spos mi mnga' la phyag 'tshal lo/ /dri med chu rlabs bde ba'i rgyu/ /ma lus srog chags 'tsho mdzad pa/ /che zhing mtha' med tshad dang bral/ /de nyid rgya mtsho che phyag 'tshal/ /legs spyan du ma rgyas thob pa/ /dpe med ro zhim yid la 'bab/ /rga shi'i
'jigs pa med mdzad pa/ /de nyid bdud rtsi la phag 'tshal/ /rang gi yid la brtan ldan yang / /khyab 'jug dbang phyug tshangs dbang dang / /lha dang drang srong thabs med pa/ /thabs de skad cig brnyes phyag 'tshal/ /dri med rin thang mnyam med pa/ /ngo bos 'dod rnams
yongs rdzogs mdzad/ /bsod nams bsags pas dmigs gyur pa/ /yid bzhin byang chub sems phyag 'tshal/ /srid pa'i 'khor bas yongs dub pa'i/ /mchog tu lta ba bde ba'i gnas/ /byang chub yan lag med tog ldan/ /zhi ba'i dpag bsam shing phyag
'tshal/ /shes bya shes med gnyis med cing / /pra sbom dbye ba rnams las grol/ /sna tshogs dpe las 'das gyur pa/ /tshig gis brjod mi nus phyag 'tshal/ /rtag tu rgyal zhing bsnyengs mi mnga'/ /gzhan stobs 'joms byed mdud ba med/ /gnyis med sku mnga'
bsam mi khyab/ /gcig dpa' srid pa 'joms phyag 'tshal/ /bye brag med par dbang 'gyur zhing / /dngos tshogs skad cig la bsregs pa/ /shin tu drag pa'i rang bzhin gyis/ /rab 'bar de nyid me phyag 'tshal/ /'di ltar yang dag bstod las dge ba gang thob pa'i/ /
bsod nams des ni 'gro ba ma lus zad 'gyur zhing / /sems can rnams ni sdug bsngal dag dang bral gyur pa/ /bde ba dang ldan sgrib med mya ngan 'das thob shog /de kho na nyid la bstod pa shAkya'i dge slong dpal gyi go chas mdzad pa rdzogs so// //rgya gar gyi mkhan
po many+dzu shrI b+ha dra dang / dge slong shAkya 'od kyis bsgyur cing zhus te gtan la phab pa// @/ /bdud btul ba la bstod pa bzhugs/ @##/ /dkon mchog gsum la phyag 'tshal lo/ /bsam gtan phyin ci log gis ci zhig dgongs mdzad skad cig

62b - 63b