sangs rgyas pa yi gang zhig lam bstan pa/ /rgyal ba stobs bcu ldan dang ston pa'i sras dang sangs rgyas pa yi lha klu dri za lha min dang / /khro bo srin po sha yi dam tshig can dang stag gzig rnams dang mu stegs spyod pa
rnams/ /de kun saM b+ha la zhes bya ba rgyal mchog bzhugs gnas der ni nyi ma bdag gis bsten/ /dpal ldan 'bras phung chos kyi dbyingasu stobs bcu mnga' bas gang zhig bdud rnams btul mdzad pa/ /de kun
saM b+ha la yi dpal ldan ka lA pa yi bskyed mos tshal gyi dus 'khor gyi/ /don chen gser gyi dkyil 'khor khang pa'i sgo yi phyi rol thub pa nyi ma'i shing rtas dris/ /dpal ldan 'jam dbyangs rin
chen seng ge'i khri la bzhugs pa stobs bcu mnga' ba'i mdzad spyod gsungs/ /dpal dus kyi 'khor lo'i rgyud phyi ma rgyud kyi snying po rdzogs so// //shAkya'i dge slong d+harma grags kyis bsgyur
ba'o/ /ye d+harmA he tu pra b+ha bA he tun+te na te/ te Shany+tsa yo ni ro d+ha e bam+bA dI ma hA shra ma NaH/ /sarba pA pa s+yA ka ra Na~M/ ku sha la s+yo pa sam+pa da~M/ swa tsi t+ta~M pa ri da ma nu/ me tad+pu d+d+hA nu shA sa na/
@#/ /rgya gar skad du/ shrI kA la tsakra gar+b+ha nA ma tan tra/ bod skad du/ dpal dus kyi 'khor lo zhes bya ba'i rgyud kyi snying po/ 'jam dpal gzhon nur gyur pa la phyag 'tshal lo/ /thams cad
mkhyen pa'i ye shes sku/ /nyin mor byed pa'i 'od lta bu/ /pad ma'i 'dab ma 'dra ba'i spyan/ /sangs rgyas seng ge'i gdan la bzhugs/ /lha yi mchog gis phyag byas pa/ /spyi bos gtugs te phyag
'tshal lo/ /rgyal po zla ba bzang pos zhus/ /yan lag pad ma sbyar ba ni/ /yan lag mchog la bzhag byas te/ /dus kyi 'khor lo'i sbyor ba ni/ /rtsod pa dag gi dus kyi ni/ /mi rnams grol ba'i rgyu ru'o/ /

161a - 162a