sarba bud d+ha a d+hiSh+ThI na a d+hiSh+Thi te sarba ta thA ga toSh+NI Sha si tA pa tre sarba duSh+na tsita tA na hU~M phaT swA hA/ sangs rgyas kyi rnal 'byor gyis shig pa thams cad la lan gsum bzlas par bya'o/ /sangs rgyas dang byang chub sems
dpa' thams cad dang / lha dang / mi dang / lha ma yin dang / nam mkha' lding dang / mi 'am ci dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ /'phags pa
de bzhin gshegs pa thams cad kyi gtsug tor nas byung ba gdugs dkar po can zhes bya ba gzhan gyis mi thub ma phyir zlog pa rig sngags kyi rgyal mo chen mo/ rdzogs s+ho// //
@#/ /rgya gar skad du/ Ar+ya ta thA ga toSh+NI Sha si tA ta pa tre a pa rA dzi ta ma hA pra t+ya~M gi ra pa ra ma sid+d+ha nA ma d+ha ra NI/ bod skad du/ 'phags pa de bzhin gshegs pa'i gtsug tor nas byung ba'i gdugs dkar po can gzhan gyis
mi thub ma phyir zlog pa chen mo mchog tu grub pa zhes bya ba'i gzungs/ sangs rgyas dang / byang chub sems dpa' dang / 'phags pa nyan thos dang / rang sangs rgyas thams cad la phyag 'tshal lo/ /bcom ldan 'das
gzhan gyis mi thub pa gtsug tor rgyal mo la phyag 'tshal lo/ /'di skad bdag gis thos pa'i dus gcig na/ bcom ldan 'das sum bcu rtsa gsum pa'i lha'i gnas chos bzangs lha'i mdun sa na/ dge slong
gi dge 'dun chen po dang / byang chub sems dpa'i dge 'dun chen po dang / lha'i dbang po brgya byin dang / thabs gcig tu bzhugs so/ /de'i tshe bcom ldan 'das gdan bshams pa nyid la bzhugs nas gtsug tor rnam
par lta ba zhes bya ba'i ting nge 'dzin la snyoms par zhugs so/ /snyoms par zhugs ma thag tu bcom ldan 'das kyi gtsug tor gyi dbus nas gsang sngags kyi tshig 'di dag byung ngo / /sangs rgyas la phyag 'tshal lo/ /

256b - 257b