par mi tshangs par spyod pa 'khrig pa las byung ba'i chos bsten na/ tha na dud 'gro'i skye gnas su gtogs pa dang / lhan cig kyang rung ste/ dge slong de yang pham par gyur pa yin gyis gnas par mi bya'o zhes gsungs pa gang lags
pa/ btsun pa re shig dge slong gis mi'i bud med gsang sngags dang / sman dag gis dud 'gro'i skye gnas par bsgyur te/ de dang lhan cig mi tshangs par spyod pa 'khrig pa las byung ba'i chos bsten na cir 'gyur lags/ mthar 'gyur ro/ /
btsun pa re shig dge slong gis gsang sngags dang / sman dag gis bdag nyid dud 'gro'i skye gnas par bsgyur te/ mi'i bud med dang lhan cig mi tshangs par spyod pa 'khrig pa las byung ba'i chos bsten na cir 'gyur lags/ gal te 'khrig
pa las byung ba dang ldan pa byar mi rung bar dge slong du 'du shes yod la/ de yang byed na mthar 'gyur ro/ /gal te dge slong du 'du shes med na nyes pa sbom por 'gyur ro/ /btsun pa re shig dge slong gnyis shig gis mi'i bud med dang
bdag nyid gsang sngags dang / sman dag gis dud 'gro'i skye gnas par bsgyur te lhan cig phan tshun mi tshangs par spyod pa 'khrig pa las byung ba'i chos bsten na cir 'gyur lags/ gal te 'khrig pa las byung ba dang ldan pa byar mi rung
bar dge slong du 'du shes yod la/ de yang byed na ni mthar 'gyur ro/ /gal te dge slong du 'du shes med na nyes pa sbom por 'gyur ro/ /sangs rgyas bcom ldan 'das la tshe dang ldan pa nye bar 'khor gyis zhus pa/ btsun pa bcom
ldan 'das kyis bcug ma thag tu mthar 'gyur ro zhes gsungs pa gang lags pa/ ji tsam gyis na kha'i lam du bcug pa zhes bgyi/ nye bar 'khor so las nor bu 'da' bar byed pa tsam gyis so/ /ji tsam gyis na bshang
ba'i lam du bcug pa zhes bgyi/ ji tsam du bu ga'i sbubs las nor bu 'da' bar byed pa tsam gyis so/ /ji tsam gyis na gci ba'i lam du bcug pa zhes bgyi/ lpags pa'i rim pa las nor bu 'da' bar byed pa tsam gyis

1b - 2b