gi/ /rgyu ni sngags pa rnams la yod/ /nam zhig nye bar gyur pa na/ /dus dang lus dang bya dang las/ /chos dang chos min 'bras bu la/ /de tshe sngags la mi ltos so/ /rig sngags nyer gyur 'dod pa dang / /grub pa dang ni de bzhin
mchog /nyes pa stong dag byas pa yang / /bzod par 'gyur ba dogs pa med/ /rigs byung rdzas byung dngos grub dang / /sman gyi yang ni lus can la/ /nye bar gyur dang sngags grub pa/ /dbang du gyur par rtag par ro/ /bsam gtan gyi
phyi ma rim par phye ba rdzogs s+ho// // spyir shu lo ka lnga bcu rtsa gsum mo skad/ /yang zhus ste/ stag lung rgyud 'bum la gtugs nas zhus dag / @#/ /rgya gar skad du/ su sid+d+hi ka ra ma hA tan+t+ra sA d+ha nau pA yi ka /
bod skad du/ legs par grub par byed pa'i rgyud chen po las sgrub pa'i thabs rim par phye ba/ dpal phyag na rdo rje la phyag 'tshal lo/ /bcom ldan 'das 'jam pa'i dbyangs ye shes kyi sku can la phyag 'tshal lo/ /
de nas rdo rje 'chang la yang / /stobs chen khro bo chen po yis/ /zhabs la spyi bos phyag 'tshal te/ /thal mo sbyar nas 'di skad zhus/ /bcom ldan 'das la bdag gis ni/ /rig pa'i rgyal po'i dkyil 'khor dang / /
mthu dang pha rol gnon pa dang / /'khor gyi tshogs 'di thos lags na/ /bcom ldan ji ltar zlos rnams la/ /gsang sngags du mar rnam brtags pa'i/ /dngos grub mang por phye ba dag /de dag myur du 'grub par
'gyur/ /gsang sngags mtshan nyid ji 'dra lags/ /slob dpon mtshan nyid ji lta bu/ /sgrub pa po ni ci 'dra dang / /de bzhin du ni sngags g.yog gsungs/ /yul ni ji lta bu dag bzhed/ /gnas ni gang dag lags
pa gsungs/ /gsang sngags zlos pa'i 'dul ba dang / /bsdam pa dag kyang ji lta bu/ /me tog gang dag shis pa dang / /dri ni gang dag rab tu bsgrags/ /gtor ma'i las kyi cho ga gang / /bdug pa mar me ji lta bu/ /

248b - 249b