chen mo rgyal ba can 'di sems mi mnyam pa/ sems mi bzad pa de dag dang / sdang ba dang / rab tu sdang ba'i sems can thams cad kyi don du 'gyur/ tshar gcod par 'gyur ro/ /rig sngags kyi rgyal mo chen mo rgyal ba can bdud kyi dkyil 'khor
thams cad rnam par 'joms par byed pa 'di ni sangs rgyas bye ba khrag khrig 'bum phrag du mas gsungs pa/ byin gyis brlabs pa/ phyag rgyas btab pa'o/ /rig sngag gyi rgyal mo chen mo rgyal ba can 'di ni lha thams cad kyis phyag
byas pa'o/ /de nas bcom ldan 'das la gsang ba pa'i bdag po lag na rdo rjes 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka'
stsal pa/ lag na rdo rje de'i phyir khyod kyis de bzhin gshegs pa'i snying po dang / phyag rgya zhes bya bar zung shig /bdud kyi dkyil 'khor thams cad rnam par 'joms par byed pa rgyal ba can zhes bya bar yang zung shig /bcom ldan 'das
kyis de skad ces bka' stsal nas/ gsang ba pa'i bdag po lag na rdo rje dang / rgyal po chen po rnam thos kyi bu dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon
par bstod do/ /'phags pa rgyal ba can zhes bya ba'i gzungs rdzogs s+ho// // @#/ /rgya gar skad du/ Ar+ya ma yu ra bi d+yA gar b+he nA ma/ bod skad du/ 'phags
pa rig sngags kyi rgyal mo rma bya'i yang snying zhes bya ba/ bcom ldan 'das rma bya chen mo la phyag 'tshal lo/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /dgra yis 'jigs pa 'am/
'thab rtsod kyis 'jigs pa 'am/ bgegs kyis 'jigs pa 'am/ dus ma yin par 'chi bas 'jigs pa 'am/ sbrul gyis 'jigs pa 'am/ gcan zan gyis 'jigs pa 'am/ dug gis 'jigs pa 'am/ mes 'jigs pa 'am/

219a - 220a