bar du dus gsum du khrus bgyi zhing gos kyang lan gsuM du brjes te/ kha zas bsreg bya 'tshal zhing gso sbyong dang ldan pa/ sems can thaMd la sems snyoms pas zla ba nya'i nyin par zhag cig bsnyung ba bgyis te/ rtswa bam gyi steng na
mchis shing rtswa bam bting ba'i steng du nyal nas seMs rtse gcig tu bzlas pa bgyid cing me tog dri zhim po lan rgya stong du gtor na g.yo bar 'gyur/ bdag nyid kyang bac+doMs de bzhin gshegs pa 'od dpag med dang / spyan ras gzigs dbang
phyug mthong bar 'gyur/ gzungs chen po thos ma thag tu ci 'dod pa de thob par 'gyur/ thos pa 'dzin pa yang 'gyur/ las kyi sgrib pa thaMd kyang byang bar 'gyuro/ /bcoM ldan 'das kyi de skad ces bka' stsal nas/ dge slong de dag dang / byang chub
seMda' de dag dang / thaMd dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcoM ldan 'das kyis gsungs pa la mngon par stod do/ /'phags pa tsan dan gyi yan lag ces bya ba'i
gzungs/ rdzogs s+ho// //rgya gar gyi mkhan po dzi na mi tra dang dA na shI la dang / zhu chen gyi lo ts+tsha ba ban de ye shes sdes bsgyur cing zhus te skad gsar chad kyis kyang bcos nas gtan la phab bo/ / rgya gar skad du/ Ar+ya bi dza ya ba te nA ma pra t+ya~M gi ra/
bod skad du/ phyir zlog pa 'phags pa rnaM par rgyal ba can zhes bya ba/ sangs rgyas dang / byang chub sems dpa' 'gro ba thaMd bsrung ba la mngon par brtson pa thaMd la phyag 'tshal lo/ /grub pa thaMd la phyag 'tshal lo/ /rig sngags 'chang thaMd la
phyag 'tshal lo/ /sang+yas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /byang chub seMda' seMda' chen po snying rje chen po dang ldan pa 'phags pa spyan ras gzigs dbang phyug la phyag 'tshal lo/ /de rnaMs la phyag
'tshal nas phyir bzlog pa rnaMs par rgyal ba can zhes bya ba gshed byed dang byad sel ba/ ro langs dang bkra mi shis pa rab tu zhi bar byed pa/ rgyal po'i 'jigs pa dang / chom rkun gyi 'jigs pa dang / me'i 'jigs pa dang / chu'i 'jigs

59b - 60b