sangs rgyas dang / byang chub sems dpa' rnams dang / lha dang / mi dang / lha ma yin dang / dri zar bcad pa'i 'jig rten yi rangs te/ bcom ldan 'das kyis gsungs pa la mngon
par bstod do/ /'phags pa de bzhin gshegs pa'i gtsug tor nas byung ba'i gdug dkar po can gzhan gyis mi thub pa zhes bya ba'i gzungs rdzogs s+ho// //gtsug tor lha yu
la ma chung ba kha che'i paN+Di ta ma hA dz+nyA nas rang 'gyur du mdza pa'o/ / @#/ /rgya gar skad du/ sa man+ta mu kha pra be sha ra sh+mi bi ma loSh+NI Sha pra b+hA sa sarba ta thA ga ta hri da ya sa ma ya bi lo ki te nA ma d+hA ra Ni/ bod skad du/
kun nas sgor 'jug pa'i 'od zer gtsug tor dri ma med par snang ba de bzhin gshegs pa thaMd kyi snying po dang dam tshigs la rnam par lta ba zhes bya ba'i gzungs/ sangs rgyas dang byang chub sems dpa' thams cad
la phyag 'tshal lo/ /de nas bcom ldan 'das dga' ldan gyi lha'i gnas na/ byang chub sems dpa'i dge 'dun chen po dang / zham ring ba lha'i tshogs chen po dang / tshangs pa dang / khyab 'jug dang /
dbang phyug chen po la sogs pa'i lha rnams dang thabs cig tu bzhugs te/ 'khor mang po tshogs pa la bcom ldan 'das pha rol tu phyin pa drug dang ldan pa'i chos ston par mdzad de/ 'di lta ste/
ji ltar sbyin pa'i 'bras bu gsod nams kyi tshogs chen po bsags pas 'khor lo bsgyur ba'i dbang phyug gi 'bras bu rnam par smin pa dang / rin po che sna bdun gyi char 'bab pa dang / lhun gyis grub pa'i gter chen po
skyed par 'gyur ba'i sbyin pa'i pha rol tu phyin pa dang / ji ltar de bzhin gshegs pa'i bstan pa dang / mngon par shes pa lnga dang / tshul khrims dang ldan pa dang tshangs pa dang / lhar skye ba'i 'bras bu rnam par smin par 'gyur

273b - 274b