du 'byung ngo zhes bshad do/ /de bas na 'phags pa nye bar 'khor gyis zhus pa kha che ba zhes bya ste zhes 'byung bas zhu ba rdzogs pa dang bcas pa'i gzhung bla ma ni yang dag par bsdus pa'i gzhi po nyams pas ma dag cing / zhu ba ma rdzogs pa
ni yul dbus kyi dge slong 'ga' zhig gi blo la snang ba 'am/ mes ma tshig par phyis thal ba'i gseb nas rnyed par grags pas dang po'i gzhung ma nyams pa nyid yin pas shin du dag go/ /de'i phyir de lta bu'i dag cing dka' ba mang pos
bsgrubs pa 'phags pa gnas brtan chen po rnams dang / gzhan yang mkhas pa rnams kyis yul dbus kyi grong khyer chen po bcom brlag tu bsdus pa'i lung zhu ba ma rdzogs pa 'di gangs can gyi rgyud kyi gnas brtan chen po sdom
brtson mkhas pa rnams kyi gtsug gi nor bur gyur cing / 'dul ba dang / mdo sde dang / sde snod kyi ma mo 'dzin pa shes bya'i nam mkha' la mkhyen pa'i dkyil 'khor rgyas shing snyan grags kyi 'od zer gyis phyogs ma lus pa khyab pa
mchims thams cad mkhyen pas la stod 'ol rgod kyi gtsug lag khang nas dpe phyi gdan drangs nas/ bstan pa'i 'byung gnas dpal snar thang gi gtsug lag khang du bzhengs so/ /de nyid la dpe phyi byas nas/ shAkya'i dge slong
'jam pa'i dbyangs kyis/ dpal snar thang gi gtsug lag khang du bzhengs shing / de yang 'dir gzhung bla ma'i stod zhu ba ma rdzogs pa 'di kha che'i dge slong las rnyed pa'i gzhung dam pa'i zhu ba rdzogs pa'i dbu nyid du bzhengs so/ /
de nyid phyi mor spyan drangs nas/ rgyal ba'i bstan pa dar zhing / sems can la phan bde 'byung bar bya ba'i phyir/ dpal ldan rgyal ba'i sdes/ bstan pa'i gtso bor bzhugs pa'i shar phyogs
mkhas grub dam pa rnams kyi bsti gnas/ dpal gung thang gi gtsug lag khang du legs par bzhengs so// //

93a - 94a