<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
D724: ral pa gyen brdzes kyi rtog pa chen po byang chub sems dpa' chen po'i rnam par 'phrul pa le'u rab 'byams las bcom ldan 'das ma 'phags ma sgrol ma'i rtsa ba'i rtog pa zhes bya ba<br><table><tr><td>
<input type="button" onclick="location.href='complete2p.php?id=D724&coll=D';" value="show page break" />
<td width=150><td>
<input type="button" onclick="location.href='complete2l.php?id=D724&coll=D';" value="show line break" />

<td width=150><td>
<a href="complete2u.php?coll=D&id=D724" style=font-size:25px;">བོད་ཡིག</a><td width=150><td>e-texts based on the Esukhia Input <a href="https://github.com/OpenPecha-Data/P000001" target="_blank"><img src="../sub/link.png" width=20></a></table><hr><p style="font-size:18px;">Ur+d+ha dza TA ma hA ka lA ma hA bo d+hi sat+wa bi kur+b+ba Na pa Ta la bi sa rA da b+ha ga ba tA A r+ya tA rA mU la kalpa nA ma/ bod skad du/ ral pa gyen brdzes kyi rtog pa chen po/ /byang chub sems dpa' chen po'i rnam par 'phrul pa le'u rab 'byams las bcom ldan 'das ma 'phags ma sgrol ma'i rtsa ba'i rtog pa zhes bya ba/ 'phags pa spyan ras gzigs dbang phyug la phyag 'tshal lo// 'di skad bdag gis thos pa dus gcig na/ bcom ldan 'das sgrol ma'i gru'i steng gi nam mkha'i mthil na rab tu bzhugs te/ ngo mtshar rmad du byung ba bsam gyis mi khyab pas rab tu phye ba'i byang chub sems dpa' 'dus pa'i dkyil 'khor dang ldan par bzhugs so/ / de nas bcom ldan 'das kyis gnas gtsang ma'i rigs kyi lha'i bu rnams la bka' stsal pa/ lha'i bu khyed rnams nyon cig/ byang chub sems dpa' sems dpa' chen po spyan ras gzigs dbang phyug gi rmad du byung ba bsam gyis mi khyab pa'i co 'phrul gyi spyod pa ting nge 'dzin dang/ phrul gyu khyad par rnam par thar pa'i dkyil 'khor byang chub sems dpa'i rnam par 'phrul pa sems can thams cad nye bar 'tsho bar byed pa dang / tshe dang / nad med pa dang / dbang phyug dang / yid kyi shing rta yongs su rdzogs par bye pa'i rig sngags dang/ gsang sngags kyi gzhi/ seems can thams cad la phan pa'i ched du bshad kyis/ de legs par nyon la legs par yid la gyis shig / ngas bshad do// de nas bcom ldan 'das la legs so zhes so// de nas gtsang ma'i ris kyi lha'i bu de rnams thal mo sbyar ba btud nas 'dis skad ces gsol to// bcom ldan 'das byang chub sems dpa' sems dpa' chen po rnams kyis spyod pa ting nge 'dzin gyi khyad par so sor thob par byed pa/ rdo rje'i gdan gnon par byed pa/ bdud 'dul bar byed pa/ chos kyi 'khor lo rab tu skor bar byed pa/ nyna tsho dang rang sangs rgyas thams cad nges par 'byung bar byed pa/ lha dang mi rnams su skye bar byed pa/ sdug bsngal thams cad rab tu zhi bar byed pa/ dbul ba dang nad kyis btab pa thams cad kyi nad sel bar byed pa nyid dang / 'jig rten dang 'jig rten las 'das pa thams cad kyi rig sngags dang / gsang sngags kyi spyod pa zil gyis mi non pa nyid dang / bsam pa thams cad yongs su rdzogs par byed pa de gsung du gsol/ de bzhin gshegs pa rnams thams cad don med par gsung bar byed pa ma lags na/ bcom ldan 'das byams pa'i sems dang / bdag cag dang / sems can thams cad la rjes su brtse ba nye bar bzung nas de gsung du gsol/ de nas bcom ldan 'das shAkya thub pas thams cad dang ldan pa'i 'khor gyi dkyil 'khor chen po la sangs rgyas kyi spyan gyis rnam par gzigs nas rnam par dag pa'i yul la 'od zer rnam par 'phro ba rnam par 'joms pa zhes bya ba'i ting nge 'dzin la snyoms par zhugs so/ /snyoms par zhugs ma thag tu bcom ldan 'das kyi mdzod spu nas me tog lta bu'i byang chub sems dpa' rnams kun du skul bar byed pa zhes bya ba'i ' od zer bye ba khrag khrig brgya stong gis yongs su bskor ba nyid kyis bcom ldan 'das la lan gsum bskor ba byas nas stong gsum gyi stong chen po'i 'jig rten gyi khams mtha' yas pa 'das nas nub phyogs kyi char gang gA'i klung brgya stong phrag gi bye ma dang mnyam pa'i 'jig rten gyi khams las 'das pa na/ bde ba can zhes bya ba'i 'jig rten gyi khams kyi rjes su zhugs te/ gang du de bzhin gshegs pa tshe dpag med bzhugs pa der byang chub sems dpa' sems dpa' chen po spyan ras gzigs dbang phyug kyang sngon gyi smon lam gyi dbang gis byang chub sems dpa' sems dpa' chen po'i spyod pa la so sor gnas pa rnams kyi thabs cig tu bzhugs pa de 'od zer gyi snang ba mthong bas cung zad rab tu bzhad pa'i zhal de nyid kyis byang chub sems dpa'i tshogs rnams la bka' stsal to/ /kye rgyal ba'i sras rnams 'di ni bdag cag rnams kun du skul bar byed pa'i 'od zer 'dir 'ongs pa yin par khyed cag gis shes par gyis shig / de nas yang sems dpa' chen po de rnams spyan 'dzums pa spyan gdangs nas/ 'di'i 'od zer gyi snang ba gang yin pa der mngon par phyogs te gnas so/ /de nas kun du skul bar byed pa'i 'od zer des bde ba can gyi 'jig rten gyi khams chen po kun du snang bas kun du snang bar byas nas bcom ldan 'das de bzhin gshegs pa tshe dpag med la lan gsum bskor ba byas nas byang chub sems dpa' sems dpa' chen po spyan ras gzigs kyi ye shes kyi spyi bor nub par gyur to/ /de nas sems dpa' chen po de stan las langs nas/ bcom ldan 'das de bzhin gshegs pa 'od dpag med la lan gsum bskor ba byas nas mgo bos rab tu phyag 'tshal te pus mo g.yas pa'i lha nga sa la btsugs nas bcom ldan 'das la 'di skad ces gsol to/ /bcom ldan 'das dgongs su gsol bdag cag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste bcom ldan 'das mi mjed kyi khams de dang / bcom ldan 'das shAkya thub pa la blta ba dang / phyag 'tshal zhing bsnyen bkur ba dang / rig sngags dang gsang sngags kyi spyod pa dang / sgrub thabs kyi cho ga dang / dkyil 'khor gyi cho ga'i rtog pa dang / gsang ba'i ras ris kyi cho ga dang / bzlas pa dang / rig pa'i dbang bskur ba thams cad khyad par du bstan pas sems can thams cad kyi bsam pa yongs su rdzogs par 'tshal lo/ /de skad ces gsol pa dang / bcom ldan 'das de bzhin gshegs pa 'od dpag tu med pas byang chub sems dpa' sems dpa' chen po de la 'di skad ces bka' stsal to/ /sems dpa' chen po gang da lta de'i dus la bab par shes na song shig /nga'i tshig gis kyang bcom ldan 'das shAkya thub pa la gnod pa chung ngam/ nyam nga ba chung ngam/ ldang ba yang ngam/ reg par gnas sam zhes rmed par bya'o/ /de nas yang bcom ldan 'das de bzhin gshegs pa 'od dpag tu med pas byang chub sems dpa' sems dpa' chen po spyan ras gzigs dbang phyug la bka' stsal to/ / sems dpa' chen po gang gA'i klung brgya stong phrag gang gA'i bye ma la sogs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang khyod kyi rigs dang / gsang sngags kyi spyod pa dang / dkyil 'khor gyi rtog pa dang / gsang ba'i dbang bskur ba dang / phyag rgya dang / ras ris kyi cho ga dang / sbyin sreg dang / bzlas pa'i nges pa bsam pa thams cad yongs su rdzogs par byed pa/ sems can thams cad kun nas dga' bar byed pa/ rin po che snang ba'i le'u rab 'byam 'das pa dang ma 'ongs pa dang / da ltar byung ba'i ye shes rnams kyis rang gi rig sngags dang / gsang sngags la 'jug par byed pa ston pa/ mthar thug par zin pa dang / nang gi dus dang ldan pa dang / dam tshig rab 'byam gyi le'u dang / 'jig rten dang / 'jig rten las 'das pa mtha' dag ma lus par bsdus pa/ sangs rgyas dang / byang chub sems dpa' thams cad dang / 'phags pa nyan thos dang / rang sangs rgyas dang / byang chub sems dpa'i sa la bzhugs pa dang / spyod pa mthar thug pa gsung ba dang ldan pa dag gsungs pa la'ang / 'di la rjes su yi rang ba kho na'o/ /sems dpa' chen po/ da lta de'i dus la bab par shes na khyod song shig /shAkya thub pa'i drung du de la mngon du phyogs pas dam pa'i chos kyi rnam grangs 'di nyon la khyod kyang smra bar 'gyur ro/ /'di la yang rtsa ba'i rig sngags su 'gyur ba ni/ na mo rat+na tra yA ya/ na mo a mi tA b+hA ya/ ta thA ga tA ya/ aR+ha te samyak+saM bud d+hA ya/ na ma Ar+ya a ba lo ki te shwa rA ya/ bo d+hi satwA ya/ ma hA sa twA ya/ na mo b+ha ga ba t+yai Ar+ya tA rA yai/ bo d+hi satwA yai/ tad+ya thA/ tA re r-i dzu ka d+harma ni t+ya te/ tA re tut+tA re/ shAn+ta d+harma nir+yA te/ tA re a na b+hi lA pya/ d+harma nir+ya te/ tut+tA re/ tu re tu re hi ni/ tra sa ni tra sa ni/ o ha ni/ mo ha ni/ dzam+b+ha ni/ stam+b+ha ni/ pra b+he/ tsan+d+ra pra b+he hi li hi li/ tsi li tsi li/ b+he ga sA mi ni/ kuN+Di kuN+Di ma hA kuN+Da/ d+ha ra d+ha ra/ d+ha na pa ni tA re/ hu ru hu ru/ ku ru ku ru/ a haM yA ya/ tsin+ta yA mi tsin+ta d+ha mi ku ru swA d+hA ya swA hA/ 'di ni sems dpa' chen po khyod kyi 'phags ma sgrol ma'i rtsa ba'i rig pa de yin te/ de bzhin gshegs pa rnams thams cad kyis gsungs shing / gsung bar 'gyur ba ste/ khyod kyis kyang da lta smra bar 'gyur ro/ /mi mjed kyi 'jig rten gyi khams dri rgyas pas rnam par phye ba'i mthar shAkya thub pa byon te/ shAkya thub pas rjes su gnang ba'o/ /'di la mchog gi snying por 'gyur ba yang / na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ tA re tut+tA re tu re swA hA/ 'di la nye ba'i snying po yang / na mo rat+na tra yA ya/ na maHsarba bud+d+ha bod+hi satwA nAM/ oM ku ru kul+le swA hA/ de nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das kyis rjes su gnang nas/ byang chub sems dpa'i spyod pa'i rgyu mthun pa byang chub kyi snying po kun du thob par byed pa thams cad kyi bkod pa'i rgyan zhes bya ba'i ting nge 'dzin la snyoms par zhugs so/ /snyoms par zhugs ma thag tu phyogs bzhi rnams dang / steng dang / 'og dang / thad ka'i mthar thug pa'i thams cad du thams cad dang ldan pa'i phyogs kyi 'jig rten gyi khams su rdzogs pa'i sangs rgyas bcom ldan 'das rnams kyis kun du gang bar gyur to/ /rgyal ba'i sras po legs so legs so/ /gang khyod kyi ting nge 'dzin khyad par 'di lta bu la snyoms par zhugs pa ni nyan thos dang rang sangs rgyas thams cad kyis mi nus te/ byang chub sems dpa'i spyod pa la rab tu zhugs pa sa bcu la rab tu bzhugs pa rnams kyis kyang snyoms par 'jug par mi nus so/ /de nas bcom ldan 'das de bzhin gshegs pa 'od dpag med sangs rgyas bcom ldan 'das de rnams kyis thabs cig byams pa dang bcas pa bcom ldan 'das ma 'phags ma sgrol ma'i mchog gi snying po mchog gsang ba don thams cad sgrub par byed pa yi ge gcig pa zhes bya ba mchog tu gsang ba'i sems can thams cad kyi las thams cad byed ma/ rig sngags gzhan rnams kyis kyang rig sngags dang gsang sngags kyi spyod pa'i khyad par gyis sgrub par byed pa dang mthun pa'i rig sngags gsung bar gyur to/ /de nas bcom ldan 'das de bzhin gshegs pa tshe dpag med yud tsam zhig ci yang mi gsung bar gyur to/ / thams cad du thams cad dang ldan pa'i 'jig rten la sangs rgyas kyi spyan gyis kun du gzigs nas sangs rgyas bcom ldan 'das rnams kyi dgongs pa byams pa'i bdag nyid kyi sems kyis rig sngags gsungs par gyur to/ /na maHsarba bud+d+ha nAM/ oM gIH 'di ni bcom ldan 'das ma'i mchog gi snying po las thams cad byed pa'o/ /de nas byang chub sems dpa' sems dpa' chen po spyan ras gzigs dbang phyug ting nge 'dzin de las langs nas 'di lta ste/ skyes bu stobs dang ldan pa zhes bya ba de lag pa bskum pa las rkyong ba'am/ brkyang pa las skum pa dang se go la gtogs pa tsam gyis kyang mig 'byed 'dzums pa skad cig tsam gyis ting nge 'dzin rdzu 'phrul gyi stobs mgyogs pa'i blo zhes bya ba'i ting nge 'dzin gyi khyad par rnam par 'phrul pa nyid ces bya ba la snyoms par zhugs te mi mjed kyi 'jig rten g yi khams su 'ongs nas kyang slar 'khod de steng gi nam mkha'i mthil du nor bu rin po che chen po la so sor 'khod pa'i 'khor gyi dkyil 'khor chen po'i nang du 'khod nas thams cad dang ldan pa'i 'khor gyi dkyil 'khor du 'od zer chen po'i kun du snang bas kun du snang bar byas nas rin po che'i snang ba'i bdag po'i rgyan gsal bar byed pa zhes bya ba'i ting nge 'dzin la snyoms par zhugs par gyur to/ /byang chub sems dpa' sems dpa' chen po spyan ras gzigs dbang phyug ting nge 'dzin la snyoms par zhugs ma thag tu khang pa brtsegs pa rin po che du mas rnam par phye ba dang / rin po che'i gdugs du mas dpag tshad brgya stong phrag tu khyab pa dang / lha'i gos dang / dar gyi rgyan gyis mdzes par spras pa dang / lha'i me tog dang / ba dan dang / rgyal mtshan dang / phreng ba dang / rin po che g.yer kha'i dra ba bcings pa/ sgra snyan pa 'khrol ba 'jug pa dang / byang chub sems dpa' so sor gnas par byed pa/ lha'i dri dang / phreng ba dang / byug pa dang / phye ma'i char 'bebs par byed pa/ mngon par sprul te bcom ldan 'das shAkya thub pa la mchod pa'i las ngo mtshar rmad du byung ba'i cho 'phrul byang chub sems dpa'i rnam 'phrul mthong ngo / /de nas gnas gtsang ma'i ris kyi lha'i bu de rnams dga' ba dang bcas pa spu zing zhes byed do/ /lha'i gnas thams cad rab tu g.yos pa dang ldan pa mthong nas skrag cing / snying 'dar te 'on te 'byor pa yongs su nyams sam ci zhes phan tshun thabs su skad mthon pos smra bar rtsom zhing / 'di skad ces kyang smras so/ /bcom ldan 'das yongs su skyobs shig /shAkya thub pa yongs su skyobs shig / de nas bcom ldan 'das kyis thams cad dang ldan pa'i lha'i 'khor la bka' stsal to/ /ma 'jigs shig /ma 'jigs shig /'di ni byang chub sems dpa' sems dpa' chen po spyan ras gzigs dbang phyug de bzhin gshegs pa tshe dpag med kyi sangs rgyas kyi zhing kun nas me tog can lta bu nas nga nyid lta ba dang phyag 'tshal zhing bsnyen bkur bar 'dod de/ don chen po spyod pa dang / rig sngags kyi tshig dang / chos kyi tshig rmad du byung ba yang nges par bstan pa'i phyir 'ongs so/ / de nas bcom ldan 'das shAkya thub pa la lan gsum bskor ba byas nas/ bcom ldan 'das la mig mi 'dzums par bltas te zhabs gnyis la btud nas yi ge'i tshig rab tu smras pa 'di rnams kyis bcom ldan 'das la mngon par bstod do/ /phyag 'tshal skyes bu mkhyen khyod la/ /phyag 'tshal skyes bu mchog khyod la/ /spyod pa'i don kun sgrub pa po/ /phyag 'tshal skyes bu gtso khyod la/ /don med thams cad bzlog pa po/ /phyag 'tshal skyes bu seng ge khyod/ /ngan song thams cad 'joms pa po/ /dpa' bo chen po khyod phyag 'tshal/ /bsod nams dri ni mtha' yas pa/ /phyag 'tshal skyes bu pad dkar khyod/ /srid gsum 'dam ni rnam sbyong ba/ /phyag 'tshal skyes bu pad+ma khyod/ /sdug bsngal thams cad rnam grol byed/ /thams cad grol khyod phyag 'tshal lo/ /gdung ba thams cad legs 'dul byed/ /zhi ba khyod la phyag 'tshal lo/ /sngags kyi spyod don sgrub pa po/ /thams cad khyod la phyag 'tshal lo/ /bkra shis kun gyis bkra shis pa/ /bkra shis khyod la phyag 'tshal lo/ /chos rnams thams cad kun tu rtogs/ /sangs rgyas dam tshig khyod phyag 'tshal/ /chos rnams kun gyi de bzhin nyid/ /spros pa med pa'i rnam pa ni/ /yang dag rjes 'jug ston pa po/ /de bzhin gshegs pa khyod phyag 'tshal/ /shes dang shes bya'i dngos po kun/ /legs par byas shing yang dag thos/ /theg gsum lam dang myang 'das la/ /rab tu gnas 'jug rab gnas pa/ /kun mkhyen khyod la phyag 'tshal lo/ /zhes yi ge'i tshig rab tu smras pa 'di rnams kyis bstod pa'i tshig gis bcom ldan 'das kyi spyan sngar mngon par bstod nas 'di skad ces kyang gsol to/ /bcom ldan 'das 'di nas gang gA'i klung brgya stong phrag gi bye ma dang mnyam pa'i 'jig rten gyi khams 'das nas nub phyogs kyi char kun nas me tog ldan zhes bya ba'i sangs rgyas kyi zhing du gyur ba der/ bde ba can zhes bya ba'i 'jig rten gyi khams gang na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa/ tshe dpag tu med pa bzhugs te/ de chos ston par mdzad pa ni/ thog mar dge ba/ bar du dge ba/ tha mar dge ba/ don bzang po tshig 'bru bzang po ma 'dres pa/ yongs su dag pa/ yongs su byang ba'i tshangs par spyod pa/ yang dag par ston par mdzad cing de 'di ltar bzhugs te 'tsho zhing gzhes la chos kyang ston par mdzad do/ /rig sngags dang gsang sngags kyi don gyi spyod pa rnams dang / byang chub sems dpa'i sde snod dang / lam gsum gyi spyod pa'i rjes su 'jug pa'i lam dang / skyob pa dang / gnas dang / skyabs dang / dpung gnyen dang / bde ba dang / shin tu mthar thug pa dang / shin tu yongs su mthar gtugs pas sems can thams cad la ston te/ bcom ldan 'das de nyid kyi mdzad pas rjes su gnang nas bcom ldan 'das kyi zhabs drung dang / nye ba 'dir 'ongs te bcom ldan 'das de bzhin gshegs pa 'od dpag med de bcom ldan 'das la gnod pa chung ngam/ nyam nga ba chung ngam/ ldang ba yang ngam/ bsnyun mi mnga' 'am/ bde ba la reg par gnas sam zhes yongs su 'dri bar byed de/ 'di skad ces kyang gsung ngo / /gang rnam pa 'di lta bu'i snyigs ma'i dus gang du bcom ldan 'das shAkya thub pa'i sku de yang chos ston par mdzad cing rjes su rtogs par bya ba'i skye bo la lam gsum gyi byang grol dang / lha dang / mi rnams kyi skye ba rnyed par mdzad pa de ni ngo mtshar ro/ /bcom ldan 'das shAkya thub pa de'i brtson 'grus kyis gang du skal ba med pa'i sems can gyi tshogs srid pa gsum yang dag par 'joms pa'i lam du mthar thug par 'jug par byed gtan du grub pa dang / bde ba'i rjes su mthun pa'i mya ngan las 'das pa la sems can rnams rab tu 'god par mdzad pa ni ngo mtshar ro/ /bcom ldan 'das 'on kyang sangs rgyas bcom ldan 'das kyi thugs ni sangs rgyas bcom ldan 'das kho nas mkhyen gyis/ bdag gis sangs rgyas bcom ldan 'das rnams kyi ngo mtshar rmad du byung ba bsam gyis mi khyab pa'i rnam par 'phrul pa rnams/ sangs rgyas kyi rnam 'phrul du shes par 'dod pa'am/ thugs kyi spyad pa spyod pa la rab tu 'jug pa'i sgrub pa dang / sems pa shes par 'dod pa'am/ mtha' dag nges par ston pa ni bskal pa bye ba khrag khrig brgya stong phrag rnams kyis kyang brjod par yang ga la nus/ gang yang de bzhin gshegs pa rnams kyis de bzhin gshegs pa rnams sgrub pa bsdus pa dang / so so ba ma lus pa'i ngo bo 'dus ma byas pa'i chos nyid du blta bar bya ste/ mthong bas spang bar bya ba spong ba dang / ring por mi thogs par spyod pa smra bar 'dod pa 'am/ yon tan ston par 'dod pa ni de bzhin gshegs pa bcom ldan 'das kho nas mkhyen gyis/ bdag gis ni ma yin no/ /de nas byang chub sems dpa' sems dpa' chen po spyan ras gzigs dbang phyug gis rdzu 'phrul gyi rnam par 'phrul pa sprul te/ rin po che chen po'i pad+ma la bcom ldan 'das shAkya thub pa la blta bzhin du bzhugs so/ /de nas bcom ldan 'das de bzhin gshegs pa shAkya thub pas byang chub sems dpa' sems d pa' chen po spyan ras gzigs dbang phyug la rnam pa sna tshogs pa'i gtam gyi rjes su 'brangs pa'i de bzhin gshegs pa'i gtam gyis mthar gyi dri ba sngon du 'gro bas phan tshun chos bstan pa'i mthar rigs kyi byang chub sems dpa'i spyod pa sgrub pa'i don du nye bar tshogs pa rnams la tshangs pa'i dbyangs dang / ka la ping ka dang / ku ta ra dang / bi ta ras bsgrubs pa'i rnga bo che'i dbyangs su grags pa'i sgra dbyangs kyis byang chub sems dpa' sems dpa' chen po 'phags pa spyan ras gzigs dbang phyug la bka' stsal pa/ sems dpa' chen po khyod legs par 'ongs sam/ sems dpa' chen po'i spyod pa dang / sangs rgyas thams cad kyi byin rlabs sgrub pa dang / byang chub sems dpa' thams cad don yang dag par thob par byed pa dang / rig sngags dang / gsang sngags kyi tshig thams cad dang / gsang ba'i dbang bskur ba dang bcas pa dang / phyag rgya dang / dkyil 'khor dang / rtog pa'i dbang bskur ba dang / tshe dang / nad med pa dang / dbang phyug dang / bsam pa thams cad yongs su rdzogs par byed pa dang / sgrub thabs thams cad kyi cho ga'i rgyud dang / shes pa dang shes bya dus kyi mthar nub pa dang / rgyal srid dang / zhing 'das pa dang / ma 'ongs pa dang / da ltar byung ba mdor bsdus pa las/ sems can thams cad kyi bsam pa thams cad yongs su rdzogs par byed pa dang / rang gi yon tan 'byung ba/ gsang sngags kyi spyod pa'i mthar 'jug par byed pa/ sems can gzhan dga' bar byed pa/ mi snang ba dang nam mkhar 'gro bar byed pa/ rkang pa rab tu brgyus pa/ yid gzhungs par byed pa/ 'chugs par byed pa/ sa 'og tu rab tu 'jug par byed pa/ mngon par spyod par byed pa/ don thams cad thob pa/ 'bras bu dang bcas pa/ gnod sbyin dang / gnod sbyin mo dang / ci bgyi dang / sha za dang / 'byung po thams cad 'gugs par byed pa/ byis pa dang / rgan po dang / lang tsho ji ltar gnas bzhin du gnas par byed pa ste/ mdor bsdus na las thams cad byed pa/ yid kyi shing rta thams cad rdzogs par byed pa/ rgyas pa can dang / zhi ba can gyi las rab tu byed pa/ ji lta ji ltar rab tu sbyar bar bya bzhin pa/ de lta de ltar bsgrub par bya bzhin pa/ byang chub sems dpa'i sde snod dang ldan pa phal po che rtog pa chen po rin po che'i le'u rab 'byam ngas rjes su gnang / sangs rgyas thams cad kyis gsungs pa/ dag pa'i sems can rig sngags dang gsang sngags kyi spyod pa'i don/ chos kyi mdzod/ skye bo mang po la phan pa'i ched dang / skye bo mang po la bde ba'i ched du/ lha dang mi rnams dang / sems can thams cad la ston cig /de nas yang byang chub sems dpa' sems dpa' chen po spyan ras gzigs dbang phyug sangs rgyas kyi byin gyi rlabs kyis kun tu skul bar byed pa rgyan bkod pa'i 'od zer snang ba zhes bya ba'i ting nge 'dzin la snyoms par zhugs so/ /snyoms par zhugs ma thag tu dag pa'i sems can du ma gang gA'i klung gi bye ma snyed kyi 'jig rten gyi khams dang / sangs rgyas kyi zhing rnams 'od zer gyi snang bas ji srid 'og min gyi srid pa nas ji srid mnar med pa'i dmyal ba chen po'i bar gyi sems can gang la la sdug bsngal gyis shin tu gdungs pa'i sdug bsngal thams cad rab tu zhi bar byed pa'i 'gro ba rnams zhi ba dang / nyan thos dang rang sangs rgyas dang / byang chub sems dpa' dang / sangs rgyas thams cad bcom ldan 'das kyis yang dag par bskul nas slar yang 'od zer de byang chub sems dpa' sems dpa' chen po spyan ras gzigs dbang phyug gi spyi bor nub par gyur to/ /'di la gzhan shar phyogs la sogs pa rnam par gnas pa'i sangs rgyas kyi zhing gang yin pa der sangs rgyas bcom ldan 'das rnams bskul ba'i 'od zer des rlung gi dkyil 'khor yang dag par bskul bas bsgrubs pa 'di lta ste/ de bzhin gshegs pa zla ba nyid kyi snang ba dri kun du gsal ba'i dpal zhes bya ba dang / de bzhin gshegs pa sman gyi bla baiDUr+ya 'od kyi rgyal po zhes bya ba dang / de bzhin gshegs pa kun du snang ba'i dpal zhes bya ba dang / de bzhin gshegs pa yang dag par 'phags pa'i rgyal po zhes bya ba dang / de bzhin gshegs pa sA la'i dbang po'i rgyal po zhes bya ba dang / de bzhin gshegs pa 'jig rten dbang phyug rgyal po zhes bya ba dang / de bzhin gshegs pa tshe dang ye shes dpag tu med pa rnam par nges pa'i rgyal po zhes bya ba dang / de bzhin gshegs pa kun du snang ba mtha' yas pa'i rgyal po zhes bya ba dang / de bzhin gshegs pa bai DUr+ya'i snang ba'i 'od zer gyi rgyal po zhes bya ba dang / de lta bu la sogs pa'i s angs rgyas bcom ldan 'das byang chub sems dpas yongs su bskor ba mtha' yas shing mu med pa'i 'jig rten gyi khams rnams su de bzhin gshegs pa dgra bcom pa yang dag par rdzogs pa'i sangs rgyas mi mjed kyi 'jig rten gyi khams su sgrol ma'i gru'i tshal na gnas pa'i de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / byang chub sems dpa' sems dpa' chen po spyan ras gzigs dbang phyug rig sngags dang gsang sngags kyi spyod pa nges par ston pa'i tshig gi don gyi le'u rab 'byam gsungs pa de la sangs rgyas bcom ldan 'das de rnams 'dzum pa yang dag par ston par mdzad do/ /de bzhin du lho dang / nub dang / byang gi phyogs rnams su/ phyogs bral rnams su zhes pas/ steng dang / 'og dang / thad ka thams cad du thams cad dang ldan pa'i sangs rgyas kyi zhing rnams su snang bar byas nas sangs rgyas kyi zhing rnams su thams cad du yang bdud kyi gnas thams cad spa bkong bar byas te/ byang chub sems dpa'i tshogs kyis yongs su bskor ba dang bcas pa nyan thos kyi dge 'dun dang bcas pas mdun du bdar nas de bzhin gshegs pa'i spyod yul la gnas pa sangs rgyas kyi rnam par 'phrul pa byang chub sems dpa'i bdag nyid chen po nyid lta bar 'dod pa/ mchog gi rig pa'i rjes su spyod pa sgrub pa'i ting nge 'dzin gyi khyad par gyi le'u rab 'byam de bzhin gshegs pa'i bstan pa thogs pa med pa yang gsal bar byed 'dod pas so sor 'khod par gyur to/ /'di lta ste/ lag bzang dang / rin chen bzang po dang / brtul zhugs bzang po dang / spyan bzang po dang / dga' ba bzang po dang / chos gos bzang po dang / dngos grub 'char bzang dang / thams cad 'phags dang / chos 'phags dang / rin chen 'phags dang / rin chen dpal dang / lhun po'i dpal dang / bsam gyis mi khyab pa'i dpal dang / 'od byed dpal dang / rab snang dpal dang / snang ba'i dpal dang / don thams cad kyi dpal dang / lag na thams cad rin chen dang / gtsug na nor bu dang / lag na rin chen dang / lag na lhun po'i rgyal mtshan dang / rnam par snang mdzad snying po dang / rin chen snying po dang / ye shes snying po dang / don bsam gyis mi khyab pa'i snying po dang / chos 'phags snying po dang / mchod sbyin tog dang / tog bzang po dang / mtha' yas tog dang / 'od zer tog dang / dri med tog dang / ma lus tog dang / nam mkha'i tog dang / rin chen tog dang / 'brug sgra dbyangs dang / rnga bo che'i nga ro'i rgyal po dang / mtha' yas gsal ba'i ye shes rgyal po dang / mun pa mun nag thams cad rnam par sel ba'i rgyal po dang / rnam par g.yeng ba thams cad 'joms pa'i rgyal po dang / spyod pa thams cad phul du byung ba'i ye shes kyi rgyal po dang / 'jig rten dbang po'i rgyal po dang / phul du byung ba'i dbang po'i rgyal po dang / rnam par sel ba'i rgyal po dang / mi g.yo ba'i rgyal po dang / nyi ma'i rgyal po dang / thams cad gsal ba yang dag par 'phags pa'i rgyal po dang / rang bzhin yang dag par 'phags pa'i rgyal po dang / dngos po med par yang dag par 'phags pa'i rgyal po dang / phyogs lhag pa'i rgyal po dang / rang gi dngos po med par snang ba dang / bsod nams snang ba dang / kun du lta ba'i snang ba dang / 'od dpag med dang / dpag yod snang ba dang / spyan bzang snang ba dang / legs 'byung snang ba dang / mtha' yas snang ba dang / mi tshugs snang ba dang / ma sgyur ba dang / 'og min dang / dri med dang / me dang / snang ba dang / blo gros dang / rtogs pa dang / bde ba dang / bde ba'i mu khyud dang / mu khyud kyi tog dang / 'dod pa'i lha dang / lha'i lha dang / lte ba rgyas pa dang / 'jig rten zhi ba dang / nye ba'i 'chi ltas dang / rnga bo che dang / grub pa dang / dkar por grags pa dang / lha rab tu bzod dka' la gdul dka' ba dang / gsal dka' ba dang / ring du song ba dang / ring por len dang / ring por gnas dang / mtho zhing mtho ba'i mun pa dang / mkha' snang dang / kun nas snang dang / snang min dang / khyu mchog dang / kun nas snang ldan dang / nges par mnyam pa dang / lha chen po dang / shin tu nges pa'i dkyil 'khor dang / dri ma mthar thug pa dang / mnyam pa'i mtshan ma bzang po dang / dkar po dang / i mi ki mi dang / tha chung dang / dka' bas 'tsho ba dang / bde bar 'tsho ba dang / legs par skyes pa dang / du ba'i tog dang / mchod sbyin tog dang / dkar po'i tog dang / tog bzang po dang / dbyig gi tog dang / nor dgag tu med pa dang / pha chen po dang / do shal phyed pa dang / 'jig rten grags pa dang / kun du grags pa dang / chen por grags pa dang / mchog tu grags pa dang / skyes pa dang / snang ba dang / ci bgyi dang / mnyam par byed pa dang / 'jig rten byed pa dang / snang ba byed pa dang / nyin mor byed pa dang / 'byung bar byed pa dang / don thams cad byed pa dang / grub par byed pa dang / 'od byed pa dang / kun du gsal bar byed pa dang / rnga bo che'i dbyangs dang / sgra dbyangs dang / dbyangs bzang dang / mtha' yas dbyangs dang / tog gi dbyangs dang / 'byung ba'i thub pa dang / gser thub dang / log par dad sel dang / 'od srung dang / gtsug tor can dang / thams cad skyob dang / rnam par gzigs dang / shAkya thub pa zhes bya ba 'di rnams kyis dang / sangs rgyas bcom ldan 'das gzhan mang po rnams kyis kyang 'khor gyi dkyil 'khor chen po kun du snang bar byas nas pad+ma'i gdan la so sor bzhugs par gyur to/ /de ltar byang chub sems dpa'i tshogs de rnams kyang bzhugs pa 'di lta ste/ phyag na rin chen dang / phyag na rdo rje dang / phyag na bzang po dang / nam mkha'i phyag dang / mtha' yas phyag dang / sa'i phyag dang / snang ba'i phyag dang / shin tu dri med dang / bzang po brtsegs pa dang / mang po brtsegs pa dang / nor bu brtsegs pa dang / rin chen brtsegs pa dang / e na brtsegs pa dang / rin chen glang po dang / kun nas glang po dang / spos kyi glang po dang / bzang 'gro dang / dri ma dang bral bar 'gro ba dang / 'jig rten 'gro ba dang / mdzes par 'gro ba dang / mtha' yas 'gro ba dang / mtha' yas grags pa dang / legs grags dang / dri ma dang bral bar grags pa dang / 'gro bar grags pa dang / dri med grags pa dang / grags pa'i mgon po dang / mgon med kyi mgon por gyur pa dang / 'jig rten mgon po dang / kun nas mgon po dang / rgyun bshes kyi bu dang / mtha' yas bshes kyi bu dang / kun du bshes kyi bu dang / byams ma'i bu dang / mig bzang gi bu dang / phyag 'tshal bshes kyi bu dang / twa Sha tra'i bu dang / 'bras bshes kyi bu dang / rin chen bshes kyi bu dang / skyabs gsum bshes kyi bu dang / theg gsum bshes kyi bu dang / mthu bsgyings dang / shin tu yid du 'ong ba dang / yid 'ong ldan dang / chos kyi dbang phyug dang / dngos po med pa'i dbang phyug dang / kun nas dbang phyug dang / 'jig rten dbang phyug dang / spyan ras gzigs dbang phyug dang / legs gzigs dbang phyug dang / rnam gzigs dbang phyug dang / 'jig rten 'dren pa dang / mchod pa bzang po dang / 'brug sgra'i dbang phyug dang / rnga bo che'i dbang phyug dang / bkod pa'i dbang phyug dang / bi Sha te swa ra dang / char bzang po dang / mchod pa bzang po dang / grags ldan dang / nyi ma'i 'od dang / rab tu skyes pa la gnas pa dang / zla ba'i dbang phyug dang / so ba'i zla ba dang / zla ba nyid dang / mtha' yas dpal dang / kun du dpal dang / 'jig rten dpal dang / nam mkha'i dpal dang / nam mkha'i kun sdud dang / nam mkha'i mdzod dang / sa'i dbang phyug dang / dbang phyug chen po dang / sa'i snying po dang / sgrib pa med pa dang / sgrib pa thams cad rnam par sel ba dang / kun du bzang po dang / bzang skyong dang / nor bzang dang / legs par kun sdud dang / lo thog kun 'gyed pa'i nam mkha' dang / nam mkha'i snying po dang / don kun rtogs pa dang / thams cad 'byung ba dang / ldog bya min pa dang / mi ldog pa dang / ngan song bzod dang / rnam par sgyur med dang / bkra shis rnam 'grel dang / gnad thams cad srung ba zhes bya ba 'di rnams kyis dang / gzhan yang byang chub sems dpa' sems dpa' chen po rnams dang thabs cig bcom ldan 'das de bzhin gshegs pa shAkya thub pa'i spyod yul du sgrol ma'i gru la bzhugs par gyur to/ /gzhan yang byang chub sems dpa' s ems dpa' chen po bud med kyi gzugs 'dzin pa rnams kyis 'jig rten gyi spyod pa'i don mtha' yas pa sgrub pa sems can mtha' yas pa dag gi bsam pa rnam par 'jug par byed pa'i lam la rab tu gnas su 'jug pa'i bya ba bsam gyis mi khyab pa'i rig sngags kyi gzhi rjes su 'dzin par byed pa sman gyi cha byad kyi gzugs 'dzin pa rnams dang / 'dab chags kyi tshogs rnam pa sna tshogs pa dang / gnod sbyin dang / srin po dang / nor bu dang / sngags dang rin po che'i rgyal po dang / sems can dang / sems can ma yin pa grangs med pa thams cad kun du 'jug cing sems can gyi spyod pa'i rjes su 'jug pa rnams dang / bsam pa ji lta bas sems can 'dul ba de lta bu'i rjes su 'jug pa rnams dang / de dag so so'i khyad par du 'phags pa'i rjes su 'jug pa rnams dang / rig pa'i rgyal po'i nye bar bstan pa ji lta ba bzhin du chos nges par 'byung ba de bzhin gshegs pa dang / pad+ma dang / rdo rje dang / 'jig rten dang 'jig rten las 'das pa thams cad la kun du 'jug pa'i dam tshig gi rim pa las 'da' bar mi bya bar tshig gi lam la rab tu gnas par byed cing / dkon mchog gsum gyi gdung mi 'chad par byed pa rnams te/ 'di lta ste/ gtsug tor mngon par 'phags pa dang / gdugs dkar mngon par 'phags pa dang / lo ma mtha' yas dang / lo ma brgya pa dang / gtsug tor rgyal ba dang / mngon par 'phags pa'i gtsug tor dang / pad+ma'i 'od zer dang / gser gyi 'od zer dang / 'od zer dkar po dang / gtsug tor bkod pa dang / gser gyi phung po dang / dkar po'i phung po dang / gzi brjid phung po dang / nor bu'i phung po dang / kun nas phung po dang / rnam par grags pa'i phung po dang / 'byung ba'i phung po dang / bden pa'i phung po dang / dngos po med pa'i phung po dang / ma nor ba de bzhin nyid kyi phung po ste/ 'di rnams dang / gzhan yang gtsug tor gyi rgyal po chos kyi dbyings mtha' yas pa la rab tu zhugs pa sems can rnams kyi bsam pa ji lta ba bzhin du mngon par 'dod pa yongs su skong bar byed pa/ skye bo thams cad kyi yid kyi bsam pa rtogs pa bskal pa bye ba khrag khrig brgya stong phrag gis kyang mi nus pa'i gtsug tor rgyal po nam mkha'i mthar thug pa brjod pa bsam gyis mi khyab pa'i stobs dang / pha rol gnon pa'i bdag nyid chen po lta bur ston par 'dod pas mtha' dag rgyas par bshad pa las mdor bsdus nas bstan par bya ste/ rig pa'i rgyal po rnams kyis 'dus pa bshad par bya ba 'di lta ste/ mdzod spu dang / smin ma dang / spyan dang / rdzi ma dang / snyan dang / mgrin pa dang / mi 'jigs pa dang / snying rje dang / byams pa dang / brtse ba'i tshim pa dang / shes rab dang / 'od zer dang / sems dpa' dang / 'od zer dri ma med dang / chos gos te 'di rnams dang / gzhan yang rig pa'i rgyal po mtha' yas mu med pa de bzhin gshegs pa'i gtsug tor nas spros pa rnams 'di lta ste/ de bzhin gshegs pa'i lhung bzed dang / chos kyi 'khor lo dang / de bzhin gshegs pa'i gzims cha dang / de bzhin gshegs pa'i theg pa dang / de bzhin gshegs pa kun du gsal ba dang / de bzhin gshegs pa'i gsung dang / de bzhin gshegs pa'i maSh+Tha dang / de bzhin gshegs pa'i gshegs pa dang / de bzhin gshegs pa'i dri ma dang / de bzhin gshegs pa'i rgyal mtshan dang / de bzhin gshegs pa'i tog dang / de bzhin gshegs pa'i mtshan ma ste 'di rnams dang / gzhan yang de bzhin gshegs pa'i sngags gsungs pa rnams te/ rig pa'i rgyal po dang / rgyal mo dang / ci bgyi dang / bran pho dang / bran mo dang / pho nya dang / pho nya mo dang / gnod sbyin dang / gnod sbyin mo dang / sems can dang sems can min pa so sor khyad par du 'phags pa'i rgyan bkod pa'i chos kyi sprin nges par spros pa/ ting nge 'dzin gyi khyad par gyi rgyu mthun pa bye ba brgya stong phrag tshad med pas yongs su bskor ba/ rig pa'i tshogs thams cad gong nas gong du rab tu 'jug bzhin pa'i rig pa'i rgyal po de rnams kyang de bzhin gshegs pa'i spyod yul der rigs bzang por lhag par gnas pa dang ldan par gyur to/ /rig pa'i rgyal po 'di lta ste/ de bzhin gshegs pa phyag bcu gnyis dang / phyag drug pa dang / phyag bzhi ba dang / hA la hA la dang / don yod zhags pa dang / rta mgrin dang / mgrin pa mtha' yas dang / mgrin pa sngon po dang / mgrin pa bzang po dang / mgul bzang dang / mgrin dkar dang / mgrin sngon dang / 'jig rten mgrin pa dang / rnam par gzigs pa'i dbang phyug dang / 'od zer stong 'dud dang / rnam par grags pa'i yid dang / pad+ma'i phyag dang / yid kyi shing rta dang / tshig 'byin pa po dang / rab tu bzhad pa dang / sgra bzang dang / skra mtha' dang / rgyu skar dang / rgyu skar rgyal po dang / zla ba'i bu dang / skal bzang dang / 'jig rten gsum las rnam par rgyal ba dang / mtha' yas rnam rgyal dang / lha las rnam rgyal dang / 'dod pa phun tshogs byed dang / legs par 'dul ba dang / 'dul ba po zhes pa 'di rnams dang / gzhan yang rig pa'i rgyal mo chu skyes gtsug tor la sogs pa rnams kyis chos kyi sprin gyi rgyu mthun pa mtha' yas pa sgrub pa'i ting nge 'dzin du gyur pa brgya stong bye ba khrag khrig du ma'i rig pas yongs su bskor ba dang / rig pa 'dzin pa'i rgyal mo du ma dang / 'jig rten dbang phyug dang sku'i ting nge 'dzin gyi rnam par spros pa du ma rnams la 'di lta ste/ sgrol ma dang / bsam pa'i sgrol ma dang / gar ma dang / khro gnyer can ma dang / a nut+tA TI dang / lau TI dang / sa thob par byed pa dang / dri ma dang bral ma dang / dkar mo dang / dkar sham ma dang / dkar sham chen mo dang / gos dkar mo dang / 'jig rten gos ma dang / dri med gos ma dang / byang chub yan lag gi gos ma dang / chu skyes gos ma dang / stobs bcu gos ma dang / grags ldan ma dang / longs spyod ldan ma dang / longs spyod tshe ldan ma dang / uR+NU kA dang / ShalU kA dang / dri med mthar byed ma dang / dri bral mthar byed ma dang / kun du mthar byed ma dang / sdug bsngal mthar byed ma dang / 'byung po mthar byed ma dang / dpal mo dang / dpal chen mo dang / mthar dpal dang / stod pa'i dpal dang / 'jig rten dpal dang / rnam par grags pa'i dpal dang / 'jig rten yum dang / kun du yum dang / sangs rgyas yum dang / sring mo dang / skal ldan shing rta ma dang / shing rta bzang mo dang / shing rta ldan ma dang / klu 'dul ma dang / 'dul byed ma dang / 'byung po ldan ma dang / dpag med ma dang / longs spyod stobs ma dang / 'gugs byed ma dang / 'od zer rmad byung ma dang / ro bzang mo dang / chang ldan ma dang / rab tu 'gum dang / mchod ldan ma dang / 'gram ma dang / kun du 'gram ma dang / skar 'od ma dang / zla ba ma dang / zla ba ldan ma dang / rma bya ma dang / nags ldan ma dang / nor sbyin ma dang / chang ldan ma dang / 'jig rten ldan ma dang / 'od 'phro ldan ma dang / stong bu chen mo dang / che ldan ma dang / legs par rgyas byung ma dang / legs par dga' ma dang / dbyig sbyin ma dang / dpal mo dang / dag ldan ma dang / nad mthar byed ma dang / nad thams cad gso byed ma dang / nad med lha mo dang / grags byed ma dang / dbang byed ma dang / myur byed ma dang / bde sbyin ma dang / bkra shis ma dang / bkra shis thob byed dga' ma dang / zla ba bzang mo dang / zla ba ldan ma zhes bya ba 'di rnams dang gzhan yang rig pa'i rgyal mo ri khrod lo ma can dang / dug sel ma dang / yid las byung ba la sogs pa rnams kyis chos kyi dbyings nam mkha'i rang bzhin gyi sgrub pa mtha' yas pa spyod pa thams cad kyi rnam par 'phrul pa byin gyis brlabs pa yang dag par skyes pa yid las byung ba rnams te pho nya dang / pho nya mo dang / bran pho dang / bran mo dang / ci bgyi dang / ci bgyi mo dang / gnod sbyin dang / gnod sbyin mo dang / srin po dang / srin mo dang / sha za dang / sha za mo pad+ma'i r igs kyi dam tshig la rjes su 'jug pa gsang sngags rnam par spyod pa rnams gang gis 'khor gyi dkyil 'khor chen po dang ldan pa dag pa'i sems can nges par 'khod pa des rab tu gnas par byed pas rab tu gnas te rang bcom ldan 'das shAkya thub pa la mchod pa'i las byed pa la brtson pa'i yid dang ldan par gyur to/ /bcom ldan 'das shAkya thub pa'i nye bar logs der gnas pa'i byang chub sems dpa' phyag na rdo rjes rang gi rig pa'i tshogs la bos par gyur te/ 'dir 'dus par 'gyur pa khyed rnams ni rig pa'i tshogs kyis yongs su bskor ba khro bo'i rgyal po dang / rgyal mo dang bcas pa rnams kyi pho nya mo chen mo dran pa tsam nyid kyis rig pa'i tshogs thams cad 'dus pa rnams 'di lta ste/ rig pa mchog dang / rig pa bzang po dang / legs par grub pa dang / dpung bzang dang / sde bzang dang / lha mthar byed dang / so bzang dang / gang ba bzang po dang / rdo rje'i sde dang / rdo rje'i mtha' dang / rdo rje'i lag pa dang / rdo rje'i dpung pa dang / rdo rje'i rgyal mtshan dang / rdo rje'i ba dan dang / rdo rje'i spyod yul dang / rdo rje mgo bo 'chang dang / rdo rje mche ba dang / dag pa'i rdo rje dang / rdo rje'i spu dang / rdo rje mchod pa dang / rdo rje du ma dang / rdo rje go cha dang / rdo rje mgrin pa dang / rdo rje gsung ba dang / rdo rje lte ba dang / rdo rje mtha' dang / rdo rje gur dang / rdo rje ra ba dang / rdo rje mtshon cha dang / rdo rje gzhu dang / rdo rje mda' dang / rdo rje lcags mda' dang / rdo rje mtshan ma dang / rdo rje dgyes pa dang / rdo rje sa 'og dang / rdo rje 'jigs spyan dang / rdo rje nor mtha' dang / rdo rje khro bo dang / chu'i yid du 'ong ba'i nga ro dang / 'byung po'i yid du 'ong ba'i nga ro dang / khro bo chen po'i yid du 'ong ba'i nga ro dang / dbang phyug chen po'i yid du 'ong ba'i nga ro dang / sbyin pa'i bu'i yid du 'ong ba'i nga ro dang / rig pa thams cad kyi yid du 'ong ba'i nga ro dang / drag po dang / shin tu drag po dang / 'phen pa dang / nye bar 'phen pa dang / rtag tu 'phen pa dang / 'dul ba'i mtha'i 'phen pa dang / shin tu rnam bkod 'phen pa dang / 'tshol bar 'phen pa dang / stobs dang / stobs po che dang / legs 'byung gsong byed dang / b+h+r-ing gi ri Ti dang / khro bo dang / khro bo chen po dang / mi rgas pa dang / mi gnyid pa dang / gdung ba'i dbyangs dang / klu'i mtha' dang / dbyug chu dang / dbyug pa sngon po dang / lus sbyin dang / lus dmar dang / rdo rje'i dbyug pa dang / sprin dang / sprin chen dang / nag po dang / nag po brtsegs pa dang / sna tshogs nad dang / thams cad 'phen pa po dang / 'dud dang / 'dud chen po dang / nyam thag pa dang / nyam thag pa chen po dang / dus mthar byed pa dang / gnod sbyin nag po dang / drag po dang / drag po'i gzugs dang / rtse gsum kha gdengs pa dang / mda' bo che dang / be con rab 'joms dang / za ba sdud pa'i dpa' bo dang / dus kyi mtha'i nyi ma dang / srog 'phrog pa dang / sgra 'joms pa dang / zhe sdang mi 'dzin pa dang / 'khyil pa dang / 'khyil pa min pa dang / mtha' yas 'khyil pa dang / khrag 'khyil pa dang / dpung pa dang / dpung pa chen po dang / gdug pa'i nad chen po dang / me dpal dang / mdze thams cad las rgyal ba dang / 'bros pa dang / rnam par 'bros pa po dang / de bzhin rnam 'bros dang / za ba po dang / tshim med 'tshol ba zhes pa 'di rnams dang / gzhan yang rig pa'i rgyal po khro bo chen po rnams kyis ma lus shing lus pa med pa'i sems can gdul ba dang / skrod pa dang / gzhig pa dang / dgag pa dang / gsod pa dang / rnam par 'joms pa dang / pha dang / zas rnams ster bar byed pa dang / zhi ba can dang / rgyas pa can dang / mngon spyod can gyi las rnams shin tu sbyor bar byed pa po rig pa'i rgyal po bye ba khrag khrig brgya stong phrag du ma rnams kyis yongs su bskor ba/ bcom ldan 'das shAkya thub pa dang / byang chub sems dpa' sems dpa' chen po spyan ras gzigs dbang phyug la nges par sems pas rang gi rig pa'i rgyal po rdo rje'i rigs skyong ba la phyag 'tshal te gnang ba nos nas rang gi rigs la gnas par byed cing gnas pas rang rang gi stan la 'dug par gyur to/ /bcom ldan 'das phyag na rdo rjes phul ba'i pho nya mo rig pa'i rgyal mo khrag khrig brgya stong phrag gis yongs su bskor ba yang rang chos kyi dbyings nam mkha'i rang bzhin spros pa med pa la dmigs nas gnas der 'dus par gyur pa 'di lta ste/ 'og pag ma dang / 'og pag ma bzang mo dang / lu gu rgyud ma dang / rdo rje 'od dang / rdo rje'i lce ma dang / rdo rje'i smin ma dang / rdo rje'i spyan dang / rdo rje'i lte ba dang / rdo rje khro gnyer ma dang / rdo rje snyan ma dang / rdo rje ri mo ma dang / rdo rje khab ma dang / rdo rje khu tshur ma dang / rdo rje lcags kyu ma dang / rdo rje ral gri ma dang / rdo rje tho ba ma dang / rdo rje lcags sgrog ma dang / sA la ldan ma dang / sA la bir Ti ma dang / mchog tu byed ma dang / 'dod ldan ma dang / rdo rje 'dod ldan ma dang / 'dod pa'i rdo rje ma dang / mthong can ma dang / mthong ldan ma dang / mthong ba chen mo dang / rtse mo'i gos ma dang / phug len ma dang / phug ldan ma dang / phug gnas ma dang / sgo gnas ma dang / 'dod pa rdo rje ma dang / yid mgyogs ma dang / mi 'pham mgyogs ma dang / myur mgyogs ma dang / spyan bzang ma dang / chang gnas ma dang / bung ba ma dang / bung ba las byung ba ma dang / mchod sbyin grub ma dang / rlung ma dang / gang ba'i gos ma dang / skrag bzang ma dang / hiN+Da ni dang / sdigs mdzub ma dang / pho nya mo dang / pho nya mo bzang mo dang / mA ma kI dang / g.yon pa ma dang / gzugs can ma dang / rgyal ma dang / rnam par rgyal ma dang / gzhan gyis mi thub ma dang / dge legs ma dang / bzhad ldan ma dang / bzhad pa'i rdo rje ma dang / 'jig rten ldan ma dang / grags ldan ma dang / rdo rje ldan ma dang / ma dul ma dang / 'jig rten gsum po dbang du byed ma dang / dbyug pa ma dang / dbyug pa chen mo dang / snyan par smra ba ldan ma dang / skal bzang nyid ldan ma dang / don ldan ma dang / don chen ldan ma dang / gong ma sreg ma dang / dkar mo dang / shin tu sprul ma dang / shin tu dri med ma dang / dril bu ma dang / ral gri ma dang / rtse gsum kha gdengs ma dang / kham ma dang / rgyal byed ma dang / gos ma dang / phyag 'tshal ma dang / ming can ma dang / gsang ba ma dang / dbyug 'byin ma dang / gtun shing ma dang / pho nya mo thams cad dbang byed ma zhes pa 'di rnams dang / gzhan yang pho nya mo chen mo/ pho nya mo du ma'i tshogs kyis yongs su bskor ba 'khor gyi dkyil 'khor chen po de nyid du 'dus par gyur to/ /ting nge 'dzin gyi rgyu mthun pa yongs su sgom pa'i yid las byung ba'i gzungs ma du ma'i gdug pa'i sems can rnams tshar gcod cing chad pas gcod pa 'di lta ste/ rdo rje'i me rab tu rmongs par byed pa'i gzungs ma dang / ri rab kyi rtse mo'i khang pa brtsegs pa'i gzungs ma dang / rin chen rtse mo'i khang pa brtsegs pa'i gzungs ma dang / sa 'dzin ma dang / legs par brtsegs ma dang / chad pa'i gzungs ma dang / tshar gcod pa'i gzungs ma dang / dgug pa'i gzungs ma dang / dpung rgyan ma dang / dpung rgyan ldan ma dang / rgyal mtshan rtse mo'i dpung rgyan ma dang / rin chen rtse mo'i dpung rgyan ma dang / 'jig rten rtse mo'i dpung rgyan ma dang / ga dan rtse mo'i dpung rgyan ma dang / gsum 'khyil ma dang / 'jig rten 'khyil ma dang / stong 'khyil ma dang / nyi ma'i bu 'khyil ma dang / 'byung po kun 'khyil ma dang / tog ldan ma dang / rin chen ldan ma dang / nor bu rin chen gtsug ma dang / byang chub yan lag gi stobs dang ldan ma dang / mtha' yas tog dang / kun du tog dang / rin chen tog dang / rnam par grags pa'i tog dang / 'byung po thams cad kyi tog dang / mi 'pham ldan ma dang / gos shin tu dri med ma dang / gdong drug ma dang / dri bral ma dang / 'jig rten grags ma zhes pa 'di dag dang / gzhan yang gzungs ma brgya stong phrag bye ba du mas yongs su bskor ba 'khor gyi dkyil 'khor chen po de nyid du 'dus par gyur to/ /sangs rgyas mtha' yas pas byin gyis brlabs pa dang / byang chub sems dpa'i ting nge 'dzin gyis byin gyis brlabs pa dang / sangs rgyas kyi zhing gzhan sangs rgyas kyis rnam par spangs pa na rang sangs rgyas bcom ldan 'das bse ru lta bu dang / tshogs na spyod pa rnams sems can rnams kyi don mdzad pa ni cang mi gsung par gyur pa lhag par gnas pas chos kyi tshul yang dag par ston pa/ de 'khor ba'i rjes su 'jug pa rtag tu yid skyo ba rgyud la snying rje chen po spangs shing ma 'dres pa'i sems kyi bag chags kyis yongs su bsgos pa dang / sngon byang chub tu sems bskyed pa/ yongs su bsgos pa'i sems pas sa gcig dang / sa gnyis dang / sa gsum dang / ji srid byang chub sems dpa'i sa brgyad pa'i bar la yid mi 'jug pa/ 'khor bas yid skyo zhing / 'jigs shing 'jigs pa dang ldan pa de rnams kyang 'khor gyi dkyil 'khor chen po der 'dus par gyur to/ /spos dri len dang / kun nas skye mched dang / kun du 'od dang / tsan+dan dang / dus dang / mu khyud dang / nye ba'i mu khyud dang / 'chi ltas dang / nye ba'i 'chi ltas dang / logs bzang po dang / rnga bo che dang / nye ba'i rnga bo che dang / 'jig rten grags pa dang / 'jig rten 'od dang / rgyal byed dang / rdul med dang / nye ba'i rdul dang / cha shas dang / nye ba'i cha shas dang / mtshan ma dang / mtshan ma bzang po dang / nyin mor byed pa dang / legs byed 'od ldan dang / 'od byed dang / 'jig rten byed pa dang / rnam thos dang / legs thos dang / mdzes sdug dang / legs 'dzin mtha' dang / dul mdzes dang / mtha' yas mtha' dang / srid mtha' dang / tog dkar po dang / mtshan ma'i tog dang / tog dang / nye ba'i tog dang / rgyal dang / pad+ma'i bla ma dang / pad+ma'i 'byung ba dang / rang 'byung dang / skyes pa dang / yid 'ong dang / yid las byung dang / dbang chen dang / brtsegs par grags pa dang / bum pa dang / mtha' dag spyan dang / bde byed dang / phan byed dang / zhi ba dang / zhi ba'i yid dang / chos dang / nye ba'i chos dang / rnam par snang byed dang / me tog dang / legs sngo dang / dpal ldan dang / gnyen las thag ring byed pa dang / bzod par dka' ba dang / gser dang / dri med tog dang / zla ba dang / nye ba'i zla ba dang / sde bzang dang / legs par sbyangs pa dang / brgya byin dang / 'dod pa dang / nye dbang dang / nor lha zhes pa 'di rnams dang / gzhan yang rang sangs rgyas bye ba khrag khrig brgya stong phrag bsam gyis mi khyab cing gzhal gyis mi lang ba smon pa med pa'i chos kyi dbyings nam mkha'i rang bzhin spros pa med cing 'dus ma byas pa theg pa 'bring la rab tu zhugs shing nges par gtan te gnas pa/ rjes su chags pa dang / khong khro ba dang bral ba rnams kyis bcom ldan 'das shAkya thub pa bzhugs pa dang thabs cig tu bzhugs par gyur to/ /nyan thos brgya stong phrag bye ba du mas yongs su bskor ba'i nyan thos kyi dge 'dun dang thabs cig pa 'di lta ste/ 'od srung chen po dang / chu klung 'od srung dang / ga yA 'od srung dang / lteng rgyas 'od srung dang / b+ha ra d+h+wa dza bsod snyoms len dang / b+ha ra d+h+wa dza dang / maud gal gyi bu dang / maud gal gyi bu chen po dang / shA ri'i bu dang / shA ri'i bu chen po dang / sna tshogs mdzes dang / rab 'byor dang / rab 'byor chen po dang / ba lang bdag dang / ka t+ya'i bu dang / ka t+ya'i bu chen po dang / nye bar 'khor dang / bzang ldan dang / ka pi na dang / dga' bo dang / mdzes dga' bo dang / nye dga' dang / rna ba bye ba ri ba dang / 'jig rten 'byung ba dang / mtha' yas 'byung ba dang / yid 'ong ba dang / nye ba'i yid 'ong ba dang / dga' ldan dang / nye ba'i dga' ldan dang / ma 'gags pa dang / rtsa ba kun du gang ba dang / nye bar gang ba dang / rgyal dang / na ba so dang / ru ru dang / drag po'i bu dang / ru ru'i bu dang / ku ru dang / lngas rtsen dang / nye ba'i lngas rtsen dang / dus dang / mnyam pa'i dus dang / lha 'dzin dang / sgra gcan 'dzin dang / ljang sngo dang / nye ba'i ljang sngo dang / bsam bya dang / dga' ba sems pa po dang / 'char ka dang / nye pa'i 'char ka dang / dpal ldan dang / ka dru'i bu dang / gyad kyi bu dang / nyer rdzas ldan dang / dum bu dang / rgyal ba dang / nye rgyal dang / rgyal chen po dang / kun du rgyal dang / 'bod byed dang / grags sbyin dang / grags ldan dang / nor can dang / nor gyi rgya mtsho dang / nye ba'i nor can dang / pi lin+da'i bu pi pa la ka dang / 'bras bu dang / nye ba'i 'bras bu dang / mtha' yas 'bras bu dang / 'bras bu dang bcas pa dang / gzhon nu dang / gzhon nu 'od srung / cher sbyin dang / bcu drug sde pa'i dga' byed dang / nye ba'i dga' byed dang / yon por yo ba dang / rgyal ba'i zhags pa dang / dbugs 'byin chen po dang / be'u'i bu dang / ku ru kul+le dang / gro bzhin skyes rna ba bye ba ri ba dang / khrag pha rol gyi mthar byed pa dang / gang gA'i bu dang / ri'i rna ba can dang / nye ba'i ze ba dang / dbyar can dang / snang ba dang / mdzes par snang ba dang / dpal sbas dang / 'jig rten sbas pa dang / bla ma sbas pa dang / snang ba la dga' ba dang / zhi byed dang / byis pa dang / nye ba'i byis pa dang / bye ba nyi shu pa dang / mgon med sbyin dang / nye ba'i 'jug pa dang / ldog pa dang / smyo byed dang / kun du 'od dang / mtsho bzang dang / legs pa dang / rab sad dang / legs 'ongs dang / nyer 'ongs dang / nyer 'gro dang / 'jig rten 'gro dang / sdug bsngal mthar byed dang / bskal pa bzang po dang / chen po bzang ldan dang / don spyod pa dang / pha chen po dang / 'gro ldan dang / rgyal skyong dang / rgyal dang / gsal ldan dang / nye ba'i gsal ldan dang / sman chen po dang / gzi brjid chen po dang / lha mtshams dang / sgrub byed dang / tshogs can dang / tshangs pa bzang po dang / mdzes ma bzang dang / 'jig rten bzang dang / mnyam pa dang / yang dag gzhal ba zhes pa 'di rnams dang / gzhan yang chos kyi dbyings mtha' yas pa rnam par grol ba'i ro'i ro myong ba/ theg pa gsum la snyoms par 'jug pa/ theg pa chung ngu'i lam kun du thob pa/ 'khor ba las bros pa/ rnam par thar pa'i lam gsum gyi bsam gtan bsams pa/ tshangs pa'i gnas bzhi'i spyod lam la snyoms par zhugs pa/ legs par mnyam par bzhag pa/ legs par bsnyen par rdzogs pa/ legs pa'i tshul la rab tu gnas pa'i mya ngan las 'das pa'i dbyings la mnyam par 'jug pa mnyam pa nyid spros pa med pa blo gros can rnams thams cad dang ldan pa'i 'khor gyi dkyil 'khor chen po der bcom ldan 'das shAkya thub pa sa bcu pa'i bar ma chad pa dkon mchog gsum gyi gnas su gnas pa dang thabs cig tu de rnams kyang der kun du 'khod par gyur to/ /nyan thos ma chen mo mya ngan las 'das pa'i dbyings la rab tu mnyam par 'jug pas rab tu zhugs pa du ma rnams kyang / 'dus ma byas kyi lam gyi theg pa la dmigs pa dag cing 'dod chags dang bral ba kun nas snang ba kun du thob pa sbyin par bya ba'i zhing gi yon tan 'dzin cing rnam par sbyong ba/ bdud kyi dkyil 'khor thams cad zil gyis gnon pa/ 'jig rten mchog gi bdag mo lhas mchod pa bsod nams kyi zhing / rkang gnyis pa dang / rkang bzhi pa dang / rkang dang / rkang med kyi sems can thams cad kyi mchog gi bdag mo rnams la 'di lta ste/ grags 'dzin ma dang / grags sbyin ma dang / skye dgu'i bdag mo chen mo dang / skye dgu'i bdag mo legs skyes ma dang / dga' mo dang / sbom dga' mo dang / mdzes dga' mo dang / sems pa mo dang / mdzes ma dang / mtha' yas ma dang / yid kyi shing rta ma dang / rgyal ldan ma dang / dpa' mo dang / nye ba'i dpa' mo dang / lha mo dang / legs lha mo dang / legs dpal mo dang / dpal ma dang / rab spyod ma dang / rab dga' ma dang / snyan par smra ma dang / snar ma ma dang / yul 'khor srung ma dang / srung ma dang / rje bo ma dang / phun tshogs ma dang / lus can ma dang / pad pa ma dang / dga' ma dang / ral pa ma dang / nye ba'i ral pa ma dang / kun nas ral pa ma dang / 'byung ba ma dang / snang ldan ma dang / yid mgyogs ma dang / skra ldan ma dang / khyab 'jug len ma dang / khyab 'jug ldan ma dang / yid ma dang / yid ma dang / dpal ldan mA dang / sdug bsngal mthar thug ma dang / las sbyin ma dang / las 'bras ma dang / rnam rgyal ma dang / rgyal ldan ma dang / nor bdag ma dang / nor sbyin ma dang / chos sbyin ma dang / legs sbyin ma dang / rab za ma dang / a mra ma dang / grags pa 'jug ma dang / yid ldan ma dang / rab bzhad ma dang / srid gsum mthar byed ma dang / 'khor gsum mthar byed ma dang / sdug bsngal ba mo dang / yid 'byung ma dang / lo ma gsum pa dang / pad+ma'i lo ma dang / pad+ma ldan ma dang / pad+ma'i 'od ma dang / dka' zlog rkang spyod ma dang / dka' zlog rkang spyod ldan ma dang / 'dab gsum ma dang / 'dab bdun ma dang / ut+pa la'i mdog ma zhes pa 'di dag dang / gzhan yang gnas brtan ma chen mo/ /nyan thos ma chen mo rnams/ bcom ldan 'das kyi zhabs drung du phyag 'tshal ba'i phyir nye bar lhags par gyur to/ /'khor gyi dkyil 'khor de rnams nyid byang chub sems dpa' chen po'i rnam par 'phrul pa'i mthu mthong bar 'dod nas 'dus shing 'khod par gyur te chos nyan pa'i phyir dang / sngags kyi spyod pa'i don bsgrub pa la brtson par 'dod par gyur to/ /de nas bcom ldan 'das shAkya thub pas bcom ldan 'das kyi 'khor gyi dkyil 'khor la gzigs nas lhag pa'i bsam pa rig pa dang / dngos po med pa'i rang bzhin nam mkha'i ngo bo sems can gyi khams gsum las yang dag par 'das pa mkhyen nas sems dpa' chen po la bka' stsal to/ /sems dpa' chen po sems can gyi don gyi spyod pa la so sor soms shig / bsam pa ji lta ba bzhin du mngon par 'dod pa'i las kyi 'bras bu la dad pa dang ldan pa/ sngags kyi spyod pa'i don yang dag par thob pa zhes bya ba'i chos kyi tshig dang / zhi ba'i tshig dang / thar pa'i tshig dang / rtog pa'i sgrub pa dang / rnam par rtog pa'i mnyam pa nyid thob par byed pa/ de bzhin gshegs pa'i stobs bcu kun gyi stobs dang / bdud kyi stobs thams cad zil gyis gnon par byed pa zhes bya ba'i byang chub sems dpa'i ting nge 'dzin sgoms shig /de nas bcom ldan 'das kyis bka' stsal ma thag tu byang chub sems dpa' sems dpa' chen po spyan ras gzigs dbang phyug snyoms par zhugs par gyur to/ /spyan ras gzigs dbang phyug snyoms par zhugs ma thag tu/ ji ltar stong gsum gyi stong chen po'i 'jig rten gyi khams 'di yang dag par rab tu g.yos te snang ba chen pos gsal bar byas nas/ rang gi rdzu 'phrul gyi stobs bskyed pa ston par gyur cing / rang gi sngags kyi tshig kyang gsungs par gyur to/ /rtog pa'i sngags rnams kyang sngags du ma/ thun mong pa cig gis rim pa las ma 'das par 'byung ba ni/ na maHsaman+ta bud+d+hA nAM a b+hA ba/ swa b+hA ba/ sa mung+ga tA nAM/ na maH pra t+ye ka bud+d+hA Ar+ya shrA ba kA nAM/ na mo bo d+hi satwA nAM/ da sha b+hu mi pra tiSh+Thi te sha ra NaM bo d+hi satwA nAM/ ma hA satwa nAM/ ma hA satwA nAM/ tad+ya thA/ oM kha kha/ khA hi/ duSh+Ta satwA da ma ka /a si/ mu sa la/ pa ra shu/ pA sha /hasti/ tsa tur mu kha/ ShaT tsa ra Na/ gats+tsha gats+tsha/ ma hA big+h+nA na/ big+h+nA na ta ka/ /bi kr-i tA nan/ sarba b+hU ta/ b+he yaM ka ra/ aT+TAT+Ta/ hA sa nA di ne/ byA g+h+ra tsarma ni bA sa na/ ku ru ku ru sarba karma NAM/ ts+tshin+da ts+tshin+da/ b+hin+da b+hin+da/ sa ra mu draM/ A kar+Sha A kar+Sha/ b+hU tA na/ nirma tha na/ sarba duSh+TAM/ pra be sha ya/ maN+Dal ma d+h+ye/ bai ba swa ta dzI bi tA na tA/ ka ra ku ru ku ru ma ma kyAr+yAM/ da ha da ha/ pa tsa pa tsa/ mA bi lam+ba sa ma ya ma nu sma ra/ hU~M hU~M phaT/ s+pho Ta ya s+pho Ta ya/ sarba A shA pa ri pU ra ka/ he he b+ha ga bA na/ kany+tsi rA ya si ma ma/ sarba aR+tha sAng+nga ya swA hA/ 'di ni bcom ldan 'das ma 'phags ma sgrol ma'i khro bo chen po sgrol mas gnon pa zhes bya ba gang 'dod pa de 'gugs par byed cing thob par byed pa/ dbang po dang / gshin rje'i rgyal po yang 'gugs par byed cing 'joms par byed pa yin na sems can rnams lta smos kyang ci dgos/ khro bo'i rgyal po chen pos gsungs ma thag tu sems can thams cad nyam thag cing 'jigs skrag ste yid skyo zhing snying gas par gyur nas/ sangs rgyas bcom ldan 'das dang / byang chub sems dpa' chen po ma gtogs pa skyabs gzhan med/ skyob pa gzhan med/ dpung gnyen gzhan med pas bcom ldan 'das kyi drung du nye bar lhags par gyur to/ /de nas gang la la sa la spyod pa dang / mkha' la spyod pa dang / brtan pa dang / g.yo ba dang / mngal skyes dang / sgong skyes dang / drod gsher skyes dang / brdzus te skyes pa sems can gyi grangs su gtogs pa 'jig rten gyi khams mtha' yas shing mu med pa na rnam par gnas pa steng dang / 'og dang / thad ka dang / phyogs dang phyogs bral rnams su skad cig de dang / yud tsam de la gab pa rnams khro bo'i rgyal po chen pos skad cig la 'dir bkug par gyur to/ /khro bo'i rgyal po sgrub par gyur pa 'di 'dod chags dang ma bral bar gyur pa rnams kyi mdun du bzlas par mi bya ste/ de ci'i phyir zhe na/ de'ang 'chi bar 'gyur ram/ skam par 'gyur ba'i phyir ro/ /de tshig byin gyis brlabs nas/ sangs rgyas kyi sku gzugs kyi spyan snga'am/ ring bsrel dang bcas pa'i mchod rten nam/ dam pa'i chos kyi glegs bam mam/ spyan ras gzigs dbang phyug gi spyan sngar bzlas brjod bya'i/ las gzhan gyi ched du'am/ gang yang rung ba der bklag par mi bya ste/ ci'i phyir na ltas ngan chen po dang / mya ngan chen po dang / bdag nyid nye bar 'joms par 'gyur ba'i phyir ro/ /sangs rgyas bcom ldan 'das rnams dang / byang chub sems dpa' sems dpa' chen po rnams 'ba' zhig ni thugs rje mchog dang ldan pa thams cad mkhyen pa'i ye shes kyi spyod pa sgrub cing rjes su 'jug pa sems can thams cad dbang du byed pa/ chos kyi tshul yang dag par gnas par byed pa/ sems can gyi khams ma lus pa mya ngan las 'das pa thob par byed pa/ bstan pa med par bstan pa dang / lam gsum la yang dag par sbyor ba dang / dkon mchog gi gdung rgyun mi 'chad pa dang / sngags kyi spyod pa gsal bar byed pa dang / thugs rje chen po'i mthu'i rgyu mthun pa'i thugs kyis bdud kyi stobs zil gyis gnon pa dang / bgegs chen po rnam par gzhig pa dang / gdug pa'i rgyal po bzlog pa dang / bdag gi stobs mngon par 'phel ba dang / gzhan gyi stobs zlog par byed pa dang / rengs pa dang / ltung ba dang / nyams dgang 'chos pa dang / skems pa dang / dga' ba dang / rang gi sngags kyi spyod pa gsal bar byed pa dang / tshe dang / nad med pa dang / rang gi dbang phyug mngon par 'phel ba dang / myur du las rjes su sgrub pa dang / byams pa chen po dang / snying rje chen po dang / dga' ba chen po dang / btang snyoms chen po dang / yang dag par sdom pa dang / de dag gi rgyu mtshan dang / rgyu la thams cad du rtog ge pa dang / rnam par rtog ge pa dang bral ba'i sems kyis smras so/ /de nas klu dang / klu chen po dang / gnod sbyin dang / gnod sbyin chen po dang / srin po dang / srin po chen po dang / sha za dang / sha za chen po dang / srul po dang / srul po chen po dang / lus srul po dang / lus srul po chen po dang / ma mo dang / ma mo chen mo dang / grul bum dang / grul bum chen mo dang / gcan gzan dang / gcan gzan chen po dang / ro langs dang / ro langs chen po dang / kam po dza dang / kam po dza chen po dang / sring mo dang / sring mo chen mo dang / mkha' 'gro ma dang / mkha' 'gro ma chen mo dang / gzhibs pa dang / gzhibs pa chen po dang / gnon po dang / gnon po chen po dang / byis pa dang / byis pa chen po dang / bram pa dang / bram pa chen po dang / nad dang / nad chen po dang / brjed byed dang / brjed byed chen po dang / gdon dang / gdon chen po dang / nam mkha' ma mo dang / nam mkha' ma mo chen mo dang / gzugs can ma dang / gzugs can ma chen mo dang / gzugs ngan ma dang / gzugs ngan ma chen mo dang / ngu 'bod dang / ngu 'bod chen po dang / grib gnon dang / grib gnon chen po dang / sbod gtong dang / sbod gtong chen po dang / ci bgyi dang / ci bgyi chen po dang / gnod sbyin mo dang / gnod sbyin mo chen mo dang / sha za mo dang / sha za mo chen mo dang / rims nad dang / rims nad chen po dang / rims nyin gcig pa dang / rims nyin gcig pa chen po dang / rtag pa'i rims dang / rims mi bzad pa rnams dang / rtag pa las byung ba'i rims dang / yud tsam pa dang / rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / gcong dang gcong chen po dang / grub pa dang / grub pa chen po dang / sbyor ldan dang / sbyor ldan chen po dang / drang srong dang / drang srong chen po dang / mi'am ci dang / mi'am ci chen po dang / lto 'phye chen po dang / lto 'phye chen po chen po dang / dri za dang / dri za chen po dang / lha ma yin dang / lha ma yin chen po dang / mi dang mi chen po dang / ljongs dang / ljongs chen po dang / rgya mtsho dang / rgya mtsho chen po dang / chu klung dang / chu klung chen po dang / ri dang / ri chen po dang / gter dang / gter chen po dang / sa dang / sa chen po dang / shing dang / shing chen po dang / 'dab chags dang / 'dab chags chen po dang / rgyal po dang / rgyal po chen po dang / brgya byin dang / dbang po chen po dang / nor lha'i bu dang / sgra sgrogs dang / 'byung po'i bdag po dang / dbang ldan dang / gshin rje dang / tshangs pa dang / tshangs pa chen po dang / nyi ma'i bu dang / nor sbyin dang / yul 'khor srung dang / 'phags skyes po dang / mig mi bzang dang / lus ngan po dang / gang ba bzang po dang / nor bu bzang po dang / lngas rtsen dang / rmugs 'dzin dang / rengs 'dzin dang / kuSh+ma 'dzin dang / ljang sngo dang / skra ljang sngo dang / seng+ge dang / 'phrog ma dang / dga' byed dang / nor byed dang / chu'i dbang po dang / 'jig rten dbang po dang / nye ba'i dbang po dang / gsang ba dang / gsang ba chen po dang / g.yo ba dang / g.yo byed dang / chu stod dang / rtag pa'i ri dang / kha ba'i ri dang / ri chen po dang / mig brtsegs pa dang / mgo bo gsum pa zhes pa 'di rnams dang / gzhan yang gnod sbyin gyi sde dpon chen po gnod sbyin bye ba khrag khrig brgya stong du mas yongs su bskor te/ byang chub sems dpa'i byin gyis brlabs dang / rdzu 'phrul gyi stobs bskyed pas chos mnyan pa'i phyir 'khor gyi dkyil 'khor chen po de nyid du 'dus shing 'dug par gyur to/ /gang yang srin po'i rgyal po chen po srin po bye ba khrag khrig brgya stong du mas yongs su bskor ba khro bo'i rgyal po chen pos bkug pa 'di lta ste/ bros pa dang / 'bros byed dang / rnam par 'ju byed dang / gzer gyi rna ba dang / bum pa'i rna ma dang / kun nas rna ma dang / gshin rje dang / rnam par 'jigs byed dang / 'jigs su rung ba dang / drag po dang / shin tu drag po dang / mi bzad pa dang / sdig ldan dang / dbang po rgyal dang / 'thab pa dang / legs par 'thab pa dang / mdung dang / mdung rtse gsum dang / mgo bo gsum pa dang / mgo bo mtha' yas pa zhes pa'ang chos mnyan pa'i phyir 'dus par gyur to/ /gang yang sha za dang / sha za chen po dang / sha za chen po bye ba khrag khrig brgya stong phrag du mas yongs su bskor ba de rnams kyang 'di lta ste/ 'thung gcod dang / nye ba'i 'thung gcod dang / legs par 'thung gcod dang / mtha' yas 'thung gcod dang / yid kyi shing rta dang / legs par yid kyi shing rta dang / legs par 'dren pa dang / za byed dang / spu bzang po dang / drag po'i gzugs can zhes pa de rnams kyang chos mnyan pa'i phyir 'dus par gyur to/ /gang yang klu'i rgyal po klu bye ba khrag khrig brgya stong phrag du mas yongs su bskor ba'i khro bo'i rgyal pos byang chub sems dpa'i rdzu 'phrul gyi stobs bskyed pas bkug pa 'di lta ste/ dga' bo dang / nye dga' bo dang / zla ba dang / nye ba'i zla ba dang / nor rgyas kyi bu dang / mtha' yas dang / 'jog po dang / pad+ma dang / pad+ma chen po dang / dung skyong dang / dung dang / dung skyong ma dang / stobs kyi rgyu dang / rigs ldan dang / pa'i btung ba dang / bum pa sbyin dang / rdo rje can dang / tsam pa'i bu dang / yid ldan klu dang / nga rgyal 'joms dang / DaM ku ra dang / nye ba'i DaM ku ra dang / la ku TA dang / la ku TA chen po dang / dkar po dang / dkar po bzang po dang / sngon po dang / sngon po chu sbyin dang / 'o ma'i chu dang / sog ma med dang / rgya mtsho dang / nye ba'i rgya mtsho zhes pa 'di rnams dang gzhan yang klu'i rgyal po chen po klu brgya stong phrag du mas yongs su bskor ba de rnams chos mnyan pa'i phyir 'khor gyi dkyil 'khor chen po der 'dus shing 'dug par gyur to/ /gang yang drang srong dang drang srong chen po de rnams 'di lta ste/ rgyun shes kyi bu dang / gnas 'jog dang / gau ta ma dang / skal ldan shing rta dang / dza h+nu dang / aM gi ras dang / a masti dang / su la sti dang / ri byi dang / rgyas pa dang / nag po dang / gau tam nag po dang / me dang / me'i rgyud dang / traMHgi ras dang / dzA mad ag+ni dang / yod pa pa dang / thub pa dang / thub pa mchog dang / bai sa m+ba ya na dang / rtsib logs skyes dang / dgra sta dang / rnal 'byor dbang phyug dang / pi sba la dang / pi sba la za ba dang / grog mkhar ba dang / bdud mda' zhes pa 'di rnams dang / gzhan yang drang srong chen po brgya stong phrag du mas yongs su bskor ba de rnams 'khor gyi dkyil 'khor chen po der nye bar phyin te bcom ldan 'das shAkya thub pa la phyag 'tshal nas gsang sngags spyod pa'i don dang / byang chub sems dpa'i sde snod mnyan cing rjes su yi rang bar 'dod pas 'khod par gyur to/ /gang yang lto 'phye chen po'i rgyal po de rnams kyang 'khor gyi dkyil 'khor chen po der rab tu zhugs shing 'khod par gyur pa 'di lta ste/ b+he raN+Da dang / b+hu ruN+Da dang / ma ruN+Da dang / 'od zer dang / 'od zer 'bar ba zhes pa'o/ /gang yang nam mkha' lding gi rgyal po de rnams kyang nam mkha' lding brgya stong phrag du mas yongs su bskor te 'khor gyi dkyil 'khor der 'dus par gyur pa 'di lta ste/ 'dab bzang dang / 'dab dkar dang / klu dang / 'dab 'gro dang / 'dab bzang skyes dang / yid mgyogs dang / klu 'joms dang / rnam 'dud bu dang / b+ha ra d+h+wa dza dang / dge mtshan dang / dge mtshan chen po dang / 'dab chags rgyal po ste/ de rnams kyang 'khor gyi dkyil 'khor chen po der 'dus par gyur to/ /gang yang mi 'am ci'i rgyal po mi 'am ci brgya stong phrag du mas bskor ba de rnams kyang 'di lta ste/ ljon pa dang / nye ba'i ljon pa dang / legs pa'i ljon pa dang / mtha' yas ljon pa dang / 'jig rten ljon pa dang / ljon pa gsal ba dang / brang rgyas dang / brang rgyas chen po dang / yid kyi gzi brjid dang / gzi brjid chen po dang / rdzu 'phrul chen po dang / rnam par sgrogs pa dang / dbyangs bzang po dang / yid 'ong dang / sems skyed par byed pa dang / smyo byed dang / da na d+hA ta dang / btang snyoms dang / snying rje dang / snying rje med pa zhes pa 'di rnams dang / gzhan yang mi 'am ci'i rgyal po stong phrag gis yongs su bskor ba rnams chos mnyan pa'i phyir 'dus par gyur to/ /de bzhin du mi mjed kyi bdag po tshangs pa dang / tshangs pa chen po dang / kun du 'od gsal dang / rab tu 'od gsal dang / dga' ba'i 'od dang / bsod nams 'od dang / mi che ba dang / mi gdung ba dang / 'og min dang / 'og bzang dang / 'jig rten mtha' dang / ci yang med pa'i skye mched dang / ci yang med pa min pa dang / nam mkha' mtha' yas dang / nam mkha' mtha' yas min pa nyid dang / gya nom snang dang / shin tu mthong dang / legs par sprul pa dang / yongs su sprul pa dang / gnas gtsang ma dang / dga' ldan dang / 'thab bral dang / sum cu rtsa gsum dang / rgyal chen bzhi'i ris dang / rtag myos dang / phreng thogs dang / gzhong thogs dang / pi wang gsum pa dang / ri la gnas pa dang / khang pa brtsegs pa la gnas pa dang / rtse mor gnas pa dang / lcang lo can na gnas pa dang / grong na gnas pa dang / gzhal med khang na gnas pa dang / nang na gnas pa dang / bar snang la rgyu ba dang / sa na gnas pa dang / shing la gnas pa dang / khyim na gnas pa dang / de bzhin du lha ma yin gyi dbang po rab tshim dang / stobs ldan dang / thags zangs ris dang / legs bkra dang / dge bkra dang / sgra gcan dang / lag pa la sogs pa'i lha ma yin bye ba stong phrag du mas yongs su bskor ba 'gros rnam pa sna tshogs dang / nor rnam pa sna tshogs dang / lha dang g.yul 'gyed pa'i lha ma yin de rnams kyang sangs rgyas kyi byin gyis brlabs dang / byang chub sems dpa'i rnam 'phrul lta ba dang / phyag bya ba dang / bsnyen bkur bya bar 'dod pas 'khor gyi dkyil 'khor der 'dus par gyur to/ /gang yang gza' dang / gza' chen po'i 'jig rten gyi don du spyod pa bar snang la spyod pa la 'di lta ste/ nyi ma dang / zla ba dang / mig dmar dang / lhag pa dang / phur bu dang / pa sangs dang / spen pa dang / sgra gcan dang / sa 'gul dang / mjug dang / thog gis 'joms pa dang / skar ma dang / rgyal mtshan dang / drag po dang / du ldan dang / du ba dang / rdo rje dang / drang srong dang / char dang / nye ba'i char dang / don nyams dang / nges par nyams dang / dgod pa'i mtha' dang / mASh+Ti dang / riSh+Ti dang / dga' ma dang / 'jig rten mtha' dang / zad pa dang / rnam par ltung byed dang / mi ltung ba dang / tog dang / gla sgang dang / dus kyi mtha' dang / dur khrod dang / bi shI ta dang / drag po dang / dkar po dang / byi bzhin dang / byi bzhin gyi bu dang / byams pa dang / phur bu dang / phur bu gsum pa dang / lu b+ha dang / ro tra dang / brtan pa dang / nyams byed dang / stobs ldan dang / drag po dang / skya rengs dang / rnam par dgod pa dang / 'chi ltas min pa dang / skem byed dang / sde dang / nye sde dang / gzhon nu dang / rtse byed dang / dgod byed dang / sems par byed pa dang / theng po dang / gzugs ngan zhes pa ste gza' chen po de rnams kyang brgya stong phrag du ma'i 'khor dang bcas pa sangs rgyas kyi byin gyis brlabs kyis gtsang ma'i gnas der 'khor du 'dus shing 'khod par gyur to/ /de nas rgyu skar nam mkha' la 'gro zhing rjes su 'brang ba brgya stong phrag du mas yongs su bskor ba 'di lta ste/ tha skar dang / bra nye dang / smin drug dang / snar ma dang / mgo dang / lag dang / nam so dang / rgyal dang / skag dang / mchu dang / gre dang / dbo gnyis dang / me bzhi dang / nag pa dang / sa ri dang / sa ga dang / lha mtshams dang / snron dang / snrubs dang / chu stod dang / chu smad dang / gro bzhin dang / mon gru dang / mon gre dang / khrums stod dang / khrums smad dang / nam gru dang / lha mo dang / byi bzhin dang / slar yang 'byung ba dang / skar 'od dang / ad+gi ra sA dang / rgyu skar ldan ma dang / nye bar sdu gu dang / nye ba'i gre dang / 'jig rten rab mchog dang / rab mchog ldan ma dang / dpal ldan ma dang / 'jig rten mgon po dang / chang ldan dang / rgyal ba thob pa dang / nor ldan dang / lha'i nor zhes pa de ltar rgyu skar rgyal po de rnams rgyu skar brgya stong phrag du mas yongs su bskor te/ sangs rgyas kyi byin gyis brlabs kyis gnas gtsang ma'i gnas su 'khor gyi dkyil 'khor chen po der 'dus shing 'khod par gyur to/ /khyim sum cu rtsa drug la 'di lta ste/ lug dang / glang dang / 'khrig pa dang / kaR+ka Ta dang / seng ge dang / bu mo dang / srang dang / sdig pa dang / gzhu dang / chu srin dang / bum pa dang / nya dang / spre'u dang / nye ba'i bum pa dang / gser bum dang / ral gri dang / glang po che dang / ma he dang / lha dang / mi dang / dge mtshan dang / dri za dang / 'jig rten dgongs pa dang / rgyal ba'i mchog dang / gzi brjid dang / nam mkha' dang / grib ma dang / sa gzhi dang / mun pa dang / rdul dang / nye ba'i rdul dang / sdug bsngal dang / bde ba dang / thar pa'i byang chub dang / rang byang chub dang / nyan thos dang / dmyal ba'i rigs 'dzin dang / gzi brjid chen po dang / gzi brjid chen po ldan pa dang / byol song dang / dang / lha ma yin dang / sha za dang / sha za mo dang / gnod sbyin dang / srin po dang / 'byung po thams cad pa dang / phyogs kyi glang po dang / steng 'gro dang / thams cad 'gro dang / rnam bye dang / rnal 'byor 'gro dang / rab tu gnas pa dang / mchog dang / 'bring dang / tha ma zhes pa 'di rnams dang / khyim chen po khyim brgya stong phrag du mas yongs su bskor ba 'di rnams 'khor gyi dkyil 'khor chen por 'dus pa gang na ba der nye bar phyin nas bcom ldan 'das kyi zhabs la phyag 'tshal te rang rang gi gnas su 'khod par gyur to/ /gang yang gnod sbyin chen mo gnod sbyin mo brgya stong phrag bye bas bskor ba 'di lta ste/ mig bzang ma dang / smin ma bzang mo dang / skra bzang ma dang / dbyangs snyan ma dang / blo gros bzang mo dang / dbyig ldan ma dang / mig bkra ma dang / bsam rdzogs ma dang / gsang ba ma dang / 'og bag ma dang / 'og pag bzang mo dang / pad+ma'i dus ma dang / mi 'jigs ma dang / mi 'jigs sbyin ma dang / rgyal ma dang / rnam par rgyal ma dang / nam gru can ma dang / skra ldan ma dang / skra mtha' ma dang / rlung ma dang / yid 'phrog ma dang / yid ldan ma dang / me tog ldan ma dang / me tog grong gnas ma dang / ser skya mo dang / 'phrog ma dang / dpa' mo ldan ma dang / dpa' mo dang / dpa' bzang ma dang / sna bzang ma dang / 'od ldan ma dang / lha mdzes ma dang / ro bzang ma dang / gsang mchog ma dang / brjod pa la gnas ma dang / mya ngan med ma dang / snang bar mdzes ma dang / 'od ldan ma dang / phul byung ldan ma dang / gzugs ldan ma dang / gzugs mdzes ma dang / dkar min dang / zhi ba ma dang / phra mo ma dang / sde ma dang / dga' byed ma dang / nye bar dga' byed ma dang / 'jig rten 'das ma zhes pa ste/ gnod sbyin ma chen mo 'di rnams gnod sbyin ma brgya stong phrag du mas yongs su bskor ba de rnams kyang 'khor gyi dkyil 'khor chen po der bcom ldan 'das shAkya thub pa la phyag 'tshal te 'khod par gyur to/ /gang yang sha za mo dag sha za mo brgya stong phrag du mas yongs su bskor ba de rnams kyang bcom ldan 'das shAkya thub pa la phyag 'tshal te 'dus par gyur pa la 'di lta ste/ rgyan pa mo dang / phyag dar gyi sha za mo dang / drag mo sha za mo dang / ta la la'i sha za mo dang / 'bar ba'i sha za mo dang / thal ba za ma dang / sha la za ba mo dang / 'dzin dka' ma dang / 'khrul byed ma dang / rmongs byed ma dang / sgrogs byed ma dang / skyed byed ma dang / 'jig rten mthar gnas ma dang / thal ba'i mtha' can ma dang / 'thung gcod ldan ma dang / mang po ma dang / gdul dka' ma dang / e la mo dang / mtshan ma can ma dang / du ba'i mtha' can ma dang / du ba ma dang / du ba bzang mo ma zhes pa sha za mo chen mo 'di rnams sha za mo brgya stong phrag du mas yongs su bskor ba rnams kyang 'khor 'dus pa'i dkyil 'khor chen po der rab tu zhugs par gyur to/ /gang yang ma mo dang / ma mo chen mo dag 'jig rten gyi rjes su spyod cing sems can la rnam par 'tshe bar byed pa gtor ma dang phreng ba nyid sdud par byed pa la 'di lta ste/ tshangs ma dang / dbang phyug chen mo dang / khyab 'jug ma dang / gzhon nu ma dang / rgan byad ma dang / phag mo dang / dbang mo dang / gshin rje ma dang / me mo dang / nyi ma'i bu mo dang / 'jig rten bar ma dang / chu lha mo dang / dbang ldan mo dang / rlung lha mo dang / gzhan gyi srog 'phrog ma dang / zhal rgyan pa mo dang / dge mtshan ma dang / dge mtshan ma chen mo dang / srul mo dang / lus srul mo dang / skem byed ma zhes pa ma mo chen mo 'di rnams ma mo brgya stong phrag du mas yongs su bskor ba de rnams 'khor 'dus pa'i dkyil 'khor chen po der/ sangs rgyas la phyag 'tshal lo zhes tshig tu 'don cing 'khod par gyur to/ /de bzhin du mi dang mi ma yin pa brgya stong phrag du ma dang / sems can dang sems can ma yin pa ji srid dmyal ba chen po mnar med pa nas/ srid pa'i rtse mo'i bar skabs 'dir thams cad nam mkha'i dkyil du gsal bar gyur to/ /sems can gyi tshogs kyi srog chags 'ga' la yang gnod pa med par gyur to/ /sangs rgyas kyi byin gyis brlabs dang / byang chub sems dpa'i rdzu 'phrul gyi rgyan gyis sems can thams cad kyi spyi bo na/ sangs rgyas bcom ldan 'das dang / spyan ras gzigs dbang phyug bzhugs pa yang dag par mthong bar gyur to/ /de nas bcom ldan 'das shAkya thub pa thams cad dang ldan pa'i 'khor la sangs rgyas kyi spyan gyis gzigs nas sems dpa' chen po de la bka' stsal to/ /sems can dag gsang sngags kyi spyod pa'i don rnam par nges pa'i ting nge 'dzin gyi le'u rab 'byam byang chub sems dpa'i sde snod gang da lta de'i dus la bab par shes na shod cig /de nas byang chub sems dpa' sems dpa' chen po spyan ras gzigs dbang phyug bcom ldan 'das shAkya thub pas rjes su gnang bas/ nam mkha'i rang bzhin gyis rgyan bkod pa rdo rje sdug cing sra ba'i rgyun zhes bya ba'i ting nge 'dzin la snyoms par zhugs so/ /sems dpa' chen po snyoms par zhugs ma thag tu 'khor gyi dkyil 'khor chen po de thams cad dpag tshad brgya stong phrag du mar rdo rje'i rang bzhin rgya chen por lhag par gnas par gyur to/ /der gnod sbyin dang srin po dang / dri za dang / rlung lha dang / sha za de rnams dang / mdor bsdus na sems can gyi khams thams cad byang chub sems dpa'i byin gyis brlabs kyis gzhal yas khang de rdo rje nor bu rin po che lta bur yang dag par rab tu gnas so/ /'khod par gyur pa rnams phan tshun rnam par 'tshe ba med do/ /de nas sems dpa' chen po de 'khor chen po 'dus par mkhyen nas/ khro bo'i rgyal po sgrol mas non pa la bos par gyur to/ /kye kye khro bo chen po sangs rgyas dang byang chub sems dpa' thams cad 'dus pa 'khor gyi dkyil 'khor chen po 'dus pa 'di'i sems can thams cad srungs shig / dbang du gyis shig /gdug pa rnams thul cig /zhi ba rnams sad par gyis shig /ma dad pa rnams dad par gyis shig /ji srid pa'i rig sngags dang / gsang sngags spyod pa rjes su sgrub pa byang chub sems dpa'i sde snod rgya chen po de nyid kyi rig sngags dang / gsang sngags kyi spyod pa'i dkyil 'khor gyi cho ga 'chang ba de srid kyi bar du 'di dag gi phyi rol du song la srungs shig /de skad ces smras pa dang / khro bo'i rgyal po chen po bka' mnos nas/ rnam par 'gyur ba chen po'i gzugs yongs su brtags te sems can thams cad bsrung bar bya ba'i don dang / brtan par bya ba'i don du bkod pa chen po'i 'khor gyi dkyil 'khor du khro bo'i rgyal po sgrol mas non pa khro bo brgya stong phrag du mas yongs su bskor ba phyogs bzhi kun nas de ltar steng dang 'og dang thad kar sgra drag po 'don bzhin pas rab tu gnas par gyur to/ /de nas sems can de rnams zhi ba nyid kyi yid dang ldan pas yang dag par 'jug pa'i bka' las mi 'da' bar gyur te/ sgra 'di lta bu'ang thos par gyur to/ /gang dam tshig 'di 'da' bar byed pa 'di dag ni ardza ka'i dog pa bzhin du mgo bo tshal pa brgyar 'gas par 'gyur te/ byang chub sems dpa'i byin gyis brlabs kyang de yin no/ /de nas yang byang chub sems dpa' de rang gi rig sngags dang / gsang sngags kyi spyod pa'i don du chos kyi tshig gsungs pa chos gcig gis byang chub sems dpa' sems dpa' chen po'i gsang sngags 'grub par gyur to/ /gcig po gang zhe na/ 'di lta ste/ chos thams cad spros pa med pa'i rnam par yang dag par rjes su mi mthong ba'o/ /chos gnyis po dag la rab tu gnas na byang chub sems dpa' sems dpa' chen po'i gsang sngags 'grub par 'gyur te/ gnyis po dag gang zhe na/ byang chub kyi sems yongs su mi gtong ba dang / sems can thams cad la mnyam pa nyid do/ /chos gsum rnams kyi rang gi gsang sngags kyi spyod pa'i don nges par brtan pa yongs su rdzogs par 'gyur te/ gsum gang zhe na/ sems can yongs su mi gtong ba nyid dang / byang chub sems dpa'i tshul khrims kyi sdom pa srung ba nyid dang / rang gi gsang sngags yongs su mi gtong ba nyid do/ /chos bzhi yang dag par ldan na sems dang po bskyed pa'i byang chub sems dpa'i rig sngags 'grub par 'gyur te/ bzhi gang zhe na/ rang gi gsang sngags rdzogs pa yongs su mi gtong ba nyid dang / gzhan gyi gsang sngags nye bar gcod pa min pa nyid dang / sems can thams cad la byams pa'i sems nye bar gnas pa nyid dang / snying rje chen po sgom pa'i sems te chos bzhi po 'di dag dang yang dag par ldan pa'i byang chub sems dpa' gsang sngags 'grub par 'gyur ro/ /chos lngas byang chub sems dpa'i sde snod la yang dag par 'jug cing gsang sngags kyi spyod pa'i sgrub pa yongs su rdzogs par 'gyur te/ lnga gang zhe na/ rnam pa sna tshogs pa'i yul bsten pa nyid dang / bas mtha'i dgon pa bsten pa nyid dang / sems can gzhan la zhe sdang med pa nyid dang / 'jig rten pa'i sngags la mi lta ba nyid dang / tshul khrims dang / thos pa dang / spyod pa la gnas par byed pa nyid de/ chos lnga po 'di dag gis sngags kyi spyod pa'i don gyi dngos grub yongs su rdzogs par 'gyur ro/ /chos drug ni gsang sngags kyi spyod pa'i dngos grub yongs su rdzogs par 'gyur te/ drug gang zhe na/ dkon mchog gsum la dad pa nye bar gcod pa med pa nyid dang / theg pa chen po'i mdo sde zab mo'i tshig gi don mi 'dor ba nyid dang / skyo ba med pa'i sems nyid kyis gsang sngags kyi spyod pa'i don yongs su tshol zhing dge ba'i phyogs yongs su mi spong ba nyid de/ chos drug po 'di ni rig sngags kyi spyod pa dang / gsang sngags kyi dngos grub la yang dag par kun du 'jug pa nyid du 'gyur ro/ /chos bdun rnams ni/ rig sngags grub pa'i cho ga dang / gsang sngags kyi spyod pa la rjes su 'jug par byed pa nyid du 'gyur te/ bdun gang zhe na/ shes rab kyi pha rol du phyin pa'i tshul zab mo sgom pa dang / zlos pa dang / nyan pa dang / kha ton byed pa dang / 'dri bar byed pa dang / byang chub sems dpa'i spyod pa la mos pas dus gsum du ston pa dang / nges par sdom pa dang / bzlas pa dang / sbyin sreg dang / smra bcad dang / dka' thub la ma thogs pa dang / blo gros dang / dran pa dang / shes rab dang / brtan pa dang du len par byed pa dang / byang chub sems dpa'i tshogs dang theg pa chen po'i chos zab mo'i tshul la yang dag par rab tu 'jug pa'i tshul dang / rang gi gsang sngags dang / sngags dgug pa dang / srung ba dang / bsgrub pa'i bya ba la mkhas pa nyid dang / snying rje chen po dang / byams pa chen po dang / btang snyoms chen po dang / dga' ba chen po yongs su sgom par byed pa las dang / sems can gyi khams dang / chos kyi dbyings spros pa med pa'i de bzhin nyid la yang dag par 'jug pa/ gnyis su med pa'i rnam pa thams cad mkhyen pa'i ye shes yongs su tshol ba las dang / sems can thams cad yongs su mi gtong la theg pa dman pa la dga' ba med pa las te chos bdun po 'di rnams ni rig sngags dang gsang sngags kyi dngos grub yongs su rdzogs par 'gyur ro/ /chos brgyad ni rig sngags dang gsang sngags kyi spyod pa'i don gyis dngos grub yang dag par 'jug pa nyid du 'gyur te/ brgyad gang zhe na/ mthong ba dang ma mthong ba'i 'bras bu la dad pas ngo mtshar bar sems par 'dod pa nyid dang / byang chub sems dpa'i dad pa'i 'bras bu rdzu 'phrul dang rnam par 'phrul pa the tshom med pa las dang / phyin ci ma log pa'i gsang sngags 'dzin pa las bla ma la gus pa las dang / sangs rgyas dang byang chub sems dpa' rnams kyis rang gi sngags dang rgyu dang spyod pa nye bar bstan pa mi slu bar 'dzin cing bdog pa thams cad yongs su btang ba las dang / dngos grub kyi zhing gnas dang / gnas ma yin pa rmi lam du mthong ba ston pa la mkhas pa nyid dang / ser sna dang / gnyid dang / rmugs pa mtha' dag dang bral bar byed pa/ rtag tu brtson 'grus rtsom la sangs rgyas dang / byang chub sems dpa' thams cad la bdag nyid 'bul bar byed pa las dang / mdor bsdus na dge ba'i rtsa ba la ngoms mi shes pa'i go cha bgos te bgegs thams cad rab tu sel bar byed pa las dang / byang chub kyi rgyud gnon par byed pa dang / longs spyod chen po dang / dbang che bar grags pa bdag nyid so sor 'dod pa dang / dbang che bar grags pa'i gang zag la yang dag par 'grogs pa dang / dge ba'i bshes gnyen dang mi 'bral ba dang / byang chub sems dpa' chen po dang yang dag par 'grogs par byed pa ste/ chos brgyad po 'di ni gsang sngags kyi spyod pa'i don gyi dngos grub la yang dag par 'jug par 'gyur ro/ /grogs po dag mdor na byang chub k yi sems dang mi 'bral zhing dkon mchog gsum la lhag par mos pa mchog tu tshul khrims 'chal pa la'ang skyo ba med pa'i yid kyis rtag tu mngon par brtson pas yid sngags kyi le'u rab 'byam mtha' yas shing rmad du byung ba byang chub sems dpa'i spyod pa'i rgyu mthun pa'i yid las byung ba 'grub par 'gyur ro/ /de las gzhan du rtogs par bya ba ma yin no/ /rnam par rtog pa med pa'i yid du gyur pas nyams sad pa'i rgyur yang bsgrub par bya ba yin no/ /de nas yang thams cad dang ldan pa'i 'khor rdzogs pa'i sangs rgyas dang / byang chub sems dpa' dang / rang sangs rgyas dang / 'phags pa nyan thos kyi byin gyis brlabs pa rnams 'di skad du rjod par byed de/ kye rgyal ba'i sras sems can thams cad kyi don gyi ched du gsang sngags kyi spyod pa sna tshogs pa'i don bya ba'i chos kyi tshul la rab tu 'jug pa'i rjes su mthun pa'i chos ston cig legs so legs so/ /e ma byang chub sems dpa' chen po rnams sna tshogs pa'i chos ston pa'i rjes su 'jug par byed pa gsang sngags kyi spyod pa dge ba legs par gsungs so/ /rgyal po chen po gang la la zhig 'dus pa'i le'u 'di 'dzin par 'gyur ba dang / yid la byed par 'gyur ba dang / g.yul du'ang thog mar glang po che'i steng du 'jog par 'gyur ba dang / me tog dang / bdug pa dang / dri dang / byug pa rnam pa sna tshogs pas mchod par 'gyur ba de la bdag cag mtshungs par brtag par bgyi/ phyir rgol ba dang dgra bo dag dbang du bgyi/ pha rol gyi dmag dpung dag 'jig cing bzlog par bgyi/ glegs bam du bris nas rang gi khyim du 'jog par 'gyur ba'i/ rigs kyi bu'am rigs kyi bu mo'am/ rgyal po chen po'am/ rgyal mo chen mo'am/ dge slong ngam/ dge slong ma'am/ dge bsnyen nam/ dge bsnyen ma'am/ srung ba chen po dang longs spyod chen po dang / tshe ring por 'gyur ba dang / nad med pa dang / rtag tu longs spyod 'phel ba nyid kyang bgyi'o/ /de skad smras nas thams cad dang ldan pa'i 'khor de ci'ang mi gsung bar gyur to/ /theg pa chen po'i rig sngags dang / gsang sngags kyi spyod pa nges par bstan pa las/ ral pa gyen brdzes kyi rtog pa chen po byang chub sems dpa' sems dpa' chen po'i rnam 'phrul gyi le'u rab 'byam las/ bcom ldan 'das 'phags ma sgrol ma'i rtsa ba'i rtog pa las 'dus pa'i le'u ste dang po'o// //de nas yang byang chub sems dpa' sems dpa' chen po spyan ras gzigs dbang phyug thams cad dang ldan pa'i 'khor gyi dkyil 'khor la gzigs nas/ sems can thams cad kyi dam tshig la rjes su 'jug cing kun du lta ba zhes bya ba'i ting nge 'dzin la snyoms par zhugs so/ /byang chub sems dpa' spyan ras gzigs d bang phyug snyoms par zhugs ma thag tu lte ba'i dkyil 'khor gyi phyogs nas 'od zer bye ba khrag khrig brgya stong phrag du mas yongs su bskor ba'i 'od zer phyung ste sems can gyi khams thams cad kun nas snang bar byas nas sngar nyid du 'khor 'dus pa'i dkyil 'khor chen po kun du snang bar byas nas 'khod par gyur to/ /de nas yang byang chub sems dpa' sems dpa' chen po phyag na rdo rjes dag pa'i sems dpa' spyan ras gzigs dbang phyug la smras pa/ sems dpa' chen po'i dam tshig la rjes su 'jug pa las bya ba'i d kyil 'khor gyi le'u rab 'byam gyi spyod pa sgrub pa sems can thams cad dang thun mong du gyur pa khyed kyis tshogs gang du sems can rnams yang dag par rjes su zhugs nas 'jig rten dang 'jig rten las 'das pa'i rig sngags dang gsang sngags kyi dngos grub yang dag par thob pa dang ldan pa khyod smros shig smros shig / gsang ba'i bdag po gnod sbyin gyi dbang pos de skad smras pa dang / byang chub sems dpa' sems dpa' chen po spyan ras gzigs dbang phyug gis mchog tu gsang ba'i dkyil 'khor gyi rgyud gsungs pa/ rig sngags thams cad yang dag par skul bar byed pa zhes bya ba'i rdzu 'phrul rnam par ston par byed cing lag pa g.yas pa bteg nas sor mo'i rtse mos 'khor gyi dkyil 'khor la ston par byed cing / sor mo'i rtse mo der rig pa'i rgyal po bye ba khrag khrig brgya stong phrag du ma nges par phyung ste phyung nas kyang thams cad dang ldan pa'i 'khor gyi dkyil 'khor de snang ba chen pos kun du snang bar byas nas gnas par gyur to/ /de nas byang chub sems dpa' sems dpa' chen po spyan ras gzigs dbang phyug gis khro bo'i rgyal po sgrol mas non pa'i snying po las thams cad pa/ dpa' bo gcig pa spyan drangs pa dang / gshegs su gsol ba dang / zhi ba can dang / rgyas pa can dang / mngon spyod can dang / mi snang ba dang / nam mkha' la 'gro ba dang / sa 'og tu 'jug pa dang / rkang pa rab tu rgyu ba dang / dgug pa dang / rnam par sdang ba dang / dbang du byed pa dang / dri dang phreng ba dang / mar me thams cad rang gi rgyud kyi sngags kyis rab tu sbyin par byed de/ mdor na ji ltar sbyar ba de bzhin/ de lta de ltar sgrub par byed bzhin pa ni yi ge gsum zhes bya ba brtson 'grus chen pos don thams cad sgrub par byed pa'i khro bo'i rgyal po chen po'o/ /de gang zhe na/ o~M AHhU~M/ 'di ni khro bo chen po de'i snying po las thams cad pa ste dkyil 'khor thams cad dang / gsang sngags spyod pa thams cad la byang chub sems dpa' sems dpa' chen pos nges par bstan te bgegs thams cad 'jig par byed pa'o/ /de nas byang chub sems dpa' sems dpa' chen po spyan ras gzigs dbang phyug gis phyag g.yas pa bteg nas khro bo'i spyi bor bzhag ste 'di skad ces smras so/ /sangs rgyas bcom ldan 'das rnams dgongs su gsol/ gang la la phyogs bcu'i 'jig rten gyi khams na rnam par gnas pa'i byang chub sems dpa' mtha' yas shing mu med pa'i rdzu 'phrul chen po dang ldan pa rnams dam tshig la lhag par gnas par gyis shig / de skad ces smras nas khro bo'i rgyal po de bskor nas btang bar gyur to/ /khro bo'i rgyal po chen po btang ma thag tu thams cad dang ldan pa'i 'jig rten g yi khams dag tu song nas skad cig tsam gyis gdug sems can gyi sems can rdzu 'phrul chen po de rnams tshar bcad cing bkug nas 'khor gyi dkyil 'khor chen po dag pa'i sems can la yang dag par bcug ste gnas ji lta ba bzhin du gnas par byas nas sems can gdug pa rnams kyi spyi bor kun nas 'bar ba'i phreng bas 'khrugs par gyur nas gnas par gyur to/ /de nas byang chub sems dpa' sems dpa' chen po spyan ras gzigs dbang phyug gis slar yang 'khor gyi dkyil 'khor la gzigs nas sems can khyed cag thams cad nyon cig / gang yang nga'i dam tshig 'di las 'da' bar byed pa de la khro bo'i rgyal pos tshar gcod par 'gyur te/ gang gi phyir na sangs rgyas bcom ldan 'das rnams kyis dam tshig ni 'da' bar bya ba ma yin pa'i phyir ro/ /rig sngags dang / gsang sngags kyi don gyi tshig gsang chen ji ltar byang chub sems dpa'i rdzu 'phrul chen po dang ldan pa rnams kyis ting nge 'dzin nges par bstan pa 'chad par byed do/ /de legs par nyon la legs par yid la zung shig dang / ngas bshad do/ / na mo rat+na tra yA ya/ na mo a mi tA b+hA ya/ ta thA ga tA ya/ ar+ha te samyak+saM bud+d+hA ya/ na ma Ar+yA ba lo ki te/ shwa rA ya/ bo d+hi satwA ya/ ma hA satwA ya/ na mo b+ha ga ba t+yai/ Ar+ya ta rA yai/ bo d+hi satwA ya/ ma hA satwA ya/ tad+ya thA/ r-i dzu ka d+harma nir+yA te/ tA re tut+tA re/ shAn+ta d+harma nir+yA te/ tA re a na b+hi lA pya d+harma ni r+yA te tut+tA re tu re hi ni/ drA sa ni/ bi trA sa ni/ o ha ni/ mo ha ni/ dzam+b+ha ni/ stam+b+ha ni/ pra b+he/ tsan+d+ra pra b+he hi/ hi li hi li/ bi le bi le/ be ga gA mi ni/ kuN+Di ma hA kuN+Di/ d+ha ra d+ha ra d+ha na pa ti/ tA re hu ru hu ru/ ku ru ku ru/ a haM/ yAM yAM/ tsin+ta yA mi/ tsin+ta tiM me ku ru swA hA/ grogs po dag 'di ni/ nga'i bcom ldan 'das ma 'phags ma sgrol ma'i rtsa ba'i rig sngags las thams cad byed ma/ srid pa gsum gyi chos nye bar gcod pa/ ngan 'gro thams cad zlog par byed ma'o/ /phyag rgya yang 'dir rtsa ba'i rig sngags shes pa rnam par grags pa de la rab tu sbyar bar 'gyur ro/ /'dir mchog gi snying po las thams cad byed pa/ mya ngan las 'das pa'i bde ba thob par byed pa/ zhi ba thams cad byed pa/ sangs rgyas mngon sum du mthong ba bzhin du nye bar gnas pa/ rang nyid nga'i grogs po byang chub sems dpa' sems can thams cad kyi don gyi phyir mchog tu gsang ba'i rig sngags kyi ngo bos nye bar gnas pa bsam pa thams cad yongs su rdzogs par byed/ gang dang gang dran pa nyid kyis las thams cad mthar byed pa/ 'jigs pa chen po rnams yongs su sbyong bar byed pa ste/ bzlas pas lta smos kyang ci dgos/ de gang zhe na/ na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ tA re tut+tA re swA hA/ phyag rgya yang 'dir ut+pa la zhes kyang rnam par grags pa longs spyod thams cad mngon bar 'phel bar byed pa'o/ /'dir nye ba'i snying por gyur pa'ang mchog tu dpal dang ldan pa'i dag byed chen po ste/ na mo rat+na tra yA ya/ na maH sarba bud+d+ha bo d+hi satwA nAM/ o~M ku ru kul+le swA hA/ phyag rgya yang 'dir pad+ma'i phreng bzhes rnam par grags par 'gyur te/ sems can thams cad dbang du byed ma'o/ /'dir mchog gi snying por gyur pa yang / na maH sarba bud+d+hA mAM/ o~M gI/ 'di ni snying po'i mchog ste mdor bsdu na bya ba thams cad la yon tan chen po rgyas pa ste/ yon tan mur thug par brjod pa ni dus bskal pa bye ba khrag khrig brgya stong phrag du mas kyang mi nus so/ /phyag rgya yang 'dir brtson 'grus chen po zhes rnam par grags pa bsam pa thams cad yongs su rdzogs par byed pa'o/ /'dir spyan drang ba'i rig sngags su gyur pa yang / na maHsarba bud+d+hA nAM/ o~M he he b+ha ga ba ti bi shwa rU pi Ni sarba ba la/ b+hA Shi ti/ pra bo d+ha ni A yA ni/ b+ha ga ba ti/ krIDa ut+pa la d+hi ni/ ma ma shud+d+hA ya/ tiSh+Tha tiSh+Tha/ sa ma ya ma nu sma ra/ a pra ti ha ta/ shA sa na hU~M/ mA bi lam+ba ku ru ku ru phaT swA hA/ 'di ni bcom ldan 'das ma spyan drang ba'i rig sngags te/ sangs rgyas thams cad dang / byang chub sems dpa' thams cad dang / rang sangs rgyas thams cad dang / 'phags pa nyan thos dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / sha za dang / srin po dang / 'byung po thams cad kyi yang yin no/ /tsan+dan gyi chu la lan bdun mngon par bsngags pa byas te phyogs bzhi dang / de bzhin du steng dang / 'og dang / thad ka thams cad du gtor bar bya'o/ /sangs rgyas dang / byang chub sems dpa' thams cad dang / bcom ldan 'das sgrol ma dang / 'jig rten dang / 'jig rten las 'das pa thams cad kyi gsang sngags 'di yin te/ 'byung po'i tshogs thams cad dang / sems can thams cad kyang 'ong bar 'gyur ro/ /na maH sarba bud+d+hA nAM/ a pra hi ha ta shA sa nA nAM/ o~M d+hu ru d+hu ru/ d+hu ma bA si ni/ ma mA rtsi Sha hU~M/ tiSh+Tha sa ma ya ma nu sma ra swA hA/ gdug pa'i rig sngags te/ tsan+dan dang / gur gum dang / ga pur gcig tu byas nas bdug pa dbul bar bya'o/ /de nas de bzhin gshegs pa rnams dang / byang chub sems dpa' rnams thams cad byon pa rnams spos kyi bdug pas yid tshim nas khugs par 'gyur ro/ /'dir phyag rgyar gyur pa'ang pad+ma'i phreng ba zhes grags pa sems can thams cad 'gugs par byed cing zhi ba ste/ spyan drang ba'i rig sngags la'ang phyag rgya pad+ma'i phreng ba bzang po 'di nyid do/ /sangs rgyas dang / byang chub sems dpa' thams cad dang / sems can thams cad byon pa la'ang mchod yon dbul bar bya ste/ ga pur dang / tsan+dan dang / gur gum chu dang sbyar nas dzA ti'i me tog dang / mA li ka gsar pa dang / dbyar gyi me tog dang / bun nA ka dang / ba ku li dang / rgya spos rnams te 'di dag gang yang rung ba'i me tog gam/ dus ji lta ba'i me tog gam/ dri bzang po'i me tog rnams dang bsres nas sngags 'dis mchod yon dbul bar bya'o/ /na maHsarba bud+d+hA nAM/ a pra ti ha ta shA sa nA nAM/ tad+ya thA/ he he ma hA kA ru Ni kA/ bi shwa rU pa d+hA ra Ni ar+g+haM pra tIts+tsha/ sa ma ya ma nu sma ra/ tiSh+Tha tiSh+Tha de ba tA d+hiSh+ThA na/ ma d+h+ye pra be sha ya/ pra be sha ya/ sarba bud+d+hA/ a nu kaM ba ka / gr-ih+Na gr-ih+Na hU~M/ am+ba ri bi tsA ri Ni swA hA/ phyag rgya 'dir gang ba zhes grags te sems can thams cad kyis rjes su 'jug cing brtan pa'o/ /'dir dri'i rig sngags su gyur pa yang / na maHsarba bud+hA nAM/ na maHsa man+ta gan+d+ha a pa b+hA Shi te shri ye ta thA ga tA ya/ tad+ya thA/ gan+d+he gan+d+he h+lA de gan+d+ha ma no ra me pra tits+tsha daM/ gan+d+haM sa ma nA nu tsA ri Ni swA hA/ 'dir phyag rgyar 'gyur ba yang / lo ma zhes bya ba bsam pa thams cad yongs su rdzogs par byed pa'o/ /'dir me tog gi sngags su gyur pa yang / na maHsarba bud+d+ha bo d+hi satwA nAM/ a pra ti ha ta shA sa nA nAM/ na maHsaM ku su mi ta radz+nyA s+ya/ ta thA ga tA s+ya/ tad+ya thA/ ku su me ku su me ku su mA d+h+yo ku su mA sUr bA si/ ku su mA ba ti swA hA/ bdug pa'i sngags 'di nyid kyis sngar bshad pa'i bdug pas bdug par bya'o/ /rmad byung bsam mi khyab pa'i sku/ /sangs rgyas kun la phyag byas nas/ /yang dag rdzogs sangs rgyas gsungs pa'i/ /gtor ma'i rig sngags rab 'chad byed/ /na maHsarba bud+d+ha bo d+hi satwA nAM/ a pra ti ha ta shA sa nA nAM/ tad+ya thA/ he he b+ha ga ba ti ma hA satwe sarba bud+d+hA a ba lo ki te/ mA bi laM ba i dam pa liM gr-ih+Na pa ya grah+Na pa hU~M hU~M hU~M sarba ra ra phaT phaT swA hA/ lha bshos 'dis dbul bar bya ste/ 'byung po thams cad pa'i gtor mar 'gyur ro/ /'dir yang phyag rgya ni dbyug pa ste/ gdug pa thams cad zlog par byed pa'o/ /na maHsarba bud+d+ha bo d+hi satwA nAM/ a pra ti ha ta shA sa nA nAM/ sarba ta mo nyan+d+ha kAr bi t+yaM si tA nA/ na maHsa man+ta dz+yo ti gan+d+ha a ba b+ta sa pri yA ya/ ta thA ga tA ya/ tad+ya thA/ he he b+ha ga bA na dz+yo te rasmi sha ta sa ha sra/ pra ti maN+Di ta sha rI ra/ bi kur ba bi kur ba ma hA bo d+hi satwA man+ta dz+wo lo d+yo ta mUr+t+ti/ khuR+ha khuR+ha/ a ba lo kI ya/ a ba lo kI ya/ maN+Da la sarba satwA nAM swA hA/ mar me'i rig sngags te/ 'dis mar me dbul bar bya'o/ /phyag rgya ni kha bye ba zhes sems can thams cad rnam par snang bar byed pa'o/ /na maHsa man+ta bud+d+hA nAM/ a pra ti he ta shA sa nA nAM/ tad+ya thA/ dz+wa la dz+wa la/ dz+wA la ya dz+wA la ya hU~M bi bo d+ha ka ha ra kr-iSh+Na piM ga swA hA/ me'i bya ba byed pa'i rig sngags su 'gyur ro/ /'dir yang phyag rgya ni/ kha sbyor zhes par 'jig rten grags/ /sems can kun 'od kyis gsal byed/ /byang chub sems dpa' blo ldan dang / /thub pa mchog gis sngon gsungs pa'o/ /de nas yang byang chub sems dpa' sems dpa' chen po spyan ras gzigs dbang phyug gis/ byang chub sems dpa' phyag na rdo rje la smras pa/ gsang ba pa'i bdag po sngags kyi tshig 'di ni/ gsang chen dang bcas shing mchog tu gsang ba yin te/ bu khyod la phan drag po'i mtha'/ /mi bzad pa yi rigs su grags/ /sngags rnams thams cad gang kho na/ /mkhas pa rnams kyis bsgrub bya'o/ /spyi bo'i gdu bu zhes grags pa/ /rdo rje pad+ma'i rigs dag kyang / /de ni nges par gzhig don du/ /rig pa 'di ni yang dag brjod/ /na maHsarba bud+d+ha bo d+hi satwA nAM/ a pra ti ha ta shA sa nA nAM/ o~M ka ra ka ra/ ku ru ku ru/ ma ma kAr+yAM dzaM b+ha/ dzaM b+ha sarba sarba da ha da ha/ sarba badzra bi nA sha ka /mAr+d+ha DA ka dzI ban+tAM ta ka rA ma hA bi tri ta rA pi Ne pa tsa pa tsa sarba duSh+DaM ma hA ga Na pa ti dzI ban+tAM ta ka ra/ ban+d+ha ban+d+ha/ sarba gra hAM/ ShaDa mu kha Tha Da b+hu dza Sha Da tsa ra Na ru dra mA na ya brah+ma t+yaM de ba nA na ya mA bi lam+ba mA bi lam+ba b+hu Sha hrI maN+Da la ma d+h+ye pra be sha ya sa ma ya ma nu sma ra hU~M hU~M hU~M hU~M hU~M hU~M phaT phaT phaT swA hA/ gsang ba pa'i bdag po 'di ni mchog tu gsang ba brtson 'grus chen po sgrol ma'i yan lag zhal drug pa zhes bya ba khro bo'i rgyal po chen po thams cad rnam par 'joms pa po ste/ 'di bklags pa tsam gyis byang chub sems dpa' sa bcu la gnas pa'i dbang phyug rnams kyang rnam par 'jig par byed na/ ma rungs pa'i bgegs rnams lta ci smos/ 'di bklags pa tsam gyis srung ba chen po byas par 'gyur ro/ /'dir phyag rgya yang rigs chen po zhes bya bar 'gyur te bgegs rnam par 'jig par byed pa'o/ /khro bo'i rgyal po 'di nyid kyi snying po ni/ oM hrIHSh+T-IH bi kr-i tA na na hU~M sarba sha truM stam+b+ha ya phaT phaT swA hA/ sngags 'dis dgra thams cad gzer chen po'i nad dang / yang rims nyin gcig pas zin par 'gyur ro/ /rtag tu bzlas pas/ ji srid snang bar byams pa nyid du mi 'gyur/ yang na snying rje'i sems thob par mi 'gyur te/ bzlas pa zin gyi bar du grol bar mi 'gyur zhing 'ching bar mi 'gyur ro/ /dkon mchog gsum la gnod pa byed pa la bya'i/ zhi ba'i sems yod pa gzhan la ma yin no/ /phyag rgya mdung chen po'ang sbyar bar bya'o/ /'dir nye ba'i snying por gyur pa yang / o~M hrIH/ kA la rU paM hU~M khaM swA hA/ snga ma'i mdung chen po'ang sbyar bar bya'o/ /gdug pa thams cad la gang 'dod pa de byed par 'gyur ro/ /mchog gi snying po sangs rgyas thams cad kyis byin gyis brlabs pa yi ge gcig pa zhes bya ba ni hU~M 'di ni las thams cad byed pa ste/ phyag rgya mdung chen po'ang sbyar bar bya'o/ /phung khrol thams cad zlog par byed pa 'byung po thams cad dpang du byed pa ste/ mdor na khro bo'i rgyal po 'di ni las thams cad la rab tu sbyar bar bya ste/ dkyil 'khor gyi dbus su bzlas pas grub pa'i dus su'ang / khyad par 'byung bar 'gyur ro/ /gshegs su gsol ba'i sngags su gyur pa yang / na maH sarba bud+d+hA nAM/ a pra ti ha ta shA sa nA nAM/ tad+ya thA/ dza ya dza ya/ su dza ya/ ma hA kA ru Ni ka bi shwa rU pi ni/ gats+tsha gats+tsha swa b+hA ba nAM/ sarba bud+d+haM swa bi sardzA ya/ sa pa ri bA raM/ swa b+ha bA nAM tsA pra be sha ya/ sa ma ya ma nu sma ra/ sarbAr+tha swa me si d+h+yaM tu/ bi d+h+ya sa dAHma no ra thaM tsa me pa ri pU ra ya swA hA/ 'di ni gshegs su gsol ba'i sngags te las thams cad la sbyar bar bya'o/ /phyag rgya bzang po'i gdan zhes grags pa ste/ 'dis gdan yang sbyin par bya'o/ /yid kyis lan bdun bzlas pas thams cad gshegs su gsol lo/ /'jig rten dang 'jig rten las 'das pa'i dkyil 'khor rnams dang / sngags rnams nyid la'ang sngags kyi dngos grub dang / dam tshig dang / bzlas pa dang / dus dang / nges par sdom pa rnams la'ang rab tu sbyar bar bya'o/ /de nas yang sems dpa' chen pos slar yang gnas gtsang ma'i lha'i bu rnams la kun du gzigs te/ 'khor gyi dkyil 'khor chen po la rang gi rig pa'i tshogs sngags kyi le'u rab 'byam gsungs par gyur to/ /na maHsarba bud+d+hA nAM/ a pra ti ha ta ga tI nAM o~M ni Ti swA hA/ 'di ni 'phags ma sgrol ma'i rjes su spyod pa'i skra can ma zhes bya ba'i rig pa/ las thams cad pa ste dam tshig chen po'i phyag rgya'i snying po dug gi las thams cad la kun du sbyar ro/ /na maHsa man+ta bud+d+hA nAM/ a pra ti ha ta shA sa nA nAM/ o~M ni Ti/ 'di ni nye bar spyod pa'i skra can ma zhes bya ba'i rig pa las thams cad pa ste/ phyag rgya ni kha bye ba zhes pa gza'i las thams cad la sbyar bar bya'o/ /na maHsa man+ta bud+d+hA nAM/ a pra ti ha ta shA sa nA nAM/ o~M ni/ rig pa 'di ni sdong bu can zhes bya ba spyod pa'i dge ba'i las thams cad byed pa ste/ phyag rgya ni bzang po'i gdan gyis gnod sbyin mo rnams dgug par bya ba la sbyar ro/ /na maHsa man+ta bud+d+hA nAM/ a tsin+t+yad+d+hA ta rU pi NAM/ o~M Sh+Tai swA hA/ mkha' 'gro ma kun 'joms pa yi/ /phyag rgya sbubs can yang dag sbyar/ /byang chub sems dpas bshad pa yi/ /rig sngags thod pa can zhes bya/ /sangs rgyas kun gyi pad+ma nyid/ /rab bsngags lha yi gzugs can ma/ /na maHsa man+ta bud+d+ha nAM/ a pra ti ha ta ga ti/ tsA ra NaM/ tad+ya thA/ oM ba ra de sA hA/ phyag rgya ut+pa la nyid ni/ /dpal gyi bdag nyid spyan la sbyar/ /gzugs mang 'chang ba'i lha mo ni/ /myur du longs spyod rab sgrub pa'o/ /na maHsa man+ta bud+d+hA nAM/ a tsin+t+ya d+d+hU ta rU pi NAM o~M su ri swA hA/ phyag rgya mdung dang yang dag ldan/ /rims rnams thams cad rnam 'joms pa'o/ /na maHsa man+ta bud+d+hA nAM/ a tsin+tad+d+hA ta rU pi NAM oM tu re swA hA/ bsam pa'i sgrol ma ldan pa zhes/ /rab bsngags las rnams thams cad pa/ /dbyug pa'i phyag rgyar yang dag ldan/ /bgegs rnams 'joms byed ma la sbyar/ /na maHsa man+ta bud+d+hA nAM/ a tsin+t+yad+d+hU ta rU pi NAM/ tad+ya thA/ oM bi lo ki ni swA hA/ rig pa snang ldan zhes bya ba/ /'jig rten thams cad dbang du byed/ /bde ba thams cad rab sbyin pa/ /pad+ma phyag rgyas sbyar bar bya/ /na maHsa man+ta bud+d+hA nAM/ a tsin+t+ya d+d+hU ta rU pi NAM/ tad+ya thA/ oM bi shwa/ bi shwa saM b+ha be bi sha rU pi NAM ka ha ka ha A bi sha A bi sha sa ma ya ma nu sma ra ru ru tiSh+Tha swA hA/ rig pa brtson 'grus chen mo ni/ /'jig rten 'dren pas bstan pa ste/ /snying po phyag rgya mnyam pa nyid/ /sems can thams cad 'bebs shing dge/ /sna tshogs zhes byar yang dag bsgrags/ / na maHsa man+ta bud+d+hA nAM/ o~M tsin+t+yad+b+hu ta rU pi NAM/ tad+ya thA/ o~M shwe te prA ba su hwA hA/ pad+ma'i gdan gyi rnam par dgod/ /las rnams thams cad byed pa'o/ /na maHsa man+ta bud+d+hA nAM/ a pra ti ha ta ga ti prA ti ri NAM/ tad+ya thA/ o~M shrIHrig pa 'di ni dpal mo che/ /'jig rten mgon gyis bstan pa ste/ /phyag rgya kha sbyor ldan pa yi/ /rgyal srid chen po rab sbyin byed/ /na maHsa man+ta bud+d+hA nAM/ sarba satwA b+ha ya pra dA yi kA/ tad+ya thA/ o~M a dzi te ku mA ra rU pi NI/ o~M hi a gats+tsha ma ma kar yaM ku ru swA hA/ mi thub ma zhes rnam grags ma/ /gzhon nu bdud rtsi las byung ba/ /gang ba'i phyag rgyar ldan pa yis/ /dgra rnams thams cad zlog par byed/ /na maHsa man+ta bud+d+hA nAM/ a tsin+t+yad+b+hu ta rU pi NAM/ tad+ya thA/ oM dza ye swA hA/ bi dza ye swA hA/ a dzi te swA hA/ sring mo bzhi zhes rnam grags pa/ /byang chub sems dpa'i rjes 'gro ba/ /sa rnams mtha' dag yongs rgyu zhing / /sems can rjes su 'dzin byed pa/ /ming po tu bu ru zhes grags/ /'di rnams kyis ni rjes su spyod/ / gru yi bzhon pa mnyam zhon nas/ /rgya mtsho la ni nges par gnas/ /khu tshur phyag rgyas rnam par dgod/ /bsam pa thams cad yongs rdzogs byed/ /na maHsa man+ta bud+d+hA nAM/ lo kA grA d+hi ba ti nAM/ tad+ya thA/ o~M ku mA ri ma hA ku mA ri krI Da krI Da/ ma hA rAk+Sha si bo d+hi satwA nu dz+nyA ta ma yu rA sa ne pA sha /par shU pA Ni rak+tAM gI rak+ta gan+d+d+hA nu le pa na pri ye pri ye/ kha kha khA hi khA hi hU~M nri t+ya rak+ta puSh+pA rtsi ta mU r+t+ti sa ma nu sma ra/ b+h+ra ma b+h+ra ma/ b+h+ra ma ya b+h+ra ma ya/ hu lu hu lu mA bi lam+ba/ sarba karmA Ni me ku ru ku ru/ pi tsi tra rU pa d+hA ri Ni/ tiSh+Tha tiSh+Tha/ hU~M hU~M sarba bud+d+hA nu dz+nyA te swA hA/ sems can rjes su 'dzin byed pa'i/ /byang chub sems dpas bshad pas na/ /sa rnams ma lus kun nas ni/ /rnam pa drug tu rab tu g.yos/ /sems can kun la phan don dang / /gdug pa'i sems can zlog byed pa/ /bdag gi rig pa rtag tu grags/ /rtag tu srung bar yongs su grags/ /srung ba ltos 'gro de nyid kyi/ /'jig rten mtshan mas legs par mtshan/ /snying rjes thugs ni brlan pa yi/ /byang chub sems dpa' de nas gsungs/ /byang chub sems dpa' bdag nyid che/ /byis pa rnams la phan don du/ /gang la sems can spyod gsungs pa/ /'gro ba rnams la rnam spyod ldan/ /phyag rgya dbyug pa'i srog shing ldan/ /bdag nyid chen pos sbyar nas ni/ /tshangs pa la sogs 'gugs byed na/ /mi rnams 'bras bu smos ci dgos/ /gzhon nu'i sems su ma lus pa'i/ /rtog pa 'di ni bsdus nas su/ /srin po rnams su grags pa yi/ /rig sngags 'di ni yang dag bstan/ /sems can rjes gzung 'dod pa yi/ /byang chub sems dpa' de ltar bshad/ /yig gsum zhes bya'i snying po 'di/ /rig sngags 'di ni yang dag bshad/ /sems can kun la phan don du/ /nye bar longs spyod 'gugs pa'i mchog /phyag rgya dbyug pa'i srog shing ni/ /rnam bkod las rnams thams cad pa'o/ /o~M hU~M dzaH/ rig sngags 'di ni mdor bsdus nas/ /mi rnams 'bras bu byed pa yin/ /na maHsa man+ta bud+d+hA nAM/ sa man+to t+yo ti ta mUr+t+ti nAM/ a bi kr-i ta gra ha hU~M phaT swA hA/ nye ba'i snying po 'di yang ni/ /phyag rgya dgra sta yang dag ldan/ /de bzhin 'byung po 'gugs par byed/ /de bzhin gza' dang ma mor bcas/ /thams cad phyag rgyas rgyas btab pa/ /bkod na 'bras bu bcas par 'gyur/ /'byung po rnams ni rnam skrag byed/ /gdug pa zhugs pa rnam par grol/ /'di ni bcom ldan 'das ma 'phags ma sgrol ma'i pho nya mo chen mo las thams cad pa ral pa gcig ma zhes bya ba rjes su spyod pa las thams cad pa ste bzlas pa tsam kho nas las thams cad byed do/ /'byung po thams cad skrag par byed pa dang / 'gugs par byed pa dang / dbang du byed pa dang / rig pa 'dzin pa ji ltar 'dod pa de thams cad rdzogs par byed do/ /na maHsa man+ta bud+d+hA nAM/ a pra ti ha ta shA sa nA nAM/ tad+ya thA/ o~M prah+mA su prah+mA prah+mA/ baR+tsa se shAn+tiM ku ru swA hA/ sngags 'di tshangs pa chen po ste/ /byang chub sems dpas bshad pa yin/ /'byung po zhi ba rab tu thob/ /skad cig nyid la bsil bar 'gyur/ /phyag rgya pad+ma yang dag ldan/ /myur du dge legs thob par 'gyur/ /mngon spyod kyi ni las rnams la/ /srid srung gi ni rig byed 'dod/ /'di ni mdor bsdus brjod pa ste/ /cho ga 'di ni mdor bsdus pa'o/ /na maHsa man+ta bud+d+hA nAM/ a pra ti ha ta shA sa nA nAM/ tad+ya thA/ oM ga ru Da ba ha na tsakra pA ni tsa tur b+hu dza hU~M hU~M/ sa ma ya ma nu sma ra/ bo d+hi satwa Adz+nyA pa ya ti swA hA/ byang chub sems dpas bka' stsal pa/ /zhi ba'i don ni myur du byed/ /'byung po rnams ni rnam 'jig byed/ /khyab 'jug gzugs kyi lus can yin/ /phyag rgya 'khor lor yang dag ldan/ /brtan pa'i don ni yang dag byed/ /gang 'di khyab 'jug rgyud du ni/ / cho ga rgyas par bstan pa ste/ /sems can kun gyi sgrub byed de/ /byang chub sems dpas bshad pa yin/ /na maHsa man+ta bud+d+hA nAM/ a pra ti ha ta shA sa nA nAM/ tad+ya thA/ ma hA ma he shwa ra b+hu tA d+hi pa ti br-i Sha b+ha/ d+h+wa dze pra laM ba dza Ta mu ku Ta d+hA ri NI/ si ta b+hasma d+hu sa ra ta/ mUrti sa aM phaT phaT bo d+hi satwa Adz+nyA pa ya ti swA hA/ sems can rnams la phan 'dod pas/ /sngags 'di bdag gis rab tu brjod/ /mdung gi phyag rgya mnyam par ldan/ /'byung po thams cad rnam 'jig pa/ /'di yang bstan pa'i cho ga 'di/ /sems can sa stengs gnas pa la/ /sngon ni zhi ba'i rgyud du bstan/ /yon tan sna tshogs rgya che ba/ /zhi ba'i rgyud kyis kyang brjod do/ /na maHsa man+ta bud+d+hA nAM/ a pra ti ha ta shA sa nA naM/ tad+ya thA/ o~M sha ku ni pa ta ta pak+Shi Na/ sha ka kha kha/ khA hi khA hi sa ma ya ma nu sma ra hU~M tiSh+Tha bo d+hi satwa Adz+nyA pa ya ti swA hA/ sngags 'di brtson 'grus chen po ste/ /nam mkha' lding zhes rnam par grags/ /gdul dka' 'dul ba rnams kyi mchog /gdengs ka can gyi dug rnams 'joms/ / phyag rgya che dang yang dag ldan/ /phung khrol mi bzad bcas pa 'joms/ /brtan dang g.yo ba'i dug rnams ni/ /gso bar byed par the tshom med/ /gdul bya'i sems can la brtse bas/ /byang chub sems dpa'i yang dag bka'/ /nam mkha' lding gi gzugs kyis spyod/ /'dab chags rgyal po 'od chen ldan/ /ji srid nam mkha' lding rgyud du/ /bstan pa'i cho ga rgyas de rnams/ /sems can kun la phan pa'i rgyud/ /bdag gis kyang ni brjod pa yin/ /mkha' lding mngon par brjod rgyud du/ /khro bo'i rgyal po ma bstan na/ /gdengs can dug ni gzhom pa'i phyir/ /'dab chags gzugs kyis rnam par rgyu/ /ji srid 'jig rten pa yi sngags/ /de rnams cho ga dper brjod pa/ /gdul bya'i sems can don du ni/ /de lta de ltar rnam par spyod/ /gang yang de bzhin gshegs sngags dang / /rdo rje pad+ma'i rigs dag kyang / /de rnams cho ga rab 'byam 'dir/ /snga ma kho nar gsungs pas yin/ /ji ltar ma ma rnam mang po/ /byis pa 'bad pas srung byed pa/ /de bzhin byis mtha'i blo can la/ /nga ni rig sngags gzugs kyi rgyu/ /stobs bcu ldan pas sngon gsungs pa/ /da lta'ang nga yis bstan pa yin/ /sngags rgyud don ni ma lus pa/ /rtogs pas rab gsungs 'od chen po/ /rgyal ba mchog gis gang gsungs pa/ /stobs bcu ldan pa'i sras kyis gsungs/ / rmad byung bsam mi khyab gzugs can/ /spyan ras gzigs kyis gsungs pa'o/ /de nas yang byang chub sems dpa' sems dpa' chen po spyan ras gzigs dbang phyug thams cad dang ldan pa'i 'jig rten gyi khams de dang / 'khor gyi dkyil 'khor chen po de la kun du gzigs nas dam tshig thams cad yang dag par skul bar byed pa zhes bya ba'i ting nge 'dzin la snyoms par zhugs so/ /gang du ting nge 'dzin la gnas pas sems can ma lus pa'i sgrub pa'i spyod pa'i yid/ sems can thams cad la rab tu gnas par gyur to/ /byang chub sems dpa' sems dpa' chen po snyoms par zhugs ma thag tu thams cad dang ldan pa'i 'khor chen po gnas rnam par bkra ba'i phyag na rin po che'i snying po rgyan bkod pa'i dkyil 'khor bsam gyis mi khyab cing rmad du byung ba'i rnam par 'phrul pa rang sangs rgyas thams cad dang / 'phags pa nyan thos dang / spyod pa la zhugs pa'i byang chub sems dpa' rnams dang / sa bcu dang ldan pa sa bcu'i dbang phyug la gnas pa rnams kyis kyang / dkyil 'khor de bri ba'am 'drir 'jug par mi nus na/ so so'i skye bor gyur pa'i sems can rnams kyis lta smos kyang ci dgos/ 'phags pa'i dkyil 'khor bzang po de'i dam tshig sgrub pa'i gnas la gnas pa byang chub sems dpa' chen pos gzigs nas/ sangs rgyas bcom ldan 'das thams cad dang / rang sangs rgyas thams cad dang / 'phags pa nyan thos thams cad dang / byang chub sems dpa' sa bcu la gnas pa rgyal tshab tu mngon par dbang bskur zhing dam tshig thob pa thams cad dang / spyod pa la zhugs pa rnams dang / zag pa dang bcas pa dang / zag pa med pa'i sems can thams cad spyan ras gzigs dbang phyug gis byin gyis brlabs kyis sangs rgyas dang byang chub sems dpa'i spyod pa bsam gyis mi khyab pa'i rgyu mthun pa dang / ting nge 'dzin gyi khyad par gyis thugs las byung ba'i dkyil 'khor du zhugs pa bdag nyid kyis yang dag par shes par gyur to/ /so so'i skye bo thams cad kyis de yid kyis dmigs par mi nus na/ bri ba'am 'drir 'jug pa lta smos kyang ci dgos/ /de nas yang byang chub sems dpa' sems dpa' chen po spyan ras gzigs dbang phyug gis dkyil 'khor chen po'i dam tshig la rjes su rab tu zhugs pa'i sems can de rnams la smras pa/ grogs po dag nyon cig /'di ni de bzhin gshegs pa rnams dang byang chub sems dpa' rnams kyis kyang 'da' bar mi bya ba'i dam tshig yin na/ sems can rnams dang / 'phags pa gzhan rnams kyang lta smos kyang ci dgos/ de nas yang sems dpa' chen pos phyag na rdo rje gsang ba pa'i bdag po la smras pa/ kye rgyal ba'i sras/ mi las 'das pa'i dam tshig yid las byung ba ni nges par bstan to/ /mi rnams la/ de bzhin gshegs pa rnams yongs su mya ngan las 'das na yang dag tu sems can rnams yang dag par zhugs nas/ 'jig rten dang 'jig rten las 'das pa'i rig pa dang / sngags kyi dngos grub thams cad 'grub par 'gyur bar bshad par bya'o/ /de nas yang gsang ba pa'i bdag po phyag na rdo rjes/ byang chub sems dpa' sems dpa' chen po spyan ras gzigs dbang phyug la smras pa/ kye rgyal ba'i sras gang da lta dus la bab par shes na gsungs shig gsungs shig / shAkya seng+ge 'jig rten mgon/ /yongs su mya ngan 'das pa na/ /mi rnams mchog gi sangs rgyas zhing / /sems can sa stengs khyod dkyil 'khor/ /mthong ba tsam gyis 'jig rten na/ /sngags kyi dngos grub rab tu skye/ /mi shes cho ga nyams pa'am/ /dam tshig bdag por ma gyur na/ /tshangs pa bdag nyid chen pos kyang / /rig sngags dngos grub mi 'gyur ro/ /sngags la mngon par mi brtson dang / /dam tshig bstan pa mi mthong na/ /rnam par du mar 'bad byas kyang / /rig pa'i dngos grub mi 'gyur ro/ /dam tshig sbyor ba nyams pa na/ /brgya byin gyis kyang rab 'bad las/ /rig pa'i dngos grub mi 'gyur na/ /sa stengs mi rnams smos ci dgos/ /dam tshig bstan bcos de nyid shes/ /spyod pa'i las rnams sgrub pa de/ /'jig rten pa dang 'phags pa'i sngags/ /bklags pa tsam gyis 'grub par 'gyur/ /byang chub sems dpa'i dkyil 'khor du/ /rab zhugs las rnams thams cad byed/ /byang chub sems dpa' bstan pa la/ /de yi rig pa'i dngos grub rtag /de nas yang gsang ba pa'i bdag po lag na rdo rjes/ sems dpa' chen po de la gsol ba btab par gyur to/ /kye kye sems dpa' sems dpa' chen po 'phags pa spyan ras gzigs dbang phyug gis sems can gyi don gyi phyir dkyil 'khor cho ga gsungs so/ /dang po re zhig cho 'phrul gyi zla phyed dam/ nag pa can nam/ sa gcan gyi zla ba'i dkar po'i phyogs la rab tu bsngags pa'i nyi ma dang / gza' bzang po bltas te/ rgyu skar dge ba dang yang dag par ldan pa'i dkar po'i phyogs kyi tshes gcig dang / zla ba nya ba'am/ dus gzhan la dbyar gyi zla ba spangs te/ snga dro sa rab tu gnas par bya'o/ /grong khyer chen po la brten pa'am/ gang du dkyil 'khor gyi slob dpon rang nyid gnas par te/ rgya mtshor 'jug pa'am/ chu klung la brten pa'am/ rgya mtsho'i ngogs dang nye bar grong khyer chen po'i byang shar gyi phyogs kyi char ha cang yang mi ring / ha cang yang mi nye bar dkyil 'khor gyi slob dpon song nas/ nyi ma bdun nam/ zla phyed du mtha' gcig tu smyung ba'am/ nye bar gnas nas so sor gnas par bya'o/ /gang gnas de rnams su'ang gtsang ma'i sa phyogs rdo ba dang / gyo mo dang / thal ba dang / sol ba dang / phub ma dang / thod pa dang / rus pa dang / rus pa gnas pa dang bral ba/ shin tu yongs su sbyang ba byas pa'i sa phyogs su/ srog chags med pa'i chu la/ ba byung lnga dang bsres pa'i tsan+dan dang / ga pur dang / gur gum gyi chus khro bo'i rgyal po sgrol mas non pa stong phrag brgyad kyis mngon par bsngags pa des bcom ldan 'das ma'i phyag rgya chen po yang dag par ldan pas/ sa phyogs de la phyogs bzhi rnams su mngon par gtor zhing steng dang 'og dang thad ka dang phyogs bral rnams su'ang kun nas gtor bar bya'o/ /de nas sa phyogs der kun nas gru bzhir/ khru bcu drug gam/ khru bcu gnyis sam/ khru brgyad bya ste/ de la chen po ni khru bcu drug go/ /bar ma ni khru bcu gnyis so/ /chung ngu ni khru brgyad do/ /dkyil 'khor rnam pa gsum po 'di/ /thams cad gzigs pas gsungs pa yin/ /rgyal srid 'dod phyir chen po ste/ /bar ma longs spyod 'phel bar byed/ /chung ngu sngags kyi dam tshig ni/ /las rnams kun byed zhi pa yin/ /de la yid la 'dod pa gang yang rung ba'i dkyil 'khor bri bar bya'o/ /de la sa'i phyogs der khru gnyis tsam brkos la/ der rdo ba dang / sol ba dang / thal ba dang / rus pa dang / skra la sogs pa dang / srog chags kyi rigs rnam pa sna tshogs pa gal te mthong na sa'i phyogs gzhan du brko bar bya'o/ /gnod pa med pa dang / nye bar 'tshe ba med pa der 'gyur ro/ /ri'i rtse mo dang / rgya mtshor 'bab pa'i chu klung chen po'i chu ngogs rnams su'ang gang rab tu 'bad pa chen pos shin tu so sor brtags te shin tu gtsang zhing srog chags med par byas nas bri bar bya'o/ /sa'i phyogs der slar yang srog chags med pa'i chu la ba'i rnam lnga bsres pas chu klung gi 'gram gyi sa gtsang ma'am/ grog mkhar gyi sa'am/ gang du srog chags med pa'i sa des dgang bar bya'o/ /bkang nas kyang legs par brdungs te kun nas mnyam par byas la ji ltar 'dod pa'i dkyil 'khor rnam pa gsum bya'o/ /seng ldeng gi phur bu bzhi la khro bo'i rgyal po nyid kyis lan bdun mngon par bsngags par byas nas phyogs bzhi rnams su gdab par bya'o/ /tshon sna lnga'i skud pa la khro bo'i rgyal pos lan bdun mngon par bsngags par byas nas kun nas dkyil 'khor gru bzhi pa'i rnam par dkri bar bya'o/ /de bzhin du dbus kyi gnas su/ nang du'ang zur bzhi'i rnam par bya'o/ /dbus kyi nang na gnas pa'i dkyil 'khor gyi slob dpon gyis rtsa ba'i rig pa'am/ rtsa ba'i snying po stong phrag brgyad bzlas par bya'o/ /phyag rgya chen po dang rtsa ba'i sngags kyis gtsug tor bcings te khro bo'i rtsa ba'i sngags kyis grogs bsrungs nas bdag nyid bsrung bar byas te/ bzlas pa byed bzhin du phyi rol du byung ste/ dkyil 'khor la g.yas su bskor ba byas nas kha shar du phyogs te ku sha'i khres la nye bar 'dug nas/ sangs rgyas dang byang chub sems dpa' thams cad yid la byas te dkyil 'khor de kun nas gru bzhi'i rnam par dkri bar bya'o/ /de nyid kyi phyi rol du zhag gcig smyung bar gnas pas rab tu gnas par bya'o/ /de la 'dir dkyil 'khor gyi slob dpon gyi sngon spyad pa rnams byas te/ rang gi rig pa dang / sngags dang rgyud la mkhas pa'i mkhan pos sems can thams cad kyi don gyi phyir theg pa chen po la lhag par mos pas zhag gcig smyung bar gnas pas grogs bzang po dang yang dag par ldan pa/ bstan bcos rnam pa sna tshogs pa'i bya ba mthong bas tshon lnga'i phye ma zhib mo 'bar bas legs par sbyang ba byas nas/ rtsa ba'i rig pa'i sngags dang snying pos mngon par bsngags pa'i phye ma dkyil 'khor dbus su gdab par bya'o/ /pha rol du'ang rgyal mtshan dang / ba dan sgreng ba dang / rta babs bzhes brgyan pa dang / chu shing gi sdong bu 'bras bu'i tshogs kyis g.yur za zhing kun nas 'bras bu'i tshogs rnams kyis rab tu 'phyang bzhin pa dang / rnga bo che dang / rdza rnga dang / dung gi sgra nges par sgrogs pa'i sa'i phyogs su bsgrag par bya'o/ /ngos bzhir rjes su mthun pa'i bar du bsngags pa'i sgra'i chos mnyan par bya'o/ /phyogs bzhi rnams su theg pa chen po'i mdo sde'i glegs bam bklag par bya'o/ /'di lta ste/ shes rab kyi pha rol du phyin pa lho phyogs su bklag par bya'o/ /'phags pa zla ba sgron ma'i ting nge 'dzin nub phyogs su'o/ /'phags pa sdong po bkod pa byang phyogs su'o/ /'phags pa gser 'od dam pa shar phyogs su'o/ /de ltar glegs bam klog pa po med na mdo sde bzhi po klog par rtogs pa'i gang zag chos smra ba po la chos mnyan pa'i phyir gsol ba gdab par bya'o/ /de nas dkyil 'khor gyi slob dpon langs nas tsan+dan dang / ga pur dang / gur gum rnam par bsres pa'i me tog dkar po dri zhim pa la rtsa ba'i rig pa bzlas te/ dkyil 'khor de thams cad du gcal du dgram par bya'o/ /mngon par bkram nas phyi rol du byung ste/ zhag bdun gyi bar du 'dod pa'i kha zas bsten pa gnyis sam/ gsum/ byang chub kyi sems bskyed pa/ gso sbyong nye bar gnas pa bsten pa la gnas pa'i ri mo mkhan de grogs sam/ slob ma des khas blangs pa rab tu gzhug par bya'o/ /gang rtsa ba'i rig pa nyid kyis gtsug tor bcing ba byas nas/ de nas gser dang / dngul dang / rin po che rnam pa sna tshogs pa'i go 'phang rnam par bkra zhing / 'bar la mdzes pa'i zangs kyi phye ma zhib mo so sor bzung nas longs spyod chen po dang ldan zhing / chos dang ldan pa'i rgyal po chen po rnams 'dir gzhug par bya'o/ /dkyil 'khor mthong ba nyid las nges par byang chub la gzhol ba yin no/ /sngags sgrub par byed pa lta ci smos/ shAkya'i skyes mchog mya ngan 'das/ /sems can bsod nams chung rnams la/ /'di lta'i longs spyod ga la yod/ /cho ga 'di ni bstan par bya/ /byang chub sems dpa' 'od chen ldan/ /skye bo bkren pa gzigs nas ni/ /nyung zhing mdor bsdus dkyil 'khor ni/ /mdor bsdus nas ni bstan pa yin/ /'bras sA lu dang thug po che'i phye ma shin tu zhib mo tshon sna lnga pa 'bar bas/ dkar po dang / ser po dang / dmar po dang / nag po dang / ljang gu'i kha dog tu kha bsgyur la/ sngar bzhag pa'i phye ma dkyil 'khor gyi slob dpon gyis blangs nas bcom ldan 'das ma'i phyag rgya chen po bcings te rtsa ba'i rig pas phye ma la phyag rgyas gdab par bya'o/ /gzhan zhi ba sgrub pa'i slob dpon gyis dkyil 'khor gyi phyi rol lho shar gyi phyogs su las kyi cho ga mthong bas me thab bya'o/ /khru gnyis kyi tshad la dpangs khru gang tsam kho ra khor yug tu pad+ma'i ze ba'i rnam par shing pa lA sha'i yam shing rnams kyis me rab tu sbar te/ shing dpal 'bras kyi yam shing mtho gang tsam gyi tshad la rlan dang bcas pa/ zho dang sbrang rtsi dang / mar la btags pa rnams kyis rtsa ba'i snying pos sam/ phyag rgya dang / rtsa ba'i rig sngags kyis me lha spyan drang bar bya'o/ /spyan drangs nas kyang sngar brjod pa'i yi ge gcig pa nyid kyi rig pa'am/ rtsa ba'i rig pa'i snying pos slar yang brgya rtsa brgyad sbyin sreg bya'o/ /de nas dkyil 'khor gyi slob dpon gyis gtsug tor gtsang zhing yo byad tshogs par byas nas bdag nyid dang ri mo mkhan ches mkhas pa'am/ slob ma byed du gzhug go/ /de nas dkyil 'khor gyi slob dpon gyis sangs rgyas dang / byang chub sems dpa' rnams yid la byas nas sngar brjod pa'i bdug pa'i rig pas bsreg go/ /thal mo sbyar ba byas nas sangs rgyas dang byang chub sems dpa' thams cad dang / byang chub sems dpa' sems dpa' chen po 'phags pa spyan ras gzigs dbang phyug la phyag byas nas phye ma blangs te/ gzugs kyi rnam par bya zhing / ri mo mkhan mkhas pas rdzogs par bya'o/ /cho ga 'di dag gis dang po kho nar re zhig sangs rgyas bcom ldan 'das shAkya thub pa rnam pa thams cad kyi mchog dang ldan pa rin po che seng+ge'i khri la bzhugs pa gnas gtsang ma'i gnas na chos ston par mdzad bzhin pa kun du bri'o/ /dkyil 'khor gyi slob dpon gyis kun du bris nas rjes su sgrub pa pos bdag nyid srung ba'i cho ga dang / rig pa byas nas 'byung po thams cad pa'i gtor ma sbyin par bya ste/ dkyil 'khor gyi phyi rol gyi phyogs bzhi dang steng dang 'og tu gtor bar bya'o/ /de nas khrus byas nas me thab dang nye bar song nas gos gtsang ma bgos te gtsang sbra dang / srung ba'i cho ga byas te rtsa ba'i rig pas gur gum dang bsres pa'i mar gyi sreg blugs stong phrag brgyad sbyin sreg bya'o/ /de nas ku sha'i khres la nye bar 'dug ste de nyid du bzlas pa byed cing de nyid du gnas par bya'o/ /yungs kar dkar po la khro bo'i rgyal po sgrol mas non pa'i sngags brgya rtsa brgyad du mngon par bsngags te/ mngon par bsngags nas kham phor kha sbyor du gzhag par bya'o/ /bgegs kyi rnam par 'gyur ba'i gzugs rnams du ma dang / nga ro drag po dang / rlung dang / char dang / yul ngan gzhan dang gzhan gang yang rung ba 'ongs pa mthong na/ khros pas yungs kar gyi sreg blugs lan bdun sbyin sreg bya'o/ /de nas bgegs rab tu 'jigs par 'gyur ro/ /mi'i bgegs la ni lan lnga chang pa nas sbyin sreg byas na skyes bu de rengs par 'gyur ba'am/ nus pa med par 'gyur ba'am/ 'chi bar 'gyur ba'am/ skad cig de nyid la mi ma yin pas zin par 'gyur ro/ /de nas rjes su sgrub pa pos de nyid du ku sha'i khres la nye bar 'dug nas khro bo'i rgyal po sgrol mas non pas bzlas pa byed cing gnas par bya'o/ /de nas dkyil 'khor gyi slob dpon gyis bcom ldan 'das shAkya thub pa'i sku gzugs kyi g.yas kyi gzhogs su rang sangs rgyas gnyis pad+ma'i gdan la bzhugs pa skyil krung gis nye bar bzhugs par bya'o/ /de'i 'og tu nyan thos chen po gnyis chos nyan par bya'o/ /de rnams kyi'ang g.yas su bcom ldan 'das 'phags pa spyan ras gzigs dbang phyug rgyan thams cad kyis brgyan pa ston ka'i sprin gyi mdog ltar dkar ba pad+ma'i gdan la bzhugs pa phyag g.yon pas pad+ma bsnams nas/ g.yas pas mchog sbyin pa'o/ /de'i yang g.yas su bcom ldan 'das ma gos dkar mo phyag na pad+ma bsnams pa/ phyag g.yas pas bcom ldan 'das shAkya thub pa la phyag 'tshal bzhin pa pad+ma'i gdan la nye bar bzhugs pa/ ral ba'i cod pan 'chang ba/ dar la dkar po'i na bza' bsnams pa/ dar la'i stod g.yogs bla gos bsnams pa/ thal ba nag po'i thig le gsum byas pa'o/ /de bzhin du brtan pa dang / khro gnyer can ma yang / rang rang gi gdan la rang rang gi spyod lam du gnas shing nye bar bzhugs pa'ang bya'o/ /de rnams kyi g.yas su bcom ldan 'das ma shes rab kyi pha rol tu phyin ma dang / de bzhin gshegs pa spyan ma dang / gtsug tor rgyal mo'ang bya'o/ /de bzhin du byang chub sems dpa' bcu drug bya ba la/ 'di lta ste/ kun du bzang po dang / sa'i snying po dang / nam mkha'i mdzod dang / sgrib pa thams cad rnam par sel ba dang / ngan song spong dang / byams pa phyag na rnga yab thogs pa sangs rgyas bcom ldan 'das la lta bzhin pa dang / dri ma med pa'i blo gros dang / dri ma med pa'i tog dang / nor bzang dang / zla 'od dang / dri ma med par grags pa dang / nad thams cad gso bar byed pa dang / chos thams cad kyi dbang phyug rgyal po dang / 'jig rten 'gro ba dang / blo gros chen po dang / mngon par 'dzin pa zhes pa ste/ byang chub sems dpa' chen po bcu drug po 'di rnams rab tu zhi ba'i sku dang / rgyan thams cad kyis brgyan pa bri'o/ /rig pa'i rgyal po'i gtso bo dang / rig pa'i rgyal mo dang / pad+ma'i rigs kyi gzugs dang / phyag rgya rnams lung las ji ltar bshad pa bzhin dang / gnas ji lta ba bzhin du bri'o/ /mtha'i gnas su'ang gru bzhi'i rnam par gnas gzhag par bya'o/ /pad+ma'i me tog legs par byas pa dang / rig pa'i lha gang gis dran pa yang gnas de rnams su gzhag par bya'o/ /de bzhin du bcom ldan 'das shAkya thub pa'i g.yas kyi gzhogs su rang sangs rgyas nam mkha' dang / yongs su zhes bya ba gnyis kyang ngo / /de bzhin du shar du kha bltas pa'i dkyil 'khor thams cad du 'jug pa'i sgo rnams bya'o/ /bcom ldan 'das shAkya thub pa'i g.yon gyi gzhogs su rang sangs rgyas tsan+dan dang / grub pa zhes pa gzhan gnyis kyang kun tu bri'o/ /de rnams kyi 'og tu nyan thos chen po 'od srung chen po dang / ka t+ya na dang gnyis kun du bri'o/ /de rnams kyi'ang gzhogs su 'phags pa phyag na rdo rje ut+pa la ltar sngo bsangs su snang ba rab tu zhi ba'i gzugs rgyan thams cad kyis brgyan pa/ phyag g.yas rnga yab thogs pa/ g.yon pa khro bo'i spyi bor bzhag pa'o/ /rdo rje khu tshur dang / rdo rje lcags kyu dang / rdo rje lcags sgrog dang / dpung bzang dang / rdo rje sde rnams cha byad ji lta ba dang / mtshan ma ji lta ba bzhin du bgegs rnams 'joms pa'o/ /rig pa'i rgyal po dang / rgyal mo 'khor dang bcas pa thams cad dang / gzugs dang phyag rgya la sogs pa rnams ji ltar dran pa bzhin du bri'o/ /de rnams kyi'ang g.yon du gru bzhi'i rnam par rdo rje'i phyag rgya gnyis bri bar bya'o/ /bris nas kyang gnas gang du rig pa'i tshogs ma dran pa de rnams gnas 'dir bzhugs shig ces brjod par bya'o/ /de rnams kyi steng du pha rol tu phyin pa drug dang / bcom ldan 'das ma mA ma kI kun du bri ste rgyan thams cad kyis brgyan pa rab tu zhi ba'i lus so/ /de rnams kyi'ang steng du gtsug tor gyi rgyal po brgyad kun nas 'bar ba'i phreng bas 'khrugs pa/ phyag rgya bcings pa rang rang gi 'khor los sgyur ba'i rgyal po chen po'i gzugs su kun du bri ste/ gser mdog dbang po rab tu zhi ba rgyan thams cad kyis brgyan pa de bzhin gshegs pa'i sku gzugs la cung zad blta ba sbyin pa rnams 'di lta ste/ gtsug tor 'khor los sgyur ba dang / gtsug tor mngon par 'phags pa dang / gtsug tor gdugs dkar po dang / rgyal ba'i gtsug tor dang / pad+ma'i gtsug tor dang / rnam par rgyal ba'i gtsug tor dang / gzi brjid phung po dang / gtsug tor mthon po zhes pa ste/ gtsug tor brgyad po 'di rnams kun du bri'o/ /'jug pa'i phyogs kyi sgor ni byang chub sems dpa' gnyis bya ste/ g.yas phyogs su ni 'jig rten las 'das par 'gro ba zhes bya ba rab tu zhi ba'i lus ral pa'i cod pan 'chang ba/ phyag g.yas mchog sbyin pas phreng ba 'dzin pa/ phyag g.yon pas spyi blugs 'dzin cing sgo la mngon du phyogs pa/ bzhin cung zad khro gnyer dang bcas pa kun du bri'o/ /'jug pa'i sgo'i g.yon phyogs su ni byang chub sems dpa' chen po ma rgyal ba las rgyal ba bri bar bya ste/ rab tu zhi ba'i lus ral pa'i cod pan 'chang ba/ phyag g.yon dbyug gu dang / ril ba spyi blugs 'dzin pa/ phyag g.yas pas bgrang phreng ba zung nas mchog sbyin pas rab tu sbyin par byed pa/ bzhin cung zad khro gnyer can 'jug pa'i sgo la mngon par phyogs pa kun du bri'o/ /seng ge'i khri'i 'og tu chos kyi 'khor lo kun nas 'bar ba'i phreng bas 'khrugs pa de'i 'og tu rin po che'i gzhal yas khang de la gnas pa'i bcom ldan 'das ma rig pa'i rgyal mo chen mo ha cang mi skem/ ha cang mi sbom pa'i lus su gnas pa/ rab tu zhi ba'i sku/ gzugs mdzes shing cung zad 'dzum pa'i bzhin/ phyag g.yon pas ut+pal sngon po bsnams pa/ phyag g.yas pas dpal 'bras bsnams pa/ byis pa'i rgyan thams cad kyis brgyan pa/ rin po che'i cod pan 'chang ba/ mu tig gi phreng pas mchod phyir thogs pa byas pa/ dar la'i stod g.yogs mnabs pa/ dar gyi na bzas smad g.yogs pa/ kun nas 'bar ba'i phreng bas 'khrugs pa/ pad+ma'i gdan la nye bar bzhugs pa/ khro bo'i rgyal por gyur pa/ sgrol mas non pa la gzigs par gyur pa/ dkyil 'khor du 'jug pa'i sgo la mngon par phyogs pa/ blta na sdug pa thams cad du srin mo ral pa gcig pa byas pa'i gzugs 'chang ba kun du bri'o/ /de'i g.yas phyogs kyi gzhogs su pad+ma'i 'og tu khro bo'i rgyal po sgrol mas non pa bri ste/ rnam par 'gyur ba chen po'i gzugs can kun nas 'bar ba'i phreng bas 'khrugs pa/ bka' so sor bzhes bzhin pa/ byang chub sems dpa' chen por gyur pa la blta ba kun nas bri'o/ /g.yon gyi gzhogs su pad+ma'i 'og tu gnas gtsang ma'i ris kyi lha'i gzugs can byang chub sems dpa' lnga bri bar bya ste/ 'di lta ste/ shin tu dri ma med pa dang / shin tu dul ba dang / dag pa dang / mun pa sel byed dang / kun du snang ba zhes pa/ de rnams thams cad kyang gnas gtsang ma'i gnas na 'dug pa/ rin po che 'bar ba du ma'i rdo'i mthil dang 'dra ba/ kun nas 'bar ba rnam par bkra ba'i me tog rnams kyis gcal du bkram pa/ gzugs mdzes pa kun du bri'o/ /phyi rol gyi khor yug tu gru bzhir rta babs bzhi dang ldan pa rnams par bkra ba'i tshon sna lngas gsal ba/ shin tu drang ba'i mi dma' bas nang gi dkyil 'khor bya'o/ /shar gyi phyogs su bcom ldan 'das shAkya thub pa'i steng du ri mo'i dbus su me tog gi rgyal po'i dbang po pad+ma'i gdan la nye bar bzhugs pa de bzhin gshegs pa'i gzugs shin tu chung tsam du bya ste/ kun nas 'bar ba'i phreng bas 'khrugs pa/ phyag mchog sbyin pas rab tu sbyin pa/ sku'i gtsug tor la bzhugs pa'o/ /de'i g.yas su gtsug tor 'khor los sgyur ba'i phyag rgya bri bar bya'o/ /g.yon du gzi brjid phung po'i phyag rgya bri bar bya'o/ /de bzhin gshegs pa'i spyan ma'i steng du shes rab kyi pha rol tu phyin ma bri bar bya'o/ /bcom ldan 'das 'phags pa spyan ras gzigs dbang phyug gi steng du shes rab kyi pha rol tu phyin ma'i g.yas su bcom ldan 'das 'od dpag tu med pa de bzhin gshegs pa'i skur bya ste/ phyag mchog sbyin pas rab tu sbyin pa pad+ma'i gdan la nye bar bzhugs pa/ kun nas 'bar ba'i phreng bas 'khrugs pa'o/ /de'i yang g.yas su lhung bzed dang / chos gos kyi phyag rgya'o/ /de bzhin du mthar gyis 'jug pa'i gnas su pad+ma'i phyag rgya bya'o/ /bcom ldan 'das me tog kun nas rgyas pa'i rgyal po de bzhin gshegs pa'i g.yon du gtsug tor gzi brjid phung po'i phyag rgya bri ste kun nas 'bar bas 'khrugs pa'o/ /de'i yang g.yon du de bzhin gshegs pa rin chen tog gi sku rin po che'i ri la nye bar bzhugs pa chos ston par mdzad bzhin pa baiDUr+ya sngon po dang / mar gad dang / pad+ma rA ga rnam pa sna tshogs pa 'bar ba'i 'od 'byin pa/ kun nas kun du 'od gsal ba bri'o/ /de'i yang g.yon du rgyal ba'i gtsug tor gyi phyag rgya kun nas 'bar ba 'khrugs pa kun du bri'o/ /de'i yang g.yon du chos kyi 'khor lo'i phyag rgya kun nas 'bar ba bri'o/ /de'i yang g.yon du ril ba spyi blugs dang bgrang phreng dang bzang po'i gdan gyi phyag rgya bri'o/ /sgo'i gnas su rdo rje rtse gsum pa gnyis ka nas kun nas 'bar bar bri'o/ /bcom ldan 'das spyan ras gzigs dbang phyug gi 'og tu phyag rgya chen po dbyug pa can dang / ut+pa la'i phyag rgya kun nas 'bar ba 'di dag phan tshun ma 'byar bar kun du bri'o/ /dkyil 'khor gyi rnam pa kun du bris pa'i phyi rol gyi dkyil 'khor de yang tshon sna lngas 'bar ba rnam par bkra zhing blta na sdug pa/ zur bzhis rnam par mdzes pa/ rta babs bzhi'i rnam pa phyogs bzhir ro/ / nang gi dkyil 'khor las khru gnyis tsam gyi phyi rol gyi shar phyogs su tshangs pa chen po bri bar bya ste/ gdong bzhi pa/ gos dkar po bgos pa/ stod g.yogs gos dkar po can/ mchod phyir thogs pa dkar po can/ gser gyi mdog ral pa'i cod pan 'chang ba/ g.yon na dbyug pa dang spyi blugs thogs pa/ phyag na rdo rje'o/ /de'i yang g.yas su 'od gsal gyi lha'i bu bya ste/ lus dar la'i gos bgos pa/ dar la'i stod g.yogs can/ bzhin rab tu zhi ba/ ral pa'i cod pan 'chang ba/ mchod phyir thogs dkar po can/ skyil krung gis nye bar 'dug pa/ phyag g.yas mchog sbyin pa'o/ /de'i yang g.yas su 'og min pa'i lha'i bu bya ste rgyan thams cad kyis rnam par brgyan pa/ rab tu zhi ba'i lus/ sems bsam gtan la gnas pa dar la'i gos bgos pa/ dar la'i stod g.yogs can/ skyil krung gis nye bar 'dug pa/ phyag g.yas pas mchog sbyin pa/ mchod phyir thogs dkar po can no/ /de'i rim pas dga' ldan dang / 'phrul dga' dang / gzhan 'phrul dbang byed dang / 'thab bral dang / brgya byin la sogs pa'i lha'i bu rnams bri bar bya ste/ ji lta ba bzhin dang / cha byad dang / dbyibs ji lta ba bzhin no/ /brgya byin gyi 'og tu rgyal po chen po bzhi'i ris te/ rtag myos dang / phreng thogs dang / lag na gzhong thogs dang / pi wang gnyis pa dang / sa bla pa'i lha'i bu rnams ji lta ba dang / cha byad ji lta ba bzhin bri bar bya'o/ /de bzhin du lho phyogs su/ mi che ba dang / mi gdung ba dang / shin tu mthong dang / gya nom snang dang / dge chung dang / bsod nams skyes la sogs pa'i lha'i bu rnams cha byad dang / dbyibs ji lta ba bzhin du bri bar bya'o/ /de bzhin du nub kyi phyogs dang / de bzhin du'ang / byang gi phyogs su'ang ngo / /nub kyi phyogs su de rnams kyi 'og tu phreng gnyis la brten nas bri bar bya'o/ /dkyil 'khor gnyis kyi pha rol tu dkyil 'khor gsum par 'gyur te/ phyogs bzhir rgyal po chen po bzhi bzhin du bri bar bya'o/ /byang phyogs su 'jug pa'i g.yas ngos su nor sbyin gter dang nye bar gnas pa rgyan thams cad kyis rnam par brgyan pa/ cod pan cung zad bcom pa/ gnod sbyin gyi gzugs can no/ /de'i g.yas su nor bu bzang po dang / gang ba bzang po gnod sbyin gyi sde dpon dag bri'o/ /de bzhin du rim gyis gnod sbyin ma chen mo 'phrog ma bri ste/ gzhon nu dga' byed phang na 'dug pa/ dkyil 'khor la nges par rtog bzhin pa bri'o/ /lngas rtsen dmar ser 'jigs su rung ba'ang bri ste/ de rnams kyi nye logs su gnod sbyin rnams kyi phyag rgya bri bar bya'o/ /de bzhin du rim gyis nub kyi phyogs su lha lag na zhags pa thogs pa dang / klu dga' bo dang / nye dga' bo dang / 'jog po dang / nor rgyas kyi bu la sogs pa rgyal po chen po brgyad bri bar bya'o/ /de bzhin du phreng gnyis pa la brten nas bzhin du gnod sbyin dang / srin po dang / dri za dang / mi'am ci dang / lto 'phye chen po dang / drang srong dang / grub pa dang / dang / sha za dang / nam mkha' lding dang / mi dang mi ma yin pa la sogs pa dang / sman dang / nor bu rin po che'i bye brag dang / ri bo dang / chu bo dang / gling rnams bzhin du gtso bor grags pa dang / mchog tu gtso bo thams cad kyang bri bar bya'o/ /lho phyogs su gshin rje ma mo bdun gyi 'khor dang bcas pa bri bar bya'o/ /shar gyi phyogs su me lha kun 'bar ba'i phreng bas 'khrugs pa/ dbyug pa dang / ril pa spyi blugs dang bgrang phreng lag na thogs pa/ ral pa'i cod pan 'chang ba/ gos dkar po bgos pa/ dar la'i stod g.yogs can/ mchod phyir thogs dkar po can/ gser gyi mdog thal ba'i thig le gsum byas pa/ sna tshogs pa'i rgyan dang / mtshon cha dang / cha byad dang / dbyibs dang / kha dog de yang phreng gnyis pa la brten nas bri bar bya'o/ /thams cad nas 'jug pa'i dkyil 'khor chen por dka' zlog gi bdag po khyu mchog la zhon pa/ lag pa g.yas rtse gsum thogs pa'o/ /lha mo dka' zlog ma'ang rgyan thams cad kyis brgyan pa'o/ /smin drug gi bu'ang rma bya la zhon pa/ lag na mdung thung thogs pa/ gzhon nu'i gzugs can/ gdong drug ba lus dmar por snang ba gos ser po bgos shing stod g.yogs gos ser po can/ phyag g.yon pas dril bu thogs nas ba dan dmar po thogs pa'o/ /bzhin du b+h+r-ing gi ri ti shin tu rid pa'i rnams pa dang / tshogs kyi bdag po chen po dang / dga' byed dbang phyug dang / nag po chen po dang / ma mo bdun po rgyan dang / cha byad dang / dbyibs ji lta bzhin du mngon par bri'o/ /nor lha brgyad dang / drang srong bdun dang / khyab 'jug phyag bzhi pa/ phyag na 'khor lo dang / be con dang / mdung dang / ral gri thogs pa/ nam mkha' lding gi bzhon pa/ rgyan thams cad kyis brgyan pa'o/ /gza' brgyad dang / rgyu skar nyi shu rtsa bdun dang / gang sa stengs kyi dkyil 'khor la rab tu rgyu ba'i nye ba'i gza' brgyad kyang bri'o/ /bzhin du/ dkar po dang / nag po'i tshes bco lnga dang / khyim bcu gnyis dang / dus drug dang / zla ba bcu gnyis dang / lo tshigs dang / sring mo bzhi gru la zhon pa dang / lnga pa ming po chu la gnas pa rnams te/ mdor na/ phyag rgya rnams su rnam par gzhag par bya'o/ /lha rnams bzhin du phreng gnyis su bya'o/ /mdor na dkyil 'khor gsum pa'ang / dkyil 'khor gsum la brten nas mngon par bri bar bya ste/ dkyil 'khor gsum po rnams su'ang gru bzhir rnam par gzhug par bya'o/ /'di rnams bcom ldan 'das so/ /mdor bsdu na sangs rgyas bcom ldan 'das sems dpa' thams cad kyi gtso bo ni nges par mngon par bri bar bya'o/ /pad+ma'i rigs 'phags pa spyan ras gzigs dbang phyug ni g.yas su nges par bri bar bya'o/ /rdo rje'i rigs 'phags pa phyag na rdo rje ni g.yon du nges par bri bar bya'o/ /byang chub sems dpa' rnams kyi gtso bo 'phags pa kun du bzang po'ang nges par bri bar bya'o/ /'jam dpal gzhon nur gyur pa nges par bri bar bya'o/ /lhag ma rnams ji ltar rnam par bzhag pa bzhin du phyag rgya rnams su nges par bri bar bya'o/ /'di dag ni nang gi dkyil 'khor ro/ /dkyil 'khor bar pa la yang / shar gyi phyogs su mi mjed kyi bdag po tshangs pa nges par mngon par bri bar bya'o/ /de bzhin du lho'i phyogs su 'od gsal ba'o/ /'og min dang gzugs can min pa rnams lha'i dkyil 'khor gyi rnam par ro/ /'du shes med 'du shes med min gyi skye mched mi gsal ba'i lha rnams ni ma yin no/ /byang gi phyogs su brgya byin lha'i rgyal po dang / rab 'thab bral dang / dga' ldan dang / 'phrul dga' dang / gzhan 'phrul dbang byed dang / 'od chung la sogs pa'i lha'i bu rnams lha'i rgyal po re re nges par mngon par bri bar bya'o/ /lhag ma rnams ni ji ltar rnam par bzhag pa bzhin du phyag rgya rnams su mngon par bri bar bya'o/ /de bzhin du dkyil 'khor gsum par yang byang gi phyogs su 'byung po'i bdag po dbang ldan dka' thub zlog pa dang bcas pa nges par mngon par bri bar bya'o/ /sgo gnyis pa'i nye logs su gzhon nu smin drug gi bu rma bya'i gdan la/ lag na mdung thung thogs pa/ lus dmar por snang ba/ gos ser po'i stod g.yogs bgos pa/ phyag g.yas na dril bu dang ba dan dmar po thogs pa/ gzhon nu'i gzugs can dkyil 'khor la nges par rtog bzhin pa'o/ /shar gyi phyogs su nam mkha' lding 'dab chags kyi gzugs can dang / drang srong mArkaN+Da nges par mngon par bri bar bya'o/ /lhag ma rnam par bzhag pa bzhin du phyag rgya rnams su yang ngo / /lho shar du gzhon nu bzhi dang / gzhon nu ming po dang lhan cig pa gru'i bzhon pa la kun du gnas pa chu gter chen po la yongs su rgyu bar byed pa/ me lha'i rgyal po'ang nges par mngon par bri bar bya'o/ /de bzhin du lho'i phyogs su lang ka'i grong gi srin po'i bdag po shin tu 'jigs su rung ba ste der shing pi tsu ma rda la brten nas gnas pa dang / rmugs 'dzin chu'i dbang po zhes bya ba gnod sbyin gyi gzugs can byang chub sems dpa' nges par mngon par bri bar bya'o/ /lhag ma phyag rgya rnams su'ang rnam par gzhag par bya'o/ /de bzhin du lho nub kyi phyogs su klu'i gtso bo dga' bo dang / nye dga' bo nges par bri bar bya ste/ gza'i gtso bo nyi ma yang ngo / / nub kyi phyogs su thub pa ser skya zhes bya ba drang srong mchog dang / mu stegs can gcer bu pa'i khyu mchog /gcer bu'i gzugs su bzhin du phyag rgya rnams su rnam par gzhag par bya'o/ /byang nub kyi phyogs su gnod sbyin gyi rgyal po nor sbyin dang / dri za'i rgyal po zur phud lnga pa dang / mi'am ci'i rgyal po ljon pa ste 'di rnams nges par bri bar bya'o/ /lhag ma ni dbyibs ji ltar kun du gnas pa bzhin du bzhin phyag rgya rnams su'ang mngon par bri bar bya'o/ /dkyil 'khor bzhi mngon par bri'o zhes pa phyi rol gyi dkyil 'khor bzhi par ri mo lngas spras pa phyag rgya'i phreng bas mdzes par byas pa gru bzhi dang rta babs bzhi'i rnam pa dang / rgyal po chen po bzhis rnam par brgyan pa/ ji lta ba bzhin du gnas pa 'di lta ste/ 'jug pa'i sgor phyag rgyar gyur pa ni ut+pa la sngon po bri'o/ /g.yas dang g.yon du ni pad+ma dang / rdo rje dang / dgra sta dang / dung dang / mdung rtse gsum dang / be con dang / 'khor lo dang / swa sti ka dang / bum pa dang / nya dang / dung dang / gdub kor dang / ril ba spyi blugs dang / rgyal mtshan dang / ba dan dang / zhags pa dang / dril bu dang / gri dang / tho ba dang / gzhu dang / lcags mda' ste 'di rnams rnam pa sna tshogs pa'i mtshon cha'i mchog gi phyag rgyas khor yug tu grwa bzhir phreng bas khyab par bya'o/ /de nas phyi rol gyi phyogs bzhir phyag rgya chen po bzhi gzhag par bya ste/ byang phyogs su dkyil 'khor gru bzhi pa'i rnam pa can byas nas rdo rje gnyis ka nas rtse mo gsum pa'i rnam pa kun nas 'bar ba'o/ /shar phyogs su dkyil 'khor gru gsum pa'i rnam pa can kun nas 'bar ba can gzhag par bya'o/ /lho'i phyogs su dkyil 'khor gzhu'i rnam pa can byas nas lhung bzed kun nas 'bar ba can gzhag par bya'o/ /nub kyi phyogs su dkyil 'khor nyi ma'i rnam pa can byas nas ut+pa la sngon po rang gi sdong bu dang / 'dab ma dang ldan pa kun nas 'bar ba'o/ /phyogs bral rnams su phyag rgya bzhir 'gyur ro/ /nub byang gi phyogs su dkyil 'khor zlum po'i rnam pa byas nas zhags pa kun nas 'bar ba'o/ /lho nub kyi phyogs su dkyil 'khor ring po'i rnam pa byas nas dbyug pa kun nas 'bar ba'o/ /lho shar gyi phyogs su dkyil 'khor gru gsum pa'i rnam pa can byas nas dgra sta kun nas 'bar ba'o/ /byang shar gyi phyogs su ral gri kun nas 'bar ba gzhag par bya'o/ /thams cad nas mngon par bris nas steng dang 'og dang thad kar phyag rgya gsum phyi'i dkyil 'khor gyi sgo dang nye bar phye ma nyid kyis bri bar bya ba la 'di lta ste/ gos dang / bsil yab dang / lham kun nas 'bar ba de rnams mngon par bri bar bya'o/ /zhes so/ /byang chub sems dpa' blo ldan pas/ /sems can phan don 'dod pa yi/ /dkyil 'khor cho ga 'di rnams kyis/ /mdor bsdus 'dir ni bstan pa yin/ /de nas dkyil 'khor gyi slob dpon gyis dang po nyid du slob ma gzung bar bya ste/ dbang po ma tshang ba med pa dang yan lag thams cad mdzes pa'i bram ze dang / rgyal rigs dang / rje rigs dang / dmangs rigs byang chub tu sems bskyed pa theg pa chen po'i theg pa pa/ theg pa gzhan mi 'dod pa'i ngang tshul can gyi sems dpa' chen po dad cing dge ba'i chos can dang / rgyal srid chen po mngon par 'dod pa dang / longs spyod chung ba la smod pa dang / longs spyod chen po mngon par 'dod pa dang ldan pa dang / bzang zhing dul la tshul khrims dang ldan pa'i dge slong dang / dge slong ma dang / dge bsnyen dang / dge bsnyen ma sdom pa la gnas pa/ gso sbyong la nye bar gnas shing sdom pa la gnas pa'i byang chub sems dpa' chen po la zhe mi sdang ba dang / phyogs chen po dang / rigs dang ldan pa dang / rang bzhin gyis chos spyod pa/ nyin dang mtshan du smyung bar gnas pa gos gtsang ma bgos pa/ skra dri zhim pa dang / khrus gsum byas pa/ mi smra bar gyur pa/ de'i nyin mo ga bur dang / gur gum dang / ma la ya'i tsan+dan dri zhim pos dri zhim par byas pa/ rtag tu nye reg byas pa dang ldan pa/ ku sha'i khres la nye bar 'dug ste/ bsrung ba'i cho ga byas pa dang / tshangs par spyod pa dang / bden pa dang ldan pa dang / rgyal bar dgongs pa phyi'i dkyil 'khor de nyid du ha cang yang mi nye ha cang yang mi ring bar gzhag par bya'o/ /gtsang zhing gtsang sbra byas pa ji srid gcig nas brgyad la sogs pa'i bar rnams te/ gzhan rnams ni ma yin no/ /de rnams kyang phan tshun kun du chags pa/ rgyal rigs spyi bor mngon par dbang bskur ba'i rgyal po chen po dang / de rnams kyi bu gzhon nu ma rnams grong pa'i chos ma shes pa ste bcom ldan 'das gzhon nu'i gzugs can byang chub sems dpa' chen po 'jam dpal byis pa'i skye bo rab tu sad par byed pa/ gzhon nu'i skye bo dga' bar byed pas so/ /de nas ches thog mar de lta bu'i grong pa'i chos mi shes pa rab tu gzhug par bya/ /rgyal po chen po mngon par 'phel ba dang / tshe dang nad med pa dang / dbang phyug dang longs spyod chen po mngon par 'phel ba dang / khyad par du'ang tshul khrims dang ldan pas rig pa'i dngos grub nges par gnas pa'i phyir ro/ /de ltar sngar bzhag pa byas nas grogs bzang po dang ldan pa'i slob dpon gyis ga pur gyi bdug pa bsregs te/ rgyab kyis phyogs pa min par phyi rol du 'byung bar bya ste/ byung nas kyang ji ltar bde ba'i chu shin tu gtsang sbra byas pa/ srog chags med pa/ rtsa ba'i rig pa brgyad brgya mngon par bzlas pa/ phyag rgya chen pos rgyas btab pa'i chus khrus byas nas/ nye reg byas te gos gtsang ma bgos pa'i gtsang mas/ me thab tu song nas/ ku sha'i khres la nye bar 'dug ste byang shar du mngon par phyogs pas ga bur dang gur gum tsan+dan dang bsres pa'i mar gyi sreg blugs stong phrag brgyad sbyin sreg bya'o/ /sngar brjod pa'i cho gas spyan drangs pa dang / gshegs su gsol lo/ /slar yang dkyil 'khor du 'jug par bya'o/ /zhugs nas bum pa gang ba brgyad gtsang ma'i gos dang ldan pa shing sa ha ka ra'i yal 'dab dang 'bras bus rnam par brgyan pa gser dang dngul dang rin po che dang / 'bru nang du bcug pa/ de lta bu bcom ldan 'das shAkya thub pa la so sor dbul bar bya'o/ /gnyis pa ni sangs rgyas thams cad la'o/ /gsum pa ni 'phags pa nyan thos kyi dge 'dun thams cad la'o/ /bzhi pa ni byang chub sems dpa' thams cad la'o/ /lnga pa ni byang chub sems dpa' chen po 'phags pa spyan ras gzigs dbang phyug la'o/ /drug pa ni lha thams cad la'o/ /bdun pa dang brgyad pa ni dkyil 'khor gnyis pa'i sgo khang du gzhag par bya ste/ gcig pa ni sems can thams cad dang thun mong du gyur bar yongs su bsngos nas gzhag par bya'o/ /de nas sngar brjod pa'i cho ga nyid kyis bdug pa bsreg cing ut+pa la'i phyag rgya bcings nas slar yang spyan drang bar bya ste/ sangs rgyas thams cad dang / rang sangs rgyas thams cad dang / 'phags pa nyan thos dang / byang chub sems dpa' chen po rnams dang / 'byung po thams cad dang / spyan ras gzigs dbang phyug kyang sngar brjod pa'i cho ga nyid kyis spyan drang bar bya'o/ /de bzhin du me tog dang / bdug pa dang / dri dang / mar me dang / lha bshos kyang sngar bstan pa nyid kyi las kyis lha bshos thams cad kyis thams cad du bzhin du bya'o/ /mar me smos pa nyid kyis mar gyi mar me dbul bar bya'o/ /'phags pa dang / 'phags pa ma yin pa thams cad la lha bshos smos pas/ sA lu'i zan zho dang / sbrang rtsi dang ldan pa/ 'o thug khyad par can gyis nye bar sbyar ba'i mar la btsos pa'i snum khur gyis mya ngan med pa 'khyil ba dang / khaN+Da la sogs pa thams cad de bzhin gshegs pa rnams la dbul bar bya'o/ /phyi rol gang ba dang / tsan+dan gyi thang chu sbrang rtsi dang 'o ma/ 'o thug btsos pa'i bza' ba rnams rang sangs rgyas thams cad dang / 'phags pa nyan thos dang / byang chub sems dpa' chen po dang / 'phags pa'i lha rnams la me tog dri zhim po rnams kyang dbul bar bya'o/ / la du can dang / gar+b+hat+k+wA khyad par dang / sngar gyi yo byad rnams lha thams cad dang / 'byung po'i tshogs dang / sems can thams cad la dbul bar bya'o/ /de bzhin du sna ma dang / rgya spos kyi me tog dang / pun+nA ga la sogs pa rnams sngar nges par bstan pa/ sangs rgyas dang / rang sangs rgyas dang / 'phags pa nyan thos dang / byang chub sems dpa' chen po rnams dang / 'phags pa dang / 'phags pa ma yin pa'i lha rnams thams cad la dbul bar bya'o/ /khyad par du de bzhin gshegs pa'i rigs la sna ma'i me tog dang / pad+ma'i rigs la pad+ma dang / de bzhin du phyag na rdo rje'i rigs la ut+pa la dang / gzhan rnams la tha mal pa'i sngags kyis so/ /de bzhin gshegs pa'i rigs la ga pur gyi bdug pa'o/ /pad+ma'i rigs la tsan+dan no/ /de bzhin du gsang ba'i bdag po rdo rje can nyid kyi gu gul du shes par bya'o/ /sngags gzhan thams cad la bdug pa tha mal pa dbul bar bya'o/ /'phags pa rnams ni thams cad la/ /mar gyi mar me dbul bar bya'o/ /'phags pa min pa'i sngags rnams la/ /dri zhim til mar dbul du gzhug /cho ga'i bzhin du ni/ /bdug pa mthong ba'i rgyu yis so/ /de bzhin kho nar brjod pa'i dri/ /sngags rnams kun la rtag par de'o/ /de bzhin gshegs la gang brjod dang / /phyag na rdo rjer gang brjod pa/ /rang rang gi ni rgyud rnams su/ /sngags spyod don du sgrub pa pos/ /'dir ni cho ga blta bar bya/ /kun nas rjes su 'jug pa'o/ /zhes pa'o/ /de nas dkyil 'khor gyi slob dpon sngar cho ga mthong bas spyan drang ba dang / mchod pa dang / bdug pa la sogs pa dang / lha bshos rab tu dbul ba rjes su 'jug pa'i bya ba byas nas/ de'i 'og tu sgrub pa'i grogs mchog mkhas shing skyen pas/ 'byung po thams cad pa'i gtor ma sha med pa thams cad dang / rnga pa Ta ha dang / dung gi sgra'i sgra dbyangs nges par sgrogs pas/ bdug pa dang / me tog dang / mar me dang / phreng bas rnam par spras pa phyogs bzhi rnams dang / phyogs bral rnams dang steng dang 'og dang thad ka thams cad du phyi'i dkyil 'khor la bskor ba byas nas 'byung po thams cad pa'i gtor ma rgya cher gtang bar bya'o/ /de nas khrus byas nas slar yang zho dang / sbrang rtsi dang / mar la btags pa'i 'bras sA lu dang / thug po che'i sbyin sreg rtsa ba'i rig pa'am snying pos stong phrag brgyad bya'o/ /sbyin sreg byas nas kyang sngar bkod pa'i dkyil 'khor la rjes su zhugs pa'i sems dpa' chen po la srung ba'i cho ga rnams byas pa'i dkyil 'khor gyi slob dpon gyis slob ma nyid du khas blangs pa/ byang chub tu sems bskyed pa/ gso sbyong byas pa/ sangs rgyas dang / byang chub sems dpa' thams cad la bdag nyid kyi lus dngos grub kyi don du phul ba/ sems can thams cad kyi nye bar longs spyod pa thun mong par gyur pa bla na med pa'i byang chub kyi snying po gnon par byed pa/ dge ba rnams thams cad mkhyen pa'i ye shes kyi sangs rgyas thob par 'dod pa rnams la dkyil 'khor bstan pa nyid las sdig pa thams cad las grol bar 'gyur te/ mtshams med pa byed pa'i skye bo rnams kyang skad cig de la grol bar 'gyur ro/ /de nas dkyil 'khor gyi slob dpon gyis gos mnyams pa tha ga pas btags ma thag pa/ skra dang bral ba/ rtsa ba'i rig pas lan bdun mngon par bsngags pa/ dri zhim po'i tsan+dan dang / gur gum gyis bsgos pa'i dar gyis dkyil 'khor du 'jug par 'dod pa rnams gdong g.yogs nas thog ma nas bcom ldan 'das ma sgrub pa pos rab tu 'jug par bya'o/ /rgyal po'i bu spyi bo nas dbang bskur ba'am/ rgyal rigs kyi bu'am/ gzhan yang spro ba chen po rgyal srid chen po 'dod pa'ang rab tu gzhug par bya'o/ /dkyil 'khor gnyis par gnas pa gdong g.yogs nas dri bzang po'i me tog tsan+dan dang gur gum dag gis rnam par bsres pa byin te/ shin tu gtsang sbra byas pa'i lag pa dag gis me tog 'thor du gzhug par bya'o/ /gang du de'i me tog babs pa de la de'i rig pa'i sngags sbyin par bya'o/ /skye ba gzhan rnams su de nyid dang 'di rjes su 'brel pa'o zhes kun du grags pa yin zhing / de nyid 'di'i dge ba'i bshes gnyen dang byang chub kyi snying po gnon par byed pa dang / byang chub chen po thams cad mkhyen pa'i ye shes yongs su rdzogs par byed pa'i don du mngon par sgrub par byed pa'o/ /de nyid 'di'i bsgrub par bya ba dang / longs spyod chen po dang / rgyal srid chen po dang / dbang che bar grags pa'i gang zag dang / 'grogs pa 'di'i mngon par sgrub par byed pa'o/ /skye ba 'di nyid du/ sgrub pa gang dang ldan pa lhag par spyod pa las/ las rnams thams cad 'grub par 'gyur ro/ /de bzhin du rim gyis de lta bu la sogs pa ji srid du brgyad po rnams de srid de gzhan rnams ni ma yin no/ /zhes so/ /sgrub par 'dod pa gzhan yang ci ltar 'dod pa bzhin du sdig pa zad pa'i don du dam tshig tsam du 'gyur zhes pa'o/ /dkyil 'khor gyi slob dpon gyis mngon par dbang bskur ba sbyin na dang po re zhig dkyil 'khor gyi phyi rol ha cang mi ring / ha cang mi nye ba'i byang shar gyi phyogs kyi cha'i sa phyogs rtsa ba'i sngags kyis byin gyis brlabs shing sngags kyis dag par byas nas de nas rgyal po mngon par dbang bskur ba de bzhin du sems bzhin pas mtha' gcig tu sangs rgyas dang / chos dang / dge 'dun la mngon par dang ba'i dad pa dang / spro ba chen po dang ldan pa byang chub kyi sems dang ma bral ba/ theg pa chen po la zhugs pa/ dkon mchog gsum la bsnyen bkur byed pa/ dbang po ma tshang ba med cing ma smad pa/ skye ba 'di nyid la rig pa dang / sngags sgrub par 'dod pa/ bsam pa bzang zhing / sngags kyi spyod pa la spro ba'i yid dang ldan pa/ dge mtshan 'dod pa'i rang bzhin can/ sad pa'i rgyur yang rig pa'i don la rnam rtog med cing der gtad pa'i yid can de lta bu la sogs pa lnga ji srid par mngon par dbang bskur bar bya'o/ /lhag ma rnams spang bar bya'o zhes so/ /shes rab can dang spyod pa la ma rmongs pa'i khyad par las te/ gzhan rnams bsten par bya ba ma yin no/ /de nas rgyal po thams cad dbang bskur ba bzhin du yo byad thams cad bsags te/ slob dpon dang mkhan po mnyes par bya'o/ /de nas bla re bres te rgyal mtshan dang / ba dan dang gdugs dkar po mgo bor 'dzin bzhin pa dang / rnga yab dkar po g.yob bzhin pa dang / bkur sti chen pos dung dang / rnga bo che dang / rdza rnga'i dga' ba'i sgra nges par sgrogs pa dang / rgyal ba'i sgra dang / bkra shis kyi tshigs su bcad pas mngon par bsngags pa dang / bde legs kyi tshigs su bcad pa rgyal bas gsungs pa rnams kyis mngon par bstod bzhin pas bskor ba dang / bkra shis de byas nas sangs rgyas dang byang chub sems dpa' thams cad la phyag byas nas/ 'di skad ces brjod par bya'o/ /slob dpon sangs rgyas dang byang chub sems dpa' thams cad kyi sngags kyi spyod pa mngon par bsgrub pa la yang dag par rjes su 'jug pa dang / 'jig rten pa thams cad las 'das pa'i gsang chen rnam par thar pa'i dkyil 'khor du yang dag par rjes su 'jug pa dang / chos kyi rgyal srid thams cad kyis sangs rgyas nyid mngon par rtogs par 'dod pa dang / mdor bsdus nas brjod nas sangs rgyas nyid 'byung ba'i phyir bdag nyid spro bar bgyi'o zhes so/ /de nas ku sha'i khres la nye bar 'dug ste shar du mngon par phyogs pas dkyil 'khor mthong zhing rtogs pa la dang po re zhig rig pa'i mngon par dbang bskur ba byin nas phyag rgya chen po rtsa ba'i rig pa bzlas par bya'o/ /de nas rig pa dang / sngags dag gang gnas pa/ gro ga'i 'dab ma la gi wang gis bri bar bya'o/ /bris nas tsan+dan dang gur gum dag gis lag pa dag dang kham phor kha sbyar bkrus nas de nas gro ga'i 'dab ma kham phor kha sbyar gyi nang du bzhag par byas nas dkyil 'khor gyi nang du byang chub sems dpa' sems dpa' chen po spyan ras gzigs dbang phyug gi zhabs kyi drung du gzhag par bya'o/ /de nas der nye bar 'dug ste rig pa rtsa ba'i sngags brgya rtsa brgyad snga ma nyid du brjod par bya'o/ /de nas der ku sha'i khres la nye bar 'dug pa mngon par dbang bskur bar bya'o/ /phyi rol gyi dkyil 'khor du thams cad dang thun mong du gyur pa'i bum pa gang ba sgo dang nye bar sngar bzhag pa blangs nas slob dpon gyis rtsa ba'i rig pa bzlas shing spyi bor mngon par dbang bskur bar bya'o/ /slob ma ji ltar 'dod pa'i chus spyi bo nas mngon par dbang bskur bar bya'o zhes so/ /de nas de la kham phor kha sbyar de de'i ched du sbyin par bya'o/ /mar me la klog tu gzhug par bya'o/ /gal te des bcom ldan 'das rig pa'am sngags bzung ba nyid yin par gyur na bklags pa nyid las kyang las byed do/ /rnam pa gzhan du na rim gyis 'bad pas bsgrubs pas byed par 'gyur ro/ /gzhan rnams ni sngags bzlas pa kho nas 'grub par byed do/ /de nas sngags yongs su gzung bar 'gyur ro/ /dang po sgrub pa kho nas 'grub par byed do/ /zhes pa rnam par rtog pa med pa las so/ /de kho na sngar bris pa slob dpon gyi sgrub pa gsum gyis nges par 'grub par 'gyur ro/ /'bad pa med par ro/ /de bzhin du thog mar rig pa'i mngon par dbang bskur ba sbyin par bya'o/ /dkyil 'khor gnyis par mngon par dbang bskur ba ni/ dkyil 'khor gnyis par/ dkyil 'khor thams cad la dang / lha thams cad la gang rab tu bstabs pa'i bum pa gang ba des snga ma'i cho ga gang yin pa ji lta ba de nyid kyis spyi bor mngon par dbang bskur bar byas na sdig pa thams cad las grol bar 'gyur te/ sangs rgyas thams cad kyis rjes su gnang bar 'gyur ro/ /'jig rten dang 'jig rten las 'das pa thams cad kyi dam tshig dang / dkyil 'khor dang / sngags dang / phyag rgya sgrub pa la yang lhag par 'dod par 'gyur ro/ /byang chub sems dpa' thams cad kyis slob dpon du mngon par dbang bskur ba sbyin no/ /dkyil 'khor gsum par nyan thos dang / rang sangs rgyas thams cad la phul ba'i bum pa gang ba cho ga de nyid kyis spyi bor mngon par dbang bskur bar bya'o/ /khyod la sangs rgyas byang chub sems dpa' rdzu 'phrul chen po dang ldan pa thams cad kyis 'jig rten dang 'jig rten las 'das pa thams cad kyi rig pa'i sngags rnams dang / dkyil 'khor 'dri ba dang / nye bar ston pa dang / rgyud dang rgyud kyi phyag rgya dang spyad pa nges par ston pa dang / rang gi cho ga nges par ston par rjes su gnang ngo zhes brjod par bya'o/ /skye ba 'di nyid dam gang phyi ma gzhan dang gzhan rnams su sangs rgyas nyid nges par thob bo/ /de bzhin du rgyal ba dang rnam par rgyal ba'i mngon par dbang bskur ba dang sngar nges par bstan pa'i cho gas bcom ldan 'das la sngar phul ba'i bum pa gang ba dang / byang chub sems dpa' la phul ba'i bum pa gang bas de bzhin du kho nar mngon par dbang bskur ro/ /de bzhin du yang khyod la sangs rgyas bcom ldan 'das rnams dang / byang chub sems dpa' chen po rnams dang / nyan thos rnams kyis 'byung po thams cad kyis mi tshugs pa dang / lus can thams cad kyis mi thub cing rnam par rgyal ba dang / khyod sngags rnams thams cad ji ltar 'dod pa bzhin du sgrubs shig ces rjes su gnang ngo zhes brjod par bya'o/ /de nas dkyil 'khor gyi slob dpon gyis sems can lnga po nyid re re la ji ltar 'dod pa bzhin du mngon par dbang bskur pa sbyin par bya'o/ /de nas de dag rim gyis dkyil 'khor du bcug nas sangs rgyas dang byang chub sems dpa' thams cad la phul te/ dkyil 'khor la bskor ba lan gsum byas nas gshegs su gsol bar bya'o/ /de nas nyi ma gzhan la rim gyis rig pa dang gsang sngags kyi spyod pa rnams la bslab par bya zhing / rnam par sbyar bar bya'o/ /skad cig de nyid la song nas sngar brten par phul ba/ byang chub sems dpa' chen po la sngar phul ba'i chu bum pa gang ba blangs nas/ dkyil 'khor du zhugs pa de rnams la chu khyor ba gsum shar du mngon par phyogs par byas nas 'thung du gzhug par bya'o/ /'di skad brjod par bya ste/ kye byang chub sems dpa' chen po gsang ba'i dam tshig gang gis 'da' bar byed pa bsod nams ma yin pa mang po skye bar 'gyur ro/ /dkyil 'khor gang du'am/ der yang rigs dman pa gang gis dkyil 'khor du 'ongs pa de rnams kyang dkyil 'khor gyi slob dpon gyis snying rje chen po'i sems bskyed nas grogs byed pa'i lag par gos dkar po gtsang ma mgo bor bcings pa gzhan gyis sam gos kun du g.yogs te gnas pa dam tshig gi phyag rgya bcings nas rigs dman pa rnams kyis me tog gtor bar bya'o/ /de nas grogs byed pa de rnams kyis kyang / rab tu zhugs pa'i sems can thams cad kyis khrus bya'o/ /de rnams kyis yang dam tshig tsam de 'byung bar 'gyur ro/ /sgrub pa yang grub par 'gyur ro/ /de sngar byas pa'i me'i bya ba'i gnas su song nas rtse mo ma nyams pa'i ku sha rnams kyis so/ /der yang me thab rnam pa gsum du brjod do/ /zhi ba dang / rgyas pa dang / mngon spyod do/ /zhi ba'i don du pad ma'i rnam pa'o/ /yang na tshim par byed pas dbang du byed pa'ang ngo / /mngon spyod la zur gsum mo/ /de la me'i bya ba'i cho ga thams cad la ku sha dgram par 'gyur ro/ /sangs rgyas thams cad la phyag bya ba byas nas shar gyi rtse mor me'i bya ba gzhag par bya'o/ /byang chub sems dpa' sems dpa' chen po phyi nas me'i bya ba mdzad pa rnams la phyag byas nas lho'i rtse mor ro/ /byang chub sems dpa' thams cad la phyag byas nas/ byang gi rtse mor sbyin par bya'o/ /de bzhin du'ang bya ba rnams grogs byed pas gnas pa'i ngang tshul can gyis me'i bya ba ku sha rnams kyis so/ /thog mar rtsa ba'i rig pas so/ /thog mar zho dang sbrang rtsi dang mar la btags pa'i 'bras yos kyi sbyin sreg nyi shu rtsa gcig sbyin par bya'o/ /zhi ba'i don du snying po'i mar gyis so/ /rgyas pa'i don du shing a pA marga gsum gyi sbyin sreg go/ /mngon spyod la ka Ta ke yis so/ /me'i bya ba'i cho ga 'di'ang thams cad du thun mong ba'i sgrub pa rnams la yang ngo / /dkyil 'khor thams cad kyi nye bar spyod pa rnams su'ang ngo / /de nas dkyil 'khor gyi slob dpon gyis gnas gtsang ma'i gtso bo'i lha nyid bstan nas/ me'i cho ga'i bya ba byas te 'di skad ces brjod par bya'o/ /dkyil 'khor thams cad du rab tu zhugs pa rnams la/ de nas rtsa ba'i rig pa bzlas pas mchod yon no/ /sangs rgyas bcom ldan 'das rnams dang / byang chub sems dpa' rnams dang / gzhan yang rdzu 'phrul chen po'i lha'i khyad par rnams dang / bcom ldan 'das kyi nyan thos rnams kyang gsan du gsol/ gang dam tshig gi dkyil 'khor 'dir cho ga las 'das par yang rung ste/ gus par byed pa dang / gzhan yang gang cung zad bdag nyid nyams par bya ba de dag dge ba'i rtsa ba 'dis dkyil 'khor thams cad rab tu gnas pa dang / de bzhin gshegs pa thams cad kyi spyod yul dang / byang chub sems dpa' thams cad kyi spyod yul dang ma bral bar thob par gyur cig /myur du bde ba dang ldan pa thob par gyur cig / de skad ces brjod par bya'o/ /dkyil 'khor du rab tu zhugs pa'i sems can rnams thams cad la/ mdor na byang chub kyi sems dang mi 'bral bar 'gyur bar bya'o/ /sbyin pa la rab tu chags pa dang / byams pa la sogs pa la gnas pa dang / sangs rgyas dang byang chub sems dpa' thams cad mchod pa dang / mdor na lung dang rig pa dang gsang sngags sangs rgyas dang / byang chub sems dpas gsungs pa rnams blta bar bya/ byang chub kyi sems dang mi 'bral bar 'gyur bar bya'o zhes brjod par bya'o/ /de nas dkyil 'khor gyi slob dpon gyis byang chub sems dpa' la sogs pa de rnams thams cad la dri bzang po'i me tog gis mchod yon phul nas sam de nas yid kyis mchod yon phul nas rtsa ba'i rig pa bzlas pas gats+tsha gats+tsha zhes pa dang / swA hA zhes pa kho na bzlas pas phyogs bzhir rnam par bltas te/ bcom ldan 'das ma'i rtsa ba'i phyag rgya bcings nas gyen du nges par bltas pas gshegs su gsol bar bya'o/ /zhes pa'o/ /byang chub sems dpa'i sde snod bcom ldan 'das ma 'phags ma sgrol ma ral pa gyen brdzes kyi rtsa ba'i cho ga las/ dkyil 'khor gyi cho ga rab 'byam gyi le'u ste gnyis pa rdzogs so// //de nas sems dpa' chen po de slar yang thams cad dang ldan pa'i 'khor gyi dkyil 'khor la rnam par gzigs nas lha'i bu rnams thams cad la smras par gyur te/ khyed rnams nyon cig / mchog gi grub pa mchog tu gsang ba sgrub thabs thams cad kyi cho ga rig pa'i las thams cad byed pa dang / rig pa'i las bzang po byed pa/ chen po nyid dang / don chen po byed pa/ phung khrol thams cad zlog par byed pa/ don thams cad sgrub par byed pa/ mchog tu bkra shis pa thams cad kun nas bkra shis pa/ sangs rgyas thams cad kyis gsungs pa/ bdag gi mchog tu gsang ba'i snying po yang dag par gyur pa/ las phran tshegs thams cad la nye bar sbyar bar bya ba/ rig pa'i rgyal mo chen mo'i las chen po thams cad kyi dngos grub byed pa'i sgrol ma gang zhe na/ na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ tA re tut+tA re tu re swA hA/ grogs po dag 'di ni 'phags ma sgrol ma las chen po thams cad byed pa las phran tshegs thams cad bklags pas grub pa/ mchog tu gsang ba shin tu gsang ba mchog tu grub pa gzhan gyis rab tu sbyar ba'i las thams cad 'jig par byed pa'i rig pa 'di 'ang dkyil 'khor gnyis pa'i cho ga dang / sgrub thabs su gyur te/ 'phags ma sgrol mas las chen po thams cad mdor bsdus pa dang / las phran tshegs thams cad la'ang nye bar sbyar bar bya zhing / dkyil 'khor thams cad kyi cho ga dang sgrub thabs rnams la'ang ngo / /nyin mtshan gang du 'am der yang rung ste/ gtsang ma'i phyogs su bri bar bya'o/ /bdag nyid nyes pa med pa dkyil 'khor gyi slob dpon gyis gcig pus dang po re zhig gru bzhi mnyam pa sgo bzhi pa khru bzhi'i tshad dang ldan pa'i dbus pad+ma'i phyag rgya de'i g.yas su ut+pa la sngon po dang / dbyug pa'i phyag rgya dang / ril ba spyi blugs kyi phyag rgya g.yon du rdo rje rtse gsum gyi phyag rgya dang / gos dkar mo'i phyag rgya dang / rta mgrin dang dpal chen po'i phyag rgya'o/ /shar sgor pad ma/ byang du ut+pa la/ lho ru rdo rje/ nub tu 'jug pa'i rim pa las 'das par/ steng du 'khyil ba'i rnam pa'i zhags pa'i phyag rgya'o/ /de'i 'og tu phyi nas me'i bya ba byas nas sngar brjod pa'i cho gas mchod pa la sogs pa byas te/ dkyil 'khor du 'jug par bya'o/ /de la rgyal srid 'dod pas had+p+ya'i shing du'o/ /longs spyod 'dod pas rang gi khyim gyi lha'o/ /rta 'dod pas rta'i bres su'o/ / glang po che 'dod pas glang po che'i bres su'o/ /bu 'dod pas bo de tse'i shing gi drung du'o/ /tshangs pa'i srin pos zin pa la tshangs pas bskyangs pa ru'o/ /klus zin pa la klu shing dang nye ba ru'o/ /mkha' 'gro mas zin pa la lam bzhi mdo ru'o/ /gnod sbyin gyis zin pa la pa Ta'i shing gi drung du'o/ /srul pos zin pa la khron pa'i drung du'o/ /gzhan rnams kyang ji ltar 'dod pa bzhin du gang du'ang / de ru yang nyes pa med do/ /grogs po dag mdor bsdu na/ rig pa 'di ni dkyil 'khor dang / las thams cad pa ste/ las thams cad la rab tu sbyar bar bya'o/ /gsang chen 'di dang lhan cig rab tu sbyar bar bya ste dkyil 'khor 'di ni sems can rnams la phan par 'dod pa'i 'bras bu yod pa'o/ /longs spyod thams cad mngon par 'phel bar byed pa sgrol ma'i dkyil 'khor gyi rig pa sgrub pa po rnams la phan pa'i don gyi phyir 'byor pa thams cad mngon par 'phel bar byed pa ste/ mdor na phyi ma'i lus can 'byung bar 'gyur ba thams cad kyi slob dpon du gyur pa rab tu grags so/ /de nas dkyil 'khor chen por gyur pa gang thob nas dpal med pa 'joms par byed cing zhi bar byed/ nad dang dgra 'phrog pa de lta bu'i dkyil 'khor sems can thams cad kyi gzi brjid dang stobs sgrub par byed pa mthong zhing thos nas de nas cho ga la rab tu dang ba skye bar 'gyur ba gang yin pa de rnams sangs rgyas thams cad kyi byang chub tu bdag gis lung ston par the tshom med do/ /gang yang ma 'ongs pa'i sangs rgyas 'byung bar 'gyur ro/ /'jig rten gyi 'dren pa de rnams kyang rjes su yi rang bar 'gyur ro/ /sa stengs dkyil 'khor smra ba ni/ /zhi ba'i las rnams thams cad byed/ /bkren pa rnams kyis 'phan pa thob/ /sems can mgon med sdug bsngal can/ /rnams kyis dkyil 'khor rab sbyar bya/ /in+d+ra nI la sogs phye mas/ /dkyil 'khor yang dag kun du bri/ /in+d+ra nI la sogs med na/ /sA lu'i phye mas yang dag bri/ /sA lu'i phye ma sogs med na/ / so phag phye ma sogs kyis bri/ /so phag phye ma sogs med na/ /bye ma rnams kyis yang dag bri/ /de ltar yon tan kun bsdus pa'i/ /sgrol ma'i dkyil 'khor rmad byung ba/ /'jig rten mgon po'i yang dag bka'/ /byang chub sems dpas gsungs pa yin zhes so/ / byang chub sems dpa'i sde snod dang ldan pa theg pa chen po'i mdo sde bcom ldan 'das ma 'phags ma sgrol ma ral pa gyen brdzes kyi rtsa ba'i cho ga las sgrub thabs kyi cho ga dang / dkyil 'khor gyi cho ga rab 'byam gyi le'u ste gsum pa rdzogs so// //de nas sems dpa' chen pos slar yang dkyil 'khor chen po de la kun du gzigs nas dngos po med pa'i rang bzhin yang dag par 'phags pa dgongs nas bcom ldan 'das ma rig pa'i rgyal po chen po de bzhin gshegs pa thams cad kyis gsungs shing mngon par yi rang bar gyur pa/ mchog gi sgrub pa'i cho ga ras ris kyi cho ga gsungs so/ /dang po ra zhig dge ba'i nyi ma la dpa' bo'i rin gyis nyos pa'i ras bal blangs nas bram ze'i bu mo'i lag pas ras bal byed du gzhug par bya'o/ /de nas ras bal de la lhag par gnas par bya ste rtsa ba'i rig pa dpa' bo'i rin gyis nyos pa'i dog pa blangs nas 'di skad ces brjod par bya'o/ /sangs rgyas dang byang chub sems dpa' dang / nyan thos dang / rang sangs rgyas thams cad lhag par gnas par mdzod cig /bcom ldan 'das dang / byang chub sems dpa' chen po rnams legs par 'tsho zhing bdag gi skye ba 'bras bu yod pa dang / sngags kyi dngos grub lhag par gnas par mdzod cig /de'i dus su rnga pa Ta ha dang / rnga bo che dang / dung dang / pi wang dang / gling bu dang / 'khar rnga dang / rnga mur dza'i sgra thos par gyur pa'am/ rgyal rigs sam/ rgyal rigs mo'am/ bud med dam/ khye'u'am/ bu mo'am/ mi rnams glo bur du 'di skad ces/ rgyal dang / grub pa dang / dngos grub sbyin pa dang / byin pa dang / zung shig dang / dpal dang / 'bras bu dang bcas pa dang / las kyi 'khor lo dang / mang po zhes pa 'di lta bu la sogs pa gzhan yang dge ba'i spra rab tu 'don pa dang / dril bu'i sgra byung ba dang / dga' ba'i sgra yang rung ste/ de rnams rig pa 'dzin pas sangs rgyas bcom ldan 'das rnams dang / byang chub sems dpa' rnams kyis kyi byin gyis brlabs par shes par bya'o/ /gzhan du dngos grub 'bras bu med do zhes pas so/ /de'i dus su de rnams ma rungs pa'i sgra 'byin pa'am/ zung shig /zo shig /'dzin du chu gcig /nyams pa rnam par brlag pa/ kyi hud/ ring ba med pa de lta bu la sogs pa'i sgra 'byin par byed pa dang / mi dang / ma he dang / ce spyang dang / bong bu dang / byi la dang / dud 'gro dman pa rkang gnyis pa/ rkang bzhi pa rnams kyi sgra 'don par gyur na/ de la sgrub pa pos mchog gi dngos grub med do zhes shes par bya zhing / skye ba 'di nyid la kun du brtul bar bya'o/ /slar yang snga ma bzhin du byas nas brtsam par bya ste/ de lta bu lan bdun gyis mtshams med pa lnga byed pa'ang bdun pa'i las kyi sbyor bas 'grub par 'gyur ro/ /zhes so/ /de nas sgrub pa pos gzhon nu ma de la srung ba byas nas ku sha'i khres la nye bar 'dug tu bcug ste shar du mngon par phyogs pa'am/ byang du mngon par phyogs par bzhag nas bdag nyid tsA ru'i ston mo bza' zhing gzhon nu ma de la yang tsA ru'i ston mo bzar gzhug par bya'o/ /snga ma kho nar yongs su brtags pa'i ku sha'i khres la cho ga de nyid kyis ras bal 'khal du gzhug par bya'o/ /dog pa de 'jam pa dang / legs par bsgrims pa sngar brlabs pa'i bu mos yang dag par blangs te/ gcig dang lnga dang brgyad la sogs pa nas ji srid bcu drug tsam gyi bar du kA ra ShA'i srang grangs legs par bgrangs pa dang ldan pa'i gzhon nu mas bya'o/ /de la rab ni bcu drug bya/ /de bzhin 'bring ni brgyad pa ste/ /phran tshegs las rnams bsgrub pa la/ /lnga dang gcig ni tha ma'o/ /sngags rnams kun la sngags rig pas/ / ji ltar nus pa bzhin du bya/ /de nas brtsams te gang cung zad/ /sdig pa'i las rnams sngon byas pa/ /dog pa la dmigs sems kyis ni/ /de yi skad cig nyid la 'jig /dog pa 'di ni blangs nas su/ /gtsang ma'i snod du gzhug par bya/ /phyogs su gyur par bzhag byas nas/ /ga pur gyi ni bdug pas bdug /srog chags yan lag min 'byung ba'am/ /gur gum tsan+dan la sogs sam/ /tsam pa ka sogs mA li ka/ /dri zhim me tog rnams kyis bsgos/ /gtsang ma'i phyogs su bzhag nas ni/ /srung ba'i cho ga byas nas ni/ /sngags rig las kun shes pa yis/ /shin tu mnyam bzhag bzlas par bya/ /de nas tha ga par song nas/ /ji ltar 'dod pa'i gla byin te/ /yan lag bral min skems min nyid/ /dkar po'i chos la rtag tu dga'/ /nad kyis gdungs min rgan po min/ /lud pa dbugs mi bde las grol/ /ma ning mtshan gnyis min pa dang / /de ni dman pa min nyid dang / /ngan par ltung ba spangs pa ni/ /kun nas mtshan nyid yang dag ldan/ /rab bsngags blta na sdug pa dang / /blo yis kun du spyod pa dge/ /'jig rten pa yi 'jug par brten/ /dngos grub 'dod pa de la ni/ /ras mchog 'thag pa byed pa la/ /rab bsngags dge ba'i stobs ldan nam/ /blo ldan bzo ni shin tu mkhas/ /shin tu mkhas par mchog gyur pa'i/ /ras ni 'thag byed mchog gis ni/ /ras kyi rab la bya ba yin/ /'bring la 'bring po sgrub par byed/ /tha mas phran tshegs las rnams ni/ /dman pa nyid ni kun las so/ /bzo bos ji ltar smra ba bzhin/ /de las gru ni ji bzhin sbyin/ /bzo bo yi ni dang po'i ngag /smras pa de las sngags rig pas/ /myur du rin ni sbyin par gyis/ /dpa' bo'i tshong zhes de la brjod/ /don du gnyer ba nyid dang de'i/ /rin gyi dngos po zlog par byed/ /myur du dngos grub byed gang 'di'i/ /ras ni bla na med pa'i mchog /las rnams shin tu mchod par 'os/ /lha dang mi yi bde nyid dang / /'byung po kun gyi dpal yin zhes/ /yang dag rdzogs sangs rgyas kyis gsungs/ /de nas rig pa 'dzin pas tha ga pa la gso sbyong byin nas/ shin tu dag pa'i rgyu skar la'am/ cho 'phrul gyi zla phyed la'am/ dkar po'i nyi ma'am/ dkar po'i gza' nges par bltas te dkar po'i zla phyed gzhan la'ang rung ste/ shing sa ha kA ri'i snye ma dang me tog skyes shing shing gi me tog dang yal ga rgyas shing dpyid ka'i dus/ dus kyi mchog der snga dro nyi ma 'char ba'i tshe sngar bstan pa'i rgyu mthun dang bcas pas tha ga pa tsA ru'i bza' ba zos shing gos dkar po gyon pa mgo la gtsug tor bcings nas legs par bkrus pa/ tsan+dan dkar po dang / gur gum dag gang yang rung bas legs par byugs pa/ lus la rjes su byugs pa/ ga pur gyi dris kha bsgos pa/ yid dga' zhing bkres pa dang / skom pa dang bral bar byas nas/ thags kyi snas la sogs pa'i yon tan thams cad kyang sa dang / ba lang gi lci ba dag gis bkrus te gsar pa rnams kyang slar yang ba'i rnam lngas bkru bar bya'o/ /de nas srog chags med pa'i chus bkru bar bya'o/ /tsan+dan dkar po dang / gur gum gyis mngon par gtor bar bya'o/ /sa'i phyogs gtsang ma ca co dang bral zhing / ljongs kyi mi dang bral ba rnam par dben pa'i gnas bla gab dang bcas shing gsang bar me tog dang bdug pa la sogs pas mchod do/ /de nas rjes su sgrub pa pos yang dag par sbyong bar byed pa'i sngags nyid yungs kar dkar po la brgya rtsa brgyad mngon par bsngags par byas nas phyogs bzhi rnams dang / steng dang 'og dang phyogs bral rnams su gtor bar bya'o/ /de nas tha ga pa la yungs kar gyis yang dag par bsnun nas phyag rgya chen pos gtsug phud lnga pa bcings te/ gtsug tor bcing ba byas na srung ba chen po byas par 'gyur ro/ /gal te ras rab yin na zheng du khru bzhi/ chur khru brgyad kyi tshad 'di tsam du tha ga pas bran par bya'o/ /'bring por gyur na zheng du khru do chur khru lnga nyid do/ /tha ma ni bde bar gshegs pa'i mtho gang gi tshad la chur ni sangs rgyas kyi khru gang nyid do/ /de las sangs rgyas bcom ldan 'das kyi mtho gang ni yul dbus kyi skyes bu tshad dang ldan pa'i khru gcig ste/ 'di ni bde bar gshegs pa'i mtho'o zhes bsgrags te tshad 'dis tshad kun du bshad do/ /'di ni phur pa'i dngos grub tu/ /skyes bu mchog gis gsungs pa yin/ /thub pa mi snang gyur 'og tu/ /rgyal srid 'dod la 'bring po ste/ /longs spyod chen po don gnyer ba'i/ /skyes bu lha dang lha min dang / /gdengs can tha ma grub par bshad/ /'bring la dngos grub 'bring po'o/ /ras 'bring po ni rtag pa ru/ /sems can kun gyi las rnams sgrub/ /phran tshegs las rnams bsgrub bya la/ /ras tha ma ni rtag pa ru/ /las rnams thams cad sgrub par byed/ /rdzas rnams kun la rtag tu ni/ /las rnams thams cad sgrub par byed/ /ras ris gsum gyis nges bstan pa'i/ /dngos grub dpal don gnyer ba'i mi/ /brgya byin bde sogs bdag po yang / /cho ga nyams na mi 'grub ste/ /cho ga yang dag ldan gyur na/ /mi yi skye bo phal pa la'ang / /'bad pa yis ni las rnams kun/ /myur ba nyid du 'grub par 'gyur/ /rgyal dang rgyal mchog sras rnams kyis/ /sbyor ba 'di ni yang dag bshad/ /sems can bkren pa mgon med pa/ /sdug bsngal gyis gdungs kun gyi dpal/ /byang chub lam du gang 'di ni/ /de nyid gzigs pa rnams kyis bstan/ /chos 'di byang chub rgyu yin par/ /sngags kyi lam gyis bstan pa yin/ /dkyil 'khor yang dag bstan pa gang / /'jig rten dkyil 'khor thams cad dang / /'jig rten 'das pa'ang 'grub 'gyur te/ /'bad pa med par sngags rnams 'grub/ /gang zhig byang chub rgyur 'dod pa/ /de la rtag tu dngos grub 'gyur/ /rtag tu 'gro la mi phan pa/ /gzhan la dngos grub med par gsungs/ /byang chub ched du 'jug kun la/ /ras ris thams cad 'grub par gsungs/ /spyan ras gzigs kyi dbang phyug gi/ /dam tshig 'di ni khyad par du/ /myur du bya ba'i don bsgrub phyir/ /'dir ni mtha' dag thob pa ru/ /bcom ldan 'das kyis gsungs pa yin/ /de nas rim gyis bzo bo yis/ / 'bad pas ras ni btag par bya/ /nyin zhag lnga dang brgyad rnams dang / /bcu drug gnyis ka bzhi dag dang / /nyin mtshan nyid kyis myur ba ru/ /ras ni 'thag pa rdzogs pa dang / /bzo bo mchog tu grub pa ni/ /nyin mtshan gyis ni dge ba yin/ /gtsang sbra'i spyod pa phun sum tshogs/ /bzo bo rtag tu byin brlabs pa/ /thag ring gnas su song nas ni/ /bshang dang gci ba yongs su dor/ /'ongs pa'i gos dang bcas bkral nas/ /gzhan pa'i gos gzhan bgo bya zhing / /gos dkar 'chang zhing phreng bar ldan/ /yang dang yang du nye reg bya/ /lus la tsan+dan dkar pos byug /bzo la sogs pa gtsang bar bya/ /rtag tu 'jam zhing legs sbyangs pas/ /slar yang 'bad pas btag par bya/ /de la sogs pa'i rab sbyor ni/ /rgyal ba gzhan gyis gsungs pa'am/ /'bad pas rnam dpyad dang tshul gyis/ /ras ni ma lus btag par bya/ /ras kyi thags ni rdzogs pa dang / /sngar gyi las kyis legs sprul pa/ /de rnams tshad ldan mnyams pa/ /bya'o bzang po'i nyin zhag la/ /rgyud dang rgyud du mnyam par 'jug /dkar po'i phyogs kyi mdzes pa la/ /'od ma'i shing ni khru bzhi la/ /ras ni blangs nas de nas 'gro/ /nor ni rgya cher 'god pa yis/ /bzo bo bde legs byas nas ni/ /brtul zhugs bzang po legs spyod pa'i/ /sngags pa ji ltar 'dod song nas/ /dri zhim me tog gis mchod de/ /gtsang ba'i phyogs su rnam par dgod/ /'di nyid kyis ni sngags kyis ni/ /srung ba'i cho ga rab tu byed/ /gang zhig ras bal sngon du ni/ /slar yang rnam mang yongs sbyangs pa/ /de nyid kyis ni bdag nyid dang / /ras nyid bsrung bar bya ba'o/ /byang chub sems dpa' dpa' bo che/ /sngags bzlas pa yis gsungs pa yin/ /sangs rgyas rnams ni mang pos dang / /ngas kyang de ni slar yang ste/ /de nyid gsang sngags thams cad kyis/ /rnam par spyod pa'i sngags kyi gzugs/ /brtson 'grus chen po gzi brjid che/ / sngags kyi don kun sgrub pa po/ /sna tshogs skyob pa'i rgyu rnams ni/ /rnam pa sna tshogs byed par 'gyur/ /'dzam gling gnas pa'i sems can rnams/ /sems kyi spyod pa kun du rmongs/ /dad pa med cing phyin ci log /log pa'i kun spyod la rab brkam/ /sngags rnams sgrub par mi byed pa'i/ /de nyid phyir na slar gsungs pa/ /'khor ba mun pa'i btson rar 'khyams/ /gang yang rtag tu yid dag cing / /dad ldan ltad mo bkra shis dang / /sngags rnams kun la rtag tu spyod/ /bdag nyid chen po dngos grub 'dod/ /rtag tu 'dzin cing 'chang ba dang / /spro ba che zhing gzi brjid che/ /rgyal bas gsungs pa'i sngags rnams gang / /'bad pa med par yang dag 'grub/ /dad pa med pa'i skye bo la/ /dkar po'i chos rnams mi skye ste/ /sa bon tshwa sgor btab pa la/ /myu gu med cing 'bras med bzhin/ /dad pa rtag tu chos kyi rtsar/ /don kun gzigs pas gsungs pa yin/ /chos don ngang tshul can de rnams/ /sngags kyis dngos grub rtag tu brjod/ /de nas sgrub pos bzo bo ni/ /ri mo mkhan nam bdag kyang rung / /ri mo mkhas pas ma 'dres pa'i/ /tshon rtsi kha dog gsal ba dang / /kha dog can gyi tshon blangs nas/ /ji ltar tha ga pa la ni/ /sngar gyi cho ga de nyid kyis/ /mtshan nyid yang dag ldan pa yis/ /ri mo mkhan la gong bzhin du/ /rgyas pa ru ni bya ba'o/ /ji ltar sngar bzhin tha ga pa'i/ /cho ga de nyid kyis ni de/ /ras la ri mo bri bar bya/ /yang na rang gis ri mo bri/ /ga pur gur gum tsan+dan las/ /so phag tshon la bsgo bar bya/ /bdug pa bsregs shing sngags nyid kyis/ /lan grangs brgya rtsa brgyad bzlas nas/ /nA ga ge sar pun+nA ga/ /ba ku lA dang tsam pa kA/ /bA ri Shi ka d+hA na sku/ /mA li ta yi me tog sogs/ /ras de la ni mngon par gtor/ /shar du mngon phyogs ku sha yi/ /khres la nyer 'dug dad pa'i blos/ /sangs rgyas byang chub sems dpa' kun/ /sems dpar gyur pas 'di phra mo/ /lag pas blangs nas ma 'khrugs pa'i/ /sems kyis ras la ri mo bri/ /dang po re zhig /de bzhin gshegs pa shAkya thub pa bri bar bya ste rnam pa thams cad kyi mchog dang ldan pa/ skyes bu chen po'i mtshan sum cu rtsa gnyis kyis mtshan pa/ dpe byad bzang po brgyad cus nye bar mdzes pa'i sku rin po che'i pad+ma la bzhugs pa kun nas 'od 'bar ba/ kun nas 'od 'dom gang gis nye bar mdzes pa'i sku/ chos ston par mdzad bzhin pa/ rab tu dang ba'i sku/ rnam pa thams cad kyi mchog dang ldan pa/ dbus na gnas pa'i pad+ma bai DUr+ya'i sdong po can/ 'og na klu'i rgyal po sra ba gdan chen po pad+ma'i sdong bu de la 'dzin bzhin pas de bzhin gshegs pa la lta zhing lag pa g.yas pas phyag 'tshal ba/ dkar po rgyan thams cad kyis rnam par brgyan pa/ lus phyed mi'i rnam pa can gyi dga' bo dang / nye dga' bo bri bar bya'o/ / pad+ma'i mtsho de'i khor yug tu pad+ma'i 'dab ma dang / me tog dang / cung zad kha bye ba dang rnam par kha bye ba dang / chu las skyes pa'i bya dang / nya la sogs pas mngon par khyab pa/ ma lus par bkod pa/ mdzes pa'i rnam par mngon par bri bar bya'o/ / gang bcom ldan 'das kyi rtsa ba'i pad+ma'i sdong bu dang / 'dab ma de nyid la rnam par 'phros pa'i pad+ma'i me tog du ma rnams rim gyis mtho ba'o/ /g.yon gyi gzhogs su pad+ma'i me tog brgyad de/ de rnams la yang pad+ma rnams la bzhugs pa'i byang chub sems dpa' chen po brgyad kyi sku mngon par bri bar bya'o/ /dang po re zhig 'phags pa spyan ras gzigs dbang phyug pad+ma'i ze ba ltar cung zad dkar ba'i gur gum dang / gser gyi mdog can 'od dpag tu med pa'i cod pan gyis dbu la rnam par brgyan pa/ phyag na ut+pa la sngon po 'dzin pa g.yas kyi phyag gis de bzhin gshegs pa la phyag 'tshal bar byed bzhin pa/ sku mdzes pa de bzhin gshegs pa lta ba zhi ba'i rnam pa/ bzhin cung zad 'dzum pa/ kun nas 'bar bas 'khrigs pas dkyil 'khor gyi dbus su gnas pa'o/ /pad+ma gzhan la ni 'phags pa zla 'od gzhon nu de bzhin du mngon par bri bar bya'o/ /gsum pa la nor / /bzhi pa la sgrib pa thams cad rnam par sel ba'o/ /lnga pa la nam mkha' mdzod do/ /drug pa la sa'i snying po'o/ /bdun pa la 'jam dpal lo/ /brgyad pa la spyan bzang ste/ 'di dag thams cad gzhon nu'i cha byad can/ /gzhon nu rgyan gyis mngon par brgyan pa mngon par bri bar bya'o/ /bcom ldan 'das kyi g.yas kyi gzhogs su byang chub sems dpa' chen po brgyad la/ byams pa ma gtogs pa rgyan thams cad kyis rnam par brgyan pa ste/ bcom ldan 'das kyi nye logs su 'phags pa byams pa tshangs par spyod pa'i cha byad 'dzin pa/ dbu la ral pa'i cod pan bcings pa/ gser mdog ngur smrig dmar po gsol ba/ dar la dmar po'i stod g.yogs byas pa/ tshom bu gsum gyi mtshan ma byas pa/ gzugs mdzes pa dbyig pa dang / ril ba spyi blugs g.yon gyi phyag tu bkod pa/ kr-iSh+Na sA ra'i pags pa phrag pa g.yon du bgos pa/ phyag g.yas pa bgrang phreng bzung nas de bzhin gshegs pa la phyag 'tshal bar byed bzhin pa/ der gtod pa'i lta ba/ bsam gtan la dmigs pa'i sems kyi spyod pa can no/ /pad+ma gnyis pa la 'phags pa kun du bzang po pri yang ku ltar sngo bsangs kyi mdog sku rgyan thams cad kyis brgyan pa/ phyag g.yon pas yid bzhin gyi nor bu rin po che bsnams pa/ phyag g.yas pas dpal 'bras bsnams nas mchog sbyin pa/ mdzes pa'i gzugs can de bzhin du mngon par bri bar bya'o/ /gsum pa la 'phags pa spyan ras gzigs dbang phyug ston ka'i sprin ltar dkar ba/ gser gyi rgyan gyis rnam par brgyan pa/ ral pa'i cod pan 'chang ba/ mchod phyir thogs dkar po can/ thams cad mkhyen pa dbu la byas pa/ 'phags pa 'od dpag med stobs bcu pa/ ral pa'i nang du nye bar bzhugs pa/ gzugs mdzes pa/ phyag g.yon na pad+ma bsnams pa/ phyag g.yas mchog sbyin pa/ bsam gtan la dmigs par gyur pa'i sems kyi spyod pa can sku kun nas gsal bar gyur pa'o/ /bzhi pa la 'phags pa phyag na rdo rje phyag g.yon pas rdo rje bsnams pa/ phyag g.yas pas nye bar 'gog pa 'bras bu dang bcas pa bsnams nas mchog sbyin pa/ gser mdog rgyan thams cad kyis rnam par brgyan pa/ mdzes pa'i gzugs can zhi ba'i lta ba dang ldan pa/ do shal phyed pas lus nye bar dkris pa/ mu tig gi do shal gyi mchod phyir thogs byas pa/ cod pan rin po che 'bar bas rnam par 'phro ba/ dar srab mo'i sham thabs dang / dar la dkar po'i bla gos byas pa'o/ /'phags pa spyan ras gzigs dbang phyug dang kun du bzang po'i sham thabs dang / bla gos kyang de bzhin no/ /lus kyi rnam pa ni sngar bstan pa ji bzhin no/ /de bzhin gshegs pa'i pad+ma lnga pa la 'phags pa blo gros chen po/ drug pa la zhi ba'i blo gros/ bdun pa la rnam par snang mdzad kyi snying po'o/ /brgyad pa la ngan song spong ba zhes pa'i byang chub sems dpa' 'di rnams phyag na 'bras bu dang glegs bam bsnams pa/ rnam pa kun du mdzes pa/ dar la'i stod g.yogs can/ rgyan thams cad kyis rnam par brgyan pa/ g.yo ba dang ldan pa'i sku ngur smrig dmar po gsol ba/ skyil mo krung gis nye bar 'dug pa rin po che'i rdo leb la bzhugs pa zhi ba'i cha byad can/ kun nas 'bar ba'i phreng bas 'khrugs pa/ dri zhim po'i me tog gis gcal du bkram pa la 'di lta ste/ mA la tI dang / bAr+Shi kA dang / d+ha nu ska ri kA dang / pun+nAg dang / nA ga ge sar la sogs pa'i me tog rnams kyis ras la kun nas gcal du bkram bzhin pas mngon par bri'o/ /bcom ldan 'das shAkya thub pa'i g.yon gyi gzhogs su 'phags pa 'jam dpal gang yin pa'i steng du rin po che du mas spras pa'i shin tu ring po'i rnam pa'i gzhal med kyi dkyil 'khor ro/ /brag ri'i rgyal po nye bar mdzes pa rin po che'i rdo leb kyis bkab pa ri bo'i rnam pa lta bur mngon par bri bar bya'o/ / der gnas pa'i sangs rgyas bcom ldan 'das brgyad mngon par bri bar bya ba la 'di lta ste/ rin chen gtsug tor can rin po che bai DUr+ya'i 'od rnam par 'phro ba/ kun nas 'od 'dom gang ba/ pad+ma rA ga dang / in+d+ra nI la dang / ma ra ka ta la sogs pa dang / bai DUr+ya dang / rdo'i snying po la sogs pa nor bu rin po che chen po'i khyad par rnams kyis kun nas rab tu 'bar bzhin pa/ cung zad nyi ma 'char ka'i mdog 'dra ba/ de bzhin gshegs pa'i sku chos gos ser po'i stod g.yogs mnabs pa/ skyil krung gis bzhugs pa/ chos ston par mdzad bzhin pa/ sham thabs ser po mnabs pa sku la skyes bu chen po'i mtshan gyis go cha bgos pa/ dpe byad bzang po brgyad cus nye bar mdzes pa'i sku rab tu zhi ba'i gzigs stangs can/ rnam pa thams cad kyi mchog dang ldan pa'i de bzhin gshegs pa rin chen gtsug tor can mngon par bri'o/ /gnyis pa la de bzhin gshegs pa me tog yang dag par skyes pa'i rgyal po'i dbang po gser gyi mdog tu mngon par bri bar bya'o/ /nA ga ge sar ches bzang ba dang / ba ku la la sogs pa'i me tog rnams kyis mngon par gtor ba mngon par bri bar bya'o/ /'phags pa 'jam dpal la mngon par gzigs bzhin pa kun nas 'od can rin po che'i 'od rnam par 'phro ba'i mthar thug pa'o/ /gsum pa la de bzhin gshegs pa sA la'i dbang po'i rgyal po mngon par bri bar bya ste pad+ma'i ge sar gyi mdog tu snang ba/ chos ston par mdzad bzhin pa'o/ /bzhi pa la de bzhin gshegs pa spyan bzang mngon par bri bar bya'o/ /lnga pa la bzod par dka' ba'o/ /drug pa la rnam par snang mdzad rgyal ba'o/ /bdun pa la sman gyi bla bai DUr+ya'i 'od kyi rgyal po'o/ /brgyad pa la de bzhin gshegs pa sdug bsngal thams cad rab tu zhi bar byed pa'i dbang po'i rgyal ba mngon par bri bar bya ste/ thams cad gser gyi kha dog can de bzhin gshegs pa'i sku'i rnam pa mi 'jigs pa sbyin par mdzad pa'o/ /de bzhin gshegs pa rnams kyi steng du yang bris sku'i zur gnyis ka nas sprin gyi go bar na gnas pa'i gnas gtsang ma'i ris kyi lha'i bu gnyis me tog gi char 'bebs par byed bzhin pa bri'o/ /bar snang la gnas nas sangs rgyas dang byang chub sems dpa' dang rang sangs rgyas dang 'phags pa nyan thos thams cad la phyag 'tshal bar byed bzhin pa/ mngon par bri bar bya'o/ /rang sangs rgyas rnams kyi byang du 'phags pa nyan thos chen po brgyad byang chub sems dpa' rnams dbu'i gnas spangs pa'i steng du mngon par bri bar bya'o/ /'di lta ste/ gnas brtan shA ri'i bu dang / maud gal gyi bu chen po dang / 'od srung chen po dang / rab 'byor dang / sgra gcan 'dzin dang / dga' bo dang / bzang ldan dang / ka pi na zhes pa'o/ /rang sangs rgyas kyis rnams 'di lta ste/ dri ngad can dang / tsan+dan dang / nye ba'i 'chi ltas dang / dkar po dang / si ka dang / dbang po dang / mu khyud dang / mu khyud bzang po zhes pa'o/ /thams cad mchog tu shin tu mdzes pa zhi ba'i cha lugs/ zhi ba'i bdag nyid/ rab tu dul ba'i rnam pa'o/ /nyan thos chen po rnams thal mo sbyar bar byas nas sangs rgyas bcom ldan 'das shAkya thub pa la nges par rtog par byed pa'o/ /steng ngos su'ang gnas gtsang ma'i lha dang / nye bar gnas pa'i lha'i bu gzhan gnyis dar gyi bla re kun nas chur ring zhing shin tu mdzes pa bzung nas sangs rgyas dang byang chub sems dpa' dang rang sangs rgyas dang / 'phags pa nyan thos thams cad kyi steng du 'dzin par byed bzhin pa lha'i phreng ba dang gos 'chang ba'i lha'i bu mngon par bri'o/ /bcom ldan 'das shAkya thub pa'i steng ngos su dbu la mu tig gi do shal dang / rin po che'i skud pa la pad+ma rA ga dang / in+d+ra nI la la sogs pa rnams kyis brgyus pa'i rin po che'i skud pa'i tshogs de la dar gyi bla re legs par bkod cing khor yug tu'ang mu tig gi do shal rab tu 'phyang ba mdzes par gyur pa mngon par bri bar bya'o/ /sangs rgyas bcom ldan 'das kyi pad+ma'i gdan gyi 'og tu byang chub sems dpa' chen po dang nye bar klu'i rgyal po nye dga' bo'i gzhogs su rin po che'i ri bo/ pad+ma'i mtsho las mngon par 'phags pa/ rin po che'i n+yu gu dang / phug dang / ri sul dang / byi ru'i 'khri shing yongs su dkris pa'i rin po che'i shing dang / drang srong chen po nye bar gnas shing bsten pa'i ri bo/ /de'i steng du khro bo'i rgyal po sgrol mas non pa drag po chen po'i gzugs can phyag g.yon pas zhags pa bzung nas/ g.yas pas dbyug pa 'dzin pa/ bzhin khro gnyer can/ byang chub sems dpa' chen po la blta zhing bka' nod par byed bzhin pa/ gsus pa rlo ba/ skra gyen du brdzes pa/ mig sman nag po sprin dang mtshungs pa/ ag tshom ser skya dang / skra ring zhing sen mo ring ba/ mig dmar ba/ mgrin pa'i phyogs sbrul gyis brgyan pa/ stag gi pags pa'i sham thabs can/ bgegs thams cad rnam par 'joms pa/ ches mi bzad pa chen po/ khro bo'i rgyal po chen po/ kun nas 'bar ba/ khro bo'i rgyal po sgrol mas non pa rnams 'di nyid kho nas bri bar bya'o/ /de'i 'og tu ral pa can de dang de'o/ /ri de'i 'og tu rdo'i steng du nye bar 'dug pa/ pus mo sa la 'dud pa'i lus can lag pa spos phor thogs pa/ cha byad dang / dbyibs dang / 'jug pa dang spyod pa ji lta ba bzhin du byas pa/ 'phags pa 'jam dpal la lta bar gyur pa yang dag par bri'o/ /bcom ldan 'das shAkya thub pa'i 'og g.yas kyi gzhogs su klu'i dbang po'i rgyal po dga' bo dang / nye logs su pad+ma'i mtsho las mngon par 'phags pa'i rin po che'i ri'i dbang po'i rgyal po gzhan gsungs pa de bzhin du mngon par bri ste/ khro bo'i rgyal po sgrol mas non pa phan pa lha'i me tog gcal du bkram pa mngon par bri ste/ ri de ni spyan ras gzigs dbang phyug gi 'og tu bri'o/ /ri de ni shin tu mtho ba/ pad+ma rA ga'i rdo leb dang / de nyid kyi myu gu dang / bai DUr+ya'i rang bzhin gyi rtse mo'i rnam par bri bar bya'o/ /de la brten pa'i lha mo spyan ras gzigs dbang phyug gi thugs rje/ 'phags ma sgrol ma lus rgyan thams cad kyis brgyan pa/ dar la dmar po'i stod g.yogs dang / dar la khra bo'i sham thabs can bud med kyi rgyan thams cad kyis rnam par brgyan pa/ phyag g.yon na ut+pal sngon po bsnams pa/ gser mdog can ma/ ha cang mi sbom/ ha cang mi rgan pa/ sems bsam gtan la gnas pa/ bka' nod cing 'dug pa/ phyag g.yas pas mchog sbyin par 'dod pa/ lus cung zad btud pa/ skyil mo krung gis nye bar 'dug pa/ 'phags pa spyan ras gzigs dbang phyug la cung zad lta bar gyur pa/ kun nas 'bar ba'i phreng bas yongs su bskor ba'o/ /de nyid du'ang rin po che bai DUr+ya'i rtse mo de nyid du'ang / pun+nA ga'i shing gis yongs su bskor ba/ yal ga thams cad la kun nas me tog gis spras shing / kha bye bar gyur pas bcom ldan 'das ma sgrol ma la mngon par bkab pa/ yal ga dud pa de nyid kyis kyang shin tu bkra ba'i byi ru'i myu gu 'brel ba rnam par bkra ba'i gzugs can gyi tshon rtsi 'bar ba na lha mo sgrol ma'i bzhin kun du snang bar mngon par bri'o/ /lha mo bgegs kun 'joms pa mo/ /'jigs pa 'joms par byed pa'i mchog /sgrub pa po ni srung don du/ /mchog sbyin dge ba bri bar bya/ /bud med gzugs 'chang lha mo ni/ /thugs rje stobs bcu ldan pa'i sras/ /'byung po kun gyi dpal yin te/ /mchog sbyin byed ma bri bar bya/ /lha mo las chen byed pa mo/ /byang chub sems dpa' 'od chen po/ /bgegs kun rnam par 'joms don du/ /sgrub pa po ni kun du 'dod/ /mi dbang rnams ni srung don du/ /dpal gyi don du rab tu grags/ /khro rgyal dbang po gang yin te/ /ri yi rtse mor gnas 'dod pa/ /bgegs kun rnam par gzhig pa'i phyir/ /rgyal mchog sras rnams kyis gsungs so/ /drag po chen po brtson 'grus che/ /gtum chen 'od zer chen po ste/ /bstan pa la sdang sems can rnams/ /tshar bcad ched nyid rab tu brtag /sgrub pa po ni srung don dang / /bgegs rnams thams cad 'joms pa dang / /mi bzad khro bo'i ngang tshul can/ /sngags kyi lha rnams 'gugs par byed/ /shin tu drag po drag gzugs can/ /brtse ba med cing nges par 'gog /sdig pa drag po spyod pa rnams/ /dbang du ma gyur dbang du byed/ /mkha' spyod sa la spyod pa dang / /kun nas sa 'og spyod pa dang / /thub pa'i bstan pa 'gal byed pa'i/ /gdug pa thams cad 'joms par byed/ /ras ni kun nas gru bzhi dang / /grwa bzhi dag tu bri bar bya/ /ras kyi 'og gi mtha' rnams su'ang / /chu bo rgya cher bya ba yin/ /klu ni gdengs kas mtshan pa can/ /gcig nyid kun du bya ba yin/ /yan lag dkar zhing bzang ba dang / /lus phyed mi yi rnam par skyes/ /rtag tu thal mo sbyor byed pa/ /mgo bo'i steng du bzhag byas nas/ /gdengs ka bdun pa brtson 'grus che/ /dbang chen ldan pa'i klu de ni/ /ming ni mtha' yas zhes bya yin/ /de bzhin gshegs la nges par lta/ /nor bu rin chen gyis mdzes shing / /shin tu mdzes shing gzugs mdzes pa/ /rin chen rgyan gyis rnam par brgyan/ /'bar ba'i phreng ldan kun du bri/ /klu dbang chen por rnam par grags/ /thub pa'i bstan la rab zhugs pa'i/ /'jig rten kun la phan par brtson/ /bgegs kun rnam par gzhom don du/ /chu bo la brten bri bar bya/ /de la ras kyi cho ga 'di/ /mdor bsdus rgyal bas gsungs pa yin/ /rgyas par de bzhin gshegs rnams kyis/ /kun nas bshad pa sngar gsungs so/ /mkhas pa gang zhig 'dri byed pa/ /de yi bsod nams mtha' yas so/ /sdig pa shin tu mi bzad pa/ /bskal pa bye ba byas pa gang / /sa stengs bris sku mthong ba yis/ /de yi skad cig nyid la 'joms/ /mtshams med lnga po byed pa dang / /tshul khrims 'chal dang smad pa dang / /sdig pa kun la rab 'jug dang / /'khor bar yongs su rgyu ba yi/ /'gro ba skye gnas dman pa rnams/ /de rnams ras ris 'dzin mi gzhug /de rnams ras ris mthong bas ni/ /'bras bu yod par thub dbang gsungs/ /de phyir mthong ba tsam gyis ni/ /skad cig de la sdig pa 'jig /dag pas 'jug pa nyid dang ni/ /rjes su zlos pa dag 'jug pa/ /sngags mnyan pa la brtson pa yi/ /mi rnams grub thob smos ci dgos/ /bskal pa bye bar sangs rgyas kun/ /mchod pa'i bsod nams gang yin pa/ /sa stengs ras ris 'dri ba yi/ /sngags pa bsod nams de thob 'gyur/ /gang gA yi ni bye ma yi/ /tshad du grags pa gang yin pa/ /de yi tshad gyur sangs rgyas dang / /rgyal sras rang rgyal bse ru dang / /nyan thos rnams la 'jig rten du/ /slar yang lan mang mchod ston gsol/ /'bras bu thob pa gang yin de'i/ /sngags pa ras ris bris pa dang / /mthong dang cho ga klog pa dang / /rjes su yi rang ba nyid dang / /cho ga thams cad rab brtags pa/ /de yi sngags kyi dngos grub des/ /ji srid 'jig rten pa yi sngags/ /gang zhig rgyal ba skyes mchog dang / /de slob bse ru lha rnams dang / /byang chub sems dpa' bdag nyid ches/ /gsungs pa'i sngags rnams thams cad ni/ /ras ris 'di yi spyan sngar 'grub/ /byang chub sems dpa'i sde snod phal po che theg pa chen po'i mdo sde las/ bcom ldan 'das ma 'phags ma sgrol ma ral pa gyen du brdzes pa'i rtsa ba'i cho ga rab 'byam gyi bris sku dang po rdzogs so// //de nas bcom ldan 'das shAkya thub pas thams cad dang ldan pa'i 'khor la gzigs nas byang chub sems dpa' sems dpa' chen po spyan ras gzigs dbang phyug la bka' stsal pa/ sems dpa' chen po gzhan yang khyod kyi ras ris kyi cho ga bar ma yod de/ de ngas bshad par bya yis/ de legs par nyon la legs par yid la gyis shig /bshad par bya'o/ /dang po re zhig sngar bstan pa'i dog pa dang / sngar brjod pa nyid kyi cho ga dang / sngar yongs su brtags pa'i bzo bo dang / sngar gyi tshad bar ma nyid kyis ras shin tu dag pa/ 'jam pa/ shin tu sbyangs pa/ kha tshar dang bcas pa/ tshon ma 'dres pa/ skra dang 'dres pa dang bral ba la sogs pa rnams kyis tshad dang gzugs ma gtogs pa dang po ji lta ba de bzhin nyid kyis ras ris phyi ma 'drir gzhug par bya'o/ /dang po re zhig gnas gtsang ma'i gnas kun nas mdzes pa'i rnam pa rin po che shel gyi rang bzhin lta bu mu tig dkar po'i do shal gyis brgyan pa/ de'i dbus su bcom ldan 'das shAkya thub pa 'drir gzhug par bya ste/ rin po che seng ge'i khri la nye bar bzhugs pa/ chos ston par mdzad bzhin pa/ rnam pa thams cad kyi mchog dang ldan pa'o/ /g.yas kyi gzhogs su 'phags pa spyan ras gzigs dbang phyug pad+ma'i ge sar du snang ba'am/ gur gum mam/ nyi ma'i kha dog can/ phrag pa g.yon pa'i phyogs su pad+ma bsnams pa/ thal mo sbyar ba byas te bcom ldan 'das shAkya thub pa la nges par rtog bzhin pa/ bzhin cung zad 'dzum pa/ byang chub sems dpa' chen po/ bde legs dbus ma'i cod pan can/ mchod phyir thogs dkar po can/ pus mo g.yas pa'i lha nga dang / mgo 'dud pa'o/ /bcom ldan 'das shAkya thub pa'i g.yon gyi gzhogs su phyag na rdo rje pri yang ku ltar sngo bsangs sngar ji ltar bstan pa de bzhin du mngon par bri'o/ / 'on kyang bcom ldan 'das la rnga yab g.yob par byed bzhin pa'o/ /de'i gzhogs su 'phags pa byams pa dang / kun du bzang po dang / phyag na rdo rje dang / blo gros chen po dang / zhi ba'i blo gros dang / nam mkha' mdzod dang / sgrib pa thams cad rnam par sel ba ste 'di rnams rim gyis mngon par bri bar bya ste/ dang po ji lta ba bzhin du rgyan thams cad kyis brgyan pa 'drir gzhug par bya'o/ /de rnams kyi steng du sangs rgyas bcom ldan 'das brgyad 'drir gzhug par bya ste/ bzhugs pa phyag g.yas mi 'jigs pa sbyin pa/ chos gos ser po'i bla gos mnabs pa'i sku can/ phyag g.yon pas chos gos kyi rna ba 'dzin pa/ cung zad dmar bar snang ba'i ngur smrig gi sham thabs can kun nas snang ba'i rnam pa thams cad kyi mchog dang ldan pa 'di lta ste/ de bzhin gshegs pa me tog rab tu rgyas pa'i rgyal po dang / rin chen gtsug tor can dang / thams cad skyob dang / log par dad sel dang / gser thub dang / 'od srung dang / spyan bzang zhes pa'i sangs rgyas bcom ldan 'das 'di rnams 'drir gzhug par bya'o/ /bcom ldan 'das kyi g.yas kyi gzhogs su 'phags pa spyan ras gzigs dbang phyug dang / nye bar 'khor gyi dkyil 'khor chen po 'drir gzhug par bya'o/ /nyan thos chen po brgyad dang / rang sangs rgyas brgyad sngar ji ltar bstan pa de bzhin du 'drir gzhug par bya ste/ 'on kyang 'phags pa maud gal gyi bu chen po dang / shA ri'i bu bcom ldan 'das shAkya thub pa la rnga yab g.yob par byed bzhin du 'khor ba'i lus su mngon par bri bar bya'o/ /de bzhin du gnas gtsang ma'i ris kyi lha'i bu mngon par bri bar bya'o/ /lha rnams kyi dbang po brgya byin dang / rab 'thab bral dang / dga' ldan dang / 'phrul dga' dang / dag pa dang / dri ma med pa dang / shin tu mthong dang / 'od gsal dang / tshangs pa mi mjed kyi bdag po dang / 'og min te de lta bu la sogs pa'i lha'i bu gzugs na spyod pa dang / 'dod pa na spyod pa'i lha'i bu rnams rim gyis mngon par bri bar bya'o/ / spyan ras gzigs dbang phyug dang nye bar gnas pa'i 'khor gyi dkyil 'khor nye bar spras pa dgod de/ rang gi gzugs dang cha byad 'chang ba 'drir gzhug par bya'o/ /bcom ldan 'das kyi seng ge'i khri'i 'og tu rgya mtsho chen po las mngon par 'phags pa'i kun nas rin po che'i ri bo ji srid du ras kyi mtha' mar 'drir gzhug par bya ste/ ras kyi mtha'i grwa'i phyogs gcig tu sgrub pa po cha byad dang dbyibs ji lta ba'i rnam pa pus mo dang / mgo bo btud pa/ lag pa spos phor thogs pa 'drir gzhug par bya'o/ /rin po che'i ri bo de la 'phags pa spyan ras gzigs dbang phyug gi 'og tu khro bo'i rgyal po sgrol mas non pa sngar ji ltar nges par bstan pa de bzhin du mngon par bri'o/ /bcom ldan 'das kyi g.yon gyi gzhogs kyi seng ge'i khri'i 'og tu 'phags pa spyan ras gzigs dbang phyug gi zhabs kyi drung dang nye ba der rin po che'i ri la bzhugs pa'i lha mo sgrol ma mngon par bri ste sngar ji ltar nges par bstan pa de bzhin 'drir gzhug par bya'o/ /ras de'i khor yug tu'ang me tog sil ma mngon par gtor te tsam pa ka dang / ut+pa la sngon po dang / pad+ma dang / sau gan+d+hi ka dang / mA la tI dang / bar+Shi ka dang / d+hA nuskAr+Shi kA dang / pun+nA ga dang / nA ga ge sar la sogs pa'i me tog rnams kyis kho ra khor yug tu gcal du bkram par bya'o/ /ras kyi steng / ras kyi mtha'i grwa gnyis su lha'i bu gnyis me tog gi tshogs 'thor bar byed bzhin pa/ gzugs rnam par bkra ba/ bar snang la gnas pa'i char sprin gyi nang na lding ba kha dog dkar por mngon par bri bar bya'o/ /'di ni ras ris 'bring por brjod/ /rtag tu dge legs don 'byung ba/ /sa stengs skye bo mi rnams la/ /dngos grub 'bring po sbyin par byed/ /'khor bar kun du 'khor ba na/ /sdig pa cung zad sngon byas gang / /'dir ni bris sku mthong ba yis/ /de yis skad cig nyid la 'jig /sems can rmongs ba mi shes ba/ /de rnams 'gro ba lnga por 'khyams/ /gang zhig byang chub sems dpa' yi/ /bris sku bar ma mthong ba yang / /sdig pa byed par 'gyur ba dang / / mtshams med lnga po byed pa dang / /tshul 'chal gyis kyang 'grub par 'gyur/ /rnam pa sna tshogs sngags gsungs pa'ang / /shin tu myur bar dngos grub ni/ /bzlas pa byas pas thob par 'gyur/ /nad can rnams ni nad las grol/ /bkren pas nor ni rnyed par 'gyur/ /bud med rnams ni bu thob 'gyur/ /bris sku bar pa blta ba na/ /mthong ba tsam gyis de yi tshe/ /bsod nams rgyas pa chen po thob/ /nges par lha dang mi rnams kyi/ /bde ba'i skal ba can 'gyur mi/ /de yi skye ba gzhan la yang / /nges par sangs rgyas nyid du 'gyur/ /bri ba dang ni klog pa dang / /lha mchod pa dang 'drir 'jug dang / /de bzhin mthong dang reg nyid kyang / /sdig pa kun las grol bar 'gyur/ /'di ltar 'od chen bris sku la/ /don du gnyer dang gsol 'debs pa/ /rjes su yi rang ba las kyang / /skye ba 'bras bcas myur du thob/ /bskal mchog phye ma rnams kyis kyang / /skye bos bsod nams gang thob pa/ /tshig tu brjod par mi nus so/ /bris sku mthong ba 'bras bur bcas/ /zhes bya ba byang chub sems dpa'i sde snod phal po che theg pa chen po shin tu rgyas pa'i mdo sde las bcom ldan 'das 'phags ma sgrol ma ral pa gyen du brdzes pa'i rtsa ba'i cho ga rab 'byam las/ le'u gsum pa yongs su rdzogs so// //de nas yang bcom ldan 'das shAkya thub pas slar yang sems dpa' chen po de la bka' stsal pa sems dpa' chen po khyod kyi ras ris kyi cho ga chung ngu zhes bya ba gzhan gsum pa yang yod de/ /gang 'bad pa med par dngos grub 'grub par 'gyur ba ste/ sngar bstan pa nyid kyi cho ga nyid dang / bzo bos bde bar gshegs pa'i mtho gang gi tshad tsam thad kar dang / de bzhin kho nar kun nas gru bzhi pa la sngar bzhin du ras ris sngar bstan pa'i tshon rtsi rnams kyis 'drir gzhug par bya'o/ /dang po re zhig byang chub sems dpa' chen po seng+ge'i gdan la skyil krung gis bzhugs pa byis pa khye'u sngar bzhin du chos ston par mdzad bzhin pa kun nas 'od zer 'phro bar byed bzhin pa/ mdzes pa'i gzugs can 'drir gzhug par bya'o/ /g.yon gyi gzhogs su 'phags pa kun du bzang po rin po che'i rdo leb la gnas pa phyag na rnga yab thogs pa g.yon na yid bzhin gyi nor bu thogs pa kha dog bri yang ku ltar sngo bsangs so/ /g.yas kyi g.yogs su'ang 'phags pa spyan ras gzigs dbang phyug rin po che'i rdo leb la gnas pa phyag na rnga yab thogs shing / phyag g.yon pad+ma bsnams pa/ kun nas 'od dang ldan pa'i lus can 'phags pa spyan ras gzigs dbang phyug snga ma bzhin du mngon par bri bar bya'o/ /seng ge'i khri'i 'og tu gser gyi ri bo/ /ji srid ras kyi mtha'i bar du 'drir gzhug par bya'o/ /ras ris kyi mtha'i zur du 'phags pa spyan ras gzigs dbang phyug gi seng ge'i 'og tu g.yas kyi gzhogs su khro bo'i rgyal po sgrol mas non pa snga ma bzhin du 'drir gzhug par bya'o/ /de'i 'og tu sgrub pa po lag na spos phor thogs pa snga ma bzhin du 'drir gzhug par bya'o/ /de thams cad snga ma ji lta ba de bzhin du'o/ /de nas 'phags pa spyan ras gzigs dbang phyug gi steng du de bzhin gshegs pa 'od dpag med 'drir gzhug par bya ste/ rin po che'i ri'i phug / sor bcu drug pa'i tshad na bzhugs pa/ khang pa brtsegs pa 'dri ba'i ri bo'i bya skyibs mtho ba 'drir gzhug par bya'o/ /ras ris de'i khor yug tu ri bo'i khor yug tu ri bo'i rnam pas yongs su bskor ba mngon par bri'o/ /ras ris de'i steng gi zur du gnas pa'i ri bo'i bya skyibs dang kun tu 'brel bar lding bzhin pa lta bu me tog sna tshogs 'thor bar byed pa'i gnas gtsang ma'i ris kyi lha'i bu dag pa dang rnam par dag pa zhes bya ba gnyis su 'drir gzhug par bya'o/ /ras de la me tog sna tshogs kyis gcal du bkram pa mngon par 'drir gzhug par bya'o/ /ras ris rnam gsum mtshan nyid ni/ /thams cad 'dir ni bstan pa las/ /'di ni chung ngu zhes bya ste/ /ras ris phran tshegs las la shis/ /sdig las shin tu mi bzad pa/ /bskal pa bye ba stong phrag tu/ /ras ris mthong bas grol 'gyur te/ /ras ris mthong ba tsam gyis ni/ /skad cig nyid las grol bar 'gyur/ /bskal pa bye ba stong phrag tu/ /blo ldan sangs rgyas bsnyen bkur byas/ /ras ris tha ma mthong ba yi/ /bcu drug char yang mi phod do/ /sangs rgyas skyob pa thams cad la/ /mchod byas bsod nams gang yin de/ /ras ris chung ngu mthong ba la/ /mkhas pas de yi bsod nams thob/ /mdzes pa yi ni las rnams dang / /longs spyod rgyur yang 'di spyod do/ /rig dang gsang sngags ji snyed pa/ /tshangs dbang drang srong gis bshad dang / /nam mkha' lding gis gang bshad dang / /chu lha nyi ma lus ngan dang / /nor sbyin sogs dang srin po dang / /lha min dbang po thams cad dang / /lto 'phye che dang zla ba dang / /rlung dang gshin rje la sogs dang / /seng ge 'phrog byed sogs bshad pa'i/ /sngags rnams thams cad 'dir drangs te/ /ras ris spyan sngar 'grub par 'gyur/ /zhi ba can dang de bzhin du/ /rgyas pa can rnams bya ba ste/ /de bzhin 'dir ni mi bzad pa/ /rgyal mchog gis smad spang bar bya/ /zhes byang chub sems dpa'i sde snod phal po che theg pa chen po shin tu rgyas pa'i mdo sde las bcom ldan 'das 'phags ma sgrol ma'i rtsa ba'i cho ga bzhi pa ras ris kyi cho ga rab 'byam rdzogs so/ / //de nas yang byang chub sems dpa' sems dpa' chen po spyan ras gzigs dbang phyug stan las langs te bcom ldan 'das shAkya thub pa la lan gsum bskor ba byas nas bcom ldan 'das kyi zhabs la phyag byas nas bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis chos kyi rnam grangs 'di gsungs pa ni legs so legs so/ /rig pa'i brtul zhugs thams cad dpyad pa'i don dang / phan pa'i phyir dang / bde ba'i phyir dang / 'jig rten la snying brtse bas byang chub sems dpa'i thabs la mkhas pa bstan pa/ mya ngan las 'das pa'i grong khyer du 'gro bar byed pa'i chos lhag ma dang bcas pa nges par byang chub la rgyun du mchog tu gzhol ba/ byang chub sems dpa' rnams kyis rig pa dang / sngags kyi spyod pa thams cad kyi don sgrub par byed pa bdag gi rig pa gsang chen 'di nyid skye bo thams cad rgyas par byed par 'gyur ba ma 'ongs pa'i dus 'jig rten gyi bla mar mya ngan las 'das pa na de bzhin gshegs pa nyi ma'i rigs nub pa sangs rgyas dang byang chub sems dpa' dang / rang sangs rgyas dang / 'phags pa nyan thos thams cad kyis spangs shing thams cad bor te mun par gyur pa dang / snod kyi 'jig rten rnam par zhig ste 'phags pa'i lam dang / rig pa dang / sngags dang / sman dang / nor bu rin po che thams cad dang bral ba/ skye bo legs pas yongs su bzung ba'i snang ba med pa'i sems can gyi khams 'byung bar 'gyur te/ le lo can dang / dran pa nyams pa dang / ma dad pa dang / mi srun pa dang / mi dge ba'i bshes gnyen gyis yongs su zin pa sgyu dang g.yo dang / dang g.yo ba'i spyod pa dang ldan pa de rnams/ chos kyi rnam grangs 'di thos nas kun du skrag par 'gyur te/ le lo dang / snyom las la mngon par dga' zhing dad pa med par 'gyur te/ 'dod pa tshol zhing gsang sngags tshol bar mi 'gyur te/ log par lta ba la dga' ba rnams kyang bsod nams ma yin pa mang po la 'jug par 'gyur te/ dam pa'i chos spong bar byed pa 'byung bar 'gyur ro/ /mnar med pa la mchog tu gzhol zhing drag po'i yang drag por 'gro ba sdug bsngal gyis gdungs pa de rnams kyi don gyi phyir dang / dbang du ma gyur pa rnams dbang du gyur par bya ba dang / dbang du gyur pa rnams la mi 'jigs pa rab tu sbyin pa dang / thabs la mkhas pas bsdu ba'i sbyor ba rig pa dang / ras ris kyi cho ga da lta gsungs pa'i dus la bab par dgongs na bcom ldan 'das gsung du gsol/ /de skad ces gsol pa dang / bcom ldan 'das mchog tu gsang ba rig pa'i brtul zhugs kyi cho ga rab 'byam mchog tu gsang ba 'dod pa'i don byed pa don chen po rnam par 'byor par gyur pa rig pa bdun cu po thams cad kyi mchog gi snying po/ rnam par rtog pa med pa'i dus der 'grub par 'gyur ro/ /de yang sems can rnams 'dul ba'i don gyi thabs la mkhas pas 'khor bar kun du 'jug pa rnams skyob pa/ nges par byang chub la mchog tu gzhol bar byed pa sangs rgyas bye ba phrag bdun cu rtsa drug gis gsungs par gyur pa/ 'di la rig pa ni/ na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ tA ren+d+ra tA re tut+tA re tu re swA hA/ 'phags ma sgrol ma shin tu rgyas pa zhes bya ba'o/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ tA re tu re tu re swA hA/ 'phags ma sgrol ma bzhin bzang ma zhes bya ba'o/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ tA re tut+tA re tu re swA hA/ 'phags ma sgrol ma dbus legs ma zhes bya ba'o/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ tad+ya thA/ tA re tut+ta re tu re swA hA/ 'phags ma sgrol ma legs spyod ma zhes bya ba'o/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ tA re tut+tA re tu re swA hA/ 'phags ma sgrol ma mtshan legs ma zhes bya ba'o/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ta re tu re tu re swA hA/ 'phags ma sgrol ma lho chung ma zhes bya ba'o/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ tA re tut+tA re tu re tu re swA hA/ 'phags ma sgrol ma legs gnas ma zhes bya ba'o/ /na mo rat+na tA yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ tA re tut+tA re/ tu re tu re swA hA/ 'phags ma sgrol ma nye bar 'dud pa zhes bya ba'o/ /zhes pa 'di bcom ldan 'das bdag gi rig pa chen po mchog gi snying po chen po dang mtshungs pa bya ba thams cad mchog tu grub pa/ sems can thams cad la sangs rgyas bzhin du skyes pa/ sangs rgyas thams cad kyis rjes su yi rang ba/ 'jigs pa chen po brgyad las skyob pa/ las thams cad byed pa/ byang chub kyi lam ston pa po/ /pad+ma'i rigs kyi rig pa/ rab dang / 'bring dang / tha ma la yang dag par rab tu sbyor ba/ shin tu mdzes pa'i las kyi 'bras bu rnam par smin pa/ rab tu sbyin pa dang / bstan pa nub pa'i dus kyi tshe'ang 'grub par 'gyur ro/ /dam pa'i chos kyi tshul bsrung ba'i ched du/ mnyam par 'jug cing 'grub par 'gyur ro/ /de rnams sbyor ba chung ngu nyid kyis rgyal srid chen po dang / longs spyod chen po'i dbang phyug gi don de rnams 'grub par 'gyur ro/ /de rnams shin tu myur bar de'i tshe de'i dus su dngos grub thob par 'gyur ro/ /ras ris kyi cho ga mdor bsdus par gyur pa 'di de'i tshe de'i dus na 'jigs pa chen po dang / snyigs ma lnga'i sems can bsod nams chung ba 'byung bar 'gyur te/ dbang chung bar grags pa/ tshe thung ba/ brtson 'grus zhan pas ras ris kyi cho ga shin tu rgyas pa'i las bsgrub par bya ba la sogs pa'i las rnams rab tu brtson par mi nus te/ de rnams kyi don du ches mdor bsdus te gsungs pa ni/ dang po re zhig dpa' bo'i rin gyis dog pa nyos/ srang tshad tsam mam srang phyed tsam/ dkyus su khru gang tsam la zheng du khru phyed tsam pa'i ras kha tshar dang bcas pa tha ga pas btag par bya'o/ /yang na slar yang skra dang bral ba'i ras kyi dum bu gsar pa steng 'og tu ji ltar 'dod pa khru gnyis sam bzhi'am/ drug gam/ lnga'am/ bcu'am/ brgyad pa'i ras shin tu dkar ba blangs te/ ji ltar 'dod pa bzhin du ri mo mkhan 'drir gzhug par bya'o/ /tsan+dan dang ga pur dang gur gum gyis bsgos pa'i ma 'dres pa'i tshon rtsi de rnams dang / ras tsan+dan dang / gur gum dang / ga pur rnams gcig tu byas pas srog chags med pa'i chu rnyog ma med pa dang bsres te/ snod gsar par ras sbang du bcug nas nyi ma gsum du legs par mnan la bzhag go/ /gtsang ba'i phyogs su srung ba byas te bdag nyid kyang gtsang mar byas nas/ dkar po'i phyogs kyi nya la ras kyi snod kyi mdun du kha shar du phyogs pas ku sha'i khres la nye bar 'dug ste/ sngags kyi tshig 'di lan stong phrag brgyad brjod par bya'o/ /tad+ya thA/ oM he he b+ha ga bA na/ ba hu rU pa d+ha ra di bya tsak+Shu Sha/ a ba lo ka ya/ a ba lo ka ya mAM/ sa ma ya ma nu sma ra/ ku mA ra rU pa d+ha ra Na/ ma hA bo d+hi satwa/ kiny+tsa ra ya si hU~M phaT phaT swA hA/ sngags 'di bzlas pa byas la de nyid du nyal bar bya'o/ /rmi lam du grub pa'am/ mi 'grub par ston par 'gyur ro/ /de nas langs nas grub pa'i mtshan ma'i rmi lam mthong na/ ring po mi thogs par/ ras ris bri bar bya'o/ /gal te grub pa'i mtshan ma'i rmi lam ma mthong na ras de snod de nas phyung ste nyi ma la bskam par bya'o/ /bskams nas slar yang snod gsar pa gzhan zhig tu legs par sbas la srung ba byas te gzhag par bya'o/ /de nas slar yang mchog gi snying po de rnams las sngags gang yang rung ba gcig bzung nas ji ltar 'dod pa bzhin du yi ge drug po rnams las slar yang yi ge 'bum bzlas par bya'o/ /de nas ches myur bar ras ris 'grub par 'gyur ro/ /dang po re zhig ras de blangs nas/ cho 'phrul gyi zla phyed dam/ gzhan yang dkar po'i nyi ma dang / rgyu skar dge ba dang / yang dag par ldan pa/ dge ba'i tshes dkar po'i gza'i res kyi nyi ma la shin tu mdzes pa'i dge mtshan dang / bkra shis phun sum tshogs pa'i mtshan mo nam phyed kyi dus kyi tshe/ ri mo mkhan gso sbyong la nye bar gnas pas ras ris de 'drir gzhug par bya'o/ /gtsang ma'i phyogs su ga pur gyi bdug pa bsregs te dang po re zhig 'phags pa spyan ras gzigs dbang phyug sku rgyan thams cad kyis brgyan pa byas te/ dbu zur phud can skyes bu chen po'i mtshan gyis rnam par brgyan pa/ gser gyi mdog can/ dar la sngon po g.yo bzhin pa'i sham thams cad dar la sngon po'i bla gos mnabs pa/ seng ge'i khril skyil thung phyed pas bzhugs te chos 'chad bzhin pa/ zhabs g.yas pa rin po che'i zhabs rten la bzhag pa/ seng ge'i khri la bzhugs pa/ rnam pa thams cad kyi mchog dang ldan pa/ blta na sdug pa bzhin cung zad 'dzum pa/ sgrub pa po la gzigs par gyur pa bri bar bya'o/ /g.yas kyi gzhogs su 'phags pa kun du bzang po pri yang ku ltar sngo bsangs/ rnga yab dkar po g.yob bzhin pa/ phyag g.yon na yid bzhin gyi nor bu bsnams pa/ lus thams cad mdzes pa/ rgyan thams cad kyis brgyan pa/ dar la sngon po g.yo ba dang bcas pa'i sham thabs mnabs pa/ mu tig gi do shal gyi mchod phyir thogs pa can/ phyag g.yon pas pad+ma dkar po bsnams pa/ phyag g.yas pas rnga yab dkar po gser gyi yu ba can bsnams nas g.yob par byed bzhin pa zhi ba'i rnam pa can spyan ras gzigs dbang phyug la blta bar gyur pa'o/ /de bzhin du 'phags pa kun du bzang po pad+ma dkar po'i gdan la bzhugs pa ste de dag gnyis ka'ang de ltar mngon par bri'o/ /pad+ma'i sdong bu gcig las 'thon pa'i pad+ma gsum gyi dbu ma rtsa ba'i pad+ma'i ze 'bru la byang chub sems dpa' chen po'i seng ge'i khri dang rin po che'i zhabs rten no/ /pad+ma gzhan la ni 'phags pa kun du bzang po'o/ /pad+ma gsum pa la ni 'phags pa mthu chen thob bo/ /pad+ma'i sdong bu de ni mdzes pa/ rin po che mar gad kyi rnam pa la pad+ma'i me tog du ma kha bye ba dang / phyed tsam kha bye ba dang / me tog kha ma bye ba dang ldan pa/ mtsho chen po ma dros pa las byung ba'i klu'i rgyal po dga' bo dang nye dga' gnyis mtsho chen po las skyes pa'i pad+ma'i sdong bu la 'dzin pa/ klu'i rgyal po de gnyis kha dog dkar ba/ gdengs ka bdun gyis brgyan pa/ rgyan thams cad kyis mdzes pa/ lus phyed mi'i lus la sbrul gyi gdengs kas mtshan pa/ phyed sbrul gyi lus can 'phags pa spyan ras gzigs dbang phyug la nges par rtog bzhin pa/ phyed chu'i nang du nub pa/ nor bu rin po che dang gos kyis nye bar mdzes pa bri bar bya'o/ /mtsho chen po de'i khor yug gi 'og tu ras ris kyi mtha'i grwa g.yas kyi gzhogs su sgrub pa po/ 'phags pa spyan ras gzigs dbang phyug gi zhabs kyi dkyil 'khor la nges par rtog bzhin pa lag na spos phor thogs pa lus dang pus mo'i lha nga 'dud pa/ cha byad dang kha dog ji lta ba bzhin du mngon par bri'o/ /'phags pa spyan ras gzigs dbang phyug gi steng du/ ras kyi mtha' gnyis su lha'i bu phreng ba 'dzin pa gnyis me tog gi phreng ba bzung nas nam mkha' la lding ba/ me tog gi tshogs chen po 'thor bar byed bzhin pa/ shin tu mdzes pa dag mngon par bri'o/ /ras ris de'i khor yug tu nA ga ge sar la sogs pa'i me tog rab tu bkram pa bri bar bya ste/ ji ltar 'dod pa'i gzugs gsum lhag par gnas pa'am/ mngon par bri'o/ /'phags pa spyan ras gzigs dbang phyug chos ston par mdzad bzhin pa dang / 'phags pa kun du bzang po dang / 'phags pa phyag na rdo rje phyag na rnga yab thogs pa 'drir gzhug par bya'o/ /sgrub pa po ji ltar 'dod pa'i gzugs gsum po rnams gdon mi za bar 'drir gzhug par bya ste ji ltar 'dod pa'i rnam pa dang / dbyibs ji ltar gnas pa bzhin du'am/ sgrub pa po ji lta ji ltar 'dod pa de lta de ltar bri bar bya'o/ /dbus su byang chub sems dpa' sems dpa' chen po/ mtha' gnyis su'ang / phyag na rdo rje dang / kun du bzang po ji ltar 'dod pa bzhin du gdon mi za bar 'drir gzhug par bya'o/ /ji ltar rnyed pa'i ras kyi dum bu mtho gang ngam/ khru gang tsam la bdag nyid dam/ gzhan gyis sam/ ri mo mkhan gso sbyong med pa'am/ dad pa can nam/ gtsang ma'am/ mi gtsang ba'am/ tshul khrims dang ldan pa'am/ tshul khrims 'chal pa'ang rung ste/ ri mo mkhan gyis 'drir gzhug par bya'o/ /sgrub pa po bdag nyid ni/ gdon mi za bar sngon spyad pa byas pa/ dad pas byang chub tu sems bskyed pa gdon mi za bar 'gyur bas te/ de ltar na sngags 'grub par 'gyur gyi gzhan du sdig pa byed pas nam yang ma yin no/ /de ltar dad par gyur pa yis/ /sngags kyi lha rnams bsgrub bya zhing / /dad pa de yis gsang sngags rgyal/ / 'grub 'gyur 'dir ni gzhan du min/ /gang phyir dad pa theg pa'i mchog /gang gis 'dren pa 'gro bar byed/ /dad pa med pa'i mi rnams la/ /dkar po'i chos rnams mi skye ste/ /sa bon me yis tshig pa las/ /myu gu sngon po ji bzhin no/ /dad dang ldan pa'i mi rnams la/ / sangs rgyas las rnams 'grub par 'gyur/ /lta rnams kun dang khyad par du/ /gsang sngags rnams ni thams cad ni/ /dad pa med na mi 'grub bo/ /'jig rten pa yi lha rnams dang / /gang yang 'jig rten 'das de bzhin/ /dad dang ldan par brjod pa dang / /rnyog pa bral bas 'grub par 'gyur/ /yid ni byang chub der son pas/ /de rnams byang chub nges par 'grub/ /gzhan gyis 'grub par ma gsungs te/ /bstan pa 'di las zlog pa yin/ /ras ris chung dang chen po dang / /bar ma yongs su bsgrags pa yin/ /las rnams thams cad sgrub byed pa/ /de ni rab tu bshad par bya/ /byang chub sems dpa'i sde snod phal po che theg pa chen po shin tu rgyas pa'i mdo sde las bcom ldan 'das ma 'phags ma sgrol ma ral pa gyen brdzes kyi cho ga las ras ris kyi cho ga rab 'byam lnga pa rdzogs so// //de nas yang bcom ldan 'das shAkya thub pas byang chub sems dpa' sems dpa' chen po spyan ras gzigs dbang phyug la bka' stsal pa/ sems can chen po khyod kyis sems can de rnams kyi don gyi phyir bstan pa gang yin pa de rnams ras ris kyi cho ga rab 'byam bshad pa 'di thabs nyung ngu nyid kyis 'grub par 'gyur te de rnams kyi don gyi phyir sgrub par byed pa thabs yon tan rgyas pa rab tu dbye bas rnam par phye ba las rnam par dbye ba de yang dag par mthun par bshad par bya'i/ de legs par nyon la/ legs par yid la gyis shig sems can thams cad kyi don gyi phyir bshad par bya'o/ /de nas yang byang chub sems dpas bcom ldan 'das la 'di skad ces gsol to/ /bcom ldan 'das bdag cag gis 'byor ba bstan par mdzad cing sngags kyi spyod pa'i yon tan sgrub pa'i mthu gsal bar mdzad pa legs par gsungs pa ni legs so/ /bcom ldan 'das gang da lta de'i dus la bab par dgongs nas bdag cag la thugs brtse ba'i slad du bka' stsal du gsol/ de nas bcom ldan 'das shAkya thub pas thams cad dang ldan pa'i 'khor gyi dkyil 'khor la gzigs nas 'dzum pa mdzad do/ /de nas bcom ldan 'das shAkya thub pa'i zhal gyi sgo nas 'od zer sngon po dang / ser po dang / dkar po dang / btsod dang / shel gyi kha dog la sogs pa byung bar gyur to/ /'od zer de byung ma thag tu thams cad dang ldan pa'i 'khor gyi dkyil 'khor snang bar byas nas stong gsum gyi stong chen po'i 'jig rten gyi khams kyi gnas thams cad spa bkod par mdzad nas/ rgyu skar gyi 'od dang / ri'i lha'i tshogs kyi 'od dang / gang du zla ba dang nyi ma 'di ltar mthu che zhing rdzu 'phrul che ba de dag gi 'od kyang spa bkod par mdzad nas de rnams mi gsal zhing 'od med par gyur te rnam par snang bar mi 'gyur zhing spa bkong bar mdzad de nor bu dang sngags dang sman dang rin po che'i 'od thams cad med par byas nas slar yang bcom ldan 'das shAkya thub pa'i zhal gyi sgor nub par gyur to/ /de nas yang byang chub sems dpa' sems dpa' chen po phyag na rdo rje 'khor gyi dkyil 'khor de nyid na 'dus shing 'khod par gyur pa de stan las langs nas/ rings pa'i tshul gyis bcom ldan 'das kyi zhabs gnyis la phyag 'tshal nas bcom ldan 'das la 'di skad ces gsol to/ /sangs rgyas bcom ldan 'das rnams ni rgyu ma mchis rkyen ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu gang lags rkyen gang lags/ de skad ces gsol ba dang / bcom ldan 'das kyis byang chub sems dpa' sems dpa' chen po phyag na rdo rje la bka' stsal pa/ lag na rdo rje de de bzhin no/ /de de bzhin te/ de bzhin gshegs pa ni ji skad smras pa de bzhin du rgyu med rkyen med par 'dzum pa mi mdzad kyi/ rgyu yod/ rkyen yod do/ /gang zhig mdo sde'i dbang po bcom ldan 'das ma 'phags ma sgrol ma'i rtsa ba'i cho ga rig pa'i spyod pa rjes su sgrub pa las sgrub par byed pa'i thabs la yang dag par gzhol ba/ chos kyi sprin la brten cing yang dag par rjes su 'jug cing rjes su 'brang bar byed par 'gyur ba dang / 'dzin par 'gyur ba dang / klog par 'gyur ba dang / dad par 'gyur ba dang / glegs bam du bri bar byas nas mchod par 'gyur ba dang / tsan+dan dang / phye ma dang / byug pa dang / bdug pa dang / phreng ba dang / gdugs dang / rgyal mtshan dang / ba dan rnam pa sna tshogs pa'am/ sil snyan gyi rnam pa'i khyad par ram/ rol mo sna tshogs dang / pheg rdob pa dang / tha na rjes su yi rang ba dang ldan pa'i sems rgyun du thob pa'am/ spu zing zhes byed pa skye bar byed par 'gyur ba'am/ rig pa'i mthu dang nus pa thos nas dga' ba skye bar 'gyur ba'am/ rjes su yi rang bar 'gyur ba'am/ spyod pa so sor sgrub par 'gyur ba de rnams ngas bla na med pa yang dag par rdzogs pa'i byang chub tu lung bstan te de rnams thams cad sangs rgyas bcom ldan 'das su byed par 'gyur ro/ /de nyid kyi phyir rgyal ba 'dzum pa mdzad kyis rnam pa gzhan du ma yin no/ /dang po re zhig dam tshig mthong ba/ sngon spyad pa rnams byas pa/ mngon par dbang bskur thob pas/ rtog pa'i rgyal po 'di la rtsa ba'i rig pa'am/ snying po'am/ nye ba'i snying po'am/ gzhan gang yang rung ba'i sngags bzung nas yi ge gcig pa'am/ ji ltar 'dod pa bzhin yang rung ste/ dgon pa chen por song nas lo bdun du bzlas pa bya ste/ 'bras bu dang / chu'i bza' ba dang / rtsa ba dang / 'dab ma bza' zhing / sngon spyod pa rnams byas par 'gyur ro/ /de nas ri'i rtse mor 'dzegs te ras ris kyi thu bo zhal nub du phyogs par bzhag nas/ bdag nyid shar du mngon par phyogs te/ ku sha'i khres la nye bar 'dug nas pad+ma dkar po dang / tsan+dan dkar po dang / gur gum gyis mngon par btags te/ 'bum phrag gcig bcom ldan 'das shAkya thub pa dang / sangs rgyas dang byang chub sems dpa' thams cad dang rang sangs rgyas dang / 'phags pa nyan thos rnams kyi ras ris kyi 'og nas dbul bar bya'o/ /ga bur gyi bdug pa yang ji ltar 'byor pa bsreg go/ /lha'i bu rnams la ji ltar rnyed pa'i me tog gis mchod pa bya'o/ /de nas cho 'phrul gyi phyogs kyi dkar po'i nya'am/ nya so so la mtshan mo phyed kyi dus kyi tshe ras ris kyi spyan sngar me thab pad+ma'i rnam pa lta bu byas nas tsan+dan dkar po'i shing gi me sbar te/ gur gum dang ga pur gcig tu byas nas sreg blugs ji ltar 'byor pas stong phrag brgyad sbyin sreg byas te/ de nas bsrung ba bya'o/ /de nas bcom ldan 'das shAkya thub pa las 'od zer byung ste/ ras ris kyi khor yug tu gcig tu 'bar bar gyur pa 'byung ngo / /de nas sgrub pa po tsan+dan dang / gur gum gyis btags pa'i pad+ma dkar po'i me tog gis mchod yon dbul lo/ /de nas sgrub pa pos rings pa'i tshul gyis ras ris la bskor ba lan gsum byas nas/ sangs rgyas dang / byang chub sems dpa' thams cad dang / rang sangs rgyas 'phags pa nyan thos rnams la phyag 'tshal nas sngar sgrub pa pos bris pa'i ras mtha'i phyogs nas 'jigs pa med pas ras ris gzung bar bya'o/ /de nas bzung ba tsam gyis 'phur bar 'gyur te/ se gol gtogs pa tsam la tshangs pa'i 'jig rten las 'das te/ bde ba can gyi 'jig rten gyi khams su kun du gnas par 'gyur ro/ /gang du bcom ldan 'das de bzhin gshegs pa me tog yang dag par skyes pa'i dbang gis rgyal po de bzhugs te/ 'tsho zhing gzhes la chos kyang ston par byed pa dang / bskal pa chen po stong du rga ba med pa dang / 'chi ba med par rol par 'gyur ro/ /bris sku gnas pa de nyid du sangs rgyas dang / byang chub sems dpa' thams cad kyis byin gyis brlabs par 'gyur ro/ /de rnams kyi byin gyis brlabs kyang shes so/ /zhing stong phrag kyang 'da' bar byed do/ /lus stong phrag ston par byed do/ /rdzu 'phrul gyi mthu du ma yang dag par 'byin par byed par 'gyur ro/ /'phags pa spyan ras gzigs dbang phyug dge ba'i bshes gnyen du 'gyur ro/ /nges par byang chub la gzhol bar 'gyur ro/ /byang chub sems dpa'i sde snod phal po che theg pa chen po shin tu rgyas pa'i sde snod/ bcom ldan 'das ma 'phags ma sgrol ma ral pa gyen brdzes kyi rtsa ba'i cho ga bris sku rab 'byam las/ mchog gi sgrub pa'i thabs kyi cho ga /las kyi 'bras bu drug pa rdzogs so/ / //de nas yang sems dpa' chen pos thams cad dang ldan pa'i 'khor gyi dkyil 'khor na 'dug pa'i lha tshogs rnams la bka' stsal pa/ grogs po dag khyed cag nyon cig /las chen po dang bcas pa'i rig pa 'phags ma sgrol ma'i spyod pa'i dkyil 'khor sgrub par byed pa'i las kyi cho ga sgrub pa po srung ba'i don du gsang ba dam pa mchog gi snying po de bzhin gshegs pa thams cad kyis gsungs pa rig pa'i rgyal mo chen mo gang gis bzlas na sngags thams cad bzlas par 'gyur ro/ /kye kye lha'i tshogs rnams 'di ni 'da' bar byed pa ma yin pa'i rig pa'i rgyal mo byang chub sems dpa' sa bcu'i dbang phyug kyang rig pa 'dis 'gugs shing / dbang du byed la yang dag par 'dod par 'gyur bar byed na de las gzhan pa'i byang chub sems dpa' dang / 'jig rten dang 'jig rten las 'das pa rnams smos ci dgos/ sngags thams cad dang bgegs thams cad 'joms par byed pa ste/ 'di ni brtson 'grus che ba dang / mthu che ba dang / gcig tu dpa' ba/ rig pa thams cad gcig kho nar sngags thams cad kyi mchog tu bshad pa dang / gcig kho na rig pa'i rgyal mo 'jigs pa chen po rnams las mchog tu bshad pa ste/ de gang zhe na/ las chen po thams cad byed pa/ don thams cad sgrub pa/ bya ba thams cad byed pa/ sngags thams cad gcod par byed pa/ gdug pa'i las rnams dang sdig pa thams cad rab tu 'joms par byed pa/ sngags thams cad so sor rdzogs par byed pa/ dge bar byed pa/ 'jig rten dang 'jig rten las 'das pa'i rig pa dang / sngags thams cad kyi gong nas gong du rab tu 'jug pa/ thogs pa med pa/ de bzhin gshegs pa thams cad kyi snying po yang dag par gyur pa/ bsam pa thams cad yongs su rdzogs par byed pa/ de gang zhe na/ na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ tA re tA re tut+tA re tu re swA hA/ grogs po dag 'di ni mchog tu gsang ba dam pa las chen po thams cad byed pa/ rig pa'i rgyal mo chen mo sems can thams cad kyis 'da' bar byed pa ma yin pa/ 'byung po thams cad kyis mi tshugs pa/ sangs rgyas thams cad kyis bkra shis pa/ rig pa dang sngags thams cad kyis bsgrubs pa/ 'jig rten thams cad kyi mnga' bdag /rig pa'i dbang phyug thams cad kyi dbang phyug /rnam par sdang ba thams cad la byams pa'i bdag nyid/ skye bo rnams la snying brtse ba dang / bgegs thams cad rnam par 'joms par byed pa ste/ mdor na ji lta ji ltar rab tu sbyar ba de lta de ltar rab tu byed do/ /ma bsgrubs par yang las rnams byed do/ /rig pa bzlas nas gang la reg pa de dbang du 'gyur ro/ /gos la mngon par bsngags nas gyon na skal ba bzang por 'gyur ro/ /so shing la mngon par bsngags te zos na so nad sel bar 'gyur ro/ /ka ra bI ra dkar po la lan bdun mngon par bsngags nas zos na don du ma gnyer bar yang kha zas 'byung bar 'gyur ro/ /mig gi nad la rgyam tsha phye mar byas pa la lan bdun mngon par bsngags nas mig bkang na mig nad sel bar byed do/ /rna ba'i nad la glang po che'i rgyab nas 'thon pa 'brug sgrogs pa na 'byung ba'i tshi d+h+ri ka / ka bu ka'i lo mar btums te me chung ngus btso bar bya'o/ /tshos nas phyir btsos pa byas la chu dro 'jam la rgyam tsha dang sbyar ba byas nas lan bdun mngon par bsngags te des rna ba dag par byas te skad cig de nyid la nye bar zhi bar byed do/ /bud med bu 'byung ba'i dus su mngal 'gags nas gzer bas zil gyis non par gyur na/ a Tarlu Sha ka'i rtsa ba srog chags med pa'i chu la btags nas lte ba'i phyogs su byugs na bde blag tu btsa' bar 'gyur ro/ /skyes bu zug rngus nyams pa'am/ mtshon nang du lus pa la mar rnying pa la brgya rtsa brgyad mngon par bsngags nas blud par bya ba'am/ de'i phyogs su byugs na/ de'i skad cig nyid la zug rngu med par 'gyur ro/ /ma zhu ba dang / gsud pa dang / tshad pa'i nad la kha ru tsha dang / rgyam tsha dang / tshwa gzhan gang yang rung ba la mngon par bsngags nas zos na/ nad de las grol bar 'gyur te nyi ma de nyid la bde bar gnas par 'gyur ro/ /gtan nad kyi tshad pa'am/ 'phral gyi tshad pa la yang rung ste/ ma tu lung ga'i rtsa ba btags nas srog chags med pa'i chu 'thung du gzhug ste gnod pa med par de las grol bar 'gyur te/ lan bdun bzlas pas sam/ gnyis bzlas pas so/ /bud med mo gsham mi skye ba'i chos rnams skye bar 'dod na a shwagan+d+ha'i rtsa ba'i mar dang lhan cig bskol te ba'i 'o mas bsres te lan nyi shu rtsa lnga yongs su bzlas te/ zla mtshan gyi dus su 'thung du bcug nas khrus byas pa'i mthar skyes pa gzhan spang zhing khyim pa yang 'dod pas log par g.yem pa yongs su spangs na/ rang gi skyes pa'am/ rang gi bdag po'i bu skye bar 'gyur ro/ /lo gsum mam/ lo lnga rab tu skyes pa'i dus las lhag pa'am/ lo du mar bu ma chags pa'am gzhan gyi sngags dang sman gyi phyag rgyas btab pa dang / gzhan gyis gdug par byas pa'am/ mngal 'dzin pa mi 'dzin par byas pa'am/ nad kun du langs pa'am/ sbyor ba gzhan kun du spangs pa'am/ nad gzhan gang yang rung ba cung zad kyis yongs su mi 'dzin par byas pa'am/ brtan pa dang / g.yo ba dang / bcos ma dang / bcos ma ma yin pa la sogs pa'i dug la sogs pa rab tu zhugs pa'am/ rtsa ba dang / sngags dang / sman dang / mdza' ba dang / mi mdza' ba'i sbyor ba byas pa la/ mar rnying pa dang / rma bya'i mdongs gcig tu byas nas btags la/ sha kha ra dang lhan cig sbyar te/ lan nyi shu rtsa bdun mngon par bsngags nas/ a ru ra tsam bza' bar bya ste/ nyin zhag bdun gyi bar du sha kha ra dang ldan pa'i 'o ma bskol ba btung bar bya zhing yang dang yang du sngags kyang bzlas so/ /klad pa na ba la bya rog gi gshog pa la lan bdun mngon par bsngags te des bya bas na bde bar gnas par 'gyur ro/ /bud med la ches spyad pa la sogs pa'i nad rnams la a lam bu sha'i rtsa ba 'o ma dang lhan cig btags nas ni li ka'i rtsa ba dang ldan pa la brgya rtsa brgyad du mngon par bzlas nas 'o mas skyo mar sbyar nas btung bar bya'o/ /de bzhin du rims nyin bzhi pa dang / nyin gcig pa dang / nyin gnyis pa dang / nyin gsum pa dang / rgyun pa dang / rtag pa'i rims dang / rims drag po la sogs pa rnams la 'o thug mar dang sbyar la brgya rtsa brgyad mngon par bsngags te 'thung du bcug na bde bar gnas par 'gyur ro/ /de bzhin du mkha' 'gro ma'i gdon gyis zin pa la/ bdag nyid kyi gdong la lan brgya rtsa brgyad mngon par bsngags nas bltas na bde bar gnas par 'gyur ro/ /de bzhin du ma mo dang / byis pa dang / srul po dang / ro langs dang / grul bum gyi gdon la sogs pa rnams dang / mi thams cad gdug pa can drag pos mngon par zin pa la bdag nyid kyi lag pa la brgya rtsa brgyad mngon par bsngags te/ zin pa de'i mgo bo la reg na bde bar gnas par 'gyur ro/ /lan cig bzlas pas bdag nyid srung ngo / /gnyis bzlas pas grogs po srung ngo / /gsum bzlas pas khyim srung ngo / /bzhi bzlas pas grong srung ngo / /lnga bzlas pas grong gi spyod yul du gyur pa srung bar 'gyur ro/ /de bzhin du ji srid stong phrag gi bar du bzlas pas dmag gi tshogs srung ba byas par 'gyur ro/ /'di rnams sam gzhan yang las phra mo rnams ma bsgrubs par yang byed do/ /de nas sgrub par 'dod na phra mo'i las rnams mi bya bar mtha' gcig tu song nas dben pa'i phyogs rgya mtshor 'gro ba'i chu klung 'bab pa dang / rgya mtsho'i ngogs dang / gang gA'i klung gi ngogs dang / gzhan yang chu klung chen po'i ngogs la brten nas/ phyogs gtsang ma phyag dar byas nas khrus lan gsum bya zhing / gos lan gsum brjes te/ smra ba bcad/ slong mo'i kha zas za zhing / lo ma dang / nas zan dang / 'o ma dang 'bras bu za zhing 'bum phrag bcu gcig bzlas par bya'o/ / grub pa'i mtshan ma mthong na/ de nas sgrub pa brtsam par bya ste phyogs de nyid du ras ris thu bo der bzhag la/ ras ris la mchod pa chen po byas nas gser dngul gyi rang bzhin nam/ zangs dang sa'i rang bzhin gyi mar me'i snod/ tu ruSh+ka'i 'bru mar gyis bkang ba'am/ dri zhim po'i 'bru mar gyis bkang ba'am/ ba'i mar gyis bkang ba'i mar me'i snod du ras gsar pa dum bur byas pa'i mar me 'bum phrag gcig ras ris la dbul bar bya'o/ /de'i khor yug tu mar me'i phreng ba rnams phul ma thag tu ras ris las 'od zer rnams byung ma thag tu ras ris kun nas 'bar ba'i phreng bar 'gyur ro/ /steng gi bar snang la rnga bo che'i sgra sgrogs shing legs so zhes pa yang thos te/ de nas rig pa 'dzin pas rings pa'i tshul gyis ras ris kyi mtha'i zur du sgrub pa po sngar bris par ras ris la brten pa la mchod yon phul nas bskor ba byas te sangs rgyas thams cad la phyag byas la gzung bar bya'o/ /de nas bzung ba tsam gyis mar me 'dzin pa de rnams thams cad kyi lhan cig tu 'phur bar 'gyur ro/ /gcig gis lhag pa'i gzhal med khang brgyar yang 'gro bar byed do/ /lha'i sil snyan dang so sor yang dag par ldan pa dang / sgra snyan pa'i glu dbyangs sgrogs shing gar byed pa'i rig pa 'dzin ma de rnams kyis 'khor yug tu kun tu khyab par snang ba sgrub pa po rig pa 'dzin pa'i rgyal po chen por dbang skur bar byed do/ /mar me 'dzin pa de rnams kyis lhan cig rga ba med cing 'chi ba med par rol par byed do/ /bskal pa chen por gnas shing nyi ma 'char ka 'dra ba dang / lha'i rgyan gyis mdzes pa dang / rnam par bkra ba'i gos kyis brgyan pa/ de rnams dbang du byas nas mngag gzhug par 'gyur te/ de rnams dang lhan cig spyod par gyur te lha'i rig pa 'dzin pa thams cad kyang 'di'i bran nyid du nye bar gnas par 'gyur ro/ /rig pa 'dzin pa'i rgyal po chen por 'gyur zhing ring du 'tsho zhing grub pa thams cad kyis mi tshugs par 'gyur ro/ /skad cig tsam gyis tshangs pa'i 'jig rten du mngon par 'gro bar 'gyur ro/ /brgya byin gyis kyang grangs su mi 'gro na de las gzhan pa'i rig pa 'dzin pa rnams kyis lta ci smos/ mthar yang 'dis sangs rgyas nyid du 'gyur ro/ /'phags pa spyan ras gzigs dbang phyug kyang dge ba'i bshes gnyen du 'gyur ro/ /las sgrub pa'i thabs gzhan yang yod de/ ches dka' thub byas pa/ de nas mtha' gcig tu song nas lhag par gnas te 'du 'dzi med cing 'du 'dzi dang bral ba'i dgon pa chen por zhugs nas/ gnas gang na pad+ma'i mtsho chen po dang / chu dang bcas pa/ ri bo gcig la brten pa'i ri bo de'i rtse mor 'dzegs te/ rig pa rnams kyi dri dang me tog la sogs pa phul nas de rnams ji ltar 'dod pa bzhin du/ 'o ma'am nas zan dang / pad+ma'i rtsa ba dang / 'bras bu bza' zhing 'o ma las byung ba zos te rig pa 'bum phrag bcur bzlas pa bya'o/ /bzlas pa'i mthar yang sngar bstan pa'i cho ga de nyid kyis ras ris kyi thu bo bzhag nas/ pad+ma'i me tog la tsan+dan dkar po dang / gur gum gyis btags te seng ldeng gi shing gi me sbar nas sngar yongs su btags pa'i pad+mas stong phrag sum cu rtsa drug gis sbyin sreg bya'o/ /de nas sbyin sreg gi mthar/ bcom ldan 'das shAkya thub pa'i ras ris las 'od zer 'byung ste/ des sgrub pa po kun du snang bar byas nas spyi bor nub par 'gyur ro/ /reg ma thag tu sgrub pa po mngon par shes pa lngar 'gyur ro/ /byang chub sems dpa'i sa thob bo/ /lha'i gzugs kyis ji ltar 'dod pa bzhin du rnam par rgyu ste/ bskal pa sum cu rtsa drug tu 'tsho bar 'gyur ro/ /sangs rgyas kyi zhing sum cu rtsa drug 'da' bar byed do/ /de rnams kyi mthu yang yang dag par rjes su mthong ngo / /sangs rgyas sum cu rtsa drug mnyes par byed do/ /de rnams kyang mchod pa dang bsnyen bkur bas mngon par dga' bar 'gyur ro/ /mthar yang byang chub la mchog tu gzhol bar 'gyur ro/ /byang chub sems dpa' chen po dge ba'i bshes gnyen gyis yongs su zin par 'gyur ro/ /ji srid byang chub tu mya ngan las 'das pa'i mthar thug pa'i bar du'o/ /byang chub sems dpa'i sde snod phal po che theg pa chen po shin tu rgyas pa'i mdo sde bcom ldan 'das ma 'phags ma sgrol ma ral pa gyen du brdzes pa'i rtsa ba'i cho ga las/ las mchog sgrub pa'i thabs kyi cho ga bdun pa'i le'u rab 'byam yongs su rdzogs so// //de nas yang bcom ldan 'das shAkya thub pas slar yang sgrub pa'i las mchog gsungs te/ rtog pa'i rgyal po 'di la rtsa ba'i rig pa'i sngags yongs su bzung nas gang gA'i klung du zhugs nas gru'i bzhon pa la rab tu gnas te/ gang gA'i dbus su 'o ma dang chu btung zhing / stong phrag sum cur ji ltar 'dod pa'i nyin zhag gi bzlas pa bya'o/ /de nas bzlas pa'i mthar klu thams cad mthong ngo / /de nas sgrub pa brtsams te gru'i dbus de nyid du me thab pad+ma'i rnam pa bya'o/ /de nas nA ga ge sar la sogs pa'i me tog rnams kyis ras ris la mchod pa chen po bya'o/ /ras ris kyi thu bo zhal nub tu phyogs par bzhag ste bdag nyid shar du mngon par phyogs te ku sha'i khres la 'dug nas/ nA ga ge sar gyi me tog re re la lan bdun mngon par bsngags pa byas nas seng ldeng gi shing gis me sbar te/ tsan dan dkar po dang gur gum bsres pa'i nA ga ge sar gyi me tog rnams kyis stong phrag bcu'i bar ji srid par sbyin sreg bya'o/ /gzhan klu rnams mthong ba na nye bar bcings pa'i dngos grub kyi rdzas rnams rab tu chags pas blang bar mi bya'o/ /gang las sbyin sreg gi mthar klu'i bzhon pa dang lhan cig 'phur bar 'gyur ro/ /rig pa 'dzin pa rnams kyi rgyal por 'gyur ro/ /klu'i dbang po rgyal po thams cad kyang rjes su 'brang zhing bran bzhin du gnas so/ /bar gyi bskal pa sum cur 'tsho bar 'gyur ro/ /rang dbang du spyod par 'gyur ro/ /'gro ba la thogs pa med do/ /'phags pa spyan ras gzigs dbang phyug mngon sum du mthong ste/ de'i spyi bo la reg par mdzad do/ /reg pa tsam gyis mngon par shes pa lngar 'gyur ro/ /nges par sangs rgyas nyid du lhag par 'gro bar byed do/ /gzhan yang mchog gi sgrub pa'i cho ga'i sgrub thabs su 'gyur ba ni sngar bzhin du gang gA'i klung du zhugs nas bil ba'i shing gi rang bzhin gyi shing gcig nyid kyis gru'i bzhon pa byas nas shin tu brtan pa legs par byas pa der mngon par 'dzegs nas bil ba'i shing gi rang bzhin gyi skya ba des gru de'i rjes su sgrub pa po ches mkhas shing gsal ba nyid kyis g.yab par bya ste/ gang gA'i klung chen po yongs su mi dor bar kun nas thad ka'am rgyun g.yab par bya'o/ /de nas rtsa ba'i rig pa bzung nas sam/ snying po'am/ nye ba'i snying po'am/ yi ge gcig pa'am/ khro bo'am/ pho nya'am/ ring du rjes su 'brang ba'am/ gzhan gang yang rung ba'i sngags bzung nas ras ris kyi thu bo de nyid du/ zhal nub tu phyogs par bzhag nas bdag nyid dang po zhal shar du phyogs la/ phyis ni ji ltar 'dod par bya'o/ /'o ma dang / nas zan dang / 'bras bu bza' ba'am/ chu'am/ pad+ma'i rtsa ba dang / 'bras bu bza' zhing / smra ba bcad de/ dus gsum du khrus bya zhing / gos lan gsum brjes te/ shin tu dkar ba'i las kun du spyod cing shin tu dkar ba'i blo dang ldan pas dang po re zhig ras ris kyi spyan sngar ji ltar nye bar bstan pa bzhin du sngar cho ga mthong bas rig pa 'bum phrag bcu bzlas par bya'o/ /de nas gal te rtsa ba'i rig par 'gyur ro/ /de nas stong phrag drug cu bzlas pa'i mthar gru rgya mtsho chen por 'gro bar 'gyur ro/ /de nas sgrub pa'i yo byad rnams bsdus te sngar gnas de nyid du gzhag par bya'o/ /de nas gru'i bzhon pa rgya mtsho chen por 'gro ba na/ 'jigs par mi bya zhing / bzlog par mi bya'o/ /sgrub pa po'i dbang las ma gtogs par bzlog par nus pa yang ma yin no/ /de nas dpag tshad stong du gnas pa'i rgya mtsho chen por yang yud tsam gyis 'jug par byed do/ /lam thung na lta ci smos/ der zhugs nas chu'i steng du sgrub pa'i las brtsam par bya'o/ /de nas me thab sngar gyi rnam pa'am rdza mkhan gyis byas pa'i sa'i snod du seng ldeng gi me sbar la nA ga ge sar gyi ze 'bru dang / me tog tsan+dan dkar po dang / ga pur dang bsres pa'i sreg blugs ches nyung ba'am/ ches mang ba'i tshad kyang rung ste/ sngar bzhin du rtsa ba'i rig pas 'bum phrag drug cu sbyin sreg bya'o/ /sbyin sreg byed pa na/ lang ka'i grong na gnas pa'i srin po gzugs sna tshogs 'dzin pa rnams hA hA zhes sgrogs pa dang / klu'i grong longs spyod ldan na gnas pa'i klu'i rgyal po rnam pa sna tshogs pa'i gzugs 'chang ba/ ches zhi ba dang / ches khro ba rnams langs te klu dang srin po rnams kyang 'di skad ces smra'o/ /khyed bzhengs shig bzhengs shig /bdag cag gi rje bo mdzod cig ces so/ /de bzhin du lha ma yin dang / gnod sbyin dang lha dang / lto 'phye chen po dang / grub pa dang / mi ma yin pa thams cad kyang rab tu chags par byed mod kyi ldang bar mi bya'o/ /de nas rig pa 'dzin pas sngags bzla zhing lag pa g.yon pa'i sdigs mdzub kyis bsdigs par bya'o/ /de nas rnam par byol zhing phan tshun rab tu 'bros la 'jigs par byed do/ /de nas sbyin sreg gi mthar gru des sgrub pa po de khyer nas skad cig la 'og min gyi gnas su 'gro bar byed do/ /'jig rten gyi khams gzhan du'ang 'gro zhing 'ong bar byed do/ /byang chub sems dpa'i sems shes par 'gyur ro/ /mngon par shes pa lnga dang / rdzu 'phrul chen po dang / mthu chen po dang ldan par 'gyur ro/ /'phags pa spyan ras gzigs dbang phyug rtag tu mthong bar 'gyur ro/ /klu thams cad dang / srin po thams cad dang / gnod sbyin thams cad dang / lha thams cad dang / lha ma yin thams cad dang / sems can thams cad kyang 'di'i dbang du 'gyur te/ bka' bzhin byed pa la bzhag nas sangs rgyas dang byang chub sems dpa' thams cad dang / rang sangs rgyas dang 'phags pa nyan thos rnams 'di'i sngags grub pa de rnams kyang 'di la byams pa'i bdag nyid du 'gyur ro/ /rjes su 'dod par 'gyur ro/ /sems can thams cad kyis mi tshugs par 'gyur ro/ /gzhan yang las kyi cho ga mchog sgrub thabs su 'gyur ba ni bil ba'i shing la gru bo che'i bzhon pa byed du gzhug ste/ shing gcig gi bzhon pa'am/ bsdus pa'ang rung ste gnas chen po bya'o/ /gang gA'i dbus kyi gling der gnas pa'i gru'i bzhon par skyes bu brgya nyi shu lag na sgron me thogs pa rnams gru'i bzhon pa la 'dzegs te gos dkar po gyon zhing srung ba byas pa ras ris kyi thu bo sngar gyi cho gas kun du bzhag pa'i spyan sngar gzhag par bya'o/ /de nas ras ris la mchod pa chen po byas nas nA ga ge sar gyi phye ma rnams dang gur gum dang / tsan+dan dkar po dang / ga pur bsres pa dang / seng ldeng gi sreg blugs stong phrag sum cu rtsa drug sbyin sreg bya'o/ /de nas sbyin sreg gi mthar gru de skad cig tsam gyis tshangs pa'i 'jig rten du 'gro zhing 'ong bar 'gyur te ji ltar 'dod pa bzhin du rnam par rgyu'o/ /'phags pa spyan ras gzigs dbang phyug mthong bar byed do/ /mthong ba tsam las thob par 'gyur ro/ /mngon par shes pa lnga dang yun ring du 'tsho zhing bskal pa chen por gnas par 'gyur ro/ /rig pa 'dzin pa'i 'khor los sgyur ba'i rgyal po chen por 'gyur ro/ /mar me 'dzin pa de rnams kyang 'di'i rig pa 'dzin pa grub par 'gyur ro/ /lhan cig spyod pa de rnams dang / thabs cig tu ji ltar 'dod pa bzhin du rnam par rgyu zhing / rang dgar 'gro bar 'gyur ro/ /sangs rgyas bcom ldan 'das rnams mchod pa dang / bsnyen bkur gyis mngon par dgyes par 'gyur ro/ /mthar yang sangs rgyas nyid du nges par 'gyur ro/ /gzhan yang las kyi cho ga'i sgrub thabs dam par gyur pa ni/ chu klung 'gram mam rgya mtsho'i ngogs/ /de bzhin kha ba can gyi rir/ /ri yi rgyal po 'bigs byed de/ /der ni las mchog bsgrub par bya/ /sa h+ye ma la ya nyid dang / /ri bo spos kyi ngad ldang dang / /bya rgod phung po'i ri rgyal du/ /las kyi mchog ni bsgrub par bya/ /rgya mtsho chen po'i brag dang ni/ /shing sogs me tog ldan pa ste/ /rgyal bas gsungs pa'i sngags rnams ni/ /phyogs 'di rnams su bsgrub par bya/ /rnam par dben pa'i phyogs gtsang ma/ /bas mtha'i grong gi chos bzhi la/ /mi smra reg pa spangs nas ni/ /rtag tu gci ba bya ba yin/ /lus la lha gnas bshang ba dang / /brtul zhugs can dag gtsang sbra bya/ /reg na gzhon sha can rnams 'dod/ /srog chags spangs pa'i sa rnams ni/ /gsum po tshul bzhin blangs nas ni/ /rtag pa kho nar bshang lam la'o/ /de bzhin gnyis ka'i mthar lag pa/ /sngags pas rtag tu sa dag ni/ /sngar bstan pa dag blangs nas ni/ /zlos bos rtag tu rkang pa nyid/ /g.yas dang de las gzhan pa ni/ /phan tshun nyid du kun bzhag nas/ /'bad pas rkang pa bkru bar bya/ /rgya cher sngar ni brjod pa bzhin/ / sngags zlos po yi gtsang sbra yang / /dri nga med pa'i gtsang sbra ste/ /rtag tu thub pa nyid kyis gsungs/ /'di dag mdor bsdus bstan pa yin/ /rgyud rnams kun du mthong ngo zhes/ /mnga' bdag thub pa nyid kyis gsungs/ /de nas zlos pos nye reg bya/ /sdom brtson dngos grub las la dga'/ /sngar brjod pa yi cho ga yis/ /yid kyi nang gi dag pa yin/ /gtsang sbra rnam pa lnga ru brjod/ /sngags pas sngags rnams thams cad du/ /lus kyi gtsang sbra de bzhin du/ /ngag yid kho nar rab tu bsgrags/ /bzhi pa bden pa'i gtsang sbra ste/ /chu ni lnga par brjod par bya/ /bden pa'i chos ni khro ba thul/ /rgyud shes bstan bcos mthong ba dang / /phra mo'i de nyid don la mkhas/ /sngags shes las la grags pa dang / /rgyu yis nang la mkhas pa ste/ /de la dngos grub rnyed mi dka'/ /bden pa'i chos ni rnam spangs pa'i/ / pa'i tshig ni smra mi bya/ /bden pa thams cad rnam spangs pa'i/ /ma rungs rab tu ma rungs nyid/ /rnam par sdang dang 'khrugs bcas dang / /rtsub cing gnad ni 'gems pa dang / /bden pa'i chos ni rnam par nyams/ /sems can gzhan la gdung bar byed/ /phra ma nyon mongs can sems dang / /chos rnams thams cad spangs pa dang / /de bzhin 'tshe ba'i bdag nyid can/ /rtag tu khrims 'chal chos min spyod/ /sngags zlos pa yis spang bar bya/ /de bzhin nyid du grong gi chos/ /khro ba brnab sems 'byung ba yi/ /'jig rten pha rol 'jigs pa rnams/ /blo ldan rang rgyal bse ru dang / /slar yang rtag tu nyon mongs dang / /sngon gyi sangs rgyas rnams kyis smad/ /de bzhin rtag tu smra ba/ /'jig rten dngos grub 'dod don gnyer/ /sa stengs smra nye bar smra/ /mi bzad dmyal ba chen por ltung / / sngon gyis nyes pa las de bzhin/ /dga' bas gshin rje'i 'jig rten du/ /rtag tu slar yang der gnas so/ /rtag tu smras nyer 'tsho ba/ /mi bzad ngan 'gror ltung bar 'gyur/ /thig nag rab tu tsha ba dang / /yang sos ral gri lo ma dang / /de bzhin shal ma la yi nags/ /der ni bskal pa mang por gnas/ /du smra ba'i skye bo ni/ /gsang sngags log par smra ba dang / /rmongs pas log par brjod pa yi/ /'byung po rnams la slu byed pa/ /de la grub pa ga la yod/ /de phyir rmongs pa las 'di yis/ /sngags kyi dngos grub ma mthong nas/ /sngags pa'i dngos grub med do zhes/ /'di skad du ni tshig smra ba/ /gang gis sangs rgyas bstan pa ni/ /sa stengs 'dir ni rab spangs pa/ /bskal pa bye ba mang po yis/ /de yis grub par ga la 'gyur/ /de phyir 'di ni mi bzad pa'i/ /'jigs chen mnar med 'tshed par 'gyur/ /yang sos dang ni thig nag dang / /rab tu tsha bar 'tshed pa dang / /sems can sdig sbrul la sogs pa/ /spangs pa'i sa phyogs 'dod par bya/ /'bras bu me tog yang dag ldan/ /dri med chu ni rab bsngags pa/ /sngags rig pas ni sngags bsnyen bya/ /yul gzhan rnams su bsgrags mi bya/ /lha yi gnas sam dur khrod dam/ /brtan pa'i mtshan ma gcig pa dang / /rtags gcig de bzhin bas mtha' ru/ /sngags rig sngags ni bsnyen pa bya/ /bdag dang grogs rnams bsrung byas nas/ /sngar spyad gsang sngags ldan pa dang / /sngags pas rtag tu sngags bzlas bya/ /dgon pa che mchog shing chen dang / /me tog 'bras bu la sogs 'byung / /ri yi rtse dang khung bu dang / /chu yi gnas ni gtsang mar bcas/ /'bab chu che 'gram yid 'ong bar/ /sngags rig pas ni sngags bsnyen bya/ /sngags shes nas ni nges rtogs byed/ /shar phyogs su yang chu klung che/ /lu hi ta 'gram dge ba dang / /de bzhin kA ma ru pa'i yul/ /grong mchog 'phel bar byed pa dang / /dma' ba gang du 'di 'gro mchog /'dug pa dang ni chu klung mchog /gnas der rtag tu zlos pa dang / /gtsang ma blo gros ldan pas bsten/ /sngon du bsnyen pa'ang der gyis shig /gang gA'i sgo ru las rnams kun/ /de bzhin rtag tu gang gA dang / /dug can pa ni phrad pa ru/ /rab tu sbyor ba kun nyid dang / /gtsang ma'i sngags kyis bzlas pa bya/ /dur khrod che dang gzhan nyid ni/ /zlos pos der ni rtag tu bzlas/ /dri med chu dang 'bab chu ni/ /srog chags rnams kyis spangs pa ru/ /de nyid phyir ni shin tu ni/ /mnyam gzhag sngags kyis bzlas pa bya/ /der ni 'jig rten bsam pa yi/ /bsod nams min pa cung zad mthong / /'on kyang sngags kyis nyer bstan pas/ /cung zad dus su 'dug par bya/ /de nas gzhan du 'gro bar bya/ /zla ba gzas zin dus der ni/ /dus ma bab na'ang dus cung zad/ /der 'dug bya yi gzhan du min/ /gzhan du sngags rig ci nus pas/ / de nas myur du 'gro bar bya/ /bde gshegs mchod rten bzhugs pa yi/ /sa stengs rnams su kun du 'dug /'jig rten mu stegs thams cad ni/ /lta ba ngan par lhung ba rnams/ /mu stegs can gzhan gnas rnams ni/ /sngags rig pas ni rtag tu spangs/ /sngags shes der ni mi bsdad do/ /skyes mchog blo gros rgyu ngan pa/ /rgyal ba mchog gis gang bzhugs dang / /rang rgyal bse ru lta bu dang / /byang chub sems dpa' skal ba che/ /rgyal mchog sras po nyan thos rnams/ /de rnams kun bzhugs sa stengs kyi/ /yul rnams kun du sngags shes pas/ /'bad pas sngon du bsnyen pa bya/ /mnyam par gzhag pas gsang sngags ni/ /gnas de ru ni bzlas par bya/ /gsungs pa'i gnas ni 'di rnams su/ /gsungs pa'i las rnams thams cad dang / /las kyi cho ga'i sgrub thabs rnams/ /'di rnams rnyed par ma gyur na/ /gang yang rung ba'i gnas der ni/ /gtsang mas sngon du bsnyen pa bya/ /dad cing mos pas sgrub thabs kyi/ /cho ga mchog gi las brtsam mo/ /dang po re zhig /bris sku'i thu bo zhal nub tu bstan nas bzhag ste/ bdag nyid shar du mngon par phyogs la grog mkhar gyi sa'am/ gang gA'i klung gi 'gram gyi sa blangs nas pu shel tse dang / tsan+dan dkar po dang / gur gum dang / ga pur rnams bsres la rma bya'i gzugs byas te/ de bris sku'i spyan sngar bzhag nas rtse mo ma bcad pa'i ku sha gtsang ma'i phyogs nas byung bas 'khor lo'i rnam pa byas nas bris sku'i spyan sngar lag pa g.yas pas bzung ste/ lag pa g.yon pas ni rma bya'o/ /dkar po'i zla ba nya ba'i mtshan phyed na bris sku la mchod pa chen po byas nas ga pur gyi bdug pa bsregs pa'i dri dang ji srid nam langs pa'i bar de srid du bzlas par bya'o/ /de nas nyi ma 'char ba'i dus kyi tshe de rma bya'i rgyal por 'gyur ro/ /'khor lo yang 'bar ro/ /bdag nyid lha'i phreng ba dang gos 'chang zhing rnam par brgyan pa dang / nyi ma 'char ka 'dra bar 'dod pa'i gzugs can du sangs rgyas dang byang chub sems dpa' thams cad la phyag byas te ras ris la bskor ba byas la ras ris blangs nas rma bya'i gdan de la 'dug na yud tsam gyis tshangs pa'i 'jig rten las 'da' bar byed do/ /rig pa 'dzin pa bye ba khrag khrig brgya stong phrag du mas yongs su bskor ba'i rig 'dzin gyi rgyal po 'khor los sgyur bar 'gyur/ bskal pa drug cu'i bar du 'tsho bar 'gyur ro/ /ji ltar 'dod par 'gro zhing / rab tu spyod par 'gyur ro/ /thogs pa med par 'gro'o/ /lha'i phun sum tshogs pa dang ldan par 'gyur ro/ / 'phags pa spyan ras gzigs dbang phyug mngon sum du mthong bar 'gyur ro/ /de nyid 'di'i dge ba'i bshes gnyen du 'gyur ro/ /mthar yang sangs rgyas nyid thob par 'gyur ro/ /de bzhin du dbyig pa dang / ril ba spyi blugs dang / mchod phyir thogs dang / ldong ros dang / gi wang dang / ral gri dang / lcags mda' dang / mtshon rtse gcig pa dang / dgra sta dang / mtshon cha'i khyad par rnam pa sna tshogs pa/ sa'i rang bzhin gyi khyad par dang / rkang gnyis pa dang / rkang ba bzhi pa dang / bya dang / bzhon pa'i khyad par seng ge dang / stag dang / gzig la sogs pa rnams grog mkhar gyi sa dri zhim po'i dri zhim bsres pa las byas pa'am/ stan dang / bzhon pa dang / mal cha dang / gdugs dkar po dang / cod pan dang / rgyan gyi bye brag thams cad dang / rin po che'i bye brag thams cad dang / rab tu byung ba'i yo byad kyi bye brag thams cad la bgrang phreng dang / /mchil lham dang / lhung bzed dang / chos gos dang / khab dang / gri la sogs pa rgyal gyi lcags las byas pa'am/ gzhan yang gang cung zad sems can gyi yo byad snod la sogs pa rgyal gyi lcags las byas pa'am/ grog mkhar gyi sa'am/ chu klung gi sa las byas pa de thams cad pa'i rnam lngas bkrus nas mngon par bsang gtor byas te snga ma bzhin du sbyor ba'i sngags sam/ yi ge gcig pa'i sngags sam/ sngags gzhan gang yang rung ba brgya rtsa brgyad mngon par bsngags pa byas nas rtog pa'i rgyal po 'dir gsungs pa ma gtogs pa sgrub pa'i cho ga'i rig pa ji ltar 'dod pa dang / ji ltar mngon par dga' bas bdag nyid srung zhing grogs po yongs su bskyab par byas pa/ shin tu gsang thub cing sngags dang rgyud shes pa/ sngar bstan pa'i gnas su bris sku zhal nub tu bstan la bzhag ste bdag nyid sngar bzhin du'o/ /bris sku la mchod pa chen po byas nas gtso bor ga pur gyi bdug pa bsregs te sngar bstan pa'i mtshon cha dang yo byad dang sems can gyi khyad par rnams sngar bstan pa'i bcos mar byas la/ yar ngo'i zla ba nya ba'i mtshan mo rdzas de rnams gang rung blangs te mtshan mo ji srid du bzlas pa byas na nyi ma 'char ba'i dus kyi tshe bar skabs 'dir bris sku la 'od zer gyi phreng ba chen po kun du mthong ngo / /gal te sgrub pa po bzhon pa'i khyad par blangs par gyur na/ de la zhon nas ji ltar 'dod par 'gro bar 'gyur ro/ /gal te rgyan gyi khyad par ram/ mtshon cha'i khyad par blangs pa'am/ bcangs pas rig pa 'dzin pa'i rgyal po chen por 'gyur ro/ /ji ltar 'dod pa bzhin 'gro zhing / lha'i lus can nyi ma shar ba dang mtshungs pa 'od zer chen po'i phreng ba dang ldan pa glog ltar gsal ba'i sku/ rig pa 'dzin pa thams cad kyi mnga' bdag /ring du 'tsho zhing bskal pa chen por gnas pa rig pa 'dzin pa bye ba khrag khrig brgya stong phrag du mas yongs su bskor lha'i nor bu rin po che'i gzhal yas khang na spyod pa/ sngar yongs su brtags pa'i sa'i rang bzhin gyi bzhon pa gang gis grub pa de nyid mthu chen por 'gyur te/ de nyid 'di'i bzhon pa dang / de nyid 'di'i grogs po ste/ gzhan gyi sngags kyi dngos grub bzlog par gyur pa bdag gi sngags kyi dngos grub kun tu sbyar bar byas pa/ byams pa'i bdag nyid can/ phan par 'dod pa rtag tu rjes su bcings pa/ de nyid 'di'i mtshon cha dang / rgyan dang / rin po che'i bye brag dang / stan dang / mal cha dang / sems can la sogs pa gang yin pa de nyid 'di'i bsrung ba dang / bskyab pa dang / sba ba chen po rtag tu rjes su 'brel bar 'gyur ro/ /mthu chen po dang brtson 'grus chen po dang / lus chen por 'gyur ro/ /'phags pa spyan ras gzigs mngon sum du mthong zhing legs so zhes bya ba gnang ste spyi bor byugs nas ji srid byang chub snying bo rjes su thob kyi bar du dge ba'i bshes gnyen mdzad de/ stobs bcu po rnams nges par kun nas thob ste mchod pa'i 'os su'ang 'gyur ro/ /sems can rnams kyis zil gyis mi non pa dang / 'byung po thams cad kyis mi tshugs par 'gyur ro/ /yang dag pa'i mtha'i rigs rgyun mi gcod pa dang / sa thob par yang 'gyur ro/ /stobs bcu dang byang chub sems dpa' nyid du nges pa dang ting nge 'dzin du 'gyur ro/ /mdor bsdus nas las mchog thams cad dang / gnas mchog la gnas pas ras ris mchog gi spyan sngar mchod pa mchog la mngon par dga' bas las mchog gzhan nyid bya'o/ /rig pa 'dzin pa nyid nam mkha' la 'gro ba dang / byang chub sems dpa'i rjes su 'jug pa dang / mngon par shes pa lnga dang / sa rjes su thob par byed pa nyid dang / lus 'di nyid kyis 'jig rten gyi khams su kun du 'gro ba nyid dang / stobs bcu'i rgyud yongs su rdzogs par byed pa nyid kyi phyir dang / 'phags pa byams pa mngon sum du mthong ba nyid kyi phyir dang / chos bstan pa don yod pa nyid kyi phyir dang / sangs rgyas kyi gdung rgyun mi gcod pa nyid kyi phyir dang / thams cad mkhyen pa'i ye shes kun du gnon cing rjes su thob par byed pa nyid kyi phyir dang / chos kyi sprin rnam par 'byor pa la rjes su 'jug pa nyid kyi phyir dang / nyon mongs pa'i yongs su gdung ba med cing bdud rtsi'i char gyi rgyun gyis rab tu zhi ba nyid kyi phyir dang / 'jig rten rjes su 'dzin pa la rab tu 'jug cing nan tan byed pa nyid kyi phyir dang / de bzhin gshegs pa'i chos kyi tshul srung ba nyid kyi phyir dang / de bzhin gshegs pa'i gsung don yod par byed pa nyid kyi phyir dang / sngags kyi spyod pa'i sgrub pa'i thabs kyi cho ga rab tu sgom pa nyid kyi phyir dang / sangs rgyas dang / byang chub sems dpa' thams cad dang / rang sangs rgyas dang / 'phags pa nyan thos bdag nyid chen po rnams 'byung ba nyid kyi phyir/ rtog pa'i rgyal po 'di bsgrub par bya ste/ sngags kyi mthu rab 'byam dang ldan pa ras ris thu bo spyan snga dang nye bar 'dug nas 'jig rten pa dang / 'jig rten las 'das pa thams cad kyi sngags kyi cho ga dang / rgyud thams cad du rnam pa sna tshogs pa'i lam ste/ mdor na 'dir rtog pa gzhan du gsungs pa'i las rnams kyis kyang ras ris kyi rgyal po 'di bsgrub par bya ste/ myur du de rnams kyi dngos grub tu 'gyur te gang ngas bstan pa de dag gdon mi za bar 'grub par 'gyur ro/ /byang chub sems dpa'i sde snod phal po che theg pa chen po shin tu rgyas pa'i mdo sde bcom ldan 'das ma 'phags ma sgrol ma ral pa gyen brdzes kyi rtsa ba'i cho ga las/ ras ris mchog gi sgrub pa'i le'u ste brgyad pa rdzogs so// //de nas bcom ldan 'das shAkya thub pas slar yang 'khor gyi dkyil 'khor chen po de la gzigs nas byang chub sems dpa' chen po la bka' stsal pa/ sems dpa' chen po khyod kyi ras ris kyi cho ga bar ma'i las kyi cho ga'i sgrub thabs bar ma yod do/ /de mdor bsdus nas bshad par bya yis/ legs par yid la gyis shig dang bshad par bya'o/ /de nas yang byang chub sems dpa' sems dpa' chen po spyan ras gzigs dbang phyug gis bcom ldan 'das la 'di skad ces gsol to/ /bcom ldan 'das ston pa 'jig rten la thugs brtse ba can/ sems can thams cad la phan par dgyes pa/ bdag cag la thugs brtse ba'i don dang / ma 'ongs pa'i skye bo rnams la gzigs nas gang de'i dus la bab par dgongs na de gsung du gsol/ de skad ces gsol pa dang / byang chub sems dpa' sems dpa' chen po spyan ras gzigs dbang phyug la bcom ldan 'das kyis 'di skad ces bka' stsal to/ /sems dpa' chen po nyon cig /dang po re zhig tshul khrims dang brtul zhugs dang / gtsang sbra'i kun du spyod pa dang / nges par sdom pa dang / bzlas pa dang / sbyin sreg dang / bsam gtan dang / cho ga dang / gang du rab tu gnas pa ste/ sems can thams cad kyi spyod pa sgrub pa'i las 'bras bu dang bcas shing don med par mi 'gyur ba dang / sngags thams cad kyi rab tu sbyor ba'i dngos grub 'grub par 'gyur ba de gang zhe na/ de ngas bshad kyis sems dpa' chen po nyon cig /dang po re zhig rig pa'i brtul zhugs dang / tshul khrims yang dag par blang ba dang po nyid du yang dag par blangs te/ dang po re zhig dkyil 'khor gyi slob dpon gyis nye bar bstan pa'i dam tshig la yang dag par rjes su 'jug par bya'o/ /khyod kyis rtog pa'i rgyal po gsungs pa/ sngar nges par bstan pa gsal ba/ yid gzhungs pa dang ldan pa/ slob dpon du dbang bskur ba thob pa/ khyod kyis bstan pa'i cho ga shes pa/ mkhas pa/ gsal ba/ chos dang ldan pa/ bden par smra ba/ spro ba che ba/ byas pa gzo ba/ brtan pa/ sems bzang pa/ ha cang mi rgan cing ha cang mi gzhon pa/ rnyed pa dang / bkur sti thams cad la 'dod pa med pa/ tshangs par spyod pa/ snying rje dang ldan pa/ rnyed pa tsam gyis sam longs spyod rgyur ram/ rjes su chags pa'i rgyur yang mi smra na/ shin tu chung ngu tsam nyid dang / rnyed pa dang / rmongs pa'i rnam pa lta smos/ dam bcas pa brtan pa dang / 'byung po thams cad la mnyam pa nyid du snying brtse ba dang ldan pa dang / sbyin pa dang tshul khrims dang / sngar spyad pa byas pa khyod kyi gsang ba'i rig pa dang / sngags rjes su zlos pa dang / rig pa sngon du bsnyen pa byas pa khyod kyi dkyil 'khor du yang dag par zhugs pa/ 'jig rten shes pa/ yang dag par rjes su 'dzin par byed pa/ 'bras bu dang ldan zhing mkhas pa/ legs pa la rab tu zhugs pa/ mi 'jigs shing mi gnod la/ chags pa med pa/ dpa' ba/ brtson 'grus brtan pa/ nad med pa ste/ nad gang gis las su mi rung ba'i ngang tshul can dang / rigs che zhing mtho bar rab tu skyes pa zhes pa/ yon tan 'di rnams dang ldan pa ni dkyil 'khor gyi slob dpon du 'gyur te/ sgrub pa po yang de dang 'dra ba'am/ yan lag cung zad ma rdzogs pa'o/ /de lta bu'i dkyil 'khor gyi slob dpon la mchod pa byas nas 'di'i don du gsol ba gdab par bya ste/ slob dpon gyis byang chub sems dpa' sems dpa' chen po'i rig pa dang sngags dang bcom ldan 'das ma de'i dkyil 'khor gyi dam tshig la rjes su 'jug par 'tshal na bdag cag la rjes su brtse ba'i don dang / phan pa'i thugs bskyed nas de slob dpon gyis gsung du gsol/ de nas dkyil 'khor gyi slob dpon gyis sngar bstan pa'i cho gas slob ma ji lta ba bzhin rim gyis brtags nas gzhug par bya zhing sngar bzhin du mngon par dbang bskur ba byin nas rig pa dang sngags byin la rim pa ji lta bar dam tshig bstan par bya'o/ /gsang chen dang / phyag rgya dang / rgyud dang / sngags dang las rnams kyang dus ring mo nyid nas yongs su brtags te/ bsam pa shes nas rgyud dang sngags la sogs pa dang / las rnams thams cad bstan par bya'o/ /gzhan du ma yin no zhes pa'i cho ga 'di rab tu bsgrags so/ /de nas slob mas dkyil 'khor gyi slob dpon la ji ltar nus pas gang gis slob dpon dgyes pa'am bdag nyid dang longs spyod kyang dbul bar bya'o/ / de nas dkyil 'khor gyi slob dpon des bu'i 'du shes nye bar gzhag par bya'o/ /bu bzhin du bskyang bar bya'o/ /ma bzhin longs spyod kyis nye bar bsdu bar bya'o/ /de nas sgrub pa po des rig pa dang sngags gang yang rung ba zhig bzung nas mtha' gcig tu song ste/ sngar bstan pa'i gnas rgya cher gong ma bzhin du sbyar bas rig pa la sogs pa de rnams nyid kyis spyan drang ba dang / gshegs su gsol ba dang / mar me dang / dri dang / bdug pa dang / gtor ma dang / lha bshos dag dkyil 'khor du gsungs pa'i cho ga nyid kyis rgyas par byas te spyan drangs nas gdan phul ba thun mtshams gsum du khrus gsum bya zhing gos lan gsum brjes te nyi ma so so la bzlas pa bya'o/ /de la thun mtshams kyi dus zhes bya ba ni mtshan mo'i mtha' nas brtsams te ji srid nyi ma 'char ba'i dus tsam gyi bar 'di la dang por bshad do/ /nyi ma gung ni nyi ma shar ba'i mthar dus tsam gyi tshad kyi mtshams nyi ma'i dkyil 'khor nam mkha' la yang dag par brten pa ni cho ga shes pas gung gi thun mtshams su shes par bya'o/ /nub pa'i dus su yang lhag ma bzhi cha tsam thun mtshams gsum par brjod par bya'o/ /slob dpon mkhas pa bshes gnyen can/ /tshul khrims brtul zhugs yang dag ldan/ /chen po'i rigs su 'khrungs pa dang / /kun nas brtson 'grus brtan pa ni/ /sngags dang rgyud sogs yang dag ldan/ /bya ba kun la blo gros byang / /phra zhing mkhas la tshad shes pa/ /chos kyi dbyings ni rtag tu 'dzin/ /spro ba che zhing gzi brjid ldan/ /'jig rten chos la ltos pa med/ /thub pa mchog gi chos la dad/ /'jig rten pa rnams dor ba dang / /bzlas pa bya zhing rnam dben byas/ /sngon du bsnyen pa rjes brten pa/ /byang chub sems dpa'i gsang sngags shes/ /de las gzhan pa'i rkyen rnams mthong / /sangs rgyas kyis gsungs gsang sngags dang / /'jig rten pa yi rab sbyor shes/ /srung ba byas shing mthu brtan pa/ /gtsang sbra'i kun spyod la rtag dga'/ / sangs rgyas nye bstan lam la ni/ /kun nas rjes su 'jug pa dang / /gsang sngags rgyal bas gsungs pa yin/ /gsang sngags zlos la rtag tu brtson/ /rtag tu mthong chos 'bras bu dang / /'jig rten pha rol de bzhin nyid/ /sdig pa kun la 'jigs pa dang / /phra mo tsam la'ang de bzhin no/ /gtsang zhing mkhas la le lo med/ /yid gzhungs blta na sdug pa dang / /stobs bcu pas bshad sngags gang dang / /de bzhin kho nar rgyal sras dang / /'jig rten pa yi sngags gang nyid/ /rdo rje pad+ma'i rigs dag la'ang / /de la rtag tu ngal bar byas/ /gzhung dang bstan bcos don 'dzin pa/ /nad med nus pa med min pa/ /rga dang nad ni rnam par spangs/ /de bzhin bshes gnyen can sngags grub/ /kun nas myur du byed pa dang / /mtha' yi ring min zhing de bzhin/ /tshangs par spyod cing shes rab che/ /khyad par du ni shes pa dang / /gcig tu 'du 'dzi med pa dang / /dpa' zhing dbang bskur thob pa dang / /de 'dir byang chub pha rol son/ /srid pa zhi bar byed la brtson/ /de bzhin nyid du rig sngags bya/ /mthu chen 'jig rten shes pa dang / / 'gro ba sems can rjes sems pa/ /dpal nyid dang ni rab tu ldan/ /sbyin dang 'byung po phan la dga'/ /de bzhin khyad 'phags slob dpon la/ /rtag tu gsol ba gdab par bya/ /des ni dkyil 'khor bris pa yi/ /sngags kyi dngos grub ster bar byed/ /de nyid kyis ni dbang bskur gyis/ /'bras bu chen po sbyin par 'gyur/ /dngos grub 'dod pa'i slob mas kyang / /thub pa bzhin du rtag tu mchod/ /de yi gsung ni mi 'gom pa/ /slob mas 'bad pas bya ba yin/ /ji ltar 'byor cing bdog pa yi/ /longs spyod de la dbul bar bya/ /nyung ngu tsam mam mang yang rung / /gang gis mnyes par 'gyur ba dang / /lus ni 'tsho ba'i rgyu yi phyir/ /pha la nor ni ster ba ltar/ /de bzhin slob ma chos shes pas/ /slob dpon la ni nor dbul bya/ /mtha' yi dbang phyug dngos grub thob/ /tshe dang de bzhin nad med dang / /rgyas pa'i 'gro ba thob par 'gyur/ /slob mas bla ma de mchod na/ /de yi sngags rnams 'grub par 'gyur/ /lam dang cho ga nyer mthong dang / /bsnyen pa las kyang brten pa las/ /de bzhin ri mor byas mchod las/ /sangs rgyas thams cad dgyes par 'gyur/ /de bzhin rgyal mchog sras rnams dang / /lha rnams thams cad dgyes par 'gyur/ /bla ma rtag tu bsnyen bkur na/ /bla ma sngags rnams mthong ba yis/ /'di dag thams cad brtan par 'gyur/ /sgrub pos sngon dang thog mar ni/ /dam tshig la ni rjes 'jug bya/ /dman nam de dag mnyam yang rung / /gal te ches mchog gyur pa yang / /rmongs pa'am lhag par khro ba yis/ /rtag tu bla ma brnyas mi bya/ /des kyang rgyud 'dir de la ni/ /man ngag rtag tu sbyin par bya/ /gang tshe sngags kyi dngos grub byin/ /'dis ni ser sna byas pa min/ /sngar bstan slob ma de la ni/ /man ngag rtag tu sbyin par bya/ /gang tshe sngags kyi dngos grub byin/ /lus can zhen pa 'phel byed pa'i/ /mig ni gang la yod gyur pa/ /de nyid slob ma nyid bya'o/ /slob dpon nam ni slob ma'i rgyur/ /phan tshun rjes su 'jug byed pa/ /gang du zhen pa'i rgyun skyong ba/ /'jam po'i rgyun ni 'dzin pa ste/ /de la sngags ni sbyin par bya/ /slob dpon de bzhin slob ma ni/ /slob ma bla mar mthong ba la/ /rtag tu spro bar 'gyur ba'am/ /gnyis kas dngos grub yang dag 'byor/ /de la rtag tu lam nyid dang / /sngags kyi spyod pa rjes bstan bya/ /gnyis kas pha dang bur shes pas/ /sngags ni 'bras bcas rjes 'jug pa/ /brtan dang dga' ba de bzhin thob/ /rtag tu slob mas bla ma ni/ /rab tu 'bad pas bsrung bar bya/ /bu ni bdag nyid chen po rnams/ /sangs rgyas chos rgyun mi 'chad 'gyur/ /de med mgon med de rnams la/ /ji skad gsungs pa'i sngags rnams sbyin/ /sems can bkren dang ma ning la'ang / /thams cad la ni khyad par du/ /sngags kyi spyod pa khyad par 'phags/ /tha ma mchog dang bar ma la/ /dus rnams kun tu bya ba'o/ /yongs su thob pa'i chos rnams la/ /rjes su gzung ba'i rgyun bya'o/ /'gro ba blo gros nges pa yi/ /'dod pa rnams la'ang rab sbyin bya/ /de phyir ji ltar 'dod pa'i sngags/ /slob ma nyid kyis blang bar bya/ /de nyid kyis ni nyer bstan pas/ /lam nyid yin no gzhan du min/ /dngos grub 'dod pas gang de la/ / pha ni pha rol song ba na/ /pha bzhin mgo bos phyag byas te/ /de nas ji ltar 'dod par 'gro/ /de nas 'dir ni song nas ni/ /mnyam par bzhag pas gsang sngags bzlas/ /slong mo slong ba'i rjes 'jug cing / /smra ba bcad de dus gsum bzlas/ /de ltar bstan pa nyid du 'gyur/ /ji lta'i lam la rab 'jug pa/ /de tshe rnam 'gyur de gcod pa/ /khang stong dang ni dgon pa che/ /ri bo che dang chu klung ngogs/ /gtsang dang ba lang gnas mtsho chen/ /rnam dben skye bo spangs pa bsten/ /lha khang dang ni shing drung dang / /mtshan gcig ri ni mthon po dang / /rgya mtsho che 'gram nyams dga' dang / /chu gling ngam ni gling rnams dang / /rnam pa sna tshogs sngar bstan pa'i/ /yul rnams sna tshogs yid 'ong ba/ /'di rnams las kyang phyogs gzhan du/ /mnyam par bzhag pas sngags bzlas bya/ /grogs po mtshan nyid ldan pa ni/ /sngags don nges pa'i rtog ge pa/ /ltas ni rnam pa de nyid shes/ /dpa' zhing g.yul las rnam rgyal ba/ /snying stobs ldan zhing bzod pa can/ /dad dang tshul khrims phun tshogs ldan/ /rgyal bas gsungs pa'i yul 'dir ni/ /rab bsngags mtshan nyid dang ldan pa/ /bzod dang ldan pa'i grogs po yis/ /'bad pa med par nyid kyis ni/ /las rnams rgyal ba 'grub par 'gyur/ /tho rangs mal nas langs nas ni/ /'bab chu mtsho chen las byung ba'i/ /srog chags med cing dri ma med/ /chu de nyid la khrus byas nas/ /sa dang ba byung phye ma yis/ /sngags shes lus ni dril phyis bya/ /de nas sngags kyis sbyang byas pa'i/ /chu nyid shin tu dri med la/ /zlos po brtson pas khrus bya'o/ /ha cang yun ring khrus mi bya/ /de nas langs la lag pa dag /sa dag gis kyang bkru bar bya/ /bdun dang bdun dang yang lan bdun/ /nyi shu rtsa gcig nye reg bya/ /yang der so shing kun du spyad/ /so sbyangs nas ni dor bar bya/ /de nas skyob la phyag byas shing / /'jig rten mgon la phyag byas nas/ /sngags rig mchod pa yid 'ong bya/ /bya ba sna tshogs bstod mchod kyis/ /yang dang yang du yang dag bstod/ /de bzhin dri zhim me tog gis/ /ston pa skyob la mchod yon dbul/ /sangs rgyas rnams la mgos phyag byas/ /de tshe slob mar gyur pa rnams/ /'jig rten mgon po de rnams kyi/ /spyan snga nyid du sdig pa bshags/ /bdag nyid dag kyang phul byas nas/ /ras ris spyan sngar 'khod par bya/ /ku sha'i khres la nye bar 'dug / sngags rig gnyis ka 'dug nas ni/ /mtshan nyid ji lta ba bzhin te/ /der ni bgrang phreng nyid kyis ni/ /rab tu 'bad pas bzlas pa bya/ /de tshe sngags gzhan mi bzlas so/ /cho ga dman pa yang spang zhing / /ha cang mchog kyang de bzhin no/ /bar ma bar ma'i las dag la/ /brtul zhugs can dag sngags bzlas bya/ /ha cang mthon po spang bar bya/ /gal te tshig ni dman pa'ang min/ /bar ma bar ma'i las rnams la/ /rab tu bsngags par rgyal bas gsungs/ /ha cang mtho min dma' ba min/ /bar mar rtag tu bzlas pa bya/ /sngon gyi sangs rgyas thams cad kyis/ /tshig ni dpal dang ldan par gsungs/ /gzhan gyi drung du mi bzlas shing / /gzhan gyi las lam rtag tu gsang / /bdag nyid rig pa'i yul du bzlas/ / sngags ni bar ma de bzhin du/ /bzlas pas rab tu 'byor bar 'gyur/ /sngags ni legs par thos pa 'ga'/ /dngos grub 'bring po 'dod pa nyid/ /sngags ni dge bar bzlas par bya/ /de phyir skye bo dang bral bar/ /sngags kyi de nyid don legs thos/ /tshogs dang bral zhing rnam dben par/ /zlos pa pos ni sngags bzlas bya/ /mtshan mo yi ni bzhi cha dang / /de yi phyed kyi phyed nyid kyi/ /skya rengs dmar po'i dus tsam ste/ /nyi ma'i dkyil 'khor shar ba na/ /thun ni dang por re bzhin du/ /thub pa'i skyes mchog gis gsungs so/ /dus kyi tshad ni bzhi yin te/ /bar mar yongs su bsgrags pa yin/ /de nas nyi ma phyed nub na/ /sngags kyi bzlas pa de tshe btang / /sngags zlos bor ba de yi tshe/ /mchod yon phul nas gshegs su gsol/ /brtul zhugs can gyis rnam gzhan spang / /de tshe bor ba'i gdugs lhag na/ /thub pa'i bstan la dge ba bya/ /shes rab pha rol phyin la sogs/ /dam pa'i chos ni klog pa dang / /sa bcu pa yi glegs bam ni/ /mchod dang klog pa rtag tu'o/ /de nas dus la bab gyur na/ /rang sngags sngags kyi mgon po dang / /thub pa skyes mchog phyag byas nas/ /de nas 'tsho ba la 'gro zhing / /de bzhin dus su spyod par ldan/ /dus su za zhing dbang po thul/ /sgrub po chos dang ldan pa dang / /sangs rgyas bstan la rab dad brtson/ /grong gzhan du ni 'jug pa na/ /mi smra gtsang sbra spyod la dga'/ /sems can rtag tu chos ldan pa'i/ /khyim du bsod snyoms dag la 'jug /zlos po srog chags med pa'i chu/ /tshos par grub pa gtsang mar 'dod/ /yang dag lta ba phun sum tshogs/ /sangs rgyas bstan la rab tu dad/ /de lta'i khyim du rtag tu ni/ /bsod snyoms don du slong mo blang / /dper na brtson pas go bgos te/ /nyam nga'i yul du rab tu 'jug /rtag tu dgra ni 'joms par byed/ /dgra rnams kyis gzhom mi nus pa/ /de bzhin sngags pa slong mos 'tsho/ /rtag tu grong du 'jug pa na/ /de bzhin chags par 'os pa yi/ /gzugs sgra mthong na mi dge ba/ /'dod chags zhi ba'i don gyi phyir/ / mi sdug dge ba bsgom par bya/ /lang tsho'i rnam pas brgyan pa yi/ /bud med lus ni mthong nas kyang / /smad cing rul ba'i lus rnams ni/ /srin bus zos shing dur khrod gnas/ /lus kyi mi rtag sdug bsngal ba/ /mi gtsang dri mi zhim par bsgom/ /gang la byis pa rmongs pa yi/ /'gro ba lnga por 'gro zhing 'khor/ /las kyi srad bus brgyus pa ni/ /yun ring dus su mya ngan byed/ /mi shes sgrib pas rmongs pa ni/ /dmus long sdug bsngal rgyu can no/ /gang du blo ni phyin ci log / chags pas skye bo phongs par 'gyur/ /rnam pa sna tshogs las lam gyis/ /rnam pa du mar chags gyur pa/ /ring nas khyogs kyis 'gro ba ni/ /'gro dang 'ong ba spyod par byed/ /rtag pa nyid phyir rjes chags pa/ /'dzin pa'i kun du spyod pa spyod/ /gang du sems can mi dge dga'/ /lam du yun ring rgyu bar byed/ /zo chun khyud mo'i rnam pa bzhin/ /srid pa'i mtsho chung 'byung ba rnams/ /'gro ba de rnams mi bzad pa'i/ /sdug bsngal chu bos kun du g.yengs/ /de bzhin bud med sdug bsngal gyi/ /rtsa ba 'ba' zhig yin pa ru/ /sangs rgyas byang chub sems dpa' dang / /de bzhin nyan thos rang rgyal dang / /thub pa rnams kyis gsungs pa yin/ /srid pa'i rgya mtsho mi 'khrugs pa'i/ /mtsho chen 'di dag bskam par dka'/ /bud med sems kyis bslus pa yi/ /sems can gnas gang bying ba de/ /dmyal ba dud 'gro'i 'jig rten dang / /'jig rten lha ma yin/ /de bzhin mi yi 'jig rten nyid/ /lha yi 'gro bar 'gro bar bya/ /rtag tu kun nas yongs su 'khor/ /bud med chags pas bslus pa ni/ /'khor ba'i rgya mtsho btson ra yi/ /'dam rdzab chen por bying bar 'gyur/ /bud med chags pa'i blun po'i mi/ /ro la chags pa'i ce spyang bzhin/ /gang la sems can rtag dga' ba/ /mi bzad sdug bsngal bzod par byed/ /dkar po chos la nges par nyams/ /sangs rgyas bstan la rab tu gnas/ /srid pa'i mtsho yi sdug bsngal nyid/ /thams cad zlog par byed pa yin/ /sngags zlos pa la dga' zhing brtson/ /dbang cher grags shing yid dang ldan/ /gzi brjid ldan zhing sngags thub pa/ /de rnams la ni sdug bsngal med/ /yang dag sdom dang tshags bden shes/ /bla ma lha ma mchod pa byed/ /ma dang pha la gus pa rnams/ /gsum po rnams la sdug bsngal med/ /mi rtag sdug bsngal stong pa dang / / gzhan gyi don la rjes su bsnyen/ /bud med lus la 'byung po'i gzugs/ /de bzhin 'bras dang zug rngu dang / /blo ngan phung po'i lcags kyus zin/ /'khor ba las ni mi 'da' ba/ /rtag tu bud med chags gyur pa/ /de la dngos grub yod pa min/ / de la mchog 'gro yod ma yin/ /'gro ba 'bring yang yod ma yin/ /dngos grub chung ngu'ang yod ma yin/ /'dir ni zlos po khrims 'chal na/ /tshul khrims 'chal la thub dbang gis/ /sngags kyi dngos grub ma bstan to/ /mya ngan 'das grong 'gro ba yi/ /lam yang med cing phyogs dang bral/ /'dir ni byis pa smad pa la/ /sngags grub pa ni ga la yod/ /skye bo tshul 'chal 'di la ni/ /de la bde 'gro'ang yong ma yin/ /bde ba nyid la gzhol ba'ang med/ /de bzhin rgyal bas gsungs pa'i sngags/ /grub par 'gyur ba smos ci dgos/ /ta la'i shing gi mgo bo ni/ /gang tshe bcad na slar yang ni/ /sngon po nyid du mi 'gyur zhing / /myu gu slar yang nam zhig 'gyur/ /de bzhin sngags grub rmongs pa ni/ /tshul khrims 'chal zhing sdig pa'i las/ / rtag tu slar yang bud med chags/ /mi dge'i grogs dang phrad pa la/ /sngags kyi rgyal po ga la 'grub/ /de bas gang tshe zlos pa po/ /bde bar gshegs pas spangs pa yi/ /bud med nyes pa rnams spyad de/ /gang gi dngos grub bsgrub bya ste/ / byis pa bud med la rmongs pa/ /gzhan gyis grub par ma bstan no/ /de nas dang por blo ldan pa/ /gtsang zhing 'du 'dzi med la dga'/ /rigs ldan brtan zhing dpa' ba dang / /sems bzang ldan zhing mthong na dga'/ /chos dang chos min rnams dpyod shes/ /de rnams grub pa rnyed mi dka'/ /de ltar sngags shes zhugs pa ni/ /grong du bsod snyoms phyir du 'jug /ji ltar 'dod pa bzhin song nas/ /sngar ni brtags pa'i gnas dag tu/ /mkhas pas dag pa'i blos bza' ba/ / bza' ba phyogs su bzhag nas ni/ /phyi rol song nas rkang pa bkru/ /de nas slar yang gnas de ru/ /srog chags med pa'i chu rnams kyis/ /dang po 'dren pa nyid yin te/ /gnyis pa la ni lag g.yon gyis/ /rked pa man chad dril phyis bya/ /kun du g.yas pa slar byin nas/ /lag pas yis bkru bar bya/ /sngar bzhag pa yi dag pa dang / /gtsang ma rnams kyi bdun nyid du/ /bza' zhing dag chus gtsang sbrar byas/ /ser skya'i ba las byung ba yi/ /ba yi lci ba ser po dag /gtsang zhing dri med snod blang la/ /srog chags med pa'i chus sbyar te/ /dang por ston pa thub pa yi/ /mchog la dkyil 'khor bya ba yin/ /khyad par khru gang tsam du 'o/ /gnyis pa rang sngags mgon po la/ /gsum pa rigs kyi lha mo la/ /gang zhig sngags pa zlos pa po/ /slar yang rtag tu bya ba yin/ /bzhi pa sems can thams cad kyi/ /nye bar longs spyod don du grags/ /g.yas su 'jig rten mgon po yi/ /dkyil 'khor 'di ni rtag tu bya/ /dkon mchog gsum gyi ched du ni/ /dkyil 'khor de ni gru bzhi pa'o/ /gnyis pa rang sangs rgyas rnams dang / / gsum pa stobs bcu ldan pa'i sras/ /dkyil 'khor bdun po 'di dag ni/ /kun nas gru bzhi pa ru'o/ /khru gang ngam ni khru phyed rung / /nyin re zhing yang bya ba'o/ /zlos pos de tshe sbas pa'i phyogs/ /sdig pa 'joms byed nyin re bzhin/ /de nas sngags pa thub pa langs/ /lag gnyis 'bad pas bkrus nas ni/ /gtsang ma'i chu yis nye reg bya/ /dag cing srog chags spangs pa yi/ /dri ma med pa'i gtsang ma ni/ /'bad pas gtsang ma'i snod du blang / /mtsho chen dang ni 'bab chu'am/ / chu mig chu bo la gnas pa/ /gtsang ma'i phyogs nas byung ba yi/ /sems can gtsang ma lag gis bcus/ /sngags pas slar yang nye reg bya/ /gnyis sam gsum du rtag tu yang / /de nas kha la reg bya zhing / /de bzhin nyid du rna ba'i rgyun/ / mig dang sna yi bu ga dang / /spyi bo lte ba'i phyogs reg bya/ /dge ba spyod pas lan lnga'am bdun/ /cho ga bzhin du thams cad bya/ /gtsang sbra'i spyod pa phun sum tshogs/ /zlos po gtsang mar gyur nas ni/ /bsod snyoms snod ni blangs nas su/ /chu yi nang du 'gro bar bya/ /gang du chu bo rab gnas pa/ /de bzhin dma' bar gyur pa dang / /chu klung rab tu 'bab la sogs/ /mi yi 'jig rten rjes gzung rgyur/ /de bzhin rtag tu sngags bzlas bya/ /de nyid phyir na thub pa'i gtsos/ /brtson 'grus chen pos 'di gsungs so/ /mtshan ni 'od srung zhes bya bas/ /sngon ni de tshe sa stengs der/ /sgrol ma'i rtog pa'i rgyal po 'dir/ /'byung po rnams la legs don du/ /sngags ni rab tu gsungs pa yin/ /sdug bsngal gyur pa'i 'jig rten kun/ /dbul zhing skyo la sha thang ba/ /mchog tu nyon mongs gyur pa rnams/ /'di rnams don du gsungs pa yin/ /'byung po rnams la legs pa nyid/ /slar yang kun du bsten pa rnams/ /'byung po kun gyi zas don du/ /gsang sngags 'di ni mchog tu gsungs/ /nga yis gsang sngags 'di brjod kyi/ /byang sems la bsten thams cad dang / /nyan thos rnams ni mnyan par gyis/ /nad kyis zin pa 'joms byed cing / /bkres pa'i nad kyis gzir ba dang / /gang yang sems can skom pa dang / /sdug bsngal thams cad zhi don dang / /'byor pa 'dod rnams mnyan par gyis/ /'od srung 'od ni chen po la/ /thub pa'i gtso bos de skad gsungs/ /nyon mongs rnams ni yid mgu nas/ /khyab bdag de la gsol ba 'debs/ /chos kyi rgyal po thub pa che/ /chos mkhyen gsang sngags bshad du gsol/ /dam tshig mchog la nyer gnas pa'i/ /sems can rnams la rjes brtser mdzod/ /de skad gsol nas thub pa yis/ /sngags mchog rgyas par gsung bar byed/ /ka la ping ka sgra dbyangs dang / /rnga bo che dang sprin gyi sgra/ /tshangs dbyangs brtson 'grus chen po dang / /tshangs pa'i sras gang rgyal mchog gis/ /gang yang cung zad 'dir 'ongs pa/ /rkang med pa dang rkang dang / /rkang gnyis pa dang rkang bzhi pa/ /'byung po'i tshogs rnams kun nyon cig /mdor na sems can don kun du/ /bde 'byung sngags ni bshad par bya/ /'das dang ma 'ongs da ltar gyi/ /sems can la sogs 'dir lhags pa/ /mdor bsdus nas ni bshad par bya/ / 'byor pa 'dod pa rnams nyon cig /na maH sa man+ta bud+d+hA nAM/ a pra ti ha ta shA sa nA nAM/ tad+ya thA/ o~M ga ga ne/ ga ga na/ gany+dzo A na ya/ sarba la hu la hu/ sa ma ya ma nu sma ra/ A kar+Sha Ne/ mA bi lam+ba/ ya the pi taM saM pA dA ya swA hA/ bcom ldan 'das 'od srung gis de skad ces gsungs nas/ cang mi gsung bar gyur to/ /yang dag par rdzogs pa'i sangs rgyas 'od srung gis/ rig pa'i sngags kyi tshig 'di rgya cher gsungs pa'i bar skabs 'dir nam mkha' thams cad chen po la 'os pa'i zas kyi sprin gyis yongs su gang bar gyur to/ /stong gsum gyi stong chen po'i 'jig rten gyi khams thams cad kyi nam mkha'i mthil thams cad zas kyi sprin gyis rab tu g.yogs par snang bar gyur to/ /bsam pa ji lta ba bzhin du mngon par 'dod pa'i don du blang bar bkru bar bya/ / slar yang de nas langs nas ni/ /gtsug lag khang ngam gnas su 'gro/ /gang su sngon ni yang dag bsten/ /gang du gnas pa der 'gro bya/ /song nas zlos pos phyogs de ru/ /lhung bzed de ni gzhag par bya/ /de nas myur du nye reg bya/ /de bzhin slar yang lhung bzed blang / /lhung bzed sa la lo ma 'am/ /dngul lam de bzhin gser nyid dang / /zangs sam shing shun dag kyang rung / /ston pa la ni lha bshos dbul/ /ston la lha bshos phul nas ni/ /slar yang rig sngags rgyal la'o/ /'gron po gcig ni 'ongs gyur dang / /sdug bsngal can la'ang ci nus sbyin/ /bshos nyid kyang ni thams cad du/ /kun nas nges par bza' ba nyid/ /ha cang mang po sbyin mi bya/ /sngags shes 'dir ni gdung mi bya/ /kun nas rig pa ldan par bya/ /lto ba'i tshad tsam bzhag nas ni/ /gzhan pa'i zan ni rtag tu'o/ /bkres dang skom pas nyen pa yis/ /sngags don sgrub par mi nus te/ /ha cang nyung dang mang zos na/ /sngags don bsnyen par mi nus so/ /de nyid phyir na rgyal dbang gis/ /sems can zas kyis gnas so zhes/ / lus can kun la gsungs pa yin/ /gang gis mi rnams 'tsho ba dang / /lha dang lha min dri za dang / /klu dang gnod sbyin mi'am ci/ /srin po sha za dang / /'byung po skar ma gza' dag ni/ /gang zhig zas la mi ltos pa/ /de ni 'ga' yang yod ma yin/ /rtag tu kha zas rags pa ni/ /kham gyi zas zhes grags pa'o/ /sems can phra mo'i zas can spang / /de bzhin gshegs pas gsungs pa ni/ /bsam gtan zas can rtag par ni/ /gzugs ni spyod cing g.yo ba ste/ /gzugs med nyid kyi lha rnams kyang / /ting 'dzin 'bras bu za ba'o/ /srid pa bar ma'i sems can yang / /dri za bar ni rab tu grags/ /de bzhin 'dod khams sems can rnams/ /zas ni rnam pa sna tshogs za/ /'dod dang ldan pa'i lha dang mi/ /kham gyi zas ni za bar byed/ / de nyid phyir na thub dbang gis/ /sems can zas kyis gnas pa zhes/ /chos kyi rgyu ru bstan pa yin/ /gang de rnams ni rab tu grags/ /zlos po rtag tu brtson pa ni/ /zas kyi tshod ni rig par bya/ /gang phyir rig pa bsnyen pa ni/ /zas 'di la ni rab tu gnas/ / kun spyod ma nor dag pa dang / /dge zhing tshangs par spyod pa dang / /zas kyi tshod kyang shes pa la/ /de yis dngos grub rnyed mi dka'/ /dper na khur ni drang ba'i rgyur/ /shing rta yun ring gnas don du/ /shing rta'i mig ni sku bar byed/ /de bzhin sngags pa sngags rig pas/ /zas ni gnas pa'i ched du spyad/ /lus ni gso ba'i don du ni/ /zlos po rtag tu gso bar bya/ /sngags rnams bsgrub pa'i don phyir dang / /byang chub tshogs kyi rgyu yi phyir/ /zas thams cad dang / /ji ltar mngon par/ sred pa'i bza' ba de/ de rnams su char 'bab par gyur to/ /ji ltar mngon par sred pa'i bza' ba de rnams kyis zas kyi bya ba bkres pa'i sdug bsngal zhi ba'i don dang / skom pa rnams kyis btung ba yan lag brgyad dang ldan pa'i chu bo'i rgyun lta bu btung bar bya ba yang yid la 'dod pa bzhin du der bab par gyur to/ /sems can thams cad kyang skad cig de la bkres pa'i nad thams cad rab tu zhi ba dang / skom pa thams cad bsal bar byas par gyur to/ /thams cad dang ldan pa'i 'khor thams cad kyang ngo mtshar thob cing tshim pa thob nas bcom ldan 'das kyis gsungs pa la mngon par dga' zhing rjes su yi rangs nas bcom ldan 'das kyi zhabs gnyis la mgo bos phyag 'tshal nas de nyid du mi snang bar gyur to/ /bcom ldan 'das 'od srung yang de bzhin gshegs pa'i gnas la yongs su bzhugs so/ /bcom ldan 'das shAkya thub pa ngas kyang de'i tshe rtog pa'i rgyal po'i cho ga 'di la sems can thams cad kyi don gyi phyir dang / bkres pa dang / skom pa bsal ba'i don gyi phyir dang / khyad par du sngags zlos pa po thams cad kyi phyir gsungs pa la mngon par rjes su yi rang ngo / /dang po re zhig zlos pa pos sngags 'di bsgrub par bya'o/ /gal te bsod snyoms la 'gro bar mi spro na ri'i rtse mor 'dzegs nas 'bum phrag bdun bzlas pa bya/ /de nas dkar gsum bza' ba'am/ 'o ma btung ba'o/ /ri'i rtse mo de nyid du 'phags ma sgrol ma'i ras ris bar ma sngar bzhin du bzhag nas mchod pa chen po byas te gtor ma dang lha bshos rgya chen po byas nas/ yang dag par rdzogs pa'i sangs rgyas 'od srung gis gsungs pa'i gsang sngags 'di nyid kyis seng ldeng gi yam shing rnams kyis me sbar nas u dum bA ra'i yam shing la zho dang sbrang rtsi dang mar la btags pa rlan dang bcas pa'am/ /dpal 'bras kyi yam shing kyang rung ste stong phrag brgyad du sbyin sreg bya'o/ /de nas mtshan phyed kyi dus kyi tshe sprin nag po chen po dang / rlung gi dkyil 'khor 'ong bar 'gyur te 'jigs par mi bya/ langs na 'gro bar yang mi bya'o/ /bcom ldan 'das ma 'phags ma sgrol ma'i snying pos bdag nyid bsrung bar bya zhing / /dkyil 'khor bcing ba dang / grogs rnams kyang sngar bzhin bsrung bar bya'o/ / de nas rlung nag po'i dkyil 'khor mi snang bar 'gyur te/ bud med kyang rgyan thams cad kyis rnam par brgyan pa/ 'od kyi phreng ba dang ldan pas phyogs rnams kyang kun du snang bar byed bzhin pa/ sgrub pa po'i mdun du 'dug ste/ kye kye sems dpa' chen po longs shig / grub pa yin no/ /zhes so/ /de nas sgrub pa pos sna ma'i me tog dang bsres pa'i dri chus mchod yon dbul lo/ /de nas de nyid du mi snang bar 'gyur ro/ /nyi ma de nas bdag nyid dam 'di'i grogs po nyi shu rtsa lnga la deng nas ji ltar mngon par 'dod pa'i bza' ba rnams rab tu ster bar byed do/ /ji ltar 'dod pa'i yo byad rnams kyang kun du sbyin par byed do/ /de nas sgrub pa pos mchod yon phul nas gshegs su gsol bar bya'o/ /ras ris la bskor ba lan gsum byas nas ras ris blangs te sangs rgyas dang byang chub sems dpa' thams cad la phyag byas nas de nas ri'i rtse mo'am/ mi med pa'i gnas su 'gro bar bya'o/ /der bdag nyid dam/ grogs pos phyag dar byas nas dgram par bya ba rnams bkram la gnas der nam mkha' la 'gro ba la sogs pa'i las rnams bya'o/ /de nas sgrub pa pos sngar bzhin du ku sha'i khres la nye bar 'dug ste ras ris bar ma sngar bzhin du bzhugs su gsol nas seng ldeng gi shing gis me sbar la thun gsum du pad+ma dkar po'i me tog / zho dang / sbrang rtsi dang / mar la btags pa rnams kyis nyi ma nyi shu rtsa gcig tu/ rtsa ba'i rig pa'am snying po'am nye ba'i snying pos las chen po thams cad kyi ched du'am yi ge gcig pa'i ched du stong phrag brgyad du sbyin sreg bya'o/ /de nas mtshan phyed kyi dus kyi tshe sbyin sreg gi mthar bcom ldan 'das ma sgrol ma mngon sum du mthong bar 'gyur zhing / 'dod pa'i mchog gnang bar byed do/ /nam mkha' la 'gro ba'am/ mi snang ba'am byang chub sems dpa'i sa'am/ rang sangs rgyas sam/ mngon par shes pa lnga nyid dam/ tshe ring ba nyid dam/ rgyal srid chen po dang / longs spyod chen po nyid kyi ched dam/ rgyal po chen po mnyes pa nyid dam/ 'phags pa spyan ras gzigs dbang phyug gi rjes su rnam par spyod pa nyid dam/ mdor na yid la 'dod pa de thams cad gnang bar byed do/ /gang blangs kyang rung ste/ de mthun par gnang bar byed cing / grub pa'i rdzas rnams thams cad kyang thob bo/ /sems can chen po rnams 'gugs par byed pa'am/ mdor na ji lta ji ltar zhus pa de thams cad mdzad do/ /las kyi nyes pa rab tu spags pa yang yang dag par sbyong bar byed do/ /zhes bcom ldan 'das shAkya thub pas gsungs so/ /las kyi cho ga gzhan pa bar ma'i sgrub thabs su 'gyur ba ni/ /dang po re zhig khyad par gyi gnas sam/ gtsang ma'i phyogs sam/ chu klung ngam/ chu gling gi 'gram du sngar bzhin du thams cad byas nas ras ris zhal nub tu phyogs par gzhag la/ bdag nyid kha shar du phyogs bas gnas nas ku sha'i khres la nye bar 'dug ste/ rgyas par gong bzhin du sbyar bar bya ste thun gsum du 'bum phrag drug bzlas par bya'o/ /bzlas pa yongs su rdzogs pa dang / dong ka'i me tog tsan+dan dkar po dang bsres pa'am gur gum dang bsres pas snga ma de bzhin kho nar me sbar nas stong phrag brgyad sbyin sreg bya'o/ /sbyin sreg gi mthar ras ris 'gul na blon po nyid do/ /ras ris la 'od kyi snang ba byung na 'od las rgyal srid do/ /ras ris kun nas 'bar ba'i phreng bas 'khrugs na rgyal po chen po bzhi'i rigs kyi rgyal srid do/ /ras ris la me byung na sum cu rtsa gsum gyi dbang phyug nyid de brgya byin nyid do/ /ras ris chos ston par byed pa byung na byang chub sems dpa' gsum gyi dbang phyug nyid do/ /ras ris kyi phyag spyi bor reg na mngon par shes pa lnga dang / sa bdun rjes su thob pa dang / stobs bcu nges pa nyid rim gyis thob par byed pa nyid do/ /de nas sgrub pa pos bcom ldan 'das 'od srung gis gsungs pa'i sngags bsgrubs te bkres pa dang skom pa phyir gzhil ba'i don rjes su thob pa de nyid kyis dang / cho ga de nyid kyis yo byad kyi rig pa'i spyod pa'i don sgrub pa'i thabs kyi cho ga'i chos la yang dag par nan tan bya'i gzhan du grub par mi 'gyur ro/ /de ltar rim gyis sngags kyi spyod pa la rjes su 'jug cing mdor na nan tan nges par sgrub par byed de/ rdzas dang sman dang yo byad kyi khyad par dang / nor bu rin po che rnams ji ltar sngar nges par bstan pa bzhin du sgrub par byed do/ /sngags shes sngags ni zlos pa po'ang / /cho ga bshad pa la sems pa/ /sngags pa de tshe de phyogs su/ /gtsang ma'i 'gro bas zas kyang ni/ /zos nas yid ni dga' ba dang / /dbang po yongs su rdzogs pa dang / /lhung bzed lhag ma rtag blangs te/ /sems bzang chu bo gtsang mar 'gro/ /mtha' gcig tu ni bor nas ni/ /brtul zhugs can gyis dud 'gro sbyin/ /dud 'gro rnams la mthun byin nas/ /'bad pas lhung bzed bkru bar byed/ /lhag ma lhung bzed bya ba ni/ /sgum med zas dang dri bral gang / /lhung bzed lhag mar thub pas gsungs/ /gang du slong ba'i snod du ni/ / de ru zan ni mi bza' ste/ /der ni bza' ba 'bras bu dang / /rdzas rnams rtag tu bza' mi bya/ /pad 'dab kyis kyang ma yin te/ /ut+pa la las byung bas sam/ /dri bzang ldan rnams spangs pa ste/ /sngags pas der ni mi bza'o/ /gang yang sngags pas ku mu da/ /sla k+Sha u dum bA ra las byung / /pa Ti'i 'dab ma dang yang ni/ /tsher ma'i yal ga'i ri khrod byung / /a mra'i 'dab ma ru yang min/ /de bzhin sA Ta la las byung / /sA la'i 'dab ma shi ri Sha/ /byang chub shing las byung ba dang / / gang du bcom ldan sangs rgyas ni/ /shAkya seng ge bzhugs pa yi/ /shing de 'bad pas spang bar bya/ /shing de yi ni yal ga dang / /nA ga ge sar shing la'ang min/ /gang du nam yang bza' mi bya/ /mkhas pas de kun cis kyang spang / /thub pa'i lo ma'i spyil po ni/ /rmongs pas nam yang 'gom mi bya/ /sngags pa dam tshig nyams par 'gyur/ /zas ni lo ma de rnams las/ /gzhan pa'i lo ma rnams su bza'/ /sa byung zangs su nges bstan dang / /de bzhin gser dang dngul las byung / /shel dang rdo ba las byung ba/ /de bzhin bza' ba blangs nas ni/ /rtag tu sngags pas der ni bza'/ /lo ma'i rgyab tu mi bza' ste/ /de bzhin lag pa'i mthil du'ang min/ /stobs bcu pa yi sras rnams dang / /rang rgyal bse ru lta bu gang / /de bzhin gshegs pa'i nyan thos gtso/ /lo ma gzhan dang lha bshos 'byung / /zlos pos de rnams spang bar bya/ /yi ge rkang pas kyang mi 'gom/ /sna tshogs bza' ba snum khur dang / /de bzhin btung dang bza' ba rnams/ /sngags pas 'bad pas blang bar bya/ /rgyal dang rgyal ba'i mchog rnams dang / /de bzhin nyan thos skyes bu mchog /dkon mchog gsum la phul ba yi/ /lha bshos thams cad nyid kyang ni/ /zlos pos rtag tu spang bar bya/ /chung ngu tsam yang lus can la/ /sngags rnams de yis mi 'grub ste/ /kun nas bkra shis thams cad dang / /rtag tu dpal ni smos ci dgos/ /rgyal ba can dang zhi ba can/ /lha bshos gtor ma za byed pa/ /de tshe de yi kun mi 'grub/ /gtsang zhing mkhas la tshul khrims ldan/ /snying rje snying rje'i las can dang / /gtsang sbra'i spyod pa la dga' ba/ /rig sngags kun du sgrub par byed/ /sems can gzhan la byin pa'i zas/ /zlos pos de ni bza' mi bya/ /gzhan gyis rab tu ma brtags pa'i/ /zas gzhan bza' bar mi bya'o/ /rang la byin pas kha zas ni/ /cung zad tsam yang blang bar bya/ /sngags shes de ltar 'jug pa ni/ /de yi dngos grub sdig pa'i dgra/ /yongs su rdzogs par byed par gnas/ /zlos pos cho ga 'di yis ni/ /bza' ba len pa'i brtul zhugs can/ /thub pa rnams kyis legs par bsngags/ /sngags rnams thams cad sgrub pa la/ /mdor na cho ga mthong ba yis/ /bza' ba kun dang las rnams la'o/ /de nas gzhan yang rab 'chad byed/ /sngags ni thams cad sbyong bar byed/ /de nas zlos pos nye reg bya/ /de tshe sngags 'di brjod par bya/ /de tshe sngags pas lan bdun du/ /lus sbyong byed pa bzlas byas nas/ /'byung po'i tshogs dang lha rnams 'dir/ /de don rgyas pa mnyan par gyis/ /lus kun nye reg byas nas su/ /thub pas sngags 'di brjod par bya/ /na maH sarba bud+d+hA nAM/ a pra hi ha ta shA sa nA nAM/ tad+ya thA/ oM sarba kilbi Sha/ nA sha ni/ nA sha ya/ sarba duSh+Ta pra yuk+taM/ sa ma ya ma nu sma ra hU~M dzaHswA hA/ sngags 'dis bslab pa'i zas gzhan gang yang rung ba yongs su spyod pa na sngags lan bdun mngon par bsngags pa byas nas yongs su longs spyad par bya'o/ /zos nas snga ma bzhin du nye reg byas te spyi bo la sogs pa'i lus thams cad du byugs nas de nas ngal bso bar bya'o/ /ngal sos nas yud tsam phyed dam thun gcig la'o/ /de nas ras ris dang / sangs rgyas thams cad la mngon par phyag byas nas/ dam pa'i chos kyi glegs bam bklag par bya'o/ /'phags pa shes rab kyi pha rol du phyin pa dang / 'phags ma zla ba sgron ma'i ting nge 'dzin dang / 'phags pas bcu pa dang / 'phags pa gser 'od dam pa dang / 'phags pa rma bya chen mo dang / 'phags pa rin po che tog gi gzungs te 'di rnams las gzhan dang gzhan gang yang rung ba bklag par bya'o/ /nyi ma'i dus kyi tshad bzhi cha tsam du'o/ /de nas yongs su zhi nas ji ltar 'dod pa bzhin du bklag par bya ste glegs bam brtul nas gos gtsang ma bgos te dam pa'i chos la phyag byas nas de nas khrus kyi ched du chu klung gi 'gram mam mtsho phran chen por 'jug pas song nas/ srog chags med pa'i chu blangs te lan bdun mngon par bsngags par byas nas rig pa 'dis chu la gdab bo/ /gang zhe na/ na maH sa man+ta bud d+hA nAM a pra ti ha ta shA sa nA nAM/ tad+ya thA/ o~M sarba duSh+Ta staM b+ha ya hU~M/ na dI ba ra d+ha ri Ne/ sa ma ya ma nu sma ra phaT phaT swA hA/ 'dis srung ba byas nas phyogs rnams bcing ba dang / grogs rnams dang / dkyil 'khor bcing ba dang / kha bcing ba dang / gdug pa dang / rab tu gdug pa rnams thams cad 'gugs par byed pa dang / bgegs bcing ba la yang srad bu la lan bdun bzlas nas rked pa'i phyogs su bcings pas thams cad yongs su 'chags pa dang / bzlas pa'i dus thams cad dang / khrus kyi dus thams cad dang / gdug pa'i bgegs rnam par gzhom pa dang / rab tu zhi ba'i don du sngags 'di stong phrag gcig bzlas par bya'o/ /de nas las thams cad byed do/ /pad+ma'i gdan la phyag rgya chen po dang ldan pa dgod par bya'o/ /las rnams thams cad du thams cad kyi rnam pa gzhan du mi 'gyur ro/ /de nas sgrub pa pos sa las byung ba'i phye ma la sogs pa rnams blangs nas ji ltar bde bar khrus bya zhing srog chags med pa'i chus khrus byas te/ thams cad du las thams cad la srog chags med pa nyid kyis bya'o/ /de nas khrus byas nas sa'i rang bzhin nam gzhan dri zhim po dang ldan pa'i dri dang / yo byad kyi khyad par gyis rjes su byug par bya'o/ /chu'i nang du mchil ma dang / bshang ba dang gci ba la sogs pa yang dor bar mi bya'o/ /rtse bar yang mi bya'o/ /snying rje dang ldan pas bdag dang sems can thams cad la so sor brtag par bya ste/ bdag med pa dang / stong pa dang / sdug bsngal dang ldan pa dang / sdug bsngal nye bar 'gags pa dang / tshor bas mngon par non pa dang / chu rlabs bzhin du mngon par 'byung ba'i rab tu sbyor ba'i sdug bsngal dang ldan pa'i sems can rnams 'di ltar sgrub pa dang bral ba sngags shes pas gang de bzhin du dug dang / gcod pa dang / ltung ba dang / rnam par 'thor ba dang / rnam par 'jigs pa la sogs pa rnams kyis sdug bsngal gyi phung po nye bar 'gog par bya bzhin pa/ 'khor ba'i rgya mtsho thibs po gnas pa'i bdag nyid du mthong zhing gnas med pa dang skyob pa med pa dang / skyabs med pa dang / shin tu dman pa'i yid can gyi bdag nyid du brtags nas sgom pa po mgrin pa nub tsam gyi chu na gnas pa'am/ lte ba tsam du gnas pa'i chu de nyid kyi nang du sems rtse gcig tu nye bar gzung bar bya'o/ /dang por re zhig pad+ma chen po'i 'dab ma la me tog chen po dang ldan pa pad+ma chen po'i lo mas nye bar mdzes pa/ blta na sdug pa/ rin po che bai DUr+ya'i rang bzhin las byung ba'i sdong bu dang / rin po che ma da ka las grub pa'i pad+ma'i ge sar dang / shel las byas pa'i sdong po legs par kha phye ba dang de'i rjes su skyes pa'i shel dang pad+ma rA ga'i me tog rnams kyis mdzes pa'o/ / de'i steng du seng ge'i khri rin po che du mas nye bar mdzes pa ras bcos bu zung gis bkab pa'o/ /de'i steng du bzhugs pa'i sangs rgyas bcom ldan 'das bsam par bya ste/ chos ston par mdzad cing bzhugs pa gser gyi mdog tu snang ba kun nas 'od 'bar ba'i phreng bas khyab pa'i 'od kyi dkyil 'khor gyis brgyan pa tshad chen po nam mkha' lta bu mchog tu bris bzhin pa/ skyil mo krung gis nye bar bzhugs pa/ g.yas su 'phags pa spyan ras gzigs dbang phyug rnam pa thams cad kyi mchog dang ldan pa/ pad+ma chen po'i gdan la bzhugs ba/ rnga yab bsnams pa/ bcom ldan 'das bzhugs pa'i grwa na 'khod de/ lus dmar ser gur gum btags pa'i kha dog lta bu'o/ /g.yon du 'phags pa mthu chen po thob ston ka'i sprin ltar dkar ba phyag na rnga yab thogs pa'o/ /de bzhin du byang chub sems dpa' brgyad la/ 'phags pa byams pa dang / kun du bzang po dang / sa'i snying po dang / nam mkha'i mdzod dang / sgrib pa thams cad rnam par sel ba dang / 'phags pa 'jam dpal dang / 'phags pa phyag na rdo rje dang / nor bzang zhes pa byang chub sems dpa' bcu po 'di rnams kyi g.yas su rang sangs rgyas brgyad bsam par bya ste/ tsan+dan dang / spos ngad ldan dang / tog dang / tog dkar dang / 'dod pa dang / nye ba'i 'dod pa dang / mu khyud dang / mu khyud brgyad do/ /de nyid du nyan thos chen po brgyad gnas pa la 'di lta ste 'phags pa maud gal gyi bu chen po dang / 'phags pa shA ri'i bu dang / ba lang bdag dang / b+ha ra d+h+wa dza bsod snyoms len dang / pi lin da'i bu dang / 'phags pa sgra gcan zin dang / 'phags pa 'od srung chen po dang / 'phags pa kun dga' bo zhes pa'i nyan thos chen po de rnams dang nye bar dge slong gi dge 'dun mtha' yas pa bsgom par bya'o/ /rang sangs rgyas rnams dang nye bar rang sangs rgyas mtha' yas pa bsgom par bya'o/ /byang chub sems dpa' brgyad po rnams kyi gnas su'ang byang chub sems dpa'i dge 'dun mtha' yas pa bsgom par bya'o/ /de bzhin du kun nas 'khor gyi dkyil 'khor du 'khor gyi dkyil 'khor chen po dang ldan par bsgom par bya'o/ /byang chub sems dpa' chen po bdag nyid kyang lte ba tsam gyi chu la gnas bzhin du lha dang mi'i me tog rnam pa sna tshogs pa la me tog man dA ra ba dang / man dA ra ba chen po dang / pad+ma dang / pad+ma chen po dang / d+hA nu skA ri ka dang / par+Shi ka dang in+t+ra ba ra'i me tog rnam pa sna tshogs pa tshad chen po phung po chen por gnas pa ri rab tsam gyi me tog gi phur mas bcom ldan 'das la mchod pa bya zhing / 'phags pa nyan thos dang rang sangs rgyas thams cad dang / byang chub sems dpa' rnams la phye ma dang / chos gos dang / gdugs dang / rgyal mtshan dang / ba dan rnams dang / lha dang mi'i mar me mang po bye ba khrag khrig brgya stong phrag yid du 'ong ba rnams kyis mchod par bya'o/ /de bzhin du gtor ma dang / bdug pa dang / lha bshos dang / mchod pa dang / bsnyen bkur la sogs pa yo byad lha dang mi'i nyer mkho rnams dbul bar bya'o/ /bcom ldan 'das shAkya thub pa'i smin mtshams kyi mdzod spu nas 'od zer mngon par 'phro bzhin pas bdag nyid dang phyogs thams cad kyang kun du snang bzhin par bsgom par bya'o/ /sgom pa po bsam gtan la zhugs ma thag tu/ tshangs pa'i bsod nams kyi 'bras bu thob bo/ /nges par byang chub mchog tu gzhol bar 'gyur ro/ /de lta bu sogs bsam gtan rnams/ / 'jig rten skyes mchog rnams kyis gsungs/ /'byung po kun kyang legs pa dang / /sngags pa rnams la phan don dang / /de tshe bsam gtan dang po'i gtso/ /sngags pa kun la phan don du/ /sems can rnams kyi phyir gsungs so/ /de nas thub mchog bdun pa yi/ /dkyil 'khor rnam par brjod par bya/ /thub pas dang por gsungs pa yin/ /gnyis pa yi ni dkyil 'khor dang / /gsum par yang ni de las gzhan/ /dang por mchog gi dngos grub ste/ /bar ma la ni de bzhin gzhan/ /chung ngu la ni phran tshegs 'grub/ /thub pa mchog gis nges par gsungs/ /de bzhin ras ris bsam gtan ni/ /thu bo bar ma chung ngu ste/ /thams cad sdig pa 'jig byed pa'o/ /de las gzhan yang mkhas pas ni/ / bsam gtan rnam pa rab bsgrub bya/ /bsam gtan de la rab gnas na/ /sngags rnams de la 'grub par 'gyur/ /ji ltar 'dod pa'i cho ga bshad/ /zlos pos bsam gtan bsgoms nas ni/ /sngags kyi mchod yon der phul nas/ /ji ltar bde bar gshegs su gsol/ /chu tshogs de las bsgral nas ni/ /de nas ji ltar bde bar 'gro/ /gnas ni sngon du nges bstan par/ /cho ga mthong bas legs zhi bar/ /de la sngags pas gsang sngags bzlas/ /sngar las ji ltar brjod pa bzhin/ /rang gi lha ni spyan drangs pa/ /der ni sngags kyis gshegs su gsol/ /de nas bdag nyid de bzhin nyid/ /grogs po rnams ni bsrungs byas nas/ /dge ba'i las kyis de nyid shes/ /cho ga'i las la dga' zhing 'dud/ /rnam pa sna tshogs bstod mchod kyis/ /gang zag mchog la kun bstod nas/ /rang sngags sngags kyis mgon po dang / /nyan thos rang rgyal bse ru dang / /byang chub sems dpa' sems dpa' che/ /'jig rten gsum po rjes 'dzin bzod/ /de nas gsang sngags zlos pa pos/ /stan de las ni slar langs nas/ /thag ring gnas su song nas ni/ /phyi rol rlung gi rnam par spangs/ /snabs dang mchil ma rnam par dor/ /bshang dang gci ba'ang de bzhin no/ /nyin par byang du kha phyogs shing / /mtshan mo lho ru kha blta'o/ /sngags zlos pos ni nam yang der/ /don rnams bsam par mi bya'o/ /der ni rang las byed gsungs pa'i/ /sngags kyi bzlas pa mi bya'o/ /rab sngags 'gro ba mtshan sogs kyi/ /de tshe sa stengs nyer 'dug ste/ /dag pa'i chu yis nye reg bya/ /gtsang ma'i gos mtha' chur gzhug bya/ /sa yi phung po bdun nyid kyis/ /'bad pas rkang pa bkrus byas nas/ /rab tu 'dzag pa bdun blangs nas/ /bshang ba 'dzag pa sum cu ste/ /gnyis ka'i mtha' la lag pa dag /mchil ma dor ba nyid dang ni/ /snabs la'ang gnyis de de bzhin no/ /de nas 'bad pas nye reg bya/ /gnas la ring du song ba'i sar/ /de bzhin sgra tsam song nas ni/ /lam la sogs pa yangs pa ru/ /de nas gzhan gyi ci 'dod bzhin/ /lho phyogs mtha' yi phyi rol tu/ /chu dang g.yang sa med pa dang / /de bzhin bye mas khyab pa dang / /chu klung spangs shing ngogs kyang spangs/ /'bad pas mi gtsang chu spangs par/ / gsang zhing shin tu sbyangs pa dang / /bas mtha' ljongs ni spangs pa dang / /rnam par dben pa'i sar song nas/ /sngags pas mi gtsang dor bar bya/ /zlos po dus ni shes byas nas/ /ji ltar 'dod pa'i shugs dag min/ /de nas dag pa'i phyogs song ste/ /bas mthar de bzhin bshang ba dang / /gci ba'i bya ba byas nas ni/ /de ru lus ni ci bde bar/ /gnyis ka'ang gsang g.yogs sbas pa dang / /skye bo med pa'i sa spang bar/ /gsang sngags rgyal po bsgrub par bya/ /de bzhin kho nar thams cad du/ /ri bo dang ni tshang tshing dang / /bas mtha'i gnas mal nyams dga' ba/ /de bzhin rgyal bas spangs pa yi/ /gdug pa'i sems can rnam bral bar/ /gsang sngags rgyal po thams cad sgrub/ /rgyal po chos dang ldan pa'i yul/ /skye bo gtsang sbra spyod la dga'/ /ma dang pha la gus pa dang / /gnyis skyes rigs kyis dor ba ru/ /lha rnams dngos grub thob par 'gyur/ /gnas der yin gyis gzhan du min/ /nyams dga' skal ldan shing rta'i 'gram/ /ya mu na nyid rab mdzes pa/ /sin d+hu na ra ma da bak+She/ /zla ba'i cha ni gtsang ma'i 'gram/ /kA be rI dang dbyangs can nyid/ /chu klung chen po shI ta nyid/ /'di grub zhing gzhan ma yin par/ /stobs bcu ldan sras rnams kyis bshad/ /stobs bcu pa yis gsungs pa'i zhing / /byang phyogs lam med ri bo dang / /kha che dang ni rgya yul dang / /bal yul de bzhin mang yul dang / / rgya nag che dang li yul nyid/ /de dag ma lus grub pa'i zhing / /byang gi phyogs su brten pa yi/ /gang yang ri dang chu bo dang / /bsod nams yul du rab tu brjod/ /nas dang gro ni za ba'o/ /gang du sems can snying rje ldan/ /de ru rtag par dngos grub 'gyur/ /dpal gyi ri bo brag ri che/ /lho phyogs yul du gnas pa yi/ /dpal ldan 'bras phung mchod rten ni/ /sa stengs rgyal ba'i ring bsrel 'dzin/ /der ni sngags rnams bsgrub par bya/ /myur du las dang las rnams so/ /rdo rje gdan dang mchod rten che/ /chos kyi 'khor lo mdzes pa dang / /gang du thub gtso zhi bar gshegs/ /der yang dngos grub blta bar bya/ /lha las babs pa'i mchod rten ni/ /sa pak+She dang cho 'phrul che/ /ser skya zhes bya'i grong mchog dang / /lum+bi'i tshal du 'khrungs pa der/ /gsang sngags rgyal po 'grub par 'gyur/ /rgyal bas bstod cing rab bsngags pa'i/ /bya rgod phung po'i ri der dang / /de bzhin brag dang bsil ba'i tshal/ /me tog zhes bya'i grong mchog dang / /de bzhin rtag tu kA sha'i grong / /bcom brlag ka n+ya kub dzi dang / /sa stengs grong ni 'phags rgyal dang / /mchod rten de bzhin yangs pa can/ /rtag tu sa stengs mi thi la/ /grong dang grong khyer gtso bo rnams/ /gang gzhan rgyal ba yang dag 'byung / /rab bsngags bsod nams yul dag tu/ /de rnams su ni dngos grub sgrub/ /'di rnams las gzhan yul rnams ni/ /grong dang ljongs dang ri bo dang / /gnas dang grong mchog gtso bo ni/ /'o ma'am 'bab chu la brten pa/ /der ni rnam dben rjes 'jug cing / /bzlas dang sbyin sreg dga' bar 'gyur/ /gnas ni bla gab med pa dang / /rtag tu khang pa stong pa ru/ /sngon du bsnyen pa bya ba'o/ /sngags rnams rjes mthun las rnams ni/ /sngags pas rtag tu yul dbus su/ /sngags bzlas yang dag 'dod par bya/ /bzlas la rab zhugs rtag tu brtson/ /sngags rig gtong ba dag la goms/ /tshul khrims spyod cing shin tu brtan/ /'byung po kun la phan par dga'/ /sngags kyi spyod pa la dad pa/ /brtul zhugs can gyis sngar bzhin bzlas/ /gtsang ma'i yul dang gtsang sbra can/ /kla klo rkun ma spangs pa dang / /der ni bskal pa chen por gnas/ /dam tshig snang ba bral ba'i phyir/ /dmyal ba mi bzad mun pa ru/ /byis pa'i skye bo 'tshed par byed/ /dam pa'i chos la smad pa dang / /mi shes mun pas bsgribs pa dang / /ye shes byis pa'i ngo bo 'am/ /rmongs pa log pa'i nga rgyal can/ /rig pa'i rgyal po brnyas byed pa/ /mi bzad dmyal bar ltung bar 'gyur/ /de phyir sdig pa mi bya zhing / /log par smra ba'ang smad pa yin/ /dam pa'i chos la brnyas pa dang / /log par lta ba smad pa yin/ /de phyir rtag tu dad gyur nas/ /gsang sngags cho ga rtag tu bsten/ /bden par smra zhing chos shes pa/ / sems can rnams la rtag tu phan/ /sngags shes sngags ni sten par byed/ /de yi dngos grub nges par 'gyur/ /mchog dang 'bring dang tha ma yis/ /las ni rnam pa sna tshogs byed/ /las rnams bya ba rnams kyis byed/ /rtag tu phan pa'i bya ba yis/ /bya ba'i las dang yang dag ldan/ /de la rtag tu grub par 'gyur/ /bya ba'i don dang don kun phyir/ /las ni rnam pa sna tshogs bya/ /bya ba'i don du bya min gang / /bya ba'i las la sbyar bar bya/ /'bras bcas nyid kyi bya don gyi/ /bya ba nyid du rtag tu bya/ /bya ba las dang 'bras bu nyid/ /bya ba las 'bras rtag tu'o/ /'bras med 'bras bu nyid 'gyur zhing / /'bras bu nyid kyang rtag tu 'bras/ /'bras med 'bras bu bcas pa nyid/ /thams cad nyid kyang 'bras bu bcas/ /rnal 'byor sngags ni bsgrub bya ste/ /yang dag sbyor dang bral ba yang / /bral dang yang dag ldan sgrub po/ /bsgrub bya sgrub byed med par ni/ /de la grub pa yod ma yin/ /grub pa'i rdzas ni thams cad kyang / /grub pa'i rgyu dang 'gal ba yin/ /sngags kyi dngos grub ma grub pa/ /sngags ni sgrub par byed pa'i rgyu/ /byed par 'dod pa de las te/ /'dod pa'i las ni byang bar 'gyur/ /las min las ni thams cad la/ /las kyi rgyud ni mi bya'o/ /sngags dang rgyud kyi don ldan pa'i/ /las ni mtha' dag brtsam par bya/ /brtsams dang rtsom pa'i 'dud pa yi/ /las nyid brtsam par mi bya'o/ / bya ba ma brtsams sngags rnams ni/ /lus can kun la 'grub mi 'gyur/ /sems can kun rjes skyong ba yi/ /thub pa'i gtso bos sngon gsungs pa/ /gsang sngags smra bas bstan pa yi/ /rgyal ba'i sras kyi yang dag sdom/ /sgrub po sngags ni kun shes shing / /rtog pa'i rgyal po 'di la tshig /sngags kyi tshul gyis bstan pa yin/ /lam ni byang chub rgyur gyur pa/ /sngags kun nyid ni sgrub par byed/ /rig pa mnyam par 'gyur ba yin/ /de ni ring por mi thogs par/ /mkhas pas dngos grub 'gyur ba yin/ /'byung po thams cad zhi don du/ /sangs rgyas kun gyis rab tu bsgrags/ /gsang sngags tshul gyi lam 'dis ni/ /mya ngan 'das grong 'gro ba yi/ /de bzhin rtag tu byang chub lam/ /chos don thams cad rdzogs par byed/ /de yi mthar thug dpung gnyen ni/ /dang po gnas ni sangs rgyas nyid/ /de bzhin 'dir ni lhun grub tu/ /'bras bur bcas pa'i dngos grub thob/ /sna tshogs las dang chos shes pa/ /sngags rnams byed par 'gyur ba yin/ /tshul khrims bsam gtan rnam thar rnams/ /'di rnams mdor bsdus thob pa yin/ /dngos grub don kun sgrub byed pa/ /rgyal ba gtso bos gsungs pa yin/ /gang zag rkang pa'i don thob pa/ /dam pa'i 'gro bar gnas pa dang / /de bzhin rtag tu gnod sbyin gtso/ /tha mas rgyal srid rgyu yin te/ /lha min lha yi 'jig rten gyi/ /de bzhin de rnams bdag po ni/ /sngags pas thams cad thob par 'gyur/ /bya ba 'bras bcas byed par 'gyur/ /gtsang sbra'i kun spyod yang dag ldan/ /tshul khrims bsam gtan rtag tu dga'/ /sngags rnams kun tu gsungs pa yin/ /de nas sngags pas sngags bzlas bya/ /sngags pa 'byor ba 'dod pa yis/ /rnam pa sna tshogs las byas te/ /de bzhin mchog dang bar ma dang / /tha ma nyid kyang bya ba yin/ /tha mas longs spyod 'phel ba yin/ /bar mas gong ma'i lus can nyid/ /mchog nyid kyis ni ldang ba nyid/ /zlos pos rtag tu thob par byed/ /sngags pas bzlas mthar ngal bso zhing / /ji srid dus su brtag par bya/ /bzlas pa'i dus la bab pa na/ /der ni bsgrub pa bya ba yin/ /de bzhin las rnams sgrub par byed/ /de la rtag tu bzlas pas skyes bu rang gi sdig pa zad par byed do/ /sngags pas sngon las kyi cho ga gang byas pa skye ba brgyud pa rnams su grub par gnas pa de/ de bzhin du las tshogs la rnyed par 'gyur ba de skyes pas sngags bzlas pas/ slar yang sngags zlos pa po'i sdig pa zad pa'i don dang / las de 'joms shing sngags grub par 'gyur te/ de bzhin du mchog dang / bar ma dang tha ma'i 'jig rten gyi mchod pa dang bzlas pas sdig pa ma lus par zad par byed cing / skye ba brgyud pa rnams su gang bar byas/ sdig pa de thams cad 'jig par byed de de bzhin gshegs pa rnams kyi sngags bzlas pas/ lus rnam pa sna tshogs pa'i rgyan gyis brgyan pa dang / thub pa rnams kyis gnas pas dga' ba dang / yon tan thams cad kyis grags par 'gyur ba dang / gnod sbyin gyi khang par gnas pa'i rgyal po nyid dang / rtag tu don thams cad kyi dngos grub kyang thob pa dang ldan no/ /byang chub sems dpa'i sde snod phal po che theg pa chen po shin tu rgyas pa'i mdo sde/ bcom ldan 'das ma 'phags ma sgrol ma ral pa gyen brdzes kyi rtsa ba'i rtog pa las/ ras ris bar ma'i cho ga rab 'byam ste dgu pa rdzogs so/ / //de nas yang bcom ldan 'das shAkya thub pas thams cad dang ldan pa'i 'khor gyi dkyil 'khor la gzigs nas/ byang chub sems dpa' sems dpa' chen po 'phags pa spyan ras gzigs dbang phyug la bka' stsal pa/ byang chub sems dpa' chen po khyod nyon cig / khyod kyi rig pa'i sngags rjes su spyod pa sems can mtha' dag gi don la brtson pa/ sems can rnams gang gis bzlas par bya ba'i rig pa'i sngags dang / gang dang ldan pas bgrang bar bya ba'i bgrang phreng gi cho ga /rgyud thams cad kyi thun mong gi sgrub thabs kyi cho ga sngags thams cad kyi cho ga de legs par nyon la/ legs par yid la zung shig bshad par bya'o/ /de skad ces bka' stsal pa dang / sems dpa' chen pos bcom ldan 'das la 'di skad ces gsol to/ / bcom ldan 'das legs so legs so/ /bcom ldan 'das bdag cag la rjes su brtse bas nye bar blangs nas rig pa'i sngags thams cad kyi spyod pa dang / dam tshig la rab tu zhugs pa'i sems can rnams dang / sems can thams cad kyi don gyi phyir yang de bka' stsal du gsol/ /de skad ces gsol ba dang / bcom ldan 'das kyis byang chub sems dpa' sems dpa' chen po spyan ras gzigs dbang phyug la 'di skad ces bka' stsal to/ /sems dpa' chen po rnam par dbye ba rgyas par bshad par bya'o nyon cig /gang gis sngags thams cad kyi spyod pa la mngon par brtson pa/ sems can gyi don thams cad sgrub par byed pa de gang zhe na/ dang po re zhig /sngags su 'gyur ba ni/ na maHsarba bud+hA nAM/ a tsin+t+ya d+d+hU ta/ rU pi nAM/ a tsin+t+yad+d+hu ta/ rU pi nAM/ tad+ya thA/ o~M ku ru ku ru sarba aR+tha sA d+hA ya/ sarba duSh+Ta bi mo ha ni/ ga ga nA ba laM be/ bi sho d+hA ya swA hA/ rig pa 'dis bgrang phreng thams cad la las bya'o/ /sbyang ba dang / dbugs pa dang / blang ba dang / rgyu ba la sogs pa'i las rnams bya'o/ /dang po bgrang phreng shing la ni/ lan grangs sum cu rtsa bdun du/ /de yis mngon par bsngags byas nas/ /brtul zhugs can gyis bsrung ba bya/ /mtshan mo gcig tu gnyid log nas/ /der ni rmi lam brtag par bya/ /mi ma yin gzugs kun rdzogs pa/ /mi sdug lhag par mche ba gtsigs/ /sngags pa la ni des smras pa/ / bcom ldan sems pa ji bzhin long / /sgrub po tho rangs langs nas ni/ /shing de ru ni 'gro bar byed/ /mi sdug gzugs ldan gtsigs pa che/ /rmi lam du yang ma mthong na/ /sngags pas shing de bor bar bya/ /de nas gzhan du 'gro bar gyis/ /dang po ru drAk+Sha yin te/ /de las gzhan pa dbang po'i shing / /bo de tse ni 'dod pa'o/ /gzhan yang 'bras bu 'byung ba yi/ /shing la 'dzegs pa'i legs rdzogs pa'i/ /grogs dang lhan cig 'dzeg par bya/ /grogs po med par gyur na ni/ /rang nyid de la 'dzeg par bya/ /steng gi yal ga'i 'bras gnas su/ /'dzegs nas phun tshogs brtul zhugs can/ /de la rtag tu bag yod pas/ /steng gi yal ga'i 'bras bu blangs/ /steng gi sa la legs sbyar bya/ /steng gi mchog gi dngos grub tu/ /gang zag mchog gis gsungs pa yin/ / bar mar dngos grub 'bring po ste/ /tha ma la ni 'og ma'o/ /srog chags rnams kyis ma smad pa'i/ /'bras bu de rnams yang dag blang / /nub kyi yal ga las thob pa/ /rdzas kyi rgyur ni bsgrub par bya/ /byang gi gnod sbyin mo la sogs/ /lha rnams lhan cig 'gugs par byed/ /dgug pa'i bya ba bshad pa ni/ /kun gyi don du zhi phyir ro/ /lha dang lha min g.yul 'gyed dang / /mi'am ci dang srin po rnams/ /'dod pa rnam pa sna tshogs byed/ /'byung po thams cad rgyas pa'i phyir/ /'bras bu dang bcas las rnams ni/ /ma lus spyod pa byed pa'o/ /shar gyi phyogs su yal ga dang / /der gnas 'bras bu 'byung ba rnams/ /de bzhin 'bad pas byas gyur na/ /tshe ring po yi don gyi rgyu/ /rtag tu sngags kyis dngos grub 'bras/ /rnam pa sna tshogs byed pa yin/ /gang zhig lhor ni 'gro ba yi/ /yal ga lo mar rab ldan pa/ /sems can rnams kyi srog 'phrog byed/ /de ni zlos pos 'bad pas spang / /lho ru rten pa'i yal ga la/ /'bras bu gang du yang dag brjod/ /phyogs der gdung dbye dgra rnams kyi/ /srog ni 'jig par byed pa yi/ /bsod nams ma yin mang po'i rgyu/ / de ni zlos pos 'bad pas spangs/ /'og tu 'phyang ba'i yal gar gnas/ /'bras bu gang zhig rab bsgrags pa/ /lha ma yin dang ldan pa yi/ /sa yi 'og tu de rnams 'gro/ /de rnams 'bras bcas phreng ba ni/ /blangs nas yang dag rab bsgrags pa/ /'og tu 'gro ba'i 'khri shing la/ /de nas de ni sa 'og 'gro/ /de ru rab tu zhugs nas lha'i/ /bde nyid zlos pos der 'gyur ro/ /lha min bu mos yang dag ldan/ /de ni bskal par gnas par byed/ /bgrang phreng 'bras bu kun blangs nas/ /de nas zlos pos bzlas pa bya/ /lhan cig srung ba byas nas ni/ /de nas ji ltar bde bar 'gro/ /de nyid ring po'i gnas su ni/ /gtsang ma'i phyogs der sngags pa ni/ /de bzhin rtag tu 'dug par bya/ /bgrang phreng skyes pa sbyar bar bya/ /brtson pas bgrang phreng 'bras bu blang / /de nas kun tu yang dag sbyang / /der ni phreng ba dbugs par grags/ /gsum bdun brgyad dang gcig dang ni/ /lan grangs nyi shu rtsa gcig tu/ /sngags shes der ni sbyang bar bya/ /rtag tu snga ma'i sngags kyis ni/ /brgyad dam bdun du bzlas byas pa/ /de nas de ni dag par 'dod/ / pad+ma'i rtsa lag legs brjod pas/ /bu mos bkal ba'i srad bu yi/ /sum 'gyur lnga dang ldan pa yi/ /brtul zhugs can gyis phreng thag bya/ /sngags kyi de nyid shes pas brgyu/ /'bras bu phra mo zlum por bcas/ /rtag tu srogs chags bu ga med/ /yan lag ma nyams ma smad pa/ /mdzes shing kha dog sdug pa dang / /bu ga med cing gas pa med/ /ril bu zlum po ji bzhin pa/ /de bzhin ru drAk+Sha dang ni/ /bo de tse dang in+t+ra k+Sha/ /'bras nyid rtag tu lung thang mdzes/ /'bras bu dam pa'am gang gi tshe/ /sngags pa mchog tu brtson pa yis/ /'bad pas bgrang phreng brgyu bar bya/ /gser ram yang na dngul dag gam/ /nor bu shel las byung ba dang / /mu tig dung nyid mu sa ra/ /byi ru yis kyang bya ba ste/ /phreng ba rnam pa sna tshogs bya/ /gzhan yang rin chen las byung ba'i/ /bgrang phreng bzang po bya ba dang / /sa las byung ba'i ldum po yi/ /ril bus bgrang phreng can dag ni/ /mnyam par bzhag ste srad bu brgyu/ /gzhan yang ril bu 'ga' zhig gam/ /'bras bu'am khams las byung ba yis/ /ku sha'i rtse mos brgyus pa yang / /zlos pos 'bad de bya ba yin/ /brgya rtsa brgyad dam nyi shu lnga/ /lnga bcu 'di dag bar ma yin/ /sngags pa mnyam par gzhag pa yis/ /'bras bu'i tshad rnams brgyu bar bya/ /stong rtsa brgyad pa nyid bya ba/ phreng ba 'di ni thu bo yin/ /phreng ba rnam pa 'di bzhi ni/ /sngags pas rtag tu brgyu bar bya/ / de nas brgyus te sngags rnams ni/ /phyi mo gsum mam gnyis nyid dang / /rgya lcags las byung gdu bu dang / /de bzhin gser dang dngul dag dang / /de nas zangs byung gdu bus kyang / /phreng ba kun nas brgyu bar bya/ /de nas mtha' ru yang mig bya/ /de la rim gyis dgod par bya/ /'bad pas mdzes par dkri ba bya/ /sangs rgyas ma lus bzhugs par ni/ /yongs su gsal bar byas de nas/ /dkyil 'khor lta bur mthong ba yin/ /sbrul gyi gdengs ka'i rnam pa bzhin/ /yongs su dkris pas brgyan pa yin/ /mu tig do shal rnams mtshungs shing / /mgul rgyan rnam par sprul pa'o/ /de nas 'bab chu dge ba'i mthar/ /dri ma med la khrus byas nas/ /ji bzhin khrus byas te/ /chu yi gnas la ldang bar bya/ /de bzhin brtson pas nye reg bya/ /bgrang phreng srad bu blangs nas ni/ /ba yi rnam lngas rab tu bkru/ /sa yi phye mas rab bkrus nas/ /gtsang ma'i gos la dri bzang gis/ /rjes su nye bar byugs pa dang / /rab tu bsngags pa'i kha dog kyang / /tsan+dan dkar po gur gum dang / /'bad pas dron mos bkru bar bya/ /de bzhin gnyis ka 'gro bar 'gyur/ /ji lta'i gnas su song nas ni/ /gang du ras ris bar pa ni/ /rgyal mchog thub pa'i gtso bo ni/ /shAkya seng ge mi yi mchog /ston pa'i gzugs brnyan de bzhin du/ /sa stengs rgyal ba'i ring bsrel can/ /mchod pa de yi spyan sngar dgod/ /de dang nye bar bzhag nas ni/ /de tshe de yi spyan snga ru/ /dam tshig la gnas stong rtsa brgyad/ /son pa'am brgya yang gcig tu ni/ /brgyad dang bcas pa bzlas byas nas/ /nyin mtshan smyung bar gnas gyur nas/ /bdun pa'i thub la phreng ba dbul/ /snga ma de bzhin bzlas bya ba/ /tshad nyid de dang mnyam par bya/ /de nas phreng la yongs su bzlas/ /mtshan mo de nyid du 'khod de/ /ku sha bting ba'i sa gzhi la/ /sngags shes der ni nyal bar bya/ /rmi lam gang dang gang mthong ba/ /dge ba'i rmi lam mthong na ni/ /rmi lam nges par bstan pa yin/ /dngos grub de yis bsgrub par bya/ /sangs rgyas nyan thos bse ru rnams/ /gal te rmi lam mthong gyur na/ /sngags pas 'bras bu bcas par 'grub/ /nges par de yi cho ga bya/ /dge slong gzugs dang bram ze yi/ /gzugs brnyan sna tshogs mdzes pa mthong / / gal te rmi lam de mthong na/ /phreng ba dbul bya de bzhin du/ /sngags kyi don kun sgrub pa po/ /de bzhin gdon mi za bar 'grub/ /byang chub sems dpa'i sde snod phal po che theg pa chen po shin tu rgyas pa'i mdo sde bcom ldan 'das ma 'phags ma sgrol ma ral pa gyen brdzes kyi rtsa ba'i rtog pa las/ ras ris bar ma'i cho ga rab 'byam las bcu pa bgrang phreng gi cho ga'i le'u rab 'byam rdzogs so// //de nas yang bcom ldan 'das shAkya thub pas slar yang thams cad dang ldan pa'i 'khor gyi dkyil 'khor chen po la gzigs nas byang chub sems dpa' chen po 'phags pa spyan ras gzigs dbang phyug la bka' stsal pa/ sems dpa' chen po khyod kyi rig pa'i sngags kyi le'u rdzogs pa'i khyad par gyi cho ga dang / sbyin sreg gi las rab tu sbyor ba'i rig pa'i sgrub pa yod de/ me la nye bar spyod pa'i khyad par gyi cho ga las gang du rig pa'i spyod pa la mngon par brtson pa'i sems can rnams rab tu sbyor zhing gnas par 'gyur ba de gang zhe na/ rig pa'i sngags kyi tshogs gsang chen ni/ tad+ya thA/ o~M tiSh+Tha ha ri ping+ga le/ hi rak+Sha di hi da dA dI pA ya hU~M phaT phaT swA hA/ spyan ras gzigs dbang phyug 'di ni mchog gi snying po las thams cad byed pa/ 'dod pa thams cad ster ba'o/ /dang po re zhig sgrub pa pos me'i snying po 'di lan cig bzlas pas/ mar gyi sreg blugs gsum me la sbyin sreg bya ste me lha spyan drangs par 'gyur ro/ /de bzhin du rab tu sbyar te/ zhi ba can dang / rgyas pa can dang / drag po'i las rnams la yam shing rnam pa gsum du 'gyur ro/ /mya ngan med shing zhi don du/ /khyad par brlan dang bcas pa nyid/ /mtho gang 'am ni khru gang tsam/ /sor mo gsum du'ang mtho ba yi/ /snam pa'i rnam pa rab tu shes/ / cho ga 'di ni bya ba yin/ /bu ga med cing ser ga med/ /de bzhin ne tso'i gshog pa 'dra/ /ljang dang dkar ba'i kha dog gam/ /kha dog nag po spang bar bya/ /srin bu rnams kyis zos pa spang / /bu ga med pa'ang yang dag sbyin/ /gzhan yang kha dog mchog min pa/ /tha ma'i chos kyang spangs pa'o/ /de rnams skam dang rlon pa'ang yin/ /de yi tshe yang brtsam par bya/ /ma rul yon po min nyid dang / /shin tu ring ba'ang spang bar bya/ /de nas me thab byas nas ni/ /kun nas zur ni bzhi pa ru/ /'og nyid du ni 'bad pas brko/ /khru bzhi pa yi tshad dang ni/ /khru gsum khru ni gnyis pa dang / /de bzhin nyid du khru gcig pa/ /rtag tu srog chags spangs pa dang / /bye mas leg par sbyar ba de/ /de nas pad 'dra'i kha khyer ni/ /kun nas dkyil 'khor rnam pa'o/ /yang na 'bad pas zur bzhi pa/ /'dab ma gsum du bya ba'o/ /zhi ba can dang rgyas pa can/ /'di yang yang dag bsgrags pa yin/ /mngon spyod la ni sa dbus su/ /rdo rje bya zhing rtse gnyis su/ /rtse mo gsum du bya ba yin/ /me thab rgya la khru gnyis re/ /gtsang ma'i phyogs su de bzhin bdar/ /chu klung 'gram du de bzhin spyad/ /bstan pa gcig gi phyogs rnams dang / /dur khrod khang pa stong pa ru/ /sbyin sreg legs par brtsam par bya/ /de bzhin ri bo'i rtse nyid dang / /rtag tu lha khang stong pa dang / /de bzhin nyid du dgon pa che/ /gang yang sgrub pa'i phyogs rnams ni/ /gang zag mchog gis gsungs pa dang / /sbyin sreg las ni thams cad la/ /de rnams gnas su gsungs pa yin/ /khru gang tshad du gnas pa yi/ /ku sha'i khres la nyer 'dug nas/ /der ni sngags shes khyad par du/ /sbyin sreg gi ni las bya'o/ /gnas de nyid du rab gnas pas/ /myur du dngos grub the tshom med/ /shar dang byang du kha phyogs pas/ /zhi ba can dang rgyas pa bya/ /lho ru drag po'i lam rnams te/ /de ni sngags pas spang bar bya/ /shar bltas zhi ba'i dngos grub ste/ /rgyas pa can yang byang du phyogs/ /de yis sngags ni dus rtag tu/ /rig pa'i bzlas pa brtsam par bya/ /bil ba arga slak+Sha dang / /n+ya gro d+ha yis rgyas las bya/ /mngon spyod shing ni skam po dang / /tsha ba skyur dang rnon po rnams/ /de dag thams cad spang bya ste/ /thub pa rnams kyis rtag tu bkag / zhi ba can dang rgyas pa can/ /rlon pa'i shing gis rab tu shis/ /de bzhin drag las la shing skam/ /tsha ba skyur dang rnon po rnams/ /yam shing de rnams med na ni/ /shing la de rnams su rtag bya/ /rtse mo gnyis su brtag pa bya/ /sngo dang snum dang 'dra ba dang / /rma bya'i mgrin pa dang mtshungs pa'i/ /rnam pa de lta'i ku sha yis/ /kho ra yug tu ku sha ni/ /rtag tu dgram par bya ba ni/ /zhi ba can dang rgyas pa can/ /mar gad dang ni mtshungs pas so/ /de bzhin rtag tu skam po'i rtsis/ /sdig pa'i las ni bya ba ste/ /'dir ni rgyal ba mchog gis bkag / dri med chu ni dag pa la/ /rtag tu srin bus spangs pa yi/ /de nas kun nas bsang gtor bya/ /g.yas phyogs su ni bskor byas te/ /brtson pas me ni sbar bar bya/ /cho ga ji bzhin nye reg bya/ /gtsang ma'i rtswa yi rtsa ba yis/ /sgron me tshad dang ldan byas nas/ /de nas khu tshur brtsams byas nas/ /'bad pas me ni sbar bar bya/ /kha yi rlung gis mi bya ste/ /rtag tu gos kyi mthas kyang min/ /sham thabs bla gos mngon par spang / /gos gzhan gyis kyang lag pa yi/ /rlung gi nye bar gzhom pa la/ /mngon par dga' bas ma yin no/ / gtsang ma'i rlung yab de bzhin gos/ /nor bus kyang ni rlung yab bya/ /rlung ni yang dag 'byung ba 'dis/ /me ni mnyam par byas pa la/ /sngags shes pas ni me sbar bya'o/ /sbyin sreg don du mnyam gzhag pas/ /de nas g.yas pa min pa yis/ /der ni bsang gtor byas nas ni/ /der ni ba yi mar gyis ni/ /sreg blugs gsum ni sbyin par bya/ /de nas kyang ni phyag bya ste/ /sangs rgyas kun dang skyob pa dang / /rang sngags sngags kyi mgon po la/ /de nas ci 'dod phyag bya'o/ /de tshe me yi snying po yi/ /sngags ni lan brgya bzlas pa yis/ /brtson ldan dri zhim me tog gis/ /rtag tu me ni spyan drang bya/ /sngags shes rtag tu spyan drangs nas/ /gnas la mkhas pas gdan dang gnas/ /sngags des dbul zhing gzhan gyis min/ /zho dang mar du bsres pa dang / /sbrang rtsi btags pa'i yam shing ni/ /de las lan gsum sbyin sreg bya/ /rgyas pa'i don du sngags dang las/ /kun nas 'bar ba'i phreng ba yis/ /'khrugs pa der ni nges sbyar bya/ /skom pa tshim par bsam par bya/ /zhi ba'i las dang rgyas pa can/ /de la gsang sngags rig pa yis/ /lha yi gzugs ni dga' ba'o/ / mngon spyod las la thun mong pa'i/ /nges par 'byung ba'i lha rnams las/ /gzhan pa'i gzugs ni blta bar bya/ /rim pa ji bzhin me thab 'dir/ /ji ltar rnyed pa'i me tog dang / /mar la lan bdun yongs bzlas pas/ /de tshe spyan drang rnam pa der/ /ji ltar slar yang spyan drangs pa/ /lhag par gnas pas gnyis ka gnas/ /yam shing rdzas dang bsres pa dang / /mar dang sbrang rtsi mnyam bstan pa/ /de bzhin du ni zho bsres pas/ /stong ngam 'bum gyi tshad dang ni/ /brgya dang brgyad du'ang rtag par bya/ /de bzhin sngags pas rig pa bzung / /lan re bzlas shing me la dor/ /'bar ba'i me yi phreng ba dang / /de bzhin me lce gcig gyur pa/ /zhi ba'i las kyi sbyin sreg bya/ /du ba med la'ang rgyas pa can/ /du bcas drag po'i las rnams ni/ /rgyal bas smad cing spangs pa yin/ /me ni kha dog ldan gyur na/ /sbyin sreg las ni rab tu sbyar/ /zhi ba can la kha dog dkar/ /rgyal ba mchog gis rtag tu bsngags/ /gal te me dkar sbyin sreg byed/ /de la sngags rnams 'grub par 'gyur/ /de bzhin rtag tu kha dog dkar/ /rgyas pa can gyis dngos grub 'dod/ /nag po du ba'i kha dog dang / /ser skya yang ni sdig pa can/ /kha dog rnam gsum rab bsgyur bas/ /dngos grub rnam gsum 'di dag yin/ /gzhan pa'i kha dog sprin mdog gam/ /slar yang brtan pa'i sa stengs der/ /sngags pa de la dngos grub med/ /de lta'i kha dog 'dra ba'am/ /rnam pa sna tshogs kha dog can/ /me ni 'bar ba de mthong na/ /slar yang las rnams brtsam par bya/ /phyir zhing bzlas pa bya ba yin/ /gal te sngags ni grub gyur na/ /las kyi cho ga mthong ba yis/ /slar yang sbyin sreg la rab 'jug / gshegs gsol spyan drang nyid la ni/ /me yi sngags ni brjod par bya/ /sngar ni rab tu brtags pas kyang / /dkyil 'khor 'di ni gshegs su gsol/ /spyan drang ba yi las rnams ni/ /de nyid du ni las rnams kyang / /de nyid kyis ni bya ba yin/ /me yi spyod pa de bzhin gzugs/ /ras ris kyi ni spyan sngar brtsam/ /der ni sngags rnams 'grub 'gyur bar/ /sngon gyi de bzhin gshegs pas gsungs/ /rgyal bas bsngags pa'i las rnams ni/ /thams cad de nyid du bya'o/ /gzhan pa'i las ni bya ba ste/ /sdig pa'i las ni khyad par du/ / gang du rgyal mchog gis smod dang / /'jig rten 'gal dang smad rnams so/ /ldang dang 'khor los sgyur ba dang / /byang chub sems dpa'i sa rnams dang / /de bzhin mngon shes lnga dang ni/ /'jig rten lha nyid ldan pa 'grub/ /rtag tu ras ris la brtson shes/ /sbyin sreg las la mkhas pa ni/ /sa yi 'og gi bdag po'am/ /yang na bar snang spyod par 'gyur/ /sa bla'i lha dang gnod sbyin nyid/ /rtag tu gnod sbyin mo rnams 'gugs/ /rgyal srid bdag po nyid dang ni/ /yul dang yang na grong nyid dam/ /rig pa 'dzin dang lha min nyid/ /sems can thams cad dbang du byed/ /'byung po thams cad 'gugs par byed/ /sems dpa' chen po bdag nyid che/ /byang chub sems dpa' sems dpa' che/ /sa bcu la ni yang dag brten/ /sbyin sreg las kyis 'gugs byed na/ /sa stengs mi rnams smos ci dgos/ /sde dpon bdag po de bzhin du/ /khyad par 'jig rten dbang phyug dang / /'byung po thams cad kun dbang byed/ /de bzhin nyid du mi bdag nyid/ /'byung po thams cad dbang don dang / /yang na sa stengs rgyal po mnyam/ /de bzhin rtag tu las kun la/ /thams cad sbyin sreg gis ni bya/ /kun nas kun tu brtson ldan pas/ /las kun yang dag bsten par bya/ /de ched nges par bsgrub par bya/ /dpal don las ni mchog yin te/ /bar ma nyid kyang sgrub par byed/ /yang na chung ngu nyid kyang ngo / /de bzhin du ni rdzas rnams kun/ /de bzhin slar yang 'grub par gsungs/ /sbyin sreg las la rab 'jug pas/ /'bras bur bcas pa'i dngos grub mthong / /phyag rgya bcing dang rig pa nyid/ /las rnams kun la rtag tu bya/ /sbyin sreg las la rab 'jug pas/ /bdag nyid srung bar 'gyur ba yin/ /de nas sngags 'di bklag par bya/ /'di ni rtag tu las rnams la/ /bdun bzlas pa'am brgyad bzlas so/ /na maHsarba bud+d+ha bo d+hi satwA nAM/ a pra ti ha ta ga ti ma ga tA nAM/ tad+ya thA/ o~M dz+wA la tiSh+tha hU~M/ ru ru bi shwa sam+b+ha be swA hA/ / sngags kyi rab sbyor 'di yis ni/ /slar yang shing la bzlas bya ba/ /gnyis bzlas pa'am bdun bzlas pa/ /sngags rig des mer sbyin sreg bya/ /me tog bdug pa dri dag gam/ /mdor na thams cad nyid kyang ni/ /gsang sngags bzlas pa'i chu rnams kyis/ /'di nyid kyis ni bsang gtor bya/ /de nas las rnams thams cad ni/ /rgyu 'dis cho ga brtsam par bya/ /las rnams dag ni thams cad la/ /snga ma'i rab sbyor nyid kyis bya/ /sngar gyi skra can ma bcings nas/ /phyag rgya chen mor grags ldan ma/ /bsrung ba byas par gyur de nas/ /zlos pos rig pa gcig gis ni/ /las rnams thams cad brtsam par bya/ /dngos grub rgyu la mkhas pa yis/ /gal te dge mtshan mthong gyur pa/ /rtag tu dge ba'i sgra grags na/ /de la sngags kyi 'bras bu ni/ /ji ltar 'dod bzhin mchog stsol 'gyur/ /dang po las la rab sbyor dang / /sngags kyi rgyu la rab 'jug pas/ /'bras med 'bras bu bcas pa nyid/ /dngos grub de la brjod par bya/ /rgyal ba'i sgra 'am pa Ta ha/ /rnga bo che yi sgra grags na/ /brtson ldan kun 'gro'i dngos grub ste/ / sbyin sreg las la yang dag brten/ /gzhan yang dge mtshan dpal dang ni/ /'dab chags sgra ni bzang po dang / /rnam pa sna tshogs sgra dbyangs sam/ /rgyal bas bsngags shing rab bsngags pa/ /bkra shis bzang po yid 'ong dang / /rnam pa sna tshogs sgra dang ni/ /gdugs dang rgyal mtshan ba dan dang / /bud med rgyan gyis brgyan pa dang / /de bzhin bum pa gang ba dang / /mchod yon mthong na dngos grub rgyu/ /kha dog rnam pa du ma dang / /rab sngags 'jig rten gyis mchod pa'i/ /dge slong rnams dang dge slong ma/ /mthong nas de rnams blta ba la/ / gsang sngags spyod tshul sna tshogs 'grub/ /byang chub sems dpa'i sde snod phal po che theg pa chen po shin tu rgyas pa'i mdo sde/ bcom ldan 'das ma 'phags ma sgrol ma ral pa gyen brdzes kyi rtsa ba'i rtog pa las/ bgrang phreng srad bu'i cho ga'i le'u rab 'byam bcu gcig pa yongs su rdzogs so/ / //de nas yang bcom ldan 'das shAkya thub pas slar yang 'khor gyi dkyil 'khor chen po la gzigs nas/ byang chub sems dpa' sems dpa' chen po 'phags pa spyan ras gzigs dbang phyug la bka' stsal pa/ sems dpa' chen po khyod kyi rig pa'i gsang chen yod do/ /sngags thams cad kyi sgrub thabs kyi cho ga'i dam tshig shes pa/ de bzhin gshegs pa thams cad kyi chos kyi mdzod las byung ba/ chos kyi sprin la mthun par rab tu zhugs pa/ nam mkha'i rang bzhin/ 'jig rten dang 'jig rten las 'das pa'i sngags kyi mnga' bdag ches gtso bor gyur pa sems dpa' chen po dper na de bzhin gshegs pa ni sems can thams cad kyi gtso bo/ /ches gtso bor gyur pa lha dang mi rnams kyi nang nas skyes bu'i khyu mchog sangs rgyas bcom ldan 'das yin no/ /byang chub sems dpa' de bzhin du rig pa'i rgyal po 'di ni sngags thams cad kyi mchog tu bstan cing / gtso bo dam pa yin te/ de bzhin gshegs pa gang gA'i klung gi bye ma snyed kyi sangs rgyas bcom ldan 'das brjod du med pa rnams kyis sngar gsungs pa de bzhin gshegs pa rin chen tog gi mchog gi snying po mchog tu gsang ba kun nas bkra shis par 'dod pa sangs rgyas thams cad kyis yang dag par bstod cing rab tu bsngags la/ sems can thams cad la dbugs 'byin pa/ sdig pa thams cad rab tu zhi bar byed pa/ 'dod pa thams cad sbyin pa/ re ba thams cad yongs su rdzogs par byed pa de gang zhe na/ /bar skabs 'dir bcom ldan 'das shAkya thub pa'i smin mtshams kyi mdzod spu nas sangs rgyas thams cad yang dag par skul bar byed pa zhes bya ba'i 'od zer byung bar gyur to/ /gang 'di/ phyogs bcu steng 'og thams cad dang ldan pa'i sangs rgyas kyi zhing rnams kun du snang zhing sems can thams cad kyi yid kyang tshim par byas nas slar yang bcom ldan 'das shAkya thub pa'i gtsug tor du nub par gyur to/ /bcom ldan 'das kyi gtsug tor nas kun nas 'bar ba'i 'phro ba'i lus can blta bar mi nus pa'i sems can kun gang gis kyang mi thub pa/ 'od chen po yang dag par byung ba/ 'od kyi dkyil 'khor gyis lus brgyan pa/ rnam pa sna tshogs pa'i gzugs can/ 'khor los sgyur ba chen po'i gzugs dang ldan pa/ rig pa'i rgyal po yi ge gcig pa zhes bya bar gyur to/ /byung nas nam mkha'i dkyil kun du snang bar byas te/ rig pa'i rgyal po thams cad kyis yongs su bskor ba/ rig pa 'dzin pa bye ba khrag khrig brgya stong phrag du mas mdun du bdar nas mchod bzhin pa/ 'jig rten thams cad kyi bla ma/ rig pa'i 'khor los sgyur ba'i rgyal pos mngon par bsngags bzhin pa/ sangs rgyas thams cad la mnga' sgyur bzhin pa/ sangs rgyas dang byang chub sems dpa' sa bcu la bzhugs pa rnams kyi rim gro byed bzhin pa'i blo gros chen po/ nam mkha'i dkyil thams cad kyi lha'i rin po ches nye bar mdzes pa dang / nor bu rin po che'i don du byas pas thams cad bkang ste/ mdzes pa'i gzugs can mchog tu 'od gsal ba/ sprul pa po rnam pa sna tshogs pa'i gzugs bye ba khrag khrig brgya stong phrag 'byin bzhin pa/ yi ge gcig pa'i sgra 'don bzhin pa/ 'od zer chen po 'bar ba rab tu 'phro bzhin pa bar snang gi phyogs su gnas par gyur nas bcom ldan 'das shAkya thub pa la nye bar phyogs nas lta bar byed bzhin pa/ de thams cad dang ldan pa'i gnas gtsang ma'i 'khor gyi dkyil 'khor chen po la kun tu lta zhing snang bar byed bzhin pa'o/ /de nas bcom ldan 'das shAkya thub pas yi ge gcig pa'i rtog pa'i rgyal po chen po 'di bka' stsal to/ /na maHsarba bud+d+hA nAM/ b+h+ru~M bka' stsal pa tsam nyid la 'jig rten gyi khams sangs rgyas kyi zhing rnams thams cad du rnam par 'gyur ba drug tu g.yos par gyur to/ /sems can gang la la bkres pa dang skom pa la sogs pa'i sdug bsngal skyes pa med par gyur to/ /de nas yang bcom ldan 'das shAkya thub pas/ de bzhin gshegs pa thams cad kyi ting nge 'dzin gyi rdzu 'phrul yang dag par bstan pa'i phyir dang sdig pa thams cad rab tu 'joms par byed pa'i phyir dang / sdug bsngal thams cad rnam par sbyong bar byed pa'i phyir dang / rtog pa'i rgyal po 'di sems can thams cad yang dag par srung ba'i phyir dang / dmyal ba'i sdug bsngal thams cad nye bar zhi bar byed pa'i phyir dang / bsam gyis mi khyab pa'i rdzu 'phrul mngon par 'du bya ba kun du bstan pa'i phyir dang / sangs rgyas thams cad dang byang chub sems dpa' thams cad kyis bsam gyis mi khyab pa rdzu 'phrul gyi mthu kun tu bstan pa'i phyir rig pa'i rgyal po chen po'i rtog pa 'di bka' stsal to/ /sems dpa' chen po gang la sngags kyi rgyal po 'di sgrub par 'dod na de'i don gyi phyir cho ga 'dir 'gyur ro/ /dang po re zhig ma brtags pa dang / mi smra ba dang / mi za bar brjod pa'i mthu dang / sngags kyis 'dul ba la rab tu brtson pas 'byung po thams cad la rab tu brtse bas gzhan sdug na bdag sdug par legs par mthong bar byed pa'i ye shes dang ldan pa dbang po rnams legs par bzung ste rnam par g.yeng ba dang bcas pa'i sems dang / nga rgyal dang / ser sna lag pa la 'jug pa/ rab tu dgag pa'i don du rdzas yongs su 'jal ba dang / lha gzhan la phyag mi byed pa dang / dkon mchog gsum la dang ba shin tu mngon du gyur pa'i dad pa'i nor gyis bcom ldan 'das ma 'phags ma sgrol ma la mngon par dang ba dang / snying rje chen po'i bdag nyid dang / legs par brtson pa'i bsam pas byang chub tu sems bskyed cing / mdor na byang chub chen por smon lam btab pa/ rgyun du sgrub par 'gyur bar bya'o/ /de la dang po re zhig bris sku'i cho gar 'gyur te rgyal po thams cad kyi bdag po 'khor los sgyur ba/ ma nyams pa'i ras lhag ma min pa/ kha dog can la bcom ldan 'das kyi sku gzugs 'drir gzhug par bya ste/ gser ltar ser ba'i gzugs brnyan chos ston par byed bzhin pa seng ge'i khri la nye bar bzhugs pa/ rnam pa thams cad kyi mchog dang ldan pa lus thams cad kun nas 'bar ba'i do shal can bya'o/ /steng du ri'i rtse mor glog dang sprin dang bcas pa'o/ /'og tu pad+ma'i mtsho bya'o/ /bcom ldan 'das kyi gtsug tor 'od zer las byung bzhin pa bya'o/ /sgrub pa po yang gnas dang cha byad dang / dbyibs kyi rnam pa ji lta ba bzhin dang / lag na spos phor thogs pa bcom ldan 'das la lta bar byed bzhin pa/ ras ris rnam pa de lta bur bris la sgrub pa po yang dus gsum du khrus bya zhing gos gtsang ma bgos te/ skye bo dang bral ba'i dben par rgyun chen por ras ris bzhugs su gsol la rnam pa thams cad du lus dang ngag dang / sems yongs su skyo ba med par sangs rgyas bcom ldan 'das la mchod pa rgya chen po byas nas/ zla ba nya la nyin mtshan du smyung bar gnas te sgrub pa brtsam par bya'o/ /lo ma dang / zan dang / 'o ma dang / slong mo'i bsod snyoms kyi bza' ba dang / chu dang / phye'i bza' ba'am/ 'o ma dang nas zan bza' bar bya'o/ /a ga ru'i bdug pa bsregs te 'bum phrag bcur bzlas pa bya'o/ /sngon du bsnyen pa byas pa dang / sngon spyad pa byas par 'gyur ro/ /de nas mig sman sgrub par 'dod na dpa' bo'i rin gyis nyos pa'i/ dpa' bo bzang po las byung ba'i mig sman srang gcig blangs nas bram ze'i bu mos ba byung lnga kha byang du bltas pa 'thag tu gzhug par bya'o/ /ming med kyi sor mos ril bu bzhi byas la pad+ma'i 'dab mas bkab la skam du gzhug par bya'o/ /sangs rgyas bcom ldan 'das kyi cho ga bzhin du me sbar nas stong phrag rdzogs par sbyin sreg bya ste/ de nas ring bsrel dang bcas pa'i mchod rten la ras ris bzhugs nas mchod pa rgya chen po rgya chen por byas te/ phyogs brgyad du pa lA sha'i shing gis me sbar nas zho dang sbrang rtsi dang / mar la btags pa'i rnam par 'dren pa'i sbyin sreg bya'o/ /de nas phyogs bzhi rnams su dkyil 'khor byas nas phyogs skyong ba rnams bzhag ste/ dkyil 'khor gnyis par rab tu sad par byed pa lag tu yungs kar thogs pa'o/ /dkyil 'khor gsum par legs par grogs bzang po'am/ grogs med kyang rung ste/ sngags kyi mchod pa chen po byas nas bsrung ba bya ste/ kha shar du phyogs pas nye bar 'dug la ku sha bting zhing bkram nas a shwat+tha'i 'dab ma gsum gyi steng nas dang / bzhis 'og nas g.yogs te/ lag pas mnan la ji srid dro bar gyur pa dang / du ba 'thul ba dang / rab tu 'bar ba de srid du bzlas par bya'o/ /dang po dngos grub ni 'dis rgyal ba'i bdag nyid kyi spyan te/ gang mthong ba dang / gang rnams mthong ba de rnams thams cad dbang du 'gyur ro/ /gnyis pa'i dngos grub ni glang po che dgu'i stobs dang / rlung ltar mgyogs pa dang / lo lnga brgyar 'tsho ba dang / glang po che bcu 'phrogs pa dang / rig pa 'dzin pa thams cad kyi zil gyis gnon pa ma yin pa dang 'bar zhing 'char ba'i nyi ma dang 'dra ba/ lus rin po ches brgyan pa/ bar gyi bskal par gnas shing gzhan 'dren par byed pa/ rig pa 'dzin pa zil gyis mi non pa'i 'khor los sgyur ba/ gsar du 'gro bzhin pa/ rlung gi lam bdun du rnam par rgyu bar byed par 'gyur ro/ /rna ba'i mig sman bsten pa dang / ldong ros lag pa yang dngos grub rnam pa gsum mo/ /de nas rdo rje sgrub par 'dod na thog phog pa'i shing blangs nas/ sor bcu drug pa'i tshad kyi rdo rje'i rnam pa bya'o/ /zlum skor du khru gang tsam gyi tshad kyi mchod rten byas nas/ de'i spyan sngar cho ga 'di mthong bas zla ba nya la mtshan mo gsum du smyung bar gnas pas sangs rgyas bcom ldan 'das la mchod pa rgya chen po byas nas rdo rje de nyid la nges par sems pas lta bzhin pa dang ldan pas rdo rje blangs te/ dur khrod du 'gro bar bya'o/ / shar du rgyun 'bab pa dang mthun pa'i rgyun bya'o/ /chu klung gi 'gram gnyis kyis blangs nas ba byung lngas zlum skor bya'o/ /zlum skor byas nas khru gang tsam gyi tshad kyi mchod rten byas nas de'i spyan sngar cho ga 'di mthong bas mchod pa bya'o/ /de nas dur khrod du/ ras ris de'i drung du rdo rje bzhag ste/ de'i steng du bzhag nas lag pas mnan la ji srid du gong bu'i 'og gi khung bur ltung ba de srid du bzlas par bya'o/ /de nas khrus byas nas de nyid du lag pas rdo rje blangs nas rab tu 'jug go/ /bslangs pa'i bsod snyoms blangs nas bcom ldan 'das la gtor mas nye bar mchod de/ khrus byas nas rdo rje de nyid la dur khrod kyi thal ba ji srid sbags par so sor gzhag go/ /cho ga 'dis dur khrod kyi sha la bzlas par bya'o/ /mthar mtshan mo gsum du cho ga bzhin du gtor ma'i mchod pa dbul bar byas nas bdag nyid dam/ grogs bzang po la bsrung ba byas te/ lag pa gnyis kyis mnan te ji srid du dngos grub rnam pa gsum du gyur pa de srid du bzlas pa bya'o/ /dngos grub dang po la gang bltas pa dang gang gis mthong ba de rnams rab tu dga' zhing dbang du 'gyur ro/ /gnyis pa ras ris kyi sa'i rdul phyis pa tsam gyis mi snang ba dang / glang po che stong phrag dgu'i stobs dang ldan pa dang / rlung ltar mgyogs pa dang / skal ba drug 'phrog pa dang / 'dod pas 'gro ba dang / char 'bebs pa dang / rnam par snang bar byed pa dang / mthu chen por 'gyur ro/ /gsum pa la ni nyi ma 'char ka dang mtshungs pa dang / lo stong phrag bcur 'tsho zhing 'khor los sgyur ba yang 'dren par 'gyur ro/ /rdo rje'i lag par rnam par rgyu ste/ de bzhin du pad+ma dang dgra sta lag pa'i cho gas yang ngo / /de nas ril bu sgrub par 'dod na sngon du bsnyen pa byas te lor skyes pa'i sdigs mdzub kyi sor mo blangs nas sngar gyi cho gas mchod rten byas te dur khrod du mchod pa rgya chen po byas nas kha shar du phyogs pas rab tu zhugs la de srid du sor mo nges par rig bya ston pas mnan nas rdo rje las 'od zer 'phro ba de srid du bzlas pa bya'o/ /nyin mo nam mkha'i rlung la bsrung ba bya zhing / mtshan mo gnyid mi log par tho rangs ji srid du sor mo rnams dgug par bya'o/ /bkug pa'i gnas der mtshan mo gsum du smyung bar gnas pa/ /ba dang be'u rgyud mtshungs pa/ grags pa dang ldan pa'i 'o ma blangs nas sangs rgyas bcom ldan 'das la tsan+dan gyi maN+Dal dang / mar gyi mar me rab tu sbar nas ku sha'i khres la 'dug ste stong phrag brgyad mngon par bsngags par byas nas sa'i snod du 'o ma blug par bya zhing / thal bas kyang dkyil 'khor bcings la tho rangs khrus byas nas sngar 'di nyid kyis nges par bsrubs pa'i mar sar blangs nas bcom ldan 'das la mchod pa byas te stong phrag brgyad du mngon par bsngags nas ma reg pa zos nas mthong ba zhes bya ste/ 'dod pa thams cad sbyin par 'gyur ro/ /grol bar 'dod na gnas la phan pa'i dri thams cad la sogs pa la dpa' bo'i rin gyis nyos te mtshan mo gsum du smyung bar gnas par byas te sangs rgyas bcom ldan 'das la mchod pa rgya chen po byas te/ mar gyi mar me rab tu sbar nas rang nyid sngags zlos shing brtag par bya'o/ /de nas gzugs brnyan byas nas a shwat+tha'i 'dab ma bdun gyi steng du bzhag nas bcom ldan 'das kyi spyan sngar ji srid du rang gi rig pa de srid du bzlas par bya'o/ /de nas phye mar byas nas phye ma des kun du reg pa de dbang du 'gyur ro/ /cho ga 'di nyid kyis nA ga ge sar gyi phye ma la gzugs brnyan byas te/ bdug pa'i kham phor brgyad brgyar sbyin sreg byas na gang la rjes su sems pa de dbang du byed do/ /cho ga 'di nyid kyis a pA marga'i yam shing gis sbyin sreg bya'o/ /nor 'dod na ba lang gi gnas su song nas sangs rgyas bcom ldan 'das kyi spyan sngar sa la ma lhung ba'i ba byung gis lag pas ma bzos pa'i mchod rten byas la cho ga bzhin du mchod nas gu gul bsregs te stong phrag brgyar bzlas pa bya'o/ /ba lang stong ngam nor rnyed par 'gyur ro/ /cho ga 'di nyid kyis mar dang / sbrang rtsi la sogs bsreg cing stong phrag brgyar bzlas pa bya'o/ /grong bcu gnyis kyis bskor ba rnyed par 'gyur ro/ /cho ga 'di nyid kyis mchod rten byas nas tsan+dan gyis btags pa'i pad+ma'i gdan dang lha bshos stong phrag brgya dbul te yul gyi dpon po thob par 'gyur ro/ /cho ga 'di nyid kyis gu gul gyi bdug pa bsregs te tsam pa ka'i me tog stong phrag brgya dbul te/ gser stong rnyed par 'gyur ro/ /cho ga 'di nyid kyis nA ga ge sar gyi me tog stong phrag brgyar dbul bar bya ste/ ras bcos bu'i gos stong rnyed par 'gyur ro/ /de bzhin du me tog thams cad 'dod pa'i cho ga thams cad dur khrod du ro bsregs pa'i thal ba blangs nas zla ba nya la nyin mtshan du smyung bar gnas te ming med kyi sor mo'i khrag gis zlum skor byas nas gzugs brnyan bris te rkang pa g.yon pas mnan nas stong phrag brgyad bzlas pa byas na/ dang po gos bdun dang / mdor na rigs dang bcas pa thams cad rnyed par 'gyur ro/ /mchod rten byas nas shing ad+hi ba la dza la zho dang sbrang rtsi dang / mar la btags pa stong phrag brgyad sbyin sreg bya'o/ /gang ston pa'i bu mo des sbyin par byed do/ /mi sbyin na 'chi bar 'gyur ro/ /sA la'i rgyab nas byung ba'i gzugs brnyan byas la yungs mar gyis 'di bkang nas lcags kyi thur mas phug ste tsha ba'i til mar gyis byugs te dur khrod du stong phrag brgyad bzlas par bya'o/ /lus gcig pa'i bud med dam/ dmangs rigs dbang du 'gyur ro/ /gnyis pa la rje rigs dang / rgyal rigs ma'o/ /gsum pa la dge slong dang / bram ze ma'o/ /zhes te mdor na ma bsgrubs par yang las byed par 'gyur ro/ /gi wang la lan bdun mngon par bsngags pas khyad par du byas nas gang mthong ba dang / gang rnams mthong ba de thams cad dga' bar 'gyur ro/ /de bzhin du mig sman gyis so/ /tho rangs langs nas lan bdun mngon par bsngags pa'i chus bde bar khrus byas na gang la bltas pa de sbyin par byed cing de 'bangs su yang 'gyur ro/ /de bzhin du til mar so la ma reg par bza' bas 'dod pas khyer ba'i chu la lan bdun mngon par bsngags par byas nas 'thungs na don du ma gnyer bar yang bza' ba rnyed do/ /rgyal po'i khab tu zhugs nas chos gos kyi mtha' nas bzung ste lan nyi shu rtsa gcig tu yongs su bzlas nas lag pa g.yon pas mdud pa bya'o/ /rgyab tu mi lta bar song na smra ba thams cad kyi mchog tu 'gyur ro/ /chom rkun gyi nang du song bas kun du 'phrog par bya ba nyid la bzlas pas gtsang bar byed do/ /gcod pa dang / 'bugs pa la sogs pa rnams kyi sngags rnams so/ /sA lu'i 'bru dang / ka ra bIr dkar po dang / don grub dang / /kA ba rnams kyis gzugs brnyan byas nas lag pa g.yon pas mnan te stong phrag brgyad bzlas pa byas na steng du langs par byas par 'gyur ro/ /rims gzhom par 'dod na gi ri kad+na ka ra'i me tog la stong phrag brgyad bzlas pa byas na nyi ma bdun gyis sha za'i rims nyams par byed do/ /seng ldeng gi yam shing gis sbyin sreg stong phrag brgyad byas na gdon thams cad 'joms par byed do/ / thal ba la lan bdun bzlas pas pha rol gyi sngags rnams 'ching bar byed do/ /chu la lan cig bzlas pas grol lo/ /de lta bu la sogs pa'i las rnams so/ /de nas yang / bcom ldan 'das shAkya thub pas slar yang 'khor gyi dkyil 'khor chen po de la gzigs nas byang chub sems dpa' chen po la bka' stsal pa/ sems dpa' chen po 'dod pa phun sum tshogs par byed pa zhes bya ba yod do/ /de ni rigs kyi bdag po/ sangs rgyas thams cad kyi rjes su yi rang ba rtog pa'i rgyal po 'di sgrub thabs kyi cho ga bcom ldan 'das ma 'phags ma sgrol ma'i gsang chen du gyur pa sgrub pa pos gdon mi za ba kho nar dran par bya ba ste/ de sems dpa' chen po khyod la bshad do/ /de skad ces bka' stsal pa dang / byang chub sems dpa' sems dpa' chen po spyan ras gzigs dbang phyug gis bcom ldan 'das ma sgrub pa'i don du rigs kyi bdag po gsung du gsol/ 'dod pa phun sum tshogs byed pa/ /bcom ldan rdul mun rnam par grol/ /chags pas mngon par zhi ba dang / /byang chub nges 'byin sdig pa las/ /kun du gzigs pa'i zla ba la/ /'phags pa spyan ras gzigs dbang phyug /srid pa'i sa bon rnam 'joms par/ /phyag 'tshal mchod de khyod la brten/ /bshad bya gal te 'byung bar byed/ /slar yang srid par 'byung bar 'gyur/ /tad+ya thA/ shwe te shwe teM ge shwe b+hu dze shwe ta/ mA l+ye rA laM kr-i te/ dza ye bi dza ye a dzi te a pa rA dzi te swA hA/ dran pa nyid las/ 'di'i sngags kyi dngos grub myur du 'byung bar 'gyur ro/ /de la 'di'i sngags ni tho rangs langs nas bcom ldan 'das ma 'phags ma sgrol ma'i sgrub pa pos gtsang mar gyur pa lan bdun byas chu bor zhugs shing thal mo sbyar te yongs su bzlas nas shar du mngon par phyogs pas gtor bar bya'o/ /bgegs thams cad zhi bar 'gyur zhing las kyi dngos grub kyang 'byung ngo / /snying khar mthe bong byin nas lan cig bzlas na lha rnams kyis byin gyis rlob par 'gyur ro/ /bdag nyid rnam par dag par yang 'gyur ro/ /de'i phyag rgya yang 'dir sbyar bar bya'o/ / bgegs thams cad med par 'gyur zhing las kyi dngos grub kyang 'byung ngo / /snying khar mthe bong byin nas lan cig bzlas na lha rnams kyis byin gyis rlob par 'gyur ro/ /bdag nyid rnam par dag par yang 'gyur ro/ /de'i phyag rgya yang 'dir sbyar bar bya'o/ /de nas 'di'i sgrub thabs kyi cho gar 'gyur te/ ma nyams pa'i ras skra dang bral ba 'bras bu can nam/ ma 'dres pa'i tshon gyis ri mo mkhan gso sbyong can gyis 'phags pa spyan ras gzigs dbang phyug 'drir gzhug par bya'o/ /pad+ma'i snying po la 'dug pa/ stag gi pags pa'i sham thabs can ral pa gyen du brdzes pa de yang rab tu 'phyang bzhin pa/ phyag na bya ma bum thogs pa'am/ pad+ma dkar po'i 'dab ma bsnams pa/ g.yon gyi gzhogs su lha mo 'phags ma dkar mo chen mo seng ge'i gdan la nye bar 'dug pa/ phyag pad+ma dang / mchog sbyin ma dang / sgrub pa po ni sngon bzhin no/ /de nas rig pa 'dzin pas 'o ma dang nas zan bza' zhing bris sku'i spyan sngar sngon du bsnyen pa bya'o/ /dri zhim po'i me tog lag pa rnams kyis mchod pa dang / mar gyi mar me dang / a ga ru dang / tu ruSh+ka'i bdug spos dang / gtor ma yang rig pa 'dzin pas de bzhin du dbul bar bya'o/ /na mo bud+d+hA s+ya/ na mo d+harmA s+ya/ na maH saM g+ha s+ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ na mo Ar+yA ya/ ma hA satwA ya/ tad+ya thA/ su ru me su ru ma/ ku ru ku ru/ su ru me karma sA d+hA ya/ bud+d+ha sad+ye na/ d+harma sat+ye na/ saM g+ha sat+ye na/ A gats+tsha shIg+h+rAM de ba dat+te swA hA/ spyan drang ba'i rig pa'o/ /tad+ya thA/ da me da se swA hA/ dri'i rig pa'o/ /tad+ya thA/ hu hu hu ra hu ma hA me de swa re swA hA/ /me tog gi rig pa'o/ /tad+ya thA/ me g+ha bi hra te swA hA/ bdug pa'i rig pa'o/ /tad+ya thA/ tu tu tu tu tu ru ma hA tu ru Ne swA hA/ gtor ma'i rig pa'o/ /'di rnams nyid dang mar me bdun gyi phreng ba gnas pa'i ras ris kyi spyan sngar ku sha'i khres la nye bar 'dug ste/ zho dang / sbrang rtsi dang / mar la btags pa'i pad+ma'i sbyin sreg bya ste 'bum phrag bdun de srid par ro/ /rang nyid 'gul ba dang 'phags pa spyan ras gzigs dbang phyug mngon sum du mthong bar 'gyur ro/ /rang 'dod pa de rnyed par 'gyur ro/ /cho ga 'di nyid kyis bil ba'i yam shing gis stong phrag brgyar sbyin sreg byas na gang 'dod pa de yang dag par rdzogs par byed do/ /gang gA'i klung gi 'gram du nye bar gnod pa med pa/ skye bo dang bral bar bye ma la mchod rten byas nas dri dang me tog dang bdug spos la sogs pa phul te stong phrag brgyad bzlas pa bya'o/ /nyi ma so so re re zhing mchod rten bya'o/ /byang chub sems dpa'i sde snod phal po che theg pa chen po'i mdo sde bcom ldan 'das ma 'phags ma sgrol ma ral pa gyen brdzes kyi rtsa ba'i rtog pa las le'u rab 'byam bcu gnyis pa rdzogs so/ / //de nas byang chub sems dpa' sems dpa' chen po 'phags pa spyan ras gzigs dbang phyug gis thams cad dang ldan pa'i 'jig rten gyi khams la lha'i spyan gyis gzigs nas/ yangs pa dang ldan pa zhes bya ba'i ting nge 'dzin la snyoms par zhugs so/ /de nas ting nge 'dzin de las bzhengs te yangs pa dang ldan pa zhes bya ba'i sngags kyi rgyal po chen po 'di bka' stsal to/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ tad+ya thA/ bi ma le bi ma le/ bi pu la pra b+he/ bi pu la pri ye/ bi pu la ma ti/ sa ma ya ma nu sma ra/ twa me/ ba ru sAM/ sA d+ha ya sA d+ha ya/ gardza gardza/ ha na ha na/ bi pu la ma ti/ hr-i da ya/ ma nu sma ra/ bud+d+ha sat+ye na/ d+harma sat+ye na/ saM g+ha sat+ye na/ bo d+hi satwA sat+ye na/ bi pu la ma ti sat+ye na/ badzra pA Ni sat+ye na/ sat+ya bA ti sat+ye na/ le le le le/ o~M o~M o~M/ b+hu ba b+hu ba b+hu ba/ ga ga ga /ma tha ma tha ma tha/ hU~M hU~M hU~M/ a ba lo ki te/ mu tse swA hA/ 'di ni mthu chen po thob pa yangs pa dang ldan pa zhes bya ba rig pa'i rgyal po chen po bcom ldan 'das ma 'phags ma sgrol ma'i ting nge 'dzin las byung ba/ bklags pas grub pa/ bdag srung ba dang / gzhan srung ba dang / grong srung ba dang / ri'i 'jigs pa dang / gdug pa'i 'jigs pa dang / sha za'i 'jigs pa dang / mdor bsdu na 'jigs pa thams cad bklags pa tsam gyis sel bar byed do/ /'di las gzhan yang sngags kyi cho gar 'gyur ba ni/ na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ da de shAn+te/ pra san+na tsi te swA hA/ spyan drang ba'i sngags so/ / na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA kA ru Ni kA ya/ tad+ya thA/ shwe te sa ma ye t+ye thA/ bi shud+d+ha bsti swA hA/ gos bgos pa'i sngags so/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ mu ne mu ne/ shAn+te bi shud+d+he ga ga na ta le pu gan+d+he gan+d+ha/ u da ka ba liM tsa ha ra ha ra ka ra ka ra bi b+hu swA hA/ me tog dang / dri dang / bdug pa dang / mar me thams cad la sngags 'dis lan bdun mngon par bsngags pas lan cig bzlas sam dbul bar bya'o/ /sa'i gong bu dkar pos rtag tu bdag nyid gtsang bar bya'o/ /bcom ldan 'das la gur gum gyi chu dang / tsan+dan dang / ga pur gyi dri dang / tu ruSh+ka la sogs pa dang / a ga ru'i bdug pa dang / bal+li ka'am/ tsam pa ka'i me tog gi phreng ba dang / 'o ma sum cu rtsa gnyis su 'gro bar bya ste/ zan gyi gtor ma dang / ba'i mar gyi mar me rnams so/ /de nas 'di'i ras ris 'byung ste/ 'dod pa'i skra dang bral ba kha tshar ma bcad pa ji ltar rnyed par gyur pa la bcom ldan 'das spyan ras gzigs dbang phyug gur gum gyis bri bar bya'o/ /chu las skyes pa'i pad+ma'i gdan dang phyag na pad+ma dang pad+ma'i phreng bas brgyan par byas pa/ gos dkar po can mchod phyir thogs pa/ phyag mi 'jigs pa rab tu sbyin pa/ ral pa gyen du brdzes pa de lta bur bri bar bya'o/ /bcom ldan 'das sngar brjod pa'i gnas su ras ris zhal shar du mngon par phyogs par bzhugs su gsol nas 'bum phrag bcur bzlas par bya'o/ /bzlas pa yongs su rdzogs pa na me sbar nas sbrang rtsi dang mar sbyar bas dus gsum du sbyin sreg ji srid 'bum rdzogs kyi bar du byas na gang mngon par 'dod pa de rnyed par 'gyur ro/ /rgyal srid kyi longs spyod 'dod na gur gum dang / tsan+dan dang / me tog brgya pa dang / 'bras yos rnams gcig tu byas nas mar dang sbrang rtsis btags nas thun gsum du sbyin sreg bya'o/ /sbyin sreg mtha'i nyi ma la mthong ba stsol bar byed do/ /mtshan ma 'di rnams kyang stsol te gtsug pud gyen du brdzes par 'gyur ro/ /skyon med pa'i 'od kyi rgyal mtshan dang / phreng ba 'bar ba'i ras ris rab tu sbyin pa'am smra bar byed do/ /rig pa 'dzin pas yid kyis bzlas pa bya/ nam mkhar lha'i ngag thos na grub pa yin no/ /de nas rgyal srid slar rnyed na chos kyis byed du gzhug go/ /slar yang de nyid ting nge 'dzin bsgom par bya bzhin pa ni bcom ldan 'das ma 'phags ma sgrol ma'i rtog pa'i rgyal po chen po rkang pa gcig pa zhes bya ba'i rig pa'i rgyal po chen po gsungs par gyur to/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ na mo bud+d+ha a b+hiShe ka s+ya pra dz+wa li ta dI p+ta ne pra/ b+hu dzA ya pra dz+wa li taM/ dIp+ta ha pu ka maN+Da lA ya/ tad+ya thA/ hr-i da ya mA brta yi Sh+ya mi g+hu Ta/ ban d+ha d+huM d+haM d+haM d+haM d+haM/ tsa ra tsa ra ba ra ya shasma/ o~M ka raM pra ta/ bid+yA te dza ya ma hA/ bid+yA ya ya swa yaska pra baR+ta ya ha ra Ne ra Ne ra ka ru Ne/ mu ni mu ni/ bi mu ni/ shAn+ta tsin+ta swA hA/ 'di ni mthu chen po thob pa rkang pa gcig pa zhes bya ba'i rig pa'i rgyal po thogs pa med pa bzlas pa tsam gyis 'thab pa dang / 'thab mo dang rtsod pa la sogs pa thams cad 'joms par byed pa dpag tu med pa'i stobs kyis pha rol gnon pa rig pa'i rgyal po ste/ rigs kyi bu byang chub tu sems bskyed pas sgrub pa brtsams te khrus gsum byas te thun gsum du stong phrag brgyad bzlas par bya'o/ /ji srid zla ba nya'i bar du bcom ldan 'das kyi spyan sngar mchod pa chen po byas nas dpag tu med par bzlas par bya'o/ /las phran tshegs rnams thams cad grub par 'gyur ro/ /'di rnams ni 'di'i 'khor du gyur pa'i sngags te/ na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ bi b+hu ri bi b+hu ri/ b+hu mi/ A kA ma b+hu mi A kA ma b+hu mi A kA ma tiSh+Tha tiSh+Tha bi dza ya/ brta/ sha sha sha sha sha sha/ tha tha tha tha tha tha tha tha/ a kan+tha/ ak+n+d+ha/ pad+ma ha stA ya swA hA/ ras ris rab tu gnas par byed pa'i sngags so/ /dang por ri mo mkhan gyi las dang 'og tu ras ris kyi cho gar 'gyur te/ ma 'dres pa'i kha dog gis spyan ras gzigs dbang phyug zhabs gcig gnas pa 'drir gzhug par bya'o/ /me tog sna ma'i phreng ba'i mchod phyir thogs pa can me tog gi phreng ba'i 'od kyis brgyan pa dbyug pa dang / ril pa spyi blugs phyag na bsnams pa phrag par g.yang gzhi nag po kun du 'phyang bar bya'o/ /g.yas pas dbugs 'byin par byed pa lta bu'i ras ris 'drir bcug nas de'i spyan sngar dge slong gi tshogs la ston mo bya'o/ /yon yang ci 'byor pa dbul lo/ /na mo rat+na tra yAM ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ dza la d+ha ra/ bi muk+ta ya thA ya swA hA/ nye bar byugs pa'i sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ sugan+d+ha/ bi muk+ta bi dza ya swA hA/ dri'i sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ su ma na shri ye/ sa saM dar+sha na so so ma na/ so so ma na swA hA/ me tog gi sngags so/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ tad+ya thA/ d+hu mra brtsa si ra ra ra ra/ la lA ya/ mu ne swA hA/ bdug pa'i sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ na maHpri yaM ka ra/ pri ti bi dza ye/ o~M dza ye bi dza ye saM kalpa swAhA/ gtor ma'i sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ na maHshu tsi ni/ ma ti bi ma li/ bi shud+d+ha ga ti swA hA/ nye reg gi sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ na maHtad+ya thA/ shwe te paN+Da bA si ni rak+Sha rak+Sha mAM swA hA/ 'dis thams cad du bdag nyid bsrung bar bya'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ d+ha ra d+ha ri sh+tsit+te/ dza ba ri shu pa ci ba ti swA hA/ 'dis sa blang bar bya'o/ /na mo rat+na tra yA ya/ na mo Ar+ya a ba lo ki te shwa rA ya/ bo d+hi satwA ya/ ma hA satwA ya/ na ma/ dza li dza li/ tsa lA ra le/ ba ba re/ ra ra re swA hA/ sngags 'dis khrus bya'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ tad+ya thA/ na maHshu lam+bi/ bas+t+raM ta d+hA rA ri pha ba ne swA hA/ gos kyi sngags te 'di gos la yongs su bzlas te bgo bar bya zhing / de bzhin du bcom ldan 'das la'ang dbul bar bya'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ tad+ya thA/ na ma u ts+tshuSh+ma pa ra ma/ da sha/ sho d+ha na/ sho d+ha ya swA hA/ gci ba dang / bshang ba dang / mchil ma dang / mi gtsang ba thams cad 'dis yongs su phyis na gtsang mar 'gyur ro/ /gtsang sbra'i sngags so/ /rgya spos zho'am srang gnyis/ tsan+dan gnyis/ 'dab ma can gyi rum ru gnyis/ gur gum gnyis/ dri 'di rnams bcom ldan 'das la dbul bar bya'o/ /ga pur dang / tsan+dan gyi bdug pa'o/ /'di lta bu'i cho gas ji skad gsungs pa'i gnas su ras ris zhal shar du phyogs par bzhugs su gsol nas/ khrus gsum bya zhing gos lan gsum brjes nas rtag tu gso sbyong la gnas pas 'bum phrag drug bzlas par bya'o/ /mthar pad+ma dkar po re bcom ldan 'das kyi zhabs kyi drung du yongs su dor zhing dbul bar bya ste nyi ma gsum la stong phrag brgyad du'o/ /de nas mtshan mo gsum du smyung bar gnas te mtshan thog thag mi smra bar pad+ma mar la btags pa rnams kyis sbyin sreg bya'o/ /dngos grub kyi mtshan nyid du 'gyur ba ni rig pa 'dzin pa rab tu grol ba rnam pa gsum du rgyu bar byed do/ /de nas bcom ldan 'das grub par 'gyur ro/ /rig pa 'dzin par 'dod na rig pa 'dzin par 'gyur ro/ /lha ma yin 'dod na lha ma yin du 'gyur ro/ /rgyal srid 'dod na thams cad pa'i rgyal srid chen por 'gyur ro/ /gang 'dod pa de thams cad thob par 'gyur ro/ /bcom ldan 'das ma sgrol ma'i rtsa ba'i rtog pa yangs pa dang ldan pa'i ting nge 'dzin nges par skye'o/ /rkang pa gcig pa zhes bya ba'i rig pa'i rgyal po yongs su rdzogs so// //de nas yang byang chub sems dpa' sems dpa' chen po spyan ras gzigs dbang phyug ting nge 'dzin gyi rgyal po de nyid sgom bzhin du/ bcom ldan 'das ma rig pa'i rgyal mo'i rtog par 'jug pa zhes bya ba'i rig pa'i rgyal po chen po gsung bar gyur to/ /de la 'di rnams sngags kyi tshig chen por 'gyur te/ na mo rat+na tra yA ya/ na ma Ar+yA ba dzi ya shrI gar+b+ha s+ya/ samyak+saM bud+d+he s+ya/ na mo ma he shwa re swa/ bo d+hi satwa s+ya/ na maH I sha pra b+ha s+ya/ bo d+hi satwa s+ya/ na maHA kA sha gar+b+ha s+ya/ bo d+hi satwa s+ya/ na mo badzra ma te s+ya/ bo d+hi satwa s+ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ b+ha ga ba te hr-i da ya/ mA bA ha yi Sh+yA mi/ o~M ta ra ta ra/ o~M o~M o~M o~M b+hu ba a b+ha ya a b+ha ya ba ra de u tsuSh+ma ti u tsuSh+ma ti/ su khA ba ti/ su khA ba ti/ ra ra ra ra la la la la tsu luSh+ka kha ga /kha ga /A gats+tsha A gats+tsha b+ha ga ba te ma ma ba raM/ dA s+ya si/ a b+ha swa ra/ ma prA p+ta bi pu la ma ti sa mA d+hi bi dza te swA hA/ 'jug pa zhes bya ba rig pa'i rgyal po chen po bklags pa tsam gyis grub par 'gyur ba ste 'jigs pa thams cad srung ba dang / zhing thams cad du las rnams byed do/ /de nas 'di'i ras ris kyi cho gar 'gyur te bcom ldan 'das 'phags pa spyan ras gzigs dbang phyug kun nas dkar ba sngar gsungs pa'i ras ris kyi mtshan nyid kyi rin po che'i pad+ma la gnas pa phyag na pad+ma dkar po bsnams pa/ gtsug pud grol ba/ phyag na ril ba spyi blugs bsnams pa'o/ /g.yas dang g.yon pa dag tu ji ltar rigs pa bzhin te g.yon gyi gzhogs su gzhon nu dkar po phyag na pad+ma bsnams pa/ bcom ldan 'das la phyag 'tshal bar byed bzhin pa/ 'drir gzhug par bya'o/ /g.yas kyi gzhogs su bcom ldan 'das ma dpal chen mo phyag na pad+ma bsnams pa/ pad+ma la nye bar 'dug pa 'drir gzhug par bya'o/ /g.yon gyi gzhogs su sa'i lha mo rin po che sna bzhi'i gzhong pa phyag na bsnams pa'o/ /nam mkha' la 'od gsal gyi byang chub sems dpa' dkar po me tog gi phreng ba yongs su thogs pa 'drir gzhug par bya'o/ /g.yas kyi gzhogs su sgrub pa po lag na spos phor thogs pa sngar bzhin no/ /rnam pa de lta bu'i ras ris byas nas sngar gsungs pa'i gnas su bzhugs nas mchod pa rgya chen po bya ste/ 'o ma dang nas zan bza' zhing rtsa ba'i sngags kyis spyan drang ngo / /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ na maH sarba bud+d+ha bo d+hi satwe b+h+yaH/ tad+ya thA/ paN+Da paN+Da la g+hu shu tsi bi ma le swA hA/ dkyil 'khor gyi sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ na maH sarba bud+d+ha bo d+hi satwe b+h+yaH/ tad+ya thA/ ag+ni dzu lu dzu lu hu/ ra ma me swA hA/ dri'i sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ na maH sarba bud+d+ha bo d+hi satwe b+h+yaH/ tad+ya thA/ d+hu ba sid+d+hi brah+ma te dzo swA hA/ me tog gi sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ na maH sarba bud+d+ha bo d+hi satwe b+h+yaH/ tad+ya thA/ bi pu la te dza prah+ma shwa ra swA hA/ bdug pa'i sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ na maHsarba bud+d+ha bo d+hi satwe b+h+yaH/ ni d+hi bi pu ni a b+ha ya pra da swA hA/ gtor ma'i sngags so/ /'di nyid mar me'i sngags so/ /bu shel tse dang / bA la ka dang / ga pur cha mnyam pa'i dri'i phreng ba dang / ka ra bI ra dmar po'i me tog dang / sna ma'i me tog lag pa dang / dpal btags pa dang / sra rtsi pog dang / sha l+ya kI dang / bu ram sbyar ba'i bdug pa dang / dkar gsum gyi gtor ma dang / ba'i mar gyi mar me ste de lta bur byas nas 'bum phrag drug bzlas par bya'o/ /mthar zla ba nya la mtshan mo gsum du smyung bar gnas te ka ra bI ra'i me tog zho dang sbrang rtsi dang mar la btags pa rnams kyis stong phrag brgyad dus gsum du sbyin sreg bya ste/ de lta bu'i nyi ma gsum du bya'o/ /de nas nyi ma gsum pa la mchod pa rgya chen po byas nas ji skad brjod pa'i cho gas bcu gnyis yongs su 'gyur ba'i kham phor zho dang / sbrang rtsi dang / 'o thug kham phor bcu ku sha'i khres la 'dug ste/ srod nas brtsams nas ji srid dngos grub kyi mtshan ma ma byung gi bar de srid du bzlas pa bya'o/ /lha'i me tog gi char 'bab pa dang / 'brug dang rnga bo che rnams kyang sgra sgrogs pa dang / ras ris 'gul ba dang / mar me'i rtse mo 'phel lo/ /de nas grub pa yin te sa thams cad la dbang ba'i rgyal por 'gyur ro/ /gang mngon par 'dod kyang rung ste thams cad thob par byed do/ /bcom ldan 'das ma 'phags ma sgrol ma'i yangs pa dang ldan pa'i ting nge 'dzin gyi rgyal po'i rtsa ba'i rtog par 'jug pa zhes bya ba'i rig pa'i rgyal po chen po yongs su rdzogs so// //de nas byang chub sems dpa' sems dpa' chen po spyan ras gzigs dbang phyug sems can rjes su gzung ba'i ched du slar yang ting nge 'dzin gyi rgyal po de nyid sgom bzhin du bcom ldan 'das ma 'phags ma sgrol ma'i rtog pa'i rgyal po chen por skye bo dbul po rjes su gzung ba'i ched du dkar mo chen mo'i rig pa bka' stsal to/ / de la 'di rnams ni don thams cad sgrub par byed pa'i rig pa'i sngags kyi tshig rnams su 'gyur ro/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ kr-iSh+Na dzi naM ba ra d+ha ra/ ka ma lA ya/ tIk+ShaM pad+ma a sa na s+thaM a b+ha ya prad/ ma gra ha taM/ b+hA Sha swadz+dza Ta ma ku Ta d+ha ri/ Nau pad+ma baR+Na Ar+ya a ba lo ki te shwa ri ma haM sa ra NaM pra pad+ya/ tad+ya thA/ shwe te bi dza ye shwe ta bas+t+ra/ shwe ta b+hu dze/ shwe ta pad+ma a laM kIrta dza ye bi dza ye/ a b+ha ye shwe taM aM shu ma b+ha ya pra te shwe taM tsa ga ga na shud+d+haM shwe taM bid+yA/ sa ma pra sa ma pra b+he shwe te b+h+yaH/ b+ha ba s+ya/ shaklAM shu raM b+ha bAn+ta re paN+Da ra/ pa Ta pa TA ya ra ra ra ra ra ya bi dza ye swA hA/ pa ri klI ba le ba re ba rA ya swA hA/ 'di ni mthu chen po thob pa'i dkar mo chen mo zhes bya ba'i rig pa'i rgyal mo ste las thams cad byed ma/ dbul ba dang / nad rab tu zhi bar byed ma/ don thams cad sgrub par byed ma/ don thams cad yongs su rdzogs par byed ma ste/ gang 'di rigs kyi bu'am rigs kyi bu mo gang la la byang chub tu sems bskyed pas rtag tu dran par byed pa dang / mchod pa byed par 'gyur ro/ /skye bo yongs su skyob par byed par 'gyur zhing skye bo thams cad dga' bar yang 'gyur ro/ /de nas 'di yi cho ga ni sngar brjod pa'i cho gas khru bcu pa'i ras byed du bcug nas kha tshar bcad pa la tsan+dan gyi khu bas mnan par bya'o/ /kha dog ma 'dres pas dri'i khu bas gnur bas bcom ldan 'das bri bar bya'o/ /ston ka'i sprin ltar dkar ba phyag na ril ba spyi blugs thogs pa/ phyag g.yas kyis pad+ma bsnams pa/ ral pa gyen du brdzes pa pad+ma'i gdan gos dkar po phreng ba dkar po'i rgyan gyis brgyan pa/ pad+ma'i phreng ba bcu drug rnams kyis brgyan pa/ thams cad dkar po rnams kyis thams cad dkar po'o/ /byang chub sems dpa' bcu drug 'og tu bri bar bya'o/ /'jig rten skyong ba bzhi po rnams phyogs 'khor rnams su'o/ /sa'i lha mo 'di bri bar bya ste/ phyag g.yas kyis tsaM gau Ta ka thogs pa'o/ /'phags pa spyan ras gzigs dbang phyug gi spyi gtsug gi cha la de bzhin gshegs pa pad+ma'i phal po che g.yon du de bzhin gshegs pa mi bskyod pa mi 'jigs pa rab tu sbyin pa g.yon pas chos gos bsnams pa/ gser mdog phyag nas 'od zer 'phro bar byed bzhin pa'o/ /byang chub sems dpa' thams cad kyang 'od zer gyi phreng ba can rnam par bkra ba'i rgyan thams cad kyis lus brgyan pa'o/ /sgrub pa po yang g.yas phyogs su cha byad dang rnam pa ji lta ba bzhin du 'drir gzhug par bya'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ swe te swe te swe te swe ta b+hu dze pa rA kra me bi dza ya bi tse d+hu te swA hA/ dri dkar po'i chus dkyil 'khor nye bar byug par bya'o/ /na mo rat+na tra yA ya/ na ma Ar+ya ab lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ na mo ma hA swa hA ya/ swe ta gan+d+ha bi shud+d+ha ya/ su gan+d+hA ya swA hA/ dri'i sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ na mo ma hA swe tA ya/ dz+yo ti sma/ tI dz+ye ti pa ra swA hA/ me tog gi rig pa'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ na mo ma hA swe tA ya/ swe ta pa rA ya/ d+hu pa pa rA ya swA hA/ dkar po bsres pa dang lhan cig pa'i bdug pa dbul bar bya'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ na mo ma hA swe tA ya/ ba la bIR+Ya pra ba ra ba ra shuk+l+laM shuk+l+lod na ba ra pri yA ya/ ba ra ba ra ba ra ba ra shukle shuklA shukle swA hA/ gtor ma'i sngags te lhag ma rtsa ba'i rig pa nyid kyis dbul bar bya'o/ /me tog dang / bdug pa dang / dri dang / phreng ba nyid dkar po'i rnam pa zho dang sbrang rtsi dang mar la btags pa rnams kyis sbyin sreg bya'o/ /dkar po'i phyogs kyi tshes gcig nas brtsams te ji srid zla ba nya'i bar du til mar la stong phrag brgyad kyi sbyin sreg dang rig pa 'dzin pa gos dkar po bgos te tsA ru'i ston mo bza' zhing mchod phyir thogs dkar po 'chang ba ku sha'i khres la nye bar 'dug pas sbyin sreg la sogs pa bya'o/ /mchod pa chen po byas nas nyin mtshan du gtor ma'i mchod pa la sogs pa bya'o/ /srod nas brtsams nas ji srid dngos grub kyi mtshan ma byung ba'i bar du bzlas pa bya'o/ /lha'i rnga bo che'i sgra dbyangs thogs pa dang / sa rab tu g.yo ba dang / nam mkha' la me tog gi char dang / ras ris las kyang 'od zer 'byung bar 'gyur ro/ /bar skabs 'dir bcom ldan 'das byang chub sems dpa' 'byon te dmyal ba dang dang / dud 'gro rnams skad cig de la zhi bar 'gyur ro/ /byon pa la mchod yon dbul bar bya'o/ /de nas bcom ldan 'das gsung bar 'gyur te ci 'dod pa de rnams sbyin par byed do/ /rig pa 'dzin pa de nyid dam/ rig pa 'dzin pa'i rgyal po nyid dam/ rgyal srid chen por lus yongs su rje ba nyid dam/ sa 'og tu 'jug pa nyid dam/ mig sman dang / ldong ros dang / gi wang ngam/ thos pa 'dzin pa nyid dam/ mngon par shes pa lnga yang rung ste gang don du gnyer ba de rnyed do/ /bcom ldan 'das ma 'phags ma sgrol ma ral pa gyen brdzes kyi rtsa ba'i rtog pa yangs pa dang ldan pa'i ting nge 'dzin gyi rgyal po/ dkar mo chen mo'i rtog pa yongs su rdzogs so// //de nas byang chub sems dpa' sems dpa' chen po spyan ras gzigs dbang phyug yangs pa dang ldan pa'i ting nge 'dzin gyi rgyal po sems can thams cad la kun du gzigs par byas nas bcom ldan 'das rig pa'i rgyal po thams cad kyi rjes su son pa po zhes bya ba'i rig pa'i rgyal po bka' stsal to/ /de la 'di rnams ni grub pa'i sngags kyi cho ga rnams so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ bi muk+ti tse ta pA ya/ bi dza ya/ pa rA kra ma ya/ a pra ti ha ta/ glI yA ya/ a pa ri mi ta/ d+har+m+ma de sha ha nA ya/ duHkha bi sho d+ha nA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ar+t+ta pa ri dra na hr-i da ya mA d+ha yi Sh+ya mi mi ti/ tad+ya thA/ la be A laM be lam+ba pra muk+ta lam+ba s+thi re/ lam+ba bi d+yA ya te/ na maHkA ru ni/ kA ru Ne/ kA ru Na ya ti/ bo mu ne ku ru NAn+d+ha hr-i da ye kA ru Nan+h+ra na ma stu te/ shAn+ta muk+te tsa/ shA ne ka ya bi bo/ /sta ta shAn+ta pra b+hA te/ ni t+yaM ba ga ba t+ya/ na ma stu te/ su ru su ru/ A gats+tsha A gats+tsha b+ha ga bA na ma ma ba raM dI s+ya si/ duHkhi tA nA ma sa ra dri Ni ka raM swA hA/ 'di ni mthu chen po thob pa sems can thams cad mi 'gro bar byed pa rig pa'i rgyal po chen po dran pa tsam gyis phyi bzhin rjes su 'brang bar gyur pa/ nyam thag pa rnams yongs su skyob par byed pa/ ngan 'gro rnam par zlog par byed pa bklags pas grub pa/ mdor na 'jigs pa thams cad la dran pa tsam gyis 'di'i grogs brgyad srung ba la sbyor ba/ rig pa'i rgyal po 'di rjod par byed pa dang / sgrub par byed pa dang / yongs su 'jug par byed pa de nam yang ngan 'gro log par ltung bar mi 'gyur ro/ /dbul por gyur pa'i rigs kyi bu gang la la byang chub tu sems bskyed de klog par byed bzlas par byed/ sgrub par byed sems la rjes su chags par byed pa yang de shi 'phos nas bde ba can du skye bar 'gyur ro/ /de nas 'di'i sgrub thabs kyi cho ga ni bcom ldan 'das spyan ras gzigs dbang phyug byon pa bri bar bya ste mi 'jigs pa sbyin pa/ ral pa gyen du brdzes pa/ sku la skyes bu chen po'i mtshan gyis brgyan pa/ spyan gsum pa/ zla ba'i 'od zer rab tu 'bar ba'i sku/ 'jigs pa brgyad po thams cad skyob pa/ bcom ldan 'das 'od dpag med dbu la bzhugs pa/ mchod phyir thogs dkar po can bri bar bya'o/ /sgrub pa po sngar bzhin du'o/ /rnam pa 'di lta bu'i ras ris bris nas mchod pa chen po bya ste/ 'di nyid kyis dri dang me tog dang / bdug pa dang / gtor ma cho gas dbul lo/ /gang byed pa la gcig tu dpa' bas rig pa'i rgyal po chen po 'di dus ma yin par gzhol long la gnas pas ku sha'i khres la nye bar 'dug ste byams pa'i bdag nyid can nyid kyis sems can thams cad kyi rjes su son pas stong phrag brgyad bzlas pa bya'o/ /de nas grub par 'gyur te gang 'dod pa de thams cad dang / las phran tshegs la sogs pa byed do/ /chus dug 'joms par byed do/ /ku shas byabs pas rims nyin gcig pa'am/ nyin gnyis pa'am nyin bzhi pa la sogs pa 'joms par byed do/ /sngags bzlas pa nyid me tog la yongs su bzlas te gang la byin pa de dbang du 'gyur ro/ /mdor na bya bas pas nad thams cad 'joms par byed do/ /'di'i sgrub thabs su gyur pa ni ras ris sngar brjod pa'i gnas su bzhugs su gsol nas 'bum bzlas so/ /mthar mtshan mo gcig smyung bar gnas par gnas pas phyogs skyong rnams la gtor ma dbul te/ gtor ma ni dkar gsum du 'gyur ro/ /mchod pa'i cho ga byas nas ku sha'i khres la nye bar 'dug ste srod nas brtsams nas/ ji srid dngos grub kyi mtshan mar gyur gyi bar de srid du bzlas par bya'o/ /ras ris rab tu 'gul ba dang / mar me'i rtse mo 'phel na thams cad la dbang ba'i rgyal por 'gyur ro/ / ma grub na yul rnyed do/ /mi 'jigs pa thams cad rab tu sbyin no/ /bzlas pas sems can thams cad dbang du byed do/ /nad thams cad rab tu zhi bar byed do/ /'ching ba thams cad gcod par byed do/ /yang na dran pas 'gro bar byed do/ /bcom ldan 'das ma 'phags ma sgrol ma'i rtsa ba'i rtog pa yangs pa dang ldan pa'i ting nge 'dzin gyi rgyal por sems can thams cad rjes su son par byed pa po zhes bya ba'i rig pa'i rgyal po chen po rdzogs so/ / //de nas yang byang chub sems dpa' sems dpa' chen po spyan ras gzigs dbang phyug yangs pa dang ldan pa'i ting nge 'dzin gyi rgyal po sgom bzhin du gser 'od ces bya ba'i rig pa chen po'i rtog pa'i rgyal po chen por bcom ldan 'das ma'i yang rtog pa'i rgyal po chen por bka' stsal to/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA kA ru Ni kA ya/ pra dz+wa li ta ha sta ka maN+Da lu pri yA ya/ tad+ya thA/ su ra s+ya a mr-i ta a pra ti ha tai/ be be tsa tsa re tsar+tha re be be ru ru be ru ru d+h+we the the/ sa ra d+h+we/ sa ra sa ra d+h+wi/ gu gu me g+ha ne g+ha na g+ha ne/ a pra ti ha ste bud+d+ha sa t+yaM d+ha r+m+ma sa t+yaM saM g+ha sa t+yaM u pa ri sat+ye na b+ha ga bA na sa ma ya ma nu sma ra/ pad+ma gar+b+ha swA hA/ pad+ma su baR+Na ti swA hA/ pad+ma dza swA hA/ pad+ma pri yA ya swA hA/ pad+ma su tri tiSh+Tha ta tsa ra NA ya swA hA/ sarba b+ha ya da da swA hA/ Ar+ya a mi tA b+ha sa mA dz+nyA pa ya ti swA hA/ 'di ni mthu chen po thob pa gser 'od ces bya ba'i rig pa'i rgyal po chen po sangs rgyas du mas rjes su gnang ba gser bzhin du sems can thams cad nye bar 'tsho bar byed pa bklags pas grub pa gnod sbyin thams cad las grol bar byed cing 'pho bar byed pa/ bzlas pa tsam gyis nad sel bar byed pa'o/ /de nas 'di'i ras ris kyi cho gar 'gyur te/ bcom ldan 'das 'phags pa spyan ras gzigs dbang phyug gser gyi mdog ltar snang ba ral pa gyen du brdzes ba/ phyag g.yas pas mi 'jigs pa sbyin pa/ pad+ma'i phreng bas so sor brgyan pa ril ba spyi blugs phyag na bsnams pa/ gos dkar po can/ bzhin rab tu 'dzum pa/ zhabs gnyis pad+ma la gnas pa'o/ /sgrub pa po yang spos phor lag na thogs pa ste sngar bzhin no/ /de lta bu'i ras ris kyi cho ga byas nas sngar brjod pa'i gnas su bzhugs nas 'bum phrag lngar bzlas par bya'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ bo d+hi satwA ya/ ma hA saswA ya/ dza le dza le da/ shu tsi durba tse a pra de shu tsi ni pra b+hu te swA hA/ /nye bar byug pa'i sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ pad+ma gar+b+he/ su gan+d+ha ya/ mu ru su ru swA hA/ dri'i sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ b+hu baHb+hur+b+hu ba/ bid+yA tsan+d+ra tsa le tsa le swA hA/ me tog gi sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ pad+ma shri ye bar ba ri le swA hA/ bdug pa'i sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ a mr-i te a mr-i te ga hwa re su mu khe swA hA/ gtor ma'i sngags so/ /de ltar snga ma bzhin du byas te/ a ga ru'i sbyin sreg gis gang 'dod pa de rnyed do/ /tsan+dan gyi sbyin sreg gis 'gugs so/ /sna ma'i me tog gi sbyin sreg gis skye bo thams cad dga' bar 'gyur ro/ /cho 'phrul gyi phyogs kyi tshes gcig nas brtsams te ras ris kyi spyan sngar mchod pa'i cho gas thun gsum du stong phrag brgyad bzlas par byas te ji srid zla ba nya ba'i bar du'o/ /mtshan mo gsum smyung bar gnas par rgya mtshor 'gro ba'i chu klung gi 'gram mam/ chu gling du ras ris bzhugs nas mchod pa'i cho ga bya ste/ srod nas brtsams nas ji srid dngos grub kyi mtshan mar 'gyur ba de srid du bzlas par bya'o/ /ras ris rab tu 'gul ba'am/ mar me'i rtse mo mngon par 'phel lam/ nam mkha' la me tog gi char 'bab bam/ 'brug gi sgra thos pa'ang rung ste ras ris 'gul bas ni rgyal po chen por 'gyur ro/ /mar me 'phel na grong gi rje bor 'gyur ro/ /me tog babs na yul gyi bdag por 'gyur ro/ /'brug gi sgras grong bcu drug so sor rnyed do/ /ma grub na las dang yo byad thams cad yang dag par 'byor par 'gyur ro/ /nad thams cad spangs par 'gyur ro/ /bcom ldan 'das ma 'phags ma sgrol ma ral pa gyen brdzes kyi rtsa ba'i rtog pa yangs pa dang ldan pa'i ting nge 'dzin gyi rgyal po gser 'od ces bya ba'i rig pa'i rgyal po chen po yongs su rdzogs so/ / //de nas byang chub sems dpa' sems dpa' chen po spyan ras gzigs dbang phyug slar yang yangs pa dang ldan pa'i ting nge 'dzin gyi rgyal po sgom bzhin du/ bcom ldan 'das ma rig pa'i rgyal po chen po rtog pa'i rgyal po chen po'i mthu yang dag par bstan pa'i ched du sangs rgyas bcu gnyis kyis mngon par dbang bskur ba zhes bya ba'i rig pa'i rgyal po yid la byas nas bka' stsal pa/ na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ sa TA sa Ta sa ra sa rA Ni shud+d+ha bi tri mu khe bi dza ye swA hA/ 'di ni mthu chen po thob pa rig pa'i dbang bskur ba zhes bya ba rig pa'i rgyal po chen po ste/ gang la klog par byed zlos par byed pa des sangs rgyas bye ba phrag bcu gnyis la phyag byas par 'gyur ro/ /'di rtag tu bzlas pas ngan 'gro log par ltung ba thams cad du mi 'gyur ro/ /skye ba brgya phrag bcu gnyis su skye ba dran par 'gyur ro/ /dus thams cad mngon par shes pa lnga dang thun mtshams gsum dran par 'gyur ro/ /de'i nad thams cad dang sha za la sogs pa rnams dang / srin po lus la 'pho bar mi 'gyur te bskal pa bye ba brgya phrag tu yang de ltar 'gyur ro/ /'di'i ras ris kyi cho ga ni ma nyams pa'i ras sngar brjod pa'i mtshan nyid dang ldan pa la 'phags pa spyan ras gzigs dbang phyug kun nas bri bar bya'o/ /ral pa gyen du brdzes pa dkar po phyag na pad+ma ste g.yas pas mchog sbyin pa g.yon pa'i phyag gis pad+ma bsnams pa de'i steng du yang dag par rdzogs pa'i sangs rgyas bcu gnyis bri bar bya'o/ /gser mdog mi 'jigs pa rab tu sbyin pa'o/ /'di lta ste pad+ma'i bla ma dang / yon tan bla ma dang / ye shes dbang phyug dang / rtag par sgra dbyangs dang / rnam par gzigs dang / gtsug tor can dang / thams cad skyob dang / log par dad sel dang / gser thub dang / 'od srung dang / shAkya thub pa dang / 'od dpag med dang / mi 'khrugs pa ste/ yang dag par rdzogs pa'i sangs rgyas 'di rnams kun nas bri bar bya'o/ /de lta bu'i ras ris 'drir bcug nas sngar gsungs pa'i gnas su bzhugs nas 'bum phrag gsum bzlas pa bya'o/ /'di nyid kyis dri dang me tog dang / bdug pa la sogs pa dbul bar bya'o/ /gang byed pa la gcig tu dpa' bas 'bum phrag bzlas par bya'o/ /de nas mtshan mo gsum du smyung bar gnas te ras ris la mchod pa chen po byas nas mig sman nam/ ldong ros sam/ gi wang yang rung ste stong du bzlas pa'i ras ris kyi spyan sngar a shwat+tha'i 'dab ma'i nang du btums te ji skad gsungs pa'i cho gas ku sha'i khres la nye bar 'dug ste srod nas brtsams te ji srid dro bar gyur pa dang / du ba 'thul ba dang / 'bar bar gyur pa de srid du bzlas par bya'o/ /dro bar byed bzhin pas ni thig le byas na thams cad dbang du byed do/ /du ba 'thul bzhin pas ni mi snang bar 'gyur ro/ /'bar bas ni nam mkha' la 'gro'o/ /ras ris rab tu 'gul na rgyal srid du 'gyur ro/ /bcom ldan 'das ma 'phags ma sgrol ma ral pa gyen brdzes kyi rtsa ba'i rtog pa yangs pa dang ldan pa'i ting nge 'dzin las nges par skyes pa sangs rgyas bcu gnyis kyis mngon par dbang bskur ba zhes bya ba'i rig pa'i rgyal po chen po rdzogs so/ / //de nas byang chub sems dpa' sems dpa' chen po spyan ras gzigs dbang phyug slar yang yangs pa dang ldan pa'i ting nge 'dzin bsgom bzhin pas thams cad dang ldan pa'i 'jig rten gyi khams yang dag par dgongs nas bcom ldan 'das ma 'phags ma sgrol ma'i rtog pa'i rgyal po chen po lhag par mos pa'i phreng ba zhes bya ba sangs rgyas kyis gsungs pa 'di bka' stsal to/ /na mo rat+na tra yA ya/ na mo a mi tA b+hA ya/ na mo na maHsarba bo d+hi satwA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ maN+Da bi shA la kIrti sarba bid+yA swA hA/ 'di ni mthu chen po thob pa/ lhag par mos pa'i phreng ba zhes bya ba'i rig pa'i rgyal mo chen mo ste/ sangs rgyas du mas rjes su gnang ba/ byang chub sems dpa' du ma'i ting nge 'dzin yang dag par skyed par byed pa 'di bsgrub par bya'o/ /dbul po gang la la bsgrub par bya ba ras ris zla ba'i nang du de'i 'byor pa rgyas par 'gyur ro/ /dbul po thob pa gang la la rig pa 'di don chen po sbyin pas mchod pa bya bar 'gyur ro/ /'jig rten gyi rnam par 'byor pa sgrub par byed pa'i las so/ /de nas sgrub thabs su 'gyur ba ni bcom ldan 'das spyan ras gzigs dbang phyug sngar brjod pa'i ras ris bri bar bya'o/ /dgu pa nas brtsams te dkar po'i zla ba nya la yongs su rdzogs par byed du gzhug par bya'o/ /pad+ma dkar po'i gdan la bzhugs pa ral pa gyen du brdzes pa'o/ /'phags pa 'od dpag tu med pa gnyis pa steng du'o/ /rang gzhogs su shAkya thub pa yang ngo / /'phags pa spyan ras gzigs dbang phyug gi g.yas su dpal chen mo bri bar bya'o/ /g.yon gyi gzhogs su rdo rje sde bri bar bya'o/ /sku mdog dkar po ston ka'i sprin ltar dkar ba phyag na ril ba spyi blugs dang / chu snod bsnams pa'o/ /'phags pa spyan ras gzigs dbang phyug gi spyi bor a ti muk+ta ka'i me tog go/ /'phags pa 'od dpag med la bar+Sha'i me tog gi phreng ba'o/ /shAkya thub pa la sna ma'i me tog gi phreng ba'o/ /dpal chen mo la nA ga ge sar gyi me tog gi phreng ba'o/ /rdo rje sde la me tog dkar po'i phreng ba dang / bdug pa dri zhim po rnams ji ltar 'byor pa dbul bar bya'o/ /sngar brjod pa'i gnas su ras ris bzhugs su gsol nas 'bum phrag gsum bzlas par bya'o/ /de nas zla ba nya la ras ris la me tog gi phreng ba la sogs pa'i mchod pa chen po byas nas ku sha'i khres la nye bar 'dug ste 'di nyid kyis gang byed pa de thams cad la gcig tu dpa' bas bya'o/ /rig pa'i rgyal mo chen mo gang ji srid phreng ba thams cad rab tu g.yo ba'i mtshan ma 'byung gi bar du bzlas par bya'o/ /dngos grub kyi mtshan nyid gang gi tshe/ mngon par 'dod pa de thams cad thob par 'gyur ro/ /gang thams cad du ras ris kyi spyan sngar til gyis mngon par btags pa'i sbyin sreg 'bum phrag drug byas na rgyal srid rnyed do/ /yul gyi longs spyod 'dod na ras ris kyi spyan sngar yungs kar dang til dang tse ka ta'i sbyin sreg 'bum phrag gsum byas na yul rnyed do/ /ras ris kyi spyan sngar mar dang sbrang rtsi btags pa'i gur gum dang / sra rtsi pog dang / na le sham dang / ru rta rnams 'bum phrag bdun sbyin sreg byas na rgyal srid chen po rnyed do/ /ma grub na yul rnyed de nor gyi bdag po chen por 'gyur ro/ /bcom ldan 'das ma 'phags ma sgrol ma ral pa gyen brdzes kyi rtsa ba'i rtog pa yangs pa dang ldan pa'i ting nge 'dzin gyi rgyal po lhag par mos pa'i phreng ba zhes bya ba'i rig pa'i rgyal po yongs su rdzogs so/ / // <br><br><a href="javascript:window.close();">CLOSE WINDOW</a>