e-texts viewer
Set
Volume
Page

display complete e-text T36
display complete e-text T37
par bya'o zhes bya ba la sogs pa'o/ /mdor na sangs rgyas kyi zhing ni smon lam gyi mthus sbyong bar rig par bya'o/ /'phags pa'i dge 'dun che la zhes bya ba la/ sdig pa mi dge ba'i chos las ring du song bas 'phags pa ste/ dge 'dun ni sngar bshad pa bzhin no/ /che ba ni grangs
dang yon tan gyis che ba ste/ grangs mtha' yas pa dang / legs par zhugs pa la sogs pa'i yon tan chen po mnga' ba'i phyir ro/ /phyag 'tshal lo zhes bya ba ni bstod pa dang bcas pa'i lus kyi yan lag thams cad rab tu 'dud pa'o/ /de ltar yon tan mtha' dag 'dus pa'i
dkon mchog gsum la phyag 'tshal nas de dag la skyabs su song na ngan song rnams su mi skye bar lha'i gnas su skye ste/ gsum la skyabs su 'gro ba ni chos snang ba'i sgo ste/ ngan 'gro las yang dag par 'da' ba'o zhes gsungs pa dang / 'di ltar shin tu dang ba'i sems dang yid
gzhungs pas gzhan du ma yengs pa'i yid gsal bas sangs rgyas sam chos sam dge 'dun la skyabs su song na/ de 'chi ba'i dus byas nas bde 'gro mtho ris kyi 'jig rten zur na gnas pa zhes bya ba der shin tu dang ba'i sems dang skyabs su song ba'i rgyus skye bar 'gyur ro/ /der
skyes nas kyang de'i lus gzi brjid dang ldan zhing / lus rang gi 'od kyis brgyan la bde bar gnas par 'gyur ro zhes gsungs pa lta bu'o/ /gal te phyag 'tshal ba dang skyabs su song ba'i dge ba de yongs su bsngo ba dang ldan na ni ji ltar bsngos pa'i thar pa'i rgyur 'gyur bar rig par
bya'o/ /de ltar nyes pa kun spangs shing / /yon tan mtha' yas gter gyur pa/ /dkon mchog gsum gyi bstod pa'i tshig /cung zad bshad pas dge ba'i tshogs/ /gang thob de yis 'gro ba rnams/ /sangs rgyas sa la gnas par shog /dkon mchog gsum la bstod pa'i 'grel
pa slob dpon rgyal ba'i sras kyis mdzad pa rdzogs so// //rgya gar gyi mkhan po dz+nyA na shAn+ti dang / bod kyi lo tsA ba ban+de dpal gyi lhun po'i sdes bsgyur cing zhus te gtan la phab pa'o// @##/ /rgya gar skad du/ tri rat+na sto traM / bod skad du/ dkon

109a - 110a

Text with dictionary entries