lung zhu ba chung du zhes bya ba/ bam po bcu gnyis pa rdzogs s+ho// //'dul ba gzhung dam pa'am bla ma'i stod ltung byed 'ba' zhig pa'i bcu tshan gnyis pa rim pa gnyis su rtsig pa yan chad kyi zhus lan yod pa'i zhu
ba ma rdzogs pa bam po bcu gnyis pa 'di dang / gzhung dam pa stod na zhu pa rdzogs pa zhes grags pa rnam 'byed kyi ltung ba sde tshan dang po bzhi dang / gzhi bcu bdun gyi zhu ba rdzogs pa dang / 'dul byed la sogs pa sde tshan bcu
gcig gis bsdus pa bam po lnga bcu rtsa gsum pa gnyis ka lo ts+tsha ba ban de klu'i rgyal mtshan la sogs pa'i dus su 'gyur mod kyi/ zhu ba ma rdzogs pa'i dpe de bod du ma dar zhing sngon gyi dus su zhu ba rdzogs pa'i yi ge ma dag pa la brten
nas lag len la 'khrul pa mang po byung ba las/ phyis la stod 'ol rgod kyi gtsug lag khang du gnas brtan dar ma seng ges lung sde bzhi dge slong ma'i rnam 'byed dang bcas pa bzhengs pa'i dus su dge ba'i bshes gnyen zhing mo che
ba byang chub seng ges dbus gtsang gi gtsug lag khang rnams su zhu ba ma rdzogs pa tshol du btang ba las slad kyis bsam yas mchims phu nas dgas chung ba dang / dge slong tshul khrims yon tan gyis rnyed pa/ shAkya'i
dge slong 'dul ba 'dzin pa chen po dbang phyug tshul khrims kyi snyan du brdas nas bzhengs su btang bas dpe phyi la shin du dog par byung ba la dpe yon mang po phul nas bzhengs te/ lag len mi mthun pa thams cad kyi sgro
'dogs der chod do/ /de ltar dka' ba mang pos bsgrubs pas sngon dpe la shin du dog mod kyi/ slad kyis dar zhing rgyas par mdzad de 'gro ba yongs la phan btags so/ /'dir kha cig ma rdzogs pa ni gzhung bla ma
yin la/ rdzogs pa ni gzhung dam pa yin no zhes zer ba ni mi rigs te/ uta tar zhes pa bla ma dang / dam pa gnyis kar 'gyur ba'i phyir ro/ /de ltar zhu ba ma rdzogs pa dang / rdzogs pa gnyis bzhugs kyang ma rdzogs

92a - 93a