བོད་ཡིག

e-texts based on the Esukhia Input

@##/ /rgya gar skad du/ Ar+yA mo g+ha bA sha kalpa rA dzA/ bod skad du/ 'phags pa don yod pa'i zhags pa'i cho ga zhib mo'i rgyal po/ bam po dang po/ sangs rgyas dang byang chub sems dpa' thams cad la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /'di skad bdag gis thos pa'i dus gcig na/ bcom ldan 'das ri bo po ta la na/ spyan ras gzigs dbang phyug gi pho brang shing sA la dang / ta ma la dang / tsam pa ka dang / mya ngan 'tshang dang / a ti mug ta ka sna tshogs mang pos legs par brgyan pa na/ dge slong gi dge 'dun chen po brgya stong dang / byang chub sems dpa' sa ya bye ba brgya stong phrag dgu bcu rtsa dgu dang thabs cig tu bzhugs te/ gnas gtsang ma'i rigs kyi lha'i bu brgya stong phrag du mas yongs su bskor cing mdun gyis bltas pa na/ dbang phyug dang / dbang phyug chen po dang / tshangs pa dang / lha'i bu rnams kyi dbang du mdzad nas chos ston par mdzad do/ /de nas byang chub sems dpa' sems dpa' chen po 'phags pa spyan ras gzigs dbang phyug stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ thal mo sbyar ba btud nas/ bcom ldan 'das ga la ba de logs su 'dzum pa'i bzhin gyis bcom ldan 'das la 'di skad ces gsol to/ /bcom ldan 'das gang 'di don yod pa'i zhags pa'i rgyal po'i snying po zhes bgyi ba mchis te/ bdag gis bskal pa dgu bcu rtsa gcig gi sngon logs su 'jig rten gyi khams rnam par blta bar/ de bzhin gshegs pa 'jig rten dbang phyug rgyal po las mnos nas/ 'di ltar bdag gis dbang phyug dang / dbang phyug chen po la sogs pa lha'i bu rnams dang / gnas gtsang ma'i lha'i bu brgya stong phrag mang po bla na med pa yang dag par rdzogs pa'i byang chub 'dzin du stsal nas/ bdag gis rmongs pa ma mchis pa'i ye shes bkod pa la sogs te ting nge 'dzin brgya stong phrag bcu thob par bgyis lags so/ /bcom ldan 'das 'di ltar yangs phyogs gang du snying po 'di spyod pa'i sa phyogs der/ dbang phyug dang / dbang phyug chen po dang / tshangs pa la sogs pa lha'i bu khri nyis stong bsrung ba dang / bskyab pa dang / sba ba'i slad du gnas par rig par bgyi lags so/ /bcom ldan 'das gang na don yod pa'i phun sum tshogs pa'i snying po 'di spyod pa'i sa phyogs de mchod rten du yang bkur bar 'gyur lags so/ /bcom ldan 'das sems can de dag ni sangs rgyas byeM ba khrag khrig brgya stong phrag du ma la dge ba'i rtsa ba bskyed par 'gyur lags so/ gang zhig don yod pa'i zhags pa'i snying po 'di nyan par bgyid na/ bcom ldan 'das sdig pa spyod pa'am/ sdig pa'i chos kun tu spyod pa'am/ 'phags pa la skur pa 'debs pa'am/ dam pa'i chos spong ba'am/ mnar med par gzhol ba'am/ sangs rgyas dang byang chub sems dpa' dang / nyan thos dang rang sangs rgyas thams cad spong ba de 'gyod par 'gyur zhing / ma 'ongs pa na sdom pa 'thob par 'gyur lags so/ /bcom ldan 'das re shig de nyid kyis zhag gcig smyung ba bgyis te/ bzlas brjod bgyis na/ tshe 'di nyid la las de rnam par dag pa dang / gtugs pa dang / bsal bar 'gyur ro/ /rims nyin gcig pa'am/ rims nyin gnyis pa'am/ nyin gsum pa'am/ nyin bzhi pa'am/ de bzhin du rims nyin bdun pa'am/ mig nad dam/ rna ba'i nad dam/ sna'i nad dam/ so dang mchu'i nad dam/ lce dang rkan gyi nad dam/ snying nad dam/ lto nad dam ro rgyab dang rked pa'i nad dam/ yan lag gam nying lag gi nad dam/ gzhang 'brum mam/ pho ba'i nad dam/ tshad pa'am/ lag pa dang / rkang pa'i nad dam/ sna nad dam/ klad pa'i nad dam/ sha bkra chen po'am/ sha gzig gu'am/ mdze'am/ rkang shu'am/ 'brum bu phra mo'am/ lhog pa'am/ mtshan par rdol pa'am/ 'brum bu'am/ brjed byed dam/ byad dam/ gzhan gyis bgyis pa'i gsod pa'am/ 'ching ba'am/ rdeg pa'am/ skrod ba'am/ bden pa ma lags pas skur pa 'debs pa'am/ bcom ldan 'das mdor na lus kyis gdung ba'am/ sems kyis gdung ba'am/ rmi lam ngan pa'i las de yongs su gtugs par gyur na/ sems can dag pa lhag par dad pa rnams kyis yongs su byang bar 'gyur ba lta smos kyang ci 'tshal/ bcom ldan 'das gal te 'khor bzhi'am/ rigs bzhi las gang dag sgyu dang / g.yo dag gis don yod pa'i zhags pa'i snying po 'di nyan par bgyid/ 'dzin par bgyid/ 'chang bar bgyid/ klog par bgyid/ 'dri bar bgyid/ 'drir 'jug par bgyid/ kun chub par bgyid/ sems can gzhan la yang sgrogs par bgyid cing / tha na dud 'gro'i skye gnas su gtogs pa rnams kyi rna bug tu gtad de/ rna bar bzlas brjod bgyid la/ rdo rje'i tshig 'di rnams sems par bgyid de/ skur pa ma mchis pa dang / gzugs ma mchis pa dang / rnam par mi rtog pa dang / kun tu 'byung ba ma mchis pa dang / ring du 'gro ba ma mchis pa dang / bgyid pa ma mchis pa dang / gos pa ma mchis pa dang / sems mnyam pa nyid dang / ma bral ba dang / phung po lnga dang bral ba ste/ rnal 'byor 'dis sangs rgyas rjes su dran pa bsgom par bgyid na/ de la phyogs bcu nas sangs rgyas stong zhal ston par mdzad par 'gyur zhing / nongs pa 'chags par 'gyur ba la sogs pa rgyas par sbyar ro/ /glegs bam du bgyis te khyim na 'chad bar bgyid dam/ rje dpon gyis skrag pas bgyis sam/ bzhad gad tsam gyi rgyus nyan par bgyid na/ bcom ldan 'das mkhas pas 'phags pa spyan ras gzigs dbang phyug gi mthus/ de dag gi rna khung du sgra de grag pa lags par 'tshal bar bgyi'o/ /bcom ldan 'das dper na skyes bu 'ga' zhig gis tsan dan nam/ ga bur ram gla rtsi zhig la khros sam/ yongs su smad de rdo la btags nas/ bdag nyid la byugs na tsan dan nam/ ga bur ram/ gla rtsi de 'di snyam du 'dis bdag la khros sam/ yongs su smad pas dri ma nam par mi bgyi'o snyam du mi sems kyi/ gzhan du na de nyid la dri bda' bar bgyid lags so/ /bcom ldan 'das de bzhin du bdag gi don yod pa'i zhags pa'i snying po 'di yang gang su yang rung bas/ bzhad gad tsam gyis zhes bya ba rgyas par sbyar ro/ /bcom ldan 'das g.yo dang sgyus mchod par bgyid na yang de nyid sems can dmu rgod dag gi dge ba'i rgyur 'gyur lags so/ /gang dang gang du skye bar 'gyur bar tshul khrims dang / ting nge 'dzin dang / shes rab dang / bsod nams kyi tshogs kyi dri dang bral bar mi 'gyur te/ tshul khrims kyi dri bda' bar bgyid lags so/ /bcom ldan 'das gang yang rigs kyi bu'am rigs kyi bu mo'am/ dge slong pha'am dge slong ma'am/ dge bsnyen pha'am/ dge bsnyen ma'am/ de las gzhan pa'i sems can su yang rung bas/ don yod pa'i zhags pa'i snying po'i ched du yar ngo'i tshes brgyad la smyung ba bgyis te/ gzhan mi smra bar don yod pa'i zhags pa'i snying po lan bdun bzlas brjod bgyid na/ bcom ldan 'das des tshe 'di nyid la phan yon nyi shu rtsa gcig 'thob par 'gyur te/ / nyi shu rtsa gcig gang zhe na 'di lta ste/ de'i lus la nad rnams 'byung bar mi 'gyur ro/ /de'i lus la las kyi dbang gis nad rnams byung na yang myur du zhi bar 'gyur zhing / lus mdangs dang ldan pa dang yid du mchi bar 'gyur ro/ /skye bo mang po'i snying du sdug pa dang / dbang po sbas par 'gyur ro/ /de'i don rnams 'grub par 'gyur ro/ /de'i don grub pa yang chom rkun gyis mi 'phrogs te/ zhugs kyis mi 'tshig chab kyis mi 'tshal rgyal po'i mthus dbrog par rngo mi thogs par 'gyur ro/ /de'i las kyi mtha' rnams rgyas par 'gyur te/ ser bas ma lags so/ /chab kyi 'jigs pa 'byung bar mi 'gyur te/ rlung dang char gyi 'jigs pa ma lags so/ /don yod pa'i zhags pa'i snying po thal ba'am/ chu la lan bdun bzlas brjod bgyis nas/ zhing gi phyogs mtshams dang steng 'og tu bcing ba bgyis na gnod pa thams cad nye bar zhi bar 'gyur ro/ /gzi brjid dang mdangs 'phrogs par rngo mi thogs par 'gyur zhing sems can thams cad kyi snying du sdug pa dang yid la 'thad par 'gyur ro/ /de la dgra'i 'jigs pa 'byung bar mi 'gyur ro/ /de la dgra'i 'jigs pa byung yang myur du zhi bar 'gyur ro/ /de la mi ma lags pa'i 'jigs pa 'byung bar mi 'gyur te/ byad kyi 'jigs pa ma lags mkha' 'gro ma'i 'jigs pa ma lags te/ de la nyon mongs pa dang nye ba'i nyon mongs pa drag po 'byung bar mi 'gyur ro/ /me dang mtshon dang / dug gis 'gum par mi 'gyur ro/ /de la yang lha rnams kyis rtag tu rgyun mi 'chad par bsrung ba dang / skyob pa dang sbed pa'i phyir gnas par 'gyur ro/ /gang dang gang du skye bar 'gyur bar byams pa dang snying rje dang dga' ba dang btang snyoms dang 'bral bar mi 'gyur te/ de la phan yon nyi shu rtsa gcig po 'di dag 'thob par 'gyur lags so/ / gzhan yang chos brgyad 'thob par 'gyur te brgyad gang zhe na/ 'gum pa'i dus su 'phags pa spyan ras gzigs dbang phyug dge slong gi gzugs su mngon sum du zhal ston par 'gyur ro/ /bde bar 'chi ba'i dus byed par 'gyur ro/ /lta ba 'khrul par mi 'gyur ro/ /lag pa mi g.yob pa dang rkang pa mi g.yob pa dang bshang gci ma mchis pa dang khri'i steng du 'chi ba'i dus byed par 'gyur ro/ /dran pa shin tu nye bar gnas par 'gyur ro/ /kha bub tu 'chi ba'i dus byed par mi 'gyur ro/ /'gum pa'i dus na yang spobs pa mi bas par 'gyur ro/ / de yang sangs rgyas kyi zhing gang du smon pa der skye bar 'gyur zhing dge ba'i bshes gnyen dang yang 'bral bar mi 'gyur ro/ /nyin gcig bzhin du dus gsum du lan gsum du bzlas brjod bgyi'o/ /chang dang sha dang kun dong dang ke'u dang sgog skya dang / 'dres pa dang / lhag rol dang / / 'di rnams khyad par du don du gnyer bas spang bar bgyi'o/ /don yod pa'i zhags pa'i snying po'i chos kyi rnam grangs 'di yang sems can rnams la mthu mchis pa dang / mthu ma mchis par 'tshal bar bgyis nas bsgrag par bgyi'o/ /slob dpon gyis dpe mkhyud mi bgyi'o/ / 'di ltar dri ma dang bral zhing phrag dog dang ser sna spangs pa ni/ byang chub sems dpa' rnams lags te/ sems can rnams kyi don bgyi ba'i slad du sangs rgyas kyi byang chub 'thob par 'gyur bas/ byang chub sems dpa' rnams kyi tshogs kyi nang du gtogs so/ /byang chub ces bgyi ba ni shes rab lags/ sems dpa' zhes bgyi ba ni thabs lags te/ chos 'di gnyis sems can rnams kyi don bgyi ba'i slad du kho nas thob pa lags so/ /gal te bcom ldan 'das kyis bdag la rjes su gnang na/ 'di ltar bdag gis snying po 'di de bzhin gshegs pa'i spyan sngar 'khor bzhi rnams dang gzhan sdig pa spyod pa rnams kyi don dang / sman pa dang bde ba'i slad du bsgrag par bgyi'o/ /de nas bcom ldan 'das kyis byang chub sems dpa' 'phags pa spyan ras gzigs dbang phyug la 'di skad ces bka' stsal to/ / sems can dag pa de'i dus la bab par shes na khyod smros shig /de bzhin gshegs pas rjes su yi rang bar mdzad zin te/ phyi ma'i tshe phyi ma'i dus na/ byang chub sems dpa'i theg pa can rnams la pha'i bya ba byed par 'gyur ro/ /de nas byang chub sems dpa' 'phags pa spyan ras gzigs dbang phyug mig mi 'dzums par bcom ldan 'das la 'di skad ces gsol to/ /bcom ldan 'das byang chub sems dpa' thams cad kyis phyag bgyis pa rnam par grol ba'i dkyil 'khor skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo'i tshogs chen po'i don du bdag la gsan du gsol/ dus gsum du gshegs shing bzhugs pa'i sangs rgyas dang byang chub sems dpa' thams cad la phyag 'tshal lo/ /rang sangs rgyas dang / 'phags pa nyan thos kyi dge 'dun 'das pa dang / ma byon pa dang / da ltar byung ba thams cad la phyag 'tshal lo/ /yang dag par song ba rnams dang / yang dag par zhugs pa rnams la phyag 'tshal lo/ /sha ra dwa ti'i bu la phyag 'tshal lo/ /byams pa la sogs pa ste byang chub sems dpa' sems dpa' chen po thams cad la phyag 'tshal lo/ /'phags pa de bzhin gshegs pa dgra bcom pa yang dag par rdzogs pa'i sangs rgyas 'od dpag med la phyag 'tshal lo/ /dkon mchog gsum la phyag 'tshal lo/ /byang chub sems dpa' sems dpa' chen po thugs rje chen po dang ldan pa 'phags pa spyan ras gzigs dbang phyug la phyag 'tshal lo/ /tad+ya thA/ oM tsa ra tsa ra/ tsi ri tsi ri/ tsu ru tsu ru/ e h+ye hi ma hA kA ru Ni ka /tsi ri tsi ri/ mi ri mi ri/ tsu ru tsu ru/ ma hA kA ru Ni kA ya/ si ri si ri/ tsi ri tsi ri/ pi ri pi ri/ bi ri bi ri/ ma hA pad+ma hAsta/ ka la ka la/ ki li ki li/ ku lu ku lu/ ma hA shud d+ha sa twa/ bud d+h+ya bud d+h+ya/ d+hA ba d+hA ba/ ka Na ka Na/ ki Ni ki Ni/ ku Nu ku Nu/ pa ra ma shud d+ha sa twa/ ka ra ka ra/ ki ri ki ri/ ku ru ku ru/ ma hAs+thA ma prAp+ta/ tsa la tsa la/ sany+tsa la sany+tsa la/ bi tsa la bi tsa la/ e Ta Ta/ e Ta Ta/ b+ha ra b+ha ra/ b+hi ri b+hi ri/ b+hu ru b+hu ru/ e h+ye hi ma hA kA ru Nika /ma hA pa shu pa ti be sha d+ha ra/ d+ha ra d+ha ra/ sa ra sa ra/ tsa ra tsa ra/ ha ra ha ra/ ha hA ha hA/ hi hI hi hI/ hu hU hu hU/ oM kA ra bra h+ma/ be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta ra/ sa ra sa ra/ pa ra pa ra/ tsa ra tsa ra/ ra sh+mi sha ta sa ha sra pra ti maN+Di ta/ sha rI rA ya/ dz+wa la dz+wa la/ ta pa ta pa/ b+ha ga wA na/ sau ma A di t+ya/ ya ma ba ru Na/ ku be ra/ bra h+men+d+ra r-i Shi de ba ga Na/ a b+h+yartsi ta tsa ra Na/ su ru su ru/ tsu ru tsu ru/ mu ru mu ru/ bu ru bu ru/ sa nad ku mAr/ ru dra/ bA sa ba/ biSh+Nu d+ha na dA/ de ba r-i Shi nA ya ka /ba hu bi bi d+ha/ be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ tha ra tha ra/ g+ha ra g+ha ra/ ya ra ya ra/ la ra la ra/ ha ra ha ra/ ma ra ma ra/ pa ra pa ra/ ba ra ba ra/ ba ra dA ya ka /sa man+ta a ba lo ki ta/ bi lo ki ta/ lo ke shwar ma he shwa ra/ mu hu mu hu/ mu ru mu ru/ mu ya mu ya/ muny+tsa muny+tsa/ bcom ldan 'das 'phags pa spyan ras gzigs dbang phyug gis dpal sa gsum gyi lha rnams dang / bdag dang / sems can thams cad 'jigs pa thams cad dang / gnod pa thams cad dang / 'tshe ba thams cad dang / gdon thams cad las srungs shig /srungs shig /gsad pa dang / bcing ba dang / brdeg pa dang / bsdigs pa dang / rgyal po dang / chom po dang / rkun po dang / me dang / chu dang / dug dang / mtshon las yongs su thar bar mdzad pa/ ka Na ka Na/ ki Ni ki Ni/ ku Nu ku Nu/ tsa ra tsa ra/ in dri ya/ ba la bo d+h+yA~M ga /tsa tu rAR+Y+Ya sa t+ya saM bra kA sha ka /ta pa ta pa/ da ma da ma/ sa ma sa ma/ ma sa ma sa/ ma hA ta mou0f85n+d+ha/ kA ra/ ba d+hi ma na Sha/ Ta pA ra mi tA pa ri pUr ka /mi li mi li/ Ta Ta Ta Ta/ Tha Tha Tha Tha/ Ti Ti Ti Ti/ Tu Tu Tu Tu/ e ne ya tsar+m+ma kri ta pa ri ka ra/ e h+ye hi/ I shwa ra ma he shwa ra/ ma hA b+hU ta ga Na saM b+hany+dza ka /ku ru ku ru/ pa ra pa ra/ ka ra ka ra/ ka Ta ka Ta/ ma Ta ma Ta/ bi shud d+ha/ bi Sha ya/ bA si na ma hA kA ru Ni ka /shwe ta ya dz+nyo pa bI ta/ rat+na mu ku Ta/ mA lA d+ha ra/ sarba dz+nyA shi ra/ si kr-i ta mu ku Ta/ mA lA d+ha ra/ ma hAd+b+hU ta/ ka ma lA la~M kr-i ta/ ka ra d+ha rA ya/ d+h+yA na sa mA d+hi/ bi mo k+Sha/ a pra ka~M bya/ ba hu sa twa san+ta hi pa ri pA tsa ka /ma hA kA ru Ni ka /sarba karma A ba ra Na bi sho d+ha ka sarba byA d+hi pa ri mo tsa ka /sarba A shA pa ri pU ra ka /sarba satwa sa mA shwA sa na ka ra/ na mo stu te swA hA/ bklags pas las thams cad 'grub par 'gyur ro/ /dus gsum du bzlas brjod bgyis na/ mtshams med pa lnga byang bar 'gyur zhing / las kyi sgrib pa thams cad kyang yongs su dag par 'gyur ro/ /mtshams bcad pa la ni/ a ga ru'i bdug pa'am/ thal ba dang / chab bam/ yungs kar dang / seng ldeng gi phur bu la sogs pas so/ /rims thams cad la ni skud pas so/ /nad thams cad la ni mar ram/ 'bru mar ram/ chab la bzlas brjod bgyis te gtor bar bgyi'o/ /byad dgrol ba la ni mtshon gyis so/ /lto na ba la ni srung ba'i skud pas so/ /dug bsad pa la ni sa 'am chab kyis so/ /mig nad la ni skud pa dkar pos rna ba la gdags par bgyi'o/ /so na ba la ni shing ka ra bI ra'i so shing gis so/ /mtshams bcad pa ni/ tshon sna lnga'i skud pa la lan nyi shu rtsa gcig bzlas brjod bgyis te/ seng ldeng gi phur bu bzhi la bcings nas/ phyogs bzhir gzugs par bgyis na/ mtshams chen po bcing bar 'gyur ro/ /thams cad srung ba la ni skud pa'am/ chab bam thal bas so/ /gdon thams cad la ni tshon sna lnga'i skud pas so/ /rims thams cad la ni skud pa dkar pos so/ /g.yan pa dang / khyi rdo dang / lhog pa dang / mgrin pa 'gags pa thams cad la ni sbrang rtsi dang / pi pi ling sres pas so/ /mig nad la ni dri chu'am/ shing bal sha'i chu'am/ shing mngar gyi chus so/ /rna ba'i nad la ni 'bru mar gyis so/ /'thab pa dang / 'thab mo dang / rtsod par 'gyed pa dang / skur pa 'debs pa thams cad la ni chab la bzlas brjod bgyis te/ kha bshal bar bgyi'o/ /dpung dang yul dang rgyal srid dang / yul 'khor thams cad bsrung ba la ni bum pa gang ba gzhag la gos gtsang ma bgos pas mchod pa rgya chen po bgyis nas/ bklag par bgyis na zhi ba chen por 'gyur ro/ /des yang chab kyis gtor bar bgyis te/ sems can thams cad la srung ba bgyis par 'gyur lags so/ /yams kyi nad dang gnod pa dang 'tshe ba thams cad zhi bar bgyid pa dang / glags lta ba rnams la ni tsan dan la lan nyi shu rtsa gcig bzlas brjod bgyis te/ snying gar byug par bgyi'o/ /mtshams med pa'i las thams cad bas par bgyi ba ni/ rtag tu bzlas brjod kyis so/ /khyim bsrung ba la ni pad+ma'i sbyin sreg gis so/ /sems can thams cad bskyang ba dang / 'byung po'i 'jigs pa dang / gdon thams cad bsrung ba la ni tsan dan gyi sbyin sreg gis so/ /dza ya dang bi dza ya dang / na ku li dang / g+han d+hA na gu li dang / ba ru ni dang / tsai gra ba ru Ni dang / a b+ha ya ba ni dang / in dra ba ni dang / g+han d+ha pri yang ku dang / rgya spos dang / tsa kra dang / ma hA tsa kra dang / biSh+Nu krAn ta dang / so ma ra dzi dang / su nan da rnams la lan brgya rtsa brgyad bzlas brjod bgyis te/ nor bur bgyis nas spyi bo 'am/ dpung pa la btags pas bsrel bar bgyi'o/ /khye'u rnams la ni mgul par ro/ / bu mo rnams la ni sta zur nas te/ dpal dang ldan par bgyid pa dang / bkra mi shis pa rab tu zhi bar bgyid pa'i nor bu 'di bsrel na thams cad las bsrung ba bgyis par 'gyur ro/ /dug dang mes mi tshugs lags so/ /dug gis gnod pa bskyed par mi 'gyur ro/ / skyes na yang gnod pa bskyed par mi bgyid cing / myur du zhi bar 'gyur ro/ /gdon rnams zhi bar 'gyur ro/ /rlung dang 'brug dang ser ba gcad pa dang / chab kyi rgyun dang / ser ba bzlog pa la ni shing ka ra bI ra'i lcug mas te/ las thams cad bgyid pa 'phags pa spyan ras gzigs dbang phyug gi snying po grub pa dam pa ma bsgrubs par las 'di rnams bgyid par 'gyur lags so/ /de nas bsgrub par 'tshal na thang sku'i cho ga ni ras la lhag ma ma yin pa'i tshon rtsis/ sangs rgyas dang 'phags pa spyan ras gzigs kyi dbang phyug gi gzugs brnyan ral pa'i thor tshugs dang e na ya'i pags pa dang / phyugs bdag gi cha lugs 'chang ba dang / rgyan thams cad kyis brgyan pa bri bar bgyi ste/ ri mo mkhan gso sbyong can 'drir stsal bar bgyi'o/ /de nas sgrub pa pos sku gzugs de'i spyan sngar ba'i lci ba'i dkyil 'khor bgyis te/ me tog dkar po'i sil ma bkram la/ spos kyis bkang ba'i snod brgyad gzhag par bgyi'o/ /sna brgyad pa 'am drug cu rtsa bzhi pa 'am/ gzhan yang lha bshos sha dang / khrag dang ma 'dres pa bshams shing drangs la/ a ga ru'i bdug pas bdugs te/ lan stong rtsa brgyad bzlas brjod bgyi'o/ /nyin zhag gcig gam/ nyin zhag gsum du smyung ba bgyis nas zas dkar gsum 'tshal te/ dus gsum du khrus bgyis nas/ gos gtsang ma bgos na/ 'phags pa spyan ras gzigs dbang phyug bdag nyid mchis nas/ bsams pa thams cad yongs su rdzogs par bgyid do/ /ldang ros sam mig sman la bzlas brjod bgyis te/ mig la bskus na de nas mi gda' bar gyur nas nam mkha' la mchi bar 'gyur zhing don yod pa'i ye shes bkod pa thams cad zhes bgyi ba'i ting nge 'dzin 'thob par 'gyur te/ ci 'tshal ba de bgyid par 'gyur ro/ /de nas 'grub pa'o/ /bcom ldan 'das kyis de skad ces bka' stsal nas/ byang chub sems dpa' 'phags pa spyan ras gzigs dbang phyug dang / gnas gtsang ma'i ris kyi lha'i bu de dag dang / mi mjed kyi bdag po tshangs pa dang / dbang phyug dang / dbang phyug chen po'i lha'i bu rnams yi rangs te/ bcom ldan 'das kyis gsungs pa la mngon par bstod do/ /don yod pa'i zhags pa rdzogs so// //de bzhin gshegs pa rgya mtsho rab 'byam thams cad la phyag 'tshal lo/ /de nas byang chub sems dpa' sems dpa' chen po 'phags pa spyan ras gzigs dbang phyug stan las langs te bla gos phrag pa gcig tu gzar nas/ pus mo g.yas pa'i lha nga sa la btsugs nas/ nyi ma'i 'od ltar 'od zer stong 'phro zhing / 'od zer sna tshogs pa 'gyed pa'i lus kyis bcom ldan 'das ga la ba de logs su thal mo sbyar ba btud de/ zhal gyi dkyil 'khor rgyas shing rdzogs la zhi ba/ bzhin 'dzum pa'i bzhin gyis byams pa dang / snying rje chen po'i mthu yid la byed pas/ rigs bzhi'i 'jig rten la phan pa dang / snying brtse bas don thams cad grub par rig sngags 'chang rnams kyi bla na med pa'i de kho na nyid grub pa mchog sbyin pa thob par bya ba'i phyir/ bcom ldan 'das la 'di skad ces gsol to/ /bcom ldan 'das bdag la don yod pa'i rgyal po'i cho ga zhib mo'i rgyal po chen po'i snying po 'di mchis te/ 'di pad+ma rgya chen po'i dkyil 'khor de kho na nyid chen po'i snying por 'phags pa snying por gyur pa/ de kho na nyid grub pa pad+ma dam pa dkyil 'khor chen po 'di phyag rgya dang / gsang sngags dang / snying po rim par phye ba gsang ba dam pa rnam par grol ba'i dkyil 'khor dam tshig dang / sgrub pa gsang ba 'di/ bcom ldan 'das kyi spyan sngar bsgrag par bgyi'o/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi mang po'i 'khor chen po'i mdun dang / rig sngags grub pa'i lha'i dkyil 'khor gyi mdun 'dir yang bsgrag par bgyi'o/ /gang yang dbang phyug dang / dbang phyug chen po dang / tshangs pa dang / lha dang gshin rje dang / chu lha dang / lus ngan dang / drang srong gi tshogs dang / zla ba dang / nyi ma dang / skar ma'i tshogs dang rgyu skar dang / rig sngags 'chang grub pa'i lha mo rnams kyi mdun du de kho na nyid kyi snying po yang dag pa 'jig rten las 'das pa/ dngos grub sgrub pa bklags pas grub pa dang / bsgoms pas grub pa bcom ldan 'das kyi spyan sngar rig sngags chen po 'chang ba'i tshogs kyis yongs su bskor ba'i mdun du de kho na nyid kyi snying po gsang ba dam pa bsgrags shing brjod par bgyi'o/ /de nas bcom ldan 'das de bzhin gshegs pa shAkya thub pa'i bsod nams stong gis brgyan pa mtshan dang dpe byad rnams kyis rnam par spras pa/ phyag dpung pa'i mdog gser gyi kha dog lta bu 'od zer 'phro ba du ma'i phreng ba dang / spos kyi glang po che'i sna lta bu'i phyag brkyang ste/ byang chub sems dpa' sems dpa' chen po 'phags pa spyan ras gzigs dbang phyug gi spyi bor bzhag nas klad pa la byugs te/ 'di skad ces bka' stsal to/ / sems can dag pa dam pa snying rje chen po dang ldan pa khyod smros shig /de bzhin gshegs pa rnams kyis byin gyis brlabs te/ ngas kyang da ltar byin gyis rlob kyis khyod gsang ba dam pa'i dam tshig smros shig /phyogs bcu'i de bzhin gshegs pa thams cad kyis rjes su yi rang zhing byin gyis brlabs pa gang gA'i klung 'bum phrag bye ba brgya stong gi bye ma'i rdul phra rab snyed kyi de bzhin gshegs pa rnams kyis kyang byin gyis brlabs shing rjes su yi rang bar mdzad do/ /de nas byang chub sems dpa' sems dpa' chen po 'phags pa spyan ras gzigs dbang phyug gis phyogs bcur bltas te/ bcom ldan 'das kyi spyan sngar rang gi snying po de kho na nyid gsang ba'i gsang sngags 'di dag gsol to/ /oM pad+ma ha sta/ ma hA a mo g+ha pA sha sA d+ha ya sa ma ya hri da yan tsa ra tsa ra hUM/ don yod pa'i zhags pa'i rang bzhin gyi gzungs kyi snying po yin no/ /byang chub sems dpa' sems dpa' chen po 'phags pa spyan ras gzigs dbang phyug gis gsang ba'i snying po 'di brjod ma thag tu ri'i rgyal po po ta la 'di brag dang / nags tshal dang / rtsi shing du bcas pa dang / ri rab khor yug dang / khor yug chen po dang bcas pa rnams rnam pa drug tu rab tu g.yos shing lha'i gnas rnams kyang ldeg par gyur te/ thams cad 'dar 'dar por gyur to/ /klu'i gnas dang / gnod sbyin dang / srin po'i gnas rnams kyang 'khrug par gyur to/ /rgya mtsho chen po'i rlabs kyang 'khrug par gyur to/ /chu gter rnams kyang 'khrug par gyur to/ /de ma thag tu phyogs bcu na sangs rgyas kyi sku gzugs brnyan bzhugs pa rnams kyis legs so zhes bya ba byin te/ 'di skad ces kyang bka' stsal to/ /rgyal ba'i bdag nyid du skyes pa don yod pa'i zhags pa'i gsang ba'i snying po bklags pas 'grub pa bla na med pa smras pa legs so legs so/ /bcom ldan 'das de bzhin gshegs pa shAkya thub pas 'di skad ces bka' stsal to/ /sems pa dag pa khyod kyis gsang ba bklag pa'i cho ga de kho na nyid sgrub pa rgyas pa dang bcas par smros shig /spyan ras gzigs dbang phyug gis gsol pa/ bcom ldan 'das gsang ba'i snying po'i gzungs 'di lan cig brjod pa tsam gyis de'i mod la phyogs bcu tha dad pa nas gang gA'i ya bye ba brgya stong gi bye ma snyed kyi de bzhin gshegs pa'i phyag brkyang ste/ spyi bor bzhag nas legs so zhes bgyi ba'i sgra gsungs te/ gsungs pa tsam gyi mod la sngon bskal ba brgya stong du bsags pa'i sgrib pa rnams nyams par bgyid/ zhig par bgyid do/ /sdig pa thams cad dang / nad thams cad dang / de bzhin du gnod pa zhi bar bgyid do/ /sdig pa dang sems can gdug pa rnams dang / phas kyi rgol ba rnams dang / mi mdza' ba rnams 'jig par bgyid de/ 'di la the tshom mi bgyi'o/ /rtag tu 'phags pa spyan ras gzigs dbang phyug mchog sbyin blta 'tshal bar 'gyur lags so/ /rig sngags 'di'i cho ga sgrub pa ni 'di yin te/ rig sngags 'chang gtsang mar gyur pas shin tu khrus bgyis te/ gos gtsang ma bgos par bgyi'o/ /byams pa dang / snying rje yid la bgyis pas 'byung po thams cad la mchog tu snying brtse bar bgyi'o/ /'phags pa spyan ras gzigs dbang phyug gi ri mo'i gzugs la mchod par bgyi'o/ /me tog dang / bdug pa dang / dri dang / phreng ba dang / byug pa dang / mar me dbul bar bgyi'o/ /tshes brgyad dam/ tshes lnga la sgrub pa'i bzlas brjod kyi cho ga bgyi'o/ /ri mo'i gzugs kyi mdun du thog mar skyil mo krung bcas nas don yod pa'i zhags pa'i snying po lan brgya rtsa brgyad bzlas brjod bgyi'o/ /tshig gzhan mi smra bar khro bo'i rgyal po brgya rtsa brgyad bzlas brjod bgyis te chab dang / yungs kar gyis dbang bskur bar bgyi'o/ /phyag rgya bcing bar bgyi ste/ lan nyi shu rtsa gcig gdon par bgyi'o/ /gsang sngags kyis ni dbang bskur bar bgyi'o/ / phyag rgyas kyang dbang bskur bar bgyi'o/ /de'i 'og tu don yod pa'i zhags pa'i gsang ba'i dam tshig gi snying po stong rtsa brgyad bzlas brjod bgyi'o/ /bzlas brjod bton pa tsam gyis de'i mod la don yod pa'i zhags pa'i snying po khro bo'i rgyal po dang bcas pa 'bum 'gyur du bzlas brjod bgyis par 'gyur ro/ /bzlas brjod rdzogs nas ri mo'i gzugs 'bar zhing sa yang g.yo bar 'gyur ro/ /'phags pa spyan ras gzigs dbang phyug gi lus las 'od zer sna tshogs pa 'byung bar 'gyur ro/ /don yod pa'i zhags pa lag na thogs pa'i zhags pa 'bar bar 'gyur zhing / rig sngags 'chang snying dga' ba dang / spyi bo'i gtsug 'bar bar 'gyur ro/ /'di ni grub pa'i rtags yin no zhes grub pa'i rtags dang legs so zhes bya ba'i sgra 'byin te/ don yod pa'i zhags pa'i snying po'i cho ga zhib mo'i phyag rgya 'grub par 'gyur ro/ /de nas dgos pa thams cad dang las thams cad brjod pa tsam gyis de'i mod la 'grub par 'gyur lags so/ /de bzhin gshegs pa sa ya bye ba brgya stong gang gA'i klung gi bye ma snyed dang mnyam pa'i phyag gser gyi kha dog 'dra bas spyi bo'i gtsug tu 'jog par rmi lam du mthong bar 'gyur ro/ /'phags pa spyan ras gzigs dbang phyug gi rang bzhin gyi lus shin tu dri ma dang bral ba yongs su dag pas dri ma med pa'i bdag nyid kyi lus rang bzhin gyis mdun du mchis par 'gyur ro/ /mchog thams cad stsol bar 'gyur ro/ /rnam pa thams cad du grub pa stsol bar 'gyur ro/ /don yod pa'i zhags pa'i snying po cho ga zhib mo'i phyag rgya grub pa stsol bar 'gyur ro/ /ji ltar snying las skyes pa'i bu bzhin du sangs rgyas kyi byang chub thob kyi bar du yongs su skyong bar bgyid do/ /de lta bas na/ 'jig rten gyi khams bde ba can gyi dkyil 'khor mtha' dag yongs su rdzogs pa sangs rgyas kyi zhing legs par brgyan pa byang chub sems dpa'i tshogs kyis yongs su bskor ba dang bcas pa na/ khang pa brtsegs pa legs par brgyan pa'i seng ge'i khri'i mchog la 'phags pa rgyal ba 'od dpag med 'od zer brgya stong phrag 'bum 'phro ba'i sku bzhugs shing chos ston pa blta bar 'tshal na/ rig sngags 'chang des legs par bkrus te/ gtsang mar gyur pas gos gtsang ma bgos te/ cho 'phrul gyi zla ba yar gyi ngo la byams pa'i sems dang / snying rje'i lhag pa'i bsam pas gus pa dang / dad pa dang / zhes dang / bla mar bgyi'o/ /'phags pa spyan ras gzigs dbang phyug gi ri mo'i gzugs la ci 'byor pa me tog dang / bdug pa dang / dri dang / phreng ba dang / byug pa dang / phye ma dang / gos dang / lhab lhub dang / ba dan gyis mchod par bgyi'o/ /tshes brgyad nas tshes bcu gsum gyi bar la zas dkar gsum 'tshal bar bgyi'o/ /ri mo'i gzugs kyi mdun du nyin gcig bzhin dus gsum du don yod pa'i zhags pa'i snying po lan nyi shu rtsa gcig dang / tshig gzhan mi smra bar khro bo'i rgyal bo'i snying po dang / nye ba'i snying po brgya rtsa brgyad bzlas brjod bgyis nas/ ri mo'i gzugs de nyid kyi mdun du mchis nas nyal bar bgyi'o/ /mchod yon dang yon chab dus gsum du dbul bar bgyi'o/ /a ga ru dang / tsan dan dang / du ru ska dang / gu gul gyi me tog khu ba dang bcas pa gla rtsi dang lhan cig bsres nas blang bar bgyi'o/ /dgug pa'i sngags lan stong rtsa brgyad bzlas brjod bgyis te/ don yod khams gsum rnam par grags/ /bdug pa'i rgyal po bla na med/ /gang phyir bdugs pa tsam gyis ni/ /stong gsum gyi stong chen po'i 'jig rten gyi khams kyi phyogs bcu'i sangs rgyas kyi zhing rnams su bdug pa'i sprin chen po 'khrigs pas rgyas par 'gyur ro/ /dri 'khrigs pa de dag gis sangs rgyas dang byang chub sems dpa' thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams la/ dri chen po'i mchod pa dang / bdug pa chen po'i mchod pa bgyis par 'gyur zhing / de dag thams cad dga' bar 'gyur ro/ /gang yang dud 'gro'i skye gnas su gtogs pa'i sems can gang dag gis bdug pa'i dri tshor na de dag thams cad ngan song du skye bar 'gyur ba'i las kyi sgrib pa rnams yongs su gtugs par 'gyur ro/ /'thab pa dang / 'thab mo dang / mu ge dang / rtsod pa dang / 'gyed pa dang / nang 'khrug pa dang / 'khrugs pa dang / rmi lam ngan pa dang / yams kyi nad dang / gnod pa dang / 'tshe ba dang / gdung ba dang / mi bde ba thams cad dang / nad thams cad zhi bar 'gyur ro/ /rlung dang / ser ba dang / grang ba dang / tsha ba'i sprin thams cad zhi bar 'gyur ro/ /sdig pa thams cad 'jig par 'gyur ro/ /byad dang / g.yengs byed dang / sngags kyi sbyor ba thams cad dang / dug dang / dbyig dug dang / dug sbyar ma thams cad zhi bar 'gyur ro/ /gdon thams cad dang / brjed byed thams cad dang / rims dang bza' nyes dang / bgo nyes dang / gnod sgrib dang / nad thams cad 'jig par 'gyur zhing / rmi lam ngan pa thams cad zhi bar 'gyur ro/ /gnod ltas thams cad bdug pa'i dris 'bros par 'gyur/ 'jig par 'gyur/ 'gyes par 'gyur te/ byang chub kyi snying po la mchis kyi bar du lan 'ga' yang tshugs par mi 'gyur ro/ /bdug pa'i rgyal po 'di rtag tu sbyar bar bgyi'o/ /'di ltar tshes bcu bzhi'i nub mo mchis la/ don yod pa'i zhags pa'i snying po brgya rtsa brgyad dang / khro bo'i rgyal po brgya rtsa brgyad bzlas brjod bgyi'o/ / zas dkar gsum gyi gtor ma ci 'byor pa dbul bar bgyi'o/ /snying po dang nye ba'i snying po stong rtsa brgyad bzlas brjod bgyis la/ dri dang 'bru mar gyi mar me dbul bar bgyi'o/ /ri mo'i gzugs de nyid kyi mdun du nam langs kyi bar mchis nas nyal bar bgyi ste/ rmi lam du dbyig gi mdzod mthong ngam/ bde ba can gyi 'jig rten gyi khams gzhal med khang dang bcas/ rin po che'i shing dang bcas/ rin po che'i ri dang bcas/ rdzing dang bcas/ gnas dang bcas/ khang pa brtsegs pa dang bcas/ gzhal med khang dang bcas/ rdzu 'phrul dang cho 'phrul dang / rnam par 'phrul pa dang bcas pa mthong ngam/ de bzhin gshegs pa tshe dpag med byang chub sems dpa'i tshogs kyis yongs su bskor cing / khang pa brtsegs pa na bzhugs la lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po 'khor dang bcas pa mthong ngam/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bcom ldan 'das tshe dpag med de yang / rig sngags 'chad de la dbugs 'byin par mdzad cing legs so zhes bgyi ba yang stsol bar mdzad de/ kye skyes bu dam pa khyod kyis rig sngags 'chang gi skyes bu'i byed pa mang du byas pa dang / khyod kyis dge ba'i rtsa ba mang du bskrun pa dang / khyod kyis lhag par mang du byas pa dang / khyod kyis bya ba gang yin pa byas pa dang / khyod kyis don yod pa'i zhags pa'i snying po rnam par grol ba'i dkyil 'khor phyag rgya chen po dang / gsang sngags rnam par phye ba'i snying po sgrub pa ni grub zin te/ legs so legs so/ /khyod rig sngags 'chang gi sangs rgyas nyid du gyur cig /khyod 'di nas ma 'ongs pa'i mngal gyi skye ba blangs te/ tshe brjes nas nga'i sangs rgyas kyi zhing du skye bar 'gyur ro/ /byang chub kyi snying po la thug gi bar du sangs rgyas kyi zhing nas sangs rgyas kyi zhing du 'gro bar 'gyur ro/ /zhes phyag g.yas pa spyi bor 'jog par 'gyur/ 'jig rten pa'i dngos grub thams cad stsol cing 'jig rten las 'das pa'i dngos grub sgrub pa ste/ 'di ni dam pa sgrub pa yin no zhes bdag gnyid sad nas dga' bar mthong ste/ sgrib pa thams cad dang bral zhing yongs su dag par 'gyur ro/ /'phags pa spyan ras gzigs dbang phyug bram ze'i gzugs kyis mdun na mchis par 'gyur zhing 'dod pa thams cad kyi mchog stsol bar 'gyur ro/ /gzugs kyi ri mo de yang 'bar zhing 'od zer 'byung bar 'gyur ro/ /yon tan brgya stong mang po gzhan yang 'thob par 'gyur ro/ /'jig rten pa'i phun sum tshogs pa yang 'thob par 'gyur ro/ /skye bo dang rgyal po dang / blon po dang / bram ze dang / khyim bdag thams cad dbang du 'gyur zhing cher mchod par 'gyur ro/ /dge sbyong dang bram ze rnams las don yod pa'i grub pa chen po thob par 'gyur ro/ /grub pa chen po bla na med pa'ang 'thob par 'gyur ro/ /nyin gcig bzhin du dus gsum du phyag rgya bcing bar bgyi'o/ /de nas tshes bcu bzhi la thog mar dge sbyong dang bram ze rnams la ci 'byor pa'i yon dang bcas pa'i mchod ston stsal bar bgyi'o/ /de nas bdag nyid longs spyad par bgyi'o/ /gang gi tshe yang sangs rgyas la blta ba dang / byang chub sems dpa' la blta ba dang / lha rnams la blta bar 'tshal ba na/ de'i tshe bdug pa'i rgyal po la dgug pa'i gsang sngags lan nyi shu rtsa gcig bzlas brjod bgyi ste/ sangs rgyas bcom ldan 'das la bdug par bgyi'o/ / bdug pas bdugs pa tsam gyi mod pa zhal ston par 'gyur zhing / dge ba'am mi dge ba thams cad dam/ nyams pa'am bri ba de thams cad bsrung bar 'gyur ro/ /ji tsam tshe'i mthar thug gi bar du gsung ba'am/ 'gro ba'am 'ong ba gsung bar 'gyur ro/ /de nas gsang sngags kyi cho ga dang / sgrub pa'i don dang las kyi cho ga yang ji lta ba bzhin du bshad par bgyi'o/ /oM pad+ma d+ha ra a mo g+ha dza ya de tsu ru tsu ru swA hA/ don yod pa'i rgyal po'i nye ba'i snying po'i gsang sngags so/ /oM pad+ma pA sha d+ha rA ya/ a mo g+ha ba rasany+tso da ya hU~M/ de bzhin gshegs pa dang / byang chub sems dpa' thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa la sogs pa bskul ba'i gsang sngags te/ bdug pa'i rgyal pos bdugs nas chab dang / yungs kar bsres pa la lan nyi shu rtsa gcig bzlas brjod bgyis nas/ phyogs bcur gtor na thams cad bskul bar bgyis par 'gyur ro/ /oM trai lo kya a b+h+ya hA na a mo g+ha pA sha/ /pad+ma bi lo ki ta A yan+tu/ b+hu ba ne sur/ su ru su ru/ bi ma le hU~M/ dgug pa'i gsang sngags te/ gu gul gyi bdug pa la lan brgya rtsa brgyad bzlas brjod bgyis nas chu dang me tog bsres pas phyogs bcur gtor bar bgyi ste/ thams cad nas dgug pa dam pa grub pa lags so/ / oM pad+ma g+hu dza ma hA pA sha d+hA ra Ni man+t+ra yA mi/ a mo g+ha pA sha yan+tu b+hu ba swA hA/ mu ru mu ru hU~M/ de bzhin gshegs pa dang / byang chub sems dpa' thams cad dang / nyan thos dang / rang sangs rgyas thams cad dang / dkyil 'khor thams cad na gnas pa'i lha tshogs la sogs pa spyan drang ba'i gsang sngags te/ ril ba spyi blugs dang / chab dang / me tog dang / tshems shing la bdug pa'i rgyal pos bdugs te/ thams cad la lan brgya rtsa brgyad bzlas brjod bgyis te/ thams cad spyan drang ba'i rig sngags so/ /oM pad+ma a mo g+ha badzra a d+hiSh+ThA na/ ku ru ku ru swA hA/ sa'i dkyil 'khor bcing ba ste/ chab dang yungs kar la lan brgya rtsa brgyad bzlas brjod bgyis nas sa la gtor na/ dpag tshad sum brgyas kun nas 'khor ba'i sa'i dkyil 'khor rdo rjer byin gyis brlab par 'gyur ro/ /de thams cad bsrungs pas ni rdo rje sra ba'i sems su 'gyur ro/ /dgra rnams kyis mi mthong ba dang / bgegs dang / log 'dren dang / gnod sbyin dang / srin po dang / 'byung po dang / sha za dang / brjed byed dang / ro langs dang / mkha' 'gro ma dang / 'dod dgur bsgyur ba'i gzugs can thams cad kyis mi mthong ste/ rnam pa thams cad du mi mthong bas rdo rje ltar sra bar 'gyur ro/ /oM a mo g+ha pA sha pad mot+ta ra sing hA/ san+tu Ti si ri si ri hU~M/ gdan gyi gsang sngags te yungs kar la stong rtsa brgyad bzlas brjod bgyis te sa la gtor na/ pad+ma chen po'i gzhal yas khang gi gdan du byin gyis brlabs nas legs par phul bar 'gyur ro/ /de bzhin gshegs pa thams cad la rin po che sna bdun las byas pa'i seng ge'i gdan du byin gyis brlabs nas legs par phul bar 'gyur ro/ rig sngags 'chang gis rang gi stan la chab dang / yungs kar la lan nyi shu rtsa gcig bzlas brjod bgyis nas gtor te/ rig sngags 'grub pa'i pad+ma'i stan gsang ba'i gsang sngags so/ /oM ma hA kA ru Ni ka pad+ma a mo g+ha pA sha dr-i D+ha badzra a d+hi Sh+Thi te b+hu ru b+hu ru b+han d+ha re swA hA/ dkyil 'khor mtha' dag na khyim dang / nags tshal dang / kun dga' ra ba dang / gtsug lag khang dang / bsti gnas dang / 'chags dang / phug dang / dgon pa dang / gnas bsang ba'i phyir dri chab dang / yungs kar la lan brgya rtsa brgyad bzlas brjod bgyis nas gtor bar bgyis te/ gnas su gtogs pa thams cad bsang ba chen po bgyis par 'gyur ro/ /nyes par bgyid pa dang / bgegs dang / log 'dren dang / gnod sbyin dang / srin po dang / 'byung po thams cad 'bros par 'gyur te/ gnas bsang ba'i gsang sngags so/ /oM pad+ma a mo g+ha pA she na sa man+tA da sha su dik+Shu si mA ba na d+ha ya/ tu ru tu ru hU~M/ lcags kyi phur bu sor brgyad pa'i tshad lnga la/ tshon sna lnga'i skud pas dkris te/ lan stong rtsa brgyad bzlas brjod bgyis nas phyogs bzhir gzugs par bgyi'o/ /lnga pa ni dbus kyi gzhir gzugs par bgyi ste/ rgyang grags bdun 'khor bar mtshams bcing ba bgyis par 'gyur ro/ /ji srid du phur bu ma phyung ba de srid du mtshams chen po bcing ba bgyis par 'gyur ro/ /oM a mo g+ha maN+Da la ban+d+hA ya sa man+te na/ pad+ma ma hA bad+me d+hu ru d+hu ru swA hA/ dkyil 'khor bcing ba ste/ dri chab dang / yungs kar la lan brgya rtsa brgyad bzlas brjod bgyis nas dkyil 'khor mtha' dag dang / de bzhin du 'og dang steng du yang gtor te/ dkyil 'khor chen po bcing bar bgyis par 'gyur te/ bgegs dang / log 'dren dang / gnod sbyin dang / srin po dang / 'byung po dang / sha za mchi bar 'os pa thams cad kyis mchi bar mi 'gyur ro/ /sems can gdug pa dang / lha 'am/ klu gdug pa gang su yang rung ba de dag thams cad zil gyis mnan par 'gyur ro/ /'jig rten pa'i bgyi ba ngan pa dang / sngags ngan pa dang / sems ngan pa dang / bgyid pa ngan pa thams cad yongs su spangs par 'gyur ro/ /oM a mo g+ha pa ri shud d+he sho d+ha ya sa man+te na/ d+hi ri d+hi ri shud d+ha sa twa ma hA pad+me hU~M/ 'dis pa'i rnam lnga la lan stong rtsa brgyad bzlas brjod bgyis te/ dkyil 'khor gyi sa'i cha mtha' dag na/ gtsug lag khang ngam/ dgon pa'am/ bya skyibs sam/ tshang ching ngam/ 'chag sa'am/ gnas sam/ tshal lam/ nags tshal lam/ skyed mos tshal lam/ kun dga' ra ba'am/ brang sa'am/ skyabs sam/ khang pa la gtor na stong pa'am/ mi stong pa'am/ 'dam rdzab dang / mi gtsang ba dang / phyag dar gyis gang ba dang / 'byung po dang / sha za dang / la sogs te rigs ngan pa thams cad yongs su spangs par 'gyur ro/ /gtsang ba dag par 'gyur ro/ /gnas gtsang mar 'gyur ro/ /bdag nyid la dbang bskur na bza' nyes dang / bgo nyes dang / gnod ltas dang / gnod sgrib kyi gnas ngan pa thams cad yongs su dag par 'gyur ro/ / gtsang ma dag par 'gyur ro/ /mi gtsang ba gtsang bar 'gyur ro/ /tshangs par spyod pa ma lags pa tshangs par spyod par 'gyur ro/ /bsnyen gnas ma bgyis pa ni bsnyen gnas bgyis par 'gyur ro/ /de la lha thams cad bsrung ba dang / bskyab pa dang sba ba bgyid par 'gyur ro/ /dbang phyug dang dbang phyug chen po dang / tshangs pa dang / khyab 'jug dang / khyab 'jug chen po dang / gshin rje dang / chu lha dang / lus ngan la sogs pa bsrung ba dang / bskyab pa dang / sba ba'i slad du/ rtag tu rjes su 'brang bar 'gyur ro/ /'jig rten pa thams cad kyi snying du sdug pa dang / mchod par 'os par 'gyur ro/ /tshig btsan par 'gyur ro/ /nad thams cad dang bral bar 'gyur ro/ /sdig pa dang / sgrib pa dang / gnod pa la sogs pa thams cad las yongs su thar bar 'gyur ro/ /phyogs bzhir kun tu gtor na 'thab pa dang 'thab mo dang / rtsod pa dang / 'gyed pa dang / mu ge dang mi ngas dang / yams kyi nad dang / gnod pa dang / 'tshe ba dang / 'khrug pa thams cad zhi bar 'gyur ro/ /nyin gcig bzhin du bdag nyid la dbang bskur ram/ reg par bgyid na/ rig sngags dang phyag rgya dang / dkyil 'khor gyi rim par dbye ba dang las chen po 'grub par 'gyur ro/ /don yod pa'i grub pa chen po 'grub par 'gyur ro/ /gang dang gang du mchis ba de dang der cher mchod par 'gyur ro/ /thams cad kyis mi zlog par 'gyur ro/ /nyin gcig bzhin gzhal med khang rgya chen po bkra zhing rnam par bkra ba chen po rmi lam du mthong ba dang / rnam pa thams cad du mchog rgya chen po 'thob par 'gyur ro/ /dge sbyong dang / bram ze dang / rgyal rigs dang / khyim bdag dang / rgyal po dang / blon po dang / btsun mo'i 'khor dang bcas pa thams cad dbang du 'gyur zhing mchod par 'os par 'gyur ro/ /rtag tu gtsang mar spyod par gtsang zhing dag par 'gyur ro/ /rtag par dus kun tu 'phags pa spyan ras gzigs dbang phyug blta 'tshal bar 'gyur ro/ /'dod pa thams cad kyi mchog stsol bar 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas 'od dpag med rmi lam du rtag tu mthong zhing shi 'phos nas kyang 'jig rten gyi khams bde ba can du skye bar 'gyur ro/ /oM pad+me sa ra sa ra tiSh+Tha tiSh+Tha ma hA a mo g+ha sa ma ya swA hA/ gsang ba chen po'i dam tshig gi gsang sngags so/ /o~M bi pu la pad+ma a mo g+ha pra sa ra pra bi sha tu/ ku ru ku ru swA hA/ 'jug pa'i gsang sngags so/ /oM a mo g+ha a nu sha ya ma hA pad+ma ban d+hu re hU~M/ slob ma'i gsang sngags so/ /oM a mo g+ha pad+ma shi khe tu ru tu ru/ tiSh+Tha badzra ban d+he swA hA/ spyi gtsug bcing ba'i gsang sngags so/ /lan nyi shu rtsa gcig bzlas so/ /o~M a mo g+ha pad+ma dza lo ta k+She pa/ b+hi ri b+hi ri hU~M/ chab bteg pa'i gsang sngags te/ lan nyi shu rtsa gcig bzlas so/ /oM a mo g+ha bi ka Ta sa~M b+ha ra pad+ma A sa Ne dza la pa ti/ ku ru ku ru hU~M/ bum pa'i gsang sngags te lan brgya rtsa brgyad bzlas so/ /o~M pad mo pra sa ra a mo g+ha bi ma le b+ha ra b+ha ra swA hA/ chab kyi rgyun gyi gsang sngags te/ lan nyi shu rtsa gcig bzlas so/ /o~M a mo g+ha pad+me su pad+me/ pUr+Na ka re d+hi ri d+hi ri bi ma le swA hA/ lag pa'i gsang sngags te/ lag pa gnyis la lan stong rtsa brgyad bzlas brjod bgyis nas/ dkyil 'khor dang gsang sngags dang / phyag rgya dang / cho ga zhib mo dang / bsgrub pa'i dgos pa thams cad bgyi ste/ sgrub pa thams cad la bsgrub par bgyi zhing las thams cad la dus thams cad du bgyi'o/ /o~M a mo g+ha bi ma le dzi hwA gra saM sho d+ha ni saM sho d+ha ya d+ha ra d+ha ra bi ma le pad+ma ka ma la di hwA swA hA/ lce sbyang ba'i gsang sngags te/ dri chab la lan stong rtsa brgyad bzlas brjod bgyis te/ kha bshal la lce'i dri ma yongs su dag par 'gyur ro/ /pad+ma dang / ku mu da'i 'dab ma dang / 'dra bar lce mnyen par 'gyur ro/ /so dang rkan dang mgul pa yongs su dag par 'gyur ro/ /o~M a mo g+ha na d+ha bsti su ru su ru pra b+hu ru di bya gan d+hi pad+ma pra b+he swA hA/ gsang sngags 'dis khar stsal ba'i ril bu tsan dan dang / na la dang / spr-i ka dang / ut+pal dang / gur gum dang / gla rtsi lhan cig blang ba bgyis la/ phye ma zhib mor btags nas ril bu zho gnyis tsam pa'i tshad du sbrang rtsi dang lhan cig sbyar la gsang sngags stong rtsa brgyad tshang bar bzlas brjod bgyis te/ zangs kyi snod kyi nang du stsal nas bzlas brjod bgyid pa'i tshe khar stsal nas skad cig tsam zhig bsdad pa bgyis na/ rtag tu kha nas ut+pa la'i dri 'byung bar 'gyur te/ rgyang grags tsam du the tshom med/ /de bzhin gshegs pa thams cad dang / /de bzhin byang chub sems dpa'ang dgyes/ /'phags pa spyan ras gzigs dbang phyug mchog sbyin mgon po mchog tu dga' bar 'gyur ro// //'phags pa don yod pa'i zhags pa'i cho ga zhib mo'i rgyal po/ bam po gnyis pa/ bzlas pas bde bar 'grub 'gyur bas/ /don yod rig sngags bla na med/ /rig sngags 'chang dang gtam bgyis pas/ /dus kun rdul dri spang bar bgyi/ /mkhris pa bad kan snabs dag dang / /de bzhin kun 'jig myur du ni/ /kha nas lha yi dri 'byung 'gyur/ /su la tshig dag smras pa ni/ / de ni myur du dbang du 'gyur/ /lha rnams dbang du mchis pa dang / /bde sogs bdag po dbang po dang / /gshin rje chu lha lus ngan dang / /tshangs pa khyab 'jug dbang phyug che/ /'jig rten skyong ba bzhi dag dang / /zla ba nyi ma nyid dag dang / /thams cad dbang du gyur nas mchis/ /'di ni kha na mur bgyid na/ /tshig ldan lce yi rtse mo la/ /mchis pas tshig ni gsal bar 'gyur/ /rtag tu mi min dbyangs 'gyur te/ /dri ma'i skyon ni rnam par spangs/ /tshigs bcad stong ni klog pa dang / /sngon bklags pa ni nyams mi 'gyur/ /hU~M zhes bgyis pas lha kun dang / /lha gang dkyil 'khor gnas pa'ang mchis/ /phaT ces bgyis pas gdug pa dang / /bgegs dang log 'dren thams cad 'jig /gnod sbyin srin po sha za dang / /brjed byed 'byung po gsang ba pa/ /thams cad mod la 'byer 'gyur zhing / /khas bub tu yang 'gyel bar 'gyur/ /ril bu kha na thogs na ni/ /dus kun tu ni mkhas par 'gyur/ /grub pa myur du 'thob 'gyur te/ /thams cad du yang tshe ring 'gyur/ /tshig snyan 'jam zhing mnyen par 'gyur/ /ril bu 'di ni bcang bgyis na/ /don yod pad+ma dri ma med/ /ril bu zhes bgyi 'grub par 'gyur/ /o~M ma la bi ga te/ pad+ma bi ba re/ san tsa ra ba tsa re swA hA/ a mo g+ha sid d+he sho d+ha ya hU~M/ nA ga pus pa'i shun pa dang / u shi ra dang / tsan dan dang / pad+ma ge sar dang / li shi dang / ka ko la dang / spang spos dang / rgya spos dang / gur gum dang / pra pun da ri ka dang / e la dang / sa ma ka dang / u gra dang / su ga na d+hi ka 'di rnams cha mnyam par bgyis te zhib tu btags nas/ gsang sngags lan stong rtsa brgyad bzlas nas char pa'i chab dang bsres pas khrus bgyis shing 'tshal ba'am/ chab dron pos khrus bgyis pa'am/ 'tshal bas shin tu khrus bgyis pa gtsang ma shin tu dag pas bag tsha ba ma mchis par bton pa tsam gyis sngon gyi drag po'i las rnams dang / gdon kun 'joms par 'grub pa dang / /nad kun rnam par nyams pa dang / /'dod chags zhe sdang gti mug gi/ /mun pa mi zad spong bar gsungs/ /bkrus 'tshal tsam gyi mod la ni/ /dri ma kun zhi som nyi med/ /dpal gyis lha yi bzhin du 'bar/ /bsod nams phung po rnam par 'phel/ /gzi brjid phung po rtag tu 'bar/ /zla ba nyi ma bzhin du mdzes/ /gtsang ma'i lus su gyur pa na/ /lus ni lha yi bzhin du gyur/ /mi gtsang ba ni gtsang bar gyur/ /ma dag pa ni dag par 'gyur/ /tshangs par spyod min tshangs spyod 'gyur/ / thub min thub pa kho nar 'gyur/ /tshangs par mi spyod tshangs spyod 'gyur/ /mgo skya gnyer ma spangs pa dang / /rtag tu bron dam mchis 'gyur/ /lus la lha yi dri dag 'byung / /pad+ma ku mud mnyen pa'i lus/ /sngon gyi dri ni rab spangs te/ /lha yi tsan dan dri dag ni/ /mda' rgyang gang du som nyi med/ /rtag tu bde bar nyal ba dang / /bde bar yang ni sad par 'gyur/ /gnod sbyin srin po 'byung po dang / /lha min gdug pa log 'dren dang / /gdug pa'i bgegs rnams mthong mi 'gyur/ /mi bzad dgra rnams kyis kyang min/ /lus nyid sbyang ba bgyis nas su/ /sngags bzlas brjod pa'i sgrub pa bgyi/ /legs par sgrub pa'i las bgyis nas/ /de nyid bde bar 'grub par 'gyur/ /rgyal ba byang chub sems dpa' kun/ /de bzhin mod la gzigs par 'gyur/ / lha rnams kun dang gang dag gzhan/ /dkyil 'khor gnas pa myur du mchi/ /ci 'dod yid la bzlas pa yis/ /rtag tu don yod grub par 'gyur/ /thog mar lus sbyang cho ga bgyi/ /de nas gsang sngags legs par spyad/ /oM a mo g+ha pad+ma lo tsa ni di bya dr-iSh+Tari pa ri shud d+he/ su ru su ru pad+ma/ a k+Shi b+hu ru b+hu rus man+ta bya ba lo ka ni swA hA/ ldong ros gi wang rgya mtsho sbu ba sa ha dza/ /ut+pal sbrang rtsi lhan cig reng bu 'di bgyis la/ /gsang sngags sum stong rtsa brgyad bzlas pa'i mig sman 'di/ /de bzhin gshegs pa rnams kyis mchog tu bzang zhes gsungs/ /'di ni 'jig rten dbang phyug mchog sbyin gyis/ /kun pas bkra shis 'di ni mig nad kun/ /'joms par bgyid de g.yar lam bzang po rmi/ /yid du mi mchi ba nyid mthong mi 'gyur/ /ngan par snang dang ngan par blta/ / nam yang mthong bar mi 'gyur ro/ /gtum po 'joms pa gtum po dang / /lhag ma sbags pa bgo nyes dang / /bza' nyes gnod sgrib gnod sbyin dang / /srin po dang ni sdig sbrul dag /thams cad nyin dang mtshan dag tu/ /mi snang bar ni the tshom med/ /mig gis bzang po mthong ba dang / /rmi lam bzang po mthong bar 'gyur/ /zla ba srid du rab sbyar bas/ /lha rdzas dag ni mthong bar 'gyur/ /mig yongs su sbyang ba'o/ /oM bud d+ha bud d+ha/ bi bud d+ha pad+ma a mo g+ha mu khi bar bar de swA hA/ rig sngags 'dis gi wang la lan stong rtsa brgyad bzlas so/ /don yod pa'i rgyal po lan nyi shu rtsa gcig brjod par bgyi'o/ /khro bo'i rgyal po lan bdun bzlas brjod bgyi'o/ /snying po dang nye ba'i snying po lan brgya rtsa brgyad bzlas brjod bgyi'o/ /bzlas brjod bgyid pa'i tshe yang 'di blangs te dpral ba'i dbus su thig le bgyis te/ thig le lan cig bgyis pas dpral ba'i steng na skar ma'i dbyibs lta bur gnas par 'gyur ro/ /gdug pa thams cad dbang gyur mchis/ /gnod sbyin 'byung po gang dag dang / /srin po bgegs dang log 'dren nyid/ /thams cad 'jig 'gyur the tshom med/ /sems can gdug pas gdug bsams kyang / /phyir zhing bzod par mi nus pas/ /de dag thams cad 'jig 'gyur te/ /me la phye ma leb bzhin no/ /rtag tu rgyal po skye bor bcas/ /'khor bcas blon por bcas pa dang / /blon po che dang mdun na 'don/ /btsun mo'i tshogs bcas dbang du gyur/ /dge sbyong dang ni bram ze dag /thams cad dbang du mchi bar 'gyur/ /rgyal rigs dmangs rigs dag dang ni/ /thams cad dbang du mchi bar 'gyur/ /mchod pa chen po'i 'os su 'gyur/ /rig sngags lha ni thams cad dang / /gang dag dkyil 'khor gnas pa ste/ /de dag thams cad dam tshig gi/ /rjes su bsgrub cing skyong bar 'gyur/ /phyogs bcur bsrung ba bgyid 'gyur ba/ /rtag tu sgrub pa bla na med stsol/ /thig le 'di bgyis grogs med rgyu ba dag / chom rkun dang ni chom po g.yon can dang / /g.yul 'gyed nyid kyi 'jigs pa gang yin pa/ /kun nas bsgral bar 'gyur te som nyi med/ /seng ge stag dang dom dang ni/ /glang chen khro bo mi bzad dang / /wa dang gdug bcas srog chags dang / /so gdug sbrul kun mgo nas za/ /gang dag srog chags gdug par bcas/ /de dag thams cad nub 'gyur te/ /nam yang 'byung bar mi 'gyur ro/ /ser ba me dang tshig pa dang / /char pa mi zad mtshon chu byad/ /mkhas pas thig le 'chang ba'i lus/ /khyim rdib pas kyang non mi 'gyur/ /mkhas pa rig sngags 'chang ba'i don/ /thams cad 'di yis bgyid par 'gyur/ /shin tu ma grub gsal bar yang / /'grub par 'gyur te the tshom med/ /bcom ldan 'das rig sngags 'chang gis bdag dran par bgyid cing / don yod pa'i zhags pa'i snying po dran par bgyid na/ bcom ldan 'das de ma thag tu rig sngags 'chang de'i mdun du bdag mchis nas/ yid la bsams pa yongs su rdzogs par bgyi'o/ /thams cad kyi mchog thams cad ji skad gsungs pa bzhin stsal bar bgyi'o/ /dgos pa thams cad bsgrub par bgyi'o/ /don yod pa grub pa rjes su stsal bar bgyi'o/ /bden par dam bcas pas dam tshig rjes su bskyang bar bgyi'o/ /bcom ldan 'das gal te rig sngags 'chang gis ji skad gsungs pa'i cho ga zhib mo sgrub par bgyid na/ de bzhin gshegs pa'i byin gyis brlabs dang / de bzhin gshegs pa'i bka' rjes su gnang ba de dag thams cad bdag gis stsal bar bgyi'o/ /bcom ldan 'das gal te rig sngags 'chang sgrub pa dang bral bar gyur na/ bcom ldan 'das de ni bdag gis ma nongs so/ /de lta bas na rig sngags 'chang gis ci skad gsungs pa'i cho ga dang / cho ga zhib mo sgrub pas/ gsang sngags dang / phyag rgya bsgrub par bgyi ste/ dgos pa de dag thams cad the tshom ma mchis par 'grub par 'gyur ro/ /de nas gsang sngags bzlas te/ oM a mo g+ha pA sha d+ha ra sa ra pra sa ra hU~M/ mchod phyir thogs pa'i skud pa'i gsang sngags te/ gzhon nu mas bkal ba'i skud pa la lan brgya rtsa brgyad bzlas brjod bgyis nas/ mdud pa gsum dor bar bgyi'o/ /oM a mo g+ha pra bar Na mu ru mu ri di bya ka shi kaM / saM b+ha ba tu ta ra ta ra swA hA/ gos kyi gsang sngags te lan nyi shu rtsa gcig bzlas so/ /oM a mo g+ha bas+t+ra N+yota k+Shi pA mi bo d+hi ni pad me swA hA/ gos bteg pa'i gsang sngags te lan nyi shu rtsa gcig bzlas so/ /oM di byot+ka saM b+hu ta a mo g+ha ba ru na tsa reu0f85 b+hi Shiny+ts+ya hU~M/ khrus kyi sngags te lan nyi shu rtsa gcig bzlas so/ /oM a mr-i ta a mo g+ha pad+ma sa ne/ spar+sha ni tsu ru tsu ru swA hA/ nye reg gi sngags te lan nyi shu rtsa gcig bzlas so/ /oM a mo g+ha rak+Sha Ni ku ru ku ru swA hA/ bdag bsrung ba ste/ yungs kar dang chab la lan nyi shu rtsa gcig bzlas nas/ rang gi lus la dbang bskur ro/ /oM a mo g+ha sa ma ya/ ma hI pad+me tiSh+Tha tiSh+Tha hU~M/ dam tshig gi gsang sngags te lan bdun bzlas so/ /oM sarba tra a mo g+ha ba pa ti tiSh+Tha ra k+ShaM tu hU~M/ slob ma dang grogs bgyid pa bsrung ba ste/ thal ba la lan bdun bzlas nas dpral bar thig le bgyi'o/ /oM trai lo kya pad+ma a mo g+ha kra ma Ne mi li mi li swA hA/ gom pa 'dor ba'i sngags te lan nyi shu rtsa gcig bzlas brjod bgyi'o/ /oM pad+me ma hA pad+me sa ra sa ra/ sa man te na pa ri beSh+Ta ya/ a mo g+ha pa she na su ru su ru swA hA/ tshon skud sna lnga la lan bdun bzlas te dkri bar bya'o/ /oM bi tsi tra a mo g+ha pa tA na na rang ga bi shud d+hA ya/ ki Ni ki Ni swA hA/ ba dan gyi gsang sngags te lan bdun bzlas so/ /oM a mo g+ha sha ra badzra tuN+Da tha ra tha ra swA hA/ mda'i gsang sngags te lan bdun bzlas so/ /oM bi pu la a mo g+ha ma hA d+ha ra bi shud d+he si ri si ri swA hA/ rta babs kyi gsang sngags te lan nyi shu rtsa gcig bzlas so/ /su dag der zhugs nas mtho ris kyi sgor zhugs par 'gyur ro/ /sdig pa dang sgrib pa thams cad yongs su byang bar 'gyur ro/ /oM nA nA bi tsi tra/ a mo g+ha pus pa/ pha la tA kI rna pUr ya pa ra pa ra hU~M/ bum pa gang ba'i gsang sngags te lan bdun bzlas so/ /oM a mo g+ha rat+na bi ma Na/ ka Ta da tsa a dr-iSh+Ti bid bya gan d+ho dz+wa la s+phar Na/ sa man te na dz+wa la dz+wa la swA hA/ pog phor gyi gsang sngags te lan bdun bzlas so/ /oM dz+wa la ba ti/ rad na g+ha ta/ ri si Ni tu Ti tu Ti swA hA/ gtor ma'i snod kyi gsang sngags te lan bdun bzlas so/ /oM da byi p+hany+dza na a mo g+ha pad+ma ba re pU ra ya hU~M/ kham phor gyi gsang sngags te lan bdun bzlas so/ /oM a mo g+ha saM pU ra Ni dro Na g+han d+ha pa ti swA hA/ thig le'i gsang sngags te lan bdun bzlas so/ /oM sa ra ni sA ra ya/ a mo g+ha b+hu dza ne mA da ne hU~M/ ril ba mgrin gsang sngags te lan bdun bzlas so/ /oM rat+na di bya/ rat+na kuM b+ha ba ti sA ga ra saM pU ra Ni swA hA/ bum pa'i gsang sngags te lan bdun bzlas so/ /oM bi tsi tro dz+wa la nAn raM ga bi b+hak+ta ya saM sho d+ha ya tu Ti swA hA/ tshon rtsi'i gsang sngags te lan bdun bzlas so/ /oM di bya a ba lo ki ni bi b+ha dza yaM tu sa man te na sa ma ra Ne swA hA/ lan nyi shu rtsa gcig bzlas brjod bgyis te so sor dbye bar bgyi'o/ /oM nA nA pra hA ra Na a mo g+ha mu drA dz+wa la dz+wa la swA hA/ phyag mtshan bri ba ste lan bdun bzlas so/ /oM a mo g+ha rat+na sU tra d+ha re ki Ni ki Ni swA hA/ thig skud kyi gsang sngags te lan brgya rtsa brgyad bzlas brjod bgyis te dkyil 'khor ram/ ri mo bris pa'i ras sam/ gzhan gzhi gang yang rung ba la gdab par bya'o/ /oM bi pu la ba re pra be sha ya/ oM mo g+ha pad+me hU~M/ sgo'i cha dbye ba'i gsang sngags te sgo re rer yang lan nyi shu rtsa gcig bzlas so/ /oM su bi b+hak+ti su mang+ga la dwA ra b+ha ban+ti/ oM di bya bA dza na/ a mo g+ha pA shan pa na ba re/ gi ri gi ri hU~M/ oM saM pUrna/ rU pya di bya b+ha dza ni/ a mo g+ha pad+me swA hA/ lan bdun bzlas par bgyi'o/ /oM bi bi d+ha rU pa hA ro pa k+Sha ra Na/ tsa la tsa la/ a mo g+ha ba ti swA hA/ lan nyi shu rtsa gcig bzlas so/ /oM di bya gan+d+ha nu sa ra ni a mo g+ha ba le d+ha ra d+ha ra swA hA/ mchod yon gyi gsang sngags te lan bdun bzlas so/ /oM g+han+d+ha s+pha ra Ni sa man+ta/ a mo g+ha pra s+phu ra hU~M/ dri'i gsang sngags te lan bdun bzlas so/ /oM ni rma la kA ya sho d+ha ni di bya gan+d+ha pra pU ra ya ni pU ra ya hU~M/ byug pa'i gsang sngags te lan bdun bzlas so/ /oM gan+d+ha tsUr+Na pra pU ra Ni/ tsu ru tsu ru swA hA/ dri'i phye ma'i gsang sngags te lan bdun bzlas so/ /oM sa man+te na/ bi ma le gan+d+hot+ta re swA hA/ bskul ba'i gsang sngags te lan bdun bzlas so/ /oM di bya gan d+ha pra pU ra ni sA ga ra dza la di bya a d+hiSh+Thi te ka la sho dA ra pU r+Na pU ra ya/ dza ya sid d+he swA hA/ bum pa'i dri chab kyi gsang sngags te lan brgya rtsa brgyad bzlas so/ /oM ra sa sA gra ba ti/ sarba bi d+ha a d+hi Sh+ThA na a d+hi Sh+Thite saM pU ra ya hU~M/ gtor ma ro sna tshogs can gyi gsang sngags te lan nyi shu rtsa gcig bzlas so/ /oM di bya b+ho dza na/ saM pU ra ya/ bi pU la pra b+he swA hA/ kha zas kyi gsang sngags te lan nyi shu rtsa gcig bzlas so/ /oM tri shu kla b+ho dza na ba li bi pu la ra sA gra ba ti su ra pra su ra hU~M/ zas dkar gsum gyi gtor ma'am/ gtor ma gzhan la yang lan nyi shu rtsa gcig bzlas so/ /oM ba la ti sA ra ba ti di bya ba na spa ti/ ta ra ta ra ni swA hA/ 'bras bu'i gsang sngags te lan bdun bzlas so/ /oM di bya ku su mot+pa la nA nA puSh+pa pra bar+Sha Ni b+ha ba swA hA/ me tog gi gsang sngags te lan bdun bzlas so/ /oM bi bi d+ha la tA buSh+bA kun Thi ta ba na sba ti A ha ra saM bUr+Na kum b+he swA hA/ me tog gtor ba'i gsang sngags te lan bdun bzlas so/ /oM ma hA d+hU pa me g+ha pa Ta la sany+tsa dA ya/ sa man+te na hU~M swA hA/ bdug pa'i gsang sngags te lan nyi shu rtsa gcig bzlas so/ /oM a tharba ni dz+wa la dz+wa la de ba mu khe swA hA/ me'i gsang sngags te lan bdun bzlas so/ /oM bi bi d+ha ma Ni ka na ka ra t+no dz+wa la pU Sha Na ma Ni ma Ni a mo g+ha ma Ni swA hA/ cha zhing brgyan pa'i gsang sngags te lan bdun bzlas so/ /oM pad+ma ka re bi ma lan kha/ ang gu li/ sa ma sa ma sarba ta thA ga ta/ a d+hi Sh+Thi te swA hA/ thal mo sbyar ba'i gsang sngags te lan nyi shu rtsa gcig bzlas so/ /oM sarba gu Na pra Na ta/ shi ro baM da nA ya na ma ska ro mi/ mi li mi li tu ri Ni swA hA/ phyag bgyi ba'i gsang sngags te lan bdun bzlas so/ /oM da sha di sha a b+hi ban da na pra sa ra tu hU~M/ bskor ba'i gsang sngags te lan nyi shu rtsa gcig bzlas so/ /oM bi bi d+hA yu d+hA dz+wa li ta pa ni/ pra dz+wa la pra s+phur hU~M/ thal mo'i gsang sngags te lan nyi shu rtsa gcig bzlas so/ /oM di bya a mo g+ha bi pu la swa re ma d+hu ra ni ra g+ho Sha ru te na ra Na ra Na hU~M/ dril bu'i gsang sngags te lan nyi shu rtsa gcig bzlas so/ /yang na brgya rtsa brgyad do/ /oM ra smi dz+wa la sa man+te ma/ a ba b+ha sa ya ma hA ma Ni rat+na shi khe swA hA/ mar me'i gsang sngags te lan brgya rtsa brgyad bzlas so/ /oM d+hu ru d+hu ru a pA hA ya shI g+h+raM dza be hUM/ dgug pa'i gsang sngags te gu gul gyi bdug pa la lan brgya rtsa brgyad bzlas so/ /oM duSh+ThA sa do bi bo d+ha ni/ sa ma sa ma ya ba re swA hA/ dam tshig gi gsang sngags te lan nyi shu rtsa gcig bzlas so/ /oM bi tsi tra ma ni bi bu la pra brta ni hU~M/ bgrang phreng gi gsang sngags te lan brgya rtsa brgyad bzlas so/ /oM bi ci tra t+no dz+wa lo di bya/ ku su ma ba re puSh+pa ra ti swA hA/ me tog phreng ba'i gsang sngags te lan bdun bzlas so/ /oM di bya lo tsa ne a mo g+ha pra ba re/ sarba di bya a d+hi Sh+Thi ta/ sid d+hi shud d+ha bi lo ki te swA hA/ dgug pa'i gsang sngags te lan nyi shu rtsa gcig bzlas so/ /oM a mo g+ha pad+me sa man+ta shu b+ha ne ta ra ta ra gats+tsha swa b+hA ba naM swA hA/ slar gshegs su gsol ba'i gsang sngags te lan nyi shu rtsa gcig bzlas so/ /oM di bya saM pU ra Ni nA ga bi lo ki na hU~M/ 'khar gsil gyi gsang sngags te lan nyi shu rtsa gcig bzlas so/ /oM pa tra pU ra Ni pU ra ya/ a mo g+ha ba tis man+ta pra b+he swA hA/ lhung bzed kyi gsang sngags te lan nyi shu rtsa gcig bzlas so/ /oM dUrba saM s+tha la bid d+hi a d+hi Sh+Thi ta pra sa ra su ru su ra/ r-i Shi pU dzi te swA hA/ rtswa gding ba'i gsang sngags te lan nyi shu rtsa gcig bzlas so/ /oM dz+wa la dru ma dz+wa la shi khi ra smi gar b+he swA hA/ sbyin sreg gi gsang sngags te lan brgya rtsa brgyad bzlas so/ /oM pad+me ni pad+mA sa ne ba re pra ba re nA ga b+hu ba ne swA hA/ 'bab chu dang mtsho'i gsang sngags te lan bdun bzlas so/ /o~M kha ga tsa ri Ni/ ga ma ga ma ya pA da pra tsa ri Ni hU~M/ len pa'i gsang sngags te lan brgya rtsa brgyad bzlas so/ /oM sarba hra a mo g+hA b+hi Shi ka ma hA tsU Da bi ma le a b+hi Shiny+tsi tu mAM/ pra bar pa Ni b+hu dze pad+me d+hA dze swA hA/ dbang bskur ba'i gsang sngags te lan nyi shu rtsa gcig bzlas so/ /rigs sngags 'chang gis gsang sngags 'di dag thams cad so sor cho ga zhib mo'i sgrub pa ci lta ba bzhin du thams cad so sor sbyar nas/ cho ga bsgrubs na dgos pa rgya chen po'i 'byor pa'i mthu 'di dag dang / me tog dang / bdug pa dang / dri dang / phreng ba dang / byug pa dang / rin po che'i snod sna tshogs pa dang / nor bu sna tshogs pa'i gzhal med khang rgya chen po 'byung bar 'gyur ro/ /lha'i me tog dang / gdugs dang / ba dan sna tshogs pa 'byung bar 'gyur ro/ /ro brgya dang ldan pa'i kha zas kyi mchog dang / ro sna tshogs pa'i mchog rnams 'byung bar 'gyur ro/ /gtor ma bzang po rnam pa sna tshogs pa yang 'byung bar 'gyur ro/ /ci tsam de bzhin gshegs pa la 'os pa'i gzhal med khang dag 'byung bar 'gyur ro/ /byang chub sems dpa'i gzhal med khang ci lta ba de lta bu dag 'byung bar 'gyur ro/ /lha rnams kyi gzhal med khang ci lta ba de lta bu dag 'byung bar 'gyur ro/ /klu rnams dang / gnod sbyin rnams dang / lha ma yin rnams dang / nam mkha' lding rnams dang / mi 'am ci rnams dang / lto 'phye chen po rnams la so so'i gzhal med khang ci lta ba de lta bu dag 'byung bar 'gyur ro/ /mi rnams kyi khang pa ci lta ba dang / kha zas kyi mchog ci lta bu dag 'byung bar 'gyur ro/ /de lta bas na dgos pa'i rnam pa thams cad bgyi ba dang / de kho na nyid sgrub pa'i ji skad gsungs pa'i cho ga zhib mo dang / cho ga dang gsang sngags sgrub pa rnams bgyi'o/ /de nas rig sngags 'chang gis grub pa bla na med pa thams cad 'thob par 'gyur ro/ /gal te rig sngags 'chang gis las yongs su grub par bgyis te/ don yod pa'i zhags pa'i snying po 'di brjod pa tsam gyis rig sngags 'chang gi mdun du bdag rang gi gzugs kyis nye bar mchis nas bsam pa dang re ba thams cad yongs su rdzogs par bgyi'o/ /sdig pa dang sgrib pa dang / gnod pa thams cad 'jig par 'gyur ro/ /yongs su dag pa'i lha chen po ltar lus dag par bgyi'o/ /cho ga zhib mo dang / phyag rgya dang / gsang sngags dang / snying po dang / dkyil 'khor dang / don yod pa'i zhags pa'i rgyal po'i rnam par thar pa'i dkyil 'khor grub pa'i mchog thams cad stsal bar bgyi'o/ /rig sngags 'chang 'khor los sgyur ba chen po'i dbang bskur bas dbang bskur bar bgyi'o/ /de kho na nyid yang dag pa sgrub pa'i grub pa stsal bar bgyi'o/ /don yod pa'i zhags pa'i 'jig rten pa dang / 'jig rten las 'das pa sgrub pa'i grub pa chen po stsal bar bgyi'o/ /shin tu rgya che zhing bag tsha ba ma mchis pa dang / mchod pa dang bkur sti chen po 'jig rten thams cad kyi mchog khyad par du 'phags shing nor 'du ba'i bkra shis dang dpal stsal bar bgyi'o/ /'di la yid gnyis dang som nyi bskyed par mi bgyi zhing / dngos po gzhan du yang yid la mi bgyi'o/ /sems can thams cad la byams pa dang / snying rje dang / dga' ba dang / btang snyoms kyis brtse ba la mchog tu brtson par bgyi'o/ /bu gcig pa bzhin du sems can du gyur pa thams cad la mchog tu brtse bar bgyi'o/ /bden par smra ba dang / bden pa la dga' ba dang / snyan par smra ba dang / snying rje'i lhag pa'i bsam pas dmigs nas/ don yod pa'i zhags pa'i snying po bzlas par bgyi'o/ /bzlas brjod kyi cho ga bgyi zhing / phyag rgya dang gsang sngags kyang bzlas par bgyi'o/ /phyogs bcu'i sangs rgyas kyi zhing thams cad du gtogs pa'i de bzhin gshegs pa rnams yid la bgyis nas/ sangs rgyas yid la rjes su dran pa bsgom par bgyi'o/ /sangs rgyas dang byang chub sems dpa' thams cad la phyag bgyi'o/ /'phags pa mgon po spyan ras gzigs dbang phyug la phyag bgyis nas/ mngon sum du bsgom par bgyi'o/ /bcom ldan 'das 'phags pa spyan ras gzigs dbang phyug gi ri mo'i gzugs la phyag bgyis te/ mdun du rtswa'i gding ba bting nas skyil mo krung bcas te mchis nas gzhan mi smra bar bzlas pa bgyis te/ 'di ni gsang ba'i de kho na nyid bsgrub pa'o/ /de nas phyag rgya dang gsang sngags brjod par bgyi'o/ /bdag la don yod pa'i zhags pa'i snying po'i de kho na nyid grub par gyur cig /'jig rten dbang phyug mgon po thugs rje can sems can la byams pa/ sems dag pa lag na pad+ma can sems can thams cad la byams pa'i bdag nyid can gyi byin gyis rlabs kyis byin gyis brlabs pas/ phyogs bcu'i de bzhin gshegs kun dang / /lha dang klu dang gnod sbyin dang / /srin po lha min gsang ba pa/ /'jig rten skyong dang tshangs pa dang / /drag po khyab 'jug gzhon nu sogs/ /gshin rje chu lha lus ngan dang / /drang srong sogs dang de bzhin du/ /zla nyi kun 'gyed gzhon nu dang / /de bzhin dbang phyug dbang chen dag /phyag rgya bcings pa tsam gyis ni/ /de dag myur du 'du bar 'gyur/ /sgrol ma bdun ni 'du bar 'gyur/ /de bzhin pha rol phyin bcu dag /mgrin sngon de bzhin gos dkar can/ /de bzhin pad+ma gar gyi dbang / rgyal dang rnam rgyal nyid dang ni/ /lcags sgrog rdo rje lcags sgrog dang / /lha mo khro gnyer mA ma kI/ /dpe med pho nya mo dang ni/ /'jigs med dpal dang dbyangs can dang / /pad+ma ko ti ut+pa la/ /pad+ma'i so can de bzhin du/ /ti se yi ni rtse mo na/ /'phrog ma 'byung po'i ma dag dang / /de bzhin lag na rdo rje bcu/ /mthu chen de bzhin rig 'dzin dbang / /rdo rje 'chang chen de bzhin du/ /bcu gsum lha dbang lhan cig dang / /sum cu gnyis nas lha dag ni/ /gsang sngags phyag rgya bcings tsam gyis/ /de dag thams cad 'du bar 'gyur/ /phyogs bcu'i de bzhin gshegs pa thams cad kyis rnam par gzigs shing ston par mdzad do/ / de'i mod la byang chub sems dpa' rnams kyis rnam par gzigs shing rtag tu mchog stsol bar 'gyur ro/ /rtag tu mgon po 'phags pa spyan ras gzigs dbang phyug spyan stong dang / phyag rgya sna tshogs pa 'dzin pa lta 'tshal bar 'gyur ro/ /phyag rgya bcings pa tsam gyis ni/ /bram ze'i cha lugs don yod zhags/ /mthong bar 'gyur te som nyi med/ /mgrin sngon dang ni rta mgrin dang / /de bzhin rgya mtsho'i klong dang ni/ /mgon po'i zhal ni bcu gcig dang / /de bzhin zhal ni bzhi dag dang / /mgon po 'jigs pa brgyad 'phrog dang / /de bzhin gzigs pa bsam mi khyab/ /rnam pa sna tshogs gzugs dang ni/ /sgyu ma lta bu'i ting nge 'dzin/ /phyag rgya bcings pa tsam gyis ni/ /mgon po thams cad ston par mdzad/ /bde ba can gyi 'jig rten khams/ /rgyal ba 'dren pa 'od dpag med/ /byang chub sems dpa'i tshogs bskor ba/ /mgon po mod la mthong bar 'gyur/ /gzhan yang sangs rgyas stong gi zhing dag ni/ /chu bo gang gA'i bye ma dang mnyam pa'i/ /de bzhin gshegs 'bum bye ba brgya phrag stong / /byang chub sems dpa'i tshogs bcas yongs bskor mgon/ /phyag rgya bcings pa tsam gyis mthong bar 'gyur/ /mthong ba chen po'i rnam par gzhan mthong ste/ /nyin gcig bzhin du byang chub snying po dang / /chos kyi 'khor lo de bzhin rdo rje'i gdan/ /de dag rmi lam snang ba mthong 'gyur bas/ /de la yid gnyis som nyi the tsom med/ /sangs rgyas rnams kyis bshung ba'am mtshams med lnga/ /mgon po che la gdug sems nyid dang ni/ /byang chub sems dpa'i bar chad 'phags pa la/ /kha zer ba dang dam chos bslu ba dang / /rgyal bas gsungs spong mnar med gzhol ba dang / /mi bzad dmyal ba bcu drug gnas pa dang / /bskal pa 'bum po thams cad skad cig grol/ /phyag rgya gsang sngags bzlas pa tsam gyis sam/ /thos sam mthong ngam ming ni bzung bas kyang / /sdig pa de kun 'jig 'gyur som nyi med/ /don zhags snying po'i phyag rgya mthong ba yang / /'jig rten mgon dang mtshungs te khyad par 'phags/ /sangs rgyas 'bum phrag stong dang gang gA yi/ /bye ba brgya stong dag ni mthong bar 'gyur/ /byang chub snying por gtogs pa thams cad dang / /chos kyi 'khor lo rab tu bskor bar mtshungs/ /don yod rgyal po'i snying po phyag rgya dang / /gsang sngags mthong na bsod nams phung chen gyi/ /bsod nams phung po 'di dag 'phel bar 'gyur/ /de yi tshe yang rnam par 'phel bar 'gyur/ /de ni dpag tu med pa som nyi med/ /de nas rig sngags 'chang ba gtsang gyur nas/ /gtsang ma'i gos bgos nas ni thog mar yang / /yo byad bsgrub pa gtsang zhing spyod pa gtsang / /rtag tu yan lag spos ni sna tshogs dang / /sna tshogs bdug pas rab tu bdugs bgyis shing / /dpung pa lag pa lha yi spos kyis byug / gtsang ma'i sa phyogs gtsang ma'i gdan bshams par/ /skyil mo krung bcas nas ni byams sems dang / /snying rje'i lhag bsam de nyid mnyam bzhag nas/ /phyogs bcu'i dus gsum gshegs pa'i sangs rgyas dang / /rtag tu 'jig rten dbang la phyag bgyi zhing / /rtag tu bla ma mchod cing chos la brtson/ /shin tu rig pas tshig gzhan mi smra bar/ /shin tu rig pas bsrung ba'i cho ga bgyi/ /shin tu bkra shis bla ma de nyid gus/ /bden par smra zhing snyan par smra ba dang / /sems can kun la snying rje'i bdag nyid can/ /lhan cig rjes mthun gyur nas de nas ni/ /phyag rgya 'di bcing bar bgyi ste/ lag pa pad+ma'i tshul du bzhag la/ sor mo rnams mnyam par bcings te/ mthe'u chung zla ba'i tshul du snying gar gzhag go/ /phyag rgya 'di ni don yod pa'i rgyal po'i snying po'i rtsa ba'i phyag rgya ste/ byang chub snying po'i bar du stsol bar bgyid do/ /mgon po 'jig rten dbang phyug dgug pa'i gsang sngags 'di brjod do/ /o~M a mo g+ha bi ku r+b+bi ta sa man+ta a ba lo kA ya na s+t+rai ya d+h+wa/ a d+hi Sh+Thi ta a mo g+ha pad+me/ tsa ra bi tsa ra sany+tsa ra hU~M hU~M/ de ma thag tu dus gsum la rnam par lta ba don yod pa'i rgyal po pad+ma 'bar ba gsal ba'i cho 'phrul dang bcas pa'i phyag rgya'i rgyal pos shin tu phra ba'i rdul dang mnyam pa'i dus gsum du gshegs pa'i sangs rgyas kyi zhing mang po mtha' dag cher g.yos par 'gyur ro/ /dus gsum du gshegs shing bzhugs pa'i sangs rgyas bcom ldan 'das de dag gi sku las 'od zer sna tshogs 'bum phrag brgya stong du ma dag byung nas/ de bzhin gshegs pa de dag thams cad rab tu dgyes shing / sangs rgyas kyi zhing la mdzad pa'i thugs rje chen pos phyag gser gyi kha dog lta bu brkyang nas/ rig sngags 'chang gi spyi bor 'jog par 'gyur ro/ /sgrub pa dam pa don yod pa'i rnam par 'phrul pa'i byin gyi rlabs kyi/ byin gyis brlabs pa stsol bar 'gyur ro/ /dbang phyug dang / dbang phyug chen po dang / tshangs pa dang / lha'i bu dang / gshin rje dang / chu lha dang / lus ngan dang / khyab bdag dang / kun 'gyed gzhon nu la sogs pa lha rnams srung ba dang / skyob pa dang / sbed par bgyid par 'gyur ro/ /phyag rgya bcings pa tsam gyi mod la sdig pa dang / sgrib pa thams cad dang / 'jigs pa brgyad rnams dang / chad pa thams cad las yongs su thar bar 'gyur ro/ /de'i grub pa yid du mchi bar 'gyur ro/ /las thams cad bgyid pa'i phyag rgya thams cad du mchog lags par grags pa lags so/ /don yod dam tshig mchog grags pa/ /pad+ma rgyas pa'i phyag rgya bcing / /mdzub mo gung mo rnams pad+ma lcags kyu'i tshul du bgyis la/ sen mo mnyam par gzhag pa'i phyag rgya 'di bstan te/ rnam par grol ba'i dkyil 'khor rtse ba'i phyag rgya 'dzin pa'i gsang sngags 'di brjod do/ /oM a mo g+ha pad mA~M ku she sa ma na yA na/ gr-ih+Na gr-ih+Na/ d+ha ra d+ha ra/ ma hA satwa hU~M/ phyag rgya bcings te bcings ma thags tu 'am/ bzlas pa tsam gyis dus gsum du gshegs pa'i sangs rgyas bcom ldan 'das thams cad kyis legs so zhes bgyi ba stsol bar 'gyur ro/ /de bzhin gshegs pa de dag thams cad dgyes pa dang / mnyes pa dang / rab tu dgyes pa dang / tshim pa dang / thugs dgyes pa skye bar 'gyur zhing / rig sngags 'chang la thugs rje chen po rgyas pa'i snying po grub pa dam pa stsol bar 'gyur zhing / yang nas yang du mthong ba stsol bar 'gyur ro/ /mchog thams cad stsol bar 'gyur ro/ /don yod pa'i zhags pa'i dam tshig grub pa stsol bar 'gyur ro/ /de bzhin gshegs pa thams cad kyi gsang ba'i dkyil 'khor gyi cho ga zhib mo phyag rgya dang gsang sngags 'dzin pa rnam par grol ba'i dkyil 'khor gzung ba tsam gyis dam tshig rjes su 'jug par 'gyur ro/ /thams cad du 'phags pa spyan ras gzigs dbang phyug gi gsang ba'i dkyil 'khor phyag rgya dang dam tshig 'tshal bar 'gyur ro/ /thams cad du dgos pa'i gsang sngags 'grub par 'gyur ro/ /'phags pa spyan ras gzigs dbang phyug mchog sbyin pa rtag tu blta 'tshal bar 'gyur ro/ /lag mthil pad+ma ltar bgyis la mdzub mo gung mo rdo rje ltar bgyi zhing / mthe chung brkyang ba'i phyag rgya ni/ /pad+ma 'chang la bdug pa dang / /me tog la sogs dri rnams dang / /phreng ba byug pa phye ma dang / /ba dan gos dang rgyan dang ni/ /gtor ma mchod yon rab tu dbul/ /bum pa gang ba'i dri sogs dang / /tshon skud sna lnga tshon dbye'o/ /gzhan yang zas ni sna tshogs la/ /phyag rgya 'di ni kun la mchog /'di ni dbul ba'i phyag rgyar gsungs/ /thams cad du ni don yod mchog /go bar bgyi ba'i phyag rgya 'di/ /pad+ma'i phyag gis byin gyis brlabs/ /gung mo nor bus dkris pa lta bu'i phyag rgya 'di ni bag tsha ba med pa'i pad+ma rin po che'i phyag rgya lags te/ 'di ni grub pa dam pa lags so/ /spyan drang ba'i gsang sngags ni/ oM a mo g+ha pad+ma ma hA sa t+ya A ya tu mi ha maN+Da le/ bi ri bi ri bi ri pad+ma b+hu dze swA hA/ dus gsum gshegs pa'i sangs rgyas rnams/ /gsol ba gdab pa'i gsang sngags te/ /byang chub sems dpa' thams cad dang / /phyag na pad+ma gsol gdab dgug /lha rnams kun dang de bzhin du/ /dkyil 'khor gyi ni lha rnams dgug /phyag rgya 'di ni bcings pa yis/ /phyogs bcu kun gyi sangs rgyas dang / /de bzhin byang chub sems dpa'ang 'du/ /lha dang klu dang gnod sbyin dang / /dri za lha min de bzhin du/ /nam mkha' lding dang mi 'am ci/ /lto 'phye chen po nyid dag ste/ /de kun skad cig 'du 'gyur zhing / /bsrung ba'i phyir ni som nyi med/ /lag pa rdo rje'i tshul du bzhag la lag pa'i mthe'u chung rnams pad+ma'i mtshams su bya ste/ gung mo rnams yid tsam bskums pa'i phyag rgya bcings pa ni/ /grub ldan 'di ni phyogs bcing dang / /dkyil 'khor bcing bar bgyis pa yi/ /bsrung ba'i las la bag tsha med/ /phyag rgya 'di ni bcings tsam dang / /gsang sngags stong ni bzlas tsam gyis/ /dpag tshad bdun ni khor yug tu/ /mtshams bcing dkyil 'khor bcing ba dang / /bsrung ba'i las ni bgyis par 'gyur/ /oM a mo g+ha badzra dr-i D+ha pad+ma ban d+ha sa man+te na ma hA sa man+ta rak+Shan+tu mAM/ tsu ru tsu ru hU~M phaT/ de nas don yod phyag rgya ste/ /grub ldan sems can kun smra na/ / don yod pa yi phyag rgya ni/ /khyad par 'phags pa gzhan yang bstan/ /rdo rje thal mo sbyar nas sor mo rnams mnyam par bzhag ste/ srin lag kha gdengs la sor mo rnams yid tsam bskums pa ni/ don yod sna tshogs rgyal po yi/ /pad+ma'i phyag rgya chen por bsgrags/ /phyag rgya 'di ni las kun dang / /'jug pa'i las kun sbyar ba dang / /dkyil 'khor phyag rgya mchog kun gsungs/ /phyag rgya 'di ni bzung tsam dang / /gsang sngags dam pas bsrungs bgyis nas/ /rig sngags 'chang ba 'jug par 'gyur/ /dus gsum gshegs pa rnam thar pa'i/ /dkyil 'khor dam pa grub par 'gyur/ /oM badzre badzra/ a d+hi Sh+Thi te pad+me bi shwa rU pa d+ha re/ d+ha ra d+ha ra hU~M/ pra be sha tu s+t+rai ya d+h+wA nu ga da na d+ha ri tu Ti swA hA/ phyag rgya 'di ni bcings tsam gyis/ /de nyid grub pas phyogs bcu yi/ /sangs rgyas zhing ni rnam drug tu/ /g.yo bar 'gyur ba som nyi med/ /phyag na pad+ma'i lus 'bar nas/ /mgu ba chen po 'byung bar 'gyur/ /rig sngags 'chang la 'dzum bzhin gyis/ /rtag tu lta zhing mdun na mchis/ /sangs rgyas kyi ni zhing kun dang / /mtho ris sgo rnams 'byed par 'gyur/ /sum cu rtsa gnyis gnas rnams na/ /gnas pa'i lha rnams sgo 'byed cing / /sum cu rtsa gsum gnas sgo na/ /gnas pa thams cad sgo 'byed do/ /bde can 'jig rten khams dag ni/ /sgo na gnas pa sgo 'byed do/ /phyag rgya 'di ni bcings tsam gyis/ /gnas kun tu ni 'jug par 'gyur/ /phyag rgya sdig pa thams cad 'phrog /nye ba'i nyon mongs thams cad 'joms/ /sdug bsngal kun las rnam par grol/ /gnod pa thams cad 'jig par bgyid/ /dmyal ba bcu drug rnams las thar/ /phyag rgya bcings pa tsam gyis ni/ /mi bzad 'jigs pa brgyad rnams dang / /nyes byas thams cad 'jig par byed/ /dmyal ba'i sgo ni gcad par 'gyur/ /mi bzad 'jigs las bsgral bar 'gyur/ /phyag rgya 'di ni mthong tsam gyis/ /mtshams med lnga ni bgyis pa dang / /sdig pa kun las rnam par thar/ /sems can kun las rtag tu sdug /de bzhin gshegs kun byin gyis rlob/ /phyag rgya 'di ni mthe bo'i rtse mo cung zad bkug la bzung ste/ gung mo pad+ma'i ral pa'i tshul du bgyis te/ spyi bo'i ral pa sa la bzhag pa ni pad+ma'i ral pa'i phyag rgya lags te/ 'di ni don yod pa'i zhags pa zhes bsgrags te/ sems can thams cad la sman pa'i slad du/ gsang sngags 'di brjod par bgyi'o/ /oM a mo g+ha pad+mo dza le bi sho d+ha ya hU~M/ bi ri bi ri bi ma le swA hA/ phyag rgya spyi bor bzhag nas chab bdag gis bkrus nas gtsang mas gsang sngags 'di/ brgya rtsa brgyad du bzlas nas su/ /phyag rgya gsang sngags dogs med pas/ /rtag tu bkrus pa'i mod tsam gyis/ /mi gtsang ba ni gtsang bar 'gyur/ /mi gtsang spyod pa gtsang ba dang / /tshangs spyod ma yin tshangs spyod 'gyur/ /mi thub pa ni thub par 'gyur/ /bsod nams phung po lha bzhin 'bar/ /zla ba nyi ma bzhin du mdzes/ /'jig rten kun snying rtag tu sdug /gsang sngags bla na med pa 'grub/ /grub pa don yod zhags pa yi/ /don yod de nyid grub par 'gyur/ /lha rnams kun ni 'du 'gyur te/ /bsrung ba'i phyir ni som nyi med/ /mgon po 'phags pa spyan ras gzigs/ /sems pa mchog sbyin dag pa po/ /mchog sbyin rgyun du thams cad du/ /nyi ma re re mthong 'gyur zhing / /tshe 'phel rtag tu nad med 'gyur/ /de bzhin mgu dang rgyas par 'gyur/ /thams cad du ni las 'grub ste/ /gnod pa kun las rnam par grol/ /sdig pa kun las rnam par thar/ /thams cad du ni bkra shis mchog /khrus kyi rnam pa 'di dag ni/ /don yod khrus kyi mchog yin no/ / lag gnyis bsdams la 'og tu bstan/ /srin lag gnyis yud tsam bskum pa ni pad+ma'i nor bu phyag rgya lags te/ /kun nas kyang ni mnyam par gzhag /phyag rgya ting 'dzin lta bu 'di/ /skyil mo krung bcas mchis nas su/ /phyag rgya 'di dag bcing bgyis zhing / /mnyam par gzhag nas gsang sngags bzlas/ /bcings pa tsam gyi mod nas ni/ /skyil krung rdo rje lhun mnyam 'gyur/ /kun nas go char gyur nas ni/ /bgegs dang log 'dren thams cad dang / /gnod sbyin srin po 'byung por bcas/ /lha min mkha' lding gis mi mthong / /phyogs dang phyogs kyi mtshams dag tu/ /de dag thams cad rgyang ring 'bros/ /bgegs med par ni las 'grub pas/ /bzlas pa'i las la som nyi med/ /oM a mo g+ha badzra dr-i D+ha pad+me shwa ra hU~M/ thal mo mnyam par sbyar la mdzub mo dang gung mo bkug nas/ mthe bo pad+ma kha phye ba ltar bgyis te/ don yod pa'i dbang phyug rgyal po'i phyag rgya'o/ /'phags pa spyan ras gzigs dbang phyug gi mdun du gsang sngags dang phyag rgya bcing bar bgyi'o/ /oM pad+me shwa ra a mo g+ha bar dA/ bi ri bi ri swA hA/ 'dis thog mar bzlas brjod nyi shu rtsa gcig bgyi'o/ /de'i 'og tu phyag rgya bcings nas/ don yod pa'i zhags pa'i snying po de kho na nyid sems pa'i bsam pa rtse gcig tu bzlas brjod bgyi'o/ /lan cig bzlas pa tsam gyi mod la/ dus gsum du rgyun du gshegs pa'i sangs rgyas 'bum phrag brgya stong gang gA'i klung gi bye ma snyed dang mnyam pa g.yo bar 'gyur zhing / /de bzhin gshegs pa dgra bcom pa yang dag par rdzogs pa'i sangs rgyas rnams kyis/ rig sngags 'chang de la legs so zhes bgyi ba stsol bar 'gyur ro/ /dbugs 'byin par mdzad do/ /rig sngags 'chang de la 'od zer sna tshogs gtong bar mdzad do/ /mgon po 'phags pa spyan ras gzigs dbang phyug dran par bgyis pa tsam gyi mod la mdun du mchis par 'gyur ro/ /'di ltar bcings pa tsam gyis pha rol tu phyin pa drug yongs su rdzogs par 'gyur ro/ /pha rol tu phyin pa bcu dang ldan par 'gyur ro/ /sangs rgyas kyi chos ma 'dres pa brgyad dang ldan par 'gyur ro/ /de bzhin gshegs pa'i stobs bcu dang ldan par 'gyur ro/ /mi 'jigs pa bzhi thob par 'gyur ro/ /'phags pa'i lam yan lag brgyad yongs su dag pa thob par 'gyur ro/ /phyag rgya 'di bcings la don yod pa'i rgyal po'i snying po dran par bgyis pa tsam gyi mod la/ yon tan dang phan yon rnams 'thob par 'gyur ro/ /bzlas brjod brgya rtsa brgyad bcangs nas/ zhag gcig smyung ba bgyis te bzlas brjod bgyis na/ 'phags pa spyan ras gzigs dbang phyug bdag nyid kyi rang bzhin du mdun na mchis nas/ rig sngags 'chang la legs so zhes bgyi ba stsol te/ rig sngags 'chang legs so legs so/ /'di ni bzlas brjod kyi dam pa yin no/ /zhes dpung pa g.yas pa brkyang ba'i lag pas rig sngags 'chang gi spyi bor bzhag nas/ dbugs 'byin par mdzad de tshur shog bu gang 'dod pa'i mchog slongs shig dang sbyin no/ /khyod rjes su bzung zhing byin gyis brlabs pas nga'i bu rig sngags 'chang gi thu bor gyur cig / rig sngags 'chang khyod kyis don yod pa'i zhags pa'i snying po grub pas/ rnam par grol ba'i dkyil 'khor gyi phyag rgya rim par dbye ba dang / cho ga zhib mo'i rgyal po la brtan par gyis shig /snying rje chen po'i sems kyis sems can thams cad la goms par gyis shig / khyod 'di nas ma 'ongs pa'i mngal du gnas nas/ shi 'phos te 'jig rten gyi khams bde ba can du 'gro bar 'gyur zhing / khyod pad+ma'i nang du rdzus te skyes nas/ rgyan thams cad kyis brgyan cing mtshan dang dpe byad kyis rab tu brgyan pa/ byang chub kyi snying po'i mthar thug gi bar du tshe dpag tu med par 'gyur ro/ /'di ltar tshig gzhan mi smra bar lan stong rtsa brgyad bzlas brjod bgyis te/ phyag rgya brgya rtsa brgyad bcings pas/ lan stong rtsa brgyad tshang nas nam mkha' la mchi bar 'gyur ro/ /don yod pa'i rnam par 'phrul pa rnam par dag pa'i dkyil 'khor gyi 'khor los sgyur bar 'gyur ro/ /rig sngags 'chang 'bum phrag bye ba brgya stong phrag brgyad kyis yongs su bskor bar 'gyur ro/ /tshe dpag tu ma mchis par 'gyur ro/ /don yod rgya cher snang ba zhes bgyi ba'i rdzu 'a phrul 'thob par 'gyur ro/ /rdzu 'phrul gang gi mthus stong gsum gyi stong chen po'i 'jig rten gyi khams su dpung pa bskum pa las brkyang ba tsam gyis mchi zhing slar ldog par 'gyur/ bzlas brjod brgya stong bgyis la phyag rgya brgya stong bcings na/ tshe 'di nyid la 'phags pa spyan ras gzigs dbang phyug dang 'dra bar 'gyur ro/ /sgyu ma lta bu'i ting nge 'dzin gyis rnam par rol pa'i don yod pa'i mig yongs su dag pa 'thob par 'gyur ro/ /dbang phyug dang dbang phyug chen po dang / tshangs pa dang / lha'i bu dang / drag po dang / dbang po dang / nyi ma dang / zla ba dang / gzhon nu dang / gshin rje dang / chu lha dang / lus ngan la sogs pa'i gzugs sna tshogs mthong bar 'gyur ro/ /klu'i rgyal po'i gzugs rnam pa sna tshogs kyi bar du mthong bar 'gyur ro/ /ji lta ji ltar sems can rnams 'dul bar 'gyur ba de lta de lta bu'i gzugs mthong bar 'gyur te/ 'di ni 'jig rten pa'i bzlas brjod sgrub pa 'bum lags so/ /'bum bzlas pas 'jig rten las 'das pa phyogs bcu'i sangs rgyas kyi zhing thams cad na/ de bzhin gshegs pa thams cad mngon sum du snang ba'ang mthong bar 'gyur ro/ /de bzhin gshegs pa thams cad la lung bstan pa 'thob par 'gyur ro/ /byang chub kyi snying po la thug gi bar du phyir mi ldog par byin gyis rlabs kyis byin gyis brlabs par 'gyur ro/ /phyag rgya bcings te skyil mo krung bcas nas/ sems can thams cad la brtse ba dang / 'byung po thams cad la byams pa dang / snying rje'i sems kyi rang bzhin gyis don yod pa'i zhags pa'i snying po lan cig bzlas brjod bgyi'o/ /bzlas brjod bgyis ma thag kho nar lan drug brgya bzhi bcur bzlas brjod bgyis par 'gyur ro/ /de bzhin gshegs pa thams cad dbugs 'byin pa mdzad cing dran pa dang / blo gros dang / gzi brjid lus la 'jug par bgyid do/ /bzlas brjod bgyis pa tsam gyi mod la pha rol tu phyin pa drug yongs su rdzogs par 'gyur ro/ /ri mo'i sku gzugs de la yang 'od zer 'byung bar 'gyur ro/ /'phags pa spyan ras gzigs dbang phyug yongs su dag pa'i bdag nyid rmi lam du mthong bar 'gyur ro/ /mchog thams cad stsol bar 'gyur ro/ /de'i las kyi sgrib pa thams cad yongs su dag par 'gyur ro/ /sdig pa dang sgrib pa thams cad yongs su bsal ba dang / gtugs par 'gyur ro/ /nad thams cad spangs par 'gyur ro/ /'jig rten pa'i dgos pa sgrub pa rnams kyi dam pa thams cad 'grub par 'gyur bas sangs rgyas rjes su dran pa bsgom par bgyi'o/ / //'phags pa don yod pa'i zhags pa'i cho ga zhib mo'i rgyal po/ bam po gsum pa/ thal mo lhan cig bsdams te sbyar la/ rtse mo yid tsam bkug ste bar gtad la srin lag gnyis phyir 'gyed cing / gung mo pad+ma lta bur bgyis te/ sngags 'di brjod do/ /oM tu ru tu ru pad+me a mo g+ha sid d+hi hU~M/ phyag rgya 'di ni don yod 'grub/ /las rnams grub dang ldan pa yi/ /'di ni bcing ba bgyis pa yis/ /kun rig myur du 'grub par 'gyur/ /myur du ston pa stsol 'gyur te/ rnyed dka' don yod grub pa mchog /mchog kun rab tu stobs par 'gyur/ /'jig rten 'das pa de bzhin 'jig rten pa/ /sgrib pa thams cad las ni rnam par grol/ /bsod nams phung po dag ni rtag tu 'phel/ /bkra shis sgra ni 'byung bar 'gyur ba'o/ /lha rnams rtag tu bsrung bar 'gyur/ /rdo rje bcings pa shin tu bcing / /rtag tu sems ni brtan por bgyi/ /mdzub mo dag ni yid bskums nas/ /snying po dag ni rab tu brkyang / /don yod pa'i pad+ma'i dkyil 'khor phyag rgya dang / snying po gsungs pa dang / pad+ma'i dbang phyug gi phyag rgya las dang don thams cad 'grub pa'i gsang sngags de dag thams cad gsungs nas/ de nas don yod pa'i rgyal po gsungs pa/ oM a mo g+ha hr-i da ya/ pad+me d+ha ra d+ha ra pad+ma d+ha ra ma hA maN+Da la hr-i da ya hU~M/ snying po phyag rgya 'di ni bcings pa yis/ /pad+ma 'chang ba'i don yod snying po yi/ /grub pa de nyid yang dag som nyi med/ /thams cad du ni las rnams thams cad dag /de ni grub par 'gyur te som nyi med/ /shin tu gsang ba'i phyag rgya gzung / /shin tu gsang ba'i gsang sngags bzlas/ /shin tu bkru bas gos gtsang gyon/ /gtsang ma'i sems kyis 'chang bgyid cing / /sems can kun la brtse gyur nas/ /rtag tu bla ma gus par bsgom/ /rtag tu shin tu dang bgyi zhing / /pad+ma'i phyag la dga' bar bgyi/ /myur du las 'grub myur du ni/ /pad+ma 'chang dang sangs rgyas 'grub/ /myur du 'jig rten dbang phyug 'thob/ /myur du sems can kun phan ldan/ /lag pa g.yon pa brkyang ba tsam gyis khar pad+ma'i tshul du bzhag la lag pa bsgyur nas/ mdzub mo gyen du bsgreng mthe bo yid tsam bkug la lag pa g.yas par brkyang ste/ sor mo rnams pad+ma'i tshul du gzhag la/ mthe bo yid tsam bkug ste/ gung mo don yod pa'i zhags par bgyi ba ni/ don yod pa'i zhi ba'i cho ga chen po'i mig sems can thams cad la byams pa'i sems dang / snying rje'i bdag nyid can lags te/ gsang sngags 'di brjod do/ /oM pa shu pa ti pA sha d+ha ra sa ha sra ra smi bra ti man+di ta kA ya/ A kar+Sha Ni saM tso da ni/ b+hu ru d+hu ru/ a mo g+ha pA sha sid d+hi hU~M/ phyag rgya 'dis gsang sngags lan nyi shu rtsa gcig bzlas so/ /de nas don yod pa'i zhags pa'i snying po bzlas nas/ lag pa g.yas pa zhags pa'i phyag rgya'i tshul du brdeg cing slar yang rang gi gnas su gzung zhing / gsang sngags lan bdun bzlas te/ lan bdun du yang brdeg go/ /don yod rgyal po bzlas pas ni/ /bsam pa mchog tu dag pas bgyi/ /bzlas pa tsam gyi mod la ni/ /don yod zhags pa'i phyag rgya yis/ / byang chub thams cad dgug pa dang / /mod la sangs rgyas nyid du 'gyur/ /gzhan yang dgos pa sna tshogs dag /ci ltar yid la bsam pa bzhin/ /mod la grub pa bla med dang / /mod la thams cad dgug par 'gyur/ /lha dang klu dang gnod sbyin dang / /dri za lha min nam mkha' lding / /mi 'am ci dang lto 'phye che/ /rig sngags 'chang la blta ba'i phyir/ /thams cad de yi mod la 'du/ /phyogs bcu'i sangs rgyas thams cad dag /de nyid gzigs pas gzigs par 'gyur/ /rig sngags 'chang la phyag bgyi'i phyir/ /byang chub sems dpa' 'du bar 'gyur/ /mgon po 'phags pa spyan ras gzigs/ /mchog sbyin spyi bor phyag 'jog 'gyur/ /yongs su dag pa'i bdag nyid kyi/ /rang bzhin mod la ston par mdzad/ /gang dag mnar med song ba dang / / sems can mtshams med lnga bgyid dang / /gang dag 'phags la skur 'debs dang / /gang dag dam chos spong ba dang / /phyag rgya 'di mthong 'dzin 'jug gam/ /bcings pas mod la sdig pa kun/ /'jig 'gyur mod la 'dren pa mthong / /phyag rgya bcings pa tsam gyis ni/ /dgos pa thams cad 'grub par 'gyur/ /phyag rgya 'di ni mthong tsam dang / /gsang sngags zlos par bgyid pa dang / /rig sngags 'chang ba mthong ba de/ /'phags pa spyan ras gzigs dbang ni/ /mngon du mthong bar blta bar bya/ / tshe rabs brgyud par bskal pa ni/ /brgya dang stong du bsags pa yi/ /sdig pa las kyi sgrib pa rnams/ /phyag rgya bcings sam mthong tsam gyis/ /dgun 'byang 'gyur som nyi med/ /thal mo lhan cig dam par sbyar te/ mkhas pas pad+ma'i tshul du bgyis la mdzub mo nor bur bgyis te gung mo yid tsam zhig bkug pa ni/ yid bzhin gyi nor bu chen po'i rgyal mtshan gyi rtse mo ste lag pa spyi bor brkyang nas spyi bor dbang bskur ba stsol ba'i gsang sngags 'di brjod do/ /oM s+t+rai ya d+hA nu ga ta/ a b+hi Shiny+tsa tu/ sarba s+t+rai ya d+hA/ a b+hi She kaiH pad+ma ma Ni su pad+me/ a mo g+he sarba ta thA ga ta/ a d+hi Sh+Thi te hU~M/ 'dis dbang bskur ba tsam gyis/ rig sngags 'chang la de bzhin gshegs pa thams cad kyis dbang bskur bar 'gyur ro/ /'phags pa spyan ras gzigs dbang phyug gi phyag gis dbang bskur bar 'gyur ro/ /rig sngags 'chang gi bya ba byed pa'i rgyal po chen por 'gyur ro/ /rig sngags 'chang thams cad 'grub par 'gyur ro/ /nyon mongs pa'i sgrib pa thams cad rnam par dag par 'gyur ro/ /'jig rten thams cad kyi gtso bo gcig pu'i gnas su 'gyur ro/ /spyi gtsug rdo rje'i pad+ma bcing / /rtag tu sor mo'i rtse mo brkyang / /mdzub mo lcags kyu'i tshul du bgyi'o/ /rang gi gdong gi khro gnyer bzhin/ /khro bo'i rgyal po'i phyag rgya ste/ /las kun sgrub par bgyis pa yi/ /thams cad sgrub byed phyag rgya ste/ / kun sgrub dam pa'i gsang sngags pas/ /'di dran sgrub pa kun gyi mchog /oM kro d+ha rA dzA d+ha ma hA/ a mo g+ha ha na ha na/ sarba duSh+Da na hU~M/ phyag rgya 'di dran tsam gyis kyang / /mthu chen po yi gsang sngags kyis/ /gdug pa kun ni rnam 'jig ste/ /ri rab kyang ni snyil bar bgyid/ /phyag rgya bcing ba bgyis pa yis/ /sdig pa thams cad 'jig par bgyid/ /sems can gdug dang gdug pa'i klu/ /bgegs dang log 'dren gdug pa ste/ /de dag thams cad zhi bar 'gyur/ /phyag rgya bcings pa tsam gyis ni/ /thams cad dbang du gyur nas mchis/ /lha dang mi dang dge sbyong dang / /bram ze rgyal rigs gang lags pa/ /thams cad dbang du gyur nas ni/ /mchis par 'gyur ba som nyi med/ /rgyud ni rtag tu mnyam gzhag la/ /mthe bo mnyam du bteg nas ni/ /gung mo yis ni gung mo nyid/ / yid tsam bkug nas bsgreng bar bgyi/ /'di ni pad+ma chen po yi/ /lha mo sgrol ma'i phyag rgya ste/ /grub pa bla na med pa yi/ /thams cad kyi ni dam pa lags/ /thal mo pad+ma'i tshul du sbyar/ /mthe bo nyid ni brkyang bgyis la/ /mthe chung yid tsam bkug pa ni/ /dkar sham chen mo'i phyag rgya ste/ /'di ni kun grub bla na med/ /rdo rje'i tshul du thal sbyor dam bcings shing / /shes rab can gyis g.yas pa'i lag bsgyur la/ /khro gnyer bzhin ni de bzhin khro ba dang / /phyag rgya chen po kun 'dod rab tu sbyin/ /lag pa gnyis kyis thal sbyar brkyang nas ni/ /gsang ba de brkyang gung mo bskum nas ni/ /mthe chung brkyang nas lcags sgrog pad+ma yi/ /tshul du snying ga'i gnas su gzhag par bgyi/ /phyag rgya 'di ni phyag rgya che/ /phyag rgya 'di ni bcings pa yis/ /dkyil 'khor kun nas lha dag dang / /dkyil 'khor lha kun dga' bar 'gyur/ /thams cad 'tshogs shing 'du ba dang / /kun gyis bsrung bgyid som nyi med/ /phyag rgya 'di nyid bshig nas lag pa ni/ /thal sbyar pad+ma'i tshul bzhin legs byas te/ /snying gar gzhag pa gnod sbyin pho nya mo/ /'di ni phyag rgya lags par legs par bsgrags/ /dang por rdo rje khu tshur legs bcangs la/ /gung mo lhag ma skum zhing mthe bong gzhag /pad+ma tshul gyi bzhin dran sgrol bdun gyi/ /grub pa kun gyi bla med phyag rgya 'di/ /sdig pa thams cad 'jig cing nyon mongs kun/ /nad kun nye bar zhi ba som nyi med/ /don yod pa yi grub pa bla med kyis/ /cho ga zhib mo thams cad rab tu 'grub/ /lag pa gnyis ni mnyam bzhag ste/ /rdo rje'i tshul du pad+ma bcing / /mdzub mo bskum pa bgyis nas ni/ /mthe bo yang ni dgug par bgyi/ /'di ni rta mgrin phyag rgya ste/ /cho ga zhib mo'i pad+ma lags/ /pad+ma'i tshul du thal mo sbyar/ /mdzub mos 'khyud la gung mo ni/ /lcags kyu'i tshul du bsgreng bar bgyi/ /don yod zhags pa'i phyag rgya 'di/ /rgya mtsho'i klong gi kha lta bu/ /rdo rje za ba nyid kyis gsungs/ /'di ni las kun bgyid pa po/ /grub pa kun gyi bla na med/ /phyag rgya 'di ni mdzub mo'i mthe bo gnyis/ /lcags sgrog lhag ma bkug nas pad+ma'i tshul/ /snying ga'i gnas su gzhag pa mgrin sngon gyi/ /'di ni dogs med las kun phyag rgya lags/ /lag gnyis pad+ma'i khu tshur te/ /g.yas g.yon du ni bzhag nas su/ /kun nas zhi ba'i bzhin du gzhag /byams pa'i mig gnyis bgyis pa ni/ /zhal ni bcu gcig phyag rgya ste/ /de bzhin kun gyis mi thub pa'o/ /mthe bo mnyam par mnyam bgyis la/ /sor mo'i rtse mo bskums pa dang / /mdzub mo gnyis ni pad+ma'i tshul/ /rig pa'i dbang phyug phyag rgya lags/ /phyag rgya 'di nyid dbus su ni/ /'khor lo'i tshul du mdzub mo bskum/ /g.yon pa brkyang ba dbang chen gyi/ /phyag rgya 'byung po thams cad 'joms/ /lcags sgrog dam du bgyis nas ni/ /lag pa gnyis pa brkyang nas kyang / /snying gar bzhag pa'i phyag rgya ste/ /'di ni rgyun du gshin rje lags/ /lag pa g.yon pa brkyang nas su/ /sor mo sgreng ba'i thor tho dgug /g.yas pa snying gar bzhag nas su/ /mthe bo dang ni mthe chung dgug /lhag ma rnams ni brkyang bgyis te/ /'di ni chu lha'i phyag rgya ste/ /klu kun dgug pa'i mchog lags so/ /lag pa gnyis ni bsdams bgyis la/ /sor mo phyin ka log tu sbrel/ /g.yas pa dang ni g.yon pa dag / snying ga'i gnas su gzhag bgyi ste/ /phyag rgya 'di ni lus ngan gyi/ /gnod sbyin thams cad skrag par bgyi/ /lag pa g.yas pa spyi bor yang / /mthe bo mdzub mo dgug bgyis la/ /lag pa g.yon pa brkyang nas su/ /mdzub mo gyen du bsgreng ba ni/ /'di ni tshangs pa'i phyag rgya ste/ /thams cad du ni las sgrub pa'o/ /phyag rgya 'di nyid g.yas pa yi/ /mthe chung sor mo dgug bgyis te/ /drang srong tshogs kyi phyag rgya 'di/ /lha rnams kun gyis phyag bgyis pa'o/ /lag pa gnyis ni dam bcings la/ /lta sdug 'khor lo'i phyag rgya ste/ /lha min thams cad 'gugs pa yi/ /khyab 'jug phyag rgya 'di zhes gsungs/ /g.yas pa bI dza pu rar bgyi/ /g.yon pa rtse gsum tshul du bgyi/ /mthe bo mthe chung bskum pa ni/ /'byung po thams cad bskrad bgyid pa/ /'di ni grag pa'i phyag rgyar gsungs/ /g.yas pa khu tshur bcings nas su/ /mdzub mo brkyang nas g.yon pa ni/ /dkur bsten khu tshur bcangs nas gzhag /sor mo rnams ni brkyang bar bgyi/ /drag po rgyun du lta bgyid pa/ /de bzhin lha yi sde dpon gyi/ /gzhon nu phyag rgya 'di zhes gsungs/ /gyen du lag pa gnyis brkyang nas/ /sor mo gsum ni brkyang bgyis te/ /mthe bo mdzub mo dgug pa ni/ /'od zer stong dag 'phro bgyid pa/ /'di ni nyi ma'i phyag rgya lags/ /phyag rgya 'di nyid sor mo gsum/ /bkug nas sor mo gnyis gnyis brkyang / /skar ma'i tshogs kyis mdzes gyur pa/ /'di ni zla ba'i phyag rgyar gsungs/ /gsang sngags chen po'i phyag rgya 'di dag ni/ /las dang don kun grub pa bsgrub par bgyid/ /sdig pa thams cad spong zhing nyon mongs kun/ /nyams par bgyid cing sgrib pa thams cad 'byang / /las kun zad par byed cing don yod pa'i/ /las sgrub don yod grub pa 'grub par 'gyur/ /oM pad+ma tA re tA rA ya/ pad+ma b+hu dze hU~M/ oM ma hA pad+me shwa raM ge/ /hu ru hu ru swA hA/ oM b+h+r-i ku Ti pad+me ta ra ta ra hU~M/ oM pad+me paN+DA ra bA si ni/ kun+Da kun+Da swA hA/ oM a mo g+ha pad+ma ba ra de sid d+h+ya sid d+h+yaM tu hU~M/ oM sarba tra ga mi ni a b+ha ya rau dri Ni hU~M/ oM a mo g+ha ni tA re tA rA ya pad+me b+hu dze hU~M/ oM dA ru la ru la pad+me a mo g+ha hU~M/ oM ba Da ba mu khe ni krin tA ya duSh+Ta na hU~M/ oM pad+me nI la kaN+The shwa ra/ b+hu ru b+hu ru hU~M/ oM sau mya ba da ne pra si ta shU sa ya hU~M/ oM pad+me shwa ri sA d+hA ya hU~M/ oM a mo g+he shwa re hU~M/ oM sa ma ri ta re ta re hU~M/ oM nA ga pad+ma ni hU~M/ oM yak+shA d+hi pa ti mu ru mu ru hU~M/ oM a mo g+he brah+ma ra te hU~M/ oM shi ri bar de a mo g+ha b+hu dze hu~M/ oM a mo g+ha ra dza pad+ma na b+he/ sa ra sa ra sa man+ta b+hu dze swA hA/ oM ru dra ru Ti mi li mi li swA hA/ oM sha ka ti d+ha re a mo g+ha ba ti swA hA/ oM sa ha sra ki ra Ne hU~M ru hi swA hA/ oM sau ma bah+me hU~M/ de bzhin phyag rgya gsang sngags gsungs pa yang / /phyag rgya tha dad gsang sngags tha dad sgrub/ /gsang sngags 'chang gis ci skad gsungs pa'i las/ /rtag tu kun bgyid mdor na thams cad bgyid/ /gtsang ma spyod pa gtsang ma dag /legs bkrus gtsang ma'i gos bgos nas/ /dri zhim dri yis dpung pa dang / /lag pa yan lag byugs nas su/ /phyag rgyal na re bcings pa na/ /gsang sngags lan re bzlas par bgyi/ /phyag rgya dag ni bcings pa dang / /gsang sngags bzlas pa'i mod la ni/ /brgya stong phrag ni 'bum phrag 'bum/ /phyag rgya dag ni bcings par 'gyur/ /phyag rgya bcings pa bgyis pa na/ bsod nams kyi phung po chen po dang ldan par 'gyur ro/ /sangs rgyas dang byang chub sems dpa' thams cad kyis lung bstan pa dang / byin gyis brlabs par 'gyur ro/ /lha thams cad kyis legs par bsrung bar 'gyur ro/ /'jig rten thams cad kyi mchod gnas gcig pur 'gyur ro/ /'jig rten thams cad kyi bla ma gcig pur 'gyur ro/ /dkyil 'khor gyi phyag rgya'i cho ga rim par bye ba dam tshig thams cad la zhugs par 'gyur ro/ /tshe dpag tu ma mchis par 'gyur ro/ /don yod pa'i rig sngags 'grub par 'gyur ro/ /tshig btsan par 'gyur ro/ /dran pa dang blo gros bag tsha ba ma mchis par 'gyur ro/ /blo gros thogs pa ma mchis par 'gyur ro/ /'phags pa spyan ras gzigs dbang phyug mchog sbyin pa mdzad pa rtag tu lta 'tshal bar 'gyur ro/ /rtag tu dam pa stsol bar 'gyur ro/ /rtag tu dgra dang phas kyi rgol ba dang / mi mdza' ba dang gdug pa dang / rab tu gdug pa thams cad pham par bgyis par 'gyur ro/ /rtag tu thams cad du rgyal bar 'gyur ro/ /gnod sbyin dang / srin po dang / 'byung po dang / sha za dang / bgegs dang / log 'dren dang / lha ma yin dang / klu thams cad mthong bar 'gyur ro/ /'phags pa chen po thams cad la bag tsha ba ma mchis par 'gyur ro/ /rgyal po dang / blon po dang / btsun mo'i 'khor dang bcas pa thams cad dbang du gyur nas mchis par 'gyur ro/ /thams cad gtso bo gcig pur 'gyur ro/ /thams cad du bla ma'i gnas gcig pur 'gyur ro/ /tshe ring bar 'gyur ro/ /nad thams cad las thar bar 'gyur ro/ /skyon gyi dri ma dang / ser sna dang / phrag dog thams cad dang bral bar 'gyur ro/ /legs par dran zhing lus shin tu yongs su dag par 'gyur ro/ /'chi ba'i dus kyi mod la de bzhin gshegs pa mthong bar 'gyur ro/ /'phags pa spyan ras gzigs dbang phyug mthong bar 'gyur zhing / de dag thams cad kyis dbugs 'byin par 'gyur te/ rigs kyi bu khyod 'jig rten gyi khams bde ba can du song shig ces shin tu dran pa nye bar gzhag nas dus bgyid par 'gyur ro/ /dmyal ba'i sgo thams cad bcad par 'gyur ro/ /ngan song gi 'gro ba thams cad las yongs su grol bar 'gyur ro/ /'di nas ma 'ongs ba'i mngal du skye bar mi 'gyur ro/ / skye ba na rtag tu skye ba dran par 'gyur ro/ /thams cad du pad+ma las rdzus te skye bar 'gyur ro/ /byang chub kyi snying po la thug gi bar du sangs rgyas kyi zhing nas sangs rgyas kyi zhing du mchi bar 'gyur ro/ /de nas 'jig rten dbang phyug sprul ba yi/ /phyag rgya'i rtags ni brjod par bgyi/ /khru gang kho na'i tshad dag gis/ /dkyil 'khor lham pa bri bar bgyi/ /gang zhig mthong ba'i mod tsam gyis/ /dga' ba dang ni mgu bar 'gyur/ /sdig pa kun las grol ba dang / /de nyid dag ni grub par 'gyur/ /rgyun du gang gis go cha yis/ /rtag tu go cha bgos par 'gyur/ /go cha'i go ni 'bar ba dang / /mdzes pa rtag tu stsol bar 'gyur/ /cho ga zhib mo legs grub ste/ /gsang sngags bla med thams cad 'grub/ /phyag rgya'i dkyil 'khor bris tsam gyis/ /gnod sbyin srin po 'byer bar 'gyur/ /mthong ba tsam gyis gdon kun dag / 'jig par 'gyur te som nyi med/ /gnod pa kun las grol 'gyur te/ /nad kun las kyang de bzhin no/ /pha rol dpung ngam rang dpung ngam/ /mi thub pa yi dgra kun las/ /rtag tu legs par rgyal bar bgyid/ /rtag tu gdon las bsrung ba dang / /dus kun du yang 'grub par 'gyur/ /rig sngags 'chang rnams bde bgyi phyir/ /de nyid dam pa 'grub 'gyur zhing / /'phags pa spyan ras gzigs dbang gi/ /phyag rgya'i mtshan ma mtshon cha dag /dgos pa kun gyi rjes mthun par/ /gang dang gang du bkod pa dag / de dang der ni phyag rgyar 'gyur/ /pad+ma kha phye zhes bgyi ba'i/ /pad+ma 'dab mas mdzes pa dang / /kun nas 'khor bar 'bar ba'i phreng / /rnam par rtog pa med par bgyi/ /phyag rgya 'di kun srog las byung / /'di dag thams cad 'bras bu stsol/ /rdo rje rtse gsum rdo rje'i mda'/ /dkyil 'khor pad+ma rdo rje dang / /pad+ma'i phreng ba rdo rje'i mtshan/ /pad+ma rab gnas pad+ma gnyis/ /rtag tu pad+ma legs par bgyid/ /pad+ma'i khu tshur de bzhin du/ /pad+ma'i mdzub mo pad+ma bgyings/ /pad+ma'i lcags kyu thal mo sbyar/ / pad+ma'i lcags sgrog pad+ma'i gzeb/ /rtag tu pad+ma sems dpa' dang / /nor bu pad+ma rdo rjer gsungs/ /don yod pad+ma de bzhin du/ /pad+ma'i ral gri pad+ma'i dril/ /rtse gsum zhes bgyi gtun shing 'chang / /nor bu dbyug pa me tog dbyug /de bzhin zhags pa bdun 'dzin dang / /chu srin 'dzin dung 'khor lo phyed/ /bI dza pU ra se'u 'bru/ /zla 'dzin nyi ma 'dzin pa dang / /tho ba 'dzin dang tshems shing dang / /me tog phur ma bgrang phreng dang / /rdo rje rtse lnga don yod zhags/ /don yod grub pa de dag ste/ /thams cad pad+ma'i steng du dgod/ / lag pa'i phyag rgya 'di bri ba/ /gang dang gang du dgod pa ni/ /lag pa'i phyag rgya bzhi bcu tham/ /'di dag kyang ni bri bar bgyi/ /kun nas kyang ni 'bar bar bgyi/ /nor bu'i rgyan gyis bklubs par bgyi/ /dkyil 'khor ldan pa'i ras sam ni/ /ra ba'am rtsig par bgyis pa 'am/ /ci yang rung ba de dag ste/ /de dag mthong ba tsam gyis sam/ /mthong ba tsam gyi mod la ni/ /rtag tu sdig pa thams cad spong / /mnar med gnas su gtogs pa dang / /mtshams med pa ni lnga nyid de/ /thams cad skad cig tsam gyis 'byang / /sems can dag pa dran bgyid na/ /phyir mi ldog pa nyid du 'gyur/ /sems dpa' sa bcur rab tu gnas/ /'di ni phyir mi ldog pa'i gnas/ /gang lags dkyil 'khor mthong ba ni/ /spyan ras gzigs dbang mchog sbyin ni/ /rgyun du spyi bo lag na thogs/ /gang gis phyag rgya 'di mthong ba/ /rgyun du mchog sbyin 'jig rten dbang / /rtag tu mngon sum mthong ba yis/ /de dag mtshungs te khyad par 'phags/ /gsang sngags sum cu rtsa lnga'i tshig /rtag tu dran bgyid thams cad 'grub/ /de ni dus rnams kun du yang / /ngan 'gror mchi bar mi 'gyur ro/ /rnam grol dkyil 'khor rab myur bar/ /myur du sangs rgyas nyid thob 'gyur/ /'od dpag med kyi sras po yi/ /thu bor 'gyur ba som nyi med/ /'jig rten mgon gyi thugs zhal nas/ /skyes sras rtag tu thu bor 'gyur/ /'dren pas 'di ni chos nyid dang / /chos las skyes par lung ston 'gyur/ /gang gA'i klung sa ya bye ba brgya stong dang / mnyam pa'i bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba bskyed par 'gyur ro/ /tshad med grangs med dpag tu med pa'i bsod nams kyi phung po 'thob par 'gyur ro/ /gang gis sug par phyag rgya dang gsang sngags kyi tshig 'di mchis par gyur na/ phyag rgya 'di las 'di lta bu'i phan yon mang zhing che ba mchis par bsgrags so/ /de la gsang sngags ni/ oM a mo g+ha man dza li mi li tsi li hU~M/ oM a shwA sa ya k+Sha Na bi ga te hU~M/ oM a b+ha ya bar de Di hU~M/ oM sarba ta thA ga ta/ a d+hi Sh+Thi te d+hi ri d+hi ri hU~M/ oM pad+ma hr-i da ya mUSh+Thi hU~M/ oM bi sa ra bi sa ra sarba mA lA na ta tA dzA ya hU~M/ oM badzrim+b+ha hu ru hu ru hU~M/ oM aM ku sha a mo g+ha A kar+Sha ya hU~M/ o~M ka ba tsa ya tu ru tu ru hU~M/ oM a mo g+ha shaM ka li mi li hU~M/ oM a mo g+ha tsin tA ma ni tu ri tu ri hU~M/ oM a mo g+ha ma Ni tsi li tsi li hU~M/ oM badzra tu Ti tsi li hU~M/ oM a mo g+ha hr-i da ya tsa ra tsa ra shud d+ha satwa hU~M/ oM g+ho Sha ba ti tsi Ti tsi Ti hU~M/ oM bid+yA khaDa ga ts+tshin+da ya a tru na hU~M/ oM tri ma la pa ri shud d+he b+hi Ti b+hi Ti hU~M/ oM su ru su ru hU~M/ oM ma Ni ma hU~M/ oM puSh+pa ba ti dza ye hU~M/ oM b+ho d+hi tsit+ta pA sha d+ha ra d+ha ra hU~M/ oM pad+ma pra sha bi shud d+he hU~M/ oM badzre pA she b+ha ba tu mu ru mu ru hU~M/ oM tsin+tA ma Ni pA sha ba ra de hU~M/ oM tsakra pA sha swa nir g+hA ta ka d+hu ru d+hu ru hU~M/ oM tri shU li pA sha bi lo ka tA ra ya hUM/ oM nA ga pA sha ban d+ha ya kaD+D+ha ya duSh+Ta na ga Na pA sha pa tA ya hU~M/ oM dza lod b+ha ba d+ha rA ya hU~M/ oM tsan dra bi ma le bi sho d+ha ya an d+ha ka ra rash+mi ba re hU~M/ oM shrI bo d+ha ya hU~M/ oM bi dza ya pUr+Na pa re hU~M/ oM pha lod b+ha bai tu re hU~M/ oM pUr+Na maN Da le dza la hU~M/ oM sa ha sra rash+mi ki ra Ne hU~M/ oM sarba duSh+Ta na pra ha ra shA sA ya hU~M/ oM man bi sho d+ha ya mA lA bi ma le hU~M/ oM puSh+pa ba ti su gan d+ha ba re hU~M/ oM pA sha sa ha sra gu ni te k+Sha Na k+Sha Na hU~M/ oM badzrod k+She pa su tsi mu kha tsi Ti tsi Ti hU~M/ oM a mo g+ha a pra ti ha ta pA sha hA ste hU~M/ oM sarba tra a mo g+ha sid ng+h+ya sid d+h+ya sA d+ha ya hU~M/ lag pa'i phyag rgya 'di dag dang / /de bzhin gsang sngags phyag rgya dag /lan cig bzlas pa tsam dang ni/ /phyag rgya mthong ba kho nas kyang / /sdig pa thams cad mod la 'joms/ /myur du sangs rgyas nyid 'thob 'gyur/ /cho ga zhib mo myur du 'grub/ /don yod zhags pa rnam grol ba'i/ /dkyil 'khor dam pa 'grub par 'gyur/ /de la mtshon cha'i phyag rgya ni/ nor bu rin po che dang / me tog dang / pad+ma dang / ril ba spyi blugs dang / nor bu'i phreng ba dang / bgrang phreng dang / dung dang / 'khor lo dang / dbyugs to dang / mdung thung dang / rdo rje dang / rtse gsum pa dang / rtse gsum kha gdengs dang / mtshon shag ti dang / rdo rje dang / dgra sta dang / rtse gsum pa dang / gnyis pa dang / nor bu dang / mtshon shU li dang / las kyi rdo rje dang / yid bzhin nor bu dang / mtshon cha dang / be con dang / dbyug pa dang / dbang phyug chen po'i rtse gsum dang / ral gri dang / zhags pa dang / lcags kyu dang / sbrul dang / ljon shing dang / bye ru dang / dgra sta dang / 'khor lo dang / dgra sta yu ba sbom po can dang / lag pa dang / gtsug phud dang / nor bu sgron ma dang / 'od dang / 'od zer dang / gtun shing dang / 'phyang mo nyug pa dang / dgra sta dang / snod zlum po dang / bum pa dang / brag dang / ri dang / lhun po dang / sbrul 'khyil ba dang / gdugs dang / rgyal mtshan dang / chu srin dang / nya dang / ru sbal dang / g.yung drung 'khyil pa dang / rig sngags kyi dkyil 'khor dang / rig sngags dang / phyag rgya dang / rtse gsum dang / dkyil 'khor dang / ral gri dang / gri dang / pad+ma'i phreng ba dang / rtse gsum dang / mu sun di dang / mtshon rtse gcig pa dang / phyag rgya bzhi pa dang / mche ba bzhi dang / zlum po dang / dung dang / 'khor lo dang / rdo rje dang / rtse gsum dang / dung dang / nor bu'i dung dang / pad+ma'i dung dang / u d+ha dang / gos dang / seng ge'i gdong dang / shang shang te'u dang / ka la bing ka dang / ngang pa dang / bzhad dang / khrung khrung dang / rma bya dang / gshin rje'i dbyug pa dang / gdong bzhi pa dang / dkyil 'khor bzhi dang / rtse gsum dang / bum pa gang ba dang / zla phyed dang / nyi ma'i dkyil 'khor dang / zla ba'i 'od dang / pad+ma bzhi dang / pad+ma gsum dang / rgya mtsho dang / me tog dang / phur ma dang / glegs bam dang / kyi g.yang gzhi dang / rdo rje lcags sgrog dang / rta babs dang / lhung bzed dang / chos gos dang / 'khar gsil dang / so dang / kha khyer dang / ska rags dang / gtsug phud dang / mchod phyir thogs dang / phreng ba chen po dang / gru gsum dang / kun nas rdo rje sde dang / phyag rgya mtshon cha 'di dag ni/ /'jig rten 'dren pas gsungs pa bzhin/ /rnam grol dkyil 'khor gsang ba 'di/ /don yod zhags pa'i cho gar dran/ /ras sam gos sam rtsig pa'am/ /ci yang rung ba 'dri bgyid pas/ /dogs med legs la legs 'byor pas/ /mtshon gsal kun du pad+mar gzhag /phyag rgya kun nas 'bar bar bgyi/ /thams cad srog las byung bas ni/ /don dang las rnams kun stsol cing / /phyag rgya mod la sdig pa 'phrog /de ni mod la 'bras bu ster/ /'dren pa 'jig rten dbang phyug kun/ /phyag rgya 'di ni byin gyis brlabs/ /sangs rgyas kun dang shAkya yi/ /rgyal po de bzhin gshegs pas brlabs/ / de lta bas na mkhas pas su/ /rtag tu kun nas mtshon bcangs na/ /sangs rgyas rnams ni dgyes 'gyur te/ /sras kyi thu bor som nyi med/ /phyag rgya rim byed dam pa 'chang ba gang / /'jig rten mgon po sras kyi thu bor 'gyur/ /don yod zhags pa'i snying po gsang ba yi/ /rnam par grol ba'i snying po bla na med/ /phyag rgya dang ni gsang sngags dam pa dag /'di 'chang ba la myur du 'grub par 'gyur/ /de nas don yod pa las thams cad pa dang / rjes su mthun pa'i zhags pa bdun bshad par bgyi ste/ de nyid grub pas ci lta bu'i/ / cho ga'i cho ga bsgrub pa bzhin/ /so so so sor 'tsham pa yi/ /de dag kun ni rtogs par bgyi/ /de nyid grub pa'i ci lta bu'i/ /mtshan nyid gzugs ni ci bzhin pa/ /de nyid bsgrubs pas zhags pa ni/ /skud pa lnga las 'grub 'gyur te/ /gsang sngags 'dzin pas mod la ni/ /'grub par 'gyur la som nyi med/ /ras skud pad+ma'i skud pa dang / /arka kha che dar dag gis/ /skud pa shun pa'i skud pa ste/ /skud pa 'di dag bkal nas de kho na nyid kyi cho ga dang cho ga zhib mo bsgrubs pas zhags pa ras skud kyi rgyu las blangs te/ tshad bzhin bkal nas rtag tu smyung ba bgyis la legs par bkrus pa/ gos gtsang ma can tshangs par spyod pas zas dkar gsum 'tshal nas gnas gtsang ma'i phyogs su don yod pa'i zhags pa'i snying po mdor na byams pa'i sems dang ldan pas dran par bgyi'o/ /de nas shin tu mnyam par gzhag pas brgyad bsgril du bkal te/ don yod rgyal po thal mo sbyar bas pad+ma kha phye ba thogs pa ral pa'i thor tshugs kyis bzhugs pa/ rgyan thams cad kyis bklubs pa'i lus phyed pa sor bzhi ba'i tshad bgyi'o/ /bgyis nas gzugs rnam pa gsum du bgyis te/ nges pa'i gzugs dang / khro gnyer gyi bzhin dang / khro bo'i rgyal po'i gzugs te/ dngul lam gser las bgyi'o/ /de nas zhags pa srid kyi tshad khru bcu drug pa zhags pa'i thor to gcig rdo rje rtse gsum pa dang / skyu ru ra lhan cig sbrel ba gdags par bgyi'o/ / de nas rig sngags 'chang gis yar gyi ngo'i tshes lnga'am tshes brgyad la legs par bkrus te gos gtsang ma bgos nas zhag gcig mchis te/ skyil mo krung bcas nas sangs rgyas la mchod pa rnam pa sna tshogs bgyis te/ tshig gzhan mi smra bar zhags pa la lan stong rtsa brgyad bzlas brjod bgyi'o/ /de nas stong rtsa brgyad tshang ba dang / stan bzang po bshams nas/ de'i steng du zhags pa gzhag par bgyi'o/ /don yod pa'i zhags pa'i phyag rgyas dbang bskur bar bgyi'o/ /me tog dang / bdug pa dang / dri dang / phreng ba dang / byug pa dang / phye ma dang / ba dan bzang po la sogs pas mchod par bgyi'o/ /a ga ru dang / tsan dan dang / du ru ska'i bdug pa dbul bar bgyi'o/ /mar me yang dbul bar bgyi'o/ /de nas rig sngags 'chang gis yungs kar la lan nyi shu rtsa gcig bzlas brjod bgyis te/ zhags pa'i steng du gtor bar bgyi'o/ /'phags pa spyan ras gzigs dbang phyug gi ri mo'i gzugs la yang ci 'byor pas mchod par bgyi'o/ /de nas rig sngags 'chang gis zhags pa de'i mdun du skyil mo krung bcas te/ ma 'khrugs pas gdugs rtse'i bar du mchod pa bgyis nas bzlas brjod bgyi'o/ /yungs kar re re la bzlas brjod re re bgyis te/ zhags pa'i steng du gtor zhing stong rtsa brgyad tshang gi bar du gdugs re re mchis par bgyi ste/ rdo ci thogs pas gdugs rtse'i bar du bzlas brjod bgyi'o/ /mchod pa bgyi'o/ /kha zas ngan pa spang bar bgyi'o/ /lhag ma dang spags pa spang bar bgyi'o/ /gos gtsang ma bgo bar bgyi'o/ /stong rtsa brgyad tshang nas zhags pa 'bar bar 'gyur te/ gal te 'jig rten pa'i grub na ni me'i kha dog tu 'bar bar 'gyur ro/ / gal te 'jig rten las 'das pa'i grub na ni/ kha dog sna tshogs 'bar bar 'gyur ro/ /don yod pa'i lus de yang 'bar bar 'gyur ro/ /sgra 'byung bar 'gyur te/ rig sngags 'chang legs so legs so/ /khyod kyis 'jig rten las 'das pa'i byang chub kyi sems kyi zhags pa 'di grub kyis/ khyod kyis byang chub kyi sems bla na med pa khug cig /pha rol tu phyin pa drug dang / pha rol tu phyin pa bcu'i khongs su gtogs pa yongs su rdzogs par gyis shig /'on te 'jig rten pa'i sgrub na ni yid bzhin gyi nor bus bsams pa ci lta ba bzhin du yongs su rdzogs par 'gyur ro/ /ci ltar yid la bsams shing smon pa bzhin lag pas 'phangs na gsang sngags kyis thams cad 'grub par bgyid de/ thams cad bkug par 'gyur ro/ /phyogs gang dang gang du 'phangs pa de logs su don yod pa'i zhags pa'i snying po lan bdun bzlas par bgyis te/ mod la bsams pa thams cad 'grub par 'gyur ro/ /gal te mtshams med pa lnga bgyis pa'am mnar med par mchi ba zhig na yang de'i legs par 'grub par 'gyur te/ de la yid gnyis dang / som nyi bskyed par mi bgyi'o/ /khro gnyer gyi bzhin gyis gang du 'phangs na/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rnams bkug nas/ rig sngags 'chang gi mdun du mchi bar 'gyur zhing / ci srid 'tsho'i bar du bran bzhin du mchis par 'gyur ro/ /rgyal po dang blon po dang / btsun mo'i 'khor thams cad mchis par 'gyur ro/ /'jig rten thams cad kyis cher mchod par 'gyur ro/ /gang gi don du zhags pa 'phangs pa'i don de 'grub par 'gyur/ /khro bo'i rgyal po'i zhags pa la khro bo'i rgyal po lan nyi shu rtsa gcig bzlas brjod bgyis nas 'phang bar bgyi'o/ /'phangs pa tsam gyi mod la bgegs dang log 'dren dang / gdug pa'i sems can thams cad zhags pas bcings par 'gyur ro/ /gal te 'tshal na lo'am/ lo brgya'am/ lo stong ngam/ bskal pa brgya stong gi bar du zhags pas bcings par 'gyur ro/ /nam byams pa dang / snying rje bskyed nas/ de'i tshe don yod pa'i zhags pa'i snying po lan gsum bzlas na phyir bkrol bar 'gyur ro/ /dpung gi nang du 'phangs na dpung rnams zhags pas bcings par 'gyur ro/ /g.yul 'gyed pa'i dbus su 'phangs na mtshon cha dang / go mtshon dang / gzhu dang / mda' dang / mdung dang / ral gri dang / gtun shing dang / mu sin di dang / 'khor lo dang / thag mdung dang / mtshon cha thams cad dang / go cha dang / ya lad thams cad zhags pas bcings par 'gyur ro/ /chab dang yungs kar la la na bdun bzlas brjod bgyis te/ gter na grol bar 'gyur ro/ /zhags pa la gdugs gcig bzhin ci 'byor pas mchod par bgyi'o/ /gang gi don du bsams pa de thams cad 'grub par 'gyur ro/ /don yod pa'i zhags pa sgrub pa'i cho ga'o// //'on te mi snang ba bsgrub par 'tshal na don yod pa'i zhags pa'i phyag rgya lag pas bcings te/ g.yas pa dang g.yon pas gang du ji skad gsungs pa bzhin zhags pa bzung nas don yod pa'i zhags pa'i snying po lan brgya rtsa brgyad bzlas brjod bgyis na mi gda' bar 'gyur ro/ /brgya rtsa brgyad lan gnyis bzlas brjod bgyis na nam mkha' la mchi bar 'gyur ro/ /don yod pa'i rig sngags 'chang gi 'khor los sgyur bar 'gyur ro/ /rig sngags 'chang brgya stong phrag 'bum gyis yongs su bskor bar 'gyur ro/ /lo bye ba bcur 'tsho bar 'gyur ro/ /skra cung zad 'khyil bar 'gyur ro/ /stobs dang / brtson 'grus pha rol gyis zil gyis mi gnon par 'gyur ro/ /char pa 'tshal bas mchod pa bgyis na ci tsam gsol ba btab pa bzhin 'bab par 'gyur ro/ /ha cang char pa ches pa dgag pa'i slad du mchod pa bgyis na char pa bkag par 'gyur ro/ /yams kyi nad dang / gnod pa dang / 'tshe ba dang / 'khrug pa thams cad dang / mi ngas thams cad rab tu zhi bar 'tshal bas rig sngags 'chang legs par khrus bgyis pa gtsang mas gos gtsang ma bgos la lag pas zhags pa blangs te/ gnas mthon por 'dzegs nas don yod pa'i zhags pa'i phyag rgya dang / zhags pa bcings nas don yod pa'i zhags pa'i snying po phyogs bzhir lan bdun bzlas nas zhags pa 'phangs na de dag thams cad dran pa tsam gyis 'thab pa dang / rtsod pa dang / 'gyed pa dang / rang gi dpung dang / gzhan gyi dpung thams cad dang / phas kyi rgol ba thams cad dang / mi mdza' ba thams cad rab tu zhi bar 'gyur ro/ /'jigs pa dang / yams kyi nad dang / gnod pa thams cad dang / mi ngas chen po dang mu ge'i dgon pa'i 'jigs pa thams cad rab tu zhi bar 'gyur ro/ /ha cang char che ba dang / dus ma lags pa'i char dang / grang ba dang / rlung dang / tsha ba mi bzad pa'i 'jigs pa thams cad rab tu zhi bar 'gyur ro/ /dpag tshad brgya stong khor yug tu mtshams chen po bcing ba bgyis par 'gyur ro/ /ci lta ci ltar yid la bsams pa de lta de ltar thams cad 'grub par 'gyur bas/ don yod rgyal po mchod par bgyi zhing bzlas brjod bgyi gsol bar yang bgyi'o/ /mchod pa dang / gsol ba bgyis pa tsam gyi mod la thams cad phun sum tshogs par 'gyur te/ de la yid gnyis dang som nyi bskyed par mi bgyi'o/ /cho ga zhib mo las ci skad gsungs pa bzhin las bgyid pa rnams kyis cho ga de bzhin du bsgrub par bgyi'o/ /de nas skad cig de'i mod la thams cad 'grub par 'gyur ro/ /byams pa dang / snying rje dang / dga' ba dang / btang snyoms bsgom par bgyi'o/ /sems can thams cad la mchog tu brtse bar bgyi'o/ /'phags pa spyan ras gzigs dbang phyug la mchod par bgyi'o/ /dkon mchog gsum la gus par bgyi'o/ /de bzhin gshegs pa thams cad la gus pa dang / bla mar yid la bsgom par bgyi'o/ /mi gtsang ba spyod pa gtsang bar bgyi zhing yongs su dag pa'i ngang tshul can du bsgom par bgyi'o/ /don yod pa'i zhags pa de kho na nyid kyi cho ga sgrub pa yid bzhin gyi nor bu byang chub dgug par bgyi'o/ /de nas zhags pa'i 'khor lo'i cho ga sgrub pa bshad par bgyi ste/ rig sngags 'chang de kho na nyid bsgrubs pas phug tu 'jug pa'i bsgrub pa thams cad kyi mchog phug tu 'jug pa dang / lha ma yin gyi gnas su 'jug pa dang / mi'am ci'i gnas su 'jug pa dang / dri za'i gnas su 'jug pa dang / lha'i gnas su 'jug pa dang / nam mkha' la rgyu ba dang / sum cu rtsa gsum pa'i gnas su 'jug pa dang / 'og min gyi gnas kyi bar du 'jug pa dang / klu'i rgyal po'i gnas su 'jug pa dang / thang la rgyu ba dang / nyi ma'i gnas su 'jug pa dang / zla ba'i gnas su 'jug pa dang / skar ma dang rgyu skar gyi gnas su 'jug pa dang / nags su 'jug pa dang / ril rgyu ba dang / 'bab chu chen por 'jug pa ste/ ji lta ji ltar yid la bsams pa de lta de ltar 'jig rten pa dang / 'jig rten las 'das pa'i zhags pa'i cho ga bsgrub pa tshogs chung ngu dang / rtsol ba chung ngus 'grub par 'gyur ro/ /del yid gnyis dang / som nyi bskyed par mi bya'o/ /rig sngags 'chang gtsang mar gyur pas legs par khrus bgyis te/ gos gtsang ma bgos nas zas dkar gsum 'tshal ba/ gtsang ma de kho na nyid la gus pas sangs rgyas rjes su dran pa bsgom par bgyi'o/ / byams pa'i sems la mnyam par gzhag nas sa snying rje'i bsam pa dag pa'i yid kyis tshes bcu gsum nas brtsams te/ zla ba nya'i bar du gsal ba shin tu bkra shis pa la dus gsum du ci 'byor pa'i mchod pa rnam pa sna tshogs kyis mchod par bgyis la/ rtag tu brgya rtsa brgyad pa yi/ /dus gsum rgyun du bzlas brjod bgyi/ /nyin par dus gsum lan gsum ste/ /mtshan mo'i dus su lan gsum bgyi/ /'khor lo zhags pa bla med 'di/ /skud pa gsum las bsgrub bgyi ste/ /ras skud pad+ma'i skud pa dang / /arga'i skud pa sum 'gyur du/ /de ni legs par tshad bzhin du/ /khru ni sum cu rtsa drug bgyi/ /'khor lo rnam pa gsum las bgyi/ /rgyar ni sor bzhi'i tshad lags te/ /snying por bcas shing mu khyud bcas/ /kun nas rtsibs dang ldan pa dag /gser dang dngul dang zangs las bgyi/ /chos bstan legs par brgyan pa yi/ /bzang po'i stan la gzhag par bgyi/ /spos kyi dkyil 'khor me tog gi/ /sil ma bkram nas bum pa dgod/ /de bzhin mchod yon snod kyang bsham/ /ri mo'i gzugs kyi mdun du chos kyi stan bshams par bgyis pa'i steng du 'khor lo'i zhags pa gzhag par bya ste/ mchod pa bgyis la bsams pa ci lta ba bzhin du dus gsum du lan brgya rtsa brgyad bzlas brjod bgyi'o/ /de nas tshes lnga'i zla ba nya ba la nyin zhag gcig mchis par gyur pas/ tshig gzhan mi smra bar 'phags pa spyan ras gzigs dbang phyug gi ri mo'i gzugs la mchod pa bgyi zhing / bdug pa rnam pa gsum po/ /a ga ru dang / tsan dan dang / gu gul rnams 'bul bar bgyi'o/ /ri mo'i gzugs kyi mdun du chos kyi stan mchis pa la mngon du phyogs te mchis nas/ don yod pa'i zhags pa'i snying po stong rtsa brgyad bzlas brjod bgyis te/ yungs kar re re la bzlas brjod bgyis pas zhags pa'i steng du gtor bar bgyi'o/ /stong rtsa brgyad tshang nas zhags pa 'bar ba'i 'khor lo nam mkha' la mchis nas 'bar zhing lding bar 'gyur ro/ /rig sngags 'chang gi lus kyi stod dang / spyi bo nas 'od zer 'byung bar 'gyur ro/ /ri mo'i gzugs las legs so zhes bya ba'i sgra 'byin par 'gyur ro/ /de nas rig sngags 'chang gis don yod pa'i zhags pa'i snying po'i 'khor lo zhags pa'i cho ga rgya chen po 'di 'grub par 'tshal bar bgyi'o/ /de nas rig sngags 'chang gis mchod pa chen po bgyis la/ don yod khro bo'i rgyal po lan stong rtsa brgyad bzlas brjod bgyi ste/ de'i 'og tu rig sngags 'chang gis zhags pa blang bar bgyi'o/ lag pa g.yon pa 'khor lo'i phyag rgya'i tshul du bcing bar bgyi zhing / g.yas pa zhags pa'i phyag rgya dang 'khor lo'i tshul la brten nas blangs te/ don yod pa'i zhags pa'i snying po brjod nas phyogs bzhir 'phang bar bgyi'o/ /de nas phyogs bcur khro bo'i rgyal po lan nyi shu rtsa gcig bzlas brjod bgyi'o/ /de nas bdag nyid kyi lus la dbang bskur ba'i tshul du lan bdun du bskor bar bgyi'o/ /de nas phyag rgya'i tshul du bskor ba tsam gyi mod la rig sngags 'chang 'khor los sgyur ba'i dbang bskur bar 'gyur ro/ /dam pa chen po 'grub par 'gyur ro/ /'khor los sgyur ba'i rgyal po chen po legs mthong rang gi gzugs kyis mdun na mchis nas/ rig sngags 'chang gi rkang ba spyi bos blangs nas 'di skad ces kyang smra bar 'gyur te/ rig sngags 'chang gis ci bka' stsal ba de bgyi'o zhes ci bsgo ba'i don de dang de thams cad bgyid par 'gyur ro/ /bran ni rang bzhin gyis thams cad du las bgyid par 'gyur ro/ /de nas rig sngags 'chang gi gnas su 'jug par 'tshal bas/ 'di ltar nub gsum du mchis par gyur pas/ zhags pa'i phyag rgya lag pas blang bar bgyi'o/ /phug gi sgo gang lags pa der zhags pa lan gsum du bskor bar bgyi'o/ /don yod pa'i rgyal po bzlas brjod bgyis te/ zhags pa gdab par bgyi'o/ /zhags pa btab pa tsam gyi mod la gnas kyi phug gi sgo thams cad phye bar 'gyur ro/ /'khrul 'khor dang / gtan pa dang / phug dang / 'bab chu chen po dang / gseg ma dang / 'bab chu dang / gnod sbyin dang / srin po dang / lam mi bde ba thams cad bsal ba dang / bcom pa dang bshig par 'gyur ro/ /gtan pa dang / sgo glegs dang / 'khrul 'khor dang / lcags sgrog rnams dum bu dum bur bcad cing gyes par 'gyur/ nyams par 'gyur/ 'jig par 'gyur ro/ /shin tu dag pa dang shin tu dri ma med pa/ shin tu rgya che ba'i gzhal med khang 'byor pa rnam par 'phrul pa dag mthong bar 'gyur ro/ /rin po che sna tshogs kyis bkra ba rin po che sna bdun gyis brgyan pa'i gnas/ rin po che sna tshogs kyi ljon shing gis brgyan pa'i gzhal med khang mthong bar 'gyur ro/ /me tog sna tshogs kyi rab shin tu dri zhim po'i gzhal med khang mthong bar 'gyur ro/ /de nas rig sngags 'chang gis lag pa'i zhags pa dang / 'khor lo'i phyag rgya'i tshul mngon sum du bgyis nas/ don yod pa'i zhags pa'i snying po bzlas te 'jug par bgyi'o/ /rig sngags 'chang gnas su zhugs pa tsam kho nas gnas mchog de yang rnam par drug tu 'gul ba dang / g.yo ba dang / ldeg pa dang / 'ur 'ur chem chem ste lha'i 'od zer gyi snang ba chen pos snang bar 'gyur ro/ /de nas rig sngags 'chang 'jug par bgyi'o/ /de nas don yod pa rnam par dag pa dri ma med pa zhes bgyi ba'i sman/ bud med kyi gzugs lha'i rgyan gyis brgyan pa/ lha'i gos kyi rgyan gyis bklubs pa kha dog bzang po rgyas pa/ mchog dang ldan pa/ lha'i gzugs chen po 'chang ba bI dza pU ra thogs pa mchi bar 'gyur ro/ /sman bud med kyi gzugs 'chang ba de ma mthong ba tsam kho nas dpag tshad gang tsam nas/ gzi brjid thams cad dang / stobs thams cad nye bar bsgrub par bgyi'o/ / de nas rig sngags 'chang gis don yod pa'i 'khor lo'i zhags pa mdun du bcing bar bgyi ste/ mthong bcom gyi mod la de'i stobs dang / brtson 'grus dang / gzi brjid nyams par 'gyur ro/ /mthu chung bar 'gyur ro/ /de nas bud med de rgod pa dang / oM zhes bgyi bas gnon par bya'o/ /khro bo'i rgyal po bzlas par bgyis te/ kha bub tu sgyel nas chab 'byung bar 'gyur te chab de la reg par mi bgyi'o/ /don yod rgyal po bzlas par bgyi ste/ de nas mig tshugs kyis blta bar bgyid na/ rig sngags 'chang gis zhags pas bzhu bar bgyi'o/ /de'i 'og tu bdud rtsi'i chab 'byung ste blang bar bgyi byug par bgyi'o/ /kun tu byugs pa tsam gyis nam mkha' la mchi bar 'gyur te/ thog mar rlung gi phung po nas 'dzegs par 'gyur ro/ /mig la byugs na phyogs bcu thams cad du gtogs pa'i de bzhin gshegs pa byang chub sems dpa'i tshogs kyi 'khor dang bcas pa thams cad dang / sangs rgyas kyi zhing de'i gzhal med khang dang / gnas rnam par 'phrul pa dang / gang dag bzhugs shing gzhes la 'tsho ba dag ci ltar lag mthil na mchis pa de bzhin du mthong bar 'gyur ro/ / gang dag yongs su mya ngan las 'das pa dang / gang dag 'das pa dang / gang dag ma byon pa dang / gang dag da ltar byung ba dang / sangs rgyas pa rnams dang / gang dag ring bsrel snying po'i mchod rten chen po'i srog shing gi tshogs can dag dang / de bzhin du ci ltar 'khor gyi dkyil 'khor gyi khang pa de dag thams cad mthong bar 'gyur ro/ /bdag nyid la kun nas byugs te/ des byugs pa tsam gyis pags pa'i mdog lha'i gser dang 'dra bar 'gyur ro/ /skra sngo la cung zad 'khyil bar 'gyur ro/ /mig lha'i ut+pal sngon po mchog 'dra bar 'gyur ro/ /tshe lha'i bskal pa brgya stong du 'gyur ro/ /rig sngags 'chang gi 'khor los sgyur ba 'bum phrag brgya stong phrag brgyad kyis yongs su bskor bar 'gyur ro/ /lha'i bu mo brgya bzhi bcu dang / mi'am ci'i bu mo dang / rig sngags 'chang gi bu mo gang gA'i klung gi bye ma brgya stong phrag 'bum snyed kyis yongs su bskor bar 'gyur ro/ /ci ltar yid la bsams pa dang / yid la brnag pa tsam gyis lha'i zas kyi mchog ro brgya dang ldan pa dag mdun du 'byung bar 'gyur ro/ /lha'i btung ba chen po bdud rtsi'i ro bro bdag 'byung bar 'gyur ro/ /byang chub kyi snying po la thug gi bar du 'khor los sgyur ba'i rgyal po chen po legs mthong mdun nas rgyug par byed do/ /dgra thams cad dang / bgegs dang / log 'dren thams cad bcom pa dang / nyams pa dang / gtugs pa dang / gshegs pa dang / btsal ba dang / gyes pa dang / phye mar bgyis par 'gyur ro/ /yang na sman gyi bud med de'i skra kun bton te/ ska rags su bgyis nas bcing bar bgyi'o/ /gang du bcings pa de yang rin po che sna bdun du 'gyur ro/ /gang du zhugs pa thams cad mi snang bar 'gyur ro/ /de la lha thams cad gnas 'cha' bar 'gyur ro/ /klu thams cad dang / lha ma yin thams cad dang / mi 'am ci thams cad dang / rig sngags 'chang thams cad de'i dbang du mchi bar 'gyur ro/ /'khor de thams cad byang chub kyi snying po la thug gi bar du de'i phyi bzhin rjes su 'brang bar 'gyur ro/ /de nas rig sngags 'chang gnas su 'jug par 'tshal zhing slar yang ldog par 'tshal na sman gyi bud med de dang gtam mi bgyi/ reg par mi bgyi bar lag pa'i phyag rgyas gnas mchog tu 'jug par bgyi'o/ /de nas gnas thams cad na gnas pa'i bud med dang / skyes pa dang / khye'u dang / bu mo thams cad phyir byung nas mdun na sdod par 'gyur te/ kha cig gi lag na ni bum pa gang ba'o/ /kha cig gi lag na ni gdugs so/ /kha cig gi lag na ni lha'i gos thogs so/ /kha cig ni lha'i nor bu rin po che thogs pa'o/ / kha cig ni dri dag go/ /kha cig ni me tog dag go/ /kha cig ni phreng ba dag go/ /kha cig ni rgyan dang lhab lhub sna tshogs thogs so/ /kha cig ni byug pa dag go/ /kha cig ni dri'i phye ma dag go/ /kha cig ni spos chus rin po che sna bdun gyi snod bkang ba dag go/ /kha cig ni lha'i 'bras bu sna tshogs pa dag go/ /kha cig ni lha'i me tog sna tshogs thogs te/ pad+ma dang / ku mu da dang / pad+ma dkar po dang / man dA ra ba chen po dang / many+dzu Sha ka dang / many+dzu Sha ka chen po dang / mdog mdzes dang / mdog mdzes chen po dang / a ti mug ta kA dang / tsam pa ka dang / bar shi ka dang / mthon ka dang / mthon ka chen po dang / kA dam pa dang / sna ma dang / yu ti ka dang / klu'i me tog dang / kon ta dang / g+han d+ha bar shi ka'i me tog dag thogs so/ /kha cig ni lha'i tsan dan go shir+Sha dang / sbrul gyi snying po'i bdug pa dang / a ga ru dang / du ru ska dang / tam la'i lo ma'i bdug pa thogs pa'o/ /kha cig gi lag pa na ni rma bya'i bsil yab thogs so/ /kha cig gi lag pa na ni ral gri'o/ /kha cig gi lag pa na ni mdung thung ngo / /kha cig gi lag pa na ni rdo rje dang / dgra sta dang / mda' bo che dang / mdung dang / gtun shing dang / mdung rtse gsum pa dang / gzong kha gnyis pa dag go/ /kha cig ni go cha dang / ya lad bgos nas bsrung ba'i phyir kun nas 'du zhing mchi bar 'gyur ro/ /kha cig ni rin po che sna tshogs pa'i snod dang / gser gyi snod dang / dngul gyi snod dag thogs pa rin po che sna tshogs kyi me tog dang / gser gyi me tog dang / dngul gyi me tog gis bkang nas thogs te/ de dag thams cad rig sngags 'chang la dbul bar bgyid do/ /rig sngags 'chang gis byams pa dang / snying rje chen po yid la bgyid pa dang / sangs rgyas yid la byed pas 'phags pa spyan ras gzigs dbang phyug don yod pa'i zhags pa'i cha lugs 'chang ba yid la bgyi'o/ /mchog tu brtse ba'i yid la bgyid pas tshig gzhan mi smra bar dbugs dbyung bar bgyi zhing lam drang bo nas 'jug par bgyi ste/ seng ge'i khri la mngon du mchis nas/ don yod pa'i 'khor lo'i zhags pa thog mar seng ge'i khri'i steng du gzhag par bgyi'o// //'phags pa don yod pa'i zhags pa'i cho ga zhib mo'i rgyal bo/ bam po bzhi pa/ de'i 'og tu rig sngags 'chang rang nyid mchis nas/ steng du gtogs pa'i de bzhin gshegs pa thams cad la phyag bgyi zhing / 'phags pa spyan ras gzigs dbang phyug mchog sbyin pa la yang phyag bgyi'o/ /des dgra thams cad pham par bgyis par 'gyur ro/ /gal te 'og tu phyogs nas phyag bgyis na de nas 'khor los rig sngags 'chang gi phyir rgol ba rnams mgo gcad par 'gyur ro/ /rig sngags 'chang mchis ma thag tu gnas rnam pa drug tu g.yos nas sgra chen po 'byung bar 'gyur ro/ /ca co'i sgra chen po 'byung bar 'gyur ro/ /lha'i rol mo'i cha byad yan lag lnga dang ldan pa dag 'bud par 'gyur ro/ /nam mkha'i lha rnams kyis kyang gzhal med khang chen po nas dbu rgyan dang / cod pan gyis rig sngags 'chang gi mgo bo la dbang bskur bar bgyid do/ /dbang bskur ba tsam gyi mod la rin po che sna bdun gyi char 'bab par 'gyur ro/ /gser gyi char dang gos kyi char 'bab par 'gyur ro/ /gser gyi me tog dang / dngul gyi me tog dang / lha'i me tog bkra ba sna tshogs kyi char dang / lha'i rgyan gyi char 'bab par 'gyur ro/ /de nas lha'i bu mos rin po che sna bdun gyi snod du bdud rtsi'i bcud 'tshal te/ mchis nas 'bul bar bgyid do/ /rig sngags 'chang gis blangs nas don yod pa'i zhags pa'i snying po bzlas par bgyi'o/ /de nas rig sngags 'chang gis reg par bgyi'o/ /rig sngags 'chang gis reg pa tsam gyi mod la lha'i lus rnam par dag pa thob nas/ pags pa'i mdog gser 'dra bar 'gyur ro/ /skra lhag par sngo ba dang / mig ut+pal sngon po ltar lha'i mig yongs su dag par 'gyur ro/ /tshe'i tshad lha'i bskal pa 'bum phrag brgya stong du 'gyur ro/ /gal te phyir mi ldog par 'tshal na/ de'i bcud kyis len mchog las ci tsam 'tshal ba blangs te/ lha'i chab tsan dan gyi dri dang ldan pa'i nang du zhugs nas khrus bgyi'o/ /khrus bgyis pa tsam gyi mod la phug gi sgo rang 'bye bar 'gyur zhing / ci ltar dbang phyug chen po'i gzugs 'dra bar mthong na ni 'jig rten thams cad kyi mchod gnas kyi gtso bo gcig pur 'gyur ro/ /ci ltar 'phags pa spyan ras gzigs dbang phyug bzhin du rig sngags 'chang 'di yang mchod pa dang / bkur sti dang bla mas bla mar bgyi ba de lta bur 'gyur ro/ /gang du bcud kyis len mchog 'dis reg na 'dzam bu chu bo'i gser yongs su dag par 'gyur ro/ /rtsig pa'am/ ri 'am/ ka ba'am/ ljon shing ngam/ snod dam/ bum pa'am/ rdza bo 'am/ gos sam/ bong ba la reg na de dag thams cad 'dzam bu'i chu bo'i gser yongs su dag par 'gyur ba nas/ dgos pa'i bar du 'gyur ro/ /de nas rig sngags 'chang klu mo 'am/ lha mo 'am/ mi 'am ci mo 'tshal na/ rig sngags 'chang de gos gtsang ma bgos nas/ legs par khrus bgyi'o/ /tshes brgyad dam/ bcu bzhi 'am/ lnga la 'phags pa spyan ras gzigs dbang phyug gi ri mo'i gzugs la mchod pa bgyis nas/ nyin zhag gcig gnas par bgyi'o/ /'khor lo'i zhags pa chen po 'di chos kyi stan legs par brgyan pa'i stan bzang po'i steng du gzhag par bgyi zhing mchod pa chen po bgyi ste/ de nyid kyi mdun du tshig gzhan mi smra bar/ lan stong rtsa brgyad bzlas te/ yungs kar re re nas bzlas brjod bgyis pa zhags pa'i steng du gtor bar bgyi'o/ /lan stong rtsa brgyad tshang nas zhags pa de yang sbrul bzhin du yongs su 'khyil la 'khor lo'i gdengs ka'i tshul du mchis par 'gyur ro/ /de nas rig sngags 'chang gis zhags pa blangs te/ klu gnas pa'i mtsho 'am/ mi'am ci gnas pa'i mtsho 'am/ lha mo gnas pa'i mtsho 'gram du mchis nas/ don yod pa'i zhags pa'i snying po bzlas te/ gnas kyi nang du zhags pa 'phang bar bgyi'o/ /'phangs ma thag tu slar yang kho nar drang bar bgyi ste/ ci lta bu'i don yid la bsams pa'i don de zhags pas bcings nas/ ci ltar bsams pa de bzhin du bgyi bar 'gyur ro/ /gzhan yang ji ltar yid la bsams pa'i nor ram/ dbyig ga/ gser ram/ nor bu 'am/ mu tig gam/ bai DUr+ya'am/ shang ka shi la'am/ byi ru'am/ sa le sbram mam/ dngul lam/ gos sam/ chas sam/ rgyan nam/ gzhan yang gzhal med khang ji lta bur 'byor pa can dag don du gnyer na zhags pa 'phang bar bgyi ste/ de thams cad 'dren par bgyid do/ /gang dang gang du 'phangs pa de dang der ji ltar yid la bsams pa de nyid shin tu gsal bar yongs su rdzogs par 'gyur ro/ /dngos po gzhan du mi 'gyur ro/ /rgyal po'i rigs sam/ bram ze'i rigs sam/ khyim bdag gi rigs sam/ rje'u rigs kyis ci dang ci bsams pa 'grub par bgyid do/ /skyes pa'am/ bud med dam/ khye'u'am/ bu mo'i ming nas brjod de zhags pa 'phangs pa tsam gyi mod la zhags pas bcings nas 'dren par 'gyur ro/ /tha na dang / bya dang / seng ge dang / stag dang / glang po che dang / ma he yang 'dren par bgyid do/ /gang gi ming nas brjod de g.yul 'gyed pa'i nang du 'phangs na/ de yang zhags pas bcings nas mdun du mchis te/ ci ltar yid la bsams pa de bzhin du thams cad 'grub par bgyid do/ /zla ba dang nyi ma dbab par 'tshal na yang / zla ba dang nyi ma'i mdun du mchis nas/ don yod pa'i zhags pa'i snying po lan bdun bzlas te/ zla ba dang nyi ma'i mngon sum du zhags pa 'phangs nas slar yang drang bar bgyi ste/ zla ba dang nyi ma zhags pas bcings nas drang bar 'gyur ro/ /nam mkha' las babs nas rig sngags 'chang gi mdun du mchis te/ ci ltar yid la bsams pa bzhin dgos pa thams cad sgrub par bgyid do/ /'on te zla ba dang nyi ma'i gnas su mchi bar 'tshal na/ zhags pa'i phyag rgya bcings pa lag pas blangs te/ don yod pa'i rgyal po'i snying po bzlas pa dang / rig sngags 'chang nam mkha' la 'phur na/ nyi ma dang zla ba'i stan la ci srid du 'tshal bar longs spyod par 'gyur zhing / slar bde ba dang / ma snad pa dang / ma rmas pa dang / legs par 'bab par 'gyur ro/ /nags khung du 'gro bar 'tshal na/ gtsang ma legs par khrus bgyis pas/ gos gtsang ma bgo bar bgyi zhing nags khung gi sgor lan nyi shu rtsa gcig bzlas brjod bgyi ste/ zhags pa 'phang bar bgyi'o/ /lag pas zhags pa 'phangs pa tsam gyis nags khung gi gnas kyi gzhal med khang gi klu thams cad bcings nas thams cad rig sngags 'chang gi mdun du mchis par 'gyur zhing rig sngags 'chang la phyag bgyis nas/ rig sngags 'chang khyod gnas chen po mchog tu zhugs shig ces smra bar 'gyur ro/ /de nas rig sngags 'chang gis don yod pa'i rgyal po'i snying po bzlas te/ lag pa zhags pa'i phyag rgyas nags khung du 'jug par bgyi'o/ /zhugs pa tsam kho nas nags kyi gnas rnam pa drug tu g.yo bar 'gyur zhing / dbus kyi nags kyi mtha' na rin po che sna bdun gyi rdzing lha'i chab dang sa shing rnyog pa ma mchis pa shin tu gsal ba lha'i tsan dan gyi dri dang ldan pa ha cang mi grang ba ha cang mi dro ba reg na bde ba ro dang ldan pa/ bdud rtsi'i bcud can mchis te/ de ltar don yod pa'i rgyal po'i snying po yungs kar la lan nyi shu rtsa gcig bzlas brjod bgyis nas rdzing gi dbus su zhags pa 'phang bar bgyi'o/ / 'phangs pa tsam gyi mod la bud med rin po che'i gzugs 'dra ba lha'i bu mo'i lus phyed byung nas/ lha'i me tog rnam pa sna tshogs kyis brgyan cing / rin po che sna bdun gyi bum pa gang ba thogs te/ rig sngags 'chang la dbul zhing spyi bo smad de 'dzum pa dang bcas pas rig sngags 'chang la smras pa/ rje btsun rig sngags 'chang khyod ma bzhengs par gnas su zhugs shig /rig sngags 'chang gis grub pa'i tshig gsum brjod par bgyi ste/ 'jig rten pha rol gyi don dang / rig sngags 'chang nyid dang / 'jig rten pa'i dngos grub grub ste/ bdag nyid kyi ma dang / sring mo dang / mngag gzhug ma zhes gar bde bar brjod la de'i 'og tu rig sngags 'chang gis smra bar bgyi ste/ sring mo kho bo la 'jig rten pha rol gyi don byin cig ces 'jug par bgyi'o/ /de yang rig sngags 'chang khyod rang gi gnas su snoms te zhugs shig ces smra bar 'gyur ro/ /de nas rig sngags 'chang gis lag pa zhags pa'i phyag rgyas 'jug par bgyi zhing / don yod pa'i rgyal po'i snying po bzlas so/ /de nas gnas chen po mchog rin po che sna bdun gyi gzhal med khang lha'i dril bu g.yer kha'i dra ba dang / gser dang / gos dpyangs pa dar gyi chun 'phyang rab tu dpyangs par gda' ba nas bu mo de yang nor bu rin po che chen po thogs te/ rig sngags 'chang 'jig rten pha rol gyi don du rin po che chen po bzhes shig ces 'bul bar bgyid do/ /de nas rig sngags 'chang gis stan bshams pa'i steng du zhags pa legs par yongs su bskyil te/ stan du bting la nor bu rin po che chen po de zhags pa'i steng du gzhag cing me tog dang bdug pa dbul bar bgyi'o/ /don yod rgyal po'i snying po bzlas par bgyi'o/ /bzlas pa tsam gyi mod la zhags pa nor bu rin po che dang bcas te 'bar bar 'gyur ro/ /nor bu rin po che chen po de las kyang 'o ma'i chab 'byung bar 'gyur ro/ /rig sngags 'chang gis 'o ma'i chab de las blangs la skyor chu lan bdun du reg par bgyi'o/ /'o ma'i chab kyis reg pa tsam gyi mod la lus thams cad dri ma dang bral zhing yongs su dag par 'gyur ro/ /don yod snang ba nor bu gzhal med kyi dkyil 'khor gyi 'od zer gyi dra ba 'od zer zhes bgyi ba thob nas sa bcu la gnas te phyir mi ldog par 'gyur ro/ /bla na med pa'i byang chub kyi lam 'thob par 'gyur ro/ / 'phags pa spyan ras gzigs dbang phyug gi ting nge 'dzin sgyu ma lta bur rnam par 'phrul pa thob par 'gyur zhing / shin tu yongs su dag pa'i bdag nyid kyi rang bzhin gyis don yod pa'i zhags pa'i cha lugs 'chang ba rig sngags 'chang gi mdun du mchis nas/ lag pa g.yas pa spyi bor bzhag steng 'i rig sngags 'chang gi bu thu bo khyod kyis grol ba chen po'i dkyil 'khor sangs rgyas kyi sku yongs su dag pa 'thob bo/ /zhes dbugs 'byin par 'gyur ro/ /phyogs bcu'i de bzhin gshegs pa rnams mthong nas thams cad kyis legs so zhes bya ba'i sgra 'byin par 'gyur te/ sems dpa' chen po legs so legs/ /khyod ni byang chub lam du zhugs/ /khyod kyis sangs rgyas nyid 'thob ste/ /grol ba'i lam zhes bya ba bsgrubs/ /'on te rig sngags 'chang nyid don du gnyer na de'i tshe gser gyi me tog stsol bar 'gyur te/ blangs la bu mo de nyid kyi spyi bor bzhag nas/ oM zhes bgyi bas mnan par bgyi'o/ /oM zhes bgyi ba'i sgra brjod nas spyi bor bzhag pa tsam gyi mod la bu mo de'i mig mchog gnyis nas mchi ma 'dzag par 'gyur ro/ /de nas rig sngags 'chang gis blangs te nye reg bgyi'o/ /nye reg bgyis pa tsam gyi mod la rig sngags 'chang gi 'khor los sgyur bar 'gyur ro/ /skra cung zad 'khyil zhing lag pa na 'khor lo'i zhags pa thogs te nam mkha' la mchi bar 'gyur ro/ /rig sngags 'chang bye ba 'bum phrag brgyad kyis yongs su bskor bar 'gyur ro/ /tshe lo drug khri nyis stong du 'gyur zhing skye bar bdun stong rjes su dran par 'gyur ro/ /'on te gsang sngags 'chang 'jig rten pa'i dngos grub kyi cho ga slong na de'i tshe 'di lta bur 'gyur te/ rig sngags 'chang gis bdag gi skra 'di sdoms shig ces de'i tshe bud med des skra'i ral pa bton nas/ rig sngags 'chang la 'bul ba na/ skra thams cad blangs te dum bu gsum du bkug nas srad bu la mdung pa nyi shu rtsa gcig bgyi ste/ gcig bkal te/ mgo la btags pas ni ji ltar yid la bsams pa de bzhin du mig 'phrul ston par 'gyur/ 'bras bu dang me tog 'tshal ba thams cad ston par 'gyur/ bden pa ji ltar 'tshal ba bzhin ston par 'gyur ro/ /mgul du btags pas ni mi gda' bar gyur nas/ gnod sbyin dang / srin po dang / 'byung po dang / sha za dang / grul bum dang / lto 'phye chen po dang / mi ma yin pa rnams dbang du gyur nas mchis par 'gyur ro/ /dpral ba la btags pas ni lha dang klu thams cad dbang du gyur nas mchis par 'gyur ro/ /dpung pa g.yas pa la btags pas ni glang po che bcu'i stobs dang ldan par 'gyur te/ phas kyi dgra bo dang mi mdza' ba dang / gdug pa thams cad kyis mi tshugs pas stobs kyis 'khor los sgyur bar 'gyur ro/ /dpung pa g.yon pa la btags pas ni rigs bzhi'i 'jig rten dbang du gyur nas mchis par 'gyur ro/ /lag pa g.yon pa la btags pas ni gang la reg pa de dbang du 'gyur zhing / bdag gi nor du 'gyur ro/ /lag pa g.yas pa la btags pas ni grong khyer gyi shar phyogs kyi sgo nas rgyal po'i sgo la thal mo lan gsum brdabs na rgyal po'i btsun mo 'khor dang bcas pa dang / grong khyer dang / yul 'khor dang / rgyal po'i pho brang dang / bud med dang / skyes pa dang / khye'u dang / bu mo dang bcas pa bdag nyid dam/ nor dbang du gyur nas mchis par 'gyur ro/ /tha na dud 'gro'i skye gnas su gtogs par bya dang / gcan gzan dang / dang / gdug pa dang / gzhan yang gdug pa dang bcas pa'i srog chags rnams dbang du gyur nas mchis par 'gyur ro/ /brla g.yas pa la btags pas ni tshal lam/ ser ga'am/ ri 'or ram/ phug gam/ dgon pa'am/ bsti gnas gang du zhugs te/ zhugs pa tsam gyi mod la nor thams cad dang / sman thams cad dang / lha thams cad rang gi gzugs su mdun du mchis par 'gyur ro/ /byin pa g.yas pa dang / rkang pa g.yas pa la btags pas ni/ rgya mtsho chen po'i pha mthar yang rgal bar 'gyur na chu klung chen po'i chab kyis byin pa nub tsam du 'gyur ba lta smos kyang ci 'tshal/ byin pa g.yon pa la btags pas ni/ nyi ma re re bzhin dpag tshad brgyar phyin nas/ dub pa ma mchis par slar yang ldog par 'gyur ro/ /brla g.yon pa la btags nas dur khrod chen por zhugs na dur khrod thams cad na gnas pa'i gcer bu pa thams cad dbang du gyur nas mchis par 'gyur ro/ /de nas rig sngags 'chang gnas de nyid na spyod na rig sngags 'chang des lag pa g.yon pas bum pa gang ba bzung zhing / lag pa g.yas pas bud med de bzung nas/ gnas chen po'i mchog tu 'jug par bgyi'o/ /gnas mchog de'i dbus na rdzing me tog gi tshal par bkram par bgyi ste/ rdzing der gnyis ka khrus bgyi zhing chab kyis nye reg bgyi'o/ /bkrus shing reg pa tsam kho nas/ 'khor lo'i rig sngags 'chang zhags pa dang / 'khor los sgyur ba'i rig sngags 'chang du 'gyur ro/ /rig sngags 'chang 'bum phrag bdun stong gis yongs su bskor cing tshe bskal pa khrir 'gyur ro/ /skra cung zad 'khyil par yang 'gyur ro/ /nags kyi gnas kyi gzhal med khang bdun cu rtsa gnyis kyi dpon po rgyal por 'gyur ro/ /gal te ma zhes bgyi bas don du gnyer na ni bu gcig pa bzhin yongs su skyong bar 'gyur ro/ /'bras dang / 'bru dang / gos dang / chas dang / nor bu dang / mu tig dang / byi ru dang / gser dang / dngul yongs su 'grub par bgyid do/ /sring mo zhes bgyi bas ni dgos pa'i yo byad thams cad tshang bar stobs par 'gyur zhing yan lag spong bar bgyid do/ /nyi ma re re zhing rgyan thams cad kyis bklubs pa'i lha'i bu mo khrid nas mchi bar 'gyur/ lha'i gzhal med khang 'byor pa stobs par bgyid/ lha'i khyim dang / gzhal med khang stobs par bgyid do/ /mngag gzhug ma zhes bgyi ba ni/ gang dang gang du mngag pa de dang der mchi bar 'gyur te/ lha'i gnas sam/ klu'i gnas sam/ gnod sbyin gyi gnas sam/ srin po'i gnas sam/ 'byung po'i gnas sam/ gzhan yang mngag gzhug pa'i sgrub pa rnam pa sna tshogs yid la bsams pa bzhin bgyid do/ /nags sgrub pa'i cho ga'o// //de nas rig sngags 'chang thang la rgyu bar 'tshal na/ gtsang ma khrus bgyis pas gos gtsang ma bgo bar bgyi/ gnas dben pa gtsang ma'i sa phyogs su dkyil 'khor gru bzhir bris la/ dri sna tshogs kyis byug /ro sna tshogs dang ldan pa'i gtor ma bshams la/ a ga ru'i bdug pa bsregs te nub gsum du mchis nas 'khor lo zhags pa'i lag pa'i phyag rgyas don yod rgyal po'i snying po'i bzlas brjod stong rtsa brgyad bgyis te/ lan stong rtsa brgyad tshang ba dang / dkyil 'khor gyi dbus nas du ba 'byung bar 'gyur te/ khro bo'i rgyal po lan bdun bzlas par bgyi'o/ /de nas dkyil 'khor gyi dbus nas skyes pa nag po chen po'i tshul mi sdug pa/ mche ba gtsigs pa/ skra gyen du bsgreng ba/ mgo 'bar ba/ mig dmar ba/ mchu dang lce dmar ba/ sen mo dmar ba/ skra sngo ba/ dpung pa mkhrang zhing brtan pa/ gsus pa 'phyangs po mchod phyir thogs pa dang ldan pa/ mgo lnga pa sbrul ltar lce bsgyur ba/ stag gi sham thabs bgos pa/ lag pa na dgra sta dang / dril bu thogs pa zhig lus phyed tsam phyung nas phyogs bcur lta bar byed do/ /de nas rig sngags 'chang gis skrag par mi bgyi ste/ brtan par bgyis la/ khro bo'i rgyal po bzlas nas/ 'khor lo'i zhags pa 'phangs te mgo bcad la khrag mang du byung ba dang / rig sngags 'chang gis khrag des lus thams cad byug par bgyi'o/ / byugs pa tsam gyi mod la bdag nyid kyi lus mi chod pa dang / mi shigs pas rdo rjer byin gyis brlabs par 'gyur ro/ /mig gnyis phyung la rang gi mig phyis nas mig la bskus na lha'i mig tu 'gyur ro/ /rkang brus te byugs na tshe bskal pa bcur 'gyur zhing thos pa bsags pa'i rgya mtshor 'gyur/ bskal pa brgya stong gi skye ba'i skye ba dang / tshe rabs dran par 'gyur ro/ /snying phyung ste 'tshal na nam mkha' la mchi'o/ /khrag gis snying gar thig le bgyis na mi gda' bar 'gyur ro/ /lce bcad na ral grir gyur nas dgra thams cad brlag par bgyid do/ / gal te thang la rgyu bar 'tshal na/ de'i tshe khro bo'i rgyal po lan brgya rtsa brgyad zhags pa dang 'khor lo la bzlas brjod bgyi'i/ /'khor lo zhags pa gsang ba'i phyag rgya'i tshul gyis thal mo sa la brdab par bgyi ste/ lan gsum du thal mo brdabs pa dang / de'i 'og tu thang gi sgo dbye bar 'gyur ro/ /ci ltar rang gi khyim bzhin du 'jug par bgyi ste/ zhugs nas slar yang mchi zhing dgos pa gzhan thams cad bgyid pa dang thad thams cad la gnas pa thams cad dbang du gyur nas gnas par 'gyur ro/ /'on te nam mkha' la mchi bar 'tshal na gyen du bltas nas/ don yod pa'i rgyal po'i snying po yungs mar la lan stong rtsa brgyad bzlas te/ lan stong rtsa brgyad bzlas nas/ bdag nyid la byugs te/ lag pa'i zhags pa'i phyag rgyas nam mkha' la mchi bar 'gyur zhing nam mkha'i go 'byed par 'gyur ro/ /lha'i gnas su mchi bar 'tshal na/ lha'i khyim du mchis nas zhags pas lha'i mgul nas bcing bar bgyi zhing don yod rgyal po'i snying po lan stong rtsa brgyad bzlas nas/ lha bcings pa gang yin pa de'i ming nas brjod na lha de babs nas rig sngags 'chang gi mdun na mchis par 'gyur ro/ / tshangs pa dang / khyab 'jug dang / dbang phyug chen po rig sngags 'chang la rig sngags 'chang ci zhig don du gnyer ba de snoms shig ces smra bar 'gyur ro/ /rig sngags 'chang gis lha'i gnas su 'gro'o zhes brjod par bgyi'o/ /gal te gzhan bsams pa zhig mchis na mchog thams cad stsol bar bgyid do/ /de nas lha'i gnas nas mchi ba na/ lha'i gnas lha'i rdzu 'phrul gyis lag pa na thogs te/ nam mkha' la mchi bar 'gyur ro/ /ci srid 'tshal bar lha'i gzhal med khang chen por longs spyod par 'gyur zhing / 'on te mi 'tshal na lha'i gnas nas slar yang 'bab par 'gyur ro/ /gzhan ci ltar rang gi blo gros dang / yid la bsams pa'i dgos pa thams cad bgyid par 'gyur zhing thams cad du grub par 'gyur te/ de la som nyi dang yid gnyis bskyed par mi bgyi'o/ /'khor lo'i zhags pa sgrub pa'i cho ga'o/ / //de nas rig sngags 'chang pad+ma'i zhags pa sgrub par 'tshal bas/ rig sngags 'chang de gtsang ma legs par bkrus te gos gtsang ma bgo bar bgyi'o/ /nub gsum mchis sam/ nub lnga mchis sam/ nub gcig mchis nas rig sngags 'chang gis zhags pa'i skud pa bsgrub par bgyi ste/ ras kyi skud pa'am pad+ma'i skud pa bai DUr+ya'i kha dog lta bur tshon gyis kha bsgyur bar bgyi zhing khru nyi shu rtsa gcig bkal te/ de la yang pad+ma bgyis te/ rin po che sna bdun gyi 'dab ma kha phye ba sor bzhi ba'i tshad kyis pad+ma gser gyi 'dab ma dang / dngul gyi 'dab ma dang / bai DUr+ya dang / in dra nI la dang / rin po che ka ti ka las bgyi zhing mu tig gis bskor ba bgyi ste/ de nas zhags pa la btags par bgyi'o/ /zhags pa'i thor to gcig la ni pad+ma'i phyag rgya gdags par bgyi'o/ /de nas legs par brgyan pa'i chos kyi stan bzang po bsham par bgyi'o/ /ba'i lci bas dkyil 'khor bgyis la dkyil 'khor gyi steng du dri'i pad+ma bsams par bgyi zhing / dkyil 'khor gyi steng du chos kyi stan bshams la/ bum pa gang bas brgyan par bgyi'o/ /me tog gi sil ma bkram zhing a ga ru dang / tsan dan dang / du ru ska'i bdug pa dbul bar bgyi'o/ /mchod yon dang zhabs bsil gyi snod kyang gzhag par bgyi'o/ /pad+ma'i zhags pa de yang chos kyi stan gyi steng du gzhag par bgyi'o/ /'phags pa spyan ras gzigs dbang phyug gi mdun du rig sngags 'chang gis skyil mo krung bcas nas/ don yod pa'i zhags pa'i snying po lan khri bzlas te/ bzlas pa'i yungs kar re re nas de'i steng du gtor bar bgyi'o/ /lan khri rdzogs nas de nas tshes lnga'i zla ba nya ba'i nub mo mchis nas 'phags pa spyan ras gzigs dbang phyug la mchod pa bgyi'o/ /zhags pa de la yang mchod par bgyi'o/ /don yod pa'i zhags pa'i phyag rgya bcings nas don yod pa'i rgyal po'i snying po lan brgya rtsa brgyad bzla'o/ /de nas khro bo'i rgyal po lan brgya rtsa brgyad bzlas te/ nyin mtshan gsum dus gsum du bzlas brjod dang mchod pa bgyi'o/ /de nas pad+ma'i zhags pa 'bar zhing kha dog sna tshogs kyi 'od zer 'byung bar 'gyur ro/ /legs so legs so zhes bgyi ba'i tshig 'byin par 'gyur ro/ /'phags pa spyan ras gzigs dbang phyug gi lus la kha dog sna tshogs kyi 'od zer 'byung bar 'gyur ro/ /de nas rig sngags 'chang phyag rgya'i skyil mo krung gis mchis nas mig mi 'dzums shing bzhin 'dzum pas snying rje chen po yid la bsgom par bgyi'o/ /'phags pa spyan ras gzigs dbang phyug gi gdong du blta ste/ don yod pa'i zhags pa'i snying po lan sum stong bzlas par bgyi'o/ / de'i 'og tu 'phags pa spyan ras gzigs dbang phyug bdag nyid kyi lha'i rang bzhin mdun du mchis nas/ lag pa g.yas pa brkyang ste rig sngags 'chang gi spyi bor bzhag nas legs so zhes bgyi ba stsol bar 'gyur zhing / 'di skad ces kyang dbugs 'byin par 'gyur ro/ / rig sngags 'chang nga'i bu snying las skyes pa'i thu bo/ bzlas brjod kyi cho ga chen po dang / mchod pa'i cho ga chen po 'dis nga la mchod pa'i mchog byas pa dang / bzlas brjod kyi mchod dang grub pa'i mchog ste/ khyod kyis don yod rgyal po'i snying po grub cing / khyod kyis pad+ma'i zhags pa chen po grub kyis/ ci ltar yid la bsams pa bzhin du mchog khyer cig /khyod kyis yid kyi brnag pa thams cad ni yongs su rdzogs par byas/ khyod 'khor ba'i 'jigs pa rgyu ba las ni grol/ khyod skye ba dang / rga ba dang / na ba dang / 'chi ba'i mya ngan mi bzad pa'i 'jigs pa las thar na/ khyod dmyal ba chen po mi bzad pa bcu drug las ni yongs su grol/ 'jigs pa chen po mi bzad pa'i sdug bsngal gyi tshor ba brgyad las ni yongs su thar/ 'di nas phyi ma'i skye ba'i mngal du gnas nas sdug bsngal mi bzad pa las shi 'phos te/ rig sngags 'chang khyod byang chub kyi snying po la thug gi bar du 'jig rten gyi khams bde ba can du pad+ma las rdzus te skye bar 'gyur ro/ /khyod kyi gang gA'i klung 'bum phrag stong brgyad cu rtsa bzhi snyed kyi bye ma dang mnyam pa'i de bzhin gshegs pa rnams la dge ba'i rtsa ba cher bskyed pa'i bsod nams kyi tshogs chen po dang ni ldan/ rig sngags 'chang khyod kyis lhag par bya ba mang po ni byas/ khyod rig sngags 'chang chen por ni lung bstan/ dmyal ba dang / ngan song gi las kyi sgrib pa mi bzad pa thams cad las ni grol gyis/ ci ltar yid la bsams pa bzhin mchog khyer cig / de nas rig sngags 'chang gis ci ltar yid la bsams pa bzhin de'i tshe mchog thob par 'gyur ro/ /de nas rig sngags 'chang gis pad+ma'i zhags pa de blangs te gnas gtsang mar gus pas mchod pa rgya cher bgyi'o/ /nam dgos pa de'i tshe zhags pa blang bar bgyi'o/ /las thams cad bgyid par 'gyur ro/ /pad+ma ni 'phags pa spyan ras gzigs dbang phyug gi lag pa g.yon par bzhag la/ lag pa g.yas pas zhags pa bzung ste/ don yod pa'i rgyal po'i snying po lan brgya rtsa brgyad bzlas nas/ sems can nam lha gang gi ming nas brjod de/ bzlas brjod brgya rtsa brgyad tshang ba dang / byang chub sems dpa' mdun na mchis nas/ 'dod pa'i mchog thams cad stsol bar 'gyur ro/ /de nas rig sngags 'chang byang chub tu lung bstan pa don du gnyer bar 'tshal na/ rig sngags 'chang gtsang mas legs par khrus bgyis te/ gos gtsang ma bgos pas nyin zhag gcig mchis par gyur pas/ sangs rgyas bcom ldan 'das shAkya thub pa la mchod pa rgya chen po bgyis nas/ pad+ma'i zhags pa de yang sangs rgyas bcom ldan 'das kyi phyag tu dbul bar bgyi'o/ / zhags pa'i thor to ya gcig gis ni rang gi mgul du btags la don yod rgyal po'i snying po lan stong rtsa brgyad tshang bar bzlas brjod bgyi'o/ /stong rtsa brgyad tshang ba dang / sangs rgyas bcom ldan 'das sku gser gyi mdog can rig sngags 'chang gi mdun du bzhugs nas rig sngags 'chang gi spyi bor phyag bzhag ste dbugs 'byin par mdzad lung ston par mdzad yid kyi brnag pa thams cad yongs su rdzogs par mdzad par 'gyur ro/ /sgrib pa dang sdig pa tshe rabs stong du bsags pa thams cad gtugs par 'gyur/ lhag ma ma lus par gtugs par gyur nas/ lus yongs su dag par 'gyur ro/ /dri ma dang bral zhing phrag dog dang / ser sna spangs par 'gyur ro/ /'di nas ma 'ongs pa'i skye ba'i mngal du gnas nas/ lha dang mi'i dpal nyams su myong bar bgyis nas/ sems can thams cad kyi bla ma gcig pur 'gyur ro/ /mchod par 'os pa dang / bla ma'i gnas su'ang 'gyur ro/ /nad rnams dang bral bar 'gyur ro/ /skye bo thams cad dga' bar 'gyur ro/ /'gum pa'i dus su phyogs bcu'i de bzhin gshegs pa thams cad kyis dgongs par 'gyur/ dbugs 'byin par mdzad/ legs pa'i lam ston par yang mdzad par 'gyur ro/ /'phags pa spyan ras gzigs dbang phyug mdun na mchis nas dbugs 'byin par bgyid cing lag pa g.yas pa spyi bor 'jog par bgyid do/ /de bde bas shin tu dran pa nye bar bzhag nas lus 'dor bar 'gyur ro/ /bor ba tsam gyi mod la skal ba mnyam par bde ba can gyi 'jig rten gyi khams su skye bar 'gyur te/ rgyan thams cad kyis brgyan nas/ mtshan dang dpe byad kyis spras pa'i lus pad+ma las rdzus te skye bar 'gyur ro/ /tshe rabs dran par 'gyur te/ bskal pa brgya stong gi skye ba'i tshe rabs dran par 'gyur ro/ /don yod pa'i zhags pa'i snying po rnam par grol ba'i dkyil 'khor gyi phyag rgya rim par dbye ba'i cho ga zhib mo 'di mtha' dag rdzogs par g.yar thon du bgyis nas sa bcu la gnas shing phyin ci log tu ma gyur pas phyir mi ldog par 'gyur ro/ /rdzu 'phrul gyi rnam par 'phrul pa chen po dang / cho 'phrul chen pos lha'i khang pa brtsegs pa dang / gzhal med khang dang / gnas mchog dang / phyogs bcu'i sangs rgyas kyi zhing thams cad nas/ sangs rgyas kyi zhing du byang chub kyi snying po la thug gi bar du mchi bar 'gyur ro/ /de nas rig sngags 'chang bde ba can gyi 'jig rten gyi khams mthong ba'i chos kho na la blta bar 'tshal na/ rig sngags 'chang gis gnas gtsang ma'i phyogs sam/ gnas sam/ khang pa'am/ dgon pa'i gnas sam/ 'khor gyi khyams sam/ 'chag sa'am/ khang pa brtsegs pa'am/ spyil po gtsang ma phyi brdar legs par bgyis pa'i sa phyogs su dkyil 'khor gru bzhi 'byes pa khru gang ba'am/ khru do pa'i dkyil 'khor bgyi ste/ gru bzhi lham pa/ grwa kun nas cha mdzes pa/ sa dang sbyar ba'i lci bas shin tu legs par phyi brdar bgyis la/ rtswa sngon po gnyen po lta bu la mkhas pas dkyil 'khor mtha' dag gi cha dbye ba'i thig gdab par bgyi'o/ /dkyil 'khor gyi dbus kyi snying bo la pad+ma rgya chen po 'byes pa 'dab ma brgya pa/ tshon sna brgyad kyi tshon rtsis bkra bar bgyi zhing mdzes par bgyis la/ snying po ni rin po che ka ti ka las bgyi'o/ /pad+ma'i mtha' nor bu rin po che sna tshogs kyis bskor la/ grwa bzhi nas kha khyer sor bzhi pa'i tshad du bgyi'o/ /pad+ma'i bar gyi zur zur du ut+pal sngon po legs par bris la/ kha khyer gyi phyi rol du nor bus 'khor ba'i mtha' de mtshos bskor bar bgyi'o/ /lha'i chab rin po che sna tshogs kyi gzhal med khang gis mdzes par bgyis la/ chab la me tog sna tshogs kyi sil ma bkod pa bya rnam pa sna tshogs gnas 'cha' ba ngang pa dang / bzhad dang / khrung khrung dang / ngur ba dang / shang shang te'u dang / ka la ping ka dang / bya'i tshogs kyis mdzes par bgyis la/ nya dang chu srin dang / chu srin byis pa gsod kun nas rten 'cha' bar bgyid do/ /mtsho'i 'gram na rin po che'i ljon shing dang / me tog gi ljon shing dang / 'bras bu'i ljon shing dang / sna tshogs pa kha khyer dang bcas par bgyi'o/ /dkyil 'khor gyi kha khyer gyi phyi rol na lag pa dang thal mo'i phyag rgya bris la sgo bzhi rnams su rgyal po chen po bzhi bgyi'o/ /de nas dbus kyi dkyil 'khor la pad+ma'i gdan bzang po bshams te de'i steng du/ bcom ldan 'das 'od dpag med dang / 'phags pa spyan ras gzigs dbang phyug dang mthu chen thob gzhag par bgyi'o/ /dkyil 'khor bum pa gang bas brgyan par bgyi'o/ /me tog sil ma dang / dri dang byug pa yang dbul bar bgyi'o/ /ba dan bzang po sna tshogs kyis brgyan par bgyi'o/ /gtor ma dkar po dbul bar bgyi'o/ /yon chab dang zhabs bsil gyi snod dang / mar me'i phreng ba dbul bar bgyi'o/ /pad+ma'i zhags pa 'od dpag med kyi phyag tu dbul bar bgyi'o/ /rig sngags 'chang gtsang mas gos gtsang ma bgo bar bgyi'o/ /legs par khrus bgyis nas ba'i rnam lngas nye reg bgyis la zla ba nya la nyin zhag gcig mchis par gyur pas kha shar phyogs su bltas la skyil mo krung bcas te mchis nas/ lag pas zhags pa'i phyag rgya bcings te bzlas brjod bgyi'o/ /byams pa dang brtse ba'i sems kyis lhag par brtson par bgyi'o/ /snying rjes mchog tu brtse bar gyur pas sems can thams cad la brtse bar bgyid na/ don yod pa'i zhags pa'i snying po bzlas brjod bgyis te/ ci tsam na thun tha ma la/ 'od dpag med 'bar bar gyur nas/ dkyil 'khor chen po de la yang 'od zer 'byung bar 'gyur ro/ /rig sngags 'chang g.yo bar gyur nas lus 'bar bar 'gyur ro/ /de nas rig sngags 'chang gis skya rengs shar tsam na/ de bzhin gshegs pa dgra bcom pa yang dag par rdzogs pa'i sangs rgyas 'phags pa 'od dpag med gser spungs pa lta bu de bzhin gshegs pa'i sku gser gyi kha dog gis rig sngags 'chang gi mdun du bzhugs nas/ phyag g.yas pa rig sngags 'chang gi spyi bor bzhag nas/ dbugs 'byin par mdzad cing yid kyi brnag pa thams cad yongs su rdzogs par mdzad nas mi gda' bar gyur pa dang / shin tu rnam par dag pa dri ma med pa'i snang ba zhes bgyi ba'i gnyid thob nas/ ci ltar nyal ba tsam mam mig btsum pa tsam gyis 'jig rten gyi khams bde ba can gzhal med khang dang / gnas dang / 'jig rten dang / yul ljongs dang / byang chub sems dpa'i 'khor mtha' dag dang bcas pa'i dkyil 'khor yongs su rdzogs par mthong bar 'gyur lags so/ /de bzhin gshegs pa de chos ston par mdzad pa yang mthong bar 'gyur lags so/ /'khor gyi dkyil 'khor de dag thams cad dbugs 'byin par bgyid pa dang / gzhal med khang dang / rnam par 'phrul pa dang / rdzu 'phrul dang / cho 'phrul thams cad mthong bar 'gyur lags so/ / 'di nas ma 'ongs pa'i skye ba nas shi 'phos te/ 'jig rten gyi khams bde ba can du skal ba mnyam par skye bar 'gyur ro/ /skye ba'i skye ba dran par 'gyur te skye ba bdun stong rjes su dran par 'gyur ro/ /de sad nas zhags pa la lan stong rtsa brgyad bzlas brjod bgyis nas/ lag pa g.yas pas gzung nas/ nam mkha' la 'phur bar 'gyur ro/ /lo khrir 'tsho bar 'gyur ro/ /zhags pa grub pa rnams dang / rig sngags 'chang thams cad kyi 'khor los sgyur bar 'gyur ro/ /'khor khri brgya stong dang ldan par 'gyur ro/ /pad+ma'i zhags pa sgrub pa'i cho ga'o// // de nas rig sngags 'chang rdo rje'i zhags pa bsgrub par 'tshal na/ shing shun dang / ras skud dang / kha che dar gyi skud pa mnyam du lhan cig bkal te/ khru nyi shu rtsa gcig gi tshad tsam du bgyis la/ tsan dan dkar po las rdo rje sor bzhi ba'i tshad du bgyis te/ rtse lnga ba 'byung po la sogs pa'i mgo dang / sbrul gyi ska rags kyis bcings la/ klu'i rgyal po dga' bo dang nye dga' bo'i dra ba'i phreng bas dkri ba bgyis nas zhags pa la gdags par bgyi'o/ /de nas rig sngags 'chang gtsang mas gos gtsang ma bgo bar bya'o/ /legs par khrus bgyi'o/ / ba'i rnam lngas nye reg bgyi'o/ /rtswa'i stan bting nas ri mo'i gzugs kyi mdun du lag pa g.yas pas zhags pa mnan nas/ don yod pa'i zhags pa'i snying po khri bzlas so/ /khro bo'i rgyal po'i snying po stong bzlas so/ /de nas zhags pa de 'bar bar 'gyur te/ de bzung nas nam mkha' la 'phur bar 'gyur ro/ /rdo rje'i rigs dang / de bzhin gshegs pa'i rigs dang / nor bu'i rigs dang / pad+ma'i rigs gang dag lags pa de dag thams cad mdun na bzhugs par 'gyur ro/ /lag na rdo rje dang 'dra bar gzugs dang / mthu dang / brtson 'grus pha rol gyi zil gyis mi non par 'gyur ro/ /lag na rdo rje dang 'dra bar rig sngags 'chang gi dbang por 'gyur ro/ /lha'i lo khri nyis stong du 'tsho bar 'gyur ro/ /las thams cad bgyid pa rdo rje'i zhags pa dgra thams cad 'joms par bgyid pa'i zhags pa steng ngam 'og gar 'phangs par yid la bsams pa bzhin thams cad bcings nas dgug par bgyid do/ /phyogs bcur 'phang ste khro bo'i rgyal po bzlas nas skyes pa dang / bud med dam/ gzhan gang ci yang rung ba thams cad zhags pas bcings nas/ myur du dgug par bgyid de/ som nyi mi bgyi'o/ /gal te lha 'am/ klu 'am/ gnod sbyin nam/ srin po 'am/ dri za 'am/ lha ma yin nam/ nam mkha' lding ngam/ mi 'am ci 'am/ 'byung po 'am/ lto 'phye chen po thams cad zhags pas bcings nas myur du dgug par bgyi ste som nyi mi bgyi'o/ /zhags pa la khro bo'i rgyal po lan nyi shu rtsa gcig bzlas brjod bgyi ste/ mar gyi ngo'i tshes bcu bzhi'i mtshan mo nam phyed na zhags pa phyogs bzhir 'phang bar bgyi'o/ /'phangs pa tsam gyi mod la bgegs dang / log 'dren dang / gnod sbyin dang / srin po dang / gdug pa thams cad zhags pas bcings nas/ rig sngags 'chang gi mdun na mchis shing ci srid 'tsho'i bar du dbang du gyur nas mchis te/ bran bzhin du las thams cad bgyid par 'gyur/ bltas pa tsam gyis gdon thams cad las thar bar 'gyur ro/ /zhags pa la khro bo'i rgyal po lan brgya rtsa brgyad bzlas brjod bgyis te/ lag pas zhags pa blangs te dur khrod du zhugs na mi snang bar 'gyur zhing gnas thams cad kyi sgo dbye bar 'gyur ro/ /phug gi sgor mchis nas rdo rje'i zhags pas brdabs na/ phug thams cad kyi sgo dbye bar 'gyur zhing 'khrul 'khor dang gtan pa thams cad dum bur 'chag par 'gyur ro/ /lam ngan pa dang / mi ngan pa dang / mi ma yin pa dang / 'bab chu ngan pa dang / sbrul dang / dbugs gdug pa dang / srog chags gon sa dang / gdug pa dang bcas pa'i srog chags su gtogs pa thams cad mi gda' bar 'gyur ro/ /mi drang bo dang lam drang bor ci ltar rang gi gnas sam/ gtsug lag khang ngam/ khang pa bzhin du zhugs nas dgos pa thams cad bsgrubs te/ slar yang gnas nas phyir ldog par 'gyur ro/ / rdo rje'i zhags pa las thams cad bgyid pa sgrub pa'i cho ga'o// //de nas rig sngags 'chang nor bu'i zhags pa bsgrub bar 'tshal na/ rig sngags 'chang des nor bu 'tshal bar bgyi ste/ rdo rje'am/ bai DUr+ya 'am/ shel rang 'byung ngam/ ma rgad dam/ in dra nI la la sor mo'i tshigs pas lhag tsam shin tu phyis la/ shin tu yongs su dag par bgyis la/ gser gyi me tog gi tshul du bgyis pa/ mu tig gis dkris pa/ ge sar kha phye ba tsam pa ka'i me tog ci lta ba bzhin bgyis la/ ras bzang po'i skud pa tshon rtsi mdzes pas kha bsgyur ba/ shin tu tshad la bab par bkal ba khru nyi shu rtsa gcig pa/ sor mo gung mo'i tshad tsam gyi nor bus brgyan la/ thor to cig shos su ni nor bu 'am gser las bgyis pa'i lcags kyu gdags par bgyi'o/ /de nas rig sngags 'chang gtsang mas gos gtsang ma bgo bar bgyi'o/ /legs par bkrus nas ba'i rnam lngas nye reg bgyi'o/ /de'i 'og tu ri mo'i gzugs kyi mdun du spos thams cad kyi dkyil 'khor tshad dang ldan pa bgyis la grwa bzhir bum pa gang ba gzhag par bgyid cing / spos phor gyi snod bshams nas/ a ga ru'i bdug pa dang / tsan dan dang / du ru ska'i bdug pa dbul bar bgyi'o/ /dkyil 'khor gyi dbus su chos kyi stan bzang po tshad dang ldan pa bshams la/ ba dan sna tshogs kyis dkyil 'khor bskor bar bgyi'o/ /me tog sil ma dang / dri dang rol mo'i cha byad dag dgod par bgyi'o/ / rig sngags 'chang gis zas dkar gsum 'tshal bar bgyi'o/ /btung ba ngan pa dang / kha zas ngan pa dang / gnas ngan pa dang / lhag ma dang / sbags rnams rnam par spang bar bgyi'o/ /don yod pa'i rgyal po'i snying po nyi khri chig stong bzlas nas/ lag pa g.yas pas chos kyi stan gyi steng du bzhag pa'i zhags pa la mnan no/ /lan nyi khri chig stong tshang ba dang / de nas rig sngags 'chang gis khro bo'i rgyal po lan stong rtsa brgyad tshang bar bzlas te/ yungs kar re re nas dbang bskur bar bgyi'o/ /lan stong rtsa brgyad tshang ba dang / rig sngags 'chang gis 'phags pa spyan ras gzigs dbang phyug gi ri mo'i gzugs la mchod par rgya cher bgyi'o/ /bcom ldan 'das 'od dpag med dang / de bzhin gshegs pa shAkya thub pa la yang mchod pa rgya cher bgyi'o/ /de nas rig sngags 'chang gis tshes lnga'i nya la nyin zhag gcig smyung ba bgyis nas mchod pa rgya cher bgyis te/ mchod pa'i yo byad gang ci yang rung ba de dag thams cad la re re nas don yod pa'i zhags pa'i snying po lan nyi shu rtsa re re nas bzlas brjod bgyis nas dbul ba bgyi'o/ /de nas skyil mo krung bcas te mchis nas/ nyin mtshan kun tu don yod pa'i zhags pa'i snying po lan stong rtsa brgyad bzlas te/ yungs kar re re nas brdeg par bgyi'o/ /lan stong rtsa brgyad tshang ba dang sa cher g.yo bar 'gyur ro/ /'phags pa spyan ras gzigs dbang phyug gi ri mo'i gzugs las kyang 'od zer kha dog sna tshogs dag 'byung bar 'gyur ro/ /nor bu'i zhags pa de yang 'bar bar 'gyur/ rig sngags 'chang gi mgo bo yang 'bar bar 'gyur ro/ /'bar ba tsam gyi mod la rig sngags 'chang gi lag pa g.yas pas nor bu'i zhags pa blangs pa na/ sgra chen po yang 'byung bar 'gyur ro/ /de nas 'phags pa spyan ras gzigs dbang phyug lha'i bdag nyid kyi rang bzhin gyis rig sngags 'chang gi mdun na mchis par 'gyur ro/ /de bzhin gshegs pa 'od dpag med dang / de bzhin gshegs pa shAkya thub pa dang / de bzhin gshegs pa 'phags pa spyan ras gzigs 'od kyi rgyal po'i sku gser gyi kha dog gis/ nam mkha' la rdzu 'phrul gyis bzhugs nas/ rig sngags 'chang la legs so zhes bgyi ba stsol bar 'gyur/ phyag dpung pa gser gyi kha dog 'dra ba brkyang ba'i phyag gis/ rig sngags 'chang gi mgo bor bzhag nas/ rig sngags 'chang la dbugs 'byin par mdzad de/ rig sngags 'chang legs so legs so/ /khyod kyis yid bzhin gyi nor bu chen po don yod pa'i zhags pa rnam par dag pa grub bo/ /khyod kyis 'jig rten pa dang 'jig rten las 'das pa'i las bsgrub pa'i cho ga bla na med pa grub ste/ rig sngags 'chang gis 'dod dgur bsgyur ba thams cad de/ 'phags pa spyan ras gzigs dbang phyug gi don yod grub pa yid bzhin gyi nor bu chen po'i zhags pa thogs nas/ rig sngags 'chang gis 'bad mi dgos par yid bzhin gyi nor bu chen po don yod pa'i zhags pa grub pa'i rang bzhin 'dis/ 'jig rten pa dang / 'jig rten las 'das pa'i dgos pa rnam pa sna tshogs sgrub par byed pa la ltos shig /yid la ci ltar bsams pa bzhin rdzu 'phrul dang / cho 'phrul sna tshogs la ltos shig /rig sngags 'chang khyod shi 'phos nas 'jig rten gyi khams bde ba can du song zhig / 'on te bde ba can blta bar 'tshal lam/ ci ltar de bzhin gshegs pa la 'os pa'i lha rdzas kyi mchod par 'tshal lam/ de bzhin gshegs pa la mchod pa'i sprin gyis mchod par 'tshal lam/ lha'i me tog dang / lha'i dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / dril bu dang / ba dan dang / lhab lhub dang / rgyan dang gos kyis de bzhin gshegs pa la mchod par bgyi ba 'tshal na/ rig sngags 'chang des spyi bo'i gtsug tu dri'i dkyil 'khor bgyis la me tog dang / bdug pa yang dbul lo/ /yid bzhin gyi nor bu chen po don yod pa'i zhags pa'i mchog 'di/ lag pa g.yon pas mnan la/ lag pa g.yas pas don yod pa yid bzhin gyi nor bu'i mchog bzung nas/ pus mo g.yas pa'i lha nga sa la btsugs te/ 'di lta bu yid la bgyid pa chen po ci lta bu'i bsam pa yid la bgyid pa de lta bu yang bsams nas/ don yod rgyal po'i snying po lan bdun bzlas te phyag bgyi'o/ /yid bzhin gyi nor bu rin po che rgya chen don yod pa 'di bzlas nas/ 'phags pa spyan ras gzigs dbang phyug gi snying po 'di lan brgya rtsa brgyad bzlas brjod bgyi'o/ /byams pa chen po dang snying rje chen pos yongs su gdungs pa'i snying gis sems can thams cad la mchog tu brtse bar bgyis nas gsang sngags bzlas brjod bgyi'o// //'phags pa don yod pa'i zhags pa'i cho ga zhib mo'i rgyal po/ bam po lnga pa/ dus gsum du gshegs shing bzhugs pa'i sangs rgyas dang byang chub sems dpa' rgya mtsho mtha' yas pa thams cad la phyag 'tshal lo/ /rang sangs rgyas dang / 'phags pa nyan thos kyi dge 'dun 'das pa dang / ma byon pa dang / da ltar byung ba thams cad la phyag 'tshal lo/ /yang dag par song ba dang / yang dag par zhugs pa thams cad la phyag 'tshal lo/ /blo gros chen po sha ra dwa ti'i bu la phyag 'tshal lo/ /gnas kyi mchog dga' ldan na gnas pa 'phags pa byams pa la sogs pa'i tshogs dang bcas pa'i mchog la phyag 'tshal lo/ /bde ba can gyi dkyil 'khor na bzhugs pa de bzhin gshegs pa 'phags pa 'od dpag med la phyag 'tshal lo/ /dkon mchog gsum la phyag 'tshal lo/ /byang chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug la phyag 'tshal lo/ /tshangs pa dang / khyab 'jug dang / dbang phyug chen po dang / dbang phyug la sogs pa'i lha'i bu gzugs sna tshogs mnga' ba spyan ras gzigs la phyag 'tshal lo/ /tad+ya thA/ oM ma hA pad+ma tsin+ta ma Ni ma Ni/ a mo g+ha ma Ni su ma Ni/ ma hA ma Ni/ sarba ta thA ga ta/ a laM kA ra/ ma hA a mo g+ha ma Ni/ tsa ra tsa ra sany+tsa ra/ ni sha tsa tsa re shwa ra ma hA/ pad+ma b+hu dza ba ra da/ ma hA kA ru Ni ka /ma hA bi shwa rU pa d+ha ra/ pra ba ra ma hA bo d+hi satwa pad+ma d+ha ra pad+mA sa na pad+ma ma ku Ta/ mA lA d+ha ra/ pad+ma gau ra/ pad+mA laM kr-i ta ta nu/ sa ta sra b+hu dzas ha sra ne tra nA nAd+b+hu ta/ bra ba ra Na/ mu drA bi b+hU Shi tA sa ha swa b+hu dza/ dza ya dza ya/ sha ta sa ha sra ra smi pra ti maN+Di ta sha rI ra/ b+ha ra b+ha ra/ bi tsi tra/ A b+ha ra Na d+ha ra/ ma Ni ka na ka/ badzra bai DUr+ya/ mar+k+ka ta/ in dra nI la pad+ma rA ga b+h+rU Shi ta sha rI ra/ tsi ri tsi ri/ bi tsi tra/ ra tsa Na/ ma hA bo d+hi satwa ba ra dA brah+ma/ biSh+Nu ma he shwa ra rU pa d+ha ra/ pad+me shwa ra/ lo ke shwa ra/ ya mAn+te shwa ra/ ba ru Na/ ku be ra/ r-i Shi ga Na/ ku mA ra/ senA ba ti be sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ma hA b+hu ta bi sha d+ha ra/ sarba ta thA ga tA b+hi She ka ta sa ma ya ma nu smar b+ha ga bAn/ pu ra ya me A tA shAn+ta tA rA ya pU ra shA yA ya sa twa na/ tar+dz+dza ya dush+TAM/ bA ta ya pig+h+nAM/ mA ra ya tri do Sha mA laM/ sa ra sa ra pA paM/ hU~M hU~M hU~M/ phaT phaT phaT/ sid d+h+ya sid d+h+ya/ ma hA cin+dA ma Ni/ a mo g+ha pA sha d+ha ra/ sA d+ha ya sA d+ha ya/ bi pu la sid d+hi/ ma ma tri b+hu ba na di bya pra yats+tsha/ ma hA kA ru Ni ka /bud d+h+ya bud d+h+ya/ bo d+ha ya bo d+ha ya/ saM b+ho d+ha ya/ saM b+ho d+ha ya/ ma hA ba shu pa ti ge Sha d+ha ra/ a nan+ta bi kur+b+ba Na/ r-id+d+hi san dar+Sha ya/ tu ru tu ru/ ta ra ta ra/ ga ga ne bi pu la bi mA na/ saM da ni ka /na mo stu te bi pu la pu N+ya/ ko shA d+ha ra/ ma hA a mo sid d+he hU~M hU~M/ a b+hi Shiny+tsa tu mA~M/ bi pul kIrti ka te swA hA/ b+hu ba swA hA/ b+hur b+hu ba swA hA/ a mo g+ha bi pu le swA hA/ ma hA tsin+tA ma Ni sid+d+he swA hA/ ma hA tsin+ta ma Ni sid+d+hi bar de swA hA/ sarba sid d+hi bar de swA hA/ oM bi pu le shwa ra/ lo ke shwa ra/ ma hA tsin+tA ma Ni/ ma hA a mo g+ha sid d+he hUM phaT swA hA/ don yod nor bu'i zhags pa chen po 'di lan brgya rtsa brgyad bzlas ma thag tu rig sngags 'chang gi lus thams cad 'bar bar 'gyur ro/ /don yod pa'i zhags pa lags pas mnan na nam mkha'i ngos la rdzu 'phrul gyis mchi bar 'gyur ro/ /sgyu ma lta bu'i ting nge 'dzin dang 'dra ba'i rdzu 'phrul gyi cho 'phrul chen po ston par 'gyur ro/ /'jig rten gyi khams bde ba can mthong bar 'gyur ro/ /de bzhin gshegs pa 'od dpag med kyang tshogs dang bcas/ 'khor dang bcas/ byang chub sems dpa' chen po'i dkyil 'khor dang / gzhal med khang mchog dang bcas pa rdzu 'phrul gyis rnam par 'phrul pa mthong bar 'gyur ro/ /bde ba can gyi gnas mtha' dag tu mchod pa'i char sprin gyi tshogs chen po 'byung bar 'gyur zhing / de bzhin gshegs pa tshe dpag med kyi mthus mchod pa'i sprin chen por gnas par 'gyur ro/ /bde ba can na gnas pa de dag thams cad de bzhin gshegs pa tshe dpag med des/ rig sngags 'chang la legs so zhes bgyi ba stsol bar 'gyur ro/ /rig sngags 'chang des kyang sgra de dag thams cad thos par 'gyur zhing / mchod pa'i char chen po de dag yang mthong bar 'gyur ro/ /gal te rig sngags 'chang nam mkha' las chu 'bebs par 'tshal na/ de'i tshe bsams pa tsam gyis 'bebs par 'gyur ro/ /'on te mi 'tshal na nam mkha' de nyid na nam mkha' la grub pa dang / rig sngags 'chang thams cad kyi mchog don yod rgya chen grub pa yid bzhin nor bu lag pa zhes bya ba'i 'khor los sgyur bar 'gyur ro/ /dpag tu ma mchis pa'i 'khor los sgyur ba'i rig sngags 'chang gis yongs su bskor bar 'gyur ro/ /tshe bskal ba chen po brgya stong phrag brgyad cu rtsa gnyis su 'gyur ro/ /'on te babs na lo khrir 'tsho bar 'gyur ro/ /'jig rten dbang phyug dang 'dra bar mchod pa dang gus pa chen po bgyid par 'gyur ro/ /'jig rten thams cad kyi gtso bo gcig pur 'gyur ro/ /lha rnams kyang babs nas rig sngags 'chang de la mchod pa'i mchog rgya chen po dag bgyid par 'gyur ro/ /sems can thams cad la bu gcig pa bzhin du mngon par dga' bar 'gyur ro/ /mchod pa'i 'os su'ang 'gyur ro/ /lha thams cad kyis kyang kun tu bsrung zhing phyag bgyi ba'i 'os su 'gyur ro/ /thos pa bsags pa'i rgya mtsho chen por yang 'gyur ro/ /gal te rig sngags 'chang phyogs bcu dus gsum thams cad kyi de bzhin gshegs pa byang chub sems dpa'i tshogs kyis yongs su bskor ba dang bcas pa rang sangs rgyas dang / 'phags pa nyan thos kyi dge 'dun thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po sangs rgyas kyi bstan pa la mngon par dad pa dang bcas pa la mchod pa bgyid par 'tshal ba'am/ phyogs bcu dus gsum du gtogs pa thams cad kyi de bzhin gshegs pa rnams la bsod nams kyi phung po chen po yongs su rdzogs par 'tshal ba'am/ dge ba'i rtsa ba chen po bskyed par 'tshal ba'am/ lha'i zhal zas kyi mchog ro bro ba'i mchog dang ldan pa'i bza' ba dang / lha'i bcud kyis len gyi mchog gis de bzhin gshegs pa dang / byang chub sems dpa' dang / rang sangs rgyas dang / 'phags pa nyan thos kyi dge 'dun thams cad la bstabs par 'tshal ba'am/ sbyin pa mang po dang / chen po gtong bar 'tshal ba'am/ nyin re zhing mchod pa'i sprin bgyid par 'tshal na/ rig sngags 'chang des legs par bkrus te/ gtsang mas gos gtsang ma bgos nas/ ci 'byor pas dkyil 'khor gru bzhir bgyis la/ bcom ldan 'das 'phags pa spyan ras gzigs dbang phyug gi mdun du me tog dang / bdug pa yang dag dbul bar bgyi'o/ /pus mo btsugs te thal mo sbyar nas zhags pa bzung ste/ de bzhin gshegs pa thams cad yid la bgyi'o/ /yid bzhin gyi nor bu chen po rgya chen don yod 'di yang mchod par bgyi'o/ /'phags pa spyan ras gzigs dbang phyug gi snying po lan bdun bzlas par bgyi'o/ / yid la bgyid pa yangs pa rgya chen po mchod pa'i sprin chen po dang / sbyin gtong chen po dang / kha zas dang / btung ba dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / gos dang / rgyan dang / lhab lhub dang / rgyan 'phyang dang / rol mo dang / sil snyan dang / pheg rdob pa dang / rin po che'i ljon shing dang / 'bras bu'i ljon shing dang / me tog gi ljon shing dang / mar me'i ljon shing dang / dpag bsam gyi ljon shing yid la bgyis te/ gsang sngags kyi gzungs bzlas nas ji ltar yid la bsams shing don du gnyer ba bzhin phyogs bcur 'phangs na/ de'i tshe phyogs bcu dus gsum du gshegs pa dkyil 'khor mtha' dag tu gtogs pa'i 'khor gyi dkyil 'khor du mkho ba'i yo byad thams cad ma tshang ba ma mchis par ci bsams pa bzhin de bzhin gshegs pa thams cad kyi 'khor gyi dkyil 'khor gyi spyan sngar mchod pa'i char gyi sprin chen po 'byung bar 'gyur ro/ /de bzhin du mkho ba'i yo byad thams cad kyi mchod pa chen po ma tshang ba ma mchis par 'byung bar 'gyur ro/ /de bzhin du mthu chen po'i nor bu rgya chen don yod la mchod pa'i gzungs bzlas shing / 'phags pa spyan ras gzigs dbang phyug gi snying po'i gzungs 'di yang nyin gcig bzhin du thun gsum du lan gsum du bzlas par bgyi'o/ /de nas rig sngags 'chang gis dus gsum du gshegs pa'i 'khor gyi dkyil 'khor dang bcas pa de dag mnyes par bgyis pa dang / mchod pa bgyis pa dang / rim gro bgyis par 'gyur ro/ /bsod nams kyi phung po'i tshogs chen po dang / dge ba'i rtsa ba chen po bskyed par 'gyur ro/ /dus gsum du gtogs pa'i de bzhin gshegs pa 'khor gyi dkyil 'khor dang bcas pa de dag thams cad kyis rig sngags 'chang la dran pa dang / blo gros dang stobs dang brtson 'grus dang gzi brjid stsol bar 'gyur ro/ /nyin gcig bzhin du de bzhin gshegs pa thams cad mthong bar 'gyur ro/ /rtag tu de bzhin gshegs pa rnams kyis dgongs par 'gyur ro/ /'phags pa spyan ras gzigs dbang phyug rtag tu rjes su 'brang bar 'gyur ro/ /rtag tu mchog sbyin pa mthong bar 'gyur ro/ /mthong ba'i chos la 'khor ba'i sdug bsngal 'jigs pa 'jigs su rung ba dang / skrag pa dang / dngang ba rnams zhi bar 'gyur ro/ /nad kyis kyang gnod par mi 'gyur ro/ /rims kyis ma lags/ dug gis ma lags/ dug sbyar mas ma lags/ sbyor bas ma lags/ mtshon gyis ma lags/ mes ma lags/ chus ma lags te/ lus la ser ba 'bab par mi 'gyur ro/ / dgras 'jigs par mi 'gyur te/ pha rol gyi dpung gi 'jigs pas ma lags/ pha rol gyi sde'i 'jigs pas ma lags/ phas kyi rgol ba dang mi mdza' ba'i 'jigs pas ma lags/ lha'i 'jigs pas ma lags/ klu'i 'jigs pas ma lags te/ gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / srin po dang / mkha' 'gro ma dang / 'dod dgur bsgyur ba dang / sbyor ba mo'i 'jigs pa 'byung bar mi 'gyur ro/ /dpag tshad gcig gi nang tshun chad gzung bar mi nus shing / rgyang ring por 'bros par 'gyur te/ de la bgegs bgyid par mi 'gyur ro/ /gang dag mnar med par gnas par 'gyur ba'i sems can nam/ mtshams med pa lnga bgyid pa'am/ 'phags pa la skur ba 'debs pa'am/ dam pa'i chos spong ba'am/ bskal pa bye bar bsags pa'i las kyi sgrib pas lus yongs su dkris pa gang lags pa de yang mthong ba'i chos la thams cad lhag ma ma lus par yongs su gtugs par 'gyur/ yongs su grol bar 'gyur ro/ /gal te tshig gzhan mi smra bar lan stong rtsa brgyad bzlas brjod bgyid cing / smyung ba lan cig bgyis te/ bzlas brjod byas na de bskal pa bye ba phrag brgya stong du 'khor bar skye ba las phyir zlog par 'gyur ro/ /gzungs kyi bzlas brjod kyis las kyi sgrib pa snga ma rnams kyang 'byang bar 'gyur zhing / bskal pa stong du bsags pa'i sdig pa rnams nyams par 'gyur ro/ /'khor ba'i nyes pas phyir yang gos par mi 'gyur te/ sdig pa dang sgrib pa thams cad kyis pad+ma bzhin du gos par mi 'gyur ro/ /mthong ba'i chos las lnga pa thob par 'gyur ro/ /bsten pa tsam mam cho ga'i bzlas brjod la nges par gnas na/ phyir mi ldog pa'i gnas thob par 'gyur ro/ /dran pa tsam gyis pha rol tu phyin pa drug yongs su rdzogs par 'gyur ro/ /pha rol tu phyin pa bcu'i rjes su mchi bar 'gyur ro/ /nyin gcig bzhin du lan brgya rtsa brgyad bzlas brjod bgyis na/ mthong ba'i chos la kun tu bzang po nyid thob par 'gyur ro/ /gsang sngags dang cho ga zhib mo dang / dkyil 'khor dang phyag rgya thams cad kyi rjes su zhugs pa dang / dam tshig thams cad la zhugs par 'gyur ro/ /yang dag par skyed pa thams cad kyi rjes su 'brang bar 'gyur ro/ /rig sngags 'chang mthong ba tsam gyis/ mnar med par gnas pa rnams kyi sdig pa rnam par 'jig par 'gyur ro/ /chung ngu na rig sngags 'chang dur khrod du zhugs nas gum pa'i rus pa'am/ gum pa'i sha'am/ gum pa'i ro rul ba'am/ chung ngu na gum pa'i gos por ba'am/ rtsig pa'i ri mo la rig sngags 'chang de'i grib mas phog par gyur na/ sems can de gang dang gang gis dmyal bar gzhol bar 'gyur ba de dang de nas mod la thar nas 'jig rten gyi khams bde ba can du skye bar 'gyur te/ de la yid gnyis sam som nyi bskyed par mi bgyid na/ gang dag ches mang du ltag par bgyid par 'gyur ba lta smos kyang ci 'tshal/ gang rigs kyi bu po'am/ rigs kyi bu mo'am/ dge slong pha'am/ dge slong ma'am/ dge bsnyen pha'am/ dge bsnyen ma'am/ dad pa'i rjes su 'brang ba 'ga' zhig gzungs 'di 'chang bar bgyid dam/ brjod par bgyid/ klog par bgyid/ 'don par bgyid/ sems par bgyid/ bsgom par bgyid/ mchod par bgyid/ bri bar bgyid/ 'drir 'jug par bgyid na/ de nges par bla na med pa yang dag par rdzogs pa'i byang chub las phyir mi ldog par 'gyur ro/ /mthong ba'i chos la yon tan chen po brgya stong mang po mthong bar 'gyur ro/ /'di nyid bcangs na/ mthong ba'i chos la dge ba'i rtsa ba thams cad dang / pha rol tu phyin pa drug dang rjes su mthun pa'i dge ba'i rtsa ba yongs su rdzogs par 'gyur ro/ /gzungs 'di nyid re zhig kun chub par bgyis nas/ mkho ba'i yo byad thams cad yongs su rdzogs par 'gyur na/ dgos pa mang pos grims par bgyid pa lta smos kyang ci 'tshal/ de nas rig sngags 'chang don yod yid bzhin nor bu'i zhags pa bsgrubs nas yid la bsams te/ bsams pa'i las thams cad bgyis na thams cad 'grub par 'gyur ro/ /dgos pad nga bgyi ba thams cad 'grub par 'gyur ro/ /ci ltar 'phags pa spyan ras gzigs dbang phyug mchog sbyin mngon sum du mthong nas/ lung bstan pa bzhin du don yod pa'i yid bzhin gyi nor bu'i zhags pa 'di de bzhin du blta bar bgyi ste/ 'di la yid gnyis mi bgyi'o/ /de nas rig sngags 'chang gis zhags pa mgrin par btags la/ lag pa g.yas pas nor bu blangs te/ lag pa g.yon pas lcags kyu blangs na mi gda' bar gyur nas/ gar dga' ba der 'jug par 'gyur te/ mtshan mo yang nor bu'i 'od kyi snang bas nyin par ci lta ba bzhin mthong bar 'gyur ro/ /thams cad du lha'i gnas su 'jug pa dang / klu dang / gnod sbyin dang / srin po dang / lha ma yin dang / nam mkha' lding dang / mi 'am ci'i gnas dang / lto 'phye chen po'i gnas dang / ri sul gyi phug dang / ri dang / nags tshal dang / thang gi sgo rnams 'bye bar 'gyur ro/ /thams cad du mi mngon par zhugs nas slar ldog par 'gyur zhing ci 'tshal ba de bgyid par 'gyur ro/ /mi rnams kyi nang du lha'i tshe lo brgyar 'tsho bar 'gyur ro/ / nyon mongs pa dang / nyes pa'i skyon thams cad spangs par 'gyur ro/ /'on te rig sngags 'chang gis grub pa'i don la brtag par 'tshal na/ zla ba yar gyi ngo'i tshes brgyad dam/ bcu bzhi la legs par khrus bgyi'o/ /gtsang mas gos gtsang ma bgo bar bgyi'o/ /gtsang ma'i gnas sam/ phyogs su ba'i lci ba ste/ ba'i rnam lngas yongs su sbyang bar bgyi'o/ /gnas de'i nang logs kyi dbus su dri'i dkyil 'khor bgyi'o/ /me tog gi sil ma bkram zhing bum pa gang bas brgyan cing / spos sna tshogs kyis bgos pa'i bdug pa gzhag par bgyi'o/ /de nas 'phags pa spyan ras gzigs dbang phyug gi mdun du stan bzang po bshams te/ shin tu mnyam par gzhag pas zhags pa sbrul 'khyil ba'i tshul du zlum por bskyil nas gzhag par bgyi'o/ /dbus su nor bu gzhag par bgyi'o/ /de nas rig sngags 'chang gis mchod par bgyi'o/ /don yod rgyal po'i snying po lan nyi shu rtsa gcig bzlas brjod bgyis nas/ khro bo'i rgyal po lan nyi shu rtsa gcig bzlas brjod bgyi'o/ /de nas don yod yid bzhin gyi nor bu'i snying po lan brgya rtsa brgyad bzlas nas/ de'i 'og tu tsan+dan dang / a ga ru dang / du ru ska'i bdug pa dbul zhing nor bu la brtag par bgyi ste/ zhags pa dang / de thams cad nor bu'i nang nas gda' bar 'gyur ro/ /de bzhin gshegs pa gda' ba'am/ byang chub sems dpa' gda' ba'am/ lha gda' ba'am/ klu gda' ba'am/ gnod sbyin dang / srin po dang / dri za dang / lha ma yin dang / nam mkha' lding dang / mi 'am ci gda' ba dang / 'byung po dang / lto 'phye chen po gda' ba'am/ g.yul 'gyed pa gda' ba'am/ tshe ring ba gda' ba'am/ tshe nyams pa gda' ba'am/ tshe 'pho ba gda' ba'am/ rgyal srid gda' ba'am/ grong 'thob pa'am/ yul 'thob pa'am/ grong khyer 'thob pa'am/ dbyig dang / gser dang / nor bu dang / mu tig dang / bai DUr+ya dang / shang ka shi la dang / byi ru dang / sa le sbram dang / dngul dang / gos dang / lhab lhub dang / rgyan gda' ba'am/ nor bsgyur ba smra ba dang / mig 'phrul smra ba'am/ zhing smra ba'am/ gter smra ba'am/ 'bru smra ba'am/ bud med 'phrog pa'am/ las bsgrub pa'am/ gsang sngags bsgrub pa'am/ dbang du bgyi ba'am/ ngo mtshar ba de dag thams cad nor bu'i nang nas gda' bar 'gyur zhing dge ba'am mi dge ba/ de dag thams cad kyang gda' bar 'gyur ro/ /lo'am/ lo phyed dam/ gnod pa'am/ 'tshe ba'am/ yams sam/ mi ngas sam/ mi ngas chen po'am/ phyugs ngas sam/ gor ram/ rta nad dam/ glang po che'i nad dam/ rang gi dpung ngam/ gzhan gyi dpung gi 'jigs pa dang / skrag pa chen po de dag thams cad me long gi dkyil 'khor la ci lta ba de bzhin du gda' bar 'gyur lags so/ /gang bsams shing gang gnyer bar 'grub pa'am/ mi 'grub pa'am/ dge ba'am/ mi dge ba thams cad gda' bar 'gyur te/ de la the tshom dang yid gnyis dang som nyi mi bgyi ste/ dngos po don gzhan du mi 'gyur ro/ /char mi 'bab pa'i dus su klu'i gnas su nor bu bzhag na/ ci tsam 'tshal bar char gyi rgyun 'bab par 'gyur ro/ /ha cang char ches na nam mkha' la nor bu bstan na char chen po 'chad par 'gyur ro/ /nyi ma 'char khar nyi ma la bstan na nyi ma babs nas mchog thams cad stsol bar 'gyur ro/ /zla ba tshes pa la bstan na zla ba babs nas 'dod dgu thams cad kyi mchog stsol bar bgyid do/ / chu klung chen por bstan na rin po che rnams 'byung bar 'gyur ro/ /nags khung du bstan na sman gyi rdzas thams cad rang gi gzugs kyis mdun na mchis nas gang gnyer ba de len par 'gyur ro/ /ri phug tu bstan na sman thams cad 'bab par 'gyur te/ ci 'tshal ba de blang bar bgyi'o/ /'bru'i phung po la bstan na 'bru thams cad 'du bar 'gyur te/ gang du 'tshal ba der 'byung bar 'gyur ro/ /ma mo'i gnas sam/ nag po chen po la bstan te/ spyi bo'i gtsug tu bzhag na nag po chen po ma mo'i tshogs kyi 'khor dang bcas pa rang gi gzugs kyis mdun na mchis nas/ dbang du 'gyur zhing dgos pa thams cad dang las thams cad bgyid par 'gyur ro/ /rgyal po'i mngon sum du bstan na yan lag bzhi'i dpung dang bcas pa/ blon po'i tshogs dang bcas/ btsun mo'i 'khor dang bcas pa/ dbyig dang / gser dang / nor bu dang / mu tig dang / bai DUr+ya dang / shang ka shil dang / byi ru dang / sa le sbram dang / dngul dang / gos dang / rgyan dang / lhab lhub dang / rgyan 'chang ba dang / khang pa dang / ngo mtshar du bcas pa dbang du gyur nas/ ji srid 'tsho'i bar du bsnyen bkur bgyid par 'gyur ro/ /skye bo'i tshogs chen po'i nang du zhags pa 'phangs te/ don yod pa'i yid bzhin gyi nor bu'i gzungs bzlas na/ ci ltar 'tshal ba yid la bsams pa bzhin/ me tog dang 'bras bu dang / gzhal med khang gi char 'bab par 'gyur ro/ /rgyal mtshan bsgreng ba'i rtse mor bzhag ste/ rgyal rigs spyi bor dbang bskur ba khyim gyi steng ngam khyams su bzhag la/ 'phags pa'i lam yan lag brgyad kyi bsnyen gnas kyis sems can thams cad la mchog tu brtse bar bgyid do/ /don yod rgyal po'i snying po lan nyi shu rtsa gcig bzlas brjod bgyis nas/ khro bo'i rgyal po lan nyi shu rtsa gcig bzlas par bgyi'o/ /de nas don yod pa'i yid bzhin nor bu'i gzungs lan brgya rtsa brgyad gsang bstod de bzlas brjod bgyi'o/ /lan brgya rtsa brgyad tshang nas/ ci ltar yid la bsams pa bzhin char du 'bab par 'gyur ro/ /nor dang / 'bru dang / gos dang / lhab lhub la sogs pa/ me tog dang 'bras bu'i char 'bab par 'gyur ro/ /'thab pa dang / 'thab mo dang / rtsod pa dang / 'gyed pa dang / mu ge'i dgon pa'i 'jigs pa dang / yams dang / gnod pa de dag thams cad 'phags pa spyan ras gzigs dbang phyug gi mthus babs par 'gyur ro/ / thams cad rab tu zhi bar 'gyur ro/ /sems can thams cad la mi 'jigs pa stsol bar 'gyur ro/ /'jigs pa dang sha kho na thams cad las thar bar 'gyur ro/ /gdug pa nas gcan gzan khro bo thams cad kyi bar du yang byams pa la gnas par 'gyur ro/ /sems can thams cad mthun par bgyid par 'gyur ro/ /yid kyi brnag pa thams cad yongs su rdzogs par 'gyur ro/ /don yod yid bzhin nor bu'i zhags pa chen po sgrub pa'i cho ga'o// //de nas rig sngags 'chang ral gri dang zhags pa bsgrub par 'tshal na/ rig sngags 'chang gis lcags chen po las ral gri sor bcu drug gi tshad du bgyis la lag zungs kyi ngos la dngul las bgyis te/ gser gyis 'bar bar bri'o/ /shing shun gyi skud pa'am/ arka'i skud pa dang / kha che dar gyi skud pa lhan cig tu sgril la khru bcu drug byung ba shin tu tshad la bab par bkum pa/ bsgrub pa'i dgos pa yongs su rdzogs pa la sum sgril du bkal bar bgyi'o/ /de nas rig sngags 'chang gis legs par khrus bgyis te/ gtsang mas gos gtsang ma bgos te/ zhags pa dang / ral gri mnan la/ lag pa g.yas pas dkyil 'khor la bzhag ste gzung bar bgyi'o/ /khros pa'i gnyer gyi bzhin gyis skyil mo krung bcas te mchis nas/ 'phags pa spyan ras gzigs dbang phyug gi ri mo'i gzugs kyi mdun du khro bo'i rgyal po lan stong rtsa brgyad bzlas par bgyi'o/ /bzlas brjod lan stong rtsa brgyad tshang nas/ ral gri 'bar bar gyur nas/ rig sngags 'chang nam mkha' la 'phur bar 'gyur zhing / ral gri grub pa'i rig sngags 'chang thams cad kyi gtso bo 'khor los sgyur bar 'gyur ro/ /gzhan gyi mthus zil gyis non par mi 'gyur ro/ /lo khri brgyad stong du 'tsho bar 'gyur ro/ /'on te lag pa g.yon pas zhags pa bzung la g.yas pas ral gri bzung ste/ khros pas hU~M zhes bgyi bas mnan na/ mi gda' bar gyur nas/ mi gda' ba dang / zhags pa dang / ral gri grub pa'i rig sngags 'chang thams cad kyi gtso bo rgyal po 'khor los sgyur bar 'gyur ro/ /tshe lo khri thub par 'gyur ro/ /'on te rig sngags 'chang khros pas ral gri bskor na/ bgegs dang / log 'dren dang / gnod sbyin dang / srin po gdug pa thams cad dang / 'byung po thams cad kyi rig sngags gcad par 'gyur ro/ /g.yul gyi dbus su lan cig bskor na/ g.yul 'gyed pa'i mtshon cha thams cad bcad par 'gyur/ rengs par bgyis par 'gyur te/ thams cad phyogs bcur 'byer bar 'gyur ro/ /dur khrod kyi nang du bskor na/ dur khrod na gnas pa'i gdug pa rgyu ba thams cad kyi rig sngags gtubs par 'gyur zhing / gnas thams cad stongs par 'gyur ro/ /phug gi sgor bskor na/ 'khrul 'khor dang sgo glegs thams cad dkrugs par 'gyur ro/ /sgo dang gtan pa thams cad gtubs par 'gyur ro/ /gdug pa'i mi ma yin pa bar chad bgyid pa thams cad bcom par 'gyur/ thal bar brlag par 'gyur ro/ /gzhan yang dgos pa thams cad du ci ltar 'tshal ba bzhin du bgyid par 'gyur ro/ /ral gri sgrub pa'i cho ga'o// //de nas yang rig sngags 'chang sbrul gyi zhags pa bsgrub par 'tshal na/ rig sngags 'chang des skud pa lnga las bsgrubs te/ tshon rtsis kha bsgyur ba'i skud pa tshad bzhin du gtubs la/ bsgrub par shin tu 'os pa las bsgrub par bgyi'o/ /de nas zas bzang po'i phye ma dang / ma d+hu'i me tog dang / ra sa'i me tog dang / ldong ros dang / pad+ma ge sar dang / nA ga puSh+pa dang / shing arka'i 'o ma de lhan cig tu sbyar ba der btsag btsal te/ dus gcig tu lhan cig mnyam du btags shing spyi bor legs par bsku ste/ de la don yod rgyal po lan stong rtsa brgyad bzlas brjod bgyis nas/ sbrul 'khyil pa mgo gsum gyi gdengs ka can yongs su 'khyil pa gser gyis g.yogs pa/ legs par sbrel ba ni zhags pa'i mchog lags so/ /rig sngags 'chang gis legs par khrus bgyis la/ gtsang mas gos gtsang ma bgos te/ ba'i lci ba'i dkyil 'khor gru bzhi tshad bzhin bgyis te/ dris mchod par bgyi'o/ /me tog gi sil ma dang / bum pa gang bas brgyan par bgyi'o/ /ba dan gyis kun nas brgyan par bgyi'o/ /dkyil 'khor gyi dbus kyi gnas su stan bzang po bshams te/ de'i steng du klu'i zhags pa bskyil nas gzhag par bgyi'o/ /sbrul gyi mgo'i gdengs ka dbus ma ni kha shar phyogs su bstan no/ /dkar gsum gyi gtor ma gzhag par bgyi'o/ /mchod yon zhabs bsil dkar po'i snod dang / bdug pa rnam pa gsum po tsan+dan dang / a ga ru dang / du ru ska rnams bsreg go/ /'bras yos dang / yungs kar bkram pa'i dkyil 'khor bgyis la/ 'phags pa spyan ras gzigs dbang phyug mngon sum du bzhag la mchod pa rgya chen po bgyis te/ rig sngags 'chang gis skyil mo krung bcas te/ mchis nas bzlas brjod mang du bgyi'o/ /thog mar don yod zhags pa'i snying po lan stong rtsa brgyad bzlas brjod bgyis nas/ tshangs pa dang / khro bo'i rgyal po lan stong rtsa brgyad bzlas pa'i yungs kar re re nas sbrul gyi mgo la gtor bar bgyi'o/ /sgrub pa thams cad tshang nas ni/ /rgyun du sbrul ni 'bar bar 'gyur/ /stan las zhags pa g.yo ba ni/ /sor bzhi tsam gyi tshad tsam du/ /stan las gyen du 'phar bar 'gyur/ /de nas rig sngags 'chang gis bzung nas mi gda' bar gyur nas/ klu'i gnas su mchis te/ klu'i mtshor mchis na/ klu'i gnas kyi sgo rnams 'bye bar 'gyur ro/ /rig sngags 'chang gis zhugs te don yod rgyal po bzlas nas/ sbrul gyi zhags pa lan gsum du bskor bar bgyi'o/ / de nas klu'i rgyal po btsun mo'i 'khor dang bcas pa mchis nas rig sngags 'chang la mngon sum du smra bas rig sngags 'chang zhugs shig ces smra bar 'gyur ro/ /de nas rig sngags 'chang gis sbrul gyi zhags pa bzung ste bskor nas 'jug par bgyi'o/ /de nas rigs sngags 'chang gis klu'i skyon de mi mthong zhing nub par 'gyur ro/ /'khrul 'khor dang / sgo glegs dang / gtan pa thams cad gtubs shing bcad par 'gyur ro/ /zhugs pa tsam gyi mod la klu'i bu mo gzugs bzang mo mdzes ma rgyan thams cad kyis brgyan cing bklubs ma mdzes ma mchis nas/ rin po che'i phreng ba thogs te/ rigs sngags 'chang la dbul bar bgyid do/ /rigs sngags 'chang gis blangs nas spyi bo la bzhag ste/ bzhag pa tsam gyi mod la klu'i bu mo nam mkha' la 'phur nas nu ma gnyis nas 'o ma zags pa dang / rig sngags 'chang gis bzed nas btung bar bgyi ste/ tshe nyi khri thub par 'gyur ro/ /skra cung zad 'khyil bar yang 'gyur ro/ /klu'i rgyal po zhes bgyi ba thams cad kyi bdag po 'khor los sgyur bar 'gyur ro/ /mthu dang brtson 'grus chen pos pha rol gnon par 'gyur ro/ /de nas rig sngags 'chang gis sbrul gyi zhags pa bzhag la/ don yod rgyal po'i snying po shing ka ra bI ra'i lcug ma la bzlas nas bya ba par bgyi ste/ gang dang gang gi ming nas drangs shing yid la bsams pas mod la thams cad 'grub par 'gyur ro/ /char mi 'bab pa'i dus su sbrul gyi zhags pa gnas mthon por bskor bar bgyi ste/ lan cig bskor ba tsam gyis char gyi rgyun chen po 'bab par 'gyur ro/ /ha cang char ches pa'i dus su sbrul gyi zhags pa gnas mthon por bzhag na char ha cang che ba las 'chad par 'gyur ro/ /grang ba'am/ rlung ngam/ ser ba 'bab pa'i dus su nang par sngar klu'i zhags pa phyogs bzhir bskor na/ dpag tshad brgya khor khor yug tu ser ba 'bab par mi 'gyur ro/ /grang ba'i rlung dang ser ba thams cad bcings par 'gyur ro/ /lo khyud 'khor tshang bar mtshams chen po bcings par 'gyur ro/ /nyin gcig bzhin don yod rgyal po'i snying po lan nyi shu rtsa gcig bzlas brjod bgyis nas zhags pa lag pa g.yas pas bzlogs la/ lag pa g.yon pas bskrad pa bgyis na/ nyin gcig bzhin lha'i zhal zas dang / btung ba 'dod dgu thams cad klu'i gnas nas byung nas skye bo stong stong tsam la stsol bar 'gyur ro/ / de'i dug thams cad mthong ba tsam gyis dug ma lags par 'gyur ro/ /sbrul gyi zhags pa lag pa g.yas pas bzung la/ lag pa g.yon pas klu bzung nas/ dpyid dam/ ston ka'am/ sprin chags pa'i dus su zhags pa bskor la khro bo'i rgyal po bzlas brjod bgyis te/ nam mkha' la 'phangs na me tog dang / 'bras bu dang / lo tog bzang po gang ci yang rung ba bzang po shin tu smin pa/ kha zas shin tu bzang po thams cad nam mkha'i ngos las sa la 'bab par 'gyur ro/ /gal te lan nyi shu rtsa gcig bskor nas/ khro bo'i rgyal po lan nyi shu rtsa gcig bzlas brjod bgyis na/ klu'i gzhal med khang dang / gos dang / lhab lhub dang / rgyan 'phyang dang / rgyan thams cad sa la 'bab par 'gyur ro/ /gal te rig sngags 'chang gis lan nyi shu rtsa gcig las lhag par bskor cing khro bo'i rgyal po bzlas brjod bgyis na de'i tshe klu 'khor dang bcas pa gzhal med khang dang bcas par sa'i steng du ltung bar 'gyur ro/ /gal te rig sngags 'chang gis rgyal po btsun mo'i 'khor dang bcas pa dbang du bgyi bar 'tshal na/ zhags pa bzhag la yungs kar la don yod rgyal po lan stong rtsa brgyad bzlas brjod bgyis nas bsnun la/ de nas sbrul gyi zhags pa blangs te/ rgyal po'i khyim gyi phyogs gang lags pa der lhag par zhags pa bskor na/ rgyal po'i btsun mo 'khor dang bcas pa dbang du gyur nas/ ji srid 'tsho'i bar du mchis par 'gyur ro/ /g.yul 'gyed pa na khro bo'i rgyal po bzlas brjod bgyis nas zhags pa g.yul gyi dbus su 'phangs na sbrul gdug pa mig bgrad pa/ lce bsgyur ba mig me mdag ltar dmar ba 'byung bar 'gyur te/ mthong ba tsam gyi mod la dpung gi tshogs yan lag bzhi pa phyogs bcur 'byer bar 'gyur ro/ /gzhan yang ji lta ji ltar yid la bsams pa'i don de lta de lta bur thams cad sgrub par byed par 'gyur ro/ /sbrul gyi zhags pa sgrub pa'i cho ga'o// //de nas 'byung po'i dbang phyug gi zhags pa bsgrub par 'tshal na/ 'bri'i rtsid pa dang / rtsid pa chen po lhan cig tu bkal ba dang / lcags las mdung rtse gsum pa sor bzhi'i tshad tsam du bgyis la/ de nas don yod rgyal po'i snying po lan stong rtsa brgyad bzlas brjod bgyis nas khro bo'i rgyal po lan stong rtsa brgyad bzlas te/ nyin zhag gcig mchis la legs par khrus bgyis te/ gtsang mas gos gtsang ma bgo bar bgyi'o/ /zla ba mar gyi ngo'i tshes bcu bzhi'i nyin zhag gcig gis bsgrub par bgyi'o/ /de nas mdung rtse gsum pa'i zhags pa blangs nas 'byung po'i dbang phyug gi gzugs 'dra bar 'gyur ro/ /'byung po thams cad kyi bdag po lo brgya stong du 'tsho bar 'gyur ro/ /'byung po'i gnas kyi gzhal med khang thams cad kyi bdag por 'gyur ro/ /zhags pa lag par thogs nas/ dur khrod du zhugs na/ dur khrod na gnas pa thams cad mdun du mchis te/ gnas kyi sgo thams cad 'bye bar 'gyur zhing khyod ci dgar zhugs shig ces ci 'tshal bde bgyid par 'gyur ro/ /ro'i mgul du btags nas khro bo'i rgyal po bzlas na de nas ro langs nas ci dris pa de smra bar 'gyur zhing / ci bsgo ba de bgyid par 'gyur ro/ /bkrol na 'chi bar 'gyur ro/ /gnod sbyin gyi mgul du btags nas khro bo'i rgyal po bzlas la khros pas drangs nas/ gnod sbyin de yang mdun du mchis nas/ rigs sngags 'chang la rje btsun bka' stsol cig dang / thams cad bgyi'o zhes smra bar 'gyur ro/ /rig sngags 'chang gis khyod ji srid 'tsho'i bar du khro bo'i rgyal po mngag gzhug pa'i las gyis shig ces smra bar bgyi ste/ bka' bzhin 'tshal zhes de nas nyin gcig bzhin bsgo ba bgyis na/ las thams cad bgyid par 'gyur ro/ /gnod sbyin mo'i mgul du btags te/ khro bo'i rgyal po bzlas na/ gnod sbyin mo mchis nas/ rig sngags 'chang gi mdun du mchis te/ rig sngags 'chang la mig mi 'dzums par blta zhing / rig sngags 'chang ci zhig don du gnyer zhes smra bar 'gyur ro/ /rig sngags 'chang gis kho bo la ma dang / chung ma dang / sring mos bsgrub par bya ba'i dgos pa gsum byos shig ces bsgo bar bgyi'o/ /gal te ma zhig tu bgyid na bu gcig pa bzhin du bza' ba dang / btung ba dang / mal cha dang / gos dang / nor dang / 'brus yongs su skyong bar bgyid do/ /chung ma zhig tu bgyid na/ mkho ba'i yo byad thams cad kyi dbang phyug dang bdag por bgyid cing / de dang lhag par dga' bar rtse bas phye bzhin 'brang bar 'gyur ro/ /gal te sring mo zhig tu bgyid na/ yid la brnag pa'i 'dod pa thams cad yongs su rdzogs par bgyid do/ /dgos pa thams cad bgyid par 'gyur ro/ /thams cad du rgyug cing slar yang ldog par 'gyur ro/ /nyin gcig bzhin lhab lhub dang / gos dang / rgyan thams cad stsol bar bgyid do/ /nyin gcig bzhin gzhan yang lha'i bu mo dag rtsed mo'i don du dgug par bgyid do/ /rnam thos kyi mgul du btags te/ khros pas drangs nas khro bo'i rgyal po'i bzlas brjod bgyis na/ de nas rnam thos mchis nas/ nyin gcig bzhin dong tse stong stsol bar 'gyur/ gser stong stsol bar 'gyur te/ des nyin gcig bzhin sbyin pa yang stsol/ bsod nams kyang bgyi'o/ /nag po chen po'i mgul du btags la khro bo'i rgyal po lan bdun bzlas brjod bgyis te/ khros pas lag pa g.yas pa'i thal lcag gis brdeg par bgyi'o/ /nag po chen pos sgra phyung ba dang / rig sngags 'chang skrag par mi bgyi bar slar yang khros pas brdeg par bgyi'o/ /de nas mchi ma zags pa dang / rig sngags 'chang gis ma bzed de/ thig le bgyis na mi gda' bar gyur nas gter thams cad mthong bar 'gyur ro/ /de nas rig sngags 'chang gis slar yang thal mos brdeg par bgyis te/ de nas nag po chen po khrag tu skyugs pa/ rig sngags 'chang gis byugs na nam mkha' la mchis nas/ gnod sbyin gyi sde dpon chen por 'gyur ro/ /gu gul gyi bdug pas bdugs nas khro bo'i rgyal po bzlas na/ nag po chen po rang gi gzugs kyis mdun na mchis nas ci 'tshal ba'i mchog thams cad stsol bar bgyid cing / ma mo'i tshogs dang bcas pa thams cad dbang du mchi bar 'gyur ro/ /gzhan yang ci 'tshal ba bgyid pa pa dgos pa thams cad bgyid par 'gyur ro/ / mdung rtse gsum pa'i zhags pa bsgrub pa'i cho ga'o// //de nas gzhan yang zhags pa dang rjes su mthun pa'i ri mo'i cho ga de kho na nyid sgrub pa'i cho ga bla na med pa brjod par bgyi ste/ 'jig rten mgon pos sna tshogs pa'i/ /rnam pa'i kha dog gzugs bstan pa/ /sgyu ma lta bu'i ting 'dzin gyis/ /cho 'phrul sna tshogs gzugs bstan te/ /lag pa stong dang mig stong dang / /mtha' yas pa yi phyag rgya bstan/ /rnam pa sna tshogs pa yi gzugs/ /khams gsum dag tu bstan pa ni/ /gdul bya gdul phyir gzugs bstan to/ /gsang ba 'di yi gzugs bstan pa/ /sems can kun la phan pa'i phyir/ /rig sngags sgrub pa bla na med/ /de nyid zhags pa bsgrubs phyir ro/ /de bas rig 'dzin shes rab can/ /'jig rten pha rol rjes mthun pa/ /sangs rgyas nyid don gnyer ba dang / /de bzhin gshegs kun lta ba dang / /bde can blta bar 'tshal ba dang / /de nyid 'jig rten 'das pa yi/ /'jig dbang mgon po mthong 'tshal ba/ /mchog tu gus par bgyi ba yi/ /cho ga'i rgyal po 'di brjod kyis/ /de nyid gus par dang ba dang / /shin tu dang ba nyid du bgyi/ /grol ba sna tshogs 'tshal ba la/ /sna tshogs pa yi gzugs bstan te/ /sna tshogs thabs kyis grol bar 'gyur ro/ /don yod rgyal po cho ga'i mchog /don yod grub pa'i 'jig rten 'das/ /don yod 'bras bu dam pa po/ /don yod kun du grub pa 'thob/ /sangs rgyas kun gyis byin gyis brlabs/ /don yod 'jig rten 'jig rten mgon/ /'jig rten dbang phyug mchod sbyin pa/ /don yod 'jig rten ci 'tshal ba/ /mchog 'tshal ba ni grub par 'gyur/ /don yod rgya chen rdzu 'phrul gyi/ /cho 'phrul rnam 'phrul rgyun mi 'chad/ /de lta bas na kun bsgrims te/ /bdag nyid yongs su dag bgyis nas/ /ji ltar cho ga bkod pa bzhin/ /rjes su mthun par ri mo'i gzugs/ /rtag tu ri mo'i gzugs blta zhing / /zhags pa'i gzugs ni sna tshogs dang / /de bzhin khro bo'i rgyal po dang / /rig sngags rgyal po de bzhin du/ /dkyil 'khor lha dang me lha dang / /sbyin sreg rlung lha chu lha dang / /khro bo'i gzugs dang zhi ba dang / /lha dang klu dang ston pa dang / /gnod sbyin srin po'i gzugs dang ni/ /'byung po lha min dri za dang / /nam mkha' lding dang mi'am ci/ /lto 'phye chen po'i gzugs kun du/ /'jig rten mgon po mchog sbyin bstan/ /gshin rje dang ni lus ngan dang / /tshangs pa khyab 'jug dbang phyug che/ /gzhon nu dbang phyug lha dang ni/ /dbang phyug chen po nyi ma dang / /zla gzugs rgyu skar tshes grangs lha/ /'di dag rnam pa sna tshogs pa'i/ /gzugs su 'jig rten mgon pos bstan/ /sems can rnams la phan 'tshal bas/ /gdul ba'i don du grol ba'i lam/ /sems can rnams la bstan pas na/ /de bas som nyi nyid mi bgyi/ /mchog tu dang bar bgyi ba lags/ /ci ltar mthun pa'i dgos pa rnams/ /ci ltar mthun pa bzhin du 'grub/ /ci ltar mthun pa ri mo'i gzugs/ /ci ltar mthun pa'i zhags pa sgrub/ /gnas 'di gang du 'os pa dang / /gang du sems ni dga' bar 'gyur/ /goms pa gang gi phyag rgya dang / /gang gi dkyil 'khor char dbye ba/ /'phags pa spyan ras gzigs dbang mgon/ /kun du sgrol ba 'dren pa'i gtso/ / don yod 'bras bu stsol ba'o/ /don yod pa yi grub pa thob/ /don yod dgos pa thams cad dang / /grub pa'i chos kyi 'khor lo ni/ /mchog nyid la yang reg par 'gyur/ /zhags pa dang ri mo bsgrub pa'i cho ga'o// //de nas don yod pa'i las dang dgos pa sgrub pa thams cad kyi sbyin sreg gi cho ga bshad par bya ste/ sdig pa thams cad mod la 'phrog pa/ sgrib pa thams cad 'jig par bgyid pa/ dgra thams cad 'joms pa/ bgegs thams cad rnam par 'joms pa/ gdug ba thams cad bzlog pa'i mchog sdig pa thams cad 'jig par bgyid pa/ dmyal ba'i sdug bsngal bcu drug las grol bar bgyid pa/ 'jigs pa mi bzad pa brgyad rtag tu 'phrog pa/ mi mdza' ba rnams 'joms pa/ pha rol gyi dpung ldog pa'i mchog /nad thams cad 'joms pa/ mod la 'thab pa dang / 'thab mo dang / rtsod pa dang / 'gyed pa zhi bar bgyid pa/ mu ge'i dgon pa 'jig par bgyid pa/ yams kyi nad dang gnod pa 'joms pa/ lha'i bde ba 'dren par bgyid pa'i mchog de kho na nyid kyi sangs rgyas sgrub pa/ sangs rgyas kyi byang chub bla na med pa'i mchog thams cad sgrub par bgyid pa/ sems can thams cad kyi thun mong mchog sbyin shin tu rnyed par dka' ba lha rnams rtag tu mgu bar 'gyur ba/ klu rnams dga' ba 'thob par 'gyur ba/ de bzhin gshegs pa rnams rtag tu nyin mtshan du gzigs par som nyi ma mchis pa/ byang chub sems dpa' rnams dga' bar 'gyur ba/ dus kun du shin tu mnyam par bzhag pas/ 'jig rten dbang phyug mchog sbyin rtag tu mchis par som nyi ma mchis par rgyal po chen po bzhi 'khor dang bcas blon po dang bcas pa bsrung ba'i don du thams cad du rtag tu rjes su 'brang bar 'gyur lags so/ /de nas rig sngags 'chang shes rab dang ldan pas/ gtsang ma'i gnas su mchis nas sbyin sreg bgyi ste/ gtsang ma yi ni sa phyogs sam/ /ca co ma mchis dben par ni/ /zhi ba dang ni rgyas pa dang / /drag shul spyod pa rnams bgyi'o/ /zhi ba sems can thams cad kyi/ /don du sdig pa thams cad 'joms/ /rgyas pa rgyas pa thob 'gyur te/ /thams cad phun sum tshogs par 'gyur/ /dgra dang log 'dren gdug pa dang / /gnod sbyin srin po gsang ba pa/ /gdug sems can rnams bred pa dang / /skrag par sdigs pa drag shul spyod/ /gsang sngags sgrub pa'i sbyin sreg ste/ /gsang sngags sgrub pa bla na med/ /'jig rten 'jig rten pha rol gyi/ /sbyin sreg gi ni las bgyi'o/ /me lha'i lha dang klu dag dang / /de bzhin rig pa 'dzin pa'ang dgug /khung brkos de la pad+ma'i tshul/ /pad+ma rtag tu bri bar bgyi/ /cho ga ci bzhin khung nang gi/ /pad+ma la ni ge sar bgyi/ /gru bzhi'am ni zlum po ste/ /de lta bu ni brko bar bgyi/ /legs par byugs shing shin tu gnag /shin tu sbas shing tshad la dbab/ /tshes grangs rgyu skar nyid dag dang / /shin tu bkra shis dag la bgyi/ /bkra shis phyag rgya chen po ste/ /bzang pos gtor ma'i las bgyi'o/ /bdug pa me tog la sogs pa/ /bzang po dag ni 'khor bar dgod/ /thog mar me lha bkug nas ni/ /de nas sbyin sreg las rnams bgyi/ /rig sngags 'chang ba gtsang gyur pa/ /legs bkrus gtsang ma'i gos bgos nas/ /gsang sngags bzlas pa'i cho ga bgyi/ /de la mtshams kyang bcing bar bgyi/ /bdag bsrung gtsug tor bcing ba dang / /gzhan bsrung dkyil 'khor bcing ba dang / /de bzhin grogs bgyid bsrung ba dang / /rgyun du arka'i shing spar te/ /dri yi shing rnams nyid dag dang / /mar dang yungs kar 'bras yos dag / nyi shu gcig dbul me ston bgyi/ /de nas me'i lha dgug go/ /oM na mou0f85 g+ni dz+wa la/ ma hA dz+wa la/ dz+yod snA pra b+hA maN+Dal/ sarba bid Ahu ti rak+ti ni rata tuSh+Na dz+wa la/ d+hu ma shwa sa/ artsi ShA mu kha triSh+Na/ rash+mi da ba ag nish+tsa bid tu tash+tsa hU ta sha na mu kha na te/ sarba de bA nAM/ sarba yak+Sha ma hA bIr+ya ma hA dza ya/ ma hA bA la/ nir ma ri shan/ sarba da hA na pra bu la A kA sha sa mug gang kash+tsa a ba pras da kA shan/ man Da la pU dzi to/ ma Ni ta sarba tra di ba bya ru pa/ bi shA ra dang / A bA hA na sarba da tra gAn/ de ba hU ta/ sha na hu tra/ sha na ta ma si bi d+ha ma ka na/ an d+ha kA rA na/ mug te rash+mi ma pri yang ku g+ha na d+ha pha lA ha ra/ sa ra sa ra/ a gra dza/ sUk+Sh+ma su tIk+Sh+Nash+tsa mr-i ti sa na tsi bi na/ pri yo pash+mi push+mi push+pa b+ha sma b+hasta tsa b+ha sma bas+t+ra ni/ se ba ka~M /b+ha sma sany+tsa d+ha nid t+yan d+hu ma mA ku la/ dzA ya se pA ka sid d+ha ras grA tsa ra sa rbad tra pra d+ha pa ri shA/ sa rbad tra ni ra ma ri sha No/ nir t+ya spriSh+Ta d+hash+Ta na muny+tsa si/ dwa tring sha /b+ha ba no de ba ag ni mu kha de bA ta/ e ru tsi ru dzA ba la ba da ka ma hA na ta/ a tha par No/ de ba de ba na/ bi shA ra da/ a yA na tu sA d+ha shi g+h+raM kar ma sA d+ha ya tad twa ta/ oM dz+wa la dz+wa la/ tiSh+Tha sa ma yan/ hu ru hu ru hU~M phaT swA hA/ gsang sngags 'dis ni lan bdun du/ /bzlas nas me ni dgug par bgyi/ /gu gul yungs kar mar sbyar la/ /spar bdun spar bas me la dbul/ /mchod yon snod rnams dbul ba yang / /de bzhin spar ba'i spar bas so/ /dri rnams dang ni byug pa dang / /bdug pa rgya cher dbul bar bgyi/ /de bzhin 'bras bu spar bar 'bul/ /de nas chab kyis bsang ba bgyi/ /ci ltar lha rnams rim bzhin du/ /nye reg dag kyang dbul bar bgyi/ /de nas rig sngags 'chang gis su/ /sbyin sreg las ni yang dag brtsam/ /dri zhim shin tu dag pa dang / / blag sha u dum bA ra dang / /sna ma'i me tog tsam pa dang / /kar ni ka ra nyid dag dang / /pad+ma ut+pal thang shing dang / /de bzhin dri bda'i tsan+dan dang / /byang chub ljon shing shing dag dang / /de bzhin gzhan yang dri bda'i shing / /'on te 'bras bu'i shing mang dang / /sha mi shi ba'i las lags pas/ /mchod yon de bzhin rtswa dag ste/ /de dag gis ni me spar nas/ /sbyin sreg gi ni las rnams bgyi'o/ /'bras yos tsan+dan phye ma dang / /a gu ru dang du ru ska/ /kun du ru la sogs pa dang / /du ru skar bcas spri ka dang / /spang spos pri yang ku blangs te/ /de dag lhan cig sbyar bsres shing / /mar ram mar sar lhan cig brdzi/ /don yod rgyal po'i gsang sngags ni/ /brgya rtsa brgyad bzlas me la dbul/ /'phags pa spyan ras gzigs dbang phyug gi mdun du lan stong rtsa brgyad kyi sbyin sreg bgyi'o/ /lan stong rtsa brgyad tshang ba dang / nam phyed na me lha rang gi gzugs 'bar bar shin tu gnas pa lags nas phyogs bcur blta zhing kun du brtags nas/ rig sngags 'chang la legs so zhes bgyi ba stsol bar 'gyur te/ rig sngags 'chang legs so legs so/ /bdag tshim par byas pas rig sngags 'chang khyod kyis sbyin sreg gi cho ga grub kyis mchog slongs shig dang / thams cad sbyin no/ /de nas rig sngags 'chang gis ci lta bu'i 'dod pa'i mchog rnams blang bar bgyi ste/ ci ltar blangs pa bzhin thams cad stsol bar 'gyur ro/ /de nas rig sngags 'chang gis mchod yon gyi snod dag 'bul zhing gtor ma dbul ba'i las bgyi'o/ /de nas rig sngags 'chang gis mar dang bsres pa'i gong bu chen po dag gis sbyin sreg bgyi zhing / 'bras bu'i shing spar nas/ don yod zhags pa'i snying po lan stong rtsa brgyad bzlas brjod bgyi'o/ / stong rtsa brgyad tshang ba dang / thab kyi dbus nas skyes pa zhig lus phyed tsam phyung nas/ dngul gyi gzhong pa kha zas kyis bkang ste/ pus mo nub tsam du 'bul bar bgyid do/ /rig sngags 'chang gis blang bar bgyi ste/ blangs pa tsam gyis nam mkha' la 'phur bar 'gyur zhing / rig sngags 'chang gi lus la me 'bar ba'i 'od zer 'byung bar 'gyur ro/ /de 'tshal na tshe lo khrir 'gyur ro/ /nam mkha'i rig sngags 'chang gi 'khor los sgyur bar 'gyur ro/ /bskal pa bcu tshun chad kyi sngon gyi skye ba dran par 'gyur ro/ /don yod rgyal po'i cho ga zhib mo rnam par grol ba'i dkyil 'khor kha ton du gnas par 'gyur ro/ /gal te snod mi len na de'i tshe yang lan nyi shu rtsa gcig sbyin sreg bgyis na/ cher g.yo bar 'gyur ro/ /'phags pa spyan ras gzigs dbang phyug gi gzugs kyi mdun du mchis na/ rig sngags 'chang la dbugs 'byin par bgyis te/ rig sngags 'chang legs so legs so/ /rig sngags 'chang khyod kyis sbyin sreg gi cho ga de bsgrubs zin gyis/ mchog slongs shig dang sbyin no zhes de'i tshe rig sngags 'chang gis ci bsams pa'i mchog smras pa/ de'i tshe thams cad stsol bar bgyi'o/ / 'phags pa spyan ras gzigs dbang phyug gis skyes pa de la snod blangs te/ rang gi lag nas rig sngags 'chang la stsol bar bgyid do/ /rig sngags 'chang gis blangs nas zas kyi gong bu de bza' bar bgyi'o/ /'tshal ba tsam gyi mod la nam mkha' la rdzu 'phrul gyis mchi bar 'gyur ro/ / lus las me'i snying po 'bar ba'i kha dog sna tshogs 'byung bar 'gyur ro/ /don yod pa'i rgyal po'i rig sngags 'dzin 'khor los sgyur bar 'gyur ro// //'phags pa don yod zhags pa'i cho ga zhib mo'i rgyal po/ bam po drug pa/ gang gA'i klung gi bye ba khrag khrig brgya stong dgu bcu rtsa gnyis kyi bye ma snyed dang mnyam pa'i rig sngags 'chang ba'i 'khor los sgyur ba rnams kyi rig sngags 'chang gis yongs su bskor bar 'gyur ro/ /gang gA'i klung bye ba khri phrag brgya stong dgu bcu rtsa gnyis kyi bye ma dang mnyam pa'i gnas kyi gzhal med khang don yod rab tu gnas pa'i gnas rnams 'byung bar 'gyur ro/ rin po che sna bdun gyi gzhal med khang ri dang / tshal dang nags tshal dang bcas pa me tog dang 'bras bu'i shing rnam pa sna tshogs yal ga dang / sbal mig dang / lo ma dang / rtsa ba dang / myu gur bcas pa kha cig ni gser gyi me tog kha cig ni dngul gyi me tog / kha cig ni rin po che sna bdun las byung ba'i me tog dag go/ /gzhan yang lha'i me tog rnam pa sna tshogs pa dag dang / ta ma la dang / tsam pa ka dang / lcug ma'i me tog dang / ta la dang / g+han d+ha par shi ka dang / sna ma dang / yu ti ka dang / ta ra na dang / kub bya ka'i me tog dag dang / tshal dang / nags tshal dang / skyed mos tshal dga' bar 'gyur ba'i gnas kyi gzhal med khang gis mdzes par bgyis pa'i gzhal med khang thams cad 'byung bar 'gyur zhing dga' ba dang yid mgu ba dang / yid du mchi bar 'gyur ro/ /lha'i chu klu dang / 'bab chu dang / lteng ka dang / rdzing lha'i tsan dan gyi dri'i chab kyis yongs su gang ba de la rin po che sna bdun las byung ba'i gzhal med khang dang / lha'i pad+ma dang / ut+pal dang / ku mu da dang / pad+ma dkar pos legs par brgyan pa'i chab gser gyi bye ma legs par bdal ba'i gzhal med khang dag 'byung bar 'gyur ro/ /lha'i bu mo dang / mi'am ci'i tshogs dang / dri za'i tshogs kyis dga' bar bgyis pa/ lha dang / lha ma yin dang / dri za dang / klu dang / rig 'dzin dang / mi'am ci'i tshogs kyis yongs su bskor cing / lha'i 'byor pa gzhal med khang legs par bstabs pa'i gnas na thams cad du rtse bar bgyid/ dga' bar bgyid/ dga' mgur spyod par 'gyur ro/ /byang chub kyi snying po la thug pa nas byang chub la mchis kyi bar dang / chos kyis 'khor lo bskor ba nas yongs su mya ngan las 'das pa'i bar du tshe'i tshad gcig tsam du skyong bar bgyid do/ /de bzhin du grub pa bla na med pa chen po/ 'phags pa spyan ras gzigs dbang phyug nyid byang chub kyi snying po la thug gi bar du rtag tu rjes su 'brang bar 'gyur te/ de ltar zas kyi gong bu sgrub pa'i cho ga shin tu rnyed par dka' lags so/ /phyogs bcu mtha' dag gi sangs rgyas kyi zhing thams cad kyi de bzhin gshegs pa thams cad dang lhan cig 'grogs nas mchi bar 'gyur/ de bzhin gshegs pa thams cad las mngon sum du chos nyan pa thos par 'gyur ro/ /de'i 'od zer 'bar ba'i snying pos stong gsum gyi stong chen po'i 'jig rten gyi khams snang bar 'gyur ro/ /don yod pa'i zhags pa 'phags pa spyan ras gzigs dbang phyug gi snying po byang chub sems dpa' thams cad kyis phyag bgyis pa rnam par grol ba'i dkyil 'khor gyi gsang sngags dang phyag rgya ring bar phye ba'i cho ga zhib mo mtha' dag rdzogs par bsgrub pa'i cho ga thams cad dang / cho ga zhib mo rgya chen po mtha' dag gi dkyil 'khor 'di kho na nyid du gnas par 'gyur lags so/ /klu'i rgyal po bye ba phrag brgya stong rnams de'i dbang du gyur nas rtag par rgyun du mchi bar 'gyur ro/ / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po thams cad dbang du gyur nas mchis par 'gyur ro/ /'og min gyi gnas kyi lha rnams rig sngags 'chang de'i phyi bzhin rtag tu 'brang zhing rtag par rgyun du yongs su bskor bar 'gyur ro/ /lha'i ro bro ba'i mchog dang ldan pa'i gzhal med khang rnam pa sna tshogs dag lhun gyis grub par 'byung bar 'gyur ro/ /de bzhin du gos dang / lhab lhub dang / rgyan sna tshogs dang ldan pa'i gzhal med khang dag 'byung bar 'gyur te/ de la sogs pa sbyin sreg gi cho ga don yod pa sgrub pa dag 'byung bar 'gyur ba'i grub pa 'thob par 'gyur ro/ /'on te skal ba chung ba sangs rgyas dang byang chub sems dpa'i sa bon ma mchis pa zhig mchis la des snod de blangs pa tsam gyi mod la rgyal srid kyi dbang phyug thob par 'gyur te/ lha dang mi'i dpal nyams su myong bar 'gyur ro/ /reg pa tsam gyi mod la tshe lha'i lo brgya khri bzhi stong thub par 'gyur ro/ /de la phyis kyang nad 'byung bar mi 'gyur te/ sdig pa dang sgrib pa thams cad kyis nyon mongs par mi 'gyur ro/ /phas kyi rgol ba dang / mi mdza' ba dang / gdug pa dang / rab tu gdug pa thams cad nub par 'gyur ro/ /sems can dmyal ba dang / dud 'gro'i skye gnas dang / gshin rje'i 'jig rten dang / kyi yul thams cad las yongs su grol bar 'gyur ro/ /sems can thams cad kyi mchod gnas gcig pur 'gyur ro/ /bud med dang / skyes pa dang / khye'u dang / bu mo dang / sems can thams cad blta 'tshal bar 'gyur ro/ /thams cad du rgyas par 'gyur ro/ /tshig btsan zhing don yod pa thob par 'gyur ro/ /'gum pa'i dus su de bzhin gshegs pa thams cad gzigs pa bzhed par 'gyur ro/ /'phags pa spyan ras gzigs dbang phyug mngon sum du mthong bar 'gyur ro/ /dran pa shin tu nye bar bzhag nas dus bgyid par 'gyur ro/ /dus bgyis nas skal ba mnyam par 'jig rten gyi khams bde ba can du skye bar 'gyur te/ pad+ma las rdzus te skye bar 'gyur zhing skye ba dran par 'gyur ro/ /lan 'ga' yang phyir ngan song du mchi bar mi 'gyur te/ phyir yang ma'i mngal du skye bar mi 'gyur ro/ /de bzhin gshegs pa thams cad blta ba dang / byang chub sems dpa' thams cad blta ba'i phyir sangs rgyas kyi zhing nas sangs rgyas kyi zhing du rtag tu mchi bar 'gyur ro/ /dpral bar thig le bgyis na/ thams cad du mi gda' bar 'gyur ro/ /me lha rtag par rgyun du dran par bgyis pa tsam gyis/ rang gi gzugs kyis mdun na mchis nas mchog thams cad stsol bar bgyid do/ /dgos pa thams cad bgyid par 'gyur ro/ /de nas don yod bsgongs pa bsgrub par 'tshal na/ rig sngags 'chang des 'bras dang sran ma ma shar bsres te bsgril la bsgongs nas/ mar dang bu ram dang / sha kha ra dang / sbrang rtsi lhan du brdzis nas/ bil ba'i tshad tsam du bgyis te/ de'i 'og tu shid ka ra bI ra'i me sbar nas/ bsgongs pa re re la lan bdun bzlas brjod bgyis nas/ me'i nang du sbyin sreg bgyis te/ nyin lan gsum mtshan lan gsum du brgya rtsa brgyad tsam sbyin sreg bgyi'o/ /de nas rig sngags 'chang yungs kar dang me tog ci rnyed pa dang bsres te/ lan nyi shu rtsa gcig bzlas brjod bgyis nas me'i dbus su stsal bar bgyi'o/ /'bras yos dang / yungs kar la khro bo'i rgyal po lan brgya rtsa brgyad bzlas nas gtor bar bgyi'o/ /de nas me'i dbus nas me lha lus phyed tsam phyung nas/ rin po che sna bdun las bgyis pa'i snod zas bsgongs pas bkang nas/ rig sngags 'chang la rig sngags 'chang khyod kyis zas bsgongs pa bsgrub pa'i cho ga grub zin gyis/ lha'i zas bsgongs pa chen po long shig ces stobs par bgyid do/ /de nas rig sngags 'chang gis zas bsgongs pa'i snod de blang bar bgyi'o/ /blangs pa tsam kho nas bcud kyis len du gyur nas/ nam mkha' la 'phur bar 'gyur ro/ /skra cung zad 'khyil bar yang 'gyur ro/ /pags pa yongs su dag par 'gyur ro/ /rig sngags 'chang 'khor los sgyur bar 'gyur ro/ /rig sngags 'chang gis 'khor los sgyur ba drug khri brgyad stong gis yongs su bskor bar 'gyur ro/ /me lha gnas dang gzhal med khang dang bcas/ 'khor dang bcas pa dbang du mchis nas/ las thams cad bgyid par 'gyur ro/ /gang dang gang gis zas bsgongs pa la reg pa de yang thos pa bsags pa'i rgya mtsho chen por 'gyur ro/ / don yod zhags pa'i snying po byang chub sems dpa' thams cad kyis phyag bgyis pa rnam par grol ba'i dkyil 'khor phyag rgya dang / gsang sngags rim par dbye ba dang bcas pa cho ga zhib mo mtha' dag rdzogs par kha ton du gnas pa 'di/ nyin gcig bzhin sh+lo ka stong klog gam 'chang bar bgyid na/ tshe brjes nas 'jig rten gyi khams bde ba can du skye bar 'gyur ro/ /pad+ma las brdzus te skyes nas skye ba dran par 'gyur ro/ /lan 'ga' yang phyis dran pa brjed par mi 'gyur ro/ /tshig btsan par 'gyur te/ sems can thams cad kyi snying du sdug par 'gyur ro/ / mchod pa chen po'i 'os su yang 'gyur ro/ /dpral ba la thig le bgyis na mi gda' bar gyur nas/ 'byung po dang / gnod sbyin dang / srin po thams cad dbang du gyur nas/ gnas kyi sgo thams cad 'byed par 'gyur ro/ /bud med gang zhig bu'i ched du zas bsgongs pa de 'tshal na/ bu gzugs bzang ba mdzes pa/ blta na sdug pa kha dog bzang po rgyas pa mchog dang ldan pa rnyed nas/ yun ring du 'tsho zhing yid gzhungs pa dang / mkhas pa dang / bstan bcos thams cad la bag tsha ba ma mchis par 'gyur ro/ /de nas skye bo 'bum zas btsal bar sems na/ 'o ma'i thug pa bsgrub par bgyi ste/ gnas gtsang ma bcom skyungs par shing ka ra bI ra'i lcug mas dkrug cing don yod zhags pa'i snying po gsang sngags bzlas brjod bgyis te/ de nas khro bo'i rgyal po chab dang yungs kar la bzlas brjod bgyis nas gtor bar bya'o/ /de nas zas bsgongs pa gcig snod kyi nang nas phyung nas/ 'o thug gi nang du bstsal lo/ /de nas char bgos te thog mar dkon mchog gsum la bsod snyoms dbul bar bgyi'o/ /de'i 'og tu byang chub sems dpa' 'phags pa spyan ras gzigs dbang phyug la dbul bar bgyi'o/ /de'i 'og tu 'phags pa 'jam dpal la dbul bar bgyi'o/ /de'i 'og tu dge sbyong dang / bram ze dang / rgyal rigs dang / rje'u rigs dang / dmangs rigs dang / skyes pa dang / bud med dang / khye'u dang / bu mo rnams dang / bkren pa dang / sdug phongs pa dang / lam gyis dub ba dang / slongs mo pa rnams la rab tu stsal bar bgyi'o/ /ji tsam du skye bo 'bum ci 'tshal bar kha zas 'tshal du stsal kyang / snod de gang ba'am bri bar mi mngon zhing de bas par mi 'gyur ro/ /gang dag zas de 'tshal ba de dag sngon gyi sdig pa dang / sgrib pa dang / rtsod pa thams cad dang bral bar 'gyur ro/ /nad thams cad dang bral bar 'gyur ro/ /dgra thams cad dang / phas kyi rgol ba thams cad dang / mi mdza' ba'i 'jigs pa thams cad kyis tshugs par mi 'gyur ro/ /'byung po dang / gnod sbyin dang / srin po'i 'jigs pa thams cad kyis mi tshugs par 'gyur ro/ /lus mnyen cing 'jam par 'gyur ro/ /nga ro lha ltar mnyen cing snyan la dga' bar bgyid pa ma yin pa'i dbyangs su mi 'gyur ro/ /rtag tu dub pa'i sdug bsngal thams cad yongs su spangs par 'gyur ro/ /rtag tu ji srid 'tsho'i bar du bde ba yang dag par stobs par 'gyur ro/ /tshe brjes nas bde 'gro thams cad du 'gro bar 'gyur ro/ /'o ma'i thug pas lhung bzed bkang nas/ de gnas mthon po bla gab med par dkyil 'khor bgyis te/ dkyil 'khor gyi steng du bzhag nas/ phyogs bcu'i de bzhin gshegs pa thams cad la lhung bzed de dbul bar bgyi'o/ /phul ba tsam gyi mod la chu bo gang gA'i bye ma 'bum phrag brgya stong gi bye ma snyed kyi phyogs bcu'i sangs rgyas kyi zhing de bzhin gshegs pa thams cad kyi de bzhin gshegs pa re re'i spyan sngar lha'i zhal zas ro brgya dang ldan pa'i lha'i zas bsgongs pa dang / lha'i 'o thug gis lhung bzed bkang ba dang / lha'i tsan+dan gyi dkyil 'khor lha'i me tog sil ma bkram pa yang 'byung bar 'gyur ro/ /phyogs bcu'i sangs rgyas kyi zhing du gtogs pa'i de bzhin gshegs pa'i 'khor gyi dkyil 'khor dang bcas pa byang chub sems dpa'i tshogs dang nyan thos kyi dge 'dun dang bcas pa la lha'i zhal zas ro brgya dang ldan pa'i mchog gis bstabs par 'gyur ro/ /de bzhin gshegs pa'i 'khor gyi dkyil 'khor dang bcas pa byang chub sems dpa'i tshogs dang / nyan thos kyi dge 'dun dang bcas pa de dag thams cad kyis rig sngags 'chang yon bdag de'i yon sbyong bar mdzad do/ /gang gi phyir yon spyangs nas/ skal ba dang mthun pa'i tshe 'di nyid dang / gzhan du dbang phyug chen po thob par 'gyur ro/ /grub pa chen po'i gser gyis 'byor bar 'gyur ro/ /mdzod dang bang mdzod mang pos rgyas par 'gyur ro/ /de bzhin gshegs pa thams cad kyis dgongs par 'gyur ro/ /byang chub sems dpa' thams cad blta 'tshal bar 'gyur ro/ /lha thams cad kyis de la srung ba dang / skyob pa dang / sba ba bgyid par 'gyur ro/ /de nas rgyal po btsun mo'i 'khor dang dpung gi tshogs yan lag bzhi dang bcas pa dbang du bgyi bar 'tshal na/ rig sngags 'chang des legs par khrus bgyis te/ gtsang mas gos gtsang ma bgos nas/ 'o thug mar dang bsres pa 'dis lan brgya rtsa brgyad sbyin sreg bgyi'o/ /sgron shing dang arka'i shing gi yam sreg shing gis me sbar bar bgyi'o/ /sbyin sreg lan stong rtsa brgyad tshang ba dang / rgyal po btsun mo'i 'khor dang dpung gi tshogs yan lag bzhi dang bcas pa bdag nyid dam/ nor dbang du gyur nas mchis par 'gyur ro/ /nub gsum du bgyis na/ klu'i rgyal po thams cad gnas dang 'khor du bcas pa dbang du gyur nas mchis par 'gyur ro/ /nub lngar bgyis na 'byung po dang / gnod sbyin dang / srin po dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi ma lags pa thams cad dang / mi thams cad 'khor dang bcas par dbang du gyur nas mchis par 'gyur ro/ /nub bdun du bgyis na rig sngags 'dzin thams cad dbang du gyur nas mchis par 'gyur ro/ /nub thams cad du bgyis na/ brgya byin la sogs pa sum cu rtsa gsum ris kyi lha rnams dang / lha'i bu mo'i tshogs thams cad dang gtsang ma'i lha'i bu mo thams cad babs nas dbang du 'gyur te/ ji srid 'tsho'i bar du bsnyen bkur bgyid cing mchis par 'gyur ro/ /zla ba nya nas brtsams te mar gyi ngo'i tshes nyi shu gsum mam gnam stong gi bar du dus gsum du lan nyi shu rtsa gcig sbyin sreg bgyis la/ arka'i shing gi yam sreg shing gis me sbar nas gnam stong gis rdzogs pa dang / 'phags pa spyan ras gzigs dbang phyug rang gi gzugs kyis mdun du mchis nas/ rig sngags 'chang legs so zhes bgyi ba stsol bar 'gyur te/ rig sngags 'chang legs so legs so/ / nga mnyes par byas kyis/ rig sngags 'chang smros shig dang / mchog sbyin te gang gnyer ba de thams cad sbyin no/ /gter smra ba'am/ nor bsgyur bar smra ba'am/ zhing smra ba'am/ nam mkha' la 'gro ba'am/ mi snang bar bya ba'am/ gsang sngags smra ba'am/ cho ga zhib mo 'grub pa de dag thams cad sbyin no/ /rgyal bo nyid dam/ blon po nyid dam/ yul bdag nyid dam/ phyug pa nyid dam/ grong rdal 'thob pa'am/ gos 'thob pa'am/ ba lang dang / rta dang / ma he dang / rnga mo dang / lug 'thob pa'am/ nor 'thob pa'am/ 'bru 'thob pa de dag thams cad sbyin no/ /nam mkha' la 'gro ba'am/ mi snang bar bya ba'am/ rdzu 'phrul 'thob pa'am/ ting nge 'dzin 'thob pa'am/ gzungs 'thob pa'am/ phyag rgya dang dkyil 'khor gyi cho ga zhib mo bsgrub pa dang ro langs bslangs pa'am/ rig 'dzin sgrub pa nyid dam/ ral gri'i rig 'dzin nyid dam/ nam mkha'i rig 'dzin nyid dam/ phug tu 'jug pa'am/ dur khrod du 'jug pa'am/ nags su 'jug pa'am/ ril rgyu ba de dag thams cad sbyin no/ /de nas rig sngags 'chang gis ji ltar yid la bsams shing smras pa de dag thams cad stsol bar bgyid do/ /rig sngags 'chang la bstan pa tsam gyi mod la dri med don yod lta ba zhes bgyi ba lus yongs su dag pa 'thob par 'gyur ro/ /tshe brjes nas 'jig rten gyi khams bde ba can du skye bar 'gyur te/ pad+ma ze ba'i dbus nas rdzus te pad+ma las skyes nas skye ba'i skye ba dran par 'gyur ro/ /don yod zhags pa'i snying po byang chub sems dpa' thams cad kyis phyag bgyis pa rnam par grol ba'i dkyil 'khor phyag rgya dang / dkyil 'khor rim par dbye ba dang bcas pa/ cho ga zhib mo mtha' dag dang bcas pa 'di rdzogs te/ byang chub kyi snying po la thug gi bar du kha ton du gnas par bgyi'o/ /de nas la du'i sbyin sreg gi cho ga bsgrub par 'tshal na/ rig sngags 'chang des kha zas la la du stong rtsa brgyad bgyis la/ de nas rig sngags 'chang gis don yod pa'i zhags pa'i snying po lan stong rtsa brgyad bzlas brjod bgyi'o/ / de nas legs par khrus bgyis te/ gtsang mas gos gtsang ma bgo bar bgyi'o/ /de nas la du mar dang bsres te sbyin sreg bgyi'o/ /shin tu dri zhim po'i shing gi yam sreg shing gis me sbar bar bgyi'o/ /stong rtsa brgyad tshang ba dang me'i dbus nas khye'u zhig byung nas snod lha'i la dus bkang nas dbul bar bgyid do/ /de nas rig sngags 'chang gis yungs kar la lan bdun bzlas te/ khye'u de'i lag tu gtor ro/ /khye'u des rig sngags 'chang la smras pa/ rig sngags 'chang khyod ci zhig don du gnyer/ rig sngags 'chang gis 'dod pa thams cad byin cig ces brjod par bgyi'o/ /des smras pa/ rig sngags 'chang snod kyi la du khyer cig dang / 'dis khyod kyi dgos pa dpag tu med pa 'grub par 'gyur ro/ /'di ni khyod kyi bcud kyi mchog yin no/ /rig sngags 'chang long shig / 'di ni khyod kyi grub pa'i mchog yin no/ /de nas rig sngags 'chang gis snod gang ba de blangs te/ khye'u la yang khyed kyis kho bo'i grogs gyis shig ces brjod par bgyi'o/ /khye'u yis smras pa/ dgos pa thams cad sgrub pa'i grogs bgyi'o/ /rig sngags 'chang gang gi tshe dgos pa byung ba de'i tshe/ gu gul dang / tsan+dan lhan cig bsres la mar dang yungs kar sbyar nas/ don yod lcags kyus lan bdun bzlas te sbyin sreg bgyi'o/ /arka'i shing gi me sbar ro/ /sbyin sreg bgyis pa tsam gyi mod la/ bdag bkug pas mod la mchis nas dgos pa thams cad bsgrub par bgyi'o/ /las thams cad bgyi'o/ /ji srid 'tsho'i bar du bsnyen bkur bgyis mchis shing bkur stir spyad par bgyi'o/ /bgegs dang log 'dren dang / 'byung po dang gnod sbyin dang / srin po thams cad bzlog par bgyi'o/ /de nas rig sngags 'chang gis la du de la reg par bgyis na/ nam mkha' la 'phur nas/ rig sngags 'chang gi rigs thams cad zil gyis gnon par 'gyur ro/ /rig sngags 'chang thams cad kyi 'khor los sgyur bar 'gyur ro/ /rig sngags 'chang gi 'khor los sgyur ba sa ya phrag gnyis dang / bye ba phrag bdun gyis yongs su bskor bar 'gyur ro/ /tshe'i tshad lha'i bskal pa drug khrir 'gyur ro/ /skra cung zad 'khyil bar yang 'gyur ro/ /la du lhung bzed kyi nang du stsal te/ 'phags pa spyan ras gzigs dbang phyug gi mdun du bzhag nas/ don yod rgyal po'i khro bos dbang bskur te/ de nas dge sbyong dang / bram ze dang / rgyal rigs dang / rje'u rigs dang / dmangs rigs dang / skyes pa dang / bud med dang / khye'u dang / bu mo thams cad la stsal bar bgyi'o/ /longs spyod du stsal kyang bas par mi 'gyur gyi/ slar zhing 'phel bar 'gyur ro/ /ji srid du lhung bzed na la du mchis pa de srid du 'phel bar 'gyur te/ ji srid du skye bo 'bum 'bum mang zhing phal che bar stsal kyang / gtugs par mi 'gyur ro/ /la du la don yod pa'i zhags pa'i snying po lan bdun bzlas brjod bgyis na/ de'i 'og tu gang du reg pa der yang gser bzang por 'gyur ro/ /la du la lan bdun bzlas brjod bgyis te/ klu'i gnas su 'phangs na de'i tshe rgya mtsho chen po mthar gtugs pa'i klu'i rgyal po 'khor dang bcas pa thams cad dbang du gyur nas mchis par 'gyur te/ sgo na char mi 'bab pa/ bsgo ba bzhin char 'bebs par bgyid do/ /ci bsgo ba bzhin bgyid par 'gyur ro/ /ha cang char ches na bsgo ba bzhin/ ha cang char chen po 'gums par bgyid do/ /rlung dang / grang ba dang / tsha ba dang / ser ba thams cad bsgo ba tsam gyis gcod par bgyid do/ /phug gi sgor la du la lan bdun bzlas brjod bgyis nas/ phug gi sgor bsnun na phug gi sgo thams cad 'bye bar 'gyur ro/ /'khrul 'khor dang gtan pa dang / sgo glegs thams cad dum bur bcag par 'gyur ro/ /gnas na gnas pa thams cad phyir byung nas/ rig sngags 'chang gi mdun du mchis te/ bsgo ba bzhin du bgyid par 'gyur ro/ /nags tshang tshing gi dbus su 'phangs na/ nags tshang tshing gi gnas kyi sgo thams cad phye nas sman gyi rdzas thams cad rang gi gzugs kyis mdun na mchis par 'gyur ro/ /la du la lan bdun bzlas brjod bgyis te/ dur khrod chen po'i dbus su 'phangs na 'byung po dang / gnod sbyin dang / srin po dang bcas pa'i gnas kyi sgo thams cad 'bye bar 'gyur ro/ /gnod sbyin dang / srin po dang / 'byung ba thams cad sgren mor gyur na/ thams cad dbang du mchis par 'gyur zhing / ji srid 'tsho'i bar du bsgo ba bzhin mchis par 'gyur ro/ /rma ma byung ba'i mi ro la/ dri chab kyis khrus bgyis la la du la lan nyi shu rtsa gcig bzlas brjod bgyis te/ lag pa gnyis su la du stsal la/ gos dkar pos ro g.yogs nas/ khro bo'i rgyal po chab dang yungs kar la lan bdun bzlas nas dbang bskur na ci dris pa de dag thams cad smra bar 'gyur te/ bde ba dang lo legs pa dang / lo nongs pa dang / nad dang / gnod pa dang / 'tshe ba dang / pha rol gyi dpung dang / phas kyi dgra bo dang / mi mdza' ba'i 'jigs pa dang / mi ngas dang / yams kyi nad de dag thams cad smra bar 'gyur ro/ /lha'i 'jig rten du skye ba'am/ sangs rgyas kyi zhing du skye ba smra bar 'gyur zhing / dmyal bar skye ba smra bar 'gyur ro/ /tshe ring ba'am tshe thung ba smra bar 'gyur ro/ /dus ma lags pa'i 'chi ba smra bar 'gyur ro/ /gter gyi gtam smra bar 'gyur te/ nor bsgyur ba'i gtam mam/ zhing gi gtam mam/ mig 'phrul gyi gtam smra bar 'gyur ro/ /cho ga zhib mo 'grub pa dang / gsang sngags 'grub pa dang / phyag rgya'i dkyil 'khor 'grub pa smra bar 'gyur ro/ /mig sman 'grub pa dang ril bu 'grub pa smra bar 'gyur ro/ /nam mkha' la mchi ba dang / mi gda' bar bgyi ba dang / ro langs bslang ba dang / rigs ma dag pa dang / dgra chad pas bcad cing dbang du bgyi ba de dag thams cad smra bar 'gyur ro/ /sgyu thabs smra bar 'gyur ro/ /nyams pa smra bar 'gyur ro/ /'phel ba smra bar 'gyur ba nas bskal pa las 'das pa'i 'das pa dang / ma 'ongs pa'i dang / da ltar byung ba'i bar du smra bar 'gyur ro/ /de nas rig sngags 'chang gis chab kyi khar stsal la la du blangs na ro 'gyel bar 'gyur ro/ /la du la lan nyi shu rtsa gcig bzlas brjod bgyis nas/ rgyal po'i sgor bsnun na/ rgyal po'i btsun mo 'khor dang bcas pa bdag nyid dam/ nor dbang du gyur nas mchis par 'gyur ro/ /grong khyer gyi sgor bsnun na/ grong khyer na gnas pa'i skyes pa'am/ bud med dam/ khye'u dang bu mo thams cad dbang du gyur nas mchis par 'gyur zhing / nor chen po 'du ba 'grub pa thob par 'gyur ro/ / mchod pa'i gnas chen por 'gyur ro/ /la du la lan bdun bzlas brjod bgyis te/ dpal lha mo chen mo'i lag par stsal na/ dpal lha mo chen mo dbang du gyur nas/ nor chen po stsol cing ji srid 'tsho'i bar du mchis par 'gyur ro/ /la du la lan brgya rtsa brgyad bzlas brjod bgyis nas/ khug ma'i nang du stsal te/ mchan khung du bsrel bar bgyis te/ ci tsam du bsrel ba de srid du mi gda' bar gyur nas/ gang du stsal ba der 'jug par 'gyur ro/ /gang na shing gcig pa'am/ 'bab chu gcig par la du la khro bo'i rgyal po lan brgya rtsa brgyad bzlas brjod bgyis te/ dbang bskur nas shing gi drung du brdegs na/ 'dod dgur sgyur ba dbang du gyur nas mchis par 'gyur ro/ /ci ltar bsams pa'i 'dod pa thams cad nye bar mchis nas yongs su spyod pa dang / ji srid 'tsho'i bar du mchis par 'gyur ro/ /la du la lan nyi shu rtsa gcig bzlas brjod bgyis te/ ma mo'i gnas su nag po chen po'i spyi bo'i gtsug tu bzhag la/ khro bo'i rgyal po lan bdun bzlas te/ chab dang yungs kar gyis dbang bskur ba bgyis na/ de nas sbyor ba mo thams cad dang / mkha' 'gro ma thams cad dbang du gyur nas mngag gzhug pa las thams cad bgyid par 'gyur ro/ /la du la lan nyi shu rtsa gcig bzlas te/ nag po chen po'i lte ba'i phyogs su bzhag na ma mo'i tshogs thams cad rang gi gzugs kyis mdun du mchis nas/ mchog thams cad stsol bar 'gyur ro/ /las thams cad bgyid par 'gyur ro/ /la du la lan brgya rtsa brgyad bzlas brjod bgyis nas/ 'phags pa 'jam dpal gyi lhung bzed kyi nang du stsal te/ khro bo'i rgyal pos dbang bskur bgyis na/ ji srid du lhung bzed na la du mchis pa de srid du phyogs bcu'i de bzhin gshegs pa thams cad kyi spyan sngar/ lha'i zhal zas ro sna tshogs kyi ro'i mchog dang ldan pa dag 'byung bar 'gyur zhing / nyan thos dang byang chub sems dpa'i tshogs kyi 'khor gyi dkyil 'khor chen po dang bcas pa tshim par bgyis par 'gyur ro/ /de bzhin gshegs pa de dag thams cad dang / byang chub sems dpa'i tshogs dang nyan thos kyi dge 'dun dang bcas pa de dag thams cad kyis rig sngags 'chang de'i yon sbyong ba mdzad par 'gyur ro/ /la du la lan brgya rtsa brgyad bzlas brjod bgyis te/ khro bo'i rgyal po'i dbang bskur la/ lcags kyu'i rgyal pos chab la bzlas brjod bgyis nas/ me thab kyi mtshams bcing bar bgyi'o/ /de nas a rka'i yam sreg shing gi me sbar la/ la du de me thab kyi dbus su bzhag ste/ mar dang yungs kar dang zho dang sbrang rtsi bsres la lan brgya rtsa brgyad sbyin sreg bgyi'o/ /lan brgya rtsa brgyad tshang ba dang / me lha me'i rang bzhin gyi gzugs kyis byung nas/ rig sngags 'chang la smras pa/ rig sngags 'chang legs so legs so/ /bdag tshim par byas so/ /bdag dga' bar gyur to/ /rig sngags 'chang bdag gis mchog tu dga' ba thob kyis rig sngags 'chang ci ltar yid la bsams pa bzhin 'dod pa smros shig dang / mchog sbyin no/ /rig sngags 'chang gis ji ltar yid la bsams pa bzhin mchog brjod par bgyi'o/ /me lha des yang thams cad stsol cing dbang du gyur nas mchis par 'gyur ro/ /las thams cad grub pa stsol bar 'gyur ro/ /me'i phung po'i dbus su zhugs nas 'od zer stong 'phro ba rnams gangs bzhin du bsil bar 'gyur te/ chab nas 'byung ba bzhin no/ /lag pas me rnams tshugs par bgyid do/ /'bar bzhin du klad pa'i spyi bor bzhag na/ skra nyag ma gcig kyang 'tshig par mi bgyid de/ me'i dbang du mchi bar mi 'gyur ro/ /'bar bzhin du g.yar gyi nang du bsre lan cung zad dro ba tsam du yang mi 'gyur ro/ /lus la bab na ci ltar tsan+dan bzhin du bsil zhing bde bar 'gyur ro/ /gzhan yang dgos pa sna tshogs bgyid par 'gyur ro/ /gos kyi mtha' mar thum po bgyis na tshig par mi 'gyur ro/ /chab kyi nang du stsal na 'gum par mi 'gyur ro/ /sbyin sreg thams cad kyi cho ga so so'i gzugs su mchis par 'gyur ro/ /thams cad du dgos pa grub pa stsol bar 'gyur ro/ /dgos pa gang dang gang du bskos pa de dang der dgos pa thams cad grub pa stsol bar 'gyur ro/ /thams cad du gsang sngags dang dkyil 'khor dang cho ga grub pa thams cad lung 'bog par 'gyur ro/ /du ba dang rlung dang me 'bar ba'i shugs kyis dpag tshad stong du mchis shing slar yang ldog par 'gyur ro/ /dgos pa thams cad nye bar ston par 'gyur ro/ /dgos pa thams cad bgyid par 'gyur ro/ /thams cad du grub pa stsol bar 'gyur ro/ /de nas don yod me 'bar ba/ /bla med 'bar bzang bsgrub 'tshal na/ /yid bzhin nor bu lta bu dang / /gzi brjid nyi ma dang mnyam pas/ /phyogs bcu khor khor yug gi/ / kun nas su ni gsal bar bgyid/ /sgrub pa rnam pa sna tshogs dang / /'tshed pa bla na med pa 'grub/ /bcud kyi mchog de dam pa lags/ /nor sgyur smra ba bla na med/ /gzhan yang 'tshed pa sna tshogs pa/ /sgrub pa bla na med pa lags/ /ci ltar nyin bzhin mtshan gda' bas/ / nyin par gyi ni gdugs dang mtshungs/ /lan cig dgos pa sgrub pa na/ /legs par las bgyis nor bu dang / /rdzas bsres legs par bgyis pa la/ /gtsang mas bzlas pa'i las rnams dang / /gtsang mas spyad pas sgrub pa dang / /don yod chu dang me dang ni/ /me yi shing rnams brjod par bgyi/ /me 'bar 'od dang mtshungs pa ste/ /de dag thams cad gcig spungs pa'i/ /yam sreg cho ga bla na med/ /tsan+dan dang ni seng ldeng dang / /pa tang ka ra bI ra dang / /arka sha mi smyug ma dag /sh-ir sha ka nA ki ra ka /'o ma'i shing dang byang chub shing / / blag sha dang ni sna ma dang / /gan d+ha bar shi pad+ma yi/ /rtsa ba dang ni lo mar bcas/ /pad+ma dkar po ku mu da/ /ut+pal me tog lo ma rtsa/ /bI dza pU ra bil ba shing / /sin du ba ra tsam pa ka/ /dre ka pi tsu mar+d+ha dang / /sa ha ba la tsi tra ka /shing de kun ga bsdus pa yis/ /yam sreg shing gis las bgyis te/ yungs kar mar dang zho dang ni/ /sbrang rtsi 'bras yos sbyin sreg bgyi/ /bzang po'i zangs las srang gsum dang / /mtshal las gnyis 'gyur gang bskus kyang / /srang gcig tsan+dan dkar po nyid/ /srang bcu ldong ros srang gcig ste/ /de dag bsres pa'i rdzas rnams dang / /de bzhin yung ni nyis 'gyur dag /zhi ga dag ni bkang nas su/ /me thab dbus su gzhug par bgyi/ /sbyin sreg stong ni rtsa brgyad du/ /shin tu mnyam gzhag legs gsal ba/ /gtsang ma gtsang mar spyod pa yi/ /gos gtsang legs par khrus bgyis pa/ /dri zhim dri yis bsgos par bgyi/ /ro sna tshogs pa'i gtor ma dang / /me tog 'bras bu nyid kyang dgod/ /bzlas brjod kyi ni sbyin sreg nyid/ /stong rtsa brgyad ni tshang ba dang / /de nas lha bshos gtor ma dang / /me tog bdug pa mchod yon snod/ /dbul te 'o mas mdag ma dgum/ /'o mas zhi ga zhi bar bgyi/ /de nas rig sngags 'chang gis bzlas brjod stong rtsa brgyad bgyis nas yungs kar gyis bsnun par bgyi'o/ /khro bo'i rgyal po lan nyi shu rtsa gcig tu dbang bskur bar bgyi'o/ /de nas zhig 'bar bar 'gyur ro/ /de nas rig sngags 'chang gis zhi ga de la mchod par bgyi'o/ /de nas zangs kyi sgrom bu'am/ dngul gyi sgrom bur zhig nas nor bu blangs te/ sgrom bu der gzhag par bgyi ste/ yid bzhin gyi nor bu ci lta ba bzhin du/ 'di yang don yod pa 'bar ba mthu chen po'i mthu dang ldan par 'gyur ro/ /mtshan mo ni zla ba'i 'od bzhin du gda' bar 'gyur ro/ /nyin mo ni nyi ma'i 'od bzhin du gda' bar 'gyur ro/ /nam 'tshed pa'i dus kyi tshe nor bu de bzhag na 'tsho ba dang / sreg pa dang / 'tshed pa thams cad 'grub par 'gyur ro/ /nam hom bgyid pa de'i tshe/ thab kyi dbus su bzhag ste/ sreg blugs kyis sbyin sreg bgyis na/ me chen po 'bar bar 'gyur ro/ /thams cad kyi thams cad du dgos pa rnams sgron mas gsal bar bgyis pa bzhin du 'gyur ro/ /g.yul ngo chen por g.yul 'gyed pa'i dbus su skyes pa dpa' bo legs par khrus bgyis pa/ gos gtsang ma bgos pa/ ya lad dang go char gtams pas yid bzhin gyi nor bu chen po de spyi bo'i gtsug tu bzhag nas/ gcig po g.yul gyi dbus su zhugs na/ de nas skyes pa de me 'bar ba gcig pur 'gyur ro/ /de nas g.yul 'gyed pa'i pha rol gyi dpung rnams pham par gyur nas/ phyogs bcur 'khrugs nas 'byer bar 'gyur ro/ /phyi nas lan 'ga' yang pha rol gyi dpung dang / dgra'i 'jigs pa 'byung bar mi 'gyur ro/ /pha rol gyi dgra dang mi mdza' ba'i 'jigs pa 'byung bar mi 'gyur ro/ /lag pas nor bu bzung nas phug gi gnas su zhugs na/ gnas kyi sgo thams cad 'bye bar 'gyur ro/ /gnas na gnas pa thams cad mdun du mchis par 'gyur ro/ /klu'i gnas thams cad du mchis nas/ lag pas nor bu bzung ste/ gnas kyi nang du zhugs na/ chab thams cad kyis phyir mi tshugs par 'gyur ro/ /de nas klu thams cad mdun na mchis nas/ bden par dam bca' bar 'gyur ro/ /dbang du gyur nas ji srid 'tsho'i bar du las bgyid par 'gyur ro/ /bsgo ba bzhin bgyid par 'gyur ro/ /lo tog dang rtswa dang / shing gel ba dang / nags tshal thams cad bde bar 'phel bar 'gyur ro/ /mnyen cing mdangs dang ldan pa dang mnyen par 'gyur ro/ /gzi brjid dang ldan pa dang / dran pa dang ldan pa dang mi bde ba yang chung bar 'gyur ro/ /sems can gang dag gis kyang lo tog dang / me tog dang / 'bras bu la longs spyod par 'gyur ba de dag thams cad dang / gzhan ches mang po dag gis dgos pa mang po bgyid par 'gyur ba ni/ nor bu chen po don yod 'bar ba'i nor bu me 'bar ba chen po lags so/ /de nas don yod snang ba rnam par blta bas/ 'phags pa spyan ras gzigs dbang phyug bkug ste/ rang gi gzugs su lta bar 'tshal na/ de nas rig sngags 'chang gtsang mas gos gtsang ma bgo bar bgyi'o/ /lus legs par bkrus te/ spos chab kyis byug par bgyi'o/ /shing arka'i yam sreg shing gis me sbar bar bgyi'o/ /yungs kar dang / a ga ru dang / tsan+dan dang / zho dang / sbrang rtsi dang mar sbyar bas stong rtsa brgyad sbyin sreg bgyi'o/ /de nas don yod lcags kyu gu gul la lan nyi shu rtsa gcig gi sreg blugs kyis sbyin sreg bgyis na/ 'phags pa spyan ras gzigs dbang phyug rang gi gzugs kyis mdun na mchis nas/ mchog thams cad bsams pa bzhin yongs su rdzogs par bgyid do/ /ji ltar yid la bgyid cing bsams pa'i mchog stsol bar bgyid do/ /de nas rig sngags 'chang gis ci ltar yid la bgyis shing bsams pa'i mchog smras pa dang / de'i 'og tu 'phags pa spyan ras gzigs dbang phyug gis thams cad stsol bar bgyid do/ /de nas mig sman bsgrub par 'tshal na/ rig sngags 'chang de/ legs par bkrus te/ gtsang mas gos gtsang ma bgo bar bgyi'o/ /nub gcig smyung ba bgyis te/ des zangs kyi za ma tog bgyis la de nas mig sman so'i bir dang yungs kar nyis 'gyur du bsres pas dgang bar bgyi'o/ /de nas stong rtsa brgyad bzlas brjod bgyis nas/ thab kyi dbus su gzhag par bgyi'o/ /de'i steng du u sh-i ra dang / yungs kar dang / tsan+dan dang / zho dang sbrang rtsi dang / mar bsres pas lan stong rtsa brgyad sbyin sreg bgyi'o/ /shing arka'i me sbar bar bgyi'o/ /lan stong rtsa brgyad tshang ba dang / de nas mig sman blangs la gtun gyi steng du legs par zhib tu btags la ldong ros dang / ga pur dang gla rtsir bsres nas slar yang don yod pa'i zhags pa'i snying po lan brgya rtsa brgyad bzlas brjod bgyis la don yod lcags kyu'i rig sngags rgyal po lan nyi shu rtsa gcig bzlas brjod bgyis pa ni thams cad du mgul la legs par sbyar te/ de nas don yod rgyal pos dbang bskur bar bgyi'o/ /don yod zhags pa'i phyag rgyas lan bdun phyag rgya bcing ngo / /de nas mig sman gyis byugs na nam mkha' la 'phur nas rig sngags 'chang thams cad kyi dpon por 'gyur ro/ /skra cung zad 'khyil bar yang 'gyur ro/ /bskal pa khrir 'tsho bar 'gyur ro/ /dbral bar thig le bgyis na mi gda' bar 'gyur ro/ /mig la bskus te tshig gzhan mi smra bar rgyal po'i pho brang du zhugs na/ rgyal po btsun mo'i 'khor dang bcas pa dbang du gyur nas mchis par 'gyur ro/ /mchod pa phal po ches cher mchod par 'gyur ro/ /nor 'du pa grub pa chen po thob par 'gyur ro/ /sgrub pa'i dus sam/ bzlas brjod kyi dus su mig la bskus na bgegs dang log 'dren dang / bdud kyi ris kyi lha rnams thams cad kyis mi mthong bar 'gyur ro/ /phyis kyang bgegs byed par mi nus te bar chad bgyid par mi 'gyur ro/ /bde ba sgrub pa'i cho ga dang bzlas brjod kyi cho ga 'grub par 'gyur ro/ /mig la byugs te skye bo mang po'i nang du zhugs na de dag thams cad dbang du gyur te/ nor dang / 'bru dang / gos dang / lhab lhub rgyan phal po che 'grub par 'gyur ro/ /bud med kyang mig mi 'dzums par lta bzhin du bdag nyid dam nor dbang du 'gyur ro/ /mig la byugs te dgon po chen por zhugs na/ chom po dang / g.yon can dang / rkun po dang / gcan gzan gdug pa dang / sbrul dang / dbyig dug dang / sbrul gyi dug gi 'jigs pa thams cad 'byung bar mi 'gyur te/ bde legs su slar mchi bar 'gyur ro/ /'thab mo dang rtsod pa dang 'gyed pa thams cad la mig sman bskus na/ smra ba rnams kyi bla na med par 'gyur te/ thams cad du rgyal bar 'gyur ro/ / g.yul ngor g.yul 'gyed pa'i nang du mchis nas mig la byugs na/ thams cad las rgyal bar 'gyur zhing / 'jigs pa thams cad las bsgral bar 'gyur ro/ /gdug pas zin pa thams cad la mig la bskus na/ gdug pa ma mchis par 'gyur ro/ /rims zhag gcig pa dang / zhag gnyis pa dang / zhag gsum pa dang / rigs zhag bzhi ba thams cad la mig la bskus na/ rims thams cad las grol bar 'gyur ro/ /dug mi bzad par 'tshal ba la mig la bskus na dug ma mchis par 'gyur ro/ /gdon thams cad kyis zin pa la mig la bskus na/ gdon brgyad khri bzhi stong las thar bar 'gyur ro/ /mig bro 'tshal ba la bskus pa tsam gyi mod la byang bar 'gyur ro/ /klad pa cher bro 'tshal ba yang mig la bskus pa tsam gyis byang bar 'gyur ro/ /tshangs pa'i srin po'i gdon dang / brjed byed kyis zin pa la yang mig la bskus pa tsam gyis thar bar 'gyur ro/ /rgyal po khros pas gsod par 'os pa gang su yang rung ba khrid pa la mig la bskus pa tsam gyis 'jigs pa thams cad spangs pa'i thar bar 'gyur ro/ /nag po chen po'i mig la bskus na rang gi gzugs kyis dus su mdun na mchis nas mchog thams cad stsol cing dgos pa thams cad bgyid par 'gyur ro/ /ma mo'i tshogs thams cad dbang du gyur nas mchis par 'gyur ro/ /dpal lha mo'i mig la bskus te/ mig mi 'dzums par don yod rgyal po'i snying po lan bdun bzlas na/ dpal lha mo chen mo mchis nas dgos pa thams cad dang / /'bru mang po rab tu stsol bar 'gyur ro/ /nyal ba'i tshe mig la bskus nas nyal na/ rmi lam bzang po mang zhing phal che ba mthong bar 'gyur ro/ /'phags pa spyan ras gzigs dbang phyug rang gi gzugs mthong ba stsol bar 'gyur ro/ /mchog thams cad stsol bar 'gyur ro/ /dran pa dang blo gros rgya chen por 'gyur ro/ /mig la bskus te tshogs kyi dbus su zhugs na mchod pa chen po thob par 'gyur ro/ /'phags pa spyan ras gzigs dbang phyug gi gzugs brnyan gyi mig la bskus na/ rtag tu mchog stsol bar 'gyur ro/ /rtag tu blta 'tshal bar 'gyur ro/ /gi wang dang lhan cig sbyar te mig la bskus nas rgyal po'i pho brang du zhugs na dbang phyug rgya chen po thob par 'gyur ro/ /longs spyod chen po phun sum tshogs par yang 'gyur ro/ /don chen po 'grub par yang 'gyur ro/ /rgyal po'i btsun mo dang blon po'i tshogs dang / 'khor thams cad dga' bar gyur nas/ thams cad dbang du gyur te mchis par 'gyur ro/ /dpal lha mo chen mo'i gzugs brnyan gyi mig tu bskus na/ 'byung po thams cad kyi bdag por 'gyur zhing las bgyi ba ci mchis zhes thams cad dbang du gyur nas mchis par 'gyur ro/ /nag po chen po'i gzugs brnyan gyi dpral ba dang mig la bskus na/ gnod sbyin thams cad dbang du 'gyur ro/ /mi ro'i mig la bskus na ldang bar 'gyur ro/ /gsang sngags dang / dug sbyar ma dang / byad kyis zin pa thams cad kyi mig la bskus na dug sbyar ma dang / byad dang / gsang sngags thams cad bshig par 'gyur zhing lan 'ga' yang slar zil gyis gnon par mi 'gyur ro/ /bkres pa'i mig la bskus te/ grong du zhugs nas bza' ba dang btung ba'i ston mo lhun gyis grub cing 'thob par 'gyur ro/ /bsod snyoms pa'i mig la bskus te/ bsod snyoms la mchis na/ kha zas sna tshogs mang po dang / yon phal po che 'thob par 'gyur ro/ /sme ba dang / ling tog dang / rab rib dang / chu bur dang / mtshan mo 'thom pa dang / g.ya' ba dang / tshag po dang / mig gi rdzi ma rdung ba dang / mig sle bo de dag thams cad zhi bar 'gyur ro/ /mig nad thams cad las sos par 'gyur ro/ /lha'i mig dag pa 'dab dang mtshungs pa 'dab mthong ba thob nas thams cad kyi snying du sdug pa dang dbang du gyur nas nor rnyed pa dang don grub pa yang thob nas/ dbang phyug bla na med par 'gyur ro/ /de nas nor dang / 'bru dang / gos dang / lhab lhub dang / rgyan dang / rgyan 'phyang thams cad dgug pa dang / 'phel bar bgyid pa dang / don yod me lha dgug pa'i sbyin sreg rgya chen po brjod par bgyi'o/ /grub pa kun gyi bla na med/ /don kun grub pas mod la ni/ / mkhas pa mchog tu dga' bar bgyid/ /dbang phyug skal ba phun sum tshogs/ /mod nyid kho nar thob 'gyur bar/ /the tsom du yang mi bgyi zhing / /yid gnyis nyid kyang ma lags so/ /gtsang mas gtsang ma'i gos dag dang / /legs par bkrus pas las sgrub bo/ /sbyin sreg bla na med 'phel ba/ /'di ni rgya chen bsam mi khyab/ /ka ran rtsa ba sdong bur bcas/ /'dab ma me tog 'bras bur bcas/ /arka'i shing dang blag sha'i shing / /yam sreg dag gis me sbar la/ /sa bon bdun po 'bras dang bcas/ /'bras yos til dang yungs kar dang / / zho dang sbrang rtsi mar dang ni/ /yungs mar dag dang bsres pa yi/ /sbyin sreg stong rtsa brgyad tshang bgyi/ /khro bo'i rgyal po lan stong rtsa brgyad kyis dbang bskur ba tshang ba dang / de nas don yod lcags kyu'i rig sngags kyi rgyal po lan brgya rtsa brgyad bzlas nas/ gu gul ske tshe'i 'bras bu dang / mar du sbyar bas sbyin sreg bgyi'o/ /dgos pa thams cad rdzogs pa dang / de'i tshe bza' ba dang / btung ba dang / gnas mal dang / stan dang / nad kyi rkyen sman dang / yo byad dang / nor dang / 'bru dang / mdzod dang / bang ba 'phel bar yang 'gyur ro/ /gos sna tshogs dang lhab lhub dang / rgyan dang / rgyan phreng dang / me tog dang / dri dang / phreng ba dang / byug pa rnams lhun gyis grub pa 'byung bar 'gyur ro/ /dbang phyug gi 'byor pa rgya chen po 'thob par 'gyur zhing ji srid 'tsho'i bar du mchis par 'gyur ro/ /de nas zla ba yar gyi ngo'i tshes brgyad la nyin zhag gcig mchis nas mig la bskus te/ don yod zhags pa'i snying po lan dgu bcu bzlas brjod bgyis la/ khro bo'i rgyal pos dbang bskur nas/ don yod zhags pa'i phyag rgyas phyag rgya bcings te/ de nas mig la mig sman gyis bskus na/ nam mkha' la rdzu 'phrul gyis mchi bar 'gyur ro/ /mig sman grub pa'i rig sngags 'chang thams cad kyi gtso bo rgyal po 'khor los sgyur bar 'gyur ro/ /skra cung zad yang 'khyil par 'gyur ro/ /bskal pa khrir 'tsho bar 'gyur ro/ /mig sman 'dis mig la byugs na nyin par lta ba bzhin du mtshan mo mthong bar 'gyur zhing mi gda' bar yang 'gyur ro/ /'byung po dang gnod sbyin dang / srin po'i gnas thams cad du zhugs na thams cad kyi dpon por 'gyur ro// //'phags pa don yod pa'i zhags pa'i cho ga zhib mo'i rgyal po/ bam po bdun pa/ mig sman 'dis mig la byugs nas ma mo'i gnas su zhugs na/ lha gtso bo de dag mig mi 'dzums par lta bar bgyid la khro bo'i rgyal po lan cig bzlas par bgyi'o/ /de nas ma mo dang gtso bo'i lha thams cad mdun du mchis nas/ mchog thams cad stsol bar 'gyur ro/ /ji srid 'tsho'i bar du las thams cad sgrub par bgyid pas mchis par 'gyur ro/ /ma mo'i tshogs thams cad kyis yongs su bkur zhing snying du sdug par 'gyur ro/ /rtag par rgyun du bsrung ba dang / bskyab pa dang / sba ba'i phyir gnas shing rjes su 'brang bar 'gyur ro/ /de nas gi wang sgrub pa'i sbyin sreg gi cho ga brjod par bgyi ste/ don yod rgyal po grub pa yis/ /rig sngags 'chang ba bde myong zhing / /lha dang lha min mchod pa dang / /sgrub pa'i don kun 'grub pa dang / /dbang du gyur pa dam pa dang / /mkha' la mchi ba'i dam pa dang / /mi snang shin tu rnyed dka' dang / /mod la phug tu 'jug pa dang / /nags kyi nang du 'jug pa dang / /ri sul dag tu 'jug pa dang / /thang dag la ni rgyu ba dang / /klu gnas mtshor ni 'jug pa dang / /de bzhin chu klung cher bsgral dang / /rdzu 'phrul grub dang skyes pa dang / /de bzhin 'jigs dang sgrib kun dang / /nad kun zhi bar bgyid pa nyid/ /sdig pa thams cad nyams par bgyid/ /g.yul ngor g.yul las rgyal bgyid de/ /rtag tu dgra kun brlag par bgyid/ /gdon rigs kun kyang tshar gcod cing / /rigs rnams thams cad zlog par bgyid/ /sngon gyi sgrib pa 'jig bgyid cing / /sdig pa thams cad nyams par bgyid/ /dbang phyug stsol cing skal ba stsol/ /nor dang 'bru rnams 'phel bar bgyid/ /'thab pa 'thab mo rtsod pa dang / /'gyed pa rab tu zhi bar bgyid/ /bcing ba dang ni shing sgrog dang / /khong sgril lcags sgrog phye mar rlog /rgyal po gdug pa khros pa yis/ /gsad par 'os pa sel bar bgyid/ /da lta 'di la rten pa na/ /mi bdag bu sdug bzhin smra zhing / /mi bde kun las grol bar 'gyur/ /'di ni kun du sdug pa dang / /gnas kun mchis par mchod par 'os/ /lus can shin tu snying du sdug /rgyal po btsun mo 'khor bcas pa'i/ /rtag tu snang chen dag tu 'gyur/ /dge sbyong bram ze nyid dang ni/ /rgyal rigs rje'u rigs dmangs rigs dang / /bud med kun dang de bzhin du/ /skyes pa khye'u dang bu mo yi/ /rtag tu gnang chen dag tu 'gyur/ /gi wang bla na med pa po/ /'di la gang dag rtag brten na/ /'phags pa 'jig rten dbang phyug ste/ /mchog sbyin rtag tu mchod par bgyid/ /tshangs pa khyab 'jug dbang phyug che/ /nyin dang mtshan du bsrung ba dang / /rtag tu mchog stsol phyir mchis so/ /gzhan yang lha ni mang po dang / /klu yi rgyal po mthu chen dang / /'byung po gnod sbyin srin po dang / /grul bum mi min lto 'phye che/ /dri za lha min nyid dag dang / /nam mkha' lding dbang mthu chen te/ /de dag thams cad bsrung ba yi/ /ched du nyin dang mtshan dag tu/ /rang dbang nyid kyis gnas par 'gyur/ /gi wang grub pa dam pa po/ /de ltar stobs dang ldan pa lags/ /de nas rig sngags 'chang ba yis/ /gtsang gyur legs par khrus bgyis nas/ /gtsang ma yi ni gos bgos te/ /gi wang legs par bsgrubs nas su/ /dmar po chen po nyid dag dang / /gur gum dag dang mnyam sbyar la/ /zangs kyi snod du bkang nas su/ /don yod zhags pa'i gzugs mdun du/ /stong rtsa brgyad ni tshang bzlas nas/ /rgya dar gyis ni kha 'gum mo/ /de nas seng ldeng gi shing dang / arka'i shing gi yam shing gis me spar la/ 'bras yos dang / yungs kar dang / gu gul dang / 'bras dang / til dang bsres la/ zho dang sbrang rtsi mar du bsres te/ lan stong rtsa brgyad sbyin sreg bgyi'o/ /lan stong rtsa brgyad tshang ba dang / de nas me zhi zhing me mdag phra mo yang zhi ba dang thal ba blangs te/ snod kyi nang du stsal nas de nas slar yang lan brgya rtsa brgyad bzlas la/ khro bo'i rgyal pos dbang bskur te/ phyag rgya'i phyag rgyas kyang dbang bskur ro/ /de nas dpral ba'i dbus su thig le bgyis na nam mkha' la 'phur nas/ rig sngags 'chang chen po'i rgyal po 'khor los sgyur bar 'gyur ro/ /rig sngags 'chang thams cad kyi dpon por 'gyur zhing / skra cung zad 'khyil bar yang 'gyur ro/ /lo dgu khri dgu stong du 'tsho bar 'gyur zhing gnas kyi sgo thams cad rtag tu 'byed par 'gyur ro/ /dpral ba la thig le bgyis na mi gda' bar gyur nas/ gnas thams cad du zhugs na gnas thams cad kyi bdag por 'gyur zhing / 'byung po dang / gnod sbyin dang / srin po'i gnas kyi sgo thams cad 'byed par 'gyur ro/ /'byung po dang / gnod sbyin dang / srin po mthu dang bcas pa thams cad kyis yongs su bskor nas mchis par 'gyur ro/ /ji srid 'tsho'i bar du bsgo ba bzhin bgyid par 'gyur ro/ /mig la bskus na ci ltar nyin par bzhin du mtshan mo snang zhing thams cad du gter mthong bar 'gyur ro/ /sa'i phug dang thang gi sgo phye ba mthong bar 'gyur ro/ /thang gi gnas su zhugs nas/ thang gi dgos pa thams cad bgyi ste/ slar yang mchi bar 'gyur ro/ /chu klung chen po'i nang du zhugs na/ khyim dang gzhal med khang ci lta ba bzhin du mthong bar 'gyur ro/ /rin po che thams cad kyis brgyan pa'i gzhal med khang mthong bar 'gyur ro/ /chab la gnas pa gang lags pa de dag thams cad dbang du gyur nas mchis par 'gyur ro/ /klu'i mtsho dang gnas su ci ltar rang gi khyim bzhin du 'jug cing 'byung bar 'gyur ro/ /lus mtha' dag byugs te g.yul ngor/ g.yul 'gyed pa'i nang du zhugs na ya lad dang / go cha bgos pa bzhin du mthong nas thams cad las rgyal bar 'gyur ro/ /khar bsrel te rgyal po'i pho brang du zhugs pa na btsun mo 'khor dang bcas pa dbang du gyur nas mchis par 'gyur ro/ /gang la tshig smras pa de dag thams cad bgyid par 'gyur ro/ /gang la blangs na de dag thams cad ster bar 'gyur ro/ /gang la bsgo ba de dag thams cad bsgo ba bzhin bgyid par 'gyur ro/ /khar 'chos nas/ gang dang gang du mchis pa de dang der skyes pa dang / bud med dang / khye'u dang / bu mo thams cad bdag nyid dang nor dbang du gyur nas mchis par 'gyur ro/ /lag pa g.yas pa la byugs na su reg pa de dbang du 'gyur ro/ /nor dang / 'bru dang / dbyig dang / bran pho dang / bran mo dang / las bgyis pa dang / zho shas 'tsho ba dang / mngag gzhug pa rnams dbang du gyur nas/ bsgo ba bzhin mchis par 'gyur ro/ /mdzub mo g.yas pa la bskus nas ser ba dang sprin dang / 'brug gi dus su sprin la mngon sum du bstan te bsdigs na grang ba dang rlung dang ser ba rnams zhi bar 'gyur ro/ /dpag tshad gcig khor khor yug tu zil gyis gnon par 'gyur ro/ /char ha cang ches na lag pa g.yas pa sprin la mngon sum du bstan pas ha cang char ches pa gcod par 'gyur ro/ /char mi 'bab pa'i dus su lag pa g.yas pa'i lag mthil la byugs nas klu gnas pa'i mtsho'i chu la thal mo lan gsum brdabs na/ de'i mod la klu'i rgyal pos char gyi rgyun chen po gtong bar 'gyur ro/ /gal te mod la char pa mi 'bebs na de'i tshe lan lnga brdebs pa dang / klu de dag thams cad kyis char gyi rgyun gtong bar 'gyur ro/ /gang gi tshe char pa mi 'bebs pa de'i tshe/ klu thams cad la klad pa'i nad 'byung bar 'gyur ro/ /gal te lan bdun bsnun na klu'i rgyal po thams cad la tshul ma yin pa'i sdug bsngal 'byung bar 'gyur ro/ /klu'i rgyal po thams cad kyi rigs phung bar bgyis par 'gyur ro/ /gdon gyis zin pa thams cad kyi mig la bskus na/ bskus pa tsam gyi mod la gdon brgyad khri bzhi stong rab tu zhi bar 'gyur ro/ /rims gyis thebs pa rnams kyi dpral ba la thig le bgyis na/ rims zhag gcig pa'am/ nyin gnyis pa'am/ nyin gsum pa'am/ nyin bzhi ba'i rims thams cad zhi bar 'gyur ro/ /nad kyis zin pa rnams la khrus bgyis na mod la nad thams cad las thar bar 'gyur ro/ /sha bkra dang / mdze dang / rkang shu dang / shu ba dang / g.yan pa dang / 'brum bu rnams las thar bar 'gyur ro/ /lba ba dang / lhog pa dang / mtshan bar rdol ba dang / shu ba mched pa dang / 'brum bu phra mo mched pa la byugs pa tsam gyis mi gdug par 'gyur ro/ /dug gis myos par bgyis pa thams cad la 'tshal ba tsam gyi mod la thar bar 'gyur ro/ /lto na ba dang / skran dang / dmu chu dang / mchin pa na ba dang / rtsib logs na pa dang / snying na ba dang / chu so na ba dang / gzhang nad dang / tshad pa dang / gcin srib dang / gsud pa dang / ma zhu ba dang / rtug skams la sros na 'tshal ba tsam gyi mod la zhi bar 'gyur ro/ /phyis lan 'ga' yang gnod par bgyid par mi 'gyur ro/ mchog mar gi wang gi ril bu bgyis te/ phug gi sgo dang nye bar mchis nas lag pa g.yas pa la byugs te/ mgo la thal mo brdabs na/ phug gi sgo rnams 'bye bar 'gyur ro/ /bag tsha ba ma mchis par 'jug ste/ slar cung zad kyang bgegs bgyid par mi 'gyur ro/ /gnas de na gnas pa gang lags pa de dag thams cad dbang du gyur nas mdun na mchis par 'gyur ro/ /dgos pa sgrub pa chen po thams cad 'grub par 'gyur ro/ /rkang pa gnyis la byugs te/ me 'bar ba'i nang du zhugs na me lha rang gi gzugs kyis mdun na mchis nas lag pa nas bzung ste/ rig sngags 'chang la rig sngags 'chang bdag gi gzhal med khang gi gnas su zhugs shig /rig sngags 'chang gis bsgo ba thams cad bsgrub par bgyi'o zhes smra ba na/ de'i tshe rig sngags 'chang gis bgyi ba ci mchis pa de bsgo bar bgyi ste/ thams cad bgyid par 'gyur ro/ /dpung pa gnyis la byugs na/ glang po che bdun gyi stobs dang ldan par 'gyur ro/ /brla gnyis la byugs na tshugs pa ma mchis pa'i gyad du 'gyur ro/ /byin pa gnyis la byugs na 'bab chu chen po'i pha rol tu rgal bar 'gyur ro/ /mgrin pa la byugs nas nags khung du zhugs na/ nags khung gi gnas kyi sgo thams cad bye nas sman gyi rdzas thams cad rang gi gzugs kyis mdun na mchis par 'gyur ro/ /ci 'tshal ba de blang bar bgyi'o/ /gi wang gi ril bu bgyis te khar bsrel nas ri sul dang sman gshong du zhugs nas skad drag po lan gsum gdon par bgyi ste/ ri sul dang sman gshong gi gnas gsang ba'i sgo gang dag lags pa 'bye bar 'gyur zhing / de na gnas pa gang lags pa de dag thams cad rang rang gi gzugs kyis mdun na mchis par 'gyur zhing / las thams cad bgyid par 'gyur ro/ / de nas rtswa dang shing gel ba dang / nags tshang tshing gi sman gyi rdzas gang lags pa dag rang gi gzugs kyis mdun na mchis par 'gyur zhing / gang dag gi bcud kyi mchog de dag 'dzag la/ bcud srung ba de dag kyang rang gi gzugs kyis mdun na mchis nas thams cad dbang du 'gyur ro/ /ci ltar 'tshal ba bag tsha ba ma mchis par dgos pa thams cad bgyid par 'gyur ro/ /snying gar thig le bgyis nas snying la cung zad ci bsams pa dang / yid la bsams shing brnag pa'i dgos pa de dag thams cad mod la 'grub par 'gyur ro/ /lto la thig le bgyis na kha zas dang btung ba'i ston mo 'dod dgu thams cad thob par 'gyur te/ phun sum tshogs pa thams cad lhun gyis 'grub par 'gyur ro/ /rtsib logs gnyis la byugs na/ ji ltar bsams shing don du gnyer ba'i gos rnams thob par 'gyur ro/ /sgal tshigs la byugs na ji ltar yid la bsams pa'i mal dang / stan thob par 'gyur ro/ /rna ba la byugs sam/ gnad dang gnad thams cad kyi gnas su byugs na/ ji ltar bsams pa'i rgyan dang lhab lhub thob par 'gyur ro/ /mjug do la byugs na/ rta'i bzhon pa thob par 'gyur ro/ /nyin gcig bzhin nang par tshig gzhan mi smra bar gi wang gi ril bu re re la don yod rgyal po'i snying po bzlas nas 'tshal te/ nyi ma dang po la tshigs su bcad pa stong bklags na 'dzin par 'gyur ro/ /nyin gcig bzhin nyis 'gyur du bgyis nas bklags na 'dzin par 'gyur ro/ /zhag bdun gyis thos pa mang por 'gyur ro/ /zhag bcu bzhi bgyis na mi'am ci mo lta bu'i sgra dbyangs su 'gyur ro/ /lan nyi shu rtsa gcig tu bgyis na thos pa bsags pa'i rgya mtsho chen por 'gyur ro/ /ka la bing ka'i dbyangs ltar mnyen zhing snyan la rna ba'i dbyangs su 'gyur ro/ /bu'i ched du mar dang lhan cig stsal na bya rog lta bu dang / mo sham rnams kyis kyang bu rnyed par 'gyur ro/ /btson rar stsal ba dang / shing sgrog dang / lcags sgrog dang / gtan pa dang / khong sgril la byugs na byugs pa tsam gyi mod la dum bu dum bur 'chag par 'gyur ro/ /'thor bar 'gyur ro/ /tshes brgyad dam bcu bzhi'am tshes lnga la don yod rgyal po'i snying po lan bdun bzlas la khro bo'i rgyal pos rang la dbang bskur nas gi wang gi ril bu dang spos chab bsres pas khrus bgyi'o/ /khrus bgyis pa tsam gyi mod la sdig pa thams cad dang / sngon gyi sgrib pa thams cad rnam par 'jig par 'gyur ro/ /nub gsum du khrus bgyis na gsang sngags dang / phyag rgya dang / sgrub pa dang / grub pa'i mchog thams cad thob par 'gyur ro/ /phas kyi rgol ba dang / mi mdza' ba dang / gdug pa dang / sdig pa thams cad kyis mi tshugs par 'gyur ro/ /lan 'ga' yang thams cad kyi thams cad du 'jigs pa mi 'byung zhing yongs su thar bar 'gyur ro/ /phyis lan 'ga' yang sdig pa'i dri mas gos par mi 'gyur ro/ /gi wang gi ril bu til mar dang bsres te kha gdong la byugs nas rgyal po'i mdun du mchis na bu bzhin du pang du 'khyud nas dga' ba chen po 'thob pa dang / rgyal po khro bo'i 'jigs pa thams cad zhi bar 'gyur ro/ /lus thog thag tu byugs na gsad par 'os pa'i lus la yang mtshon gyis phrog par mi 'gyur te/ dum bu dum bur 'chag par 'gyur ro/ /mda' 'phangs na lus la 'bab par mi 'gyur zhing gzhu 'chag par 'gyur ro/ /gi wang gi ril bu mgul du btags nas 'brog dgon pa dang ri dang / nags tshang tshing bgrod dka' bar zhugs na chom po dang / g.yon can dang / rkun po dang / gnod sbyin dang / srin po dang / mi dang mi ma lags pa dang / gcan gzan gdug pa dang / sbrul gdug pa dang / dug gi 'jigs pa thams cad 'byung bar mi 'gyur te/ mi gda' bar 'gyur ro/ /dpung pa g.yas pa la btags na thams cad du pha rol las rgyal bar 'gyur ro/ /thams cad du mchod gnas chen por yang 'gyur ro/ / thams cad du mthu dang brtson 'grus chen po rdzi ba med pas pha rol zil gyis gnon par 'gyur ro/ /dpung pa g.yon pa la btags na skyes pa dang bud med dang / khye'u dang / bu mo thams cad kyi gnang chen du 'gyur te/ thams cad lta 'tshal bar 'gyur ro/ /mchod pa'i 'os chen por 'gyur ro/ /dgos pa mang po 'grub par 'gyur ro/ /byin pa g.yas pa la btags na dub pa ma mchis par dpag tshad stong du mchis par 'gyur ro/ /gi wang gi ril bu khar bsrel la lag pa g.yas pas yungs kar gyis don yod lcags kyu bzlas nas drangs te tshig gzhan mi smra bar gnas mthon por 'dzegs te phyogs gang du bsams pa'i skyes pa dang / bud med dang / khye'u dang / bu mo mchis pa'i phyogs der yungs kar gyis gtor na mod la bkug par 'gyur te mchis par 'gyur ro/ /gal te dpag tshad brgya tsam na gnas pa zhig na yang gdon mi 'tshal bar de zhag gsum gyis mchi bar 'gyur te yid gnyis mi bgyi'o/ /lag pa g.yas pa'am lag pa g.yon pa la gi wang gi ril bu btags na gang du reg par nor dang / 'bru dang / dbyig dang / nor bu dang / mu tig dang / shang ka shil dang / byi ru dang / sa le sbram dang / dngul dang / gos dang / lhab lhub de dag thams cad bkug nas mchis par 'gyur te/ ci 'tshal ba de mchi bar 'gyur ro/ /bya tshang du zhugs nas tshang mang gi sgor thal mo brdabs na 'tshed pa dang 'tshed pa'i kha zas de dag thams cad bkug nas mchis par 'gyur te/ ci 'tshal ba de mchis par 'gyur ro/ /spos 'tshong gi tshong khang du mchis na tshong khang gi yo byad thams cad mchi bar 'gyur ro/ /chang 'tshong gi sgor thal mo brdabs na chang gi bum pa thams cad mchi bar 'gyur ro/ /bad ba'i sgor thal mo brdabs na 'bru thams cad bkug par 'gyur ro/ / bcud 'byin pa'i khyim du zhugs nas 'khrul 'khor la reg par bgyid na bu ram gyi khu ba dang / sha kha ra'i glegs bu thams cad mchi bar 'gyur ro/ /gang du 'tshal ba der mngags par 'gyur ro/ /grong khyer gyi sgor mun tshab tshub na thal mo brdabs na grong khyer na gnas pa thams cad gnyid bskrogs par 'gyur ro/ /dgra bo'i sgor btab na bskrad par 'gyur ro/ /mtshon cha mkhan gyi khyim du 'phangs na mtshon cha dang / go cha rnams rengs pa dang / rmugs par bgyis par 'gyur ro/ /rgyal po'i sgor btab na phas kyi rgol ba dang / mi mdza' ba dang / sems can gdug pa thams cad bcings pa dang / rengs pa dang / rmugs par bgyis par 'gyur ro/ /dung la byugs nas gnas mthon por bus na sgra gang du grag pa de dag tu 'thab pa dang / 'thab mo dang / rtsod pa dang / 'gyed pa dang / byad dang / dug sbyar ma dang / dug dang / nad las yongs su thar bar 'gyur ro/ /grong khyer gyi sgor bus na yams kyi nad dang / gnod pa dang / mi ngas thams cad rab tu zhi bar 'gyur ro/ /phyugs lhas su bus na 'o ma thams cad phrogs par 'gyur ro/ /gang du 'tshal ba der mchi bar 'gyur ro/ /ra lug gi lhas su bus na ra lug gi 'o ma phrogs par 'gyur te/ gar 'tshal ba der mchi bar 'gyur ro/ /skye bo'i tshogs chen po'i dbus su bus na thams cad sgren por gyur nas gos thams cad bkug par 'gyur ro/ /rdza rnga la byugs te khyams mthon po'i steng du brdungs na grang ba dang / rlung dang / ser ba thams cad bcings pa dang gshig par 'gyur te/ tshugs par mi 'gyur ro/ /dpag tshad brgya kho ra khor yug tu ser ba bkag par 'gyur ro/ /grong khyer ram/ yul 'khor mtha' dag tu bus na nad dang / yams kyi nad dang / gnod pa dang / 'tshe ba thams cad zhi bar 'gyur ro/ / 'thab pa dang / 'thab mo dang / rtsod pa dang / 'gyed pa thams cad rab tu zhi bar 'gyur ro/ /mi ngas dang / mu ge'i 'jigs pa thams cad rab tu zhi bar 'gyur ro/ /gzhan yang dgos pa rnam pa sna tshogs brgya stong dag bgyid par 'gyur te/ thams cad la sbyar bar bgyi'o/ / de nas sems can thams cad dang thun mong bzhi ba dang / rgyas pa nad thams cad zhi bar bgyid cing sdig pa thams cad 'jig par bgyid pa/ yams kyi nad dang / gnod pa thams cad rab tu zhi bar bgyid pa/ mu ge'i dgon pa thams cad rab tu zhi bar bgyid pa/ 'byung po dang / gnod sbyin dang / srin po dang / gdon dang / brjed byed thams cad brlag par bgyid pa brjod par bgyid pa'o/ /rig sngags 'chang gtsang mar gyur pas legs par khrus bgyis te/ spos dri zhim pos lus byugs la/ gos gtsang ma bgos la spos dri zhim pos bsgos nas byams pa'i sems la mnyam par gzhag cing / sems can thams cad la lhag par brtse ba dang / snying rje chen pos snying gdungs pas sbyin sreg gi las 'di bgyi ste/ arka'i shing dang / sha mi'i shing dang / shing 'o ma can nam/ ji ltar yang byang chub kyi shing ste/ de dag gi yam sreg shing gis me sbar la/ 'bras yos dang / yungs kar dang / pad+ma dang / pad+ma'i ldum bu dang / 'dab ma dang / zho dang / sbrang rtsi dang / mar du bsres pas sbyin sreg bgyi'o/ /don yod zhags pa'i snying po stong rtsa brgyad bzlas nas/ de nas don yod zhags pa khro bo'i rgyal pos dbang bskur te/ don yod zhags pa'i phyag rgyas phyag rgya lan brgya rtsa brgyad bcing ngo / /de nas sbyin sreg gi dgos pa rnams mthar phyin pa'i mod kho nar dpag tshad gcig khor yug tu yams kyi nad dang / gnod pa dang / 'tshe ba dang / nad dang / mu ge'i dgon pa mi bzad pa dang / rang gi dpung dang / gzhan gyi dpung gi 'jigs pa dang / phas kyi rgol ba dang / mi mdza' ba'i 'jigs pa thams cad dang / chom po dang / g.yon can dang / rkun po dang / gcan gzan gdug pa can dang / sbrul dang / dug mi bzad pa dang / gdug pa dang bcas pa'i srog chags kyi 'jigs pa thams cad rab tu zhi bar 'gyur ro/ /mi tshugs par 'gyur ro/ /dpag tshad brgyar kho ra khor yug tu rims mi 'byung ste/ gnod pas ma lags/ nad kyis ma lags te/ gnod sbyin dang / srin po dang / 'byung po dang / gdon rnams kyis mi tshugs te/ rab tu zhi bar 'gyur ro/ /'thab pa dang / 'thab mo dang / rtsod pa dang / 'gyed pa dang / nang 'khrug dang / 'khrug pa dang / skrod pa dang / mdangs gcod pa dang / 'ching ba dang / sdig pa rnams kyis mi tshugs te/ rab tu zhi bar 'gyur ro/ / sems can thams cad bde bar 'gyur ro/ /shin tu lo legs shing mdangs dga' la skye bo dang / mi mang pos rab tu gang zhing me tog dang / 'bras bu phun sum tshogs par 'gyur ro/ /nor dang / 'bru dang / lo tog rab tu mang po 'grub par 'gyur ro/ /shin tu ro dang ldan pa dang / shin tu smin pa dang yongs su rdzogs par 'gyur ro/ /rtswa dang / shing gel pa dang / sman dang / nags tshang tshing dang / myu gu dang / rtsa ba dang / 'bras bu bzang po yongs su rdzogs par 'gyur ro/ /phyir zhing ji srid 'tsho'i bar du yul de na yid du mi mchi ba'i reg pa myong bar mi 'gyur ro/ yul de na dge sbyong dang / bram ze dang / rgyal rigs dang / rje'u rigs dang / dmangs rigs dang / skyes pa dang / bud med dang / khye'u dang / bu mo rnams rtag tu na da ma mchis par 'gyur ro/ /bde bar 'tsho ba dang / yid la dga' zhing mgu bar 'gyur ro/ /byams pa dang / snying rje'i sems kyis gnas par 'gyur ro/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po de dag thams cad kyang legs par bsrung ba'i phyir rtag tu bsrung ba dang / bskyab pa dang / sba ba'i phyir dpag tshad brgya kho ra khor yug tu bsrung ba dang / yongs su bskyang ba dang / zhi ba dang / bde legs su bgyid par 'gyur ro/ /rgyal po bzhi yang dpung dang bcas te/ yongs su skyong ba dang / srung ba dang / skyob pa dang / sbed pa bgyid par 'gyur ro/ /gdug pa thams cad bzlog pa dang / srung ba dang / yongs su skyong bar 'gyur ro/ /dbang phyug dang / dbang phyug chen po'i lha'i bu rnams rtag par rgyun du srung ba dang / skyob pa dang / sbed pa bgyid par 'gyur ro/ /lha'i dbang po brgya byin sum cu rtsa gsum pa'i lha'i bu 'khor dang / tshangs pa dang / khyab 'jug dang / dbang phyug chen po dang / lha'i tshogs kyi 'khor thams cad kyis yul de legs par bsrungs par 'gyur ro/ /gzi byin stsol bar 'gyur ro/ /dpag tshad gcig kho ra khor yug tu sems can thams cad yongs su srung ba dang / yongs su skyong bar 'gyur ro/ /dge sbyong dang / bram ze dang / rgyal rigs dang / rje'u rigs dang / dmangs rigs dang / skyes pa dang / bud med dang / khye'u dang / bu mo thams cad la srung ba dang / skyob pa dang / sbed pa bgyis par 'gyur ro/ /zhi ba'i las 'di'i mthus sems can thams cad sdig pa dang / sgrib pa thams cad las rnam par grol bar 'gyur ro/ /de bzhin gshegs pa thams cad kyis yul de la dgongs par 'gyur ro/ /phyogs bcu'i byang chub sems dpa' thams cad dang / byang chub sems dpa'i tshogs thams cad yang dag par 'du bar 'gyur ro/ /sems can thams cad la dbugs 'byin par ston par 'tshal bar 'gyur ro/ /sems can thams cad yongs su bsrung ba'i don du nyi ma dang / zla ba rgyu skar gyi tshogs dang bcas pa legs par 'byor bar 'gyur ro/ /'phags pa spyan ras gzigs dbang phyug rtag par rgyun du skyes pa dang / bud med dang / khye'u dang / bu mo thams cad la bu gcig pa bzhin du dbugs 'byin par 'gyur ro/ /yongs su bsrung ba dang / yid kyis brnag pa thams cad yongs su rdzogs par bgyid par 'gyur te/ yang nas yang du blta bar 'gyur ro/ /de nas des sbyin sreg gi thal ba dang / dri chu skyo ma bgyis te phyogs bzhi kun tu dbang bskur na mtshams chen po bcad par bgyis par 'gyur ro/ /nad kyis zin pa thams cad kyi nad thams cad nye bar zhi bar 'gyur ro/ /rims thams cad la thig le bgyis na rims thams cad las thar bar 'gyur ro/ /dri chab dang thal bas khrus bgyis na thams cad kyi sgrib pa dang / sdig pa thams cad rnam par dag par 'gyur ro/ /btson ra na mchis pa'am/ phyag sbal na mchis pa'i gos la bskus na ral bar 'gyur ro/ /gdug pas zin pa dang / dug gis myos pa thams cad la bskus na gdug par mi 'gyur ro/ /me dgug pa'i sbyin sreg gi cho ga rdzogs so/ / //de nas pad+ma rgya chen po'i dkyil 'khor 'dir pad+ma'i rigs 'phags pa spyan ras gzigs dbang phyug gi don yod pa'i zhags pa'i snying po rnam par grol ba'i dkyil 'khor cho ga zhib mo'i rgyal po chen po brjod par bgyi ste/ 'di ni ma bsgrubs par las brgya stong bgyid par 'gyur ro/ /tshes grangs rgyu skar bzang po dang / /shin tu bkra shis mchog dge la/ /legs par khrus bgyis gos gtsang bgo/ /byams pa'i sems la mnyam par bzhag /sems can kun la brtse ba dang / /snying rje dam pas brgyan pa dang / /don yod zhags pa'i rig sngags che/ /grub pa bla med cho ga'i rgyal/ /bklags pas las rnams thams cad dag /'grub par bgyid de som nyi med/ /'jig rten bla ma'i snying po dag /de bzhin gang dag rtag brjod na/ /lus can rtag tu mchog sbyin gyi/ /phyag na pad+ma rtag tu 'gyur/ /ci ltar gang gA'i bye snyed kyi/ /sangs rgyas bye ba phrag stong la/ /bsod nams phung po khri phrag bskyed/ /dge ba'i rtsa ba sogs pa dang / /sangs rgyas bya ba bgyid par 'gyur/ /smyung ba bgyis nas bzlas brjod gcig /mkhas pa'i mis ni brjod bgyid pa/ /dge slong pha dang dge slong ma/ / dge bsnyen pho mos de bzhin du/ /bde ba can du myur du mchi/ /sdug bsngal mi bzad myong 'gyur ba'i/ /nyon mongs pa las thar bar 'gyur/ /rtag tu sangs rgyas byang chub dag /mthong bar 'gyur te som nyi med/ /de nas don yod pa'i zhags pa'i snying po'i cho ga ci lta ba bzhin du bzlas brjod kyi cho ga brjod par bgyi ste/ bzlas brjod kyi ni las bgyis na/ /rig sngags 'chang la de nyid 'grub/ /don yod zhags pa'i gzugs brnyan gyi/ /mdun du lci ba'i dkyil 'khor bgyi/ /gru bzhi kho ra khor yug tu/ /tshon rtsi dkar po zhib mo yis/ /gru bzhi lham par thig gdab bo/ /ngos bzhi rnams su sgo bzhi dag /dbus nas ngos bzhir gshis su dbab/ /tsan+dan dkar pos bri ba ni/ /dkyil 'khor mchog la pad+ma dang / /'dab brgya gur gum gyis gtor zhing / /pad+ma'i ze ba'i dkyil dag tu/ /ma zhom pa yi bum pa ni/ /spos chab kyis ni bkang ba yi/ / yungs kar ldan pa gzhag par bgyi/ /a ga ru yi bdug pa dbul/ /bum pa gang bar dgod par bgyi/ /me tog sna tshogs brgyan par bgyi/ /mchod yon snod kyang bzhi gzhag go/ /rig sngags 'chang ba gtsang gyur pas/ /gtsang ma'i gos ni bgo bar bgyi/ /legs bkrus rnam par dag pa dang / /gso sbyong dag ni blangs pa dang / /dkar gsum zas ni 'tshal nas su/ /dus gsum du ni khrus bgyi'o/ /dus gsum bzlas brjod bgyi ba ni/ /don yod zhags pa'i snying po dag /dus gsum du yang brgya rtsa brgyad/ /'phags pa 'jig rten dbang phyug gi/ /mngon sum skyil mo krung bcas te/ /bzlas brjod phyag rgya bcings nas su/ /bgrang phreng dag ni blang bar bgyi/ /mdzub mo dag ni mthe bo dag /brkyang nas zhi zhing dul ba yi/ /yid kyis byams sems mnyam par gzhag /ting 'dzin brtag pas lus snyoms par/ /legs par bzhag ste zhi bar lta/ /tshig gzhan mi smra bzlas brjod bgyi/ /bzlas brjod bgyis pa tsam gyi mod la/ sa chen po g.yo bar 'gyur ro/ /don yod pa'i zhags pa'i phyag rgya bcings te/ phyag rgya bcings nas sa chen po yang g.yo bar 'gyur ro/ /brtan pa'i sems kyis skrag par mi bgyi'o/ /sems can thams cad la mchog tu brtse bas 'phags pa spyan ras gzigs dbang phyug don yod zhags pa'i zhabs mthong ba tsam du bris la/ ci tsam na khro bo'i rgyal po lan bdun bzlas so/ /lan bdun bzlas pa tsam gyi mod la sa chen po g.yo zhing sgra 'byung bar 'gyur ro/ /'phags pa spyan ras gzigs dbang phyug gi dpral ba nas 'od zer byung nas kun tu snang bar 'gyur ro/ /rig sngags 'chang de yang cher snying dga' ba dang / bzhin 'dzum pa dang / shin tu rab tu dga' bas spu zing zhes bgyid par 'gyur ro/ /de nas bcom ldan 'das kyi gdong du blta bar bgyi ste/ gdong du bltas pa tsam gyi mod la/ bcom ldan 'das 'phags pa spyan ras gzigs dbang phyug gi ngos g.yas pa nas legs so zhes bya ba'i sgra 'byung bar 'gyur ro/ /mig sgyur bar bgyid cing kun tu legs so zhes bgyi ba'i sgra byung na/ rig sngags 'chang gis sgrib pa thams cad rnam par dag pa thob nas lus yongs su dag pa chen po dang ldan par 'gyur ro/ /de bzhin gshegs pa bye ba sa ya phrag brgya stong la dge ba'i rtsa ba bskyed par 'gyur ro/ /byang chub sems dpa' thams cad kyis blta ba'i 'os su 'gyur ro/ /lus 'jam pa dang shin tu gzhon sha chags pa dang mnyen par 'gyur ro/ /skra cung zad 'khyil pa dang mnyen pa dang / snyan pa'i tshig smra bar 'gyur ro/ /mig yongs su dag pa 'thob par 'gyur ro/ /lus yongs su dag pa dang / yid yongs su dag pa dang / gnyer ma dang / skra skya bo spangs par 'gyur ro/ /sems can thams cad la lta ba dag pa zhes bgyi ba'i ting nge 'dzin 'thob par 'gyur ro/ /ci tsam du 'dug ce na/ 'phags pa spyan ras gzigs dbang phyug rang gi gzugs ston cing dbugs 'byin par bgyid do/ /lag pa g.yas pa spyi bor bzhag nas mchog thams cad stsol bar 'gyur ro/ /nam mkha' la mchi ba'am/ mi gda' bar bgyi ba'am/ lha'i mig 'thob pa'am/ sangs rgyas kyi zhing la blta ba'am/ ting nge 'dzin rab tu 'thob pa'am/ gzungs rab tu 'thob pa'am/ don yod pa'i zhags pa'i snying po'i cho ga zhib mo 'grub pa'am/ gtsug lag smra ba'am/ gsang sngags smra ba'am/ thos pa 'dzin pa nyid dam/ gter smra ba'am/ nor sgyur ba smra ba'am/ mig 'phrul smra ba'am/ 'jig rten du 'gro ba'am/ phug tu 'jug pa'am/ klu'i gnas su 'jug pa'am/ zhing smra ba'am/ gnod sbyin dgug pa'am/ srin po dgug pa'am/ ro langs bslang ba'am/ nags khrod du 'jug pa'am/ ri la rgyu ba'am/ grong khyer du 'jug pa'am/ sman blta ba'i phyir 'jug pa'am/ ral gri rig sngags 'chang nyid dam/ grub pa'i rig sngags 'chang nyid dam/ 'khor los sgyur ba nyid dam/ rgyal bo 'thob pa'am/ yul 'thob pa'am/ yul gyi bdag po nyid dam/ dpung chen po rab tu 'joms pa'am/ bskrad pa'am/ rgya mtshor 'jug pa de dag thams cad stsol bar 'gyur ro/ /dgos pa grub pa thams cad stsol bar 'gyur ro/ /ci ltar gang du 'tshal bar yongs su skyong bar 'gyur ro/ /mtshams ma mchis pa lnga rnams 'byung bar 'gyur ro/ /rtag tu bzlas brjod bgyis na/ sems can thams cad la lta ba sgrib pa dang bral ba dag pa zhes bgyi ba'i ting nge 'dzin 'thob par 'gyur ro/ /mig sman sgrub par 'tshal bas/ des zla ba yar gyi ngo tshes brgyad la ldong ros kyi mig sman zangs kyi snod kyi nang du stsal te/ tsan+dan gyi dkyil 'khor bgyis la/ 'phags pa spyan ras gzigs dbang phyug gi mdun du bzhag nas legs par khrus bgyis te gos gtsang ma bgos nas 'phags pa spyan ras gzigs dbang phyug gi mdun na skyil mo krung bcas te mchis nas bzlas brjod bgyi'o/ /don yod zhags pa'i phyag rgya'i mtshams bcing bas mtshams bcing bar bgyi'o/ /khro bo'i rgyal po lan bdun du bzlas par bgyi'o/ /zas dkar gsum 'tshal bar bgyi'o/ /rigs kyi bu pho'am/ rigs kyi bu mo gang yang rung bas/ 'phags pa'i yan lag brgyad kyi bsnyen gnas la goms par bgyis nas bzlas brjod bgyi'o/ /bzlas brjod bgyis pa tsam gyi mod la/ zangs kyi snod 'bar ba dang / rlangs pa dang / dbu ba 'byung bar 'gyur te/ de blangs nas mig la byugs na nam mkha' la rdzu 'phrul gyis mchis nas/ sangs rgyas kyi zhing thams cad kyi de bzhin gshegs pa thams cad mthong bar 'gyur ro/ /phyogs bcu'i sangs rgyas rnams mthong ba dang / rig sngags 'chang 'khor los sgyur ba chen por 'gyur ro/ /phug gi gnas phye ba thams cad mthong bar 'gyur ro/ /gter byung ba thams cad mthong bar 'gyur ro/ /lha'i gnas thams cad kyi sgo phye ba mthong bar 'gyur ro/ /gang du 'tshal ba der mchi bar 'gyur ro/ /gnod sbyin dang / srin po dang / 'byung po dang / sha za dang / gdon dang / mi dang / mi ma yin pa dang / phas kyi rgol ba dang / mi mdza' ba thams cad mi gda' bar 'gyur ro/ /tshes brgyad dam/ bcu bzhi'am/ lnga la tshig gzhan mi smra bar 'phags pa spyan ras gzigs dbang phyug gi mdun du skyil mo krung bcas te mchis nas/ lan stong rtsa brgyad bzlas brjod bgyi'o/ /bzlas brjod bgyis pa tsam gyi mod la 'phags pa spyan ras gzigs dbang phyug lha'i bdag nyid kyi rang gi gzugs kyis mdun du mchis nas/ lag pa g.yas pa spyi bor bzhag pa dang / dri med 'phags kyi lta ba'i cho 'phrul zhes bgyi ba'i ting nge 'dzin 'thob cing / de bzhin gshegs pa thams cad kyis gzigs pa'i byin gyis brlabs bkod pa yang dag par lta ba snang ba zhes bya ba'i rdzu 'phrul thob nas/ tshe'i tshad lha'i bskal pa stong du 'gyur ro/ /bdag nyid lha'i rang bzhin thob pa dang / de bzhin gshegs pa thams cad dang de bzhin gshegs pa dgra bcom pa yang dag par rdzogs pa'i sangs rgyas 'od dpag med kyis dam pa'i chos kyi gtam gleng bar mdzad pa thos par 'gyur ro/ /bde ba can na gnas pa'i byang chub sems dpa' sems dpa' chen po thams cad bsu ba'i slad du/ lha'i gzugs kyis mdun na mchis par 'gyur ro/ /skra cung zad 'khyil bar yang 'gyur ro/ /pad+ma snang ba'i gzhal med khang zhes bgyi ba'i khang pa brtsegs ma'i gzhal med khang thob par 'gyur ro/ /de nas rang gi lus rdo rje sra ba bdag nyid kyi snying po'i rang bzhin thob par 'tshal na/ rig sngags 'chang des spos chab des bum pa bkang nas lan drug khri nyis stong bzlas brjod bgyis te/ byang chub sems dpa' 'phags pa spyan ras gzigs dbang phyug gi mdun du nyin zhag gcig mchis par 'gyur bas khrus bgyi'o/ /khrus bgyis pa tsam gyi mod la/ lus rdo rje las byung ba'i rang bzhin du 'gyur ro/ /de bzhin gshegs pa thams cad de la gzigs par 'gyur ro/ /tshe lha'i lo khrir 'gyur ro/ /gnod sbyin dang / srin po dang / gdon thams cad dbang du 'gyur ro/ /lha dang / klu thams cad kyi dpon por 'gyur ro/ /'jig rten pa'i dgos pa sgrub pa thams cad bgyid par 'gyur ro/ /dran pa tsam mam sems bskyed pa tsam gyi mod la gdon thams cad dang / brjed byed thams cad babs nas thams cad smra bar 'gyur te/ bden pa'am mi bden pa'am yang dag pa'am/ yang dag pa ma lags pa'am/ skal ba dang ldan pa'am skal ba dang mi ldan pa'am/ byung ba'am/ ma byung ba'am/ 'byor pa dang / rgyas pa dang / bde ba dang / lo legs pa de thams cad smra bar 'gyur ro/ /de la sogs te las bgyi ba thams cad bgyid par 'gyur ro/ /dran bzhin du las thams cad rtag tu bgyid par 'gyur ro/ /yang na 'jig rten thams cad so sor bsgral bar 'tshal ba'am/ thams cad dbang du gyur nas gzhag par 'tshal lam/ thams cad sems can dmyal ba'am/ dud 'gro'i skye gnas sam/ gshin rje'i 'jig rten las thar bar bgyi bar 'tshal lam/ don yod ye shes bkod pa zhes bgyi pa'i ting nge 'dzin 'thob par 'tshal lam/ rnam par grol ba'i dkyil 'khor bsgrub par 'tshal lam/ don yod pa'i zhags pa'i snying po'i cho ga zhib mo bsgrub par 'tshal na/ rig sngags 'chang des gzugs brnyan so so ba bzhin du/ 'phags pa spyan ras gzigs dbang phyug don yod pa'i gzugs su bgyis te/ ral pa'i thor tshugs dang e na ya'i pags pas brgyan pa/ phyugs bdag gi cha lugs 'chang ba/ rgyan thams cad kyis brgyan pa/ skyil mo krung ngam 'greng ba dang drung na nor pus mo g.yas pa phab pa/ g.yon pa khro bo'i rgyal po gdong gyen du lta ba khro bo'i gzugs lag pa drug pa/ 'od dpag med kyi dbu rgyan thogs pa/ rgyan thams cad kyis bklubs pa thams cad ring bsrel dang bcas par bgyi ste/ ri'i steng gi pad+ma'i stan la mchis par bgyi'o/ /gtsang mas gos gtsang ma bgos te/ dus gsum du khrus bgyis na nyin zhag gcig mchis te/ rig sngags 'chang gis ba'i rnam lngas nye reg bgyi'o/ /chab dang yungs kar gyi dbang bskur bas/ dbang bskur bar bgyi'o/ /snying rje chen pos gdungs pa'i snying gis blta bar bgyi'o/ /gal te 'di lta bu'i cho gas mi bgyid na/ bklags pa tsam gyi mod la yang 'grub par 'gyur na/ bzlas brjod kyi las kyi cho gas lta smos kyang ci 'tshal/ yang rig sngags 'chang gang zhig gang gA'i klung bye ba phrag brgyad cu rtsa brgyad kyi bye ma dang mnyam pa'i de bzhin gshegs pa dgra bcom pa yang dag par rdzogs pa'i sangs rgyas la mchod par 'tshal lam/ blta bar 'tshal lam/ dge ba'i rtsa ba rgya chen po bskyed par 'tshal lam/ sems can thams cad dge ba'i rtsa ba la rab tu gzhag par 'tshal ba'am/ thams cad kyi sgrib pa rnam par dag par bgyi bar 'tshal na/ rig sngags 'chang des dge slong pha'am/ dge slong ma'am/ dge bsnyen pha'am/ dge bsnyen ma'am/ rgyal po'am/ btsun mo'am/ gzhan su yang rung bas thams cad cho ga 'di bzhin bgyis te/ des ci 'byor pa'i gser las don yod pa'i zhags pa'i gzugs brnyan bgyi'o/ /de nas kha shar phyogs su bstan te gzhag la gur gum gyi dkyil 'khor bgyi ste/ gru bzhi cha 'byes par li khris thig gdab par bgyi'o/ /dkyil 'khor dbus su pad+ma'i phreng ba bgyi'o/ /pad+ma'i phreng ba'i dbus su ril ba spyi blugs dang bgrang phreng gzhag par bgyi'o/ /me tog sna tshogs kyis mdzes par bgyi'o/ /spos chab kyis bkang ba'i bum pa me tog ci 'byor pas legs par brgyan pa bzhi gzhag par bgyi'o/ /mchod yon gyi snod lnga gzhag par bgyi'o/ /pog phor gyi snod lnga nas a ga ru'i bdug pas bdug par bgyi'o/ /dris bsgos pa'i mar me bcu drug sbar bar bgyi'o/ /'phags pa spyan ras gzigs dbang phyug la mchod par bgyi'o/ /me tog dang / bdug pa dang / dri dang / phreng ba'ang dbul bar bgyi'o/ /'jig rten dbang phyug gi mdun du skyil mo krung btsas te mchis nas don yod zhags pa'i phyag rgya bcings te/ bdag nyid la dbang bskur bar bgyi'o/ /khro bo'i rgyal po lan cig bzlas brjod bgyi'o/ /de bzhin gshegs pa thams cad la dmigs pa yid la bgyis nas/ phyogs bcur yid kyis mchod cing phyag bgyi'o/ /bzlas brjod kyi phyag rgya bcings te bzlas brjod bgyi'o/ /bzlas brjod brgya rtsa brgyad bgyis pa dngas chen po g.yo bar 'gyur ro/ /bdag nyid dga' bar gyur nas 'bar bar mthong ngo / /de bzhin gshegs pa de dag thams cad kyang zhal mngon sum du ston pa nye bar ston par 'gyur ro/ /'phags pa spyan ras gzigs dbang phyug gi ral pa'i gseb 'bar bar gyur nas legs so zhes bya ba'i sgra 'byung bar 'gyur ro/ /lan brgya rtsa brgyad pa lan gnyis bzlas brjod bgyis na/ grub pa chen po'i rtags ston par 'gyur ro/ /'phags pa spyan ras gzigs dbang phyug gi phyag brkyang nas rig sngags 'chang gi spyi bor 'jog par 'gyur ro/ /de bzhin gshegs pa thams cad gzigs pa zhes bgyi ba'i ting nge 'dzin thob par 'gyur ro/ /don yod zhags pa grub pa'i rig sngags 'chang bar 'gyur ro/ /nyi ma'i rtse na de bzhin gshegs pa de dag kyang mthong bar gyur nas sangs rgyas kyi zhing thams cad ston par 'gyur ro/ /de bzhin gshegs pa thams cad kyi dge ba'i rtsa ba dang ldan par 'gyur ro/ /brgya rtsa brgyad pa lan gsum bzlas na 'phags pa spyan ras gzigs dbang phyug gi gzugs skya rengs 'char ka'i dus su mdun du mchis nas pad+ma dri ma med pa zhes bgyi ba'i zhags pa stsol bar 'gyur ro/ /grub pa thams cad stsol bar 'gyur ro/ /rgyal ba 'od dpag med kyang legs so zhes bgyi ba stsol bar 'gyur ro/ /gang su yang rung bas 'phags pa spyan ras gzigs dbang phyug gi gzugs mthong na/ de ni de bzhin gshegs pa drug khri la dge ba'i rtsa ba bskyed par 'gyur ro/ /de la lha thams cad dang / tshangs pa la sogs te/ dbang phyug dang / dbang phyug chen po'i lha'i bu rnams rtag tu blta 'tshal bar 'gyur ro/ /nad thams cad dang bral bar 'gyur ro/ /mchog thams cad yongs su rdzogs nas/ rtag tu rjes su 'brang zhing srung ba dang / skyob pa dang / sbed pa bgyid par 'gyur ro/ /sdig pa thams cad dang bral bar 'gyur ro// //'phags pa don yod pa'i zhags pa'i cho ga zhib mo'i rgyal po/ bam po brgyad pa/ des ci 'byor ba'i gser las 'phags pa spyan ras gzigs dbang phyug don yod pa'i zhags pa byas la/ de nas zhal shar phyogs su bstan te gzhag la gur gum gyi dkyil 'khor gru bzhi ba legs par mdzes pa byas te/ li khris thig btab la dkyil 'khor gyi dbus su pad+ma bri/ pad+ma'i dbus su ril ba b+h+r-ing gar dang bgrang phreng bri/ me tog sna tshogs bkram la bum pa spos chus bkang la/ me tog ci 'byor pas legs par brgyan pa bzhi gzhag /mchod yon gyi snod lnga gzhag par bya zhing / pog phor lnga nas a ga ru'i bdug pas bdug par bya'o/ /spos sna bcu drug dang ldan pa'i til mar gyi mar me bltam ste/ 'phags pa spyan ras gzigs dbang phyug la mchod pa bya zhing / me tog dang / bdug pa dang / dri dang / phreng ba dag kyang dbul bar bya'o/ /'jig rten dbang phyug la mngon du phyogs te/ skyil mo krung bcas la don yod pa'i zhags pa'i phyag rgya bcings la bdag nyid la dbang bskur ro/ / khro bo'i rgyal po lan cig bzlas la/ phyogs bcu'i de bzhin gshegs pa thams cad yid la byas te yid kyis phyag byas la lus kyis kyang phyag byas te/ bzlas brjod kyi phyag rgya bcings la bzlas brjod bya'o/ /brgya rtsa brgyad bzlas pas sa chen po g.yo bar 'gyur zhing bdag nyid snying dga' la 'bar bar snang ngo / /de bzhin gshegs pa de dag thams cad zhal nye bar ston par mdzad do/ /'phags pa spyan ras gzigs dbang phyug gi dbu ral ba'i gseb 'bar zhing legs so zhes bya ba'i sgra 'byung ngo / /brgya rtsa brgyad bzlas pa gnyis pas ni/ dngos grub chen po'i mtshan ma ston to/ /'phags pa spyan ras gzigs dbang phyug gi phyag brkyang ste/ rig sngags 'chang gi mgo bo'i spyi bor 'jog par 'gyur ro/ /de bzhin gshegs pa thams cad la rnam par blta ba zhes bya ba'i ting nge 'dzin 'thob par 'gyur ro/ /rig sngags 'chang la don yod pa'i zhags pa 'grub par 'gyur ro/ /tho rangs de bzhin gshegs pa de dag gi zhal ston par 'gyur/ sangs rgyas kyi zhing thams cad ston par 'gyur ro/ /de bzhin gshegs pa thams cad kyi dge ba'i rtsa ba dang ldan par 'gyur ro/ /bzlas brjod brgya rtsa brgyad gsum pas ni/ skya rengs shar ba'i dus kyi tshe/ 'phags pa spyan ras gzigs dbang phyug gi rang gi gzugs kyis mdun na bzhugs te/ pad+ma'i dri ma med pa zhes bya ba'i zhags pa sbyin par mdzad cing / dngos grub thams cad sbyin par mdzad do/ /rgyal ba 'od dpag med legs so zhes bya ba sbyin par mdzad do/ /gang la 'phags pa spyan ras gzigs dbang phyug gi skur bstan pa de/ de bzhin gshegs pa stong phrag drug cu rtsa bzhi la dge ba'i rtsa bskrun par 'gyur ro/ /lha thams cad dang / tshangs pa la sogs pa dbang phyug dang / dbang phyug chen po dang / lha'i bu rnams rtag tu lus ston 'dod par 'gyur ro/ /nad thams cad dang bral bar 'gyur ba dang / mchog thams cad yongs su rdzogs pa dang / rtag tu phyi bzhin 'brang zhing srung ba dang / skyob pa dang / sba bar byed par 'gyur ro/ /sdig pa thams cad dang bral bar 'gyur ro/ /de nas dngul las 'phags pa spyan ras gzigs dbang phyug don yod pa'i zhags pa'i gzugs snga ma bzhin du byas pa la/ tsan+dan dkar po'i dkyil 'khor du tsan+dan dkar po'i dri chab kyis bkang ba gzhag par bya zhing / mchod yon gyi snod lnga gzhag par bya'o/ me tog sna tshogs pa bkram zhing / tsan+dan dkar po'i bdug spos kyis bdugs te/ 'phags pa spyan ras gzigs dbang phyug la mchod par bya'o/ /dri sna bzhi bcu rtsa gnyis dang ldan pa'i til mar gyi mar me bltam par bya zhing / bdug spos kyi snod bzhi bcu gzhag par bgyi'o/ /khro bo'i rgyal po lan nyi shu rtsa gcig bzlas brjod byas la rig sngags 'chang gtsang mas gos gtsang ma bgos te/ don yod pa'i zhags pa'i phyag rgya lan bdun bcing ngo / /bzlas brjod kyi phyag rgya byas te/ skyil mo krung du 'dug la lag pa g.yon pa'i mdzub mo brkyang ba pad+ma'i tshul du byas la/ bzlas brjod lan brgya rtsa brgyad bya'o/ /lan brgya rtsa brgyad tshang ba dang / shar phyogs nas legs so zhes bya ba'i sgra grag par 'gyur zhing / bdag nyid dga' bar snang ngo / /rgyal po blon po dang btsun mo'i 'khor dang bcas pa dbang du gyur te/ ming brjod pas dpag tshad stong nas 'ong bar 'gyur ro/ /thams cad bgyi ba ci mchis zhes bran bzhin du 'gyur ro/ /gang bsgo ba de byed par 'gyur ro/ /de nyid bla mar 'gyur zhing cher brjod par 'gyur ro/ /brgya rtsa brgyad lan gnyis bzlas pas brgya byin dang / tshangs pa dang / khyab 'jug pa dang / dbang phyug chen po dang / gshin rje dang / chu lha dang / rlung lha la sogs pa dbang du 'gyur zhing / bsgo ba bzhin byed par 'gyur ro/ /gang bsgo ba byed par 'gyur ro/ /rgyal po bzhi 'khor gnod sbyin gyi tshogs dang bcas pa rnams dbang du 'gyur ro/ /brgya rtsa brgyad lan gsum du bzlas pas nyi ma dang zla ba nam mkha' las 'bab cing mdun na 'dug par 'gyur ro/ /mtshan mo'i lha dang nam mkha'i lha 'ongs nas mdun na 'dug par 'gyur zhing dbang du 'gyur ro/ /thams cad ci bgyi zhes pa'i bya ba byed cing 'dug par 'gyur ro/ /brgya rtsa brgyad lan bzhi bzlas pas/ klu thams cad dbang du byas par 'gyur ro/ /rgya mtsho'i klu'i rgyal po dga' bo dang / nye dga' bo la sogs pa'i bar thams cad dbang du byas par 'gyur ro/ /zangs las byas pa'i 'phags pa spyan ras gzigs dbang phyug don yod pa'i zhags pa la/ tsan+dan dkar po'i dkyil 'khor byas te/ me tog dmar po bkram la/ bdug spos kyi snod bzhi nas bdug par bya zhing / mar gyi mar me lnga bcu rtsa gnyis bltam par bya'o/ /mchod yon gyi snod bzhi bzhag la/ 'phags pa spyan ras gzigs dbang phyug la mchod par bya'o/ /khro bo'i rgyal po lan nyi shu rtsa gcig rjes su dran par bya'o/ /don yod pa'i zhags pa'i phyag rgya lan nyi shu rtsa gcig bcing bar bya'o/ /ras la bris pa'i sku gzugs kyi spyan sngar skyil mo krung du 'dug ste/ sems can thams cad la dmigs pas de bzhin gshegs pa thams cad yid la bya'o/ /phyogs bzhir byams pa'i lta bas blta bar bya'o/ /sems can dmyal ba pa dang / gshin rje'i 'jig rten dang / lha ma yin dang / kyi yul thams cad yid la bya'o/ /sems can dmyal ba chen po brgyad yid la bya zhing snying rje'i sems kyis blta bar bya'o/ /bzlas brjod kyi phyag rgya pad+ma'i tshul du bcings te bzlas brjod bya'o/ /brgya rtsa brgyad tshang ba dang / phyogs bzhi g.yo zhing sgra grag par 'gyur la/ dmyal ba pa'i sems can de dag thams cad yongs su grol bar 'gyur ro/ /dmyal ba'i sgo thams cad bcad par 'gyur zhing / bcom pa dang thal bar brlag par 'gyur ro/ /dmyal ba'i sems can de dag bde 'gror 'gro bar 'gyur ro/ /bdag nyid kyang byang chub kyi mthar thug gi bar du dmyal ba'i sdug bsngal gyi tshor ba thams cad las yongs su grol bar 'gyur ro/ /lus kyang mtshan bzang pos brgyan par 'gyur zhing / sems can gang dag gis mthong ba de dag thams cad phyir mi ldog par 'gyur ro/ /brgya rtsa brgyad lan gnyis bzlas brjod byas pas ni/ sa'i 'og gi sems can mun gnag snang ba dang bral ba de dag don yod pa'i zhags pa'i snying po'i mthus mun gnag dang bral bar 'gyur zhing / 'od zer 'byung bar 'gyur ro/ /yongs su grol ba'i sems can de dag 'phags pa spyan ras gzigs dbang phyug gi gnas su brdzus te skye bar 'gyur zhing rga ba dang / 'chi ba spangs par 'gyur ro/ /byang chub kyi mthar thug gi bar du kun nas mthu 'phags pa dri ma med pa zhes bya ba'i ting nge 'dzin 'thob par 'gyur zhing / tshe bskal par thub par 'gyur ro/ /shi nas bde ba can gyi 'jig rten gyi khams su skye bar 'gyur ro/ /byang chub kyi mthar thug gi bar du/ de nyid kyi zhabs kyi drung na gnas par 'gyur zhing / mya ngan thams cad dang bral bar 'gyur ro/ /tsan+dan dkar po dang / gla rtsi dang / ga pur dang / spos kyi rigs sna tshogs gzhan dag phye ma zhib mor byas te/ yang legs par btags la/ kun tu ru dang / sra rtsi pog dang / gan d+ha ra sa dang / chu dang lhan cig sbyar te/ sha khar btab la/ legs par btags pa las 'phags pa spyan ras gzigs dbang phyug don yod pa'i zhags pa sor bzhi ba'i tshad du byas te/ rgyan thams cad kyis brgyan pa ral pa'i thor tshugs dang / e ne ya'i pags pas bzhag pa/ phyugs bdag gi cha lugs 'dzin pa/ phyag bzhi gcig na pad+ma thogs/ gnyis pa na zhags pa thogs/ gsum pa na gsal shing thogs pa/ bzhi pa dbugs 'byin pa/ gdan pad+ma 'od kyi dkyil 'khor 'dom gang gis brgyan par bya ste/ g.yas su 'phags ma sgrol ma/ g.yon du dri med 'gro bya'o/ /'jig rten dbang phyug gi 'og tu ni khro bo'i rgyal po'o/ /gong du ni 'od dpag med do/ /de nas rig sngags 'chang gtsang mas gos gtsang ma bgos te/ dus gsum du khrus bya zhing gos sum phrugs su bgos la tshes brgyad nas tshes lnga'i bar du dus gsum du bzlas brjod brgya rtsa brgyad bya'o/ /spos sna tshogs kyis dkyil 'khor byug par bya zhing / tshon sna lngas bri bar bya ste/ dkyil 'khor gyi dbus su don yod pa'i zhags pa dang / rig sngags kyi lha pus mo btsugs te gyen du blta ba bri bar bya'o/ /grwa bzhir dbang phyug dang / dbang phyug chen po dang / gshin rje dang / chu lha bri bar bya'o/ /sgo bzhi'i cha 'byes par bya'o/ /dkyil 'khor khor yug tu pad+ma bri bar bya'o/ /grwa bzhir spos kyis bkang ba gzhag par bya'o/ /sgo bzhir dri dang gtor ma dang bum pa bkang ba gzhag go/ /dkar gsum gyi gtor ma dang mchod yon gyi snod brgyad gzhag go/ /me tog sna tshogs pa bkram par bya zhing / a ka ru dang / tsan+dan gyi bdug pa dbul bar bya'o/ /spos sna brgya nyi shu rtsa brgyad dang ldan pa'i til mar gyi mar me bltam par bya/ 'phan gdugs bzang po sna tshogs pas legs par brgyan par bya ste/ byang chub sems dpa' 'phags pa spyan ras gzigs dbang phyug dkyil 'khor du zhal shar phyogs su bstan la mchod par bya'o/ /ras kyi tshon skud sna lnga pa/ srid du khru bcu drug pa thor to gcig tu gser gyi yang mig thor to gcig tu mu tig gi chun kor btags te/ sbrul 'khyil pa bzhin du bskyil la dkyil 'khor gyi dbus su bzhag ste/ gtsang mas gos gtsang mas g.yogs par bya'o/ /rig sngags 'chang dkyil 'khor la mngon du phyogs te/ skyil mo krung du 'dug la/ don yod pa'i zhags pa'i phyag rgya lan sum cu rtsa gnyis bcing ba byas la bdag bsrung ngo / /khro bo'i rgyal po lan brgya rtsa brgyad bzlas par byas la/ dkyil 'khor bcing ba dang / phyogs bcing ba yang bya'o/ /de nas rig sngags 'chang gis bzhin 'dzum gyis brgyan par byas la/ bzlas brjod kyi phyag rgya bcings te/ mi smra bar yungs kar 'bru re re nas bzlas brjod stong rtsa brgyad brjod nas ras kyi srad bu'i steng du gtor bar bya ste/ stong rtsa brgyad tshang ba dang ras kyi srad bu de 'bar bar 'gyur zhing / 'od zer sna tshogs 'byung bar 'gyur ro/ /legs so zhes bya ba'i sgra 'byung bar 'gyur te/ rig sngags 'chang legs so legs so/ /khyod kyis don yod pa'i zhags pa grub kyis long la dgos pa thams cad byos shig / khyod kyi yid bzhin gyi nor bu chen po gnyis don yod pa'i zhags pa pad+ma grub pas/ 'jig rten pa dang 'jig rten las 'das pa'i dgos pa thams cad sgrub par 'gyur ro/ /'phags pa spyan ras gzigs dbang phyug de yang 'bar bar 'gyur ro/ /'jig rten dbang phyug gi sku las spos kyi sprin chen po 'byung bar 'gyur te/ spos des dpag tshad drug tsam du khyab par byed do/ /gang la dri mnams pa tsam gyis nad thams cad dang bral bar 'gyur/ sdig pa thams cad dang bral bar 'gyur/ sdug bsngal gyi sgrib pa thams cad dang / byad dang / dug dang / dbyig dug dang / phye ma'i sbyor ba rnams 'jig par 'gyur ro/ /lus thams cad dri ma med par 'gyur ro/ /sems can thams cad kyang rjes su 'brang bar 'gyur ro/ /de nas rig sngags 'chang gis yid bzhin gyi nor bu'i zhags pa de blangs la zangs kyi gab tshe bzang po'i nang du bcug ste/ 'phags pa spyan ras gzigs dbang phyug gi zhabs drung du gzhag par bya'o/ /nam dgos pa byung ba'i tshe/ gtsang mas khrus legs par byas te/ blang bar bya zhing dgos par bya'o/ /nyin re bzhin dus gsum du mchod par bya'o/ /rig sngags 'chang de yang nam mkha' la 'gro bar 'gyur zhing lus yongs su dag pa dang / sngon gyi rig sngags 'chang rnams dang lhan cig rtse zhing thams cad dbang du 'gyur ro/ /tshe lo stong thub par 'gyur te/ shi nas bde ba can gyi 'jig rten gyi khams su skal ba mnyam pa rnams kyi nang du pad+ma'i snying po las rdzus te skye bar 'gyur ro/ /rig sngags 'chang thams cad kyi 'khor los sgyur bar 'gyur ro/ /byang chub kyi snying po'i mthar thug gi bar du tshe bskal pa brgya phrag stong thub par 'gyur ro/ /'phags pa spyan ras gzigs dbang phyug de yang gang gis mthong ba tsam gyis mtshams med pa lnga la sogs pa zad par 'gyur ro/ /sna ma'i me tog la lan brgya rtsa brgyad bzlas la/ 'phags pa spyan ras gzigs dbang phyug la re re nas dbul bar bya ste/ lan brgya rtsa brgyad tshang ba dang / rgyal po dang / blon po dang / btsun mo'i 'khor dang bcas pa dbang du 'gyur te/ rang nyid nor dang bcas/ dbyig dang bcas/ 'bru dang bcas/ bran pho dang bcas/ bran mo dang bcas te las byed par 'gyur ro/ /sna ma'i me tog rnying pa de bsdus la gla rtsi dang / pri yang ku dang / rgya spos dang / ru rta dang / gur gum dang / spang spos dang / swa ma ka dang / spr-i ka dang / na la da dang / bo la dang / yungs kar rnams zhib tu btags pa'i phye ma char pa'i chu dang sbyar ba'i ril bu ni dug med par byed pa'i mchog /pad+ma zhes bya ste/ thog mar grags pa dang dpal du byed nad thams cad sel ba dang rims nad thams cad nye bar sel bar byed do/ /btsog shu dang / 'bras dang / me dbal dang / rkang shu dang / phol mig dang / lhog pa dang / de thams cad la ni bskus na bde bar zhi bar 'gyur ro/ /zhes gsung ngo / /nad de dag thams cad la khrus byas na sdig pa sel to zhes thub pas gsungs so/ /tshe sbyin par byed/ rgyal po dag yul sbyin par byed do/ / thig le byas te g.yul ngor song na thams cad las rtag tu rgyal ba dang / bud med rnams dga' ba dang / dbang du 'gyur bar byed pa'i mchog yin no/ /byad 'joms shing dug dang / dbyig dug dang / phye ma'i dug dang / gsang sngags kyi sbyor ba dag kyang de bzhin no/ /zas za ba dang khrus byed pa na thig le'i byug pa rtag tu byas na/ de thams cad las 'gro ba rnams bde bar thar bar 'gyur ro zhes 'jig rten dbang phyug gsung ngo / /klad pa'i nad mi bzad pa la ni byug par bya'o/ /mig na ba la ni mig sman gyi thur mas so/ /so na ba la ni khar mur ro/ /lto na ba la ni chu dron dang ngo / /rtsib logs na ba la ni mar dang byug go/ /yan lag dang nying lag na ba la ni bsku bar bya'o/ /dbang du bya ba ni lag mthil la bsku bas so/ /nad tshabs che ba la ni sku mnye dang khrus bya'o/ /gnod sbyin gyi gdon bsal ba la ni sna nas btang ba'i las bya'o/ /bdug pas ni gdon thams cad las rnam par grol bar 'gyur ro/ /rgyas thebs pa la ni mtshog mar thig le bya'o/ /snying na ba la ni chu dron dang lan tsha bsres pa'o/ /khyim zhi bar bya la ni 'bras yos dang gsum sbyar bas zhi ba chen por 'gyur ro/ /thams cad du lan nyi shu rtsa gcig bzlas nas so/ /'thab pa dang / rtsod pa rnams la ni ba lang gi lci bas dkyil 'khor byas la me tog bkram ste/ dri chus bkang ba bzhi bzhag cing 'o mas bkang ba bzhi dang / mchod yon gyi snod bzhi dang / pog phor bzhi bzhag ste/ a ga ru dang du ru skas bdug go/ /gu gul la lan nyi shu rtsa gcig bzlas te bdug par bya'o/ /'phags pa spyan ras gzigs dbang phyug la dri chab kyis mchod par bya'o/ /khro bo'i rgyal po yungs kar la lan brgya rtsa brgyad bzlas te phyogs bzhir gtor bar bya'o/ /don yod pa'i zhags pa'i snying po lan dgu bcu rtsa gcig bzlas na/ 'thab pa dang / rtsod pa rnams la smra ba'i mchog tu 'gyur ro/ /g.yul 'gyed pa las rgyal bar 'gyur ro/ /rang gi dpung dang gzhan gyi dpung yan lag bzhi pa thams cad las rgyal bar 'gyur ro/ /gal te brgya byin rang dang / lha ma yin lhan cig pas kyang ma yin na/ mi rnams kyis lta ci smos/ brgya byin dgug par 'dod na pad+ma la lan brgya rtsa brgyad bzlas te/ brgya byin gyi ming nas brjod la 'phags pa spyan ras gzigs dbang phyug la re re nas dbul bar bya zhing / dri chab kyang dbul lo/ /gu gul dang / mar dang yungs kar la lan brgya rtsa brgyad bzlas te/ shing arka'i me sbar la tshes bcu bzhi la sbyin sreg bya'o/ /bzlas brjod kyi cho ga rdzogs pa dang brgya byin lha'i dbang po dpung dang bzhon par bcas pa 'ongs nas mdun du 'dug ste/ bsgo ba bzhin byed cing thams cad dbang du 'gyur ro/ /brgya byin gyi go 'phang ma gtogs pa gang bslangs pa de sbyin par byed de de ni sems mi bzod do/ /tshangs pa rdog pas mnan te lan brgya rtsa brgyad bzlas na brgya rtsa brgyad tshang ba dang / tshangs pa rang gi gzugs kyis mdun na 'dug ste/ mchog thams cad sbyin par byed do/ /yid la ci 'dod pa sgrub par byed do/ /gu gul la lan dgu bcu bzlas te/ khyab 'jug la bdug cing chu dang yungs kar la lan nyi shu rtsa gcig bzlas te spyi bor gtor na/ khyab 'jug rang gi gzugs kyis mdun na 'dug cing las thams cad byed par 'gyur ro/ /gzugs sna tshogs kyi bar du ston to/ /hi ra N+ya ka shi bu la yang sbyin par byed cing khyab 'jug chen po'i stobs kyi shugs dang ldan par 'gyur ro/ /dbang phyug chen po'i zhal mthong bar 'dod na/ rna ba g.yas par lan brgya rtsa brgyad bzlas te yungs kar la lan nyi shu rtsa gcig bzlas nas spyi bor gtor ro/ /gu gul gyi bdug pas bdug cing / arka'i chu la lan bdun bzlas te dbul bar bya'o/ /de nas dbang phyug chen po'i gzugs 'gul bar 'gyur zhing legs so zhes bya bar sgra 'byung ngo / /de nas dbang phyug chen po rang gi gzugs kyis mdun na 'dug par 'gyur zhing / rang gi tshogs kyi 'khor dang bcas pa thams cad dbang du 'gyur ro/ /'dod pa'i mchog thams cad sbyin par mdzad do/ /mchog gang 'dod pa thams cad sbyin par byed do/ /nag po chen po dgug par 'dod pas gu gul la lan brgya rtsa brgyad bzlas te/ khrag dang chang dbul bar bya zhing / yungs kar la lan nyi shu rtsa gcig bzlas nas/ nag po chen po'i steng du gtor na khugs par 'gyur te/ bran bzhin du las thams cad byed par 'gyur zhing / gar mngags pa der 'gro bar 'gyur ro/ /'khor gyi tshogs dang bcas pa dbang du 'gyur ro/ /gnod sbyin gyi gnas thams cad kyi sgo 'bye bar 'gyur zhing gang 'dod pa byed do/ /thams cad byams par 'gyur zhing las thams cad byed par 'gyur ro/ /mi smra bar mtshan mo'i dus mtshams gsum du lan nyi shu rtsa re re bzlas na mtshan mo'i lha 'khor dang bcas pa dang / mtshan mo rgyu ba dang / nyin par rgyu ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa thams cad dbang du 'gyur te/ las thams cad byed par 'gyur ro/ /thams cad rang gi gzugs kyis rtag tu mdun na nye bar gnas so/ /mtshan mo longs spyod par gzhal med khang thams cad sbyin par byed do/ /gtsang mas gos gtsang ma bgos te/ khrus legs par byas nas bden par smra zhing byams pa'i sems nye bar bzhag nas sems can thams cad la rtag tu brtse ba dang snying rje chen pos lhag par dmigs te bzlas brjod rtag tu bya'o/ /bzlas brjod kyi cho ga rim par phye ba'o/ /de nas rtag tu las thams cad byed pa dge bzhi ba rgyas pa drag shul spyod pa srung ba nad thams cad sel pa/ byang 'jig pa/ dbang du byed pa/ sbyin sreg gi cho ga bshad par bya'o/ /khyim srung bar 'dod pas arga'i yam sreg shing dang / pad+ma dang / yungs mar bsres pa las sbyin sreg lan brgya rtsa brgyad byas te/ don yod pa'i zhags pa'i snying po lan brgya rtsa brgyad bzlas brjod byas la/ khro bo'i rgyal po lan bdun bzlas brjod byas na/ khyim chen po bsrung bar 'gyur ro/ /'thab pa dang / rtsod pa dang / khrag khrug thams cad dang phyir rgol ba dang / mi mdza' ba thams cad dang / rims thams cad dang / yams kyi nad dang / nad 'go ba thams cad dang / gdon thams cad dang / mu ge'i gnod pa dang / mi ngas dang / skyes pa dang / bud med dang / khye'u dang / bu mo'i mi ngas thams cad zhi bar 'gyur ro/ /lha thams cad kyang srung ba dang skyob pa dang sba ba byed par 'gyur ro/ /dbang phyug dang dbang phyug chen po yang rtag tu phyi bzhin 'brang bar 'gyur ro/ /'phags pa spyan ras gzigs dbang phyug kyang rtag tu rgyun mi 'chad par sku ston par bzhed par 'gyur ro/ /sbyin sreg gi mar dang / yungs kar dang / gu gul gyi sbyin sreg stong rtsa brgyad byas na/ yul dang / yul 'khor dang / grong khyer dang / yul gru dang / ri khrod dang / ljongs rnams zhi ba chen por 'gyur ro/ /'phags pa spyan ras gzigs dbang phyug gi spyan sngar zla ba nya la me tog dkar po dang / gan d+ha pri yang ku dang / rgya spos rnams yungs mar dang bsres te sbyin sreg stong rtsa brgyad byas na rgyal po dang / blon po btsun mo'i 'khor dang bcas pa dang / yul gru dang / grong khyer dang / grong rdal dang / ljongs dang / rta dang / glang po che dang / ba lang dang / ma he rnams dbang du 'gyur ro/ /shing a pa marga'i yam sreg shing zho dang sbrang rtsi dang / mar bsres pa dang / me tog dkar po rnams las lan brgya rtsa brgyad sbyin sreg byas na yul gru stong 'thob par 'gyur ro/ /'phags pa spyan ras gzigs dbang phyug gi spyan sngar zho dang sbrang rtsi dang mar bsres pa dang pad+ma'i sdong po'i yam sreg shing rnams las brgya rtsa brgyad sbyin sreg byas na mtshan mo zad pa dang di nar brgyad brgya 'thob par 'gyur ro/ /me tog ku mu da dang / pad+ma sdong bu dang / rtsa ba dang / 'dab mar bcas pa dang / yungs kar bsres te shing seng ldeng gi me sbar la sbyin sreg brgya rtsa brgyad byas na/ log 'dren thams cad las yongs su grol bar 'gyur ro/ /zla ba yar gyi ngo tshes brgyad la smyung ba bgyi ste/ gtsang mas khrus legs par byas la gos dkar po bgos te tsan+dan dang pri yang ku'i shing dang / 'bras yos dang / mar dang / yungs kar bsres pa'i sbyin sreg stong rtsa brgyad byas na/ nam phyed kyi dus su gnod sbyin mo 'ongs nas zong lnga stong sbyin par 'gyur ro/ /zla ba mar gyi ngo tshes bcu bzhi la nyin zhag gcig smyung ba byas te/ rgya mtshor 'gro ba'i chu klung gi 'gram du song la/ shing bil ba'i me spar te/ shing bil ba'i me tog dang mar dang sbrang rtsi bsres pa stong rtsa brgyad sbyin sreg byas na/ de'i 'og tu gnod sbyin mo thams cad kyis brgyan pa 'ong bar 'gyur ro/ /nam phyed na rin po che'i za ma tog thogs nas 'ong bar 'gyur te/ rig sngags 'chang des blang bar bya'o/ /gdong du mig blta bar mi bya'o/ /yang brgya rtsa brgyad bzlas brjod byas pa dang rkang pa'i drung du snod bor nas btud de rig sngags 'chang 'gum mo zhes zer ro/ /de nas rig sngags 'chang gis khro bo'i rgyal po lan nyi shu rtsa gcig bzlas brjod bya'o/ /de nas gang gi tshe dgos pa byung ba de'i tshe nam phyed la lan brgya rtsa brgyad bzlas brjod byas na gnod sbyin mo 'ong bar 'gyur te/ dgos pa thams cad byed cing dran bzhin du las thams cad byed par 'gyur ro/ /zla ba mar gyi ngo tshes bcu bzhi la gang na gter yod pa der song ste stong rtsa brgyad bzlas brjod byas la/ gtor ma'i cho ga yang gzhag par bya zhing / 'phags pa don yod pa'i zhags pa la mchod pa byas la sna ma'i me tog dang / pad+ma'i 'dab ma dang / yungs kar dang / mar bsres pa rnams las sbyin sreg stong rtsa brgyad byas te/ chu dang yungs kar la lan nyi shu rtsa gcig bzlas brjod byas nas sa la brdabs na/ de'i 'og tu gter thams cad 'byung bar 'gyur te/ blangs la dkon mchog gsum gyi sku skal dbul bar bya zhing lhag ma rang gis blang bar bya'o/ /ba ru ra'i shing gi me spar la til dang / 'bras sob dang / mar bsres pa las sbyin sreg stong rtsa brgyad byas na/ rgyal po btsun mo'i 'khor dang bcas pa dang dpung gi yan lag bzhi dang bcas pa dang / nor dang / 'bru dang bcas pa dang / dbyig dang / gser dang bcas pa dbang du 'gyur te/ ji srid 'tsho'i bar du gnas par 'gyur ro/ /yungs kar dkar po dang / tsam pa ka'i me tog dang / pad+ma'i yam sreg shing dang / sbrang rtsi dang / mar bsres pa'i sbyin stong rtsa brgyad byas na yul thams cad dbang du 'gyur zhing / bud med dang / skyes pa dang / khye'u dang / bu mo dbang du 'gyur ro/ /'bras phub lan tshwa dang ldan pa las lan dgu bcu rtsa gcig sbyin sreg byas na/ rigs bzhi 'jig rten dbang du 'gyur ro/ /a ga ti'i shing gis me sbar la sbrang rtsi dang mar bsres pa dang / arka'i me tog las sbyin sreg brgya rtsa brgyad byas la/ 'phags pa spyan ras gzigs dbang phyug la mchod pa byas na/ nyin re bzhin di na ra brgya 'thob par 'gyur ro/ /pa la sha'i yam sreg shing dang 'bral yos las sbyin sreg stong rtsa brgyad byas na/ gser brgya phrag stong thob par 'gyur ro/ /dkon mchog gsum la mchod pa bya zhing bgo bsha' byas na yang 'byung bar 'gyur ro/ /tshes lnga zla ba nya ba la smyung ba byas te/ rgya mtshor 'bab pa'i chu klung ngam/ chu klung chen po'i nang rked pa nub tsam du zhugs te/ lan brgya rtsa brgyad bzlas brjod byas nas/ yungs kar la lan nyi shu rtsa gcig bzlas na khros pas chu klung de la brdab par bya'o/ /de nas chu'i nang nas bu mo zhig byung nas rin po che mang po zhig sbyin par byed de blangs la phyed kyis dkon mchog gsum la mchod par bya zhing / 'phags pa spyan ras gzigs dbang phyug la yang mchod par bya'o/ /tshes lnga zla ba nya ba la smyung ba byas te/ nam phyed na bcom ldan 'das 'phags pa spyan ras gzigs dbang phyug la mchod pa byas nas/ a pa mar ga'i yam sreg shing dang / sbrang rtsi dang / mar dang / sra rtsi pog sreg pa la lan brgya rtsa brgyad bzlas brjod byas la/ rang gi ming gis sbyin sreg stong byas na sdig pa thams cad las grol bar 'gyur zhing nad thams cad dang / gnod pa thams cad las grol bar 'gyur ro/ /phyir rgol ba thams cad dang / mi mdza' ba thams cad 'jig par 'gyur ro/ /shing arka dang / ti la dang / yungs kar dang / gu gul dang / mar bsres pa las sbyin sreg byas na/ zhi ba chen por 'gyur ro/ /'bras yos dang / 'o ma dang / mar dang / yungs kar dang / tsan+dan dkar po bsres la sbyin sreg lan brgya rtsa brgyad byas na rgyas pa dang mchog tu dge bar 'gyur ro/ /tshes bcu bzhi la ka ra bI ra'i me tog dang / lan tshwa sna bdun bsres pa dang / shing tsher ma can gyi yam sreg shing yungs mar la bsres pa drag shul spyod par bya'o/ /char mi 'bab pa'i tshe pad+ma dang tsan+dan dang / yungs kar dang / mar bsres pa la lan nyi shu rtsa gcig bzlas te/ sbyin sreg brgya rtsa brgyad byas nas khro bo'i gsang sngags lan bdun bzlas na ji srid 'dod pa de srid du char gyi rgyun chen po 'bab par 'gyur ro/ /thal ba de blangs la lan nyi shu rtsa gcig bzlas te nam mkha' la gtor na char ha cang ches pa zhi bar 'gyur ro/ /phyogs bzhir gtor na mtshams chen po bcad par 'gyur ro/ /sprin la mngon du phyogs te gtor na rlung dang / sprin dang / ser ba rnams 'byung bar mi 'gyur ro/ /gzhan gyi sde gnon pa ni til dang 'bras so ba'i sbyin sreg gis so/ /pha rol gyi dpung zlog pa ni sa bon bdun gyi sbyin sreg gis so/ /phug sgrub pa ni shing arka'i sbyin sreg gis so/ /arka'i lo ma dang / mar bsres pa'i sbyin sreg byas na phug gi sgo thams cad 'byed par 'gyur ro/ /nags su 'gro ba'i tshe ku mu dang / rgya spos dang / yungs kar dang / mar bsres pas nags kyi phug gi sgo thams cad 'byed par 'gyur zhing sman gyi dngos po thams cad rang bzhin du gnas par 'gyur ro/ /shing pa la sha'i me sbar te na le sham brgya stong sbyin sreg byas na/ brgya byin dang / tshangs pa dang / khyab 'jug dang / dbang phyug chen po dang / nyi ma 'ongs nas mdun du 'dug par 'gyur ro/ /sna ma'i me tog dang / kar ni kA ra'i me tog dang / ut+pal rnams mar dang bsres pa las sbyin sreg brgya stong byas na/ zla ba dang / nyi ma 'ongs nas mchog sbyin zhing lus la 'od zer btang nas nam mkha' la 'gro bar 'gyur ro/ /a shwad thas yam sreg shing byas la/ shu ti dang / nye'u shing dang / arka dang / tsan+dan dang / yungs kar dang / nas dang / mar bsres pa las nyi ma bdun gyi dus mtshams gsum du sbyin sreg nyi shu rtsa gcig byas nas rgyal po btsun mo'i 'khor dang bcas pa dbang du 'gyur ro/ /gdon dang / gnod sbyin dang / srin po thams cad chad pas bcad na 'bras so ba dang / yungs kar dang / lan tshwa'i sbyin sreg bgyis te/ thams cad la don yod pa'i zhags pa bcing bar bya zhing khro bo'i phyag rgya dang gsang sngags lhan cig rjes su dran par bya'o/ /sbyin sreg gi cho ga'o// //de nas don yod pa'i zhags pa'i snying po cho ga'i rgyal po chen po ras kyi sku gzugs mthong ba tsam gyi mod la mnar med pa'i mthar thug pa dang / mtshams med pa lnga byed pa byang bar 'gyur ba bshad par bya ste/ ras khru do gru bzhi lham pa kha tshar mchad pa skra med pa thag ran bzang ba/ shin tu dkar ba/ shin tu sbyangs pa la ri mo mkhan mi smra ba'i dka' thub can bsnyen gnas la gnas pa/ gtsang mas gos gtsang ma bgos pa/ zas dkar gsum za ba/ dus gsum du khrus byas pa/ lhag ma ma yin pa'i tshon rtsi snod sar par bzhag ste/ pir sar pas 'phags pa spyan ras gzigs dbang phyug bzhengs pa'am bzhugs pa'am skyil mo krung du bzhugs pa bri bar bya ste/ ral pa'i thor tshugs kyis brgyan pa/ e ne ya'i pags pa bsnams pa/ phyugs bdag gi cha lugs 'chang ba/ rgyan thams cad kyis brgyan pa/ phyag bcu drug pa zhal zhi ba/ spyan phye ba/ dbu rgyan la rgyal ba 'od dpag med bzhugs pa/ zhal g.yas pa'i thor tshugs la zla tshes kyis brgyan pa/ phyag gnyis rdo rje'i thal mo sbyar ba las gyen du pad+ma'i tshul du bya'o/ /phyag gnyis thur du kun tu zhal gyi phyag rgya bya'o/ /phyag gnyis bzlas brjod kyi phyag rgya byas la mdzub mo g.yas pa brkyang ste/ pad+ma'i tshul du byas la bar na bgrang phreng 'dzin pa bya'o/ /phyag gnyis don yod pa'i zhags pa'i phyag rgya bya'o/ /phyag gcig na rtse gsum pa/ gnyis pa na pad+ma/ gsum pa don yod pa'i zhags pa'i glegs bam/ bzhi pa na don yod pa'i zhags pa/ zhags pa tha mal pa 'dra ba/ lnga pa dbugs 'byin pa/ drug pa na ril ba spyi blugs/ bdun pa na rin po che sna tshogs kyis bkang ba'i snod/ brgyad pa na me tog sna tshogs kyi snod thogs par bya zhing / 'od 'dom gang gis brgyan pa sku me tog sna tshogs kyis bkra bas mdzes par bya'o/ /ri po Ta la'i khang ba brtsegs pa shin tu mdzes pa/ gru bzhi lham pa/ ka ba bzhi zug pa/ khri 'phang stegs bu mdzes pa dang ldan pa/ rin po che sna tshogs kyis mdzes par brgyan pa/ pad+ma'i phreng bas mdzes par byas pa/ rdo rje'i phreng bas brgyan pa/ me tog sna tshogs dang chu shing gi yal gas mdzes par byas la/ g.yas logs kyi steng na nyi ma/ g.yon logs na zla ba/ gnas gtsang ma'i rigs kyi lha'i bu dag lag na me tog sna tshogs mang po thogs te/ bcom ldan 'das la mchod pa byed par bya'o/ /ri pad+ma 'dra ba zhig snying pos mdzes par byas shing / sdong po dang ldan pa/ mtshos mdzes par byas pa/ mtsho nyas gang zhing chu sa na ma ka ra dang / bzhad dang shang shang te'u dang / ngur pas brgyan pa/ nor bu rin po che sna tshogs kyis legs par brgyan pa'i ri de'i steng du pad+ma'i gdan dang seng ge'i khri bya'o/ /g.yas phyogs kyi phyi rol khang pa'i gnas su dbang phyug bya'o/ /g.yon du dbang phyug chen po rgyan thams cad kyis brgyan par bya'o/ /nang gi gnas su 'phags pa spyan ras gzigs dbang phyug go/ / g.yas su 'phags ma sgrol ma lus btud de 'dzem bag dang bcas pa bya'o/ /g.yon du dri med 'gro lag pa dbugs 'byin pa dang nor pus mo btsugs par bya'o/ /pad+ma'i snying po'i dbus kyi gnas su khro bo'i rgyal po khros pa'i gzugs can/ lag pa bzhi pa'i lag na mtshon cha thogs pa ste/ zhags pa dang / dbyug to dang / rtse gsum dang / pad+ma'o/ /pad+ma'i gdan la skyil mo krung phyed bcas pa lus cung zad btud pa/ mgo bo'i steng g.yas g.yon du drang srong bstod rabs byed pa bya'o/ /de nas 'og gi g.yas g.yon du rdo rje'i zom chen po/ lag na rdo rje'i tshogs mang po 'dug pa dang / gshin rje dang / chu lha dang / rlung lha dang / dbang po dang / lha'i tshogs dag bya'o/ /g.yas phyogs kyi mtsho dang / ri'i bar du brgya byin dang tshangs pa bya'o/ /g.yon phyogs su rgyal po chen po bzhi go cha bgos pa bya'o/ /de'i 'og tu pho nya mo pad+ma'i rigs mdzes ma lag pa 'brel pa bya'o/ /lha mo dpal chen mo dang / dbyangs ldan ma dang / 'jigs byed ma dang / mtshan mo'i lha dang / sa'i lha mo dang / lo tog gi lha mo bya'o/ /dbang phyug gi drung du khro gnyer can bya'o/ /dbang phyug chen po'i drung du gos dkar mo'o/ /ri dang / pho nya mo'i bar du srin mo ral gcig ma'o/ /ri'i khor yug tu gru bzhi rin po che sna bdun gyis spras pa bya zhing / ljon shing dang / lcug ma sna tshogs dang / me tog gis brgyan cing / mtshe'u mdzes pa/ me tog sna tshogs kyis brgyan pa dang / seng ge dang / stag gis gang ba dang / klu'i phru gu dang / grul bum dag bya'o/ /g.yon du gsang ba chen po lnga bya'o/ /'og tu klu'i rgyal po chen po lnga bya'o/ /thams cad brag gi stan dang / lag na rin po che'i me tog gi phor pa thogs te/ bcom ldan 'das la blta bar bya'o/ /'phags pa spyan ras gzigs dbang phyug gi zhabs kyi drung du rig sngags 'chang pus mo btsugs te/ lag na me tog dang / pog phor thogs pa bcom ldan 'das la blta bar bya'o/ /steng gi bang rim du thub pa chen po rgyal ba 'od dpag med dang / shAkya'i rgyal po dang / 'jig rten dbang po'i rgyal po bya'o/ /ras kyi sku gzugs 'di mthong ba tsam gyi mod la/ tshe rabs brgya stong du mnar med pa bsags pa dang / mtshams med pa lnga'i las byas pa de dag thams cad 'jig par 'gyur/ rnam par 'jig par 'gyur zhing / sems can de dag thams cad kyang yongs su grol bar 'gyur na/ sems can dag pa rnams lta ci smos/ dad pas mos pa rnams dang / dkon mchog gsum mchod pa don du gnyer ba de dag ni/ tshe 'di nyid la 'bras bu che ba dang / phan yon mang po dag tu shes par bya'o/ /de bzhin gshegs pa gang gA'i klung gi bye ma snyed bye ba khrag khrig brgya stong phrag drug cu rtsa bzhi'i drung du dge ba'i rtsa ba bskyed par 'gyur zhing / de dag gi dge ba'i rtse ba dang ldan par 'gyur ro/ /ras kyi sku gzugs 'di mthong ba ni 'phags pa spyan ras gzigs dbang phyug don yod pa'i zhags pa'i gzungs kyi snying po dngos su mthong ba yin no/ /ras kyi sku gzugs 'di mthong ba tsam gyis 'phags pa spyan ras gzigs dbang phyug dgongs par 'gyur zhing sku yang ston par 'gyur ro/ /nyam thag pa tsam gyi mod la sku ston par 'gyur zhing mchog thams cad sbyin par 'gyur ro/ /don yod pa'i zhags pa'i gzungs kyi snying po 'grub par 'gyur ro/ /nad kyis thebs pa dang / nad tshabs chen pos gzir ba dang / nad sna tshogs dang / sdug bsngal brgya stong gis dkrugs pa de dag thams cad kyis mthong ba tsam gyi mod la/ nad thams cad dang / sdug bsngal thams cad dang / gdon thams cad yongs su grol bar 'gyur zhing / sgrib pa dang / nad dang bral bar 'gyur ro/ /tha na dud 'gro'i skye gnas su gtogs pa dag kyang / mthong ba tsam gyi mod la yongs su grol bar 'gyur ro/ /ras kyi sku gzugs 'di 'khor mang pos mchod pa dang / bkur sti chen po dang / sil snyan dkrol ba mang po dang / gdugs dang / rgyal mtshan dang / ba dan gyis legs par brgyan par bya ste/ grong khyer chen po'am/ rgyal po'i pho brang ngam/ gtsug lag khang ngam/ ljongs sam/ khyim mam/ grong du zhugs nas ras kyi sku gzugs bzhugs pa tsam gyi mod la/ 'thab pa dang / rtsod pa dang / 'thab mo dang / khrag khrug dang / mu ge'i dgon pa dang / mi ngas dang / rang gi dpung dang / gzhan gyi dpung gi 'jigs pa zhi bar 'gyur ro/ /gnod sbyin dang / srin po dang / 'byung po dang / sha za dang / srul po dang / lus srul bo dang / skem byed dang / brjed byed dang / grib gnon zhi bar 'gyur zhing / bde ba dang / lo legs pa dang / dga' ba dang / mi mang po bde ba mang bar 'gyur ro/ /dga' ba dang yid bde ba mang bar 'gyur ro/ /pha rol tu phyin pa drug gi rjes su 'gro bar 'gyur ro/ /'di mthong ba tsam gyis shi 'phos nas thams cad bde ba can gyi 'jig rten gyi khams su skye bar 'gyur ro/ /bskal ba stong phrag bdun cu'i tshe rabs su tshe rabs dran par 'gyur ro/ /pad+ma'i 'od dri ma med cing rnam par dag pa'i rgyal po zhes bya ba'i ting nge 'dzin byang chub sems dpa' sems dpa' chen pos ma thob pa thob par 'gyur ro/ / pad+ma rab tu gnas pa zhes bya ba'i rigs sngags 'chang gi 'khor los sgyur ba nyid 'thob par 'gyur ro/ /ri mo'i sku gzugs bsgrub pa'i cho ga dang cho ga zhib mo'o// //de nas don yod pa'i zhags pa'i snying po'i gzhi ba mo chen po'i dkyil 'khor bshad par bya ste/ chu klung gi 'gram mam/ pad+ma'i mtshe'u'am/ ut+pala'i mtshe'u'am/ me tog gi skyed mos tshal lam/ 'bras bu'i kun dga' ra ba'am/ khang sa gzhi dag cing sa gzhi yongs su sbyangs pa/ rtswa dang shing bal dang / skra dang / phub ma dang / sol ba dang / phyag dar gyi phung po dang / gyo mo dang / shing dang / bong ba dang / gseg ma dang / thod pa'i rus pas gang ba rnams spangs pa'i sa gzhi'i phyogs na mtshe'u dang / 'bab chu dang / 'bab chu byang phyogs nas 'bab pa dang / nye ba na chu yod cing shin tu mdzes pa/ lho phyogs dang / byang phyogs dang / nub phyogs dang / shar phyogs gang na ljon shing gis mdzes par byas pa/ gang nyams dga' ba kha dog dang / gzi byin du ldan pa'i gnas de lta bu rnyed nas chu dang yungs kar la bzlas te/ kun du gtor ro/ /sa gzhi de lta bu sbyang ba ni mchog yin no/ /khro bo'i rgyal po yungs kar la lan nyi shu rtsa gcig bzlas te/ phyogs bzhir gtor na/ kun nas dpag tshad brgya tshun chad phyogs bcing ba dang dkyil 'khor bcing ba dang / mtshams bcing ba byas par 'gyur ro/ /sdang ba thams cad dang / bgegs dang / log 'dren thams cad skad cig kyang mi gnas bar phyogs bzhir byer te 'dong ngo / /srog chags sdang ba dang / sdang ba'i sems dang / sdang ba'i gcan gzan khro bo gang yin pa de dag thams cad rab tu zhi bar 'gyur zhing lha thams cad srung bar 'gyur ro/ /gnas kyi phyogs der mkhas pas dkyil 'khor byas te/ gru bzhi lham pa ngos re re zhing khru sum cu rtsa gnyis gzhal bar bya zhing / cha 'byes pa gru bzhi pa cha mnyam zhing mdzes pa sgo bzhi dang / rta babs bzhir ldan pa/ 'bras kyi phye ma'i tshon sna bzhir sbyar la/ de nas dkyil 'khor bri bar bya ste/ tshon sna lnga'i thig skud kyis thig btab nas/ tsan+dan dkar po'i phur bu btab ste/ zla ba yar gyi ngo'i tshes brgyad dam/ tshes lnga'i tshes grangs dang / rgyu skar bzang po bdams te/ dkyil 'khor gyi mchog bri bar bya'o/ /dang po ni dkar pos bri'o/ /gnyis pa ni dmar pos so/ /gsum pa ni ser pos so/ / bzhi pa ni nam mkha'i kha dog gis so/ /lnga pa ni mig sman gyi kha dog gis te/ dkyil 'khor gyi dbus kyi snying po 'jigs pa med pa cha rnam par mdzes shing / gsal bar pir sar pa dang tshon dang snod sar pas bri bar bya ste/ dkyil 'khor gyi snying por pad+ma 'dab ma stong pa kho ra khor yug stegs bu dang bcas pa bri zhing / pad+ma'i phreng ba tshon gyis mdzes pa bris la/ de'i dbus su sangs rgyas bcom ldan 'das thub pa chen po shAkya'i rgyal po dang / 'od dpag med dang / 'jig rten dbang po'i rgyal po gzhag go/ /g.yas su mgon po 'jig rten dbang phyug don yod pa'i zhags pa'i cha byad 'chang ba gsang sngags kyi rjes su 'brang bar bya'o/ /g.yon du phyag na rdo rje rnga yab dang / rdo rje thogs pa bzhin khro gnyer can 'od 'bar bas bskor ba'o/ /'phags pa spyan ras gzigs dbang phyug gi drung du lha mo sgrol ma dang / dri med 'od 'phro bya'o/ / 'phags pa spyan ras gzigs dbang phyug gi 'og tu dkar sha ma chen mo dang / gos dkar mo dang / dkar mo chen mo lag na dbyug pa dang / ril ba spyi blugs thogs pa'o/ /de'i 'og tu srin mo ral pa gcig pa mche ba gtsigs pa thod pa'i phreng ba thogs pa/ sbrul gyi mchod phyir thogs pa lag pa bzhi pa/ lag pa g.yas g.yon gnyis na rdo rje dang / dgra sta dang / g.yas pa'i gung mo lha dang / log 'dren la bsdigs par bya'o/ /g.yon du 'phags pa spyan ras gzigs dbang phyug bram ze'i cha lugs 'chang ba ral pa'i thor tshugs kyis bzhugs pa/ 'od dpag med kyi thor tshugs kyis brgyan par bya'o/ /g.yas g.yon du dbang phyug dang / dbang phyug chen po bya'o/ /de'i 'og tu dpal lha mo dang / lha mo dbyangs can ma dang / mtshan mo'i lha mo dang / sa'i lha mo dang / lo thog gi lha mo dang / 'bras bu dang me tog gi lha mo bya'o/ /de'i 'og tu khor yug tu gshin rje dang / chu lha dang / rlung lha la sogs pa bya'o/ /ral pa'i thor tshugs kyis brgyan pa'i drang srong gzhag par bya'o/ /grwar rgyal po chen po bzhi go cha bgos pa gzhag par bya'o/ /dkyil 'khor gyi snying po'i dbus dang bar bar du lcags kyu dang / dgra sta dang / rdo rje dang / dbyug ba dang / zhags pa dang / lcags sgrog bya'o/ /phyi rol du tshangs pa dang / drag po dang / lha mo u ma dang / tshangs pa'i drung du lha mo dbyangs ldan ma khros pa'i gzugs can no/ /de gnyis kyi bar du dbyug pa dang / ril ba spyi blugs bri bar bya'o/ /grwa gcig tu don yod pa'i zhags pa'i snying po'i rnam par grol ba'i dkyil 'khor kyi chos kyi rnam grangs gzhag go/ /grwa gcig tu shi bA ba ha gzhag go/ /de nas shar phyogs kyi sgor khro bo rta mgrin 'jigs su rung ba'i mig can gzhag go/ /lho phyogs kyi sgor rdo rje chen po ki li ki la zhes bya ba/ rdo rje rnam par 'dren pa/ lag na rdo rje dang / dgra sta dang / zhags pa thogs par bya'o/ /nub phyogs kyi sgor pho nya mo pad+ma'i rigs mdzes ma lag pa pad+ma'i rtse mo nas 'dzin par bya'o/ /byang phyogs kyi sgor rdo rje chen po zom zhes bya ba'i tshogs lag na rdo rje dang zhags pa thogs pa bya'o/ /de nas 'jug pa'i sgo nas gser gyi bum pa spos chus bkang ste dar las bcings la rnam pa thams cad dang / me tog gi phreng bas brgyan nas bsam pa ci lta ba bzhin du dkyil 'khor gyi dbus su bzhag ste/ steng du sna ma'i me tog gi gdu bu gzhag par bya'o/ /tsan+dan dang / gur gum dang / gla rtsi dang / ga bur gyi chu dang / pog phor bzhi gzhag cing / a ga ru'i bdug pas bdug go/ /tshon sna lnga'i ras kyi srad bu mchod phyir gyi srad bu tshad du byas la/ gser gyi yang mig rtse gsum can gdags par bya zhing / thor to gcig tu me tog pad+ma'i gdub kor dang mu tig dang rin po ches spras pa/ zlum por bskyil la bum pa'i steng du bzhag la mchod pa dang / bsnyen bkur byas te yungs kar la don yod pa'i zhags pa'i snying po lan stong rtsa brgyad bzlas te/ de la gdab par bya'o/ /tsan+dan dang / ga bur dang / gla rtsi'i phye mas bsgos la bsgo bar bya'o/ sgo bzhi'i gnas su dri chab kyis bkang ba'i bum pa dang / zas dkar gsum gyi gtor ma gzhag par bya zhing gser dngul gyi mchod yon gyi snod sum cu rtsa gnyis dang / spos chus bkang ba brgyad dang / spos chu dkar pos bkang ba brgyad gzhag par bya'o/ /ro dang dri sna tshogs kyis bkang ba brgyad dang / zho dang / 'o ma dang / spos chus bkang ba brgyad dang / gtor ma la sogs pa dbul ba sna brgyad dang / dbul ba sna drug cu rtsa bzhi ba rnams sha dang / khrag dang / kun dong dang / ke'u dang / kha zas ngan pa dang / btung ba ngan pa spangs te/ gtsang mas gtsang ma sbyar bar bya'o/ /me tog sna tshogs kyi gcal dgram par bya zhing / gdugs dang / rgyal mtshan dang / lda ldi dang / ba dan gyis brgyan par bya/ pog phor sum cu rtsa gnyis gzhag par bya zhing / bdug spos sna tshogs mang pos bdug par bya/ spos sna brgya rtsa brgyad dang ldan pa'i til mar gyi mar me bltam par bya/ dkyil 'khor gyi khor yug tu pad+ma'i phreng ba bri bar bya'o/ /rig sngags 'chang gtsang mas gos gtsang ma bgo bar bya zhing / dus gsum du khrus byas la gos gsum bgo bar bya/ grogs gtsang ma bsgrub par bya'o/ /'jug pa'i cho ga byas pa nas don yod pa'i zhags pa'i snying pos dbang bskur ba'i bar tsam gyis sangs rgyas thams cad kyis yongs su gzung zhing / 'jig rten mgon pos byin gyis brlabs pa dang / pad+ma'i rigs pad+ma 'chang ba'i dkyil 'khor chen po don yod pa'i zhags pa'i snying po'i dngos grub la mngon du phyogs par 'gyur ro/ /gang bsams pa thams cad de kho na bzhin byed par 'gyur ro/ /dam tshig thams cad la don yod par 'jug go/ /chos nyid thams cad kyis rnam par grol ba'i dkyil 'khor gyi chos la dam tshig grub par 'gyur ro/ /las kyi sgrib pa thams cad las rnam par grol ba dang / bde ba thams cad kyi rjes su 'gro zhing lha dang mi'i dpal thams cad myong bar 'gyur ro/ /lha dang / lha ma yin dang / gnod sbyin dang / srin po'i tshogs kyi bgo skal la dbang bar 'gyur ro/ /rnal 'byor gyi dkyil 'khor dang gsang sngags la brten par 'gyur ro/ /brdeg pa dang / spyo ba dang phur bus gdab pa dang / bsreg pa dang bsdigs pa dang g.yeng ba dang / gsad pa dang / dbang du bya bas mi tshugs so/ /gang dag de lta bu byed pa de nyid kyi lus sam/ mgo la brgya phrag stong gyur du 'bab par 'gyur zhing / gzhan gyis phyir bzlas shing dgrol bar mi nus te/ rig sngags 'chang des dgrol bar bya'o/ /de nas rig sngags 'chang des ri mo'i gzugs de dkyil 'khor la mngon du phyogs par bzhag nas/ don yod pa'i zhags pa'i snying po stong rtsa brgyad bzlas la/ don yod pa'i zhags pa'i phyag rgya lan brgya rtsa brgyad bcing bar bya zhing / khro bo'i rgyal po lan nyi shu rtsa gcig bzlas par bya'o/ /de'i 'og tu dkyil 'khor gyi lha rnams las 'od zer kha dog sna tshogs 'byung bar 'gyur ro/ /bum pa de yang 'bar la/ ras kyi sku gzugs de yang kha dog sna bdun du 'bar zhing / shas cher 'gul bar 'gyur te/ khro bo'i rig sngags 'chang snying dga' bar 'gyur zhing / ras kyi sku gzugs las legs so zhes bya ba'i sgra 'byung bar 'gyur te/ rig sngags 'chang legs so legs so/ /khyod kyis 'phags pa spyan ras gzigs dbang phyug don yod pa'i zhags pa'i snying po grub cing / khyod kyis zhags pa 'di yang grub/ khyod kyis yid bzhin gyi nor bu'i zhags pa'i mchog 'di yang grub kyis/ khyod kyis las thams cad byos shig /de dkyil 'khor gyi cho ga rgyas pa mchog grub nas/ bum pa spos chus bkang bde blangs la lan brgya rtsa brgyad bzlas te/ rgyu skar rgyal la khrus bya ba'am zla ba yar gyi ngo'i tshes grangs shis pa la khrus byas pa tsam gyi mod la/ lus thams cad dri ma med cing yongs su dag pa 'thob par 'gyur zhing / dngos po lnga'i bdag nyid yongs su dag par 'gyur te/ rna ba lnga yongs su dag pa dang / mig lnga yongs su dag pa dang / sna lnga yongs su dag pa dang / lce lnga yongs su dag pa dang / rnam par shes pa lnga yongs su dag pa dang / dbang po lnga yongs su dag pa thob par 'gyur ro/ /'phags pa spyan ras gzigs dbang phyug rtag tu mchog sbyin par 'gyur zhing / rtag tu sku ston bzhed par yang 'gyur ro/ /de bzhin gshegs pa thams cad zhal ston par 'gyur ro/ /rtag tu byang chub sems dpa' thams cad dgongs par 'gyur ro/ /lha thams cad kyang de la srung ba dang skyob pa dang sba ba byed par 'gyur ro/ /brgya byin dang tshangs pa la sogs pa dag kyang 'ong bar 'gyur ro/ /rgyal po chen po bzhi dpung gi 'khor dang bcas te sa'i phyogs der 'ong bar 'gyur zhing / rtag tu rgyun mi 'chad par srung ba dang skyob pa dang sba ba byed par 'gyur ro/ /sred med kyi bu dang / dbang phyug chen po dang / nor bu bzang po dang / gsang ba pa brgya stong phrag du ma srung ba dang skyob pa dang sba ba byed par 'gyur zhing / zhi ba dang bde legs su byed par 'gyur ro/ /shes pa don yod pa dang / shes rab don yod pa dang / thos pa dang / tshul khrims dang / brtson 'grus 'thob par 'gyur zhing / sbyin pa don yod pa'i sbyin par 'gyur ro/ /bsod nams kyi phung po don yod pa dang ldan par 'gyur zhing 'di lta ste pha rol tu phyin pa drug yongs su rdzogs par 'gyur ro/ /rdzu 'phrul dpag tu med pa la mkhas par yang 'gyur ro/ /rig sngags 'chang gi cho ga zhib mo yang 'grub par 'gyur ro/ /stobs dang brtson 'grus dang pha rol gnon pa don yod par 'gyur ro/ sangs rgyas kyi zhing gi yon tan bkod pa phun sum tshogs pa thob par 'gyur ro/ /de bzhin gshegs pa gang gA'i klung gi bye ma snyed sa ya brgya phrag brgyad stong drug cu rtsa bzhi'i dge ba'i rtsa ba yongs su rdzogs par yang dag par gzung bar 'gyur ro/ /sems can thams cad kyis kyang mchod pa dang bkur sti bya bar 'gyur zhing thams cad dbang du 'gyur ro/ /mchod rten gyi snying po dang 'dra bar phyag bya ba'i 'os su 'gyur ro/ /dkyil 'khor gyi cho ga zhib mo'o// //'phags pa don yod pa'i zhags pa'i cho ga zhib mo'i rgyal po/ bam po dgu pa/ de nas byang chub sems dpa' sems dpa' chen po 'phags pa spyan ras gzigs dbang phyug stan las langs nas/ bla gos phrag pa gcig tu gzar nas/ pus mo g.yas pa'i lha ngas la btsugs te/ bcom ldan 'das ga la ba de logs su thal mo sbyar te btud nas/ bcom ldan 'das la lan gsum bskor ba byas te/ bcom ldan 'das kyi zhabs la mgo bos phyag byas nas/ bcom ldan 'das la 'di skad ces gsol to/ /bcom ldan 'das bdag la pad+ma'i rigs la rnam par grol ba'i dkyil 'khor gyi cho ga rig sngags chen po'i rim par phye ba cho ga zhib mo don yod pa'i zhags pa'i snying po/ rig sngags kyi rgyal po chen po mchis te/ bcom ldan 'das kyi spyan sngar de bdag gis yongs su bsgrag par bgyi'o/ /de nas byang chub sems dpa' 'phags pa spyan ras gzigs dbang phyug bzhin 'dzum pas/ bcom ldan 'das la lta bzhin du don yod pa'i zhags pa'i snying po 'di smras so/ /na ma s+t+rai yad d+h+wA nu ga ta pra tiSh+Thi ti b+h+yaH sarba bud d+ha bo d+hi sa twe b+h+yaH na maHpra t+ye ka bud+d+hAr+ya shrA ba ka saM g+he b+h+yaH a tI tA nu ga tA pra t+yud pan+ne b+h+yaH namaHsamyaka ga tA nAM/ na maHsa mya ka pra ti pan+nA nAM/ na maHshA ra dwa ti sU tA ya/ ma hA ma ta ye/ na maHAr+ya maitre ya pra mu khe b+h+yo/ ma hA bo d+hi satwa/ Ar+ya ga Na ba re b+h+yaHna ma Ar+ya a mi tA b+hA ya/ ta thA ga tA ya/ ar+ha te sa mya ka sam bud d+hA ya/ na mo rat+na tra yA ya/ na ma Ar+yA ba lo ki te shwa rA ya/ b+ho d+hi sa twA ya/ ma hA sa twA ya/ ma hA kA ru Ni kA ya/ te b+h+yo ma hA r-i Shi Ar+ya ga Na ba re b+h+yo na ma skr-i twA i daM Ar+yA ba lo ki te shwa ra mu khong gIr+N+NaM a mo g+ha rA dza na nA ma hr-i da yan/ ta thA ga tA saM mu khaM b+hA shi taM ma hA taM par ShaM ma d+h+ye a ha mi dA nI mA bar+t+ta yiSh+yA mi/ si d+h+yaM tu me man+t+ra pa dAHsarba kA r+yA Ni/ sarba b+ha ye b+h+yo ma ma sarba satwA nAny+tsa rak+Sha b+ha ba tu/ tad+ya thA/ oM tsa ra tsa ra/ tsi ri tsi ri/ tsu ru tsu ru/ ma hA kA ru Ni ka /bi ri bi ri/ pi ri pi ri/ tsi ri tsi ri/ pa ra ma ma hA kA ru Ni ka /si ri si ri/ pi ri pi ri/ tsi ri tsi ri/ ma hA pad+ma ha ste/ ka la ka la/ li ki li ki/ ku lu ku lu/ ma hA shud d+ha sa twa/ e h+ye hi/ bu d+he bu d+he/ d+hA ba d+hA ba/ ka Na ka Na/ ki Ni ki Ni/ ku Nu ku Nu/ pa ra ma shud d+ha satwa/ ka ra ka ra/ ki ri ki ri/ ku ru ku ru/ ma hA s+thA ma prA b+ha/ tsa la tsa la/ sany+tsa la sany+tsa la/ bi tsa la bi tsa la/ e Ta Ta e Ta Ta/ b+ha ra b+ha ra/ b+hi ri b+hi ri/ b+hu ru b+hu ru/ e h+ye hi/ ma hA kA ru Ni ka /ma hA pa shu pa ti/ be Sha d+ha ra/ d+ha ra d+ha ra/ sa ra sa ra/ tsa ra tsa ra/ ha ra ha ra/ ha hA ha hA/ hi hI hi hI/ hu hU hu hU/ oM kA ra ma hA brah+ma/ be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta ra/ sa ra sa ra/ pa ra pa ra/ tsa ra tsa ra/ ba ra ba ra/ ba ra da/ rash+mi sha ta sa ha sre pra ti maN+Di ta sha rI ra/ dz+wa la dz+wa la/ ta pa ta pa b+ha ga bA na/ sau ma A di t+ya/ ya ma/ pa ru Na/ ku be re/ brah+men dra/ r-i Shi ga Na/ a b+h+ya rtsi ta tsa ra Na/ su ru su ru/ tsu ru tsu ru/ pu ru pu ru/ mu ru mu ru/ sa nad ku mA ra/ 'u dra/ bA sa ba/ biSh+Nu d+ha na da/ de ba r-i Shi nA ya ka ba hu bi bid+ha be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta ra/ tha ra tha ra/ g+ha ra g+ha ra/ ya ra ya ra/ la ra la ra/ ha ra ha ra/ ma ra ma ra/ pa ra pa ra/ ba ra ba ra/ ba ra dA ya/ ka sa man ta/ a ba lo ki ta/ lo ke shwa ra ma he shwa ra/ mu hu mu hu/ mu ru mu ru/ mu ya mu ya/ muny+tsa muny+tsa/ b+ha ga bA na/ Ar+yA ba lo ki te shwa ra/ rak+Sha rak+Sha/ mAM sar+b+ba satwAMsh+tsa sar+b+ba ba ye b+h+yaH sar+b+bo ba sarge b+h+yaH sar+b+ba gra he b+h+yaH sar+b+ba byA d+hi b+h+yaH sar+b+ba dz+wa re b+h+yaH e waM/ bad+ha/ baM d+ha na/ tA Da na/ ta rdza na/ rA dza tsau ra ta ska ra/ ag ni/ ud ka /bi Sha/ shus+t+ra/ pa ri mo tsa ka /ka Na ka Na/ ki Ni ki Ni/ ku Nu ku Nu/ tsa ra tsa ra/ in dri ya/ ba la bo d+h+yaM ga /tsa tu rA r+ya sat+ya sam pra kA sha ka /ta ma ta ma/ da ma da ma/ sa ma sa ma/ ma sa ma sa/ ma hA ta mou0f85n+d+ya ka ra/ bi d+ha man/ bi d+ha man/ Sha Ta pAr mi tA/ pa ri pU ra ka /mi li mi li/ Ta Ta Ta Ta/ Tha Tha Tha Tha/ Ti Ti Ti Ti/ Tu Tu Tu Tu/ e ne ya tsar+m+ma kri ta pa ri ka ra/ e h+ye hi I shwa ra/ ma he shwa ra ma hA b+hU ta ga na bAny+dza ka /ku ru ku ru/ pa ra pa ra/ ka Ta ka Ta/ ma Ta ma Ta/ bi shud d+ha/ bi Sha ya/ ni bA sin/ ma hA kA ru Ni ka / shwe ta yadz+nyo pa bI ta rat+na mu ku Ta/ mA lA d+ha ra/ sar+b+ba dz+nyA shi ra si kr-i ta ma ku Ta/ ma hAd b+hU ta ka ma lA laM kr-i ta/ ka ra ta la/ d+h+ya na sa mA d+hi bi mok+Sha a pra kam pya/ ba hu sa twa sa na ta ti pa ri pA tsa ka /ma hA kA ru Ni ka /sar+b+ba kar+m+ma A ba ra Ni/ bi sho d+ha ka /sarba byA d+hi phra mo tsa ka /sarba A shA pa ri pU ra ka / sar+b+ba satwA sa mA shwA sa kan mo stu te swA hA/ de nas byang chub sems dpa' sems dpa' chen po 'phags pa spyan ras gzigs dbang phyug gis don yod pa'i zhags pa'i snying po 'di bshad pa tsam gyis 'khor mang po ri dang nags tshal dang bcas pa 'di rnam pa drug tu g.yos so/ /'jig rten du snang ba chen po byung bar gyur to/ lha'i me tog ut+pal dang / pad+ma dang / ku mu da dang / pu Na Da rI ka dang / man dA ra ba'i me tog gi char chen pos pus mo nub pa tsam bab par gyur to/ /sil snyan dang pheg rdob pa'i sgra dag kyang byung bar gyur to/ /mtho ris kyi lha dag gis kyang nam mkha' las/ bcom ldan 'das la rgyan dang lhab lhub dag gi char phab bo/ /'khor gyi dkyil 'khor na gnas pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / gtsang ma de dag thams cad kyis legs so zhes bya ba byin te/ sems can dag pa chen po legs so legs so/ /yid bzhin gyi nor bu chen po don yod pa'i zhags pa'i snying po mchog tu rnyed par dka' ba 'di bshad cing dngos grub mchog gi cho ga zhib mo'i rgyal po 'di bshad pas rin po che'i char chen po 'bab po zhes zer ro/ /de nas de'i phyir dus gsum du bzlas brjod bya zhing gtsang mas gos gtsang ma bgos te/ dus gsum du khrus bya zhing zas dkar gsum za bas 'phags pa spyan ras gzigs dbang phyug gi spyan sngar/ dpal lha mo bzhag ste mchod pa byas la/ yungs kar 'bru re re la lan brgya rtsa brgyad bzlas nas/ dpal lha mo la bsnun pa byas na tshes bcu bzhi nas lnga'i bar du dpal lha mo 'ong bar 'gyur ro/ /mtshams med pa lnga 'byang bar 'gyur ro/ /'phags pa spyan ras gzigs dbang phyug sku ston par 'gyur ro/ /sdig pa thams cad byang bar 'gyur ro/ /mtshams bcad pa dang zhi bar bya ba la/ a ga ru dang tsan+dan gyi bdug spos bsregs la/ thal ba dang / yungs kar dang seng ldeng gi phur bu gdab par bya'o/ /rims thams cad la bu mo gtsang mas bkal ba'i srad bu la/ mdud pa nyi shu rtsa gcig bor la lan nyi shu rtsa gcig bzlas te btags na/ rims thams cad las thar bar 'gyur ro/ /nad thams cad la mar dang til mar la bzlas te/ zangs kyi snod du sangs rgyas la phul ba'i sna ma'i me tog rnying pa dang pad+ma ze ba dang bcas pa btab ste btsos pa 'di ni grub pa yin te/ zas dang skom dang / bsku ba dang sna nas btang ba'i las bya ste/ nyi shu rtsa gcig bzlas pas nad thams cad las thar bar 'gyur ro/ khyad gcad na mar dang sbrang rtsi la lan nyi shu rtsa gcig bzlas te lus la bsku zhin tshigs mas dril la/ lus kyi dri ma phyin par byas te/ gong bu las gzugs brnyan byas la lan bdun bzlas te/ mtshon gyis btab na dug sbyar ma dang byad dang gsang sngags thams cad bcad par 'gyur zhing / nad thams cad las thar bar 'gyur ro/ /byad chen po 'jig par 'gyur ro/ /bsrung ba'i skud pa la lan nyi shu rtsa gcig bzlas te/ de bzhin du mdud pa bor ba byas na srung ba chen po byas par 'gyur ro/ /'jigs pa dang skrag pa dang / dngang ba thams cad dang 'byung po'i 'jigs pa thams cad kyis mi tshugs so/ /lto na ba la tshwa chu 'jam tsam la lan bdun bzlas te byin na lto ba'i nad 'jig par 'gyur ro/ /dug gsad na chu la lan bdun bzlas te byin na dug thams cad 'jig par 'gyur zhing mi gdug par 'gyur ro/ /mig na ba la srad bu dkar po rna ba la btags na/ /mig nad thams cad 'jig par 'gyur ro/ /sdang ba'i dug mi bzad pa la 'jim pa la bzlas te byugs na dug med par 'gyur ro/ /so na ba la ka ra bI ra'i so shing ngam sna ma'i so shing ngam shing ba ku'i so shing la bzlas te thos na so nad zhi bar 'gyur ro/ /mtshams gcad pa thams cad la ni tshon sna lnga'i srad bu byas la lan nyi shu rtsa gcig bzlas te/ seng ldeng gi phur pa bzhi la btags te/ phyogs bzhir btsugs na/ mtshams med po bcad par 'gyur ro/ /gdon thams cad la tshon sna lnga'i srang bu la/ lan nyi shu rtsa gcig bzlas na/ gdon thams cad de las thar bar 'gyur ro/ /srog chags kI Ta dang / lhog pa dang / mgul ba 'gags pa la sbrang rtsi dang / pi pi ling ldan par byas te byug go/ /mgul 'gags pa la gdags pa byas na mgul 'gags pa thams cad las thar bar 'gyur ro/ /mig nad la spos chu dang shing pa la sha'i chu dang pa la sha'i me tog gis bkru bar bya ba'am shing mngar gyi chu la lan bdun bzlas te/ bkrus na mig nad thams cad las thar bar 'gyur ro/ /rna ba na ba la til mar dang shu ti zangs kyi snod du btsos pas rna ba bkang na rna nad las thar bar 'gyur ro/ /'thab pa dang rtsod pa dang khrag khrug dang / mi snyan pa thams cad la chu la lan bdun bzlas te/ gdong bkru ba byas na thams cad las rgyal bar 'gyur ro/ /dpung dang stobs dang yul dang yul 'khor dang / phyir rgol ba dang mi mdza' ba thams cad dang / g.yul ngo thams cad du ba lang gi lci bas dkyil 'khor byas la bum pa gang ba bzhi bzhag ste/ gtsang mas gos gtsang ma bgos la/ a ga ru'i bdug pa dbul bar bya zhing / 'phags pa spyan ras gzigs dbang phyug la mchod pa byas nas/ don yod pa'i zhags pa'i snying po'i mdo 'di mchod de/ bklags pa byas na zhi ba chen por 'gyur te/ thams cad byams pa'i sems dang byams pa'i yid du 'gyur zhing / thams cad du rgyal ba thob par 'gyur ro/ /zhi ba chen por 'gyur ro/ /chu des bdag nyid la kun tu gtor te/ tsan+dan la lan nyi shu rtsa gcig bzlas te snying gar thig le byas te/ rtag tu dran par byas na mtshams med pa thams cad zad par 'gyur ro/ /khyim thams cad bsrung na/ pad+ma dang / na ku le dang shing arka'i me tog mar dang bsres pa las sbyin sreg byas na/ khyim bsrung ba chen po byas par 'gyur ro/ /'byung po'i gdon thams cad las bsrung ba byas par 'gyur ro/ /yang las thams cad la nor bu sgrub pa'i rdzas 'di dag bsogs la cha mnyam par byas te/ gtsang mas gos gtsang ma bgos la/ snying po brgya rtsa brgyad bzlas pas las thams cad bya'o/ /dza ya dang / bi dza yA dang / mA gu li dang / gan d+ha nA dang / bA ru NI dang / tA na tra ba ru NI dang / gan d+ha bri yang ku dang / ta ga ra dang / tsa kra dang / ma hA tsa kra dang / so ma rA dzI dang / su man da rnams phye ma zhib mor byas te/ char pa'i chus sbrus la/ tsan+dan dang / gur gum sbyar ba'i chus brlan te brgya rtsa brgyad bzlas la/ 'phags pa spyan ras gzigs kyi spyan sngar nor bur byas te/ yang lan nyi shu rtsa gcig bzlas nas a ga ru'i bdug pas bdugs la/ de nyid bcom ldan 'das kyi zhabs drung du bzhag ste/ ras kyis g.yogs la grib mar bskams te/ blangs la yang don yod pa'i zhags pa'i snying po lan bdun bzlas par bya zhing / khro bo'i rgyal po lan gsum bzlas brjod byas te/ mgo bor bzung na/ rgyal po btsun mo 'khor dang bcas pas mchod par 'gyur zhing thams cad dbang du 'gyur ro/ /rigs bzhi'i 'jig rten thams cad dbang du 'gyur ro/ /bla ma gcig pur 'gyur ro/ /lha thams cad kyang gzi byin 'jug par 'gyur ro/ /'phags pa spyan ras gzigs dbang phyug kyang rtag tu gzigs par 'gyur ro/ /tshangs pa dang / khyab 'jug dang / dbang phyug chen po yang rtag tu phyi bzhin 'brang bar 'gyur zhing / dus thams cad du mchog sbyin par 'gyur ro/ /phyir rgol ba dang mi mdza' ba thams cad kyang rtag tu mthun par byed cing dbang du 'gyur ro/ /byad mi bzad pa dang / dug sbyar ma dang / phye ma'i dug dang / gsang sngags dang / g.yengs byed kyis mi tshugs shing / thams cad 'jigs par 'gyur ro/ /rtag tu dpal dang / gzi byin dang / bsod nams dang / bkra shis dang / dge ba'i tshogs dang ldan par 'gyur/ de bzhin gshegs pa thams cad de la gzigs par 'gyur ro/ /rtag tu ston pa bzhed par 'gyur ro/ /thams cad du dus thams cad na rgyal ba thob par 'gyur ro/ /skal ba bzang po thogs pa med pa yang 'phel bar 'gyur ro/ /dpung pa la btags na glang po che chen po'i stobs dang ldan par 'gyur ro/ /'gyed pa dang dmag thams cad las rgyal ba chen por 'gyur ro/ /stobs dang brtson 'grus dang pha rol gnon pa chen por 'gyur ro/ /rig sngags 'chang gi cho ga zhib mo chen po 'grub par 'gyur ro/ /gnod sbyin dang / srin po dang / 'byung po dang / sha za'i gdon dang / brjed byed kyis mi tshugs par 'gyur ro/ /nam yang de la rmi lam ngan pa dang / ltas ngan pa 'byung bar mi 'gyur ro/ /byis pa rnams la mgul du btags na gdon thams cad dang / rims nad thams cad dang / nad thams cad dang / btsas pa 'phrog pa thams cad kyis mi tshugs so/ /nag po chen po ma mo'i tshogs kyi 'khor dang bcas pa rtag tu rgyun mi 'chad par phyi bzhin 'brang zhing bsrung ba dang / bskyab pa dang / sba ba byed par 'gyur/ yun ring du 'tsho bar 'gyur tshe ring bar 'gyur ro/ /bud med rnams la ska rags sar pa btags te khrus byas nas/ gos sar pa gtsang ma bgos te/ 'phags pa spyan ras gzigs dbang phyug la mchod pa byas na/ skal ba bzang po mchog dang ldan par byed cing / bkra mi shis pa thams cad rab tu zhi bar byed/ khyim thab dang rtag tu rjes su mthun par 'gyur/ khye'u dang bu mo yod par 'gyur/ shes rab mchog tu 'gyur/ thams cad dga' bas lta bar 'gyur/ de la bud med kyi skyon yang 'byung bar mi 'gyur phyi ma la de lta bu'i bud med kyi lus mi thob par shes par bya ste/ shi nas bde ba can gyi 'jig rten gyi khams su skye bar 'gyur ro/ /nor bu 'di btags na thams cad du bsrung ba byas par 'gyur zhing / dug dang / mtshon dang / mes mi tshugs so/ /dug byas pa yang skye bar mi 'gyur ro/ /nor bu 'di btags pas dug med par 'gyur zhing myur du zhi bar 'gyur ro/ /tshor ba skye bar mi 'gyur zhing / bde bar zhi bar 'gyur ro/ /rlung dang sprin dang ser ba gnon na/ chu la lan bdun bzlas te/ nam mkha' la gtor na rlung dang sprin dang ser ba thams cad mnan par 'gyur ro/ /bzlog par bya na bal po se'u'i lcug mas bzlog par bya'o/ /dran pa bskyed nas 'phags pa spyan ras gzigs dbang phyug gi spyan sngar mi smra bar don yod pa'i zhags pa'i snying po lan bdun bzlas te/ nor bu chu dron las btang ba byas na bklags pa tsam gyis tshigs su bcad pa stong 'dzin par 'gyur zhing / thos pa mang po rgya mtsho bsags par 'gyur ro/ /rgyal srid dang / yul 'khor dang / btsun mo 'khor dang bcas pa dbang du bya bar 'dod na lus bsku ba byas na gang du zhugs pa der thams cad dbang du 'gyur ro/ /pus mo gnyis la byugs na chu klung chen po pus mo nub tsam gyis pha rol tu rgal bar 'gyur ro/ /rgyal mtshan gyi rtse mo la btags te/ dmag gam/ g.yul ngo'am tshogs pa'i nang ngam/ ri khrod dang tshang tshing dang ri sul dang dgon par phyin pa na/ bsgreng ba byas na/ bde ba dang bde legs su rgal bar 'gyur zhing chom po dang / g.yon can dang / rkun po dang / gcan gzan gtum po'i 'jigs pas mi tshugs par 'gyur zhing bltar med par 'gyur ro/ /btson ra thams cad du song ba na byugs pa byas na/ shing sgrog dang / khong sgril dang / lcags sgrog gis bcings pa thams cad chag grugs su 'gyur ro/ /bdag nyid la bskus na mtshon cha mi snang bar 'gyur ro/ /mig gnyis la bskus na gnyid log pa'i tshe rmi lam chen po rmi bar 'gyur zhing ci ltar bsams shing smon pa snang bar 'gyur ro/ /'phags pa spyan ras gzigs dbang phyug sku ston par mdzad cing thams cad bka' stsol bar 'gyur ro/ /de la mig nad thams cad kyis mi tshugs so/ /kha'i nang du bzhag na/ gang blangs pa sbyin par byed cing dbang du 'gyur ro/ /gdon gyis zin pa la dpral bar byug pa byas na byugs pa tsam gyis 'bab par 'gyur te/ thams cad smra bar 'gyur ro/ /lag mthil du bskus nas/ glang po che la reg na dbang du 'gyur zhing gar btang ba der 'gro bar 'gyur ro/ /dpral ba'i dbus su thig le byas na 'jig rten thams cad kyis cher mchod par 'gyur ro/ /mid pa la byugs na mgrin sngon bzhin du bram ze thams cad dbang du 'gyur zhing bgyi ba ci mchis zhes bran bzhin du 'gyur ro/ /'o ma dang sbyar te mig la bskus na mtshan mo yang nyin mo bzhin du snang bar 'gyur ro/ /gnod sbyin dang srin po'i gnas thams cad kyi sgo phye bar 'gyur zhing / gter thams cad 'byung bar 'gyur ro/ /thams cad bran bzhin byed par 'gyur klu'i gnas kyi mtshor bor na klu chen pos char gyi rgyun gtong bar 'gyur ro/ /char ha cang che ba'i tshe chu dang bsres te nam mkha' la gtor na zhi bar 'gyur ro/ /sprin la bltas te ser ba'i rgyun la gtor na ser ba 'bab par mi 'gyur ro/ /lag pa la btags na gang la reg pa de zad mi shes par 'gyur ro/ /rkang pa'i rje ngar la btags te me'i nang du zhugs na mes mi tshugs shing tsan+dan bzhin du bsil bar 'gyur ro/ /ral gri la byugs nas g.yul ngor song na lus thams cad gcig tu 'bar bar gyur nas pha rol gyi dpung thams cad 'byer bar 'gyur zhing thams cad du rgyal bar 'gyur ro/ /nad chen pos thebs pa'i nad pa tshabs po che la phye ma byin na nad tshabs chen po las thar bar 'gyur ro/ /pho ba na ba la chu dron las btang na mod la yongs su thar bar 'gyur ro/ /rtsib logs na ba la dar ba las btang na zhi bar 'gyur ro/ /nad thams cad la ni zhun mar dang til mar las sbyar te bskum nye dang / bza' ba dang / btung ba'i nad dang / snar blugs pa dang / byug pa byas na nad thams cad 'jig par 'gyur zhing nam yang 'byung bar mi 'gyur ro/ /phug gi sgor khor yug tu byugs la snying po lan bdun bzlas te/ don yod pa'i zhags pa'i phyag rgya byas la/ khro bo'i rgyal po'i gsang sngags lan cig bzlas brjod byas nas zhugs na/ phug gi sgo chag ste rang gi khyim du 'gyur zhing sdang ba thams cad bzlog par 'gyur ro/ /bgegs dang log 'dren thams cad mi snang bar 'gyur ro/ /khar bcug ste mi smra bar snying po'i mdo brjod par byas na/ lan brgya phrag stong bzlas par 'gyur ro/ /de bzhin gshegs pa thams cad kyi dge ba'i rtsa ba dang ldan par 'gyur ro/ /shing rta'i srog shing la byugs na g.yul ngo thams cad du rgyal ba thob par 'gyur ro/ /zong la gtor na rin chen pos nyo bar 'gyur ro/ /bu mo'i gdong bkrus na mgo yang bar 'gyur ro/ /snying gar thig le byas na thams cad du bltar med par 'gyur ro/ /thams cad du 'dod pa thams cad sbyin pa las thams cad byed pa bdag srung ba/ gzhan srung ba'i nor bu gang dang gang la sbur zhing bzlas pas/ thams cad du bltar med par 'gyur ro/ / bgegs dang log 'dren rnams la til dang chu la lan bdun bzlas te byin na/ bgegs dang log 'dren thams cad zhi bar 'gyur ro/ /byur ngan pa med par bya na ras la dkyil 'khor zlum po bris la 'phags pa spyan ras gzigs dbang phyug gi spyan sngar mi smra bar bzlas brjod stong rtsa brgyad bzlas la/ mchod pa rgya chen po byas te/ gtsang mas gos gtsang ma bgos te/ a ga ru'i bdug spos bdug par bya zhing / spos dang ldan pa'i til mar gyi mar me bltam par byas na/ bzlas brjod byas pa tsam gyi mod la byur ngan pa thams cad med par 'gyur ro/ /dbul ba nyams pa'i don dang / ma grub pa dang / sdig pa dang rmi lam ngan pa dang / ltas ngan pa dang / sgrib pa bsal na gser ram dngul gyi bum pa spos chus bkang ba la lan brgya rtsa brgyad bzlas te/ blugs na de dag thams cad 'jigs par 'gyur zhing / 'jig rten pa'i dpal chen po nyams su myong bar 'gyur ro/ /gdon thams cad tshar bcad na til dang 'bras so ba'i sbyin sreg gis so/ /nad dang gnod pa thams cad bsal na chu la bzlas pas so/ /dus ma yin par 'chi ba zhi bar bya na/ dus gsum du lan gsum gsum du rtag tu bzlas pas dus ma yin par 'chi ba zhi bar 'gyur ro/ /bcings pa dang lcags sgrog dang khong sgril gzhom na nyin re zhing brgya rtsa brgyad bzlas pas so/ /rgyal po dbang du bya na lam po cher brgya rtsa brgyad bzlas na rgyal po 'khor dang bcas pa dbang du 'gyur ro/ /chom po dang rkun po rengs par bya na/ rA dzA ko shA ka'i sa bon gyi sbyin sreg gis so/ /me rengs par bya na seng ldeng gi shing la bzlas te mer bcug nas bzlas na me rengs par byed par 'gyur ro/ /chu rengs par bya na ka la ki'i sa bon chu'i nang du btab na chu rengs par byas par 'gyur ro/ /dug gzhom na rma bya'i sgro yis so/ /mtshon rengs par bya na shing gnam lcags kyis tshig pa'i thal ba la bzlas te gtor na mtshon cha thams cad rengs par 'gyur ro/ /ting nge 'dzin bsgrubs na ting nge 'dzin gyi phyag rgya bcings te bzlas na ting nge 'dzin stong thob par 'gyur ro/ /pha rol tu phyin pa drug rdzogs par 'dod pa'i rig sngags 'chang dge slong ngam/ dge slong ma'am/ dge bsnyen nam/ dge bsnyen ma des ba lang gi lci bas dkyil 'khor gru bzhi ba cha shin tu mdzes pa byas te/ tsan+dan gyis mchod par bya zhing / gur gum dang / gla rtsi dang / ga bur gyis mchod nas me tog sna tshogs bkram ste/ 'phags pa spyan ras gzigs dbang phyug mngon du phyogs par bzhag nas/ bum pa spos chus bkang ba bzhi bzhag la/ mchod yon gyi snod bzhi dang pog phor bzhi spos chu'i bum pa'i dbus su gzhag par bya zhing / a ga ru'i bdug pa dbul bar bya'o/ /bum pa'i steng du bcom ldan 'das ma shes rab kyi pha rol tu phyin pa gzhag par bya/ rgyan thams cad kyis brgyan par bya zhing spos kyi mar me bzhi bltam par bya/ mchod pa rgya chen po bya/ ba dan gyis brgyan par bya zhing dkyil 'khor byas la dkyil 'khor gyi dbus su skyil mo krung du 'dug ste/ bzlas brjod stong rtsa brgyad bya/ khro bo'i rgyal po lan brgya rtsa brgyad bzlas brjod byas na pha rol tu phyin pa drug yongs su rdzogs par 'gyur zhing 'phags pa shes rab kyi pha rol tu phyin pa sku ston par 'gyur ro/ /dge ba'i rtsa ba'i tshogs thams cad yongs su rdzogs par 'gyur ro/ /sems can brgya stong mang po gdul na ri'i rtse mor stong rtsa brgyad bzlas pas so/ /sdang ba thams cad gzhom par 'dod pas rdo rje'am mdung rtse gsum la lan stong rtsa brgyad bzlas te/ don yod pa'i zhags pa'i phyag rgyas tsham ngam bya zhing khro bo'i rgyal po'i bsdigs pa'i phyag rgya bcings te khros pas lan brgya rtsa brgyad bzlas nas/ gsor te nam mkha' la 'phangs na bdud la sogs pa sdang ba thams cad bcom par 'gyur ro/ /las thams cad grub ba dang gsang sngags thams cad 'grub pa dang bsam pa thams cad 'grub cing yongs su rdzogs par 'dod pas don yod pa'i zhags pa'i phyag rgya bcings te stong nyi shu bzlas na grub pa chen por 'gyur ro/ /de bzhin gshegs pa thams cad kyis dbang bskur bar 'dod pas stong phrag sum cu rtsa gnyis bzlas na/ de bzhin gshegs pa thams cad dbang bskur bar 'gyur te/ de bzhin du spos chu'i bum pas dbang bskur bar bya'o/ /de bzhin gshegs pa'i gzugs brnyan sku gdung dang bcas pa la mig gtad de khri bzlas na de bzhin gshegs pa nyid 'thob par 'gyur ro/ /'phags pa spyan ras gzigs dbang phyug gi zhabs mnan te khri bzlas na spyan ras gzigs dbang phyug dang 'dra bar 'gyur ro/ /phyag na rdo rje spyan drang bar 'dod pas/ phyag na rdo rje'i zhabs mnan te bzlas brjod lan stong byas nas/ gu gul gyi bdug pa dbul ba byas na/ 'phags pa phyag na rdo rje rang gi sku gzugs kyis mdun na 'dug par 'gyur ro/ /thams cad du khro bo'i rgyal po dran par bya zhing thams cad du don yod pa'i zhags pa'i phyag rgya bcing ba byas na/ ma bsgrubs ma bklags par 'grub cing cho ga zhib mo mtha' yas pa 'grub par 'gyur ro/ /snying rje dang / dga' ba dang / btang snyoms dang / ngo tsha ses pa dang / brtse ba dang / byams pa dang / shes rab dang ldan pas 'di 'grub par bstan to/ /go cha bgos pa 'grub pa mchog thams cad grub pa thob cing bsod nams kyi phung pos 'bar bar 'gyur ro/ /thog mar khro bo'i rgyal po bzlas pas rtag tu mtshams bcad pa dang phyogs bcing ba dang yul bcing ba byas te srung ba mchog tu dkon pa'o/ /de bzhin gshegs pa dang rgyal ba'i bdag nyid skyes pa thams cad kyis dbang bskur bar 'gyur zhing / go cha bgos par 'gyur ro/ /gal te dbang bskur bar 'dod na yang rgyal ba thams cad kyis dbang bskur bar 'gyur ro/ /de bzhin gshegs pas bden pa ston par 'gyur ro/ /don yod pa'i rgyal po'i cho ga zhib mo mchog las khro bo'i rgyal po bshad par bya ste/ gtsang mas gos gtsang ma bgos la/ shes rab dang byang chub kyi thabs dang ldan pas 'di 'grub par de bzhin gshegs pa thams cad kyis lung bstan to/ /namaHsarba ta thA ga ta/ Ar+yA pa lo ki te shwa ra badzra d+ha re b+h+yaH oM tsa ra tsa ra/ tsu ru tsu ru/ ma hA kA ru Ni ka /tsi ri tsi ri/ bi ri bi ri/ ma hA pad+ma ha sta/ ka la ka la/ ku lu ku lu/ ma hA s+thAm prA pa ta/ tsa ra tsa ra/ tsa tsa ri ta/ tsa re shwa ra/ e h+ye hi/ sid+h+ya sid+h+ya/ bud+h+ya bud+h+ya/ d+hA ba d+hA ba/ ki Ni ki Ni/ par ma shud d+ha sa hwa/ ka ra ka ra/ ki ri ki ri/ ku ru ku ru/ ma hA pa shu pa ti be Sha d+ha ra/ ha hA hi hI hu hU/ oM kA ra ma hA brah+ma be Sha d+ha ra/ tsa ra tsa ra/ ba ra ba ra/ sa smi sha ta sa ha sra pra ti maN+Di ta sha rI ra/ dz+wa la dz+wa la/ ta pa ta pa/ b+ha ga bA na/ sau mA di t+ya/ ya ma ba ru Na/ ku be ra/ brah+men dra/ r-i Shi ga Na/ de bag NA b+h+yartsi ta tsa ra Na/ su ru su ru/ mu ru mu ru/ sa nad ku mA ra/ ru dra/ biSh+Nu bA sa ba/ d+ha na dA/ de ba r-i Shi nA ya ka /ba hu bi bi d+ha be Sha d+ha ra/ d+ha ra d+ha ras man tra ba lo kA/ bi lo ki te/ lo ke shwa ra/ mu ya mu ya/ muny+tsa muny+tsa/ ban d+ha ban d+ha na/ tA Da na/ ta rdza na/ rA dza ta ska ra/ ag ni/ u dka /bi Sha sha s+t+ra pa ri mo tsa ka /ka Na ka Na/ ba la bo d+h+yaM ga tsa ru tA r+ya sa t+ya sa ma pra kA sha ka /ta ma ta ma/ sa ma sa ma/ ma hA tsi t+yan d+h+ya kA ra pra sha man mi li mi li/ e Ne ya tsarma kr-i ta pa ri ka ra/ e h+ye hi/ ma Ta ma Ta/ bi shud d+ha bi Sha ya ni bA si nam hA kA ru Ni ka /shwe ta yadz+nyo ba bI ta/ rat+na ma ku Ta mA lA d+ha ra/ sarba dz+nyA shi ra si kr-i ta/ ka ra pu Ta d+ha na/ sa mA d+hi/ bi mo k+Sha a pra kaM pya/ ShaT pA ra mi tA pa ri pU ra ka /ba hu satwa san ta ti ba ri pA tsa ka /sarba mA rA di pra duSh+Ta pra maR+daka /sarba sing d+h+yA shA pa'i pU ra ka / a b+hi Shiny+tsa sarba ta thA ga ta/ a b+hi She kai ra/ b+ha ga bA na ta/ a mo g+ha rA dza hUM phaT/ na mo stu te swA hA/ gsang sngags kyi cho ga snga ma de lta bus las thams cad pa don yod pa'i zhags pa khro bo zhes bya ba grub pa mchog las thams cad pa'o/ /na mo rat+na tra yA ya/ na ma Ar+ya a mi tA b+hA ya ta thA ga tA ya/ na ma Ar+ya a ba lo ki te shwa twA ya/ bo d+hi satwA ya/ ma hA satwA ya/ ma hA kA ru Ni kA ya/ a mo g+ha ba ra da pa sha ha stA ya/ ma hA shud d+ha sa twA ya/ A gats+tsha/ b+ha ga bA na/ b+ha ba bAn/ pad+ma ha sta/ ba ra da ka rAM gu le/ pad+ma b+hu dzai/ ma hA pa shu pa ti/ be Sha d+ha re/ pra sI ta shI g+ha mA gats+tsha/ ma hA bi ga /bi b+ha Shi ta raSh+mi/ ha sa ha sa/ a mo g+ha shud d+he/ sa ha sa ha/ tsa la tsa la/ A gats+tsha/ A gats+tsha/ b+ha ga bA na/ a ba lo ki te shwa re/ ma ma gan d+ha puSh+pa sa ma mardza ni/ a ma pra tIts+tsha/ tri rat+na sa t+ye na/ a mo g+ha sid d+he swA hA/ 'phags pa spyan ras gzigs dbang phyug gi dkyil 'khor na gnas pa thams cad dgug pa a ga ru'i bdug pa la lan nyi shu rtsa gcig bzlas pa bya'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ sarba gan d+hA d+hi ba si ta/ a mo g+ha b+hu dza/ ba ra dA ya/ sarba gan d+ha mA l+ya/ bi b+hU Shi ta pri ye/ tsaN Dar+d+hA shi ra si pri ye/ gan d+ha ga na d+hA nu le pa na sA ma ma pra tIts+tsha/ ba ra ba ra ba ra dA ya swA hA/ lan bdun bzlas te dbul bar bya'o/ /na mo rat+na tra yA ya/ na maHAr+ya ya ba lo ki te shwa tA ya/ bo d+hi satwa ya/ ma hA sa twA ya/ ma hA kA ru Ni kA ya/ tad+ya thA/ hi li hi li/ mi li mi li/ ma hA pra b+ha/ su bi ma le/ brah+ma bi Sha d+ha re sa ma ti ba ra te/ tu ru tu ru/ pi tsi tra puSh+pa mA l+ya b+hi b+hu Shi te/ ha ra ha ra/ ma ra ma ra/ tu ru tu ru/ a mo g+ha hr-i da ya/ pra mo da na ku ru pra pra tIts+tsha ma mu buSh+pa ba re swA hA/ me tog la lan bdun bzlas te dbul bar bya'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ ma hA bo d+hi sa twA ba ra de/ sma ra sma ra/ b+ha ga bA na/ sa ma ya sarba ta thA ga ta shA si te/ b+ha ga bA na/ a ba lo kA ya/ sarba sa twA a ba lo ka ni/ a mo g+ha ba ti pra sha ha ste/ sid d+he sid d+he sid d+he ba ra de/ sid d+h+yan tu te/ bud d+ha d+harma saM g+ha sa t+ye na tu ru tu ru sa t+ya sa ma ya pA lA ya swA hA/ 'phags pa spyan ras gzigs dbang phyug dran par bya ba'i rig sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ d+hu re d+hu re badzra d+har pad+ma dza be/ bi ga tA ba ra de be ga be ga /d+hu Tu d+hu Tu/ sarba bI dza pri ye/ bud d+ha d+harma saM g+ha sa t+ye na/ mi li mi li swA hA/ gtor ma'i sngags te lan bdun bzlas te sbyin no/ /na mo rat+na tra yA ya/ na mo Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA ku ru Ni kA ya/ a pra ti ha ta/ ta thA ga ta dz+nyA na kA ya/ b+ha ga bA na/ A ha ra A ha ra pad+mA sa na pad+ma b+hu dze/ shwe taM ge shwe ta su dze shwe ta mA l+ya bi b+hU Shi te/ d+hu ma d+hu ma dz+wa la bu d+ha d+ha rma saM g+ha sa t+ye na swA hA/ mar me'i rig sngags te lan bdun bzlas pas so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM bi ri bi ri/ pad+ma pA Ni a ga mA ga ma a mo g+ha ta tA sid d+hi sarba ta thA ga ta ga ga na rash+mi sany+tso di te/ sarba bi d+yA d+ha ra bi sho d+ha ni/ a mo g+ha sid d+hi swA hA/ spos chu'i dri zhim po'i bum pa la lan bdun bzlas te khrus bya'o/ /khrus kyi rig sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ d+hu me d+hu me d+hu d+hu me pad+me pad+ma ni ra b+hA se/ shud d+ha shud d+ha ka ba tsa na pra b+hA sa bi ma le/ shud d+ha rA shi /shu tsi shu tsi shu tsi go tsa ra sid d+hi pad+ma mAM ga ba ti/ pra ba ra Ni swA hA/ gos kyi rig sngags te lan bdun bzlas pas so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ shA me shA ma ya shA na te me/ ma ma sba s+t+ya naM ku ru shA na to si mi sarba pA pa/ shAn ta shud d+ha ka l+yA Na be ra dze/ shAn ti bi dza ye/ dza ya sid d+he b+ha ga bA na Ar+ya a ba lo ki te shwa ra sa ra swA hA/ mal cha la bsngags te nyal na rmi lam ngan pa dang / ltas ngan pa thams cad mi mthong ngo / /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ nA ga prA ka ra Sha Ne/ di pya dza la/ dza lA ba he/ dza la saM k+Sho b+ha yaM nA ga dza la saM sho d+ha ni pad+ma sa re/ pad+ma bi shud+d+he/ pA Ni dza li saM shod+ha ya/ At+ma naM d+ha ra d+ha ra sa li le swA hA/ chu'i sngags te khrus dang dbang bskur ba'i chu blangs la lan bdun bzlas te spyad do/ /na mo rat+na tra yA ya/ nam Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ sarba sa twA~M hi taM ka rA ya/ a mo g+ha bar pra dA ya/ sarba sa twA~M man na pA na pra dA ya/ de ba nA bA da yA b+ho dz+ya bi d+hi d+ha ra ma nu pra dA ya/ sa ka la b+hu ba ne/ b+hu ba na bi sho d+ha ni/ san tarba ya pra b+ha ra bi shud d+he swA hA/ dbul ba'i sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ sarba de bA sur na ma skr-i te/ sa mas man ta pra pU ra Ne/ sa ma gan d+hA ba b+hA si te/ ga ga na bi shud d+he/ mug ti pra b+he/ dza ye bi dza ye/ dza ya nir mA l+yo pan ya ti/ buSh+pa mA l+ya gan d+ha bi sho d+ha na/ bi sho d+ha ya/ sarba ta thA ga ta bi shud d+he pad+ma bi sho d+ha ni swA hA/ me tog nyid dor ba'i rig sngags so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA sa twA ya/ ma hA kA ru Ni kA ya/ tad+ya thA/ d+ha ra Ni na d+ha re d+ha ra Ni ban d+he/ ban d+ha ban d+ha shu kra bi sho d+ha ni/ shu kra mA la ling gi ti/ shu kra bi sho d+ha ni/ shud d+ha bi ma le swA hA/ rtswa ku sha'am ras kyi srad bu'am/ bu mo gtsang mas bkal ba'i srad bu la lan nyi shu rtsa gcig bzlas te/ mdud pa nyi shu rtsa gcig bor ba byas na/ khu chu 'gags par 'gyur ro/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ dz+wa le dz+wa le/ bi ma le dz+wa le/ pra b+ha si bi ra dza/ sUr+ya ba ti dza ya pad+ma/ mA la d+ha re swA hA/ me'i sbyin sreg gi thal ba la lan bdun bzlas te kun du gtor na/ bgegs dang log 'dren thams cad kyis nam yang mi tshugs so/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya ma hA sa twA ya/ ma hA kA ru Ni kA ya/ tad+ya thA/ dza le dza le/ dza la ba ti/ dza la pra b+ha ba ni/ nA ga sra ba Ni di pya bA ri Ni/ mi li mi li swA hA/ nye reg gi rig sngags so/ /na mo rat+na tra yA ya/ na ma Ar+ya a ba lo ki te shwa rA ya/ bod+hi sa twA ya/ ma hA sa twA ya/ ma hA kA ru Ni kA ya/ tad+ya thA/ ri Ni ha ri Ni ping ga le ping ga le/ hi ri hi ri/ b+ha ga bAn/ ni tsa la pra tsa la/ pra ti tiSh+Tha mAM rak+Sha ma ma bud d+ha d+harma sang g+ha sa t+ye na swA hA/ stegs bu'am rtswa ku sha bting ba lan bdun sngags so/ /stan gyi rig sngags so/ /na mo rat+na tra yA ya/ na maHsarba maN+Da la ni ba sin de ba tA nAM mo bid+yA de ba tA nAM/ sarba kal ba sid d+hA nAM/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ e h+ye hi b+ha ga ba te pad+ma sun da ri/ ma hA bid+yA de ba ti/ tsa la tsa la/ pad+ma sun d+ha ri/ be ga ba ti/ su ru su ru swA hA/ nyin re zhing me tog dang / bdug pa dang / gtor ma dang / spos chus pho nya mo pad+ma'i rigs mdzes pa dang gnod sbyin mo ral pa gcig ma mchod nas/ bzlas brjod lan bdun byas na/ nam yang bgegs thams cad kyis mi tshugs so/ /na mo rat+na tra yA ya/ na maHkro d+ha rA dzA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ namaHsarba bid+yA ku la baM sha s+ya/ tad+ya thA/ oM a mo g+ha hr-i da ya pra b+ha bi ni/ sarba bi g+h+naM pra sha ma ni/ A ha ra/ saM ha ra/ pad+ma pI thou0f85 ba biSh+Te/ ma Ni ka Na ka bi b+hU Shi ta/ ka ma la b+hu dze/ ta ra ta ra tA rA ya bar ma/ a mo g+ha hr-i da ya/ dza ye tri ne tre/ bar da b+hu dze/ sma ra sma ra/ b+ha ga bA na/ sarba ta thA ga ta sa ma ya/ b+ha ra b+ha ra/ b+hu ru b+hu ru/ brah+ma b+he Sha d+ha ra bi b+hu Shi ta ta nu/ ma hA b+ha ya ha re/ A lo ka ya/ bi lo ka ya/ sarba sa twA ba lo ki ni/ bar bar de swA hA/ las thams cad ba'i rig sngags te/ khyad par du ni rig sngags 'dis dkyil 'khor gyi gnas na 'khod pa'i las mi rnams bsrung bar bya'o/ /na mo rat+na tra yA ya/ na ma Ar+ya a ba lo ki te shwa ra ya/ bo d+hi satwA ya/ ma hA sa twA ya/ ma hA kA ru Ni kA ya/ tad+ya thA/ pa ra pa ra/ ma ra ma ra/ sa ra sa ra/ ban d+ha ban d+ha/ sa man te na/ a mo g+ha bA sha ha ste/ a mo g+ha bA sha ha ste/ tiSh+Tha tiSh+Tha/ bud d+ha d+harma saM g+ha sa t+ye na swA hA/ thal ba la lan nyi shu rtsa gcig bzlas te don yod zhags pa'i phyag rgyas yul bcing ngo / /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ di shA ban d+ha na/ a mo g+he/ a pra ti ha te/ mu ru mu ru/ su ru su ru/ tu ru tu ru/ sarba bi g+haM bi nA sha ni/ pad+ma sa ra bi b+hU Shi te/ bud d+ha d+harma saM g+ha sa t+ye na pan d+ha/ a dzi ta bar de swA hA/ spyan drangs te phyi nas phyogs bcing bar bya'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ hi li hi li/ mi li mi li/ si ri si ri/ pi ri pi ri/ ba ra ba ra/ pra bar bi mA na d+ha ra/ da ra da ra/ gats+tsha gats+tsha b+ha ga bA na/ Ar+ya a ba lo ki te shwa ra shU/ b+ha ga bAn/ tu ru tu ru/ a mo g+ha pad+me swA hA/ me tog ci snyed pa la lan nyi shu rtsa gcig bzlas te sIm ba nas phul na slar gshegs su gsol bar 'gyur ro/ /rig sngags kyi cho ga zhib mo rim par phye ba'i cho ga'o// //de nas don yod pa'i zhags pa'i rgyal po khro bo chen po'i snying po'i mchog bsgrubs na/ bsgrub sla ba'i ras kyi sku gzugs kyi cho ga bshad par bya'o/ /cho ga zhib grub grub pa che/ / khro bo'i rgyal grub grub pa mchog /don yod pa ni grub pa'i mchog /rig sngags 'di ni bshad par bya'o/ /don yod rgyal po khro chen gyi/ /snying po dam pa sgrub pa ni/ /cho ga zhib grub grub pa che/ /khro bo'i rgyal po grub pa mchog /grub pa'i mchog ste don yod pa/ /rig sngags 'di ni bshad par bya/ /gang brjod pa tsam gyis cho ga zhib mo'i mchog 'grub pa/ sangs rgyas bye ba brgya phrag stong gis gzigs par 'gyur ba/ rdzogs pa'i sangs rgyas gang gA'i klung gi bye ma snyed brgya stong mthong bar 'gyur ro/ de bzhin gshegs pa 'bum la dge ba'i rtsa ba bskyed par 'gyur ba/ bsod nams kyi phung po bla na med pa/ sdig pa thams cad rab tu zhi bar 'gyur ba/ stobs dang brtson 'grus bskyed pa/ cho ga zhib mo thams cad don yod pa/ de kho na nyid sgrub pa 'grub pa/ dran pa tsam gyi mod la ni/ /sa gzhi yang ni g.yo 'gyur la/ / sum cu'i lha rnams g.yo 'gyur zhing / /lhar bcas rgya mtsho lhun por bcas/ /klu rnams 'dar ni yed yed cing / /gnod sbyin srin po 'bros 'gyur ba/ /lha dang lha min g.yul 'gyed tshe/ /rig sngags rgyal po bla med kyis/ /phyag na rdo rje gnod sbyin bcas/ /dpung dang bcas shing bzhon bcas pa'i/ /lus skyes 'bar ba'i phreng can kun/ /'dar zhing kun du 'dar yed yed/ /rgyal po chen po bzhi po yi/ /gnas mchog dag ni g.yo 'gyur zhing / /de dag thams cad 'dus 'gyur nas/ /'jig rten dbang la skyabs dong zhing / /bcom ldan mgon po bskyab tu gsol/ /thugs rje'i bdag nyid bskyab tu gsol/ /de nas byang chub sems dpa' sems dpa' chen po 'phags pa spyan ras gzigs dbang phyug /bcom ldan 'das gang na ba der song ste phyin nas/ bcom ldan 'das la 'di skad ces gsol to/ /bcom ldan 'das bdag la grub pa don yod pa'i snying po'i rig sngags rgyal po'i snying po 'di gang gis bklags pa tsam gyis don yod pa'i zhags pa'i snying po myur du rab tu 'grub cing / dran pa tsam gyis 'phags pa spyan ras gzigs dbang phyug lha'i lus kyis lus ston par 'gyur ba/ dngos grub dang mchog thams cad sbyin par 'gyur ba mchis te/ bcom ldan 'das de bdag gis bcom ldan 'das kyi spyan sngar/ 'khor gyi dkyil 'khor 'di'i nang du bsgrags par bgyi'o/ /na mo rat+na tra yA ya/ na maHa mi tA b+hA ya/ ta thA ga tA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ oM pad+me pad+me/ pad+ma d+ha ra bi b+hU Shi ta/ b+hu dze/ tsa ra tsa ra/ brah+ma be Sha d+ha ra/ b+ha ra d+ha ra/ bi tsi tra mau la d+ha ra/ ma Ni ka na ka badzra bai DUr+yA laM kri ta sha rI ra/ ta ra ta ra/ ta rA ya ta rA ya/ b+ha ga ba te pA ra Na/ d+hu ru d+hu ru/ a mo g+ha pA sha ha ste/ ba ra ba ra ba ra dA ya ka /sa man ta a ba lo ki te/ ma hA bo d+hi sa twa bar da pad+mA san pad+ma gaur/ dz+wa la dz+wa la sarba ta thA ga ta a b+hi She ka /a b+hi She ka te ma hA kA ru Ni kA ya/ ba la ba la/ ma hA be ga d+ha ra bi kr-i ta na yan/ daM Sh+DA ka rA la ma hA te dzaH d+ha ra d+ha ra bi pu la dza na ba da ma hA kA ru Ni kA ya/ ma hA pa shu pa ti be Sha d+ha ra/ sa ra sa ra/ pra bar pu N+ya sam b+hA ra/ su ga ta d+h+yA na sa mA d+hi/ sa man ta a ba lo ki ta/ I shwa ra ma he shwa ra/ duSh+Ta da ma ka /rau dra pra la ya dam ka /kro d+ha rA dza ma hA be ga d+ha ra/ sa ma sa ma ma hA s+t+rA ma prA p+ta/ tsan+d+ra sUr+ya a ti re ka pra b+ha ma la ma la sarba ma la bi sho d+ha ka sarba r-i Shi ga na san ta ti ma hA ma he shwa ra rU pa d+ha ra/ a mi tA b+ha dzi nA lang kr-i ta dza Ta/ dak+Shi na tsan+d+rA laM kr-i ta shi raH/ ma tha ma tha/ sarba yak+Sha rAk+Sha b+hU ta ga Na b+hany+dza ka ta ra/ ta ra ta ra ga Na sa mA laM kr-i ta/ nak+Sha tra mA la sarba bi g+h+nA na bi nA sha na ka ra/ pa ra mai tri tsit+ta ma hA kA ru Ni kA/ ba ra pa ra/ pa ri pU rna maN+Dal sau mya mu kha/ Sha Ta bA ra mi tA/ pa ri pU ra ka /mi li mi li/ e Ne ya tsarma ni bA sa na/ bA g+h+ra tsarmo ta ta ri ya/ d+ha ra d+ha ra/ sarba ta thA ga ta a ba lo ki ta/ tri ne tra tri shU la d+ha ra/ badzra dz+wa la d+ha ra/ a mo g+ha pra sha ha ste/ ya ma ba ru Na ku be ra rU pa d+ha ra/ nA ge na dra rU pa d+ha ra/ bi ma la bi shud d+ha de ha sarba pA ba sha ma ka sarbA ba ra Ni bi sho d+ha ka /sarba ki li bi Sha nA sha ka /s+t+rai lo kya ba shaM ka ra/ sarba sa twA bi sho d+ha ka /bo d+hi sa twA ba ra da/ sarba ta thA ga ta/ a d+hiSh+Thi te/ oM pad+ma bi b+hU Shai ta/ shud d+he d+hi ri d+hi ri/ a ba lo ki ya mA na/ sa ma sa ma/ sarba karma me sA d+ha ya/ a mo g+ha pra sha hr-i da ya sid d+he/ gu h+ya ni ba si ni bar da hUM phaT/ na mo stu te swA hA/ grub pa don yod pa rig sngags kyi rgyal po 'di bshad ma thag tu 'byung po'i tshogs dang / gnod sbyin dang / srin po dang / bgegs dang / log 'dren de dag thams cad kha bu ba tu 'gyel te/ gcig tu 'bar bar gyur cing gnas kyang 'bar bar gyur pa dang / de nas gnod sbyin gyi sde dpon chen po phyag na rdo rje dga' bas ba spu langs te/ skrag par gyur pa'i lha tshogs thams cad dang / brgya byin dang / tshangs pa dang / khyab 'jug dang / dbang phyug chen po dang / rgyal po chen po bzhi dang / sgrag par 'gyur ba'i lha dang / lha ma yin dang / drang srong spa gong ba thams cad dang / rgya mtsho na gnas pa'i klu'i rgyal po thams cad dang / chu bran thams cad dang / lha dang / klu gang dag chu na gnas pa thams cad dang / rgya mtsho chen po'i lha dang / lha gang dag lang ka'i grong khyer na gnas pa thams cad dang / rig sngags 'chang 'khor los sgyur ba thams cad dang / gang dag gnas gtsang ma'i ris kyi lha rnams dang / nam mkha'i lha thams cad 'khrugs par gyur nas nam mkha' las babs te/ bcom ldan 'das la mchod pa'i las dang byang chub sems dpa' 'phags pa spyan ras gzigs dbang phyug de la yang mchod pa'i phyir/ lha'i me tog rnam pa sna tshogs pad+ma dang / ku mu da dang / ut+pal dang / puN Da rI ka dang / man dAr ba dang / man dA ra ba chen po'i char dang / lha'i rgyan dang lhab lhub kyi char pus mo nub tsam ri bo po Ta lar phab ste/ lha'i sil snyan dang / glu dbyangs len cing ha ha zhes ca co dang ga zha'i sgra bton nas/ bcom ldan 'das 'phags pa spyan ras gzigs dbang phyug gis sems can thams cad kyi don du rig sngags 'chang chen po 'di bshad do zhes ched du rjod pa ched du brjod do/ /de nas gnod sbyin gyi sde dpon chen po phyag na rdo rje byang chub sems dpa' sems dpa' chen po 'phags pa spyan ras gzigs dbang phyug gang na ba der song ste/ lan gsum bskor ba byas nas mchod pa'i phyir mu tig gi do shal brgya stong ri ba phul te/ bcom ldan 'das kyis rig sngags chen po'i cho ga zhib mo thams cad kyi mchog bshad do/ /don yod pa'i zhags pa'i rgyal po rig sngags chen po'i snying po 'jig rten mgon po thub pa chen pos bshad du gsol/ bcom ldan 'das cho ga zhib mo mtha' dag don yod pa'i rgyal po grub pa'i mchog las thams cad grub pa bshad du gsol/ de nas de'i don du 'phags pa spyan ras gzigs dbang phyug gi don yod pa'i zhags pa'i snying po cho ga zhib mo grub pa don yod pa/ rig sngags kyi rgyal po ras kyi sku gzugs bsgrub pa'i mchog /cho ga dang yo byad du bcas pa bshad pa/ ras gru bzhi pa kun nas cha legs par phye ba/ kha tshar ma bcad pa skra med pa/ ri mo mkhan gtsang ma khrus byas pas gos gtsang ma bgos la gso sbyong dang ldan par byas pas/ tshon lhag ma ma yin pa snod sar par bzhag la bri bar bya ste/ dbus su 'phags pa spyan ras gzigs dbang phyug ral pa'i thor tshugs kyis bzhugs shing / rgyal ba 'od dpag med kyis brgyan pa thor tshugs kyi g.yas su zla tshes kyis brgyan pa/ e ne ya'i pags pa gyon pa/ phyugs bdag gi chu lugs 'chang ba/ rgyan thams cad kyis brgyan pa/ dbu gsum spyan gsum phyag bzhi pa/ ri'i steng na pad+ma'i gdan la bzhugs pa/ zhal dbus ma zhi ba'i zhal bzhin 'dzum pa/ zhal g.yas pa 'jigs su rung ba khro gnyer can/ thor tshugs 'od dpag med kyis brgyan pa/ dbu zla tshes kyis brgyan pa/ zhal g.yon pa 'jigs su rung ba bzhin bsgyur cing mche ba gtsigs pa/ rgyal ba 'od dpag med dbul bzhugs pa/ phyag gcig na pad+ma thogs pa/ gnyis pa rtse gsum thogs pa/ gsum pa don yod zhags pa sku'i phyed na 'dzin pa la/ bcom ldan 'das zhal khro gnyer can don yod zhags pa'i phyag rgya bcings pa'i phyag la spyan gtod par bya zhing / bzhi ba dbugs 'byin pa'i phyag tu bya zhing 'od 'dom gang ba khor yug 'bar ba dang ldan par bya'o/ /g.yas phyogs na lha mo sgrol ma 'gying bag dang bcas shing lus btud par mchog sbyin pa'i phyag la mig gtod par bya'o/ /g.yon du pad+ma'i rigs mdzes ma 'dzem bag dang bcas pa gsang sngags kyi tshul dang rjes su mthun zhing don yod pa'i zhags pa la mig gtod par bya'o/ /lha mo sgrol ma'i bar du gnod sbyin mo ral pa gcig ma bya'o/ /pad+ma'i rigs mdzes ma'i bar du khro gnyer can bya'o/ /phyogs gnyis par lha mo dkar mo lag na pad+ma thogs pa bya'o/ /pad+ma'i rigs mdzes ma'i 'og tu pho nya mo gsang sngags kyi rjes su 'brang bar bya'o/ /ral gcig ma'i 'og tu lha mo chen mo 'jigs byed ma bya'o/ /gang du gnas gtsang ma'i rigs kyi lha'i bu dang brgya byin dang / tshangs pa dang / khyab 'jug dang / dbang phyug chen po me tog sna tshogs thogs te bcom ldan 'das la mchod pa byed par bya'o/ /'og tu rgyal po chen po bzhi bya'o/ /'phags pa spyan ras gzigs dbang phyug gi 'og tu 'phags pa phyag na rdo rje 'jigs su rung ba gad rgyangs can khro bo don yod pa'i rgyal po dang smra ba bya'o/ /ras kyi sku gzugs 'di mthong ba tsam gyis 'phags pa spyan ras gzigs dbang phyug ri bo po Ta la na gzhal med khang dang bcas pa mngon sum du mthong bar rig par bya'o/ / //'phags pa don yod pa'i zhags pa'i cho ga zhib mo'i rgyal po/ bam po bcu pa/ mthong ba tsam gyis sems can dmyal ba chen po brgyad las thar bar 'gyur/ 'jigs pa chen po brgyad las yongs su grol bar 'gyur/ mtshams med pa lnga byed pa yongs su thar bar 'gyur/ dam pa'i chos spong ba dang sangs rgyas dang byang chub sems dpa' thams cad spong bas mthong ba tsam gyi mod la rnam par dag par 'gyur/ mnar med pa la gzhol ba'i mthar thug pa yang yongs su grol bar 'gyur ro/ /tshangs pa chen po'i bsod nams brgya stong gi dge ba'i rtsa ba bskyed par 'gyur/ 'jig rten pa thams cad kyi dge ba'i rtsa ba mchog thob par 'gyur/ 'chi ba'i dus na 'phags pa spyan ras gzigs dbang phyug mngon sum du ston par 'gyur zhing dbugs 'byin par 'gyur/ shi nas bde ba can gyi 'jig rten gyi khams su skye bar 'gyur/ sgrib pa thams cad dang bral nas tshe rabs brgya stong phrag lnga bcu rjes su dran par 'gyur ro/ /byang chub kyi snying po'i mthar thug gi bar du skye ba 'di tha ma yin te/ 'di mthong ba tsam gyis bsod nams kyi phung po dang ldan par 'gyur na/ /lhag par mang du byed pa lta ci smos te/ de ni phyir mi ldog par 'gyur/ bla na med pa'i byang chub tu mngon par rdzogs par 'tshang rgya bar 'gyur ro/ /gal te rigs kyi bu'am rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ rgyal po dang / blon po dang / btsun mo'i 'khor dang bcas pa'am/ btsun mo dam pa gang la la zhig gis ras kyi sku gzugs bsgrub par bya ba de'i spyan sngar/ don yod pa'i zhags pa'i snying po dran par byed cing / 'phags pa spyan ras gzigs dbang phyug de la yang mchod par byed na/ des na khyod kyis 'di ltar rig par bya ste/ don yod pa'i zhags pa'i snying po stong phrag brgya 'gyur du bzlas shing bzlas brjod kyi cho ga chen po byas pa yin no/ /gang zhig khro bo don yod pa'i zhags pa/ bcom ldan 'das kyi spyan sngar mi smra bar lan gsum bzlas brjod bya ste/ chus dbang bskur na des na khyod kyis de bzhin gshegs pa thams cad dang byang chub sems dpa' thams cad kyis bdag byang chub kyi snying po la thug gi bar du dbang bskur bar 'gyur ro/ /snyam du de ltar shes par bya'o/ /gang gis don yod par grub pa'i cho ga zhib mo chen po'i gzungs/ 'phags pa spyan ras gzigs dbang phyug ras kyi sku gzugs kyi spyan sngar mngon sum du thal mo sbyar te 'dug nas lan gsum bzlas te/ bskor ba lan bdun byas la chu'i nang du mchod yon dang / lha bshos dang / bdug spos dang / me tog phul nas phyag 'tshal lo zhes smras na/ des khyod kyis 'di ltar shes par bya ste/ gzungs thams cad so sor lan stong phrag brgya bzlas par 'gyur zhing / don yod pa'i zhags pa'i snying po rnam par grol ba'i dkyil 'khor gyi chos kyi rnam grangs chen po 'di lan stong phrag brgya bzlas par 'gyur ro/ / don yod pa'i zhags pa'i phyag rgya byas la 'phags pa spyan ras gzigs dbang phyug gi zhal la mig gtad de lag pa g.yas g.yon gnyis sbyar la/ snying gar gzhag cing tshul 'dis phyag rgya re re nas lan stong phrag brgya byas par 'gyur ro/ /bcom ldan 'das rigs kyi bu'am rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ rgyal po dang / rgyal po'i btsun mo dam pa gang la la zhig 'phags pa spyan ras gzigs dbang phyug don yod pa'i zhags pa'i snying po 'di brgya stong phrag khri bzlas brjod bya bar 'dod pa dang / de bzhin gshegs pa brgya stong phrag khris dbang bskur bar 'dod pa dang rnam par grol ba'i dkyil 'khor mtha' dag gi cho ga zhib mo 'di rdzogs par lan brgya stong khri bzlas par 'dod pa dang / don yod pa'i zhags pa'i phyag rgya 'di lan brgya stong phrag khri bya bar 'dod pa des ras kyi sku gzugs la brtson par bya ste/ ras kyi sku gzugs sngon du bzhag nas gnas gtsang zhing dben par gnas sam/ 'chags sam dgon pa'i gnas sam/ phug gam/ ri'i rtse mo'am/ gtsug lag khang ngam/ khang par gtsang sbra dang byi dor bya ste/ bser mo'i lci ba legs par mnyes la/ ba las byung ba lnga dang bsres te bskus la spos sna tshogs kyi byug pas byugs nas ras kyi sku gzugs kyi spyan sngar tsan+dan dkar po'i dkyil 'khor byas te/ gur gum gyis khru do'i tshad tsam bris la gla rtsi dang ga bur gyis mchod par bya'o/ /dri chab kyi bum pa dri rnam pa sna tshogs kyis bkang ste/ ras kyi mgul chings kyis bcings la/ dkyil 'khor gyi dbus su gzhag par bya/ me tog dang bdug spos dri zhim po dang / me tog gi phreng ba nyi shu rtsa gcig gzhag par bya/ dri chab kyis bkang ba brgyad phyogs bzhir gzhag par bya/ 'o mas bkang ba'i snod brgyad gzhag par bya/ stegs bu'i drung du 'o mas bkang ba'i snod gzhag par bya/ 'o thug dang / sbyar thug dang / khaN+Da kha d+ya dang / 'bras chan dang / lag pan dang / bu ram dang sha khar dang / zhun mar gyis bkang ba'i snod gzhag par bya/ a ga ru nag po dang tsan+dan dkar po dang / ga bur dang / kun du ru dang / shi ribA sa ka dang / cung peng rnams snod dang bcas pa bzhag nas/ a ga ru'i yam sreg shing gis sbyin sreg bya/ me tog sna tshogs kyis brgyan par bya/ mar gyi mar me sum cu rtsa gnyis bltam par bya'o/ /de nas rig sngags 'chang gtsang mas gos gtsang ma bgos shing khrus legs par byas pas tshes bcu bzhi nas lnga'i bar du 'phags pa spyan ras gzigs dbang phyug gi ras kyi sku gzugs la mchod par bya'o/ /de'i 'og tu rig sngags 'chang gis khro bo'i rgyal po lan bdun bzlas te/ dri chab kyis dbang bskur bar bya/ don yod pa'i zhags pa'i snying po lan nyi shu rtsa gcig bya/ de nas mi smra bar skyil mo krung du 'dug ste bzlas brjod kyi phyag rgya bcings la don yod pa'i zhags pa'i snying po lan brgya rtsa brgyad bzlas par bya de'i 'og tu don yod par grub pa'i rig sngags kyi rgyal po stong rtsa brgyad bzlas par byas na/ de nas ras kyi sku gzugs las 'od zer bdun byung nas kun tu snang bar byas te/ lan gsum bskor ba byas nas 'phags pa spyan ras gzigs dbang phyug gi dpral ba'i spyan du zhugs par 'gyur ro/ /zhugs pa tsam gyi mod la sa chen po g.yo bar 'gyur zhing rig sngags 'chang yang snying dga' zhing ba spu ldang bar 'gyur/ mdog mdangs yongs su dag par 'gyur/ 'phags pa spyan ras gzigs dbang phyug gi mchog sbyin pa'i phyag gi sor mo las lha'i chu 'dzag par 'gyur/ zhabs gnyis las 'o ma 'dzag par 'gyur/ don yod pa'i zhags pa'i phyag 'bar bar 'gyur/ phyag na pad+ma'i pad+ma lo ma g.yo bar 'gyur/ rtse gsum g.yo bar 'gyur zhing legs so zhes bya ba'i sgra 'byung bar 'gyur te/ rigs kyi bu legs so legs so/ /khyod kyis don yod pa'i zhags pa'i snying po grub kyis las thams cad byos shig khyod kyis don yod grub pa'i cho ga zhib mo'i rgyal po chen po'i dam pa grub po zhes nas/ de nas 'phags pa spyan ras gzigs dbang phyug rang gis gzugs ston par 'gyur ro/ /'dod pa thams cad kyi mchog sbyin par mdzad do/ /'di ni grub pa'i mchog bla na med pa ste/ ma bsgrubs par las byed pa'o/ /de nas dbang du bya bar 'dod pas me tog pad+ma la lan brgya rtsa brgyad bzlas la 'phags pa spyan ras gzigs dbang phyug la phul te/ gang gi ming nas brjod pa de dbang du 'gyur ro/ /sna ma'i me tog la lan brgya rtsa brgyad bzlas te/ 'phags pa spyan ras gzigs dbang phyug la phul la/ yang lan bdun bzlas nas me tog snying po blangs nas gang la byin pa de dbang du 'gyur ro/ /gdon gyis zin pa la byin na gdon thams cad las yongs su grol bar 'gyur ro/ /nad kyis thegs pa la byin na nad thams cad yongs su grol bar 'gyur ro/ /rgyal po'i sgor gtor na rgyal po btsun mo'i 'khor dang bcas pa dbang du 'gyur ro/ /mi ro bsregs pa'i sa'i steng du gtor na/ sems can de sems can dmyal ba las yongs su grol bar 'gyur ro/ /mnar med pa na gnas pa'i sems can la gtor na skad cig de la yongs su grol bar 'gyur/ nyal ba'i sngas su bzhag na rmi lam chen po mthong bar 'gyur ro/ /'phags pa spyan ras gzigs dbang phyug sku ston par mdzad cing yid du 'ong ba thams cad gsung bar 'gyur ro/ /skyes pa'am bud med gang gi steng du gtor ba de dbang du 'gyur zhing grib ma bzhin phyi bzhin 'brang bar 'gyur ro/ /rgyal po'i steng du gtor na de bzhin du 'gyur ro/ /lha'i gzugs brnyan gyi steng du bzhag na 'gugs par 'gyur zhing las thams cad byed par 'gyur ro/ /mig sman sgrub par 'dod pas ras kyi sku gzugs kyi spyan sngar mig sman ldong ros la stong rtsa brgyad bzlas nas grub pa'i rtags gsum ston par 'gyur te/ 'bar ba dang dbu ba 'byung ba dang / dud pa 'byung bar 'gyur te/ des mig la bskus na mi snang bar 'gyur ro/ /gter thams cad mthong bar 'gyur ro/ /gnod sbyin gyi gnas thams cad mthong bar 'gyur ro/ /dpral bar thig le byas na phugs thams cad du 'jug par 'gyur/ sgo thams cad dang 'khrul 'khor thams cad 'bye bar 'gyur/ yan lag dang nying lag la bskus na nam mkha' la 'gro bar 'gyur/ spyi bor thig le byas na 'phags pa spyan ras gzigs dbang phyug rtag tu mchog sbyin par 'gyur ro/ /mig la byugs na/ khyab 'jug dang dbang phyug chen po la sogs pa lha rnams rtag tu phyi bzhin 'brang bar 'gyur zhing / dgos pa thams cad 'grub par byed do/ /mtshan mo mig la bskus na nyin mo bzhin du mthong bar 'gyur zhing / gter thams cad 'byung bar 'gyur te/ kha phug nas dor bar bya'o/ /rang gi lus la byugs na ji srid 'tsho'i bar du go cha bgos pa'i lus su 'gyur/ gnod sbyin dang srin po la sogs pas mi mthong bar 'gyur zhing las thams cad byed par 'gyur te/ tshe bskal pa stong thub par 'gyur ro/ /yang na bza' ba dang snying gar bsku ba byas na nag po chen po'i gzugs su 'gyur zhing lha thams cad kyi gzugs ston par 'gyur ba nas/ tshangs pa dang / khyab 'jug dang / dbang phyug chen po'i gzugs dang sna tshogs mang po ston par 'gyur/ zla ba dang nyi ma ston par 'gyur ro/ /ldong ros dang / gi waM dang / sau bi rA ka dang / gur gum dang / kra ku d+ha la don yod par grub pa khri bzlas don yod pa'i zhags pa'i snying po stong rtsa brgyad bzlas khro bo'i rgyal po brgya rtsa brgyad bzlas pa byas te/ thams cad du mi smra bar bya zhing 'phags pa spyan ras gzigs dbang phyug gi spyan sngar btags la/ ras kyi sku gzugs la mngon du phyogs te/ gtsang mas gos gtsang ma bgos la tshes lnga nya la nyin zhag gcig smyung ba byas nas phye ma zhib tu btags te/ yang don yod pa'i zhags pa'i snying po dang / khro bo'i rgyal po dang / don yod pa'i grub pa'i rig sngags kyi rgyal po lan brgya rtsa brgyad bzlas brjod byas la/ 'phags pa spyan ras gzigs dbang phyug gi phyag tu bzhag ste/ mchod pa chen po byas nas ras kyi sku gzugs la mchod pa byas la nyin zhag gcig smyung ba byas te/ ras kyi sku gzugs kyi spyan sngar skyil mo krung du 'dug pa la don yod pa'i zhags pa'i phyag rgya lan nyi shu rtsa gcig bya/ don yod pa'i zhags pa'i snying po lan nyi shu rtsa gcig bzlas par bya ste/ bzlas brjod kyi phyag rgya byas la khro bo'i gsang sngags lan bdun bzlas te/ de'i 'og tu mig la bskus nas don yod par grub pa'i gzungs bzlas par byas na/ bskus pa tsam gyis 'phags pa spyan ras gzigs dbang phyug ri bo po Ta la dang bcas gzhal med khang dang bcas byang chub sems dpa'i tshogs gzhal med khang dang bcas pa'i ri bo po Ta la na gnas pa mthong bar 'gyur ro/ /bde ba can gyi 'jig rten gyi kha mas mthong bar 'gyur zhing de bzhin gshegs pa 'od dpag med chos 'chad pa mthong bar 'gyur/ chos bshad pa de yang thos par 'gyur ro/ /phyogs bcu'i de bzhin gshegs pa byang chub sems dpa'i tshogs dang bcas nyan thos kyi dge 'dun dang bcas sangs rgyas kyi zhing gzhal med khang dang bcas pa mthong bar 'gyur zhing chos 'chad pa'i gsung gi sgra de yang thos par 'gyur ro/ /'di ltar rigs ngan gyi rigs su skyes pa dang / mnar med pa la gzhol ba dang / mtshams med pa lnga byed pa gang yin pa thams cad kyang de bzhin gshegs pa thams cad kyi byin gyis brlabs dang 'phags pa spyan ras gzigs dbang phyug gi thugs rje dgongs par 'gyur zhing rmi lam du ston par mdzad do/ /sdig pa dang sgrib pa thams cad rnam par sbyong bar 'gyur/ mchog thams cad sbyin par 'gyur/ don yod pa'i zhags pa'i snying po'i dngos grub sbyin par 'gyur/ lha'i lo stong du 'tsho bar 'gyur zhing lha'i bde ba nyams su myong bar 'gyur/ nad kyis thebs pa thams cad la mig sman 'dis bskus na nad thams cad zhi bar 'gyur/ rims thams cad sel bar 'gyur ro/ /dug thams cad la bskus pa tsam gyis dug med par 'gyur ro/ /'jigs pa thams cad la mig la bskus na mi mthong bar 'gyur/ phyir rgol ba dang dgra bo dang g.yo can dang chom po dang rkun po thams cad kyis mi mthong bar 'gyur ro/ /mtshon gdab pa'i 'jigs pa 'byung bar mi 'gyur/ 'thab pa dang rtsod pa dang khrag khrug la mig la bskus na thams cad las rgyal zhing lan thebs par 'gyur ro/ /g.yul ngo thams cad du mig la bskus na g.yul 'gyed pa las rgyal bar 'gyur zhing dpung gi mchog rgyal bar 'gyur ro/ /rgyal po'i pho brang du 'gro ba'i tshe mig la bskus na rgyal po btsun mo'i 'khor dang bcas pa dbang du 'gyur ro/ /mi smra bar grong khyer du song na skyes pa dang / bud med dang / khye'u dang / bu mo grong khyer na gnas so cog thams cad dbang du 'gyur ro/ /mig g.yas pa la bskus na rigs bzhi'i 'jig rten gang mthong ba de thams cad dbang du 'gyur ro/ /mig g.yon pa la bskus na rigs ngan thams cad dbang du 'gyur ro/ /'phags pa spyan ras gzigs dbang phyug gi phyag g.yas pa nas bzung ste/ don yod pa grub ba'i rig sngags kyi rgyal po lan stong rtsa brgyad bzlas brjod bya ste/ 'phags pa spyan ras gzigs dbang phyug la mchod pa byed na de nas don yod pa'i zhags pa'i snying po dang / khro bo'i rgyal po dang / gzungs thams cad so sor lan stong phrag brgya brgya bzlas par 'gyur/ de bzhin gshegs pa dgra bcom pa yang dag par rdzogs pa'i sangs rgyas bye ba stong phrag drug cu'i drung du dge ba'i rtsa ba bskyed par 'gyur thams cad kyis ming bzung ba byas par 'gyur/ de bzhin gshegs pa stong mnyes par byas par 'gyur/ de bzhin gshegs pa stong phrag drug cu rtsa bzhi mngon sum du mthong ba thob par 'gyur/ 'jig rten pa'i don thams cad 'grub par 'gyur/ sngon gyi sgrib pas mnar med pa'i gnas su 'gro ba yongs su dag par 'gyur/ nam yang ngan song du 'gro bar mi 'gyur/ tshe rabs tshe rabs su skye ba dran par 'gyur/ lha thams cad kyang mchog sbyin par 'gyur zhing rtag tu bsrung ba dang / bskyab pa dang / sba bar byed par 'gyur ro/ /phyag g.yon pa mnan te lan stong rtsa brgyad bzlas brjod byas na bzlas pa tsam gyi mod la lha dang / klu dang / gnod sbyin dang / srin po la sogs pa bkug par 'gyur zhing thams cad dbang du 'gyur te gnas so/ /gang gi tshe dgos pa byung ba de'i tshe don yod par grub pa'i rig sngags kyi rgyal po lan bdun bzlas pa byas na lha dang klu la sogs pa thams cad kyang las thams cad byed cing rtag tu rgyun mi 'chad par phyi bzhin 'brang bar 'gyur ro/ /lte ba'i gnas su mnan te klu la sogs pa thams cad char gyi rgyun 'bebs par 'gyur ro/ /'dzam bu'i gling mtha' dag tshim par byed par 'gyur ro snyam du lan brgya rtsa brgyad bzlas na gang dang gang du song ba der skyes pa'am/ bud med dam/ rgyal po'am/ rgyal mo'am/ dge sbyong ngam/ bram ze'am/ dge bsnyen nam/ dge bsnyen ma la gang bsams pa dang gang bcol ba dang / smras pa'i las de thams cad bsgrub par 'gyur ro/ /dbu nas bzung ste bzlas nas tshangs pa'i 'jig rten gyi bar du dbang du byas par 'gyur te/ thams cad la dbang bsgyur zhing bsgo ba bzhin byed par 'gyur ro/ /thog mar bzlas brjod stong rtsa brgyad byas nas bzlas par bya'o/ /zhabs gnyis mnan te stong phrag bcu bzlas pa byas na sa'i 'og yan chad dbang du byas par 'gyur zhing las thams cad byed par 'gyur te/ mngag gzhug thams cad byed par 'gyur ro/ /pad+ma la stong rtsa brgyad bzlas nas pad+ma'i mtshe'ur bor na pad+ma zad mi shes par 'byung zhing pad+ma dus thams cad par 'gyur ro/ /ut+pal la lan stong rtsa brgyad bzlas nas ut+pa la'i mtshe 'ur bor na ut+pa la sngon po zad mi shes pa 'byung bar 'gyur zhing nam yang nyams par mi 'gyur te/ dus thams cad du me tog 'byung bar 'gyur ro/ /de bzhin du sna ma'i me tog dang gan d+ha bAr+Shi ka dang / yU thi ka dang / na ba mA lA'i me tog rnams kyang dus thams cad du me tog 'byung bar 'gyur zhing zad mi shes par 'gyur ro/ /'bras bu dang / me tog la lan brgya rtsa brgyad bzlas te skyed mos tshal lam nags tshal gyi nang du gtor na me tog dang 'bras bu zad mi shes shing dus thams cad par 'gyur ro/ /dpal chen mo dgug par 'dod pas spra tshil las lha mo dpal chen mo skyil mo krung phyed du 'dug pa rgyan thams cad kyis brgyan pa lus btud pa lag pa na pad+ma thogs pa brang rgyas pa byas la 'bras bu dang / me tog dgram par bya zhing ga bur dang / gla rtsi dang / tsan+dan dkar pos mchod pa byas la ras kyi sku gzugs kyi spyan sngar gzhags par bya zhing sngar tsan+dan dkar po las byas pa'i dkyil 'khor gyi cho ga bzhin byas la 'phags pa spyan ras gzigs dbang phyug ras kyi sku gzugs la a ga ru'i bdug pa dbul bar bya/ dpal lha mo chen mo la tsan+dan dkar po'i bdug pa dbul bar bya zhing gnyis ka la mchod pa dang bsnyen bkur bya gtor ma dkar po dang dri chab dbul bar bgyi/ mchod yon stong dbul bar bya ste/ rig sngags 'chang gtsang mas dus gsum du khrus byas shing gos gtsang ma bgos pas mngon du phyogs te/ skyil mo krung du 'dug nas don yod pa'i zhags pa'i phyag rgya lan bdun byas la ji snyed pa'i dri dang phreng ba dang me tog la don yod pa'i zhags pa'i snying po lan brgya rtsa brgyad bzlas te/ dpal lha mo chen mo'i mgo la gdags par bya/ me tog gzhan gyis mchod pa bya zhing tsan+dan dkar po la lan brgya rtsa brgyad bzlas pa'i bdug spos dbul bar bya'o/ /de nas rig sngags 'chang gis don yod pa'i zhags pa'i snying po lan stong rtsa brgyad bzlas par bya zhing yungs kar re re zhing bzlas la dpal lha mo chen mo la bsnun par byas te/ stong rtsa brgyad tshang ba dang / dpal lha mo chen mo 'bar bar 'gyur zhing 'phags pa spyan ras gzigs dbang phyug gi dpral ba nas 'od zer 'byung bar 'gyur ro/ /dkyil 'khor gyi yo byad gang yin pa thams cad gser du snang bar 'gyur ro/ /dpal lha mo chen mo bkug par 'gyur zhing ji srid 'tsho'i bar du 'da' bar mi 'gyur ro/ /lha'i dpal rjes su spyod par 'dod na nyin re zhing 'phags pa spyan ras gzigs dbang phyug dang dpal lha mo chen mo la dus gsum du mchod pa bya zhing mchod yon gyi snod kyang gzhag par bya/ dkon mchog gsum mchod par bya sbyin par bya/ longs spyad par bya/ bsod nams kyang bya zhing dpal lha mo chen mo la dus gsum du mchod par bya'o/ /dpal lha mo chen mo rang gi gzugs kyis gnas par 'dod pas don yod pa'i rgyal po khro bo'i snying po stong rtsa brgyad bzlas par bya zhing tsan+dan gyi ril bu stong rtsa brgyad kyis lus bdug par bya/ yungs kar stong rtsa brgyad kyis bsnun par bya ste/ yungs kar stong rtsa brgyad tshang ba dang / dpal lha mo chen mo rgyan thams cad kyis brgyan pa lha'i nor bu dang gser dang mu tig gi rgyan gyis brgyan pa'i lus snang la zhal pad+ma kha phye ba lta bu spyan ut+pal sngon po ltar gsal ba pad+ma bsnams pa gdan pad+ma nor bu dang / rin po che dang / gser mang po'i pad+ma'i char 'bebs pa rin po che 'bar ba'i bum pa stong phrag brgya thogs pa lha'i bu mo dang gnod sbyin gyi bu mo brgya stong mang po thams cad lha'i rgyan gyis brgyan pas lus gsal zhing 'bar la mdzes pa mang pos yongs su bskor ba mdun du 'khod par 'gyur te/ rig sngags 'chang gi 'jigs par mi bya zhing sems dga' bar byas la gsang sngags 'di lan bdun bzlas par bya'o/ /na mo rat+na tra yA ya/ na ma Ar+ya a ba lo ki te shwa rA ya/ b+ho d+hi sa twA ya/ ma hA sa twA ya/ ma hA kA ru Ni kA ya/ ma hA a mo g+ha ba ra dA ya/ tad+ya thA/ oM pad+mi ni pad+ma ne tra pad+mAM ge /pad+ma d+ha re pad+ma b+ha te/ pad+ma pri ye pad+ma gau rI pad+mA pra b+he pad+mA sa na pra tiSh+Thi te/ a ba lo ki ta pri ye ba ra de ba ra dA yi ni pra si ta pra sA d+ha ya ku ru ku ru/ Ar+ya a ba lo ki te bar de hu ru hu ru ba ra nga gi ni tsa la tsa la pad+ma bi b+hu Shi te pad+ma pri ye pad+ma gau ri pi ci tra bi ma na d+ha re b+ha ra b+ha ra sam b+ha ra sma ras ma ya/ ar+ya a ba lo ki te shwa ras me sat+ya a d+hiSh+Thi ta de bi a mo g+ha ba sha bar de hA~M/ na mo stu te swA hA/ lan bdun bzlas pa tsam gyis lha mo dpal chen mo phyag brkyang ste/ rig sngags 'chang gi spyi bor 'jog par 'gyur zhing 'di skad ces kyang gsung bar 'gyur ro/ /rigs kyi bu tshur shog /thugs las skyes pa gsung las skyes pa khyod kyis don yod pa'i zhags pa'i snying po khro bo dang bcas pa grub kyis don yod pa'i zhags pas pad+ma dri ma med pa'i dpal zhes bya ba'i gzungs la zhugs shig nga'i gnas la rang gi khyim bzhin du las su bya ba thams cad byos shig / de nas rig sngags 'chang gis yang rig sngags dang gsang sngags dang gzungs sngags 'di lan gsum bzlas brjod bya'o/ / na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ oM b+ha ga ba ti mA tr-i dza ni tri bar bar a ba lo ki ta ba ra de k+Shi ri ni swa ba tu/ am+ba am+ba bi pu la kIrti ka re pra ba ra b+hu dze a mo g+ha pA sha ha ste swA hA/ de'i 'og tu lha mo dpal chen mo'i nu ma gnyis las 'o ma'i rgyun 'byung bar 'gyur te/ 'o ma'i rgyun de khas zed de 'thungs pa tsam gyi mod la lha'i me tog pad+ma dang ku mu da ltar 'jam pa'i lha'i lus su 'gyur skra cung zad 'khyil cing 'khyil la mig ut+pal sngon po lta bu dang tshig gsal zhing mi 'am ci'i sgra dbyangs dang ldan par 'gyur/ don yod pa'i rgya mtsho'i nor bu chen po pad+ma la rnam par blta ba'i dpal dri ma med pa zhes bya ba'i cho ga zhib mo'i rgyal po mngon sum du 'gyur/ cho ga zhib mo mang po 'grub par 'gyur tshe lo stong phrag bcu thub par 'gyur/ rgyal ba 'od dpag med byang chub sems dpa'i tshogs dang bcas pa thabs cig tu gzhal med khang mchog na chos bgro ba mthong bar 'gyur/ rdzu 'phrul gyis nam mkha' la 'gro bar 'gyur/ nor bu chen po pad+ma la lta ba zhes bya ba don yod pa'i zhags pa chen po'i 'khor los sgyur bar 'gyur/ rig sngags 'chang thams cad kyis 'khor los sgyur ba'i gtso bo gcig pur 'gyur/ 'phags pa spyan ras gzigs dbang phyug gi sras su 'gyur/ de bzhin gshegs pa thams cad kyi sras gcig pur 'gyur/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyi bu'i gtso bo gcig pur 'gyur rgyal po chen po bzhi'i bu gcig pur 'gyur/ thams cad du stobs dang / pha rol gnon pa dang / brtson 'grus thogs pa med pa dang ldan par 'gyur/ de bzhin gshegs pa thams cad kyi phyag rgya dang dkyil 'khor rim pa phye ba rig sngags kyi rgyal po gsang ba'i gzungs kyi rgyal po cho ga zhib mo zab pa dag mngon sum du 'gyur/ lha thams cad kyi gnas dang / klu thams cad kyi gnas dang / mi 'am ci thams cad kyi gnas dang / phug dang khung gi gnas thams cad sgo 'bye bar 'gyur/ gnod sbyin dang srin po'i gnas thams cad sgo 'bye bar 'gyur ro/ thams cad dbang du 'gyur zhing bgyi ba ci mchis zhes bya ba byed cing 'dug par 'gyur/ 'jig rten thams cad kyi ston pa bla ma gcig pu 'jig rten mgon po dang 'dra bar mchod pa'i gnas su 'gyur/ 'jig rten pa dang 'jig rten las 'das pa'i gsang sngags dang dkyil 'khor thams cad grub pa chen por 'gyur/ dpal lha mo chen mo 'khor dang bcas pa la sbyin sreg byas na rig sngags 'chang de la bu bzhin du byams pas rang nyid bsnyen bkur yongs su spyad bas yongs su spyod do/ / 'dod pa thams cad dang yid du 'ong ba thams cad kyi dgos pa byed par 'gyur ro/ /nor dang / 'bru dang / dbyig dang / gser dang / nor bu dang / mu tig dang / bai DUr+ya dang / shang kha shi la dang / byi ru dang / sa le sbram dang / dngul dang / lha'i nor bu chen po rin po che'i bar thams cad sbyin par byed do/ /yul ka shi ka'i gos bzang po mang po sbyin par byed cing lha'i bza' ba dang / btung ba'i bar dang bdud rtsi'i ro'i bar du sbyin par byed do/ /gnas thams cad du song ba na yang rtag tu rgyun mi 'chad par bu la byams pa'i tshul gyis rtag tu phyi bzhin 'brang zhing 'gro bar 'gyur ro/ /rig sngags 'chang gi rang gi khyim yang rgyal po'i pho brang lcang lo can ji lta ba bzhin du rig sngags 'chang gi gzhal med khang mchog tu 'gyur ro/ /rnam thos kyi bu'i gnas na 'byor pa ji lta ba bzhin rgyas par 'gyur ro/ /tshangs pa dang / khyab 'jug dang / dbang phyug chen po dus kun tu 'ong bar 'gyur ro/ /gnod sbyin gyi sde dpon chen po rdo rje 'chang yang rig sngags 'chang gi tshogs thams cad dang / gnod sbyin chen po gsang ba pa'i 'khor rnams dang rtag tu rgyun mi 'chad par bsrung ba dang / bskyab pa dang / sba ba byed par 'gyur ro/ / de bzhin du dpal lha mo chen mo 'khor dang bcas pa dang rnam thos kyi bu gnod sbyin bye bas yongs su bskor bas nyin mtshan du bsrung ba dang / bskyab pa dang / sba ba byed par 'gyur ro/ /de nas don yod pa'i rgya mtsho nor bu chen po pad+ma la lha'i dpal dri ma med pa zhes bya ba don yod pa'i zhags pa'i snying po'i cho ga zhib mo'i rgyal po bklags pas 'grub par 'gyur zhing de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ba khrag khrig brgya stong phrag drug cu rtsa bzhi'i rdul phra mo snyed las dge ba'i rtsa ba bskyed par 'gyur/ bsod nams kyi phung po chen po dang ldan par 'gyur ro/ /rigs kyi bu'am rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma gang la la zhig gis lha'i nor bu rin po che chen po dang nor bu rin po che chen po sna bdun dang / lha'i gser dang / gser gyi me tog dang / dngul gyi me tog mang po dang / lha'i gos dang / lha'i rgyan dang / lha'i dri dang / me tog dang / me tog phreng dang / byug pa rnams re re zhing 'phang du ri'i rgyal po ri rab tsam gyi phung po byas nas/ de dag de bzhin gshegs pa gang gA'i klung gi bye ma snyed bye ba khrag khrig brgya stong phrag drug cu rtsa bzhi'i rdul phra mo snyed kyi de bzhin gshegs pa dgra bcom pa yang dag par rdzogs pa'i sangs rgyas rnams la de bzhin gshegs pa re re la tshul de lta bus so sor de bzhin gshegs pa thams cad la nyin re zhing / lo gcig gi bar du 'bul bar byed mchod pa dang bsnyen bkur byed cing de bzhin gshegs pa re re'i spyan sngar dri zhim po dang ldan pa'i til mar rgya mtsho tsam gyis bkang ba'i mar me bltam par byed pa'i bsod nams kyi phung po dang ldan par 'gyur/ dge ba'i rtsa ba chen po yongs su bzung bar 'gyur ro/ / gal te don yod pa'i rgya mtsho'i nor bu chen po pad+ma la rnam par blta ba'i dpal dri ma med pa don yod pa'i zhags pa'i snying po 'di klog pa dang bzlas brjod brgya rtsa brgyad byed pa 'di ni bsod nams kyi phung po de dang ldan par 'gyur zhing / dge ba'i rtsa ba chen po dang ldan par 'gyur/ /de bzhin gshegs pa thams cad kyis byin gyis brlab par 'gyur/ de bzhin gshegs pa thams cad kyis yongs su gzung bar 'gyur/ de bzhin gshegs pa thams cad sku ston par 'gyur/ de bzhin gshegs pa thams cad kyis lung ston par 'gyur/ dpal lha mo chen mo de yang mchog thams cad sbyin par 'gyur/ dus kun tu de'i khyim du dpal gnas par 'gyur te/ /gang na dpal lha mo chen mo gnas pa der de bzhin gshegs pa gang gA'i klung gi bye ma bye ba khrag khrig brgya stong phrag drug cu rtsa bzhi'i rdul phra mo dang mnyam pas phyogs de nyid du gnas par 'gyur te/ dpal lha mo de bzhin gshegs pa thams cad kyi yum yin pa'i phyir ro/ /lha dang / klu dang / tshangs pa dang / khyab 'jug dang / dbang phyug chen po'i gsang sngags dang / cho ga zhib mo dang / phyag rgya dang / dkyil 'khor dang / zhi ba dang / rgyas pa dang / drag shul spyod pa dang / las sna tshogs gzhan dag pas dpal lha mo chen mo'i las mchog tu ston to/ /dpal lha mo chen mo ni byang chub sems dpa' thams cad kyi yum yin no/ /dpal lha mo chen mo ni don yod pa'i mchog sbyin pa'o/ /don yod pa'i zhags pa sbyin pa'o/ /don yod pa'i grags pa rgya chen po sbyin pa'o/ / don yod pa'i nam mkha'i gzhal med khang 'chang ba'o/ /don yod pa'i yon tan bsgrags pa'i mchog sbyin pa'o/ /dpal lha mo chen po ni don yod pa'i zla ba dang / nyi ma'i 'od byed pa gnas sum cu rtsa gnyis kyi nang na dpal lha mo chen mo mchog tu bstan to/ /de nas rig sngags 'chang gtsang mas khrus legs par byas pa dri chus bsangs shing ba las byung ba lngas byugs pa/ gos gtsang ma bgos pas kha zas gtsang ma bza' bar bya zhing chang dang / sha dang big btsong dang / sgog skya dang ke'u rnams dang / 'dres pa dang / 'bags pa rnams yongs su spang bar bya/ kha zas ngan pa dang / btung ba ngan pa dang / gos ngan pa dang / dri ma can yongs su spang bar bya/ sems can ngan pa dang / rten pa dang / ngan g.yo can dang / gsod skyen can dang / skye bo ngan pa can dang / khrel med pa dang / snying rje med pa dang / byams pa dang bral ba dang / thub chod can gyi skye bo ngan pa yongs su spang bar bya'o/ /gnas ngan pa dang / gnas rten ngan pa dang / bgo mnyes dang / bza' nyes dang / grib ma ngan pa yongs su spang bar bya/ gcig gis gcig 'bags pa'i kha zas ngan pa yongs su spang bar bya zhing dri dang bdug spos kyis bsangs te mi smra bar bzlas brjod bya/ byams pa dang / snying rje dang / dga' ba'i sems dang yid bde bar bya/ bkra shis tshang bar bya zhing snying dga' ba dang / mgu ba dang / rab tu dga' ba'i sems su byas nas bzlas brjod bya'o/ /'phags pa spyan ras gzigs dbang phyug la a ga ru'i bdug pa dbul bar bya/ de bzhin gshegs pa thams cad la tu ru ska'i bdug pa dbul bar bya/ dpal lha mo chen mo la tsan+dan gyi bdug spos dbul bar bya zhing dus ji lta ba'i me tog dbul bar bya ste/ gsang sngags 'di lan nyi shu rtsa gcig bzlas te thams cad la dbul bar bya'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ oM puSh+pa bi lo ki te gan d+ha sa re/ a mo g+ha dza la sam b+ha ra Ni pad+me sa ma b+hU ri ta ra ta ra mu de te b+hUM swA hA/ lan nyi shu rtsa gcig bzlas te me tog dang bdug spos dang dri dang mchod yon dbul lo/ /'phags pa spyan ras gzigs dbang phyug gi zhabs drung du stong rtsa brgyad bzlas/ don yod pa'i zhags pa'i snying po lan bdun bzlas/ khro bo'i rgyal po lan gsum bzlas la a ga ru'i bdug spos dbul bar bya zhing ci snyed pa'i me tog dbul bar bya/ spos dang ldan pa'i til mar gyi mar me bltam par bya zhing de nyid kyi zhabs drung du skyil mo krung du 'dug la 'phags pa spyan ras gzigs dbang phyug la bltas la snying po'i gzungs lan brgya rtsa brgyad bzlas la bzlas brjod kyi phyag rgya byas te/ don yod pa'i zhags pa'i phyag rgya lan bdun bcing ba byas na/ bcings ba tsam gyi mod la sku gzugs g.yo bar 'gyur zhing sku thams cad 'bar bar 'gyur rang gi lus spu zing zhes byed par 'gyur/ tho rangs 'phags pa spyan ras gzigs dbang phyug sku ston par 'gyur te/ yid la bsams pa thams cad bka' stsol bar 'gyur/ mchog thams cad sbyin par 'gyur/ 'dod pa'i mchog thams cad sbyin par 'gyur/ dbugs kyang 'byin par 'gyur/ yid du 'ong ba thams cad yongs su rdzogs par byed/ tshe 'di nyid la nad thams cad dang bral bar 'gyur ro/ /dge ba'i rtsa ba'i tshogs thams cad dang ldan par 'gyur/ sgrib pa dang sdig pa thams cad zad cing mthar thug par 'gyur/ nyon mongs pa thams cad las yongs su grol bar 'gyur/ phas kyi rgol ba dang / dgra bo thams cad 'jig bar 'gyur zhing mi tshugs par 'gyur g.yul ngor 'jug pa'i tshe rig sngags kyi rgyal po 'di yungs kar la lan nyi shu rtsa gcig bzlas nas dmag gi nang du gtor ba byas na thams cad rengs par byas pa dang rmugs par byas par 'gyur ro/ /'di'i snying po dang gsang sngags ni 'di yin no/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twA ya/ ma hA kA ru Ni kA ya/ ma hA kA ru Ni kA ya/ tad+ya thA/ oM a mo g+ha bA sha hr-i da ya pad+me ni ba ra de dz+wa la dz+wa la pra sa ri ta pad+ma b+hu dze swA hA/ snying po'i rig sngags so/ /oM a ba lo ki te pad+me ni ba rAng gi ni tu ru tu ru hUM swA hA/ nye ba'i snying po'i gzungs so/ /don yod pa'i rgya mtsho'i nor bu pad+me rnam par blta ba'i dpal dri ma med pa don yod pa'i zhags pa'i snying po'i cho ga zhib mo'i gzungs 'di rtag tu bzlas brjod byas na mtshams med pa lnga zad par 'gyur/ dpal lha mo chen mo rtag tu rgyun mi 'chad par mchog sbyin par 'gyur/ 'phags pa spyan ras gzigs dbang phyug dus kun tu sku ston par bzhed par 'gyur/ de'i lus la dug thams cad kyis mi tshugs par 'gyur/ 'jigs pa chen po mi bzad pa brgyad las yongs su grol bar 'gyur/ rims thams cad dang nad thams cad kyis mi tshugs par 'gyur ro/ /gdon thams cad la tshon sna lnga'i srad bu la lan nyi shu rtsa gcig bzlas te/ mdud pa nyi shu rtsa gcig por la gu gul gyis bdugs te/ mgul du btags na gdon thams cad las yongs su grol bar 'gyur ro/ /gal te nag po chen po dang ma mo'i tshogs 'ongs te rgyas btab pa gang yin pa'ang gdon thams cad las yongs su thar bar 'gyur ro/ /skud pa nag pos rims nyin gcig pa las yongs su grol bar 'gyur/ gzhan dag la ni thams cad du srad bu dkar pos bsal bar bya'o/ /'thab pa dang / rtsod pa dang / khrag khrug thams cad la gi wang la lan nyi shu rtsa gcig bzlas te/ thig le byas na thams cad du thogs pa med par 'gyur ro/ /snying gar thig le byas na gnod sbyin dang / srin po dang / 'byung po dang / sha za la sogs pa thams cad kyis mi mthong bar 'gyur ro/ / lag mthil la thig le byas na skyes pa dang / bud med dang / khye'u dang / bu mo gang la reg pa dbang du 'gyur ro/ /smin mtshams su thig le byas na rgyal po btsun mo'i 'khor dang bcas pa dbang du 'gyur ro/ /mgul bar byugs na rje'u rigs thams cad dbang du 'gyur ro/ / dpung pa gnyis la byugs na rgyal rigs thams cad dbang du 'gyur ro/ /dpral ba'i skra mtshams su thig le byas na bram ze thams cad dbang du 'gyur ro/ /lte ba'i gnas su thig le byas na dmangs rigs thams cad dbang du 'gyur ro/ /rkang pa'i rje ngar la byugs na dpag tshad brgyar ngal ba med par 'gro zhing slar yang 'ong bar 'gyur ro/ /rkang mthil la bskus na/ chu klung chen po'i pha rol tu phyin par 'gyur zhing rgya mtsho'i bar du rgal bar 'gyur ro/ /dpung pa gnyis la byugs na/ gyad kyis mi thub par 'gyur ro/ /pus mo gnyis la byugs na me'i phung po 'bar zhing rab tu 'bar bar zhugs na tsan+dan dang pu shel tse bzhin du bsil bar 'gyur ro/ /ba ser skya'i 'o ma dang sbyar te mig la bskus na mtshan mo yang nyin mo bzhin du snang bar 'gyur ro/ /gter thams cad 'bar bar 'gyur zhing gal te bskal pa stong du bzhag pa zhig na'ang 'byung bar 'gyur ro/ /de bzhin du lto bar bskus na ji srid du lto chus ma bkrus pa de srid du kha zas dang btung ba mi 'dod par 'gyur ro/ /pho mtshan la bskus na khu ba 'gags par 'gyur ro/ /ba las byung ba lnga dang bsres te 'thungs na lus dag cing dri ma med la gtsang zhing spyod pa gtsang ba dang ldan par 'gyur ro/ /bgo nyes dang / bza' nyes dang / gri bam ngan pa dang / blta nyes su mi 'gyur/ 'jigs pa thams cad las yongs su grol bar 'gyur/ sdig pa dang sgrib pa thams cad las yongs su grol bar 'gyur/ rmi lam ngan pa dang / ltas ngan pa dang / bkra mi shis pa'i dngos po thams cad 'jig par 'gyur/ dug dang dbyig dug dang byad thams cad 'jig par 'gyur/ gsang sngags dang sbyor ba dang gtor ma rnams 'jig par 'gyur/ 'thab pa dang rtsod pa dang khrag khrug rnams kyi lan thebs par 'gyur zhing thams cad du rgyal bar 'gyur/ phas kyi rgol ba dang / mi mdza' ba dang / pha rol gyi dpung gi 'jigs pa thams cad 'byung bar mi 'gyur ro/ /zhun mar dang / sbrang rtsi dang lhan cig sbyar te tho rangs kyi dus su mi smra bar byas nas/ zos na bklags pas tshigs su bcad pa stong 'dzin par 'gyur ro/ /sbyor ba zhag bdun du byas na bstan bcos thams cad la mngon du 'gyur ro/ /zhag nyi shu rtsa gcig tu sbyor ba byas na gsang sngags kyi cho ga zhib mo dang dkyil 'khor dang gsang sngags dang phyag rgya rim par phye ba thams cad 'grub par 'gyur/ zla ba gcig tu sbyor ba byas na thos pa mang po rgya mtsho bsags par 'gyur ro/ /sbyor ba lo gcig gi bar du byas na tshe lo stong thub par 'gyur ro/ /'jig rten thams cad na bla ma gcig pur 'gyur zhing dge ba dang tshig btsun par yang 'gyur ro/ /til mar dang lhan cig bskol nas mgo la bskus na skra cung zad 'khyil cing lcang lo can du 'gyur ro/ /bzhin gyi dkyil 'khor la bskus na ston ka'i zla ba nya ba dang mtshungs par 'gyur zhing me tog pad+ma dang ku mu da ltar 'jam par 'gyur lus thams cad la byugs na mar dang 'dra bar 'jam por 'gyur zhing rkang lag shin tu gzhon sha can du 'gyur/ rna ba la byugs na rna ba ji tsam 'dod pa skye bar 'gyur/ sna nas btang na klad pa'i nad do cog 'jig par 'gyur zhing sna bas dang mchil ma 'byung bar mi 'gyur/ lha'i spos kyi dri mnam par 'gyur zhing nam yang yid du mi 'ong ba'i dri mnam par mi 'gyur/ gnyer ma dang skra dkar spang bar 'gyur/ so rgal ba yang gsar du skye bar 'gyur/ lce pad+ma'i lo ma ltar 'jam par 'gyur/ mid pa'i nad dang ske 'gags pa thams cad las yongs su grol bar 'gyur/ 'jam tsam du byas te rna ba bkang na sim par byed cing lha'i rna ba dang ldan par 'gyur/ sgra yid du 'ong ba dang bkra shis pa'i sgra thos par 'gyur ro/ /de lta bas na gi wang gi cho ga chen po bsgrub par bya'o/ /de nas legs par grub pa mchog tu dge ba/ dge bar 'gro ba mig rkang zhes bya ba bshad par bya ste/ don yod pa'i zhags pa'i snying bo 'di lan nyi shu rtsa gcig bzlas te/ khro bo'i rgyal po lan bdun bzlas nas don yod pa'i rgya mtsho'i nor bu pad+ma la rnam par blta ba'i dpal dri ma med pa don yod pa'i zhags pa'i snying po 'di lan stong rtsa brgyad bzlas te/ gtsang mas gos gtsang ma bgos shing khrus legs par byas pas kha zas dkar po zos la mig rkang gi ril bu khar bcug na ji snyed bshad pa dang bklags pa 'dzin par 'gyur/ lce pad+ma dang ku mu da'i lo ma ltar 'jam par 'gyur/ mi 'am ci'i sgra dbyangs dang ldan par 'gyur/ de las lha'i sgra yang 'byung bar 'gyur/ gang la smras pa de dag bran pho dang bran mo bzhin du gnas par 'gyur/ gang la dri mnam pa de yang dbang du 'gyur/ tha na dud 'gro'i skye gnas su gyur pa yang dbang du byed do/ /'byung po dang / gnod sbyin dang / srin po dang / gnod sbyin mo dang / dang / sha za la sogs pa thams cad dang / brjed byed dang / sdang ba dang rab tu sdang ba dang / mi ma yin pa thams cad dri des 'byer bar 'gyur zhing phyogs bzhir dpag tshad brgyar byer nas thag ring po na 'khod par 'gyur ro/ /phyir rgol ba dang sdang ba dang rab tu sdang ba'i sems dang ldan pa thams cad dri des 'byer bar 'gyur zhing byams pa'i sems kyis dbang du 'gyur ro/ /dpung pa g.yas pa la btags na lag pas glang po che gnon par 'gyur ro/ /stobs dang brtson 'grus dang pha rol gnon pa chen por 'gyur ro/ /gyad kyis mi thub par 'gyur ro/ /rdo rje 'chang dang 'dra ba'i mthu stobs ston par 'gyur ro/ /mgul du btags te g.yul ngor song na gcig pus dpung gi tshogs yan lag bzhi las rgyal bar 'gyur zhing slar yang 'ong bar 'gyur ro/ /spyi bor bzhag ste rgyal po'i pho brang du song na rgyal po'i btsun mo'i 'khor dang bcas pa dang blon po dang blon po chen po dang bram ze'i mdun na 'don pa dang bcas pa dbang du 'gyur zhing spyi bo la dbang bskur bar 'gyur/ thams cad du thogs pa med pa dang ldan par 'gyur/ lag pa la btags na gang la reg pa de thams cad dbang du 'gyur/ nor dang 'bru dang / dbyig dang nor bu dang mu tig dang / gser la reg pa tsam gyis zad mi shes par 'gyur/ sa bon gdab pa dang brnga ba byas na zad mi shes par 'phel bar 'gyur rin po che'i lag pa dang 'dra bar 'gyur/ 'bru'i phung po 'phel bar 'gyur ro/ /nyi ma re re zos na dran pa dang / blo chen po 'phel bar 'gyur/ sdig pa thams cad dang bral bar 'gyur/ nad thams cad dang bral bar 'gyur/ rims thams cad sel bar 'gyur/ 'bras dang mdze dang lhog pa dang lu'u ta dang shu ba dang g.yan pa dang g.ya' ba dang / phol mig la byugs pa tsam gyis 'jig par 'gyur zhing nam yang tshugs par mi 'gyur ro/ /sbyor bzla ba gcig tsam du byas na cho ga zhib mo dang / gsang sngags rim par phye ba dang / phyag rgya dang / dkyil 'khor gyi mchog 'grub par 'gyur ro/ /dus kun tu lus la thogs na mtshon gzas pas lus la mi tshugs so/ /chom rkun dang g.yo can thams cad kyis glags rnyed par mi 'gyur ro/ /thams cad du thogs pa med par 'gyur/ til mar dang lhan cig bskol te klad pa na ba dang rna ba na ba dang so na ba dang mig na ba dang / klad pa phyed na ba la 'jam tsam blugs pa tsam gyis sdug bsngal thams cad rab tu zhi bar 'gyur zhing phyin cad nad gang yang 'byung bar mi 'gyur/ /gdon stong phrag drug cu rtsa brgyad la zhun mar dang yungs kar bsres te bdugs na 'dus nas phyogs bcur 'byer zhing nam yang gnas kyi sa phyogs der 'ong bar mi 'gyur ro/ /rang gi yid la 'dod pa'i dgos pa gzhan thams cad kyang byed par 'gyur ro/ /de nas lha thams cad 'gugs pa dang byang chub sems dpa' thams cad spyan 'dren pa/ de bzhin gshegs pa thams cad skul ba/ rig sngags 'chang thams cad kyi grub pa'i mtha'/ gnod sbyin dang / srin po rnams dang / 'byung po'i gdon rnams dang / brjed byed dang / gnod sbyin mo rnams dang / dang / sha za dang / skem byed thams cad 'byer bar byed pa dang sdang ba'i bdud rnams gsod pa nad thams cad zlog pa gdug pa'i dug rnams bzlog pa mche ba'i dug dang gnas pa'i dug dang / 'gro ba'i dug thams cad la thogs pa med par 'grub pa rims thams cad 'joms pa khyad par du rims nyin bzhi pa 'joms pa/ bzhin dang bar byed pa'i gtso bo gos bdug pa'i mchog gsang sngags dang byad thams cad dbang du byed pa'i mchog gang la rgyal po khros nas gshed mas mtshon gzas pa yang bdug pa 'dis bdugs na de thams cad zhi bar 'gyur ro/ /dug dang dug sbyar ma dang srog chags lu'u ta dang / sbrul gyis zin pa dang / srog chags gon se dang gzhan yang srog chags sna tshogs dug dang bcas pa mchog tu mi bzad pa rnams dang gal te klu 'jog pos zin na yang bdugs pa tsam gyis dug thams cad med par 'gyur ro/ /nad kun 'phrog pa grub pa ste/ /sdig pa thams cad 'jig byed pa/ /bsod nams phung po che dang mnyam/ /grub pa lha rnams kun gyis mchod/ /brgya byin sum cu'i lha dang ni/ /lha min lhan cig g.yul 'gyed tshe/ /bdug pa 'di yis bdugs pa dang / /lha min de bzhin pa ma par 'gyur/ /drag po yis ni sum brtsegs bsregs/ /khyab 'jug gis ni ba lI bcings/ /mi'u thung gis ni sa gzhi mnan/ /lha min dbang pos nyi zla dang / /gza' rnams pham byas 'khrugs par 'gyur/ /bdug pa'i rgyal po'i khyad par gyis/ /mi'u thung ni kun las rgyal/ /sgyu ma byed pa stong phrag brgya/ /rtag tu rnam par rgyas par byed/ /bdug pa'i rgyal pos skya bseng rnams/ /rnam par pham par the tshom med/ /bdung ni bye ba stong phrag brgya/ /'dren pas byams pa'i stobs kyis btul/ /bdud ni bye ba stong phrag brgya/ /bdug pa'i rgyal po'i mthu stobs kyis/ /sdang ba'i bdud ni yang dag zad/ /rgya mtsho rnam par dkrug byas pas/ /rgya mtsho gnas kun gcer bur 'gyur/ /snod gcig gi ni sum cha skams/ /yid bzhin nor bu chud zos pas/ /don kun grub pa bdag nyid ches/ bdug spos 'di yis bdugs byas nas/ /slar yang rang gi khyim 'ongs pas/ /rtag tu rgyal mtshan rtser btags na/ /bdug pa 'di yis bdug byas shing / /nyin mtshan bdun gyi bar du ni/ /rin chen bdun gyi char pa phab/ /de ltar bdug pa stobs ldan yin/ /las kyi don kun sgrub par byed/ /g.yul chen po lhung ba'i klu'i mtshor/ dga' bo dang / nye dga' bos rgya mtsho chen po la/ lhun po chen po'i ri rab kyis bsrubs pas/ dug 'dzags pa mgrin sngon gyis dug 'thungs pas bdug pa'i rgyal pos bskor bas dug med par byas so/ /bdug pa'i rgyal po 'di'i mthus bdud rtsir yongs su byas so/ /de ltar bdug pa'i rgyal pos dug thams cad 'joms par the tshom med do/ /gling bzhi pa yi drang srong gis/ /des ni maN+Dal pham par byas/ /stan phyed la ni longs spyod pa'i/ /skra can dbang pos ltung bar byas/ /bdug pa'i rgyal po bsams pa yis/ /du smra ba de rnams nyams/ de phyir bden par smra ba'i phyir/ /bdug pa 'di ni bden pa ldan/ /bden pa'i rgyal pos rab tu bsgrags/ /bden pa'i chos dang bden par smra/ /mtha' dag bsdus las byams pa'i sems/ /'jig rten kun la rtag tu byams/ /snying rje dang ni dga' ba nyid/ /bdug pa gzhan gyis bdugs pa 'di/ /mtshon cha thams cad 'joms par byed/ /bden pas byin gyis brlabs pa'i bdug pa 'di de bzhin gshegs pa thams cad kyis gsungs pa/ 'jig rten dbang phyug mgon po 'jig rten pa'i rtag tu bla mar gyur pa'o/ /sems can thams cad la phan pa'i don du rig sngags 'chang rnams kyi khyad par du dmyal ba bcu drug gi 'jigs pa mi bzad pa dang / 'jigs pa chen pos sdug bsngal gyi tshor ba myong bar 'gyur ba dang / kyi sdug bsngal gyi 'jig pa chen po cher mi bzad pa/ rtag tu bkres pa dang skom pas nyen pa/ kyi hud zhes sgra sgrogs par byed pa'i skrag pa de la skyabs med do/ /sems can thams cad rjes su brtse bas brtan par kun tu blta bar bya'o/ /'jig rten thams cad kyi skyabs su gsungs pa ni bdug pa'i rgyal po bla na med pa'o/ /bdug pa 'dis bdugs te/ gang gi don du ming nas smos pa yang / ma rungs pa'am/ yang na byams pa yang rung ste/ yid la bsams pa rnams sgrub par byed do/ /'dis bdugs te brjod pa tsam gyi mod la/ 'di rnams thams cad rtag tu 'grub par byed de spyan ras gzigs dbang phyug gi gsung dge ba'o/ /gza' zla ba'am/ gza' nyi ma rgyu skar nyam nga ba la gnas pa/ sgra gcan gyis zos pa rnams dang mi gang yin pa skye ba'i gnod pa dang / rgyal po'am/ yang na bud med dam/ blon po chen po dang / blon po dang / bkrabs pa dang / mdun na 'don dang / rgyal rigs dang / bram ze dang / dmangs rigs dang / rje rigs dang / skye bo gzhan dang 'grogs pas gnod pa dang / 'thab pa nyid dang / sdug bsngal mi bzad pas nye bar 'tshe ba la bdug spos rgyal pos bdugs pas de'i skad cig la de dag thams cad mi 'byung ngo / / bza' ba dang btung ba shin tu zhim po thob ste/ gos med pa'i skye bos gos dang / rgyan dang / lha rdzas kyi dri dang / phreng ba dang / byug pa dang / gos dang / bzhon pa dang / khri dang / nye bar bsten pa dang / lhab lhub thams cad skad cig gis 'byung ste/ gal te yang dag par sbyar ba yin na'o/ /bsams pa dang / re ba dang / yid kyi shing rta thams cad mngon par smras pas 'grub par byed do/ /'jig rten dbang phyug gi gsung ste/ rtag tu 'di dag thams cad 'grub bo/ /rnams kyis zas rnyed cing / lha rdzas kyi gos dang rgyan mchog rab tu 'gyur ro/ /bdag gi sdig pa thams cad rtag tu grol bas dmyal ba las grol te/ dmyal ba mi bzad pa thams cad las grol lo/ /sdug bsngal thams cad las grol te/ skye bo bde ba la rtse bar byed do/ /bde zhing bde 'gror 'gro la bde ba thams cad du thob par byed do/ /bdug spos 'dis bdugs pas mchog gi dri snom par byed de/ rdul dang mun pa can thams cad bdug pa bsnams pas sangs par byed de/ dper na nyi ma shar bas 'jig rten gyi mun pa rnam par sangs par byed pa bzhin no/ /bdug pa'i rgyal po 'dis sdug bsngal thams cad rnam par nyams par byed cing / dmyal ba thams cad dang sdig pa dang 'jigs pa thams cad las grol te/ sa bcu po thob cing bde 'gro'i lam bzang po bstan pa de'i phyir 'bad pa thams cad kyis bdug pa'i rgyal po 'di sbyar bar bya'o/ / de nas byang chub sems dpa' sems dpa' chen po 'phags pa spyan ras gzigs dbang phyug gis bdug pa chen po'i rgyal po chen po cho ga zhib mo dang rjes su mthun pa 'di gsungs so/ /'jig rten mgon po'i spyan sngar/ mchod rten la sa'i phyogs gang du bdug pa 'dis bdug pa bya ste/ de bzhin gshegs pa'i gnas rtag tu byin gyis brlabs pa dang / thams cad du rgyal ba dang / de bzhin du lung bstan pa'i sa'i phyogs der gang gA'i bye ma bye ba khrag khrig stong phrag snyed kyi sangs rgyas rnams bzhugs pa der rig sngags 'chang gis gang du bdug spos kyis bdugs pas rdo rje 'chang bye ba brgya stong phrag rnams dang / rgyal po chen po bzhi dpung dang bcas/ bzhon pa dang bcas pa dang / rtag tu ri gangs ldan dang / de bzhin du nor bu bzang po dang / lngas rtsen dang / gang ba bzang po dang / ki lI kI la dang / gnod sbyin chen po yang dag shes dang / mi la zhon pa dang / sangs rgyas stobs dang / stobs po che dang / sgra sgo skyong dang / nad kU pe ra dang / rab 'joms dang / dz+ya Ta ba ka dang / stobs kyi lha dang / rdzu 'phrul chen po ste 'di rnams sde dang bcas/ dpung dang bcas/ bzhon pa dang bcas pas nyin mtshan rtag tu gnas nas de bzhin nyid du srung bar byed par byed do/ /bdag gi dpal sa gsum gyi lha mo rtag tu mchod par byed do/ /rtag du sa gzhi gang du bdug pa rab tu bdug par bya ste/ rdo rje 'dzin pa dang / de bzhin nyid du gsang ba ba dang bcas pa dang / chos 'dzin pa la mkhas pa rnams rtag tu srung bar byed cing / de bzhin nyid du tshangs pa dang / drag po lta'i bu rnams dang bcas pa dang / de bzhin du khyab 'jug dang / lha'i ris sum cu rtsa gnyis po thams cad du dus rtag tu yang srung bar byed do/ /zla ba dang / nyi ma dang / de bzhin nyid sgra gcan dang / rgyu skar dang / skar ma'i tshogs dang / mtshan mo'i lha rnams kyis dus rtag tu srung bar byed do/ /'jigs ma dang / dpal mo dang / dung can ma'i lha rnams dang / dbyangs can ma dang / sa 'dzin gyi lha rnams dang / chu lha dang / ljon pa dang / nags kyi rtse mo'i lha dang / ri'i lha dang / chu klung dang / lteng ka'i lha dang / gshin rje dang / chu'i lha dang / lus ngan gyi lha dang / gzhon nu'i lha dang / lha'i drang srong bdag nyid che ba dang / lteng ka'i lha dang / chu klung dang / lteng ka dang / lha ma yin dang bcas pa'i lha rnams dang / zla ba dang / nyi ma dang / de bzhin du lha rnams kyis rtag tu srung bar byed do/ /rtag tu rjes su 'brang zhing / nyin mtshan rtag tu rgyun mi 'chad par rjes su 'brang ste/ sa'i phyogs gang du bdug spos 'dis bdugs pa'i sa phyogs su rtag tu lha'i gnas su byin gyis brlabs so/ /'jig rten dbang phyug dang / mgon po dang / bla ma dang / rnam par 'dren pa dang / 'jig rten gyi skyabs dang / mchog sbyin par de bzhin nyid du rtag tu rgyun mi 'chad par gnas so/ /gnas der bdug spos gang yin pa de dag gis mchog tu bdug par bya'o/ /dri mnams pa tsam gyis myur du sangs rgyas nyid thob bo zhes so/ /sems can kun la phan don phyir/ /sdug bsngal thams cad ldog byed pa'i/ /rdzas kyi ming rnams bshad bya yi/ /lha dang mi rnams mnyan par gyis/ /a ga ru dang rgya spos nyid/ /de bzhin tsan+dan ser mor bcas/ /spr-i ka nyid dang gi wang dang / /kun tu ru bcas ma he'i mig /ro dang sra rtsi pog nyid dang / /de bzhin gur gum na lan+da/ /a ru ra bcas dpal bskor ba/ /sA ma kaM dang spang spos bcas/ /pri yang ku bcas tu ru ska/ /ka yas+tha dang ba yas+tha/ /na me ru dang gla sgang bcas/ /ru rta a ga ru nag nyid/ /ga pur dang ni gla rtsi nyid/ /lang+ka gser shing 'bras bu dang / /arga'i 'o ma gser 'o ma/ /snu ha'i 'o ma nyid dang ni/ /thod pa skal ba ldan nyid dang / /so ma rA dza khyab 'jug gnon/ /shing dga' rgyal dang rnam rgyal nyid/ /nA ku lI dri nA ku lI/ /tshangs pa'i bu dang ku mu dang / /pad+ma'i chu ba sbrang rtsi dang / /bu ram dkar po'i khu ba dang / /'di rnams lhan cig sbyar ba yi/ /bdug pa'i mchog 'di bsgrub par bya/ /mkhas pas legs par khrus byas te/ /gtsang mas gtsang ma'i gos bgos shing / /zla ba nya 'am bcu bzhi la/ /bcu gsum pa'am tshes brgyad la/ /rtag tu sbyar bya nyin mtshan gzung / /sngags la mkhas pas bdug spos 'di/ /so so so sor kun sbyar nas/ phyag rgya dkyil 'khor gsang sngags dang / /me tog bdug spos dri rgya chen/ / mchod pa'i cho ga 'di yis dang / /gtor ma'i las la mkhas pa dang / /mchod yon snod ni gang ba dang / /mgo la'ang dri dang til mar gyi/ /mar me legs gru gnas su ni/ /legs sbas gtsang mar gnas de sgrub/ /legs sbas gtsang mar gnas pa yi/ /slob ma mchog gi grogs kyis ni/ /don yod zhags pa'i spyan snga ru/ /'dug nas yongs su dag pa'i lus/ /sdom dang byams pa'i sems gzhag nas/ /sems can kun la snying rje'i bdag /sangs rgyas rjes su dran sgom zhing / /gsang sngags bzlas pa mchog gyis shig / de bzhin gshegs pa thams cad la dmigs te 'jig rten dbang phyug gi zhal nas byung ba don yod pa'i zhags pa'i snying po stong rtsa brgyad khro bo'i rgyal po stong rtsa brgyad don yod pa grub pa'i brgya rtsa brgyad tshig dang yi ge shin tu gsal bar bzlas nas don yod pa'i rgya mtsho'i nor bu pad+ma la rnam par blta ba'i dpal dri ma med pa don yod pa'i zhags pa'i snying po stong phrag bcu bzlas te/ de nas gsang sngags 'di stong phrag brgya bzlas so/ /oM sarba ta thA ga ta a ba lo ki te a mo g+ha hr-i da yan/ tsa ra tsa ra ma hA kA ru Ni kA ya sA d+ha ya hUM/ a b+hi Shiny+tsa ya a mo g+ha bA sha ha ste swA hA/ de nas gsang sngags bzlas brjod byas te mnyam par gzhag la/ las thams cad la mkhas pas bdug spos kyi mchog la bzlas pa tsam gyi mod la bdug spos kyi rgyal po la de bzhin gshegs pa thams cad kyi byin gyi rlabs kyis byin gyis brlabs par 'gyur ro/ /don yod pa'i zhags pa snang ba rgya che ba nor bu chen po'i sprin dri ma med pa zhes bya ba de bzhin gshegs pa thams cad kyis rnam par gzigs pa 'phags pa spyan ras gzigs dbang phyug gi mchog sbyin pa'i 'khor los sgyur ba zhes bya ba'i bdug pa'i rgyal po yin te/ thog mar de bzhin gshegs pa thams cad la sngags 'di lan bdun bzlas te bdug pa dbul bar bya'o/ /oM sarba ta thA ga ta a ba lo ki te ma hA a mo g+ha dza ya dza ya swA hA/ de'i 'og tu bdag rang la bdugs na de bzhin gshegs pa thams cad kyis byin gyis rlob par 'gyur ro/ /byang chub sems dpa' sems dpa' chen po 'phags pa spyan ras gzigs dbang phyug mchog sbyin pa bdugs pa tsam gyi mod la 'phags pa spyan ras gzigs dbang phyug gi sku ston par 'gyur ro/ /dge sbyong dang bram ze'i gzugs kyis de dang lhan cig smra bar byed de/ gang la smras pa dang gang la gtam byas pa de thams cad tshe 'di la thams cad 'grub par 'gyur ro/ /de'i 'og tu mtshan mo rang gi gzugs ston par 'gyur zhing mchog sbyin par mdzad do/ /don yod pa'i zhags pa'i ye shes thob par 'gyur/ 'jigs pa chen po brgyad las yongs su grol bar 'gyur/ sngon gyi sgrib pa dang sdig pa dmyal ba'i tshor ba myong bar 'gyur ba zad cing mthar thug par 'gyur ro/ /gang dag gi lus la bdugs pa tsam dang mthong ba tsam gyi mod la thams cad dbang du 'gyur ro/ /yul 'khor dang grong khyer dang grong rdal dang ljongs dang rgyal po'i btsun mo'i 'khor dang bcas pa dang / blon po dang / blon po chen po dang / bkrabs pa dang / bram ze mdun na 'don dang bcas pa dbang du 'gyur zhing thams cad bgyi ba ci mchis zhes bya ba byed par 'gyur ro/ /rigs bzhi'i 'jig rten dbang du 'gyur ro/ /tshes bcu bzhi dang lnga dang tshes brgyad la khrus legs par bya ste/ gos gtsang ma bgos la ba las byung ba lngas byugs pas khyim gyi phugs su dkyil 'khor byas la/ me tog dang mchod yon gyi snod gzhag par bya/ gtor ma dkar po nye bar gzhag par bya/ de bzhin gshegs pa thams cad la dmigs la byang chub sems dpa' thams cad la dmigs te/ phyogs bzhir phyag byas la bdug pa'i rgyal po 'dis bdug par byas na/ bdugs pa tsam gyi mod la phyogs bcu mtha' yas mu med pa'i sangs rgyas kyi zhing rnams kyi rdul phra mo snyed kyi de bzhin gshegs pas yongs su gang ba la 'di lta ste/ sangs rgyas kyi zhing re rer de bzhin gshegs pa gang gA'i klung gi bye ma snyed bye ba khrag khrig stong phrag brgya la bdug pa'i sprin 'khrigs pa lha'i spos kyis bsgos pa mi mnyam pa dang mnyam pa'i bdug spos chen po tsan+dan sbrul gyi snying po dang / gor shir+Sha dang / ta ma la'i lo ma dang / bdug spos mang po nam mkha'i ngos khebs pas mchod par 'gyur ro/ /byang chub sems dpa'i 'khor rnams dang sum cu rtsa gsum na gnas pa'i lha brgya byin dang / tshangs pa dang / khyab 'jug dang / dbang phyug chen po la sogs pa 'og min gyi gnas na gnas pa'i lha'i bar du thams cad bdug pa'i dris rab tu dga' bar 'gyur ro/ /rgyu skar dang / skar ma'i tshogs dang / nyi ma dang zla ba thams cad dga' bar 'gyur te/ 'di la the tshom mi bya zhing yid gnyis bskyed par mi bya'o/ /skad chen pos don yod pa'i zhags pa'i snying po bzlas pa byas na/ des na sangs rgyas kyi zhing thams cad na bzhugs pa'i de bzhin gshegs pas legs so zhes bya ba'i sgra 'byin par 'gyur zhing rig sngags 'chang de la yang de bzhin gshegs pas byin gyis rlob par 'gyur/ dus kun tu dgongs par 'gyur/ yang dang yang du gzigs pa'i phyir byon par 'gyur ro/ /bde ba can na bzhugs pa'i de bzhin gshegs pa tshe dpag med dang / byang chub sems dpa' 'phags pa spyan ras gzigs dbang phyug dang / mthu chen thob la sogs pa byang chub sems dpa' thams cad thugs rab tu dgyes par 'gyur/ rig sngags 'chang la don yod pa chen po'i dngos grub stsol bar mdzad gzigs bzhed par 'gyur ro/ /klu thams cad la bdugs pa tsam gyis dbang du 'gyur zhing ha cang char ches na gcod par byed cing char mi 'bab na 'bebs par byed do/ /rlung dang ser ba dang sprin thams cad gcod par byed bdugs pa tsam gyis gdon thams cad 'jig par byed bgegs dang log 'dren thams cad phyogs bcur dpag tshad stong du 'bros par 'gyur/ ma mo'i gnas su bdugs na rlung dang ser ba dang sprin thams cad gcod par byed ma mo'i tshogs dang nag po chen po la sogs pa 'gugs par 'gyur zhing dbang du gyur nas 'dug par 'gyur bya ba thams cad byed par 'gyur ro/ /g.yul 'gyed pa'i tshe bdugs na dpung gi tshogs yan lag bzhi pa'i dpung las rgyal bar 'gyur/ thams cad du bdugs pa tsam gyis rgyal bar 'gyur/ thams cad du sbyar bar byas na kun tu grub pa chen por 'gyur ro/ /bdug pa'i cho ga'o// //'phags pa don yod pa'i zhags pa'i cho ga zhib mo'i rgyal po/ bam po bcu gcig pa/ de nas rig sngags 'chang rnams la phan pa dang bde ba'i phyir thig le bya ba dang / gdong bkru ba dang lus bsku ba byas na ya lad dang / go cha bgos pa dang 'dra bar 'gyur ba bshad par bgyi yis bcom ldan 'das gsan du gsol/ don yod pa'i nor bu rgya chen po rdo rje'i zhags pa zhes bya ba'i nor bu gang sbyor ba byas pa tsam gyis thams cad 'grub pa bla na med pa mkhas pas mdzod spu rnams su thig le byas na tshogs kyi nang dang skye bo mang po'i nang dang tshogs pa'i nang dang dge 'dun gyi nang dang de bzhin du rigs byed kyi tshogs bzhi'i nang du skar ma'i tshogs kyi nang du zla ba tshes pa bzhin du mdzes shing 'jigs pa med do/ /lha rnams thams cad ya mtshan skye/ /drag po yi ni cod pan 'chang / 'jig rten mgon po'i g.yas kyi dbu'i/ /dbu rgyan rtse phran zla tshes bzhin/ /gdong bkru ba ni mchog yin no/ /zla ba nya ba'i 'od dang mtshungs/ /smin ma rna ba dpral ba dang / /pad+ma dkar sham shin tu 'jam/ /mig gnyis ut+pal sngon po 'dra/ /sems can thams cad dga' bas blta/ /dga' zhing rtag tu tshig btsan 'gyur/ /de yi mig gis gang mthong ba/ /thams cad dbang du gyur par 'gyur/ /skyes pa dag la bsku byas na/ /rtag tu rig smra blo che zhing / /rtag tu ya la go bgos pa'i/ / 'jigs pa med pa'i lus su 'gyur/ /'byung po rnams ni mi bzod cing / /gnod sbyin 'byung po gsang ba pas/ /rtag tu thub par mi 'gyur ro/ /stobs chen pha rol gnon pa dang / /rtag tu sred med stobs ldan zhing / /glang chen stobs kyi stobs ldan 'gyur/ /lha rnams 'dar ni yed yed cing / /klu rnams mtshon skrag par byed/ /gal te rig sngags smra ba yis/ /reg na ri rab lhun po yang / /g.yo bar 'gyur bar the tshom med/ /rtag tu sred med stobs ldan zhing / /stobs dang gzugs dang rtsal ldan 'gyur/ /nor bu rgyal po bla na med/ /'di ni thos pa tsam gyis kyang / /sdig pa kun las nges grol zhing / /dug rnams thams cad 'joms par byed/ /dpal dang skal bzang rtag thob 'gyur/ /gang gi lag tu thogs gyur pa/ /sgrib ba kun las nges grol zhing / /de bzhin 'jig rten dga' bar 'gyur/ /de ni de bzhin gshegs kun gyi/ /thugs skyes gsung skyes sras su 'gyur/ /'phags pa spyan ras gzigs dbang phyug /bla ma rtag tu rjes 'brang zhing / /rig sngags smra ba dbugs 'byung phyir/ /de bzhin du ni bsrung ba dang / /rtag tu mchog ni sbyin par 'gyur/ /'jig rten mgon po thub chen gyi/ /bsod nams phung po chen po 'thob/ /gang zhig nor bu 'di 'chang ba de de bzhin gshegs pa gang gA'i klung gi bye ma snyed bye ba khrag khrig brgya stong phrag drug cu rtsa bzhi snyed las dge ba'i rtsa ba bskyed par 'gyur/ /de bzhin gshegs pa de dag thams cad mthong zhing dbugs 'byin pa dang / phyi bzhin 'brang bar 'gyur/ dpal dang skal ba bzang po thams cad dang ldan par 'gyur/ rtag tu lus dang ngag dang yid yongs su dag par 'gyur/ sems can thams cad kyis mchod pa gcig bur 'gyur/ dgra thams cad kyis mi sod par 'gyur/ phyag na rdo rjes de la rtag tu bsrung ba dang / bskyab pa dang / sba ba'i phyir gnas par 'gyur ro/ /phyag na pad+ma yang rtag tu mchog sbyin par 'gyur ro/ /rig sngags 'chang 'di ni de bzhin gshegs pa thams cad kyis lung bstan pa ste/ 'dir de bzhin gshegs pa thams cad kyi nor bu chen po bzung bas sdang ba bdud la sogs pa thams cad dang bgegs dang log 'dren thams cad las rgyal te/ pha rol pham par mdzad nas chos kyi 'khor lo bskor ro/ /'dis rnga bo che la bskus te brdungs na chos kyi rnga bo che brdungs par 'gyur ro/ /gang dag sgra thos pa tsam gyis sems can thams cad kyi mtshams med pa lnga'i sdig pa rab tu zhi bar 'gyur ro/ /tha na dud 'gro'i skye gnas su gtogs pa'i dang bya gang yin pa de dag thams cad yongs su grol bar 'gyur ro/ /'phags pa la skur ba 'debs pa dang / dam pa'i chos spong ba dang / mnar med pa la gzhol zhing gnas pa dag las yongs su grol bar 'gyur/ dmyal ba chen po bcu drug las yongs su grol bar 'gyur/ 'jigs pa chen po brgyad las yongs su grol bar 'gyur/ de la dug gi 'jigs pa 'byung bar mi 'gyur/ me'i 'jigs pa 'byung bar mi 'gyur/ mtshon gyi 'jigs pa 'byung bar mi 'gyur/ dus ma yin par 'chi ba'i 'jigs pa 'byung bar mi 'gyur/ rims thams cad kyi 'jigs pa 'byung bar mi 'gyur/ 'dis dung la bskus te bus na chos kyi dung chen po bus par 'gyur/ tha na dung gi sgra thos pa'i bar de dag thams cad kyang slar ldog par mi 'gyur/ skyes pa dang bud med dang khye'u dang bu mo dag kyang skye ba dang rga ba dang nad dang 'chi ba dang mya ngan dang / smre sngags 'don pa'i sdug bsngal las yongs su grol bar 'gyur/ 'di ni skye ba phyi ma yin te shi nas thams cad rigs mthun par bde ba can gyi 'jig rten gyi khams su pad+ma las brdzus te skye bar 'gyur/ lus skyes bu chen po'i mtshan dang dpe byad kyis brgyan pa rgyan thams cad kyis bklubs pa pad+ma las skyil mo krung bcas te skye bar 'gyur ro/ /byang chub kyi snying po la thug gi bar du 'od dpag med las mngon sum du chos kyi gtam thos par 'gyur ro/ /zla ba yar gyi ngo la cod pan dkar po bcings te nor bu chen po 'di rgyal mtshan gyi rtse mo la btags te bsgreng ba tsam gyi mod la chos kyi rgyal mtshan bsgreng bar 'gyur ro/ /'di rgyal mtshan gyi rtse mo la btags pa mthong ba tsam gyis de bzhin gshegs pa byang chub kyi snying por chos kyi 'khor lo bskor ba dang bdud 'dul ba'i rgyal mtshan sgreng ba mthong bar rig par bya'o/ /'di bsgreng ba tsam gyis 'thab pa dang / rtsod pa dang khrag khrug thams cad zhi bar 'gyur/ gnod pa thams cad dang mi ngas dang mu ge'i dgon pa rab tu zhi bar 'gyur/ chom po dang g.yon can dang rkun ma dang phyir rgol ba dang mi mdza' ba 'jig par 'gyur/ rang gi dpung dang gzhan gyi dpung dang sdang ba'i sems kyang rab tu zhi bar 'gyur/ dug mi bzad pa dang gcan gzan gtum po dang bya dang sbrang bu dang sha sbrang dang byi ba dang sdig sbrul dang 'bras dang lu'u ta dang dug dang shu ba dang lhog pa dang mtshan bar rdol ba dang ske bgegs pa thams cad 'jigs par 'gyur/ sdang ba'i klu dang / ser ba dang / grang ba dang / rlung gis mi tshugs shing nad thams cad rab tu zhib bar 'gyur ro/ /bde ba dang / dga' ba dang / lo legs pa dang / skye bo mang po dang mi mang pos yongs su gang zhing 'byor bar 'gyur/ chos 'dod cing chos kyi kun dga' ba dang mgu bar 'gyur/ me tog dang / 'bras bu dang / lo tog dang / zas dang / skom ro zhim pa dang / shin tu 'jam pa phun sum tshogs par 'gyur/ thams cad du lha'i reg pa dang bcas pa'i bza' ba dang btung ba 'byung bar 'gyur ro/ /sdang ba'i gnod sbyin dang / srin po dang / 'byung po dang / sha za dang / phra men ma dang / dang / brjed byed dang / srul po dang / lus srul po dang / skem byed dang / grib ma dang / bza' nyes dang / bgo nyes dang / blta nyes dang / grib ma ngan pa zhi bar 'gyur zhing mi tshugs par 'gyur/ sems can de dag thams cad phan tshun du byams pa'i sems su 'gyur/ mchog tu yid bde ba'i gnas pas gnas par 'gyur ro/ / yon tan dang phan yon chen po de dag ni nor bu'i rgyal po chen po'i byin gyis brlabs pa yin no/ /de nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das kyi spyan snga na bzhin 'dzum zhing mig mi 'dzums par bcom ldan 'das la 'di skad ces gsol to/ /bcom ldan 'das grub pa'i rdzas kyi mchog nor bu gdags pa de bzhin gshegs pa thams cad kyis byin gyis brlabs shing lung bstan pa bdag gi snying po yid bzhin gyi nor bu chen po sems can thams cad la phan pa dang bde ba'i phyir zhugs pa rjes su bsgrags par bgyi'o/ /gser dang na la da dang / gi wang dang / ba bla dang / ldong ros dang / pad+ma dang / ut+pa la dang / gur gum dang / nA ga pus pa dang / twa tsa dang / tar ga dang / tsan+dan rnam gnyis dang / spr-i ka dang / kA la ka dang / ru rta dang / shu ti dang / pri yang ku dang / ha re nu ke dang / sag smel dang / lo d+ha dang / dzA ta pa kri kA su ma na dang / sA ma ka dang / sra rtsi pog dang / shing arka'i 'o ma rnams bsogs te cha mnyam par byas la gser nyis 'gyur du byas te/ rgyu skar bzang po dang tshes grangs shis shing dge ba la khrus legs par byas te/ gos gtsang ma bgos nas nyin zhag gcig byams pa'i sems la mnyam par bzhag ste/ phye ma zhib mor byas te don yod pa'i rgyal po'i snying po'i gzungs stong rtsa brgyad bzlas/ khro bo'i rgyal po brgya rtsa brgyad bzlas te/ gtor la dri chab bzang pos spangs te/ sbyar la gser dang bsres lag pur dang gla rtsi'i bdug pas bdugs te nor bu zho gnyis pa'i tshad du byas nas phug la ras skud kyis btags te gser gyis g.yogs la yang don yod pa'i zhags pa'i snying po stong rtsa brgyad bzlas/ khro bo'i rgyal po brgya rtsa brgyad bzlas te/ 'phags pa spyan ras gzigs dbang phyug gi spyan sngar mi smra bar sgrub pa byas la de nyid kyi zhabs drung du gri ba ma la bskam par byas te/ phyed dam bzhi cha gser gyis g.yogs par bya zhing phyed g.yogs par mi bya'o/ /gang la gser gyis g.yogs pa 'di ni gang la don yod pa'i zhags pa yid bzhin gyi nor bu chen po dang 'dra ste/ sangs rgyas kyi byang chub dang 'jig rten pa dang 'jig rten las 'das pa'i las chen po sgrub par byed do/ gser gyis ma g.yogs pas ni 'jig rten pa'i dgos pa thams cad sgrub par byed de/ nad thams cad dang / gdon thams cad dang / lu'u ta dang / 'bras dang / 'go ba'i nad dang / shu ba dang / lhog pa dang / mtshan par rdol ba dang / phol mig dang / sha bkra dang / mig nad dang / klad nad dang / gzhogs phyed na ba dang / mgul pa 'gags pa dang / kha nad dang / sna nad dang / rna ba'i nad dang / so nad dang / rkan na ba dang / lce na ba dang / mchu na ba dang / snying na ba dang / rtsi ba logs na ba dang / lto na ba dang / mchin pa na ba dang / rgyab na ba dang / gcin snyi ba dang / zug gzer dang / 'khru ba dang / pho ba'i nad dang / gzhang 'brum thams cad rab tu zhi bar 'gyur zhing rims thams cad rab tu zhi bar 'gyur te/ rims nyin bzhi pa dang / rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa rnams rab tu zhi bar 'gyur ro/ /lus kyi nang gi nad thams cad la chu dron dang lhan cig sbyin no/ /pha rol gyi nad thams cad dang gnod pa thams cad la byugs pa tsam gyis yongs su grol bar 'gyur ro/ /thams cad du dgos pa thams cad la sbyar ba tsam gyis thams cad 'grub par 'gyur te the tshom mi bya'o/ /gser gyis g.yogs pa dpung pa la btags na thams cad du thogs pa med par 'gyur te/ stobs dang brtson 'grus dang / pha rol gnon pa phyag na rdo rje dang / pad+ma 'chang dang 'dra bar 'gyur ro/ /dgos pa thams cad 'grub pa bla na med pa rnam pa gsum po 'di la sbyar bar byas te/ thig le dang gdong pa bkru ba dang lus bkru ba'o/ /yid la ji ltar bsam pa'i dgos pa bsgrub pa'i de kho na nyid 'grub pa ste/ the tshom mi bya'o/ /rgyal po btsun mo'i 'khor dang bcas pa dang / skye bo dang blon por bcas brtag tu bgyi ba ci mchis zhes bran bzhin du dbang du 'gyur ro/ /nor bu spyi gtsug tu bzhag nas rig sngags bzlas na bgegs med par thams cad 'grub par 'gyur ro/ /lag pa g.yas pa la btags te rig sngags bzlas na bzlas brjod kyi cho ga stong phrag brgya 'gyur du byas par 'gyur te/ lan cig bzlas pas stong phrag brgyar rab tu 'phel bar 'gyur ro/ /mgul bar btags te bcangs na khrus ma byas pa khrus byas par 'gyur/ mi gtsang ba gtsang bar 'gyur/ tshangs par mi spyod pa tshangs par spyod par 'gyur/ thub par ma byas pa thub par byas par 'gyur/ smyung ba ma byas pa smyung ba byas par 'gyur/ tshig mi btsan pa tshig btsan par 'gyur/ ma grub pa grub par 'gyur/ dam tshig mi shes pa dam tshig shes par 'gyur/ byams pa'i sems dang ldan par 'gyur/ /sbyin pa gang cung zad ci sbyin pa chung ngu yang stong phrag brgya 'gyur du sbyin pa chen po 'phel bar 'gyur/ pha rol tu phyin pa drug yongs su rdzogs par 'gyur/ nor bu 'di lag mthil g.yas pa la btags na gang la reg pa de zad mi shes par 'gyur ro/ /su la yang brjod par mi bya ste de'i 'og tu de dag thams cad 'phel bar 'gyur ro/ /rked pa la btags te chu'i nang du zhugs na chu klung chen po'i gting du slebs par 'gyur ro/ /de nas nor bu bsgrub par 'dod pas dngul shin tu yongs su dag pa las pad+ma 'dab ma sum cu rtsa gnyis pa kha phye ba dbus kyi snying po dang ze ba za ma tog 'dra ba sor bcu drug bcu drug pa'i tshad du byas la de'i dbus su gser gyi nor bu gzhag par bya'o/ /ba lang gi lci ba ba lang gi gcin dang ldan pas dkyil 'khor gru bzhi pa byas la tshon sna tshogs kyis bri bar bya ste/ kho ra khor yug tu pad+ma bris la pad+ma'i dbus kyi ze bar dngul las byas pa'i pad+ma bzhag ste/ bum pa gang ba bzhi dang gtor ma'i bum pa bzhi gzhag par bya zhing me tog dgram par bya/ tshon rnam pa sna tshogs kyis bri bar bya/ a ga ru dang / tsan+dan dang / tu ru ska'i bdug pas bdug cing gtor ma dkar po gzhag par bya/ 'phan gdugs rnam pa sna tshogs kyis brgyan par bya/ mar gyi mar me sum cu rtsa gnyis kyang bltam par bya/ 'bras bu dang me tog phreng sna tshogs gzhag par bya/ 'phags pa spyan ras gzigs dbang phyug mngon du phyogs par bzhag ste/ rig sngags 'chang gtsang mas gos gtsang ma bgos la nyin mtshan gcig smyung ba byas la/ tshes lnga nas nyi shu dgu dang gnam stong gi bar du mtshams gsum du mchod par bya zhing / pad+ma za ma tog de dang 'phags pa spyan ras gzigs dbang phyug la'ang mchod pa byas la dkyil 'khor gyi shar phyogs su mngon du phyogs te 'dug la bzlas brjod stong rtsa brgyad bya/ khro bo'i rgyal po stong rtsa brgyad bzlas te yungs kar dang chus dbang bskur bar bya/ don yod pa'i zhags pa'i phyag rgya stong rtsa brgyad bya/ de bzhin du khro bo'i rgyal po'i phyag rgya bya'o/ /mi smra bar dgos pa thams cad byas nas de'i 'og tu tshes lnga zla ba nya'i nang bar gyi dus mtshams su nor bu'i rgyal po pad+ma dang bcas te gcig tu 'bar bar 'gyur zhing / 'phags pa spyan ras gzigs dbang phyug gi zhal nas sgra 'byung bar 'gyur/ rig sngags 'chang dga' bar 'gyur/ nam mkha'i dkyil nas legs so zhes bya ba'i sgra 'byung bar 'gyur/ de bzhin gshegs pa'i sku chen po mthong bar 'gyur/ de nas rig sngags 'chang gis pad+ma 'bar ba de lag pa g.yas pas blangs te/ blangs pa tsam gyi mod la nam mkha' la 'gro bar 'gyur zhing / rig sngags 'chang thams cad kyi 'khor los sgyur bar 'gyur/ 'khor los sgyur ba'i rgyal po gser gyi mdog can blta na sdug pa chen po mdun na gnas par 'gyur/ sdang ba dang phyir rgol ba dang mi mdza' ba thams cad zlog par byed/ 'khor bye ba stong phrag bcu gnyis dang ldan pa'i rig sngags 'chang gi rgyal por 'gyur/ tshe bskal pa stong thub par 'gyur/ don yod pa'i rnam par blta ba'i nor bu chen po rgyal mtshan gyi rtse mo dang ldan pa'i ting nge 'dzin thob par 'gyur/ don yod pa'i dri ma med pa 'bar ba'i rtse mo rnam par blta ba zhes bya ba'i don yod pa'i zhags pa 'thob par 'gyur/ phyogs bcu kun gyi de bzhin gshegs pa'i zhing gi rnam par 'phrul pa mthong bar 'gyur/ de bzhin gshegs pa de dag thams cad kyis dbugs 'byin par 'gyur/ nor bu chen po yongs su dag pa rdo rje la rnam par lta ba'i 'od kyis lus rnam par dag pa 'thob par 'gyur/ lha dang / klu dang / gnod sbyin dang / srin po dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams bgyi ba ci mchi zhes dbang du bgyi bar 'gyur/ mgo'i spyi bor btags na nor bu chen po rdzu 'phrul gyis nub phyogs su song nas bde ba can gyi rab tu dbye ba gzhal med khang dang bcas 'khor dang bcas legs par brgyan pa'i dkyil 'khor dang byang chub sems dpa'i tshogs dang bcas pa mthong bar 'gyur ro/ /de bzhin gshegs pa de dag las chos gnang ba'i sgo'i chos bshad pa chen po thos par 'gyur/ 'phags pa spyan ras gzigs dbang phyug gi gzugs dang rgyan dang gzhal med khang ston par 'gyur/ mgul du btags na phug gi gnas thams cad du 'jug par 'gyur/ thams cad du rgyal ba'i rje dpon dang 'khor los sgyur ba'i rgyal por 'gyur/ phug stong phrag drug /cu rtsa bzhi'i sgo 'bye bar 'gyur/ dpung pa g.yas pa la btags na mi snang bar 'gyur zhing lus mi snang ba gang gA'i klung bye ba stong phrag brgya snyed kyi lus mi snang ba rnams kyi mchog rje dpon dang rgyal por 'gyur ro/ /dpung ba g.yon pa la btags na gnod sbyin dang srin po dang 'byung po la sogs pa thams cad mi snang bar byas par 'gyur/ thams cad kyi gnas kyi gzhal med khang sgo bye zhing 'dug par 'gyur ro/ /rked pa la btags na gter thams cad 'byung bar 'gyur/ pus mo g.yas pa dang brla g.yas pa la btags na nags kyi phug gi gzhal med khang gi gnas thams cad kyi sgo phye zhing / sman gyi dngos po thams cad rang gi gzugs kyis mdun na gnas par 'gyur zhing thams cad dbang du 'gyur ro/ /rkang pa'i rje ngar la btags na rlung gi phung po dang po'i stobs kyi shugs chen po dang ldan par 'gyur zhing / cung zad tsam song bas dpag tshad stong phrag bcur 'gro zhing slar yang 'ong bar 'gyur/ nyin mtshan gcig gis stong gsum gyi stong chen po'i 'jig rten gyi khams rlung chen po'i shugs kyi stobs dang brtson 'grus kyis song ste/ slar yang 'ong bar 'gyur zhing gang gis kyang gnod par mi 'gyur/ thams cad du dgos pa bsgrub pa thams cad 'grub par 'gyur ro/ /rkang mthil la btags na sa'i 'og gi dngos grub chen po thob par 'gyur zhing / sa'i 'og phug gi sgo thams cad bye bar 'gyur te/ rang ji ltar 'dod pa der 'jug cing 'byung bar 'gyur ro/ /khar bcug na nyi ma re re tshigs su bcad pa stong lobs par 'gyur ro/ /mid pa tsam gyis thos pa rgya mtsho bsags par 'gyur ro/ /lce'i rtse mor bzhag na lce pad+ma dang ku mu da ltar 'jam par 'gyur zhing thos pa mang po 'dzin par 'gyur ro/ /lag pa la byugs na gang la reg pa de bran bzhin du 'gyur ro/ /skyes pa dang / bud med dang / khye'u dang / bu mo dang / dge sbyong dang / bram ze thams cad bgyi ba ci mchis zhes thams cad dbang du 'gyur ro/ /nor bu bsgrub pa'i cho ga'o// //de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das la 'di skad ces gsol to/ /bcom ldan 'das bdag la don yod grub kyi bum pa rab mchog ces bgyi ba'i sgrub pa'i cho ga chen po mchis te/ don yod pa'i zhags pa'i snying po yid bzhin gyi nor bu'i gzungs kyi mthu bstan pa ji lta ba der de ltar bcom ldan 'das bum pa chen po'i mthu sgrub pa'i cho ga 'di rnam par 'phrul ba bsam gyis mi khyab bsgrub pa 'grub par 'gyur lags so/ /rig sngags 'chang rnams la phan pa dang bde ba'i phyir de kho na nyid yang dag par sgrub par 'gyur ba lags so/ /de nas gser ram dngul lam zangs sam kham pa'i bum pa tshad dang ldan pa kun nas shin tu zlum pa mgo 'am mgrin par phyin pa'i tshad 'jam zhing thag thug dang shang shong med pa/ dbyibs legs shing byi dor legs par byas pa/ kun nas yongs su gang ba la mtshal gyi tshon gyis pad+ma 'dab ma brgya rtsa brgyad pa bri bar bya ste/ mgrin par pad+ma'i snying po dang ze ba bri/ 'phags pa spyan ras gzigs dbang phyug bri bar bya ste/ shar phyogs su zhal bri/ lho ru mi 'jigs pa sbyin pa'i phyag /nub tu dbyig 'byin gyi phyag /byang du yid bzhin nor bu rgyan thams cad kyis brgyan pa skyil mo krung du bzhugs par bya'o/ /pad+ma'i 'dab ma dbang phyug dang dbang phyug chen po dang / bram ze dang drang srong gi tshogs dang / gshin rje dang / chu lha dang / rlung lha dang / khyab bdag dang / brgya byin dang / rdo rje 'chang dang / lha'i tshogs gzhan dag bri bar bya zhing me dang / rlung dang / nyi ma dang / zla ba dang / lha mo sgrol ma dang / khro gnyer can dang / pho nya mo dkar mo dang / tshogs kyi bdag po dang / gzhon nu dang / rgyal po chen po bzhi dang / drag po dang / khyab 'jug bri bar bya'o/ /pad+ma'i 'dab ma'i khor yug tu pad+ma'i phreng ba bri'o/ /de nas bum pa tshon sna tshogs kyis bri bar bya zhing gser gyi rgyan gyis brgyan par bya/ rim pa'i cha bkra zhing mdzes par bya'o/ / de nas thang shing las pad+ma'i gdan zlum po bum pa shong ba tsam gyi tshad du byed la de'i steng du bum pa bzhag la bum pa de yungs kar dkar pos bkang ste/ rgyan thams cad kyis brgyan par bya/ ras dkar pos bcing bar bya/ steng du yungs kar dang gla rtsi dang ga bur dang gi wang dang ldong ros gzhag par bya/ bum pa'i kha ras dmar pos g.yogs par bya/ rin po che sna bdun gzhag par bya/ de nas rig sngags 'chang gtsang mas gos gtsang ma bgos la dkyil 'khor khru bzhi gru bzhi pa 'phang du khru gang ba byas te/ ba lang gi lci ba dang sar bsres pas legs par byugs te cha mnyam par bya'o/ /de nas dkyil 'khor gyi steng du dri thams cad kyis byugs la dkyil 'khor gyi snying po dbus su tsan+dan dkar pos dkyil 'khor khru gang gru bzhi pa byas la/ gur gum dang me tog pad+mas mchod pa byas te/ pad+ma 'dab ma sum cu rtsa gnyis pa bri la pad+ma'i ze ba'i steng du bum pa gzhag ste/ 'phan gdugs sna tshogs kyis brgyan par bya/ dkyil 'khor gyi snying po khor yug tu spos dang me tog sna tshogs dang byug spos sna tshogs dang / mchod yon gyi snod sna tshogs dang bum pa gang bar mdzes pa dang bdug spos kyi phye ma rnam pa mang po gzhag par bya/ me tog rnam pa sna tshogs dang me tog phreng ci 'byor pa kun tu gzhag par bya/ mar gyi mar me bzang po bcu drug bltam par bya/ phyi rol gyi dkyil 'khor kun nas pad+ma'i phreng ba bri bar bya/ sgo bzhi shin tu mdzes pa bri bar bya/ 'jig rten dbang phyug gi mtshan ma gsal bar bya/ mda' dang ba dan khor yug tu gzhag par bya/ tshon skud sna lngas bskor bar bya/ ro rnam pa sna tshogs dang dkar gsum ci 'byor pa gzhag par bya/ 'bras bu sna tshogs dang bza' ba rnam pa sna tshogs gzhag par bya/ me tog sna tshogs gzhag par bya/ me tog sna tshogs dgram par bya/ me tog phreng bzang po kun tu gzhag par bya/ bdug spos kyi snod dang bum pa gang ba kun tu gzhag par bya/ pog phor bzhi gzhag par bya/ dri chab kyi phor pa bzhi gzhag par bya/ snod bzhi dang kham phor brgyad gzhag par bya/ ro sna tshogs kyi gtor ma dkar po rnam pa mang po gzhag par bya/ mar gyi mar me gang ba drug cu rtsa gnyis dbul bar bya/ 'bras yos dang yungs kar dgram par bya'o/ /chang dang sha dang beg btsong dang ke'u dang 'bags pa dang kha zas ngan pa dang btung ba ngan pa spang bar bya/ bgo ma nyes spang bar bya ste/ gtsang mas gos gtsang ma bgos la zla ba nya ba la bsgrub par bya'o/ /srung ba'i cho gas bdag bsrung ba dang thor tshugs bcing ba dang / phyogs bcing ba dang / yul bcing ba dang / de bzhin du grogs bsrung ba dang gzhan bsrung ba yang bya'o/ /gu gul gyi bdug pa dang mar dang yungs kar gyi bdug pas bdug par bya'o/ /tsan+dan dang / a ga ru dang / tu ru ska dang / kun du ru'i bdug pa 'di ni yang dag par bstan to/ /bum pa sgrub pa 'di ni mchog ste zhag lnga smyung ba byas nas gsang sngags bsgrub par bya ste/ dus mtshams gsum du bum pa dang sangs rgyas la mchod par bya'o/ /mi smra bar dkyil 'khor la mngon du phyogs te skyil mo krung du 'dug nas lag pa g.yas pa bum pa'i steng du bzhag nas khro bo'i rgyal po stong rtsa brgyad bzlas la chu dang yungs kar gyis dbang bskur la don yod pa'i zhags pa'i gzungs stong phrag brgyad cu bzlas so/ /yid la byed pa rtse gcig pas sems can thams cad la byams pa dang snying rje lhur len cing sangs rgyas yid la bya ba sgom la bzlas brjod bya'o/ /de'i 'og tu tshes lnga nya'i thun tha ma'i nang par dbyig gi bum pa cher g.yo bar 'gyur zhing legs so zhes bya ba'i sgra chen po yang grag par 'gyur te/ bum pa chen po de yang 'bar zhing 'od zer kha dog sna lnga 'byung bar 'gyur/ rig sngags 'chang dga' bar 'gyur/ dri ma med cing yongs su dag la dri ma dang bral bar 'gyur/ mdog yongs su dag cing me tog pad+ma dang ku mu da ltar dkar zhing 'jam par 'gyur/ bum pa de'i sku gzugs rnams rang rang gi lus las 'od zer 'byung bar 'gyur ro/ /de nas rig sngags 'chang gis 'phags pa spyan ras gzigs dbang phyug la mchod pa rgya chen po bya/ rig sngags 'chang bum pa bsgrub pa 'di ni grub bo/ /de'i 'og tu rig sngags 'chang gis dri'i chu dang yungs kar la khro bo'i rgyal po lan nyi shu rtsa gcig bzlas nas dbang bskur bar byas na dbang bskur ma thag tu bum pa de las sgra 'byung bar 'gyur te/ rig sngags 'chang chen po legs so legs so/ /khyod kyis bum pa bzang po grub ste bum pa bzang po ji lta ba bzhin don yod pa'i snying po'i bum pa bzang po yid bzhin gyi nor bu chen po yang de bzhin gyis ji ltar 'dod par longs spyod cig /yid la ji ltar bsams shing bcol ba thams cad grub par gyur cig / de nas mchod pa chen pos gzhal med khang chen po mchod de bum pa bzang po de gzung bar bya zhing mchod pa byas na yid la ji ltar 'thad pa dang 'dod pa thams cad grub par 'gyur te/ legs par bshad pa'am gtsug lag gam/ snyan dang gas dang gar gyi bstan bcos dang rtsis chos dang byA ka ra Na dang cho ga zhib mo smra ba dang gsang sngags smra ba dang / nags sgrub ba dang phug sgrub pa dang bcud kyis len pa dang mig sman dang / gter smra ba dang / rig byed kyi sngags dang mdo sde dang / dbyangs kyis bsnyad pa'i sde la sogs pa chos dang 'dul ba smra ba de dag thams cad 'byung bar 'gyur ro/ /'di lta ste zas dang / skom dang / gos dang / rgyan dang / spud pa dang / gser dang / dngul dang / sa le sbra ma dang / mu tig dang / in+d+ra nI la dang / ma rgad dang / ke ke ru dang / shel dang / mus ra dang / bai DUr+ya dang / mthon ka dang / mthon ka chen po dang / me tog dang / 'bras bu dang / gos dang / ma la cha dang / gnas dang / khang pa dang / longs spyod dang / rtsed mo rgya chen po dang rgyal po la 'os pa'i lha'i gzhal med khang chen po rnams sems kyis bsams pa tsam gyi mod la 'byung bar 'gyur ro/ /mig 'phrul gyi gzhal med khang dang sangs rgyas kyi sprul ba dang / byang chub sems dpa'i sprul pa dang / rdo rje 'chang gi sprul pa dang lha dang / klu dang / lha ma yin dang / nam mkha' lding dang / mi 'am ci dang / dri za dang / lto 'phye chen po'i gzhal med khang dang / gnod sbyin dang / srin po dang / 'byung po'i bdag po'i gzhal med khang de thams cad bsams pa tsam gyis 'byung bar 'gyur ro/ /char ha cang che ba dang char mi 'bab pa dang / dus ma yin pa'i char dang / grang ba dang / rlung dang / sprin dang / ser ba dang chu zlog par byed pa de thams cad ston par byed pa sde ston par byed pa g.yul 'gyed pa ston par byed pa'am/ gnas dang gzhal med khang dang / dpal ston par byed pa de thams cad ston par byed/ de la sogs pa thams cad bsams pa tsam dang / smon pa tsam gyis 'grub par 'gyur ro/ /nor bu dang / 'bru dang / 'bras bu dang / me tog dang / gzhal med khang 'byung bar 'gyur ro/ /ji ltar bsams pa de thams cad 'byor bar 'gyur ro/ /gla rtsi de blangs la gi wang dang ga pur dang bsres te shing arka'i 'o mas sbrus te/ ril bu byas nas ba ser mo'i 'o ma la bdar te dpral bar thig le byas na nam mkha' la 'gro bar 'gyur/ rig sngags 'chang bye ba stong phrag bcu'i 'khor dang ldan par 'gyur/ snying gar thig le byas na mi snang bar 'gyur zhing gnod sbyin dang / srin po dang / 'byung po thams cad kyi rje dpon du 'gyur ro/ /lce'i rtse mo la reg na nyin re zhing tshigs su bcad pa stong bklags shing 'dzin par 'gyur/ mid na lo stong phrag bcur 'tsho bar 'gyur/ 'o ma dang lhan cig 'thungs na thos pa mang po rgya mtsho bsags par 'gyur/ shing arka'i lo ma dang lhan cig zos na rig sngags 'chang thams cad kyi 'khor los sgyur bar 'gyur/ cho ga zhib mo dang / gsang sngags dang dkyil 'khor dang / phyag rgya thams cad mngon du 'gyur/ lte ba'i gnas su thig le byas te chu klung chen po'i nang du zhugs na gting du 'bying bar mi 'gyur zhing pha rol tu phyin par 'gyur/ rgya mtsho'i pha rol tu yang phyin par 'gyur/ spyi bor thig le byas te g.yul ngor zhugs na dpung gi tshogs yan lag bzhi las rgyal bar 'gyur/ zhun mar dang lhan cig zos na glang po chen po stong gi stobs dang ldan par 'gyur zhing / lag pa ya gcig gis glang po che bskyod pa dang nam mkha' la 'phen cing slar yang 'dzin to/ /ril bu 'dis lag pa la bskus na mi stong thub par 'gyur ro/ /ril bu 'di lha'i gnas su brkos te gzhag na lha thams cad dbang du 'gyur te/ dus dus su char 'bebs shing sad dang rlung dang sprin dang / ser ba gcod par byed do/ /rgyal po'i sgor brkos te bzhag na rgyal po'i btsun mo 'khor dang bcas pa dang bka' la gtogs pa dang zhang blon dang bram ze mdun na 'don dang bcas pa dbang du 'gyur ro/ /gtsug lag khang gi sgor brkos te bzhag na dge slong thams cad bde ba'i reg pa la gnas pas gnas par 'gyur/ rtag tu byams pa'i sems kyis gnas par 'gyur ro/ /'phags pa'i dge 'dun gyi nang du rgan pa'i mthar brkos te bzhag na dge slong thams cad zas dang skom 'dod dgu thob par 'gyur ro/ /lhung bzed kyi nang du bzhag ste grong khyer mang por bsod snyoms la song la kha zas ro bro ba'i mchog rnam pa sna tshogs 'bad mi dgos par thob par 'gyur ro/ /sku gdung dang bcas pa'i mchod rten gyi gnas su brkos te bzhag la mchod rten la mchod pa byas na/ ril bu ji srid du mchod rten gnas na gnas pa de srid du mchod rten chen po brgyad la nyin re zhing mchod pa chen po byas par 'gyur ro/ /'phags pa spyan ras gzigs dbang phyug gi gnas su 'phags pa spyan ras gzigs dbang phyug gi zhabs drung du brkos te bzhag la 'phags pa spyan ras gzigs dbang phyug la mchod pa byas te/ don yod pa'i zhags pa'i snying po lan brgya rtsa brgyad bzlas brjod byas na ril bu ji srid gnas kyi bar du nyi ma re re zhing 'phags pa spyan ras gzigs dbang phyug la mchod pa byas par 'gyur ro/ /lam po cher brkos te bzhag na chom po dang g.yon can dang / rkun ma dang / mi dang mi ma yin pa dang gcan gzan khro bo rnams bcings par 'gyur zhing phyogs mtshams su 'byer bar 'gyur ro/ /ri'i rtse mor brkos te bzhag na sman gyi dngos po thams cad 'bar bar 'gyur te/ ji srid du ri'i rtse mo snang ba de srid du skyes pa dang bud med dang / khye'u dang bu mo dang ba lang dang / phyugs dang / ma he dang / rta la sogs pa 'jigs pa thams cad las grol bar 'gyur zhing sems can dmyal ba chen po bcu drug gi 'jigs pa las yongs su thar bar 'gyur/ 'jigs pa chen po brgyad las yongs su grol bar 'gyur/ nad thams cad las yongs su grol bar 'gyur/ dpag tshad brgya khor yug tu zhi ba chen por 'gyur/ nad thams cad dang bral bar 'gyur/ mgul du btags te bcang bar byas na 'phags pa spyan ras gzigs dbang phyug sku ston bzhed par 'gyur zhing rtag tu dgongs par 'gyur ro/ /bang bar brkos te bzhag na 'bru mang po 'phel bar 'gyur ro/ /chang yod pa'i sgor brkos te bzhag na chang thams cad rab tu 'phel bar 'gyur ro/ /zhing gi nang du brkos te bzhag na lo tog mang po 'byor bar 'gyur ro/ /brag phug tu brkos te bzhag na/ brag phug gi sgo bye bar 'gyur ro/ /phug gi sgor byugs na phug gi sgo thams cad bye bar 'gyur ro/ /bu ga'i gnas su byugs na ro thams cad 'dzag par 'gyur ro/ /nags kyi phugs su brkos te bzhag na nags kyi lha thams cad rang gi mdun na 'dug par 'gyur ro/ /dgos pa gang byed pa de grub par 'gyur ro/ /pad+ma'i mtsho'i nang du brkos te bzhag na pad+ma mang po 'byung bar 'gyur zhing dus kun tu lha'i dri bsung 'byung bar 'gyur ro/ /khyim mthon po'i gnas su bzhag na ji srid snang ba de srid du skyes pa dang / bud med dang / khye'u dang / bu mo rnams bsrung bar 'gyur zhing / phyogs bcu kun nas dpag tshad brgya mtshams bcad par 'gyur/ nad thams cad las yongs su grol bar 'gyur/ sdig pa thams cad dang / dgra thams cad dang / gdon thams cad dang / 'go ba'i nad thams cad rab tu zhi bar 'gyur/ pha rol gyi dpung thams cad rab tu zhi bar 'gyur/ 'go ba'i nad thams cad rnam par 'jig par 'gyur/ g.yul ngor yungs kar dang bsres te gtor na g.yul 'gyed pa chen po phan tshun mdza' ba chen por 'gyur/ nad chen pos lus skams shing tshe zad pa dang bgegs chen pos zin pa la dri chab kyi bum par ril bu 'di bsres te/ don yod pa'i zhags pa'i snying po lan brgya rtsa brgyad bzlas te khrus byas nas/ 'phags pa spyan ras gzigs dbang phyug la mchod pa byas na khrus byas pa tsam gyi mod la nad thams cad dang gnod pa thams cad las yongs su thar bar 'gyur ro/ /sdig pa thams cad dang sgrib pa thams cad las yongs su thar bar 'gyur/ tshe yongs su zad pa tshe slar nur bar 'gyur/ lha'i lus gzugs dang ldan par 'gyur/ dri ma dang bral ba dang ser sna dang bral bar 'gyur/ las gzhan dang gzhan stong phrag brgya byed par 'gyur te rang gi blos kyang thams cad du sbyar bar bya'o/ /thams cad la thogs pa med pa'i las can du 'gyur/ phug gi gnas thams cad kyi rje dpon dang rgyal por 'gyur/ tshe bskal pa stong phrag bcu gnyis thub par 'gyur/ shi nas 'jig rten gyi khams bde ba can du pad+ma'i snying po las rgyan thams cad kyis brgyan pa/ nor bu dang / gser dang / dngul dang / rdo rje dang / bai DUr+ya dang / margad dang / pad+ma rA ga dang / in+d+ra nI la dang / mu tig rnams kyis lus brgyan par 'gyur ro/ /skra bung ba ltar ga nag cing 'khyil la 'khyil pa dang / mig ut+pa la'i mchog sngon po lta bu dang / bags pa'i mdog gser lta bur 'gyur ro/ /ngag 'jam pa dang snyan pa dang yid du 'ong bar 'gyur ro/ /rgyal ba 'od dpag med kyi phyag gis spyi bo la 'jog par 'gyur ro/ /phyag na pad+ma'i phyag mchog sbyin pas dbugs 'byin cing khyad par mchog sbyin par 'gyur ro/ /pad+ma la rab tu gnas pa rnam par gzigs pa don yod pa'i sangs rgyas zhes bya ba 'phags pa 'od dpag med lung ston par 'gyur ro/ /de nas yungs kar de de bzhin gshegs pa stong phrag brgya phrag bye ba snyed kyi spyan du gyur pa dang gang gA'i klung gi bye ma dang mnyam pa'i sangs rgyas bcom ldan 'das rnams kyi ring bsrel du 'gyur zhing / khams sna tshogs kyi kha dog rnam pa sna tshogs kyi mdog gi ngo bo nyid du 'gyur/ nor bu rin po che bdun dang 'dra zhing 'di lta ste/ sku gdung re re yang nyi ma bzhin du so sor gsal bar 'gyur ro/ /phyogs bcu kun tu 'od zer 'byung bar 'gyur zhing rdzu 'phrul gyi cho 'phrul rnam pa sna tshogs mdzad de lus re re ston par 'gyur ro/ /ring bsrel 'di mthong ba tsam gyis bla na med pa yang dag par rdzogs pa'i byang chub las phyir mi ldog par 'gyur te/ gzhan du yid la ma byas na de dag gis de bzhin gshegs pa thams cad kyis de la smad par mi 'gyur ro/ /gzhan yang nyal kar rang gi blos byams pa'i sems kyis ring bsrel mngon du byas te smon lam gdab par bya'o/ /ci 'dod pa bsams te mchod pa byas na bsams pa tsam gyi mod la skad cig tu thams cad 'grub par 'gyur ro/ /ring bsrel gyi snying po 'di ji lta ba bzhin du bum pa bzang po 'di yang blta bar bya ste/ de gnyis ka yang rdzu 'phrul mdzad par snang ba mthun pa yin te/ 'di la the tshom dang yid gnyis bskyed par mi bya'o/ /bum pa sgrub pa don yod pa'i cho ga'o// // de nas bcom ldan 'das shAkya thub pa de bzhin gshegs pa'i phyag gser gyi kha dog can brgyad ste 'phags pa spyan ras gzigs dbang phyug gi dbu'i spyi bor bzhag ste bka' stsal pa/ mchog tu rmad du byung ba zhes bya ba'i cho ga zhib mo grub pa bla na med pa don yod pa chen po'i bum pa sgrub pa rig pa 'chang ba rnams kyis bklags pas grub pa 'dzam bu gling ba'i rigs bzhi'i 'jig rten la phan pa dang / bde ba'i don du rab tu byin pa dang / sgrub pa shin tu bkra shis pa bla na med pa rang gi byin gyi rlabs kyi byin gyis brlabs pa/ don yod pa chen po'i cho 'phrul sangs rgyas dang byang chub sems dpa' bla na med pa grub pa yang dag par bsgrub pa/ che zhing che ba byang chub kyi snying po'i chos kyi 'khor lo bskor ba/ de bzhin gshegs pa chen po'i byin gyi rlabs kyi byin gyis brlabs pa/ sems can thams cad la phan pa dang bde ba'i phyir dbugs 'byin pa chen po'i 'jig rten du bzhag pa ni sems dpa' chen po legs so legs so/ /mchog tu grub pa bla na med pa bsgrub pa bklags pas 'grub pa/ rtag tu rjes su 'brang bar 'gyur ba/ rtag tu mchog sbyin par mdzad pa/ rtag tu rjes su skyong bar mdzad pa ni sems can gyi bsam pa thams cad yongs su rdzogs par bya ba'i phyir spyan ras gzigs dbang phyug khyod la yongs su gtad do/ /de nas byang chub sems dpa' sems dpa' chen po 'phags pa spyan ras gzigs dbang phyug mchog tu yid dga' ste/ bzhin 'dzum nas bcom ldan 'das ga la ba de logs su thal mo sbyar te btud nas/ bcom ldan 'das kyi zhabs gnyis la spyi bos phyag 'tshal te/ bcom ldan 'das la 'di skad ces gsol to/ /bcom ldan 'das phyogs bcu'i sems can thams cad dang stong gsum gyi stong chen po'i 'jig rten gyi khams kyi srog chags su gyur pa ji snyed dang bya ji snyed pa de dag thams cad bdag gis yongs su gzung bar bgyi zhing / sdug bsngal thams cad las yongs su thar bar bgyi ba dang byang chub chen po'i lam la 'god pa'i phyir snying rje chen po rnam par dag pas rjes su gzung bar bgyi'o/ /bcom ldan 'das mngon par brtson pa de dag ni thams cad kyi mchog tu yongs su grol bar bgyi'o/ /bcom ldan 'das yang dag par 'grub par byed pa'i rig pa 'dzin pa thams cad kyis bdag dran na/ bcom ldan 'das sems can de ni bdag gis rtag tu blta bar bgyi'o/ /rtag tu rjes su dran pa dang rtag tu rjes su bsrung bar bgyi'o// //'phags pa don yod pa'i zhags pa'i cho ga zhib mo'i rgyal po/ bam po bcu gnyis pa/ bcom ldan 'das 'on kyang don khyad par can gyi ched du/ don yod zhags pa'i snying po'i cho ga zhib mo 'di/ klog pa dang / sgrub pa dang / reg pa dang / mchod par byed pa la mngon par brtson pa de bdag cag gis bcom ldan 'das kyi thugs las skyes pa'i sras lta bur yongs su bskyang bar bgyi/ phrag pas yongs su bkur bar bgyi'o/ /bcom ldan 'das de bzhin nyid du sems can thams cad snying rje chen pos yongs su bzung ste/ yongs su thar pa'i don gyi ched dang / mchog sbyin pa yongs su rdzogs pa'i ched dang / re ba dang / yid kyi shing rta thams cad yang dag par dgongs pa'i ched du bdag gis bcom ldan 'das la ltos pa med par bgyi'o/ /bdag bcom ldan 'das kyi tshim pa med pa dang / sems can thams cad yongs su grol ba'i ched dang / mchog sbyin pa'i ched dang / srung ba'i ched dang / thams cad la byang chub mchog gi lam la rab tu dgod pa'i ched dang / bcom ldan 'das khyad par du cho ga zhib mo'i rgyal po 'di la gal te klog pa dang / sgrub pa dang / dkyil 'khor dang / phyag rgya la mngon par brtson par byed pa dang / 'chang bar byed pa dang / 'don par byed pa dang / mchod par byed pa dang / kun chub par byed pa dang / tshul bzhin du yid la byed pas sgom par byed pa dang / nyan par byed pa dang / tha na rna ba'i bu gar yang sgra lhung bar 'gyur ba de la bdag gis bcom ldan 'das rtag tu dus thams cad du rgyun rjes su 'brang bar bgyi/ 'jig rten dang 'jig rten las 'das pa'i dngos grub kyi mchog thams cad dang bkra zhing rnam par bkra ba'i lha rdzas thams cad rjes su stsal bar bgyi'o/ /cho ga zhib mo chen po sgrub par byed pa rnams phyir mi ldog pa'i gnas la dgod par bgyi/ tha na dud 'gro'i skye gnas su song ba'i dang bya rnams kyi'ang sgra grag pa rna ba'i bu gar lhung ba tsam las phyir mi ldog pa'i gnas la rab tu 'jug par bgyi/ bcom ldan 'das ci slar yang yongs su dag pa'i yid kyis byams pa dang / snying rje dang / dga' ba dang / btang snyoms la rtag tu yang dag par gnas pas don yod zhags pa'i snying po 'di sgrub par byed pa dang / klog par byed pa dang / dkyil 'khor dang / phyag rgya dang / cho ga zhib mo'i rgyal po sgrub par byed pa dang / 'chang bar byed pa dang / 'don par byed pa dang / thun mtshams gsum gyi gnas su gnas pas rjes su dran par byed pa dang / nyin dang mtshan mor ri mor byed pa 'di rnams bcom ldan 'das mi'i lus su mi 'gyur te/ mi'i lus dag pa'i lus su rig par bya/ lha zhes bya ba'i lus su rig par bya'o/ /bcom ldan 'das bdag gis rtag par rgyun du phrag pas yongs su bkur bar bgyi/ bcom ldan 'das bdag gi spyi bor son pa bzung bar bgyi/ bcom ldan 'das gang gi slad du zhe na/ bcom ldan 'das lha'i lus 'di ni mi'i lus su rig par bgyi ba ma lags so/ /gang gi slad du zhe na bcom ldan 'das don yod pa'i zhags pa'i snying po 'di/ mi'i lus kyi snying dang / nang gi yid la gnas pa des/ de'i mthus don yod zhags pa'i snying po chen po'i mthu yis/ mi'i lus dag pa'i lha'i lus su 'gyur te/ lha'i lus su rig par bya'o/ /'jig rten dbang phyug gi lus su rig par bya'o/ /yid bzhin gyi nor bu rin po che'i lus su rig par bya'o/ /de bzhin gshegs pa'i mdzod rgya mtsho chen po'i dkyil 'khor gyi lus su rig par bya'o/ /don yod pa'i snying po'i lus su rig par bya'o/ /dri ma dang bral zhing / ser sna dang phrag dog spangs pa'i lus su rig par bya'o/ /sdig ba dang sgrib pa thams cad rnam par dag cing dri ma med pa'i lus su rig par bya'o/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa thams cad kyis mchod par bya ba dang / rjed par bya ba dang / phyag bya ba'i 'os su rig par bya'o/ /sum cu rtsa gsum pa'i lha rnams kyis bsrungs pa'i lus su rig par bya'o/ /de bzhin gshegs pa gang gA'i klung gi bye ma bye ba khrag khrig brgya stong phrag bdun cu rtsa gnyis kyis bskyed pa'i dge ba'i rtsa ba dang / yang dag par ldan pa'i lus su rig par bya'o/ /tshe dpag tu med pa'i lus su rig par bya'o/ /byang chub sems dpa' thams cad kyis dbugs phyung ba'i lus su rig par bya'o/ /lag na rdo rjes rdo rjer byin gyis brlabs pa'i lus su rig par bya'o/ /rgya mtsho chen po zab mo'i chu'i rigs dku dang mnyam zhing mtshungs pa'i lus su rig par bya'o/ /de ma thag tu lhun po chen po'i lus su rig par bya'o/ /nam mkha' chen po yongs su dag pa dang / nor bu rin po che chen po dang 'dra bar 'gyur te/ lha'i lus dang lha'i khams kyi snying po mnyam pa'i lus su rig par bya'o/ / de ltar mthu chen po dang stobs chen po zhes de bzhin gshegs pa thams cad kyis byin gyis brlabs shing lung bstan par 'gyur te/ lus chen por yang 'gyur ro/ /bcom ldan 'das 'on kyang sems can sgrub dka' ba/ khong du chud par dka' ba/ gting dpag par dka' ba/ dad pa med pa/ ser snas yongs su dkris pa/ sdig pa dang / gdug ba dang / lhag ma dang / sbags pa dang / khro ba dang / zhe gdug pa mang ba des ni bcom ldan 'das sems can rang gi nyes pa lags kyi bcom ldan 'das bdag gis nyes pa ni ma lags so/ /bcom ldan 'das 'on kyang bdag dran pa tsam gyis snying po 'di klog pa dang / kha ton du byed pa dang / bzlas pa tsam gyis yang dag par dgongs par bgyi mthong ba stsal bar bgyi'o/ /yang dang yang du bskul bar bgyi'o/ /bcom ldan 'das sems can de rnams ni bdag la lta bar mi byed pa dang / bsam par mi byed pa dang / sems par mi byed pa dang / skad cig yud tsam thang cig yid la byed pas kun tu 'dzin par mi byed lags te/ gdug pa'i bsam pa dang / gdug pa'i sems kyis sems can rang gi nyes pas yang dag par gang ba'i lus lags so/ /bcom ldan 'das bdag ni sems pa dang / dran pa dang / rnam par lta bar byed pa tsam gyi mod la mdun na nye bar 'dug par bgyi/ mthong ba dang yang dag pa'i gtam kun tu smra ba dang / yang dag par 'grogs par bgyi'o/ /sems can de rnams ni rig sngags 'chang tha na sems kyi kun tu rtog pa tsam yang mi skye ste/ yid la byed pa dang / sems par byed pa yang ma lags so/ /'di lta ste/ dge sbyong gi cha byad skra bzhar zhing ngur smrig tsam 'chang ba'i cha byad ni bram ze dang / rgyal rigs kyi cha byad dang / tshong pa dang ded dpon chen po'i cha byad dang / byis pa dang / bcom ldan 'das kyi cha byad dang / rgyal po dang / blon po dang / 'grogs bshes dang / gos dmar po can la mkhan po dang / slob dpon dang mtshungs par mkhan po dang / bu dang / bu mo dang / ma dang / pha dang / sring mor nye bar lta bar byed do/ /'on kyang mkhas pa ni lhag pa'i bsam pa yang dag par rdzogs pa la gnas pas/ gzugs dang / kha dog dang / rtags dang / dbyibs dang / skad dang / yang dag pa'i gtam smra ba dang / tshig 'bru dang / yi ge dang / dus tshigs su 'gro ba yang dag par mtshon par bya/ yang dang yang du gtam kun tu smra ba la rnam par spyad par bya/ de'i 'og tu shes par bya'o/ /'phags pa'i sems can no zhes blta bar bya/ bdag la blta bar 'dod pa dang / bdag mthong bar 'dod pa der nye bar 'gro bar bgyi'o/ /de lta bu'i cho gas shin tu gsal bar mthong bstsal bar bgyi/ re ba thams cad dang / yid kyi shing rta yongs su rdzogs par bgyi/ skye bo chen po'i dbus su nyo ba dang / 'tshong ba dang / kun tu smra ba dang / yang dag par smra ba'i tha snyad yang dag bar bgyi/ 'dun sa'i dbus su bstan bcos dang / snyan dang gas dang / rig byed dang / gsang sngags dang / rigs pa dang / brda sprod pa dang / mdo sde dang / zlos gar dang / dri za'i glu dbyangs kyi tha snyad yang dag par bgyi/ byang chub sgrub pa la tshul dang / 'dul ba dang / theg pa chen po'i chos kyi man ngag lhag par bgyi/ bram ze rnams la sngon rabs dang / rig byed dang / me'i sbyin sreg dang / b+ha ra ta dang / rA mA ya Na bstan par bgyi/ gsang sngags smra ba rnams la/ gsang sngags kyi bzlas brjod dang / dkyil 'khor dang / phyag rgya dang / cho ga zhib mo dang / gzungs kyi bzlas brjod dang / sbyin sreg dang / zhi ba dang / rgyas pa dang / mngon spyod la sogs pa bstan par bgyi/ gang gis bdag mngon sum du mdun na 'dug bar ci zhig gis shes par bya zhe na/ rnam pa gsum gyis shes par bya ste/ tshig snyan pa dang / 'jam zhing mnyen pa'i ngag mi 'gyur zhing yongs su gsal bar rab tu 'byed pa yin pa dang / ngag gsal ba yin pas te/ thams cad du mchog tu smra zhing so sor khyad par du byed pa'o/ /kha nas ut+pa la'i dri dang ldan pa'i rlung gnas pa dang / lus las kyang gla rtsi'i dri gnas pas te/ 'on kyang 'jigs su rung ba'i gzugs la shin tu dpal gyis 'bar bar byed do/ /des na rig sngags 'chang gis gzhan nam/ 'jig rten gyi rigs bzhi po gang yang rung ba 'di 'phags pa spyan ras gzigs dbang phyug go zhes de gsal bar shes par bya ste/ 'di la yid gnyis dang dogs pa bskyed par mi bya'o/ /rmi lam du yang thun mtshams bzhi ru sna tshogs pa'i gzugs dang kha dog dang dbyibs su mthong ba stsal bar bgyi/ re ba thams cad dang / yid kyi shing rta'i mchog rjes su stsal bar bgyi/ lhun gyis grub ba las phan pa thams cad dang / phun sum tshogs pa'i 'byor pa yongs su rdzogs par bgyi/ bcom ldan 'das nam du yang rnam pa gzhan du mi 'gyur bar bgyi'o/ /yongs su gtang bar mi bgyi'o/ /de nas mchog sbyin pa la ltos par mi bgyi'o/ /bcom ldan 'das du smra ba de'i dngos grub yang dag par rjes su mi mthong zhing / lha rnams de la bsrung ba dang / yongs su skyong bar mi bgyid pa ni ma gtogs so/ /bcom ldan 'das de yang sems can sdug bsngal can de'i skyob pa dang / dpung gnyen dang / skyabs dang / 'khra sar 'gyur bar bgyi/ gdon mi za bar brtse ba med par 'gyur ba ma yin no zhes mchog tu bsgral bar bgyi'o/ /bcom ldan 'das de ltar snying rjes yongs su zin pa'i yid kyis sems can thams cad bla na med par bgyi/ yang dag par gzung bar bgyi/ sems can 'di dag la gdon mi za bar byang chub kyi sa bon rjes su gdab par bgyi'o zhes so/ /de nas yang bcom ldan 'das de bzhin gshegs pa shAkya thub pa de dang / phyogs bcu'i de bzhin gshegs pa thams cad kyis byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ legs so legs so sems dpa' chen po mchog gi snying rje can/ khyod sems can la mnyes gshin pa gang gis sems can de rnams thams cad snying rje chen pos yongs su bzung ste mchod par byed cing / 'khor ba chen por spyod par byed pa las yongs su thar ba gang yin pa dang / bsad par 'os pa shin tu yongs su gyur pa bying bar gnas pa dang / bkres pa dang / skom pas nyen pa dang / 'jigs pa dang / skrag pa dang / yid 'byung zhing skyo ba dang / sdug bsngal mang ba des na sems can de'i don yod pa'i rgyal po'i snying po'i dkyil 'khor dang / phyag rgya rim par phye ba dang / cho ga zhib mo'i rgyal po chen po 'di'i ming 'dzin pa dang / sgra rna ba'i bu gar lhung zhing thos par byed pa de'i sdug bsngal ches che ba de rnams dang / sdig pa dang / sgrib pa thams cad yongs su grol te/ 'jigs pa thams cad zhi bar 'gyur ro/ /dmyal ba'i 'jigs pa chen po las 'don cing yongs su grol bar 'gyur ro/ /'jig rten dang 'jig rten las 'das pa rnams sdig pa thams cad dang / dmyal ba'i sdug bsngal gyi tshor ba myong ba'i las kyi sgrib pa rnams yongs su zad cing yongs su gtugs par 'gyur ro/ /de de bzhin gshegs pa thams cad kyis byin gyis brlabs par 'gyur ro/ /de bzhin gshegs pa thams cad kyis yongs su 'dzin par 'gyur ro/ /de bzhin gshegs pa thams cad kyis lung bstan par 'gyur ro/ /lan bdun thos pa tsam gyis sems can de rgal bar 'gyur ro/ /tshogs chen po bsags pa dang / de bzhin gshegs pas dbugs phyung ba yin no/ /byang chub kyi sa bon yongs su rdzogs par 'gyur ro/ /spyan ras gzigs dbang phyug 'on kyang sems can 'di dag ni 'phags pa spyan ras gzigs dbang phyug don yod zhags pa'i snying po dkyil 'khor dang / phyag rgya rim par phye ba dang bcas pa'i cho ga zhib mo mtha' dag rdzogs par nyan par byed pa dang / klog par byed pa dang / 'chang du 'jug pa dang / 'don du 'jug pa dang / mchod par byed pa dang / 'dri bar byed pa dang / 'drir 'jug pa dang / mchod pa chen po byed pa de'i sems can de rnams phyir mi ldog par rig par bya ste/ 'di la the tshom dang / dogs pa bskyed par mi bya'o/ /'on kyang ril bu dang / mig sman dang / bdug pa lag tu thogs par 'gyur ba de'i sems can de rnams cher dag cing kun nas phyogs bcu rnams su de bzhin gshegs pa thams cad kyis yongs su 'dzin par 'gyur ro/ /de bzhin gshegs pa thams cad mnyes par byas par 'gyur ro/ /phyag na pad+ma dang / rigs kyi bu'am rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma gang don yod zhags pa'i snying po dang / kun tu khro bo'i phyag rgya'i snying po 'di lan bdun smyung bar gnas pa'i cho gas mchod pa byed cing bzlas pa 'bul bar byed cing dbang skur bar byed pa de ni mthong ba'i chos nyid la de bzhin gshegs pa'i lus su rig par bya'o/ /de bzhin gshegs pa'i chos nyid dngos su mthong ste/ de bzhin gshegs pa'i mdzod lag tu son par 'gyur te yid kyis the tshom mi bya'o/ /'khon dang dregs pa thams cad yongs su spangs pas bya ste/ snying rje chen pos yongs su bzung bas sems can de rnams thams cad kyi mthar thug par 'gyur bar bya zhing bzlas pa sbyin par bya'o/ /gang yang don yod pa'i dkyil 'khor chen po 'chad par byed pa dang / mthong ba dang / lta bar byed pa dang / ras ris chen po 'di lta bar byed pa de ni de bzhin gshegs pa de rnams thams cad kyi sangs rgyas kyi zhing phyogs bcu kun tu gang gA'i klung gi bye ma dang mnyam pa'i sangs rgyas kyi zhing rnams su rjes su zhugs par 'gyur ro/ /de bzhin gshegs pa thams cad kyi gsang ba dam tshig chen po'i snying po rab tu zhugs par 'gyur ro/ /de bzhin gshegs pa thams cad kyi sku mthong bar 'gyur ro/ /khro bo'i rgyal po 'dis dbang bskur bas de bzhin gshegs pa thams cad kyis dbang bskur bar 'gyur ro/ /de ltar yon tan dang / phan yon chen po dang / bsod nams kyi phung po chen po dang ldan par 'gyur ro/ /dge ba'i rtsa ba chen po yongs su 'dzin par 'gyur ro/ /de bzhin du phan yon chen po dang / mthu chen po dang / yon tan chen po bskyed par bya ba cho ga zhib mo'i rgyal po chen po'i cho ga ste/ cho ga zhib mo'i rgyal po chen po 'di dang / byang chub sems dpa' sems dpa' chen po 'phags pa spyan ras gzigs dbang phyug gi ming 'dzin pa dang mthong ba tsam gyis mthong ba'i chos nyid la cho 'phrul ches che ba dang / de bzhin gshegs pa'i byin gyis rlob pa blta ba 'di dag mtshungs so/ /cho ga zhib mo'i rgyal po'i dkyil 'khor dang / snying po dang / phyag rgya dang / gzungs dang / don yod pa'i rgyal po'i rnam par 'phrul pa glegs bam du bris pa lta bar byed pa 'di dag mtshungs so/ /de bzhin gshegs pa gang gA'i klung gi bye ma bye ba brgya stong phrag dang mnyam pa'i de bzhin gshegs pa dgra bcom pa yang dag par rdzogs pa'i sangs rgyas khrag khrig brgya stong phrag rnams mthong bar 'gyur ro/ /de bzhin gshegs pa de rnams thams cad du yang dag par rjes su 'brang bar 'gyur ro/ /yang dag par srung ba'i ched dang / yang dag par dbugs 'byin pa'i ched du mthong bar gnas so/ /glegs bam bris pa 'di yang mthong ba tsam gyis mtshams med pa'i las rnams dang / sngon gyi sgrib pa thams cad yongs su zad pa dang yongs su gtugs par 'gyur ro/ /mthong ba'i chos nyid la dpal dang / g.yang mang po dang / gzi brjid dang ldan par 'gyur ro/ /shi 'phos nas bde ba can gyi 'jig rten gyi khams su pad+ma las rdzus te skye bar 'gyur ro/ /'di ni skye ba'i tha ma'o/ /glegs bam 'di mthong na/ tshe dang bral ba yang tshe 'phel bar 'gyur ro/ /nad rnams dang bral bar 'gyur ro/ /sgrib pa dang / khro ba dang bral bar 'gyur ro/ /mchog chen po grub par 'gyur ro/ /grub pa chen po dang / rnal 'byor gyi dbang phyug tu 'gyur ro/ /yon tan phun sum tshogs pa thams cad dang ldan par yang 'gyur ro/ /glegs bam 'di ni chos kyi dbyings dang mnyam pa'i de bzhin gshegs pa dang mtshungs par rig par bya'o/ /de nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das ga la ba de logs su thal mo sbyar ba btud de/ bcom ldan 'das kyi spyan sngar bzhin 'dzum zhing snying g.yo ba dang bcas pa 'od zer 'bar zhing snang bar byed bzhin pa rgyan bye ba khrag khrig brgya stong phrag gis yang dag par brgyan pa'i lus bcom ldan 'das kyi spyan sngar 'dug ste gsol pa/ bcom ldan 'das bdag la pad+mo yangs pa'i dkyil 'khor chen por kun nas don yod pa'i ras ris blta ba dang / don yod zhags pa'i snying po gang gis don yod pa'i ras ris kyi bya bas de rnams thams cad la sgyu ma lta bu'i ting nge 'dzin gyi mthong ba'i rnam 'phrul stong phrag mang po mthong ba dang / rnam pa sna tshogs gzugs dang / kha dog dang / rtags mthong ba dang / gzugs gcig gi rjes su 'jug par mtshungs so zhes mi 'jug go/ /'di lta ste/ dbang phyug dang / dbang phyug chen po dang / tshangs pa dang / khyab 'jug dang / dbang phyug chen po phyugs bdag chen po dang / gshin rje dang / chu lha dang / lus ngan dang / drang srong gi tshogs dang / gzhon nu dang / ded dpon dang / tshong pa dang / rig sngags 'chang dang / zla ba dang / nyi ma dang / rgyu skar dang / skar ma'i tshogs lus gcig pus rjes su 'jug par 'gyur ro/ /bcom ldan 'das gang gis mthong ba tsam gyi mod la don yod pa'i zhags pa'i dkyil 'khor chen po dang / dam tshig dang / phyag rgya dang / cho ga zhib mo'i sgrub pa chen po de rnams thams cad grub par 'gyur ro/ /grub pa'i dam tshig rjes su zhugs par 'gyur ro/ /don yod pa chen po'i gsang sngags dang / snying po dang / gzungs dang / dam tshig rjes su stsal bar bgyi'o/ /sems can thams cad kyi bde ba sgrub pa'i ched du bcom ldan 'das kyi spyan sngar mngon sum du 'dug par 'gyur ro/ /rig sngags 'chang rnams kyi mchog gi dngos grub kyi ched dang / re ba thams cad yongs su rdzogs pa'i ched du klog pa dang sgrub par byed pa'o/ /na ma s+t+rai ya d+h+wi kA nAM ta thA ga tA nAM/ oM a mo g+ha pad+ma pA sha kro d+hA kar+Sha ya pra be sha ya ma hA pa shu ba taM ya ma ba ru Na ku be ra/ brah+ma be Sha d+ha ra/ a mo ga hr-i da ya pad+ma ku la sa ma yA ya hU~M hU~M hU~M phaT phaT phaT swA hA/ snying po'i gzungs kyi phyag rgya 'di 'khor gyi dkyil 'khor chen po 'dus par gsungs pa tsam gyi mod la/ ri dang nags dang / dgon par bcas pa rnam par 'gyur ba drug tu rab tu g.yos te/ me tog gi char chen po mngon par bab po/ /lha dang / klu dang / gnod sbyin dang / dri za rnams dang / ca co'i sgra chen po ring du sgrog par byed do/ /don yod zhags pa'i cho ga zhib mo'i rgyal po'i snying po 'di gsungs pa'i de ma thag tu gnod sbyin dang / srin po gdug pa thams cad dang / log 'dren gdug pa can rnams khas phub tu 'gyel te 'bar zhing phyogs kyi gnas bskyod cing kha phyir phyogs so/ /bgegs dang / log 'dren rnams phyogs bcur 'bros par byed do/ /ngu bzhin du rgyug par byed cing / spa gong zhing kun tu 'khyam mo/ 'dir ni byang chub sems dpa' sems dpa' chen po 'phags pa spyan ras gzigs dbang phyug gis lha rdzas kyi rgyan dang / gos dang / ras bcos bu rnam pa sna tshogs pas mchod par byed cing / chos kyi dga' ba rjes su sbyin par byed do/ /lha rdzas kyi me tog sna tshogs dang / lha rdzas kyi dri'i mchod pa byed par gyur to/ /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams me tog dang / dri dang / phreng ba dang / byug pa dang / phye ma dang / chos gos dang / rgyal mtshan dang / ba dan dang / lha rdzas kyi gos dang / spud pa dang / rgyan dang / lhab lhub sna tshogs pa thogs nas byang chub sems dpa' sems dpa' chen po 'phags pa spyan ras gzigs dbang phyug ga la ba de logs su dong ste lhags nas/ byang chub sems dpa' sems dpa' chen po 'phags pa spyan ras gzigs dbang phyug dang / de bzhin gshegs pa'i spyan sngar mchod pa ches che ba byed par 'gyur ro/ /bcom ldan 'das dang byang chub sems dpa' sems dpa' chen po 'phags pa spyan ras gzigs dbang phyug gis mchod pa 'gugs pa ni mchog tu rnyed par dka'o/ /don yod pa'i rgyal po'i snying po rnam par thar pa'i dkyil 'khor gyi cho ga zhib mo'i rgyal po 'di dang / don yod pa'i ras ris kun tu blta ba'i snying po 'di gsungs pa 'di ni dag pa'i sems dpa' chen po'o/ /de nas yang bcom ldan 'das shAkya thub pas byang chub sems dpa' sems dpa' chen po spyan ras gzigs dbang phyug la 'di skad ces bka' stsal to/ /dag pa'i sems dpa' cho ga shin tu rgyas pa shod cig /byang chub sems dpa' sems dpa' chen po 'phags pa spyan ras gzigs dbang phyug gi gzungs 'di'i don yod pa'i rnam par 'phrul pa shin tu rgyas pa bshad do/ /gzungs 'di'i don yod pa'i rnam par 'phrul pa ni rig sngags 'chang des don yod pa'i rgyal po'i snying po nyi ma re rer stong rtsa brgyad du bzlas pas/ sgyu ma lta bu'i ting nge 'dzin gyis gzugs rnam pa sna tshogs pa yang dag par mthong ba dang / sgyu ma yang dag par mthong ba'i ting nge 'dzin gyi rnam 'phrul de thams cad rjes su 'dzin par 'gyur zhing / thams cad du rjes su zhugs par 'gyur la/ thams cad du dam tshig rtogs par khong du chud par 'gyur te/ thams cad du phyag rgya dang / dkyil 'khor dang gsang sngags kyi cho ga zhib mo'i rjes su rab tu gnas par 'gyur ro/ /thams cad du ting nge 'dzin gyi rnam par 'phrul ba rgyal mtshan gyi mchog gces bya ba la gnas te/ de bzhin gshegs pa thams cad kyi gsang ba'i rjes su son cing rjes su zhugs par 'gyur ro/ /don yod pa'i rig sngags kyi dngos grub yongs su rdzogs pa la rab tu gnas par 'gyur ro/ /don yod pa'i rnam par 'phrul pa dang ldan par 'gyur ro/ /don yod pa'i gzugs dang / kha dog dang / rtags dang / dbyibs dang mthun par 'gyur ro/ /don yod pa'i yon tan yongs su bsgrags pa dang ldan par 'gyur ro/ /don yod pa'i dge ba'i rtsa ba dang ldan par 'gyur ro/ /don yod pa'i de bzhin gshegs pa lung bstan pa yongs su 'dzin par 'gyur ro/ /don yod pa'i de bzhin gshegs pa'i bsod nams kyi phung po chen po dge ba'i rtsa ba bskyed par 'gyur ro/ /don yod par de bzhin gshegs pa mngon sum du mthong zhing byin gyis rlob pa dang ldan par 'gyur ro/ /don yod par de bzhin gshegs pa'i rigs kyi rjes su zhugs par 'gyur ro/ /don yod par rdo rje'i rigs la mnyam par rjes su zhugs par 'gyur ro/ /don yod par pad+ma'i rigs kyi dam tshig byin gyis brlabs par 'gyur ro/ /don yod pa'i nor bu'i rigs kyi dam tshig rjes su 'dzin par 'gyur ro/ /don yod par rgyal po'i rigs kyi dam tshig rjes su 'dzin par 'gyur ro/ /don yod par de bzhin gshegs pa thams cad kyi dkyil 'khor gyi rnam par 'phrul ba byin gyis rlob pa'i byin gyis brlabs par 'gyur ro/ /don yod par 'khor los sgyur ba'i rigs dbang du gyur nas rab tu gnas par byin gyis brlabs par 'gyur ro/ /don yod pa rig sngags kyi dbang gis mngon par dbang bskur bar 'gyur ro/ /don yod par de bzhin gshegs pa thams cad kyi mngon par dbang bskur bas mngon par dbang bskur bar 'gyur ro/ /don yod par phyag rgya chen po rim par phye ba dang / gsang sngags kyi sgrub thabs la rab tu gnas par 'gyur ro/ /don yod par de bzhin gshegs pa thams cad kyi byang chub kyi snying por nye bar 'gro bar byin gyis brlabs par 'gyur ro/ /don yod par de bzhin gshegs pa thams cad kyi chos kyi 'khor ba bskor bar 'gyur ro/ /don yod par chos kyi rnga bo che rdung bar 'gyur ro/ /don yod par chos kyi dung 'bud par 'gyur ro/ /don yod par pha rol tu phyin pa drug yongs su rdzogs par 'gyur ro/ /don yod par de bzhin gshegs pa thams cad kyi chos kyi dbyings kyi snying bor 'gyur ro/ /don yod par thos pa zab mo chos dbyings kyi snying po dang ldan par 'gyur ro/ /don yod par de bzhin gshegs pa thams cad kyi 'jig rten las 'das pa'i lam gyi yan lag brgyad dang ldan par 'gyur ro/ /don yod par 'jig rten pa dang thun mong ba'i chos cho ga zhib mo'i sgrub pa'i dngos grub chen po so sor thob bo/ /don yod par 'jig rten ba'i lha'i dpal nyams su myong ngo / /don yod par sems can thams cad kyi mchog tu bla mar byed pa dang / gus par byed pa dang / spyi bor 'jog par 'gyur ro/ /de bzhin du tshogs chen po'i yon tan dang ldan pa dang / phan yon chen po rjes su son bar 'gyur ro/ /don yod pa'i rgyal po'i snying po'i cho ga zhib mo rim par phye ba dang bcas pa la phyag rgya dang / dkyil 'khor gyi sgrub pa dang / zhags pa'i cho ga mtha' dag rdzogs pa gang yin pa 'di nyan par 'gyur ba dang / 'chang bar 'gyur ba dang / 'don par 'gyur ba dang / kun chub par 'gyur ba dang / tshul bzhin du yid la byed pa dang / bzlas pa'i cho ga byed par 'gyur ba dang / sangs rgyas rjes su dran pa sgom par 'gyur ba de dag skye ba 'di nyid la las kyi sgrib pa thams cad dang / sdig pa thams cad yongs su dag cing bsal bar 'gyur ro/ /nad thams cad dang / skye ba dang / rga ba dang / na ba dang / 'chi ba las yongs su grol bar 'gyur ro/ /'khor ba'i rgya mtsho'i chu bo'i pha rol tu 'gro bar 'gyur ro/ /bcom ldan 'das 'on kyang gang la la zhig sems can ches mang po la dbang byed par 'gyur te/ de yang bcom ldan 'das phyir mi ldog par rig par bgyi'o/ /sa bcu la rab tu gnas pa dang bcas par brjod par bgyi'o/ /bcom ldan 'das rigs kyi bu'am rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma gang la la zhig don yod pa'i rgyal po'i snying po 'di cho ga zhib mo'i rgyal bo chen po dang / phyag rgya dang / dkyil 'khor dang / ras ris yongs su dag nas dad pa dang gus pa yid la byed pa dang / de bzhin gshegs pa thams cad lhag pa'i bsam pa rab tu dang bas 'dri bar 'gyur ro/ /'dri mkhan dad pa dang / gus pa dang / byams pa yongs su dag pa'i yid kyis yo byad yongs su ma tshang ba med pa'i mchod pa dang / bsnyen bkur ba'i 'dri mkhan gyis bri ba'am 'drir gzhug par 'gyur ro/ /sems can thams cad kyi stobs dang mthus bris pa'i sems can de yang phyir mi ldog par rig par bgyi ste/ 'di la dogs pa dang yid gnyis bskyed par mi bgyi'o/ /gzhan yang sems can 'di/ de bzhin gshegs pa thams cad kyi thugs las skyes pa'i sras su rig par bgyi/ zhal las skyes pa dang / /chos las skyes pa dang / chos kyi sbrul ba dang / de bzhin gshegs pa thams cad kyi byin gyis brlabs par 'gyur te/ sems can de bla na med pa yang dag par rdzogs pa'i byang chub tu mngon par rdzogs par sangs rgyas par lung bstan to/ /de ltar rdzu 'phrul che ba'i phyir cho ga zhib mo'i rgyal po de bzhin gshegs pa dang mnyam pa nyid du rig par bgyi'o/ /de'i phyir 'di'i phan yon dang yon tan chen po yongs su bsgrags so/ /de nas don yod pa'i dngos grub bla na med pa'i yo byad dang cho ga bshad par bgyi ste/ ras khru gnyis pa'i tshad du bgyi zhing / kun nas gru bzhi pa/ shin tu gsal ba/ shin tu btags pa/ shin tu gsar ba/ legs par bcags pa la/ ri mo mkhan gtsang ma gos gtsang ma bgos pas/ chang dang / sha dang / kun dong dang / sgog skya dang / ke'u dang 'dres pa dang / sbags pa dang / kha zas ngan pa yongs su spangs pas tshon rnam pa sna tshogs pa 'bar ba lhag ma ma yin pa snod gsar par bzhag pas 'drir gzhug par bgyi ste/ 'phags pa spyan ras gzigs dbang phyug gi gzugs brnyan ri mor bgyi'o/ /don yod pa'i zhags pa zhi ba'i zhal spyan gsum pa ral ba'i cod pan gyis brgyan pa zhal bcu gcig pa bgyi ste/ phyag sum cu so gnyis pa/ rgyan thams cad kyis rnam par brgyan pa/ phyag na mtshon cha sna tshogs pa dang zhags pa thogs pa/ pad+ma dkar po'i lus dang kha dog can/ sna tshogs pa'i gos 'chang ba/ zhal g.yas pa dbang phyug chen po'i zhal/ g.yon pa sred med kyi bu'i gzugs 'dzin pa/ dbang phyug chen po'i steng du gshin rje'i gzugs/ sred med kyi bu'i steng du chu lha'i gzugs/ gshin rje'i steng du lus ngan gyi gzugs/ zhal khro gnyer can/ chu lha'i steng du gzhon nu zhal khro gnyer can/ lus ngan gyi steng du dbang phyug chen po'i gzugs drag po mche ba gtsigs pa'o/ /gzhon nu'i steng du dbang phyug drag po'i gzugs mche ba gtsigs pa'o/ /dbang phyug gi steng du nyi ma'i zhal/ dbang phyug chen po'i steng du zla ba'i zhal/ steng gi ral pa la 'phags pa 'od dpag med 'od 'dom gang dang bcas pa'i phyag brkyang bas dbugs 'byin par byed pa'o/ /phyag g.yas pa dang / skra'i bar du rlung lha bya ste lus rdzogs pa'o/ /gzhogs g.yon du me'i lha ste lus phyed pa'o/ /sngar bshad pa'i phyag rgya dang mtshon cha lag na thogs pa bgyi'o/ /g.yas su 'phags pa khro bo'i rgyal po bgyi ste/ rgyan thams cad kyis rnam par brgyan pa khros pa'i gzugs so/ /g.yon du rig pa'i rgyal po rgyan thams cad kyis rnam par brgyan par bgyi'o/ /khro bo'i rgyal po ni pad+ma dang zhags pa thogs pa'o/ /rig pa'i rgyal po ni yid bzhin gyi nor bu dang / me tog gi phur ma thogs par bgyi'o/ /'phags pa spyan ras gzigs dbang phyug ni zhal nas 'od zer 'phro bzhin pa bgyi ste/ pad+ma'i gdan dang / lus la pad+ma'i phreng ba 'phyang ba'o/ /'phags pa spyan ras gzigs dbang phyug gi 'og gi pad+ma la/ dkyil 'khor gyi lha mo bgyi ste/ drag mo drag tu dgod pa/ phyag bzhi pa/ rgyan thams cad kyis rnam par brgyan pa/ pad+ma dang / zhags pa dang / dgra sta dang / ral gri thogs pa/ pad+ma'i gdan la skyil krung phyed pas bzhugs pa bgyi'o/ /khro bo'i rgyal po'i rgyab tu 'phags pa sgrol ma bgyi ste/ phyag na gos 'dzin pa dbu smad pa/ rgyan thams cad kyis rnam par brgyan pa'o/ /rig pa'i rgyal po'i rgyab tu dkar sham chen mo bgyi ste rgyan thams cad kyis rnam par brgyan pa/ phyag thal mo sbyar zhing mgo smad pa'o/ /dkyil 'khor gyi lha de dag gi bar du g.yas ngos su rig sngags 'chang pus mo btsugs pa bgyi ste/ 'phags pa spyan ras gzigs dbang phyug gi zhal la blta bzhin pa lag na me tog gi phor pa thogs pa bgyi'o/ /ngos bzhi ru sangs rgyas bcom ldan 'das kyi ri mo bgyi ste/ skyil mo krung gis bzhugs pa/ dkyil 'khor gyi rnam pa sum cu rtsa brgyad rnam par 'byes par bgyi'o/ /steng du son par drang srong rnams dang lha'i bu bgyi'o/ /grwa bzhi ru rgyal po chen po bzhi bgyi ste/ go cha dang ya lad bgos pa'o/ /zhabs dag gi 'og tu dpal lha mo dang / dbyangs can dang / 'jigs ma dang / mtshan mo'i lha mo rnams bgyi'o/ /ras ris yongs su rdzogs pa legs par bgyis shing / las bgyis pa bris nas de'i 'og tu gsang ba'i gnas su bzhag ste/ phyogs gtsang mar ba byung gi dkyil 'khor bgyi ste/ kun nas gru bzhi pa bgyi'o/ /de'i steng du dri sna tshogs kyi byug pa sbyin par bgyi/ me tog sna tshogs kyis gcal du dgram par bgyi/ gang ba'i bum pas spras par bgyi/ phog phor gyis spras par bgyi'o/ /tsan+dan dang / kun du ru dang / a ga ru dang / du ru ska dang / gu gul gyi bdug pa sreg cing / mchod yon dang / zhabs bsil yang gzhag par bgyi'o/ /ras ris dkyil 'khor la mngon du phyogs par bzhag nas/ rig sngags 'chang gtsang mas gos gtsang ma bgos pa/ legs par khrus byas pas bgyi ste/ ras ris la mchod pa bgyi zhing mar me bcu drug sbar bar bgyi'o/ /de nas ras ris la mngon du phyogs nas skyil mo krung gis 'dug nas phyag rgya bcing bar bgyi'o/ /don yod pa chen po'i snying po'i gsang sngags kyi gzungs kyi dam tshig stong phrag bcur bzlas so/ /don yod rgyal po'i snying po dang / khro bo'i rgyal po dus gsum du lan nyi shu rtsi gcig bzlas par bgyi'o/ /stong phrag bcu rdzogs pa dang / rig sngags 'chang gi mgo la 'bar bar bgyid cing / ras ris de la yang 'od sna tshogs pa rnams 'bar bar bgyid de/ tho rangs skya rengs ser po'i thun mtshams kyi dus tshod la ji lta ba bzhin du ras ris mngon par 'dri na/ 'phags pa spyan ras gzigs dbang phyug lha'i lus kyis mdun du 'dug ste rig sngags 'chang la dbugs 'byin par bgyid cing / de bzhin du smra bar bgyid de/ rig sngags 'chang smros shig mchog sbyin par bya/ yid la ji ltar 'dod pa de dag thams cad sbyin par bya'o/ /rig sngags 'chang gis mchog gnyis blang bar bya ste/ 'jig rten pa'i mchog gi dngos grub dang / 'jig rten las 'das pa'i mchog sangs rgyas nyid do/ /gal te 'jig rten pa'i mchog slong bar byed na/ de thams cad sbyin par bgyid de/ don yod zhags pa'i rnam par thar ba'i dkyil 'khor cho ga zhib mo'i rgyal po chen po mchog gi sgrub pa'i dngos grub tu 'gyur ro/ /'phags pa spyan ras gzigs dbang phyug gi spyan sngar grub pa'i dngos grub ji lta ba de bzhin du/ rig sngags 'chang la mchog gi dngos grub 'grub par bgyid do zhes bya ba'i dngos grub chen por 'gyur ro/ /dngos grub yangs par yang 'gyur ro/ /'jig rten pa'i bya ba thams cad kyi mchog sgrub pa'i dngos grub tu 'gyur ro/ /gzhan pa'i mchog thams cad mngon par blangs na stsol bar bgyid de/ 'di lta ste/ sngags kyi dngos grub yang mig 'phrul dang / 'od zer gyi dra ba dang / lha'i gzugs mthong ba dang / mi snang ba dang / nam mkha' la 'gro ba dang / khung bur 'jug pa dang / nags su 'jug pa dang / klu'i gnas su 'jug pa dang / mi'am ci'i gnas su 'jug pa dang / chu la 'jug pa dang / nam mkhar 'jug pa dang / sa 'og tu 'jug pa dang / nor sgyur ba smra ba dang / zhing du smra ba dang / nor bu smra ba dang / g.yul ngor 'jug pa dang / 'gugs pa dang / char 'bebs pa dang / yang dag par 'dzin pa dang / dbang du byed pa dang / gnod sbyin phyir 'byin pa dang / rnam par g.yo ba med par byed pa dang / chu klung chen po sgrol ba dang / rgyu skar smra ba dang / sngags smra ba dang / rdzas dang / sman g.yo bar byed pa dang / bcud kyis len sgrub pa dang / 'pho bar byed pa dang / 'byin par byed pa dang / lo thog sgrub pa dang / gos 'dor bar byed pa dang / rgyal po dbang du byed pa dang / 'jig rten pa'i sgrub pa'i dngos grub de thams cad 'grub par bgyid do/ /de nas 'jig rten pa gzhan don du gnyer cing 'dod na/ phyag g.yas pa spyi bo'i gtsug tu 'jog par byed de/ bzhag pa tsam gyi mod la/ lus med pa dri ma dang bral ba yongs su dag pa zhes bya ba'i yongs su dag pa'i lus so sor thob ste/ sbrul gyi shun pa bzhin du lus 'dor bar bgyid do/ /bsams pa nyid kyi mod la de ma thag kho nar bde ba can gyi 'jig rten gyi khams su 'gro bar bgyid do/ /skye ba bye ba brgya stong phrag gi tshe rabs dran par 'gyur ro/ /de ma thag kho nar de bzhin gshegs pa tshe dpag tu med pas lung bstan pa thob pa'i mod nyid la bla na med pa yang dag par rdzogs pa'i byang chub las phyir mi ldog par 'gyur ro/ /'di nyid ni skye bar skyes pa'i tha ma'o zhes so/ /sgrib pa thams cad dang bral ba don yod pa rnam par 'phrul pa zhes bya ba'i ting nge 'dzin so sor thob cing / ting nge 'dzin gzhan bye ba khrag khrig brgya stong phrag thob bo/ /phyogs bcu kun gyi de bzhin gshegs pa thams cad kyis dgongs par 'gyur zhing legs so zhes bya ba rjes su stsol bar mdzad do/ /byang chub sems dpa' thams cad kyis dgongs par 'gyur ro/ /lha thams cad kyis kyang 'di la kun tu srung bar 'gyur ro/ /'jig rten pa dang 'jig rten las 'das pa'i dngos grub kyi mchog gnyis po 'di ni mthong ba'i chos nyid la rjes su stsol bar 'gyur ro/ /bya ba gzhan mang zhing ches mang ba thams cad sgrub par bgyid do/ /gdon grol bar byed pa dang / 'bebs par byed pa dang / mdo sde la rtog pa dang / tshe la rtog pa dang / nad rab tu zhi bar byed pa dang / 'bras dang / phol mig dang / lhog pa dang / mtshan bar rdol ba dang / rkang shu dang / sha bkra dang / mdze dang / 'brum bu phra mo dang / g.yan pa dang / me dbal dang / lto ba na ba dang / mig na ba dang / mgo bo na ba dang / gzhogs phyed na ba dang / ma ro tsa ka dang / pho ba'i nad dang / so na ba dang / mgul pa na ba dang / lce dang / rkan na ba dang / kha na ba dang / sna na ba dang / rna ba na ba dang / snying na ba dang / lto ba na ba dang / rtsib logs na ba dang / lag pa na ba dang / rkang pa na ba dang / rje ngar na ba dang / sen mo na ba dang / rims nyin gcig pa dang / nyin gnyis pa dang / nyin gsum pa dang / nyin bzhi pa dang / rtag pa'i rims dang / mtshan mo pa dang / nyin mo pa dang / 'dus pa ste 'di dag thams cad gsang sngags 'di bzlas pa tsam gyis rnam par nyams par bgyid do/ /sdig pa de rnams rnam par nyams par bgyid do/ /gdug pa thams cad dang / phyir rgol ba dang / dgra thams cad rnam par nyams par bgyid do/ /de ltar gzungs kyi snying po 'di ni stobs chen po dang ldan pas te/ 'jig rten pa'i dngos grub kyi mchog 'di dag 'grub par 'gyur ro/ /de nas las byed par 'dod na/ de'i 'og tu rig sngags 'chang gtsang ma gos gtsang ma bgos pa legs par khrus byas pas bgyi ste/ de nas don yod pa chen po'i snying po'i gsang sngags kyi gzungs 'di sgrub cing bzlas pas de dag 'grub par 'gyur ro/ /stong phrag bco brgyad du bzlas pas sdig pa thams cad zhi zhing 'jig rten pa'i rig sngags chen po grub par 'gyur ro/ /thams cad la lus thams cad du sgrub par byed do/ /de nas 'jig rten las 'das pa'i bzlas pa'i cho ga sgrub par 'dod pa'i rig sngags 'chang des nyi ma re re zhing gtsang ma legs par khrus bgyis shing gos gtsang ma bgos pas bgyis te/ nyal tshes gcig nas brtsams te/ nyi ma re re zhing stong phrag bcur bzlas pa dbul bar bya'o/ /bcu gcig pa'i phyogs la tshes gsum gyi nyin mtshan nas bgyi ste/ nyi ma re re zhing stong phrag phyed dang gnyis bzlas pa dbul bar bgyi'o/ /'phags pa spyan ras gzigs dbang phyug la mchod par bgyi/ bco lnga'i nya la dkar gsum gyi gtor ma dbul bar bgyi/ mchod yon dang zhabs bsil dbul bar bgyi/ de nas zas dkar gsum bza' bar bgyi zhing / bco lnga nya'i mtshan mo stong rtsa brgyad bzlas pa dbul bar bgyi'o/ /thun tha ma la 'phags pa spyan ras gzigs dbang phyug 'ongs te/ rig sngags 'chang legs so zhes smra bar bgyid cing / khyod kyis don yod rgyal po'i snying po mtha' dag yongs su rdzogs pa'i cho ga zhib mo dang / rnam par thar pa'i dkyil 'khor grub bo/ /phyag g.yas pa brkyang nas pad+ma stsol bar bgyid de/ rig sngags 'chang gis blang bar bgyi'o/ /blangs pa tsam gyi mod la/ nam mkha' la rdzu 'phrul gyis 'gro zhing / gang du 'dod pa'i sangs rgyas kyi zhing der 'gro'o/ /de bzhin gshegs pa thams cad kyis yang dag par dbugs 'byin par bgyid do/ /de nas sbyin sreg gi cho ga bgyid par 'dod pas pad+ma'i snying po bza' bar bgyi/ dkyil 'khor gyi tshad la pad+ma'i rtsa ba dang / sdong bu dang / lo ma mar dang bsres pa'i sbyin sreg bgyi'o/ /dri zhim po'i shing la me sbar la stong phrag brgyad du sbyin sreg bgyi'o/ /stong phrag brgyad rdzogs pa dang / dpal lha mo chen mo dngos su 'ongs te/ de la dri zhim po'i mchod yon phul bas rig sngags 'chang bgyi ba ci yod ces smra bar bgyid do/ /des bcom ldan 'das ma bdag la nor mi zad pa rnyed pa dang / gter rnyed pa rab tu stsol cig ces brjod par bya'o/ /de nas khyod kyis de bzhin bya'o zhes dbugs 'byin par byed cing mi snang bar 'gyur ro/ /rig sngags 'chang gang dang gang du 'gro ba de dang der gter chen po mthong ste/ nam yang zad par nye bar mi 'gro'o/ /sbyin par bgyi/ longs spyad par bgyi/ dkon mchog gsum la mchod par bgyi/ 'phags pa spyan ras gzigs dbang phyug la mchod par bgyi/ dpal lha mo chen mo la nyi ma re re zhing so so'i cha shas dbul bar bgyi'o/ /ut+pa la sngon po dang / tsan+dan gyi phye ma dang / mar gsar bsres pas arga'i shing la me sbar te/ 'phags pa spyan ras gzigs dbang phyug gi ras ris kyi mdun du zla phyed cig tu sbyin sreg bgyi ste/ dpag tu med pa dbul bar bgyis na rdzogs pa na las thams cad la kun nas longs spyad pa thob bo/ /ras ris kyi mdun du shing kun dang / til mar dang / yungs kar bsres la pad+ma'i 'dab ma dang / thang shing gi yam shing gis zhag bdun du thun gsum du sbyin sreg brgyad brgya byas na grong brgya thob bo/ /shing mya ngan med pa'i yam shing mar la btags pas zla phyed cig tu thug gsum du sbyin sreg brgyad brgya byas na rgyal po nyid thob bo/ /mtshan mo bdun du thun gsum du yam shing gis sbyin sreg brgyad brgya byas na gnas nges par bstan pa'i cho ga smra bar byed do/ /'phags pa spyan ras gzigs dbang phyug gi gzugs brnyan la mtshan mo bcu gnyis su ma li ka'i me tog stong phrag brgyad kyis mchod par bya ste/ sangs rgyas bcom ldan 'das thams cad la mngon par dad pa dang / lha dang / klu rnams mngon par dang bar 'gyur ro/ /mchog thams cad dang bya ba thams cad sgrub par byed do/ /nor bu bzang po spyan drang bar 'dod pas snying gar ming med kyi sor mo bzhag nas thun gsum du brgyad brgya bzlas par bya ste/ mtshan mo bcu gnyis su las rdzogs pa dang / nor bu bzang po mthong ba stsal bar byed do/ /snying gar yongs su byugs pa tsam gyis nyi ma re re la dong tshe brgya stsol bar bgyid de/ de yang lhag ma med par zad par bgyi ste/ yang dang yang du stsol bar bgyid do/ /gang yin pa de dang de ma bgyis na phyis stsol bar mi bgyid do/ /'phags pa spyan ras gzigs dbang phyug la mngon du phyogs par 'dug nas sam/ yang na ring bsrel can gyi mchod rten nam ras ris la mngon du phyogs par gzhag par bgyi'o/ /seng ldeng gi yam shing zho dang / sbrang rtsi dang / mar la btags pas thun gsum du brgyad brgyar sbyin sreg bgyi ste/ nyi ma bdun yongs su rdzogs pa na/ zong stong phrag bcu thob bo/ /de lta bu la sogs pa'i rgyas pa'i las rnams thams cad du sbyar bar bgyi'o/ /de nas mig sman sgrub par 'dod pa'i rig sngags 'chang des gtsang mas bsgrub par bgyi ste khrus bgyi'o/ /ldong ros zangs kyi snod du gzhag par bgyi ste/ ras ris la mngon du phyogs nas skyil mo krung gis 'dug ste/ tshes brgyad dam bco lnga la nyin mtshan du smyung bar gnas pas a shwat+tha'i 'dab ma bzhi yis dag par bgyi ste/ ji srid du dngos grub rnam pa gsum dro bar bgyid pa dang / du ba 'thul bar bgyid pa dang / 'bar bar bgyid pa de srid du bzlas pa bgyi'o/ /dro bar gyur pa 'dis mig la byugs pas gang mthong ba de dbang du 'gyur ro/ /gang blangs pa de rnyed do/ /'jig rten thams cad kyi mchod pa'i 'os chen por 'gyur ro/ /rgyal po dang / rgyal po'i blon po dang / btsun mo'i 'khor dang bcas pa thams cad kyi mchod pa bya ba'i 'os su 'gyur te/ spyi bor 'jog par 'gyur ro/ /du ba 'thul ba 'dis mig la byugs pas/ sor mo bcu'i tshad kyi sa gzhi la rkang pas reg pas dpag tshad stong phrag tu song nas/ slar yang 'ong bar byed do/ /dpag tshad stong phrag tu nyan par byed do/ /dpag tshad stong phrag tu lta bar byed do/ /lo stong phrag bcu gsum du 'tsho bar byed do/ /su gang gis kyang bka' bsgo bar byed par mi 'gyur ro/ /rtag tu bde ba dang bcas pa yang dag par thob pa dang / rtag tu bla ma'i gnas su bya bar 'gyur ro/ /de bzhin gshegs pa thams cad lhag par mthong bar 'gyur ro/ /'bar bas ni bdag nyid gnyis te/ 'phur bar byed pa dang lo stong phrag bcur 'tsho bar byed do/ /de nas ldong ros kyi sgrub pa gzhan ni 'jig rten dang 'jig rten las 'das pa'i sgrub bar byed pa'o/ /de nas ka ra bI ra dang / ldong ros dpa' bo'i rin gyis blangs nas sbyong du gzhug par bgyi zhing ba byung lngas yang dag par sbyangs nas/ rdzogs pa la zhag gsum du smyad bar gnas pas bcom ldan 'das dang 'phags pa spyan ras gzigs dbang phyug la mchod pa rgya chen po byas nas/ pad+ma'i 'dab ma bzhi rnams kyis ldong ros la rab tu bkod nas/ gsum gyis kun tu g.yogs te/ ji srid du dngos grub rnam pa gsum dro bar byed pa dang / du ba 'thul bar byed pa dang / 'bar bar byed pa de srid du bzlas par bya'o/ /dro bar byed bzhin pas ni thig le byas nas/ ji srid du sems can mthong ba dang / gang gis blta ba de thams cad dbang du 'gyur ro/ /dud 'gro'i skye gnas su song ba tshe med pa yang tshe nyis 'gyur du 'phel bar 'gyur ro/ /du ba 'thul bzhin pas ni thig le byas pas rigs bzhi'i 'jig rten thams cad de'i dbang du 'gyur ro/ /skyes bu tsam gyis gzhi la rkang pas reg pas dpag tshad stong phrag gsum mthong ngo / /dpag tshad stong phrag gsum nas nyan par byed do/ /lo stong phrag bcu gnyis su 'tsho bar 'gyur ro/ /'bar bar byed pas ni thig le byas pas nam mkha' la 'gro bar 'gyur ro/ /lan grangs nyi shur 'phur bar byed do/ /ldong ros kyi dngos grub thams cad kyi rgyal por 'gyur ro/ /dpag tshad stong phrag gsum du 'phur bar byed do/ /lo stong phrag brgyad cur 'tsho bar byed do/ /gi wang sgrub par 'dod pas ba ser skya'i mar gyis gi wang yang dag par sbyangs te/ dkar po'i bco lnga'am brgyad la mtshan mo gsum du smyung bar gnas pas/ bcom ldan 'das dang spyan ras gzigs dbang phyug la mchod pa rgya chen po byas nas rab tu bkod de/ lag pa g.yas pas mnan nas ji srid du dngos grub rnam pa gsum du gyur pa de srid du bzlas par bya'o/ /dro bar byed bzhin pas ni thig le byas pas gnod sbyin dang / srin po dang / dang / sha za dang / 'byung po rnams kyis de la ri mor byed do/ /gang blangs pa de ster ro/ /nyi ma de nas brtsams te tshe lo stong phrag lngar 'gyur ro/ /du ba 'thul bzhin pas ni thig le byas na mi snang ba thams cad kyi rgyal por 'gyur ro/ /rlung gi phung po rab tu zhi bas bzhon par byed do/ /dpag tshad stong phrag nyi shur song nas slar yang 'ong bar byed do/ /tshe lo stong phrag drug cur 'gyur ro/ /dpag tshad stong phrag drug cu rnams mthong bar byed do/ /'bar bar byed pas thig le byas nas nam mkha' la 'gro bar 'gyur ro/ /bdag nyid lan brgyar 'phur bar byed do/ /gi wang grub pa thams cad kyi rgyal por 'gyur te/ lo bye bar 'tsho bar 'gyur ro/ /gang gi tshe 'chi bar 'gyur ba de'i tshe/ gling bzhi la dbang ba'i rgyal por 'gyur ro/ /de nas bdag nyid gser gyi kha dog tu sgrub par 'dod pa'i rig sngags 'chang des/ zla phyed drug gi bar du bzlas pa'i cho ga bsgrub par bgyi'o/ /de nas rig sngags 'chang gtsang ma gos gtsang ma bgos pas legs par khrus byas te/ sman 'di rnams bsgrub par bgyi'o/ /uSh+mA Ni dang / ldong ros dang / ba bla dang / sbrang rtsi dang / sa kI dang / ru rta dang / gur gum dang / gi wang dang / shing mya ngan med kyi me tog dang / pAN+Du tra byaM dang / 'dzam+bu chu bo'i sman dang / gser gyi phye ma dang / ba'i 'o ma dang / shing arka'i 'o ma dang / gser gyi 'o ma dang / snu ha'i 'o ma dang / byang chub shing gi 'o ma dang / khyab 'jug gnon pa'i 'o ma ste/ 'di rnams cha mnyam par sbyar bar byas nas zangs kyi snod du gzhag par bgyi zhing dkrug par bgyi ste/ zla ba phyed la ba'i 'o ma nyid du 'gyur te 'di la the tshom med do/ /ras ris la mngon du phyogs par gzhag par bya zhing / dgon pa'am/ gtsug lag khang ngam/ 'chag sa'am/ sa'i phyogs gtsang mar ras ris bzhag nas byams pa dang / snying rje chen po dang / sangs rgyas dang / chos dang / dge 'dun rjes su dran pa dang / bstan zhing dpa' bas pha rol gnon pa'i go cha chen po bgos pa dang / 'phags pa spyan ras gzigs dbang phyug la mchog tu dad cing gus pa dang / byang chub don du gnyer zhing mngon par 'dod bzhin pas nyi ma re re zhing ji ltar nus pa'i mchod pa sngon du 'gro bas zla phyed drug tu bzlas par bya'o/ /de nas rig sngags 'chang gi zla phyed drug rdzogs pa dang / sa sman gyi mchog skams la phye ma zhib mor byed du bcug ste/ zangs kyi snod du bzhag nas don yod rgyal po'i snying po stong rtsa brgyad bzlas shing / khro bo'i rgyal po stong rtsa brgyad du bzlas so/ /de nas tshes bco lnga'i nyal mtshan mo gsum du smyung bar gnas te/ sangs rgyas bcom ldan 'das dang 'phags pa spyan ras gzigs dbang byug la mchod pa rgya chen po byas nas/ phyogs bzhir gtor ma ches rgya che ba dbul bar bgyi'o/ /de nas rig sngags 'chang gis sman gyi mchog dang / dngul chu dang / li khar dkar po dang / sbrang rtsi dang lhan cig sbyar bar bya'o/ /de nas slar yang stong phrag bcur bzlas so/ /'phags pa spyan ras gzigs dbang phyug gi spyan snga ru/ zangs kyi snod la 'bar bar bgyid de dro bar bgyid do/ /'od zer kha dog sna tshogs pa rnams 'bar bar bgyid do/ /rig sngags 'chang gi lus 'bar bar 'gyur te/ sa yang g.yo bar 'gyur ro/ /de nas rig sngags 'chang ba bzhin 'dzum pa yid la bya'o/ /'bar ba de dang / brah+ma pu tra ka'i mar dang lhan cig tu sbyar la bdag gi lus bsku bar bya'o/ /bskus pa tsam gyi mod la rang gi lus kyi pags pa gser gyi mdog tu 'gyur ro/ /lus rdo rje snying po bzhin du mi chod pa dang / mi phigs par gyur nas 'khor brgya phrag stong dang bcas te 'phur bar 'gyur ro/ /skra la bskus na skra spu gser mdog tu 'gyur ro/ /sen mo la bskus na sen mo gser du 'gyur ro/ /so la bskus na so gser du 'gyur ro/ /mi lus gang dang gang du bskus pa de dang de nyid gser mdog tu 'gyur ro/ /til mar bzhag ste bcud kyis len mchog srang gcig gis zangs srang stong gser du 'gyur ro/ /til mar dang sbyar glebs pa la bskus te mer bsregs na/ srang gcig gis srang bcu'i gser du 'gyur ro/ /bcud kyis len mchog 'di dang / ba'i 'o ma dang / zhun mar bzhi cha gcig dang sbyar te/ me mi che bas bskol te/ tshos par rig pa dang / 'di de nas phyung la khrus legs par byas shing / gos sar pa bgos la gtsang mar byas te/ thog mar ba'i rnam lnga la reg par bya'o/ /de nas chu dron po dang / bcud kyis len gyi mchog 'di btung bar bya'o/ /sbyor ba zhag bdun du byas na de'i lus rnam bar dag par 'gyur ro/ /sdig pa thams cad zad pa dang / mod la nyon mongs pa thams cad dang bral ba dang / nad thams cad byang ba dang / mod la dug thams cad sel ba dang / dug slar zhen par mi 'gyur ba dang / mtshon gyis ma yin/ chus khyer bar mi 'gyur/ mes tshugs par mi 'gyur/ yang dug ma rungs pa gzhan gyis mi tshugs par 'gyur ro/ /zhag bcu bzhir sbyor ba byed na nad thams cad byang ba dang / 'di'i pags pa rnam par dag pa dang / gnyer ma dang skra dkar med par 'gyur ro/ /zhag nyi shu rtsa gcig sbyor ba byas na byis pa lo bcu pa pad+ma dkar sham dang 'dra ba'i mdog can gyi lus su 'gyur ro/ /pad+ma'i lo ma dang / ku mu da ltar 'jam pa dang / ut+pa la sngon po lta bu lha'i mig dang / mi'am ci'i dbyangs lta bur ma zhum pa dang / dbu skra 'khyil la 'khyil cing bung ba ltar mdog gnag pa lha rdzas lta bur 'gyur ro/ /zla ba gcig tu sbyor ba byas na lo stong phrag bcur 'tsho bar 'gyur ro/ /dgra thams cad dang / gnod sbyin dang / srin po'i tshogs kyis mi tshugs par 'gyur ro/ /'byung po dang sdig pa byed pa gzhan rnams kyis kyang de mi mthong bar 'gyur ro/ /lo gcig tshang bar bsnyen na lha'i bu mo dag dang lhan cig rtse zhing lha rdzas kyi longs spyod dang / gzhal med khang dang / ji ltar lha rnams rtse ba bzhin du 'gyur ro/ /dro bar gyur ba sbrang rtsi dang lhan cig zos na lo khri nyis stong du 'tsho bar 'gyur ro/ /nam mkha' la 'gro bar 'gyur ro/ /zangs srang stong dang bcud kyis len pa'i mchog srang gcig dang / dngul srang bcu zangs dang sbyar te bzhu na/ bcud kyis len mchog dngul srang stong du 'gyur ro/ /srang gcig gis zangs srang stong dngul du 'gyur ro/ /kha dog sna tshogs kyi 'od zer byung na ni/ kha dog sna tshogs su 'gyur te/ gzugs mdog sna tshogs kyi nor bu rin po che 'chang zhing / dngul dang gser bzhu la til mar dang lhan cig bskol te mgo bo la bskus pa tsam gyi mod la skra mdog sna tshogs su 'gyur ro/ /lus la bskus na kha dog sna tshogs kyi 'od zer 'byung bar 'gyur ro/ /mig la bskus na nam mkha' la 'gro zhing khyim thams cad kyi sgo phye bar mthong ste/ khyim bdag thams cad kyi dpon po dang / rgyal por 'gyur ro/ /dpral ba la thig le byas na mi snang bar 'gyur ro/ /khar bcangs na gang dang smras pa de nor gyi dbang dang bdag gi dbang du 'gyur ro/ /yang na ba ser skya'i zhun mar dang / mar dkar dang / 'o ma dang / bcud kyis len gyi mchog 'bar ba dang lhan cig bskol te kha ra bzhin du legs par tshos pa dang blangs la don yod pa'i rgyal po'i snying po brgya stong bzlas brjod byas te/ rig sngags 'chang ba bdag nyid bskus pa tsam gyi mod la thams cad rig 'dzin gyi 'khor los sgyur bar 'gyur ro/ /bskal ba chen po bcur 'tsho bar 'gyur ro/ /bar gyi bskal par sangs rgyas bcom ldan 'das mthong bar 'gyur ro/ /byang chub kyi snying po mchog tu lung bstan pa thob par 'gyur ro/ /thig le byas na nam mkha' la 'phur bar 'gyur ro/ / oM zhes bya ba'i sgras tshangs pa gnas nas phyir 'byung bar 'gyur ro/ /se gol gtogs pa tsam gyis 'og min gyi gnas kyi bar du 'gro zhing phyir yang 'ong bar 'gyur ro/ /nam gyi tshe 'chi ba'i dus byas par 'gyur pa de'i tshe bde ba can gyi 'jig rten gyi khams su 'gro bar 'gyur ro/ /'di ni skye ba tha ma yin zhing mngal na gnas pa las yongs su thar ba yin no/ /de nas don yod pa'i ril bu brjod par bya ste/ rig sngags 'chang sgrub par byed pa legs par bsgrubs na rig sngags 'chang ba legs par khrus byas shing gos gtsang ma bgos te gtsang bar bya'o/ /pad+ma dang / lig bu mig dang / nA ga ge sar dang / gi'u wang dang / ud ta ma ra Ni dang / skyer khaN+Da dang / a ga ru rnams de bzhin du de dag cha mnyam ste zhib mor btags la khar dang sbyar te gser dang dngul gyis dkri zhing zangs kyis kyang dkris te/ tsan+dan dkar po'i ga ba tshe nang du bcug la lag pa'i snyim par bcang bar bya'o/ /zla ba yar gyi ngo tshes brgyad dang / bcu bzhi la zhag gcig smyung ba byas te/ 'phags pa spyan ras gzigs dbang phyug gi ras kyi sku gzugs kyi spyan sngar don yod pa'i rgyal po'i snying po stong rtsa brgyad bzlas brjod bya/ khro bo'i rgyal po brgya rtsa brgyad bzlas brjod bya/ gsang sngags stong rtsa brgyad bzlas brjod bya'o/ /de nas 'gul bar gyur na de blangs te khar bcug na mi snang bar 'gyur ro/ /lo stong thub par 'gyur ro/ /sor bzhi tsam gyis rkang pa sa la mi reg par 'gyur ro/ /dpag tshad brgyar 'gro zhing phyir yang 'ong bar 'gyur ro/ / me tog can gyi rig 'dzin 'khor los sgyur bar 'gyur ro/ /lus las ku mu da dang ut+pa la'i dri 'byung bar 'gyur ro/ /ut+pa la sngon po dang / tsam pa ka dang / ke tu'i me tog dang de dag cha mnyam ste sbyar la mkhas pas sbrang rtsi dang lhan cig sbyar te ril bu byas la gser dang / dngul dang zangs kyis dkris te zla ba yar gyi tshes drug nas tshes brgyad dam/ bcu gnyis nas bcu bzhi'am/ bcu gsum nas bco lnga'i tshe nyin zhag gsum du smyung bar bya'o/ /shin tu khrus byas shing gos gtsang ma bgos te gtsang bar bya'o/ /sangs rgyas bcom ldan 'das dang 'phags pa spyan ras gzigs dbang phyug gi sku gzugs ras la bris pa la mchod pa rgya chen po byas te/ shing a shwad tha las byas pa'i gab tshe'i nang du ril bu bcug nas lag pa'i snyim par bcug la ri mo'i spyan sngar ji srid du ji srid 'khrol ba'i sgra 'byung ba de srid du bzlas brjod bya'o/ /de nas grub pa yin te de las khar bcug na dpag tshad stong du 'di 'gro bar 'gyur zhing slar yang 'ong bar 'gyur ro/ /sor brgyad tsam du rkang pas la mi reg par 'gyur ro/ /lo stong phrag bcur 'tsho bar 'gyur ro/ /mig ut+pa la sngon po lta bur 'gyur ro/ /ut+pa la sngon po'i dri kha nas 'byung bar 'gyur ro/ / bzhin yongs su rgyas pa zla ba'i dkyil 'khor lta bur 'gyur ro/ /mdog pad+ma lta bur 'gyur ro/ /lus las tsam pa ka'i dri 'byung bar 'gyur ro/ /rig 'dzin nam mkha' la 'gro ba thams cad kyi 'khor los sgyur ba'i rgyal por 'gyur ro/ /tsan+dan gyi phye ma dang / a ga ru'i phye ma dang / rgya spos dang / a ru ra dang / pa ni na dang / de dag rnams cha mnyam ste zhib mor btags la du ru ska'i mar gyis ril bur bya'o/ /gser dang / dngul dang zangs kyis dkri'o/ /tsan+dan dkar po las byas pa'i sgrom bur bcug ste/ tshes bcu gsum nas nya'i bar du nyin zhag gsum mi nyal bar sangs rgyas bcom ldan 'das dang / 'phags pa spyan ras gzigs dbang phyug la mchod pa rgya cher bya zhing gtor ma yang rgya cher byin la/ rtswa dUr ba'i stan la 'dug ste/ lag pa'i snyim par bcug nas/ don yod pa'i zhags pa'i snying po stong rtsa brgyad kyi bar du bzlas brjod bya'o/ /khro bo'i rgyal po brgya rtsa brgyad bzlas brjod bya'o/ /de nas ril bu 'gul bar 'gyur na rig sngags 'chang bas des na grub pa yin par rig par bya ste ril bu grub pa de yin no/ /de nas rig sngags 'chang bas 'phags pa spyan ras gzigs dbang phyug la mchod pa byas te/ nam langs ka skya rengs ser po 'char ba'i dus su bza' bar bya'o/ /sangs rgyas dang byang chub sems dpa' thams cad la phyag byas nas sems can thams cad la byams pa'i sems bya'o/ /grogs byed pa la yang byin te/ ril bu gcig khar gzhug par bya'o/ /ril bu khar bcug pa tsam gyi mod la mi snang bar 'gyur/ nam mkha' la 'gro bar 'gyur/ dpag tshad lnga stong du 'gro zhing slar yang 'ong bar 'gyur ro/ /ril bu sgrub par byed pa tshegs med par grub pa rnams kyi 'khor los sgyur ba'i rgyal por 'gyur/ tshe lo lnga stong thub par 'gyur/ khru gang tsam gyis rkang pa sa la mi reg par 'gyur ro/ /de nas gter brko bar 'dod pas gnas gang na gter yod par dogs pa'i gnas der ba'i lci bas maN+Dal byas la/ me tog gtor zhing gu gul gyi bdug pas bdug cing / gtor ma gtsang ma dang / sha dang / khrag gi gtor ma dang / phye zan dang 'bras bu dang / pad+ma'i gtor ma dang / gtor ma rnam pa gsum sbyin par bya'o/ /'phags pa spyan ras gzigs dbang phyug la mchod pa bya'o/ /stong phrag bcu bzlas brjod bya'o/ /stong phrag bcu tshang ba dang gnas gang na gter yod pa'i gnas der gter srung ba mngon du 'byung zhing gter 'byung bar 'gyur ro/ /gter srung ba la gtor ma dang / mchod yon sbyin par byas na gter srung ba de ji srid 'tsho'i bar du las byas pa por 'gyur ro/ /gang du mngags pa dang / gang bsgo ba'i las de thams cad byed par 'gyur ro/ /yungs kar dang thal ba la don yod pa'i rgyal po'i snying po lan bdun bzlas brjod byas te phyogs bzhir gtor na bgegs dang / log 'dren dang / gnod sbyin dang / srin po dang / 'byung po thams cad bcings par 'gyur ro/ /mtshams chen po bcing bar byas par 'gyur ro/ /log 'dren phung bar bya na yungs mar dang / yungs kar dang / gu gul dang / ske tshe'i 'bru dang / lan tshwa rnams sbrang rtsi dang bsres la shing kar bI ra'i ya ma sreg shing gi me bus te/ nyin bar dus gsum du brgya rtsa brgyad sbyin sreg byas na log 'dren gyi rigs thams cad bcom par 'gyur zhing rnam par zhi bar 'gyur ro/ /dmag bcing bar 'dod pas yungs kar dang / dug dang / ske tshe'i 'bru dang / sa bon bdun rnams sbrang rtsi dang sbyar la dmag gi mdun du shing nim pa'i me sbar te/ thog mar brgyad brgya byas na dmag bcing bar 'gyur ro/ /lan gnyis byas na nad chen po 'byung bar 'gyur ro/ /brgyad brgya bzlas brjod lan gsum pa byas na/ dmag thams cad zhig par 'gyur zhing phyir yang lan 'ga' yang 'ong bar mi 'gyur ro/ /de nas dbyug pa sgrub pa seng ldeng las gshin rje'i dbyug pa'i tshad khru do pa bya'o/ /de nas 'phags pa spyan ras gzigs dbang phyug gi spyan sngar zas dkar gsum zos te/ stong phrag bcur bzlas brjod bya'o/ /de nas tshes bco lnga tshang ba'i tshe smyung ba byas te/ don yod pa'i rgyal po'i snying po brgya rtsa brgyad bzlas brjod bya'o/ /khro bo'i rgyal po brgya rtsa brgyad bzlas pa byas na de nas dbyug pa 'bar ro/ /de nas grub pa yin par shes par bya'o/ /don yod pa'i dbyug pa zhes bya ba'i sgra 'byung bar 'gyur ro/ /de nas 'phags pa spyan ras gzigs kyi dbang phyug la mchod pa bya'o/ /de nas rig sngags 'chang ba dbyug pa blangs te kun du lan bdun bskor bar bya'o/ /de nas dbyug pa de sa la brdab par bya'o/ /dbyug pas sa la gru bzhir gzhal bar byas na kun tu gru bzhi lham pa'i khyim chen po gzhal med khang 'byung bar 'gyur te/ phun sum tshogs pa rnam pa thams cad yongs su rdzogs pa'i lha'i gzhal med khang 'byung bar 'gyur ro/ /bud med dang / skyes pa dang / khye'u dang / bu mo'i skye bos gang bar 'gyur ro/ /de nas lha mo rgyan thams cad kyis brgyan pa/ bzang ba/ mdzes pa/ blta bar 'os pa zhig 'ongs nas rin po che bdun las byas pa'i snod bum pa gang ba zhig thogs shing sgo'i nang du 'dug go/ /de nas lha mo don re rig sngags 'chang gi khyim yin gyis nang du zhugs shig ces smra bar 'gyur ro/ /rig sngags 'chang bas snying po med par 'gyur ba'i khyim gzhal med khang 'dis ci zhig bya zhes brjod par bya'o/ /de na de snod gang ba 'di long shig dang / rgya cher 'phel bar 'gyur ro zhes smra bar 'gyur ro/ /rig sngags 'chang bas d+hig d+hig ces khros pa byas pa dang / lha mo de dus te ji ltar char pa cher 'babs pa de bzhin du 'di'i mig nas mchi ma byung ba dang rig sngags 'chang bas blang bar bya zhing rang gi lus la bsku bar bya'o/ /bskus pa tsam gyi mod la 'dzam bu'i gling gi gser lta bu'i lus su 'gyur ro/ /tsan+dan sbrul gyi snying po dang / go shir+Sha'i dri lus las 'byung bar 'gyur ro/ /khar bcug na lta rdzas kyi ut+pa la'i dri kha nas 'byung bar 'gyur ro/ /mchi ma de mig tu bskus na lha rdzas kyi ut+pal sngon po 'dra ba'i lha'i mig tu 'gyur ro/ /skra la bskus na lha'i rma bya'i mdog 'dra ba'i skrar 'gyur zhing skra 'khyil la 'khyil bar 'gyur ro/ /rna ba'i bu gar blugs na lha'i snyan du 'gyur te/ dpag tshad stong phrag gsum du thos par 'gyur ro/ /dpag tshad stong phrag gsum du mthong bar 'gyur ro/ /'thungs na bskal pa stong phrag bcu 'tsho bar 'gyur ro/ /bar gyi bskal ba rjes su dran par 'gyur ro/ /gar thabs dang / tro Ta ka dang / brda sprod pa dang / bstan bcos dang / b+ha ra ta dang / rA ma ya Na dang / sngon gyi gtam rnying dang / tshul dang / 'dul ba dang / skyes rabs dang / snyan dang gas dang bye brag pa thams cad dang / cho ga zhib mo thams cad dang / dkyil 'khor dang / phyag rgya dang / gsang sngags dang / gzungs dang / mdo sde dang / chos mngon pa dang / theg pa chen po dang / de dag thams cad mngon du gyur par gnas so/ /thams cad du rtogs pa khong du chud pa chen por 'gyur ro/ /de nas bud med de na re rje btsun dam pa rang gi khab mchog tu gshegs su gsol zhes smra bar 'gyur ro/ /rig sngags 'chang bas brjod par bya zhing rang gi rkang pa rim gyis 'jug par bya'o/ /de nas bud med de nu ma gnyis ston par byed na rig sngags 'chang bas nu ma gnyis bzung la btsir na de las 'o ma 'dzag par 'gyur ro/ /de nas rig sngags 'chang bas blang bar bya/ btung bar bya/ rkang pa la bsku bar byas na bskus pa tsam gyi mod la 'khor stong dang lha mo de dang lhan cig tu nam mkha' la 'phur te 'gro bar 'gyur ro/ /rlung gi phung po dang po la zhon par 'gyur rig 'dzin 'khor los sgyur pa stong phrag bdun cu rtsa bzhi rnams kyi rig 'dzin 'khor los sgyur ba'i rgyal po dang dpon por 'gyur ro/ /bde ba can gyi 'jig rten gyi khams su 'gro bar 'gyur ro/ /de nyid rig 'dzin rnams kyi mchog tu 'gyur te/ 'jig rten pa'i cho ga bsgrub pa yin no/ /dbyug pa lag pa g.yas pas bzung ste/ don yod pa'i rgyal po'i snying po lan nyi shu rtsa gcig bzlas brjod bya zhing lan bdun bskor ba byas na don gang yid la sems pa dang / gang 'dod pa de dag thams cad skad cig tu 'grub par 'gyur ro/ /gang dgug pa de dag thams cad bkug cing mdun na gnas par 'gyur ro/ /gnod sbyin dang / gnod sbyin mo dgug par 'dod na btsag gis ri mo bris la dbyug pa la don yod pa'i rgyal po lan bdun bzlas brjod bya zhing / gnod sbyin dang / gnod sbyin me'i steng du bskor bar bya'o/ /gu gul gyi bdug pa sbyin par bya'o/ /gtor ma dkar po can gyi snod dbul bar bya'o/ /lan bdun bskor ba tsam gyi mod la gnod sbyin dang / gnod sbyin mo mdun na 'dug cing bka' bzhin du byed par 'gyur ro/ /gang bsgo ba'i las de byed par 'gyur ro/ /thams cad ma tshang ba med par sgrub par 'gyur ro/ /nor dang / 'bru dang / dbyig dang / nor bu dang / mu tig dang / dngul dang / sa le sbram dang / gos dang / mal stan dang / chos gos dang / rgyan gyi rnam pa la sogs pa sgrub par byed par 'gyur ro/ /gzhan gang bsgo ba de thams cad sgrub par byed do/ / dpal lha mo'i mdun du bskor na nor gyi mchog rnam pa mang du sbyin par byed do/ /mdun na rang gi ngo bo gnas par 'gyur ro/ /gang 'dod pa de thams cad sbyin par byed do/ /rnam thos sras kyi zhabs la lan bdun brdab cing don yod pa'i rgyal po la lan nyi shu rtsa gcig dran par byas na rnam thos kyi sras rgyug cing mdun na gnas par 'gyur ro/ /nor mang du sbyin par mdzad do/ /gang 'dod pa de thams cad mdzad par 'gyur ro/ /mi smra bar dbyug pa la lan nyi shu rtsa gcig bzlas brjod bya zhing rgyal po'i sgor lan bdun bskor ba byas na rgyal po dang / btsun mo'i 'khor rnams bdag nyid dang / nor la dbang bar 'gyur ro/ /grong khyer gyi sgor bskor na grong khyer na gnas pa'i bud med dang / skyes pa dang / khye'u dang bu mo rnams dbang du 'gyur zhing gnas so/ /de gcig pu mchod par 'os par 'gyur ro/ /de dag thams cad bran pho dang bran mo bzhin du rjes su 'brang bar 'gyur ro/ /lha khang du song nas lha'i spyan sngar bskor zhing don yod pa'i rgyal po'i snying po bzlas brjod byas na lha de rang gi ngo bo mdun na gnas par 'gyur ro/ /gang bsgo ba de thams cad byed par 'gyur ro/ /gang 'dod pa de thams cad sbyin bar 'gyur ro/ /nyi ma 'chang ba'i tshe nyi ma'i mdun du bskor bar bya zhing don yod pa'i rgyal po'i snying po bzlas brjod byas na nyi ma babs te/ mchog gang 'don pa de thams cad sbyin par mdzad do/ /zla ba nya'i zhal du bskor cing don yod pa'i zhags pa'i snying po bzlas brjod byed na zla ba dang / rgyu skar dang / skar ma'i tshogs dang bcas te 'bab par 'gyur ro/ /mchog bsam pa thams cad sbyin par byed do/ /ring bsrel dang bcas pa'i mchod rten la skor ba byed cing don yod pa'i rgyal po bzlas brjod byas shing dbyug pa bskor na mchod rten 'bar zhing sgra 'byung bar 'gyur ro/ /gang bsam pa de thams cad smra bar 'gyur ro/ /gang 'dod pa de thams cad sbyin par mdzad do/ /de bzhin gshegs pa la bskor ba bya ste/ don yod pa'i snying po'i bzlas brjod byed cing dbyug pa bskor na de bzhin gshegs pa thams cad mthong bar 'gyur ba dang / de bzhin gshegs pa thams cad dbugs 'byin par mdzad pa dang / bsam pa dang re ba thams cad yongs su rdzogs par mdzad par 'gyur ro/ /yang na 'phags pa spyan ras gzigs dbang phyug gi rang gi sku bzhin thun tho rangs kyi tshe mdun na bzhugs par 'gyur ro/ /mchog bsam pa thams cad sbyin par mdzad par 'gyur ro/ /dgos pa thams cad grub par mdzad par 'gyur ro/ /don yod pa'i dbyug pa rig 'dzin 'khor los sgyur ba grub pa thob par 'gyur ro/ /char mi 'bab pa'i tshe klu'i gnas su song ste/ don yod pa'i rgyal po'i snying po dran par bya/ dbyug pa bskor bar bya'o/ /bskor ba tsam gyi mod la klu rnams char pa'i rgyun chen po 'byung bar 'gyur ro/ /ci 'dod pa'i char gyi rgyun 'bebs so/ /char ches na khang thog tu don yod pa'i zhags pa'i snying po skad drag pos brjod de/ dbyug pa bskor na char ches pa 'chad par 'gyur ro/ /ser ba 'bab pa'i tshe sprin logs su bltas te khros pas khro bo'i rgyal po skad chen pos dran par bya zhing khros pas dbyug pa bskor na sad dang / rlung dang ser ba mi 'bab par 'gyur ro/ /dpag tshad tshun tshad du mtshams chen po kun tu bcad par 'gyur ro/ /gdon kun gyis zin pa la khro bo'i rgyal po la lan bdun dran par bya zhing dbyugs pa bstan na gdon thams cad du zhing 'bros par 'gyur ro/ /brjed byed la sogs pa'i bar la bstan pa tsam gyis 'bros par 'gyur ro/ /rims thams cad la don yod pa'i rgyal bo'i snying pos byabs na byabs pa tsam gyi mod la rims thams cad las thar bar 'gyur ro/ /zhag bzhi pa'i rims ni ngu zhing 'bros par 'gyur ro/ /g.yul 'gyed cing 'thab pa'i tshe don yod pa'i rgyal po'i snying po khros pas bzlas brjod bya/ dbyug pa bskor ba byas na mtshon dang / dgra sta dang / lag cha thams cad mi snang bar 'gyur zhing / pha rol gyi dpung rnams kyi hud kyi hud zer zhing 'bros par 'gyur ro/ /'brog dgon pa'i nang du 'gron po rnams song ba na don yod pa'i rgyal po dran par bya zhing dbyug pa bskor ba byas na rkun po dang / chom po dang / mi rgod dang / seng ge dang / stag dang / dom dang / dred dang / dug mi bzad pa dang / gcan gzan khro bo dang / glang po che dang / ma he dang / dug dang bcas pa'i srog chags de dag thams cad mi snang bar 'gyur ro/ /rang gi khyim du bde bar 'gro bar 'gyur ro/ /mi ngas thams cad dang / ba lang gi nad dang / phyugs ngas chen po dang / rta nad chen po dang / bud med dang / skyes pa dang / khye'u dang bu mo'i nad chen po byung ba'i tshe don yod pa'i rgyal bo'i snying po dang / khro bo'i rgyal po'i skad chen pos dran par bya zhing dbyug pa grong khyer gyi sgo bzhir bskor ba byas na bskor ba tsam gyi mod la mi ngas dang / gnod pa dang / nyon mongs pa dang / 'khrug pa thams cad pa dang / 'thab pa dang / rtsod pa dang / 'gyed pa dang / mtshang 'dru ba thams cad zhi bar 'gyur ro/ /'jigs pa thams cad las grol bar 'gyur ro/ /bud med dang / skyes pa dgug par 'dod na gnas mthon por 'dug ste/ skad chen pos don yod pa'i rgyal po'i snying po lan nyi shu rtsa gcig dran par bya'o/ /dbyug pa bskor bar bya'o/ /gang gi ched du bya ba de ming brjod par byas na dpag tshad brgya nas kyang de 'ong zhing bdag dang nor la dbang bya bar yod cing gnas par 'gyur ro/ /ji srid 'tsho'i bar du 'gyur ro/ /'on te nor bu bzang po'i sras dgug par 'dod na zla ba yar gyi ngo tshes bcu bzhi la smyung ba byas te/ dbyug pa la don yod pa'i rgyal po'i snying po lan nyi shu rtsa gcig bzlas brjod bya ste/ nor sras kyi lto ba'i steng du gzhag par bya/ khro bo'i rgyal po bzlas pa byas na bzhi thun gyi tho rangs tsam na nor bu bzang po'i sras rang nyid rig sngags 'chang ba'i mdun na bzhugs par 'gyur zhing gser gyi dong tse stong phrag bcu sbyin par mdzad do/ /de las dkon mchog gsum gyi sku skal dbul bar bya/ 'phags pa spyan ras gzigs dbang phyug la mchod par bya/ nor bu bzang po'i sras la mchod yon gyi chab dbul bar bya/ nyi ma re re zhing nor sras la mchod yon gyi chab phul na nam 'tsho'i bar du nyi ma re re zhing gser gyi dong tse stong sbyin par mdzad do/ /de nas rig sngags 'chang bas phyed dang bzhi cha gcig dgod par bya ste/ sbyin pa sbyin par bya/ bsod nams bsags par byas la/ nor bu bzang po'i sras dang lhan cig tu rjes su yi rang bar bya'o/ /'brog dgon pa'i nang du song ba na/ 'brog dgon pa gang na chu dkon par dbyug pa la lan nyi shu rtsa gcig don yod pa'i zhags pa'i snying po bzlas brjod bya zhing gang na ne'u gsing sngon po yod pa'i gnas der sa la lan bdun brdab cing bskor te skad drag pos don yod pa'i rgyal po'i snying po dran par bya/ 'phags pa spyan ras gzigs kyi dbang phyug la nyam thag thag skad du byas na/ de nas gnas gang du brdabs pa'i gnas der lha rdzas kyi chu ha cang grang pa yang min/ ha cang dro ba yang min/ ro dang chas pa yod pa'i rdzing bu 'byung bar 'gyur ro/ /de nas rig sngags 'chang bas dbyug pa la khro bo'i rgyal po lan bdun bzlas brjod bya ste/ rdzing bu'i nang du chu la brdab par bya'o/ /de nas rdzing bu'i nang nas mi ser skya bo zhig byung ste/ rig sngags 'chang ba la thal mo khong stong du sbyar nas mdun na 'dug ste rig sngags 'chang ba ci 'dod ces smras bar 'gyur ro/ /rig sngags 'chang bas bdag ni kha zas kyi kha zas kyi ched du lags kyis stsal du gsol zhes brjod par bya'o/ /de nas rig sngags 'chag bas mi de la shis pa'i tshig brjod par bya'o/ /de nas mi de rdzing bu'i nang du zhugs pa dang / skad cig thang cig yud tsam la kha zas dang btung ba'i ro zhim po rnam pa sna tshogs yod par byed cing rig sngags 'chang ba la sbyin par byed do/ /skye bo stong phrag brgya'i ston mo byar yod cing yo byad phun sum tshogs pa shin tu mang por 'gyur ro/ /gal te rig sngags 'chang bas rdzing bu med par mi byed na rdzing bu de dus rtag tu gnas par 'gyur/ mi snang bar mi 'gyur te/ sems can thams cad dang 'gron po thams cad la yo byad thams cad kyis brel ba med par 'byung bar 'gyur ro/ /'on te don yod pa sna tshogs bya bar 'dod na rig sngags 'chang ba des lan nyi shu rtsa gcig bzlas brjod byas pa'i dri chus khrus byas la spyi gtsug bcing bar bya'o/ /mi smra bar dbyug pa la lan brgya rtsa brgyad bzlas brjod byas te bskor bar bya'o/ /de nas 'khor dang skye bo mang po 'khor zhing rmongs par 'gyur ro/ /de nas dbyugs pa bskor ba byas na yid la ji ltar sems pa'i ngo bo de bzhin du thams cad ston par byed do/ /'bras bu dang me tog gi char 'bebs so/ / sgyu ma rnam pa sna tshogs ston par byed do/ /de nas ro langs bslang bar 'dod na rig sngags 'chang ba des legs par khrus byas shing gos gsar ba bgos te/ gtsang mar byas la dur khrod du song ste/ dbyug pa la don yod pa'i rgyal po'i snying po lan bdun bzlas brjod byas nas khro bo'i rgyal po lan bdun bzlas brjod byed cing dur khrod kyi nang du bskor ba byas na dpag tshad tshun chad du kun tu mtshams bcad par 'gyur ro/ /bgegs thams cad dang / gnod sbyin dang / srin po ma rungs pa thams cad bcings par 'gyur ro/ /de nas rig sngags 'chang bas mi ro blangs te bkru bar bya'o/ /ba'i rnam lngas sbyang bar bya'o/ /ba'i lci bas dkyil 'khor gru bzhi lham par bya'o/ /seng ldeng gi phur pa tshad sor bcu gnyis pa bzhi grwa bzhir gzugs par bya'o/ /tshon sna lnga'i skud pas dkyil 'khor kun tu bskor bar bya'o/ /mi ro ras dkar pos dkri bar byas la dkyil 'khor dbus su gzhag par bya'o/ /me tog gis gtor bar bya'o/ /gtor ma dkar po gzhag par bya'o/ /mchod yon gyi chu gzhag par bya'o/ /gu gul gyi bdug pa sbyin par bya'o/ /rig sngags 'chang ba shar phyogs su kha bltas te 'dug la/ dbyug pa lag pa g.yas par bzhag ste/ rig pa'i rgyal po gdon par bya'o/ /khro bo'i rgyal po lan drug cu dran par bya'o/ /g.yas pas byab par bya'o/ /lag pa g.yas pa'i dbyug pas brdab pa byas na mi ro de 'gul bar 'gyur/ g.yo bar 'gyur/ langs te phyogs bcur lta bar 'gyur/ rig sngags 'chang bas dbyug pa de spyi bor gzhag par byas na/ mi ro de tshig smra bar 'gyur ro/ /rig sngags 'chang bas gsang sngags dran par bya'o/ /yid kyis bsam par byas na mi ro de thams cad smra bar 'gyur te/ 'das pa dang / ma 'ongs pa dang / da ltar byung ba dang / ma 'ongs pa na 'byung ba smra bar 'gyur ro/ /de nas rig sngags 'chang bas dbyug pa snying gar gzhag par byas na khrag tu skyug par 'gyur/ khrag des thig le byas na khyim thams cad la sgo srung med cing / sgo thams cad gdangs par 'gyur ro/ /bud med dang / skyes pa dang / khye'u dang / bu mo thams cad dbang du gyur cing 'dug go/ /dbyug pa snying gar btsir na skyug par 'gyur ro/ /rig sngags 'chang bas blangs te mtha' dag bza' bar bya'o/ /zos pa tsam gyis nam mkha' la 'gro bar 'gyur ro/ /'byung po chen po'i bdag po dang / dbang phyug chen po 'dra bar 'gyur ro/ /lha'i lo stong du 'tsho bar 'gyur ro/ /oM zhes bya bas dbyug pas bcir la bsdigs pa byas na de nas lce 'byin par 'gyur ro/ /rig sngags 'chang bas bcad la rig sngags 'chang bas blang bar bya'o/ /blangs pa tsam gyis nam mkha' la 'gro bar 'gyur ro/ /rig sngags 'chang ba ral gri'i 'khor los sgyur yar 'gyur ro/ /lo stong phrag bcur 'tsho bar 'gyur ro/ /rig sngags 'chang ba brgyad kyi 'khor gyis bskor bar 'gyur ro/ /de nas rig sngags 'chang bas mi ro'i spyi bor dbyug pas brda bas na sgra 'byung bar 'gyur zhing shi ba'i ro gcig tu mkhregs pa'i gser yin pas blang ba byas na srang gcig gis zangs srang stong gser du 'gyur ro/ /de dag ni 'jig rten pa sgrub pa'i cho ga yin no// //de nas byang chub sems dpa' 'phags pa spyan ras gzigs dbang phyug gis bcom ldan 'das la 'di skad ces gsol to/ /bcom ldan 'das de dag ni sems can thams cad la snying brtse ba'i phyir bdag gi 'jig rten pa'i cho ga lags so/ /de bzhin gshegs pa shAkya thub pas bka' stsal pa/ sems can chen po sems can thams cad la snying brtse ba'i phyir/ 'jig rten las 'das pa'i cho ga dam pa gsang ba'i snying po dang / dkyil 'khor dang blo brtan po 'jigs pa med pa thob par 'gyur ba dang / rig sngags 'chang thams cad kyi dam pa sgrub par byed pa de kho na nyid grub par 'gyur ba dang / bklags pa dang / dran pa tsam dang / sgrub par byed pa tsam gyis de dag thams cad grub pa chen po thob par 'gyur ba dang / bsam pa chen po yongs su rdzogs bar grub par 'gyur ba dang / mchog grub pa chen po so sor thob par 'gyur ba dang / rig sngags 'chang ba'i 'dod par gtogs pa bsam pa thams cad yongs su rdzogs par grub par 'gyur ba smos shig /de nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das kyi drung nas dbugs 'byin pa dang / bsgo ba thos nas shin tu yid dga' ba chen por gyur te/ de stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar te/ bcom ldan 'das kyi zhabs gnyis la spyi bos phyag 'tshal te/ me tog dang / bdug pa dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / gos dang / rgyan sna tshogs dang / spud pa rnam pa sna tshogs kyis bcom ldan 'das la mchod pa dang bsnyen bkur chen po byas te mchod nas 'khor gyi dkyil 'khor mang por byang chub sems dpa' sems dpa' chen po gang dag dkyil 'khor gyi ltar gtogs pa dang / gang dag rig 'dzin grub pa dang / gang dag lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / gang dag don yod pa'i zhags pa'i rnam par grol ba'i dkyil 'khor gyi dam tshig la rjes su zhugs pa dang / gang dag ri bo po Ta la la gnas pa de dag thams cad kyis me tog dang / bdug pa dang / dri dang / phreng ba dang / byug pa dang / gos dang / rgyan sna tshogs dang / chas dang / spud pa sna tshogs kyis mchod pa byas te yid dga' bar gyur to/ /'phags pa spyan ras gzigs dbang phyug gis bcom ldan 'das la stong phrag brgya bskor ba byas 'khor gyi dkyil 'khor de la yang mchod pa byas nas/ bcom ldan 'das ga la ba de logs su thal mo sbyar te btud nas bcom ldan 'das kyi spyan sngar mig mi 'dzums par 'dug ste/ bcom ldan 'das la tshig 'jam pos 'di skad ces gsol to/ /bcom ldan 'das bdag la mchis pa ni rmad du byung ba rnam par lta ba don yod pa'i cho 'phrul/ de bzhin gshegs pa thams cad kyi snying po rnam par grol ba'i dkyil 'khor dang / de bzhin gshegs pa thams cad kyi rmad du byung ba de kho na nyid rnam par 'phrul pa rnam par snang mdzad kyi byin gyis brlabs dang / dam tshig chen po'i dkyil 'khor don yod pa'i rnam par lta ba'i zhags pa'i snying po dang / 'jig rten las 'das pa'i bklag pa dang / sgrub par byed pa grub pa mchog tu gyur pa'i snying po dang / 'jig rten las 'das pa'i mchog sgrub pa de bzhin gshegs pa thams cad kyis byin gyis brlabs shing lung bstan pa lags te/ de bdag gis bcom ldan 'das kyi spyan sngar bcom ldan 'das kyi byin gyis brlabs kyis rig sngags 'chang thams cad mchog tu grub par bya ba'i phyir dang / sems can thams cad bsgral ba'i phyir dmyal ba dang / kyi gnas dang / gshin rje'i 'jig rten sel ba sngon gyi sgrib pa dang / sdig pa mi zad pa 'joms pa ngan song thams cad sel ba/ 'jig rten dang 'jig rten las 'das pa'i sdig pa dang sgrib pa nges par sreg par byed pa/ yongs su bsgrags par bgyi'o/ /mtshams med pa lnga dang / sangs rgyas dang byang chub sems dpa' spong ba dang / dam pa'i chos spong ba dang / mtshams med pa la gzhol ba dang / 'phags pa'i dge 'dun la 'khu ba dang / nyan thos dang / rang sangs rgyas dang / byang chub sems dpa'i tshogs thams cad spong bar byed pa de dag gis mnyan pa dang / mthong ba tsam dang / sdom pa tsam dang / lan cig 'bad pa dang / 'chad pa tsam gyis thams cad byang bar 'gyur ro/ /nga mthong ba tsam gyis thams cad zad par 'gyur/ byang bar 'gyur ro/ /rims thams cad dang / nad thams cad dang / dri ma dang / ser sna dang phrag dog thams cad dang bral bar 'gyur ro/ /nyon mongs pa dang / sgrib pa thams cad las yongs su grol bar 'gyur ro/ /'jig rten dang 'jig rten las 'das pa'i sdug bsngal skye ba dang / rga ba dang / 'chi ba dang / nad dang mya ngan dang / smre sngags 'don pa dang / sdug bsngal ba dang / yid mi bde ba thams cad dang bral bar 'gyur ro/ /'thab pa dang / rtsod pa dang / 'gyed pa dang / phung bar byed pa dang / brdeg pa dang / bsdigs pa dang / gsod pa dang / g.yul 'gyed pa dang / shags 'gyed pa dang / btson du 'dzin pa dang / lcags su 'jug pa dang / rkun ma dang / zol ba dang / mi rgod dang / seng ge dang / glang po che dang / ma he dang / nad ngan pa dang / dmu chu dang / sha bkra dang / mdze dang / 'brum bu dang / g.yon can dang / shu ba dang / shu bran dang / g.yan pa dang / klad pan pa dang / gzhogs phyed na ba dang / dom dang / dred dang / gnod sbyin dang / srin po dang / dang / sha za dang / brjed byed dang / sbrul ma rungs pa dang / kha gdug pa dang / sbrul nag po dang / srog chags go na dang / dug dang bcas pa'i srog chags 'jigs pa sna tshogs dang bcas pa dang / me dang / chu dang / dug dang / mtshon dang / g.yang sa dang / khyim rdib pa dang / grang ba dang / rlung dang / nyi tshan dang / byi ba kha gdug pa'i 'jigs pa thams cad ni/ bklags pa dang / kha ton byas pa dang / mthong ba tsam gyis thams cad rnam par zhig par 'gyur/ phung bar 'gyur/ mod la phye mar brlag par 'gyur ro/ /yongs su thar bar 'gyur ba 'di la dogs par mi bya/ yid gnyis bskyed par mi bya/ the tshom mi bya/ sems can gnyis su 'gyur ba bskyed par mi bya'o/ /bcom ldan 'das bdag rtag tu mngon du dran par bgyi ba dang / rtag tu yid la byed pa'i blo 'byung bar bgyi'o/ /don yod pa'i zhags pa'i snying po dang / khro bo'i rgyal po'i snying po yang dang bzlas par bgyi'o/ /rmad du byung ba rnam par lta ba/ don yod pa rnam par 'phrul pa/ de bzhin gshegs pa thams cad kyi snying po rnam par grol ba'i dkyil 'khor de bzhin gshegs pa thams cad rmad du byung ba'i cho 'phrul rnam par snang mdzad kyi byin gyis brlabs/ dam tshig chen po'i dkyil 'khor don yod par rnam par lta ba'i zhags pa'i snying po ni rtag tu rgyun mi 'chad par dus thams cad du yid la kha ton du brjod par bya'o/ /rtag tu rgyun mi 'chad par rjes su dran par bsgom par bya'o/ /de dag dran pa bsgoms pa tsam dang / dran pa tsam gyis 'jig rten dang 'jig rten las 'das pa'i yon tan phun sum tshogs pa thams cad thob par 'gyur ro/ /phyir mi ldog pa zhes bya'o/ /phyir mi ldog pa'i gnas la rab tu gnas par 'gyur ro/ /de bzhin gshegs pa thams cad dgongs pa dang / lung ston pa dang / byin gyis rlob par 'gyur na/ lta ba dang / klog pa dang / kha ton byed pa dang / 'phags pa spyan ras gzigs kyi dbang phyug mthong ste phyag 'tshal ba dang / mchod pa dang / dran pa dang / dus gsum du shin tu gsal bar yid la byed pa dang / mchod cing phyag byed pa de lta smos kyang ci dgos te/ sems can de ni nga dang 'dra ba yin par rig par bya'o/ /'jig rten dbang phyug gis byin gyis brlabs pa'i lus yin par rig par bya'o/ /de bzhin gshegs pa thams cad kyi byin gyi rlabs kyis byin gyis brlabs pa dang / dbang bskur bas dbang bskur ba yin par rig par bya'o/ /gang zhig lan mang du shin tu lhag par byed pa lta smos kyang ci dgos te/ sems can de ni de bzhin gshegs pa'i snying po yin par rig par bya'o/ /bdag kyang dus thams cad du rtag tu rjes su dran par bgyi'o/ /dus thams cad du mthong ba sbyin par bgyi'o/ /bsam pa dang re ba thams cad yongs su rdzogs par bgyi'o/ /de'i tshe bdag gis sems can thams cad myur ba myur bar byang chub kyi snying por 'gro ba dang / chos kyi 'khor lo bskor bar gzhag par bgyi'o/ /bcom ldan 'das bdag ni go cha chen po brtan par khas blangs pa la 'tshol ba lags pas sems can thams cad bsgral ba'i phyir re ba'i mchog thams cad yongs su rdzogs par bgyi'o/ /de nas de bzhin gshegs pa bcom ldan 'das shAkya thub pas byang chub sems dpa' sems dpa' chen po 'phags pa spyan ras gzigs kyi dbang phyug la 'di skad ces bka' stsal to/ / sems can dag pa'i mchog legs so legs so/ /'di ni mchog tu dkon pa ste/ 'jig rten las 'das pa'i cho ga de'i ming 'dzin pa tsam gyis sems can yongs su grol bar 'gyur na/ lta ba dang / klog pa dang / sgrub pa dang / smyung ba'i cho ga byed pa dang / sdom pa la gnas pa lha smos kyang ci dgos/ sems can de ni bla na med pa yang dag par rdzogs pa'i byang chub las phyir mi ldog par 'gyur ro/ /sems can dag pa dus la bab pa gang yin par shes na smros shig /de nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das kyi zhal du lta zhing bzhin 'dzum ste/ don yod pa rnam par lta ba'i zhags pa'i snying po smras so/ /dus gsum du gshegs shing bzhugs pa'i de bzhin gshegs pa thams cad la phyag 'tshal lo/ /rang sangs rgyas dang 'phags pa nyan thos kyi dge 'dun thams cad la phyag 'tshal lo/ /'phags pa byams pa la sogs pa 'phags pa byang chub sems dpa'i tshogs kyi mchog la phyag 'tshal lo/ /'phags pa rdo rje 'chang ba'i dkyil 'khor gyi lha gshin rje dang / chu lha dang / lus ngan po dang / drang srong gi tshogs kyi mchog la phyag 'tshal lo/ /dkon mchog gsum la phyag 'tshal lo/ /byang chub sems dpa' sems dpa' chen po 'phags pa spyan ras gzigs kyi dbang phyug thugs rje chen po la phyag 'tshal lo/ /'di lta ste/ oM sarba ta thA ga ta/ a ba lo ki te pa sha hr-i da ye/ dz+wa la dz+wa la/ d+harma d+hA tu gar+b+he/ tsa ra tsa ra/ ma hA pad+ma pad+ma b+hu dze/ d+ha ra d+ha ra/ ma hA bA sha d+ha re/ ba ra ba ra ba ra da/ rash+mi sha ta sa ha sra/ pra ti maN+Di ta/ sha rI re/ ta ra ta ra/ bi bu la te dza d+ha re/ b+ha ra b+ha ra/ ShaT pA ra mi tA pa ri pU ra Ni/ ka la ka la/ ma ha brah+ma/ be Sha d+ha re/ ma la ma la/ sarba bA ba A ba ra Na ma la kilbi Sha/ nA sha ni/ d+hu ru d+hu ru/ bo d+hi sa twa/ pi shud d+he b+hu ru b+hu ru/ ma hA sa twa/ bad sa le/ ya ma ba ru Ni ku be ra nam skr-i te/ hu ru hu ru brah+ma/ biTh+Nu/ ma he shwa ra/ ku mA ra/ nan di ke shwa ra/ I shwar/ ma he shwa ra de ba pra tra/ bad+di ta/ bad+di ta/ na ma skr-i te/ bi bi d+ha ma Ni mau li d+ha re/ a mi tA b+hA dzi na/ ma ku Ta/ d+ha re/ di bya/ ma Ni ka na ka /badzra bai DUr+ya/ ma ra ka ta/ pad+ma rA ga /in+d+ra nI la di bya mu ka ti ka /a laM kr-i ta/ sha rI ra/ shwe ta yad dz+nyo pa bI ta d+ha ra/ dza Ta ma ku Ta/ maN+DI ta nA ma/ tsan+d+ra rA dzi ta/ pad+ma d+ha ra/ pad+ma A sa na/ pad+ma b+hu dza/ tri lo tsa na/ tri shU la d+ha ra/ bA sha d+ha ra/ sarba ta thA ga ta/ a b+hi She ka ta/ sa ra sa ra/ sarba pA pa pra sha ma na ka ra/ ma hA kA ru Ni ka /tu ru tu ru/ sarba ba ra dA ya ka /bo d+hi bo d+hi/ sarba ta thA ga ta a ba lo ki te/ bo d+hi maN+Da/ a ba lo ki te/ lo ke shwa ra/ ma he shwa ra/ ma hA tsin tA ma Ni/ d+hA ra bi shwa rU pa/ ma hA sau mya ba da na/ ma hA kA ru Ni ka /bud d+ha bud d+ha/ bo d+ha ya bo d+ha ya/ b+ha ga bAn/ sarba ta thA ga ta/ a ba lo ki ta gar+b+he/ ma hA puN+ya/ te dza d+ha ra pra bar sid d+hi ka ra sarba byA d+hi ha ra/ sarba satwA ya bar sarba duHkha/ pra mo tsa ka /ma hA kA ru Ni ka na mo stu te swA hA/ bcom ldan 'das bdag gi 'di ni rmad du byung ba rnam par lta ba'i zhags pa'i snying po'o/ /don yod pa'i zhags pa'i snying po'o/ /rnam par grol ba'i dkyil 'khor 'jig rten las 'das pa'i gzungs kyi snying po'o/ /'phags pa spyan ras gzigs dbang phyug gi snying po'o/ /gzugs sna tshogs chen po sgyu ma lta bu'i ting nge 'dzin rnam par 'phrul pa/ phyag stong mnga' ba/ dbu stong mnga' ba/ spyan stong gis rnam par gzigs pa/ phyag brgya stong gis byin gyis brlabs pa/ gang gA'i klung bye ba khrag khrig stong phrag bcu'i bye ma'i rdul shin tu phra ba dang mnyam pa'i dam tshig gi dkyil 'khor du rjes su zhugs pa/ de bzhin gshegs pa thams cad kyi de kho na nyid gsang ba la 'jug pa/ sangs rgyas thams cad kyi zhing du 'jug pa/ byang chub kyi snying por bgrod pa/ chos kyi 'khor lo bskor ba/ chos kyi sgron me 'bar ba/ bdud la sogs pa ma rungs pa thams cad kyi bdud 'joms pa/ chos kyi dung 'bud pa/ chos kyi rgyal mtshan sgreng ba/ dmyal ba thams cad sel ba/ cho ga zhib mo thams cad grub par mdzad pa/ cho ga sgrub pa thams cad kyi mchog sa bcu chen po la so sor 'jog pa/ phyir mi ldog pa'i gnas la rjes su 'jug pa/ de bzhin gshegs pa thams cad kyis dbang bskur ba dang / byin gyi rlabs kyis byin gyis brlabs pa/ don yod pa'i mchog phun sum tshogs pa thob par mdzad pa/ don yod pa'i rnam par 'phrul ba'i rnam par sprul pa/ don yod par sems rgya mtsho snyed yang dag par 'dzin pa/ don yod par sems can sa bon la so sor 'jog pa/ don yod par byang chub sems dpa'i rnam par 'phrul pa la 'jug pa/ don yod par de bzhin gshegs pa thams cad kyi rnam par 'phrul pa yongs su sgrogs pa/ don yod par de bzhin gshegs pa thams cad mchod pa dang / bsnyen bkur gyi sprin rab tu byed pa/ don yod par sems can thams cad mi 'jigs pa'i khyim du 'dzud pa/ don yod par sbyin pa chen po'i pha rol tu phyin pa drug yongs su rdzogs pa/ don yod par lha rdzas kyi me tog dang / bdug pa dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / gos dang / rgyan dang / chos gos sna tshogs dang / rin po che bdun gyi char 'bebs pa/ don yod pa'i tshe yongs su brjes te sangs rgyas kyi zhing kun tu brgyan pa sna tshogs su de bzhin gshegs pa thams cad yang dag par lta ba/ don yod par bsod nams kyi phung po chen po rab tu rdzogs pa/ don yod par dge ba'i rtsa ba chen po skyed pa/ don yod par de bzhin gshegs pa thams cad yang dag par mthong ba dang / grub pa dang / cho 'phrul gyi rnam par 'phrul pa ston pa/ don yod par dbang phyug sgrub pa/ don yod par rig sngags dang / dkyil 'khor dang / phyag rgya dang / rim par phye ba dang / cho ga zhib mo yang dag par ston pa/ don yod par grub pa mthong ba/ don yod par cho ga mthong ba/ don yod par tshe rab tu 'phel ba/ don yod par snyan par grags pa rab tu ston pa/ don yod par 'khor ba las rab tu sgrol ba/ don yod par skye ba dang / rga ba dang / 'chi ba las yongs su sgrol ba/ don yod par mchog rab tu sbyin pa/ don yod par bzlas brjod dang cho ga rab tu rdzogs pa/ don yod par dran pa'i dge ba'i rtsa ba rab tu rdzogs pa/ don yod par rig 'dzin 'khor los sgyur ba thob pa yang dag par ston pa/ don yod par lha'i gnas dang / gzhal med khang sum cu rtsa gnyis kyi lha'i gnas su 'jug ba/ don yod par 'og min gyi gnas kyi bar du 'jug pa/ don yod par sum cu rtsa gsum gyi gnas su brgya byin lha'i rgyal por 'jug pa/ don yod par ri rab chen po lag pa gcig gis sgul ba/ don yod par rdzu 'phrul gyi stobs ston pa/ don yod par mi snang ba ston pa/ don yod par stobs 'phel ba/ don yod par gling bzhi la dbang ba'i 'khor los sgyur ba so sor 'thob pa ston pa/ don yod par yid bzhin gyi nor bu chen po'i rin po che sna tshogs kyi char 'bebs pa/ don yod par 'bru'i char 'bebs pa/ don yod par gos kyi char 'bebs pa/ don yod par rgyan dang / chos gos dang / mu tig gi chun 'phyang dang / gdub kor dang / gser gyi tsong tsong dang / gdu bu dang / dpung rgyan sna tshogs kyi char 'bebs pa yang dag par ston pa/ don yod par ro rnam pa sna tshogs ro'i mchog ro brgya'i kha zas kyi char 'bebs pa/ don yod par sems can sna tshogs grol ba ston pa/ don yod par bstan bcos dang / tshig le'ur byas pa dang / tshul dang 'dul ba dang / mdo sde dang / lung bstan pa dang / tshigs su bcad pa dang / ched du brjod pa dang / gleng gzhi dang / de lta bu byung ba dang / skyes pa'i rabs dang / shin tu rgyas pa dang / rmad du byung ba'i chos kyi man ngag sna tshogs dang / chos mngon pa dang / tshogs kyi gtam yang dag par ston pa dang / don yod par theg pa chen po rnam pa sna tshogs rgya mtsho la 'jug pa dang rab tu ston pa/ don yod par gnod sbyin dang / srin po dang / 'byung po dang / sha za dang / dang / grul bum dang / brjed byed dang / bgegs dang / log 'dren sna tshogs nyes pa dang / gsod pa dang shin tu sel ba yang dag par ston pa yin no/ /bcom ldan 'das de ltar na yon tan chen po can gyi gzungs ngan song thams cad rab tu zhi bar 'gyur ba/ thams cad du mi 'jigs pa'i gnas rab tu ston pa/ 'jig rten las 'das pa'i lam legs pa'i lam rab tu ston pa/ mya ngan las 'das pa'i lam rab tu ston pa/ phyir mi ldog pa'i gnas dang / sangs rgyas nyid sbyin par mdzad pa lags te/ bcom ldan 'das don yod par rnam par lta ba'i zhags pa'i snying po'i gzungs chen po 'phags pa spyan ras gzigs dbang phyug gi snying po yon tan khyad par yongs su bsgrags pa/ de bzhin gshegs pa thams cad kyi snying po gsang ba la rab tu gnas pa lags so/ /de nas bcom ldan 'das de bzhin gshegs pa shAkya thub pas byang chub sems dpa' sems dpa' chen po spyan ras gzigs dbang phyug la 'di skad ces bka' stsal to/ / sems dpa' chen po mchog tu dkon pa'i gzungs 'di'i snying po 'jig rten las 'das pa rnam par 'phrul pa bshad pa dang / de bzhin gshegs pa thams cad dang / byang chub sems dpa'i tshogs thams cad rdzu 'phrul rnam par 'phrul ba/ gsang ba'i snying po yongs su bsgrags pa legs so legs so/ /de dag ni sems can thams cad la lam mchog shin tu mchog tu gyur pa/ gya nom pa/ bla ma/ bla na med pa/ mchog tu dkon pa'i gzungs kyi snying po gsang ba yongs su bsgrags pa ste/ gang gi 'khor ba'i rgya mtsho'i chu bo chen po dang / srid pa'i rgya mtsho las sems can pha rol tu sgrol ba yin no/ /spyan ras gzigs dbang phyug rigs kyi bu pho'am/ rigs kyi bu mo'am/ dge slong pha'am/ dge slong ma'am/ dge bsnyen pha'am/ dge bsnyen ma'am/ dge sbyong ngam/ bram ze'am/ rgyal rigs dang / rje'u rigs dang / dmangs rigs gang la la zhig gam/ sems can gzhan gang yang rung bas don yod par rnam par lta ba'i snying po 'di dang / rmad du byung ba rnam par lta ba don yod pa'i snying po de bzhin gshegs pa thams cad kyi snying po rnam par grol ba'i dkyil 'khor de bzhin gshegs pa thams cad rmad du byung ba'i de kho na nyid rnam par 'phrul pa/ rnam par snang mdzad kyi byin gyis brlabs pa/ dam tshig chen po dkyil 'khor gyi ming 'dzin pa tsam gyis kyang dge ba'i rtsa ba chen po sogs par 'gyur ro/ /bsod nams kyi phung po chen po dang ldan par yongs su 'dzin par yang 'gyur ro/ /gang gA'i klung 'bum phrag bye ba khrag khrig dgu bcu rtsa gnyis kyi bye ma'i rdul phra rab dang mnyam pa'i de bzhin gshegs pa dgra bcom pa yang dag par rdzogs pa'i sangs rgyas mngon du mthong ba dang / mngon du chos thos pa dang / mngon du dbyangs thos pa dang / mngon du lung bstan pa thos par 'gyur ba'i sems can chen po de dag gis ni bsod nams kyi phung po shin tu che ba dang / dge ba'i rtsa ba chen po yongs su gzung bar 'gyur ro/ /sems can de gzungs gang yin pa dang / dkyil 'khor dang / cho ga dang / ming sna tshogs da ltar thos pa dang / yang na klog pa dang / yang na lta ba tsam mthong ba ni de dang mnyam pa yin te/ rigs kyi bu pho'am/ rigs kyi bu mo de ni bsod nams kyi phung po chen po'i dge ba'i rtsa ba dang ldan par 'gyur ba yang de dang mnyam pa yin na/ dka' ba byed pa lta smos kyang ci dgos te/ de bzhin gshegs pa dang mnyam pa nyid du thos pa dang mthong bar 'gyur ro/ /gang dag gzungs 'di'i dkyil 'khor 'bad de stobs dang brtson 'grus pha rol gnon par byed pa dang / tshol ba dang / 'dri ba dang / klog pa dang / bzlas brjod kyi cho ga byed pa dang / dkyil 'khor gyi cho gas sgrub par byed pa dang / 'bad par byed pa de ni dka' ba chen po la zhugs pa yin te/ de dang mnyam pa yin no/ /dka' ba gang zhe na/ ji ltar de bzhin gshegs pa dgra bcom pa yang dag par rdzogs pa'i sangs rgyas shAkya thub pas bskal pa grangs med pa gsum du dka' ba la zhugs pa dang / sangs rgyas te chos kyi 'khor lo bskor ba'i bar yin no/ /rigs kyi bu pho'am/ rigs kyi bu mo'am/ dge slong pha'am/ dge slong ma'am/ dge bsnyen pha'am dge bsnyen ma'am/ dge sbyong ngam/ bram ze'am/ rgyal rigs sam/ rje'u rigs dang / dmangs rigs gang yin pa'am/ sems can gzhan gang yang rung bas gzungs 'di'i dkyil 'khor dang / cho ga stobs chen po dang / pha rol gnon pa'i brtson 'grus kyis sgrub par byed pa 'di ni 'jig rten las 'das pa'i cho ga 'tshol ba yin no/ /'di lta ste/ 'dri ba dang / klog pa dang / kha ton byed pa dang / bzlas brjod dang / cho ga dang / dkyil 'khor lta ba dang / 'jug pa dang / dam tshig dang / phyag rgya bcings te sgrub pa dang / 'di lta ste/ thos pa dang / 'dzin pa dang / klog pa dang / kun chub par byed pa dang / tshul bzhin du yid la byed pa dang / sems pa dang / dus gsum du lan gsum don yod pa'i zhags pa'i snying po dran pa dang / khro bo'i rgyal pos dbang bskur ba dang / gzungs 'di yang lan nyi shu rtsa gcig tu bzlas brjod dang / cho ga dran pa dang / byams pa dang / snying rje dang / byams pas snying brlan pa dang / sems can thams cad la snying brtse ba lhur byed pa de ni dka' ba spyod pa chen po la zhugs pa yin no/ /bskal pa grangs med pa gsum du dka' ba spyod pa la zhugs pa dang 'dra ba'am/ lhag pa yin no/ / de'i tshe 'di nyid la 'bras bu chen po thob par 'gyur ba dang / 'jig rten las 'das pa zhes bya ba dang / sangs rgyas nyid du so sor gnas pa yin no// //'phags pa don yod pa'i zhags pa'i cho ga zhib mo'i rgyal po/ bam po bcu gsum pa/ bsod nams kyi phung po chen po'i dge ba'i rtsa ba bsags par 'gyur ro/ /rtag tu 'jig rten dbang phyug rjes su 'brang bar 'gyur ro/ /rtag tu phyag g.yas pa byang chub sems dpa' de'i spyi bo la 'jog par 'gyur ro/ /rtag tu mchog sbyin pa mdzad par 'gyur ro/ /rtag tu zhal mthong bar 'gyur ro/ /de ltar na yon tan chen po brjod pa'i gzungs dang / dkyil 'khor dang phyag rgya dang / cho ga 'di ni mchog tu dkon pa yin no/ /dkyil 'khor gyi cho ga 'di thos pa tsam dang / rna ba'i bu gar 'di'i sgra lan bdun nges par lhung na/ de 'chi 'pho ba tsam dang bsams pa tsam gyis bde ba can gyi 'jig rten gyi khams su skye bar 'gyur te/ 'od dpag med kyi spyan sngar zhabs kyi drung du pad+ma las rdzus te skye bar 'gyur ro/ /rgyan thams cad kyis rnam par brgyan pa dang / de bzhin gshegs pa thams cad kyis gsungs pa'i mdo sde dang / cho ga zhib mo dang / dkyil 'khor dang / phyag rgya rnams kha ton du kun du gnas shing tshe rabs dran par yang 'gyur ro/ /dbang po drug yongs su dag pa dang / mngon par shes pa lnga yang so sor thob bo/ /tsam la rab tu skye bar 'gyur ro/ /lha'i gzugs dang / kha dog dang / rtags dang / dbyibs yongs su dag pa de'i phyir stobs dang brtson 'grus kyis sems can thams cad sna tshogs 'dzin pa dang / mnyan par bgyi/ bklag par bgyi/ kha ton du bgyi/ ser sna'i dri ma dang bral ba dang / phrag dog dang bral bar bgyi/ sems can thams cad byams pa dang / snying rje la sogs pa mchog dang yang dag par ldan pas bgyi'o/ /gzungs dang / dkyil 'khor gyi cho ga 'di mnyan par bgyi/ blta bar bgyi/ 'jug par bgyi'o/ /phyi ma'i dus dang / phyi ma'i tshe ma yin par phul du byung ba'i don la brtson par bgyi'o zhes pa'o/ /'jig rten las 'das pa'i sgrub thabs kyi cho ga 'di ni bla na med pa zhes bgyi'o/ /mang du smos ci 'tshal te/ de la 'gran sems kyis kyang mnyan par bgyi'o zhes so/ /de nas byang chub sems dpa' sems dpa' chen po 'phags pa spyan ras gzigs dbang phyug gis gzungs 'di gsungs pa'i de ma thag tu skad cig thang cig yud tsam gyis po Ta la'i ri bo 'di rin po che sna bdun gyi rang bzhin du gyur to/ /me tog gi shing ljon pa dang / 'bras bu'i shing ljon pa gang yin pa rnams kyang rin po che sna bdun gyi rang bzhin gyi khang pa brtsegs par rab tu gyur to/ /gang gA'i klung gi bye ma bye ba khrag khrig brgya stong phrag rnams 'bum phrag bye ba dgu bcu rtsa dgu'i rdul phra rab dang mnyam par rab tu gyur to/ /lha rdzas kyi me tog dang 'bras bu rnam par bkra ba rnam pa sna tshogs pa rnams pham par byas pa'i rgyan rnam par bkra bas rnam par bkra zhing / dril bu g.yer ka'i dra ba dang / gser gyi dril bu 'khrol ba'i bla res dpyangs pa rnams dang / lha rdzas kyi seng ge'i khri yongs su bshams pa rnams kyang re re zhing khang pa brtsegs pa'i dbus na/ seng ge'i khri bshams pa brgya stong phrag dgu bcu rtsa dgur rab tu byung bar gyur te/ seng ge'i khri thams cad la phyogs bcu nas de bzhin gshegs pa yang dag par byon te bzhugs so/ /de bzhin gshegs pa thams cad kyang phyag gser gyi kha dog can brkyang nas byang chub sems dpa' sems dpa' chen po 'phags pa spyan ras gzigs dbang phyug gi spyi bo'i gtsug tu phyag 'jog par mdzad cing / legs so zhes bya ba'i sgra brjod par mdzad do/ /spyan ras gzigs dbang phyug legs so legs so mchog tu khyad par du 'phags pa'i 'jig rten las 'das pa'i lam chen por rab tu bstan pas/ sems can thams cad pha rol tu 'gro bar byed pa dang / gang gis thos pa tsam gyis 'jig rten las 'das pa so sor khyad par du 'phags pa'i sangs rgyas nyid kyi lam tshol ba la rjes su 'gro'o/ /'on kyang bzlas pa dang / 'dri ba dang / klog pa dang / dkyil 'khor mthong ba dang / 'jug pa ches mang po'i dbang du byas pa'i sems can rnams dam tshig la rjes su 'jug par 'gyur ba de/ skye ba 'di nyid la de bzhin gshegs pa'i lus su rig par bya'o/ /de nas po Ta la'i gnas kyi ri bo dang / rtswa dang / shing gel ba dang / sman dang / nags de rnams thams cad la mi gang tsam du mtho ba nyid dang / shing rta'i 'khor lo'i tshad tsam pa'i rin po che sna bdun gyi rang bzhin can gyi pad+ma rnams rab tu byung ste/ 'dab ma kha dog sna tshogs pa dang / sdong bu bai DUr+ya dang / 'dzam bu chu bo'i gser gyi kha dog ltar dmar ba'i mu tig gi ze'u 'bru dang / lha rdzas kyi mu tig gi ge sar gyis khor yug tu bskor ba gang yin pa la byang chub sems dpa' sems dpa' chen po rnams bzhugs te/ byang chub sems dpa' de rnams thams cad kyang chos la gus pas thams cad pus mo btsugs te/ gzungs 'di'i dkyil 'khor dang phyag rgya mthong ba'i don du mu tig gi do shal brgya stong rib byang chub sems dpa' sems dpa' chen po 'phags pa spyan ras gzigs dbang phyug la mngon par bkab par gyur to/ /stong gsum gyi stong chen po'i 'jig rten gyi khams rdo rje'i rang bzhin du byin gyis brlabs pa 'di yang ches cher g.yos par gyur to/ /lha'i me tog gi char chen po mang po rab tu phab ste/ de bzhin gshegs pa thams cad mchod pa'i don dang / byang chub sems dpa' thams cad mchod pa'i don dang / gzungs 'di'i dkyil 'khor dam pa la mchod pa'i don du char rab tu phab bo/ /de nas yang gnod sbyin gyi sde dpon chen po lag na rdo rjes bzhin 'dzum zhing rdo rje bskor bzhin du bcom ldan 'das gang na ba der dong ste lhags nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das 'jig rten las 'das pa'i gzungs kyi dkyil 'khor gyi cho ga 'di ni shin tu rnyed par dka' ba ste/ 'di lta bu'i rdzu 'phrul gyi rnam par 'phrul pa dang / cho 'phrul ni de bzhin gshegs pa bskyed pa blta bar bgyi/ chos kyi 'khor lo bskor bar blta bar bgyi/ de bzhin gshegs pa dang mnyam pa nyid du blta bar bgyi'o/ /bcom ldan 'das mthu chen po 'di 'dzam bu'i gling na mchog tu dkon par blta bar bgyi ste/ 'di ni phyi ma'i dus phyi ma'i tshe na/ de bzhin gshegs pa'i mdzad pa dang / sangs rgyas kyi mdzad pa byed par 'gyur ro/ /gang gis thos pa tsam gyis 'di lta bu'i yon tan dang phan yon so sor thob bo/ /kun tu snang bar byed par 'gyur ba 'di nyid ni byang chub sems dpa' sems dpa' chen po 'phags pa spyan ras gzigs dbang phyug ma gtogs par sems can thams cad kyi nang na gzhan su yang ma mchis so/ /bcom ldan 'das kyis bka' stsal pa/ lag na rdo rje ji skad smras pa de de bzhin no/ /lag na rdo rje 'dzam bu'i gling pa'i sems can thams cad mdang phar gyur pa 'di gzungs kyi dkyil 'khor 'di dang / byang chub sems dpa' sems dpa' chen po 'phags pa spyan ras gzigs dbang phyug 'di sems can thams cad kyi re ba skong ba dang / skyob pa dang / skyabs dang / 'jig rten dang 'jig rten las 'das pa'i dpung gnyen byed pa nas/ ji srid bud med dang / skyes pa dang / khye'u dang / bu mo sems can thams cad sangs rgyas nyid kyi bdag nyid kyi bar la rab tu 'god par byed do/ /de ltar byang chub sems dpa' sems dpa' chen po 'phags pa spyan ras gzigs dbang phyug gi stobs dang / brtson 'grus dang / pha rol gnon pas sngon sems can rnams la phan pa'i don du zhugs pa yin no/ /de nas gnod sbyin gyi sde dpon chen po lag na rdo rje/ nyi ma'i 'od zer gyi snying po dri ma med pa zhes bya ba'i nor bu rin po che chen po thogs nas/ byang chub sems dpa' chen po 'phags pa spyan ras gzigs dbang phyug gang na ba der dong ste lhags nas/ byang chub sems dpa' sems dpa' chen po 'phags pa spyan ras gzigs dbang phyug gi zhabs gnyis la mgo bos phyag 'tshal nas/ nor bu rin po che chen po de yang mngon par dgab par phul lo/ /lha rdzas kyi me tog sna tshogs pas gcal du bkram pa/ mchod pa'i don du rab tu bkod nas rang gi stan la 'dug go/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa don yod pa dri ma med cing rnam par dag pa rab tu gsal ba'i 'od zer zhes bya ba'i ting nge 'dzin la snyoms par zhugs so/ /bcom ldan 'das ting nge 'dzin la snyoms par zhugs pa gang gis spyi bo'i gtsug tu gdugs kyi rnam pa'i khang pa brtsegs pa kun tu gnas par gyur to/ /khang pa brtsegs pa de las kyang 'od zer rnam pa sna tshogs pa byung ngo / /'od zer sna tshogs pa'i snang ba des kyang nam mkha'i mthil du rdzu 'phrul gyi rnam par 'phrul pa dang / cho 'phrul chen po sna tshogs pa bstan to/ /'od zer gyi snang ba re res kyang de bzhin gshegs pa'i sku gang gA'i klung gi bye ma bye ba khrag khrig brgya stong phrag dgu bcu rtsa dgu rab tu bstan no/ /de bzhin gshegs pa'i sku de rnams thams cad kyis kyang byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ sems can chen po mchog tu rnyed par dka' ba'i gzungs kyi dkyil 'khor dang / phyag rgya 'di bshad pa 'di legs so legs so/ /'jig rten las 'das pa shin tu khyad par du 'phags pa'i byang chub kyi snying por 'gro bar byed pa'i lam/ chos kyi 'khor lo skor bar byed pa'i lam/ chos kyi rnam 'phrul 'bar bar byed pa/ chos kyi rgyal mtshan sgreng bar byed pa/ chos kyi dung 'bud par byed pa/ bdud bzhi'i dkyil 'khor las rnam par rgyal bar byed pa/ de bzhin gshegs pa'i stobs bcus gnon par byed pa/ sangs rgyas kyi chos ma 'dres pa brgyad rab tu rdzogs par byed pa/ mi 'jigs pa bzhis gnon par byed pa de bzhin nyid dang / yang dag pa'i mtha' pha rol gnon par byed pa/ pha rol tu phyin pa bcu rab tu rdzogs par byed pa'o/ /'di ni 'phags pa'i lam yan lag brgyad sgom par byed pa'o/ /'di ni lam rab tu nyams pa rnams kyi lam du 'chags par byed pa/ bsam pa rab tu nyams pa rnams kyi bsam pa yongs su dag pa/ ngan song du 'gro bar rgyu ba rnams kyi bde 'gro'i lam du 'gro bar byed pa/ 'di ni byang chub chen po'i sa bon dang / 'bras bu rab tu ston par byed pa'o/ /de nas bcom ldan 'das de bzhin gshegs pa shAkya thub pas byang chub sems dpa' chen po 'phags pa spyan ras gzigs dbang phyug la 'di skad ces bka' stsal to/ /sems can dag pa 'jig rten las 'das pa khyad par du 'phags pa rnam par thar ba'i dkyil 'khor don yod pa'i zhags pa'i rnam par 'phrul pa 'jig rten las 'das pa'i dkyil 'khor gyi nye bar spyod pa'i cho ga shod cig / byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das kyi spyan snga nas bskul ba thob nas/ bcom ldan 'das kyi spyan sngar/ 'jig rten las 'das pa'i cho ga dang / dkyil 'khor gyi nye bar spyod pa'i cho ga dang / sgrub thabs gsungs so/ /gnas bzang sa gzhi dge ba dang / /sa gzhi gtsang zhing ne'u gsing la/ /ljon shing me tog 'bras bus khyab/ /me tog 'khri shing 'gram dang ni/ /sa gzhi mnyen la dag pa dang / /gang du chu bo 'bab pa dang / /gzi brjid ldan zhing yid dga' ba/ /sa gzhi sems ni dga' bar 'os/ /yid kyi shing rta rgyas byed cing / /go skabs legs par gnas pa dang / /shin tu dag cing thun tshags bral/ /rus pa gseg ma gyo mo dang / /phub ma sol ba yongs su spangs/ /gtsang zhing gtsang la legs dag pa'i/ /sa gzhi yongs su zlum pa der/ /mkhas pas rgyar ni gzings tshad du/ /gzhal nas shin tu rnam 'byes shing / /gtsang zhing mnyen la 'jam par phye/ /gnas der dkyil 'khor legs par bsgrubs/ /sangs rgyas byang chub bla na med/ /'jig rten las 'das khyad 'phags par/ /de bzhin gshegs kun gyis byin brlabs/ /sa yi cha las dpangs su ni/ /mi gang tshad du brko bar bya/ /gzungs dang dkyil 'khor dmar po'am/ /yang na gur gum kha dog dang / /sa rdul dkar po snum pa ni/ /mar sar 'dra ba 'jam pa yin/ /sa yi khyad par dbye ba de/ /de bzhin gshegs pa kun gyis bsngags/ /byang chub snying po sa der mtshungs/ /ring bsrel bzhugs pa'i mchod rten dang / /de ni mtshungs par gyur pa yin/ /brkos pa'i nang du mkhas pa yis/ /slar yang sa de dgang bar bya/ /ji srid dong bu mnyam par gang / /de ni dkyil 'khor yang dag pa'o/ /nyung dang lhag pa bsngags pa min/ /'dir ni 'grub pa med par bstan/ /khru ni sum cu rtsa gnyis tshad/ /mkhas pas dkyil 'khor thig dag gdab/ /yang na khru ni bcu drug dang / /yang na khru ni bco lngar bya/ /mnyam zhing grwa bzhir legs par dbye/ /ba yi lci ba dag dang ni/ /sa dang bsres te bsku bya ba/ /shin tu zhen par bsdig pa dang / /'jam zhing mnyen par bya ba yin/ /de la dkyil 'khor thig gdab pa/ /sna tshogs tshon gyis kun tu dbye/ /sgo bzhi rnam par 'byes pa dang / /rta babs bzhi dang ldan par bya/ /dkyil 'khor dbus kyi snying po ni/ / rnam par phye ste gru bzhi tshad/ /khru gsum yang na khru bzhi ni/ /thig skud tshon gyis rnam par dbye/ /nang gi thig ni tshad dag tu/ /mdung rtse gsum pa dag dang ni/ /nor bu rin chen sna tshogs bya/ /bar gyi thig gi tshad dag tu/ /pad+ma dang ni rdo rje dag /kun tu bri bar bya ba yin/ /phyi yi thig gi tshad dag tu/ /rdo rje rnam pa'i stegs bu dang / /rin chen sna tshogs gzhal med khang / /stegs bu dag kyang bri bar bya/ /pad+ma'i dbus su gzhal med khang / /gzhal yas khang pa gnas par bya/ /dkyil 'khor dbus kyi pad+ma la/ / rnam par snang mdzad thub pa bya/ /g.yon du 'ong ni dpag med pa/ /g.yas phyogs su ni de bzhin gshegs/ /shAkya'i rgyal po dag dang ni/ /don yod rgyal po 'jig rten gyi/ /dbang phyug mgon la mngon sum du/ /btud de thal mo sbyor ba ni/ /phyag bzhi par ni bya ba yin/ /phyag gnyis kyis ni sna tshogs pa'i/ /me tog rnams ni 'chang ba dang / /rgyan rnams kun gyis brgyan par bya/ /'od dpag med pa'i mdun du ni/ /khro bo'i rgyal bo phyag bzhi ba/ /btud de thal mo sbyor ba dang / /lha rdzas me tog sna tshogs pa/ /lag pa gnyis na thogs pa dang / /sna tshogs rgyan gyis brgyan par bya/ /dbus kyi dkyil 'khor legs brgyan pa/ /sna tshogs dar gyis mdzes par bya/ /don yod zhags pa'i phyag rgya che/ /pad+ma gdan dang rnam rgyan pa/ /'bar ba'i nang na yod par bya/ /grwa bzhir dag ni byas na ni/ /gnyis kyi bar gyi cha bzhi ste/ /dbus kyi gnas su 'jigs med pa/ /shar gyi gnas su gnas pa ni/ /lha mo sgrol ma rnam par brgyan/ /g.yas kyi gnas su gnas pa ni/ /gos dkar mo ni rnam par brgyan/ /nub kyi gnas na gnas pa ni/ / lha mo dkar mo rnam par brgyan/ /byang gi gnas na gnas pa ni/ /lha mo pad+ma mdzes dga' brgyan/ /dkyil 'khor phyi rim grwa rnams su/ /rgyal chen bzhi ni gzhag par bya/ /bar gyi gnas su gzhag pa ni/ /ral pa gcig pa gtum mo shar/ /nub tu pho nya bzhin sgyur ma/ /g.yas phyogs su ni bzhin sgyur ma/ /rdo rje lcags sgrog bya ba yin/ /byang du srin mo khro gnyer gdong / /kun kyang me dbus 'jigs pa med/ /dkyil 'khor dbus su dgod pa bzhin/ /phyi rol thig le pad+mo'i phreng / /rdo rje rtse gsum gzhag pa ni/ /kun tu 'bar ba phreng bar bcas/ /phyi rol dkyil 'khor kun tu ni/ /bri bya rtag dang phyag rgya dang / /lha ni dbang phyug dbang phyug che/ /tshangs pa khyab 'jug gshin rje dang / /chu lha dbang po lus ngan po/ /dbang sgyur dga' ldan gnas dag gi/ /lha nas 'og min gnas kyi bar/ / lha rnams bri bar bya ba yin/ /sum cu rtsa gsum lha rnams dang / /rtags ni rnam pa sna tshogs dang / /kun kyang pad+mo'i gdan la gnas/ /de bzhin chos kyi 'khor lo dang / /rdo rje rtse lnga rdo rje dang / /zhags pa dang ni dgra sta dang / /legs mthong 'khor lo de bzhin no/ /mdung rtse gsum dang paT+Ti sa/ /ngos la dbyug pa tho ba dang / /rdo rje dkyil 'khor pad+ma'i phreng / /'khor lo dung dang ga dA dang / /ral gri dang ni to ma raM/ /bum pa gang ba dag dang ni/ /mi snang ba yi 'bag sha dang / /pad+ma dang ni ut+pa la/ /rgyal mtshan gdugs dang nor bu dang / /dbyug pa dang ni rdo rje dang / /gra bzhir rdo rjes mtshan pa yin/ /nor bu rdo rje dag dang ni/ /dgra sta rdo rje dag dang ni/ /phyag rgya bzhi dang dga' ba 'khyil/ /bya ma bum dang kun di dang / /ril ba b+h+r-ing ga ri dang ni/ /e na'i pags pa dang / /mchod phyir thogs pa'i snam bu dang / /steng du rgyu skar bcas pa yi/ /zla ba nyi ma de bzhin no/ /kun kyang 'bar ba'i nang du 'dug /so sor cha ni dbye bar bya/ /mkhas pas shar gyi sgor bri ba/ /'gying bag mthong na 'jigs su rung / /lag na rdo rje 'jigs pa med/ /rdo rje 'chang ba 'bar ba'i nang / /ki li ki la gtum po che/ /lho phyogs kyi ni sgo ru gzhag /nub tu rdo rje ping ga la/ /mthong na 'jigs su rung ba yi/ /byang du nges par gnod mdzes bya/ /phyi rol dkyil 'khor kun tu ni/ /pad+ma'i phreng dang ut+pal phreng / /grwa dag dang ni grwa rnams su/ /klu yi rgyal po bzhi rnams bri/ /sgo srung ba dag bri ba ni/ /nor bu bzang dang gang ba bzang / /stobs kyi lha dang lngas rtsen yin/ /sgo yi gnas kyi bar dag tu/ /chu bo bzhi ni bri bya ba/ /gang gA dang ni si ta dang / /pak+Shu dang ni sin+du yin/ /phreng ba'i nang rol thog dag tu/ / dpal gyi lha mo ba san tI/ /dpe med ma dang sa yi lha/ /lo tog sman gyi lha mo dang / /sgra dbyangs ma dang 'jigs ldan ma/ /de bzhin mi yi lha dag dang / /'phrog ma dang ni dung can ma/ /gtum mo dang ni me tog so/ /de dag bri bar bya ba yin/ /khrus byas 'dri mkhan gtsang ma yis/ /gtsang ma'i snod du tshon rnams ni/ /lhag ma min pas kun tu bri/ /zas ni dkar gsum grub par bya/ /khyad par 'dod pas zas ngan pa/ /spang bar bya ba nya dang sha/ /btsong dang sgog skya ke'u rnams dang / /'dres pa spang bar bya ba ni/ /log 'dren glags tshol spang phyir ro/ /khrus byas gos ni sar pa bgos/ /gtsang mas dkyil 'khor bri bar bya/ /dkyil 'khor rnam pa sna tshogs kyis/ /kun tu brgyan bar bya ba ni/ /ba dan rnam pa sna tshogs dang / /rnam pa sna tshogs mda' dang ni/ /lha rdzas dar ni dpyang ba dang / /ba dan yang ni dpyang bar bya/ /tshon skud sna lnga'i srad bu yis/ /kun tu yongs su bskor bar bya/ /zangs las byas pa'i pad+ma'i tshad/ /sor bzhi 'dab ma bye ba de/ /mdzes pa grwa bzhir gzugs par bya/ /snying po dkyil 'khor grwa rnams su/ /pad+ma brgyad ni gzhal ba dag /gser las byas pa bzhi gzhag cing / /de bzhin dngul las byas pa bzhi/ /kun tu byi ru'i phreng ba dang / /mu tig phreng ba de bzhin no/ /kun tu gser gyi srang bu dang / /rin chen sna tshogs gzhag par bya/ /snying po'i dkyil 'khor thig bar du/ /gser gyi snod ni bzhi dag dang / /dngul gyi snod ni bzhi gzhag go/ /dngul gyi bum pa gang ba bzhi la dngul dang / gser dang / zangs las byas pa'i me tog spras pa'i mgo lcogs kyis spras pa gzhag par bya'o/ /gser gyi bum pa bzhi gzhag pa la mu tig dang / byi ru dang / pad+ma rA ga dang / ma rgad dang / in+d+ra nI la dang / dngul dang / gser dang / me tog gis spras pa'i mgo lcogs gzhag par bya'o/ /gla rtsi dang / ga pur dang / gur gum dang / lha rdzas kyi tsan+dan gyi phye mas gser gyi snod bkang ba dang / dngul gyi snod kyi nang du gser gyi me tog dang / dngul gyi me tog dang / zangs kyi me tog mu tig gis brgyan cing rin po che rnam pa sna tshogs spras pa gzhag par bya/ cod pan gyi rgyal mtshan bzhi gzhag par bya/ rin po che'i rgyal mtshan bzhi gzhag par bya/ tshon sna tshogs can dang / dar dmar po dpyang bar bya/ dngul gyi pog por bzhi gzhag ste/ tsan+dan dang / gla rtsi dang / ga bur dang / gur gum gyi bdug pas bdug par bya/ sa las byas pa'i bum pa gser gyis g.yogs pa'i nang du dri chab rnam pa sna tshogs kyis bkang ste/ rin po che sna bdun dang ldan par bgyis la bkang ba la dar gyis bcings la rgyan rnam pa sna tshogs kyis brgyan pa'i steng du zangs las byas pa'i me tog bzhag nas snying po'i dkyil 'khor gyi steng du pad+ma'i steng du gzhag par bya'o/ /de nas phyi rol gyi dkyil 'khor thog thag tu dri dang / phye ma dang / byug pa dang / me tog dang / 'bras bu la sogs pa rnam pa sna tshogs dang / mchod yon gyi chab kyis dngul gyi snod dang / zangs kyi snod bkang ba drug cu rtsa bzhi gzhag par bya'o/ /lcags kyi snod bum pa gang ba drug cu rtsa bzhi gzhag par bya'o/ /me tog dang / mgo lcogs dang / por phog bkang ba drug cu rtsa bzhi gzhag par bya'o/ /gzhag par bya ste bdug pa sna tshogs kyis bdug par bya'o/ /sgo bzhir dri chab kyi bum pa dar gyis brgyan cing spud pa gzhag par bya'o/ /sna ma'i me tog gi gdu bu'i steng du mda' la ba dan btags pa drug cu rtsa bzhi bcugs te/ tshon sna tshogs kyis bkra bar byas pa'i mda' dang / nor bu'i phreng ba rnam pa sna tshogs kyis dkyil 'khor brgyan par bya'o/ /de nas phyi rol gyi dkyil 'khor thog thag tu sa dang bsres pa'i ba'i lci bas dkyil 'khor byas la dri chab kyis bskus te/ tshon sna lnga'i srad bus thig btab la sgo bzhi rnam par phye ste/ seng ldeng gi phur bu tshad sor bcu gnyis pa drug cu rtsa bzhi gdab bo/ /tshon sna lnga'i srad bus dkyil 'khor kun du bskor bar bya'o/ /bum bu dang / bum pa dang / byam bum drug cu rtsa bzhi gtor ma sna tshogs kyis bkang pa gzhag go/ / khom phor zlum po drug cu rtsa bzhi gtor ma sna tshogs kyis bkang pa gzhag go/ /gtor ma tshul sna tshogs pa drug cu rtsa bzhi so sor gzhag go/ /snod tshon sna lnga pa drug cu rtsa bzhi kha zas rnam pa sna tshogs kyis bkang pa dang / bca' ba rnam pa sna tshogs blugs pa dang / gtor ma dkar po rnam pa sna tshogs gzhag go/ /yo byad thams cad kyis yongs su gang ba/ ro rnam pa sna tshogs kyi gtor ma gzhag go/ /'bras bu sna tshogs dang / me tog sna tshogs dgram mo/ /phreng ba brgya nyi shu rtsa gcig dkyil 'khor du dpyang bar bya ste/ byang phyogs kyi dkyil 'khor la drug cu rtsa bzhi snying po'i dkyil 'khor la sum cu rtsa gnyis gdags so/ /me mar gyi sdong bu bzhi bud bar bya'o/ /gtor ma brgya drug cu rtsa bzhi dang dkyil 'khor thog thag tu mar me bud par bya'o/ /chang dang sha dang / beg btsong dang / sgog skya dang / ke'u dang / tshod sngon dang / la phug spangs pa'i gtor ma gzhan rnam pa sna tshogs gzhag par bya'o/ /dkyil 'khor gyi phyi rol grwa bzhir don yod pa'i zhags pa'i mdo sde bklag par bya'o/ /sgo re rer bcom ldan 'das ma shes rab kyi pha rol tu phyin pa bklag par bya'o/ /chos klog pa legs par khrus byas te/ lha rdzas kyi gos kyis dkris te/ gtsang ma la dri rnam pa sna tshogs kyis bsgos pa'i gos gtsang ma sar pa bgos te/ chos kyi stan shin tu brgyan pa lha rdzas kyi stan la 'dug nas tshig 'jam po tshig mnyen pos bklag par bya'o/ /nub kyi phyogs cha la dkyil 'khor mthon po la bde ba can gyi bkod pa bris pa 'od dpag med dang / 'phags pa spyan ras gzigs kyi dbang phyug dang / mthu chen thob pa'i gzugs bri ba'i ras kyi sku gzugs dkyil 'khor la mngon du phyogs par gzhag par bya'o/ /shar gyi phyogs cha la dkyil 'khor grwa bzhi mthon po byas la rnam par grol ba'i dkyil 'khor la shAkya thub pa dang / 'phags pa rdo rje 'chang ba dang / don yod pa'i zhags pa'i khro bo'i gzugs bris pa ras kyi sku gzugs dkyil 'khor la mngon du phyogs par gzhag go/ /lho'i phyogs cha la ri 'dra ba'i gnas mthon po byas la de bzhin gshegs pa 'jig rten dbang phyug rgyal po dang / 'jam dpal dang / sgrib pa thams cad rnam par sel ba dang / don yod pa'i zhags pa ras la bris pa'i dkyil 'khor la mngon du phyogs par gzhag go/ /byang gi phyogs cha la khro bo'i rgyal po dang / de bzhin gshegs pa rnam par snang mdzad dang / byams pa dang / sa'i snying po bris pa'i ras kyi sku gzugs dkyil 'khor la mngon du phyogs par gzhag go/ /stegs bu'i rnam par mthon por byas pa thams cad legs par brgyan par bya'o/ /dar gyi phreng bas brgyan par bya'o/ /rgyan thams cad kyis brgyan pa dang / bum pa gang ba gzhag pa dang / dris dkyil 'khor bya ba dang / ro'i mchog rnam pa sna tshogs bza' ba'i ngo bo rnam pa du ma'i kha zas kyi ro 'bul ba dang / 'bras bu rnam pa sna tshogs dang ldan pa'i bsod snyoms gzhag pa dang / tsan+dan dang / a ga ru dang / du ruska dang / ga bur dang / gla rtsi dang / gur gum dang bsres pa'i bdug pa ras kyi sku gzugs la dbul bar bya'o/ /de nas rig sngags 'chang bas dus gsum du khrus bya zhing / gos lan gsum brjes te/ dus gsum du bzlas brjod dang cho ga bya'o/ /tshes brgyad nas brtsams te tshes bco lnga tshang gi bar du don yod pa'i zhags pa lan nyi shu rtsa gcig bzlas brjod bya'o/ /khro bo'i rgyal po lan nyi shu rtsa gcig bzlas brjod bya'o/ /don yod pa'i zhags pa'i lcags kyu nyi shu rtsa gcig dang / don yod pa rnam par lta ba'i zhags pa'i snying po dang 'jig rten las 'das pa rnam par 'phrul pa lan nyi shu rtsa gcig dang / rnam par grol ba'i dkyil 'khor byang chub sems dpa' thams cad kyis phyag byas pa stong rtsa brgyad bzlas brjod bya ba dang / rnam par grol ba'i dkyil 'khor gyi zhags pa'i snying po stong rtsa brgyad bzlas brjod bya'o/ /zla ba nya la thug gi bar du zas dkar gsum bza' bar bya'o/ /tshes bco lnga'i nyin mtshan thog thag tu don yod pa'i zhags pa'i snying po dpag tu med par bzlas brjod bya'o/ /mtshan thog thag bzlas brjod byas kyang ngal ba med pa dang / lus snyom pa dang bral bas bzlas brjod bya'o/ /byams pa dang / snying rje'i lhag pa'i bsam pa'i sems su bya'o bzlas brjod kyi cho ga zin nas dkyil 'khor gyi bya ba mtshams bcad pa dang / phyogs bcing ba dang / bdag srung ba dang / gzhan srung ba dang dkyil 'khor bsdam pa byas nas/ de nas 'khor rnams dkyil 'khor du dam tshig la gzhug par bya'o/ /dkyil 'khor du gzhug pa dang / dkyil 'khor gyi las zin nas mchod pa brtsam mo/ /mchod pa'i cho ga zin pa dang / de nas bzlas brjod brtsam par bya ste/ don yod pa'i zhags pa'i dkyil 'khor gyi spyan sngar 'dug nas/ don yod pa'i zhags pa'i snying po bzlas brjod byas la/ khro bo'i rgyal po brgya rtsa brgyad kyis dbang bskur ro/ /bzlas brjod lan nyi shu rtsa gcig dang / dbang bskur ma thag tu ras kyi sku gzugs dang / dkyil 'khor thams cad kun tu 'bar zhing 'od zer sna tshogs 'byin cing legs so zhes bya ba'i sgra 'byin par 'gyur ro/ /rig sngags 'chang ba'i snying dga' zhing lus 'bar bar 'gyur ro/ /'phags pa spyan ras gzigs dbang phyug shin tu 'bar zhing 'od 'phro ba nyi ma stong bas lhag pa'i 'od zer can don yod pa'i zhags pa tshangs pa'i cha byad 'chang ba dkyil 'khor gyi dbus kyi nang nas mngon du gshegs te/ phyogs bcu'i dkyil 'khor kun la rnam par gzigs shing rig sngags 'chang ba legs so zhes bya ba'i sgra phyung ste/ phyag g.yas pa brkyang ste rig sngags 'chang ba'i spyi bo la bzhag ste/ dkyil 'khor gyi mchog shin tu brgyan cing spras pa 'di ni shin tu bzang ba yin te/ legs so legs so/ /'di rnam par grol ba'i dkyil 'khor don yod pa'i zhags pa rnam par 'phrul pa de bzhin gshegs pa thams cad kyis byin gyis brlabs pa/ byang chub sems dpa' thams cad kyis phyag byas pa de bzhin gshegs pa dang / byang chub sems dpa' thams cad kyi gsang ba/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / srin po rnams kyi dam tshig gi dkyil 'khor bdud thams cad pham par byed pa'i dkyil 'khor bgegs dang / rnam par log 'dren thams cad 'joms pa/ bud med dang / skyes pa dang / khye'u dang / bu mo dang / dge sbyong dang / bram ze dang / rje'u'i rigs dang / dmangs rigs dang / tha na byol song gi skye gnas su gtogs pa'i bya'ang rung ste/ sems can thams cad 'khor ba'i gcong rong las sgrol ba yin no/ /'di ni sdig pa dang / sgrib pa thams cad dang / dmyal ba dang / sdug bsngal dang / nad dang / skye ba dang / rga ba dang / 'chi ba las yongs su thar bar byed cing 'jigs pa med pa'i khyim du 'jug par byed pa yin no/ /'di ni rnam par thar par byed pa dkyil 'khor chen po snying po dang / gsang sngags su bcas pa rnam par grol ba'i dkyil 'khor byang chub sems dpa' thams cad kyis phyag byas pa 'di rig sngags 'chang ba de dang des ming brjod pa dang / gang dran pa tsam la sogs pa dang / lta ba dang / nyan pa dang / ming 'dzin pa yang 'khor ba'i pha rol tu rgal bar 'gyur ro/ /phyir mi ldog pa nyid du sa bcu bgrod nas bla na med pa yang dag par rdzogs pa'i byang chub las phyir mi ldog pa thob par 'gyur ro/ /de gang zhe na/ gang zhig dkyil 'khor chen po 'di 'dra ba mngon du mthong ba dang / rnam par grol ba'i gzungs 'jig rten las 'das pa'i gsang sngags kyi tshig bzlas brjod byed pa dang / klog pa dang / dran pa dang / 'chad pa dang / lan 'ga' smyur bas mthong ba dang / thang cig dang / skad cig dang / yud tsam gyis mthong ba ni nga dang mnyam pa dang / mi mnyam pa yin no zhes smra'o/ / bdag ni sems can de la de bzhin gshegs pa yin par yang 'dzin te/ 'jig rten dang 'jig rten las 'das pa yin pas spyi bos dbang bskur bar bgyi'o/ /rig sngags 'chang bas zung shig dang / mchog ji ltar 'dod pa dang / ji ltar yid la re ba dang / bsam pa thams cad rjes su gzung zhing sbyin par mdzad do/ /de'i tshe rig sngags 'chang bas yid la ji ltar bsams pa'i mchog smras na/ de thams cad sbyin par mdzad cing don yod pa'i ye shes bkod pa rnam par grol ba dri ma med pa zhes bya ba'i ting nge 'dzin thob par 'gyur ro/ /gzhan yang gang gA'i klung gi bye ma dang mnyam pa khrag khrig stong phrag bcu'i ting nge 'dzin thob par 'gyur ro/ /rdzu 'phrul gyis nam mkha' la 'gro bar 'gyur ro/ /dkyil 'khor de'i dam tshig tu zhugs pa ni dam tshig shes pa'i rjes su zhugs pa yin te/ de dag thams cad sa bcu la rab tu gnas pa yin/ 'di lta ste/ bla na med pa yang dag par rdzogs pa'i byang chub las phyir mi ldog par 'gyur ba'i phyir mi ldog pa thob par 'gyur ba yin/ lung bstan pa dang byin gyis brlabs par 'gyur ba yin/ de ni mngal na gnas par skye ba'i tha ma ste/ phyis mang lan gnas pa'i dri mas gos par mi 'gyur ro/ /shi nas bde ba can gyi 'jig rten gyi khams su skye bar 'gyur ro/ /de pad+mo'i nang nas rgyan thams cad kyis brgyan par rdzus te skyes par 'gyur ro/ /tshe rabs kun tu tshe rabs dran par 'gyur ro/ /don yod pa'i rgyal po'i phun sum tshogs pa cho ga zhib mo'i rgyal po rnam par grol ba'i dkyil 'khor de bzhin gshegs pa thams cad kyis byang chub kyi snying po chos kyi 'khor lo bskor ba/ dam tshig chen po 'di kha ton byed na phyogs bcu'i de bzhin gshegs pa thams cad sangs rgyas kyi zhing na byang chub kyi snying po la bzhugs pa mthong bar 'gyur ro/ /de bzhin gshegs pa thams cad kyi spyan sngar legs so zhes bya ba thob par 'gyur te/ rigs kyi bu skye ba blangs pa legs par skye ba yin pas legs so legs so/ /phyir mi ldog par bla na med pa yang dag par rdzogs pa'i byang chub la rab tu gnas pa yin no/ /de bzhin gshegs pa de dag thams cad dang phyogs bcu'i sangs rgyas bcom ldan 'das rnams 'od zer 'bum phrag bye bas mdzes par gyur cing bsod nams kyis brgyan pa'i phyag gser gyi mdog can brkyang nas spyi bor phyag 'jog cing dbugs 'byin par yang mdzad do/ /byang chub kyi snying po la thug gi bar du chos 'bel ba'i gtam mngon sum du sgrogs par mdzad do/ /tha na dkyil 'khor chen po rol mo'i sgra rnga bo che dang / rnga bran dang / dung dang / rdza rnga dang / rol mo'i sgra gang dag grag pa la sems can gang dag gis sgra de thos nas rna ba'i bu ga tsam du song ba de thams cad phyir mi ldog par 'gyur zhing bla na med pa yang dag par rdzogs pa'i byang chub la rab tu gnas par 'gyur ro/ /tha na byol song gi skye gnas su gtogs par bya'i rna bar sgra thos pa de dag thams cad kyang phyir mi ldog par 'gyur ro/ /de ltar na rnam par 'phrul pa'i cho 'phrul chen po dang ldan pa rnam par thar ba'i dkyil 'khor gyi cho ga mthu chen po rnam par 'phrul pa yin no/ /rigs kyi bu po'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ sems can gzhan gang yang rung ba dge sbyong ngam/ bram ze'am/ rgyal rigs sam/ rje'u'i rigs sam/ dmangs rigs sam/ 'ga' zhig gis rnam par grol ba'i dkyil 'khor gyi cho ga 'di 'khor mang po'i nang du klog pa dang sems can gang gis sgra de thos nas sgra dbyangs de dang ming thos pa rna ba'i bu gar song bar gyur pa de dag thams cad sgrib pa dang / sdig pa mi zad pa las bral bar 'gyur ro/ /sngon gyi sgrib pa dang / sdig pa las rnam par grol bar 'gyur ro/ /phyir mi ldog par 'gyur ro/ / de bzhin gshegs pa thams cad kyi sras su rig par bya'o/ /'phags pa spyan ras gzigs dbang phyug gi sras kyi thu bo yin no/ /rtag par 'phags pa spyan ras gzigs kyi dbang phyug grogs mdzad cing rjes su 'brang bar 'gyur ro/ /rtag tu dbugs 'byin pa mdzad par 'gyur ro/ /mthar byang chub kyi snying po la gnas kyi bar du rtag tu rjes su srung bar mdzad do/ /sems can gang zhig dkyil 'khor de'i sa phyogs su song ste/ sa gzhi snang ba tsam mthong ba de dag thams cad kyang phyir mi ldog par 'gyur ro/ /nyon mongs pa thams cad bsregs shing sgrib pa thams cad las yongs su grol bar 'gyur ro/ /de'i sa rdul rlung gis bdas te lus la phog pa gang yin pa de dang / tha na sems can ngan pa yang rung ste/ de dag thams cad phyir mi ldog par 'gyur ba'i gnas la rab tu gnas par 'gyur ro/ /sdig pa thams cad las yongs su grol ba dang / 'phags pa spyan ras gzigs dbang phyug rtag tu mthong ba dang ldan par 'gyur ro/ /de bzhin gshegs pa thams cad dgongs par 'gyur ro/ /byang chub sems dpa' thams cad kyis dbugs phyung bar 'gyur ro/ /lha thams cad kyis bsrung bar 'gyur ro/ /bsod nams kyi phung po chen po yongs su gzung bar 'gyur ro/ /dge ba'i rtsa ba chen po dang ldan par 'gyur ro/ /de ltar na sgra thos pa tsam dang / ming 'dzin pa tsam gyis 'bras bu chen po thob par 'gyur ro/ /de nas rnam par grol ba'i dkyil 'khor gyi sbyin sreg gi cho ga bshad par bya ste/ sdig pa dang / sgrib pa thams cad sreg cing sdug bsngal drag po las rnam par grol bar 'gyur ba dang / nyon mongs pa drag po'i rgya mtsho dang / 'khor ba las sgrol ba 'grub pa phyir mi ldog pa'i gnas bla na med par dbugs 'byin par mdzad pa/ sangs rgyas thams cad dang byang chub sems dpa' rnams kyi 'jig rten las 'das pa'i lam bla na med pa yang dag par rdzogs pa'i lam ston pa/ sangs rgyas dang / byang chub sems dpa' ston pa/ lha'i stegs sbyin sreg byas pa tsam gyi mod la the tshom med par me lha dang / dbang po dang / khyab 'jug dang / dbang phyug chen po dang / dbang phyug dang / gshin rje dang / chu lha dang / lus ngan po dang / gzhon nu rnams sbyin sreg byas pa 'di tsam gyi mod la thams cad 'ong bar 'gyur ro/ /the tshom med par lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / srin po dang / sha za dang / grul bum thams cad 'ong bar 'gyur zhing / de'i mod la rig sngags 'chang ba'i rkang pa gnyis la rtag tu 'dud par byed do/ /de bzhin du nyin mtshan du kun tu srung bar 'gyur ro/ /rgyal po chen po bzhi dang / phyag na rdo rje bdag nyid chen po dang / gnod sbyin gyi dbang po chen po bcu yang phyogs bcur srung bar byed de/ mi srun pa ma rungs pa sel cing dmyal ba dang / 'jigs pa mi bzad pa dang / dug drag po dang / sems can ma rungs pa rnams sel bar byed do/ /de ma thag tu bsod nams chen po'i lhun po dang / bsod nams chen po'i phung po bla na med pa skye bar 'gyur ro/ /tsan+dan srang nyi shu dang / a ga ru srang lnga dang / du ru ska srang bdun dang / ga bur dang / gla rtsi srang gcig gi bzhi cha re re dang / gur gum srang gcig dang / lce bog kun du ra srang lnga dang / gu gul srang bdun dang 'di rnams gcig tu bsres te/ phye mar byas la khar dkar po dang / sbrang rtsis ril bu zho re'i tshad tsam du byas pa stong rtsa brgyad dang / yungs kar dang / 'bras yos bsres te/ ril bu dang bsres nas mar gyi nang du smyugs te sbyin sreg bya'o/ /shing srur b+hi dang / shing arka dang / shing sha mya'i yam sreg shing gi me sbar te sbyin sreg gi cho ga bya'o/ /gang dang gang gi tshe stong rtsa brgyad sbyin sreg byas na de dang de'i tshe sdig pa dang / sgrib pa drag po thams cad sreg par 'gyur ro/ /de dang de'i tshe de nad thams cad las yongs su grol bar 'gyur ro/ /de dang de'i tshe gcod thams cad las yongs su grol bar 'gyur ro/ /de dang de'i tshe 'dzam bu'i gling gi sems can bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje'u rigs dang / dmangs rigs la sogs pa thams cad kyi sdig pa dang / sgrib pa thams cad byang bar 'gyur ro/ /sdig pa thams cad dang / byur thams cad dang / gnod pa thams cad dang / 'khrug pa thams cad dang / 'thab pa dang / rtsod pa dang / g.yul 'gyed pa dang / shags 'gyed pa thams cad dang / rang gi 'khor dang / gzhan gyi 'khor gyi 'jigs pa thams cad dang / phyir rgol ba'i dgras 'jigs pa thams cad dang / sems can ma rungs pa thams cad dang / rkun po dang / zol ba dang / mi rgod pa dang / gcan gzan gtum po'i 'jigs pa thams cad rab tu zhi bar 'gyur ro/ /sems can de dag thams cad 'jigs pa med par 'gyur ro/ /bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje'u rigs dang / dmangs rigs gang dag gis de'i dri tshor ba de dag thams cad kyang phyir mi ldog par 'gyur zhing / bla na med pa yang dag par rdzogs pa'i byang chub la rab tu gnas par 'gyur ro/ /tshe brjes nas thams cad bde ba can gyi 'jig rten gyi khams su 'gro bar 'gyur zhing / pad+mo'i nang nas rdzus te skye bar 'gyur ro/ /byol song gi skye gnas su gtogs pa rkang gnyis pa dang / rkang bzhi pa rnams kyis de'i dri tshor ba tsam gyis thams cad nges par phyir mi ldog par 'gyur ro/ /bla na med pa yang dag par rdzogs pa'i sangs rgyas nyid las phyir mi ldog par 'gyur zhing mngon par rdzogs par 'tshang rgya'o/ /rig sngags 'chang ba de ji lta ji ltar sbyin sreg byed pa de lta de ltar nge'i lus dri ma med cing yongs su dag par 'gyur ro/ /stong rtsa brgyad tshang na rig sngags 'chang ba'i lus 'bar bar 'gyur ro/ /phyogs bcu'i sangs rgyas mang po'i sku mthong bar 'gyur ro/ /de bzhin gshegs pa'i sku de dag gis rig sngags 'chang ba la legs so zhes bya ba'i sgra 'byin te/ rig sngags 'chang ba legs so legs so/ /'di ni de bzhin gshegs pa thams cad kyi gsang ba'i mchog /rnam par grol ba'i dkyil 'khor 'jig rten las 'das pa'i sbyin sreg gi cho ga yin no/ /'di ni bdud thams cad rab tu 'joms pa'i sbyin sreg chen po'i cho ga yin no/ /'di ni gnod sbyin dang / srin po dang / 'byung po dang / brjed byed dang / bgegs dang / log 'dren tshar gcod pa'i sbyin sreg chen po'i cho ga yin no/ /'di ni byang chub kyi snying por song ste/ chos kyi 'khor lo bskor ba'i sbyin sreg chen po'i cho ga yin no/ /'di ni byang chub kyi lam bla na med pa yin no/ /de nas de bzhin gshegs pa'i sku de dag thams cad kyis phyag g.yas pa gser gyi kha dog lta bu brkyang ste/ rig sngags 'chang ba'i mgo'i spyi bo la phyag 'jog par mdzad do/ /'phags pa spyan ras gzigs dbang phyug gi rang gi ngo bo nyid kyi rgyan thams cad kyis brgyan pa/ don yod pa'i zhags pa dang / tshangs pa'i cha byad 'chang ba/ dbu lcang lo cod pan gyis brgyan pa/ pad+ma dang / mdung rtse gsum pa dang / zhags pa thogs pa/ rig sngags 'chang ba'i mdun na bzhugs te bka' stsol pa/ rig sngags 'chang ba khyod kyis don yod pa'i zhags pa'i snying po rnam par grol ba'i dkyil 'khor 'jig rten las 'das pa'i sbyin sreg gi cho ga chen po grub pa legs so legs so/ /zung shig dang / mchog ji lta ba dang / ji ltar 'dod pa de thams cad sbyin no/ /de nas rig sngags 'chang bas ji ltar 'dod pa'i mchog smras na de thams cad thob par 'gyur ro/ /'phags pa spyan ras gzigs kyi dbang phyug gis phyag brkyang ste/ rig sngags 'chang ba'i mgo'i spyi bo la phyag bzhag pa dang / phyag bzhag ma thag tu rig sngags 'chang nam mkha' la 'gro bar 'gyur ro/ / phyogs bcu'i sangs rgyas kyi zhing thams cad du 'gro bar 'gyur ro/ /de bzhin gshegs pa thams cad mngon sum du mthong ba thob par 'gyur ro/ /phyir mi ldog pa dang / phyir mi ldog pa'i gnas thob par 'gyur ro/ /sangs rgyas thams cad kyi zhing du de bzhin gshegs pa thams cad kyis dbang bskur ba thob par 'gyur ro/ /sangs rgyas thams cad kyi zhing la bsnyen bkur byas nas bde ba can gyi 'jig rten gyi khams su 'gro bar 'gyur ro/ /de bzhin gshegs pa 'od dpag med byang chub sems dpa'i 'khor dang bcas pa chos 'chad pa/ byang chub kyi snying po la thug gi bar du mngon sum du thob par 'gyur ro/ /de nas ho ma khung bshad par bya ste/ 'jig rten las 'das pa'i sbyin sreg gi gnas bla na med pa'i pad+ma kha bye ba 'dra bar byas pa/ zlum po khru gsum pa sa dang ba'i lci ba bsres pa dang ldan par byas te/ pad+ma'i snying po la ho ma khung za bas su brko ba dang / thab ka kun tu khru gang ba brko bar bya'o/ /nang du pad+ma bcu drug pa 'bur du byas pa bzhag la/ tshon sna tshogs kyis pad+ma de brgyan par bya'o/ /pad+ma'i phyi 'khor du dkyil 'khor gru bzhir byas la dri sna tshogs kyis gtor ba dang brgyan par bya'o/ / dkyil 'khor kun tu bum pa gang ba bzhi dang / dngul gyi snod gang ba bzhi dang / mchod yon gyi chus bkang pa gser gyi snod bzhi dang / ro sna tshogs kyi gtor ma gzhag pa ni gtor ma dkar gsum rnam pa sna tshogs dang 'bras bu rnam pa sna tshogs gzhag pa dang / dri dang me tog sna tshogs kyis gtor te/ phreng ba rnam pa sna tshogs dpyangs la/ dkyil 'khor kun du tshon sna lnga'i ba dan gyis mda' la brgyan te gzugs pa dang / sgo bzhi cha dbye ba dang / bum pa gzhag pa ni legs par brgyan cing dri chus yongs su bkang bar bya'o/ /sgo bzhir chos smra ba shin tu brgyan pa'i stan la 'dug ste/ shes rab kyi pha rol tu phyin pa bklag par bya'o/ /grwa bzhir cho ga smra ba chos kyi stan legs par brgyan pa la 'dug nas don yod pa'i zhags pa'i mdo sde bklag par bya'o/ /gser gyi me tog dang / dngul gyi me tog dang / zangs kyi me tog dang / rin po che sna bdun gyis mchod par bya'o/ /de nas rig sngags 'chang bas khrus byas gos gtsang ma bgos dri zhim pos bgos te/ gtsang mar byas pa la ril bu la don yod pa'i zhags pa'i snying po brgya rtsa brgyad bzlas brjod bya'o/ /khro bo'i rgyal po brgya rtsa brgyad kyis dbang bskur ro/ /don yod pa rnam par lta ba'i snying po brgya rtsa brgyad bzlas brjod bya'o/ /de nas don yod pa rnam par lta ba'i 'bar ba rnam par grol ba'i dkyil 'khor gyi zhags pa'i snying pos stong rtsa brgyad sbyin sreg bya ba ni mi smra bar byams pa'i sems dang / snying thag pa nas brtse ba dang / snying rje bar bya ba ni las bla na med pa yin no/ /dkon mchog gsum la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /'di lta ste/ oM pad+ma pA Ni/ tsa ra tsa ra pad+ma b+hu dze/ dz+wa la dz+wa la hU tA sha ne/ b+hu ru b+hu ru/ bi mo k+Sha b+hu dze/ da ha da ha/ sarba ma lA na/ a mo g+ha pA ni ba ra de/ hUM hUM nir da ha/ pA paM/ sha ma sha ni/ lo kot+tA ra Ni/ sa man+ta raSh+mi ba ra de/ ru tu ru tu/ pra ba re/ a mo g+ha sid d+hi/ oM b+hur+b+hu pa/ na mo stu te swA hA/ de ni rnam par grol ba'i dkyil 'khor 'bar ba zhags pa chen po'i snying po dang / gzungs kyi sbyin sreg gi cho ga 'jig rten las 'das pa bla na med pa yin no/ /de nas rig sngags 'chang bas thal ba des rmad du byung ba chen po'i bya ba thams cad bya'o/ /thal ba des gang gi lus la byugs pa de ni sgrib pa dang sdig pa thams cad las grol bar 'gyur ro/ /dpral bar thig le byas na de ma thag tu zhag bzhi pa'i rims las thar bar 'gyur ro/ /zhag gnyis pa dang / zhag gsum pa dang / mtshan mo pa dang / nyin par pa dang / nam phyed pa dang / nyin phyed pa dang / lo gcig pa dang / zla ba gcig pa dang / zhag bdun pa dang / rtag pa'i rims lan 'ga' yang gnas shing phyir 'ong bar mi 'gyur ro/ /dpag tshad brgya 'das te 'bros par 'gyur ro/ /mtshog mar thig le byas na gdon stong phrag brgyad cu rtsa bzhi las thar bar 'gyur ro/ /thams cad kyang phyogs bcur dpag tshad stong du 'bros par 'gyur ro/ /thal ba'i rdul bya rog gi mchu la gos pa phyogs kyi gnas gang du lhung ba der gnod sbyin dang / srin po dang / 'byung po dang / sha za dang / dang / grul bum dang / brjed byed dang / bgegs dang / log 'dren phyir gnas par mi 'gyur ro/ /thams cad 'bros so/ /phyogs kyi gnas der lhung na slar 'ong bar mi 'gyur ro/ /snying gar thig le byas na nad thams cad las thar bar 'gyur ro/ /lte ba'i gnas su thig le byas na lto ba'i nang gi nad thams cad mod la sos par 'gyur ro/ /gdug pas zin pa la bskus na dug med par 'gyur ro/ /dug gis myos pa la byin na dug med par 'gyur ro/ /thal bas khrus byas na byad dang / g.yengs byed dang / sngags dang / dug thams cad rnam par zhig par 'gyur ro/ /sha bkra dang / mdze dang / 'bras dang / shu phran mched pa dang / 'brum bu dang / lhog pa dang / me dbal dang / 'brum phran rnams byung na chu dron po dang sbyar te bskus la mar la lan bdun bzlas brjod byas pas bskus na mod la nad thams cad las yongs su thar bar 'gyur ro/ /sprin logs su gtor na sad dang / ser ba thams cad mi 'bab bo/ /rlung ldang ba'i logs su gtor na rlung bsdams par 'gyur ro/ /phyogs bzhir gtor na mtshams chen po bcad par 'gyur ro/ /yul 'khor kun tu gtor na me tog dang / 'bras bu dang / lo tog dang / me tog gi ljon shing dang / shing gi ya la ga dang / ldum ra dang / kun dkar ra ba dang / ri dang / rtswa dang / shing gel pa dang / sman dang / nags tshal thams cad legs par bsrungs bar 'gyur ro/ /yul 'khor la dpag tshad brgya tshun cad kun tu mtshams chen po gcad pa byas par 'gyur ro/ /grong khyer gyi sgo bzhir gtor na der 'jug pa dang / phyir 'byung ba'i sems can bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje'u rigs dang / dmangs rigs dang / byol song gi skye gnas su gtogs pa rkang gnyis pa dang / rkang bzhi pa dang / dang / bya de dag thams cad sgrib pa dang / sdig pa dang bral bar 'gyur ro/ /dgongs pa tsam gyis nad dang sdug bsngal thams cad las grol bar 'gyur ro/ /nad thams cad dang bral bar 'gyur ro/ /tshe yongs su brjes nas bde ba can gyi 'jig rten gyi khams su 'gro zhing / sangs rgyas nyid du gnas kyi bar du phyir mi ldog par 'gyur ba'i gnas thob par 'gyur ro/ /dur khrod dam/ ra bsregs pa'i steng du thal bas gtor na/ dmyal bar skyes pa'i sems can de dag thams cad mod la dmyal ba nas thar te/ mngon par dga' ba'am/ bde ba can du skye bar 'gyur ro/ /grong khyer ram/ gtsug lag khang ngam/ lha'i gnas sam/ grong ngam/ khyim mam/ dgon pa'i gnas sam/ yul 'khor kun tu gtor na mtshams chen po bcad cing zhi ba chen por 'gyur ro/ /rgyal po'i pho brang gi sgor gtor na rgyal po dang btsun mo'i 'khor dgra thams cad las legs par bsrungs par 'gyur ro/ /skye bo mang po'i nang du gtor na skye bo mang po de dag thams cad sgrib pa dang / sdig pa thams cad dang bral bar 'gyur ro/ /nad thams cad dang bral bar 'gyur ro/ /gzhan yang bye ba stong phrag brgya byed pas rang 'dod pa la rang gi blos thams cad du sbyar bar bya'o/ /de nas rnam par grol ba'i dkyil 'khor don yod pa'i zhags pa'i snying po 'jig rten las 'das pa'i sku gzugs ras la bri ba bshad par bya'o/ /dar ram ras gtsang ma legs par btags pa tshad khru do'am/ khru gsum mam/ khru bzhi pa de'i dbus su don yod pa'i zhags pa/ 'jig rten dbang phyug /tshangs pa'i cha byad 'chang ba/ dbu lcang lo cod pan gyis brgyan pa/ cod pan rgyal ba 'od dpag med dang g.yas su zla ba tshes pa can gyis brgyan pa/ phyag bzhi pa/ rgyan thams cad kyis brgyan pa/ skyil mo krung bcas te bzhugs pa bri ba ni ri bo po Ta la lcug ma me tog can sna tshogs kyis gang ba/ rin po che sna tshogs kyi lcug mas gang ba bya'o/ /de'i steng du rgyan thams cad kyis brgyan pa/ seng ge'i khri bya'o/ /seng ge'i khri'i steng du pad+ma'i gdan bya'o/ /de'i steng du 'phags pa spyan ras gzigs dbang phyug bzhugs par bya ste/ pad+ma dang / mdung rtse gsum pa dang / zhags pa thogs shing gzugs de phyag dbugs 'byin pa bya'o/ /dbu'i gong man tshad gzhal med khang chen po lha rdzas rin po che sna tshogs kyis spras pa/ dbus su mtho ba dang bcas pa bya'o/ /dbus mtho ba'i steng du de bzhin gshegs pa bdun tshad dang mthun par pad+ma'i gdan la bzhugs shing rgyan thams cad kyis brgyan pa'o/ / de bzhin gshegs pa de'i gong gi dbus su de bzhin gshegs pa rnam par snang mdzad dang / 'od dpag med dang / spyan ras gzigs dbang phyug 'od dang / de bzhin gshegs pa gsum rgyan thams cad kyis brgyan pa/ skyil mo krung bcas te gzhal med khang gi nang na bzhugs par bya'o/ /'phags pa spyan ras gzigs dbang phyug gi 'od 'dom gang la 'khor bar de bzhin gshegs pa sum cu rtsa gnyis kyis brgyan par bya/ de bzhin gshegs pa'i nye 'khor kun tu 'od zer 'bar ba sna tshogs dang / mdung rtse gsum pa'i phreng ba bya'o/ /de nyid kyi nye 'khor du lha sum cu rtsa gnyis bya'o/ /gong gi dbus su rdo rje 'chang ba khro gnyer can rdo rje gsor bar bya'o/ /de nas tshangs pa dang / khyab 'jug dang / dbang phyug dang / dbang phyug chen po dang / lha'i dbang phyug chen po dang / sum cu rtsa gsum gyi dbang po dang / 'og min gnas kyi lha'i bu dang / dga' ldan gyi lha'i bu dang / 'phrul dga'i lha'i bu dang / zla ba dang / nyi ma'i lha'i bu dang / rgyal po chen po bzhi dang / gshin rje dang / chu lha dang / lus ngan po dang / gzhon nu dang / me lha dang / nag po chen po dang / dga' ba'i dbang phyug dang / dga' bo dang / nye dga' bo dang / stobs lha dang / gang ba bzang po dang / nor bu bzang po dang / gnas gtsang ma'i rigs kyi lha dang / sum cu rtsa gsum pa'i lha dang / gzhan 'phrul dbang byed kyi lha'i bu rnams me tog sna tshogs dang / nor bu rin po che sna tshogs lag pa nas 'phrul pa dang / mtshon cha sna tshogs thogs par bya// //'phags pa don yod zhags pa'i cho ga zhib mo'i rgyal po/ bam po bcu bzhi pa/ lha rnams kyi phyi rol thog thag tu pad+ma'i phreng ba rdo rje dang / mdung rtse gsum pas spras pa'i pad+ma'i phreng bas kun tu 'khor bar bya/ g.yas phyogs su 'phags ma sgrol ma skyil mo krung phyed du bcas te bzhugs pa/ ut+pa la dang / nor bu rin po che phyag na thogs pa/ rgyan thams cad kyis brgyan pa/ 'phags pa spyan ras gzigs dbang phyug gi zhal du blta bar bya'o/ /de'i rgyab bu khro gnyer ma me tog sna tshogs 'chang ba/ rgyan thams cad kyis brgyan pa bya'o/ /g.yon du dkar mo zhes bya ba ni skyil mo krung phyed du bcas te bzhugs pa/ ku mu da dang / nor bu rin po che lag na thogs pa rgyan thams cad kyis brgyan pa/ 'phags pa spyan ras gzigs dbang phyug la blta bar bya'o/ / dkar mo de'i rgyab tu pad+ma mdzes dga' ma me tog sna tshogs thogs pa/ rgyan thams cad kyis brgyan pa bya'o/ /lha mo sgrol ma dang / dkar mo'i 'og tu pha rol tu phyin pa bcu'i lha mo thams cad kyang dbu yid tsam 'dud pa/ na bza' dkar po gsol ba/ rgyan thams cad kyis brgyan pa bzhengs pa bya'o/ /g.yas phyogs su srin mo ral pa gcig ma gtum mo skyil mo krung phyed du bcas te bzhugs pa/ phyag bzhi la zhags pa dang / dgra sta dang / ral gri dang / rdo rje lag na thogs pa 'phags pa spyan ras gzigs dbang phyug la blta bar bya'o/ /g.yon du pho nya mo zhal mche ba gtsigs pa rgyan thams cad kyis brgyan pa phyag bzhi la rdo rje dang / dgra sta dang / zhags pa dang / mdung rtse gsum pa phyag na thogs pa/ skyil mo krung phyed du bcas te bzhugs pa/ 'bar ba'i nang na 'jig rten dbang phyug la blta bar bya'o/ /ri bo po Ta la'i ngos kyi gseb tu klu'i rgyal po dga' bo dang / nye dga' bo dang / klu'i bu mo klu'i gnas dang bcas pa bya ste/ me tog sna tshogs thogs shing / gong du bcom ldan 'das 'jig rten dbang phyug la 'thor bar bya'o/ /ri'i smad du lha mo dpe med ma dang / lha mo bas na ti dang / sa'i lha mo dang / dpal lha mo dang / lha mo 'jigs byed ma dang / sgra dbyangs ma dang / lcags sgrog ma dang / dung can ma ste/ rgyan thams cad kyis brgyan pa/ me tog sna tshogs dang / nor bu rin po che thogs pa bya'o/ /gzhal med khang gi gong du mchod rten chen po brgyad phreng ba sbrengs la mchod rten gyi rgyan ji lta bar brgyan par bya'o/ /mchod rten gyi 'og g.yas rol du bcom ldan 'das byang chub kyi snying por gshegs pa la 'jig rten dbang phyug mngon du mchod pa mdzad pa bya'o/ /'phags pa rdo rje 'chang ba phyag na rnga yab thogs pa bya'o/ /de'i 'og tu drang srong dang / lha'i bu me tog sna tshogs kyis bcom ldan 'das la mchod pa bya'o/ /g.yon phyogs su bcom ldan 'das chos kyi 'khor lo bskor ba bya ste/ kun dga' bo dang / rdo rje 'chang ba lag na rnga yab kyis bcom ldan 'das la mngon du g.yob par bya'o/ /g.yas phyogs su 'phags pa spyan ras gzigs dbang phyug don yod pa'i zhags pa bcom ldan 'das la mchod pa byed pa bya'o/ /g.yon phyogs su khro bo'i rgyal po bcom ldan 'das la mchod pa byed pa bya'o/ /de'i 'og tu drang srong dang / lha'i tshogs bcom ldan 'das la mchod pa byed pa bya'o/ /ras kyi sku gzugs kyi g.yon dang g.yas kyi phyi rol thog brag tu de bzhin gshegs pa'i sku gzugs brgya rtsa brgyad pad+mo'i gdan la tshad ji bzhin du skyil mo krung bcas te bzhugs pa rgyan thams cad kyis brgyan par bya'o/ /'phags pa spyan ras gzigs dbang phyug gi seng ge'i gdan gyi zhabs drung du rig sngags 'chang ba pus mo btsugs te/ me tog dang / pog phor dang / bgrang phreng lag na thogs te 'phags pa spyan ras gzigs dbang phyug la mngon du blta bar bya'o/ /ri mo mkhan khrus byas shing gos gtsang ma bgos te/ gtsang bar byas la ro sna tshogs pa'i zas dkar gsum bza' bar bya'o/ /snod sar pa gtsang ma'i nang nas tshon lhag ma ma yin pas bri bar bya'o/ /'di'ang kha zas mi gtsang ba sna tshogs dang / gos ngan pa mi gtsang ba yongs su spang bar bya'o/ /tshig ngan pa dang / sems ngan pa yongs su spang bar bya'o/ /chang dang / sha dang / beg btsong dang / sgog skya dang / ke'u dang 'dres pa yongs su spang bar bya'o/ /nyi ma re re zhing ba'i rnam lnga la reg par bya'o/ /dri ma dang bral zhing ser sna dang / phrag dog dang bral bar bya'o/ /byams pa dang / snying rje'i lhag pa'i bsam pa dang / dkon mchog gsum la dang ba lhag par bya ste ras kyi sku gzugs bri bar bya'o/ /ga pur dang / gla rtsis bsgos pa'i tshon sna tshogs kyis bri bar bya'o/ /dben zhing 'du 'dzi yongs su spang bar bya'o/ /rmugs pa dang / gnyid yongs su spang bar bya'o/ /de ltar ri mo bri ba ni las legs par byas pa yin no/ /zla ba yar gyi ngo la bri bar bya'o/ /rgyu skar shin tu bkra shis pa dang / tshes grangs dang nyi ma shin tu bkra shis pa la brtsam par bya'o/ /rgyu skar rgyal ni bkra shis pa yin te de bzhin gshegs pa thams cad kyis bsngags pa/ byang chub sems dpa' thams cad kyis byin gyis brlabs pa/ lha thams cad kyis rjes su bzung ba yin no/ /rigs kyi bu dang / rigs kyi bu mo dang / dge slong dang / dge slong ma dang / dge bsnyen dang / dge bsnyen ma dang / dge sbyong dang / bram ze dang / rgyal rigs dang / rje'u rigs dang / dmangs rigs dang / bud med dang / skyes pa dang / khye'u dang / bu mo gang la la zhig don yod pa'i zhags pa'i snying po byang chub sems dpa' thams cad kyis phyag byas pa/ de bzhin gshegs pa thams cad rnam par gzigs pa/ byang chub chen po'i dkyil 'khor gsang ba/ rnam par grol ba'i dkyil 'khor gsang ba/ ras kyi sku gzugs chen po mthong ba ni sku gzugs mthong ba tsam gyi mod la sdig pa dang sgrib pa thams cad las rnam par grol bar 'gyur ro/ /mtshams med pa lnga byed pa dang / mtshams med pa la gzhol ba dang / dam pa'i chos yongs su spong ba dang / 'phags pa la skur pa 'debs pa dang / sangs rgyas dang / byang chub sems dpa' dang / nyan thos dang / rang sangs rgyas thams cad spong bar byed pa rnams kyang mthong ba tsam la sogs pas sdig pa thams cad phye mar rlog go/ /rnam par grol bar 'gyur ro/ /sdom pa chen po yang dag par 'dzin par 'gyur ro/ /gang gA'i klung gi bye ma bye ba khrag khrig 'bum phrag dgu bcu rtsa dgu snyed kyi de bzhin gshegs pa byang chub snying po la mngon du gshegs pa dang / chos kyi 'khor lo bskor ba mthong ba dang 'dra bar rig par bya'o/ /ras kyi sku gzugs 'di mthong ba ni gzhal med khang dang bcas pa'i ri bo po Ta lan 'phags pa spyan ras gzigs dbang phyug 'khor gyi dkyil 'khor dang bcas te mngon du bzhugs pa mngon du mthong ba dang 'dra ste/ 'di la the tshom mi bya'o/ /yid gnyis bskyed par mi bya'o/ /sems kyis skad cig gcig rab tu dang ba byas na/ bsod nams kyi phung po chen po yongs su gzung bar 'gyur ro/ /dge ba'i rtsa ba chen po sogs pa dang ldan par 'gyur ro/ /'phags pa spyan ras gzigs dbang phyug gis dgongs te mchog sbyin par 'gyur ro/ /de bzhin gshegs pa thams cad kyis yongs su gzung bar 'gyur ro/ /lus dang sems yid las byung ba'i yongs su dag par 'gyur ro/ /dbang po thams cad yongs su dag par 'gyur ro/ /dri ma dang bral zhing ser sna dang / phrag dog dang bral bar 'gyur ro/ / 'jig rten pa thams cad dga' ba dang / bla mar lta bar 'gyur ro/ /tshe ring por 'gyur ro/ /nad thams cad dang bral bar 'gyur ro/ /shi nas bde ba can gyi 'jig rten gyi khams su skal ba mnyam par skye bar 'gyur ro/ /tshe rabs dran par 'gyur ro/ /pad+ma'i nang nas rdzus te skye bar 'gyur ro/ /mthong ba tsam gyi mod la phyir mi ldog par 'gyur ro/ /de bzhin gshegs pa 'od dpag tu med pa'i sku gzugs 'di gang gis mchod pa de ni phyogs bcu'i de bzhin gshegs pa thams cad mchod par 'gyur ro/ /'di ni mngal na gnas pa'i tha ma yin te/ phyis ma rig pa'i mun pa'i nang du ltung bar mi 'gyur ro/ /de ltar na mi mnyam pa dang 'dra ba yin te/ ras kyi sku gzugs kyi cho ga 'jig rten las 'das pa sgrub pa'i cho ga 'di ni dam pa yin no/ /de nas gsang sngags kyi cho ga 'jig rten las 'das pa sgrub pa brjod par bya'o/ /gang gis dran pa tsam gyi mod la de bzhin gshegs pa thams cad mngon sum du mthong nas 'dug pa dang / phyogs bcu'i sangs rgyas kyi zhing thams cad sgo phye ste 'dug pa dang / byang chub sems dpa' thams cad kyis mngon du mthong ba sbyin par mdzad pa dang / dkyil 'khor gyi lha thams cad mngon du bsrung ba dang / skyob pa dang / sbed par mdzad pa dang / dkyil 'khor dang / phyag rgya dang / gsang sngags dang / snying po dang / cho ga zhib mo thams cad mngon du 'gyur ro/ /'jig rten las 'das pa'i lus su 'gro ba yongs su dag par 'gyur ro/ /dus gsum du gshegs shing so so na bzhugs pa'i de bzhin gshegs pa dang / byang chub sems dpa' sems dpa' chen po'i 'phags pa'i tshogs mchog thams cad la phyag 'tshal lo/ /'phags pa rdo rje 'chang ba dang / dkyil 'khor gyi lha thams cad dang / rig pa'i rgyal po la phyag 'tshal lo/ /oM a mo g+ha a ba lo ki te ma hA maN+Dal pad+ma sarba bo d+hi sa twa na ma skr-i te/ b+ha ra b+ha ra/ sa man+ta a ba lo ki te/ a mo g+ha ma hA brah+ma/ be Sha d+ha ra/ d+ha ra d+ha ra/ ma hA kA ru Ni ka bo d+ha ya/ bo d+ha ya/ ma hA bo d+ha ni/ bo d+hi bo d+hi/ pad+ma bi bo d+ha ni/ sarba pA pa an d+ha kA ra/ pra sha ma ni/ sarba durga ti/ b+ha ra ka /ma hA kA ru Ni ka /ba hu bi bi d+ha/ be Sha d+ha ra/ sarba ta thA ga ta gar+b+he/ hu ru hu ru/ a mo g+ha gar+b+he/ tu ru tu ru/ a mo g+ha pA sha ha ste/ mu ru mu ru/ bi mo k+Sha b+hu dze/ k+Shi Ni k+Shi Ni/ sarba A ba ra Na bi shud d+he/ b+ha ra b+ha ra/ sarba ta thA ga ta/ pa ri pU ra Ni/ ta ra ta ra/ tA ra ya mA na/ a ba lo kA ya/ pad+ma b+hu dze/ ma Ni ka na ka /bi b+hu Shi ta/ bA hu/ da ma da ma/ dur dA na tA nA na/ ma hA bo d+hi sa twa ba ra da/ ma hA kA ra Ni ka /sarba de ba ga Na na ma skr-i ta/ r-i Shi ga Na/ sta bi ta/ sha ta sa ha sra tsan+t+ra sUr+ya/ a hi re ka / ra sh+mi/ a ba b+hA si ta/ ma hA pa shu pa ti/ be Sha d+ha ra/ pa ra ma/ shud d+ha satwa/ a ba lo ki te/ lo ke shwa ra/ ma he shwa ra/ pa ra ma/ kU ru Ni ka /maN+Da le shwar/ su pra bud d+ha/ ma hA pad+ma/ b+hu dze shwa ra/ ma hA bid+yA d+ha re shwa ra/ d+hi ri d+hi ri/ ma hA kA ru Ni ka /ma hA kA ru Ni ka /ma hA bi mo k+Sha/ maN+Da la d+ha ra/ sarba ta thA ga ta gu h+ya/ mu drA sa ma ya d+ha ra/ ma hA ba la bid+yA d+ha ra/ ma hA ma Ni/ mau khi d+ha ra/ a mi tA b+ha/ mu ku Ta d+ha ra/ d+hu ru d+hu ru/ sa man+ta/ a ba lo ki ta/ lo ke shwa ra/ ma he shwa ra/ pA sha d+ha re shwa ra/ pa ra pa ra/ pa ra ma/ ma hA mai tri/ a ba lo ki te/ sarba satwa/ san+ta rA ga /sid d+hi/ si d+hA shA/ pa ri pU ra ka /ma hA ba ra/ pra mo da/ na mo stu te swA hA/ 'di ni thams cad rnam par grol ba'i dkyil 'khor byang chub sems dpa' thams cad kyis phyag byas pa/ de bzhin gshegs pa thams cad kyi gsang ba/ 'phags pa spyan ras gzigs dbang phyug gi snying po'i mchog / gsang ba sdig pa dang / sgrib pa thams cad yongs su sbyong ba/ 'jig rten las 'das pa'i lam rnam par sbyong ba/ de bzhin gshegs pa thams cad kyi rigs 'jug pa yin no/ /dkon mchog gsum la phyag 'tshal lo/ /dus gsum du gshegs pa'i sangs rgyas dang / byang chub sems dpa' thams cad la phyag 'tshal lo/ /oM bI ra bI ra/ ma hA maN+Dal/ bi shwa rU pa Sha Ta pA ra mi tA/ pa ri pU ra ka /sarba bo d+hi sa twa/ na ma skr-i ta/ ba ra ma bi pu la/ bi mo k+Sha d+ha ra/ ma hA pA sha /bi lo ki ha/ a mo g+ha pA sha dz+wa li ta ma hA dz+wa la a ba lo ki tA/ ma hA ma Ni biSh+Ta d+ha ra/ sa man+ta a ba b+hA si ta/ dz+wa la dz+wa la/ ma hA gam b+hI ra/ bi mo k+Sha pA sha d+ha ra/ ba la bo d+h+yang ga /A kar+Sha ka /oM prah+ma rU pa/ ma hA a mo g+ha pra sha hUM hUM/ phaT phaT/ sarba sa twa/ bi lo ki ta/ ba ra pra da/ na mo stu te swA hA/ 'di ni rnam par grol ba'i dkyil 'khor don yod pa'i zhags pa'i snying po 'jig rten las 'das pa'i rnam par 'phrul pa'o/ /dkon mchog gsum la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /oM bi bud d+h+ya/ bi bud d+h+ya/ ma hA kA ru Ni ka /ta ra ta ra tA ra ya/ ma hA arna ba pa ra na/ ma hA b+hu dza bi lo kA ya hUM phaT swA hA/ nye ba'i snying po'o/ /de bzhin gshegs pa thams cad la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /oM a mo g+ha pA sha /ma hA dA na pA ra mi tA/ pa ri pU ra ya/ hUM da ra da ra/ bi bid+ha/ bi tsi tre/ sarba sa twa u pa b+ho ga /sarba ta thA ga ta/ ma hA dA na/ pU dzA me g+ha/ pra brta ya/ ta ra ta ra/ tA ra ya/ ma hA pad+ma pA Ni hUM phaT swA hA/ 'di ni sbyin pa'i pha rol tu phyin pa'i zhags pa chen po'i snying po ste/ gang gis yungs 'bru tsam yang sbyin pa byin te dran pa tsam gyis lan bdun bzlas brjod byas na mchod sbyin sbyin pa rnam par 'phrul pa chen po shin tu rgyas pa chen po'i sbyin pa'i pha rol tu phyin pa yongs su rdzogs par 'gyur ro/ /de bzhin gshegs pa thams cad la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /oM a mo g+ha shI la/ saM b+ha ra saM b+ha ra/ b+ha ra b+ha ra/ ma hA shud d+ha satwa/ pad+ma bi b+hU Shi ta b+hu dza d+ha ra d+ha ra/ sa man+ta/ a ba lo ki te/ hU~M phaT swA hA/ gzungs 'di smyung ba byas te/ gso sbyong gi yan lag brgyad bzung nas mi smra bar lan nyi shu rtsa gcig dran par bya'o/ /de nas don yod pa'i zhags pa'i snying po bzlas brjod bya'o/ /bzlas brjod byas pa tsam gyi mod la tshul khrims yongs su dag pa chen po dang ldan par 'gyur ro/ /tshul khrims kyi pha rol du phyin pa yongs su rdzogs par 'gyur ro/ /tshul khrims kyi dri zhim po'i dri mang po lus las 'byung zhing phyogs bcu'i 'jig rten du grags par 'gyur ro/ /gang zhig nyi ma re re zhing gzungs 'di dran na de ni rtag tu tshul khrims yongs su dag par 'gyur ro/ /dge slong gang la la zhig tshul khrims zhig cing nyams pas smyung ba byas te/ 'di bzlas brjod byas pa tsam gyi mod la tshul khrims yongs su dag par 'gyu ro/ /tshul khrims mang po dang ldan par 'gyur ro/ /de bzhin gshegs pa thams cad la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /oM ma hA bIr+ya/ a mo g+ha bi lo ki te/ ba ra ba ra/ d+hi D+ha/ bIr+ya/ ma hA ba la/ ba la ba la/ ma hA bo d+h+yang+ga/ ba la bo d+ha ni/ hUM phaT swA hA/ gzungs 'di dus rtag tu yongs su dag pa'i yid kyis dran par byas na dran pa tsam gyi mod la brtson 'grus kyi pha rol tu phyin pa yongs su rdzogs par 'gyur ro/ /byang chub kyi snying po la thug gi bar du nam yang brtson 'grus kyi pha rol tu phyin pa dang bral bar mi 'gyur ro/ /de bzhin gshegs pa thams cad la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /oM a mo g+ha k+ShA na ti/ sarba bo d+hi sa twa k+Sha mi Na/ k+Sha Na k+Sha Na/ ma hA mai tri/ kA ru Na/ sarba satwa/ bta sa la/ ma hA kA ru Ni ka /sarba sa twa k+Sha mi Na/ hU~M phaT swA hA/ gzungs 'di sems can du gyur pa thams cad la bzod pa chen po dang / snying rje chen po dang / brtse ba'i sems kyis dmyal ba na gnas pa dang / byol song gi skye gnas su gtogs pa dang / bya gang dag 'das pa gang yin pa dang / gnas pa gang yin pa dang / skye ba gang yin pa de rnams la snying rje ba'i phyir gang zhig gzungs kyi mchog dran par byed na/ dmyal ba'i sems can las thar bar 'gyur zhing skye bo mang po gnas pa gang yin pa rnams grol bar 'gyur ro/ /nam sangs rgyas kyi zhing la gnas kyi bar du bzod pa'i pha rol tu phyin pa yongs su rdzogs par 'gyur ro/ /de bzhin gshegs pa thams cad la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /oM sarba tA thA ga ta/ ma hA a mo g+ha/ kA ru NA/ d+h+yAn sa mA d+hi/ sarba bi mo k+Sha/ a pra kam pya ka /tsu ru tsu ru hU~M phaT swA hA/ gzungs 'di 'phags pa spyan ras gzigs dbang phyug la dmigs nas yid rtse gcig tu byas te dran par byas na/ dran pa tsam gyi mod la des bsam gtan gyi pha rol tu phyin pa yongs su rdzogs par 'gyur ro/ /gzhan yang ting nge 'dzin stong phrag brgya so sor thob par 'gyur ro/ /sangs rgyas kyi zhing thams cad du bzhugs par 'gyur ro/ /bzlas brjod byas pa tsam gyis ting nge 'dzin thams cad la dbang sgyur bar 'gyur ro/ /de bzhin gshegs pa thams cad la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /oM a mo g+ha/ ma hA pradz+nyA/ a ba b+hA sa/ s+pha ra Na/ bud d+hi/ pra sa ra pra sa ra/ sa man+ta bud d+hi/ a ba lo ki ta/ b+ha ga bA na pra dz+nyA/ a ba lo ki ta/ tsak+Shu She ma hA pradz+nyA/ ba ra dA/ pA Ni/ ma hA pradz+nyA/ pad+ma d+ha ri Na/ b+hu dze hU~M phaT swA hA/ gzungs 'di dran pa tsam gyi mod la shes rab kyi pha rol tu phyin pa yongs su rdzogs par 'gyur ro/ /thabs dang shes rab sna tshogs kyi dge ba chen po'i blo 'phel bar 'gyur ro/ /rtag tu rgyun mi 'chad par pha rol tu phyin pa bcu'i blo dang ldan par 'gyur ro/ /phyogs bcu'i de bzhin gshegs pa thams cad dang / 'das pa dang / ma 'ongs pa dang / da ltar byung ba'i sangs rgyas rjes su dran pa'i shes rab dang blor 'gyur ro/ /lan 'ga' yang pha rol tu phyin pa drug dang bral bar mi 'gyur ro/ /sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi blo nyams par mi 'gyur ro/ /byang chub la thug gi bar du rab tu rmongs par mi 'gyur ro/ /don yod pa'i phyir pha rol tu phyin pa drug gi gzungs chen po yin no/ /dkon mchog gsum la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /tad+ya thA/ oM a mo g+ha bi mo k+Sha/ maN+Dal ma hA da b+hU ta bi ma le/ d+ha ra d+ha ra/ d+hi ri d+hi ri/ ma hA da b+hu ta/ a mi tA b+ha/ ma ku Ta/ d+ha ra hU~M phaT swA hA/ dkyil 'khor der yungs kar dang / dri chab dang ldan pa'i bum pa la sngags bzlas brjod byas nas/ chus kun tu chag chag btab na chag chag btab pa tsam gyi mod la dkyil 'khor kun tu dpag tshad gcig gi nang dus sbyangs te yongs su dag par 'gyur ro/ /ji ltar shel gong dang / rin po che sna tshogs pa dag pa dri ma med pa mdzes pa de 'dra ba'i sa gzhir 'gyur ro/ /shin tu dag pa dang / shin tu dri ma med pa dang / shin tu nyams dga' pa dang / shin tu yid du 'ong ba'i sa gzhir 'gyur ro/ /shin tu sa gzhi spa bar 'gyur ro/ /sa phyogs de'i bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje'u rigs dang / dmangs rigs gang dag 'khod pa de dag thams cad phyir mi ldog pa'i sa la rab tu gnas par 'gyur ro/ /de dag thams cad phyir mi ldog par 'gyur ro/ /shi nas bde ba can gyi 'jig rten gyi khams su skye bar 'gyur ro/ /tshe rabs dran par 'gyur ro/ /nam bla na med pa yang dag par rdzogs pa'i byang chub tu mngon par rdzogs par 'tshang rgya'i bar du bsod nams kyi phung po chen po'i dge ba'i rtsa ba chen po sogs par 'gyur ro/ /gang dag byol song gi skye gnas su gtogs pa'i dang / bya de dag phyogs der 'gro zhing rab tu 'jug pa de dag thams cad yongs su grol bar 'gyur ro/ / bde 'gro'i lam la rab tu gnas par 'gyur ro/ /gang gis de'i sa lag par 'ongs te reg pa de dag thams cad nad dang bral ba dang / nyon mongs pa dang bral ba dang / rims dang bral ba dang / sgrib pa med pa dang / sdig pa dang bral bar 'gyur ro/ /de dag phyis lus la tshor ba'i nad 'byung bar mi 'gyur ro/ /rtag tu bde bas tshim pa'i lus su 'gyur ro/ /sa yongs su sbyong ba'i rig sngags so/ /dkon mchog gsum la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /tad+ya thA/ oM a mo g+ha dru ma/ la ta br-i k+Sha/ sha kha pa tra puSh+pa pha la/ ba Ti pa A ro ha na hi DA ga /push+ka ri Na/ u ta sa hr-i da/ sun da ra pra sra ba Ni/ bi bi d+ha/ bi tsi tra/ pa ri sho d+ha ya/ pad+ma b+hu dze/ sa ma sa ma/ sa man+te na/ pa ri maN+Dal/ pa ri sho d+ha ya/ ma la ma la/ bi ma la bi ma la/ ni rma la su pa ri shud d+ha/ pad+ma ut+pa li b+ha dza la ma lA na bi shud d+ha/ sho d+ha ya sho d+ha ya/ pa ra ma ma hA shud d+hA ya sa twA hU~M phaT/ na mo tri b+hu ba ne hU~M phaT swA hA/ 'dis tsan+dan dang / pad+ma dang / chu dang yungs kar la yongs su bzlas te/ ljon pa'i sdong po dang / me tog gi shing dang / 'bras bu'i shing dang / sna tshogs pa'i lcug ma dang / rtswa dang / shing gel ba dang / sman dang / chu klung dang / mtsho bran dang / lteng ka dang / rdzing bu dang / 'bab chu mdzes pa'i steng du gtor bar bya ste/ de rnams thams cad la bdud rtsi blug par 'gyur ro/ /de rnams thams cad la lha rdzas kyi me tog dang 'bras bur 'gyur ro/ /tha na lha'i rtswa dang / shing gel ba dang / sman dang nags kyi bdag por 'gyur ro/ /gang la reg pa tsam gyis reg pa de thams cad ser sna'i dri ma dang bral zhing / phrag dog spangs par 'gyur ro/ /mkhris pa dang / bad kan dang / mchil ma dang bral zhing / lus kyi phyi dang nang gi dri mi zhim pa thams cad yongs su dag par 'gyur ro/ /gang yang lus kyi nang gi nad dang / gnod pa sna tshogs pa de thams cad yongs su grol bar 'gyur zhing / rnam par dag pa dang / rnam par nyams pa dang / legs par yongs su dag pa dang / dri ma med par 'gyur ro zhes so/ /de la chus khrus byas pa gang yin pa de rnams kyang lha'i chu dang / byang chub kyi yan lag gi chus khrus byas par 'gyur ro/ /sdig pa dang sgrib pa'i dri ma thams cad bkrus par 'gyur ro/ / yan lag brgyad dang ldan pa'i chus bkrus par 'gyur ro/ /des so shing zos pa gang yin pa de rnams kyang sangs rgyas kyi ye shes rjes su dran pa chen po 'phel bar 'gyur ro/ /mya ngan thams cad dang bral bar 'gyur zhing zhags pa thams cad yongs su spangs pa dang / rtag tu kha nas ut+pa la'i dri bro bar 'gyur ro/ /ngag 'jam zhing snyan par yang 'gyur zhing ngag mnyen par yang 'gyur ro/ /dga' ba'i gtam byed par 'gyur zhing / skye bo thams cad yid dga' bar yang 'gyur ro/ /mi'am ci'i dbyangs su yang 'gyur ro/ /bstan bcos dang / cho ga zhib mo dang / gsang sngags dang / theg pa chen po thams cad thos pa tsam gyis kun tu 'dzin par byed cing kha ton du yang gnas par byed do/ /me tog de la mnams pa dang / phreng ba mgul par 'ching bar byed pa gang yin pa de rnams kyang byang chub yan lag gi me tog gi phreng ba bcings par 'gyur ro/ /de bzhin gshegs pa'i dbang gis mngon par dbang bskur bar yang 'gyur ro/ /sna tshogs su dag par yang 'gyur te/ lha'i dri dang / reg pa dang / yang dag par ldan par 'gyur ro/ /lce pad+ma'i 'dab ma dang mtshungs par yongs su dag par 'gyur ro/ / lha'i so dang mtshungs pa'i kha dog tu 'gyur/ bud med dang / skyes pa dang / khye'u dang / bu mo gang la gtam smras pa de rtag tu dbang du 'gyur ro/ /shi 'phos shing skye ba brjes nas bde ba can gyis 'jig rten gyi khams su skye bar 'gyur te/ pad+ma las rdzus te skye bar 'gyur ro/ /tshe rabs dran par yang 'gyur ro zhes pa'o/ /'bras bu dang / me tog dang / chu dang / nags kyi bdag po dang / rtswa dang / shing gel pa dang / sman yongs su sbyong ba'i sngags so/ /dkon mchog gsum la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /tad+ya thA/ oM a mo g+ha a ma le tri ma le/ bi ma le/ ni rma le/ di bya pa ri shud+d+he sar+b+ba ma lo pa kar+Shi te/ ma hA bo d+hi sa twa ba ra de pra ba ra pa ri shud+d+he/ ma hA ma Ni rat+ta kA ya pa ri shud+d+he ma Ni ma Ni sho d+ha ni ma hA a mo g+ha tsin+tA ma Ni shud+d+he/ hr-i da ya shud+d+he/ kA ya ni rma la ma hA ma Ni pa ri shud+d+he/ hu ru hu ru pra ba ra pA Ni ma hA b+hu dza ba ra de/ tu ru tu ru/ ma hA sa twa ba ta sa le pa ri sho d+ha ya mAM sarba pA su bi shud+d+ha ma le swA hA/ rig sngags 'dis rig sngags 'chang gi bdag nyid kyi lus yongs su sbyang bar bya ste/ tsan+dan gyi chu dang / gur gum pa dang / gla rtsi'i chu dang / ga pur gyi chu dang / yungs kar dang ba byung lnga bsres pas/ rdza gsar pa'i bum pa bkang ste rig sngags 'di stong rtsa brgyad bzlas par bya'o/ /ras dkar pos bkru bar bya zhing lan bdun du btung bar bya'o/ / khrus byas pa tsam gyi mod la khro bo'i rgyal pos bdag nyid dbang bkur bar bya'o/ /khrus byas pa tsam dang / dbang bskur ba tsam gyis bdag rang gi phyi nang yongs su dag cing dri ma med par 'gyur ro/ /sdig pa dang / sgrib pa dang / dug dang bral bar 'gyur ro/ /nyon mongs pa dang nad dang bral bar 'gyur ro/ /rga ba la sogs pa dang bral bar 'gyur ro/ /bgegs dang / log 'dren dang / bdud la sogs pa thams cad las yongs su thar bar 'gyur ro/ /gnod sbyin dang / srin po dang / 'byung po dang / sha za la sogs pa thams cad yongs su spangs par 'gyur zhing bar chad bya ba'i phyir rig sngags 'chang ba'i drung du slar 'ong nus par mi 'gyur ro/ /rig sngags 'chang bde bar sgrub pa dang / bde bar nyal ba dang / bde bar sad pa dang / nam 'tsho'i bar du bde bar gnas pa dang / dri ma thams cad spang ba dang / de bzhin gshegs pa thams cad mthong ba dang / byang chub sems dpa' mthong bar 'gyur ro/ /'phags pa spyan ras gzigs dbang phyug mngon sum du mthong ste shi ba'i dus byed par 'gyur ro/ /bde ba can gyi 'jig rten gyi khams su skal ba mnyam par skye bar 'gyur ro/ /pad+mo'i nang nas rdzus te skyes nas de bzhin gshegs pa 'od dpag med mngon sum du mthong bar 'gyur ro/ /rgyan thams cad kyis brgyan pa dang / lus mtshan dang dpe byad kyis brgyan pa dang / tshe rabs dran par 'gyur ro/ /mthar byang chub la thug gi bar du sangs rgyas kyi zhing nas sangs rgyas kyi zhing du 'gro bar 'gyur ro/ /rnam par grol ba'i dkyil 'khor don yod pa'i zhags pa'i snying po cho ga zhib mo 'di mtha' dag rdzogs par kha ton byed par 'gyur ro/ /gzhan yang de bzhin gshegs pas bka' stsal pa'i mdo sde gzhung sna tshogs rnam pa du ma kha ton byed par 'gyur ro/ /bskal pa stong phrag brgya tshun chad du skye ba dran par 'gyur ro/ /oM a mo g+ha pad+ma/ bi ma le/ pra sa ra/ sa man+ta/ mu khe swA hA/ dkyil 'khor char phye ste thig gdab pa'i sngags so/ /oM a mo g+ha bi bi d+hi/ rU pa bi tsi tra/ gan d+ha ra san d+ha ra/ pra ba ra/ b+hu dze sA hA/ tshon rtsi'i sngags dang / sku gzugs gzhag pa dang / mtshon cha'i rtags bri ba'i sngags so/ /oM a mo g+ha sa man+ta pa ri maN+Da la/ bA sha ban+d+he hU~M/ yungs kar la lan bdun bzlas brjod byas pas dkyil 'khor bsdam par bya'o/ /oM a mo g+ha/ sa man+ta/ da sha dig ma hA sI man/ ban d+ha ya/ d+hu ru d+hu ru/ hU~M phaT swA hA/ yungs kar dang chu la lan bdun bzlas brjod byas pas mtshams gcad pa'o/ /oM a mo g+ha rak+Sha Na/ pA sha ha ste/ b+hu ru b+hu ru swA hA/ yungs kar dang dri chab la lan bdun bzlas brjod byas pas bdag bsrung ba'o/ /oM a mo g+ha tsU Da ma Ni/ hU ru hU ru/ nA ga bA sha ba na d+he hU~M swA hA/ lan nyi shu rtsa gcig bzlas brjod byas pas spyi gtsug bcing ba'i sngags so/ /oM a mo g+ha rak+Sha/ sa man+te na/ ma hA pA she /d+hu ru d+hu ru swA hA/ slob ma dang grogs rnams bsrung ba ste yungs kar dang / thal ba la lan nyi shu rtsa gcig bzlas brjod byas te bsrung bar bya'o/ /oM a mo g+ha/ dza la bi ma le/ su ru su ru swA hA/ dri chu la lan nyi shu rtsa gcig bzlas brjod byas pas khrus bya ba'i sngags so/ /oM a mo g+ha a mr-i ta bin du tsa ra tsa ra swA hA/ nye reg bya ba'i sngags so/ /oM a mo g+ha di pya ba s+t+re tsu ru tsu ru swA hA/ gos kyi sngags so/ /oM a mo g+ha b+hu dza ka /ka ba tsa/ ba ra de/ tsi ri tsi ri swA hA/ go cha'i sngags yin te yungs kar dang gur gum gyi chus bya'o/ /oM a mo g+ha brah+ma b+hu dza pA r+ya na te na pra sa ra swA hA/ mchod phyir thogs kyi sngags so/ /oM a mo g+ha tsU DA ma Ni pad+me/ a b+hi Shiny+tsa ya/ ma ma sarba ta thA ga ta a b+hi She ka ma Ni ma Ni swA hA/ dbang bskur ba'i sngags so/ /oM a mo g+ha pad+ma ba sun d+ha ra/ d+ha ra d+ha ra/ d+ha ra Ni/ hU~M/ stan gyi gsang sngags so/ /oM a mo g+ha sa man+ta par+ya nga ke /b+hu bi swA hA/ skyil mo krung bca' ba'i sngags so/ / oM a mo g+ha su ra d+hi/ pad+ma pa ra pa ra hU~M/ me tog gi sngags so/ /oM a mo g+ha bi bi d+ha/ gan+d+ha/ pra sa re/ pU r+Na b+hu dze swA hA/ dri'i sngags so/ /oM a mo g+ha bi bi d+ha le pa na pra ba re pi ri pi ri swA hA/ byug pa'i sngags so/ /oM a mo g+ha ga gan s+phar Na/ ma yai b+hu ru b+hu ru hU~M/ bdug pa'i sngags so/ /oM a mo g+ha shu kla sa ra sa ra sa a gra d+ha ra bi d+ha ra hU~M/ gtor ma'i sngags te thams cad du bya'o/ /oM a mo g+ha pra ba ra/ nu pi lo ki ni/ ki ri ki ri hU~M/ zas dang gtor ma'i sngags so/ oM bi bi d+ha/ a mo g+ha/ pha la/ pa ra pa ra hU~M/ 'bras bu'i sngags so/ /oM a mo g+ha a da b+hu ta g+ha na d+ha ba re hU~M/ mchod yon gyi sngags so/ /oM a mo g+ha/ bi bi d+ha/ ma Ni/ b+hU Sha Na/ ba re/ dz+wa la dz+wa la hU~M/ rgyan dang / thod dang / dar dpyang ba dang / mda' dang / tshon sna lnga dang / thig skud kyi sngags so/ /oM a mo g+ha/ bi bi b+ha/ b+hA dza ni/ dza ya dza ya swA hA/ snod kyi sngags te thams cad du sbyar ro/ /oM a mo g+ha pra ba ra b+ha ba na b+hu be tha ra tha ra swA hA/ gzhug pa'i sngags so/ /oM a mo g+ha na ma ska ra Na/ sarba ta thA ga ta/ oM dza le hU~M/ phyag 'tshal ba dang thal mo sbyar ba'i sngags so/ /oM a mo g+ha tsakre du ru du ru pra du ru swA hA/ bskor ba'i sngags so/ /oM a mo g+ha sa man+ta b+ha ba ne b+ha ba b+ha ba swA hA/ spyan drang ba'i sngags so/ /oM a mo g+ha tsin+ta ma Ni a kaR+Sha ya du ru du ru swA hA/ gsol ba gdab pa'i sngags so/ /oM a mo g+ha ni rman+t+ra Na bi mo k+Sha maN+Da le mi li mi li swA hA/ snyan gsan dbab pa'i sngags so/ /oM a mo g+ha ma hA rash+mi dz+wa la sa ha sra dz+wa la dz+wa la sa man+ti swA hA/ ma ra me'i sngags so/ /oM a mo g+ha pA sha ha ste pra sa ra gats+tsha sba b+hA ba naM bi sa rdzi to si sa ra sa ra hU~M phaT swA hA/ slar gshegs su gsol ba'i sngags so/ /oM a mo g+ha pA sha ba na d+ha sa man+ta ma hA sa ma ya dr-i D+he hU~M phaT swA hA/ dam tshig gi sngags so/ /oM a mo g+ha sa man+te/ pra ba ra/ sa ra sa ra/ pra sa ra ma hA da b+hu te shwa ra/ d+hi ri d+hi ri hU~M hU~M phaT swA hA/ gsang sngags 'dis la du dang / mo da ka ra dang / zan dang / rtsa ba dang / sdong bu dang / gtor ma dkar po dang / tshogs chen po'i bdag po'i gtor ma sbyin pa dang / me tog dang / bdug pa'i sbyin pa byas na phyis bgegs byed nus par mi 'gyur ro/ /'jig rten 'das pa'i dkyil 'khor gyi/ /phyag rgya de nas brjod bya ste/ /gang gis gzung ba tsam gyis ni/ /sdig pa thams cad zhi bar 'gyur/ /las dang nyon mongs sgrib pa dang / /dug rnams thams cad rnam par bcom/ rnam grol dkyil 'khor rigs kyi ni/ /dam tshig phyag rgya yang dag yin/ /lag gnyis pad+ma 'drar byas la/ /sor mo rnams ni mnyam gzhag ste/ /gung mo lcags kyu 'dra bar bya/ /lag gnyis mnyam par gzhag pa yi/ /phyag rgya rnam grol dam tshig 'di/ /don yod zhags par byin gyis brlabs/ /'jig rten 'das pa khyad par gyi/ /lam gyi 'bras bu thob par byed/ /oM pad+ma b+hu dze pad+ma bi ma le swA hA/ dam tshig rtse mo'i rtse shes pas/ /rdo rje pad+ma rtag tu bya/ /gung mo cung zad bskums nas ni/ /lag gnyis pad+mo 'dra bar bya/ /gang gis phyag rgya 'di mthong ba/ /'jig rten rnams kyi dbang phyug dag / mtshungs pa med par 'gyur ba yin/ /rnam grol phyag rgyas dogs med par/ /sangs rgyas mtshungs med 'gyur ba yin/ /byang chub sems dpa' kun gyis ni/ /phyag byas pa yi phyag rgya 'di/ /rnam grol dkyil 'khor rmad du byung / /oM pad+me sung pad+me bi mo k+Sha maN+Da la/ pad+ma b+hu dze swA hA/ rdo rje bcing ba mnyam gzhag ste/ /rdo rje pad+mo gung mo ni/ /bskums na de bzhin gshegs kun gyi/ /rnam grol gsung ba'i phyag rgya 'di/ /yang dag grol bar rab tu bstan/ /phyag rgya 'di ni bstan pas ni/ /ngan par byas pa thams cad 'jig / oM a mo g+ha badzra pad+ma b+hu dze mi li mi li swA hA/ lag gnyis thal mo khong stong las/ /mdor na nor bu 'dra bar bcing / /nor bu'i phyag rgya rdo rje 'dra/ /yid bzhin nor bur brjod pa yin/ /las ni don yod thams cad byed/ /don yod mchod pa'i char 'bebs shing / /don yod pha rol phyin drug rdzogs/ /don yod sangs rgyas rnams dang ni/ /byang chub sems dpa' mthong ba yin/ /don yod rnam grol dkyil 'khor gsang / /mtshams med lnga po sbyong bar mdzad/ /oM a mo g+ha ma Ni ma Ni/ ma hA ma Ni pad+ma ma Ni swA hA/ rdo rje pad+ma'i thal mo sbyar/ /pad+ma kha bye 'dra bar rgyas/ /gung mo lcags kyu 'dra ba yi/ /phyag rgya 'di ni mchog tu bzang / /phyag rgya 'di ni mthong tsam gyis/ /'bras bu chen po rmad du byung / /'jig rten 'das pa khyad par 'phags/ /dus gsum sangs rgyas mthong ba yin/ /oM a mo g+ha/ badzre ma hA pad+me/ dza le su dza le la ma hA dza le swA hA/ snying gar rdo rje pad+ma nyid/ /rdo rje bcing ba phun sum tshogs/ /mdzub mo lcags kyu 'dra ba ni/ /bcing bar bya ba phyag rgya 'di/ /gzi brjid chen po dag dang ni/ /stobs chen pha rol gnon pa dang / /thams cad grub par byed pa'i gnas/ /thams cad grub par rab tu sbyin/ /'jig rten 'das pa grub pa che/ /sangs rgyas nyid phyir bla na med/ /sdig pa thams cad 'phrog pa grub/ /gsang sngags grub pa bla na med/ /oM a mo g+ha sid d+hi/ sarba ta thA ga ta sid d+hi/ a ba lo kA ya sid d+hi/ /ma hA bi bu la sid d+hi/ ku ru ku ru swA hA/ rdo rje thal mo mnyam bzhag ste/ /gung mo gshibs te bsgreng ba dang / /srin lag mthe bo so sor 'gyed/ /gung mo yid tsam dgug phya ba/ /pad+ma'i dbang phyug sems dpa' che/ /'jig rten dbang phyug bla ma ste/ /rtag tu rnam grol dkyil 'khor ni/ /byang chub sems dpa' thams cad kyis/ / phyag rgya byas pa 'di yin no/ /phyag rgya 'di dang don yod pa'i zhags pa'i snying po'i phyag rgya dang / phyag rgya de dag mthong ba ni 'jig rten dbang phyug mthong ba dang 'dra ba yin no/ /phyag rgya mchog 'di mthong ba ni rnam par grol ba'i dkyil 'khor mthong ba dang 'dra ba yin te/ phyir mi ldog pa thob par 'gyur ro/ /phyag rgya 'di bcings pa tsam mthong ba'i mod la dam tshig thams cad shes par 'gyur ro/ /mthong ba dang gzung ba tsam gyi mod la 'bras bu chen po 'thob cing mod la sangs rgyas dang byang chub bla na med pa yin no/ /dkon mchog gsum la phyag 'tshal lo/ / byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /oM a ba lo ki ta ma hA shud d+ha sa twa sa ra sa ra/ sa man+ta/ a ba b+hA sa/ kuN+Da la/ d+ha la/ a mi tA b+ha/ ma ku Ta d+ha ra/ dza Ta ma ku Ta/ na ba badzren+d+ra/ maN+Di ta/ tsa ra tsa ra/ sam+b+ha ra/ b+hu ba ne shwa ra pad+ma b+hu dze swA hA/ phyag rgya chen po bdun po de dag ni 'jig rten las 'das pa'i byang chub snying po'i lam gyi 'bras bu ston pa/ rtag tu 'jig rten dbang phyug bla ma/ 'jig rten mgon po'i chos kyi 'khor lo bskor ba yin no/ /phyag rgya bdun ni phyag rgya chen po bye ba phrag bdun gyis yongs su bskor ba yin te/ phyag rgya chen po bdun po de gang du bcings shing phyag rgya mchog gzung ba ni phyag rgya chen po bye ba phrag brgya bcings bar 'gyur ro/ /gzung bar 'gyur ro/ /de dag thams cad mchod pa dang / bsnyen bkur byas par 'gyur ro/ /bstod par 'gyur ro/ / ming 'dzin pa byas par 'gyur ro/ /phyag rgya bdun po de dag ni gsang sngags sgrub pa thams cad dang / kun du las thams cad la sbyar bar bya'o/ /las thams cad byed pa'i phyag rgya 'jig rten las 'das pa'i lam bla na med pa yin no/ /gang zhig phyag rgya de dag bcings pa mthong zhing khrus legs par byas te/ gtsang mas sgrub par byed pa 'di ni ngan 'gror 'gro bar mi 'gyur/ sngon gyi sgrib pas dmyal ba mthong bar mi 'gyur/ /phyag rgya bcings pa tsam gyi mod la yang dag par rdzogs pa'i sangs rgyas bye ba khrag khrig 'bum phrag bdun gyi drung du dge ba'i rtsa ba bsags par 'gyur ro/ /bsod nams kyi phung po chen po kun du gzung bar 'gyur ro/ /pha rol tu phyin pa drug yongs su rdzogs par 'gyur ro/ /sa bcu la rab tu gnas par 'gyur ro/ /phyir mi ldog pa'i gnas rab tu thob par 'gyur ro/ /mtshams med pa lnga byed pa dang / dam pa'i chos spong ba dang / 'phags pa la skur ba 'debs pa dang / mnar med pa la gzhol ba rnams kyis ji ste phyag rgya gzung ba tsam dang / bstan pa tsam gyi mod la sdig pa de dag thams cad rnam par zhig par 'gyur ro/ /sangs rgyas dang byang chub sems dpa' thams cad kyis yongs su gzung bar 'gyur ro/ /lha dang / klu dang / gnod sbyin dang / srin po dang / 'byung po dang / sha za la sogs pa rnams las legs par bsrungs par 'gyur ro/ /dbang phyug dang dbang phyug chen po dang / rgyal po chen po bzhi dang / gshin rje dang / chu lha dang / lus ngan dang / gzhon nu rnams rtag tu rgyun mi 'chad par bsrung ba dang / bskyab pa dang / sba ba'i phyir rgyun du rjes su 'brang ba byed par 'gyur ro/ /sems can thams cad dga' ba mthong bar 'gyur ro/ /mchod rten du gyur pa yin par 'dod pa dang / lus ring bsrel gyi snying po yin par 'gyur ro/ /rdo rje ltar mkhregs pa'i lus su 'gyur ro/ /dug gis mi tshugs/ mes ma yin/ mtshon gyis ma yin/ chus ma yin/ dbyig dug gi 'jigs pas ma yin/ seng ges ma yin/ gcan gzan gtum pos ma yin/ dug mi bzad pas ma yin/ rkun po dang / mi rgod kyis ma yin/ khyim rdib pas ma yin/ gnod sbyin dang / srin po'i gdon yang 'ong bar mi 'gyur ro/ /nad thams cad 'jug par mi 'gyur/ lus la dug sbyar ma dang / byad dang sbod gtong gi 'jigs pa 'byung bar mi 'gyur ro/ /rtag tu sdig pa can gyi rmi lam mthong bar mi 'gyur ro/ /rtag tu de bzhin gshegs pa lta ba mthong bar 'gyur ro/ /byang chub sems lta ba mthong bar 'gyur ro/ /rtag tu 'phags pa spyan ras gzigs dbang phyug mthong ste/ rtag tu mchog sbyin pa mdzad par 'gyur ro/ /lha thams cad kyang rtag tu rgyun mi 'chad par 'dis mthong bar dgyes par 'gyur ro/ /rtag tu yon tan dang bsod nams 'bar ro/ /dpal gyis lus la shin tu 'bar ba'i lus su 'gyur ro/ /thams cad du 'di mchod par 'os pa chen por 'gyur te/ rgyal po dang / blon po dang / bram ze dang / khyim bdag dang / btsun mo'i 'khor gyis mchod par 'os pa chen por 'gyur ro/ /lha'i gnas sum cu rtsa gnyis kyi bar du yang dgyes par 'gyur te/ mchod par byed do/ /lha rnams kyi dbang po brgya byin lha'i bdag po dang / tshangs pa dang / khyab 'jug dang / dbang phyug chen po dang / gshin rje dang / chu lha dang / lus ngan po dang / gzhon nu dang / drang srong gi tshogs rnams kyis mchod par 'os pa chen por 'gyur ro/ /sems can thams cad kyang rtag tu de mthong bar 'dod par 'gyur ro/ /rtag tu dgyes par ston pa bzhed par 'gyur ro/ /rig sngags 'chang bas khrus byas gos gtsang ma bgos te gtsang mar byas la dri sna tshogs kyis lus bsku ba dang / bdug pa sna tshogs kyis bdug pa byas la/ tsan+dan dkar po dang / gur gum gyis lag pa gnyis bskus te/ ga pur dang / gla rtsis bsgos pa'i sa phyogs gtsang mar ras kyi sku gzugs kyi spyan snga 'am/ sangs rgyas kyi sku gzugs kyi spyan snga'am/ / 'phags pa spyan ras gzigs dbang phyug gi sku gzugs kyi spyan sngar skyil mo krung bcas te 'dug nas phyag rgya 'di bcing bar bya'o/ /mchod rten ring bsrel can gyi drung du phyag rgya bcing bar bya'o/ /sangs rgyas la mchod pa'i tshogs yon chab la sogs pa dbul bar bya'o/ /byams pa dang snying rje'i sems su bya'o/ /sems can thams cad la lhag par brtse ba dang / snying rje'i sems bsgom par bya'o/ /sems can thams cad la bu gcig pa dang 'dra bar shes par bya'o/ /'phags pa spyan ras gzigs dbang phyug yid la dran par bya'o/ /sangs rgyas yid la byed pa dran pa bsgom par bya ste/ phyag rgya chen po bdun po de dag bcing ba byas na phyag rgya bye ba phrag bdun bcings par 'gyur ro/ /de nas mthu brjod par bya'o/ /mthu ni 'jig rten las 'das pa yang dag par mthong ba dang / don yod pa'i zhags pa'i cho 'phrul dang / rang bzhin gyi sku mngon du mthong ba yin no/ /rgyal po'am/ btsun mo'i nang du'am/ skye bo mang po'i nang du tshogs pa dang / dge slong gi tshogs kyi dge 'dun gyi nang du'am/ 'khor du bcad pa'i nang du'am/ rig byed bzhi tshogs pa dang / dge sbyong dang / bram ze dang / rgyal rigs dang / bud med dang / skyes pa dang / khye'u dang / bu mo dang / rje'u rigs dang / dmangs rigs dang bcas pa de dag gi nang du de dag don yod pa'i zhags pa'i cho 'phrul 'jig rten las 'das pa mod la mngon du mthong ba dang / 'das pa'am/ ma 'ongs pa dang / da ltar byung ba'i 'chi ba dang / skye ba dang / skyes nas yang dag par dge ba dang / mi dge ba'i 'bras bu dang / dge ba dang mi dge bas shi ba dang / skyes nas phyug po'am/ dbul po'am/ rgyal po thob pa'am/ lha'i longs spyod dang / lha'i gnas sum cu rtsa gnyis dang / brgya byin dang / tshangs pa dang / khyab 'jug dang / rtag tu dbang phyug chen por 'gyur ba dang / klu'i skye gnas dang / dang / gnod sbyin dang / srin po gsang ba pa rnams kyis dmyal ba mi bzad par skye ba dang / mtshams med pa la thug gi bar du mthong ba dang / bram ze'i rigs sam/ rgyal rigs sam gzhan yang rigs du ma sna tshogs par skye bar mthong ba dag 'jig rten mgon po'i mthus mngon sum du mthong bar 'gyur ro/ /'jig rten pa'i las bsgrub par bya ba de dag thams cad bstan par bya ste/ rgyal ba dang / rnam par rgyal ba dang / bde ba dang / lo legs pa dang / mi ngas dang / yams kyi nad dang / pha rol gyi 'khor ram/ rang gi 'khor la gnod pa dang / dgra dang / phyir rgol ba dang / 'gyed pa dang / g.yul sprod pa dang / tshe ring ba dang / tshe thung ba dang / nad 'byung ba dang / nad med pa dang / char 'bab pa dang / shin tu char 'bab pa dang / char mi 'bab pa dang / dus ma yin par 'bab pa dang / dar ba dang / rgud pa dang / 'byor pa dang / mi 'byor pa dang / 'ong ba dang / 'gro ba dang / nor dang / 'bru rnyed pa dang / 'phel ba dang / 'bri ba dang / lo nyes pa mthong ba dang / 'khor ba na da ltar gyi las gang cung zad legs par byed pa dang / nyes par byed pa dang / dge ba'am/ mi dge ba'am/ 'bri ba'am/ 'phel ba'am/ skye ba legs par skye ba'am/ ngan par skye ba dang / bu 'byung ba/ bu pho'am/ bu mo'am/ bu bzang po'am/ bu ngan pa'am/ bsod nams can nam/ bsod nams med pa mngal na gnas pa de dag bden pa nyid du mthong ste/ las kyi cho ga legs par byas pas the tshom mi bya'o/ /tshes grangs dang / rgyu skar dang / nyin mtshan brjod par bya mi dgos kyi bzlas brjod dang / gtor ma dang / gtsang sbra dang / bkru bshal dang / shin tu khrus bya ba dang / gos gtsang ma bcang ba dang / bden par smra ba dang / byams pa'i sems dang / bla ma la legs par mnyan pa de gzung ba kho nar bya'o/ /zas dang / skom gtsang ma dang / chang dang / sha dang / beg btsong dang / sgog skya dang / ke'u dang / 'dres par byas pa'i 'dres pa'i zas yongs su spang ba dang / shin tu spags pa dang / de dag ni khyad par 'dod pas yongs su spang bar byas na las 'di ni mod la thams cad mngon du mthong bar 'gyur ro/ /dka' thub spyod pa la brnyas sems mi bya/ ma gus pa mi bya'i lkog tu'ang mi bya'o/ /rjes su bstan pa de dag ni mchog yin no/ /bsgrub par bya ba mchog de dag ni 'jig rten dbang phyug mgon pos bka' stsal pa yin no/ /dngul las me long chu zheng du sor bcu drug pa byas la zangs las pad+mo'i gdan khru gang gi tshad sdong bu dang bcas par bya'o/ /me long gi gong du dngul lam/ gser las 'phags pa spyan ras gzigs dbang phyug don yod pa'i zhags pa bya ste tshad sor bzhi pa/ gdan pad+mo phyag bzhi la mdung rtseg sum pa dang / zhags pa dang / pad+ma dang / nor bu'i rin po che thogs par bya ba ni 'jog sbyong legs par byas pa/ 'jam po 'od phyin pa tsam du sbyang bar bya'o/ / de nas rig sngags 'chang bas me long gi gong gi 'jig rten dbang phyug gi sku la ring bsrel gzhag par bya'o/ /ga pur dang / gla rtsis sku la mchod par bya'o/ /me long gi nye 'khor thog thag tu dngul gyi me tog dang / gser gyi me tog rin po che sna tshogs kyis spras pa'i phreng ba gdags par bya'o/ /dbang bskur ba'i dar gdags par bya'o/ /de nas rig sngags 'chang bas me long de la nyi ma re re zhing dus gsum du don yod pa'i zhags pa'i snying po brgya rtsa brgyad bzlas brjod bya ste/ ji tsam brgya stong tshang gi bar du bya'o/ /khro bo'i rgyal pos dbang bskur bar bya'o/ /de nas me long 'bar bar 'gyur ro/ /gcig kho nar kha dog sna tshogs par 'bar bar 'gyur ro/ /'jig rten dbang phyug gi sku gzugs de las lha rdzas kyi chu 'dzag go/ /'od zer sna tshogs 'byung ngo / /de nas rig sngags 'chang ba'i lus 'bar zhing dga' bar 'gyur ro/ /don yod par dga' ba dri ma med pa zhes bya ba don yod pa'i zhags pa'i snying po cho ga zhib mo grub pa 'thob par 'gyur ro/ /lus shin tu dri ma med cing yongs su dag par 'gyur ro/ /de nas rig sngags 'chang bas 'jig rten thams cad kyi mngon sum don yod pa'i zhags pa rnam par 'phrul pa 'grub pa bstan par bya dgos pas/ de nas rig sngags 'chang bas sa dang ba'i lci ba bsres pa'i dkyil 'khor rgyar khru bzhi 'phang du khru do pa byas la shin tu mkhregs pa shin tu 'jom par bya'o/ /thig skud kyis rnam par phye ste/ tshon sna tshogs rnam par dbye zhing sgo bzhi rnam par phye nas dkyil 'khor gyi sgo rnam par phye ste/ pad+ma 'dab ma brgyad tshon gyis gsal bar bri zhing pad+ma'i dkyil du ge sar dang ze ba bya'o/ /stegs bu gru bzhi la rin po che sna tshogs kyis brgyan pa dang / stegs bu grwa bzhir rgyal po chen po bzhi go cha bgos pa gtum pa 'jigs par byed pa'i gzugs bri bar bya'o/ /stegs bu'i dbus kyi gnas par bar du lha dbang phyug dang / dbang phyug chen po dang / gshin rje dang / chu lha dang / gzhon nu dang / lus ngan po dang / tshangs pa dang / khyab 'jug dang / dbang phyug chen po dang / lha dbang phyug dang / phyag na rdo rje dang / ral pa gcig pa dang / sgrol ma dang / dkar mo dang / khro gnyer ma dang / rdo rje pho nya mo rnams tshon sna tshogs kyis bri zhing rgyan thams cad kyis brgyan pa/ me tog sna tshogs thogs pa bya'o/ /stegs bu'i phyi rol du mdung rtse gsum pa'i phreng ba dang / rdo rje'i phreng ba dang / pad+ma'i phreng ba kun du bya'o/ /phreng ba'i bar dbus dang / grwa'i bar du lha mo brgyad dang 'jigs byed ma dang / dpe med ma dang / ba san ti dang / dpal sgra dbyangs dang / sa'i lha mo dang / dung can ma dang / pus pa dan ti rnams rgyan thams cad kyis brgyan pa/ me tog sna tshogs dang rin po che'i snod thogs par bya'o/ /phyi rol thog thag tu phreng ba'i bar bar du dri sna tshogs kyis dkyil 'khor bsku zhing tsan+dan dkar po dang / gur gum gyis mchod pa sna tshogs bya'o/ /ga pur dang / gla rtsis mchod cing / dkyil 'khor kun du dar sna tshon sna lnga'i rgyal mtshan dang / mda' dang / rta babs kyis brgyan par bya'o/ /dngul gyi snod bzhi cung peng gis bkang ste gzhag par bya'o/ /dngul gyi snod bzhi gtor ma dkar gsum gyis dgang bar bya'o/ /dngul gyi snod bzhir mchod yon gyi chu gzhag par bya'o/ /snod brgyad ro sna tshogs kyi gtor mas dgang bar bya'o/ /'bras bu rnam pa sna tshogs gzhag par bya'o/ /kha zas bza' ba dang / gtor ma rnam pa sna tshogs gzhag par bya'o/ /dri sna tshogs dang / byug pas dngul gyi snod bkang ste gzhag par bya'o/ /dngul gyi pog phor brgyad tsan+dan dang / a ga ru dang / tu ru ska dang / ga pur dang / gla rtsi dang / gur gum dang / sra rtsi pog dang / pog gis gang bar bya zhing bdug spos sna tshogs pa sreg go/ /dngul dang / zangs dang / gser gyi me tog gi snying po'i dkyil 'khor du gcal du dgram mo/ /phyi'i dkyil 'khor du ji ltar rnyed pa'i me tog gtsal du dgram par bya ste/ phreng ba rnams khor yug tu bskor nas bzhag ste/ de la yang me long legs par brgyan par byas nas/ dbus kyi dkyil 'khor gyi pad+ma'i ge sar dang ze'u 'bru la shar du phyogs par gzhag par bya'o/ /rig sngags 'chang gtsang ma khrus byas gos gtsang ma bgo bar bya ste/ dkyil 'khor gyi las dang / bya ba thams cad byas nas me long la mngon du phyogs te/ skyil mo krung du 'dug par gyur nas 'phags pa don yod pa'i zhags pa'i snying po bzlas brjod dbul bar bya ste/ bzlas brjod brgya rtsa brgyad rdzogs pa dang / khro bo'i rgyal pos dbang bskur ro/ / dbang bskur ba tsam gyi mod la 'jig rten thams cad kyi mngon sum dang / 'khor chen po'i dbus su me long gi dbus der 'phags pa spyan ras gzigs dbang phyug rang gi gzugs kyis mthong ste/ me long gi dbus de nas rig sngags 'chang de la legs so zhes bya ba sbyin par mdzad do/ / rig sngags 'chang chen po legs so legs so/ /bdag la don yod pa'i me long la 'bebs pa'i de kho na nyid dam par gyur pa 'di thams cad yang dag par mthong ste/ 'jig rten dang 'jig rten las 'das pa'i las kyi 'bras bu bla na med pa zhes bya ba yongs su dag pa nyid do/ /rig sngags 'chang khyod kyis 'bras bu chen po'i 'jig rten las 'das pa'i lam mtshungs pa med pa thob bo/ /khyod kyis don yod pa'i zhags pa'i snying po'i 'jig rten dang 'jig rten las 'das pa'i sgrub pa'i cho ga dang / cho ga zhib mo dang / dkyil 'khor dang phyag rgya grub bo/ /rig sngags 'chang 'jig rten dang 'jig rten las 'das pa'i mchog gang 'dod pa smros shig / de thams cad sbyin par bya'o zhes so/ /de nas rig sngags 'chang gis mchog gang don du gnyer ba de blangs nas thams cad 'phral nyid du sbyin par byed do/ /'khor gyi dkyil 'khor gang yin pa der/ kun nas 'ongs pa'i bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / dmangs rigs dang / rje'u rigs dang / rgyal po dang / blon po dang / bkrabs pa dang / mdun na 'don dang / btsun mo'i 'khor du kun 'ongs pa dang / bsod nams dang ldan pa'am/ bsod nams dang mi ldan pa'am/ yongs su dag pa'am/ lta ba ngan pa'am/ gzhan dmyal ba ba'i sems can gti mug gi mun pa lhud ba/ mnar med pa la gzhol ba/ mtshams med pa lnga byed pa/ 'phags pa la skur pa 'debs pa/ dam pa'i chos spong ba gang yin pa de rnams thams cad la'ang 'phags pa spyan ras gzigs dbang phyug gi lus de la ston par byed/ thams cad du smra bar byed/ yang dag par dbugs 'byin par byed/ thams cad du rang gi las la dge ba'am/ mi dge ba'i 'bras bu rnam par smin pa de thams cad ston par byed do/ /rig sngags kyis chom rkun dang / gdol pa dang / rig sngags spong zhing nyams par byed pa dang / rig sngags sun 'byin par byed pa dang / rig sngags la ma dad cing gus pas mi nyan pa de'i mi mthong ba ni ma gtogs te/ gzhan du na rang gi las kyi 'bras bu sdug bsngal rnam pa sna tshogs nges par 'byung bar mthong ngo / /de nas sems can de rnams gang 'dod pa'i don yid la byed pa 'jug ste/ 'jig rten pa'am 'jig rten las 'das pa de thams cad 'khor gyi dkyil 'khor chen po ru rang rang gi 'bras bu nges par 'byung ba bsod nams dang / bsod nams ma yin pa'i 'bras bu mthong bar byed do/ /de bzhin gshegs pa thams cad kyi sangs rgyas kyi zhing mthong ngo / /de bzhin gshegs pa'i sku chen po dang / khang pa brtsegs pa dang bcas pa'i gzhal yas khang mthong ngo / /po Ta la ka'i ri bo'i gzhal yas khang rnams bcom ldan 'das kyi rnam par 'phrul pa dang bcas pa dang / 'phags pa spyan ras gzigs dbang phyug 'khor dang bcas pa gzhal yas khang na lha dang klus yongs su bskor ba mthong ngo / /gzhan ji ltar da ltar gyi dge ba dang mi dge ba'am/ lo legs pa dang / lo nyes pa'am/ nad dang / 'chi ba dang / tshe thung ba dang / tshe ring ba dang / rang gi dmag tshogs dang / pha rol gyi dmag tshogs dang / g.yul dang / 'khrug pa dang / 'jigs pa dang / rgyal ba'am/ 'pham pa'am/ rlag pa'am/ ma brlags pa'am/ yams dang / char ches pa'am/ dus ma yin pa'i char ram/ char med pa'am/ rlung ngam/ sad dam/ tshangs pa yang rung ste de dag thams cad mthong ngo / /nor dang ldan pa'am/ nyams pa'am/ 'phel ba'am/ lo thog gam/ me tog gam/ 'bras bu 'phel ba yang rung ste/ de dag thams cad mthong ngo / /chom rkun dang / rkun po dang / dug dang / mtshon cha'i 'jigs pa'am/ rgyal po'i 'jigs pa'am/ gnod sbyin dang / srin po dang / 'byung po dang / mkha' 'gro ma dang / brjed byed kyi 'jigs pa de thams cad mthong ngo / nor chen po'am/ nor med pa de thams cad mthong ngo / /'chi 'pho ba dang / skye ba mthong ngo / /bu thob pa dang / grong dang / grong khyer dang / yul dang / ljongs thob pa dang / bud med thob pa de thams cad mthong ste/ 'di la dogs pa dang / yid gnyis dang / the tsom bskyed par mi bya zhing / mchog tu dad pa dang gus pas shin tu 'bad de cho ga 'di bsgyur bar bya'o/ / don yod zhags pa'i rnam par thar pa'i dkyil 'khor du 'jig rten las 'das pa'i sgrub thabs kyi cho ga rdzogs so// //de nas yang gnod sbyin gyi sde dpon chen po lag na rdo rjes bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po 'phags pa spyan ras gzigs dbang phyug gis don yod pa'i zhags pa'i snying po gsungs pa cho ga zhib mo'i nye bar spyod pa dang bcas pa dang / dkyil 'khor dang / phyag rgya rim par phye ba dang / ras ris shin tu zab pa/ shin tu gting dpag dka' zhing / shin tu rgya che la/ shin tu sgrub dka' ba dang / dkyil 'khor mang po dang / phyag rgya mang po dang / gsang sngags mang po dang / ras ris mang po yongs su bsgrags pa rnams ni rab rib dang bral bar mthong ste/ bcom ldan 'das rgya mtsho chen po dug can pa zab pa lta bu/ lhun po chen po dang mtshungs pa lta bu/ smig rgyu lta bu/ rdul phra rab lta bu de bzhin gshegs pa'i ye shes dang mtshungs pa lta bu/ bgrang ba las yang dag par 'das pa/ mtshungs pa med pa/ gzhal du med pa/ tshad med pa/ bskal pa'i grangs kyis bgrang bar bya ba med pa'i bskal pa'i tshad ma dang / bskal pa bsam gyis mi khyab pa'i tshad ma dang / lha'i yul gyi tshad ma dang / klu'i yul gyi tshad ma dang / sems can gyi tshad ma dang / de bzhin gshegs pa'i bsam gyis mi khyab pa'i tshad ma dang / de bzhin gshegs pa'i spyan la snang ba'i tshad ma dang / de bzhin gshegs pa'i ye shes la kun du snang ba'i tshad ma dang / byang chub sems dpa'i ye shes kyi tshad ma dang / bdud kyi yul gyi tshad ma rnams kyis thog mar dmigs pa ma lags so/ /bcom ldan 'das bar du yang dmigs pa ma lags/ bcom ldan 'das bar du yang dmigs pa ma lags so/ tha mar yang ma lags na/ bcom ldan 'das de ci ltar yongs su shes par bgyi/ sgrub thabs kyi cho gas bsgrub par bya ba ni du zhig lags/ gsang sngags ni du zhig /phyag rgya ni du zhig /dkyil 'khor ni du zhig /bri bar bya ba'i phyag rgya ni du zhig lag pa'i phyag rgya ni du zhig / bdug pa'i sbyor ba ni du zhig /mig sman ni du zhig /ril bu ni du zhig /bdug pa ni du zhig /ras ris ni du zhig /rtsa ba'i gsang sngags ni du zhig /snying po ni du zhig /nye ba'i snying po ni du zhig /khro bo'i gsang sngags ni du zhig /drag po ni du zhig / zhi ba ni du zhig /yi ge gcig pa ni du zhig /yi ge gnyis pa ni du zhig /yi ge gsum pa ni du zhig /yi ge bzhi pa ni du zhig /yi ge lnga pa ni du zhig /yi ge drug pa ni du zhig /yi ge bdun pa ni du zhig /yi ge brgyad pa ni du zhig /yi ge dgu pa ni du zhig /yi ge bcu pa ni du zhig lags/ smyung bar gnas pa ci ltar lags/ nyin mo dang mtshan mo ni ci ltar/ khrus kyi cho ga ni ci ltar/ gos bgo ba ni ci ltar/ phyogs bcing ba ni ci ltar/ dkyil 'khor bcing ba ni ci ltar/ gtsug tor bcing ba ni ci ltar/ bdag srung ba ni ci ltar/ gzhan srung ba ni ci ltar/ grogs srung ba ni ci ltar/ slob ma srung ba ni ci ltar/ rab tu 'jug pa ni ci ltar/ phyag bya ba ni ci ltar/ bskor ba bya ba ni ci ltar/ mchod yon dang / zhabs bsil 'bul ba ni ci ltar/ gtor ma 'bul ba ni ci ltar/ me tog 'bul ba ni ci ltar/ bdug pa ni ci ltar/ dri ni ci ltar/ mar me ni ci ltar/ nye reg ni ci ltar/ lha bshos ni ci ltar/ thams cad du spyan drang ba ni ci ltar/ snyan gsan dbab pa ni ci ltar/ rmi lam bskul ba ni ci ltar/ sbyin sreg gi cho ga ni ci ltar lags/ zhi ba can ni du zhig lags/ rgyas pa can ni du zhig /mngon spyod can ni du zhig /zhags pa ni du zhig /rdo rje ni du zhig /pad+ma ni du zhig / gshegs su gsol ba ni du zhig /nye bar 'pho bar byed pa'i bya ba ni du zhig lags/ bcom ldan 'das de dag gi mtshan nyid ci 'dra ba dang / rgyu mtshan ci 'dra ba dang / kun tu spyod par 'gyur ba ni mi shes so/ /bcom ldan 'das bdag las sgrub pa'i cho ga du zhig gi rjes su 'brang bar bgyi/ bcom ldan 'das ci ltar phyi ma'i dus phyi ma'i tshe na/ sems can rnams kyi rjes su 'brang bar 'gyur/ dngos grub du zhig rjes su stsal bar bgyi/ ci ltar sems can bla na med par 'gyur bar bgyi/ bcom ldan 'das 'di dag la bdag 'khrugs par gyur cing / bdag la spobs pa med do/ /bcom ldan 'das bdag gis shes par mi nus na/ bcom ldan 'das kyis cho ga'i mtshan nyid ji lta ba de dag bdag la gsung du gsol/ bcom ldan 'das bdag la the tshom mchis pas/ bcom ldan 'das kyis bdag gi the tshom bcad du gsol/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas zhu ba yongs su zhus par gyur pa gsan nas/ gnod sbyin gyi sde dpon chen po lag na rdo rje la 'di skad ces bka' stsal to/ /lag na rdo rje mchog tu rnyed par dka' ba 'di dri ba yongs su dris pa ni legs so/ /legs so/ /lag na rdo rje khyod la yongs su 'dri bar byed pa'i spobs pa skyes pa ni lag na rdo rje sems can thams cad la phan pa'i phyir don gyi ched yongs su zhus pa'i phyir dang / rig sngags 'chang thams cad kyi mchog 'grub pa'i don du yongs su zhus pa'i phyir dang / lag na rdo rje 'di ni mchog tu rmad du byung bas te/ phyi bzhin du rjes su 'brang ngo / /lag na rdo rje 'di ni sgyu ma lta bu'i ting nge 'dzin dang mtshungs pa'o/ /lag na rdo rje don yod zhags pa'i snying po'i cho ga zhib mo'i rgyal po chen po'i cho ga /rgya mtsho chen po dug can pa dang / zab bar mtshungs pas te/ 'di ni gting dpag dka' ba'o/ /lag na rdo rje rgya mtsho chen po thigs pa'i grangs kyis bgrang bar nus kyi/ lag na rdo rje don yod zhags pa'i snying po'i tshad ni gzung bar mi nus so/ /lag na rdo rje ri'i rgyal po ri rab ni rdul phra rab tu gtor ba'i grangs kyis mthar thug par bya bar nus shing / slar yang ri'i rgyal po ri rab tu gnas par 'dod pas rang gi gnas su rab tu bzhag par nus kyi don yod zhags pa'i snying po'i cho ga zhib mo'i tshad ni gzung bar mi nus so/ /de ltar rgya che ba/ de ltar gting dpag dka' ba/ de ltar zab pa ste/ lag na rdo rje/ 'das pa dang / ma 'ongs pa dang / da ltar byung ba'i de bzhin gshegs pa thams cad kyi thugs kyis mkhyen pa dang / gting dpag par mi nus so/ /don yod zhags pa'i snying po'i cho ga zhib mo'i ched 'dzin par ni mi nus so/ / lag na rdo rje sgyu ma lta bu gang yin pa de dang / snying po dang / ting nge 'dzin gang yin pa de dang / zhags pa dang / sgyu ma lta bu'i ting nge 'dzin gyi rnam par 'phrul pa 'di/ byang chub sems dpa' sems dpa' chen po 'phags pa spyan ras gzigs dbang phyug gis sems can rnams kyi gzugs dang / kha dog dang / dbyibs sna tshogs pa dang / tshul sna tshogs su mthong bar byed de/ sems can thams cad bsgral ba'i ched dang / rig sngags 'chang thams cad kyi dngos grub kyi mchog sgrub par byed pa'o/ /lag na rdo rje 'di ni byang chub sems dpa' sems dpa' chen po 'phags pa spyan ras gzigs dbang phyug thams cad du mnyam par 'gro ba ste/ gang du chu dang 'o ma mnyam pas mnyam pa bzhin no/ /thams cad du mnyam pas byams pa dang snying rje chen po rgyas par byed do/ /don yod pa'i zhags pas 'gugs par byed la sgrol bar byed do/ /'chi ba med pa'i thad rdo rje'i dkyil 'khor du 'jog par byed do/ /dman pa dang / mchog dang / bar ma dang / rigs mthon po dang / dma' ba dang / dmyal ba dang / byol song gi skye gnas dang / gshin rje'i 'jig rten la sogs pa rnams thams cad du mnyam par dran par byed cing ming smos pa tsam gyis 'dzin par byed cing / sems can thams cad bla na med par byed la dub pa dang / ngal ba dang / yid la gcags par 'gyur ba med do/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / srin po dang / 'byung po dang / brjed byed dang / dang / nags dang / gshin rje'i gnas ji srid du sa 'og gi nang du son pa rnams dang / srid pa'i rtse mo nas mnar med pa'i mthar thug pa dang / ji srid du 'og min gyi srid pa'i bar du gcig tu sems bskyed pas yongs su rgyug go/ /lha dang / klu dang bcas pa nas ji srid dud 'gro'i skye gnas kyi bar thams cad dang / bud med dang / skyes pa dang / khye'u dang / bu mo rnams bla na med par byed do/ /dper na nyi ma'i 'od zer ni mun pas mdongs pa thams cad sel bar byed de/ 'dzam bu'i gling thams cad du mnyam par snang bar byed do/ /de bzhin nyid du byang chub sems dpa' sems dpa' chen po 'phags pa spyan ras gzigs dbang phyug thams cad du snying rje chen pos kun du snang bar byed cing thams cad la thams cad du mnyam par gnas te/ sdug bsngal gyi tshor ba dang / 'jigs pa mi bzad pa dang / nad dang / mya ngan dang / sdug bsngal gyi 'chi ba rnams thams cad yongs su grol bar byed do/ /skye ba dang / rga ba dang / 'chi ba'i sdug bsngal yongs su grol bar byed do/ /mtho ris la gzhol ba la sogs pa'i lam thams cad du 'god par byed do/ /de ltar na snying rje chen po dang / byams pa chen pos thams cad du mnyam par rjes su 'gro ste/ thams cad du mnyam par mchog tu byed cing / thams cad du mnyam par byang chub kyi lam la rab tu 'god par byed do/ /thams cad du mnyam par skyabs dang / dpung gnyen du 'gyur ro/ /lag na rdo rje de ltar na byang chub sems dpa' sems dpa' chen po spyan ras gzigs dbang phyug ni/ brtan pa dang / go cha dang / spro ba chen pos rig sngags 'chang thams cad dang / sems can thams cad kyi don gyi ched du zhugs pa'o/ /lag na rdo rje 'di ni thabs cig tu 'jug pa chen po ste/ sems can thams cad 'jigs pa chen po'i lam las so sor ldog par byed pa'o/ /bde ba nas bde bar gshegs pa'i lam du 'god par byed pa'o/ /rtog pa med cing rnam par rtog pa med la bsam pa rnam pa gzhan du 'gyur ba med do/ / sems kyis yid la gcags par 'gyur ba med do/ /de nas yang gnod sbyin gyi sde dpon chen po phyag na rdo rjes bcom ldan 'das kyi spyan snga nas byang chub sems dpa' sems dpa' chen po 'phags pa spyan ras gzigs dbang phyug gi yon tan bsngags pa chen po 'di thos nas dga' ba dang / mgu ba dang / yi rangs pa dang / rab tu rangs pa dang / dga' ba dang / yid bde ba skyes nas ched du brjod pa ni ched du brjod par gyur to/ /e ma mgon po 'jig rten dbang phyug /e ma 'jig rten dbang phyug bla ma/ /khyod kyi ming gi yon tan bskyed pas/ /ngan 'gro thams cad grol bar byed do/ /phyag na rdo rjes byang chub sems dpa' la smras pa/ 'di ni 'jig rten gyi bla ma mgon po/ 'di ni 'jig rten gyi yab chen po/ 'di ni 'jig rten sgrol bar byed pa'i mgon po/ thub pa nyin mo'i nyi ma'o/ /bcom ldan 'das la 'di skad ces gsol to/ /de lta bur lag na rdo rje ji ltar smra bar bgyid/ bcom ldan 'das kyis bka' stsal pa/ lag na rdo rje byang chub sems dpa' sems dpa' chen po spyan ras gzigs dbang phyug can song la/ mngon par phyag 'tshal nas yongs su zhus shig /mchog tu gyur pa'i tshig gis cho ga ji lta ba bzhin du snying po dang / de kho na nyid kyi rang bzhin de rnams ston par byed do/ /don yod zhags pa'i snying po'i cho ga zhib mo sgrub pa'i dngos grub ji lta ba bzhin du ston par 'gyur zhing lung 'bogs par byed do/ /de nas gnod sbyin gyi sde dpon chen po lag na rdo rjes zab mo zab pa rtogs shing khong du chud de seng ge'i rtsal gyis 'gro zhing / rdo rje bskor bar byed bzhin pas zla ba mdzes pa dri ma med pa'i me tog bzung nas/ byang chub sems dpa' sems dpa' chen po 'phags pa spyan ras gzigs dbang phyug ga la ba der dong ste lhags nas/ byang chub sems dpa' sems dpa' chen po 'phags pa spyan ras gzigs dbang phyug gi zhabs gnyis la mgo bos phyag 'tshal nas/ lan gsum bskor ba byas te/ zla ba mdzes pa dri ma med pa'i me tog phul te/ pus mo g.yas pa'i lha nga sa la btsugs te/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces gsol to/ /bcom ldan 'das bdag ni shin tu rmongs pa dang ldan pa dran pa yongs su nyams pa blo'i dpa' zhum pa ste/ don yod zhags pa'i snying po'i gsang sngags dang phyag rgya mang po dang / ras ris kyi sgrub pa'i cho ga shin tu rgyas pa 'di dang de dag mi shes so/ /sngon ma ni du zhig /bar ma ni du zhig /tha ma ni du zhig /rtsa ba'i gsang sngags ni du zhig /snying po ni du zhig /nye ba'i snying po ni du zhig / ji srid du yi ge bcu pa'i bar gyi gsang sngags ni du zhig /dkyil 'khor dang / cho ga zhib mo dang / ras ris ni du zhig lags/ bcom ldan 'das bdag la skabs dbye bar gsol zhes so/ /de nas byang chub sems dpa' chen po 'phags pa spyan ras gzigs dbang phyug gis phyag na rdo rje la brtse ba'i don du zla ba mdzes pa dri ma med pa'i me tog blangs nas/ bcom ldan 'das la mchod pa'i don du nam mkha'i dbyings su gtor ro/ /gtor ma thag tu bcom ldan 'das kyi dbu'i steng gi mtshams su 'khor lo'i rnam par gnas so/ /dpag tshad lnga brgyar khyab cing sa gzhi las gyen du 'phags pa nyid kyi ji srid 'og min gyi gnas kyi bar du gnas te/ bai DUr+ya sngon po chen po'i sdong bu la 'dzam bu chu bo'i gser gyi dril bu dpyangs pa'i ba dan bcings pas mdzes shing 'bar bar yongs su gyur to/ /'khor lo'i rnam pa legs par yongs su 'khor ba ni nyi ma bye ba brgya stong phrag pas lhag pa'i kun tu snang ba legs par yongs su dag pa/ yongs su byang ba shin tu dri ma med pa'i gser gyi mchod sdong rnam par mdzes par shin tu gnas pa/ nor bu rin po che chen po sna tshogs pas spras pa dga' bar bya ba/ yid kyi shing rta rab tu tshim par byed pa dang / dga' bar bya ba mthong ba lha dang / lha ma yin gyis phyag bya bar 'os pa dang / rjed par bya bar 'os pa dang / drang srong rnams kyis bstod par 'os pa dang / sangs rgyas bcom ldan 'das rnams kyis lung bstan par 'os pa ste/ thams cad du zla ba mdzes pa dri ma med pa'i me tog gi ge ser la/ de bzhin gshegs pa'i sku bzhugs pa'i rin po che sna bdun gyi khang pa brtsegs pa 'khor gyi dkyil 'khor gyis yongs su bskor nas bzhugs pa la/ gdugs kun nas yongs su 'khor ba'i lha rdzas kyi gzhal med khang dang / lha dang / klu dang / chus byung dang / lha'i bu mo dang / klu'i bu mo dang / mi'am ci'i bu mo dang / lha dang / klu dang / gnod sbyin dang / dri za dang / lha ma yin dang / mi'am ci dang / lto 'phye chen po dang / rig sngags 'chang dang / rig pa 'dzin pa brgya stong phrag gis lha rdzas kyi me tog sna tshogs pa'i gzhal med khang dang / lha rdzas kyi rgyan dang / gos dang / lhab lhub kyis brgyan cing / dar dpyangs dang / ba dan dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan rnams thogs te/ bcom ldan 'das dang 'khor gyi dkyil 'khor la mchod pa byed par gyur te/ lha rdzas sna tshogs pa'i mchod pa'i sprin gyi char 'bab par gyur cing lha'i dri za'i glu dbyangs yang dag par len cing / rnga dang / pheg rdob rnams kyis mchod pa'i don du rol mo byed par gyur to/ /po Ta la'i ri bor gzhal med khang 'khor gyi dkyil 'khor dang bcas pa ru/ ca co'i sgra chen po sgrogs par gyur to/ /po Ta la kar gnas pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po gang yin pa rnams kyang sems tshim pa thob cing / rmad du byung ba thob bo/ /de bzhin gshegs pa'i rigs kyi dkyil 'khor ba'i lha gang yin pa rnams dang / pad+ma'i rigs kyi dkyil 'khor gyi lha gang yin pa rnams dang / rdo rje'i rigs kyi dkyil 'khor ba'i lha gang yin pa rnams dang / nor bu'i rigs kyi dkyil 'khor gyi lha gang yin pa rnams dang / glang po'i rigs kyi dkyil 'khor ba'i lha gang yin pa rnams dang / dkyil 'khor chen po'i lha gang yin pa de rnams thams cad mchog tu ya mtshan pa dang ldan zhing / rmad du byung ba thob ste/ sems tshim pa skyes la ngo mtshar ba thob nas/ bcom ldan 'das la lta bar byed bzhin du kun du gnas par gyur to/ /zla ba dang / nyi ma dang / rgyu skar dang / skar ma'i tshogs dang / lha dang / mtshan mo'i lha dang / dbang po dang / tshangs pa dang / khyab 'jug dang / dbang phyug chen po dang / gzhon nu dang / dga' byed dbang phyug dang / tshogs kyi dbang phyug dang / nag po chen po dang / dbang phyug dang / dbang phyug chen po dang tshangs ris kyi lha'i bu dang / rgyal po chen po bzhi dang / nor bu bzang po dang / gang ba bzang po dang / stobs kyi lha dang / gshin rje dang / chu lha dang / lus ngan gyi lha rnams dang / gzhon nu'i lha rnams gdugs kyi yub nas bzung nas/ bcom ldan 'das la mchod pa byed par gyur to/ /lha'i gzhal med khang chen po lha'i rnam par sprul pa'i mchod pa'i sprin gyis mchod pa byed do/ /gdugs kyi rnam pa'i khor yug gi nang du dga' ldan gyi lha dang / 'og min gyi lha dang / lha'i gnas thams cad du lha'i bus yongs su bskor ba gang yin pa de nam mkha' la mchod pa'i sprin chen pos bcom ldan 'das shAkya thub pa dang / spyan ras gzigs kyi dbang phyug 'khor gyi dkyil 'khor la mchod pa byed do/ /sa'i lha dang / klu dang / gnod sbyin dang / srin po dang / dri za gang yin pa rnams dang / sa gzhi'i lha dang / chu'i lha dang / nags kyi lha dang / lo thog gi lha dang / sman gyi lha gang yin pa de rnams thams cad sa'i mthil gyi gzhal yas khang de sbyong bar byed par gyur te/ dri sna tshogs pa'i chus chag chag 'debs shing / dri sna tshogs pa'i phye mas byug par byed/ me tog sna tshogs gcal du 'grems shing / bdug pa sna tshogs kyis bdugs nas sa'i dkyil 'khor yang dag par brgyan par gyur to/ / de ltar rnam par 'phrul pa'i go skabs rgya chen po ni de bzhin gshegs pa'i khyu mchog de bzhin gshegs pa'i dam tshig byin gyis brlab pa'o/ /de nas gnod sbyin gyi sde dpon chen po lag na rdo rjes/ de lta bu'i rdzu 'phrul gyi rnam par 'phrul pa chen po yangs pa rgya chen po mthong nas/ shin tu ya mtshan pa thob cing rmad du byung ba thob ste/ 'di ltar sems par gyur to/ /byang chub sems dpa' sems dpa' chen po 'phags pa spyan ras gzigs dbang phyug gi bstan pa ni shin tu ya mtshan no/ /de nas gnod sbyin gyi sde dpon chen po lag na rdo rjes/ byang chub sems dpa' sems dpa' chen po 'phags pa spyan ras gzigs dbang phyug la slar yang gsol ba btab bo/ /bcom ldan 'das skabs dbye bar mdzod cig de nas byang chub sems dpa' sems dpa' chen po 'phags pa spyan ras gzigs dbang phyug gis gnod sbyin gyi sde dpon chen po lag na rdo rje la 'di skad ces smras so/ /lag na rdo rje dogs pa bsal ba dang / the tshom gcod pa la rjes su bzung ngo / /de nas byang chub sems dpa' sems dpa' chen po 'phags pa spyan ras gzigs dbang phyug stan las langs te/ bcom ldan 'das ga la ba de logs su thal mo sbyar ba btud nas lan gsum bskor ba byas te/ bcom ldan 'das kyi spyan sngar 'khod nas/ mig mi 'dzums shing bzhin rab tu 'dzum pa lus 'od zer 'bar bas/ bcom ldan 'das la 'di skad ces gsol to/ /bcom ldan 'das bdag la don yod zhags pa'i dkyil 'khor dang / pad+ma yangs pa'i rnam par 'phrul pa dang / pad+ma gtsug tor gyi nor bu'i dkyil 'khor dang / don yod zhags pa'i gsang ba sgyu ma lta bu'i snying po dang phyag rgya dang / kun du spyan ras gzigs kyi dkyil 'khor chen po'i rim par phye ba mchis te/ bcom ldan 'das de dag bdag gis bcom ldan 'das kyi spyan sngar yongs su bsgrag par bgyi'o/ /sgrub pa bla zhing bklags pas grub pa dam tshig mchog tu gyur pa'i snying po nye bar bstan par bgyi'o/ /de nas bcom ldan 'das de bzhin gshegs pa shAkya thub pas phyag gser gyi kha dog can/ 'od zer sna tshogs pa bye ba khrag khrig brgya stong phrag gis yang dag par brgyan pa brkyang nas/ byang chub sems dpa' sems dpa' chen po spyan ras gzigs dbang phyug gi spyi bo'i gtsug tu phyag 'jog par mdzad cing sems can dag pa chen po legs so legs so/ /spyan ras gzigs kyi dbang phyug /da lta de'i dus la bab par shes na smros shig /de nas byang chub sems dpa' chen po 'phags pa spyan ras gzigs dbang phyug gis/ bcom ldan 'das kyis bskul bar rig nas phyogs bcur kun du bltas te/ de bzhin gshegs pa thams cad la phyag byas nas/ de bzhin gshegs pa thams cad la kun du bltas te/ rtsa ba'i gsang sngags don yod zhags pa'i pad+ma gtsug tor gyi nor bu don yod zhags pa'i snying po gsungs so/ /don yod pa'i snying po'i dkyil 'khor du pad+ma gtsug gtor gyi gsang ba'i rnam par 'phrul pa dris pa'i dkyil 'khor gyi cho ga dang po ni/ dus gsum du gshegs shing rab tu bzhugs pa'i de bzhin gshegs pa thams cad kyi gtsug tor don yod pa gsang ba'i dkyil 'khor gyi sangs rgyas dang byang chub sems dpa' thams cad la phyag 'tshal lo/ /'das pa dang / ma byon pa dang / da ltar byung ba'i rang sangs rgyas dang / 'phags pa nyan thos kyi dge 'dun thams cad la phyag 'tshal lo/ /de bzhin gshegs pa thams cad kyi gsang ba'i rigs kyi snying po'i dam tshig rnams la phyag 'tshal lo/ /yang dag par song ba rnams la phyag 'tshal lo/ /yang dag par zhugs pa rnams la phyag 'tshal lo/ /blo gros chen po 'phags pa sha ra dwa ti'i bu la phyag 'tshal lo/ /'phags pa byams pa la sogs pa byang chub sems dpa' sems dpa' chen po 'phags pa'i tshogs kyi mchog rnams la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas 'phags pa 'od dpag tu med pa la phyag 'tshal lo/ /dkon mchog gsum la phyag 'tshal lo/ /pad+mo'i gtsug tor gyi dkyil 'khor 'chang ba la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po can la phyag 'tshal lo/ /drang srong chen po 'phags pa'i tshogs kyi mchog rnams la phyag 'tshal lo/ /de rnams la phyag 'tshal lo/ /rnam par thar ba'i dkyil 'khor 'phags pa spyan ras gzigs dbang phyug gi zhal nas gsungs pa/ don yod pa'i rgyal po'i pad+ma gtsug tor gyi snying po de bzhin gshegs pa'i spyan sngar gsungs pa 'di/ bdag gis da ltar 'khor chen po la bshad par bgyi'o/ /tad+ya thA/ oM pad+moSh+NI Sha ba ra da hUM/ tsa ra tsa ra/ tsi ri tsi ri/ tsu ru tsu ru/ ma hA kA ru Ni ka /tsi ri tsi ri/ pi ri pi ri/ tsi ri tsi ri/ pa ra ma kA ru Ni ka /si ri si ri/ tsi ri tsi ri/ pi ri pi ri/ bi ri bi ri/ ma hA pad+ma ha staM/ ka la ka la/ ki li ki li/ ku lu ku lu/ ma hA shud+d+ha satwa/ e h+ye hi/ bu d+h+ya bu d+h+ya/ d+hA ba d+hA ba/ ka Na ka Na/ ki Ni ki Ni/ ku Nu ku Nu/ pa ra ma shud+d+ha satwa/ ka ra ka ra/ ki ri ki ri/ ku ru ku ru/ ma hA s+thA ma prAp+ta/ tsa la tsa la/ sany+tsa la/ bi tsa la/ e Ta Ta/ e Ta Ta/ b+ha ra b+ha ra/ b+hi ri b+hi ri/ b+hu ru b+hu ru/ ma hA bi ma la/ pad+moSh+NI Sha bi ra dza sA d+ha ya hUM hUM/ e h+ye hi/ ma hA kA ru Ni ka /ma hA pa shu pa ti/ be Sha d+ha ra/ d+ha ra d+ha ra/ ma hA pad+moSh+NI Sha d+ha ra/ sa ra sa ra/ sarba A ba ra Na ha ra/ tsa ra tsa ra/ sarba bid+yA d+ha ra na ma skr-i te/ ha ra ha ra/ sarba kilpi Sha ha ra/ hA hA hA hA/ hI hI hI hI/ hU hU hU hU/ oM kA ra brah+ma ba Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ma hA pad+ma dz+wa la d+ha ra/ ta ra ta ra/ sa ra sa ra/ pa ra pa ra/ pad+tsa pA sa d+ha ra/ tsa ra tsa ra/ ba ra ba ra/ ba ra ra sh+mi sha ta sa ha sra/ pra ti maN+Di ta sha rI rA ya/ dz+wa la dz+wa la/ ta pa ta pa/ b+ha ga bA na so ma A di t+ya ya ma/ ba ru Na/ ku be ra/ brah+ma/ in+d+ra/ r-i Shi ga Na/ de ba ga Na/ a b+h+ya rtsi ta/ tsa ra Na/ su ru su ru/ tsu ru tsu ru/ pu ru pu ru/ mu ru mu ru/ sa na ta ku mA ra/ ru tra/ bA sa ba/ biSh+Nu/ d+ha na da/ de ba r-i Shi/ nA ya ka /ba hu/ bi bi d+ha/ be Sha d+ha ra/ ma hA pad+ma daN+Da d+ha ra/ pA sha d+ha ra/ d+ha ra d+ha ra/ d+hi ri d+hi ri d+hi/ d+hu ru d+hu ru d+hu/ tha ra tha ra/ g+ha ra g+ha ra/ ya ra ya ra/ la ra la ra/ ha ra ha ra/ pa ra pa ra/ sa ra sa ra/ tsa ra tsa ra/ ba ra ba ra/ ma hA ba ra dA ya ka /sa man+ta maN+Da la/ a ba lo ki ta/ lo ke shwa ra/ ma he shwa ra/ mu hu mu hu/ mu ru mu ru/ mu ya mu ya/ muny+tsa muny+tsa/ b+ha ga bA na Ar+ya a ba lo ki te shwa ra/ rak+Sha rak+Sha/ ma ma sarba b+ha yaM b+h+yaH/ sarba b+ha ye b+h+yaH/ sarba u pa dra be b+h+yaH/ sarba gra he b+h+yaH/ sarba dz+wa re b+h+yaH/ sarba bya d+hi b+h+yaH/ bad+d+ha ban+d+ha na tA Da Na rdza na/ rA dza/ tsau ra/ ta ska ra/ ag+ni/ u da ka /bi Sha/ sha s+t+ra/ pa ri mo tsa ka /ka Na ka Na/ ki Ni ki Ni/ ku Nu ku Nu/ tsa ra tsa ra/ in+d+ra ya ba la/ bo d+h+yaM ga /tsa tur+ya sa t+ya saM pra kA sha ka /ta ma ta ma/ da ma da ma/ sa ma sa ma/ sa ma sa ma/ ma hA ta mon+d+ha ka ra bid+ha ma na/ ShaT bA ra mi tA pa ri pU ra ka /mi li mi li/ Ta Ta Ta Ta/ Tha Tha Tha Tha/ Ti Ti Ti Ti/ Thi Thi Thi Thi/ Tu Tu Tu Tu/ Thu Thu Thu Thu/ e ne ya tsarma kr-i ta pa ri ka ra e h+ye hi/ I shwa ra/ ma he shwa ra/ pad+me shwa ra/ ma hA b+hU ta ga Na/ saM b+hany+dza ka/ ma hA sid+d+hi swa ra/ ku ru ku ru/ pa ra pa ra/ pa ra pa ra/ ka Ta ka Ta/ ma Ta ma Ta/ bi shud+d+ha pi Sha ya/ ni bA si na/ ma hA kA ru Ni kA/ shwe ta yadz+nyo pa bI ta rat+na ma ku Ta mA lA d+ha ra/ sarba dz+nyA shi ra si kr-i ta ma ku Ta ma had+b+hutaH ka ma lA laM kr-i ta/ ka ra ta la/ d+h+yA na sa mA d+hi/ bi mo k+Sha pra kam+pa/ ba hu sa twa san+ta ti/ pa ri pA tsa ka /ma hA kA ru Ni ka /sarba karma A ba ra Na bi sho d+ha ka /sarba byA d+hi pra mo tsa ka / sarba A shA pa ri pU ra kaHsarba sa twa/ sa mA shwA sa ka /oM pad+mo Sh+NI Sha pA sha hr-i da ya maN+Da la na ma stu te swA hA/ 'phags pa spyan ras gzigs dbang phyug gis/ don yod zhags pa'i pad+ma gtsug tor gyi gsang ba'i snying po'i dkyil 'khor 'di gsungs ma thag tu stong gsum gyi stong chen po'i 'jig rten gyi khams kyis gzhi cher g.yos par gyur te/ ri dang / nags dang / dgon par bcas pa rnam par 'gyur ba drug tu g.yos par gyur to/ /kun nas sa'i mthil 'di yang rin po che sna bdun gyi rang bzhin gyi pad+ma'i gdan kun nas bting bar gyur to/ /bcom ldan 'das phyag na pad+ma'i lte ba'i gnas na pad+ma chen po gyen du 'phags pa 'dab ma stong ba/ rin po che sna bdun gyi rang bzhin/ bai DUr+ya sngon po chen po'i sdong bu dang / 'dzam bu chu bo'i gser gyi snying po dang / mu tig dmar po'i ze 'bru dang / lha'i mu tig chen po'i ge sar dang gcig tu 'bar bar gyur pa 'od zer sna tshogs pa 'byin par byed pas te/ 'di lta ste sngon po dang / ser po dang / dmar po dang / dkar po dang / btsod dang / shel dang / dngul gyi kha dog tu snang bzhin pas 'bar zhing / rnam par gsal ba lhang nge'o/ /phyogs bcu kun du sangs rgyas kyi zhing rnams su kun du snang bar byed do/ /lha'i gnas dang / klu'i gnas dang / gnod sbyin dang / srin po'i gnas dang / dri za'i gnas dang / lha ma yin gyi gnas dang / nam mkha' lding gi gnas dang / mi 'am ci'i gnas dang / lto 'phye chen po'i gnas rnams kun du snang bar byed do/ /rab tu tshim par byed do/ /yang dag par skul bar byed do/ /yang dag par dbugs 'byin par byed do/ /dmyal ba chen po bcu drug po rnams kun du snang zhing reg pas dmyal ba chen po de rnams kyang pad+ma can chen por skyes par gyur to/ /sems can dmyal ba de rnams kyang kun nas snang zhing reg pa tsam gyis de rnams thams cad yongs su grol te/ bsams pa tsam gyi mod la bde ba can gyi 'jig rten gyi khams su pad+ma las rdzus te skyes shing / lha'i lus la rgyan lhab lhub dang / gos dang / spud pas rnam par brgyan cing / skye ba nas skye ba ru skye ba dran par skyes so/ /de bzhin du dud 'gro'i skye gnas su song ba rnams kun nas snang bas/ dang / bya de dag thams cad kyang dud 'gro'i skye gnas las yongs su grol te/ mtho ris su rna rgyan dri ma med cing g.yo ba 'dzin par skyes so/ /de bzhin du phyogs bcu kun du sems can thams cad kun du snang zhing reg pa de rnams thams cad sa chen po brgyad pa la rab tu gnas par gyur to/ /des kyang 'khor chen por kun du 'ongs pa'i byang chub sems dpa'i tshogs chen po de rnams thams cad bla na med pa yang dag par rdzogs pa'i byang chub tu phyir mi ldog pa nyid la rab tu bkod par gyur to/ /rig sngags 'chang gi 'khor gang yin pa thams cad kyang don yod pa pad+ma'i gtsug tor chen po'i snying po gsang ba don yod zhags pa'i dngos grub so sor thob par gyur to/ / klu'i rgyal po'i 'khor gang yin pa de rnams thams cad kyang yid bzhin gyi nor bu'i rgyal mtshan so sor snang bar gyur to/ /lha'i 'khor gang yin pa de rnams thams cad kyang 'od 'bar ba'i ting nge 'dzin so sor thob bo/ /gnod sbyin dang srin po gang yin pa de rnams thams cad rin po che'i gzhal med khang du gnas par gyur to/ /'byung po'i 'khor gang yin pa de rnams thams cad gzi brjid dri ma med pa'i ting nge 'dzin so sor thob par gyur to/ /lha ma yin gyi 'khor gang yin pa de rnams thams cad rdo rje'i go cha dang rdo rje rgyal mtshan gyi ya lad bgos par gyur te/ nam mkha' lding gi 'khor gang yin pa thams cad rdo rje mchu rtse mo chen po'i stobs kyi shugs rjes su thob par gyur to/ /mi'am ci dang / lto 'phye chen po'i 'khor gang yin pa thams cad kyang lus dang ngag dang yid yongs su dag par gyur to/ /dge bsnyen dang / dge bsnyen ma dang / bud med dang / skyes pa dang / khye'u dang / bu mo gang yin pa de rnams thams cad skye ba dang / rga ba dang / 'chi ba'i sdug bsngal las yongs su grol bar gyur to/ /bcom ldan 'das kyis kyang sku las nyi ma'i tog ces bya ba'i 'od zer chen po rnam par spros te/ byang chub sems dpa' sems dpa' chen po 'phags pa spyan ras gzigs dbang phyug gi thugs kar rjes su zhugs so/ / spyan ras gzigs dbang phyug gi thugs kar zhugs ma thag tu gnod sbyin gyi sde dpon chen po lag na rdo rje la 'di skad ces bka' stsal to/ /lag na rdo rje don yod zhags pa'i pad+ma gtsug tor gyi gsang ba'i rnam par 'phrul pa ltos shig /lag na rdo rjes gsol pa/ bcom ldan 'das bdag gis mthong lags so/ /sems dpa' dag pa bdag gis mthong lags so/ /sems dpa' chen po dag pa 'di'i rnam par 'phrul pa bsam gyis mi khyab pa pad+ma'i dbang phyug don yod pa'i zhags pa'i snying po pad+ma gtsug tor gyi gsang ba'i snying po'i dkyil 'khor shin tu zab pa/ shin tu rgya che ba/ rmad du byung ba chen po dngos grub mchog sgrub par byed pa ni bcom ldan 'das mtha' dag rgyas par gsungs shig / gsang sngags rim par phye ba dang / rig sngags dang / dkyil 'khor rmad du byung ba nye bar spyod pa'i cho ga dang bcas pa ni sems can thams cad kyi sdig pa rnam par 'joms pa'i don dang / rig sngags 'chang rnams kyi mchog 'grub pa'i don du de bzhin gshegs pa'i spyan sngar gsungs shig / de nas byang chub sems dpa' sems dpa' chen po 'phags pa spyan ras gzigs dbang phyug gis gnod sbyin gyi sde dpon chen po lag na rdo rje la 'di skad ces smras so/ /lag na rdo rje don yod zhags pa'i snying po mchog tu gsang ba gtsug tor thams cad kyi dkyil 'khor sems can thams cad kyi don gyi ched du sdig pa thams cad nyams par byed pa/ /sgrib pa thams cad rnam par sbyong bar byed pa/ dri ma dang / rnyog ma thams cad sel bar byed pa/ nad thams cad rab tu zhi bar byed pa/ bkra mi shis pa thams cad zlog par byed pa/ sdig pa dang / ma rungs pa'i sems can phyir rgol ba dang / dgra'i 'jigs pa rab tu zhi bar byed pa/ bgegs dang / log par 'dren pa thams cad tshar gcod par byed pa/ /bdud la sogs pa'i ma rungs pa thams cad 'joms par byed pa dug /mtshon cha dang / me dang / chu'i 'jigs pa dang / mche ba'i dug dang / seng ge dang / rgyal po dang / gnod sbyin rnams zlog par byed pa/ dug dang / byad stems dang / g.yeng byed dang / phye ma'i sbyor ba thams cad rnam par nyams par byed pa/ don yod zhags pa'i snying po de kho na nyid gces pa rmad du byung ba de kho na nyid kyi snying po'i sgrub pa bla na med pa bklags pas grub pa 'di rjes su zung shig / de nas gnod sbyin gyi sde dpon chen po lag na rdo rje bzhin 'dzum cing / gdong khro gnyer dang bral bas rdo rje bskor bar byed bzhin du/ byang chub sems dpa' sems dpa' chen po spyan ras gzigs dbang phyug la 'di skad ces smras so/ / bcom ldan 'das don yod pa'i zhags pa'i snying po dam par gyur pa gsang ba pad+ma gtsug tor gyi dkyil 'khor de rnams du zhig lags/ de dag bcom ldan 'das kyis gsungs shig /de nas byang chub sems dpa' sems dpa' chen po 'phags pa spyan ras gzigs dbang phyug gis/ gnod sbyin gyi sde dpon chen po lag na rdo rjes gsol ba btab par rig nas/ phyag g.yas pas lte ba'i pad+ma'i phyag rgya'i rnam pa la reg go/ /reg ma thag tu phyag g.yas pa'i pad+ma la/ snying po'i rig sngags de yang pad+ma'i steng du ste/ rang gi ngo bo gzhal med khang tshangs pa'i cha byad 'chang ba don yod pa'i gzugs spyan gsum pa/ phyag bzhi pa/ rgyan thams cad kyis rnam par brgyan pa/ nor bu gser gyi cod pan can/ 'od dpag med kyi cod pan gyis brgyan pa/ ral pa'i cod pan pad+ma'i gtsug tor gyis spud pa/ zla ba phyed pas rnam par mdzes pa/ zhags pa 'chang ba/ pad+ma'i gtsug tor 'chang ba dang / nor bu'i dbyug pa 'chang ba dang / rdo rje'i dbyug pa 'chang ba/ skyil mo krung gis bzhugs pa/ 'od zer 'bar bas yang dag par brgyan pa/ gos rnam par bkra ba sna tshogs dang / spyan nyi ma dang zla bas lhag par 'bar bas rnam par mdzes pa/ pad+ma rnams kyi steng na mdzes bzhin pa/ de bzhin gshegs pa thams cad thugs mnyes par byed pa/ byang chub sems dpa' thams cad kyis phyag bya bar 'os pa/ lha thams cad kyis mchod par 'os pa/ klu thams cad kyis rjes su gzung bar 'os pa/ drang srong thams cad kyis dga' bar 'os pa/ lha mi yin dang / nam mkha' lding dang / mi'am ci dang / lto 'phye chen po thams cad kyis rjes su 'gro bar 'os pa/ sems can thams cad kyi bla mar 'os pa mthong ste/ de lta bu'i snang ba rgya chen po byang chub sems dpa' sems dpa' chen po 'phags pa spyan ras gzigs dbang phyug gis/ de kho na nyid gces pa'i snying por gyur pa'i snying po nye bar bstan to/ /de nas gnod sbyin gyi sde dpon chen po lag na rdo rjes/ 'khor gyi dkyil 'khor chen po de mthong ba tsam gyi mod la/ snying po gsang ba/ don yod pa'i pad+ma dri ma med pa'i gtsug tor 'od zer 'bar ba'i ting nge 'dzin so sor thob par gyur to/ /ting nge 'dzin so sor thob pa gang gis sgyu ma lta bu'i ting nge 'dzin gyi nang du chud par gyur to/ /de rnams thams cad rab tu mgu ba'i yid kyis zhabs dag gi rjes la phyag 'tshal bar gyur to/ /de nas byang chub sems dpa' sems dpa' chen po 'phags pa spyan ras gzigs dbang phyug gis/ don yod zhags pa'i snying po'i gsang sngags 'di smras so/ /oM a mo g+ha pA sha hr-i da ya pad+moSh+NI Sha ku mA ra be Sha d+ha ra/ pad+me shwa ra/ A be sha ya/ sarba a mo g+ha ku la sa ma ya hr-i da ya/ sarba sid+d+hi a mo g+ha pra yats+tsha pad+ma/ pad+ma hU~M hU~M na ma stu te swA hA/ 'di ni don yod zhags pa'i snying po bklags pas grub pa'i sgrub thabs so/ /oM a mo g+ha pad+mo Sh+NI She shwa ra/ pad+me shwa ra/ sa man+tA ya sarba ta thA ga tA nAM/ a mo g+ha pad+moSh+NI Sha sa ma ya A kar+Sha ya/ pra be sha ya/ sarba karma sid+d+him+me pra yats+tsha a ba lo ki te shwa ra hUM hUM/ ma hA pad+moSh+NI Sha b+hu dze swA hA/ rigs kyi rgyal po'i gsang sngags so/ /oM a hA tsan+Da pad+me shwa ra bi bi d+ha rU pa/ bi ka Ta/ pad+ma daMSh+Da ke rA la b+hI Sha Na/ bAk+t+ra sarba duSh+Ta hr-i da yaM/ khA da ya/ big+ha nAM/ pad+ma d+h+ri ka /tsi Ti/ dri Ti hUM swA hA/ khro bo'i rgyal po'i rigs kyi snying po'o/ /nang gi dkyil 'khor gsang ba'i las rnams so/ /oM a mo g+ha pad+moSh+NI Sha pad+ma pA sha kro d+ha ka /mo ya karma pra be sha ya ma hA bA shu pa ti/ ya ma/ ba ru Na/ ku be ra/ brah+ma be Sha d+ha ra/ ma hA tsaN+Da be ga /a mo g+ha ku las ma ya/ pad+me hUM hUM/ khro bo'i rgyal po don yod zhags pa'i pad+ma gtsug tor gyi snying po'o/ /de nas don yod pa'i snying po'i las rnams 'gyur te/ dran pa tsam gyi mod la/ dus gsum gyi de bzhin gshegs pa thams cad dang mnyam pas gcig tu mtshungs par 'gyur ro/ /tshe dpag med dang mnyam pa'i lus su 'gyur ro/ /phyogs bcu'i sangs rgyas kyi zhing thams cad dang / mnyam pa'i de bzhin gshegs pa thams cad dang mtshungs shing mnyam pa nyid du 'gyur ro/ /mtshungs shing mnyam pa nyid kyis de bzhin gshegs pa thams cad mnyam pa nyid du mthong ngo / /pad+ma'i phyag gi ting nge 'dzin rnams dang / pad+ma'i gtsug tor gyi phyag gis 'jig rten dbang phyug dang mnyam pa nyid du 'gyur ro/ /pad+ma'i gtsug tor bcings pa nyid kyis spyi bo'i gtsug tu mngon par dbang bskur na/ dus gsum gyi de bzhin gshegs pa thams cad kyis mngon par dbang bskur ro/ /pad+ma'i gtsug tor gyis don yod par dbang bskur ba gang yin pa de/ pad+ma gtsug tor gyi snying po rgyas par gyur pa thob ste/ ting nge 'dzin brgya stong phrag dang / bla na med pa'i dpal thob bo/ /rigs kyi rgyal po'i gsang sngags rgyas par gyur pa pad+ma gtsug tor gyi dkyil 'khor du rigs kyi rgyal po legs par grub par 'gyur te/ thams cad du rigs kyi rgyal po'i dngos grub bzang po rnams 'ong bar 'gyur ro/ /rigs kyi rgyal po'i gsang sngags kyi rgyal po dang / rig sngags kyi rgyal po mchog gi dngos grub thams cad rab tu sbyin par byed do/ /pad+ma'i phyag gis rjes su 'jug cing / don yod pa'i rigs kyi dngos grub ji lta ba bzhin du 'grub ste/ bklags pas grub pa 'di la the tshom med do/ /pad+ma gtsug tor gyi rigs kyi dngos grub dang / pad+ma yangs pa'i dkyil 'khor ram/ don yod zhags pa'i dkyil 'khor du bklags nas bzlas pa tsam gyis 'grub ste/ rigs kyi rgyal po dang / rig sngags kyi rgyal po gang yin pa de thams cad du dbang phyug tu 'gyur ro/ /dkyil 'khor rnams kyi cho ga zhib mo dang / phyag rgyas byang chub sems dpa' thams cad kyi rigs thun mong ba thams cad du rgyal po'i bya ba byed par 'gyur ro/ /sangs rgyas kyi zhing stong phrag rnams dang / sangs rgyas kyi zhing brgya phrag rnams dang / gang gA'i klung gi bye ma dang mnyam pa'i zhing du rgyal por 'gyur ro/ /rigs kyi rig pas lha'i dbang phyug dang / lha'i tshogs rnams kyi dbang phyug tu 'gyur ro/ /rtag tu yang gnod sbyin rnams dang / srin po rnams su gyur pa dang / dri za rnams dang / gnod sbyin rnams dang / srin po rnams kyi de bzhin nyid du thams cad du rgyal po dang / dbang phyug tu rtag tu 'gyur te the tshom med do/ /nam mkha' lding rnams dang / mi'am ci rnams dang / lto 'phye chen po rnams dang / thams cad du ji srid byang chub la yang dag par gnas kyi bar du rigs kyi rgyal por 'gyur ro/ /de nas khro bo'i rgyal po dran pa tsam dang drag po de yid la sems pa tsam gyi mod la/ 'phral du ri rab ltung bar byed cing / khor yug gi ri rnam par 'thor bar byed do/ /rgya mtsho chen po kun nas dkrug cing / rgya mtsho chen po nye bar skye bar byed do/ /kun du gsal bar byed do/ /klu'i gnas thams cad du klu'i gnas 'bar bar yang byed do/ /bgegs dang log par 'dren pa thams cad kyi skad cig tsam gyis steng du bdug par byed do/ /gnod sbyin dang / srin po dang / 'byung po dang / gza' dang / brjed byed dang / mi bzad pa de rnams thams cad khro bo'i rgyal po dran pa tsam gyis 'jigs par 'gyur ro/ /khro bo'i rgyal po'i gsang ba thams cad kyi rigs kyi dam tshig la gnas pa dang / dkyil 'khor du phyag rgya gnas pa dang / gsang sngags kyi lha gzhan gang yin pa rnams kyis khro bo'i rgyal po dran pa tsam gyis de rnams thams cad rig sngags 'chang la skyabs su 'gro bar byed do/ /de rnams thams cad rjes su 'brang bar 'gyur zhing gnas par byed do/ /'ga' zhig gang du 'gro ba'am 'dug pa de la dbang po dang / skabs gsum pa'i lha dang / tshangs pa dang / khyab 'jug dang / dbang phyug chen po dang / gshin rje dang / chu lha dang / klu'i rgyal po rgya mtsho dang / dga' bo dang / nye dga' bo dang / gzhon nu dang / sde dpon dang / de bzhin du rgyal po chen po bzhi dus rtag tu rig sngags 'chang gi rjes su 'brang bar byed do/ /the tshom med do/ /khros pa'i las rnams sam/ de bzhin du drag po'i las rnams thams cad kyang hUM yig tsam gyis de la dngos grub mthong ngo / /phyir rgol ba dang / dgra dang / sems can ma rungs pa shin tu mi bzad pa rnams dang / pha rol gyi dmag tshogs dang 'jigs pa dang / rnam par 'gras pa'i skye bo dang / sdig pa de rnams thams cad hUM yig gis mchog tu gzir ba tsam gyis thal bar 'jig par 'gyur ro/ /sdang ba dang / ngan sems pa'i sems can dang / byas pa mi gzo ba dang / byas pa la 'khon pa thams cad drag po'i hUM yig bzlas pa tsam gyis skad cig la bsreg ste/ dper na me yis phye ma leb bzhin no/ /las gzhan stong phrag rnams dang / las brgya stong phrag nyid bzlas pa tsam gyis 'grub ste/ dran pa tsam gyi mod la/ las thams cad 'grub bo/ /de nas don yod pa pad+ma'i gtsug tor dran pa tsam gyis/ bya ba thams cad ni gnyis su 'gyur te/ ji ltar gang cung zad yid la byed pas las byed do/ /dkyil 'khor ram/ gnas rnam pa gzhan thams cad du/ ji ltar yid la byed pa'i bya ba thams cad du byed do// // 'phags pa don yod pa'i zhags pa'i cho ga zhib mo'i rgyal po/ bam po lnga pa/ de nas gsang sngags la 'jug pa rnams kyi dgos pa thams cad so sor 'grub par 'gyur ba ni/ o~M zhes bya ba don yod pa'i zhags pa pad+ma gtsug tor gyi dkyil 'khor thams cad du gsang sngags yi ge gcig pa'o/ /'jig rten mgon po'i spyan sngar 'bum dran par byas na sa dang po la gnas par 'gyur ro/ /sngon gyi sdig pa bsags pa sems can dmyal ba mi bzad pa gang ci yang rung ba de dag thams cad ji ltar rlung gis phyag dar gtor ba bzhin 'jig par 'gyur/ dngos grub thams cad thob par 'gyur ro/ /don thams cad rjes su 'jug par 'gyur/ de bzhin gshegs pa thams cad dang / gang dkyil 'khor gyi lha gzhan dag kyang dgyes par 'gyur la/ 'phags pa spyan ras gzigs dbang phyug rtag tu mchog sbyin pa mdzad do/ /gsang sngags o~M zhes bya ba dran nas tshe 'phos pa ni 'jig rten gyi khams bde ba can du 'gro bar 'gyur ro/ /gsang sngags kyi yi ge gcig pa'o/ /o~M b+hu yi ge gnyis pa 'bum bzlas brjod byas na sa gnyis pa 'thob par 'gyur/ de bzhin gshegs pa snang ba mtha' yas kyi spyan sngar 'dug par 'gyur zhing mchog thams cad rjes su sbyin par mdzad/ sdig pa thams cad kyang rnam par dag par mdzad/ sngon gyi nad kyang sos par 'gyur/ nor gyi dbang phyug nor bu bzang po'i bu dbang du 'gyur zhing nye bar gnas par 'gyur ro/ /mi gang gis kyang phyir zhing bar chad byed nus par mi 'gyur/ tshe 'phos nas ri gru 'dzin du skye bar 'gyur/ don yod pa'i zhags pa'i dngos grub kyang thob par 'gyur ro/ /o~M pad+me gsang sngags kyi yi ge gsum pa 'bum bzlas brjod byas nas gsum pa la yang dag par 'jug par 'gyur/ pad+ma yangs pa'i dkyil 'khor gyi phyag rgya dang / gsang sngags gang yin pa thams cad la zhugs par 'gyur/ 'phags pa spyan ras gzigs dbang phyug gzhon nu'i cha byad can mdun na bzhugs par 'gyur zhing 'dod pa thams cad kyi mchog rjes su sbyin par mdzad/ don yod pa'i zhags pa'i pad+ma gtsug tor gyi dkyil 'khor ston par mdzad/ de bzhin gshegs pa thams cad kyi gsang ba'i dkyil 'khor rnams ston par mdzad/ thams cad du dngos grub rjes su sbyin par mdzad do/ /o~M pad+ma hrI/ gsang sngags yi ge bzhi pa 'bum pa bzlas brjod byas nas bzhi ba la 'jug par 'gyur/ 'phags pa de bzhin gshegs pa mi 'khrugs pa'i sku mdog gser gyi kha dog can mdun na bzhugs shing dpung pa brkyang nas phyag spyi bor 'jog par mdzad la/ rig sngags 'chang ba la legs so zhes bya ba rjes su sbyin par mdzad de/ rig sngags 'chang tshur shog /khyod kyi sdig pa dang sgrib pa thams cad yongs su dag ste/ rang gi ngo bo thams cad shin tu dri ma med par yongs su dag go/ /mi'i 'jig rten 'di nas tshe 'phos nas nga'i sangs rgyas kyi zhing du 'ong zhing tshe rabs dran par 'gyur/ phyir zhing nam yang mngal na gnas pas gos par mi 'gyur/ 'jig rten pa'i dgos pa thams cad 'grub par 'gyur ro/ /o~M pad+ma b+hu dze/ gsang sngags yi ge lnga pa 'bum bzlas brjod byas nas lnga pa la gnas par 'gyur/ de bzhin gshegs pa dgra bcom pa yang dag par rdzogs pa'i sangs rgyas pad+ma'i bla ma rab tu ston par mdzad/ sgrib pa thams cad yongs su zad par 'gyur/ rig sngags 'chang la legs so zhes bya ba'i sgra 'byin par 'gyur te/ rig sngags 'chang legs so legs so/ /khyod la bsod nams kyi phung po chen po skyes te/ rig sngags 'chang khyod dge ba'i rtsa ba chen po bskyed pas rig sngags 'chang khyod tshe brjes na de bzhin gshegs pa bye ba khrag khrig dgu bcu rtsa gnyis kyi drung du dge ba'i rtsa ba mtshungs par bskyed par 'gyur zhing nga'i sangs rgyas kyi zhing du skye bar 'gyur/ khyod kyis don yod pa'i zhags pa pad+ma gtsug tor gyi snying po dang / gsang ba'i dkyil 'khor dang / phyag rgya chen po rim par phye ba grub cing rig sngags 'chang khyod sgrib pa dang sdig pa thams cad spangs kyis bya ba thams cad gyis shig / yid la bya ba'i sgrub pa thams cad ji ltar 'dod pa bzhin de dag thams cad shin tu grub par 'gyur ro/ /o~M pad+ma a ba lo ki te/ gzungs sngags yi ge drug pa 'bum bzlas brjod byas nas drug pa 'thob ste 'jug par 'gyur/ de bzhin gshegs pa thams cad snang ba mdzad par 'gyur/ stong gsum gyi stong chen po'i 'jig rten gyi khams kyi rdul phra mo snyed kyi de bzhin gshegs pa dgra bcom pa yang dag par rdzogs pa'i sangs rgyas rnams gzigs shing mngon sum du ston par mdzad/ dbugs 'byin par mdzad do/ /de nas de bzhin gshegs pa dgra bcom pa yang dag par rdzogs pa'i sangs rgyas pad+ma gzigs pa'i rgyal mtshan rig sngags 'chang de la yang dag par dbugs 'byin par mdzad do/ /rig sngags 'chang nga'i sangs rgyas kyi zhing nas byang chub kyi snying po'i mthar thug gi bar du tshur shog / las byas pa ni shin tu yongs su zad cing khyod kyis sems can dmyal ba'i sgo rnams bcad/ khyod kyis sangs rgyas kyi zhing thams cad kyi sgo rnams ni phye/ khyod kyis de bzhin gshegs pa thams cad kyi sa bon dang / rigs kyi spyi ni khong du chud/ khyod kyis don yod pa'i zhags pa pad+ma gtsug tor gyi snying po dang / gsang ba'i dkyil 'khor ni grub/ khyod kyis thams cad du gnas kyi sgo rnams ni phye bas 'jig rten dang / 'jig rten las 'das pa'i las sgrub pa rnams ji ltar yid la byas pa bzhin las thams cad byos shig /o~M pad+ma dz+wa la hu~M d+h-ika/ yi ge bdun pa 'bum bzlas brjod byas ma thag tu ting nge 'dzin pad+ma dri ma med pa sgrib pa dang bral bdag pa zhes bya ba thob par 'gyur la/ ting nge 'dzin gang thob pas lus shin tu 'bar bar 'gyur zhing 'od zer kha dog sna tshogs su 'gyur/ sa bdun pa la gnas par 'gyur/ lus kyi snang ba gang gis stong gsum gyi stong chen po'i 'jig rten gyi khams kyis sangs rgyas kyi zhing thams cad kyi gnas rnams snang bar byed cing / gang dang gang du 'od zer rin po che 'bar ba sna tshogs dag 'bab pa las me tog gi char sna tshogs pa rnams 'byung bar 'gyur la/ de bzhin gshegs pa thams cad la mchod par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas dri ma med pa'i pad+ma 'od zer 'bar ba gser gyi mdog can dpung pa brkyang ste/ phyag g.yas pas rig sngags 'chang gi spyi bor 'jog cing legs so zhes bya ba yang sbyin la dbugs 'byin par mdzad de/ rig sngags 'chang legs so legs so/ /'di ni sangs rgyas bcom ldan 'das rnams kyi snying po gsang ba bzlas brjod kyi cho ga mchod pa'i mchog yin no/ /'di ni 'phags pa spyan ras gzigs dbang phyug gi snying po gsang ba gces pa'i dkyil 'khor don yod pa'i zhags pa pad+ma gtsug tor gyi snying po yang dag pa'o/ /rig sngags 'chang khyod kyis dkyil 'khor mtha' dag rdzogs pa dang / pad+ma gtsug tor gyi snying po cho ga zhib mo dang / don yod pa'i zhags pa rnam par sprul pa grub kyis rig sngags 'chang nga'i sangs rgyas kyi zhing du song la sangs rgyas kyi mdzad pa gyis shig / o~M a mo g+ha ma Ni pad+me/ gzungs sngags kyi snying po yi ge brgyad pa 'bum phrag bzlas brjod byas na lus shin tu yongs su dag cing dri ma med par 'gyur/ bzlas brjod byas pa tsam gyis nor bu rin po che chen po shel ltar phyi nang shin tu yongs su dag ste/ de ltar rig sngags 'chang gi lus yongs su dag par 'gyur/ sa brgyad pa la gnas par 'gyur/ byang chub sems dpa' sems dpa' chen po 'phags pa spyan ras gzigs dbang phyug rang gi lus yongs su dag par rang gi gzugs kyi ngo bo ston cing / rig sngags 'chang gi mdun na gnas la rig sngags 'chang yang dag par dbugs 'byin par mdzad de/ phyag g.yas pa mgo'i spyi bor 'jog par mdzad/ legs so zhes bya ba'ang sbyin par mdzad de/ rig sngags 'chang legs so legs so/ /rig sngags 'chang khyod lhag pa'i bsam pa dam pa dga' ba la zhugs so/ /rig sngags 'chang sangs rgyas kyi zhing mnyam par 'brel ba'i 'jig rten rnam par blta bar tshur shog /der khyod kyis sangs rgyas kyi mdzad pa byed par 'gyur ro/ /khyod kyis don yod pa'i zhags pa pad+ma gtsug tor gyi snying po dkyil 'khor gsang ba grub kyis 'jig rten dang 'jig rten las 'das pa'i sgrub pa dam pa bya ba thams cad gyis shig /o~M pad+ma lo tsa ni hu ru hU~M/ gzungs sngags kyi snying po yi ge dgu po 'bum bzlas brjod byas nas dgu pa la gnas par 'gyur/ 'phags pa spyan ras gzigs dbang phyug gi sras kyi gtso bor 'gyur/ de bzhin gshegs pa dgra bcom pa yang dag par rdzogs pa'i sangs rgyas bye ba khrag khrig dgu bcu rtsa dgu dag rig sngags 'chang la mngon sum du ston cing / sangs rgyas kyi yul rnam par sprul pa sna tshogs ston par mdzad/ rig sngags 'chang gi spyi bor thams cad kyi phyag 'jog par mdzad/ legs so zhes bya ba yang sbyin par mdzad de/ rig sngags 'chang chen po legs so legs so/ /khyod kyis ngal zhing sbyang ba'i las legs par bsgrub pa byas so/ /khyod kyis 'jig rten pa dang / 'jig rten las 'das pa sangs rgyas nyid du sgrub pa ste/ don yod pa'i zhags pa'i dkyil 'khor cho ga zhib mo sgrub pa dang mdo sde lung bcas pa sgrub pa 'jig rten gyi 'dren pas bstan pa gang yin pa de dag thams cad grub pa yin no/ /o~M pad+moSh+NI Sha bi ma le hU~M phaT/ gsang sngags kyi snying po yi ge bcu pa 'bum bzlas brjod byas na phyir mi ldog pa nyid du gyur nas sa bcu pa la gnas par 'gyur zhing / lha dang mi'i skye dgu dag 'di ni de bzhin gshegs pa'o zhes brjod la bla na med pa yang dag par rdzogs pa'i byang chub las phyir mi ldog par 'gyur/ don yod pa'i pad+ma gtsug tor gyi 'khor los sgyur bar 'gyur te the tshom mi bya'o/ /gsang sngags bcu pa'i sgrub pa de kho na nyid kyi dngos grub bla na med pa 'di ni don yod pa'i zhags pa'i snying po rnam par sprul pa bzlas brjod tsam gyis 'grub par yin te/ bdag gis sngar bstan pa thams cad la lhag par zhen pa/ gtsang ma/ gtsang sbra spyod pa/ gos gtsang ma bgos pa/ byams pa'i sems dang snying rje skyes pa/ bden pa smra ba/ bla ma la gus pa/ dkon mchog gsum la dad pa che ba/ bla ma dang slob dpon la rtag tu mchod pa byed pa 'di ni bzlas brjod kyi cho ga yin te/ sangs rgyas kyi byang chub bla na med par bstan to/ /de nas gnod sbyin gyi sde dpon chen po lag na rdo rje byang chub sems dpa' sems dpa' chen po 'phags pa spyan ras gzigs dbang phyug la rab tu 'dzum la lag na rdo rje skor bzhin du mgo btud nas smras pa/ sems dpa' chen po gzungs kyi gsang sngags kyi gzhi don yod pa'i zhags pa pad+ma gtsug tor gyi dkyil 'khor gyi snying po gsang ba chen po rgyal po 'di ni shin tu rnyed par dka' ste/ gzungs sngags kyi snying po re re po 'di dag ni bzlas brjod tsam gyis sangs rgyas kyi mdzad pa byed par 'gyur na/ spyan ras gzigs dbang phyug gang ches ngal zhing dub par bzlas brjod bsgrub pa dang / cho ga rgyas par bsgrub pa lta smos kyang ci dgos/ nyin zhag gcig bsnyen gnas la gnas shing zas bslangs pa dang / 'bras bu dang / ldum bu dang / rtsa ba bza' ba zos nas rig sngags 'di bsgrubs na spyan ras gzigs dbang phyug de'i dngos grub ji lta bu zhig 'byung bar 'gyur/ spyan ras gzigs dbang phyug gis smras pa/ lag na rdo rje nyin zhag gcig smyung ba la gnas shing nyin zhag gcig tsam bzlas brjod byas pa tsam gyis 'bras bu 'grub par 'gyur ba ni lag na rdo rje rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ gzhan yang dge sbyong mgo bregs pa/ rigs kyi gtso bo bram ze'am/ rgyal rigs sam/ skyes pa'am/ bud med dam/ khye'u'am/ bu mo'am/ rje'u rigs sam/ dmangs rigs gang la la skad cig thang cig yud tsam mam/ dus tshigs gcig gam/ dus tshigs gnyis sam/ dus tshigs gsum yongs su rdzogs par gzhan mi smra bar don yod pa'i zhags pa pad+ma gtsug tor gyi snying po khro bo'i rigs kyi gsang sngags rim par phye ba gzungs sngags chen po'i snying po bcu po 'di lan cig dran nam/ klog gam/ ming gzung ba'ang dran nam/ lag na rdo rje dus tshigs gcig tu dran pa tsam gyis kyang de'i mtshams med pa byed pa mnar med par gzhol ba/ bskal par gnas pa yang de yis thams cad rnam par dag par 'gyur la/ sdig pa dang sgrib pa bsags pa rnams zad par 'gyur/ lus yongs su dag cing dri ma med par 'gyur/ sgrib pa dang sdig pa dang bral bar 'gyur/ tshe 'phos nas 'jig rten gyi khams bde ba can du pad+ma dag las rdzus te skye bar 'gyur/ tshe rabs su tshe rabs dran par 'gyur/ nams kyang ngan 'gror 'gro bar mi 'gyur/ bskal pa bye ba 'bum phrag brgyad cur 'khor los sgyur ba mchog tu 'gyur/ bskal pa bye ba 'bum phrag brgyad cur 'jig rten gyi khams bde ba can du bde ba myong bar 'gyur/ bskal pa 'bum phrag drug cu rtsa gnyis su 'jig rten gyi khams mngon par dga' bar bde ba myong bar 'gyur/ bskal pa 'bum phrag bdun cu rtsa gnyis su 'jig rten gyi khams 'jig rten rnam par gzigs par skye bar 'gyur/ tshe rabs su tshe rabs dran par 'gyur/ bskal pa 'bum phrag drug tu rtsa gnyis su nor bu 'chang ba'i 'khor los sgyur bar 'gyur/ bskal pa khri phrag brgyad cur 'phags pa spyan ras gzigs dbang phyug gi gnas ri gru 'dzin du bde ba myong bar 'gyur/ bskal pa stong phrag dgu bcu rtsa dgur 'og min gyi lha rnams kyi nang du skye bar 'gyur/ bskal pa 'bum phrag brgyad cur dga' ldan gyi lha rnams kyi nang du bde ba myong bar 'gyur/ bskal pa 'bum phrag gsum cu rtsa gsum gyi nang du brgya byin nyid byed par 'gyur/ bskal pa 'bum phrag lnga bcu rtsa gnyis su phyogs bcu'i sangs rgyas kyi zhing rnams su 'jug par 'gyur/ bskal pa stong phrag nyi shur 'khor los sgyur ba'i rgyal srid la spyod par 'gyur te nams kyang ma'i mngal du skye bar mi 'gyur zhing gang dang gang du skye bar 'gyur ba thams cad du rdzus te skye bar 'gyur/ thams cad du tshe rabs dran par 'gyur te/ lag na rdo rje de ltar rig sngags lan cig dran pa tsam gyis dge ba'i rtsa ba bsod nams kyi phung po chen po dang ldan par 'gyur ro/ / lag na rdo rje gal te gang zhig zhag gcig gam/ lan cig smyung ba la gnas te bzlas brjod dang bcas pa byas na lag na rdo rje de ni tshe 'di nyid la mi bdag nyid kyi ngo bo nyid sgrib ba dang bral nas don yod pa chen po dri ma med pa zhes bya ba'i ting nge 'dzin 'thob bo/ / don yod pa bkod pa'i ting nge 'dzin 'thob bo/ /pad+ma gsal ba rnam par 'phrul pa'i ting nge 'dzin 'thob bo/ /don yod pa'i dri ma med par snang ba zhes bya ba'i ting nge 'dzin 'thob bo/ /don yod pa rnam par gzigs pa'i rgyal mtshan zhes bya ba'i ting nga 'dzin 'thob bo/ / pad+ma gtsug tor mthar phyin pa'i rgyal mtshan zhes bya ba'i ting nge 'dzin 'thob bo/ /don yod pa 'bar ba'i gtsug tor gyi snying po gsang ba grub pa 'thob bo/ /de bzhin gshegs pa bye ba khrag khrig dgu bcu rtsa gnyis dang / de bzhin gshegs pa gang gA'i klung gi bye ma snyed la dge ba'i rtsa ba bskyed par 'gyur/ bsod nams kyi phung po chen po dang ldan par 'gyur/ tshe brjes nas 'jig rten gyi khams bde ba can du pad+ma dag las rdzus te skye bar 'gyur ro/ /'di ni don yod pa'i zhags pa'i snying po cho ga zhib mo dang / don yod pa pad+ma gtsug tor gyi cho ga mtha' dag rdzogs pa dang / phyag rgya dang bcas pa cho ga zhib mo mtha' dag rdzogs par kha ton du lobs par 'gyur zhing / don yod pa'i rig sngags 'chang 'khor los sgyur bar 'gyur ro/ /don yod pa'i zhags pa'i snying po pad+ma gtsug tor gyi dkyil 'khor gyi snying po gsang sngags grub pa'i cho ga ste/ sgrub pa'i cho ga gnyis pa'o// //de nas gnod sbyin gyi sde dpon chen po lag na rdo rjes byang chub sems dpa' sems dpa' chen po 'phags pa spyan ras gzigs dbang phyug la 'di skad ces smras so/ /bcom ldan 'das don yod pa pad+ma gtsug tor gyi dkyil 'khor don yod pa'i zhags pa'i snying po bya ba'i cho ga dang sgrub pa'i cho ga dang bcas pa bshad par gsol/ bcom ldan 'das rig sngags 'chang kun gyis 'grub pa/ bsam pa yongs su rdzogs pa/ dngos grub sgrub pa'i cho ga de kho na bshad du gsol/ de nas byang chub sems dpa' sems dpa' chen po 'phags pa spyan ras gzigs dbang phyug gis gnod sbyin gyi sde dpon chen po lag na rdo rje la 'di skad ces smras so/ /lag na rdo rje bya ba'i cho ga dang sgrub pa'i cho ga bshad par bya yis nyon cig /lag na rdo rje gsang sngags rtsa ba don yod pa'i zhags pa pad+ma gtsug tor gyi snying po gsang ba 'di'i rig sngags 'chang rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma lan cig tsam dran pa yid la byed pa yongs su dag pa'i bdag nyid snying rje chen po dang / byams pa dang ldan pa'i lhag pa'i bsam pas sems can la dmigs pa'i sems can gang yang rung ba ngan song gsum du skye bar mi 'gyur te/ sems can dmyal ba'am/ dud 'gro'i skye gnas sam/ kyi yul rnams kyi gnas de dag med de/ de ltar sems can thams cad sgrub pa dge ba'i rtse ba chen po dang ldan par 'gyur ro/ lan gnyis brjod pa tsam gyis nad thams cad rab tu zhi bar 'gyur ro/ /lan gsum brjod pa tsam gyis dug dang / 'brum bu dang / 'bras dang / lhog pa dang / rkang shu dang / mdze dang / g.yan pa la sogs pa thams cad 'jig par 'gyur ro/ /lan bzhi brjod pa tsam gyis dbyig dug dang / byad thams cad sel bar 'gyur ro/ /lan lnga brjod pa tsam gyis 'thab pa dang / 'thab mo dang / rtsod pa dang / 'gyed pa thams cad rab tu zhi bar 'gyur ro/ /lan drug brjod pa tsam gyis 'jigs pa dang / gdon dang / rims thams cad 'jig par 'gyur ro/ /lan bdun brjod pa tsam gyis dus ma yin par 'chi ba'i 'jigs pa thams cad dang / sems can thams cad kyi nad dang / yams kyi nad thams cad rab tu zhi bar 'gyur ro/ /lag na rdo rje de lta bas na sems can thams cad kyi don du nyin re zhing gzhan mi smra bar lan bdun dran par bya'o/ /sems can gang la la sems can dmyal bar gzhol ba shi ba dang / dge slong gang la la bslab pa'i sdom pa dang / tshul khrims kyi sdom pa ral ba dang / mkhan po dang / slob dpon la gus par ma byas pa shi ba de'i don du bye ma gtsang ma blangs la lan bdun bzlas brjod byas na/ dur khrod dam/ ro bsregs pa'am/ 'chad pa der bye ma gtor bar bya'o/ /gang dang gang na sems can gang dag gi rus pa yod sar bye ma gtor ma thag tu de dang der bye ma bab pa'i sems can dmyal ba'am/ sam/ sha zar skyes pa'am/ gnod sbyin nam/ srin po'i skye gnas su skyes na de de'i mod la tshe brjes nas thams cad mtho ris su gzhol bar 'gyur zhing nams kyang sems can dmyal bar gzhol bar mi 'gyur ro/ /yang na gro ga la bris nas mchod rten gyi nang du bcug pa'i gnas der rkang pa gnyis pa'am/ rkang pa bzhi pa gang dag nye bar 'ongs pa de dag thams cad grib ma phog pa tsam gyis sdig pa dang sgrib pa thams cad rnam par dag cing thams cad mtho ris su gzhol bar 'gyur ro/ /tha na dang / bya dang / tha na ldang sko ska dang / ne'u le dang / sdig pa dang / sbrul dang / khyi dang / rus sbal dang / lag 'gro dang / dkyil 'khor de la grib ma bab pa tsam gyis thams cad kyi las kyi sgrib pa rnams rnam par dag par 'gyur zhing de dag thams cad mtho ris kyi 'jig rten du gzhol bar 'gyur ro/ /dung la lan bdun bzlas brjod byas nas gnas mthon por bus na sems can gang dag dung de'i sgra thos pa skyes pa dang / bud med dang / khye'u dang / bu mo dang / dang / bya dang / dud 'gro'i skye gnas su gtogs pa de dag thams cad mtho ris kyi 'jig rten du gzhol bar 'gyur ro/ /gang dag tshul khrims yongs su dag pa dang / sems can gang dag sbyin pa la dga' ba dang / gang dag bsnyen gnas la nye bar gnas pa dang / gang dag skyabs gsum bzung ba dang / gang dag byang chub sems dpa'i sdom pas bsdams pa de dag kyang dung gi sgra thos nas sems can de dag thams cad phyir mi ldog par 'gyur zhing bla na med pa yang dag par rdzogs pa'i byang chub 'thob par 'gyur la/ tshe brjes nas 'jig rten gyi khams bde ba can du skye bar 'gyur te/ tshe rabs su tshe rabs dran par 'gyur ro/ /tsan+dan la lan bdun bzlas brjod byas nas dge 'dun gyi kun dga' ra ba'am/ mchod rten gyi 'khor sa'am/ dge 'dun gyi nang ngam/ skye bo mang po'i nang ngam/ rgyal po'i pho brang du bdugs na gang dag der dri mnams pa'i sems can de dag thams cad sangs rgyas kyi sku yongs su rdzogs par 'gyur ro/ /chos gos la bdugs nas gang gi lus la gyon pa de'i sdig pa dang sgrib pa thams cad rnam par 'jig par 'gyur ro/ /lus la bab pa tsam gyis dri ma dang / ser sna dang / skyon thams cad spangs par 'gyur ro/ /gos bcangs pa tsam gyis 'jig rten thams cad dbang du 'gyur ro/ /bdag nyid kyis gos de bdugs nas rgyal po'i pho brang du zhugs na rgyal po btsun mo dang / 'khor dang bcas pa dbang du 'gyur/ mchod gnas chen por 'gyur/ 'jig rten thams cad kyi bla mar yang 'gyur ro/ /'phags pa'i dge 'dun gyi nang du zhugs na dge slong thams cad kyi mchod gnas chen por 'os par 'gyur ro/ /skye bo mang po'i nang du zhugs na nor chen po 'phel bar 'gyur zhing mchod pa chen po'i 'os su 'gyur ro/ /ri'i rtse mo nyi ma 'char ba'i khar bdugs nas gsang sngags rtsa ba lan bdun bzlas brjod byas na mod la nyi ma 'bab par 'gyur zhing 'dod pa mchog kun rjes su sbyin par byed do/ /gu gul dang bsres nas lha chen po'i mdun du bdug par bya zhing gsang sngags rtsa ba lan bdun bya ba pa byas na mod nyid la lha chen po 'bab par 'gyur zhing rig sngags 'chang gi mdun du 'dug nas bsam pa thams cad yongs su skong bar byed do/ /bo la dang / tsan+dan dang / gu gul bsres nas sred med kyi bu'i mdun du bdug par bya zhing gsang sngags rtsa ba lan nyi shu gcig lus kyi yan lag la bya ba pa byas na sred med kyi bu rang gi gzugs kyis mdun na 'dug cing 'dod pa mchog kun rjes su sbyin par byed la/ dngos po sna tshogs kyang sbyin par byed do/ /yungs kar dang bsres nas tshangs pa la bdug cing gsang sngags rtsa ba lan bcu bzhi bya ba pa byas na/ tshangs pa rang gi gzugs kyis mdun na 'dug la mchog thams cad sbyin par byed do/ /pad+ma'i phye ma dang bsres nas nag po chen po dang / ma mo'i tshogs la bdugs na nag po chen po dang / ma mo'i tshogs 'khor dang bcas pa rang gi gzugs kyis mdun na 'dug cing mchog dang / bya ba sgrub pa thams cad sbyin par byed do/ /nA ga puSh+pa dang / sbrul gyi shun pa dang / bsres pa'i bdug pa klu'i mtshor bdug cing gsang sngags rtsa ba lan bdun yungs kar la bzlas brjod byas nas klu'i mtshor gtor la/ don yod pa'i zhags pa'i snying po'i mdo lan cig brjod cing dran par byas na klu dang / klu mo dang / klu'i bu pho dang / klu'i bu mo thams cad gnas kun nas byung nas rig sngags 'chang gi rkang pa gnyis la 'dud cing gang bsgo ba de dag thams cad byed la 'dod pa thams cad sbyin zhing dbang du 'gyur ro/ /lan gsum sbyar na klu'i rgyal po rgya mtsho'ang 'ong ngo / /klu'i rgyal po dga' bo dang / nye dga' bo yang 'ong zhing thams cad bsgo ba bzhin byed la dbang du gyur nas 'dug go/ /gnod sbyin dang / srin po dgug par 'dod pas dur khrod kyi nang du mi ro bsregs pa'i sol bas bdugs la/ gsang sngags rtsa ba gsang mthon pos lan bdun brjod cing dran na gnod sbyin dang srin po dag rgyug cing 'ong la/ rig sngags 'chang gi rkang pa gnyis la btud nas rje btsun bka' stsol cig ces zer ba dang / de'i tshe rig sngags 'chang gis de bsgo ba ji lta ba bzhin du byas na bsgo ba thams cad byed la mngag pa'i las byed par 'gyur zhing ji srid 'tsho'i bar du 'dug go/ /thod pa sbyar ba la lan bdun bzlas brjod byas nas thod pa bkang ba'i bdug pas bdugs na 'byung po thams cad kun nas 'ong zhing thams cad dbang du 'gyur la/ las byed par 'gyur ro/ /gnod sbyin mo dbab par 'dod pas btsag gis gnod sbyin mo bris la/ ba lang gi lci ba'i dkyil 'khor byas par phyes pa pad+ma'i ri mo bri zhing phye'i gtor ma pad+ma lta bur byas pa bzhag la bdug pa 'dis bdug cing / gsang sngags brgya rtsa brgyad bzlas brjod bya/ yungs kar la lan bdun bzlas brjod byas na gnod sbyin mo la brdeg pa byas na gnod sbyin mo rang gi gzugs kyis mdun du 'dug cing / lha'i 'jig rten gyi bar du 'gro la slar yang 'ong ste/ don gsang ba thams cad bsgo ba tsam gyis byed par 'gyur ro/ /yang na ma'am chung ma'am/ sring mo yin no zhes smra bar bya ste/ gal te mar byas na bu la sdug pa longs spyod dang / gzhal med khang thams cad kyi nang du 'jug la rgyal po'i bu bzhin yongs su skyong bar byed do/ /gal te sring mor byas na rnam thos la 'gran par 'gyur ro/ /gal te chung mar byas na sum cu rtsa gsum gyi bdag po ltar dga' ba'i longs spyod dag la rtser 'jug par byed do/ /lha mo dpal la bdugs la gsang sngags rtsa ba lan bdun bzlas brjod bya zhing lha mo dpal gyi mgo la byugs na lha mo chen mo dpal rang gi gzugs kyis mdun na 'dug cing / nor gyi phung po chen po 'bul bar byed de/ nam 'tsho'i bar du khyim na 'dug cing nor chen po nyid 'phel bar 'gyur ro/ /rnam thos kyi bu la bdugs na gser srang stong sbyin par byed do/ / nor bu bzang po'i bu la bdugs na gser gyi dong tse stong sbyin par byed do/ /tshal gseb tu bdugs na tshal na gnas pa'i lha rang gi gzugs kyis mdun na 'dug cing rdzas dang / sman thams cad rang gi gzugs kyis mdun na 'dug go/ /ri rnams la bdugs na rtswa dang / shing gel pa dang / sman dang rdzas thams cad 'bar bar 'gyur ro/ /grong khyer bzhi'i sgo rnams su bdugs na grong khyer kun du yams kyi nad dang / gnod pa dang / nad 'go ba dang / nad thams cad dang / 'thab pa dang / 'thab mo dang / rtsod pa dang / 'gyed pa thams cad rab tu zhi bar 'gyur ro/ /'brog tu bdugs na rkun mo dang / g.yon can dang / gnod byed dang / seng ge dang / stag dang / sbrul dang / dred dang / dom gyi 'jigs pa thams cad 'byung bar mi 'gyur zhing gtum po'i 'jigs pa thams cad rab tu zhi bar 'gyur ro/ /rims thams cad la bdugs na rims thams cad las thar bar 'gyur ro/ /sdig pa thams cad 'gegs pa tsan+dan gyi bdug pa bsgrub pa'i cho ga ste gsum pa'o// // de nas thig le yang dag par bshad par bya ste/ rigs kyi rgyal po'i gsang sngags bsgrubs pa ni nyi ma'i gzi brjid dang mtshungs shing skar ma'i rnam pa ltar 'bar ba yin te/ gzi brjid kyi rgyal po de gnyis kyis 'bar bar 'gyur ba ni bsod nams kyi phung po rnam par 'phel lo/ /lha rnams kyi nang na lha'i dbang po dang / tshangs pa dang / khyab 'jug dang / dbang phyug chen po dang bcas pas rtag tu mchod pa'i gnas su 'gyur gyis rig sngags 'chang gis the tshom mi bya'o/ /dpral ba'i steng du thig le byed pa ni rtag tu mdzes pa yin te/ nyi ma ltar 'od zer gyi dra ba stong gis gsal shing shel ltar dag pa mdog dkar ba dri zhim pa dang / glang po che'i bya ba dang / dpral ba dang / ba lang gi gnas ltar skyon med cing mnyam par mthun la shin tu dul ba/ ded dpon gcig pu'i nor bur gyur cing gsang sngags 'bum bzlas pas legs par bsgrubs pa/ gser dang / gos ltar kun du 'bar ba ni thig le yin no/ /smin mtshams kyi bar dpral ba na shin tu phra ba rtag tu rtag par mdzes pa ni zla ba nya ba mkha' la 'gro ba lta bu yin la/ skye bo'i dbus na gsal ba ni rgyu skar gyi rgyal po zla ba dbus na gnas pa bzhin rang gi 'khor gyi dbus na lha rnams kyi rgyal po dbang po brgya byin lta bu yin la/ skye bo'i dbus na ni 'jig rten gyi rgyal po gdugs gcig pa ltar 'bar ba yin/ 'jig rten gyi nang na gdugs gcig pa bde bar gshegs pa ltar shin tu dul ba yin la/ shAkya'i rigs kyi rgyud ltar sems can thams cad la phan par 'dod pa de bzhin du nor bu mchog rnam par dag pa ni sems can thams cad la phan par 'dod pa yin no/ /lha dang bcas pa'i 'jig rten na ji ltar 'jig rten dbang phyug gcig pu ltar mchog dang / rab mchog sems can thams cad kyi don du sbyin par byed de de ltar thig le nor bu'i mthu ni 'dod pa thams cad rab tu sbyin par byed do/ /lha dang / klu dang / gnod sbyin dang bcas pa dbang du 'gyur zhing sum cu rtsa gsum gyi bdag po dbang du 'gyur bar rjes su 'gro ba dang / dri za dang / lha ma yin dang / nam mkha' lding dang / mi 'am ci dang / lto 'phye chen po 'dong bar gyur pa thams cad kyang dbang du 'gyur ba ni mkha' la skar ma ltar dpral bar rtag tu dbang du gyur pa yin te/ sems can thams cad kyi mgo bos rkang pa'i drung du rtag 'dud la me yis mi 'tshig /chu yis mi 'khyer zhing lus la dug dang / sbyar ba'i dug dang / phye ma'i dug dang / byad mi bzad pa dang / ngan sngags dang / sdang ba'i rnam pas mi tshugs par 'gyur ro/ /nor bu lta bu'i mthus de dag thams cad kyis mi tshugs par 'gyur ro/ /rims dang / sdug bsngal ba dang / nad dang / rlung dang / klad nad chen po la thig le byas pa lta bur mod la de dag thams cad rab tu zhi bar 'gyur/ sems can btson du gzung ba'am/ chad pas bcad pa'am/ bcing bar 'os pa la thig le lta bu byas pas de dag thams cad las thar bar 'gyur ro/ /smin mtshams dpral bar thig le lta bu byas na de'i mod la gnod sbyin stong dang srin po drag po'i gzugs can gdon brgya stong rnams lus la 'jug par mi 'gyur zhing / glang po che dang / kyi bdag po'i khyu dang / chom rkun dang / shod kyi lam dang / ri'i lam dang / ri sul dang / ngam grog dang / glog dang / glang dang / sbrul dang / sngang 'jigs kyi 'jigs pa thams cad zhi bar 'gyur ro/ /thig le lta bu'i mthus dgra'i sde stong snyed kyi nang na 'gyed pa las myur ba nyid du rgyal bar 'gyur/ g.yul dang / 'thab mo dang / tha snyad mod nyid la zhi bar 'gyur/ de'i tshe nor bu gtsug gi spyi bor btags pa gang yin pa dang / thig le yang byas nas 'khor lo la byugs la pha rol gyi dmag tshogs g.yul gyi nang du zhugs na bdag nyid gcig pus dpung gi tshogs yan lag bzhi pa las rgyal bar 'gyur/ 'dis thams cad du zhugs pa tsam gyis pham pa byas par 'gyur zhing phyogs bcur 'bros la thams cad 'jigs par 'gyur ro/ /thig le byas nas rgyal po'i pho brang du zhugs na rgyal po dang / btsun mo dang / 'khor dang bcas pa dbang du gyur nas nye bar 'khod do/ /ji srid 'tsho'i bar du mchod gnas su 'gyur ro/ / dpung pa g.yas par nor bu btags la yan lag dang / yan lag dag tu thig le byas na thams cad du rgyal ba 'thob cing reg pa tsam gyis dbang du 'gyur la/ don gang dang gang bsgrub pa de dag de thams cad 'thob par 'gyur ro/ / ril bu dag ni khar bcug nas/ lhan cig 'dug la smras na ni/ /thams cad dbang du 'ong bar 'gyur/ /rgyal po dang ni btsun mo 'am/ /dge sbyong dang ni bram ze dang / /rgyal rigs dang ni dmangs rigs nyid/ /skyes pa dang ni bud med dang / /khye'u dang bu mo rnams kyang rung / /de dag thams cad dbang du 'gyur/ /kun du mngag pa'i las rnams byed/ /ril bu zos pa tsam gyis ni/ /nad rnams thams cad rnam par 'jig /gang gi nyin bzhi pa yi rims/ gang dag khong skem nad kyis nyams/ /gang zhig rtag pa'i rims kyi btab/ /gang du 'thab mo 'byung ba dang / /de bzhin skye bo sdang sems can/ /bdag la grib gnon gzhan grib gnon/ /skem byed skem pa brjed byed dang / /gang zhig gdon gzhan mi bzad pa/ /sdig pa'i las ni kun du spyod/ / sngon gyi las ni mi zad pa/ /de kun skad cig tsam gyis 'jig /ril bus khrus byas tsam gyis ni/ /'bras dang shu bar 'gyur rnams dang / /lhog pa dang ni rkang shu dang / /mtshan par rdol dang me dbal dang / /khyi rngo mdze dang rkang pa'i nad/ /mi bzad de rnams kun dang ni/ /gang dag nor rgyas sdang bas zin/ /byugs pa tsam gyi mod la ni/ /thams cad dug med zhi bar 'gyur/ /ril bu thams cad las byed pa/ /lha rdzas shi ba sos par byed/ /ril bu dag ni 'chang byed cing / /thig le dag ni byas pa yis/ /thams cad du ni mchod pa 'thob/ /thams cad du ni nor dag 'du/ /dpal 'dod pa ni dpal 'thob cing / /'bru 'dod 'bru yi phung po 'phel/ /lha rnams dag ni dga' 'gyur zhing / /klu rnams kyang ni dga' dang bcas/ /gnod sbyin srin po dri za dang / /lha min mkha' lding mi'am ci/ /lto 'phye chen po thams cad dang / /'byung po rnams kyang dga' dang bcas/ /rtag tu phyag bya'i gnas 'gyur zhing / /thams cad dbang du gyur nas 'khod/ /'khod kun bran byed ci bya zer/ /gang zhig ril bu de dag brten/ /ril bu thig le rtag byed la/ /de bzhin gshegs kun dgongs pa mdzad/ /'phags pa spyan ras gzigs kyi dbang / /de nyid rig la rtag tu ni/ /mchog sbyin dus kun gzigs par mdzad/ /bsod nams phung po stong dag ni/ /nyi ma re re sogs par byed/ /'jig rten pa yi bde spyad cing / /'jig rten pha rol shin tu bde/ /tshe brje ba ni 'phos nas su/ /bde ba can du mod la 'gro/ /gang dang gang du skye bar ni/ /tshe rabs rtag tu tshe rabs dran/ /lag na rdo rje gnod sbyin che/ /gnod sbyin bye bas yongs bskor cing / /g.yel ba med par nyin mtshan du/ /dus kun du ni srang ba dang / /skyob dang sbed dang srung bar byed/ /gang zhig bu ni med pa dang / /bu med bu ni 'dod pa la/ /ril bu gcig ni sbyar nas su/ /mnyam par bzhag pas gsang sngags ni/ /mkhas pas zla ba yar gyi ngor/ /'bum ni tshang bar bzlas nas su/ /zla ba nya ste lnga la/ /skyes pa bud med khrus bya zhing / /yan lag yan lag thig le bya/ /dkon mchog gsum ni legs mchod cing / /bram ze dag kyang mchod ston byed/ /bsrung ba'i cho ga byas nas su/ / gtor ma dkar gsum mang po bsham/ /bdag nyid rgyan gyis brgyan nas su/ /gos gtsang rnams ni bgo bar bya/ /byams pa'i sems la yang dag gnas/ /snying rje'i sems can sdug par byed/ /bsam pa dag cing des pa dang / /bla ma rtag tu gus par bya/ / me tog sna tshogs rab dgang zhing / /spos dang byug pa sna tshogs dang / /du rus tsan+dan sA la ki/ /lha yi bdug pas bdug bya zhing / /bu ram 'o ma bdun dang ni/ /ril bu legs sbyar bza' bar bya/ /gsang ba 'di 'thungs mod la ni/ /btung dang kha zas bza' bar bya/ /mgon po spyan ras gzigs kyi dbang / /mchog sbyin mdzad par mchod par bya/ /byams mdzad de yi zhabs drung du/ /mtshan mo nyal dang nang par ni/ /mthong ba mchog 'di thob par 'gyur/ /'phags pa spyan ras gzigs kyi dbang / /mchog sbyin rang gzugs ston mdzad cing / /mchog nyid dam pa sbyin par mdzad/ /bud med de ni bu skyed cing / /gzugs bzang mchog tu blta na sdug /stobs ldan gzugs ni phun sum tshogs/ /lha yi dpal gyi rjes su 'gro/ / chos ldan mkhas shing gsal ba dang / /tshe ring dbang phyug tshad med 'gyur/ /dpa' bo dgra las rgyal ba dang / /sdang ba thams cad 'joms par 'gyur/ /yang na dran pa'i blo bskyed par 'dod pas thos pa la brten nas 'dug cing rig sngags 'chang gtsang ma zhag bdun du nyin re zhing mar dang 'o ma bskol ba der ril bu bdun bcug ste/ zan ma zos pa'i sngon rol du lan nyi shu rtsa gcig bzlas brjod byas nas 'jam tsam pa 'thungs la phyis kha zas bza' bar bya/ zhag bdun gyis thos pa'i rgya mtsho chen po bsags par 'gyur te bstan bcos thams cad dang / chos lugs dang / 'dul ba dang / snyan dang gas dang / brda sprod pa dang / mdo'i sde dang / dbyangs kyis bsnyad pa'i sde dang / tshigs su bcad pa'i sde dang / gleng gzhi'i sde dang / ched du brjod pa'i sde dang / de lta bu byung ba'i sde dang / skyes pa rabs kyi sde dang / chos mngon par dang / rtsis dang / cho ga zhib mo dang / gsang sngags dang / phyag rgya thams cad dang / theg pa chen po thams cad kha ton du lobs par 'gyur ro/ /zhag nyi shu rtsa gcig tu sbyar ba byas na stobs chen po'i brtson 'grus kyi pha rol gnon par 'gyur te/ glang po che khri'i stobs su 'gyur ro/ /zla ba gcig tsam sbyar ba byas na lo lnga brgyar 'tsho zhing gnyer ma dang / skra dkar spangs la skra lcang lo 'khyil zhing 'khyil par 'gyur ba dang / lus kyi mdog dkar sham lta bur 'gyur ro/ /lo gcig tu sbyar na lha'i sman bcud kyis len mchog la 'jug cing nam mkha'i steng du lha rnams dang lhan cig mthun par 'gyur la/ brgya byin dang yang lhan cig 'gran par 'gyur/ lha rnams kyi lha mo'i tshogs dang / lha'i gzhal med khang na rtse zhing dga' bar byed la rin po che sna bdun gyi gzhal med khang gi gnas na gnas par 'gyur/ nyi ma lta bur 'od gtong zhing rgyu la gnas pa bzang po rnams kyis 'gro bar byed/ gzi brjid shin tu gsal ba mi bzod cing rnam par dag par 'gyur ro/ /zhes bya ba la the tshom mi bya'o/ /las thams cad bsgrub pa'i thig le dang / ril bu bsgrub pa'i cho ga ste bzhi pa'o// //de nas mi snang bar bya ba dang / nam mkha' la 'gro ba sman gyi mchog don yod pa'i mthus grub par bshad par bya ste/ rig sngags 'chang ba rnams kyi grub pa'i mchog de kho na nyid yin no/ /sman dngul chu dang / brah+mA k+Shi ra dang / su bar Na k+Shi ra dang / shel sngo sangs dang / ku k+Shi dang / su gan d+hi dang / king kuSh+Tha skyon med pa dang / ut+pal bzang po dang / pad+ma k+Sha dang / gu gul dang / phe lu pad tra dang / gur gum dang / na ga puSh+pa dang bcas pa dang / spang spos dang / shi ri Sha'i me tog dang / tsan+dan dkar po dang bcas pa bsres nas zhib tu btags pa'i phye ma la don yod pa pad+ma gtsug tor gyi gsang ba rigs kyi rgyal po'i sngags kyis shin tu brtson par lan brgyad brgya bzlas brjod bya zhing khro bo'i gsang sngags lan brgyad stong bzlas brjod byas pas lan nyi shu rtsa gcig tu dbang bskur la/ yi ge gcig pa lan 'bum bzlas brjod bya/ de'i tshe gzungs sngags bcu bo so sor lan nyi shu rtsar re bzlas brjod bya ste/ gsang sngags thams cad rdzogs par bzlas brjod byas nas sman don yod pa rgya che ba gsal ba zhes bya ba sman gyi mchog /bcom ldan 'das 'phags pa spyan ras gzigs dbang phyug gi zhabs drung du bzhag la grib ma la bskam par bya'o/ / yang don yod pa'i zhags pa'i gtsug tor gyis lan brgya rtsa brgyad bzlas brjod byas nas snod gtsang ma'i nang du bcug la nam dgos pa byung ba de'i tshe thams cad du bsgrub pa'i dgos pa thams cad la sbyar bar bya'o/ /de nas rig sngags 'chang gtsang mar gyur pas lus legs par khrus byas la spos chus byugs te/ gos gtsang ma bgo bar bya/ sman gyi mchog 'di yungs mar gyis sbrus la rang gi lus la byug par bya ste/ lan cig bskus pa tsam gyis mi snang bar 'gyur la/ gnas gsang bar bya ba'i sgo bcad pa thams cad mthong bar 'gyur/ gnas thams cad du ji ltar 'dod pa bzhin du 'jug par 'gyur/ don thams cad byed par 'gyur/ 'byung po dang / gnod sbyin dang / srin po dang / sha za la sogs pa'i gtso bo rgyal por 'gyur zhing de dag thams cad dbang du 'gyur te/ ci bgyi zhes bya ba byed la ji srid 'tsho'i bar du nye bar gnas nas las su bya ba'i dgos pa thams cad kyi rjes su 'jug par 'gyur ro/ /klu'i gnas kyi sgo bcad pa thams cad na 'dug la klu 'khor dang bcas pa thams cad mdun du 'khod nas bya ba thams cad la ci bgyi zhes bya ba byed par 'gyur zhing las su byed pa dang / dgos pa thams cad byed par 'gyur/ ji srid 'tsho'i bar du nye bar 'khod cing nyin mtshan du gnas la/ de nas klu thams cad bsgo ba bzhin byed par 'gyur ro/ /sman la sing ha dzi hwa dang / ba'i 'o ma dang sbyar bas mgo kun byugs na ji lta ba yid la byas pa dang / rang gi blos 'dod pa'i ngo bo sna tshogs par byed do/ /gnas su gtogs pa thams cad ji ltar 'dug pa bzhin ston par byed/ gnas su gtogs pa thams cad 'khor gyi nang na ji ltar rnam par sprul pa'i gzugs sna tshogs ston par byed/ ji srid 'tsho'i bar du 'phel ba rnams ston par byed cing bya ba thams cad byed do/ /spos kyi til mar dang sbrus nas byin pa dang / rkang pa la bskus na nam mkha' la 'phags par 'gyur zhing / nam mkha' la 'gro bar 'gyur la gang du 'dod pa der 'gro bar 'gyur/ chu'i steng du 'gro zhing nams kyang phyis sa la rkang pa 'jog par mi 'gyur/ lag pa g.yas pa la bskus na gang dang gang la lag pa reg pa de 'ong bar 'gyur la sus kyang mthong bar mi 'gyur/ bud med gzhon nu'i 'o ma dang bsres nas mig la bskus nas rgyal po'i pho brang du zhugs na mthong bar mi 'gyur zhing don 'dod pa gang yin pa byed do/ /don gyi rdzas gang yin pa blangs kyang sus kyang mi mthong ngo / /bud med gang dang phrad na sus kyang mi mthong la ji srid 'tsho'i bar du 'dug kyang mi shes so/ /khar byugs nas gang dang gang na bro gar byed pa dang / bzhad gad byed pa nyid kyi nang du zhugs na bya ba thams cad byed la lus ni sus kyang mi mthong ngo / /bum pa la byugs nas chus bkang na chu'i rgyun snang la bum pa de ni mi mngon no/ /gzhong pa chus bkang ba de'i dbus su byugs na chu de gang bar snang la gzhong pa de ni mi snang ngo / /bdag nyid la byugs nas bum pa chus bkang ba lag na thogs na bum pa las chu 'byung ba ni snang la mi de'i lus ni mi snang ngo / /mig la bskus nas skye bo mang po'i nang du zhugs na mi mthong bar 'gyur la/ de'i sgra ni thos shing rang gi lus ni mi mngon no/ /gnas su gtogs pa thams cad du zhugs na rang gi lus khrus ma byas kyi bar du mi mthong ngo / / su yang rung ba'i mig la bskus la lus la yang bskus na de dag thams cad mi mthong bar 'gyur zhing / gang dang gang du 'gro ba de dang der mi snang bar 'gyur la khrus byas pa tsam gyis phyir snang bar 'gyur ro/ /lus kun la bskus nas mdzod chen po'i nang du zhugs na mi mthong bar 'gyur la gser dang / dngul dang / phra men dang / nor bu dang / mu tig dang / byi ru dang / dung dang / man shel dang / rdo rje dang / bai DUr+ya dang / ma rgad dang / mthon ka dang / gos dang / spud pa dang / rgyan dang / lhab lhub gang yang rung ba nyid 'dod na thams cad blangs nas song na sus kyang mi mthong la gar dga' bar 'gro bar 'gyur ro/ /ji srid du khrus ma byas pa de srid du rang mi mthong la khrus byas na thams cad du mthong ngo / /rig sngags 'chang bud med kyi nang du 'jug par 'dod pas gtsang mar khrus bya'o/ /de nas spos chus khrus bya'o/ /de'i 'og tu ba gcin gyis khrus bya'o/ /yang na gur gum gyis khrus bya'o/ /de'i 'og tu ba'i rnam lngas khrus bya'o/ /de'i 'og tu ba'i til mar dang lhan cig bsres pa des lus bsku bar bya'o/ /de'i 'og tu bud med gzhon nu'i nu zho dang sbyar bas mig la bskus la de nas ril bu gsum dpung pa g.yas pa la gdags par bya'o/ /de nas gos gtsang ma bgos nas gsang sngags brjod cing dran par byas la rgyal po'i pho brang du zhugs na mi mthong bar 'gyur te lus sus kyang mi mthong ngo / /nyi ma gcig gam/ nyi ma gnyis sam/ nyi ma bdun nam/ nyi ma bcu bzhi'am/ nyi ma nyi shu rtsa gcig tu khrus byas la bud med de dag gi nang na rtse zhing dga' bar byed la/ yongs su spyod par byed kyang sus kyang mi shes la 'jug cing phyir 'gro ba na sus kyang glags mi rnyed de/ ji srid du khrus ma byas pa'i bar du rang gi lus mi snang bar 'gyur ro/ /phug tu 'jug na lus kun spos kyi til mar gyis byugs la phug tu zhugs na phug gi sgo thams cad phye bar 'gyur gyis/ gnas de'i nang du zhugs la ji lta ji ltar las su bya ba de lta de ltar gyis shig /chu'i nang du zhugs na ji ltar khyim gyi nang na 'dug pa bzhin chus mi rlan la/ chus gos par yang mi 'gyur ro/ /me'i nang du zhugs na mes lus la mi reg cing tsan+dan ltar bsil bar 'gyur ro/ /klu'i gnas mtshor zhugs na gnas na 'khod pa rnams kyis de mi mthong gis ji ltar rang gis yid la las su bya bar 'dod pa'i las kyi rnam pa gzhan dag kyang gyis shig /mi snang bar bya ba ril bu sgrub pa'i cho ga'o// // 'phags pa don yod pa'i zhags pa'i cho ga zhib mo'i rgyal po/ bam po bcu drug pa/ de nas sbyin sreg gi cho ga bshad par bya ste/ las thams cad kyi don sgrub par byed pa/ dngos grub thams cad byed pa'i gnas/ sdig pa thams cad 'phrog pa/ de bzhin du sgrib pa thams cad rnam par dag pa/ rig sngags thams cad kyi dngos grub bla na med pa/ gnod sbyin thams cad rab tu zhi bar byed pa/ sdig pa thams cad 'joms par byed pa/ sangs rgyas thams cad kyi legs par rgyal ba sbyin pa/ dgra thams cad zlog par byed pa/ 'thab pa dang / rtsod pa nyid dang / 'gyed pa dang / mtshon cha'i dra ba thams cad las sgrol bar byed pa/ grub pa don yod pa mchog tu rnyed par dka' ba/ rig sngags 'chang thams cad kyi dngos grub thams cad du gsang sngags dang dkyil 'khor gyi dngos grub phyag rgya 'pho ba dang / de kho na nyid kyi rim par phye ba'i sgrub pa las thams cad du mchog gi dngos grub kyang 'grub ste 'di la the tshom med do/ /bde ba thams cad rtag tu rab tu sbyin pa dang / dbang phyug ma yin pa thams cad kyi sgrub pa dang 'gugs pa dang / lha dang / klu thams cad spyan 'dren pa dang / gnod sbyin dang / srin po thams cad rab tu 'joms pa dang / bdud dang / 'byung po dang / sha za dang / gdon mi bzad pa dang / brjed byed mi bzad pa dang / tshangs pa'i srin po rnams thams cad thams cad du sgrol bar byed par grub pa dang / nyin mo dang mtshan mo'i dus rtag tu tshar gcod par the tshom med do/ /rims thams cad rtag tu rab tu zhi bar byed pa/ nad thams cad zlog par byed pa/ dug thams cad gsod par byed pa/ 'phral du sreg blugs byin pa tsam gyis thams cad du rtag tu gnang chen po dang / thams cad du mthong na dga' ba dang / 'jig rten thams cad kyi bla mar mchod par bya ba dang / thams cad du stobs dang / brtson 'grus dang pha rol gnon pa dang / de bzhin gshegs pa rtag tu mthong ba yang sbyin par 'gyur te 'di la the tshom med do/ /byang chub sems dpa' rtag tu kun du snang ba dang / dus thams cad kyi tshe las thams cad la shin tu dga' ba dang / skye ba nas skye bar tshig btsun par 'gyur ro/ /thams cad du bla ma la sri zhu che ba dang / thams cad du mchod par 'os pa'i bla ma'o/ /de nas dpal ldan rdo rje 'dzin pas rtag tu yang srung ba dang / yongs su skyong bar byed pa dang / rgyal po chen po bzhi dang / gshin rje dang / chu lha nyid kyis kyang / dus rtag tu srung ba dang / skyob pa dang / sba bar byed par the tshom med do/ /dbang phyug dang / dbang phyug chen po dang / lha'i bu stong phrag dgu bcu rtsa dgu dang / lha'i bu rdzu 'phrul che ba rnams kyis srung ba dang / skyob pa dang / sba bar byed cing rtag tu legs par kha los sgyur bar gnas par 'gyur ro/ /tshangs pa dang / khyab 'jug dang / dbang phyug chen po dang / drag po dang / gzhon nu dang / nor bu bzang po dang / stobs kyi lha dang / gang ba bzang po dang / lngas rtsen dang / gar mkhan mchog ste 'di rnams kyis rtag tu srung ba dang / skyob par byed cing gnas te 'di la the tshom med do/ /me'i lha gzi brjid chen po dang / nyi ma dang / zla ba dang / rgyu skar gyi lha rnams kyis srung ba dang / skyob pa dang / sba bar byed cing / mchog tu mchod pa byed pas gnas par 'gyur ro/ /sbyin sreg tsam 'di ni/ bya ba thams cad bla na med pa'i dngos grub rnams la'o/ /'bras thug po che dang / yungs kar dang / gu gul dang / mar dang sbrang rtsi bsres pas sbyin sreg stong phrag brgyad byas na/ 'phags pa spyan ras gzigs dbang phyug gis thams cad mchog sbyin par 'gyur te/ bya ba thams cad sgrub par byed par 'gyur ro/ /tsan+dan dang / pad+ma'i chu ba dang / 'bras yos dang / yungs kar dang / a ga ru dang / zho dang / sbrang rtsi dang / mar bsres pas/ sa mA'i shing gi zhi ba'i me spar te stong phrag brgyad du sbyin sreg bya'o/ /de nas 'phags pa spyan ras gzigs dbang phyug rang gi gzugs kyis mdun du nye bar gnas te/ mchog thams cad sbyin par 'gyur ro/ /bya ba thams cad kyi dngos grub tu yang 'gyur ro/ /yid kyi shing rta thams cad yongs su rdzogs par yang 'gyur ro/ /cho ga zhib mo thams cad kyi dngos grub tu yang 'gyur ro/ /thams cad du don yod pa thogs pa med pa'i dngos grub tu yang 'gyur ro/ /bsod nams thams cad 'gugs pa'i dngos grub tu yang 'gyur ro/ /dkyil 'khor dang / phyag rgya rim par phye ba dang / cho ga zhib mo dang / sgrub pa'i cho ga thams cad kyi mchog gi dngos grub tu 'gyur ro/ /de bzhin gshegs pa thams cad kyi rigs kyi dam tshigs gsang ba la rjes su zhugs par 'gyur ro/ /seng ldeng dang / nim pa'i shing gi yam shing gi 'bras sA lu dang / til dang / yungs kar dang / zho dang / mar dang / lan tshwa dang bsres pa sbyin sreg stong phrag brgyad byas na/ bgegs dang / log par 'dren pa dang / gnod sbyin dang / srin po'i gdon thams cad dang / gdug pa dang / phyir rgol ba dang / dgra thams cad rab tu zhi bar byed do/ /'thab pa dang / rtsod pa dang / 'gyed pa thams cad las sgrol bar byed do/ /mtshon cha thams cad las rgyal bar 'gyur ro/ /pha rol gyi dmag tshogs dang / phyir rgol ba dang / dgra thams cad las rgyal ba sbyin par 'gyur ro/ / tsan+dan dang / 'bras yos dang / zho dang / sbrang rtsi dang / mar bsres pa'i pad+ma'i sbyin sreg stong phrag brgyad byas na/ yul 'khor dang / ri brags dang / grong dang / grong khyer dang / ljongs rnams su/ kun nas dpag tshad stong phrag gcig kho ra khor yug tu zhi ba chen por 'gyur ro/ /sems can thams cad dang / bud med dang / skyes pa dang / khye'u dang / bu mo rnams la bsrung ba dang / bskyab pa'i ched du yang dag par sgrub par 'gyur ro/ /nad thams cad thams cad du rab tu zhi bar 'gyur ro/ /gcan gzan gtum po thams cad dang / sbrul gdug pa dang / ma rungs pa thams cad byams par 'gyur ro/ /rgyal po dang / yul 'khor dang / btsun mo'i 'khor gyis yongs su bskor ba thams cad shis pa dang bde bar 'gyur ro/ /ma tam ga dang / yungs kar dang / mar dang / klu shing gi me tog dang / 'bras yos rnams bsres pas arka'i shing gi yam shing gi me sbar la stong phrag brgyad du sbyin sreg byas na char mi 'bab par byed pa la/ de nas klu chen po rnams kyis char gyi rgyun 'byin par byed de ji srid char pa 'bab par 'dod pa'i bar du'o/ /lo thog dang / shing dang / rtswa dang / shing gel pa dang / sman gyi rdzas dang / me tog dang / 'bras bu rnams yongs su rdzogs par byed do/ /legs par yongs su rdzogs par 'gyur ro/ /klu'i rgyal po chen po 'khor dang bcas pa thams cad kyis dga' ba chen por 'gyur zhing / dus dus su ji ltar ba bzhin du char gyi rgyun 'byin par byed do/ /ha cang char ches na de nyid kyi thal bas stong phrag brgyad du sbyin sreg byas na ha cang char ches pa rab tu zhi bar byed do/ /'bras yos dang / go la dang / yungs kar dang / gtum po'i sa bon mar dang bsres pa'i sbyin sreg byas na/ rlung dang ser ba thams cad zlog par byed do/ /dpag tshad stong phrag khor yug tu mtshams chen po bcing bar byas par 'gyur ro/ /rlung bcing ba la yungs kar dang 'bras thug po che'i sbyin sreg stong phrag brgyad byas na/ rlung gi dkyil 'khor thams cad bcing bar byas par 'gyur te/ ji srid du be ram b+ha'i rlung gi bar du bcings par 'gyur ro/ /klu bcing ba la ni yungs kar dang / til gyi sbyin sreg stong phrag brgyad byas na/ lo bcu gnyis su klu bcing ba byas par 'gyur ro/ /nad thams cad rab tu zhi bar bya ba la ni/ yungs kar mar dang bsres pa'i sbyin sreg stong phrag brgyad byas na nad thams cad rab tu zhi bar byed do/ /pha rol gyi dmag tshogs zlog pa ni/ ka ra bI ra'i shing gis me sbar te/ ni ma pa'i 'dab ma dang / lan tshwa dang / phub ma'i sbyin sreg stong phrag brgyad byas na/ pha rol gyi dmag tshogs dang / phyir rgol pa dang / dgra thams cad rnam par nyams par byed de/ ji srid 'tsho'i bar du phyis 'byung bar mi 'gyur ro/ /phyogs bcing ba la dpag tshad stong phrag khor yug gis so/ /til dang / yungs kar dang / 'bras yos dang / pad+ma'i 'dab ma mar dang bsres pas sbyin sreg stong phrag brgyad byas na/ dpag tshad stong phrag khor yug tu mtshams chen po bcing pa byas par 'gyur ro/ /log 'dren thams cad bcing ba la ni/ yungs kar nag po dang / til nag dang / sran ma dang / til dang mar bsres pas sbyin sreg stong phrag brgyad byas na bgegs dang / log 'dren dang / bdud la sogs pa ma rungs pa dang / gnod sbyin dang srin po rnams bcing ba byas par 'gyur ro/ /gnod sbyin 'byin pa la ni/ b+haM ga'i sa bon dang / lan tshwa dang / til mar bsres pas sbyin sreg stong phrag brgyad byas na/ gnod sbyin dang / srin po dang / 'byung po dang / sha za dang / brjed byed la sogs pa thams cad 'jig rten thams cad kyi mngon sum du nges par 'byin par 'gyur ro/ /yams dang / nye bar 'tshe ba dang / nad 'go ba thams cad dang / 'jigs pa thams cad rab tu zhi bar 'gyur ro/ /dge legs thams cad 'byung bar 'gyur ro/ /bram ze dbang du byed pa la/ 'bras yos dang / arka'i yam shing mar gyis btags pas sbyin sreg stong phrag brgyad byas na bram ze thams cad dbang du 'gyur ro/ /rgyal rigs dbang du byed pa la/ bu ram dang / mar dang / 'bras yos dang / arka'i 'dab mas sbyin sreg stong phrag brgyad byas na/ rgyal rigs thams cad dbang du byed par 'gyur ro/ /dmangs rigs dbang du byed pa la/ myos byed kyi 'bras bu dang / dong ka'i sbyin sreg stong phrag brgyad byas na/ dmangs rigs thams cad dbang du byed pa'i mchog 'grub bo/ /rje rigs dbang du byed pa la/ mar rnam pa gsum gyis bsres pa'i sbyin sreg stong phrag brgyad byas na/ rje rigs thams cad dbang du byed do/ /sna ma'i me tog mar gyis btags pa'i sbyin sreg stong phrag brgyad byas na/ bud med thams cad dbang du byed par 'gyur ro/ /gzhon nu ma dbang du byed pa la/ chu'i me tog mar gyis btags pa'i sbyin sreg stong phrag brgyad byas na/ gzhon nu ma thams cad dbang du byed par 'gyur ro/ /'jigs pa thams cad rab tu zhi bar byed pa la/ 'bru dang mar gyi sbyin sreg phrag brgyad byas na/ / 'jigs pa dang / 'thab mo dang / 'thab pa dang / rtsod pa dang / 'gyed pa thams cad rab tu zhi bar byed do/ /nor dang 'bru 'phel bar byed pa la/ 'bru bdun mar gyis btags pa'i sbyin sreg stong phrag brgyad byas na nor dang 'bru 'phel bar 'gyur ro/ /dbang phyug thob pa la/ yungs kar dang / mang+ng+hAHdang / sbyin sreg stong phrag brgyad byas na dbang phyug chen po 'phel bar 'gyur ro/ /yul thob pa la/ tshab gsum mar dang / mad+d+hAHdang bsres pa'i sbyin sreg stong phrag brgyad byas na/ yul chen po thob par 'gyur ro/ /grong gi don du ka ra bI ra'i me tog dang / yungs kar dang / 'bras yos mar gyis btags pa'i sbyin sreg stong phrag brgyad byas na grong rnyed par 'gyur ro/ /gter gdon pa la ni/ pad+ma'i chu ba mar dang bsres pa'i sbyin sreg stong phrag brgyad byas na gter chen po so sor rnyed do/ /gnod sbyin spyan drang bar 'dod pas/ gu gul dang / gtum po'i sa bon dang / sbrang rtsi mar gyis btags pa'i sbyin sreg stong phrag brgyad byas na/ gnod sbyin rang gi gzugs kyis mdun du nye bar 'dug ste/ ci bsgo ba byed cing las thams cad byed par 'gyur ro/ /'dod pa'i gzugs can ma spyan drang bar 'dod pas 'bras yos dang / yungs kar dang / zho dang / sbrang rtsi dang / mar gyis btags pa'i dri dang / pri yang ku'i kar bI ra'i shing gi yam shing gis me sbar nas sbyin sreg stong phrag brgyad byas na de'i 'og tu 'dod pa'i gzugs can ma 'ongs te/ ji ltar 'dod pa bzhin du spyod par byed do/ /rnam pa gsum brjod par bya ste/ ma dang / chung ma dang / sring mo'o/ /gal te ma yin na bu la zhen pas/ nor dang / 'bru dang / longs spyod chen po rnam par 'phel zhing phun sum tshogs par byed de/ ji srid 'tsho'i bar du mi 'bral bar kun du gnas par byed do/ /gal te chung ma yin na/ rnam pa sna tshogs pa'i dga' ba du mas rtse zhing / longs spyod la yongs su spyod par byed de/ rnam pa sna tshogs pa'i gos dang / rgyan dang / lhab lhub dang / dri dang / phreng ba dang / byug pa dang / bza' ba dang / btung ba rnam pa sna tshogs pa'i ro bro ba'i longs spyod la yongs su spyod cing / rnam pa sna tshogs pa'i mal stan dang / nor dang / 'bru dang / mdzod dang / bang ba dang bcas pa rnam par 'phel ba la yongs su spyod de/ ji srid 'tsho'i bar du grib ma bzhin du rjes su 'brang bar 'gyur ro/ /srog kyang yongs su gtong bar byed do/ /gal te sring mo yin na de'i tshe/ rnam pa sna tshogs pa'i dbang phyug dang / lha'i gzhal med khang na longs spyod la yongs su spyod cing / ji srid 'tsho'i bar du bsnyen bkur dang rim gro byed do/ /pha rol gyi dmag tshogs bzlog pa la phub ma dang / lan tshwa'i sbyin sreg gis dpag tshad brgya stong phrag gi nang du dgra mi 'byung ste/ sbyin sreg stong phrag brgyad byas na g.yul dang 'khrug pa chen po las rgyal bar 'gyur ro/ /nyi ma 'bab par byed pa la/ ri'i rtse mor sbrang rtsi dang / na le sham dang / 'bras thug po che dang mar gyis btags pa'i sbyin sreg stong phrag brgyad byas na nyin re re zhing nyi ma 'bab par byed do/ /mchog thams cad rjes su stsol bar byed cing / ji srid 'tsho'i bar du 'dod pa tsam gyis bsnyen bkur dang / rim gro byed cing nye bar gnas so/ /zla ba dang / rgyu skar dang / skar ma'i tshogs 'bab par 'dod pas gnas mthon por tsha ba gsum dang / rgyam tshwa dang / lan tshwa dang / 'o ma dang / sbrang rtsi dang mar gyis btags pa'i sbyin sreg byas na zla ba dang / rgyu skar dang / skar ma'i tshogs 'bab par byed de/ 'dod pa dang / yid kyi shing rta dang / bskal pa dang / dbang phyug thams cad cher 'phel ba rab tu sbyin no/ /ji srid 'tsho'i bar du nye bar gnas te/ ji srid 'tsho'i bar du srung ba dang / skyob pa dang / spa ba byed par 'gyur ro/ /nyi ma re re zhing mthong bar 'dod na 'bab par byed do/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa dang / bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje rigs dang / dmangs rigs thams cad 'gugs pa la til dang / yungs kar dang / 'bras thug po che dang / sman sna tshogs dang / zho dang / sbrang rtsi dang / mar gyis btags pa'i sbyin sreg stong phrag brgyad byas na/ 'gugs pa chen po'i dngos grub tu 'gyur te/ 'jig rten thams cad dga' bar yang 'gyur ro/ /rgyal po dang / btsun mo'i 'khor dang g.yog tu bcas pa 'khor du 'gyur te/ rtag tu de nyid kyi rjes su 'brang bar 'gyur la ngag gi rjes su 'jug par 'gyur ro/ /bdag nyid kyis sam nor gyis kyang rung ste/ thams cad du bla ma gcig pur mchod pa chen po byed par 'gyur ro/ /sbyin sreg gi cho ga'i sgrub thabs so// // de nas mig 'phrul bshad par bya ste/ don yod pa pad+ma gtsug tor gyi rig sngags kyis sems can thams cad la phan pa'i don gyi ched du las thams cad byed pa/ dge ba la mkhas pa rnams kyi bde ba sbyin pa/ rtag tu dbul po rnams kyis bde ba thob par byed pa'o/ /de nas rtogs pa'i mod la 'bru mchog tu 'phel bar 'gyur zhing / 'jig rten thams cad kyi bla ma nyid du mchod par bya ba dang / mi 'jigs pa dang / dbang phyug sbyin zhing / longs spyod chen po 'phel ba dang / rgyal po'i bde ba dang ldan pa dang phyogs phyogs su rab mchog sbyin par byed do/ /gi wang dang / cu gang dang / ldong ros dang / mu zi dang / pad+ma ge sar dang / ut+pal sngon po dang / li kha ra dang / gur gum dang / rgya mtsho lbu ba dang / gnyis dang / gser gyi 'dab ma stong phrag sbyar te/ phye ma shin tu zhib mor byas la legs par bsgongs lag pur dang / gla rtsi tsam gyi blangs la/ sngags kyi stong phrag brgyad bzlas pa/ mkhas pas rnam pa gsum du sbyar bar bya ste/ skye bos gang ba nyid la lnga mnyam pa'o/ /de nas rig sngags 'chang gis mig sman gyi snying pos stong rtsa brgyad bzlas la mig la byug par bya ste mi snang bar 'gyur ro/ /skye bo mang po'i dbus su nam mkha' la nye bar gnas par byed do/ /hU~M yig gis mthong bar bya'o/ /nam mkha' la 'gro bar byed do/ /gnas par byed do/ /nyal bar byed do/ / rgyug par byed do/ /bskus na lus la me 'bar bar mthong ste/ de ston par byed do/ /du ba'i rgyal mtshan ston par byed do/ /rkang pa'i mthil la kun du byugs na/ chu bo dang / chu klung chen po'i steng nas 'gro ste rkang pa la chus gos par mi 'gyur ro/ /me chen po 'bar ba'i nang du 'jug ste/ sreg par mi byed cing / ba spu'i khung bu gcig kyang 'byi bar mi 'gyur ro/ /phye mas phyogs bzhir nam mkha' kun du gtor na/ me tog dang / 'bras bu sna tshogs pa'i char gyi rgyun ltung bar byed do/ /rin po che sna tshogs kyi gzhal med khang mthong bar byed do/ /lus mtha' dag la byug par bya zhing / skye bo'i mig sman bsku zhing phye mas gtor nas/ ljongs chen po'i nang du 'jug par bya ste/ de cung zad kyang mi mthong ngo / /ji ltar yid la byed pa bzhin du rmongs pa chen po'i sgyu ma ston par byed de/ rgyal po dang / dmag sde chen po dang / drang srong gi gzugs dang / gser gyi bum pa can dang / mi'i seng ge dang / phag dang / dga' byed kyi mtshan nyid dang / rol snyed ma phrogs pa dang / zla 'od mgo bo yongs su gtong ba ston par byed do/ /'joms pa dang / gsod pa dang / srog 'dor ba ston par byed do/ /me tog gi char ram/ 'bras bu'i char ram/ rlung dang / sprin dang / ser ba dang / 'bru'i char ston par byed do/ /rnam pa sna tshogs pa'i rnam 'gyur rnams ston par byed de/ gzhal med khang chen po'i rnam pa rnams bsams pa tsam gyis ston par byed do/ /dge 'dun gyi nang du 'jug na/ rnam par 'phrul pa rnam pa sna tshogs pa la sogs pa ya ma zung gzhal du med pa ston par byed do/ /bdag nyid kyi mgo bo la bskus nas mgrin pa tsam gyis dri za/ til mar bsgos pa'i phye mas gtor bar bya zhing / mig sman gyis byug par bya/ phye mas lus mtha' dag la bdug par bya rkang pa la byug par bya ste/ dge 'dun gyi nang du zhugs na yang dag par shes bzhin dang / zhi ba dang / dul ba dang / zung tsam du mthong ngo / /de nas zhugs pa tsam gyis me'i khams su mthong bar byed do/ /sems par mthong bar byed do/ /nam mkha' la gnas par byed do/ /'chag par byed do/ /'dug par byed cing mal stan la rtog par byed do/ /'ong bar byed cing 'gro bar byed do/ /me tog 'bab par byed do/ /nam mkha' la rnga'i sgra ston par byed do/ /rig byed bzhi ba'i nang du shing arka'i 'o mas bsgos nas byugs pa tsam gyis 'jig rten gsum pa'i gzugs su mthong bar byed do/ /lha'i gar mkhan sna tshogs pa'i gzugs su mthong bar byed do/ /ji lta ji ltar yid la byed bzhin pa'i b+hA ra ta dang / dga' byed rnams mthong bar byed do/ /'khor chen po'i dbus su rnam pa sna tshogs pa'i gar mkhan rnams su ston par byed do/ /rgyal po'i pho brang du rgyal po chen po 'khor dang bcas pa'i dbus su/ lha'i gar mkhan sna tshogs pa rnams su mthong bar byed do/ /gling gi dbang phyug 'khor los sgyur ba'i rgyal po sna tshogs pa dang / mAn d+hA ta dang / yid ldan dang / shing rta bcu pa dang / rin chen 'od dang / drag pos 'od byin dang / mi bdag dang / mnga' bdag dang / tshong bdag ded dpon dang / zhi ba dang / mche bzang dang / snying rje can dang / pad+ma dkar po la sogs pa rnams dang lhan cig pa'i gar mkhan rnams su mthong ngo / /rin po che'i char dang / gos kyi char dang / spud pa'i char dang / lhab lhub kyi char mthong bar byed do/ /me tog gi gzhal med khang dang / 'bras bu'i gzhal med khang mthong bar byed do/ /gzhal med khang la sogs pa rnam pa sna tshogs pa mthong par byed do/ /de ltar na mig sman dang phye ma mthu chen po bsku ba dang sbyor bas gzhal med khang dang / gar mkhan dang / gzhal med khang mthong bar byed de/ ji srid sgra sgrogs dang / 'jigs byed dang / bum pa dang / gzhal med khang mthong ba dang / ha nu ma'i gzhal med khang mthong bar byed pa dang / gar mkhan rmongs pa chen po'i gzhal med khang mthong bar byed do/ /ji srid bdud 'joms pa la sogs pa dmag sde sna tshogs pa'i mchog gi gzugs kyi bar du mthong bar byed do/ /stobs dang / brtson 'grus chen po mthong bar byed do/ /mig sman dang phye ma'i sbyor ba gsum gyi dngos grub ni/ bsku ba dang / bklags pa dang / yang dag par sbyar bas tshe'i dngos grub chen por 'gyur ro/ /sgyu ma'i rnam 'phrul sna tshogs pa 'grub ste/ yid bzhin gyi nor bu ji lta ba de bzhin du rab tu sbyor ba'i dngos grub tu 'gyur ro/ /rab tu sbyar ba tsam gyis dngos grub chen po rgya che ba 'jig rten thams cad kyi mngon sum du 'grub par 'gyur ro/ /sgrub pa'i dngos grub bla na med pa'i cho ga rmongs pa chen po'i cho ga'o// //de nas dkyil 'khor bshad par bya ste/ de kho na nyid kyi dngos grub bla na med pa dang / don yod zhags pa'i pad+ma gtsug tor gyi dngos grub dang / rig pa 'dzin pa thams cad kyi dngos grub kyi de kho na nyid bla na med pa'o/ /dang por sdig pa zad par byed pa de bzhin du sgrib pa thams cad rnam par nyams par byed pa/ 'dod pa thams cad kyi dngos grub dang / don yod pa'i dngos grub bla na med pa dang / sngags kyi dngos grub dang / mchog gi dngos grub dang / gzungs thob pa'i dngos grub rnams dang / sa bcu la rab tu 'jug par byed pa grub pa/ sangs rgyas nyid kyi sgrub thabs de kho na nyid mthong ba rmad du byung ba/ byang chub kyi snying por nye bar 'gro bar byed pa/ rdo rje gdan gyi gnas su yang dag par lhag par gnas pa/ chos kyi 'khor lo bskor bar byed pa/ bdud 'joms shing tshar gcod pa/ bgegs thams cad lhung bar byed pa/ sangs rgyas kyi zhing gi gnas mthong bar byed pa/ de nyid las de bzhin gshegs pa thams cad kyi byin gyis rlob pa'i gnas dang mnyam pa/ sems can thams cad dang thun mong ba'o/ /de nas po Ta la ka'i gzhal med khang dang mnyam pa'i gnas/ don yod pa spyan ras gzigs dbang phyug gi gnas/ skad cig la mnar med pa'i gnas dang / mtshams med pa lnga rnam par sbyong bar byed pa/ de bzhin gshegs pa thams cad kyi gsang ba'i gnas dang mnyam pa dang / de bzhin du sangs rgyas thams cad kyi rigs kyi mchog byang chub sems dpa'i gzhi'i gnas de bzhin du rdo rje snying po'i dge ba 'phel ba de gshegs pa'i rigs kyi rig sngags kyi dngos grub dang / de bzhin du pad+ma'i rigs dang / de bzhin du nor bu'i rigs dang / de bzhin du rdo rje'i rigs kyi dngos grub dang / dkyil 'khor gyi gtso bo gcig pur zhugs pa dkyil 'khor gyi mchog ri rab chen po dang mnyam pa'i gnas/ de bzhin du rgya mtsho chen po lta bu/ khyad par du 'phags pa'i gnas thams cad du son pa/ yid bzhin gyi nor bu'i mchog rab tu sbyin pa/ dpag bsam shing dang mtshungs pa'i gnas/ yid kyi shing rta thams cad yongs su rdzogs par byed pa/ re ba phun sum tshogs par byed pa'i gnas thams cad du mchog sbyin pa po 'di ni byang chub kyi sa bon gyi gnas te/ sems can thams cad rtag tu sgrol bar byed pa/ don yod pa'i gnas gsang zhing rdo rje byin gyis rlob pa bla na med pa'o/ /bsod nams thams cad 'gugs par byed pa'i gnas/ dge ba'i rtsa ba thams cad rnam par 'phel bar byed pa/ 'di ni bsod nams kyi phung po'i gnas/ chos kyi mdzod dang rtag tu mnyam pa/ sangs rgyas kyi mdzod/ mdzod chen po spyan ras gzigs kyi mdzod la mkhas pa rtag tu pad+ma'i mdzod/ de bzhin du de bzhin gshegs pa thams cad kyi mdzod/ rdo rje'i mdzod/ de bzhin du nor bu chen po nyid kyi mdzod/ rgya mtsho chen po ltar zab pa/ mi g.yo ba/ mi 'gul ba/ zil gyis mi non pa'o/ /bdud dang / log par 'dren pa/ bgegs dang / gnod sbyin dang / srin po dang / 'byung po dang / srin po thams cad kyis sdang ba'i sems kyis 'jug par mi nus so/ /de la mi g.yo ba'i gnas rnyed dka' zhing bla na med pa'o/ /dkyil 'khor gru bzhi par bya ste/ ba byung dang yang dag par ldan pa/ khru sum cu rtsa gnyis pa bya'o/ /yang na khru brgyad par bya ste/ de phyed dang gnyis kyi khru'i tshad kyi thig skud kyis tshad rnam par phye ste gdab par bya'o/ /grwa bzhi mnyam par phye ba/ logs bzhi legs par rnam par phye ba/ shin tu 'jam pa/ shin tu legs par bcags pa/ bsnyen la 'jam shing brgyan pa/ sa gzhi bai DUr+ya'i kha dog la dkyil 'khor mdzes pa thig gis char rnam pa dbye bar bya ste/ sgo bzhi rnam par phye ba/ skud pa la tshon sna lnga byin te/ dbus kyi dkyil 'khor gyi snying por gru bzhi par rnam par dbye'o/ /khru gnyis kyi tshad kyis re khA lnga rnam par dbye'o/ /dbus kyi dkyil 'khor gyi snying por pad+ma 'dab ma sum cu rtsa gnyis pa kun nas rgyas pa bri bar bya ste/ dbus kyi pad+ma'i ge sar la/ don yod pa pad+ma'i gtsug tor bya ste/ pad+ma phyed kha bye pa'i pad+ma'i 'dab ma'i steng du/ pad+ma la zhal gsum par bri bar bya ste/ bde ba'i gzugs dang mtshan gyis brgyan pa/ gtsug tor gyi rnam pa 'bar ba'i snying po la khor yug tu yongs su bskor ba bri'o/ /gzhogs g.yas su 'phags pa spyan ras gzigs dbang phyug gi gzugs ral pa'i cod pan gyis brgyan pa dbul 'od dpag med 'bar ba'i snying po'i lus can no/ /gzhogs g.yon du 'phags pa spyan ras gzigs dbang phyug gi gzugs ral pa dang rgyan bcings pa/ 'bar ba'i snying po'i lus dang dbu la pad+ma gtsug tor gyi khor yug tu 'od zer sna tshogs 'bar ba'o/ /phyi rol du tsam pa ka dang / bAr+Shi ka dang / ut+pal sngon po'i me tog gi phreng ba bcing bar bya'o/ /de nas dkyil 'khor gyi snying po'i grwa bzhi'i gnas rnams su rgyal po chen po bzhi bri bar bya ste/ go cha dang ya lad bgos pa drag po'i gzugs can 'jigs par byed pa 'bar ba'i phreng ba'i snying po'i lus so/ /dkyil 'khor gyi re khA sngon ma la/ rdo rje dang mdung rtse gsum pa'i re khA 'bar ba dang bcas pa bri bar bya'o/ /re khA rim par phye ba gnyis pa la me tog gi re khA bri bar bya'o/ /gsum pa la nor bu rin po che chen po'i skud pa re khA bri bar bya'o/ /re khA bzhi pa la lag pa'i phyag rgya mtshon cha sna tshogs pa 'dzin pa bri bar bya'o/ /re khA lnga pa la kha khyer gyi rnam pa bri bar bya ste/ tshon sna tshogs pas rnam par phye ba rnam par bkra ba'o/ /dkyil 'khor gyi phyi'i khor yug tu mtshan ma'i phyag rgya mtshon cha sna tshogs pa rnams bri bar bya'o/ /dkyil 'khor gyi sgo bzhi rnams su gnod sbyin chen po bzhi bya ste/ drag po drag tu rgod pa'i gzugs can mche ba gtsigs pa bzhin rnam par 'gyur ba bum pa gang ba thogs pa/ skra brdzes pa/ rgyan thams cad kyis rnam par brgyan pa thod pa'i cod pan can 'bar ba'i snying po'i lus can ri bo'i gdan la gnas par bya'o/ /dkyil 'khor gyi re khA'i phyi rol du phreng gsum 'gyur du bri bar bya'o/ /pad+ma dang / ut+pal sngon po dang / tsam pa ka dang / sna ma'i me tog dang / bAr+Shi ka dang / a d+hi muk+ta ka rnams rnam par dbye bar bya'o/ /de nas rig sngags 'chang gis dkyil 'khor legs par bri bar byas nas shin tu rnam par phye ba/ shin tu mkhas pa dkyil 'khor gyi khor yug tu rgyan dang / rta babs bzhis mdzes par byas pa/ khor yug tu mda' dang / tshon sna tshogs kyis rnam par bkra ba'i ba dan dang / gdugs dang / rgyal mtshan dang / ba dan dang / bla re dang / dar dpyangs dang / khor yug tu bum pa gang ba bcu drug dang / gtor ma'i bum pa bcu drug dang / de bzhin du bdug pa'i snod bcu drug dang / gzhong pa bcu drug tu rab tu brjod do/ /kham por bcu drug tu bshad pa dang / dri sna tshogs pa'i snod dang / lhung bzed bcu drug nyid dang / mchod yon gyi snod bcu drug dang / dngul gyi snod bzhi dang / dri'i phye ma rnams bzhag cing gtor ma'i bum pa bcu drug bzhag nas pog phor bzhi'i nang du tsan+dan dang / a ga ru dang du ru ska dang pog dang / gu gul gyi bdug pa sreg cing de bzhin du spr-i ka dang / sra rtsi pog dang / gur gum dang / gla rtsi dang / bo la dang / ga pur tsam dang yang dag par ldan pa'o/ /dkyil 'khor gyi lha thams cad kyi byug pa 'di nye bar gzhag par bya'o/ /tsan+dan dang / gur gum dang / de bzhin du dzai g+ha dang / bal+li ka'i phye ma rnams thams cad yang dag par sbyar ba 'dis phye mar sbyar bas bsgos pa'o/ /me tog sna tshogs gcal du bkram zhing ji ltar 'dod pa/ ji ltar stong pa dang / ji ltar thob pa'i me tog mdzes pa mngon par gtor bar bya'o/ / dkyil 'khor gyi khor yug tu dri'i chus gang ba'i bum pa ma reg pa dang gser dang / dngul las byung ba'i snod gsar pa nyid dang / zangs dang sa las byung ba'i mchog dang / dri sna tshogs sbyar bas dgang bar bya'o/ /bum pa dang bkra shis bcing bar bya zhing pi wang dang / gos bzang po dang / rgyan dang / lhab lhub rnams kyis brgyan par bya'o/ /ring bsrel pad+ma'i steng du bzhag nas bum pa dang / gtsug tor gyi mtshan nyid dang / sna ma'i me tog dang / gdu bu byas nas gzhag par bya'o/ /dbus kyi snying po'i dkyil 'khor du snying po dang / nye ba'i snying po nyid kyi gsang sngags stong phrag brgyad bzlas so/ /de nas gtor ma'i las la mnyam par bzhag nas sna tshogs pa'i gzugs rnam pa sna tshogs dang / dkar po dang / de bzhin du sna tshogs pa'i gzugs nyid dang sna tshogs pa'i ro gzhag par bya'o/ /rnam pa sna tshogs su phye ba'i sna tshogs pa'i gzugs dang / sna tshogs pa'i kha dog dang ro nyid dang sna tshogs pa'i yul du rgyu ba ste/ 'di ni gtor mar brjod de/ 'byor ba'i gtor mar bshad do/ /dkyil 'khor gyi khor yug tu rgyan gdags te sna tshogs pa'i 'bras bu rgya chen po dang / sna tshogs pa'i lo ma sngon po'i phreng ba dang / mar me'i phreng ba brgya rtsa brgyad dang / ji ltar rnyed pa'i mar dang til mar gyis kun nas bkang ba brgya rtsa brgyad do/ /bdag dngos grub 'dod pa rnams phye dang / la phug dang / dkar dang / la du dang / sran ma mud ga'i la du dang / 'bras bu rnams de bzhin du log 'dren la gtor mar byin pas las thams cad bde blag tu 'grub bo/ /phye'i zan dang / zho'i nying khu dang / lo ma sngon po nyid gnod sbyin dang / srin po kun nas phyogs bzhir gnas pa rnams la gtor mar sbyin par bya'o/ /zho'i zan dang 'o ma yang ste/ 'di ni 'byung po'i gtor mar bshad do/ /lo ma'i gong bu dang / phye dang / 'bras thug po che'i zan dang / de bzhin du 'khur ba zlum po ste/ 'di ni phyogs bzhir dang sha za rnams la gtor mar sbyin par bya'o/ /'bras thug po che dang / 'o ma'i zan ni zla ba dang / nyi ma'i tshogs kyis lhan cig pa'i lha dang rgyu skar rnams kyi gtor mar bya'o/ /rtag tu tsan+dan gyi chu dang / de bzhin du me tog dang 'o ma'i zan ni mtshan mo'i lha la gtor mar sbyin par bya ste las kyi dngos grub bla na med pa'o/ /'bru bdun mdzes pa chen po dang / shing snu ha mchog tu mdzes pa/ 'bras A ma khu bskol ba mdzes pa dang / zho dang 'o ma so sor mnyam pa dang / me tog dang / 'bras bu dang bcas pa rnam pa bdun po sa'i dkyil 'khor gyi lha la gtor mar sbyin par bya'o/ /sa kurba dang / rtsab mo dang / 'bras thug po che btsos pa'i khu ba dang ldan pa 'di rlung lha'i gtor mar brjod de/ rlung gi dkyil 'khor thams cad dgyes par byed do/ /zho dang 'o ma bskol ba dang / 'bras thug po che dang / hwags dang bcas shing bu ram dang bcas par ldan pa 'khur ba zlum po dang / mar gyis gang ba'i 'khur ba 'di ni klu'i rgyal po rnams kyi gtor mar brjod de las thams cad sgrub pa'o/ /'khur ba zlum po dang / ba byung lnga dang / pu shel tse dang / ma la ya'i tsan+dan dang / 'bras thug po che dang / zhabs bsil dang / mchod yon rnams bdud kyi dkyil 'khor la gtor mar sbyin par bya'o/ /gur gum gyi chu dang 'bras thug po che la dri bzang pos bsgos te/ chu klung gi rgyal po la gtor mar sbyin par bya'o/ /thams cad du las thams cad sgrub par byed do/ /rtswa dUr ba'i chu dang / 'o ma dang / gtum pa'i sa bon btsos pa dang / 'bras thug po che ni tshangs pa'i srin po nyid dang / gsang ba pa rnams la gtor mar dbul bar bya ste thams cad rig pas so/ /'di ni gtor mar brjod de/ bgegs rnams kyi dkyil 'khor sgrub par byed pa la bgegs rnams ji srid 'tsho'i bar du dga' bar 'gyur te the tsom med do/ / de'i phyir rig sngags 'chang mkhas pas thams cad legs par bsgrub par bya'o/ /zho dang 'o ma dang 'o thug dang / bu ram dang mar dang / li kha ra dang ldan pa 'dis bdag skyes pa'i rgyu skar gyi lha la gtor mar sbyin par bya ste/ tshe'i dngos grub dang / de bzhin du rgyas pa dang / zhi ba dang / sdig pa thams cad zlog par byed do/ /'di ni gtor mar brjod de rig sngags 'chang rnams kyi bde ba thob pa'o/ /bya ba gang yin pa de rnams la bdag gi gtor mthun gsum du byas na/ rig sngags 'chang rnams kyi rig sngags dang / gsang sngags bde blag tu 'grub ste the tsom med do/ /de'i bgegs thams cad dang sdig pa dang / sdang ba rnams nam yang bar du gcod par mi nus te nam yang phyis sdig pa mi 'byung ngo / /rtag tu gtor ma rgyas pa thob par byed cing / stobs dang brtson 'grus dang ldan pa dang thams cad thogs pa med par 'gyur ro/ /de lta bu byed bzhin pa'i rig sngags smra ba'i mkhas pa de bgegs rnams thams cad kyis de nam du yang mthong bar mi 'gyur ro/ /gnod sbyin dang / srin po dang / 'byung po dang sha zas sdang bar byed pa med do/ /nad med cing rgyal po'i dpal min med la skem byed dang / skem pa med la brjed byed dang / klu dang / gza' dang / rims med cing thams cad kyi tshe cung zad kyang med do/ /dug med cing sbyar ba'i dug nyid kyang med la byad stems thams cad kyang nam yang mi yong ste/ kun nas dpag tshad stong phrag tu ring du 'bros par byed do/ /kun nas stobs nyid rgyas pa dang de bzhin du yang dga' ba dang / de bzhin du yang stobs dang brtson 'grus dang gzi brjid 'phel bar 'gyur ro/ /thams cad du phyag rgya dang gsang sngags dang cho ga zhib mo thams cad kyi dngos grub thob par byed do/ /tshe ring du 'phel zhing lha dang mi rnams kyi mchod pa'i 'os su 'gyur ro/ /skyes pa'i rgyu skar gyi lha gang yin pa yang dri yongs su 'dzin par 'gyur zhing de rnams thams cad kyi ji srid 'tsho'i bar du stobs dang brtson 'grus 'phel bar byed par the tsom med do/ /de la dgra mi 'byung zhing nam du yang phyir rgol ba dang dgra bo med de phyag rgya 'dzin pa nyid med kyang dkyil 'khor gyi mchog tu zhugs pa tsam gyi mod la'am/ yang na 'jug pa'i dkyil 'khor mthong ba tsam la de rnams kyi lus de bzhin gshegs pa gang gA'i klung gi bye ma snyed bye ba khrag khrig brgya stong phrag bcu'i byin gyis brlabs pa'i lus su 'gyur ro/ /de bzhin gshegs pa gang gA'i klung gi bye ma snyed bye ba khrag khrig brgya stong phrag brgyad cu rtsa bzhi'i drung du bsod nams kyi phung po rab tu skye bar 'gyur te/ ri rab chen po dang mnyam pa'i bsod nams kyi phung po chen po yongs su 'dzin par 'gyur ro/ /de bzhin gshegs pa bye ba khrag khrig brgya stong phrag gang gA'i klung gi bye ma snyed dgu bcu rtsa dgu dang mnyam pa'i drung du dge ba'i rtsa ba chen po dang yang dag par ldan par 'gyur ro/ /de bzhin gshegs pa thams cad kyi rigs kyi dam tshig gsang ba dang / cho ga zhib mo dang / gsang sngags rnams kyi dngos grub chen po so sor rnyed do/ /byang chub sems dpa' thams cad kyi ris thun mong ba'i tshogs bsdus pa'i sar bgrod de phyir mi ldog par 'gyur ro/ /sum cu rtsa gnyis kyi lha'i gnas na gnas pa dang / lha'i dbang po brgya byin dang / sum cu rtsa gsum gyi lha'i tshogs dang lhan cig thams cad du srung pa dang bskyab pa dang sba ba'i ched du yang dag par sgrub par 'gyur ro/ /lag na rdo rje dang rig pa 'dzin pa'i dbang po du ma rig pa 'dzin pa byed pa'i tshogs kyis yongs su bskor zhing rtag tu rjes su 'brang ba rnams srung ba dang bskyab pa dang sba ba'i ched du yang dag par sgrub par 'gyur ro/ /stobs chen po dang brtson 'grus dang pha rol gnon pa dang mdangs kyi rnam pa so sor rnyed par 'gyur ro/ /dkyil 'khor mthong ba tsam gyi mod la bskal pa bye bar brgyud nas bsags pa'i sdig pa dang sgrib pa dang / mtshams med pa lnga'i 'gro ba rnams dang mnar med pa la gzhol ba de thams cad yongs su zad cing yongs su gtugs par 'gyur ro/ /thams cad rab tu zhi bar byed do/ /don yod pa'i bya ba'i dngos grub so sor rnyed do/ / sgrib pa dang nyon mongs pa'i rnyog pa'i dri ma dang ser sna'i dri ma thams cad dang bral bar 'gyur ro/ /'jig rten thams cad dga' ba dang bla ma chen po mchod par 'os par 'gyur ro/ /de bzhin gshegs pa thams cad mthong bar 'dod par yang 'gyur ro/ /'phags pa spyan ras gzigs dbang phyug gis rtag tu mchog stsol bar byed cing bla mar 'gyur ro/ /'chi 'phos te skye ba rje ba na bsams pa nyid kyi mod la bde ba can gyi 'jig rten gyi khams su pad+ma las rdzus te skye bar 'gyur ro/ /dkyil 'khor gyi slob dpon la de bzhin gshegs pa thams cad kyi dam tshig gi bla mar shes par bya/ mchod par bya/ 'od dpag med dang / spyan ras gzigs dbang phyug dang mthu chen thob kyi bkod pa dang 'dra bar blta bar bya'o/ /des na rig sngags 'chang dkyil 'khor gyi slob dpon des kyang dkyil 'khor du 'jug pa byas nas kun nas mtshams bcing ba byas shing / srung ba'i cho ga byas la bdag bcing ba dang / gtsug tor bcing ba dang mtshams bcing ba byas te/ de'i 'og tu kha shar du phyogs te dkyil 'khor la mngon du phyogs pas skyil mo krung gis 'dug la don yod pa pad+ma'i gtsug tor stong phrag brgyad bzlas par bya'o/ /gu gul la lan brgya rtsa brgyad bzlas pa'i bdug spos dbul bar bya'o/ /de nas 'phags pa spyan ras gzigs dbang phyug dbus kyi snying po'i dkyil 'khor du pad+ma'i ge sar gyi dbus su tshangs pa'i cha byad 'chang ba pad+ma dang zhags pa thogs te/ bzhengs nas phyogs bcur rnam par gzigs par mdzad de rig sngags 'chang la bka' stsal pa/ rig sngags 'chang legs so legs so/ khyod kyis rig pa 'dzin pa grub po don yod pa'i zhags pa pad+ma gtsug tor gyi rig pa'i rgyal po 'di rjes su zung shig / rig sngags 'chang ji ltar yid la byed pa bzhin du 'dod pa'i mchog thams cad sbyin par 'gyur ro/ /'di ni rig sngags 'chang de rnams kyi mngal du gnas pa'i skye ba'i tha ma yin te skye ba rjes nas thams cad du pad+ma las rdzus te skye bar 'gyur ro/ /thams cad du tshe rabs dran par 'gyur zhing thams cad du skye ba dran par 'gyur ro/ /skye ba nas skye ba thams cad du don yod zhags pa'i dkyil 'khor mtha' dag dang cho ga zhib mo'i rgyal po mtha' dag kha ton du byed do/ /don yod zhags pa'i gtsug tor dri ma med pa kha ton du kun tu gnas so/ /de nas rig sngags 'chang gis 'phags pa spyan ras gzigs dbang phyug gi zhabs drung du mchod yon dang zhabs bsil dbul bar bya/ a ga ru'i bdug pa dbul bar bya/ me tog ji ltar 'byor pa dbul bar bya/ gshegs su gsol bar bya ste/ de nas 'phags pa spyan ras gzigs dbang phyug mi snang bar 'gyur ro/ /de lta bu byas nas rig sngags 'chang nam mkha' la 'gro'o/ /don yod pa'i gtsug tor pad+ma dri ma med pa'i 'od zer gyi bkod pa zhes bya ba'i ting nge 'dzin so sor thob ste/ rig pa 'dzin pa bye ba khrag khrig brgya stong phrag drug cu rtsa bzhis yongs su bskor bar 'gyur zhing pad+ma'i ris kyi 'khor los sgyur bar 'gyur ro/ /tshe lo bskal pa bye ba khrag khrig brgya stong phrag dgu bcu rtsa dgur 'gyur ro/ /dkyil 'khor gyi cho ga dang sgrub thabs kyi cho ga'o// //de nas de'i ras ris bshad par bya ste/ don yod pa'i zhags pa pad+ma gtsug tor gyi rig pas ras khru bzhi pa byas nas sam yang na dar la bal tshon sna tshogs pas rnam par phye ste/ lha'i gzugs mchog tu mdzes pa phyag gnyis pa 'od zer gyis 'khor bar bya'o/ /ras ris sgrub pa ni dkar po'i phyogs kyi tshes lnga la tshon lhag ma min pa snod gsar bar bzhag pas ri mo mkhan gtsang ma legs par khrus byas pas 'drir gzhug par bya'o/ /dbus su 'phags pa spyan ras gzigs dbang phyug tshangs pa'i cha byad 'chang ba pad+ma rgyas pas yongs su bskor ba bya ste/ khor yug tu 'od 'dom gang ba kun nas 'bar ba'i phreng ba can phyag bzhi pa/ zhal gsum pa ral pa'i cod pan gyis brgyan pa zla ba tshes pas spras pa/ 'od dpag med kyi cod pan 'chang ba mdung rtse gsum 'chang ba/ pad+ma'i 'dab ma rnam par bkra ba'i pad+ma'i zhags pa 'chang ba/ phyag g.yon par pad+ma 'chang ba pad+ma'i steng du pad+ma gtsug tor bya'o/ /'dab ma phyed kha bye ba'i dbus kyi pad+ma'i 'dab ma la 'phags pa spyan ras gzigs dbang phyug mgul yan chad tsam cod pan 'chang ba dbu 'bar ba'i snying por yod par bri bar bya'o/ /phyag gcig ni dbugs 'byin pa 'chang zhing rin po che'i char 'bebs pa/ 'bar ba'i snying po can rgyan thams cad kyis rnam par brgyan pa sna tshogs pa'i gos 'chang ba bya'o/ /pad+ma'i gdan la klu'i rgyal po dga' bo dang nye dga' bo mgo bo dgu pa/ klus yongs su bskor ba dang bcas pa thal mo 'chang zhing lus phyed par bya'o/ /nya dang chu srin dang / me tog sna tshogs dang / nor bu shel dang / ngang pa dang / ngur pa dang / shang shang te'us yang dag par brgyan pa'i kha khyer dang bcas pas spras pa'o/ /gzhogs g.yas su sgrol ma rgyan thams cad kyis brgyan pa/ thal mo sbyar ba smad de 'dzin pa/ 'bar ba'i snying po'i lus can bya'o/ /g.yon du gos dkar mo gos dkar po 'chang ba rgyan thams cad kyis rnam par brgyan pa 'bar ba'i snying po'i lus can thal mo snang de 'chang ba'o/ /gzhogs g.yas su khro gnyer can skyil krung phyed pas bzhugs pa bya'o/ /de'i 'og tu dkar sham ma gos dkar po 'chang ba bya'o/ /g.yon du srin mo chen mo ral pa gcig ma bya ste/ phyag brgyad pa drag mo drag tu rgod pa'i pho nya mo bya'o/ /bzhin khro gnyer can thams cad skyil krung phyed pas bzhugs pa rgyan thams cad kyis rnam par brgyan pa thams cad pad+ma'i gdan la bzhugs pa bya'o/ /steng du tshangs pa dang / khyab 'jug dang / dbang phyug chen po dang / lha'i dbang po rnams nam mkha' nas bcom ldan 'das dang bcom ldan 'das la mchod pa byed bzhin pa bya'o/ /'og tu pad+ma la gshin rje dang chu lha dang / lus ngan dang gzhon nu rnams khrus bya ste skyil krung phyed pas bzhugs pa bya'o/ /rgyal po chen po bzhi rnams bya ste/ drag po'i gzugs skyil krung phyed pas bzhugs te de rnams thams cad kyang pad+ma 'dzin pa'i gzugs su bya'o/ /rig sngags 'chang ni bcom ldan 'das dang 'phags pa spyan ras gzigs dbang phyug gi zhabs drung du pad+ma'i gdan la rig sngags 'chang pus mo btsugs pa bya ste/ pog phor dang lag na me tog gi phor pa dang / bgrang phreng 'dzin pa bcom ldan 'das kyi zhal la lta bar byed bzhin pa bya'o/ /de lta bu'i ras ris kyi bya ba pad+ma yangs pa'i dkyil 'khor mtha' dang / ras ris dkyil 'khor mtha' dag gi nang du gtogs par 'gyur ro/ /mthong ba tsam gyi mod la sdug bsngal dang sdig pa dang ngan 'gro thams cad rnam par nyams par byed do/ /thams cad rab tu zhi bar 'gyur ro/ /'gro ba thams cad gcod par 'gyur ro/ /nyes par byas pa thams cad 'joms par yang 'gyur ro/ /sdig pa dang sgrib pa thams cad dang mtshams med pa lnga las rnam par thar bar byed do/ /mthong ba tsam gyi mod la don yod pa'i dngos grub so sor thob bo/ sems can thams cad kyis kun du bskor bar bya ba dang mchod par bya ba'i 'os su 'gyur ro/ /dgongs pa thams cad legs par grub par byed par 'gyur ro/ /bde bar byed par 'gyur ro/ /nor dang / gzugs byed pa dang / bkra shis dang / longs spyod dang / rigs dang / dbang phyug dang / stobs dang / spobs pa dang / bsod nams dang / skal ba bzang por byed pa dang / bdag nyid chen po'i yon tan gyi bye brag 'phel ba dang bsod nams bsags pa dang / dge ba'i rtsa ba mngon par 'phel pa dang phun sum tshogs par byed do/ /mthong ba tsam gyi mod la las su bya bar 'os pa'i bya ba thams cad byed do/ /de ltar ras ris mthong ba tsam gyi mod la yon tan gyi bye brag lhag par rtogs par 'gyur ro zhes so/ /ras ris sgrub pa'i cho ga dang sgrub thabs kyi cho ga'o// //de nas phyag rgya bshad par bya ste/ phyag rgya rnams kyi don yod pa'i 'khor los sgyur ba phyag rgya chen po bla na med pa 'jig rten dbang phyug gi rgyas btab pa/ sems can thams cad la phan par byed pa don yod pa'i phyag rgya thams cad dang sgrub thabs thams cad kyi dngos grub bla na med pa/ sdig pa thams cad zad par byed pa nyid dang phyag rgya'i dam tshig gi dngos grub bla na med pa/ phyag rgya gzung ba tsam gyis mnar med pa yang skems par byed pa dmyal ba pa rnams skems par byed pa ste/ gang gis gzung ba tsam la sogs pas dmyal ba pa'i sems can thams cad grol bar byed cing skems par byed do/ /dus gsum pa'i de bzhin gshegs pa thams cad dang rgyal ba de rnams thams cad kyis dgongs par 'gyur ro/ /phyogs bcu kun du gzigs par 'gyur te the tshom med do/ /dus gsum pa'i rgyal ba dang byang chub sems dpa'i tshogs thams cad dang / de bzhin du pad+ma'i phyag gi rtag tu mchog sbyin pa dang rtag tu mthong bar 'dod pa dang / lha rnams kyis rtag tu srung bar byed cing dga' ba dang / 'og min gyi lha dang lha'i dbang po brgya byin dang sum cu rtsa gsum pa'i lha thams cad kyis srung bar byed cing kun nas yongs su skyong bar byed de/ thams cad la cho ga bzhin du bdag nyid kyi snying las skyes pa'i bu bzhin du dge ba dang zhi ba dang / stobs dang / brtson 'grus nyid dang / mdangs kyang rab tu 'jug par byed cing de bzhin du yang tshe 'phel lo/ /phyag rgya 'di rnams bzung bas bkra mi shis pa thams cad nyams par byed do/ /bgegs thams cad nyams par byed cing / bdud dang / log par 'dren pa dang / gdug pa'i gnod sbyin rnam par nyams par byed do/ /gdug pa'i srin po dang thams cad kyang phyag rgya 'dzin bzhin pa'i skad cig de la mgo bo tshal pa bdun du 'gas shing mig 'byin par byed do/ /brgya byin dang tshogs dang bcas pa'i gdug pa thams cad rab tu nyams par byed do/ /de'i phyir yang dag par 'dzin par byed pa la lag pa'i thal mo pad+ma 'dra ba pad+ma 'byung ba'i gtsug tor don yod zhags pa'i phyag rgyas sdigs mdzub yongs su dkris la mthe bong gi sor mo dang / gung mo'i sor mo rab tu brkyangs la lcags kyu'i rnam par bkug ste ming med dang / mthe'u chung lag pa'i nang du bcug nas rtag tu snying ga'i gnas su gzhag par bya ste/ 'di ni don yod pa pad+ma gtsug tor gyi rtsa ba'i gsang sngags kyi sngags dang phyag rgyar brjod do/ /de bzung ba tsam dang phyag rgya dang / gsang sngags brjod pa nyid kyis dus gsum du gshegs pa'i sangs rgyas kyi zhing thams cad rnam par 'gyur ba drug tu g.yos te char 'bab par byed do/ /me tog gi char dang / lha rdzas kyi gos dang / rgyan dang / lhab lhub rnams mchod pa'i don du kun nas char bab bo/ /dus gsum du gshegs pa'i sangs rgyas dang byang chub sems dpa'i tshogs dang bcas pa thams cad kyis bsod nams kyi phung po chen po stong phrag bskyed do/ /phyag rgya de bzung ba tsam gyis skad cig de la phyag rgya gang gA'i klung gi bye ma dang mnyam pa bye ba stong phrag bye ba'i grangs su bgrangs pa'i phyag rgya bcings par 'gyur ro/ /phyag rgya bzung ba tsam gyis de bzhin gshegs pa thams cad dang / de bzhin du thub pa rnam par snang mdzad kyi phyag rgyas byin gyis rlob bo/ /ri rab kyi tshad dang mnyam pa'i rin po che sna bdun gyi rin po che'i phung por byas te/ dus gsum du gshegs pa'i de bzhin gshegs pa so so so so la phul ba dang / rgyal ba thams cad kyi bsod nams kyi phung po chen po thob pa'i grangs kyi tshogs nyid kyang phyag rgya bcings pa tsam gyis 'di'i 'bras bur 'gyur te/ de bzhin gshegs pas nyin mtshan rtag tu rnam par gzigs par the tsom med do zhes so/ /phyag rgya 'di nyid las g.yas pa'i mdzub mo brkyangs te rtsa ba'i gsang sngags lan cig brjod do/ /phyag rgya 'di ni don yod zhags pa'i gtsug tor dri ma med pa'i chu skyes kyi stobs spyan ras gzigs kyi snying po zhes bya ste/ thams cad du las thams cad legs par thob par byed do/ /phyag rgya 'di bcings pa tsam gyis kyang bsod nams kyi tshogs thams cad dang spyan ras gzigs don yod pa dri ma med pa'i dngos grub tu yang 'gyur ro/ /de bzhin gshegs pa thams cad kyi gzigs pa dag pa'i snying po'i phyag rgya yang dag par 'dzin par 'gyur ro/ /sdig pa dang ngan 'gro dang log par ltung ba'i 'jigs pa thams cad rab tu zhi bar 'gyur ro/ /phyag rgya 'di bzung ba tsam dang dang po bcings pa tsam gyis ri rab chen po ltar 'gyur te/ bdud dang bgegs la sogs pa thams cad dang / 'byung po dang / gnod sbyin dang / srin po thams cad kyis mi 'gul zhing mi g.yo la zil gyis mi non par yang 'gyur ro/ /phyir rgol ba dang dgra'i 'jigs pa thams cad nas yongs su grol lo/ /de bzhin gshegs pa gang gA'i klung gi bye ma dang mnyam pa bye ba brgya stong phrag dgu bcu rtsa dgu'i drung du dge ba'i bsod nams kyi tshogs chen po kun du 'dzin par 'gyur ro/ /dge ba'i rtsa ba bskyed pa dang ldan par 'gyur ro/ /de bzhin gshegs pa thams cad kyi sku mngon sum du mthong ba dang ldan par 'gyur ro/ /phyag rgya'i gsang ba'i lhag par 'dren pa 'di 'ching bzhin pa de de bzhin gshegs pa'i phyag rgya gang cung zad yod pa de mig gis gsal bar mthong ngo / /thams cad du rab tu 'ching zhing 'dzin par 'gyur ro/ /gang yang 'phags pa spyan ras gzigs dbang phyug gi sgyu ma lta bu'i ting nge 'dzin gyi phyag rgya gang yin pa dang / phyag stong gi phyag rgya gang yin pa dang / nor bu'i rigs kyi dkyil 'khor gyi phyag rgya gang yin pa dang / glang po'i rigs kyi dkyil 'khor gyi phyag rgya gang yin pa dang / don yod zhags pa'i yangs pa rgya chen po'i dkyil 'khor gang yin pa dang / rta mgrin gyi phyag rgya gang yin pa dang / mgrin sngon gyi phyag rgya gang yin pa dang / gzhan phyag rgya'i dam tshig gsang ba rnam pa sna tshogs pa gang yin pa de rnams thams cad kyang phyag rgya 'di gcig pu bcings pa tsam gyis de rnams thams cad bcings par 'gyur zhing yang dag par bzung bar 'gyur la/ kun du bcangs pa dang mchod par yang 'gyur ro/ /'di ni phyag rgya thams cad kyi phyag rgya'i gsang ba'i dkyil 'khor du gdugs gcig pur gyur pa ste/ ji ltar 'phags pa spyan ras gzigs dbang phyug gi sgyu ma lta bu'i ting nge 'dzin gyi rnam par 'phrul pa bzhin du phyag rgya 'di ni sgyu ma lta bu'i phyag rgya'i rnam par 'phrul pa ste/ las thams cad la phyag rgya 'di sbyar na/ gang dang gang la rab tu sbyar ba de thogs pa med par 'grub bo/ /phyag rgya 'di nyid las mdzub mo'i sor mo gnyis brkyangs la lcags kyu'i rnam pa tsam du bkug pa 'di ni gnas pa'i phyag rgya 'di spyan drang ba dang / bod pa dang yang dag par bskul ba dang / mchod pa'i sprin nyid kyang yin te/ dam tshig dang / phyag byed pa dang / 'jug pa dang / bskor ba byed pa nyid dag gdan dang / phyogs bcing ba dang / dkyil 'khor bcing ba dang / mtshams bcing bzhes pa dang / gtsug tor bcing ba dang / bdag srung pa dang / gzhan srung ba dang / de bzhin nyid du grogs srung ba dang / khrus dang / gos bgo ba dang / nye reg byed pa nyid dang / sbyin sreg dang / de bzhin du sngags bzlas pa dang / bdug pa dang / me tog dang / dri dang / phreng ba dang / byug pa dang / gtor ma 'bul ba'i las dang / de bzhin du gshegs su gsol ba nyid dang / de bzhin du 'gugs pa ste/ thams cad la phyag rgya 'di bya'o/ /sa bcu gnon pa'i phyag rgya dang / gsang sngags bcu la yang phyag rgya 'di bya ste/ snying po dang / nye ba'i snying po 'di nyid kyang thams cad du sbyar bar bya'o/ /khro bo'i rgyal po nyid dang / mngon par dbang bskur ba dang / rigs kyi gsang sngags dang / gzhan la yang phyag rgya 'di dang / phyag rgya 'di'i snying po dang / nye ba'i snying po nyid kyang rab tu sbyar bar bya'o/ /khro bo'i rgyal po'i mngon par dbang bskur ba dang / rigs kyi gsang sngags gzhan la yang gnas thams cad du sbyar bar bya'o zhes so/ /phyag rgya'i cho ga dang sgrub thabs kyi cho ga'o// //phyag rgya gsum ni rnam sprul pa/ /phyag rgya de dag yang dag bstan/ /bzang po gtso bo chen po ste/ /mchog dang rab mchog nyid yin no/ /phyag rgya gya nom bla na med/ /'jig rten 'dren pas bstan pa yin/ /snying po de nyid gyur pa ste/ /phyag rgya dkyil chen legs par bsgrubs/ /sangs rgyas byang chub phyag rgya 'di/ /dus gsum gtogs pa'i de bzhin gshegs/ /kun gyis 'di ni byin gyis brlabs/ /phyag rgya dus gsum gshegs pa yi/ /de bzhin gshegs pas phyag rgyar btab/ /de bzhin sangs rgyas chen po pa/ /thub pa snang mdzad kyis kyang btab/ /de bzhin gshegs pa'i rigs dkyil gyi/ /gsang nyid kun du bzhugs pa yin/ /de nas gsang sngags gsang ba nyid/ /dngos grub bla med bshad par bya/ /o~M a mo g+ha hr-i da ya pad+ma uSh+NI Sha sA d+ha ya/ b+ha ra sa ma b+ha ra/ ma hA pad+me swA hA/ bskur ba la dang spyan drang ba dang / gshegs su gsol ba'i sngags so/ /o~M pad+ma uSh+NI Sha a mo g+ha maN+Da le hU~M/ dkyil 'khor bsrung ba dang / phyogs bcing ba dang / mtshams bcad pa dang / dri chab dang / chu dang / yungs kar bsres pa la lan bdun bzlas brjod byas pas bya'o/ /o~M pad+ma shi kha re hU~M/ spyi gtsug bcing ba yin te/ lan bdun bzlas brjod byas pas so/ /o~M pad+ma uSh+NI Sha a mo g+ha dza le hU~M/ khrus bya ba'i sngags te yungs kar dang / chu la lan bdun bzlas brjod byas pas so/ /o~M bi ma le shud d+he hU~M/ nye reg bya ba'i sngags so/ /o~M saM ts+tsha da ya pad+me hU~M/ gos bgo ba'i sngags so/ /o~M mi li mi li shud d+he hU~M/ lus yongs su sbyang ba'i sngags te/ ba'i rnam lnga'i chu la lan bdun bzlas brjod byas pas so/ /o~M pad+ma uSh+NI Sha a mo g+ha a b+hi Shiny+tsa At+ma shud d+he hU~M/ dbang bskur ba'i sngags te dri chab la lan bdun bzlas brjod byas pas so/ /o~M pad+ma ka ba tse dr-i D+ha ba na d+ha hU~M dz+wa la swA hA/ go cha'i sngags te/ lan nyi shu rtsa gcig bzlas brjod byas pas so/ /o~M badzra a d+hiSh+ThA na pad+me hU~M/ byin gyis brlab pa'i sngags so/ / oM dz+wa la pad+me d+ha ra d+ha ra hU~M/ sa'i sngags so/ /o~M pad+ma a shra ya/ ru ha tsa la tsa la hU~M/ gdan gyi sngags so/ /o~M di bya pad+me ma~M/ me tog gi sngags so/ /o~M pad+ma a mo g+ha saM ba ra ni swA hA/ bdug spos kyi sngags so/ /o~M pad+ma gan d+ha I shwa ri hU~M/ byug spos kyi sngags so/ /o~M pad+ma pra kir+Na d+ha ra Ni so me swA hA/ 'bras yos dang me tog dgram ba'i sngags so/ /o~M pad+ma dza le su gan d+ha ba ti hU~M/ mchod yon dbul ba'i sngags so/ /o~M shu ga la bA re rA sa ya shud d+he hU~M/ lha bshos kyi sngags so/ /o~M su ru su ru ku ma b+ha ba ti swA hA/ gtor ma'i sngags so/ /o~M ma hA pad+ma a shi ni sA d+ha ya hU~M/ gtor ma zar gzhug pa'i sngags so/ /oM pha la bi shud d+he pra ba ra hU~M/ 'bras bu'i sngags so/ /o~M pra bar puSh+pe dza ya swA hA/ phreng ba'i sngags so/ /o~M dz+wa la dz+wa la ya ra sa ra gr-i Ni hU~M/ gtor ma bcos pa'i sngags so/ /oM pad+ma dI pa ya dz+wa la hU~M/ mar me'i sngags so/ /o~M sa ma pad+ma b+hu ba ne Shu sa ra hU~M/ 'jug pa'i sngags so/ /o~M pad+ma uSh+NI Sha a mo g+ha mu ni hU~M/ phyag bya ba'i sngags so/ /o~M tsakra maN+Da le sa man+ta pad+me hU~M/ bskor ba'i sngags so/ /o~M sa man+ta pra kir NA pad+me saM b+ha ra hU~M/ me tog dor ba'i sngags so/ /o~M pad+ma sa ma ya uSh+NI Sha ma hA a mo g+ha sa ma ya hU~M/ dam tshig gi sngags so/ oM sa man+ta sA d+ha ra Ni d+ha ra pad+me hU~M phaT/ skyil mo krung gi sngags so/ /o~M a pa ri mi tA dz+wa la pad+me hU~M/ bgrang phreng gi sngags so/ /o~M sha ta sa ha sra dz+wa li ta pad+me d+ha ra d+ha ra hU~M/ bzlas brjod kyi sngags so/ /o~M sa man+ta da R+Sha pad+me hU~M/ rmi lam gyi sngags so/ /o~M sa man+ta rak+Sha ra k+Sha ni pad+me hU~M/ srung ba'i sngags so/ /oM sa man+ta me ru dr-i D+ha s+shi ri hU~M/ ra ba'i sngags so/ /o~M sa man+ta dz+wa lA ma la gar+b+he/ dz+wa la dz+wa la/ ma hA pad+me dz+wa le hU~M/ me'i sngags so/ /o~M d+hu ru d+hu ru pra sa ra/ d+hu sa ri man tre swA hA/ sbyin sreg gi sngags so/ /o~M sa man+ta pra dz+wa li te b+hud d+he sa ma ya hU~M/ sreg blugs kyi sngags so/ /o~M sa man+ta a ba lo ki ta gu h+ye bA yu dzA be pad+ma be gi ni swA hA/ nam mkha' la 'gro ba'i sngags so/ /o~M shu b+ha sha sta d+hA ri Ni pad+ma b+hu dze hU~M/ mtshon cha'i sngags so/ /o~M saman+ta a kaR+Sha Ni pra sa ra gu h+ye hU~M/ drang ba'i sngags so/ /na mo tri b+hu ba na/ I shwa rA ya/ lo ke shwa rA ya/ ma he shwa rA ya/ d+ha ra d+ha ra/ sa man+ta/ a ba lo ki ta/ gu h+ye/ A gats+tsha b+ha ga bA na/ d+hi ri d+hi ri/ ma hA bi ri/ ma Ni ka na ka badzra bai DUr+ya/ ma ra ka ta pad+ma rA ga /in+d+ra nI le/ ma hA muk+ti kA/ bi b+hU Shi ta sha rI ra/ ma hA pad+ma b+hu dza/ a mo g+ha pra sha d+ha ra/ sa mat+na/ a ba lo ki ta/ ba ra dA ba ra dA ya ka/ dz+wa la dz+wa la/ sa man+ta/ a ba lo ki ta/ A gats+tsha A gats+tsha/ b+ha ga bA na/ shI g+h+rAM sa ma ya/ ma nu sma ra/ bi bi d+ha be Sha d+ha ra/ ya ma ba ru Na/ ku be ra/ na ma skr-i ta/ I shwa ra/ ma he shwa ra/ pad+me shwa ra/ e hi b+ha ga pA na/ shI g+h+raM A gats+tsha/ sarba bid+yA maN+Da la/ sa ma ya ma nu sma ra/ da ri sha na swa p+na/ bi bi d+ha te dza d+ha ra/ sa man+ta rash+mi/ dz+wa la gar+b+ha sha rI ra/ ma hA kA ru Ni ka ya/ sau ma s+ya mu kha/ pa ri pU ra Na/ tsan+d+ra maN+Da la/ na ba tsan+d+ra dza Ta d+ha ra/ a mi tA b+ha/ mu ku Ta d+ha ra ya/ ma hA brah+ma be Sha d+ha ra/ tri lo tsa na a mo g+ha ba ra dA/ b+hu ru b+hu ru/ ma hA kA ru Ni ka/ pad+ma pA sha a ba lo ki te/ shud d+ha sa twa/ ba ra dA ya/ na mo stu te swA hA/ 'phags pa spyan ras gzigs dbang phyug gshegs su gsol ba'i sngags so/ /rig sngags 'dis gu gul nag po la lan brgya rtsa brgyad bzlas brjod byas nas/ 'phags pa spyan ras gzigs dbang phyug la bdug par bya'o/ /bdugs pa tsam gyi mod nyid la/ 'phags pa spyan ras gzigs dbang phyug gi gzugs kyis ston par mdzad cing / mchog thams cad sbyin par mdzad do/ /gal te mtshams med pa lnga byed pa mnar med par gzhol ba des kyang / bdugs pa tsam gyis nges par ston par mdzad na/ dge slong tshangs par legs par spyod pa bsam pa dag pa/ dad pa can mos pa la lta smos kyang ci dgos/ mod nyid la rang gi gzugs rang gi ngo bo yongs su dag pa mngon sum du ston par mdzad cing / mchog thams cad sbyin par mdzad la don yod pa chen po'i dngos grub sbyin par mdzad do/ /drag po la bdugs na gzugs mngon sum du mdun na 'dug cing / 'dod pa dang / dgos pa'i dngos grub thams cad sbyin par byed do/ /sred med kyi bu la bdugs na gzugs brnyan 'gul zhing / tshig 'byin la yid la bsams pa thams cad yongs su rdzogs par byed/ rtag tu rjes su 'brang bar 'gyur/ stobs dang / shugs dang / brtson 'grus dang / pha rol gnon par byed pa'i dngos grub sbyin par byed do/ /ma mo'i gnas su nag po chen po la bdugs na nag po chen po ma mo'i tshogs dang bcas pa dbang du gyur nas 'dug la las dang bya ba thams cad grub par byed/ thams cad du dngos grub chen po sgrub par byed do/ /tshogs kyi dbang phyug la bdugs na/ /bgegs dang log 'dren thams cad bcings par 'gyur ro/ /'dod pa'i dbang phyug la bdugs na sdang ba dang / gdug pa dang / bar chad byed pa gzhan gang yin pa de dag thams cad bcings par 'gyur zhing mi snang bar 'gyur ro/ /rgyal po'i sgor bdugs na rgyal po'i btsun mo'i 'khor dang bcas pa bkug nas dbang du gyur te/ nye bar gnas pa 'dod pa dang bya ba thams cad byed do/ /nyi ma shar ba'i tshe nyi ma la mngon du phyogs nas bdugs na nyi ma 'bab cing 'dod pa'i dngos grub thams cad sbyin bar byed do/ /zla ba nyal bdugs na zla ba 'bab cing dbang phyug 'byor pa chen po sbyin par byed do/ /rnam thos kyi bu la bdugs na nor 'phel ba chen po sbyin par byed do/ /lha mo chen mo dpal la bdugs na dpal 'thob par 'gyur ro/ /gdon thams cad la bdugs na bdugs pa tsam gyis 'bab cing phyogs bcur 'bros so/ /zin pa 'am ma zin pa la bdugs na mod la 'ong ngo / /dur khrod kyi mi ro la bdugs na ro langs ldang bar 'gyur ro/ /thod pa la bdugs na 'bab cing gar byed/ glu len rgyug par byed cing sbod gtong byed do/ /rdo rje bdugs na 'bar ro/ /mdung rtse gsum pa la bdugs na 'bab par byed do/ /'khor lo la bdugs na nam mkha' la 'gro'o/ /thag pa la bdugs na sbrul bzhin 'khril bar byed do/ /rdza ma dang / bum pa la bdugs na 'bab par byed cing rang nyid 'gyur bar byed la phan tshun 'gro bar byed do/ /lhung bzed la bdugs na rang nyid 'gro bar byed do/ /ral gri la bdugs na 'bab par byed cing 'bar bar byed la rang nyid 'gor bar byed do/ /dung la bdugs nas bus na sgra gang du grag pa de dag thams cad du 'thab pa dang / 'thab mo dang / rtsod pa dang / 'gyed pa dang / yams kyi nad dang / gnod pa dang / 'go ba'i nad dang / 'khrug pa dang / nad thams cad dang / nyon mongs pa thams cad dang / sdig pa dang / gdug pa thams cad dang / dgra thams cad las thar par 'gyur zhing sgrib pa thams cad zad par 'gyur ro/ /rims thams cad la bdugs na/ rims thams cad zhi bar 'gyur ro/ /rims nyin bzhi pa la bdugs shing gsang sngags kyang rjes su dran na rims nyin bzhi pa ku co 'don cing 'bros par 'gyur ro/ /klu'i mtshor bdugs na mod nyid la char gyi rgyun chen po 'bebs par byed do/ /char ches na gnas mthon por bdugs na char ches pa gcod par byed do/ /sprin la mngon du phyogs nas bdugs na grang lhags dang / rlung dang / ser ba thams cad gcod par byed la/ lo gcig gi bar du mtshams chen po bcad par 'gyur ro/ /ri mthon po'i rtser bdugs na/ phyogs bzhi thams cad kyi pha rol gyi dmag tshogs dang / phyir rgol ba dang / phas kyi dgra thams cad dang / dpag tshad stong gi bar du rmugs pa dang / rengs pa dang / bcings par 'gyur la dpag tshad stong gi bar du mtshams chen po bcad par 'gyur ro/ /bdag nyid la bdugs na sems can thams cad la mchod pa'i gnas chen por 'gyur la sems can thams cad dbang du 'gyur ro/ /bu mo la bdugs na bag mar blangs bar 'gyur ro/ /tshong zong la bdugs na rin che bar lon par 'gyur ro/ /bang bal bdugs na 'bru 'phel ba mang por 'gyur ro/ /btung ba'i gnas su bdugs na btung ba 'phel ba mang por 'gyur ro/ /gos la bdugs na gos thob par 'gyur ro/ /me tog dang 'bras bu la bdugs nas gang la byin pa de dag bdag nyid dam nor gyi sgo nas dbang du 'gyur ro/ /phreng ba la bdugs la gsang sngags lan bdun bzlas brjod byas na gang gi mgo la bcings pa de la 'bab par byed cing / ya mtshan byung ba dang 'byung ba smra'o/ /'phags pa rdo rje 'chang la bdugs na rig sngags chen po'i dngos grub thob par 'gyur zhing / 'phags pa rdo rje 'chang ston par mdzad la dgos pa thams cad sgrub par mdzad do/ /gnod sbyin mo'i gzugs bris pa la bdugs la gsang sngags lan bdun dran par byas na/ gnod sbyin mo 'ongs nas 'dod pa thams cad sbyin zhing las thams cad byed par 'gyur la ji srid 'tsho'i bar du nye bar 'dug go/ /sbyor ba mo la bdugs na/ sbyor ba mo thams cad dang / mkha' 'gro ma thams cad dbang du gyur nas ji srid 'tsho'i bar du nye bar 'dug go/ /'dod dgur sgyur ba'i gzugs can ma la bdugs na 'dod dgur sgyur ba'i gzugs can ma 'ongs nas chung mar bya'o zhes smra na ji srid 'tsho'i bar du yo byad dang / longs spyod du bya ba thams cad sgrub par byed la 'dod pa'i yon tan lnga la rtse bas dga' bar 'gyur ba dang / rnam thos kyi bu la 'gran par 'gyur ro/ /dril bu la bdugs nas sgra dkrol na 'jigs pa thams cad las thar bar 'gyur la/ srung ba chen po byas par 'gyur khyim gyi nang du dkrol na 'byung po dang / gnod sbyin dang / srin po dang / dang / brjed byed dang / grib gnon thams cad byung nas phyogs bcur bros par 'gyur ro/ /o~M a mo g+ha pA sha pad+ma uSh+DIuSh+Ni Sha/ ta ra ta ra/ a pa ta ra tu/ b+ha ba na gats+tsha tu/ swa b+hA ba na na/ tu ru tu ru/ ma hA pad+ma b+hu dze swA hA/ slar gshegs su gsol ba'i sngags te/ /bdug spos gu gul dang / chu dang yungs kar bsres pa la lan bdun bzlas brjod byas na thams cad du slar gshegs su gsol ba'i sngags byas par 'gyur ro/ /gsang sngags rim par phye ba'i cho ga dang bsgrub pa'i cho ga'o// //de nas lha mo chen mo sgrol ma byang chub sems dpa' sems dpa' chen po 'phags pa spyan ras gzigs dbang phyug ga la ba der song ste phyin nas/ byang chub sems dpa' sems dpa' chen po 'phags pa spyan ras gzigs dbang phyug gi zhabs la mgo bos phyag 'tshal nas lha'i mchod pa'i sprin chen pos mchod de/ lan gsum bskor ba byas nas mgo btud de thal mo sbyar nas byang chub sems dpa' sems dpa' chen po 'phags pa spyan ras gzigs dbang phyug la 'di skad ces smras so/ /bcom ldan 'das rig sngags chen po 'jig rten du cher bstan lags so/ /gsang ba chen po'i dkyil 'khor dang / phyag rgya rim par phye ba dang / cho ga zhib mo dang / don yod pa'i zhags pa pad+ma gtsug tor gyi rig sngags kyi rgyal po chen po'i snying po rig sngags 'chang thams cad kyi don dang / sems can thams cad la phan pa dang / bde bar bgyi ba'i slad du 'dzam bu'i gling du gzhag lags so/ /bcom ldan 'das bdag gis kyang don yod pa pad+ma gtsug tor gyi rig sngags kyi rgyal po de'i snying po dang / cho ga zhib mo don yod par sgrol ba dri ma med pa pad+ma gtsug tor gyi zhags pa zhes bgyi ba rig sngags kyi rgyal po'i snying po bshad par bgyi ste/ rig sngags 'chang gang gis dran pa tsam gyis bdag bkug cing g.yar drangs par 'gyur/ rig sngags 'chang gi rig sngags sgrub cing yongs su spyod pa la rim gro bgyi ba dang / rig sngags 'chang sgrub pa'i dngos grub mchog stsol bar bgyi ba dang / bsam pa thams cad yid bzhin du yongs su bskang bar bgyi ba de bdag gis bcom ldan 'das kyi spyan sngar 'khor mang po 'dus pa'i mngon sum du rig sngags kyi rgyal po bshad par bgyi'o/ /de nas bcom ldan 'das shAkya thub pas lha mo sgrol ma la 'di skad ces bka' stsal to/ /lha mo chen mo sgrol ma rang gi rig sngags kyi rgyal po de bzhin gshegs pa nga'i byin gyi rlabs kyi phyag rgyas byin gyis brlabs kyis shod cig/ de nas lha mo chen mo sgrol ma bcom ldan 'das kyi spyan sngar don yod par sgrol ba dri ma med pa pad+ma gtsug tor gyi zhags pa zhes bya ba rig sngags kyi snying po smras pa/ na maHstai ya d+h+wi kA nAM/ ta thA ga tA nAM shAkya rA dzA ya a d+hiSh+ThA na na ma skr-i tA nAM/ na mo rat+na tra yA ya/ na ma Ar+ya a ba lo ki te shwa rA ya/ bo d+hi sa twa ya/ ma hA sa twA ya/ ma hA kA ru Ni kA ya/ na ma stA rA yai/ ma hA de bi/ o~M twa ra Ni tA ra Ni tA re/ pad+ma bi b+hU Shi ta tA re/ ma Ni ka na ka bi tsi tri ta mA la/ dza Ta ma ku Ta na na/ di ta pad+me/ d+hu ru d+hu ru/ pad+ma pA sha b+hu dze/ a mo g+ha pA sha ha ste/ tA ra ya b+ha ga ba ti/ ma hA sid d+hi ba ra de/ tu ru tu ru/ ma hA tA ra Ni/ ba ra de/ sA d+ha ya sA d+ha ya/ si da d+he/ a mo g+ha ba ra de swA hA/ o~M a mo g+ha pad+mi ni tA re swA hA/ snying po'o/ o~M ma Ni tA re hU~M/ nye ba'i snying po'o/ bcom ldan 'das 'di ni bdag gi gsang sngags nor bu rin po che chen po'i snying po/ don yod pa'i zhags pa pad+ma gtsug tor gyi rig sngags kyi snying po'i zhags pa cho ga zhib mo'i rig sngags 'chang ba rnams kyi bsam pa yongs su rdzogs par bgyi ba dang / sems can thams cad la mchog stsal ba rab tu stsal bar bgyi ba'i slad du rjes su stsal ba lags so/ /bcom ldan 'das rig sngags kyi rgyal po 'di'i yo byad dang / cho ga bshad par bgyi ste/ du ru ska dang / gu gul dang / spr-i ka gcig tu bgyis la gsang sngags kyi snying po 'dis lan brgya rtsa brgyad bzlas brjod bgyis nas bcom ldan 'das bdag la bdugs na bdugs pa tsam gyi mod la bcom ldan 'das bdag dgug pa dang / g.yar drangs par 'gyur lags so/ /bcom ldan 'das rig sngags 'di sgrub pa'i tshe rang gi gzugs kyis mdun na mchis shing bsam pa thams cad yid bzhin du dngos grub rjes su stsal bar bgyi/ bgegs dang / log 'dren thams cad bzlog par bgyi/ gnod sbyin dang / srin po dang / 'byung po dang / sha za thams cad bzlog par bgyi/ 'thab pa dang / 'thab mo dang / rtsod pa dang 'gyed pa thams cad rab tu zhi bar bgyi/ bsam pa thams cad yid bzhin du rdzogs par bgyi/ mchog stsal bar bgyi/ bde legs dang / dge legs bsrung ba dang / bskyab pa dang / sba bar bgyi'o/ /bcom ldan 'das mchis nyal ba na bdug spos kyi rgyal po 'dis bdag la bdugs shing / bdag gi snying po nor bu rin po che chen po'i snying po gsum po de dag lan nyi shu rtsa gcig brjod na bdugs pa tsam gyi mod dang / dran pa tsam gyis bcom ldan 'das bdag nyid kyi ngo bo rang gi gzugs yongs su dag pa bstan cing / mngon sum du mchis par bgyi/ mchog thams cad rjes su stsal bar bgyi/ byung ba dang 'byung ba'i bka' mchid bgyi'o/ /dran pa tsam gyi mod la don yod pad+ma gtsug tor gyi zhags pa'i snying po 'di dran pa tsam gyis/ bcom ldan 'das bdag rig sngags 'chang de'i mdun du mchis shing bsam pa thams cad yid bzhin du yongs su rdzogs par bgyi/ sdang ba dang / sdig pa thams cad dang / bgegs dang / log 'dren thams cad so sor bzlog par bgyi/ dngos grub chen po bsgrub pa rjes su stsal bar bgyi/ bkra shis kyi sgra thams cad 'byung bar bgyi/ rig sngags kyi dngos grub thams cad rjes su stsal bar bgyi/ cho ga zhib mo dang / dkyil 'khor dang / phyag rgya rim par phye ba'i dngos grub thams cad rjes su stsal bar bgyi/ bsod nams dran pa'i dngos grub thams cad rjes su stsal bar bgyi/ dus ma yin par 'chi ba thams cad so sor bzlog par bgyi/ sdig pa dang / sgrib pa thams cad rnam par dag par bgyi/ rtag tu rjes su 'brang bar bgyi/ rtag tu rgyun mi 'chad par rig sngags 'chang gi bgegs dang log 'dren thams cad so sor bzlog par bgyi/ nad thams cad bsal bar bgyi'o/ bcom ldan 'das rig sngags 'chang 'gum pa'i tshe rnam par shes pa tha ma la bab pa de/ bcom ldan 'das bdag gis rtag tu mngon sum du bstan cing mdun na nye bar mchis par bgyi/ sangs rgyas yid la bgyid pa shin tu dran pas dus las 'da' bar bgyis pa dang / ji ltar sbrul pags pa brjes pa bzhin du lus brjes nas 'jig rten gyi khams bde ba can gyi skal ba dang mnyam par pad+ma dag las rdzus te skye la rgyan thams cad kyis brgyan pa dang / tshe rabs su tshe rabs dran par 'gyur/ de bzhin gshegs pa thams cad kyis yongs su bzung zhing byin gyis brlab par 'gyur/ lus rdo rjer 'gyur/ sangs rgyas kyi zhing thams cad du chud par 'gyur/ sa bcu la gnas par yang 'gyur/ phyir mi ldog pa'i sa la gnas par yang 'gyur/ de bzhin gshegs pa thams cad kyis lung bstan par yang 'gyur/ dge ba'i rtsa ba thams cad bskyed par yang 'gyur/ de bzhin gshegs pa thams cad mngon sum du ston par 'gyur/ bsod nams kyi tshogs thams cad bsags par 'gyur/ sdig pa dang / sgrib pa dang / sdig pa thams cad yongs su dag par 'gyur/ de bzhin gshegs pa thams cad kyi dge ba'i rtsa ba'i dam tshig rtogs pa dang / gsang ba'i dkyil 'khor chen po'i dam tshig byang chub kyi snying po'i mthar thug pa'i bar du 'tshal bar 'gyur ba lags so/ /de nas bcom ldan 'das de bzhin gshegs pa shAkya thub pas lha mo chen mo sgrol ma la legs so zhes bya ba byin te/ lha mo chen mo legs so legs so/ /rig sngags kyi rgyal po 'di khyod kyis bshad pa mchog tu legs so/ /cho ga zhib mo 'di yongs su rdzogs par bya ba dang / rig sngags 'chang de yang yongs su bsrung ba'i phyir dang / yongs su bskyang ba'i phyir dang / dngos grub rab tu sbyin pa'i phyir khyod kyis yongs su bskyang bar bya'o/ /de nas gnod sbyin gyi sde dpon chen po lag na rdo rje dang / rgyal po chen po bzhi dang / tshangs pa dang / khyab 'jug dang / dbang phyug chen po dang / lha rnams kyi dbang po brgya byin dang / tshogs kyi bdag po nag po chen po dang / rig sngags 'chang dang dkyil 'khor kyi lha du ma dang / nor bu bzang po'i bu dang / lngas rtsen dang / gar mkhan mchog dang / stobs can dang / stobs po che dang / ljang sngo dang / dung can dang / de bzhin du 'jigs byed dang / dbyangs ldan ma dang / dpe med ma dang / lha mo chen mo dpal dang / ral pa gcig ma dang / me tog tshems te thams cad 'dus nas mthun par stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas btud de/ bcom ldan 'das la 'di skad ces gsol to/ /bcom ldan 'das bdag cag kyang phyi ma'i dus phyi ma'i tshe rig sngags 'chang de dang / rig sngags smra ba rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ gzhan yang skyes pa'am/ bud med dam/ khye'u'am/ bu mo gang zhig don yod pa'i zhags pa gtsug tor 'di sgrub par bgyid dam/ klog par bgyid dam/ 'don nam/ tha na ming tsam yang 'dzin par bgyid na/ bcom ldan 'das de la bdag cag kun nas mthun par rtag tu rjes su 'brang zhing bsrung bar bgyi/ yongs su bskyang par bgyi/ gzi brjid gzhug par bgyi/ dngos grub chen po'i bsam pa yongs su rdzogs par bgyi/ bsam pa thams cad kyi mchog yongs su rdzogs par bgyi/ nyes par bgyis pa thams cad so sor bzlog par bgyi/ sdig pa dang / sgrib pa thams cad yongs su sbyang bar bgyi/ byang chub kyi snying po la mthar thug gi bar du rtag tu rjes su 'brang bar bgyi'o/ bcom ldan 'das kyis 'di skad du grogs po dag legs so legs so/ /khyod kyis bya ba de ltar yin te rig sngags kyi rgyal po chen po 'di ngas gtams shing yongs su gtang ngo zhes bka' stsal to/ /don yod pa'i zhags pa pad+ma gtsug tor gyi rdo rje chen po'i snying po gsang ba rdzogs so// //rnam par thar pa chen po'i dkyil 'khor gyi snying po gsang ba bstan pa bklags pas grub pa cho ga zhib mo rgyas pa mchog tu gsang ba mtha' dag rdzogs pa yongs su rdzogs so/ / //de nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das kyi zhabs gnyis la gtugs nas mig mi 'dzums par bcom ldan 'das kyi zhal du bltas nas bcom ldan 'das la 'di skad ces gsol to/ /bcom ldan 'das 'di na bdag la pad+ma yangs pa'i dkyil 'khor pad+ma'i rigs kyi snying por gyur pa gsang ba de kho na nyid bstan pa mchis te/ rnam par thar pa'i dkyil 'khor gyi gsang ba'i don yod pa'i zhags pa'i snying po khro bo'i rgyal po rig sngags kyi rgyal po'i snying po bcom ldan 'das kyi spyan sngar ngo bo tha dad pa dang / phyag rgya tha dad par dang / sngags tha dad pa dang / dkyil 'khor dang / gzugs bri ba yongs su bsgrags par bgyi/ sems can thams cad rjes su gzung ba'i slad du/ rig sngags 'chang ba rnams kyi de kho nar gyur pa ni 'di lags te/ rig sngags 'chang ba thams cad kyi gnas gsang ba'i dkyil 'khor pad+ma yangs pa'i dam tshig don yod pa'i zhags pa bsgrub pa'i cho ga rjes su stsal bar bgyi na bcom ldan 'das de bdag la gnang bar mdzad cing / de bzhin gshegs pa thams cad kyi rigs kyi dam tshig byin gyis brlabs pa dang / de bzhin gshegs pa'i rigs dang / pad+ma'i rigs dang / nor bu'i rigs dang / rdo rje'i rigs dang / spyi'i dam tshig 'grub par 'gyur/ spyi'i byin gyis brlabs dang / rig sngags kyi rgyal po'i dkyil 'khor dang / gzugs bri ba dang / phyag rgya rim par phye ba la rjes su 'jug par 'gyur/ cho ga zhib mo sgrub pa thams cad kyi dngos grub de kho na nyid du 'gyur/ de bzhin gshegs pa thams cad kyi sangs rgyas kyi zhing dang / byang chub sems dpa'i dkyil 'khor du 'jug pa'i dam tshig byin gyis brlabs kyi de kho na nyid du 'gyur lags so/ /de nas de bzhin gshegs pa dgra bcom pa yang dag par rdzogs pa'i sangs rgyas shAkya thub pas byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ /snying rje chen po dang ldan pa don yod pa'i zhags pa'i dam tshig rnam par thar pa chen po'i dkyil 'khor rnam par 'phrul pa/ byang chub sems dpa' thams cad kyi dam tshig dkyil 'khor chen po dang / phyag rgya rim par phye ba cho ga zhib mo de'i dus la bab par shes na shod cig /ngas byin gyis brlabs shing rjes su yi rang la phyag rgya chen pos btab nas byin gyis brlabs so/ sngon gyi de bzhin gshegs pa gang gA'i klung gi bye ma bye ba khrag khrig 'bum phrag dgu bcu rtsa dgu'i de bzhin gshegs pa thams cad kyi byin gyi brlabs kyis byin gyis brlabs so/ /sems can thams cad kyi don du de kho na nyid kyi dngos grub bla na med pa phyag rgya dang / dkyil 'khor dang / dam tshig chen por byin gyis brlabs so/ /de nas byang chub sems dpa' sems dpa' chen po 'phags pa spyan ras gzigs dbang phyug bzhin 'dzum zhing / de bzhin gshegs pa thams cad kyi gsang ba rnam par thar pa'i dkyil 'khor rnam par 'phrul pa bkod pa/ don yod pa mthong ba'i ting nge 'dzin mngon du byas nas ting nge 'dzin des stong gsum gyi stong chen po'i 'jig rten gyi khams na sangs rgyas kyi zhing thams cad 'od zer gyis snang bar byas/ lha'i gnas thams cad snang bar byas/ klu'i gnas thams cad snang bar byas/ gnod sbyin dang srin po'i gnas thams cad snang bar byas/ 'byung po'i gnas thams cad snang bar byas/ lha ma yin dang / nam mkha' lding dang / mi'am ci dang / lto 'phye chen po'i gnas thams cad snang bar byas/ sa'i 'og tu gtogs pa 'og na gnas pa thams cad snang bar byas/ bar snang gi gnas nam mkha' la rgyu ba'i lha rnams snang bar byas shing stong gsum gyi stong chen po'i 'jig rten gyi khams kun nas g.yo ba chen por gyur pa dang / g.yo ba'i mthu des de dag thams cad bskul bar gyur to/ /bskul ba tsam gyi mod nyid la/ de dag thams cad lhags te/ ri gru 'dzin na 'khor mang po 'dus par mthun par lhags nas 'khod do/ /de nas byang chub sems dpa' sems dpa' chen po 'phags pa spyan ras gzigs dbang phyug 'khor mang po 'dus par mkhyen nas don yod pa'i zhags pa'i cha byad du zhugs shing bcom ldan 'das kyi spyan sngar 'dug nas/ 'di ltar de bzhin gshegs pa'i gsang ba thams cad du rigs spyi'i dam tshig gi tshul du zhugs la/ ral pa'i thor tshugs kyis brgyan zhing / rgyal ba 'od dpag med thor tshugs su thogs pa/ tshangs pa'i gzugs can phyag bco brgyad pa rang gi ngo bo zhags pa thogs pa/ thal mo sbyar ba/ sku phyed na phyag g.yon pa brten pa/ mdung rtse gsum pa bsnams pa/ ril ba spyi blugs dang / bgrang phreng bsnams pa/ pad+ma bsnams pa/ pad+ma'i phyag rgya bsnams pa/ yid bzhin gyi nor bu dang / rgyal mtshan bsnams pa/ me tog gi phur ma dang / bI dza pU ra bsnams pa/ dbugs 'byin par mdzad pa/ rin po che'i char 'bebs par mdzad pa/ thal mo sbyar ba'i phyag rgya mdzad pa/ spyi bor phyag rgya mdzad pa/ dam tshig gi phyag rgya mdzad pa/ pad+ma yangs pa'i phyag rgya mdzad pa/ rdo rje'i rigs kyi dam tshig gi phyag rgya mdzad pa/ de bzhin gshegs pa dang / nor bu'i phyag rgya mdzad pa/ gzugs zhi ba/ spyan gsum pa/ mchod phyir thogs pa/ gdan pad+ma/ sku 'od zer sna tshogs 'bar ba/ sgrol ma bdun rjes su 'brang ba/ pha rol tu phyin pa bcus bskor ba/ brgya byin dang / tshangs pa dang / gshin rje dang / chu lha dang / lus ngan pos bskor ba/ dbang phyug dang / dbang phyug chen po dang / tshangs pa dang / lha'i bu dang / sred med kyi bu dang / dbang chen dang / rgya mtsho dang / dga' bo dang / nye dga' bo 'khor dang bcas pa bcom ldan 'das shAkya thub pa'i spyan sngar 'khod nas mig mi 'dzums shing bzhin 'dzum pas/ me tog sna tshogs pa rnams bcom ldan 'das la 'thor te/ 'di lta ste/ me tog shwa la dang / ta ma la dang / tsam pa ka dang / a ti mug ta ka dang / sho kA bar ta sha dang / kha bye 'khyil pa dang / gan d+ha ra Shi ka dang / mthon ka dang / mthon ka chen po dang / ka dam pa dang / mdog mdzes pa dang / su ma n+ya ka dang / sku snar dang / cher gsal ba dang / dri med gzi brjid dang / dri dga' dang / rab sim dang / pa lA sha dang / za ba dang / ma raN+Da ka dang / gzi brjid bsil dang / dri med dang / gzi yangs ldan dang / shin tu bstan dang / lha dga' dang / yid dga' dang / yu thi ka dang / pad+ma dang / ku mu da dang / pad+ma dkar po dang / ut+pa la dang / ut+pa la dmar po dang / ta ra Na gu h+ya dang / gser dang / dngul dang / rin po che rnam pa sna tshogs kyi me tog rnams kyis bcom ldan 'das la mchod pa byed pa ni mngon sum du rnam par thar pa'i dkyil 'khor gsang ba don yod pa'i rgyal po 'di smras so/ /dus gsum du gshegs shing bzhugs pa sangs rgyas dang byang chub sems dpa' thams cad la phyag 'tshal lo/ /de bzhin gshegs pa thams cad kyi gsang ba rigs kyi dam tshig la phyag 'tshal lo/ /rig sngags kyi rgyal po don yod pa rnam par thar ba'i dkyil 'khor kyi rigs dang / phyag rgya thams cad la phyag 'tshal lo/ 'das pa dang / ma 'ongs pa dang / da ltar byung ba'i rang sangs rgyas dang / nyan thos kyi dge 'dun thams cad la phyag 'tshal lo/ /yang dag par rtogs pa rnams la phyag 'tshal lo/ /yang dag par zhugs pa rnams la phyag 'tshal lo/ /blo gros chen po dang ldan pa sha ra dwa ti'i bu la phyag 'tshal lo/ /byang chub sems dpa' sems dpa' chen po byams pa la sogs pa 'phags pa'i tshogs kyi mchog rnams la phyag 'tshal lo/ /'phags pa de bzhin gshegs pa dgra bcom pa yang dag par rdzogs pa'i sangs rgyas 'od dpag med la phyag 'tshal lo/ /dkon mchog gsum la phyag 'tshal lo/ /byang chub sems dpa' sems dpa' chen po thugs rje chen po dang ldan pa 'phags pa spyan ras gzigs dbang phyug la phyag 'tshal lo/ /drang srong chen po de dag dang / 'phags pa'i tshogs kyi mchog de dag la phyag 'tshal nas 'phags pa spyan ras gzigs dbang phyug gi zhal nas byung ba/ don yod pa'i rgyal po rnam par thar pa'i dkyil 'khor gyi snying po de bzhin gshegs pas mngon sum du gsungs pa 'di 'khor mang po'i nang du bdag gis da bzlas kyis/ bdag gi dgos pa thams cad grub par gyur cig/ 'jigs pa thams cad du srung bar gyur cig/ // tad+ya thA/ oM tsa ra tsa ra/ tsi ri tsi ri/ tsu ru tsu ru/ ma hA kA ru Ni kA/ bi ri bi ri/ pi ri pi ri/ tsi ri tsi ri/ pa ra ma ma hA kA ru Ni kA/ si ri si ri/ tsi ri tsi ri/ pi ri pi ri/ bi ri bi ri/ ma hA pad+ma ha sta/ ka la ka la/ ki li ki li/ ku lu ku lu/ ma hA shud d+ha/ sa twa/ eh+ye hi bud d+h+ya bud d+h+ya/ d+hA ba d+hA ba/ ka Na ka Na/ ki Ni ki Ni/ ku Nu ku Nu/ pa ra ma shud d+ha satwa/ ka ra ka ra/ ki ri ki ri/ ku ru ku ru/ ma hA s+tha ma prAp+ta/ tsa la tsa la/ sany+tsa la/ sany+tsa la/ bi tsa la/ bi tsa la/ e Ta Ta/ e Ta Ta/ b+ha ra b+ha ra/ b+hi ri b+hi ri/ b+hu ru b+hu ru/ e h+ye hi ma hA kA ru Ni kA/ ma hA pa shu pa ti/ be Sha d+ha ra/ d+ha ra d+ha ra/ sa ra sa ra/ tsa ra tsa ra/ ha ra ha ra/ hA hA hA hA/ hI hI hI hI/ hU hU hU hU/ o~M kA ra brah+ma be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta ra/ sa ra sa ra/ pa ra pa ra/ tsa ra tsa ra/ b+ha ra b+ha ra/ rash+mi sha ta sa ha sra pra ti maN+Di ta sha rI ra/ dz+wa la dz+wa la/ ta pa ta pa/ b+ha ta bA na/ sau ma A di t+ya/ ya ma/ ba ru Na/ ku be ra/ brah+ma/ in+d+ra/ ri Shi/ de ba ga Na/ a b+h+yartsi ta tsa ra Na/ su ru su ru/ tsu ru tsu ru/ pu ru pu ru/ mu ru mu ru/ sa nad ku mA ra/ ru dra bA sa ba/ biTh+Nu/ d+ha na dA/ bA yu/ de ba r-i Shi nA ya ka/ bi nA ya ka/ ba hu bi bi d+ha be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ tha ra tha ra/ g+ha ra g+ha ra/ ya ra ya ra/ la ra la ra/ ha ra ha ra/ ma ra ma ra/ pa ra pa ra/ tsa ra tsa ra/ ba ra ba ra/ ba ra dA ya ka/ sa man+ta a ba lo ki te/ bi lo ki te/ lo ke shwa ra/ ma he shwa ra/ mu hu mu hu/ mu ru mu ru/ mu ya mu ya/ muny+tsa muny+tsa// //bcom ldan 'das 'phags pa spyan ras gzigs dbang phyug bdag dang sems can thams cad 'jigs pa thams cad dang / gnod pa thams cad dang / yams kyi nad thams cad dang / gdon thams cad dang / nad thams cad las bsrung du gsol/ bsrung du gsol/ gnod pa dang / 'ching ba dang / brdeg pa dang / bsdigs pa dang / rgyal po dang / chom rkun dang / gnod byed dang / me dang / chu dang / dug dang / mtshon las yongs su thar bar mdzad pa/ ka Na ka Na/ ki Ni ki Ni/ ku Nu ku Nu/ tsa ra tsa ra/ in+d+ri ya/ ba la bo d+h+yang ga/ mArga ka/ tsa tu rA r+ya sat+ya/ sam pra kA sha ka/ ta ma ta ma/ da ma da ma/ sha ma sha ma/ sa ma sa ma/ ma hA ta mou0f85n+d+ha kA ra/ bi d+ha man/ Sha Ta pA ra mi tA/ pa ri pU ra ka / mi li mi li/ Ta Ta Ta Ta/ Tha Tha Tha Tha/ Ti Ti Ti Ti/ Tu Tu Tu Tu/ Thi Thi Thi Thi/ Thu Thu Thu Thu/ e ne ya tsa ra ma kri Ta/ pa ri ka ra/ e h+ye hi ma hA kA ru Ni ka ma he shwa ra/ ma hA ta b+hu ta/ ga na b+hany+dza ka/ ku ru ku ru/ pa ra pa ra/ ka Ta ka Ta/ ma Ta ma Ta/ bi shud d+ha/ bi Sha ya/ ni bA sa ni/ ma hA kA ru Ni kA/ shwe ta yadz+nyo pa bI ta ya/ rat+na ma ku Ta/ mA lA d+ha ra/ sarba dz+nyA shi ra si kr-i ta/ dza TA ma ku Ta ma hA ta b+hu ta/ ka ma la kr-i ta/ ka ra ta la d+h+yA na sa mA d+hi/ bi mo k+Sha/ a pra kam pya/ ba hu sa twa/ san+ta ti/ pa ri pA tsa ka ma hA kA ru Ni kA/ sarba karma A ba ra Na bi sho d+ha ka/ sarba byA d+hi pa ri mo tsa ka/ sarba A shA pa ri pU ra ka/ sarba sa twa/ sa mA shwA sa na ka ra/ na mo stu te swA hA/ o~M brah+ma/ be Sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ sa man+ta/ dz+wa la a mo g+ha hU~M/ don yod pa'i snying po/ a yi ge gcig po ni kun nas gsang ba de bzhin gshegs pa'i rigs kyi dam tshig dang / pad+ma yangs pa'i dkyil 'khor du zhugs pa rigs thams cad kyi spyi'i yin te/ bklags pas grub pa'o/ /de nas byang chub sems dpa' sems dpa' chen po 'phags pa spyan ras gzigs dbang phyug gis snying po yi ge gcig po kun nas de bzhin gshegs pa thams cad kyi rigs kyi gsang ba spyi'i rnam par thar pa'i dkyil 'khor smras pa tsam gyis stong gsum gyi stong chen po'i 'jig rten gyi khams 'di rnam pa drug tu g.yos shing lha'i me tog gi char rab tu bab la/ kun nas rin po che'i char rab tu bab bo/ /de bzhin gshegs pa gang gA'i klung gi bye ma snyed bye ba khrag khrig stong kun nas gshegs nas nam mkha'i dkyil la rdzu 'phrul gyis bzhugs so/ /don yod pa'i rim par phye ba'i sprin lha'i rin po che sna bdun phab la 'bab pas khebs pa dang / lha'i rin po che sna bdun gyi me tog rnams dang / lha'i rgyan dang / gos sna tshogs pa'i char bcom ldan 'das dang / 'phags pa spyan ras gzigs don yod pa'i rgyal po'i tshul du zhugs pa la mchod pa dang / bkur sti bya ba'i phyir rab tu phab bo/ /sangs rgyas bcom ldan 'das de dag gis kyang legs so zhes bya ba'i sgra 'byin par mdzad de/ sems dag pa chen po khyod kyis sangs rgyas 'byung ba mchog bstan pa legs so legs so/ /'di lta ste/ de bzhin gshegs pa thams cad kyi rigs kyi gsang ba'i phyag rgya dang / dkyil 'khor dang / rig sngags kyi gnas rim par phye ba rnam par thar pa'i dkyil 'khor dang / yi ge gcig pa'i rjes su zhugs pa ni stong gsum gyi stong chen po'i 'jig rten gyi khams su nyi ma gcig shar ba yin no/ /gang 'das pa dang / ma 'ongs pa dang / da ltar byung ba'i sangs rgyas bcom ldan 'das stong gsum gyi stong chen po'i 'jig rten gyi khams rdul phra mo snyed kyi sangs rgyas 'byung ba rdzogs par sangs rgyas 'byung ba gcig gis thams cad kyi rjes su zhugs pa yin zhing / snying po yi ge gcig gis rjes su zhugs pa yin la phyag rgya dang / dkyil 'khor rim par phye ba dang / dam tshig gcig gis rjes su zhugs pa yin no/ don yod pa'i rnam par 'phrul pa rnam par thar pa'i dkyil 'khor de bzhin gshegs pa'i gsang ba bzang po 'di ni don yod pa'i gsang sngags kyi zhags pas drangs shing sku gcig gi dam tshig la bkod pa yin te/ de nas don yod pa'i zhags pa zhes bya bar byin gyis brlabs so/ snying po yi ge gcig pa'i gzungs sngags ni rtag tu bklags pas grub pa/ de bzhin gshegs pa thams cad kyis byin gyis brlabs pa yin no/ /de nas bcom ldan 'das de bzhin gshegs pa shAkya thub pas byang chub sems dpa' sems dpa' chen po spyan ras gzigs dbang phyug la legs so/ /zhes bya ba byin te/ snying rje chen po dang ldan pa legs so legs so/ /de kho na nyid bsgrub pa grub pa/ de bzhin gshegs pa'i rigs spyi'i dam tshig thams cad grub pa/ don yod pa'i zhags pa'i snying po bsgrub pa bklags pas 'grub pa 'di ni mchog tu bzang ba yin gyis yon tan gyi phung po shod cig / snying po yi ge 'di ni don yod pa'i zhags pa sgrub pa'i cho ga bsgrub pa bde ba/ bklags pas grub pa phyag rgya dang / dkyil 'khor dang / sku gzugs ri mo dang bcas pa bsgrub pa'i cho ga bla na med pa yin no/ /de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das la 'di skad ces gsol to/ /bcom ldan 'das don yod pa'i zhags pa pad+ma yangs pa'i dkyil 'khor dang / pad+ma'i rigs kyi rnam par thar pa'i dkyil 'khor dang / de kho na nyid kyi dam tshig gsang ba chen po dang / rigs spyi'i sgrub pa bklags pas 'grub pa 'di'i yo byad dang / cho ga bshad par bgyi yis bcom ldan 'das kyis byin gyis brlab tu gsol/ bcom ldan 'das gang gis dran pa tsam gyis bdag mdun na nye bar mchis shing bsam pa thams cad yid bzhin du yongs su rdzogs par bgyi/ rig sngags kyi dngos grub thams cad rjes su stsal bar bgyi'o/ /bcom ldan 'das kyis bka' stsal pa/ spyan ras gzigs dbang phyug legs so legs so/ /de ltar khyod kyis sems can thams cad bsgral bar bya zhing / rig sngags 'chang rnams kyi dngos grub dam pa mchog de khyod kyis rab tu sbyin par gyis shig/ /don yod pa'i zhags pa'i snying po gsang ba'i dam tshig dang / yi ge gcig po rigs spyi'i rjes su zhugs pas de bzhin gshegs pas byin gyis brlabs kyis yo byad dang / sgrub pa'i cho ga shod cig /de nas byang chub sems dpa' sems dpa' chen po 'phags pa spyan ras gzigs dbang phyug bcom ldan 'das kyis dbugs phyung ba dag thos nas/ snying shin tu dga' ste/ yo byad dang / cho ga smras pa/ bcom ldan 'das kyis mngon sum nyid du sdig pa bsreg cing ma lus par zad par bgyid pa/ sems can dmyal ba rtsa ba nas 'byin pa'i dkyil 'khor gyi cho ga smras pa/ dkyil 'khor gru bzhir byas nas su/ /dbus su pad+ma'i 'khor lo bya/ /tshon rtsi sna tshogs rnam par dbye/ /pad+ma ze ba'i dbus su ni/ /spyan ras gzigs dbang bzhugs par bya/ /bum pa bkang dang 'phan rnams kyis/ /dkyil 'khor kun nas brgyan par bya/ / me tog sna tshogs legs par dgram/ /spos dri bzang pos bsgos pa yi/ /mar me'i phreng ba kun tu byed/ /mchod yon chu dag gzhag par bya/ /gu gul dang ni sa la la ki/ /a ga ru dang du ru ska/ /bdug spos snod bzhi dag nas bdug /rig sngags 'chang ba khrus byas nas/ /gos gtsang bgos te smyung ba la/ /nye bar gnas nas tshes brgyad dam/ /bcu bzhi'am tshes ni lnga ste/ /zla ba yar gyi ngo la bsgrub/ /shar du kha bltas 'dug nas su/ /don yod zhags pa dus gsum du/ /nyi shu rtsa gcig bzlas brjod bya/ /snying po'am brgya rtsa brgyad du bzlas/ /yi ge gcig po 'bum du ni/ /mtshan mo bar chad med par bzlas/ /skya rengs shar nas 'jig rten dbang / /ze ba'i dbus na 'bar 'gyur zhing / /'bul 'gyur 'gul ba de yis ni/ /dmyal ba chen po bcu drug gi/ /sgo rnams dag ni bye bar 'gyur/ / dmyal ba'i gnas nas shugs chen gyis/ /g.yo la g.yos pa tsam des ni/ /dmyal ba'i tshor kun rnam par 'jig /dmyal ba de yang rnam par 'joms/ /sems can dmyal ba de dag ni/ /thar nas phyogs bcur brgyug pa yi/ /dmyal ba'i sdug bsngal kun las grol/ /mtho ris lam du zhugs par 'gyur/ /dud 'gro'i skye gnas kyi sdug bsngal thams cad du dud 'gro rnams las yongs su grol bar 'gyur/ bdag nyid kyi sgrib pa dang / sdig pa dang / sdug bsngal mi bzad pa thams cad mthar gdugs par yongs su zad par 'gyur/ 'khor ba'i sdug bsngal thams cad las yongs su grol bar 'gyur ro/ /gal te sdig pa thams cad zad par gyur na/ de'i tshe 'phags pa spyan ras gzigs dbang phyug gi sku mdog gser gyi mdog can du ston par mdzad la mchog thams cad sbyin par mdzad do/ /don yod pa dri ma med pa'i ye shes rgya mtsho bkod pa zhes bya ba'i ting nge 'dzin thob par 'gyur/ sgrib pa dang bral ba sems kyi rgyan rnam par dag pa'i bdag nyid kyi ngo bo thob par 'gyur/ de bzhin gshegs pa gang gA'i klung gi bye ma bye ba khrag khrig 'bum phrag dgu bcu rtsa dgu po rnams mod nyid la mngon sum du ston par mdzad la/ de bzhin gshegs pa de dag thams cad kyi phyag g.yas pa mgo'i spyi bor 'jog par mdzad/ bsod nams kyi phung po chen po dang ldan par 'gyur/ /dge ba'i rtsa ba chen po yongs su gzung bar 'gyur/ 'jig rten pa kun gyis gcig pu mchod pa chen po byas par 'gyur/ gshin rje dang / chu lha dang / lus ngan dang / zla ba dang / nyi ma dang / tshangs pa dang / khyab 'jug dang / dbang phyug chen po rang gi gzugs kyis mngon sum du ston cing nye 'khor la kun nas srung ba dang / skyob pa dang / sbed pa byed par 'gyur/ dngos grub dang / dgos pa thams cad grub par 'gyur/ gal te sdig pa thams cad zad par ma gyur na/ de'i tshe 'phags pa spyan ras gzigs dbang phyug gi sku mdog gser gyi kha dog can du mi mthong des sgrib pa dang / sdig pa lhag ma lus par shes par bya ste/ de nyid du bzlas brjod kyi cho ga smyung ba gnyis pa byas pa dang / sdig pa dang / sgrib pa thams cad rtsa ba dang bcas pa thams cad phyung bar 'gyur ro/ /gal te bzlas brjod kyi cho ga smyung ba gsum pa byed na bzlas brjod kyi cho ga gsum rdzogs pa dang / 'phags pa spyan ras gzigs kyi phyag g.yas pa brkyang nas rig sngags 'chang bteg ste mod la 'jig rten gyi khams bde ba can du 'od dpag med kyi spyan sngar 'jog par mdzad la mngon sum du bzhugs so/ /de bzhin gshegs pa tshe dpag med kyis dbugs 'byin par mdzad cing phyag spyi bor 'jog par mdzad de/ tshe dpag tu med par 'gyur ro/ gal te sems can gzhan rigs kyi bu'am/ rigs kyi bu mo'am/ dge sbyong ngam/ bram ze'am/ skyes pa'am/ bud med dam/ khye'u'am/ bu mo'am/ tha na dud 'gro'i skye gnas su song ba gang zhig sdig pa dang / sgrib pa zad par 'dod na rig sngags 'chang khrus byas la gos gtsang ma bgos/ smyung ba byas pa des dkyil 'khor la mngon du phyogs par bzhag la/ rig sngags 'chang cho ga byed pas gsang sngags rjes su dran par byas nas rma bya'i sgros byab par bya'o/ de tsam gyis yon tan gyi khyad par thob par 'gyur te/ sdig pa dang / sgrib pa thams cad zad par 'gyur/ nad thams cad dang / gdug pa thams cad dang / /na ba thams cad dang / mtshams med pa thams cad zad par 'gyur te/ the tshom med do/ /sgrib pa dang bral ba nyid thob par 'gyur zhing tshig gzung bar 'os par 'gyur/ lha thams cad kyis gzung zhing kun nas bsrung bar 'gyur/ de bzhin gshegs pa'i gsung thob par 'gyur/ 'phags pa spyan ras gzigs dbang phyug gzigs bzhed par 'gyur/ tshe ring ba dang / sgrib pa dang / nad dang bral bar 'gyur/ tshe 'phos nas 'jig rten gyi khams bde ba can du skye bar 'gyur/ tshe rabs su tshe rabs dran par 'gyur/ dge ba'i rtsa ba bsod nams kyi tshogs thams cad dang ldan par 'gyur te/ snying rje dang / byams pa chen po yid la bya ba rtse gcig tu bya zhing smyung ba dang / bzlas brjod bya'o/ /sdig pa dang sgrib pa zad par bya ba'i dkyil 'khor chen po'i cho ga'o// //'phags pa don yod pa'i zhags pa'i cho ga zhib mo'i rgyal po/ /bam po bcu bdun pa/ de nas rtag tu bzlas pa'i dkyil 'khor gyi cho ga bshad par bya ste/ dkyil 'khor gyi tshad ji lta ba bzhin du/ legs par phye ba/ gru bzhi pa/ rgyar gzings kyi tshad kyis shin tu rnam par phye ba bya ste/ dri'i tshon rtsi rnam par bkra ba kun nas pad+ma'i phreng ba dang / rdo rje'i ge sar la brten pa'i dbus su pad+ma bya'o/ /rdo rje'i thig skud kyis kun nas bskor ba'i dbus kyi pad+ma'i ge sar la 'phags pa spyan ras gzigs dbang phyug tshangs pa'i cha byad 'dzin pa dog par bya'o/ /nyi ma re re zhing me tog dang bdug pa dbul bar bya zhing nyi ma re re zhing a ga ru'i bdug pa dang / khrus byas gos gtsang ma bgos te/ don yod rgyal po'i bzlas brjod dang / phyag rgya bcing bar bya'o/ /yi ge gcig pa'i snying po'i bzlas brjod thun gsum du lan gsum mam/ lan bdun nam/ lan nyi shu rtsa gcig tu bzlas so/ /zas ngan pa bcu yongs su spang bar bya zhing / sems can ngan pa yang spang bar bya'o/ /sgrub thabs kyi de kho na nyid las thams cad du 'jig rten pa'i bya ba thams cad 'grub bo/ /'jigs pa chen po mi bzad pa brgyad po de rnams las grol lo/ /don yod pa'i rgyal po dran pas nad thams cad rnam par nyams par byed do/ /dug dang sbyar dug dang / byad stems dang / gdon thams cad dang / 'jigs pa dang / sdang ba dang / skrag pa dang / rims dang / nad thams cad dang / phol mig dang / lhog pa dang / mtshan par rdol ba dang / g.yan pa dang / rkang shu dang / mdze dang / mgo bo na ba dang / mig na ba dang / rna ba na ba dang / sna na ba dang / kha na ba dang / rkan na ba dang / mgul na ba dang / snying na ba dang / lto na ba dang / so dang mchu na ba dang / lag pa na ba dang / rtsib logs na ba dang / chu son ba dang / pho ba'i nad dang / ma zhu ba dang / rkang pa na ba dang / rgyab na ba dang / yan lag dang / nying lag thams cad na ba dang / tshad pa dang / gzhang nad dang / gcin nad dang / gsud pa dang / 'khogs pa la lan cig brjod de byas pa tsam gyis thams cad sel bar byed de/ myur du rab tu zhi bar byed cing skad cig de nyid la yang yang dag par gnas par byed do/ /'jig rten pa'i bya ba gzhan thams cad 'grub par 'gyur ro/ /de bzhin gshegs pa bye ba khrag khrig brgya stong phrag dgu bcu rtsa dgu'i dge ba'i rtsa ba nyi ma re re zhing bskyed par 'gyur ro/ /bsod nams chen po dang ldan par 'gyur ro/ /tshig btsun bar yang 'gyur ro/ /'jig rten thams cad kyi bla mar yang 'gyur ro/ /mchod pa'i 'os chen por 'gyur ro/ /don che zhing che ba dag 'ong bar 'gyur ro/ /dbang phyug dang / dpon po lhun gyis grub pa nyid du rnyed do/ /rgyal po dang / btsun mo'i 'khor dang / g.yog tu bcas pas gcig tu mchod par 'os par 'gyur ro/ /nyi ma re re zhing 'phags pa spyan ras gzigs dbang phyug mthong bar 'gyur ro/ /rtag tu yang de bzhin gshegs pa'i sku mthong ba so sor thob bo/ /sangs rgyas kyi zhing yang dag par brgyan pa mthong ngo / /tshes brgyad dang bco lnga la po Ta la ka'i ri bo'i gzhal med khang 'phags pa spyan ras gzigs dbang phyug gi gnas na/ 'phags pa spyan ras gzigs dbang phyug bzhugs te/ 'khor chen po la chos ston par mdzad bzhin pa dang / 'od dpag med bde ba can gyi gnas na zhugs pa mthong ste ji srid byang chub snying po'i bar du mthong ngo / /'chi 'phos pa na bsam pa nyid kyi mod la bde ba can gyi 'jig rten gyi khams su skye bar 'gyur te/ rgyan thams cad kyis rnam par brgyan par pad+ma las brdzus te skye bar 'gyur ro/ /sgrib pa dang bral zhing rnam par 'phrul pa byin gyis rlob pa don yod pa'i 'od zer zhes bya ba'i ting nge 'dzin so sor thob bo/ /ting nge 'dzin gang zhig thob pas sangs rgyas kyi zhing gang gA'i klung gi bye ma bye ba khrag khrig brgya stong phrag snyed las 'das pa'i de bzhin gshegs pa thams cad la mngon par phyag byas nas/ se gol gtogs pa tsam nyid la slar yang 'ong ba de lta bu'i ting nge 'dzin so sor thob bo/ /ting nge 'dzin gzhan khrag khrig brgya stong phrag so sor thob cing / /bzlas pa'i cho ga gcig pus las thams cad sgrub par 'gyur ro zhes so/ /bzlas pa'i dkyil 'khor chen po'i cho ga'o// //de nas khrus kyi dkyil 'khor bshad par bya ste/ khrus byed pa la mkhas pa gang gis dri ma thams cad sel bar byed cing mdzes pa/ sdig pa thams cad rnam par nyams par byed pa/ dngos grub thams cad byed pa'i de kho na nyid bsod nams dang gzi brjid rab tu 'phel bar byed pa/ nad thams cad sel bar grub pa/ sdig pa dang / sdig to nyams par byed pa/ de bzhin du zad pa dang nyams pa bcom pa/ dug dang byad stems nyams pa/ nad yun ring po yongs su spangs pa/ de bzhin du gcod yun ring po dang rims yongs su spangs pa ste 'di dag khrus kyis 'grub ste/ rig sngags gang yin pa des 'grub par don yod pa spyan ras gzigs dbang phyug gis yongs su bsgrags so/ / bgegs kyis reg pa gang yin pa dang / grib gnon gyi gdon mi bzad pas reg pa gang yin pa dang / pha rol gyi dmag tshogs kyi 'jigs pa mi bzad pa dang / 'thab pa dang / rtsod pa la yang / dgra rnams kyis pham pa dang / skye bo sdang ba dang / gang gi 'khrug pa'i g.yul du song ba dang / rgyu skar gyis bcom pa gang yin pa dang / blo'i skye ba zad pa dang / ma ning dang / nyams pa'i ma ning dang / dbang po nyams pa'i bar gang yin pa rnams dang bu mi 'tsho ba gang yin pa rnams kyi bu mthun par skye bar 'gyur ro/ /bsad cing gzhom pa thob pa gang yin pa dang / 'ching ba dang / gsod par song ba gang yin pa dang / chom rkun nam/ rkun mo'i nang ngam/ gnod sbyin nam srin po'i nang du song ba gang yin pa dang / gcan gzan gtum po'i nang du song ba gang yin pa dang / mche ba gdug pa dang / dug gi khrod du song bas dug 'jigs pa mi bzad pa zos pa gang yin pa dang / khyim rdib pa dang / g.yang sa dang / byi ba kha gdug pa'i 'jigs pa rnams dang / mi mngon par sdig pa byed pa gang yin pa dang / mtshams med pa byed pa gang yin pa dang / 'phags pa la skur pa 'debs pa dang / dam pa'i chos spong ba 'di rnams dkyil 'khor du khrus byas pas thams cad yang dag par zad par 'gro zhing / myur du thams cad rnam par nyams par byed de rtswa rnams mes sreg pa bzhin du sngon bsags pa'i mi bzad pa'i las 'di dag thams cad rnam par nyams par byed do/ 'jig rten thams cad kyi bla ma dang / rtag tu mchod par 'os par 'gyur ro/ /tshe yun ring por gnas te/ rtag tu bde ba dang / dga' bar byed do/ /ji srid 'tsho'i bar du nad med cing rims med pa nyid du gnas so/ /bde blag tu bya ba byed cing / de'i skye ba bdun dran par 'gyur ro/ /lha rnams kyis rtag tu srung bar byed cing / mthar thug rtag tu dpal 'bar bar byed do/ /sangs rgyas rnams rtag tu mthong ba dang / rtag tu 'jig rten dbang phyug gi mchog sbyin par byed pa dang / rtag tu mthong bar 'dod pa yang thun mtshams rtag tu mngon sum du mthong bas gnas par byed do/ /rtag tu rig sngags dang / dkyil 'khor gyi lha dang / rig sngags kyi dngos grub tu 'gyur te/ rtag tu dkyil 'khor gyi mchog gang yin pa yang sgrub par byed do/ /rgyar gzings kyi tshad kyi dkyil 'khor gru bzhi pa bya ste/ tshon sna tshogs pas rnam par phye ba'i dkyil 'khor gyi mchog bri bar bya'o/ /me tog dang 'bras bu sna tshogs pas bkra ba/ sgo bzhi kun nas rnam par phye ba dang / las rnams legs par zin nas dbus kyi dkyil 'khor gyi snying por/ 'khor lo yang dag par bri'o/ /pad+ma'i lte ba dang / snying po nyid kyang 'bar bar bya'o/ /zur dang zur rnams su/ zhags pa 'bar ba pad+ma la gnas pa bya'o/ /rig sngags 'dod pas khrus dang gtor ma dkar po yang 'dir dgod par bya'o/ /a ga ru'i bdug pa dbul zhing / dkyil 'khor gyi cho ga ji lta ba bzhin du/ dkyil 'khor legs par brgyan par bya'o/ /las gzhan sgrub pa ni ro sna tshogs pa'i gtor mas mchod par bya zhing sna tshogs pa'i bdug spos dbul lo/ /bum pa chus bkang nas rdzas kyi phye ma rnams der gzhug cing / rin chen sna bdun bcug ste/ de la rgya dar gyis bcings la/ don yod zhags pa brgya dang / snying po nyid kyang lan brgyar bzlas so/ /yi ge gcig pa brgya rtsa brgyad du bzlas so/ /tsan+dan dang / sa mI dang / si ri Sha dang / hab shang tsi'u dang / gur gum dang / yungs kar dang pad+ma ge sar rnams legs par btags nas bum pa bkang bar bya ste/ 'di rnams kyis khrus bya'o/ nye'u shing / shu ti dang / bil ba ste 'di rnams kyis nyed pa dang / rtag tu sngon tu bya ba par byas la/ de nas mkhas pas khrus bya'o/ /de nas srung ba'i cho ga ni don yod rgyal pos bya'o/ /de nas rtswa dUr ba bting nas/ de la skyil mo krung gis 'dug ste/ bum pa'i chus khrus bya zhing pad+ma'i phyag rgya yang byed du gzhug go/ /de nas gtsang ma gos gtsang ma bgos te/ gtsug tor bcing bar bya zhing / sngon du bzlas pa 'bul ba dang bskor ba byas nas/ sgo dang sgo nas phyag bya'o/ /shar gyi sgo ru zhugs la dbus kyi dkyil 'khor gyi snying por/ skyil krung gis 'dug la/ don yod pa'i rgyal pos lan bdun du bya ba par bya'o/ /lag tu rdo rje dang / bgrang phreng gis mngon par dbang bskur zhing / chu dang / yungs kar dang phyag rgyas dbang bskur bar bya'o/ /de nas dkon mchog gsum la mchod pa bya'o/ /'di ni khrus kyi gtso bor 'jig rten dbang phyug gis gsungs so/ /sems can thams cad la phan pa'i don gyi ched dang / rig sngags 'chang rnams la khyad par du/ sangs rgyas thams cad kyis byin gyis brlabs pa dang / lha thams cad kyis mchod pa dang / don yod pa'i phun sum tshogs pa gdon mi za bar byed do/ /gang dang gang du las la nges par sbyar ba thams cad du don yod pa'i dngos grub thob par 'gyur te/ thams cad du 'di la the tshom med do/ sngags kyi dngos grub bla na med pa ma grub pa yang grub par 'gyur te/ don yod pa'i dngos grub thob cing 'phral nyid du 'bras bu mthong ba yin no/ /lus yongs su dag cing shin tu dri ma med pa dang / legs par khrus byas par de brjod par bya'o/ /sdig pa thams cad nyams par byed pa/ nyon mongs pa thams cad zad par byed pa/ nad thams cad las yongs su grol bar byed pa ste/ mdor na/ thams cad du dngos grub so sor rnyed cing / dpal chen por lhag par 'gro'o/ /rig sngags don du gnyer ba thob ste/ rig sngags don yod pa'i dngos grub kyi de kho na nyid la sa bu 'dod pas ni bu thob bo/ /nor 'dod pas ni nor thob bo/ /dbang phyug 'dod pas ni dbang phyug thob bo/ /myur du dpal 'dod pas ni dpal thob bo/ /mngon par 'dod pa thams cad 'phral du yongs su rdzogs par byed do/ /zhes so/ khrus kyi dkyil 'khor gyi cho ga'o// //de nas nor bu'i sgrub thabs kyi cho ga dang / dkyil 'khor gyi cho ga bshad par bya ste/ yid bzhin gyi nor bu'i sgrub pa rmad du byung ba don yod pa'i nor bu'i dngos grub dang / bya ba thams cad sgrub par byed pa/ thams cad du ltung ba'i sdug bsngal las byung ba'i 'jigs pa thams cad las skyob par byed pa gsod thob pa mngon par thar bar byed pa/ mtshon cha dang / khong sgril gcog par byed par the tsom med do/ /sdig pa thams cad rnam par nyams par byed pa/ mtshams med pa zad par byed pa/ rtag tu gsod pa med pa'i gnas thams cad du son par byed pa/ rtag tu 'khrugs pa dang / g.yul ngo las rgyal ba sbyin par 'gyur ro/ /chom rkun gyi nang nas grol bar 'gyur zhing / rkun mo las kyang sgrol bar byed do/ /gcan gzan gtum po seng ge dang / glang po che dang / dom dang / gzig dang / dred dang / khyi dang / phag dang / ce spyang rnams las nor bu'i rgyal po gang du gnas pa'i mod la thams cad du sgrol bar byed do/ /dug dang / sbrul thams cad dam/ mche ba sdug pa dang / sbrul go na sa dang / bta sa nA b+ha dang / dug nyid dang / dug shring ga dang / dug mu sta ka nyid dang / da ra da'i dug dang / lus la byas pa dang / mi bzad pa'i dug dang / dug ha la ha la dang / sdig pa la sogs pa gang yin pa dang / mthong ba'i dug gang yin pa dang / dbugs kyi dug mi bzad pa gang yin pa dang / reg pa'i dug 'jigs pa dang / 'jog po yis kyang zin pa dang / gzhan yang srog chags mi bzad pa rnam pa sna tshogs pa'i dug mi bzad pa rnams dkyil 'khor mthong ba tsam dang / nor bu reg pa tsam gyis de rnams thams cad 'phral du dug med par 'gyur ro/ /gal te gang gar 'bab pa'i dug 'thungs kyang 'phral du 'joms par byed do/ /nam mkha' lding gis sbrul nyid dang klu bzhin no/ /me yis mi 'tshig go/ /slar yang chus 'khyer bar mi 'gyur ro/ /byi ba kha gdug pa'i 'jigs pa mi 'byung / de la rgyal po khro bar mi byed do/ /nam yang / phyir rgol ba dang / dgra dang / 'thab mo dang / 'khrul 'khor byed pa dang / sdang ba gang yin pa de rnams med de/ cho ga 'di ni mchog go/ /dug dang byad stems dang / phye ma'i sbyor ba la sogs pa thams cad skad cig de la nyams par byed do/ /gnod sbyin dang / srin po dang / 'byung po dang / dang / skem byed dang / brjed byed dang / gsang ba pa dang / bgegs dang / log 'dren rnams dkyil 'khor mthong ba tsam dang / nor bu bzung ba nyid kyis thams cad 'bros par byed de 'di la the tsom med do/ /'di thams cad kyis thun mong du nor bu'i dkyil 'khor mthong ba la/ bsam pa gang yin pa'i bsam pa de thams cad yid la don du gnyer bar bya ba gang yin pa rnams kyang nor bu bzung ba nyid la thams cad myur du phun sum tshogs par byed do/ /che 'phel ba dang / sngags kyi dngos grub bla na med pa grub bo/ /bkra shis pa dang / dam pa dang / bsod nams dang / dag pa dang / sdig pa nyams pa dang / rmi lam ngan pa nyams pa dang / 'phral du rmi lam bzang por byed pa nyid dang / rtag tu sangs rgyas dang / byang chub sems dpa' mthong ba dang / rtag tu lha rnams 'gugs pa nyid dang / rtag tu 'byor pa thams cad byed pa dang / rtag tu zla ba nya ba ltar 'od zer 'bar bas rnam par mdzes pa dang / tshig btsun pa dang / rtag tu dga' ba dang / thams cad tu mchod par bya ba'o/ /de nas rig sngags 'chang gis rdzas kyi sbyor ba bya ste/ cha mnyam par legs par phye la gtso bo'i rjes su 'brang bar bya'o/ /'di lta ste/ rgyal ba dang / rnam par rgyal ba dang / nA ku li dang / dri'i nA ku li dang / a ru ra dang / lag pa dang / dbang po lag pa dang / dri'i pri yang ku dang / rgya spos dang / 'khor lo dang / 'khor lo chen po dang / khyab 'jug gnon pa dang / so ma rA dza dang / su nan da dang / pad+ma ge sar dang / ma la ya'i tsan+dan na la da dang / gur gum dang / ba bla dang / ut+pal sngon po dang / klu shing gi me tog dang / tsam pa ka'i me tog dang / pa DA dang / brag skyes dang / spang spos dang sA ma ka rnams mnyam par byas te phye ma zhib mor legs par btags la pu shel tse dang / tsan+dan gyi chus sbrus te/ zangs kyi snod du bzhag la/ khrus kyi dkyil 'khor gyi steng du bkod de/ don yod zhags pa'i snying po brgya rtsa brgyad bzlas nas snying po brgya rtsa brgyad nyid dang / yi ge gcig pa 'bum du bzlas pas rdzas kyi snod 'bar bar byed do/ /de nas nor bu mgo bo la bcings pa 'am/ lag pa la bcings la gzung bar bya ste/ mchog du bskal ba bzang po thob cing / dbang phyug gi mchog dang dpon po thob bo/ /rje rigs bu med pas kyang mi dang nor 'phel bar 'gyur ro/ /rgyal po dang / dgra rab tu 'joms shing / srung ba'i mchog tu rnyed par dka' ba ste/ nor bu gang du gnas pa der/ glog gi gnod pa med do/ /der byi ba kha gdug pa'i 'jigs pa dang / g.yo ba mi 'byung ngo / /nor bu'i rgyal po gang du gnas pa'i gnas 'di mchod rten du bkur ro/ /sum cu rtsa gsum na gnas pa'i lha rnams kyis rtag tu srung bar byed cing / rtag tu yang rgyal po chen po bzhi dang / lag na rdo rje stobs po ches rtag tu yang srung zhing / dus rtag tu rjes su 'brang bar 'gyur te the tsom med do// //dkyil 'khor bshad par bya ste/ rgyar gzings kyi tshad kyi logs bzhi pa zur bzhi pa shin tu bcags pa/ legs par sbyar ba mchog tu mdzes pa bya'o/ /khor yug tu me tog sna tshogs kyi mgo lcogs kyis bkra ba bris la shar gyi sgo rnam par phye ste dbus kyi dkyil 'khor gyi pad+ma rdo rje'i dkyil 'khor gyis yongs su bskor ba'i dbus kyi pad+ma'i ge sar la yang / 'jig rten dbang phyug dgod par bya'o/ / 'phags pa spyan ras gzigs dbang phyug gi zhabs drung du/ rdzas kyi snod gzhag par bya zhing / me tog gcal du bkram par bya la/ dkyil 'khor brgyan par bya ste/ dri dang / yon chad dbul bar bya zhing / tsan+dan gyi bdug pa sreg go/ /nyin mtshan du gos gtsang ma bgo zhing bcing bar bya/ shin tu dri ma med pa'i sems du 'gyur bar bya/ byams pa dang / snying rje mchog tu 'gyur bar bya zhing / de nas nor bu'i rdzas smras po zhes so/ /nor bu'i dkyil 'khor gyi cho ga'o// //de nas ldong ros kyi mig sman gyi cho ga'i dkyil 'khor bshad par bya ste/ rgyar gzings kyi cha'i mthar thug pas dkyil 'khor gru bzhi pa byas te/ dri sna tshogs dang / rnam par bkra ba'i rig sngags 'chang ni/ grwa rnams su mkhas par bri bar bya'o/ /dbus kyi dkyil 'khor gyi snying por/ pad+ma 'dab ma phyed kha bye ba'o/ /lag pa gnyis kyi dbus su pad+ma ge sar rgyas pa 'chang ba'o/ /shar gyi sgo rnam par phye ba bya ste/ ldong ros dngul gyi snod du bzhag nas dkyil 'khor du pad+ma'i steng du dgod par bya'o/ /snod kyi khor yug tu/ dar dmar po'i gos bzang pos g.yog par bya'o/ /yang na pad+ma'i 'dab ma'am/ yang na byang chub shing gi 'dab ma'am/ yang na shing 'dzam bu'i 'dab mas g.yog par bya'o/ /a ga ru'i bdug pa dbul bar bya'o/ /'phags pa spyan ras gzigs dbang phyug don yod zhags pa'i gzugs 'dzin pa pad+ma'i 'dab ma'i drung du dgod par bya'o/ /me tog dang / dris mchod pa bya/ rig sngags 'chang gis dkar gsum zos la 'phags pa'i yan lag brgyad kyi bsnyen gnas su 'gyur bar bya'o/ /yang na nyin mtshan du smyung bar gnas pa bya/ zla ba yar ngo 'am/ tshes bco lnga'i nya'am/ tshes bcu bzhi 'am/ tshes brgyad la/ gtsang mar khrus byas te/ gos gtsang ma bgo bar bya/ don yod zhags pa'i snying po brgya rtsa brgyad bzlas shing / snying po brgya rtsa brgyad kyang bzlas par bya/ yi ge gcig pa stong phrag bcur bzlas la/ dkyil 'khor nye bar spras shing me tog dang / bdug pa dang / dri dang / mar me dang / gtor ma dbul bar bya'o/ /de nas yungs kar la lan nyi shu rtsa gcig bzlas par bya ste/ dkyil 'khor gyi steng du 'phang bar bya'o/ /'phangs pa tsam gyi mod la/ 'phags pa spyan ras gzigs dbang phyug gi lus las 'od zer sna tshogs 'byin par byed do/ ldong ros kyi snod de yang 'bar bar byed de/ 'bar ba tsam gyi mod la mig la bskus na nam mkha' la 'gro'o/ /don yod pa'i ye shes yangs pa yid bzhin gyi nor bu'i 'od zer gyi bkod pa zhes bya ba'i ting nge 'dzin so sor thob bo/ /don yod pa'i 'khor lo kun nas rnam par gzigs pa zhes bya ba'i rig sngags 'chang gi 'khor los sgyur bar 'gyur te/ rig sngags 'chag gi 'khor los sgyur ba gang gA'i klung gi bye ma bye ba khrag khrig brgya stong phrag dgu bcu rtsa dgus yongs su bskor bar 'gyur ro/ /thams cad du gnas kyi mnga' bdag rgyal por 'gyur ro/ /sangs rgyas kyi zhing thams cad du 'gro zhing / tshe bskal pa dpag tu med par 'gyur ro/ /rgyal ba 'od dpag med kyi cod pan 'chang bar 'gyur ro/ /don yod pa dri ma med pa'i spyan zhes bya ba'i rdzu 'phrul so sor thob ste/ rdzu 'phrul gang gis se gol gtogs pa tsam gyis/ sangs rgyas kyi zhing / gang gA'i klung bye ba khrag khrig brgya stong phrag dgu bcu rtsa dgur 'gro bar 'gyur ro/ /de bzhin gshegs pa thams cad kyi don yod pa'i dngos grub yangs pa'i mchod pa byed par 'gyur zhing skad cig gis slar yang 'ong bar byed do/ /rang gi lus la 'od zer brgya stong phrag du ma 'bar bar byed do/ /gang 'dod pa thams cad byed do/ /de nas du ba 'thul bzhin pa ni bskus na mi snang bar 'gyur te/ mi snang ba'i rig pa 'dzin pa thams cad kyi 'khor los sgyur ba rig sngags 'chang gi rgyal por 'gyur ro/ /lha dang / klu dang / gnod sbyin dang / srin po dang / 'byung po dang / lha ma yin dang / nam mkha' lding dang / mi'am ci dang / lto 'phye chen po'i gnas kyi sgo thams cad bye nas gnas te/ gang du 'dod pa der 'jug par byed do/ /gnas thams cad na gnas pa rnams 'bangs su gyur nas gnas te/ ci bsgo ba byed do/ /sems can thams cad kyang rjes su 'phrang bar 'gyur ro/ /rgyal po dang btsun mo'i 'khor g.yog dang bcas pas mchod pa dang / bla mar bya ba'i gnas gcig pur 'gyur ro/ /bka' bsgo ba yang / bdag nyid dang / nor gyis kyang byed cing gnas so/ /dbu ba 'byung bzhin pa bskus na/ cho ga zhib mo dang / phyag rgya dang / dkyil 'khor thams cad dang / de bzhin gshegs pa thams cad rigs kyi gsang ba'i dam tshig mngon du gyur nas gnas te/ 'das pa dang / ma 'ongs pa dang / da ltar byung ba'i de bzhin gshegs pa thams cad kyis gsungs pa rnams sngon du gyur nas gnas so/ /lha dang / klu dang / gnod sbyin dang / srin po dang / 'byung po thams cad yang dag par rjes su 'brang zhing / srung ba dang / bskyab pa dang / sba ba'i ched du rtag pa kho nar rjes su 'gro'o/ sangs rgyas dang / byang chub sems dpa' thams cad mngon sum du mthong ba sbyin par 'gyur ro/ /don yod pa'i 'od zer dang ldan pa zhes bya ba'i ting nge 'dzin so sor thob ste/ sa'i steng nas sor bzhi tshad du 'phags pa'i nam mkha' la gnas so/ / ldong ros la bzlas nas mig la bskus nas/ mig gis gang mthong ba de dbang du gyur nas gnas te/ rgyal po dang / btsun mo'i 'khor dang / blon po dang / bkrabs pa dang / mdun na 'don dang / dpung gi tshogs yan lag bzhi dang / bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje rigs dang / dmangs rigs rnams dbang du gyur nas gnas so/ /tha na dang / bya yang lta bar byed bzhin du dbang du gyur nas nye bar gnas so/ /'dis byugs pa'i mig gi nad dang / gnod pa dang / sdig pa dang / sgrib pa thams cad rnam par nyams par byed do/ /lus kyi gdung ba dang / sems kyi gdung ba thams cad dang / rmi lam ngan pa dang / mtshan ma ngan pa dang / bkra mi shis par gyur pa thams cad rnams par nyams par byed do/ /skye ba brjes nas kyang spyan lnga yongs su dag pa so sor thob bo/ /tshe rabs dran par yang skye bar 'gyur ro/ /'jigs pa dang / sgrib pa dang bral zhing / don yod pa legs par rab tu gnas pa kun tu gzigs pa zhes bya ba'i lus dag pa so sor thob bo/ /kun nas don yod pa'i dkyil 'khor gyi gsang ba de bzhin gshegs pa thams cad kyi dam tshig so sor thob bo/ /de bzhin gshegs pa thams cad kun tu gzigs pa'i rgyal mtshan zhes bya ba/ byang chub sems dpa'i dbang bskur ba so sor thob bo/ /byang chub sems dpa' thams cad dang rtag tu yang 'grogs shing gnas pa dang / de bzhin gshegs pa thams cad kyis lung bstan par 'gyur ro/ /zhes so mig sman gyi dkyil 'khor gyi cho ga'o// //de nas bdug pa rim par phye ba'i cho ga bshad par bya ste/ rig sngags 'chang thams cad kyi mchog tu rmad du byung ba/ sangs rgyas dang / byang chub sems dpa' thams cad mchod pa'i don dang / de bzhin nyid du 'jig rten gsum po thams cad 'gugs pa grub pa dang / lha thams cad spyan drang ba dang / dbang po dang / tshangs pa dang / khyab 'jug dang / dbang phyug chen po rnams bsdigs par byed pa/ gnod sbyin dang / srin po dang / sha za dang / gdon ma rungs pa de rnams thams cad bdug pa'i dris 'bros par byed par the tsom med do/ /bgegs dang log par 'dren pa nyid dang / sdang ba dang / de bzhin du bdud kyang rung ste/ bdug pa'i dris rnam par zhig par 'gyur zhing / yan lag dang nying lag rnam par 'thor bar byed do/ /rang gi dmag dang / pha rol gyi dmag tshogs dang / shin tu 'gras pa dang / phyir rgol ba dang / de bzhin du dgra bo nyid dang / skye bo sdang ba dang / gang du 'thab pa dang / rtsod pa dang / 'gyed pa dang / g.yul nyid kyang bdug pa'i dris thams cad rab tu zhi bar 'gyur bar the tshom med do/ /gal te skyes pa'am/ bud med dam/ khye'u 'am/ bu mo'am/ dge sbyong ngam/ bram ze nyid dang / de bzhin du dge bsnyen dang / dge bsnyen ma dang / dge slong dang / dge slong ma dang / rgyal po 'am/ rgyal phran dang / de bzhin du rgyal mo dang / btsun mo'i 'khor kyang rung ste/ legs par khrus byas/ gos gtsang ma bgos nas bdug spos 'dis bdugs na gang gis bdugs pa'i dri mnams pa dang / de lus la reg pa tsam gyis sdig pa thams cad las rnam par grol lo/ /sgrib pa thams cad rnam par dag pa'i bdag nyid thob par 'gyur te/ 'di la the tshom med do/ /mtshams med pa lnga'i sdig pa rnams 'phral du thams cad rnam par dag par 'gyur ro zhes so/ /bdug pa 'di tsam gyis/ stong gsum gyi stong chen po'i 'jig rten gyi khams dris kun tu 'gengs te/ sum cu rtsa gsum pa'i lha'i gnas nas ji srid tshangs pa'i 'jig rten gyi bar dris kun tu 'gengs so/ /stobs dang shugs chen pos lha'i gnas thams cad 'gul bar byed cing skyod par byed do/ /chu rgyun gyi klu rnams 'gul bar byed cing / ri rab las gzhan pa'i ri gang yin pa 'dar yed yed byed do/ /gsang bar gnas pa rnams rnam par skrag par byed do/ /dmyal ba bcu drug gi 'jigs pa rnams rnam par zhig par byed do/ /de bzhin du/ sa'i mtha'i thams cad kyang dkar bsil du snang bar 'gyur ro/ /dmyal ba pa'i sems can rnams shin tu sbyangs pa dang / sdug bsngal mi bzad pa de rnams thams cad yongs su grol te/ bde ba can du yang 'gro'o/ /mtho ris thams cad du ji lta ba bzhin du gnas so/ /dmyal ba thams cad nyams te/ pad+ma can du rab tu 'gyur ro/ /nyi tshe ba'i dmyal ba rnam pa sna tshogs pa gzhan rnams dang / sa 'og gi nang du song ba gang yin pa dang / dgon pa dang / ri dang / tshang tshing dang / dgon dung dang / g.yang sar gnas pa'i dmyal ba'i sdug bsngal myong ba gang yin pa de rnams thams cad bdug pa'i dris yongs su grol lo/ /mi gtsang ba za ba'i gnod sbyin dang / srin po dang / 'byung po dang / sha za gang yin pa rnams dang / bshang ba dang / gci ba za ba gang yin pa rnams dang / mchil ma dang / snabs za ba gang yin pa rnams dang / 'dres pa za ba gang yin pa de rnams thams cad bdug pa'i dri mnams pa tsam gyis yongs su grol nas 'phral nyid du lha'i 'jig rten du skye'o/ /rnam pa sna tshogs pa'i ro bro ba'i mchog dang / dri zhim po'i kha zas rnyed par 'gyur ro/ /dud 'gro'i skye gnas su song ba'i srog chags dang / bya rnams thams cad dril mnams pa tsam gyis nad thams cad las yongs su grol lo/ /bdug pa mnams pa tsam 'dis nad thams cad las yongs su grol lo/ /rims thams cad las yongs su grol lo/ /na ba thams cad las yongs su grol lo/ /'bras dang / phol mig dang / lhog pa dang / me dbal dang / shu ba dang / mdze dang / g.yan pa dang / mig na ba dang / mgo bo na ba dang / gzhogs phyed na ba dang / rna ba na ba dang / sna na ba dang / so na ba dang / kha na ba dang / sba ba dang / 'jigs pa dang / skrag pa dang / nad 'go ba dang / 'khrug pa'i sdug bsngal thams cad bdug pa'i dri bsnams pa tsam gyis rab tu zhi bar byed do/ /'phags pa spyan ras gzigs dbang phyug de dang / don yod pa'i rgyal po'i snying po'i mthu yis sdug bsngal myong bar 'gyur ba'i las kyi sgrib pa thams cad rnam par nyams par byed cing / rnam par grol te mi 'jigs pa'i grong du 'gro bar 'gyur ro/ /de nas rdzas rnams kyi rang gi cha shas rnam par phye ba dang ldan pa bshad par bya ste/ tsan+dan srang gsum dang / a ga ru srang gsum dang / du ru ska srang lnga dang / gur gum srang bcu dang / spr-i ka srang gnyis dang / na lan da srang gnyis dang / ma he'i mig srang nyi shu dang / sra rtsi po ga srang bcu dang / bo la srang gsum dang / sal+la kI srang brgyad dang / rgya spos srang gnyis dang / spang spos srang gcig dang / shA ma ka srang gcig dang / gan+d+ha pa tra srang gcig dang / pad+ma ge sar srang gcig dang / shrirI ma'i me tog srang gcig dang / li kha ra dkar po srang bcu dang / dri'i pri yang ku srang gcig dang / pu shel tsi srang lnga dang / stag sen srang gcig dang / sug smel srang gsum dang / bA la ka srang lnga dang / gur gum dang / gla rtsi tshor ba ste/ thams cad legs par rnam par dbye bar byas nas/ phye mar byas la mthar thams cad gcig tu bsdoms te/ sbrang rtsis sbru bar bya'o/ /tshes bco lnga la/ rgyu skar dang / tshes grangs kyi lha dge ba la/ rig sngags 'chang gtsang mar gyur pas gos gtsang ma bgos te/ legs par khrus byas par gyur pas brtul zhugs spyad pas bdug pa'i mchog sbyar bar bya'o/ /de nas bdug pa'i rgyal po sgrub pa'i dkyil 'khor gru bzhi pa tshad shin tu rnam par phye ba bya ste/ gzings kyi tshad kyi shin tu bcags pa/ 'jam zhing bsnyen pa la/ tshon rnam pa sna tshogs pas sgo bzhi shin tu rnam par phye ba/ mdzes par bri bar bya'o/ /dbus kyi dkyil 'khor gyi snying por/ pad+ma'i phreng ba bri'o/ /dbus kyi pad+ma phyed kha bye ba'i phreng ba bri ste/ lag pa gnyis 'thon nas sna tshogs pa'i sprin 'khrigs pa 'dzin par byed pa'o/ /de'i steng du bdug pa'i snod bkod nas/ me'i kha dog can gyi gos kyis g.yogs la/ dkyil 'khor gyi grwa bzhi rnams su/ rlung gi rgyal po bri'o/ /sgo bzhir zhags pa bris nas khor yug tu lag pa'i phyag rgya'o/ /pad+ma'i phreng ba las nges par 'thon pa'o/ /bdug spos 'khyil pa 'chang bar byed pa dkyil 'khor gyi steng du spras par bya'o/ /ji ltar 'byor pa'i gtor ma dang me tog dbul bar bya/ mchod yon gyi snod dang / gang ba'i bum pa dang / ba dan dang / rgyan dang / skud pa dmar pos mtshams bcing ba dang / dkyil 'khor la dngul dang / gser bzhag cing / khor yug tu mar me'i phreng ba dang / dri sna tshogs rgya chen po'o/ /'phags pa spyan ras gzigs dbang phyug bkod nas kha shar du phyogs nas pad+ma'i phreng ba la nye bar dgod par bya'o/ /de nas rig sngags 'chang gis bdug pa'i rgyal po la yongs su bzlas par bya ste/ nyi ma bdun la thun gsum du don yod pa'i rgyal po brgya rtsa brgyad bzlas shing snying po brgya rtsa brgyad bzlas so/ /don yod pa'i snying po yi ge gcig pa'i bzlas brjod 'bum rdzogs pa ste/ stong phrag brgya rdzogs pa ni bzlas brjod kyi cho ga'o/ /de nas 'phags pa spyan ras gzigs dbang phyug la mchod pa bya zhing / slar yang don yod pa'i rgyal po'i bzlas brjod nyi shu rtsa gcig dang / khro bo'i rgyal po'i bzlas brjod nyi shu rtsa gcig bya'o/ /de nas thog mar sangs rgyas bcom ldan 'das la bdug pa dbul bar bya/ de nas 'phags pa spyan ras gzigs dbang phyug la bdug pa dbul lo/ /'di ni bdug pa sgrub pa'i cho ga grub par 'gyur ro/ /bdug pa'i rgyal po 'dis bya ba de sgrub par 'gyur ro/ /gal te rig sngags 'chang gis yungs kar gyi 'bras bu gcig gi tshad tsam gyi bdug pas de bzhin gshegs pa thams cad mchod par 'dod pa dang / stong gsum gyi stong chen po'i 'jig rten gyi khams dri gcig gis rgyas par 'dod pa dang / bdug pa'i sprin 'khrigs pas kun nas g.yogs par 'dod pa dang / dri sna tshogs pa'i char 'bebs par byed par 'dod pa des/ bdug pa'i rgyal pos bdug pa de/ rig sngags 'chang gis rtag tu rgyun mi 'chad par mngon par brtson par bya'o/ /de nas rig sngags 'chang gis nyi ma re re zhing sangs rgyas bcom ldan 'das dang 'phags pa spyan ras gzigs dbang phyug gi spyan sngar dkyil 'khor byas la me tog gcal du bkram par bya'o/ mchod yon dang / zhabs bsil yang gzhag par bya/ bdug pa'i rgyal po 'dis bdug par bya zhing / don yod pa'i rgyal po dus gcig tu brjod par bya ste/ phyogs bcur bdug pa'i pog phor dbul bar bya'o/ /de bzhin gshegs pa thams cad yid la byed par 'gyur ba dang / sems can 'byung po thams cad la byams pa bsgom par bya/ sangs rgyas kyi zhing du gtogs pa thams cad dri ma med pa'i sems kyis yid la bsgom par bya/ dkyil 'khor la me tog dang bdug pa dang / mchod yon dang / zhabs bsil phul te yi ge gcig pa yid la brjod cing / phyag rgya yang lan cig bcings la phyag bya'o zhes so/ /phul ba tsam gyi mod la phyogs re re zhing gang gA'i klung gi bye ba khrag khrig brgya stong phrag dgu bcu rtsa dgu'i sangs rgyas bye ba la dris khyab par byed cing / bdug pa chen po 'khrigs pas nam mkha'i mthil du khyab par 'gyur ro/ /dri sna tshogs kyi char 'bab par 'gyur te/ bcom ldan 'das mchod pa'i las sangs rgyas kyi zhing re re zhing gang gA'i klung gi bye ma khrag khrig brgya stong phrag bye ba dgu bcu rtsa dgu'i sangs rgyas bcom ldan 'das la mchod par 'gyur ro/ /de bzhin gshegs pa thams cad mchod pas de bzhin gshegs pa de rnams thams cad rig sngags 'chang la dus dus su don yod pa'i rgyal po dran par byed pa srung ba'i don dang / phyag rgya 'ching bar byed pa de srung ba'i don du/ legs so zhes bya ba'i sgra rjod par byed do/ /de bzhin gshegs pa thams cad byams pa rgyas par byed pa de bzhin du bya'o/ /don yod pa chen po'i dngos grub kyang sbyin par byed do/ /de bzhin gshegs pa de rnams kyi drung du bsod nams kyi tshogs chen po nye bar sog pa byed do/ de bzhin gshegs pa re re zhing / bye ba brgya stong phrag gi drung du bsod nams kyi phung po dang / dge ba'i rtsa ba nye bar sogs par byed do/ /ji ltar rig sngags 'chang de bzhin gshegs pa mchod pa'i cho ga byed byed par de bzhin du/ rnam pa du ma de bzhin gshegs pa re re zhing gi spyan sngar rab tu 'byung bar 'gyur ro/ /rig sngags 'chang nyi ma bdun du rab tu brtson pas/ de bzhin gshegs pa dang / bla ma mchod do/ /phyogs bcu'i de bzhin gshegs pa thams cad mngon sum du mthong ba stsol bar byed do/ /de rnams thams cad kyi dbugs 'byin par byed la mchog rab tu stsol bar 'gyur ro/ /don yod pa'i dngos grub rjes su stsol bar 'gyur ro/ /phyir mi ldog pa la rab tu gnas par 'gyur ro/ /sa bcu yang dag par gnon te mngon par shes pa lngar 'gyur ro/ /'jig rten pa'i bdug pa sgrub pa'i cho ga'o/ /de bzhin nyid du 'jig rten las 'das pa la 'chi 'pho ba na de bzhin gshegs pa'i spyan snga'i zhabs drung du pad+ma las rdzus te skye bar 'gyur ro/ /tshe rabs dran par yang 'gyur ro/ /de bzhin gshegs pa'i sangs rgyas kyi zhing gang dang gang du 'gro bar byed pa de thams cad du yang / de bzhin gshegs pas rig sngags 'chang la lung ston par 'gyur ro/ /phyis kyang skye ba gzhan du skye bar mi 'gyur ro/ /lus 'di nyid kyis de bzhin gshegs pa thams cad la bsnyen bkur nas/ bde ba can gyi 'jig rten gyi khams su song ste/ sangs rgyas bcom ldan 'das kyi chos kyi 'khor lo bskor bar byed do/ /tshe dpag tu med par 'gyur ro/ /de bzhin gshegs pa tshe dpag tu med pa ji lta ba de bzhin du/ 'di'i rdzu 'phrul dang rnam par 'phrul pa'i khyad par so sor thob bo/ /'di ni 'jig rten las 'das pa'i bdug pa sgrub pa'i khyad par 'gyur ro/ /de nas 'jig rten pa'i bdug pa sgrub pa'i cho ga brgya stong phrag du ma 'grub par byed do/ /ji lta ji ltar bdug pa nyid yid la byed pa de lta de ltar thams cad yang dag par 'grub par 'gyur ro/ /klu'i gnas su bdugs na/ bdugs pa tsam gyi mod la/ klu'i rgyal pos char rgyun chen po 'byin par byed do/ /rgyal po'i sgo ru bdugs na/ rgyal po dang / btsun mo'i 'khor g.yog dang bcas pa dbang du gyur nas gnas so/ /skye bo mang po'i dbus su bdugs na/ rigs bzhi'i 'jig rten dbang du gyur nas gnas so/ /bdag nyid la bdugs na/ thams cad du mchod pa'i 'os chen por 'gyur ro/ /nad thams cad la bdugs na/ nad thams cad yongs su grol bar byed do/ /dug la bdugs na dug med par 'gyur ro/ /mtshams kyi nang du bdugs na me tog dang / 'bras bu thams cad ro zhim pa dang / legs par bsrungs par 'gyur ro/ /lo thog la bdugs na/ 'bru'i phung po chen por 'gyur ro/ /khyim mam/ gtsug lag khang ngam/ grong ngam/ grong khyer la bdugs na/ dug dang / sbyar dug dang / dug dang bcas pa'i srog chags thams cad nam yang mi 'byung ngo / /g.yul gyi dbus su bdugs na cher rgyal bar 'gyur ro/ /bdag nyid dam/ gzhan rnams sam/ don mthun pa rnams la bdugs na/ lam du 'gro ba na chom rkun dang / g.yon can dang / rkun mo dang / gcan gzan gtum po'i 'jigs pa thams cad mi snang bar 'gyur zhing / bde ba dang legs pas rang gi khyim du 'ong ngo / /dpag tshad stong du 'gro yang ngal ba med cing / slar yang 'ong bar byed do/ /dung la bdugs nas mthon por bus na ji srid dung gi sgra thos pa de srid du gnod pa thams cad dang / 'jigs pa thams cad dang / nad thams cad dang / mtshon cha dang / 'thab mo dang / 'thab pa dang / rtsod pa dang / 'gyed pa dang / phyir rgol ba dang / dgra bo dang / sdang ba dang / rab tu sdang ba'i sems can thams cad rnam par nyams par byed do/ /yams thams cad dang / nye bar 'tshe ba dang / nad 'go ba thams cad dang / 'khrugs pa thams cad rnam par nyams par byed do/ /bde ba dang / lo legs pa dang / dga' bar 'os par 'gyur ro/ /dge ba'i rtsa ba thams cad 'dod par 'gyur ro/ /nad med pa dang / gnod pa med pa dang / rims med pa dang / thang chad pa med par ji srid 'tsho'i bar du gnas so/ /khang pa'i steng mthon por phyogs bzhir bdugs na/ rlung dang / sad dang sprin gyi ser ba thams cad bcing bar 'gyur te/ ji srid yid la byed pa nar mar yod pa de srid du mtshams bcing bar byas par 'gyur ro/ /khyim gyi nang du bdugs na/ bud med dang / skyes pa dang / khye'u dang / bu mo dang / bran pho dang / bran mo thams cad dang / ji srid du rkang gnyis pa dang / rkang bzhi pa thams cad byams pa'i yid du 'gyur te dbang du gyur nas gnas so/ /ji srid 'tsho'i bar du bsnyen bkur byed do/ /slar yang yid gzhan du mi 'gyur ro/ /'chi ba'i dus kyi tshe/ bdugs na/ dri mnams pa'i mthu des/ sangs rgyas rjes su dran pa skyes te/ de bzhin gshegs pa bye ba phrag dgu bcu rtsa dgu mngon sum du mthong ba so sor thob ste/ phyir kyang ngan 'gro log par ltung bar 'gro bar mi 'gyur ro/ /dge ba'i rtsa ba'i tshogs thams cad yang dag par 'dzin par 'gyur ro/ /'chi 'pho ba na bde ba can gyi 'jig rten gyi khams sam/ mngon par dga' bar skyes te 'di la dogs pa dang / yid gnyis bskyed par mi bya zhing / the tshom bskyed par mi bya'o/ /zhes so/ /ma mo'i dkyil 'khor gyi khyim la bdugs na/ nag po chen po la sogs pa/ ma mo'i tshogs kyis yongs su bskor ba/ dbang du gyur par 'gyur te/ mdun du nye bar gnas par byed do/ lha dang / klu dang / gnod sbyin dang / srin po thams cad dang / nag po chen po'i gzugs brnyan gyi spyi bo'i gtsug tu 'dug na/ bdugs pa tsam gyi mod la/ kha nas khrag skyug go/ / rig sngags 'chang gis de blangs te/ thig le byas nas nam mkha' la lding bar byed do/ /mig la byugs na mi snang bar 'gyur te/ bde blag tu 'byung po'i bdag po chen por 'gyur ro/ /lto bar yongs su byugs na/ gnod sbyin dang srin po'i dpon po'o/ /lus mtha' dag la byugs na/ stobs dang / brtson 'grus dang / rtsal chen po nag po chen po dang mtshungs pa'i shugs su 'gyur te/ de nyid kyi gzugs su 'gyur ro/ /'khor gyi tshogs chen por yang 'gyur ro/ /tshangs pa la bdugs na/ bdugs pa tsam gyi mod la/ 'o ma 'dzag pa blang bar bya ste/ lus la byug par bya'o/ /tshangs pa dang 'dra ba'i stobs dang zhugs su 'gyur te nam mkha' la 'gro bar byed do/ /khyab 'jug la bdugs na/ bdugs pa tsam gyi mod la lus la pa lA sha'i kha dog gi dri'i chu 'dzag ste/ rig sngags 'chang gi lus la byug par bya'o/ / sred med kyi bu'i gzugs dang / stobs dang / shugs 'chang bar 'gyur te/ lag na 'khor lo thogs pas nam mkha' la 'gro'o/ /dbang phyug chen po la bdugs na/ dbang phyug chen po'i lus la rdul 'byung ste/ rig sngags 'chang gi lus la byug par bya'o/ /dbang phyug chen po'i gzugs su 'gyur te/ lag na mdung rtse gsum dang / stobs dang / brtson 'grus dang / rtsal gyis 'byung po'i bdag po chen por 'gyur te nam mkha' la 'gro'o/ /thams cad la don yod rgyal po'i bzlas brjod lan gsum gsum rnam par sbyin par bya'o/ / snying po yi ge gcig pas spyi bor bzlas brjod lan bdun du bzlas brjod sbyin par bya'o/ /spra tshil las byung ba'i klu mgo bo dgu pa sor bzhi pa'i tshad du bya ste gser gyis g.yog par bya zhing dri'i dkyil 'khor bya ste/ dkyil 'khor gyi steng du gzhag par bya'o/ /don yod pa'i rgyal pos lan brgya rtsa brgyad du bzlas so/ /bdug pa 'dis bdugs pas klu ldang bar byed do/ /rig sngags 'chang gis 'jigs pa med par bya ste/ khro bo'i rgyal po yungs kar la bzlas te/ spyi bo'i gtsug tu brdegs na/ lding bar byed do/ /gang du 'dod pa der gnas nas/ klu chen po'i mtsho dang / gnas dang / gzhal med khang rab tu 'byung ngo / /chu gang yin pa de rnams kyang 'thung bar byed pa dang / khrus byed pa'i bud med dang / skyes pa dang / khye'u dang / bu mo'am/ tha na dud 'gro'i skye gnas su song bas 'thung ba dang khrus byed pa de rnams thams cad kyang nad rnams dang bral bar 'gyur ro/ /sdig pa dang / sgrib pa dang bral ba dang / 'jigs pa thams cad dang bral bar yang 'gyur ro/ /klu rnams kyang dus dus su char gyi rgyun chen po 'byin par byed cing / char 'bebs par byed do/ /dus dus su me tog dang / 'bras bu dang / lo thog rnams rdzogs par byed de/ ro zhim po'i ro myong bar 'gyur ro/ /phyir zhing log par ltung bar 'gro bar mi 'gyur ro/ /phug dang khung bu'i sgo ru 'khrul 'khor gyi sgo glegs la bdugs na bye zhing gcog par 'gyur ro/ /'khrug pa'i dus su bdugs na 'pham par 'gyur ro/ /lag mthil la bdugs na/ gang dang gang la reg pa thams cad du dbang du byed do/ /bdug pa'i dkyil 'khor gyi cho ga'o// //de nas sman gyi dkyil 'khor gyi cho ga bshad par bya ste/ don yod par thams cad du gzhan gyis mi thub pa nad thams cad sel bar grub pa/ thams cad du dug 'joms par byed pa/ na ba thams cad sel bar grub pa/ sdang ba thams cad ldog par byed pa/ 'byung po thams cad la mi 'jigs pa/ mtshon dang / me dang / chu dang / dug rab tu 'joms pa/ rtag tu srung ba dang bskyab pa dang sba bar byed pa/ dgra rnams dang / gzhan rgyal ba ldog par byed pa/ rgyal po dang / rgyal phran nam/ btsun mo'i 'khor du song ba dang gtso bo rtag tu dbang du byed cing thams cad du thogs pa med par 'gyur ro/ /pha rol gyi dmag tshogs dang 'khrug pa dang / g.yul rnams rtag tu rab tu 'joms par byed pa/ gang gi tshe chom rkun gyi nang du song ba nyid dang / don mthun gyi nang dang / rkun mo dang / seng ge dang / stag gi nang du song ba de'i tshe/ thams cad du sman gyi rgyal ba ster ro/ /tshe ring por 'gyur te/ rtag tu pad+ma'i phyag gi mchog sbyin par 'gyur ro/ /lha rnams kyis rtag tu srung bar byed do/ /gnod sbyin dang / srin po dang / klu dang / lha ma yin dang / nam mkha' lding nyid dang / mi 'am ci dang / lto 'phye chen po nyid dang / mi ma yin gdug pa gang yin pa de rnams thams cad nyin dang mtshan du srung ba'i don du yang dag par sgrub par 'gyur te the tshom med do/ /rgyal po chen po rnam thos sras dang / rgyal po chen po yul 'khor srung dang / rgyal po chen po 'phags skyes po dang / mig mi bzang dpung dang bzhon pa dang bcas pa dang / skabs gsum pa'i lha'i dbang po dang / tshangs pa dang / khyab 'jug dang / dbang phyug chen po dang / lha de rnams thams cad mthun pas rtag tu srung bar byed do/ /sangs rgyas kyis rnam par gzigs shing / rtag tu yang mthong ba stsol bar mdzad do/ /gang sman lag tu phyin par 'gyur ba 'di/ yang nas yang du rig sngags kyi dngos grub myur du thob bo/ /byad stems 'pho ba med do/ /de la dug med cing sdig pa med la/ mi bzad pa'i sbyor ba dang / phye ma'i sbyor bas gnon par mi 'gyur ro/ /sngon gyi sgrib pa nyams par byed de/ de bzhin du yang / sdig pa thams cad dang / rmi lam ngan pa dang / mtshan ma ngan pa gang yin pa dang / gzhan rnam pa sna tshogs pa'i sdang ba nyid de/ de rnams thams cad myur du rnam par nyams par byed do/ /sman gang du gnas pa'i dpag tshad khor yug tu srung ba dang / de bzhin nyid du mtshams bcing bar byed do/ / bgegs dang / log par 'dren pa thams cad dang / de bzhin du/ bdud dam sdang ba de rnams thams cad rab tu 'bros par byed do/ /sman gang du gnas par gdon rab tu 'bros par byed de/ /mkha' 'gro ma gang yin pa dang / rnal 'byor ma gang yin pa dang / skem byed dang / gza' dang brjed byed dang / grib gnon gang yin pa dang / mi bzad pa de rnams thams cad rab tu zhi bar 'gro bar 'gyur ro/ /lha rnams der gnas par byed cing / 'khrul 'khor la sman a ga da de mchog go zhes so/ /rgyal bas dbugs 'byin par mdzad cing / dngos grub thams cad kyi de kho na nyid stsol bar mdzad do/ /rtag tu 'jig rten dbang phyug gi mchog stsol zhing / rtag pa'i mthar mthong ba stsol bar 'gyur ro/ /don yod pa'i zhags pa myur du 'grub ste/ sman 'chang ba la/ sman gang du gnas par gang gis kyang glags mi rnyed do/ /don yod pa'i mchog sbyin pa zhes bya ba yid bzhin gyi nor bu sman gyi mchog rab tu 'bad pas bcangs pas legs par bsgrub par bya ba dngos grub kyi mchog las thams cad byed pa de nyid de'i tshe shi ba yang dag par 'tsho bar byed pa/ lo rdzogs par bsten te/ sngags dang phyag rgyas gso bar bya'o/ /lo stong phrag tu rtag tu bde ba dang / dga' bar byed do/ /dbang phyug dang / nor thob pa dang / 'bru 'phel ba dang / bla na med pa dang / rgyal po dga' bar 'gyur te rtag tu gnas so/ /'bangs dang / ci bgyi dang / mchod pa chen po rnyed do/ /thams cad du de rtag tu tshig btsun pa'o/ /thos pas dngos grub mchog gyur pa'i/ /rdzas kyang 'dir ni bshad bya ste/ /tsan+dan rgya spos ru rta dang / /spr-i ka shing tsha bA la ka/ /brag skyes spang spos sA ma kang / /sug smel gla sgang na la da/ pad+ma ut+pal pri yang ku/ /shing kun 'dab ma tsha ba gsum/ /shi rI sha yi me tog dang / /de bzhin pa ri pai la ba/ /'di rnams cha ni mnyam par ldan/ /thams cad legs gzhal legs par sbyar/ /gsang sngags brgya rtsa brgyad bzlas la/ /khro bo'i rgyal pos dbang bskur te/ / yi ge gcig pas stong phrag bcur bzlas so/ /'dir sman rnams bgrang phreng gi tshad tsam du bsgongs nas grib ma la yongs su bskam par bya'o/ /gla rtsi dang / ga bur gyi blangs la legs par sbyong ba'i bya ba byas pa dang / dkyil 'khor du 'jug pa ni/ ji lta ba bzhin du dkyil 'khor gyi bya ba dang / phyag rgya dang / gsang sngags dang / dam tshig la rab tu 'jug pa la/ shar gyi sgo ru phyag byas nas/ dkyil 'khor mchog la bskor pa bya ste/ sgo dang sgo ru phyag bya zhing / shar gyi sgo ru 'jug par bya'o/ /dbus kyi dkyil 'khor gyi snying por/ 'phags pa spyan ras gzigs dbang phyug la mngon du phyogs par pad+ma'i ge sar la 'dug nas/ don yod pa'i rgyal po'i bzlas brjod brgya rtsa brgyad dang / khro bo'i rgyal po'i bzlas brjod brgya rtsa brgyad bya ste/ mngon par dbang bskur bar bya zhing / phyag rgya dang / gsang sngags legs par sgrub bo/ /de nas mchod pas 'jig rten mgon po'i dngos grub mthong bar byed cing rtag tu g.yo bar byed la 'jig rten mgon po'i 'od zer gyi sbyin sreg rab tu grol lo/ /dkyil 'khor bshad par bya ste/ gru bzhi po ko la'i tshad du cha legs par phye ba gru bzhi dang / sgo bzhi yod pa/ them skas kyi rim pa can du tshon sna tshogs kyi skud pas thig gdab cing dkyil 'khor gyi snying po mdzes par bya/ dkyil 'khor gyi dbus kyi snying po pad+ma mchog kha phye ba 'dab ma brgya rtsa brgyad pa/ snying po dang / ze ba shin tu mdzes pa/ snying po las pad+ma byung ba/ kha phyed bye ba dang / lag pa gnyis byung bas pad+ma'i 'dab ma 'dzin pa bris par dngul gyi snod kyi nang du sman bkang ste dar gyis kha g.yogs nas pad+ma'i 'dab ma'i steng du gzhag par bya/ 'phags pa spyan ras gzigs dbang phyug rtag tu tshangs pa'i cha byad du bzhugs pa/ dar gyi cod pan bcings shing brgyan pa pad+ma'i steng du bzhugs par bya'o/ /dkyil 'khor phyi rol kun tu phyag rgya'i rtags rnams gsal bar bri'o/ /sgo sgor don yod pa'i zhags pa pad+ma'i steng du bzhag pa kha dog dang 'od zer 'bar ba bri'o/ /grwa grwar bum pa gang ba bri'o/ /dkyil 'khor kun du 'phan dang / bum pa gang ba dang / 'bras bu dang / me tog bsres pa mdzes pas brgyan par bya'o/ /gtor ma rnam pa sna tshogs gzhag par bya'o/ /mchod yon gyi chu dbul bar bya/ tsan+dan dang / a ga ru'i bdug spos dang / spos sna tshogs dbul bar bya/ dkyil 'khor kun tu mar me'i phreng ba dang / me tog phreng ba dgod cing kun du 'bras yos dang / yungs kar dgram par bya'o/ /rig sngags 'chang gtsang mar gyur pas legs par khrus bya zhing / gos gtsang ma bgos pa 'jigs pa med pas zla ba yar gyi ngo nya la bsgrub par bya ste/ sems can thams cad la brtse bar gyur cing byams pa'i sems dang / snying rje'i bdag nyid can gyis bsgrub par bya'o/ /gang gis lag gis gzung ba tsam dang / reg pa tsam gyi mod la de dga' ba 'thob cing sdig pa thams cad 'jig par 'gyur/ sngon gyi sgrib pa rnams 'jig par 'gyur/ mtshams med pa byed pa rnams las grol bar 'gyur/ mod la nad thams cad 'byang zhing ngan 'gro thams cad 'jig par byed pa bsod nams chen po'i stobs kyi dngos grub sman gyi de kho na nyid mthong ba ni sangs rgyas thams cad kyis lung bstan cing de bzhin gshegs pa thams cad kyis byin gyis brlabs pa/ byang chub sems dpa' rnams kyis bsngags pa/ 'dren pa 'jig rten dbang phyug gis sprul pa/ dkyil 'khor gyi lha thams cad kyis bsngags pa/ rig sngags 'chang gi dbang po thams cad kyis phyag byas pa/ lha thams cad kyis bsrung ba/ klu'i dbang po thams cad rjes su 'brang ba/ sum cu rtsa gsum gyi lha'i dbang po dang / tshangs pa dang / khyab 'jug dang / dbang phyug chen po dang / gshin rje dang / chu lha dang / ku be ra dang / nyi ma dang / zla bas mchod pa/ de bzhin du rgyu skar gyi tshogs dang / gza' kun dang / mjug dang / de bzhin du gza'i khyim dang / thams cad du bkra shis kyis mchod pa/ cho ga zhib mo thams cad dang / de bzhin du dkyil 'khor dang / phyag rgya dang / bzlas brjod thams cad dang / gsang sngags thams cad kyi rjes su zhugs pa/ rigs spyi'i de bzhin gshegs pa gang gA'i klung bye ma snyed bye ba khrag khrig 'bum phrag drug cu rtsa bzhi'i de bzhin gshegs pa rnams kyis sman gyi mchog dbang bskur ba/ dus gsum gyi de bzhin gshegs pa rnams kyis lung bstan pa/ yid bzhin gyi nor bu thams cad dang mthun pa'i sman gyi rdzas bkra shis pa bye ba khrag khrig gam/ lhag par gyur pa gzhan gang yang med do/ /sman de lta bu ni rtag tu mchog gtso bo 'byin pa/ 'jig rten dbang phyug dang 'dra ba yin no/ /de'i phyir thams cad sman 'chang bar 'dod pas gnas gang yang rung bar sbyar bar bya ste/ gtsang ma legs par khrus byas pa des sbyang bar bya'o/ /ji lta ji ltar bkra shis kyi bsam pa yid la byed pa da lta de ltar bsam pa yid la byed pa yongs su rdzogs par 'gyur te/ sbyar ba tsam gyi med la thams cad 'grub par 'gyur/ 'dod pa thams cad kyi bsam pa yongs su rdzogs par 'gyur/ rig sngags 'chang gtsang mar gyur pa/ gos gtsang ma bgos pa spos chus legs par khrus byas la nyid re sman re re don yod pa'i rgyal pos bzlas brjod byas te zos na/ zos pa tsam gyi mod la de bzhin gshegs pa thams cad dang / byang chub sems dpa' thams cad dang / byang chub sems dpa' 'phags pa spyan ras gzigs dbang phyug gis dgongs shing snang ba rnam par dag pa 'thob par 'gyur/ nyin zhag gsum du sbyar na ngag rnam par dag pa 'thob bo/ /nyin zhag lngar sbyar na dran pa rnam par dag pa 'thob bo/ /nyin zhag bdun du sbyar na rig sngags chen po'i cho ga zhib mo rnam par dag pa 'thob bo/ /nyin zhag bcu bzhir sbyar na don yod pa'i zhags pa de kho na nyid kyi dngos grub kyi dam tshig chen po 'thob bo/ /nyin zhag nyi shu rtsa gcig tu sbyar na de bzhin gshegs pa thams cad kyi rigs kyi dam tshig dang / phyag rgya dang / dkyil 'khor chen po'i dam tshig gi dngos grub 'thob bo/ /de bzhin gshegs pa thams cad kyi gsang ba de kho na nyid kyi dam tshig gi dngos grub 'thob bo/ /zla ba gcig gi bar du sbyar na 'phags pa spyan ras gzigs dbang phyug gi dngos grub sgyu ma lta bus brgyan pa thob cing tshe lo stong thub par 'gyur ro/ /zla ba gsum du sbyar na lus yongs su dag pa dang / mdog yongs su dag pa 'thob bo/ /lo gcig tshang bar sbyar na don yod pa'i dngos grub rig sngags 'chang 'khor los sgyur bar 'gyur te/ mig mthon mthing mdog bung ba lta bu skra ral bu 'khyil bar 'gyur/ tshe lo bdun pa lta bu'i gzugs dang mthun par 'gyur la/ tshe bskal ba 'bum thub par 'gyur ro/ /bdar nas bdag nyid la byugs na/ gang dri mnams pa tsam gyis bgegs dang / log 'dren dang / gnod sbyin dang / srin po dang / 'byung po dang / sha za dang / dang / skem byed dang / brjed byed dang / grib gnon thams cad dang / gdon thams cad dang / gdug pa thams cad dang / dgra thams cad dpag tshad stong du 'bros so/ /gal te myur du mi 'bros na ni spyi bo dum bu 'bum du 'gas shing yan lag dang / yan lag rnams zhig par 'gyur la/ bu dang chung mar bcas pa 'jigs par 'gyur/ sngon gyi sdig pa dang sgrib pa rnams kyis mi tshugs par 'gyur/ sems can dmyal ba myong bar 'gyur ba mtshams med pa lnga dag 'jig par 'gyur/ rmi lam ngan pa dang / ltas ngan pa dang / mi shis pa dang / bkra mi shis pa'i dngos po thams cad 'jig par 'gyur/ spos bsnams pa tsam gyis rgyal po dang / rgyal po'i blon po dang / bram ze dang / khyim bdag dang / rgyal rigs dang / rje'u rigs dang / dmangs rigs ci bgyi zhes bya ba byed la dbang du gyur nas 'khod do/ /byams pa tsam gyis 'bras dang / phol mig dang / lhog pa dang / me dpal dang / rkang shu dang / g.yan pa dang / mdze dang / khyi rdo dang / shu ba dang / 'brum bu phra mo dang / rma dang / khong gi rma yongs su sos par 'gyur/ dug thams cad dang / zos pa dang / dug myos dang / sbyar dug drag po dang / dug sbyar ma dang / sbyar dug phye ma dang / byad rnams la bskus pa tsam dang / chu dron po 'thungs pa tsam gyis dug med par 'gyur ro/ /dri tsam gyis klu'i rgyal po 'jog po'i dug kyang med par 'gyur ro/ /rims nyin bzhi pas thebs pa la dpral bar bskus na ku co 'dod cing 'bros so/ /rims thams cad dang / nyin gcig pa dang / nyin gnyis pa dang / nyin gsum pa dang / rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / lpa ba dang / pho ba'i nad dang / mchin pa na ba dang / lto na ba dang / skran dang / gcin sri ba dang / snying na ba dang / rtsib logs na ba dang / mgul pa na ba dang / kha na ba dang / 'khyil zhing na ba dang / tshang pa dang / mdoms na ba dang / yan lag dang nying lag na ba chu dron po 'thungs ba tsam gyis yongs su sos par 'gyur ro/ /gzhogs phyed na ba dang / mgo na ba dang / mig na ba dang / rna ba na ba la bskus pa tsam gyis sos par 'gyur ro/ /thig le byas na chom rkun dang / gnod byed dang / me dang / chu dang / byi ba za bas 'jigs pa dang / gcan gzan khro bo'i 'jigs pa las thar bar 'gyur zhing / 'jigs pa thams cad las yongs su thar bar 'gyur ro/ /nyes par byas pa thams cad yongs su thar bar 'gyur ro/ /lag pa gdengs pa'i 'jigs pa 'byung bar mi 'gyur/ mi ma yin pa gang gis kyang mdangs 'phrog par mi nus shing bar chad bya bar mi nus so/ /mkha' 'gro ma thams cad mthong ba tsam gyis dbang du gyur nas 'khod do/ /rgyal po btsun mo dang / 'khor dang bcas pa'i mchod gnas chen por 'gyur ro/ /gzhan yang gang dang gang du sbyar ba rang gi blos bye ba phrag 'bum sbyar na las grub par byad de/ sman gyi mchog shin tu 'bad pas bsgrub par bya'o/ /sman gyi dkyil 'khor gyi cho ga'o// //de nas de'i phyir gser gyi ril bu'i dkyil 'khor bshad par bya ste/ 'jig rten dbang phyug gi don yod pa'i snying po/ de bzhin gshegs pa thams cad kyi don yod pa'i rnam par gzigs pa/ de bzhin gshegs pa pad+ma gtsug tor gyi rgyal po zhes bya bas byin gyis brlabs pa/ de bzhin gshegs pa rnam par snang mdzad dang / de bzhin gshegs pa rin chen snying pos byin gyis brlabs pa/ de bzhin gshegs pa 'jig rten dbang phyug 'od kyis bka' stsal pa/ gzhan yang de bzhin gshegs pa gang gA'i klung gi bye ma snyed bye ba khrag khrig 'bum phrag dgu bcu rtsa dgus gsungs shing bsngags pa/ byin gyis brlabs pa/ dbang bskur ba/ rjes su thugs rangs par mdzad pa/ lung bstan pa/ mgon po 'phags pa spyan ras gzigs dbang phyug gi gtsug tor gyi nor bu cod pan 'chang ba/ rgyal po 'od dpag med kyi gtsug tor gyi mtshan nyid kyi thig le yid bzhin gyi nor bu rgyal mtshan gyi nor bu chen po'i rgyal po mchog tu grub pa/ rig sngags dang / dkyil 'khor dang / phyag rgya dang / cho ga zhib mo thams cad kyi gsang ba/ de bzhin gshegs pa thams cad kyi rigs kyi dam tshig spyi/ sku'i snying po gang gis mthong ba tsam la sogs pa 'dis tshad bstan par lta su zhig gis nus mod kyi/ 'on kyang de bzhin gshegs pa gang gA'i klung gi bye ma snyed bye ba dang / dus gsum gyi de bzhin gshegs pa rdzogs par mngon sum du mthong ba dang 'dra bar 'gyur zhing / de bzhin gshegs pa de dag nyid mngon sum du mchod par gzung ba dang lung ston pa 'thob par 'gyur/ de bzhin gshegs pa de dag gi mngon sum du dge ba'i rtsa ba bsod nams kyi phung po dang ldan par 'gyur ro/ /nor bu gser gyi kha dog tu bstan pa'i ril bu 'di gang gis mthong zhing 'chang ba ni dge ba'i rtsa ba bsod nams kyi phung po chen po bskyed bskyed par 'gyur/ nor bu ril bu 'di mthong ba tsam gyis sgrib pa dang / sdig pa dang / gdug pa dang / mtshams med pa lnga dang / mnar med par gzhol pa dang / dam pa'i chos sprod ba dang / 'phags pa la skur pa 'debs pa dang / sngon gyi tshe rabs nas bsags pa'i sgrib pa thams cad rnam par 'jig cing spangs par 'gyur/ rims dang / nad thams cad las yongs su thar bar 'gyur/ gang gi lag na sman 'di yod par gyur pa'i sems can de ni lung bstan par 'gyur ro/ /ril bu gang la yod pa ni/ /phyir mi ldog par lung bstan cing / /mgon po sa bcud dag la gnas/ /rtag tu mchod rten gyur pa ste/ /sku gdung snying po'i bdag nyid can/ /rtag tu sangs rgyas bdag nyid 'gyur/ /dus gsum dag la zhugs pa yi/ /sangs rgyas de bzhin gshegs pa gang / /sangs rgyas dpa' bo de kun gyi/ /sras gcig tu ni brjod pa yin/ /'di ni de bzhin gshegs pa'i sras/ /thugs las skyes dang zhal las skyes/ /chos kyi dbyings sprul chos las skyes/ /'jig rten dbang phyug mchog sbyin mgon/ /rtag tu rjes su 'brang bar 'gyur/ / phyag g.yas rtag tu spyi bor ni/ /'jog mdzad 'di ni the tsom med/ /ril bu mthong ba tsam gyis ni/ /sdug bsngal kun las rab tu grol/ /sdig pa thams cad rnam par 'tshed/ /sgrib pa thams cad rnam par 'dag /de ni ngan 'gror 'gro mi 'gyur/ /phyir zhing gnas mchog zhi ba 'thob/ /'jig rten 'dren pa 'od dpag med/ /mgon po rtag tu mngon sum mthong / /bde ba can du 'jug par byed/ /gang na de yi mngon dga' ba/ /de bzhin gshegs pa mi 'khrugs pa/ /rtag tu mi 'khrugs par 'gyur zhing / / de bzhin mi g.yo mi 'gul te/ /sems dpa' ri rab che dang mnyam/ /gzung du med pas mcho dang 'dra/ /de la bgegs dang log 'dren dag /nams kyang 'jug par mi 'gyur la/ /sems dpa' phyag bya'i gnas su 'gyur/ /gang la nor rgyal 'di yod la/ /rgyal po chen po bzhi po dag /dpung dang bcas pa bkol dang bcas/ /rtag tu bsrung phyir gnas byed de/ /'dir ni nyin mtshan de bzhin no/ /lha tshogs thams cad bsrung bar ni/ /the tshom med par byed par 'gyur/ /gzi brjid dpal yang rab tu 'phel/ / de la legs par 'jug par 'gyur/ /'jigs med rtag tu rmi lam ni/ /dngos po chen po sna tshogs mthong / /gru 'dzin ri la gzhal med khang / /tshal dang bcas shing rin chen bcas/ /gnas dang bcas pa mthong bar 'gyur/ /lha dang klu dang gnod sbyin dang / / dri za lha min gsang ba pa/ /ma mkha' lding dag mi 'am ci/ /de bzhin lto 'phye 'khor dang bcas/ /byang chub sems dpa'i 'khor rnams ni/ /kun nas bskor ba mthong bar 'gyur/ /rin chen lha yi seng ge'i gdan/ /khang pa brtsegs pa rin chen dang / /nor bu chen pos brgyan pa dang / /'jig rten dbang phyug thub pa'i gtso/ /pad+ma'i snying po la zhugs nas/ /don yod zhags pa'i phyag rgya dang / /dkyil 'khor bcas pa'i chos ston to/ /gsung kun thob par gyur nas ni/ /thub pa rang gi ngo bo mthong / /de ltar rmi lam bzang rmi ba/ /nyin gcig bzhin du mthong bar 'gyur/ /nor bu rgyal po'i mthu ni de 'dra bas/ /de bas mi yis 'bad pa chen pos zung / /dge sbyong bram ze nyid dang rgyal rigs dang / /dmangs rigs nyid dam yang na rgyal po 'am/ /btsun mo slas sam dpung gi gtso bo 'am/ /skyes pa 'am bud med khye'u dang bu mo dag /nor bu'i rgyal po rtag tu 'chang byed pa/ /de ni ston pa nyid dang 'dra bar 'gyur/ /chom rkun gyis ni mi slus shing / /gnod byed kyis ni 'jigs mi 'gyur/ /'jig pa mi bzad brgyad las thar/ /de la dug dang sbyar ba'i dug / sbyar dug drag pos mi tshugs shing / /de la byad kyis tshugs mi 'gyur/ /gang la nor bu'i rgyal po yod/ /de la nad kyis mi tshugs shing / /na bas ma yin sdig pas min/ /pad+ma chu yis mi chags ltar/ /rtag tu chags pa med par gnas/ / g.yul 'gyed pa yi nad na 'am/ /'thab bam 'gyed pa'am rtsod pa na/ /lan thebs rtag tu rgyal bar ni/ /thob par 'gyur te the tsom med/ /de nas rdzas ni bshad bya ste/ /sman ni bkra shis dang ldan pa/ /grub pa'i mtha' ste mchog tu gtsang / /'jig rten mgon dang mnyam par gsungs/ a ga ru dang / tsan+dan dang / pad+ma dang / ut+pal dang / shi ri sha'i me tog dang / a bA marga dang / me ru dang / na la da dang / chu srin gyi sen mo dang / ka na ka'i 'bras bu dang / tsan+dan gyi 'bras bu dang / /pad+ma'i 'bras bu dang / rdo dreg dang / med dang / btsod dang / sU ka ri dang / ma ka TI dang / dzA ya dang / bi dzA ya dang / pa ri pe la pa dang / ra sa dang / bI rA dang / d+h+ya ma ka dang / rgya spos dang / bu sA dang / a par ta ka dang / ru rta dang / bya gran kha dang / pad tra dang / tra tsa dang / ka dmar rA dang / pri yang ku dang / gi'u wang dang / spr-i ka dang / smyig rkang dang / yungs kar dang / nA ga puSh+pa dang / e lA dang / ldong ros dang / gur gum dang / ga pur dang / gla rtsi dang / spang spos dang / na le sham dkar po dang / su ma dang / nye'u shing dang / shu ti dang / sbrang rtsi dang / tsam pa ka ste/ de bzhin rdzas ni de dag kun/ /su bar Na ni dkar pos sbyar/ /ril bu nam gcig tsam du ni/ /skyes bu mkhas pas bya ba yin/ /su bar Nas ni bkab nas su/ /rdzas rnams bsres nas sbyar bar bya/ /cha rnams 'phel bar bya ba ste/ /gla rtsi yis ni dri bskyed do/ /phye ma zhib mor btags nas su/ /tsan+dan dkar po'i chu sbyar nas/ /grib ma la ni bskam par bya/ /tshes brgyad nas ni brtsams nas su/ /tshes ni lnga nya yi bar/ /nyin gcig bzhin du don yod pa'i/ /rgyal pos brgya rtsa brgyad du bzlas so/ /khro bo'i rgyal po nyin gcig bzhin/ /lan bdun bar du dbang bskur ro/ /phyag rgyas dbang bskur bar yang bya/ /de nas tshes ni lnga ste/ /nya la chu dang yungs kar dag /dkyil 'khor du ni gzhag par bya/ /de nas nor bu'i rgyal po dang / / gzhag pa'i dkyil 'khor bshad par bya/ /cha rnams ma nor legs par dbye/ /rgyar ni ko la'i tshad du bya/ /shin tu 'jam la phyi bdar legs/ /tshon rtsi sna tshogs mdzes pa dang / /dkyil 'khor mchog ni thig gdab bo/ /sgo bzhi gdod cing grwa bzhi gdod/ /kun nas shin tu cha phye zhing / /dkyil 'khor snying po cha phye ba/ /tshad dang shin tu ldan par bya/ /pad+ma chen po bzhi dag dang / /de bzhin phyag dang spyan du bcas/ don yod dngos grub bri bar bya/ /nor bu rgyal po 'chang ba yis/ /phyag rgyar bcas pa bri bar bya/ /chu yi rgya mtsho'i nang du ni/ /las kyis rdo rje legs par bri/ /dkyil 'khor snying po dam pa la/ /kun nas kha khyer rnam pa dang / /me tog sna tshogs pa dag bri/ /dkyil 'khor phyi rol kun du ni/ /nor bu pad+ma legs par bri/ /sgo bzhi yi ni gnas rnams su/ /pad+ma zhags pa mdung rtse gsum/ /rdo rje'i tshul mchog legs par bri/ /grwa bzhi yi ni gnas rnams su/ /lag na nor bu yod pa bri/ /pad+ma'i steng na rab tu gnas/ /dkyil 'khor bzang po phan phran dang / /bum pa bkang dang me tog dang / /bdug pa 'bras bu rnams kyis brgyan/ / gtor ma rnam pa sna tshogs dag /ci bdog bungs cher gzhag par bya/ /kun du mar me phreng ba dang / /mchod yon chu dang a ga ru/ /tsan+dan bdug spos dbul bar bya/ /nor bu rgyal po 'jigs med pa/ /snod bzang legs par bkang nas su/ /rgya dar la yis kha g.yogs te/ /dkyil 'khor de nyid rig pas gzhag /dkyil 'khor snying por 'jig rten dbang / /gzhag ste de nas las rdo rje/ /snod kyi steng du bzhag pa ni/ /nor bu dkyil 'khor bya ba yin/ de nas rig sngags 'chang gis don yod pa'i rgyal po lan nyi shu rtsa gcig bzlas brjod bya/ khro bo'i rgyal pos lan bdun dbang bskur bar bya/ de nas gsang sngags yi ge gcig po 'bum tshang bar bzlas brjod bya ste/ 'bum bzlas brjod byas na nor bu'i rgyal po 'bar bar 'gyur ro/ /de nas rig sngags 'chang gi lag / g.yas dang ldan pas bzung nas ni/ /chang pa dam du bsdam par bya/ /bsdams pa tsam gyi mod dag la/ /rdzu 'phrul gyis ni mkha' la 'gro/ /nor bu dri ma med pa don yod pa'i rnam par 'phrul pa bkod pa zhes bya ba/ rig sngags 'chang gi 'khor los sgyur ba 'thob la 'khor rig sngags 'chang 'khor los sgyur ba bye ba phrag 'bum yod par 'gyur/ khung gi sgo thams cad phye bar 'gyur/ sangs rgyas kyi zhing thams cad phye bar 'gyur/ de bzhin gshegs pa thams cad kyi rigs kyi dam tshig dang / dkyil 'khor dang / phyag rgya dag kha ton du lobs par 'gyur/ sangs rgyas kyi zhing thams cad du 'jug par 'gyur/ de bzhin gshegs pa thams cad la phyag 'tshal ba dang / 'dud pa dag gis gsong por smra bar byed/ thams cad du yang don yod pa'i dkyil 'khor rnam par thar ba'i dkyil 'khor rnam par phye ba thob par 'gyur/ tshe bskal pa 'bum phrag bdun cu rtsa gnyis su ring bar 'gyur/ don yod pa'i pad+ma'i 'khor lo bdun nas 'gro bar 'gyur ro/ /gal te 'bar bar ma gyur na sngar bstan pa'i yon tan gyi khyad par rnams thob par 'gyur la/ mnyam pa nyid kyis de bzhin gshegs pa dang 'dra ba'i nor bu rgyal po'i ril bu ni 'jig rten dang 'jig rten las 'das pa'i las rnams sgrub pa yin no/ /tshe brjes nas 'jig rten gyi khams bde ba can du skye bar 'gyur la/ gang dang gang du skye ba'i tshe rabs thams cad du tshe rabs dran par 'gyur/ nor bu'i ril bu 'di mthong ba tsam gyis dus gsum gyi de bzhin gshegs pa mngon sum du mthong zhing blta bar 'gyur/ 'phags pa spyan ras gzigs dbang phyug mngon du mthong zhing rtag tu blta bar 'gyur/ ril bu rang gi lus la yod pa de yang phyir mi ldog par rig par bya'o/ /de bzhin gshegs pa'i ring bsrel gyi snying po mchod rten dang mnyam pa zhes bya ba ste/ 'di la som nyi dang yid gnyis bskyed par mi bya'o/ /mthong ba dang reg pa tsam gyi mod la sngon gyi las kyi sgrib pa grangs dang bgrang ba'i tshul gyis bskal pa 'bum du bsags pa/ mnar med pa'i gnas su 'gro bar 'gyur ba/ mtshams med pa lnga byed pa/ 'phags pa la skur pa 'debs pa/ dam pa'i chos spong ba de dag thams cad dus gsum gyi bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de dag gi mthu dang / 'phags pa spyan ras gzigs dbang phyug gi nor bu'i rgyal po'i mthus thams cad zad par 'gyur/ sems can dmyal ba'i 'gro bdag las yongs su thar bar 'gyur/ bde 'gro'i lam la gzhol bar 'gyur/ tshe brjes nas 'jig rten gyi khams bde ba can du skye bar 'gyur ro/ /de lta bas na legs par sgrub pa mthar thug par bya zhing bsgrub par bya/ mthu stobs kyis sbyar bar bya/ shin tu gsal zhing rab tu gsal ba'i bsam pa 'bad pas sbyar bar bya/ rang gi sha dang khrag kyang yongs su btang nas btsal bar bya zhing cho ga zhib mo'i rgyal po yongs su btsal bar bya ba yin na phyi rol gyi dngos po nor dang / 'bru dang / dbyig dang / gser dang / dngul dang / gos dang / rgyan rnams yongs su btang nas yongs su btsal bar bya ba lta smos kyang ci dgos te/ srog gtang bar bya'i de gtang bar mi bya'o/ /don yod pa'i zhags pa'i snying po rnam par thar ba'i dkyil 'khor rim par phye ba sgrub pa 'di btsal bar bya zhing bsgrub par bya'o/ /'di'i dus phyi ma'i tshe na sems can thams cad la sangs rgyas kyi mdzad pa byed par 'gyur/ sems can thams cad yang dag pa nyid kyi dad pas sangs rgyas nyid du mngon par rdzogs par 'tshang rgya bar 'gyur/ phyir mi ldog par 'gyur zhing nams kyang ngan 'gro log par 'gro bar mi 'gyur ro/ /nor bu'i ril bu sgrub pa'i dkyil 'khor gyi cho ga'o/ / //de nas de'i phyir don yod pa yangs pa'i dkyil 'khor chen po don yod pa chen po'i rnam par 'phrul pa'i dngos grub kyi sman nor bu dang / gsang sngags rnams bshad par bya ste/ sman nor bu dang / gsang sngags dang / dkyil 'khor dang / phyag rgya'i mthu des phyi ma'i dus phyi ma'i tshe na rig sngags 'chang rnams kyi de bzhin gshegs pa thams cad kyi rigs kyi dam tshig spyi'i gsang ba'i dkyil 'khor rnam pa sna tshogs sgyu ma lta bu'i ngo bo nyid bstan pa yang dag par ston par mdzad/ bklags pas grub pa/ rigs kyi dam tshig spyi'i gsang ba thams cad du nye bar ston par mdzad do/ /rig sngags 'chang rnams kyi ngal ba 'bras bu med pa gzhan du 'gyur ba med do/ /ngal ba dang / dub pa dang / 'bad pa'i bzlas brjod kyi cho ga 'bras bu med par mi 'gyur bar bya ba'i phyir rang gi sems kyi rgyud dad pa dang / gus pa dang / gsang chen dang / gsang bar bya ba gzhan la bstan par mi bya ste/ dngos grub med par mi 'gyur ro/ /de lta bas na gsang sngags sgrub pa ni shin tu gsang bar bya zhing legs par smyung ba byas la 'bad par bya/ /kha zas ngan pa spang bar bya/ gos ngan pa dang / sems ngan pa yang yongs su spang bar bya/ mi srun pa dang / mi bden pa dang / phra ma dang / sems can sun 'byin par byed pa dang / gsang sngags rku ba dang / cho ga zhib mo rku bar byed pa dang / phyag rgya dang / dkyil 'khor rku bar byed pa de dag gi rtogs pa ni gang na yang med de/ dus gsum gyi mgon pos smad cing byang chub sems dpas kyang smad la/ mgon po 'phags pa spyan ras gzigs dbang phyug gis kyang smad pa yin no/ /sems can sdong dum bsregs pa 'di/ /gsang ba sun 'byin ma rungs pa/ /'jig rten 'di dang pha rol tu/ /rtag tu smad par bya ba yin/ /lha rnams kyis ni yongs su btang / /ma rungs pas ni bdud kyis zos/ /ma rungs pas ni bgegs kyis zos/ /bslab gzhi tshul khrims nyams pa dang / /mgon po'i bstan pa sun 'byin pa/ /de la dngos grub ji ltar 'byung / /de la skyob pa gang yang med/ /mgon med kun tu smad pa yin/ /de bas de la dngos grub ni/ /chung ngu'ang med la nyes pa yis/ /gsang sngags dang ni sman mi 'grub/ /nyes pa de dag rang gis byas/ /gzhan yang ma rungs byed pa yin/ /de bas sems can mkhas la sbyin/ /slob pa 'dod cing yon tan dga'/ /snying rje'i bdag nyid byams la gnas/ /sems can kun la brtse ba'i mchog /de yi lag tu sbyin bya ste/ /de yi dngos grub bla na med/ /gsang ba 'di ni shin tu gsang ba yin te/ 'jig rten dbang phyug gi snying po gsang ba de yang rig sngags 'chang rnams kyi de kho na nyid kyi gsang ba dang / gsang sngags dang / phyag rgya sgrub sla ste/ bklags pas 'grub pa de bzhin du sman nor bu 'di la rtag tu 'jug cing dngos grub kyi de kho na nyid rab tu ston par byed pa yin no/ /rig sngags 'chang ni bdag nyid kyis/ /mchog tu gsang ba bsgrub bya ba/ /rig sngags 'chang ni gtsang ma yis/ /khrus byas gos gtsang gyon byed la/ /'dir ni nyin zhag smyung ba dang / /dad dang gus pas mchod pa bya/ /don yod 'khor lo sgrub byed pas/ /dngos grub dkyil 'khor dam pa bsgrub/ /sman spr-i ka dang / tsan+dan gyi phye ma dang / a ga ru dang / pad+ma ge sar dang / pad+ma dang / pad+ma'i ldum bu dang / pad+ma'i 'dab ma dang / de bzhin du gi'u wang dang / ldong ros dang / tsam pa ka dang / su ma na ste/ de bzhin cha ni mnyam sbyar te/ /phye ma dag tu byas nas ni/ /de nas don yod rgyal po yis/ /tshes brgyad nas ni lnga'i bar/ /brgya rtsa brgyad du bzlas brjod bya/ /khro bo'i rgyal pos brgya rtsa brgyad/ /bzlas brjod byas nas dbang bskur ro/ /de'i 'og tu cha lngar bya ste/ mig bsku ba dang / ril bu dang / phye ma dang / til mar tshos pa dang kha gdong bkru zhing khrus bya'o/ /mig sman ni so'u byi re dang lhan cig sbrus la don yod pa'i rgyal pos brgya stong bzlas brjod bya'o/ /ril bu ni sbrang rtsi dkar po dang lhan cig sbru'o/ /phye ma ni 'jig rten dbang phyug la phul ba'i me tog dang lhan cig sbru'o/ /til mar btsos pa ni brat+pa ti la ste/ shing pa la sha'i mar dang lhan cig sbru'o/ /kha gdong bkru ba ni tsan+dan dkar po'i chu dang lhan cig sbru zhing su ma na dang / gur gum dang / spos chus lhan cig sbrus la so sor brgya rtsa brgyad zlas brjod bya/ khro bo'i rgyal pos nyi shu rtsa gcig bzlas brjod byas nas dbang bskur bar bya'o/ /de nas rig sngags 'chang nyin zhag gcig smyung ba byas pas gcig tu sbrus te/ /dngul gyi snod kyi nang du bcug la so sor brgya rtsa brgyad bzlas brjod byas nas shar phyogs kyi sgo nas dkyil 'khor du gzhag par bya ste/ dkyil 'khor mchog la phyag dang bskor ba byas la de nas so sor dar gyis kha bcad de/ dkyil 'khor gyi snying por bzhag la don yod pa'i rgyal po brgya rtsa brgyad bzlas brjod bya/ khro bo'i rgyal po brgya rtsa brgyad bzlas brjod byas nas dbang bskur bar bya/ dbang bskur bar byas nas kyang rig sngags 'chang gis dbang bskur bar bya/ de nas dkyil 'khor snying por ni/ /'jig rten dbang phyug mchod bya ste/ /bdug spos lnga dag dbul bya ba/ /a ga ru dang tsan+dan dang / /spr-i ka gu gul du ru ska/ /mchod yon snod ni lnga dbul zhing / /gtor ma lnga ni dgang bya ste/ /ro ldan sna tshogs dag gis dgang / /ro ldan 'bras bu sna tshogs pa'i/ /gtor ma cha lnga dbul bar bya/ /kun tu phreng ba nyi shu dang / /mar me nyi shu lnga dag dang / /spos kyi phyi ma lnga dag dang / /spos kyi cha lngar phye bas byug / 'phan phran nyi shu rtsa lnga gdags/ /tshon rtsi lnga yis mdzes par bya/ /gser dang dngul gyis g.yogs pa yi/ /bum pa gang ba nyi shu lnga/ /rin po che ni lnga gzhug go/ /sgo bzhi grwa bzhir bum pa brgyad/ /brgya dang nyi shu rtsa lnga nyid/ /dkyil 'khor me tog 'bras yos dang / /yungs kar nyid kyis mngon par dgram/ /slob dpon bla ma mchod pa ni/ /gos dang snod dang yon gyis so/ /thub pa 'jig rten dbang phyug ltar/ /ston pa'i 'du shes bskyed nas su/ /dkyil 'khor slob dpon mchod byas nas/ /de nas dkyil 'khor gshegs par gsol/ /de nas las rnams bya ba ni/ /ji ltar yid la sna tshogs bya/ /don yod chen po'i gzhal med khang / /rig sngags 'chang gis rtag tu gsang / /de nyid dngos grub bsgrub sla ba/ /de bzhin nor bu sman sngags so/ /don 'di shin tu bkra shis te/ /mkhas pa mi yis bya ba yin/ /phra ma'i tshig kyang mi bsten te/ /ni nam yang sma mi bya/ /'di ni bsgrub pa'i de nyid de/ /de la 'grub pa the tsom med/ /'dir ni dkyil 'khor bshad par bya/ /kun nas gru bzhi lham pa ste/ /grwa bzhi cha ni legs par dbye/ / ko la'i tshad de legs pa dang / /sna tshogs tshon gyi thig skud kyis/ /dkyil 'khor dam pa thig gdab bo/ /dkyil 'khor dbus kyi snying por ni/ /'khor lo bzang po bri bar bya/ /dbus kyi lte bar pad+ma yis/ /'khor lo gsal ba bri bar bya/ /pad+ma'i snying po gser dang ni/ /dngul lam tsan+dan las byas pa/ /'bar bar 'jig rten dbang phyug bzhugs/ /'khor lo kun tu rtsibs dang ni/ /mu khyud dag gis cha dbye'o/ /dkyil 'khor snying po'i grwa rnams der/ /lha yi dbang po tshangs pa dang / /khyab 'jug dbang phyug chen po bri/ /kun tu kha khyer rnam pa dang / /pad+mas phreng ba rnams bya'o/ /dkyil 'khor phyi rol kun tu ni/ /rtags dang phyag rgya rnams bri ste/ /rdo rje dgra sta mdung rtse gsum/ /ral gri zhags pa tho ba dang / /gshin rje be con pad+ma gdugs/ /dbyug to mda' po che rnams so/ /grwa rnams kun tu phreng ba dang / /me tog rnam pa sna tshogs dgram/ /sgo sgo der ni dkyil 'khor gyi/ /lha ste gshin rje chu lha dang / /lus ngan dang ni gzhon nu bri/ /dkyil 'khor grwa bzhi rnams su ni/ /rgyal po chen po bzhi po dag /go cha legs par bgos pa dang / /khro bar lta ba 'jigs byed bri/ /'di ni dkyil 'khor mchog yin te/ /dkyil 'khor gyi ni dgos pa rnams/ /legs par yongs su rdzogs par ni/ /rig sngags ji bzhin bstan pa yin/ /de nas legs par khrus byas la/ /gos gtsang bgos pa 'jigs med pas/ /sman mchog bzung ste las bya'o/ /rmongs pa'i dra ba sna tshogs dang / /sgyu ma lta bu'i rnam sprul pa/ /gang gis ngan 'gro thar 'gyur ba/ /sems can kun la bstan par bya/ /rtag tu dga' dang dad pa dang / /gus pa de nyid thob par 'gyur/ / rig sngags 'chang gis bsgrub pa'i mchog /dngos grub de nyid thob par 'gyur/ /rig sngags 'chang gis sngar khrus byas la rdzas kyi dri chab gtsang ma don yod pa'i rgyal po brgya rtsa brgyad bzlas brjod bya/ tsan+dan gyi chu la brgya rtsa brgyad bzlas brjod byas nas skra yan chad tsam byugs la tshod zin par bskus nas kha gdong bkru bar bya'o/ /mig sman la brgya rtsa brgyad bzlas brjod byas nas bskus na mig bzang bar 'gyur ro/ /brgya rtsa brgyad tshang bar bzlas brjod byas nas bdag nyid dang phyogs bcur gtor ro/ /de bzhin du til mar brgya rtsa brgyad bzlas brjod byas nas skra yan chad bsku ba dang / tshod zin bar bsku ba dang / lus rkang mthil yan chad bsku'o/ /yi ge gcig po yid la bya ba la sems byams pa nyid la gnas nas rgyal po dang / btsun mo'i sgo 'am/ skye bo'i nang ngam/ 'dus pa chen po'am/ dge 'dun gyi nang ngam/ tshogs dang phrad pa'am/ de bzhin du gzhan dag kyang rung ste/ de dag thams cad kyis 'jig rten mgon po'i gzugs dang kha dog tu mthong zhig sa'i steng nas rkang pa khru gang tsam gyis spags te 'dug la/ ji lta ji ltar 'dul ba rnams kyi dad pa de lta de ltar gzugs rnams ston par byed de/ rgyal po'am/ 'khor los sgyur ba'am/ mi'i seng ge'am/ phag gam/ sred med kyi bur ston pa'am/ tshangs pa'am/ sum cu rtsa gsum gyi dbang po'am/ dbang phyug chen po mig gsum pa'am/ gzhon nu 'am/ chu lha'am/ gshin rje'am/ rnam thos kyi bu'am/ de bzhin du rgyal po chen po bzhi'am/ nag po chen po'am/ dag 'byed dbang phyug gam/ ser skya'am/ gsang ba pa'am/ lag na rdo rje stobs po che'am/ nor bu bzang po'i bu'am/ gang ba bzang po'am/ stobs kyi lha'am/ gar mkhan mchog gam/ rlung lha'am/ drang srong nyid de ji ltar gzugs rnam pa sna tshogs yid la byas pa thams cad ston par byed do/ /me tog dang / 'bras bu sna tshogs pa nyid 'byung bar byed do/ /de bzhin du dge 'dun gyi nang du zhugs na de sangs rgyas kyi gzugs dang / gzugs sna tshogs su snang zhing gzhal med khang gi rnam pa dag kyang ston par byed do/ /ji ltar 'dod par 'gyur ba yid la byas pa de ltar gzugs rnams ston par byed do/ /'khor tshogs pa'am/ dgon pa'am/ 'chag sa dag kyang sman nor bu dang / gsang sngags kyi mthus gzugs sna tshogs su ston par byed do/ /'gron po 'brog gi nang du phyin pa nyam thag pa/ 'jigs pa mi bzad pa/ chu med pa/ dgon par mgon med pa/ sdug bsngal drag po de lta bu'i na 'du chud pa'i skye bo sdug par gyur pa/ skyabs med pa/ mgon med par gyur pa/ skyob pa med pa/ dpung gnyen med par gyur pa na de la rig sngags 'chang gis phye ma 'dis phyogs bzhir mtshams gcad par bya/ phye mas dkyil 'khor gyi tshul du ri mo bris la ril bu lnga dkyil 'khor gyi dbus su gzhag go/ /yungs kar la til mar gyi rgyal pos bskus la don yod pa'i rgyal po brgya rtsa brgyad bzlas brjod bya/ khro bo'i rgyal pos brgya rtsa brgyad bzlas brjod byas te dbang bskur nas khro bo'i rgyal po hU~M zhes bya bas phyag rgya bcings la sa la bsnun cing phyogs bzhir gtor bar bya ba phyag rgya dang ldan par byas pa tsam gyis chu bzang po rnam pa sna tshogs 'bab cing rdzing 'byung bar 'gyur/ tshal dang / nye ba'i tshal dang / me tog dang / 'bras bu sna tshogs dang ldan pa'i gzhal med khang 'byung bar 'gyur/ phye ma'i dkyil 'khor de las grong khyer dang / khang 'byung bar 'gyur/ khyim gyi gnas lnga stong 'byung bar 'gyur zhing bde ba dang / lo legs pa dang / nyams dga' ba dang / skye bo dang / mi mang pos gang ba 'byung bar 'gyur/ nyo tshong dang / ba lang dang / ma he dang / rta dang / glang po'i gnas dag 'byung bar 'gyur/ dge sbyong dang / bram ze dang / tshong pa dang / khyim dang / khang pa bzang po dag 'byung bar 'gyur te/ ji srid du bsams pa de srid du 'dug go/ /chu dang yungs kar la lan bdun bzlas brjod byas nas phyogs bzhir gtor na mi snang bar 'gyur ro/ /yungs kar de g.yul 'gyed pa'i nang du gtor na dpung gi tshogs yan lag bzhi dang ldan par 'byung bar 'gyur te/ des pha rol gyi dmag tshogs dang / dgra 'jigs shing 'joms par byed pa las rgyal bar 'gyur ro/ /grong khyer gyi phyogs bzhi kun tu gtor na gtor ba tsam gyi mod la 'obs bcad cang rab kha khyer gyis bskor la grong khyer kun tu skyes bu go cha bgos pa dag snang bas grong khyer mnan pa'am/ gtse bar sus kyang mi nus so/ /mtshan mo'i dri'i til mar de nyid yungs kar la bskus te/ brgya rtsa brgyad bzlas brjod byas nas chad pa gang me'i nang du gtor/ /chang pa gang phyogs bzhi kun tu gtor na kun nas mar me phreng ba 'byung bar 'gyur la/ /ji srid dgos pa de srid du 'bar ro/ /gtsug lag khang ngam/ dgon pa'am/ ri'am/ phug gam/ 'chag sa'i gnas sam/ khyim du gtor na mar me'i phreng ba 'byung bar 'gyur la/ chu dang yungs kar gyis mi snang bar 'gyur/ grong khyer gyi sgor yungs kar gtor na gtor ba tsam gyi mod la dgra thams cad dang / pha rol gyi dmag tshogs kyi grong khyer mi snang bar 'gyur ro/ /gang na phyir rgol ba dang / pha rol gyi dmag tshogs gnas pa'i grong ngam/ grong khyer ram/ tshal gyi nang ngam/ dgon pa'i gnas su gtor na 'brog dgon pa 'byung bar 'gyur la/ thams cad phan tshun ngo mi shes nas 'jigs shing skrag pa chen pos rab tu 'bros par byed do/ /dgra'i tshogs kyi nang du gtor na mtshon cha thams cad dang / 'gyed pa'i go cha thams cad mi snang zhing gcer bur 'gyur ro/ /zhal che 'gyed pa'i nang du gtor na 'gyed zla gtso bo de gcer bur 'gyur ro/ /dgra'i steng du gtor na me 'bar ba 'byung bar 'gyur te/ de dag la sogs pa yid la ji ltar byas pa'i las 'bum snyed byed do/ / de nas las rgya chen po byed par 'dod pa'i rig sngags 'chang gtsang ma legs par khrus byas pa spos kyis lus bskus pa des/ yungs kar dang / til mar gyi rgyal pos bskus pa la brgya rtsa brgyad bzlas brjod byas nas/ 'phags pa spyan ras gzigs dbang phyug la gtor bar bya/ khro bo'i rgyal pos lan bdun dbang bskur nas phyag rgya bcas pa'i lag pas ril bu spyi bor bzhag la phye mas gdab par bya/ til mar gyi rgyal pos rkang pa la byug par bya/ don yod pa'i rgyal po lan cig dran par bya ste/ yongs su sbyang ba'i las lhan cig bya ba legs par byas pas 'phags pa spyan ras gzigs dbang phyug gi gzugs g.yo ste gar dga' bar 'gro la/ gzugs brnyan gang du 'gro ba de nyid du rang 'gro'o/ /lha'i steng du gtor na lha lha'i gnas nas 'pho zhing gar dga' ba der 'gro'o/ /phye mas lha'i steng du gtor la khro bo'i rgyal po hUM zhes bya ba mi snang bar 'gyur ro/ /til mar gyi rgyal po la lan brgya rtsa brgyad bzlas brjod byas la bdag nyid kyi pus mo dang / byin pa la bskus na nam mkha' la 'gro bar 'gyur ro/ /rkang mthil la bskus na sa'i steng na rkang pa sor bzhi tsam mi reg go/ /rdo'i steng du rkang pa bzhag pa dang / rkang rjes byung ba'i steng du rdza ma dang / bum pa dang / bum bu bzhag pa'i rkub la bskus na sor bzhi tsam gyi tshad du nam mkha' la 'dug go/ /yungs kar la bzlas brjod byas nas mes sbyin sreg byas pa'i thal ba de blangs nas lan brgya rtsa brgyad bzlas brjod byas la/ til mar gyis sbrus pa la khro bo'i rgyal pos brgya rtsa brgyad dbang bskur nas mig la bskus na mig gsum ston cing dbang phyug chen po'i gzugs su ston par byed do/ /thal bas lus la byugs na tshangs pa'i gzugs su ston to/ /shing pa la sha dang parna sha bsres pas lus byugs na sred med kyi bu'i stobs dang / shugs dang / gzugs su ston to/ /til mar chen pos khar bskus la thal bas dpral bar thig le byas na gzhon nu'i gzugs su ston to/ /yungs kar gyi 'bru kha dog sna tshogs can la til mar chen po byugs pas bskus la don yod pa'i rgyal pos brgya rtsa brgyad bzlas brjod bya/ phyag rgyas brgya rtsa brgyad dbang bskur cing khro bo'i rgyal pos brgya rtsa brgyad dbang bskur la/ de nas dngul gyi snod kyi nang du gzhag /de nas las thams cad byed de nam mkha' la gtor na nor bu dang rin po che'i char 'bab par ston to/ /de bzhin gshegs pa mchod pa'i tshe nam mkha' la gtor na me tog gi char sna tshogs 'bab par 'gyur/ 'dus pa'i nang du nam mkha' la gtor na 'bras bu dang nor gyi rgyun sna tshogs pa ston to/ /tshal gyi nang du gtor na me tog dang 'bras bu sna tshogs pa ston to/ /ri phug tu gtor na rdzas dang sman sna tshogs ston to/ /mchod rten rnying pa'am/ gtsug lag khang ngam/ lha'i gnas su gtor na yo byad thams cad kyis yongs su gang zhing rdzogs pa khang pa bzang po yangs pa gnas kyi mchog ston to/ /grong khyer stong bar gtor na 'tsho ba'i yo byad thams cad phun sum tshogs shing yongs su rdzogs pa dang / yul gyi rgyal po dang / slas dang / bkrabs pa dang / mdun na 'don pa dang / blon po dang / skyes pa dang / bud med dang / khye'u dang / bu mo dag ston to/ /yang khro bo'i rgyal po'i hU~M zhes bya bas gtor na dpung gi tshogs yan lag bzhi pa ston to/ /dur khrod kyi nang du gtor na shi ba'i rus pa gang dang gang la bab pa de dang de gang du sems can dmyal ba'am/ dud 'gro'i skye gnas sam/ gshin rje'i 'jig rten nam/ lha ma yin nam/ nam mkha' lding ngam/ dri za'am/ mi'am ci'am/ lto 'phye chen po'am/ bya'am/ nya'am/ ru sbal gyi rigs su skyes pa'am/ lha'i 'jig rten nam/ sangs rgyas kyi zhing du skyes pa de'i rus pa'am/ thod pa la tshig 'byung bar 'gyur la gang du skyes pa de'i gtam yang smra'o/ /gang dang gang gi skye gnas su skyes pa de thams cad smra la thabs ji ltar bya ba de smra'o/ /yungs kar des kyang rus gong 'brel pa'am/ shi ba'i ro'am/ rus pa 'thor ba la bab na bab pa tsam gyi mod la sems can dmyal ba las yongs su thar nas 'jig rten gyi khams bde ba can du skye bar 'gyur ro/ /zong bkram pa'i nang du gtor na thams cad mi mngon par 'gyur ro/ /nam mkha' la gtor na skar ma rnams mi mthong bar 'gyur ro/ /skye bo mang po'i nang du gtor na thams cad gcer bur 'gyur ro/ /'dus pa'i nang du gtor na thams cad bro rdung bar byed do/ /dge 'dun gyi nang du gtor na dge slong thams cad bsam gtan thob par 'gyur ro/ /tshogs kyi gtso bo la gtor na rnal 'byor spyod par 'gyur ro/ /mkha' 'gro ma'i tshogs kyi nang du gtor na thams cad bong bu dang / wa dang / khyi'i gzugs can du 'gyur ro/ /sbyor ma'i sgor gtor na sbyor ma thams cad 'bar la ma he'i gzugs can du snang ngo / /shi ba'i steng du gtor na bro rdung bar byed do/ /thod pa'i steng du gtor na bro rdung bar byed cing rgyug la phan tshun rgyug par byed do/ /lam gyi bzhi/ mdor gtor na gnod sbyin dang / srin po dang / 'byung po thams cad rang gi gzugs kyis mdun na nye bar 'khod la ji srid 'tsho'i dbang du gyur nas 'khod do/ /nyin gcig bzhin bdag nyid la gtor na mchod pa chen po'i gnas su 'gyur te/ gzhan yang rang gi blo rnams kyis las 'bum snyed byed do/ /don yod pa chen po rnam par 'phrul pa'i dkyil 'khor sgyu ma lta bu'i cho ga'o// //'phags pa don yod pa'i zhags pa'i cho ga zhib mo'i rgyal po/ bam po brgyad pa/ de nas de'i phyir 'gugs pa chen po dang / lag na rdo rje'i gzugs bstan pa'i cho ga bshad par bya ste/ gang gis lha rnams myur du 'ong ba dang / phyag na rdo rje'i gzugs myur du ston to/ /rdo rje'i sku dang stobs po che/ /rta mgrin dang ni mgul sngon dang / /de bzhin rta ni rgod ma'i kha/ /bdud rtsi 'khyil ldan gzugs po che/ /log 'dren rnams ni rab 'joms dang / /khro rgyal de bzhin 'jigs byed spyan/ /ki li ki li'i rgyal po che/ /khro bo chol pa stobs po che/ /de bzhin rdo rjes 'og gzugs/ /rdo rje rtse mo de nyid dang / /klu chen rab 'joms spyan yangs dang / /sog ma med ni 'dul ba dang / /de bzhin thigs khro khros chen dang / /de bzhin mche ba gtsigs mdzad dang / /rgyal po chen po rdo rje'i sgrog /klu yi dbang po stobs kyis gnon/ /mgon po gos sngon gyon pa dang / /dbyug sngon dgra las rgyal ba dang / /'jig rten dbang phyug pad+ma'i lte/ /phyag na pad+ma pad+ma phyug / de bzhin 'jigs pa brgyad sel dang / /de bzhin mchod rten 'jig rten bla/ /sna tshogs gzugs te bzang po dang / /sred med bu dang tshangs pa dang / /drag po dang ni dbang phyug dang / /nag po chen po gzhon nu dang / /gshin rje dang ni chu lha nyid/ / nyi ma dang ni zla ba dang / /rgyu skar sgra gcan mjug dang / /de bzhin gza' dang lha ma yin/ /nam mkha' lding dang mi 'am ci/ /gnod sbyin srin po lto 'phye che/ /'byung po dpal ldan rnam thos bu/ /de bzhin yul skyong mig mi bzang / /'phags skyes de nyid mthong ba dang / /mi'u thung dang ni drang srong gzugs/ /nor bu bzang sras gang ba dang / /sna tshogs gzugs can ston pa dang / /rgyal po dang ni ded dpon dang / /tshong dpon de bzhin khyim bdag dang / /bram ze dang ni rgyal rigs dang / /dge sbyong stag dang seng ge dang / /khyu mchog de bzhin nags kyi lha/ /shing lha de bzhin lo tog lha/ /gang gA si tA ya mu nA/ /zla ba skal ldan ru sbal nya/ /lag 'gro dang ni thod pa can/ /skal yod de bzhin 'bras bu dang / /me tog rgyal rlabs chen po dang / /sna tshogs gzugs dang rnam sna tshogs/ /de ltar dgug pa bstan pa dang / /de ltar slar gshegs gsol ba nyid/ /sbyin sreg dra ba 'di nyid ni/ /sgyu 'phrul rmad byung gsang sngags grub/ /rdzas grub nor bu til mar grub/ /don yod zhags pa bsgrub pa'i phyir/ /de nyid dngos grub rab ston pa/ /mchod rten dgon pa gtsug lag khang / /lha yi gnas dang de bzhin grong / /grong khyer nyid dang 'bab chu'i dngo / /mtshe'u dang lteng ka chu bo dang / /rdzing dang de bzhin char 'bab dang / /'brug sgrogs dang ni glog 'gyu dang / /gzhan yang me ni 'bar ba dang / /dud pa'i phung po bde 'gyed dang / /skyes bu go cha gyon pa dang / /de bzhin mtshon cha sna tshogs mthong / /khyu mthong grub pa mthong ba dang / /de nyid rmad du byung ba ste/ /rdzas nyung sbyar ba nyung gyur kyang / /de nyid dngos grub bla na med/ /sems can rnams la phan 'tshal nas/ / bcom ldan de nyid bdag gis bshad/ /rig sngags 'chang rnams bklags pas 'grub/ /dbul po rnams ni nor 'thob cing / /sdang ba rnams ni byams par bgyid/ /mu stegs gzhan rnams dad par bgyid/ /mkhas pa rnams ni dga' bar bgyid/ /gdul dka' rnams ni thar bar 'tshal/ /dge slong rnams ni bsam gtan thob/ /ting 'dzin bla na med pa thob/ /chos 'dod rnams ni sangs rgyas mthong / /sdig pa byed rnams sdig pa 'jig /mi rigs byas rnams thar pa 'thob/ /mtshams med lnga rnams rnam dag don/ /dbugs ma phyin rnams dbugs 'byin mchog /ma dul ba rnams de bzhin 'dul/ /ma brgal ba rnams sgrol ba'i gru/ /thar pa'i lam du 'gro bar gnas/ /ma grol ngan 'gro kun las 'grol/ /sdig pa kun las rnam par grol/ /lung ma bstan pa lung ston byed/ /skyon dang dri ma sdig pa rnams/ /thams cad mod la spong bgyid de/ /de la sogs pa'i las rnams ni/ /bklags pas grub pa bgyid pa lags/ /'jig rten pa dang 'jig rten 'das/ /don gyi dngos grub bla na med/ /gang dang gang du sbyor ba bgyid/ / dgos pa thams cad 'grub par 'gyur/ /yid la bsams pa 'grub par 'gyur/ /'dir ni yid kyis rnam bsams pa/ /ji ltar yid la 'dod pa dang / /ji ltar ngo bo kun bsams pa/ /de ltar rnam 'phrul ston par bgyi/ /tshes grangs rgyu skar sbyar mi 'tshal/ /smyung ba bgyi ba mi 'tshal te/ /cho ga ji bzhin dus ci bzhin/ /cho ga rig sngags rgyal po bzlas/ /rig sngags 'chang ba gtsang gyur cing / /legs par khrus bgyis gos gtsang dag /bgos pa bden par smra ba dang / /bla ma la ni gus byed pa/ /rtag tu byams pa'i sems la gnas/ /sems can kun la brtse ba'i mchog /sdom la gnas shing tshangs par spyod/ /chos ma yin pa spong byed pa/ /gal te de nyid grub 'dod na/ /chang dang sha dang kun dong dang / /'dres dang za 'phro sbags pa spang / /sems can ngan pa sun 'byin pa/ /rig sngags rku dang cho ga rku/ /chos rku gsang sngags rku ba dang / /de bzhin rkun mo chom rkun dang / /ser sna rtag tu spang bar gyis/ /de dag la ni dngos grub med/ /ma rungs pa yis dam tshig nyams/ /yid gcugs pa ni med par byed/ /sdig pa'i chos ni kun du spyod/ / de bzhin gshegs pa kun gyis smad/ /byang chub sems dpa' rnams kyis smad/ /rtag tu chos kyi sdong dum 'gyur/ /shi nas sems can dmyal bar gzhol/ /rtag tu smad pa'i gnas su 'gyur/ /dbul po lus ni skams pa dang / /mdze dang khyi rngos 'debs pa dang / /sdug bsngal rkun ma chos sun 'byin/ /chos rku ba yi lus can ni/ /'jig rten 'dir ni bder mi 'gyur/ /'jig rten pha rol ga la bde/ /sems can dmyal bar gzhol ba yin/ /de lta bas na chen po 'dod pas ni rtag tu dam pa'i chos kyi rjes su 'brang bar bya zhing rtag tu dkon mchog gsum dang / /pha dang ma dang bla ma dang / ston pa ni skyob pa dang / skyabs dang / dpung gnyen mdzad pa/ ston pa/ mchog sbyin pa/ dngos grub dang / mi 'jigs pa sbyin pa/ rga shi las thar bar byed pa/ dbang phyug sbyin pa/ nor sbyin pa/ longs spyod sbyin pa/ dang ba mchog bskyed pa de nyid 'jig rten gyi bla ma/ mgon po 'jig rten dbang phyug chen po dbang phyug mgon po/ mchog sbyin par mdzad pa/ gzugs sna tshogs ston par mdzad pa/ dngos grub sna tshogs sbyin par bgyid pa/ mgon po sdug bsngal sna tshogs las yongs su thar bar bgyid pa/ nad sna tshogs sbyong bar grub pa/ rin po sna tshogs rab tu sbyin par bgyid pa/ 'jig rten sdig pa sna tshogs sel bar bgyid pa/ bla ma la gus pa sna tshogs bgyid pa lags te/ de lta bas na rtag tu 'bad pas dgos pa thams cad rab tu sbyin par bgyid pa/ rtag tu 'bad pas shin tu gus par bgyis pa lags so/ /de nas rdzas kyi sman grub pa dang / bzlas brjod kyi cho ga bshad par bgyi ste/ seng ge'i lce dang / snying dang / mig dang / de bzhin du nya phyis kyi phye dang / ldong ros dang / brah+ma'i 'o ma dang / gu gul dang / pad+ma dang / pad+ma'i ze ba dang / ut+pal sngon po dang / nA ga pus pa dang / li shi dang / rgya spos dang / de bzhin du gi'u wang dang / gla rtsi dang / ga bur dang / gur gum dang / tsan+dan dkar po dang / spr-i ka dang / te dza ba ti ste de ltar cha mnyam par byas pa de dag thams cad phye ma zhib mor byas la dngul gyi snod bkang ste dar gyis g.yogs/ don yod pa'i rgyal po spyan ras gzigs dbang phyug gi mdun du dus gsum du khri bzlas brjod bya'o/ /dus gsum du khro bo'i rgyal pos lan nyi shu rtsa gcig bzlas brjod byas pas dbang bskur zhing phyag rgyas kyang nyi shu rtsa gcig tu dbang bskur ro/ /khri tshang nas cha lnga byas te phye ma dang / til mar dang / nor bu dang / mig bsku ba dang / til mar tshos pa dang cha lnga'o/ /phye ma'i pad+ma mu ru ka'i phye ma dang sbyar la bzlas brjod bya'o/ / khro bo'i rgyal pos ni lnga stong ngo / /til mar ni ma hA ru d+hi ras 'grub ste brgya stong bzlas brjod bya'o/ /khro bo'i rgyal pos bzhi stong ngo / /nor bu ni sbrul gyi khrag gis sbrus te khri chig stong bzlas brjod bya'o/ /khro bo'i rgyal pos lnga stong lnga brgya'o/ /mig sman ni rma bya'i mig chu dang / 'ug pa'i mig dang / klad pa dang sbyar la khri chig stong bzlas brjod bya'o/ /khro bo'i rgyal po stong rtsa brgyad do/ /brah+ma tai la srang nyi shu/ gan d+ha ra ba tai la srang brgyad/ yungs mar la srang bcu drug /'o ma la srang brgya/ ba ser mo grub pa'i 'o ma dang / ba'i lci ba dang / ba gcin srang bdun/ du ru ska'i mar khu srang gnyis te rdzas 'di rnams chu dang bsres nas pad+ma'i sdong bus dkrug cing zangs snod du btso'o/ /mnyam par gzhag pas gsang sngags bzlas/ /cho ga dag gis bsrung bar bya/ /cho ga bzhin du gtor ma sbyar/ / me tog bdug spos dag gis bdug /til mar mchog ni bsgrub par bya/ /chung ngur me bud grub pa mchog /spos kyi shing gis bud pa bzang / /'di ltar grub par shes pa dang / /khro bo'i rgyal pos dbang bskur ba/ /nyi shu gcig tu dbang bskur ro/ /til mar de ni snod gtsang ma/ /zangs snod yang na dngul snod bzang / /smyig ma'i snod du gzhag par bya/ /de nas rig sngags brgyad stong dang / /khro bo'i rgyal po brgyad stong nyid/ /so so dag tu bzlas brjod bya/ /dkyil 'khor yongs su rdzogs pa der gzhag par bya ba ni ji ltar dkyil 'khor gyi cho gar bya ba de ltar byas nas gzhag cing slob dpon gyi las kyang bya ste/ ji ltar dkyil 'khor bsgrub pa dang / 'jug pa dang / dam tshig dang / phyag rgya dang / dbang bskur ba dang / mchod pa dang / dkyil 'khor bskor ba dang / phyag bya ba dang / spyi'u gtsug bcing ba dang / phyag rgya bcing ba dang / srung ba'i cho ga dang / nye reg bya ba dang / gos bgo ba dang / mchod phyir thogs pa sde dkyil 'khor gyi slob dpon kun gyi de dag thams cad bstan par bya'o/ /de nas dkyil 'khor gyi dbus kyi snying por bzhag la rig sngags 'chang sbyang ba'i cho ga byas pas 'phags pa don yod pa'i zhags pa'i snying po stong rtsa brgyad bzlas brjod bya/ khro bo'i rgyal pos kyang stong rtsa brgyad du dbang bskur/ phyag rgyas kyang stong rtsa brgyad du dbang bskur la/ phyag rgya bcings nas rnam pa gsum 'dra bar dbang bskur ro/ /de nas las thams cad byas te yungs kar dkar po grub pa la rig sngags 'chang gis brgyad stong bzlas brjod byas la pad+ma'i mchog gtso bo gtsang ba/ gtsang mar byas pa/ legs par bkrus pa/ sbyangs pa/ phye ma zhib tu btags pa thal ba lta bu la brgyad stong bzlas brjod byas nas snod dgang / gu gul dang / tsan+dan dang / a ga ru dang / spr-i ka la brgya rtsa brgyad bzlas brjod byas nas snod kyi nang du bkang la/ dbus kyi dkyil 'khor dam pa'i steng du so sor gzhag go/ /de nas khro bo'i rgyal pos dbang bskur cing phyag rgyas kyang dbang bskur ba byas na/ gang gi tshe don du bya ba byung ba'i tshe bya ba thams cad byed do/ /gser ram/ yang na dngul lam/ zangs las pad+ma'i tshad du byas pa 'dab ma nyi shu rtsa gcig dang / snying po dang / ze ba can dang / de bzhin du sor bcu gnyis pa'i tshad la sdong bu sor bcu drug pa'i tshad rdo rje'i rnam pa can du bya/ skud pa dmar po'i zhags pa pad+ma'i tshon dmar pos bzhen pa/ gzhon nus bkal ba grub pa/ de dag la brgya stong bzlas brjod bya/ khro bo'i rgyal pos dbang bskur cing phyag rgyas kyang dbang bskur ba byas la mkhas pas gsang ba'i gnas su gzhag go/ /gang gi tshe don du bya ba byung ba de'i tshe las thams cad grub pa stan to/ / shin tu gtsang zhing gtsang bar bya ste/ su la yang mi sbyin no/ /sangs rgyas rnams la sku brnyas par gyur pa/ dam tshig nyams pa la bgegs 'jug par 'gyur zhing / 'phral du mtshams med pa lnga byed pa rmongs pa'i dra ba de la dngos grub rnams kyang shes par mi 'gyur ro/ /gzhan ni bla ma la gus shing / /sangs rgyas chos la rten byed pa/ /'phags pa'i tshogs la dang ba dang / /byams sems snying rje'i bdag nyid can/ /de yi lag tu rab tu sbyin/ /bdag gi srog bzhin gtad par bya/ /de dag dngos grub mchog sbyin te/ / bklags dang mthong ba tsam gyis ni/ /ji ltar yid la byas pa bzhin/ /rjes su mthun pa'i las byed do/ /'jig rten 'dir ni rtag tu bde/ /'jig rten pha rol bde ba yin/ /'gro ba lam ni bde bar 'gro/ /gang na 'od dpag med pa bzhugs/ /bde ba can du rtag tu 'gro/ /brdzus te skye ba'i pad+ma las/ /rgyan rtags kun gyis rnam par brgyan/ /tshe rabs dag ni dran 'gyur te/ /sngon gyi tshe rabs dran par 'gyur/ /de nas rig sngags 'chang rmongs pa chen po'i dam tshig ston par 'dod pa gtsang mas legs par khrus bya/ gos gtsang ma bgos nas nyin zhag gcig smyung ba byas pas lag na rdo rje dang / 'phags pa spyan ras gzigs dbang phyug zhal mngon du bzhag ste/ me tog dang bdug spos dbul zhing 'phags pa spyan ras gzigs dbang phyug gi sku gzugs dang / phyag na rdo rje'i sku gzugs la mchod pa yang bya/ 'phags pa spyan ras gzigs dbang phyug la a ga ru'i bdug spos kyis bdug /lag na rdo rje la gu gul gyi bdug spos kyis bdug /'phags pa spyan ras gzigs dbang phyug la lha bshos dkar po 'bul/ lag na rdo rje la ro sna tshogs dang ldan pa'i lha bshos phul la/ nyin par don yod pa'i rgyal po bzlas brjod bya/ mtshan mo khro bo'i rgyal po ngal ba med par bzlas brjod bya ste/ kha gdong khro gnyer med pa dang / dri ma dang ser sna med pas nam langs kyi bar du bzlas brjod byas pa dang / 'phags pa spyan ras gzigs dbang phyug 'bar bar 'gyur la/ lag na rdo rje yang pus mo 'dzugs par 'gyur te/ de gnyis kyi mig nas 'dzag pa/ rig sngags 'chang gis blangs nas thig le byas na mi snang bar 'gyur ro/ /mig la bskus na nam mkha' la 'gro'o/ /khar bcug na rig sngags dang cho ga zhib mo dang / gsang sngags dang / dkyil 'khor mngon du 'gyur ro/ /lag na rdo rje'i stobs dang / shugs dang / brtson 'grus kyis pha rol gnon par 'gyur/ lag na rdo rje'i rang gi gzugs kyis mdun na nye bar 'dug cing 'dod pa thams cad kyi mchog rjes su sbyin par byed la/ rang gi gzugs kyis spyod par byed/ lag na rdo rje'i stobs dang / shugs dang / brtson 'grus kyis pha rol gnon pa rjes su sbyin par byed/ de ltar lag na rdo rjes 'gugs par 'gyur ro/ /nyi ma 'char ba'i dus su til mar chen po ran par bdag nyid la bsku/ mig sman gyis mig byug /phye mas gtor zhing bdag nyid thig le bya/ nor bu mgo la bzhag nas gu gul gyis bdug /bdag nyid gos ngur smrig bgos nas sangs rgyas yid la bya ba sgom zhing / zhi ba dang dul ba'i yid kyis sde can gyi nang ngam dge 'dun gyi nang du 'jug par bya'o/ /de nas dge slong de dag gi sde can gyi nang du zhugs sam/ dge 'dun gyi nang du zhugs pa'i rig sngags 'chang de bcom ldan 'das kyi sku dang / mdog dang / rtags dang / spyod lam du mthong ste/ mtshan nyi shu rtsa brgyad yod pa 'od 'dom gang ba/ stan pad+ma/ brgya byin dang / tshangs pa'i mdun gyi bdar ba'i lha tshogs sna tshogs kyis gzugs mthong bar ston to/ / dge slong de dag gis kyang de bzhin gshegs pa'i sku dang / mdog tu mthong nas thams cad zhabs gnyis la 'dud par byed do/ /rig sngags 'chang des brnyas par mi bya zhing / bdag la bstod par yang mi bya/ brnyas pa tsam gyis khyod kyi bsod nams yongs su nyams par mi 'gyur bar bya'o/ /'phags pa'i dge slong gi dge 'dun rdzu 'phrul chen pos stobs bcu dang ldan par dbugs dbyung bar bya ste/ rgyu des na brnyas par mi bya'o/ /de nas grong khyer dang / rgyal po'i pho brang du 'jug par bya/ de nas 'dus pa'i nang du 'jug par bya/ de nas grong dang / tshang tshing dang / yul dang / ri brags kyi nang du 'jug par bya/ de nas btsun mo'i nang du 'jug par bya ste/ yul gyi skyes pa dang / bud med dang / khye'u dang / bu mo de dag thams cad kyis kyang sangs rgyas kyi sku dang / mdog dang / rtags dang / dbyibs su mthong zhing mchod pa chen po dang / rim gro sna tshogs byed par 'gyur la/ de bzhin gshegs pa sangs rgyas yin no zhes smra ste/ de bzhin gshegs pa'i cho ga 'thob bo/ /yungs kar dang / til mar gyis rang gi 'khor gyi spyi bor gtor cing byugs na/ thams cad lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po'i gzugs su ston to/ /rkang pa til mar gyis bskus na sa'i steng nas sor brgyad tsam gyis spags te nam mkha' la 'gro ste/ ji srid du ma bkrus pa de srid du sangs rgyas kyi cha byad du ston to/ /mgon po spyan ras gzigs mthong bar 'dod pa'i rig sngags 'chang de nang par sngar langs nas gtsang ma khrus byas te/ gos gtsang ma bgos nas khang steng du 'dug la yungs kar la til mar gyis byugs nas phyogs bzhir gtor na/ rgyal po dang / blon po dang / rgyal rigs dang / bram ze dang / btsun mo dang / skyes pa dang / bud med dang / khye'u dang / bu mo thams cad sgyu ma chen pos rmongs par 'gyur ro/ /de nas rig sngags 'chang des nor bu bzhis dbu rgyan dang phreng ba byas la mgo la gdags so/ /til mar gyis yan lag tsam la bsku bar bya/ dpral bar thig le bya/ mig sman gyis mig bsku/ phye mas bdag nyid la gdab/ ras bzang po yug gcig bgo/ /byang chub sems dpa'i cha byad du bgyi ba dang / nor bu dang / gdu bu dang / dpung rgyan dang / gser skud kyis bcings na de dag thams cad rgyan dang / spud pa dang / nor bu dang / dngul dang / rdo rje dang / bai dUr+ya sna tshogs kyis lus brgyan par snang ngo / /lag na pad+ma thogs na/ 'phags pa spyan ras gzigs dbang phyug gi gzugs su snang ngo / /yid la ji ltar bsams pa don yod pa'i zhags pa'i tshul dang / 'jigs pa brgyad dang / tshangs pa'i tshul dang / yid bzhin nor bu dang / rgod ma'i kha dang / mgul sngon dang / rta mgrin du ston to/ /ji ltar gzugs yid la byas pa de ltar ston te/ ji srid du thig le yod cing dbu rgyan thogs pa de srid du tshul sna tshogs ston par byed do/ /til mar dang / yungs kar dang bsres na/ king kuSh+Tha dang lhan cig sbrus nas lag pa g.yas na rdo rje/ dpral bar dbang phyug chen po'i thig le byas nas pad+ma'i phye mas gtor la/ nor bu spyi gtsug tu bcing / mig sman gyis mig bsku/ gu gul gyis bdugs la shes rab can khro bo'i lta ba'i tshul byas na mngon sum du rdo rje 'chang gi gzugs su snang ste/ de la the tshom mi bya'o/ /ji srid du bdag khrus ma byas pa de srid du rdo rje'i gzugs can du snang la las sna tshogs byed cing mi dang / 'jig rten thams cad kyis rdo rje 'chang nyid du sems te/ de la the tshom mi bya'o/ /seng ge'i khrag gis til mar dang nor bu sbrus nas lus la bskus na mi'i seng ge chen po'i gzugs su ston to/ /phag gi khrag gis sbrus nas lus la bskus na phag gi gzugs chen por ston to/ /til mar dang / phye ma lhan cig sbrus nas yung ba dang / shing pa la sha'i mdog tu byas la lus la bskus na sred med kyi bu'i gzugs su ston to/ /rig sngags 'chang gis pad+ma dang / til mar lhan cig sbrus la lus la bskus na dbang phyug chen po'i gzugs su ston to/ /shing arka'i 'o ma dang / til mar dang / mnyam par sbyar la lus la bskus na tshangs pa'i gzugs su ston to/ /glang po che'i khrag dang til mar sbyar nas lus la bskus na tshogs kyi dbang phyug chen po'i gzugs su ston to/ /ra'i khrag dang sbrus nas lus la byugs na ra'i gzugs su ston to/ /til mar dang / thing shing dang / pad+ma'i phye ma dang / glang po che'i khrag dang lhan cig sbyar nas lus la bskus na nag po chen po'i gzugs mngon sum du rang gi gzugs su ston la/ gang dang gang dag la thig le byas na ma mo'i tshogs kyi gzugs su ston to/ /sbrul gyi khrag dang / pags pa dang / til mar gyi rgyal po dang lhan cig sbrus la sgal tshigs su bsku zhing / dpung pa g.yon par yang bskus na klu'i rgyal po chen po'i gzugs su ston te/ ji ltar ji ltar khrag dang sbyar zhing ji lta ji ltar yid la bsams pa de lta de ltar gzugs ston to/ /de nas gzhal med khang lta bar 'dod na yungs kar la til mar gyis bskus nas dge 'dun gyi nang du steng 'og tu gtor/ phye mas nor bu rgyal mtshan gyi rtse mo kun tu bskus na dge 'dun rgan rims su bkod pa'i dbus su gzhal med khang chen po rgyan gyis brgyan pa ston/ dge slong rnams kyi steng du gtor na dge slong thams cad gzugs sna tshogs yid la ji ltar byas pa bzhin rgyal po'i gzugs su snang ba dang / gzhan dag blon po dang / gzhan dag bkrabs pa dang / gzhan dag mdun na 'don pa dang / gzhan dag yongs su spyod pa'i gzugs su ston la/ yungs kar la bskus pas gtor na slar yang dge slong rnams su snang ngo / /shing arka'i 'o ma yungs kar la bskus nas dge 'dun gyi dbus su dge slong rnams kyis mal stan gyi steng du gtor na/ ji ltar dge slong thams cad 'khod pa ltar snang ngo / /ral pa'i thor tshugs kyis brgyan pa la gtor na rgan po 'khar ba thogs pa sgur po ltag dgye skra dkar can nyam chung bar snang ngo / /mal stan gyi steng du yungs kar gtor ba gal te mtshan thog thag bzhag na gzugs gzhan du mi 'gyur ro/ /lug gi steng na snod yod pa la gtor na de thur ma'i gzeb dang / sbrul nag po snang ngo / /snod kyi steng du gtor na kham phor du snang bar 'gyur ro/ /btung ba'i snod sbrang rtsis byugs pa'i steng du gtor na phyag dar gyi phung por snang ngo / grong khyer gyi sgo dang grong khyer kun tu gtor na grong khyer kun nas mi snang bar 'gyur ro/ /grong khyer kun la yungs kar dang pad+ma'i phye ma gtor na skyes pa dang / bud med dang / khye'u dang / bu mo mi snang ba thams cad snang bar 'gyur ro/ /seng ge'i khrag dang sbyar nas dud 'gro'i skye gnas kyi steng du gtor na lam gyi bzhi mdo thams cad du seng ge'i gzugs su ston to/ /sde drag cing gtum la yan lag mchog gi gzugs dang ldan pa'i steng du gtor na thams cad wa'i gzugs su snang la phyogs bcur rgyug go/ /g.yul 'gyed sar gtor na thams cad gnyid log par byas par 'gyur la mtshon cha thams cad dang / go cha thams cad mi snang bar 'gyur ro/ /me'i nang du gtor na mi snang ba rnams snang bar 'gyur ro/ /til mar dang sbyar nas me'i nang du gtor na rtag tu 'bar bar 'gyur ro/ / chu'i nang du gtor na chu mi mngon par 'gyur ro/ /bum pa chus bkang ba la gtor na srog chags chu'i nang na gnas pa thams cad chu'i nang nas 'byung zhing thang la gnas so/ /tshal gyi nang du yungs kar gyis gtor na me tog dang 'bras bu mi snang bar 'gyur pa thams cad snang zhing shing skam po dang / tshal gyi mthar me tog dang 'bras bu thams cad ston to/ /nam mkha' la gtor na phyogs bzhi'i dge 'dun gyi nang ngam/ 'dus pa'i nang ngam/ skye bo mang po'i nang du me tog gi char rnam pa sna tshogs dag 'bab ste/ lha'i dri legs par smin pa yid dga' ba sim par byed pa 'bab bo/ /las dang ldan pa'am/ bzo'i gnas kyi las te/ las kyi snod thams cad la til mar gyi rgyal pos byugs la phye mas bsku/ pad+ma chen po'i phye mas 'khor gyi gnas bsku/ yungs kar gyis phyogs bzhir gtor la/ de nas las kyi bzo bzang po ji lta ba bzhin ston par 'dod na las kyi snod de dang de dag nyid g.yo la/ las kyi bzo'i tshul bzang pos mthar phyin pa rnam pa du ma dag ston par byed la nyo tshong byed par 'byung ste/ gal te phyir bzlog pa ma byas na rin ji lta ji lta ba de lta de ltar nyo tshong byed do/ / chu dang yungs kar gyis bzlog pa byas na mi snang bar 'gyur la dpag tshad brgya stong tsam gyi bar du khrid na de dang de nyid du mi snang bar 'gyur ro/ /rdza mkhan gyi 'khor lo la phye mas byug cing yungs kar chags par byas la/ pad+ma chen po'i phye mas gtor nas 'jim pa bzhag la snod kyi ngo bo ji ltar 'dod pa bzhin bya ste/ snod kyi ngo bo dngul las byas pa'am/ gser las byas pa'am/ zangs las byas pa'am/ lcags las byas pa'am/ lcags lnga las byas pa rin po che bzang po sna tshogs kyis spras pa ji lta ba de lta bu'i snod bkra ba rnam pa sna tshogs dag 'byung bar 'gyur la/ nyo tshong byed pa yang 'byung ste/ rin chen pos tshong byed do/ /yungs kar gyi phye ma dang / pad+ma'i phye ma lhan cig sbyar nas tshong dus kyi dbus su gtor na kun tu zong bkram pa'i snod mi snang bar byas pa thams cad snang bar byed do/ /thag pa'i steng du gtor na sbrul chen po ston to/ /khyim dang / ra ba'i ngos dang / sgo dang / shing sbyar ba dang / ka ba'i steng du gtor na khang pa dang / ra ba dang / 'khor gyi khyams rnams sbrul du ston to/ /ji srid du chu dang yungs kar gyis bzlog pa ma byas pa/ de srid du sbrul rnams 'dug go/ /bzlog pa byas na mi snang bar 'gyur ro/ /gtsug lag khang ngam/ lha'i gnas sam/ khang ngos la gtor na sbrul chen por snang ngo / /lha'i steng du gtor la mig sman gyis bsku/ ril bus thig le byas na lha'i gzugs brnyan de ku co 'don cing 'gro ste/ gar 'dod pa der 'gro'o/ /bzlog pa byas na phyir 'dug go/ /sangs rgyas kyi sku gzugs kyi zhabs la byugs la phye mas gtor na sangs rgyas kyi sku gzugs g.yo bar mdzad/ bzhud par mdzad do/ /'jug par mdzad do/ /'chag par mdzad do/ /tsan+dan la bzlas brjod byas nas bdugs na phyir bzhugs so/ /bum pa sbrang rtsis bskus pa rnams la gtor na g.yo bar byed do/ /ji tsam du phyir bzlog pa ma byas pa de tsam du g.yo'o/ /chu dang yungs kar gyis bzlog na phyir 'dug go/ /de nas rdo rje bskyod par 'dod na spos kyi dkyil 'khor byas la me tog bkram ste/ gu gul gyi bdug pas bdug /de yang yungs kar dang / phye ma dang bcas pas gtor la don yod pa'i rgyal po lan bdun bzlas brjod byas na/ rdo rje dkyil 'khor las langs nas nam mkha' la 'gro bar byed/ 'phar bar byed/ 'dug par byed/ 'bar bar byed cing / phan tshun 'gro bar byed/ mtho bar 'gro bar byed/ dma' bar 'gro bar byed/ rnam par 'gro bar byed/ 'bar ba chen pos 'bar bar byed de ji srid du bzlog pa ma byas pa de srid du nam mkha' la 'gro'o/ /chu dang yungs kar gyis bzlog pa byas na de nyid du snang ngo / /de nas 'khor lo bskyod par 'dod na dkyil 'khor gru bzhi pa byas la spos sna tshogs kyis bris nas me tog sna tshogs dgram pa'ang bya/ gu gul gyi bdug pas kyang bdugs nas 'khor lo la lan nyi shu rtsa gcig bzlas brjod byas la til mar gyi rgyal pos bsku/ lte ba'i dbus su thig le byas nas dkyil 'khor gyi dbus su gzhag par bya/ de la yang yungs kar dang / pad+ma chen po'i phye mas gdab par bya/ 'khor lo kun nas gu gul gyi bdug pas bdug cing se gol gyi sgra yang byas na 'khor lo de dkyil 'khor las langs nas nam mkha' la 'phar zhing sdang ba thams cad la 'bab par byed de/ gal te g.yul 'gyed par 'bab na/ de'i tshe dgra thams cad kyi mgo gcod par byed/ sdang ba thams cad dang phyir rgol ba thams cad la bab na 'jig par byed/ bgegs thams cad la 'bab pa dang / gnod sbyin dang / srin po dang / 'byung po dang / sha za dang / brjed byed dang / gdon rnams la 'bab pa dang / klu sdang ba thams cad la bab na 'jig par byed de/ ji srid du bzlog pa ma byas pa de srid du 'phar ro/ /chu dang yungs kar gyis bzlog pa byas na slar dkyil 'khor la 'dug go/ /mdung rtse gsum pa bskyod par 'dod na dkyil 'khor byas la thod pa gzhag par bya/ me tog dgram pa 'ang bya/ gu gul gyi bdug pas kyang bdugs la/ mdung rtse gsum pa la til mar gyi rgyal pos bsku/ phye mas gdab cing thig le bya/ rtse'i rgyun gsum la pad+ma chen po'i phye mas gtor nas thod pa'i steng du gzhag par bya/ yungs kar gyis gtor zhing hU~M zhes se gol byas na mdung rtse gsum pa 'bar bar byed/ ldang bar byed/ nam mkha' la 'gro bar byed/ kun du 'bar bar byed/ 'gro bar byed/ phyogs bcur 'phar bar byed de/ ji srid du bzlog pa ma byas pa de srid du 'phar bar byed do/ /chu dang yungs kar gyis bzlog pa byas na slar dkyil 'khor la 'dug go/ /dung la til mar gyis byugs la phye mas gtor la thig le bya/ yungs kar gyis kyang phyi nang gtor la bus na ji srid du sgra thos pa de srid kyi skyes pa dang / bud med dang / khye'u dang / bu mo thams cad bro rdung bar byed/ rgyug par byed/ mchod par byed cing phyogs bcur rab tu rgyu par byed do/ /g.yul ngor bus na 'gyed pa'i mi thams cad dang / mtshon cha thams cad dang / go cha thams cad btang nas bro rdung bar byed de/ gcer bur 'gyur bar byed/ phyogs bcur rgyug par byed do/ /gal te dung lan bdun bus na phyir rgol ba dang / pha rol gyi dmag tshogs des nyon mongs pa skyed par 'gyur te/ /ji srid du bzlog pa ma byas pa de srid du mchod zhing phyogs bcur rgyug go/ /spos chus bzlog cing khrus byas na phyir bde bar gnas par 'gyur la/ rtag tu rgyal ba dang / dpal gyi mchog sbyin par 'gyur ro/ /de nas sgyu ma de kho na nyid sgrub pa'i gsang sngags dang / rnam par 'phrul pa'i dngos grub kyi dkyil 'khor bshad par bya ste/ sgyu 'phrul gyi dra ba rnam par 'phrul pa'i dkyil 'khor gang du dkyil 'khor yongs su rdzogs shing / kun nas brgyan par yungs kar dang til mar gyi rgyal po dang / phye mar bsres pas byug pa dang / thig les kyang dbang bskur cing pad+ma chen po'i phye mas byugs la lag pa pad+ma'i phyag rgya dang / hU~M zhes bya ba'i sgra brjod na brjod pa tsam dang / yungs kar gyis gtor ba'i mod la/ gtor ma'i snod dang / snod rdza ma dang / bum pa dang / bum pa bkang ba thams cad dang / mtshon thams cad dang / dkyil 'khor gyi steng nas nam mkha' la sor bzhi tsam gyis spags te/ 'dug la ji srid du dkyil 'khor gyi las su bya ba thams cad rdzogs rdzogs kyi bar du nam mkha' la 'dug go/ /rig sngags 'chang ba sa'i steng gi sor bzhi tsam gyi tshad kyi steng gi nam mkha' la 'dug go/ /las su bya ba thams cad zin nas dkyil 'khor gyi yod byad dri chab kyi cho gas dbang bskur na gtor ma dang / snod rdza ma dang / bum pa dang / bum pa thams cad rang nyid 'phar bar byed la/ slar yang rang gi gnas su 'dug go/ /go cha de lta bu ni dkyil 'khor thams cad la bya ste/ thams cad du yon tan ston par snang la/ byas pa tsam gyis las thams cad sgrub par 'gyur te/ the tsom mi bya'o zhes bshad do/ /de'i phyir pad+ma'i dngos grub bshad par bya ste/ gser ram dngul lam zangs las shin tu legs shing mdzes pa snying po dang / ze ba dang bcas shing sdong bu tshad dang ldan par byas la/ 'dab ma phyed kha phye ba 'khor bar 'dab ma drug cu rtsa bzhi yod pa khru gang tsam gyi tshad sdong bu dang / snying po dang / ze ba'i tshad sor bzhi tsam du byas pa la til mar gyi rgyal pos bsku/ pad+ma'i phye ma dang / mig sman dang / mig bsku ba dang / thig ler byas pa dang bcas pas kun legs par bskus la/ pad+ma'i sdong bu'i bar du nor bu rin po che bzhag nas lan stong rtsa brgyad bzlas brjod bya/ khro bo'i rgyal pos lan bdun gyi bar du dbang bskur nas rig sngags 'chang gtsang ma legs par khrus byas la/ gos gtsang ma bgos pas til mar gyis bdag nyid la bsku bar bya/ mig bsku ba dang / thig le dang / bdug pas bdag nyid kyi lus la bdug par bya'o/ /lag pa g.yas pa la nor bu gdags/ lag pa g.yon pa pad+ma gzung la bcom ldan 'das kyi spyan sngar 'dug ste/ 'khor gyi nang du bcom ldan 'das la pad+ma'i mchod pa 'bum bya ste/ pad+ma 'bum 'byung bar 'gyur ro/ /mchod pa'i cho ga byas nas chu dang yungs kar gyis btab na yang 'byung bar 'gyur ro/ /pad+ma sprul pa gang yin pa de dag thams cad chu'i nang du bor na pad+ma mgal me bskor ba ltar 'khor bar 'gyur la/ pad+ma 'bum rnams char du 'bab par 'gyur ro/ /pad+ma'i chu'i nang du gzhag par bya ba ni mtsho bran nam/ lteng ka'am/ chu bo'am/ chu bo chen po'am/ 'obs sam/ rdzing ngam/ mtsho'i nang gang yang rung ba'i gnas su bzhag na gnas de dang de thams cad du pad+ma'i mtsho chen po 'byung ste/ ji srid du pad+ma ma phyung ba de srid du/ dus rtag tu pad+ma'i mtshor 'dug ste/ ston ka'am/ dgun nam/ dpyid dam/ sos ka tsha ba'i dus su rtag tu pad+ma'i mtshor 'dug go/ /tshal gyi 'gram du zhugs nas yungs kar la til mar gyis bskus pa phye ma dang sbyar nas me tog gang yang rung ba zhig lag gis bzung ste bskor la yungs kar gyis gtor na/ tshal gyi mtha'i shing thams cad la me tog rgyas par snang ngo / /dge 'dun gyi nang ngam/ tshogs pa'i nang ngam/ rgyal po'i pha brang 'khor ram/ skye bo'i nang du me tog ji snyed pa lag gis bskor la/ yungs kar gyis gtor na me tog mang po 'byung bar 'gyur ro/ /chu dang yungs kar gyis thams cad du zlog par byed pa yin no/ /'bras bu ji snyed pa lag gis bzung nas yung kar gyis gtor na 'brang bu'i char 'bab par 'gyur ro/ /gos lag pas bzung nas yungs kar gyis gtor te bskor na gos dang bla re sna tshogs ston par byed do/ /rgyan lag pas bzung nas yungs kar gyis gtor na/ /lha'i rgyan bzang po sna tshogs pa lag tu 'byung bar 'gyur zhing skye bo 'dus pa thams cad kyi rgyun du byed la thams cad la rgyan btags par 'gyur ro/ /yungs kar dang chus bzlog par bya'o/ yungs kar la til mar gyis bskus phye mas bsgo/ /gi'u wang dang / gur gum dang / shing kun dang / snu ha'i 'o mas kyang bsgos la de dag gcig tu byas nas grib ma la bskam mo/ /de nas 'bras bu gcig khar bcug la phyogs bzhir gtor na kha nas me 'bar bar snang zhing lus las 'bar ba sna tshogs 'byung bar snang ste/ ji srid du yungs kar kha na yod pa'i bar du lus las 'od zer 'bar ba kha dog rnam pa sna tshogs 'byung ngo / /til mar dang lhan cig btags pa'i snying por bya/ kong bur til mar gyi rgyal pos bkang ste mar me 'bum ston par byed do/ /me thab khang bu'i nang du bcug na ji srid du ma phyung ba de srid du ma phyung ba de srid du me 'bar bar ston to/ /mar me'i sdong bu'i nang du bcug la ma phyung na rtag tu 'bar ro/ /mgal me 'bar ba'i nang du bcug na 'bar ba'i phreng ba 'bum snyed du snang ngo / /gtor ma'i rdza ma dang / bum pa'i nang du gtor na gtor ma'i rdza ma dang / bum pa thams cad 'bar bar snang ngo / /lag cha dang / mtshon cha thams cad la byugs na gcig tu 'bar bar 'gyur ro/ /bdag nyid kyi lus la byugs la ril bu gtsang ma spyi bor bzhag na lus thams cad gcig tu 'bar bar snang ba nas lus ril bsregs pa ltar snang ngo / /'o ma dang yungs kar gyis gtor na lus slar snang bar 'gyur ro/ /lag pa dang rkang pa la bskus la/ ril bu gtsang ma 'bar ba lag pa g.yas pas gzung ba'am/ /rkang pa'i mthe bos bzung na lag pa dang / /rkang pa gcig pu 'bar ba dang / 'brel bar snang ngo / /'dus pa'i nang ngam/ skye bo 'dus pa mang po'am/ rgyal po'i 'khor ram/ sde can gyi nang ngam/ rig byed bzhi'i nang thams cad du yan lag nyams par snang ngo / /dri chab dang / yungs kar gyis gtor na lus slar rdzogs par 'gyur ro/ /mtshan mo mar me'i ril bu bsregs pa lam gyi bzhi mdor bzhag nas yungs kar gyis phyogs bzhir gtor na mar me 'bum phrag bye ba snang ngo / /kun nas phyogs bzhir chu dang yungs kar gyis bzlog par bya ba yin no/ / tshal chen po'i mtha' dang / nang du gtor la shing gcig la ril bu gtsang ma bzhag na shing dang / rtswa dang / shing gel pa dang / 'dab ma dang / lo ma thams cad gcig tu 'bar bar snang ngo / /ri'i rtse mor mar me bus nas ri kun tu gtor na ri kun nas gcig tu 'bar zhing mched par snang la sems can thams cad kun nas ngo mtshar du 'dzin par 'gyur ro/ /rkun ma dang / g.yon can dang / gnod byed dang / pha rol gyi dmag tshogs dang / sdang ba dang / phyir rgol ba dang / phas kyi dgra thams cad dang / sdang sems can nas gtum po dang / bya la sogs pa'i bar ril gnas pa rnams de'i mtshan mo nyid phyogs bcu kun du bros shing ha ha zhes bya ba'i sgra 'byin to/ /spos chab kyis bzlog par 'gyur ro/ /gzugs brnyan gyi steng du gtor la/ gtsang ma'i ril bu 'bar bar bzhag na gzugs brnyan thams cad gcig tu 'bar bar 'gyur te/ spos chu dang / yungs kar gyis bzlog par 'gyur ro/ /mar me'i ril bu grong khyer gyi shar phyogs kyi spor spar te gnas gtsang mar gzhag dkyil 'khor gcig byas nas gtor ma'i cho ga bum pa bkang ba gzhag/ grong khyer kun tu yungs kar gyis gtor zhing don yod pa'i rgyal po yang dran par byas na grong khyer kun nas mar me'i phreng ba 'bar ba gcig tu snang ngo / /grong khyer gyi sgo bzhir dkyil 'khor gyi cho ga byas la shar phyogs kyi sgo nas zhugs na gang grong khyer na gnas pa skyes pa dang / bud med dang / khye'u dang / bu mo de dag thams cad dga' ba chen po rgya che bas tshim par 'gyur ro/ / grong khyer de na gang sdang ba'i sems can phyir rgol ba dang / phas kyi dgra dang / chom rkun dang / g.yon can dang / gnod byed dang / glags tshol bar gyur pa/ gnod sbyin dang / srin po dang / dang / sha za dang / brjed byed dang / mi ma yin pa gang yang rung ba grong khyer de na gnas pa de dag lang long du gyur cing gdugs la ngu zhing ha ha zhes sgra 'byin cing grong khyer gyi sgor byung nas phyogs bcur rab tu 'bros so/ /grong khyer de yang kun nas gnod pa med cing 'khrugs pa med par 'gyur/ 'jigs pa dang / gnod pa dang / nad 'go ba dang / 'khrug pa thams cad dang / nad thams cad rab tu zhi bar 'gyur/ mtshan mo 'das nas spos chu dang / yungs kar gyis grong khyer gyi sgor gtor zhing dbang bskur na bzlog par 'gyur ro// // 'phags pa don yod pa'i zhags pa'i cho ga zhib mo'i rgyal po/ bam po bcu dgu pa/ ldong ros dang / thing shun gyi phye ma dang / yungs kar dang / ma hA tai la dang / a rka'i 'o ma dang / pha gu'i 'o ma dang / gcig tu sbyar ro/ /nya'i mig mkhris pa dang bcas pa dang / nA ga pus pa dang / pad+ma'i chu ba rnams kyang lhan cig tu phye ma zhib mor bya'o/ /phye ma snga ma legs par sbyar la chus ril bur byas pa dang / phye mas gzhan yang bcang ngo / /phye mas 'di dang pad+ma chen po'i phye ma bcang ba lhan cig tu bsres pa'i phye mas lus bskus la phyogs bzhir yungs kar gtor te/ ril bu khar bcug la hU~M zhes bya ba bsdams te brjod na de'i lus las chu 'dzag cing / de kho na bzhin du rna ba gnyis kyang lha rdzas kyi chu 'byung bar snang / lus las spos kyi rigs yid du 'ong ba rab tu sim par byed pa 'byung ba ni nad thams cad grub par snang ste/ rgyal ba'i phyag bzhin no/ /yungs kar gyi phye ma blangs te nam mkha' la gtor la ril bu lag pas bskor na char chen po 'bab par 'gyur ro/ /ril bu nam mkha' la 'phangs na mi 'bab bo/ /g.yul chen po 'gyed pa'i nang du phye ma de yungs kar dang bsres te nam mkha' la gtor la ril bu de yang khar bcug ste/ steng du bltas la hU~M zhes bya ba'i sgras bos la/ gnam lcags chen po 'bab ste yid mi 'chad pa dang sdug bsngal bskyed par 'gyur ro/ /chu'i nang du zhugs te phye ma de gtor la yungs kar dang / ril bu chu'i nang du gdab par bya/ phyogs bzhir yungs kar gtor te/ tai las lus la bskus na klu chen po'i gzugs su snang ngo / /ril bu dang yungs kar me'i mdog lta bu chu dang bsres pa'i yungs kar nam mkha' la gtor na 'brug sgra chen po 'byung zhing glog chen po gsal ba snang bar 'gyur ro/ /chu'i nang nas byung na mi snang bar 'gyur ro/ /khron pa'i nang du btab na chu lud nas phyogs kun tu chu 'bab par 'gyur ro/ /rdza ma'am/ bum pa'am/ rdze'u'am/ ril ba b+h+r-ing+ga ra'am/ ril ba la phye mas byugs te/ de'i steng du yungs kar gyis gtor na chus bkang ste khrus byas na de chu 'bab par snang zhing de'i snod ni mi snang bar 'gyur ro/ /gzhan yang dgos pa mang po byed de mchog tu grub pa yin no/ /de nas rin po che'i ched du 'bru mar gyi rgyal po byas te 'bru mar gzhan dang / de bzhin du til las 'bru mar gyi rgyal po de bzhin du sbyar ro/ /lag pa dang rkang pa bzhag la 'dir nyam drod kyang shes par bya'o/ /gzhag pa thams cad nyam drod shes par bya ba ni mar sar bzhin du 'jam par 'gyur zhing skad cig de nyid la mtho ba dang / dma' ba ji ltar yid la 'dod pa bzhin du ri yang 'gyur ro/ /snying po thur ma 'dra ba dang / zlum po 'am/ yang na lcug ma lta bur byas pas ka ba yang 'dud pa dang / ri yang dma' ba'am/ yang na mthon por 'gyur bar byed do/ /yungs kar dang pad+ma chen po'i phye ma lhan cig bsres pa 'bru mar gyi rgyal pos bsgos pa phyogs bzhir kun tu gtor na ri thams cad mi snang zhing 'brog dgon par snang bar 'gyur ro/ /yang ri bor snang bar 'gyur ro/ /yang na mi bgrod par mi nus pa'i ri'i rtse mo na seng ge dang / stag gis gang ba lcug ma dang tsher ma can gyi shing ljon pa sna tshogs kyis gang ba'am/ rtsub pa'am/ dub bu'am khong stong du snang bar 'gyur ro/ /ci ste rig sngags 'chang 'phags pa spyan ras gzigs dbang phyug gi pho brang ri po Ta la'i gzhal med khang mthong bar 'dod na de nas rig sngags 'chang gis zhag bdun gyi bar du nas kyi 'o thug gi zas zos te gtsang ma shin tu khrus byas pa gos gtsang ma bgos pas ri'i gseb tu zhugs la/ sa phyogs gtsang ma'i gnas der shing dri zhim po'i me sbar ba la yungs kar phye ma dang bsres pa 'bru mar gyi rgyal po dang sbyar la 'bras so ba dang bsres pa stong rtsa brgyad zhag bdun du dus gsum du sbyin sreg bya'o/ /lha bshos dang gtor ma dkar po 'bul lo/ /de nas rig sngags 'chang gis tshes brgyad la nyin zhag gcig smyung ba byas la shin tu khrus byas pa gtsang mas spos sna tshogs kyis lus bskus gos bzang po gtsang ma bgos te/ 'bru mar gyi rgyal pos rang gi lus bskus phye mas lus byugs mig sman gyis mig bskus/ thig le byas la nor bus mgo bcing zhing mgul pa dang / lag pa dang / dpung pa dang / rked par yang bcings la yungs kar dang mtshal bsres pas ri'i phyogs bzhir gtor bar bya/ pad+ma chen po'i phye ma de yang phyogs bzhir gtor/ rang gi lag pa g.yon pas zhags pa dang / pad+ma gzung zhing g.yas pas rnam par lta ba snang ba dang / don yod pa chen pos dri ma med pa'i phyag rgya bzung ste/ don yod pa'i zhags pa'i mdo lan cig bzlas brjod byas na ji ltar don yod pa'i zhags pa'i mdo sde bshad pa las bstan pa de ltar ri po Ta la'i gzhal med khang mthong bar 'gyur ro/ /rig sngags 'chang de yang 'phags pa spyan ras gzigs dbang phyug gi gzugs su snang bar 'gyur ro/ /ji ltar ri po Ta la'i gzhal med khang bzhin du ri de la yang gzhal med khang snang ste/ ri de la rin po che'i shing ljon pa sna tshogs snang ngo / /me tog sna tshogs kyi gzhal med khang snang ngo / /sA la dang / tA la dang / ta ma la dang / tsam pa ka dang / a sho ka dang / a d+hi muk+ti ka dang / ba ri sha ka dang / ka dam+ba dang / nI la dang / pA Ta la dang / pA lA sha dang / u dum bA ra dang / dong kA'i me tog sna tshogs dang / sna ma'i me tog dang / ta ra Na dang / na ba ma li ka dang / ku pa pya ka sna tshogs snang bar 'gyur ro/ /bya'i tshogs sna tshogs kyis legs par brgyan pa dang / kyi tshogs sna tshogs kyis gang ba snang bar 'gyur ro/ /gang gi tshe phyir bsdu ba byed par 'dod pa de'i tshe gnas gzhan du 'gro bar bya'o/ /gzhan yang dgos pa sna tshogs la rang gi blo gros la ji ltar snang ba bzhin bya'o/ /dgos pa thams cad la rab tu sbyar ba ni bklags pa tsam gyis 'grub par 'gyur ro/ /don yod pa'i zhags pa chen po'i dkyil 'khor gyi rig sngags 'chang gi cho ga gsang ba'o/ / //don yod pa'i sgyu ma rnam par 'phrul pa zhes bya ba'i sgrub pa'i cho ga ni/ de nas de'i 'og tu phyag rgya bri ba'i dkyil 'khor bshad par bya ste/ rtags mtshon phyag rgya'i de nyid ni/ / pad+ma rgyas dang sna tshogs mtshon/ /pad+ma kha ni phyed bye ba/ /phyag dag na ni rab tu 'dzin/ /phyag gnyis phyung zhing brkyang nas kyang / /bskum pa'am 'dzin stangs de nyid kyis/ /kun nas phreng ba 'bar ba'i rtags/ /mtshon cha phyag rgya bsnams pa ni/ /'di lta ste/ ral gri dang / mdung thung dang / mda' bo che dang / mdung rtse gsum pa dang / yid bzhin gyi nor bu dang / rgyal mtshan dang / rdo rje dang / rdo rje phreng zlum dang / las kyi rdo rje dang / zur gsum ma zhes bya ba dang / 'khor lo dang / dung dang / tho ba dang / zhags pa dang / dgra sta dang / dbyug tho dang / me tog gi thum po dang / bum pa gang ba dang / rin po che'i snod dang / pad+ma'i phreng ba dang / rdo rje'i phreng zlum dang / ut+pa la'i phreng ba dang / me tog gi phreng ba dang / pad+ma dang / ut+pa la dang / zla ba dang / ri rab dang / me long dang / klu dang / mchod phyir thogs dang / zla ba dang / nyi ma'i rgyal mtshan dang / gdugs dang / be con dang / gshin rje'i be con dang / chu srin gyi kha dang / sngags de'i phreng ba dang / mdung rtse gsum pa'i phreng zlum dang / bsdigs pa dang / bsgyings pa dang / dbugs 'byin pa dang / mi 'jigs pa dang / mchog sbyin pa dang / thal mo sbyar ba dang / glegs bam bsnams pa dang / 'khar gsil dang / lhung bzed dang / gdugs dang / dbu rgyan dang / nor bu brgyus pa dang / gser skud dang / mu tig gi phreng ba dang / gdu bu dang / dpung rgyan dang / rna cha dang / me'i thab khung ngo / /kun nas 'bar phreng phyag rgya de/ /sna tshogs rmad du byung bas smras/ /mtshon cha sna tshogs bsnams pa yi/ /pad+ma 'dzin la rab tu gnas/ /ras la bris pa'am dkyil 'khor ram/ /rtsig pa'am gang yang rung ba la/ /tshon rtsi rnam pa sna tshogs kyis/ /gang du bris pa mthong ba de/ /ngan 'gro sems can dmyal bar ni/ /phyir yang 'gro bar mi 'gyur ro/ /'jig rten dbang gis rtag mchog sbyin/ /sdig pa thams cad rnam par spangs/ /gang zhig nyes byas mi zad pa/ /mtshams med lnga po byed pa nyid/ /mnar med pa yi gnas dang ni/ /dmyal ba gzhan du gzhol ba gang / /phyag rgya de dag mthong tsam gyis/ /'gro ba thams cad zad par 'gyur/ /skye dang 'chi las rnam par grol/ /'khor ba'i rgya mtsho brgal bar 'gyur/ /de dag skye ba phyi mar ni/ /phyir yang mngal gyis mi gos te/ /yang dang yang du pad+ma las/ /rdzus te skye ba dag tu 'gyur/ /rtag tu bde ba can du 'gro/ /gang na 'dren pa tshe dpag med/ /bzhugs pa'i spyan sngar rtag tu der/ /skye 'gyur the tsom mi za zhing / /don rnams bde bar 'grub 'gyur zhing / /rig sngags sna tshogs bde bar 'grub/ /bde bar dkyil 'khor 'grub 'gyur zhing / /rtag tu mi ldogs gnas 'gyur/ /phyag rgya 'di dag mthong tsam gyis/ /sangs rgyas byang chub dang mnyam 'gyur/ /dus gsum gshegs pa'i sangs rgyas la/ / bla med dge rtsa bskyed par 'gyur/ /'jig rten 'di dang pha rol tu/ /bsod nams phung po chen po 'thob/ /de nas dkyil 'khor rab bshad pa/ /de nyid 'grub pa'i phyag rgya rnams/ /'jig rten 'di dang pha rol tu/ /'dod pa thams cad rab tu sbyin/ /sdig pa thams cad mod la sel/ /gang zhig mtshams med byed pa dag /mi bzad mnar med gnas pa yi/ /sdig pa thams cad 'jig par 'gyur/ /dmyal ba'i sgo rnams bcad nas ni/ /mtho ris sgo phye the tshom med/ /sgo phye gyur pa rnams la ni/ /sangs rgyas zhing rnams snang bar 'gyur/ /de bzhin gshegs pa thams cad kyi dgongs pa/ mgon po 'jig rten dbang phyug gi phyag rgya'i dkyil 'khor mthong ba tsam gyis sems can phyir mi ldog par 'gyur ro/ /phyag rgya'i dkyil 'khor 'di mthong na shi 'phos pa'i mod la bde ba can du skye bar 'gyur ro/ / dkyil 'khor 'di zhugs pa tsam gyis gang na thub pa 'dren pa 'od dpag med bzhugs pa'i pho brang du myur du 'jug par 'gyur ro/ /dkyil 'khor gru bzhi lham pa la/ /kun nas cha nas mdzes par bya/ /gru bzhi go la'i tshad tsam la/ /sgo bzhi them skas bzhi yis brgyan/ / shin tu legs par bskus dang ldan/ /'jam zhing mnyen la mnyam pa yi/ /sa yi cha dang ldan pa la/ /dkyil 'khor shes rab can gyis dbye/ /dkyil 'khor de nyid thig btab la/ /phyag rgya bri ba rnam par dbye/ /phyogs bzhi'i cha ni mnyam pa yi/ /dbus na dkyil 'khor snying po yin/ /gru bzhi pa la kun nas kha khyer gyi rnam pa dang / mdung rtse gsum pa'i phreng ba rnam par dbye'o/ /gru bzhi pa'i dbus su phyag rgya don yod pa'i zhags pa'i phyag rgya kun nas 'bar ba bla na med pa dang / phyag rgya rgyan gyis brgyan pa tshon rtsi sna tshogs kyis bri'o/ /dbus kyi dkyil 'khor gyi phyi rol gyi gnas su phyag rgya bri ba yang shin tu 'byes par bya'o/ /dkyil 'khor kun nas gos dang / ba dan dang / rgyal mtshan gyis brgyan la kun du yungs kar dkar po gtor ro/ /phyag rgya'i dkyil 'khor kyi phyi rol gyi gnas su phyogs bzhi kun du bya ba ni ba lang gi lci bas dang bsres pa shin tu legs par byugs pa dang ldan pa la tshon rtsi'i phye mas kha khyer gyi rnam pa dang / kun nas pad+ma'i phreng ba rgya chen po dang / mtshon cha bris la 'di'i sgo bzhi yang rnam par dbyes par bri'o/ /ji ltar phyag rgya dang mthun pa'i ro sna tshogs kyi gtor ma gzhag par bya ste/ phyag rgya re re la yang mchod yon phul la/ dbyib mo dang / phru ba dang / bum pa dang / kham phor dang / rdze'u gtor mas bkang la gzhag go/ /kun du bum pa gang ba dang / /bdug spos kyi ni snod dag dang / /me tog 'bras bu sna tshogs dang / /gtor ma dkar po dag gis bkang / /me tog rnam par bkram byas la/ /kun du phreng bas gzhag par bya/ /phreng ba bzang po bzhag nas kyang / /de bzhin kun du bdug spos dbul/ /a ga ru dang / tsan+dan dang / du ru ska dang / sa la ki dang spr-i ka dang / gu gul dang / sra rtsi pog dang / sgron shing dang / gla rtsi dang / ga bur gyi bdug pa 'di dag gis bdugs la/ gtor ma dang / me tog dang / lha bshos dbul lo/ /phyag rgya'i dkyil 'khor du 'jug pas don yod pa'i rgyal po dran par byas te bskor la phyag rgya'i dkyil 'khor la phyag bya zhing phyag rgya thams cad la me tog bkram zhing me tog gtor ro/ /gang phyag rgya'i de kho na nyid gsang ba 'di dang / phyag rgya'i dkyil 'khor 'di sgrub pa gang dgos pa la sngar dkyil 'khor phyag rgya dang bcas pa la mchog tu mdzes par byas la/ phyis las thams cad bya'o/ /rig sngags 'chang ba gtsang ma yis/ /gtsang ma yi ni gos bgos la/ /ji ltar dkyil 'khor cho ga bzhin/ /dkyil 'khor du ni gzhug par bya/ /ji ltar dkyil 'khor la dgos pa/ /de bzhin du ni las bya'o/ / phyag rgya'i dkyil 'khor bla med pa/ /dkyil 'khor 'dir ni zhugs tsam gyis/ /thub pa snang mdzad kyis gsungs pa'i/ /spyi yi rigs ni thams cad du/ /phyag rgya dkrigs dang gtams rnams kyis/ /dam tshig kun du shes par 'gyur/ /spyi rigs kun gyi cho ga yi/ /dam tshig rjes zhugs de bzhin no/ /dkyil 'khor kun tu zhugs pa dang / /rgyal bas lung ni bstan par 'gyur/ /kun gzigs de bzhin gshegs pa yi/ /phyag ni spyi bor 'jog par mdzad/ /chos kyi ro ni bdud rtsi yi/ /gzi brjid mod la 'jug par 'gyur/ /rnam snang mdzad gsungs dkyil 'khor du/ /don yod dngos grub stsol bar mdzad/ /phyag rgya'i dkyil 'khor gang bzhugs pa/ /kun du spyi yi rigs rnams kyi/ /don yod dngos grub mchog myur thob/ /sangs rgyas bye ba gang gA'i klung gi bye ma khrag khrig brgya stong phrag dgu bcu rtsa dgu'i de bzhin gshegs pa'i drung du dge ba'i rtsa ba bskyed par 'gyur ro/ /bsod nams kyi phung po chen po dang ldan par 'gyur te/ yon tan gyi phan yon 'di dag ni tshe 'di yin par khong du chud par bya'o/ /bde ba can gyi 'jig rten gyi khams su pad+ma las rdzus te skye bar 'gyur ro/ /tshe rabs su tshe rabs dran zhing 'od zer bye ba 'bar ba'i lus dang ldan zhing / /tshe bskal pa brgya stong dpag tu med par 'gyur ro/ /yon tan thams cad dri ma med par snang ba don yod pa'i rnam par 'phrul pa bstan pa bkod pa zhes bya ba'i ting nge 'dzin 'thob ste/ /gang ting nge 'dzin thob pas sgyu ma chen po lta bu'i rnam par 'phrul pa'i rdzu 'phrul gyi cho 'phrul ston par byed do/ /dkyil 'khor thams cad kyi lha'i spyi'i rigs de bzhin gshegs pa'i rigs kyis byin gyis brlabs kyi rjes su 'jug par 'gyur ro/ /lha dang / klu dang gnod sbyin dang / dri za dang / lha ma yin dang / nam mkha' lding dang / lto 'phye chen po dang / mi dang / mi ma yin pa thams cad dbang du gyur nas rtag tu rjes su 'brang bar 'gyur ro/ /sangs rgyas dang / byang chub sems dpa' thams cad kyis dkyil 'khor rnams 'byor par gzigs nas bsrung ba dang / bskyab pa dang sba ba mdzad par 'gyur ro/ /sems can thams cad phyi bzhin 'brang zhing mchod pa chen po byed par 'gyur ro/ /rgyal po btsun mo dang / 'khor dang bcas pa rnams kyis mchod pa'i 'os chen por 'gyur ro/ /sems can thams cad gcig tu bla mar byed par 'gyur ro/ /nad thams cad med par 'gyur ro/ /sgrib pa thams cad rnam par dag par 'gyur ro/ /mtshan ma bri ba'i phyag rgya'i dkyil 'khor gyi cho ga'o// //de nas sbyin sreg gi cho ga'i dkyil 'khor bshad par bya ste/ rig sngags 'chang ba rnam dag gi/ /'di nyid sgrub pa bsgrub pa'i phyir/ /spyi yi rigs rnams thams cad kyi/ /cho ga zhib mo bla med yin/ /gang gis sbyin sreg byas tsam gyis/ /phyogs kun rnam par gzigs pa yi/ /de bzhin gshegs gnas byon 'gyur zhing / /byang chub sems dpa' dgongs par 'gyur/ /rig sngags dngos grub rjes stsol cing / /rtag tu srung ba mdzad par 'gyur/ /mgon po 'phags pa spyan ras gzigs/ /the tsom med par myur du byon/ /mgon po 'khor bcas gnas nyid na/ /rang gi gzugs su mthong bar 'gyur/ /'dod pa thams cad rtag tu stsol/ /rtag tu mchog ni stsol ba nyid/ /nyin dang mtshan du rtag par ni/ /rnam par gzigs 'gyur the tsom med/ /dkyil 'khor bshad par bya ba ste/ /dkyil 'khor gru bzhi shin tu mdzes par bya ba ni rgya chen po ko la'i tshad tsam la/ legs par byugs pa shin tu 'jam pa/ shin tu gsal ba gru bzhi sgo bzhi dang / them skas bzhi dang ldan pa/ rnam par dbyes pa mchog tu mdzes pa dbus kyi dkyil 'khor gyi snying por yang bya'o/ /me yi gnas kyi dkyil 'khor ni/ /gru bzhi nyid kyi rnam pa la/ /kun nas them skas bzhi dag dang / /steng du grwa ni bzhi pa bya/ /rtag tu pad+ma'i snying po dang / snying po rgyas pa'i steng du yang / /kun nas 'dab ma mdzes par bya/ /grwa bzhir pad+ma'i phreng ba bya/ /de bzhin du grwa gnyis kar rdo rje pad+ma dang bcas pa'o/ /gsum par mdung rtse gsum pa pad+ma dang bcas pa'o/ /bzhi par 'khor lo pad+ma dang bcas pa'o/ /lnga par bum pa gang ba gzhag go/ /sna tshogs tshon gyis rnam mdzes pa'i/ /kun nas 'dab ma'i myu gu bya/ /rin chen snod ni bkang ba dang / /me tog phreng dang ngang ba dang / /phye ma pad+mar bcas pa dang / de bzhin me tog rigs dag nyid/ /de bzhin sna tshogs brgyan pa'o/ /nub kyi gnas dang grwa dag tu/ /pad+ma'i 'dab ma ut+pal bcas/ /bum pa dUr bas bkang ba bri/ /rtsa ba'i bum pa dbu ma la/ /'dir ni kha khyer thig kyang gdab/ /de nas dkyil 'khor mdzes bya ba/ /thig gis kun nas cha mnyam zhing / /sgo bzhi mdzes par bya ba ni/ /tshon sna lnga yi skud pas gdab/ /me 'bar mdog can bri ba ni/ /kun nas 'bar ba'i phreng ba can/ /grwa dang grwar ni me lha bri/ /lus ni me mdog 'bar ba dang / /lag na me 'bar 'dzin pa dang / / mtshan ma sna tshogs gzhan dag kyang / /cho ga bzhin du bri bar bya/ /dkyil 'khor gyi ni cho ga bzhin/ /ba dan mda' dang sna lnga yi/ /skud pas bum pa gang dkris dang / /de bzhin bdug spos snod dag gis/ /kun nas dkyil 'khor brgyan par bya/ /sna tshogs gzugs can rgya che yi/ /sna tshogs ro yi gtor ma gzhag /rdze'u dang kham phor rnam gsum gyi/ /dkar pos dkar ba gzhag par bya/ /rdze'u dang dbyib mo bum pa ni/ /gtor mas bkang ba kun du gzhag /'bras bu rnam pa sna tshogs gzhag /kun nas me tog dgram bya zhing / /phreng ba sna tshogs gzhag par bya/ /'bras yos yungs kar gtor nas ni/ /kun du mar me 'bar ba dag /sna tshogs dri dang de bzhin du/ /dri yi phye ma lha bshos dang / /dkyil 'khor kun la gzhag par bya/ /dkyil 'khor dag ni thams cad la/ /blugs gzar dUr ba rtag tu gzhag /shing ni arka shi mi dang / /yungs kar 'bras ni so ba dang / /zhun mar dang ni mar dkar dang / /kun du tsan+dan dkar po dag /sbyin sreg cho gar 'dir bzhag ste/ /dus gsum rtag tu reg 'dzin gyis/ /sbyin sreg brgya rtsa brgyad du bya/ /rigs pa 'dzin pa gtsang ma yis/ /gtsang ma yi ni gos bgos la/ /dkar gsum gyi ni zas bza' zhing / /gzhan ni bza' dang spyad mi bya/ /dkyil 'khor gyi ni nub sgo nas/ /dkyil 'khor shes pa 'jug bya zhing / /dar b+ha'i stan la skyil krung du/ /shar phyogs kha bltas 'dug par bya/ /byams pa'i sems la mnyam bzhag ste/ /don yod rgyal po dran bya zhing / /snga dro'i dus su sbyin sreg bya/ /gung la slom ma gzhug bya zhing / /spyi yi rigs kyi sreg blugs ni/ /phye ma red dus su bya ba'o/ /gang zhig dkyil 'khor du zhugs la/ /sbyin sreg dkyil 'khor de nyid dang / /grub pa kun du cho ga yi/ /bdag nyid dbang bskur me kun gyi/ /sbyin sreg byed pa'i mchog tu gsungs/ /kun du gnas ni thams cad na/ /rgyas pa gnas 'jog rwa gcig dang / /gar ge de bzhin phur bu dang / /mdun na 'don pa me lha ni/ /sbyin sreg byed pa 'jig rten par/ /mtshungs zhes ston pas lung bstan to/ /'jig rten 'das pa'i las sgrub pa/ /rig 'dzin dbang po chen po dang / /phyag na rdo rje tshangs pa dang / /khyab 'jug dbang phyug chen po dang / / mnyam pa bas kyang lhag pa nyid/ /me yis sbyin sreg byed pa la/ /de bzhin gshegs kun byin gyis rlob/ /gal te zhag bdun dus gsum du/ /de la sogs pa'i las rnams ni/ /me la sbyin sreg byed pa la/ /mod la mngon shes lnga thob ces/ /de skad 'jig rten 'dren pa gsung / /las ni byas nas de nas ni/ /sbyin sreg la ni brtsam par bya/ /sreg blugs sbyin sreg byas tsam gyis/ /las rnams thams cad 'grub par 'gyur/ /lha rnams rtag tu 'ong 'gyur zhing / /de bzhin gshegs kun dgyes par 'gyur/ /byang chub sems dpa' byon nas ni/ /mod la mthong ba'i sbyin par mdzad/ /sdig pa thams cad bsreg par 'gyur/ /shin tu mi bzad sngon gyi las/ /sreg blugs tsam gyi mod la bsregs/ /'bar ba'i me yis phye leb bzhin/ /de la sogs pa'i sdig pa ni/ /bsreg 'gyur 'dir ni the tshom med/ /sdang ba'i phyir ni rgol nyid dang / /mi bzad phas kyi dgra rnams dang / /pha rol dpung gis 'jigs pa nyid/ /de bzhin du yang rgyal po'i dpung / /de kun sbyin sreg byas tsam gyis/ /mi snang bar 'gyur the tsom med/ / de bzhin mi ngas gcong kun dang / /nad kun rab tu zhi bar 'gyur/ /mu ge'i dgon pa'i 'jigs nyid kyang / /sbyin sreg byas pa tsam gyis 'jig /gnod sbyin srin po 'byung po dang / /de bzhin bgegs dang log 'dren dang / /sha za brjed byed dang / /de bzhin rnam pa sna tshogs gdon/ /'di kun sbyin sreg byas tsam gyis/ /'jig par 'gyur bar the tsom med/ /rtag tu 'jigs med lo legs shing / /gling dang bde bar 'gyur ba yin/ /rtag tu sems can thams cad ni/ /kun tu rgyal bar 'gyur ba yin/ /rgyal po dpung dang bcas pa nyid/ /btsun mor bcas pa nyid kyang ni/ /rtag par kun tu gsal bar ni/ /mi 'jigs sbyin par the tsom med/ /rtag tu nad med 'gyur ba dang / /dga' zhing yid ni bde ba dang / /lus can dag ni thams cad la/ /rtag tu dga' bar byed cing gnas/ / rtag tu me yi lha nyid ni/ /rgyun du mthong bar 'dod pa yis/ /me la sbyin sreg byas tsam gyis/ /me lha nyid ni bzhugs gyur te/ /rtag tu las rnams thams cad mdzad/ /rgyun du phyi bzhin 'brang bar 'gyur/ /lha ni rtag tu 'ong 'gyur zhing / /thams cad du ni mthong ba ster/ /rgyu skar zla ba nyi ma dang / /gshin rje dang ni chu lha dang / /rgyal po chen po bzhi po dag /dpung bcas bzhon par bcas pa yang / /nyin dang mtshan du rtag par ni/ /rjes 'brang bsrung 'gyur the tsom med/ /ci ste rig sngags 'chang don yod pa'i rgyal po'i snying po bsgrub par 'dod na rig sngags 'chang gtsang ma des shin tu khrus byas la gos gtsang ma bgo bar bya/ nyin zhag gcig smyung ba bya zhing / shing arga'i yam sreg shing gi me sbar la pad+ma dang / zhun mar dang / 'bras so ba'i sbyin sreg brgyad brgya byas nas sreg blugs lan cig byas pas mtshams med pa lnga byed pa yang 'grub par 'gyur te/ 'di la the tshom dang yid gnyis bskyed par mi bya'o/ de bzhin gshegs pa thams cad kyi spyi'i rigs kyi dngos grub 'dod na rig sngags 'chang des byang chub kyi shing gi me sbar la rigs spyir pad+ma dang / / ut+pa la sngon po dang / yungs kar dkar po dang / /zhun mar bsres pa'i sbyin sreg brgyad brgya byas na de bzhin gshegs pa thams cad kyi spyi'i rigs kyi dngos grub 'thob ste thams cad cho ga chen po zhib mo dang / sbyin sreg chen po'i cho gar 'gyur ro/ /de nas pha rol gyi dmag tshogs gzhom par 'dod na rig sngags 'chang gtsang ma des shin tu khrus byas la gos gtsang ma bgos te seng ldeng gi me sbar la zho dang / zhun mar dang / yungs kar dang / gu gul gyi sreg blugs kyis sbyin sreg brgyad stong byas na dpag tshad stong tshun chad kyi pha rol gyi dmag tshogs bcing ba byas par 'gyur ro/ /pha rol gyi dmag tshogs dang / dgra gzhom par 'dod pa dang / dpung gzhigs par 'dod na de nas rig sngags 'chang gis shing kar ba ka'i me sbar la/ sbrul gyi pags pa brjes pa dang / ske tse'i sa bon dang / lan tshwa 'bras sA lu dang bsres pa yungs kar mar dang sbyar ba'i sbyin sreg byas na dpag tshad stong tshun chad kyi pha rol gyi dmag tshogs dang / dgra la gnam lcags chen po dang / rlung grang mo 'bab pas phongs pa dang / yid mi bde ba bskyed par 'gyur/ dgra thams cad rnam par 'jig par 'gyur ro/ /klus char 'bebs par 'dod na rig sngags 'chang des nyin zhag gcig smyung ba byas la/ shin tu khrus byas pa gtsang mas dri sna tshogs dang / me tog phreng ba dang / yungs kar dang / sha ta bus pa zhun mar dang sbar ba'i sbyin sreg mtshan gcig la dus gsum du byas na klu'i rgyal pos char gyi rgyun chen po 'bebs te/ 'dzam bu'i gling mtha' dag tu zhag bdun gyi bar du char 'bab par 'gyur ro/ /char de nyid ha cang ches na thal ba nam mkha' la gtor na ha cang char ches pa 'chad par 'gyur ro/ /yang me lha 'ong bar 'dod cing rang gi gzugs su mthong bar 'dod na rig sngags 'chang gtsang ma des gos gtsang ma bgos la nyin zhag gcig gnas par gyur pas shing sna ma'i me sbar la 'bras so ba dang / zhun mar dang / bu ram sha khar dang bcas pa dang / tsha ba gsum dang / sna ma'i me tog bsres pa brgyad stong sbyin sreg bya'o/ /brgyad stong tshang ba dang / me lha me'i nang nas lus phyed phyung ste 'dug nas rig sngags 'chang la ci bgyi bka' stsol cig ces zer zhing ji ltar rig sngags 'chang gi cho ga'i don du 'gyur ba de bzhin du smra'o/ /thams cad sbyin pa zhes bya ba mchog thams cad sbyin pa zhes bya ba bdud rtsi 'bar ba zhes bya ba'i me'i kha/ kha'i mchog sbyin par byed do/ /gang bdud rtsi 'bar ba'i me'i kha thob pas gang du dbugs phyung ba dang / rngubs pa der me 'bar ba 'byung bar 'gyur ro/ /gang du phu zhes byas pa der me 'byung bar 'gyur ro/ /mun gnag tu dbugs phyung na me 'bar te/ snang bar 'gyur ro/ /tsan+dan dkar po'i sbyin sreg stong rtsa brgyad byas pas 'phags pa spyan ras gzigs dbang phyug nyid kyi gzugs ston par mdzad do/ /sa bon bdun gyi sbyin sreg gis nad thams cad zhi bar byed do/ /'bras so ba'i sbyin sreg gis ni rgyal ni rgyal po dbang du byed do/ /phub ma dang lan tshwa'i sbyin sreg gis ni zhe 'gras par byed do/ /'bras yos dang yungs kar gyi sbyin sreg gis ni sems can thams cad dbang du byed do/ /yungs kar dang / gu gul dang / zhun mar gyi sbyin sreg gis ni gnod sbyin 'gugs so/ /ka ra bI ra'i me tog dang / gu gul zhun mar dang sbyar ba'i sbyin sreg gis ni srin mo 'gugs so/ /de bzhin du 'dir las thams cad byed do/ /sbyin sreg gi dkyil 'khor gyi cho ga'o// //ri mo'i dkyil 'khor gyi sgrub pa'i cho ga bshad par bya ste/ kun tu thun mong sgrub pa'i mchog /dge ba'i las kun byed pa ste/ /sangs rgyas thams cad mthong 'gyur zhing / /bla med bsod nams chen po sogs/ /don yod rgyal po de nyid ni/ /rnam pa sna tshogs gzugs dag tu/ /'jig rten 'dren pa snang bar bya/ / mthun dang dngos grub sna tshogs pa'i/ /'jig rten 'dren pa'i gzugs bya ba/ /grub pa sna tshogs byed pa'i gnas/ /so so'i gzugs su bya ba ni/ /ras sam yang na dar dag la/ /'jigs pa med pas gzugs bya'o/ /don yod pa'i rgyal po ni khru gang tsam gyi tshad dam yang na tshad shin tu rnam par 'byed pa pad+ma'i mdog lta bu phyag brgyad pa/ dbu gsum pa/ de bzhin du spyan gsum pa/ zhi ba'i zhal du bri bar bya ste de bzhin du zhags pa 'dzin pa dang pad+ma 'dzin pa dang mdung rtse gsum pa dang / ril ba spyi blugs 'dzin pa dang / yid bzhin gyi nor bu dang / be con dang dbugs 'byin pa dang / bgrang phreng dang / me tog thum po 'dzin par bya'o/ /g.yon du ni dkar mo'o/ /g.yas su 'phags ma sgrol ma thal mo sbyar la dbu yid tsam 'dud brgyan thams cad kyis brgyan pa'o/ /'phags pa spyan ras gzigs dbang phyug ni ral pa'i thor tshugs can/ dbu rgyan 'od dpag med kyis brgyan pa/ g.yas phyogs kyi dbu zla ba tshes pas brgyan pa/ kyi pags pa mnabs pa/ mchod phyir thogs pa/ rgyan thams cad kyis brgyan pa/ 'od 'dom gang dang ldan pa'o/ /nang rim du pad+ma'i phreng ba'o/ /rim pa gnyis par rdo rje phreng ba lcags kyu dang bcas par bya'o/ /rim pa gsum par nor bu rin po che'i phreng ba dang / rin po che sna tshogs mdzes pa'o/ /rim pa bzhi par mdung rtse gsum pa'i phreng ba'o/ /rim pa lnga par kun nas 'bar ba'i phreng ba'o/ / steng dang g.yas phyogs kyi gnas su dbang po dang / tshangs pa dang / khyab 'jug dang / dbang phyug chen po me tog sna tshogs thogs par bya'o/ /g.yon du gzhon nu dang / gshin rje dang / chu lha dang / lus ngan dang / dbang phyug dang / lha'i bu rnams bya ba ni me tog sna tshogs thogs par bya'o/ /lha mo sgrol ma'i rgyab tu khro bo'i rgyal po don yod pa'i zhags pa bya ba ni khros pa/ gtum pa'i gzugs 'chang ba/ phyag bzhi pa/ 'bar ba'i nang du bzhugs pa/ sku rgyan thams cad kyis brgyan pa/ ral pa 'chang ba/ 'od dpag med kyi dbu rgyan can/ spyan gsum pa/ g.yas pa zla bas brgyan cing ral gri 'dzin pa dang zhags pa 'dzin pa dang / mdung rtse gsum pa 'dzin pa dang / dgra sta 'dzin par bya'o/ /dkar mo'i rgyab tu rig sngags kyi rgyal po dbu gsum pa bya ba ni/ zhi ba'i zhal ras can rgyan thams cad kyis brgyan pa/ dbu rgyan rgyal ba 'od dpag med can thogs pa/ pad+ma 'dzin pa/ nor bu rin po che 'dzin par bya'o/ /'og tu pho nya mo dang / dbyangs can ma dang / dung can ma dang / dpal mo dang / gnas ma dang / dpe med ma dang / ral pa gcig ma dang / pho nya mo zhi ba dang / lo tog gi lha dang / sa'i lha dang / rgyal po chen po bzhi bya'o/ steng dang g.yas g.yon du sangs rgyas kyi sku gzugs skyil mo krung bcas pa sor bzhi pa'i tshad tsam bya'o/ /nyi ma dang / zla ba'i lha rgyu skar dang bcas pa bya'o/ /ri mo'i gzugs kyi phyi rol gyi rim pa kun du phyag rgya dang / phyag mtshan sna tshogs rdzogs par bri'o/ klu brgyad bya zhing kun nas 'bar ba dang bcas par bya'o/ /rig sngags dngos grub bla med pa'i/ /ri mo'i cho ga'i gnas 'di ni/ /sdig pa thams cad mod la sel/ /mtshams med lnga po sbyong bar byed/ /phyag rgya dang / dkyil 'khor dang bcas pa ri mo'i gzugs grub pa 'di ni spyi'i rigs thams cad du 'jug par ston pa yin no/ /phyi'i rigs thams cad kyi de kho na nyid kyi ri mo'i dkyil 'khor 'di ni dus gsum du gshegs pa'i sangs rgyas dang / de bzhin du byang chub sems dpas kyang byin gyis brlabs pa'o/ /don yod pa'i byin gyi brlabs kyi ri mo 'di ni thub pa rnam par snang mdzad kyis byin gyis brlabs pa ste/ don yod pa'i zhags pa'i de kho na nyid snying por gyur pa de kho na nyid gsang ba 'di mthong ba tsam gyis rnam par thar pa 'thob cing lung bstan par 'gyur ro/ /mthong ba tsam gyis cho ga zhib mo bla na med pa thams cad 'grub bo/ /rnam par snang mdzad 'khor gyi dkyil 'khor chen po dang ldan par snang ba bye ba gang gA'i klung gi bye ma brgya stong phrag dgu bcu rtsa dgu mngon sum du mthong bar 'gyur ro/ /dkyil 'khor chen po 'khor bcas kyi/ /rig sngags cho ga bla med pa/ /spyi rigs yang dag 'byung ba ni/ /thub pa rnam snang mdzad kyis bstan/ /de bzhin gshegs rigs grub pa dang / /gang yang pad+ma'i rigs de bzhin/ /nor rigs de nyid 'byung ba dang / /rdo rje'i rigs gang bla med pa/ /spyi rigs 'di nyid mthong ba ni/ /ri mo mthong ba'i khyad par yin/ /phyir yang ngan 'gror mi 'gro zhing / /dmyal ba ngan 'gro'i sgo bcad de/ /mtho ris kyi ni sgo yang phye/ /bla na med pa ston pa yi/ /phyag rgya'i ri mo'i dkyil 'khor 'di/ /bsod nams bla na med pa yin/ /ci ste don yod pa'i 'jig rten dbang phyug gi gzugs mthong bar 'dod na rig sngags 'chang des tsan+dan dkar po las 'phags pa spyan ras gzigs dbang phyug don yod pa'i zhags pa sor brgyad kyi tshad tsam la/ gnad kyi gnas kyi cha'i sor tshad shin tu rnam par mdzes pa/ dbu dang / mgur dang / rked pa dang / pus mo dang / yan lag dang / zhabs kyi tshigs dang / phyag sor dang / phyag sor gyi tshigs dang / sen mo thams cad mnyam zhing mdzes pa dang / ral pa dang / sen mo tshad shin tu mdzes shing cod pan gyi rgyal ba'i g.yas phyogs na zla ga ma zhi pa'i gzugs can spyan gsum pa/ phyag bzhi shin tu mdzes pa dang / dbu skra shin tu mdzes pa/ rgyan thams cad kyis brgyan pa'i gzugs dang ldan pa/ zhags pa 'dzin pa/ g.yon pa 'od dpag med can phyag na pad+ma bsnams pa/ phyag g.yas pa mdung rtse gsum pa dang / dbugs 'byin cing rtag tu mchog sbyin par mdzad pa/ pad+ma'i gdan la bzhugs par bya'o/ /sgrol ma dang / dkar me yang 'od 'dom gang dang bcas par dgod do/ /mgon po shin tu mdzes pa/ nor bu dang / mu tig gi rgyan gyi mtshams su gser gyi rgyan gyis g.yogs pa'i con pan nam/ yang na spyi gtsug tu ring bsrel gzhag par byas la/ tsan+dan dkar po'i dkyil 'khor bya zhing gur gum dang / gla rtsi dang / ga pur gyis mchod la dkyil 'khor gyi snying po 'di'i dbus su pad+ma ge sar dang bcas pa'i 'dab ma sum cu rtsa gnyis pa bris la de'i dbus su 'jigs pa med pas 'jig rten dbang phyug dar gyi cod pan gyis bcings pa bzhag la/ a ga ru dang / tsan+dan gyi bdug pa dbul zhing me tog dgram par bya/ me tog gi phreng bas mchod par bya'o/ /rig sngags 'chang gtsang ma gyur pa shin tu khrus byas pa gos gtsang ma bgos pas/ smyung ba byas la mgon po 'jig rten dbang phyug la mngon du phyogs par skyil mo krung bcas te 'dug la mchod yon dang / lha bshos phul la byams pa'i sems la mnyam par bzhag ste/ sangs rgyas rjes su dran pa bsgom mo/ /sems can thams cad la brtse bar gyur pa'i ting nge 'dzin yang bsgom zhing gtam gzhan mi smra bar shin tu yongs su sbyar ba legs par spyod cing gzhan 'jigs pa med pas bdag bsrung ba dang / phyogs bcing ba dang / dkyil 'khor bcing ba srung ba dang bcas pa yang byas la bzlas brjod de nyid stong rtsa brgyad dang / phyag rgya yang stong rtsa brgyad brtsams na 'phags pa spyan ras gzigs dbang phyug 'bar zhing g.yo ba dang / bdag kyang 'bar ba dang snying dga' bar 'gyur ro/ /'phags pa spyan ras gzigs dbang phyug gi mchog sbyin par mdzad pa'i phyag spyi bor gzhag ste legs so legs so/ /rig sngags 'chang khyod kyis mchod pa dam pa dang / gsang sngags kyi cho ga chen po byas so/ /sgrub pa dam pa byas so/ /de bzhin gshegs pa'i spyi'i rigs 'di dang / de bzhin gshegs pa'i rigs thams cad kyi cho ga zhib mo gsang ba dang / phyag rgya dang / dkyil 'khor gyi cho ga dang / thams cad du spyi'i dngos grub rig sngags 'chang khyod la 'grub kyis/ khyod kyis don yod pa'i zhags pa'i snying po rjes su zung shig dang / rig sngags 'chang ji ltar yid la byed pa de ltar 'dod pa dang / mchog thams cad ji ltar yid la bsams pa de thams cad rjes su sbyin no/ /'di ni khyod kyi skye ba'i 'khor ba tha ma yin te skye ba dang / rga ba dang / 'chi ba dang / mngal du gnas pa las yongs su grol bar 'gyur ro/ /rig sngags 'chang khyod shi 'phos nas bde ba can gyi 'jig rten gyi khams su pad+ma las rdzus te skye bar 'gyur ro/ /de bzhin gshegs pa tshe dpag med mngon sum du mthong bar 'gyur/ mngon sum du chos nyan par 'gyur ro/ /byang chub kyi snying po la gnas kyi bar tshe'i tshad bskal pa brgya stong dpag tu med grangs med bgrang du med par 'gyur ro zhes tshig tu gsung ngo / /de nas rig sngags 'chang gis khro bo'i rgyal po gang la khro bo'i rgyal po me tog gam/ cod pan la mngon par gtor na/ des na 'phags pa spyan ras gzigs dbang phyug rang gi skur bzhugs te/ rig sngags 'chang nam mkha' la 'gro zhing don yod pa'i ye shes bkod pa dri ma med pa zhes bya ba'i ting nge 'dzin 'thob bo/ /yangs pa chen pos rnam par thar pa'i dkyil 'khor don yod pa'i zhags pa'i dngos grub thob par 'gyur ro/ /sku gzugs bsgrub pa de kho na nyid ces pa 'di gal te rig sngags 'chang skal ba chung ba mnar med par gzhol ba/ mtshams med pa lnga byed pas de lan cig nges par bsgrubs pa tsam gyis mdun du rang gi gzugs kyis nges par mchis par 'gyur ro/ /gal te de bzhin gshegs pa thams cad dang dus gsum du gshegs pa'i sangs rgyas la sdang bas khrag dbyung bar sems bskyed pa des kyang de bzhin gshegs pa thams cad dang / dus gsum du gshegs pa'i sangs rgyas kyis dgongs pa'i dam tshig chen po'i byin gyis brlabs de rig sngags 'chang bsgrubs na rmi lam du bdag gi gzugs mthong ba stsal bar bgyi zhing yid la bsams pa thams cad yongs su rdzogs par bgyi'o/ /mchog thams cad rjes su stsal bar bgyi zhing sdig pa dang sgrib pa thams cad rnam par dag par bgyi'o/ /dri ma med par rnam par thar pa'i 'od zer gyi dkyil 'khor la rnam par lta ba zhes bya ba ting nge 'dzin 'thob bo/ /sad nas 'jig rten pa thams cad kyi mchod pa'i 'os chen po gcig pur 'gyur ro/ /skye bo thams cad kyis mchod par bya ba chen por 'gyur ro/ /sgrib pa dang bral zhing rnam par dag pa/ sgo kun du dri ma med par snang ba zhes bya ba'i lus yongs su dag pa 'thob par 'gyur ro/ /sems can gang dag gis de mthong bar gyur pa de dag thams cad sgrib pa dang bral bar 'gyur ro/ /nad thams cad dang bral zhing nyon mongs pa dang bral bar 'gyur ro/ /gdol pas kyang dad pa dang / gus pas sgrub pa rnam pa gsum dang / cho ga gzhan gyis kyang nges par yid la bsams pa thams cad yongs su rdzogs par bgyi/ rang gi gzugs kyis mthong ba stsal bar bgyi na/ mir gyur pa dad pa'i rjes su 'brang ba sdom brtson can gyis lta smos kyang ci 'tshal te/ dran pa tsam gyis bdag rang gi gzugs kyis mdun na mchis par bgyi zhing yid la bsams pa thams cad yongs su rdzogs par bgyi ste/ 'di la the tsom dang yid gnyis bskyed par mi bya'o/ /de lta mod kyi bcom ldan 'das sems can tshe gcig pu pa de la rig sngags sgrub pa'i dngos grub rjes su stsal bar bdag gis rngo mi thogs lags so/ /gang yang phyi ma'i tshe phyi ma'i dus na dge slong dag dang / rig sngags 'chang ba'i sems can ser sna can/ sems gya gyu ba gnyis su mi byed pa/ ngo gnyis can/ ser sna can/ byas pa mi gzo ba/ pha rol gyi rdzas la brkam chags can/ gsang sngags rku ba/ yi ge rku ba/ gdug pa/ phrag dog che ba/ khengs ba/ gzhan gyi rdzas 'phrog pa/ mkhan po dang slob dpon phyag rgya dang dkyil 'khor ston pa'i bla ma la ma gus pa/ rig sngags kyi cho ga zhib mo 'di ston pa la ma gus pa nyid brkam chags can/ byas pa mi gzo ba nyid dag 'byung ste/ sems can de dag la bskyang bar bstan pa'am/ dngos grub bstan par rdo mi thogs lags so/ /bdag la yang brnyas par bgyid pa'i sems can de lta bu mang du 'byung ste/ bdag la'ang sun par bgyid pa/ bdag la'ang ma gus par bgyid pa/ kun nas mnar sems dang sdang bas khrag 'byin par bgyid pa dag 'byung ngo / /bdag la'ang 'khu bar bgyid pa/ de bzhin gshegs pa thams cad kyi gsang ba'i dkyil 'khor dang / spyi'i rigs kyi dam tshig sun par bgyid pa'i sems can de ni smad par 'os pa zhes brjod par bgyi'o/ /rig sngags kyi cho ga zhib mo dang / dam tshig kun nas 'joms par bgyid pa'i gdol ba zhes rig par bgyi'o/ /de bzhin gshegs pa thams cad kyi gsang ba kun nas 'joms pa zhes rig par bgyi'o/ /de bzhin gshegs pa thams cad kyi snying po dang / gsang ba dang / dkyil 'khor kun nas 'joms pa zhes rig par bgyi'o/ /byang chub sems dpa' thams cad kyi dam tshig dang / gsang ba dang / rig sngags 'chang gi dkyil 'khor dang / phyag rgya kun nas 'joms pa zhes rig par bgyi'o/ /de dag gis bdag la smad pas sems can de dag gi sdig pas gdol pa zhes bgyi ste/ dge slong dag dang / rig sngags 'chang de dag ni smad par 'os par rig par bgyi'o/ /tshig pa ka ba tshig pa lta bu/ rig sngags nyams pa/ log 'dren gyis zin pa dkyil 'khor gyi lha thams cad kyis smad pa zhes bgyi'o/ /'jig rten pa dang / 'jig rten las 'das pa chud gzan pa/ rig sngags nyams pa/ dmyal bar gzhol ba de dag ni bdag gis mnongs te/ bdag gis yongs su spangs pa ma lags so/ /de lta mod kyi dus gsum du gshegs pa'i de bzhin gshegs pa yongs su spangs pa/ dus gsum du gshegs pa'i byang chub sems dpa' yongs su spangs pa/ rdo rje'i dam tshig dang / dkyil 'khor dang / phyag rgya thams cad spangs ba/ thub pa rnam par snang mdzad kyi dam tshig chen po'i dkyil 'khor dang / dam tshig yongs su spangs pas bgegs dang log 'dren thams cad dang / sdang ba thams cad kyis zin cing nad kyis yongs su zin par 'gyur ba de dag ni bdag gis mnongs te/ bdag gis yongs su ma spangs so/ /de ltar mod kyis rig sngags 'chang bsregs pa/ dkyil 'khor dang dam tshig bsregs pa/ phyag rgya byed pa dang bcas par bsregs pa/ gsang ba bsregs pa/ de bzhin gshegs pa'i dam tshig dang rigs sun par byed pa/ sdig pa'i dge slong mang po de dag ni des na bskal pa mang po rdul phra mo bsags pa'i bskal bar sdug bsngal nyams su myong ste/ 'jig rten 'di dang 'jig rten pha rol gyi bde ba can med do/ /de lta bas na sems can rig sngags kyi ched du rig sngags rjes su sems pas byams pa'i sems su bya'o/ /gang gi drung du phyag rgya dang / gsang sngags rim par phye ba dang / rig sngags gsang ba rnyed par 'gyur ba de la des gus pa chen po dang / bla mar bgyi ba chen po bskyed par bgyi/ pha dang ma dang 'dra ba'i sems bskyed par bgyi/ pha dang ma'i gus pa bgyi/ ston pa'i gus pa bgyi/ rang gi sha dang / khrag dang / rkang yang gtang bar bgyi/ gos dang / rgyan dang / bza' ba dang / btung ba dang / stan dang / bgo bas rim gro dang mchod pa bgyi ste/ de la ni bdag gis mchod par bgyi/ rjed pa dang bla mar bgyi'o/ rtag tu rjes su 'brang bar bgyi/ dran pa tsam gyis kyang bdag gi gzugs mthong ba rjes su stsal bar bgyi/ rgyun du rjes su 'brang bar bgyi/ bdag rgyun du rjes su 'brang ba ni ji ltar chab kyi nang du til mar gyi thigs pa stsal ba ltar dngos grub kun du mchi bar bgyi/ rgya mtsho'i dus rlabs bzhin du thams cad du mchi bar bgyi'o/ /bdag gis zhags pa dang / lcags kyus dmyal ba thams cad drang bar bgyi/ bde bar gshegs pa'i lam la so sor gzhag par bgyi/ stobs dang / brtson 'grus dang / gzi brjid chen po 'jug par bgyi/ thams cad du sgrub pa dang / dngos grub dang / mchog stsal bar bgyi'o/ /de nas tsan+dan gyi gzugs 'di mthong bas 'phags pa spyan ras gzigs dbang phyug nyid kyi gzugs mthong ste/ de mtshungs par 'tshal bar bgyi ste bdag rang gi gzugs kyis rgyun kho nar gnas par bgyi'o/ /gang na cho ga 'di gnas pa de mchod rten dang bcas par mtshungs par rig par bgyi'o/ /sa phyogs de ni ston pa bla ma bzhugs pa'i gnas su rig par bgyi'o/ /gang na dus gsum du gshegs pa'i spyi'i dam tshig gnas pa 'di sangs rgyas kyi gnas so zhes rig par bgyi'o/ /de gsang ba'i dkyil 'khor rmad du byung ba zhes rig par bgyi'o/ /lha thams cad kyi gnas dang dam tshig go zhes rig par bgyi'o/ /de bzhin gshegs pa'i rigs thams cad kyi gnas byang chub kyi snying po dang / chos kyi 'khor lo bskor ba dang / bdud 'dul ba dang / yongs su mya ngan las 'das pa chen po yang dag par ston pa'i gnas so zhes rig par bgyi'o/ /sa phyogs 'di rin po che sna bdun gyi gzhal med khang gi gnas bkod pas brgyan par rig par bgyi ste/ de la the tsom dang yid gnyis bskyed par mi bya'o/ /de nas de'i 'og tu gnas thams cad du gtogs pa'i dngos grub chen po sgyu ma chen po'i rnam par 'phrul pa'i gnas byed par 'dod pa dang / dgos pa thams cad byed par 'dod na rig sngags 'chang des dri sna tshogs las 'phags pa spyan ras gzigs dbang phyug gi gzugs sor bcu drug pa shin tu mdzes pa/ sku shin tu tshad dang ldan pa/ phyag drug pa/ de bzhin du zhal gsum pa bya ste/ dang po ni zhi ba'i zhal ras can tshangs pa'i cha byad 'chang ba/ spyan gsum pa/ ral pa'i thog tshugs kyis brgyan pa/ 'od dpag med pa'i dbu rgyan 'chang ba/ zla gam can no/ /zhal g.yas pa ni khro bo'i rgyal po gzugs can/ gzugs bsgyur ba/ spyan gsum pa/ ral pa'i thor tshugs kyi steng gi ral pa la 'od dpag med pa'i dbu rgyan 'chang ba/ zla gam g.yas phyogs na gnas pa'o/ /g.yon pa ni zhal khro gnyer can/ khros pa'i lta stangs su lta pa/ spyan gsum pa/ ral pa'i thor tshugs 'chang ba/ 'od dpag med pa'i dbu rgyan 'chang ba/ g.yas phyogs zla gam can/ rgyan thams cad kyis brgyan pa/ 'od 'dom gang gis legs par brgyan pa/ zhags pa thogs pa/ pad+ma thogs pa/ mdung rtse gsum pa thogs pa/ dgra sta thogs pa/ dbugs 'byin pa/ rin po che'i dbyug pa thogs pa/ pad+ma'i gdan la bzhugs pa'o/ /g.yas na lha mo sgrol ma thal mo sbyar cing 'dud pa'o/ /g.yon na dkar mo thal mo sbyar te yid tsam du 'dud pa/ rgyan thams cad kyis brgyan pa/ me tog sna tshogs kyis legs par brgyan par bya'o/ /zhabs kyi drung du rig sngags 'chang gser gyi rgyan gyis brgyan pa/ lag na me tog thogs pa/ 'phags pa spyan ras gzigs dbang phyug la kha bltas nas pus mo btsugs te 'dug par bya'o/ /lhag ma ma yin pa'i tshon rtsis tshad dang tshad ma 'dres par spyan dang / smin ma dang / mchu dang / sen mo'i gnas kyis gnas su sbyar bar bya'o// //'phags pa don yod pa'i zhags pa'i cho ga zhib mo'i rgyal po/ /bam po nyi shu pa/ de nas rdzas bshad par bya ste/ 'jigs pa med pas spos kyi rigs tsan+dan dang / ta ga ra dang / pu shel ci dang / li shi dang / nA ga pus pa dang / spr-i ka dang / rgya skyegs dang / kha bar Ni kha dang / spang spos dang / na la da dang / gur gum dang / gla rtsi dang / ga bur dang / sgron shing dang / gan+da pri yang ku dang / kun du ru dang / sha kha ra dang / pad+ma ge sar dang / du ru ska dang / til mar dang / spra tshil dang / lhan cig sbyar ba'i phye ma zhib mo shin tu 'jam pa/ shin tu mnyen pa/ mchog 'di gtsang ma gtsang sbra spyod pas thub pa/ 'phags pa spyan ras gzigs dbang phyug dge zhing shin tu dul ba/ rab tu zhi ba'i rnam par shin tu mdzes par bya'o/ /gsang sngags brgyad stong bzlas brjod byas pas/ lan cig bsgrubs pa ni mchog yin te/ 'di yongs su rdzogs nas khro bo'i rgyal pos thams cad la mngon du gtor te de nas rig sngags 'chang gis las brtsam mo/ /de nas rig sngags 'chang gtsang mar gyur pas gos gtsang ma bgos te/ shin tu khrus byas la dris byugs pas dkyil 'khor gru bzhi shin tu mdzes pa gsal ba/ ko la'i tshad tsam gyi dkyil 'khor bzang po legs par byugs pa shin tu gsal ba bya'o/ /dri sna tshogs kyis byugs pa shin tu 'jam pa la tsan+dan dkar po dang / gur gum gyis dbus su las kyi dkyil 'khor rnam par phye ba bri bar bya'o/ /'dir ni pad+ma'ang byas te/ / 'dab ma brgya rtsa brgyad pa ge sar dang snying por bcas pa/ shin tu mdzes pa/ shin tu bzang ba/ tsan+dan dang gur gum gyis bri bar bya ste/ der tshon rtsi gzhan ni spyad par mi bya'o/ /bum pa spos chus bkang ba dang / de bzhin du dri chu dang / gtor ma thams cad dri sna tshogs kyis bsgos pa dang / ci yod pa'i gtor ma gzhag ste/ de nas 'dir dkyil 'khor bya ba ni gnas sam dgon pa'am/ khyim mam gang du gnas par gyur pa der khru gang tshad dam khru do'am khru gsum mam lhag par yang bya'o/ /de bzhin du bdug spos dang / tsan+dan dang / a ga ru dang / du ru ska dang / kun tu ru'o/ /ba dan kha dog sna tshogs pas dkyil 'khor kun nas brgyan par bya'o/ /me tog phreng ba dgram bya zhing / /dri dang byug pa de nyid dang / /kun du mar me'i phreng ba'o/ /de nas dri las byas pa'i 'phags pa spyan ras gzigs dbang phyug dkyil 'khor gyi dbus su pad+ma'i ge sar gyi steng du bzhag pa la/ rig sngags 'chang mngon du phyogs par skyil mo krung bcas te 'dug nas gzhan mi smra bar bzlas brjod brgyad stong brtsam par bya'o/ /brgyad stong rdzogs pa dang 'phags pa spyan ras gzigs dbang phyug gi sku las 'od zer sna tshogs 'byung zhing cher g.yo bar 'gyur/ rang gi lag pa g.yas pa 'bar bar 'gyur ro/ /gzugs brnyan las rig sngags 'chang legs so legs so/ /khyod kyis 'dod pa'i las thams cad grub bo/ /don yod pa chen po'i 'khor lo rnam par 'phrul pa'i dngos grub dang / thams cad du dgos pa grub pa de kho na nyid grub bo/ /khyod kyis don yod pa'i zhags pa'i snying po 'di mchog tu grub bo/ /khyod kyis sgrub pa'i cho ga rgya cher mchog tu grub bo zhes sgra 'byung ngo / /de nas rig sngags 'chang gis dgos pa yongs su rdzogs pa'i dkyil 'khor gyi cho ga ji ltar dgos par bya ste/ slob ma gzhug pa dang / dam tshig ni 'dir dgos pa zhes bya'o/ de nas rig sngags 'chang gis gang gi tshe dgos pa byung ba de'i tshe dri las byas pa'i mgon po la sngar mchod pa bya ste/ de nas dgos pa thams cad 'grub par 'gyur ro/ /'phags pa spyan ras gzigs dbang phyug mdun du bzhag la/ bzlas brjod brgyad brgya byas na dgos pa sna tshogs rmi lam du ston cing ji ltar bsams pa thams cad ston par 'gyur ro/ /de'i mdun du tsan+dan dkar po las dkyil 'khor byas la/ tsan+dan dkar po'i sbyin sreg brgya rtsa brgyad bya'o/ /de nas thal ba la bzlas brjod lan brgya rtsa brgyad bya ste/ rang gi lus mtha' dag khyab par bsku zhing / thal ba de nyid dang / yungs kar gyi byug pa phyogs bzhir gtor na 'jig rten dbang phyug gi gzugs ji lta ba de ltar 'jig rten thams cad kyis mngon sum du mthong ste/ ji srid du phyir bsdu ba ma byas pa de srid du 'jig rten dbang phyug gi gzugs su snang bar 'gyur ro/ /dri chu dang yungs kar gyis mngon du phyogs par gtor na phyir bsdu ba byas par 'gyur ro/ /thal ba des rab tu bdugs te dur khrod kyi nang du zhugs na 'byung po'i dpung dang 'khor dang bcas pa mdun na nye bar gnas par 'gyur ro/ /gnod sbyin dang / srin po dang / 'byung po dang / sha za thams cad mdun na nye bar gnas shing dbang du gyur nas gnas te/ bdag dang nor gyis bgyi ba ci mchis zhes bya ba byed do/ /rang la byugs te tshogs kyi nang ngam/ dge 'dun gyi nang du zhugs na ston pa mthong ba ji ltar rig sngags 'chang snang zhing mthong ste/ mchod pa'i 'os chen por 'gyur ro/ /phyag bya ba'i 'os su 'gyur/ don dang mchod pa chen po 'thob par 'gyur ro/ /thal bas lus bskus te klu'i mtshor zhugs na klu'i rgyal po stong phrag drug cu rtsa brgyad thams cad dbang du gyur nas gnas te bka' bzhin byed par 'gyur zhing ji srid 'tsho'i bar du nye bar gnas par 'gyur ro/ /rang la byugs te rgyal po'i pho brang du zhugs na/ rgyal po btsun mo dang 'khor du bcas pa rnams dbang du 'gyur te/ ci bgyi zhes bya ba byed cing mdun na nye bar gnas par 'gyur ro/ /'jig rten gyi bla ma ji lta ba de bzhin du mchod pa chen po 'byung bar 'gyur/ don chen po dang mchod pa chen po 'thob par 'gyur/ ji srid 'tsho'i bar du nye bar gnas par 'gyur te/ ston pa 'dren pa ji lta ba bzhin no/ /gang dang gang la thal bas reg pa tsam gyis de dang de'i nad thams cad bral bar 'gyur sdig pa dang sgrib pa thams cad rnam par dag par 'gyur ngan 'gro'i sgo thams cad gcad par 'gyur/ mchog tu bde ba dang ldan par 'gyur ro/ /shi 'phos nas bde ba can gyi 'jig rten gyi khams su skye bar 'gyur ro/ /byas pa mi gzo ba/ gsang sngags kyi gdol pa/ ma gus pa/ bla mar mi byed pa/ rlom sems can/ nga rgyal dang ldan pa/ bdud kyi phyogs pa/ skyes bu gti mug can/ bsogs pa la zhen pa/ khengs pa/ nga rgyal can de dag gis gang du yang dngos grub yang dag par rjes su mi mthong ngo / /de dag yun ring por thar pa mi rnyed pas dus gsum gyi de bzhin gshegs pa dang / byang chub sems dpa' dang / gang yang rig sngags kyi dkyil 'khor gyi lha rnams kyis smad pa/ skye ba brgyud par rang gi rgyud la dngos grub bsregs pa/ 'jig rten 'di dang pha rol chud gson pa dag ni ma gtogs te/ de lta mod kyi 'dir bdag gis cung zad kyang ma nongs te/ sdug bsngal mang po dang chen po'i sems can dgrol bar rngo mi thogs lags so/ /sangs rgyas thugs rje chen pos bka' stsal pa'i yid la bgyi ba bskal pa bgrangs par yid la bgyis pas dgrol bar rdo mi thogs lags so/ /de lta mod kyi sdug bsngal mang po brgyud par nyams su myong bar 'gyur ro/ /dngos grub ni byams pas 'thob ste/ byams pa dang / gsang sngags kyi go cha bgos pa/ byams pa'i ral gri thogs pa/ sems can thams cad la phan zhing mnyes gshin pa la de kho na nyid sgrub pa'i dngos grub 'di dag 'jig rten 'dren pas rjes su gnang ngo / /mgon po 'di mthong ba tsam gyis spos kyi gzugs kyi 'jig rten mgon po mthong ba dang / 'jig rten 'dren pa rang gi gzugs su mngon sum du mthong ba mtshungs pa nyid du khong du chud par bgyi'o/ /sangs rgyas bye ba gang gA'i klung gi bye ma dang mnyam pa mngon sum du mthong ba kho na dang / 'jig rten gyi mgon po mthong ba mtshungs pa kho nar khong du chud par bgyi ste/ 'di ltar shes par bya'o/ de nas phyir mi ldog pa'i gnas rig sngags 'chang gi 'khor los sgyur ba chen po sgrub par 'dod pa'i dge slong ngam/ rigs kyi bu'am/ rigs kyi bu mo'am/ rgyal po'am/ blon po chen po'am/ rig sngags 'chang ngam/ gzhan gang yang rung ba'i rig sngags 'chang gis phyir mi ldog pa'i gnas thob par 'dod pa dang / dus gsum du gshegs pa'i sangs rgyas mthong bar 'dod pa dang / 'phags pa spyan ras gzigs dbang phyug gi gnas mthong bar 'dod pa dang / rig sngags 'chang gi dkyil 'khor gyi lha thams cad mthong bar 'dod pa dang / 'phags pa rdo rje 'dzin mthong bar 'dod pa dang / de bzhin gshegs pa'i rigs thams cad kyi spyi'i dam tshig mthong bar 'dod na cho ga 'di bsgrub par bya ste/ snying po dang bcas/ bya ba dang bcas pa des myur ba dang / shin tu myur ba dang / mgyogs par 'jig rten thams cad kyi mngon sum du cho 'phrul rmad du byung ba gsang ba ston par mthong ste/ 'di la som nyi dang ne mnur bskyed par mi bya'o/ /the tsom dang yid gnyis bskyed par mi bya'o/ /de nas rig sngags 'chang gis 'phags pa spyan ras gzigs dbang phyug gser gyi mdog can sor bzhi'i tshad tsam/ tshangs pa'i cha byad 'chang ba/ ral pa'i thor tshugs kyis brgyan pa bya ste/ shin tu tshad dang ldan pa/ cha byad mdzes pa/ cha shin tu rnam par mdzes pa/ phyag gnyis pa/ spyan gsum pa/ 'od dpag med pa'i dbu rgyan can/ g.yas na zla ba tshes pa/ phyag g.yon na pad+ma dang / ril ba spyi blugs bsnams pa/ phyag g.yas mi 'jigs pa sbyin pa/ sku'i nang ga bur dang / gla rtsi dang ring bsrel gyis bkang ba/ g.yas na lha mo sgrol ma dngul las byas pa thal mo sbyar te yid tsam 'dud pa/ gser gyi rgyan gyis brgyan pa dang / g.yon na dngul las dkar mo thal mo sbyar te yid tsam 'dud pa pad+ma'i gdan la bzhugs par bya'o/ /steng gi g.yas phyogs na 'od dpag med skyil mo krung bcas bcas te bzhugs pa dang / g.yon na shAkya'i rgyal po skyil mo krung bcas te bzhugs pa dgod par bya'o/ /'od 'dom gang dang bcas pas legs par brgyan par bya zhing / gnad dang gnad shin tu rnam par 'byes pa/ skra dang / dpral ba dang / smin ma dang / shangs dang / snyan dang / zhal dang / mgul pa dang / dpung pa dang / nu ma dang / rked pa dang / brla dang / pus mo dang / byin pa dang / zhabs dang / phyag gi sor mo mnyam zhing thams cad du mdzes pa/ sku chu zheng gab cing mtho dman ran pa/ mchod phyir thogs pa dkar po 'chang ba bya'o/ /las shin tu yongs su rdzogs shing shin tu mthar phyin pa dang / 'phags pa spyan ras gzigs dbang phyug gi gzugs zin par rig nas/ de nas rig sngags 'chang gis rgyu skar bzang po'i zla ba nya'am/ tshes brgyad dam/ lnga'am/ bcu gsum mam/ bcu bzhi'am/ rgyu skar bkra shis pa rgyal gyi nyi ma dang mthun pa rnyed nas dkyil 'khor bsgrub par bya ste/ dkyil 'khor shin tu mdzes par bya ba ni gru bzhi la cha legs par phye ba/ ko la'i tshad tsam la them skas bzhis brgyan pa/ khru gsum par rnam par dbye bar bya ste/ chung ba dang lhag par ni mi bya'o/ /legs par byugs pa shin tu 'jam pa/ snyi ba/ mnyen pa/ dbyibs legs pa la tshon rtsi sna tshogs kyis rnam par dbye zhing dkyil 'khor dam pa thig gdab pa ni shin tu rnam par mdzes pa/ sgo bzhi pa la dkyil 'khor gyi dbus kyi snying por pad+ma'i rigs kyi dkyil 'khor don yod pa'i zhags pa'i dkyil 'khor bri'o/ /phyi rol gyi dkyil 'khor gyi gnas su cha rnam pa brgyad du phye la/ lho'i grwa'i gnas su de bzhin gshegs pa'i rigs tshon sna tshogs kyis bri'o/ /de nas byang gi grwar bri ba ni rdo rje'i rigs kyi dkyil 'khor tshon rtsi sna tshogs kyis rnam par bkra bar bri'o/ /de nas nub kyi grwar bri ba ni nor bu'i rigs kyi dkyil 'khor sna tshogs kyis rnam par bkra bar bri'o/ /de nas shar gyi grwar glang po che'i rigs kyi dkyil 'khor tshon rtsi sna tshogs kyis rtag tu shin tu mdzes pa dang / shin tu gsal bar bri'o/ /shar phyogs kyi dkyil 'khor gyi sgor ri bo po Ta la me tog dang shing ljon pa sna tshogs kyis legs par brgyan pa ri'i lha dang bcas pa bri'o/ /lho phyogs kyi sgor ri rab klu'i rgyal po dga' bo dang nye dga' bos kun nas dkris pa dang / sum cu rtsa gsum pa'i ris kyi lha bri'o/ /byang phyogs kyi sgor ni spos kyi ngad ldang dri za'i tshogs kyis gang ba shing ljon pa sna tshogs kyis shin tu mdzes pa bri'o/ /nub phyogs kyi sgor ri ti se lha rnams kyi gnas me tog sna tshogs dang / 'khri shing dang / shing ljon pa sna tshogs mchog gis rtag tu gang ba bri'o/ /legs par zin nas kun tu ni mdung rtse gsum pa'i bar phreng ngo / /de bzhin gshegs pa'i rigs su de bzhin gshegs pa dang / rdo rje'i rigs nyid gzhag go/ /nor bu'i rigs su de bzhin gshegs pa gzhag cing de bzhin gshegs pa'i rigs dang / thams cad du rdo rje 'dzin pa bzhag na spyi'i rigs 'grub bo/ /lha mo sgrol ma ni ri bo po Ta la la gzhag go/ /ri rab la ni gos dkar mo'o/ /dpe med ma ni ti se'i rtse mor ro/ /sgrol ma bdun ni spos kyi ngad ldang la gzhag go / shar phyogs kyi sgor pho nya mo zhib pho nya mo bdun gyis yongs su bskor ba'o/ /lho phyogs kyi sgor ni srin mo ral pa gcig ma srin mo bdun gyis yongs su bskor ba'o/ /nub phyogs kyi sgor rdo rje lu gu rgyud lu gu rgyud bdun gyis yongs su bskor ba'o/ /byang phyogs kyi sgor khro gnyer can mo khro gnyer can bdun gyis yongs su bskor ba'o/ /de nas 'jigs pa med pas mgon po 'jig rten gyi bla ma'i gzugs gser gyi mdog can ring bsrel dang ldan pa don yod pa'i rgyal po rnam par 'phrul pa'i dkyil 'khor gyi snying po pad+ma rgya chen po'i dkyil 'khor du gzhag par bya'o/ /grwar rgyal po chen po bzhi stobs po che go cha bgos pa/ drag shul gyi gzugs can/ mtshon cha 'bar ba thogs pa gzhag par bya'o/ /gang zhig thub pa rnam par snang mdzad kyi sprul pa/ spyi'i rigs yang dag par 'byung ba/ don yod pa'i rgyal po rnam par 'phrul pa/ 'jig rten dbang phyug mchog sbyin pa dang bcas pa/ don yod pa'i zhags pa rnam par 'phrul pa bsgrub pa'i ched du cho ga sna tshogs dran par bya'o/ /sems can kun la phan pa'i phyir/ /rnam thar dkyil 'khor de nyid ni/ /legs par bsgrubs pa mthong tsam dang / /bklags pas dngos grub bla med 'gyur/ /de bas rtag tu 'bad pa yis/ /sgrub par byed pa mi mkhas so/ /de nas rig sngags 'chang gtsang mar gyur pa shin tu khrus byas pa gos gtsang ma bgos pas dar dang ba dan sna tshogs bzang pos dkyil 'khor brgyan par bya'o/ /ro bro ba'i mchog rgya chen pos snod sna tshogs legs par bkang ba dang / gser dang dngul gyi snod du mchod yon dbul zhing ro sna tshogs kyi gtor ma gzhag par bya'o/ /de bzhin du 'bras bu sna tshogs gzhag par bya'o/ /gzugs rnam pa sna tshogs pa'i kha zas kyi gtor ma yang bsgrub bo/ /me tog sna tshogs bkram zhing gtor ma sna tshogs kyis bkang bra dang / bum pa dang / rdze'u dang / phor zlum dang / kham phor dang / dbyib mo dag kyang dgang ngo / /kun du dri chus bskos pa yi/ /rgya chen gtor ma kun du'o/ /sna tshogs pa yi pog phor nas/ /sna tshogs bdug spos dbul ba ni/ /a ga ru dang / tsan+dan dang / spr-i ka dang / du ru ska dang / kun tu ru dang / gu gul dang / sgron shing dang / shri beSh+Ta ka dang / sa ra dang / sar dza ra sa dang / de bzhin du ga bur dang / gla rtsi dang / gur gum dang / sha kha ra'i bdug spos 'di dag ni rab tu phul/ thams cad du sgrub pa bla na med pa yin no/ /sna tshogs pa yi dri dag dang / /phye ma byug pa sna tshogs nyid/ /shes rab can gyis kun tu ni/ /dkyil 'khor dag la gzhag par bya/ /lha rdzas kyi rin po che sna bdun gyi me tog dang / dngul gyi me tog dang / zangs kyi me tog dang / byi ru dang ni mu tig dang / /in+d+ra nI la dag dang ni/ /pad+ma rA ga dag kyang ngo / /gser dang dngul gyi bum pa rin po che sna bdun can yang grwa bzhir gzhag par bya'o/ /'bras yos dang / yungs kar dang bsres pas dkyil 'khor kun du gtor ro/ /kun nas me tog phreng ba ni/ /rmad byung dkyil 'khor la gzhag cing / /kun nas mar me'i phreng ba yang / /dkyil 'khor rmad du byung la bzhag /rig sngags 'chang nyin zhag gcig gnas par gyur pas yang bzlas brjod rgya cher byas la cho gas bsrung ba dang / phyogs bcing ba dang / kun nas dkyil 'khor bcing ba byas la dkyil 'khor gyi las bya'o/ /de nas slob ma gzhug par bya ste/ bla ma mkhan po 'am/ slob dpon nam/ pha'am rgyal po'am/ blon po chen po la dam tshig dang / phyag rgya dang / dkyil 'khor gsang ba bstan te/ mgon po 'jig rten gyis bla ma mthong zhing dkyil 'khor rmad du byung ba mthong nas phyag bya zhing mchod pa dang / me tog dang / bdug spos dbul ba byas la bskor ba bya'o/ /de nas rig sngags 'chang gis thams cad la byams pa'i sems mnyam par bzhag ste/ skyil mo krung bcas nas 'dug la mi smra bar ya mtshan du snang bar mthong gi bar du don yod pa'i zhags pa'i snying po bzlas brjod byas la dkyil 'khor kun tu khro bo'i rgyal pos lan brgya rtsa brgyad dbang bskur zhing yungs kar dang / chu dang me tog gis dkyil 'khor kun tu lan brgya rtsa brgyad gtor ba'i mod la rtag tu phyag rgya lan brgya rtsa brgyad bcings la dkyil 'khor kun tu me tog dang / bdug spos dang / dri phul nas mgon po 'jig rten dbang phyug don yod pa'i zhags pa mthong na don yod pa nyid mchod par bya'o/ /de nas mgon po phyag na rdo rje dang / rig sngags kyi rgyal po bla na med pa mchod pa byed do/ /de nas lha mo sgrol ma dang / kun du lha mo thams cad la'o/ /de nas dkyil 'khor gyi lha thams cad la'o/ /de nas ri'i rgyal po rnams la gnas pa'i ri'i lha thams cad la'o/ /thams cad dang sgo srungs la rtag tu mchod pa bya'o/ /de nas phyogs bzhi kun du rig sngags 'chang gis rtag tu mchod nas skyil mo krung bcas te 'dug la 'jigs pa med pas lag pa'i phyag rgya bcing bar bya'o/ /byams pa'i sems dang snying rje'i lhag pa'i bsam pa nyid kyis don yod pa'i zhags pa rtag tu dran par bya zhing sangs rgyas rjes su dran pa bsgom mo/ /gsang sngags brjod ma thag tu dkyil 'khor dang sa gzhi g.yo zhing gang dkyil 'khor du zhugs pa'i mod la snying dga' ba dang / sems bde ba 'thob bo/ /'od zer bye ba kha dog sna tshogs rnam par bkra ba 'byung zhing dkyil 'khor gyi snying po na don yod pa'i zhags pa 'gul bar 'gyur/ dkyil 'khor gyi snying po 'bar bar 'gyur/ de bzhin gshegs pa thams cad dang / de bzhin du phyag na rdo rje 'bar bar 'gyur/ dkyil 'khor la gnas pa'i lha dang lha mo thams cad 'bar bar 'gyur/ lha g.yo bar 'gyur zhing dkyil 'khor kun nas legs so zhes sgra grag par 'gyur ro/ /de nas ji ltar gser bkod pa de ltar dbus kyi dkyil 'khor gyi snying po dang / mgon po de bzhin gshegs pa shAkya thub pa dang / 'phags pa spyan ras gzigs kyi dbang phyug dang / phyag na rdo rje dang / sgrol ma dang / dkar mo gser gyi mdog gis bkod pa chen po'i dkyil 'khor gyi nang nas bzhengs par 'gyur/ sku gser mdog can gzugs bzang pos bdag nyid kyi rang gi ngo bo ston pa snang bar 'gyur/ phyogs bcu kun du rtag tu gzigs par 'gyur ro/ /thams cad du rtag tu sems brtan por bya ste/ rig sngags 'chang byams pa dang bcas pa'i sems brtan por gyur bas me tog dang rol mo'i sgra dbul zhing don yod pa'i rgyal po yang dran par bya'o/ /de nas de bzhin gshegs pas phyag gser gyi mdog can brkyang ste/ rig sngags 'chang gi spyi bor bzhag nas legs so zhes bya ba sbyin par mdzad cing rig sngags 'chang khyod kyis don yod pa'i zhags pa'i snying po dang / cho ga zhib mo mtha' dag dang / dkyil 'khor dang / phyag rgya rim par phye ba grub ste/ skyes bu dam pa khyod bde ba can gyi 'jig rten gyi khams su lung bstan gyis rang gi ngo bo nyid kyis yongs su dag nas bla na med pa yang dag par rdzogs pa'i byang chub mngon par rdzogs par sangs rgyas kyi bar du skyes bu dam pa khyod rang gi ngo bo phyir mi ldog pa dang / don yod pa'i rig sngags 'chang gi 'khor los sgyur bar 'gyur bar byos shig /dkyil 'khor 'di la brten pa'i skye bo dge ba dang lhag pa'i bsam pa la zhugs pa/ sems can thams cad bla na med pa'i mya ngan las 'das par lung bstan gyi bar du phyir mi ldog par 'gyur ro/ /ji ste sems can ngan pa rig sngags kyi gdol pa smad pa dag der zhugs na gzugs brnyan las khrag 'dzag cing sgra mi zad pa 'byung ste/ mgon po 'di mi mthong / sa 'di g.yo bar mi 'gyur/ dkyil 'khor 'di 'bar bar mi 'gyur te/ de'i tshe rig sngags 'chang la rmi lam du ston te de nyid kyang gzhan du mi 'gyur ro/ /ji ltar mngon sum pa de bzhin du rmi lam du ston cing yid la bsams pa thams cad yongs su rdzogs par 'gyur ro/ /de lta bas na rig sngags 'chang gis legs par brtag cing so sor brtags te/ sems can dkyil 'khor du zhugs par bya'o/ /sgrub pa po bden par smra ba dang / dbang po yang dag par bsdams pa/ sems can thams cad la byams pa/ sems can thams cad la brtse ba can/ gzhan la yang dag par smra ba/ tshig brtags pa dad pa can/ gus pa dang ldan pa nyid/ mar 'dzin pa/ phar 'dzin pa/ dkon mchog gsum la skyabs su song ba rtag tu bla ma la gus pa nyid kyi sems can 'di dag gzhug par bya'o/ /rab tu bag yod pa dang / rtag tu gtsang zhing gtsang sbra dang ldan pa dang / kha zas ngan pa dang / lhag ma dang / 'bags pa dang 'dres pa dang / kha gcig tu bsres pa dang / bkrus pa dang / chang dang / sha dang / kun dong dang / sgog skya dang / ke'u dang bsres pa'i kha zas dag spang bar bya zhing / rang gi kha 'phro yang spang bar bya'o/ /lhag ma ni rtag tu spang bar bya ste/ 'di dag sgrub pa'i cho ga la dran par bya'o/ /lag pa 'bags pas gdong la reg par mi bya/ lhung bzed dor bar mi bya'o/ rtag tu kha ma phyed phyed du gcod pa dang / mchog tu 'bags pa 'di dag nam yang bza' bar mi bya'o/ /gtsang mas zas gtsang ma bza' zhing lag pa'i sor mo bsdams pas kha gdong la sogs pa la mi reg par 'di dag za ba nyid ni mchog tu mdzes shing blo dang ldan pa yin no/ / de nas rig sngags 'chang gis las shin tu yongs su rdzogs par byas shing dkyil 'khor gyi bya ba legs par rdzogs na de la khrag 'dzag par mi 'gyur ro/ /de nas 'phags pa spyan ras gzigs dbang phyug gi phyag brkyang bas rig sngags 'chang gi lag pa nas bzung nas dkyil 'khor gyi nang du 'jug par mdzad cing shin tu dri ma med par snang ba zhes bya ba'i nor bu nyid kyi mgul pa nas bkrol te rig sngags 'chang gi mgul du 'dogs par mdzad do/ /spyi bor phyag 'jog par mdzad cing 'di la sras kyi thu bo zhes gsung ngo / /mgul par nor bu bcings pa tsam gyi mod la de nam mkha' la 'gro bar 'gyur ro/ /de bzhin gshegs pa thams cad kyi spyi'i rigs kyi gsang ba'i dam tshig dang dkyil 'khor mthong bar 'gyur ro/ /byang chub kyi snying po la thug gi bar du rigs thams cad du don yod pa'i rig sngags 'chang gi rgyal po 'khor los sgyur bar 'gyur ro/ /don yod pa'i rgyal po'i cho ga zhib mo dang / dkyil 'khor chen po rtag tu mngon du 'gyur zhing rgyal mtshan gyi rtse mo nyid smin mtshams na 'dug par 'gyur ro/ /rgya chen po dri ma med par snang ba don yod pa'i ye shes rnam par 'phrul pa zhes bya ba'i ting nge 'dzin 'thob ste/ gang ting nge 'dzin rjes su thob pas 'jig rten pa thams cad kyi dngos grub rnam par 'phrul pa'i cho 'phrul ston par 'gyur ro/ /phyag rgya dang / dkyil 'khor dang / cho ga zhib mo dang / sgrub pa dang / dam tshig dang / gsang ba thams cad kyi mthu chen po ston par 'gyur ro/ /don yod pa chen po'i 'khor los sgyur ba'i rnam par 'phrul pa thams cad ston par 'gyur ro/ /don yod pa'i dam tshig gi byin gyis brlabs dang / de bzhin gshegs pa'i gsang ba'i dam tshig mtha' yas pa thob ste/ gang dam tshig thob pas dus gsum gyi de bzhin gshegs pa thams cad kyi dam tshig dang mtshungs par shes par 'gyur ro/ de bzhin gshegs pa'i dam tshig mnyam pa nyid kyi rnam par 'phrul pa ston par 'gyur ro/ /de nas rig sngags 'chang dkyil 'khor gyi cho ga'i bya ba thams cad yongs su rdzogs par byas nas spyan ras gzigs dbang phyug ring bsrel dang bcas pa de yang sa phyogs dben pa'i gnas gtsang mar gos gtsang ma'i gdan bshams la de'i steng du gzhag par bya'o/ /a ga ru'i bdug spos 'bul zhing nyin gcig bzhin du nang par sngar gzhan mi smra bar bzlas brjod brgya rtsa brgyad bya ste/ rig sngags kyi rgyal pos mchod pa dbul bar bya'o/ /de nas 'phags pa spyan ras gzigs dbang phyug gi gzugs brnyan 'bar bar 'gyur te/ nyin gcig bzhin du 'phags pa spyan ras gzigs dbang phyug gzugs brnyan smra bar 'gyur/ tshig 'byin par 'gyur ro/ /da ltar gyi bzhin du de thams cad smra bar 'gyur te/ dge ba dang / mi dge ba dang / 'das pa dang / ma 'ongs pa dang / da ltar byung ba'i de thams cad smra bar 'gyur ro/ /tshe ring ba'am/ tshe yongs su zad pa de thams cad ston cing smra bar 'gyur ro/ /rgyal po brje ba'am/ dgra 'thab pa'am/ pha rol gyi dmag tshogs 'thab pa'am/ lo nyes pa dang / mi ngas dang / dgon pa dang / nad dang / na ba dang / gdon dang / gnod pa dang / 'tshe ba dang / grang ba dang / rlung dang tsha ba dang / ser ba dang / chom po'i 'jigs pa dang / rkun po'i 'jigs pa dang / gcan gzan gtum po'i 'jigs pa dang / sbrul gdug pa'i 'jigs pa dang / bde ba dang / lo legs pa dang / 'bras bu 'phel ba dang / 'bru 'phel ba de thams cad smra bar 'gyur zhing de'i thabs thams cad kyang rab tu ston par 'gyur ro/ /rig sngags 'chang la nyin gcig bzhin du khyad par du gyur pa rnam pa mang po rab tu ston par 'gyur ro/ /kha cig la bstan par mi bgyi ste/ sdang sems can rig sngags kyi gdol pa rkun ma/ byas pa mi gzo ba/ brlang ba/ 'phags pa'i dge 'dun la 'khu ba/ 'phags pa'i dge 'dun la 'phrog pa/ bslab pa mi 'dod pa dang yang dag par ldan pa de dag gi lag tu bstan par mi bgyi/ rna bar bsgrags par mi bgyi/ skra'i rtse mo tsam du snang ba yang bstan par mi bgyi'o/ /cho ga zhib mo 'di ni yi ge'i 'bru gcig tsam yang bstan par mi bgyi'o/ /rjes su 'jug par mi bgyi'o/ /de nas rig sngags 'chang dngos grub mchog thob par 'gyur te/ mchog tu yid brtan pa/ rnam par thar pa mchog gi dkyil 'khor gsang ba thob par 'gyur ro/ /gang gi drung nas rig sngags kyi rgyal po'i rig sngags kyi dkyil 'khor chen po lag tu 'thob par 'gyur ba de la ston pa dang / bla ma'i 'du shes bskyed par bgyid/ bdag dang 'dra bar mchod pa sna tshogs kyis gus par bgyid na bdag la gus pa dang bla mar bgyis pa lags/ mchod pa dang rjed pa bgyid pa lags so/ /de lta bas na dad pa'i rjes su 'brang bas byams pa bsgoms pa dang / snying rje bskyed pas dngos grub chen po 'thob par 'gyur ro/ /ji ste bgyi ba 'di las 'da' bar mi bgyid pa'i sems can de la bdag gis rtag par rgyun mi 'chad par dran pa dang / bdag brjod pa tsam gyis rang gi shin tu yongs su dag pa'i rang gi ngo bos bdag mdun na mchis par bgyi zhing yid la re ba thams cad dang mchog yongs su rdzogs par bgyi'o/ /ji ste bdag ji ltar dam bcas pa las gzhan du bgyid na bdag gis sangs rgyas bcom ldan 'das de dag la bslus pa lags so/ /rig sngags kyi gdol pa rkun mar gyur pa la ni mi bgyid de/ dam bcas pa bzhin du smra bar mi bgyid de/ rig sngags 'chang gis rtag tu gtsang bar bgyi/ rtag tu 'dzum pa dang / rtag tu byams pa dang / snying rje sgom pa yid la bgyid na/ de la bdag gis rtag tu yon tan phun sum tshogs pa thams cad 'thob par 'gyur bar bgyi/ de dge ba'i spyod pa thams cad dang ldan par bgyi/ don yod pa yangs pa chen po'i dngos grub rjes su stsal bar bgyi'o/ /sems can thams cad kyi bsam pa thams cad yongs su rdzogs par bgyi ba la/ rgya mtsho'i dus rlabs ltar thams cad kun tu mchi bar bgyi'o/ /ngan song dang / ngan 'gro dang / log par ltung ba thams cad yongs su zad par bgyi ba'i slad du bdag dga' bas kun tu mchi bar bgyi'o/ /sems can gang la byams pa dang / snying rje mchis pa'i sems can pha rol de rnams kyi bsam pa phun sum tshogs pa yongs su rdzogs par bgyi'o/ /de lta bas na rig sngags 'chang gis shin tu sdom pas bsdams shing rig sngags brjod par bgyi'o/ /yongs su gtong pa'i lag par bgyi zhing spar chum par mi bgyi ste/ lag pa brkyang bar bgyi'o/ /gtor ba mang bas de bzhin gshegs pa dam tshig la gnas par bgyi'o/ /sngags legs par spyad par bgyi ste/ don yod pa'i rgyal po'i spyad pa bgyi zhing rtag tu yid la bgyi'o/ /de nas bdag dang chos kyi mchog la dga' ba zhes bgyi'o/ /rang gi gzugs brnyan bya ba'i dkyil 'khor gyi cho ga'o// //de nas khro bo'i rgyal po bshad par bya ste/ don yod rgyal po rmad byung che/ /kun tu dngos grub thogs med cing / /dkyil 'khor kun la dbang bskur ba/ /sdang ba thams cad rab tu 'joms/ /bdud dang bgegs ni rnam par 'jig /gnod sbyin srin po gsang ba pa/ /'byung po thams cad rab tu 'bros/ /gdon gyi gtso bo skrod byed cing / /sdang ba thams cad rab tu 'joms/ /sdang ba'i klu rnams rnam 'jig cing / /'jigs phongs rnams la mi 'jigs stsol/ /rig 'dzin rnams la grub stsol ba/ /don yod zhags pa'i dngos grub mchog /dus gsum gshegs pa'i sangs rgyas ston/ /spyi yi rigs ni rab ston pa/ /don yod spyi yi gsang ba ni/ /rtag tu gzhan min snying po nyid/ /khro bo'i rgyal po bla med pa/ /de ni bdag gis rab tu bshad/ /bcom ldan 'das kyi spyan sngar byang chub ses dpa' sems dpa' chen po 'phags pa spyan ras gzigs dbang phyug don yod pa'i rgyal pos khro bo'i gzugs su gnas te sdang ba thams cad 'jigs par byed par gyur cing lag na zhags pa thogs te khro bo 'di smras so/ /na maHsarba ta thA ga ta Ar+ya a ba lo ki te shwa ra badzra d+ha re b+h+yaH/ o~M tsa ra tsa ra/ tsu ru tsu ru/ ma hA kA ru Ni ka /tsi ri tsi ri/ bi ri bi ri/ ma hA pad+ma ha sta/ ka la ka la/ ku lu ku lu/ ma hA s+thA ma prA pa te/ tsa ra tsa ra/ tsa tsa ra ni shA tsa re/ shwa ra e h+ye hi/ bud+d+h+ya bud+d+h+ya d+hA ba d+hA ba/ ki Ni ki Ni/ pa ra ma shud+d+ha sa twa/ ka ra ka ra/ ki ri ki ri/ ma hA pa shu pa ti/ be Sha d+ha ra/ hA hA hI hI hU hU/ o~M ka ra brah+ma be Sha d+ha ra/ sa ra sa ra/ ba ra ba ra/ ba ra ra sh+mi sha ta sa ha sra/ pra ti maN+Di ta/ sha rI rA ya/ dz+wa la dz+wa la/ su ru su ru/ mu ru mu ru/ sa na ta ku mA ra/ ru dra biSh+tu bA sa ba/ d+ha na dA/ r-i Shi nA ya ka/ ba hu bi bi d+ha/ be Sha d+ha ra/ d+ha ra d+ha ra/ sa man+ta a ba lo ki ta/ bi lo ki ta/ lo ke shwa ra/ ma he shwa ra/ mu ya mu ya/ muny+tsa muny+tsa/ ban+d+ha ban+d+ha/ tA Da na ta ra dza na/ rA dza ta ska ra/ ag+ni u da ka /pi Sha sha sta ba ri mo tsa ka /ka Na ka Na/ tsa la tsa la/ bo d+h+yang ga /tsa tu rA r+ya sa t+ya saM pra kA sha ka /ta ma ta ma/ sa ma sa ma/ ma sa ma sa/ ma hA ta mou0f85na d+ha kA ra/ pra sha man/ mi li mi li/ e ne pa/ tsarma pa ri ka ra/ e h+ye hi/ ma Ta ma Ta/ bi shud+d+ha bi Sha ya/ ni bA si na/ ma hA kA+e ru Ni ka /shwe ta yadz+nyo pa bI ta/ rat+na ma ku Ta mA lA d+ha ra/ sarba dz+nyA shi ra si kr-i ta/ ka ra pu Ta/ sa mA d+h+ya pra kaM pya/ ShaT+pA ra mi tA/ pa ri pU ra ka ma hA/ sarba sa twa san+ta ti ba ri pA tsa ka /sarba mar duSh+Ta pra marda ka / sarba sid+d+hi A shA pa ri pU ra ka /a b+hi Shiny+tsaM tu mA na/ sarba ta thA ga tA b+hi She kai ra/ b+ha ga bA na/ a mo g+ha rA dza hU~M phaT/ na maHstu te swA hA/ khro bo'i rgyal po don yod pa'i zhags pa'o/ /o~M bi kr-i ta daM Sh+T+re/ a mo g+ha sa ma ye a bi Shiny+tsaM mAM/ sarba bi d+yA a mo g+ha a b+he She kair hU~M mi li mi li swA hA/ de khro bo'i rgyal po'i snying po'o/ /de nas 'phags pa spyan ras gzigs dbang phyug gi don yod pa chen po'i snying po gsungs ma thag tu de nas ri chen po po Ta la rnam pa drug tu rab tu g.yo bar brtsams te/ klu'i tshogs ni 'khrugs so/ /lha'i tshogs thams cad ni dga' bar gyur to/ /sdang ba'i gnod sbyin dang / srin po dang / bgegs dang / log 'dren ni 'bar bar gyur to/ /bdud la sogs pa sdang ba ni yang dag par rab tu zhi bar 'gyur to/ /ngan song gi sdug bsngal thams cad ni rab tu zhi'o/ /dkyil 'khor gyi lha thams cad ni mchog tu dga' bar 'gyur ro/ /sdang ba dang / rab tu sdang ba thams cad dang / gdon thams cad ni mi snang bar gyur to/ /nad thams cad ni rab tu zhi'o/ /rims thams cad las ni rnam par grol lo/ /nyon mongs pa'i sgrib pa thams cad las ni yongs su grol lo/ /me tog gi char chen po rab tu bab ste de bzhin gshegs pa la mchod par gyur to/ /sems can thams cad ngan song gi sdug bsngal thams cad las yongs su grol bar gyur to/ /de nas dus gsum du gshegs pa'i de bzhin gshegs pa dang / dkyil 'khor la brten pa'i lha rnams kyis byang chub sems dpa' sems dpa' chen po 'phags pa spyan ras gzigs dbang phyug la tshig gcig tu legs so zhes bya ba byin te legs so legs so/ /snying rje chen po can mchog tu don yod pa'i rig sngags 'di smras zin gyis de bzhin gshegs pa'i rigs thams cad dang / rigs spyi'i dam tshig dang / snying po dang / khro bo'i de kho na nyid gsang ba dang / dkyil 'khor dang / sgrub pa'i cho ga don yod pa'i rgyal po'i dkyil 'khor rab tu smros shig /de nas byang chub sems dpa' sems dpa' chen po 'phags pa spyan ras gzigs dbang phyug gis don yod pa'i zhags pa'i snying po khro bo'i rgyal po'i dkyil 'khor de bzhin gshegs pa'i spyan sngar bshad do/ /dkyil 'khor gru bzhi pa shin tu mdzes pa ko la'i tshad tsam shin tu rnam par mdzes pa'i grwa bzhi dang / sgo bzhi dang / them skas bzhi dang / rta babs dang / mda'i kha khyer dang / kun nas rdo rje'i rnam pa dag kyang bya ste/ tshon rtsi sna tshogs rnam par mdzes pa'i thig skud kyis dkyil 'khor thig gdab par bya'o/ /ri mo mkhan gtsang mas snod sar pa dang pir gtsang mas dkyil 'khor dam pa legs par bri'o/ /dkyil 'khor snying po rnam dbye ba/ / dbus su legs pa rnam phye la/ /kun nas pad+ma'i phreng ba dang / /rdo rje mdung rtse gsum pa dgod/ /dbus su 'khor lo rta bri ba/ /shin tu blta sdug 'khor lo dgod/ /dbus der rgyal ba gzhag par bya/ /shAkya'i rgyal po de bzhin gshegs/ /g.yas su khro bo'i rgyal po yi/ /'jig rten dbang phyug 'dren pa po/ /g.yon du rdo rje 'dzin bzhag pa/ /rnga yab rdo rje lag thogs gzhag /de'i 'og tu 'od zer dang ldan par bya ba ni lcags kyu dang / dgra sta dang / go cha dang / dbyug pa dang / zhags pa dang / dgra sta lu gu rgyud can dang / mdung rtse gsum pa dang / glegs bam mo/ /'phags pa spyan ras gzigs dbang phyug gi 'og tu dkar sham chen mo dang / gos dkar mo dang / dkar mo chen mo ral pa can dang / dbyug pa dang / ril ba spyi blugs phyag na thogs pa bya'o/ /de'i 'og tu srin mo ral pa gcig ma zhes bya ba ni mche ba gtsigs pa 'jigs su rung zhing mi sdug pa sbrul se ral khar thogs pa/ phyag bzhi pa/ g.yas pa na rdo rje dang dgra sta/ g.yon pa'i sor mo gcig lha ma yin dang log 'dren la bsdigs shing khrag 'dzag pa'i mgo'i co to nas 'dzin pa dang / khrag gi snod yongs su 'dzin pa/ glang po che'i pags pa rlon pa'i stod g.yogs 'phyang ba dang / smad g.yogs can bya'o/ /mtha'i grwar pad+ma dang rdo rje bzhag pa ni 'bar ba'i phreng ba can shin tu bzang po gzhag par bya'o/ /shar phyogs kyi sgor rdo rje 'jigs byed mig de'i sku 'bar ba'i phreng ba can gzhag par bya'o/ /lho phyogs kyi sgor ki li ki la zhes bya ba'i rdo rje'i log 'dren de nyid rdo rje dang / dgra sta dang / zhags pa phyag na thogs par bya'o/ /nub phyogs kyi sgor pad+ma chen po'i rigs mdzes ma zhes bya ba'i pho nya mo bya ba ni/ phyag na pad+ma thogs par bya'o/ / byang phyogs kyi sgor rdo rje chen po'i rtse mo zhes bya ba'i cho gas rdo rje dang zhags pa phyag na thogs pa'o/ /de nas 'jug pa'i sgor tsan+dan gyi chu gur gum dang / gla rtsi dang / ga bur gyis bsgos pa'i chus bum pa bkang la ras dkar pos dkris shing rgyan gyis brgyan pa rin po che sna bdun can rtag tu gzhag par bya'o/ /ji snyed pa'i gtor ma sna tshogs yongs su bshams pas kyang mchod par bya/ rnam pa sna tshogs pas dkyil 'khor legs par brgyan par bya'o/ /bdug spos kyis bkang ba dang / mar me'i phreng ba dang / me tog dang / dri dang / byug pas mchod par bya'o/ /ji srid 'jug gi bar du slob ma rnams cho gas bsrungs la/ de nas don yod pa'i snying po bzlas brjod bya zhing don yod pa'i khro bos dbang bskur bar bya'o/ /dbang bskur ba tsam gyis kyang dus gsum gyi de bzhin gshegs pa thams cad kyis yongs su gzung bar 'gyur ro/ /'jig rten gyi mgon po'i byin gyi rlabs kyis/ de bzhin gshegs pa'i rigs thams cad kyi dam tshig gi rjes su zhugs par 'gyur ro/ /don yod pa'i zhags pa'i rigs kyi dam tshig dang / dngos grub thams cad mngon du 'gyur ro/ / gang bsams pa dang gang bcol ba de thams cad 'byor bar 'gyur ro/ /de bzhin du dam tshig thams cad kyi rjes su zhugs par 'gyur ro/ /dam tshig dang / dkyil 'khor dang / gsang sngags dang / phyag rgya dang / cho ga zhib mo thams cad mngon du 'gyur ro/ /sdig pa dang / gdug pa dang / las kyi sgrib pa thams cad las rnam par grol bar 'gyur ro/ /de bzhin gshegs pa'i yon tan thams cad dang ldan par 'gyur ro/ /lha dang / lha ma yin dang / klu dang / gnod sbyin dang / dri za dang / gsang ba pa dang / rig sngags 'chang gi gnas phug dri ma med pa dang nam mkha'i rjes su rgyu ba dang / chu na rgyu ba dang / nags dang / skyed mos tshal na spyod pa'i rig sngags 'chang gi 'khor los sgyur ba'i drug cha la thams cad du dbang du 'gyur ro/ /gsang ba pa thams cad kyang 'di'i mngag gzhug par 'gyur ro/ /gang zhig de la mi phan par 'dod pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa gang rig sngags 'chang la mi phan par sems pa de thams cad kyi de dag gi gnas dang lus nyid rnam par gzhig pa'i phyir sdig pa rnams 'bab par 'gyur ro/ /de nas dngul las khro bo'i rgyal po sor bcu gnyis kyi tshad tsam byas te/ shin tu mdzes pa/ shin tu tshad dang ldan pa/ zhal gsum pa/ ral pa'i thor tshugs kyis brgyan cing rgyan thams cad kyis brgyan pa/ rgyal ba 'od dpag tu med pa'i dbu rgyan can/ zla ba dbu la thogs pa/ zhal dang po khro bo'i gzugs g.yon pa dang g.yas pa zhi ba'i gzugs zhal cung zad 'dzum pa/ spyan gsum pa/ phyag bzhi pa/ pad+ma 'dzin pa/ zhags pa 'dzin pa/ ral gri dang mdung rtse gsum pa 'dzin pa'o/ /g.yas su lha mo sgrol ma me tog 'bul ba/ rgyan thams cad kyis brgyan pa'o/ /g.yon du lha mo rig sngags kyi rgyal mo nor bu rin po che chen po 'bul ba/ rgyan thams cad kyis brgyan pa'o/ /'jig rten dbang phyug gi zhabs kyi drung du rig sngags 'chang pus mo btsugs pa/ lag na pog phor dang bgrang phreng thogs te bcom ldan 'das la blta'o/ /gzugs brnyan de nyid kyi mdun du tsan+dan dkar po'i dkyil 'khor bya zhing gur gum gyis mchod pa bya'o/ /dkyil 'khor de'i steng du khro bo'i rgyal po bzhag ste/ de'i spyan sngar bzlas brjod stong phrag brgya bya'o/ /de nas gzugs brnyan de 'gul zhing g.yo bar 'gyur/ 'chag par 'gyur/ 'od zer 'byung bar 'gyur/ tshig 'byin par 'gyur/ legs so zhes bya ba sbyin par 'gyur/ phyag g.yas pa spyi bor 'jog par 'gyur/ yid la bsams pa dang mchog thams cad yongs su rdzogs par 'gyur ro/ /rig sngags 'chang de yang bdag nyid 'bar bar 'gyur/ nam mkha' la 'phags par 'gyur zhing don yod pa yangs par snang ba/ dngos grub dri ma med par grags pa zhes bya ba'i rig sngags 'chang gi 'khor los sgyur bar 'gyur ro/ /rig sngags 'chang gi 'khor los sgyur ba brgya stong phrag drug cu rtsa brgyad po rnams kyi gtso bo dang rgyal por 'gyur ro/ /tshe lha'i bskal pa khrag khrig brgya stong phrag bdun cu rtsa gnyis su 'gyur ro/ /bskal pa'i mjug rdzogs te de nyid kyi mtshan mo 'das pa dang / byang chub mngon par rdzogs par 'tshang rgya'o/ /ji ltar bde ba can bzhin du 'jig rten gyi khams 'di gzhal med khang gi rnam par 'phrul bar 'gyur zhing tshe'i tshad bskal pa dpag tu med par 'gyur ro/ /don yod pa'i rnam par thar pa'i dkyil 'khor dang / phyag rgya dang / cho ga zhib mo thams cad kyi chos ston par 'gyur ro/ /de'i 'og tu 'jig rten pa'i sgrub pa ni de nyid kyi spyan sngar bzlas brjod brgyad stong bya'o/ /bzlas brjod rdzogs pa'i mod la 'phags pa spyan ras gzigs dbang phyug khro bo'i rgyal po rang gi gzugs kyis mdun na bzhugs par 'gyur te/ 'jig rten pa'i cho ga zhib mo dang / gsang sngags dang / phyag rgya dang / dkyil 'khor thams cad dang / mig 'phrul dang / bzhad gad dang / phur pas gdab pa dang / bsreg pa dang / 'phang ba dang / gsad pa dang / dbang du bya ba dang / sgyu ma bstan pa dang / bdag bsrung ba dang / gzhan bsrung ba dang / mi snang ba'i cho ga smra ba dang / nor bsgyur ba smra ba dang / sa gzhi smra ba dang / rgyu ba dang / nam mkha' la 'gro ba dang / chu rgal ba dang / me dang / chu dang / dug dang / mtshon cha las rgal ba dang / rmongs byed dang / rmugs byed dang / rengs byed dang / bcing ba dang / rgya mtsho chen po bskyod pa dang / ro langs bslang ba dang / shi ba gso ba dang / zla ba dang nyi ma dbab pa dang / dgug pa dang / bden pa bstan pa dang / nad la sogs pa thams cad rab tu zhi ba dang / dgos pa thams cad 'grub par 'gyur ro/ /gnod sbyin dgug pa dang / 'byung po dgug pa dang / klu dang lha dgug pa dang / bud med dang / skyes pa dang / khye'u dang / bu mo dgug pa dang / btang ba dang / dgos pa la sogs pa thams cad 'grub par 'gyur ro/ /dran pa tsam gyi mod la dngos grub thams cad thob par 'gyur/ las thams cad byed par 'gyur ro/ /bklags pa tsam gyis las dang / dngos grub dang / sgrub pa thams cad ston par 'gyur/ phyir rgol ba dang / dgra dang / pha rol gyi dmag tshogs dang / 'thab pa dang / rtsod pa dang / 'gyed pa dang / sdang ba'i sems can thams cad phyir zlog par 'gyur ro/ /dran pa tsam gyis mchog tu 'grub par 'gyur te/ skal ba ngan pa dang / nor chud za ba dang / mi 'grub pa dang / sdig pa'i rmi lam ngan pa dang / ltas ngan pa dang / sgrib pa dang / sdig pa gzhig par bya ba la mchog tu grub pa yin no/ /khro bo'i rgyal po'i zhabs nas bzung ste/ bzlas brjod stong rtsa brgyad byas na sngon bsags pa'i bsod nams dang skal ba mngon du 'gyur te/ tshe'i mthar thug gi bar du dpal chen po dang / che ba nyams su myong bar 'gyur ro/ /zhal du bltas te bzlas brjod stong rtsa brgyad byas na dbang phyug chen po'i dngos grub thob par 'gyur ro/ /rked pa'i gnas nas bzung ste/ bzlas brjod brgya rtsa brgyad byas na sngon gyi tshe rabs rjes su dran par 'gyur/ rgyal po btsun mo dang / 'khor dang bcas pa rnams dbang du gyur nas gnas te/ bdag nyid dang nor gyis ji srid 'tsho'i bar du nye bar gnas par 'gyur ro/ /cod pan la lan brgya rtsa brgyad yongs su bzlas te/ khro bo'i rgyal po'i dbu la bcings na nges par dbang bskur ba 'thob par 'gyur te/ 'di la the tsom dang yid gnyis bskyed par mi bya'o// //'phags pa don yod pa'i zhags pa'i cho ga zhib mo'i rgyal po/ bam po nyi shu gcig pa/ de nas phyag na rdo rje don yod pa'i rdzu 'phrul rnam par 'phrul ba'i cho 'phrul gyi 'khor gyi dkyil 'khor der nam mkha' las babs nas/ 'khor gyi dkyil 'khor chen po'i mdun du bcom ldan 'das la mchod pa chen po dang / bkur sti mngon du byas te/ bcom ldan 'das la lan brgya stong du bskor ba byas nas bcom ldan 'das kyi zhabs gnyis la mgo bos phyag 'tshal te/ bcom ldan 'das la mchod pa byas nas phyag 'tshal te song nas byang chub sems dpa' sems dpa' chen po 'phags pa spyan ras gzigs dbang phyug gang na ba de logs su song ste phyin nas byang chub sems dpa' sems dpa' chen po 'phags pa spyan ras gzigs dbang phyug la lha rdzas kyi mchod pa chen pos mchod pa byas so/ /me tog dang / bdug spos dang / dri dang / phreng ba dang / byug pa dang / gos dang / rgyan dang / lhab lhub dang / sil snyan dang / pheg rdob pa rnam pa sna tshogs kyis mchod nas lan bdun bskor ba bya ba byas so/ /ri po Ta la'i gzhal med khang na gnas pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po de dag gis kyang mchod pa byas so/ /dkyil 'khor gyi lha de dag la yang mchod pa byas so/ /'khor chen po de dag la yang mchod pa byas so/ /lhan cig lhags pa'i 'khor de dag thams cad la yang mchod pa dang / mngon du bstod pa dang / phyag byas nas gnod sbyin gyi sde dpon chen po phyag na rdo rje yud tsam zhig cang mi smra bar 'dug par gyur to/ /de nas gnod sbyin gyi sde dpon chen po phyag na rdo rje 'gying bag can/ brjid bag gi bgros kyis langs nas bcom ldan 'das gang na ba de logs su song ste phyin nas rdo rje gsor zhing bcom ldan 'das la lan gsum bskor ba byas nas zhabs gnyis la mgo bos phyag 'tshal te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das 'phags pa spyan ras gzigs dbang phyug gi don yod pa'i zhags pa'i snying po byang chub sems dpa' thams cad kyis phyag bgyis pa rnam par thar pa'i dkyil 'khor gyi cho ga zhib mo 'di shin tu zab pa/ shin tu rtogs par dka' ba/ rgya mtsho chen po lta bur shin tu zab pa/ ri rab chen po lta bur shin tu mi g.yo zhing mi sgul ba/ mchog tu rnyed par dka' ba shin tu gzung bar dka' ba'i phyag rgya mang po dang / gsang sngags mang po dang / dkyil 'khor sgrub pa mang po dang / ri mo'i sku gzugs bri ba mang po dang / sgrub pa gsang ba rnam pa mang po dang / de bzhin gshegs pa'i rnam par 'phrul ba mang po dang / 'phags pa spyan ras gzigs dbang phyug gi rnam par 'phrul pa don yod pa bklags pas 'grub par 'gyur ba mang po la bcom ldan 'das bdag mchog tu ya mtshan du gyur na ji ltar bsgrub par rdo thogs/ ji ltar nges par gzung bar rdo thogs lags/ gsang sngags tha dad pa dang / phyag rgya tha dad pa dang / dkyil 'khor sgrub pa tha dad pa dang / ras kyi ri mo'i sku gzugs tha dad pa dang / gtor ma tha dad pa dang / me tog dang / bdug spos dang / dri dang / phreng ba dang / byug pa dang / mchod yon dang / zhabs bsil dang / spyan drang ba dang gshegs su gsol ba dang / dgug pa dang / dam tshig dang / khrus dang / smyung ba dang / phyag rgya bcing ba dang / rab tu 'jug pa dang / bzlas brjod dang / sbyin sreg dang / slar gshegs su gsol ba'am/ nges par bzung ba'am/ dran par bgyi bar rdo thogs/ bcom ldan 'das rmongs pa chen po sems kyi spyod pa rmugs par gyur pa'i rigs kyi bu rnams ma/ rigs kyi bu mo rnams sam/ dge slong ngam/ dge slong ma'am/ dge bsnyen nam/ dge bsnyen ma'am/ dge sbyong ngam/ bram ze'am/ rgyal rigs sam/ rje'u rigs sam/ dmangs rigs kyis rig sngags 'chang de rnams kyi don yod pa'i cho ga zhib mo'i rgyal po 'di nges pas gzung bar ji ltar rdzo thogs/ rig sngags 'chang de rnams kyis ji ltar bsgrub par rngo thogs/ bcom ldan 'das bdag gi snying la mchog tu ya mtshan skyes pa de dag bcom ldan 'das kyis the tshom bcad pa'i slad du bka' stsal du gsol/ bcom ldan 'das the tsom bcad pa'i slad du zhus pa lung bstan du gsol/ de nas bcom ldan 'das de bzhin gshegs pa shAkya thub pas/ gnod sbyin gyi sde dpon chen po lag na rdo rje la 'di skad ces bka' stsal to/ /lag na rdo rje dngos grub kyi spyod pa gsang ba rnam pa sna tshogs gsang sngags 'chang sgrub pa po bsgrub pa la gang gi tshe dngos grub las dbugs phyung ba de'i tshe blo gros chen po'i chen por 'bogs par 'gyur/ dngos grub chen po'i chen po 'grub par 'gyur/ bsod nams kyi phung po chen po'i chen po rab tu skye bar 'gyur/ dge ba'i rtsa ba chen po'i che po dang ldan par 'gyur/ pha rol tu phyin pa drug gi dngos grub chen po'i chen po 'thob par 'gyur/ lag na rdo rjes gsol pa/ bcom ldan 'das dngos grub gang gis bsgrub pa'i cho ga'i bsgrub pa'i cho ga'i dngos grub 'thob par 'gyur ba'i dngos grub dam pa de gang lags/ bcom ldan 'das kyis bka' stsal pa/ lag na rdo rje gang la yungs kyi 'bru tsam gyi byang chub kyi sa bon gyi 'bras bu thob pa yod pa de la lag na rdo rje dngos grub dam pa mchog tu 'gyur ro/ /lag na rdo rje rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ dge sbyong ngam/ bram ze'am/ rgyal rigs sam/ rje'u rigs sam/ dmangs rigs sam/ gzhan gang yang rung ba bud med dang / skyes pa dang / khye'u dang / bu mo gang gi lag tu de bzhin gshegs pa'i sku'i rig bsrel yungs kar gyi 'bum tsam gcig thob par gyur la des ring bsrel de za ma tog gi nang du bcug ste nyin gcig bzhin du mchod pa dang / dkyil 'khor dang / khrus la sogs pa byed cing bdug pa dang / dri dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dag gis mchod pa byed na lag na rdo rje rig sngags 'chang de dngos grub dam pa dang / mchog dang / bla na med pa 'thob par 'gyur ro/ /gang dang gang du dgos par sbyar ba de dang de dngos grub chen po mchog tu 'gyur ro/ /ring bsrel yungs kar gyi 'bru tsam zhig la mchod pa byas pa de rigs kyi bu'am/ rigs kyi bu mo'am/ dge slong ngam/ bram ze'am/ rgyal rigs sam/ rje'u rigs sam/ dmangs rigs sam/ gzhan bud med dam/ skyes pa'am/ khye'u'am/ bu mo de dag gis de bzhin gshegs pa bye ba khrag khrig brgya stong phrag gang gA'i klung gi bye ma dang mnyam pa la skad cig gcig gis mchod pa byas par 'gyur/ rjed pa dang / gus pa dang / bstod pa dang / phyag byas par 'gyur ro/ /de bzhin gshegs pa de dag gi drung du dge ba'i rtsa ba bskyed par 'gyur/ de dag gi drung du bsod nams kyi phung po chen po dang ldan par 'gyur ro/ /de bzhin gshegs pa de dag gi drung du rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ gzhan gang su yang rung ba/ dge sbyong ngam/ bram ze'am/ rgyal rigs sam/ rje'u rigs sam/ dmangs rigs sam/ skyes pa'am/ bud med dam/ khye'u 'am/ bu mo de dag de bzhin gshegs pa'i byin gyi rlabs kyis byin gyis brlab par 'gyur ro/ /de bzhin gshegs pa thams cad kyis lung bstan par 'gyur ro/ /shes rab dang / thabs la mkhas pa'i dge ba'i rtsa ba dpag tu med par 'gyur ro/ /rig sngags 'chang chen po'i dngos grub dpag tu med par 'gyur ro/ /don yod pa'i cho ga zhib mo'i dkyil 'khor dang / phyag rgya dang / gsang sngags kyi dngos grub dpag tu med pa 'thob par 'gyur ro/ /don yod pa'i zhags pa'i snying po byang chub sems dpa' thams cad kyis phyag byas pa rnam par thar pa'i dkyil 'khor gyi cho ga zhib mo'i rgyal po chen po'i rig sngags rim par phye ba'i dngos grub dpag tu med pa 'thob par 'gyur ro/ /lag na rdo rje de ltar ring bsrel yungs kar gyi 'bru tsam zhig la mchod pa byed pa de yon tan chen po'i chen por brjod pa'i rnam par 'phrul pa'i byin gyi rlabs kyi rdzu 'phrul gyi ting nge 'dzin 'thob par yang dag par 'gyur ro/ /de ltar dngos grub chen po'i chen po 'thob par 'gyur ro/ /de lta mod kyi lag na rdo rje khyod song la byang chub sems dpa' sems dpa' chen po 'phags pa spyan ras gzigs dbang phyug la yongs su dris shig dang / dris pa de'i lan ldon par 'gyur ro/ /de nas gnod sbyin gyi sde dpon chen po lag na rdo rje dga' ba dang / mgu ba dang / yi rangs pa dang / rab tu dga' ba dang / dga' ba dang / yid bde ba bskyed nas bcom ldan 'das kyi zhabs gnyis la mgo pos phyag 'tshal te/ song nas byang chub sems dpa' sems dpa' chen po 'phags pa spyan ras gzigs dbang phyug gang na ba de logs su song ste phyin nas/ byang chub sems dpa' sems dpa' chen po 'phags pa spyan ras gzigs dbang phyug gi rkang pa gnyis la mgo bos phyag byas te/ lan gsum bskor ba byas nas bzhin 'dzum pa dang / gdong khro gnyer med pas 'phags pa spyan ras gzigs dbang phyug la mig mi 'dzums par lta zhing / 'phags pa spyan ras gzigs dbang phyug gi mdun du 'dug nas rdo rje gsor zhing gdong du bltas te rtog cing 'dug go/ /de nas byang chub sems dpa' sems dpa' chen po 'phags pa spyan ras gzigs dbang phyug gis gnod sbyin gyi sde dpon chen po lag na rdo rje la 'di skad ces smras so/ /lag na rdo rje khyod mi g.yo bar mdun du 'dug ste rdo rje gsor zhing la ci zhig blta/ ci zhig yongs su dri bar 'dod/ ci zhig gsol ba 'debs par 'dod/ lag na rdo rje de nga la smros shig /lag na rdo rje khyod la skabs phye'i yongs su dris shig dang / dris pa de thams cad lung bstan pas khyod kyi sems rangs par bya'o/ /de nas gnod sbyin gyi sde dpon chen po phyag na rdo rjes byang chub sems dpa' sems dpa' chen po 'phags pa spyan ras gzigs dbang phyug la 'di skad ces smras so/ /bcom ldan 'das don yod pa'i zhags pa'i snying po'i cho ga zhib mo shin tu rtogs par dka' ba shin tu zab pa/ byang chub sems dpa' thams cad kyis phyag bgyis pa/ rnam par thar pa'i dkyil 'khor gsang sngags mang po dang / phyag rgya mang po dang / dkyil 'khor sgrub pa mang po dang / ras kyi sku gzugs bri ba mang po yongs su bsgrags pa 'di bcom ldan 'das ji ltar nges par gzung bar nus/ dngos grub ji ltar shes par bgyi/ rgya mtsho chen po ltar zabs che ba/ ri rab dang mtshungs par mi g.yo ba/ nam mkha' ltar mtha' thug pa ma mchis pa/ shin tu rtogs par dka' ba/ 'di ji ltar shes par bgyi/ gnas ni gang / 'gro ba ni gang / 'byung ba ni gang / sgrub pa'i gnas ni gang / dngos grub dam pa'i gnas ni gang / snga ma ni gang / phyi ma ni gang / dbus ni gang / tha ma ni gang lags/ mang du yongs su zhu'o/ /dkyil 'khor dang phyag rgya rim par phye ba dang gsang sngags dang sgrub pa'i cho ga dang / dam tshig so so tha dad pa byang chub sems dpa' sems dpa' chen po 'phags pa spyan ras gzigs dbang phyug gi don yod pa'i rgyal po chen po'i cho ga zhib mo/ byang chub sems dpa' thams cad kyis phyag bgyis pa/ rnam par thar pa'i dkyil 'khor chen po rim par phye ste rjes su gzung ba de nges par gzung bar ji ltar nus/ bcom ldan 'das bdag gi the tsom chen po dang / mchog tu ngo mtshar du gyur pa de thugs rje chen pos bdag la bka' stsal du gsol/ ji ltar grub na phyag rgya dang / gsang sngags dang bcas pa'i dkyil 'khor rim par phye ba dang / ras kyi ri mo'i cho ga mtha' dag nges par gzung bar 'gyur ba/ the tsom bcad pa'i slad du'o/ /sems dpa' chen pos bka' stsal du gsol/ de nas byang chub sems dpa' sems dpa' chen po 'phags pa spyan ras gzigs dbang phyug gis gnod sbyin gyi sde dpon chen po phyag na rdo rje la 'di skad ces smras so/ /lag na rdo rje yun ring po zhig nas spobs pa gang zhig skyes te/ nga la yongs su 'dri/ lag na rdo rje nyon cig dang bshad par bya'o/ /gang yang phyogs bcu'i sangs rgyas kyi zhing thams cad kyi sangs rgyas bcom ldan 'das ni kha dog gcig pa/ rtags gcig pa/ chos gcig la zhugs pa/ dbyings dang khams dang / snying po gcig pa/ sangs rgyas 'byung ba dang / chos kyi 'khor lo rab tu bskor ba gcig pa'o/ /de lta mod kyi lag na rdo rje gang 'das pa dang / ma byon pa dang / da ltar byung ba'i sangs rgyas bcom ldan 'das de bzhin gshegs pa de dag ni sangs rgyas kyi zhing sna tshogs pa nyid dang / rdzu 'phrul gyi rnam par 'phrul pa dang / sku tshe'i 'du byed sna tshogs pa nyid dang / sems can yongs su smin par mdzad pa sna tshogs pa nyid dang / lung bstan pa sna tshogs pa nyid dang / nyan thos dang rang sangs rgyas kyi dge 'dun sna tshogs pa nyid dang / byang chub sems dpa'i tshogs sna tshogs pa nyid dang / gzhan yang sangs rgyas kyi sku tha dad pa nyid du yang dag par shes so/ /de lta mod kyi lag na rdo rje de bzhin du 'phags pa spyan ras gzigs dbang phyug gi snying po don yod pa'i zhags pa byang chub sems dpa' thams cad kyis phyag byas pa/ rnam par thar pa'i dkyil 'khor 'di yang gcig nyid las de thams cad du rjes su 'gro'o/ /sgyu ma lta bu'i ting nge 'dzin gyi rnam par 'phrul pa sna tshogs kyis rnam par 'phrul pa'i rdzu 'phrul gyi dngos grub kyi gnas dang / sems can yongs su smin par byed pa'i gnas/ bsam pa yongs su rdzogs par byed pa la ji lta ji ltar dul bar byed pa de lta de ltar dngos grub rjes su 'thob cing de lta de ltar bsam pa dag pa 'thob par 'gyur ro/ /de lta de ltar dge ba'i rtsa ba chen pos bskyed par 'gyur ro/ /de lta de ltar bsod nams kyi phung po chen po dang ldan par 'gyur ro/ /de lta de ltar de bzhin gshegs pa thams cad kyis dgongs par 'gyur ro/ /de lta de ltar byang chub sems dpa'i yul la rnam par 'phrul pa sgyu ma lta bu'i ting nge 'dzin gyi rdzu 'phrul gyi cho 'phrul dang ldan par 'gyur ro/ / de lta de ltar gzungs dang / ting nge 'dzin yongs su dag par 'thob par 'gyur ro/ /de lta de ltar dpa' bar 'gro ba'i ting nge 'dzin 'thob par 'gyur ro/ /rdo rje lta bu'i ting nge 'dzin dang / rgyal mtshan gyi rtse mo'i dpung rgyan gyi ting nge 'dzin dang / nyon mongs pa spong ba'i ting nge 'dzin dang / spyan ras gzigs dbang phyug gi ting nge 'dzin dang / rnam par 'thor ba'i ting nge 'dzin dang / 'od zer rab tu 'gyed pa'i ting nge 'dzin dang / dga' ba spong ba'i ting nge 'dzin dang / stobs bkod pa'i ting nge 'dzin dang / chos la rnam par blta ba'i ting nge 'dzin dang / lag na rin chen phyag rgya'i ting nge 'dzin dang / dri ma med pa'i 'byung gnas kyi ting nge 'dzin dang / rnam par snang mdzad kyi snying po'i ting nge 'dzin dang / nyi ma rab tu grol ba'i ting nge 'dzin dang / rin po che'i snying po'i ting nge 'dzin dang / zla ba'i snying po'i ting nge 'dzin dang / kun du blta ba'i 'od zer gyi ting nge 'dzin dang / chos kyi sgron ma'i ting nge 'dzin dang / de bzhin gshegs pa thams cad kyi spyi gtsug la rnam par blta ba'i ting nge 'dzin dang / yul la rnam par 'phrul pa kun du bkod pa'i ting nge 'dzin dang / sgron ma 'bar ba'i ting nge 'dzin dang / chags pa med pa'i ting nge 'dzin dang / phyir mi ldog pa'i 'byung gnas kyi ting nge 'dzin dang / zla ba rdzogs pa'i ting nge 'dzin dang / shin tu rab tu gnas pa'i ting nge 'dzin dang / shin tu rab tu sangs rgyas pa'i ting nge 'dzin dang / 'gro ba yongs su dag pa'i ting nge 'dzin dang / nyi ma kun du lta ba'i ting nge 'dzin dang / yid gnyis yang dag par 'joms pa'i ting nge 'dzin dang / kun du phyag rgya'i rnam pa'i ting nge 'dzin dang / kun nas dkyil 'khor yongs su dag pa'i ting nge 'dzin dang / phyag rgya'i mtshan nyid la kun du lta ba'i ting nge 'dzin dang / dkyil 'khor yongs su dag pa yang dag par 'dzin pa'i ting nge 'dzin dang / kun du lta ba'i 'od zer gyi ting nge 'dzin dang / pad+ma bkod pa'i ting nge 'dzin dang / don yod pa kun du lta ba'i ting nge 'dzin dang / don yod pa dri ma med pa'i ting nge 'dzin dang / kun tu don yod pa dri ma med pa'i rnam par 'phrul pa'i ting nge 'dzin dang / rgya chen po dbugs 'byin pa don yod pa rin po che'i ting nge 'dzin dang / dpung rgyan gyi ting nge 'dzin dang / dpung rgyan rgyal mtshan gyi ting nge 'dzin dang / rgyal mtshan gyi rtse mo'i dpung rgyan gyi ting nge 'dzin dang / sgrib pa thams cad rnam par dag pa'i ting nge 'dzin dang / don yod pa'i lcags kyu'i ting nge 'dzin dang / pad+ma'i lcags kyu'i ting nge 'dzin dang / dri ma med pa'i lcags kyu'i ting nge 'dzin dang / kun nas 'dren pa'i lcags kyu'i ting nge 'dzin dang / don yod pa'i 'od zer gyi lcags kyu'i ting nge 'dzin dang / kun du lta ba'i gzi brjid kyi ting nge 'dzin dang / rtogs pa dri ma med pa thob pa'i ting nge 'dzin dang / kun du lta ba rab tu gsal ba'i ting nge 'dzin dang / rnam pa thams cad yongs su rdzogs pa'i ting nge 'dzin dang / ting nge 'dzin gyi gtso bo lnga bcu rtsa gnyis po 'di dag 'thob par 'gyur te/ ting nge 'dzin re re la yang 'khor bye ba brgya stong phrag gang gA'i klung gi bye ma dang mnyam pa de thams cad rjes su 'thob par 'gyur ro/ /lag na rdo rje don yod pa'i zhags pa'i snying po rnam par 'phrul pa 'di'i byin gyis brlabs kyis kyang don yod pa'i zhags pa'i snying po klog pa dang / 'chang ba dang / brjod pa dang / sgrub pa dang / phyag rgya 'ching bas yon tan de dag 'thob par 'gyur ro/ / lag na rdo rje don yod pa'i zhags pa'i snying po 'chang ba dang / brjod pa dang / klog pa dang / kha ton byed pa dang / nyin lan gsum mtshan lan gsum dran par byed na lag na rdo rje sems can de dngos grub don yod pa 'thob par 'gyur te/ rnam par 'phrul pa don yod pa dang / de bzhin gshegs pa blta ba don yod pa 'thob pa dang / gzungs don yod pa 'thob pa dang / ting nge 'dzin don yod pa 'thob pa dang / bsod nams sogs pa don yod pa 'thob pa dang / de bzhin gshegs pa'i yul la rnam par 'phrul pa don yod pa dang / byang chub sems dpa'i yul la rnam par 'phrul pa don yod pa dang / de bzhin gshegs pa'i byin gyis rlabs kyi rnam par 'phrul pa don yod pa dang / pha rol tu phyin pa drug yongs su rdzogs pa don yod pa dang / byang chub kyi snying por 'gro bar don yod pa dang / chos kyi 'khor lo rab tu bskor ba don yod pa dang / phyir mi ldog pa'i gnas su 'gro ba don yod pa dang / blo rgyas pa don yod pa dang / shes rab zab mo rnam par 'phrul pa don yod pa dang / pha rol tu phyin pa bcu yongs su rdzogs pa don yod pa dang / de bzhin gshegs pa thams cad la mchod pa dang / rim gro dang / bla ma dang / gus par bya ba don yod pa de'i phyir lag na rdo rje don yod pa'i zhags pa zhes ming du gdags pa byas na lag na rdo rje rig sngags 'chang rnams la ji ltar rmongs pa skye bar 'gyur/ sems 'khrug par 'gyur/ dran pa dang blo gros rmongs par 'gyur te/ de'i gnas na mi snang na su zhig smra bar nus/ de bzhin gshegs pa thams cad kyi ye shes ni don yod pa ste/ de bzhin gshegs pa'i ye shes gang yin pa de don yod pa zhags pa'i ming du dmigs so/ /byang chub sems dpa' rnams kyi ye shes ni don yod pa ste/ ye shes don yod pa gang yin pa de don yod pa'i zhags pa'i ming du dmigs so/ /sgyu ma lta bu'i ting nge 'dzin byang chub sems dpa' sems dpa' chen po 'phags pa spyan ras gzigs dbang phyug gi rnam par 'phrul pa ni don yod pa ste/ sgyu ma lta bu gang yin pa de don yod pa'i zhags pa'o/ /ye shes gang yin pa de zhags pa'o/ /de snying po'o/ /snying po gang yin pa de don yod pa'i zhags pa'i snying po ste/ byang chub sems dpa' sems dpa' chen po 'phags pa spyan ras gzigs dbang phyug gi snying po zhes don yod pa'i zhags pa'i snying po'i ming du dmigs so/ /gang yid la sems pa dang / gang don du gnyer ba de thams cad 'dren par 'gyur/ 'gugs par 'gyur/ len par 'gyur te/ shin tu ring po nas kyang ye shes kyi zhags pas 'gugs par 'gyur ro/ lag na rdo rje de bas na de don yod pa'i zhags pa'i snying po'i ming du dmigs so/ /lag na rdo rje gang gis ting nge 'dzin 'di 'thob pa de la ji ltar rmongs pa skye bar 'gyur/ blo dman par 'gyur te gnas 'di ni mi snang ngo / /lag na rdo rje gzhan yang gzungs kyi sgo du ma 'thob ste/ gang gis gzungs 'thob pa des don yod pa'i zhags pa'i snying po'i cho ga zhib mo 'di'i gsang sngags mtha' dag rdzogs pa dang / gsang sngags dang / phyag rgya dang / gsang sngags rim par phye ba dang / dkyil 'khor kha ton nyid du gnas te thams cad so sor yang dag par shes so/ /'di lta ste don yod pa'i rgya mtsho zhes bya ba'i gzungs dang / don yod pa'i lcags kyu zhes bya ba'i gzungs dang / don yod pa'i pad+ma'i lcags kyu zhes bya ba'i gzungs dang / don yod par rab tu gnas pa zhes bya ba'i gzungs dang / don yod pa rnam pa snang mdzad kyi za ma tog ces bya ba'i gzungs dang / don yod pa lhun po'i snying po yangs pa zhes bya ba'i gzungs dang / don yod pa dri ma med pa'i pad+ma zhes bya ba'i gzungs dang / don yod pa'i 'od zer rab tu snang ba zhes bya ba'i gzungs dang / don yod pa'i yid bzhin gyi nor bu'i rgyal mtshan zhes bya ba'i gzungs dang / don yod pa rnam par 'phrul pa'i 'od zer zhes bya ba'i gzungs dang / don yod pa'i phyag rgya zhes bya ba'i gzungs dang / don yod pa'i rdo rje zhes bya ba'i gzungs dang / don yod pa rab tu gnas pa zhes bya ba'i gzungs dang / don yod pa yangs pa snang ba zhes bya ba'i gzungs dang / don yod pa'i dngos grub ces bya ba'i gzungs dang / don yod pa dri ma med pa'i 'byung gnas zhes bya ba'i gzungs dang / don yod pa'i blo rgyas pa zhes bya ba'i gzungs dang / don yod pa'i 'bar ba'i phyag rgya zhes bya ba'i gzungs dang / don yod pa nyi ma'i snying po zhes bya ba'i gzungs dang / de bzhin gshegs pa dang / byang chub sems dpa' thams cad kyi dkyil 'khor gsang ba don yod pa zhes bya ba'i gzungs 'thob ste/ gang gis gzungs de rnams thos pa tsam gyis don yod pa'i zhags pa'i snying po byang chub sems dpa' thams cad kyis phyag byas pa/ rnam par thar pa'i dkyil 'khor gyi phyag rgya dang / gsang sngags rim par phye ba'i dkyil 'khor mtha' dag rdzogs pa dang / gsang sngags dang / cho ga dang / cho ga zhib mo rgya chen po kha ton tu gnas shing thams cad so sor yang dag par shes te/ gang gis mthu 'di rab tu thob pa la rmongs pa skye bar mi 'gyur/ dran pa nyams par mi 'gyur/ dran pa zhan par mi 'gyur/ dran pa rmugs par mi 'gyur/ dran pa 'khums par mi 'gyur/ dran pa mi brtan par mi 'gyur/ dran pa gzhan du rgyu bar mi 'gyur/ 'dod chags dang / zhe sdang dang / gti mug dang / nga rgyal dang / ser sna dang / phrag dog gi rjes su 'gro bar mi 'gyur/ dran pa sdig pa can du mi 'gyur/ dran pa 'jig rten pa'i mi dge ba byed par mi 'gyur te/ rtag tu blo yangs shing rab tu gsal bar 'gyur ro/ /rtag tu mi mnyam pa dang mnyam pa'i dran pa dang / blo rgya mtsho lta bur 'gyur ro/ /rtag tu dran pa zab cing rgya mtsho chen po bsags pa lta bur 'gyur ro/ /lag na rdo rje don yod pa'i zhags pa'i snying po'i gzungs cho ga zhib mo'i rgyal po de ltar go skabs yangs pa la gang gis gzungs 'di thob pa de lag na rdo rje ji ltar dran pa rmongs par 'gyur/ gzhan yang tshad med grangs med dpag tu med pa'i lus yongs su dag pa dang / yid yongs su dag pa dang / sems yongs su dag pa dang / mdangs yongs su dag pa dang / mig yongs su dag pa dang / rna ba yongs su dag pa dang / sna yongs su dag pa dang / lce yongs su dag pa dang / dbang po yongs su dag pa 'thob par 'gyur ro/ /don yod pa'i zhags pa'i snying po bklags pa tsam dang / mnyan pa tsam dang / mthong ba tsam dang / lhag pa'i bsam pa tsam gyis de rnams yon tan gyi phan yon chen po'i chen po 'di thob ste/ gang gis mthu 'di rab tu thob pa de lag na rdo rje ji ltar rmongs pa skye bar 'gyur/ de lta mod kyi lag na rdo rje yud tsam zhig sdod cig dang / de bzhin gshegs pa'i 'khor mang po'i dbus su ji ltar mngon sum du 'gyur ba bcom ldan 'das kyi spyan sngar bab par bstan par bya'o/ /don yod pa'i zhags pa'i snying po byang chub sems dpa' thams cad kyis phyag byas pa rnam par thar pa'i dkyil 'khor gyi cho ga rnam par 'phrul pa'i cho 'phrul gyi rdzu 'phrul dam pa'i yul gyi mthu chen po'i chen po bstan par bya'o/ /de nas gnod sbyin gyi sde dpon chen po phyag na rdo rjes byang chub sems dpa' sems dpa' chen po 'phags pa spyan ras gzigs dbang phyug gi drung nas don yod pa'i yon tan bkod pa'i rnam par 'phrul pa'i ting nge 'dzin 'di dag dang / gzungs kyi sgo 'di dag mngon sum du thos nas dga' ba dang / mgu ba dang / yi rangs pa dang / rab tu dga' ba dang / yid bde ba skyes te/ snying dga' bas dga' ba chen po nyid thob par gyur nas smras pa/ bdag lus dang sems shin tu sbyangs pas yongs su dga' ba yid la bgyid pas nges par gnas par bgyi'o/ /yid la bgyid pa mchog tu dga' ba dang ngo mtshar du gyur pa dang / som nyir gyur pa dang bral ba dang / 'gyod pa mchis pas gnas par bgyi'o/ /rnam par thar pa'i dkyil 'khor byang chub sems dpa' thams cad kyis phyag bgyis pa/ 'phags pa spyan ras gzigs dbang phyug gi don yod pa'i zhags pa'i snying po'i mthu'i rnam par 'phrul pa 'di ni mchog tu rnyed par dka' ba'o/ /de nas gnod sbyin gyi sde dpon chen po phyag na rdo rjes byang chub sems dpa' sems dpa' chen po 'phags pa spyan ras gzigs dbang phyug la dri ma med par kun tu snang ba'i nor bu rin po che chen po chos kyi dga' bar phul nas rkang pa gnyis la mgo bos phyag byas nas/ lan gsum bskor ba byas nas song ste ched du brjod pa 'di ched du brjod cing 'gying bag dang / brjid bag gi 'gros kyis song nas rang gi stan la 'dug ste/ bzhin 'dzum pas bcom ldan 'dus kyi zhal du bltas nas snying yongs su dga' bas bcom ldan 'das la rtog cing 'dug go/ /de nas byang chub sems dpa' sems dpa' chen po 'phags pa spyan ras gzigs dbang phyug ngo mtshar mchog tu rmad du byung ba snying rje dam pa rgya chen po'i lhag pa'i bsam pa'i dmigs pas sems can thams cad bsgral ba'i phyir 'od zer dri ma med par snang ba'i nor bu rin po che chen po de phyogs bcu'i de bzhin gshegs pa thams cad la phul te nam mkha' la 'phags so/ /byang chub sems dpa' sems dpa' chen po 'phags pa spyan ras gzigs dbang phyug gis nor bu rin po che de nam mkha'i dkyil du 'phags ma thag tu stong gsum gyi stong chen po'i 'jig rten gyi khams 'di cher g.yos par gyur to/ /'od zer gyi snang ba chen po nyi ma bye ba brgya stong bas lhag pa'i 'od zer byung bar gyur to/ /snang ba gang gis 'dzam bu'i gling gi sems can thams cad kyi lus la reg pa tsam gyis sdig pa thams cad dang / dmyal ba dang / dang / dud 'gro'i skye gnas dang / gshin rje'i 'jig rten du ngan song gi 'gro ba las yongs su grol bar gyur to/ /gang yang gling bzhi ba'i dang / dmyal ba de dag la yang snang ba des snang bar gyur pas nyi tshe ba'i dmyal ba rnams kyi gtub pa med par gyur te/ sems can de dag kyang yongs su thar nas bde ba can gyi 'jig rten gyi khams su skal ba mnyam par skyes te/ lus yongs su dag par gyur to/ /gang yang mnar med pa'i dmyal ba chen po bcu drug po de dag kyang 'od zer gyi snang ba des reg pas dmyal ba de dag thams cad du pad+ma'i mtsho byung bar gyur cing / sems can de dag kyang yongs su thar nas rgyan thams cad kyis brgyan te/ bde ba can gyi 'jig rten gyi khams su skal ba mnyam par pad+ma las rdzus te skyes so/ /grang ba'i dmyal ba gang yin pa de dag kyang dro zhing bde ba dang / reg na bde bar gyur to/ / tsha ba'i dmyal ba gang yin pa de dag kyang bsil bar gyur cing / reg na bde ba dang / rab tu dga' bar gyur to/ /gang yang dud 'gro'i skye gnas su song ba dang / bya dang / tha na sbrang bu dang / sha sbrang dag kyang 'od zer des reg pa dud 'gro'i skye gnas su song ba de dag thams cad dga' ldan du lha rnams kyi nang du skyes so/ /sems can gang dag bcings par gyur pa de dag kyang 'od zer des reg pas sems can bcings pa las yongs su grol bar gyur to/ /su mi 'dod pa dang / lcags sgrog dang / lcags kyu lu gu rgyud kyis bcing ba de dag kyang du ma bur gyur to/ /gang snod ma yin pa de yang 'od zer des phog pas mthong ba yongs su dag pa 'thob bo/ /gang sha bkra dang mdze'i nad kyis lag pa dang / rkang pa dang / rna ba dang / sna mchang ba yang 'od zer des phog pas lus yongs su rdzogs pa dang / lus yongs su dag par gyur to/ /gang 'bras bu'i shing ljon pa dang / me tog gi shing ljon ba'i shing ljon pa yongs su skams par gyur pa yang 'od zer des reg pas me tog dang / 'dab ma dang / 'bras bu byung bar gyur to/ /sangs rgyas kyi zhing du gtogs pa gang du 'od zer bab pa'i sangs rgyas kyi zhing du gtogs pa de na yang sangs rgyas kyi zhing so so'i de bzhin gshegs pa dgra bcom pa yang dag par rdzogs pa'i sangs rgyas bye ba khrag khrig brgya stong phrag gang gA'i klung gi bye ma dgu bcu rtsa dgu snyed bzhugs te/ de bzhin gshegs pa so so'i rin po che sna bdun gyi khang pa brtsegs pa'i gzhal med khang dang / seng ge'i khri dang bcas pa'i gzhal med khang byung bar gyur to/ /nam mkha'i dkyil gang du 'od zer gyi snang bas reg pa'i nam mkha'i dkyil der yang phyogs bcur kun du rin po che'i rang bzhin gyi/ sprin brtsegs pas khebs par gyur te lha rdzas kyi nor bu rin po che chen po sna tshogs kyi char rab tu 'bab bo/ /lha rdzas kyi rgyan dang / cod pan dang / dpung rgyan dang / gdu bu dang / do shal dang / se mo do dang / rna rgyan dang / gser gyi skud pa sna tshogs kyi char rab tu 'bab bo/ /tshon kha dog rnam pa sna tshogs pa'i lha rdzas kyi gos rmad du byung ba sna tshogs kyi char rab tu 'bab bo/ /lha rdzas kyi me tog sna tshogs kyi char rab tu 'bab bo/ /lha rdzas kyi byug pa sna tshogs kyi char rab tu 'bab bo/ /lha rdzas kyi bdug pa sna tshogs dang / tsan+dan sbrul gyi snying po'i char rab tu 'bab bo/ /tshon kha dog sna tshogs pa'i lha rdzas kyi gos dang / ba dan sna tshogs kyi char rab tu 'bab bo/ / lha rdzas kyi me tog sna tshogs pad+ma dang / ku mu da dang / pad+ma dkar po dang / ut+pal sngon po dang / pa ri sha ka dang / tsam pa ka dang / a ti mug ta ka dang / a sho ka dang / skya snar dang / ka dam pa dang / man dA ra ba dang / man dA ra ba chen po'i me tog gi char rab tu babs te/ phyogs bcu'i de bzhin gshegs pa thams cad la mchod pa'i las byed do/ /bcom ldan 'das shAkya thub pa'i yang rin po che sna bdun gyi khang pa brtsegs pa yang dag par gnas par gyur te/ gru bzhi pa ka ba bzhi dang / sgo bzhi dang ldan pa shin tu 'bar ba/ lha rdzas kyi me tog sna tshogs lan kan gyis yongs su bskor cing mu tig gi dra ba sna tshogs kyis brgyan pa gser gyi dril bu sna tshogs phyag 'phyang ba gos sna tshogs kyi phreng bas mdzes par byas pa/ chu shing gi rgyal mtshan sna tshogs bsgreng ba/ nor bu rin po che sna tshogs bkram pa/ grwar lha rdzas kyi rnga yab sna tshogs kyis mdzes par byas pa/ go skabs rgya che ba'i 'khor gyi dkyil 'khor chen po 'byung zhing snang ngo / /nam mkha'i dkyil na yang lha rnams lha rdzas rnams kyi me tog dang / bdug spos dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / rol mo'i sgra sna tshogs dang / sil snyan dang / pheg rdob pas bcom ldan 'das la mchod pa byed cing 'khod de/ de ltar don yod pa'i cho 'phrul gyi rnam par 'phrul pa'i byin gyis rlabs rmad du byung ba chen po'i chen po rab tu bstan cing ya mtshan rmad du byung ba'i rdzu 'phrul gyi rnam par 'phrul pa chen po'i chen por bstan to/ /de nas byang chub sems dpa' sems dpa' chen po 'phags pa spyan ras gzigs dbang phyug gis rdzu 'phrul gyi rnam par 'phrul pa'i cho 'phrul 'di bstan nas rnam par 'phrul pa'i bkod pa chen pos rang gi stan las langs te/ bcom ldan 'das ga la ba de logs su song ste phyin nas/ bcom ldan 'das la lan brgya stong du mar bskor ba byas te/ bcom ldan 'das la mngon du bltas nas bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das bdag la don yod pa'i zhags pa'i snying po rnam par thar pa'i dkyil 'khor byang chub sems dpa' thams cad kyis phyag bgyis pa/ phyag rgya dang / dkyil 'khor rim par phye ba/ gsang sngags kyi snying po gsang ba rig sngags kyi rgyal po chen po bdag gi snying po gsang ba/ rig sngags kyi rgyal po don yod pa'i lcags kyu dang / don yod pa'i khro bo'i lcags kyu dang / rig sngags kyi rgyal po don yod par 'dren pa/ nor bu rin po che chen po gsum mchis te/ bcom ldan 'das bdag gis de bcom ldan 'das kyi spyan sngar 'khor mang po'i nang du yongs su bsgrags par bgyi'o/ /gang gi dran pa tsam gyis don yod pa'i snying po'i cho ga zhib mo'i phyag rgya dang / dkyil 'khor dang / gsang sngags dang cho ga rim par phye ba mtha' dag rdzogs par mngon du gnas par 'gyur te thams cad so so nyid du gnas so/ /gsang sngags 'dis gzir bas thams cad mdun du gnas so/ /de bzhin gshegs pa shAkya thub pas byang chub sems dpa' sems dpa' chen po 'phags pa spyan ras gzigs dbang phyug la legs so/ /zhes bya ba byin te/ sems can dag pa chen po khyod kyis spyan ras gzigs dbang phyug gi snying po rig sngags kyi rgyal po don yod pa'i lcags kyu smras pa legs so legs so/ /rig sngags 'chang thams cad kyi don dang / sems can thams cad kyi don chen po'i phyir sems can thams cad dag pa chen po khyod kyis de'i dus la bab par shes na da smros shig / de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das kyis bskul bar rig nas bzhin 'dzum zhing mig mi 'dzums par bcom ldan 'das ga la ba de logs su mngon du phyogs te/ bcom ldan 'das kyi spyan sngar 'khor mang po'i nang du 'phags pa spyan ras gzigs dbang phyug gi snying po'i lcags kyu don yod pa'i zhags pa 'di smras so/ /dus gsum du gshegs shing so so na bzhugs pa'i de bzhin gshegs pa dang / byang chub sems dpa' thams cad la phyag 'tshal lo/ 'phags pa rdo rje 'dzin rig sngags kyi dbang po chen po 'khor gyi tshogs dang bcas pa la phyag 'tshal lo/ /dkyil 'khor gyi rig sngags kyi lha thams cad dang / phyag rgya dang / gsang sngags rim par phye ba dang / cho ga zhib mo thams cad la phyag 'tshal lo/ /rang sangs rgyas dang / 'phags pa nyan thos kyi dge 'dun 'das pa dang / ma byon pa dang / da ltar byung ba thams cad la phyag 'tshal lo/ /'phags pa byams pa la sogs pa dga' ldan gyi byang chub sems dpa' sems dpa' chen po 'khor gyi tshogs la phyag 'tshal lo/ /'phags pa de bzhin gshegs pa 'od dpag med bde ba can na gnas pa'i byang chub sems dpa' sems dpa' chen po'i dkyil 'khor gyi tshogs la phyag 'tshal lo/ /phyogs bcu mtha' yas mu med pa'i 'jig rten gyi de bzhin gshegs pa dang / dkyil 'khor gsang ba dang / gsang sngags dang / phyag rgya rim par phye ba cho ga zhib mo dang bcas pa thams cad la phyag 'tshal lo/ /dkon mchog gsum la phyag 'tshal lo/ /byang chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug rig sngags dang / dkyil 'khor thams cad kyi sku sems can thams cad la byams pa kun nas don yod pa'i dkyil 'khor gyi rig sngags kyi rgyal po la phyag 'tshal lo/ /bgegs dang / log 'dren dang / sdang ba dang / bdud la sogs pa thams cad rab tu zhi bar mdzad pa'i sems dpa' chen po mchog sbyin lcags kyu la phyag 'tshal lo/ /tad+ya thA/ oM A kar+Sha ya/ pad+ma hasta/ ma hA a mo g+ha aM ku shi/ tsa ra tsa ra/ tsa tsa ra/ sany+tsa ra/ sa man+ten/ ma hA pA sha/ aM ku sha/ b+hu dza ba ra da b+hu dza aM ku sha pA sha d+ha ra/ d+ha ra d+ha ra/ sa man+ta mu drA/ man+t+ra maN+Da la/ pa Ta la d+ha ra aM ku sha /pA she na/ d+hA ra ya hU~M hU~M/ ma hA brah+ma/ be Sha d+ha ra/ a mo g+ta rU pa/ aM ku sha d+ha ra/ ta ra ta ra/ ta ta ra/ sa na tA ra ya/ ma hA mu drA/ maN+Da la/ a mo g+ha aM ku sha ba ra da/ ma hA kA ru Ni ka /tri lo tsa na/ bshu pa ti/ be Sha d+ha ra/ I shwa ra/ ma he shwe ra/ pa ra ma kA ru Ne ka /ma ha d+hu te shwa ra ya ma ba ru Na/ na ma skr-i ta/ ku mA ra/ trai lo kya ba rad/ dam ka /sha ma ka /shA sa ka /rak+Sha ka /ma hA bid+yA/ a mo g+ha/ maN+Da la/ pU dzi ta/ rat+na ma ku Ta/ mA la d+ha ra/ d+hu ru d+hu ru/ ma hA aM ku sha ak+Sha d+ha ra hU~M hU~M/ b+ha ra b+ha ra/ sam+b+ha ra sam+b+ha ra/ sa man+t+wa mu drA maN+Da laM bU ra ya hU~M hU~M/ hri da ya aM ku shi /a ba lo kA ya/ mA na sA d+ha ya sid d+hi ra/ A kar+Sha ya/ mu drA man+t+ra/ maN+Da la/ pa Ta laM/ sa ma ya/ big+haM pra sA d+ha ya mA raM/ ha ra ha ra/ sarba pA pa ki la bi Sha ma la/ mA ta sar+ya/ hu ru hu ru/ ma hA aM ku shi /hU~M hU~M/ bud+d+ha bud+d+ha/ bo d+ha ya bo d+ha ya/ tu ru tu ru/ ma hA bo d+hi sa twa aM ku sha rat+na pA shaM d+ha ra/ nA nA bi tsi tra A b+ha ra Na bi b+hU Shi ta/ a mi tA b+ha/ dzi na ma ku Ta d+ha ra/ d+ha ra d+ha ra/ pad+ma pA sha aM ku sha d+ha ra/ sarba bid+yA man+t+ra mu drA maN+DA la/ bra bar/ sA d+ha ya sA d+ha ya/ bi shwa rU pa d+ha ra/ sa ha srab+hu dza/ sa ha sra ne tra/ sau mya mu kha/ pa ra ma kA ru Ni ka sa twa bta sa la/ sarba man+tA mu drA/ pra sA d+ha ka /ma hA ba ra da sa dA na maHstu te/ a mo g+ha aM ku sha /pad+ma b+hu dza swA hA/ byang chub sems dpa' sems dpa' chen po 'phags pa spyan ras gzigs dbang phyug gis 'di skad smras ma thag tu ri po Ta la chen po brag dang / nags tshal dang / skyed mos tshal du bcas pa'i gnas kyi gzhal med khang rnam pa drug tu rab tu g.yos te/ lha rdzas kyi me tog gi char chen po bab bo/ /don yod pa'i zhags pa'i snying po byang chub sems dpa' thams cad kyis phyag byas pa/ rnam par thar pa'i dkyil 'khor phyag rgya dang / gsang sngags dang bcas pa'i dkyil 'khor rim par phye ba'i cho ga zhib mo 'di'ang so sor le'ur phye ba mtha' dag rdzogs par nam mkha' la gnas so/ /gang gsang sngags kyi yig 'bru'ang gser la bai DUr+yas yi ger bris pa sprin gyi rim pa na snang ste/ yi ge'i phreng ba mnyam zhing gsal la zur phyin par bris pa/ thig gi phreng ba gshibs pas brgyan pa snang ngo / gang lag pa'i phyag rgya'ang pad+ma'i nang nas byung ba/ phyag rgya bcing ba sna tshogs 'od zer 'bar ba nam mkha' la gnas so/ /gang mtshan ma'i phyag rgya'ang rin po che sna bdun gyi pad+ma la rab tu gnas pa nam mkha' la gnas par gyur to/ /gang ras kyi ri mo'i sku gzugs/ gzugs rnam pa sna tshogs 'dzin pa/ rnam par bkra ba cho ga dang / yo byad dang bcas pa rim par phye ba bris pa'ang nam mkha' la gnas so/ /gang dkyil 'khor rim par phye ba de dkyil 'khor rnam pa sna tshogs gru bzhi pa/ grwa bzhi cha mnyam pa rnam par phye ba dkyil 'khor shin tu spras shing brgyan pa/ gzugs rnam pa sna tshogs kyis mdzes pa'i gzhal med khang yang nam mkha' la gnas so/ /dkyil 'khor chen po na gnas pa'i rig sngags kyi lha pho nya dang / khro bo dang bcas pa gzhal med khang na rjes su rgyu ba dag kyang nam mkha'i dkyil na gnas te/ bcom ldan 'das la mchod pa byed do/ phyogs so so'i de bzhin gshegs pa mang po bye ba khrag khrig brgya stong gang gA'i klung gi bye ma snyed kyang phyogs bcu kun gyi nam mkha'i dkyil na de bzhin gshegs pa'i sku bzhugs par gyur to/ /de bzhin gshegs pa'i sku de dag thams cad kyis kyang byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ spyan ras gzigs dbang phyug legs so legs so/ /rig sngags kyi mchog dam pa don yod pa'i lcags kyu'i rig sngags kyi rgyal po mtha' dag rdzogs par smras pa gang gis don yod pa'i zhags pa'i snying po rnam par thar pa'i dkyil 'khor gyi cho ga zhib mor gsang sngags dang / phyag rgya dang / gsang sngags rim par phye ba de dag thams cad don yod pa'i lcags kyu'i gsang sngags kyi zhags pas kun nas drangs so/ /'khor 'di'i nang na nam mkha'i dkyil na rab tu gnas pa de phyi ma'i tshe phyi ma'i dus na rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ dge sbyong ngam/ bram ze'am/ rgyal rigs sam/ rje'u rigs sam/ dmangs rigs sam/ gzhan su yang rung ba bud med dam/ skyes pa'am/ khye'u'am/ bu mo rig sngags 'dzin pa thams cad kyis don yod pa'i zhags pa'i lcags kyu 'phags pa spyan ras gzigs dbang phyug gi snying po'i gzungs 'di dran par byed na lan cig dran pa tsam gyis kyang mod la don yod pa'i zhags pa'i snying po byang chub sems dpa' thams cad kyis phyag byas pa/ 'phags pa spyan ras gzigs dbang phyug gi snying po rnam par thar pa'i dkyil 'khor gyi phyag rgya dang / gsang sngags dang / dkyil 'khor rim par phye ba dang / cho ga zhib mo de thams cad so sor de la kha ton nyid du gnas te/ de dag thams cad rim gyis dran pa dang / blo rgya mtsho bsags pa dang / shes rab 'phel bar 'gyur ro/ /gsang sngags dang / phyag rgya dang / gsang sngags rim par phye ba so so la blo 'jug par 'gyur ro/ /nam yang blo dman par mi 'gyur zhing nam yang brjed ngas par mi 'gyur ro/ /de nas bcom ldan 'das de bzhin gshegs pa shAkya thub pas byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ mchog chen po sbyin pa/ lag na pad+ma/ mchog tu snying rje can khyod kyis cho ga rgya chen po smras pa legs so legs so/ /de nas gnod sbyin gyi sde dpon chen po phyag na rdo rjes rdzu 'phrul gyi rnam par 'phrul pa'i cho 'phrul gyi yon tan mtha' yas pa 'di mthong nas dbugs cher 'byin par gyur cing mchog tu dga' ba chen po thob bo/ /de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das kyi spyan sngar 'khor 'di'i nang du 'phags pa spyan ras gzigs dbang phyug gi snying po don yod pa'i lcags kyu'i bya ba'i yo byad dang cho ga bshad do/ /bcom ldan 'das de nas rig sngags 'chang gang 'phags pa spyan ras gzigs dbang phyug gi snying po don yod pa'i zhags pa byang chub sems dpa' thams cad kyis phyag bgyis pa rnam par thar pa'i dkyil 'khor 'di bsgrub par 'tshal ba dang / gang yang rigs kyi bu'am/ rigs kyi bu mo'am/ dge slong pha'am/ dge slong ma'am/ dge bsnyen nam/ dge bsnyen ma'am/ dge sbyong ngam/ bram ze'am/ rgyal rigs sam/ rje'u rigs sam/ dmangs rigs sam/ gzhan su yang rung ba bud med dang / skyes pa'am/ khye'u 'am/ bu mo don yod pa'i zhags pa'i snying po 'di klog par 'tshal ba dang / bstan par 'tshal ba dang / bzlas brjod kyi cho ga bgyi bar 'tshal ba dang / mtha' dag rdzogs par bsgrub par 'tshal ba des sngon rol du phyogs bcur thal mo sbyar te/ phyag 'tshal nas shar phyogs su kha bltas te mchis la gzhan mi smra bar don yod pa'i lcags kyu'i snying po 'di lan gsum dran par bgyi zhing / yang thal mo sbyar te phyag bgyi'o/ de nas dran pa tsam gyi mod la byang chub sems dpa' sems dpa' chen po 'phags pa spyan ras gzigs dbang phyug bkug par 'gyur te/ ri bo Ta la'i gzhal med khang dang bcas pa dang / 'khor gyi dkyil 'khor dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang bcas pa bkug par 'gyur ro// //'phags pa don yod pa'i zhags pa'i cho ga zhib mo'i rgyal po/ bam po nyi shu gnyis pa/ don yod pa'i zhags pa'i snying po byang chub sems dpa' thams cad kyis phyag bgyis pa/ rnam par thar pa'i dkyil 'khor phyag rgya dang bcas pa gsang sngags rim par phye ba'i cho ga zhib mo dang / sgrub pa'i cho ga'i rnam pa rgya chen po mtha' dag rdzogs pa 'di yang bkug par 'gyur ro/ /dkyil 'khor na gnas pa'i rig sngags kyi lha 'khor dang bcas pa bkug par 'gyur te/ thams cad yid rab tu dga' bar gyur pas dngos grub dam pa rjes su stsol bar 'gyur ro/ /de nas don yod pa'i rgyal po'i snying po dran par bgyi ste/ ji ltar shin tu rgya cher yid la bgyis pa de ltar bsgrub par 'gyur ro/ /'phags pa spyan ras gzigs dbang phyug nyid kyi kha nas dran pa mnyan zhing rgya che ba dang / blo dang mdangs dri ma ma mchis par 'jug par bgyid de/ zhugs pa tsam gyi mod la lce pad+ma'i 'dab ma lta bur 'jam par 'gyur zhing / kha nas ut+pa la'i dri 'byung bar 'gyur ro/ /dbyangs snyan cing mnyen pa dang / 'jam pa dang / zab pa dang / tshig rnam par dag par 'gyur ro/ /mi 'am ci'i dbyangs dang / sgra snyan pa dang / dbyangs mnyen pa dang / dga' bar byed pa'i dbyangs su 'gyur zhing ka la ping ka'i dbyangs su 'gyur ro/ /ji ste dus gsum du lan gsum du dran par bgyi na gsang sngags dang / cho ga zhib mo dang / dkyil 'khor dang / phyag rgya rim par phye ba dang / cho ga thams cad dang / de bzhin gshegs pa thams cad kyi rigs spyi'i dngos grub de rdzogs par 'gyur zhing spyod par 'gyur ro/ /bgegs dang log 'dren dang bdud la sogs pa sdang ba'i 'jigs pa thams cad dang bral bar 'gyur ro/ sngon gyi sgrib pa dang / dmyal bar mchi ba'i sdig pa thams cad dang bral bar 'gyur ro/ /'phags pa spyan ras gzigs dbang phyug gi snying po/ rig sngags kyi rgyal po chen po don yod pa'i lcags kyu 'di lan gsum dran par bgyis pa tsam gyis skad cig de nyid kyi mod la bdag rang dang / rang gi gnas kyi khang pa dang / slob ma dang / bsnyen bkur dang / 'khor dang bcas pa mi gtsang ba yang gtsang bar 'gyur/ yongs su ma dag pa'ang shin tu yongs su dag par 'gyur ro/ /dri ma dang bcas pa'ang shin tu dri ma ma mchis par 'gyur ro/ /zhe sdang dang bcas pa'ang zhe sdang dang bral bar 'gyur ro/ /gti mug dang bcas pa'ang gti mug dang bral bar 'gyur ro/ /'dod chags dang bcas pa'ang 'dod chags dang bral bar 'gyur ro/ /sgrib pa dang bcas pa'ang sgrib pa dang bral bar 'gyur ro/ /bgegs dang bcas pa dang / bdud dang log 'dren gyis yongs su zin pa'ang bgegs dang / log 'dren dang / bdud la sogs pa dang bral bar 'gyur ro/ /sems kyi sdig pa'ang sdig pa dang bral bar 'gyur ro/ /thun mong ma yin pa'ang thun mong du gyur cing bsrungs par 'gyur ro/ /mi smra ba'i brtul zhugs ma mchis par yang mi smra ba'i brtul zhugs chen po dang ldan par 'gyur ro/ /smyung ba ma bgyis pa'ang smyung ba bgyis par 'gyur ro/ /rig sngags kyi gnas dang yul dang dkyil 'khor thams cad du tshangs par mi spyod pa'ang tshangs par spyod pa chen por 'gyur ro/ /tshangs pa'i gnas chen po la gnas par 'gyur ro/ /dge ba mi spyod pa'ang dge ba chen po dang ldan par 'gyur ro/ /chos mi spyod pa'ang chos spyod pa chen po dang ldan par 'gyur ro/ /bsod nams mi bgyid pa'ang bsod nams kyi phung po chen po 'phel bar 'gyur ro/ /dul ba'i spyod pa mchis pa'ang dul ba'i spyod pa chen po dang ldan par 'gyur ro/ /dkyil 'khor dang / phyag rgya dang / gsang sngags ma mthong ba dang / dam tshig ma mchis pa'ang dkyil 'khor dang / phyag rgya dang / gsang sngags mthong ba dang / dam tshig 'tshal bar 'gyur ro/ /rig sngags kyi gnas dang 'khor thams cad du sangs rgyas dang / chos mthong bar mi 'tshal ba'ang byang chub dang / chos dang / dam tshig dang ldan par 'gyur ro/ /byang chub sems dpa' thams cad kyis ma bsams pa'ang byang chub sems dpa' thams cad kyis bsams par 'gyur ro/ /sangs rgyas kyi sa bon gyi yul du ma gyur pa'ang byang chub kyi sa bon dang ldan par 'gyur ro/ /pha rol tu phyin pa drug gi spyod pa dang mi 'bral zhing / pha rol tu phyin pa drug yongs su rdzogs par bgyi ba la mkhas par 'gyur ro/ /tshul khrims dang mi 'bral zhing ting nge 'dzin rab tu 'thob par 'gyur ro/ /sbyin pa dang yongs su gtong ba dang mi 'bral zhing sbyin pa dang / yongs su gtong ba dang / sbyin pa'i tshogs chen po dang ldan par 'gyur ro/ /bzod pa dang mi 'bral zhing bzod pa chen po'i bzod pa'i rjes su spyod par 'gyur ro/ /brtson 'grus dang mi 'bral zhing brtson 'grus kyi stobs chen po'i go cha brtan pa bgos par 'gyur ro/ /bsam gtan dang mi 'bral zhing bsam gtan chen po 'thob pa dang / ting nge 'dzin dang ldan par 'gyur ro/ /shes rab dang thabs cad la mkhas pa zhan pa'ang shes rab dang thabs la mkhas pa rgya chen por 'gyur ro/ /rig sngags dang / gsang sngags nyams pa'ang / gsang sngags dang / phyag rgya yongs su tshang ba dang / cho ga la mkhas par 'gyur ro/ /dge ba'i bshes gnyen dang bral ba'ang dge ba'i bshes gnyen chen po'i lam la rab tu gnas par 'grub par 'gyur ro/ /'jig rten thams cad du snying du sdug pa dang / bla mar bgyis par 'gyur ro/ /sems can thams cad kyis mchod pa dang / mngon du phyag bgyi bar 'gyur ro/ /tshig btsun par yang 'gyur ro/ /bsam pa yongs su dag par yang 'gyur ro/ /de ltar don yod pa chen po'i cho ga rgya chen po 'di dag ni thams cad du dngos grub don yod pa/ mchog tu rnyed par dka' ba/ dge ba don yod pa 'di don yod pa'i lcags kyus 'dren par bgyid do/ /dngos grub thams cad 'gugs par bgyid do/ /sgrub pa thams cad 'dren par bgyid do/ /sangs rgyas kyi chos ji snyed pa de bzhin gshegs pa'i stobs bcu dang / sangs rgyas kyi chos ma 'dres pa brgyad dang / mi 'jigs pa bzhi dang / 'phags pa'i lam yan lag brgyad dang / de bzhin nyid dang / yang dag pa'i mtha' dang / don dam pa dang / stong pa nyid 'dren par bgyid de don yod pa'i lcags kyu 'dis 'dres par bgyid/ yangs par bgyid/ dngos grub mchog 'dren par bgyid do/ /de ltar mthu che ba dang / phan yon che ba dang / yon tan chen por brjod pas bsod nams kyi 'bras bu chen po stsol bar bgyid do/ /de ltar dge ba'i rtsa ba chen po dang ldan zhing kun tu sogs par bgyid pas rig sngags kyi rgyal po don yod pa'i lcags kyu/ 'phags pa spyan ras gzigs dbang phyug gi snying po ni mchog tu grub pa bla na med pa lags so/ /de nas rig sngags 'chang rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ dge sbyong ngam/ bram ze'am/ rgyal rigs sam/ rje'u rigs sam/ dmangs rigs sam/ gzhan du yang rung ba/ bud med dam/ skyes pa'am/ khye'u 'am/ bu mo 'phags pa spyan ras gzigs dbang phyug rang gi gzugs kyis dgug par 'tshal ba dang / 'phags pa spyan ras gzigs dbang phyug bdag nyid kyi rang gi gzugs su mthong bar 'tshal na des cho ga 'di bgyi'o/ /gtsang ma shin tu khrus bgyis pa/ gos gtsang ma bgos pa/ ba'i rnam lnga'i chu sa bsangs pa'i mchod phyir thogs btags pas ras dmar po'i skud pa'i mchod phyir thogs kha dog bzang po gnas bdun du yongs su gzung ste/ mtshog ma dang / spyi gtsug bcing ba dang / gnas gsum po dpung pa gnyis su bcing ba dang / lag ngar gnyis su bcing ba dang / de nas rked par bcings pas/ sa phyogs gtsang mar 'dug nas sam/ gnas gzhan gang yang rung ba dben zhing 'khrug pa ma mchis pa dang / dkyil 'khor gyi stegs gru bzhi pa shin tu rnam par mdzes pa khru bzhi'i tshad tsam la 'phang sor brgyad kyi tshad tsam kun nas zlum po legs par byugs pa shin tu 'jam pa bgyi'o/ /de nas tshon sna tshogs kyi skud pas rnam par mdzes par thig gdab bcing tshon rtsi sna tshogs kyis bri bar bgyi'o/ /snying po'i dkyil 'khor ni khru gang tsam gyi tshad la gru bzhi pa rnam par phye ba/ shin tu mdzes pa/ gru bzhi kun nas kha khyer gyi rnam pa can bgyi'o/ /dbus su pad+ma bgyi'o/ /'dab ma brgya rtsa brgyad pa/ 'dab ma thams cad la lcags kyu bri zhing dbus kyi snying po ge sar dang bcas pa rin po che sna tshogs kyis brgyan pa bgyi'o/ /'od kyi phreng ba zlum po tshon rtsi sna tshogs kyis rnam par mdzes par bgyi'o/ /snying po'o dkyil 'khor gyi grwa bzhir lcags kyu dang zhags pa kun nas zlum po'ang bgyi'o/ /phyi rol gyi dkyil 'khor kun du mtshan ma'i phyag rgya sna tshogs kyang bri bar bgyi'o/ /dkyil 'khor gyi grwa bzhir rnam par phye bar rgyal po chen po bzhi 'bar ba'i nang na go cha bgos pa/ drag shul gyi gzugs can 'jigs par bgyid pa bri'o/ /sgo bzhi rnam par phye bar yang dkyil 'khor gyi lha bri bar bgyi ste/ shar phyogs kyi sgor rdo rje 'chang zhi ba'i gzugs can bzhin 'dzum pa/ rdo rje 'gying bag can du 'dzin pa/ ri rab kyi steng na 'bar ba'i nang na mchis pa bri'o/ /lho phyogs kyi sgor khro bo'i rgyal po drag shul gyi gzugs can 'jigs par bgyi dang / pad+ma dang zhags pa thogs pa/ me tog kha phye ba'i steng na 'bar ba'i nang na mchis pa'o/ /nub phyogs kyi sgor dbang po rdo rje thogs pa/ mig gsum pa ri'i steng na 'bar ba'i nang na mchis pa bri'o/ /byang phyogs kyi skor don yod pa'i zhags pa gdong khro gnyer can/ pad+ma dang zhags pa thogs pa/ pad+ma'i 'dab ma'i steng na 'bar ba'i nang na lcags kyu dang lhan cig mchis pa bri'o/ /dkyil 'khor kho ra khor yug tu gos dang / ba dan dang / mda' dang / rgyal mtshan kun gyis brgyan par bgyi'o/ /tshon sna lnga'i skud pas kho ra khor yug tu dkri bar bgyi'o/ /gtor ma thams cad dkar po gzhag go/ /dkyil 'khor gyi phyi rol kun du dngul dang gser gyi snod rnam pa sna tshogs pa gzhag go/ /snying po'i dkyil 'khor kho ra khor yug tu dngul gyi snod bkang ba bzhi dang / 'o mas bkang ba bzhi dang / mchod yon dang / zhabs bsil ba'i snod bzhi dang / dri'i snod bzhi dang / dris bkang ba'i snod bzhi dang / dngul gyi phog por a ga ru dang / tsan+dan dang / du ru ska'i bdug spos bsregs pa bzhi gzhag go/ /phyi rol gyi dkyil 'khor kho ra khor yug tu sa las byas pa'i snod bkang ba dang / gtor ma'i snod bum pa yongs su bkang ba drug cu rtsa bzhi dang / bdug pa sna tshogs bsregs pa'i pog phor brgyad 'jigs pa med par gzhag par bgyi'o/ /de nas rig sngags 'chang gis tshes bcu bzhi nas zla ba nya tshes lnga'i bar gyi nyin zhag gcig smyung ba bgyis pas 'bras yos dang / yungs kar la don yod pa'i rgyal po'i snying pos lan brgya rtsa brgyad yongs su bzlas pas dkyil 'khor du gtor bar bgyi'o/ /yungs kar dang / dri chab la khro bo'i rgyal pos lan brgya rtsa brgyad yongs su bzlas pas dkyil 'khor kun du gtor zhing dkyil 'khor dbang bskur bar bgyi'o/ /dkyil 'khor gyi phyi rol du mar me drug cu rtsa bzhi spar bar bgyi'o/ /me tog ji snyed pa mang po dgram zhing kho ra khor yug tu phreng ba gzhag par bgyi'o/ /rig sngags 'chang gis don yod pa'i lcags kyus yungs kar la lan nyi shu rtsa gcig yongs su bzlas pas dkyil 'khor kun dang / phyogs bzhi dang / steng dang / 'og tu gtor na dkyil 'khor bcing ba bgyis par 'gyur ro/ /phyogs bcing ba dang / spyi gtsug bcing ba dang / bdag bsrung ba bgyis par 'gyur ro/ /bgegs dang / log 'dren dang / 'byung po dang / gnod sbyin dang / srin po dang / bdud la sogs pa thams cad bcings par 'gyur ro/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po gang dag mthong ba dang / de bzhin gshegs pa'i bslab pa'i gzhi 'dzin pa de thams cad bkug par 'gyur ro/ /dkyil 'khor kun nas bsrung ba'i slad du gshin rje dang / chu lha dang / gzhon nu dang / ku be ra dang / rgyal po chen po bzhi dpung dang / 'khor dang bcas pa/ lcags kyu dang / zhags pas bkug par 'gyur te/ dkyil 'khor kun nas bsrung ba dang / bskyab pa dang / sba ba bgyid par 'gyur ro/ 'og gi sa'i lha mo sa'i 'og na gnas pa rnams dang lhan cig dkyil 'khor bsrung ba dang / bskyab pa dang / sba ba'i slad du mchis par 'gyur ro/ /steng nas nam mkha' la tshangs pa dang / khyab 'jug dang / dbang phyug chen po dang / brgya byin dang / mtshan mo'i lha dang / nyi ma dang / zla ba rgyu skar dang bcas par bsrung ba dang / bskyab pa dang / sba ba bgyis par 'gyur ro/ /de nas rig sngags 'chang gis phyag bgyi ba'i las bgyi ste/ rig sngags 'chang gis rtswa ku sha'i steng du shar phyogs kyi sgor dkyil 'khor la mngon du phyogs par skyil mo krung bcas te/ mchis la gzhan mi smra bar don yod pa'i zhags pa'i snying po lan brgya rtsa brgyad yongs su bzlas pa bgyis la/ dkyil 'khor gyi snying por 'phags pa spyan ras gzigs dbang phyug gzhag par bgyi zhing / me tog re re la bzlas brjod bgyis pas 'phags pa spyan ras gzigs dbang phyug gi mdun du dor bar bgyi'o/ /de nas khro bo'i rgyal pos yungs kar gyi 'bru re re la lan brgya rtsa brgyad bzlas brjod bgyis pas gtor bar bgyi'o/ /de nas 'phags pa spyan ras gzigs dbang phyug gi snying po don yod pa'i zhags pa'i lcags kyus bzlas brjod stong rtsa brgyad bgyis pas dbul bar bgyi'o/ /ril bu re re la bzlas brjod bgyis pa'i bdug spos dbul bar bgyi'o/ /yungs kar re re la bzlas brjod bgyis la/ snying po'i dkyil 'khor gyi steng du dor bar bgyi'o/ /stong rtsa brgyad rdzogs pa dang / thun tha ma'i nam nangs kar gya nom pa/ yid du 'ong zhing dga' ba dang / rab tu dga' bar bgyid par sa g.yo bar 'gyur zhing / sgra mnyen pa dang / snyan cing 'jebs pa dang / yid du 'ong ba zab mo zab mo dang / ka la ping ka dang / mi'am ci'i sgra dbyangs lta bu 'byung bar 'gyur te/ rig sngags 'chang gi sems brtan por bgyi zhing mchog tu dga' ba yid la bgyid pas bzlas brjod bgyi'o/ /de nas dkyil 'khor gyi snying po nas 'od zer rnam pa sna tshogs mang po 'byung zhing phyogs dang / phyogs mtshams kun tu mchi zhing snang bar 'gyur te/ nam mkha'i dkyil na sprin brtsegs pa'i phung po bzhin du 'od zer gyi gzugs su gyur nas gnas par 'gyur ro/ /de nas sngon ma byung ba'i dri zhim po rmad du 'byung bar 'gyur zhing lha'i tsan+dan dang / go shiR+Sha'i tsan+dan dang / tsan+dan sbrul gyi snying po dang / ga bur dang / gla rtsi'i dri 'byung ste/ dpag tshad brgya kho ra khor yug tu dri gnas par 'gyur ro/ /lha rdzas kyi bdug spos kyi dri zhim po sngon ma byung ba rmad du byung ba bai DUr+ya sngon po'i sprin brtsegs pa lta bu'i bdug spos kyi sprin nam mkha'i dkyil na gnas par yang 'gyur te/ phyogs bcu kun tu bdug spos kyi dri rgyas par 'gyur ro/ /de nas snying po'i dkyil 'khor gyi dbus nas 'phags pa spyan ras gzigs dbang phyug bdag nyid kyi rang gi gzugs kyis 'byung bar 'gyur te/ tshangs pa bzang po'i cha lugs can/ ral pa'i thog tshugs kyis brgyan pa/ don yod pa'i zhags pa'i gzugs lag pa bzhi pa/ pad+ma dang / zhags pa thogs pa/ rgyal ba 'od dpag tu med pa'i dbu rgyan can/ dbu rgyan zla ba tshes pas brgyan pa/ mdung rtse gsum pa thogs shing dbugs 'byin pa/ rgyan thams cad kyis brgyan pa/ mtshan dang dpe byad bzang pos brgyan pa/ rang gi 'od dang gzi brjid kyis shin tu 'bar ba/ bzhin 'dzum zhing nyi ma stong bas lhag pa'i 'od zer gyi snang ba dang ldan pa/ khru brgyad tsam gyi lus bzang pos dkyil 'khor gyi snying po'i pad+ma'i stan las langs te/ nam mkha' la mchis nas zhi ba'i gzugs can byams pa'i sems dang / snying rje chen po yid la bgyis pas dkyil 'khor kun du lta zhing phyogs bcur rtog par bgyid do/ /de nas rig sngags 'chang la legs so zhes bya ba'i sgra 'byung ste/ rig sngags 'chang chen po legs so legs so/ /lag pa g.yas pa brkyang ba'i lag mthil shin tu bzang po 'od zer bye ba brgya stong phrag stong gis legs par brgyan pa'i lag pa rig sngags 'chang gi spyi bor 'jog par 'gyur ro/ /'phags pa spyan ras gzigs dbang phyug gi lag pa spyi bor bzhag ma thag tu de nas rig sngags 'chang de nam mkha' la mchis te/ don yod pa'i zhags pa dang / lcags kyu rgya chen po 'od zer snang ba bkod pa rnam par 'phrul pa zhes bya ba sgyu ma lta bu'i shugs kyi dkyil 'khor zhes bya'i ting nge 'dzin 'thob ste/ ting nge 'dzin gzhan yang bye ba khrag khrig brgya stong gi bye ma snyed 'thob bo/ /kun du don yod par lta ba nor bu'i snying po rgya chen por grags pa don yod pa'i lcags kyu'i gzungs/ 'phags pa spyan ras gzigs dbang phyug gi snying po'i gzungs 'thob par 'gyur te/ gang gis gzungs thob pa'i mod la don yod pa'i zhags pa'i snying po'i phyag rgya dang / gsang sngags rim par phye ba'i cho ga zhib mo byang chub sems dpa' thams cad kyis phyag bgyis pa/ rnam par thar pa'i dkyil 'khor mtha' dag rdzogs par kha ton nyid du gnas so/ /gzhan yang pad+ma rgya chen po'i dkyil 'khor mtha' dag dang / rdo rje'i rigs dang / de bzhin gshegs pa'i rigs dang / nor bu'i rigs dang / glang po che'i rigs dang / de bzhin gshegs pa thams cad kyi rigs kyi dam tshig dang / gsang ba chen po'i snying po dang / phyag rgya dang bcas pa'i gsang sngags rim par phye ba gsang ba dang / cho ga zhib mo'i rnam pa thams cad kha ton nyid du gnas so/ /rig sngags 'chang gi 'khor los sgyur ba bye ba khrag khrig brgya stong phrag gang gA klung gi bye ma dgu bcu rtsa gnyis pa rnams kyi gtso bo dang / mchog dang rig sngags 'chang gi 'khor los sgyur ba'i rgyal por 'gyur ro/ /de nas 'phags pa spyan ras gzigs dbang phyug gis rig sngags 'chang de la smras pa/ rig sngags 'chang ji ltar yid la byed pa dang / bsam pa smros shig dang / mchog de thams cad rjes su sbyin par bya'o/ /de nas rig sngags 'chang gis ji ltar yid la bsams pa dang / mchog mngon par 'dod pa de thams cad smra zhing mchog yid la re ba thams cad sbyin par 'gyur ro/ / gzhan yang 'jig rten pa dang / 'jig rten las 'das pa'i dgos pa sna tshogs da ltar byung ba rnams smra zhing 'das pa dang / ma 'ongs pa dang / da ltar byung ba smra'o/ /lo legs pa dang / lo nyes pa dang / bde ba dang / nad dang / 'jigs pa dang / lhag par 'jigs pa dang / pha rol gyi dmag tshogs dang / rang gi dmag tshogs dang / phyir rgol ba dang / dgra bo dang / yams kyi nad dang / mi ngas dang / gnod pa dang / nad 'go ba dang / 'tshe ba dang / gza' 'thab pa dang / 'thab mo dang / rtsod pa dang / mtshang 'du ba dang / 'gyed pa dang / g.yul 'gyed pa dang / char ches pa dang / char dkon pa dang / dus ma yin pa'i char dang / tshe ring ba dang / tshe thung ba dang / tshe yongs su zad pa dang / dus ma yin par 'chi ba gang / 'byor pa dang / rgyud pa dang / dge ba dang / mi dge ba dang / skye ba dang / 'gag pa dang / 'grub pa dang / mi 'grub pa dang / bgegs dang / bgegs med pa dang / bdud kyi bar chad dang / 'bru 'phel ba dang / nor 'phel ba dang / nad mang ba dang / nad dang bral bar 'gyur ba gang yin pa de thams cad par byang chub sems dpa' sems dpa' chen po 'phags pa spyan ras gzigs dbang phyug rig sngags 'chang la smra bar 'gyur ro/ /sems can dmyal ba dang / dang / lha ma yin gyi 'jigs rten dang / gnod sbyin dang / srin po dang / 'byung po dang / sha za dang / grul bum dang / mi'am ci dang / lto 'phye chen po dang / mi dang mi ma yin pa dang / dud 'gro'i skye gnas pa dang / bya'i skye ba dang / 'chi ba de thams cad phyin ci ma log par smra zhing de dag gi thams cad kyang ston par 'gyur ro/ /lhar skye ba dang / klur skye ba dang / sangs rgyas kyi zhing du 'gro zhing skye ba dang / rgyal po nyid dang / bud med dang / skyes pa nyid dang / bu rnyed pa de thams cad smra bar 'gyur ro/ /bram ze'i rigs su skye ba dang / rgyal rigs su skye ba dang / khyim bdag gi rigs shing sA la chen po lta bur skye ba de thams cad smra bar 'gyur ro/ /gzhan yang rigs mthon po dang / dma' ba dang / smad pa'i rigs su skye ba sna tshogs de dag thams cad ston cing smra la/ thabs kyang ston par 'gyur ro/ /de nas rig sngags 'chang gis ji ltar bsams pa'i don de thams cad 'phags pa spyan ras gzigs dbang phyug dang mngon sum du smra zhing thams cad gtam zer ro/ /gzhan yang 'phags pa spyan ras gzigs dbang phyug gis 'jig rten pa'i mchog sna tshogs dang / sgrub pa dang / grub pa de thams cad de la stsol bar bgyid de/ 'di lta ste nor bsgyur ba smra ba dang / zhing smra ba dang / mgo sman gyi dngos grub dang / mi snang ba dang / mig 'phrul dang / gter smra ba dang / phug tu 'jug pa dang / nags su 'jug pa dang / spo pa dang / dbang du bya ba dang / dbab pa dang / ro langs bslang ba dang / nad zhi bar bya ba dang / gos 'thob pa dang / grong 'thob pa dang / yul gyi bdag po nyid dang / chu klung chen po rgal ba dang / dug bza' ba dang / gsang sngags sna tshogs sgrub pa'i dngos grub dang / 'jigs pa chen po brgyad zhi bar bya ba dang / dgug pa dang / dran pa de thams cad stsol bar bgyid do/ /gzhan yang ji ltar yid la bgyid pa de thams cad stsol bar bgyid do/ /de dag thams cad kyi dgos pa thams cad don yod pa'i zhags pa'i lcags kyu'i snying pos 'dren cing / don yod pa'i zhags pas bcing bar 'gyur ro/ /bsams pa dang / don du gnyer ba dang / yid la re ba'i dgos pa de thams cad shin tu ring po nas kyang don yod pa'i zhags pas bcings nas thams cad drangs te lag tu thob par 'gyur ro/ /sgrub pa mchog gi dngos grub kyi de kho na nyid thams cad 'grub par 'gyur te/ mi snang bar gyur/ rig sngags 'chang nam mkha' la mche bar 'gyur ro/ /'jig rten gyi khams gang du sangs rgyas kyi zhing gang dang gang du mchi 'tshal ba de dang de thams cad du mchi bar gyur te thams cad du gtso bor 'gyur/ thams cad du mchod par 'gyur ro/ /ci ste rmi lam du mthong bar 'tshal na gu gul la lan brgya rtsa brgyad yongs su bzlas nas/ nyal kar 'phags pa spyan ras gzigs dbang phyug la bdug spos su phul te nyal na/ 'phags pa spyan ras gzigs dbang phyug rgyal po'i cha byad du mthong ba stsol cing / gang bsams pa dang / gang du gnyer ba dang / gang dris pa de thams cad smra bar 'gyur ro/ /ji ltar bsams pa'i mchog stsol cing sgrib pa dang sdig pa thams cad ma mchis par 'gyur ro/ /stobs dang / brtson 'grus dang / mdangs 'jug par 'gyur ro/ /tshangs pa dgug par 'tshal zhing mthong bar 'tshal na/ de'i tshe shing arga'i 'o ma dang / gu gul dang / rgya skyegs kyis ril bur bgyis pa la bzlas brjod brgya rtsa brgyad bgyis la/ tshangs pa la bdug spos su phul nas/ tshangs pa rang gi gzugs kyis mdun na ma mchis shing mchog 'tshal ba thams cad rjes su stsol to/ /tshangs pa'i 'jig rten la thug pa'i bar gyi tshangs pa'i gnas dang / gzhal med khang mthong bar 'gyur zhing tshangs pa'i gzugs kyi cha byad 'chang ba'i mchog stsol bar 'gyur ro/ /lha'i gnas thams cad du mes po yin no zhes tshig mngon par brjod par 'gyur ro/ /'jig rten thams cad dang / 'dzam bu'i gling pa'i mi bud med dang / skyes pa dang / khye'u dang / bu mo dang / dge sbyong dang / bram ze dang / rgyal rigs dang / rje'u rigs dang / dmangs rigs de thams cad thams cad du tshangs pa'o zhes sems par 'gyur ro/ /rgyal po btsun mo dang / 'khor du bcas pas mchod pa'i sprin chen po bgyid par 'gyur ro/ /de nas sred med kyi bu dgug par 'tshal ba des lha'i gnas su sred med kyi bu'i gzugs brnyan gyi mdun du nye bar sbyin sreg gi cho ga bgyi ste/ rig sngags 'chang gtsang mar gyur pa shin tu khrus bgyis pa gos gtsang ma bgos pa/ sna ma dang shing arka'i yam sreg shing gi me sbar ba la gu gul dang / yungs kar dang / sbrang rtsi dang zhun mar bsres pa'i sbyin sreg brgya stong bgyi'o/ /brgya stong rdzogs pa dang / sred med kyi bu rang gi gzugs kyis mdun na mchis shing rig sngags 'chang la rig sngags 'chang legs so legs so zhes smra'o/ /sgrub pa dam pa 'di don yod pa'i lcags kyus 'gugs shing rig sngags kyi rgyal po'i chos lugs chen pos bkug na rig sngags 'chang ci zhig bya/ dgos pa ni ci zhig yod/ mchog ni ci zhig don du gnyer ba de smros shig dang / thams cad rjes su sbyin par bya'o/ /de nas rig sngags 'chang gis don gang yid la bsams te smras pa de thams cad stsol bar 'gyur/ gzugs sna tshogs pa'i mchog kyang rjes su stsol bar 'gyur ro/ /gzhan yang gzugs sna tshogs pa mchog gtso bo dang dgos pa'i las sgrub pa'i mchog rjes su stsol bar 'gyur ro/ /de nas lha chen po dgug par 'tshal na rig sngags 'chang gtsang ma shin tu khrus bgyis pa gos gtsang ma bgos pa des lha'i gnas su mchis pa la lha chen po'i mdun du gu gul dang / pad+ma'i phye ma dang zhun mar bsres pa'i sbyin sreg stong rtsa brgyad bgyi'o/ /stong rtsa brgyad rdzogs pa dang / lha chen po rang gi gzugs kyis mdun na mchis par 'gyur ro/ /de nas nag po chen po dgug par 'tshal na rig sngags 'chang shin tu khrus bgyis pa gos gtsang ma bgos pas dur khrod du mchis la/ zla ba mar gyi ngo'i tshes bcu bzhi la nyin zhag gcig smyung ba bgyis pas pad+ma sar pa'i phye ma dang / gu gul dang / ra'i khrag dang / yungs kar dang / zhun mar dang sbyar ba brgyad stong don yod pa'i lcags kyu'i bzlas brjod kyis dur khrod kyi shing gi me la bzlas brjod bgyi'o/ /ra khrag gi gtor ma dang 'bras thug po che'i chan gyi lha bshos dang / me tog dmar po dbul bar bgyi'o/ /las 'di yongs su rdzogs par bgyis na nag po chen po ma mo'i tshogs kyi 'khor dang bcas pa mdun na mchis shing rig sngags 'chang la legs so zhes bya ba gsol te/ rig sngags 'chang legs so legs so/ /sgrub pa'i cho ga bzang po 'dis bdag yongs su mgus rig sngags 'chang smros shig dang mchog rjes su sbyin par bgyi'o/ /mchog 'dod pa thams cad rjes su long shig dang / ji ltar yid la byed pa re ba de thams cad rjes su sbyin par bgyi'o/ /khyod bsrung ba dang / yongs su bskyang ba'i don du bdag rtag tu rjes su 'brang bar bgyi'o/ /de nas rig sngags 'chang gis mchod yon dang zhabs bsil dbul bar bgyi'o/ /ji ltar bsams pa de mngon sum du smras na/ gang don du gnyer ba de thams cad 'thob cing thams cad du rjes su 'brang bar 'gyur ro/ /thams cad du thams cad bgyid par 'gyur ro/ /dran pa tsam la sogs pas las thams cad bgyid cing nye bar gnas par 'gyur ro/ /rtag tu lta zhing spyir thams cad bgyid par 'gyur ro/ /gzhan yang dgos pa sna tshogs dang / las su bgyi ba bgyid par 'gyur ro/ /ma mo'i tshogs kyi 'khor thams cad dbang du gyur nas gnas te/ las thams cad bsgo ba bzhin du bgyid par 'gyur te/ nam yang nyams par mi bgyid do/ /thams cad rjes su 'brang zhing las thams cad bgyid par 'gyur ro/ /ci ste 'dod pa'i gzugs can ma dgug par 'tshal na de nas rig sngags 'chang gtsang ma shin tu khrus bgyis pa gos gtsang ma bgos pas shin tu dri zhim po'i dris lus lhag par bsgos la/ gang na me tog gi shing ljon pa mchis pa der mchis la/ zla ba mar gyi ngo'i tshes bcu bzhi'i nyin zhag gcig smyung ba bgyis pas shin tu dri zhim pa'i dri'i shing gi me sbar bal pu shel tse dang / ta kar dang / spang spos dang / yungs kar dang / zho dang sbrang rtsi dang / zhun mar dang / sbyar ba'i sbyin sreg lan stong rtsa brgyad bgyi'o/ /gla rtsi dang / ga bur dang / tsan+dan gyi chus bsgos pa'i 'bras yos dang / me tog gis bkang ba'i mchod yon gyi snod bum pa sar pa brgyad stsal lo/ /dkar gsum gyi gtor mas bkang ba ga bur gyis bsgos pa'i gtor ma'i bum pa gsum stsal lo/ / me tog shin tu dri zhim po stsal bar bgyi zhing gla rtsi dang / tsan+dan dang / ga bur dang / kun tu ru'i bdug spos stsal bar bgyi'o/ /de nas las yongs su rdzogs pa dang / 'dod pa'i gzugs can ma bzang mo de lha'i gzhal med khang du mchi zhing mdun na mchis te/ de mthong nas ma'am/ sring mo'am/ chung ma'am/ las byed pa'am/ mngag gzhug ma'am/ pho nya ma rnams ji lta bur ji ltar tshig tu brjod pa de la smros shig dang / ci ste mar gyur na de'i tshe bu bzhin du snying nas yongs su skyong bar bgyid do/ /nor dang / 'bru dang / dbyig dang / gser dang / gos dang / rgyan dang / lhab lhub dang / mal chas yongs su skyong bar bgyid do/ /ci ste sring mor gyur na de'i tshe longs spyod thams cad kyis yongs su skyong bar bgyid do/ /ji ltar yid la bsams pa'i bud med dpag tshad brgya'i pha rol nas kyang bkug ste/ yongs su longs spyad pa'i phyir yongs su spyod par bgyid cing phyir yang de nyid du gtong bar bgyid do/ /ci ste chung mar gyur na de dang / lha rdzas kyi gzhal med khang dam pa yongs su longs spyod pa'i gzhal med khang mthong ste/ lha rdzas kyi bza' ba dang btung ba dang / longs spyod stsol bar bgyid do/ /ro bro ba'i mchog ro brgya dang ldan pa ches khyad par du 'phags pa'i longs spyod stsol bar bgyid do/ /mchog tu dga' ba'i rtsed mos 'dod pa'i yon tan lnga'i longs spyod la yongs su spyod par bgyid do/ /lha rdzas kyi dri dang / me tog dang phreng ba dang / byug pa dang / lha rdzas kyi gos dang / rgyan dang / lhab lhub kyis brgyan pa'i gzhal med khang du 'gyur ro/ /nor dang / 'bru dang / mdzod dang / bang ba yongs su gang zhing mchis par 'gyur ro/ /nor bu dang / gser dang / rdo rje dang / bai DUr+ya dang / gser dang / shang ka shI la dang / byi ru dang / dngul dang / sa le sbram dang / dngul skyog dpag tu med pa thob pa'i gter stsol bar bgyid do/ rta dang / ba lang dang / ma he dang / phyugs dang / bran pho dang / bran mo rab tu mang po mang por 'phel zhing mchis par 'gyur ro/ /mal cha'i longs spyod sna tshogs stsol bar bgyid do/ /lha rdzas kyi chung ma'i longs spyod bud med gzugs sna tshogs pa'i 'khor brgya dang ldan pa nyin gcig bzhin du gnas par 'gyur ro/ /yo byad thams cad phun sum tshogs pas ji srid 'tsho'i bar du gnas par 'gyur ro/ /tshe lha'i lo stong thub par 'gyur ro/ /rig sngags 'chang gis bag yod par bgyi ste/ dkon mchog gsum la mchog tu gus pa dang / 'phags pa spyan ras gzigs dbang phyug dang / rdo rje 'dzin la mchog tu gus par bgyi'o/ /rtag tu sbyin pa la mngon par dga' bar bgyi zhing sems can thams cad la mchog tu snying brtse bar bgyi'o/ /gzhan du mi smra bar bgyi'o/ /gal te las byed par gyur na de'i tshe rgyal po la bgyi ba bzhin du las thams cad bgyid de/ shin tu yongs su rdzogs kyi bar du las la mngon par brtson par 'gyur ro/ /ji ste mngag gzhug mar gyur na gnas gang du mngag pa de'i gnas thams cad du mchi ste/ dpag tshad stong gi pha rol du mchi zhing / skad cig gis slar yang mchi'o/ /thams cad du gter chen po 'byin par bgyid 'dren par bgyid do/ /dpag tshad stong gi pha rol nas bud med 'gugs par bgyid cing / nor dang / 'bru dang / glang po che dang / ma he dang rta dag 'gugs par bgyid de/ slar yang gtong bar bgyid do/ /bag yod pas bsgo bar bgyi ste/ bdag nyid shin tu ring po'i yul dang / gnas su 'phen par bgyid/ gnod sbyin dang / srin po dang / 'byung po dang / lha ma yin gyi gnas su 'degs par bgyid de/ der srog gi bar chad du 'gyur bar mi bgyid do/ /ji ste pho nya mor gyur na phyogs bcu thams cad du mchi ste/ lha'i 'jig rten du mchi'o/ /klu'i 'jig rten du mchi'o/ /lha ma yin gyi gnas su mchi'o/ /nam mkha' lding gi gnas su mchi'o/ /mi 'am ci'i gnas su mchi'o/ /lto 'phye chen po'i gnas su mchi'o/ /gnod sbyin dang srin po'i gnas su mchi'o/ /'byung po'i gnas su mchi zhing thams cad du pho nya'i bya ba bgyis nas slar mchi'o/ /skad cig gis dpag tshad stong du mchi zhing mchi'o/ /skad cig gis dpag tshad stong du thams cad du phyin nas pho nya'i bya ba bgyid do/ /ji srid sa'i 'og gi bar du 'jug cing phyir yang mchi'o/ /bya ba shin tu yongs su rdzogs par bgyis nas bag yod pas yang las thams cad bgyi ste/ nyin gcig bzhin du mchod yon dang / rkang pa bkru ba stsal bar bgyi'o/ /thams cad kyi gnas thams cad du phyin cing bya ba 'grub pa/ bla na ma mchis par 'gyur ro/ /de nas gnod sbyin mo dgug par 'tshal na rig sngags 'chang des gzhan gyis ma reg pa'i shing leb sar pa la gnod sbyin dang / gnod sbyin mo rgyan thams cad kyis brgyan pa bri bar bgyi zhing gnas dben zhing 'khrug pa ma mchis pa gtsang ma'i gnas su gzhag par bgyi'o/ /rig sngags 'chang gtsang ma shin tu khrus bgyis pas gos gtsang ma bgos pas 'o ma dang / 'bras thug po che'i chan gyi gtor ma stsal bar bgyi'o/ /shing ka ra bI ra'i me sbar ba la yungs kar dang / gu gul dang / ra'i khrag dang / zhun mar dang bsres pa'i sbyin sreg stong rtsa brgyad bgyi'o/ /stong rtsa brgyad rdzogs pa dang / me tog dmar po stsal na gnod sbyin mo de yang rang gi gzugs kyis mdun na mchis te/ rig sngags 'chang slongs shig ces smra bar 'gyur ro/ / rig sngags 'chang gis khyod nga'i ci bgyi zhes bya ba byed pa yin no/ /nga'i las thams cad byed pa yin no/ /nga la dbyig mang po byin cig ces brjod par bgyi'o/ /de'i tshe gnod sbyin dang gnod sbyin mo de ltar legs so zhes smras nas mi snang bar 'gyur ro/ /gang gi tshe dgos pa byung ba de'i tshe yungs kar dang / gu gul la yongs su bzlas nas mer gtor na de mchi zhing ci bgyi zhes bya ba thams cad bgyid par 'gyur ro/ /dbyig stong stsol bar 'gyur/ ji srid 'tsho'i bar du mchis par 'gyur/ rtag tu ci bgyi ba'i bya ba bgyid par 'gyur ro/ /de nas lha ma yin gyi bu mo dgug par 'tshal na rig sngags 'chang des spra tshil las lha ma yin gyi bu mo rgyan thams cad kyis brgyan pa bgyi'o/ /de nas rig sngags 'chang gis gnas 'khrug pa ma mchis pa dang / dben pa dang / sa phyogs gtsang ma'i gnas su gzhag par bgyi'o/ /rig sngags 'chang gtsang ma shin tu khrus bgyis pa gos gtsang ma bgos pas zhag gsum zan bcad par bgyis la/ de'i mdun du skyil mo krung bcas te mchis la gu gul gyi bdug spos stsal cing dkar gsum gyi gtor ma stsal bar bgyi'o/ /don yod pa'i lcags kyus bzlas brjod yungs kar la bzlas pas bu mo de la lan stong rtsa brgyad brdeg par bgyi'o/ las yongs su rdzogs pa dang / de nas lha ma yin gyi bu mo de rang gi gzugs kyis mdun na mchis te/ gang dang gang du dgos pa de dang der dgos pa'i rjes su 'brang bar 'gyur ro/ /de'i las thams cad bgyid par 'gyur/ thams cad du mchi par 'gyur/ ji srid 'tsho'i bar du mchis par 'gyur ro/ /ji ste srin po dang / srin mo dgug par 'tshal na gu gul dang / ba lang gi sha skam po dang lhan cig bsres pa la don yod pa'i lcags kyus lan stong rtsa brgyad bzlas brjod bgyis pas dur khrod du mtshan thog thag bdugs na srin po'i gnas thams cad kyi sgo phye bar 'gyur te srin po dang / srin mo rnams dbang du gyur nas gnas te/ ci bgyi ba'i bya ba bgyid par 'gyur/ ci bsgo ba de bgyid par 'gyur ro/ /rtag tu phyi bzhin 'brang zhing ji srid 'tsho'i bar du mchis par 'gyur ro/ /gdugs gcig bzhin du dngul chu srang khri stsol bar bgyid do/ /de nas rig sngags 'chang gis cha gsum du dbye bar bgyi ste/ cha gcig ni dkon mchog la mchod par bgyi'o/ /cha gnyis pa ni gcig bzhin du sbyin par gtang ngo / /srin mo rnams la zan dang / tshod sngon rlon pa'i gtor ma stsal bar bgyi'o/ /de nas srin po 'khor dang bcas pa de rnams tshim par 'gyur ro/ /de nas srin po 'khor dang bcas pa shin tu mgyogs par 'gyur te/ shugs chen pos dgos pa thams cad grub cing nam yang gzhan du bgyid par mi 'gyur ro/ /gtor ma gtsang ma stsal bar bgyi'o/ /ji ste sha za dang / sha za mo dgug par 'tshal na ba lang gi mkhris pa dang / de'i song dang / gu gul dang / shing arka'i 'o ma sbyar te/ lam gyi bzhi mdor bdug par bgyi zhing / lhag ma dang 'bags pa'i gtor ma stsal na/ sha za mo de mchi zhing rig sngags 'chang gi mdun du mchis te/ ci bgyi ba'i bya ba bgyid pa'i bran du 'gyur/ las thams cad bgyid par 'gyur ro/ /dpag tshad stong gi pha rol tu mchi zhing skad cig gis slar yang mchi'o/ /dgos pa thams cad sgrub par bgyid do/ /dus gsum du gtor ma lhag ma'i gtor ma sgo drung du stsal bar bgyi'o/ /nyin gcig bzhin du gser gyi dong tse brgya sngas su 'jog par 'gyur te/ des thams cad zad par bgyis na phyir zhing 'phel bar 'gyur ro/ /ji ste rgyal po'i btsun mo dgug par 'tshal na rig sngags 'chang gtsang ma shin tu khrus bgyis pa gos gtsang ma bgos pa des yungs kar dkar po dang / ske tshe'i sa bon dang / gi'u wang dang / pad+ma'i 'dab ma dang / rgyam tsha dang / lan tshwa bsres pa la lan brgya rtsa brgyad yongs su bzlas na phye ma'i rdzas su bgyis la yungs kar dang / ske tshe'i sa bon dang / sbrang rtsi'i sa bon lan cig mnyes la yang lan stong rtsa brgyad bzlas brjod bgyis te/ rgyal po'i sgo 'am/ lam gyi bzhi mdo'am/ lam po che'am/ grong khyer gyi sgor gtor na gang der gom pa bor ba tsam gyis dbang du gyur nas gnas te ci bgyi ba'i bya ba bgyid do/ /rgyal po btsun mo'i 'khor dang bcas pa bkug cing dbang du 'gyur ro/ /thams cad du ci bgyi ba'i bya ba bgyid cing / bsgo ba bzhin bgyid par 'gyur ro/ /gang bslangs pa de ster te dngul dang / gser dang / gos dang / rgyan dang / lhab lhub dang / spud pa dang / bzhon pa dang / mal cha dang / 'bru la sogs pa stsol bar bgyid do/ /gang smras pa de bgyid cing gang bsgo ba bgyid par 'gyur ro/ /de'i yul gcig tu yang 'jig rten gsum po thams cad kyis mchod pa chen po bgyid par 'gyur zhing thams cad dbang du 'gyur ro/ /de nas bram ze dbang du bgyi bar 'tshal na/ rig sngags 'chang des nas dang / til dang / 'bras sA lu dang / zho dang / sbrang rtsi dang / zhun mar dang bsres pa'i sbyin sreg stong rtsa brgyad bgyis na/ rig byed bzhi dang ldan pa'i bram ze thams cad kyis spyi bor bkur ba gcig pur 'gyur ro/ /thams cad du mchod pa bgyid par 'gyur zhing bram ze thams cad la dbang bgyid pa thogs pa med par 'gyur ro/ /rgyal rigs dbang du bgyi bar 'tshal na til dang / 'bras thug po che dang / sran mu dag dang / zho dang / sbrang rtsi dang / zhun mar bsres pa'i sbyin sreg bgyi ste/ sbyin sreg stong rtsa brgyad kyi bar du bgyis na thams cad la dbang bsgyur zhing mchod pa'i 'os chen por 'gyur ro/ /thams cad dbang du 'gyur bar bgyid do/ /ji srid 'tsho'i bar du bgyid de ci bgyi ba bgyid cing bsgo ba bzhin bgyid par 'gyur ro/ /de nas dmangs rigs dbang du bgyi bar 'tshal na lan tshwa dang / 'bras sA lu'i phub ma dang / su mu kha'i sa bon dang / zho dang / sbrang rtsi dang / zhun mar sbyar ba'i sbyin sreg brgya stong bgyis na dmangs rigs thams cad bran du gyur nas gnas te/ ji srid 'tsho'i bar du mchis par 'gyur ro/ /dgra dang phyir rgol ba dang / phas kyi dgra thams cad bzlog par 'tshal na rig sngags 'chang des shing mngar gyi shing gi me sbar ba la/ sa bon bdun dang / zho dang / sbrang rtsi dang / zhun mar dang sbyar ba'i sbyin sreg brgyad stong ba bgyi'o/ /brgyad stong rdzogs pa dang / dgra dang phyir rgol ba dang / phas kyi dgra thams cad bzlog par 'gyur ro/ /pha rol gyi dmag tshogs thams cad bzlog par 'tshal na shing tsher ma can gyi me sbar ba la 'bras yos dang / yungs kar dang / zho dang / sbrang rtsi dang / zhun mar dang sbyar ba'i sbyin sreg brgyad stong bgyi'o/ /brgyad stong rdzogs na pha rol gyi dmag tshogs thams cad bzlog par 'gyur ro/ /g.yul 'gyed pa bzlog par 'tshal na ske tshe'i sa bon dang / gu gul dang / b+hang ga'i sa bon dang / zho ga chu dang / zhun mar dang sbyar ba'i sbyin sreg brgyad stong bgyis na g.yul 'gyed pa'i nang du son pa'i sems can thams cad slar bzlog par 'gyur zhing / thams cad du rgyal ba thob par 'gyur ro/ /de nas gdon thams cad las thar bar bgyi bar 'tshal na rig sngags 'chang des bdug pa 'di sbyar ba 'tshal bar bgyi ste/ k+She ma ka dang shing mngar dang / /tsa rong dang ni gu gul dang / /mu ra ya k+Sha mu ra dang / /b+hu ta ke shi mnyam par gzhal/ /phub ma dang ni pa la ka /khyim bya'i sgo nga'i shun lpags dang / /sbrul lpags dang ni yung rnam gnyis/ /b+ha ga'i sa bon ba lang mkhris/ /nya dang legs par sbyar bgyis te/ /ra yi gcin gyis bsgos pa la/ /lcags kyu'i gsang sngags bzlas pa yis/ /bdug pa dam pa'i gtso bo 'di/ /thams cad du ni rigs pa ste/ /stong phrag brgyad cu rtsa bzhi gdon/ /gang dag sa steng gnas pa rnams/ /bdug pa'i dri 'dis 'jig 'gyur zhing / /mi bzad gdon rnams 'bros par 'gyur/ /phyogs bcu dag ni g.yo 'gyur zhing / /sum cu'i lha dang ri rab g.yo/ /gnod sbyin srin po'i gnas dag dang / /sdang ba'i srog chags chen po 'tshig /gzhan yang sna tshogs dug bcas pa'i/ /srog chags thams cad 'jig 'gyur ba/ /dri tsam gyis ni dogs pa med/ /bdug pa 'dis ni bdug byas na/ /der ni rims nad mi gnas te/ /nyin gcig pa yi rims dang ni/ /nyin gnyis pa dang bzhi pa'i rims/ /gang yang mi bzad khyab 'jug rims/ /de dag thams cad 'jig 'gyur zhing / /skad cig gis ni gtan nas 'joms// //'phags pa don yod pa'i zhags pa'i cho ga zhib mo'i rgyal po/ bam po nyi shu gsum pa/ de nas mig bsku ba'i sman brjod par bya'o/ /gdon thams cad 'joms pa gang gis mig bskus pa tsam gyis gdon ma rungs pa 'bros par 'gyur ro/ /ro stod kyi nad thams cad 'joms par 'gyur te/ mig bskus pa tsam gyis de thams cad med par 'gyur te dogs pa mi bya'o/ /mig gi nad ni ling tog dang / skya bor gyur pa dang / rab rib dang / chu bur can dang / chu zags pa dang / tshag po dang / ha sa rA dza dang / byis pa'i mchi ma dang / mig tu sme ba byung ba dang / khrag dang / rlung dang / bad kan dang / mkhris pa dang / rdul 'byung ba dang / 'brum bu dang / g.ya' ba dang / mig skams pa dang / mdongs pa dang / klad pa na ba dang / klad pa'i gzhogs phyed na ba dang / kha nad dang / kha na ba dang / dpral ba na ba de dag thams cad 'joms par 'gyur ro/ /mig sman gyis mig bskus pa tsam gyis rims thams cad rab tu zhi bar 'gyur ba dang / nad thams cad sel ba dang / mod la nyon mongs pa thams cad spong ba dang / sdig pa thams cad rnam par 'jig par 'gyur ro/ /de ltar na mig sman mchog tu grub pa/ bgegs thams cad sel ba dang / ma rungs pa thams cad rab tu zhi bar byed pa/ sems can thams cad la dbang byed pa/ thams cad du rgyal bar byed pa/ mig sman rtag tu mchog tu dkon pa/ gsad pa la thug pa thar bar byed pa/ btson ra nas gang thar bar byed pa/ rgyal po dag gang la khros pa las dgod cing smra bar 'gyur te/ nam 'tsho'i bar du rtag tu bu bzhin yongs su skyong zhing gnas pa/ dug thams cad mod la med par byed pa ni/ mig sman mchog yin no/ /bsam pa ngan cing sdang ba'i sems can dang / dgra dang phyir rgol ba dang / dgra dang / 'gyed pa dag mig sman gyis bskus pas mthong na dbang du 'gyur te gnas so/ /ma he gtum po dang / glang po che dang / rlung dang / ser ba dang / steng ga mthon po nas g.yang du ltung ba dang / me'i phung po dang / khyim rdib pa dang / g.yang sar ltung ba rnams mig sman gyis mig bskus pas mthong na zhi bar 'gyur zhing / gzhan yang bya ba rnam pa sna tshogs byed de 'di la dogs par mi bya'o/ /yung ba dang / skyer pa dang / na phe sham dang / pi pi ling dang / shring ga be ra dang / 'bras bu gsum dang / ut+pal sngon po dang / ldong ros dang / gur gum la sogs pa'i mig sman dang / rgyam tsha dang / spang spos dang / rgya mtsho'i sbu ba dang / dung phye dang / 'di rnams lhan cig tu phye ma zhib mor byas pa la gsang sngags lan bdun bzlas te ga bur dang / gla rtsi bsnan pa'i mig bsku ba'i sman lcags kyu'i rig sngags kyi rgyal po'i gsang sngags stong rtsa brgyad bzlas brjod byas te/ mig bskus na dri ma thams cad sel zhing sdig pa dang / gzhan sdug bsngal thams cad las grol bar 'gyur ro/ /mun pa thams cad kyi nang du nyi ma bzhin du skye bo thams cad kyi nang du mdzes par 'gyur ro/ /de nas ril bu bshad par bya ste/ sdig pa thams cad rnam par 'jig pa/ nad thams cad sel bar 'grub pa/ bgegs thams cad med par byed pa/ gdon thams cad rnam par 'joms pa/ sgrib pa thams cad rnam par sbyong ba/ mod la dug thams cad med par byed pa/ nyon mongs pa'i dri ma thams cad sel ba/ bcings pa thams cad gcod par byed pa/ g.yul thams cad las rgyal ba sbyin zhing dge ba/ dgra thams cad rab tu 'joms pa/ rtag tu dug thams cad 'joms pa/ rgyal po'i sgor mdzes par 'gyur ba/ nor dang 'bru 'phel bar 'gyur ba/ rgyal po dang / rkun po dang / chu dang / me dang / dug dang / glang po che med par byed pa/ sbrul ma rungs pa dang / byi ba'i dug gis 'jigs pa dang / khyim 'jigs pa dang / ri snyil ba dang / seng ge dang / stag dang / dom la sogs pa rab tu rgyu ba dang / gnod pa dang / bcings pa'i tshe 'gro bar dka' ba 'byung ba dang / nad dang rims 'joms pa dang / dus ma yin par 'chi ba med par byed pa/ tshe dang nad med par byed pa 'phel ba/ skyes pa dang / bud med dang / gzhon nu ma rnams mchog tu bde bar 'gyur ba ste/ gang gis ril bu bcangs na thams cad du rgyal ba 'thob cing gdon 'byung bar mi 'gyur/ rnam par log 'dren gyis ma yin no/ /gnod sbyin dang / srin po dang / 'byung po dang / sha za dang / brjed byed ma rungs pa rnams ril bu mthong ba tsam gyis phyogs bcur 'bros par 'gyur ro/ /'dis byis pa gsod par mi byed do/ /sman 'di la reg pa tsam gyis khyim der dus ma yin par 'chi ba dang / na ba thams cad dang / nad las yongs su grol bar 'gyur ro/ /'bras dang / phol mig dang / lhog pa dang / 'brum phran mched pa dang / shu ba dang / g.yan pa dang / mdze dang / 'brum bu mched pa dang / sha bkra la bskus pa tsam gyis byang bar 'gyur ro/ /lus thams cad du zhugs pa'i nad la chu dron po 'thungs pa tsam la sogs pas yongs su byang bar 'gyur ro/ /'jigs skrag pa thams cad las rtag tu rgyal bar 'gyur ro/ /'jigs pa chen po las thams cad rjes su 'brang bar 'gyur ro/ /gnas thams cad du song ba la sbyar ba byas na thams cad 'kho bar 'gyur ro/ /de nas rdzas su bya ba ni pu shel tse dang / tsan+dan dang / rgya spos dang / ru rta dang / rdo dre ga dang / pad tra dang / tsha ma ka dang / sha mi dang / pad+ma pa tra dang / ut+pa la dang / nal da dang / 'bras bu gsum dang / tsha ba gsum dang / sug smel dang / btsod dang / su ga ri dang / ra dza n+ya rnam gnyis dang / spr-i ka dang / sra rtsi pog dang / gur gum la sogs pa dang rab tu ldan pa dang / de dag kun bsres te/ zhib mor btags la/ kha ra dang / chu dang / sbyar bas ril bu byas la gsang sngags brgyad brgya bzlas brjod byas te/ grib ma la skams pa de ni sman grub pa yin te/ thams cad rgyal bar byed cing dge ba yin no/ /rnga dang / rnga bo che dang / dung la ril bu mchog bskus te/ gnas mthon por song ste/ dung gi sgra dang / rnga bo che dang / rdza rnga ji srid du thos pa de srid tsam du 'jigs pa med par 'gyur ro/ /dug dang bcas pa ni thams cad dug med par 'gyur te dogs par mi bya'o/ /nad thams cad dang / mi ngas thams cad dang / yams kyi nad dang / lo nyes thams cad rab tu zhi bar 'gyur ro/ /bde zhing lo legs pa nyid du 'gyur ro/ /gang dag mtshams med pa byed pa'i sems can sdig pa can dmyal ba la gzhol bdag gis sgra thos pa tsam gyis sdig pa thams cad byang ste/ bde bar 'chi ba'i dus byas nas bde ba can du skye bar 'gyur ro/ /gos la bdugs na bdag nyid mchod pa chen po 'thob cing thams cad la dbang byed par gnas pa dang / don grub pa bla na med pa yin no/ /nor dang 'bru rab tu 'phel zhing dgos pa sgrub pa bla na med pa yin no/ /thams cad mchod pa dang / rtag tu tshig gzung ba 'os par 'gyur ro/ /rgyal po gang la khros pa las dgod cing smra bar 'gyur ro/ /bud med rnams kyi gnang chen du 'gyur zhing rtag tu nad med par 'gyur ro/ /rtag tu brtson 'grus dang ldan pa dang / stobs dang ldan pa dang / rtag tu dpal dang gzi brjid dang ldan pa dang / rtag tu glang po che bcu'i stobs dang ldan pa dang / shi nas mtho ris su skye bar 'gyur ro/ / byang chub sems dpa' sems dpa' chen po 'phags pa spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das bdag la mchis pa ni don yod pa'i zhags pa'i lcags kyu zhes bya ba don yod pa'i lcags kyu'i gzungs chen po'i cho ga zhib mo'i dkyil 'khor dang / don yod pa'i zhags pa'i snying po dang / dkyil 'khor chen po lta ba dang / bsgrub pa dang / bklags pas 'grub pa/ don yod pa chen po rnam par 'phrul pa/ de bzhin gshegs pa thams cad kyi byin gyis brlabs kyis dam tshig grub pa lags so/ /gang gis pad+ma rgyas pa'i dkyil 'khor chen po mtha' dag dang / phyag rgya dang / rim par phye ba dang / gsang sngags dang / cho ga dang / bde bar sgrub pa mtha' dag ni rigs kyi spyi thams cad kyi dam tshig chen po'i rjes su 'jug pa 'grub par 'gyur ba lags so/ /'di lta ste/ de bzhin gshegs pa'i rigs dang pad+ma'i rigs dang / rdo rje'i rigs dang / nor bu'i rigs kyi dkyil 'khor chen po 'od dpag tu med pa'i snying po mchog dang po rdo rje rin po che rtse mo'i mchog dang po'i dkyil 'khor gyi dam tshig las thams cad du rjes su zhugs shing dam tshig shes par 'gyur ba dang / thams cad du byin gyis brlabs par 'gyur ba de rig sngags 'chang ba de thams cad mchog tu grub par bgyi ba'i phyir dang / sems can thams cad la rjes su brtse ba'i slad du bdag gis bcom ldan 'das kyi spyan sngar 'khor mang po'i dbus su bsgrag par bgyi'o/ /rigs bzhi'i 'jig rten gyi bud med dang / skyes pa dang / khye'u dang / bu mo rnams kyi sdig pa dang / sgrib pa thams cad rnam par gzhig pa'i phyir bshad par bgyi'o/ /grub pa yang dag par rjes su stsal bar bgyi'o/ /de nas bcom ldan 'das de bzhin gshegs pa shAkya thub pas byang chub sems dpa' sems dpa' chen po spyan ras gzigs dbang phyug la 'di skad ces bka' stsal to/ / sems can dag pa chen po khyod kyis dge ba'i rtsa ba rnams dag cing shin tu yongs su dag pa yin te/ legs so legs so/ /rig sngags 'chang ba thams cad dang / sems can thams cad dang / dge sbyong dang / bram ze dang / rgyal rigs dang / rje'u rigs dang / dmangs rigs dang / bud med dang / skyes pa dang / khye'u dang / bu mo rnams la bstan par bya ba shod cig /de bzhin gshegs pa thams cad kyis spyan ras gzigs dbang phyug la rigs thams cad kyi spyi'i grub pa dam tshig gi rjes su 'jug par byin gyis brlabs so/ /ngas kyang de bzhin du de dag byin gyis brlabs so/ /de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das kyi spyan sngar don yod pa'i rgyas pa'i pad+ma'i snying po'i dkyil 'khor chen po bshad pa/ don yod pa'i lcags kyu'i yang dag pa mchog grub pa/ sgrub pa dam pa ni sa dang ba'i lci bas dkyil 'khor gru bzhi bya ba ni shin tu mdzes pa shin tu 'jam por bya'o/ /tshon sna lngas rnam par dbye ba ni grwa dang bcas par rnam par dbye bar bya'o/ /tshon sna tshogs kyis bri ba dang / dkyil 'khor gru bzhir thig gdab pa ni mnyam par thig gis dbye bar bya ste/ sgo bzhir cha dbye bar bya'o/ /chu zheng du khru bzhi tshad tsam du dbye bar bya'o/ /dbus kyi dkyil 'khor gyi snying po ni tshad khru do par byas la/ tshon sna lnga'i sga la bu dang / tshon sa las dbye bar bya'o/ /dbus kyi dkyil 'khor gyi snying po la pad+ma dkar po kha bye ba zlum por bya'o/ /pad+ma kha bye ba'i dbus su zhags pa dang / lcags kyu dang / pad+ma gnas par bya ba ni klu mgo gdengs ka 'dra ba lcags kyu dang bcas pa dang / lag pa dang bcas pas pad+ma'i lcags kyus 'dzin pa dang / 'bar ba'i nang na 'dug par bya'o/ /tshon sna tshogs kyis bri'o/ /pad+ma kha bye ba'i phyi rol gyi sgal bu ni lcags kyu dang bcas pa'i sgal bur bya'o/ /nang dang phyi'i bar du ni rin po che sna tshogs kyis brgyan par bya'o/ /lcags kyu'i phyi rol gyi sgal bu ni zla ba yid du 'ong ba dri ma med pa'i me tog gis bya'o/ /zla ba yid du 'ong ba dri ma med pa'i phyi rol gyi sgal bu ni mdung rtse gsum pa bri bar bya'o/ /mdung rtse gsum pa'i phreng ba'i phyi rol gyi sga la bu ni phyag rgya phyag na thogs pa bri bar bya ste/ mtshon cha sna tshogs dang / me tog rnams so/ /kun la 'bar ba'i phreng ba dang / 'od zer kha dog sna tshogs bri bar bya'o/ /phyag gi phyag rgya'i phyir rol gyi sgal bu ni stegs bu dang 'dra bar bya'o/ /stegs bu'i phyi rol gyi sgal bu ni 'khor bar lcags kyu bri bar bya'o/ /snying po'i dkyil 'khor gyi grwar ni rgyal po chen po bzhi go bgos pa lcags kyu dang / mdung rtse gcig pa thogs pa 'bar ba'i nang na 'dug pa rgyan thams cad kyis brgyan pa skyil mo krung phyed du bcas te/ pad+mo'i gdan la 'dug par bya'o/ /dkyil 'khor gyi phyi rol thog thag tu 'jigs pa med pas phyag mtshan rnams thams cad pad+ma la 'dug pa bri bar bya'o/ /sgo bzhi gnas su pad+ma'i dkyil 'khor gyi lha rnams bri ba ni shar gyi sgor lag na rdo rje/ lhor ral pa gcig ma/ nub tu rdo rje lcags sgrog ma/ byang du pho nya mo dang / rig sngags kyi lha mo rnams bri bar bya'o/ /dkyil 'khor gyi phyi rol gyi sgal bu ni me tog gi stegs bu 'dra ba bya'o/ /phyi rol gyi dkyil 'khor ni kun du ba'i lci bas bya'o/ /phyi rol gyi dkyil 'khor de la nas phyes pad+ma bri bar bya'o/ /dkyil 'khor kun du bum pa gang ba dang / dar btags pa'i mda' dang / dri'i snod bkang bas brgyan cing byug pa'i chu dgang ba dang / bdug pa'i snod kyis brgyan pa dang / me tog sna tshogs kyis brgyan pa dang / dri chab dang / mchod yon gyi chab dang / 'bras bu dang / yon chab dang / dngul gyi me tog dang / gser gyi me tog dang / zangs kyi me tog gis 'jigs pa med par brgyan par bya'o/ /mu tig dang / byi ru dang / rin po che bai DUr+ya dang / sngon po dang / margad dang / pad+ma rA ga rnams kyis de bzhin du brgyan to/ /dkyil 'khor kun du dung dang / bil ba dang / rtswa dar b+ha dang / gser dang / dngul gyis brgyan par bya'o/ /dkyil 'khor gyi don du mchod pa'i phyir dkyil 'khor gyi lha bkra shis pa rnams dang / sgo bzhi'i gnas su dri chab kyi bum pa dar gyis brgyan te gzhag par bya'o/ /dkyil 'khor gyi phyi rol thog thag tu ro sna tshogs kyi gtor ma gzhag pa dang / bum bu dang / byam bum dang / bum pa dang / rte gu dang / kham phor dang / bum pa gang ba rnams byas te gzhag go /pog phor dang / gtor ma bzang po sna tshogs dang / / me tog sna tshogs dgram par bya/ /phreng ba bzang pos brgyan par bya/ /tshon sna lnga pa'i ba dan gdags/ /tshon sna lnga pa'i srad bu seng ldeng gi phur bu la btags pa gzugs par bya/ kun du mar me'i phreng ba dang / mar me'i sdong bu bzhi yang de bzhin no/ / mkhas pas dkyil 'khor gyi nang du bdug pa dbul ba ni a ga ru dang / tsan+dan dang / du ru ska dang / spr-i ka rnams kyis bdug pa ga bur dang / gla rtsis bsgos pa bya'o/ /dkyil 'khor gyi phyi rol gyi bdug pa ni gu gul dang / sa la ki dang / kun tu ru'i bdug pa dbul bar bya'o/ /de nas rig sngags 'chang bas gos sar pa bgos te/ gtsang mar byas nas maN+Dal gyi las su bya ba'i cho ga dang / lcags kyu'i rig sngags bzlas brjod bya ba dang / slob ma gzhug cing dkyil 'khor gyi dam tshig dang / phyag rgya dang / ba'i rnam lnga la reg par bya ste/ mkhas pas phyag rgya dang / gsang sngags brjod cing don yod pa'i lcags kyu'i rig sngags chen po ni thams cad la sbyar bar bya'o/ /mtshams bcing ba dang / phyogs bcing ba dang / spyi gtsug bcing ba dang / 'jug pa dang / dam tshig dang / khrus bya ba dang / gos bgo ba dang / phyag 'tshal ba dang / bskor ba dang / de dag thams cad la sbyar bar bya'o/ /sbyin sreg dang / bzlas brjod kyi cho ga zhi ba dang / rgyas pa dang / mngon spyod dang / dgug pa dang / spyan drang ba dang / gshegs su gsol ba dang / de bzhin du yang dag par sprul pa dang / las thams cad la rig sngags 'chang bas thams cad du sbyar na myur zhing rdzogs par 'chang zhing des na grub pa bla na med par 'gyur ro/ /bgrang phreng dang / mkhrig ma'i gdu bu dang / srad bu se ral kha gtsang ma dang / rtswa dar b+ha dang / yungs kar dang / chu dang bsre ba dang / rtswa dar b+ha'i stan la mchod phyir thogs te/ skyil mo krung bcas nas las bya zhing pad+ma dang / mchod yon gyi dkyil 'khor la dbul ba dang / de dag rtag tu rgyun mi 'chad par dus thams cad du nges par bya'o/ /don yod pa'i lcags kyu'i rig sngags dran par bya ste/ grub pa mchog dang / las thams cad sgrub pa dang / gang dang gang dgos pa la dran par bya'o/ /gsang sngags de nyid kyis slar gshegs su gsol lo/ /gsang sngags gzhan dang bsre bar mi bya ste/ phyag rgya dang / gsang sngags 'di ni dpa' bo gcig tu bklags pas grub pa'i mchog / sangs rgyas thams cad dang / byang chub sems dpa' thams cad kyis byin gyis brlabs pa/ 'phags pa spyan ras gzigs dbang phyug gis kyang byin gyis brlabs pa ste/ yang dag par 'grub cing mchog sbyin par byed pa yin no/ /don yod pa'i lcags kyu'i dkyil 'khor dam pa'i dkyil 'khor 'di mthong ba ni sdig pa thams cad rnam par 'dag cing sgrib pa dang / sdig pa thams cad dang / sngon gyi sgrib pa mi bzad pa rnams sngar bsags pa rnams rnam par zhig par 'gyur ro/ /'jig rten pa'i grub pa bde ba dang / 'jig rten pha rol tu 'bras bu chen po bde ba dang / shi ba'i dus byas nas bde ba can du song ste/ pad+ma'i nang nas rgyal ba'i spyan sngar rdzus te skye ba dang / kha ton byed na tshe rabs dran par 'gyur ba dang / gang zhig 'chad pa ni de bzhin gshegs pa'i sangs rgyas kyi zhing stong phrag bye ba khrag khrig snyed thams cad kyi sgo phye ste 'dug cing gang du 'dod pa der 'jug par 'gyur ro/ /rgyal ba thams cad kyis rnam par gzigs shing spyi bor phyag bzhag ste/ dbugs 'byin par mdzad cing dus kun tu bla na med pa'i byang chub tu lung ston par 'gyur ro/ /'di ni skye ba'i tha ma yin te/ chos kyi 'khor lo bskor ba'i bar dang / byang chub kyi snying po la 'dug gi bar du yin gyi/ gzhan du skye bar mi 'gyur ro/ /'jig rten 'di na dga' bar 'gyur zhing bla ma dang / chos can dang / nor gyi mchod pa dang / sems can kun gyis mchod par 'os pa ni ston pa de bzhin gshegs pa bzhin du 'gyur ro/ /nor dang 'bru 'phel ba dang / gos dang rgyan gyis brgyan pa dang / rgyal po dang / btsun mor bcas pa thams cad bya ba ci yod ces bran bzhin du gnas par 'gyur ro/ /lcags kyu'i dkyil 'khor du zhugs pa ni phyir mi ldog pa thob par 'gyur ro/ /'di ngan 'gror yang 'gro bar mi 'gyur zhing rtag tu bde zhing dga' ba dang / sems can thams cad dga' ba dang / byams par 'gyur ro/ /lha thams cad kyis lus can shin tu bsrungs par 'gyur ro/ /tshangs pa dang / khyab 'jug dang / dbang phyug chen po rnams kyis mchod par 'gyur ro/ /bsod nams kyi phung po 'phel bar 'gyur zhing nyi ma bzhin du gzi brjid 'bar bar 'gyur ro/ /sdug cing bzang ba mchog tu blta bar 'os par 'gyur ro/ /dpal gyis dus rtag tu 'bar zhing shin tu rgyas par 'gyur ro/ /de bzhin gshegs pa 'bum phrag bye ba khrag khrig dgu bcu rtsa gnyis gang gA'i klung gi bye ma dang mnyam pa snyed kyi de bzhin gshegs pa rnams kyi drung nas dge ba'i rtsa ba chen po yongs su gzung bar 'gyur ro/ /bsod nams chen po dang ldan par 'gyur ro/ /lcags kyu'i dkyil 'khor du gang zhig zhugs pa tsam dang / dkyil 'khor de lta bu la me tog gcig dbul ba dang / ril bu gcig tsam gyi bdug pa dbul ba'i sems can de dag ni gang gA'i klung gi bye ma dgu bcu rtsa dgu pa 'bum phrag bye ba khrag khrig snyed kyi sangs rgyas kyi zhing gi me tog sna tshogs kyis legs par brgyan par 'gyur ro/ /sangs rgyas kyi zhing re rer yang gang gA'i klung gi bye ma snyed dgu bcu rtsa dgu 'bum phrag bye ba khrag khrig snyed kyi de bzhin gshegs pa rnams la sna tshogs kyi mchod pa byas par 'gyur ro/ /bdug pa mang po rnam par phye ba'i sprin las tsan+dan sbrul gyi snying po dang / gor shir sha'i bdug pa 'byung bar 'gyur ro/ /de bzhin gshegs pa thams cad la mchod pa'i sprin rim par phye ba rab tu 'khrigs par 'gyur ro/ /de la sangs rgyas bcom ldan 'das thams cad kyis legs so zhes bya ba rab tu sbyin par mdzad de/ rigs kyi bu legs so legs so/ /de bzhin gshegs pa rnams la mchod pa 'di ni mchog tu grub pa bla na med pa yin no/ /de dag gis me tog dang / bdug pas dkyil 'khor mchod pa ni bsod nams kyi phung po chen po'i dge ba'i rtsa ba chen po yongs su rdzogs pa dang / pha rol tu phyin pa drug yongs su rdzogs par 'gyur ro/ /sgrub pa chen po 'grub par 'gyur ro/ /'phags pa spyan ras gzigs dbang phyug rtag tu mchog sbyin pa mdzad par 'gyur ro/ /rtag tu mthong bar bzhed par 'gyur ro/ /rtag tu rjes su 'brang bar 'gyur ro/ /rtag tu don yod pa'i lcags kyu grub pa 'grub par 'gyur ro/ /tshig gzung bar bya bar 'gyur ro/ /rtag tu bzhin 'dzum par 'gyur ro/ /rgyal po chen po bzhi dang / gshin rje dang / chu lha dang / lus ngan po dang / gzhon nu dang / dbang phyug dang / dbang phyug chen po dang / lha'i bu rnams srung ba dang / sbed pa dang / skyob pa'i phyir rjes su 'brang ba chen por 'gyur ro/ /de bzhin gshegs pa thams cad kyis phyag rgyas btab cing byin gyis brlabs par 'gyur ro/ /de'i sa phyogs kyang mchod rten snyam du sems shing mchod rten ring bsrel can du 'gyur ro/ /sems can gang dag de la blta ba'i phyir song ba'i sems can de dag sdig pa dang / sgrib pa dang / dug thams cad las yongs su thar bar 'gyur ro/ /'jigs pa dang / rims dang / mya ngan thams cad las bral bar 'gyur ro/ /nad dang bral bar 'gyur ro/ /rtag tu sangs rgyas dang / byang chub sems dpa' thams cad kyis dgongs par 'gyur ro/ /rtag tu 'jig rten thams cad kyi bla mar 'gyur ro/ /dgra thams cad las phyir rgol ba thams cad dang / mi mdza' ba'i 'jigs pa las thar ba'i 'gyur ro/ /dus ma yin pa'i 'chi ba'i 'jigs pa las yongs su thar bar 'gyur ro/ /'di nas shin bde ba can gyi 'jig rten gyi khams su skye bar 'gyur ro/ /tha na dang / bya dag gnas te phyogs su nye bar song ba de dag sgrib pa thams cad dang / de'i sngon gyi tshe la yongs su bsags pa de dag lhag ma ma lus par yongs su byang bar 'gyur ro/ /de dag thams cad bde 'gro la gzhol bar 'gyur ro/ /ngan song dang ngan 'gro'i 'jigs pa med par mthar byang chub la thug gi bar du'o// //de nas don yod pa'i lcags kyu ras la sku gzugs bri ba'i cho ga brjod par bya ste/ gnas thams cad du bla na med pa grub pa ni sdig pa thams cad mod la sreg par byed pa dang / nyon mongs pa thams cad 'phrog pa de bzhin du nad thams cad sel ba/ sgrib pa thams cad rnam par sbyong ba/ 'jigs pa thams cad las rnam par thar ba/ sems can thams cad la phan par bya ba'i phyir gang dkyil 'khor chen por kun du lung bstan pa mi 'jigs pa sbyin pa/ mchog tu dkon pa yid la re ba thams cad 'phral du yongs su rdzogs par 'gyur ba/ bkra shis thams cad sgrub pa/ bsod nams thams cad sogs pa/ myur du nor dang / 'bru sbyin par mdzad pa/ sgrub pa yang dag pa grub par bya ba'i phyir gsang sngags 'grub pa/ bzlas brjod 'grub pa/ yid la re ba thams cad yongs su rdzogs par 'grub pa/ pha rol tu phyin pa bcu yongs su rdzogs pa de kho na nyid rnam par mthong ba zhes bya ba'i bsod nams chen po skye bar 'gyur ro/ /nam byang chub yang dag par thob kyi bar du dge ba'i rtsa ba chen po rab tu skye bar 'gyur ro/ /don yod pa'i lcags kyu cho 'phrul chen po'i ras kyi sku gzugs chen po mthong ba la sogs pa ni phyis ngan 'gro'i gnas su mi 'gro zhing sdig pa'i las kyis mi gos pa dang / sngon gyi sgrib pa dang / sdig pa thams cad rnam par 'jig pa dang / sdig pa thams cad rnam par sel ba dang / ngan song las thar bar 'gyur ba dang / dmyal ba mi bzad pa rnams las thar bar 'gyur ro/ /tshe rabs kun du bde ba dang / da ltar gyi 'di la mchog tu dkon pa'i bde ba lhun gyis grub pa thob par 'gyur ro/ /bkren pa yang longs spyod dang / phyug po mtshungs pa med pa mchog mod la thob par 'gyur ro/ /lha'i dpal thob par 'gyur ro/ /'khor bzang po bdog par 'gyur ro/ /rgyal po rnams kyis bla mar bya zhing rtag tu dus thams cad du mchod par 'os par 'gyur ro/ /dge sbyong dang / bram ze dang / rgyal rigs dang / rje'u rigs dang / dmangs rigs dang / bud med dang / skyes pa rnams rtag tu dbang du bya ste/ sdug cing thams cad bsnyen bkur byed cing 'dug pa ni ras kyi sku gzugs la mchod pa bla na med pa yin no/ / ras gru bzhi khyon kun khru gang ngam/ khru do pa la legs par btags pa/ ras 'jam po thag ran bzang po shin tu dag par bkrus pa gtsang mar byas pa'am/ yang na dar yug gam/ yang na mon dar ram/ shun phrags la zla ba yar gyi tshes lnga tshang ba'i bar du ras kyi sku gzugs bla na med pa bri bar bya'o/ /snod gtsang ma sar pa'i nang du tshon lhag ma ma yin pa blugs te/ ras kyi sku gzugs gsal bar bri ba ni tshon sna tshogs kyis rnam par dbye bar bya'o/ /dbus su 'phags pa spyan ras gzigs dbang phyug mgon po bri ba ni skyil mo krung bcas te bzhugs pa/ spyan gsum pa/ zhal gsum pa/ mchog tu bzang ba/ zhal dang po ni mdzes shing sdug pa/ dbu lcang lo dang thor tshugs kyis brgyan pa/ cod pan la 'od dpag med kyis brgyan pa/ dbu skra 'khyil bar bya'o/ /me tog gi phreng ba bcing bar bya'o/ /phreng ba'i gong du 'od dpag med bya'o/ /cod pan la zla ba phyed pa dang 'dom gang bya'o/ /kun du lcags kyu bya'o/ /kun du 'bar ba'i phreng ba bya'o/ /phyag bzhi la phyag g.yon na pad+ma'i lcags kyu g.yas na mdung rtse gsum pa'i lcags kyu/ g.yon gcig na don yod pa'i zhags pa'i lcags kyu/ g.yas gcig na rdo rje lcags kyu dbugs 'byin par bya'o/ /gdan seng ge'i pad+mo bya'o/ /g.yon du lha mo sgrol ma'o/ / g.yas su dkar mo ste/ me tog sna tshogs thogs pa/ bcom ldan 'das kyi zhal du lta ba rgyan thams cad kyis brgyan pa/ pad+ma la bzhugs pa/ 'bar ba'i nang na bzhugs par bya'o/ /'phags pa spyan ras gzigs dbang phyug gi rgyab tu rin po che'i shing lcug phran dang / yal ga dang / chas pa rin po che sna tshogs kyis spras par bya'o/ /ne tso dang / ri skegs dang / shang shang te'u dang / rma bya dang / bya ka la ping ka rin po che'i gseb na rgyu bar bya'o/ /shing gi gong spyi bo la khang bu rtseg ma dang bcas pa'i gzhal med khang gi nang du de bzhin gshegs pa gsum rgyan thams cad kyis brgyan pa bzhugs par bya'o/ /spyan ras gzigs dbang phyug gi g.yon du srin mo ral pa gcig ma bya'o/ /g.yas su lag na rdo rje khros pa'i gad mo 'byin pa'i gzugs mche ba gtsigs pa skra gyen du brdzes pa/ lcang lo dang cod pan gyis brgyan pa/ rdo rje thogs shing rdo rje gsor ba/ nam mkha' la blta bar bya'o/ /smad du gshin rje dang / chu lha dang / lus ngan po dang / gzhon nu dang / rgyal po chen po bzhi bya'o/ /gong du dbang po dang / dbang phyug dang / dbang phyug chen po lha'i bu bcom ldan 'das la mchod pa byed pa bya'o/ /g.yas phyogs su tshangs pa dang / khyab 'jug dang / dbang phyug chen po rnams btud de/ bcom ldan 'das la mchod pa byed pa'o/ /g.yon du dga' bo dang / bsnyen dga' bo dang / klu'i rgyal po rgya mtsho rnams bcom ldan 'das la mchod pa byad pa'o/ /g.yas kyi gnas gcig tu rig sngags 'chang 'phags pa spyan ras gzigs dbang phyug gi zhabs drung du pus mo btsugs te/ bcom ldan 'das kyi zhal du lta zhing me tog sna tshogs kyi sdong bu dang / pog phor dang / bgrang phreng lag na thogs pa bya'o/ /phyogs bzhi ngos kun du ris bskor ba la kyi tshogs sna tshogs kyis gang ba/ shing sna tshogs me tog dang / lcug ma can bya'o/ /rdzing bu chu zags pa bya'o/ /'bras bu sna tshogs can gyi shing dang lcug ma bya'o/ /gnas so sor drang srong rnams dang / grul bum gyi shing bya'o/ /tshul de ltar don yod pa'i lcags kyu ras la bris te/ gnas gtsang ma dben par bzhag la rig sngags 'chang bas 'bad pa chen pos mchod par bya'o/ /a ga ru dang / du ru ska dang / tsan+dan gyi bdug pa dbul bar bya'o/ /ci nus par don yod pa'i lcags kyu'i rig pa'i rgyal po bzlas brjod bya'o/ /nyi ma re re ras la sku gzugs bris pa mthong ba tsam gyi mod la mtshams med pa lnga la sogs pa'i sdig pa dang / sgrib pa dang / mnar med par gzhol ba dang / dam pa'i chos spong ba rnams yongs su dag cing zad par 'gyur ro/ /'jig rten dang / 'jig rten las 'das pa dang / sdug bsngal gyi 'jigs pa mi bzad pa dang / nad thams cad yongs su zad pa dang / rnam par dag par 'gyur ro/ /rnam par 'jig par 'gyur ro/ /dri ma dang bral bar 'gyur ro/ /ser sna dang phrag dog dang bral bar 'gyur ro/ /gzungs grub pa chen po so sor thob par 'gyur ro/ /mthong ba tsam gyi mod la de ma thag tu 'bras bu chen po rnyed pa rgya chen por 'gyur ro/ /lan 'ga' yang log par ltung bar 'gro bar mi 'gyur ro/ /de bzhin gshegs pa thams cad mthong ba thob par 'gyur ro/ /byang chub sems dpa' thams cad kyis dgongs par 'gyur ro/ /lha thams cad kyis rgyun du bsrung zhing rjes su gzung bar 'gyur ro/ /ras kyi sku gzugs 'di'i 'phags pa spyan ras gzigs dbang phyug mthong ba tsam gyis 'phags pa spyan ras gzigs dbang phyug zhal mngon du mthong ba dang 'dra bar rig par bya'o/ /gang zhig ras kyi sku gzugs 'di la legs par 'gyur ba'i tshul gyis bya ba byed pa dang / mchod pa dang / bsnyen bkur byed pa de ni phyogs bcu kun gyi sangs rgyas kyi zhing gang gA'i klung gi bye ma dgu bcu rtsa dgu dang mnyam pa'i de bzhin gshegs pa 'bum phrag bye ba khrag khrig snyed kyi sangs rgyas kyi zhing la mchod par 'gyur ro/ / de nas rang rang gi sangs rgyas kyi zhing na rab tu bzhugs pa'i de bzhin gshegs pa de dag gi bsod nams kyi phung po chen po yongs su gzung bar 'gyur ro/ /dge ba'i rtsa ba rgya chen po dang ldan par 'gyur ro/ /de bzhin gshegs pa thams cad kyi phyir mi ldog pa'i gnas thob par 'gyur ro/ /dge ba'i bsam pa yongs su dag pa chen po dang ldan par 'gyur ro/ /de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das la 'di skad ces gsol to/ /bcom ldan 'das bdag gis rig sngags 'chang thams cad grub par bgyi ba'i phyir dang / sems can gyi don dang / phan pa dang / bde bar bgyi ba'i phyir dang / sdig pa dang / sgrib pa thams cad las yongs su grol bar bgyi ba'i phyir don yod pa'i lcags kyu'i rig sngags kyi rgyal po rim par phye ba rnams bstan pa lags so/ /bcom ldan 'das yang bdag la mchis pa ni don yod pa'i lcags kyu'i khro bo'i rgyal po'i dkyil 'khor te/ rig sngags 'chang thams cad kyi khro bo chen po'i las grub pa mchog tu 'gyur ba dang / bsam pa dang / yid la re ba thams cad yongs su rdzogs par 'gyur ba dang / ma rungs pa brtson pa med pa/ brtse ba'i bsam pa med pa ni gnod sbyin dang / srin po thams cad dang / 'byung po dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa thams cad thag 'jug pa/ ma rungs pa'i bgegs dang / log 'dren thams cad rab tu dul bar mdzad pa/ bdud la sogs pa ma rungs pa thams cad rab tu zhi ba dang / phung bar byed pa/ sems can ma rungs pa thams cad skrag par byed pa/ phyir rgol ba dang / dgra thams cad 'ching ba dang / gcod pa dang / 'bigs pa dang / rdung ba dang / gtor ba dang / lus rnam par zhig par byed pa de ni/ bcom ldan 'das 'dir bdag gis pad+mo rgyas pa'i dkyil 'khor don yod pa'i zhags pa'i snying po cho ga zhib mo'i dkyil 'khor gyi skabs su bcom ldan 'das kyi spyan sngar 'khor mang po'i nang du don yod pa'i khro bo'i lcags kyu brjod par bgyi ste/ dkyil 'khor dang cho ga zhib mo thams cad du srung bar byed pa 'chos par byed pa/ dam tshig 'dzin pa gnas thams cad la rjes su skyong ba ste/ de ni sgrub par byed pa/ sgrub pa 'grub par byed pa'i mchog de bcom ldan 'das kyis thugs brtse ba chen po'i slad du bcom ldan 'das khro bo'i rgyal po chen po byin gyis brlab cing rjes su gnang ba mdzod cig dang / rig sngags 'chang thams cad mchog tu 'grub pa'i snying po dag sems can thams cad kyi bsam pa yongs su rdzogs par bgyi ba'i slad du bcom ldan 'das rjes su stsal bar bgyi'o/ /de nas de bzhin gshegs pa bcom ldan 'das shAkya thub pas byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ /spyan ras gzigs dbang phyug phyag rgya chen pos phyag rgyas btab ste/ ngas kyang byin gyis brlabs so/ /sngon gyi de bzhin gshegs pa dgra bcom pa yang dag par rdzogs pa'i sangs rgyas kyis kyang phyag rgyas btab cing byin gyis brlabs kyis smros shig / spyan ras gzigs dbang phyug rig sngags 'chang thams cad gsang ba pa lag na rdo rje dang / rdo rje 'chang ba dang / rdo rje'i snying po thams cad dam tshig la gnas pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po thams cad kyis yongs su bzung ba smros shig /spyan ras gzigs dbang phyug rig sngags 'chang thams cad kyi bsam pa yongs su rdzogs pa'i go skabs dang / mchog grub par byos shig /de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das kyis bkas bsgo zhing dbugs phyung ba thos nas snying dga'/ smin ma bskums/ dpral ba phyed khros par byas/ gdong khro gnyer du byas/ mche ba ni gtsigs/ spyan ras gzigs kyi lus 'khor mang po'i nang du bcom ldan 'das kyi spyan sngar 'dug nas don yod pa'i zhags pa khro bo'i rgyal po 'di smras pa/ dus gsum na bzhugs pa'i de bzhin gshegs pa la phyag 'tshal lo/ /byang chub sems dpa' thams cad dang / 'phags pa rdo rje 'chang ba dang / dkyil 'khor chen po'i lha rnams la phyag 'tshal lo/ /'das pa dang / ma 'ongs pa dang / da ltar byung ba'i rang sangs rgyas dang / 'phags pa nyan thos kyi dge 'dun rnams la phyag 'tshal lo/ /yang dag par song ba rnams la phyag 'tshal lo/ /yang dag par zhugs pa rnams la phyag 'tshal lo/ /sha ra dwa ti'i bu blo gros can la phyag 'tshal lo/ /drang srong chen po'i tshogs la phyag 'tshal lo/ /rgyal tshab tu dbang bskur ba byams pa la sogs pa byang chub sems dpa'i tshogs thams cad la phyag 'tshal lo/ /khams gsum pa'i bdag po nag po chen po ma mo'i tshogs kyis bskor ba la phyag 'tshal lo/ /de bzhin gshegs pa 'od dpag med la phyag 'tshal lo/ /khro bo'i rgyal po rig sngags kyi rgyal po chen po'i tshogs la phyag 'tshal lo/ /dkon mchog gsum la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po la phyag 'tshal lo/ /tad+ya thA/ o~M bi kr-i ta/ ba da na/ ma hA kro d+ha rA dzA b+ha yaM ka ra/ ma hA daMSh+Ta/ aT+TaT+Ta hA sa/ dz+wa la dz+wa la ma hA dz+wa la/ mA la ma ha rau dra/ rU pa b+ha yaM ka ran/ ha na ha na/ sarba duSh+Ta/ yak+Sha/ rAk+Sha sA na/ da ha da ha/ sarba duSh+Ta/ nA gA nA na/ pa tsa pa tsa/ sarba duSh+Ta/ big+h+naM bi nA ya kA na/ pA ta ya/ pA ta ya/ sarba duSh+Ta sa twA nAM/ b+ho b+ho ma hA kro d+ha rA dza/ ma Ni ka na ka/ badzra/ bai DUr+ya/ a lang kr-i ti/ sha rI rA na/ badzra pa ra shu pA sha ha stA ya/ ma hA pad+ma ang ku sha /b+hu dzA ya/ ma hA pad+ma A sa nA ya/ ma hA pad+ma bi ka tsa gab+hA ya/ a mo g+ha a pra ti ha ta/ ba la pa rA kra mA ya/ sa ha sra/ bir+yA ya/ sarba b+hU ta/ b+ha yaM ka rA ya/ sarba de ba b+ha ba na/ kA ma pa uta b+ha bA ya/ ma hA bi kr-i ta/ ba da nA ya/ nA ra sing ha mu khA ya/ d+ha ra d+ha ra/ badzra dz+wa la/ d+hu ru d+hu ru/ ma hA tsaN+Da/ be ga d+ha ra/ tsa ra tsa ra/ tsa tsa ra/ ni sha tsi ra/ I shwa ra/ b+h+r-i ku TI mu kha/ hUM hUM phaT/ sa ra sa ra/ pra sa pra ra/ sarba pA pa/ kilbi Sha ha ra/ ma hA ma Ni/ te dza d+ha ra/ pad+ma ha sta/ o~M pad+ma ang ku sha b+hu dze/ ta rA ya/ man+t+ra ma ya/ bi g+hAM/ shA sa ya/ duSh+TA na nA sha ya/ sarba pA pA ba ra Na hU~M phaT swA hA/ pA sha ha stA ya swA hA/ pad+ma d+ha rA ya swA hA/ sa mA shwA sa kA ya swA hA/ a mo g+ha ba ra d+ha rA ya swA hA/ kro d+ha rA dza b+ha yaM ka rA ya swA hA/ brah+ma be Sha d+ha rA ya swA hA/ trai lo kya pU dzi tA ya swA hA/ ya ma/ ba ru Na/ ku be ra/ na maH kr-i twa ya swA hA/ badzra d+ha ra pU dzi tA ya swA hA/ ma hA kA la ma tr-i ga Na/ ban di ta/ pU dzi tA ya swA hA/ de ba ga Na/ ban d+hi twa ya swA hA/ nA ga A kar+ShA ya swA hA/ o~M b+ha ra b+ha ra/ b+hi ri b+hi ri/ b+hu ru b+hu ru/ sarba maN+Da la a d+hiSh+Thi ta sa ma ya swA hA/ sarba mu drA a d+hi Sh+Thi ta mu drA yai swA hA/ o~M a mo g+ha ba ra de/ ma hA daMSh+T+rA/ aM ku sha badzre hU~M/ ma hA pad+ma/ A shwa sa d+ha ra na mo stu te a mo g+ha aM ku sha hU~M phaT swA hA/ khro bo'i rgyal po chen po'i gzungs 'di smras pa dang / lha'i gnas dang bcas pa dang / ri rab dang bcas pa'i rgya mtsho gnas dang bcas pa dang / gzhal med khang rnams kun tu 'gul lo/ /stong gsum gyi stong chen po'i 'jig rten gyi khams rnam pa drug tu g.yos so/ /ma rungs pa'i klu dang / lha ma yin dang / gnod sbyin dang / srin po dang / 'byung po dang / sha za thams cad dang / bdud la sogs pa dang / log 'dren ma rungs pa dang / gdon ma rungs pa rnams kha bub tu 'gyel lo/ /ma rungs pa thams cad kyi khyim kun du tshig ste 'bar ba/ kun du 'bar/ rab tu 'bar/ 'bar ba gcig tu gyur cing bsregs pa dang / ngu zhing 'gre ldog ste/ tshor ba drag po mi bzad pa chen po myong ngo / /lha thams cad shin tu 'khrugs shing skrag go/ /bdud kyi rigs rnams bred nas khas btags so/ /'jig rten gsum gyi bdag po thams cad kun du 'khrugs so/ /rgya mtshor gnas pa'i klu dang / rgya mtsho'i klu chen po dga' bo dang / bsnyen dga' bo dag kyang kun du 'khrugs shing shin tu skrag ste snying 'dar ro/ /gzhan yang sa'i steng na klu stong phrag brgya gnas pa dang / rgya mtsho'i chu'i nang gi klu gang dag dang / ril gnas pa gang yin pa de dag thams cad kun du 'khrugs skrag cing gcig tu 'bar bar gyur cing gdungs so/ /rgyal po chen po bzhi rnams gnas na 'dug na yang skrag go/ /nag po chen po dang / tshogs chen po'i gtso bo dang / ma mo'i tshogs kyis bskor ba de dag thams cad skrag cing snying 'dar ro/ /gnas la brten pa'i bdud kyi gnas rnams 'dar ro/ /'bar kun du 'bar te gnas dang bcas par sreg go/ /de nas 'khor de'i nang gi lha dang / klu rnams bcom ldan 'das kyi steng rol nas bcom ldan 'das la mchod pa bya ba'i phyir me tog sna tshogs 'thor ro/ /lha rdzas kyi rgyan spud pa sna tshogs dang / chos gos kyi char ba 'bebs so/ /mchod pa'i las byed cing tsan+dan gyi chu'i char pas sa la chag chag 'debs so/ /lha rdzas kyi gser dang / dngul gyi me tog dang / rin po che sna bdun rnam pa sna tshogs kyi char pas bcom ldan 'das la mchod pa byed do/ /de nas gnod sbyin gyi sde dpon chen po phyag na rdo rje lus 'bar zhing rdo rje gsor te/ shin tu 'gying bag tu seng ge'i 'gros kyis byang chub sems dpa' sems dpa' chen po 'phags pa spyan ras gzigs dbang phyug ga la ba de logs su song ste nye bar phyin nas byang chub sems dpa' sems dpa' chen po bcom ldan 'das spyan ras gzigs dbang phyug gi zhabs la mgo bos phyag 'tshal nas/ zla ba yid du 'ong ba dri ma med pa'i me tog gi rin po che sna tshogs kyis spras pa'i phreng ba bcom ldan 'das phyag na pad+ma la phul te/ zla ba yid du 'ong ba dri ma med pa'i me tog gi phreng ba rin po che sna tshogs kyis spras pa 'di dbul longs spyod pa'i phyir dang / bdag la thugs brtse ba'i slad du thugs rje chen po bzhes su gsol/ gang gis bdag yun ring por phan pa dang / bde bar 'gyur lags so/ /khro bo chen po'i yang chen po bshad cing gang dran pa tsam gyis stong gsum gyi stong chen po'i 'jig rten gyi khams rnam pa drug tu g.yos so/ /gang dag bdud ma rungs pa dang / gang dag klu ma rungs pa dang / gnod sbyin dang / srin po dang / 'byung po dang / sha za ma rungs pa dang / log 'dren ma rungs pa rnams khyim dang bcas te/ lus kun du tshig cing rab tu 'bar nas kha bub tu 'gyel cing sreg go/ /shi la thug pa dang srog skams par 'gyur ba'i don yod pa'i lcags kyu khro bo'i rgyal po ni dus thams cad du mgo'i spyi bor blang bar bgyi'o/ /bcang ngo / /bsgom mo/ /mchod do/ /rgyas par bgyi'o/ /rig sngags 'chang gang gi lag na khro bo'i rgyal po 'chang bar 'gyur ba dang / rigs kyi bu dang / rigs kyi bu mo dang / dge slong dang / dge slong ma dang / dge bsnyen dang / dge bsnyen ma dang / dge sbyong dang / bram ze dang / rgyal rigs dang / rje'u rigs dang / dmangs rigs kyi lag na thogs pa'am/ lus la thogs pa'am/ lta ba'am/ dri ba'am/ tha na khro bo'i rgyal po nyan pa tsam de yang bcom ldan 'das bdag gis khur du bkur bar bgyi'o/ /spyi bos blang bar bgyi'o/ /bsrung bar bgyi'o/ /yongs su bskyang bar bgyi'o/ /bsam pa dang / yid la re ba thams cad yongs su rdzogs par bgyi'o/ /grub pa chen po'i chen po rjes su stsal bar bgyi'o/ /gnod sbyin dang / srin po dang / bgegs dang / log 'dren ma rungs pa thams cad so sor bsal bar bgyi'o/ / rtag tu rjes su 'brang zhing bsrung ba dang / bskyab pa dang / spra bar bgyi'o/ /rtag tu dus thams cad du mthong ba rjes su stsal bar bgyi'o/ /rtag tu rgyun mi 'chad par yo byad thams cad kyis mi brel cing phun sum tshogs par yongs su bskyang bar bgyi'o/ / lus la stobs dang / brtson 'grus dang / gzi brjid bskyed cing bsod nams dang / ye shes kyi grogs bgyi'o/ /dgra thams cad so sor bsal bar bgyi'o/ /nor dang / 'bru dang / bza' ba dang / btung ba dang / gos dang / spud pa dang / rgyan rjes su stsal bar bgyi'o/ /bu gcig pa 'dra bar rjes su bskyang bar bgyi'o/ /dad pa dang / gus pas dus kun du mchog tu mos par bgyi'o/ /de nas byang chub sems dpa' sems dpa' chen po 'phags pa spyan ras gzigs dbang phyug gis gnod sbyin gyi sde dpon chen po lag na rdo rje la 'di skad ces khyod kyis khas blangs pa mchog tu bzang po byas pa 'di legs so legs so zhes smras te/ lag pa g.yas pa brkyang nas zla ba yid du 'ong ba dri ma med pa'i me tog gi phreng ba rin po che sna tshogs kyis spras pa blangs te/ lag na rdo rje la rjes su brtse ba'i phyir dang / de bzhin gshegs pa thams cad kyis yongs su longs spyad pa'i phyir dang / dkyil 'khor na gnas pa'i lha thams cad kyis yongs su longs spyad pa'i phyir dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa thams cad dkyil 'khor gang yin pa 'dir 'dug cing dam tshig la gnas pa rnams yongs su longs spyad pa'i phyir ji lta ba bzhin du 'dug ste/ de bzhin gshegs pa'i dbu'i gong du gtor ro/ /de nas phreng ba de nam mkha' de la gtor ma thag tu phyogs bcu'i de bzhin gshegs pa thams cad kyi dbu'i steng du zla ba yid du 'ong ba/ dri ma med pa'i me tog de khang bu brtsegs pa/ rin po che sna tshogs kyis spras pa/ 'od 'tsher ba/ ka ba bzhi dang / sgo bzhi legs par rnam par 'byes pa/ gru bzhi lham pa/ chu zheng shin tu rgya che ba/ shin tu nang yangs pa/ me tog ka da l+ya dag gis mdzes pa/ gzhal med khang sna tshogs yongs su gyur te gnas so/ /de dag byang chub sems dpa'i dbu'i steng thad kar yang de bzhin du zla ba yid du 'ong ba dri ma med pa'i me tog rin po che sna tshogs kyis spras pa'i khang bu brtsegs pa'i gzhal med khang du shin tu gnas so/ /de'i lag na rdo rje'i dbu'i steng gi thad kar yang zla ba yid du 'ong ba dri ma med pa'i me tog khang bu brtsegs par shin tu gnas so/ /de 'phags pa spyan ras gzigs dbang phyug gi steng thog thag tu yang zla ba yid du 'ong ba'i dri ma med pa'i me tog khang bu brtsegs pa nor bu rin po che chen po sna tshogs kyis spras pa me tog ka da l+yas mdzes par byas te gnas so/ /khang bu brtsegs pa'i nye 'khor kun gshin rje dang / chu lha dang / lus ngan po dang / dga' bo dang / nye dga' bo dang / dbang phyug dang / dbang phyug chen po lha'i bu dang / tshangs pa dang / khyab 'jug dang / dbang phyug chen po rnams lag na rnga yab thogs nas g.yob cing 'dug go/ /de dag kyang 'khor 'dus pa chen po mang pos yongs su bskor cing mdun du byas so/ /dkyil 'khor gyi rig pa'i rgyal po'i lha de dag thams cad kyang nam mkha' la zla ba yid du 'ong ba dri ma med pa'i me tog khang bu brtsegs pa'i phreng ba rin po che sna tshogs kyis spras pa'i khang bu brtsegs pa'i nang na 'khod pa ni nyi ma dang zla ba spa ba bzhin dang / nam mkha' la zla ba nya ba ni rgyu skar dang / skar ma'i tshogs kyis yongs su bskor ba spa ba bzhin du spa bar gnas so/ /me tog de dag gi nang na lha rdzas kyi zla ba yid du 'ong ba dri ma med pa'i me tog sna tshogs dang / lha rdzas kyi pad+ma dang / ku mu da dang / puN+Da rI ka dang / man dA ra ba dang / ma hA man dA ra ba dang / me tog ro tsa dang / ma hA ro tsa dang / me tog sa la dang / tA la ka dang / me tog ta ma la dang / tsam pa ka dang / me tog a d+hi mu ka ta dang / me tog a sho ka dang / me tog pa ta la dang / me tog nI la dang / ma hA nI la dang / me tog gan d+ha bar+Sha ka dang / me tog su man dang / ta ra Na dang / ku a ka'i me tog gi char gyi rgyun phab bo/ /bcom ldan 'das la mchod pa dang / dkyil 'khor chen po la mchod pa'i phyir dang / lha rdzas kyi chos gos spud pa dang rgyan sna tshogs kyi char ji srid du char 'bab cing phyogs bcu'i de bzhin gshegs pa thams cad la mchod do/ /de ltar na cho 'phrul che ba'i che ba dag snang ngo / /rol mo'i sgra yan lag lnga pa dag kyang ma brdungs par nam mkha' la sgra 'byung ngo // //'phags pa don yod pa'i zhags pa'i snying po'i cho ga zhib mo'i rgyal po/ bam po nyi shu bzhi pa/ de nas de bzhin gshegs pa bcom ldan 'das shAkya thub pas byang chub sems dpa' sems dpa' chen po 'phags pa spyan ras gzigs dbang phyug la legs so zhes bya ba byin te/ sems can dag pa chen po mchog tu dkon pa'i khro bo'i rgyal po 'di smras te/ rig sngags 'chang thams cad mchog tu grub par bya ba'i phyir ma rungs pa thams cad 'joms pa/ sdig pa thams cad sreg pa bshad pa legs so legs so/ /'di ni phyi ma'i dus na rig sngags 'chang ba rnams kyis lan cig dran pa tsam gyis dgos pa thams cad byed par 'gyur/ yid la re ba thams cad yongs su rdzogs par 'gyur/ 'phags pa spyan ras gzigs dbang phyug mthong ba sbyin par 'gyur/ gnas thams cad gtogs pa'i grub pa chen po rab tu ston par 'gyur/ rig sngags 'chang ba rnams kyis yangs shing rgya che ba'i chen po thams cad byed par 'gyur/ phyi ma'i tshe phyi ma'i dus na 'di ni 'jig rten las 'das pa gcig po mchog 'grub par 'gyur te/ las grub pa yang dag par grub pa'i phyir ro/ /de nas khros pa'i gad rgyangs spyi gtsug 'bar ba zhes bya ba'i gnod sbyin gyi sde dpon chen po gnod sbyin chen po stong phrag brgya'i bdag po stobs che ba/ dpung che ba brtan zhing pha rol gnon pa chen po gang gis lag mthil gcig gis ri'i rgyal po lhun po chen po 'gul bar byed pa lha'i gnas gzhal med khang dang bcas te/ rgya mtsho chen po na gnas te/ 'khor bye ba phal po che dang ldan pa/ drag po gzi brjid drag po stobs che ba/ pha rol gyi dpung 'joms par byed pa de stan las langs nas/ bcom ldan 'das ga la ba de logs su song ste nye bar phyin nas/ bcom ldan 'das la lan gsum bskor ba byas te/ bcom ldan 'das kyi zhabs la mgo bos phyag 'tshal nas/ bcom ldan 'das kyi zhabs la btud de 'di skad ces gsol to/ /bcom ldan 'das byang chu ba sems dpa' sems dpa' chen po 'phags pa spyan ras gzigs dbang phyug gis khro bo'i rgyal po chen po'i gzungs rig sngags kyi rgyal po shin tu mi bzad pa'i gsang sngags bshad pas ni bcom ldan 'das gzhal med khang dang bcas pa bsregs so/ / gnod sbyin du ma stong phrag bye ba khrag khrig 'khor dang bcas pa 'bar ba gcig tu gyur te bsregs so/ /bcom ldan 'das bdag ni zhigs te tshig cing zhu bar gyur to/ /bcom ldan 'das de la bdag gis ji ltar bsgrub par bgyi/ bdag la skyob pa su lags/ dpung gnyen du 'gyur ba su lags/ bcom ldan 'das bdag ni srog rnam par zhig go/ /dus kyi zhags pas bcings so/ /bcom ldan 'das bdag la phan gdags su gsol/ bde bar gshegs pa bdag la bskyab tu gsol/ de nas de bzhin gshegs pa bcom ldan 'das shAkya thub pas khros pa'i gad rgyangs spyi gtsug 'bar ba gnod sbyin gyi sde dpon chen po la 'di skad ces bka' stsal to/ /gnod sbyin gyi sde dpon chen po khyod ma 'jigs par khro po'i rgyal po lcags kyu'i dkyil 'khor gyi rjes su song shig / byang chub sems dpa' sems dpa' chen po 'phags pa spyan ras gzigs dbang phyug la skyabs su nye bar song shig /byang chub sems dpa' sems dpa' chen po 'phags pa spyan ras gzigs dbang phyug 'di ni khyod kyi skyabs dang / dpung gnyen dang / skyob pa dang / rten du 'gyur te/ gang gis 'khor gyi tshogs dang bcas pa'i gnod sbyin stong phrag brgya'i srog dang bral bar mi 'gyur ba yin no/ /kye gnod sbyin chen po myur ba myur bar song ste skyabs su 'gro bar byos shig / de nas khros pa'i gad rgyangs gtsug phud 'bar ba'i gnod sbyin gyi sde dpon chen po bcom ldan 'das kyis dbugs phyung ba rtogs nas byang chub sems dpa' sems dpa' chen po spyan ras gzigs dbang phyug ga la ba de logs su song ste/ byang chub sems dpa' sems dpa' chen po 'phags pa spyan ras gzigs dbang phyug la ngu zhing brgyal nas lag pa brkyang ste zhabs la btud nas 'di skad ces gsol to/ /bcom ldan 'das bdag bskyab tu gsol/ thugs rje chen po bdag bskyab tu gsol/ bdag la srog stsal bar mdzad du gsol/ bcom ldan 'das bdag ni bsregs shing gcig tu 'bar bar gyur to/ /bcom ldan 'das gnod sbyin du ma stong phrag brgya bye ba 'khor dang bcas pa srog dang 'bral bar 'gyur ro/ /shes pa ni stor/ stobs dang brtson 'grus spro bar byed pa ni nyams na/ bcom ldan 'das bdag gi lus su zhig gso bar bgyid/ byang chub sems dpa' spyan ras gzigs dbang phyug gis khros pa'i gad rgyangs spyi gtsug 'bar ba'i gnod sbyin gyi sde dpon chen po la 'di skad ces bka' stsal to/ /kye gnod sbyin gyi sde dpon chen po nyon cig /nga ji srid ston gyi bar du yud tsam zhig sdod cig /gnod sbyin gyi bdag po khyod kyis 'dzam bu'i gling gi sems can mang po la rnam par gtse bar byas/ khyod kyis bud med dang / skyes pa dang / khye'u dang / bu mo mang po ni zos na khyod kyis 'phags pa'i spyan mang po ni nyams par byas/ khyod kyis rig sngags dang / dkyil 'khor dang / cho ga zhib mo mang po'i bar chad ni byas/ grub pa rnams ni med par byas/ ma grub pa rnams kyang med par byas/ skal ba can mang po ni med par byas/ skal ba med pa ni yod par byas/ mi 'tshe ba dang / srog dang longs spyod kyi bde ba ni med par byas/ 'tshe ba dang srog rnam par 'jig pa ni 'phel bar byas/ khyod kyis legs par bshad pa ni yongs su bor/ khyod kyis nyes par bshad pa dang / ser sna ni mang du byas/ rig sngags 'chang thams cad dang / sems can thams cad la khyod nag po dang / rnam par 'jig par rab tu gnas/ khyod kyis ngan sems thams cad ni spel/ khyod kyis dge ba'i rtsa ba rnams ni nub par byas/ lha dang bcas pa'i 'jig rten na khyod shin tu mi bzad pa sdig pa can yin/ gshin rje'i 'jig rten gyi gnas dang bcas/ bdud dang bcas/ tshangs pa dang bcas pa'i nang na khyod gcig pu ngan sems can bar chad byed par skyes pa yin te/ rgyu des na gnas skabs 'di 'dra ba thob pa yin pas kye gnod sbyin gyi bdag po dam tshig dang / bslab pa dang / sdom pa khas blang ba dang / dge ba'i chos byos shig /'on kyang kho bo khyod kyi skyabs dang / dpung gnyen du 'gyur bar bya'o/ /khyod sdug bsngal bas nyam thag pa dang / bcings pa mi bzad pa dang / me 'bar ba mi bzad pa'i 'jigs pa las ngas yongs su thar bar bya'o/ /mtho ris kyi lam du 'jug par bya'o/ /de nas khros pa'i gad rgyangs spyi gtsug 'bar ba gnod sbyin gyi sde dpon chen po 'khor gnod sbyin bye ba khrag khrig brgya stong du mas byang chub sems dpa' sems dpa' chen po 'phags pa spyan ras gzigs dbang phyug gi zhabs gnyis la btud nas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces gsol to/ /bcom ldan 'das deng slan chad byang chub sems dpa' sems dpa' chen po 'phags pa spyan ras gzigs dbang phyug khyod kyi bka' lung bzhin bgyis te dam tshig la gnas par bgyi'o/ /chos kyi rjes su sems pa dang / dkon mchog gsum la skyabs su mchis pa la gnas par bgyi'o/ /khro bo'i rgyal po 'di dang / rig sngags kyi rgyal po lcags kyu'i gzungs dang / cho ga zhib mo dang / gang yang rigs kyi bu dang / rigs kyi bu mo dang / dge slong dang / dge slong ma dang / dge bsnyen dang / dge bsnyen ma rnams yongs su bskyang bar bgyi'o/ /don yod pa'i lcags kyu'i gzungs rig sngags kyi rgyal po 'di 'chang ba dang / klog pa dang / 'don pa dang / bzlas brjod kyi cho ga kun spyod pa de la ni bdag gnod sbyin brgya stong du ma rnams kyis 'og dang / bla dang / phyogs bzhi kun du bsod nams su dmigs te/ bsrung ba dang / sba ba dang / bskyab par bgyi'o/ /yongs su bskyang bar bgyi'o/ /lus la stobs dang / spro ba dang / gzi byin mang du bskyed par bgyi'o/ /de'i yul phyogs su 'thab pa dang / rtsod pa dang / 'gyed pa dang / mtshang 'dru ba dang / ma legs pa dang / lo nyes dang / mi ngas dang / rims dang / gnod pa dang / 'khrug pa dang / nyam thag par byed pa'i gdon dang bcas pa dang / nad dang / gcong dang / nyon mongs pa dang / sgrib pa thams cad rab tu zhi bar bgyi'o/ /rab tu bsal bar bgyi'o/ /rkun po dang / zol po dang / mi rgod dang / gcan gzan khro bo'i 'jigs pa rnams bsal bar bgyi'o/ /dus ma yin par 'chi ba'i 'jigs pa las so sor bzlog par bgyi'o/ /rmi lam ngan pa dang / ltas ngan pa dang / bkra mi shis pa byung ba thams cad so sor bzlog par bgyi'o/ /char ches pa dang / char mi 'bab pa dang / dus ma yin pa'i char dang / sad dang / than pa dang / byi ba'i 'jigs pa rnams so sor bsal bar bgyi'o/ /dben pa dang / nyams dga' ba dang / lo legs pa dang / 'byor pa sbyar bar bgyi'o/ /sems can mi dge ba spyod pa las bzlog par bgyi'o/ /dge ba la sbyor bar bgyi'o/ /sems can dge ba spyod pa rnams kyi grogs bdag 'khor dang bcas pas bgyi'o/ /yang dag par dad pas rjes su 'brang bar bsgrub par bgyi'o/ /bud med dang / skyes pa dang / khye'u dang / bu mo dang / dge sbyong dang / bram ze dang / sems can thams cad bu gcig pa bzhin du yongs su bskyang bar bgyi'o/ /chos la zhugs pa'i yid dang / ngo tsha shes pa dang / khrel yod pas gnas par bgyi'o/ /thams cad du bdag mchi bar bgyi'o/ /ji ltar rang gi srog 'di yongs su bskyang ba bzhin du gzungs dang / rig sngags grub pa 'di yang yongs su bskyang bar bgyi'o/ /spyi bos blang bar bgyi'o/ /khur du bkur bar bgyi'o/ /sgrub par 'grub pa chen po stsal bar bgyi'o/ /bgegs dang log 'dren thams cad dang / sems can ma rungs pa dang / gnod sbyin chad pas so sor bzlog par bgyi'o/ /de nas byang chub sems dpa' sems dpa' chen po 'phags pa spyan ras gzigs dbang phyug gis khro bo'i gad rgyangs spyi gtsug 'bar ba gnod sbyin gyi sde dpon chen po la 'di skad ces bka' stsal to/ /gnod sbyin gyi sde dpon chen po legs so legs so/ /khyod kyis de bzhin du bya bar rigs so/ /sems can thams cad rjes su gzung ba chen pos gzung bar bya'o/ /rig sngags 'chang ba la bdag nyid kyis bsrung ba dang / bcang bar bya'o/ /de nas gnod sbyin gyi sde dpon chen po de skyabs gsum la gnas shing dkyil 'khor chen po'i dam tshig dang / de bzhin gshegs pa'i bslab pa'i tshig 'dzin pa la gnas par gyur to/ /rigs thams cad kyi dam tshig dang ldan par gyur to/ /de nas de bzhin gshegs pa bcom ldan 'das shAkya thub pas byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ /yon tan gyi phung po mchog tu bzang ba la gnod sbyin gyi bdag po khas len du bcug cing bzhag pa legs so legs so/ /khro bo'i rgyal po'i cho ga nye bar spyad pa de smros shig /rig sngags 'chang de rnams ji ltar mchog 'grub par 'gyur ba dang / lan cig dran pa tsam gyis ji lta ji ltar myur ba myur bar las sgrub pa 'grub par 'gyur ba dang / ji ltar dran pa tsam gyis ji ltar bsams pa dang / yid la re ba 'byor par 'gyur ba dang / don yod pa'i lcags kyu'i khro bo'i rgyal po 'di myur du 'grub par 'gyur ba de ltar byin gyi rlabs kyis byin gyis rlobs shig /de nas byang chub sems dpa' sems dpa' chen po 'phags pa spyan ras gzigs dbang phyug / bcom ldan 'das kyis bka' lung stsal ba rtogs nas nye bar bshad pa'i cho ga smras pa/ bcom ldan 'das rig sngags 'chang ba/ rigs kyi bu'am/ rigs kyi bu mo 'am/ dge bsnyen nam/ dge bsnyen ma gang yin pa'am/ gzhan dge sbyong dang / bram ze dang / rgyal rigs dang / rje'u rigs dang / dmangs rigs dang / bud med dang / skyes pa dang / khye'u dang / bu mo rnams khro bo'i rgyal po 'di bsgrub par 'dod na/ de zla ba yar gyi ngo'i tshes lnga la 'bras chan dang / 'o ma za zhing nang par sngar langs la 'phags pa spyan ras gzigs dbang phyug gi sku gzugs kyi spyan sngar skyil mo krung bcas te 'dug nas mi smra bar gaN+DI brdung ba'i dus la bab kyi bar du 'bras chan khyor ba bkang ste/ gtor ma brgya rtsa brgyad dbul ba byas na/ des khro bo'i rgyal po sgrub pa'i cho ga de dag 'grub par 'gyur zhing mchog tu 'grub par 'gyur ro/ /de ltar bsgrubs nas de nas bzlas brjod gcig dang / dran pa gcig gis thams cad du 'grub par byas na thams cad du bya ba thams cad mchog tu 'grub par 'gyur ro/ /de nas rig sngags 'chang ba las byed par 'dod cing / don yod pa'i zhags pa'i snying po sgrub par 'dod na khro bo'i rgyal po lan cig dran par bya'o/ /dran pa tsam gyi mod la bgegs dang / log 'dren thams cad skrag par 'gyur zhing dpag tshad tshun chad du rig sngags 'chang ba'i drung du 'ong bar mi nus te/ rgyang ring po ring po na 'dug go/ /'di lan cig dran pa tsam gyis bzlas brjod dang / cho ga dang / sgrub pa bde bar 'grub cing dgos pa sgrub pa thams cad grub pa bla na med pa thob par 'gyur ro/ /'phags pa spyan ras gzigs dbang phyug mchog sbyin pa mdzad par 'gyur ro/ /dpag tshad tshun chad du 'bar ba'i lcags kyu chen po 'phang du ri chen po tsam 'byung bar 'gyur te/ dpag tshad gsum gyi tshad tsam dang / 'og tu g.yang sar gyur te/ su yang 'ong mi nus so/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa dang bcas pas gnas der 'ong bar mi nus na/ mi ma yin pa phal pa dang / bgegs dag log 'dren rnams kyis lta smos kyang ci dgos te gnas med do/ /rig sngags 'chang ba 'jigs pa med par yang dgos pa thams cad grub pa sgrub par byed do/ /bgegs med par thams cad du sgrub pa 'grub pa 'thob par 'gyur ro/ /de nas rig sngags 'chang las thams cad bya bar 'dod cing gdon bsal bar 'dod na/ gu gul dang / yungs kar la lan cig bzlas brjod byas te/ gdon la bdug pa sbyin par bya'o/ /yungs kar gyis brdeg par bya'o/ /lan cig dran par bya'o/ /lag pa g.yas pa'i mdzub mos khros pas bsdigs par bya'o/ /bdug pa dang / brdeg pa dang / dran pa lhan cig tu byas na mod la gdon thams cad 'jig par 'gyur ro/ /ji ste nag po chen po rang nyid dam/ lha ma yin gyi dbang po'am/ sgra gcan nam/ 'jigs byed kyang 'jig par byed na/ gdon gzhan 'ong bar lta ga la 'gyur te/ mod la gcig tu 'jig par 'gyur ro/ /'byung po dang / gdon gyis yongs su zin pa thams cad la dur khrod kyi thal ba la lan cig bzlas brjod byas te/ spyi bor gtor zhing lan cig dran par byas na/ mod la 'byung po dang gdon 'bros par 'gyur ro/ /na la da dang / an da ni dra ka pa tsa dang / gu gul dang / ha sa dang / ba la ka dang / ma tu la dang / pad+ma dang / puSh+pa rnam gnyis dang / ra dza ni dang / yungs kar dang / shing kun dang / na ra pad+ma dang / bi sha ra dang / tsan dri ka rnams ra'i gcin gyis sbrus te/ ril bu nas kyi 'dzel ma tsam byas te/ grib ma la bskams la/ lcags kyu lan bdun bzlas pa byas nas las thams cad la bdug pa mchog gi ril bu gcig bdug pa byas na stong gsum gyi stong chen po'i 'jig rten gyi khams ri dang nags tshal dang / gcong rong dang bcas pa rnams 'gul lo/ /rgya mtsho chen po ni 'khrugs so/ /ri rab chen po ni g.yos so/ /sum cu rtsa gsum gyi gnas gzhal med khang dang bcas pa ni cher g.yos te 'gul lo/ /lha thams cad skrag go/ /lha ma yin thams cad ngu zhing phyogs phyogs su 'bros so/ /sa ni g.yos so/ /klu gang dag rgya mtsho na gnas pa dang / gnod sbyin dang / srin po dang / 'byung po dang / dang / brjed byed dang / gsang ba pa dang / tshangs pa'i srin po dang / bgegs dang / gdon mi bzad pa gzhan ma rungs pa de dag thams cad dri tshor ba tsam gyis rnam par zhig par 'gyur te/ dogs par mi bya'o/ /lus rnam par zhig par 'gyur/ bcom ste rus pa lhags par 'gyur/ 'chi bdag gi zhags pa'i khar 'gro bar 'gyur/ des rnam par zhig par 'gyur ba de la dogs par mi bya'o/ /dug dang bcas pa ni mod la dug med par 'gyur ro/ /klu 'jog po dang / nor rgyas kyis gal te zin pa'am/ sbrul gyis zin pa la bdug pa dang / byugs pa tsam gyis thams cad du dug med par 'gyur ro/ /gang dag 'jig rten na dug sna tshogs mi bzad pa yod pa la bdug pa'i dri tsam dang bskus pa dang / ril bu tsam gyi mod la dug thams cad med par 'gyur te/ the tshom mi bya'o/ /'bras dang / phol mig dang / lu ta dang / shu ba dang / sha ba kra dang / rkang shu dang / mdze dang / 'brum bu dang / lhog pa rnam pa mang po dang / nad mched pa dang / lba ba'i phreng ba dang / khong 'bras dang / rkub na ba dang / skran dang / 'khru ba dang / rtsib logs na ba dang / snying ga na ba dang / gre ba 'gags pa dang / rna ba na ba dang / so na ba dang / mig na ba dang / mgo bo na ba dang / gzhogs phyed na ba la ril bus bskus pa tsam dang / chu dron 'thungs pa tsam dang / bdug pa tsam dang / mnams pa tsam gyis thams cad de ma thag tu rab tu zhi bar 'gyur te/ thams cad la ril bu dam pa lan cig bzlas brjod byas te byin na thams cad du dgos pa thams cad byed pa bla na med pa yin no/ /shin tu char che ba dang / char mi 'bab pa dang / dus ma yin pa'i char dang / rlung dang / ser ba dang / 'byung po dang / ma mo'i gnas dang / mtsho klu de dag thams cad dbang du 'gyur ro/ /char dus su 'bebs so/ /lo tog dang / 'bras bu dang / me tog yod par 'gyur ro/ /phyis ser ba mi 'bab bo/ /sad dang rlung dang than pa mi 'gyur ro/ /phun sum tshogs pa thams cad grub par byed cing bkra shis pa thams cad grub par byed do/ /rims drag po ma rungs pa kun tu 'jug pa'i rims mi bzad pa dang / 'das pa mi bzad pa drag po'i rims dang / rims drag po'i 'jigs pa chen po dang / me 'bar ba shin tu che ba dang / zhag bzhi pa'i rims mi bzad pa dang / grang ba'i rims sdug bsngal che ba dang / rims gang dag 'chi ba'i zhags pa 'bar ba/ 'khrug pa drag po mi bzad pa dang / zlos pa'i rims gso dka' ba dang / nyin gcig pa'i rims dang / nyin gnyis pa'i rims dang / nyin gsum pa'i rims dang / de bzhin du rlung las gyur pa dang / bad kan las gyur pa dang / mkhris pa las gyur pa dang / mchil ma las gyur pa'i rims dang / rims rnying pa dang / zug gzer dang / gzhang 'brum dang / gcin snyi ba mi bzad pa dang / rims thams cad la bdug pa tsam gyis the tshom med par rnam par 'jig par 'gyur ro/ /nam mkha' lding gi gdon dang / gang dag mi'am ci'i gdon dang / lto 'phye chen po'i gdon dang / mi ma yin pa'i gdon dang / gang dag gzhan mi'i gdon thams cad bdug pa bdugs pa des mod la thams cad rnam par bral bar 'gyur ro/ /lcags kyu'i gsang sngags dam pa lan cig dran par byas na/ skem byed dang / skams pa dang / brjed byed dang / gdon ra za yag sh+mA dang / bdag nyid ngan par byung ba dang / grib gnon dang / 'thab pa dang / rtsod pa gang du skye bo zhe sdang ba rnams 'byung ba dang / gang du gnod pa dang / 'khrug pa dang / nyon mongs pa mang po rnams la yid du 'ong ba bdugs pa tsam gyis thams cad las de thar bar 'gyur ro/ /rgyal po khros pa dang / gang zhig rkun po dang / mi rgod kyi nang du song ngam/ gcong rong bgrod dka' ba'i nang du song ngam/ dogs pa mi bzad pa'i nang du chud pa la lcags kyu lan cig dran pa dang / bdug pa mchog gis bdugs na thams cad du rtag tu bde bar 'gro ba dang / gang dang gang du 'gro ba na bde bar 'gyur ro/ /de'i lus la mes mi tshugs/ chu chen pos khyer bar mi 'gyur ro/ /lcags kyu'i rig sngags dran pa dang / bdug pa mchog gis bdugs na thams cad du pha rol tu phyin pa dang bde zhing legs pa shin tu rgyas par 'gyur ro/ /de'i lus la mtshon gyis mi tshugs/ dug gis ma yin/ gsang sngags mchog tu drag pos ma yin/ de la byad kyis mi tshugs/ nad kyis ma yin/ nyon mongs pa drag pos ma yin no/ /gsang sngags dran pa tsam dang / bdug pas bdag bdug pa ni thams cad du 'jigs pa thams cad las thar bar 'gyur te/ 'di la dogs pa mi bya'o/ /dgra dang phyir rgol ba'i mi sems can ma rungs pa mi bzad pa rnams dang / 'thab mo 'gyed cing g.yul 'gyed pa na bdag nyid bdug pas bdug cing rig sngags lan cig dran par byas na thams cad du rgyal bar 'gyur te/ mthong ba tsam la dogs par mi bya'o/ /gang zhig rig sngags 'grub par mi 'gyur ba dang / gang zhig bgegs kyis zin te nyams pa dang / blo zhan cing le lo can la bdug pa 'di sbyar bar bya zhing gsang sngags lan cig bzlas brjod byas na des mchog tu dkon pa 'grub par 'gyur ro/ /skal ba med pa bdag nyid bdug pa dang / ril bu mchog gis bkru ba dang / mig bsku ba dang / mchog thig le byas na thams cad du skal ba can dang / dga' ba dang / dbang phyug mtshungs pa med par 'gyur ro/ /nor dang 'bru 'phel zhing rgyal po dang 'dra bar 'gyur ro/ /thams cad du stobs thogs pa med par 'gyur ro/ /thams cad du mchog grub pa dang / rtag tu rgyun mi 'chad par dus thams cad du gnod sbyin gyi sde dpon chen po bzhis bsrung ba dang / bskyab pa dang / sba bar bya ba'i phyir nyin mtshan du rjes su 'brang zhing gnas par 'gyur ro/ /bsrung ba'i phyir rgyal po chen po bzhi dpung 'khor dang bcas pa rig sngags kyi rjes su 'brang bar 'gyur ro/ /bde ba thams cad kyis tshim par thob par 'gyur ro/ /gnas gcig nas ril bu bdun blangs pa las khro bo'i lcags kyu lan nyi shu rtsa gcig bzlas brjod bya'o/ /de nas rig sngags 'chang ba'am/ gzhan gang yang rung ba nas dge sbyong dang / bram ze bkren pa sdug phongs pa'i bud med dam/ skyes pa'am/ khye'u'am/ bu mo'i don du ril bu gcig gis khrus bya/ gcig gis bdag bdug /gcig gis gos bdug /gcig ni ba'i rnam lnga dang sbyar te btung bar bya/ gcig ni mgo'i spyi bor gzhag /gcig ni dpung pa g.yas par gdags/ ril bu gcig ni rked par btags na thams cad du 'byor pa thob par 'gyur zhing thams cad du mchog bla na med pa 'grub par 'gyur/ bsam pa 'grub par 'gyur/ rgud pa thams cad rnam par zhig par 'gyur ro/ /rma dang / nyam chung ba dang / de bzhin du chag grugs dang / bgegs kyis zin pa dang / gdon ra za yag sh+mAs zin pa de dag thams cad rab tu sbyar ba tsam gyis rnam par zhig par 'gyur te/ dogs par mi bya'o/ /sgrib pa thams cad rnam par zhig par 'gyur te/ sngon bsags pa'i sgrib pa thams cad mod la rnam par zhig par 'gyur te/ gsang sngags bsten pa dang / gsang sngags dran cing dran pa dang / bdug pa mchog gis bdugs par byas pas dogs par mi bya'o/ /mnar med pa dang / mi bzad pa'i sdig pa dang / dug dang / sems can ma rungs pa dang / las ngan pa dang / phung ba rnams thams cad mod la med par 'gyur ro/ /mes phye ma leb bzhin rtag tu myur du sreg par 'gyur ro/ /gsang sngags lan cig dran par bya zhing bdug pa 'dis bdug sa na dus ma yin par 'chi ba thams cad zhig par 'gyur ro/ /thams cad du sbyar ba la dogs par mi bya'o/ /'khor los sgyur ba thams cad kyi khro bo'i lcags kyu spyi gtsug 'bar ba zhes bya ba'i bdug pa'i rgyal pos khyim dang / sgo chen por nam nangs ka dang / mun sros kar bdug cang gsang sngags lan cig dran par byas na/ khyim gyi nang der gang dag mi snang bar 'dug par 'gyur ro/ /gnod sbyin dang / srin po dang / 'byung po dang / sha za dang / brjed byed dang / grib gnon ma rungs pa dang / mi ma yin pa thams cad snang bzhin du phyir 'byung zhing ngus te/ kyi hud zer ba'i sgra 'byin par 'gyur ro/ /khyim gang yin pa 'gul ba dang / khyim dang rta babs rnams 'bab par 'gyur zhing dmyal ba'i srung ma mi bzad pa thams cad phyogs bslad par 'gyur ro/ /gnod sbyin dang / srin po dang / 'byung po dang / lha ma yin dang / nam mkha' lding dang / dri za dang / mi 'am ci dang / lto 'phye chen po dang / klu mthu bo che thams cad bdug pa'i dri bla na med pas skrag par 'gyur ro/ /bsam pa ngan pa gang dag gnas pa'i khyim thams cad 'bar ba dang / lus bsregs pa dang / phyogs dang / phyogs mtshams 'khrul ba dang / bdug pa'i rgyal po'i mthus 'jigs pa mi bzad pa thams cad rab tu zhi bar 'gyur ro/ /g.yul 'gyed pa dang / 'thab mo dang / rtsod pa dang / 'thab cing 'gyed pa thams cad rab tu zhi bar 'gyur zhing rtag tu rgyal bar 'gyur ro/ / bde zhing legs par rgyal ba 'grub pa dang / thams cad du dpal thob par 'gyur ro/ /lha dang / lha ma yin dang / dri za dang / gnod sbyin dang / srin po dang / klu rnams kyis bsrung ba'i phyir nyin mtshan du rjes su 'brang bar 'gyur ro/ /de bzhin du rjes su skyong ba dang / dus thams cad bla na med pa'i gzi byin skyed par byed do/ /khro bo lcags kyu bla na med pa grub pa'i thig le brjod par bya'o/ /thig le skar ma lta bu ni/ /lha yi nyi ma bzhin du dpa'/ /nyi ma bye ba'i 'od dang mtshungs/ /bsod nams gzi brjid dag gis 'bar/ /mun khrod sgron chen 'od bzhin du/ / mun pa'i nang na snang bar 'gyur/ /tshogs kyi dkyil na mdzes pa ni/ /skar ma'i tshogs ldan zla ba bzhin/ /bsod nams bye ba stong phrag dang / /dpag med gzhal du med pa yis/ /lus 'di dag ni brgyan par 'gyur/ /mkha' la rin chen mchod sdong ltar/ /mtshan dang dpe byad bzang pos brgyan/ /ril bu bsten pa byas na ni/ /lus ni bsod nams tshogs kyis bskyed/ /gang zhig lus ni 'bar ba dang / /shin tu bzang po kho nar 'gyur/ /'jig rten mgon po dus rtag tu/ /phyag ni spyi bor 'jog par mdzad/ /rtag tu mchog ni sbyin pa dang / /kun tu bla med grub par 'gyur/ /cho ga zhib mo 'grub pa dang / /gsang sngags 'grub cing phyag rgya dang / /dkyil 'khor 'grub cing dkyil 'khor gyi/ /rim par phye ba 'grub 'gyur te/ /kun du 'grub pa bla na med/ /gi'u wang dang / gur gum dang / ru rta cha bsnyams te sbyar la khro bo'i lcags kyu'i gsang sngags brgya rtsa brgyad bzlas brjod byas la/ tshangs par spyod pa mnyam par gzhag pa/ khrus legs par byas pa/ gos gtsang ma bgos shing gtsang mas zla ba yar gyi ngo tshes bcu gsum skar ma rgyal la bab pa'i tshe chu gtsang ma dang zhib tu btags la rgya shug gi 'bru tsam byas te grib ma la bskams la/ gang gi tshe dgos pa rtsom pa de'i/ khro bo'i rgyal po'i lcags kyu lan nyi shu rtsa gnyis bzlas brjod byas te smin mtshams su thig le bya'o/ /smin mtshams su thig le bzang po de bzhin gshegs pa thams cad kyi byin gyi rlabs kyis byin gyis brlabs pa mtshan nyid bzhin du thig le byas te byin gyis brlabs pa byas pa'i mod la de bzhin gshegs pa thams cad kyi gtsug tor gyi mtshan nyid rnam par mdzes pa'i thig le dang mnyam par mtshungs par brgyan par 'gyur ro/ /thams cad du mchod par bya ba dang / rtag tu bla ma la gus pas dam tshig mnyams pa dang / rgyal po dang mtshungs pa'i blon po dang / btsun mo'i nang du song na thams cad dga' bar 'gyur zhing thams cad du mchod par 'os par 'gyur ro/ /sems can kun gus pa dang / dga' ba ji ltar 'jig rten 'dren pa la bya ba bzhin byed do/ /nor dang / 'bru dang / lha'i dpal thob par 'gyur ro/ /lha thams cad kyis mchod par 'gyur ro/ /dbang po dang / tshangs pa dang / khyab 'jug dang / dbang phyug chen po dang / 'jig rten skyong ba grags chen dang / klu rnams kyis rtag tu mchod par 'os pa chen por 'gyur ro/ /gnod sbyin dang / dri za dang / gsang ba pa dang / lha ma yin dang / nam mkha' lding dang / mi'am ci dang / lto 'phye chen po rnams kyis rtag tu mchod pa chen por 'gyur ro/ /dbang phyug dang / stobs dang / brtson 'grus dang / tshe 'phel bar 'gyur ro/ /nad med pa dang / rims nad med pa dang / sdig pa thams cad spangs pa dang / sgrib pa thams cad las rnam par grol ba dang / nyon mongs pa'i dri ma dang / sdig pa dang / dgra thams cad rab tu 'joms pa dang / dmag gi g.yul 'gyed pa'i nang du rtag tu thams cad du rgyal bar sbyin par 'gyur ro/ /dgra dang / phyir rgol ba rnams las gnas thams cad du rtag tu kun du rgyal ba chen po sbyin par 'gyur ro/ /thig le de lta bu byas te khro bo'i lcags kyu lan cig dran par byas la yungs kar la lan cig bzlas brjod byas te phug gi sgor gtor na phug thams cad sgo gdangs par 'gyur ro/ /ji ltar dga' bar 'jug par 'gyur ro/ /lan gsum zhugs kyi bar du sgo gtan 'jug pa'i gnas su khro bo'i lcags kyu 'ba' zhig bzlas brjod byas na de'i tshe lha'i bu mo rgyan thams cad kyis brgyan pa bzang zhing mdzes pa blta bar 'os pa mchog tu mdog sdug cing 'phrig pa dang ldan pa/ dpal gyis shin tu dpa' zhing 'bar ba/ bzhin 'dzum pa/ lus ngo tsha tsha ltar byed pa/ 'gros 'gying bag tu 'ong bar 'gyur te/ spyi bo yid tsam btud nas gser gyi snod rin po ches bkang ba thogs te rig sngags 'chang la 'bul bar byed do/ /rig sngags 'chang bas cang mi smra bar bya'o/ /rin po che'i snod kyang blang bar mi bya'o/ /gsang sngags 'ba' zhig dran par bya zhing yungs kar gyis gzhon nu ma la brdeg par bya'o/ /ci ste gzhon nu ma de rtug pa 'byin cing bzhin bsgyur ba khro bo'i gzugs mchu 'phyang ba/ mche ba gtsigs pa/ skra ral pa ser la gyen du brdzes la ral pa cod pan gyis brgyan par ston na rig sngags 'chang bas skrag par mi bya'o/ /khro bo'i lcags kyu 'ba' zhig dran par bya'o/ /yang yungs kar gyis mgo'i spyi bor brdeg cing khros pa'i gzugs kyis dran par byas na/ de'i tshe de sa la 'gyel te 'gre ldog cing kye rig sngags 'chang thugs rje can khyod rig sngags 'chang khyab 'jug gi gzugs can gum mo gum mo zhes sgra 'byin to/ /de nas rig sngags 'chang bas rjes su brtags te/ gal te kha chu dbu bar byung na/ rig sngags 'chang bas de blangs la rkang pa dang byin pa bskus na rlung gi phung bo bdun pa'i rlung la zhon te nam mkha' la 'gro bar 'gyur ro/ /rig sngags 'chang ba'i 'khor los sgyur bar 'gyur zhing rig sngags 'chang ba'i 'khor brgya phrag bye ba dgu bcu rtsa dgus bskor bar 'gyur ro/ /skad cig tu stong gsum gyi stong chen po'i 'jig rten gyi khams kyi mthar song zhing slar yang 'ong bar 'gyur ro/ /gal te reg na ni skyes nas lo bcu drug lon pa dang 'dra zhing skra yid tsam 'khyil zhing 'khyil ba/ rna cha gdu bu dri ma med cing spen tog 'phyang ba dang / mkhrig ma gdu bus brgyan pa/ lus pad+ma 'dra zhing dkar sham du 'gyur ro/ /tshe bskal pa stong phrag bdun cu rtsa gnyis thub par 'gyur ro/ /rig sngags 'chang ba'i 'khor los sgyur ba stong phrag dgu bcu rtsa gnyis kyi 'khor gyis bskor bar 'gyur ro/ /gnas thams cad du dpon por 'gyur ro/ /gal te thig le byas te mi snang bar gyur na gnod sbyin dang / srin po dang / 'byung po thams cad kyi khyim sgo phye ste 'dug par 'gyur ro/ /gnod sbyin dang / srin po dang / 'byung po 'khor dang bcas pa thams cad bgyi ba ci mchis zhes dbang du 'gyur zhing bka' bzhin du 'dug go/ /mngags pa'i dgos pa thams cad byed par 'gyur ro/ /khyim thams cad du re rer yang dpon po dang / bka' bzhin byed pa'i rgyal por 'gyur ro/ /gal te mtshog mar thig le byas na brgya byin dang / lha rnams kyi dbang po sum cu rtsa gsum pa'i ris kyi bdag po'i lha dang / sum cu rtsa gsum gyi ris kyi lha'i bu dang bcas pa thams cad kyis mchod par 'gyur te/ rig sngags 'chang ba la bya ba thams cad kyis bsnyen bkur byed par 'gyur ro/ /shin tu mthong ba'i lha'i rigs kyi lha rnams dang lhan cig tu rtse dga' kun du spyod par 'gyur ro/ /tshe lha'i lo stong legs par thob par 'gyur ro/ /lte ba'i gnas su thig le byas te klu mtshor zhugs pa tsam gyi mod la klu'i rgyal po dpung dang g.yog tu bcas chung ma dang / bu mo gzhon nu ma'am/ thams cad mdun na 'dug cing 'di skad smra ste/ rig sngags 'chang ba bka' stsol cig dang / las bgyi ba dang / dgos pa thams cad bgyi zhing nam 'tsho'i bar du nye bar gnas par bgyi'o/ /yo byad thams cad kyis mi brel bar bsgrub par bgyi'o/ /klu'i lha'i longs spyod mchog tu longs spyad pas brtse bar bgyi'o/ /lha'i lo stong gi bar du rjes su gnas par bgyi'o/ /nor thams cad rjes su stsal bar bgyi'o/ /rin po che rnam pa sna tshogs gser dang / dngul dang / bai DUr+ya dang / shang ka shi la dang / byi ru dang / sa le sbram dang / gser dang / mu tig dang / in+d+ra nI la dang / mar ka ta dang / pad+ma rA ga dang / baiDUr+ya dang / shin tu bzang po rnams su stsal bar bgyi'o/ /lha rdzas kyi bza' ba mchog dang / lha rdzas kyi nor gyi phung pos bang mdzod rnams rab tu dgang bar bgyi'o/ /shin tu char ches pa gcad par bgyi'o/ /char dkon pa na char dbab par bgyi'o/ /dus ma yin pa'i char gcad par bgyi'o/ /dus su char dbab pa dang / dus su char ba'i rgyun 'byung bar bgyi'o/ /lha rdzas kyi me tog sna tshogs dang / lha rdzas kyi 'bras bu sna tshogs nye bar bsgrub par bgyi'o/ /nam 'tsho'i bar du gnas te bsnyen bkur bgyi'o/ /rig sngags 'chang ba'i rkang pa spyi bos blang bar bgyi'o/ /rig sngags 'chang ba de'i tshig dang bsam pa rjes su bskyang bar bgyi'o/ /dpung pa gnyis kyi bar du thig le byas na glang po che stong gi stobs yod par 'gyur te/ phyir rgol ba dang / dgra thams cad kyi stobs kyis mi thub par 'gyur ro/ /'thab cing dmag gi g.yul 'gyed pa thams cad kyi nang du pha rol gnon pa'i stobs thogs pa med pa rgyal ba sbyin par 'gyur ro/ /lha ma yin kun las kyang rgyal bar 'gyur ro/ /lha thams cad 'di la bsrung ba dang / sba ba dang / bskyang ba'i phyir rtag tu zham ring du 'brang bar 'gyur ro/ /'thab pa dang / rtsod pa dang / 'gyed pa dang / dngogs 'byin pa dang / mtshang 'dru ba dang / g.yul 'gyed pa thams cad du rgyal ba sbyin par 'gyur ro/ /lto bar thig le byas te khro bo'i lcags kyu'i rig sngags lan cig dran par byas la yid la ji ltar bsams pa ji bzhin byas na ci 'dod pa'i kha zas thob par 'gyur te/ 'khor nyi shu dang bcas pas ji ltar 'dod pa thob par 'gyur ro/ /sker thig le byas te khro bo'i lcags kyu sker lan cig bzlas brjod byed cing rgyal po'i pho brang du song na ji tsam 'dod pa'i gos dang / spud pa dang / rgyan thob par 'gyur ro/ /rtag tu rgyal po dang / btsun mo'i 'khor dang bcas pas mchod par bya bar 'os pa'i mchog tu 'gyur ro/ /dbang phyug chen po'i chen po thob pa grub par 'gyur ro/ /lag mthil du thig le byas te lan cig bzlas brjod byas na gang la reg pa de dbang du 'gyur ro/ /gang 'dod pa de thams cad sbyin zhing bsgo ba de thams cad byed par 'gyur ro/ /lag pa g.yas pa la bskus la lan cig bzlas brjod byas te/ grong khyer gyi sgo la brdabs na grong khyer na gnas pa'i gnod sbyin dang / srin po thams cad dbang du 'gyur te/ mdun na gnas shing de thams cad bsgo ba bzhin byed par 'gyur ro/ /grong de na skye bo gang dag gnas pa bud med dang / skyes pa dang / khye'u dang / bu mo de thams cad dbang du 'gyur te/ 'dug cing ji srid grong khyer der 'dug par 'dod pas de srid du thams cad ci bya ba thams cad byed cing gnas pa dang mdun na 'dug par 'gyur ro/ /lag pa g.yon pa la bskus te/ rgyal po'i sgo la brdabs na ji srid 'dug par 'dod na de srid du thams cad dbang du gyur pa sbyin par 'gyur ro/ /lag pa g.yas pa la bsku zhing lan cig bzlas brjod bya ste/ phug gi gsang ba'i sgo la brdab pa byas na gsang ba'i khyim thams cad sgo phye ste 'dug cing khyim na gnas pa de dag thams cad dbang du gyur te 'dug go/ /rkang pa gnyis la bsku zhing gsang sngags lan cig dran par byas te dur khrod na gnas pa'i gnod sbyin dang / srin po dang / 'byung po dang / sha za thams cad mdun na gnas shing dbang 'gyur ba dang / khyim gyi sgo thams cad phye ba dang / thams cad bya ba ci yod pa byed par 'gyur ro/ /brla gnyis la bskus te nags tshal gyi nang du zhugs na zhugs pa tsam gyis khyim na gnas pa thams cad mdun na gnas shing khyim gyi sgo thams cad phye ste 'dug par 'gyur ro/ /sman gyi rdzas thams cad dang / rtswa dang / shing gel ba'i sman dang / rtswa dang mgo lcogs kyi nags tshal gyi rang gi ngo bo thams cad ji ltar 'dod pa blangs pa bzhin du mdun na 'dug par 'gyur ro/ /dpal lha mo chen mo'i nu ma'i bar du bsku zhing khros pas gsang sngags lan cig bzlas brjod byas shing gu gul la bzlas brjod byas te/ bdug pa dbul zhing mig mi 'dzums par bltas na dpal ldan lha mo chen mo bka' stsol cing mchog thams cad sbyin par byed do/ /nor shin tu mang po rnyed pa sbyin par mdzad de/ dpal lha mo chen mo rtag tu khyim na gnas par 'gyur ro/ /yo byad thams cad kyis yongs su skyong bar 'gyur ro/ /nam 'tsho'i bar du bsnyen bkur byed par 'gyur ro/ /mi'i 'o ma dang lhan cig tu bdar la lan cig bzlas brjod byas te mig la bskus na gter thams cad mthong bar 'gyur ro/ /mtshan mo'ang nyin par bzhin du mthong bar 'gyur ro/ /mchu'i thor to la thig le bya zhing lan cig bzlas brjod byas na gang la smra ba de dbang du 'gyur zhing gang 'dod pa de thams cad thob par 'gyur ro/ /tshig gzung bar bya bar 'gyur ro/ /kha nas ut+pa la'i dri mnam par 'gyur ro/ /gdon la thig le byas na zin pa dang / ma zin pa 'bab par 'gyur ro /gdon thams cad la thig le bya zhing lan cig gsang sngags dran par byas na mod la tshangs pa'i srin po la sogs pa'i bar du thams cad ngu zhing 'bros par 'gyur ro/ /thig le tsam dang dran pa tsam gyis thams cad las yongs su thar bar 'gyur ro/ /'jigs pa thams cad la thig le byas na yongs su thar bar 'gyur ro/ /phrag pa gnyis la thig le bya zhing khro bo lan cig dran par byas na phrag pa gnyis 'bar bar 'gyur ro/ /mtshal dang sbyar te dri chab dang bsres nas lag pa dang rkang pa la bsku zhing gsang sngags lan bdun dran par byas nas phu zhes byas na me 'bar bar 'gyur te/ ji tsam 'dod kyi bar du 'bar ba 'byung bar 'gyur ro/ /mchu la bsku zhing bzlas brjod byas na dbugs rgyu ba rnams me 'bar ba 'byung bar 'gyur ro/ /lus mtha' dag bsku zhing gsang sngags mang du bzlas brjod byas na lus mtha' dag 'bar bar 'gyur ro/ /chu dang yungs kar gyis bskrad nas bum pa dang / bum pa la zhi ba'i thig le byas te/ dri chus steng du gtor ba dang bcas pa byas na phyir yang gnas par 'gyur ro/ /ral gri dang / gtun shing dang / dgra sta dang / 'khor lo dang / mdung rtse gsum dang / rdo rje dang / tho ba dang / mda' bo che dang / mdung la bsku zhing rjes su dran par byas na skad cig tu thams cad 'bar bar 'gyur ro/ /lhung bzed la bskus na 'bar bar 'gyur ro/ /mgo la bskus na skra 'bar bar 'gyur ro/ /dung la bskus te de gnas mthon por bus na sgra gang thos pa tsam gyis sems can thams cad kyi khro ba thams cad dang / sdig pa thams cad rab tu zhi bar 'gyur ro/ /ngan pa dang / ma rungs pa thams cad zhi bar 'gyur ro/ /sprin logs su bus na rlung sprin dang / ser ba thams cad zhi bar 'gyur ro/ /grong khyer gyi sgo bzhir bus na/ byur dang gnod pa thams cad dang / lo nyes dang / nad ma rungs pa dang / 'thab pa dang / rtsod pa dang / 'gyed pa dang / mtshang 'dru ba dang / mi bde ba dang / 'khrug pa thams cad zhi bar 'gyur ro/ /'byung po dang / gnod sbyin dang / srin po dang / sha za dang / dang / skem byed dang / grib gnon gyi 'jigs pa thams cad 'byung bar mi 'gyur ro/ /rims thams cad zhi bar 'gyur ro/ /nad thams cad zhi bar 'gyur ro/ /gsang sngags dang / byad dang / sbod gtong dang / dug gi 'jigs pa thams cad las yongs su thar bar 'gyur ro/ /rgyal po'i sgor bus na pha rol gyi dmag tshogs kyi 'jigs pa thams cad dang / dgra dang / phyir rgol ba'i 'jigs pa thams cad rab tu zhi bar 'gyur zhing lan 'ga' yang 'byung bar mi 'gyur ro/ /ba lang 'chi ba dang / phyugs 'chi ba dang / mi 'chi ba dang / rta 'chi ba dang / glang po che 'chi ba dang / rnga mo 'chi ba dang / byur dang / lo nyes dang / nad dang / mig nad dang / nad thams cad kyi 'jigs pa chen po 'byung ba la khang pa'i steng du skad drag po lan cig dung sgra bud cing bzlas brjod byas na/ bus pa tsam gyi mod la thams cad rab tu zhi bar 'gyur ro/ /char mi 'bab pa'i tshe/ klu'i gnas mtsho 'gram du bus na mod la klu'i rgyal po rnams char pa'i rgyun gtong bar 'gyur ro/ /char ches pa'i tshe sprin logs su bus na shin tu char che ba zhi bar 'gyur ro/ /lan 'ga' yang mtshan ma ngan pa dang / bkra mi shis pa 'byung bar mi 'gyur ro/ /mtshams chen po gcad na ri mthon po'i khar bus te/ ji tsam dung sgra thos pa de tsam tshun chad mtshams chen po gcad par byas par 'gyur ro/ / dkyil 'khor mtshams gcad na bskor zhing bus na dkyil 'khor gyi mtshams gcad pa byas par 'gyur ro/ /de nas khro bo'i rgyal po'i sbyin sreg gi cho ga sgrub pa bla na med pa thams cad bya ba la sems can thams cad zhi bar bya ba la nas dang yungs kar dang mar bsres la shing arka'i me bus te/ lan nyi shu rtsa gcig sbyin sreg byas pa tsam gyis dpag tshad kyi nang kun du zhi ba chen por 'gyur ro/ /yams kyi nad kyi gnod pa thams cad dang / 'thab pa dang / rtsod pa dang / 'gyed pa thams cad rab tu zhi bar 'gyur ro/ /lan brgya rtsa brgyad sbyin sreg byas na dpag tshad stong kun tu zhi ba chen po'i las byas par 'gyur ro/ /rgyas pa byas na yungs kar dang / 'bras sA lu dang / kha ra dang / sbrang rtsi dang mar dang bsres te/ sbyin sreg bya ba ni lan bdun sbyin sreg byas na dpag tshad brgya kun du rgyas pa chen por 'gyur ro/ /lan nyi shu rtsa gcig sbyin sreg byas na dpag tshad brgya tshun chad rgyas pa chen por 'gyur ro/ /lan brgya rtsa brgyad sbyin sreg byas na dpag tshad brgya stong kun du rgyas pa chen por 'gyur ro/ /shing dri mi zhim pa'i me bus te/ 'bras kyi phub ma dang / lan tshwa dang / yungs kar mar dang bsres te shing tsher ma can gyi yam sreg shing gis me sbar te sbyin sreg lan bdun nam/ nyi shu rtsa gcig gam/ brgya rtsa brgyad byas na yid la ji ltar sems shing 'dod pa thams cad du mngon spyod kyi las rnams byed par 'gyur ro/ / gsang sngags grub par 'dod na 'bras yos dang / yungs kar dang / zho dang / sbrang rtsi rnams mar dang sbyar te/ shing arka'i yam sreg shing gis me sbar te sbyin sreg lan bdun byas na rang gi khro bo'i gsang sngags sgrub pa grub par 'gyur ro/ /lan bcu bzhi byas na don yod pa'i lcags kyu grub par 'gyur ro/ /nyi shu rtsa gcig bzlas brjod dang sbyin sreg byas na don yod pa'i zhags pa'i snying po 'grub par 'gyur ro/ /lan brgya rtsa brgyad bzlas brjod sbyin sreg byas na de bzhin gshegs pa thams cad kyi rigs kyi spyi grub par 'gyur ba 'di lta ste/ de bzhin gshegs pa'i rigs dang / nor bu'i rigs dang / pad+ma'i rigs dang / rdo rje'i rigs rnams so/ /gzhan yang khro bo chen po stong phrag brgya mchog tu grub pa chen por 'gyur ro/ /til dang / 'bras dang so ba dang / zho dang / sbrang rtsi dang / mar rnams sbyar te chang pa bdun sbyin sreg byas na bram ze thams cad dbang du 'gyur ro/ /lan brgya rtsa brgyad sbyin sreg byas na brgya byin la sogs pa lha thams cad lha'i tshogs dang bcas pa'ang 'ong zhing rig sngags 'chang ba la bsnyen bkur byed cing dbang du 'gyur ro/ /nyi ma dang zla ba dag kyang 'ong bar 'gyur zhing rig sngags 'chang ba'i rkang pa la 'dud par 'gyur ro/ /gnod sbyin dang / srin po dbang du bya na 'bras sA lu dang / til dang / yungs kar dang / gu gul dang / zho dang / sbrang rtsi rnams mar dang bsres te sbyin sreg lan nyi shu rtsa gcig byas na gnod sbyin dang / srin po'i tshogs rnams dbang du 'gyur ro/ /klu char 'bebs par bya na 'bras yos dang / yungs kar dang / nA ga pus pa dang / zho dang sbrang rtsi rnams mar dang sbyar te/ lan nyi shu rtsa gcig sbyin sreg byas na des na klu rnams char pa'i rgyun chen po 'bebs par 'gyur te/ ji tsam 'dod par char pa'i rgyun gtong zhing 'bebs so/ /shin tu char che ba gcod na de nyid kyi thal ba nam mkha' la gtor na shin tu char che ba gcod par 'gyur ro/ /pha rol gyi g.yul bzlog par 'dod na ske tshe'i 'bru dang / zho dang sbrang rtsi rnams mar dang sbyar te/ lan nyi shu rtsa gcig sbyin sreg bya'o/ /'thab pa dang / rtsod pa dang / 'gyed cing mtshang 'dru ba thams cad la pri yang ku'i me tog dang / zho dang sbrang rtsi rnams mar dang sbyar te/ lan nyi shu rtsa gcig sbyin sreg byas na thams cad du rgyal bar 'gyur ro/ /'thab rtsod dang / 'gyed pa rnams kyi smra ba'i lan thebs par 'gyur ro/ /nad thams cad zhi bar bya ba la/ sran ku lan tha dang / zho dang sbrang rtsi rnams mar dang sbyar te sbyin sreg lan nyi shu rtsa gcig byas na nad thams cad rab tu zhi bar 'gyur ro/ /bud med dbang du bya na su ma na'i me tog gis lan nyi shu rtsa gcig sbyin sreg byas na bud med thams cad mchog tu dbang du byed pa'i dam pa yin zhing thams cad du mchog grub par 'gyur ro/ /de nas sdig pa thams cad rnam par sbyang bar 'dod na rig sngags 'chang ba des 'bras sA lu dang / til dang / yungs kar dang / pad+ma'i 'dab ma dang / zho dang / sbrang rtsi rnams mar dang sbyar te/ lan nyi shu rtsa gcig sbyin sreg byas na sdig pa dang sgrib pa thams cad rnam par dag par 'gyur ro/ /'on te khro bo'i rgyal po sgrub par 'dod na seng ldeng gi phye ma dang / yungs kar dang / gu gul rnams mar dang sbyar te sbyin sreg byas na thams cad du khro bo'i gsang sngags grub pa chen po 'grub par 'gyur zhing khro bo'i gsang sngags thams cad spyan drangs par 'gyur ro/ / //'phags pa don yod pa'i zhags pa'i cho ga zhib mo'i rgyal po/ bam po nyi shu bzhi pa rdzogs so// //shu b+hamastu// //

CLOSE WINDOW