nyes byas so/ /sdom la/ chen po gang zag rdo ba dang / /de bzhin gzhan gyis brtsams pa dang / /mtshan dang bzhi tshan nyid dang ni/ /bslab pa byin dang dge slong ma/ /btsun pa re shig dge slong gis gtsug lag
khang chen po ma gtogs pa de las gzhan pa'i dge 'dun gyi dngos po zhig rtsig tu stsol cing pha gu'i rim pa gnyis sam gsum las lhag par rtsig na cir 'gyur lags/ ltung byed kho na'o/ /btsun pa re shig dge slong gis gang zag gi
gtsug lag khang rtsig cing pha gu'i rim pa gnyis sam gsum las lhag par rtsig tu stsol na cir 'gyur lags/ nyes byas so/ /btsun pa re shig dge slong gis dge 'dun gyi gtsug lag khang rtsig par bgyid na pha gu'i rim pa gnyis sam
gsum las lhag par brtsigs kyang ltung byed du mi 'gyur ba lta mchis lags sam/ nye bar 'khor yod de/ 'di ltar gtsug lag khang rdo 'ba' shig gam/ so phag gam/ thams cad shing las rtsig gam/ rtswa dag gis 'gebs
sam/ spang leb dang shing leb dag gis 'gebs sam/ sbyin bdag gis 'di skad ces zin pa blta'o/ /mthar phyin pa blta'o zhes zer na'o/ /btsun pa re shig dge slong gis gzhan gyis pha gu'i rim pa gnyis sam gsum
las lhag par brtsams pa lags par bgyid na cir 'gyur lags/ nyes byas so/ /btsun pa re shig dge slong gis pha gu'i rim pa gnyis sam gsum las lhag par brtsams te lags par ma bgyis na cir 'gyur lags/ nyes byas so/ /
sems 'khrugs par gyur pa 'am shi na yang de dang 'dra'o/ /btsun pa re shig dge slong gis pha gu'i rim pa gnyis sam gsum las lhag par rtsig par bgyid pa na mtshan gyur te dge slong mar red nas lags par bgyid na cir 'gyur lags/
ltung byed do/ /btsun pa re shig dge slong mas pha gu'i rim pa gnyis sam gsum las lhag par rtsig par bgyid na mtshan gyur te dge slong du red nas lags par bgyid na cir 'gyur lags/ ltung byed do/ /

91b - 92b