pa 'di rgya dpe'i gzhung yang shin du dag cing / slob dpon dge legs bshes gnyen gyi 'grel pa'ang da lta ma rdzogs pa'i 'grel par byung bas de gnyis mi mthun pa byung na zhu ba ma rdzogs pa la brten par bya'o/ /de ltar zhu ba
gnyis la dag ma dag byung ba'i rgyu mtshan ni lung zhu ba'i 'grel pa las/ ston pa 'das pa'i gsung rab la bram ze rgyal po rgyal bshes zhes bya ba bstan pa la sdang ba zhig byung bar gyur nas/ des bstan pa la gnod pa mang po byas par gyur te/
mchod rten dag kyang bshig /dge 'dun gyi kun dga' ra ba dag kyang bsregs/ dge slong rnams kyang bsad/ sangs rgyas kyi bka'i glegs bam rnams kyang phung por bcer nas bsregs so/ /de nas rim gyis dge slong rnams kyis yul dang gnas sna
tshogs dag nas sde snod gsum gyi glegs bam thams cad bsdus nas bcom brlag tu yang dag par bsdu ba byas te/ gzhung bla ma'i glegs bam ni ma rnyed do/ /de dag gis 'di ltar kha che'i yul na dge slong zhig gzhung bla ma 'don to zhes thos
nas/ de dag de'i phyir kha che'i yul du dong ste/ de'i drung du phyin nas smras pa/ kho bo cag gis khyod gzhung bla ma 'don to zhes thos pa gang yin pa de je kha ton gyis shig /des smras pa/ cung zad cig ni dran/ cung zad cig ni mi dran no/ /
de nas de dag gis ji lta bu zhig dran pa de kho na bzhin du smros shig ces smras pa dang / des de kho na bzhin du kha ton byas so/ /dge slong rnams kyis kyang re shig gzhung bsdu bar bya ste/ phyis tshig dang tshig gi don rnam par dpyad
pa'i sgo nas sbyar bar bya'o snyam du bsam nas bris pa las/ phyis 'phral gyi bya bas rnam par g.yengs nas dus ring mo zhig gi bar du ji lta ba bzhin du ma sbyar ro/ /dge slong gzhan dag kyang yul gzhan dag na gzhan du 'don par gyur
to/ /de nyid kyi phyir yang dag par bsdus pa'i gzhi po nyams pas gzhung bla ma 'di la 'don pa yang rnam pa du ma la don yang rnam pa du ma ste/ de'i phyir btsun pa yon tan 'od kyi 'dul ba'i bshad pa las yang dang yang du zhu ba la la las 'di skad

92b - 93b