legs par bshad pa ni/ /mdzes pa'i khro bos gnon pa'o/ /btsan thabs su ni bskor bar bya/ /rkang pa g.yas pa'i btsugs te mnan/ /lag pa gnyis ka drag rdob pa/ /byas nas 'jigs par bya ba ni/ /de bzhin snyems dang
bcas bshad pa/ /tsham ngam bdag nyid chen po 'di/ /'jigs par byed pa zhes bya te/ /rtag tu khro bo bsgom pa'o/ /rkang pa mnyam par bzhag te 'dug /g.yas pa cung zad mtho bar bya/ /dpal dang ldan pas g.yon pa smad/ /g.yon
pa sor mo cig gis bsdegs/ /dpung pa bteg te be con 'phyar/ /rkang pa dang ni gdong bsgyur ba/ /rtag tu khro bo bsgom pa ni/ /ki li ki la zhes bya'o/ /ki li ki li chen po ni/ /de nyid las ni rgyab tu blta/ /khro bo mig ni ya cig brtsums/ /
myur du mchod stabs byed pa'o/ /'di ni tsham ngam sbyor ba ste/ /he la'i 'khor lo rtsibs rim las/ /mdor ni ji ltar dgod pa dag /leg par bshad pa 'di yin no/ /he la'i 'khor lo'i mthu sngags dang / /tsham ngam g.yas
kyi mthu dga' yis/ /las rnam rab tu ngo mtshar ba/ /ji skad gsungs pa'i las rnaMs bya'o/ /bsgrub pa de dag gsang rgyud dang / /he la'i 'khor lo 'di shes na/ /khro bo dngos dang gcig 'gyur bas/ /khro bo'i skad du spyod par 'gyur/ /
rtog pa 'di ni gsang bar bcas/ /gsang ba'i snying po'i mchog tu bshad/ /khro bo'i rgyal po'i rtog 'di las/ /mchog tu gyur pa gzhan med do/ /khro bo rnam par rgyal ba las/ /rtog pa phyi ma'i phyi ma 'di/ /rab tu gsang ba zhes bya ba/ /thos
nas gsang ba'i don bsgoms pas/ /lha de thaMd yi rang nas/ /khro bo mchog la phyag 'tshal te/ /rab tu dga' ba'i mchog tu 'gyur/ /gsang ba'i rtogs pa'i gtogs pa lnga pa ste/ bcom ldan 'das 'jam dpal gshin rje
gshed po la rjes su yi rang ba'i rim par phye ba ste nyi shu rtsa gnyis pa'o// //khro bo khams gsum rnam par rgyal ba'i rtog pa'i rgyal po gsang ba'i rgyud rdzogs so// // rgya gar skad du/ Ar+ya tsU Da ma Ni nA ma d+hA ra NI/ bod skad du/

56a - 57a