@##/ /rgya gar skad du/ shrI kA la tsakra tan+t+rot+ta ra tan+t+ra hr-i da ya nA ma/ bod skad du/ dpal dus kyi 'khor lo'i rgyud phyi ma rgyud kyi snying po zhes bya ba/ 'jam pa'i dbyangs la phyag 'tshal lo/ /'di ltar
chos dbyings dkyil 'khor dri med 'jam dpal gyis ni dge dang mi dge bas/ /sangs rgyas pa dang mu stegs pa dag lha dang dmyal ba nyid ces gang thos pa/ /rgyal mchog pho brang sham b+ha lar grags ka lA
pa ru ngag gi dbang phyug seng ge yi/ /gdan bzhugs rgyal pos rgyud kyi rgyal po slar yang thub pa rnams la gsal bar bstan/ /byung gyur zhes sogs bden te lha mchog bla ma khyab 'jug lha yi dbang po dang / /
zla ba nyi ma sgra gcan me lha sa stengs lha yul nam mkha' bsod nams sdig las byung / /mi rnams pha rol srid par yi dags dmyal ba gang zhig bkag pa sha yi dam tshig can/ /rig byed pa dang thod pa can
gyi rgyud kyi sdig pa'i bya ba de ni brdzun pa ste/ /gang du gcan chen bdun sogs dge dang mi dge'i dbang gis bram ze rnams kyang der skyes la/ /sngar gyi lus po spangs nas lus gzhan sar pa 'dzin par 'gyur/ /thub pa
shed bu'i tshig las srog chags rnams kyi gsod byed za ba'i mthar thug brgyad du 'gyur/ /sha zos pa las bram ze rnams kyang lha las sa stengs 'dir lhung de ni bden pa ste/ /bzang po tshangs pa dbang phyug khyab 'jug
rnams kyi rig byed zhi ches khyab 'jug ches bla ma/ /sha yi kha zas bkag la sha yi dam tshig can la rnal 'byor rgyud/ /rdzogs sangs rgyas kyis bcwa lnga sogs par bde gshegs dam tshig can la sangs rgyas
byang chub ni/ /sangs rgyas pa yis kun nas sha mi bza' zhing bdag gi ba yi bsrung mi bya/ /srog chags rnams la srog chags 'du shes bsod pa'i yid kyis nye bar brtsams pas 'dir nyams pa/ /

144b - 145b