bklags sam/ kha ton du bton na/ bsod nams kyi phung po dpag tu med pa dang ldan par 'gyur ro/ /chos kyi mdo 'di bshad pa'i tshe dge slong pha dang / dge slong ma dang / dge bsnyen pha dang / dge bsnyen ma dang / mi drug khri drug stong gis chos zag pa med pa'i
gzungs thob bo/ /sa yang rnam pa drug tu g.yos so/ /grangs med pa'i lha dang / klu dang / lha ma yin dang / nam mkha' lding dang / mi 'am ci dang / lto 'phye chen po dang / gnod sbyin dang / mi dang mi ma yin pa la sogs te/ chos kyi mig gtsang ma thob bo/ /byang chub sems dpa'i
chos byed do/ /sems can phal pa brgyad khri chig stong gis dgra bcom pa'i 'bras bu thob bo/ /bcom ldan 'das kyis de skad ces bka' stsal pa dang / byang chub sems dpa' bla na med pa la sogs pa thams cad kyis bcom ldan 'das kyis gsungs pa la rjes
su yi rang te mngon par bstod do/ /'phags pa snang brgyad ces bya ba theg pa chen po'i mdo/ /rdzogs s+ho// // rgya gar skad du/ pU dza me g+ha nA ma d+hA ra NI/ bod skad du/ mchod pa'i sprin zhes bya ba'i gzungs/ dkon mchog
gsum la phyag 'tshal lo/ /na mo rad na tra yA ya/ na mo b+ha ga ba te/ badzra sa ra pra mar ta ni/ ta thA ga tA ya/ ar ha te sa~M myag sa~M bud d+hA ya/ tad+ya thA/ oM badzre badzre/ ma hA badzre/ ma hA te tsa badzre/ ma hA bid+ya badzre/ ma hA bo d+hi tsit+ta badzre/ ma hA bo d+hi man to
pa sa~M kra man badzre/ sarba karmA A ba ra Na bi sho d+ha na badzre swA hA/ gzungs sngags 'di'i cho ga ni 'di yin te/ dran pa tsam gyi mod la phyogs bcu dag na bzhugs pa'i sangs rgyas bcom ldan 'das gang gA'i klung gi bye ma'i rdul phra rab snyed la mchod pa byas par
'gyur zhing zhabs la phyag byas par 'gyur ro/ /me tog dang / bdug pa dang / spos dang / me tog phreng dang / byug pa dang / phye ma dang / chos gos dang / gdugs dang / rgyal mtshan dang / ba dan thams cad dang / gdan dang / gding ba dang / na bza' dang / spyan
gzigs dang / bshos gtsang la sogs pa dang / rgyan dang / lhab lhub thams cad kyis mchod par 'gyur ro/ /sdig pa thams cad dang bral bar 'gyur zhing dge ba'i rtsa ba thams cad dang ldan par 'gyur ro/ /sangs rgyas dang / byang chub sems dpa' tha

214b - 215b