mngon par dad pa'i lha gang 'khod pa dag /lha rnams de dag yid dga' mgur gyur nas/ /rtag tu dge zhing zhi bar 'gyur bar byos/ /sangs rgyas rnams la phyag
'tshal lo/ /rkang gnyis khyed rnams bde legs shog /rkang bzhi khyed cag bde legs shog /lam du zhugs rnams bde legs shog /phyir 'ong dag kyang bde legs shog /mtshan mo bde
legs nyin bde legs/ /nyi ma'i gung la 'ang bde legs shing / /khyed cag kun tu bde legs shog /de dag sdig par ma gyur cig /nyi ma thams cad dge ba yin/ /rgyu skar thams cad
bzang po yin/ /sangs rgyas thams cad rdzu 'phrul che/ /dgra bcom thams cad zag pa med/ /bden pa'i tshig gis kun tu bde legs su gyur cig /rig sngags kyi rgyal mo rma bya chen po
las gsungs pa'i smon lam dang / bden tshig rdzogs so// //dkon mchog gsum la phyag 'tshal lo/ /zas skom bzang po'i ro zhim zhing mdog sdug la dri bsung dang
ldan zhing ngad ldang ba/ yon tan phun sum tshogs pas brgyan pa/ dpag bsam gyi shing ljon pa'i nags tshal dkon zhing dri ma med la rgyan gyis klubs pa/ yal ga'i thor to'i ljid
kyis gzur za la mgo lcogs me tog kha phye zhing 'dab mas legs par brgyan te bung ba lang long khyus lding zhing 'phungs pa rnams kyis bzhib cing non pa'i shugs kyis bag tsam

353b - 354b