha rol du phyin pa'o/ /tshe dang ldan pa sha ra dwa ti'i bu gang yang 'di skad du yongs su brtag pa gang zhes zer ba ni/ tshe dang ldan pa sha ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs rtag ces bya ba dang / mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go / sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang / mtshan ma med ces bya bar yongs su mi rtog go /smon pa yod ces bya ba dang / smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /tshor ba dang 'du shes dang 'du byed dang rnam par shes pa rtag ces bya ba dang / mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go / stong zhes bya ba dang mi stong zhes bya bar yongs su mi rtog go /mtshan ma yod ces bya ba dang / mtshan ma med ces bya bar yongs su mi rtog go /smon pa yod ces bya ba dang / smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go / dben zhes bya ba dang mi dben zhes bya bar yongs su mi rtog go /mig rtag ces bya ba dang / mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go / sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go / smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /rna ba dang sna dang lce dang lus dang yid rtag ces bya ba dang mi rtag ces bya bar yongs su mi rtog go / bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go / mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go / dben zhes bya ba dang mi dben zhes bya bar yongs su mi rtog go /gzugs rtag ces bya ba dang / mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go / sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go / zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /sgra dang dri dang ro dang reg dang chos rtag ces bya ba dang mi rtag ces bya bar yongs su mi rtog go / bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go / mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go / dben zhes bya ba dang mi dben zhes bya bar yongs su mi rtog go /mig gi rnam par shes pa rtag ces bya ba dang mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go / sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go / zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rtag ces bya ba dang mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go / sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go / zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /mig gi 'dus te reg pa rtag ces bya ba dang mi rtag ces bya bar yongs su mi rtog go / bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go / mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go / dben zhes bya ba dang mi dben zhes bya bar yongs su mi rtog go /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa rtag ces bya ba dang mi rtag ces bya bar yongs su mi rtog go / bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go / stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go / zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /mig gi 'dus te reg pa'i rkyen gyis tshor ba rtag ces bya ba dang mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go / bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go / smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba rtag ces bya ba dang mi rtag ces bya bar yongs su mi rtog go / bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go / stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go / dben zhes bya ba dang mi dben zhes bya bar yongs su mi rtog go /sa'i khams rtag ces bya ba dang mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go / sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go / zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /chu'i khams dang me'i khams dang rlung gi khams dang / nam mkha'i khams dang rnam par shes pa'i khams rtag ces bya ba dang mi rtag ces bya bar yongs su mi rtog go / bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go / stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go / dben zhes bya ba dang mi dben zhes bya bar yongs su mi rtog go /ma rig pa rtag ces bya ba dang mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go / sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go / zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /'du byed dang rnam par shes pa dang ming dang gzugs dang skye mched drug dang reg pa dang tshor ba dang / sred pa dang len pa dang srid pa dang skye ba dang rga shi rtag ces bya ba dang mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go / sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go / smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /sbyin pa'i pha rol du phyin pa rtag ces bya ba dang mi rtag ces bya bar yongs su mi rtog go / bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go / mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go / dben zhes bya ba dang mi dben zhes bya bar yongs su mi rtog go /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa rtag ces bya ba dang mi rtag ces bya bar yongs su mi rtog go / bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go / stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go / dben zhes bya ba dang mi dben zhes bya bar yongs su mi rtog go /nang stong pa nyid rtag ces bya ba dang mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go / sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go / zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /dngos po med pa'i ngo bo nyid stong pa nyid kyi bar du rtag ces bya ba dang mi rtag ces bya bar yongs su mi rtog go / bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go / stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go / dben zhes bya ba dang mi dben zhes bya bar yongs su mi rtog go /dran pa nye bar gzhag pa rnams rtag ces bya ba dang mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go / bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go / smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa rtag ces bya ba dang mi rtag ces bya bar yongs su mi rtog go / bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go / mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang mtshan ma med pa dang smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams rtag ces bya ba dang mi rtag ces bya bar yongs su mi rtog go /bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go / sdug ces bya ba dang mi sdug ces bya bar yongs su mi rtog go /stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go / smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go /dben zhes bya ba dang mi dben zhes bya bar yongs su mi rtog go /rnam pa thams cad mkhyen pa nyid kyi bar du rtag ces bya ba dang mi rtag ces bya bar yongs su mi rtog go / bde zhes bya ba dang sdug bsngal zhes bya bar yongs su mi rtog go /bdag ces bya ba dang bdag med ces bya bar yongs su mi rtog go /sdug ces bya ba dang mi sdug ces bya bar yongs su mi rtog go / stong zhes bya ba dang mi stong zhes bya bar yongs su mi rtog go /mtshan ma yod ces bya ba dang mtshan ma med ces bya bar yongs su mi rtog go /smon pa yod ces bya ba dang smon pa med ces bya bar yongs su mi rtog go /zhi zhes bya ba dang ma zhi zhes bya bar yongs su mi rtog go / dben zhes bya ba dang mi dben zhes bya bar yongs su mi rtog go /'di lta ste tshe dang ldan pa sha ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos 'di dag la yongs su rtog pa med pa'i tshul gyis de ltar yongs su rtog go /smras pa tshe dang ldan pa rab 'byor ci'i phyir na de skad du gzugs kyi ma skyes pa gang yin pa de ni gzugs ma yin/ tshor ba dang 'du shes dang 'du byed dang rnam par shes pa'i ma skyes pa gang yin pa de ni rnam par shes pa ma yin zhes zer/ tshe dang ldan pa rab 'byor ci'i phyir na/ de skad du skye mched dang khams dang rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos thams cad dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba rnams dang mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi ma skyes pa gang yin pa de ni rnam pa thams cad mkhyen pa nyid ma yin zhes zer/ rab 'byor gyis smras pa tshe dang ldan pa sha ra dwa ti'i bu gzugs ni gzugs kyis stong ste/ gang stong pa de ni gzugs ma yin te/ skye ba med do/ /tshe dang ldan pa sha ra dwa ti'i bu rnam grangs des na/ gzugs kyi ma skyes pa gang yin pa de ni gzugs ma yin no/ /tshe dang ldan pa sha ra dwa ti'i bu tshor ba dang 'du shes dang 'du byed dang rnam par shes pa ni rnam par shes pas stong ste/ gang stong pa de ni rnam par shes pa ma yin te skye ba med do/ /tshe dang ldan pa sha ra dwa ti'i bu rnam grangs des na/ rnam par shes pa'i ma skyes pa gang yin pa de rnam par shes pa ma yin no/ /tshe dang ldan pa sha ra dwa ti'i bu skye mched dang khams dang rten cing 'brel bar 'byung ba ni rten cing 'brel bar 'byung bas stong ste/ gang stong ba de ni rten cing 'brel bar 'byung ba ma yin te skye ba med do/ /tshe dang ldan pa sha ra dwa ti'i bu rnam grangs des na/ rten cing 'brel bar 'byung ba'i ma skyes pa gang yin pa de rten cing 'brel bar 'byung ba ma yin no/ /tshe dang ldan pa sha ra dwa ti'i bu sbyin pa'i pha rol du phyin pa ni/ sbyin pa'i pha rol du phyin pas stong ste/ gang stong pa de ni sbyin pa'i pha rol du phyin pa ma yin te skye ba med do/ /tshe dang ldan pa sha ra dwa ti'i bu rnam grangs des na/ sbyin pa'i pha rol du phyin pa'i ma skyes pa gang yin pa de sbyin pa'i pha rol du phyin pa ma yin no/ /tshe dang ldan pa sha ra dwa ti'i bu tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni shes rab kyi pha rol du phyin pas stong ste/ gang stong pa de ni shes rab kyi pha rol du phyin pa ma yin te skye ba med do/ /tshe dang ldan pa sha ra dwa ti'i bu rnam grangs des na/ shes rab kyi pha rol du phyin pa'i ma skyes pa gang yin pa de ni shes rab kyi pha rol du phyin pa ma yin no/ /tshe dang ldan pa sha ra dwa ti'i bu nang stong pa nyid ni nang stong pa nyid kyis stong ste/ gang stong pa de ni nang stong pa nyid ma yin te skye ba med do/ /tshe dang ldan pa sha ra dwa ti'i bu rnam grangs des na/ nang stong pa nyid kyi ma skyes pa gang yin pa de nang stong pa nyid ma yin no/ /tshe dang ldan pa sha ra dwa ti'i bu phyi stong pa nyid ni phyi stong pa nyid kyis stong ste/ gang stong pa de ni phyi stong pa nyid ma yin te skye ba med do/ /tshe dang ldan pa sha ra dwa ti'i bu rnam grangs des na/ phyi stong pa nyid kyi ma skyes pa gang yin pa de phyi stong pa nyid ma yin no/ /tshe dang ldan pa sha ra dwa ti'i bu phyi nang stong pa nyid ni phyi nang stong pa nyid kyis stong ste/ gang stong pa de ni phyi nang stong pa nyid ma yin te skye ba med do/ tshe dang ldan pa sha ra dwa ti'i bu rnam grangs des na/ phyi nang stong pa nyid kyi ma skyes pa gang yin pa de phyi nang stong pa nyid ma yin no/ /tshe dang ldan pa sha ra dwa ti'i bu dngos po med pa'i ngo bo nyid stong pa nyid kyi bar ni/ dngos po med pa'i ngo bo nyid stong pa nyid kyis stong ste/ gang stong pa de ni dngos po med pa'i ngo bo nyid stong pa nyid ma yin te skye ba med do/ /tshe dang ldan pa sha ra dwa ti'i bu rnam grangs des na/ dngos po med pa'i ngo bo nyid stong pa nyid kyi ma skyes pa gang yin pa de dngos po med pa'i ngo bo nyid stong pa nyid ma yin no/ /tshe dang ldan pa sha ra dwa ti'i bu dran pa nye bar gzhag pa rnams ni dran pa nye bar gzhag pa rnams kyis stong ste/ gang stong pa de ni dran pa nye bar gzhag pa rnams ma yin te skye ba med do/ /tshe dang ldan pa sha ra dwa ti'i bu rnam grangs des na/ dran pa nye bar gzhag pa rnams kyi ma skyes pa gang yin pa de dran pa nye bar gzhag pa rnams ma yin no/ /tshe dang ldan pa sha ra dwa ti'i bu yang dag par spong ba rnams dang / rdzu 'phrul gyi rkang pa rnams dang / dbang po rnams dang stobs rnams dang / byang chub kyi yan lag rnams dang / 'phags pa'i lam yan lag brgyad pa ni/ 'phags pa'i lam yan lag brgya da pas stong ste/ gang stong pa de ni 'phags pa'i lam yan lag brgyad pa ma yin te skye ba med do/ /tshe dang ldan pa sha ra dwa ti'i bu rnam grangs des na/ 'phags pa'i lam yan lag brgyad pa'i ma skyes pa gang yin pa de/ 'phags pa'i lam yan lag brgyad pa ma yin no/ /tshe dang ldan pa sha ra dwa ti'i bu 'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams ni/ sangs rgyas kyi chos ma 'dres pa rnams kyis stong ste/ gang stong pa de ni sangs rgyas kyi chos ma 'dres pa rnams ma yin te skye ba med do/ / tshe dang ldan pa sha ra dwa ti'i bu rnam grangs des na/ sangs rgyas kyi chos ma 'dres pa rnams kyi ma skyes pa gang yin pa de/ sangs rgyas kyi chos ma 'dres pa rnams ma yin no/ /tshe dang ldan pa sha ra dwa ti'i bu rnam pa thams cad mkhyen pa nyid kyi bar du/ rnam pa thams cad mkhyen pa nyid kyis stong ste/ gang stong pa de ni rnam pa thams cad mkhyen pa nyid ma yin te/ skye ba med do/ /tshe dang ldan pa sha ra dwa ti'i bu rnam grangs des na/ rnam pa thams cad mkhyen pa nyid kyi ma skyes pa gang yin pa de/ rnam pa thams cad mkhyen pa nyid ma yin no/ /smras pa tshe dang ldan pa rab 'byor ci'i phyir na 'di skad du/ gzugs kyi 'grib pa gang yin pa de ni gzugs ma yin no/ /tshor ba dang 'du shes dang 'du byed dang rnam par shes pa'i 'grib pa gang yin pa de ni rnam par shes pa ma yin no/ /skye mched dang khams dang rten cing 'brel bar 'byung ba dang pha rol du phyin pa thams cad dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang so so yang dag par rig pa dang / sangs rgyas kyi chos ma 'dres pa rnams kyi 'grib pa gang yin pa de ni/ sangs rgyas kyi chos ma 'dres pa rnams ma yin/ rnam pa thams cad mkhyen pa nyid kyi bar gyi 'grib pa gang yin pa de ni/ rnam pa thams cad mkhyen pa nyid ma yin zhes zer/ rab 'byor gyis smras pa/ tshe dang ldan pa sha ra dwa ti'i bu 'di ltar 'grib pa gang yin pa dang gzugs gang yin pa dang / gnyis su byar med pa gang yin pa dang / 'grib pa gang yin pa dang / tshor ba dang 'du shes dang 'du byed dang rnam par shes pa gang yin pa dang / gnyis su byar med pa gang yin pa'i chos de dag thams cad kyang ldan pa yang ma yin/ mi ldan pa yang ma yin/ gzugs med pa bltar med pa thogs pa med pa ste/ 'di ltar mtshan nyid med par mtshan nyid gcig pa'o/ /'grib pa gang yin pa dang / skye mched dang khams dang rten cing 'brel bar 'byung ba gang yin pa dang / gnyis su byar med pa'i chos gang yin pa de dag thams cad kyang ldan pa yang ma yin/ mi ldan pa yang ma yin gzugs med pa bltar med pa thogs pa med pa ste/ 'di ltar mtshan nyid med par mtshan nyid gcig pa'o/ /'grib pa gang yin pa dang pha rol du phyin pa rnams dang / stong pa nyid thams cad dang byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang gzugs med pa'i snyoms par 'jug pa rnams dang / rnam par thar ba rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang rnam pa thams cad mkhyen pa nyid kyi bar gang yin pa dang / gnyis su byar med pa'i chos gang yin pa de dag thams cad kyang ldan pa yang ma yin mi ldan pa yang ma yin gzugs med pa bltar med pa thogs pa med pa ste/ 'di ltar mtshan nyid med par mtshan nyid gcig pa'o/ /tshe dang ldan pa sha ra dwa ti'i bu rnam grangs des na/ gzugs kyi 'grib pa gang yin pa de yang gzugs ma yin/ tshor ba dang 'du shes dang 'du byed dang rnam par shes pa'i 'grib pa gang yin pa de yang rnam par shes pa ma yin/ skye mched dang khams dang rten cing 'brel bar 'byung ba'i 'grib pa gang yin pa de yang rten cing 'brel bar 'byung ba ma yin/ pha rol du phyin pa rnams dang stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar ba rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar gyi 'grib pa gang yin pa/ de yang rnam pa thams cad mkhyen pa nyid ma yin no/ /smras pa/ rab 'byor ci'i phyir na de skad du gang 'di gzugs shes bya ba de ni gnyis su med pa'i grangs su byas pa'o/ / gang 'di tshor ba dang 'du shes dang 'du byed dang rnam par shes pa zhes bya ba de ni gnyis su med pa'i grangs su byas pa'o/ /gang 'di rnam pa thams cad mkhyen pa nyid kyi bar zhes bya ba de ni gnyis su med pa'i grangs su byas pa'o/ / zhes zer/ rab 'byor gyis smras pa/ tshe dang ldan pa sha ra dwa ti'i bu 'di ltar gzugs kyang gzhan ma yin/ ma skyes pa yang gzhan ma yin te/ ma skyes pa nyid kyang gzugs/ gzugs nyid kyang ma skyes pa te/ tshe dang ldan pa sha ra dwa ti'i bu rnam grangs des na/ 'di gzugs shes bya ba de ni gnyis su med pa'i grangs su byas pa'o/ /'di ltar tshor ba dang 'du shes dang 'du byed dang / rnam par shes pa yang gzhan ma yin ma skyes pa yang gzhan ma yin te/ ma skyes pa nyid kyang rnam par shes pa rnam par shes pa nyid kyang ma skyes pa ste/ tshe dang ldan pa sha ra dwa ti'i bu rnam grangs des na/ gang 'di rnam par shes pa zhes bya ba 'di ni gnyis su med pa'i grangs su byas pa'o/ /'di ltar skye mched dang khams dang rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyang gzhan ma yin/ ma skyes pa yang gzhan ma yin te/ ma skyes pa nyid kyang sangs rgyas kyi chos ma 'dres pa rnams/ sangs rgyas kyi chos ma 'dres pa nyid kyang ma skyes pa ste/ tshe dang ldan pa sha ra dwa ti'i bu rnam grangs des na/ gang 'di sangs rgyas kyi chos ma 'dres pa rnams shes bya ba de ni gnyis su med pa'i grangs su byas pa'o/ /'di ltar rnam pa thams cad mkhyen pa nyid kyi bar yang gzhan ma yin/ ma skyes pa yang gzhan ma yin te/ ma skyes pa nyid kyang rnam pa thams cad mkhyen pa nyid/ rnam pa thams cad mkhyen pa nyid kyang ma skyes pa ste/ tshe dang ldan pa sha ra dwa ti'i bu rnam grangs des na/ gang 'di rnam pa thams cad mkhyen pa nyid ces bya ba de ni gnyis su med pa'i grangs su byas pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gang gi tshe na/ byang chub sems dpa' sems dpa' chen po shes rab kyi pha rol du phyin pa la spyod cing / chos de dag la de ltar yongs su rtog pa de'i tshe/ shin du rnam par dag pa'i slad du gzugs kyi ma skyes pa mthong bar 'gyur/ shin du rnam par dag pa'i slad du/ tshor ba dang / 'du shes dang / 'du byed dang / rnam par shes pa'i ma skyes pa mthong bar 'gyur/ shin du rnam par dag pa'i slad du skye mched rnams dang khams rnams dang rten cing 'brel bar 'byung ba rnams kyi ma skyes pa mthong bar 'gyur/ shin du rnam par dag pa'i slad du sbyin pa'i pha rol du phyin pa'i ma skyes pa mthong bar 'gyur/ shin du rnam par dag pa'i slad du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ma skyes pa mthong bar 'gyur/ shin du rnam par dag pa'i slad du/ nang stong pa nyid kyi ma skyes pa mthong bar 'gyur/ shin du rnam par dag pa'i slad du/ dngos po med pa'i ngo bo nyid stong pa nyid kyi bar gyi ma skyes pa mthong bar 'gyur/ shin du rnam par dag pa'i slad du/ dran pa nye bar gzhag pa rnams kyi ma skyes pa mthong bar 'gyur/ shin du rnam par dag pa'i slad du/ yang dag par spong ba rnams dang rdzu 'phrul gyi rkang pa rnams dang / dbang po rnams dang / stobs rnams dang byang chub kyi yan lag rnams dang / 'phags pa'i lam yan lag brgyad pa'i ma skyes pa mthong bar 'gyur/ shin du rnam par dag pa'i slad du 'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa rnams dang ting nge 'dzin rnams dang gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa brgyad kyi ma skyes pa mthong bar 'gyur/ shin du rnam par dag pa'i slad du rnam pa thams cad mkhyen pa nyid kyi bar gyi ma skyes pa mthong bar 'gyur/ shin du rnam par dag pa'i slad du/ so so'i skye bo'i ma skyes pa mthong bar 'gyur/ shin du rnam par dag pa'i slad du/ so so'i skye bo'i chos rnams kyi ma skyes pa mthong bar 'gyur/ shin du rnam par dag pa'i slad du/ rgyun du zhugs pa dang rgyun du zhugs pa'i chos rnams kyi ma skyes pa mthong bar 'gyur/ shin du rnam par dag pa'i slad du/ lan cig phyir 'ong ba dang / lan cig phyir 'ong ba'i chos rnams dang phyir mi 'ong ba dang phyir mi 'ong ba'i chos rnams dang / dgra bcom pa dang dgra bcom pa'i chos rnams dang / rang sangs rgyas dang rang sangs rgyas kyi chos rnams dang / byang chub sems dpa' dang byang chub sems dpa'i chos rnams dang / sangs rgyas kyi ma skyes pa mthong bar 'gyur/ shin du rnam par dag pa'i slad du/ sangs rgyas kyi chos rnams kyi ma skyes pa mthong bar 'gyur ro/ /de nas tshe dang ldan pa sha ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor gyis smras pa'i don bdag gis shes pa ltar na/ gzugs kyang ma skyes la tshor ba dang 'du shes dang 'du byed dang / rnam par shes pa yang ma skyes/ skye mched rnams kyang ma skyes/ khams rnams kyang ma skyes/ rten cing 'brel bar 'byung ba rnams kyang ma skyes/ pha rol du phyin pa rnams kyang ma skyes/ stong pa nyid thams cad kyang ma skyes/ byang chub kyi phyogs kyi chos sum cu rtsa bdun yang ma skyes/ 'phags pa'i bden pa rnams dang bsam gtan rnams dang / tshad med pa rnams dang / gzugs med pa'i snyoms par 'jug pa rnams kyang ma skyes/ rnam par thar ba rnams dang mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang smon pa med pa yang ma skyes/ mngon par shes pa rnams dang / ting nge 'dzin rnams dang gzungs kyi sgo rnams kyang ma skyes/ de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang sangs rgyas kyi chos ma 'dres pa brgyad kyang ma skyes/ rnam pa thams cad mkhyen pa nyid kyi bar yang ma skyes/ so so'i skye bo yang ma skyes/ so so'i skye bo'i chos rnams kyang ma skyes/ rgyun du zhugs pa yang ma skyes/ rgyun du zhugs pa'i chos kyang ma skyes/ lan cig phyir 'ong ba yang ma skyes/ lan cig phyir 'ong ba'i chos kyang ma skyes phyir mi 'ong ba yang ma skyes/ phyir mi 'ong ba'i chos kyang ma skyes/ dgra bcom pa yang ma skyes/ dgra bcom pa'i chos kyang ma skyes/ rang sangs rgyas kyang ma skyes/ rang sangs rgyas kyi chos kyang ma skyes/ byang chub sems dpa' yang ma skyes/ byang chub sems dpa'i chos kyang ma skyes/ sangs rgyas kyang ma skyes/ sangs rgyas kyi chos kyang ma skyes pa yin na/ tshe dang ldan pa rab 'byor de ltar gal te gzugs kyang skye ba med/ sangs rgyas kyi chos ma 'dres pa brgyad kyi bar yang skye ba med/ rnam pa thams cad mkhyen pa nyid kyi bar yang skye ba med/ so so'i skye bo yang skye ba med/ so so'i skye bo'i chos kyang skye ba med/ rgyun du zhugs pa dang rgyun du zhugs pa'i chos kyang skye ba med/ lan cig phyir 'ong ba dang / lan cig phyir 'ong ba'i chos kyang skye ba med/ phyir mi 'ong ba dang phyir mi 'ong ba'i chos kyang skye ba med/ dgra bcom pa dang dgra bcom pa'i chos kyang skye ba med/ rang sangs rgyas dang rang sangs rgyas kyi chos kyang skye ba med/ byang chub sems dpa' yang skye ba med/ byang chub sems dpa'i chos kyang skye ba med/ sangs rgyas kyang skye ba med/ sangs rgyas kyi chos kyang skye ba med na ni/ nyan thos kyi theg pa pa rnams kyis kyang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang dgra bcom pa nyid thob zin par 'gyur ro/ /rang sangs rgyas kyi theg pa pa rnams kyis kyang / rang sangs rgyas kyi byang chub thob zin par 'gyur ro/ /byang chub sems dpa' sems dpa' chen pos kyang / rnam pa thams cad mkhyen pa nyid thob zin par 'gyur ro/ /'gro ba lnga rnams kyang tha mi dad par 'gyur ro/ /byang chub sems dpa' sems dpa' chen pos kyang byang chub rnam lnga thob zin par 'gyur ro/ /tshe dang ldan pa rab 'byor gal te chos thams cad ma skyes pa yin na/ ci'i phyir rgyun du zhugs pas ni/ kun du sbyor ba gsum spang ba'i phyir lam bsgoms/ lan cig phyir 'ong bas ni 'dod chags dang / zhe sdang dang gti mug bsrabs pa'i phyir lam bsgoms/ phyir mi 'ong bas ni/ dam pa ma yin pa'i cha can gyi/ kun du sbyor ba lnga spang ba'i phyir lam bsgoms/ dgra bcom pas ni bla ma'i cha can gyi/ kun du sbyor ba rnams spang ba'i phyir lam bsgoms/ rang sangs rgyas kyi theg pa la zhugs pas ni/ rang byang chub kyi don du lam bsgoms/ ci'i phyir byang chub sems dpa' sems dpa' chen po ni/ sems can rnams kyi don du de ltar sdug bsngal nyams su myong bar byed cing dka' ba'i spyad pa spyod cing / ci'i phyir de bzhin gshegs pas ni/ bla na med pa yang dag par rdzogs pa'i byang chub tu mngon par rdzogs par sangs rgyas/ ci'i phyir de bzhin gshegs pas ni/ chos kyi 'khor lo bskor/ de skad ces smras pa dang / tshe dang ldan pa rab 'byor gyis/ tshe dang ldan pa sha ra dwa ti'i bu la 'di skad ces smras so/ /tshe dang ldan pa sha ra dwa ti'i bu bdag ni chos ma skyes pa la 'thob pa yod pa dang / khong du chud pa yod par mi 'dod do/ /ma skyes pa la rgyun du zhugs pa yod par mi 'dod do/ /rgyun du zhugs pa'i 'bras bu yod par mi 'dod do/ /ma skyes pa la lan cig phyir 'ong ba yod par mi 'dod do/ /lan cig phyir 'ong ba'i 'bras bu yod par mi 'dod do/ /ma skyes pa la phyir mi 'ong ba yod par mi 'dod do/ /phyir mi 'ong ba'i 'bras bu yod par mi 'dod do/ / ma skyes pa la dgra bcom pa yod par mi 'dod do/ /dgra bcom pa nyid mngon du bya ba yod par mi 'dod do/ /ma skyes pa la rang sangs rgyas yod par mi 'dod do/ /rang byang chub yod par mi 'dod do/ /tshe dang ldan pa sha ra dwa ti'i bu bdag ni byang chub sems dpa' sems dpa' chen po/ dka' ba'i spyad pa spyod pa yod par mi 'dod do/ /byang chub sems dpa' sems dpa' chen po yang dka' ba spyod pa'i 'du shes kyis mi spyod do/ /de ci'i phyir zhe na/ tshe dang ldan pa sha ra dwa ti'i bu sdug bsngal gyi 'du shes bskyed na/ sems can tshad med grangs med pa'i don bya bar mi nus kyi/ tshe dang ldan pa sha ra dwa ti'i bu sems can rnams la mar 'du shes bskyed pa dang / phar 'du shes bskyed pa dang / bdag tu 'du shes bskyed pa dang / bur 'du shes bskyed pas/ sems can grangs med tshad med pa'i don bya ba de yang mi dmigs pa'i tshul du nus par 'gyur ro/ /byang chub sems dpa' sems dpa' chen po ni 'di ltar sems bskyed de/ ji ltar bdag bdag ces bya ba yang de ni thams cad du thams cad rnam pa thams cad du thams cad med cing mi dmigs pa de bzhin du phyi nang gi chos rnams la yang 'du shes bskyed de/ de ltar 'du shes bskyed kyang dga' ba'i 'du shes mi bskyed do/ / de ci'i phyir zhe na/ 'di ltar de ni chos gang yang mi len mi gnas pa'i phyir ro/ /tshe dang ldan pa sha ra dwa ti'i bu bdag ni ma skyes pa la de bzhin gshegs pa yod par mi 'dod do/ /bla na med pa yang dag par rdzogs pa'i byang chub kyang yod par mi 'dod do/ /de bzhin gshegs pas chos kyi 'khor lo bskor ba ltar na/ ma skyes pa'i chos kyis 'thob pa'am 'thob par bya ba med do/ /smras pa tshe dang ldan pa rab 'byor khyod chos skyes pas 'thob par 'dod dam/ 'on tam ma skyes pa'i chos kyis 'thob par 'dod/ rab 'byor gyis smras pa/ tshe dang ldan pa sha ra dwa ti'i bu bdag ni skyes pa'i chos kyis kyang 'thob par yang mi 'dod do/ /ma skyes pa'i chos kyis kyang 'thob par mi 'dod do/ /smras pa tshe dang ldan pa rab 'byor 'o na 'thob pa med la mngon par rtogs pa med dam/ rab 'byor gyis smras pa/ tshe dang ldan pa sha ra dwa ti'i bu 'thob par yang yod/ mngon par rtogs pa yang yod de/ gnyis kyis ma yin gyi/ tshe dang ldan pa sha ra dwa ti'i bu 'thob pa'am mngon par rtogs pa ni 'jig rten gyi tha snyad kyis gdags pa'o/ /rgyun du zhugs pa'am/ lan cig phyir 'ong ba'am/ phyir mi 'ong ba'am/ dgra bcom pa'am/ rang sangs rgyas sam/ byang chub sems dpa' 'am/ sangs rgyas dag kyang 'jig rten gyi tha snyad kyis gdags pa ste/ don dam par ni 'thob pa'am/ mngon par rtogs pa'am/ rgyun du zhugs pa'am/ lan cig phyir 'ong ba'am/ phyir mi 'ong ba'am/ dgra bcom pa'am/ rang sangs rgyas sam/ byang chub sems dpa' 'am/ sangs rgyas su gdags pa med do/ /smras pa tshe dang ldan pa rab 'byor thob pa dang / mngon par rtogs par bya ba 'jig rten gyi tha snyad du yod pa de bzhin du 'gro ba lnga dag kyang 'jig rten gyi tha snyad du tha dad kyi don dam par ma yin nam/ smras pa tshe dang ldan pa sha ra dwa ti'i bu de de bzhin te/ ji ltar thob pa dang / mngon par rtogs pa 'jig rten gyi tha snyad du yod pa de bzhin du 'gro ba lnga dag kyang 'jig rten gyi tha snyad du tha dad kyi don dam par ma yin no/ /de ci'i phyir zhe na/ tshe dang ldan pa sha ra dwa ti'i bu don dam par ni las kyang med/ las kyi rnam par smin pa yang med/ skye ba yang med/ 'gag pa yang med/ kun nas nyon mongs pa yang med/ rnam par byang ba yang med do/ /smras pa tshe dang ldan pa rab 'byor ma skyes pa'i chos skye bar 'gyur ram/ 'on tam skyes pa'i chos skye bar 'gyur/ rab 'byor gyis smras pa/ tshe dang ldan pa sha ra dwa ti'i bu bdag ni ma skyes pa'i chos kyang skye bar mi 'dod do/ /skyes pa'i chos kyang skye bar mi 'dod do// //shes rab kyi pha rol du phyin pa stong phrag nyi shu lnga pa/ bam po nyi shu drug pa/ smras pa tshe dang ldan pa rab 'byor ma skyes pa'i chos skye bar mi 'dod pa gang yin/ rab 'byor gyis smras pa/ tshe dang ldan pa sha ra dwa ti'i bu bdag ni gzugs ma skyes pa rang bzhin gyis stong pa skye bar mi 'dod do/ /tshe dang ldan pa sha ra dwa ti'i bu bdag ni tshor ba dang 'du shes dang 'du byed dang rnam par shes pa ma skyes pa rang bzhin gyis stong pa skye bar mi 'dod do/ /tshe dang ldan pa sha ra dwa ti'i bu bdag ni skye mched rnams dang / khams rnams dang / rten cing 'brel bar 'byung ba rnams dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams ma skyes pa rang bzhin gyis stong pa skye bar mi 'dod do/ /tshe dang ldan pa sha ra dwa ti'i bu bdag ni rnam pa thams cad mkhyen pa nyid kyi bar du ma skyes pa rang bzhin gyis stong pa skye bar mi 'dod do/ /smras pa tshe dang ldan pa rab 'byor chos skyes pa skye bar mi 'dod pa gang / smras pa tshe dang ldan pa sha ra dwa ti'i bu bdag ni gzugs skyes pa rang bzhin gyis stong pa skye bar mi 'dod do/ /tshe dang ldan pa sha ra dwa ti'i bu bdag ni tshor ba dang 'du shes dang 'du byed dang rnam par shes pa skyes pa/ rang bzhin gyis stong pa skye bar mi 'dod do/ /tshe dang ldan pa sha ra dwa ti'i bu bdag ni skye mched dang khams dang rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba rnams dang mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang de bzhin gshegs pa'i stobs rnams dang / mi 'jigs pa rnams dang so so yang dag par rig pa rnams dang / sangs rgyas kyi chos ma 'dres pa rnams skyes pa rang bzhin gyis stong pa skye bar mi 'dod do/ /tshe dang ldan pa sha ra dwa ti'i bu bdag ni rnam pa thams cad mkhyen pa nyid kyi bar du skyes pa rang bzhin gyis stong pa skye bar mi 'dod do/ /smras pa tshe dang ldan pa rab 'byor skye ba skye'am/ 'on tam skye ba mi skye/ smras pa tshe dang ldan pa sha ra dwa ti'i bu skye ba yang mi skye mi skye ba yang mi skye'o/ /de ci'i phyir zhe na/ 'di ltar tshe dang ldan pa sha ra dwa ti'i bu skye ba gang yin pa dang skye ba med pa gang yin pa'i chos de gnyis ka yang ldan pa yang ma yin/ mi ldan pa yang ma yin/ gzugs med pa bltar med pa thogs pa med pa ste/ 'di ltar mtshan nyid med par mtshan nyid gcig pa'o/ /tshe dang ldan pa sha ra dwa ti'i bu de ltar rnam grangs des na/ skye ba yang mi skye mi skye ba yang mi skye'o/ /sha ra dwa ti'i bus smras pa/ tshe dang ldan pa rab 'byor ma skyes pa'i chos ma skyes pa'i chos shes bya bar brjod par khyod kyis spobs na/ tshe dang ldan pa rab 'byor ma skyes pa rnams kyi skye ba med pa la yang brjod du spobs par 'gyur ram/ rab 'byor gyis smras pa/ tshe dang ldan pa sha ra dwa ti'i bu ma skyes pa'i chos ma skyes pa'i chos shes bya ba brjod par khyod kyis spobs so/ /zhes zer ba ni/ tshe dang ldan pa sha ra dwa ti'i bu ma skyes pa'i chos ma skyes pa'i chos shes bya ba brjod pa la bdag gis spobs pa med do/ /tshe dang ldan pa sha ra dwa ti'i bu chos ma skyes pa rnams kyi skye ba med pa yang bdag gis brjod par spobs pa med de/ de ci'i phyir zhe na/ tshe dang ldan pa sha ra dwa ti'i bu 'di ltar ma skyes pa'i chos gang yin pa dang / skye ba med pa gang yin pa dang / spobs pa gang yin pa dang / brjod pa gang yin pa dang / mi skye ba gang yin pa'i chos de dag thams cad kyang ldan pa yang ma yin/ mi ldan pa yang ma yin/ gzugs med pa bltar med pa thogs pa med pa ste/ 'di ltar mtshan nyid med par mtshan nyid gcig pa dag go /smras pa tshe dang ldan pa rab 'byor brjod pa ni skye ba med ces bya ba yin te/ spobs pa yang skye ba med la chos kyang skye ba med de/ gang las brtsams shing brjod par spobs pa'i chos de dag kyang skye ba med pa yin nam/ rab 'byor gyis smras pa tshe dang ldan pa sha ra dwa ti'i bu de de bzhin te/ brjod pa ni ma skyes pa'o/ / spobs pa ni ma skyes pa'o/ /chos ni ma skyes pa'o/ /gang las brtsams te smra bar spobs pa'i chos de dag kyang ma skyes pa'o/ /de ci'i phyir zhe na/ tshe dang ldan pa sha ra dwa ti'i bu de ni 'di ltar gzugs skye ba med do/ /tshor ba dang 'du shes dang 'du byed dang rnam par shes pa skye ba med do/ /mig skye ba med do/ /rna ba dang sna dang lce dang lus dang yid skye ba med do/ /gzugs skye ba med do/ /sgra dang dri dang ro dang reg dang chos skye ba med do/ /mig gi rnam par shes pa skye ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa skye ba med do/ /mig gi 'dus te reg pa skye ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa skye ba med do/ /mig gi 'dus te reg pa'i rkyen gyis tshor ba skye ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba skye ba med do/ /sa'i khams skye ba med do/ /chu'i khams skye ba med do/ /me'i khams dang / rlung gi khams dang / nam mkha'i khams dang / rnam par shes pa'i khams skye ba med do/ /ma rig pa skye ba med do/ /'du byed dang rnam par shes pa dang / ming dang gzugs dang skye mched drug dang / reg pa dang tshor ba dang sred pa dang len pa dang srid pa dang skye ba dang rga shi skye ba med do/ /sbyin pa'i pha rol du phyin pa skye ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa skye ba med do/ /nang stong pa nyid skye ba med do/ /phyi stong pa nyid skye ba med do/ /phyi nang stong pa nyid skye ba med do/ /dngos po med pa'i ngo bo nyid stong pa nyid kyi bar du skye ba med do/ /dran pa nye bar gzhag pa rnams skye ba med do/ / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa skye ba med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang mtshan ma med pa dang smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams skye ba med do/ /tshe dang ldan pa sha ra dwa ti'i bu rnam grangs des na/ brjod pa ni skye ba med pa ste/ spobs pa yang skye ba med la chos kyang skye ba med de gang las brtsams shing brjod par spobs pa'i chos de dag kyang skye ba med pa'o/ /smras pa tshe dang ldan pa rab 'byor ni chos smra ba'i nang na mchog tu bya bar 'os pa ste/ de ci'i phyir zhe na/ 'di ltar gnas brtan rab 'byor ni gang dang gang yongs su dris pa de dang de la thogs pa med do/ /rab 'byor gyis smras pa tshe dang ldan pa sha ra dwa ti'i bu de ni bcom ldan 'das kyi nyan thos/ chos thams cad la gnas pa med pa dag gi chos nyid de/ de dag ni gang dang gang yongs su dris pa de dang de la thogs pa med do/ /de ci'i phyir zhe na/ 'di ltar chos thams cad ni mi gnas pa'i phyir ro/ /smras pa tshe dang ldan pa rab 'byor ji ltar na chos thams cad stong pa nyid mi gnas pa yin/ rab 'byor gyis smras pa/ tshe dang ldan pa sha ra dwa ti'i bu gzugs rang bzhin gyis stong pa ste/ de ni nang na yang mi gnas phyi rol na yang mi gnas/ gnyis ka med par yang mi dmigs so/ /tshe dang ldan pa sha ra dwa ti'i bu tshor ba dang 'du shes dang 'du byed dang rnam par shes pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu mig ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu rna ba dang sna dang lce dang lus dang yid ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu gzugs ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu sgra dang dri dang ro dang reg dang chos ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu mig gi rnam par shes pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu mig gi 'dus te reg pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu mig gi 'dus te reg pa'i rkyen gyis tshor ba ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu sa'i khams ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu chu'i khams dang me'i khams dang rlung gi khams dang nam mkha'i khams dang rnam par shes pa'i khams ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu ma rig pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu sbyin pa'i pha rol du phyin pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol tu phyin pa dang / shes rab kyi pha rol du phyin pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu nang stong pa nyid ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu dngos po med pa'i ngo bo nyid stong pa nyid kyi bar ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu dran pa nye bar gzhag pa rnams ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang / mngon par shes pa rnams dang ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu rnam pa thams cad mkhyen pa nyid kyi bar ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa sha ra dwa ti'i bu rnam grangs des na/ chos thams cad ni rang bzhin gyis stong pa nyid kyi phyir mi gnas so/ /tshe dang ldan pa sha ra dwa ti'i bu byang chub sems dpa' sems dpa' chen po pha rol du phyin pa drug la spyod pas/ de ltar gzugs yongs su sbyang bar bya'o/ /tshor ba dang 'du shes dang 'du byed dang rnam par shes pa yongs su sbyang bar bya'o/ /skye mched dang / khams dang / rten cing 'brel bar 'byung ba yongs su spyad par bya'o/ /pha rol du phyin pa rnams dang / stong pa nyid thams cad dang / byang chub kyi phyogs kyi chos sum cu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang mi 'jigs pa bzhi dang so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa brgyad yongs su spyad par bya'o/ /rnam pa thams cad mkhyen pa nyid kyi bar du yongs su sbyang ba bya'o/ /de nas tshe dang ldan pa sha ra dwa ti'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor ji ltar na/ byang chub sems dpa' sems dpa' chen po pha rol du phyin pa drug la spyod pa'i tshe/ byang chub kyi lam yongs su sbyong ba yin/ rab 'byor gyis smras pa/ tshe dang ldan pa/ sha ra dwa ti'i bu sbyin pa'i pha rol du phyin pa ni 'jig rten pa yang yod/ 'jig rten las 'das pa yang yod/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni 'jig rten pa yang yod/ 'jig rten las 'das pa yang yod do/ /smras pa tshe dang ldan pa rab 'byor 'jig rten pa'i sbyin pa'i pha rol du phyin pa ni gang 'jig rten las 'das pa ni gang / rab 'byor gyis smras pa/ tshe dang ldan pa sha ra dwa ti'i bu 'di la byang chub sems dpa' sems dpa' chen po sbyin pa byed cing / sbyin bdag tu gyur pa dge sbyong dang / bram ze dang / phongs pa dang / ltogs pa dang / 'dron pa dang / slong ba zas 'dod pa la ni zas skom dang / theg pa dang gos dang / me tog dang phreng ba dang spos dang byug pa dang gnas dang mal stan dang yo byad dang sman dang mi'i yo byad gzhan gang ci yang rung ba'i bar du/ yongs su gtong ste/ bu pho 'dod pa la ni bu pho yongs su gtong bu mo 'dod pa la ni bu mo/ chung ma 'dod pa la ni chung ma/ rgyal srid 'dod pa la ni rgyal srid/ mgo 'dod pa la ni mgo/ yan lag dang nying lag 'dod pa la ni yan lag dang nying lag /sha dang khrag dang rkang 'dod pa la ni sha dang khrag dang rkang yongs su gtong ste/ de yang gnas shing yongs su gtong la/ de 'di snyam du bdag ni yongs su gtong ba'o/ /'di ni len pa'o/ /'di ni sbyin pa'o/ /bdag ni ser sna med pa'o/ /bdag ni sbyin pa'i bdag po'o/ /bdag ni bdog pa thams cad gtong ba'o/ /bdag ni sangs rgyas kyi bka' bzhin du byed pa'o/ /bdag ni sbyin pa'i pha rol tu phyin pa la spyod pa'o zhes zer te sbyin pa de byin nas kyang dmigs pa'i tshul gyis/ sems can thams cad dang thun mong du byas te/ bla na med pa yang dag par rdzogs pa'i byang chub tu bsngo zhing / bdag gi sbyin pa'i 'bras bu 'dis sems can 'di dag tshe 'di nyid la bde ba dang nye bar len pa med par/ yongs su mya ngan las 'das par gyur cig ces yongs su bsngo ste/ de chags pa gsum la chags shing / sbyin pa de yongs su gtong ngo / /gsum gang zhe na/ 'di ltar bdag du 'du shes pa dang gzhan du 'du shes pa dang sbyin par 'du shes pa 'di gsum la chags nas/ sbyin pa de dag yongs su gtong ste/ 'di ni 'jig rten pa'i sbyin pa'i pha rol du phyin pa zhes bya'o/ /ci'i phyir 'jig rten pa'i sbyin pa'i pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas de'i phyir 'jig rten pa'i sbyin pa'i pha rol du phyin pa zhes bya'o/ /de la 'jig rten las 'das pa'i sbyin pa'i pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa sha ra dwa ti'i bu 'di la byang chub sems dpa' sems dpa' chen po sbyin pa gtong ba'i tshe/ bdag mi dmigs len pa mi dmigs sbyin pa mi dmigs rnam par smin pa la yang dga' bar mi byed pa ste/ tshe dang ldan pa sha ra dwa ti'i bu 'di ni byang chub sems dpa' sems dpa' chen po'i 'khor gsum yongs su dag pa'o/ /tshe dang ldan pa sha ra dwa ti'i bu gzhan yang byang chub sems dpa' sems dpa' chen po sbyin pa yongs su gtong zhing / sbyin pa de sems can thams cad la gtong ste/ sems can de dag kyang mi dmigs par/ bla na med pa yang dag par rdzogs pa'i byang chub tu bsngo zhing / mtshan ma cung zad kyang yang dag par rjes su mi mthong ba 'di ni/ tshe dang ldan pa sha ra dwa ti'i bu 'jig rten las 'das pa'i sbyin pa'i pha rol tu phyin pa zhes bya'o/ /ci'i phyir 'jig rten las 'das pa'i sbyin pa'i pha rol du phyin pa zhes bya zhe na/ de ni 'di ltar 'jig rten las g.yo zhing 'phags la 'da' bas/ de'i phyir 'jig rten las 'das pa'i sbyin pa'i pha rol du phyin pa zhes bya'o/ /tshe dang ldan pa sha ra dwa ti'i bu tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni 'jig rten pa yang yod/ 'jig rten las 'das pa yang yod de/ de la 'jig rten pa'i tshul khrims kyi pha rol du phyin pa gang zhe na/ tshe dang ldan pa sha ra dwa ti'i bu 'di la byang chub sems dpa' sems dpa' chen po tshul khrims srung zhing / de yang gnas pas srung ste/ de 'di snyam du bdag ni sems can thams cad kyi don du tshul khrims srung ngo / /'di ni tshul khrims so/ /bdag ni sangs rgyas kyi bka' bzhin byed do/ /zhes bya ba nas de 'di ltar bdag tu 'du shes pa dang / gzhan du 'du shes pa dang tshul khrims su 'du shes pa dang / chags pa 'di dag gsum zhes bya ba'i bar la chags shing / tshul khrims srung ste/ 'di ni 'jig rten pa'i tshul khrims kyi pha rol du phyin pa zhes bya'o/ /de ci'i phyir 'jig rten pa'i tshul khrims kyi pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas/ de'i phyir 'jig rten pa zhes bya'o/ /de la 'jig rten las 'das pa'i tshul khrims kyi pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa sha ra dwa ti'i bu 'di la byang chub sems dpa' sems dpa' chen po'i tshul khrims srung ba'i tshe/ bdag mi dmigs sems can mi dmigs/ tshul khrims mi dmigs/ rnam par smin pa la yang dga' bar mi byed cing / tshul khrims de yang sems can thams cad la gtong ste/ sems can de dag kyang mi dmigs par bla na med par yang dag par rdzogs pa'i byang chub tu bsngo zhing / mtshan ma cung zad kyang yang dag par rjes su mi mthong ba 'di ni/ 'jig rten las 'das pa'i tshul khrims kyi pha rol du phyin pa zhes bya ste/ de ni 'di ltar 'jig rten las g.yo zhing 'phags la 'da' bas/ de'i phyir 'jig rten las 'das pa zhes bya'o/ /de la 'jig rten pa'i bzod pa'i pha rol du phyin pa gang zhe na/ tshe dang ldan pa sha ra dwa ti'i bu 'di la byang chub sems dpa' sems dpa' chen po bzod pa sgom zhing / de yang gnas pas sgom ste/ de 'di snyam du bdag ni sems can thams cad kyi don du bzod pa bsgom mo/ /'di ni bzod pa'o/ /bdag ni sangs rgyas kyi bka' bzhin byed do/ /zhes bya ba nas de 'di ltar bdag du 'du shes pa dang / gzhan du 'du shes pa dang / bzod par 'du shes pa dang / chags pa 'di gsum zhes bya ba'i bar la chags shing bzod pa sgom ste/ 'di ni 'jig rten pa'i bzod pa'i pha rol du phyin pa zhes bya'o/ /de ci'i phyir 'jig rten pa'i bzod pa'i pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas/ de'i phyir 'jig rten pa zhes bya'o/ /de la 'jig rten las 'das pa'i bzod pa'i pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa sha ra dwa ti'i bu 'di la byang chub sems dpa' sems dpa' chen po bzod pa sgom pa'i tshe/ bdag mi dmigs sems can mi dmigs bzod pa mi dmigs/ rnam par smin pa la yang dga' bar mi byed cing / bzod pa de yang sems can thams cad la gtong ste/ sems can de dag kyang mi dmigs par bla na med pa yang dag par rdzogs pa'i byang chub tu bsngo zhing / mtshan ma cung zad kyang yang dag par rjes su mi mthong ba 'di ni/ 'jig rten las 'das pa'i bzod pa'i pha rol du phyin pa zhes bya ste/ de ni 'di ltar 'jig rten las g.yo zhing 'phags la 'da' bas/ de'i phyir 'jig rten las 'das pa zhes bya'o/ /de la 'jig rten pa'i brtson 'grus kyi pha rol du phyin pa gang zhe na/ tshe dang ldan pa sha ra dwa ti'i bu 'di la byang chub sems dpa' sems dpa' chen po brtson 'grus rtsom zhing / de yang gnas pas rtsom ste/ de 'di snyam du bdag ni sems can thams cad kyi don du brtson 'grus rtsom mo/ /'di ni lus so/ /'di ni sems so/ /'di ni brtson 'grus so/ /bdag ni sangs rgyas kyi bka' bzhin du byed do/ /zhes bya ba nas de 'di ltar bdag tu 'du shes pa dang / gzhan du 'du shes pa dang / brtson 'grus su 'du shes pa dang / chags pa 'di gsum zhes bya ba'i bar la chags shing brtson 'grus rtsom ste/ 'di ni 'jig rten pa'i brtson 'grus kyi pha rol du phyin pa zhes bya'o/ /de ci'i phyir 'jig rten pa'i brtson 'grus kyi pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas/ de'i phyir 'jig rten pa zhes bya'o/ /de la 'jig rten las 'das pa'i brtson 'grus kyi pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa sha ra dwa ti'i bu 'di la byang chub sems dpa' sems dpa' chen po brtson 'grus rtsom pa'i tshe/ bdag mi dmigs sems can mi dmigs brtson 'grus mi dmigs/ rnam par smin pa la yang dga' bar mi byed cing / brtson 'grus de yang sems can thams cad la gtong ste/ sems can de dag kyang mi dmigs par bla na med pa yang dag par rdzogs pa'i byang chub tu bsngo zhing / mtshan ma cung zad kyang yang dag par rjes su mi mthong ba 'di ni/ 'jig rten las 'das pa'i brtson 'grus kyi pha rol tu phyin pa zhes bya ste/ de ni 'di ltar 'jig rten las g.yo zhing 'phags la 'da' bas/ de'i phyir 'jig rten las 'das pa zhes bya'o/ /de la 'jig rten pa'i bsam gtan gyi pha rol du phyin pa gang zhe na/ tshe dang ldan pa sha ra dwa ti'i bu 'di la byang chub sems dpa' sems dpa' chen po bsam gtan la snyoms par 'jug cing / de yang gnas pas snyoms par 'jug ste/ de 'di snyam du bdag ni sems can thams cad kyi don du bsam gtan la snyoms par 'jug go / 'di ni bsam gtan no/ /bdag ni sangs rgyas kyi bka' bzhin byed do/ /zhes bya ba nas de 'di ltar bdag du 'du shes pa dang / gzhan du 'du shes pa dang / bsam gtan du 'du shes pa dang / chags pa 'di gsum zhes bya ba'i bar la chags shing bsam gtan la snyoms par 'jug ste/ 'di ni 'jig rten pa'i bsam gtan gyi pha rol du phyin pa zhes bya'o/ /de ci'i phyir 'jig rten pa'i bsam gtan gyi pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas/ de'i phyir 'jig rten pa zhes bya'o/ /de la 'jig rten las 'das pa'i bsam gtan gyi pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa sha ra dwa ti'i bu 'di la byang chub sems dpa' sems dpa' chen po bsam gtan la snyoms par 'jug pa'i tshe bdag mi dmigs sems can mi dmigs bsam gtan mi dmigs rnam par smin pa la yang dga' bar mi byed do/ /bsam gtan de yang sems can thams cad la gtong ste/ sems can de dag kyang mi dmigs par bla na med pa yang dag par rdzogs pa'i byang chub tu bsngo zhing / mtshan ma cung zad kyang yang dag par rjes su mi mthong ba 'di ni/ 'jig rten las 'das pa'i bsam gtan gyi pha rol du phyin pa zhes bya ste/ de ni 'di ltar 'jig rten las g.yo zhing 'phags la 'da' bas/ de'i phyir 'jig rten las 'das pa zhes bya'o/ /de la 'jig rten pa'i shes rab kyi pha rol du phyin pa gang zhe na/ tshe dang ldan pa sha ra dwa ti'i bu/ 'di la byang chub sems dpa' sems dpa' chen po shes rab sgom zhing / de yang gnas pas sgom ste/ de 'di snyam du bdag ni sems can thams cad kyi don du shes rab sgom mo/ /'di ni shes rab bo/ /bdag ni sangs rgyas kyi bka' bzhin byed do zhes bya ba nas/ de 'di ltar bdag tu 'du shes pa dang / gzhan du 'du shes pa dang / shes rab tu 'du shes pa dang / chags pa 'di gsum zhes bya ba'i bar la chags shing / shes rab sgom ste/ 'di ni 'jig rten pa'i shes rab kyi pha rol du phyin pa zhes bya'o/ /de ci'i phyir 'jig rten pa'i shes rab kyi pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas/ de'i phyir 'jig rten pa zhes bya'o/ /de la 'jig rten las 'das pa'i shes rab kyi pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa sha ra dwa ti'i bu/ 'di la byang chub sems dpa' sems dpa' chen po shes rab kyi pha rol du phyin pa sgom pa'i tshe/ bdag mi dmigs sems can mi dmigs/ shes rab mi dmigs/ rnam par smin pa la yang dga' bar mi byed cing / shes rab de yang sems can thams cad la gtong ste/ sems can de dag kyang mi dmigs par/ bla na med pa yang dag par rdzogs pa'i byang chub tu bsngo zhing / mtshan ma cung zad kyang yang dag par rjes su mi mthong ba 'di ni/ 'jig rten las 'das pa'i/ shes rab kyi pha rol du phyin pa zhes bya ste/ de ni 'di ltar/ 'jig rten las g.yo zhing 'phags la 'da' bas/ de'i phyir/ 'jig rten las 'das pa zhes bya'o/ / tshe dang ldan pa sha ra dwa ti'i bu de ltar na/ byang chub sems dpa' sems dpa' chen po pha rol du phyin pa drug la spyod cing / byang chub kyi lam yongs su sbyong ba yin no/ /smras pa/ tshe dang ldan pa rab 'byor byang chub sems dpa' sems dpa' chen po'i byang chub kyi lam gang yin/ rab 'byor gyis smras pa/ tshe dang ldan pa sha ra dwa ti'i bu/ sbyin pa'i pha rol du phyin pa ni/ byang chub sems dpa' sems dpa' chen po'i byang chub kyi lam mo/ /tshul khrims kyi pha rol tu phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni/ byang chub sems dpa' sems dpa' chen po'i/ byang chub kyi lam mo/ /tshe dang ldan pa sha ra dwa ti'i bu/ nang stong pa nyid ni/ byang chub sems dpa' sems dpa' chen po'i byang chub kyi lam mo/ /phyi stong pa nyid ni/ byang chub sems dpa' sems dpa' chen po'i byang chub kyi lam mo/ /phyi nang stong pa nyid ni/ byang chub sems dpa' sems dpa' chen po'i/ byang chub kyi lam mo/ /dngos po med pa'i ngo bo nyid stong pa nyid kyi bar ni/ byang chub sems dpa' sems dpa' chen po'i byang chub kyi lam mo/ /tshe dang ldan pa sha ra dwa ti'i bu/ dran pa nye bar gzhag pa bzhi ni/ byang chub sems dpa' sems dpa' chen po'i byang chub kyi lam mo/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ni/ byang chub sems dpa' sems dpa' chen po'i byang chub kyi lam mo/ /tshe dang ldan pa sha ra dwa ti'i bu/ 'phags pa'i bden pa bzhi ni/ byang chub sems dpa' sems dpa' chen po'i byang chub kyi lam mo/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa lnga dang / ting nge 'dzin thams cad dang / gzungs kyi sgo thams cad ni/ byang chub sems dpa' sems dpa' chen po'i byang chub kyi lam mo/ /de bzhin gshegs pa'i stobs bcu ni/ byang chub sems dpa' sems dpa' chen po'i byang chub kyi lam mo/ /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa brgyad ni/ byang chub sems dpa' sems dpa' chen po'i byang chub kyi lam mo/ /smras pa/ tshe dang ldan pa rab 'byor legs so legs so/ /byang chub kyi lam 'di pha rol du phyin pa gang gi mthu yin/ rab 'byor gyis smras pa/ tshe dang ldan pa sha ra dwa ti'i bu de ni/ shes rab kyi pha rol du phyin pa'i mthu ste/ de ci'i phyir zhe na/ tshe dang ldan pa sha ra dwa ti'i bu de ni/ 'di ltar shes rab kyi pha rol du phyin pa ni/ nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos dang / dge ba'i chos thams cad skyed pa'o/ /tshe dang ldan pa sha ra dwa ti'i bu/ shes rab kyi pha rol du phyin pa ni/ nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos dang / dge ba'i chos thams cad yongs su sdud cing yang dag par sdud pa'o/ /tshe dang ldan pa sha ra dwa ti'i bu/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang / shes rab kyi pha rol tu phyin pa 'di la spyad de/ bla na med pa yang dag par rdzogs pa'i byang chub tu mngon par sangs rgyas so/ /tshe dang ldan pa sha ra dwa ti'i bu/ ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang shes rab kyi pha rol du phyin pa 'di nyid la spyod cing / bla na med pa yang dag par rdzogs pa'i byang chub tu mngon par rdzogs par 'tshang rgya'o/ /tshe dang ldan pa sha ra dwa ti'i bu/ da ltar phyogs bcu'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing / 'tsho skyong ba de dag gis kyang / shes rab kyi pha rol du phyin pa 'di nyid la spyad de/ bla na med pa yang dag par rdzogs pa'i byang chub tu mngon par rdzogs par sangs rgyas so/ /tshe dang ldan pa sha ra dwa ti'i bu/ gal te shes rab kyi pha rol du phyin pa bshad pa'i tshe/ byang chub sems dpa' sems dpa' chen po nem nur 'am/ rmongs par mi 'gyur na/ tshe dang ldan pa sha ra dwa ti'i bu byang chub sems dpa' sems dpa' chen po de ni 'di ltar/ sems can thams cad bskyab pa dang / sems can thams cad yongs su mi gtong ba'i phyir/ de mi dmigs pa'i tshul gyis rnam par spyod pa 'di rnam par spyod par shes par bya'o/ /byang chub sems dpa' sems dpa' chen po de ni 'di ltar/ snying rje chen po yid la bya ba'i yid la bya ba de dang ma bral bar shes par bya'o/ /smras pa tshe dang ldan pa rab 'byor rnam par spyod pa 'dis rnam par spyod cing 'di lta ste/ snying rje chen po yid la bya ba'i yid la bya ba de dang ma bral bas/ byang chub sems dpa' sems dpa' chen por 'dod na/ tshe dang ldan pa rab 'byor de lta na ni/ sems can thams cad kyang byang chub sems dpar 'gyur ro/ /de ci'i phyir zhe na/ tshe dang ldan pa rab 'byor sems can thams cad kyang yid la bya ba dang ni ma bral lo/ /rab 'byor gyis smras pa/ tshe dang ldan pa sha ra dwa ti'i bu legs so legs so/ /dri'o dri'o snyam pa'i don de nyid/ tshe dang ldan pa sha ra dwa ti'i bus/ yang dag pa'i tshig brjod pas yongs su bzung ngo / /de ci'i phyir zhe na/ 'di ltar tshe dang ldan pa sha ra dwa ti'i bu/ sems can med pa'i phyir/ yid la byed pa med par rig par bya'o/ /sems can dngos po med pa'i phyir/ yid la byed pa dngos po med par rig par bya'o/ /sems can rang bzhin med pa'i phyir/ yid la byed pa rang bzhin med par rig par bya'o/ /sems can stong pa nyid kyi phyir/ yid la byed pa stong pa nyid du rig par bya'o/ /sems can dben pa'i phyir yid la byed pa dben par rig par bya'o/ /sems can mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa sha ra dwa ti'i bu/ gzugs med pa'i phyir yid la byed pa med par rig par bya'o/ /gzugs dngos po med pa'i phyir yid la byed pa dngos po med par rig par bya'o/ /gzugs rang bzhin med pa'i phyir/ yid la byed pa rang bzhin med par rig par bya'o/ /gzugs stong pa nyid kyi phyir yid la byed pa stong pa nyid du rig par bya'o/ /gzugs dben pa'i phyir yid la byed pa dben par rig par bya'o/ /gzugs mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa sha ra dwa ti'i bu tshor ba dang 'du shes dang 'du byed dang rnam par shes pa med pa'i phyir yid la byed pa med par rig par bya'o/ /rnam par shes pa dngos po med pa'i phyir yid la byed pa dngos po med par rig par bya'o/ /rnam par shes pa rang bzhin med pa'i phyir yid la byed pa rang bzhin med par rig par bya'o/ / rnam par shes pa stong pa nyid kyi phyir yid la byed pa stong pa nyid du rig par bya'o/ /rnam par shes pa dben pa'i phyir yid la byed pa dben par rig par bya'o/ /rnam par shes pa mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa sha ra dwa ti'i bu/ skye mched dang / khams dang / rten cing 'brel bar 'byung ba med pa'i phyir yid la byed pa med par rig par bya'o/ /rten cing 'brel bar 'byung ba dngos po med pa'i phyir yid la byed pa dngos po med par rig par bya'o/ /rten cing 'brel bar 'byung ba rang bzhin med pa'i phyir yid la byed pa rang bzhin med par rig par bya'o/ /rten cing 'brel par 'byung ba stong pa nyid kyi phyir yid la byed pa stong pa nyid du rig par bya'o/ /rten cing 'brel bar 'byung ba dben pa'i phyir yid la byed pa dben par rig par bya'o/ /rten cing 'brel par 'byung ba mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa sha ra dwa ti'i bu/ sbyin pa'i pha rol tu phyin pa med pa'i phyir yid la byed pa med par rig par bya'o/ /sbyin pa'i pha rol tu phyin pa dngos po med pa'i phyir/ yid la byed pa dngos po med par rig par bya'o/ /sbyin pa'i pha rol tu phyin pa rang bzhin med pa'i phyir/ yid la byed pa rang bzhin med par rig par bya'o/ /sbyin pa'i pha rol tu phyin pa stong pa nyid kyi phyir/ yid la byed pa stong pa nyid du rig par bya'o/ /sbyin pa'i pha rol tu phyin pa dben pa'i phyir yid la byed pa dben par rig par bya'o/ /sbyin pa'i pha rol tu phyin pa mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa sha ra dwa ti'i bu/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa med pa'i phyir/ yid la byed pa med par rig par bya'o/ /shes rab kyi pha rol tu phyin pa dngos po med pa'i phyir/ yid la byed pa dngos po med par rig par bya'o/ /shes rab kyi pha rol tu phyin pa rang bzhin med pa'i phyir/ yid la byed pa rang bzhin med par rig par bya'o/ /shes rab kyi pha rol tu phyin pa stong pa nyid kyi phyir/ yid la byed pa stong pa nyid du rig par bya'o/ /shes rab kyi pha rol tu phyin pa dben pa'i phyir/ yid la byed pa dben par rig par bya'o/ /shes rab kyi pha rol tu phyin pa mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa sha ra dwa ti'i bu/ nang stong pa nyid yid la byed pa med par rig par bya'o/ /nang stong pa nyid dngos po med pa'i phyir/ yid la byed pa dngos po med par rig par bya'o/ /nang stong pa nyid rang bzhin med pa'i phyir/ yid la byed pa rang bzhin med par rig par bya'o/ /nang stong pa nyid stong pa nyid kyi phyir yid la byed pa stong pa nyid du rig par bya'o/ /nang stong pa nyid dben pa'i phyir/ yid la byed pa dben par rig par bya'o/ /nang stong pa nyid mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa sha ra dwa ti'i bu/ dngos po med pa'i ngo bo nyid stong pa nyid kyi bar du med pa'i phyir/ yid la byed pa med par rig par bya'o/ /dngos po med pa'i ngo bo nyid stong pa nyid dngos po med pa'i phyir/ yid la byed pa dngos po med par rig par bya'o/ /dngos po med pa'i ngo bo nyid stong pa nyid rang bzhin med pa'i phyir/ yid la byed pa rang bzhin med par rig par bya'o/ /dngos po med pa'i ngo bo nyid stong pa nyid kyi phyir/ yid la byed pa stong pa nyid du rig par bya'o/ /dngos po med pa'i ngo bo nyid stong pa nyid dben pa'i phyir/ yid la byed pa dben par rig par bya'o/ /dngos po med pa'i ngo bo nyid stong pa nyid mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa sha ra dwa ti'i bu/ dran pa nye bar gzhag pa med pa'i phyir/ yid la byed pa med par rig par bya'o/ /dran pa nye bar gzhag pa dngos po med pa'i phyir/ yid la byed pa dngos po med par rig par bya'o/ /dran pa nye bar gzhag pa rang bzhin med pa'i phyir/ yid la byed pa rang bzhin med par rig par bya'o/ /dran pa nye bar gzhag pa stong pa nyid kyi phyir/ yid la byed pa stong pa nyid du rig par bya'o/ /dran pa nye bar gzhag pa dben pa'i phyir/ yid la byed pa dben par rig par bya'o/ /dran pa nye bar gzhag pa mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa sha ra dwa ti'i bu/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa med pa'i phyir/ yid la byed pa med par rig par bya'o/ /'phags pa'i lam yan lag brgyad pa dngos po med pa'i phyir/ yid la byed pa dngos po med par rig par bya'o/ /'phags pa'i lam yan lag brgyad pa rang bzhin med pa'i phyir/ yid la byed pa rang bzhin med par rig par bya'o/ /'phags pa'i lam yan lag brgyad pa stong pa nyid kyi phyir/ yid la byed pa stong pa nyid du rig par bya'o/ /'phags pa'i lam yan lag brgyad pa dben pa'i phyir/ yid la byed pa dben par rig par bya'o/ /'phags pa'i lam yan lag brgyad pa mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar ba rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa med pa'i phyir/ yid la byed pa med par rig par bya'o/ /sangs rgyas kyi chos ma 'dres pa dngos po med pa'i phyir/ yid la byed pa dngos po med par rig par bya'o/ / sangs rgyas kyi chos ma 'dres pa rang bzhin med pa'i phyir/ yid la byed pa rang bzhin med par rig par bya'o/ /sangs rgyas kyi chos ma 'dres pa stong pa nyid kyi phyir/ yid la byed pa stong pa nyid du rig par bya'o/ /sangs rgyas kyi chos ma 'dres pa dben pa'i phyir/ yid la byed pa dben par rig par bya'o/ /sangs rgyas kyi chos ma 'dres pa mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa sha ra dwa ti'i bu/ byang chub kyi bar du med pa'i phyir/ yid la byed pa med par rig par bya'o/ /byang chub dngos po med pa'i phyir/ yid la byed pa dngos po med par rig par bya'o/ /byang chub rang bzhin med pa'i phyir/ yid la byed pa rang bzhin med par rig par bya'o/ /byang chub stong pa nyid kyi phyir/ yid la byed pa stong pa nyid du rig par bya'o/ /byang chub dben pa'i phyir/ yid la byed pa dben par rig par bya'o/ /byang chub mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa sha ra dwa ti'i bu/ rnam grangs des na/ byang chub sems dpa' sems dpa' chen po/ 'di lta ste/ snying rje chen po yid la byed pa nyid dang mi 'bral bar rig par bya'o/ /de nas bcom ldan 'das kyis tshe dang ldan pa rab 'byor la/ 'di skad ces legs so zhes bya ba gnang ste/ rab 'byor legs so legs so/ /de ltar de bzhin gshegs pa'i mthus/ rab 'byor khyod ji ltar ston pa de bzhin du/ byang chub sems dpa' sems dpa' chen po rnams la/ shes rab kyi pha rol tu phyin pa bstan par bya'o/ /byang chub sems dpa' sems dpa' chen pos kyang ji ltar khyod kyis ba stan pa de bzhin du/ shes rab kyi pha rol tu phyin pa la bslab par bya'o/ /shes rab kyi pha rol tu phyin pa'i le'u 'di/ tshe dang ldan pa rab 'byor gyis smras pa'i tshe/ stong gsum gyi stong chen po'i 'jig rten gyi khams 'di rnam pa drug tu g.yos te/ g.yos so/ /rab tu g.yos so/ /kun du g.yos so/ /'gul to/ /rab tu 'gul to/ /kun tu 'gul to/ /ldeg go /rab tu ldeg go /kun du ldeg go /chem chem/ rab tu chem chem/ kun du chem chem/ 'ur 'ur rab tu 'ur 'ur/ kun du 'ur 'ur ro/ /shar phyogs dma' bar gyur na/ nub phyogs mtho bar gyur to/ /shar phyogs mtho bar gyur na/ nub phyogs dma' bar gyur to/ /byang phyogs dma' bar gyur na/ lho phyogs mtho bar gyur to/ /lho phyogs dma' bar gyur na/ byang phyogs mtho bar gyur to/ /dbus dma' bar gyur na/ mtha' mtho bar gyur to/ /mtha' dma' bar gyur na/ dbus mtho bar gyur to/ /de nas bcom ldan 'das kyis de'i tshe 'dzum pa mdzad do/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das ci'i rgyu ci'i rkyen kyis 'dzum pa mdzad/ de skad ces gsol ba dang / bcom ldan 'das kyis tshe dang ldan pa rab 'byor la/ 'di skad ces bka' stsal to/ /rab 'byor ji ltar nga 'jig rten gyi khams mi mjed 'di na shes rab kyi pha rol tu phyin pa ston pa de bzhin du shar phyogs kyi 'jig rten gyi khams tshad med grangs med pa dag na yang / de bzhin gshegs pa dgra bcom pa yang dag par rdzogs pa'i sangs rgyas rnams/ shes rab kyi pha rol tu phyin pa 'di nyid/ byang chub sems dpa' sems dpa' chen po rnams la ston pa mdzad do/ /rab 'byor ji ltar nga 'jig rten gyi khams mi mjed 'di na/ shes rab kyi pha rol tu phyin pa ston pa de bzhin du lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re'i 'jig rten gyi khams tshad med grangs med pa dag na yang / de bzhin gshegs pa dgra bcom pa yang dag par rdzogs pa'i sangs rgyas rnams/ shes rab kyi pha rol tu phyin pa 'di nyid/ byang chub sems dpa' sems dpa' chen po rnams la ston pa mdzad do/ /shes rab kyi pha rol tu phyin pa bstan pa 'di bshad pa'i tshe/ lha dang mi'i skye dgu khrag khrig phrag bcu gnyis mi skye ba'i chos la bzod pa skyes so/ /phyogs bcu kun tu 'jig rten gyi khams su/ sangs rgyas bcom ldan 'das rnams kyis/ shes rab kyi pha rol tu phyin pa 'di bstan pa'i tshe yang / sems can tshad med grangs med pa dag bla na med pa yang dag par rdzogs pa'i byang chub tu sems skyes so/ /shes rab kyi pha rol tu phyin pa stong phrag nyi shu lnga pa las/ rab 'byor gyi le'u ste bcu gsum pa'o/ / //de nas stong gsum gyi stong chen po'i/ 'jig rten gyi khams 'di na/ rgyal chen bzhi'i ris kyi lha/ ji snyed cig yod pa de dag thams cad kyang / lha bye ba khrag khrig brgya stong du ma dang lhan cig 'khor de nyid du 'dus par gyur/ stong gsum gyi stong chen po'i 'jig rten gyi khams na/ lha'i dbang po brgya byin ji snyed yod pa de dag thams cad kyang / lha'i bu bye ba khrag khrig brgya stong du ma dang lhan cig 'khor de nyid du 'dus par gyur/ stong gsum gyi stong chen po'i 'jig rten gyi khams na/ lha'i bu rab mtshe ma ji snyed yod pa dang / lha'i bu rab dga' ldan ji snyed yod pa dang / lha'i bu rab 'phrul dga' ji snyed yod pa dang / lha'i bu gzhan 'phrul dbang byed ji snyed yod pa de dag thams cad kyang / lha'i bu bye ba khrag khrig brgya stong du ma dang lhan cig 'khor de nyid du 'dus par gyur/ stong gsum gyi stong chen po'i 'jig rten gyi khams na/ tshangs pa ji snyed yod pa de dag thams cad kyang / lha'i bu bye ba khrag khrig brgya stong du ma dang lhan cig 'khor de nyid du 'dus par gyur/ stong gsum gyi stong chen po'i 'jig rten gyi khams na/ gnas gtsang ma'i bar gyi lha'i bu ji snyed yod pa de dag thams cad kyang / lha'i bu bye ba khrag khrig brgya stong du ma dang lhan cig 'khor de nyid du 'dus par gyur te/ rgyal chen bzhi'i ris kyi lha rnams kyi las kyi rnam par smin pa las skyes pa'i lus kyi 'od gang yin pa dang / sum cu rtsa gsum gyi lha dang / mtshe ma'i lha dang / dga' ldan gyi lha dang / 'phrul dga'i lha dang / gzhan 'phrul dbang byed kyi lha dang / tshangs ris kyi lha dang / kun snang dang ba'i lha dang / dge rgyas kyi lha dang / 'bras bu che ba'i lha dang / gnas gtsang ma'i lha rnams kyi/ las kyi rnam par smin pa las skyes pa'i lus kyi 'od gang yin pa de dag gis/ de bzhin gshegs pa'i rang bzhin gyi 'od kyi/ brgya'i char yang nye bar ma song / stong gi char yang nye bar ma song / brgya stong gi char yang nye bar ma song / bye ba khrag khrig brgya stong gi char yang nye bar ma song / grangs dang / cha dang / bgrang ba dang / dper yang ma bzod de/ 'di lta ste dper na/ 'dzam bu na da'i gser gyi drung na/ lcags nag po'am/ mgal dum lham me ma yin/ lhan ne ma yin/ lhang nge ma yin pa de bzhin du/ de bzhin gshegs pa'i rang bzhin gyi 'od kyi drung na/ lha'i las kyi rnam par smin pa las skyes pa'i 'od de dag thams cad/ lham me ma yin/ lhan ne ma yin/ lhang nge ma yin gyi/ de bzhin gshegs pa'i 'od 'ba' shig de dag gi nang na dam par snang ngo / /gtso bor snang ngo / /gya nom par snang ngo / /'phags par snang ngo / /mchog tu snang ngo / /rab tu snang ngo / /phul du snang ngo / /bla na med par snang ngo / /gong na med par snang ngo / /de nas lha'i dbang po brgya byin gyis/ tshe dang ldan pa rab 'byor la/ 'di skad ces smras so/ /btsun pa rab 'byor stong gsum gyi stong chen po'i/ 'jig rten gyi khams na/ rgyal chen bzhi'i ris kyi lha dang / sum cu rtsa gsum gyi lha dang / mtshe ma'i lha dang / dga' ldan gyi lha dang / 'phrul dga'i lha dang / gzhan 'phrul dbang byed kyi lha dang / tshangs ris kyi lha dang / gnas gtsang ma'i ris kyi bar gyi lha gang ji snyed pa de dag thams cad/ shes rab kyi pha rol tu phyin pa gtan la bab par bstan pa thos par 'dod na/ chos nyan par 'dod pa'i phyir lhags na/ byang chub sems dpa' sems dpa' chen pos ni ji ltar/ shes rab kyi pha rol tu phyin pa la gnas par bya/ byang chub sems dpa' sems dpa' chen po'i/ shes rab kyi pha rol tu phyin pa ni gang yin/ byang chub sems dpa' sems dpa' chen pos/ shes rab kyi pha rol tu phyin pa la ni/ ji ltar bslab par bya/ de skad ces smras pa dang / tshe dang ldan pa rab 'byor gyis/ lha'i dbang po brgya byin la 'di skad ces smras so// //

CLOSE WINDOW