@##/ /rgya gar skad du/ shrI sarba ta thA ga ta gu h+ya tan tra yo ga ma hA rA dza a dwa ya sa ma tA bi dza ya nA ma badzra shrI wa ra ma hA kalpa A di/ bod skad du/ dpal de bzhin gshegs pa thams cad kyi gsang
ba rnal 'byor chen po rnam par rgyal ba zhes bya ba mnyam pa nyid gnyis su med pa'i rgyud kyi rgyal po rdo rje dpal mchog chen po brtag pa dang po'o/ / de bzhin gshegs pa thams cad kyi bdag nyid dpal rdo rje
sems dpa' la phyag 'tshal lo/ /'di skad bdag gis thos pa yi/ /dus gcig tshe na bcom ldan 'das/ /de bzhin gshegs pa thams cad kyi/ /sku dang gsung dang thugs rdo rje/ /rdo rje btsun mo rnams kyi ni/ /b+ha ga
la ni snyoms par zhugs/ /gsang ba las kyang ches gsang ba/ /gsang ba chen po 'di lta ste/ /de nas ston pa rdo rje 'dzin/ /de bzhin gshegs pa kun gyi bdag /gsang ba pa rnams ma lus pa'i/ /sku dang gsungs
dang thugs rdo rje/ /byang chub sems kyi snying po che/ /chos kun mnyam pa nyid dgongs pa'i/ /mnyam nyid gnyis su med pa'i gnas/ /spyod pa mnyam pa zhes bya ba'i/ /ting nge 'dzin la snyoms zhugs te/ /de nyid ngang la
gnas pa yis/ /'khor gyi dkyil 'khor dpag med la/ /gzigs shing mi phyed rdo rje las/ /ma g.yos lham me lhang nger gnas/ /mi 'gyur gsang ba 'dus pa'o/ /sangs rgyas byang chub sems dpa' dang / /rig pa'i
lha mo rdzu 'phrul can/ /sna tshogs 'khor rnams 'dus pa ste/ /rnal 'byor dbang phyug tshogs rnams las/ /byang chub sems dpa' sems dpa' che/ /kun du bzang pos gsol ba btab/ /rang gi stan las langs
nas ni/ /bla gos phrag par gzar gyur pas/ /pus mo sa la btsugs nas ni/ /thal mo sbyar te spyis btud nas/ /gsang ba zhes ni gang la bya/ /ches gsang ba ni ji lta bu/ /gsang ba chen po ji ltar lags/ /bcom ldan

44a - 45a